Tanakh, the Hebrew Bible: Torah, part 1 of 2

‎1 ‏בְּרֵאשִׁ֖ית בָּרָ֣א אֱלֹהִ֑ים אֵ֥ת הַשָּׁמַ֖יִם וְאֵ֥ת הָאָֽרֶץ׃

‎2 ‏וְהָאָ֗רֶץ הָיְתָ֥ה תֹ֙הוּ֙ וָבֹ֔הוּ וְחֹ֖שֶׁךְ עַל־פְּנֵ֣י תְה֑וֹם וְר֣וּחַ אֱלֹהִ֔ים מְרַחֶ֖פֶת עַל־פְּנֵ֥י הַמָּֽיִם׃

‎3 ‏וַיֹּ֥אמֶר אֱלֹהִ֖ים יְהִ֣י א֑וֹר וַֽיְהִי־אֽוֹר׃

‎4 ‏וַיַּ֧רְא אֱלֹהִ֛ים אֶת־הָא֖וֹר כִּי־ט֑וֹב וַיַּבְדֵּ֣ל אֱלֹהִ֔ים בֵּ֥ין הָא֖וֹר וּבֵ֥ין הַחֹֽשֶׁךְ׃

‎5 ‏וַיִּקְרָ֨א אֱלֹהִ֤ים׀ לָאוֹר֙ י֔וֹם וְלַחֹ֖שֶׁךְ קָ֣רָא לָ֑יְלָה וַֽיְהִי־עֶ֥רֶב וַֽיְהִי־בֹ֖קֶר י֥וֹם אֶחָֽד׃ פ

‎6 ‏וַיֹּ֣אמֶר אֱלֹהִ֔ים יְהִ֥י רָקִ֖יעַ בְּת֣וֹךְ הַמָּ֑יִם וִיהִ֣י מַבְדִּ֔יל בֵּ֥ין מַ֖יִם לָמָֽיִם׃

‎7 ‏וַיַּ֣עַשׂ אֱלֹהִים֮ אֶת־הָרָקִיעַ֒ וַיַּבְדֵּ֗ל בֵּ֤ין הַמַּ֙יִם֙ אֲשֶׁר֙ מִתַּ֣חַת לָרָקִ֔יעַ וּבֵ֣ין הַמַּ֔יִם אֲשֶׁ֖ר מֵעַ֣ל לָרָקִ֑יעַ וַֽיְהִי־כֵֽן׃

‎8 ‏וַיִּקְרָ֧א אֱלֹהִ֛ים לָֽרָקִ֖יעַ שָׁמָ֑יִם וַֽיְהִי־עֶ֥רֶב וַֽיְהִי־בֹ֖קֶר י֥וֹם שֵׁנִֽי׃ פ

‎9 ‏וַיֹּ֣אמֶר אֱלֹהִ֗ים יִקָּו֨וּ הַמַּ֜יִם מִתַּ֤חַת הַשָּׁמַ֙יִם֙ אֶל־מָק֣וֹם אֶחָ֔ד וְתֵרָאֶ֖ה הַיַּבָּשָׁ֑ה וַֽיְהִי־כֵֽן׃

‎10 ‏וַיִּקְרָ֨א אֱלֹהִ֤ים׀ לַיַּבָּשָׁה֙ אֶ֔רֶץ וּלְמִקְוֵ֥ה הַמַּ֖יִם קָרָ֣א יַמִּ֑ים וַיַּ֥רְא אֱלֹהִ֖ים כִּי־טֽוֹב׃

‎11 ‏וַיֹּ֣אמֶר אֱלֹהִ֗ים תַּֽדְשֵׁ֤א הָאָ֙רֶץ֙ דֶּ֔שֶׁא עֵ֚שֶׂב מַזְרִ֣יעַ זֶ֔רַע עֵ֣ץ פְּרִ֞י עֹ֤שֶׂה פְּרִי֙ לְמִינ֔וֹ אֲשֶׁ֥ר זַרְעוֹ־ב֖וֹ עַל־הָאָ֑רֶץ וַֽיְהִי־כֵֽן׃

‎12 ‏וַתּוֹצֵ֨א הָאָ֜רֶץ דֶּ֠שֶׁא עֵ֣שֶׂב מַזְרִ֤יעַ זֶ֙רַע֙ לְמִינֵ֔הוּ וְעֵ֧ץ עֹֽשֶׂה־פְּרִ֛י³ אֲשֶׁ֥ר זַרְעוֹ־ב֖וֹ לְמִינֵ֑הוּ וַיַּ֥רְא אֱלֹהִ֖ים כִּי־טֽוֹב׃

‎13 ‏וַֽיְהִי־עֶ֥רֶב וַֽיְהִי־בֹ֖קֶר י֥וֹם שְׁלִישִֽׁי׃ פ

‎14 ‏וַיֹּ֣אמֶר אֱלֹהִ֗ים יְהִ֤י מְאֹרֹת֙ בִּרְקִ֣יעַ הַשָּׁמַ֔יִם לְהַבְדִּ֕יל בֵּ֥ין הַיּ֖וֹם וּבֵ֣ין הַלָּ֑יְלָה וְהָי֤וּ לְאֹתֹת֙ וּלְמ֣וֹעֲדִ֔ים וּלְיָמִ֖ים וְשָׁנִֽים׃

‎15 ‏וְהָי֤וּ לִמְאוֹרֹת֙ בִּרְקִ֣יעַ הַשָּׁמַ֔יִם לְהָאִ֖יר עַל־הָאָ֑רֶץ וַֽיְהִי־כֵֽן׃

‎16 ‏וַיַּ֣עַשׂ אֱלֹהִ֔ים אֶת־שְׁנֵ֥י הַמְּאֹרֹ֖ת הַגְּדֹלִ֑ים אֶת־הַמָּא֤וֹר הַגָּדֹל֙ לְמֶמְשֶׁ֣לֶת הַיּ֔וֹם וְאֶת־הַמָּא֤וֹר הַקָּטֹן֙ לְמֶמְשֶׁ֣לֶת הַלַּ֔יְלָה וְאֵ֖ת הַכּוֹכָבִֽים׃

‎17 ‏וַיִּתֵּ֥ן אֹתָ֛ם אֱלֹהִ֖ים בִּרְקִ֣יעַ הַשָּׁמָ֑יִם לְהָאִ֖יר עַל־הָאָֽרֶץ׃

‎18 ‏וְלִמְשֹׁל֙ בַּיּ֣וֹם וּבַלַּ֔יְלָה וּֽלֲהַבְדִּ֔יל בֵּ֥ין הָא֖וֹר וּבֵ֣ין הַחֹ֑שֶׁךְ וַיַּ֥רְא אֱלֹהִ֖ים כִּי־טֽוֹב׃

‎19 ‏וַֽיְהִי־עֶ֥רֶב וַֽיְהִי־בֹ֖קֶר י֥וֹם רְבִיעִֽי׃ פ

‎20 ‏וַיֹּ֣אמֶר אֱלֹהִ֔ים יִשְׁרְצ֣וּ הַמַּ֔יִם שֶׁ֖רֶץ נֶ֣פֶשׁ חַיָּ֑ה וְעוֹף֙ יְעוֹפֵ֣ף עַל־הָאָ֔רֶץ עַל־פְּנֵ֖י רְקִ֥יעַ הַשָּׁמָֽיִם׃

‎21 ‏וַיִּבְרָ֣א אֱלֹהִ֔ים אֶת־הַתַּנִּינִ֖ם הַגְּדֹלִ֑ים וְאֵ֣ת כָּל־נֶ֣פֶשׁ הַֽחַיָּ֣ה׀ הָֽרֹמֶ֡שֶׂת אֲשֶׁר֩ שָׁרְצ֨וּ הַמַּ֜יִם לְמִֽינֵהֶ֗ם וְאֵ֨ת כָּל־ע֤וֹף כָּנָף֙ לְמִינֵ֔הוּ וַיַּ֥רְא אֱלֹהִ֖ים כִּי־טֽוֹב׃

‎22 ‏וַיְבָ֧רֶךְ אֹתָ֛ם אֱלֹהִ֖ים לֵאמֹ֑ר פְּר֣וּ וּרְב֗וּ וּמִלְא֤וּ אֶת־הַמַּ֙יִם֙ בַּיַּמִּ֔ים וְהָע֖וֹף יִ֥רֶב בָּאָֽרֶץ׃

‎23 ‏וַֽיְהִי־עֶ֥רֶב וַֽיְהִי־בֹ֖קֶר י֥וֹם חֲמִישִֽׁי׃ פ

‎24 ‏וַיֹּ֣אמֶר אֱלֹהִ֗ים תּוֹצֵ֨א הָאָ֜רֶץ נֶ֤פֶשׁ חַיָּה֙ לְמִינָ֔הּ בְּהֵמָ֥ה וָרֶ֛מֶשׂ וְחַֽיְתוֹ־אֶ֖רֶץ לְמִינָ֑הּ וַֽיְהִי־כֵֽן׃

‎25 ‏וַיַּ֣עַשׂ אֱלֹהִים֩ אֶת־חַיַּ֨ת הָאָ֜רֶץ לְמִינָ֗הּ וְאֶת־הַבְּהֵמָה֙ לְמִינָ֔הּ וְאֵ֛ת כָּל־רֶ֥מֶשׂ הָֽאֲדָמָ֖ה לְמִינֵ֑הוּ וַיַּ֥רְא אֱלֹהִ֖ים כִּי־טֽוֹב׃

‎26 ‏וַיֹּ֣אמֶר אֱלֹהִ֔ים נַֽעֲשֶׂ֥ה אָדָ֛ם בְּצַלְמֵ֖נוּ כִּדְמוּתֵ֑נוּ וְיִרְדּוּ֩ בִדְגַ֨ת הַיָּ֜ם וּבְע֣וֹף הַשָּׁמַ֗יִם וּבַבְּהֵמָה֙ וּבְכָל־הָאָ֔רֶץ וּבְכָל־הָרֶ֖מֶשׂ הָֽרֹמֵ֥שׂ עַל־הָאָֽרֶץ׃

‎27 ‏וַיִּבְרָ֨א אֱלֹהִ֤ים׀ אֶת־הָֽאָדָם֙ בְּצַלְמ֔וֹ בְּצֶ֥לֶם אֱלֹהִ֖ים בָּרָ֣א אֹת֑וֹ זָכָ֥ר וּנְקֵבָ֖ה בָּרָ֥א אֹתָֽם׃

‎28 ‏וַיְבָ֣רֶךְ אֹתָם֮ אֱלֹהִים֒ וַיֹּ֨אמֶר לָהֶ֜ם אֱלֹהִ֗ים פְּר֥וּ וּרְב֛וּ וּמִלְא֥וּ אֶת־הָאָ֖רֶץ וְכִבְשֻׁ֑הָ וּרְד֞וּ בִּדְגַ֤ת הַיָּם֙ וּבְע֣וֹף הַשָּׁמַ֔יִם וּבְכָל־חַיָּ֖ה הָֽרֹמֶ֥שֶׂת עַל־הָאָֽרֶץ׃

‎29 ‏וַיֹּ֣אמֶר אֱלֹהִ֗ים הִנֵּה֩ נָתַ֨תִּי לָכֶ֜ם אֶת־כָּל־עֵ֣שֶׂב׀ זֹרֵ֣עַ זֶ֗רַע אֲשֶׁר֙ עַל־פְּנֵ֣י כָל־הָאָ֔רֶץ וְאֶת־כָּל־הָעֵ֛ץ אֲשֶׁר־בּ֥וֹ פְרִי־עֵ֖ץ זֹרֵ֣עַ זָ֑רַע לָכֶ֥ם יִֽהְיֶ֖ה לְאָכְלָֽה׃

‎30 ‏וּֽלְכָל־חַיַּ֣ת הָ֠אָרֶץ וּלְכָל־ע֨וֹף הַשָּׁמַ֜יִם וּלְכֹ֣ל׀ רוֹמֵ֣שׂ עַל־הָאָ֗רֶץ אֲשֶׁר־בּוֹ֙ נֶ֣פֶשׁ חַיָּ֔ה אֶת־כָּל־יֶ֥רֶק עֵ֖שֶׂב לְאָכְלָ֑ה וַֽיְהִי־כֵֽן׃

‎31 ‏וַיַּ֤רְא אֱלֹהִים֙ אֶת־כָּל־אֲשֶׁ֣ר עָשָׂ֔ה וְהִנֵּה־ט֖וֹב מְאֹ֑ד וַֽיְהִי־עֶ֥רֶב וַֽיְהִי־בֹ֖קֶר י֥וֹם הַשִּׁשִּֽׁי׃ פ

1 bərē’šîṯ bārā’ ’ĕlōhîm ’ēṯ haššāmayim wə’ēṯ hā’āreṣ:

2 wəhā’āreṣ hāyəṯâ ṯōhû wāḇōhû wəḥōšeḵə ‘al-pənê ṯəhwōm wərûḥa ’ĕlōhîm mər^aḥefeṯ ‘al-pənê hammāyim:

3 wayyō’mer ’ĕlōhîm yəhî ’wōr wayəhî-’wōr:

4 wayyarə’ ’ĕlōhîm ’eṯ-hā’wōr kî-ṭwōḇ wayyaḇədēl ’ĕlōhîm bên hā’wōr ûḇên h^aḥōšeḵə:

5 wayyiqərā’ ’ĕlōhîm| lā’wōr ywōm wəl^aḥōšeḵə qārā’ lāyəlâ wayəhî-‘ereḇ wayəhî-ḇōqer ywōm ’eḥāḏ: f

6 wayyō’mer ’ĕlōhîm yəhî rāqî‘a bəṯwōḵə hammāyim wîhî maḇədîl bên mayim lāmāyim:

7 wayy^a‘aś ’ĕlōhîm ’eṯ-hārāqî‘a wayyaḇədēl bên hammayim ’ăšer mit^aḥaṯ lārāqî‘a ûḇên hammayim ’ăšer mē‘al lārāqî‘a wayəhî-ḵēn:

8 wayyiqərā’ ’ĕlōhîm lārāqî‘a šāmāyim wayəhî-‘ereḇ wayəhî-ḇōqer ywōm šēnî: f

9 wayyō’mer ’ĕlōhîm yiqqāwû hammayim mit^aḥaṯ haššāmayim ’el-māqwōm ’eḥāḏ wəṯērā’eh hayyabāšâ wayəhî-ḵēn:

10 wayyiqərā’ ’ĕlōhîm| layyabāšâ ’ereṣ ûləmiqəwēh hammayim qārā’ yammîm wayyarə’ ’ĕlōhîm kî-ṭwōḇ:

11 wayyō’mer ’ĕlōhîm taḏəšē’ hā’āreṣ deše’ ‘ēśeḇ mazərî‘a zer^a‘ ‘ēṣ pərî ‘ōśeh pərî ləmînwō ’ăšer zarə‘wō-ḇwō ‘al-hā’āreṣ wayəhî-ḵēn:

12 watwōṣē’ hā’āreṣ deše’ ‘ēśeḇ mazərî‘a zer^a‘ ləmînēhû wə‘ēṣ ‘ōśeh-pərî³ ’ăšer zarə‘wō-ḇwō ləmînēhû wayyarə’ ’ĕlōhîm kî-ṭwōḇ:

13 wayəhî-‘ereḇ wayəhî-ḇōqer ywōm šəlîšî: f

14 wayyō’mer ’ĕlōhîm yəhî mə’ōrōṯ birəqî‘a haššāmayim ləhaḇədîl bên hayywōm ûḇên hallāyəlâ wəhāyû lə’ōṯōṯ ûləmwō‘ăḏîm ûləyāmîm wəšānîm:

15 wəhāyû limə’wōrōṯ birəqî‘a haššāmayim ləhā’îr ‘al-hā’āreṣ wayəhî-ḵēn:

16 wayy^a‘aś ’ĕlōhîm ’eṯ-šənê hammə’ōrōṯ hagəḏōlîm ’eṯ-hammā’wōr hagāḏōl ləmeməšeleṯ hayywōm wə’eṯ-hammā’wōr haqqāṭōn ləmeməšeleṯ hallayəlâ wə’ēṯ hakwōḵāḇîm:

17 wayyitēn ’ōṯām ’ĕlōhîm birəqî‘a haššāmāyim ləhā’îr ‘al-hā’āreṣ:

18 wəliməšōl bayywōm ûḇallayəlâ ûlăhaḇədîl bên hā’wōr ûḇên h^aḥōšeḵə wayyarə’ ’ĕlōhîm kî-ṭwōḇ:

19 wayəhî-‘ereḇ wayəhî-ḇōqer ywōm rəḇî‘î: f

20 wayyō’mer ’ĕlōhîm yišərəṣû hammayim šereṣ nefeš ḥayyâ wə‘wōf yə‘wōfēf ‘al-hā’āreṣ ‘al-pənê rəqî‘a haššāmāyim:

21 wayyiḇərā’ ’ĕlōhîm ’eṯ-hatannînim hagəḏōlîm wə’ēṯ kāl-nefeš h^aḥayyâ| hārōmeśeṯ ’ăšer šārəṣû hammayim ləmînēhem wə’ēṯ kāl-‘wōf kānāf ləmînēhû wayyarə’ ’ĕlōhîm kî-ṭwōḇ:

22 wayəḇāreḵə ’ōṯām ’ĕlōhîm lē’mōr pərû ûrəḇû ûmilə’û ’eṯ-hammayim bayyammîm wəhā‘wōf yireḇ bā’āreṣ:

23 wayəhî-‘ereḇ wayəhî-ḇōqer ywōm ḥămîšî: f

24 wayyō’mer ’ĕlōhîm twōṣē’ hā’āreṣ nefeš ḥayyâ ləmînāh bəhēmâ wāremeś wəḥayəṯwō-’ereṣ ləmînāh wayəhî-ḵēn:

25 wayy^a‘aś ’ĕlōhîm ’eṯ-ḥayyaṯ hā’āreṣ ləmînāh wə’eṯ-habəhēmâ ləmînāh wə’ēṯ kāl-remeś hā’ăḏāmâ ləmînēhû wayyarə’ ’ĕlōhîm kî-ṭwōḇ:

26 wayyō’mer ’ĕlōhîm n^a‘ăśeh ’āḏām bəṣaləmēnû kiḏəmûṯēnû wəyirədû ḇiḏəḡaṯ hayyām ûḇə‘wōf haššāmayim ûḇabəhēmâ ûḇəḵāl-hā’āreṣ ûḇəḵāl-hāremeś hārōmēś ‘al-hā’āreṣ:

27 wayyiḇərā’ ’ĕlōhîm| ’eṯ-hā’āḏām bəṣaləmwō bəṣelem ’ĕlōhîm bārā’ ’ōṯwō zāḵār ûnəqēḇâ bārā’ ’ōṯām:

28 wayəḇāreḵə ’ōṯām ’ĕlōhîm wayyō’mer lâem ’ĕlōhîm pərû ûrəḇû ûmilə’û ’eṯ-hā’āreṣ wəḵiḇəšuhā ûrəḏû biḏəḡaṯ hayyām ûḇə‘wōf haššāmayim ûḇəḵāl-ḥayyâ hārōmeśeṯ ‘al-hā’āreṣ:

29 wayyō’mer ’ĕlōhîm hinnēh nāṯatî lāḵem ’eṯ-kāl-‘ēśeḇ| zōrē‘a zer^a‘ ’ăšer ‘al-pənê ḵāl-hā’āreṣ wə’eṯ-kāl-hā‘ēṣ ’ăšer-bwō fərî-‘ēṣ zōrē‘a zār^a‘ lāḵem yihəyeh lə’āḵəlâ:

30 ûləḵāl-ḥayyaṯ hā’āreṣ ûləḵāl-‘wōf haššāmayim ûləḵōl| rwōmēś ‘al-hā’āreṣ ’ăšer-bwō nefeš ḥayyâ ’eṯ-kāl-yereq ‘ēśeḇ lə’āḵəlâ wayəhî-ḵēn:

31 wayyarə’ ’ĕlōhîm ’eṯ-kāl-’ăšer ‘āśâ wəhinnēh-ṭwōḇ mə’ōḏ wayəhî-‘ereḇ wayəhî-ḇōqer ywōm haššiššî: f

‎1 ‏וַיְכֻלּ֛וּ הַשָּׁמַ֥יִם וְהָאָ֖רֶץ וְכָל־צְבָאָֽם׃

‎2 ‏וַיְכַ֤ל אֱלֹהִים֙ בַּיּ֣וֹם הַשְּׁבִיעִ֔י מְלַאכְתּ֖וֹ אֲשֶׁ֣ר עָשָׂ֑ה וַיִּשְׁבֹּת֙ בַּיּ֣וֹם הַשְּׁבִיעִ֔י מִכָּל־מְלַאכְתּ֖וֹ אֲשֶׁ֥ר עָשָֽׂה׃

‎3 ‏וַיְבָ֤רֶךְ אֱלֹהִים֙ אֶת־י֣וֹם הַשְּׁבִיעִ֔י וַיְקַדֵּ֖שׁ אֹת֑וֹ כִּ֣י ב֤וֹ שָׁבַת֙ מִכָּל־מְלַאכְתּ֔וֹ אֲשֶׁר־בָּרָ֥א אֱלֹהִ֖ים לַעֲשֽׂוֹת׃ פ

‎4 ‏אֵ֣לֶּה תוֹלְד֧וֹת הַשָּׁמַ֛יִם וְהָאָ֖רֶץ בְּהִבָּֽרְאָ֑ם בְּי֗וֹם עֲשׂ֛וֹת יְהוָ֥ה אֱלֹהִ֖ים אֶ֥רֶץ וְשָׁמָֽיִם׃

‎5 ‏וְכֹ֣ל׀ שִׂ֣יחַ הַשָּׂדֶ֗ה טֶ֚רֶם יִֽהְיֶ֣ה בָאָ֔רֶץ וְכָל־עֵ֥שֶׂב הַשָּׂדֶ֖ה טֶ֣רֶם יִצְמָ֑ח כִּי֩ לֹ֨א הִמְטִ֜יר יְהוָ֤ה אֱלֹהִים֙ עַל־הָאָ֔רֶץ וְאָדָ֣ם אַ֔יִן לַֽעֲבֹ֖ד אֶת־הָֽאֲדָמָֽה׃

‎6 ‏וְאֵ֖ד יַֽעֲלֶ֣ה מִן־הָאָ֑רֶץ וְהִשְׁקָ֖ה אֶֽת־כָּל־פְּנֵֽי־הָֽאֲדָמָֽה׃

‎7 ‏וַיִּיצֶר֩ יְהוָ֨ה אֱלֹהִ֜ים אֶת־הָֽאָדָ֗ם עָפָר֙ מִן־הָ֣אֲדָמָ֔ה וַיִּפַּ֥ח בְּאַפָּ֖יו נִשְׁמַ֣ת חַיִּ֑ים וַֽיְהִ֥י הָֽאָדָ֖ם לְנֶ֥פֶשׁ חַיָּֽה׃

‎8 ‏וַיִּטַּ֞ע יְהוָ֧ה אֱלֹהִ֛ים גַּן־בְעֵ֖דֶן מִקֶּ֑דֶם וַיָּ֣שֶׂם שָׁ֔ם אֶת־הָֽאָדָ֖ם אֲשֶׁ֥ר יָצָֽר׃

‎9 ‏וַיַּצְמַ֞ח יְהוָ֤ה אֱלֹהִים֙ מִן־הָ֣אֲדָמָ֔ה כָּל־עֵ֛ץ נֶחְמָ֥ד לְמַרְאֶ֖ה וְט֣וֹב לְמַאֲכָ֑ל וְעֵ֤ץ הַֽחַיִּים֙ בְּת֣וֹךְ הַגָּ֔ן וְעֵ֕ץ הַדַּ֖עַת ט֥וֹב וָרָֽע׃

‎10 ‏וְנָהָרּ֙ יֹצֵ֣א מֵעֵ֔דֶן לְהַשְׁק֖וֹת אֶת־הַגָּ֑ן וּמִשָּׁם֙ יִפָּרֵ֔ד וְהָיָ֖ה לְאַרְבָּעָ֥ה רָאשִֽׁים׃

‎11 ‏שֵׁ֥ם הָֽאֶחָ֖ד פִּישׁ֑וֹן ה֣וּא הַסֹּבֵ֗ב אֵ֚ת כָּל־אֶ֣רֶץ הַֽחֲוִילָ֔ה אֲשֶׁר־שָׁ֖ם הַזָּהָֽב׃

‎12 ‏וּֽזֲהַ֛ב הָאָ֥רֶץ הַהִ֖וא ט֑וֹב שָׁ֥ם הַבְּדֹ֖לַח וְאֶ֥בֶן הַשֹּֽׁהַם׃

‎13 ‏וְשֵֽׁם־הַנָּהָ֥ר הַשֵּׁנִ֖י גִּיח֑וֹן ה֣וּא הַסּוֹבֵ֔ב אֵ֖ת כָּל־אֶ֥רֶץ כּֽוּשׁ׃

‎14 ‏וְשֵׁ֨ם הַנָּהָ֤ר הַשְּׁלִישִׁי֙ חִדֶּ֔קֶל ה֥וּא הַֽהֹלֵ֖ךְ קִדְמַ֣ת אַשּׁ֑וּר וְהַנָּהָ֥ר הָֽרְבִיעִ֖י ה֥וּא פְרָֽת׃

‎15 ‏וַיִּקַּ֛ח יְהוָ֥ה אֱלֹהִ֖ים אֶת־הָֽאָדָ֑ם וַיַּנִּחֵ֣הוּ בְגַן־עֵ֔דֶן לְעָבְדָ֖הּ וּלְשָׁמְרָֽהּ׃

‎16 ‏וַיְצַו֙ יְהוָ֣ה אֱלֹהִ֔ים עַל־הָֽאָדָ֖ם לֵאמֹ֑ר מִכֹּ֥ל עֵֽץ־הַגָּ֖ן אָכֹ֥ל תֹּאכֵֽל׃

‎17 ‏וּמֵעֵ֗ץ הַדַּ֙עַת֙ ט֣וֹב וָרָ֔ע לֹ֥א תֹאכַ֖ל מִמֶּ֑נּוּ כִּ֗י בְּי֛וֹם אֲכָלְךָ֥ מִמֶּ֖נּוּ מ֥וֹת תָּמֽוּת׃

‎18 ‏וַיֹּ֙אמֶר֙ יְהוָ֣ה אֱלֹהִ֔ים לֹא־ט֛וֹב הֱי֥וֹת הָֽאָדָ֖ם לְבַדּ֑וֹ אֶֽעֱשֶׂהּ־לּ֥וֹ¹ עֵ֖זֶר כְּנֶגְדּֽוֹ׃

‎19 ‏וַיִּצֶר֩ יְהוָ֨ה אֱלֹהִ֜ים מִן־הָֽאֲדָמָ֗ה כָּל־חַיַּ֤ת הַשָּׂדֶה֙ וְאֵת֙ כָּל־ע֣וֹף הַשָּׁמַ֔יִם וַיָּבֵא֙ אֶל־הָ֣אָדָ֔ם לִרְא֖וֹת מַה־יִּקְרָא־ל֑וֹ וְכֹל֩ אֲשֶׁ֨ר יִקְרָא־ל֧וֹ הָֽאָדָ֛ם נֶ֥פֶשׁ חַיָּ֖ה ה֥וּא שְׁמֽוֹ׃

‎20 ‏וַיִּקְרָ֨א הָֽאָדָ֜ם שֵׁמ֗וֹת לְכָל־הַבְּהֵמָה֙ וּלְע֣וֹף הַשָּׁמַ֔יִם וּלְכֹ֖ל חַיַּ֣ת הַשָּׂדֶ֑ה וּלְאָדָ֕ם לֹֽא־מָצָ֥א עֵ֖זֶר כְּנֶגְדּֽוֹ׃

‎21 ‏וַיַּפֵּל֩ יְהוָ֨ה אֱלֹהִ֧ים׀ תַּרְדֵּמָ֛ה עַל־הָאָדָ֖ם וַיִּישָׁ֑ן וַיִּקַּ֗ח אַחַת֙ מִצַּלְעֹתָ֔יו וַיִּסְגֹּ֥ר בָּשָׂ֖ר תַּחְתֶּֽנָּה׃

‎22 ‏וַיִּבֶן֩ יְהוָ֨ה אֱלֹהִ֧ים׀ אֶֽת־הַצֵּלָ֛ע אֲשֶׁר־לָקַ֥ח מִן־הָֽאָדָ֖ם לְאִשָּׁ֑ה וַיְבִאֶ֖הָ אֶל־הָֽאָדָֽם׃

‎23 ‏וַיֹּאמֶר֮ הָֽאָדָם֒ זֹ֣את הַפַּ֗עַם עֶ֚צֶם מֵֽעֲצָמַ֔י וּבָשָׂ֖ר מִבְּשָׂרִ֑י לְזֹאת֙ יִקָּרֵ֣א אִשָּׁ֔ה כִּ֥י מֵאִ֖ישׁ לֻֽקֳחָה־זֹּֽאת׃

‎24 ‏עַל־כֵּן֙ יַֽעֲזָב־אִ֔ישׁ אֶת־אָבִ֖יו וְאֶת־אִמּ֑וֹ וְדָבַ֣ק בְּאִשְׁתּ֔וֹ וְהָי֖וּ לְבָשָׂ֥ר אֶחָֽד׃

‎25 ‏וַיִּֽהְי֤וּ שְׁנֵיהֶם֙ עֲרוּמִּ֔ים הָֽאָדָ֖ם וְאִשְׁתּ֑וֹ וְלֹ֖א יִתְבֹּשָֽׁשׁוּ׃

1 wayəḵullû haššāmayim wəhā’āreṣ wəḵāl-ṣəḇā’ām:

2 wayəḵal ’ĕlōhîm bayywōm haššəḇî‘î məla’ḵətwō ’ăšer ‘āśâ wayyišəbōṯ bayywōm haššəḇî‘î mikāl-məla’ḵətwō ’ăšer ‘āśâ:

3 wayəḇāreḵə ’ĕlōhîm ’eṯ-ywōm haššəḇî‘î wayəqadēš ’ōṯwō kî ḇwō šāḇaṯ mikāl-məla’ḵətwō ’ăšer-bārā’ ’ĕlōhîm l^a‘ăśwōṯ: f

4 ’ēlleh ṯwōləḏwōṯ haššāmayim wəhā’āreṣ bəhibārə’ām bəywōm ‘ăśwōṯ yəhwâ ’ĕlōhîm ’ereṣ wəšāmāyim:

5 wəḵōl| śîḥa haśśāḏeh ṭerem yihəyeh ḇā’āreṣ wəḵāl-‘ēśeḇ haśśāḏeh ṭerem yiṣəmāḥ kî lō’ himəṭîr yəhwâ ’ĕlōhîm ‘al-hā’āreṣ wə’āḏām ’ayin l^a‘ăḇōḏ ’eṯ-hā’ăḏāmâ:

6 wə’ēḏ y^a‘ăleh min-hā’āreṣ wəhišəqâ ’eṯ-kāl-pənê-hā’ăḏāmâ:

7 wayyîṣer yəhwâ ’ĕlōhîm ’eṯ-hā’āḏām ‘āfār min-hā’ăḏāmâ wayyip^aḥ bə’apāyw nišəmaṯ ḥayyîm wayəhî hā’āḏām lənefeš ḥayyâ:

8 wayyiṭṭ^a‘ yəhwâ ’ĕlōhîm gan-ḇə‘ēḏen miqqeḏem wayyāśem šām ’eṯ-hā’āḏām ’ăšer yāṣār:

9 wayyaṣəm^aḥ yəhwâ ’ĕlōhîm min-hā’ăḏāmâ kāl-‘ēṣ neḥəmāḏ ləmarə’eh wəṭwōḇ ləma’ăḵāl wə‘ēṣ h^aḥayyîm bəṯwōḵə hagān wə‘ēṣ had^a‘aṯ ṭwōḇ wārā‘:

10 wənâārr yōṣē’ mē‘ēḏen ləhašəqwōṯ ’eṯ-hagān ûmiššām yipārēḏ wəhāyâ lə’arəbā‘â rā’šîm:

11 šēm hā’eḥāḏ pîšwōn hû’ hassōḇēḇ ’ēṯ kāl-’ereṣ h^aḥăwîlâ ’ăšer-šām hazzâāḇ:

12 ûzăhaḇ hā’āreṣ hahiw’ ṭwōḇ šām habəḏōl^aḥ wə’eḇen haššōham:

13 wəšēm-hannâār haššēnî gîḥwōn hû’ hasswōḇēḇ ’ēṯ kāl-’ereṣ kûš:

14 wəšēm hannâār haššəlîšî ḥideqel hû’ hahōlēḵə qiḏəmaṯ ’aššûr wəhannâār hārəḇî‘î hû’ fərāṯ:

15 wayyiqq^aḥ yəhwâ ’ĕlōhîm ’eṯ-hā’āḏām wayyanniḥēhû ḇəḡan-‘ēḏen lə‘āḇəḏāh ûləšāmərāh:

16 wayəṣaw yəhwâ ’ĕlōhîm ‘al-hā’āḏām lē’mōr mikōl ‘ēṣ-hagān ’āḵōl tō’ḵēl:

17 ûmē‘ēṣ had^a‘aṯ ṭwōḇ wārā‘ lō’ ṯō’ḵal mimmennû kî bəywōm ’ăḵāləḵā mimmennû mwōṯ tāmûṯ:

18 wayyō’mer yəhwâ ’ĕlōhîm lō’-ṭwōḇ hĕywōṯ hā’āḏām ləḇadwō ’e‘ĕśehh-llwō¹ ‘ēzer kəneḡədwō:

19 wayyiṣer yəhwâ ’ĕlōhîm min-hā’ăḏāmâ kāl-ḥayyaṯ haśśāḏeh wə’ēṯ kāl-‘wōf haššāmayim wayyāḇē’ ’el-hā’āḏām lirə’wōṯ mah-yyiqərā’-lwō wəḵōl ’ăšer yiqərā’-lwō hā’āḏām nefeš ḥayyâ hû’ šəmwō:

20 wayyiqərā’ hā’āḏām šēmwōṯ ləḵāl-habəhēmâ ûlə‘wōf haššāmayim ûləḵōl ḥayyaṯ haśśāḏeh ûlə’āḏām lō’-māṣā’ ‘ēzer kəneḡədwō:

21 wayyapēl yəhwâ ’ĕlōhîm| tarədēmâ ‘al-hā’āḏām wayyîšān wayyiqq^aḥ ’^aḥaṯ miṣṣalə‘ōṯāyw wayyisəgōr bāśār t^aḥətennâ:

22 wayyiḇen yəhwâ ’ĕlōhîm| ’eṯ-haṣṣēlā‘ ’ăšer-lāq^aḥ min-hā’āḏām lə’iššâ wayəḇi’ehā ’el-hā’āḏām:

23 wayyō’mer hā’āḏām zō’ṯ hap^a‘am ‘eṣem mē‘ăṣāmay ûḇāśār mibəśārî ləzō’ṯ yiqqārē’ ’iššâ kî mē’îš luqŏḥâ-zzō’ṯ:

24 ‘al-kēn y^a‘ăzāḇ-’îš ’eṯ-’āḇîw wə’eṯ-’immwō wəḏāḇaq bə’išətwō wəhāyû ləḇāśār ’eḥāḏ:

25 wayyihəyû šənêhem ‘ărûmmîm hā’āḏām wə’išətwō wəlō’ yiṯəbōšāšû:

‎1 ‏וְהַנָּחָשׁ֙ הָיָ֣ה עָר֔וּם מִכֹּל֙ חַיַּ֣ת הַשָּׂדֶ֔ה אֲשֶׁ֥ר עָשָׂ֖ה יְהוָ֣ה אֱלֹהִ֑ים וַיֹּ֙אמֶר֙ אֶל־הָ֣אִשָּׁ֔ה אַ֚ף כִּֽי־אָמַ֣ר אֱלֹהִ֔ים לֹ֣א תֹֽאכְל֔וּ מִכֹּ֖ל עֵ֥ץ הַגָּֽן׃

‎2 ‏וַתֹּ֥אמֶר הָֽאִשָּׁ֖ה אֶל־הַנָּחָ֑שׁ מִפְּרִ֥י עֵֽץ־הַגָּ֖ן נֹאכֵֽל׃

‎3 ‏וּמִפְּרִ֣י הָעֵץ֮ אֲשֶׁ֣ר בְּתוֹךְ־הַגָּן֒ אָמַ֣ר אֱלֹהִ֗ים לֹ֤א תֹֽאכְלוּ֙ מִמֶּ֔נּוּ וְלֹ֥א תִגְּע֖וּ בּ֑וֹ פֶּן־תְּמֻתֽוּן׃

‎4 ‏וַיֹּ֥אמֶר הַנָּחָ֖שׁ אֶל־הָֽאִשָּׁ֑ה לֹֽא־מ֖וֹת תְּמֻתֽוּן׃

‎5 ‏כִּ֚י יֹדֵ֣עַ אֱלֹהִ֔ים כִּ֗י בְּיוֹם֙ אֲכָלְכֶ֣ם מִמֶּ֔נּוּ וְנִפְקְח֖וּ עֵֽינֵיכֶ֑ם וִהְיִיתֶם֙ כֵּֽאלֹהִ֔ים יֹדְעֵ֖י ט֥וֹב וָרָֽע׃

‎6 ‏וַתֵּ֣רֶא הָֽאִשָּׁ֡ה כִּ֣י טוֹב֩ הָעֵ֨ץ לְמַאֲכָ֜ל וְכִ֧י תַֽאֲוָה־ה֣וּא לָעֵינַ֗יִם וְנֶחְמָ֤ד הָעֵץ֙ לְהַשְׂכִּ֔יל וַתִּקַּ֥ח מִפִּרְי֖וֹ וַתֹּאכַ֑ל וַתִּתֵּ֧ן גַּם־לְאִישָׁ֛הּ עִמָּ֖הּ וַיֹּאכַֽל׃

‎7 ‏וַתִּפָּקַ֙חְנָה֙ עֵינֵ֣י שְׁנֵיהֶ֔ם וַיֵּ֣דְע֔וּ כִּ֥י עֵֽירֻמִּ֖ם הֵ֑ם וַֽיִּתְפְּרוּ֙ עֲלֵ֣ה תְאֵנָ֔ה וַיַּעֲשׂ֥וּ לָהֶ֖ם חֲגֹרֹֽת׃

‎8 ‏וַֽיִּשְׁמְע֞וּ אֶת־ק֨וֹל יְהוָ֧ה אֱלֹהִ֛ים מִתְהַלֵּ֥ךְ בַּגָּ֖ן לְר֣וּחַ הַיּ֑וֹם וַיִּתְחַבֵּ֨א הָֽאָדָ֜ם וְאִשְׁתּ֗וֹ מִפְּנֵי֙ יְהוָ֣ה אֱלֹהִ֔ים בְּת֖וֹךְ עֵ֥ץ הַגָּֽן׃

‎9 ‏וַיִּקְרָ֛א יְהוָ֥ה אֱלֹהִ֖ים אֶל־הָֽאָדָ֑ם וַיֹּ֥אמֶר ל֖וֹ אַיֶּֽכָּה׃

‎10 ‏וַיֹּ֕אמֶר אֶת־קֹלְךָ֥ שָׁמַ֖עְתִּי בַּגָּ֑ן וָאִירָ֛א כִּֽי־עֵירֹ֥ם אָנֹ֖כִי וָאֵחָבֵֽא׃

‎11 ‏וַיֹּ֕אמֶר מִ֚י הִגִּ֣יד לְךָ֔ כִּ֥י עֵירֹ֖ם אָ֑תָּה הֲמִן־הָעֵ֗ץ אֲשֶׁ֧ר צִוִּיתִ֛יךָ לְבִלְתִּ֥י אֲכָל־מִמֶּ֖נּוּ אָכָֽלְתָּ׃

‎12 ‏וַיֹּ֖אמֶר הָֽאָדָ֑ם הָֽאִשָּׁה֙ אֲשֶׁ֣ר נָתַ֣תָּה עִמָּדִ֔י הִ֛וא נָֽתְנָה־לִּ֥י מִן־הָעֵ֖ץ וָאֹכֵֽל׃

‎13 ‏וַיֹּ֨אמֶר יְהוָ֧ה אֱלֹהִ֛ים לָאִשָּׁ֖ה מַה־זֹּ֣את עָשִׂ֑ית וַתֹּ֙אמֶר֙ הָֽאִשָּׁ֔ה הַנָּחָ֥שׁ הִשִּׁיאַ֖נִי וָאֹכֵֽל׃

‎14 ‏וַיֹּאמֶר֩ יְהוָֹ֨ה אֱלֹהִ֥ים׀ אֶֽל־הַנָּחָשׁ֮ כִּ֣י עָשִׂ֣יתָ זֹּאת֒ אָר֤וּר אַתָּה֙ מִכָּל־הַבְּהֵמָ֔ה וּמִכֹּ֖ל חַיַּ֣ת הַשָּׂדֶ֑ה עַל־גְּחֹנְךָ֣ תֵלֵ֔ךְ וְעָפָ֥ר תֹּאכַ֖ל כָּל־יְמֵ֥י חַיֶּֽיךָ׃

‎15 ‏וְאֵיבָ֣ה׀ אָשִׁ֗ית בֵּֽינְךָ֙ וּבֵ֣ין הָֽאִשָּׁ֔ה וּבֵ֥ין זַרְעֲךָ֖ וּבֵ֣ין זַרְעָ֑הּ ה֚וּא יְשׁוּפְךָ֣ רֹ֔אשׁ וְאַתָּ֖ה תְּשׁוּפֶ֥נּוּ עָקֵֽב׃ ס

‎16 ‏אֶֽל־הָאִשָּׁ֣ה אָמַ֗ר הַרְבָּ֤ה אַרְבֶּה֙ עִצְּבוֹנֵ֣ךְ וְהֵֽרֹנֵ֔ךְ בְּעֶ֖צֶב תֵּֽלְדִ֣י בָנִ֑ים וְאֶל־אִישֵׁךְ֙ תְּשׁ֣וּקָתֵ֔ךְ וְה֖וּא יִמְשָׁל־בָּֽךְ׃ ס

‎17 ‏וּלְאָדָ֣ם אָמַ֗ר כִּֽי־שָׁמַעְתָּ֮³ לְק֣וֹל אִשְׁתֶּךָ֒ וַתֹּ֙אכַל֙ מִן־הָעֵ֔ץ אֲשֶׁ֤ר צִוִּיתִ֙יךָ֙ לֵאמֹ֔ר לֹ֥א תֹאכַ֖ל מִמֶּ֑נּוּ אֲרוּרָ֤ה הָֽאֲדָמָה֙ בַּֽעֲבוּרֶ֔ךָ בְּעִצָּבוֹן֙ תֹּֽאכֲלֶ֔נָּה כֹּ֖ל יְמֵ֥י חַיֶּֽיךָ׃

‎18 ‏וְק֥וֹץ וְדַרְדַּ֖ר תַּצְמִ֣יחַֽ לָ֑ךְ וְאָכַלְתָּ֖ אֶת־עֵ֥שֶׂב הַשָּׂדֶֽה׃

‎19 ‏בְּזֵעַ֤ת אַפֶּ֙יךָ֙ תֹּ֣אכַל לֶ֔חֶם עַ֤ד שֽׁוּבְךָ֙ אֶל־הָ֣אֲדָמָ֔ה כִּ֥י מִמֶּ֖נָּה לֻקָּ֑חְתָּ כִּֽי־עָפָ֣ר אַ֔תָּה וְאֶל־עָפָ֖ר תָּשֽׁוּב׃

‎20 ‏וַיִּקְרָ֧א הָֽאָדָ֛ם שֵׁ֥ם אִשְׁתּ֖וֹ חַוָּ֑ה כִּ֛י הִ֥וא הָֽיְתָ֖ה אֵ֥ם כָּל־חָֽי׃

‎21 ‏וַיַּעַשׂ֩ יְהוָ֨ה אֱלֹהִ֜ים לְאָדָ֧ם וּלְאִשְׁתּ֛וֹ כָּתְנ֥וֹת ע֖וֹר וַיַּלְבִּשֵֽׁם׃ פ

‎22 ‏וַיֹּ֣אמֶר׀ יְהוָ֣ה אֱלֹהִ֗ים הֵ֤ן הָֽאָדָם֙ הָיָה֙ כְּאַחַ֣ד מִמֶּ֔נּוּ לָדַ֖עַת ט֣וֹב וָרָ֑ע וְעַתָּ֣ה׀ פֶּן־יִשְׁלַ֣ח יָד֗וֹ וְלָקַח֙ גַּ֚ם מֵעֵ֣ץ הַֽחַיִּ֔ים וְאָכַ֖ל וָחַ֥י לְעֹלָֽם׃

‎23 ‏וַֽיְשַׁלְּחֵ֛הוּ יְהוָ֥ה אֱלֹהִ֖ים מִגַּן־עֵ֑דֶן לַֽעֲבֹד֙ אֶת־הָ֣אֲדָמָ֔ה אֲשֶׁ֥ר לֻקַּ֖ח מִשָּֽׁם׃

‎24 ‏וַיְגָ֖רֶשׁ אֶת־הָֽאָדָ֑ם וַיַּשְׁכֵּן֩ מִקֶּ֨דֶם לְגַן־עֵ֜דֶן אֶת־הַכְּרֻבִ֗ים וְאֵ֨ת לַ֤הַט הַחֶ֙רֶב֙ הַמִּתְהַפֶּ֔כֶת לִשְׁמֹ֕ר אֶת־דֶּ֖רֶךְ עֵ֥ץ הַֽחַיִּֽים׃ ס

1 wəhannāḥāš hāyâ ‘ārûm mikōl ḥayyaṯ haśśāḏeh ’ăšer ‘āśâ yəhwâ ’ĕlōhîm wayyō’mer ’el-hā’iššâ ’af kî-’āmar ’ĕlōhîm lō’ ṯō’ḵəlû mikōl ‘ēṣ hagān:

2 watō’mer hā’iššâ ’el-hannāḥāš mipərî ‘ēṣ-hagān nō’ḵēl:

3 ûmipərî hā‘ēṣ ’ăšer bəṯwōḵə-hagān ’āmar ’ĕlōhîm lō’ ṯō’ḵəlû mimmennû wəlō’ ṯigə‘û bwō pen-təmuṯûn:

4 wayyō’mer hannāḥāš ’el-hā’iššâ lō’-mwōṯ təmuṯûn:

5 kî yōḏē‘a ’ĕlōhîm kî bəywōm ’ăḵāləḵem mimmennû wənifəqəḥû ‘ênêḵem wihəyîṯem kē’lōhîm yōḏə‘ê ṭwōḇ wārā‘:

6 watēre’ hā’iššâ kî ṭwōḇ hā‘ēṣ ləma’ăḵāl wəḵî ṯa’ăwâ-hû’ lā‘ênayim wəneḥəmāḏ hā‘ēṣ ləhaśəkîl watiqq^aḥ mipirəywō watō’ḵal watitēn gam-lə’îšāh ‘immāh wayyō’ḵal:

7 watipāq^aḥənâ ‘ênê šənêhem wayyēḏə‘û kî ‘êrummim hēm wayyiṯəpərû ‘ălēh ṯə’ēnâ wayy^a‘ăśû lâem ḥăḡōrōṯ:

8 wayyišəmə‘û ’eṯ-qwōl yəhwâ ’ĕlōhîm miṯəhallēḵə bagān lərûḥa hayywōm wayyiṯəḥabē’ hā’āḏām wə’išətwō mipənê yəhwâ ’ĕlōhîm bəṯwōḵə ‘ēṣ hagān:

9 wayyiqərā’ yəhwâ ’ĕlōhîm ’el-hā’āḏām wayyō’mer lwō ’ayyekâ:

10 wayyō’mer ’eṯ-qōləḵā šām^a‘ətî bagān wā’îrā’ kî-‘êrōm ’ānōḵî wā’ēḥāḇē’:

11 wayyō’mer mî higîḏ ləḵā kî ‘êrōm ’ātâ hămin-hā‘ēṣ ’ăšer ṣiûîṯîḵā ləḇilətî ’ăḵāl-mimmennû ’āḵālətā:

12 wayyō’mer hā’āḏām hā’iššâ ’ăšer nāṯatâ ‘immāḏî hiw’ nāṯənâ-llî min-hā‘ēṣ wā’ōḵēl:

13 wayyō’mer yəhwâ ’ĕlōhîm lā’iššâ mah-zzō’ṯ ‘āśîṯ watō’mer hā’iššâ hannāḥāš hiššî’anî wā’ōḵēl:

14 wayyō’mer yəhwōâ ’ĕlōhîm| ’el-hannāḥāš kî ‘āśîṯā zzō’ṯ ’ārûr ’atâ mikāl-habəhēmâ ûmikōl ḥayyaṯ haśśāḏeh ‘al-gəḥōnəḵā ṯēlēḵə wə‘āfār tō’ḵal kāl-yəmê ḥayyeyḵā:

15 wə’êḇâ| ’āšîṯ bênəḵā ûḇên hā’iššâ ûḇên zarə‘ăḵā ûḇên zarə‘āh hû’ yəšûfəḵā rō’š wə’atâ təšûfennû ‘āqēḇ: s

16 ’el-hā’iššâ ’āmar harəbâ ’arəbeh ‘iṣṣəḇwōnēḵə wəhērōnēḵə bə‘eṣeḇ tēləḏî ḇānîm wə’el-’îšēḵə təšûqāṯēḵə wəhû’ yiməšāl-bāḵə: s

17 ûlə’āḏām ’āmar kî-šām^a‘ətā³ ləqwōl ’išəteḵā watō’ḵal min-hā‘ēṣ ’ăšer ṣiûîṯîḵā lē’mōr lō’ ṯō’ḵal mimmennû ’ărûrâ hā’ăḏāmâ b^a‘ăḇûreḵā bə‘iṣṣāḇwōn tō’ḵălennâ kōl yəmê ḥayyeyḵā:

18 wəqwōṣ wəḏarədar taṣəmîḥa lāḵə wə’āḵalətā ’eṯ-‘ēśeḇ haśśāḏeh:

19 bəzē‘aṯ ’apeyḵā tō’ḵal leḥem ‘aḏ šûḇəḵā ’el-hā’ăḏāmâ kî mimmennâ luqqāḥətā kî-‘āfār ’atâ wə’el-‘āfār tāšûḇ:

20 wayyiqərā’ hā’āḏām šēm ’išətwō ḥaûâ kî hiw’ hāyəṯâ ’ēm kāl-ḥāy:

21 wayy^a‘aś yəhwâ ’ĕlōhîm lə’āḏām ûlə’išətwō kāṯənwōṯ ‘wōr wayyaləbišēm: f

22 wayyō’mer| yəhwâ ’ĕlōhîm hēn hā’āḏām hāyâ kə’^aḥaḏ mimmennû lāḏ^a‘aṯ ṭwōḇ wārā‘ wə‘atâ| pen-yišəl^aḥ yāḏwō wəlāq^aḥ gam mē‘ēṣ h^aḥayyîm wə’āḵal wāḥay lə‘ōlām:

23 wayəšalləḥēhû yəhwâ ’ĕlōhîm migan-‘ēḏen l^a‘ăḇōḏ ’eṯ-hā’ăḏāmâ ’ăšer luqq^aḥ miššām:

24 wayəḡāreš ’eṯ-hā’āḏām wayyašəkēn miqqeḏem ləḡan-‘ēḏen ’eṯ-hakəruḇîm wə’ēṯ lahaṭ h^aḥereḇ hammiṯəhapeḵeṯ lišəmōr ’eṯ-dereḵə ‘ēṣ h^aḥayyîm: s

‎1 ‏וְהָ֣אָדָ֔ם יָדַ֖ע אֶת־חַוָּ֣ה אִשְׁתּ֑וֹ וַתַּ֙הַר֙ וַתֵּ֣לֶד אֶת־קַ֔יִן וַתֹּ֕אמֶר קָנִ֥יתִי אִ֖ישׁ אֶת־יְהוָֽה׃

‎2 ‏וַתֹּ֣סֶף לָלֶ֔דֶת אֶת־אָחִ֖יו אֶת־הָ֑בֶל וַֽיְהִי־הֶ֙בֶל֙ רֹ֣עֵה צֹ֔אן וְקַ֕יִן הָיָ֖ה עֹבֵ֥ד אֲדָמָֽה׃

‎3 ‏וַֽיְהִ֖י מִקֵּ֣ץ יָמִ֑ים וַיָּבֵ֨א קַ֜יִן מִפְּרִ֧י הָֽאֲדָמָ֛ה מִנְחָ֖ה לַֽיהוָֽה׃

‎4 ‏וְהֶ֨בֶל הֵבִ֥יא גַם־ה֛וּא מִבְּכֹר֥וֹת צֹאנ֖וֹ וּמֵֽחֶלְבֵהֶ֑ן וַיִּ֣שַׁע יְהוָ֔ה אֶל־הֶ֖בֶל וְאֶל־מִנְחָתֽוֹ׃

‎5 ‏וְאֶל־קַ֥יִן וְאֶל־מִנְחָת֖וֹ לֹ֣א שָׁעָ֑ה וַיִּ֤חַר לְקַ֙יִן֙ מְאֹ֔ד וַֽיִּפְּל֖וּ פָּנָֽיו׃

‎6 ‏וַיֹּ֥אמֶר יְהוָ֖ה אֶל־קָ֑יִן לָ֚מָּה חָ֣רָה לָ֔ךְ וְלָ֖מָּה נָפְל֥וּ פָנֶֽיךָ׃

‎7 ‏הֲל֤וֹא אִם־תֵּיטִיב֙ שְׂאֵ֔ת וְאִם֙ לֹ֣א תֵיטִ֔יב לַפֶּ֖תַח חַטָּ֣את רֹבֵ֑ץ וְאֵלֶ֙יךָ֙ תְּשׁ֣וּקָת֔וֹ וְאַתָּ֖ה תִּמְשָׁל־בּֽוֹ׃

‎8 ‏וַיֹּ֥אמֶר קַ֖יִן אֶל־הֶ֣בֶל אָחִ֑יו וַֽיְהִי֙ בִּהְיוֹתָ֣ם בַּשָּׂדֶ֔ה וַיָּ֥קָם קַ֛יִן אֶל־הֶ֥בֶל אָחִ֖יו וַיַּהַרְגֵֽהוּ׃

‎9 ‏וַיֹּ֤אמֶר יְהוָה֙ אֶל־קַ֔יִן אֵ֖י הֶ֣בֶל אָחִ֑יךָ וַיֹּ֙אמֶר֙ לֹ֣א יָדַ֔עְתִּי הֲשֹׁמֵ֥ר אָחִ֖י אָנֹֽכִי׃

‎10 ‏וַיֹּ֖אמֶר מֶ֣ה עָשִׂ֑יתָ ק֚וֹל דְּמֵ֣י אָחִ֔יךָ צֹעֲקִ֥ים אֵלַ֖י מִן־הָֽאֲדָמָֽה׃

‎11 ‏וְעַתָּ֖ה אָר֣וּר אָ֑תָּה מִן־הָֽאֲדָמָה֙ אֲשֶׁ֣ר פָּצְתָ֣ה אֶת־פִּ֔יהָ לָקַ֛חַת אֶת־דְּמֵ֥י אָחִ֖יךָ מִיָּדֶֽךָ׃

‎12 ‏כִּ֤י תַֽעֲבֹד֙ אֶת־הָ֣אֲדָמָ֔ה לֹֽא־תֹסֵ֥ף תֵּת־כֹּחָ֖הּ לָ֑ךְ נָ֥ע וָנָ֖ד תִּֽהְיֶ֥ה בָאָֽרֶץ׃

‎13 ‏וַיֹּ֥אמֶר קַ֖יִן אֶל־יְהוָ֑ה גָּד֥וֹל עֲוֹנִ֖י מִנְּשֹֽׂא׃

‎14 ‏הֵן֩ גֵּרַ֨שְׁתָּ אֹתִ֜י הַיּ֗וֹם מֵעַל֙ פְּנֵ֣י הָֽאֲדָמָ֔ה וּמִפָּנֶ֖יךָ אֶסָּתֵ֑ר וְהָיִ֜יתִי נָ֤ע וָנָד֙ בָּאָ֔רֶץ וְהָיָ֥ה כָל־מֹצְאִ֖י יַֽהַרְגֵֽנִי׃

‎15 ‏וַיֹּ֧אמֶר ל֣וֹ יְהוָ֗ה לָכֵן֙ כָּל־הֹרֵ֣ג קַ֔יִן שִׁבְעָתַ֖יִם יֻקָּ֑ם וַיָּ֨שֶׂם יְהוָ֤ה לְקַ֙יִן֙ א֔וֹת לְבִלְתִּ֥י הַכּוֹת־אֹת֖וֹ כָּל־מֹצְאֽוֹ׃

‎16 ‏וַיֵּ֥צֵא קַ֖יִן מִלִּפְנֵ֣י יְהוָ֑ה וַיֵּ֥שֶׁב בְּאֶֽרֶץ־נ֖וֹד קִדְמַת־עֵֽדֶן׃

‎17 ‏וַיֵּ֤דַע קַ֙יִן֙ אֶת־אִשְׁתּ֔וֹ וַתַּ֖הַר וַתֵּ֣לֶד אֶת־חֲנ֑וֹךְ וַֽיְהִי֙ בֹּ֣נֶה עִ֔יר וַיִּקְרָא֙ שֵׁ֣ם הָעִ֔יר כְּשֵׁ֖ם בְּנ֥וֹ חֲנֽוֹךְ׃

‎18 ‏וַיִּוָּלֵ֤ד לַֽחֲנוֹךְ֙ אֶת־עִירָ֔ד וְעִירָ֕ד יָלַ֖ד אֶת־מְחֽוּיָאֵ֑ל וּמְחִיּיָאֵ֗ל יָלַד֙ אֶת־מְת֣וּשָׁאֵ֔ל וּמְתוּשָׁאֵ֖ל יָלַ֥ד אֶת־לָֽמֶךְ׃

‎19 ‏וַיִּֽקַּֽח־ל֥וֹ לֶ֖מֶךְ שְׁתֵּ֣י נָשִׁ֑ים שֵׁ֤ם הָֽאַחַת֙ עָדָ֔ה וְשֵׁ֥ם הַשֵּׁנִ֖ית צִלָּֽה׃

‎20 ‏וַתֵּ֥לֶד עָדָ֖ה אֶת־יָבָ֑ל ה֣וּא הָיָ֔ה אֲבִ֕י יֹשֵׁ֥ב אֹ֖הֶל וּמִקְנֶֽה׃

‎21 ‏וְשֵׁ֥ם אָחִ֖יו יוּבָ֑ל ה֣וּא הָיָ֔ה אֲבִ֕י כָּל־תֹּפֵ֥שׂ כִּנּ֖וֹר וְעוּגָֽב׃

‎22 ‏וְצִלָּ֣ה גַם־הִ֗וא יָֽלְדָה֙ אֶת־תּ֣וּבַל קַ֔יִן לֹטֵ֕שׁ כָּל־חֹרֵ֥שׁ נְחֹ֖שֶׁת וּבַרְזֶ֑ל וַֽאֲח֥וֹת תּֽוּבַל־קַ֖יִן נַֽעֲמָֽה׃

‎23 ‏וַיֹּ֨אמֶר לֶ֜מֶךְ לְנָשָׁ֗יו עָדָ֤ה וְצִלָּה֙ שְׁמַ֣עַן קוֹלִ֔י נְשֵׁ֣י לֶ֔מֶךְ הַאְזֵ֖נָּה אִמְרָתִ֑י כִּ֣י אִ֤ישׁ הָרַ֙גְתִּי֙ לְפִצְעִ֔י וְיֶ֖לֶד לְחַבֻּרָתִֽי׃

‎24 ‏כִּ֥י שִׁבְעָתַ֖יִם יֻקַּם־קָ֑יִן וְלֶ֖מֶךְ שִׁבְעִ֥ים וְשִׁבְעָֽה׃

‎25 ‏וַיֵּ֨דַע אָדָ֥ם עוֹד֙ אֶת־אִשְׁתּ֔וֹ וַתֵּ֣לֶד בֵּ֔ן וַתִּקְרָ֥א אֶת־שְׁמ֖וֹ שֵׁ֑ת כִּ֣י שָֽׁת־לִ֤י אֱלֹהִים֙ זֶ֣רַע אַחֵ֔ר תַּ֣חַת הֶ֔בֶל כִּ֥י הֲרָג֖וֹ קָֽיִן׃

‎26 ‏וּלְשֵׁ֤ת גַּם־הוּא֙ יֻלַּד־בֵּ֔ן וַיִּקְרָ֥א אֶת־שְׁמ֖וֹ אֱנ֑וֹשׁ אָ֣ז הוּחַ֔ל לִקְרֹ֖א בְּשֵׁ֥ם יְהוָֽה׃ פ

1 wəhā’āḏām yāḏ^a‘ ’eṯ-ḥaûâ ’išətwō watahar watēleḏ ’eṯ-qayin watō’mer qānîṯî ’îš ’eṯ-yəhwâ:

2 watōsef lāleḏeṯ ’eṯ-’āḥîw ’eṯ-hāḇel wayəhî-heḇel rō‘ēh ṣō’n wəqayin hāyâ ‘ōḇēḏ ’ăḏāmâ:

3 wayəhî miqqēṣ yāmîm wayyāḇē’ qayin mipərî hā’ăḏāmâ minəḥâ layhwâ:

4 wəheḇel hēḇî’ ḡam-hû’ mibəḵōrwōṯ ṣō’nwō ûmēḥeləḇēhen wayyiš^a‘ yəhwâ ’el-heḇel wə’el-minəḥāṯwō:

5 wə’el-qayin wə’el-minəḥāṯwō lō’ šā‘â wayyiḥar ləqayin mə’ōḏ wayyipəlû pānāyw:

6 wayyō’mer yəhwâ ’el-qāyin lāmmâ ḥārâ lāḵə wəlāmmâ nāfəlû fāneyḵā:

7 hălwō’ ’im-têṭîḇ śə’ēṯ wə’im lō’ ṯêṭîḇ lapeṯ^aḥ ḥaṭṭā’ṯ rōḇēṣ wə’ēleyḵā təšûqāṯwō wə’atâ timəšāl-bwō:

8 wayyō’mer qayin ’el-heḇel ’āḥîw wayəhî bihəywōṯām baśśāḏeh wayyāqām qayin ’el-heḇel ’āḥîw wayyaharəḡēhû:

9 wayyō’mer yəhwâ ’el-qayin ’ê heḇel ’āḥîḵā wayyō’mer lō’ yāḏ^a‘ətî hăšōmēr ’āḥî ’ānōḵî:

10 wayyō’mer meh ‘āśîṯā qwōl dəmê ’āḥîḵā ṣō‘ăqîm ’ēlay min-hā’ăḏāmâ:

11 wə‘atâ ’ārûr ’ātâ min-hā’ăḏāmâ ’ăšer pāṣəṯâ ’eṯ-pîhā lāq^aḥaṯ ’eṯ-dəmê ’āḥîḵā mîyāḏeḵā:

12 kî ṯ^a‘ăḇōḏ ’eṯ-hā’ăḏāmâ lō’-ṯōsēf tēṯ-kōḥāh lāḵə nā‘ wānāḏ tihəyeh ḇā’āreṣ:

13 wayyō’mer qayin ’el-yəhwâ gāḏwōl ‘ăwōnî minnəśō’:

14 hēn gērašətā ’ōṯî hayywōm mē‘al pənê hā’ăḏāmâ ûmipāneyḵā ’essāṯēr wəhāyîṯî nā‘ wānāḏ bā’āreṣ wəhāyâ ḵāl-mōṣə’î yaharəḡēnî:

15 wayyō’mer lwō yəhwâ lāḵēn kāl-hōrēḡ qayin šiḇə‘āṯayim yuqqām wayyāśem yəhwâ ləqayin ’wōṯ ləḇilətî hakwōṯ-’ōṯwō kāl-mōṣə’wō:

16 wayyēṣē’ qayin millifənê yəhwâ wayyēšeḇ bə’ereṣ-nwōḏ qiḏəmaṯ-‘ēḏen:

17 wayyēḏ^a‘ qayin ’eṯ-’išətwō watahar watēleḏ ’eṯ-ḥănwōḵə wayəhî bōneh ‘îr wayyiqərā’ šēm hā‘îr kəšēm bənwō ḥănwōḵə:

18 wayyiûālēḏ l^aḥănwōḵə ’eṯ-‘îrāḏ wə‘îrāḏ yālaḏ ’eṯ-məḥûyā’ēl ûməḥîyyā’ēl yālaḏ ’eṯ-məṯûšā’ēl ûməṯûšā’ēl yālaḏ ’eṯ-lāmeḵə:

19 wayyiqq^aḥ-lwō lemeḵə šətê nāšîm šēm hā’^aḥaṯ ‘āḏâ wəšēm haššēnîṯ ṣillâ:

20 watēleḏ ‘āḏâ ’eṯ-yāḇāl hû’ hāyâ ’ăḇî yōšēḇ ’ōhel ûmiqəneh:

21 wəšēm ’āḥîw yûḇāl hû’ hāyâ ’ăḇî kāl-tōfēś kinnwōr wə‘ûḡāḇ:

22 wəṣillâ ḡam-hiw’ yāləḏâ ’eṯ-tûḇal qayin lōṭēš kāl-ḥōrēš nəḥōšeṯ ûḇarəzel wa’ăḥwōṯ tûḇal-qayin n^a‘ămâ:

23 wayyō’mer lemeḵə lənāšāyw ‘āḏâ wəṣillâ šəm^a‘an qwōlî nəšê lemeḵə ha’əzēnnâ ’imərāṯî kî ’îš hāraḡətî ləfiṣə‘î wəyeleḏ ləḥaburāṯî:

24 kî šiḇə‘āṯayim yuqqam-qāyin wəlemeḵə šiḇə‘îm wəšiḇə‘â:

25 wayyēḏ^a‘ ’āḏām ‘wōḏ ’eṯ-’išətwō watēleḏ bēn watiqərā’ ’eṯ-šəmwō šēṯ kî šāṯ-lî ’ĕlōhîm zer^a‘ ’^aḥēr t^aḥaṯ heḇel kî hărāḡwō qāyin:

26 ûləšēṯ gam-hû’ yullaḏ-bēn wayyiqərā’ ’eṯ-šəmwō ’ĕnwōš ’āz hûḥal liqərō’ bəšēm yəhwâ: f

‎1 ‏זֶ֣ה סֵ֔פֶר תּוֹלְדֹ֖ת אָדָ֑ם בְּי֗וֹם בְּרֹ֤א אֱלֹהִים֙ אָדָ֔ם בִּדְמ֥וּת אֱלֹהִ֖ים עָשָׂ֥ה אֹתֽוֹ׃

‎2 ‏זָכָ֥ר וּנְקֵבָ֖ה בְּרָאָ֑ם וַיְבָ֣רֶךְ אֹתָ֗ם וַיִּקְרָ֤א אֶת־שְׁמָם֙ אָדָ֔ם בְּי֖וֹם הִבָּֽרְאָֽם׃ ס

‎3 ‏וַֽיְחִ֣י אָדָ֗ם שְׁלֹשִׁ֤ים וּמְאַת֙ שָׁנָ֔ה וַיּ֥וֹלֶד בִּדְמוּת֖וֹ כְּצַלְמ֑וֹ וַיִּקְרָ֥א אֶת־שְׁמ֖וֹ שֵֽׁת׃

‎4 ‏וַיִּֽהְי֣וּ יְמֵי־אָדָ֗ם אַֽחֲרֵי֙ הוֹלִיד֣וֹ אֶת־שֵׁ֔ת שְׁמֹנֶ֥ה מֵאֹ֖ת שָׁנָ֑ה וַיּ֥וֹלֶד בָּנִ֖ים וּבָנֽוֹת׃

‎5 ‏וַיִּֽהְי֞וּ כָּל־יְמֵ֤י אָדָם֙ אֲשֶׁר־חַ֔י תְּשַׁ֤ע מֵאוֹת֙ שָׁנָ֔ה וּשְׁלֹשִׁ֖ים שָׁנָ֑ה וַיָּמֹֽת׃ ס

‎6 ‏וַֽיְחִי־שֵׁ֕ת חָמֵ֥שׁ שָׁנִ֖ים וּמְאַ֣ת שָׁנָ֑ה וַיּ֖וֹלֶד אֶת־אֱנֽוֹשׁ׃

‎7 ‏וַֽיְחִי־שֵׁ֗ת אַֽחֲרֵי֙ הוֹלִיד֣וֹ אֶת־אֱנ֔וֹשׁ שֶׁ֣בַע שָׁנִ֔ים וּשְׁמֹנֶ֥ה מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃

‎8 ‏וַיִּֽהְיוּ֙ כָּל־יְמֵי־שֵׁ֔ת שְׁתֵּ֤ים עֶשְׂרֵה֙ שָׁנָ֔ה וּתְשַׁ֥ע מֵא֖וֹת שָׁנָ֑ה וַיָּמֹֽת׃ ס

‎9 ‏וַֽיְחִ֥י אֱנ֖וֹשׁ תִּשְׁעִ֣ים שָׁנָ֑ה וַיּ֖וֹלֶד אֶת־קֵינָֽן׃

‎10 ‏וַֽיְחִ֣י אֱנ֗וֹשׁ אַֽחֲרֵי֙ הוֹלִיד֣וֹ אֶת־קֵינָ֔ן חֲמֵ֤שׁ עֶשְׂרֵה֙ שָׁנָ֔ה וּשְׁמֹנֶ֥ה מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃

‎11 ‏וַיִּֽהְיוּ֙ כָּל־יְמֵ֣י אֱנ֔וֹשׁ חָמֵ֣שׁ שָׁנִ֔ים וּתְשַׁ֥ע מֵא֖וֹת שָׁנָ֑ה וַיָּמֹֽת׃ ס

‎12 ‏וַֽיְחִ֥י קֵינָ֖ן שִׁבְעִ֣ים שָׁנָ֑ה וַיּ֖וֹלֶד אֶת־מַֽהֲלַלְאֵֽל׃

‎13 ‏וַיְחִ֣י קֵינָ֗ן אַחֲרֵי֙ הוֹלִיד֣וֹ אֶת־מַֽהֲלַלְאֵ֔ל אַרְבָּעִ֣ים שָׁנָ֔ה וּשְׁמֹנֶ֥ה מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃

‎14 ‏וַיִּֽהְיוּ֙ כָּל־יְמֵ֣י קֵינָ֔ן עֶ֣שֶׂר שָׁנִ֔ים וּתְשַׁ֥ע מֵא֖וֹת שָׁנָ֑ה וַיָּמֹֽת׃ ס

‎15 ‏וַֽיְחִ֣י מַֽהֲלַלְאֵ֔ל חָמֵ֥שׁ שָׁנִ֖ים וְשִׁשִּׁ֣ים שָׁנָ֑ה וַיּ֖וֹלֶד אֶת־יָֽרֶד׃

‎16 ‏וַֽיְחִ֣י מַֽהֲלַלְאֵ֗ל אַֽחֲרֵי֙ הוֹלִיד֣וֹ אֶת־יֶ֔רֶד שְׁלֹשִׁ֣ים שָׁנָ֔ה וּשְׁמֹנֶ֥ה מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃

‎17 ‏וַיִּהְיוּ֙ כָּל־יְמֵ֣י מַהֲלַלְאֵ֔ל חָמֵ֤שׁ וְתִשְׁעִים֙ שָׁנָ֔ה וּשְׁמֹנֶ֥ה מֵא֖וֹת שָׁנָ֑ה וַיָּמֹֽת׃ ס

‎18 ‏וַֽיְחִי־יֶ֕רֶד שְׁתַּ֧יִם וְשִׁשִּׁ֛ים שָׁנָ֖ה וּמְאַ֣ת שָׁנָ֑ה וַיּ֖וֹלֶד אֶת־חֲנֽוֹךְ׃

‎19 ‏וַֽיְחִי־יֶ֗רֶד אַֽחֲרֵי֙ הוֹלִיד֣וֹ אֶת־חֲנ֔וֹךְ שְׁמֹנֶ֥ה מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃

‎20 ‏וַיִּֽהְיוּ֙ כָּל־יְמֵי־יֶ֔רֶד שְׁתַּ֤יִם וְשִׁשִּׁים֙ שָׁנָ֔ה וּתְשַׁ֥ע מֵא֖וֹת שָׁנָ֑ה וַיָּמֹֽת׃ פ

‎21 ‏וַֽיְחִ֣י חֲנ֔וֹךְ חָמֵ֥שׁ וְשִׁשִּׁ֖ים שָׁנָ֑ה וַיּ֖וֹלֶד אֶת־מְתוּשָֽׁלַח׃

‎22 ‏וַיִּתְהַלֵּ֨ךְ חֲנ֜וֹךְ אֶת־הָֽאֱלֹהִ֗ים אַֽחֲרֵי֙ הוֹלִיד֣וֹ אֶת־מְתוּשֶׁ֔לַח שְׁלֹ֥שׁ מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃

‎23 ‏וַיְהִ֖י כָּל־יְמֵ֣י חֲנ֑וֹךְ חָמֵ֤שׁ וְשִׁשִּׁים֙ שָׁנָ֔ה וּשְׁלֹ֥שׁ מֵא֖וֹת שָׁנָֽה׃

‎24 ‏וַיִּתְהַלֵּ֥ךְ חֲנ֖וֹךְ אֶת־הָֽאֱלֹהִ֑ים וְאֵינֶ֕נּוּ כִּֽי־לָקַ֥ח אֹת֖וֹ אֱלֹהִֽים׃ פ

‎25 ‏וַיְחִ֣י מְתוּשֶׁ֔לַח שֶׁ֧בַע וּשְׁמֹנִ֛ים שָׁנָ֖ה וּמְאַ֣ת שָׁנָ֑ה וַיּ֖וֹלֶד אֶת־לָֽמֶךְ׃

‎26 ‏וַֽיְחִ֣י מְתוּשֶׁ֗לַח אַֽחֲרֵי֙ הוֹלִיד֣וֹ אֶת־לֶ֔מֶךְ שְׁתַּ֤יִם וּשְׁמוֹנִים֙ שָׁנָ֔ה וּשְׁבַ֥ע מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃

‎27 ‏וַיִּהְיוּ֙ כָּל־יְמֵ֣י מְתוּשֶׁ֔לַח תֵּ֤שַׁע וְשִׁשִּׁים֙ שָׁנָ֔ה וּתְשַׁ֥ע מֵא֖וֹת שָׁנָ֑ה וַיָּמֹֽת׃ פ

‎28 ‏וַֽיְחִי־לֶ֕מֶךְ שְׁתַּ֧יִם וּשְׁמֹנִ֛ים שָׁנָ֖ה וּמְאַ֣ת שָׁנָ֑ה וַיּ֖וֹלֶד בֵּֽן׃

‎29 ‏וַיִּקְרָ֧א אֶת־שְׁמ֛וֹ נֹ֖חַ לֵאמֹ֑ר זֶ֞ה֠³ יְנַחֲמֵ֤נוּ מִֽמַּעֲשֵׂ֙נוּ֙ וּמֵעִצְּב֣וֹן יָדֵ֔ינוּ מִן־הָ֣אֲדָמָ֔ה אֲשֶׁ֥ר אֵֽרְרָ֖הּ יְהוָֽה׃

‎30 ‏וַֽיְחִי־לֶ֗מֶךְ אַֽחֲרֵי֙ הוֹלִיד֣וֹ אֶת־נֹ֔חַ חָמֵ֤שׁ וְתִשְׁעִים֙ שָׁנָ֔ה וַחֲמֵ֥שׁ מֵאֹ֖ת שָׁנָ֑ה וַיּ֥וֹלֶד בָּנִ֖ים וּבָנֽוֹת׃

‎31 ‏וַֽיְהִי֙ כָּל־יְמֵי־לֶ֔מֶךְ שֶׁ֤בַע וְשִׁבְעִים֙ שָׁנָ֔ה וּשְׁבַ֥ע מֵא֖וֹת שָׁנָ֑ה וַיָּמֹֽת׃ ס

‎32 ‏וַֽיְהִי־נֹ֕חַ בֶּן־חֲמֵ֥שׁ מֵא֖וֹת שָׁנָ֑ה וַיּ֣וֹלֶד נֹ֔חַ אֶת־שֵׁ֖ם אֶת־חָ֥ם וְאֶת־יָֽפֶת׃

1 zeh sēfer twōləḏōṯ ’āḏām bəywōm bərō’ ’ĕlōhîm ’āḏām biḏəmûṯ ’ĕlōhîm ‘āśâ ’ōṯwō:

2 zāḵār ûnəqēḇâ bərā’ām wayəḇāreḵə ’ōṯām wayyiqərā’ ’eṯ-šəmām ’āḏām bəywōm hibārə’ām: s

3 wayəḥî ’āḏām šəlōšîm ûmə’aṯ šānâ wayywōleḏ biḏəmûṯwō kəṣaləmwō wayyiqərā’ ’eṯ-šəmwō šēṯ:

4 wayyihəyû yəmê-’āḏām ’^aḥărê hwōlîḏwō ’eṯ-šēṯ šəmōneh mē’ōṯ šānâ wayywōleḏ bānîm ûḇānwōṯ:

5 wayyihəyû kāl-yəmê ’āḏām ’ăšer-ḥay təš^a‘ mē’wōṯ šānâ ûšəlōšîm šānâ wayyāmōṯ: s

6 wayəḥî-šēṯ ḥāmēš šānîm ûmə’aṯ šānâ wayywōleḏ ’eṯ-’ĕnwōš:

7 wayəḥî-šēṯ ’^aḥărê hwōlîḏwō ’eṯ-’ĕnwōš šeḇ^a‘ šānîm ûšəmōneh mē’wōṯ šānâ wayywōleḏ bānîm ûḇānwōṯ:

8 wayyihəyû kāl-yəmê-šēṯ šətêm ‘eśərēh šānâ ûṯəš^a‘ mē’wōṯ šānâ wayyāmōṯ: s

9 wayəḥî ’ĕnwōš tišə‘îm šānâ wayywōleḏ ’eṯ-qênān:

10 wayəḥî ’ĕnwōš ’^aḥărê hwōlîḏwō ’eṯ-qênān ḥămēš ‘eśərēh šānâ ûšəmōneh mē’wōṯ šānâ wayywōleḏ bānîm ûḇānwōṯ:

11 wayyihəyû kāl-yəmê ’ĕnwōš ḥāmēš šānîm ûṯəš^a‘ mē’wōṯ šānâ wayyāmōṯ: s

12 wayəḥî qênān šiḇə‘îm šānâ wayywōleḏ ’eṯ-mahălalə’ēl:

13 wayəḥî qênān ’^aḥărê hwōlîḏwō ’eṯ-mahălalə’ēl ’arəbā‘îm šānâ ûšəmōneh mē’wōṯ šānâ wayywōleḏ bānîm ûḇānwōṯ:

14 wayyihəyû kāl-yəmê qênān ‘eśer šānîm ûṯəš^a‘ mē’wōṯ šānâ wayyāmōṯ: s

15 wayəḥî mahălalə’ēl ḥāmēš šānîm wəšiššîm šānâ wayywōleḏ ’eṯ-yāreḏ:

16 wayəḥî mahălalə’ēl ’^aḥărê hwōlîḏwō ’eṯ-yereḏ šəlōšîm šānâ ûšəmōneh mē’wōṯ šānâ wayywōleḏ bānîm ûḇānwōṯ:

17 wayyihəyû kāl-yəmê mahălalə’ēl ḥāmēš wəṯišə‘îm šānâ ûšəmōneh mē’wōṯ šānâ wayyāmōṯ: s

18 wayəḥî-yereḏ šətayim wəšiššîm šānâ ûmə’aṯ šānâ wayywōleḏ ’eṯ-ḥănwōḵə:

19 wayəḥî-yereḏ ’^aḥărê hwōlîḏwō ’eṯ-ḥănwōḵə šəmōneh mē’wōṯ šānâ wayywōleḏ bānîm ûḇānwōṯ:

20 wayyihəyû kāl-yəmê-yereḏ šətayim wəšiššîm šānâ ûṯəš^a‘ mē’wōṯ šānâ wayyāmōṯ: f

21 wayəḥî ḥănwōḵə ḥāmēš wəšiššîm šānâ wayywōleḏ ’eṯ-məṯûšāl^aḥ:

22 wayyiṯəhallēḵə ḥănwōḵə ’eṯ-hā’ĕlōhîm ’^aḥărê hwōlîḏwō ’eṯ-məṯûšel^aḥ šəlōš mē’wōṯ šānâ wayywōleḏ bānîm ûḇānwōṯ:

23 wayəhî kāl-yəmê ḥănwōḵə ḥāmēš wəšiššîm šānâ ûšəlōš mē’wōṯ šānâ:

24 wayyiṯəhallēḵə ḥănwōḵə ’eṯ-hā’ĕlōhîm wə’ênennû kî-lāq^aḥ ’ōṯwō ’ĕlōhîm: f

25 wayəḥî məṯûšel^aḥ šeḇ^a‘ ûšəmōnîm šānâ ûmə’aṯ šānâ wayywōleḏ ’eṯ-lāmeḵə:

26 wayəḥî məṯûšel^aḥ ’^aḥărê hwōlîḏwō ’eṯ-lemeḵə šətayim ûšəmwōnîm šānâ ûšəḇ^a‘ mē’wōṯ šānâ wayywōleḏ bānîm ûḇānwōṯ:

27 wayyihəyû kāl-yəmê məṯûšel^aḥ tēš^a‘ wəšiššîm šānâ ûṯəš^a‘ mē’wōṯ šānâ wayyāmōṯ: f

28 wayəḥî-lemeḵə šətayim ûšəmōnîm šānâ ûmə’aṯ šānâ wayywōleḏ bēn:

29 wayyiqərā’ ’eṯ-šəmwō nōḥa lē’mōr zeh³ yən^aḥămēnû mimm^a‘ăśēnû ûmē‘iṣṣəḇwōn yāḏênû min-hā’ăḏāmâ ’ăšer ’ērərāh yəhwâ:

30 wayəḥî-lemeḵə ’^aḥărê hwōlîḏwō ’eṯ-nōḥa ḥāmēš wəṯišə‘îm šānâ w^aḥămēš mē’ōṯ šānâ wayywōleḏ bānîm ûḇānwōṯ:

31 wayəhî kāl-yəmê-lemeḵə šeḇ^a‘ wəšiḇə‘îm šānâ ûšəḇ^a‘ mē’wōṯ šānâ wayyāmōṯ: s

32 wayəhî-nōḥa ben-ḥămēš mē’wōṯ šānâ wayywōleḏ nōḥa ’eṯ-šēm ’eṯ-ḥām wə’eṯ-yāfeṯ:

‎1 ‏וַֽיְהִי֙ כִּֽי־הֵחֵ֣ל הָֽאָדָ֔ם לָרֹ֖ב עַל־פְּנֵ֣י הָֽאֲדָמָ֑ה וּבָנ֖וֹת יֻלְּד֥וּ לָהֶֽם׃

‎2 ‏וַיִּרְא֤וּ בְנֵי־הָֽאֱלֹהִים֙ אֶת־בְּנ֣וֹת הָֽאָדָ֔ם כִּ֥י טֹבֹ֖ת הֵ֑נָּה וַיִּקְח֤וּ לָהֶם֙ נָשִׁ֔ים מִכֹּ֖ל אֲשֶׁ֥ר בָּחָֽרוּ׃

‎3 ‏וַיֹּ֣אמֶר יְהוָ֗ה לֹֽא־יָד֨וֹן רוּחִ֤י בָֽאָדָם֙ לְעֹלָ֔ם בְּשַׁגַּ֖ם ה֣וּא בָשָׂ֑ר וְהָי֣וּ יָמָ֔יו מֵאָ֥ה וְעֶשְׂרִ֖ים שָׁנָֽה׃

‎4 ‏הַנְּפִלִ֞ים הָי֣וּ בָאָרֶץ֮ בַּיָּמִ֣ים הָהֵם֒ וְגַ֣ם אַֽחֲרֵי־כֵ֗ן אֲשֶׁ֨ר יָבֹ֜אוּ בְּנֵ֤י הָֽאֱלֹהִים֙ אֶל־בְּנ֣וֹת הָֽאָדָ֔ם וְיָלְד֖וּ לָהֶ֑ם הֵ֧מָּה הַגִּבֹּרִ֛ים אֲשֶׁ֥ר מֵעוֹלָ֖ם אַנְשֵׁ֥י הַשֵּֽׁם׃ פ

‎5 ‏וַיַּ֣רְא יְהוָ֔ה כִּ֥י רַבָּ֛ה רָעַ֥ת הָאָדָ֖ם בָּאָ֑רֶץ וְכָל־יֵ֙צֶר֙ מַחְשְׁבֹ֣ת לִבּ֔וֹ רַ֥ק רַ֖ע כָּל־הַיּֽוֹם׃

‎6 ‏וַיִּנָּ֣חֶם יְהוָ֔ה כִּֽי־עָשָׂ֥ה אֶת־הָֽאָדָ֖ם בָּאָ֑רֶץ וַיִּתְעַצֵּ֖ב אֶל־לִבּֽוֹ׃

‎7 ‏וַיֹּ֣אמֶר יְהוָ֗ה אֶמְחֶ֨ה אֶת־הָאָדָ֤ם אֲשֶׁר־בָּרָ֙אתִי֙ מֵעַל֙ פְּנֵ֣י הָֽאֲדָמָ֔ה מֵֽאָדָם֙ עַד־בְּהֵמָ֔ה עַד־רֶ֖מֶשׂ וְעַד־ע֣וֹף הַשָּׁמָ֑יִם כִּ֥י נִחַ֖מְתִּי כִּ֥י עֲשִׂיתִֽם׃

‎8 ‏וְנֹ֕חַ מָ֥צָא חֵ֖ן בְּעֵינֵ֥י יְהוָֽה׃ פ

‎9 ‏אֵ֚לֶּה תּוֹלְדֹ֣ת נֹ֔חַ נֹ֗חַ אִ֥ישׁ צַדִּ֛יק תָּמִ֥ים הָיָ֖ה בְּדֹֽרֹתָ֑יו אֶת־הָֽאֱלֹהִ֖ים הִֽתְהַלֶּךְ־נֹֽחַ׃

‎10 ‏וַיּ֥וֹלֶד נֹ֖חַ שְׁלֹשָׁ֣ה בָנִ֑ים אֶת־שֵׁ֖ם אֶת־חָ֥ם וְאֶת־יָֽפֶת׃

‎11 ‏וַתִּשָּׁחֵ֥ת הָאָ֖רֶץ לִפְנֵ֣י הָֽאֱלֹהִ֑ים וַתִּמָּלֵ֥א הָאָ֖רֶץ חָמָֽס׃

‎12 ‏וַיַּ֧רְא אֱלֹהִ֛ים אֶת־הָאָ֖רֶץ וְהִנֵּ֣ה נִשְׁחָ֑תָה כִּֽי־הִשְׁחִ֧ית כָּל־בָּשָׂ֛ר אֶת־דַּרְכּ֖וֹ עַל־הָאָֽרֶץ׃ ס

‎13 ‏וַיֹּ֨אמֶר אֱלֹהִ֜ים לְנֹ֗חַ קֵ֤ץ כָּל־בָּשָׂר֙ בָּ֣א לְפָנַ֔י כִּֽי־מָלְאָ֥ה הָאָ֛רֶץ חָמָ֖ס מִפְּנֵיהֶ֑ם וְהִנְנִ֥י מַשְׁחִיתָ֖ם אֶת־הָאָֽרֶץ׃

‎14 ‏עֲשֵׂ֤ה לְךָ֙ תֵּבַ֣ת עֲצֵי־גֹ֔פֶר קִנִּ֖ים תַּֽעֲשֶׂ֣ה אֶת־הַתֵּבָ֑ה וְכָֽפַרְתָּ֥ אֹתָ֛הּ מִבַּ֥יִת וּמִח֖וּץ בַּכֹּֽפֶר׃

‎15 ‏וְזֶ֕ה אֲשֶׁ֥ר תַּֽעֲשֶׂ֖ה אֹתָ֑הּ שְׁלֹ֧שׁ מֵא֣וֹת אַמָּ֗ה אֹ֚רֶךְ הַתֵּבָ֔ה חֲמִשִּׁ֤ים אַמָּה֙ רָחְבָּ֔הּ וּשְׁלֹשִׁ֥ים אַמָּ֖ה קוֹמָתָֽהּ׃

‎16 ‏צֹ֣הַר׀ תַּעֲשֶׂ֣ה³ לַתֵּבָ֗ה וְאֶל־אַמָּה֙ תְּכַלֶ֣נָּה¹ מִלְמַ֔עְלָה וּפֶ֥תַח הַתֵּבָ֖ה בְּצִדָּ֣הּ תָּשִׂ֑ים תַּחְתִּיִּ֛ם שְׁנִיִּ֥ם וּשְׁלִשִׁ֖ים תַּֽעֲשֶֽׂהָ׃

‎17 ‏וַאֲנִ֗י הִנְנִי֩ מֵבִ֨יא אֶת־הַמַּבּ֥וּל מַ֙יִם֙ עַל־הָאָ֔רֶץ לְשַׁחֵ֣ת כָּל־בָּשָׂ֗ר אֲשֶׁר־בּוֹ֙ ר֣וּחַ חַיִּ֔ים מִתַּ֖חַת הַשָּׁמָ֑יִם כֹּ֥ל אֲשֶׁר־בָּאָ֖רֶץ יִגְוָֽע׃

‎18 ‏וַהֲקִמֹתִ֥י אֶת־בְּרִיתִ֖י אִתָּ֑ךְ וּבָאתָ֙ אֶל־הַתֵּבָ֔ה אַתָּ֕ה וּבָנֶ֛יךָ וְאִשְׁתְּךָ֥ וּנְשֵֽׁי־בָנֶ֖יךָ אִתָּֽךְ׃

‎19 ‏וּמִכָּל־הָ֠חַי מִֽכָּל־בָּשָׂ֞ר שְׁנַ֧יִם מִכֹּ֛ל תָּבִ֥יא אֶל־הַתֵּבָ֖ה לְהַחֲיֹ֣ת אִתָּ֑ךְ זָכָ֥ר וּנְקֵבָ֖ה יִֽהְיֽוּ׃

‎20 ‏מֵהָע֣וֹף לְמִינֵ֗הוּ וּמִן־הַבְּהֵמָה֙ לְמִינָ֔הּ מִכֹּ֛ל רֶ֥מֶשׂ הָֽאֲדָמָ֖ה לְמִינֵ֑הוּ שְׁנַ֧יִם מִכֹּ֛ל יָבֹ֥אוּ אֵלֶ֖יךָ לְהַֽחֲיֽוֹת׃

‎21 ‏וְאַתָּ֣ה קַח־לְךָ֗ מִכָּל־מַֽאֲכָל֙ אֲשֶׁ֣ר יֵֽאָכֵ֔ל וְאָסַפְתָּ֖ אֵלֶ֑יךָ וְהָיָ֥ה לְךָ֛ וְלָהֶ֖ם לְאָכְלָֽה׃

‎22 ‏וַיַּ֖עַשׂ נֹ֑חַ כְּ֠כֹל אֲשֶׁ֨ר צִוָּ֥ה אֹת֛וֹ אֱלֹהִ֖ים³ כֵּ֥ן עָשָֽׂה׃ ס

1 wayəhî kî-hēḥēl hā’āḏām lārōḇ ‘al-pənê hā’ăḏāmâ ûḇānwōṯ yulləḏû lâem:

2 wayyirə’û ḇənê-hā’ĕlōhîm ’eṯ-bənwōṯ hā’āḏām kî ṭōḇōṯ hēnnâ wayyiqəḥû lâem nāšîm mikōl ’ăšer bāḥārû:

3 wayyō’mer yəhwâ lō’-yāḏwōn rûḥî ḇā’āḏām lə‘ōlām bəšagam hû’ ḇāśār wəhāyû yāmāyw mē’â wə‘eśərîm šānâ:

4 hannəfilîm hāyû ḇā’āreṣ bayyāmîm hâēm wəḡam ’^aḥărê-ḵēn ’ăšer yāḇō’û bənê hā’ĕlōhîm ’el-bənwōṯ hā’āḏām wəyāləḏû lâem hēmmâ hagibōrîm ’ăšer mē‘wōlām ’anəšê haššēm: f

5 wayyarə’ yəhwâ kî rabâ rā‘aṯ hā’āḏām bā’āreṣ wəḵāl-yēṣer m^aḥəšəḇōṯ libwō raq r^a‘ kāl-hayywōm:

6 wayyinnāḥem yəhwâ kî-‘āśâ ’eṯ-hā’āḏām bā’āreṣ wayyiṯə‘aṣṣēḇ ’el-libwō:

7 wayyō’mer yəhwâ ’eməḥeh ’eṯ-hā’āḏām ’ăšer-bārā’ṯî mē‘al pənê hā’ăḏāmâ mē’āḏām ‘aḏ-bəhēmâ ‘aḏ-remeś wə‘aḏ-‘wōf haššāmāyim kî niḥamətî kî ‘ăśîṯim:

8 wənōḥa māṣā’ ḥēn bə‘ênê yəhwâ: f

9 ’ēlleh twōləḏōṯ nōḥa nōḥa ’îš ṣadîq tāmîm hāyâ bəḏōrōṯāyw ’eṯ-hā’ĕlōhîm hiṯəhalleḵə-nōḥa:

10 wayywōleḏ nōḥa šəlōšâ ḇānîm ’eṯ-šēm ’eṯ-ḥām wə’eṯ-yāfeṯ:

11 watiššāḥēṯ hā’āreṣ lifənê hā’ĕlōhîm watimmālē’ hā’āreṣ ḥāmās:

12 wayyarə’ ’ĕlōhîm ’eṯ-hā’āreṣ wəhinnēh nišəḥāṯâ kî-hišəḥîṯ kāl-bāśār ’eṯ-darəkwō ‘al-hā’āreṣ: s

13 wayyō’mer ’ĕlōhîm lənōḥa qēṣ kāl-bāśār bā’ ləfānay kî-mālə’â hā’āreṣ ḥāmās mipənêhem wəhinənî mašəḥîṯām ’eṯ-hā’āreṣ:

14 ‘ăśēh ləḵā tēḇaṯ ‘ăṣê-ḡōfer qinnîm t^a‘ăśeh ’eṯ-hatēḇâ wəḵāfarətā ’ōṯāh mibayiṯ ûmiḥûṣ bakōfer:

15 wəzeh ’ăšer t^a‘ăśeh ’ōṯāh šəlōš mē’wōṯ ’ammâ ’ōreḵə hatēḇâ ḥămiššîm ’ammâ rāḥəbāh ûšəlōšîm ’ammâ qwōmāṯāh:

16 ṣōhar| t^a‘ăśeh³ latēḇâ wə’el-’ammâ təḵalennâ¹ miləm^a‘əlâ ûfeṯ^aḥ hatēḇâ bəṣidāh tāśîm t^aḥətîyim šənîyim ûšəlišîm t^a‘ăśehā:

17 wa’ănî hinənî mēḇî’ ’eṯ-hammabûl mayim ‘al-hā’āreṣ ləš^aḥēṯ kāl-bāśār ’ăšer-bwō rûḥa ḥayyîm mit^aḥaṯ haššāmāyim kōl ’ăšer-bā’āreṣ yiḡəwā‘:

18 wahăqimōṯî ’eṯ-bərîṯî ’itāḵə ûḇā’ṯā ’el-hatēḇâ ’atâ ûḇāneyḵā wə’išətəḵā ûnəšê-ḇāneyḵā ’itāḵə:

19 ûmikāl-hāḥay mikāl-bāśār šənayim mikōl tāḇî’ ’el-hatēḇâ ləh^aḥăyōṯ ’itāḵə zāḵār ûnəqēḇâ yihəyû:

20 mēhā‘wōf ləmînēhû ûmin-habəhēmâ ləmînāh mikōl remeś hā’ăḏāmâ ləmînēhû šənayim mikōl yāḇō’û ’ēleyḵā ləh^aḥăywōṯ:

21 wə’atâ q^aḥ-ləḵā mikāl-ma’ăḵāl ’ăšer yē’āḵēl wə’āsafətā ’ēleyḵā wəhāyâ ləḵā wəlâem lə’āḵəlâ:

22 wayy^a‘aś nōḥa kəḵōl ’ăšer ṣiûâ ’ōṯwō ’ĕlōhîm³ kēn ‘āśâ: s

‎1 ‏וַיֹּ֤אמֶר יְהוָה֙ לְנֹ֔חַ בֹּֽא־אַתָּ֥ה וְכָל־בֵּיתְךָ֖ אֶל־הַתֵּבָ֑ה כִּֽי־אֹתְךָ֥ רָאִ֛יתִי צַדִּ֥יק לְפָנַ֖י בַּדּ֥וֹר הַזֶּֽה׃

‎2 ‏מִכֹּ֣ל׀ הַבְּהֵמָ֣ה הַטְּהוֹרָ֗ה תִּֽקַּח־לְךָ֛ שִׁבְעָ֥ה שִׁבְעָ֖ה אִ֣ישׁ וְאִשְׁתּ֑וֹ וּמִן־הַבְּהֵמָ֡ה אֲ֠שֶׁר לֹ֣א טְהֹרָ֥ה הִ֛וא שְׁנַ֖יִם אִ֥ישׁ וְאִשְׁתּֽוֹ׃

‎3 ‏גַּ֣ם מֵע֧וֹף הַשָּׁמַ֛יִם שִׁבְעָ֥ה שִׁבְעָ֖ה זָכָ֣ר וּנְקֵבָ֑ה לְחַיּ֥וֹת זֶ֖רַע עַל־פְּנֵ֥י כָל־הָאָֽרֶץ׃

‎4 ‏כִּי֩ לְיָמִ֨ים ע֜וֹד שִׁבְעָ֗ה אָֽנֹכִי֙ מַמְטִ֣יר עַל־הָאָ֔רֶץ אַרְבָּעִ֣ים י֔וֹם וְאַרְבָּעִ֖ים לָ֑יְלָה וּמָחִ֗יתִי אֶֽת־כָּל־הַיְקוּם֙ אֲשֶׁ֣ר עָשִׂ֔יתִי מֵעַ֖ל פְּנֵ֥י הָֽאֲדָמָֽה׃

‎5 ‏וַיַּ֖עַשׂ נֹ֑חַ כְּכֹ֥ל אֲשֶׁר־צִוָּ֖הוּ יְהוָֽה׃

‎6 ‏וְנֹ֕חַ בֶּן־שֵׁ֥שׁ מֵא֖וֹת שָׁנָ֑ה וְהַמַּבּ֣וּל הָיָ֔ה מַ֖יִם עַל־הָאָֽרֶץ׃

‎7 ‏וַיָּ֣בֹא נֹ֗חַ וּ֠בָנָיו וְאִשְׁתּ֧וֹ וּנְשֵֽׁי־בָנָ֛יו אִתּ֖וֹ אֶל־הַתֵּבָ֑ה מִפְּנֵ֖י מֵ֥י הַמַּבּֽוּל׃

‎8 ‏מִן־הַבְּהֵמָה֙ הַטְּהוֹרָ֔ה וּמִן־הַ֨בְּהֵמָ֔ה אֲשֶׁ֥ר אֵינֶ֖נָּה טְהֹרָ֑ה וּמִ֨ן־הָע֔וֹף וְכֹ֥ל אֲשֶׁר־רֹמֵ֖שׂ עַל־הָֽאֲדָמָֽה׃

‎9 ‏שְׁנַ֨יִם שְׁנַ֜יִם בָּ֧אוּ אֶל־נֹ֛חַ אֶל־הַתֵּבָ֖ה זָכָ֣ר וּנְקֵבָ֑ה כַּֽאֲשֶׁ֛ר צִוָּ֥ה אֱלֹהִ֖ים אֶת־נֹֽחַ׃

‎10 ‏וַֽיְהִ֖י לְשִׁבְעַ֣ת הַיָּמִ֑ים וּמֵ֣י הַמַּבּ֔וּל הָי֖וּ עַל־הָאָֽרֶץ׃

‎11 ‏בִּשְׁנַ֨ת שֵׁשׁ־מֵא֤וֹת שָׁנָה֙ לְחַיֵּי־נֹ֔חַ בַּחֹ֙דֶשׁ֙ הַשֵּׁנִ֔י בְּשִׁבְעָֽה־עָשָׂ֥ר י֖וֹם לַחֹ֑דֶשׁ בַּיּ֣וֹם הַזֶּ֗ה נִבְקְעוּ֙ כָּֽל־מַעְיְנֹת֙ תְּה֣וֹם רַבָּ֔ה וַאֲרֻבֹּ֥ת הַשָּׁמַ֖יִם נִפְתָּֽחוּ׃

‎12 ‏וַֽיְהִ֥י הַגֶּ֖שֶׁם עַל־הָאָ֑רֶץ אַרְבָּעִ֣ים י֔וֹם וְאַרְבָּעִ֖ים לָֽיְלָה׃

‎13 ‏בְּעֶ֨צֶם הַיּ֤וֹם הַזֶּה֙ בָּ֣א נֹ֔חַ וְשֵׁם־וְחָ֥ם וָיֶ֖פֶת בְּנֵי־נֹ֑חַ וְאֵ֣שֶׁת נֹ֗חַ וּשְׁלֹ֧שֶׁת נְשֵֽׁי־בָנָ֛יו אִתָּ֖ם אֶל־הַתֵּבָֽה׃

‎14 ‏הֵ֜מָּה וְכָל־הַֽחַיָּ֣ה לְמִינָ֗הּ וְכָל־הַבְּהֵמָה֙ לְמִינָ֔הּ וְכָל־הָרֶ֛מֶשׂ הָרֹמֵ֥שׂ עַל־הָאָ֖רֶץ לְמִינֵ֑הוּ וְכָל־הָע֣וֹף לְמִינֵ֔הוּ כֹּ֖ל צִפּ֥וֹר כָּל־כָּנָֽף׃

‎15 ‏וַיָּבֹ֥אוּ אֶל־נֹ֖חַ אֶל־הַתֵּבָ֑ה שְׁנַ֤יִם שְׁנַ֙יִם֙ מִכָּל־הַבָּשָׂ֔ר אֲשֶׁר־בּ֖וֹ ר֥וּחַ חַיִּֽים׃

‎16 ‏וְהַבָּאִ֗ים זָכָ֨ר וּנְקֵבָ֤ה מִכָּל־בָּשָׂר֙ בָּ֔אוּ כַּֽאֲשֶׁ֛ר צִוָּ֥ה אֹת֖וֹ אֱלֹהִ֑ים וַיִּסְגֹּ֥ר יְהוָ֖ה בַּֽעֲדֽוֹ׃

‎17 ‏וַֽיְהִ֧י הַמַּבּ֛וּל אַרְבָּעִ֥ים י֖וֹם עַל־הָאָ֑רֶץ וַיִּרְבּ֣וּ הַמַּ֗יִם וַיִּשְׂאוּ֙ אֶת־הַתֵּבָ֔ה וַתָּ֖רָם מֵעַ֥ל הָאָֽרֶץ׃

‎18 ‏וַיִּגְבְּר֥וּ הַמַּ֛יִם וַיִּרְבּ֥וּ מְאֹ֖ד עַל־הָאָ֑רֶץ וַתֵּ֥לֶךְ הַתֵּבָ֖ה עַל־פְּנֵ֥י הַמָּֽיִם׃

‎19 ‏וְהַמַּ֗יִם גָּ֥בְר֛וּ³ מְאֹ֥ד מְאֹ֖ד עַל־הָאָ֑רֶץ וַיְכֻסּ֗וּ כָּל־הֶֽהָרִים֙ הַגְּבֹהִ֔ים אֲשֶׁר־תַּ֖חַת כָּל־הַשָּׁמָֽיִם׃

‎20 ‏חֲמֵ֨שׁ עֶשְׂרֵ֤ה אַמָּה֙ מִלְמַ֔עְלָה גָּבְר֖וּ הַמָּ֑יִם וַיְכֻסּ֖וּ הֶהָרִֽים׃

‎21 ‏וַיִּגְוַ֞ע כָּל־בָּשָׂ֣ר׀ הָרֹמֵ֣שׂ עַל־הָאָ֗רֶץ בָּע֤וֹף וּבַבְּהֵמָה֙ וּבַ֣חַיָּ֔ה וּבְכָל־הַשֶּׁ֖רֶץ הַשֹּׁרֵ֣ץ עַל־הָאָ֑רֶץ וְכֹ֖ל הָאָדָֽם׃

‎22 ‏כֹּ֡ל אֲשֶׁר֩ נִשְׁמַת־ר֨וּחַ חַיִּ֜ים בְּאַפָּ֗יו מִכֹּ֛ל אֲשֶׁ֥ר בֶּחָֽרָבָ֖ה מֵֽתוּ׃

‎23 ‏וַיִּ֜מַח אֶֽת־כָּל־הַיְק֣וּם׀ אֲשֶׁ֣ר׀ עַל־פְּנֵ֣י הָֽאֲדָמָ֗ה מֵאָדָ֤ם עַד־בְּהֵמָה֙ עַד־רֶ֙מֶשׂ֙ וְעַד־ע֣וֹף הַשָּׁמַ֔יִם וַיִּמָּח֖וּ מִן־הָאָ֑רֶץ וַיִשָּׁ֧אֶר¹ אַךְ־נֹ֛חַ וַֽאֲשֶׁ֥ר אִתּ֖וֹ בַּתֵּבָֽה׃

‎24 ‏וַיִּגְבְּר֥וּ הַמַּ֖יִם עַל־הָאָ֑רֶץ חֲמִשִּׁ֥ים וּמְאַ֖ת יֽוֹם׃

1 wayyō’mer yəhwâ lənōḥa bō’-’atâ wəḵāl-bêṯəḵā ’el-hatēḇâ kî-’ōṯəḵā rā’îṯî ṣadîq ləfānay badwōr hazzeh:

2 mikōl| habəhēmâ haṭṭəhwōrâ tiqq^aḥ-ləḵā šiḇə‘â šiḇə‘â ’îš wə’išətwō ûmin-habəhēmâ ’ăšer lō’ ṭəhōrâ hiw’ šənayim ’îš wə’išətwō:

3 gam mē‘wōf haššāmayim šiḇə‘â šiḇə‘â zāḵār ûnəqēḇâ ləḥayywōṯ zer^a‘ ‘al-pənê ḵāl-hā’āreṣ:

4 kî ləyāmîm ‘wōḏ šiḇə‘â ’ānōḵî maməṭîr ‘al-hā’āreṣ ’arəbā‘îm ywōm wə’arəbā‘îm lāyəlâ ûmāḥîṯî ’eṯ-kāl-hayəqûm ’ăšer ‘āśîṯî mē‘al pənê hā’ăḏāmâ:

5 wayy^a‘aś nōḥa kəḵōl ’ăšer-ṣiûâû yəhwâ:

6 wənōḥa ben-šēš mē’wōṯ šānâ wəhammabûl hāyâ mayim ‘al-hā’āreṣ:

7 wayyāḇō’ nōḥa ûḇānāyw wə’išətwō ûnəšê-ḇānāyw ’itwō ’el-hatēḇâ mipənê mê hammabûl:

8 min-habəhēmâ haṭṭəhwōrâ ûmin-habəhēmâ ’ăšer ’ênennâ ṭəhōrâ ûmin-hā‘wōf wəḵōl ’ăšer-rōmēś ‘al-hā’ăḏāmâ:

9 šənayim šənayim bā’û ’el-nōḥa ’el-hatēḇâ zāḵār ûnəqēḇâ ka’ăšer ṣiûâ ’ĕlōhîm ’eṯ-nōḥa:

10 wayəhî ləšiḇə‘aṯ hayyāmîm ûmê hammabûl hāyû ‘al-hā’āreṣ:

11 bišənaṯ šēš-mē’wōṯ šānâ ləḥayyê-nōḥa b^aḥōḏeš haššēnî bəšiḇə‘â-‘āśār ywōm l^aḥōḏeš bayywōm hazzeh niḇəqə‘û kāl-m^a‘əyənōṯ təhwōm rabâ wa’ărubōṯ haššāmayim nifətāḥû:

12 wayəhî hagešem ‘al-hā’āreṣ ’arəbā‘îm ywōm wə’arəbā‘îm lāyəlâ:

13 bə‘eṣem hayywōm hazzeh bā’ nōḥa wəšēm-wəḥām wāyefeṯ bənê-nōḥa wə’ēšeṯ nōḥa ûšəlōšeṯ nəšê-ḇānāyw ’itām ’el-hatēḇâ:

14 hēmmâ wəḵāl-h^aḥayyâ ləmînāh wəḵāl-habəhēmâ ləmînāh wəḵāl-hāremeś hārōmēś ‘al-hā’āreṣ ləmînēhû wəḵāl-hā‘wōf ləmînēhû kōl ṣipwōr kāl-kānāf:

15 wayyāḇō’û ’el-nōḥa ’el-hatēḇâ šənayim šənayim mikāl-habāśār ’ăšer-bwō rûḥa ḥayyîm:

16 wəhabā’îm zāḵār ûnəqēḇâ mikāl-bāśār bā’û ka’ăšer ṣiûâ ’ōṯwō ’ĕlōhîm wayyisəgōr yəhwâ b^a‘ăḏwō:

17 wayəhî hammabûl ’arəbā‘îm ywōm ‘al-hā’āreṣ wayyirəbû hammayim wayyiśə’û ’eṯ-hatēḇâ watārām mē‘al hā’āreṣ:

18 wayyiḡəbərû hammayim wayyirəbû mə’ōḏ ‘al-hā’āreṣ watēleḵə hatēḇâ ‘al-pənê hammāyim:

19 wəhammayim gāḇərû³ mə’ōḏ mə’ōḏ ‘al-hā’āreṣ wayəḵussû kāl-hehārîm hagəḇōhîm ’ăšer-t^aḥaṯ kāl-haššāmāyim:

20 ḥămēš ‘eśərēh ’ammâ miləm^a‘əlâ gāḇərû hammāyim wayəḵussû hehārîm:

21 wayyiḡəw^a‘ kāl-bāśār| hārōmēś ‘al-hā’āreṣ bā‘wōf ûḇabəhēmâ ûḇ^aḥayyâ ûḇəḵāl-haššereṣ haššōrēṣ ‘al-hā’āreṣ wəḵōl hā’āḏām:

22 kōl ’ăšer nišəmaṯ-rûḥa ḥayyîm bə’apāyw mikōl ’ăšer beḥārāḇâ mēṯû:

23 wayyim^aḥ ’eṯ-kāl-hayəqûm| ’ăšer| ‘al-pənê hā’ăḏāmâ mē’āḏām ‘aḏ-bəhēmâ ‘aḏ-remeś wə‘aḏ-‘wōf haššāmayim wayyimmāḥû min-hā’āreṣ wayiššā’er¹ ’aḵə-nōḥa wa’ăšer ’itwō batēḇâ:

24 wayyiḡəbərû hammayim ‘al-hā’āreṣ ḥămiššîm ûmə’aṯ ywōm:

‎1 ‏וַיִּזְכֹּ֤ר אֱלֹהִים֙ אֶת־נֹ֔חַ וְאֵ֤ת כָּל־הַֽחַיָּה֙ וְאֶת־כָּל־הַבְּהֵמָ֔ה אֲשֶׁ֥ר אִתּ֖וֹ בַּתֵּבָ֑ה וַיַּעֲבֵ֨ר אֱלֹהִ֥ים ר֙וּחַ֙ עַל־הָאָ֔רֶץ וַיָּשֹׁ֖כּוּ הַמָּֽיִם׃

‎2 ‏וַיִּסָּֽכְרוּ֙ מַעְיְנֹ֣ת תְּה֔וֹם וַֽאֲרֻבֹּ֖ת הַשָּׁמָ֑יִם וַיִּכָּלֵ֥א הַגֶּ֖שֶׁם מִן־הַשָּׁמָֽיִם׃

‎3 ‏וַיָּשֻׁ֧בוּ הַמַּ֛יִם מֵעַ֥ל הָאָ֖רֶץ הָל֣וֹךְ וָשׁ֑וֹב וַיַּחְסְר֣וּ הַמַּ֔יִם מִקְצֵ֕ה חֲמִשִּׁ֥ים וּמְאַ֖ת יֽוֹם׃

‎4 ‏וַתָּ֤נַח הַתֵּבָה֙ בַּחֹ֣דֶשׁ הַשְּׁבִיעִ֔י בְּשִׁבְעָה־עָשָׂ֥ר י֖וֹם לַחֹ֑דֶשׁ עַ֖ל הָרֵ֥י אֲרָרָֽט׃

‎5 ‏וְהַמַּ֗יִם הָיוּ֙ הָל֣וֹךְ וְחָס֔וֹר עַ֖ד הַחֹ֣דֶשׁ הָֽעֲשִׂירִ֑י בָּֽעֲשִׂירִי֙ בְּאֶחָ֣ד לַחֹ֔דֶשׁ נִרְא֖וּ רָאשֵׁ֥י הֶֽהָרִֽים׃

‎6 ‏וַֽיְהִ֕י מִקֵּ֖ץ אַרְבָּעִ֣ים י֑וֹם וַיִּפְתַּ֣ח נֹ֔חַ אֶת־חַלּ֥וֹן הַתֵּבָ֖ה אֲשֶׁ֥ר עָשָֽׂה׃

‎7 ‏וַיְשַׁלַּ֖ח אֶת־הָֽעֹרֵ֑ב וַיֵּצֵ֤א יָצוֹא֙ וָשׁ֔וֹב עַד־יְבֹ֥שֶׁת הַמַּ֖יִם מֵעַ֥ל הָאָֽרֶץ׃

‎8 ‏וַיְשַׁלַּ֥ח אֶת־הַיּוֹנָ֖ה מֵאִתּ֑וֹ לִרְאוֹת֙ הֲקַ֣לּוּ הַמַּ֔יִם מֵעַ֖ל פְּנֵ֥י הָֽאֲדָמָֽה׃

‎9 ‏וְלֹֽא־מָצְאָה֩ הַיּוֹנָ֨ה מָנ֜וֹחַ לְכַף־רַגְלָ֗הּ וַתָּ֤שָׁב אֵלָיו֙ אֶל־הַתֵּבָ֔ה כִּי־מַ֖יִם עַל־פְּנֵ֣י כָל־הָאָ֑רֶץ וַיִּשְׁלַ֤ח יָדוֹ֙ וַיִּקָּחֶ֔הָ וַיָּבֵ֥א אֹתָ֛הּ אֵלָ֖יו אֶל־הַתֵּבָֽה׃

‎10 ‏וַיָּ֣חֶל ע֔וֹד שִׁבְעַ֥ת יָמִ֖ים אֲחֵרִ֑ים וַיֹּ֛סֶף שַׁלַּ֥ח אֶת־הַיּוֹנָ֖ה מִן־הַתֵּבָֽה׃

‎11 ‏וַתָּבֹ֨א אֵלָ֤יו הַיּוֹנָה֙ לְעֵ֣ת עֶ֔רֶב וְהִנֵּ֥ה עֲלֵה־זַ֖יִת טָרָ֣ף בְּפִ֑יהָ וַיֵּ֣דַע נֹ֔חַ כִּי־קַ֥לּוּ הַמַּ֖יִם מֵעַ֥ל הָאָֽרֶץ׃

‎12 ‏וַיִּיָּ֣חֶל ע֔וֹד שִׁבְעַ֥ת יָמִ֖ים אֲחֵרִ֑ים וַיְשַׁלַּח֙ אֶת־הַיּוֹנָ֔ה וְלֹֽא־יָסְפָ֥ה שׁוּב־אֵלָ֖יו עֽוֹד׃

‎13 ‏וַֽ֠יְהִי בְּאַחַ֨ת וְשֵׁשׁ־מֵא֜וֹת שָׁנָ֗ה בָּֽרִאשׁוֹן֙ בְּאֶחָ֣ד לַחֹ֔דֶשׁ חָֽרְב֥וּ הַמַּ֖יִם מֵעַ֣ל הָאָ֑רֶץ וַיָּ֤סַר נֹ֙חַ֙ אֶת־מִכְסֵ֣ה הַתֵּבָ֔ה וַיַּ֕רְא וְהִנֵּ֥ה חָֽרְב֖וּ פְּנֵ֥י הָֽאֲדָמָֽה׃

‎14 ‏וּבַחֹ֙דֶשׁ֙ הַשֵּׁנִ֔י בְּשִׁבְעָ֧ה וְעֶשְׂרִ֛ים י֖וֹם לַחֹ֑דֶשׁ יָבְשָׁ֖ה הָאָֽרֶץ׃ ס

‎15 ‏וַיְדַבֵּ֥ר אֱלֹהִ֖ים אֶל־נֹ֥חַ לֵאמֹֽר׃

‎16 ‏צֵ֖א מִן־הַתֵּבָ֑ה אַתָּ֕ה וְאִשְׁתְּךָ֛ וּבָנֶ֥יךָ וּנְשֵֽׁי־בָנֶ֖יךָ אִתָּֽךְ׃

‎17 ‏כָּל־הַחַיָּ֨ה אֲשֶֽׁר־אִתְּךָ֜ מִכָּל־בָּשָׂ֗ר בָּע֧וֹף וּבַבְּהֵמָ֛ה וּבְכָל־הָרֶ֛מֶשׂ הָרֹמֵ֥שׂ עַל־הָאָ֖רֶץ הוצא הַיְצֵ֣א אִתָּ֑ךְ וְשָֽׁרְצ֣וּ בָאָ֔רֶץ וּפָר֥וּ וְרָב֖וּ עַל־הָאָֽרֶץ׃

‎18 ‏וַיֵּ֖צֵא־נֹ֑חַ וּבָנָ֛יו וְאִשְׁתּ֥וֹ וּנְשֵֽׁי־בָנָ֖יו אִתּֽוֹ׃

‎19 ‏כָּל־הַֽחַיָּ֗ה כָּל־הָרֶ֙מֶשׂ֙ וְכָל־הָע֔וֹף כֹּ֖ל רוֹמֵ֣שׂ עַל־הָאָ֑רֶץ לְמִשְׁפְּחֹ֣תֵיהֶ֔ם יָצְא֖וּ מִן־הַתֵּבָֽה׃

‎20 ‏וַיִּ֥בֶן נֹ֛חַ מִזְבֵּ֖חַ לַֽיהוָ֑ה וַיִּקַּ֞ח מִכֹּ֣ל׀ הַבְּהֵמָ֣ה הַטְּהוֹרָ֗ה וּמִכֹּל֙ הָע֣וֹף הַטָּהֹ֔ר וַיַּ֥עַל עֹלֹ֖ת בַּמִּזְבֵּֽחַ׃

‎21 ‏וַיָּ֣רַח יְהוָה֮ אֶת־רֵ֣יחַ הַנִּיחֹחַ֒ וַיֹּ֨אמֶר יְהוָ֜ה אֶל־לִבּ֗וֹ לֹֽא־אֹ֠סִף לְקַלֵּ֨ל ע֤וֹד אֶת־הָֽאֲדָמָה֙ בַּעֲב֣וּר הָֽאָדָ֔ם כִּ֠י יֵ֣צֶר לֵ֧ב הָאָדָ֛ם רַ֖ע מִנְּעֻרָ֑יו וְלֹֽא־אֹסִ֥ף ע֛וֹד לְהַכּ֥וֹת אֶת־כָּל־חַ֖י כַּֽאֲשֶׁ֥ר עָשִֽׂיתִי׃

‎22 ‏עֹ֖ד כָּל־יְמֵ֣י הָאָ֑רֶץ זֶ֡רַע וְ֠קָצִיר וְקֹ֨ר וָחֹ֜ם וְקַ֧יִץ וָחֹ֛רֶף וְי֥וֹם וָלַ֖יְלָה לֹ֥א יִשְׁבֹּֽתוּ׃

1 wayyizəkōr ’ĕlōhîm ’eṯ-nōḥa wə’ēṯ kāl-h^aḥayyâ wə’eṯ-kāl-habəhēmâ ’ăšer ’itwō batēḇâ wayy^a‘ăḇēr ’ĕlōhîm rûḥa ‘al-hā’āreṣ wayyāšōkû hammāyim:

2 wayyissāḵərû m^a‘əyənōṯ təhwōm wa’ărubōṯ haššāmāyim wayyikālē’ hagešem min-haššāmāyim:

3 wayyāšuḇû hammayim mē‘al hā’āreṣ hālwōḵə wāšwōḇ wayy^aḥəsərû hammayim miqəṣēh ḥămiššîm ûmə’aṯ ywōm:

4 watān^aḥ hatēḇâ b^aḥōḏeš haššəḇî‘î bəšiḇə‘â-‘āśār ywōm l^aḥōḏeš ‘al hārê ’ărārāṭ:

5 wəhammayim hāyû hālwōḵə wəḥāswōr ‘aḏ h^aḥōḏeš hā‘ăśîrî bā‘ăśîrî bə’eḥāḏ l^aḥōḏeš nirə’û rā’šê hehārîm:

6 wayəhî miqqēṣ ’arəbā‘îm ywōm wayyifət^aḥ nōḥa ’eṯ-ḥallwōn hatēḇâ ’ăšer ‘āśâ:

7 wayəšall^aḥ ’eṯ-hā‘ōrēḇ wayyēṣē’ yāṣwō’ wāšwōḇ ‘aḏ-yəḇōšeṯ hammayim mē‘al hā’āreṣ:

8 wayəšall^aḥ ’eṯ-hayywōnâ mē’itwō lirə’wōṯ hăqallû hammayim mē‘al pənê hā’ăḏāmâ:

9 wəlō’-māṣə’â hayywōnâ mānwōḥa ləḵaf-raḡəlāh watāšāḇ ’ēlāyw ’el-hatēḇâ kî-mayim ‘al-pənê ḵāl-hā’āreṣ wayyišəl^aḥ yāḏwō wayyiqqāḥehā wayyāḇē’ ’ōṯāh ’ēlāyw ’el-hatēḇâ:

10 wayyāḥel ‘wōḏ šiḇə‘aṯ yāmîm ’ăḥērîm wayyōsef šall^aḥ ’eṯ-hayywōnâ min-hatēḇâ:

11 watāḇō’ ’ēlāyw hayywōnâ lə‘ēṯ ‘ereḇ wəhinnēh ‘ălēh-zayiṯ ṭārāf bəfîhā wayyēḏ^a‘ nōḥa kî-qallû hammayim mē‘al hā’āreṣ:

12 wayyîyāḥel ‘wōḏ šiḇə‘aṯ yāmîm ’ăḥērîm wayəšall^aḥ ’eṯ-hayywōnâ wəlō’-yāsəfâ šûḇ-’ēlāyw ‘wōḏ:

13 wayəhî bə’^aḥaṯ wəšēš-mē’wōṯ šānâ bāri’šwōn bə’eḥāḏ l^aḥōḏeš ḥārəḇû hammayim mē‘al hā’āreṣ wayyāsar nōḥa ’eṯ-miḵəsēh hatēḇâ wayyarə’ wəhinnēh ḥārəḇû pənê hā’ăḏāmâ:

14 ûḇ^aḥōḏeš haššēnî bəšiḇə‘â wə‘eśərîm ywōm l^aḥōḏeš yāḇəšâ hā’āreṣ: s

15 wayəḏabēr ’ĕlōhîm ’el-nōḥa lē’mōr:

16 ṣē’ min-hatēḇâ ’atâ wə’išətəḵā ûḇāneyḵā ûnəšê-ḇāneyḵā ’itāḵə:

17 kāl-h^aḥayyâ ’ăšer-’itəḵā mikāl-bāśār bā‘wōf ûḇabəhēmâ ûḇəḵāl-hāremeś hārōmēś ‘al-hā’āreṣ hwōṣē’ hayəṣē’ ’itāḵə wəšārəṣû ḇā’āreṣ ûfārû wərāḇû ‘al-hā’āreṣ:

18 wayyēṣē’-nōḥa ûḇānāyw wə’išətwō ûnəšê-ḇānāyw ’itwō:

19 kāl-h^aḥayyâ kāl-hāremeś wəḵāl-hā‘wōf kōl rwōmēś ‘al-hā’āreṣ ləmišəpəḥōṯêhem yāṣə’û min-hatēḇâ:

20 wayyiḇen nōḥa mizəbēḥa layhwâ wayyiqq^aḥ mikōl| habəhēmâ haṭṭəhwōrâ ûmikōl hā‘wōf haṭṭâōr wayy^a‘al ‘ōlōṯ bammizəbēḥa:

21 wayyār^aḥ yəhwâ ’eṯ-rêḥa hannîḥōḥa wayyō’mer yəhwâ ’el-libwō lō’-’ōsif ləqallēl ‘wōḏ ’eṯ-hā’ăḏāmâ b^a‘ăḇûr hā’āḏām kî yēṣer lēḇ hā’āḏām r^a‘ minnə‘urāyw wəlō’-’ōsif ‘wōḏ ləhakwōṯ ’eṯ-kāl-ḥay ka’ăšer ‘āśîṯî:

22 ‘ōḏ kāl-yəmê hā’āreṣ zer^a‘ wəqāṣîr wəqōr wāḥōm wəqayiṣ wāḥōref wəywōm wālayəlâ lō’ yišəbōṯû:

‎1 ‏וַיְבָ֣רֶךְ אֱלֹהִ֔ים אֶת־נֹ֖חַ וְאֶת־בָּנָ֑יו וַיֹּ֧אמֶר לָהֶ֛ם פְּר֥וּ וּרְב֖וּ וּמִלְא֥וּ אֶת־הָאָֽרֶץ׃

‎2 ‏וּמוֹרַאֲכֶ֤ם וְחִתְּכֶם֙ יִֽהְיֶ֔ה עַ֚ל כָּל־חַיַּ֣ת הָאָ֔רֶץ וְעַ֖ל כָּל־ע֣וֹף הַשָּׁמָ֑יִם בְּכֹל֩ אֲשֶׁ֨ר תִּרְמֹ֧שׂ הָֽאֲדָמָ֛ה וּֽבְכָל־דְּגֵ֥י הַיָּ֖ם בְּיֶדְכֶ֥ם נִתָּֽנוּ׃

‎3 ‏כָּל־רֶ֙מֶשׂ֙ אֲשֶׁ֣ר הוּא־חַ֔י לָכֶ֥ם יִהְיֶ֖ה לְאָכְלָ֑ה כְּיֶ֣רֶק עֵ֔שֶׂב נָתַ֥תִּי לָכֶ֖ם אֶת־כֹּֽל׃

‎4 ‏אַךְ־בָּשָׂ֕ר בְּנַפְשׁ֥וֹ דָמ֖וֹ לֹ֥א תֹאכֵֽלוּ׃

‎5 ‏וְאַ֨ךְ אֶת־דִּמְכֶ֤ם לְנַפְשֹֽׁתֵיכֶם֙ אֶדְרֹ֔שׁ מִיַּ֥ד כָּל־חַיָּ֖ה אֶדְרְשֶׁ֑נּוּ וּמִיַּ֣ד הָֽאָדָ֗ם מִיַּד֙ אִ֣ישׁ אָחִ֔יו אֶדְרֹ֖שׁ אֶת־נֶ֥פֶשׁ הָֽאָדָֽם׃

‎6 ‏שֹׁפֵךְ֙ דַּ֣ם הָֽאָדָ֔ם בָּֽאָדָ֖ם דָּמ֣וֹ יִשָּׁפֵ֑ךְ כִּ֚י בְּצֶ֣לֶם אֱלֹהִ֔ים עָשָׂ֖ה אֶת־הָאָדָֽם׃

‎7 ‏וְאַתֶּ֖ם פְּר֣וּ וּרְב֑וּ שִׁרְצ֥וּ בָאָ֖רֶץ וּרְבוּ־בָֽהּ׃ ס

‎8 ‏וַיֹּ֤אמֶר אֱלֹהִים֙ אֶל־נֹ֔חַ וְאֶל־בָּנָ֥יו אִתּ֖וֹ לֵאמֹֽר׃

‎9 ‏וַאֲנִ֕י הִנְנִ֥י מֵקִ֛ים אֶת־בְּרִיתִ֖י אִתְּכֶ֑ם וְאֶֽת־זַרְעֲכֶ֖ם אַֽחֲרֵיכֶֽם׃

‎10 ‏וְאֵ֨ת כָּל־נֶ֤פֶשׁ הַֽחַיָּה֙ אֲשֶׁ֣ר אִתְּכֶ֔ם בָּע֧וֹף בַּבְּהֵמָ֛ה וּֽבְכָל־חַיַּ֥ת הָאָ֖רֶץ אִתְּכֶ֑ם מִכֹּל֙ יֹצְאֵ֣י הַתֵּבָ֔ה לְכֹ֖ל חַיַּ֥ת הָאָֽרֶץ׃

‎11 ‏וַהֲקִמֹתִ֤י אֶת־בְּרִיתִי֙ אִתְּכֶ֔ם וְלֹֽא־יִכָּרֵ֧ת כָּל־בָּשָׂ֛ר ע֖וֹד מִמֵּ֣י הַמַּבּ֑וּל וְלֹֽא־יִהְיֶ֥ה ע֛וֹד מַבּ֖וּל לְשַׁחֵ֥ת הָאָֽרֶץ׃

‎12 ‏וַיֹּ֣אמֶר אֱלֹהִ֗ים זֹ֤את אֽוֹת־הַבְּרִית֙ אֲשֶׁר־אֲנִ֣י נֹתֵ֗ן בֵּינִי֙ וּבֵ֣ינֵיכֶ֔ם וּבֵ֛ין כָּל־נֶ֥פֶשׁ חַיָּ֖ה אֲשֶׁ֣ר אִתְּכֶ֑ם לְדֹרֹ֖ת עוֹלָֽם׃

‎13 ‏אֶת־קַשְׁתִּ֕י נָתַ֖תִּי בֶּֽעָנָ֑ן וְהָֽיְתָה֙ לְא֣וֹת בְּרִ֔ית בֵּינִ֖י וּבֵ֥ין הָאָֽרֶץ׃

‎14 ‏וְהָיָ֕ה בְּעַֽנְנִ֥י עָנָ֖ן עַל־הָאָ֑רֶץ וְנִרְאֲתָ֥ה הַקֶּ֖שֶׁת בֶּעָנָֽן׃

‎15 ‏וְזָכַרְתִּ֣י אֶת־בְּרִיתִ֗י אֲשֶׁ֤ר בֵּינִי֙ וּבֵ֣ינֵיכֶ֔ם וּבֵ֛ין כָּל־נֶ֥פֶשׁ חַיָּ֖ה בְּכָל־בָּשָׂ֑ר וְלֹֽא־יִֽהְיֶ֨ה ע֤וֹד הַמַּ֙יִם֙ לְמַבּ֔וּל לְשַׁחֵ֖ת כָּל־בָּשָֽׂר׃

‎16 ‏וְהָיְתָ֥ה הַקֶּ֖שֶׁת בֶּֽעָנָ֑ן וּרְאִיתִ֗יהָ לִזְכֹּר֙ בְּרִ֣ית עוֹלָ֔ם בֵּ֣ין אֱלֹהִ֔ים וּבֵין֙ כָּל־נֶ֣פֶשׁ חַיָּ֔ה בְּכָל־בָּשָׂ֖ר אֲשֶׁ֥ר עַל־הָאָֽרֶץ׃

‎17 ‏וַיֹּ֥אמֶר אֱלֹהִ֖ים אֶל־נֹ֑חַ זֹ֤את אֽוֹת־הַבְּרִית֙ אֲשֶׁ֣ר הֲקִמֹ֔תִי בֵּינִ֕י וּבֵ֥ין כָּל־בָּשָׂ֖ר אֲשֶׁ֥ר עַל־הָאָֽרֶץ׃ פ

‎18 ‏וַיִּֽהְי֣וּ בְנֵי־נֹ֗חַ הַיֹּֽצְאִים֙ מִן־הַתֵּבָ֔ה שֵׁ֖ם וְחָ֣ם וָיָ֑פֶת וְחָ֕ם ה֖וּא אֲבִ֥י כְנָֽעַן׃

‎19 ‏שְׁלֹשָׁ֥ה אֵ֖לֶּה בְּנֵי־נֹ֑חַ וּמֵאֵ֖לֶּה נָֽפְצָ֥ה כָל־הָאָֽרֶץ׃

‎20 ‏וַיָּ֥חֶל נֹ֖חַ אִ֣ישׁ הָֽאֲדָמָ֑ה וַיִּטַּ֖ע כָּֽרֶם׃

‎21 ‏וַיֵּ֥שְׁתְּ מִן־הַיַּ֖יִן וַיִּשְׁכָּ֑ר וַיִּתְגַּ֖ל בְּת֥וֹךְ אָהֳלֹֽה׃^q

‎22 ‏וַיַּ֗רְא חָ֚ם אֲבִ֣י כְנַ֔עַן אֵ֖ת עֶרְוַ֣ת אָבִ֑יו וַיַּגֵּ֥ד לִשְׁנֵֽי־אֶחָ֖יו בַּחֽוּץ׃

‎23 ‏וַיִּקַּח֩ שֵׁ֨ם וָיֶ֜פֶת אֶת־הַשִּׂמְלָ֗ה וַיָּשִׂ֙ימוּ֙³ עַל־שְׁכֶ֣ם שְׁנֵיהֶ֔ם וַיֵּֽלְכוּ֙ אֲחֹ֣רַנִּ֔ית וַיְכַסּ֕וּ אֵ֖ת עֶרְוַ֣ת אֲבִיהֶ֑ם וּפְנֵיהֶם֙ אֲחֹ֣רַנִּ֔ית וְעֶרְוַ֥ת אֲבִיהֶ֖ם לֹ֥א רָאֽוּ׃

‎24 ‏וַיִּ֥יקֶץ נֹ֖חַ מִיֵּינ֑וֹ וַיֵּ֕דַע אֵ֛ת אֲשֶׁר־עָ֥שָׂה־ל֖וֹ בְּנ֥וֹ הַקָּטָֽן׃

‎25 ‏וַיֹּ֖אמֶר אָר֣וּר כְּנָ֑עַן עֶ֥בֶד עֲבָדִ֖ים יִֽהְיֶ֥ה לְאֶחָֽיו׃

‎26 ‏וַיֹּ֕אמֶר בָּר֥וּךְ יְהוָֹ֖ה אֱלֹ֣הֵי שֵׁ֑ם וִיהִ֥י כְנַ֖עַן עֶ֥בֶד לָֽמוֹ׃

‎27 ‏יַ֤פְתְּ אֱלֹהִים֙ לְיֶ֔פֶת וְיִשְׁכֹּ֖ן בְּאָֽהֳלֵי־שֵׁ֑ם וִיהִ֥י כְנַ֖עַן עֶ֥בֶד לָֽמוֹ׃

‎28 ‏וַֽיְחִי־נֹ֖חַ אַחַ֣ר הַמַּבּ֑וּל שְׁלֹ֤שׁ מֵאוֹת֙ שָׁנָ֔ה וַֽחֲמִשִּׁ֖ים שָׁנָֽה׃

‎29 ‏וַיִּֽהְיוּ֙ כָּל־יְמֵי־נֹ֔חַ תְּשַׁ֤ע מֵאוֹת֙ שָׁנָ֔ה וַחֲמִשִּׁ֖ים שָׁנָ֑ה וַיָּמֹֽת׃ פ

1 wayəḇāreḵə ’ĕlōhîm ’eṯ-nōḥa wə’eṯ-bānāyw wayyō’mer lâem pərû ûrəḇû ûmilə’û ’eṯ-hā’āreṣ:

2 ûmwōra’ăḵem wəḥitəḵem yihəyeh ‘al kāl-ḥayyaṯ hā’āreṣ wə‘al kāl-‘wōf haššāmāyim bəḵōl ’ăšer tirəmōś hā’ăḏāmâ ûḇəḵāl-dəḡê hayyām bəyeḏəḵem nitānû:

3 kāl-remeś ’ăšer hû’-ḥay lāḵem yihəyeh lə’āḵəlâ kəyereq ‘ēśeḇ nāṯatî lāḵem ’eṯ-kōl:

4 ’aḵə-bāśār bənafəšwō ḏāmwō lō’ ṯō’ḵēlû:

5 wə’aḵə ’eṯ-diməḵem lənafəšōṯêḵem ’eḏərōš mîyaḏ kāl-ḥayyâ ’eḏərəšennû ûmîyaḏ hā’āḏām mîyaḏ ’îš ’āḥîw ’eḏərōš ’eṯ-nefeš hā’āḏām:

6 šōfēḵə dam hā’āḏām bā’āḏām dāmwō yiššāfēḵə kî bəṣelem ’ĕlōhîm ‘āśâ ’eṯ-hā’āḏām:

7 wə’atem pərû ûrəḇû širəṣû ḇā’āreṣ ûrəḇû-ḇāh: s

8 wayyō’mer ’ĕlōhîm ’el-nōḥa wə’el-bānāyw ’itwō lē’mōr:

9 wa’ănî hinənî mēqîm ’eṯ-bərîṯî ’itəḵem wə’eṯ-zarə‘ăḵem ’^aḥărêḵem:

10 wə’ēṯ kāl-nefeš h^aḥayyâ ’ăšer ’itəḵem bā‘wōf babəhēmâ ûḇəḵāl-ḥayyaṯ hā’āreṣ ’itəḵem mikōl yōṣə’ê hatēḇâ ləḵōl ḥayyaṯ hā’āreṣ:

11 wahăqimōṯî ’eṯ-bərîṯî ’itəḵem wəlō’-yikārēṯ kāl-bāśār ‘wōḏ mimmê hammabûl wəlō’-yihəyeh ‘wōḏ mabûl ləš^aḥēṯ hā’āreṣ:

12 wayyō’mer ’ĕlōhîm zō’ṯ ’wōṯ-habərîṯ ’ăšer-’ănî nōṯēn bênî ûḇênêḵem ûḇên kāl-nefeš ḥayyâ ’ăšer ’itəḵem ləḏōrōṯ ‘wōlām:

13 ’eṯ-qašətî nāṯatî be‘ānān wəhāyəṯâ lə’wōṯ bərîṯ bênî ûḇên hā’āreṣ:

14 wəhāyâ bə‘anənî ‘ānān ‘al-hā’āreṣ wənirə’ăṯâ haqqešeṯ be‘ānān:

15 wəzāḵarətî ’eṯ-bərîṯî ’ăšer bênî ûḇênêḵem ûḇên kāl-nefeš ḥayyâ bəḵāl-bāśār wəlō’-yihəyeh ‘wōḏ hammayim ləmabûl ləš^aḥēṯ kāl-bāśār:

16 wəhāyəṯâ haqqešeṯ be‘ānān ûrə’îṯîhā lizəkōr bərîṯ ‘wōlām bên ’ĕlōhîm ûḇên kāl-nefeš ḥayyâ bəḵāl-bāśār ’ăšer ‘al-hā’āreṣ:

17 wayyō’mer ’ĕlōhîm ’el-nōḥa zō’ṯ ’wōṯ-habərîṯ ’ăšer hăqimōṯî bênî ûḇên kāl-bāśār ’ăšer ‘al-hā’āreṣ: f

18 wayyihəyû ḇənê-nōḥa hayyōṣə’îm min-hatēḇâ šēm wəḥām wāyāfeṯ wəḥām hû’ ’ăḇî ḵənā‘an:

19 šəlōšâ ’ēlleh bənê-nōḥa ûmē’ēlleh nāfəṣâ ḵāl-hā’āreṣ:

20 wayyāḥel nōḥa ’îš hā’ăḏāmâ wayyiṭṭ^a‘ kārem:

21 wayyēšətə min-hayyayin wayyišəkār wayyiṯəgal bəṯwōḵə ’âŏlōh:^q

22 wayyarə’ ḥām ’ăḇî ḵən^a‘an ’ēṯ ‘erəwaṯ ’āḇîw wayyagēḏ lišənê-’eḥāyw b^aḥûṣ:

23 wayyiqq^aḥ šēm wāyefeṯ ’eṯ-haśśiməlâ wayyāśîmû³ ‘al-šəḵem šənêhem wayyēləḵû ’ăḥōrannîṯ wayəḵassû ’ēṯ ‘erəwaṯ ’ăḇîhem ûfənêhem ’ăḥōrannîṯ wə‘erəwaṯ ’ăḇîhem lō’ rā’û:

24 wayyîqeṣ nōḥa mîyênwō wayyēḏ^a‘ ’ēṯ ’ăšer-‘āśâ-lwō bənwō haqqāṭān:

25 wayyō’mer ’ārûr kənā‘an ‘eḇeḏ ‘ăḇāḏîm yihəyeh lə’eḥāyw:

26 wayyō’mer bārûḵə yəhwōâ ’ĕlōhê šēm wîhî ḵən^a‘an ‘eḇeḏ lāmwō:

27 yafətə ’ĕlōhîm ləyefeṯ wəyišəkōn bə’âŏlê-šēm wîhî ḵən^a‘an ‘eḇeḏ lāmwō:

28 wayəḥî-nōḥa ’^aḥar hammabûl šəlōš mē’wōṯ šānâ w^aḥămiššîm šānâ:

29 wayyihəyû kāl-yəmê-nōḥa təš^a‘ mē’wōṯ šānâ w^aḥămiššîm šānâ wayyāmōṯ: f

‎1 ‏וְאֵ֙לֶּה֙ תּוֹלְדֹ֣ת בְּנֵי־נֹ֔חַ שֵׁ֖ם חָ֣ם וָיָ֑פֶת וַיִּוָּלְד֥וּ לָהֶ֛ם בָּנִ֖ים אַחַ֥ר הַמַּבּֽוּל׃

‎2 ‏בְּנֵ֣י יֶ֔פֶת גֹּ֣מֶר וּמָג֔וֹג וּמָדַ֖י וְיָוָ֣ן וְתֻבָ֑ל וּמֶ֖שֶׁךְ וְתִירָֽס׃

‎3 ‏וּבְנֵ֖י גֹּ֑מֶר אַשְׁכֲּנַ֥ז וְרִיפַ֖ת וְתֹגַרְמָֽה׃

‎4 ‏וּבְנֵ֥י יָוָ֖ן אֱלִישָׁ֣ה וְתַרְשִׁ֑ישׁ כִּתִּ֖ים וְדֹדָנִֽים׃

‎5 ‏מֵ֠אֵלֶּה נִפְרְד֞וּ אִיֵּ֤י הַגּוֹיִם֙ בְּאַרְצֹתָ֔ם אִ֖ישׁ לִלְשֹׁנ֑וֹ לְמִשְׁפְּחֹתָ֖ם בְּגוֹיֵהֶֽם׃

‎6 ‏וּבְנֵ֖י חָ֑ם כּ֥וּשׁ וּמִצְרַ֖יִם וּפ֥וּט וּכְנָֽעַן׃

‎7 ‏וּבְנֵ֣י כ֔וּשׁ סְבָא֙ וַֽחֲוִילָ֔ה וְסַבְתָּ֥ה וְרַעְמָ֖ה וְסַבְתְּכָ֑א וּבְנֵ֥י רַעְמָ֖ה שְׁבָ֥א וּדְדָֽן׃

‎8 ‏וְכ֖וּשׁ יָלַ֣ד אֶת־נִמְרֹ֑ד ה֣וּא הֵחֵ֔ל לִֽהְי֥וֹת גִּבֹּ֖ר בָּאָֽרֶץ׃

‎9 ‏הֽוּא־הָיָ֥ה גִבֹּֽר־צַ֖יִד לִפְנֵ֣י יְהוָ֑ה עַל־כֵּן֙ יֵֽאָמַ֔ר כְּנִמְרֹ֛ד גִּבּ֥וֹר צַ֖יִד לִפְנֵ֥י יְהוָֽה׃

‎10 ‏וַתְּהִ֨י רֵאשִׁ֤ית מַמְלַכְתּוֹ֙ בָּבֶ֔ל וְאֶ֖רֶךְ וְאַכַּ֣ד וְכַלְנֵ֑ה בְּאֶ֖רֶץ שִׁנְעָֽר׃

‎11 ‏מִן־הָאָ֥רֶץ הַהִ֖וא יָצָ֣א אַשּׁ֑וּר וַיִּ֙בֶן֙ אֶת־נִ֣ינְוֵ֔ה וְאֶת־רְחֹבֹ֥ת עִ֖יר וְאֶת־כָּֽלַח׃

‎12 ‏וְֽאֶת־רֶ֔סֶן בֵּ֥ין נִֽינְוֵ֖ה וּבֵ֣ין כָּ֑לַח הִ֖וא הָעִ֥יר הַגְּדֹלָֽה׃

‎13 ‏וּמִצְרַ֡יִם יָלַ֞ד אֶת־לוּדִ֧ים וְאֶת־עֲנָמִ֛ים וְאֶת־לְהָבִ֖ים וְאֶת־נַפְתֻּחִֽים׃

‎14 ‏וְֽאֶת־פַּתְרֻסִ֞ים וְאֶת־כַּסְלֻחִ֗ים אֲשֶׁ֨ר יָצְא֥וּ מִשָּׁ֛ם פְּלִשְׁתִּ֖ים וְאֶת־כַּפְתֹּרִֽים׃ ס

‎15 ‏וּכְנַ֗עַן יָלַ֛ד אֶת־צִידֹ֥ן בְּכֹר֖וֹ וְאֶת־חֵֽת׃

‎16 ‏וְאֶת־הַיְבוּסִי֙ וְאֶת־הָ֣אֱמֹרִ֔י וְאֵ֖ת הַגִּרְגָּשִֽׁי׃

‎17 ‏וְאֶת־הַֽחִוִּ֥י וְאֶת־הַֽעַרְקִ֖י וְאֶת־הַסִּינִֽי׃

‎18 ‏וְאֶת־הָֽאַרְוָדִ֥י וְאֶת־הַצְּמָרִ֖י וְאֶת־הַֽחֲמָתִ֑י וְאַחַ֣ר נָפֹ֔צוּ מִשְׁפְּח֖וֹת הַֽכְּנַעֲנִֽי׃

‎19 ‏וַֽיְהִ֞י גְּב֤וּל הַֽכְּנַעֲנִי֙ מִצִּידֹ֔ן בֹּאֲכָ֥ה גְרָ֖רָה עַד־עַזָּ֑ה בֹּאֲכָ֞ה סְדֹ֧מָה וַעֲמֹרָ֛ה וְאַדְמָ֥ה וּצְבֹיִ֖ם עַד־לָֽשַׁע׃

‎20 ‏אֵ֣לֶּה בְנֵי־חָ֔ם לְמִשְׁפְּחֹתָ֖ם לִלְשֹֽׁנֹתָ֑ם בְּאַרְצֹתָ֖ם בְּגוֹיֵהֶֽם׃ ס

‎21 ‏וּלְשֵׁ֥ם יֻלַּ֖ד גַּם־ה֑וּא אֲבִי֙ כָּל־בְּנֵי־עֵ֔בֶר אֲחִ֖י יֶ֥פֶת הַגָּדֽוֹל׃

‎22 ‏בְּנֵ֥י שֵׁ֖ם עֵילָ֣ם וְאַשּׁ֑וּר וְאַרְפַּכְשַׁ֖ד וְל֥וּד וַֽאֲרָֽם׃

‎23 ‏וּבְנֵ֖י אֲרָ֑ם ע֥וּץ וְח֖וּל וְגֶ֥תֶר וָמַֽשׁ׃

‎24 ‏וְאַרְפַּכְשַׁ֖ד יָלַ֣ד אֶת־שָׁ֑לַח וְשֶׁ֖לַח יָלַ֥ד אֶת־עֵֽבֶר׃

‎25 ‏וּלְעֵ֥בֶר יֻלַּ֖ד שְׁנֵ֣י בָנִ֑ים שֵׁ֣ם הָֽאֶחָ֞ד פֶּ֗לֶג כִּ֤י בְיָמָיו֙ נִפְלְגָ֣ה הָאָ֔רֶץ וְשֵׁ֥ם אָחִ֖יו יָקְטָֽן׃

‎26 ‏וְיָקְטָ֣ן יָלַ֔ד אֶת־אַלְמוֹדָ֖ד וְאֶת־שָׁ֑לֶף וְאֶת־חֲצַרְמָ֖וֶת וְאֶת־יָֽרַח׃

‎27 ‏וְאֶת־הֲדוֹרָ֥ם וְאֶת־אוּזָ֖ל וְאֶת־דִּקְלָֽה׃

‎28 ‏וְאֶת־עוֹבָ֥ל וְאֶת־אֲבִֽימָאֵ֖ל וְאֶת־שְׁבָֽא׃

‎29 ‏וְאֶת־אוֹפִ֥ר וְאֶת־חֲוִילָ֖ה וְאֶת־יוֹבָ֑ב כָּל־אֵ֖לֶּה בְּנֵ֥י יָקְטָֽן׃

‎30 ‏וַֽיְהִ֥י מוֹשָׁבָ֖ם מִמֵּשָׁ֑א בֹּאֲכָ֥ה סְפָ֖רָה הַ֥ר הַקֶּֽדֶם׃

‎31 ‏אֵ֣לֶּה בְנֵי־שֵׁ֔ם לְמִשְׁפְּחֹתָ֖ם לִלְשֹׁנֹתָ֑ם בְּאַרְצֹתָ֖ם לְגוֹיֵהֶֽם׃

‎32 ‏אֵ֣לֶּה מִשְׁפְּחֹ֧ת בְּנֵי־נֹ֛חַ לְתוֹלְדֹתָ֖ם בְּגוֹיֵהֶ֑ם וּמֵאֵ֜לֶּה נִפְרְד֧וּ הַגּוֹיִ֛ם בָּאָ֖רֶץ אַחַ֥ר הַמַּבּֽוּל׃ פ

1 wə’ēlleh twōləḏōṯ bənê-nōḥa šēm ḥām wāyāfeṯ wayyiûāləḏû lâem bānîm ’^aḥar hammabûl:

2 bənê yefeṯ gōmer ûmāḡwōḡ ûmāḏay wəyāwān wəṯuḇāl ûmešeḵə wəṯîrās:

3 ûḇənê gōmer ’ašəkănaz wərîfaṯ wəṯōḡarəmâ:

4 ûḇənê yāwān ’ĕlîšâ wəṯarəšîš kitîm wəḏōḏānîm:

5 mē’ēlleh nifərəḏû ’îyê hagwōyim bə’arəṣōṯām ’îš liləšōnwō ləmišəpəḥōṯām bəḡwōyēhem:

6 ûḇənê ḥām kûš ûmiṣərayim ûfûṭ ûḵənā‘an:

7 ûḇənê ḵûš səḇā’ w^aḥăwîlâ wəsaḇətâ wər^a‘əmâ wəsaḇətəḵā’ ûḇənê r^a‘əmâ šəḇā’ ûḏəḏān:

8 wəḵûš yālaḏ ’eṯ-nimərōḏ hû’ hēḥēl lihəywōṯ gibōr bā’āreṣ:

9 hû’-hāyâ ḡibōr-ṣayiḏ lifənê yəhwâ ‘al-kēn yē’āmar kənimərōḏ gibwōr ṣayiḏ lifənê yəhwâ:

10 watəhî rē’šîṯ maməlaḵətwō bāḇel wə’ereḵə wə’akaḏ wəḵalənēh bə’ereṣ šinə‘ār:

11 min-hā’āreṣ hahiw’ yāṣā’ ’aššûr wayyiḇen ’eṯ-nînəwēh wə’eṯ-rəḥōḇōṯ ‘îr wə’eṯ-kāl^aḥ:

12 wə’eṯ-resen bên nînəwēh ûḇên kāl^aḥ hiw’ hā‘îr hagəḏōlâ:

13 ûmiṣərayim yālaḏ ’eṯ-lûḏîm wə’eṯ-‘ănāmîm wə’eṯ-ləhāḇîm wə’eṯ-nafətuḥîm:

14 wə’eṯ-paṯərusîm wə’eṯ-kasəluḥîm ’ăšer yāṣə’û miššām pəlišətîm wə’eṯ-kafətōrîm: s

15 ûḵən^a‘an yālaḏ ’eṯ-ṣîḏōn bəḵōrwō wə’eṯ-ḥēṯ:

16 wə’eṯ-hayəḇûsî wə’eṯ-hā’ĕmōrî wə’ēṯ hagirəgāšî:

17 wə’eṯ-h^aḥiûî wə’eṯ-h^a‘arəqî wə’eṯ-hassînî:

18 wə’eṯ-hā’arəwāḏî wə’eṯ-haṣṣəmārî wə’eṯ-h^aḥămāṯî wə’^aḥar nāfōṣû mišəpəḥwōṯ hakən^a‘ănî:

19 wayəhî gəḇûl hakən^a‘ănî miṣṣîḏōn bō’ăḵâ ḡərārâ ‘aḏ-‘azzâ bō’ăḵâ səḏōmâ w^a‘ămōrâ wə’aḏəmâ ûṣəḇōyim ‘aḏ-lāš^a‘:

20 ’ēlleh ḇənê-ḥām ləmišəpəḥōṯām liləšōnōṯām bə’arəṣōṯām bəḡwōyēhem: s

21 ûləšēm yullaḏ gam-hû’ ’ăḇî kāl-bənê-‘ēḇer ’ăḥî yefeṯ hagāḏwōl:

22 bənê šēm ‘êlām wə’aššûr wə’arəpaḵəšaḏ wəlûḏ wa’ărām:

23 ûḇənê ’ărām ‘ûṣ wəḥûl wəḡeṯer wāmaš:

24 wə’arəpaḵəšaḏ yālaḏ ’eṯ-šāl^aḥ wəšel^aḥ yālaḏ ’eṯ-‘ēḇer:

25 ûlə‘ēḇer yullaḏ šənê ḇānîm šēm hā’eḥāḏ peleḡ kî ḇəyāmāyw nifələḡâ hā’āreṣ wəšēm ’āḥîw yāqəṭān:

26 wəyāqəṭān yālaḏ ’eṯ-’aləmwōḏāḏ wə’eṯ-šālef wə’eṯ-ḥăṣarəmāweṯ wə’eṯ-yār^aḥ:

27 wə’eṯ-hăḏwōrām wə’eṯ-’ûzāl wə’eṯ-diqəlâ:

28 wə’eṯ-‘wōḇāl wə’eṯ-’ăḇîmā’ēl wə’eṯ-šəḇā’:

29 wə’eṯ-’wōfir wə’eṯ-ḥăwîlâ wə’eṯ-ywōḇāḇ kāl-’ēlleh bənê yāqəṭān:

30 wayəhî mwōšāḇām mimmēšā’ bō’ăḵâ səfārâ har haqqeḏem:

31 ’ēlleh ḇənê-šēm ləmišəpəḥōṯām liləšōnōṯām bə’arəṣōṯām ləḡwōyēhem:

32 ’ēlleh mišəpəḥōṯ bənê-nōḥa ləṯwōləḏōṯām bəḡwōyēhem ûmē’ēlleh nifərəḏû hagwōyim bā’āreṣ ’^aḥar hammabûl: f

‎1 ‏וַֽיְהִ֥י כָל־הָאָ֖רֶץ שָׂפָ֣ה אֶחָ֑ת וּדְבָרִ֖ים אֲחָדִֽים׃

‎2 ‏וַֽיְהִ֖י בְּנָסְעָ֣ם מִקֶּ֑דֶם וַֽיִּמְצְא֥וּ בִקְעָ֛ה בְּאֶ֥רֶץ שִׁנְעָ֖ר וַיֵּ֥שְׁבוּ שָֽׁם׃

‎3 ‏וַיֹּאמְר֞וּ אִ֣ישׁ אֶל־רֵעֵ֗הוּ הָ֚בָה נִלְבְּנָ֣ה לְבֵנִ֔ים וְנִשְׂרְפָ֖ה לִשְׂרֵפָ֑ה וַתְּהִ֨י לָהֶ֤ם הַלְּבֵנָה֙ לְאָ֔בֶן וְהַ֣חֵמָ֔ר הָיָ֥ה לָהֶ֖ם לַחֹֽמֶר׃

‎4 ‏וַיֹּאמְר֞וּ הָ֣בָה׀ נִבְנֶה־לָּ֣נוּ עִ֗יר וּמִגְדָּל֙ וְרֹאשׁ֣וֹ בַשָּׁמַ֔יִם וְנַֽעֲשֶׂה־לָּ֖נוּ שֵׁ֑ם פֶּן־נָפ֖וּץ עַל־פְּנֵ֥י כָל־הָאָֽרֶץ׃

‎5 ‏וַיֵּ֣רֶד יְהוָ֔ה לִרְאֹ֥ת אֶת־הָעִ֖יר וְאֶת־הַמִּגְדָּ֑ל אֲשֶׁ֥ר בָּנ֖וּ בְּנֵ֥י הָאָדָֽם׃

‎6 ‏וַיֹּ֣אמֶר יְהוָ֗ה הֵ֣ן עַ֤ם אֶחָד֙ וְשָׂפָ֤ה אַחַת֙ לְכֻלָּ֔ם וְזֶ֖ה הַחִלָּ֣ם לַעֲשׂ֑וֹת וְעַתָּה֙ לֹֽא־יִבָּצֵ֣ר מֵהֶ֔ם כֹּ֛ל אֲשֶׁ֥ר יָזְמ֖וּ לַֽעֲשֽׂוֹת׃

‎7 ‏הָ֚בָה נֵֽרְדָ֔ה וְנָבְלָ֥ה שָׁ֖ם שְׂפָתָ֑ם אֲשֶׁר֙ לֹ֣א יִשְׁמְע֔וּ אִ֖ישׁ שְׂפַ֥ת רֵעֵֽהוּ׃

‎8 ‏וַיָּ֨פֶץ יְהוָ֥ה אֹתָ֛ם מִשָּׁ֖ם עַל־פְּנֵ֣י כָל־הָאָ֑רֶץ וַֽיַּחְדְּל֖וּ לִבְנֹ֥ת הָעִֽיר׃

‎9 ‏עַל־כֵּ֞ן קָרָ֤א שְׁמָהּ֙ בָּבֶ֔ל כִּי־שָׁ֛ם בָּלַ֥ל יְהוָ֖ה שְׂפַ֣ת כָּל־הָאָ֑רֶץ וּמִשָּׁם֙ הֱפִיצָ֣ם יְהוָ֔ה עַל־פְּנֵ֖י כָּל־הָאָֽרֶץ׃ פ

‎10 ‏אֵ֚לֶּה תּוֹלְדֹ֣ת שֵׁ֔ם שֵׁ֚ם בֶּן־מְאַ֣ת שָׁנָ֔ה וַיּ֖וֹלֶד אֶת־אַרְפַּכְשָׁ֑ד שְׁנָתַ֖יִם אַחַ֥ר הַמַּבּֽוּל׃

‎11 ‏וַֽיְחִי־שֵׁ֗ם אַֽחֲרֵי֙ הוֹלִיד֣וֹ אֶת־אַרְפַּכְשָׁ֔ד חֲמֵ֥שׁ מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃ ס

‎12 ‏וְאַרְפַּכְשַׁ֣ד חַ֔י חָמֵ֥שׁ וּשְׁלֹשִׁ֖ים שָׁנָ֑ה וַיּ֖וֹלֶד אֶת־שָֽׁלַח׃

‎13 ‏וַֽיְחִ֣י אַרְפַּכְשַׁ֗ד אַֽחֲרֵי֙ הוֹלִיד֣וֹ אֶת־שֶׁ֔לַח שָׁלֹ֣שׁ שָׁנִ֔ים וְאַרְבַּ֥ע מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃ ס

‎14 ‏וְשֶׁ֥לַח חַ֖י שְׁלֹשִׁ֣ים שָׁנָ֑ה וַיּ֖וֹלֶד אֶת־עֵֽבֶר׃

‎15 ‏וַֽיְחִי־שֶׁ֗לַח אַחֲרֵי֙ הוֹלִיד֣וֹ אֶת־עֵ֔בֶר שָׁלֹ֣שׁ שָׁנִ֔ים וְאַרְבַּ֥ע מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃ ס

‎16 ‏וַֽיְחִי־עֵ֕בֶר אַרְבַּ֥ע וּשְׁלֹשִׁ֖ים שָׁנָ֑ה וַיּ֖וֹלֶד אֶת־פָּֽלֶג׃

‎17 ‏וַֽיְחִי־עֵ֗בֶר אַחֲרֵי֙ הוֹלִיד֣וֹ אֶת־פֶּ֔לֶג שְׁלֹשִׁ֣ים שָׁנָ֔ה וְאַרְבַּ֥ע מֵא֖וֹת שָׁנָ֑ה וַיּ֥וֹלֶד בָּנִ֖ים וּבָנֽוֹת׃ ס

‎18 ‏וַֽיְחִי־פֶ֖לֶג שְׁלֹשִׁ֣ים שָׁנָ֑ה וַיּ֖וֹלֶד אֶת־רְעֽוּ׃

‎19 ‏וַֽיְחִי־פֶ֗לֶג אַחֲרֵי֙ הוֹלִיד֣וֹ אֶת־רְע֔וּ תֵּ֥שַׁע שָׁנִ֖ים וּמָאתַ֣יִם שָׁנָ֑ה וַיּ֥וֹלֶד בָּנִ֖ים וּבָנֽוֹת׃ ס

‎20 ‏וַיְחִ֣י רְע֔וּ שְׁתַּ֥יִם וּשְׁלֹשִׁ֖ים שָׁנָ֑ה וַיּ֖וֹלֶד אֶת־שְׂרֽוּג׃

‎21 ‏וַיְחִ֣י רְע֗וּ אַחֲרֵי֙ הוֹלִיד֣וֹ אֶת־שְׂר֔וּג שֶׁ֥בַע שָׁנִ֖ים וּמָאתַ֣יִם שָׁנָ֑ה וַיּ֥וֹלֶד בָּנִ֖ים וּבָנֽוֹת׃ ס

‎22 ‏וַיְחִ֥י שְׂר֖וּג שְׁלֹשִׁ֣ים שָׁנָ֑ה וַיּ֖וֹלֶד אֶת־נָחֽוֹר׃

‎23 ‏וַיְחִ֣י שְׂר֗וּג אַחֲרֵ֛י הוֹלִיד֥וֹ אֶת־נָח֖וֹר מָאתַ֣יִם שָׁנָ֑ה וַיּ֥וֹלֶד בָּנִ֖ים וּבָנֽוֹת׃ ס

‎24 ‏וַיְחִ֣י נָח֔וֹר תֵּ֥שַׁע וְעֶשְׂרִ֖ים שָׁנָ֑ה וַיּ֖וֹלֶד אֶת־תָּֽרַח׃

‎25 ‏וַיְחִ֣י נָח֗וֹר אַחֲרֵי֙ הוֹלִיד֣וֹ אֶת־תֶּ֔רַח תְּשַֽׁע־עֶשְׂרֵ֥ה שָׁנָ֖ה וּמְאַ֣ת שָׁנָ֑ה וַיּ֥וֹלֶד בָּנִ֖ים וּבָנֽוֹת׃ ס

‎26 ‏וַֽיְחִי־תֶ֖רַח שִׁבְעִ֣ים שָׁנָ֑ה וַיּ֙וֹלֶד֙ אֶת־אַבְרָ֔ם אֶת־נָח֖וֹר וְאֶת־הָרָֽן׃

‎27 ‏וְאֵ֙לֶּה֙ תּוֹלְדֹ֣ת תֶּ֔רַח תֶּ֚רַח הוֹלִ֣יד אֶת־אַבְרָ֔ם אֶת־נָח֖וֹר וְאֶת־הָרָ֑ן וְהָרָ֖ן הוֹלִ֥יד אֶת־לֽוֹט׃

‎28 ‏וַיָּ֣מָת הָרָ֔ן עַל־פְּנֵ֖י תֶּ֣רַח אָבִ֑יו בְּאֶ֥רֶץ מוֹלַדְתּ֖וֹ בְּא֥וּר כַּשְׂדִּֽים׃

‎29 ‏וַיִּקַּ֨ח אַבְרָ֧ם וְנָח֛וֹר לָהֶ֖ם נָשִׁ֑ים שֵׁ֤ם אֵֽשֶׁת־אַבְרָם֙ שָׂרָ֔י וְשֵׁ֤ם אֵֽשֶׁת־נָחוֹר֙ מִלְכָּ֔ה בַּת־הָרָ֥ן אֲבִֽי־מִלְכָּ֖ה וַֽאֲבִ֥י יִסְכָּֽה׃

‎30 ‏וַתְּהִ֥י שָׂרַ֖י עֲקָרָ֑ה אֵ֥ין לָ֖הּ וָלָֽד׃

‎31 ‏וַיִּקַּ֨ח תֶּ֜רַח אֶת־אַבְרָ֣ם בְּנ֗וֹ וְאֶת־ל֤וֹט בֶּן־הָרָן֙ בֶּן־בְּנ֔וֹ וְאֵת֙ שָׂרַ֣י כַּלָּת֔וֹ אֵ֖שֶׁת אַבְרָ֣ם בְּנ֑וֹ וַיֵּצְא֨וּ אִתָּ֜ם מֵא֣וּר כַּשְׂדִּ֗ים לָלֶ֙כֶת֙ אַ֣רְצָה כְּנַ֔עַן וַיָּבֹ֥אוּ עַד־חָרָ֖ן וַיֵּ֥שְׁבוּ שָֽׁם׃

‎32 ‏וַיִּהְי֣וּ יְמֵי־תֶ֔רַח חָמֵ֥שׁ שָׁנִ֖ים וּמָאתַ֣יִם שָׁנָ֑ה וַיָּ֥מָת תֶּ֖רַח בְּחָרָֽן׃ ס

1 wayəhî ḵāl-hā’āreṣ śāfâ ’eḥāṯ ûḏəḇārîm ’ăḥāḏîm:

2 wayəhî bənāsə‘ām miqqeḏem wayyiməṣə’û ḇiqə‘â bə’ereṣ šinə‘ār wayyēšəḇû šām:

3 wayyō’mərû ’îš ’el-rē‘ēhû hāḇâ niləbənâ ləḇēnîm wəniśərəfâ liśərēfâ watəhî lâem halləḇēnâ lə’āḇen wəh^aḥēmār hāyâ lâem l^aḥōmer:

4 wayyō’mərû hāḇâ| niḇəneh-llānû ‘îr ûmiḡədāl wərō’šwō ḇaššāmayim wən^a‘ăśeh-llānû šēm pen-nāfûṣ ‘al-pənê ḵāl-hā’āreṣ:

5 wayyēreḏ yəhwâ lirə’ōṯ ’eṯ-hā‘îr wə’eṯ-hammiḡədāl ’ăšer bānû bənê hā’āḏām:

6 wayyō’mer yəhwâ hēn ‘am ’eḥāḏ wəśāfâ ’^aḥaṯ ləḵullām wəzeh h^aḥillām l^a‘ăśwōṯ wə‘atâ lō’-yibāṣēr mēhem kōl ’ăšer yāzəmû l^a‘ăśwōṯ:

7 hāḇâ nērəḏâ wənāḇəlâ šām śəfāṯām ’ăšer lō’ yišəmə‘û ’îš śəfaṯ rē‘ēhû:

8 wayyāfeṣ yəhwâ ’ōṯām miššām ‘al-pənê ḵāl-hā’āreṣ wayy^aḥədəlû liḇənōṯ hā‘îr:

9 ‘al-kēn qārā’ šəmāh bāḇel kî-šām bālal yəhwâ śəfaṯ kāl-hā’āreṣ ûmiššām hĕfîṣām yəhwâ ‘al-pənê kāl-hā’āreṣ: f

10 ’ēlleh twōləḏōṯ šēm šēm ben-mə’aṯ šānâ wayywōleḏ ’eṯ-’arəpaḵəšāḏ šənāṯayim ’^aḥar hammabûl:

11 wayəḥî-šēm ’^aḥărê hwōlîḏwō ’eṯ-’arəpaḵəšāḏ ḥămēš mē’wōṯ šānâ wayywōleḏ bānîm ûḇānwōṯ: s

12 wə’arəpaḵəšaḏ ḥay ḥāmēš ûšəlōšîm šānâ wayywōleḏ ’eṯ-šāl^aḥ:

13 wayəḥî ’arəpaḵəšaḏ ’^aḥărê hwōlîḏwō ’eṯ-šel^aḥ šālōš šānîm wə’arəb^a‘ mē’wōṯ šānâ wayywōleḏ bānîm ûḇānwōṯ: s

14 wəšel^aḥ ḥay šəlōšîm šānâ wayywōleḏ ’eṯ-‘ēḇer:

15 wayəḥî-šel^aḥ ’^aḥărê hwōlîḏwō ’eṯ-‘ēḇer šālōš šānîm wə’arəb^a‘ mē’wōṯ šānâ wayywōleḏ bānîm ûḇānwōṯ: s

16 wayəḥî-‘ēḇer ’arəb^a‘ ûšəlōšîm šānâ wayywōleḏ ’eṯ-pāleḡ:

17 wayəḥî-‘ēḇer ’^aḥărê hwōlîḏwō ’eṯ-peleḡ šəlōšîm šānâ wə’arəb^a‘ mē’wōṯ šānâ wayywōleḏ bānîm ûḇānwōṯ: s

18 wayəḥî-feleḡ šəlōšîm šānâ wayywōleḏ ’eṯ-rə‘û:

19 wayəḥî-feleḡ ’^aḥărê hwōlîḏwō ’eṯ-rə‘û tēš^a‘ šānîm ûmā’ṯayim šānâ wayywōleḏ bānîm ûḇānwōṯ: s

20 wayəḥî rə‘û šətayim ûšəlōšîm šānâ wayywōleḏ ’eṯ-śərûḡ:

21 wayəḥî rə‘û ’^aḥărê hwōlîḏwō ’eṯ-śərûḡ šeḇ^a‘ šānîm ûmā’ṯayim šānâ wayywōleḏ bānîm ûḇānwōṯ: s

22 wayəḥî śərûḡ šəlōšîm šānâ wayywōleḏ ’eṯ-nāḥwōr:

23 wayəḥî śərûḡ ’^aḥărê hwōlîḏwō ’eṯ-nāḥwōr mā’ṯayim šānâ wayywōleḏ bānîm ûḇānwōṯ: s

24 wayəḥî nāḥwōr tēš^a‘ wə‘eśərîm šānâ wayywōleḏ ’eṯ-tār^aḥ:

25 wayəḥî nāḥwōr ’^aḥărê hwōlîḏwō ’eṯ-ter^aḥ təš^a‘-‘eśərēh šānâ ûmə’aṯ šānâ wayywōleḏ bānîm ûḇānwōṯ: s

26 wayəḥî-ṯer^aḥ šiḇə‘îm šānâ wayywōleḏ ’eṯ-’aḇərām ’eṯ-nāḥwōr wə’eṯ-hārān:

27 wə’ēlleh twōləḏōṯ ter^aḥ ter^aḥ hwōlîḏ ’eṯ-’aḇərām ’eṯ-nāḥwōr wə’eṯ-hārān wəhārān hwōlîḏ ’eṯ-lwōṭ:

28 wayyāmāṯ hārān ‘al-pənê ter^aḥ ’āḇîw bə’ereṣ mwōlaḏətwō bə’ûr kaśədîm:

29 wayyiqq^aḥ ’aḇərām wənāḥwōr lâem nāšîm šēm ’ēšeṯ-’aḇərām śārāy wəšēm ’ēšeṯ-nāḥwōr miləkâ baṯ-hārān ’ăḇî-miləkâ wa’ăḇî yisəkâ:

30 watəhî śāray ‘ăqārâ ’ên lāh wālāḏ:

31 wayyiqq^aḥ ter^aḥ ’eṯ-’aḇərām bənwō wə’eṯ-lwōṭ ben-hārān ben-bənwō wə’ēṯ śāray kallāṯwō ’ēšeṯ ’aḇərām bənwō wayyēṣə’û ’itām mē’ûr kaśədîm lāleḵeṯ ’arəṣâ kən^a‘an wayyāḇō’û ‘aḏ-ḥārān wayyēšəḇû šām:

32 wayyihəyû yəmê-ṯer^aḥ ḥāmēš šānîm ûmā’ṯayim šānâ wayyāmāṯ ter^aḥ bəḥārān: s

‎1 ‏וַיֹּ֤אמֶר יְהוָה֙ אֶל־אַבְרָ֔ם לֶךְ־לְךָ֛ מֵאַרְצְךָ֥ וּמִמּֽוֹלַדְתְּךָ֖ וּמִבֵּ֣ית אָבִ֑יךָ אֶל־הָאָ֖רֶץ אֲשֶׁ֥ר אַרְאֶֽךָּ׃

‎2 ‏וְאֶֽעֶשְׂךָ֙ לְג֣וֹי גָּד֔וֹל וַאֲבָ֣רֶכְךָ֔ וַאֲגַדְּלָ֖ה שְׁמֶ֑ךָ וֶהְיֵ֖ה בְּרָכָֽה׃

‎3 ‏וַאֲבָֽרֲכָה֙ מְבָ֣רְכֶ֔יךָ וּמְקַלֶּלְךָ֖ אָאֹ֑ר וְנִבְרְכ֣וּ בְךָ֔ כֹּ֖ל מִשְׁפְּחֹ֥ת הָאֲדָמָֽה׃

‎4 ‏וַיֵּ֣לֶךְ אַבְרָ֗ם כַּאֲשֶׁ֨ר דִּבֶּ֤ר אֵלָיו֙ יְהוָ֔ה וַיֵּ֥לֶךְ אִתּ֖וֹ ל֑וֹט וְאַבְרָ֗ם בֶּן־חָמֵ֤שׁ שָׁנִים֙ וְשִׁבְעִ֣ים שָׁנָ֔ה בְּצֵאת֖וֹ מֵחָרָֽן׃

‎5 ‏וַיִּקַּ֣ח אַבְרָם֩ אֶת־שָׂרַ֨י אִשְׁתּ֜וֹ וְאֶת־ל֣וֹט בֶּן־אָחִ֗יו וְאֶת־כָּל־רְכוּשָׁם֙ אֲשֶׁ֣ר רָכָ֔שׁוּ וְאֶת־הַנֶּ֖פֶשׁ אֲשֶׁר־עָשׂ֣וּ בְחָרָ֑ן וַיֵּצְא֗וּ לָלֶ֙כֶת֙ אַ֣רְצָה כְּנַ֔עַן וַיָּבֹ֖אוּ אַ֥רְצָה כְּנָֽעַן׃

‎6 ‏וַיַּעֲבֹ֤ר אַבְרָם֙ בָּאָ֔רֶץ עַ֚ד מְק֣וֹם שְׁכֶ֔ם עַ֖ד אֵל֣וֹן מוֹרֶ֑ה וְהַֽכְּנַעֲנִ֖י אָ֥ז בָּאָֽרֶץ׃

‎7 ‏וַיֵּרָ֤א יְהוָה֙ אֶל־אַבְרָ֔ם וַיֹּ֕אמֶר לְזַ֨רְעֲךָ֔ אֶתֵּ֖ן אֶת־הָאָ֣רֶץ הַזֹּ֑את וַיִּ֤בֶן שָׁם֙ מִזְבֵּ֔חַ לַיהוָ֖ה הַנִּרְאֶ֥ה אֵלָֽיו׃

‎8 ‏וַיַּעְתֵּ֨ק מִשָּׁ֜ם הָהָ֗רָה מִקֶּ֛דֶם לְבֵֽית־אֵ֖ל וַיֵּ֣ט אָהֳלֹ֑ה^q בֵּֽית־אֵ֤ל מִיָּם֙ וְהָעַ֣י מִקֶּ֔דֶם וַיִּֽבֶן־שָׁ֤ם מִזְבֵּ֙חַ֙ לַֽיהוָ֔ה וַיִּקְרָ֖א בְּשֵׁ֥ם יְהוָֽה׃

‎9 ‏וַיִּסַּ֣ע אַבְרָ֔ם הָל֥וֹךְ וְנָס֖וֹעַ הַנֶּֽגְבָּה׃ פ

‎10 ‏וַיְהִ֥י רָעָ֖ב בָּאָ֑רֶץ וַיֵּ֨רֶד אַבְרָ֤ם מִצְרַ֙יְמָה֙ לָג֣וּר שָׁ֔ם כִּֽי־כָבֵ֥ד הָרָעָ֖ב בָּאָֽרֶץ׃

‎11 ‏וַיְהִ֕י כַּאֲשֶׁ֥ר הִקְרִ֖יב לָב֣וֹא מִצְרָ֑יְמָה וַיֹּ֙אמֶר֙ אֶל־שָׂרַ֣י אִשְׁתּ֔וֹ הִנֵּה־נָ֣א יָדַ֔עְתִּי כִּ֛י אִשָּׁ֥ה יְפַת־מַרְאֶ֖ה אָֽתְּ׃

‎12 ‏וְהָיָ֗ה כִּֽי־יִרְא֤וּ אֹתָךְ֙ הַמִּצְרִ֔ים וְאָמְר֖וּ אִשְׁתּ֣וֹ זֹ֑את וְהָרְג֥וּ אֹתִ֖י וְאֹתָ֥ךְ יְחַיּֽוּ׃

‎13 ‏אִמְרִי־נָ֖א אֲחֹ֣תִי אָ֑תְּ לְמַ֙עַן֙ יִֽיטַב־לִ֣י בַעֲבוּרֵ֔ךְ וְחָיְתָ֥ה נַפְשִׁ֖י בִּגְלָלֵֽךְ׃

‎14 ‏וַיְהִ֕י כְּב֥וֹא אַבְרָ֖ם מִצְרָ֑יְמָה וַיִּרְא֤וּ הַמִּצְרִים֙ אֶת־הָ֣אִשָּׁ֔ה כִּֽי־יָפָ֥ה הִ֖וא מְאֹֽד׃

‎15 ‏וַיִּרְא֤וּ אֹתָהּ֙ שָׂרֵ֣י פַרְעֹ֔ה וַיְהַֽלְל֥וּ אֹתָ֖הּ אֶל־פַּרְעֹ֑ה וַתֻּקַּ֥ח הָאִשָּׁ֖ה בֵּ֥ית פַּרְעֹֽה׃

‎16 ‏וּלְאַבְרָ֥ם הֵיטִ֖יב בַּעֲבוּרָ֑הּ וַֽיְהִי־ל֤וֹ צֹאן־וּבָקָר֙ וַחֲמֹרִ֔ים וַעֲבָדִים֙ וּשְׁפָחֹ֔ת וַאֲתֹנֹ֖ת וּגְמַלִּֽים׃

‎17 ‏וַיְנַגַּ֨ע יְהוָ֧ה׀ אֶת־פַּרְעֹ֛ה נְגָעִ֥ים גְּדֹלִ֖ים וְאֶת־בֵּית֑וֹ עַל־דְּבַ֥ר שָׂרַ֖י אֵ֥שֶׁת אַבְרָֽם׃

‎18 ‏וַיִּקְרָ֤א פַרְעֹה֙ לְאַבְרָ֔ם וַיֹּ֕אמֶר מַה־זֹּ֖את עָשִׂ֣יתָ לִּ֑י לָ֚מָּה לֹא־הִגַּ֣דְתָּ לִּ֔י כִּ֥י אִשְׁתְּךָ֖ הִֽוא׃

‎19 ‏לָמָ֤ה אָמַ֙רְתָּ֙ אֲחֹ֣תִי הִ֔וא וָאֶקַּ֥ח אֹתָ֛הּ לִ֖י לְאִשָּׁ֑ה וְעַתָּ֕ה הִנֵּ֥ה אִשְׁתְּךָ֖ קַ֥ח וָלֵֽךְ׃

‎20 ‏וַיְצַ֥ו עָלָ֛יו פַּרְעֹ֖ה אֲנָשִׁ֑ים וַֽיְשַׁלְּח֥וּ אֹת֛וֹ וְאֶת־אִשְׁתּ֖וֹ וְאֶת־כָּל־אֲשֶׁר־לֽוֹ׃

1 wayyō’mer yəhwâ ’el-’aḇərām leḵə-ləḵā mē’arəṣəḵā ûmimmwōlaḏətəḵā ûmibêṯ ’āḇîḵā ’el-hā’āreṣ ’ăšer ’arə’eḵḵā:

2 wə’e‘eśəḵā ləḡwōy gāḏwōl wa’ăḇāreḵəḵā wa’ăḡadəlâ šəmeḵā wehəyēh bərāḵâ:

3 wa’ăḇārăḵâ məḇārəḵeyḵā ûməqalleləḵā ’ā’ōr wəniḇərəḵû ḇəḵā kōl mišəpəḥōṯ hā’ăḏāmâ:

4 wayyēleḵə ’aḇərām ka’ăšer diber ’ēlāyw yəhwâ wayyēleḵə ’itwō lwōṭ wə’aḇərām ben-ḥāmēš šānîm wəšiḇə‘îm šānâ bəṣē’ṯwō mēḥārān:

5 wayyiqq^aḥ ’aḇərām ’eṯ-śāray ’išətwō wə’eṯ-lwōṭ ben-’āḥîw wə’eṯ-kāl-rəḵûšām ’ăšer rāḵāšû wə’eṯ-hannefeš ’ăšer-‘āśû ḇəḥārān wayyēṣə’û lāleḵeṯ ’arəṣâ kən^a‘an wayyāḇō’û ’arəṣâ kənā‘an:

6 wayy^a‘ăḇōr ’aḇərām bā’āreṣ ‘aḏ məqwōm šəḵem ‘aḏ ’ēlwōn mwōreh wəhakən^a‘ănî ’āz bā’āreṣ:

7 wayyērā’ yəhwâ ’el-’aḇərām wayyō’mer ləzarə‘ăḵā ’etēn ’eṯ-hā’āreṣ hazzō’ṯ wayyiḇen šām mizəbēḥa layhwâ hannirə’eh ’ēlāyw:

8 wayy^a‘ətēq miššām hâārâ miqqeḏem ləḇêṯ-’ēl wayyēṭ ’âŏlōh^q bêṯ-’ēl mîyām wəhā‘ay miqqeḏem wayyiḇen-šām mizəbēḥa layhwâ wayyiqərā’ bəšēm yəhwâ:

9 wayyiss^a‘ ’aḇərām hālwōḵə wənāswō‘a hanneḡəbâ: f

10 wayəhî rā‘āḇ bā’āreṣ wayyēreḏ ’aḇərām miṣərayəmâ lāḡûr šām kî-ḵāḇēḏ hārā‘āḇ bā’āreṣ:

11 wayəhî ka’ăšer hiqərîḇ lāḇwō’ miṣərāyəmâ wayyō’mer ’el-śāray ’išətwō hinnēh-nā’ yāḏ^a‘ətî kî ’iššâ yəfaṯ-marə’eh ’ātə:

12 wəhāyâ kî-yirə’û ’ōṯāḵə hammiṣərîm wə’āmərû ’išətwō zō’ṯ wəhārəḡû ’ōṯî wə’ōṯāḵə yəḥayyû:

13 ’imərî-nā’ ’ăḥōṯî ’ātə ləm^a‘an yîṭaḇ-lî ḇ^a‘ăḇûrēḵə wəḥāyəṯâ nafəšî biḡəlālēḵə:

14 wayəhî kəḇwō’ ’aḇərām miṣərāyəmâ wayyirə’û hammiṣərîm ’eṯ-hā’iššâ kî-yāfâ hiw’ mə’ōḏ:

15 wayyirə’û ’ōṯāh śārê farə‘ōh wayəhaləlû ’ōṯāh ’el-parə‘ōh watuqq^aḥ hā’iššâ bêṯ parə‘ōh:

16 ûlə’aḇərām hêṭîḇ b^a‘ăḇûrāh wayəhî-lwō ṣō’n-ûḇāqār w^aḥămōrîm w^a‘ăḇāḏîm ûšəfāḥōṯ wa’ăṯōnōṯ ûḡəmallîm:

17 wayənag^a‘ yəhwâ| ’eṯ-parə‘ōh nəḡā‘îm gəḏōlîm wə’eṯ-bêṯwō ‘al-dəḇar śāray ’ēšeṯ ’aḇərām:

18 wayyiqərā’ farə‘ōh lə’aḇərām wayyō’mer mah-zzō’ṯ ‘āśîṯā llî lāmmâ lō’-higaḏətā llî kî ’išətəḵā hiw’:

19 lāmâ ’āmarətā ’ăḥōṯî hiw’ wā’eqq^aḥ ’ōṯāh lî lə’iššâ wə‘atâ hinnēh ’išətəḵā q^aḥ wālēḵə:

20 wayəṣaw ‘ālāyw parə‘ōh ’ănāšîm wayəšalləḥû ’ōṯwō wə’eṯ-’išətwō wə’eṯ-kāl-’ăšer-lwō:

‎1 ‏וַיַּעַל֩ אַבְרָ֨ם מִמִּצְרַ֜יִם ה֠וּא וְאִשְׁתּ֧וֹ וְכָל־אֲשֶׁר־ל֛וֹ וְל֥וֹט עִמּ֖וֹ הַנֶּֽגְבָּה׃

‎2 ‏וְאַבְרָ֖ם כָּבֵ֣ד מְאֹ֑ד בַּמִּקְנֶ֕ה בַּכֶּ֖סֶף וּבַזָּהָֽב׃

‎3 ‏וַיֵּ֙לֶךְ֙ לְמַסָּעָ֔יו מִנֶּ֖גֶב וְעַד־בֵּֽית־אֵ֑ל עַד־הַמָּק֗וֹם אֲשֶׁר־הָ֨יָה שָׁ֤ם אהלה אָֽהֳלוֹ֙ בַּתְּחִלָּ֔ה בֵּ֥ין בֵּֽית־אֵ֖ל וּבֵ֥ין הָעָֽי׃

‎4 ‏אֶל־מְקוֹם֙ הַמִּזְבֵּ֔חַ אֲשֶׁר־עָ֥שָׂה שָׁ֖ם בָּרִאשֹׁנָ֑ה וַיִּקְרָ֥א שָׁ֛ם אַבְרָ֖ם בְּשֵׁ֥ם יְהוָֽה׃

‎5 ‏וְגַם־לְל֔וֹט הַהֹלֵ֖ךְ אֶת־אַבְרָ֑ם הָיָ֥ה צֹאן־וּבָקָ֖ר וְאֹהָלִֽים׃

‎6 ‏וְלֹא־נָשָׂ֥א אֹתָ֛ם הָאָ֖רֶץ לָשֶׁ֣בֶת יַחְדָּ֑ו כִּֽי־הָיָ֤ה רְכוּשָׁם֙ רָ֔ב וְלֹ֥א יָֽכְל֖וּ לָשֶׁ֥בֶת יַחְדָּֽו׃

‎7 ‏וַֽיְהִי־רִ֗יב בֵּ֚ין רֹעֵ֣י מִקְנֵֽה־אַבְרָ֔ם וּבֵ֖ין רֹעֵ֣י מִקְנֵה־ל֑וֹט וְהַֽכְּנַעֲנִי֙ וְהַפְּרִזִּ֔י אָ֖ז יֹשֵׁ֥ב בָּאָֽרֶץ׃

‎8 ‏וַיֹּ֨אמֶר אַבְרָ֜ם אֶל־ל֗וֹט אַל־נָ֨א תְהִ֤י מְרִיבָה֙ בֵּינִ֣י וּבֵינֶ֔יךָ וּבֵ֥ין רֹעַ֖י וּבֵ֣ין רֹעֶ֑יךָ כִּֽי־אֲנָשִׁ֥ים אַחִ֖ים אֲנָֽחְנוּ׃

‎9 ‏הֲלֹ֤א כָל־הָאָ֙רֶץ֙ לְפָנֶ֔יךָ הִפָּ֥רֶד נָ֖א מֵעָלָ֑י אִם־הַשְּׂמֹ֣אל וְאֵימִ֔נָה וְאִם־הַיָּמִ֖ין וְאַשְׂמְאִֽילָה׃

‎10 ‏וַיִּשָּׂא־ל֣וֹט אֶת־עֵינָ֗יו וַיַּרְא֙ אֶת־כָּל־כִּכַּ֣ר הַיַּרְדֵּ֔ן כִּ֥י כֻלָּ֖הּ מַשְׁקֶ֑ה לִפְנֵ֣י׀ שַׁחֵ֣ת יְהוָ֗ה אֶת־סְדֹם֙ וְאֶת־עֲמֹרָ֔ה כְּגַן־יְהוָה֙ כְּאֶ֣רֶץ מִצְרַ֔יִם בֹּאֲכָ֖ה צֹֽעַר׃

‎11 ‏וַיִּבְחַר־ל֣וֹ ל֗וֹט אֵ֚ת כָּל־כִּכַּ֣ר הַיַּרְדֵּ֔ן וַיִּסַּ֥ע ל֖וֹט מִקֶּ֑דֶם וַיִּפָּ֣רְד֔וּ אִ֖ישׁ מֵעַ֥ל אָחִֽיו׃

‎12 ‏אַבְרָ֖ם יָשַׁ֣ב בְּאֶֽרֶץ־כְּנָ֑עַן וְל֗וֹט יָשַׁב֙ בְּעָרֵ֣י הַכִּכָּ֔ר וַיֶּאֱהַ֖ל עַד־סְדֹֽם׃

‎13 ‏וְאַנְשֵׁ֣י סְדֹ֔ם רָעִ֖ים וְחַטָּאִ֑ים לַיהוָ֖ה מְאֹֽד׃

‎14 ‏וַֽיהוָ֞ה אָמַ֣ר אֶל־אַבְרָ֗ם אַחֲרֵי֙ הִפָּֽרֶד־ל֣וֹט מֵֽעִמּ֔וֹ שָׂ֣א נָ֤א עֵינֶ֙יךָ֙ וּרְאֵ֔ה מִן־הַמָּק֖וֹם אֲשֶׁר־אַתָּ֣ה שָׁ֑ם צָפֹ֥נָה וָנֶ֖גְבָּה וָקֵ֥דְמָה וָיָֽמָּה׃

‎15 ‏כִּ֧י אֶת־כָּל־הָאָ֛רֶץ אֲשֶׁר־אַתָּ֥ה רֹאֶ֖ה לְךָ֣ אֶתְּנֶ֑נָּה וּֽלְזַרְעֲךָ֖ עַד־עוֹלָֽם׃

‎16 ‏וְשַׂמְתִּ֥י אֶֽת־זַרְעֲךָ֖ כַּעֲפַ֣ר הָאָ֑רֶץ אֲשֶׁ֣ר׀ אִם־יוּכַ֣ל אִ֗ישׁ לִמְנוֹת֙ אֶת־עֲפַ֣ר הָאָ֔רֶץ גַּֽם־זַרְעֲךָ֖ יִמָּנֶֽה׃

‎17 ‏ק֚וּם הִתְהַלֵּ֣ךְ בָּאָ֔רֶץ לְאָרְכָּ֖הּ וּלְרָחְבָּ֑הּ כִּ֥י לְךָ֖ אֶתְּנֶֽנָּה׃

‎18 ‏וַיֶּאֱהַ֣ל אַבְרָ֗ם וַיָּבֹ֛א וַיֵּ֛שֶׁב בְּאֵלֹנֵ֥י מַמְרֵ֖א אֲשֶׁ֣ר בְּחֶבְר֑וֹן וַיִּֽבֶן־שָׁ֥ם מִזְבֵּ֖חַ לַֽיהוָֽה׃ פ

1 wayy^a‘al ’aḇərām mimmiṣərayim hû’ wə’išətwō wəḵāl-’ăšer-lwō wəlwōṭ ‘immwō hanneḡəbâ:

2 wə’aḇərām kāḇēḏ mə’ōḏ bammiqəneh bakesef ûḇazzâāḇ:

3 wayyēleḵə ləmassā‘āyw minneḡeḇ wə‘aḏ-bêṯ-’ēl ‘aḏ-hammāqwōm ’ăšer-hāyâ šām ’âŏlōh ’âŏlwō batəḥillâ bên bêṯ-’ēl ûḇên hā‘āy:

4 ’el-məqwōm hammizəbēḥa ’ăšer-‘āśâ šām bāri’šōnâ wayyiqərā’ šām ’aḇərām bəšēm yəhwâ:

5 wəḡam-ləlwōṭ hahōlēḵə ’eṯ-’aḇərām hāyâ ṣō’n-ûḇāqār wə’ōhālîm:

6 wəlō’-nāśā’ ’ōṯām hā’āreṣ lāšeḇeṯ y^aḥədāw kî-hāyâ rəḵûšām rāḇ wəlō’ yāḵəlû lāšeḇeṯ y^aḥədāw:

7 wayəhî-rîḇ bên rō‘ê miqənēh-’aḇərām ûḇên rō‘ê miqənēh-lwōṭ wəhakən^a‘ănî wəhapərizzî ’āz yōšēḇ bā’āreṣ:

8 wayyō’mer ’aḇərām ’el-lwōṭ ’al-nā’ ṯəhî mərîḇâ bênî ûḇêneyḵā ûḇên rō‘ay ûḇên rō‘eyḵā kî-’ănāšîm ’^aḥîm ’ănāḥənû:

9 hălō’ ḵāl-hā’āreṣ ləfāneyḵā hipāreḏ nā’ mē‘ālāy ’im-haśśəmō’l wə’êminâ wə’im-hayyāmîn wə’aśəmə’îlâ:

10 wayyiśśā’-lwōṭ ’eṯ-‘ênāyw wayyarə’ ’eṯ-kāl-kikar hayyarədēn kî ḵullāh mašəqeh lifənê| š^aḥēṯ yəhwâ ’eṯ-səḏōm wə’eṯ-‘ămōrâ kəḡan-yəhwâ kə’ereṣ miṣərayim bō’ăḵâ ṣō‘ar:

11 wayyiḇəḥar-lwō lwōṭ ’ēṯ kāl-kikar hayyarədēn wayyiss^a‘ lwōṭ miqqeḏem wayyipārəḏû ’îš mē‘al ’āḥîw:

12 ’aḇərām yāšaḇ bə’ereṣ-kənā‘an wəlwōṭ yāšaḇ bə‘ārê hakikār wayye’ĕhal ‘aḏ-səḏōm:

13 wə’anəšê səḏōm rā‘îm wəḥaṭṭā’îm layhwâ mə’ōḏ:

14 wayhwâ ’āmar ’el-’aḇərām ’^aḥărê hipāreḏ-lwōṭ mē‘immwō śā’ nā’ ‘êneyḵā ûrə’ēh min-hammāqwōm ’ăšer-’atâ šām ṣāfōnâ wāneḡəbâ wāqēḏəmâ wāyāmmâ:

15 kî ’eṯ-kāl-hā’āreṣ ’ăšer-’atâ rō’eh ləḵā ’etənennâ ûləzarə‘ăḵā ‘aḏ-‘wōlām:

16 wəśamətî ’eṯ-zarə‘ăḵā k^a‘ăfar hā’āreṣ ’ăšer| ’im-yûḵal ’îš limənwōṯ ’eṯ-‘ăfar hā’āreṣ gam-zarə‘ăḵā yimmāneh:

17 qûm hiṯəhallēḵə bā’āreṣ lə’ārəkāh ûlərāḥəbāh kî ləḵā ’etənennâ:

18 wayye’ĕhal ’aḇərām wayyāḇō’ wayyēšeḇ bə’ēlōnê mamərē’ ’ăšer bəḥeḇərwōn wayyiḇen-šām mizəbēḥa layhwâ: f

‎1 ‏וַיְהִ֗י בִּימֵי֙ אַמְרָפֶ֣ל מֶֽלֶךְ־שִׁנְעָ֔ר אַרְי֖וֹךְ מֶ֣לֶךְ אֶלָּסָ֑ר כְּדָרְלָעֹ֙מֶר֙ מֶ֣לֶךְ עֵילָ֔ם וְתִדְעָ֖ל מֶ֥לֶךְ גּוֹיִֽם׃

‎2 ‏עָשׂ֣וּ מִלְחָמָ֗ה אֶת־בֶּ֙רַע֙ מֶ֣לֶךְ סְדֹ֔ם וְאֶת־בִּרְשַׁ֖ע מֶ֣לֶךְ עֲמֹרָ֑ה שִׁנְאָ֣ב׀ מֶ֣לֶךְ אַדְמָ֗ה וְשֶׁמְאֵ֙בֶר֙ מֶ֣לֶךְ צביים צְבוֹיִ֔ים³ וּמֶ֥לֶךְ בֶּ֖לַע הִיא־צֹֽעַר׃

‎3 ‏כָּל־אֵ֙לֶּה֙ חָֽבְר֔וּ אֶל־עֵ֖מֶק הַשִּׂדִּ֑ים ה֖וּא יָ֥ם הַמֶּֽלַח׃

‎4 ‏שְׁתֵּ֤ים עֶשְׂרֵה֙ שָׁנָ֔ה עָבְד֖וּ אֶת־כְּדָרְלָעֹ֑מֶר וּשְׁלֹשׁ־עֶשְׂרֵ֥ה שָׁנָ֖ה מָרָֽדוּ׃

‎5 ‏וּבְאַרְבַּע֩ עֶשְׂרֵ֨ה שָׁנָ֜ה בָּ֣א כְדָרְלָעֹ֗מֶר וְהַמְּלָכִים֙ אֲשֶׁ֣ר אִתּ֔וֹ וַיַּכּ֤וּ אֶת־רְפָאִים֙ בְּעַשְׁתְּרֹ֣ת קַרְנַ֔יִם וְאֶת־הַזּוּזִ֖ים בְּהָ֑ם וְאֵת֙ הָֽאֵימִ֔ים בְּשָׁוֵ֖ה קִרְיָתָֽיִם׃

‎6 ‏וְאֶת־הַחֹרִ֖י בְּהַרְרָ֣ם שֵׂעִ֑יר עַ֚ד אֵ֣יל פָּארָ֔ן אֲשֶׁ֖ר עַל־הַמִּדְבָּֽר׃

‎7 ‏וַ֠יָּשֻׁבוּ וַיָּבֹ֜אוּ אֶל־עֵ֤ין מִשְׁפָּט֙ הִ֣וא קָדֵ֔שׁ וַיַּכּ֕וּ אֶֽת־כָּל־שְׂדֵ֖ה הָעֲמָלֵקִ֑י וְגַם֙ אֶת־הָ֣אֱמֹרִ֔י הַיֹּשֵׁ֖ב בְּחַֽצְצֹ֥ן תָּמָֽר׃

‎8 ‏וַיֵּצֵ֨א מֶֽלֶךְ־סְדֹ֜ם וּמֶ֣לֶךְ עֲמֹרָ֗ה וּמֶ֤לֶךְ אַדְמָה֙ וּמֶ֣לֶךְ צביים צְבוֹיִ֔ם וּמֶ֥לֶךְ בֶּ֖לַע הִוא־צֹ֑עַר וַיַּֽעַרְכ֤וּ אִתָּם֙ מִלְחָמָ֔ה בְּעֵ֖מֶק הַשִּׂדִּֽים׃

‎9 ‏אֵ֣ת כְּדָרְלָעֹ֜מֶר מֶ֣לֶךְ עֵילָ֗ם וְתִדְעָל֙ מֶ֣לֶךְ גּוֹיִ֔ם וְאַמְרָפֶל֙ מֶ֣לֶךְ שִׁנְעָ֔ר וְאַרְי֖וֹךְ מֶ֣לֶךְ אֶלָּסָ֑ר אַרְבָּעָ֥ה מְלָכִ֖ים אֶת־הַחֲמִשָּֽׁה׃

‎10 ‏וְעֵ֣מֶק הַשִׂדִּ֗ים¹ בֶּֽאֱרֹ֤ת בֶּאֱרֹת֙ חֵמָ֔ר וַיָּנֻ֛סוּ מֶֽלֶךְ־סְדֹ֥ם וַעֲמֹרָ֖ה וַיִּפְּלוּ־שָׁ֑מָּה וְהַנִּשְׁאָרִ֖ים הֶ֥רָה נָּֽסוּ׃

‎11 ‏וַ֠יִּקְחוּ אֶת־כָּל־רְכֻ֨שׁ סְדֹ֧ם וַעֲמֹרָ֛ה וְאֶת־כָּל־אָכְלָ֖ם וַיֵּלֵֽכוּ׃

‎12 ‏וַיִּקְח֨וּ אֶת־ל֧וֹט וְאֶת־רְכֻשׁ֛וֹ בֶּן־אֲחִ֥י אַבְרָ֖ם וַיֵּלֵ֑כוּ וְה֥וּא יֹשֵׁ֖ב בִּסְדֹֽם׃

‎13 ‏וַיָּבֹא֙ הַפָּלִ֔יט וַיַּגֵּ֖ד לְאַבְרָ֣ם הָעִבְרִ֑י וְהוּא֩ שֹׁכֵ֨ן בְּאֵֽלֹנֵ֜י מַמְרֵ֣א הָאֱמֹרִ֗י אֲחִ֤י אֶשְׁכֹּל֙ וַאֲחִ֣י עָנֵ֔ר וְהֵ֖ם בַּעֲלֵ֥י בְרִית־אַבְרָֽם׃

‎14 ‏וַיִּשְׁמַ֣ע אַבְרָ֔ם כִּ֥י נִשְׁבָּ֖ה אָחִ֑יו וַיָּ֨רֶק אֶת־חֲנִיכָ֜יו יְלִידֵ֣י בֵית֗וֹ שְׁמֹנָ֤ה עָשָׂר֙ וּשְׁלֹ֣שׁ מֵא֔וֹת וַיִּרְדֹּ֖ף עַד־דָּֽן׃

‎15 ‏וַיֵּחָלֵ֨ק עֲלֵיהֶ֧ם׀ לַ֛יְלָה ה֥וּא וַעֲבָדָ֖יו וַיַּכֵּ֑ם וַֽיִּרְדְּפֵם֙ עַד־חוֹבָ֔ה אֲשֶׁ֥ר מִשְּׂמֹ֖אל לְדַמָּֽשֶׂק׃

‎16 ‏וַיָּ֕שֶׁב אֵ֖ת כָּל־הָרְכֻ֑שׁ וְגַם֩ אֶת־ל֨וֹט אָחִ֤יו וּרְכֻשׁוֹ֙ הֵשִׁ֔יב וְגַ֥ם אֶת־הַנָּשִׁ֖ים וְאֶת־הָעָֽם׃

‎17 ‏וַיֵּצֵ֣א מֶֽלֶךְ־סְדֹם֮ לִקְרָאתוֹ֒ אַחֲרֵ֣י שׁוּב֗וֹ מֵֽהַכּוֹת֙ אֶת־כְּדָר־לָעֹ֔מֶר¹ וְאֶת־הַמְּלָכִ֖ים אֲשֶׁ֣ר אִתּ֑וֹ אֶל־עֵ֣מֶק שָׁוֵ֔ה ה֖וּא עֵ֥מֶק הַמֶּֽלֶךְ׃

‎18 ‏וּמַלְכִּי־צֶ֙דֶק֙ מֶ֣לֶךְ שָׁלֵ֔ם הוֹצִ֖יא לֶ֣חֶם וָיָ֑יִן וְה֥וּא כֹהֵ֖ן לְאֵ֥ל עֶלְיֽוֹן׃

‎19 ‏וַֽיְבָרְכֵ֖הוּ וַיֹּאמַ֑ר בָּר֤וּךְ אַבְרָם֙ לְאֵ֣ל עֶלְי֔וֹן קֹנֵ֖ה שָׁמַ֥יִם וָאָֽרֶץ׃

‎20 ‏וּבָרוּךְ֙ אֵ֣ל עֶלְי֔וֹן אֲשֶׁר־מִגֵּ֥ן צָרֶ֖יךָ בְּיָדֶ֑ךָ וַיִּתֶּן־ל֥וֹ מַעֲשֵׂ֖ר מִכֹּֽל׃

‎21 ‏וַיֹּ֥אמֶר מֶֽלֶךְ־סְדֹ֖ם אֶל־אַבְרָ֑ם תֶּן־לִ֣י הַנֶּ֔פֶשׁ וְהָרְכֻ֖שׁ קַֽח־לָֽךְ׃

‎22 ‏וַיֹּ֥אמֶר אַבְרָ֖ם אֶל־מֶ֣לֶךְ סְדֹ֑ם הֲרִימֹ֨תִי יָדִ֤י אֶל־יְהוָה֙ אֵ֣ל עֶלְי֔וֹן קֹנֵ֖ה שָׁמַ֥יִם וָאָֽרֶץ׃

‎23 ‏אִם־מִחוּט֙ וְעַ֣ד שְׂרֽוֹךְ־נַ֔עַל וְאִם־אֶקַּ֖ח מִכָּל־אֲשֶׁר־לָ֑ךְ וְלֹ֣א תֹאמַ֔ר אֲנִ֖י הֶעֱשַׁ֥רְתִּי אֶת־אַבְרָֽם׃

‎24 ‏בִּלְעָדַ֗י רַ֚ק אֲשֶׁ֣ר אָֽכְל֣וּ הַנְּעָרִ֔ים וְחֵ֙לֶק֙ הָֽאֲנָשִׁ֔ים אֲשֶׁ֥ר הָלְכ֖וּ אִתִּ֑י עָנֵר֙ אֶשְׁכֹּ֣ל וּמַמְרֵ֔א הֵ֖ם יִקְח֥וּ חֶלְקָֽם׃ ס

1 wayəhî bîmê ’amərāfel meleḵə-šinə‘ār ’arəywōḵə meleḵə ’ellāsār kəḏārəlā‘ōmer meleḵə ‘êlām wəṯiḏə‘āl meleḵə gwōyim:

2 ‘āśû miləḥāmâ ’eṯ-ber^a‘ meleḵə səḏōm wə’eṯ-birəš^a‘ meleḵə ‘ămōrâ šinə’āḇ| meleḵə ’aḏəmâ wəšemə’ēḇer meleḵə ṣəḇōyîm ṣəḇwōyîm³ ûmeleḵə bel^a‘ hî’-ṣō‘ar:

3 kāl-’ēlleh ḥāḇərû ’el-‘ēmeq haśśidîm hû’ yām hammel^aḥ:

4 šətêm ‘eśərēh šānâ ‘āḇəḏû ’eṯ-kəḏārəlā‘ōmer ûšəlōš-‘eśərēh šānâ mārāḏû:

5 ûḇə’arəb^a‘ ‘eśərēh šānâ bā’ ḵəḏārəlā‘ōmer wəhamməlāḵîm ’ăšer ’itwō wayyakû ’eṯ-rəfā’îm bə‘ašətərōṯ qarənayim wə’eṯ-hazzûzîm bəhām wə’ēṯ hā’êmîm bəšāwēh qirəyāṯāyim:

6 wə’eṯ-h^aḥōrî bəharərām śē‘îr ‘aḏ ’êl pā’rān ’ăšer ‘al-hammiḏəbār:

7 wayyāšuḇû wayyāḇō’û ’el-‘ên mišəpāṭ hiw’ qāḏēš wayyakû ’eṯ-kāl-śəḏēh hā‘ămālēqî wəḡam ’eṯ-hā’ĕmōrî hayyōšēḇ bəḥaṣəṣōn tāmār:

8 wayyēṣē’ meleḵə-səḏōm ûmeleḵə ‘ămōrâ ûmeleḵə ’aḏəmâ ûmeleḵə ṣəḇōyîm ṣəḇwōyim ûmeleḵə bel^a‘ hiw’-ṣō‘ar wayy^a‘arəḵû ’itām miləḥāmâ bə‘ēmeq haśśidîm:

9 ’ēṯ kəḏārəlā‘ōmer meleḵə ‘êlām wəṯiḏə‘āl meleḵə gwōyim wə’amərāfel meleḵə šinə‘ār wə’arəywōḵə meleḵə ’ellāsār ’arəbā‘â məlāḵîm ’eṯ-h^aḥămiššâ:

10 wə‘ēmeq haśidîm¹ be’ĕrōṯ be’ĕrōṯ ḥēmār wayyānusû meleḵə-səḏōm w^a‘ămōrâ wayyipəlû-šāmmâ wəhannišə’ārîm herâ nnāsû:

11 wayyiqəḥû ’eṯ-kāl-rəḵuš səḏōm w^a‘ămōrâ wə’eṯ-kāl-’āḵəlām wayyēlēḵû:

12 wayyiqəḥû ’eṯ-lwōṭ wə’eṯ-rəḵušwō ben-’ăḥî ’aḇərām wayyēlēḵû wəhû’ yōšēḇ bisəḏōm:

13 wayyāḇō’ hapālîṭ wayyagēḏ lə’aḇərām hā‘iḇərî wəhû’ šōḵēn bə’ēlōnê mamərē’ hā’ĕmōrî ’ăḥî ’ešəkōl wa’ăḥî ‘ānēr wəhēm b^a‘ălê ḇərîṯ-’aḇərām:

14 wayyišəm^a‘ ’aḇərām kî nišəbâ ’āḥîw wayyāreq ’eṯ-ḥănîḵāyw yəlîḏê ḇêṯwō šəmōnâ ‘āśār ûšəlōš mē’wōṯ wayyirədōf ‘aḏ-dān:

15 wayyēḥālēq ‘ălêhem| layəlâ hû’ w^a‘ăḇāḏāyw wayyakēm wayyirədəfēm ‘aḏ-ḥwōḇâ ’ăšer miśśəmō’l ləḏammāśeq:

16 wayyāšeḇ ’ēṯ kāl-hārəḵuš wəḡam ’eṯ-lwōṭ ’āḥîw ûrəḵušwō hēšîḇ wəḡam ’eṯ-hannāšîm wə’eṯ-hā‘ām:

17 wayyēṣē’ meleḵə-səḏōm liqərā’ṯwō ’^aḥărê šûḇwō mēhakwōṯ ’eṯ-kəḏār-lā‘ōmer¹ wə’eṯ-hamməlāḵîm ’ăšer ’itwō ’el-‘ēmeq šāwēh hû’ ‘ēmeq hammeleḵə:

18 ûmaləkî-ṣeḏeq meleḵə šālēm hwōṣî’ leḥem wāyāyin wəhû’ ḵōhēn lə’ēl ‘eləywōn:

19 wayəḇārəḵēhû wayyō’mar bārûḵə ’aḇərām lə’ēl ‘eləywōn qōnēh šāmayim wā’āreṣ:

20 ûḇārûḵə ’ēl ‘eləywōn ’ăšer-migēn ṣāreyḵā bəyāḏeḵā wayyiten-lwō m^a‘ăśēr mikōl:

21 wayyō’mer meleḵə-səḏōm ’el-’aḇərām ten-lî hannefeš wəhārəḵuš q^aḥ-lāḵə:

22 wayyō’mer ’aḇərām ’el-meleḵə səḏōm hărîmōṯî yāḏî ’el-yəhwâ ’ēl ‘eləywōn qōnēh šāmayim wā’āreṣ:

23 ’im-miḥûṭ wə‘aḏ śərwōḵə-n^a‘al wə’im-’eqq^aḥ mikāl-’ăšer-lāḵə wəlō’ ṯō’mar ’ănî he‘ĕšarətî ’eṯ-’aḇərām:

24 bilə‘āḏay raq ’ăšer ’āḵəlû hannə‘ārîm wəḥēleq hā’ănāšîm ’ăšer hāləḵû ’itî ‘ānēr ’ešəkōl ûmamərē’ hēm yiqəḥû ḥeləqām: s

‎1 ‏אַחַ֣ר׀ הַדְּבָרִ֣ים הָאֵ֗לֶּה הָיָ֤ה דְבַר־יְהוָה֙ אֶל־אַבְרָ֔ם בַּֽמַּחֲזֶ֖ה לֵאמֹ֑ר אַל־תִּירָ֣א אַבְרָ֗ם אָנֹכִי֙ מָגֵ֣ן לָ֔ךְ שְׂכָרְךָ֖ הַרְבֵּ֥ה מְאֹֽד׃

‎2 ‏וַיֹּ֣אמֶר אַבְרָ֗ם אֲדֹנָ֤י יֱהוִה֙ מַה־תִּתֶּן־לִ֔י וְאָנֹכִ֖י הוֹלֵ֣ךְ עֲרִירִ֑י וּבֶן־מֶ֣שֶׁק בֵּיתִ֔י ה֖וּא דַּמֶּ֥שֶׂק אֱלִיעֶֽזֶר׃

‎3 ‏וַיֹּ֣אמֶר אַבְרָ֔ם הֵ֣ן לִ֔י לֹ֥א נָתַ֖תָּה זָ֑רַע וְהִנֵּ֥ה בֶן־בֵּיתִ֖י יוֹרֵ֥שׁ אֹתִֽי׃

‎4 ‏וְהִנֵּ֨ה דְבַר־יְהוָ֤ה אֵלָיו֙ לֵאמֹ֔ר לֹ֥א יִֽירָשְׁךָ֖ זֶ֑ה כִּי־אִם֙ אֲשֶׁ֣ר יֵצֵ֣א מִמֵּעֶ֔יךָ ה֖וּא יִֽירָשֶֽׁךָ׃

‎5 ‏וַיּוֹצֵ֨א אֹת֜וֹ הַח֗וּצָה וַיֹּ֙אמֶר֙ הַבֶּט־נָ֣א הַשָּׁמַ֗יְמָה וּסְפֹר֙ הַכּ֣וֹכָבִ֔ים אִם־תּוּכַ֖ל לִסְפֹּ֣ר אֹתָ֑ם וַיֹּ֣אמֶר ל֔וֹ כֹּ֥ה יִהְיֶ֖ה זַרְעֶֽךָ׃

‎6 ‏וְהֶאֱמִ֖ן בַּֽיהוָ֑ה וַיַּחְשְׁבֶ֥הָ לּ֖וֹ צְדָקָֽה׃

‎7 ‏וַיֹּ֖אמֶר אֵלָ֑יו אֲנִ֣י יְהוָ֗ה אֲשֶׁ֤ר הוֹצֵאתִ֙יךָ֙ מֵא֣וּר כַּשְׂדִּ֔ים לָ֧תֶת לְךָ֛ אֶת־הָאָ֥רֶץ הַזֹּ֖את לְרִשְׁתָּֽהּ׃

‎8 ‏וַיֹּאמַ֑ר אֲדֹנָ֣י יֱהוִ֔ה בַּמָּ֥ה אֵדַ֖ע כִּ֥י אִֽירָשֶֽׁנָּה׃

‎9 ‏וַיֹּ֣אמֶר אֵלָ֗יו קְחָ֥ה לִי֙ עֶגְלָ֣ה מְשֻׁלֶּ֔שֶׁת וְעֵ֥ז מְשֻׁלֶּ֖שֶׁת וְאַ֣יִל מְשֻׁלָּ֑שׁ וְתֹ֖ר וְגוֹזָֽל׃

‎10 ‏וַיִּֽקַּֽח־ל֣וֹ אֶת־כָּל־אֵ֗לֶּה וַיְבַתֵּ֤ר אֹתָם֙ בַּתָּ֔וֶךְ וַיִּתֵּ֥ן אִישׁ־בִּתְר֖וֹ לִקְרַ֣את רֵעֵ֑הוּ וְאֶת־הַצִפֹּ֖ר¹ לֹ֥א בָתָֽר׃

‎11 ‏וַיֵּ֥רֶד הָעַ֖יִט עַל־הַפְּגָרִ֑ים וַיַּשֵּׁ֥ב אֹתָ֖ם אַבְרָֽם׃

‎12 ‏וַיְהִ֤י הַשֶּׁ֙מֶשׁ֙ לָב֔וֹא וְתַרְדֵּמָ֖ה נָפְלָ֣ה עַל־אַבְרָ֑ם וְהִנֵּ֥ה אֵימָ֛ה חֲשֵׁכָ֥ה גְדֹלָ֖ה נֹפֶ֥לֶת עָלָֽיו׃

‎13 ‏וַיֹּ֣אמֶר לְאַבְרָ֗ם יָדֹ֨עַ תֵּדַ֜ע כִּי־גֵ֣ר׀ יִהְיֶ֣ה זַרְעֲךָ֗ בְּאֶ֙רֶץ֙ לֹ֣א לָהֶ֔ם וַעֲבָד֖וּם וְעִנּ֣וּ אֹתָ֑ם אַרְבַּ֥ע מֵא֖וֹת שָׁנָֽה׃

‎14 ‏וְגַ֧ם אֶת־הַגּ֛וֹי אֲשֶׁ֥ר יַעֲבֹ֖דוּ דָּ֣ן אָנֹ֑כִי וְאַחֲרֵי־כֵ֥ן יֵצְא֖וּ בִּרְכֻ֥שׁ גָּדֽוֹל׃

‎15 ‏וְאַתָּ֛ה תָּב֥וֹא אֶל־אֲבֹתֶ֖יךָ בְּשָׁל֑וֹם תִּקָּבֵ֖ר בְּשֵׂיבָ֥ה טוֹבָֽה׃

‎16 ‏וְד֥וֹר רְבִיעִ֖י יָשׁ֣וּבוּ הֵ֑נָּה כִּ֧י לֹא־שָׁלֵ֛ם עֲוֹ֥ן הָאֱמֹרִ֖י עַד־הֵֽנָּה׃

‎17 ‏וַיְהִ֤י הַשֶּׁ֙מֶשׁ֙ בָּ֔אָה וַעֲלָטָ֖ה הָיָ֑ה וְהִנֵּ֨ה תַנּ֤וּר עָשָׁן֙ וְלַפִּ֣יד אֵ֔שׁ אֲשֶׁ֣ר עָבַ֔ר בֵּ֖ין הַגְּזָרִ֥ים הָאֵֽלֶּה׃

‎18 ‏בַּיּ֣וֹם הַה֗וּא כָּרַ֧ת יְהוָ֛ה אֶת־אַבְרָ֖ם בְּרִ֣ית לֵאמֹ֑ר לְזַרְעֲךָ֗ נָתַ֙תִּי֙ אֶת־הָאָ֣רֶץ הַזֹּ֔את מִנְּהַ֣ר מִצְרַ֔יִם עַד־הַנָּהָ֥ר הַגָּדֹ֖ל נְהַר־פְּרָֽת׃

‎19 ‏אֶת־הַקֵּינִי֙ וְאֶת־הַקְּנִזִּ֔י וְאֵ֖ת הַקַּדְמֹנִֽי׃

‎20 ‏וְאֶת־הַחִתִּ֥י וְאֶת־הַפְּרִזִּ֖י וְאֶת־הָרְפָאִֽים׃

‎21 ‏וְאֶת־הָֽאֱמֹרִי֙ וְאֶת־הַֽכְּנַעֲנִ֔י וְאֶת־הַגִּרְגָּשִׁ֖י וְאֶת־הַיְבוּסִֽי׃ ס

1 ’^aḥar| hadəḇārîm hā’ēlleh hāyâ ḏəḇar-yəhwâ ’el-’aḇərām bamm^aḥăzeh lē’mōr ’al-tîrā’ ’aḇərām ’ānōḵî māḡēn lāḵə śəḵārəḵā harəbēh mə’ōḏ:

2 wayyō’mer ’aḇərām ’ăḏōnāy yĕhwih mah-titen-lî wə’ānōḵî hwōlēḵə ‘ărîrî ûḇen-mešeq bêṯî hû’ dammeśeq ’ĕlî‘ezer:

3 wayyō’mer ’aḇərām hēn lî lō’ nāṯatâ zār^a‘ wəhinnēh ḇen-bêṯî ywōrēš ’ōṯî:

4 wəhinnēh ḏəḇar-yəhwâ ’ēlāyw lē’mōr lō’ yîrāšəḵā zeh kî-’im ’ăšer yēṣē’ mimmē‘eyḵā hû’ yîrāšeḵā:

5 wayywōṣē’ ’ōṯwō h^aḥûṣâ wayyō’mer habeṭ-nā’ haššāmayəmâ ûsəfōr hakwōḵāḇîm ’im-tûḵal lisəpōr ’ōṯām wayyō’mer lwō kōh yihəyeh zarə‘eḵā:

6 wəhe’ĕmin bayhwâ wayy^aḥəšəḇehā llwō ṣəḏāqâ:

7 wayyō’mer ’ēlāyw ’ănî yəhwâ ’ăšer hwōṣē’ṯîḵā mē’ûr kaśədîm lāṯeṯ ləḵā ’eṯ-hā’āreṣ hazzō’ṯ lərišətāh:

8 wayyō’mar ’ăḏōnāy yĕhwih bammâ ’ēḏ^a‘ kî ’îrāšennâ:

9 wayyō’mer ’ēlāyw qəḥâ lî ‘eḡəlâ məšullešeṯ wə‘ēz məšullešeṯ wə’ayil məšullāš wəṯōr wəḡwōzāl:

10 wayyiqq^aḥ-lwō ’eṯ-kāl-’ēlleh wayəḇatēr ’ōṯām batāweḵə wayyitēn ’îš-biṯərwō liqəra’ṯ rē‘ēhû wə’eṯ-haṣipōr¹ lō’ ḇāṯār:

11 wayyēreḏ hā‘ayiṭ ‘al-hapəḡārîm wayyaššēḇ ’ōṯām ’aḇərām:

12 wayəhî haššemeš lāḇwō’ wəṯarədēmâ nāfəlâ ‘al-’aḇərām wəhinnēh ’êmâ ḥăšēḵâ ḡəḏōlâ nōfeleṯ ‘ālāyw:

13 wayyō’mer lə’aḇərām yāḏō‘a tēḏ^a‘ kî-ḡēr| yihəyeh zarə‘ăḵā bə’ereṣ lō’ lâem w^a‘ăḇāḏûm wə‘innû ’ōṯām ’arəb^a‘ mē’wōṯ šānâ:

14 wəḡam ’eṯ-hagwōy ’ăšer y^a‘ăḇōḏû dān ’ānōḵî wə’^aḥărê-ḵēn yēṣə’û birəḵuš gāḏwōl:

15 wə’atâ tāḇwō’ ’el-’ăḇōṯeyḵā bəšālwōm tiqqāḇēr bəśêḇâ ṭwōḇâ:

16 wəḏwōr rəḇî‘î yāšûḇû hēnnâ kî lō’-šālēm ‘ăwōn hā’ĕmōrî ‘aḏ-hēnnâ:

17 wayəhî haššemeš bā’â w^a‘ălāṭâ hāyâ wəhinnēh ṯannûr ‘āšān wəlapîḏ ’ēš ’ăšer ‘āḇar bên hagəzārîm hā’ēlleh:

18 bayywōm hahû’ kāraṯ yəhwâ ’eṯ-’aḇərām bərîṯ lē’mōr ləzarə‘ăḵā nāṯatî ’eṯ-hā’āreṣ hazzō’ṯ minnəhar miṣərayim ‘aḏ-hannâār hagāḏōl nəhar-pərāṯ:

19 ’eṯ-haqqênî wə’eṯ-haqqənizzî wə’ēṯ haqqaḏəmōnî:

20 wə’eṯ-h^aḥitî wə’eṯ-hapərizzî wə’eṯ-hārəfā’îm:

21 wə’eṯ-hā’ĕmōrî wə’eṯ-hakən^a‘ănî wə’eṯ-hagirəgāšî wə’eṯ-hayəḇûsî: s

‎1 ‏וְשָׂרַי֙ אֵ֣שֶׁת אַבְרָ֔ם לֹ֥א יָלְדָ֖ה ל֑וֹ וְלָ֛הּ שִׁפְחָ֥ה מִצְרִ֖ית וּשְׁמָ֥הּ הָגָֽר׃

‎2 ‏וַתֹּ֨אמֶר שָׂרַ֜י אֶל־אַבְרָ֗ם הִנֵּה־נָ֞א עֲצָרַ֤נִי יְהוָה֙ מִלֶּ֔דֶת בֹּא־נָא֙ אֶל־שִׁפְחָתִ֔י אוּלַ֥י אִבָּנֶ֖ה מִמֶּ֑נָּה³ וַיִּשְׁמַ֥ע אַבְרָ֖ם לְק֥וֹל שָׂרָֽי׃

‎3 ‏וַתִּקַּ֞ח שָׂרַ֣י אֵֽשֶׁת־אַבְרָ֗ם אֶת־הָגָ֤ר הַמִּצְרִית֙ שִׁפְחָתָ֔הּ מִקֵּץ֙ עֶ֣שֶׂר שָׁנִ֔ים לְשֶׁ֥בֶת אַבְרָ֖ם בְּאֶ֣רֶץ כְּנָ֑עַן וַתִּתֵּ֥ן אֹתָ֛הּ לְאַבְרָ֥ם אִישָׁ֖הּ ל֥וֹ לְאִשָּֽׁה׃

‎4 ‏וַיָּבֹ֥א אֶל־הָגָ֖ר וַתַּ֑הַר וַתֵּ֙רֶא֙ כִּ֣י הָרָ֔תָה וַתֵּקַ֥ל גְּבִרְתָּ֖הּ בְּעֵינֶֽיהָ׃

‎5 ‏וַתֹּ֨אמֶר שָׂרַ֣י אֶל־אַבְרָם֮ חֲמָסִ֣י עָלֶיךָ֒ אָנֹכִ֗י נָתַ֤תִּי שִׁפְחָתִי֙ בְּחֵיקֶ֔ךָ וַתֵּ֙רֶא֙ כִּ֣י הָרָ֔תָה וָאֵקַ֖ל בְּעֵינֶ֑יהָ יִשְׁפֹּ֥ט יְהוָ֖ה בֵּינִ֥י וּבֵינֶֽיׅךָ׃⁴

‎6 ‏וַיֹּ֨אמֶר אַבְרָ֜ם אֶל־שָׂרַ֗י הִנֵּ֤ה שִׁפְחָתֵךְ֙ בְּיָדֵ֔ךְ עֲשִׂי־לָ֖הּ הַטּ֣וֹב בְּעֵינָ֑יִךְ וַתְּעַנֶּ֣הָ שָׂרַ֔י וַתִּבְרַ֖ח מִפָּנֶֽיהָ׃

‎7 ‏וַֽיִּמְצָאָ֞הּ מַלְאַ֧ךְ יְהוָ֛ה עַל־עֵ֥ין הַמַּ֖יִם בַּמִּדְבָּ֑ר עַל־הָעַ֖יִן בְּדֶ֥רֶךְ שֽׁוּר׃

‎8 ‏וַיֹּאמַ֗ר הָגָ֞ר שִׁפְחַ֥ת שָׂרַ֛י אֵֽי־מִזֶּ֥ה בָ֖את וְאָ֣נָה תֵלֵ֑כִי וַתֹּ֕אמֶר מִפְּנֵי֙ שָׂרַ֣י גְּבִרְתִּ֔י אָנֹכִ֖י בֹּרַֽחַת׃

‎9 ‏וַיֹּ֤אמֶר לָהּ֙ מַלְאַ֣ךְ יְהוָ֔ה שׁ֖וּבִי אֶל־גְּבִרְתֵּ֑ךְ וְהִתְעַנִּ֖י תַּ֥חַת יָדֶֽיהָ׃

‎10 ‏וַיֹּ֤אמֶר לָהּ֙ מַלְאַ֣ךְ יְהוָ֔ה הַרְבָּ֥ה אַרְבֶּ֖ה אֶת־זַרְעֵ֑ךְ וְלֹ֥א יִסָּפֵ֖ר מֵרֹֽב׃

‎11 ‏וַיֹּ֤אמֶר לָהּ֙ מַלְאַ֣ךְ יְהוָ֔ה הִנָּ֥ךְ הָרָ֖ה וְיֹלַ֣דְתְּ בֵּ֑ן וְקָרָ֤את שְׁמוֹ֙ יִשְׁמָעֵ֔אל כִּֽי־שָׁמַ֥ע יְהוָ֖ה אֶל־עָנְיֵֽךְ׃

‎12 ‏וְה֤וּא יִהְיֶה֙ פֶּ֣רֶא אָדָ֔ם יָד֣וֹ בַכֹּ֔ל וְיַ֥ד כֹּ֖ל בּ֑וֹ וְעַל־פְּנֵ֥י כָל־אֶחָ֖יו יִשְׁכֹּֽן׃

‎13 ‏וַתִּקְרָ֤א שֵׁם־יְהוָה֙ הַדֹּבֵ֣ר אֵלֶ֔יהָ אַתָּ֖ה אֵ֣ל רֳאִ֑י כִּ֣י אָֽמְרָ֗ה הֲגַ֥ם הֲלֹ֛ם רָאִ֖יתִי אַחֲרֵ֥י רֹאִֽי׃

‎14 ‏עַל־כֵּן֙ קָרָ֣א לַבְּאֵ֔ר בְּאֵ֥ר לַחַ֖י רֹאִ֑י הִנֵּ֥ה בֵין־קָדֵ֖שׁ וּבֵ֥ין בָּֽרֶד׃

‎15 ‏וַתֵּ֧לֶד הָגָ֛ר לְאַבְרָ֖ם בֵּ֑ן וַיִּקְרָ֨א אַבְרָ֧ם שֶׁם־בְּנ֛וֹ אֲשֶׁר־יָלְדָ֥ה הָגָ֖ר יִשְׁמָעֵֽאל׃

‎16 ‏וְאַבְרָ֕ם בֶּן־שְׁמֹנִ֥ים שָׁנָ֖ה וְשֵׁ֣שׁ שָׁנִ֑ים בְּלֶֽדֶת־הָגָ֥ר אֶת־יִשְׁמָעֵ֖אל לְאַבְרָֽם׃ ס

1 wəśāray ’ēšeṯ ’aḇərām lō’ yāləḏâ lwō wəlāh šifəḥâ miṣərîṯ ûšəmāh hāḡār:

2 watō’mer śāray ’el-’aḇərām hinnēh-nā’ ‘ăṣāranî yəhwâ milleḏeṯ bō’-nā’ ’el-šifəḥāṯî ’ûlay ’ibāneh mimmennâ³ wayyišəm^a‘ ’aḇərām ləqwōl śārāy:

3 watiqq^aḥ śāray ’ēšeṯ-’aḇərām ’eṯ-hāḡār hammiṣərîṯ šifəḥāṯāh miqqēṣ ‘eśer šānîm ləšeḇeṯ ’aḇərām bə’ereṣ kənā‘an watitēn ’ōṯāh lə’aḇərām ’îšāh lwō lə’iššâ:

4 wayyāḇō’ ’el-hāḡār watahar watēre’ kî hārāṯâ watēqal gəḇirətāh bə‘êneyhā:

5 watō’mer śāray ’el-’aḇərām ḥămāsî ‘āleyḵā ’ānōḵî nāṯatî šifəḥāṯî bəḥêqeḵā watēre’ kî hārāṯâ wā’ēqal bə‘êneyhā yišəpōṭ yəhwâ bênî ûḇêneyׅḵā:⁴

6 wayyō’mer ’aḇərām ’el-śāray hinnēh šifəḥāṯēḵə bəyāḏēḵə ‘ăśî-lāh haṭṭwōḇ bə‘ênāyiḵə watə‘annehā śāray watiḇər^aḥ mipāneyhā:

7 wayyiməṣā’āh malə’aḵə yəhwâ ‘al-‘ên hammayim bammiḏəbār ‘al-hā‘ayin bəḏereḵə šûr:

8 wayyō’mar hāḡār šifəḥaṯ śāray ’ê-mizzeh ḇā’ṯ wə’ānâ ṯēlēḵî watō’mer mipənê śāray gəḇirətî ’ānōḵî bōr^aḥaṯ:

9 wayyō’mer lāh malə’aḵə yəhwâ šûḇî ’el-gəḇirətēḵə wəhiṯə‘annî t^aḥaṯ yāḏeyhā:

10 wayyō’mer lāh malə’aḵə yəhwâ harəbâ ’arəbeh ’eṯ-zarə‘ēḵə wəlō’ yissāfēr mērōḇ:

11 wayyō’mer lāh malə’aḵə yəhwâ hinnāḵə hārâ wəyōlaḏətə bēn wəqārā’ṯ šəmwō yišəmā‘ē’l kî-šām^a‘ yəhwâ ’el-‘ānəyēḵə:

12 wəhû’ yihəyeh pere’ ’āḏām yāḏwō ḇakōl wəyaḏ kōl bwō wə‘al-pənê ḵāl-’eḥāyw yišəkōn:

13 watiqərā’ šēm-yəhwâ hadōḇēr ’ēleyhā ’atâ ’ēl rŏ’î kî ’āmərâ hăḡam hălōm rā’îṯî ’^aḥărê rō’î:

14 ‘al-kēn qārā’ labə’ēr bə’ēr l^aḥay rō’î hinnēh ḇên-qāḏēš ûḇên bāreḏ:

15 watēleḏ hāḡār lə’aḇərām bēn wayyiqərā’ ’aḇərām šem-bənwō ’ăšer-yāləḏâ hāḡār yišəmā‘ē’l:

16 wə’aḇərām ben-šəmōnîm šānâ wəšēš šānîm bəleḏeṯ-hāḡār ’eṯ-yišəmā‘ē’l lə’aḇərām: s

‎1 ‏וַיְהִ֣י אַבְרָ֔ם בֶּן־תִּשְׁעִ֥ים שָׁנָ֖ה וְתֵ֣שַׁע שָׁנִ֑ים וַיֵּרָ֨א יְהוָ֜ה אֶל־אַבְרָ֗ם וַיֹּ֤אמֶר אֵלָיו֙ אֲנִי־אֵ֣ל שַׁדַּ֔י הִתְהַלֵּ֥ךְ לְפָנַ֖י וֶהְיֵ֥ה תָמִֽים׃

‎2 ‏וְאֶתְּנָ֥ה בְרִיתִ֖י בֵּינִ֣י וּבֵינֶ֑ךָ וְאַרְבֶּ֥ה אוֹתְךָ֖ בִּמְאֹ֥ד מְאֹֽד׃

‎3 ‏וַיִּפֹּ֥ל אַבְרָ֖ם עַל־פָּנָ֑יו וַיְדַבֵּ֥ר אִתּ֛וֹ אֱלֹהִ֖ים לֵאמֹֽר׃

‎4 ‏אֲנִ֕י הִנֵּ֥ה בְרִיתִ֖י אִתָּ֑ךְ וְהָיִ֕יתָ לְאַ֖ב הֲמ֥וֹן גּוֹיִֽם׃

‎5 ‏וְלֹא־יִקָּרֵ֥א ע֛וֹד אֶת־שִׁמְךָ֖ אַבְרָ֑ם וְהָיָ֤ה שִׁמְךָ֙ אַבְרָהָ֔ם כִּ֛י אַב־הֲמ֥וֹן גּוֹיִ֖ם נְתַתִּֽיךָ׃

‎6 ‏וְהִפְרֵתִ֤י אֹֽתְךָ֙ בִּמְאֹ֣ד מְאֹ֔ד וּנְתַתִּ֖יךָ לְגוֹיִ֑ם וּמְלָכִ֖ים מִמְּךָ֥ יֵצֵֽאוּ׃

‎7 ‏וַהֲקִמֹתִ֨י אֶת־בְּרִיתִ֜י בֵּינִ֣י וּבֵינֶ֗ךָ וּבֵ֨ין זַרְעֲךָ֧ אַחֲרֶ֛יךָ לְדֹרֹתָ֖ם לִבְרִ֣ית עוֹלָ֑ם לִהְי֤וֹת לְךָ֙ לֵֽאלֹהִ֔ים וּֽלְזַרְעֲךָ֖ אַחֲרֶֽיךָ׃

‎8 ‏וְנָתַתִּ֣י לְ֠ךָ וּלְזַרְעֲךָ֨³ אַחֲרֶ֜יךָ אֵ֣ת׀ אֶ֣רֶץ מְגֻרֶ֗יךָ אֵ֚ת כָּל־אֶ֣רֶץ כְּנַ֔עַן לַאֲחֻזַּ֖ת עוֹלָ֑ם וְהָיִ֥יתִי לָהֶ֖ם לֵאלֹהִֽים׃

‎9 ‏וַיֹּ֤אמֶר אֱלֹהִים֙ אֶל־אַבְרָהָ֔ם וְאַתָּ֖ה אֶת־בְּרִיתִ֣י תִשְׁמֹ֑ר אַתָּ֛ה וְזַרְעֲךָ֥ אַֽחֲרֶ֖יךָ לְדֹרֹתָֽם׃

‎10 ‏זֹ֣את בְּרִיתִ֞י אֲשֶׁ֣ר תִּשְׁמְר֗וּ בֵּינִי֙ וּבֵ֣ינֵיכֶ֔ם וּבֵ֥ין זַרְעֲךָ֖ אַחֲרֶ֑יךָ הִמּ֥וֹל לָכֶ֖ם כָּל־זָכָֽר׃

‎11 ‏וּנְמַלְתֶּ֕ם אֵ֖ת בְּשַׂ֣ר עָרְלַתְכֶ֑ם וְהָיָה֙ לְא֣וֹת בְּרִ֔ית בֵּינִ֖י וּבֵינֵיכֶֽם׃

‎12 ‏וּבֶן־שְׁמֹנַ֣ת יָמִ֗ים יִמּ֥וֹל לָכֶ֛ם כָּל־זָכָ֖ר לְדֹרֹתֵיכֶ֑ם יְלִ֣יד בָּ֔יִת וּמִקְנַת־כֶּ֙סֶף֙ מִכֹּ֣ל בֶּן־נֵכָ֔ר אֲשֶׁ֛ר לֹ֥א מִֽזַּרְעֲךָ֖ הֽוּא׃

‎13 ‏הִמּ֧וֹל׀ יִמּ֛וֹל יְלִ֥יד בֵּֽיתְךָ֖ וּמִקְנַ֣ת כַּסְפֶּ֑ךָ וְהָיְתָ֧ה בְרִיתִ֛י בִּבְשַׂרְכֶ֖ם לִבְרִ֥ית עוֹלָֽם׃

‎14 ‏וְעָרֵ֣ל׀ זָכָ֗ר אֲשֶׁ֤ר לֹֽא־יִמּוֹל֙ אֶת־בְּשַׂ֣ר עָרְלָת֔וֹ וְנִכְרְתָ֛ה הַנֶּ֥פֶשׁ הַהִ֖וא מֵעַמֶּ֑יהָ אֶת־בְּרִיתִ֖י הֵפַֽר׃ ס

‎15 ‏וַיֹּ֤אמֶר אֱלֹהִים֙ אֶל־אַבְרָהָ֔ם שָׂרַ֣י אִשְׁתְּךָ֔ לֹא־תִקְרָ֥א אֶת־שְׁמָ֖הּ שָׂרָ֑י כִּ֥י שָׂרָ֖ה שְׁמָֽהּ׃

‎16 ‏וּבֵרַכְתִּ֣י אֹתָ֔הּ וְגַ֨ם נָתַ֧תִּי מִמֶּ֛נָּה לְךָ֖ בֵּ֑ן וּבֵֽרַכְתִּ֙יהָ֙ וְהָֽיְתָ֣ה לְגוֹיִ֔ם מַלְכֵ֥י עַמִּ֖ים מִמֶּ֥נָּה יִהְיֽוּ׃

‎17 ‏וַיִּפֹּ֧ל אַבְרָהָ֛ם עַל־פָּנָ֖יו וַיִּצְחָ֑ק וַיֹּ֣אמֶר בְּלִבּ֗וֹ הַלְּבֶ֤ן מֵאָֽה־שָׁנָה֙ יִוָּלֵ֔ד וְאִ֨ם־שָׂרָ֔ה הֲבַת־תִּשְׁעִ֥ים שָׁנָ֖ה תֵּלֵֽד׃

‎18 ‏וַיֹּ֥אמֶר אַבְרָהָ֖ם אֶל־הָֽאֱלֹהִ֑ים ל֥וּ יִשְׁמָעֵ֖אל יִחְיֶ֥ה לְפָנֶֽיךָ׃

‎19 ‏וַיֹּ֣אמֶר אֱלֹהִ֗ים אֲבָל֙ שָׂרָ֣ה אִשְׁתְּךָ֗ יֹלֶ֤דֶת לְךָ֙ בֵּ֔ן וְקָרָ֥אתָ אֶת־שְׁמ֖וֹ יִצְחָ֑ק וַהֲקִמֹתִ֨י אֶת־בְּרִיתִ֥י אִתּ֛וֹ לִבְרִ֥ית עוֹלָ֖ם לְזַרְע֥וֹ אַחֲרָֽיו׃

‎20 ‏וּֽלְיִשְׁמָעֵאל֮³ שְׁמַעְתִּיךָ֒ הִנֵּ֣ה׀ בֵּרַ֣כְתִּי אֹת֗וֹ וְהִפְרֵיתִ֥י אֹת֛וֹ וְהִרְבֵּיתִ֥י אֹת֖וֹ בִּמְאֹ֣ד מְאֹ֑ד שְׁנֵים־עָשָׂ֤ר נְשִׂיאִם֙ יוֹלִ֔יד וּנְתַתִּ֖יו לְג֥וֹי גָּדֽוֹל׃

‎21 ‏וְאֶת־בְּרִיתִ֖י אָקִ֣ים אֶת־יִצְחָ֑ק אֲשֶׁר֩ תֵּלֵ֨ד לְךָ֤ שָׂרָה֙ לַמּוֹעֵ֣ד הַזֶּ֔ה בַּשָּׁנָ֖ה הָאַחֶֽרֶת׃

‎22 ‏וַיְכַ֖ל לְדַבֵּ֣ר אִתּ֑וֹ וַיַּ֣עַל אֱלֹהִ֔ים מֵעַ֖ל אַבְרָהָֽם׃

‎23 ‏וַיִּקַּ֨ח אַבְרָהָ֜ם אֶת־יִשְׁמָעֵ֣אל בְּנ֗וֹ וְאֵ֨ת כָּל־יְלִידֵ֤י בֵיתוֹ֙ וְאֵת֙ כָּל־מִקְנַ֣ת כַּסְפּ֔וֹ כָּל־זָכָ֕ר בְּאַנְשֵׁ֖י בֵּ֣ית אַבְרָהָ֑ם וַיָּ֜מָל אֶת־בְּשַׂ֣ר עָרְלָתָ֗ם בְּעֶ֙צֶם֙ הַיּ֣וֹם הַזֶּ֔ה כַּאֲשֶׁ֛ר דִּבֶּ֥ר אִתּ֖וֹ אֱלֹהִֽים׃

‎24 ‏וְאַ֨בְרָהָ֔ם בֶּן־תִּשְׁעִ֥ים וָתֵ֖שַׁע שָׁנָ֑ה בְּהִמֹּל֖וֹ בְּשַׂ֥ר עָרְלָתֽוֹ׃

‎25 ‏וְיִשְׁמָעֵ֣אל בְּנ֔וֹ בֶּן־שְׁלֹ֥שׁ עֶשְׂרֵ֖ה שָׁנָ֑ה בְּהִ֨מֹּל֔וֹ אֵ֖ת בְּשַׂ֥ר עָרְלָתֽוֹ׃

‎26 ‏בְּעֶ֙צֶם֙ הַיּ֣וֹם הַזֶּ֔ה נִמּ֖וֹל אַבְרָהָ֑ם וְיִשְׁמָעֵ֖אל בְּנֽוֹ׃

‎27 ‏וְכָל־אַנְשֵׁ֤י בֵיתוֹ֙ יְלִ֣יד בָּ֔יִת וּמִקְנַת־כֶּ֖סֶף מֵאֵ֣ת בֶּן־נֵכָ֑ר נִמֹּ֖לוּ אִתּֽוֹ׃ פ

1 wayəhî ’aḇərām ben-tišə‘îm šānâ wəṯēš^a‘ šānîm wayyērā’ yəhwâ ’el-’aḇərām wayyō’mer ’ēlāyw ’ănî-’ēl šaday hiṯəhallēḵə ləfānay wehəyēh ṯāmîm:

2 wə’etənâ ḇərîṯî bênî ûḇêneḵā wə’arəbeh ’wōṯəḵā bimə’ōḏ mə’ōḏ:

3 wayyipōl ’aḇərām ‘al-pānāyw wayəḏabēr ’itwō ’ĕlōhîm lē’mōr:

4 ’ănî hinnēh ḇərîṯî ’itāḵə wəhāyîṯā lə’aḇ hămwōn gwōyim:

5 wəlō’-yiqqārē’ ‘wōḏ ’eṯ-šiməḵā ’aḇərām wəhāyâ šiməḵā ’aḇərâām kî ’aḇ-hămwōn gwōyim nəṯatîḵā:

6 wəhifərēṯî ’ōṯəḵā bimə’ōḏ mə’ōḏ ûnəṯatîḵā ləḡwōyim ûməlāḵîm mimməḵā yēṣē’û:

7 wahăqimōṯî ’eṯ-bərîṯî bênî ûḇêneḵā ûḇên zarə‘ăḵā ’^aḥăreyḵā ləḏōrōṯām liḇərîṯ ‘wōlām lihəywōṯ ləḵā lē’lōhîm ûləzarə‘ăḵā ’^aḥăreyḵā:

8 wənāṯatî ləḵā ûləzarə‘ăḵā³ ’^aḥăreyḵā ’ēṯ| ’ereṣ məḡureyḵā ’ēṯ kāl-’ereṣ kən^a‘an la’ăḥuzzaṯ ‘wōlām wəhāyîṯî lâem lē’lōhîm:

9 wayyō’mer ’ĕlōhîm ’el-’aḇərâām wə’atâ ’eṯ-bərîṯî ṯišəmōr ’atâ wəzarə‘ăḵā ’^aḥăreyḵā ləḏōrōṯām:

10 zō’ṯ bərîṯî ’ăšer tišəmərû bênî ûḇênêḵem ûḇên zarə‘ăḵā ’^aḥăreyḵā himmwōl lāḵem kāl-zāḵār:

11 ûnəmalətem ’ēṯ bəśar ‘ārəlaṯəḵem wəhāyâ lə’wōṯ bərîṯ bênî ûḇênêḵem:

12 ûḇen-šəmōnaṯ yāmîm yimmwōl lāḵem kāl-zāḵār ləḏōrōṯêḵem yəlîḏ bāyiṯ ûmiqənaṯ-kesef mikōl ben-nēḵār ’ăšer lō’ mizzarə‘ăḵā hû’:

13 himmwōl| yimmwōl yəlîḏ bêṯəḵā ûmiqənaṯ kasəpeḵā wəhāyəṯâ ḇərîṯî biḇəśarəḵem liḇərîṯ ‘wōlām:

14 wə‘ārēl| zāḵār ’ăšer lō’-yimmwōl ’eṯ-bəśar ‘ārəlāṯwō wəniḵərəṯâ hannefeš hahiw’ mē‘ammeyhā ’eṯ-bərîṯî hēfar: s

15 wayyō’mer ’ĕlōhîm ’el-’aḇərâām śāray ’išətəḵā lō’-ṯiqərā’ ’eṯ-šəmāh śārāy kî śārâ šəmāh:

16 ûḇēraḵətî ’ōṯāh wəḡam nāṯatî mimmennâ ləḵā bēn ûḇēraḵətîhā wəhāyəṯâ ləḡwōyim maləḵê ‘ammîm mimmennâ yihəyû:

17 wayyipōl ’aḇərâām ‘al-pānāyw wayyiṣəḥāq wayyō’mer bəlibwō halləḇen mē’â-šānâ yiûālēḏ wə’im-śārâ hăḇaṯ-tišə‘îm šānâ tēlēḏ:

18 wayyō’mer ’aḇərâām ’el-hā’ĕlōhîm lû yišəmā‘ē’l yiḥəyeh ləfāneyḵā:

19 wayyō’mer ’ĕlōhîm ’ăḇāl śārâ ’išətəḵā yōleḏeṯ ləḵā bēn wəqārā’ṯā ’eṯ-šəmwō yiṣəḥāq wahăqimōṯî ’eṯ-bərîṯî ’itwō liḇərîṯ ‘wōlām ləzarə‘wō ’^aḥărāyw:

20 ûləyišəmā‘ē’l³ šəm^a‘ətîḵā hinnēh| bēraḵətî ’ōṯwō wəhifərêṯî ’ōṯwō wəhirəbêṯî ’ōṯwō bimə’ōḏ mə’ōḏ šənêm-‘āśār nəśî’im ywōlîḏ ûnəṯatîw ləḡwōy gāḏwōl:

21 wə’eṯ-bərîṯî ’āqîm ’eṯ-yiṣəḥāq ’ăšer tēlēḏ ləḵā śārâ lammwō‘ēḏ hazzeh baššānâ hā’^aḥereṯ:

22 wayəḵal ləḏabēr ’itwō wayy^a‘al ’ĕlōhîm mē‘al ’aḇərâām:

23 wayyiqq^aḥ ’aḇərâām ’eṯ-yišəmā‘ē’l bənwō wə’ēṯ kāl-yəlîḏê ḇêṯwō wə’ēṯ kāl-miqənaṯ kasəpwō kāl-zāḵār bə’anəšê bêṯ ’aḇərâām wayyāmāl ’eṯ-bəśar ‘ārəlāṯām bə‘eṣem hayywōm hazzeh ka’ăšer diber ’itwō ’ĕlōhîm:

24 wə’aḇərâām ben-tišə‘îm wāṯēš^a‘ šānâ bəhimmōlwō bəśar ‘ārəlāṯwō:

25 wəyišəmā‘ē’l bənwō ben-šəlōš ‘eśərēh šānâ bəhimmōlwō ’ēṯ bəśar ‘ārəlāṯwō:

26 bə‘eṣem hayywōm hazzeh nimmwōl ’aḇərâām wəyišəmā‘ē’l bənwō:

27 wəḵāl-’anəšê ḇêṯwō yəlîḏ bāyiṯ ûmiqənaṯ-kesef mē’ēṯ ben-nēḵār nimmōlû ’itwō: f

‎1 ‏וַיֵּרָ֤א אֵלָיו֙ יְהוָ֔ה בְּאֵלֹנֵ֖י מַמְרֵ֑א וְה֛וּא יֹשֵׁ֥ב פֶּֽתַח־הָאֹ֖הֶל כְּחֹ֥ם הַיּֽוֹם׃

‎2 ‏וַיִּשָּׂ֤א עֵינָיו֙ וַיַּ֔רְא וְהִנֵּה֙ שְׁלֹשָׁ֣ה אֲנָשִׁ֔ים נִצָּבִ֖ים עָלָ֑יו וַיַּ֗רְא וַיָּ֤רָץ לִקְרָאתָם֙ מִפֶּ֣תַח הָאֹ֔הֶל וַיִּשְׁתַּ֖חוּ אָֽרְצָה׃

‎3 ‏וַיֹּאמַ֑ר אֲדֹנָ֗י אִם־נָ֨א מָצָ֤אתִי חֵן֙ בְּעֵינֶ֔יךָ אַל־נָ֥א תַעֲבֹ֖ר מֵעַ֥ל עַבְדֶּֽךָ׃

‎4 ‏יֻקַּֽח־נָ֣א מְעַט־מַ֔יִם וְרַחֲצ֖וּ רַגְלֵיכֶ֑ם וְהִֽשָּׁעֲנ֖וּ תַּ֥חַת הָעֵֽץ׃

‎5 ‏וְאֶקְחָ֨ה פַת־לֶ֜חֶם וְסַעֲד֤וּ לִבְּכֶם֙ אַחַ֣ר תַּעֲבֹ֔רוּ כִּֽי־עַל־כֵּ֥ן עֲבַרְתֶּ֖ם עַֽל־עַבְדְּכֶ֑ם וַיֹּ֣אמְר֔וּ כֵּ֥ן תַּעֲשֶׂ֖ה כַּאֲשֶׁ֥ר דִּבַּֽרְתָּ׃

‎6 ‏וַיְמַהֵ֧ר אַבְרָהָ֛ם הָאֹ֖הֱלָה אֶל־שָׂרָ֑ה וַיֹּ֗אמֶר מַהֲרִ֞י שְׁלֹ֤שׁ סְאִים֙ קֶ֣מַח סֹ֔לֶת ל֖וּשִׁי וַעֲשִׂ֥י עֻגֽוֹת׃

‎7 ‏וְאֶל־הַבָּקָ֖ר רָ֣ץ אַבְרָהָ֑ם וַיִּקַּ֨ח בֶּן־בָּקָ֜ר רַ֤ךְ וָטוֹב֙ וַיִּתֵּ֣ן אֶל־הַנַּ֔עַר וַיְמַהֵ֖ר לַעֲשׂ֥וֹת אֹתֽוֹ׃

‎8 ‏וַיִּקַּ֨ח חֶמְאָ֜ה וְחָלָ֗ב וּבֶן־הַבָּקָר֙ אֲשֶׁ֣ר עָשָׂ֔ה וַיִּתֵּ֖ן לִפְנֵיהֶ֑ם וְהֽוּא־עֹמֵ֧ד עֲלֵיהֶ֛ם תַּ֥חַת הָעֵ֖ץ וַיֹּאכֵֽלוּ׃

‎9 ‏וַיֹּאמְר֣וּ אֵׅלָׅ֔יׅוׅ⁴ אַיֵּ֖ה שָׂרָ֣ה אִשְׁתֶּ֑ךָ וַיֹּ֖אמֶר הִנֵּ֥ה בָאֹֽהֶל׃

‎10 ‏וַיֹּ֗אמֶר שׁ֣וֹב אָשׁ֤וּב אֵלֶ֙יךָ֙ כָּעֵ֣ת חַיָּ֔ה וְהִנֵּה־בֵ֖ן לְשָׂרָ֣ה אִשְׁתֶּ֑ךָ וְשָׂרָ֥ה שֹׁמַ֛עַת פֶּ֥תַח הָאֹ֖הֶל וְה֥וּא אַחֲרָֽיו׃

‎11 ‏וְאַבְרָהָ֤ם וְשָׂרָה֙ זְקֵנִ֔ים בָּאִ֖ים בַּיָּמִ֑ים חָדַל֙ לִהְי֣וֹת לְשָׂרָ֔ה אֹ֖רַח כַּנָּשִֽׁים׃

‎12 ‏וַתִּצְחַ֥ק שָׂרָ֖ה בְּקִרְבָּ֣הּ לֵאמֹ֑ר אַחֲרֵ֤י בְלֹתִי֙ הָֽיְתָה־לִּ֣י עֶדְנָ֔ה וַֽאדֹנִ֖י זָקֵֽן׃

‎13 ‏וַיֹּ֥אמֶר יְהוָ֖ה אֶל־אַבְרָהָ֑ם לָ֣מָּה זֶּה֩ צָחֲקָ֨ה שָׂרָ֜ה לֵאמֹ֗ר הַאַ֥ף אֻמְנָ֛ם אֵלֵ֖ד וַאֲנִ֥י זָקַֽנְתִּי׃

‎14 ‏הֲיִפָּלֵ֥א מֵיְהוָ֖ה דָּבָ֑ר לַמּוֹעֵ֞ד אָשׁ֥וּב אֵלֶ֛יךָ כָּעֵ֥ת חַיָּ֖ה וּלְשָׂרָ֥ה בֵֽן׃

‎15 ‏וַתְּכַחֵ֨שׁ שָׂרָ֧ה׀ לֵאמֹ֛ר לֹ֥א צָחַ֖קְתִּי כִּ֣י׀ יָרֵ֑אָה וַיֹּ֥אמֶר׀ לֹ֖א כִּ֥י צָחָֽקְתְּ׃

‎16 ‏וַיָּקֻ֤מוּ מִשָּׁם֙ הָֽאֲנָשִׁ֔ים וַיַּשְׁקִ֖פוּ עַל־פְּנֵ֣י סְדֹ֑ם וְאַ֨בְרָהָ֔ם הֹלֵ֥ךְ עִמָּ֖ם לְשַׁלְּחָֽם׃

‎17 ‏וַֽיהוָֹ֖ה אָמָ֑ר הַֽמְכַסֶּ֤ה אֲנִי֙ מֵֽאַבְרָהָ֔ם אֲשֶׁ֖ר אֲנִ֥י עֹשֶֽׂה׃

‎18 ‏וְאַ֨בְרָהָ֔ם הָי֧וֹ יִֽהְיֶ֛ה לְג֥וֹי גָּד֖וֹל וְעָצ֑וּם וְנִ֨בְרְכוּ ב֔וֹ כֹּ֖ל גּוֹיֵ֥י הָאָֽרֶץ׃

‎19 ‏כִּ֣י יְדַעְתִּ֗יו לְמַעַן֩ אֲשֶׁ֨ר יְצַוֶּ֜ה אֶת־בָּנָ֤יו וְאֶת־בֵּיתוֹ֙ אַחֲרָ֔יו וְשָֽׁמְרוּ֙ דֶּ֣רֶךְ יְהוָ֔ה לַעֲשׂ֥וֹת צְדָקָ֖ה וּמִשְׁפָּ֑ט לְמַ֗עַן הָבִ֤יא יְהוָה֙ עַל־אַבְרָהָ֔ם אֵ֥ת אֲשֶׁר־דִּבֶּ֖ר עָלָֽיו׃

‎20 ‏וַיֹּ֣אמֶר יְהוָ֔ה זַעֲקַ֛ת סְדֹ֥ם וַעֲמֹרָ֖ה כִּי־רָ֑בָּה וְחַ֨טָּאתָ֔ם כִּ֥י כָבְדָ֖ה מְאֹֽד׃

‎21 ‏אֵֽרֲדָה־נָּ֣א וְאֶרְאֶ֔ה הַכְּצַעֲקָתָ֛הּ הַבָּ֥אָה אֵלַ֖י עָשׂ֣וּ׀ כָּלָ֑ה וְאִם־לֹ֖א אֵדָֽעָה׃

‎22 ‏וַיִּפְנ֤וּ מִשָּׁם֙ הָֽאֲנָשִׁ֔ים וַיֵּלְכ֖וּ סְדֹ֑מָה וְאַ֨בְרָהָ֔ם עוֹדֶ֥נּוּ עֹמֵ֖ד לִפְנֵ֥י יְהוָֽה׃

‎23 ‏וַיִּגַּ֥שׁ אַבְרָהָ֖ם וַיֹּאמַ֑ר הַאַ֣ף תִּסְפֶּ֔ה צַדִּ֖יק עִם־רָשָֽׁע׃

‎24 ‏אוּלַ֥י יֵ֛שׁ חֲמִשִּׁ֥ים צַדִּיקִ֖ם בְּת֣וֹךְ הָעִ֑יר הַאַ֤ף תִּסְפֶּה֙ וְלֹא־תִשָּׂ֣א לַמָּק֔וֹם לְמַ֛עַן חֲמִשִּׁ֥ים הַצַּדִּיקִ֖ם אֲשֶׁ֥ר בְּקִרְבָּֽהּ׃

‎25 ‏חָלִ֨לָה לְּךָ֜ מֵעֲשֹׂ֣ת׀ כַּדָּבָ֣ר הַזֶּ֗ה לְהָמִ֤ית צַדִּיק֙ עִם־רָשָׁ֔ע וְהָיָ֥ה כַצַּדִּ֖יק כָּרָשָׁ֑ע חָלִ֣לָה לָּ֔ךְ הֲשֹׁפֵט֙ כָּל־הָאָ֔רֶץ לֹ֥א יַעֲשֶׂ֖ה מִשְׁפָּֽט׃

‎26 ‏וַיֹּ֣אמֶר יְהוָ֔ה אִם־אֶמְצָ֥א בִסְדֹ֛ם חֲמִשִּׁ֥ים צַדִּיקִ֖ם בְּת֣וֹךְ הָעִ֑יר וְנָשָׂ֥אתִי לְכָל־הַמָּק֖וֹם בַּעֲבוּרָֽם׃

‎27 ‏וַיַּ֥עַן אַבְרָהָ֖ם וַיֹּאמַ֑ר הִנֵּה־נָ֤א הוֹאַ֙לְתִּי֙ לְדַבֵּ֣ר אֶל־אֲדֹנָ֔י וְאָנֹכִ֖י עָפָ֥ר וָאֵֽפֶר׃

‎28 ‏א֠וּלַי יַחְסְר֞וּן חֲמִשִּׁ֤ים הַצַּדִּיקִם֙ חֲמִשָּׁ֔ה הֲתַשְׁחִ֥ית בַּחֲמִשָּׁ֖ה אֶת־כָּל־הָעִ֑יר וַיֹּ֙אמֶר֙ לֹ֣א אַשְׁחִ֔ית אִם־אֶמְצָ֣א שָׁ֔ם אַרְבָּעִ֖ים וַחֲמִשָּֽׁה׃

‎29 ‏וַיֹּ֨סֶף ע֜וֹד לְדַבֵּ֤ר אֵלָיו֙ וַיֹּאמַ֔ר אוּלַ֛י יִמָּצְא֥וּן שָׁ֖ם אַרְבָּעִ֑ים וַיֹּ֙אמֶר֙ לֹ֣א אֶֽעֱשֶׂ֔ה בַּעֲב֖וּר הָאַרְבָּעִֽים׃

‎30 ‏וַ֠יֹּאמֶר אַל־נָ֞א יִ֤חַר לַֽאדֹנָי֙ וַאֲדַבֵּ֔רָה אוּלַ֛י יִמָּצְא֥וּן שָׁ֖ם שְׁלֹשִׁ֑ים וַיֹּ֙אמֶר֙ לֹ֣א אֶֽעֱשֶׂ֔ה אִם־אֶמְצָ֥א שָׁ֖ם שְׁלֹשִֽׁים׃

‎31 ‏וַיֹּ֗אמֶר הִנֵּֽה־נָ֤א הוֹאַ֙לְתִּי֙ לְדַבֵּ֣ר אֶל־אֲדֹנָ֔י אוּלַ֛י יִמָּצְא֥וּן שָׁ֖ם עֶשְׂרִ֑ים וַיֹּ֙אמֶר֙ לֹ֣א אַשְׁחִ֔ית בַּעֲב֖וּר הָֽעֶשְׂרִֽים׃

‎32 ‏וַ֠יֹּאמֶר אַל־נָ֞א יִ֤חַר לַֽאדֹנָי֙ וַאֲדַבְּרָ֣ה אַךְ־הַפַּ֔עַם אוּלַ֛י יִמָּצְא֥וּן שָׁ֖ם עֲשָׂרָ֑ה וַיֹּ֙אמֶר֙ לֹ֣א אַשְׁחִ֔ית בַּעֲב֖וּר הָעֲשָׂרָֽה׃

‎33 ‏וַיֵּ֣לֶךְ יְהוָ֔ה כַּאֲשֶׁ֣ר כִּלָּ֔ה לְדַבֵּ֖ר אֶל־אַבְרָהָ֑ם וְאַבְרָהָ֖ם שָׁ֥ב לִמְקֹמֽוֹ׃

1 wayyērā’ ’ēlāyw yəhwâ bə’ēlōnê mamərē’ wəhû’ yōšēḇ peṯ^aḥ-hā’ōhel kəḥōm hayywōm:

2 wayyiśśā’ ‘ênāyw wayyarə’ wəhinnēh šəlōšâ ’ănāšîm niṣṣāḇîm ‘ālāyw wayyarə’ wayyārāṣ liqərā’ṯām mipeṯ^aḥ hā’ōhel wayyišət^aḥû ’ārəṣâ:

3 wayyō’mar ’ăḏōnāy ’im-nā’ māṣā’ṯî ḥēn bə‘êneyḵā ’al-nā’ ṯ^a‘ăḇōr mē‘al ‘aḇədeḵā:

4 yuqq^aḥ-nā’ mə‘aṭ-mayim wər^aḥăṣû raḡəlêḵem wəhiššā‘ănû t^aḥaṯ hā‘ēṣ:

5 wə’eqəḥâ faṯ-leḥem wəs^a‘ăḏû libəḵem ’^aḥar t^a‘ăḇōrû kî-‘al-kēn ‘ăḇarətem ‘al-‘aḇədəḵem wayyō’mərû kēn t^a‘ăśeh ka’ăšer dibarətā:

6 wayəmahēr ’aḇərâām hā’ōhĕlâ ’el-śārâ wayyō’mer mahărî šəlōš sə’îm qem^aḥ sōleṯ lûšî w^a‘ăśî ‘uḡwōṯ:

7 wə’el-habāqār rāṣ ’aḇərâām wayyiqq^aḥ ben-bāqār raḵə wāṭwōḇ wayyitēn ’el-hann^a‘ar wayəmahēr l^a‘ăśwōṯ ’ōṯwō:

8 wayyiqq^aḥ ḥemə’â wəḥālāḇ ûḇen-habāqār ’ăšer ‘āśâ wayyitēn lifənêhem wəhû’-‘ōmēḏ ‘ălêhem t^aḥaṯ hā‘ēṣ wayyō’ḵēlû:

9 wayyō’mərû ’ēׅlāׅyׅwׅ⁴ ’ayyēh śārâ ’išəteḵā wayyō’mer hinnēh ḇā’ōhel:

10 wayyō’mer šwōḇ ’āšûḇ ’ēleyḵā kā‘ēṯ ḥayyâ wəhinnēh-ḇēn ləśārâ ’išəteḵā wəśārâ šōm^a‘aṯ peṯ^aḥ hā’ōhel wəhû’ ’^aḥărāyw:

11 wə’aḇərâām wəśārâ zəqēnîm bā’îm bayyāmîm ḥāḏal lihəywōṯ ləśārâ ’ōr^aḥ kannāšîm:

12 watiṣəḥaq śārâ bəqirəbāh lē’mōr ’^aḥărê ḇəlōṯî hāyəṯâ-llî ‘eḏənâ wa’ḏōnî zāqēn:

13 wayyō’mer yəhwâ ’el-’aḇərâām lāmmâ zzeh ṣāḥăqâ śārâ lē’mōr ha’af ’umənām ’ēlēḏ wa’ănî zāqanətî:

14 hăyipālē’ mêəhwâ dāḇār lammwō‘ēḏ ’āšûḇ ’ēleyḵā kā‘ēṯ ḥayyâ ûləśārâ ḇēn:

15 watəḵ^aḥēš śārâ| lē’mōr lō’ ṣāḥaqətî kî| yārē’â wayyō’mer| lō’ kî ṣāḥāqətə:

16 wayyāqumû miššām hā’ănāšîm wayyašəqifû ‘al-pənê səḏōm wə’aḇərâām hōlēḵə ‘immām ləšalləḥām:

17 wayhwōâ ’āmār haməḵasseh ’ănî mē’aḇərâām ’ăšer ’ănî ‘ōśeh:

18 wə’aḇərâām hāywō yihəyeh ləḡwōy gāḏwōl wə‘āṣûm wəniḇərəḵû ḇwō kōl gwōyê hā’āreṣ:

19 kî yəḏ^a‘ətîw ləm^a‘an ’ăšer yəṣaûeh ’eṯ-bānāyw wə’eṯ-bêṯwō ’^aḥărāyw wəšāmərû dereḵə yəhwâ l^a‘ăśwōṯ ṣəḏāqâ ûmišəpāṭ ləm^a‘an hāḇî’ yəhwâ ‘al-’aḇərâām ’ēṯ ’ăšer-diber ‘ālāyw:

20 wayyō’mer yəhwâ z^a‘ăqaṯ səḏōm w^a‘ămōrâ kî-rābâ wəḥaṭṭā’ṯām kî ḵāḇəḏâ mə’ōḏ:

21 ’ērăḏâ-nnā’ wə’erə’eh hakəṣ^a‘ăqāṯāh habā’â ’ēlay ‘āśû| kālâ wə’im-lō’ ’ēḏā‘â:

22 wayyifənû miššām hā’ănāšîm wayyēləḵû səḏōmâ wə’aḇərâām ‘wōḏennû ‘ōmēḏ lifənê yəhwâ:

23 wayyigaš ’aḇərâām wayyō’mar ha’af tisəpeh ṣadîq ‘im-rāšā‘:

24 ’ûlay yēš ḥămiššîm ṣadîqim bəṯwōḵə hā‘îr ha’af tisəpeh wəlō’-ṯiśśā’ lammāqwōm ləm^a‘an ḥămiššîm haṣṣadîqim ’ăšer bəqirəbāh:

25 ḥālilâ lləḵā mē‘ăśōṯ| kadāḇār hazzeh ləhāmîṯ ṣadîq ‘im-rāšā‘ wəhāyâ ḵaṣṣadîq kārāšā‘ ḥālilâ llāḵə hăšōfēṭ kāl-hā’āreṣ lō’ y^a‘ăśeh mišəpāṭ:

26 wayyō’mer yəhwâ ’im-’eməṣā’ ḇisəḏōm ḥămiššîm ṣadîqim bəṯwōḵə hā‘îr wənāśā’ṯî ləḵāl-hammāqwōm b^a‘ăḇûrām:

27 wayy^a‘an ’aḇərâām wayyō’mar hinnēh-nā’ hwō’alətî ləḏabēr ’el-’ăḏōnāy wə’ānōḵî ‘āfār wā’ēfer:

28 ’ûlay y^aḥəsərûn ḥămiššîm haṣṣadîqim ḥămiššâ hăṯašəḥîṯ b^aḥămiššâ ’eṯ-kāl-hā‘îr wayyō’mer lō’ ’ašəḥîṯ ’im-’eməṣā’ šām ’arəbā‘îm w^aḥămiššâ:

29 wayyōsef ‘wōḏ ləḏabēr ’ēlāyw wayyō’mar ’ûlay yimmāṣə’ûn šām ’arəbā‘îm wayyō’mer lō’ ’e‘ĕśeh b^a‘ăḇûr hā’arəbā‘îm:

30 wayyō’mer ’al-nā’ yiḥar la’ḏōnāy wa’ăḏabērâ ’ûlay yimmāṣə’ûn šām šəlōšîm wayyō’mer lō’ ’e‘ĕśeh ’im-’eməṣā’ šām šəlōšîm:

31 wayyō’mer hinnēh-nā’ hwō’alətî ləḏabēr ’el-’ăḏōnāy ’ûlay yimmāṣə’ûn šām ‘eśərîm wayyō’mer lō’ ’ašəḥîṯ b^a‘ăḇûr hā‘eśərîm:

32 wayyō’mer ’al-nā’ yiḥar la’ḏōnāy wa’ăḏabərâ ’aḵə-hap^a‘am ’ûlay yimmāṣə’ûn šām ‘ăśārâ wayyō’mer lō’ ’ašəḥîṯ b^a‘ăḇûr hā‘ăśārâ:

33 wayyēleḵə yəhwâ ka’ăšer killâ ləḏabēr ’el-’aḇərâām wə’aḇərâām šāḇ liməqōmwō:

‎1 ‏וַ֠יָּבֹאוּ שְׁנֵ֨י הַמַּלְאָכִ֤ים סְדֹ֙מָה֙ בָּעֶ֔רֶב וְל֖וֹט יֹשֵׁ֣ב בְּשַֽׁעַר־סְדֹ֑ם וַיַּרְא־לוֹט֙ וַיָּ֣קָם לִקְרָאתָ֔ם וַיִּשְׁתַּ֥חוּ אַפַּ֖יִם אָֽרְצָה׃

‎2 ‏וַיֹּ֜אמֶר הִנֶּ֣ה נָּא־אֲדֹנַ֗י ס֣וּרוּ נָ֠א אֶל־בֵּ֨ית עַבְדְּכֶ֤ם וְלִ֙ינוּ֙ וְרַחֲצ֣וּ רַגְלֵיכֶ֔ם וְהִשְׁכַּמְתֶּ֖ם וַהֲלַכְתֶּ֣ם³ לְדַרְכְּכֶ֑ם וַיֹּאמְר֣וּ לֹּ֔א כִּ֥י בָרְח֖וֹב נָלִֽין׃

‎3 ‏וַיִּפְצַר־בָּ֣ם מְאֹ֔ד וַיָּסֻ֣רוּ אֵלָ֔יו וַיָּבֹ֖אוּ אֶל־בֵּית֑וֹ וַיַּ֤עַשׂ לָהֶם֙ מִשְׁתֶּ֔ה וּמַצּ֥וֹת אָפָ֖ה וַיֹּאכֵֽלוּ׃

‎4 ‏טֶרֶם֮ יִשְׁכָּבוּ֒ וְאַנְשֵׁ֨י הָעִ֜יר אַנְשֵׁ֤י סְדֹם֙ נָסַ֣בּוּ עַל־הַבַּ֔יִת מִנַּ֖עַר וְעַד־זָקֵ֑ן כָּל־הָעָ֖ם מִקָּצֶֽה׃

‎5 ‏וַיִּקְרְא֤וּ אֶל־לוֹט֙ וַיֹּ֣אמְרוּ ל֔וֹ אַיֵּ֧ה הָאֲנָשִׁ֛ים³ אֲשֶׁר־בָּ֥אוּ אֵלֶ֖יךָ הַלָּ֑יְלָה הוֹצִיאֵ֣ם אֵלֵ֔ינוּ וְנֵדְעָ֖ה אֹתָֽם׃

‎6 ‏וַיֵּצֵ֧א אֲלֵהֶ֛ם ל֖וֹט הַפֶּ֑תְחָה וְהַדֶּ֖לֶת סָגַ֥ר אַחֲרָֽיו׃

‎7 ‏וַיֹּאמַ֑ר אַל־נָ֥א אַחַ֖י תָּרֵֽעוּ׃

‎8 ‏הִנֵּה־נָ֨א לִ֜י שְׁתֵּ֣י בָנ֗וֹת אֲשֶׁ֤ר לֹֽא־יָדְעוּ֙ אִ֔ישׁ אוֹצִֽיאָה־נָּ֤א אֶתְהֶן֙ אֲלֵיכֶ֔ם וַעֲשׂ֣וּ לָהֶ֔ן כַּטּ֖וֹב בְּעֵינֵיכֶ֑ם רַ֠ק לָֽאֲנָשִׁ֤ים הָאֵל֙ אַל־תַּעֲשׂ֣וּ דָבָ֔ר כִּֽי־עַל־כֵּ֥ן בָּ֖אוּ בְּצֵ֥ל קֹרָתִֽי׃

‎9 ‏וַיֹּאמְר֣וּ׀ גֶּשׁ־הָ֗לְאָה וַיֹּֽאמְרוּ֙ הָאֶחָ֤ד בָּֽא־לָגוּר֙ וַיִּשְׁפֹּ֣ט שָׁפ֔וֹט עַתָּ֕ה נָרַ֥ע לְךָ֖ מֵהֶ֑ם וַיִּפְצְר֨וּ בָאִ֤ישׁ בְּלוֹט֙ מְאֹ֔ד וַֽיִּגְּשׁ֖וּ לִשְׁבֹּ֥ר הַדָּֽלֶת׃

‎10 ‏וַיִּשְׁלְח֤וּ הָֽאֲנָשִׁים֙ אֶת־יָדָ֔ם וַיָּבִ֧יאוּ אֶת־ל֛וֹט אֲלֵיהֶ֖ם הַבָּ֑יְתָה וְאֶת־הַדֶּ֖לֶת סָגָֽרוּ׃

‎11 ‏וְֽאֶת־הָאֲנָשִׁ֞ים אֲשֶׁר־פֶּ֣תַח הַבַּ֗יִת הִכּוּ֙ בַּסַּנְוֵרִ֔ים מִקָּטֹ֖ן וְעַד־גָּד֑וֹל וַיִּלְא֖וּ לִמְצֹ֥א הַפָּֽתַח׃

‎12 ‏וַיֹּאמְר֨וּ³ הָאֲנָשִׁ֜ים אֶל־ל֗וֹט עֹ֚ד מִֽי־לְךָ֣ פֹ֔ה חָתָן֙ וּבָנֶ֣יךָ וּבְנֹתֶ֔יךָ וְכֹ֥ל אֲשֶׁר־לְךָ֖ בָּעִ֑יר הוֹצֵ֖א מִן־הַמָּקֽוֹם׃

‎13 ‏כִּֽי־מַשְׁחִתִ֣ים אֲנַ֔חְנוּ אֶת־הַמָּק֖וֹם הַזֶּ֑ה כִּֽי־גָֽדְלָ֤ה צַעֲקָתָם֙ אֶת־פְּנֵ֣י יְהוָ֔ה וַיְשַׁלְּחֵ֥נוּ יְהוָ֖ה לְשַׁחֲתָֽהּ׃

‎14 ‏וַיֵּצֵ֨א ל֜וֹט וַיְדַבֵּ֣ר׀ אֶל־חֲתָנָ֣יו׀ לֹקְחֵ֣י בְנֹתָ֗יו וַיֹּ֙אמֶר֙ ק֤וּמוּ צְּאוּ֙ מִן־הַמָּק֣וֹם הַזֶּ֔ה כִּֽי־מַשְׁחִ֥ית יְהוָ֖ה אֶת־הָעִ֑יר וַיְהִ֥י כִמְצַחֵ֖ק בְּעֵינֵ֥י חֲתָנָֽיו׃

‎15 ‏וּכְמוֹ֙ הַשַּׁ֣חַר עָלָ֔ה וַיָּאִ֥יצוּ הַמַּלְאָכִ֖ים בְּל֣וֹט לֵאמֹ֑ר קוּם֩ קַ֨ח אֶֽת־אִשְׁתְּךָ֜ וְאֶת־שְׁתֵּ֤י בְנֹתֶ֙יךָ֙ הַנִּמְצָאֹ֔ת פֶּן־תִּסָּפֶ֖ה בַּעֲוֹ֥ן הָעִֽיר׃

‎16 ‏וַֽיִּתְמַהְמָ֓הּ׀ וַיַּחֲזִ֨קוּ³ הָאֲנָשִׁ֜ים בְּיָד֣וֹ וּבְיַד־אִשְׁתּ֗וֹ וּבְיַד֙ שְׁתֵּ֣י בְנֹתָ֔יו בְּחֶמְלַ֥ת יְהוָ֖ה עָלָ֑יו וַיֹּצִאֻ֥הוּ וַיַּנִּחֻ֖הוּ מִח֥וּץ לָעִֽיר׃

‎17 ‏וַיְהִי֩ כְהוֹצִיאָ֨ם אֹתָ֜ם הַח֗וּצָה וַיֹּ֙אמֶר֙ הִמָּלֵ֣ט עַל־נַפְשֶׁ֔ךָ אַל־תַּבִּ֣יט אַחֲרֶ֔יךָ וְאַֽל־תַּעֲמֹ֖ד בְּכָל־הַכִּכָּ֑ר הָהָ֥רָה הִמָּלֵ֖ט פֶּן־תִּסָּפֶֽה׃

‎18 ‏וַיֹּ֥אמֶר ל֖וֹט אֲלֵהֶ֑ם אַל־נָ֖א אֲדֹנָֽי׃

‎19 ‏הִנֵּה־נָ֠א מָצָ֨א עַבְדְּךָ֣ חֵן֮ בְּעֵינֶיךָ֒ וַתַּגְדֵּ֣ל חַסְדְּךָ֗ אֲשֶׁ֤ר עָשִׂ֙יתָ֙ עִמָּדִ֔י לְהַחֲי֖וֹת אֶת־נַפְשִׁ֑י וְאָנֹכִ֗י לֹ֤א אוּכַל֙ לְהִמָּלֵ֣ט הָהָ֔רָה פֶּן־תִּדְבָּקַ֥נִי הָרָעָ֖ה וָמַֽתִּי׃

‎20 ‏הִנֵּה־נָ֠א הָעִ֨יר הַזֹּ֧את קְרֹבָ֛ה לָנ֥וּס שָׁ֖מָּה וְהִ֣יא מִצְעָ֑ר אִמָּלְטָ֨ה נָּ֜א שָׁ֗מָּה הֲלֹ֥א מִצְעָ֛ר הִ֖וא וּתְחִ֥י נַפְשִֽׁי׃

‎21 ‏וַיֹּ֣אמֶר אֵלָ֔יו הִנֵּה֙ נָשָׂ֣אתִי פָנֶ֔יךָ גַּ֖ם לַדָּבָ֣ר הַזֶּ֑ה לְבִלְתִּ֛י הָפְכִּ֥י אֶת־הָעִ֖יר אֲשֶׁ֥ר דִּבַּֽרְתָּ׃

‎22 ‏מַהֵר֙ הִמָּלֵ֣ט שָׁ֔מָּה כִּ֣י לֹ֤א אוּכַל֙ לַעֲשׂ֣וֹת דָּבָ֔ר עַד־בֹּאֲךָ֖ שָׁ֑מָּה עַל־כֵּ֛ן קָרָ֥א שֵׁם־הָעִ֖יר צֽוֹעַר׃

‎23 ‏הַשֶּׁ֖מֶשׁ יָצָ֣א עַל־הָאָ֑רֶץ וְל֖וֹט בָּ֥א צֹֽעֲרָה׃

‎24 ‏וַֽיהוָ֗ה הִמְטִ֧יר עַל־סְדֹ֛ם וְעַל־עֲמֹרָ֖ה גָּפְרִ֣ית וָאֵ֑שׁ מֵאֵ֥ת יְהוָ֖ה מִן־הַשָּׁמָֽיִם׃

‎25 ‏וַֽיַּהֲפֹךְ֙ אֶת־הֶעָרִ֣ים הָאֵ֔ל וְאֵ֖ת כָּל־הַכִּכָּ֑ר וְאֵת֙ כָּל־יֹשְׁבֵ֣י הֶעָרִ֔ים וְצֶ֖מַח הָאֲדָמָֽה׃

‎26 ‏וַתַּבֵּ֥ט אִשְׁתּ֖וֹ מֵאַחֲרָ֑יו וַתְּהִ֖י נְצִ֥יב מֶֽלַח׃

‎27 ‏וַיַּשְׁכֵּ֥ם אַבְרָהָ֖ם בַּבֹּ֑קֶר אֶל־הַ֨מָּק֔וֹם אֲשֶׁר־עָ֥מַד שָׁ֖ם אֶת־פְּנֵ֥י יְהוָֽה׃

‎28 ‏וַיַּשְׁקֵ֗ף עַל־פְּנֵ֤י סְדֹם֙ וַעֲמֹרָ֔ה וְעַֽל־כָּל־פְּנֵ֖י אֶ֣רֶץ הַכִּכָּ֑ר וַיַּ֗רְא וְהִנֵּ֤ה עָלָה֙ קִיטֹ֣ר הָאָ֔רֶץ כְּקִיטֹ֖ר הַכִּבְשָֽׁן׃

‎29 ‏וַיְהִ֗י בְּשַׁחֵ֤ת אֱלֹהִים֙ אֶת־עָרֵ֣י הַכִּכָּ֔ר וַיִּזְכֹּ֥ר אֱלֹהִ֖ים אֶת־אַבְרָהָ֑ם וַיְשַׁלַּ֤ח אֶת־לוֹט֙ מִתּ֣וֹךְ הַהֲפֵכָ֔ה בַּהֲפֹךְ֙ אֶת־הֶ֣עָרִ֔ים אֲשֶׁר־יָשַׁ֥ב בָּהֵ֖ן לֽוֹט׃

‎30 ‏וַיַּעַל֩ ל֨וֹט מִצּ֜וֹעַר וַיֵּ֣שֶׁב בָּהָ֗ר וּשְׁתֵּ֤י בְנֹתָיו֙ עִמּ֔וֹ כִּ֥י יָרֵ֖א לָשֶׁ֣בֶת בְּצ֑וֹעַר וַיֵּ֙שֶׁב֙ בַּמְּעָרָ֔ה ה֖וּא וּשְׁתֵּ֥י בְנֹתָֽיו׃

‎31 ‏וַתֹּ֧אמֶר הַבְּכִירָ֛ה אֶל־הַצְּעִירָ֖ה אָבִ֣ינוּ זָקֵ֑ן וְאִ֨ישׁ אֵ֤ין בָּאָ֙רֶץ֙ לָב֣וֹא עָלֵ֔ינוּ כְּדֶ֖רֶךְ כָּל־הָאָֽרֶץ׃

‎32 ‏לְכָ֨ה נַשְׁקֶ֧ה אֶת־אָבִ֛ינוּ יַ֖יִן וְנִשְׁכְּבָ֣ה עִמּ֑וֹ וּנְחַיֶּ֥ה מֵאָבִ֖ינוּ זָֽרַע׃

‎33 ‏וַתַּשְׁקֶ֧יןָ אֶת־אֲבִיהֶ֛ן יַ֖יִן בַּלַּ֣יְלָה ה֑וּא וַתָּבֹ֤א הַבְּכִירָה֙ וַתִּשְׁכַּ֣ב אֶת־אָבִ֔יהָ וְלֹֽא־יָדַ֥ע בְּשִׁכְבָ֖הּ וּבְקוּׅמָֽהּ׃⁴

‎34 ‏וַֽיְהִי֙ מִֽמָּחֳרָ֔ת וַתֹּ֤אמֶר הַבְּכִירָה֙ אֶל־הַצְּעִירָ֔ה הֵן־שָׁכַ֥בְתִּי אֶ֖מֶשׁ אֶת־אָבִ֑י נַשְׁקֶ֨נּוּ יַ֜יִן גַּם־הַלַּ֗יְלָה וּבֹ֙אִי֙ שִׁכְבִ֣י עִמּ֔וֹ וּנְחַיֶּ֥ה מֵאָבִ֖ינוּ זָֽרַע׃

‎35 ‏וַתַּשְׁקֶ֜יןָ גַּ֣ם בַּלַּ֧יְלָה הַה֛וּא אֶת־אֲבִיהֶ֖ן יָ֑יִן וַתָּ֤קָם הַצְּעִירָה֙ וַתִּשְׁכַּ֣ב עִמּ֔וֹ וְלֹֽא־יָדַ֥ע בְּשִׁכְבָ֖הּ וּבְקֻמָֽהּ׃

‎36 ‏וַֽתַּהֲרֶ֛יןָ שְׁתֵּ֥י בְנֽוֹת־ל֖וֹט מֵאֲבִיהֶֽן׃

‎37 ‏וַתֵּ֤לֶד הַבְּכִירָה֙ בֵּ֔ן וַתִּקְרָ֥א שְׁמ֖וֹ מוֹאָ֑ב ה֥וּא אֲבִֽי־מוֹאָ֖ב עַד־הַיּֽוֹם׃

‎38 ‏וְהַצְּעִירָ֤ה גַם־הִוא֙ יָ֣לְדָה בֵּ֔ן וַתִּקְרָ֥א שְׁמ֖וֹ בֶּן־עַמִּ֑י ה֛וּא אֲבִ֥י בְנֵֽי־עַמּ֖וֹן עַד־הַיּֽוֹם׃ ס

1 wayyāḇō’û šənê hammalə’āḵîm səḏōmâ bā‘ereḇ wəlwōṭ yōšēḇ bəš^a‘ar-səḏōm wayyarə’-lwōṭ wayyāqām liqərā’ṯām wayyišət^aḥû ’apayim ’ārəṣâ:

2 wayyō’mer hinneh nnā’-’ăḏōnay sûrû nā’ ’el-bêṯ ‘aḇədəḵem wəlînû wər^aḥăṣû raḡəlêḵem wəhišəkamətem wahălaḵətem³ ləḏarəkəḵem wayyō’mərû llō’ kî ḇārəḥwōḇ nālîn:

3 wayyifəṣar-bām mə’ōḏ wayyāsurû ’ēlāyw wayyāḇō’û ’el-bêṯwō wayy^a‘aś lâem mišəteh ûmaṣṣwōṯ ’āfâ wayyō’ḵēlû:

4 ṭerem yišəkāḇû wə’anəšê hā‘îr ’anəšê səḏōm nāsabû ‘al-habayiṯ minn^a‘ar wə‘aḏ-zāqēn kāl-hā‘ām miqqāṣeh:

5 wayyiqərə’û ’el-lwōṭ wayyō’mərû lwō ’ayyēh hā’ănāšîm³ ’ăšer-bā’û ’ēleyḵā hallāyəlâ hwōṣî’ēm ’ēlênû wənēḏə‘â ’ōṯām:

6 wayyēṣē’ ’ălēhem lwōṭ hapeṯəḥâ wəhadeleṯ sāḡar ’^aḥărāyw:

7 wayyō’mar ’al-nā’ ’^aḥay tārē‘û:

8 hinnēh-nā’ lî šətê ḇānwōṯ ’ăšer lō’-yāḏə‘û ’îš ’wōṣî’â-nnā’ ’eṯəhen ’ălêḵem w^a‘ăśû lâen kaṭṭwōḇ bə‘ênêḵem raq lā’ănāšîm hā’ēl ’al-t^a‘ăśû ḏāḇār kî-‘al-kēn bā’û bəṣēl qōrāṯî:

9 wayyō’mərû| geš-hālə’â wayyō’mərû hā’eḥāḏ bā’-lāḡûr wayyišəpōṭ šāfwōṭ ‘atâ nār^a‘ ləḵā mēhem wayyifəṣərû ḇā’îš bəlwōṭ mə’ōḏ wayyigəšû lišəbōr hadāleṯ:

10 wayyišələḥû hā’ănāšîm ’eṯ-yāḏām wayyāḇî’û ’eṯ-lwōṭ ’ălêhem habāyəṯâ wə’eṯ-hadeleṯ sāḡārû:

11 wə’eṯ-hā’ănāšîm ’ăšer-peṯ^aḥ habayiṯ hikû bassanəwērîm miqqāṭōn wə‘aḏ-gāḏwōl wayyilə’û liməṣō’ hapāṯ^aḥ:

12 wayyō’mərû³ hā’ănāšîm ’el-lwōṭ ‘ōḏ mî-ləḵā fōh ḥāṯān ûḇāneyḵā ûḇənōṯeyḵā wəḵōl ’ăšer-ləḵā bā‘îr hwōṣē’ min-hammāqwōm:

13 kî-mašəḥiṯîm ’ăn^aḥənû ’eṯ-hammāqwōm hazzeh kî-ḡāḏəlâ ṣ^a‘ăqāṯām ’eṯ-pənê yəhwâ wayəšalləḥēnû yəhwâ ləš^aḥăṯāh:

14 wayyēṣē’ lwōṭ wayəḏabēr| ’el-ḥăṯānāyw| lōqəḥê ḇənōṯāyw wayyō’mer qûmû ṣṣə’û min-hammāqwōm hazzeh kî-mašəḥîṯ yəhwâ ’eṯ-hā‘îr wayəhî ḵiməṣ^aḥēq bə‘ênê ḥăṯānāyw:

15 ûḵəmwō hašš^aḥar ‘ālâ wayyā’îṣû hammalə’āḵîm bəlwōṭ lē’mōr qûm q^aḥ ’eṯ-’išətəḵā wə’eṯ-šətê ḇənōṯeyḵā hanniməṣā’ōṯ pen-tissāfeh b^a‘ăwōn hā‘îr:

16 wayyiṯəmahəmāh| wayy^aḥăziqû³ hā’ănāšîm bəyāḏwō ûḇəyaḏ-’išətwō ûḇəyaḏ šətê ḇənōṯāyw bəḥeməlaṯ yəhwâ ‘ālāyw wayyōṣi’uhû wayyanniḥuhû miḥûṣ lā‘îr:

17 wayəhî ḵəhwōṣî’ām ’ōṯām h^aḥûṣâ wayyō’mer himmālēṭ ‘al-nafəšeḵā ’al-tabîṭ ’^aḥăreyḵā wə’al-t^a‘ămōḏ bəḵāl-hakikār hâārâ himmālēṭ pen-tissāfeh:

18 wayyō’mer lwōṭ ’ălēhem ’al-nā’ ’ăḏōnāy:

19 hinnēh-nā’ māṣā’ ‘aḇədəḵā ḥēn bə‘êneyḵā wataḡədēl ḥasədəḵā ’ăšer ‘āśîṯā ‘immāḏî ləh^aḥăywōṯ ’eṯ-nafəšî wə’ānōḵî lō’ ’ûḵal ləhimmālēṭ hâārâ pen-tiḏəbāqanî hārā‘â wāmatî:

20 hinnēh-nā’ hā‘îr hazzō’ṯ qərōḇâ lānûs šāmmâ wəhî’ miṣə‘ār ’immāləṭâ nnā’ šāmmâ hălō’ miṣə‘ār hiw’ ûṯəḥî nafəšî:

21 wayyō’mer ’ēlāyw hinnēh nāśā’ṯî fāneyḵā gam ladāḇār hazzeh ləḇilətî hāfəkî ’eṯ-hā‘îr ’ăšer dibarətā:

22 mahēr himmālēṭ šāmmâ kî lō’ ’ûḵal l^a‘ăśwōṯ dāḇār ‘aḏ-bō’ăḵā šāmmâ ‘al-kēn qārā’ šēm-hā‘îr ṣwō‘ar:

23 haššemeš yāṣā’ ‘al-hā’āreṣ wəlwōṭ bā’ ṣō‘ărâ:

24 wayhwâ himəṭîr ‘al-səḏōm wə‘al-‘ămōrâ gāfərîṯ wā’ēš mē’ēṯ yəhwâ min-haššāmāyim:

25 wayyahăfōḵə ’eṯ-he‘ārîm hā’ēl wə’ēṯ kāl-hakikār wə’ēṯ kāl-yōšəḇê he‘ārîm wəṣem^aḥ hā’ăḏāmâ:

26 watabēṭ ’išətwō mē’^aḥărāyw watəhî nəṣîḇ mel^aḥ:

27 wayyašəkēm ’aḇərâām babōqer ’el-hammāqwōm ’ăšer-‘āmaḏ šām ’eṯ-pənê yəhwâ:

28 wayyašəqēf ‘al-pənê səḏōm w^a‘ămōrâ wə‘al-kāl-pənê ’ereṣ hakikār wayyarə’ wəhinnēh ‘ālâ qîṭōr hā’āreṣ kəqîṭōr hakiḇəšān:

29 wayəhî bəš^aḥēṯ ’ĕlōhîm ’eṯ-‘ārê hakikār wayyizəkōr ’ĕlōhîm ’eṯ-’aḇərâām wayəšall^aḥ ’eṯ-lwōṭ mitwōḵə hahăfēḵâ bahăfōḵə ’eṯ-he‘ārîm ’ăšer-yāšaḇ bâēn lwōṭ:

30 wayy^a‘al lwōṭ miṣṣwō‘ar wayyēšeḇ bâār ûšətê ḇənōṯāyw ‘immwō kî yārē’ lāšeḇeṯ bəṣwō‘ar wayyēšeḇ bammə‘ārâ hû’ ûšətê ḇənōṯāyw:

31 watō’mer habəḵîrâ ’el-haṣṣə‘îrâ ’āḇînû zāqēn wə’îš ’ên bā’āreṣ lāḇwō’ ‘ālênû kəḏereḵə kāl-hā’āreṣ:

32 ləḵâ našəqeh ’eṯ-’āḇînû yayin wənišəkəḇâ ‘immwō ûnəḥayyeh mē’āḇînû zār^a‘:

33 watašəqeynā ’eṯ-’ăḇîhen yayin ballayəlâ hû’ watāḇō’ habəḵîrâ watišəkaḇ ’eṯ-’āḇîhā wəlō’-yāḏ^a‘ bəšiḵəḇāh ûḇəqûׅmāh:⁴

34 wayəhî mimmāḥŏrāṯ watō’mer habəḵîrâ ’el-haṣṣə‘îrâ hēn-šāḵaḇətî ’emeš ’eṯ-’āḇî našəqennû yayin gam-hallayəlâ ûḇō’î šiḵəḇî ‘immwō ûnəḥayyeh mē’āḇînû zār^a‘:

35 watašəqeynā gam ballayəlâ hahû’ ’eṯ-’ăḇîhen yāyin watāqām haṣṣə‘îrâ watišəkaḇ ‘immwō wəlō’-yāḏ^a‘ bəšiḵəḇāh ûḇəqumāh:

36 watahăreynā šətê ḇənwōṯ-lwōṭ mē’ăḇîhen:

37 watēleḏ habəḵîrâ bēn watiqərā’ šəmwō mwō’āḇ hû’ ’ăḇî-mwō’āḇ ‘aḏ-hayywōm:

38 wəhaṣṣə‘îrâ ḡam-hiw’ yāləḏâ bēn watiqərā’ šəmwō ben-‘ammî hû’ ’ăḇî ḇənê-‘ammwōn ‘aḏ-hayywōm: s

‎1 ‏וַיִּסַּ֨ע מִשָּׁ֤ם אַבְרָהָם֙ אַ֣רְצָה הַנֶּ֔גֶב וַיֵּ֥שֶׁב בֵּין־קָדֵ֖שׁ וּבֵ֣ין שׁ֑וּר וַיָּ֖גָר בִּגְרָֽר׃

‎2 ‏וַיֹּ֧אמֶר אַבְרָהָ֛ם אֶל־שָׂרָ֥ה אִשְׁתּ֖וֹ אֲחֹ֣תִי הִ֑וא וַיִּשְׁלַ֗ח אֲבִימֶ֙לֶךְ֙ מֶ֣לֶךְ גְּרָ֔ר וַיִּקַּ֖ח אֶת־שָׂרָֽה׃

‎3 ‏וַיָּבֹ֧א אֱלֹהִ֛ים אֶל־אֲבִימֶ֖לֶךְ בַּחֲל֣וֹם הַלָּ֑יְלָה וַיֹּ֣אמֶר ל֗וֹ הִנְּךָ֥ מֵת֙ עַל־הָאִשָּׁ֣ה אֲשֶׁר־לָקַ֔חְתָּ וְהִ֖וא בְּעֻ֥לַת בָּֽעַל׃

‎4 ‏וַאֲבִימֶ֕לֶךְ לֹ֥א קָרַ֖ב אֵלֶ֑יהָ וַיֹּאמַ֕ר אֲדֹנָ֕י הֲג֥וֹי גַּם־צַדִּ֖יק תַּהֲרֹֽג׃

‎5 ‏הֲלֹ֨א ה֤וּא אָֽמַר־לִי֙ אֲחֹ֣תִי הִ֔וא וְהִֽיא־גַם־הִ֥וא אָֽמְרָ֖ה אָחִ֣י ה֑וּא בְּתָם־לְבָבִ֛י וּבְנִקְיֹ֥ן כַּפַּ֖י עָשִׂ֥יתִי זֹֽאת׃

‎6 ‏וַיֹּאמֶר֩ אֵלָ֨יו הָֽאֱלֹהִ֜ים בַּחֲלֹ֗ם גַּ֣ם אָנֹכִ֤י יָדַ֙עְתִּי֙ כִּ֤י בְתָם־לְבָבְךָ֙ עָשִׂ֣יתָ זֹּ֔את וָאֶחְשֹׂ֧ךְ גַּם־אָנֹכִ֛י אֽוֹתְךָ֖ מֵחֲטוֹ־לִ֑י עַל־כֵּ֥ן לֹא־נְתַתִּ֖יךָ לִנְגֹּ֥עַ אֵלֶֽיהָ׃

‎7 ‏וְעַתָּ֗ה הָשֵׁ֤ב אֵֽשֶׁת־הָאִישׁ֙ כִּֽי־נָבִ֣יא ה֔וּא וְיִתְפַּלֵּ֥ל בַּֽעַדְךָ֖ וֶֽחְיֵ֑ה וְאִם־אֵֽינְךָ֣ מֵשִׁ֗יב דַּ֚ע כִּי־מ֣וֹת תָּמ֔וּת אַתָּ֖ה וְכָל־אֲשֶׁר־לָֽךְ׃

‎8 ‏וַיַּשְׁכֵּ֨ם אֲבִימֶ֜לֶךְ בַּבֹּ֗קֶר וַיִּקְרָא֙ לְכָל־עֲבָדָ֔יו וַיְדַבֵּ֛ר אֶת־כָּל־הַדְּבָרִ֥ים הָאֵ֖לֶּה בְּאָזְנֵיהֶ֑ם וַיִּֽירְא֥וּ הָאֲנָשִׁ֖ים מְאֹֽד׃

‎9 ‏וַיִּקְרָ֨א אֲבִימֶ֜לֶךְ לְאַבְרָהָ֗ם וַיֹּ֨אמֶר ל֜וֹ מֶֽה־עָשִׂ֤יתָ לָּ֙נוּ֙ וּמֶֽה־חָטָ֣אתִי לָ֔ךְ כִּֽי־הֵבֵ֧אתָ עָלַ֛י וְעַל־מַמְלַכְתִּ֖י חֲטָאָ֣ה גְדֹלָ֑ה מַעֲשִׂים֙ אֲשֶׁ֣ר לֹא־יֵֽעָשׂ֔וּ עָשִׂ֖יתָ עִמָּדִֽי׃

‎10 ‏וַיֹּ֥אמֶר אֲבִימֶ֖לֶךְ אֶל־אַבְרָהָ֑ם מָ֣ה רָאִ֔יתָ כִּ֥י עָשִׂ֖יתָ אֶת־הַדָּבָ֥ר הַזֶּֽה׃

‎11 ‏וַיֹּ֙אמֶר֙ אַבְרָהָ֔ם כִּ֣י אָמַ֗רְתִּי רַ֚ק אֵין־יִרְאַ֣ת אֱלֹהִ֔ים בַּמָּק֖וֹם הַזֶּ֑ה וַהֲרָג֖וּנִי עַל־דְּבַ֥ר אִשְׁתִּֽי׃

‎12 ‏וְגַם־אָמְנָ֗ה אֲחֹתִ֤י בַת־אָבִי֙ הִ֔וא אַ֖ךְ לֹ֣א בַת־אִמִּ֑י וַתְּהִי־לִ֖י לְאִשָּֽׁה׃

‎13 ‏וַיְהִ֞י כַּאֲשֶׁ֧ר הִתְע֣וּ אֹתִ֗י אֱלֹהִים֮ מִבֵּ֣ית אָבִי֒ וָאֹמַ֣ר לָ֔הּ זֶ֣ה חַסְדֵּ֔ךְ אֲשֶׁ֥ר תַּעֲשִׂ֖י עִמָּדִ֑י אֶ֤ל כָּל־הַמָּקוֹם֙ אֲשֶׁ֣ר נָב֣וֹא שָׁ֔מָּה אִמְרִי־לִ֖י אָחִ֥י הֽוּא׃

‎14 ‏וַיִּקַּ֨ח אֲבִימֶ֜לֶךְ צֹ֣אן וּבָקָ֗ר וַעֲבָדִים֙ וּשְׁפָחֹ֔ת וַיִּתֵּ֖ן לְאַבְרָהָ֑ם וַיָּ֣שֶׁב ל֔וֹ אֵ֖ת שָׂרָ֥ה אִשְׁתּֽוֹ׃

‎15 ‏וַיֹּ֣אמֶר אֲבִימֶ֔לֶךְ הִנֵּ֥ה אַרְצִ֖י לְפָנֶ֑יךָ בַּטּ֥וֹב בְּעֵינֶ֖יךָ שֵֽׁב׃

‎16 ‏וּלְשָׂרָ֣ה אָמַ֗ר הִנֵּ֨ה נָתַ֜תִּי אֶ֤לֶף כֶּ֙סֶף֙ לְאָחִ֔יךְ הִנֵּ֤ה הוּא־לָךְ֙ כְּס֣וּת עֵינַ֔יִם לְכֹ֖ל אֲשֶׁ֣ר אִתָּ֑ךְ וְאֵ֥ת כֹּ֖ל וְנֹכָֽחַת׃

‎17 ‏וַיִּתְפַּלֵּ֥ל אַבְרָהָ֖ם אֶל־הָאֱלֹהִ֑ים וַיִּרְפָּ֨א אֱלֹהִ֜ים אֶת־אֲבִימֶ֧לֶךְ וְאֶת־אִשְׁתּ֛וֹ וְאַמְהֹתָ֖יו וַיֵּלֵֽדוּ׃

‎18 ‏כִּֽי־עָצֹ֤ר עָצַר֙ יְהוָ֔ה בְּעַ֥ד כָּל־רֶ֖חֶם לְבֵ֣ית אֲבִימֶ֑לֶךְ עַל־דְּבַ֥ר שָׂרָ֖ה אֵ֥שֶׁת אַבְרָהָֽם׃ ס

1 wayyiss^a‘ miššām ’aḇərâām ’arəṣâ hanneḡeḇ wayyēšeḇ bên-qāḏēš ûḇên šûr wayyāḡār biḡərār:

2 wayyō’mer ’aḇərâām ’el-śārâ ’išətwō ’ăḥōṯî hiw’ wayyišəl^aḥ ’ăḇîmeleḵə meleḵə gərār wayyiqq^aḥ ’eṯ-śārâ:

3 wayyāḇō’ ’ĕlōhîm ’el-’ăḇîmeleḵə b^aḥălwōm hallāyəlâ wayyō’mer lwō hinnəḵā mēṯ ‘al-hā’iššâ ’ăšer-lāq^aḥətā wəhiw’ bə‘ulaṯ bā‘al:

4 wa’ăḇîmeleḵə lō’ qāraḇ ’ēleyhā wayyō’mar ’ăḏōnāy hăḡwōy gam-ṣadîq tahărōḡ:

5 hălō’ hû’ ’āmar-lî ’ăḥōṯî hiw’ wəhî’-ḡam-hiw’ ’āmərâ ’āḥî hû’ bəṯām-ləḇāḇî ûḇəniqəyōn kapay ‘āśîṯî zō’ṯ:

6 wayyō’mer ’ēlāyw hā’ĕlōhîm b^aḥălōm gam ’ānōḵî yāḏ^a‘ətî kî ḇəṯām-ləḇāḇəḵā ‘āśîṯā zzō’ṯ wā’eḥəśōḵə gam-’ānōḵî ’wōṯəḵā mēḥăṭwō-lî ‘al-kēn lō’-nəṯatîḵā linəgō‘a ’ēleyhā:

7 wə‘atâ hāšēḇ ’ēšeṯ-hā’îš kî-nāḇî’ hû’ wəyiṯəpallēl b^a‘aḏəḵā weḥəyēh wə’im-’ênəḵā mēšîḇ d^a‘ kî-mwōṯ tāmûṯ ’atâ wəḵāl-’ăšer-lāḵə:

8 wayyašəkēm ’ăḇîmeleḵə babōqer wayyiqərā’ ləḵāl-‘ăḇāḏāyw wayəḏabēr ’eṯ-kāl-hadəḇārîm hā’ēlleh bə’āzənêhem wayyîrə’û hā’ănāšîm mə’ōḏ:

9 wayyiqərā’ ’ăḇîmeleḵə lə’aḇərâām wayyō’mer lwō meh-‘āśîṯā llānû ûmeh-ḥāṭā’ṯî lāḵə kî-hēḇē’ṯā ‘ālay wə‘al-maməlaḵətî ḥăṭā’â ḡəḏōlâ m^a‘ăśîm ’ăšer lō’-yē‘āśû ‘āśîṯā ‘immāḏî:

10 wayyō’mer ’ăḇîmeleḵə ’el-’aḇərâām mâ rā’îṯā kî ‘āśîṯā ’eṯ-hadāḇār hazzeh:

11 wayyō’mer ’aḇərâām kî ’āmarətî raq ’ên-yirə’aṯ ’ĕlōhîm bammāqwōm hazzeh wahărāḡûnî ‘al-dəḇar ’išətî:

12 wəḡam-’āmənâ ’ăḥōṯî ḇaṯ-’āḇî hiw’ ’aḵə lō’ ḇaṯ-’immî watəhî-lî lə’iššâ:

13 wayəhî ka’ăšer hiṯə‘û ’ōṯî ’ĕlōhîm mibêṯ ’āḇî wā’ōmar lāh zeh ḥasədēḵə ’ăšer t^a‘ăśî ‘immāḏî ’el kāl-hammāqwōm ’ăšer nāḇwō’ šāmmâ ’imərî-lî ’āḥî hû’:

14 wayyiqq^aḥ ’ăḇîmeleḵə ṣō’n ûḇāqār w^a‘ăḇāḏîm ûšəfāḥōṯ wayyitēn lə’aḇərâām wayyāšeḇ lwō ’ēṯ śārâ ’išətwō:

15 wayyō’mer ’ăḇîmeleḵə hinnēh ’arəṣî ləfāneyḵā baṭṭwōḇ bə‘êneyḵā šēḇ:

16 ûləśārâ ’āmar hinnēh nāṯatî ’elef kesef lə’āḥîḵə hinnēh hû’-lāḵə kəsûṯ ‘ênayim ləḵōl ’ăšer ’itāḵə wə’ēṯ kōl wənōḵāḥaṯ:

17 wayyiṯəpallēl ’aḇərâām ’el-hā’ĕlōhîm wayyirəpā’ ’ĕlōhîm ’eṯ-’ăḇîmeleḵə wə’eṯ-’išətwō wə’aməhōṯāyw wayyēlēḏû:

18 kî-‘āṣōr ‘āṣar yəhwâ bə‘aḏ kāl-reḥem ləḇêṯ ’ăḇîmeleḵə ‘al-dəḇar śārâ ’ēšeṯ ’aḇərâām: s

‎1 ‏וַֽיהוָ֛ה פָּקַ֥ד אֶת־שָׂרָ֖ה כַּאֲשֶׁ֣ר אָמָ֑ר וַיַּ֧עַשׂ יְהוָ֛ה לְשָׂרָ֖ה כַּאֲשֶׁ֥ר דִּבֵּֽר׃

‎2 ‏וַתַּהַר֩ וַתֵּ֨לֶד שָׂרָ֧ה לְאַבְרָהָ֛ם בֵּ֖ן לִזְקֻנָ֑יו לַמּוֹעֵ֕ד אֲשֶׁר־דִּבֶּ֥ר אֹת֖וֹ אֱלֹהִֽים׃

‎3 ‏וַיִּקְרָ֨א אַבְרָהָ֜ם אֶֽת־שֶׁם־בְּנ֧וֹ הַנּֽוֹלַד־ל֛וֹ אֲשֶׁר־יָלְדָה־לּ֥וֹ שָׂרָ֖ה יִצְחָֽק׃

‎4 ‏וַיָּ֤מָל אַבְרָהָם֙ אֶת־יִצְחָ֣ק בְּנ֔וֹ בֶּן־שְׁמֹנַ֖ת יָמִ֑ים כַּאֲשֶׁ֛ר צִוָּ֥ה אֹת֖וֹ אֱלֹהִֽים׃

‎5 ‏וְאַבְרָהָ֖ם בֶּן־מְאַ֣ת שָׁנָ֑ה בְּהִוָּ֣לֶד ל֔וֹ אֵ֖ת יִצְחָ֥ק בְּנֽוֹ׃

‎6 ‏וַתֹּ֣אמֶר שָׂרָ֔ה צְחֹ֕ק עָ֥שָׂה לִ֖י אֱלֹהִ֑ים כָּל־הַשֹּׁמֵ֖עַ יִֽצְחַק־לִֽי׃

‎7 ‏וַתֹּ֗אמֶר מִ֤י מִלֵּל֙ לְאַבְרָהָ֔ם הֵינִ֥יקָה בָנִ֖ים שָׂרָ֑ה כִּֽי־יָלַ֥דְתִּי בֵ֖ן לִזְקֻנָֽיו׃

‎8 ‏וַיִּגְדַּ֥ל הַיֶּ֖לֶד וַיִּגָּמַ֑ל וַיַּ֤עַשׂ אַבְרָהָם֙ מִשְׁתֶּ֣ה גָד֔וֹל בְּי֖וֹם הִגָּמֵ֥ל אֶת־יִצְחָֽק׃

‎9 ‏וַתֵּ֨רֶא שָׂרָ֜ה אֶֽת־בֶּן־הָגָ֧ר הַמִּצְרִ֛ית אֲשֶׁר־יָלְדָ֥ה לְאַבְרָהָ֖ם מְצַחֵֽק׃

‎10 ‏וַתֹּ֙אמֶר֙ לְאַבְרָהָ֔ם גָּרֵ֛שׁ הָאָמָ֥ה הַזֹּ֖את וְאֶת־בְּנָ֑הּ כִּ֣י לֹ֤א יִירַשׁ֙ בֶּן־הָאָמָ֣ה הַזֹּ֔את עִם־בְּנִ֖י עִם־יִצְחָֽק׃

‎11 ‏וַיֵּ֧רַע הַדָּבָ֛ר מְאֹ֖ד בְּעֵינֵ֣י אַבְרָהָ֑ם עַ֖ל אוֹדֹ֥ת בְּנֽוֹ׃

‎12 ‏וַיֹּ֨אמֶר אֱלֹהִ֜ים אֶל־אַבְרָהָ֗ם אַל־יֵרַ֤ע בְּעֵינֶ֙יךָ֙ עַל־הַנַּ֣עַר וְעַל־אֲמָתֶ֔ךָ כֹּל֩ אֲשֶׁ֨ר תֹּאמַ֥ר אֵלֶ֛יךָ שָׂרָ֖ה שְׁמַ֣ע בְּקֹלָ֑הּ כִּ֣י בְיִצְחָ֔ק יִקָּרֵ֥א לְךָ֖ זָֽרַע׃

‎13 ‏וְגַ֥ם אֶת־בֶּן־הָאָמָ֖ה לְג֣וֹי אֲשִׂימֶ֑נּוּ כִּ֥י זַרְעֲךָ֖ הֽוּא׃

‎14 ‏וַיַּשְׁכֵּ֣ם אַבְרָהָ֣ם׀ בַּבֹּ֡קֶר וַיִּֽקַּֽח־לֶחֶם֩ וְחֵ֨מַת מַ֜יִם וַיִּתֵּ֣ן אֶל־הָ֠גָר שָׂ֧ם עַל־שִׁכְמָ֛הּ וְאֶת־הַיֶּ֖לֶד וַֽיְשַׁלְּחֶ֑הָ וַתֵּ֣לֶךְ וַתֵּ֔תַע בְּמִדְבַּ֖ר בְּאֵ֥ר שָֽׁבַע׃

‎15 ‏וַיִּכְל֥וּ הַמַּ֖יִם מִן־הַחֵ֑מֶת וַתַּשְׁלֵ֣ךְ אֶת־הַיֶּ֔לֶד תַּ֖חַת אַחַ֥ד הַשִּׂיחִֽם׃

‎16 ‏וַתֵּלֶךְ֩ וַתֵּ֨שֶׁב לָ֜הּ מִנֶּ֗גֶד הַרְחֵק֙ כִּמְטַחֲוֵ֣י קֶ֔שֶׁת כִּ֣י אָֽמְרָ֔ה אַל־אֶרְאֶ֖ה בְּמ֣וֹת הַיָּ֑לֶד וַתֵּ֣שֶׁב מִנֶּ֔גֶד וַתִּשָּׂ֥א אֶת־קֹלָ֖הּ וַתֵּֽבְךְּ׃

‎17 ‏וַיִּשְׁמַ֣ע אֱלֹהִים֮ אֶת־ק֣וֹל הַנַּעַר֒ וַיִּקְרָא֩ מַלְאַ֨ךְ אֱלֹהִ֤ים׀ אֶל־הָגָר֙ מִן־הַשָּׁמַ֔יִם וַיֹּ֥אמֶר לָ֖הּ מַה־לָּ֣ךְ הָגָ֑ר אַל־תִּ֣ירְאִ֔י כִּֽי־שָׁמַ֧ע אֱלֹהִ֛ים אֶל־ק֥וֹל הַנַּ֖עַר בַּאֲשֶׁ֥ר הוּא־שָֽׁם׃

‎18 ‏ק֚וּמִי שְׂאִ֣י אֶת־הַנַּ֔עַר וְהַחֲזִ֥יקִי אֶת־יָדֵ֖ךְ בּ֑וֹ כִּֽי־לְג֥וֹי גָּד֖וֹל אֲשִׂימֶֽנּוּ׃

‎19 ‏וַיִּפְקַ֤ח אֱלֹהִים֙ אֶת־עֵינֶ֔יהָ וַתֵּ֖רֶא בְּאֵ֣ר מָ֑יִם וַתֵּ֜לֶךְ וַתְּמַלֵּ֤א אֶת־הַחֵ֙מֶת֙ מַ֔יִם וַתַּ֖שְׁקְ אֶת־הַנָּֽעַר׃

‎20 ‏וַיְהִ֧י אֱלֹהִ֛ים אֶת־הַנַּ֖עַר וַיִּגְדָּ֑ל וַיֵּ֙שֶׁב֙ בַּמִּדְבָּ֔ר וַיְהִ֖י רֹבֶ֥ה קַשָּֽׁת׃

‎21 ‏וַיֵּ֖שֶׁב בְּמִדְבַּ֣ר פָּארָ֑ן וַתִּֽקַּֽח־ל֥וֹ אִמּ֛וֹ אִשָּׁ֖ה מֵאֶ֥רֶץ מִצְרָֽיִם׃ פ

‎22 ‏וַֽיְהִי֙ בָּעֵ֣ת הַהִ֔וא וַיֹּ֣אמֶר אֲבִימֶ֗לֶךְ וּפִיכֹל֙ שַׂר־צְבָא֔וֹ אֶל־אַבְרָהָ֖ם לֵאמֹ֑ר אֱלֹהִ֣ים עִמְּךָ֔ בְּכֹ֥ל אֲשֶׁר־אַתָּ֖ה עֹשֶֽׂה׃

‎23 ‏וְעַתָּ֗ה הִשָּׁ֨בְעָה לִּ֤י בֵֽאלֹהִים֙ הֵ֔נָּה אִם־תִּשְׁקֹ֣ר לִ֔י וּלְנִינִ֖י וּלְנֶכְדִּ֑י כַּחֶ֜סֶד אֲשֶׁר־עָשִׂ֤יתִי עִמְּךָ֙ תַּעֲשֶׂ֣ה עִמָּדִ֔י וְעִם־הָאָ֖רֶץ אֲשֶׁר־גַּ֥רְתָּה בָּֽהּ׃

‎24 ‏וַיֹּ֙אמֶר֙ אַבְרָהָ֔ם אָנֹכִ֖י אִשָּׁבֵֽעַ׃

‎25 ‏וְהוֹכִ֥חַ אַבְרָהָ֖ם אֶת־אֲבִימֶ֑לֶךְ עַל־אֹדוֹת֙ בְּאֵ֣ר הַמַּ֔יִם אֲשֶׁ֥ר גָּזְל֖וּ עַבְדֵ֥י אֲבִימֶֽלֶךְ׃

‎26 ‏וַיֹּ֣אמֶר אֲבִימֶ֔לֶךְ לֹ֣א יָדַ֔עְתִּי מִ֥י עָשָׂ֖ה אֶת־הַדָּבָ֣ר הַזֶּ֑ה וְגַם־אַתָּ֞ה לֹא־הִגַּ֣דְתָּ לִּ֗י וְגַ֧ם אָנֹכִ֛י לֹ֥א שָׁמַ֖עְתִּי בִּלְתִּ֥י הַיּֽוֹם׃

‎27 ‏וַיִּקַּ֤ח אַבְרָהָם֙ צֹ֣אן וּבָקָ֔ר וַיִּתֵּ֖ן לַאֲבִימֶ֑לֶךְ וַיִּכְרְת֥וּ שְׁנֵיהֶ֖ם בְּרִֽית׃

‎28 ‏וַיַּצֵּ֣ב אַבְרָהָ֗ם אֶת־שֶׁ֛בַע כִּבְשֹׂ֥ת הַצֹּ֖אן לְבַדְּהֶֽן׃

‎29 ‏וַיֹּ֥אמֶר אֲבִימֶ֖לֶךְ אֶל־אַבְרָהָ֑ם מָ֣ה הֵ֗נָּה שֶׁ֤בַע כְּבָשֹׂת֙ הָאֵ֔לֶּה אֲשֶׁ֥ר הִצַּ֖בְתָּ לְבַדָּֽנָה׃

‎30 ‏וַיֹּ֕אמֶר כִּ֚י אֶת־שֶׁ֣בַע כְּבָשֹׂ֔ת תִּקַּ֖ח מִיָּדִ֑י בַּעֲבוּר֙ תִּֽהְיֶה־לִּ֣י לְעֵדָ֔ה כִּ֥י חָפַ֖רְתִּי אֶת־הַבְּאֵ֥ר הַזֹּֽאת׃

‎31 ‏עַל־כֵּ֗ן קָרָ֛א לַמָּק֥וֹם הַה֖וּא בְּאֵ֣ר שָׁ֑בַע כִּ֛י שָׁ֥ם נִשְׁבְּע֖וּ שְׁנֵיהֶֽם׃

‎32 ‏וַיִּכְרְת֥וּ בְרִ֖ית בִּבְאֵ֣ר שָׁ֑בַע וַיָּ֣קָם אֲבִימֶ֗לֶךְ וּפִיכֹל֙ שַׂר־צְבָא֔וֹ וַיָּשֻׁ֖בוּ אֶל־אֶ֥רֶץ פְּלִשְׁתִּֽים׃

‎33 ‏וַיִּטַּ֥ע אֶ֖שֶׁל בִּבְאֵ֣ר שָׁ֑בַע וַיִּ֨קְרָא־שָׁ֔ם בְּשֵׁ֥ם יְהוָ֖ה אֵ֥ל עוֹלָֽם׃

‎34 ‏וַיָּ֧גָר אַבְרָהָ֛ם בְּאֶ֥רֶץ פְּלִשְׁתִּ֖ים יָמִ֥ים רַבִּֽים׃ פ

1 wayhwâ pāqaḏ ’eṯ-śārâ ka’ăšer ’āmār wayy^a‘aś yəhwâ ləśārâ ka’ăšer dibēr:

2 watahar watēleḏ śārâ lə’aḇərâām bēn lizəqunāyw lammwō‘ēḏ ’ăšer-diber ’ōṯwō ’ĕlōhîm:

3 wayyiqərā’ ’aḇərâām ’eṯ-šem-bənwō hannwōlaḏ-lwō ’ăšer-yāləḏâ-llwō śārâ yiṣəḥāq:

4 wayyāmāl ’aḇərâām ’eṯ-yiṣəḥāq bənwō ben-šəmōnaṯ yāmîm ka’ăšer ṣiûâ ’ōṯwō ’ĕlōhîm:

5 wə’aḇərâām ben-mə’aṯ šānâ bəhiûāleḏ lwō ’ēṯ yiṣəḥāq bənwō:

6 watō’mer śārâ ṣəḥōq ‘āśâ lî ’ĕlōhîm kāl-haššōmē‘a yiṣəḥaq-lî:

7 watō’mer mî millēl lə’aḇərâām hênîqâ ḇānîm śārâ kî-yālaḏətî ḇēn lizəqunāyw:

8 wayyiḡədal hayyeleḏ wayyigāmal wayy^a‘aś ’aḇərâām mišəteh ḡāḏwōl bəywōm higāmēl ’eṯ-yiṣəḥāq:

9 watēre’ śārâ ’eṯ-ben-hāḡār hammiṣərîṯ ’ăšer-yāləḏâ lə’aḇərâām məṣ^aḥēq:

10 watō’mer lə’aḇərâām gārēš hā’āmâ hazzō’ṯ wə’eṯ-bənāh kî lō’ yîraš ben-hā’āmâ hazzō’ṯ ‘im-bənî ‘im-yiṣəḥāq:

11 wayyēr^a‘ hadāḇār mə’ōḏ bə‘ênê ’aḇərâām ‘al ’wōḏōṯ bənwō:

12 wayyō’mer ’ĕlōhîm ’el-’aḇərâām ’al-yēr^a‘ bə‘êneyḵā ‘al-hann^a‘ar wə‘al-’ămāṯeḵā kōl ’ăšer tō’mar ’ēleyḵā śārâ šəm^a‘ bəqōlāh kî ḇəyiṣəḥāq yiqqārē’ ləḵā zār^a‘:

13 wəḡam ’eṯ-ben-hā’āmâ ləḡwōy ’ăśîmennû kî zarə‘ăḵā hû’:

14 wayyašəkēm ’aḇərâām| babōqer wayyiqq^aḥ-leḥem wəḥēmaṯ mayim wayyitēn ’el-hāḡār śām ‘al-šiḵəmāh wə’eṯ-hayyeleḏ wayəšalləḥehā watēleḵə watēṯ^a‘ bəmiḏəbar bə’ēr šāḇ^a‘:

15 wayyiḵəlû hammayim min-h^aḥēmeṯ watašəlēḵə ’eṯ-hayyeleḏ t^aḥaṯ ’^aḥaḏ haśśîḥim:

16 watēleḵə watēšeḇ lāh minneḡeḏ harəḥēq kiməṭ^aḥăwê qešeṯ kî ’āmərâ ’al-’erə’eh bəmwōṯ hayyāleḏ watēšeḇ minneḡeḏ watiśśā’ ’eṯ-qōlāh watēḇəḵḵə:

17 wayyišəm^a‘ ’ĕlōhîm ’eṯ-qwōl hann^a‘ar wayyiqərā’ malə’aḵə ’ĕlōhîm| ’el-hāḡār min-haššāmayim wayyō’mer lāh mah-llāḵə hāḡār ’al-tîrə’î kî-šām^a‘ ’ĕlōhîm ’el-qwōl hann^a‘ar ba’ăšer hû’-šām:

18 qûmî śə’î ’eṯ-hann^a‘ar wəh^aḥăzîqî ’eṯ-yāḏēḵə bwō kî-ləḡwōy gāḏwōl ’ăśîmennû:

19 wayyifəq^aḥ ’ĕlōhîm ’eṯ-‘êneyhā watēre’ bə’ēr māyim watēleḵə watəmallē’ ’eṯ-h^aḥēmeṯ mayim watašəqə ’eṯ-hannā‘ar:

20 wayəhî ’ĕlōhîm ’eṯ-hann^a‘ar wayyiḡədāl wayyēšeḇ bammiḏəbār wayəhî rōḇeh qaššāṯ:

21 wayyēšeḇ bəmiḏəbar pā’rān watiqq^aḥ-lwō ’immwō ’iššâ mē’ereṣ miṣərāyim: f

22 wayəhî bā‘ēṯ hahiw’ wayyō’mer ’ăḇîmeleḵə ûfîḵōl śar-ṣəḇā’wō ’el-’aḇərâām lē’mōr ’ĕlōhîm ‘imməḵā bəḵōl ’ăšer-’atâ ‘ōśeh:

23 wə‘atâ hiššāḇə‘â llî ḇē’lōhîm hēnnâ ’im-tišəqōr lî ûlənînî ûləneḵədî k^aḥeseḏ ’ăšer-‘āśîṯî ‘imməḵā t^a‘ăśeh ‘immāḏî wə‘im-hā’āreṣ ’ăšer-garətâ bāh:

24 wayyō’mer ’aḇərâām ’ānōḵî ’iššāḇē‘a:

25 wəhwōḵiḥa ’aḇərâām ’eṯ-’ăḇîmeleḵə ‘al-’ōḏwōṯ bə’ēr hammayim ’ăšer gāzəlû ‘aḇəḏê ’ăḇîmeleḵə:

26 wayyō’mer ’ăḇîmeleḵə lō’ yāḏ^a‘ətî mî ‘āśâ ’eṯ-hadāḇār hazzeh wəḡam-’atâ lō’-higaḏətā llî wəḡam ’ānōḵî lō’ šām^a‘ətî bilətî hayywōm:

27 wayyiqq^aḥ ’aḇərâām ṣō’n ûḇāqār wayyitēn la’ăḇîmeleḵə wayyiḵərəṯû šənêhem bərîṯ:

28 wayyaṣṣēḇ ’aḇərâām ’eṯ-šeḇ^a‘ kiḇəśōṯ haṣṣō’n ləḇadəhen:

29 wayyō’mer ’ăḇîmeleḵə ’el-’aḇərâām mâ hēnnâ šeḇ^a‘ kəḇāśōṯ hā’ēlleh ’ăšer hiṣṣaḇətā ləḇadānâ:

30 wayyō’mer kî ’eṯ-šeḇ^a‘ kəḇāśōṯ tiqq^aḥ mîyāḏî b^a‘ăḇûr tihəyeh-llî lə‘ēḏâ kî ḥāfarətî ’eṯ-habə’ēr hazzō’ṯ:

31 ‘al-kēn qārā’ lammāqwōm hahû’ bə’ēr šāḇ^a‘ kî šām nišəbə‘û šənêhem:

32 wayyiḵərəṯû ḇərîṯ biḇə’ēr šāḇ^a‘ wayyāqām ’ăḇîmeleḵə ûfîḵōl śar-ṣəḇā’wō wayyāšuḇû ’el-’ereṣ pəlišətîm:

33 wayyiṭṭ^a‘ ’ešel biḇə’ēr šāḇ^a‘ wayyiqərā’-šām bəšēm yəhwâ ’ēl ‘wōlām:

34 wayyāḡār ’aḇərâām bə’ereṣ pəlišətîm yāmîm rabîm: f

‎1 ‏וַיְהִ֗י אַחַר֙ הַדְּבָרִ֣ים הָאֵ֔לֶּה וְהָ֣אֱלֹהִ֔ים נִסָּ֖ה אֶת־אַבְרָהָ֑ם וַיֹּ֣אמֶר אֵלָ֔יו אַבְרָהָ֖ם וַיֹּ֥אמֶר הִנֵּֽנִי׃

‎2 ‏וַיֹּ֡אמֶר קַח־נָ֠א אֶת־בִּנְךָ֙ אֶת־יְחִֽידְךָ֤ אֲשֶׁר־אָהַ֙בְתָּ֙ אֶת־יִצְחָ֔ק וְלֶךְ־לְךָ֔ אֶל־אֶ֖רֶץ הַמֹּרִיָּ֑ה וְהַעֲלֵ֤הוּ שָׁם֙ לְעֹלָ֔ה עַ֚ל אַחַ֣ד הֶֽהָרִ֔ים אֲשֶׁ֖ר אֹמַ֥ר אֵלֶֽיךָ׃

‎3 ‏וַיַּשְׁכֵּ֨ם אַבְרָהָ֜ם בַּבֹּ֗קֶר וַֽיַּחֲבֹשׁ֙ אֶת־חֲמֹר֔וֹ וַיִּקַּ֞ח אֶת־שְׁנֵ֤י נְעָרָיו֙ אִתּ֔וֹ וְאֵ֖ת יִצְחָ֣ק בְּנ֑וֹ וַיְבַקַּע֙ עֲצֵ֣י עֹלָ֔ה וַיָּ֣קָם וַיֵּ֔לֶךְ אֶל־הַמָּק֖וֹם אֲשֶׁר־אָֽמַר־ל֥וֹ הָאֱלֹהִֽים׃

‎4 ‏בַּיּ֣וֹם הַשְּׁלִישִׁ֗י וַיִּשָּׂ֨א אַבְרָהָ֧ם אֶת־עֵינָ֛יו וַיַּ֥רְא אֶת־הַמָּק֖וֹם מֵרָחֹֽק׃

‎5 ‏וַיֹּ֨אמֶר אַבְרָהָ֜ם אֶל־נְעָרָ֗יו שְׁבוּ־לָכֶ֥ם פֹּה֙ עִֽם־הַחֲמ֔וֹר וַאֲנִ֣י וְהַנַּ֔עַר נֵלְכָ֖ה עַד־כֹּ֑ה וְנִֽשְׁתַּחֲוֶ֖ה וְנָשׁ֥וּבָה אֲלֵיכֶֽם׃

‎6 ‏וַיִּקַּ֨ח אַבְרָהָ֜ם אֶת־עֲצֵ֣י הָעֹלָ֗ה וַיָּ֙שֶׂם֙ עַל־יִצְחָ֣ק בְּנ֔וֹ וַיִּקַּ֣ח בְּיָד֔וֹ אֶת־הָאֵ֖שׁ וְאֶת־הַֽמַּאֲכֶ֑לֶת וַיֵּלְכ֥וּ שְׁנֵיהֶ֖ם יַחְדָּֽו׃

‎7 ‏וַיֹּ֨אמֶר יִצְחָ֜ק אֶל־אַבְרָהָ֤ם אָבִיו֙ וַיֹּ֣אמֶר אָבִ֔י וַיֹּ֖אמֶר הִנֶּ֣נִּֽי בְנִ֑י וַיֹּ֗אמֶר הִנֵּ֤ה הָאֵשׁ֙ וְהָ֣עֵצִ֔ים וְאַיֵּ֥ה הַשֶּׂ֖ה לְעֹלָֽה׃

‎8 ‏וַיֹּ֙אמֶר֙ אַבְרָהָ֔ם אֱלֹהִ֞ים יִרְאֶה־לּ֥וֹ הַשֶּׂ֛ה לְעֹלָ֖ה בְּנִ֑י וַיֵּלְכ֥וּ שְׁנֵיהֶ֖ם יַחְדָּֽו׃

‎9 ‏וַיָּבֹ֗אוּ אֶֽל־הַמָּקוֹם֮ אֲשֶׁ֣ר אָֽמַר־ל֣וֹ הָאֱלֹהִים֒ וַיִּ֨בֶן שָׁ֤ם אַבְרָהָם֙ אֶת־הַמִּזְבֵּ֔חַ וַֽיַּעֲרֹ֖ךְ אֶת־הָעֵצִ֑ים וַֽיַּעֲקֹד֙ אֶת־יִצְחָ֣ק בְּנ֔וֹ וַיָּ֤שֶׂם אֹתוֹ֙ עַל־הַמִּזְבֵּ֔חַ מִמַּ֖עַל לָעֵצִֽים׃

‎10 ‏וַיִּשְׁלַ֤ח אַבְרָהָם֙ אֶת־יָד֔וֹ וַיִּקַּ֖ח אֶת־הַֽמַּאֲכֶ֑לֶת לִשְׁחֹ֖ט אֶת־בְּנֽוֹ׃

‎11 ‏וַיִּקְרָ֨א אֵלָ֜יו מַלְאַ֤ךְ יְהוָה֙ מִן־הַשָּׁמַ֔יִם וַיֹּ֖אמֶר אַבְרָהָ֣ם׀ אַבְרָהָ֑ם וַיֹּ֖אמֶר הִנֵּֽנִי׃

‎12 ‏וַיֹּ֗אמֶר אַל־תִּשְׁלַ֤ח יָֽדְךָ֙ אֶל־הַנַּ֔עַר וְאַל־תַּ֥עַשׂ ל֖וֹ מְא֑וּמָּה¹ כִּ֣י׀ עַתָּ֣ה יָדַ֗עְתִּי כִּֽי־יְרֵ֤א אֱלֹהִים֙ אַ֔תָּה וְלֹ֥א חָשַׂ֛כְתָּ אֶת־בִּנְךָ֥ אֶת־יְחִידְךָ֖ מִמֶּֽנִּי׃

‎13 ‏וַיִּשָּׂ֨א אַבְרָהָ֜ם אֶת־עֵינָ֗יו וַיַּרְא֙ וְהִנֵּה־אַ֔יִל אַחַ֕ר נֶאֱחַ֥ז בַּסְּבַ֖ךְ בְּקַרְנָ֑יו וַיֵּ֤לֶךְ אַבְרָהָם֙ וַיִּקַּ֣ח אֶת־הָאַ֔יִל וַיַּעֲלֵ֥הוּ לְעֹלָ֖ה תַּ֥חַת בְּנֽוֹ׃

‎14 ‏וַיִּקְרָ֧א אַבְרָהָ֛ם שֵֽׁם־הַמָּק֥וֹם הַה֖וּא יְהוָ֣ה׀ יִרְאֶ֑ה אֲשֶׁר֙ יֵאָמֵ֣ר הַיּ֔וֹם בְּהַ֥ר יְהוָ֖ה יֵרָאֶֽה׃

‎15 ‏וַיִּקְרָ֛א מַלְאַ֥ךְ יְהוָ֖ה אֶל־אַבְרָהָ֑ם שֵׁנִ֖ית מִן־הַשָּׁמָֽיִם׃

‎16 ‏וַיֹּ֕אמֶר בִּ֥י נִשְׁבַּ֖עְתִּי נְאֻם־יְהוָ֑ה כִּ֗י יַ֚עַן אֲשֶׁ֤ר עָשִׂ֙יתָ֙ אֶת־הַדָּבָ֣ר הַזֶּ֔ה וְלֹ֥א חָשַׂ֖כְתָּ אֶת־בִּנְךָ֥ אֶת־יְחִידֶֽךָ׃

‎17 ‏כִּֽי־בָרֵ֣ךְ אֲבָרֶכְךָ֗ וְהַרְבָּ֨ה אַרְבֶּ֤ה אֶֽת־זַרְעֲךָ֙ כְּכוֹכְבֵ֣י הַשָּׁמַ֔יִם וְכַח֕וֹל אֲשֶׁ֖ר עַל־שְׂפַ֣ת הַיָּ֑ם וְיִרַ֣שׁ זַרְעֲךָ֔ אֵ֖ת שַׁ֥עַר אֹיְבָֽיו׃

‎18 ‏וְהִתְבָּרֲכ֣וּ בְזַרְעֲךָ֔ כֹּ֖ל גּוֹיֵ֣י הָאָ֑רֶץ עֵ֕קֶב אֲשֶׁ֥ר שָׁמַ֖עְתָּ בְּקֹלִֽי׃

‎19 ‏וַיָּ֤שָׁב אַבְרָהָם֙ אֶל־נְעָרָ֔יו וַיָּקֻ֛מוּ וַיֵּלְכ֥וּ יַחְדָּ֖ו אֶל־בְּאֵ֣ר שָׁ֑בַע וַיֵּ֥שֶׁב אַבְרָהָ֖ם בִּבְאֵ֥ר שָֽׁבַע׃ פ

‎20 ‏וַיְהִ֗י אַחֲרֵי֙ הַדְּבָרִ֣ים הָאֵ֔לֶּה וַיֻּגַּ֥ד לְאַבְרָהָ֖ם לֵאמֹ֑ר הִ֠נֵּה יָלְדָ֨ה מִלְכָּ֥ה גַם־הִ֛וא בָּנִ֖ים לְנָח֥וֹר אָחִֽיךָ׃

‎21 ‏אֶת־ע֥וּץ בְּכֹר֖וֹ וְאֶת־בּ֣וּז אָחִ֑יו וְאֶת־קְמוּאֵ֖ל אֲבִ֥י אֲרָֽם׃

‎22 ‏וְאֶת־כֶּ֣שֶׂד וְאֶת־חֲז֔וֹ וְאֶת־פִּלְדָּ֖שׁ וְאֶת־יִדְלָ֑ף וְאֵ֖ת בְּתוּאֵֽל׃

‎23 ‏וּבְתוּאֵ֖ל יָלַ֣ד אֶת־רִבְקָ֑ה שְׁמֹנָ֥ה אֵ֙לֶּה֙ יָלְדָ֣ה מִלְכָּ֔ה לְנָח֖וֹר אֲחִ֥י אַבְרָהָֽם׃

‎24 ‏וּפִֽילַגְשׁ֖וֹ וּשְׁמָ֣הּ רְאוּמָ֑ה וַתֵּ֤לֶד גַּם־הִוא֙ אֶת־טֶ֣בַח וְאֶת־גַּ֔חַם וְאֶת־תַּ֖חַשׁ וְאֶֽת־מַעֲכָֽה׃ ס

1 wayəhî ’^aḥar hadəḇārîm hā’ēlleh wəhā’ĕlōhîm nissâ ’eṯ-’aḇərâām wayyō’mer ’ēlāyw ’aḇərâām wayyō’mer hinnēnî:

2 wayyō’mer q^aḥ-nā’ ’eṯ-binəḵā ’eṯ-yəḥîḏəḵā ’ăšer-’âaḇətā ’eṯ-yiṣəḥāq wəleḵə-ləḵā ’el-’ereṣ hammōrîyâ wəh^a‘ălēhû šām lə‘ōlâ ‘al ’^aḥaḏ hehārîm ’ăšer ’ōmar ’ēleyḵā:

3 wayyašəkēm ’aḇərâām babōqer wayy^aḥăḇōš ’eṯ-ḥămōrwō wayyiqq^aḥ ’eṯ-šənê nə‘ārāyw ’itwō wə’ēṯ yiṣəḥāq bənwō wayəḇaqq^a‘ ‘ăṣê ‘ōlâ wayyāqām wayyēleḵə ’el-hammāqwōm ’ăšer-’āmar-lwō hā’ĕlōhîm:

4 bayywōm haššəlîšî wayyiśśā’ ’aḇərâām ’eṯ-‘ênāyw wayyarə’ ’eṯ-hammāqwōm mērāḥōq:

5 wayyō’mer ’aḇərâām ’el-nə‘ārāyw šəḇû-lāḵem pōh ‘im-h^aḥămwōr wa’ănî wəhann^a‘ar nēləḵâ ‘aḏ-kōh wənišət^aḥăweh wənāšûḇâ ’ălêḵem:

6 wayyiqq^aḥ ’aḇərâām ’eṯ-‘ăṣê hā‘ōlâ wayyāśem ‘al-yiṣəḥāq bənwō wayyiqq^aḥ bəyāḏwō ’eṯ-hā’ēš wə’eṯ-hamma’ăḵeleṯ wayyēləḵû šənêhem y^aḥədāw:

7 wayyō’mer yiṣəḥāq ’el-’aḇərâām ’āḇîw wayyō’mer ’āḇî wayyō’mer hinnennî ḇənî wayyō’mer hinnēh hā’ēš wəhā‘ēṣîm wə’ayyēh haśśeh lə‘ōlâ:

8 wayyō’mer ’aḇərâām ’ĕlōhîm yirə’eh-llwō haśśeh lə‘ōlâ bənî wayyēləḵû šənêhem y^aḥədāw:

9 wayyāḇō’û ’el-hammāqwōm ’ăšer ’āmar-lwō hā’ĕlōhîm wayyiḇen šām ’aḇərâām ’eṯ-hammizəbēḥa wayy^a‘ărōḵə ’eṯ-hā‘ēṣîm wayy^a‘ăqōḏ ’eṯ-yiṣəḥāq bənwō wayyāśem ’ōṯwō ‘al-hammizəbēḥa mimm^a‘al lā‘ēṣîm:

10 wayyišəl^aḥ ’aḇərâām ’eṯ-yāḏwō wayyiqq^aḥ ’eṯ-hamma’ăḵeleṯ lišəḥōṭ ’eṯ-bənwō:

11 wayyiqərā’ ’ēlāyw malə’aḵə yəhwâ min-haššāmayim wayyō’mer ’aḇərâām| ’aḇərâām wayyō’mer hinnēnî:

12 wayyō’mer ’al-tišəl^aḥ yāḏəḵā ’el-hann^a‘ar wə’al-t^a‘aś lwō mə’ûmmâ¹ kî| ‘atâ yāḏ^a‘ətî kî-yərē’ ’ĕlōhîm ’atâ wəlō’ ḥāśaḵətā ’eṯ-binəḵā ’eṯ-yəḥîḏəḵā mimmennî:

13 wayyiśśā’ ’aḇərâām ’eṯ-‘ênāyw wayyarə’ wəhinnēh-’ayil ’^aḥar ne’ĕḥaz bassəḇaḵə bəqarənāyw wayyēleḵə ’aḇərâām wayyiqq^aḥ ’eṯ-hā’ayil wayy^a‘ălēhû lə‘ōlâ t^aḥaṯ bənwō:

14 wayyiqərā’ ’aḇərâām šēm-hammāqwōm hahû’ yəhwâ| yirə’eh ’ăšer yē’āmēr hayywōm bəhar yəhwâ yērā’eh:

15 wayyiqərā’ malə’aḵə yəhwâ ’el-’aḇərâām šēnîṯ min-haššāmāyim:

16 wayyō’mer bî nišəb^a‘ətî nə’um-yəhwâ kî y^a‘an ’ăšer ‘āśîṯā ’eṯ-hadāḇār hazzeh wəlō’ ḥāśaḵətā ’eṯ-binəḵā ’eṯ-yəḥîḏeḵā:

17 kî-ḇārēḵə ’ăḇāreḵəḵā wəharəbâ ’arəbeh ’eṯ-zarə‘ăḵā kəḵwōḵəḇê haššāmayim wəḵ^aḥwōl ’ăšer ‘al-śəfaṯ hayyām wəyiraš zarə‘ăḵā ’ēṯ š^a‘ar ’ōyəḇāyw:

18 wəhiṯəbārăḵû ḇəzarə‘ăḵā kōl gwōyê hā’āreṣ ‘ēqeḇ ’ăšer šām^a‘ətā bəqōlî:

19 wayyāšāḇ ’aḇərâām ’el-nə‘ārāyw wayyāqumû wayyēləḵû y^aḥədāw ’el-bə’ēr šāḇ^a‘ wayyēšeḇ ’aḇərâām biḇə’ēr šāḇ^a‘: f

20 wayəhî ’^aḥărê hadəḇārîm hā’ēlleh wayyugaḏ lə’aḇərâām lē’mōr hinnēh yāləḏâ miləkâ ḡam-hiw’ bānîm lənāḥwōr ’āḥîḵā:

21 ’eṯ-‘ûṣ bəḵōrwō wə’eṯ-bûz ’āḥîw wə’eṯ-qəmû’ēl ’ăḇî ’ărām:

22 wə’eṯ-keśeḏ wə’eṯ-ḥăzwō wə’eṯ-pilədāš wə’eṯ-yiḏəlāf wə’ēṯ bəṯû’ēl:

23 ûḇəṯû’ēl yālaḏ ’eṯ-riḇəqâ šəmōnâ ’ēlleh yāləḏâ miləkâ lənāḥwōr ’ăḥî ’aḇərâām:

24 ûfîlaḡəšwō ûšəmāh rə’ûmâ watēleḏ gam-hiw’ ’eṯ-ṭeḇ^aḥ wə’eṯ-g^aḥam wə’eṯ-t^aḥaš wə’eṯ-m^a‘ăḵâ: s

‎1 ‏וַיִּהְיוּ֙ חַיֵּ֣י שָׂרָ֔ה מֵאָ֥ה שָׁנָ֛ה וְעֶשְׂרִ֥ים שָׁנָ֖ה וְשֶׁ֣בַע שָׁנִ֑ים שְׁנֵ֖י חַיֵּ֥י שָׂרָֽה׃

‎2 ‏וַתָּ֣מָת שָׂרָ֗ה בְּקִרְיַ֥ת אַרְבַּ֛ע הִ֥וא חֶבְר֖וֹן בְּאֶ֣רֶץ כְּנָ֑עַן וַיָּבֹא֙ אַבְרָהָ֔ם לִסְפֹּ֥ד לְשָׂרָ֖ה וְלִבְכֹּתָֽהּ׃

‎3 ‏וַיָּ֙קָם֙ אַבְרָהָ֔ם מֵעַ֖ל פְּנֵ֣י מֵת֑וֹ וַיְדַבֵּ֥ר אֶל־בְּנֵי־חֵ֖ת לֵאמֹֽר׃

‎4 ‏גֵּר־וְתוֹשָׁ֥ב אָנֹכִ֖י עִמָּכֶ֑ם תְּנ֨וּ לִ֤י אֲחֻזַּת־קֶ֙בֶר֙ עִמָּכֶ֔ם וְאֶקְבְּרָ֥ה מֵתִ֖י מִלְּפָנָֽי׃

‎5 ‏וַיַּעֲנ֧וּ בְנֵי־חֵ֛ת אֶת־אַבְרָהָ֖ם לֵאמֹ֥ר לֽוֹ׃

‎6 ‏שְׁמָעֵ֣נוּ׀ אֲדֹנִ֗י נְשִׂ֨יא אֱלֹהִ֤ים אַתָּה֙ בְּתוֹכֵ֔נוּ בְּמִבְחַ֣ר קְבָרֵ֔ינוּ קְבֹ֖ר אֶת־מֵתֶ֑ךָ אִ֣ישׁ מִמֶּ֔נּוּ אֶת־קִבְר֛וֹ לֹֽא־יִכְלֶ֥ה מִמְּךָ֖ מִקְּבֹ֥ר מֵתֶֽךָ׃

‎7 ‏וַיָּ֧קָם אַבְרָהָ֛ם וַיִּשְׁתַּ֥חוּ לְעַם־הָאָ֖רֶץ לִבְנֵי־חֵֽת׃

‎8 ‏וַיְדַבֵּ֥ר אִתָּ֖ם לֵאמֹ֑ר אִם־יֵ֣שׁ אֶֽת־נַפְשְׁכֶ֗ם לִקְבֹּ֤ר אֶת־מֵתִי֙ מִלְּפָנַ֔י שְׁמָע֕וּנִי וּפִגְעוּ־לִ֖י בְּעֶפְר֥וֹן בֶּן־צֹֽחַר׃

‎9 ‏וְיִתֶּן־לִ֗י אֶת־מְעָרַ֤ת הַמַּכְפֵּלָה֙ אֲשֶׁר־ל֔וֹ אֲשֶׁ֖ר בִּקְצֵ֣ה שָׂדֵ֑הוּ בְּכֶ֨סֶף מָלֵ֜א יִתְּנֶ֥נָּה לִ֛י בְּתוֹכְכֶ֖ם לַאֲחֻזַּת־קָֽבֶר׃

‎10 ‏וְעֶפְר֥וֹן יֹשֵׁ֖ב בְּת֣וֹךְ בְּנֵי־חֵ֑ת וַיַּעַן֩ עֶפְר֨וֹן הַחִתִּ֤י אֶת־אַבְרָהָם֙ בְּאָזְנֵ֣י בְנֵי־חֵ֔ת לְכֹ֛ל בָּאֵ֥י שַֽׁעַר־עִיר֖וֹ לֵאמֹֽר׃

‎11 ‏לֹֽא־אֲדֹנִ֣י שְׁמָעֵ֔נִי הַשָּׂדֶה֙ נָתַ֣תִּי לָ֔ךְ וְהַמְּעָרָ֥ה אֲשֶׁר־בּ֖וֹ לְךָ֣ נְתַתִּ֑יהָ לְעֵינֵ֧י בְנֵי־עַמִּ֛י נְתַתִּ֥יהָ לָּ֖ךְ קְבֹ֥ר מֵתֶֽךָ׃

‎12 ‏וַיִּשְׁתַּ֙חוּ֙ אַבְרָהָ֔ם לִפְנֵ֖י עַ֥ם הָאָֽרֶץ׃

‎13 ‏וַיְדַבֵּ֨ר אֶל־עֶפְר֜וֹן בְּאָזְנֵ֤י עַם־הָאָ֙רֶץ֙ לֵאמֹ֔ר אַ֛ךְ אִם־אַתָּ֥ה ל֖וּ שְׁמָעֵ֑נִי נָתַ֜תִּי כֶּ֤סֶף הַשָּׂדֶה֙ קַ֣ח מִמֶּ֔נִּי וְאֶקְבְּרָ֥ה אֶת־מֵתִ֖י שָֽׁמָּה׃

‎14 ‏וַיַּ֧עַן עֶפְר֛וֹן אֶת־אַבְרָהָ֖ם לֵאמֹ֥ר לֽוֹ׃

‎15 ‏אֲדֹנִ֣י שְׁמָעֵ֔נִי אֶרֶץ֩ אַרְבַּ֨ע מֵאֹ֧ת שֶֽׁקֶל־כֶּ֛סֶף בֵּינִ֥י וּבֵֽינְךָ֖ מַה־הִ֑וא וְאֶת־מֵתְךָ֖ קְבֹֽר׃

‎16 ‏וַיִּשְׁמַ֣ע אַבְרָהָם֮ אֶל־עֶפְרוֹן֒ וַיִּשְׁקֹ֤ל אַבְרָהָם֙ לְעֶפְרֹ֔ן אֶת־הַכֶּ֕סֶף אֲשֶׁ֥ר דִּבֶּ֖ר בְּאָזְנֵ֣י בְנֵי־חֵ֑ת אַרְבַּ֤ע מֵאוֹת֙ שֶׁ֣קֶל כֶּ֔סֶף עֹבֵ֖ר לַסֹּחֵֽר׃

‎17 ‏וַיָּ֣קָם׀ שְׂדֵ֣ה עֶפְר֗וֹן אֲשֶׁר֙ בַּמַּכְפֵּלָ֔ה אֲשֶׁ֖ר לִפְנֵ֣י מַמְרֵ֑א הַשָּׂדֶה֙ וְהַמְּעָרָ֣ה אֲשֶׁר־בּ֔וֹ וְכָל־הָעֵץ֙ אֲשֶׁ֣ר בַּשָּׂדֶ֔ה אֲשֶׁ֥ר בְּכָל־גְּבֻל֖וֹ סָבִֽיב׃

‎18 ‏לְאַבְרָהָ֥ם לְמִקְנָ֖ה לְעֵינֵ֣י בְנֵי־חֵ֑ת בְּכֹ֖ל בָּאֵ֥י שַֽׁעַר־עִירֽוֹ׃

‎19 ‏וְאַחֲרֵי־כֵן֩ קָבַ֨ר אַבְרָהָ֜ם אֶת־שָׂרָ֣ה אִשְׁתּ֗וֹ אֶל־מְעָרַ֞ת שְׂדֵ֧ה הַמַּכְפֵּלָ֛ה עַל־פְּנֵ֥י מַמְרֵ֖א הִ֣וא חֶבְר֑וֹן בְּאֶ֖רֶץ כְּנָֽעַן׃

‎20 ‏וַיָּ֨קָם הַשָּׂדֶ֜ה וְהַמְּעָרָ֧ה אֲשֶׁר־בּ֛וֹ לְאַבְרָהָ֖ם לַאֲחֻזַּת־קָ֑בֶר מֵאֵ֖ת בְּנֵי־חֵֽת׃ ס

1 wayyihəyû ḥayyê śārâ mē’â šānâ wə‘eśərîm šānâ wəšeḇ^a‘ šānîm šənê ḥayyê śārâ:

2 watāmāṯ śārâ bəqirəyaṯ ’arəb^a‘ hiw’ ḥeḇərwōn bə’ereṣ kənā‘an wayyāḇō’ ’aḇərâām lisəpōḏ ləśārâ wəliḇəkōṯāh:

3 wayyāqām ’aḇərâām mē‘al pənê mēṯwō wayəḏabēr ’el-bənê-ḥēṯ lē’mōr:

4 gēr-wəṯwōšāḇ ’ānōḵî ‘immāḵem tənû lî ’ăḥuzzaṯ-qeḇer ‘immāḵem wə’eqəbərâ mēṯî milləfānāy:

5 wayy^a‘ănû ḇənê-ḥēṯ ’eṯ-’aḇərâām lē’mōr lwō:

6 šəmā‘ēnû| ’ăḏōnî nəśî’ ’ĕlōhîm ’atâ bəṯwōḵēnû bəmiḇəḥar qəḇārênû qəḇōr ’eṯ-mēṯeḵā ’îš mimmennû ’eṯ-qiḇərwō lō’-yiḵəleh mimməḵā miqqəḇōr mēṯeḵā:

7 wayyāqām ’aḇərâām wayyišət^aḥû lə‘am-hā’āreṣ liḇənê-ḥēṯ:

8 wayəḏabēr ’itām lē’mōr ’im-yēš ’eṯ-nafəšəḵem liqəbōr ’eṯ-mēṯî milləfānay šəmā‘ûnî ûfiḡə‘û-lî bə‘efərwōn ben-ṣōḥar:

9 wəyiten-lî ’eṯ-mə‘āraṯ hammaḵəpēlâ ’ăšer-lwō ’ăšer biqəṣēh śāḏēhû bəḵesef mālē’ yitənennâ lî bəṯwōḵəḵem la’ăḥuzzaṯ-qāḇer:

10 wə‘efərwōn yōšēḇ bəṯwōḵə bənê-ḥēṯ wayy^a‘an ‘efərwōn h^aḥitî ’eṯ-’aḇərâām bə’āzənê ḇənê-ḥēṯ ləḵōl bā’ê š^a‘ar-‘îrwō lē’mōr:

11 lō’-’ăḏōnî šəmā‘ēnî haśśāḏeh nāṯatî lāḵə wəhammə‘ārâ ’ăšer-bwō ləḵā nəṯatîhā lə‘ênê ḇənê-‘ammî nəṯatîhā llāḵə qəḇōr mēṯeḵā:

12 wayyišət^aḥû ’aḇərâām lifənê ‘am hā’āreṣ:

13 wayəḏabēr ’el-‘efərwōn bə’āzənê ‘am-hā’āreṣ lē’mōr ’aḵə ’im-’atâ lû šəmā‘ēnî nāṯatî kesef haśśāḏeh q^aḥ mimmennî wə’eqəbərâ ’eṯ-mēṯî šāmmâ:

14 wayy^a‘an ‘efərwōn ’eṯ-’aḇərâām lē’mōr lwō:

15 ’ăḏōnî šəmā‘ēnî ’ereṣ ’arəb^a‘ mē’ōṯ šeqel-kesef bênî ûḇênəḵā mah-hiw’ wə’eṯ-mēṯəḵā qəḇōr:

16 wayyišəm^a‘ ’aḇərâām ’el-‘efərwōn wayyišəqōl ’aḇərâām lə‘efərōn ’eṯ-hakesef ’ăšer diber bə’āzənê ḇənê-ḥēṯ ’arəb^a‘ mē’wōṯ šeqel kesef ‘ōḇēr lassōḥēr:

17 wayyāqām| śəḏēh ‘efərwōn ’ăšer bammaḵəpēlâ ’ăšer lifənê mamərē’ haśśāḏeh wəhammə‘ārâ ’ăšer-bwō wəḵāl-hā‘ēṣ ’ăšer baśśāḏeh ’ăšer bəḵāl-gəḇulwō sāḇîḇ:

18 lə’aḇərâām ləmiqənâ lə‘ênê ḇənê-ḥēṯ bəḵōl bā’ê š^a‘ar-‘îrwō:

19 wə’^aḥărê-ḵēn qāḇar ’aḇərâām ’eṯ-śārâ ’išətwō ’el-mə‘āraṯ śəḏēh hammaḵəpēlâ ‘al-pənê mamərē’ hiw’ ḥeḇərwōn bə’ereṣ kənā‘an:

20 wayyāqām haśśāḏeh wəhammə‘ārâ ’ăšer-bwō lə’aḇərâām la’ăḥuzzaṯ-qāḇer mē’ēṯ bənê-ḥēṯ: s

‎1 ‏וְאַבְרָהָ֣ם זָקֵ֔ן בָּ֖א בַּיָּמִ֑ים וַֽיהוָ֛ה בֵּרַ֥ךְ אֶת־אַבְרָהָ֖ם בַּכֹּֽל׃

‎2 ‏וַיֹּ֣אמֶר אַבְרָהָ֗ם אֶל־עַבְדּוֹ֙ זְקַ֣ן בֵּית֔וֹ הַמֹּשֵׁ֖ל בְּכָל־אֲשֶׁר־ל֑וֹ שִֽׂים־נָ֥א יָדְךָ֖ תַּ֥חַת יְרֵכִֽי׃

‎3 ‏וְאַשְׁבִּ֣יעֲךָ֔ בַּֽיהוָה֙ אֱלֹהֵ֣י הַשָּׁמַ֔יִם וֵֽאלֹהֵ֖י הָאָ֑רֶץ אֲשֶׁ֨ר לֹֽא־תִקַּ֤ח אִשָּׁה֙ לִבְנִ֔י מִבְּנוֹת֙ הַֽכְּנַעֲנִ֔י אֲשֶׁ֥ר אָנֹכִ֖י יוֹשֵׁ֥ב בְּקִרְבּֽוֹ׃

‎4 ‏כִּ֧י אֶל־אַרְצִ֛י וְאֶל־מוֹלַדְתִּ֖י תֵּלֵ֑ךְ וְלָקַחְתָּ֥ אִשָּׁ֖ה לִבְנִ֥י לְיִצְחָֽק׃

‎5 ‏וַיֹּ֤אמֶר אֵלָיו֙ הָעֶ֔בֶד אוּלַי֙ לֹא־תֹאבֶ֣ה הָֽאִשָּׁ֔ה לָלֶ֥כֶת אַחֲרַ֖י אֶל־הָאָ֣רֶץ הַזֹּ֑את הֶֽהָשֵׁ֤ב אָשִׁיב֙ אֶת־בִּנְךָ֔ אֶל־הָאָ֖רֶץ אֲשֶׁר־יָצָ֥אתָ מִשָּֽׁם׃

‎6 ‏וַיֹּ֥אמֶר אֵלָ֖יו אַבְרָהָ֑ם הִשָּׁ֣מֶר לְךָ֔ פֶּן־תָּשִׁ֥יב אֶת־בְּנִ֖י שָֽׁמָּה׃

‎7 ‏יְהוָ֣ה׀ אֱלֹהֵ֣י הַשָּׁמַ֗יִם אֲשֶׁ֨ר לְקָחַ֜נִי מִבֵּ֣ית אָבִי֮ וּמֵאֶ֣רֶץ מֽוֹלַדְתִּי֒ וַאֲשֶׁ֨ר דִּבֶּר־לִ֜י וַאֲשֶׁ֤ר נִֽשְׁבַּֽע־לִי֙ לֵאמֹ֔ר לְזַ֨רְעֲךָ֔ אֶתֵּ֖ן אֶת־הָאָ֣רֶץ הַזֹּ֑את ה֗וּא יִשְׁלַ֤ח מַלְאָכוֹ֙ לְפָנֶ֔יךָ וְלָקַחְתָּ֥ אִשָּׁ֛ה לִבְנִ֖י מִשָּֽׁם׃

‎8 ‏וְאִם־לֹ֨א תֹאבֶ֤ה הָֽאִשָּׁה֙ לָלֶ֣כֶת אַחֲרֶ֔יךָ וְנִקִּ֕יתָ מִשְּׁבֻעָתִ֖י זֹ֑את רַ֣ק אֶת־בְּנִ֔י לֹ֥א תָשֵׁ֖ב שָֽׁמָּה׃

‎9 ‏וַיָּ֤שֶׂם הָעֶ֙בֶד֙ אֶת־יָד֔וֹ תַּ֛חַת יֶ֥רֶךְ אַבְרָהָ֖ם אֲדֹנָ֑יו וַיִּשָּׁ֣בַֽע ל֔וֹ עַל־הַדָּבָ֖ר הַזֶּֽה׃

‎10 ‏וַיִּקַּ֣ח הָ֠עֶבֶד עֲשָׂרָ֨ה גְמַלִּ֜ים מִגְּמַלֵּ֤י אֲדֹנָיו֙ וַיֵּ֔לֶךְ וְכָל־ט֥וּב אֲדֹנָ֖יו בְּיָד֑וֹ וַיָּ֗קָם וַיֵּ֛לֶךְ אֶל־אֲרַ֥ם נַֽהֲרַ֖יִם אֶל־עִ֥יר נָחֽוֹר׃

‎11 ‏וַיַּבְרֵ֧ךְ הַגְּמַלִּ֛ים מִח֥וּץ לָעִ֖יר אֶל־בְּאֵ֣ר הַמָּ֑יִם לְעֵ֣ת עֶ֔רֶב לְעֵ֖ת צֵ֥את הַשֹּׁאֲבֹֽת׃

‎12 ‏וַיֹּאמַ֓ר׀ יְהוָ֗ה אֱלֹהֵי֙ אֲדֹנִ֣י אַבְרָהָ֔ם הַקְרֵה־נָ֥א לְפָנַ֖י הַיּ֑וֹם וַעֲשֵׂה־חֶ֕סֶד עִ֖ם אֲדֹנִ֥י אַבְרָהָֽם׃

‎13 ‏הִנֵּ֛ה אָנֹכִ֥י נִצָּ֖ב עַל־עֵ֣ין הַמָּ֑יִם וּבְנוֹת֙ אַנְשֵׁ֣י הָעִ֔יר יֹצְאֹ֖ת לִשְׁאֹ֥ב מָֽיִם׃

‎14 ‏וְהָיָ֣ה הַֽנַּעֲרָ֗ אֲשֶׁ֨ר אֹמַ֤ר אֵלֶ֙יהָ֙ הַטִּי־נָ֤א כַדֵּךְ֙ וְאֶשְׁתֶּ֔ה וְאָמְרָ֣ה שְׁתֵ֔ה וְגַם־גְּמַלֶּ֖יךָ אַשְׁקֶ֑ה אֹתָ֤הּ הֹכַ֙חְתָּ֙ לְעַבְדְּךָ֣ לְיִצְחָ֔ק וּבָ֣הּ אֵדַ֔ע כִּי־עָשִׂ֥יתָ חֶ֖סֶד עִם־אֲדֹנִֽי׃

‎15 ‏וַֽיְהִי־ה֗וּא טֶרֶם֮ כִּלָּ֣ה לְדַבֵּר֒ וְהִנֵּ֧ה רִבְקָ֣ה יֹצֵ֗את אֲשֶׁ֤ר יֻלְּדָה֙ לִבְתוּאֵ֣ל בֶּן־מִלְכָּ֔ה אֵ֥שֶׁת נָח֖וֹר אֲחִ֣י אַבְרָהָ֑ם וְכַדָּ֖הּ עַל־שִׁכְמָֽהּ׃

‎16 ‏וְהַֽנַּעֲרָ֗ טֹבַ֤ת מַרְאֶה֙ מְאֹ֔ד בְּתוּלָ֕ה וְאִ֖ישׁ לֹ֣א יְדָעָ֑הּ וַתֵּ֣רֶד הָעַ֔יְנָה וַתְּמַלֵּ֥א כַדָּ֖הּ וַתָּֽעַל׃

‎17 ‏וַיָּ֥רָץ הָעֶ֖בֶד לִקְרָאתָ֑הּ וַיֹּ֕אמֶר הַגְמִיאִ֥ינִי נָ֛א מְעַט־מַ֖יִם מִכַּדֵּֽךְ׃

‎18 ‏וַתֹּ֖אמֶר שְׁתֵ֣ה אֲדֹנִ֑י וַתְּמַהֵ֗ר וַתֹּ֧רֶד כַּדָּ֛הּ עַל־יָדָ֖הּ וַתַּשְׁקֵֽהוּ׃

‎19 ‏וַתְּכַ֖ל לְהַשְׁקֹת֑וֹ וַתֹּ֗אמֶר גַּ֤ם לִגְמַלֶּ֙יךָ֙ אֶשְׁאָ֔ב עַ֥ד אִם־כִּלּ֖וּ לִשְׁתֹּֽת׃

‎20 ‏וַתְּמַהֵ֗ר וַתְּעַ֤ר כַּדָּהּ֙ אֶל־הַשֹּׁ֔קֶת וַתָּ֥רָץ ע֛וֹד אֶֽל־הַבְּאֵ֖ר לִשְׁאֹ֑ב וַתִּשְׁאַ֖ב לְכָל־גְּמַלָּֽיו׃

‎21 ‏וְהָאִ֥ישׁ מִשְׁתָּאֵ֖ה לָ֑הּ מַחֲרִ֕ישׁ לָדַ֗עַת הַֽהִצְלִ֧יחַ יְהוָ֛ה דַּרְכּ֖וֹ אִם־לֹֽא׃

‎22 ‏וַיְהִ֗י כַּאֲשֶׁ֨ר כִּלּ֤וּ הַגְּמַלִּים֙ לִשְׁתּ֔וֹת וַיִּקַּ֤ח הָאִישׁ֙ נֶ֣זֶם זָהָ֔ב בֶּ֖קַע מִשְׁקָל֑וֹ וּשְׁנֵ֤י צְמִידִים֙ עַל־יָדֶ֔יהָ עֲשָׂרָ֥ה זָהָ֖ב מִשְׁקָלָֽם׃

‎23 ‏וַיֹּ֙אמֶר֙ בַּת־מִ֣י אַ֔תְּ הַגִּ֥ידִי נָ֖א לִ֑י הֲיֵ֧שׁ בֵּית־אָבִ֛יךְ מָק֥וֹם לָ֖נוּ לָלִֽין׃

‎24 ‏וַתֹּ֣אמֶר אֵלָ֔יו בַּת־בְּתוּאֵ֖ל אָנֹ֑כִי בֶּן־מִלְכָּ֕ה אֲשֶׁ֥ר יָלְדָ֖ה לְנָחֽוֹר׃

‎25 ‏וַתֹּ֣אמֶר אֵלָ֔יו גַּם־תֶּ֥בֶן גַּם־מִסְפּ֖וֹא רַ֣ב עִמָּ֑נוּ גַּם־מָק֖וֹם לָלֽוּן׃

‎26 ‏וַיִּקֹּ֣ד הָאִ֔ישׁ וַיִּשְׁתַּ֖חוּ לַֽיהוָֽה׃

‎27 ‏וַיֹּ֗אמֶר בָּר֤וּךְ יְהוָה֙ אֱלֹהֵי֙ אֲדֹנִ֣י אַבְרָהָ֔ם אֲ֠שֶׁר לֹֽא־עָזַ֥ב חַסְדּ֛וֹ וַאֲמִתּ֖וֹ מֵעִ֣ם אֲדֹנִ֑י אָנֹכִ֗י בַּדֶּ֙רֶךְ֙ נָחַ֣נִי יְהוָ֔ה בֵּ֖ית אֲחֵ֥י אֲדֹנִֽי׃

‎28 ‏וַתָּ֙רָץ֙ הַֽנַּעֲרָ֔ וַתַּגֵּ֖ד לְבֵ֣ית אִמָּ֑הּ כַּדְּבָרִ֖ים הָאֵֽלֶּה׃

‎29 ‏וּלְרִבְקָ֥ה אָ֖ח וּשְׁמ֣וֹ לָבָ֑ן וַיָּ֨רָץ לָבָ֧ן אֶל־הָאִ֛ישׁ הַח֖וּצָה אֶל־הָעָֽיִן׃

‎30 ‏וַיְהִ֣י׀ כִּרְאֹ֣ת אֶת־הַנֶּ֗זֶם וְֽאֶת־הַצְּמִדִים֮ עַל־יְדֵ֣י אֲחֹתוֹ֒ וּכְשָׁמְע֗וֹ אֶת־דִּבְרֵ֞י רִבְקָ֤ה אֲחֹתוֹ֙ לֵאמֹ֔ר כֹּֽה־דִבֶּ֥ר אֵלַ֖י הָאִ֑ישׁ וַיָּבֹא֙ אֶל־הָאִ֔ישׁ וְהִנֵּ֛ה עֹמֵ֥ד עַל־הַגְּמַלִּ֖ים עַל־הָעָֽיִן׃

‎31 ‏וַיֹּ֕אמֶר בּ֖וֹא בְּר֣וּךְ יְהוָ֑ה לָ֤מָּה תַעֲמֹד֙ בַּח֔וּץ וְאָנֹכִי֙ פִּנִּ֣יתִי הַבַּ֔יִת וּמָק֖וֹם לַגְּמַלִּֽים׃

‎32 ‏וַיָּבֹ֤א הָאִישׁ֙ הַבַּ֔יְתָה וַיְפַתַּ֖ח הַגְּמַלִּ֑ים וַיִּתֵּ֨ן תֶּ֤בֶן וּמִסְפּוֹא֙ לַגְּמַלִּ֔ים וּמַ֙יִם֙ לִרְחֹ֣ץ רַגְלָ֔יו וְרַגְלֵ֥י הָאֲנָשִׁ֖ים אֲשֶׁ֥ר אִתּֽוֹ׃

‎33 ‏ויישם וַיּוּשַׂ֤ם לְפָנָיו֙ לֶאֱכֹ֔ל וַיֹּ֙אמֶר֙ לֹ֣א אֹכַ֔ל עַ֥ד אִם־דִּבַּ֖רְתִּי דְּבָרָ֑י וַיֹּ֖אמֶר דַּבֵּֽר׃

‎34 ‏וַיֹּאמַ֑ר עֶ֥בֶד אַבְרָהָ֖ם אָנֹֽכִי׃

‎35 ‏וַיהוָ֞ה בֵּרַ֧ךְ אֶת־אֲדֹנִ֛י מְאֹ֖ד וַיִּגְדָּ֑ל וַיִּתֶּן־ל֞וֹ צֹ֤אן וּבָקָר֙ וְכֶ֣סֶף וְזָהָ֔ב וַעֲבָדִם֙ וּשְׁפָחֹ֔ת וּגְמַלִּ֖ים וַחֲמֹרִֽים׃

‎36 ‏וַתֵּ֡לֶד שָׂרָה֩ אֵ֨שֶׁת אֲדֹנִ֥י בֵן֙ לַֽאדֹנִ֔י אַחֲרֵ֖י זִקְנָתָ֑הּ וַיִּתֶּן־לּ֖וֹ¹ אֶת־כָּל־אֲשֶׁר־לֽוֹ׃

‎37 ‏וַיַּשְׁבִּעֵ֥נִי אֲדֹנִ֖י לֵאמֹ֑ר לֹא־תִקַּ֤ח אִשָּׁה֙ לִבְנִ֔י מִבְּנוֹת֙ הַֽכְּנַעֲנִ֔י אֲשֶׁ֥ר אָנֹכִ֖י יֹשֵׁ֥ב בְּאַרְצֽוֹ׃

‎38 ‏אִם־לֹ֧א אֶל־בֵּית־אָבִ֛י תֵּלֵ֖ךְ וְאֶל־מִשְׁפַּחְתִּ֑י וְלָקַחְתָּ֥ אִשָּׁ֖ה לִבְנִֽי׃

‎39 ‏וָאֹמַ֖ר אֶל־אֲדֹנִ֑י אֻלַ֛י לֹא־תֵלֵ֥ךְ הָאִשָּׁ֖ה אַחֲרָֽי׃

‎40 ‏וַיֹּ֖אמֶר אֵלָ֑י יְהוָ֞ה אֲשֶׁר־הִתְהַלַּ֣כְתִּי לְפָנָ֗יו יִשְׁלַ֨ח מַלְאָכ֤וֹ אִתָּךְ֙ וְהִצְלִ֣יחַ דַּרְכֶּ֔ךָ וְלָקַחְתָּ֤ אִשָּׁה֙ לִבְנִ֔י מִמִּשְׁפַּחְתִּ֖י וּמִבֵּ֥ית אָבִֽי׃

‎41 ‏אָ֤ז תִּנָּקֶה֙ מֵאָ֣לָתִ֔י כִּ֥י תָב֖וֹא אֶל־מִשְׁפַּחְתִּ֑י וְאִם־לֹ֤א יִתְּנוּ֙ לָ֔ךְ וְהָיִ֥יתָ נָקִ֖י מֵאָלָתִֽי׃

‎42 ‏וָאָבֹ֥א הַיּ֖וֹם אֶל־הָעָ֑יִן וָאֹמַ֗ר יְהוָה֙ אֱלֹהֵי֙ אֲדֹנִ֣י אַבְרָהָ֔ם אִם־יֶשְׁךָ־נָּא֙ מַצְלִ֣יחַ דַּרְכִּ֔י אֲשֶׁ֥ר אָנֹכִ֖י הֹלֵ֥ךְ עָלֶֽיהָ׃

‎43 ‏הִנֵּ֛ה אָנֹכִ֥י נִצָּ֖ב עַל־עֵ֣ין הַמָּ֑יִם וְהָיָ֤ה הָֽעַלְמָה֙ הַיֹּצֵ֣את לִשְׁאֹ֔ב וְאָמַרְתִּ֣י אֵלֶ֔יהָ הַשְׁקִֽינִי־נָ֥א מְעַט־מַ֖יִם מִכַּדֵּֽךְ׃

‎44 ‏וְאָמְרָ֤ה אֵלַי֙ גַּם־אַתָּ֣ה שְׁתֵ֔ה וְגַ֥ם לִגְמַלֶּ֖יךָ אֶשְׁאָ֑ב הִ֣וא הָֽאִשָּׁ֔ה אֲשֶׁר־הֹכִ֥יחַ יְהוָ֖ה לְבֶן־אֲדֹנִֽי׃

‎45 ‏אֲנִי֩ טֶ֨רֶם אֲכַלֶּ֜ה לְדַבֵּ֣ר אֶל־לִבִּ֗י וְהִנֵּ֨ה רִבְקָ֤ה יֹצֵאת֙ וְכַדָּ֣הּ עַל־שִׁכְמָ֔הּ וַתֵּ֥רֶד הָעַ֖יְנָה וַתִּשְׁאָ֑ב וָאֹמַ֥ר אֵלֶ֖יהָ הַשְׁקִ֥ינִי נָֽא׃

‎46 ‏וַתְּמַהֵ֗ר וַתּ֤וֹרֶד כַּדָּהּ֙ מֵֽעָלֶ֔יהָ וַתֹּ֣אמֶר שְׁתֵ֔ה וְגַם־גְּמַלֶּ֖יךָ אַשְׁקֶ֑ה וָאֵ֕שְׁתְּ וְגַ֥ם הַגְּמַלִּ֖ים הִשְׁקָֽתָה׃

‎47 ‏וָאֶשְׁאַ֣ל אֹתָ֗הּ וָאֹמַר֮ בַּת־מִ֣י אַתְּ֒ וַתֹּ֗אמֶר בַּת־בְּתוּאֵל֙ בֶּן־נָח֔וֹר אֲשֶׁ֥ר יָֽלְדָה־לּ֖וֹ מִלְכָּ֑ה וָאָשִׂ֤ם הַנֶּ֙זֶם֙ עַל־אַפָּ֔הּ וְהַצְּמִידִ֖ים עַל־יָדֶֽיהָ׃

‎48 ‏וָאֶקֹּ֥ד וָֽאֶשְׁתַּחֲוֶ֖ה לַיהוָ֑ה וָאֲבָרֵ֗ךְ אֶת־יְהוָה֙ אֱלֹהֵי֙ אֲדֹנִ֣י אַבְרָהָ֔ם אֲשֶׁ֤ר הִנְחַ֙נִי֙ בְּדֶ֣רֶךְ אֱמֶ֔ת לָקַ֛חַת אֶת־בַּת־אֲחִ֥י אֲדֹנִ֖י לִבְנֽוֹ׃

‎49 ‏וְ֠עַתָּה אִם־יֶשְׁכֶ֨ם עֹשִׂ֜ים חֶ֧סֶד וֶֽאֱמֶ֛ת אֶת־אֲדֹנִ֖י הַגִּ֣ידוּ לִ֑י וְאִם־לֹ֕א הַגִּ֣ידוּ לִ֔י וְאֶפְנֶ֥ה עַל־יָמִ֖ין א֥וֹ עַל־שְׂמֹֽאל׃

‎50 ‏וַיַּ֨עַן לָבָ֤ן וּבְתוּאֵל֙ וַיֹּ֣אמְר֔וּ מֵיְהוָ֖ה יָצָ֣א הַדָּבָ֑ר לֹ֥א נוּכַ֛ל דַּבֵּ֥ר אֵלֶ֖יךָ רַ֥ע אוֹ־טֽוֹב׃

‎51 ‏הִנֵּֽה־רִבְקָ֥ה לְפָנֶ֖יךָ קַ֣ח וָלֵ֑ךְ וּתְהִ֤י אִשָּׁה֙ לְבֶן־אֲדֹנֶ֔יךָ כַּאֲשֶׁ֖ר דִּבֶּ֥ר יְהוָֽה׃

‎52 ‏וַיְהִ֕י כַּאֲשֶׁ֥ר שָׁמַ֛ע עֶ֥בֶד אַבְרָהָ֖ם אֶת־דִּבְרֵיהֶ֑ם וַיִּשְׁתַּ֥חוּ אַ֖רְצָה לַֽיהוָֽה׃

‎53 ‏וַיּוֹצֵ֨א הָעֶ֜בֶד כְּלֵי־כֶ֨סֶף וּכְלֵ֤י זָהָב֙ וּבְגָדִ֔ים וַיִּתֵּ֖ן לְרִבְקָ֑ה וּמִ֨גְדָּנֹ֔ת נָתַ֥ן לְאָחִ֖יהָ וּלְאִמָּֽהּ׃

‎54 ‏וַיֹּאכְל֣וּ וַיִּשְׁתּ֗וּ ה֛וּא וְהָאֲנָשִׁ֥ים אֲשֶׁר־עִמּ֖וֹ וַיָּלִ֑ינוּ וַיָּק֣וּמוּ בַבֹּ֔קֶר וַיֹּ֖אמֶר שַׁלְּחֻ֥נִי לַֽאדֹנִֽי׃

‎55 ‏וַיֹּ֤אמֶר אָחִ֙יהָ֙ וְאִמָּ֔הּ תֵּשֵׁ֨ב הַנַּעֲרָ֥ אִתָּ֛נוּ יָמִ֖ים א֣וֹ עָשׂ֑וֹר אַחַ֖ר תֵּלֵֽךְ׃

‎56 ‏וַיֹּ֤אמֶר אֲלֵהֶם֙ אַל־תְּאַחֲר֣וּ אֹתִ֔י וַֽיהוָ֖ה הִצְלִ֣יחַ דַּרְכִּ֑י שַׁלְּח֕וּנִי וְאֵלְכָ֖ה לַֽאדֹנִֽי׃

‎57 ‏וַיֹּאמְר֖וּ נִקְרָ֣א לַֽנַּעֲרָ֑ וְנִשְׁאֲלָ֖ה אֶת־פִּֽיהָ׃

‎58 ‏וַיִּקְרְא֤וּ לְרִבְקָה֙ וַיֹּאמְר֣וּ אֵלֶ֔יהָ הֲתֵלְכִ֖י עִם־הָאִ֣ישׁ הַזֶּ֑ה וַתֹּ֖אמֶר אֵלֵֽךְ׃

‎59 ‏וַֽיְשַׁלְּח֛וּ אֶת־רִבְקָ֥ה אֲחֹתָ֖ם וְאֶת־מֵנִקְתָּ֑הּ וְאֶת־עֶ֥בֶד אַבְרָהָ֖ם וְאֶת־אֲנָשָֽׁיו׃

‎60 ‏וַיְבָרֲכ֤וּ אֶת־רִבְקָה֙ וַיֹּ֣אמְרוּ לָ֔הּ אֲחֹתֵ֕נוּ אַ֥תְּ הֲיִ֖י לְאַלְפֵ֣י רְבָבָ֑ה וְיִירַ֣שׁ זַרְעֵ֔ךְ אֵ֖ת שַׁ֥עַר שֹׂנְאָֽיו׃

‎61 ‏וַתָּ֨קָם רִבְקָ֜ה וְנַעֲרֹתֶ֗יהָ וַתִּרְכַּ֙בְנָה֙ עַל־הַגְּמַלִּ֔ים וַתֵּלַ֖כְנָה אַחֲרֵ֣י הָאִ֑ישׁ וַיִּקַּ֥ח הָעֶ֛בֶד אֶת־רִבְקָ֖ה וַיֵּלַֽךְ׃

‎62 ‏וְיִצְחָק֙ בָּ֣א מִבּ֔וֹא בְּאֵ֥ר לַחַ֖י רֹאִ֑י וְה֥וּא יוֹשֵׁ֖ב בְּאֶ֥רֶץ הַנֶּֽגֶב׃

‎63 ‏וַיֵּצֵ֥א יִצְחָ֛ק לָשׂ֥וּחַ בַּשָּׂדֶ֖ה לִפְנ֣וֹת עָ֑רֶב וַיִּשָּׂ֤א עֵינָיו֙ וַיַּ֔רְא וְהִנֵּ֥ה גְמַלִּ֖ים בָּאִֽים׃

‎64 ‏וַתִּשָּׂ֤א רִבְקָה֙ אֶת־עֵינֶ֔יהָ וַתֵּ֖רֶא אֶת־יִצְחָ֑ק וַתִּפֹּ֖ל מֵעַ֥ל הַגָּמָֽל׃

‎65 ‏וַתֹּ֣אמֶר אֶל־הָעֶ֗בֶד מִֽי־הָאִ֤ישׁ הַלָּזֶה֙ הַהֹלֵ֤ךְ בַּשָּׂדֶה֙ לִקְרָאתֵ֔נוּ וַיֹּ֥אמֶר הָעֶ֖בֶד ה֣וּא אֲדֹנִ֑י וַתִּקַּ֥ח הַצָּעִ֖יף וַתִּתְכָּֽס׃

‎66 ‏וַיְסַפֵּ֥ר הָעֶ֖בֶד לְיִצְחָ֑ק אֵ֥ת כָּל־הַדְּבָרִ֖ים אֲשֶׁ֥ר עָשָֽׂה׃

‎67 ‏וַיְבִאֶ֣הָ יִצְחָ֗ק הָאֹ֙הֱלָה֙ שָׂרָ֣ה אִמּ֔וֹ וַיִּקַּ֧ח אֶת־רִבְקָ֛ה וַתְּהִי־ל֥וֹ לְאִשָּׁ֖ה וַיֶּאֱהָבֶ֑הָ וַיִּנָּחֵ֥ם יִצְחָ֖ק אַחֲרֵ֥י אִמּֽוֹ׃ פ

1 wə’aḇərâām zāqēn bā’ bayyāmîm wayhwâ bēraḵə ’eṯ-’aḇərâām bakōl:

2 wayyō’mer ’aḇərâām ’el-‘aḇədwō zəqan bêṯwō hammōšēl bəḵāl-’ăšer-lwō śîm-nā’ yāḏəḵā t^aḥaṯ yərēḵî:

3 wə’ašəbî‘ăḵā bayhwâ ’ĕlōhê haššāmayim wē’lōhê hā’āreṣ ’ăšer lō’-ṯiqq^aḥ ’iššâ liḇənî mibənwōṯ hakən^a‘ănî ’ăšer ’ānōḵî ywōšēḇ bəqirəbwō:

4 kî ’el-’arəṣî wə’el-mwōlaḏətî tēlēḵə wəlāq^aḥətā ’iššâ liḇənî ləyiṣəḥāq:

5 wayyō’mer ’ēlāyw hā‘eḇeḏ ’ûlay lō’-ṯō’ḇeh hā’iššâ lāleḵeṯ ’^aḥăray ’el-hā’āreṣ hazzō’ṯ hehāšēḇ ’āšîḇ ’eṯ-binəḵā ’el-hā’āreṣ ’ăšer-yāṣā’ṯā miššām:

6 wayyō’mer ’ēlāyw ’aḇərâām hiššāmer ləḵā pen-tāšîḇ ’eṯ-bənî šāmmâ:

7 yəhwâ| ’ĕlōhê haššāmayim ’ăšer ləqāḥanî mibêṯ ’āḇî ûmē’ereṣ mwōlaḏətî wa’ăšer diber-lî wa’ăšer nišəb^a‘-lî lē’mōr ləzarə‘ăḵā ’etēn ’eṯ-hā’āreṣ hazzō’ṯ hû’ yišəl^aḥ malə’āḵwō ləfāneyḵā wəlāq^aḥətā ’iššâ liḇənî miššām:

8 wə’im-lō’ ṯō’ḇeh hā’iššâ lāleḵeṯ ’^aḥăreyḵā wəniqqîṯā miššəḇu‘āṯî zō’ṯ raq ’eṯ-bənî lō’ ṯāšēḇ šāmmâ:

9 wayyāśem hā‘eḇeḏ ’eṯ-yāḏwō t^aḥaṯ yereḵə ’aḇərâām ’ăḏōnāyw wayyiššāḇ^a‘ lwō ‘al-hadāḇār hazzeh:

10 wayyiqq^aḥ hā‘eḇeḏ ‘ăśārâ ḡəmallîm migəmallê ’ăḏōnāyw wayyēleḵə wəḵāl-ṭûḇ ’ăḏōnāyw bəyāḏwō wayyāqām wayyēleḵə ’el-’ăram nahărayim ’el-‘îr nāḥwōr:

11 wayyaḇərēḵə hagəmallîm miḥûṣ lā‘îr ’el-bə’ēr hammāyim lə‘ēṯ ‘ereḇ lə‘ēṯ ṣē’ṯ haššō’ăḇōṯ:

12 wayyō’mar| yəhwâ ’ĕlōhê ’ăḏōnî ’aḇərâām haqərēh-nā’ ləfānay hayywōm w^a‘ăśēh-ḥeseḏ ‘im ’ăḏōnî ’aḇərâām:

13 hinnēh ’ānōḵî niṣṣāḇ ‘al-‘ên hammāyim ûḇənwōṯ ’anəšê hā‘îr yōṣə’ōṯ lišə’ōḇ māyim:

14 wəhāyâ hann^a‘ărā ’ăšer ’ōmar ’ēleyhā haṭṭî-nā’ ḵadēḵə wə’ešəteh wə’āmərâ šəṯēh wəḡam-gəmalleyḵā ’ašəqeh ’ōṯāh hōḵ^aḥətā lə‘aḇədəḵā ləyiṣəḥāq ûḇāh ’ēḏ^a‘ kî-‘āśîṯā ḥeseḏ ‘im-’ăḏōnî:

15 wayəhî-hû’ ṭerem killâ ləḏabēr wəhinnēh riḇəqâ yōṣē’ṯ ’ăšer yulləḏâ liḇəṯû’ēl ben-miləkâ ’ēšeṯ nāḥwōr ’ăḥî ’aḇərâām wəḵadāh ‘al-šiḵəmāh:

16 wəhann^a‘ărā ṭōḇaṯ marə’eh mə’ōḏ bəṯûlâ wə’îš lō’ yəḏā‘āh watēreḏ hā‘ayənâ watəmallē’ ḵadāh watā‘al:

17 wayyārāṣ hā‘eḇeḏ liqərā’ṯāh wayyō’mer haḡəmî’înî nā’ mə‘aṭ-mayim mikadēḵə:

18 watō’mer šəṯēh ’ăḏōnî watəmahēr watōreḏ kadāh ‘al-yāḏāh watašəqēhû:

19 watəḵal ləhašəqōṯwō watō’mer gam liḡəmalleyḵā ’ešə’āḇ ‘aḏ ’im-killû lišətōṯ:

20 watəmahēr watə‘ar kadāh ’el-haššōqeṯ watārāṣ ‘wōḏ ’el-habə’ēr lišə’ōḇ watišə’aḇ ləḵāl-gəmallāyw:

21 wəhā’îš mišətā’ēh lāh m^aḥărîš lāḏ^a‘aṯ hahiṣəlîḥa yəhwâ darəkwō ’im-lō’:

22 wayəhî ka’ăšer killû hagəmallîm lišətwōṯ wayyiqq^aḥ hā’îš nezem zâāḇ beq^a‘ mišəqālwō ûšənê ṣəmîḏîm ‘al-yāḏeyhā ‘ăśārâ zâāḇ mišəqālām:

23 wayyō’mer baṯ-mî ’atə hagîḏî nā’ lî hăyēš bêṯ-’āḇîḵə māqwōm lānû lālîn:

24 watō’mer ’ēlāyw baṯ-bəṯû’ēl ’ānōḵî ben-miləkâ ’ăšer yāləḏâ lənāḥwōr:

25 watō’mer ’ēlāyw gam-teḇen gam-misəpwō’ raḇ ‘immānû gam-māqwōm lālûn:

26 wayyiqqōḏ hā’îš wayyišət^aḥû layhwâ:

27 wayyō’mer bārûḵə yəhwâ ’ĕlōhê ’ăḏōnî ’aḇərâām ’ăšer lō’-‘āzaḇ ḥasədwō wa’ămitwō mē‘im ’ăḏōnî ’ānōḵî badereḵə nāḥanî yəhwâ bêṯ ’ăḥê ’ăḏōnî:

28 watārāṣ hann^a‘ărā watagēḏ ləḇêṯ ’immāh kadəḇārîm hā’ēlleh:

29 ûləriḇəqâ ’āḥ ûšəmwō lāḇān wayyārāṣ lāḇān ’el-hā’îš h^aḥûṣâ ’el-hā‘āyin:

30 wayəhî| kirə’ōṯ ’eṯ-hannezem wə’eṯ-haṣṣəmiḏîm ‘al-yəḏê ’ăḥōṯwō ûḵəšāmə‘wō ’eṯ-diḇərê riḇəqâ ’ăḥōṯwō lē’mōr kōh-ḏiber ’ēlay hā’îš wayyāḇō’ ’el-hā’îš wəhinnēh ‘ōmēḏ ‘al-hagəmallîm ‘al-hā‘āyin:

31 wayyō’mer bwō’ bərûḵə yəhwâ lāmmâ ṯ^a‘ămōḏ b^aḥûṣ wə’ānōḵî pinnîṯî habayiṯ ûmāqwōm lagəmallîm:

32 wayyāḇō’ hā’îš habayəṯâ wayəfat^aḥ hagəmallîm wayyitēn teḇen ûmisəpwō’ lagəmallîm ûmayim lirəḥōṣ raḡəlāyw wəraḡəlê hā’ănāšîm ’ăšer ’itwō:

33 wayyîśem wayyûśam ləfānāyw le’ĕḵōl wayyō’mer lō’ ’ōḵal ‘aḏ ’im-dibarətî dəḇārāy wayyō’mer dabēr:

34 wayyō’mar ‘eḇeḏ ’aḇərâām ’ānōḵî:

35 wayhwâ bēraḵə ’eṯ-’ăḏōnî mə’ōḏ wayyiḡədāl wayyiten-lwō ṣō’n ûḇāqār wəḵesef wəzâāḇ w^a‘ăḇāḏim ûšəfāḥōṯ ûḡəmallîm w^aḥămōrîm:

36 watēleḏ śārâ ’ēšeṯ ’ăḏōnî ḇēn la’ḏōnî ’^aḥărê ziqənāṯāh wayyiten-llwō¹ ’eṯ-kāl-’ăšer-lwō:

37 wayyašəbi‘ēnî ’ăḏōnî lē’mōr lō’-ṯiqq^aḥ ’iššâ liḇənî mibənwōṯ hakən^a‘ănî ’ăšer ’ānōḵî yōšēḇ bə’arəṣwō:

38 ’im-lō’ ’el-bêṯ-’āḇî tēlēḵə wə’el-mišəp^aḥətî wəlāq^aḥətā ’iššâ liḇənî:

39 wā’ōmar ’el-’ăḏōnî ’ulay lō’-ṯēlēḵə hā’iššâ ’^aḥărāy:

40 wayyō’mer ’ēlāy yəhwâ ’ăšer-hiṯəhallaḵətî ləfānāyw yišəl^aḥ malə’āḵwō ’itāḵə wəhiṣəlîḥa darəkeḵā wəlāq^aḥətā ’iššâ liḇənî mimmišəp^aḥətî ûmibêṯ ’āḇî:

41 ’āz tinnāqeh mē’ālāṯî kî ṯāḇwō’ ’el-mišəp^aḥətî wə’im-lō’ yitənû lāḵə wəhāyîṯā nāqî mē’ālāṯî:

42 wā’āḇō’ hayywōm ’el-hā‘āyin wā’ōmar yəhwâ ’ĕlōhê ’ăḏōnî ’aḇərâām ’im-yešəḵā-nnā’ maṣəlîḥa darəkî ’ăšer ’ānōḵî hōlēḵə ‘āleyhā:

43 hinnēh ’ānōḵî niṣṣāḇ ‘al-‘ên hammāyim wəhāyâ hā‘aləmâ hayyōṣē’ṯ lišə’ōḇ wə’āmarətî ’ēleyhā hašəqînî-nā’ mə‘aṭ-mayim mikadēḵə:

44 wə’āmərâ ’ēlay gam-’atâ šəṯēh wəḡam liḡəmalleyḵā ’ešə’āḇ hiw’ hā’iššâ ’ăšer-hōḵîḥa yəhwâ ləḇen-’ăḏōnî:

45 ’ănî ṭerem ’ăḵalleh ləḏabēr ’el-libî wəhinnēh riḇəqâ yōṣē’ṯ wəḵadāh ‘al-šiḵəmāh watēreḏ hā‘ayənâ watišə’āḇ wā’ōmar ’ēleyhā hašəqînî nā’:

46 watəmahēr watwōreḏ kadāh mē‘āleyhā watō’mer šəṯēh wəḡam-gəmalleyḵā ’ašəqeh wā’ēšətə wəḡam hagəmallîm hišəqāṯâ:

47 wā’ešə’al ’ōṯāh wā’ōmar baṯ-mî ’atə watō’mer baṯ-bəṯû’ēl ben-nāḥwōr ’ăšer yāləḏâ-llwō miləkâ wā’āśim hannezem ‘al-’apāh wəhaṣṣəmîḏîm ‘al-yāḏeyhā:

48 wā’eqqōḏ wā’ešət^aḥăweh layhwâ wā’ăḇārēḵə ’eṯ-yəhwâ ’ĕlōhê ’ăḏōnî ’aḇərâām ’ăšer hinəḥanî bəḏereḵə ’ĕmeṯ lāq^aḥaṯ ’eṯ-baṯ-’ăḥî ’ăḏōnî liḇənwō:

49 wə‘atâ ’im-yešəḵem ‘ōśîm ḥeseḏ we’ĕmeṯ ’eṯ-’ăḏōnî hagîḏû lî wə’im-lō’ hagîḏû lî wə’efəneh ‘al-yāmîn ’wō ‘al-śəmō’l:

50 wayy^a‘an lāḇān ûḇəṯû’ēl wayyō’mərû mêəhwâ yāṣā’ hadāḇār lō’ nûḵal dabēr ’ēleyḵā r^a‘ ’wō-ṭwōḇ:

51 hinnēh-riḇəqâ ləfāneyḵā q^aḥ wālēḵə ûṯəhî ’iššâ ləḇen-’ăḏōneyḵā ka’ăšer diber yəhwâ:

52 wayəhî ka’ăšer šām^a‘ ‘eḇeḏ ’aḇərâām ’eṯ-diḇərêhem wayyišət^aḥû ’arəṣâ layhwâ:

53 wayywōṣē’ hā‘eḇeḏ kəlê-ḵesef ûḵəlê zâāḇ ûḇəḡāḏîm wayyitēn ləriḇəqâ ûmiḡədānōṯ nāṯan lə’āḥîhā ûlə’immāh:

54 wayyō’ḵəlû wayyišətû hû’ wəhā’ănāšîm ’ăšer-‘immwō wayyālînû wayyāqûmû ḇabōqer wayyō’mer šalləḥunî la’ḏōnî:

55 wayyō’mer ’āḥîhā wə’immāh tēšēḇ hann^a‘ărā ’itānû yāmîm ’wō ‘āśwōr ’^aḥar tēlēḵə:

56 wayyō’mer ’ălēhem ’al-tə’^aḥărû ’ōṯî wayhwâ hiṣəlîḥa darəkî šalləḥûnî wə’ēləḵâ la’ḏōnî:

57 wayyō’mərû niqərā’ lann^a‘ărā wənišə’ălâ ’eṯ-pîhā:

58 wayyiqərə’û ləriḇəqâ wayyō’mərû ’ēleyhā hăṯēləḵî ‘im-hā’îš hazzeh watō’mer ’ēlēḵə:

59 wayəšalləḥû ’eṯ-riḇəqâ ’ăḥōṯām wə’eṯ-mēniqətāh wə’eṯ-‘eḇeḏ ’aḇərâām wə’eṯ-’ănāšāyw:

60 wayəḇārăḵû ’eṯ-riḇəqâ wayyō’mərû lāh ’ăḥōṯēnû ’atə hăyî lə’aləfê rəḇāḇâ wəyîraš zarə‘ēḵə ’ēṯ š^a‘ar śōnə’āyw:

61 watāqām riḇəqâ wən^a‘ărōṯeyhā watirəkaḇənâ ‘al-hagəmallîm watēlaḵənâ ’^aḥărê hā’îš wayyiqq^aḥ hā‘eḇeḏ ’eṯ-riḇəqâ wayyēlaḵə:

62 wəyiṣəḥāq bā’ mibwō’ bə’ēr l^aḥay rō’î wəhû’ ywōšēḇ bə’ereṣ hanneḡeḇ:

63 wayyēṣē’ yiṣəḥāq lāśûḥa baśśāḏeh lifənwōṯ ‘āreḇ wayyiśśā’ ‘ênāyw wayyarə’ wəhinnēh ḡəmallîm bā’îm:

64 watiśśā’ riḇəqâ ’eṯ-‘êneyhā watēre’ ’eṯ-yiṣəḥāq watipōl mē‘al hagāmāl:

65 watō’mer ’el-hā‘eḇeḏ mî-hā’îš hallāzeh hahōlēḵə baśśāḏeh liqərā’ṯēnû wayyō’mer hā‘eḇeḏ hû’ ’ăḏōnî watiqq^aḥ haṣṣā‘îf watiṯəkās:

66 wayəsapēr hā‘eḇeḏ ləyiṣəḥāq ’ēṯ kāl-hadəḇārîm ’ăšer ‘āśâ:

67 wayəḇi’ehā yiṣəḥāq hā’ōhĕlâ śārâ ’immwō wayyiqq^aḥ ’eṯ-riḇəqâ watəhî-lwō lə’iššâ wayye’ĕhāḇehā wayyinnāḥēm yiṣəḥāq ’^aḥărê ’immwō: f

‎1 ‏וַיֹּ֧סֶף אַבְרָהָ֛ם וַיִּקַּ֥ח אִשָּׁ֖ה וּשְׁמָ֥הּ קְטוּרָֽה׃

‎2 ‏וַתֵּ֣לֶד ל֗וֹ אֶת־זִמְרָן֙ וְאֶת־יָקְשָׁ֔ן וְאֶת־מְדָ֖ן וְאֶת־מִדְיָ֑ן וְאֶת־יִשְׁבָּ֖ק וְאֶת־שֽׁוּחַ׃

‎3 ‏וְיָקְשָׁ֣ן יָלַ֔ד אֶת־שְׁבָ֖א וְאֶת־דְּדָ֑ן וּבְנֵ֣י דְדָ֔ן הָי֛וּ אַשּׁוּרִ֥ם וּלְטוּשִׁ֖ים וּלְאֻמִּֽים׃

‎4 ‏וּבְנֵ֣י מִדְיָ֗ן עֵיפָ֤ה וָעֵ֙פֶר֙ וַחֲנֹ֔ךְ וַאֲבִידָ֖ע וְאֶלְדָּעָ֑ה כָּל־אֵ֖לֶּה בְּנֵ֥י קְטוּרָֽה׃

‎5 ‏וַיִּתֵּ֧ן אַבְרָהָ֛ם אֶת־כָּל־אֲשֶׁר־ל֖וֹ לְיִצְחָֽק׃

‎6 ‏וְלִבְנֵ֤י הַפִּֽילַגְשִׁים֙ אֲשֶׁ֣ר לְאַבְרָהָ֔ם נָתַ֥ן אַבְרָהָ֖ם מַתָּנֹ֑ת וַֽיְשַׁלְּחֵ֞ם מֵעַ֨ל יִצְחָ֤ק בְּנוֹ֙ בְּעוֹדֶ֣נּוּ חַ֔י קֵ֖דְמָה אֶל־אֶ֥רֶץ קֶֽדֶם׃

‎7 ‏וְאֵ֗לֶּה יְמֵ֛י שְׁנֵֽי־חַיֵּ֥י אַבְרָהָ֖ם אֲשֶׁר־חָ֑י מְאַ֥ת שָׁנָ֛ה וְשִׁבְעִ֥ים שָׁנָ֖ה וְחָמֵ֥שׁ שָׁנִֽים׃

‎8 ‏וַיִּגְוַ֨ע וַיָּ֧מָת אַבְרָהָ֛ם בְּשֵׂיבָ֥ה טוֹבָ֖ה זָקֵ֣ן וְשָׂבֵ֑עַ וַיֵּאָ֖סֶף אֶל־עַמָּֽיו׃

‎9 ‏וַיִּקְבְּר֨וּ אֹת֜וֹ יִצְחָ֤ק וְיִשְׁמָעֵאל֙ בָּנָ֔יו אֶל־מְעָרַ֖ת הַמַּכְפֵּלָ֑ה אֶל־שְׂדֵ֞ה עֶפְרֹ֤ן בֶּן־צֹ֙חַר֙ הַֽחִתִּ֔י אֲשֶׁ֖ר עַל־פְּנֵ֥י מַמְרֵֽא׃

‎10 ‏הַשָּׂדֶ֛ה אֲשֶׁר־קָנָ֥ה אַבְרָהָ֖ם מֵאֵ֣ת בְּנֵי־חֵ֑ת שָׁ֛מָּה קֻבַּ֥ר אַבְרָהָ֖ם וְשָׂרָ֥ה אִשְׁתּֽוֹ׃

‎11 ‏וַיְהִ֗י אַחֲרֵי֙ מ֣וֹת אַבְרָהָ֔ם וַיְבָ֥רֶךְ אֱלֹהִ֖ים אֶת־יִצְחָ֣ק בְּנ֑וֹ וַיֵּ֣שֶׁב יִצְחָ֔ק עִם־בְּאֵ֥ר לַחַ֖י רֹאִֽי׃ ס

‎12 ‏וְאֵ֛לֶּה תֹּלְדֹ֥ת יִשְׁמָעֵ֖אל בֶּן־אַבְרָהָ֑ם אֲשֶׁ֨ר יָלְדָ֜ה הָגָ֧ר הַמִּצְרִ֛ית שִׁפְחַ֥ת שָׂרָ֖ה לְאַבְרָהָֽם׃

‎13 ‏וְאֵ֗לֶּה שְׁמוֹת֙ בְּנֵ֣י יִשְׁמָעֵ֔אל בִּשְׁמֹתָ֖ם לְתוֹלְדֹתָ֑ם בְּכֹ֤ר יִשְׁמָעֵאל֙ נְבָיֹ֔ת וְקֵדָ֥ר וְאַדְבְּאֵ֖ל וּמִבְשָֽׂם׃

‎14 ‏וּמִשְׁמָ֥ע וְדוּמָ֖ה וּמַשָּֽׂא׃

‎15 ‏חֲדַ֣ד וְתֵימָ֔א יְט֥וּר נָפִ֖ישׁ וָקֵֽדְמָה׃

‎16 ‏אֵ֣לֶּה הֵ֞ם בְּנֵ֤י יִשְׁמָעֵאל֙ וְאֵ֣לֶּה שְׁמֹתָ֔ם בְּחַצְרֵיהֶ֖ם וּבְטִֽירֹתָ֑ם שְׁנֵים־עָשָׂ֥ר נְשִׂיאִ֖ם לְאֻמֹּתָֽם׃

‎17 ‏וְאֵ֗לֶּה שְׁנֵי֙ חַיֵּ֣י יִשְׁמָעֵ֔אל מְאַ֥ת שָׁנָ֛ה וּשְׁלֹשִׁ֥ים שָׁנָ֖ה וְשֶׁ֣בַע שָׁנִ֑ים וַיִּגְוַ֣ע וַיָּ֔מָת וַיֵּאָ֖סֶף אֶל־עַמָּֽיו׃

‎18 ‏וַיִּשְׁכְּנ֨וּ מֵֽחֲוִילָ֜ה עַד־שׁ֗וּר אֲשֶׁר֙ עַל־פְּנֵ֣י מִצְרַ֔יִם בֹּאֲכָ֖ה אַשּׁ֑וּרָה עַל־פְּנֵ֥י כָל־אֶחָ֖יו נָפָֽל׃ פ

‎19 ‏וְאֵ֛לֶּה תּוֹלְדֹ֥ת יִצְחָ֖ק בֶּן־אַבְרָהָ֑ם אַבְרָהָ֖ם הוֹלִ֥יד אֶת־יִצְחָֽק׃

‎20 ‏וַיְהִ֤י יִצְחָק֙ בֶּן־אַרְבָּעִ֣ים שָׁנָ֔ה בְּקַחְתּ֣וֹ אֶת־רִבְקָ֗ה בַּת־בְּתוּאֵל֙ הָֽאֲרַמִּ֔י מִפַּדַּ֖ן אֲרָ֑ם אֲח֛וֹת לָבָ֥ן הָאֲרַמִּ֖י ל֥וֹ לְאִשָּֽׁה׃

‎21 ‏וַיֶּעְתַּ֨ר יִצְחָ֤ק לַֽיהוָה֙ לְנֹ֣כַח אִשְׁתּ֔וֹ כִּ֥י עֲקָרָ֖ה הִ֑וא וַיֵּעָ֤תֶר לוֹ֙ יְהוָ֔ה וַתַּ֖הַר רִבְקָ֥ה אִשְׁתּֽוֹ׃

‎22 ‏וַיִּתְרֹֽצֲצ֤וּ הַבָּנִים֙ בְּקִרְבָּ֔הּ וַתֹּ֣אמֶר אִם־כֵּ֔ן לָ֥מָּה זֶּ֖ה אָנֹ֑כִי וַתֵּ֖לֶךְ לִדְרֹ֥שׁ אֶת־יְהוָֽה׃

‎23 ‏וַיֹּ֨אמֶר יְהוָ֜ה לָ֗הּ שְׁנֵ֤י גיים גוֹיִם֙ בְּבִטְנֵ֔ךְ וּשְׁנֵ֣י לְאֻמִּ֔ים מִמֵּעַ֖יִךְ יִפָּרֵ֑דוּ וּלְאֹם֙ מִלְאֹ֣ם יֶֽאֱמָ֔ץ וְרַ֖ב יַעֲבֹ֥ד צָעִֽיר׃

‎24 ‏וַיִּמְלְא֥וּ יָמֶ֖יהָ לָלֶ֑דֶת וְהִנֵּ֥ה תוֹמִ֖ם בְּבִטְנָֽהּ׃

‎25 ‏וַיֵּצֵ֤א הָרִאשׁוֹן֙ אַדְמוֹנִ֔י כֻּלּ֖וֹ כְּאַדֶּ֣רֶת שֵׂעָ֑ר וַיִּקְרְא֥וּ שְׁמ֖וֹ עֵשָֽׂו׃

‎26 ‏וְאַֽחֲרֵי־כֵ֞ן יָצָ֣א אָחִ֗יו וְיָד֤וֹ אֹחֶ֙זֶת֙ בַּעֲקֵ֣ב עֵשָׂ֔ו וַיִּקְרָ֥א שְׁמ֖וֹ יַעֲקֹ֑ב וְיִצְחָ֛ק בֶּן־שִׁשִּׁ֥ים שָׁנָ֖ה בְּלֶ֥דֶת אֹתָֽם׃

‎27 ‏וַֽיִּגְדְּלוּ֙ הַנְּעָרִ֔ים וַיְהִ֣י עֵשָׂ֗ו אִ֛ישׁ יֹדֵ֥עַ צַ֖יִד אִ֣ישׁ שָׂדֶ֑ה וְיַעֲקֹב֙ אִ֣ישׁ תָּ֔ם יֹשֵׁ֖ב אֹהָלִֽים׃

‎28 ‏וַיֶּאֱהַ֥ב יִצְחָ֛ק אֶת־עֵשָׂ֖ו כִּי־צַ֣יִד בְּפִ֑יו וְרִבְקָ֖ה אֹהֶ֥בֶת אֶֽת־יַעֲקֹֽב׃

‎29 ‏וַיָּ֥זֶד יַעֲקֹ֖ב נָזִ֑יד וַיָּבֹ֥א עֵשָׂ֛ו מִן־הַשָּׂדֶ֖ה וְה֥וּא עָיֵֽף׃

‎30 ‏וַיֹּ֨אמֶר עֵשָׂ֜ו אֶֽל־יַעֲקֹ֗ב הַלְעִיטֵ֤נִי נָא֙ מִן־הָאָדֹ֤ם הָאָדֹם֙ הַזֶּ֔ה כִּ֥י עָיֵ֖ף אָנֹ֑כִי עַל־כֵּ֥ן קָרָֽא־שְׁמ֖וֹ אֱדֽוֹם׃

‎31 ‏וַיֹּ֖אמֶר יַעֲקֹ֑ב מִכְרָ֥ה כַיּ֛וֹם אֶת־בְּכֹֽרָתְךָ֖ לִֽי׃

‎32 ‏וַיֹּ֣אמֶר עֵשָׂ֔ו הִנֵּ֛ה אָנֹכִ֥י הוֹלֵ֖ךְ לָמ֑וּת וְלָמָּה־זֶּ֥ה לִ֖י בְּכֹרָֽה׃

‎33 ‏וַיֹּ֣אמֶר יַעֲקֹ֗ב הִשָּׁ֤בְעָה לִּי֙ כַּיּ֔וֹם³ וַיִּשָּׁבַ֖ע ל֑וֹ וַיִּמְכֹּ֥ר אֶת־בְּכֹרָת֖וֹ לְיַעֲקֹֽב׃

‎34 ‏וְיַעֲקֹ֞ב נָתַ֣ן לְעֵשָׂ֗ו לֶ֚חֶם וּנְזִ֣יד עֲדָשִׁ֔ים וַיֹּ֣אכַל וַיֵּ֔שְׁתְּ וַיָּ֖קָם וַיֵּלַ֑ךְ וַיִּ֥בֶז עֵשָׂ֖ו אֶת־הַבְּכֹרָֽה׃ ס

1 wayyōsef ’aḇərâām wayyiqq^aḥ ’iššâ ûšəmāh qəṭûrâ:

2 watēleḏ lwō ’eṯ-zimərān wə’eṯ-yāqəšān wə’eṯ-məḏān wə’eṯ-miḏəyān wə’eṯ-yišəbāq wə’eṯ-šûḥa:

3 wəyāqəšān yālaḏ ’eṯ-šəḇā’ wə’eṯ-dəḏān ûḇənê ḏəḏān hāyû ’aššûrim ûləṭûšîm ûlə’ummîm:

4 ûḇənê miḏəyān ‘êfâ wā‘ēfer w^aḥănōḵə wa’ăḇîḏā‘ wə’elədā‘â kāl-’ēlleh bənê qəṭûrâ:

5 wayyitēn ’aḇərâām ’eṯ-kāl-’ăšer-lwō ləyiṣəḥāq:

6 wəliḇənê hapîlaḡəšîm ’ăšer lə’aḇərâām nāṯan ’aḇərâām matānōṯ wayəšalləḥēm mē‘al yiṣəḥāq bənwō bə‘wōḏennû ḥay qēḏəmâ ’el-’ereṣ qeḏem:

7 wə’ēlleh yəmê šənê-ḥayyê ’aḇərâām ’ăšer-ḥāy mə’aṯ šānâ wəšiḇə‘îm šānâ wəḥāmēš šānîm:

8 wayyiḡəw^a‘ wayyāmāṯ ’aḇərâām bəśêḇâ ṭwōḇâ zāqēn wəśāḇē‘a wayyē’āsef ’el-‘ammāyw:

9 wayyiqəbərû ’ōṯwō yiṣəḥāq wəyišəmā‘ē’l bānāyw ’el-mə‘āraṯ hammaḵəpēlâ ’el-śəḏēh ‘efərōn ben-ṣōḥar h^aḥitî ’ăšer ‘al-pənê mamərē’:

10 haśśāḏeh ’ăšer-qānâ ’aḇərâām mē’ēṯ bənê-ḥēṯ šāmmâ qubar ’aḇərâām wəśārâ ’išətwō:

11 wayəhî ’^aḥărê mwōṯ ’aḇərâām wayəḇāreḵə ’ĕlōhîm ’eṯ-yiṣəḥāq bənwō wayyēšeḇ yiṣəḥāq ‘im-bə’ēr l^aḥay rō’î: s

12 wə’ēlleh tōləḏōṯ yišəmā‘ē’l ben-’aḇərâām ’ăšer yāləḏâ hāḡār hammiṣərîṯ šifəḥaṯ śārâ lə’aḇərâām:

13 wə’ēlleh šəmwōṯ bənê yišəmā‘ē’l bišəmōṯām ləṯwōləḏōṯām bəḵōr yišəmā‘ē’l nəḇāyōṯ wəqēḏār wə’aḏəbə’ēl ûmiḇəśām:

14 ûmišəmā‘ wəḏûmâ ûmaśśā’:

15 ḥăḏaḏ wəṯêmā’ yəṭûr nāfîš wāqēḏəmâ:

16 ’ēlleh hēm bənê yišəmā‘ē’l wə’ēlleh šəmōṯām bəḥaṣərêhem ûḇəṭîrōṯām šənêm-‘āśār nəśî’im lə’ummōṯām:

17 wə’ēlleh šənê ḥayyê yišəmā‘ē’l mə’aṯ šānâ ûšəlōšîm šānâ wəšeḇ^a‘ šānîm wayyiḡəw^a‘ wayyāmāṯ wayyē’āsef ’el-‘ammāyw:

18 wayyišəkənû mēḥăwîlâ ‘aḏ-šûr ’ăšer ‘al-pənê miṣərayim bō’ăḵâ ’aššûrâ ‘al-pənê ḵāl-’eḥāyw nāfāl: f

19 wə’ēlleh twōləḏōṯ yiṣəḥāq ben-’aḇərâām ’aḇərâām hwōlîḏ ’eṯ-yiṣəḥāq:

20 wayəhî yiṣəḥāq ben-’arəbā‘îm šānâ bəq^aḥətwō ’eṯ-riḇəqâ baṯ-bəṯû’ēl hā’ărammî mipadan ’ărām ’ăḥwōṯ lāḇān hā’ărammî lwō lə’iššâ:

21 wayye‘ətar yiṣəḥāq layhwâ lənōḵ^aḥ ’išətwō kî ‘ăqārâ hiw’ wayyē‘āṯer lwō yəhwâ watahar riḇəqâ ’išətwō:

22 wayyiṯərōṣăṣû habānîm bəqirəbāh watō’mer ’im-kēn lāmmâ zzeh ’ānōḵî watēleḵə liḏərōš ’eṯ-yəhwâ:

23 wayyō’mer yəhwâ lāh šənê ḡōyîm ḡwōyim bəḇiṭənēḵə ûšənê lə’ummîm mimmē‘ayiḵə yipārēḏû ûlə’ōm milə’ōm ye’ĕmāṣ wəraḇ y^a‘ăḇōḏ ṣā‘îr:

24 wayyimələ’û yāmeyhā lāleḏeṯ wəhinnēh ṯwōmim bəḇiṭənāh:

25 wayyēṣē’ hāri’šwōn ’aḏəmwōnî kullwō kə’adereṯ śē‘ār wayyiqərə’û šəmwō ‘ēśāw:

26 wə’^aḥărê-ḵēn yāṣā’ ’āḥîw wəyāḏwō ’ōḥezeṯ b^a‘ăqēḇ ‘ēśāw wayyiqərā’ šəmwō y^a‘ăqōḇ wəyiṣəḥāq ben-šiššîm šānâ bəleḏeṯ ’ōṯām:

27 wayyiḡədəlû hannə‘ārîm wayəhî ‘ēśāw ’îš yōḏē‘a ṣayiḏ ’îš śāḏeh wəy^a‘ăqōḇ ’îš tām yōšēḇ ’ōhālîm:

28 wayye’ĕhaḇ yiṣəḥāq ’eṯ-‘ēśāw kî-ṣayiḏ bəfîw wəriḇəqâ ’ōheḇeṯ ’eṯ-y^a‘ăqōḇ:

29 wayyāzeḏ y^a‘ăqōḇ nāzîḏ wayyāḇō’ ‘ēśāw min-haśśāḏeh wəhû’ ‘āyēf:

30 wayyō’mer ‘ēśāw ’el-y^a‘ăqōḇ halə‘îṭēnî nā’ min-hā’āḏōm hā’āḏōm hazzeh kî ‘āyēf ’ānōḵî ‘al-kēn qārā’-šəmwō ’ĕḏwōm:

31 wayyō’mer y^a‘ăqōḇ miḵərâ ḵayywōm ’eṯ-bəḵōrāṯəḵā lî:

32 wayyō’mer ‘ēśāw hinnēh ’ānōḵî hwōlēḵə lāmûṯ wəlāmmâ-zzeh lî bəḵōrâ:

33 wayyō’mer y^a‘ăqōḇ hiššāḇə‘â llî kayywōm³ wayyiššāḇ^a‘ lwō wayyiməkōr ’eṯ-bəḵōrāṯwō ləy^a‘ăqōḇ:

34 wəy^a‘ăqōḇ nāṯan lə‘ēśāw leḥem ûnəzîḏ ‘ăḏāšîm wayyō’ḵal wayyēšətə wayyāqām wayyēlaḵə wayyiḇez ‘ēśāw ’eṯ-habəḵōrâ: s

‎1 ‏וַיְהִ֤י רָעָב֙ בָּאָ֔רֶץ מִלְּבַד֙ הָרָעָ֣ב הָרִאשׁ֔וֹן אֲשֶׁ֥ר הָיָ֖ה בִּימֵ֣י אַבְרָהָ֑ם וַיֵּ֧לֶךְ יִצְחָ֛ק אֶל־אֲבִימֶּ֥לֶךְ¹ מֶֽלֶךְ־פְּלִשְׁתִּ֖ים גְּרָֽרָה׃

‎2 ‏וַיֵּרָ֤א אֵלָיו֙ יְהוָ֔ה וַיֹּ֖אמֶר אַל־תֵּרֵ֣ד מִצְרָ֑יְמָה שְׁכֹ֣ן בָּאָ֔רֶץ אֲשֶׁ֖ר אֹמַ֥ר אֵלֶֽיךָ׃

‎3 ‏גּ֚וּר³ בָּאָ֣רֶץ הַזֹּ֔את וְאֶֽהְיֶ֥ה עִמְּךָ֖ וַאֲבָרְכֶ֑ךָּ כִּֽי־לְךָ֣ וּֽלְזַרְעֲךָ֗ אֶתֵּן֙ אֶת־כָּל־הָֽאֲרָצֹ֣ת הָאֵ֔ל וַהֲקִֽמֹתִי֙ אֶת־הַשְּׁבֻעָ֔ה אֲשֶׁ֥ר נִשְׁבַּ֖עְתִּי לְאַבְרָהָ֥ם אָבִֽיךָ׃

‎4 ‏וְהִרְבֵּיתִ֤י אֶֽת־זַרְעֲךָ֙ כְּכוֹכְבֵ֣י הַשָּׁמַ֔יִם וְנָתַתִּ֣י לְזַרְעֲךָ֔ אֵ֥ת כָּל־הָאֲרָצֹ֖ת הָאֵ֑ל וְהִתְבָּרֲכ֣וּ בְזַרְעֲךָ֔ כֹּ֖ל גּוֹיֵ֥י הָאָֽרֶץ׃

‎5 ‏עֵ֕קֶב אֲשֶׁר־שָׁמַ֥ע אַבְרָהָ֖ם בְּקֹלִ֑י וַיִּשְׁמֹר֙ מִשְׁמַרְתִּ֔י מִצְוֹתַ֖י חֻקּוֹתַ֥י וְתוֹרֹתָֽי׃

‎6 ‏וַיֵּ֥שֶׁב יִצְחָ֖ק בִּגְרָֽר׃

‎7 ‏וַֽיִּשְׁאֲל֞וּ אַנְשֵׁ֤י הַמָּקוֹם֙ לְאִשְׁתּ֔וֹ וַיֹּ֖אמֶר אֲחֹ֣תִי הִ֑וא כִּ֤י יָרֵא֙ לֵאמֹ֣ר אִשְׁתִּ֔י פֶּן־יַֽהַרְגֻ֜נִי אַנְשֵׁ֤י הַמָּקוֹם֙ עַל־רִבְקָ֔ה כִּֽי־טוֹבַ֥ת מַרְאֶ֖ה הִֽיא׃

‎8 ‏וַיְהִ֗י כִּ֣י אָֽרְכוּ־ל֥וֹ שָׁם֙ הַיָּמִ֔ים וַיַּשְׁקֵ֗ף אֲבִימֶ֙לֶךְ֙ מֶ֣לֶךְ פְּלִשְׁתִּ֔ים בְּעַ֖ד הַֽחַלּ֑וֹן וַיַּ֗רְא וְהִנֵּ֤ה יִצְחָק֙ מְצַחֵ֔ק אֵ֖ת רִבְקָ֥ה אִשְׁתּֽוֹ׃

‎9 ‏וַיִּקְרָ֨א אֲבִימֶ֜לֶךְ לְיִצְחָ֗ק וַיֹּ֙אמֶר֙ אַ֣ךְ הִנֵּ֤ה אִשְׁתְּךָ֙ הִ֔וא וְאֵ֥יךְ אָמַ֖רְתָּ אֲחֹ֣תִי הִ֑וא וַיֹּ֤אמֶר אֵלָיו֙ יִצְחָ֔ק כִּ֣י אָמַ֔רְתִּי פֶּן־אָמ֖וּת עָלֶֽיהָ׃

‎10 ‏וַיֹּ֣אמֶר אֲבִימֶ֔לֶךְ מַה־זֹּ֖את עָשִׂ֣יתָ לָּ֑נוּ כִּ֠מְעַט שָׁכַ֞ב אַחַ֤ד הָעָם֙ אֶת־אִשְׁתֶּ֔ךָ וְהֵבֵאתָ֥ עָלֵ֖ינוּ אָשָֽׁם׃

‎11 ‏וַיְצַ֣ו אֲבִימֶ֔לֶךְ אֶת־כָּל־הָעָ֖ם לֵאמֹ֑ר הַנֹּגֵ֜עַ בָּאִ֥ישׁ הַזֶּ֛ה וּבְאִשְׁתּ֖וֹ מ֥וֹת יוּמָֽת׃

‎12 ‏וַיִּזְרַ֤ע יִצְחָק֙ בָּאָ֣רֶץ הַהִ֔וא וַיִּמְצָ֛א בַּשָּׁנָ֥ה הַהִ֖וא מֵאָ֣ה שְׁעָרִ֑ים וַֽיְבָרֲכֵ֖הוּ יְהוָֽה׃

‎13 ‏וַיִּגְדַּ֖ל הָאִ֑ישׁ וַיֵּ֤לֶךְ הָלוֹךְ֙ וְגָדֵ֔ל עַ֥ד כִּֽי־גָדַ֖ל מְאֹֽד׃

‎14 ‏וַֽיְהִי־ל֤וֹ מִקְנֵה־צֹאן֙ וּמִקְנֵ֣ה בָקָ֔ר וַעֲבֻדָּ֖ה רַבָּ֑ה וַיְקַנְא֥וּ אֹת֖וֹ פְּלִשְׁתִּֽים׃

‎15 ‏וְכָל־הַבְּאֵרֹ֗ת אֲשֶׁ֤ר חָֽפְרוּ֙ עַבְדֵ֣י אָבִ֔יו בִּימֵ֖י אַבְרָהָ֣ם אָבִ֑יו סִתְּמ֣וּם פְּלִשְׁתִּ֔ים וַיְמַלְא֖וּם עָפָֽר׃

‎16 ‏וַיֹּ֥אמֶר אֲבִימֶ֖לֶךְ אֶל־יִצְחָ֑ק לֵ֚ךְ מֵֽעִמָּ֔נוּ כִּֽי־עָצַֽמְתָּ־מִמֶּ֖נּוּ³ מְאֹֽד׃

‎17 ‏וַיֵּ֥לֶךְ מִשָּׁ֖ם יִצְחָ֑ק וַיִּ֥חַן בְּנַֽחַל־גְּרָ֖ר וַיֵּ֥שֶׁב שָֽׁם׃

‎18 ‏וַיָּ֨שָׁב יִצְחָ֜ק וַיַּחְפֹּ֣ר׀ אֶת־בְּאֵרֹ֣ת הַמַּ֗יִם אֲשֶׁ֤ר חָֽפְרוּ֙ בִּימֵי֙ אַבְרָהָ֣ם אָבִ֔יו וַיְסַתְּמ֣וּם פְּלִשְׁתִּ֔ים אַחֲרֵ֖י מ֣וֹת אַבְרָהָ֑ם וַיִּקְרָ֤א לָהֶן֙ שֵׁמ֔וֹת כַּשֵּׁמֹ֕ת אֲשֶׁר־קָרָ֥א לָהֶ֖ן אָבִֽיו׃

‎19 ‏וַיַּחְפְּר֥וּ עַבְדֵֽי־יִצְחָ֖ק בַּנָּ֑חַל וַיִּ֨מְצְאוּ־שָׁ֔ם בְּאֵ֖ר מַ֥יִם חַיִּֽים׃

‎20 ‏וַיָּרִ֜יבוּ רֹעֵ֣י גְרָ֗ר עִם־רֹעֵ֥י יִצְחָ֛ק לֵאמֹ֖ר לָ֣נוּ הַמָּ֑יִם וַיִּקְרָ֤א שֵֽׁם־הַבְּאֵר֙ עֵ֔שֶׂק כִּ֥י הִֽתְעַשְּׂק֖וּ עִמּֽוֹ׃

‎21 ‏וַֽיַּחְפְּרוּ֙ בְּאֵ֣ר אַחֶ֔רֶת וַיָּרִ֖יבוּ גַּם־עָלֶ֑יהָ וַיִּקְרָ֥א שְׁמָ֖הּ שִׂטְנָֽה׃

‎22 ‏וַיַּעְתֵּ֣ק מִשָּׁ֗ם וַיַּחְפֹּר֙ בְּאֵ֣ר אַחֶ֔רֶת וְלֹ֥א רָב֖וּ עָלֶ֑יהָ וַיִּקְרָ֤א שְׁמָהּ֙ רְחֹב֔וֹת וַיֹּ֗אמֶר כִּֽי־עַתָּ֞ה הִרְחִ֧יב יְהוָ֛ה לָ֖נוּ וּפָרִ֥ינוּ בָאָֽרֶץ׃

‎23 ‏וַיַּ֥עַל מִשָּׁ֖ם בְּאֵ֥ר שָֽׁבַע׃

‎24 ‏וַיֵּרָ֨א אֵלָ֤יו יְהוָה֙ בַּלַּ֣יְלָה הַה֔וּא וַיֹּ֕אמֶר אָנֹכִ֕י אֱלֹהֵ֖י אַבְרָהָ֣ם אָבִ֑יךָ אַל־תִּירָא֙ כִּֽי־אִתְּךָ֣ אָנֹ֔כִי וּבֵֽרַכְתִּ֙יךָ֙ וְהִרְבֵּיתִ֣י אֶֽת־זַרְעֲךָ֔ בַּעֲב֖וּר אַבְרָהָ֥ם עַבְדִּֽי׃

‎25 ‏וַיִּ֧בֶן שָׁ֣ם מִזְבֵּ֗חַ וַיִּקְרָא֙ בְּשֵׁ֣ם יְהוָ֔ה וַיֶּט־שָׁ֖ם אָהֳל֑וֹ וַיִּכְרוּ־שָׁ֥ם עַבְדֵי־יִצְחָ֖ק בְּאֵֽר׃

‎26 ‏וַאֲבִימֶ֕לֶךְ הָלַ֥ךְ אֵלָ֖יו מִגְּרָ֑ר וַאֲחֻזַּת֙ מֵֽרֵעֵ֔הוּ וּפִיכֹ֖ל שַׂר־צְבָאֽוֹ׃

‎27 ‏וַיֹּ֤אמֶר אֲלֵהֶם֙ יִצְחָ֔ק מַדּ֖וּעַ בָּאתֶ֣ם אֵלָ֑י וְאַתֶּם֙ שְׂנֵאתֶ֣ם אֹתִ֔י וַתְּשַׁלְּח֖וּנִי מֵאִתְּכֶֽם׃

‎28 ‏וַיֹּאמְר֗וּ רָא֣וֹ רָאִינוּ֮ כִּֽי־הָיָ֣ה יְהוָ֣ה׀ עִמָּךְ֒ וַנֹּ֗אמֶר תְּהִ֨י נָ֥א אָלָ֛ה בֵּינוֹתֵ֖ינוּ בֵּינֵ֣ינוּ וּבֵינֶ֑ךָ וְנִכְרְתָ֥ה בְרִ֖ית עִמָּֽךְ׃

‎29 ‏אִם־תַּעֲשֵׂ֨ה¹ עִמָּ֜נוּ רָעָ֗ה כַּאֲשֶׁר֙ לֹ֣א נְגַֽעֲנ֔וּךָ וְכַאֲשֶׁ֨ר עָשִׂ֤ינוּ עִמְּךָ֙ רַק־ט֔וֹב וַנְּשַׁלֵּֽחֲךָ֖ בְּשָׁל֑וֹם אַתָּ֥ה עַתָּ֖ה בְּר֥וּךְ יְהוָֽה׃

‎30 ‏וַיַּ֤עַשׂ לָהֶם֙ מִשְׁתֶּ֔ה וַיֹּאכְל֖וּ וַיִּשְׁתּֽוּ׃

‎31 ‏וַיַּשְׁכִּ֣ימוּ בַבֹּ֔קֶר וַיִּשָּׁבְע֖וּ אִ֣ישׁ לְאָחִ֑יו וַיְשַׁלְּחֵ֣ם יִצְחָ֔ק וַיֵּלְכ֥וּ מֵאִתּ֖וֹ בְּשָׁלֽוֹם׃

‎32 ‏וַיְהִ֣י׀ בַּיּ֣וֹם הַה֗וּא וַיָּבֹ֙אוּ֙ עַבְדֵ֣י יִצְחָ֔ק וַיַּגִּ֣דוּ ל֔וֹ עַל־אֹד֥וֹת הַבְּאֵ֖ר אֲשֶׁ֣ר חָפָ֑רוּ וַיֹּ֥אמְרוּ ל֖וֹ מָצָ֥אנוּ מָֽיִם׃

‎33 ‏וַיִּקְרָ֥א אֹתָ֖הּ שִׁבְעָ֑ה עַל־כֵּ֤ן שֵׁם־הָעִיר֙ בְּאֵ֣ר שֶׁ֔בַע עַ֖ד הַיּ֥וֹם הַזֶּֽה׃ ס

‎34 ‏וַיְהִ֤י עֵשָׂו֙ בֶּן־אַרְבָּעִ֣ים שָׁנָ֔ה וַיִּקַּ֤ח אִשָּׁה֙ אֶת־יְהוּדִ֔ית בַּת־בְּאֵרִ֖י הַֽחִתִּ֑י וְאֶת־בָּ֣שְׂמַ֔ת בַּת־אֵילֹ֖ן הַֽחִתִּֽי׃

‎35 ‏וַתִּהְיֶ֖יןָ מֹ֣רַת ר֑וּחַ לְיִצְחָ֖ק וּלְרִבְקָֽה׃ ס

1 wayəhî rā‘āḇ bā’āreṣ milləḇaḏ hārā‘āḇ hāri’šwōn ’ăšer hāyâ bîmê ’aḇərâām wayyēleḵə yiṣəḥāq ’el-’ăḇîmmeleḵə¹ meleḵə-pəlišətîm gərārâ:

2 wayyērā’ ’ēlāyw yəhwâ wayyō’mer ’al-tērēḏ miṣərāyəmâ šəḵōn bā’āreṣ ’ăšer ’ōmar ’ēleyḵā:

3 gûr³ bā’āreṣ hazzō’ṯ wə’ehəyeh ‘imməḵā wa’ăḇārəḵeḵḵā kî-ləḵā ûləzarə‘ăḵā ’etēn ’eṯ-kāl-hā’ărāṣōṯ hā’ēl wahăqimōṯî ’eṯ-haššəḇu‘â ’ăšer nišəb^a‘ətî lə’aḇərâām ’āḇîḵā:

4 wəhirəbêṯî ’eṯ-zarə‘ăḵā kəḵwōḵəḇê haššāmayim wənāṯatî ləzarə‘ăḵā ’ēṯ kāl-hā’ărāṣōṯ hā’ēl wəhiṯəbārăḵû ḇəzarə‘ăḵā kōl gwōyê hā’āreṣ:

5 ‘ēqeḇ ’ăšer-šām^a‘ ’aḇərâām bəqōlî wayyišəmōr mišəmarətî miṣəwōṯay ḥuqqwōṯay wəṯwōrōṯāy:

6 wayyēšeḇ yiṣəḥāq biḡərār:

7 wayyišə’ălû ’anəšê hammāqwōm lə’išətwō wayyō’mer ’ăḥōṯî hiw’ kî yārē’ lē’mōr ’išətî pen-yaharəḡunî ’anəšê hammāqwōm ‘al-riḇəqâ kî-ṭwōḇaṯ marə’eh hî’:

8 wayəhî kî ’ārəḵû-lwō šām hayyāmîm wayyašəqēf ’ăḇîmeleḵə meleḵə pəlišətîm bə‘aḏ h^aḥallwōn wayyarə’ wəhinnēh yiṣəḥāq məṣ^aḥēq ’ēṯ riḇəqâ ’išətwō:

9 wayyiqərā’ ’ăḇîmeleḵə ləyiṣəḥāq wayyō’mer ’aḵə hinnēh ’išətəḵā hiw’ wə’êḵə ’āmarətā ’ăḥōṯî hiw’ wayyō’mer ’ēlāyw yiṣəḥāq kî ’āmarətî pen-’āmûṯ ‘āleyhā:

10 wayyō’mer ’ăḇîmeleḵə mah-zzō’ṯ ‘āśîṯā llānû kimə‘aṭ šāḵaḇ ’^aḥaḏ hā‘ām ’eṯ-’išəteḵā wəhēḇē’ṯā ‘ālênû ’āšām:

11 wayəṣaw ’ăḇîmeleḵə ’eṯ-kāl-hā‘ām lē’mōr hannōḡē‘a bā’îš hazzeh ûḇə’išətwō mwōṯ yûmāṯ:

12 wayyizər^a‘ yiṣəḥāq bā’āreṣ hahiw’ wayyiməṣā’ baššānâ hahiw’ mē’â šə‘ārîm wayəḇārăḵēhû yəhwâ:

13 wayyiḡədal hā’îš wayyēleḵə hālwōḵə wəḡāḏēl ‘aḏ kî-ḡāḏal mə’ōḏ:

14 wayəhî-lwō miqənēh-ṣō’n ûmiqənēh ḇāqār w^a‘ăḇudâ rabâ wayəqanə’û ’ōṯwō pəlišətîm:

15 wəḵāl-habə’ērōṯ ’ăšer ḥāfərû ‘aḇəḏê ’āḇîw bîmê ’aḇərâām ’āḇîw sitəmûm pəlišətîm wayəmalə’ûm ‘āfār:

16 wayyō’mer ’ăḇîmeleḵə ’el-yiṣəḥāq lēḵə mē‘immānû kî-‘āṣamətā-mimmennû³ mə’ōḏ:

17 wayyēleḵə miššām yiṣəḥāq wayyiḥan bən^aḥal-gərār wayyēšeḇ šām:

18 wayyāšāḇ yiṣəḥāq wayy^aḥəpōr| ’eṯ-bə’ērōṯ hammayim ’ăšer ḥāfərû bîmê ’aḇərâām ’āḇîw wayəsatəmûm pəlišətîm ’^aḥărê mwōṯ ’aḇərâām wayyiqərā’ lâen šēmwōṯ kaššēmōṯ ’ăšer-qārā’ lâen ’āḇîw:

19 wayy^aḥəpərû ‘aḇəḏê-yiṣəḥāq bannāḥal wayyiməṣə’û-šām bə’ēr mayim ḥayyîm:

20 wayyārîḇû rō‘ê ḡərār ‘im-rō‘ê yiṣəḥāq lē’mōr lānû hammāyim wayyiqərā’ šēm-habə’ēr ‘ēśeq kî hiṯə‘aśśəqû ‘immwō:

21 wayy^aḥəpərû bə’ēr ’^aḥereṯ wayyārîḇû gam-‘āleyhā wayyiqərā’ šəmāh śiṭənâ:

22 wayy^a‘ətēq miššām wayy^aḥəpōr bə’ēr ’^aḥereṯ wəlō’ rāḇû ‘āleyhā wayyiqərā’ šəmāh rəḥōḇwōṯ wayyō’mer kî-‘atâ hirəḥîḇ yəhwâ lānû ûfārînû ḇā’āreṣ:

23 wayy^a‘al miššām bə’ēr šāḇ^a‘:

24 wayyērā’ ’ēlāyw yəhwâ ballayəlâ hahû’ wayyō’mer ’ānōḵî ’ĕlōhê ’aḇərâām ’āḇîḵā ’al-tîrā’ kî-’itəḵā ’ānōḵî ûḇēraḵətîḵā wəhirəbêṯî ’eṯ-zarə‘ăḵā b^a‘ăḇûr ’aḇərâām ‘aḇədî:

25 wayyiḇen šām mizəbēḥa wayyiqərā’ bəšēm yəhwâ wayyeṭ-šām ’âŏlwō wayyiḵərû-šām ‘aḇəḏê-yiṣəḥāq bə’ēr:

26 wa’ăḇîmeleḵə hālaḵə ’ēlāyw migərār wa’ăḥuzzaṯ mērē‘ēhû ûfîḵōl śar-ṣəḇā’wō:

27 wayyō’mer ’ălēhem yiṣəḥāq madû‘a bā’ṯem ’ēlāy wə’atem śənē’ṯem ’ōṯî watəšalləḥûnî mē’itəḵem:

28 wayyō’mərû rā’wō rā’înû kî-hāyâ yəhwâ| ‘immāḵə wannō’mer təhî nā’ ’ālâ bênwōṯênû bênênû ûḇêneḵā wəniḵərəṯâ ḇərîṯ ‘immāḵə:

29 ’im-t^a‘ăśēh¹ ‘immānû rā‘â ka’ăšer lō’ nəḡ^a‘ănûḵā wəḵa’ăšer ‘āśînû ‘imməḵā raq-ṭwōḇ wannəšallēḥăḵā bəšālwōm ’atâ ‘atâ bərûḵə yəhwâ:

30 wayy^a‘aś lâem mišəteh wayyō’ḵəlû wayyišətû:

31 wayyašəkîmû ḇabōqer wayyiššāḇə‘û ’îš lə’āḥîw wayəšalləḥēm yiṣəḥāq wayyēləḵû mē’itwō bəšālwōm:

32 wayəhî| bayywōm hahû’ wayyāḇō’û ‘aḇəḏê yiṣəḥāq wayyagiḏû lwō ‘al-’ōḏwōṯ habə’ēr ’ăšer ḥāfārû wayyō’mərû lwō māṣā’nû māyim:

33 wayyiqərā’ ’ōṯāh šiḇə‘â ‘al-kēn šēm-hā‘îr bə’ēr šeḇ^a‘ ‘aḏ hayywōm hazzeh: s

34 wayəhî ‘ēśāw ben-’arəbā‘îm šānâ wayyiqq^aḥ ’iššâ ’eṯ-yəhûḏîṯ baṯ-bə’ērî h^aḥitî wə’eṯ-bāśəmaṯ baṯ-’êlōn h^aḥitî:

35 watihəyeynā mōraṯ rûḥa ləyiṣəḥāq ûləriḇəqâ: s

‎1 ‏וַיְהִי֙ כִּֽי־זָקֵ֣ן יִצְחָ֔ק וַתִּכְהֶ֥יןָ עֵינָ֖יו מֵרְאֹ֑ת וַיִּקְרָ֞א אֶת־עֵשָׂ֣ו׀ בְּנ֣וֹ הַגָּדֹ֗ל וַיֹּ֤אמֶר אֵלָיו֙ בְּנִ֔י וַיֹּ֥אמֶר אֵלָ֖יו הִנֵּֽנִי׃

‎2 ‏וַיֹּ֕אמֶר הִנֵּה־נָ֖א זָקַ֑נְתִּי לֹ֥א יָדַ֖עְתִּי י֥וֹם מוֹתִֽי׃

‎3 ‏וְעַתָּה֙ שָׂא־נָ֣א כֵלֶ֔יךָ תֶּלְיְךָ֖ וְקַשְׁתֶּ֑ךָ וְצֵא֙ הַשָּׂדֶ֔ה וְצ֥וּדָה לִּ֖י צידה צָֽיִד׃

‎4 ‏וַעֲשֵׂה־לִ֨י מַטְעַמִּ֜ים כַּאֲשֶׁ֥ר אָהַ֛בְתִּי וְהָבִ֥יאָה לִּ֖י וְאֹכֵ֑לָה בַּעֲב֛וּר תְּבָרֶכְךָ֥ נַפְשִׁ֖י בְּטֶ֥רֶם אָמֽוּת׃

‎5 ‏וְרִבְקָ֣ה שֹׁמַ֔עַת בְּדַבֵּ֣ר יִצְחָ֔ק אֶל־עֵשָׂ֖ו בְּנ֑וֹ וַיֵּ֤לֶךְ עֵשָׂו֙ הַשָּׂדֶ֔ה לָצ֥וּד צַ֖יִד לְהָבִֽיא׃

‎6 ‏וְרִבְקָה֙ אָֽמְרָ֔ה אֶל־יַעֲקֹ֥ב בְּנָ֖הּ לֵאמֹ֑ר הִנֵּ֤ה שָׁמַ֙עְתִּי֙ אֶת־אָבִ֔יךָ מְדַבֵּ֛ר אֶל־עֵשָׂ֥ו אָחִ֖יךָ לֵאמֹֽר׃

‎7 ‏הָבִ֨יאָה לִּ֥י צַ֛יִד וַעֲשֵׂה־לִ֥י מַטְעַמִּ֖ים וְאֹכֵ֑לָה וַאֲבָרֶכְכָ֛ה לִפְנֵ֥י יְהוָ֖ה לִפְנֵ֥י מוֹתִֽי׃

‎8 ‏וְעַתָּ֥ה בְנִ֖י שְׁמַ֣ע בְּקֹלִ֑י לַאֲשֶׁ֥ר אֲנִ֖י מְצַוָּ֥ה אֹתָֽךְ׃

‎9 ‏לֶךְ־נָא֙ אֶל־הַצֹּ֔אן וְקַֽח־לִ֣י מִשָּׁ֗ם שְׁנֵ֛י גְּדָיֵ֥י עִזִּ֖ים טֹבִ֑ים וְאֶֽעֱשֶׂ֨ה אֹתָ֧ם מַטְעַמִּ֛ים לְאָבִ֖יךָ כַּאֲשֶׁ֥ר אָהֵֽב׃

‎10 ‏וְהֵבֵאתָ֥ לְאָבִ֖יךָ וְאָכָ֑ל בַּעֲבֻ֛ר אֲשֶׁ֥ר יְבָרֶכְךָ֖ לִפְנֵ֥י מוֹתֽוֹ׃

‎11 ‏וַיֹּ֣אמֶר יַעֲקֹ֔ב אֶל־רִבְקָ֖ה אִמּ֑וֹ הֵ֣ן עֵשָׂ֤ו אָחִי֙ אִ֣ישׁ שָׂעִ֔ר וְאָנֹכִ֖י אִ֥ישׁ חָלָֽק׃

‎12 ‏אוּלַ֤י יְמֻשֵּׁ֙נִי֙ אָבִ֔י וְהָיִ֥יתִי בְעֵינָ֖יו כִּמְתַעְתֵּ֑עַ וְהֵבֵאתִ֥י עָלַ֛י קְלָלָ֖ה וְלֹ֥א בְרָכָֽה׃

‎13 ‏וַתֹּ֤אמֶר לוֹ֙ אִמּ֔וֹ עָלַ֥י קִלְלָתְךָ֖ בְּנִ֑י אַ֛ךְ שְׁמַ֥ע בְּקֹלִ֖י וְלֵ֥ךְ קַֽח־לִֽי׃

‎14 ‏וַיֵּ֙לֶךְ֙ וַיִּקַּ֔ח וַיָּבֵ֖א לְאִמּ֑וֹ וַתַּ֤עַשׂ אִמּוֹ֙ מַטְעַמִּ֔ים כַּאֲשֶׁ֖ר אָהֵ֥ב אָבִֽיו׃

‎15 ‏וַתִּקַּ֣ח רִ֠בְקָה אֶת־בִּגְדֵ֨י עֵשָׂ֜ו בְּנָ֤הּ הַגָּדֹל֙ הַחֲמֻדֹ֔ת אֲשֶׁ֥ר אִתָּ֖הּ בַּבָּ֑יִת וַתַּלְבֵּ֥שׁ אֶֽת־יַעֲקֹ֖ב בְּנָ֥הּ הַקָּטָֽן׃

‎16 ‏וְאֵ֗ת עֹרֹת֙ גְּדָיֵ֣י הָֽעִזִּ֔ים הִלְבִּ֖ישָׁה עַל־יָדָ֑יו וְעַ֖ל חֶלְקַ֥ת צַוָּארָֽיו׃

‎17 ‏וַתִּתֵּ֧ן אֶת־הַמַּטְעַמִּ֛ים וְאֶת־הַלֶּ֖חֶם אֲשֶׁ֣ר עָשָׂ֑תָה בְּיַ֖ד יַעֲקֹ֥ב בְּנָֽהּ׃

‎18 ‏וַיָּבֹ֥א אֶל־אָבִ֖יו וַיֹּ֣אמֶר³ אָבִ֑י וַיֹּ֣אמֶר הִנֶּ֔נִּי מִ֥י אַתָּ֖ה בְּנִֽי׃

‎19 ‏וַיֹּ֨אמֶר יַעֲקֹ֜ב אֶל־אָבִ֗יו אָנֹכִי֙ עֵשָׂ֣ו בְּכֹרֶ֔ךָ עָשִׂ֕יתִי כַּאֲשֶׁ֥ר דִּבַּ֖רְתָּ אֵלָ֑י קֽוּם־נָ֣א שְׁבָ֗ה וְאָכְלָה֙ מִצֵּידִ֔י בַּעֲב֖וּר תְּבָרֲכַ֥נִּי נַפְשֶֽׁךָ׃

‎20 ‏וַיֹּ֤אמֶר יִצְחָק֙ אֶל־בְּנ֔וֹ מַה־זֶּ֛ה מִהַ֥רְתָּ לִמְצֹ֖א בְּנִ֑י וַיֹּ֕אמֶר כִּ֥י הִקְרָ֛ה יְהוָ֥ה אֱלֹהֶ֖יךָ לְפָנָֽי׃

‎21 ‏וַיֹּ֤אמֶר יִצְחָק֙ אֶֽל־יַעֲקֹ֔ב גְּשָׁה־נָּ֥א וַאֲמֻֽשְׁךָ֖ בְּנִ֑י הַֽאַתָּ֥ה זֶ֛ה בְּנִ֥י עֵשָׂ֖ו אִם־לֹֽא׃

‎22 ‏וַיִּגַּ֧שׁ יַעֲקֹ֛ב אֶל־יִצְחָ֥ק אָבִ֖יו וַיְמֻשֵּׁ֑הוּ וַיֹּ֗אמֶר הַקֹּל֙ ק֣וֹל יַעֲקֹ֔ב וְהַיָּדַ֖יִם יְדֵ֥י עֵשָֽׂו׃

‎23 ‏וְלֹ֣א הִכִּיר֔וֹ כִּֽי־הָי֣וּ יָדָ֗יו כִּידֵ֛י עֵשָׂ֥ו אָחִ֖יו שְׂעִרֹ֑ת וַֽיְבָרְכֵֽהוּ׃

‎24 ‏וַיֹּ֕אמֶר אַתָּ֥ה זֶ֖ה בְּנִ֣י עֵשָׂ֑ו וַיֹּ֖אמֶר אָֽנִי׃

‎25 ‏וַיֹּ֗אמֶר הַגִּ֤שָׁה לִּי֙ וְאֹֽכְלָה֙ מִצֵּ֣יד בְּנִ֔י לְמַ֥עַן תְּבָֽרֶכְךָ֖ נַפְשִׁ֑י וַיַּגֶּשׁ־לוֹ֙ וַיֹּאכַ֔ל וַיָּ֧בֵא ל֦וֹ יַ֖יִן וַיֵּֽשְׁתְּ׃

‎26 ‏וַיֹּ֥אמֶר אֵלָ֖יו יִצְחָ֣ק אָבִ֑יו גְּשָׁה־נָּ֥א וּשְׁקָה־לִּ֖י בְּנִֽי׃

‎27 ‏וַיִּגַּשׁ֙ וַיִּשַּׁק־ל֔וֹ וַיָּ֛רַח אֶת־רֵ֥יחַ בְּגָדָ֖יו וַֽיְבָרֲכֵ֑הוּ וַיֹּ֗אמֶר רְאֵה֙ רֵ֣יחַ בְּנִ֔י כְּרֵ֣יחַ שָׂדֶ֔ה אֲשֶׁ֥ר בֵּרֲכ֖וֹ יְהוָֽה׃

‎28 ‏וְיִֽתֶּן־לְךָ֙ הָאֱלֹהִ֔ים מִטַּל֙ הַשָּׁמַ֔יִם וּמִשְׁמַנֵּ֖י הָאָ֑רֶץ וְרֹ֥ב דָּגָ֖ן וְתִירֹֽשׁ׃

‎29 ‏יַֽעַבְד֣וּךָ עַמִּ֗ים וישתחו וְיִֽשְׁתַּחֲו֤וּ לְךָ֙ לְאֻמִּ֔ים הֱוֵ֤ה גְבִיר֙ לְאַחֶ֔יךָ וְיִשְׁתַּחֲוּ֥וּ¹ לְךָ֖ בְּנֵ֣י אִמֶּ֑ךָ אֹרְרֶ֣יךָ אָר֔וּר וּֽמְבָרֲכֶ֖יךָ בָּרֽוּךְ׃

‎30 ‏וַיְהִ֗י כַּאֲשֶׁ֨ר כִּלָּ֣ה יִצְחָק֮ לְבָרֵ֣ךְ אֶֽת־יַעֲקֹב֒ וַיְהִ֗י אַ֣ךְ יָצֹ֤א יָצָא֙ יַעֲקֹ֔ב מֵאֵ֥ת פְּנֵ֖י יִצְחָ֣ק אָבִ֑יו וְעֵשָׂ֣ו אָחִ֔יו בָּ֖א מִצֵּידֽוֹ׃

‎31 ‏וַיַּ֤עַשׂ גַּם־הוּא֙ מַטְעַמִּ֔ים וַיָּבֵ֖א לְאָבִ֑יו וַיֹּ֣אמֶר לְאָבִ֗יו יָקֻ֤ם אָבִי֙ וְיֹאכַל֙ מִצֵּ֣יד בְּנ֔וֹ בַּעֲב֖וּר תְּבָרֲכַ֥נִּי נַפְשֶֽׁךָ׃

‎32 ‏וַיֹּ֥אמֶר ל֛וֹ יִצְחָ֥ק אָבִ֖יו מִי־אָ֑תָּה וַיֹּ֕אמֶר אֲנִ֛י בִּנְךָ֥ בְכֹֽרְךָ֖ עֵשָֽׂו׃

‎33 ‏וַיֶּחֱרַ֨ד יִצְחָ֣ק חֲרָדָה֮ גְּדֹלָ֣ה עַד־מְאֹד֒ וַיֹּ֡אמֶר מִֽי־אֵפ֡וֹא ה֣וּא הַצָּֽד־צַיִד֩ וַיָּ֨בֵא לִ֜י וָאֹכַ֥ל מִכֹּ֛ל בְּטֶ֥רֶם תָּב֖וֹא וָאֲבָרֲכֵ֑הוּ גַּם־בָּר֖וּךְ יִהְיֶֽה׃

‎34 ‏כִּשְׁמֹ֤עַ עֵשָׂו֙ אֶת־דִּבְרֵ֣י אָבִ֔יו וַיִּצְעַ֣ק צְעָקָ֔ה גְּדֹלָ֥ה וּמָרָ֖ה עַד־מְאֹ֑ד וַיֹּ֣אמֶר לְאָבִ֔יו בָּרֲכֵ֥נִי גַם־אָ֖נִי אָבִֽי׃

‎35 ‏וַיֹּ֕אמֶר בָּ֥א אָחִ֖יךָ בְּמִרְמָ֑ה וַיִּקַּ֖ח בִּרְכָתֶֽךָ׃

‎36 ‏וַיֹּ֡אמֶר הֲכִי֩ קָרָ֨א שְׁמ֜וֹ יַעֲקֹ֗ב וַֽיַּעְקְבֵ֙נִי֙ זֶ֣ה פַעֲמַ֔יִם אֶת־בְּכֹרָתִ֣י לָקָ֔ח וְהִנֵּ֥ה עַתָּ֖ה לָקַ֣ח בִּרְכָתִ֑י וַיֹּאמַ֕ר הֲלֹא־אָצַ֥לְתָּ לִּ֖י בְּרָכָֽה׃

‎37 ‏וַיַּ֨עַן יִצְחָ֜ק וַיֹּ֣אמֶר לְעֵשָׂ֗ו הֵ֣ן גְּבִ֞יר שַׂמְתִּ֥יו לָךְ֙ וְאֶת־כָּל־אֶחָ֗יו נָתַ֤תִּי לוֹ֙ לַעֲבָדִ֔ים וְדָגָ֥ן וְתִירֹ֖שׁ סְמַכְתִּ֑יו וּלְכָ֣ה אֵפ֔וֹא מָ֥ה אֶֽעֱשֶׂ֖ה בְּנִֽי׃

‎38 ‏וַיֹּ֨אמֶר עֵשָׂ֜ו אֶל־אָבִ֗יו הַֽבְרָכָ֨ה אַחַ֤ת הִֽוא־לְךָ֙ אָבִ֔י בָּרֲכֵ֥נִי גַם־אָ֖נִי אָבִ֑י וַיִּשָּׂ֥א עֵשָׂ֛ו קֹל֖וֹ וַיֵּֽבְךְּ׃

‎39 ‏וַיַּ֛עַן יִצְחָ֥ק אָבִ֖יו וַיֹּ֣אמֶר אֵלָ֑יו הִנֵּ֞ה מִשְׁמַנֵּ֤י הָאָ֙רֶץ֙ יִהְיֶ֣ה מֽוֹשָׁבֶ֔ךָ וּמִטַּ֥ל הַשָּׁמַ֖יִם מֵעָֽל׃

‎40 ‏וְעַל־חַרְבְּךָ֣ תִֽחְיֶ֔ה וְאֶת־אָחִ֖יךָ תַּעֲבֹ֑ד וְהָיָה֙ כַּאֲשֶׁ֣ר תָּרִ֔יד וּפָרַקְתָּ֥ עֻלּ֖וֹ מֵעַ֥ל צַוָּארֶֽךָ׃

‎41 ‏וַיִּשְׂטֹ֤ם עֵשָׂו֙ אֶֽת־יַעֲקֹ֔ב עַל־הַ֨בְּרָכָ֔ה אֲשֶׁ֥ר בֵּרֲכ֖וֹ אָבִ֑יו וַיֹּ֨אמֶר עֵשָׂ֜ו בְּלִבּ֗וֹ יִקְרְבוּ֙ יְמֵי֙ אֵ֣בֶל אָבִ֔י וְאַֽהַרְגָ֖ה אֶת־יַעֲקֹ֥ב אָחִֽי׃

‎42 ‏וַיֻּגַּ֣ד לְרִבְקָ֔ה אֶת־דִּבְרֵ֥י עֵשָׂ֖ו בְּנָ֣הּ הַגָּדֹ֑ל וַתִּשְׁלַ֞ח וַתִּקְרָ֤א לְיַעֲקֹב֙ בְּנָ֣הּ הַקָּטָ֔ן וַתֹּ֣אמֶר אֵלָ֔יו הִנֵּה֙ עֵשָׂ֣ו אָחִ֔יךָ מִתְנַחֵ֥ם לְךָ֖ לְהָרְגֶֽךָ׃

‎43 ‏וְעַתָּ֥ה בְנִ֖י שְׁמַ֣ע בְּקֹלִ֑י וְק֧וּם בְּרַח־לְךָ֛ אֶל־לָבָ֥ן אָחִ֖י חָרָֽנָה׃

‎44 ‏וְיָשַׁבְתָּ֥ עִמּ֖וֹ יָמִ֣ים אֲחָדִ֑ים עַ֥ד אֲשֶׁר־תָּשׁ֖וּב חֲמַ֥ת אָחִֽיךָ׃

‎45 ‏עַד־שׁ֨וּב אַף־אָחִ֜יךָ מִמְּךָ֗ וְשָׁכַח֙ אֵ֣ת אֲשֶׁר־עָשִׂ֣יתָ לּ֔וֹ וְשָׁלַחְתִּ֖י וּלְקַחְתִּ֣יךָ מִשָּׁ֑ם לָמָ֥ה אֶשְׁכַּ֛ל גַּם־שְׁנֵיכֶ֖ם י֥וֹם אֶחָֽד׃

‎46 ‏וַתֹּ֤אמֶר רִבְקָה֙ אֶל־יִצְחָ֔ק קַ֣צְתִּי בְחַיַּ֔י מִפְּנֵ֖י בְּנ֣וֹת חֵ֑ת אִם־לֹקֵ֣חַ יַ֠עֲקֹב אִשָּׁ֨ה מִבְּנֽוֹת־חֵ֤ת כָּאֵ֙לֶּה֙ מִבְּנ֣וֹת הָאָ֔רֶץ לָ֥מָּה לִּ֖י חַיִּֽים׃

1 wayəhî kî-zāqēn yiṣəḥāq watiḵəheynā ‘ênāyw mērə’ōṯ wayyiqərā’ ’eṯ-‘ēśāw| bənwō hagāḏōl wayyō’mer ’ēlāyw bənî wayyō’mer ’ēlāyw hinnēnî:

2 wayyō’mer hinnēh-nā’ zāqanətî lō’ yāḏ^a‘ətî ywōm mwōṯî:

3 wə‘atâ śā’-nā’ ḵēleyḵā teləyəḵā wəqašəteḵā wəṣē’ haśśāḏeh wəṣûḏâ llî ṣêḏâ ṣāyiḏ:

4 w^a‘ăśēh-lî maṭə‘ammîm ka’ăšer ’âaḇətî wəhāḇî’â llî wə’ōḵēlâ b^a‘ăḇûr təḇāreḵəḵā nafəšî bəṭerem ’āmûṯ:

5 wəriḇəqâ šōm^a‘aṯ bəḏabēr yiṣəḥāq ’el-‘ēśāw bənwō wayyēleḵə ‘ēśāw haśśāḏeh lāṣûḏ ṣayiḏ ləhāḇî’:

6 wəriḇəqâ ’āmərâ ’el-y^a‘ăqōḇ bənāh lē’mōr hinnēh šām^a‘ətî ’eṯ-’āḇîḵā məḏabēr ’el-‘ēśāw ’āḥîḵā lē’mōr:

7 hāḇî’â llî ṣayiḏ w^a‘ăśēh-lî maṭə‘ammîm wə’ōḵēlâ wa’ăḇāreḵəḵâ lifənê yəhwâ lifənê mwōṯî:

8 wə‘atâ ḇənî šəm^a‘ bəqōlî la’ăšer ’ănî məṣaûâ ’ōṯāḵə:

9 leḵə-nā’ ’el-haṣṣō’n wəq^aḥ-lî miššām šənê gəḏāyê ‘izzîm ṭōḇîm wə’e‘ĕśeh ’ōṯām maṭə‘ammîm lə’āḇîḵā ka’ăšer ’âēḇ:

10 wəhēḇē’ṯā lə’āḇîḵā wə’āḵāl b^a‘ăḇur ’ăšer yəḇāreḵəḵā lifənê mwōṯwō:

11 wayyō’mer y^a‘ăqōḇ ’el-riḇəqâ ’immwō hēn ‘ēśāw ’āḥî ’îš śā‘ir wə’ānōḵî ’îš ḥālāq:

12 ’ûlay yəmuššēnî ’āḇî wəhāyîṯî ḇə‘ênāyw kiməṯ^a‘ətē‘a wəhēḇē’ṯî ‘ālay qəlālâ wəlō’ ḇərāḵâ:

13 watō’mer lwō ’immwō ‘ālay qiləlāṯəḵā bənî ’aḵə šəm^a‘ bəqōlî wəlēḵə q^aḥ-lî:

14 wayyēleḵə wayyiqq^aḥ wayyāḇē’ lə’immwō wat^a‘aś ’immwō maṭə‘ammîm ka’ăšer ’âēḇ ’āḇîw:

15 watiqq^aḥ riḇəqâ ’eṯ-biḡəḏê ‘ēśāw bənāh hagāḏōl h^aḥămuḏōṯ ’ăšer ’itāh babāyiṯ wataləbēš ’eṯ-y^a‘ăqōḇ bənāh haqqāṭān:

16 wə’ēṯ ‘ōrōṯ gəḏāyê hā‘izzîm hiləbîšâ ‘al-yāḏāyw wə‘al ḥeləqaṯ ṣaûā’rāyw:

17 watitēn ’eṯ-hammaṭə‘ammîm wə’eṯ-halleḥem ’ăšer ‘āśāṯâ bəyaḏ y^a‘ăqōḇ bənāh:

18 wayyāḇō’ ’el-’āḇîw wayyō’mer³ ’āḇî wayyō’mer hinnennî mî ’atâ bənî:

19 wayyō’mer y^a‘ăqōḇ ’el-’āḇîw ’ānōḵî ‘ēśāw bəḵōreḵā ‘āśîṯî ka’ăšer dibarətā ’ēlāy qûm-nā’ šəḇâ wə’āḵəlâ miṣṣêḏî b^a‘ăḇûr təḇārăḵannî nafəšeḵā:

20 wayyō’mer yiṣəḥāq ’el-bənwō mah-zzeh miharətā liməṣō’ bənî wayyō’mer kî hiqərâ yəhwâ ’ĕlōheyḵā ləfānāy:

21 wayyō’mer yiṣəḥāq ’el-y^a‘ăqōḇ gəšâ-nnā’ wa’ămušəḵā bənî ha’atâ zeh bənî ‘ēśāw ’im-lō’:

22 wayyigaš y^a‘ăqōḇ ’el-yiṣəḥāq ’āḇîw wayəmuššēhû wayyō’mer haqqōl qwōl y^a‘ăqōḇ wəhayyāḏayim yəḏê ‘ēśāw:

23 wəlō’ hikîrwō kî-hāyû yāḏāyw kîḏê ‘ēśāw ’āḥîw śə‘irōṯ wayəḇārəḵēhû:

24 wayyō’mer ’atâ zeh bənî ‘ēśāw wayyō’mer ’ānî:

25 wayyō’mer hagišâ llî wə’ōḵəlâ miṣṣêḏ bənî ləm^a‘an təḇāreḵəḵā nafəšî wayyageš-lwō wayyō’ḵal wayyāḇē’ lwō yayin wayyēšətə:

26 wayyō’mer ’ēlāyw yiṣəḥāq ’āḇîw gəšâ-nnā’ ûšəqâ-llî bənî:

27 wayyigaš wayyiššaq-lwō wayyār^aḥ ’eṯ-rêḥa bəḡāḏāyw wayəḇārăḵēhû wayyō’mer rə’ēh rêḥa bənî kərêḥa śāḏeh ’ăšer bērăḵwō yəhwâ:

28 wəyiten-ləḵā hā’ĕlōhîm miṭṭal haššāmayim ûmišəmannê hā’āreṣ wərōḇ dāḡān wəṯîrōš:

29 y^a‘aḇəḏûḵā ‘ammîm wəyišət^aḥû wəyišət^aḥăwû ləḵā lə’ummîm hĕwēh ḡəḇîr lə’^aḥeyḵā wəyišət^aḥăûû¹ ləḵā bənê ’immeḵā ’ōrəreyḵā ’ārûr ûməḇārăḵeyḵā bārûḵə:

30 wayəhî ka’ăšer killâ yiṣəḥāq ləḇārēḵə ’eṯ-y^a‘ăqōḇ wayəhî ’aḵə yāṣō’ yāṣā’ y^a‘ăqōḇ mē’ēṯ pənê yiṣəḥāq ’āḇîw wə‘ēśāw ’āḥîw bā’ miṣṣêḏwō:

31 wayy^a‘aś gam-hû’ maṭə‘ammîm wayyāḇē’ lə’āḇîw wayyō’mer lə’āḇîw yāqum ’āḇî wəyō’ḵal miṣṣêḏ bənwō b^a‘ăḇûr təḇārăḵannî nafəšeḵā:

32 wayyō’mer lwō yiṣəḥāq ’āḇîw mî-’ātâ wayyō’mer ’ănî binəḵā ḇəḵōrəḵā ‘ēśāw:

33 wayyeḥĕraḏ yiṣəḥāq ḥărāḏâ gəḏōlâ ‘aḏ-mə’ōḏ wayyō’mer mî-’ēfwō’ hû’ haṣṣāḏ-ṣayiḏ wayyāḇē’ lî wā’ōḵal mikōl bəṭerem tāḇwō’ wā’ăḇārăḵēhû gam-bārûḵə yihəyeh:

34 kišəmō‘a ‘ēśāw ’eṯ-diḇərê ’āḇîw wayyiṣə‘aq ṣə‘āqâ gəḏōlâ ûmārâ ‘aḏ-mə’ōḏ wayyō’mer lə’āḇîw bārăḵēnî ḡam-’ānî ’āḇî:

35 wayyō’mer bā’ ’āḥîḵā bəmirəmâ wayyiqq^aḥ birəḵāṯeḵā:

36 wayyō’mer hăḵî qārā’ šəmwō y^a‘ăqōḇ wayy^a‘əqəḇēnî zeh f^a‘ămayim ’eṯ-bəḵōrāṯî lāqāḥ wəhinnēh ‘atâ lāq^aḥ birəḵāṯî wayyō’mar hălō’-’āṣalətā llî bərāḵâ:

37 wayy^a‘an yiṣəḥāq wayyō’mer lə‘ēśāw hēn gəḇîr śamətîw lāḵə wə’eṯ-kāl-’eḥāyw nāṯatî lwō l^a‘ăḇāḏîm wəḏāḡān wəṯîrōš səmaḵətîw ûləḵâ ’ēfwō’ mâ ’e‘ĕśeh bənî:

38 wayyō’mer ‘ēśāw ’el-’āḇîw haḇərāḵâ ’^aḥaṯ hiw’-ləḵā ’āḇî bārăḵēnî ḡam-’ānî ’āḇî wayyiśśā’ ‘ēśāw qōlwō wayyēḇəḵḵə:

39 wayy^a‘an yiṣəḥāq ’āḇîw wayyō’mer ’ēlāyw hinnēh mišəmannê hā’āreṣ yihəyeh mwōšāḇeḵā ûmiṭṭal haššāmayim mē‘āl:

40 wə‘al-ḥarəbəḵā ṯiḥəyeh wə’eṯ-’āḥîḵā t^a‘ăḇōḏ wəhāyâ ka’ăšer tārîḏ ûfāraqətā ‘ullwō mē‘al ṣaûā’reḵā:

41 wayyiśəṭōm ‘ēśāw ’eṯ-y^a‘ăqōḇ ‘al-habərāḵâ ’ăšer bērăḵwō ’āḇîw wayyō’mer ‘ēśāw bəlibwō yiqərəḇû yəmê ’ēḇel ’āḇî wə’aharəḡâ ’eṯ-y^a‘ăqōḇ ’āḥî:

42 wayyugaḏ ləriḇəqâ ’eṯ-diḇərê ‘ēśāw bənāh hagāḏōl watišəl^aḥ watiqərā’ ləy^a‘ăqōḇ bənāh haqqāṭān watō’mer ’ēlāyw hinnēh ‘ēśāw ’āḥîḵā miṯən^aḥēm ləḵā ləhārəḡeḵā:

43 wə‘atâ ḇənî šəm^a‘ bəqōlî wəqûm bər^aḥ-ləḵā ’el-lāḇān ’āḥî ḥārānâ:

44 wəyāšaḇətā ‘immwō yāmîm ’ăḥāḏîm ‘aḏ ’ăšer-tāšûḇ ḥămaṯ ’āḥîḵā:

45 ‘aḏ-šûḇ ’af-’āḥîḵā mimməḵā wəšāḵ^aḥ ’ēṯ ’ăšer-‘āśîṯā llwō wəšāl^aḥətî ûləq^aḥətîḵā miššām lāmâ ’ešəkal gam-šənêḵem ywōm ’eḥāḏ:

46 watō’mer riḇəqâ ’el-yiṣəḥāq qaṣətî ḇəḥayyay mipənê bənwōṯ ḥēṯ ’im-lōqēḥa y^a‘ăqōḇ ’iššâ mibənwōṯ-ḥēṯ kā’ēlleh mibənwōṯ hā’āreṣ lāmmâ llî ḥayyîm:

‎1 ‏וַיִּקְרָ֥א יִצְחָ֛ק אֶֽל־יַעֲקֹ֖ב וַיְבָ֣רֶךְ אֹת֑וֹ וַיְצַוֵּ֙הוּ֙ וַיֹּ֣אמֶר ל֔וֹ לֹֽא־תִקַּ֥ח אִשָּׁ֖ה מִבְּנ֥וֹת כְּנָֽעַן׃

‎2 ‏ק֥וּם לֵךְ֙ פַּדֶּ֣נָֽה אֲרָ֔ם בֵּ֥יתָה בְתוּאֵ֖ל אֲבִ֣י אִמֶּ֑ךָ וְקַח־לְךָ֤ מִשָּׁם֙ אִשָּׁ֔ה מִבְּנ֥וֹת לָבָ֖ן אֲחִ֥י אִמֶּֽךָ׃

‎3 ‏וְאֵ֤ל שַׁדַּי֙ יְבָרֵ֣ךְ אֹֽתְךָ֔ וְיַפְרְךָ֖ וְיַרְבֶּ֑ךָ וְהָיִ֖יתָ לִקְהַ֥ל עַמִּֽים׃

‎4 ‏וְיִֽתֶּן־לְךָ֙ אֶת־בִּרְכַּ֣ת אַבְרָהָ֔ם לְךָ֖ וּלְזַרְעֲךָ֣ אִתָּ֑ךְ לְרִשְׁתְּךָ֙ אֶת־אֶ֣רֶץ מְגֻרֶ֔יךָ אֲשֶׁר־נָתַ֥ן אֱלֹהִ֖ים לְאַבְרָהָֽם׃

‎5 ‏וַיִּשְׁלַ֤ח יִצְחָק֙ אֶֽת־יַעֲקֹ֔ב וַיֵּ֖לֶךְ פַּדֶּ֣נָֽה אֲרָ֑ם אֶל־לָבָ֤ן בֶּן־בְּתוּאֵל֙ הָֽאֲרַמִּ֔י אֲחִ֣י רִבְקָ֔ה אֵ֥ם יַעֲקֹ֖ב וְעֵשָֽׂו׃

‎6 ‏וַיַּ֣רְא עֵשָׂ֗ו כִּֽי־בֵרַ֣ךְ יִצְחָק֮ אֶֽת־יַעֲקֹב֒ וְשִׁלַּ֤ח אֹתוֹ֙ פַּדֶּ֣נָֽה אֲרָ֔ם לָקַֽחַת־ל֥וֹ מִשָּׁ֖ם אִשָּׁ֑ה בְּבָרֲכ֣וֹ אֹת֔וֹ וַיְצַ֤ו עָלָיו֙ לֵאמֹ֔ר לֹֽא־תִקַּ֥ח אִשָּׁ֖ה מִבְּנ֥וֹת כְּנָֽעַן׃

‎7 ‏וַיִּשְׁמַ֣ע יַעֲקֹ֔ב אֶל־אָבִ֖יו וְאֶל־אִמּ֑וֹ וַיֵּ֖לֶךְ פַּדֶּ֥נָֽה אֲרָֽם׃

‎8 ‏וַיַּ֣רְא עֵשָׂ֔ו כִּ֥י רָע֖וֹת בְּנ֣וֹת כְּנָ֑עַן בְּעֵינֵ֖י יִצְחָ֥ק אָבִֽיו׃

‎9 ‏וַיֵּ֥לֶךְ עֵשָׂ֖ו אֶל־יִשְׁמָעֵ֑אל וַיִּקַּ֡ח אֶֽת־מָחֲלַ֣ת׀ בַּת־יִשְׁמָעֵ֨אל בֶּן־אַבְרָהָ֜ם אֲח֧וֹת נְבָי֛וֹת עַל־נָשָׁ֖יו ל֥וֹ לְאִשָּֽׁה׃ ס

‎10 ‏וַיֵּצֵ֥א יַעֲקֹ֖ב מִבְּאֵ֣ר שָׁ֑בַע וַיֵּ֖לֶךְ חָרָֽנָה׃

‎11 ‏וַיִּפְגַּ֨ע בַּמָּק֜וֹם וַיָּ֤לֶן שָׁם֙ כִּי־בָ֣א הַשֶּׁ֔מֶשׁ וַיִּקַּח֙ מֵאַבְנֵ֣י הַמָּק֔וֹם וַיָּ֖שֶׂם מְרַֽאֲשֹׁתָ֑יו וַיִּשְׁכַּ֖ב בַּמָּק֥וֹם הַהֽוּא׃

‎12 ‏וַֽיַּחֲלֹ֗ם וְהִנֵּ֤ה סֻלָּם֙ מֻצָּ֣ב אַ֔רְצָה וְרֹאשׁ֖וֹ מַגִּ֣יעַ הַשָּׁמָ֑יְמָה וְהִנֵּה֙ מַלְאֲכֵ֣י אֱלֹהִ֔ים עֹלִ֥ים וְיֹרְדִ֖ים בּֽוֹ׃

‎13 ‏וְהִנֵּ֨ה יְהוָ֜ה נִצָּ֣ב עָלָיו֮ וַיֹּאמַר֒ אֲנִ֣י יְהוָ֗ה אֱלֹהֵי֙ אַבְרָהָ֣ם אָבִ֔יךָ וֵאלֹהֵ֖י יִצְחָ֑ק הָאָ֗רֶץ אֲשֶׁ֤ר אַתָּה֙ שֹׁכֵ֣ב עָלֶ֔יהָ לְךָ֥ אֶתְּנֶ֖נָּה וּלְזַרְעֶֽךָ׃

‎14 ‏וְהָיָ֤ה זַרְעֲךָ֙ כַּעֲפַ֣ר הָאָ֔רֶץ וּפָרַצְתָּ֛ יָ֥מָּה וָקֵ֖דְמָה וְצָפֹ֣נָה וָנֶ֑גְבָּה וְנִבְרֲכ֥וּ בְךָ֛ כָּל־מִשְׁפְּחֹ֥ת הָאֲדָמָ֖ה וּבְזַרְעֶֽךָ׃

‎15 ‏וְהִנֵּ֨ה אָנֹכִ֜י עִמָּ֗ךְ וּשְׁמַרְתִּ֙יךָ֙ בְּכֹ֣ל אֲשֶׁר־תֵּלֵ֔ךְ וַהֲשִׁ֣בֹתִ֔יךָ אֶל־הָאֲדָמָ֖ה הַזֹּ֑את כִּ֚י לֹ֣א אֶֽעֱזָבְךָ֔ עַ֚ד אֲשֶׁ֣ר אִם־עָשִׂ֔יתִי אֵ֥ת אֲשֶׁר־דִּבַּ֖רְתִּי לָֽךְ׃

‎16 ‏וַיִּיקַ֣ץ יַעֲקֹב֮ מִשְּׁנָתוֹ֒ וַיֹּ֕אמֶר³ אָכֵן֙ יֵ֣שׁ יְהוָ֔ה בַּמָּק֖וֹם הַזֶּ֑ה וְאָנֹכִ֖י לֹ֥א יָדָֽעְתִּי׃

‎17 ‏וַיִּירָא֙ וַיֹּאמַ֔ר מַה־נּוֹרָ֖א הַמָּק֣וֹם הַזֶּ֑ה אֵ֣ין זֶ֗ה כִּ֚י אִם־בֵּ֣ית אֱלֹהִ֔ים וְזֶ֖ה שַׁ֥עַר הַשָּׁמָֽיִם׃

‎18 ‏וַיַּשְׁכֵּ֨ם יַעֲקֹ֜ב בַּבֹּ֗קֶר וַיִּקַּ֤ח אֶת־הָאֶ֙בֶן֙ אֲשֶׁר־שָׂ֣ם מְרַֽאֲשֹׁתָ֔יו וַיָּ֥שֶׂם אֹתָ֖הּ מַצֵּבָ֑ה וַיִּצֹ֥ק שֶׁ֖מֶן עַל־רֹאשָֽׁהּ׃

‎19 ‏וַיִּקְרָ֛א אֶת־שֵֽׁם־הַמָּק֥וֹם הַה֖וּא בֵּֽית־אֵ֑ל וְאוּלָ֛ם ל֥וּז שֵׁם־הָעִ֖יר לָרִאשֹׁנָֽה׃

‎20 ‏וַיִּדַּ֥ר יַעֲקֹ֖ב נֶ֣דֶר לֵאמֹ֑ר אִם־יִהְיֶ֨ה אֱלֹהִ֜ים עִמָּדִ֗י וּשְׁמָרַ֙נִי֙ בַּדֶּ֤רֶךְ הַזֶּה֙ אֲשֶׁ֣ר אָנֹכִ֣י הוֹלֵ֔ךְ וְנָֽתַן־לִ֥י לֶ֛חֶם לֶאֱכֹ֖ל וּבֶ֥גֶד לִלְבֹּֽשׁ׃

‎21 ‏וְשַׁבְתִּ֥י בְשָׁל֖וֹם אֶל־בֵּ֣ית אָבִ֑י וְהָיָ֧ה יְהוָ֛ה לִ֖י לֵאלֹהִֽים׃

‎22 ‏וְהָאֶ֣בֶן הַזֹּ֗את אֲשֶׁר־שַׂ֙מְתִּי֙ מַצֵּבָ֔ה יִהְיֶ֖ה בֵּ֣ית אֱלֹהִ֑ים וְכֹל֙ אֲשֶׁ֣ר תִּתֶּן־לִ֔י עַשֵּׂ֖ר אֲעַשְּׂרֶ֥נּוּ לָֽךְ׃

1 wayyiqərā’ yiṣəḥāq ’el-y^a‘ăqōḇ wayəḇāreḵə ’ōṯwō wayəṣaûēhû wayyō’mer lwō lō’-ṯiqq^aḥ ’iššâ mibənwōṯ kənā‘an:

2 qûm lēḵə padenâ ’ărām bêṯâ ḇəṯû’ēl ’ăḇî ’immeḵā wəq^aḥ-ləḵā miššām ’iššâ mibənwōṯ lāḇān ’ăḥî ’immeḵā:

3 wə’ēl šaday yəḇārēḵə ’ōṯəḵā wəyafərəḵā wəyarəbeḵā wəhāyîṯā liqəhal ‘ammîm:

4 wəyiten-ləḵā ’eṯ-birəkaṯ ’aḇərâām ləḵā ûləzarə‘ăḵā ’itāḵə lərišətəḵā ’eṯ-’ereṣ məḡureyḵā ’ăšer-nāṯan ’ĕlōhîm lə’aḇərâām:

5 wayyišəl^aḥ yiṣəḥāq ’eṯ-y^a‘ăqōḇ wayyēleḵə padenâ ’ărām ’el-lāḇān ben-bəṯû’ēl hā’ărammî ’ăḥî riḇəqâ ’ēm y^a‘ăqōḇ wə‘ēśāw:

6 wayyarə’ ‘ēśāw kî-ḇēraḵə yiṣəḥāq ’eṯ-y^a‘ăqōḇ wəšill^aḥ ’ōṯwō padenâ ’ărām lāq^aḥaṯ-lwō miššām ’iššâ bəḇārăḵwō ’ōṯwō wayəṣaw ‘ālāyw lē’mōr lō’-ṯiqq^aḥ ’iššâ mibənwōṯ kənā‘an:

7 wayyišəm^a‘ y^a‘ăqōḇ ’el-’āḇîw wə’el-’immwō wayyēleḵə padenâ ’ărām:

8 wayyarə’ ‘ēśāw kî rā‘wōṯ bənwōṯ kənā‘an bə‘ênê yiṣəḥāq ’āḇîw:

9 wayyēleḵə ‘ēśāw ’el-yišəmā‘ē’l wayyiqq^aḥ ’eṯ-māḥălaṯ| baṯ-yišəmā‘ē’l ben-’aḇərâām ’ăḥwōṯ nəḇāywōṯ ‘al-nāšāyw lwō lə’iššâ: s

10 wayyēṣē’ y^a‘ăqōḇ mibə’ēr šāḇ^a‘ wayyēleḵə ḥārānâ:

11 wayyifəg^a‘ bammāqwōm wayyālen šām kî-ḇā’ haššemeš wayyiqq^aḥ mē’aḇənê hammāqwōm wayyāśem məra’ăšōṯāyw wayyišəkaḇ bammāqwōm hahû’:

12 wayy^aḥălōm wəhinnēh sullām muṣṣāḇ ’arəṣâ wərō’šwō magî‘a haššāmāyəmâ wəhinnēh malə’ăḵê ’ĕlōhîm ‘ōlîm wəyōrəḏîm bwō:

13 wəhinnēh yəhwâ niṣṣāḇ ‘ālāyw wayyō’mar ’ănî yəhwâ ’ĕlōhê ’aḇərâām ’āḇîḵā wē’lōhê yiṣəḥāq hā’āreṣ ’ăšer ’atâ šōḵēḇ ‘āleyhā ləḵā ’etənennâ ûləzarə‘eḵā:

14 wəhāyâ zarə‘ăḵā k^a‘ăfar hā’āreṣ ûfāraṣətā yāmmâ wāqēḏəmâ wəṣāfōnâ wāneḡəbâ wəniḇərăḵû ḇəḵā kāl-mišəpəḥōṯ hā’ăḏāmâ ûḇəzarə‘eḵā:

15 wəhinnēh ’ānōḵî ‘immāḵə ûšəmarətîḵā bəḵōl ’ăšer-tēlēḵə wahăšiḇōṯîḵā ’el-hā’ăḏāmâ hazzō’ṯ kî lō’ ’e‘ĕzāḇəḵā ‘aḏ ’ăšer ’im-‘āśîṯî ’ēṯ ’ăšer-dibarətî lāḵə:

16 wayyîqaṣ y^a‘ăqōḇ miššənāṯwō wayyō’mer³ ’āḵēn yēš yəhwâ bammāqwōm hazzeh wə’ānōḵî lō’ yāḏā‘ətî:

17 wayyîrā’ wayyō’mar mah-nnwōrā’ hammāqwōm hazzeh ’ên zeh kî ’im-bêṯ ’ĕlōhîm wəzeh š^a‘ar haššāmāyim:

18 wayyašəkēm y^a‘ăqōḇ babōqer wayyiqq^aḥ ’eṯ-hā’eḇen ’ăšer-śām məra’ăšōṯāyw wayyāśem ’ōṯāh maṣṣēḇâ wayyiṣōq šemen ‘al-rō’šāh:

19 wayyiqərā’ ’eṯ-šēm-hammāqwōm hahû’ bêṯ-’ēl wə’ûlām lûz šēm-hā‘îr lāri’šōnâ:

20 wayyidar y^a‘ăqōḇ neḏer lē’mōr ’im-yihəyeh ’ĕlōhîm ‘immāḏî ûšəmāranî badereḵə hazzeh ’ăšer ’ānōḵî hwōlēḵə wənāṯan-lî leḥem le’ĕḵōl ûḇeḡeḏ liləbōš:

21 wəšaḇətî ḇəšālwōm ’el-bêṯ ’āḇî wəhāyâ yəhwâ lî lē’lōhîm:

22 wəhā’eḇen hazzō’ṯ ’ăšer-śamətî maṣṣēḇâ yihəyeh bêṯ ’ĕlōhîm wəḵōl ’ăšer titen-lî ‘aśśēr ’ă‘aśśərennû lāḵə:

‎1 ‏וַיִּשָּׂ֥א יַעֲקֹ֖ב רַגְלָ֑יו וַיֵּ֖לֶךְ אַ֥רְצָה בְנֵי־קֶֽדֶם׃

‎2 ‏וַיַּ֞רְא וְהִנֵּ֧ה בְאֵ֣ר בַּשָּׂדֶ֗ה וְהִנֵּה־שָׁ֞ם שְׁלֹשָׁ֤ה עֶדְרֵי־צֹאן֙ רֹבְצִ֣ים עָלֶ֔יהָ כִּ֚י מִן־הַבְּאֵ֣ר הַהִ֔וא יַשְׁק֖וּ הָעֲדָרִ֑ים וְהָאֶ֥בֶן גְּדֹלָ֖ה עַל־פִּ֥י הַבְּאֵֽר׃

‎3 ‏וְנֶאֶסְפוּ־שָׁ֣מָּה כָל־הָעֲדָרִ֗ים וְגָלֲל֤וּ אֶת־הָאֶ֙בֶן֙ מֵעַל֙ פִּ֣י הַבְּאֵ֔ר וְהִשְׁק֖וּ אֶת־הַצֹּ֑אן וְהֵשִׁ֧יבוּ אֶת־הָאֶ֛בֶן עַל־פִּ֥י הַבְּאֵ֖ר לִמְקֹמָֽהּ׃

‎4 ‏וַיֹּ֤אמֶר לָהֶם֙ יַעֲקֹ֔ב אַחַ֖י מֵאַ֣יִן אַתֶּ֑ם וַיֹּ֣אמְר֔וּ מֵחָרָ֖ן אֲנָֽחְנוּ׃

‎5 ‏וַיֹּ֣אמֶר לָהֶ֔ם הַיְדַעְתֶּ֖ם אֶת־לָבָ֣ן בֶּן־נָח֑וֹר וַיֹּאמְר֖וּ יָדָֽעְנוּ׃

‎6 ‏וַיֹּ֥אמֶר לָהֶ֖ם הֲשָׁל֣וֹם ל֑וֹ וַיֹּאמְר֣וּ שָׁל֔וֹם וְהִנֵּה֙ רָחֵ֣ל בִּתּ֔וֹ בָּאָ֖ה עִם־הַצֹּֽאן׃

‎7 ‏וַיֹּ֗אמֶר הֵ֥ן עוֹד֙ הַיּ֣וֹם גָּד֔וֹל לֹא־עֵ֖ת הֵאָסֵ֣ף הַמִּקְנֶ֑ה הַשְׁק֥וּ הַצֹּ֖אן וּלְכ֥וּ רְעֽוּ׃

‎8 ‏וַיֹּאמְרוּ֮ לֹ֣א נוּכַל֒ עַ֣ד אֲשֶׁ֤ר יֵאָֽסְפוּ֙ כָּל־הָ֣עֲדָרִ֔ים וְגָֽלֲלוּ֙ אֶת־הָאֶ֔בֶן מֵעַ֖ל פִּ֣י הַבְּאֵ֑ר וְהִשְׁקִ֖ינוּ הַצֹּֽאן׃

‎9 ‏עוֹדֶ֖נּוּ מְדַבֵּ֣ר עִמָּ֑ם וְרָחֵ֣ל׀ בָּ֗אָה עִם־הַצֹּאן֙ אֲשֶׁ֣ר לְאָבִ֔יהָ כִּ֥י רֹעָ֖ה הִֽוא׃

‎10 ‏וַיְהִ֡י כַּאֲשֶׁר֩ רָאָ֨ה יַעֲקֹ֜ב אֶת־רָחֵ֗ל בַּת־לָבָן֙ אֲחִ֣י אִמּ֔וֹ וְאֶת־צֹ֥אן לָבָ֖ן אֲחִ֣י אִמּ֑וֹ וַיִּגַּ֣שׁ יַעֲקֹ֗ב וַיָּ֤גֶל אֶת־הָאֶ֙בֶן֙ מֵעַל֙ פִּ֣י הַבְּאֵ֔ר וַיַּ֕שְׁקְ אֶת־צֹ֥אן לָבָ֖ן אֲחִ֥י אִמּֽוֹ׃

‎11 ‏וַיִּשַּׁ֥ק יַעֲקֹ֖ב לְרָחֵ֑ל וַיִּשָּׂ֥א אֶת־קֹל֖וֹ וַיֵּֽבְךְּ׃

‎12 ‏וַיַּגֵּ֨ד יַעֲקֹ֜ב לְרָחֵ֗ל כִּ֣י אֲחִ֤י אָבִ֙יהָ֙ ה֔וּא וְכִ֥י בֶן־רִבְקָ֖ה ה֑וּא וַתָּ֖רָץ וַתַּגֵּ֥ד לְאָבִֽיהָ׃

‎13 ‏וַיְהִי֩ כִשְׁמֹ֨עַ לָבָ֜ן אֶת־שֵׁ֣מַע׀ יַעֲקֹ֣ב בֶּן־אֲחֹת֗וֹ וַיָּ֤רָץ לִקְרָאתוֹ֙ וַיְחַבֶּק־לוֹ֙ וַיְנַשֶּׁק־ל֔וֹ וַיְבִיאֵ֖הוּ אֶל־בֵּית֑וֹ וַיְסַפֵּ֣ר לְלָבָ֔ן אֵ֥ת כָּל־הַדְּבָרִ֖ים הָאֵֽלֶּה׃

‎14 ‏וַיֹּ֤אמֶר לוֹ֙ לָבָ֔ן אַ֛ךְ עַצְמִ֥י וּבְשָׂרִ֖י אָ֑תָּה וַיֵּ֥שֶׁב עִמּ֖וֹ חֹ֥דֶשׁ יָמִֽים׃

‎15 ‏וַיֹּ֤אמֶר לָבָן֙ לְיַעֲקֹ֔ב הֲכִי־אָחִ֣י אַ֔תָּה וַעֲבַדְתַּ֖נִי חִנָּ֑ם הַגִּ֥ידָה לִּ֖י מַה־מַּשְׂכֻּרְתֶּֽךָ׃

‎16 ‏וּלְלָבָ֖ן שְׁתֵּ֣י בָנ֑וֹת שֵׁ֤ם הַגְּדֹלָה֙ לֵאָ֔ה וְשֵׁ֥ם הַקְּטַנָּ֖ה רָחֵֽל׃

‎17 ‏וְעֵינֵ֥י לֵאָ֖ה רַכּ֑וֹת וְרָחֵל֙ הָֽיְתָ֔ה יְפַת־תֹּ֖אַר וִיפַ֥ת מַרְאֶֽה׃

‎18 ‏וַיֶּאֱהַ֥ב יַעֲקֹ֖ב אֶת־רָחֵ֑ל וַיֹּ֗אמֶר אֶֽעֱבָדְךָ֙ שֶׁ֣בַע שָׁנִ֔ים בְּרָחֵ֥ל בִּתְּךָ֖ הַקְּטַנָּֽה׃

‎19 ‏וַיֹּ֣אמֶר לָבָ֗ן ט֚וֹב³ תִּתִּ֣י אֹתָ֣הּ לָ֔ךְ מִתִּתִּ֥י אֹתָ֖הּ לְאִ֣ישׁ אַחֵ֑ר שְׁבָ֖ה עִמָּדִֽי׃

‎20 ‏וַיַּעֲבֹ֧ד יַעֲקֹ֛ב בְּרָחֵ֖ל שֶׁ֣בַע שָׁנִ֑ים וַיִּהְי֤וּ בְעֵינָיו֙ כְּיָמִ֣ים אֲחָדִ֔ים בְּאַהֲבָת֖וֹ אֹתָֽהּ׃

‎21 ‏וַיֹּ֨אמֶר יַעֲקֹ֤ב אֶל־לָבָן֙ הָבָ֣ה אֶת־אִשְׁתִּ֔י כִּ֥י מָלְא֖וּ יָמָ֑י וְאָב֖וֹאָה אֵלֶֽיהָ׃

‎22 ‏וַיֶּאֱסֹ֥ף לָבָ֛ן אֶת־כָּל־אַנְשֵׁ֥י הַמָּק֖וֹם וַיַּ֥עַשׂ מִשְׁתֶּֽה׃

‎23 ‏וַיְהִ֣י בָעֶ֔רֶב וַיִּקַּח֙ אֶת־לֵאָ֣ה בִתּ֔וֹ וַיָּבֵ֥א אֹתָ֖הּ אֵלָ֑יו וַיָּבֹ֖א אֵלֶֽיהָ׃

‎24 ‏וַיִּתֵּ֤ן לָבָן֙ לָ֔הּ אֶת־זִלְפָּ֖ה שִׁפְחָת֑וֹ לְלֵאָ֥ה בִתּ֖וֹ שִׁפְחָֽה׃

‎25 ‏וַיְהִ֣י בַבֹּ֔קֶר וְהִנֵּה־הִ֖וא לֵאָ֑ה וַיֹּ֣אמֶר אֶל־לָבָ֗ן מַה־זֹּאת֙ עָשִׂ֣יתָ לִּ֔י הֲלֹ֤א בְרָחֵל֙ עָבַ֣דְתִּי עִמָּ֔ךְ וְלָ֖מָּה רִמִּיתָֽנִי׃

‎26 ‏וַיֹּ֣אמֶר לָבָ֔ן לֹא־יֵעָשֶׂ֥ה כֵ֖ן בִּמְקוֹמֵ֑נוּ לָתֵ֥ת הַצְּעִירָ֖ה לִפְנֵ֥י הַבְּכִירָֽה׃

‎27 ‏מַלֵּ֖א שְׁבֻ֣עַ זֹ֑את וְנִתְּנָ֨ה לְךָ֜ גַּם־אֶת־זֹ֗את בַּעֲבֹדָה֙ אֲשֶׁ֣ר תַּעֲבֹ֣ד עִמָּדִ֔י ע֖וֹד שֶֽׁבַע־שָׁנִ֥ים אֲחֵרֽוֹת׃

‎28 ‏וַיַּ֤עַשׂ יַעֲקֹב֙ כֵּ֔ן וַיְמַלֵּ֖א שְׁבֻ֣עַ זֹ֑את וַיִּתֶּן־ל֛וֹ אֶת־רָחֵ֥ל בִּתּ֖וֹ ל֥וֹ לְאִשָּֽׁה׃

‎29 ‏וַיִּתֵּ֤ן לָבָן֙ לְרָחֵ֣ל בִּתּ֔וֹ אֶת־בִּלְהָ֖ה שִׁפְחָת֑וֹ לָ֖הּ לְשִׁפְחָֽה׃

‎30 ‏וַיָּבֹא֙ גַּ֣ם אֶל־רָחֵ֔ל וַיֶּאֱהַ֥ב גַּֽם־אֶת־רָחֵ֖ל מִלֵּאָ֑ה וַיַּעֲבֹ֣ד עִמּ֔וֹ ע֖וֹד שֶֽׁבַע־שָׁנִ֥ים אֲחֵרֽוֹת׃

‎31 ‏וַיַּ֤רְא יְהוָה֙ כִּֽי־שְׂנוּאָ֣ה לֵאָ֔ה וַיִּפְתַּ֖ח אֶת־רַחְמָ֑הּ וְרָחֵ֖ל עֲקָרָֽה׃

‎32 ‏וַתַּ֤הַר לֵאָה֙ וַתֵּ֣לֶד בֵּ֔ן וַתִּקְרָ֥א שְׁמ֖וֹ רְאוּבֵ֑ן כִּ֣י אָֽמְרָ֗ה כִּֽי־רָאָ֤ה יְהוָה֙ בְּעָנְיִ֔י כִּ֥י עַתָּ֖ה יֶאֱהָבַ֥נִי אִישִֽׁי׃

‎33 ‏וַתַּ֣הַר עוֹד֮ וַתֵּ֣לֶד בֵּן֒ וַתֹּ֗אמֶר כִּֽי־שָׁמַ֤ע יְהוָה֙ כִּֽי־שְׂנוּאָ֣ה אָנֹ֔כִי וַיִּתֶּן־לִ֖י גַּם־אֶת־זֶ֑ה וַתִּקְרָ֥א שְׁמ֖וֹ שִׁמְעֽוֹן׃

‎34 ‏וַתַּ֣הַר עוֹד֮ וַתֵּ֣לֶד בֵּן֒ וַתֹּ֗אמֶר עַתָּ֤ה הַפַּ֙עַם֙ יִלָּוֶ֤ה אִישִׁי֙ אֵלַ֔י כִּֽי־יָלַ֥דְתִּי ל֖וֹ שְׁלֹשָׁ֣ה בָנִ֑ים עַל־כֵּ֥ן קָרָֽא־שְׁמ֖וֹ לֵוִֽי׃

‎35 ‏וַתַּ֨הַר ע֜וֹד וַתֵּ֣לֶד בֵּ֗ן וַתֹּ֙אמֶר֙ הַפַּ֙עַם֙ אוֹדֶ֣ה אֶת־יְהוָ֔ה עַל־כֵּ֛ן קָרְאָ֥ה שְׁמ֖וֹ יְהוּדָ֑ה וַֽתַּעֲמֹ֖ד מִלֶּֽדֶת׃

1 wayyiśśā’ y^a‘ăqōḇ raḡəlāyw wayyēleḵə ’arəṣâ ḇənê-qeḏem:

2 wayyarə’ wəhinnēh ḇə’ēr baśśāḏeh wəhinnēh-šām šəlōšâ ‘eḏərê-ṣō’n rōḇəṣîm ‘āleyhā kî min-habə’ēr hahiw’ yašəqû hā‘ăḏārîm wəhā’eḇen gəḏōlâ ‘al-pî habə’ēr:

3 wəne’esəfû-šāmmâ ḵāl-hā‘ăḏārîm wəḡālălû ’eṯ-hā’eḇen mē‘al pî habə’ēr wəhišəqû ’eṯ-haṣṣō’n wəhēšîḇû ’eṯ-hā’eḇen ‘al-pî habə’ēr liməqōmāh:

4 wayyō’mer lâem y^a‘ăqōḇ ’^aḥay mē’ayin ’atem wayyō’mərû mēḥārān ’ănāḥənû:

5 wayyō’mer lâem hayəḏ^a‘ətem ’eṯ-lāḇān ben-nāḥwōr wayyō’mərû yāḏā‘ənû:

6 wayyō’mer lâem hăšālwōm lwō wayyō’mərû šālwōm wəhinnēh rāḥēl bitwō bā’â ‘im-haṣṣō’n:

7 wayyō’mer hēn ‘wōḏ hayywōm gāḏwōl lō’-‘ēṯ hē’āsēf hammiqəneh hašəqû haṣṣō’n ûləḵû rə‘û:

8 wayyō’mərû lō’ nûḵal ‘aḏ ’ăšer yē’āsəfû kāl-hā‘ăḏārîm wəḡālălû ’eṯ-hā’eḇen mē‘al pî habə’ēr wəhišəqînû haṣṣō’n:

9 ‘wōḏennû məḏabēr ‘immām wərāḥēl| bā’â ‘im-haṣṣō’n ’ăšer lə’āḇîhā kî rō‘â hiw’:

10 wayəhî ka’ăšer rā’â y^a‘ăqōḇ ’eṯ-rāḥēl baṯ-lāḇān ’ăḥî ’immwō wə’eṯ-ṣō’n lāḇān ’ăḥî ’immwō wayyigaš y^a‘ăqōḇ wayyāḡel ’eṯ-hā’eḇen mē‘al pî habə’ēr wayyašəqə ’eṯ-ṣō’n lāḇān ’ăḥî ’immwō:

11 wayyiššaq y^a‘ăqōḇ lərāḥēl wayyiśśā’ ’eṯ-qōlwō wayyēḇəḵḵə:

12 wayyagēḏ y^a‘ăqōḇ lərāḥēl kî ’ăḥî ’āḇîhā hû’ wəḵî ḇen-riḇəqâ hû’ watārāṣ watagēḏ lə’āḇîhā:

13 wayəhî ḵišəmō‘a lāḇān ’eṯ-šēm^a‘| y^a‘ăqōḇ ben-’ăḥōṯwō wayyārāṣ liqərā’ṯwō wayəḥabeq-lwō wayənaššeq-lwō wayəḇî’ēhû ’el-bêṯwō wayəsapēr ləlāḇān ’ēṯ kāl-hadəḇārîm hā’ēlleh:

14 wayyō’mer lwō lāḇān ’aḵə ‘aṣəmî ûḇəśārî ’ātâ wayyēšeḇ ‘immwō ḥōḏeš yāmîm:

15 wayyō’mer lāḇān ləy^a‘ăqōḇ hăḵî-’āḥî ’atâ w^a‘ăḇaḏətanî ḥinnām hagîḏâ llî mah-mmaśəkurəteḵā:

16 ûləlāḇān šətê ḇānwōṯ šēm hagəḏōlâ lē’â wəšēm haqqəṭannâ rāḥēl:

17 wə‘ênê lē’â rakwōṯ wərāḥēl hāyəṯâ yəfaṯ-tō’ar wîfaṯ marə’eh:

18 wayye’ĕhaḇ y^a‘ăqōḇ ’eṯ-rāḥēl wayyō’mer ’e‘ĕḇāḏəḵā šeḇ^a‘ šānîm bərāḥēl bitəḵā haqqəṭannâ:

19 wayyō’mer lāḇān ṭwōḇ³ titî ’ōṯāh lāḵə mititî ’ōṯāh lə’îš ’^aḥēr šəḇâ ‘immāḏî:

20 wayy^a‘ăḇōḏ y^a‘ăqōḇ bərāḥēl šeḇ^a‘ šānîm wayyihəyû ḇə‘ênāyw kəyāmîm ’ăḥāḏîm bə’ahăḇāṯwō ’ōṯāh:

21 wayyō’mer y^a‘ăqōḇ ’el-lāḇān hāḇâ ’eṯ-’išətî kî mālə’û yāmāy wə’āḇwō’â ’ēleyhā:

22 wayye’ĕsōf lāḇān ’eṯ-kāl-’anəšê hammāqwōm wayy^a‘aś mišəteh:

23 wayəhî ḇā‘ereḇ wayyiqq^aḥ ’eṯ-lē’â ḇitwō wayyāḇē’ ’ōṯāh ’ēlāyw wayyāḇō’ ’ēleyhā:

24 wayyitēn lāḇān lāh ’eṯ-ziləpâ šifəḥāṯwō ləlē’â ḇitwō šifəḥâ:

25 wayəhî ḇabōqer wəhinnēh-hiw’ lē’â wayyō’mer ’el-lāḇān mah-zzō’ṯ ‘āśîṯā llî hălō’ ḇərāḥēl ‘āḇaḏətî ‘immāḵə wəlāmmâ rimmîṯānî:

26 wayyō’mer lāḇān lō’-yē‘āśeh ḵēn biməqwōmēnû lāṯēṯ haṣṣə‘îrâ lifənê habəḵîrâ:

27 mallē’ šəḇu‘a zō’ṯ wənitənâ ləḵā gam-’eṯ-zō’ṯ b^a‘ăḇōḏâ ’ăšer t^a‘ăḇōḏ ‘immāḏî ‘wōḏ šeḇ^a‘-šānîm ’ăḥērwōṯ:

28 wayy^a‘aś y^a‘ăqōḇ kēn wayəmallē’ šəḇu‘a zō’ṯ wayyiten-lwō ’eṯ-rāḥēl bitwō lwō lə’iššâ:

29 wayyitēn lāḇān lərāḥēl bitwō ’eṯ-biləhâ šifəḥāṯwō lāh ləšifəḥâ:

30 wayyāḇō’ gam ’el-rāḥēl wayye’ĕhaḇ gam-’eṯ-rāḥēl millē’â wayy^a‘ăḇōḏ ‘immwō ‘wōḏ šeḇ^a‘-šānîm ’ăḥērwōṯ:

31 wayyarə’ yəhwâ kî-śənû’â lē’â wayyifət^aḥ ’eṯ-r^aḥəmāh wərāḥēl ‘ăqārâ:

32 watahar lē’â watēleḏ bēn watiqərā’ šəmwō rə’ûḇēn kî ’āmərâ kî-rā’â yəhwâ bə‘ānəyî kî ‘atâ ye’ĕhāḇanî ’îšî:

33 watahar ‘wōḏ watēleḏ bēn watō’mer kî-šām^a‘ yəhwâ kî-śənû’â ’ānōḵî wayyiten-lî gam-’eṯ-zeh watiqərā’ šəmwō šimə‘wōn:

34 watahar ‘wōḏ watēleḏ bēn watō’mer ‘atâ hap^a‘am yillāweh ’îšî ’ēlay kî-yālaḏətî lwō šəlōšâ ḇānîm ‘al-kēn qārā’-šəmwō lēwî:

35 watahar ‘wōḏ watēleḏ bēn watō’mer hap^a‘am ’wōḏeh ’eṯ-yəhwâ ‘al-kēn qārə’â šəmwō yəhûḏâ wat^a‘ămōḏ milleḏeṯ:

‎1 ‏וַתֵּ֣רֶא רָחֵ֗ל כִּ֣י לֹ֤א יָֽלְדָה֙ לְיַעֲקֹ֔ב וַתְּקַנֵּ֥א רָחֵ֖ל בַּאֲחֹתָ֑הּ וַתֹּ֤אמֶר אֶֽל־יַעֲקֹב֙ הָֽבָה־לִּ֣י בָנִ֔ים וְאִם־אַ֖יִן מֵתָ֥ה אָנֹֽכִי׃

‎2 ‏וַיִּֽחַר־אַ֥ף יַעֲקֹ֖ב בְּרָחֵ֑ל וַיֹּ֗אמֶר הֲתַ֤חַת אֱלֹהִים֙ אָנֹ֔כִי אֲשֶׁר־מָנַ֥ע מִמֵּ֖ךְ פְּרִי־בָֽטֶן׃

‎3 ‏וַתֹּ֕אמֶר הִנֵּ֛ה אֲמָתִ֥י בִלְהָ֖ה בֹּ֣א אֵלֶ֑יהָ וְתֵלֵד֙ עַל־בִּרְכַּ֔י וְאִבָּנֶ֥ה גַם־אָנֹכִ֖י מִמֶּֽנָּה׃

‎4 ‏וַתִּתֶּן־ל֛וֹ אֶת־בִּלְהָ֥ה שִׁפְחָתָ֖הּ לְאִשָּׁ֑ה וַיָּבֹ֥א אֵלֶ֖יהָ יַעֲקֹֽב׃

‎5 ‏וַתַּ֣הַר בִּלְהָ֔ה וַתֵּ֥לֶד לְיַעֲקֹ֖ב בֵּֽן׃

‎6 ‏וַתֹּ֤אמֶר רָחֵל֙ דָּנַ֣נִּי אֱלֹהִ֔ים וְגַם֙ שָׁמַ֣ע בְּקֹלִ֔י וַיִּתֶּן־לִ֖י בֵּ֑ן עַל־כֵּ֛ן קָרְאָ֥ה שְׁמ֖וֹ דָּֽן׃

‎7 ‏וַתַּ֣הַר ע֔וֹד וַתֵּ֕לֶד בִּלְהָ֖ה שִׁפְחַ֣ת רָחֵ֑ל בֵּ֥ן שֵׁנִ֖י לְיַעֲקֹֽב׃

‎8 ‏וַתֹּ֣אמֶר רָחֵ֗ל נַפְתּוּלֵ֨י אֱלֹהִ֧ים׀ נִפְתַּ֛לְתִּי עִם־אֲחֹתִ֖י גַּם־יָכֹ֑לְתִּי וַתִּקְרָ֥א שְׁמ֖וֹ נַפְתָּלִֽי׃

‎9 ‏וַתֵּ֣רֶא לֵאָ֔ה כִּ֥י עָמְדָ֖ה מִלֶּ֑דֶת וַתִּקַּח֙ אֶת־זִלְפָּ֣ה שִׁפְחָתָ֔הּ וַתִּתֵּ֥ן אֹתָ֛הּ לְיַעֲקֹ֖ב לְאִשָּֽׁה׃

‎10 ‏וַתֵּ֗לֶד זִלְפָּ֛ה שִׁפְחַ֥ת לֵאָ֖ה לְיַעֲקֹ֥ב בֵּֽן׃

‎11 ‏וַתֹּ֥אמֶר לֵאָ֖ה בגד בָּ֣א גָ֑ד וַתִּקְרָ֥א אֶת־שְׁמ֖וֹ גָּֽד׃

‎12 ‏וַתֵּ֗לֶד זִלְפָּה֙ שִׁפְחַ֣ת לֵאָ֔ה בֵּ֥ן שֵׁנִ֖י לְיַעֲקֹֽב׃

‎13 ‏וַתֹּ֣אמֶר לֵאָ֔ה בְּאָשְׁרִ֕י כִּ֥י אִשְּׁר֖וּנִי בָּנ֑וֹת וַתִּקְרָ֥א אֶת־שְׁמ֖וֹ אָשֵֽׁר׃

‎14 ‏וַיֵּ֨לֶךְ רְאוּבֵ֜ן בִּימֵ֣י קְצִיר־חִטִּ֗ים וַיִּמְצָ֤א דֽוּדָאִים֙ בַּשָּׂדֶ֔ה וַיָּבֵ֣א אֹתָ֔ם אֶל־לֵאָ֖ה אִמּ֑וֹ וַתֹּ֤אמֶר רָחֵל֙ אֶל־לֵאָ֔ה תְּנִי־נָ֣א לִ֔י מִדּוּדָאֵ֖י בְּנֵֽךְ׃

‎15 ‏וַתֹּ֣אמֶר לָ֗הּ הַמְעַט֙ קַחְתֵּ֣ךְ אֶת־אִישִׁ֔י וְלָקַ֕חַת גַּ֥ם אֶת־דּוּדָאֵ֖י בְּנִ֑י וַתֹּ֣אמֶר רָחֵ֗ל לָכֵן֙ יִשְׁכַּ֤ב עִמָּךְ֙ הַלַּ֔יְלָה תַּ֖חַת דּוּדָאֵ֥י בְנֵֽךְ׃

‎16 ‏וַיָּבֹ֨א יַעֲקֹ֣ב³ מִן־הַשָּׂדֶה֮ בָּעֶרֶב֒ וַתֵּצֵ֨א לֵאָ֜ה לִקְרָאת֗וֹ וַתֹּ֙אמֶר֙ אֵלַ֣י תָּב֔וֹא כִּ֚י שָׂכֹ֣ר שְׂכַרְתִּ֔יךָ בְּדוּדָאֵ֖י בְּנִ֑י וַיִּשְׁכַּ֥ב עִמָּ֖הּ בַּלַּ֥יְלָה הֽוּא׃

‎17 ‏וַיִּשְׁמַ֥ע אֱלֹהִ֖ים אֶל־לֵאָ֑ה וַתַּ֛הַר וַתֵּ֥לֶד לְיַעֲקֹ֖ב בֵּ֥ן חֲמִישִֽׁי׃

‎18 ‏וַתֹּ֣אמֶר לֵאָ֗ה נָתַ֤ן אֱלֹהִים֙ שְׂכָרִ֔י אֲשֶׁר־נָתַ֥תִּי שִׁפְחָתִ֖י לְאִישִׁ֑י וַתִּקְרָ֥א שְׁמ֖וֹ יִשָּׂשכָֽר׃

‎19 ‏וַתַּ֤הַר עוֹד֙ לֵאָ֔ה וַתֵּ֥לֶד בֵּן־שִׁשִּׁ֖י לְּיַעֲקֹֽב׃¹

‎20 ‏וַתֹּ֣אמֶר לֵאָ֗ה זְבָדַ֨נִי אֱלֹהִ֥ים׀ אֹתִי֮ זֵ֣בֶד טוֹב֒ הַפַּ֙עַם֙ יִזְבְּלֵ֣נִי אִישִׁ֔י כִּֽי־יָלַ֥דְתִּי ל֖וֹ שִׁשָּׁ֣ה בָנִ֑ים וַתִּקְרָ֥א אֶת־שְׁמ֖וֹ זְבֻלֽוּן׃

‎21 ‏וְאַחַ֖ר יָ֣לְדָה בַּ֑ת וַתִּקְרָ֥א אֶת־שְׁמָ֖הּ דִּינָֽה׃

‎22 ‏וַיִּזְכֹּ֥ר אֱלֹהִ֖ים אֶת־רָחֵ֑ל וַיִּשְׁמַ֤ע אֵלֶ֙יהָ֙ אֱלֹהִ֔ים וַיִּפְתַּ֖ח אֶת־רַחְמָֽהּ׃

‎23 ‏וַתַּ֖הַר וַתֵּ֣לֶד בֵּ֑ן וַתֹּ֕אמֶר אָסַ֥ף אֱלֹהִ֖ים אֶת־חֶרְפָּתִֽי׃

‎24 ‏וַתִּקְרָ֧א אֶת־שְׁמ֛וֹ יוֹסֵ֖ף לֵאמֹ֑ר יֹסֵ֧ף יְהוָ֛ה לִ֖י בֵּ֥ן אַחֵֽר׃

‎25 ‏וַיְהִ֕י כַּאֲשֶׁ֛ר יָלְדָ֥ה רָחֵ֖ל אֶת־יוֹסֵ֑ף וַיֹּ֤אמֶר יַעֲקֹב֙ אֶל־לָבָ֔ן שַׁלְּחֵ֙נִי֙ וְאֵ֣לְכָ֔ה אֶל־מְקוֹמִ֖י וּלְאַרְצִֽי׃

‎26 ‏תְּנָ֞ה אֶת־נָשַׁ֣י וְאֶת־יְלָדַ֗י אֲשֶׁ֨ר עָבַ֧דְתִּי אֹֽתְךָ֛ בָּהֵ֖ן וְאֵלֵ֑כָה כִּ֚י אַתָּ֣ה יָדַ֔עְתָּ אֶת־עֲבֹדָתִ֖י אֲשֶׁ֥ר עֲבַדְתִּֽיךָ׃

‎27 ‏וַיֹּ֤אמֶר אֵלָיו֙ לָבָ֔ן אִם־נָ֛א מָצָ֥אתִי חֵ֖ן בְּעֵינֶ֑יךָ נִחַ֕שְׁתִּי וַיְבָרֲכֵ֥נִי יְהוָ֖ה בִּגְלָלֶֽךָ׃

‎28 ‏וַיֹּאמַ֑ר נָקְבָ֧ה שְׂכָרְךָ֛ עָלַ֖י וְאֶתֵּֽנָה׃

‎29 ‏וַיֹּ֣אמֶר אֵלָ֔יו אַתָּ֣ה יָדַ֔עְתָּ אֵ֖ת אֲשֶׁ֣ר עֲבַדְתִּ֑יךָ וְאֵ֛ת אֲשֶׁר־הָיָ֥ה מִקְנְךָ֖ אִתִּֽי׃

‎30 ‏כִּ֡י מְעַט֩ אֲשֶׁר־הָיָ֨ה לְךָ֤ לְפָנַי֙ וַיִּפְרֹ֣ץ לָרֹ֔ב וַיְבָ֧רֶךְ יְהוָ֛ה אֹתְךָ֖ לְרַגְלִ֑י וְעַתָּ֗ה מָתַ֛י אֶֽעֱשֶׂ֥ה גַם־אָנֹכִ֖י לְבֵיתִֽי׃

‎31 ‏וַיֹּ֖אמֶר מָ֣ה אֶתֶּן־לָ֑ךְ וַיֹּ֤אמֶר יַעֲקֹב֙ לֹא־תִתֶּן־לִ֣י³ מְא֔וּמָה אִם־תַּֽעֲשֶׂה־לִּי֙ הַדָּבָ֣ר הַזֶּ֔ה אָשׁ֛וּבָה אֶרְעֶ֥ה צֹֽאנְךָ֖ אֶשְׁמֹֽר׃

‎32 ‏אֶֽעֱבֹ֨ר בְּכָל־צֹֽאנְךָ֜ הַיּ֗וֹם הָסֵ֨ר מִשָּׁ֜ם כָּל־שֶׂ֣ה׀ נָקֹ֣ד וְטָל֗וּא וְכָל־שֶׂה־חוּם֙ בַּכְּשָׂבִ֔ים וְטָל֥וּא וְנָקֹ֖ד בָּעִזִּ֑ים וְהָיָ֖ה שְׂכָרִֽי׃

‎33 ‏וְעָֽנְתָה־בִּ֤י צִדְקָתִי֙ בְּי֣וֹם מָחָ֔ר כִּֽי־תָב֥וֹא עַל־שְׂכָרִ֖י לְפָנֶ֑יךָ כֹּ֣ל אֲשֶׁר־אֵינֶנּוּ֩ נָקֹ֨ד וְטָל֜וּא בָּֽעִזִּ֗ים וְחוּם֙ בַּכְּשָׂבִ֔ים גָּנ֥וּב ה֖וּא אִתִּֽי׃

‎34 ‏וַיֹּ֥אמֶר לָבָ֖ן הֵ֑ן ל֖וּ יְהִ֥י כִדְבָרֶֽךָ׃

‎35 ‏וַיָּ֣סַר בַּיּוֹם֩ הַה֨וּא אֶת־הַתְּיָשִׁ֜ים הָֽעֲקֻדִּ֣ים וְהַטְּלֻאִ֗ים וְאֵ֤ת כָּל־הָֽעִזִּים֙ הַנְּקֻדּ֣וֹת וְהַטְּלֻאֹ֔ת כֹּ֤ל³ אֲשֶׁר־לָבָן֙ בּ֔וֹ וְכָל־ח֖וּם בַּכְּשָׂבִ֑ים וַיִּתֵּ֖ן בְּיַד־בָּנָֽיו׃

‎36 ‏וַיָּ֗שֶׂם דֶּ֚רֶךְ שְׁלֹ֣שֶׁת יָמִ֔ים בֵּינ֖וֹ וּבֵ֣ין יַעֲקֹ֑ב וְיַעֲקֹ֗ב רֹעֶ֛ה אֶת־צֹ֥אן לָבָ֖ן הַנּוֹתָרֹֽת׃

‎37 ‏וַיִּֽקַּֽח־ל֣וֹ יַעֲקֹ֗ב מַקַּ֥ל לִבְנֶ֛ה לַ֖ח וְל֣וּז וְעֶרְמ֑וֹן¹ וַיְפַצֵּ֤ל בָּהֵן֙ פְּצָל֣וֹת לְבָנ֔וֹת מַחְשֹׂף֙ הַלָּבָ֔ן אֲשֶׁ֖ר עַל־הַמַּקְלֽוֹת׃

‎38 ‏וַיַּצֵּ֗ג אֶת־הַמַּקְלוֹת֙ אֲשֶׁ֣ר פִּצֵּ֔ל בָּרֳהָטִ֖ים בְּשִֽׁקֲת֣וֹת הַמָּ֑יִם אֲשֶׁר֩ תָּבֹ֨אןָ הַצֹּ֤אן לִשְׁתּוֹת֙ לְנֹ֣כַח הַצֹּ֔אן וַיֵּחַ֖מְנָה בְּבֹאָ֥ן לִשְׁתּֽוֹת׃

‎39 ‏וַיֶּחֱמ֥וּ הַצֹּ֖אן אֶל־הַמַּקְל֑וֹת וַתֵּלַ֣דְןָ הַצֹּ֔אן עֲקֻדִּ֥ים נְקֻדִּ֖ים וּטְלֻאִֽים׃

‎40 ‏וְהַכְּשָׂבִים֮ הִפְרִ֣יד יַעֲקֹב֒ וַ֠יִּתֵּן פְּנֵ֨י הַצֹּ֧אן אֶל־עָקֹ֛ד וְכָל־ח֖וּם בְּצֹ֣אן לָבָ֑ן וַיָּֽשֶׁת־ל֤וֹ עֲדָרִים֙ לְבַדּ֔וֹ וְלֹ֥א שָׁתָ֖ם עַל־צֹ֥אן לָבָֽן׃

‎41 ‏וְהָיָ֗ה בְּכָל־יַחֵם֮ הַצֹּ֣אן הַמְקֻשָּׁרוֹת֒ וְשָׂ֨ם יַעֲקֹ֧ב אֶת־הַמַּקְל֛וֹת לְעֵינֵ֥י הַצֹּ֖אן בָּרֳהָטִ֑ים לְיַחְמֵ֖נָּה בַּמַּקְלֽוֹת׃

‎42 ‏וּבְהַעֲטִ֥יף הַצֹּ֖אן לֹ֣א יָשִׂ֑ים וְהָיָ֤ה הָעֲטֻפִים֙ לְלָבָ֔ן וְהַקְּשֻׁרִ֖ים לְיַעֲקֹֽב׃

‎43 ‏וַיִּפְרֹ֥ץ הָאִ֖ישׁ מְאֹ֣ד מְאֹ֑ד וַֽיְהִי־לוֹ֙ צֹ֣אן רַבּ֔וֹת וּשְׁפָחוֹת֙ וַעֲבָדִ֔ים וּגְמַלִּ֖ים וַחֲמֹרִֽים׃

1 watēre’ rāḥēl kî lō’ yāləḏâ ləy^a‘ăqōḇ watəqannē’ rāḥēl ba’ăḥōṯāh watō’mer ’el-y^a‘ăqōḇ hāḇâ-llî ḇānîm wə’im-’ayin mēṯâ ’ānōḵî:

2 wayyiḥar-’af y^a‘ăqōḇ bərāḥēl wayyō’mer hăṯ^aḥaṯ ’ĕlōhîm ’ānōḵî ’ăšer-mān^a‘ mimmēḵə pərî-ḇāṭen:

3 watō’mer hinnēh ’ămāṯî ḇiləhâ bō’ ’ēleyhā wəṯēlēḏ ‘al-birəkay wə’ibāneh ḡam-’ānōḵî mimmennâ:

4 watiten-lwō ’eṯ-biləhâ šifəḥāṯāh lə’iššâ wayyāḇō’ ’ēleyhā y^a‘ăqōḇ:

5 watahar biləhâ watēleḏ ləy^a‘ăqōḇ bēn:

6 watō’mer rāḥēl dānannî ’ĕlōhîm wəḡam šām^a‘ bəqōlî wayyiten-lî bēn ‘al-kēn qārə’â šəmwō dān:

7 watahar ‘wōḏ watēleḏ biləhâ šifəḥaṯ rāḥēl bēn šēnî ləy^a‘ăqōḇ:

8 watō’mer rāḥēl nafətûlê ’ĕlōhîm| nifətalətî ‘im-’ăḥōṯî gam-yāḵōlətî watiqərā’ šəmwō nafətālî:

9 watēre’ lē’â kî ‘āməḏâ milleḏeṯ watiqq^aḥ ’eṯ-ziləpâ šifəḥāṯāh watitēn ’ōṯāh ləy^a‘ăqōḇ lə’iššâ:

10 watēleḏ ziləpâ šifəḥaṯ lē’â ləy^a‘ăqōḇ bēn:

11 watō’mer lē’â bəḡāḏ bā’ ḡāḏ watiqərā’ ’eṯ-šəmwō gāḏ:

12 watēleḏ ziləpâ šifəḥaṯ lē’â bēn šēnî ləy^a‘ăqōḇ:

13 watō’mer lē’â bə’āšərî kî ’iššərûnî bānwōṯ watiqərā’ ’eṯ-šəmwō ’āšēr:

14 wayyēleḵə rə’ûḇēn bîmê qəṣîr-ḥiṭṭîm wayyiməṣā’ ḏûḏā’îm baśśāḏeh wayyāḇē’ ’ōṯām ’el-lē’â ’immwō watō’mer rāḥēl ’el-lē’â tənî-nā’ lî midûḏā’ê bənēḵə:

15 watō’mer lāh hamə‘aṭ q^aḥətēḵə ’eṯ-’îšî wəlāq^aḥaṯ gam ’eṯ-dûḏā’ê bənî watō’mer rāḥēl lāḵēn yišəkaḇ ‘immāḵə hallayəlâ t^aḥaṯ dûḏā’ê ḇənēḵə:

16 wayyāḇō’ y^a‘ăqōḇ³ min-haśśāḏeh bā‘ereḇ watēṣē’ lē’â liqərā’ṯwō watō’mer ’ēlay tāḇwō’ kî śāḵōr śəḵarətîḵā bəḏûḏā’ê bənî wayyišəkaḇ ‘immāh ballayəlâ hû’:

17 wayyišəm^a‘ ’ĕlōhîm ’el-lē’â watahar watēleḏ ləy^a‘ăqōḇ bēn ḥămîšî:

18 watō’mer lē’â nāṯan ’ĕlōhîm śəḵārî ’ăšer-nāṯatî šifəḥāṯî lə’îšî watiqərā’ šəmwō yiśśāsḵār:

19 watahar ‘wōḏ lē’â watēleḏ bēn-šiššî lləy^a‘ăqōḇ:¹

20 watō’mer lē’â zəḇāḏanî ’ĕlōhîm| ’ōṯî zēḇeḏ ṭwōḇ hap^a‘am yizəbəlēnî ’îšî kî-yālaḏətî lwō šiššâ ḇānîm watiqərā’ ’eṯ-šəmwō zəḇulûn:

21 wə’^aḥar yāləḏâ baṯ watiqərā’ ’eṯ-šəmāh dînâ:

22 wayyizəkōr ’ĕlōhîm ’eṯ-rāḥēl wayyišəm^a‘ ’ēleyhā ’ĕlōhîm wayyifət^aḥ ’eṯ-r^aḥəmāh:

23 watahar watēleḏ bēn watō’mer ’āsaf ’ĕlōhîm ’eṯ-ḥerəpāṯî:

24 watiqərā’ ’eṯ-šəmwō ywōsēf lē’mōr yōsēf yəhwâ lî bēn ’^aḥēr:

25 wayəhî ka’ăšer yāləḏâ rāḥēl ’eṯ-ywōsēf wayyō’mer y^a‘ăqōḇ ’el-lāḇān šalləḥēnî wə’ēləḵâ ’el-məqwōmî ûlə’arəṣî:

26 tənâ ’eṯ-nāšay wə’eṯ-yəlāḏay ’ăšer ‘āḇaḏətî ’ōṯəḵā bâēn wə’ēlēḵâ kî ’atâ yāḏ^a‘ətā ’eṯ-‘ăḇōḏāṯî ’ăšer ‘ăḇaḏətîḵā:

27 wayyō’mer ’ēlāyw lāḇān ’im-nā’ māṣā’ṯî ḥēn bə‘êneyḵā niḥašətî wayəḇārăḵēnî yəhwâ biḡəlāleḵā:

28 wayyō’mar nāqəḇâ śəḵārəḵā ‘ālay wə’etēnâ:

29 wayyō’mer ’ēlāyw ’atâ yāḏ^a‘ətā ’ēṯ ’ăšer ‘ăḇaḏətîḵā wə’ēṯ ’ăšer-hāyâ miqənəḵā ’itî:

30 kî mə‘aṭ ’ăšer-hāyâ ləḵā ləfānay wayyifərōṣ lārōḇ wayəḇāreḵə yəhwâ ’ōṯəḵā ləraḡəlî wə‘atâ māṯay ’e‘ĕśeh ḡam-’ānōḵî ləḇêṯî:

31 wayyō’mer mâ ’eten-lāḵə wayyō’mer y^a‘ăqōḇ lō’-ṯiten-lî³ mə’ûmâ ’im-t^a‘ăśeh-llî hadāḇār hazzeh ’āšûḇâ ’erə‘eh ṣō’nəḵā ’ešəmōr:

32 ’e‘ĕḇōr bəḵāl-ṣō’nəḵā hayywōm hāsēr miššām kāl-śeh| nāqōḏ wəṭālû’ wəḵāl-śeh-ḥûm bakəśāḇîm wəṭālû’ wənāqōḏ bā‘izzîm wəhāyâ śəḵārî:

33 wə‘ānəṯâ-bî ṣiḏəqāṯî bəywōm māḥār kî-ṯāḇwō’ ‘al-śəḵārî ləfāneyḵā kōl ’ăšer-’ênennû nāqōḏ wəṭālû’ bā‘izzîm wəḥûm bakəśāḇîm gānûḇ hû’ ’itî:

34 wayyō’mer lāḇān hēn lû yəhî ḵiḏəḇāreḵā:

35 wayyāsar bayywōm hahû’ ’eṯ-hatəyāšîm hā‘ăqudîm wəhaṭṭəlu’îm wə’ēṯ kāl-hā‘izzîm hannəqudwōṯ wəhaṭṭəlu’ōṯ kōl³ ’ăšer-lāḇān bwō wəḵāl-ḥûm bakəśāḇîm wayyitēn bəyaḏ-bānāyw:

36 wayyāśem dereḵə šəlōšeṯ yāmîm bênwō ûḇên y^a‘ăqōḇ wəy^a‘ăqōḇ rō‘eh ’eṯ-ṣō’n lāḇān hannwōṯārōṯ:

37 wayyiqq^aḥ-lwō y^a‘ăqōḇ maqqal liḇəneh l^aḥ wəlûz wə‘erəmwōn¹ wayəfaṣṣēl bâēn pəṣālwōṯ ləḇānwōṯ m^aḥəśōf hallāḇān ’ăšer ‘al-hammaqəlwōṯ:

38 wayyaṣṣēḡ ’eṯ-hammaqəlwōṯ ’ăšer piṣṣēl bārŏhāṭîm bəšiqăṯwōṯ hammāyim ’ăšer tāḇō’nā haṣṣō’n lišətwōṯ lənōḵ^aḥ haṣṣō’n wayyēḥamənâ bəḇō’ān lišətwōṯ:

39 wayyeḥĕmû haṣṣō’n ’el-hammaqəlwōṯ watēlaḏənā haṣṣō’n ‘ăqudîm nəqudîm ûṭəlu’îm:

40 wəhakəśāḇîm hifərîḏ y^a‘ăqōḇ wayyitēn pənê haṣṣō’n ’el-‘āqōḏ wəḵāl-ḥûm bəṣō’n lāḇān wayyāšeṯ-lwō ‘ăḏārîm ləḇadwō wəlō’ šāṯām ‘al-ṣō’n lāḇān:

41 wəhāyâ bəḵāl-y^aḥēm haṣṣō’n haməquššārwōṯ wəśām y^a‘ăqōḇ ’eṯ-hammaqəlwōṯ lə‘ênê haṣṣō’n bārŏhāṭîm ləy^aḥəmēnnâ bammaqəlwōṯ:

42 ûḇəh^a‘ăṭîf haṣṣō’n lō’ yāśîm wəhāyâ hā‘ăṭufîm ləlāḇān wəhaqqəšurîm ləy^a‘ăqōḇ:

43 wayyifərōṣ hā’îš mə’ōḏ mə’ōḏ wayəhî-lwō ṣō’n rabwōṯ ûšəfāḥwōṯ w^a‘ăḇāḏîm ûḡəmallîm w^aḥămōrîm:

‎1 ‏וַיִּשְׁמַ֗ע אֶת־דִּבְרֵ֤י בְנֵֽי־לָבָן֙ לֵאמֹ֔ר לָקַ֣ח יַעֲקֹ֔ב אֵ֖ת כָּל־אֲשֶׁ֣ר לְאָבִ֑ינוּ וּמֵאֲשֶׁ֣ר לְאָבִ֔ינוּ עָשָׂ֕ה אֵ֥ת כָּל־הַכָּבֹ֖ד הַזֶּֽה׃

‎2 ‏וַיַּ֥רְא יַעֲקֹ֖ב אֶת־פְּנֵ֣י לָבָ֑ן וְהִנֵּ֥ה אֵינֶנּ֛וּ עִמּ֖וֹ כִּתְמ֥וֹל שִׁלְשֽׁוֹם׃

‎3 ‏וַיֹּ֤אמֶר יְהוָה֙ אֶֽל־יַעֲקֹ֔ב שׁ֛וּב אֶל־אֶ֥רֶץ אֲבוֹתֶ֖יךָ וּלְמוֹלַדְתֶּ֑ךָ וְאֶֽהְיֶ֖ה עִמָּֽךְ׃

‎4 ‏וַיִּשְׁלַ֣ח יַעֲקֹ֔ב וַיִּקְרָ֖א לְרָחֵ֣ל וּלְלֵאָ֑ה הַשָּׂדֶ֖ה אֶל־צֹאנֽוֹ׃

‎5 ‏וַיֹּ֣אמֶר לָהֶ֗ן רֹאֶ֤ה אָנֹכִי֙ אֶת־פְּנֵ֣י אֲבִיכֶ֔ן כִּֽי־אֵינֶ֥נּוּ אֵלַ֖י כִּתְמֹ֣ל שִׁלְשֹׁ֑ם וֵֽאלֹהֵ֣י אָבִ֔י הָיָ֖ה עִמָּדִֽי׃

‎6 ‏וְאַתֵּ֖נָה יְדַעְתֶּ֑ן כִּ֚י בְּכָל־כֹּחִ֔י עָבַ֖דְתִּי אֶת־אֲבִיכֶֽן׃

‎7 ‏וַאֲבִיכֶן֙ הֵ֣תֶל בִּ֔י וְהֶחֱלִ֥ף³ אֶת־מַשְׂכֻּרְתִּ֖י עֲשֶׂ֣רֶת מֹנִ֑ים וְלֹֽא־נְתָנ֣וֹ אֱלֹהִ֔ים לְהָרַ֖ע עִמָּדִֽי׃

‎8 ‏אִם־כֹּ֣ה יֹאמַ֗ר נְקֻדִּים֙ יִהְיֶ֣ה שְׂכָרֶ֔ךָ וְיָלְד֥וּ כָל־הַצֹּ֖אן נְקֻדִּ֑ים וְאִם־כֹּ֣ה יֹאמַ֗ר עֲקֻדִּים֙ יִהְיֶ֣ה שְׂכָרֶ֔ךָ וְיָלְד֥וּ כָל־הַצֹּ֖אן עֲקֻדִּֽים׃

‎9 ‏וַיַּצֵּ֧ל אֱלֹהִ֛ים אֶת־מִקְנֵ֥ה אֲבִיכֶ֖ם וַיִּתֶּן־לִֽי׃

‎10 ‏וַיְהִ֗י בְּעֵת֙ יַחֵ֣ם הַצֹּ֔אן וָאֶשָּׂ֥א עֵינַ֛י וָאֵ֖רֶא בַּחֲל֑וֹם וְהִנֵּ֤ה הָֽעַתֻּדִים֙ הָעֹלִ֣ים עַל־הַצֹּ֔אן עֲקֻדִּ֥ים נְקֻדִּ֖ים וּבְרֻדִּֽים׃

‎11 ‏וַיֹּ֨אמֶר אֵלַ֜י מַלְאַ֧ךְ הָאֱלֹהִ֛ים בַּחֲל֖וֹם יַֽעֲקֹ֑ב וָאֹמַ֖ר הִנֵּֽנִי׃

‎12 ‏וַיֹּ֗אמֶר שָׂא־נָ֨א עֵינֶ֤יךָ וּרְאֵה֙ כָּל־הָֽעַתֻּדִים֙ הָעֹלִ֣ים עַל־הַצֹּ֔אן עֲקֻדִּ֥ים נְקֻדִּ֖ים וּבְרֻדִּ֑ים כִּ֣י רָאִ֔יתִי אֵ֛ת כָּל־אֲשֶׁ֥ר לָבָ֖ן עֹ֥שֶׂה לָּֽךְ׃

‎13 ‏אָנֹכִ֤י הָאֵל֙ בֵּֽית־אֵ֔ל אֲשֶׁ֨ר מָשַׁ֤חְתָּ שָּׁם֙ מַצֵּבָ֔ה אֲשֶׁ֨ר נָדַ֥רְתָּ לִּ֛י שָׁ֖ם נֶ֑דֶר עַתָּ֗ה ק֥וּם צֵא֙ מִן־הָאָ֣רֶץ הַזֹּ֔את וְשׁ֖וּב אֶל־אֶ֥רֶץ מוֹלַדְתֶּֽךָ׃

‎14 ‏וַתַּ֤עַן רָחֵל֙ וְלֵאָ֔ה וַתֹּאמַ֖רְנָה ל֑וֹ הַע֥וֹד לָ֛נוּ חֵ֥לֶק וְנַחֲלָ֖ה בְּבֵ֥ית אָבִֽינוּ׃

‎15 ‏הֲל֧וֹא נָכְרִיּ֛וֹת נֶחְשַׁ֥בְנוּ ל֖וֹ כִּ֣י מְכָרָ֑נוּ וַיֹּ֥אכַל גַּם־אָכ֖וֹל אֶת־כַּסְפֵּֽנוּ׃

‎16 ‏כִּ֣י כָל־הָעֹ֗שֶׁר אֲשֶׁ֨ר הִצִּ֤יל אֱלֹהִים֙ מֵֽאָבִ֔ינוּ לָ֥נוּ ה֖וּא וּלְבָנֵ֑ינוּ וְעַתָּ֗ה כֹּל֩ אֲשֶׁ֨ר אָמַ֧ר אֱלֹהִ֛ים אֵלֶ֖יךָ עֲשֵֽׂה׃

‎17 ‏וַיָּ֖קָם יַעֲקֹ֑ב וַיִּשָּׂ֛א אֶת־בָּנָ֥יו וְאֶת־נָשָׁ֖יו עַל־הַגְּמַלִּֽים׃

‎18 ‏וַיִּנְהַ֣ג אֶת־כָּל־מִקְנֵ֗הוּ וְאֶת־כָּל־רְכֻשׁוֹ֙ אֲשֶׁ֣ר רָכָ֔שׁ מִקְנֵה֙ קִנְיָנ֔וֹ אֲשֶׁ֥ר רָכַ֖שׁ בְּפַדַּ֣ן אֲרָ֑ם לָב֛וֹא אֶל־יִצְחָ֥ק אָבִ֖יו אַ֥רְצָה כְּנָֽעַן׃

‎19 ‏וְלָבָ֣ן הָלַ֔ךְ לִגְזֹ֖ז אֶת־צֹאנ֑וֹ וַתִּגְנֹ֣ב רָחֵ֔ל אֶת־הַתְּרָפִ֖ים אֲשֶׁ֥ר לְאָבִֽיהָ׃

‎20 ‏וַיִּגְנֹ֣ב יַעֲקֹ֔ב אֶת־לֵ֥ב לָבָ֖ן הָאֲרַמִּ֑י עַל־בְּלִי֙ הִגִּ֣יד ל֔וֹ כִּ֥י בֹרֵ֖חַ הֽוּא׃

‎21 ‏וַיִּבְרַ֥ח הוּא֙ וְכָל־אֲשֶׁר־ל֔וֹ וַיָּ֖קָם וַיַּעֲבֹ֣ר אֶת־הַנָּהָ֑ר וַיָּ֥שֶׂם אֶת־פָּנָ֖יו הַ֥ר הַגִּלְעָֽד׃

‎22 ‏וַיֻּגַּ֥ד לְלָבָ֖ן בַּיּ֣וֹם הַשְּׁלִישִׁ֑י כִּ֥י בָרַ֖ח יַעֲקֹֽב׃

‎23 ‏וַיִּקַּ֤ח אֶת־אֶחָיו֙ עִמּ֔וֹ וַיִּרְדֹּ֣ף אַחֲרָ֔יו דֶּ֖רֶךְ שִׁבְעַ֣ת יָמִ֑ים וַיַּדְבֵּ֥ק אֹת֖וֹ בְּהַ֥ר הַגִּלְעָֽד׃

‎24 ‏וַיָּבֹ֧א אֱלֹהִ֛ים אֶל־לָבָ֥ן הָאֲרַמִּ֖י בַּחֲלֹ֣ם הַלָּ֑יְלָה וַיֹּ֣אמֶר ל֗וֹ הִשָּׁ֧מֶר לְךָ֛ פֶּן־תְּדַבֵּ֥ר עִֽם־יַעֲקֹ֖ב מִטּ֥וֹב עַד־רָֽע׃

‎25 ‏וַיַּשֵּׂ֥ג לָבָ֖ן אֶֽת־יַעֲקֹ֑ב וְיַעֲקֹ֗ב תָּקַ֤ע אֶֽת־אָהֳלוֹ֙ בָּהָ֔ר וְלָבָ֛ן תָּקַ֥ע אֶת־אֶחָ֖יו בְּהַ֥ר הַגִּלְעָֽד׃

‎26 ‏וַיֹּ֤אמֶר לָבָן֙ לְיַעֲקֹ֔ב מֶ֣ה עָשִׂ֔יתָ וַתִּגְנֹ֖ב אֶת־לְבָבִ֑י וַתְּנַהֵג֙ אֶת־בְּנֹתַ֔י כִּשְׁבֻי֖וֹת חָֽרֶב׃

‎27 ‏לָ֤מָּה נַחְבֵּ֙אתָ֙ לִבְרֹ֔חַ וַתִּגְנֹ֖ב אֹתִ֑י וְלֹא־הִגַּ֣דְתָּ לִּ֔י וָֽאֲשַׁלֵּחֲךָ֛ בְּשִׂמְחָ֥ה וּבְשִׁרִ֖ים בְּתֹ֥ף וּבְכִנּֽוֹר׃

‎28 ‏וְלֹ֣א נְטַשְׁתַּ֔נִי לְנַשֵּׁ֥ק לְבָנַ֖י וְלִבְנֹתָ֑י עַתָּ֖ה הִסְכַּ֥לְתָּֽ עֲשֽׂוֹ׃

‎29 ‏יֶשׁ־לְאֵ֣ל יָדִ֔י לַעֲשׂ֥וֹת עִמָּכֶ֖ם רָ֑ע וֵֽאלֹהֵ֨י אֲבִיכֶ֜ם אֶ֣מֶשׁ׀ אָמַ֧ר אֵלַ֣י לֵאמֹ֗ר הִשָּׁ֧מֶר לְךָ֛ מִדַּבֵּ֥ר עִֽם־יַעֲקֹ֖ב מִטּ֥וֹב עַד־רָֽע׃

‎30 ‏וְעַתָּה֙ הָלֹ֣ךְ הָלַ֔כְתָּ כִּֽי־נִכְסֹ֥ף נִכְסַ֖פְתָּה לְבֵ֣ית אָבִ֑יךָ לָ֥מָּה גָנַ֖בְתָּ אֶת־אֱלֹהָֽי׃

‎31 ‏וַיַּ֥עַן יַעֲקֹ֖ב וַיֹּ֣אמֶר לְלָבָ֑ן כִּ֣י יָרֵ֔אתִי כִּ֣י אָמַ֔רְתִּי פֶּן־תִּגְזֹ֥ל אֶת־בְּנוֹתֶ֖יךָ מֵעִמִּֽי׃

‎32 ‏עִ֠ם אֲשֶׁ֨ר תִּמְצָ֣א אֶת־אֱלֹהֶיךָ֮ לֹ֣א יִֽחְיֶה֒ נֶ֣גֶד אַחֵ֧ינוּ הַֽכֶּר־לְךָ֛ מָ֥ה עִמָּדִ֖י וְקַֽח־לָ֑ךְ וְלֹֽא־יָדַ֣ע יַעֲקֹ֔ב כִּ֥י רָחֵ֖ל גְּנָבָֽתַם׃

‎33 ‏וַיָּבֹ֨א לָבָ֜ן בְּאֹ֥הֶל יַעֲקֹ֣ב׀ וּבְאֹ֣הֶל לֵאָ֗ה וּבְאֹ֛הֶל שְׁתֵּ֥י הָאֲמָהֹ֖ת וְלֹ֣א מָצָ֑א וַיֵּצֵא֙ מֵאֹ֣הֶל לֵאָ֔ה וַיָּבֹ֖א בְּאֹ֥הֶל רָחֵֽל׃

‎34 ‏וְרָחֵ֞ל לָקְחָ֣ה אֶת־הַתְּרָפִ֗ים וַתְּשִׂמֵ֛ם בְּכַ֥ר הַגָּמָ֖ל וַתֵּ֣שֶׁב עֲלֵיהֶ֑ם וַיְמַשֵּׁ֥שׁ לָבָ֛ן אֶת־כָּל־הָאֹ֖הֶל וְלֹ֥א מָצָֽא׃

‎35 ‏וַתֹּ֣אמֶר אֶל־אָבִ֗יהָ אַל־יִ֙חַר֙ בְּעֵינֵ֣י אֲדֹנִ֔י כִּ֣י ל֤וֹא אוּכַל֙ לָק֣וּם מִפָּנֶ֔יךָ כִּי־דֶ֥רֶךְ נָשִׁ֖ים לִ֑י וַיְחַפֵּ֕שׂ וְלֹ֥א מָצָ֖א אֶת־הַתְּרָפִֽים׃

‎36 ‏וַיִּ֥חַר לְיַעֲקֹ֖ב וַיָּ֣רֶב בְּלָבָ֑ן וַיַּ֤עַן יַעֲקֹב֙ וַיֹּ֣אמֶר לְלָבָ֔ן מַה־פִּשְׁעִי֙ מַ֣ה חַטָּאתִ֔י כִּ֥י דָלַ֖קְתָּ אַחֲרָֽי׃

‎37 ‏כִּֽי־מִשַּׁ֣שְׁתָּ אֶת־כָּל־כֵּלַ֗י מַה־מָּצָ֙אתָ֙ מִכֹּ֣ל כְּלֵי־בֵיתֶ֔ךָ שִׂ֣ים כֹּ֔ה נֶ֥גֶד אַחַ֖י וְאַחֶ֑יךָ וְיוֹכִ֖יחוּ בֵּ֥ין שְׁנֵֽינוּ׃

‎38 ‏זֶה֩ עֶשְׂרִ֨ים שָׁנָ֤ה אָנֹכִי֙ עִמָּ֔ךְ רְחֵלֶ֥יךָ וְעִזֶּ֖יךָ לֹ֣א שִׁכֵּ֑לוּ וְאֵילֵ֥י צֹאנְךָ֖³ לֹ֥א אָכָֽלְתִּי׃

‎39 ‏טְרֵפָה֙ לֹא־הֵבֵ֣אתִי אֵלֶ֔יךָ אָנֹכִ֣י אֲחַטֶּ֔נָּה מִיָּדִ֖י תְּבַקְשֶׁ֑נָּה גְּנֻֽבְתִ֣י י֔וֹם וּגְנֻֽבְתִ֖י לָֽיְלָה׃

‎40 ‏הָיִ֧יתִי בַיּ֛וֹם אֲכָלַ֥נִי חֹ֖רֶב וְקֶ֣רַח בַּלָּ֑יְלָה וַתִּדַּ֥ד שְׁנָתִ֖י מֵֽעֵינָֽי׃

‎41 ‏זֶה־לִּ֞י עֶשְׂרִ֣ים שָׁנָה֮ בְּבֵיתֶךָ֒ עֲבַדְתִּ֜יךָ אַרְבַּֽע־עֶשְׂרֵ֤ה שָׁנָה֙ בִּשְׁתֵּ֣י בְנֹתֶ֔יךָ וְשֵׁ֥שׁ שָׁנִ֖ים בְּצֹאנֶ֑ךָ וַתַּחֲלֵ֥ף אֶת־מַשְׂכֻּרְתִּ֖י עֲשֶׂ֥רֶת מֹנִֽים׃

‎42 ‏לוּלֵ֡י אֱלֹהֵ֣י אָבִי֩ אֱלֹהֵ֨י אַבְרָהָ֜ם וּפַ֤חַד יִצְחָק֙ הָ֣יָה לִ֔י כִּ֥י עַתָּ֖ה רֵיקָ֣ם שִׁלַּחְתָּ֑נִי אֶת־עָנְיִ֞י וְאֶת־יְגִ֧יעַ³ כַּפַּ֛י רָאָ֥ה אֱלֹהִ֖ים וַיּ֥וֹכַח אָֽמֶשׁ׃

‎43 ‏וַיַּ֨עַן לָבָ֜ן וַיֹּ֣אמֶר אֶֽל־יַעֲקֹ֗ב הַבָּנ֨וֹת בְּנֹתַ֜י וְהַבָּנִ֤ים בָּנַי֙ וְהַצֹּ֣אן צֹאנִ֔י וְכֹ֛ל אֲשֶׁר־אַתָּ֥ה רֹאֶ֖ה לִי־ה֑וּא וְלִבְנֹתַ֞י מָֽה־אֶֽעֱשֶׂ֤ה לָאֵ֙לֶּה֙ הַיּ֔וֹם א֥וֹ לִבְנֵיהֶ֖ן אֲשֶׁ֥ר יָלָֽדוּ׃

‎44 ‏וְעַתָּ֗ה לְכָ֛ה נִכְרְתָ֥ה בְרִ֖ית אֲנִ֣י וָאָ֑תָּה וְהָיָ֥ה לְעֵ֖ד בֵּינִ֥י וּבֵינֶֽךָ׃

‎45 ‏וַיִּקַּ֥ח יַעֲקֹ֖ב אָ֑בֶן וַיְרִימֶ֖הָ מַצֵּבָֽה׃

‎46 ‏וַיֹּ֨אמֶר יַעֲקֹ֤ב לְאֶחָיו֙ לִקְט֣וּ אֲבָנִ֔ים וַיִּקְח֥וּ אֲבָנִ֖ים וַיַּֽעֲשׂוּ־גָ֑ל וַיֹּ֥אכְלוּ שָׁ֖ם עַל־הַגָּֽל׃

‎47 ‏וַיִּקְרָא־ל֣וֹ לָבָ֔ן יְגַ֖ר שָׂהֲדוּתָ֑א וְיַֽעֲקֹ֔ב קָ֥רָא ל֖וֹ גַּלְעֵֽד׃

‎48 ‏וַיֹּ֣אמֶר לָבָ֔ן הַגַּ֨ל הַזֶּ֥ה עֵ֛ד בֵּינִ֥י וּבֵינְךָ֖ הַיּ֑וֹם עַל־כֵּ֥ן קָרָֽא־שְׁמ֖וֹ³ גַּלְעֵֽד׃

‎49 ‏וְהַמִּצְפָּה֙ אֲשֶׁ֣ר אָמַ֔ר יִ֥צֶף יְהוָ֖ה בֵּינִ֣י וּבֵינֶ֑ךָ כִּ֥י נִסָּתֵ֖ר אִ֥ישׁ מֵרֵעֵֽהוּ׃

‎50 ‏אִם־תְּעַנֶּ֣ה אֶת־בְּנֹתַ֗י וְאִם־תִּקַּ֤ח נָשִׁים֙ עַל־בְּנֹתַ֔י אֵ֥ין אִ֖ישׁ עִמָּ֑נוּ רְאֵ֕ה אֱלֹהִ֥ים עֵ֖ד בֵּינִ֥י וּבֵינֶֽךָ׃

‎51 ‏וַיֹּ֥אמֶר לָבָ֖ן לְיַעֲקֹ֑ב הִנֵּ֣ה׀ הַגַּ֣ל הַזֶּ֗ה וְהִנֵּה֙ הַמַצֵּבָ֔ה¹ אֲשֶׁ֥ר יָרִ֖יתִי בֵּינִ֥י וּבֵינֶֽךָ׃

‎52 ‏עֵ֚ד הַגַּ֣ל הַזֶּ֔ה וְעֵדָ֖ה הַמַּצֵּבָ֑ה אִם־אָ֗נִי לֹֽא־אֶֽעֱבֹ֤ר¹ אֵלֶ֙יךָ֙ אֶת־הַגַּ֣ל הַזֶּ֔ה וְאִם־אַ֠תָּה לֹא־תַעֲבֹ֨ר אֵלַ֜י אֶת־הַגַּ֥ל הַזֶּ֛ה וְאֶת־הַמַּצֵּבָ֥ה הַזֹּ֖את לְרָעָֽה׃

‎53 ‏אֱלֹהֵ֨י אַבְרָהָ֜ם וֵֽאלֹהֵ֤י נָחוֹר֙ יִשְׁפְּט֣וּ בֵינֵ֔ינוּ אֱלֹהֵ֖י אֲבִיהֶ֑ם וַיִּשָּׁבַ֣ע יַעֲקֹ֔ב בְּפַ֖חַד אָבִ֥יו יִצְחָֽק׃

‎54 ‏וַיִּזְבַּ֨ח יַעֲקֹ֥ב זֶ֙בַח֙ בָּהָ֔ר וַיִּקְרָ֥א לְאֶחָ֖יו לֶאֱכָל־לָ֑חֶם וַיֹּ֣אכְלוּ לֶ֔חֶם וַיָּלִ֖ינוּ בָּהָֽר׃

1 wayyišəm^a‘ ’eṯ-diḇərê ḇənê-lāḇān lē’mōr lāq^aḥ y^a‘ăqōḇ ’ēṯ kāl-’ăšer lə’āḇînû ûmē’ăšer lə’āḇînû ‘āśâ ’ēṯ kāl-hakāḇōḏ hazzeh:

2 wayyarə’ y^a‘ăqōḇ ’eṯ-pənê lāḇān wəhinnēh ’ênennû ‘immwō kiṯəmwōl šiləšwōm:

3 wayyō’mer yəhwâ ’el-y^a‘ăqōḇ šûḇ ’el-’ereṣ ’ăḇwōṯeyḵā ûləmwōlaḏəteḵā wə’ehəyeh ‘immāḵə:

4 wayyišəl^aḥ y^a‘ăqōḇ wayyiqərā’ lərāḥēl ûləlē’â haśśāḏeh ’el-ṣō’nwō:

5 wayyō’mer lâen rō’eh ’ānōḵî ’eṯ-pənê ’ăḇîḵen kî-’ênennû ’ēlay kiṯəmōl šiləšōm wē’lōhê ’āḇî hāyâ ‘immāḏî:

6 wə’atēnâ yəḏ^a‘əten kî bəḵāl-kōḥî ‘āḇaḏətî ’eṯ-’ăḇîḵen:

7 wa’ăḇîḵen hēṯel bî wəheḥĕlif³ ’eṯ-maśəkurətî ‘ăśereṯ mōnîm wəlō’-nəṯānwō ’ĕlōhîm ləhār^a‘ ‘immāḏî:

8 ’im-kōh yō’mar nəqudîm yihəyeh śəḵāreḵā wəyāləḏû ḵāl-haṣṣō’n nəqudîm wə’im-kōh yō’mar ‘ăqudîm yihəyeh śəḵāreḵā wəyāləḏû ḵāl-haṣṣō’n ‘ăqudîm:

9 wayyaṣṣēl ’ĕlōhîm ’eṯ-miqənēh ’ăḇîḵem wayyiten-lî:

10 wayəhî bə‘ēṯ y^aḥēm haṣṣō’n wā’eśśā’ ‘ênay wā’ēre’ b^aḥălwōm wəhinnēh hā‘atuḏîm hā‘ōlîm ‘al-haṣṣō’n ‘ăqudîm nəqudîm ûḇərudîm:

11 wayyō’mer ’ēlay malə’aḵə hā’ĕlōhîm b^aḥălwōm y^a‘ăqōḇ wā’ōmar hinnēnî:

12 wayyō’mer śā’-nā’ ‘êneyḵā ûrə’ēh kāl-hā‘atuḏîm hā‘ōlîm ‘al-haṣṣō’n ‘ăqudîm nəqudîm ûḇərudîm kî rā’îṯî ’ēṯ kāl-’ăšer lāḇān ‘ōśeh llāḵə:

13 ’ānōḵî hā’ēl bêṯ-’ēl ’ăšer māš^aḥətā ššām maṣṣēḇâ ’ăšer nāḏarətā llî šām neḏer ‘atâ qûm ṣē’ min-hā’āreṣ hazzō’ṯ wəšûḇ ’el-’ereṣ mwōlaḏəteḵā:

14 wat^a‘an rāḥēl wəlē’â watō’marənâ lwō h^a‘wōḏ lānû ḥēleq wən^aḥălâ bəḇêṯ ’āḇînû:

15 hălwō’ nāḵərîywōṯ neḥəšaḇənû lwō kî məḵārānû wayyō’ḵal gam-’āḵwōl ’eṯ-kasəpēnû:

16 kî ḵāl-hā‘ōšer ’ăšer hiṣṣîl ’ĕlōhîm mē’āḇînû lānû hû’ ûləḇānênû wə‘atâ kōl ’ăšer ’āmar ’ĕlōhîm ’ēleyḵā ‘ăśēh:

17 wayyāqām y^a‘ăqōḇ wayyiśśā’ ’eṯ-bānāyw wə’eṯ-nāšāyw ‘al-hagəmallîm:

18 wayyinəhaḡ ’eṯ-kāl-miqənēhû wə’eṯ-kāl-rəḵušwō ’ăšer rāḵāš miqənēh qinəyānwō ’ăšer rāḵaš bəfadan ’ărām lāḇwō’ ’el-yiṣəḥāq ’āḇîw ’arəṣâ kənā‘an:

19 wəlāḇān hālaḵə liḡəzōz ’eṯ-ṣō’nwō watiḡənōḇ rāḥēl ’eṯ-hatərāfîm ’ăšer lə’āḇîhā:

20 wayyiḡənōḇ y^a‘ăqōḇ ’eṯ-lēḇ lāḇān hā’ărammî ‘al-bəlî higîḏ lwō kî ḇōrēḥa hû’:

21 wayyiḇər^aḥ hû’ wəḵāl-’ăšer-lwō wayyāqām wayy^a‘ăḇōr ’eṯ-hannâār wayyāśem ’eṯ-pānāyw har hagilə‘āḏ:

22 wayyugaḏ ləlāḇān bayywōm haššəlîšî kî ḇār^aḥ y^a‘ăqōḇ:

23 wayyiqq^aḥ ’eṯ-’eḥāyw ‘immwō wayyirədōf ’^aḥărāyw dereḵə šiḇə‘aṯ yāmîm wayyaḏəbēq ’ōṯwō bəhar hagilə‘āḏ:

24 wayyāḇō’ ’ĕlōhîm ’el-lāḇān hā’ărammî b^aḥălōm hallāyəlâ wayyō’mer lwō hiššāmer ləḵā pen-təḏabēr ‘im-y^a‘ăqōḇ miṭṭwōḇ ‘aḏ-rā‘:

25 wayyaśśēḡ lāḇān ’eṯ-y^a‘ăqōḇ wəy^a‘ăqōḇ tāq^a‘ ’eṯ-’âŏlwō bâār wəlāḇān tāq^a‘ ’eṯ-’eḥāyw bəhar hagilə‘āḏ:

26 wayyō’mer lāḇān ləy^a‘ăqōḇ meh ‘āśîṯā watiḡənōḇ ’eṯ-ləḇāḇî watənahēḡ ’eṯ-bənōṯay kišəḇuywōṯ ḥāreḇ:

27 lāmmâ n^aḥəbē’ṯā liḇərōḥa watiḡənōḇ ’ōṯî wəlō’-higaḏətā llî wā’ăšallēḥăḵā bəśiməḥâ ûḇəširîm bəṯōf ûḇəḵinnwōr:

28 wəlō’ nəṭašətanî lənaššēq ləḇānay wəliḇənōṯāy ‘atâ hisəkalətā ‘ăśwō:

29 yeš-lə’ēl yāḏî l^a‘ăśwōṯ ‘immāḵem rā‘ wē’lōhê ’ăḇîḵem ’emeš| ’āmar ’ēlay lē’mōr hiššāmer ləḵā midabēr ‘im-y^a‘ăqōḇ miṭṭwōḇ ‘aḏ-rā‘:

30 wə‘atâ hālōḵə hālaḵətā kî-niḵəsōf niḵəsafətâ ləḇêṯ ’āḇîḵā lāmmâ ḡānaḇətā ’eṯ-’ĕlōhāy:

31 wayy^a‘an y^a‘ăqōḇ wayyō’mer ləlāḇān kî yārē’ṯî kî ’āmarətî pen-tiḡəzōl ’eṯ-bənwōṯeyḵā mē‘immî:

32 ‘im ’ăšer timəṣā’ ’eṯ-’ĕlōheyḵā lō’ yiḥəyeh neḡeḏ ’^aḥênû haker-ləḵā mâ ‘immāḏî wəq^aḥ-lāḵə wəlō’-yāḏ^a‘ y^a‘ăqōḇ kî rāḥēl gənāḇāṯam:

33 wayyāḇō’ lāḇān bə’ōhel y^a‘ăqōḇ| ûḇə’ōhel lē’â ûḇə’ōhel šətê hā’ămâōṯ wəlō’ māṣā’ wayyēṣē’ mē’ōhel lē’â wayyāḇō’ bə’ōhel rāḥēl:

34 wərāḥēl lāqəḥâ ’eṯ-hatərāfîm watəśimēm bəḵar hagāmāl watēšeḇ ‘ălêhem wayəmaššēš lāḇān ’eṯ-kāl-hā’ōhel wəlō’ māṣā’:

35 watō’mer ’el-’āḇîhā ’al-yiḥar bə‘ênê ’ăḏōnî kî lwō’ ’ûḵal lāqûm mipāneyḵā kî-ḏereḵə nāšîm lî wayəḥapēś wəlō’ māṣā’ ’eṯ-hatərāfîm:

36 wayyiḥar ləy^a‘ăqōḇ wayyāreḇ bəlāḇān wayy^a‘an y^a‘ăqōḇ wayyō’mer ləlāḇān mah-pišə‘î mah ḥaṭṭā’ṯî kî ḏālaqətā ’^aḥărāy:

37 kî-miššašətā ’eṯ-kāl-kēlay mah-mmāṣā’ṯā mikōl kəlê-ḇêṯeḵā śîm kōh neḡeḏ ’^aḥay wə’^aḥeyḵā wəywōḵîḥû bên šənênû:

38 zeh ‘eśərîm šānâ ’ānōḵî ‘immāḵə rəḥēleyḵā wə‘izzeyḵā lō’ šikēlû wə’êlê ṣō’nəḵā³ lō’ ’āḵālətî:

39 ṭərēfâ lō’-hēḇē’ṯî ’ēleyḵā ’ānōḵî ’ăḥaṭṭennâ mîyāḏî təḇaqəšennâ gənuḇəṯî ywōm ûḡənuḇəṯî lāyəlâ:

40 hāyîṯî ḇayywōm ’ăḵālanî ḥōreḇ wəqer^aḥ ballāyəlâ watidaḏ šənāṯî mē‘ênāy:

41 zeh-llî ‘eśərîm šānâ bəḇêṯeḵā ‘ăḇaḏətîḵā ’arəb^a‘-‘eśərēh šānâ bišətê ḇənōṯeyḵā wəšēš šānîm bəṣō’neḵā wat^aḥălēf ’eṯ-maśəkurətî ‘ăśereṯ mōnîm:

42 lûlê ’ĕlōhê ’āḇî ’ĕlōhê ’aḇərâām ûf^aḥaḏ yiṣəḥāq hāyâ lî kî ‘atâ rêqām šill^aḥətānî ’eṯ-‘ānəyî wə’eṯ-yəḡî‘a³ kapay rā’â ’ĕlōhîm wayywōḵ^aḥ ’āmeš:

43 wayy^a‘an lāḇān wayyō’mer ’el-y^a‘ăqōḇ habānwōṯ bənōṯay wəhabānîm bānay wəhaṣṣō’n ṣō’nî wəḵōl ’ăšer-’atâ rō’eh lî-hû’ wəliḇənōṯay mâ-’e‘ĕśeh lā’ēlleh hayywōm ’wō liḇənêhen ’ăšer yālāḏû:

44 wə‘atâ ləḵâ niḵərəṯâ ḇərîṯ ’ănî wā’ātâ wəhāyâ lə‘ēḏ bênî ûḇêneḵā:

45 wayyiqq^aḥ y^a‘ăqōḇ ’āḇen wayərîmehā maṣṣēḇâ:

46 wayyō’mer y^a‘ăqōḇ lə’eḥāyw liqəṭû ’ăḇānîm wayyiqəḥû ’ăḇānîm wayy^a‘ăśû-ḡāl wayyō’ḵəlû šām ‘al-hagāl:

47 wayyiqərā’-lwō lāḇān yəḡar śâăḏûṯā’ wəy^a‘ăqōḇ qārā’ lwō galə‘ēḏ:

48 wayyō’mer lāḇān hagal hazzeh ‘ēḏ bênî ûḇênəḵā hayywōm ‘al-kēn qārā’-šəmwō³ galə‘ēḏ:

49 wəhammiṣəpâ ’ăšer ’āmar yiṣef yəhwâ bênî ûḇêneḵā kî nissāṯēr ’îš mērē‘ēhû:

50 ’im-tə‘anneh ’eṯ-bənōṯay wə’im-tiqq^aḥ nāšîm ‘al-bənōṯay ’ên ’îš ‘immānû rə’ēh ’ĕlōhîm ‘ēḏ bênî ûḇêneḵā:

51 wayyō’mer lāḇān ləy^a‘ăqōḇ hinnēh| hagal hazzeh wəhinnēh hamaṣṣēḇâ¹ ’ăšer yārîṯî bênî ûḇêneḵā:

52 ‘ēḏ hagal hazzeh wə‘ēḏâ hammaṣṣēḇâ ’im-’ānî lō’-’e‘ĕḇōr¹ ’ēleyḵā ’eṯ-hagal hazzeh wə’im-’atâ lō’-ṯ^a‘ăḇōr ’ēlay ’eṯ-hagal hazzeh wə’eṯ-hammaṣṣēḇâ hazzō’ṯ lərā‘â:

53 ’ĕlōhê ’aḇərâām wē’lōhê nāḥwōr yišəpəṭû ḇênênû ’ĕlōhê ’ăḇîhem wayyiššāḇ^a‘ y^a‘ăqōḇ bəf^aḥaḏ ’āḇîw yiṣəḥāq:

54 wayyizəb^aḥ y^a‘ăqōḇ zeḇ^aḥ bâār wayyiqərā’ lə’eḥāyw le’ĕḵāl-lāḥem wayyō’ḵəlû leḥem wayyālînû bâār:

‎1 ‏וַיַּשְׁכֵּ֨ם לָבָ֜ן בַּבֹּ֗קֶר וַיְנַשֵּׁ֧ק לְבָנָ֛יו וְלִבְנוֹתָ֖יו וַיְבָ֣רֶךְ אֶתְהֶ֑ם וַיֵּ֛לֶךְ וַיָּ֥שָׁב לָבָ֖ן לִמְקֹמֽוֹ׃

‎2 ‏וְיַעֲקֹ֖ב הָלַ֣ךְ לְדַרְכּ֑וֹ וַיִּפְגְּעוּ־ב֖וֹ מַלְאֲכֵ֥י אֱלֹהִֽים׃

‎3 ‏וַיֹּ֤אמֶר יַעֲקֹב֙ כַּאֲשֶׁ֣ר רָאָ֔ם מַחֲנֵ֥ה אֱלֹהִ֖ים זֶ֑ה וַיִּקְרָ֛א שֵֽׁם־הַמָּק֥וֹם הַה֖וּא מַֽחֲנָֽיִם׃ פ

‎4 ‏וַיִּשְׁלַ֨ח יַעֲקֹ֤ב מַלְאָכִים֙ לְפָנָ֔יו אֶל־עֵשָׂ֖ו אָחִ֑יו אַ֥רְצָה שֵׂעִ֖יר שְׂדֵ֥ה אֱדֽוֹם׃

‎5 ‏וַיְצַ֤ו אֹתָם֙ לֵאמֹ֔ר כֹּ֣ה תֹאמְר֔וּן לַֽאדֹנִ֖י לְעֵשָׂ֑ו כֹּ֤ה אָמַר֙ עַבְדְּךָ֣³ יַעֲקֹ֔ב עִם־לָבָ֣ן גַּ֔רְתִּי וָאֵחַ֖ר עַד־עָֽתָּה׃

‎6 ‏וַֽיְהִי־לִי֙ שׁ֣וֹר וַחֲמ֔וֹר צֹ֖אן וְעֶ֣בֶד וְשִׁפְחָ֑ה וָֽאֶשְׁלְחָה֙ לְהַגִּ֣יד לַֽאדֹנִ֔י לִמְצֹא־חֵ֖ן בְּעֵינֶֽיךָ׃

‎7 ‏וַיָּשֻׁ֙בוּ֙ הַמַּלְאָכִ֔ים אֶֽל־יַעֲקֹ֖ב לֵאמֹ֑ר בָּ֤אנוּ אֶל־אָחִ֙יךָ֙ אֶל־עֵשָׂ֔ו וְגַם֙ הֹלֵ֣ךְ לִקְרָֽאתְךָ֔ וְאַרְבַּע־מֵא֥וֹת אִ֖ישׁ עִמּֽוֹ׃

‎8 ‏וַיִּירָ֧א יַעֲקֹ֛ב מְאֹ֖ד וַיֵּ֣צֶר ל֑וֹ וַיַּ֜חַץ אֶת־הָעָ֣ם אֲשֶׁר־אִתּ֗וֹ וְאֶת־הַצֹּ֧אן וְאֶת־הַבָּקָ֛ר וְהַגְּמַלִּ֖ים לִשְׁנֵ֥י מַחֲנֽוֹת׃

‎9 ‏וַיֹּ֕אמֶר אִם־יָב֥וֹא עֵשָׂ֛ו אֶל־הַמַּחֲנֶ֥ה הָאַחַ֖ת וְהִכָּ֑הוּ וְהָיָ֛ה הַמַּחֲנֶ֥ה הַנִּשְׁאָ֖ר לִפְלֵיטָֽה׃

‎10 ‏וַיֹּאמֶר֮ יַעֲקֹב֒ אֱלֹהֵי֙ אָבִ֣י אַבְרָהָ֔ם וֵאלֹהֵ֖י אָבִ֣י יִצְחָ֑ק יְהוָ֞ה הָאֹמֵ֣ר אֵלַ֗י שׁ֧וּב לְאַרְצְךָ֛ וּלְמוֹלַדְתְּךָ֖ וְאֵיטִ֥יבָה עִמָּֽךְ׃

‎11 ‏קָטֹ֜נְתִּי מִכֹּ֤ל הַחֲסָדִים֙ וּמִכָּל־הָ֣אֱמֶ֔ת אֲשֶׁ֥ר עָשִׂ֖יתָ אֶת־עַבְדֶּ֑ךָ כִּ֣י בְמַקְלִ֗י עָבַ֙רְתִּי֙ אֶת־הַיַּרְדֵּ֣ן הַזֶּ֔ה וְעַתָּ֥ה הָיִ֖יתִי לִשְׁנֵ֥י מַחֲנֽוֹת׃

‎12 ‏הַצִּילֵ֥נִי נָ֛א מִיַּ֥ד אָחִ֖י מִיַּ֣ד עֵשָׂ֑ו כִּֽי־יָרֵ֤א אָנֹכִי֙ אֹת֔וֹ פֶּן־יָב֣וֹא וְהִכַּ֔נִי אֵ֖ם עַל־בָּנִֽים׃

‎13 ‏וְאַתָּ֣ה אָמַ֔רְתָּ הֵיטֵ֥ב אֵיטִ֖יב עִמָּ֑ךְ וְשַׂמְתִּ֤י אֶֽת־זַרְעֲךָ֙ כְּח֣וֹל הַיָּ֔ם אֲשֶׁ֥ר לֹא־יִסָּפֵ֖ר מֵרֹֽב׃

‎14 ‏וַיָּ֥לֶן שָׁ֖ם בַּלַּ֣יְלָה הַה֑וּא וַיִּקַּ֞ח מִן־הַבָּ֧א בְיָד֛וֹ מִנְחָ֖ה לְעֵשָׂ֥ו אָחִֽיו׃

‎15 ‏עִזִּ֣ים מָאתַ֔יִם וּתְיָשִׁ֖ים עֶשְׂרִ֑ים רְחֵלִ֥ים מָאתַ֖יִם וְאֵילִ֥ים עֶשְׂרִֽים׃

‎16 ‏גְּמַלִּ֧ים מֵינִיק֛וֹת וּבְנֵיהֶ֖ם שְׁלֹשִׁ֑ים פָּר֤וֹת אַרְבָּעִים֙ וּפָרִ֣ים עֲשָׂרָ֔ה אֲתֹנֹ֣ת עֶשְׂרִ֔ים וַעְיָרִ֖ם¹ עֲשָׂרָֽה׃

‎17 ‏וַיִּתֵּן֙ בְּיַד־עֲבָדָ֔יו עֵ֥דֶר עֵ֖דֶר לְבַדּ֑וֹ וַ֤יֹּאמֶר אֶל־עֲבָדָיו֙ עִבְר֣וּ לְפָנַ֔י וְרֶ֣וַח תָּשִׂ֔ימוּ בֵּ֥ין עֵ֖דֶר וּבֵ֥ין עֵֽדֶר׃

‎18 ‏וַיְצַ֥ו אֶת־הָרִאשׁ֖וֹן לֵאמֹ֑ר כִּ֣י יִֽפְגָּשְׁךָ֞¹ עֵשָׂ֣ו אָחִ֗י וִשְׁאֵֽלְךָ֙¹ לֵאמֹ֔ר לְמִי־אַ֙תָּה֙ וְאָ֣נָה תֵלֵ֔ךְ וּלְמִ֖י אֵ֥לֶּה לְפָנֶֽיךָ׃

‎19 ‏וְאָֽמַרְתָּ֙ לְעַבְדְּךָ֣ לְיַעֲקֹ֔ב מִנְחָ֥ה הִוא֙ שְׁלוּחָ֔ה לַֽאדֹנִ֖י לְעֵשָׂ֑ו וְהִנֵּ֥ה גַם־ה֖וּא אַחֲרֵֽינוּ׃

‎20 ‏וַיְצַ֞ו גַּ֣ם אֶת־הַשֵּׁנִ֗י גַּ֚ם אֶת־הַשְּׁלִישִׁ֔י גַּ֚ם אֶת־כָּל־הַהֹ֣לְכִ֔ים אַחֲרֵ֥י הָעֲדָרִ֖ים לֵאמֹ֑ר כַּדָּבָ֤ר הַזֶּה֙ תְּדַבְּר֣וּן אֶל־עֵשָׂ֔ו בְּמֹצַאֲכֶ֖ם אֹתֽוֹ׃

‎21 ‏וַאֲמַרְתֶּ֕ם גַּ֗ם הִנֵּ֛ה עַבְדְּךָ֥ יַעֲקֹ֖ב אַחֲרֵ֑ינוּ כִּֽי־אָמַ֞ר אֲכַפְּרָ֣ה פָנָ֗יו בַּמִּנְחָה֙ הַהֹלֶ֣כֶת לְפָנָ֔י וְאַחֲרֵי־כֵן֙ אֶרְאֶ֣ה פָנָ֔יו אוּלַ֖י יִשָּׂ֥א פָנָֽי׃

‎22 ‏וַתַּעֲבֹ֥ר הַמִּנְחָ֖ה עַל־פָּנָ֑יו וְה֛וּא לָ֥ן בַּלַּֽיְלָה־הַה֖וּא בַּֽמַּחֲנֶֽה׃

‎23 ‏וַיָּ֣קָם׀ בַּלַּ֣יְלָה ה֗וּא וַיִּקַּ֞ח אֶת־שְׁתֵּ֤י נָשָׁיו֙ וְאֶת־שְׁתֵּ֣י שִׁפְחֹתָ֔יו וְאֶת־אַחַ֥ד עָשָׂ֖ר יְלָדָ֑יו וַֽיַּעֲבֹ֔ר אֵ֖ת מַעֲבַ֥ר יַבֹּֽק׃

‎24 ‏וַיִּקָּחֵ֔ם וַיַּֽעֲבִרֵ֖ם אֶת־הַנָּ֑חַל וַֽיַּעֲבֵ֖ר אֶת־אֲשֶׁר־לוֹ׃¹

‎25 ‏וַיִּוָּתֵ֥ר יַעֲקֹ֖ב לְבַדּ֑וֹ וַיֵּאָבֵ֥ק אִישׁ֙ עִמּ֔וֹ עַ֖ד עֲל֥וֹת הַשָּֽׁחַר׃

‎26 ‏וַיַּ֗רְא כִּ֣י לֹ֤א יָכֹל֙ ל֔וֹ וַיִּגַּ֖ע בְּכַף־יְרֵכ֑וֹ וַתֵּ֙קַע֙ כַּף־יֶ֣רֶךְ יַעֲקֹ֔ב בְּהֵֽאָבְק֖וֹ עִמּֽוֹ׃

‎27 ‏וַיֹּ֣אמֶר שַׁלְּחֵ֔נִי כִּ֥י עָלָ֖ה הַשָּׁ֑חַר וַיֹּ֙אמֶר֙ לֹ֣א אֲשַֽׁלֵּחֲךָ֔ כִּ֖י אִם־בֵּרַכְתָּֽנִי׃

‎28 ‏וַיֹּ֥אמֶר אֵלָ֖יו מַה־שְּׁמֶ֑ךָ וַיֹּ֖אמֶר יַעֲקֹֽב׃

‎29 ‏וַיֹּ֗אמֶר לֹ֤א יַעֲקֹב֙ יֵאָמֵ֥ר עוֹד֙ שִׁמְךָ֔ כִּ֖י אִם־יִשְׂרָאֵ֑ל כִּֽי־שָׂרִ֧יתָ עִם־אֱלֹהִ֛ים וְעִם־אֲנָשִׁ֖ים וַתּוּכָֽל׃

‎30 ‏וַיִּשְׁאַ֣ל יַעֲקֹ֗ב וַיֹּ֙אמֶר֙ הַגִּֽידָה־נָּ֣א שְׁמֶ֔ךָ וַיֹּ֕אמֶר לָ֥מָּה זֶּ֖ה תִּשְׁאַ֣ל לִשְׁמִ֑י וַיְבָ֥רֶךְ אֹת֖וֹ שָֽׁם׃

‎31 ‏וַיִּקְרָ֧א יַעֲקֹ֛ב שֵׁ֥ם הַמָּק֖וֹם פְּנִיאֵ֑ל כִּֽי־רָאִ֤יתִי אֱלֹהִים֙ פָּנִ֣ים אֶל־פָּנִ֔ים וַתִּנָּצֵ֖ל נַפְשִֽׁי׃

‎32 ‏וַיִּֽזְרַֽח־ל֣וֹ הַשֶּׁ֔מֶשׁ כַּאֲשֶׁ֥ר עָבַ֖ר אֶת־פְּנוּאֵ֑ל וְה֥וּא צֹלֵ֖עַ עַל־יְרֵכֽוֹ׃

‎33 ‏עַל־כֵּ֡ן לֹֽא־יֹאכְל֨וּ בְנֵֽי־יִשְׂרָאֵ֜ל אֶת־גִּ֣יד הַנָּשֶׁ֗ה אֲשֶׁר֙ עַל־כַּ֣ף הַיָּרֵ֔ךְ עַ֖ד הַיּ֣וֹם הַזֶּ֑ה כִּ֤י נָגַע֙ בְּכַף־יֶ֣רֶךְ יַעֲקֹ֔ב בְּגִ֖יד הַנָּשֶֽׁה׃

1 wayyašəkēm lāḇān babōqer wayənaššēq ləḇānāyw wəliḇənwōṯāyw wayəḇāreḵə ’eṯəhem wayyēleḵə wayyāšāḇ lāḇān liməqōmwō:

2 wəy^a‘ăqōḇ hālaḵə ləḏarəkwō wayyifəgə‘û-ḇwō malə’ăḵê ’ĕlōhîm:

3 wayyō’mer y^a‘ăqōḇ ka’ăšer rā’ām m^aḥănēh ’ĕlōhîm zeh wayyiqərā’ šēm-hammāqwōm hahû’ m^aḥănāyim: f

4 wayyišəl^aḥ y^a‘ăqōḇ malə’āḵîm ləfānāyw ’el-‘ēśāw ’āḥîw ’arəṣâ śē‘îr śəḏēh ’ĕḏwōm:

5 wayəṣaw ’ōṯām lē’mōr kōh ṯō’mərûn la’ḏōnî lə‘ēśāw kōh ’āmar ‘aḇədəḵā³ y^a‘ăqōḇ ‘im-lāḇān garətî wā’ēḥar ‘aḏ-‘ātâ:

6 wayəhî-lî šwōr w^aḥămwōr ṣō’n wə‘eḇeḏ wəšifəḥâ wā’ešələḥâ ləhagîḏ la’ḏōnî liməṣō’-ḥēn bə‘êneyḵā:

7 wayyāšuḇû hammalə’āḵîm ’el-y^a‘ăqōḇ lē’mōr bā’nû ’el-’āḥîḵā ’el-‘ēśāw wəḡam hōlēḵə liqərā’ṯəḵā wə’arəb^a‘-mē’wōṯ ’îš ‘immwō:

8 wayyîrā’ y^a‘ăqōḇ mə’ōḏ wayyēṣer lwō wayy^aḥaṣ ’eṯ-hā‘ām ’ăšer-’itwō wə’eṯ-haṣṣō’n wə’eṯ-habāqār wəhagəmallîm lišənê m^aḥănwōṯ:

9 wayyō’mer ’im-yāḇwō’ ‘ēśāw ’el-hamm^aḥăneh hā’^aḥaṯ wəhikâû wəhāyâ hamm^aḥăneh hannišə’ār lifəlêṭâ:

10 wayyō’mer y^a‘ăqōḇ ’ĕlōhê ’āḇî ’aḇərâām wē’lōhê ’āḇî yiṣəḥāq yəhwâ hā’ōmēr ’ēlay šûḇ lə’arəṣəḵā ûləmwōlaḏətəḵā wə’êṭîḇâ ‘immāḵə:

11 qāṭōnətî mikōl h^aḥăsāḏîm ûmikāl-hā’ĕmeṯ ’ăšer ‘āśîṯā ’eṯ-‘aḇədeḵā kî ḇəmaqəlî ‘āḇarətî ’eṯ-hayyarədēn hazzeh wə‘atâ hāyîṯî lišənê m^aḥănwōṯ:

12 haṣṣîlēnî nā’ mîyaḏ ’āḥî mîyaḏ ‘ēśāw kî-yārē’ ’ānōḵî ’ōṯwō pen-yāḇwō’ wəhikanî ’ēm ‘al-bānîm:

13 wə’atâ ’āmarətā hêṭēḇ ’êṭîḇ ‘immāḵə wəśamətî ’eṯ-zarə‘ăḵā kəḥwōl hayyām ’ăšer lō’-yissāfēr mērōḇ:

14 wayyālen šām ballayəlâ hahû’ wayyiqq^aḥ min-habā’ ḇəyāḏwō minəḥâ lə‘ēśāw ’āḥîw:

15 ‘izzîm mā’ṯayim ûṯəyāšîm ‘eśərîm rəḥēlîm mā’ṯayim wə’êlîm ‘eśərîm:

16 gəmallîm mênîqwōṯ ûḇənêhem šəlōšîm pārwōṯ ’arəbā‘îm ûfārîm ‘ăśārâ ’ăṯōnōṯ ‘eśərîm w^a‘əyārim¹ ‘ăśārâ:

17 wayyitēn bəyaḏ-‘ăḇāḏāyw ‘ēḏer ‘ēḏer ləḇadwō wayyō’mer ’el-‘ăḇāḏāyw ‘iḇərû ləfānay wərew^aḥ tāśîmû bên ‘ēḏer ûḇên ‘ēḏer:

18 wayəṣaw ’eṯ-hāri’šwōn lē’mōr kî yifəgāšəḵā¹ ‘ēśāw ’āḥî wišə’ēləḵā¹ lē’mōr ləmî-’atâ wə’ānâ ṯēlēḵə ûləmî ’ēlleh ləfāneyḵā:

19 wə’āmarətā lə‘aḇədəḵā ləy^a‘ăqōḇ minəḥâ hiw’ šəlûḥâ la’ḏōnî lə‘ēśāw wəhinnēh ḡam-hû’ ’^aḥărênû:

20 wayəṣaw gam ’eṯ-haššēnî gam ’eṯ-haššəlîšî gam ’eṯ-kāl-hahōləḵîm ’^aḥărê hā‘ăḏārîm lē’mōr kadāḇār hazzeh təḏabərûn ’el-‘ēśāw bəmōṣa’ăḵem ’ōṯwō:

21 wa’ămarətem gam hinnēh ‘aḇədəḵā y^a‘ăqōḇ ’^aḥărênû kî-’āmar ’ăḵapərâ fānāyw bamminəḥâ hahōleḵeṯ ləfānāy wə’^aḥărê-ḵēn ’erə’eh fānāyw ’ûlay yiśśā’ fānāy:

22 wat^a‘ăḇōr hamminəḥâ ‘al-pānāyw wəhû’ lān ballayəlâ-hahû’ bamm^aḥăneh:

23 wayyāqām| ballayəlâ hû’ wayyiqq^aḥ ’eṯ-šətê nāšāyw wə’eṯ-šətê šifəḥōṯāyw wə’eṯ-’^aḥaḏ ‘āśār yəlāḏāyw wayy^a‘ăḇōr ’ēṯ m^a‘ăḇar yabōq:

24 wayyiqqāḥēm wayy^a‘ăḇirēm ’eṯ-hannāḥal wayy^a‘ăḇēr ’eṯ-’ăšer-lwō:¹

25 wayyiûāṯēr y^a‘ăqōḇ ləḇadwō wayyē’āḇēq ’îš ‘immwō ‘aḏ ‘ălwōṯ haššāḥar:

26 wayyarə’ kî lō’ yāḵōl lwō wayyig^a‘ bəḵaf-yərēḵwō watēq^a‘ kaf-yereḵə y^a‘ăqōḇ bəhē’āḇəqwō ‘immwō:

27 wayyō’mer šalləḥēnî kî ‘ālâ haššāḥar wayyō’mer lō’ ’ăšallēḥăḵā kî ’im-bēraḵətānî:

28 wayyō’mer ’ēlāyw mah-ššəmeḵā wayyō’mer y^a‘ăqōḇ:

29 wayyō’mer lō’ y^a‘ăqōḇ yē’āmēr ‘wōḏ šiməḵā kî ’im-yiśərā’ēl kî-śārîṯā ‘im-’ĕlōhîm wə‘im-’ănāšîm watûḵāl:

30 wayyišə’al y^a‘ăqōḇ wayyō’mer hagîḏâ-nnā’ šəmeḵā wayyō’mer lāmmâ zzeh tišə’al lišəmî wayəḇāreḵə ’ōṯwō šām:

31 wayyiqərā’ y^a‘ăqōḇ šēm hammāqwōm pənî’ēl kî-rā’îṯî ’ĕlōhîm pānîm ’el-pānîm watinnāṣēl nafəšî:

32 wayyizər^aḥ-lwō haššemeš ka’ăšer ‘āḇar ’eṯ-pənû’ēl wəhû’ ṣōlē‘a ‘al-yərēḵwō:

33 ‘al-kēn lō’-yō’ḵəlû ḇənê-yiśərā’ēl ’eṯ-gîḏ hannāšeh ’ăšer ‘al-kaf hayyārēḵə ‘aḏ hayywōm hazzeh kî nāḡ^a‘ bəḵaf-yereḵə y^a‘ăqōḇ bəḡîḏ hannāšeh:

‎1 ‏וַיִּשָּׂ֨א יַעֲקֹ֜ב עֵינָ֗יו וַיַּרְא֙ וְהִנֵּ֣ה עֵשָׂ֣ו בָּ֔א וְעִמּ֕וֹ אַרְבַּ֥ע מֵא֖וֹת אִ֑ישׁ וַיַּ֣חַץ אֶת־הַיְלָדִ֗ים עַל־לֵאָה֙ וְעַל־רָחֵ֔ל וְעַ֖ל שְׁתֵּ֥י הַשְּׁפָחֽוֹת׃

‎2 ‏וַיָּ֧שֶׂם אֶת־הַשְּׁפָח֛וֹת וְאֶת־יַלְדֵיהֶ֖ן רִֽאשֹׁנָ֑ה וְאֶת־לֵאָ֤ה וִֽילָדֶ֙יהָ֙ אַחֲרֹנִ֔ים וְאֶת־רָחֵ֥ל וְאֶת־יוֹסֵ֖ף אַחֲרֹנִֽים׃

‎3 ‏וְה֖וּא עָבַ֣ר לִפְנֵיהֶ֑ם וַיִּשְׁתַּ֤חוּ אַ֙רְצָה֙ שֶׁ֣בַע פְּעָמִ֔ים עַד־גִּשְׁתּ֖וֹ עַד־אָחִֽיו׃

‎4 ‏וַיָּ֨רָץ עֵשָׂ֤ו לִקְרָאתוֹ֙ וַֽיְחַבְּקֵ֔הוּ וַיִּפֹּ֥ל עַל־צַוָּארָ֖ו^q וַׅיִּׅשָּׁׅקֵ֑ׅהׅוּׅ⁴ וַיִּבְכּֽוּ׃

‎5 ‏וַיִּשָּׂ֣א אֶת־עֵינָ֗יו וַיַּ֤רְא אֶת־הַנָּשִׁים֙ וְאֶת־הַיְלָדִ֔ים וַיֹּ֖אמֶר מִי־אֵ֣לֶּה לָּ֑ךְ וַיֹּאמַ֕ר הַיְלָדִ֕ים אֲשֶׁר־חָנַ֥ן אֱלֹהִ֖ים אֶת־עַבְדֶּֽךָ׃

‎6 ‏וַתִּגַּ֧שְׁןָ הַשְּׁפָח֛וֹת הֵ֥נָּה וְיַלְדֵיהֶ֖ן וַתִּֽשְׁתַּחֲוֶֽיןָ׃

‎7 ‏וַתִּגַּ֧שׁ גַּם־לֵאָ֛ה וִילָדֶ֖יהָ וַיִּֽשְׁתַּחֲו֑וּ וְאַחַ֗ר נִגַּ֥שׁ יוֹסֵ֛ף וְרָחֵ֖ל וַיִּֽשְׁתַּחֲוֽוּ׃

‎8 ‏וַיֹּ֕אמֶר מִ֥י לְךָ֛ כָּל־הַמַּחֲנֶ֥ה הַזֶּ֖ה אֲשֶׁ֣ר פָּגָ֑שְׁתִּי וַיֹּ֕אמֶר לִמְצֹא־חֵ֖ן בְּעֵינֵ֥י אֲדֹנִֽי׃

‎9 ‏וַיֹּ֥אמֶר עֵשָׂ֖ו יֶשׁ־לִ֣י רָ֑ב אָחִ֕י יְהִ֥י לְךָ֖ אֲשֶׁר־לָֽךְ׃

‎10 ‏וַיֹּ֣אמֶר יַעֲקֹ֗ב אַל־נָא֙ אִם־נָ֨א מָצָ֤אתִי חֵן֙ בְּעֵינֶ֔יךָ וְלָקַחְתָּ֥ מִנְחָתִ֖י מִיָּדִ֑י כִּ֣י עַל־כֵּ֞ן רָאִ֣יתִי פָנֶ֗יךָ כִּרְאֹ֛ת פְּנֵ֥י אֱלֹהִ֖ים וַתִּרְצֵֽנִי׃

‎11 ‏קַח־נָ֤א אֶת־בִּרְכָתִי֙ אֲשֶׁ֣ר הֻבָ֣את לָ֔ךְ כִּֽי־חַנַּ֥נִי אֱלֹהִ֖ים וְכִ֣י יֶשׁ־לִי־כֹ֑ל וַיִּפְצַר־בּ֖וֹ וַיִּקָּֽח׃

‎12 ‏וַיֹּ֖אמֶר נִסְעָ֣ה וְנֵלֵ֑כָה וְאֵלְכָ֖ה לְנֶגְדֶּֽךָ׃

‎13 ‏וַיֹּ֣אמֶר אֵלָ֗יו אֲדֹנִ֤י יֹדֵ֙עַ֙ כִּֽי־הַיְלָדִ֣ים רַכִּ֔ים וְהַצֹּ֥אן וְהַבָּקָ֖ר עָל֣וֹת עָלָ֑י וּדְפָקוּם֙ י֣וֹם אֶחָ֔ד וָמֵ֖תוּ כָּל־הַצֹּֽאן׃

‎14 ‏יַעֲבָר־נָ֥א אֲדֹנִ֖י לִפְנֵ֣י עַבְדּ֑וֹ וַאֲנִ֞י אֶֽתְנָהֲלָ֣ה³ לְאִטִּ֗י לְרֶ֨גֶל הַמְּלָאכָ֤ה אֲשֶׁר־לְפָנַי֙ וּלְרֶ֣גֶל הַיְלָדִ֔ים עַ֛ד אֲשֶׁר־אָבֹ֥א אֶל־אֲדֹנִ֖י שֵׂעִֽירָה׃

‎15 ‏וַיֹּ֣אמֶר עֵשָׂ֔ו אַצִּֽיגָה־נָּ֣א עִמְּךָ֔ מִן־הָעָ֖ם אֲשֶׁ֣ר אִתִּ֑י וַיֹּ֙אמֶר֙ לָ֣מָּה זֶּ֔ה אֶמְצָא־חֵ֖ן בְּעֵינֵ֥י אֲדֹנִֽי׃

‎16 ‏וַיָּשָׁב֩ בַּיּ֨וֹם הַה֥וּא עֵשָׂ֛ו לְדַרְכּ֖וֹ שֵׂעִֽירָה׃

‎17 ‏וְיַעֲקֹב֙ נָסַ֣ע סֻכֹּ֔תָה וַיִּ֥בֶן ל֖וֹ בָּ֑יִת וּלְמִקְנֵ֙הוּ֙ עָשָׂ֣ה סֻכֹּ֔ת עַל־כֵּ֛ן קָרָ֥א שֵׁם־הַמָּק֖וֹם סֻכּֽוֹת׃ ס

‎18 ‏וַיָּבֹא֩ יַעֲקֹ֨ב שָׁלֵ֜ם עִ֣יר שְׁכֶ֗ם אֲשֶׁר֙ בְּאֶ֣רֶץ כְּנַ֔עַן בְּבֹא֖וֹ מִפַּדַּ֣ן אֲרָ֑ם וַיִּ֖חַן אֶת־פְּנֵ֥י הָעִֽיר׃

‎19 ‏וַיִּ֜קֶן אֶת־חֶלְקַ֣ת הַשָּׂדֶ֗ה אֲשֶׁ֤ר נָֽטָה־שָׁם֙ אָהֳל֔וֹ מִיַּ֥ד בְּנֵֽי־חֲמ֖וֹר אֲבִ֣י שְׁכֶ֑ם בְּמֵאָ֖ה קְשִׂיטָֽה׃

‎20 ‏וַיַּצֶּב־שָׁ֖ם מִזְבֵּ֑חַ וַיִּ֨קְרָא־ל֔וֹ אֵ֖ל אֱלֹהֵ֥י יִשְׂרָאֵֽל׃ ס

1 wayyiśśā’ y^a‘ăqōḇ ‘ênāyw wayyarə’ wəhinnēh ‘ēśāw bā’ wə‘immwō ’arəb^a‘ mē’wōṯ ’îš wayy^aḥaṣ ’eṯ-hayəlāḏîm ‘al-lē’â wə‘al-rāḥēl wə‘al šətê haššəfāḥwōṯ:

2 wayyāśem ’eṯ-haššəfāḥwōṯ wə’eṯ-yaləḏêhen ri’šōnâ wə’eṯ-lē’â wîlāḏeyhā ’^aḥărōnîm wə’eṯ-rāḥēl wə’eṯ-ywōsēf ’^aḥărōnîm:

3 wəhû’ ‘āḇar lifənêhem wayyišət^aḥû ’arəṣâ šeḇ^a‘ pə‘āmîm ‘aḏ-gišətwō ‘aḏ-’āḥîw:

4 wayyārāṣ ‘ēśāw liqərā’ṯwō wayəḥabəqēhû wayyipōl ‘al-ṣaûā’rāw^q waׅyyiׅššāׅqēׅhׅûׅ⁴ wayyiḇəkû:

5 wayyiśśā’ ’eṯ-‘ênāyw wayyarə’ ’eṯ-hannāšîm wə’eṯ-hayəlāḏîm wayyō’mer mî-’ēlleh llāḵə wayyō’mar hayəlāḏîm ’ăšer-ḥānan ’ĕlōhîm ’eṯ-‘aḇədeḵā:

6 watigašənā haššəfāḥwōṯ hēnnâ wəyaləḏêhen watišət^aḥăweynā:

7 watigaš gam-lē’â wîlāḏeyhā wayyišət^aḥăwû wə’^aḥar nigaš ywōsēf wərāḥēl wayyišət^aḥăwû:

8 wayyō’mer mî ləḵā kāl-hamm^aḥăneh hazzeh ’ăšer pāḡāšətî wayyō’mer liməṣō’-ḥēn bə‘ênê ’ăḏōnî:

9 wayyō’mer ‘ēśāw yeš-lî rāḇ ’āḥî yəhî ləḵā ’ăšer-lāḵə:

10 wayyō’mer y^a‘ăqōḇ ’al-nā’ ’im-nā’ māṣā’ṯî ḥēn bə‘êneyḵā wəlāq^aḥətā minəḥāṯî mîyāḏî kî ‘al-kēn rā’îṯî fāneyḵā kirə’ōṯ pənê ’ĕlōhîm watirəṣēnî:

11 q^aḥ-nā’ ’eṯ-birəḵāṯî ’ăšer huḇā’ṯ lāḵə kî-ḥannanî ’ĕlōhîm wəḵî yeš-lî-ḵōl wayyifəṣar-bwō wayyiqqāḥ:

12 wayyō’mer nisə‘â wənēlēḵâ wə’ēləḵâ ləneḡədeḵā:

13 wayyō’mer ’ēlāyw ’ăḏōnî yōḏē‘a kî-hayəlāḏîm rakîm wəhaṣṣō’n wəhabāqār ‘ālwōṯ ‘ālāy ûḏəfāqûm ywōm ’eḥāḏ wāmēṯû kāl-haṣṣō’n:

14 y^a‘ăḇār-nā’ ’ăḏōnî lifənê ‘aḇədwō wa’ănî ’eṯənâălâ³ lə’iṭṭî ləreḡel hamməlā’ḵâ ’ăšer-ləfānay ûləreḡel hayəlāḏîm ‘aḏ ’ăšer-’āḇō’ ’el-’ăḏōnî śē‘îrâ:

15 wayyō’mer ‘ēśāw ’aṣṣîḡâ-nnā’ ‘imməḵā min-hā‘ām ’ăšer ’itî wayyō’mer lāmmâ zzeh ’eməṣā’-ḥēn bə‘ênê ’ăḏōnî:

16 wayyāšāḇ bayywōm hahû’ ‘ēśāw ləḏarəkwō śē‘îrâ:

17 wəy^a‘ăqōḇ nās^a‘ sukōṯâ wayyiḇen lwō bāyiṯ ûləmiqənēhû ‘āśâ sukōṯ ‘al-kēn qārā’ šēm-hammāqwōm sukwōṯ: s

18 wayyāḇō’ y^a‘ăqōḇ šālēm ‘îr šəḵem ’ăšer bə’ereṣ kən^a‘an bəḇō’wō mipadan ’ărām wayyiḥan ’eṯ-pənê hā‘îr:

19 wayyiqen ’eṯ-ḥeləqaṯ haśśāḏeh ’ăšer nāṭâ-šām ’âŏlwō mîyaḏ bənê-ḥămwōr ’ăḇî šəḵem bəmē’â qəśîṭâ:

20 wayyaṣṣeḇ-šām mizəbēḥa wayyiqərā’-lwō ’ēl ’ĕlōhê yiśərā’ēl: s

‎1 ‏וַתֵּצֵ֤א דִינָה֙ בַּת־לֵאָ֔ה אֲשֶׁ֥ר יָלְדָ֖ה לְיַעֲקֹ֑ב לִרְא֖וֹת בִּבְנ֥וֹת הָאָֽרֶץ׃

‎2 ‏וַיַּ֨רְא אֹתָ֜הּ שְׁכֶ֧ם בֶּן־חֲמ֛וֹר הַֽחִוִּ֖י נְשִׂ֣יא הָאָ֑רֶץ וַיִּקַּ֥ח אֹתָ֛הּ וַיִּשְׁכַּ֥ב אֹתָ֖הּ וַיְעַנֶּֽהָ׃

‎3 ‏וַתִּדְבַּ֣ק נַפְשׁ֔וֹ בְּדִינָ֖ה בַּֽת־יַעֲקֹ֑ב וַיֶּֽאֱהַב֙ אֶת־הַֽנַּעֲרָ֔ וַיְדַבֵּ֖ר עַל־לֵ֥ב הַֽנַּעֲרָֽ׃

‎4 ‏וַיֹּ֣אמֶר שְׁכֶ֔ם אֶל־חֲמ֥וֹר אָבִ֖יו לֵאמֹ֑ר קַֽח־לִ֛י אֶת־הַיַּלְדָּ֥ה הַזֹּ֖את לְאִשָּֽׁה׃

‎5 ‏וְיַעֲקֹ֣ב שָׁמַ֗ע כִּ֤י טִמֵּא֙ אֶת־דִּינָ֣ה בִתּ֔וֹ וּבָנָ֛יו הָי֥וּ אֶת־מִקְנֵ֖הוּ בַּשָּׂדֶ֑ה וְהֶחֱרִ֥שׁ יַעֲקֹ֖ב עַד־בֹּאָֽם׃

‎6 ‏וַיֵּצֵ֛א חֲמ֥וֹר אֲבִֽי־שְׁכֶ֖ם אֶֽל־יַעֲקֹ֑ב לְדַבֵּ֖ר אִתּֽוֹ׃

‎7 ‏וּבְנֵ֨י יַעֲקֹ֜ב בָּ֤אוּ מִן־הַשָּׂדֶה֙ כְּשָׁמְעָ֔ם וַיִּֽתְעַצְּבוּ֙ הָֽאֲנָשִׁ֔ים וַיִּ֥חַר לָהֶ֖ם מְאֹ֑ד כִּֽי־נְבָלָ֞ה עָשָׂ֣ה בְיִשְׂרָאֵ֗ל לִשְׁכַּב֙ אֶת־בַּֽת־יַעֲקֹ֔ב וְכֵ֖ן לֹ֥א יֵעָשֶֽׂה׃

‎8 ‏וַיְדַבֵּ֥ר חֲמ֖וֹר אִתָּ֣ם לֵאמֹ֑ר שְׁכֶ֣ם בְּנִ֗י חָֽשְׁקָ֤ה נַפְשׁוֹ֙ בְּבִתְּכֶ֔ם תְּנ֨וּ נָ֥א אֹתָ֛הּ ל֖וֹ לְאִשָּֽׁה׃

‎9 ‏וְהִֽתְחַתְּנ֖וּ אֹתָ֑נוּ בְּנֹֽתֵיכֶם֙ תִּתְּנוּ־לָ֔נוּ וְאֶת־בְּנֹתֵ֖ינוּ תִּקְח֥וּ לָכֶֽם׃

‎10 ‏וְאִתָּ֖נוּ תֵּשֵׁ֑בוּ וְהָאָ֙רֶץ֙ תִּהְיֶ֣ה לִפְנֵיכֶ֔ם שְׁבוּ֙ וּסְחָר֔וּהָ וְהֵֽאָחֲז֖וּ בָּֽהּ׃

‎11 ‏וַיֹּ֤אמֶר שְׁכֶם֙ אֶל־אָבִ֣יה¹ וְאֶל־אַחֶ֔יהָ אֶמְצָא־חֵ֖ן בְּעֵינֵיכֶ֑ם וַאֲשֶׁ֥ר תֹּאמְר֛וּ אֵלַ֖י אֶתֵּֽן׃

‎12 ‏הַרְבּ֨וּ עָלַ֤י מְאֹד֙ מֹ֣הַר וּמַתָּ֔ן וְאֶ֨תְּנָ֔ה כַּאֲשֶׁ֥ר תֹּאמְר֖וּ אֵלָ֑י וּתְנוּ־לִ֥י אֶת־הַֽנַּעֲרָ֖ לְאִשָּֽׁה׃

‎13 ‏וַיַּעֲנ֨וּ בְנֵֽי־יַעֲקֹ֜ב אֶת־שְׁכֶ֨ם וְאֶת־חֲמ֥וֹר אָבִ֛יו בְּמִרְמָ֖ה וַיְדַבֵּ֑רוּ אֲשֶׁ֣ר טִמֵּ֔א אֵ֖ת דִּינָ֥ה אֲחֹתָֽם׃

‎14 ‏וַיֹּאמְר֣וּ אֲלֵיהֶ֗ם לֹ֤א נוּכַל֙ לַעֲשׂוֹת֙ הַדָּבָ֣ר הַזֶּ֔ה לָתֵת֙ אֶת־אֲחֹתֵ֔נוּ לְאִ֖ישׁ אֲשֶׁר־ל֣וֹ עָרְלָ֑ה כִּֽי־חֶרְפָּ֥ה הִ֖וא לָֽנוּ׃

‎15 ‏אַךְ־בְּזֹ֖את נֵא֣וֹת לָכֶ֑ם אִ֚ם תִּהְי֣וּ כָמֹ֔נוּ לְהִמֹּ֥ל לָכֶ֖ם כָּל־זָכָֽר׃

‎16 ‏וְנָתַ֤נּוּ אֶת־בְּנֹתֵ֙ינוּ֙ לָכֶ֔ם וְאֶת־בְּנֹתֵיכֶ֖ם נִֽקַּֽח־לָ֑נוּ וְיָשַׁ֣בְנוּ אִתְּכֶ֔ם וְהָיִ֖ינוּ לְעַ֥ם אֶחָֽד׃

‎17 ‏וְאִם־לֹ֧א תִשְׁמְע֛וּ אֵלֵ֖ינוּ לְהִמּ֑וֹל וְלָקַ֥חְנוּ אֶת־בִּתֵּ֖נוּ וְהָלָֽכְנוּ׃

‎18 ‏וַיִּֽיטְב֥וּ דִבְרֵיהֶ֖ם בְּעֵינֵ֣י חֲמ֑וֹר וּבְעֵינֵ֖י שְׁכֶ֥ם בֶּן־חֲמֽוֹר׃

‎19 ‏וְלֹֽא־אֵחַ֤ר הַנַּ֙עַר֙ לַעֲשׂ֣וֹת הַדָּבָ֔ר כִּ֥י חָפֵ֖ץ בְּבַֽת־יַעֲקֹ֑ב וְה֣וּא נִכְבָּ֔ד מִכֹּ֖ל בֵּ֥ית אָבִֽיו׃

‎20 ‏וַיָּבֹ֥א חֲמ֛וֹר וּשְׁכֶ֥ם בְּנ֖וֹ אֶל־שַׁ֣עַר עִירָ֑ם וַֽיְדַבְּר֛וּ אֶל־אַנְשֵׁ֥י עִירָ֖ם לֵאמֹֽר׃

‎21 ‏הָאֲנָשִׁ֨ים הָאֵ֜לֶּה שְֽׁלֵמִ֧ים הֵ֣ם אִתָּ֗נוּ וְיֵשְׁב֤וּ בָאָ֙רֶץ֙ וְיִסְחֲר֣וּ אֹתָ֔הּ וְהָאָ֛רֶץ הִנֵּ֥ה רַֽחֲבַת־יָדַ֖יִם לִפְנֵיהֶ֑ם אֶת־בְּנֹתָם֙ נִקַּֽח־לָ֣נוּ לְנָשִׁ֔ים וְאֶת־בְּנֹתֵ֖ינוּ נִתֵּ֥ן לָהֶֽם׃

‎22 ‏אַךְ־בְּ֠זֹאת יֵאֹ֨תוּ לָ֤נוּ הָאֲנָשִׁים֙ לָשֶׁ֣בֶת אִתָּ֔נוּ לִהְי֖וֹת לְעַ֣ם אֶחָ֑ד בְּהִמּ֥וֹל לָ֙נוּ֙ כָּל־זָכָ֔ר כַּאֲשֶׁ֖ר הֵ֥ם נִמֹּלִֽים׃

‎23 ‏מִקְנֵהֶ֤ם וְקִנְיָנָם֙ וְכָל־בְּהֶמְתָּ֔ם הֲל֥וֹא לָ֖נוּ הֵ֑ם אַ֚ךְ נֵא֣וֹתָה לָהֶ֔ם וְיֵשְׁב֖וּ אִתָּֽנוּ׃

‎24 ‏וַיִּשְׁמְע֤וּ אֶל־חֲמוֹר֙ וְאֶל־שְׁכֶ֣ם בְּנ֔וֹ כָּל־יֹצְאֵ֖י שַׁ֣עַר עִיר֑וֹ וַיִּמֹּ֙לוּ֙ כָּל־זָכָ֔ר כָּל־יֹצְאֵ֖י שַׁ֥עַר עִירֽוֹ׃

‎25 ‏וַיְהִי֩ בַיּ֨וֹם הַשְּׁלִישִׁ֜י בִּֽהְיוֹתָ֣ם כֹּֽאֲבִ֗ים וַיִּקְח֣וּ שְׁנֵֽי־בְנֵי־יַ֠עֲקֹב שִׁמְע֨וֹן וְלֵוִ֜י אֲחֵ֤י דִינָה֙ אִ֣ישׁ חַרְבּ֔וֹ וַיָּבֹ֥אוּ עַל־הָעִ֖יר בֶּ֑טַח וַיַּֽהַרְג֖וּ כָּל־זָכָֽר׃

‎26 ‏וְאֶת־חֲמוֹר֙ וְאֶת־שְׁכֶ֣ם בְּנ֔וֹ הָרְג֖וּ לְפִי־חָ֑רֶב וַיִּקְח֧וּ אֶת־דִּינָ֛ה מִבֵּ֥ית שְׁכֶ֖ם וַיֵּצֵֽאוּ׃

‎27 ‏בְּנֵ֣י יַעֲקֹ֗ב בָּ֚אוּ עַל־הַ֣חֲלָלִ֔ים וַיָּבֹ֖זּוּ הָעִ֑יר אֲשֶׁ֥ר טִמְּא֖וּ אֲחוֹתָֽם׃

‎28 ‏אֶת־צֹאנָ֥ם וְאֶת־בְּקָרָ֖ם וְאֶת־חֲמֹרֵיהֶּ֑ם¹ וְאֵ֧ת אֲשֶׁר־בָּעִ֛יר וְאֶת־אֲשֶׁ֥ר בַּשָּׂדֶ֖ה לָקָֽחוּ׃

‎29 ‏וְאֶת־כָּל־חֵילָ֤ם וְאֶת־כָּל־טַפָּם֙ וְאֶת־נְשֵׁיהֶ֔ם שָׁב֖וּ וַיָּבֹ֑זּוּ וְאֵ֖ת כָּל־אֲשֶׁ֥ר בַּבָּֽיִת׃

‎30 ‏וַיֹּ֨אמֶר יַעֲקֹ֜ב אֶל־שִׁמְע֣וֹן וְאֶל־לֵוִי֮ עֲכַרְתֶּ֣ם אֹתִי֒ לְהַבְאִישֵׁ֙נִי֙ בְּיֹשֵׁ֣ב הָאָ֔רֶץ בַּֽכְּנַעֲנִ֖י וּבַפְּרִזִּ֑י וַאֲנִי֙ מְתֵ֣י מִסְפָּ֔ר וְנֶאֶסְפ֤וּ עָלַי֙ וְהִכּ֔וּנִי וְנִשְׁמַדְתִּ֖י אֲנִ֥י וּבֵיתִֽי׃

‎31 ‏וַיֹּאמְר֑וּ הַכְזוֹנָ֕ה יַעֲשֶׂ֖ה אֶת־אֲחוֹתֵֽנוּ׃ פ

1 watēṣē’ ḏînâ baṯ-lē’â ’ăšer yāləḏâ ləy^a‘ăqōḇ lirə’wōṯ biḇənwōṯ hā’āreṣ:

2 wayyarə’ ’ōṯāh šəḵem ben-ḥămwōr h^aḥiûî nəśî’ hā’āreṣ wayyiqq^aḥ ’ōṯāh wayyišəkaḇ ’ōṯāh wayə‘annehā:

3 watiḏəbaq nafəšwō bəḏînâ baṯ-y^a‘ăqōḇ wayye’ĕhaḇ ’eṯ-hann^a‘ărā wayəḏabēr ‘al-lēḇ hann^a‘ărā:

4 wayyō’mer šəḵem ’el-ḥămwōr ’āḇîw lē’mōr q^aḥ-lî ’eṯ-hayyalədâ hazzō’ṯ lə’iššâ:

5 wəy^a‘ăqōḇ šām^a‘ kî ṭimmē’ ’eṯ-dînâ ḇitwō ûḇānāyw hāyû ’eṯ-miqənēhû baśśāḏeh wəheḥĕriš y^a‘ăqōḇ ‘aḏ-bō’ām:

6 wayyēṣē’ ḥămwōr ’ăḇî-šəḵem ’el-y^a‘ăqōḇ ləḏabēr ’itwō:

7 ûḇənê y^a‘ăqōḇ bā’û min-haśśāḏeh kəšāmə‘ām wayyiṯə‘aṣṣəḇû hā’ănāšîm wayyiḥar lâem mə’ōḏ kî-nəḇālâ ‘āśâ ḇəyiśərā’ēl lišəkaḇ ’eṯ-baṯ-y^a‘ăqōḇ wəḵēn lō’ yē‘āśeh:

8 wayəḏabēr ḥămwōr ’itām lē’mōr šəḵem bənî ḥāšəqâ nafəšwō bəḇitəḵem tənû nā’ ’ōṯāh lwō lə’iššâ:

9 wəhiṯəḥatənû ’ōṯānû bənōṯêḵem titənû-lānû wə’eṯ-bənōṯênû tiqəḥû lāḵem:

10 wə’itānû tēšēḇû wəhā’āreṣ tihəyeh lifənêḵem šəḇû ûsəḥārûhā wəhē’āḥăzû bāh:

11 wayyō’mer šəḵem ’el-’āḇîh¹ wə’el-’^aḥeyhā ’eməṣā’-ḥēn bə‘ênêḵem wa’ăšer tō’mərû ’ēlay ’etēn:

12 harəbû ‘ālay mə’ōḏ mōhar ûmatān wə’etənâ ka’ăšer tō’mərû ’ēlāy ûṯənû-lî ’eṯ-hann^a‘ărā lə’iššâ:

13 wayy^a‘ănû ḇənê-y^a‘ăqōḇ ’eṯ-šəḵem wə’eṯ-ḥămwōr ’āḇîw bəmirəmâ wayəḏabērû ’ăšer ṭimmē’ ’ēṯ dînâ ’ăḥōṯām:

14 wayyō’mərû ’ălêhem lō’ nûḵal l^a‘ăśwōṯ hadāḇār hazzeh lāṯēṯ ’eṯ-’ăḥōṯēnû lə’îš ’ăšer-lwō ‘ārəlâ kî-ḥerəpâ hiw’ lānû:

15 ’aḵə-bəzō’ṯ nē’wōṯ lāḵem ’im tihəyû ḵāmōnû ləhimmōl lāḵem kāl-zāḵār:

16 wənāṯannû ’eṯ-bənōṯênû lāḵem wə’eṯ-bənōṯêḵem niqq^aḥ-lānû wəyāšaḇənû ’itəḵem wəhāyînû lə‘am ’eḥāḏ:

17 wə’im-lō’ ṯišəmə‘û ’ēlênû ləhimmwōl wəlāq^aḥənû ’eṯ-bitēnû wəhālāḵənû:

18 wayyîṭəḇû ḏiḇərêhem bə‘ênê ḥămwōr ûḇə‘ênê šəḵem ben-ḥămwōr:

19 wəlō’-’ēḥar hann^a‘ar l^a‘ăśwōṯ hadāḇār kî ḥāfēṣ bəḇaṯ-y^a‘ăqōḇ wəhû’ niḵəbāḏ mikōl bêṯ ’āḇîw:

20 wayyāḇō’ ḥămwōr ûšəḵem bənwō ’el-š^a‘ar ‘îrām wayəḏabərû ’el-’anəšê ‘îrām lē’mōr:

21 hā’ănāšîm hā’ēlleh šəlēmîm hēm ’itānû wəyēšəḇû ḇā’āreṣ wəyisəḥărû ’ōṯāh wəhā’āreṣ hinnēh r^aḥăḇaṯ-yāḏayim lifənêhem ’eṯ-bənōṯām niqq^aḥ-lānû lənāšîm wə’eṯ-bənōṯênû nitēn lâem:

22 ’aḵə-bəzō’ṯ yē’ōṯû lānû hā’ănāšîm lāšeḇeṯ ’itānû lihəywōṯ lə‘am ’eḥāḏ bəhimmwōl lānû kāl-zāḵār ka’ăšer hēm nimmōlîm:

23 miqənēhem wəqinəyānām wəḵāl-bəhemətām hălwō’ lānû hēm ’aḵə nē’wōṯâ lâem wəyēšəḇû ’itānû:

24 wayyišəmə‘û ’el-ḥămwōr wə’el-šəḵem bənwō kāl-yōṣə’ê š^a‘ar ‘îrwō wayyimmōlû kāl-zāḵār kāl-yōṣə’ê š^a‘ar ‘îrwō:

25 wayəhî ḇayywōm haššəlîšî bihəywōṯām kō’ăḇîm wayyiqəḥû šənê-ḇənê-y^a‘ăqōḇ šimə‘wōn wəlēwî ’ăḥê ḏînâ ’îš ḥarəbwō wayyāḇō’û ‘al-hā‘îr beṭ^aḥ wayyaharəḡû kāl-zāḵār:

26 wə’eṯ-ḥămwōr wə’eṯ-šəḵem bənwō hārəḡû ləfî-ḥāreḇ wayyiqəḥû ’eṯ-dînâ mibêṯ šəḵem wayyēṣē’û:

27 bənê y^a‘ăqōḇ bā’û ‘al-h^aḥălālîm wayyāḇōzzû hā‘îr ’ăšer ṭimmə’û ’ăḥwōṯām:

28 ’eṯ-ṣō’nām wə’eṯ-bəqārām wə’eṯ-ḥămōrêhhem¹ wə’ēṯ ’ăšer-bā‘îr wə’eṯ-’ăšer baśśāḏeh lāqāḥû:

29 wə’eṯ-kāl-ḥêlām wə’eṯ-kāl-ṭapām wə’eṯ-nəšêhem šāḇû wayyāḇōzzû wə’ēṯ kāl-’ăšer babāyiṯ:

30 wayyō’mer y^a‘ăqōḇ ’el-šimə‘wōn wə’el-lēwî ‘ăḵarətem ’ōṯî ləhaḇə’îšēnî bəyōšēḇ hā’āreṣ bakən^a‘ănî ûḇapərizzî wa’ănî məṯê misəpār wəne’esəfû ‘ālay wəhikûnî wənišəmaḏətî ’ănî ûḇêṯî:

31 wayyō’mərû haḵəzwōnâ y^a‘ăśeh ’eṯ-’ăḥwōṯēnû: f

‎1 ‏וַיֹּ֤אמֶר אֱלֹהִים֙ אֶֽל־יַעֲקֹ֔ב ק֛וּם עֲלֵ֥ה בֵֽית־אֵ֖ל וְשֶׁב־שָׁ֑ם וַעֲשֵׂה־שָׁ֣ם מִזְבֵּ֔חַ לָאֵל֙ הַנִּרְאֶ֣ה אֵלֶ֔יךָ בְּבָרְחֲךָ֔¹ מִפְּנֵ֖י עֵשָׂ֥ו אָחִֽיךָ׃

‎2 ‏וַיֹּ֤אמֶר יַעֲקֹב֙ אֶל־בֵּית֔וֹ וְאֶ֖ל כָּל־אֲשֶׁ֣ר עִמּ֑וֹ הָסִ֜רוּ אֶת־אֱלֹהֵ֤י הַנֵּכָר֙ אֲשֶׁ֣ר בְּתֹכְכֶ֔ם וְהִֽטַּהֲר֔וּ וְהַחֲלִ֖יפוּ שִׂמְלֹתֵיכֶֽם׃

‎3 ‏וְנָק֥וּמָה וְנַעֲלֶ֖ה בֵּֽית־אֵ֑ל וְאֶֽעֱשֶׂה־שָּׁ֣ם מִזְבֵּ֗חַ לָאֵ֞ל הָעֹנֶ֤ה אֹתִי֙ בְּי֣וֹם צָֽרָתִ֔י וַיְהִי֙ עִמָּדִ֔י בַּדֶּ֖רֶךְ אֲשֶׁ֥ר הָלָֽכְתִּי׃

‎4 ‏וַיִּתְּנ֣וּ³ אֶֽל־יַעֲקֹ֗ב אֵ֣ת כָּל־אֱלֹהֵ֤י הַנֵּכָר֙ אֲשֶׁ֣ר בְּיָדָ֔ם וְאֶת־הַנְּזָמִ֖ים אֲשֶׁ֣ר בְּאָזְנֵיהֶ֑ם וַיִּטְמֹ֤ן אֹתָם֙ יַעֲקֹ֔ב תַּ֥חַת הָאֵלָ֖ה אֲשֶׁ֥ר עִם־שְׁכֶֽם׃

‎5 ‏וַיִּסָּ֑עוּ וַיְהִ֣י׀ חִתַּ֣ת אֱלֹהִ֗ים עַל־הֶֽעָרִים֙ אֲשֶׁר֙ סְבִיבֹ֣תֵיהֶ֔ם וְלֹ֣א רָֽדְפ֔וּ אַחֲרֵ֖י בְּנֵ֥י יַעֲקֹֽב׃

‎6 ‏וַיָּבֹ֨א יַעֲקֹ֜ב ל֗וּזָה אֲשֶׁר֙ בְּאֶ֣רֶץ כְּנַ֔עַן הִ֖וא בֵּֽית־אֵ֑ל ה֖וּא וְכָל־הָעָ֥ם אֲשֶׁר־עִמּֽוֹ׃

‎7 ‏וַיִּ֤בֶן שָׁם֙ מִזְבֵּ֔חַ וַיִּקְרָא֙ לַמָּק֔וֹם אֵ֖ל בֵּֽית־אֵ֑ל כִּ֣י שָׁ֗ם נִגְל֤וּ אֵלָיו֙ הָֽאֱלֹהִ֔ים בְּבָרְח֖וֹ מִפְּנֵ֥י אָחִֽיו׃

‎8 ‏וַתָּ֤מָת דְּבֹרָה֙ מֵינֶ֣קֶת רִבְקָ֔ה וַתִּקָּבֵ֛ר מִתַּ֥חַת לְבֵֽית־אֵ֖ל תַּ֣חַת הָֽאַלּ֑וֹן וַיִּקְרָ֥א שְׁמ֖וֹ אַלּ֥וֹן בָּכֽוּת׃ פ

‎9 ‏וַיֵּרָ֨א אֱלֹהִ֤ים אֶֽל־יַעֲקֹב֙ ע֔וֹד בְּבֹא֖וֹ מִפַּדַּ֣ן אֲרָ֑ם וַיְבָ֖רֶךְ אֹתֽוֹ׃

‎10 ‏וַיֹּֽאמֶר־ל֥וֹ אֱלֹהִ֖ים שִׁמְךָ֣ יַעֲקֹ֑ב לֹֽא־יִקָּרֵא֩ שִׁמְךָ֨³ ע֜וֹד יַעֲקֹ֗ב כִּ֤י אִם־יִשְׂרָאֵל֙ יִהְיֶ֣ה שְׁמֶ֔ךָ וַיִּקְרָ֥א אֶת־שְׁמ֖וֹ יִשְׂרָאֵֽל׃

‎11 ‏וַיֹּאמֶר֩ ל֨וֹ אֱלֹהִ֜ים אֲנִ֨י אֵ֤ל שַׁדַּי֙ פְּרֵ֣ה וּרְבֵ֔ה גּ֛וֹי וּקְהַ֥ל גּוֹיִ֖ם יִהְיֶ֣ה מִמֶּ֑ךָּ וּמְלָכִ֖ים מֵחֲלָצֶ֥יךָ יֵצֵֽאוּ׃

‎12 ‏וְאֶת־הָאָ֗רֶץ אֲשֶׁ֥ר נָתַ֛תִּי לְאַבְרָהָ֥ם וּלְיִצְחָ֖ק לְךָ֣ אֶתְּנֶ֑נָּה וּֽלְזַרְעֲךָ֥ אַחֲרֶ֖יךָ אֶתֵּ֥ן אֶת־הָאָֽרֶץ׃

‎13 ‏וַיַּ֥עַל מֵעָלָ֖יו אֱלֹהִ֑ים בַּמָּק֖וֹם אֲשֶׁר־דִּבֶּ֥ר אִתּֽוֹ׃

‎14 ‏וַיַּצֵּ֨ב יַעֲקֹ֜ב מַצֵּבָ֗ה בַּמָּק֛וֹם אֲשֶׁר־דִּבֶּ֥ר אִתּ֖וֹ מַצֶּ֣בֶת אָ֑בֶן וַיַּסֵּ֤ךְ עָלֶ֙יהָ֙ נֶ֔סֶךְ וַיִּצֹ֥ק עָלֶ֖יהָ שָֽׁמֶן׃

‎15 ‏וַיִּקְרָ֨א יַעֲקֹ֜ב אֶת־שֵׁ֣ם הַמָּק֗וֹם אֲשֶׁר֩ דִּבֶּ֨ר אִתּ֥וֹ שָׁ֛ם אֱלֹהִ֖ים בֵּֽית־אֵֽל׃

‎16 ‏וַיִּסְעוּ֙ מִבֵּ֣ית אֵ֔ל וַֽיְהִי־ע֥וֹד כִּבְרַת־הָאָ֖רֶץ לָב֣וֹא אֶפְרָ֑תָה וַתֵּ֥לֶד רָחֵ֖ל וַתְּקַ֥שׁ בְּלִדְתָּֽהּ׃

‎17 ‏וַיְהִ֥י בְהַקְשֹׁתָ֖הּ בְּלִדְתָּ֑הּ וַתֹּ֨אמֶר לָ֤הּ הַמְיַלֶּ֙דֶת֙ אַל־תִּ֣ירְאִ֔י כִּֽי־גַם־זֶ֥ה לָ֖ךְ בֵּֽן׃

‎18 ‏וַיְהִ֞י בְּצֵ֤את נַפְשָׁהּ֙ כִּ֣י מֵ֔תָה וַתִּקְרָ֥א שְׁמ֖וֹ בֶּן־אוֹנִ֑י וְאָבִ֖יו קָֽרָא־ל֥וֹ בִנְיָמִֽין׃

‎19 ‏וַתָּ֖מָת רָחֵ֑ל וַתִּקָּבֵר֙ בְּדֶ֣רֶךְ אֶפְרָ֔תָה הִ֖וא בֵּ֥ית לָֽחֶם׃

‎20 ‏וַיַּצֵּ֧ב יַעֲקֹ֛ב מַצֵּבָ֖ה עַל־קְבֻרָתָ֑הּ הִ֛וא מַצֶּ֥בֶת קְבֻרַֽת־רָחֵ֖ל³ עַד־הַיּֽוֹם׃

‎21 ‏וַיִּסַּ֖ע יִשְׂרָאֵ֑ל וַיֵּ֣ט אָֽהֳלֹ֔ה^q מֵהָ֖לְאָה לְמִגְדַּל־עֵֽדֶר׃

‎22 ‏וַיְהִ֗י בִּשְׁכֹּ֤ן יִשְׂרָאֵל֙ בָּאָ֣רֶץ הַהִ֔וא וַיֵּ֣לֶךְ רְאוּבֵ֔ן וַיִּשְׁכַּ֕ב֙ אֶת־בִּלְהָ֖ה֙ פִּילֶ֣גֶשׁ אָבִ֑֔יו וַיִּשְׁמַ֖ע יִשְׂרָאֵֽ֑ל פוַיִּֽהְי֥וּ בְנֵֽי־יַעֲקֹ֖ב שְׁנֵ֥ים עָשָֽׂר׃

‎23 ‏בְּנֵ֣י לֵאָ֔ה בְּכ֥וֹר יַעֲקֹ֖ב רְאוּבֵ֑ן וְשִׁמְעוֹן֙ וְלֵוִ֣י וִֽיהוּדָ֔ה וְיִשָּׂשכָ֖ר וּזְבוּלֻֽן׃

‎24 ‏בְּנֵ֣י רָחֵ֔ל יוֹסֵ֖ף וּבִנְיָמִֽן׃

‎25 ‏וּבְנֵ֤י בִלְהָה֙ שִׁפְחַ֣ת רָחֵ֔ל דָּ֖ן וְנַפְתָּלִֽי׃

‎26 ‏וּבְנֵ֥י זִלְפָּ֛ה שִׁפְחַ֥ת לֵאָ֖ה גָּ֣ד וְאָשֵׁ֑ר אֵ֚לֶּה בְּנֵ֣י יַעֲקֹ֔ב אֲשֶׁ֥ר יֻלַּד־ל֖וֹ בְּפַדַּ֥ן אֲרָֽם׃

‎27 ‏וַיָּבֹ֤א יַעֲקֹב֙ אֶל־יִצְחָ֣ק אָבִ֔יו מַמְרֵ֖א קִרְיַ֣ת הָֽאַרְבַּ֑ע הִ֣וא חֶבְר֔וֹן³ אֲשֶׁר־גָּֽר־שָׁ֥ם אַבְרָהָ֖ם וְיִצְחָֽק׃

‎28 ‏וַיִּֽהְי֖וּ יְמֵ֣י יִצְחָ֑ק מְאַ֥ת שָׁנָ֖ה וּשְׁמֹנִ֥ים שָׁנָֽה׃

‎29 ‏וַיִּגְוַ֨ע יִצְחָ֤ק וַיָּ֙מָת֙ וַיֵּאָ֣סֶף אֶל־עַמָּ֔יו זָקֵ֖ן וּשְׂבַ֣ע יָמִ֑ים וַיִּקְבְּר֣וּ אֹת֔וֹ עֵשָׂ֥ו וְיַעֲקֹ֖ב בָּנָֽיו׃ פ

1 wayyō’mer ’ĕlōhîm ’el-y^a‘ăqōḇ qûm ‘ălēh ḇêṯ-’ēl wəšeḇ-šām w^a‘ăśēh-šām mizəbēḥa lā’ēl hannirə’eh ’ēleyḵā bəḇārəḥăḵā¹ mipənê ‘ēśāw ’āḥîḵā:

2 wayyō’mer y^a‘ăqōḇ ’el-bêṯwō wə’el kāl-’ăšer ‘immwō hāsirû ’eṯ-’ĕlōhê hannēḵār ’ăšer bəṯōḵəḵem wəhiṭṭahărû wəh^aḥălîfû śiməlōṯêḵem:

3 wənāqûmâ wən^a‘ăleh bêṯ-’ēl wə’e‘ĕśeh-ššām mizəbēḥa lā’ēl hā‘ōneh ’ōṯî bəywōm ṣārāṯî wayəhî ‘immāḏî badereḵə ’ăšer hālāḵətî:

4 wayyitənû³ ’el-y^a‘ăqōḇ ’ēṯ kāl-’ĕlōhê hannēḵār ’ăšer bəyāḏām wə’eṯ-hannəzāmîm ’ăšer bə’āzənêhem wayyiṭəmōn ’ōṯām y^a‘ăqōḇ t^aḥaṯ hā’ēlâ ’ăšer ‘im-šəḵem:

5 wayyissā‘û wayəhî| ḥitaṯ ’ĕlōhîm ‘al-he‘ārîm ’ăšer səḇîḇōṯêhem wəlō’ rāḏəfû ’^aḥărê bənê y^a‘ăqōḇ:

6 wayyāḇō’ y^a‘ăqōḇ lûzâ ’ăšer bə’ereṣ kən^a‘an hiw’ bêṯ-’ēl hû’ wəḵāl-hā‘ām ’ăšer-‘immwō:

7 wayyiḇen šām mizəbēḥa wayyiqərā’ lammāqwōm ’ēl bêṯ-’ēl kî šām niḡəlû ’ēlāyw hā’ĕlōhîm bəḇārəḥwō mipənê ’āḥîw:

8 watāmāṯ dəḇōrâ mêneqeṯ riḇəqâ watiqqāḇēr mit^aḥaṯ ləḇêṯ-’ēl t^aḥaṯ hā’allwōn wayyiqərā’ šəmwō ’allwōn bāḵûṯ: f

9 wayyērā’ ’ĕlōhîm ’el-y^a‘ăqōḇ ‘wōḏ bəḇō’wō mipadan ’ărām wayəḇāreḵə ’ōṯwō:

10 wayyō’mer-lwō ’ĕlōhîm šiməḵā y^a‘ăqōḇ lō’-yiqqārē’ šiməḵā³ ‘wōḏ y^a‘ăqōḇ kî ’im-yiśərā’ēl yihəyeh šəmeḵā wayyiqərā’ ’eṯ-šəmwō yiśərā’ēl:

11 wayyō’mer lwō ’ĕlōhîm ’ănî ’ēl šaday pərēh ûrəḇēh gwōy ûqəhal gwōyim yihəyeh mimmeḵḵā ûməlāḵîm mēḥălāṣeyḵā yēṣē’û:

12 wə’eṯ-hā’āreṣ ’ăšer nāṯatî lə’aḇərâām ûləyiṣəḥāq ləḵā ’etənennâ ûləzarə‘ăḵā ’^aḥăreyḵā ’etēn ’eṯ-hā’āreṣ:

13 wayy^a‘al mē‘ālāyw ’ĕlōhîm bammāqwōm ’ăšer-diber ’itwō:

14 wayyaṣṣēḇ y^a‘ăqōḇ maṣṣēḇâ bammāqwōm ’ăšer-diber ’itwō maṣṣeḇeṯ ’āḇen wayyassēḵə ‘āleyhā neseḵə wayyiṣōq ‘āleyhā šāmen:

15 wayyiqərā’ y^a‘ăqōḇ ’eṯ-šēm hammāqwōm ’ăšer diber ’itwō šām ’ĕlōhîm bêṯ-’ēl:

16 wayyisə‘û mibêṯ ’ēl wayəhî-‘wōḏ kiḇəraṯ-hā’āreṣ lāḇwō’ ’efərāṯâ watēleḏ rāḥēl watəqaš bəliḏətāh:

17 wayəhî ḇəhaqəšōṯāh bəliḏətāh watō’mer lāh haməyalleḏeṯ ’al-tîrə’î kî-ḡam-zeh lāḵə bēn:

18 wayəhî bəṣē’ṯ nafəšāh kî mēṯâ watiqərā’ šəmwō ben-’wōnî wə’āḇîw qārā’-lwō ḇinəyāmîn:

19 watāmāṯ rāḥēl watiqqāḇēr bəḏereḵə ’efərāṯâ hiw’ bêṯ lāḥem:

20 wayyaṣṣēḇ y^a‘ăqōḇ maṣṣēḇâ ‘al-qəḇurāṯāh hiw’ maṣṣeḇeṯ qəḇuraṯ-rāḥēl³ ‘aḏ-hayywōm:

21 wayyiss^a‘ yiśərā’ēl wayyēṭ ’âŏlōh^q mēhālə’â ləmiḡədal-‘ēḏer:

22 wayəhî bišəkōn yiśərā’ēl bā’āreṣ hahiw’ wayyēleḵə rə’ûḇēn wayyišəkaḇ ’eṯ-biləhâ pîleḡeš ’āḇîw wayyišəm^a‘ yiśərā’ēl fwayyihəyû ḇənê-y^a‘ăqōḇ šənêm ‘āśār:

23 bənê lē’â bəḵwōr y^a‘ăqōḇ rə’ûḇēn wəšimə‘wōn wəlēwî wîhûḏâ wəyiśśāsḵār ûzəḇûlun:

24 bənê rāḥēl ywōsēf ûḇinəyāmin:

25 ûḇənê ḇiləhâ šifəḥaṯ rāḥēl dān wənafətālî:

26 ûḇənê ziləpâ šifəḥaṯ lē’â gāḏ wə’āšēr ’ēlleh bənê y^a‘ăqōḇ ’ăšer yullaḏ-lwō bəfadan ’ărām:

27 wayyāḇō’ y^a‘ăqōḇ ’el-yiṣəḥāq ’āḇîw mamərē’ qirəyaṯ hā’arəb^a‘ hiw’ ḥeḇərwōn³ ’ăšer-gār-šām ’aḇərâām wəyiṣəḥāq:

28 wayyihəyû yəmê yiṣəḥāq mə’aṯ šānâ ûšəmōnîm šānâ:

29 wayyiḡəw^a‘ yiṣəḥāq wayyāmāṯ wayyē’āsef ’el-‘ammāyw zāqēn ûśəḇ^a‘ yāmîm wayyiqəbərû ’ōṯwō ‘ēśāw wəy^a‘ăqōḇ bānāyw: f

‎1 ‏וְאֵ֛לֶּה תֹּלְד֥וֹת עֵשָׂ֖ו ה֥וּא אֱדֽוֹם׃

‎2 ‏עֵשָׂ֛ו לָקַ֥ח אֶת־נָשָׁ֖יו מִבְּנ֣וֹת כְּנָ֑עַן אֶת־עָדָ֗ה בַּת־אֵילוֹן֙ הַֽחִתִּ֔י וְאֶת־אָהֳלִֽיבָמָה֙ בַּת־עֲנָ֔ה בַּת־צִבְע֖וֹן הַֽחִוִּֽי׃

‎3 ‏וְאֶת־בָּשְׂמַ֥ת בַּת־יִשְׁמָעֵ֖אל אֲח֥וֹת נְבָיֽוֹת׃

‎4 ‏וַתֵּ֧לֶד עָדָ֛ה לְעֵשָׂ֖ו אֶת־אֱלִיפָ֑ז וּבָ֣שְׂמַ֔ת יָלְדָ֖ה אֶת־רְעוּאֵֽל׃

‎5 ‏וְאָהֳלִֽיבָמָה֙ יָֽלְדָ֔ה אֶת־יעיש יְע֥וּשׁ וְאֶת־יַעְלָ֖ם וְאֶת־קֹ֑רַח אֵ֚לֶּה בְּנֵ֣י עֵשָׂ֔ו אֲשֶׁ֥ר יֻלְּדוּ־ל֖וֹ בְּאֶ֥רֶץ כְּנָֽעַן׃

‎6 ‏וַיִּקַּ֣ח עֵשָׂ֡ו אֶת־נָ֠שָׁיו וְאֶת־בָּנָ֣יו וְאֶת־בְּנֹתָיו֮ וְאֶת־כָּל־נַפְשׁ֣וֹת בֵּיתוֹ֒ וְאֶת־מִקְנֵ֣הוּ וְאֶת־כָּל־בְּהֶמְתּ֗וֹ וְאֵת֙ כָּל־קִנְיָנ֔וֹ אֲשֶׁ֥ר רָכַ֖שׁ בְּאֶ֣רֶץ כְּנָ֑עַן וַיֵּ֣לֶךְ אֶל־אֶ֔רֶץ מִפְּנֵ֖י יַעֲקֹ֥ב אָחִֽיו׃

‎7 ‏כִּֽי־הָיָ֧ה רְכוּשָׁ֛ם רָ֖ב מִשֶּׁ֣בֶת יַחְדָּ֑ו וְלֹ֨א יָֽכְלָ֜ה אֶ֤רֶץ מְגֽוּרֵיהֶם֙ לָשֵׂ֣את אֹתָ֔ם מִפְּנֵ֖י מִקְנֵיהֶֽם׃

‎8 ‏וַיֵּ֤שֶׁב עֵשָׂו֙ בְּהַ֣ר שֵׂעִ֔יר עֵשָׂ֖ו ה֥וּא אֱדֽוֹם׃

‎9 ‏וְאֵ֛לֶּה תֹּלְד֥וֹת עֵשָׂ֖ו אֲבִ֣י אֱד֑וֹם בְּהַ֖ר שֵׂעִֽיר׃

‎10 ‏אֵ֖לֶּה שְׁמ֣וֹת בְּנֵֽי־עֵשָׂ֑ו אֱלִיפַ֗ז בֶּן־עָדָה֙ אֵ֣שֶׁת עֵשָׂ֔ו רְעוּאֵ֕ל בֶּן־בָּשְׂמַ֖ת אֵ֥שֶׁת עֵשָֽׂו׃

‎11 ‏וַיִּהְי֖וּ בְּנֵ֣י אֱלִיפָ֑ז תֵּימָ֣ן אוֹמָ֔ר צְפ֥וֹ וְגַעְתָּ֖ם וּקְנַֽז׃

‎12 ‏וְתִמְנַ֣ע׀ הָיְתָ֣ה פִילֶ֗גֶשׁ לֶֽאֱלִיפַז֙ בֶּן־עֵשָׂ֔ו וַתֵּ֥לֶד לֶאֱלִיפַ֖ז אֶת־עֲמָלֵ֑ק אֵ֕לֶּה בְּנֵ֥י עָדָ֖ה אֵ֥שֶׁת עֵשָֽׂו׃

‎13 ‏וְאֵ֙לֶּה֙ בְּנֵ֣י רְעוּאֵ֔ל נַ֥חַת וָזֶ֖רַח שַׁמָּ֣ה וּמִזָּ֑ה אֵ֣לֶּ֣ה¹ הָי֔וּ בְּנֵ֥י בָשְׂמַ֖ת אֵ֥שֶׁת עֵשָֽׂו׃

‎14 ‏וְאֵ֣לֶּה הָי֗וּ בְּנֵ֨י אָהֳלִיבָמָ֧ה בַת־עֲנָ֛ה בַּת־צִבְע֖וֹן אֵ֣שֶׁת עֵשָׂ֑ו וַתֵּ֣לֶד לְעֵשָׂ֔ו אֶת־יעיש יְע֥וּשׁ וְאֶת־יַעְלָ֖ם וְאֶת־קֹֽרַח׃

‎15 ‏אֵ֖לֶּה אַלּוּפֵ֣י בְנֵֽי־עֵשָׂ֑ו בְּנֵ֤י אֱלִיפַז֙ בְּכ֣וֹר עֵשָׂ֔ו אַלּ֤וּף תֵּימָן֙ אַלּ֣וּף אוֹמָ֔ר אַלּ֥וּף צְפ֖וֹ אַלּ֥וּף קְנַֽז׃

‎16 ‏אַלּֽוּף־קֹ֛רַח³ אַלּ֥וּף גַּעְתָּ֖ם אַלּ֣וּף עֲמָלֵ֑ק אֵ֣לֶּה אַלּוּפֵ֤י אֱלִיפַז֙ בְּאֶ֣רֶץ אֱד֔וֹם אֵ֖לֶּה בְּנֵ֥י עָדָֽה׃

‎17 ‏וְאֵ֗לֶּה בְּנֵ֤י רְעוּאֵל֙ בֶּן־עֵשָׂ֔ו אַלּ֥וּף נַ֙חַת֙ אַלּ֣וּף זֶ֔רַח אַלּ֥וּף שַׁמָּ֖ה אַלּ֣וּף מִזָּ֑ה אֵ֣לֶּה אַלּוּפֵ֤י רְעוּאֵל֙ בְּאֶ֣רֶץ אֱד֔וֹם אֵ֕לֶּה בְּנֵ֥י בָשְׂמַ֖ת אֵ֥שֶׁת עֵשָֽׂו׃

‎18 ‏וְאֵ֗לֶּה בְּנֵ֤י אָהֳלִֽיבָמָה֙ אֵ֣שֶׁת עֵשָׂ֔ו אַלּ֥וּף יְע֛וּשׁ אַלּ֥וּף יַעְלָ֖ם אַלּ֣וּף קֹ֑רַח אֵ֣לֶּה אַלּוּפֵ֞י אָֽהֳלִיבָמָ֛ה בַּת־עֲנָ֖ה אֵ֥שֶׁת עֵשָֽׂו׃

‎19 ‏אֵ֧לֶּה בְנֵי־עֵשָׂ֛ו וְאֵ֥לֶּה אַלּוּפֵיהֶ֖ם ה֥וּא אֱדֽוֹם׃ ס

‎20 ‏אֵ֤לֶּה בְנֵֽי־שֵׂעִיר֙ הַחֹרִ֔י³ יֹשְׁבֵ֖י הָאָ֑רֶץ לוֹטָ֥ן וְשׁוֹבָ֖ל וְצִבְע֥וֹן וַעֲנָֽה׃

‎21 ‏וְדִשׁ֥וֹן וְאֵ֖צֶר וְדִישָׁ֑ן אֵ֣לֶּה אַלּוּפֵ֧י הַחֹרִ֛י בְּנֵ֥י שֵׂעִ֖יר בְּאֶ֥רֶץ אֱדֽוֹם׃

‎22 ‏וַיִּהְי֥וּ בְנֵי־לוֹטָ֖ן חֹרִ֣י וְהֵימָ֑ם וַאֲח֥וֹת לוֹטָ֖ן תִּמְנָֽע׃

‎23 ‏וְאֵ֙לֶּה֙ בְּנֵ֣י שׁוֹבָ֔ל עַלְוָ֥ן וּמָנַ֖חַת וְעֵיבָ֑ל שְׁפ֖וֹ וְאוֹנָֽם׃

‎24 ‏וְאֵ֥לֶּה בְנֵֽי־צִבְע֖וֹן וְאַיָּ֣ה³ וַעֲנָ֑ה ה֣וּא עֲנָ֗ה אֲשֶׁ֨ר מָצָ֤א אֶת־הַיֵּמִם֙ בַּמִּדְבָּ֔ר בִּרְעֹת֥וֹ אֶת־הַחֲמֹרִ֖ים לְצִבְע֥וֹן אָבִֽיו׃

‎25 ‏וְאֵ֥לֶּה בְנֵֽי־עֲנָ֖ה דִּשֹׁ֑ן וְאָהֳלִיבָמָ֖ה בַּת־עֲנָֽה׃

‎26 ‏וְאֵ֖לֶּה בְּנֵ֣י דִישָׁ֑ן חֶמְדָּ֥ן וְאֶשְׁבָּ֖ן וְיִתְרָ֥ן וּכְרָֽן׃

‎27 ‏אֵ֖לֶּה בְּנֵי־אֵ֑צֶר בִּלְהָ֥ן וְזַעֲוָ֖ן וַעֲקָֽן׃

‎28 ‏אֵ֥לֶּה בְנֵֽי־דִישָׁ֖ן ע֥וּץ וַאֲרָֽן׃

‎29 ‏אֵ֖לֶּה אַלּוּפֵ֣י הַחֹרִ֑י אַלּ֤וּף לוֹטָן֙ אַלּ֣וּף שׁוֹבָ֔ל אַלּ֥וּף צִבְע֖וֹן אַלּ֥וּף עֲנָֽה׃

‎30 ‏אַלּ֥וּף דִּשֹׁ֛ן אַלּ֥וּף אֵ֖צֶר אַלּ֣וּף דִּישָׁ֑ן אֵ֣לֶּה אַלּוּפֵ֧י הַחֹרִ֛י לְאַלֻּפֵיהֶ֖ם בְּאֶ֥רֶץ שֵׂעִֽיר׃ פ

‎31 ‏וְאֵ֙לֶּה֙ הַמְּלָכִ֔ים אֲשֶׁ֥ר מָלְכ֖וּ בְּאֶ֣רֶץ אֱד֑וֹם לִפְנֵ֥י מְלָךְ־מֶ֖לֶךְ לִבְנֵ֥י יִשְׂרָאֵֽל׃

‎32 ‏וַיִּמְלֹ֣ךְ בֶּאֱד֔וֹם בֶּ֖לַע בֶּן־בְּע֑וֹר וְשֵׁ֥ם עִיר֖וֹ דִּנְהָֽבָה׃

‎33 ‏וַיָּ֖מָת בָּ֑לַע וַיִּמְלֹ֣ךְ תַּחְתָּ֔יו יוֹבָ֥ב בֶּן־זֶ֖רַח מִבָּצְרָֽה׃

‎34 ‏וַיָּ֖מָת יוֹבָ֑ב וַיִּמְלֹ֣ךְ תַּחְתָּ֔יו חֻשָׁ֖ם מֵאֶ֥רֶץ הַתֵּימָנִֽי׃

‎35 ‏וַיָּ֖מָת חֻשָׁ֑ם וַיִּמְלֹ֨ךְ תַּחְתָּ֜יו הֲדַ֣ד בֶּן־בְּדַ֗ד הַמַּכֶּ֤ה אֶת־מִדְיָן֙ בִּשְׂדֵ֣ה מוֹאָ֔ב וְשֵׁ֥ם עִיר֖וֹ עֲוִֽית׃

‎36 ‏וַיָּ֖מָת הֲדָ֑ד וַיִּמְלֹ֣ךְ תַּחְתָּ֔יו שַׂמְלָ֖ה מִמַּשְׂרֵקָֽה׃

‎37 ‏וַיָּ֖מָת שַׂמְלָ֑ה וַיִּמְלֹ֣ךְ תַּחְתָּ֔יו שָׁא֖וּל מֵרְחֹב֥וֹת הַנָּהָֽר׃

‎38 ‏וַיָּ֖מָת שָׁא֑וּל וַיִּמְלֹ֣ךְ תַּחְתָּ֔יו בַּ֥עַל חָנָ֖ן בֶּן־עַכְבּֽוֹר׃

‎39 ‏וַיָּמָת֮ בַּ֣עַל חָנָ֣ן בֶּן־עַכְבּוֹר֒ וַיִּמְלֹ֤ךְ תַּחְתָּיו֙ הֲדַ֔ר וְשֵׁ֥ם עִיר֖וֹ פָּ֑עוּ וְשֵׁ֨ם אִשְׁתּ֤וֹ מְהֵֽיטַבְאֵל֙ בַּת־מַטְרֵ֔ד בַּ֖ת מֵ֥י זָהָֽב׃

‎40 ‏וְ֠אֵלֶּה שְׁמ֞וֹת אַלּוּפֵ֤י עֵשָׂו֙ לְמִשְׁפְּחֹתָ֔ם לִמְקֹמֹתָ֖ם בִּשְׁמֹתָ֑ם אַלּ֥וּף תִּמְנָ֛ע אַלּ֥וּף עַֽלְוָ֖ה אַלּ֥וּף יְתֵֽת׃

‎41 ‏אַלּ֧וּף אָהֳלִיבָמָ֛ה אַלּ֥וּף אֵלָ֖ה אַלּ֥וּף פִּינֹֽן׃

‎42 ‏אַלּ֥וּף קְנַ֛ז אַלּ֥וּף תֵּימָ֖ן אַלּ֥וּף מִבְצָֽר׃

‎43 ‏אַלּ֥וּף מַגְדִּיאֵ֖ל אַלּ֣וּף עִירָ֑ם אֵ֣לֶּה׀ אַלּוּפֵ֣י אֱד֗וֹם לְמֹֽשְׁבֹתָם֙ בְּאֶ֣רֶץ אֲחֻזָּתָ֔ם ה֥וּא עֵשָׂ֖ו אֲבִ֥י אֱדֽוֹם׃ פ

1 wə’ēlleh tōləḏwōṯ ‘ēśāw hû’ ’ĕḏwōm:

2 ‘ēśāw lāq^aḥ ’eṯ-nāšāyw mibənwōṯ kənā‘an ’eṯ-‘āḏâ baṯ-’êlwōn h^aḥitî wə’eṯ-’âŏlîḇāmâ baṯ-‘ănâ baṯ-ṣiḇə‘wōn h^aḥiûî:

3 wə’eṯ-bāśəmaṯ baṯ-yišəmā‘ē’l ’ăḥwōṯ nəḇāywōṯ:

4 watēleḏ ‘āḏâ lə‘ēśāw ’eṯ-’ĕlîfāz ûḇāśəmaṯ yāləḏâ ’eṯ-rə‘û’ēl:

5 wə’âŏlîḇāmâ yāləḏâ ’eṯ-yə‘îš yə‘ûš wə’eṯ-y^a‘əlām wə’eṯ-qōr^aḥ ’ēlleh bənê ‘ēśāw ’ăšer yulləḏû-lwō bə’ereṣ kənā‘an:

6 wayyiqq^aḥ ‘ēśāw ’eṯ-nāšāyw wə’eṯ-bānāyw wə’eṯ-bənōṯāyw wə’eṯ-kāl-nafəšwōṯ bêṯwō wə’eṯ-miqənēhû wə’eṯ-kāl-bəhemətwō wə’ēṯ kāl-qinəyānwō ’ăšer rāḵaš bə’ereṣ kənā‘an wayyēleḵə ’el-’ereṣ mipənê y^a‘ăqōḇ ’āḥîw:

7 kî-hāyâ rəḵûšām rāḇ miššeḇeṯ y^aḥədāw wəlō’ yāḵəlâ ’ereṣ məḡûrêhem lāśē’ṯ ’ōṯām mipənê miqənêhem:

8 wayyēšeḇ ‘ēśāw bəhar śē‘îr ‘ēśāw hû’ ’ĕḏwōm:

9 wə’ēlleh tōləḏwōṯ ‘ēśāw ’ăḇî ’ĕḏwōm bəhar śē‘îr:

10 ’ēlleh šəmwōṯ bənê-‘ēśāw ’ĕlîfaz ben-‘āḏâ ’ēšeṯ ‘ēśāw rə‘û’ēl ben-bāśəmaṯ ’ēšeṯ ‘ēśāw:

11 wayyihəyû bənê ’ĕlîfāz têmān ’wōmār ṣəfwō wəḡ^a‘ətām ûqənaz:

12 wəṯimən^a‘| hāyəṯâ fîleḡeš le’ĕlîfaz ben-‘ēśāw watēleḏ le’ĕlîfaz ’eṯ-‘ămālēq ’ēlleh bənê ‘āḏâ ’ēšeṯ ‘ēśāw:

13 wə’ēlleh bənê rə‘û’ēl n^aḥaṯ wāzer^aḥ šammâ ûmizzâ ’ēlleh¹ hāyû bənê ḇāśəmaṯ ’ēšeṯ ‘ēśāw:

14 wə’ēlleh hāyû bənê ’âŏlîḇāmâ ḇaṯ-‘ănâ baṯ-ṣiḇə‘wōn ’ēšeṯ ‘ēśāw watēleḏ lə‘ēśāw ’eṯ-yə‘îš yə‘ûš wə’eṯ-y^a‘əlām wə’eṯ-qōr^aḥ:

15 ’ēlleh ’allûfê ḇənê-‘ēśāw bənê ’ĕlîfaz bəḵwōr ‘ēśāw ’allûf têmān ’allûf ’wōmār ’allûf ṣəfwō ’allûf qənaz:

16 ’allûf-qōr^aḥ³ ’allûf g^a‘ətām ’allûf ‘ămālēq ’ēlleh ’allûfê ’ĕlîfaz bə’ereṣ ’ĕḏwōm ’ēlleh bənê ‘āḏâ:

17 wə’ēlleh bənê rə‘û’ēl ben-‘ēśāw ’allûf n^aḥaṯ ’allûf zer^aḥ ’allûf šammâ ’allûf mizzâ ’ēlleh ’allûfê rə‘û’ēl bə’ereṣ ’ĕḏwōm ’ēlleh bənê ḇāśəmaṯ ’ēšeṯ ‘ēśāw:

18 wə’ēlleh bənê ’âŏlîḇāmâ ’ēšeṯ ‘ēśāw ’allûf yə‘ûš ’allûf y^a‘əlām ’allûf qōr^aḥ ’ēlleh ’allûfê ’âŏlîḇāmâ baṯ-‘ănâ ’ēšeṯ ‘ēśāw:

19 ’ēlleh ḇənê-‘ēśāw wə’ēlleh ’allûfêhem hû’ ’ĕḏwōm: s

20 ’ēlleh ḇənê-śē‘îr h^aḥōrî³ yōšəḇê hā’āreṣ lwōṭān wəšwōḇāl wəṣiḇə‘wōn w^a‘ănâ:

21 wəḏišwōn wə’ēṣer wəḏîšān ’ēlleh ’allûfê h^aḥōrî bənê śē‘îr bə’ereṣ ’ĕḏwōm:

22 wayyihəyû ḇənê-lwōṭān ḥōrî wəhêmām wa’ăḥwōṯ lwōṭān timənā‘:

23 wə’ēlleh bənê šwōḇāl ‘aləwān ûmān^aḥaṯ wə‘êḇāl šəfwō wə’wōnām:

24 wə’ēlleh ḇənê-ṣiḇə‘wōn wə’ayyâ³ w^a‘ănâ hû’ ‘ănâ ’ăšer māṣā’ ’eṯ-hayyēmim bammiḏəbār birə‘ōṯwō ’eṯ-h^aḥămōrîm ləṣiḇə‘wōn ’āḇîw:

25 wə’ēlleh ḇənê-‘ănâ dišōn wə’âŏlîḇāmâ baṯ-‘ănâ:

26 wə’ēlleh bənê ḏîšān ḥemədān wə’ešəbān wəyiṯərān ûḵərān:

27 ’ēlleh bənê-’ēṣer biləhān wəz^a‘ăwān w^a‘ăqān:

28 ’ēlleh ḇənê-ḏîšān ‘ûṣ wa’ărān:

29 ’ēlleh ’allûfê h^aḥōrî ’allûf lwōṭān ’allûf šwōḇāl ’allûf ṣiḇə‘wōn ’allûf ‘ănâ:

30 ’allûf dišōn ’allûf ’ēṣer ’allûf dîšān ’ēlleh ’allûfê h^aḥōrî lə’allufêhem bə’ereṣ śē‘îr: f

31 wə’ēlleh hamməlāḵîm ’ăšer māləḵû bə’ereṣ ’ĕḏwōm lifənê məlāḵə-meleḵə liḇənê yiśərā’ēl:

32 wayyiməlōḵə be’ĕḏwōm bel^a‘ ben-bə‘wōr wəšēm ‘îrwō dinəhāḇâ:

33 wayyāmāṯ bāl^a‘ wayyiməlōḵə t^aḥətāyw ywōḇāḇ ben-zer^aḥ mibāṣərâ:

34 wayyāmāṯ ywōḇāḇ wayyiməlōḵə t^aḥətāyw ḥušām mē’ereṣ hatêmānî:

35 wayyāmāṯ ḥušām wayyiməlōḵə t^aḥətāyw hăḏaḏ ben-bəḏaḏ hammakeh ’eṯ-miḏəyān biśəḏēh mwō’āḇ wəšēm ‘îrwō ‘ăwîṯ:

36 wayyāmāṯ hăḏāḏ wayyiməlōḵə t^aḥətāyw śaməlâ mimmaśərēqâ:

37 wayyāmāṯ śaməlâ wayyiməlōḵə t^aḥətāyw šā’ûl mērəḥōḇwōṯ hannâār:

38 wayyāmāṯ šā’ûl wayyiməlōḵə t^aḥətāyw b^a‘al ḥānān ben-‘aḵəbwōr:

39 wayyāmāṯ b^a‘al ḥānān ben-‘aḵəbwōr wayyiməlōḵə t^aḥətāyw hăḏar wəšēm ‘îrwō pā‘û wəšēm ’išətwō məhêṭaḇə’ēl baṯ-maṭərēḏ baṯ mê zâāḇ:

40 wə’ēlleh šəmwōṯ ’allûfê ‘ēśāw ləmišəpəḥōṯām liməqōmōṯām bišəmōṯām ’allûf timənā‘ ’allûf ‘aləwâ ’allûf yəṯēṯ:

41 ’allûf ’âŏlîḇāmâ ’allûf ’ēlâ ’allûf pînōn:

42 ’allûf qənaz ’allûf têmān ’allûf miḇəṣār:

43 ’allûf maḡədî’ēl ’allûf ‘îrām ’ēlleh| ’allûfê ’ĕḏwōm ləmōšəḇōṯām bə’ereṣ ’ăḥuzzāṯām hû’ ‘ēśāw ’ăḇî ’ĕḏwōm: f

‎1 ‏וַיֵּ֣שֶׁב יַעֲקֹ֔ב בְּאֶ֖רֶץ מְגוּרֵ֣י אָבִ֑יו בְּאֶ֖רֶץ כְּנָֽעַן׃

‎2 ‏אֵ֣לֶּה׀ תֹּלְד֣וֹת יַעֲקֹ֗ב יוֹסֵ֞ף בֶּן־שְׁבַֽע־עֶשְׂרֵ֤ה שָׁנָה֙ הָיָ֨ה רֹעֶ֤ה אֶת־אֶחָיו֙ בַּצֹּ֔אן וְה֣וּא נַ֗עַר אֶת־בְּנֵ֥י בִלְהָ֛ה וְאֶת־בְּנֵ֥י זִלְפָּ֖ה נְשֵׁ֣י אָבִ֑יו וַיָּבֵ֥א יוֹסֵ֛ף אֶת־דִּבָּתָ֥ם רָעָ֖ה אֶל־אֲבִיהֶֽם׃

‎3 ‏וְיִשְׂרָאֵ֗ל אָהַ֤ב אֶת־יוֹסֵף֙ מִכָּל־בָּנָ֔יו כִּֽי־בֶן־זְקֻנִ֥ים ה֖וּא ל֑וֹ וְעָ֥שָׂה ל֖וֹ כְּתֹ֥נֶת פַּסִּֽים׃

‎4 ‏וַיִּרְא֣וּ אֶחָ֗יו כִּֽי־אֹת֞וֹ אָהַ֤ב אֲבִיהֶם֙ מִכָּל־אֶחָ֔יו וַֽיִּשְׂנְא֖וּ אֹת֑וֹ וְלֹ֥א יָכְל֖וּ דַּבְּר֥וֹ לְשָׁלֹֽם׃

‎5 ‏וַיַּחֲלֹ֤ם יוֹסֵף֙ חֲל֔וֹם וַיַּגֵּ֖ד לְאֶחָ֑יו וַיּוֹסִ֥פוּ ע֖וֹד שְׂנֹ֥א אֹתֽוֹ׃

‎6 ‏וַיֹּ֖אמֶר אֲלֵיהֶ֑ם שִׁמְעוּ־נָ֕א הַחֲל֥וֹם הַזֶּ֖ה אֲשֶׁ֥ר חָלָֽמְתִּי׃

‎7 ‏וְ֠הִנֵּה אֲנַ֜חְנוּ מְאַלְּמִ֤ים אֲלֻמִּים֙ בְּת֣וֹךְ הַשָּׂדֶ֔ה וְהִנֵּ֛ה קָ֥מָה אֲלֻמָּתִ֖י וְגַם־נִצָּ֑בָה וְהִנֵּ֤ה תְסֻבֶּ֙ינָה֙ אֲלֻמֹּ֣תֵיכֶ֔ם וַתִּֽשְׁתַּחֲוֶ֖יןָ לַאֲלֻמָּתִֽי׃

‎8 ‏וַיֹּ֤אמְרוּ לוֹ֙ אֶחָ֔יו הֲמָלֹ֤ךְ תִּמְלֹךְ֙ עָלֵ֔ינוּ אִם־מָשׁ֥וֹל תִּמְשֹׁ֖ל בָּ֑נוּ וַיּוֹסִ֤פוּ עוֹד֙ שְׂנֹ֣א אֹת֔וֹ עַל־חֲלֹמֹתָ֖יו וְעַל־דְּבָרָֽיו׃

‎9 ‏וַיַּחֲלֹ֥ם עוֹד֙ חֲל֣וֹם אַחֵ֔ר וַיְסַפֵּ֥ר אֹת֖וֹ לְאֶחָ֑יו וַיֹּ֗אמֶר הִנֵּ֨ה חָלַ֤מְתִּֽי חֲלוֹם֙ ע֔וֹד וְהִנֵּ֧ה הַשֶּׁ֣מֶשׁ וְהַיָּרֵ֗חַ וְאַחַ֤ד עָשָׂר֙ כּֽוֹכָבִ֔ים מִֽשְׁתַּחֲוִ֖ים לִֽי׃

‎10 ‏וַיְסַפֵּ֣ר אֶל־אָבִיו֮ וְאֶל־אֶחָיו֒ וַיִּגְעַר־בּ֣וֹ אָבִ֔יו וַיֹּ֣אמֶר ל֔וֹ מָ֛ה הַחֲל֥וֹם הַזֶּ֖ה אֲשֶׁ֣ר חָלָ֑מְתָּ הֲב֣וֹא נָב֗וֹא אֲנִי֙ וְאִמְּךָ֣ וְאַחֶ֔יךָ לְהִשְׁתַּחֲוֹ֥ת לְךָ֖ אָֽרְצָה׃

‎11 ‏וַיְקַנְאוּ־ב֖וֹ אֶחָ֑יו וְאָבִ֖יו שָׁמַ֥ר אֶת־הַדָּבָֽר׃

‎12 ‏וַיֵּלְכ֖וּ אֶחָ֑יו לִרְע֛וֹת אֶׅתׅ־צֹ֥אן⁴ אֲבִיהֶ֖ם בִּשְׁכֶֽם׃

‎13 ‏וַיֹּ֨אמֶר יִשְׂרָאֵ֜ל אֶל־יוֹסֵ֗ף הֲל֤וֹא אַחֶ֙יךָ֙ רֹעִ֣ים בִּשְׁכֶ֔ם לְכָ֖ה וְאֶשְׁלָחֲךָ֣ אֲלֵיהֶ֑ם וַיֹּ֥אמֶר ל֖וֹ הִנֵּֽנִי׃

‎14 ‏וַיֹּ֣אמֶר ל֗וֹ לֶךְ־נָ֨א רְאֵ֜ה אֶת־שְׁל֤וֹם אַחֶ֙יךָ֙ וְאֶת־שְׁל֣וֹם הַצֹּ֔אן וַהֲשִׁבֵ֖נִי דָּבָ֑ר וַיִּשְׁלָחֵ֙הוּ֙ מֵעֵ֣מֶק חֶבְר֔וֹן וַיָּבֹ֖א שְׁכֶֽמָה׃

‎15 ‏וַיִּמְצָאֵ֣הוּ אִ֔ישׁ וְהִנֵּ֥ה תֹעֶ֖ה בַּשָּׂדֶ֑ה וַיִּשְׁאָלֵ֧הוּ הָאִ֛ישׁ לֵאמֹ֖ר מַה־תְּבַקֵּֽשׁ׃

‎16 ‏וַיֹּ֕אמֶר אֶת־אַחַ֖י אָנֹכִ֣י מְבַקֵּ֑שׁ הַגִּֽידָה־נָּ֣א לִ֔י אֵיפֹ֖ה הֵ֥ם רֹעִֽים׃

‎17 ‏וַיֹּ֤אמֶר הָאִישׁ֙ נָסְע֣וּ מִזֶּ֔ה כִּ֤י שָׁמַ֙עְתִּי֙ אֹֽמְרִ֔ים נֵלְכָ֖ה דֹּתָ֑יְנָה וַיֵּ֤לֶךְ יוֹסֵף֙ אַחַ֣ר אֶחָ֔יו וַיִּמְצָאֵ֖ם בְּדֹתָֽן׃

‎18 ‏וַיִּרְא֥וּ אֹת֖וֹ מֵרָחֹ֑ק וּבְטֶ֙רֶם֙ יִקְרַ֣ב אֲלֵיהֶ֔ם וַיִּֽתְנַכְּל֥וּ אֹת֖וֹ לַהֲמִיתֽוֹ׃

‎19 ‏וַיֹּאמְר֖וּ אִ֣ישׁ אֶל־אָחִ֑יו הִנֵּ֗ה בַּ֛עַל הַחֲלֹמ֥וֹת הַלָּזֶ֖ה בָּֽא׃

‎20 ‏וְעַתָּ֣ה׀ לְכ֣וּ וְנַֽהַרְגֵ֗הוּ וְנַשְׁלִכֵ֙הוּ֙ בְּאַחַ֣ד הַבֹּר֔וֹת וְאָמַ֕רְנוּ חַיָּ֥ה רָעָ֖ה אֲכָלָ֑תְהוּ וְנִרְאֶ֕ה מַה־יִּהְי֖וּ חֲלֹמֹתָֽיו׃

‎21 ‏וַיִּשְׁמַ֣ע רְאוּבֵ֔ן וַיַּצִּלֵ֖הוּ מִיָּדָ֑ם וַיֹּ֕אמֶר לֹ֥א נַכֶּ֖נּוּ נָֽפֶשׁ׃

‎22 ‏וַיֹּ֨אמֶר אֲלֵהֶ֣ם׀ רְאוּבֵן֮ אַל־תִּשְׁפְּכוּ־דָם֒ הַשְׁלִ֣יכוּ אֹת֗וֹ אֶל־הַבּ֤וֹר הַזֶּה֙ אֲשֶׁ֣ר בַּמִּדְבָּ֔ר וְיָ֖ד אַל־תִּשְׁלְחוּ־ב֑וֹ לְמַ֗עַן הַצִּ֤יל אֹתוֹ֙ מִיָּדָ֔ם לַהֲשִׁיב֖וֹ אֶל־אָבִֽיו׃

‎23 ‏וַֽיְהִ֕י כַּֽאֲשֶׁר־בָּ֥א יוֹסֵ֖ף אֶל־אֶחָ֑יו וַיַּפְשִׁ֤יטוּ אֶת־יוֹסֵף֙ אֶת־כֻּתָּנְתּ֔וֹ אֶת־כְּתֹ֥נֶת הַפַּסִּ֖ים אֲשֶׁ֥ר עָלָֽיו׃

‎24 ‏וַיִּ֨קָּחֻ֔הוּ וַיַּשְׁלִ֥כוּ אֹת֖וֹ הַבֹּ֑רָה וְהַבּ֣וֹר רֵ֔ק אֵ֥ין בּ֖וֹ מָֽיִם׃

‎25 ‏וַיֵּשְׁבוּ֮ לֶֽאֱכָל־לֶחֶם֒ וַיִּשְׂא֤וּ עֵֽינֵיהֶם֙ וַיִּרְא֔וּ וְהִנֵּה֙ אֹרְחַ֣ת יִשְׁמְעֵאלִ֔ים בָּאָ֖ה מִגִּלְעָ֑ד וּגְמַלֵּיהֶ֣ם נֹֽשְׂאִ֗ים נְכֹאת֙ וּצְרִ֣י וָלֹ֔ט הוֹלְכִ֖ים לְהוֹרִ֥יד מִצְרָֽיְמָה׃

‎26 ‏וַיֹּ֥אמֶר יְהוּדָ֖ה אֶל־אֶחָ֑יו מַה־בֶּ֗צַע כִּ֤י נַהֲרֹג֙ אֶת־אָחִ֔ינוּ וְכִסִּ֖ינוּ אֶת־דָּמֽוֹ׃

‎27 ‏לְכ֞וּ וְנִמְכְּרֶ֣נּוּ לַיִּשְׁמְעֵאלִ֗ים וְיָדֵ֙נוּ֙ אַל־תְּהִי־ב֔וֹ כִּֽי־אָחִ֥ינוּ בְשָׂרֵ֖נוּ ה֑וּא וַֽיִּשְׁמְע֖וּ אֶחָֽיו׃

‎28 ‏וַיַּֽעַבְרוּ֩ אֲנָשִׁ֨ים מִדְיָנִ֜ים סֹֽחֲרִ֗ים וַֽיִּמְשְׁכוּ֙ וַיַּֽעֲל֤וּ אֶת־יוֹסֵף֙ מִן־הַבּ֔וֹר וַיִּמְכְּר֧וּ אֶת־יוֹסֵ֛ף לַיִּשְׁמְעֵאלִ֖ים בְּעֶשְׂרִ֣ים כָּ֑סֶף וַיָּבִ֥יאוּ אֶת־יוֹסֵ֖ף מִצְרָֽיְמָה׃

‎29 ‏וַיָּ֤שָׁב רְאוּבֵן֙ אֶל־הַבּ֔וֹר וְהִנֵּ֥ה אֵין־יוֹסֵ֖ף בַּבּ֑וֹר וַיִּקְרַ֖ע אֶת־בְּגָדָֽיו׃

‎30 ‏וַיָּ֥שָׁב אֶל־אֶחָ֖יו וַיֹּאמַ֑ר הַיֶּ֣לֶד אֵינֶ֔נּוּ וַאֲנִ֖י אָ֥נָה אֲנִי־בָֽא׃

‎31 ‏וַיִּקְח֖וּ אֶת־כְּתֹ֣נֶת יוֹסֵ֑ף וַֽיִּשְׁחֲטוּ֙ שְׂעִ֣יר עִזִּ֔ים וַיִּטְבְּל֥וּ אֶת־הַכֻּתֹּ֖נֶת בַּדָּֽם׃

‎32 ‏וַֽיְשַׁלְּח֞וּ אֶת־כְּתֹ֣נֶת הַפַּסִּ֗ים וַיָּבִ֙יאוּ֙ אֶל־אֲבִיהֶ֔ם וַיֹּאמְר֖וּ זֹ֣את מָצָ֑אנוּ הַכֶּר־נָ֗א הַכְּתֹ֧נֶת בִּנְךָ֛ הִ֖וא אִם־לֹֽא׃

‎33 ‏וַיַּכִּירָ֤הּ וַיֹּ֙אמֶר֙ כְּתֹ֣נֶת בְּנִ֔י חַיָּ֥ה רָעָ֖ה אֲכָלָ֑תְהוּ טָרֹ֥ף טֹרַ֖ף יוֹסֵֽף׃

‎34 ‏וַיִּקְרַ֤ע יַעֲקֹב֙ שִׂמְלֹתָ֔יו וַיָּ֥שֶׂם שַׂ֖ק בְּמָתְנָ֑יו וַיִּתְאַבֵּ֥ל עַל־בְּנ֖וֹ יָמִ֥ים רַבִּֽים׃

‎35 ‏וַיָּקֻמוּ֩ כָל־בָּנָ֨יו וְכָל־בְּנֹתָ֜יו לְנַחֲמ֗וֹ וַיְמָאֵן֙ לְהִתְנַחֵ֔ם וַיֹּ֕אמֶר כִּֽי־אֵרֵ֧ד אֶל־בְּנִ֛י אָבֵ֖ל שְׁאֹ֑לָה וַיֵּ֥בְךְּ אֹת֖וֹ אָבִֽיו׃

‎36 ‏וְהַ֨מְּדָנִ֔ים מָכְר֥וּ אֹת֖וֹ אֶל־מִצְרָ֑יִם לְפֽוֹטִיפַר֙ סְרִ֣יס פַּרְעֹ֔ה שַׂ֖ר הַטַּבָּחִֽים׃ פ

1 wayyēšeḇ y^a‘ăqōḇ bə’ereṣ məḡûrê ’āḇîw bə’ereṣ kənā‘an:

2 ’ēlleh| tōləḏwōṯ y^a‘ăqōḇ ywōsēf ben-šəḇ^a‘-‘eśərēh šānâ hāyâ rō‘eh ’eṯ-’eḥāyw baṣṣō’n wəhû’ n^a‘ar ’eṯ-bənê ḇiləhâ wə’eṯ-bənê ziləpâ nəšê ’āḇîw wayyāḇē’ ywōsēf ’eṯ-dibāṯām rā‘â ’el-’ăḇîhem:

3 wəyiśərā’ēl ’âaḇ ’eṯ-ywōsēf mikāl-bānāyw kî-ḇen-zəqunîm hû’ lwō wə‘āśâ lwō kəṯōneṯ passîm:

4 wayyirə’û ’eḥāyw kî-’ōṯwō ’âaḇ ’ăḇîhem mikāl-’eḥāyw wayyiśənə’û ’ōṯwō wəlō’ yāḵəlû dabərwō ləšālōm:

5 wayy^aḥălōm ywōsēf ḥălwōm wayyagēḏ lə’eḥāyw wayywōsifû ‘wōḏ śənō’ ’ōṯwō:

6 wayyō’mer ’ălêhem šimə‘û-nā’ h^aḥălwōm hazzeh ’ăšer ḥālāmətî:

7 wəhinnēh ’ăn^aḥənû mə’alləmîm ’ălummîm bəṯwōḵə haśśāḏeh wəhinnēh qāmâ ’ălummāṯî wəḡam-niṣṣāḇâ wəhinnēh ṯəsubeynâ ’ălummōṯêḵem watišət^aḥăweynā la’ălummāṯî:

8 wayyō’mərû lwō ’eḥāyw hămālōḵə timəlōḵə ‘ālênû ’im-māšwōl timəšōl bānû wayywōsifû ‘wōḏ śənō’ ’ōṯwō ‘al-ḥălōmōṯāyw wə‘al-dəḇārāyw:

9 wayy^aḥălōm ‘wōḏ ḥălwōm ’^aḥēr wayəsapēr ’ōṯwō lə’eḥāyw wayyō’mer hinnēh ḥālamətî ḥălwōm ‘wōḏ wəhinnēh haššemeš wəhayyārēḥa wə’^aḥaḏ ‘āśār kwōḵāḇîm mišət^aḥăwîm lî:

10 wayəsapēr ’el-’āḇîw wə’el-’eḥāyw wayyiḡə‘ar-bwō ’āḇîw wayyō’mer lwō mâ h^aḥălwōm hazzeh ’ăšer ḥālāmətā hăḇwō’ nāḇwō’ ’ănî wə’imməḵā wə’^aḥeyḵā ləhišət^aḥăwōṯ ləḵā ’ārəṣâ:

11 wayəqanə’û-ḇwō ’eḥāyw wə’āḇîw šāmar ’eṯ-hadāḇār:

12 wayyēləḵû ’eḥāyw lirə‘wōṯ ’eׅṯׅ-ṣō’n⁴ ’ăḇîhem bišəḵem:

13 wayyō’mer yiśərā’ēl ’el-ywōsēf hălwō’ ’^aḥeyḵā rō‘îm bišəḵem ləḵâ wə’ešəlāḥăḵā ’ălêhem wayyō’mer lwō hinnēnî:

14 wayyō’mer lwō leḵə-nā’ rə’ēh ’eṯ-šəlwōm ’^aḥeyḵā wə’eṯ-šəlwōm haṣṣō’n wahăšiḇēnî dāḇār wayyišəlāḥēhû mē‘ēmeq ḥeḇərwōn wayyāḇō’ šəḵemâ:

15 wayyiməṣā’ēhû ’îš wəhinnēh ṯō‘eh baśśāḏeh wayyišə’ālēhû hā’îš lē’mōr mah-təḇaqqēš:

16 wayyō’mer ’eṯ-’^aḥay ’ānōḵî məḇaqqēš hagîḏâ-nnā’ lî ’êfōh hēm rō‘îm:

17 wayyō’mer hā’îš nāsə‘û mizzeh kî šām^a‘ətî ’ōmərîm nēləḵâ dōṯāyənâ wayyēleḵə ywōsēf ’^aḥar ’eḥāyw wayyiməṣā’ēm bəḏōṯān:

18 wayyirə’û ’ōṯwō mērāḥōq ûḇəṭerem yiqəraḇ ’ălêhem wayyiṯənakəlû ’ōṯwō lahămîṯwō:

19 wayyō’mərû ’îš ’el-’āḥîw hinnēh b^a‘al h^aḥălōmwōṯ hallāzeh bā’:

20 wə‘atâ| ləḵû wənaharəḡēhû wənašəliḵēhû bə’^aḥaḏ habōrwōṯ wə’āmarənû ḥayyâ rā‘â ’ăḵālāṯəhû wənirə’eh mah-yyihəyû ḥălōmōṯāyw:

21 wayyišəm^a‘ rə’ûḇēn wayyaṣṣilēhû mîyāḏām wayyō’mer lō’ nakennû nāfeš:

22 wayyō’mer ’ălēhem| rə’ûḇēn ’al-tišəpəḵû-ḏām hašəlîḵû ’ōṯwō ’el-habwōr hazzeh ’ăšer bammiḏəbār wəyāḏ ’al-tišələḥû-ḇwō ləm^a‘an haṣṣîl ’ōṯwō mîyāḏām lahăšîḇwō ’el-’āḇîw:

23 wayəhî ka’ăšer-bā’ ywōsēf ’el-’eḥāyw wayyafəšîṭû ’eṯ-ywōsēf ’eṯ-kutānətwō ’eṯ-kəṯōneṯ hapassîm ’ăšer ‘ālāyw:

24 wayyiqqāḥuhû wayyašəliḵû ’ōṯwō habōrâ wəhabwōr rēq ’ên bwō māyim:

25 wayyēšəḇû le’ĕḵāl-leḥem wayyiśə’û ‘ênêhem wayyirə’û wəhinnēh ’ōrəḥaṯ yišəmə‘ē’lîm bā’â migilə‘āḏ ûḡəmallêhem nōśə’îm nəḵō’ṯ ûṣərî wālōṭ hwōləḵîm ləhwōrîḏ miṣərāyəmâ:

26 wayyō’mer yəhûḏâ ’el-’eḥāyw mah-beṣ^a‘ kî nahărōḡ ’eṯ-’āḥînû wəḵissînû ’eṯ-dāmwō:

27 ləḵû wəniməkərennû layyišəmə‘ē’lîm wəyāḏēnû ’al-təhî-ḇwō kî-’āḥînû ḇəśārēnû hû’ wayyišəmə‘û ’eḥāyw:

28 wayy^a‘aḇərû ’ănāšîm miḏəyānîm sōḥărîm wayyiməšəḵû wayy^a‘ălû ’eṯ-ywōsēf min-habwōr wayyiməkərû ’eṯ-ywōsēf layyišəmə‘ē’lîm bə‘eśərîm kāsef wayyāḇî’û ’eṯ-ywōsēf miṣərāyəmâ:

29 wayyāšāḇ rə’ûḇēn ’el-habwōr wəhinnēh ’ên-ywōsēf babwōr wayyiqər^a‘ ’eṯ-bəḡāḏāyw:

30 wayyāšāḇ ’el-’eḥāyw wayyō’mar hayyeleḏ ’ênennû wa’ănî ’ānâ ’ănî-ḇā’:

31 wayyiqəḥû ’eṯ-kəṯōneṯ ywōsēf wayyišəḥăṭû śə‘îr ‘izzîm wayyiṭəbəlû ’eṯ-hakutōneṯ badām:

32 wayəšalləḥû ’eṯ-kəṯōneṯ hapassîm wayyāḇî’û ’el-’ăḇîhem wayyō’mərû zō’ṯ māṣā’nû haker-nā’ hakəṯōneṯ binəḵā hiw’ ’im-lō’:

33 wayyakîrāh wayyō’mer kəṯōneṯ bənî ḥayyâ rā‘â ’ăḵālāṯəhû ṭārōf ṭōraf ywōsēf:

34 wayyiqər^a‘ y^a‘ăqōḇ śiməlōṯāyw wayyāśem śaq bəmāṯənāyw wayyiṯə’abēl ‘al-bənwō yāmîm rabîm:

35 wayyāqumû ḵāl-bānāyw wəḵāl-bənōṯāyw lən^aḥămwō wayəmā’ēn ləhiṯən^aḥēm wayyō’mer kî-’ērēḏ ’el-bənî ’āḇēl šə’ōlâ wayyēḇəḵḵə ’ōṯwō ’āḇîw:

36 wəhamməḏānîm māḵərû ’ōṯwō ’el-miṣərāyim ləfwōṭîfar sərîs parə‘ōh śar haṭṭabāḥîm: f

‎1 ‏וַֽיְהִי֙ בָּעֵ֣ת הַהִ֔וא וַיֵּ֥רֶד יְהוּדָ֖ה מֵאֵ֣ת אֶחָ֑יו וַיֵּ֛ט עַד־אִ֥ישׁ עֲדֻלָּמִ֖י וּשְׁמ֥וֹ חִירָֽה׃

‎2 ‏וַיַּרְא־שָׁ֧ם יְהוּדָ֛ה בַּת־אִ֥ישׁ כְּנַעֲנִ֖י וּשְׁמ֣וֹ שׁ֑וּעַ וַיִּקָּחֶ֖הָ וַיָּבֹ֥א אֵלֶֽיהָ׃

‎3 ‏וַתַּ֖הַר וַתֵּ֣לֶד בֵּ֑ן וַיִּקְרָ֥א אֶת־שְׁמ֖וֹ עֵֽר׃

‎4 ‏וַתַּ֥הַר ע֖וֹד וַתֵּ֣לֶד בֵּ֑ן וַתִּקְרָ֥א אֶת־שְׁמ֖וֹ אוֹנָֽן׃

‎5 ‏וַתֹּ֤סֶף עוֹד֙ וַתֵּ֣לֶד בֵּ֔ן וַתִּקְרָ֥א אֶת־שְׁמ֖וֹ שֵׁלָ֑ה וְהָיָ֥ה בִכְזִ֖יב בְּלִדְתָּ֥הּ אֹתֽוֹ׃

‎6 ‏וַיִּקַּ֧ח יְהוּדָ֛ה אִשָּׁ֖ה לְעֵ֣ר בְּכוֹר֑וֹ וּשְׁמָ֖הּ תָּמָֽר׃

‎7 ‏וַיְהִ֗י עֵ֚ר בְּכ֣וֹר יְהוּדָ֔ה רַ֖ע בְּעֵינֵ֣י יְהוָ֑ה וַיְמִתֵ֖הוּ יְהוָֽה׃

‎8 ‏וַיֹּ֤אמֶר יְהוּדָה֙ לְאוֹנָ֔ן בֹּ֛א אֶל־אֵ֥שֶׁת אָחִ֖יךָ וְיַבֵּ֣ם אֹתָ֑הּ וְהָקֵ֥ם זֶ֖רַע לְאָחִֽיךָ׃

‎9 ‏וַיֵּ֣דַע אוֹנָ֔ן כִּ֛י לֹּ֥א¹ ל֖וֹ יִהְיֶ֣ה הַזָּ֑רַע וְהָיָ֞ה אִם־בָּ֨א אֶל־אֵ֤שֶׁת אָחִיו֙ וְשִׁחֵ֣ת אַ֔רְצָה לְבִלְתִּ֥י נְתָן־זֶ֖רַע לְאָחִֽיו׃

‎10 ‏וַיֵּ֛רַע בְּעֵינֵ֥י יְהוָ֖ה אֲשֶׁ֣ר עָשָׂ֑ה וַיָּ֖מֶת גַּם־אֹתֽוֹ׃

‎11 ‏וַיֹּ֣אמֶר יְהוּדָה֩ לְתָמָ֨ר כַּלָּת֜וֹ שְׁבִ֧י אַלְמָנָ֣ה בֵית־אָבִ֗יךְ עַד־יִגְדַּל֙ שֵׁלָ֣ה בְנִ֔י כִּ֣י אָמַ֔ר פֶּן־יָמ֥וּת גַּם־ה֖וּא כְּאֶחָ֑יו וַתֵּ֣לֶךְ תָּמָ֔ר וַתֵּ֖שֶׁב בֵּ֥ית אָבִֽיהָ׃

‎12 ‏וַיִּרְבּוּ֙ הַיָּמִ֔ים וַתָּ֖מָת בַּת־שׁ֣וּעַ אֵֽשֶׁת־יְהוּדָ֑ה וַיִּנָּ֣חֶם יְהוּדָ֗ה וַיַּ֜עַל עַל־גֹּֽזֲזֵ֤י צֹאנוֹ֙ ה֗וּא וְחִירָ֛ה רֵעֵ֥הוּ הָעֲדֻלָּמִ֖י תִּמְנָֽתָה׃

‎13 ‏וַיֻּגַּ֥ד לְתָמָ֖ר לֵאמֹ֑ר הִנֵּ֥ה חָמִ֛יךְ עֹלֶ֥ה תִמְנָ֖תָה לָגֹ֥ז צֹאנֽוֹ׃

‎14 ‏וַתָּסַר֩ בִּגְדֵ֨י אַלְמְנוּתָ֜הּ מֵֽעָלֶ֗יהָ וַתְּכַ֤ס בַּצָּעִיף֙ וַתִּתְעַלָּ֔ף וַתֵּ֙שֶׁב֙ בְּפֶ֣תַח עֵינַ֔יִם אֲשֶׁ֖ר עַל־דֶּ֣רֶךְ תִּמְנָ֑תָה כִּ֤י רָאֲתָה֙ כִּֽי־גָדַ֣ל שֵׁלָ֔ה וְהִ֕וא לֹֽא־נִתְּנָ֥ה ל֖וֹ לְאִשָּֽׁה׃

‎15 ‏וַיִּרְאֶ֣הָ יְהוּדָ֔ה וַֽיַּחְשְׁבֶ֖הָ לְזוֹנָ֑ה כִּ֥י כִסְּתָ֖ה פָּנֶֽיהָ׃

‎16 ‏וַיֵּ֨ט אֵלֶ֜יהָ אֶל־הַדֶּ֗רֶךְ וַיֹּ֙אמֶר֙ הָֽבָה־נָּא֙ אָב֣וֹא אֵלַ֔יִךְ כִּ֚י לֹ֣א יָדַ֔ע כִּ֥י כַלָּת֖וֹ הִ֑וא וַתֹּ֙אמֶר֙ מַה־תִּתֶּן־לִּ֔י¹ כִּ֥י תָב֖וֹא אֵלָֽי׃

‎17 ‏וַיֹּ֕אמֶר אָנֹכִ֛י אֲשַׁלַּ֥ח גְּדִֽי־עִזִּ֖ים מִן־הַצֹּ֑אן וַתֹּ֕אמֶר אִם־תִּתֵּ֥ן עֵרָב֖וֹן עַ֥ד שָׁלְחֶֽךָ׃

‎18 ‏וַיֹּ֗אמֶר מָ֣ה הָֽעֵרָבוֹן֮ אֲשֶׁ֣ר אֶתֶּן־לָּךְ֒ וַתֹּ֗אמֶר חֹתָֽמְךָ֙ וּפְתִילֶ֔ךָ וּמַטְּךָ֖ אֲשֶׁ֣ר בְּיָדֶ֑ךָ וַיִּתֶּן־לָּ֛הּ וַיָּבֹ֥א אֵלֶ֖יהָ וַתַּ֥הַר לֽוֹ׃

‎19 ‏וַתָּ֣קָם וַתֵּ֔לֶךְ וַתָּ֥סַר צְעִיפָ֖הּ מֵעָלֶ֑יהָ וַתִּלְבַּ֖שׁ בִּגְדֵ֥י אַלְמְנוּתָֽהּ׃

‎20 ‏וַיִּשְׁלַ֨ח יְהוּדָ֜ה אֶת־גְּדִ֣י הָֽעִזִּ֗ים בְּיַד֙ רֵעֵ֣הוּ הָֽעֲדֻלָּמִ֔י לָקַ֥חַת הָעֵרָב֖וֹן מִיַּ֣ד הָאִשָּׁ֑ה וְלֹ֖א מְצָאָֽהּ׃

‎21 ‏וַיִּשְׁאַ֞ל אֶת־אַנְשֵׁ֤י מְקֹמָהּ֙ לֵאמֹ֔ר אַיֵּ֧ה הַקְּדֵשָׁ֛ה הִ֥וא בָעֵינַ֖יִם עַל־הַדָּ֑רֶךְ וַיֹּ֣אמְר֔וּ לֹא־הָיְתָ֥ה בָזֶ֖ה קְדֵשָֽׁה׃

‎22 ‏וַיָּ֙שָׁב֙ אֶל־יְהוּדָ֔ה וַיֹּ֖אמֶר לֹ֣א מְצָאתִ֑יהָ וְגַ֨ם אַנְשֵׁ֤י הַמָּקוֹם֙ אָֽמְר֔וּ לֹא־הָיְתָ֥ה בָזֶ֖ה קְדֵשָֽׁה׃

‎23 ‏וַיֹּ֤אמֶר יְהוּדָה֙ תִּֽקַּֽח־לָ֔הּ פֶּ֖ן נִהְיֶ֣ה לָב֑וּז הִנֵּ֤ה שָׁלַ֙חְתִּי֙ הַגְּדִ֣י הַזֶּ֔ה וְאַתָּ֖ה לֹ֥א מְצָאתָֽהּ׃

‎24 ‏וַיְהִ֣י׀ כְּמִשְׁלֹ֣שׁ חֳדָשִׁ֗ים וַיֻּגַּ֨ד לִֽיהוּדָ֤ה לֵֽאמֹר֙ זָֽנְתָה֙ תָּמָ֣ר כַּלָּתֶ֔ךָ וְגַ֛ם הִנֵּ֥ה הָרָ֖ה לִזְנוּנִ֑ים וַיֹּ֣אמֶר יְהוּדָ֔ה הוֹצִיא֖וּהָ וְתִשָּׂרֵֽף׃

‎25 ‏הִ֣וא מוּצֵ֗את וְהִ֨יא שָׁלְחָ֤ה אֶל־חָמִ֙יהָ֙ לֵאמֹ֔ר לְאִישׁ֙ אֲשֶׁר־אֵ֣לֶּה לּ֔וֹ אָנֹכִ֖י הָרָ֑ה וַתֹּ֙אמֶר֙ הַכֶּר־נָ֔א לְמִ֞י הַחֹתֶ֧מֶת וְהַפְּתִילִ֛ים וְהַמַּטֶּ֖ה הָאֵֽלֶּה׃

‎26 ‏וַיַּכֵּ֣ר יְהוּדָ֗ה וַיֹּ֙אמֶר֙ צָֽדְקָ֣ה מִמֶּ֔נִּי כִּֽי־עַל־כֵּ֥ן לֹא־נְתַתִּ֖יהָ לְשֵׁלָ֣ה בְנִ֑י וְלֹֽא־יָסַ֥ף ע֖וֹד לְדַעְתָּֽה׃¹

‎27 ‏וַיְהִ֖י בְּעֵ֣ת לִדְתָּ֑הּ וְהִנֵּ֥ה תְאוֹמִ֖ים בְּבִטְנָֽהּ׃

‎28 ‏וַיְהִ֥י בְלִדְתָּ֖הּ וַיִּתֶּן־יָ֑ד וַתִּקַּ֣ח הַמְיַלֶּ֗דֶת וַתִּקְשֹׁ֨ר עַל־יָד֤וֹ שָׁנִי֙ לֵאמֹ֔ר זֶ֖ה יָצָ֥א רִאשֹׁנָֽה׃

‎29 ‏וַיְהִ֣י׀ כְּמֵשִׁ֣יב יָד֗וֹ וְהִנֵּה֙ יָצָ֣א אָחִ֔יו וַתֹּ֕אמֶר מַה־פָּרַ֖צְתָּ עָלֶ֣יךָ פָּ֑רֶץ וַיִּקְרָ֥א שְׁמ֖וֹ פָּֽרֶץ׃

‎30 ‏וְאַחַר֙ יָצָ֣א אָחִ֔יו אֲשֶׁ֥ר עַל־יָד֖וֹ הַשָּׁנִ֑י וַיִּקְרָ֥א שְׁמ֖וֹ זָֽרַח׃ ס

1 wayəhî bā‘ēṯ hahiw’ wayyēreḏ yəhûḏâ mē’ēṯ ’eḥāyw wayyēṭ ‘aḏ-’îš ‘ăḏullāmî ûšəmwō ḥîrâ:

2 wayyarə’-šām yəhûḏâ baṯ-’îš kən^a‘ănî ûšəmwō šû‘a wayyiqqāḥehā wayyāḇō’ ’ēleyhā:

3 watahar watēleḏ bēn wayyiqərā’ ’eṯ-šəmwō ‘ēr:

4 watahar ‘wōḏ watēleḏ bēn watiqərā’ ’eṯ-šəmwō ’wōnān:

5 watōsef ‘wōḏ watēleḏ bēn watiqərā’ ’eṯ-šəmwō šēlâ wəhāyâ ḇiḵəzîḇ bəliḏətāh ’ōṯwō:

6 wayyiqq^aḥ yəhûḏâ ’iššâ lə‘ēr bəḵwōrwō ûšəmāh tāmār:

7 wayəhî ‘ēr bəḵwōr yəhûḏâ r^a‘ bə‘ênê yəhwâ wayəmiṯēhû yəhwâ:

8 wayyō’mer yəhûḏâ lə’wōnān bō’ ’el-’ēšeṯ ’āḥîḵā wəyabēm ’ōṯāh wəhāqēm zer^a‘ lə’āḥîḵā:

9 wayyēḏ^a‘ ’wōnān kî llō’¹ lwō yihəyeh hazzār^a‘ wəhāyâ ’im-bā’ ’el-’ēšeṯ ’āḥîw wəšiḥēṯ ’arəṣâ ləḇilətî nəṯān-zer^a‘ lə’āḥîw:

10 wayyēr^a‘ bə‘ênê yəhwâ ’ăšer ‘āśâ wayyāmeṯ gam-’ōṯwō:

11 wayyō’mer yəhûḏâ ləṯāmār kallāṯwō šəḇî ’aləmānâ ḇêṯ-’āḇîḵə ‘aḏ-yiḡədal šēlâ ḇənî kî ’āmar pen-yāmûṯ gam-hû’ kə’eḥāyw watēleḵə tāmār watēšeḇ bêṯ ’āḇîhā:

12 wayyirəbû hayyāmîm watāmāṯ baṯ-šû‘a ’ēšeṯ-yəhûḏâ wayyinnāḥem yəhûḏâ wayy^a‘al ‘al-gōzăzê ṣō’nwō hû’ wəḥîrâ rē‘ēhû hā‘ăḏullāmî timənāṯâ:

13 wayyugaḏ ləṯāmār lē’mōr hinnēh ḥāmîḵə ‘ōleh ṯimənāṯâ lāḡōz ṣō’nwō:

14 watāsar biḡəḏê ’aləmənûṯāh mē‘āleyhā watəḵas baṣṣā‘îf watiṯə‘allāf watēšeḇ bəfeṯ^aḥ ‘ênayim ’ăšer ‘al-dereḵə timənāṯâ kî rā’ăṯâ kî-ḡāḏal šēlâ wəhiw’ lō’-nitənâ lwō lə’iššâ:

15 wayyirə’ehā yəhûḏâ wayy^aḥəšəḇehā ləzwōnâ kî ḵissəṯâ pāneyhā:

16 wayyēṭ ’ēleyhā ’el-hadereḵə wayyō’mer hāḇâ-nnā’ ’āḇwō’ ’ēlayiḵə kî lō’ yāḏ^a‘ kî ḵallāṯwō hiw’ watō’mer mah-titen-llî¹ kî ṯāḇwō’ ’ēlāy:

17 wayyō’mer ’ānōḵî ’ăšall^aḥ gəḏî-‘izzîm min-haṣṣō’n watō’mer ’im-titēn ‘ērāḇwōn ‘aḏ šāləḥeḵā:

18 wayyō’mer mâ hā‘ērāḇwōn ’ăšer ’eten-llāḵə watō’mer ḥōṯāməḵā ûfəṯîleḵā ûmaṭṭəḵā ’ăšer bəyāḏeḵā wayyiten-llāh wayyāḇō’ ’ēleyhā watahar lwō:

19 watāqām watēleḵə watāsar ṣə‘îfāh mē‘āleyhā watiləbaš biḡəḏê ’aləmənûṯāh:

20 wayyišəl^aḥ yəhûḏâ ’eṯ-gəḏî hā‘izzîm bəyaḏ rē‘ēhû hā‘ăḏullāmî lāq^aḥaṯ hā‘ērāḇwōn mîyaḏ hā’iššâ wəlō’ məṣā’āh:

21 wayyišə’al ’eṯ-’anəšê məqōmāh lē’mōr ’ayyēh haqqəḏēšâ hiw’ ḇā‘ênayim ‘al-hadāreḵə wayyō’mərû lō’-hāyəṯâ ḇāzeh qəḏēšâ:

22 wayyāšāḇ ’el-yəhûḏâ wayyō’mer lō’ məṣā’ṯîhā wəḡam ’anəšê hammāqwōm ’āmərû lō’-hāyəṯâ ḇāzeh qəḏēšâ:

23 wayyō’mer yəhûḏâ tiqq^aḥ-lāh pen nihəyeh lāḇûz hinnēh šāl^aḥətî hagəḏî hazzeh wə’atâ lō’ məṣā’ṯāh:

24 wayəhî| kəmišəlōš ḥŏḏāšîm wayyugaḏ lîhûḏâ lē’mōr zānəṯâ tāmār kallāṯeḵā wəḡam hinnēh hārâ lizənûnîm wayyō’mer yəhûḏâ hwōṣî’ûhā wəṯiśśārēf:

25 hiw’ mûṣē’ṯ wəhî’ šāləḥâ ’el-ḥāmîhā lē’mōr lə’îš ’ăšer-’ēlleh llwō ’ānōḵî hārâ watō’mer haker-nā’ ləmî h^aḥōṯemeṯ wəhapəṯîlîm wəhammaṭṭeh hā’ēlleh:

26 wayyakēr yəhûḏâ wayyō’mer ṣāḏəqâ mimmennî kî-‘al-kēn lō’-nəṯatîhā ləšēlâ ḇənî wəlō’-yāsaf ‘wōḏ ləḏ^a‘ətâ:¹

27 wayəhî bə‘ēṯ liḏətāh wəhinnēh ṯə’wōmîm bəḇiṭənāh:

28 wayəhî ḇəliḏətāh wayyiten-yāḏ watiqq^aḥ haməyalleḏeṯ watiqəšōr ‘al-yāḏwō šānî lē’mōr zeh yāṣā’ ri’šōnâ:

29 wayəhî| kəmēšîḇ yāḏwō wəhinnēh yāṣā’ ’āḥîw watō’mer mah-pāraṣətā ‘āleyḵā pāreṣ wayyiqərā’ šəmwō pāreṣ:

30 wə’^aḥar yāṣā’ ’āḥîw ’ăšer ‘al-yāḏwō haššānî wayyiqərā’ šəmwō zār^aḥ: s

‎1 ‏וְיוֹסֵ֖ף הוּרַ֣ד מִצְרָ֑יְמָה וַיִּקְנֵ֡הוּ פּוֹטִיפַר֩ סְרִ֨יס פַּרְעֹ֜ה שַׂ֤ר הַטַּבָּחִים֙ אִ֣ישׁ מִצְרִ֔י מִיַּד֙ הַיִּשְׁמְעֵאלִ֔ים אֲשֶׁ֥ר הוֹרִדֻ֖הוּ שָֽׁמָּה׃

‎2 ‏וַיְהִ֤י יְהוָה֙ אֶת־יוֹסֵ֔ף וַיְהִ֖י אִ֣ישׁ מַצְלִ֑יחַ וַיְהִ֕י בְּבֵ֥ית אֲדֹנָ֖יו הַמִּצְרִֽי׃

‎3 ‏וַיַּ֣רְא אֲדֹנָ֔יו כִּ֥י יְהוָ֖ה אִתּ֑וֹ וְכֹל֙ אֲשֶׁר־ה֣וּא עֹשֶׂ֔ה יְהוָ֖ה מַצְלִ֥יחַ בְּיָדֽוֹ׃

‎4 ‏וַיִּמְצָ֨א יוֹסֵ֥ף חֵ֛ן בְּעֵינָ֖יו וַיְשָׁ֣רֶת אֹת֑וֹ וַיַּפְקִדֵ֙הוּ֙ עַל־בֵּית֔וֹ וְכָל־יֶשׁ־ל֖וֹ נָתַ֥ן בְּיָדֽוֹ׃

‎5 ‏וַיְהִ֡י מֵאָז֩ הִפְקִ֨יד אֹת֜וֹ בְּבֵית֗וֹ וְעַל֙ כָּל־אֲשֶׁ֣ר יֶשׁ־ל֔וֹ וַיְבָ֧רֶךְ יְהוָ֛ה אֶת־בֵּ֥ית הַמִּצְרִ֖י בִּגְלַ֣ל יוֹסֵ֑ף וַיְהִ֞י בִּרְכַּ֤ת יְהוָה֙ בְּכָל־אֲשֶׁ֣ר יֶשׁ־ל֔וֹ בַּבַּ֖יִת וּבַשָּׂדֶֽה׃

‎6 ‏וַיַּעֲזֹ֣ב כָּל־אֲשֶׁר־לוֹ֮ בְּיַד־יוֹסֵף֒ וְלֹא־יָדַ֤ע אִתּוֹ֙ מְא֔וּמָה כִּ֥י אִם־הַלֶּ֖חֶם אֲשֶׁר־ה֣וּא אוֹכֵ֑ל וַיְהִ֣י יוֹסֵ֔ף יְפֵה־תֹ֖אַר וִיפֵ֥ה מַרְאֶֽה׃

‎7 ‏וַיְהִ֗י אַחַר֙ הַדְּבָרִ֣ים הָאֵ֔לֶּה וַתִּשָּׂ֧א אֵֽשֶׁת־אֲדֹנָ֛יו אֶת־עֵינֶ֖יהָ אֶל־יוֹסֵ֑ף וַתֹּ֖אמֶר שִׁכְבָ֥ה עִמִּֽי׃

‎8 ‏וַיְמָאֵ֓ן׀ וַיֹּ֙אמֶר֙ אֶל־אֵ֣שֶׁת אֲדֹנָ֔יו הֵ֣ן אֲדֹנִ֔י לֹא־יָדַ֥ע אִתִּ֖י מַה־בַּבָּ֑יִת וְכֹ֥ל אֲשֶׁר־יֶשׁ־ל֖וֹ נָתַ֥ן בְּיָדִֽי׃

‎9 ‏אֵינֶ֨נּוּ גָד֜וֹל בַּבַּ֣יִת הַזֶּה֮ מִמֶּנִּי֒ וְלֹֽא־חָשַׂ֤ךְ מִמֶּ֙נִּי֙ מְא֔וּמָה כִּ֥י אִם־אוֹתָ֖ךְ בַּאֲשֶׁ֣ר אַתְּ־אִשְׁתּ֑וֹ וְאֵ֨יךְ אֶֽעֱשֶׂ֜ה הָרָעָ֤ה הַגְּדֹלָה֙ הַזֹּ֔את וְחָטָ֖אתִי לֵֽאלֹהִֽים׃

‎10 ‏וַיְהִ֕י כְּדַבְּרָ֥הּ אֶל־יוֹסֵ֖ף י֣וֹם׀ י֑וֹם וְלֹא־שָׁמַ֥ע אֵלֶ֛יהָ לִשְׁכַּ֥ב אֶצְלָ֖הּ לִהְי֥וֹת עִמָּֽהּ׃

‎11 ‏וַיְהִי֙ כְּהַיּ֣וֹם הַזֶּ֔ה וַיָּבֹ֥א הַבַּ֖יְתָה לַעֲשׂ֣וֹת מְלַאכְתּ֑וֹ וְאֵ֨ין אִ֜ישׁ מֵאַנְשֵׁ֥י הַבַּ֛יִת שָׁ֖ם בַּבָּֽיִת׃

‎12 ‏וַתִּתְפְּשֵׂ֧הוּ בְּבִגְד֛וֹ לֵאמֹ֖ר שִׁכְבָ֣ה עִמִּ֑י וַיַּעֲזֹ֤ב בִּגְדוֹ֙ בְּיָדָ֔הּ וַיָּ֖נָס וַיֵּצֵ֥א הַחֽוּצָה׃

‎13 ‏וַיְהִי֙ כִּרְאוֹתָ֔הּ כִּֽי־עָזַ֥ב בִּגְד֖וֹ בְּיָדָ֑הּ וַיָּ֖נָס הַחֽוּצָה׃

‎14 ‏וַתִּקְרָ֞א לְאַנְשֵׁ֣י בֵיתָ֗הּ וַתֹּ֤אמֶר לָהֶם֙ לֵאמֹ֔ר רְא֗וּ הֵ֥בִיא לָ֛נוּ אִ֥ישׁ עִבְרִ֖י לְצַ֣חֶק בָּ֑נוּ בָּ֤א אֵלַי֙ לִשְׁכַּ֣ב עִמִּ֔י וָאֶקְרָ֖א בְּק֥וֹל גָּדֽוֹל׃

‎15 ‏וַיְהִ֣י כְשָׁמְע֔וֹ כִּֽי־הֲרִימֹ֥תִי קוֹלִ֖י וָאֶקְרָ֑א וַיַּעֲזֹ֤ב בִּגְדוֹ֙ אֶצְלִ֔י וַיָּ֖נָס וַיֵּצֵ֥א הַחֽוּצָה׃

‎16 ‏וַתַּנַּ֥ח בִּגְד֖וֹ אֶצְלָ֑הּ עַד־בּ֥וֹא אֲדֹנָ֖יו אֶל־בֵּיתֽוֹ׃

‎17 ‏וַתְּדַבֵּ֣ר אֵלָ֔יו כַּדְּבָרִ֥ים הָאֵ֖לֶּה לֵאמֹ֑ר בָּֽא־אֵלַ֞י הָעֶ֧בֶד הָֽעִבְרִ֛י אֲשֶׁר־הֵבֵ֥אתָ לָּ֖נוּ לְצַ֥חֶק בִּֽי׃

‎18 ‏וַיְהִ֕י כַּהֲרִימִ֥י קוֹלִ֖י וָאֶקְרָ֑א וַיַּעֲזֹ֥ב בִּגְד֛וֹ אֶצְלִ֖י וַיָּ֥נָס הַחֽוּצָה׃

‎19 ‏וַיְהִי֩ כִשְׁמֹ֨עַ אֲדֹנָ֜יו אֶת־דִּבְרֵ֣י אִשְׁתּ֗וֹ אֲשֶׁ֨ר דִּבְּרָ֤ה אֵלָיו֙ לֵאמֹ֔ר כַּדְּבָרִ֣ים הָאֵ֔לֶּה עָ֥שָׂהּ¹ לִ֖י עַבְדֶּ֑ךָ וַיִּ֖חַר אַפּֽוֹ׃

‎20 ‏וַיִּקַּח֩ אֲדֹנֵ֨י יוֹסֵ֜ף אֹת֗וֹ וַֽיִּתְּנֵ֙הוּ֙ אֶל־בֵּ֣ית הַסֹּ֔הַר מְק֕וֹם אֲשֶׁר־אסורי אֲסִירֵ֥י הַמֶּ֖לֶךְ אֲסוּרִ֑ים וַֽיְהִי־שָׁ֖ם בְּבֵ֥ית הַסֹּֽהַר׃

‎21 ‏וַיְהִ֤י יְהוָה֙ אֶת־יוֹסֵ֔ף וַיֵּ֥ט אֵלָ֖יו חָ֑סֶד וַיִּתֵּ֣ן חִנּ֔וֹ בְּעֵינֵ֖י שַׂ֥ר בֵּית־הַסֹּֽהַר׃

‎22 ‏וַיִּתֵּ֞ן שַׂ֤ר בֵּית־הַסֹּ֙הַר֙ בְּיַד־יוֹסֵ֔ף אֵ֚ת כָּל־הָ֣אֲסִירִ֔ם אֲשֶׁ֖ר בְּבֵ֣ית הַסֹּ֑הַר וְאֵ֨ת כָּל־אֲשֶׁ֤ר עֹשִׂים֙ שָׁ֔ם ה֖וּא הָיָ֥ה עֹשֶֽׂה׃

‎23 ‏אֵ֣ין׀ שַׂ֣ר בֵּית־הַסֹּ֗הַר רֹאֶ֤ה אֶֽת־כָּל־מְא֙וּמָה֙ בְּיָד֔וֹ בַּאֲשֶׁ֥ר יְהוָ֖ה אִתּ֑וֹ וַֽאֲשֶׁר־ה֥וּא עֹשֶׂ֖ה יְהוָ֥ה מַצְלִֽיחַ׃ ס

1 wəywōsēf hûraḏ miṣərāyəmâ wayyiqənēhû pwōṭîfar sərîs parə‘ōh śar haṭṭabāḥîm ’îš miṣərî mîyaḏ hayyišəmə‘ē’lîm ’ăšer hwōriḏuhû šāmmâ:

2 wayəhî yəhwâ ’eṯ-ywōsēf wayəhî ’îš maṣəlîḥa wayəhî bəḇêṯ ’ăḏōnāyw hammiṣərî:

3 wayyarə’ ’ăḏōnāyw kî yəhwâ ’itwō wəḵōl ’ăšer-hû’ ‘ōśeh yəhwâ maṣəlîḥa bəyāḏwō:

4 wayyiməṣā’ ywōsēf ḥēn bə‘ênāyw wayəšāreṯ ’ōṯwō wayyafəqiḏēhû ‘al-bêṯwō wəḵāl-yeš-lwō nāṯan bəyāḏwō:

5 wayəhî mē’āz hifəqîḏ ’ōṯwō bəḇêṯwō wə‘al kāl-’ăšer yeš-lwō wayəḇāreḵə yəhwâ ’eṯ-bêṯ hammiṣərî biḡəlal ywōsēf wayəhî birəkaṯ yəhwâ bəḵāl-’ăšer yeš-lwō babayiṯ ûḇaśśāḏeh:

6 wayy^a‘ăzōḇ kāl-’ăšer-lwō bəyaḏ-ywōsēf wəlō’-yāḏ^a‘ ’itwō mə’ûmâ kî ’im-halleḥem ’ăšer-hû’ ’wōḵēl wayəhî ywōsēf yəfēh-ṯō’ar wîfēh marə’eh:

7 wayəhî ’^aḥar hadəḇārîm hā’ēlleh watiśśā’ ’ēšeṯ-’ăḏōnāyw ’eṯ-‘êneyhā ’el-ywōsēf watō’mer šiḵəḇâ ‘immî:

8 wayəmā’ēn| wayyō’mer ’el-’ēšeṯ ’ăḏōnāyw hēn ’ăḏōnî lō’-yāḏ^a‘ ’itî mah-babāyiṯ wəḵōl ’ăšer-yeš-lwō nāṯan bəyāḏî:

9 ’ênennû ḡāḏwōl babayiṯ hazzeh mimmennî wəlō’-ḥāśaḵə mimmennî mə’ûmâ kî ’im-’wōṯāḵə ba’ăšer ’atə-’išətwō wə’êḵə ’e‘ĕśeh hārā‘â hagəḏōlâ hazzō’ṯ wəḥāṭā’ṯî lē’lōhîm:

10 wayəhî kəḏabərāh ’el-ywōsēf ywōm| ywōm wəlō’-šām^a‘ ’ēleyhā lišəkaḇ ’eṣəlāh lihəywōṯ ‘immāh:

11 wayəhî kəhayywōm hazzeh wayyāḇō’ habayəṯâ l^a‘ăśwōṯ məla’ḵətwō wə’ên ’îš mē’anəšê habayiṯ šām babāyiṯ:

12 watiṯəpəśēhû bəḇiḡəḏwō lē’mōr šiḵəḇâ ‘immî wayy^a‘ăzōḇ biḡəḏwō bəyāḏāh wayyānās wayyēṣē’ h^aḥûṣâ:

13 wayəhî kirə’wōṯāh kî-‘āzaḇ biḡəḏwō bəyāḏāh wayyānās h^aḥûṣâ:

14 watiqərā’ lə’anəšê ḇêṯāh watō’mer lâem lē’mōr rə’û hēḇî’ lānû ’îš ‘iḇərî ləṣ^aḥeq bānû bā’ ’ēlay lišəkaḇ ‘immî wā’eqərā’ bəqwōl gāḏwōl:

15 wayəhî ḵəšāmə‘wō kî-hărîmōṯî qwōlî wā’eqərā’ wayy^a‘ăzōḇ biḡəḏwō ’eṣəlî wayyānās wayyēṣē’ h^aḥûṣâ:

16 watann^aḥ biḡəḏwō ’eṣəlāh ‘aḏ-bwō’ ’ăḏōnāyw ’el-bêṯwō:

17 watəḏabēr ’ēlāyw kadəḇārîm hā’ēlleh lē’mōr bā’-’ēlay hā‘eḇeḏ hā‘iḇərî ’ăšer-hēḇē’ṯā llānû ləṣ^aḥeq bî:

18 wayəhî kahărîmî qwōlî wā’eqərā’ wayy^a‘ăzōḇ biḡəḏwō ’eṣəlî wayyānās h^aḥûṣâ:

19 wayəhî ḵišəmō‘a ’ăḏōnāyw ’eṯ-diḇərê ’išətwō ’ăšer dibərâ ’ēlāyw lē’mōr kadəḇārîm hā’ēlleh ‘āśāh¹ lî ‘aḇədeḵā wayyiḥar ’apwō:

20 wayyiqq^aḥ ’ăḏōnê ywōsēf ’ōṯwō wayyitənēhû ’el-bêṯ hassōhar məqwōm ’ăšer-’ăsûrê ’ăsîrê hammeleḵə ’ăsûrîm wayəhî-šām bəḇêṯ hassōhar:

21 wayəhî yəhwâ ’eṯ-ywōsēf wayyēṭ ’ēlāyw ḥāseḏ wayyitēn ḥinnwō bə‘ênê śar bêṯ-hassōhar:

22 wayyitēn śar bêṯ-hassōhar bəyaḏ-ywōsēf ’ēṯ kāl-hā’ăsîrim ’ăšer bəḇêṯ hassōhar wə’ēṯ kāl-’ăšer ‘ōśîm šām hû’ hāyâ ‘ōśeh:

23 ’ên| śar bêṯ-hassōhar rō’eh ’eṯ-kāl-mə’ûmâ bəyāḏwō ba’ăšer yəhwâ ’itwō wa’ăšer-hû’ ‘ōśeh yəhwâ maṣəlîḥa: s

‎1 ‏וַיְהִ֗י אַחַר֙ הַדְּבָרִ֣ים הָאֵ֔לֶּה חָ֥טְא֛וּ³ מַשְׁקֵ֥ה מֶֽלֶךְ־מִצְרַ֖יִם וְהָאֹפֶ֑ה לַאֲדֹנֵיהֶ֖ם לְמֶ֥לֶךְ מִצְרָֽיִם׃

‎2 ‏וַיִּקְצֹ֣ף פַּרְעֹ֔ה עַ֖ל שְׁנֵ֣י סָרִיסָ֑יו עַ֚ל שַׂ֣ר הַמַּשְׁקִ֔ים וְעַ֖ל שַׂ֥ר הָאוֹפִֽים׃

‎3 ‏וַיִּתֵּ֨ן אֹתָ֜ם בְּמִשְׁמַ֗ר בֵּ֛ית שַׂ֥ר הַטַבָּחִ֖ים¹ אֶל־בֵּ֣ית הַסֹּ֑הַר מְק֕וֹם אֲשֶׁ֥ר יוֹסֵ֖ף אָס֥וּר שָֽׁם׃

‎4 ‏וַ֠יִּפְקֹד שַׂ֣ר הַטַּבָּחִ֧ים אֶת־יוֹסֵ֛ף אִתָּ֖ם וַיְשָׁ֣רֶת אֹתָ֑ם וַיִּהְי֥וּ יָמִ֖ים בְּמִשְׁמָֽר׃

‎5 ‏וַיַּֽחַלְמוּ֩ חֲל֨וֹם שְׁנֵיהֶ֜ם אִ֤ישׁ חֲלֹמוֹ֙ בְּלַ֣יְלָה אֶחָ֔ד אִ֖ישׁ כְּפִתְר֣וֹן חֲלֹמ֑וֹ הַמַּשְׁקֶ֣ה וְהָאֹפֶ֗ה אֲשֶׁר֙ לְמֶ֣לֶךְ מִצְרַ֔יִם אֲשֶׁ֥ר אֲסוּרִ֖ים בְּבֵ֥ית הַסֹּֽהַר׃

‎6 ‏וַיָּבֹ֧א אֲלֵיהֶ֛ם יוֹסֵ֖ף בַּבֹּ֑קֶר וַיַּ֣רְא אֹתָ֔ם וְהִנָּ֖ם זֹעֲפִֽים׃

‎7 ‏וַיִּשְׁאַ֞ל אֶת־סְרִיסֵ֣י פַרְעֹ֗ה אֲשֶׁ֨ר אִתּ֧וֹ בְמִשְׁמַ֛ר בֵּ֥ית אֲדֹנָ֖יו לֵאמֹ֑ר מַדּ֛וּעַ פְּנֵיכֶ֥ם רָעִ֖ים הַיּֽוֹם׃

‎8 ‏וַיֹּאמְר֣וּ אֵלָ֔יו חֲל֣וֹם חָלַ֔מְנוּ וּפֹתֵ֖ר אֵ֣ין אֹת֑וֹ וַיֹּ֨אמֶר אֲלֵהֶ֜ם יוֹסֵ֗ף הֲל֤וֹא לֵֽאלֹהִים֙ פִּתְרֹנִ֔ים סַפְּרוּ־נָ֖א לִֽי׃

‎9 ‏וַיְסַפֵּ֧ר שַֽׂר־הַמַּשְׁקִ֛ים אֶת־חֲלֹמ֖וֹ לְיוֹסֵ֑ף וַיֹּ֣אמֶר ל֔וֹ בַּחֲלוֹמִ֕י וְהִנֵּה־גֶ֖פֶן לְפָנָֽי׃

‎10 ‏וּבַגֶּ֖פֶן שְׁלֹשָׁ֣ה שָׂרִיגִ֑ם וְהִ֤יא כְפֹרַ֙חַת֙ עָלְתָ֣ה נִצָּ֔הּ הִבְשִׁ֥ילוּ אַשְׁכְּלֹתֶ֖יהָ עֲנָבִֽים׃

‎11 ‏וְכ֥וֹס פַּרְעֹ֖ה בְּיָדִ֑י וָאֶקַּ֣ח אֶת־הָֽעֲנָבִ֗ים וָֽאֶשְׂחַ֤ט אֹתָם֙ אֶל־כּ֣וֹס פַּרְעֹ֔ה וָאֶתֵּ֥ן אֶת־הַכּ֖וֹס עַל־כַּ֥ף פַּרְעֹֽה׃

‎12 ‏וַיֹּ֤אמֶר לוֹ֙ יוֹסֵ֔ף זֶ֖ה פִּתְרֹנ֑וֹ שְׁלֹ֙שֶׁת֙ הַשָּׂ֣רִגִ֔ים שְׁלֹ֥שֶׁת יָמִ֖ים הֵֽם׃

‎13 ‏בְּע֣וֹד׀ שְׁלֹ֣שֶׁת יָמִ֗ים יִשָּׂ֤א פַרְעֹה֙ אֶת־רֹאשֶׁ֔ךָ וַהֲשִֽׁיבְךָ֖ עַל־כַּנֶּ֑ךָ וְנָתַתָּ֤ כוֹס־פַּרְעֹה֙ בְּיָד֔וֹ כַּמִּשְׁפָּט֙ הָֽרִאשׁ֔וֹן אֲשֶׁ֥ר הָיִ֖יתָ מַשְׁקֵֽהוּ׃

‎14 ‏כִּ֧י אִם־זְכַרְתַּ֣נִי אִתְּךָ֗ כַּאֲשֶׁר֙ יִ֣יטַב לָ֔ךְ וְעָשִֽׂיתָ־נָּ֥א עִמָּדִ֖י חָ֑סֶד וְהִזְכַּרְתַּ֙נִי֙ אֶל־פַּרְעֹ֔ה וְהוֹצֵאתַ֖נִי מִן־הַבַּ֥יִת הַזֶּֽה׃

‎15 ‏כִּֽי־גֻנֹּ֣ב גֻּנַּ֔בְתִּי מֵאֶ֖רֶץ הָעִבְרִ֑ים וְגַם־פֹּה֙ לֹא־עָשִׂ֣יתִֽי מְא֔וּמָה כִּֽי־שָׂמ֥וּ אֹתִ֖י בַּבּֽוֹר׃

‎16 ‏וַיַּ֥רְא שַׂר־הָאֹפִ֖ים כִּ֣י ט֣וֹב פָּתָ֑ר וַיֹּ֙אמֶר֙ אֶל־יוֹסֵ֔ף אַף־אֲנִי֙ בַּחֲלוֹמִ֔י וְהִנֵּ֗ה שְׁלֹשָׁ֛ה סַלֵּ֥י חֹרִ֖י עַל־רֹאשִֽׁי׃

‎17 ‏וּבַסַּ֣ל הָֽעֶלְיוֹ֔ן מִכֹּ֛ל מַאֲכַ֥ל פַּרְעֹ֖ה מַעֲשֵׂ֣ה אֹפֶ֑ה וְהָע֗וֹף אֹכֵ֥ל אֹתָ֛ם מִן־הַסַּ֖ל מֵעַ֥ל רֹאשִֽׁי׃

‎18 ‏וַיַּ֤עַן יוֹסֵף֙ וַיֹּ֔אמֶר זֶ֖ה פִּתְרֹנ֑וֹ שְׁלֹ֙שֶׁת֙ הַסַּלִּ֔ים שְׁלֹ֥שֶׁת יָמִ֖ים הֵֽם׃

‎19 ‏בְּע֣וֹד׀ שְׁלֹ֣שֶׁת יָמִ֗ים יִשָּׂ֨א פַרְעֹ֤ה אֶת־רֹֽאשְׁךָ֙ מֵֽעָלֶ֔יךָ וְתָלָ֥ה אוֹתְךָ֖ עַל־עֵ֑ץ וְאָכַ֥ל הָע֛וֹף אֶת־בְּשָׂרְךָ֖ מֵעָלֶֽיךָ׃

‎20 ‏וַיְהִ֣י׀ בַּיּ֣וֹם הַשְּׁלִישִׁ֗י י֚וֹם³ הֻלֶּ֣דֶת אֶת־פַּרְעֹ֔ה וַיַּ֥עַשׂ מִשְׁתֶּ֖ה לְכָל־עֲבָדָ֑יו וַיִּשָּׂ֞א אֶת־רֹ֣אשׁ׀ שַׂ֣ר הַמַּשְׁקִ֗ים וְאֶת־רֹ֛אשׁ שַׂ֥ר הָאֹפִ֖ים בְּת֥וֹךְ עֲבָדָֽיו׃

‎21 ‏וַיָּ֛שֶׁב אֶת־שַׂ֥ר הַמַּשְׁקִ֖ים עַל־מַשְׁקֵ֑הוּ וַיִּתֵּ֥ן הַכּ֖וֹס עַל־כַּ֥ף פַּרְעֹֽה׃

‎22 ‏וְאֵ֛ת שַׂ֥ר הָאֹפִ֖ים תָּלָ֑ה כַּאֲשֶׁ֥ר פָּתַ֛ר לָהֶ֖ם יוֹסֵֽף׃

‎23 ‏וְלֹֽא־זָכַ֧ר שַֽׂר־הַמַּשְׁקִ֛ים אֶת־יוֹסֵ֖ף וַיִּשְׁכָּחֵֽהוּ׃ פ

1 wayəhî ’^aḥar hadəḇārîm hā’ēlleh ḥāṭə’û³ mašəqēh meleḵə-miṣərayim wəhā’ōfeh la’ăḏōnêhem ləmeleḵə miṣərāyim:

2 wayyiqəṣōf parə‘ōh ‘al šənê sārîsāyw ‘al śar hammašəqîm wə‘al śar hā’wōfîm:

3 wayyitēn ’ōṯām bəmišəmar bêṯ śar haṭabāḥîm¹ ’el-bêṯ hassōhar məqwōm ’ăšer ywōsēf ’āsûr šām:

4 wayyifəqōḏ śar haṭṭabāḥîm ’eṯ-ywōsēf ’itām wayəšāreṯ ’ōṯām wayyihəyû yāmîm bəmišəmār:

5 wayy^aḥaləmû ḥălwōm šənêhem ’îš ḥălōmwō bəlayəlâ ’eḥāḏ ’îš kəfiṯərwōn ḥălōmwō hammašəqeh wəhā’ōfeh ’ăšer ləmeleḵə miṣərayim ’ăšer ’ăsûrîm bəḇêṯ hassōhar:

6 wayyāḇō’ ’ălêhem ywōsēf babōqer wayyarə’ ’ōṯām wəhinnām zō‘ăfîm:

7 wayyišə’al ’eṯ-sərîsê farə‘ōh ’ăšer ’itwō ḇəmišəmar bêṯ ’ăḏōnāyw lē’mōr madû‘a pənêḵem rā‘îm hayywōm:

8 wayyō’mərû ’ēlāyw ḥălwōm ḥālamənû ûfōṯēr ’ên ’ōṯwō wayyō’mer ’ălēhem ywōsēf hălwō’ lē’lōhîm piṯərōnîm sapərû-nā’ lî:

9 wayəsapēr śar-hammašəqîm ’eṯ-ḥălōmwō ləywōsēf wayyō’mer lwō b^aḥălwōmî wəhinnēh-ḡefen ləfānāy:

10 ûḇagefen šəlōšâ śārîḡim wəhî’ ḵəfōr^aḥaṯ ‘āləṯâ niṣṣāh hiḇəšîlû ’ašəkəlōṯeyhā ‘ănāḇîm:

11 wəḵwōs parə‘ōh bəyāḏî wā’eqq^aḥ ’eṯ-hā‘ănāḇîm wā’eśəḥaṭ ’ōṯām ’el-kwōs parə‘ōh wā’etēn ’eṯ-hakwōs ‘al-kaf parə‘ōh:

12 wayyō’mer lwō ywōsēf zeh piṯərōnwō šəlōšeṯ haśśāriḡîm šəlōšeṯ yāmîm hēm:

13 bə‘wōḏ| šəlōšeṯ yāmîm yiśśā’ farə‘ōh ’eṯ-rō’šeḵā wahăšîḇəḵā ‘al-kanneḵā wənāṯatā ḵwōs-parə‘ōh bəyāḏwō kammišəpāṭ hāri’šwōn ’ăšer hāyîṯā mašəqēhû:

14 kî ’im-zəḵarətanî ’itəḵā ka’ăšer yîṭaḇ lāḵə wə‘āśîṯā-nnā’ ‘immāḏî ḥāseḏ wəhizəkarətanî ’el-parə‘ōh wəhwōṣē’ṯanî min-habayiṯ hazzeh:

15 kî-ḡunnōḇ gunnaḇətî mē’ereṣ hā‘iḇərîm wəḡam-pōh lō’-‘āśîṯî mə’ûmâ kî-śāmû ’ōṯî babwōr:

16 wayyarə’ śar-hā’ōfîm kî ṭwōḇ pāṯār wayyō’mer ’el-ywōsēf ’af-’ănî b^aḥălwōmî wəhinnēh šəlōšâ sallê ḥōrî ‘al-rō’šî:

17 ûḇassal hā‘eləywōn mikōl ma’ăḵal parə‘ōh m^a‘ăśēh ’ōfeh wəhā‘wōf ’ōḵēl ’ōṯām min-hassal mē‘al rō’šî:

18 wayy^a‘an ywōsēf wayyō’mer zeh piṯərōnwō šəlōšeṯ hassallîm šəlōšeṯ yāmîm hēm:

19 bə‘wōḏ| šəlōšeṯ yāmîm yiśśā’ farə‘ōh ’eṯ-rō’šəḵā mē‘āleyḵā wəṯālâ ’wōṯəḵā ‘al-‘ēṣ wə’āḵal hā‘wōf ’eṯ-bəśārəḵā mē‘āleyḵā:

20 wayəhî| bayywōm haššəlîšî ywōm³ hulleḏeṯ ’eṯ-parə‘ōh wayy^a‘aś mišəteh ləḵāl-‘ăḇāḏāyw wayyiśśā’ ’eṯ-rō’š| śar hammašəqîm wə’eṯ-rō’š śar hā’ōfîm bəṯwōḵə ‘ăḇāḏāyw:

21 wayyāšeḇ ’eṯ-śar hammašəqîm ‘al-mašəqēhû wayyitēn hakwōs ‘al-kaf parə‘ōh:

22 wə’ēṯ śar hā’ōfîm tālâ ka’ăšer pāṯar lâem ywōsēf:

23 wəlō’-zāḵar śar-hammašəqîm ’eṯ-ywōsēf wayyišəkāḥēhû: f

‎1 ‏וַיְהִ֕י מִקֵּ֖ץ שְׁנָתַ֣יִם יָמִ֑ים וּפַרְעֹ֣ה חֹלֵ֔ם וְהִנֵּ֖ה עֹמֵ֥ד עַל־הַיְאֹֽר׃

‎2 ‏וְהִנֵּ֣ה מִן־הַיְאֹ֗ר עֹלֹת֙ שֶׁ֣בַע פָּר֔וֹת יְפ֥וֹת מַרְאֶ֖ה וּבְרִיאֹ֣ת בָּשָׂ֑ר וַתִּרְעֶ֖ינָה בָּאָֽחוּ׃

‎3 ‏וְהִנֵּ֞ה שֶׁ֧בַע פָּר֣וֹת אֲחֵר֗וֹת עֹל֤וֹת אַחֲרֵיהֶן֙ מִן־הַיְאֹ֔ר רָע֥וֹת מַרְאֶ֖ה וְדַקּ֣וֹת בָּשָׂ֑ר וַֽתַּעֲמֹ֛דְנָה אֵ֥צֶל הַפָּר֖וֹת עַל־שְׂפַ֥ת הַיְאֹֽר׃

‎4 ‏וַתֹּאכַ֣לְנָה הַפָּר֗וֹת רָע֤וֹת הַמַּרְאֶה֙ וְדַקֹּ֣ת הַבָּשָׂ֔ר אֵ֚ת שֶׁ֣בַע הַפָּר֔וֹת יְפֹ֥ת הַמַּרְאֶ֖ה וְהַבְּרִיאֹ֑ת וַיִּיקַ֖ץ פַּרְעֹֽה׃

‎5 ‏וַיִּישָׁ֕ן וַֽיַּחֲלֹ֖ם שֵׁנִ֑ית וְהִנֵּ֣ה׀ שֶׁ֣בַע שִׁבֳּלִ֗ים עֹל֛וֹת בְּקָנֶ֥ה אֶחָ֖ד בְּרִיא֥וֹת וְטֹבֽוֹת׃

‎6 ‏וְהִנֵּה֙ שֶׁ֣בַע שִׁבֳּלִ֔ים דַּקּ֖וֹת וּשְׁדוּפֹ֣ת קָדִ֑ים צֹמְח֖וֹת אַחֲרֵיהֶֽן׃

‎7 ‏וַתִּבְלַ֙עְנָה֙ הַשִּׁבֳּלִ֣ים הַדַּקּ֔וֹת אֵ֚ת שֶׁ֣בַע הַֽשִּׁבֳּלִ֔ים הַבְּרִיא֖וֹת וְהַמְּלֵא֑וֹת וַיִּיקַ֥ץ פַּרְעֹ֖ה וְהִנֵּ֥ה חֲלֽוֹם׃

‎8 ‏וַיְהִ֤י בַבֹּ֙קֶר֙ וַתִּפָּ֣עֶם רוּח֔וֹ וַיִּשְׁלַ֗ח וַיִּקְרָ֛א אֶת־כָּל־חַרְטֻמֵּ֥י מִצְרַ֖יִם וְאֶת־כָּל־חֲכָמֶ֑יהָ וַיְסַפֵּ֨ר פַּרְעֹ֤ה לָהֶם֙ אֶת־חֲלֹמ֔וֹ וְאֵין־פּוֹתֵ֥ר אוֹתָ֖ם לְפַרְעֹֽה׃

‎9 ‏וַיְדַבֵּר֙ שַׂ֣ר הַמַּשְׁקִ֔ים אֶת־פַּרְעֹ֖ה לֵאמֹ֑ר אֶת־חֲטָאַ֕י אֲנִ֖י מַזְכִּ֥יר הַיּֽוֹם׃

‎10 ‏פַּרְעֹ֖ה קָצַ֣ף עַל־עֲבָדָ֑יו וַיִּתֵּ֨ן אֹתִ֜י בְּמִשְׁמַ֗ר בֵּ֚ית שַׂ֣ר הַטַּבָּחִ֔ים אֹתִ֕י וְאֵ֖ת שַׂ֥ר הָאֹפִֽים׃

‎11 ‏וַנַּֽחַלְמָ֥ה חֲל֛וֹם בְּלַ֥יְלָה אֶחָ֖ד אֲנִ֣י וָה֑וּא אִ֛ישׁ כְּפִתְר֥וֹן חֲלֹמ֖וֹ חָלָֽמְנוּ׃

‎12 ‏וְשָׁ֨ם אִתָּ֜נוּ נַ֣עַר עִבְרִ֗י עֶ֚בֶד לְשַׂ֣ר הַטַּבָּחִ֔ים וַנְּ֨סַפֶּר־ל֔וֹ¹ וַיִּפְתָּר־לָ֖נוּ אֶת־חֲלֹמֹתֵ֑ינוּ אִ֥ישׁ כַּחֲלֹמ֖וֹ פָּתָֽר׃

‎13 ‏וַיְהִ֛י כַּאֲשֶׁ֥ר פָּֽתַר־לָ֖נוּ כֵּ֣ן הָיָ֑ה אֹתִ֛י הֵשִׁ֥יב עַל־כַּנִּ֖י וְאֹת֥וֹ תָלָֽה׃

‎14 ‏וַיִּשְׁלַ֤ח פַּרְעֹה֙ וַיִּקְרָ֣א אֶת־יוֹסֵ֔ף וַיְרִיצֻ֖הוּ מִן־הַבּ֑וֹר וַיְגַלַּח֙ וַיְחַלֵּ֣ף שִׂמְלֹתָ֔יו וַיָּבֹ֖א אֶל־פַּרְעֹֽה׃

‎15 ‏וַיֹּ֤אמֶר פַּרְעֹה֙ אֶל־יוֹסֵ֔ף חֲל֣וֹם חָלַ֔מְתִּי וּפֹתֵ֖ר אֵ֣ין אֹת֑וֹ וַאֲנִ֗י שָׁמַ֤עְתִּי עָלֶ֙יךָ֙ לֵאמֹ֔ר תִּשְׁמַ֥ע חֲל֖וֹם לִפְתֹּ֥ר אֹתֽוֹ׃

‎16 ‏וַיַּ֨עַן יוֹסֵ֧ף אֶת־פַּרְעֹ֛ה לֵאמֹ֖ר בִּלְעָדָ֑י אֱלֹהִ֕ים יַעֲנֶ֖ה אֶת־שְׁל֥וֹם פַּרְעֹֽה׃

‎17 ‏וַיְדַבֵּ֥ר פַּרְעֹ֖ה אֶל־יוֹסֵ֑ף בַּחֲלֹמִ֕י הִנְנִ֥י עֹמֵ֖ד עַל־שְׂפַ֥ת הַיְאֹֽר׃

‎18 ‏וְהִנֵּ֣ה מִן־הַיְאֹ֗ר עֹלֹת֙ שֶׁ֣בַע פָּר֔וֹת בְּרִיא֥וֹת בָּשָׂ֖ר וִיפֹ֣ת תֹּ֑אַר וַתִּרְעֶ֖ינָה בָּאָֽחוּ׃

‎19 ‏וְהִנֵּ֞ה שֶֽׁבַע־פָּר֤וֹת אֲחֵרוֹת֙ עֹל֣וֹת אַחֲרֵיהֶ֔ן דַּלּ֨וֹת וְרָע֥וֹת תֹּ֛אַר מְאֹ֖ד וְרַקּ֣וֹת בָּשָׂ֑ר לֹֽא־רָאִ֧יתִי כָהֵ֛נָּה בְּכָל־אֶ֥רֶץ מִצְרַ֖יִם לָרֹֽעַ׃

‎20 ‏וַתֹּאכַ֙לְנָה֙ הַפָּר֔וֹת הָרַקּ֖וֹת וְהָרָע֑וֹת אֵ֣ת שֶׁ֧בַע הַפָּר֛וֹת הָרִאשֹׁנ֖וֹת הַבְּרִיאֹֽת׃

‎21 ‏וַתָּבֹ֣אנָה אֶל־קִרְבֶּ֗נָה וְלֹ֤א נוֹדַע֙ כִּי־בָ֣אוּ אֶל־קִרְבֶּ֔נָה וּמַרְאֵיהֶ֣ן רַ֔ע כַּאֲשֶׁ֖ר בַּתְּחִלָּ֑ה וָאִיקָֽץ׃

‎22 ‏וָאֵ֖רֶא בַּחֲלֹמִ֑י וְהִנֵּ֣ה׀ שֶׁ֣בַע שִׁבֳּלִ֗ים עֹלֹ֛ת בְּקָנֶ֥ה אֶחָ֖ד מְלֵאֹ֥ת וְטֹבֽוֹת׃

‎23 ‏וְהִנֵּה֙ שֶׁ֣בַע שִׁבֳּלִ֔ים צְנֻמ֥וֹת דַּקּ֖וֹת שְׁדֻפ֣וֹת קָדִ֑ים צֹמְח֖וֹת אַחֲרֵיהֶֽם׃

‎24 ‏וַתִּבְלַ֙עְןָ֙ הָשִׁבֳּלִ֣ים¹ הַדַּקֹּ֔ת אֵ֛ת שֶׁ֥בַע הַֽשִׁבֳּלִ֖ים הַטֹּב֑וֹת וָֽאֹמַר֙ אֶל־הַֽחַרְטֻמִּ֔ים וְאֵ֥ין מַגִּ֖יד לִֽי׃

‎25 ‏וַיֹּ֤אמֶר יוֹסֵף֙ אֶל־פַּרְעֹ֔ה חֲל֥וֹם פַּרְעֹ֖ה אֶחָ֣ד ה֑וּא אֵ֣ת אֲשֶׁ֧ר הָאֱלֹהִ֛ים עֹשֶׂ֖ה הִגִּ֥יד לְפַרְעֹֽה׃

‎26 ‏שֶׁ֧בַע פָּרֹ֣ת הַטֹּבֹ֗ת שֶׁ֤בַע שָׁנִים֙ הֵ֔נָּה וְשֶׁ֤בַע הַֽשִּׁבֳּלִים֙³ הַטֹּבֹ֔ת שֶׁ֥בַע שָׁנִ֖ים הֵ֑נָּה חֲל֖וֹם אֶחָ֥ד הֽוּא׃

‎27 ‏וְשֶׁ֣בַע הַ֠פָּרוֹת הָֽרַקּ֨וֹת וְהָרָעֹ֜ת הָעֹלֹ֣ת אַחֲרֵיהֶ֗ן שֶׁ֤בַע שָׁנִים֙ הֵ֔נָּה וְשֶׁ֤בַע הַֽשִׁבֳּלִים֙ הָרֵק֔וֹת שְׁדֻפ֖וֹת הַקָּדִ֑ים יִהְי֕וּ שֶׁ֖בַע שְׁנֵ֥י רָעָֽב׃

‎28 ‏ה֣וּא הַדָּבָ֔ר אֲשֶׁ֥ר דִּבַּ֖רְתִּי אֶל־פַּרְעֹ֑ה אֲשֶׁ֧ר הָאֱלֹהִ֛ים עֹשֶׂ֖ה הֶרְאָ֥ה אֶת־פַּרְעֹֽה׃

‎29 ‏הִנֵּ֛ה שֶׁ֥בַע שָׁנִ֖ים בָּא֑וֹת שָׂבָ֥ע גָּד֖וֹל בְּכָל־אֶ֥רֶץ מִצְרָֽיִם׃

‎30 ‏וְ֠קָמוּ שֶׁ֨בַע שְׁנֵ֤י רָעָב֙ אַחֲרֵיהֶ֔ן וְנִשְׁכַּ֥ח כָּל־הַשָּׂבָ֖ע בְּאֶ֣רֶץ מִצְרָ֑יִם וְכִלָּ֥ה הָרָעָ֖ב אֶת־הָאָֽרֶץ׃

‎31 ‏וְלֹֽא־יִוָּדַ֤ע הַשָּׂבָע֙ בָּאָ֔רֶץ מִפְּנֵ֛י הָרָעָ֥ב הַה֖וּא אַחֲרֵי־כֵ֑ן כִּֽי־כָבֵ֥ד ה֖וּא מְאֹֽד׃

‎32 ‏וְעַ֨ל הִשָּׁנ֧וֹת הַחֲל֛וֹם אֶל־פַּרְעֹ֖ה פַּעֲמָ֑יִם כִּֽי־נָכ֤וֹן הַדָּבָר֙ מֵעִ֣ם הָאֱלֹהִ֔ים וּמְמַהֵ֥ר הָאֱלֹהִ֖ים לַעֲשֹׂתֽוֹ׃

‎33 ‏וְעַתָּה֙ יֵרֶ֣א פַרְעֹ֔ה אִ֖ישׁ נָב֣וֹן וְחָכָ֑ם וִישִׁיתֵ֖הוּ עַל־אֶ֥רֶץ מִצְרָֽיִם׃

‎34 ‏יַעֲשֶׂ֣ה פַרְעֹ֔ה וְיַפְקֵ֥ד פְּקִדִ֖ים עַל־הָאָ֑רֶץ וְחִמֵּשׁ֙ אֶת־אֶ֣רֶץ מִצְרַ֔יִם בְּשֶׁ֖בַע שְׁנֵ֥י הַשָּׂבָֽע׃

‎35 ‏וְיִקְבְּצ֗וּ אֶת־כָּל־אֹ֙כֶל֙ הַשָּׁנִ֣ים הַטֹּבֹ֔ת הַבָּאֹ֖ת הָאֵ֑לֶּה וְיִצְבְּרוּ־בָ֞ר תַּ֧חַת יַד־פַּרְעֹ֛ה אֹ֥כֶל בֶּעָרִ֖ים וְשָׁמָֽרוּ׃

‎36 ‏וְהָיָ֨ה הָאֹ֤כֶל לְפִקָּדוֹן֙ לָאָ֔רֶץ לְשֶׁ֙בַע֙ שְׁנֵ֣י הָרָעָ֔ב אֲשֶׁ֥ר תִּהְיֶ֖יןָ בְּאֶ֣רֶץ מִצְרָ֑יִם וְלֹֽא־תִכָּרֵ֥ת הָאָ֖רֶץ בָּרָעָֽב׃

‎37 ‏וַיִּיטַ֥ב הַדָּבָ֖ר בְּעֵינֵ֣י פַרְעֹ֑ה וּבְעֵינֵ֖י כָּל־עֲבָדָֽיו׃

‎38 ‏וַיֹּ֥אמֶר פַּרְעֹ֖ה אֶל־עֲבָדָ֑יו הֲנִמְצָ֣א כָזֶ֔ה אִ֕ישׁ אֲשֶׁ֛ר ר֥וּחַ אֱלֹהִ֖ים בּֽוֹ׃

‎39 ‏וַיֹּ֤אמֶר פַּרְעֹה֙ אֶל־יוֹסֵ֔ף אַחֲרֵ֨י הוֹדִ֧יעַ אֱלֹהִ֛ים אוֹתְךָ֖ אֶת־כָּל־זֹ֑את אֵין־נָב֥וֹן וְחָכָ֖ם כָּמֽוֹךָ׃

‎40 ‏אַתָּה֙ תִּהְיֶ֣ה עַל־בֵּיתִ֔י וְעַל־פִּ֖יךָ יִשַּׁ֣ק כָּל־עַמִּ֑י רַ֥ק הַכִּסֵּ֖א אֶגְדַּ֥ל מִמֶּֽךָּ׃

‎41 ‏וַיֹּ֥אמֶר פַּרְעֹ֖ה אֶל־יוֹסֵ֑ף רְאֵה֙ נָתַ֣תִּי אֹֽתְךָ֔ עַ֖ל כָּל־אֶ֥רֶץ מִצְרָֽיִם׃

‎42 ‏וַיָּ֨סַר פַּרְעֹ֤ה אֶת־טַבַּעְתּוֹ֙ מֵעַ֣ל יָד֔וֹ וַיִּתֵּ֥ן אֹתָ֖הּ עַל־יַ֣ד יוֹסֵ֑ף וַיַּלְבֵּ֤שׁ אֹתוֹ֙ בִּגְדֵי־שֵׁ֔שׁ וַיָּ֛שֶׂם רְבִ֥ד הַזָּהָ֖ב עַל־צַוָּארֽוֹ׃

‎43 ‏וַיַּרְכֵּ֣ב אֹת֗וֹ בְּמִרְכֶּ֤בֶת הַמִּשְׁנֶה֙ אֲשֶׁר־ל֔וֹ וַיִּקְרְא֥וּ לְפָנָ֖יו אַבְרֵ֑ךְ וְנָת֣וֹן אֹת֔וֹ עַ֖ל כָּל־אֶ֥רֶץ מִצְרָֽיִם׃

‎44 ‏וַיֹּ֧אמֶר פַּרְעֹ֛ה אֶל־יוֹסֵ֖ף אֲנִ֣י פַרְעֹ֑ה וּבִלְעָדֶ֗יךָ לֹֽא־יָרִ֨ים אִ֧ישׁ אֶת־יָד֛וֹ וְאֶת־רַגְל֖וֹ בְּכָל־אֶ֥רֶץ מִצְרָֽיִם׃

‎45 ‏וַיִּקְרָ֨א פַרְעֹ֣ה שֵׁם־יוֹסֵף֮ צָֽפְנַ֣ת פַּעְנֵחַ֒ וַיִּתֶּן־ל֣וֹ אֶת־אָֽסְנַ֗ת בַּת־פּ֥וֹטִי פֶ֛רַע כֹּהֵ֥ן אֹ֖ן לְאִשָּׁ֑ה וַיֵּצֵ֥א יוֹסֵ֖ף עַל־אֶ֥רֶץ מִצְרָֽיִם׃

‎46 ‏וְיוֹסֵף֙ בֶּן־שְׁלֹשִׁ֣ים שָׁנָ֔ה בְּעָמְד֕וֹ לִפְנֵ֖י פַּרְעֹ֣ה מֶֽלֶךְ־מִצְרָ֑יִם וַיֵּצֵ֤א יוֹסֵף֙ מִלִּפְנֵ֣י פַרְעֹ֔ה וַֽיַּעְבֹ֖ר¹ בְּכָל־אֶ֥רֶץ מִצְרָֽיִם׃

‎47 ‏וַתַּ֣עַשׂ הָאָ֔רֶץ בְּשֶׁ֖בַע שְׁנֵ֣י הַשָּׂבָ֑ע לִקְמָצִֽים׃

‎48 ‏וַיִּקְבֹּ֞ץ אֶת־כָּל־אֹ֣כֶל׀ שֶׁ֣בַע שָׁנִ֗ים אֲשֶׁ֤ר הָיוּ֙ בְּאֶ֣רֶץ מִצְרַ֔יִם וַיִּתֶּן־אֹ֖כֶל בֶּעָרִ֑ים אֹ֧כֶל שְׂדֵה־הָעִ֛יר אֲשֶׁ֥ר סְבִיבֹתֶ֖יהָ נָתַ֥ן בְּתוֹכָֽהּ׃

‎49 ‏וַיִּצְבֹּ֨ר יוֹסֵ֥ף בָּ֛ר כְּח֥וֹל הַיָּ֖ם הַרְבֵּ֣ה מְאֹ֑ד עַ֛ד כִּי־חָדַ֥ל לִסְפֹּ֖ר כִּי־אֵ֥ין מִסְפָּֽר׃

‎50 ‏וּלְיוֹסֵ֤ף יֻלַּד֙ שְׁנֵ֣י בָנִ֔ים בְּטֶ֥רֶם תָּב֖וֹא שְׁנַ֣ת הָרָעָ֑ב אֲשֶׁ֤ר יָֽלְדָה־לּוֹ֙ אָֽסְנַ֔ת בַּת־פּ֥וֹטִי פֶ֖רַע כֹּהֵ֥ן אֽוֹן׃

‎51 ‏וַיִּקְרָ֥א יוֹסֵ֛ף אֶת־שֵׁ֥ם הַבְּכ֖וֹר מְנַשֶּׁ֑ה כִּֽי־נַשַּׁ֤נִי אֱלֹהִים֙ אֶת־כָּל־עֲמָלִ֔י וְאֵ֖ת כָּל־בֵּ֥ית אָבִֽי׃

‎52 ‏וְאֵ֛ת שֵׁ֥ם הַשֵּׁנִ֖י קָרָ֣א אֶפְרָ֑יִם כִּֽי־הִפְרַ֥נִי אֱלֹהִ֖ים בְּאֶ֥רֶץ עָנְיִֽי׃

‎53 ‏וַתִּכְלֶ֕ינָה שֶׁ֖בַע שְׁנֵ֣י הַשָּׂבָ֑ע אֲשֶׁ֥ר הָיָ֖ה בְּאֶ֥רֶץ מִצְרָֽיִם׃

‎54 ‏וַתְּחִלֶּ֜ינָה שֶׁ֣בַע שְׁנֵ֤י הָרָעָב֙ לָב֔וֹא כַּאֲשֶׁ֖ר אָמַ֣ר יוֹסֵ֑ף וַיְהִ֤י רָעָב֙ בְּכָל־הָ֣אֲרָצ֔וֹת וּבְכָל־אֶ֥רֶץ מִצְרַ֖יִם הָ֥יָה לָֽחֶם׃

‎55 ‏וַתִּרְעַב֙ כָּל־אֶ֣רֶץ מִצְרַ֔יִם וַיִּצְעַ֥ק הָעָ֛ם אֶל־פַּרְעֹ֖ה לַלָּ֑חֶם וַיֹּ֨אמֶר פַּרְעֹ֤ה לְכָל־מִצְרַ֙יִם֙ לְכ֣וּ אֶל־יוֹסֵ֔ף אֲשֶׁר־יֹאמַ֥ר לָכֶ֖ם תַּעֲשֽׂוּ׃

‎56 ‏וְהָרָעָ֣ב הָיָ֔ה עַ֖ל כָּל־פְּנֵ֣י הָאָ֑רֶץ וַיִּפְתַּ֨ח יוֹסֵ֜ף אֶֽת־כָּל־אֲשֶׁ֤ר בָּהֶם֙ וַיִּשְׁבֹּ֣ר לְמִצְרַ֔יִם וַיֶּחֱזַ֥ק הָֽרָעָ֖ב בְּאֶ֥רֶץ מִצְרָֽיִם׃

‎57 ‏וְכָל־הָאָ֙רֶץ֙ בָּ֣אוּ מִצְרַ֔יְמָה לִשְׁבֹּ֖ר אֶל־יוֹסֵ֑ף כִּֽי־חָזַ֥ק הָרָעָ֖ב בְּכָל־הָאָֽרֶץ׃

1 wayəhî miqqēṣ šənāṯayim yāmîm ûfarə‘ōh ḥōlēm wəhinnēh ‘ōmēḏ ‘al-hayə’ōr:

2 wəhinnēh min-hayə’ōr ‘ōlōṯ šeḇ^a‘ pārwōṯ yəfwōṯ marə’eh ûḇərî’ōṯ bāśār watirə‘eynâ bā’āḥû:

3 wəhinnēh šeḇ^a‘ pārwōṯ ’ăḥērwōṯ ‘ōlwōṯ ’^aḥărêhen min-hayə’ōr rā‘wōṯ marə’eh wəḏaqqwōṯ bāśār wat^a‘ămōḏənâ ’ēṣel hapārwōṯ ‘al-śəfaṯ hayə’ōr:

4 watō’ḵalənâ hapārwōṯ rā‘wōṯ hammarə’eh wəḏaqqōṯ habāśār ’ēṯ šeḇ^a‘ hapārwōṯ yəfōṯ hammarə’eh wəhabərî’ōṯ wayyîqaṣ parə‘ōh:

5 wayyîšān wayy^aḥălōm šēnîṯ wəhinnēh| šeḇ^a‘ šibŏlîm ‘ōlwōṯ bəqāneh ’eḥāḏ bərî’wōṯ wəṭōḇwōṯ:

6 wəhinnēh šeḇ^a‘ šibŏlîm daqqwōṯ ûšəḏûfōṯ qāḏîm ṣōməḥwōṯ ’^aḥărêhen:

7 watiḇəl^a‘ənâ haššibŏlîm hadaqqwōṯ ’ēṯ šeḇ^a‘ haššibŏlîm habərî’wōṯ wəhamməlē’wōṯ wayyîqaṣ parə‘ōh wəhinnēh ḥălwōm:

8 wayəhî ḇabōqer watipā‘em rûḥwō wayyišəl^aḥ wayyiqərā’ ’eṯ-kāl-ḥarəṭummê miṣərayim wə’eṯ-kāl-ḥăḵāmeyhā wayəsapēr parə‘ōh lâem ’eṯ-ḥălōmwō wə’ên-pwōṯēr ’wōṯām ləfarə‘ōh:

9 wayəḏabēr śar hammašəqîm ’eṯ-parə‘ōh lē’mōr ’eṯ-ḥăṭā’ay ’ănî mazəkîr hayywōm:

10 parə‘ōh qāṣaf ‘al-‘ăḇāḏāyw wayyitēn ’ōṯî bəmišəmar bêṯ śar haṭṭabāḥîm ’ōṯî wə’ēṯ śar hā’ōfîm:

11 wann^aḥaləmâ ḥălwōm bəlayəlâ ’eḥāḏ ’ănî wâû’ ’îš kəfiṯərwōn ḥălōmwō ḥālāmənû:

12 wəšām ’itānû n^a‘ar ‘iḇərî ‘eḇeḏ ləśar haṭṭabāḥîm wannəsaper-lwō¹ wayyifətār-lānû ’eṯ-ḥălōmōṯênû ’îš k^aḥălōmwō pāṯār:

13 wayəhî ka’ăšer pāṯar-lānû kēn hāyâ ’ōṯî hēšîḇ ‘al-kannî wə’ōṯwō ṯālâ:

14 wayyišəl^aḥ parə‘ōh wayyiqərā’ ’eṯ-ywōsēf wayərîṣuhû min-habwōr wayəḡall^aḥ wayəḥallēf śiməlōṯāyw wayyāḇō’ ’el-parə‘ōh:

15 wayyō’mer parə‘ōh ’el-ywōsēf ḥălwōm ḥālamətî ûfōṯēr ’ên ’ōṯwō wa’ănî šām^a‘ətî ‘āleyḵā lē’mōr tišəm^a‘ ḥălwōm lifətōr ’ōṯwō:

16 wayy^a‘an ywōsēf ’eṯ-parə‘ōh lē’mōr bilə‘āḏāy ’ĕlōhîm y^a‘ăneh ’eṯ-šəlwōm parə‘ōh:

17 wayəḏabēr parə‘ōh ’el-ywōsēf b^aḥălōmî hinənî ‘ōmēḏ ‘al-śəfaṯ hayə’ōr:

18 wəhinnēh min-hayə’ōr ‘ōlōṯ šeḇ^a‘ pārwōṯ bərî’wōṯ bāśār wîfōṯ tō’ar watirə‘eynâ bā’āḥû:

19 wəhinnēh šeḇ^a‘-pārwōṯ ’ăḥērwōṯ ‘ōlwōṯ ’^aḥărêhen dallwōṯ wərā‘wōṯ tō’ar mə’ōḏ wəraqqwōṯ bāśār lō’-rā’îṯî ḵâēnnâ bəḵāl-’ereṣ miṣərayim lārō‘a:

20 watō’ḵalənâ hapārwōṯ hāraqqwōṯ wəhārā‘wōṯ ’ēṯ šeḇ^a‘ hapārwōṯ hāri’šōnwōṯ habərî’ōṯ:

21 watāḇō’nâ ’el-qirəbenâ wəlō’ nwōḏ^a‘ kî-ḇā’û ’el-qirəbenâ ûmarə’êhen r^a‘ ka’ăšer batəḥillâ wā’îqāṣ:

22 wā’ēre’ b^aḥălōmî wəhinnēh| šeḇ^a‘ šibŏlîm ‘ōlōṯ bəqāneh ’eḥāḏ məlē’ōṯ wəṭōḇwōṯ:

23 wəhinnēh šeḇ^a‘ šibŏlîm ṣənumwōṯ daqqwōṯ šəḏufwōṯ qāḏîm ṣōməḥwōṯ ’^aḥărêhem:

24 watiḇəl^a‘ənā hāšibŏlîm¹ hadaqqōṯ ’ēṯ šeḇ^a‘ hašibŏlîm haṭṭōḇwōṯ wā’ōmar ’el-h^aḥarəṭummîm wə’ên magîḏ lî:

25 wayyō’mer ywōsēf ’el-parə‘ōh ḥălwōm parə‘ōh ’eḥāḏ hû’ ’ēṯ ’ăšer hā’ĕlōhîm ‘ōśeh higîḏ ləfarə‘ōh:

26 šeḇ^a‘ pārōṯ haṭṭōḇōṯ šeḇ^a‘ šānîm hēnnâ wəšeḇ^a‘ haššibŏlîm³ haṭṭōḇōṯ šeḇ^a‘ šānîm hēnnâ ḥălwōm ’eḥāḏ hû’:

27 wəšeḇ^a‘ hapārwōṯ hāraqqwōṯ wəhārā‘ōṯ hā‘ōlōṯ ’^aḥărêhen šeḇ^a‘ šānîm hēnnâ wəšeḇ^a‘ hašibŏlîm hārēqwōṯ šəḏufwōṯ haqqāḏîm yihəyû šeḇ^a‘ šənê rā‘āḇ:

28 hû’ hadāḇār ’ăšer dibarətî ’el-parə‘ōh ’ăšer hā’ĕlōhîm ‘ōśeh herə’â ’eṯ-parə‘ōh:

29 hinnēh šeḇ^a‘ šānîm bā’wōṯ śāḇā‘ gāḏwōl bəḵāl-’ereṣ miṣərāyim:

30 wəqāmû šeḇ^a‘ šənê rā‘āḇ ’^aḥărêhen wənišək^aḥ kāl-haśśāḇā‘ bə’ereṣ miṣərāyim wəḵillâ hārā‘āḇ ’eṯ-hā’āreṣ:

31 wəlō’-yiûāḏ^a‘ haśśāḇā‘ bā’āreṣ mipənê hārā‘āḇ hahû’ ’^aḥărê-ḵēn kî-ḵāḇēḏ hû’ mə’ōḏ:

32 wə‘al hiššānwōṯ h^aḥălwōm ’el-parə‘ōh p^a‘ămāyim kî-nāḵwōn hadāḇār mē‘im hā’ĕlōhîm ûməmahēr hā’ĕlōhîm l^a‘ăśōṯwō:

33 wə‘atâ yēre’ farə‘ōh ’îš nāḇwōn wəḥāḵām wîšîṯēhû ‘al-’ereṣ miṣərāyim:

34 y^a‘ăśeh farə‘ōh wəyafəqēḏ pəqiḏîm ‘al-hā’āreṣ wəḥimmēš ’eṯ-’ereṣ miṣərayim bəšeḇ^a‘ šənê haśśāḇā‘:

35 wəyiqəbəṣû ’eṯ-kāl-’ōḵel haššānîm haṭṭōḇōṯ habā’ōṯ hā’ēlleh wəyiṣəbərû-ḇār t^aḥaṯ yaḏ-parə‘ōh ’ōḵel be‘ārîm wəšāmārû:

36 wəhāyâ hā’ōḵel ləfiqqāḏwōn lā’āreṣ ləšeḇ^a‘ šənê hārā‘āḇ ’ăšer tihəyeynā bə’ereṣ miṣərāyim wəlō’-ṯikārēṯ hā’āreṣ bārā‘āḇ:

37 wayyîṭaḇ hadāḇār bə‘ênê farə‘ōh ûḇə‘ênê kāl-‘ăḇāḏāyw:

38 wayyō’mer parə‘ōh ’el-‘ăḇāḏāyw hăniməṣā’ ḵāzeh ’îš ’ăšer rûḥa ’ĕlōhîm bwō:

39 wayyō’mer parə‘ōh ’el-ywōsēf ’^aḥărê hwōḏî‘a ’ĕlōhîm ’wōṯəḵā ’eṯ-kāl-zō’ṯ ’ên-nāḇwōn wəḥāḵām kāmwōḵā:

40 ’atâ tihəyeh ‘al-bêṯî wə‘al-pîḵā yiššaq kāl-‘ammî raq hakissē’ ’eḡədal mimmeḵḵā:

41 wayyō’mer parə‘ōh ’el-ywōsēf rə’ēh nāṯatî ’ōṯəḵā ‘al kāl-’ereṣ miṣərāyim:

42 wayyāsar parə‘ōh ’eṯ-ṭab^a‘ətwō mē‘al yāḏwō wayyitēn ’ōṯāh ‘al-yaḏ ywōsēf wayyaləbēš ’ōṯwō biḡəḏê-šēš wayyāśem rəḇiḏ hazzâāḇ ‘al-ṣaûā’rwō:

43 wayyarəkēḇ ’ōṯwō bəmirəkeḇeṯ hammišəneh ’ăšer-lwō wayyiqərə’û ləfānāyw ’aḇərēḵə wənāṯwōn ’ōṯwō ‘al kāl-’ereṣ miṣərāyim:

44 wayyō’mer parə‘ōh ’el-ywōsēf ’ănî farə‘ōh ûḇilə‘āḏeyḵā lō’-yārîm ’îš ’eṯ-yāḏwō wə’eṯ-raḡəlwō bəḵāl-’ereṣ miṣərāyim:

45 wayyiqərā’ farə‘ōh šēm-ywōsēf ṣāfənaṯ p^a‘ənēḥa wayyiten-lwō ’eṯ-’āsənaṯ baṯ-pwōṭî fer^a‘ kōhēn ’ōn lə’iššâ wayyēṣē’ ywōsēf ‘al-’ereṣ miṣərāyim:

46 wəywōsēf ben-šəlōšîm šānâ bə‘āməḏwō lifənê parə‘ōh meleḵə-miṣərāyim wayyēṣē’ ywōsēf millifənê farə‘ōh wayy^a‘əḇōr¹ bəḵāl-’ereṣ miṣərāyim:

47 wat^a‘aś hā’āreṣ bəšeḇ^a‘ šənê haśśāḇā‘ liqəmāṣîm:

48 wayyiqəbōṣ ’eṯ-kāl-’ōḵel| šeḇ^a‘ šānîm ’ăšer hāyû bə’ereṣ miṣərayim wayyiten-’ōḵel be‘ārîm ’ōḵel śəḏēh-hā‘îr ’ăšer səḇîḇōṯeyhā nāṯan bəṯwōḵāh:

49 wayyiṣəbōr ywōsēf bār kəḥwōl hayyām harəbēh mə’ōḏ ‘aḏ kî-ḥāḏal lisəpōr kî-’ên misəpār:

50 ûləywōsēf yullaḏ šənê ḇānîm bəṭerem tāḇwō’ šənaṯ hārā‘āḇ ’ăšer yāləḏâ-llwō ’āsənaṯ baṯ-pwōṭî fer^a‘ kōhēn ’wōn:

51 wayyiqərā’ ywōsēf ’eṯ-šēm habəḵwōr mənaššeh kî-naššanî ’ĕlōhîm ’eṯ-kāl-‘ămālî wə’ēṯ kāl-bêṯ ’āḇî:

52 wə’ēṯ šēm haššēnî qārā’ ’efərāyim kî-hifəranî ’ĕlōhîm bə’ereṣ ‘ānəyî:

53 watiḵəleynâ šeḇ^a‘ šənê haśśāḇā‘ ’ăšer hāyâ bə’ereṣ miṣərāyim:

54 watəḥilleynâ šeḇ^a‘ šənê hārā‘āḇ lāḇwō’ ka’ăšer ’āmar ywōsēf wayəhî rā‘āḇ bəḵāl-hā’ărāṣwōṯ ûḇəḵāl-’ereṣ miṣərayim hāyâ lāḥem:

55 watirə‘aḇ kāl-’ereṣ miṣərayim wayyiṣə‘aq hā‘ām ’el-parə‘ōh lallāḥem wayyō’mer parə‘ōh ləḵāl-miṣərayim ləḵû ’el-ywōsēf ’ăšer-yō’mar lāḵem t^a‘ăśû:

56 wəhārā‘āḇ hāyâ ‘al kāl-pənê hā’āreṣ wayyifət^aḥ ywōsēf ’eṯ-kāl-’ăšer bâem wayyišəbōr ləmiṣərayim wayyeḥĕzaq hārā‘āḇ bə’ereṣ miṣərāyim:

57 wəḵāl-hā’āreṣ bā’û miṣərayəmâ lišəbōr ’el-ywōsēf kî-ḥāzaq hārā‘āḇ bəḵāl-hā’āreṣ:

‎1 ‏וַיַּ֣רְא יַעֲקֹ֔ב כִּ֥י יֶשׁ־שֶׁ֖בֶר בְּמִצְרָ֑יִם וַיֹּ֤אמֶר יַעֲקֹב֙ לְבָנָ֔יו לָ֖מָּה תִּתְרָאֽוּ׃

‎2 ‏וַיֹּ֕אמֶר הִנֵּ֣ה שָׁמַ֔עְתִּי כִּ֥י יֶשׁ־שֶׁ֖בֶר בְּמִצְרָ֑יִם רְדוּ־שָׁ֙מָּה֙ וְשִׁבְרוּ־לָ֣נוּ מִשָּׁ֔ם וְנִחְיֶ֖ה וְלֹ֥א נָמֽוּת׃

‎3 ‏וַיֵּרְד֥וּ אֲחֵֽי־יוֹסֵ֖ף עֲשָׂרָ֑ה לִשְׁבֹּ֥ר בָּ֖ר מִמִּצְרָֽיִם׃

‎4 ‏וְאֶת־בִּנְיָמִין֙ אֲחִ֣י יוֹסֵ֔ף לֹא־שָׁלַ֥ח יַעֲקֹ֖ב אֶת־אֶחָ֑יו כִּ֣י אָמַ֔ר פֶּן־יִקְרָאֶ֖נּוּ אָסֽוֹן׃

‎5 ‏וַיָּבֹ֙אוּ֙ בְּנֵ֣י יִשְׂרָאֵ֔ל לִשְׁבֹּ֖ר בְּת֣וֹךְ הַבָּאִ֑ים כִּֽי־הָיָ֥ה הָרָעָ֖ב בְּאֶ֥רֶץ כְּנָֽעַן׃

‎6 ‏וְיוֹסֵ֗ף ה֚וּא³ הַשַּׁלִּ֣יט עַל־הָאָ֔רֶץ ה֥וּא הַמַּשְׁבִּ֖יר לְכָל־עַ֣ם הָאָ֑רֶץ וַיָּבֹ֙אוּ֙ אֲחֵ֣י יוֹסֵ֔ף וַיִּשְׁתַּֽחֲווּ־ל֥וֹ אַפַּ֖יִם אָֽרְצָה׃

‎7 ‏וַיַּ֥רְא יוֹסֵ֛ף אֶת־אֶחָ֖יו וַיַּכִּרֵ֑ם וַיִּתְנַכֵּ֨ר אֲלֵיהֶ֜ם וַיְדַבֵּ֧ר אִתָּ֣ם קָשׁ֗וֹת וַיֹּ֤אמֶר אֲלֵהֶם֙ מֵאַ֣יִן בָּאתֶ֔ם וַיֹּ֣אמְר֔וּ מֵאֶ֥רֶץ כְּנַ֖עַן לִשְׁבָּר־אֹֽכֶל׃

‎8 ‏וַיַּכֵּ֥ר יוֹסֵ֖ף אֶת־אֶחָ֑יו וְהֵ֖ם לֹ֥א הִכִּרֻֽהוּ׃

‎9 ‏וַיִּזְכֹּ֣ר יוֹסֵ֔ף אֵ֚ת הַחֲלֹמ֔וֹת אֲשֶׁ֥ר חָלַ֖ם לָהֶ֑ם וַיֹּ֤אמֶר אֲלֵהֶם֙ מְרַגְּלִ֣ים אַתֶּ֔ם לִרְא֛וֹת אֶת־עֶרְוַ֥ת הָאָ֖רֶץ בָּאתֶֽם׃

‎10 ‏וַיֹּאמְר֥וּ אֵלָ֖יו לֹ֣א אֲדֹנִ֑י וַעֲבָדֶ֥יךָ בָּ֖אוּ לִשְׁבָּר־אֹֽכֶל׃

‎11 ‏כֻּלָּ֕נוּ בְּנֵ֥י אִישׁ־אֶחָ֖ד נָ֑חְנוּ כֵּנִ֣ים אֲנַ֔חְנוּ לֹא־הָי֥וּ עֲבָדֶ֖יךָ מְרַגְּלִֽים׃

‎12 ‏וַיֹּ֖אמֶר אֲלֵהֶ֑ם לֹ֕א כִּֽי־עֶרְוַ֥ת הָאָ֖רֶץ בָּאתֶ֥ם לִרְאֽוֹת׃

‎13 ‏וַיֹּאמְר֗וּ שְׁנֵ֣ים עָשָׂר֩ עֲבָדֶ֨יךָ אַחִ֧ים׀ אֲנַ֛חְנוּ בְּנֵ֥י אִישׁ־אֶחָ֖ד בְּאֶ֣רֶץ כְּנָ֑עַן וְהִנֵּ֨ה הַקָּטֹ֤ן אֶת־אָבִ֙ינוּ֙ הַיּ֔וֹם וְהָאֶחָ֖ד אֵינֶֽנּוּ׃

‎14 ‏וַיֹּ֥אמֶר אֲלֵהֶ֖ם יוֹסֵ֑ף ה֗וּא אֲשֶׁ֨ר דִּבַּ֧רְתִּי אֲלֵכֶ֛ם לֵאמֹ֖ר מְרַגְּלִ֥ים אַתֶּֽם׃

‎15 ‏בְּזֹ֖את תִּבָּחֵ֑נוּ חֵ֤י פַרְעֹה֙ אִם־תֵּצְא֣וּ מִזֶּ֔ה כִּ֧י אִם־בְּב֛וֹא אֲחִיכֶ֥ם הַקָּטֹ֖ן הֵֽנָּה׃

‎16 ‏שִׁלְח֨וּ מִכֶּ֣ם אֶחָד֮ וְיִקַּ֣ח אֶת־אֲחִיכֶם֒ וְאַתֶּם֙ הֵאָ֣סְר֔וּ וְיִבָּֽחֲנוּ֙ דִּבְרֵיכֶ֔ם הַֽאֱמֶ֖ת אִתְּכֶ֑ם וְאִם־לֹ֕א חֵ֣י פַרְעֹ֔ה כִּ֥י מְרַגְּלִ֖ים אַתֶּֽם׃

‎17 ‏וַיֶּאֱסֹ֥ף אֹתָ֛ם אֶל־מִשְׁמָ֖ר שְׁלֹ֥שֶׁת יָמִֽים׃

‎18 ‏וַיֹּ֨אמֶר אֲלֵהֶ֤ם יוֹסֵף֙ בַּיּ֣וֹם הַשְּׁלִישִׁ֔י זֹ֥את עֲשׂ֖וּ וִֽחְי֑וּ אֶת־הָאֱלֹהִ֖ים אֲנִ֥י יָרֵֽא׃

‎19 ‏אִם־כֵּנִ֣ים אַתֶּ֔ם אֲחִיכֶ֣ם אֶחָ֔ד יֵאָסֵ֖ר בְּבֵ֣ית מִשְׁמַרְכֶ֑ם וְאַתֶּם֙ לְכ֣וּ הָבִ֔יאוּ שֶׁ֖בֶר רַעֲב֥וֹן בָּתֵּיכֶֽם׃

‎20 ‏וְאֶת־אֲחִיכֶ֤ם הַקָּטֹן֙ תָּבִ֣יאוּ אֵלַ֔י וְיֵאָמְנ֥וּ דִבְרֵיכֶ֖ם וְלֹ֣א תָמ֑וּתוּ וַיַּעֲשׂוּ־כֵֽן׃

‎21 ‏וַיֹּאמְר֞וּ אִ֣ישׁ אֶל־אָחִ֗יו אֲבָל֮ אֲשֵׁמִ֣ים׀ אֲנַחְנוּ֮ עַל־אָחִינוּ֒ אֲשֶׁ֨ר רָאִ֜ינוּ צָרַ֥ת נַפְשׁ֛וֹ בְּהִתְחַֽנְנ֥וֹ אֵלֵ֖ינוּ וְלֹ֣א שָׁמָ֑עְנוּ עַל־כֵּן֙ בָּ֣אָה אֵלֵ֔ינוּ הַצָּרָ֖ה הַזֹּֽאת׃

‎22 ‏וַיַּעַן֩ רְאוּבֵ֨ן אֹתָ֜ם לֵאמֹ֗ר הֲלוֹא֩ אָמַ֨רְתִּי אֲלֵיכֶ֧ם׀ לֵאמֹ֛ר אַל־תֶּחֶטְא֥וּ בַיֶּ֖לֶד וְלֹ֣א שְׁמַעְתֶּ֑ם וְגַם־דָּמ֖וֹ הִנֵּ֥ה נִדְרָֽשׁ׃

‎23 ‏וְהֵם֙ לֹ֣א יָֽדְע֔וּ כִּ֥י שֹׁמֵ֖עַ יוֹסֵ֑ף כִּ֥י הַמֵּלִ֖יץ בֵּינֹתָֽם׃

‎24 ‏וַיִּסֹּ֥ב מֵֽעֲלֵיהֶ֖ם וַיֵּ֑בְךְּ וַיָּ֤שָׁב אֲלֵהֶם֙ וַיְדַבֵּ֣ר אֲלֵהֶ֔ם וַיִּקַּ֤ח מֵֽאִתָּם֙ אֶת־שִׁמְע֔וֹן וַיֶּאֱסֹ֥ר אֹת֖וֹ לְעֵינֵיהֶֽם׃

‎25 ‏וַיְצַ֣ו יוֹסֵ֗ף וַיְמַלְא֣וּ אֶת־כְּלֵיהֶם֮ בָּר֒ וּלְהָשִׁ֤יב כַּסְפֵּיהֶם֙ אִ֣ישׁ אֶל־שַׂקּ֔וֹ וְלָתֵ֥ת לָהֶ֛ם צֵדָ֖ה לַדָּ֑רֶךְ וַיַּ֥עַשׂ לָהֶ֖ם כֵּֽן׃

‎26 ‏וַיִּשְׂא֥וּ אֶת־שִׁבְרָ֖ם עַל־חֲמֹרֵיהֶ֑ם וַיֵּלְכ֖וּ מִשָּֽׁם׃

‎27 ‏וַיִּפְתַּ֨ח הָאֶחָ֜ד אֶת־שַׂקּ֗וֹ לָתֵ֥ת מִסְפּ֛וֹא לַחֲמֹר֖וֹ בַּמָּל֑וֹן וַיַּרְא֙ אֶת־כַּסְפּ֔וֹ וְהִנֵּה־ה֖וּא בְּפִ֥י אַמְתַּחְתּֽוֹ׃

‎28 ‏וַיֹּ֤אמֶר אֶל־אֶחָיו֙ הוּשַׁ֣ב כַּסְפִּ֔י וְגַ֖ם הִנֵּ֣ה בְאַמְתַּחְתִּ֑י וַיֵּצֵ֣א לִבָּ֗ם וַיֶּֽחֶרְד֞וּ אִ֤ישׁ אֶל־אָחִיו֙ לֵאמֹ֔ר מַה־זֹּ֛את עָשָׂ֥ה אֱלֹהִ֖ים לָֽנוּ׃

‎29 ‏וַיָּבֹ֛אוּ אֶל־יַעֲקֹ֥ב אֲבִיהֶ֖ם אַ֣רְצָה כְּנָ֑עַן וַיַּגִּ֣ידוּ ל֔וֹ אֵ֛ת כָּל־הַקֹּרֹ֥ת אֹתָ֖ם לֵאמֹֽר׃

‎30 ‏דִּ֠בֶּר הָאִ֨ישׁ אֲדֹנֵ֥י הָאָ֛רֶץ אִתָּ֖נוּ קָשׁ֑וֹת וַיִּתֵּ֣ן אֹתָ֔נוּ כִּֽמְרַגְּלִ֖ים אֶת־הָאָֽרֶץ׃

‎31 ‏וַנֹּ֥אמֶר אֵלָ֖יו כֵּנִ֣ים אֲנָ֑חְנוּ לֹ֥א הָיִ֖ינוּ מְרַגְּלִֽים׃

‎32 ‏שְׁנֵים־עָשָׂ֥ר אֲנַ֛חְנוּ אַחִ֖ים בְּנֵ֣י אָבִ֑ינוּ הָאֶחָ֣ד אֵינֶ֔נּוּ וְהַקָּטֹ֥ן הַיּ֛וֹם אֶת־אָבִ֖ינוּ בְּאֶ֥רֶץ כְּנָֽעַן׃

‎33 ‏וַיֹּ֣אמֶר אֵלֵ֗ינוּ הָאִישׁ֙ אֲדֹנֵ֣י הָאָ֔רֶץ בְּזֹ֣את אֵדַ֔ע כִּ֥י כֵנִ֖ים אַתֶּ֑ם אֲחִיכֶ֤ם הָֽאֶחָד֙ הַנִּ֣יחוּ אִתִּ֔י וְאֶת־רַעֲב֥וֹן בָּתֵּיכֶ֖ם קְח֥וּ וָלֵֽכוּ׃

‎34 ‏וְ֠הָבִיאוּ אֶת־אֲחִיכֶ֣ם הַקָּטֹן֮ אֵלַי֒ וְאֵֽדְעָ֗ה כִּ֣י לֹ֤א מְרַגְּלִים֙ אַתֶּ֔ם כִּ֥י כֵנִ֖ים אַתֶּ֑ם אֶת־אֲחִיכֶם֙ אֶתֵּ֣ן לָכֶ֔ם וְאֶת־הָאָ֖רֶץ תִּסְחָֽרוּ׃

‎35 ‏וַיְהִ֗י הֵ֚ם מְרִיקִ֣ים שַׂקֵּיהֶ֔ם וְהִנֵּה־אִ֥ישׁ צְרוֹר־כַּסְפּ֖וֹ בְּשַׂקּ֑וֹ וַיִּרְא֞וּ אֶת־צְרֹר֧וֹת כַּסְפֵּיהֶ֛ם הֵ֥מָּה וַאֲבִיהֶ֖ם וַיִּירָֽאוּ׃

‎36 ‏וַיֹּ֤אמֶר אֲלֵהֶם֙ יַעֲקֹ֣ב אֲבִיהֶ֔ם אֹתִ֖י שִׁכַּלְתֶּ֑ם יוֹסֵ֤ף אֵינֶ֙נּוּ֙ וְשִׁמְע֣וֹן אֵינֶ֔נּוּ וְאֶת־בִּנְיָמִ֣ן תִּקָּ֔חוּ עָלַ֖י הָי֥וּ כֻלָּֽנָה׃

‎37 ‏וַיֹּ֤אמֶר רְאוּבֵן֙ אֶל־אָבִ֣יו לֵאמֹ֔ר אֶת־שְׁנֵ֤י בָנַי֙ תָּמִ֔ית אִם־לֹ֥א אֲבִיאֶ֖נּוּ אֵלֶ֑יךָ תְּנָ֤ה אֹתוֹ֙ עַל־יָדִ֔י וַאֲנִ֖י אֲשִׁיבֶ֥נּוּ אֵלֶֽיךָ׃

‎38 ‏וַיֹּ֕אמֶר לֹֽא־יֵרֵ֥ד בְּנִ֖י עִמָּכֶ֑ם כִּֽי־אָחִ֨יו מֵ֜ת וְה֧וּא לְבַדּ֣וֹ נִשְׁאָ֗ר וּקְרָאָ֤הוּ אָסוֹן֙ בַּדֶּ֙רֶךְ֙ אֲשֶׁ֣ר תֵּֽלְכוּ־בָ֔הּ וְהוֹרַדְתֶּ֧ם אֶת־שֵׂיבָתִ֛י בְּיָג֖וֹן שְׁאֽוֹלָה׃

1 wayyarə’ y^a‘ăqōḇ kî yeš-šeḇer bəmiṣərāyim wayyō’mer y^a‘ăqōḇ ləḇānāyw lāmmâ tiṯərā’û:

2 wayyō’mer hinnēh šām^a‘ətî kî yeš-šeḇer bəmiṣərāyim rəḏû-šāmmâ wəšiḇərû-lānû miššām wəniḥəyeh wəlō’ nāmûṯ:

3 wayyērəḏû ’ăḥê-ywōsēf ‘ăśārâ lišəbōr bār mimmiṣərāyim:

4 wə’eṯ-binəyāmîn ’ăḥî ywōsēf lō’-šāl^aḥ y^a‘ăqōḇ ’eṯ-’eḥāyw kî ’āmar pen-yiqərā’ennû ’āswōn:

5 wayyāḇō’û bənê yiśərā’ēl lišəbōr bəṯwōḵə habā’îm kî-hāyâ hārā‘āḇ bə’ereṣ kənā‘an:

6 wəywōsēf hû’³ haššallîṭ ‘al-hā’āreṣ hû’ hammašəbîr ləḵāl-‘am hā’āreṣ wayyāḇō’û ’ăḥê ywōsēf wayyišət^aḥăwû-lwō ’apayim ’ārəṣâ:

7 wayyarə’ ywōsēf ’eṯ-’eḥāyw wayyakirēm wayyiṯənakēr ’ălêhem wayəḏabēr ’itām qāšwōṯ wayyō’mer ’ălēhem mē’ayin bā’ṯem wayyō’mərû mē’ereṣ kən^a‘an lišəbār-’ōḵel:

8 wayyakēr ywōsēf ’eṯ-’eḥāyw wəhēm lō’ hikiruhû:

9 wayyizəkōr ywōsēf ’ēṯ h^aḥălōmwōṯ ’ăšer ḥālam lâem wayyō’mer ’ălēhem məragəlîm ’atem lirə’wōṯ ’eṯ-‘erəwaṯ hā’āreṣ bā’ṯem:

10 wayyō’mərû ’ēlāyw lō’ ’ăḏōnî w^a‘ăḇāḏeyḵā bā’û lišəbār-’ōḵel:

11 kullānû bənê ’îš-’eḥāḏ nāḥənû kēnîm ’ăn^aḥənû lō’-hāyû ‘ăḇāḏeyḵā məragəlîm:

12 wayyō’mer ’ălēhem lō’ kî-‘erəwaṯ hā’āreṣ bā’ṯem lirə’wōṯ:

13 wayyō’mərû šənêm ‘āśār ‘ăḇāḏeyḵā ’^aḥîm| ’ăn^aḥənû bənê ’îš-’eḥāḏ bə’ereṣ kənā‘an wəhinnēh haqqāṭōn ’eṯ-’āḇînû hayywōm wəhā’eḥāḏ ’ênennû:

14 wayyō’mer ’ălēhem ywōsēf hû’ ’ăšer dibarətî ’ălēḵem lē’mōr məragəlîm ’atem:

15 bəzō’ṯ tibāḥēnû ḥê farə‘ōh ’im-tēṣə’û mizzeh kî ’im-bəḇwō’ ’ăḥîḵem haqqāṭōn hēnnâ:

16 šiləḥû mikem ’eḥāḏ wəyiqq^aḥ ’eṯ-’ăḥîḵem wə’atem hē’āsərû wəyibāḥănû diḇərêḵem ha’ĕmeṯ ’itəḵem wə’im-lō’ ḥê farə‘ōh kî məragəlîm ’atem:

17 wayye’ĕsōf ’ōṯām ’el-mišəmār šəlōšeṯ yāmîm:

18 wayyō’mer ’ălēhem ywōsēf bayywōm haššəlîšî zō’ṯ ‘ăśû wiḥəyû ’eṯ-hā’ĕlōhîm ’ănî yārē’:

19 ’im-kēnîm ’atem ’ăḥîḵem ’eḥāḏ yē’āsēr bəḇêṯ mišəmarəḵem wə’atem ləḵû hāḇî’û šeḇer r^a‘ăḇwōn bātêḵem:

20 wə’eṯ-’ăḥîḵem haqqāṭōn tāḇî’û ’ēlay wəyē’āmənû ḏiḇərêḵem wəlō’ ṯāmûṯû wayy^a‘ăśû-ḵēn:

21 wayyō’mərû ’îš ’el-’āḥîw ’ăḇāl ’ăšēmîm| ’ăn^aḥənû ‘al-’āḥînû ’ăšer rā’înû ṣāraṯ nafəšwō bəhiṯəḥanənwō ’ēlênû wəlō’ šāmā‘ənû ‘al-kēn bā’â ’ēlênû haṣṣārâ hazzō’ṯ:

22 wayy^a‘an rə’ûḇēn ’ōṯām lē’mōr hălwō’ ’āmarətî ’ălêḵem| lē’mōr ’al-teḥeṭə’û ḇayyeleḏ wəlō’ šəm^a‘ətem wəḡam-dāmwō hinnēh niḏərāš:

23 wəhēm lō’ yāḏə‘û kî šōmē‘a ywōsēf kî hammēlîṣ bênōṯām:

24 wayyissōḇ mē‘ălêhem wayyēḇəḵḵə wayyāšāḇ ’ălēhem wayəḏabēr ’ălēhem wayyiqq^aḥ mē’itām ’eṯ-šimə‘wōn wayye’ĕsōr ’ōṯwō lə‘ênêhem:

25 wayəṣaw ywōsēf wayəmalə’û ’eṯ-kəlêhem bār ûləhāšîḇ kasəpêhem ’îš ’el-śaqqwō wəlāṯēṯ lâem ṣēḏâ ladāreḵə wayy^a‘aś lâem kēn:

26 wayyiśə’û ’eṯ-šiḇərām ‘al-ḥămōrêhem wayyēləḵû miššām:

27 wayyifət^aḥ hā’eḥāḏ ’eṯ-śaqqwō lāṯēṯ misəpwō’ l^aḥămōrwō bammālwōn wayyarə’ ’eṯ-kasəpwō wəhinnēh-hû’ bəfî ’amət^aḥətwō:

28 wayyō’mer ’el-’eḥāyw hûšaḇ kasəpî wəḡam hinnēh ḇə’amət^aḥətî wayyēṣē’ libām wayyeḥerəḏû ’îš ’el-’āḥîw lē’mōr mah-zzō’ṯ ‘āśâ ’ĕlōhîm lānû:

29 wayyāḇō’û ’el-y^a‘ăqōḇ ’ăḇîhem ’arəṣâ kənā‘an wayyagîḏû lwō ’ēṯ kāl-haqqōrōṯ ’ōṯām lē’mōr:

30 diber hā’îš ’ăḏōnê hā’āreṣ ’itānû qāšwōṯ wayyitēn ’ōṯānû kiməragəlîm ’eṯ-hā’āreṣ:

31 wannō’mer ’ēlāyw kēnîm ’ănāḥənû lō’ hāyînû məragəlîm:

32 šənêm-‘āśār ’ăn^aḥənû ’^aḥîm bənê ’āḇînû hā’eḥāḏ ’ênennû wəhaqqāṭōn hayywōm ’eṯ-’āḇînû bə’ereṣ kənā‘an:

33 wayyō’mer ’ēlênû hā’îš ’ăḏōnê hā’āreṣ bəzō’ṯ ’ēḏ^a‘ kî ḵēnîm ’atem ’ăḥîḵem hā’eḥāḏ hannîḥû ’itî wə’eṯ-r^a‘ăḇwōn bātêḵem qəḥû wālēḵû:

34 wəhāḇî’û ’eṯ-’ăḥîḵem haqqāṭōn ’ēlay wə’ēḏə‘â kî lō’ məragəlîm ’atem kî ḵēnîm ’atem ’eṯ-’ăḥîḵem ’etēn lāḵem wə’eṯ-hā’āreṣ tisəḥārû:

35 wayəhî hēm mərîqîm śaqqêhem wəhinnēh-’îš ṣərwōr-kasəpwō bəśaqqwō wayyirə’û ’eṯ-ṣərōrwōṯ kasəpêhem hēmmâ wa’ăḇîhem wayyîrā’û:

36 wayyō’mer ’ălēhem y^a‘ăqōḇ ’ăḇîhem ’ōṯî šikalətem ywōsēf ’ênennû wəšimə‘wōn ’ênennû wə’eṯ-binəyāmin tiqqāḥû ‘ālay hāyû ḵullānâ:

37 wayyō’mer rə’ûḇēn ’el-’āḇîw lē’mōr ’eṯ-šənê ḇānay tāmîṯ ’im-lō’ ’ăḇî’ennû ’ēleyḵā tənâ ’ōṯwō ‘al-yāḏî wa’ănî ’ăšîḇennû ’ēleyḵā:

38 wayyō’mer lō’-yērēḏ bənî ‘immāḵem kî-’āḥîw mēṯ wəhû’ ləḇadwō nišə’ār ûqərā’âû ’āswōn badereḵə ’ăšer tēləḵû-ḇāh wəhwōraḏətem ’eṯ-śêḇāṯî bəyāḡwōn šə’wōlâ:

‎1 ‏וְהָרָעָ֖ב כָּבֵ֥ד בָּאָֽרֶץ׃

‎2 ‏וַיְהִ֗י כַּאֲשֶׁ֤ר כִּלּוּ֙ לֶאֱכֹ֣ל אֶת־הַשֶּׁ֔בֶר אֲשֶׁ֥ר הֵבִ֖יאוּ מִמִּצְרָ֑יִם וַיֹּ֤אמֶר אֲלֵיהֶם֙ אֲבִיהֶ֔ם שֻׁ֖בוּ שִׁבְרוּ־לָ֥נוּ מְעַט־אֹֽכֶל׃

‎3 ‏וַיֹּ֧אמֶר אֵלָ֛יו יְהוּדָ֖ה לֵאמֹ֑ר הָעֵ֣ד הֵעִד֩ בָּ֨נוּ הָאִ֤ישׁ לֵאמֹר֙ לֹֽא־תִרְא֣וּ פָנַ֔י בִּלְתִּ֖י אֲחִיכֶ֥ם אִתְּכֶֽם׃

‎4 ‏אִם־יֶשְׁךָ֛ מְשַׁלֵּ֥חַ אֶת־אָחִ֖ינוּ אִתָּ֑נוּ נֵרְדָ֕ה וְנִשְׁבְּרָ֥ה לְךָ֖ אֹֽכֶל׃

‎5 ‏וְאִם־אֵינְךָ֥ מְשַׁלֵּ֖חַ לֹ֣א נֵרֵ֑ד כִּֽי־הָאִ֞ישׁ אָמַ֤ר אֵלֵ֙ינוּ֙ לֹֽא־תִרְא֣וּ פָנַ֔י בִּלְתִּ֖י אֲחִיכֶ֥ם אִתְּכֶֽם׃

‎6 ‏וַיֹּ֙אמֶר֙ יִשְׂרָאֵ֔ל לָמָ֥ה הֲרֵעֹתֶ֖ם לִ֑י לְהַגִּ֣יד לָאִ֔ישׁ הַע֥וֹד לָכֶ֖ם אָֽח׃

‎7 ‏וַיֹּאמְר֡וּ שָׁא֣וֹל שָֽׁאַל־הָ֠אִישׁ לָ֣נוּ וּלְמֽוֹלַדְתֵּ֜נוּ לֵאמֹ֗ר הַע֨וֹד אֲבִיכֶ֥ם חַי֙ הֲיֵ֣שׁ לָכֶ֣ם אָ֔ח וַנַ֨גֶּד־ל֔וֹ¹ עַל־פִּ֖י הַדְּבָרִ֣ים הָאֵ֑לֶּה הֲיָד֣וֹעַ נֵדַ֔ע כִּ֣י יֹאמַ֔ר הוֹרִ֖ידוּ אֶת־אֲחִיכֶֽם׃

‎8 ‏וַיֹּ֨אמֶר יְהוּדָ֜ה אֶל־יִשְׂרָאֵ֣ל אָבִ֗יו שִׁלְחָ֥ה הַנַּ֛עַר אִתִּ֖י וְנָק֣וּמָה וְנֵלֵ֑כָה וְנִֽחְיֶה֙ וְלֹ֣א נָמ֔וּת גַּם־אֲנַ֥חְנוּ גַם־אַתָּ֖ה גַּם־טַפֵּֽנוּ׃

‎9 ‏אָֽנֹכִי֙ אֶֽעֶרְבֶ֔נּוּ מִיָּדִ֖י תְּבַקְשֶׁ֑נּוּ אִם־לֹ֨א הֲבִיאֹתִ֤יו אֵלֶ֙יךָ֙ וְהִצַּגְתִּ֣יו לְפָנֶ֔יךָ וְחָטָ֥אתִֽי לְךָ֖ כָּל־הַיָּמִֽים׃

‎10 ‏כִּ֖י לוּלֵ֣א הִתְמַהְמָ֑הְנוּ כִּֽי־עַתָּ֥ה שַׁ֖בְנוּ זֶ֥ה פַעֲמָֽיִם׃

‎11 ‏וַיֹּ֨אמֶר אֲלֵהֶ֜ם יִשְׂרָאֵ֣ל אֲבִיהֶ֗ם אִם־כֵּ֣ן׀ אֵפוֹא֮ זֹ֣את עֲשׂוּ֒ קְח֞וּ מִזִּמְרַ֤ת הָאָ֙רֶץ֙ בִּכְלֵיכֶ֔ם וְהוֹרִ֥ידוּ לָאִ֖ישׁ מִנְחָ֑ה מְעַ֤ט צֳרִי֙ וּמְעַ֣ט דְּבַ֔שׁ נְכֹ֣את וָלֹ֔ט בָּטְנִ֖ים וּשְׁקֵדִֽים׃

‎12 ‏וְכֶ֥סֶף מִשְׁנֶ֖ה קְח֣וּ בְיֶדְכֶ֑ם וְאֶת־הַכֶּ֜סֶף הַמּוּשָׁ֨ב בְּפִ֤י אַמְתְּחֹֽתֵיכֶם֙ תָּשִׁ֣יבוּ בְיֶדְכֶ֔ם אוּלַ֥י מִשְׁגֶּ֖ה הֽוּא׃

‎13 ‏וְאֶת־אֲחִיכֶ֖ם קָ֑חוּ וְק֖וּמוּ שׁ֥וּבוּ אֶל־הָאִֽישׁ׃

‎14 ‏וְאֵ֣ל שַׁדַּ֗י יִתֵּ֨ן לָכֶ֤ם רַחֲמִים֙ לִפְנֵ֣י הָאִ֔ישׁ וְשִׁלַּ֥ח לָכֶ֛ם אֶת־אֲחִיכֶ֥ם אַחֵ֖ר וְאֶת־בִּנְיָמִ֑ין וַאֲנִ֕י כַּאֲשֶׁ֥ר שָׁכֹ֖לְתִּי שָׁכָֽלְתִּי׃

‎15 ‏וַיִּקְח֤וּ הָֽאֲנָשִׁים֙ אֶת־הַמִּנְחָ֣ה הַזֹּ֔את וּמִשְׁנֶה־כֶּ֛סֶף לָקְח֥וּ בְיָדָ֖ם וְאֶת־בִּנְיָמִ֑ן וַיָּקֻ֙מוּ֙ וַיֵּרְד֣וּ מִצְרַ֔יִם וַיַּֽעַמְד֖וּ לִפְנֵ֥י יוֹסֵֽף׃

‎16 ‏וַיַּ֨רְא יוֹסֵ֣ף אִתָּם֮ אֶת־בִּנְיָמִין֒ וַיֹּ֙אמֶר֙ לַֽאֲשֶׁ֣ר עַל־בֵּית֔וֹ הָבֵ֥א אֶת־הָאֲנָשִׁ֖ים הַבָּ֑יְתָה וּטְבֹ֤חַ טֶ֙בַח֙ וְהָכֵ֔ן כִּ֥י אִתִּ֛י יֹאכְל֥וּ הָאֲנָשִׁ֖ים בַּֽצָּהֳרָֽיִם׃

‎17 ‏וַיַּ֣עַשׂ הָאִ֔ישׁ כַּֽאֲשֶׁ֖ר אָמַ֣ר יוֹסֵ֑ף וַיָּבֵ֥א הָאִ֛ישׁ אֶת־הָאֲנָשִׁ֖ים בֵּ֥יתָה יוֹסֵֽף׃

‎18 ‏וַיִּֽירְא֣וּ הָֽאֲנָשִׁ֗ים כִּ֣י הֽוּבְאוּ֮ בֵּ֣ית יוֹסֵף֒ וַיֹּאמְר֗וּ עַל־דְּבַ֤ר הַכֶּ֙סֶף֙ הַשָּׁ֤ב בְּאַמְתְּחֹתֵ֙ינוּ֙ בַּתְּחִלָּ֔ה אֲנַ֖חְנוּ מֽוּבָאִ֑ים לְהִתְגֹּלֵ֤ל עָלֵ֙ינוּ֙ וּלְהִתְנַפֵּ֣ל עָלֵ֔ינוּ וְלָקַ֧חַת אֹתָ֛נוּ לַעֲבָדִ֖ים וְאֶת־חֲמֹרֵֽינוּ׃

‎19 ‏וַֽיִּגְּשׁוּ֙ אֶל־הָאִ֔ישׁ אֲשֶׁ֖ר עַל־בֵּ֣ית יוֹסֵ֑ף וַיְדַבְּר֥וּ אֵלָ֖יו פֶּ֥תַח הַבָּֽיִת׃

‎20 ‏וַיֹּאמְר֖וּ בִּ֣י אֲדֹנִ֑י יָרֹ֥ד יָרַ֛דְנוּ בַּתְּחִלָּ֖ה לִשְׁבָּר־אֹֽכֶל׃

‎21 ‏וַֽיְהִ֞י כִּי־בָ֣אנוּ אֶל־הַמָּל֗וֹן וַֽנִּפְתְּחָה֙ אֶת־אַמְתְּחֹתֵ֔ינוּ וְהִנֵּ֤ה כֶֽסֶף־אִישׁ֙ בְּפִ֣י אַמְתַּחְתּ֔וֹ כַּסְפֵּ֖נוּ בְּמִשְׁקָל֑וֹ וַנָּ֥שֶׁב אֹת֖וֹ בְּיָדֵֽנוּ׃

‎22 ‏וְכֶ֧סֶף אַחֵ֛ר הוֹרַ֥דְנוּ בְיָדֵ֖נוּ לִשְׁבָּר־אֹ֑כֶל לֹ֣א יָדַ֔עְנוּ מִי־שָׂ֥ם כַּסְפֵּ֖נוּ בְּאַמְתְּחֹתֵֽינוּ׃

‎23 ‏וַיֹּאמֶר֩ שָׁל֨וֹם לָכֶ֜ם אַל־תִּירָ֗אוּ אֱלֹ֨הֵיכֶ֜ם וֵֽאלֹהֵ֤י אֲבִיכֶם֙ נָתַ֨ן לָכֶ֤ם מַטְמוֹן֙ בְּאַמְתְּחֹ֣תֵיכֶ֔ם כַּסְפְּכֶ֖ם בָּ֣א אֵלָ֑י וַיּוֹצֵ֥א אֲלֵהֶ֖ם אֶת־שִׁמְעֽוֹן׃

‎24 ‏וַיָּבֵ֥א הָאִ֛ישׁ אֶת־הָאֲנָשִׁ֖ים בֵּ֣יתָה יוֹסֵ֑ף וַיִּתֶּן־מַ֙יִם֙ וַיִּרְחֲצ֣וּ רַגְלֵיהֶ֔ם וַיִּתֵּ֥ן מִסְפּ֖וֹא לַחֲמֹֽרֵיהֶֽם׃

‎25 ‏וַיָּכִ֙ינוּ֙ אֶת־הַמִּנְחָ֔ה עַד־בּ֥וֹא יוֹסֵ֖ף בַּֽצָּהֳרָ֑יִם כִּ֣י שָֽׁמְע֔וּ כִּי־שָׁ֖ם יֹ֥אכְלוּ לָֽחֶם׃

‎26 ‏וַיָּבֹ֤א יוֹסֵף֙ הַבַּ֔יְתָה וַיָּבִ֥יאּוּ ל֛וֹ אֶת־הַמִּנְחָ֥ה אֲשֶׁר־בְּיָדָ֖ם הַבָּ֑יְתָה וַיִּשְׁתַּחֲווּ־ל֖וֹ אָֽרְצָה׃

‎27 ‏וַיִּשְׁאַ֤ל לָהֶם֙ לְשָׁל֔וֹם וַיֹּ֗אמֶר הֲשָׁל֛וֹם אֲבִיכֶ֥ם הַזָּקֵ֖ן אֲשֶׁ֣ר אֲמַרְתֶּ֑ם הַעוֹדֶ֖נּוּ חָֽי׃

‎28 ‏וַיֹּאמְר֗וּ שָׁל֛וֹם לְעַבְדְּךָ֥ לְאָבִ֖ינוּ עוֹדֶ֣נּוּ חָ֑י וַֽיִּקְּד֖וּ וישתחו וַיִּֽשְׁתַּחֲוּֽוּ׃¹

‎29 ‏וַיִּשָּׂ֣א עֵינָ֗יו וַיַּ֞רְא אֶת־בִּנְיָמִ֣ין אָחִיו֮ בֶּן־אִמּוֹ֒ וַיֹּ֗אמֶר הֲזֶה֙ אֲחִיכֶ֣ם הַקָּטֹ֔ן אֲשֶׁ֥ר אֲמַרְתֶּ֖ם אֵלָ֑י וַיֹּאמַ֕ר אֱלֹהִ֥ים יָחְנְךָ֖ בְּנִֽי׃

‎30 ‏וַיְמַהֵ֣ר יוֹסֵ֗ף כִּֽי־נִכְמְר֤וּ רַחֲמָיו֙ אֶל־אָחִ֔יו וַיְבַקֵּ֖שׁ לִבְכּ֑וֹת וַיָּבֹ֥א הַחַ֖דְרָה וַיֵּ֥בְךְּ שָֽׁמָּה׃

‎31 ‏וַיִּרְחַ֥ץ פָּנָ֖יו וַיֵּצֵ֑א וַיִּ֨תְאַפַּ֔ק וַיֹּ֖אמֶר שִׂ֥ימוּ לָֽחֶם׃

‎32 ‏וַיָּשִׂ֥ימוּ ל֛וֹ לְבַדּ֖וֹ וְלָהֶ֣ם לְבַדָּ֑ם וְלַמִּצְרִ֞ים הָאֹכְלִ֤ים אִתּוֹ֙ לְבַדָּ֔ם כִּי֩ לֹ֨א יוּכְל֜וּן הַמִּצְרִ֗ים לֶאֱכֹ֤ל אֶת־הָֽעִבְרִים֙ לֶ֔חֶם כִּי־תוֹעֵבָ֥ה הִ֖וא לְמִצְרָֽיִם׃

‎33 ‏וַיֵּשְׁב֣וּ לְפָנָ֔יו הַבְּכֹר֙ כִּבְכֹ֣רָת֔וֹ וְהַצָּעִ֖יר כִּצְעִרָת֑וֹ וַיִּתְמְה֥וּ הָאֲנָשִׁ֖ים אִ֥ישׁ אֶל־רֵעֵֽהוּ׃

‎34 ‏וַיִּשָּׂ֨א מַשְׂאֹ֜ת מֵאֵ֣ת פָּנָיו֮ אֲלֵהֶם֒ וַתֵּ֜רֶב מַשְׂאַ֧ת בִּנְיָמִ֛ן מִמַּשְׂאֹ֥ת כֻּלָּ֖ם חָמֵ֣שׁ יָד֑וֹת וַיִּשְׁתּ֥וּ וַֽיִּשְׁכְּר֖וּ עִמּֽוֹ׃

1 wəhārā‘āḇ kāḇēḏ bā’āreṣ:

2 wayəhî ka’ăšer killû le’ĕḵōl ’eṯ-haššeḇer ’ăšer hēḇî’û mimmiṣərāyim wayyō’mer ’ălêhem ’ăḇîhem šuḇû šiḇərû-lānû mə‘aṭ-’ōḵel:

3 wayyō’mer ’ēlāyw yəhûḏâ lē’mōr hā‘ēḏ hē‘iḏ bānû hā’îš lē’mōr lō’-ṯirə’û fānay bilətî ’ăḥîḵem ’itəḵem:

4 ’im-yešəḵā məšallēḥa ’eṯ-’āḥînû ’itānû nērəḏâ wənišəbərâ ləḵā ’ōḵel:

5 wə’im-’ênəḵā məšallēḥa lō’ nērēḏ kî-hā’îš ’āmar ’ēlênû lō’-ṯirə’û fānay bilətî ’ăḥîḵem ’itəḵem:

6 wayyō’mer yiśərā’ēl lāmâ hărē‘ōṯem lî ləhagîḏ lā’îš h^a‘wōḏ lāḵem ’āḥ:

7 wayyō’mərû šā’wōl šā’al-hā’îš lānû ûləmwōlaḏətēnû lē’mōr h^a‘wōḏ ’ăḇîḵem ḥay hăyēš lāḵem ’āḥ wanageḏ-lwō¹ ‘al-pî hadəḇārîm hā’ēlleh hăyāḏwō‘a nēḏ^a‘ kî yō’mar hwōrîḏû ’eṯ-’ăḥîḵem:

8 wayyō’mer yəhûḏâ ’el-yiśərā’ēl ’āḇîw šiləḥâ hann^a‘ar ’itî wənāqûmâ wənēlēḵâ wəniḥəyeh wəlō’ nāmûṯ gam-’ăn^aḥənû ḡam-’atâ gam-ṭapēnû:

9 ’ānōḵî ’e‘erəḇennû mîyāḏî təḇaqəšennû ’im-lō’ hăḇî’ōṯîw ’ēleyḵā wəhiṣṣaḡətîw ləfāneyḵā wəḥāṭā’ṯî ləḵā kāl-hayyāmîm:

10 kî lûlē’ hiṯəmahəmâənû kî-‘atâ šaḇənû zeh f^a‘ămāyim:

11 wayyō’mer ’ălēhem yiśərā’ēl ’ăḇîhem ’im-kēn| ’ēfwō’ zō’ṯ ‘ăśû qəḥû mizziməraṯ hā’āreṣ biḵəlêḵem wəhwōrîḏû lā’îš minəḥâ mə‘aṭ ṣŏrî ûmə‘aṭ dəḇaš nəḵō’ṯ wālōṭ bāṭənîm ûšəqēḏîm:

12 wəḵesef mišəneh qəḥû ḇəyeḏəḵem wə’eṯ-hakesef hammûšāḇ bəfî ’amətəḥōṯêḵem tāšîḇû ḇəyeḏəḵem ’ûlay mišəgeh hû’:

13 wə’eṯ-’ăḥîḵem qāḥû wəqûmû šûḇû ’el-hā’îš:

14 wə’ēl šaday yitēn lāḵem r^aḥămîm lifənê hā’îš wəšill^aḥ lāḵem ’eṯ-’ăḥîḵem ’^aḥēr wə’eṯ-binəyāmîn wa’ănî ka’ăšer šāḵōlətî šāḵālətî:

15 wayyiqəḥû hā’ănāšîm ’eṯ-hamminəḥâ hazzō’ṯ ûmišəneh-kesef lāqəḥû ḇəyāḏām wə’eṯ-binəyāmin wayyāqumû wayyērəḏû miṣərayim wayy^a‘aməḏû lifənê ywōsēf:

16 wayyarə’ ywōsēf ’itām ’eṯ-binəyāmîn wayyō’mer la’ăšer ‘al-bêṯwō hāḇē’ ’eṯ-hā’ănāšîm habāyəṯâ ûṭəḇōḥa ṭeḇ^aḥ wəhāḵēn kî ’itî yō’ḵəlû hā’ănāšîm baṣṣâŏrāyim:

17 wayy^a‘aś hā’îš ka’ăšer ’āmar ywōsēf wayyāḇē’ hā’îš ’eṯ-hā’ănāšîm bêṯâ ywōsēf:

18 wayyîrə’û hā’ănāšîm kî hûḇə’û bêṯ ywōsēf wayyō’mərû ‘al-dəḇar hakesef haššāḇ bə’amətəḥōṯênû batəḥillâ ’ăn^aḥənû mûḇā’îm ləhiṯəgōlēl ‘ālênû ûləhiṯənapēl ‘ālênû wəlāq^aḥaṯ ’ōṯānû l^a‘ăḇāḏîm wə’eṯ-ḥămōrênû:

19 wayyigəšû ’el-hā’îš ’ăšer ‘al-bêṯ ywōsēf wayəḏabərû ’ēlāyw peṯ^aḥ habāyiṯ:

20 wayyō’mərû bî ’ăḏōnî yārōḏ yāraḏənû batəḥillâ lišəbār-’ōḵel:

21 wayəhî kî-ḇā’nû ’el-hammālwōn wannifətəḥâ ’eṯ-’amətəḥōṯênû wəhinnēh ḵesef-’îš bəfî ’amət^aḥətwō kasəpēnû bəmišəqālwō wannāšeḇ ’ōṯwō bəyāḏēnû:

22 wəḵesef ’^aḥēr hwōraḏənû ḇəyāḏēnû lišəbār-’ōḵel lō’ yāḏ^a‘ənû mî-śām kasəpēnû bə’amətəḥōṯênû:

23 wayyō’mer šālwōm lāḵem ’al-tîrā’û ’ĕlōhêḵem wē’lōhê ’ăḇîḵem nāṯan lāḵem maṭəmwōn bə’amətəḥōṯêḵem kasəpəḵem bā’ ’ēlāy wayywōṣē’ ’ălēhem ’eṯ-šimə‘wōn:

24 wayyāḇē’ hā’îš ’eṯ-hā’ănāšîm bêṯâ ywōsēf wayyiten-mayim wayyirəḥăṣû raḡəlêhem wayyitēn misəpwō’ l^aḥămōrêhem:

25 wayyāḵînû ’eṯ-hamminəḥâ ‘aḏ-bwō’ ywōsēf baṣṣâŏrāyim kî šāmə‘û kî-šām yō’ḵəlû lāḥem:

26 wayyāḇō’ ywōsēf habayəṯâ wayyāḇî’’û lwō ’eṯ-hamminəḥâ ’ăšer-bəyāḏām habāyəṯâ wayyišət^aḥăwû-lwō ’ārəṣâ:

27 wayyišə’al lâem ləšālwōm wayyō’mer hăšālwōm ’ăḇîḵem hazzāqēn ’ăšer ’ămarətem h^a‘wōḏennû ḥāy:

28 wayyō’mərû šālwōm lə‘aḇədəḵā lə’āḇînû ‘wōḏennû ḥāy wayyiqqəḏû wayyišət^aḥû wayyišət^aḥăûû:¹

29 wayyiśśā’ ‘ênāyw wayyarə’ ’eṯ-binəyāmîn ’āḥîw ben-’immwō wayyō’mer hăzeh ’ăḥîḵem haqqāṭōn ’ăšer ’ămarətem ’ēlāy wayyō’mar ’ĕlōhîm yāḥənəḵā bənî:

30 wayəmahēr ywōsēf kî-niḵəmərû r^aḥămāyw ’el-’āḥîw wayəḇaqqēš liḇəkwōṯ wayyāḇō’ h^aḥaḏərâ wayyēḇəḵḵə šāmmâ:

31 wayyirəḥaṣ pānāyw wayyēṣē’ wayyiṯə’apaq wayyō’mer śîmû lāḥem:

32 wayyāśîmû lwō ləḇadwō wəlâem ləḇadām wəlammiṣərîm hā’ōḵəlîm ’itwō ləḇadām kî lō’ yûḵəlûn hammiṣərîm le’ĕḵōl ’eṯ-hā‘iḇərîm leḥem kî-ṯwō‘ēḇâ hiw’ ləmiṣərāyim:

33 wayyēšəḇû ləfānāyw habəḵōr kiḇəḵōrāṯwō wəhaṣṣā‘îr kiṣə‘irāṯwō wayyiṯəməhû hā’ănāšîm ’îš ’el-rē‘ēhû:

34 wayyiśśā’ maśə’ōṯ mē’ēṯ pānāyw ’ălēhem watēreḇ maśə’aṯ binəyāmin mimmaśə’ōṯ kullām ḥāmēš yāḏwōṯ wayyišətû wayyišəkərû ‘immwō:

‎1 ‏וַיְצַ֞ו אֶת־אֲשֶׁ֣ר עַל־בֵּיתוֹ֮ לֵאמֹר֒ מַלֵּ֞א אֶת־אַמְתְּחֹ֤ת הָֽאֲנָשִׁים֙ אֹ֔כֶל כַּאֲשֶׁ֥ר יוּכְל֖וּן שְׂאֵ֑ת וְשִׂ֥ים כֶּֽסֶף־אִ֖ישׁ בְּפִ֥י אַמְתַּחְתּֽוֹ׃

‎2 ‏וְאֶת־גְּבִיעִ֞י גְּבִ֣יעַ הַכֶּ֗סֶף תָּשִׂים֙ בְּפִי֙ אַמְתַּ֣חַת הַקָּטֹ֔ן וְאֵ֖ת כֶּ֣סֶף שִׁבְר֑וֹ וַיַּ֕עַשׂ כִּדְבַ֥ר יוֹסֵ֖ף אֲשֶׁ֥ר דִּבֵּֽר׃

‎3 ‏הַבֹּ֖קֶר א֑וֹר וְהָאֲנָשִׁ֣ים שֻׁלְּח֔וּ הֵ֖מָּה וַחֲמֹרֵיהֶֽם׃

‎4 ‏הֵ֠ם יָֽצְא֣וּ אֶת־הָעִיר֮ לֹ֣א הִרְחִיקוּ֒ וְיוֹסֵ֤ף אָמַר֙ לַֽאֲשֶׁ֣ר עַל־בֵּית֔וֹ ק֥וּם רְדֹ֖ף אַחֲרֵ֣י הָֽאֲנָשִׁ֑ים וְהִשַּׂגְתָּם֙ וְאָמַרְתָּ֣ אֲלֵהֶ֔ם לָ֛מָּה שִׁלַּמְתֶּ֥ם רָעָ֖ה תַּ֥חַת טוֹבָֽה׃

‎5 ‏הֲל֣וֹא זֶ֗ה אֲשֶׁ֨ר יִשְׁתֶּ֤ה אֲדֹנִי֙ בּ֔וֹ וְה֕וּא נַחֵ֥שׁ יְנַחֵ֖שׁ בּ֑וֹ הֲרֵעֹתֶ֖ם אֲשֶׁ֥ר עֲשִׂיתֶֽם׃

‎6 ‏וַֽיַּשִּׂגֵ֑ם וַיְדַבֵּ֣ר אֲלֵהֶ֔ם אֶת־הַדְּבָרִ֖ים הָאֵֽלֶּה׃

‎7 ‏וַיֹּאמְר֣וּ אֵלָ֔יו לָ֚מָּה יְדַבֵּ֣ר אֲדֹנִ֔י כַּדְּבָרִ֖ים הָאֵ֑לֶּה חָלִ֙ילָה֙ לַעֲבָדֶ֔יךָ מֵעֲשׂ֖וֹת כַּדָּבָ֥ר הַזֶּֽה׃

‎8 ‏הֵ֣ן כֶּ֗סֶף אֲשֶׁ֤ר מָצָ֙אנוּ֙ בְּפִ֣י אַמְתְּחֹתֵ֔ינוּ הֱשִׁיבֹ֥נוּ אֵלֶ֖יךָ מֵאֶ֣רֶץ כְּנָ֑עַן וְאֵ֗יךְ נִגְנֹב֙ מִבֵּ֣ית אֲדֹנֶ֔יךָ כֶּ֖סֶף א֥וֹ זָהָֽב׃

‎9 ‏אֲשֶׁ֨ר יִמָּצֵ֥א אִתּ֛וֹ מֵעֲבָדֶ֖יךָ וָמֵ֑ת וְגַם־אֲנַ֕חְנוּ נִֽהְיֶ֥ה לַֽאדֹנִ֖י לַעֲבָדִֽים׃

‎10 ‏וַיֹּ֕אמֶר גַּם־עַתָּ֥ה כְדִבְרֵיכֶ֖ם כֶּן־ה֑וּא אֲשֶׁ֨ר יִמָּצֵ֤א אִתּוֹ֙ יִהְיֶה־לִּ֣י עָ֔בֶד וְאַתֶּ֖ם תִּהְי֥וּ נְקִיִּֽם׃

‎11 ‏וַֽיְמַהֲר֗וּ וַיּוֹרִ֛דוּ אִ֥ישׁ אֶת־אַמְתַּחְתּ֖וֹ אָ֑רְצָה וַֽיִּפְתְּח֖וּ אִ֥ישׁ אַמְתַּחְתּֽוֹ׃

‎12 ‏וַיְחַפֵּ֕שׂ בַּגָּד֣וֹל הֵחֵ֔ל וּבַקָּטֹ֖ן כִּלָּ֑ה וַיִּמָּצֵא֙ הַגָּבִ֔יעַ בְּאַמְתַּ֖חַת בִּנְיָמִֽן׃

‎13 ‏וַֽיִּקְרְע֖וּ שִׂמְלֹתָ֑ם וַֽיַּעֲמֹס֙ אִ֣ישׁ עַל־חֲמֹר֔וֹ וַיָּשֻׁ֖בוּ הָעִֽירָה׃

‎14 ‏וַיָּבֹ֨א יְהוּדָ֤ה וְאֶחָיו֙ בֵּ֣יתָה יוֹסֵ֔ף וְה֖וּא עוֹדֶ֣נּוּ שָׁ֑ם וַיִּפְּל֥וּ לְפָנָ֖יו אָֽרְצָה׃

‎15 ‏וַיֹּ֤אמֶר לָהֶם֙ יוֹסֵ֔ף מָֽה־הַמַּעֲשֶׂ֥ה הַזֶּ֖ה אֲשֶׁ֣ר עֲשִׂיתֶ֑ם הֲל֣וֹא יְדַעְתֶּ֔ם כִּֽי־נַחֵ֧שׁ יְנַחֵ֛שׁ אִ֖ישׁ אֲשֶׁ֥ר כָּמֹֽנִי׃

‎16 ‏וַיֹּ֣אמֶר יְהוּדָ֗ה מַה־נֹּאמַר֙ לַֽאדֹנִ֔י מַה־נְּדַבֵּ֖ר וּמַה־נִּצְטַדָּ֑ק הָאֱלֹהִ֗ים מָצָא֙ אֶת־עֲוֹ֣ן עֲבָדֶ֔יךָ הִנֶּנּ֤וּ עֲבָדִים֙ לַֽאדֹנִ֔י גַּם־אֲנַ֕חְנוּ גַּ֛ם אֲשֶׁר־נִמְצָ֥א הַגָּבִ֖יעַ בְּיָדֽוֹ׃

‎17 ‏וַיֹּ֕אמֶר חָלִ֣ילָה לִּ֔י מֵעֲשׂ֖וֹת זֹ֑את הָאִ֡ישׁ אֲשֶׁר֩ נִמְצָ֨א הַגָּבִ֜יעַ בְּיָד֗וֹ ה֚וּא יִהְיֶה־לִּ֣י עָ֔בֶד וְאַתֶּ֕ם עֲל֥וּ לְשָׁל֖וֹם אֶל־אֲבִיכֶֽם׃ פ

‎18 ‏וַיִּגַּ֨שׁ אֵלָ֜יו יְהוּדָ֗ה וַיֹּאמֶר֮ בִּ֣י אֲדֹנִי֒ יְדַבֶּר־נָ֨א עַבְדְּךָ֤ דָבָר֙ בְּאָזְנֵ֣י אֲדֹנִ֔י וְאַל־יִ֥חַר אַפְּךָ֖ בְּעַבְדֶּ֑ךָ כִּ֥י כָמ֖וֹךָ כְּפַרְעֹֽה׃

‎19 ‏אֲדֹנִ֣י שָׁאַ֔ל אֶת־עֲבָדָ֖יו לֵאמֹ֑ר הֲיֵשׁ־לָכֶ֥ם אָ֖ב אוֹ־אָֽח׃

‎20 ‏וַנֹּ֙אמֶר֙ אֶל־אֲדֹנִ֔י יֶשׁ־לָ֙נוּ֙ אָ֣ב זָקֵ֔ן וְיֶ֥לֶד זְקֻנִ֖ים קָטָ֑ן וְאָחִ֨יו מֵ֜ת וַיִּוָּתֵ֨ר ה֧וּא לְבַדּ֛וֹ לְאִמּ֖וֹ וְאָבִ֥יו אֲהֵבֽוֹ׃

‎21 ‏וַתֹּ֙אמֶר֙ אֶל־עֲבָדֶ֔יךָ הוֹרִדֻ֖הוּ אֵלָ֑י וְאָשִׂ֥ימָה עֵינִ֖י עָלָֽיו׃

‎22 ‏וַנֹּ֙אמֶר֙ אֶל־אֲדֹנִ֔י לֹא־יוּכַ֥ל הַנַּ֖עַר לַעֲזֹ֣ב אֶת־אָבִ֑יו וְעָזַ֥ב אֶת־אָבִ֖יו וָמֵֽת׃

‎23 ‏וַתֹּ֙אמֶר֙ אֶל־עֲבָדֶ֔יךָ אִם־לֹ֥א יֵרֵ֛ד אֲחִיכֶ֥ם הַקָּטֹ֖ן אִתְּכֶ֑ם לֹ֥א תֹסִפ֖וּן לִרְא֥וֹת פָּנָֽי׃

‎24 ‏וַיְהִי֙ כִּ֣י עָלִ֔ינוּ אֶֽל־עַבְדְּךָ֖ אָבִ֑י וַנַּ֨גֶּד־ל֔וֹ אֵ֖ת דִּבְרֵ֥י אֲדֹנִֽי׃

‎25 ‏וַיֹּ֖אמֶר אָבִ֑ינוּ שֻׁ֖בוּ שִׁבְרוּ־לָ֥נוּ מְעַט־אֹֽכֶל׃

‎26 ‏וַנֹּ֕אמֶר לֹ֥א נוּכַ֖ל לָרֶ֑דֶת אִם־יֵשׁ֩ אָחִ֨ינוּ הַקָּטֹ֤ן אִתָּ֙נוּ֙ וְיָרַ֔דְנוּ כִּי־לֹ֣א נוּכַ֗ל לִרְאוֹת֙ פְּנֵ֣י הָאִ֔ישׁ וְאָחִ֥ינוּ הַקָּטֹ֖ן אֵינֶ֥נּוּ אִתָּֽנוּ׃

‎27 ‏וַיֹּ֛אמֶר עַבְדְּךָ֥ אָבִ֖י אֵלֵ֑ינוּ אַתֶּ֣ם יְדַעְתֶּ֔ם כִּ֥י שְׁנַ֖יִם יָֽלְדָה־לִּ֥י אִשְׁתִּֽי׃

‎28 ‏וַיֵּצֵ֤א הָֽאֶחָד֙ מֵֽאִתִּ֔י וָאֹמַ֕ר אַ֖ךְ טָרֹ֣ף טֹרָ֑ף וְלֹ֥א רְאִיתִ֖יו עַד־הֵֽנָּה׃

‎29 ‏וּלְקַחְתֶּ֧ם גַּם־אֶת־זֶ֛ה מֵעִ֥ם פָּנַ֖י וְקָרָ֣הוּ אָס֑וֹן וְהֽוֹרַדְתֶּ֧ם אֶת־שֵׂיבָתִ֛י בְּרָעָ֖ה שְׁאֹֽלָה׃

‎30 ‏וְעַתָּ֗ה כְּבֹאִי֙ אֶל־עַבְדְּךָ֣ אָבִ֔י וְהַנַּ֖עַר אֵינֶנּ֣וּ אִתָּ֑נוּ וְנַפְשׁ֖וֹ קְשׁוּרָ֥ה בְנַפְשֽׁוֹ׃

‎31 ‏וְהָיָ֗ה כִּרְאוֹת֛וֹ כִּי־אֵ֥ין הַנַּ֖עַר וָמֵ֑ת וְהוֹרִ֨ידוּ עֲבָדֶ֜יךָ אֶת־שֵׂיבַ֨ת עַבְדְּךָ֥ אָבִ֛ינוּ בְּיָג֖וֹן שְׁאֹֽלָה׃

‎32 ‏כִּ֤י עַבְדְּךָ֙ עָרַ֣ב אֶת־הַנַּ֔עַר מֵעִ֥ם אָבִ֖י לֵאמֹ֑ר אִם־לֹ֤א אֲבִיאֶ֙נּוּ֙ אֵלֶ֔יךָ וְחָטָ֥אתִי לְאָבִ֖י כָּל־הַיָּמִֽים׃

‎33 ‏וְעַתָּ֗ה יֵֽשֶׁב־נָ֤א עַבְדְּךָ֙ תַּ֣חַת הַנַּ֔עַר עֶ֖בֶד לַֽאדֹנִ֑י וְהַנַּ֖עַר יַ֥עַל עִם־אֶחָֽיו׃

‎34 ‏כִּי־אֵיךְ֙ אֶֽעֱלֶ֣ה אֶל־אָבִ֔י וְהַנַּ֖עַר אֵינֶנּ֣וּ אִתִּ֑י פֶּ֚ן אֶרְאֶ֣ה בָרָ֔ע אֲשֶׁ֥ר יִמְצָ֖א אֶת־אָבִֽי׃

1 wayəṣaw ’eṯ-’ăšer ‘al-bêṯwō lē’mōr mallē’ ’eṯ-’amətəḥōṯ hā’ănāšîm ’ōḵel ka’ăšer yûḵəlûn śə’ēṯ wəśîm kesef-’îš bəfî ’amət^aḥətwō:

2 wə’eṯ-gəḇî‘î gəḇî‘a hakesef tāśîm bəfî ’amət^aḥaṯ haqqāṭōn wə’ēṯ kesef šiḇərwō wayy^a‘aś kiḏəḇar ywōsēf ’ăšer dibēr:

3 habōqer ’wōr wəhā’ănāšîm šulləḥû hēmmâ w^aḥămōrêhem:

4 hēm yāṣə’û ’eṯ-hā‘îr lō’ hirəḥîqû wəywōsēf ’āmar la’ăšer ‘al-bêṯwō qûm rəḏōf ’^aḥărê hā’ănāšîm wəhiśśaḡətām wə’āmarətā ’ălēhem lāmmâ šillamətem rā‘â t^aḥaṯ ṭwōḇâ:

5 hălwō’ zeh ’ăšer yišəteh ’ăḏōnî bwō wəhû’ n^aḥēš yən^aḥēš bwō hărē‘ōṯem ’ăšer ‘ăśîṯem:

6 wayyaśśiḡēm wayəḏabēr ’ălēhem ’eṯ-hadəḇārîm hā’ēlleh:

7 wayyō’mərû ’ēlāyw lāmmâ yəḏabēr ’ăḏōnî kadəḇārîm hā’ēlleh ḥālîlâ l^a‘ăḇāḏeyḵā mē‘ăśwōṯ kadāḇār hazzeh:

8 hēn kesef ’ăšer māṣā’nû bəfî ’amətəḥōṯênû hĕšîḇōnû ’ēleyḵā mē’ereṣ kənā‘an wə’êḵə niḡənōḇ mibêṯ ’ăḏōneyḵā kesef ’wō zâāḇ:

9 ’ăšer yimmāṣē’ ’itwō mē‘ăḇāḏeyḵā wāmēṯ wəḡam-’ăn^aḥənû nihəyeh la’ḏōnî l^a‘ăḇāḏîm:

10 wayyō’mer gam-‘atâ ḵəḏiḇərêḵem ken-hû’ ’ăšer yimmāṣē’ ’itwō yihəyeh-llî ‘āḇeḏ wə’atem tihəyû nəqîyim:

11 wayəmahărû wayywōriḏû ’îš ’eṯ-’amət^aḥətwō ’ārəṣâ wayyifətəḥû ’îš ’amət^aḥətwō:

12 wayəḥapēś bagāḏwōl hēḥēl ûḇaqqāṭōn killâ wayyimmāṣē’ hagāḇî‘a bə’amət^aḥaṯ binəyāmin:

13 wayyiqərə‘û śiməlōṯām wayy^a‘ămōs ’îš ‘al-ḥămōrwō wayyāšuḇû hā‘îrâ:

14 wayyāḇō’ yəhûḏâ wə’eḥāyw bêṯâ ywōsēf wəhû’ ‘wōḏennû šām wayyipəlû ləfānāyw ’ārəṣâ:

15 wayyō’mer lâem ywōsēf mâ-hamm^a‘ăśeh hazzeh ’ăšer ‘ăśîṯem hălwō’ yəḏ^a‘ətem kî-n^aḥēš yən^aḥēš ’îš ’ăšer kāmōnî:

16 wayyō’mer yəhûḏâ mah-nnō’mar la’ḏōnî mah-nnəḏabēr ûmah-nniṣəṭadāq hā’ĕlōhîm māṣā’ ’eṯ-‘ăwōn ‘ăḇāḏeyḵā hinnennû ‘ăḇāḏîm la’ḏōnî gam-’ăn^aḥənû gam ’ăšer-niməṣā’ hagāḇî‘a bəyāḏwō:

17 wayyō’mer ḥālîlâ llî mē‘ăśwōṯ zō’ṯ hā’îš ’ăšer niməṣā’ hagāḇî‘a bəyāḏwō hû’ yihəyeh-llî ‘āḇeḏ wə’atem ‘ălû ləšālwōm ’el-’ăḇîḵem: f

18 wayyigaš ’ēlāyw yəhûḏâ wayyō’mer bî ’ăḏōnî yəḏaber-nā’ ‘aḇədəḵā ḏāḇār bə’āzənê ’ăḏōnî wə’al-yiḥar ’apəḵā bə‘aḇədeḵā kî ḵāmwōḵā kəfarə‘ōh:

19 ’ăḏōnî šā’al ’eṯ-‘ăḇāḏāyw lē’mōr hăyēš-lāḵem ’āḇ ’wō-’āḥ:

20 wannō’mer ’el-’ăḏōnî yeš-lānû ’āḇ zāqēn wəyeleḏ zəqunîm qāṭān wə’āḥîw mēṯ wayyiûāṯēr hû’ ləḇadwō lə’immwō wə’āḇîw ’ăhēḇwō:

21 watō’mer ’el-‘ăḇāḏeyḵā hwōriḏuhû ’ēlāy wə’āśîmâ ‘ênî ‘ālāyw:

22 wannō’mer ’el-’ăḏōnî lō’-yûḵal hann^a‘ar l^a‘ăzōḇ ’eṯ-’āḇîw wə‘āzaḇ ’eṯ-’āḇîw wāmēṯ:

23 watō’mer ’el-‘ăḇāḏeyḵā ’im-lō’ yērēḏ ’ăḥîḵem haqqāṭōn ’itəḵem lō’ ṯōsifûn lirə’wōṯ pānāy:

24 wayəhî kî ‘ālînû ’el-‘aḇədəḵā ’āḇî wannageḏ-lwō ’ēṯ diḇərê ’ăḏōnî:

25 wayyō’mer ’āḇînû šuḇû šiḇərû-lānû mə‘aṭ-’ōḵel:

26 wannō’mer lō’ nûḵal lāreḏeṯ ’im-yēš ’āḥînû haqqāṭōn ’itānû wəyāraḏənû kî-lō’ nûḵal lirə’wōṯ pənê hā’îš wə’āḥînû haqqāṭōn ’ênennû ’itānû:

27 wayyō’mer ‘aḇədəḵā ’āḇî ’ēlênû ’atem yəḏ^a‘ətem kî šənayim yāləḏâ-llî ’išətî:

28 wayyēṣē’ hā’eḥāḏ mē’itî wā’ōmar ’aḵə ṭārōf ṭōrāf wəlō’ rə’îṯîw ‘aḏ-hēnnâ:

29 ûləq^aḥətem gam-’eṯ-zeh mē‘im pānay wəqārâû ’āswōn wəhwōraḏətem ’eṯ-śêḇāṯî bərā‘â šə’ōlâ:

30 wə‘atâ kəḇō’î ’el-‘aḇədəḵā ’āḇî wəhann^a‘ar ’ênennû ’itānû wənafəšwō qəšûrâ ḇənafəšwō:

31 wəhāyâ kirə’wōṯwō kî-’ên hann^a‘ar wāmēṯ wəhwōrîḏû ‘ăḇāḏeyḵā ’eṯ-śêḇaṯ ‘aḇədəḵā ’āḇînû bəyāḡwōn šə’ōlâ:

32 kî ‘aḇədəḵā ‘āraḇ ’eṯ-hann^a‘ar mē‘im ’āḇî lē’mōr ’im-lō’ ’ăḇî’ennû ’ēleyḵā wəḥāṭā’ṯî lə’āḇî kāl-hayyāmîm:

33 wə‘atâ yēšeḇ-nā’ ‘aḇədəḵā t^aḥaṯ hann^a‘ar ‘eḇeḏ la’ḏōnî wəhann^a‘ar y^a‘al ‘im-’eḥāyw:

34 kî-’êḵə ’e‘ĕleh ’el-’āḇî wəhann^a‘ar ’ênennû ’itî pen ’erə’eh ḇārā‘ ’ăšer yiməṣā’ ’eṯ-’āḇî:

‎1 ‏וְלֹֽא־יָכֹ֨ל יוֹסֵ֜ף לְהִתְאַפֵּ֗ק לְכֹ֤ל הַנִּצָּבִים֙ עָלָ֔יו וַיִּקְרָ֕א הוֹצִ֥יאוּ כָל־אִ֖ישׁ מֵעָלָ֑י וְלֹא־עָ֤מַד אִישׁ֙ אִתּ֔וֹ בְּהִתְוַדַּ֥ע יוֹסֵ֖ף אֶל־אֶחָֽיו׃

‎2 ‏וַיִּתֵּ֥ן אֶת־קֹל֖וֹ בִּבְכִ֑י וַיִּשְׁמְע֣וּ מִצְרַ֔יִם וַיִּשְׁמַ֖ע בֵּ֥ית פַּרְעֹֽה׃

‎3 ‏וַיֹּ֨אמֶר יוֹסֵ֤ף אֶל־אֶחָיו֙ אֲנִ֣י יוֹסֵ֔ף הַע֥וֹד אָבִ֖י חָ֑י וְלֹֽא־יָכְל֤וּ אֶחָיו֙ לַעֲנ֣וֹת אֹת֔וֹ כִּ֥י נִבְהֲל֖וּ מִפָּנָֽיו׃

‎4 ‏וַיֹּ֨אמֶר יוֹסֵ֧ף אֶל־אֶחָ֛יו גְּשׁוּ־נָ֥א אֵלַ֖י וַיִּגָּ֑שׁוּ וַיֹּ֗אמֶר אֲנִי֙ יוֹסֵ֣ף אֲחִיכֶ֔ם אֲשֶׁר־מְכַרְתֶּ֥ם אֹתִ֖י מִצְרָֽיְמָה׃

‎5 ‏וְעַתָּ֣ה׀ אַל־תֵּעָ֣צְב֗וּ וְאַל־יִ֙חַר֙ בְּעֵ֣ינֵיכֶ֔ם כִּֽי־מְכַרְתֶּ֥ם אֹתִ֖י הֵ֑נָּה כִּ֣י לְמִֽחְיָ֔ה שְׁלָחַ֥נִי אֱלֹהִ֖ים לִפְנֵיכֶֽם׃

‎6 ‏כִּי־זֶ֛ה שְׁנָתַ֥יִם הָרָעָ֖ב בְּקֶ֣רֶב הָאָ֑רֶץ וְעוֹד֙ חָמֵ֣שׁ שָׁנִ֔ים אֲשֶׁ֥ר אֵין־חָרִ֖ישׁ וְקָצִּֽיר׃¹

‎7 ‏וַיִּשְׁלָחֵ֤נִי אֱלֹהִים֙ לִפְנֵיכֶ֔ם לָשׂ֥וּם לָכֶ֛ם שְׁאֵרִ֖ית בָּאָ֑רֶץ וּלְהַחֲי֣וֹת לָכֶ֔ם לִפְלֵיטָ֖ה גְּדֹלָֽה׃

‎8 ‏וְעַתָּ֗ה לֹֽא־אַתֶּ֞ם שְׁלַחְתֶּ֤ם אֹתִי֙ הֵ֔נָּה כִּ֖י הָאֱלֹהִ֑ים וַיְשִׂימֵ֨נִֽי לְאָ֜ב לְפַרְעֹ֗ה וּלְאָדוֹן֙ לְכָל־בֵּית֔וֹ וּמֹשֵׁ֖ל בְּכָל־אֶ֥רֶץ מִצְרָֽיִם׃

‎9 ‏מַהֲרוּ֮ וַעֲל֣וּ אֶל־אָבִי֒ וַאֲמַרְתֶּ֣ם אֵלָ֗יו כֹּ֤ה אָמַר֙ בִּנְךָ֣ יוֹסֵ֔ף שָׂמַ֧נִי אֱלֹהִ֛ים לְאָד֖וֹן לְכָל־מִצְרָ֑יִם רְדָ֥ה אֵלַ֖י אַֽל־תַּעֲמֹֽד׃

‎10 ‏וְיָשַׁבְתָּ֣ בְאֶֽרֶץ־גֹּ֗שֶׁן וְהָיִ֤יתָ קָרוֹב֙ אֵלַ֔י אַתָּ֕ה וּבָנֶ֖יךָ וּבְנֵ֣י בָנֶ֑יךָ וְצֹאנְךָ֥ וּבְקָרְךָ֖ וְכָל־אֲשֶׁר־לָֽךְ׃

‎11 ‏וְכִלְכַּלְתִּ֤י אֹֽתְךָ֙ שָׁ֔ם כִּי־ע֛וֹד חָמֵ֥שׁ שָׁנִ֖ים רָעָ֑ב פֶּן־תִּוָּרֵ֛שׁ אַתָּ֥ה וּבֵֽיתְךָ֖ וְכָל־אֲשֶׁר־לָֽךְ׃

‎12 ‏וְהִנֵּ֤ה עֵֽינֵיכֶם֙ רֹא֔וֹת וְעֵינֵ֖י אָחִ֣י בִנְיָמִ֑ין כִּי־פִ֖י הַֽמְדַבֵּ֥ר אֲלֵיכֶֽם׃

‎13 ‏וְהִגַּדְתֶּ֣ם לְאָבִ֗י אֶת־כָּל־כְּבוֹדִי֙ בְּמִצְרַ֔יִם וְאֵ֖ת כָּל־אֲשֶׁ֣ר רְאִיתֶ֑ם וּמִֽהַרְתֶּ֛ם וְהוֹרַדְתֶּ֥ם אֶת־אָבִ֖י הֵֽנָּה׃

‎14 ‏וַיִּפֹּ֛ל עַל־צַוְּארֵ֥י בִנְיָמִֽן־אָחִ֖יו וַיֵּ֑בְךְּ וּבִנְיָמִ֔ן בָּכָ֖ה עַל־צַוָּארָֽיו׃

‎15 ‏וַיְנַשֵּׁ֥ק לְכָל־אֶחָ֖יו וַיֵּ֣בְךְּ עֲלֵיהֶ֑ם וְאַ֣חֲרֵי כֵ֔ן דִּבְּר֥וּ אֶחָ֖יו אִתּֽוֹ׃

‎16 ‏וְהַקֹּ֣ל נִשְׁמַ֗ע בֵּ֤ית פַּרְעֹה֙ לֵאמֹ֔ר בָּ֖אוּ אֲחֵ֣י יוֹסֵ֑ף וַיִּיטַב֙ בְּעֵינֵ֣י פַרְעֹ֔ה וּבְעֵינֵ֖י עֲבָדָֽיו׃

‎17 ‏וַיֹּ֤אמֶר פַּרְעֹה֙ אֶל־יוֹסֵ֔ף אֱמֹ֥ר אֶל־אַחֶ֖יךָ זֹ֣את עֲשׂ֑וּ טַֽעֲנוּ֙ אֶת־בְּעִ֣ירְכֶ֔ם וּלְכוּ־בֹ֖אוּ אַ֥רְצָה כְּנָֽעַן׃

‎18 ‏וּקְח֧וּ אֶת־אֲבִיכֶ֛ם וְאֶת־בָּתֵּיכֶ֖ם וּבֹ֣אוּ אֵלָ֑י וְאֶתְּנָ֣ה לָכֶ֗ם אֶת־טוּב֙ אֶ֣רֶץ מִצְרַ֔יִם וְאִכְל֖וּ אֶת־חֵ֥לֶב הָאָֽרֶץ׃

‎19 ‏וְאַתָּ֥ה צֻוֵּ֖יתָה זֹ֣את עֲשׂ֑וּ קְחוּ־לָכֶם֩ מֵאֶ֨רֶץ מִצְרַ֜יִם עֲגָל֗וֹת לְטַפְּכֶם֙ וְלִנְשֵׁיכֶ֔ם וּנְשָׂאתֶ֥ם אֶת־אֲבִיכֶ֖ם וּבָאתֶֽם׃

‎20 ‏וְעֵ֣ינְכֶ֔ם אַל־תָּחֹ֖ס עַל־כְּלֵיכֶ֑ם כִּי־ט֛וּב כָּל־אֶ֥רֶץ מִצְרַ֖יִם לָכֶ֥ם הֽוּא׃

‎21 ‏וַיַּֽעֲשׂוּ־כֵן֙ בְּנֵ֣י יִשְׂרָאֵ֔ל וַיִּתֵּ֨ן לָהֶ֥ם יוֹסֵ֛ף עֲגָל֖וֹת עַל־פִּ֣י פַרְעֹ֑ה וַיִּתֵּ֥ן לָהֶ֛ם צֵדָ֖ה לַדָּֽרֶךְ׃

‎22 ‏לְכֻלָּ֥ם נָתַ֛ן לָאִ֖ישׁ חֲלִפ֣וֹת שְׂמָלֹ֑ת וּלְבִנְיָמִ֤ן נָתַן֙ שְׁלֹ֣שׁ מֵא֣וֹת כֶּ֔סֶף וְחָמֵ֖שׁ חֲלִפֹ֥ת שְׂמָלֹֽת׃

‎23 ‏וּלְאָבִ֞יו שָׁלַ֤ח כְּזֹאת֙ עֲשָׂרָ֣ה חֲמֹרִ֔ים נֹשְׂאִ֖ים מִטּ֣וּב מִצְרָ֑יִם וְעֶ֣שֶׂר אֲתֹנֹ֡ת נֹֽ֠שְׂאֹת בָּ֣ר וָלֶ֧חֶם וּמָז֛וֹן לְאָבִ֖יו לַדָּֽרֶךְ׃

‎24 ‏וַיְשַׁלַּ֥ח אֶת־אֶחָ֖יו וַיֵּלֵ֑כוּ וַיֹּ֣אמֶר אֲלֵהֶ֔ם אַֽל־תִּרְגְּז֖וּ בַּדָּֽרֶךְ׃

‎25 ‏וַֽיַּעֲל֖וּ מִמִּצְרָ֑יִם וַיָּבֹ֙אוּ֙ אֶ֣רֶץ כְּנַ֔עַן אֶֽל־יַעֲקֹ֖ב אֲבִיהֶֽם׃

‎26 ‏וַיַּגִּ֨דוּ ל֜וֹ לֵאמֹ֗ר ע֚וֹד³ יוֹסֵ֣ף חַ֔י וְכִֽי־ה֥וּא מֹשֵׁ֖ל בְּכָל־אֶ֣רֶץ מִצְרָ֑יִם וַיָּ֣פָג לִבּ֔וֹ כִּ֥י לֹא־הֶאֱמִ֖ין לָהֶֽם׃

‎27 ‏וַיְדַבְּר֣וּ אֵלָ֗יו אֵ֣ת כָּל־דִּבְרֵ֤י יוֹסֵף֙ אֲשֶׁ֣ר דִּבֶּ֣ר אֲלֵהֶ֔ם וַיַּרְא֙ אֶת־הָ֣עֲגָל֔וֹת אֲשֶׁר־שָׁלַ֥ח יוֹסֵ֖ף לָשֵׂ֣את אֹת֑וֹ וַתְּחִ֕י ר֖וּחַ יַעֲקֹ֥ב אֲבִיהֶֽם׃

‎28 ‏וַיֹּ֙אמֶר֙ יִשְׂרָאֵ֔ל רַ֛ב עוֹד־יוֹסֵ֥ף בְּנִ֖י חָ֑י אֵֽלְכָ֥ה וְאֶרְאֶ֖נּוּ בְּטֶ֥רֶם אָמֽוּת׃

1 wəlō’-yāḵōl ywōsēf ləhiṯə’apēq ləḵōl hanniṣṣāḇîm ‘ālāyw wayyiqərā’ hwōṣî’û ḵāl-’îš mē‘ālāy wəlō’-‘āmaḏ ’îš ’itwō bəhiṯəwad^a‘ ywōsēf ’el-’eḥāyw:

2 wayyitēn ’eṯ-qōlwō biḇəḵî wayyišəmə‘û miṣərayim wayyišəm^a‘ bêṯ parə‘ōh:

3 wayyō’mer ywōsēf ’el-’eḥāyw ’ănî ywōsēf h^a‘wōḏ ’āḇî ḥāy wəlō’-yāḵəlû ’eḥāyw l^a‘ănwōṯ ’ōṯwō kî niḇəhălû mipānāyw:

4 wayyō’mer ywōsēf ’el-’eḥāyw gəšû-nā’ ’ēlay wayyigāšû wayyō’mer ’ănî ywōsēf ’ăḥîḵem ’ăšer-məḵarətem ’ōṯî miṣərāyəmâ:

5 wə‘atâ| ’al-tē‘āṣəḇû wə’al-yiḥar bə‘ênêḵem kî-məḵarətem ’ōṯî hēnnâ kî ləmiḥəyâ šəlāḥanî ’ĕlōhîm lifənêḵem:

6 kî-zeh šənāṯayim hārā‘āḇ bəqereḇ hā’āreṣ wə‘wōḏ ḥāmēš šānîm ’ăšer ’ên-ḥārîš wəqāṣṣîr:¹

7 wayyišəlāḥēnî ’ĕlōhîm lifənêḵem lāśûm lāḵem šə’ērîṯ bā’āreṣ ûləh^aḥăywōṯ lāḵem lifəlêṭâ gəḏōlâ:

8 wə‘atâ lō’-’atem šəl^aḥətem ’ōṯî hēnnâ kî hā’ĕlōhîm wayəśîmēnî lə’āḇ ləfarə‘ōh ûlə’āḏwōn ləḵāl-bêṯwō ûmōšēl bəḵāl-’ereṣ miṣərāyim:

9 mahărû w^a‘ălû ’el-’āḇî wa’ămarətem ’ēlāyw kōh ’āmar binəḵā ywōsēf śāmanî ’ĕlōhîm lə’āḏwōn ləḵāl-miṣərāyim rəḏâ ’ēlay ’al-t^a‘ămōḏ:

10 wəyāšaḇətā ḇə’ereṣ-gōšen wəhāyîṯā qārwōḇ ’ēlay ’atâ ûḇāneyḵā ûḇənê ḇāneyḵā wəṣō’nəḵā ûḇəqārəḵā wəḵāl-’ăšer-lāḵə:

11 wəḵiləkalətî ’ōṯəḵā šām kî-‘wōḏ ḥāmēš šānîm rā‘āḇ pen-tiûārēš ’atâ ûḇêṯəḵā wəḵāl-’ăšer-lāḵə:

12 wəhinnēh ‘ênêḵem rō’wōṯ wə‘ênê ’āḥî ḇinəyāmîn kî-fî haməḏabēr ’ălêḵem:

13 wəhigaḏətem lə’āḇî ’eṯ-kāl-kəḇwōḏî bəmiṣərayim wə’ēṯ kāl-’ăšer rə’îṯem ûmiharətem wəhwōraḏətem ’eṯ-’āḇî hēnnâ:

14 wayyipōl ‘al-ṣaûə’rê ḇinəyāmin-’āḥîw wayyēḇəḵḵə ûḇinəyāmin bāḵâ ‘al-ṣaûā’rāyw:

15 wayənaššēq ləḵāl-’eḥāyw wayyēḇəḵḵə ‘ălêhem wə’^aḥărê ḵēn dibərû ’eḥāyw ’itwō:

16 wəhaqqōl nišəm^a‘ bêṯ parə‘ōh lē’mōr bā’û ’ăḥê ywōsēf wayyîṭaḇ bə‘ênê farə‘ōh ûḇə‘ênê ‘ăḇāḏāyw:

17 wayyō’mer parə‘ōh ’el-ywōsēf ’ĕmōr ’el-’^aḥeyḵā zō’ṯ ‘ăśû ṭ^a‘ănû ’eṯ-bə‘îrəḵem ûləḵû-ḇō’û ’arəṣâ kənā‘an:

18 ûqəḥû ’eṯ-’ăḇîḵem wə’eṯ-bātêḵem ûḇō’û ’ēlāy wə’etənâ lāḵem ’eṯ-ṭûḇ ’ereṣ miṣərayim wə’iḵəlû ’eṯ-ḥēleḇ hā’āreṣ:

19 wə’atâ ṣuûêṯâ zō’ṯ ‘ăśû qəḥû-lāḵem mē’ereṣ miṣərayim ‘ăḡālwōṯ ləṭapəḵem wəlinəšêḵem ûnəśā’ṯem ’eṯ-’ăḇîḵem ûḇā’ṯem:

20 wə‘ênəḵem ’al-tāḥōs ‘al-kəlêḵem kî-ṭûḇ kāl-’ereṣ miṣərayim lāḵem hû’:

21 wayy^a‘ăśû-ḵēn bənê yiśərā’ēl wayyitēn lâem ywōsēf ‘ăḡālwōṯ ‘al-pî farə‘ōh wayyitēn lâem ṣēḏâ ladāreḵə:

22 ləḵullām nāṯan lā’îš ḥălifwōṯ śəmālōṯ ûləḇinəyāmin nāṯan šəlōš mē’wōṯ kesef wəḥāmēš ḥălifōṯ śəmālōṯ:

23 ûlə’āḇîw šāl^aḥ kəzō’ṯ ‘ăśārâ ḥămōrîm nōśə’îm miṭṭûḇ miṣərāyim wə‘eśer ’ăṯōnōṯ nōśə’ōṯ bār wāleḥem ûmāzwōn lə’āḇîw ladāreḵə:

24 wayəšall^aḥ ’eṯ-’eḥāyw wayyēlēḵû wayyō’mer ’ălēhem ’al-tirəgəzû badāreḵə:

25 wayy^a‘ălû mimmiṣərāyim wayyāḇō’û ’ereṣ kən^a‘an ’el-y^a‘ăqōḇ ’ăḇîhem:

26 wayyagiḏû lwō lē’mōr ‘wōḏ³ ywōsēf ḥay wəḵî-hû’ mōšēl bəḵāl-’ereṣ miṣərāyim wayyāfāḡ libwō kî lō’-he’ĕmîn lâem:

27 wayəḏabərû ’ēlāyw ’ēṯ kāl-diḇərê ywōsēf ’ăšer diber ’ălēhem wayyarə’ ’eṯ-hā‘ăḡālwōṯ ’ăšer-šāl^aḥ ywōsēf lāśē’ṯ ’ōṯwō watəḥî rûḥa y^a‘ăqōḇ ’ăḇîhem:

28 wayyō’mer yiśərā’ēl raḇ ‘wōḏ-ywōsēf bənî ḥāy ’ēləḵâ wə’erə’ennû bəṭerem ’āmûṯ:

‎1 ‏וַיִּסַּ֤ע יִשְׂרָאֵל֙ וְכָל־אֲשֶׁר־ל֔וֹ וַיָּבֹ֖א בְּאֵ֣רָה שָּׁ֑בַע וַיִּזְבַּ֣ח זְבָחִ֔ים לֵאלֹהֵ֖י אָבִ֥יו יִצְחָֽק׃

‎2 ‏וַיֹּ֨אמֶר אֱלֹהִ֤ים׀ לְיִשְׂרָאֵל֙ בְּמַרְאֹ֣ת הַלַּ֔יְלָה וַיֹּ֖אמֶר יַעֲקֹ֣ב׀ יַעֲקֹ֑ב וַיֹּ֖אמֶר הִנֵּֽנִי׃

‎3 ‏וַיֹּ֕אמֶר אָנֹכִ֥י הָאֵ֖ל אֱלֹהֵ֣י אָבִ֑יךָ אַל־תִּירָא֙ מֵרְדָ֣ה מִצְרַ֔יְמָה כִּֽי־לְג֥וֹי גָּד֖וֹל אֲשִֽׂימְךָ֥ שָֽׁם׃

‎4 ‏אָנֹכִ֗י אֵרֵ֤ד עִמְּךָ֙ מִצְרַ֔יְמָה וְאָנֹכִ֖י אַֽעַלְךָ֣ גַם־עָלֹ֑ה וְיוֹסֵ֕ף יָשִׁ֥ית יָד֖וֹ עַל־עֵינֶֽיךָ׃

‎5 ‏וַיָּ֥קָם יַעֲקֹ֖ב מִבְּאֵ֣ר שָׁ֑בַע וַיִּשְׂא֨וּ בְנֵֽי־יִשְׂרָאֵ֜ל אֶת־יַעֲקֹ֣ב אֲבִיהֶ֗ם וְאֶת־טַפָּם֙ וְאֶת־נְשֵׁיהֶ֔ם בָּעֲגָל֕וֹת אֲשֶׁר־שָׁלַ֥ח פַּרְעֹ֖ה לָשֵׂ֥את אֹתֽוֹ׃

‎6 ‏וַיִּקְח֣וּ אֶת־מִקְנֵיהֶ֗ם וְאֶת־רְכוּשָׁם֙ אֲשֶׁ֤ר רָֽכְשׁוּ֙ בְּאֶ֣רֶץ כְּנַ֔עַן וַיָּבֹ֖אוּ מִצְרָ֑יְמָה יַעֲקֹ֖ב וְכָל־זַרְע֥וֹ אִתּֽוֹ׃

‎7 ‏בָּנָ֞יו וּבְנֵ֤י בָנָיו֙ אִתּ֔וֹ בְּנֹתָ֛יו וּבְנ֥וֹת בָּנָ֖יו וְכָל־זַרְע֑וֹ הֵבִ֥יא אִתּ֖וֹ מִצְרָֽיְמָה׃ ס

‎8 ‏וְאֵ֨לֶּה שְׁמ֧וֹת בְּנֵֽי־יִשְׂרָאֵ֛ל הַבָּאִ֥ים מִצְרַ֖יְמָה יַעֲקֹ֣ב וּבָנָ֑יו בְּכֹ֥ר יַעֲקֹ֖ב רְאוּבֵֽן׃

‎9 ‏וּבְנֵ֖י רְאוּבֵ֑ן חֲנ֥וֹךְ וּפַלּ֖וּא וְחֶצְר֥וֹן וְכַרְמִֽי׃

‎10 ‏וּבְנֵ֣י שִׁמְע֗וֹן יְמוּאֵ֧ל וְיָמִ֛ין וְאֹ֖הַד וְיָכִ֣ין וְצֹ֑חַר וְשָׁא֖וּל בֶּן־הַֽכְּנַעֲנִֽית׃

‎11 ‏וּבְנֵ֖י לֵוִ֑י גֵּרְשׁ֕וֹן קְהָ֖ת וּמְרָרִֽי׃

‎12 ‏וּבְנֵ֣י יְהוּדָ֗ה עֵ֧ר וְאוֹנָ֛ן וְשֵׁלָ֖ה וָפֶ֣רֶץ וָזָ֑רַח וַיָּ֨מָת עֵ֤ר וְאוֹנָן֙ בְּאֶ֣רֶץ כְּנַ֔עַן וַיִּהְי֥וּ בְנֵי־פֶ֖רֶץ חֶצְר֥וֹן וְחָמֽוּל׃

‎13 ‏וּבְנֵ֖י יִשָׂשכָ֑ר תּוֹלָ֥ע וּפֻוָּ֖ה וְי֥וֹב וְשִׁמְרֽוֹן׃

‎14 ‏וּבְנֵ֖י זְבוּלֻ֑ן סֶ֥רֶד וְאֵל֖וֹן וְיַחְלְאֵֽל׃

‎15 ‏אֵ֣לֶּה׀ בְּנֵ֣י לֵאָ֗ה אֲשֶׁ֨ר יָֽלְדָ֤ה לְיַעֲקֹב֙ בְּפַדַּ֣ן אֲרָ֔ם וְאֵ֖ת דִּינָ֣ה בִתּ֑וֹ כָּל־נֶ֧פֶשׁ בָּנָ֛יו וּבְנוֹתָ֖יו שְׁלֹשִׁ֥ים וְשָׁלֹֽשׁ׃

‎16 ‏וּבְנֵ֣י גָ֔ד צִפְי֥וֹן וְחַגִּ֖י שׁוּנִ֣י וְאֶצְבֹּ֑ן עֵרִ֥י וַֽאֲרוֹדִ֖י וְאַרְאֵלִֽי׃

‎17 ‏וּבְנֵ֣י אָשֵׁ֗ר יִמְנָ֧ה וְיִשְׁוָ֛ה וְיִשְׁוִ֥י וּבְרִיעָ֖ה וְשֶׂ֣רַח אֲחֹתָ֑ם וּבְנֵ֣י בְרִיעָ֔ה חֶ֖בֶר וּמַלְכִּיאֵֽל׃

‎18 ‏אֵ֚לֶּה בְּנֵ֣י זִלְפָּ֔ה אֲשֶׁר־נָתַ֥ן לָבָ֖ן לְלֵאָ֣ה בִתּ֑וֹ וַתֵּ֤לֶד אֶת־אֵ֙לֶּה֙ לְיַעֲקֹ֔ב שֵׁ֥שׁ עֶשְׂרֵ֖ה נָֽפֶשׁ׃

‎19 ‏בְּנֵ֤י רָחֵל֙ אֵ֣שֶׁת יַעֲקֹ֔ב³ יוֹסֵ֖ף וּבִנְיָמִֽן׃

‎20 ‏וַיִּוָּלֵ֣ד לְיוֹסֵף֮ בְּאֶ֣רֶץ מִצְרַיִם֒ אֲשֶׁ֤ר יָֽלְדָה־לּוֹ֙ אָֽסְנַ֔ת בַּת־פּ֥וֹטִי פֶ֖רַע כֹּהֵ֣ן אֹ֑ן אֶת־מְנַשֶּׁ֖ה וְאֶת־אֶפְרָֽיִם׃

‎21 ‏וּבְנֵ֣י בִנְיָמִ֗ן בֶּ֤לַע וָבֶ֙כֶר֙ וְאַשְׁבֵּ֔ל גֵּרָ֥א וְנַעֲמָ֖ן אֵחִ֣י וָרֹ֑אשׁ מֻפִּ֥ים וְחֻפִּ֖ים וָאָֽרְדְּ׃

‎22 ‏אֵ֚לֶּה בְּנֵ֣י רָחֵ֔ל אֲשֶׁ֥ר יֻלַּ֖ד לְיַעֲקֹ֑ב כָּל־נֶ֖פֶשׁ אַרְבָּעָ֥ה עָשָֽׂר׃

‎23 ‏וּבְנֵי־דָ֖ן חֻשִֽׁים׃

‎24 ‏וּבְנֵ֖י נַפְתָּלִ֑י יַחְצְאֵ֥ל וְגוּנִ֖י וְיֵ֥צֶר וְשִׁלֵּֽם׃

‎25 ‏אֵ֚לֶּה בְּנֵ֣י בִלְהָ֔ה אֲשֶׁר־נָתַ֥ן לָבָ֖ן לְרָחֵ֣ל בִּתּ֑וֹ וַתֵּ֧לֶד אֶת־אֵ֛לֶּה לְיַעֲקֹ֖ב כָּל־נֶ֥פֶשׁ שִׁבְעָֽה׃

‎26 ‏כָּל־הַ֠נֶּפֶשׁ הַבָּאָ֨ה לְיַעֲקֹ֤ב מִצְרַ֙יְמָה֙ יֹצְאֵ֣י יְרֵכ֔וֹ מִלְּבַ֖ד נְשֵׁ֣י בְנֵי־יַעֲקֹ֑ב כָּל־נֶ֖פֶשׁ שִׁשִּׁ֥ים וָשֵֽׁשׁ׃

‎27 ‏וּבְנֵ֥י יוֹסֵ֛ף אֲשֶׁר־יֻלַּד־ל֥וֹ בְמִצְרַ֖יִם נֶ֣פֶשׁ שְׁנָ֑יִם כָּל־הַנֶּ֧פֶשׁ לְבֵֽית־יַעֲקֹ֛ב הַבָּ֥אָה מִצְרַ֖יְמָה שִׁבְעִֽים׃ פ

‎28 ‏וְאֶת־יְהוּדָ֞ה שָׁלַ֤ח לְפָנָיו֙ אֶל־יוֹסֵ֔ף לְהוֹרֹ֥ת לְפָנָ֖יו גֹּ֑שְׁנָה וַיָּבֹ֖אוּ אַ֥רְצָה גֹּֽשֶׁן׃

‎29 ‏וַיֶּאְסֹ֤ר יוֹסֵף֙ מֶרְכַּבְתּ֔וֹ וַיַּ֛עַל לִקְרַֽאת־יִשְׂרָאֵ֥ל אָבִ֖יו גֹּ֑שְׁנָה וַיֵּרָ֣א אֵלָ֗יו וַיִּפֹּל֙ עַל־צַוָּארָ֔יו וַיֵּ֥בְךְּ עַל־צַוָּארָ֖יו עֽוֹד׃

‎30 ‏וַיֹּ֧אמֶר יִשְׂרָאֵ֛ל אֶל־יוֹסֵ֖ף אָמ֣וּתָה הַפָּ֑עַם אַחֲרֵי֙ רְאוֹתִ֣י אֶת־פָּנֶ֔יךָ כִּ֥י עוֹדְךָ֖ חָֽי׃

‎31 ‏וַיֹּ֨אמֶר יוֹסֵ֤ף אֶל־אֶחָיו֙ וְאֶל־בֵּ֣ית אָבִ֔יו אֶעֱלֶ֖ה וְאַגִּ֣ידָה לְפַרְעֹ֑ה וְאֹֽמְרָ֣ה אֵלָ֔יו אַחַ֧י וּבֵית־אָבִ֛י אֲשֶׁ֥ר בְּאֶֽרֶץ־כְּנַ֖עַן בָּ֥אוּ אֵלָֽי׃

‎32 ‏וְהָאֲנָשִׁים֙ רֹ֣עֵי צֹ֔אן כִּֽי־אַנְשֵׁ֥י מִקְנֶ֖ה הָ֑יוּ וְצֹאנָ֧ם וּבְקָרָ֛ם וְכָל־אֲשֶׁ֥ר לָהֶ֖ם הֵבִֽיאוּ׃

‎33 ‏וְהָיָ֕ה כִּֽי־יִקְרָ֥א לָכֶ֖ם פַּרְעֹ֑ה וְאָמַ֖ר מַה־מַּעֲשֵׂיכֶֽם׃

‎34 ‏וַאֲמַרְתֶּ֗ם אַנְשֵׁ֨י מִקְנֶ֜ה הָי֤וּ עֲבָדֶ֙יךָ֙ מִנְּעוּרֵ֣ינוּ וְעַד־עַ֔תָּה גַּם־אֲנַ֖חְנוּ גַּם־אֲבֹתֵ֑ינוּ בַּעֲב֗וּר תֵּשְׁבוּ֙ בְּאֶ֣רֶץ גֹּ֔שֶׁן כִּֽי־תוֹעֲבַ֥ת מִצְרַ֖יִם כָּל־רֹ֥עֵה צֹֽאן׃

1 wayyiss^a‘ yiśərā’ēl wəḵāl-’ăšer-lwō wayyāḇō’ bə’ērâ ššāḇ^a‘ wayyizəb^aḥ zəḇāḥîm lē’lōhê ’āḇîw yiṣəḥāq:

2 wayyō’mer ’ĕlōhîm| ləyiśərā’ēl bəmarə’ōṯ hallayəlâ wayyō’mer y^a‘ăqōḇ| y^a‘ăqōḇ wayyō’mer hinnēnî:

3 wayyō’mer ’ānōḵî hā’ēl ’ĕlōhê ’āḇîḵā ’al-tîrā’ mērəḏâ miṣərayəmâ kî-ləḡwōy gāḏwōl ’ăśîməḵā šām:

4 ’ānōḵî ’ērēḏ ‘imməḵā miṣərayəmâ wə’ānōḵî ’^a‘aləḵā ḡam-‘ālōh wəywōsēf yāšîṯ yāḏwō ‘al-‘êneyḵā:

5 wayyāqām y^a‘ăqōḇ mibə’ēr šāḇ^a‘ wayyiśə’û ḇənê-yiśərā’ēl ’eṯ-y^a‘ăqōḇ ’ăḇîhem wə’eṯ-ṭapām wə’eṯ-nəšêhem bā‘ăḡālwōṯ ’ăšer-šāl^aḥ parə‘ōh lāśē’ṯ ’ōṯwō:

6 wayyiqəḥû ’eṯ-miqənêhem wə’eṯ-rəḵûšām ’ăšer rāḵəšû bə’ereṣ kən^a‘an wayyāḇō’û miṣərāyəmâ y^a‘ăqōḇ wəḵāl-zarə‘wō ’itwō:

7 bānāyw ûḇənê ḇānāyw ’itwō bənōṯāyw ûḇənwōṯ bānāyw wəḵāl-zarə‘wō hēḇî’ ’itwō miṣərāyəmâ: s

8 wə’ēlleh šəmwōṯ bənê-yiśərā’ēl habā’îm miṣərayəmâ y^a‘ăqōḇ ûḇānāyw bəḵōr y^a‘ăqōḇ rə’ûḇēn:

9 ûḇənê rə’ûḇēn ḥănwōḵə ûfallû’ wəḥeṣərwōn wəḵarəmî:

10 ûḇənê šimə‘wōn yəmû’ēl wəyāmîn wə’ōhaḏ wəyāḵîn wəṣōḥar wəšā’ûl ben-hakən^a‘ănîṯ:

11 ûḇənê lēwî gērəšwōn qəhāṯ ûmərārî:

12 ûḇənê yəhûḏâ ‘ēr wə’wōnān wəšēlâ wāfereṣ wāzār^aḥ wayyāmāṯ ‘ēr wə’wōnān bə’ereṣ kən^a‘an wayyihəyû ḇənê-fereṣ ḥeṣərwōn wəḥāmûl:

13 ûḇənê yiśāsḵār twōlā‘ ûfuûâ wəywōḇ wəšimərwōn:

14 ûḇənê zəḇûlun sereḏ wə’ēlwōn wəy^aḥələ’ēl:

15 ’ēlleh| bənê lē’â ’ăšer yāləḏâ ləy^a‘ăqōḇ bəfadan ’ărām wə’ēṯ dînâ ḇitwō kāl-nefeš bānāyw ûḇənwōṯāyw šəlōšîm wəšālōš:

16 ûḇənê ḡāḏ ṣifəywōn wəḥagî šûnî wə’eṣəbōn ‘ērî wa’ărwōḏî wə’arə’ēlî:

17 ûḇənê ’āšēr yimənâ wəyišəwâ wəyišəwî ûḇərî‘â wəśer^aḥ ’ăḥōṯām ûḇənê ḇərî‘â ḥeḇer ûmaləkî’ēl:

18 ’ēlleh bənê ziləpâ ’ăšer-nāṯan lāḇān ləlē’â ḇitwō watēleḏ ’eṯ-’ēlleh ləy^a‘ăqōḇ šēš ‘eśərēh nāfeš:

19 bənê rāḥēl ’ēšeṯ y^a‘ăqōḇ³ ywōsēf ûḇinəyāmin:

20 wayyiûālēḏ ləywōsēf bə’ereṣ miṣərayim ’ăšer yāləḏâ-llwō ’āsənaṯ baṯ-pwōṭî fer^a‘ kōhēn ’ōn ’eṯ-mənaššeh wə’eṯ-’efərāyim:

21 ûḇənê ḇinəyāmin bel^a‘ wāḇeḵer wə’ašəbēl gērā’ wən^a‘ămān ’ēḥî wārō’š mupîm wəḥupîm wā’ārədə:

22 ’ēlleh bənê rāḥēl ’ăšer yullaḏ ləy^a‘ăqōḇ kāl-nefeš ’arəbā‘â ‘āśār:

23 ûḇənê-ḏān ḥušîm:

24 ûḇənê nafətālî y^aḥəṣə’ēl wəḡûnî wəyēṣer wəšillēm:

25 ’ēlleh bənê ḇiləhâ ’ăšer-nāṯan lāḇān lərāḥēl bitwō watēleḏ ’eṯ-’ēlleh ləy^a‘ăqōḇ kāl-nefeš šiḇə‘â:

26 kāl-hannefeš habā’â ləy^a‘ăqōḇ miṣərayəmâ yōṣə’ê yərēḵwō milləḇaḏ nəšê ḇənê-y^a‘ăqōḇ kāl-nefeš šiššîm wāšēš:

27 ûḇənê ywōsēf ’ăšer-yullaḏ-lwō ḇəmiṣərayim nefeš šənāyim kāl-hannefeš ləḇêṯ-y^a‘ăqōḇ habā’â miṣərayəmâ šiḇə‘îm: f

28 wə’eṯ-yəhûḏâ šāl^aḥ ləfānāyw ’el-ywōsēf ləhwōrōṯ ləfānāyw gōšənâ wayyāḇō’û ’arəṣâ gōšen:

29 wayye’əsōr ywōsēf merəkaḇətwō wayy^a‘al liqəra’ṯ-yiśərā’ēl ’āḇîw gōšənâ wayyērā’ ’ēlāyw wayyipōl ‘al-ṣaûā’rāyw wayyēḇəḵḵə ‘al-ṣaûā’rāyw ‘wōḏ:

30 wayyō’mer yiśərā’ēl ’el-ywōsēf ’āmûṯâ hapā‘am ’^aḥărê rə’wōṯî ’eṯ-pāneyḵā kî ‘wōḏəḵā ḥāy:

31 wayyō’mer ywōsēf ’el-’eḥāyw wə’el-bêṯ ’āḇîw ’e‘ĕleh wə’agîḏâ ləfarə‘ōh wə’ōmərâ ’ēlāyw ’^aḥay ûḇêṯ-’āḇî ’ăšer bə’ereṣ-kən^a‘an bā’û ’ēlāy:

32 wəhā’ănāšîm rō‘ê ṣō’n kî-’anəšê miqəneh hāyû wəṣō’nām ûḇəqārām wəḵāl-’ăšer lâem hēḇî’û:

33 wəhāyâ kî-yiqərā’ lāḵem parə‘ōh wə’āmar mah-mm^a‘ăśêḵem:

34 wa’ămarətem ’anəšê miqəneh hāyû ‘ăḇāḏeyḵā minnə‘ûrênû wə‘aḏ-‘atâ gam-’ăn^aḥənû gam-’ăḇōṯênû b^a‘ăḇûr tēšəḇû bə’ereṣ gōšen kî-ṯwō‘ăḇaṯ miṣərayim kāl-rō‘ēh ṣō’n:

‎1 ‏וַיָּבֹ֣א יוֹסֵף֮ וַיַּגֵּ֣ד לְפַרְעֹה֒ וַיֹּ֗אמֶר אָבִ֨י וְאַחַ֜י וְצֹאנָ֤ם וּבְקָרָם֙ וְכָל־אֲשֶׁ֣ר לָהֶ֔ם בָּ֖אוּ מֵאֶ֣רֶץ כְּנָ֑עַן וְהִנָּ֖ם בְּאֶ֥רֶץ גֹּֽשֶׁן׃

‎2 ‏וּמִקְצֵ֣ה אֶחָ֔יו לָקַ֖ח חֲמִשָּׁ֣ה אֲנָשִׁ֑ים וַיַּצִּגֵ֖ם לִפְנֵ֥י פַרְעֹֽה׃

‎3 ‏וַיֹּ֧אמֶר פַּרְעֹ֛ה אֶל־אֶחָ֖יו מַה־מַּעֲשֵׂיכֶ֑ם וַיֹּאמְר֣וּ אֶל־פַּרְעֹ֗ה רֹעֵ֥ה צֹאן֙ עֲבָדֶ֔יךָ גַּם־אֲנַ֖חְנוּ גַּם־אֲבוֹתֵֽינוּ׃

‎4 ‏וַיֹּאמְר֣וּ אֶל־פַּרְעֹ֗ה לָג֣וּר בָּאָרֶץ֮ בָּאנוּ֒ כִּי־אֵ֣ין מִרְעֶ֗ה לַצֹּאן֙ אֲשֶׁ֣ר לַעֲבָדֶ֔יךָ כִּֽי־כָבֵ֥ד הָרָעָ֖ב בְּאֶ֣רֶץ כְּנָ֑עַן וְעַתָּ֛ה יֵֽשְׁבוּ־נָ֥א עֲבָדֶ֖יךָ בְּאֶ֥רֶץ גֹּֽשֶׁן׃

‎5 ‏וַיֹּ֣אמֶר פַּרְעֹ֔ה אֶל־יוֹסֵ֖ף לֵאמֹ֑ר אָבִ֥יךָ וְאַחֶ֖יךָ בָּ֥אוּ אֵלֶֽיךָ׃

‎6 ‏אֶ֤רֶץ מִצְרַ֙יִם֙ לְפָנֶ֣יךָ הִ֔וא בְּמֵיטַ֣ב הָאָ֔רֶץ הוֹשֵׁ֥ב אֶת־אָבִ֖יךָ וְאֶת־אַחֶ֑יךָ יֵשְׁבוּ֙ בְּאֶ֣רֶץ גֹּ֔שֶׁן וְאִם־יָדַ֗עְתָּ וְיֶשׁ־בָּם֙ אַנְשֵׁי־חַ֔יִל וְשַׂמְתָּ֛ם שָׂרֵ֥י מִקְנֶ֖ה עַל־אֲשֶׁר־לִֽי׃

‎7 ‏וַיָּבֵ֤א יוֹסֵף֙ אֶת־יַֽעֲקֹ֣ב אָבִ֔יו וַיַּֽעֲמִדֵ֖הוּ לִפְנֵ֣י פַרְעֹ֑ה וַיְבָ֥רֶךְ יַעֲקֹ֖ב אֶת־פַּרְעֹֽה׃

‎8 ‏וַיֹּ֥אמֶר פַּרְעֹ֖ה אֶֽל־יַעֲקֹ֑ב כַּמָּ֕ה יְמֵ֖י שְׁנֵ֥י חַיֶּֽיךָ׃

‎9 ‏וַיֹּ֤אמֶר יַעֲקֹב֙ אֶל־פַּרְעֹ֔ה יְמֵי֙ שְׁנֵ֣י מְגוּרַ֔י שְׁלֹשִׁ֥ים וּמְאַ֖ת שָׁנָ֑ה מְעַ֣ט וְרָעִ֗ים הָיוּ֙ יְמֵי֙ שְׁנֵ֣י חַיַּ֔י וְלֹ֣א הִשִּׂ֗יגוּ אֶת־יְמֵי֙ שְׁנֵי֙ חַיֵּ֣י אֲבֹתַ֔י בִּימֵ֖י מְגוּרֵיהֶֽם׃

‎10 ‏וַיְבָ֥רֶךְ יַעֲקֹ֖ב אֶת־פַּרְעֹ֑ה וַיֵּצֵ֖א מִלִּפְנֵ֥י פַרְעֹֽה׃

‎11 ‏וַיּוֹשֵׁ֣ב יוֹסֵף֮ אֶת־אָבִ֣יו וְאֶת־אֶחָיו֒ וַיִּתֵּ֨ן לָהֶ֤ם אֲחֻזָּה֙ בְּאֶ֣רֶץ מִצְרַ֔יִם בְּמֵיטַ֥ב הָאָ֖רֶץ בְּאֶ֣רֶץ רַעְמְסֵ֑ס כַּאֲשֶׁ֖ר צִוָּ֥ה פַרְעֹֽה׃

‎12 ‏וַיְכַלְכֵּ֤ל יוֹסֵף֙ אֶת־אָבִ֣יו וְאֶת־אֶחָ֔יו וְאֵ֖ת כָּל־בֵּ֣ית אָבִ֑יו לֶ֖חֶם לְפִ֥י הַטָּֽף׃

‎13 ‏וְלֶ֤חֶם אֵין֙ בְּכָל־הָאָ֔רֶץ כִּֽי־כָבֵ֥ד הָרָעָ֖ב מְאֹ֑ד וַתֵּ֜לַהּ אֶ֤רֶץ מִצְרַ֙יִם֙ וְאֶ֣רֶץ כְּנַ֔עַן מִפְּנֵ֖י הָרָעָֽב׃

‎14 ‏וַיְלַקֵּ֣ט יוֹסֵ֗ף אֶת־כָּל־הַכֶּ֙סֶף֙ הַנִּמְצָ֤א בְאֶֽרֶץ־מִצְרַ֙יִם֙ וּבְאֶ֣רֶץ כְּנַ֔עַן בַּשֶּׁ֖בֶר אֲשֶׁר־הֵ֣ם שֹׁבְרִ֑ים וַיָּבֵ֥א יוֹסֵ֛ף אֶת־הַכֶּ֖סֶף בֵּ֥יתָה פַרְעֹֽה׃

‎15 ‏וַיִּתֹּ֣ם הַכֶּ֗סֶף מֵאֶ֣רֶץ מִצְרַיִם֮ וּמֵאֶ֣רֶץ כְּנַעַן֒ וַיָּבֹאוּ֩ כָל־מִצְרַ֨יִם אֶל־יוֹסֵ֤ף לֵאמֹר֙ הָֽבָה־לָּ֣נוּ לֶ֔חֶם וְלָ֥מָּה נָמ֖וּת נֶגְדֶּ֑ךָ כִּ֥י אָפֵ֖ס כָּֽסֶף׃

‎16 ‏וַיֹּ֤אמֶר יוֹסֵף֙ הָב֣וּ מִקְנֵיכֶ֔ם וְאֶתְּנָ֥ה לָכֶ֖ם בְּמִקְנֵיכֶ֑ם אִם־אָפֵ֖ס כָּֽסֶף׃

‎17 ‏וַיָּבִ֣יאוּ אֶת־מִקְנֵיהֶם֮ אֶל־יוֹסֵף֒ וַיִּתֵּ֣ן לָהֶם֩ יוֹסֵ֨ף לֶ֜חֶם בַּסּוּסִ֗ים וּבְמִקְנֵ֥ה הַצֹּ֛אן וּבְמִקְנֵ֥ה הַבָּקָ֖ר וּבַחֲמֹרִ֑ים וַיְנַהֲלֵ֤ם בַּלֶּ֙חֶם֙ בְּכָל־מִקְנֵהֶ֔ם בַּשָּׁנָ֖ה הַהִֽוא׃

‎18 ‏וַתִּתֹּם֮ הַשָּׁנָ֣ה הַהִוא֒ וַיָּבֹ֨אוּ אֵלָ֜יו בַּשָּׁנָ֣ה הַשֵּׁנִ֗ית וַיֹּ֤אמְרוּ לוֹ֙ לֹֽא־נְכַחֵ֣ד מֵֽאֲדֹנִ֔י כִּ֚י אִם־תַּ֣ם הַכֶּ֔סֶף וּמִקְנֵ֥ה הַבְּהֵמָ֖ה אֶל־אֲדֹנִ֑י לֹ֤א נִשְׁאַר֙ לִפְנֵ֣י אֲדֹנִ֔י בִּלְתִּ֥י אִם־גְּוִיָּתֵ֖נוּ וְאַדְמָתֵֽנוּ׃

‎19 ‏לָ֧מָּה נָמ֣וּת לְעֵינֶ֗יךָ גַּם־אֲנַ֙חְנוּ֙ גַּ֣ם אַדְמָתֵ֔נוּ קְנֵֽה־אֹתָ֥נוּ וְאֶת־אַדְמָתֵ֖נוּ בַּלָּ֑חֶם וְנִֽהְיֶ֞ה³ אֲנַ֤חְנוּ וְאַדְמָתֵ֙נוּ֙ עֲבָדִ֣ים לְפַרְעֹ֔ה וְתֶן־זֶ֗רַע וְנִֽחְיֶה֙³ וְלֹ֣א נָמ֔וּת וְהָאֲדָמָ֖ה לֹ֥א תֵשָֽׁם׃

‎20 ‏וַיִּ֨קֶן יוֹסֵ֜ף אֶת־כָּל־אַדְמַ֤ת מִצְרַ֙יִם֙ לְפַרְעֹ֔ה כִּֽי־מָכְר֤וּ מִצְרַ֙יִם֙ אִ֣ישׁ שָׂדֵ֔הוּ כִּֽי־חָזַ֥ק עֲלֵהֶ֖ם הָרָעָ֑ב וַתְּהִ֥י הָאָ֖רֶץ לְפַרְעֹֽה׃

‎21 ‏וְאֶ֨ת־הָעָ֔ם הֶעֱבִ֥יר אֹת֖וֹ לֶעָרִ֑ים מִקְצֵ֥ה גְבוּל־מִצְרַ֖יִם וְעַד־קָצֵֽהוּ׃

‎22 ‏רַ֛ק אַדְמַ֥ת הַכֹּהֲנִ֖ים לֹ֣א קָנָ֑ה כִּי֩ חֹ֨ק לַכֹּהֲנִ֜ים מֵאֵ֣ת פַּרְעֹ֗ה וְאָֽכְל֤וּ אֶת־חֻקָּם֙ אֲשֶׁ֨ר נָתַ֤ן לָהֶם֙ פַּרְעֹ֔ה עַל־כֵּ֕ן לֹ֥א מָכְר֖וּ אֶת־אַדְמָתָֽם׃

‎23 ‏וַיֹּ֤אמֶר יוֹסֵף֙ אֶל־הָעָ֔ם הֵן֩ קָנִ֨יתִי אֶתְכֶ֥ם הַיּ֛וֹם וְאֶת־אַדְמַתְכֶ֖ם לְפַרְעֹ֑ה הֵֽא־לָכֶ֣ם זֶ֔רַע וּזְרַעְתֶּ֖ם אֶת־הָאֲדָמָֽה׃

‎24 ‏וְהָיָה֙ בַּתְּבוּאֹ֔ת וּנְתַתֶּ֥ם חֲמִישִׁ֖ית לְפַרְעֹ֑ה וְאַרְבַּ֣ע הַיָּדֹ֡ת יִהְיֶ֣ה לָכֶם֩ לְזֶ֨רַע הַשָּׂדֶ֧ה וּֽלְאָכְלְכֶ֛ם וְלַאֲשֶׁ֥ר בְּבָתֵּיכֶ֖ם וְלֶאֱכֹ֥ל לְטַפְּכֶֽם׃

‎25 ‏וַיֹּאמְר֖וּ הֶחֱיִתָ֑נוּ נִמְצָא־חֵן֙ בְּעֵינֵ֣י אֲדֹנִ֔י וְהָיִ֥ינוּ עֲבָדִ֖ים לְפַרְעֹֽה׃

‎26 ‏וַיָּ֣שֶׂם אֹתָ֣הּ יוֹסֵ֡ף לְחֹק֩ עַד־הַיּ֨וֹם הַזֶּ֜ה עַל־אַדְמַ֥ת מִצְרַ֛יִם לְפַרְעֹ֖ה לַחֹ֑מֶשׁ רַ֞ק אַדְמַ֤ת הַכֹּֽהֲנִים֙ לְבַדָּ֔ם לֹ֥א הָיְתָ֖ה לְפַרְעֹֽה׃

‎27 ‏וַיֵּ֧שֶׁב יִשְׂרָאֵ֛ל בְּאֶ֥רֶץ מִצְרַ֖יִם בְּאֶ֣רֶץ גֹּ֑שֶׁן וַיֵּאָחֲז֣וּ בָ֔הּ וַיִּפְר֥וּ וַיִּרְבּ֖וּ מְאֹֽד׃

‎28 ‏וַיְחִ֤י יַעֲקֹב֙ בְּאֶ֣רֶץ מִצְרַ֔יִם שְׁבַ֥ע עֶשְׂרֵ֖ה שָׁנָ֑ה וַיְהִ֤י יְמֵֽי־יַעֲקֹב֙ שְׁנֵ֣י חַיָּ֔יו שֶׁ֣בַע שָׁנִ֔ים וְאַרְבָּעִ֥ים וּמְאַ֖ת שָׁנָֽה׃

‎29 ‏וַיִּקְרְב֣וּ יְמֵֽי־יִשְׂרָאֵל֮³ לָמוּת֒ וַיִּקְרָ֣א׀ לִבְנ֣וֹ לְיוֹסֵ֗ף וַיֹּ֤אמֶר לוֹ֙ אִם־נָ֨א מָצָ֤אתִי חֵן֙ בְּעֵינֶ֔יךָ שִֽׂים־נָ֥א יָדְךָ֖ תַּ֣חַת יְרֵכִ֑י וְעָשִׂ֤יתָ עִמָּדִי֙ חֶ֣סֶד וֶאֱמֶ֔ת אַל־נָ֥א תִקְבְּרֵ֖נִי בְּמִצְרָֽיִם׃

‎30 ‏וְשָֽׁכַבְתִּי֙ עִם־אֲבֹתַ֔י וּנְשָׂאתַ֙נִי֙ מִמִּצְרַ֔יִם וּקְבַרְתַּ֖נִי בִּקְבֻרָתָ֑ם וַיֹּאמַ֕ר אָנֹכִ֖י אֶֽעֱשֶׂ֥ה כִדְבָרֶֽךָ׃

‎31 ‏וַיֹּ֗אמֶר הִשָּֽׁבְעָה֙ לִ֔י וַיִּשָּׁבַ֖ע ל֑וֹ וַיִּשְׁתַּ֥חוּ יִשְׂרָאֵ֖ל עַל־רֹ֥אשׁ הַמִּטָּֽה׃ פ

1 wayyāḇō’ ywōsēf wayyagēḏ ləfarə‘ōh wayyō’mer ’āḇî wə’^aḥay wəṣō’nām ûḇəqārām wəḵāl-’ăšer lâem bā’û mē’ereṣ kənā‘an wəhinnām bə’ereṣ gōšen:

2 ûmiqəṣēh ’eḥāyw lāq^aḥ ḥămiššâ ’ănāšîm wayyaṣṣiḡēm lifənê farə‘ōh:

3 wayyō’mer parə‘ōh ’el-’eḥāyw mah-mm^a‘ăśêḵem wayyō’mərû ’el-parə‘ōh rō‘ēh ṣō’n ‘ăḇāḏeyḵā gam-’ăn^aḥənû gam-’ăḇwōṯênû:

4 wayyō’mərû ’el-parə‘ōh lāḡûr bā’āreṣ bā’nû kî-’ên mirə‘eh laṣṣō’n ’ăšer l^a‘ăḇāḏeyḵā kî-ḵāḇēḏ hārā‘āḇ bə’ereṣ kənā‘an wə‘atâ yēšəḇû-nā’ ‘ăḇāḏeyḵā bə’ereṣ gōšen:

5 wayyō’mer parə‘ōh ’el-ywōsēf lē’mōr ’āḇîḵā wə’^aḥeyḵā bā’û ’ēleyḵā:

6 ’ereṣ miṣərayim ləfāneyḵā hiw’ bəmêṭaḇ hā’āreṣ hwōšēḇ ’eṯ-’āḇîḵā wə’eṯ-’^aḥeyḵā yēšəḇû bə’ereṣ gōšen wə’im-yāḏ^a‘ətā wəyeš-bām ’anəšê-ḥayil wəśamətām śārê miqəneh ‘al-’ăšer-lî:

7 wayyāḇē’ ywōsēf ’eṯ-y^a‘ăqōḇ ’āḇîw wayy^a‘ămiḏēhû lifənê farə‘ōh wayəḇāreḵə y^a‘ăqōḇ ’eṯ-parə‘ōh:

8 wayyō’mer parə‘ōh ’el-y^a‘ăqōḇ kammâ yəmê šənê ḥayyeyḵā:

9 wayyō’mer y^a‘ăqōḇ ’el-parə‘ōh yəmê šənê məḡûray šəlōšîm ûmə’aṯ šānâ mə‘aṭ wərā‘îm hāyû yəmê šənê ḥayyay wəlō’ hiśśîḡû ’eṯ-yəmê šənê ḥayyê ’ăḇōṯay bîmê məḡûrêhem:

10 wayəḇāreḵə y^a‘ăqōḇ ’eṯ-parə‘ōh wayyēṣē’ millifənê farə‘ōh:

11 wayywōšēḇ ywōsēf ’eṯ-’āḇîw wə’eṯ-’eḥāyw wayyitēn lâem ’ăḥuzzâ bə’ereṣ miṣərayim bəmêṭaḇ hā’āreṣ bə’ereṣ r^a‘əməsēs ka’ăšer ṣiûâ farə‘ōh:

12 wayəḵaləkēl ywōsēf ’eṯ-’āḇîw wə’eṯ-’eḥāyw wə’ēṯ kāl-bêṯ ’āḇîw leḥem ləfî haṭṭāf:

13 wəleḥem ’ên bəḵāl-hā’āreṣ kî-ḵāḇēḏ hārā‘āḇ mə’ōḏ watēl^ah ’ereṣ miṣərayim wə’ereṣ kən^a‘an mipənê hārā‘āḇ:

14 wayəlaqqēṭ ywōsēf ’eṯ-kāl-hakesef hanniməṣā’ ḇə’ereṣ-miṣərayim ûḇə’ereṣ kən^a‘an baššeḇer ’ăšer-hēm šōḇərîm wayyāḇē’ ywōsēf ’eṯ-hakesef bêṯâ farə‘ōh:

15 wayyitōm hakesef mē’ereṣ miṣərayim ûmē’ereṣ kən^a‘an wayyāḇō’û ḵāl-miṣərayim ’el-ywōsēf lē’mōr hāḇâ-llānû leḥem wəlāmmâ nāmûṯ neḡədeḵā kî ’āfēs kāsef:

16 wayyō’mer ywōsēf hāḇû miqənêḵem wə’etənâ lāḵem bəmiqənêḵem ’im-’āfēs kāsef:

17 wayyāḇî’û ’eṯ-miqənêhem ’el-ywōsēf wayyitēn lâem ywōsēf leḥem bassûsîm ûḇəmiqənēh haṣṣō’n ûḇəmiqənēh habāqār ûḇ^aḥămōrîm wayənahălēm balleḥem bəḵāl-miqənēhem baššānâ hahiw’:

18 watitōm haššānâ hahiw’ wayyāḇō’û ’ēlāyw baššānâ haššēnîṯ wayyō’mərû lwō lō’-nəḵ^aḥēḏ mē’ăḏōnî kî ’im-tam hakesef ûmiqənēh habəhēmâ ’el-’ăḏōnî lō’ nišə’ar lifənê ’ăḏōnî bilətî ’im-gəwîyāṯēnû wə’aḏəmāṯēnû:

19 lāmmâ nāmûṯ lə‘êneyḵā gam-’ăn^aḥənû gam ’aḏəmāṯēnû qənēh-’ōṯānû wə’eṯ-’aḏəmāṯēnû ballāḥem wənihəyeh³ ’ăn^aḥənû wə’aḏəmāṯēnû ‘ăḇāḏîm ləfarə‘ōh wəṯen-zer^a‘ wəniḥəyeh³ wəlō’ nāmûṯ wəhā’ăḏāmâ lō’ ṯēšām:

20 wayyiqen ywōsēf ’eṯ-kāl-’aḏəmaṯ miṣərayim ləfarə‘ōh kî-māḵərû miṣərayim ’îš śāḏēhû kî-ḥāzaq ‘ălēhem hārā‘āḇ watəhî hā’āreṣ ləfarə‘ōh:

21 wə’eṯ-hā‘ām he‘ĕḇîr ’ōṯwō le‘ārîm miqəṣēh ḡəḇûl-miṣərayim wə‘aḏ-qāṣēhû:

22 raq ’aḏəmaṯ hakōhănîm lō’ qānâ kî ḥōq lakōhănîm mē’ēṯ parə‘ōh wə’āḵəlû ’eṯ-ḥuqqām ’ăšer nāṯan lâem parə‘ōh ‘al-kēn lō’ māḵərû ’eṯ-’aḏəmāṯām:

23 wayyō’mer ywōsēf ’el-hā‘ām hēn qānîṯî ’eṯəḵem hayywōm wə’eṯ-’aḏəmaṯəḵem ləfarə‘ōh hē’-lāḵem zer^a‘ ûzər^a‘ətem ’eṯ-hā’ăḏāmâ:

24 wəhāyâ batəḇû’ōṯ ûnəṯatem ḥămîšîṯ ləfarə‘ōh wə’arəb^a‘ hayyāḏōṯ yihəyeh lāḵem ləzer^a‘ haśśāḏeh ûlə’āḵələḵem wəla’ăšer bəḇātêḵem wəle’ĕḵōl ləṭapəḵem:

25 wayyō’mərû heḥĕyiṯānû niməṣā’-ḥēn bə‘ênê ’ăḏōnî wəhāyînû ‘ăḇāḏîm ləfarə‘ōh:

26 wayyāśem ’ōṯāh ywōsēf ləḥōq ‘aḏ-hayywōm hazzeh ‘al-’aḏəmaṯ miṣərayim ləfarə‘ōh l^aḥōmeš raq ’aḏəmaṯ hakōhănîm ləḇadām lō’ hāyəṯâ ləfarə‘ōh:

27 wayyēšeḇ yiśərā’ēl bə’ereṣ miṣərayim bə’ereṣ gōšen wayyē’āḥăzû ḇāh wayyifərû wayyirəbû mə’ōḏ:

28 wayəḥî y^a‘ăqōḇ bə’ereṣ miṣərayim šəḇ^a‘ ‘eśərēh šānâ wayəhî yəmê-y^a‘ăqōḇ šənê ḥayyāyw šeḇ^a‘ šānîm wə’arəbā‘îm ûmə’aṯ šānâ:

29 wayyiqərəḇû yəmê-yiśərā’ēl³ lāmûṯ wayyiqərā’| liḇənwō ləywōsēf wayyō’mer lwō ’im-nā’ māṣā’ṯî ḥēn bə‘êneyḵā śîm-nā’ yāḏəḵā t^aḥaṯ yərēḵî wə‘āśîṯā ‘immāḏî ḥeseḏ we’ĕmeṯ ’al-nā’ ṯiqəbərēnî bəmiṣərāyim:

30 wəšāḵaḇətî ‘im-’ăḇōṯay ûnəśā’ṯanî mimmiṣərayim ûqəḇarətanî biqəḇurāṯām wayyō’mar ’ānōḵî ’e‘ĕśeh ḵiḏəḇāreḵā:

31 wayyō’mer hiššāḇə‘â lî wayyiššāḇ^a‘ lwō wayyišət^aḥû yiśərā’ēl ‘al-rō’š hammiṭṭâ: f

‎1 ‏וַיְהִ֗י אַחֲרֵי֙ הַדְּבָרִ֣ים הָאֵ֔לֶּה וַיֹּ֣אמֶר לְיוֹסֵ֔ף הִנֵּ֥ה אָבִ֖יךָ חֹלֶ֑ה וַיִּקַּ֞ח אֶת־שְׁנֵ֤י בָנָיו֙ עִמּ֔וֹ אֶת־מְנַשֶּׁ֖ה וְאֶת־אֶפְרָֽיִם׃

‎2 ‏וַיַּגֵּ֣ד לְיַעֲקֹ֔ב וַיֹּ֕אמֶר הִנֵּ֛ה בִּנְךָ֥ יוֹסֵ֖ף בָּ֣א אֵלֶ֑יךָ וַיִּתְחַזֵּק֙ יִשְׂרָאֵ֔ל וַיֵּ֖שֶׁב עַל־הַמִּטָּֽה׃

‎3 ‏וַיֹּ֤אמֶר יַעֲקֹב֙ אֶל־יוֹסֵ֔ף אֵ֥ל שַׁדַּ֛י נִרְאָֽה־אֵלַ֥י בְּל֖וּז בְּאֶ֣רֶץ כְּנָ֑עַן וַיְבָ֖רֶךְ אֹתִֽי׃

‎4 ‏וַיֹּ֣אמֶר אֵלַ֗י הִנְנִ֤י מַפְרְךָ֙ וְהִרְבִּיתִ֔ךָ וּנְתַתִּ֖יךָ לִקְהַ֣ל עַמִּ֑ים וְנָ֨תַתִּ֜י אֶת־הָאָ֧רֶץ הַזֹּ֛את לְזַרְעֲךָ֥ אַחֲרֶ֖יךָ אֲחֻזַּ֥ת עוֹלָֽם׃

‎5 ‏וְעַתָּ֡ה שְׁנֵֽי־בָנֶיךָ֩ הַנּוֹלָדִ֨ים לְךָ֜ בְּאֶ֣רֶץ מִצְרַ֗יִם עַד־בֹּאִ֥י אֵלֶ֛יךָ מִצְרַ֖יְמָה לִי־הֵ֑ם אֶפְרַ֙יִם֙ וּמְנַשֶּׁ֔ה כִּרְאוּבֵ֥ן וְשִׁמְע֖וֹן יִֽהְיוּ־לִֽי׃

‎6 ‏וּמוֹלַדְתְּךָ֛ אֲשֶׁר־הוֹלַ֥דְתָּ אַחֲרֵיהֶ֖ם לְךָ֣ יִהְי֑וּ עַ֣ל שֵׁ֧ם אֲחֵיהֶ֛ם יִקָּרְא֖וּ בְּנַחֲלָתָֽם׃

‎7 ‏וַאֲנִ֣י׀ בְּבֹאִ֣י מִפַּדָּ֗ן מֵ֩תָה֩ עָלַ֨י רָחֵ֜ל בְּאֶ֤רֶץ כְּנַ֙עַן֙ בַּדֶּ֔רֶךְ בְּע֥וֹד כִּבְרַת־אֶ֖רֶץ לָבֹ֣א אֶפְרָ֑תָה וָאֶקְבְּרֶ֤הָ שָּׁם֙ בְּדֶ֣רֶךְ אֶפְרָ֔ת הִ֖וא בֵּ֥ית לָֽחֶם׃

‎8 ‏וַיַּ֥רְא יִשְׂרָאֵ֖ל אֶת־בְּנֵ֣י יוֹסֵ֑ף וַיֹּ֖אמֶר מִי־אֵֽלֶּה׃

‎9 ‏וַיֹּ֤אמֶר יוֹסֵף֙ אֶל־אָבִ֔יו בָּנַ֣י הֵ֔ם אֲשֶׁר־נָֽתַן־לִ֥י אֱלֹהִ֖ים בָּזֶ֑ה וַיֹּאמַ֕ר קָֽחֶם־נָ֥א אֵלַ֖י וַאֲבָרֲכֵֽם׃

‎10 ‏וְעֵינֵ֤י יִשְׂרָאֵל֙ כָּבְד֣וּ מִזֹּ֔קֶן לֹ֥א יוּכַ֖ל לִרְא֑וֹת וַיַּגֵּ֤שׁ אֹתָם֙ אֵלָ֔יו וַיִּשַּׁ֥ק לָהֶ֖ם וַיְחַבֵּ֥ק לָהֶֽם׃

‎11 ‏וַיֹּ֤אמֶר יִשְׂרָאֵל֙ אֶל־יוֹסֵ֔ף רְאֹ֥ה פָנֶ֖יךָ לֹ֣א פִלָּ֑לְתִּי וְהִנֵּ֨ה הֶרְאָ֥ה אֹתִ֛י אֱלֹהִ֖ים גַּ֥ם אֶת־זַרְעֶֽךָ׃

‎12 ‏וַיּוֹצֵ֥א יוֹסֵ֛ף אֹתָ֖ם מֵעִ֣ם בִּרְכָּ֑יו וַיִּשְׁתַּ֥חוּ לְאַפָּ֖יו אָֽרְצָה׃

‎13 ‏וַיִּקַּ֣ח יוֹסֵף֮ אֶת־שְׁנֵיהֶם֒³ אֶת־אֶפְרַ֤יִם בִּֽימִינוֹ֙ מִשְּׂמֹ֣אל יִשְׂרָאֵ֔ל וְאֶת־מְנַשֶּׁ֥ה בִשְׂמֹאל֖וֹ מִימִ֣ין יִשְׂרָאֵ֑ל וַיַּגֵּ֖שׁ אֵלָֽיו׃

‎14 ‏וַיִּשְׁלַח֩ יִשְׂרָאֵ֨ל אֶת־יְמִינ֜וֹ וַיָּ֨שֶׁת עַל־רֹ֤אשׁ אֶפְרַ֙יִם֙ וְה֣וּא הַצָּעִ֔יר וְאֶת־שְׂמֹאל֖וֹ עַל־רֹ֣אשׁ מְנַשֶּׁ֑ה שִׂכֵּל֙ אֶת־יָדָ֔יו כִּ֥י מְנַשֶּׁ֖ה הַבְּכֽוֹר׃

‎15 ‏וַיְבָ֥רֶךְ אֶת־יוֹסֵ֖ף וַיֹּאמַ֑ר הָֽאֱלֹהִ֡ים אֲשֶׁר֩ הִתְהַלְּכ֨וּ אֲבֹתַ֤י לְפָנָיו֙ אַבְרָהָ֣ם וְיִצְחָ֔ק הָֽאֱלֹהִים֙ הָרֹעֶ֣ה אֹתִ֔י מֵעוֹדִ֖י עַד־הַיּ֥וֹם הַזֶּֽה׃

‎16 ‏הַמַּלְאָךְ֩ הַגֹּאֵ֨ל אֹתִ֜י מִכָּל־רָ֗ע יְבָרֵךְ֮ אֶת־הַנְּעָרִים֒ וְיִקָּרֵ֤א בָהֶם֙ שְׁמִ֔י וְשֵׁ֥ם אֲבֹתַ֖י אַבְרָהָ֣ם וְיִצְחָ֑ק וְיִדְגּ֥וּ לָרֹ֖ב בְּקֶ֥רֶב הָאָֽרֶץ׃

‎17 ‏וַיַּ֣רְא יוֹסֵ֗ף כִּי־יָשִׁ֨ית אָבִ֧יו יַד־יְמִינ֛וֹ עַל־רֹ֥אשׁ אֶפְרַ֖יִם וַיֵּ֣רַע בְּעֵינָ֑יו וַיִּתְמֹ֣ךְ יַד־אָבִ֗יו לְהָסִ֥יר אֹתָ֛הּ מֵעַ֥ל רֹאשׁ־אֶפְרַ֖יִם עַל־רֹ֥אשׁ מְנַשֶּֽׁה׃

‎18 ‏וַיֹּ֧אמֶר יוֹסֵ֛ף אֶל־אָבִ֖יו לֹא־כֵ֣ן אָבִ֑י כִּי־זֶ֣ה הַבְּכֹ֔ר שִׂ֥ים יְמִינְךָ֖ עַל־רֹאשֽׁוֹ׃

‎19 ‏וַיְמָאֵ֣ן אָבִ֗יו וַיֹּ֙אמֶר֙ יָדַ֤עְתִּֽי בְנִי֙ יָדַ֔עְתִּי גַּם־ה֥וּא יִהְיֶה־לְּעָ֖ם¹ וְגַם־ה֣וּא יִגְדָּ֑ל וְאוּלָ֗ם אָחִ֤יו הַקָּטֹן֙ יִגְדַּ֣ל מִמֶּ֔נּוּ וְזַרְע֖וֹ יִהְיֶ֥ה מְלֹֽא־הַגּוֹיִֽם׃

‎20 ‏וַיְבָ֨רֲכֵ֜ם בַּיּ֣וֹם הַהוּא֮ לֵאמוֹר֒ בְּךָ֗ יְבָרֵ֤ךְ יִשְׂרָאֵל֙ לֵאמֹ֔ר יְשִֽׂמְךָ֣ אֱלֹהִ֔ים כְּאֶפְרַ֖יִם וְכִמְנַשֶּׁ֑ה וַיָּ֥שֶׂם אֶת־אֶפְרַ֖יִם לִפְנֵ֥י מְנַשֶּֽׁה׃

‎21 ‏וַיֹּ֤אמֶר יִשְׂרָאֵל֙ אֶל־יוֹסֵ֔ף הִנֵּ֥ה אָנֹכִ֖י מֵ֑ת וְהָיָ֤ה אֱלֹהִים֙ עִמָּכֶ֔ם וְהֵשִׁ֣יב אֶתְכֶ֔ם אֶל־אֶ֖רֶץ אֲבֹתֵיכֶֽם׃

‎22 ‏וַאֲנִ֞י נָתַ֧תִּֽי לְךָ֛ שְׁכֶ֥ם אַחַ֖ד עַל־אַחֶ֑יךָ אֲשֶׁ֤ר לָקַ֙חְתִּי֙ מִיַּ֣ד הָֽאֱמֹרִ֔י בְּחַרְבִּ֖י וּבְקַשְׁתִּֽי׃ פ

1 wayəhî ’^aḥărê hadəḇārîm hā’ēlleh wayyō’mer ləywōsēf hinnēh ’āḇîḵā ḥōleh wayyiqq^aḥ ’eṯ-šənê ḇānāyw ‘immwō ’eṯ-mənaššeh wə’eṯ-’efərāyim:

2 wayyagēḏ ləy^a‘ăqōḇ wayyō’mer hinnēh binəḵā ywōsēf bā’ ’ēleyḵā wayyiṯəḥazzēq yiśərā’ēl wayyēšeḇ ‘al-hammiṭṭâ:

3 wayyō’mer y^a‘ăqōḇ ’el-ywōsēf ’ēl šaday nirə’â-’ēlay bəlûz bə’ereṣ kənā‘an wayəḇāreḵə ’ōṯî:

4 wayyō’mer ’ēlay hinənî mafərəḵā wəhirəbîṯiḵā ûnəṯatîḵā liqəhal ‘ammîm wənāṯatî ’eṯ-hā’āreṣ hazzō’ṯ ləzarə‘ăḵā ’^aḥăreyḵā ’ăḥuzzaṯ ‘wōlām:

5 wə‘atâ šənê-ḇāneyḵā hannwōlāḏîm ləḵā bə’ereṣ miṣərayim ‘aḏ-bō’î ’ēleyḵā miṣərayəmâ lî-hēm ’efərayim ûmənaššeh kirə’ûḇēn wəšimə‘wōn yihəyû-lî:

6 ûmwōlaḏətəḵā ’ăšer-hwōlaḏətā ’^aḥărêhem ləḵā yihəyû ‘al šēm ’ăḥêhem yiqqārə’û bən^aḥălāṯām:

7 wa’ănî| bəḇō’î mipadān mēṯâ ‘ālay rāḥēl bə’ereṣ kən^a‘an badereḵə bə‘wōḏ kiḇəraṯ-’ereṣ lāḇō’ ’efərāṯâ wā’eqəbərehā ššām bəḏereḵə ’efərāṯ hiw’ bêṯ lāḥem:

8 wayyarə’ yiśərā’ēl ’eṯ-bənê ywōsēf wayyō’mer mî-’ēlleh:

9 wayyō’mer ywōsēf ’el-’āḇîw bānay hēm ’ăšer-nāṯan-lî ’ĕlōhîm bāzeh wayyō’mar qāḥem-nā’ ’ēlay wa’ăḇārăḵēm:

10 wə‘ênê yiśərā’ēl kāḇəḏû mizzōqen lō’ yûḵal lirə’wōṯ wayyagēš ’ōṯām ’ēlāyw wayyiššaq lâem wayəḥabēq lâem:

11 wayyō’mer yiśərā’ēl ’el-ywōsēf rə’ōh fāneyḵā lō’ fillālətî wəhinnēh herə’â ’ōṯî ’ĕlōhîm gam ’eṯ-zarə‘eḵā:

12 wayywōṣē’ ywōsēf ’ōṯām mē‘im birəkāyw wayyišət^aḥû lə’apāyw ’ārəṣâ:

13 wayyiqq^aḥ ywōsēf ’eṯ-šənêhem³ ’eṯ-’efərayim bîmînwō miśśəmō’l yiśərā’ēl wə’eṯ-mənaššeh ḇiśəmō’lwō mîmîn yiśərā’ēl wayyagēš ’ēlāyw:

14 wayyišəl^aḥ yiśərā’ēl ’eṯ-yəmînwō wayyāšeṯ ‘al-rō’š ’efərayim wəhû’ haṣṣā‘îr wə’eṯ-śəmō’lwō ‘al-rō’š mənaššeh śikēl ’eṯ-yāḏāyw kî mənaššeh habəḵwōr:

15 wayəḇāreḵə ’eṯ-ywōsēf wayyō’mar hā’ĕlōhîm ’ăšer hiṯəhalləḵû ’ăḇōṯay ləfānāyw ’aḇərâām wəyiṣəḥāq hā’ĕlōhîm hārō‘eh ’ōṯî mē‘wōḏî ‘aḏ-hayywōm hazzeh:

16 hammalə’āḵə hagō’ēl ’ōṯî mikāl-rā‘ yəḇārēḵə ’eṯ-hannə‘ārîm wəyiqqārē’ ḇâem šəmî wəšēm ’ăḇōṯay ’aḇərâām wəyiṣəḥāq wəyiḏəgû lārōḇ bəqereḇ hā’āreṣ:

17 wayyarə’ ywōsēf kî-yāšîṯ ’āḇîw yaḏ-yəmînwō ‘al-rō’š ’efərayim wayyēr^a‘ bə‘ênāyw wayyiṯəmōḵə yaḏ-’āḇîw ləhāsîr ’ōṯāh mē‘al rō’š-’efərayim ‘al-rō’š mənaššeh:

18 wayyō’mer ywōsēf ’el-’āḇîw lō’-ḵēn ’āḇî kî-zeh habəḵōr śîm yəmînəḵā ‘al-rō’šwō:

19 wayəmā’ēn ’āḇîw wayyō’mer yāḏ^a‘ətî ḇənî yāḏ^a‘ətî gam-hû’ yihəyeh-llə‘ām¹ wəḡam-hû’ yiḡədāl wə’ûlām ’āḥîw haqqāṭōn yiḡədal mimmennû wəzarə‘wō yihəyeh məlō’-hagwōyim:

20 wayəḇārăḵēm bayywōm hahû’ lē’mwōr bəḵā yəḇārēḵə yiśərā’ēl lē’mōr yəśiməḵā ’ĕlōhîm kə’efərayim wəḵimənaššeh wayyāśem ’eṯ-’efərayim lifənê mənaššeh:

21 wayyō’mer yiśərā’ēl ’el-ywōsēf hinnēh ’ānōḵî mēṯ wəhāyâ ’ĕlōhîm ‘immāḵem wəhēšîḇ ’eṯəḵem ’el-’ereṣ ’ăḇōṯêḵem:

22 wa’ănî nāṯatî ləḵā šəḵem ’^aḥaḏ ‘al-’^aḥeyḵā ’ăšer lāq^aḥətî mîyaḏ hā’ĕmōrî bəḥarəbî ûḇəqašətî: f

‎1 ‏וַיִּקְרָ֥א יַעֲקֹ֖ב אֶל־בָּנָ֑יו וַיֹּ֗אמֶר הֵאָֽסְפוּ֙ וְאַגִּ֣ידָה לָכֶ֔ם אֵ֛ת אֲשֶׁר־יִקְרָ֥א אֶתְכֶ֖ם בְּאַחֲרִ֥ית הַיָּמִֽים׃

‎2 ‏הִקָּבְצ֥וּ וְשִׁמְע֖וּ בְּנֵ֣י יַעֲקֹ֑ב וְשִׁמְע֖וּ אֶל־יִשְׂרָאֵ֥ל אֲבִיכֶֽם׃

‎3 ‏רְאוּבֵן֙ בְּכֹ֣רִי אַ֔תָּה כֹּחִ֖י וְרֵאשִׁ֣ית אוֹנִ֑י יֶ֥תֶר שְׂאֵ֖ת וְיֶ֥תֶר עָֽז׃

‎4 ‏פַּ֤חַז כַּמַּ֙יִם֙ אַל־תּוֹתַ֔ר כִּ֥י עָלִ֖יתָ מִשְׁכְּבֵ֣י אָבִ֑יךָ אָ֥ז חִלַּ֖לְתָּ יְצוּעִ֥י עָלָֽה׃ פ

‎5 ‏שִׁמְע֥וֹן וְלֵוִ֖י אַחִ֑ים כְּלֵ֥י חָמָ֖ס מְכֵרֹתֵיהֶֽם׃

‎6 ‏בְּסֹדָם֙ אַל־תָּבֹ֣א נַפְשִׁ֔י בִּקְהָלָ֖ם אַל־תֵּחַ֣ד כְּבֹדִ֑י כִּ֤י בְאַפָּם֙ הָ֣רְגוּ אִ֔ישׁ וּבִרְצֹנָ֖ם עִקְּרוּ־שֽׁוֹר׃

‎7 ‏אָר֤וּר אַפָּם֙ כִּ֣י עָ֔ז וְעֶבְרָתָ֖ם כִּ֣י קָשָׁ֑תָה אֲחַלְּקֵ֣ם בְּיַעֲקֹ֔ב וַאֲפִיצֵ֖ם בְּיִשְׂרָאֵֽל׃ ס

‎8 ‏יְהוּדָ֗ה אַתָּה֙ יוֹד֣וּךָ אַחֶ֔יךָ יָדְךָ֖ בְּעֹ֣רֶף אֹיְבֶ֑יךָ יִשְׁתַּחֲוּ֥וּ¹ לְךָ֖ בְּנֵ֥י אָבִֽיךָ׃

‎9 ‏גּ֤וּר אַרְיֵה֙ יְהוּדָ֔ה מִטֶּ֖רֶף בְּנִ֣י עָלִ֑יתָ כָּרַ֨ע רָבַ֧ץ כְּאַרְיֵ֛ה וּכְלָבִ֖יא מִ֥י יְקִימֶֽנּוּ׃

‎10 ‏לֹֽא־יָס֥וּר שֵׁ֙בֶט֙ מִֽיהוּדָ֔ה וּמְחֹקֵ֖ק מִבֵּ֣ין רַגְלָ֑יו עַ֚ד כִּֽי־יָבֹ֣א שילה שִׁיל֔וֹ וְל֖וֹ יִקְּהַ֥ת עַמִּֽים׃

‎11 ‏אֹסְרִ֤י לַגֶּ֙פֶן֙ עירה עִיר֔וֹ וְלַשֹּׂרֵקָ֖ה בְּנִ֣י אֲתֹנ֑וֹ כִּבֵּ֤ס בַּיַּ֙יִן֙ לְבֻשׁ֔וֹ וּבְדַם־עֲנָבִ֖ים סותה סוּתֽוֹ׃

‎12 ‏חַכְלִילִ֥י עֵינַ֖יִם מִיָּ֑יִן וּלְבֶן־שִׁנַּ֖יִם מֵחָלָֽב׃ פ

‎13 ‏זְבוּלֻ֕ן לְח֥וֹף יַמִּ֖ים יִשְׁכֹּ֑ן וְהוּא֙ לְח֣וֹף אֳנִיּ֔וֹת וְיַרְכָת֖וֹ עַל־צִידֹֽן׃ ס

‎14 ‏יִשָּׂשכָ֖ר חֲמֹ֣ר גָּ֑רֶם רֹבֵ֖ץ בֵּ֥ין הַֽמִּשְׁפְּתָֽיִם׃

‎15 ‏וַיַּ֤רְא מְנֻחָה֙ כִּ֣י ט֔וֹב וְאֶת־הָאָ֖רֶץ כִּ֣י נָעֵ֑מָה וַיֵּ֤ט שִׁכְמוֹ֙ לִסְבֹּ֔ל וַיְהִ֖י לְמַס־עֹבֵֽד׃ ס

‎16 ‏דָּ֖ן יָדִ֣ין עַמּ֑וֹ כְּאַחַ֖ד שִׁבְטֵ֥י יִשְׂרָאֵֽל׃

‎17 ‏יְהִי־דָן֙ נָחָ֣שׁ עֲלֵי־דֶ֔רֶךְ שְׁפִיפֹ֖ן עֲלֵי־אֹ֑רַח הַנֹּשֵׁךְ֙ עִקְּבֵי־ס֔וּס וַיִּפֹּ֥ל רֹכְב֖וֹ אָחֽוֹר׃

‎18 ‏לִֽישׁוּעָתְךָ֖ קִוִּ֥יתִי יְהוָֽה׃

‎19 ‏גָּ֖ד גְּד֣וּד יְגוּדֶ֑נּוּ וְה֖וּא יָגֻ֥ד עָקֵֽב׃ ס

‎20 ‏מֵאָשֵׁ֖ר שְׁמֵנָ֣ה לַחְמ֑וֹ וְה֥וּא יִתֵּ֖ן מַֽעֲדַנֵּי־מֶֽלֶךְ׃ ס

‎21 ‏נַפְתָּלִ֖י אַיָּלָ֣ה שְׁלֻחָ֑ה הַנֹּתֵ֖ן אִמְרֵי־שָֽׁפֶר׃ ס

‎22 ‏בֵּ֤ן פֹּרָת֙ יוֹסֵ֔ף בֵּ֥ן פֹּרָ֖ת עֲלֵי־עָ֑יִן בָּנ֕וֹת צָעֲדָ֖ה עֲלֵי־שֽׁוּר׃

‎23 ‏וַֽיְמָרֲרֻ֖הוּ וָרֹ֑בּוּ וַֽיִּשְׂטְמֻ֖הוּ בַּעֲלֵ֥י חִצִּֽים׃

‎24 ‏וַתֵּ֤שֶׁב בְּאֵיתָן֙ קַשְׁתּ֔וֹ וַיָּפֹ֖זּוּ זְרֹעֵ֣י יָדָ֑יו מִידֵי֙ אֲבִ֣יר יַעֲקֹ֔ב מִשָּׁ֥ם רֹעֶ֖ה אֶ֥בֶן יִשְׂרָאֵֽל׃

‎25 ‏מֵאֵ֨ל אָבִ֜יךָ וְיַעְזְרֶ֗ךָּ וְאֵ֤ת שַׁדַּי֙ וִיבָ֣רְכֶ֔ךָּ בִּרְכֹ֤ת שָׁמַ֙יִם֙ מֵעָ֔ל בִּרְכֹ֥ת תְּה֖וֹם רֹבֶ֣צֶת תָּ֑חַת בִּרְכֹ֥ת שָׁדַ֖יִם וָרָֽחַם׃

‎26 ‏בִּרְכֹ֣ת אָבִ֗יךָ גָּֽבְרוּ֙ עַל־בִּרְכֹ֣ת הוֹרַ֔י עַֽד־תַּאֲוַ֖ת גִּבְעֹ֣ת עוֹלָ֑ם תִּֽהְיֶ֙ין֙¹ לְרֹ֣אשׁ יוֹסֵ֔ף וּלְקָדְקֹ֖ד נְזִ֥יר אֶחָֽיו׃ פ

‎27 ‏בִּנְיָמִין֙ זְאֵ֣ב יִטְרָ֔ף בַּבֹּ֖קֶר יֹ֣אכַל עַ֑ד וְלָעֶ֖רֶב יְחַלֵּ֥ק שָׁלָֽל׃

‎28 ‏כָּל־אֵ֛לֶּה שִׁבְטֵ֥י יִשְׂרָאֵ֖ל שְׁנֵ֣ים עָשָׂ֑ר וְ֠זֹאת אֲשֶׁר־דִּבֶּ֨ר לָהֶ֤ם אֲבִיהֶם֙ וַיְבָ֣רֶךְ אוֹתָ֔ם אִ֛ישׁ אֲשֶׁ֥ר כְּבִרְכָת֖וֹ בֵּרַ֥ךְ אֹתָֽם׃

‎29 ‏וַיְצַ֣ו אוֹתָ֗ם וַיֹּ֤אמֶר אֲלֵהֶם֙ אֲנִי֙ נֶאֱסָ֣ף אֶל־עַמִּ֔י קִבְר֥וּ אֹתִ֖י אֶל־אֲבֹתָ֑י אֶל־הַ֨מְּעָרָ֔ה אֲשֶׁ֥ר בִּשְׂדֵ֖ה עֶפְר֥וֹן הַֽחִתִּֽי׃

‎30 ‏בַּמְּעָרָ֞ה אֲשֶׁ֨ר בִּשְׂדֵ֧ה הַמַּכְפֵּלָ֛ה אֲשֶׁ֥ר עַל־פְּנֵי־מַמְרֵ֖א בְּאֶ֣רֶץ כְּנָ֑עַן אֲשֶׁר֩ קָנָ֨ה אַבְרָהָ֜ם אֶת־הַשָּׂדֶ֗ה מֵאֵ֛ת עֶפְרֹ֥ן הַחִתִּ֖י לַאֲחֻזַּת־קָֽבֶר׃

‎31 ‏שָׁ֣מָּה קָֽבְר֞וּ אֶת־אַבְרָהָ֗ם וְאֵת֙ שָׂרָ֣ה אִשְׁתּ֔וֹ שָׁ֚מָּה קָבְר֣וּ אֶת־יִצְחָ֔ק וְאֵ֖ת רִבְקָ֣ה אִשְׁתּ֑וֹ וְשָׁ֥מָּה קָבַ֖רְתִּי אֶת־לֵאָֽה׃

‎32 ‏מִקְנֵ֧ה הַשָּׂדֶ֛ה וְהַמְּעָרָ֥ה אֲשֶׁר־בּ֖וֹ מֵאֵ֥ת בְּנֵי־חֵֽת׃

‎33 ‏וַיְכַ֤ל יַעֲקֹב֙ לְצַוֹּ֣ת אֶת־בָּנָ֔יו וַיֶּאֱסֹ֥ף רַגְלָ֖יו אֶל־הַמִּטָּ֑ה וַיִּגְוַ֖ע וַיֵּאָ֥סֶף אֶל־עַמָּֽיו׃

1 wayyiqərā’ y^a‘ăqōḇ ’el-bānāyw wayyō’mer hē’āsəfû wə’agîḏâ lāḵem ’ēṯ ’ăšer-yiqərā’ ’eṯəḵem bə’^aḥărîṯ hayyāmîm:

2 hiqqāḇəṣû wəšimə‘û bənê y^a‘ăqōḇ wəšimə‘û ’el-yiśərā’ēl ’ăḇîḵem:

3 rə’ûḇēn bəḵōrî ’atâ kōḥî wərē’šîṯ ’wōnî yeṯer śə’ēṯ wəyeṯer ‘āz:

4 p^aḥaz kammayim ’al-twōṯar kî ‘ālîṯā mišəkəḇê ’āḇîḵā ’āz ḥillalətā yəṣû‘î ‘ālâ: f

5 šimə‘wōn wəlēwî ’^aḥîm kəlê ḥāmās məḵērōṯêhem:

6 bəsōḏām ’al-tāḇō’ nafəšî biqəhālām ’al-tēḥaḏ kəḇōḏî kî ḇə’apām hārəḡû ’îš ûḇirəṣōnām ‘iqqərû-šwōr:

7 ’ārûr ’apām kî ‘āz wə‘eḇərāṯām kî qāšāṯâ ’ăḥalləqēm bəy^a‘ăqōḇ wa’ăfîṣēm bəyiśərā’ēl: s

8 yəhûḏâ ’atâ ywōḏûḵā ’^aḥeyḵā yāḏəḵā bə‘ōref ’ōyəḇeyḵā yišət^aḥăûû¹ ləḵā bənê ’āḇîḵā:

9 gûr ’arəyēh yəhûḏâ miṭṭeref bənî ‘ālîṯā kār^a‘ rāḇaṣ kə’arəyēh ûḵəlāḇî’ mî yəqîmennû:

10 lō’-yāsûr šēḇeṭ mîhûḏâ ûməḥōqēq mibên raḡəlāyw ‘aḏ kî-yāḇō’ šîlōh šîlwō wəlwō yiqqəhaṯ ‘ammîm:

11 ’ōsərî lagefen ‘îrōh ‘îrwō wəlaśśōrēqâ bənî ’ăṯōnwō kibēs bayyayin ləḇušwō ûḇəḏam-‘ănāḇîm sûṯōh sûṯwō:

12 ḥaḵəlîlî ‘ênayim mîyāyin ûləḇen-šinnayim mēḥālāḇ: f

13 zəḇûlun ləḥwōf yammîm yišəkōn wəhû’ ləḥwōf ’ŏnîywōṯ wəyarəḵāṯwō ‘al-ṣîḏōn: s

14 yiśśāsḵār ḥămōr gārem rōḇēṣ bên hammišəpəṯāyim:

15 wayyarə’ mənuḥâ kî ṭwōḇ wə’eṯ-hā’āreṣ kî nā‘ēmâ wayyēṭ šiḵəmwō lisəbōl wayəhî ləmas-‘ōḇēḏ: s

16 dān yāḏîn ‘ammwō kə’^aḥaḏ šiḇəṭê yiśərā’ēl:

17 yəhî-ḏān nāḥāš ‘ălê-ḏereḵə šəfîfōn ‘ălê-’ōr^aḥ hannōšēḵə ‘iqqəḇê-sûs wayyipōl rōḵəḇwō ’āḥwōr:

18 lîšû‘āṯəḵā qiûîṯî yəhwâ:

19 gāḏ gəḏûḏ yəḡûḏennû wəhû’ yāḡuḏ ‘āqēḇ: s

20 mē’āšēr šəmēnâ l^aḥəmwō wəhû’ yitēn m^a‘ăḏannê-meleḵə: s

21 nafətālî ’ayyālâ šəluḥâ hannōṯēn ’imərê-šāfer: s

22 bēn pōrāṯ ywōsēf bēn pōrāṯ ‘ălê-‘āyin bānwōṯ ṣā‘ăḏâ ‘ălê-šûr:

23 wayəmārăruhû wārōbû wayyiśəṭəmuhû b^a‘ălê ḥiṣṣîm:

24 watēšeḇ bə’êṯān qašətwō wayyāfōzzû zərō‘ê yāḏāyw mîḏê ’ăḇîr y^a‘ăqōḇ miššām rō‘eh ’eḇen yiśərā’ēl:

25 mē’ēl ’āḇîḵā wəy^a‘əzəreḵḵā wə’ēṯ šaday wîḇārəḵeḵḵā birəḵōṯ šāmayim mē‘āl birəḵōṯ təhwōm rōḇeṣeṯ tāḥaṯ birəḵōṯ šāḏayim wārāḥam:

26 birəḵōṯ ’āḇîḵā gāḇərû ‘al-birəḵōṯ hwōray ‘aḏ-ta’ăwaṯ giḇə‘ōṯ ‘wōlām tihəyeyn¹ lərō’š ywōsēf ûləqāḏəqōḏ nəzîr ’eḥāyw: f

27 binəyāmîn zə’ēḇ yiṭərāf babōqer yō’ḵal ‘aḏ wəlā‘ereḇ yəḥallēq šālāl:

28 kāl-’ēlleh šiḇəṭê yiśərā’ēl šənêm ‘āśār wəzō’ṯ ’ăšer-diber lâem ’ăḇîhem wayəḇāreḵə ’wōṯām ’îš ’ăšer kəḇirəḵāṯwō bēraḵə ’ōṯām:

29 wayəṣaw ’wōṯām wayyō’mer ’ălēhem ’ănî ne’ĕsāf ’el-‘ammî qiḇərû ’ōṯî ’el-’ăḇōṯāy ’el-hammə‘ārâ ’ăšer biśəḏēh ‘efərwōn h^aḥitî:

30 bammə‘ārâ ’ăšer biśəḏēh hammaḵəpēlâ ’ăšer ‘al-pənê-mamərē’ bə’ereṣ kənā‘an ’ăšer qānâ ’aḇərâām ’eṯ-haśśāḏeh mē’ēṯ ‘efərōn h^aḥitî la’ăḥuzzaṯ-qāḇer:

31 šāmmâ qāḇərû ’eṯ-’aḇərâām wə’ēṯ śārâ ’išətwō šāmmâ qāḇərû ’eṯ-yiṣəḥāq wə’ēṯ riḇəqâ ’išətwō wəšāmmâ qāḇarətî ’eṯ-lē’â:

32 miqənēh haśśāḏeh wəhammə‘ārâ ’ăšer-bwō mē’ēṯ bənê-ḥēṯ:

33 wayəḵal y^a‘ăqōḇ ləṣaûōṯ ’eṯ-bānāyw wayye’ĕsōf raḡəlāyw ’el-hammiṭṭâ wayyiḡəw^a‘ wayyē’āsef ’el-‘ammāyw:

‎1 ‏וַיִּפֹּ֥ל יוֹסֵ֖ף עַל־פְּנֵ֣י אָבִ֑יו וַיֵּ֥בְךְּ עָלָ֖יו וַיִּשַּׁק־לֽוֹ׃

‎2 ‏וַיְצַ֨ו יוֹסֵ֤ף אֶת־עֲבָדָיו֙ אֶת־הָרֹ֣פְאִ֔ים לַחֲנֹ֖ט אֶת־אָבִ֑יו וַיַּחַנְט֥וּ הָרֹפְאִ֖ים אֶת־יִשְׂרָאֵֽל׃

‎3 ‏וַיִּמְלְאוּ־לוֹ֙ אַרְבָּעִ֣ים י֔וֹם כִּ֛י כֵּ֥ן יִמְלְא֖וּ יְמֵ֣י הַחֲנֻטִ֑ים וַיִּבְכּ֥וּ אֹת֛וֹ מִצְרַ֖יִם שִׁבְעִ֥ים יֽוֹם׃

‎4 ‏וַיַּֽעַבְרוּ֙ יְמֵ֣י בְכִית֔וֹ וַיְדַבֵּ֣ר יוֹסֵ֔ף אֶל־בֵּ֥ית פַּרְעֹ֖ה לֵאמֹ֑ר אִם־נָ֨א מָצָ֤אתִי חֵן֙ בְּעֵ֣ינֵיכֶ֔ם דַּבְּרוּ־נָ֕א בְּאָזְנֵ֥י פַרְעֹ֖ה לֵאמֹֽר׃

‎5 ‏אָבִ֞י הִשְׁבִּיעַ֣נִי לֵאמֹ֗ר הִנֵּ֣ה אָנֹכִי֮ מֵת֒ בְּקִבְרִ֗י אֲשֶׁ֨ר כָּרִ֤יתִי לִי֙ בְּאֶ֣רֶץ כְּנַ֔עַן שָׁ֖מָּה תִּקְבְּרֵ֑נִי וְעַתָּ֗ה אֶֽעֱלֶה־נָּ֛א וְאֶקְבְּרָ֥ה אֶת־אָבִ֖י וְאָשֽׁוּבָה׃

‎6 ‏וַיֹּ֖אמֶר פַּרְעֹ֑ה עֲלֵ֛ה וּקְבֹ֥ר אֶת־אָבִ֖יךָ כַּאֲשֶׁ֥ר הִשְׁבִּיעֶֽךָ׃

‎7 ‏וַיַּ֥עַל יוֹסֵ֖ף לִקְבֹּ֣ר אֶת־אָבִ֑יו וַיַּֽעֲל֨וּ אִתּ֜וֹ כָּל־עַבְדֵ֤י פַרְעֹה֙ זִקְנֵ֣י בֵית֔וֹ וְכֹ֖ל זִקְנֵ֥י אֶֽרֶץ־מִצְרָֽיִם׃

‎8 ‏וְכֹל֙ בֵּ֣ית יוֹסֵ֔ף וְאֶחָ֖יו וּבֵ֣ית אָבִ֑יו רַ֗ק טַפָּם֙ וְצֹאנָ֣ם וּבְקָרָ֔ם עָזְב֖וּ בְּאֶ֥רֶץ גֹּֽשֶׁן׃

‎9 ‏וַיַּ֣עַל עִמּ֔וֹ גַּם־רֶ֖כֶב גַּם־פָּרָשִׁ֑ים וַיְהִ֥י הַֽמַּחֲנֶ֖ה כָּבֵ֥ד מְאֹֽד׃

‎10 ‏וַיָּבֹ֜אוּ עַד־גֹּ֣רֶן הָאָטָ֗ד אֲשֶׁר֙ בְּעֵ֣בֶר הַיַּרְדֵּ֔ן וַיִּ֨סְפְּדוּ־שָׁ֔ם מִסְפֵּ֛ד גָּד֥וֹל וְכָבֵ֖ד מְאֹ֑ד וַיַּ֧עַשׂ לְאָבִ֛יו אֵ֖בֶל שִׁבְעַ֥ת יָמִֽים׃

‎11 ‏וַיַּ֡רְא יוֹשֵׁב֩ הָאָ֨רֶץ הַֽכְּנַעֲנִ֜י אֶת־הָאֵ֗בֶל בְּגֹ֙רֶן֙ הָֽאָטָ֔ד וַיֹּ֣אמְר֔וּ אֵֽבֶל־כָּבֵ֥ד זֶ֖ה לְמִצְרָ֑יִם עַל־כֵּ֞ן קָרָ֤א שְׁמָהּ֙ אָבֵ֣ל מִצְרַ֔יִם אֲשֶׁ֖ר בְּעֵ֥בֶר הַיַּרְדֵּֽן׃

‎12 ‏וַיַּעֲשׂ֥וּ בָנָ֖יו ל֑וֹ כֵּ֖ן כַּאֲשֶׁ֥ר צִוָּֽם׃

‎13 ‏וַיִּשְׂא֨וּ אֹת֤וֹ בָנָיו֙ אַ֣רְצָה כְּנַ֔עַן וַיִּקְבְּר֣וּ אֹת֔וֹ בִּמְעָרַ֖ת שְׂדֵ֣ה הַמַּכְפֵּלָ֑ה אֲשֶׁ֣ר קָנָה֩ אַבְרָהָ֨ם אֶת־הַשָּׂדֶ֜ה לַאֲחֻזַּת־קֶ֗בֶר מֵאֵ֛ת עֶפְרֹ֥ן הַחִתִּ֖י עַל־פְּנֵ֥י מַמְרֵֽא׃

‎14 ‏וַיָּ֨שָׁב יוֹסֵ֤ף מִצְרַ֙יְמָה֙ ה֣וּא וְאֶחָ֔יו וְכָל־הָעֹלִ֥ים אִתּ֖וֹ לִקְבֹּ֣ר אֶת־אָבִ֑יו אַחֲרֵ֖י קָבְר֥וֹ אֶת־אָבִֽיו׃

‎15 ‏וַיִּרְא֤וּ אֲחֵֽי־יוֹסֵף֙ כִּי־מֵ֣ת אֲבִיהֶ֔ם וַיֹּ֣אמְר֔וּ ל֥וּ יִשְׂטְמֵ֖נוּ יוֹסֵ֑ף וְהָשֵׁ֤ב יָשִׁיב֙ לָ֔נוּ אֵ֚ת כָּל־הָ֣רָעָ֔ה אֲשֶׁ֥ר גָּמַ֖לְנוּ אֹתֽוֹ׃

‎16 ‏וַיְצַוּ֕וּ אֶל־יוֹסֵ֖ף לֵאמֹ֑ר אָבִ֣יךָ צִוָּ֔ה לִפְנֵ֥י מוֹת֖וֹ לֵאמֹֽר׃

‎17 ‏כֹּֽה־תֹאמְר֣וּ לְיוֹסֵ֗ף אָ֣נָּ֡א שָׂ֣א נָ֠א פֶּ֣שַׁע אַחֶ֤יךָ וְחַטָּאתָם֙ כִּי־רָעָ֣ה גְמָל֔וּךָ וְעַתָּה֙ שָׂ֣א נָ֔א לְפֶ֥שַׁע עַבְדֵ֖י אֱלֹהֵ֣י אָבִ֑יךָ וַיֵּ֥בְךְּ יוֹסֵ֖ף בְּדַבְּרָ֥ם אֵלָֽיו׃

‎18 ‏וַיֵּלְכוּ֙ גַּם־אֶחָ֔יו וַֽיִּפְּל֖וּ לְפָנָ֑יו וַיֹּ֣אמְר֔וּ הִנֶּ֥נּֽוּ לְךָ֖ לַעֲבָדִֽים׃

‎19 ‏וַיֹּ֧אמֶר אֲלֵהֶ֛ם יוֹסֵ֖ף אַל־תִּירָ֑אוּ כִּ֛י הֲתַ֥חַת אֱלֹהִ֖ים אָֽנִי׃

‎20 ‏וְאַתֶּ֕ם חֲשַׁבְתֶּ֥ם עָלַ֖י רָעָ֑ה אֱלֹהִים֙ חֲשָׁבָ֣הּ לְטֹבָ֔ה לְמַ֗עַן עֲשֹׂ֛ה כַּיּ֥וֹם הַזֶּ֖ה לְהַחֲיֹ֥ת עַם־רָֽב׃

‎21 ‏וְעַתָּה֙ אַל־תִּירָ֔אוּ אָנֹכִ֛י אֲכַלְכֵּ֥ל אֶתְכֶ֖ם וְאֶֽת־טַפְּכֶ֑ם וַיְנַחֵ֣ם אוֹתָ֔ם וַיְדַבֵּ֖ר עַל־לִבָּֽם׃

‎22 ‏וַיֵּ֤שֶׁב יוֹסֵף֙ בְּמִצְרַ֔יִם ה֖וּא וּבֵ֣ית אָבִ֑יו וַיְחִ֣י יוֹסֵ֔ף מֵאָ֥ה וָעֶ֖שֶׂר שָׁנִֽים׃

‎23 ‏וַיַּ֤רְא יוֹסֵף֙ לְאֶפְרַ֔יִם בְּנֵ֖י שִׁלֵּשִׁ֑ים גַּ֗ם בְּנֵ֤י מָכִיר֙ בֶּן־מְנַשֶּׁ֔ה יֻלְּד֖וּ עַל־בִּרְכֵּ֥י יוֹסֵֽף׃

‎24 ‏וַיֹּ֤אמֶר יוֹסֵף֙ אֶל־אֶחָ֔יו אָנֹכִ֖י מֵ֑ת וֵֽאלֹהִ֞ים פָּקֹ֧ד יִפְקֹ֣ד אֶתְכֶ֗ם וְהֶעֱלָ֤ה אֶתְכֶם֙ מִן־הָאָ֣רֶץ הַזֹּ֔את אֶל־הָאָ֕רֶץ אֲשֶׁ֥ר נִשְׁבַּ֛ע לְאַבְרָהָ֥ם לְיִצְחָ֖ק וּֽלְיַעֲקֹֽב׃

‎25 ‏וַיַּשְׁבַּ֣ע יוֹסֵ֔ף אֶת־בְּנֵ֥י יִשְׂרָאֵ֖ל לֵאמֹ֑ר פָּקֹ֨ד יִפְקֹ֤ד אֱלֹהִים֙ אֶתְכֶ֔ם וְהַעֲלִתֶ֥ם אֶת־עַצְמֹתַ֖י מִזֶּֽה׃

‎26 ‏וַיָּ֣מָת יוֹסֵ֔ף בֶּן־מֵאָ֥ה וָעֶ֖שֶׂר שָׁנִ֑ים וַיַּחַנְט֣וּ אֹת֔וֹ וַיִּ֥ישֶׂם בָּאָר֖וֹן בְּמִצְרָֽיִם׃

1 wayyipōl ywōsēf ‘al-pənê ’āḇîw wayyēḇəḵḵə ‘ālāyw wayyiššaq-lwō:

2 wayəṣaw ywōsēf ’eṯ-‘ăḇāḏāyw ’eṯ-hārōfə’îm l^aḥănōṭ ’eṯ-’āḇîw wayy^aḥanəṭû hārōfə’îm ’eṯ-yiśərā’ēl:

3 wayyimələ’û-lwō ’arəbā‘îm ywōm kî kēn yimələ’û yəmê h^aḥănuṭîm wayyiḇəkû ’ōṯwō miṣərayim šiḇə‘îm ywōm:

4 wayy^a‘aḇərû yəmê ḇəḵîṯwō wayəḏabēr ywōsēf ’el-bêṯ parə‘ōh lē’mōr ’im-nā’ māṣā’ṯî ḥēn bə‘ênêḵem dabərû-nā’ bə’āzənê farə‘ōh lē’mōr:

5 ’āḇî hišəbî‘anî lē’mōr hinnēh ’ānōḵî mēṯ bəqiḇərî ’ăšer kārîṯî lî bə’ereṣ kən^a‘an šāmmâ tiqəbərēnî wə‘atâ ’e‘ĕleh-nnā’ wə’eqəbərâ ’eṯ-’āḇî wə’āšûḇâ:

6 wayyō’mer parə‘ōh ‘ălēh ûqəḇōr ’eṯ-’āḇîḵā ka’ăšer hišəbî‘eḵā:

7 wayy^a‘al ywōsēf liqəbōr ’eṯ-’āḇîw wayy^a‘ălû ’itwō kāl-‘aḇəḏê farə‘ōh ziqənê ḇêṯwō wəḵōl ziqənê ’ereṣ-miṣərāyim:

8 wəḵōl bêṯ ywōsēf wə’eḥāyw ûḇêṯ ’āḇîw raq ṭapām wəṣō’nām ûḇəqārām ‘āzəḇû bə’ereṣ gōšen:

9 wayy^a‘al ‘immwō gam-reḵeḇ gam-pārāšîm wayəhî hamm^aḥăneh kāḇēḏ mə’ōḏ:

10 wayyāḇō’û ‘aḏ-gōren hā’āṭāḏ ’ăšer bə‘ēḇer hayyarədēn wayyisəpəḏû-šām misəpēḏ gāḏwōl wəḵāḇēḏ mə’ōḏ wayy^a‘aś lə’āḇîw ’ēḇel šiḇə‘aṯ yāmîm:

11 wayyarə’ ywōšēḇ hā’āreṣ hakən^a‘ănî ’eṯ-hā’ēḇel bəḡōren hā’āṭāḏ wayyō’mərû ’ēḇel-kāḇēḏ zeh ləmiṣərāyim ‘al-kēn qārā’ šəmāh ’āḇēl miṣərayim ’ăšer bə‘ēḇer hayyarədēn:

12 wayy^a‘ăśû ḇānāyw lwō kēn ka’ăšer ṣiûām:

13 wayyiśə’û ’ōṯwō ḇānāyw ’arəṣâ kən^a‘an wayyiqəbərû ’ōṯwō bimə‘āraṯ śəḏēh hammaḵəpēlâ ’ăšer qānâ ’aḇərâām ’eṯ-haśśāḏeh la’ăḥuzzaṯ-qeḇer mē’ēṯ ‘efərōn h^aḥitî ‘al-pənê mamərē’:

14 wayyāšāḇ ywōsēf miṣərayəmâ hû’ wə’eḥāyw wəḵāl-hā‘ōlîm ’itwō liqəbōr ’eṯ-’āḇîw ’^aḥărê qāḇərwō ’eṯ-’āḇîw:

15 wayyirə’û ’ăḥê-ywōsēf kî-mēṯ ’ăḇîhem wayyō’mərû lû yiśəṭəmēnû ywōsēf wəhāšēḇ yāšîḇ lānû ’ēṯ kāl-hārā‘â ’ăšer gāmalənû ’ōṯwō:

16 wayəṣaûû ’el-ywōsēf lē’mōr ’āḇîḵā ṣiûâ lifənê mwōṯwō lē’mōr:

17 kōh-ṯō’mərû ləywōsēf ’ānnā’ śā’ nā’ peš^a‘ ’^aḥeyḵā wəḥaṭṭā’ṯām kî-rā‘â ḡəmālûḵā wə‘atâ śā’ nā’ ləfeš^a‘ ‘aḇəḏê ’ĕlōhê ’āḇîḵā wayyēḇəḵḵə ywōsēf bəḏabərām ’ēlāyw:

18 wayyēləḵû gam-’eḥāyw wayyipəlû ləfānāyw wayyō’mərû hinnennû ləḵā l^a‘ăḇāḏîm:

19 wayyō’mer ’ălēhem ywōsēf ’al-tîrā’û kî hăṯ^aḥaṯ ’ĕlōhîm ’ānî:

20 wə’atem ḥăšaḇətem ‘ālay rā‘â ’ĕlōhîm ḥăšāḇāh ləṭōḇâ ləm^a‘an ‘ăśōh kayywōm hazzeh ləh^aḥăyōṯ ‘am-rāḇ:

21 wə‘atâ ’al-tîrā’û ’ānōḵî ’ăḵaləkēl ’eṯəḵem wə’eṯ-ṭapəḵem wayən^aḥēm ’wōṯām wayəḏabēr ‘al-libām:

22 wayyēšeḇ ywōsēf bəmiṣərayim hû’ ûḇêṯ ’āḇîw wayəḥî ywōsēf mē’â wā‘eśer šānîm:

23 wayyarə’ ywōsēf lə’efərayim bənê šillēšîm gam bənê māḵîr ben-mənaššeh yulləḏû ‘al-birəkê ywōsēf:

24 wayyō’mer ywōsēf ’el-’eḥāyw ’ānōḵî mēṯ wē’lōhîm pāqōḏ yifəqōḏ ’eṯəḵem wəhe‘ĕlâ ’eṯəḵem min-hā’āreṣ hazzō’ṯ ’el-hā’āreṣ ’ăšer nišəb^a‘ lə’aḇərâām ləyiṣəḥāq ûləy^a‘ăqōḇ:

25 wayyašəb^a‘ ywōsēf ’eṯ-bənê yiśərā’ēl lē’mōr pāqōḏ yifəqōḏ ’ĕlōhîm ’eṯəḵem wəh^a‘ăliṯem ’eṯ-‘aṣəmōṯay mizzeh:

26 wayyāmāṯ ywōsēf ben-mē’â wā‘eśer šānîm wayy^aḥanəṭû ’ōṯwō wayyîśem bā’ārwōn bəmiṣərāyim:

‎1 ‏הַמַּשָּׂא֙ אֲשֶׁ֣ר חָזָ֔ה חֲבַקּ֖וּק הַנָּבִֽיא׃

‎2 ‏עַד־אָ֧נָה יְהוָ֛ה שִׁוַּ֖עְתִּי וְלֹ֣א תִשְׁמָ֑ע אֶזְעַ֥ק אֵלֶ֛יךָ חָמָ֖ס וְלֹ֥א תוֹשִֽׁיעַ׃

‎3 ‏לָ֣מָּה תַרְאֵ֤נִי אָ֙וֶן֙ וְעָמָ֣ל תַּבִּ֔יט וְשֹׁ֥ד וְחָמָ֖ס לְנֶגְדִּ֑י וַיְהִ֧י רִ֦יב וּמָד֖וֹן יִשָּֽׂא׃

‎4 ‏עַל־כֵּן֙ תָּפ֣וּג תּוֹרָ֔ה וְלֹֽא־יֵצֵ֥א לָנֶ֖צַח מִשְׁפָּ֑ט כִּ֤י רָשָׁע֙ מַכְתִּ֣יר אֶת־הַצַּדִּ֔יק עַל־כֵּ֛ן יֵצֵ֥א מִשְׁפָּ֖ט מְעֻקָּֽל׃

‎5 ‏רְא֤וּ בַגּוֹיִם֙ וְֽהַבִּ֔יטוּ וְהִֽתַּמְּה֖וּ תְּמָ֑הוּ כִּי־פֹ֙עַל֙ פֹּעֵ֣ל בִּֽימֵיכֶ֔ם לֹ֥א תַאֲמִ֖ינוּ כִּ֥י יְסֻפָּֽר׃

‎6 ‏כִּֽי־הִנְנִ֤י מֵקִים֙ אֶת־הַכַּשְׂדִּ֔ים הַגּ֖וֹי הַמַּ֣ר וְהַנִּמְהָ֑ר הַֽהוֹלֵךְ֙ לְמֶרְחֲבֵי־אֶ֔רֶץ לָרֶ֖שֶׁת מִשְׁכָּנ֥וֹת לֹּא־לֽוֹ׃

‎7 ‏אָיֹ֥ם וְנוֹרָ֖א ה֑וּא מִמֶּ֕נּוּ מִשְׁפָּט֥וֹ וּשְׂאֵת֖וֹ יֵצֵֽא׃

‎8 ‏וְקַלּ֨וּ מִנְּמֵרִ֜ים סוּסָ֗יו וְחַדּוּ֙ מִזְּאֵ֣בֵי עֶ֔רֶב וּפָ֖שׁוּ פָּֽרָשָׁ֑יו וּפָֽרָשָׁיו֙ מֵרָח֣וֹק יָבֹ֔אוּ יָעֻ֕פוּ כְּנֶ֖שֶׁר חָ֥שׁ לֶאֱכֽוֹל׃

‎9 ‏כֻּלֹּה֙ לְחָמָ֣ס יָב֔וֹא מְגַמַּ֥ת פְּנֵיהֶ֖ם קָדִ֑ימָה וַיֶּאֱסֹ֥ף כַּח֖וֹל שֶֽׁבִי׃

‎10 ‏וְהוּא֙ בַּמְּלָכִ֣ים יִתְקַלָּ֔ס וְרֹזְנִ֖ים מִשְׂחָ֣ק ל֑וֹ ה֚וּא לְכָל־מִבְצָ֣ר יִשְׂחָ֔ק וַיִּצְבֹּ֥ר עָפָ֖ר וַֽיִּלְכְּדָֽהּ׃

‎11 ‏אָ֣ז חָלַ֥ף ר֛וּחַ וַֽיַּעֲבֹ֖ר וְאָשֵׁ֑ם ז֥וּ כֹח֖וֹ לֵאלֹהֽוֹ׃

‎12 ‏הֲל֧וֹא אַתָּ֣ה מִקֶּ֗דֶם יְהוָ֧ה אֱלֹהַ֛י קְדֹשִׁ֖י לֹ֣א נָמ֑וּת יְהוָה֙ לְמִשְׁפָּ֣ט שַׂמְתּ֔וֹ וְצ֖וּר לְהוֹכִ֥יחַ יְסַדְתּֽוֹ׃

‎13 ‏טְה֤וֹר עֵינַ֙יִם֙ מֵרְא֣וֹת רָ֔ע וְהַבִּ֥יט אֶל־עָמָ֖ל לֹ֣א תוּכָ֑ל לָ֤מָּה תַבִּיט֙ בּֽוֹגְדִ֔ים תַּחֲרִ֕ישׁ בְּבַלַּ֥ע רָשָׁ֖ע צַדִּ֥יק מִמֶּֽנּוּ׃

‎14 ‏וַתַּעֲשֶׂ֥ה אָדָ֖ם כִּדְגֵ֣י הַיָּ֑ם כְּרֶ֖מֶשׂ לֹא־מֹשֵׁ֥ל בּֽוֹ׃

‎15 ‏כֻּלֹּה֙ בְּחַכָּ֣ה הֵֽעֲלָ֔ה יְגֹרֵ֣הוּ בְחֶרְמ֔וֹ וְיַאַסְפֵ֖הוּ בְּמִכְמַרְתּ֑וֹ עַל־כֵּ֖ן יִשְׂמַ֥ח וְיָגִֽיל׃

‎16 ‏עַל־כֵּן֙ יְזַבֵּ֣חַ לְחֶרְמ֔וֹ וִֽיקַטֵּ֖ר לְמִכְמַרְתּ֑וֹ כִּ֤י בָהֵ֙מָּה֙ שָׁמֵ֣ן חֶלְק֔וֹ וּמַאֲכָל֖וֹ בְּרִאָֽה׃

‎17 ‏הַ֥עַל כֵּ֖ן יָרִ֣יק חֶרְמ֑וֹ וְתָמִ֛יד לַהֲרֹ֥ג גּוֹיִ֖ם לֹ֥א יַחְמֽוֹל׃ ס

1 hammaśśā’ ’ăšer ḥāzâ ḥăḇaqqûq hannāḇî’:

2 ‘aḏ-’ānâ yəhwâ šiû^a‘ətî wəlō’ ṯišəmā‘ ’ezə‘aq ’ēleyḵā ḥāmās wəlō’ ṯwōšî‘a:

3 lāmmâ ṯarə’ēnî ’āwen wə‘āmāl tabîṭ wəšōḏ wəḥāmās ləneḡədî wayəhî rîḇ ûmāḏwōn yiśśā’:

4 ‘al-kēn tāfûḡ twōrâ wəlō’-yēṣē’ lāneṣ^aḥ mišəpāṭ kî rāšā‘ maḵətîr ’eṯ-haṣṣadîq ‘al-kēn yēṣē’ mišəpāṭ mə‘uqqāl:

5 rə’û ḇagwōyim wəhabîṭû wəhitamməhû təmâû kî-fō‘al pō‘ēl bîmêḵem lō’ ṯa’ămînû kî yəsupār:

6 kî-hinənî mēqîm ’eṯ-hakaśədîm hagwōy hammar wəhanniməhār hahwōlēḵə ləmerəḥăḇê-’ereṣ lārešeṯ mišəkānwōṯ llō’-lwō:

7 ’āyōm wənwōrā’ hû’ mimmennû mišəpāṭwō ûśə’ēṯwō yēṣē’:

8 wəqallû minnəmērîm sûsāyw wəḥadû mizzə’ēḇê ‘ereḇ ûfāšû pārāšāyw ûfārāšāyw mērāḥwōq yāḇō’û yā‘ufû kənešer ḥāš le’ĕḵwōl:

9 kullōh ləḥāmās yāḇwō’ məḡammaṯ pənêhem qāḏîmâ wayye’ĕsōf k^aḥwōl šeḇî:

10 wəhû’ bamməlāḵîm yiṯəqallās wərōzənîm miśəḥāq lwō hû’ ləḵāl-miḇəṣār yiśəḥāq wayyiṣəbōr ‘āfār wayyiləkəḏāh:

11 ’āz ḥālaf rûḥa wayy^a‘ăḇōr wə’āšēm zû ḵōḥwō lē’lōhwō:

12 hălwō’ ’atâ miqqeḏem yəhwâ ’ĕlōhay qəḏōšî lō’ nāmûṯ yəhwâ ləmišəpāṭ śamətwō wəṣûr ləhwōḵîḥa yəsaḏətwō:

13 ṭəhwōr ‘ênayim mērə’wōṯ rā‘ wəhabîṭ ’el-‘āmāl lō’ ṯûḵāl lāmmâ ṯabîṭ bwōḡəḏîm t^aḥărîš bəḇall^a‘ rāšā‘ ṣadîq mimmennû:

14 wat^a‘ăśeh ’āḏām kiḏəḡê hayyām kəremeś lō’-mōšēl bwō:

15 kullōh bəḥakâ hē‘ălâ yəḡōrēhû ḇəḥerəmwō wəya’asəfēhû bəmiḵəmarətwō ‘al-kēn yiśəm^aḥ wəyāḡîl:

16 ‘al-kēn yəzabēḥa ləḥerəmwō wîqaṭṭēr ləmiḵəmarətwō kî ḇâēmmâ šāmēn ḥeləqwō ûma’ăḵālwō bəri’â:

17 h^a‘al kēn yārîq ḥerəmwō wəṯāmîḏ lahărōḡ gwōyim lō’ y^aḥəmwōl: s

‎1 ‏וְאֵ֗לֶּה שְׁמוֹת֙ בְּנֵ֣י יִשְׂרָאֵ֔ל הַבָּאִ֖ים מִצְרָ֑יְמָה אֵ֣ת יַעֲקֹ֔ב אִ֥ישׁ וּבֵית֖וֹ בָּֽאוּ׃

‎2 ‏רְאוּבֵ֣ן שִׁמְע֔וֹן לֵוִ֖י וִיהוּדָֽה׃

‎3 ‏יִשָּׂשכָ֥ר זְבוּלֻ֖ן וּבְנְיָמִֽן׃³

‎4 ‏דָּ֥ן וְנַפְתָּלִ֖י גָּ֥ד וְאָשֵֽׁר׃

‎5 ‏וַֽיְהִ֗י כָּל־נֶ֛פֶשׁ יֹצְאֵ֥י יֶֽרֶךְ־יַעֲקֹ֖ב שִׁבְעִ֣ים נָ֑פֶשׁ וְיוֹסֵ֖ף הָיָ֥ה בְמִצְרָֽיִם׃

‎6 ‏וַיָּ֤מָת יוֹסֵף֙ וְכָל־אֶחָ֔יו וְכֹ֖ל הַדּ֥וֹר הַהֽוּא׃

‎7 ‏וּבְנֵ֣י יִשְׂרָאֵ֗ל פָּר֧וּ וַֽיִּשְׁרְצ֛וּ וַיִּרְבּ֥וּ וַיַּֽעַצְמ֖וּ בִּמְאֹ֣ד מְאֹ֑ד וַתִּמָּלֵ֥א הָאָ֖רֶץ אֹתָֽם׃ פ

‎8 ‏וַיָּ֥קָם מֶֽלֶךְ־חָדָ֖שׁ עַל־מִצְרָ֑יִם אֲשֶׁ֥ר לֹֽא־יָדַ֖ע אֶת־יוֹסֵֽף׃

‎9 ‏וַיֹּ֖אמֶר אֶל־עַמּ֑וֹ הִנֵּ֗ה עַ֚ם בְּנֵ֣י יִשְׂרָאֵ֔ל רַ֥ב וְעָצ֖וּם מִמֶּֽנּוּ׃

‎10 ‏הָ֥בָה נִֽתְחַכְּמָ֖ה ל֑וֹ פֶּן־יִרְבֶּ֗ה וְהָיָ֞ה כִּֽי־תִקְרֶ֤אנָה מִלְחָמָה֙ וְנוֹסַ֤ף גַּם־הוּא֙ עַל־שֹׂ֣נְאֵ֔ינוּ וְנִלְחַם־בָּ֖נוּ וְעָלָ֥ה מִן־הָאָֽרֶץ׃

‎11 ‏וַיָּשִׂ֤ימוּ עָלָיו֙ שָׂרֵ֣י מִסִּ֔ים לְמַ֥עַן עַנֹּת֖וֹ בְּסִבְלֹתָ֑ם וַיִּ֜בֶן עָרֵ֤י מִסְכְּנוֹת֙ לְפַרְעֹ֔ה אֶת־פִּתֹ֖ם וְאֶת־רַעַמְסֵֽס׃

‎12 ‏וְכַאֲשֶׁר֙ יְעַנּ֣וּ אֹת֔וֹ כֵּ֥ן יִרְבֶּ֖ה וְכֵ֣ן יִפְרֹ֑ץ וַיָּקֻ֕צוּ מִפְּנֵ֖י בְּנֵ֥י יִשְׂרָאֵֽל׃

‎13 ‏וַיַּעֲבִ֧דוּ מִצְרַ֛יִם אֶת־בְּנֵ֥י יִשְׂרָאֵ֖ל בְּפָֽרֶךְ׃

‎14 ‏וַיְמָרְר֨וּ אֶת־חַיֵּיהֶ֜ם בַּעֲבֹדָ֣ה קָשָׁ֗ה בְּחֹ֙מֶר֙ וּבִלְבֵנִ֔ים וּבְכָל־עֲבֹדָ֖ה בַּשָּׂדֶ֑ה אֵ֚ת כָּל־עֲבֹ֣דָתָ֔ם אֲשֶׁר־עָבְד֥וּ בָהֶ֖ם בְּפָֽרֶךְ׃

‎15 ‏וַיֹּ֙אמֶר֙ מֶ֣לֶךְ מִצְרַ֔יִם לַֽמְיַלְּדֹ֖ת הָֽעִבְרִיֹּ֑ת אֲשֶׁ֨ר שֵׁ֤ם הָֽאַחַת֙ שִׁפְרָ֔ה וְשֵׁ֥ם הַשֵּׁנִ֖ית פּוּעָֽה׃

‎16 ‏וַיֹּ֗אמֶר בְּיַלֶּדְכֶן֙ אֶת־הָֽעִבְרִיּ֔וֹת וּרְאִיתֶ֖ן עַל־הָאָבְנָ֑יִם אִם־בֵּ֥ן הוּא֙ וַהֲמִתֶּ֣ן אֹת֔וֹ וְאִם־בַּ֥ת הִ֖יא וָחָֽיָה׃

‎17 ‏וַתִּירֶ֤אןָ הַֽמְיַלְּדֹת֙ אֶת־הָ֣אֱלֹהִ֔ים וְלֹ֣א עָשׂ֔וּ כַּאֲשֶׁ֛ר דִּבֶּ֥ר אֲלֵיהֶ֖ן מֶ֣לֶךְ מִצְרָ֑יִם וַתְּחַיֶּ֖יןָ אֶת־הַיְלָדִֽים׃

‎18 ‏וַיִּקְרָ֤א מֶֽלֶךְ־מִצְרַ֙יִם֙ לַֽמְיַלְּדֹ֔ת וַיֹּ֣אמֶר לָהֶ֔ן מַדּ֥וּעַ עֲשִׂיתֶ֖ן הַדָּבָ֣ר הַזֶּ֑ה וַתְּחַיֶּ֖יןָ אֶת־הַיְלָדִֽים׃

‎19 ‏וַתֹּאמַ֤רְןָ הַֽמְיַלְּדֹת֙ אֶל־פַּרְעֹ֔ה כִּ֣י לֹ֧א כַנָּשִׁ֛ים הַמִּצְרִיֹּ֖ת הָֽעִבְרִיֹּ֑ת כִּֽי־חָי֣וֹת הֵ֔נָּה בְּטֶ֨רֶם תָּב֧וֹא אֲלֵהֶ֛ן הַמְיַלֶּ֖דֶת וְיָלָֽדוּ׃

‎20 ‏וַיֵּ֥יטֶב אֱלֹהִ֖ים לַֽמְיַלְּדֹ֑ת וַיִּ֧רֶב הָעָ֛ם וַיַּֽעַצְמ֖וּ מְאֹֽד׃

‎21 ‏וַיְהִ֕י כִּֽי־יָֽרְא֥וּ הַֽמְיַלְּדֹ֖ת אֶת־הָאֱלֹהִ֑ים וַיַּ֥עַשׂ לָהֶ֖ם בָּתִּֽים׃

‎22 ‏וַיְצַ֣ו פַּרְעֹ֔ה לְכָל־עַמּ֖וֹ לֵאמֹ֑ר כָּל־הַבֵּ֣ן הַיִּלּ֗וֹד הַיְאֹ֙רָה֙ תַּשְׁלִיכֻ֔הוּ וְכָל־הַבַּ֖ת תְּחַיּֽוּן׃ ס

1 wə’ēlleh šəmwōṯ bənê yiśərā’ēl habā’îm miṣərāyəmâ ’ēṯ y^a‘ăqōḇ ’îš ûḇêṯwō bā’û:

2 rə’ûḇēn šimə‘wōn lēwî wîhûḏâ:

3 yiśśāsḵār zəḇûlun ûḇənəyāmin:³

4 dān wənafətālî gāḏ wə’āšēr:

5 wayəhî kāl-nefeš yōṣə’ê yereḵə-y^a‘ăqōḇ šiḇə‘îm nāfeš wəywōsēf hāyâ ḇəmiṣərāyim:

6 wayyāmāṯ ywōsēf wəḵāl-’eḥāyw wəḵōl hadwōr hahû’:

7 ûḇənê yiśərā’ēl pārû wayyišərəṣû wayyirəbû wayy^a‘aṣəmû bimə’ōḏ mə’ōḏ watimmālē’ hā’āreṣ ’ōṯām: f

8 wayyāqām meleḵə-ḥāḏāš ‘al-miṣərāyim ’ăšer lō’-yāḏ^a‘ ’eṯ-ywōsēf:

9 wayyō’mer ’el-‘ammwō hinnēh ‘am bənê yiśərā’ēl raḇ wə‘āṣûm mimmennû:

10 hāḇâ niṯəḥakəmâ lwō pen-yirəbeh wəhāyâ kî-ṯiqəre’nâ miləḥāmâ wənwōsaf gam-hû’ ‘al-śōnə’ênû wəniləḥam-bānû wə‘ālâ min-hā’āreṣ:

11 wayyāśîmû ‘ālāyw śārê missîm ləm^a‘an ‘annōṯwō bəsiḇəlōṯām wayyiḇen ‘ārê misəkənwōṯ ləfarə‘ōh ’eṯ-piṯōm wə’eṯ-r^a‘aməsēs:

12 wəḵa’ăšer yə‘annû ’ōṯwō kēn yirəbeh wəḵēn yifərōṣ wayyāquṣû mipənê bənê yiśərā’ēl:

13 wayy^a‘ăḇiḏû miṣərayim ’eṯ-bənê yiśərā’ēl bəfāreḵə:

14 wayəmārərû ’eṯ-ḥayyêhem b^a‘ăḇōḏâ qāšâ bəḥōmer ûḇiləḇēnîm ûḇəḵāl-‘ăḇōḏâ baśśāḏeh ’ēṯ kāl-‘ăḇōḏāṯām ’ăšer-‘āḇəḏû ḇâem bəfāreḵə:

15 wayyō’mer meleḵə miṣərayim laməyalləḏōṯ hā‘iḇərîyōṯ ’ăšer šēm hā’^aḥaṯ šifərâ wəšēm haššēnîṯ pû‘â:

16 wayyō’mer bəyalleḏəḵen ’eṯ-hā‘iḇərîywōṯ ûrə’îṯen ‘al-hā’āḇənāyim ’im-bēn hû’ wahămiten ’ōṯwō wə’im-baṯ hî’ wāḥāyâ:

17 watîre’nā haməyalləḏōṯ ’eṯ-hā’ĕlōhîm wəlō’ ‘āśû ka’ăšer diber ’ălêhen meleḵə miṣərāyim watəḥayyeynā ’eṯ-hayəlāḏîm:

18 wayyiqərā’ meleḵə-miṣərayim laməyalləḏōṯ wayyō’mer lâen madû‘a ‘ăśîṯen hadāḇār hazzeh watəḥayyeynā ’eṯ-hayəlāḏîm:

19 watō’marənā haməyalləḏōṯ ’el-parə‘ōh kî lō’ ḵannāšîm hammiṣərîyōṯ hā‘iḇərîyōṯ kî-ḥāywōṯ hēnnâ bəṭerem tāḇwō’ ’ălēhen haməyalleḏeṯ wəyālāḏû:

20 wayyêṭeḇ ’ĕlōhîm laməyalləḏōṯ wayyireḇ hā‘ām wayy^a‘aṣəmû mə’ōḏ:

21 wayəhî kî-yārə’û haməyalləḏōṯ ’eṯ-hā’ĕlōhîm wayy^a‘aś lâem bātîm:

22 wayəṣaw parə‘ōh ləḵāl-‘ammwō lē’mōr kāl-habēn hayyillwōḏ hayə’ōrâ tašəlîḵuhû wəḵāl-habaṯ təḥayyûn: s

‎1 ‏וַיֵּ֥לֶךְ אִ֖ישׁ מִבֵּ֣ית לֵוִ֑י וַיִּקַּ֖ח אֶת־בַּת־לֵוִֽי׃

‎2 ‏וַתַּ֥הַר הָאִשָּׁ֖ה וַתֵּ֣לֶד בֵּ֑ן וַתֵּ֤רֶא אֹתוֹ֙ כִּי־ט֣וֹב ה֔וּא וַֽתִּצְפְּנֵ֖הוּ שְׁלֹשָׁ֥ה יְרָחִֽים׃

‎3 ‏וְלֹא־יָכְלָ֣ה עוֹד֮ הַצְּפִינוֹ֒ וַתִּֽקַּֽח־לוֹ֙ תֵּ֣בַת גֹּ֔מֶא וַתַּחְמְרָ֥ה בַחֵמָ֖ר וּבַזָּ֑פֶת וַתָּ֤שֶׂם בָּהּ֙ אֶת־הַיֶּ֔לֶד וַתָּ֥שֶׂם בַּסּ֖וּף עַל־שְׂפַ֥ת הַיְאֹֽר׃

‎4 ‏וַתֵּתַצַּ֥ב אֲחֹת֖וֹ מֵרָחֹ֑ק לְדֵעָ֕ה מַה־יֵּעָשֶׂ֖ה לֽוֹ׃

‎5 ‏וַתֵּ֤רֶד בַּת־פַּרְעֹה֙ לִרְחֹ֣ץ עַל־הַיְאֹ֔ר וְנַעֲרֹתֶ֥יהָ הֹלְכֹ֖ת עַל־יַ֣ד הַיְאֹ֑ר וַתֵּ֤רֶא אֶת־הַתֵּבָה֙ בְּת֣וֹךְ הַסּ֔וּף וַתִּשְׁלַ֥ח אֶת־אֲמָתָ֖הּ וַתִּקָּחֶֽהָ²

‎6 ‏וַתִּפְתַּח֙ וַתִּרְאֵ֣הוּ אֶת־הַיֶּ֔לֶד וְהִנֵּה־נַ֖עַר בֹּכֶ֑ה וַתַּחְמֹ֣ל עָלָ֔יו וַתֹּ֕אמֶר מִיַּלְדֵ֥י הָֽעִבְרִ֖ים זֶֽה׃

‎7 ‏וַתֹּ֣אמֶר אֲחֹתוֹ֮ אֶל־בַּת־פַּרְעֹה֒ הַאֵלֵ֗ךְ וְקָרָ֤אתִי לָךְ֙ אִשָּׁ֣ה מֵינֶ֔קֶת מִ֖ן הָעִבְרִיֹּ֑ת וְתֵינִ֥ק לָ֖ךְ אֶת־הַיָּֽלֶד׃

‎8 ‏וַתֹּֽאמֶר־לָ֥הּ בַּת־פַּרְעֹ֖ה לֵ֑כִי וַתֵּ֙לֶךְ֙ הָֽעַלְמָ֔ה וַתִּקְרָ֖א אֶת־אֵ֥ם הַיָּֽלֶד׃

‎9 ‏וַתֹּ֧אמֶר לָ֣הּ בַּת־פַּרְעֹ֗ה הֵילִ֜יכִי אֶת־הַיֶּ֤לֶד הַזֶּה֙ וְהֵינִקִ֣הוּ לִ֔י וַאֲנִ֖י אֶתֵּ֣ן אֶת־שְׂכָרֵ֑ךְ וַתִּקַּ֧ח הָאִשָּׁ֛ה הַיֶּ֖לֶד וַתְּנִיקֵֽהוּ׃

‎10 ‏וַיִגְדַּ֣ל¹ הַיֶּ֗לֶד וַתְּבִאֵ֙הוּ֙ לְבַת־פַּרְעֹ֔ה וַֽיְהִי־לָ֖הּ לְבֵ֑ן וַתִּקְרָ֤א שְׁמוֹ֙ מֹשֶׁ֔ה וַתֹּ֕אמֶר כִּ֥י מִן־הַמַּ֖יִם מְשִׁיתִֽהוּ׃

‎11 ‏וַיְהִ֣י׀ בַּיָּמִ֣ים הָהֵ֗ם וַיִּגְדַּ֤ל מֹשֶׁה֙ וַיֵּצֵ֣א אֶל־אֶחָ֔יו וַיַּ֖רְא בְּסִבְלֹתָ֑ם וַיַּרְא֙ אִ֣ישׁ מִצְרִ֔י מַכֶּ֥ה אִישׁ־עִבְרִ֖י מֵאֶחָֽיו׃

‎12 ‏וַיִּ֤פֶן כֹּה֙ וָכֹ֔ה וַיַּ֖רְא כִּ֣י אֵ֣ין אִ֑ישׁ וַיַּךְ֙ אֶת־הַמִּצְרִ֔י וַֽיִּטְמְנֵ֖הוּ בַּחֽוֹל׃

‎13 ‏וַיֵּצֵא֙ בַּיּ֣וֹם הַשֵּׁנִ֔י וְהִנֵּ֛ה שְׁנֵֽי־אֲנָשִׁ֥ים עִבְרִ֖ים נִצִּ֑ים וַיֹּ֙אמֶר֙ לָֽרָשָׁ֔ע לָ֥מָּה תַכֶּ֖ה רֵעֶֽךָ׃

‎14 ‏וַ֠יֹּאמֶר מִ֣י שָֽׂמְךָ֞ לְאִ֨ישׁ שַׂ֤ר וְשֹׁפֵט֙ עָלֵ֔ינוּ הַלְהָרְגֵ֙נִי֙ אַתָּ֣ה אֹמֵ֔ר כַּאֲשֶׁ֥ר הָרַ֖גְתָּ אֶת־הַמִּצְרִ֑י וַיִּירָ֤א מֹשֶׁה֙ וַיֹּאמַ֔ר אָכֵ֖ן נוֹדַ֥ע הַדָּבָֽר׃

‎15 ‏וַיִּשְׁמַ֤ע פַּרְעֹה֙ אֶת־הַדָּבָ֣ר הַזֶּ֔ה וַיְבַקֵּ֖שׁ לַהֲרֹ֣ג אֶת־מֹשֶׁ֑ה וַיִּבְרַ֤ח מֹשֶׁה֙ מִפְּנֵ֣י פַרְעֹ֔ה וַיֵּ֥שֶׁב בְּאֶֽרֶץ־מִדְיָ֖ן וַיֵּ֥שֶׁב עַֽל־הַבְּאֵֽר׃

‎16 ‏וּלְכֹהֵ֥ן מִדְיָ֖ן שֶׁ֣בַע בָּנ֑וֹת וַתָּבֹ֣אנָה וַתִּדְלֶ֗נָה וַתְּמַלֶּ֙אנָה֙ אֶת־הָ֣רְהָטִ֔ים לְהַשְׁק֖וֹת צֹ֥אן אֲבִיהֶֽן׃

‎17 ‏וַיָּבֹ֥אוּ הָרֹעִ֖ים וַיְגָרְשׁ֑וּם וַיָּ֤קָם מֹשֶׁה֙ וַיּ֣וֹשִׁעָ֔ן וַיַּ֖שְׁקְ אֶת־צֹאנָֽם׃

‎18 ‏וַתָּבֹ֕אנָה אֶל־רְעוּאֵ֖ל אֲבִיהֶ֑ן וַיֹּ֕אמֶר מַדּ֛וּעַ מִהַרְתֶּ֥ן בֹּ֖א הַיּֽוֹם׃

‎19 ‏וַתֹּאמַ֕רְןָ אִ֣ישׁ מִצְרִ֔י הִצִּילָ֖נוּ מִיַּ֣ד הָרֹעִ֑ים³ וְגַם־דָּלֹ֤ה דָלָה֙ לָ֔נוּ וַיַּ֖שְׁקְ אֶת־הַצֹּֽאן׃

‎20 ‏וַיֹּ֥אמֶר אֶל־בְּנֹתָ֖יו וְאַיּ֑וֹ לָ֤מָּה זֶּה֙ עֲזַבְתֶּ֣ן אֶת־הָאִ֔ישׁ קִרְאֶ֥ן ל֖וֹ וְיֹ֥אכַל לָֽחֶם׃

‎21 ‏וַיּ֥וֹאֶל מֹשֶׁ֖ה לָשֶׁ֣בֶת אֶת־הָאִ֑ישׁ וַיִּתֵּ֛ן אֶת־צִפֹּרָ֥ה בִתּ֖וֹ לְמֹשֶֽׁה׃

‎22 ‏וַתֵּ֣לֶד בֵּ֔ן וַיִּקְרָ֥א אֶת־שְׁמ֖וֹ גֵּרְשֹׁ֑ם כִּ֣י אָמַ֔ר גֵּ֣ר הָיִ֔יתִי בְּאֶ֖רֶץ נָכְרִיָּֽה׃ פ

‎23 ‏וַיְהִי֩ בַיָּמִ֨ים הָֽרַבִּ֜ים הָהֵ֗ם וַיָּ֙מָת֙ מֶ֣לֶךְ מִצְרַ֔יִם וַיֵּאָנְח֧וּ בְנֵֽי־יִשְׂרָאֵ֛ל מִן־הָעֲבֹדָ֖ה וַיִּזְעָ֑קוּ וַתַּ֧עַל שַׁוְעָתָ֛ם אֶל־הָאֱלֹהִ֖ים מִן־הָעֲבֹדָֽה׃

‎24 ‏וַיִּשְׁמַ֥ע אֱלֹהִ֖ים אֶת־נַאֲקָתָ֑ם וַיִּזְכֹּ֤ר אֱלֹהִים֙ אֶת־בְּרִית֔וֹ אֶת־אַבְרָהָ֖ם אֶת־יִצְחָ֥ק וְאֶֽת־יַעֲקֹֽב׃

‎25 ‏וַיַּ֥רְא אֱלֹהִ֖ים אֶת־בְּנֵ֣י יִשְׂרָאֵ֑ל וַיֵּ֖דַע אֱלֹהִֽים׃ ס

1 wayyēleḵə ’îš mibêṯ lēwî wayyiqq^aḥ ’eṯ-baṯ-lēwî:

2 watahar hā’iššâ watēleḏ bēn watēre’ ’ōṯwō kî-ṭwōḇ hû’ watiṣəpənēhû šəlōšâ yərāḥîm:

3 wəlō’-yāḵəlâ ‘wōḏ haṣṣəfînwō watiqq^aḥ-lwō tēḇaṯ gōme’ wat^aḥəmərâ ḇ^aḥēmār ûḇazzāfeṯ watāśem bāh ’eṯ-hayyeleḏ watāśem bassûf ‘al-śəfaṯ hayə’ōr:

4 watēṯaṣṣaḇ ’ăḥōṯwō mērāḥōq ləḏē‘â mah-yyē‘āśeh lwō:

5 watēreḏ baṯ-parə‘ōh lirəḥōṣ ‘al-hayə’ōr wən^a‘ărōṯeyhā hōləḵōṯ ‘al-yaḏ hayə’ōr watēre’ ’eṯ-hatēḇâ bəṯwōḵə hassûf watišəl^aḥ ’eṯ-’ămāṯāh watiqqāḥehā²

6 watifət^aḥ watirə’ēhû ’eṯ-hayyeleḏ wəhinnēh-n^a‘ar bōḵeh wat^aḥəmōl ‘ālāyw watō’mer mîyaləḏê hā‘iḇərîm zeh:

7 watō’mer ’ăḥōṯwō ’el-baṯ-parə‘ōh ha’ēlēḵə wəqārā’ṯî lāḵə ’iššâ mêneqeṯ min hā‘iḇərîyōṯ wəṯêniq lāḵə ’eṯ-hayyāleḏ:

8 watō’mer-lāh baṯ-parə‘ōh lēḵî watēleḵə hā‘aləmâ watiqərā’ ’eṯ-’ēm hayyāleḏ:

9 watō’mer lāh baṯ-parə‘ōh hêlîḵî ’eṯ-hayyeleḏ hazzeh wəhêniqihû lî wa’ănî ’etēn ’eṯ-śəḵārēḵə watiqq^aḥ hā’iššâ hayyeleḏ watənîqēhû:

10 wayiḡədal¹ hayyeleḏ watəḇi’ēhû ləḇaṯ-parə‘ōh wayəhî-lāh ləḇēn watiqərā’ šəmwō mōšeh watō’mer kî min-hammayim məšîṯihû:

11 wayəhî| bayyāmîm hâēm wayyiḡədal mōšeh wayyēṣē’ ’el-’eḥāyw wayyarə’ bəsiḇəlōṯām wayyarə’ ’îš miṣərî makeh ’îš-‘iḇərî mē’eḥāyw:

12 wayyifen kōh wāḵōh wayyarə’ kî ’ên ’îš wayyaḵə ’eṯ-hammiṣərî wayyiṭəmənēhû b^aḥwōl:

13 wayyēṣē’ bayywōm haššēnî wəhinnēh šənê-’ănāšîm ‘iḇərîm niṣṣîm wayyō’mer lārāšā‘ lāmmâ ṯakeh rē‘eḵā:

14 wayyō’mer mî śāməḵā lə’îš śar wəšōfēṭ ‘ālênû haləhārəḡēnî ’atâ ’ōmēr ka’ăšer hāraḡətā ’eṯ-hammiṣərî wayyîrā’ mōšeh wayyō’mar ’āḵēn nwōḏ^a‘ hadāḇār:

15 wayyišəm^a‘ parə‘ōh ’eṯ-hadāḇār hazzeh wayəḇaqqēš lahărōḡ ’eṯ-mōšeh wayyiḇər^aḥ mōšeh mipənê farə‘ōh wayyēšeḇ bə’ereṣ-miḏəyān wayyēšeḇ ‘al-habə’ēr:

16 ûləḵōhēn miḏəyān šeḇ^a‘ bānwōṯ watāḇō’nâ watiḏəlenâ watəmalle’nâ ’eṯ-hārəhāṭîm ləhašəqwōṯ ṣō’n ’ăḇîhen:

17 wayyāḇō’û hārō‘îm wayəḡārəšûm wayyāqām mōšeh wayywōši‘ān wayyašəqə ’eṯ-ṣō’nām:

18 watāḇō’nâ ’el-rə‘û’ēl ’ăḇîhen wayyō’mer madû‘a miharəten bō’ hayywōm:

19 watō’marənā ’îš miṣərî hiṣṣîlānû mîyaḏ hārō‘îm³ wəḡam-dālōh ḏālâ lānû wayyašəqə ’eṯ-haṣṣō’n:

20 wayyō’mer ’el-bənōṯāyw wə’ayywō lāmmâ zzeh ‘ăzaḇəten ’eṯ-hā’îš qirə’en lwō wəyō’ḵal lāḥem:

21 wayywō’el mōšeh lāšeḇeṯ ’eṯ-hā’îš wayyitēn ’eṯ-ṣipōrâ ḇitwō ləmōšeh:

22 watēleḏ bēn wayyiqərā’ ’eṯ-šəmwō gērəšōm kî ’āmar gēr hāyîṯî bə’ereṣ nāḵərîyâ: f

23 wayəhî ḇayyāmîm hārabîm hâēm wayyāmāṯ meleḵə miṣərayim wayyē’ānəḥû ḇənê-yiśərā’ēl min-hā‘ăḇōḏâ wayyizə‘āqû wat^a‘al šawə‘āṯām ’el-hā’ĕlōhîm min-hā‘ăḇōḏâ:

24 wayyišəm^a‘ ’ĕlōhîm ’eṯ-na’ăqāṯām wayyizəkōr ’ĕlōhîm ’eṯ-bərîṯwō ’eṯ-’aḇərâām ’eṯ-yiṣəḥāq wə’eṯ-y^a‘ăqōḇ:

25 wayyarə’ ’ĕlōhîm ’eṯ-bənê yiśərā’ēl wayyēḏ^a‘ ’ĕlōhîm: s

‎1 ‏וּמֹשֶׁ֗ה הָיָ֥ה רֹעֶ֛ה אֶת־צֹ֛אן יִתְר֥וֹ חֹתְנ֖וֹ כֹּהֵ֣ן מִדְיָ֑ן וַיִּנְהַ֤ג אֶת־הַצֹּאן֙ אַחַ֣ר הַמִּדְבָּ֔ר וַיָּבֹ֛א אֶל־הַ֥ר הָאֱלֹהִ֖ים חֹרֵֽבָה׃

‎2 ‏וַ֠יֵּרָא מַלְאַ֨ךְ יְהוָֹ֥ה אֵלָ֛יו בְּלַבַּת־אֵ֖שׁ מִתּ֣וֹךְ הַסְּנֶ֑ה וַיַּ֗רְא וְהִנֵּ֤ה הַסְּנֶה֙ בֹּעֵ֣ר בָּאֵ֔שׁ וְהַסְּנֶ֖ה אֵינֶ֥נּוּ אֻכָּֽל׃

‎3 ‏וַיֹּ֣אמֶר מֹשֶׁ֔ה אָסֻֽרָה־נָּ֣א וְאֶרְאֶ֔ה אֶת־הַמַּרְאֶ֥ה הַגָּדֹ֖ל הַזֶּ֑ה מַדּ֖וּעַ לֹא־יִבְעַ֥ר הַסְּנֶֽה׃

‎4 ‏וַיַּ֥רְא יְהוָ֖ה כִּ֣י סָ֣ר לִרְא֑וֹת וַיִּקְרָא֩ אֵלָ֨יו אֱלֹהִ֜ים מִתּ֣וֹךְ הַסְּנֶ֗ה וַיֹּ֛אמֶר מֹשֶׁ֥ה מֹשֶׁ֖ה וַיֹּ֥אמֶר הִנֵּֽנִי׃

‎5 ‏וַיֹּ֖אמֶר אַל־תִּקְרַ֣ב הֲלֹ֑ם שַׁל־נְעָלֶ֙יךָ֙ מֵעַ֣ל רַגְלֶ֔יךָ כִּ֣י הַמָּק֗וֹם אֲשֶׁ֤ר אַתָּה֙ עוֹמֵ֣ד עָלָ֔יו אַדְמַת־קֹ֖דֶשׁ הֽוּא׃

‎6 ‏וַיֹּ֗אמֶר אָנֹכִי֙ אֱלֹהֵ֣י אָבִ֔יךָ אֱלֹהֵ֧י אַבְרָהָ֛ם אֱלֹהֵ֥י יִצְחָ֖ק וֵאלֹהֵ֣י יַעֲקֹ֑ב וַיַּסְתֵּ֤ר מֹשֶׁה֙ פָּנָ֔יו כִּ֣י יָרֵ֔א מֵהַבִּ֖יט אֶל־הָאֱלֹהִֽים׃

‎7 ‏וַיֹּ֣אמֶר יְהוָ֔ה רָאֹ֥ה רָאִ֛יתִי אֶת־עֳנִ֥י עַמִּ֖י אֲשֶׁ֣ר בְּמִצְרָ֑יִם וְאֶת־צַעֲקָתָ֤ם שָׁמַ֙עְתִּי֙ מִפְּנֵ֣י נֹֽגְשָׂ֔יו כִּ֥י יָדַ֖עְתִּי אֶת־מַכְאֹבָֽיו׃

‎8 ‏וָאֵרֵ֞ד לְהַצִּיל֣וֹ׀ מִיַּ֣ד מִצְרַ֗יִם וּֽלְהַעֲלֹתוֹ֮ מִן־הָאָ֣רֶץ הַהִוא֒ אֶל־אֶ֤רֶץ טוֹבָה֙ וּרְחָבָ֔ה אֶל־אֶ֛רֶץ זָבַ֥ת חָלָ֖ב וּדְבָ֑שׁ אֶל־מְק֤וֹם הַֽכְּנַעֲנִי֙ וְהַ֣חִתִּ֔י וְהָֽאֱמֹרִי֙ וְהַפְּרִזִּ֔י וְהַחִוִּ֖י וְהַיְבוּסִֽי׃

‎9 ‏וְעַתָּ֕ה הִנֵּ֛ה צַעֲקַ֥ת בְּנֵי־יִשְׂרָאֵ֖ל בָּ֣אָה אֵלָ֑י וְגַם־רָאִ֙יתִי֙ אֶת־הַלַּ֔חַץ אֲשֶׁ֥ר מִצְרַ֖יִם לֹחֲצִ֥ים אֹתָֽם׃

‎10 ‏וְעַתָּ֣ה לְכָ֔ה וְאֶֽשְׁלָחֲךָ֖ אֶל־פַּרְעֹ֑ה וְהוֹצֵ֛א אֶת־עַמִּ֥י בְנֵֽי־יִשְׂרָאֵ֖ל מִמִּצְרָֽיִם׃

‎11 ‏וַיֹּ֤אמֶר מֹשֶׁה֙ אֶל־הָ֣אֱלֹהִ֔ים מִ֣י אָנֹ֔כִי כִּ֥י אֵלֵ֖ךְ אֶל־פַּרְעֹ֑ה וְכִ֥י אוֹצִ֛יא אֶת־בְּנֵ֥י יִשְׂרָאֵ֖ל מִמִּצְרָֽיִם׃

‎12 ‏וַיֹּ֙אמֶר֙ כִּֽי־אֶֽהְיֶ֣ה עִמָּ֔ךְ וְזֶה־לְּךָ֣ הָא֔וֹת כִּ֥י אָנֹכִ֖י שְׁלַחְתִּ֑יךָ בְּהוֹצִֽיאֲךָ֤ אֶת־הָעָם֙ מִמִּצְרַ֔יִם תַּֽעַבְדוּן֙ אֶת־הָ֣אֱלֹהִ֔ים עַ֖ל הָהָ֥ר הַזֶּֽה׃

‎13 ‏וַיֹּ֨אמֶר מֹשֶׁ֜ה אֶל־הָֽאֱלֹהִ֗ים הִנֵּ֨ה אָנֹכִ֣י בָא֮ אֶל־בְּנֵ֣י יִשְׂרָאֵל֒ וְאָמַרְתִּ֣י לָהֶ֔ם אֱלֹהֵ֥י אֲבוֹתֵיכֶ֖ם שְׁלָחַ֣נִי אֲלֵיכֶ֑ם וְאָֽמְרוּ־לִ֣י מַה־שְּׁמ֔וֹ מָ֥ה אֹמַ֖ר אֲלֵהֶֽם׃

‎14 ‏וַיֹּ֤אמֶר אֱלֹהִים֙ אֶל־מֹשֶׁ֔ה אֶֽהְיֶ֖ה אֲשֶׁ֣ר אֶֽהְיֶ֑ה וַיֹּ֗אמֶר כֹּ֤ה תֹאמַר֙ לִבְנֵ֣י יִשְׂרָאֵ֔ל אֶֽהְיֶ֖ה שְׁלָחַ֥נִי אֲלֵיכֶֽם׃

‎15 ‏וַיֹּאמֶר֩ ע֨וֹד אֱלֹהִ֜ים אֶל־מֹשֶׁ֗ה כֹּֽה־תֹאמַר֮ אֶל־בְּנֵ֣י יִשְׂרָאֵל֒ יְהוָ֞ה אֱלֹהֵ֣י אֲבֹתֵיכֶ֗ם אֱלֹהֵ֨י אַבְרָהָ֜ם אֱלֹהֵ֥י יִצְחָ֛ק וֵאלֹהֵ֥י יַעֲקֹ֖ב שְׁלָחַ֣נִי אֲלֵיכֶ֑ם זֶה־שְּׁמִ֣י לְעֹלָ֔ם וְזֶ֥ה זִכְרִ֖י לְדֹ֥ר דֹּֽר׃

‎16 ‏לֵ֣ךְ וְאָֽסַפְתָּ֞ אֶת־זִקְנֵ֣י יִשְׂרָאֵ֗ל וְאָמַרְתָּ֤ אֲלֵהֶם֙ יְהוָ֞ה אֱלֹהֵ֤י אֲבֹֽתֵיכֶם֙ נִרְאָ֣ה אֵלַ֔י אֱלֹהֵ֧י אַבְרָהָ֛ם יִצְחָ֥ק וְיַעֲקֹ֖ב לֵאמֹ֑ר פָּקֹ֤ד פָּקַ֙דְתִּי֙ אֶתְכֶ֔ם וְאֶת־הֶעָשׂ֥וּי לָכֶ֖ם בְּמִצְרָֽיִם׃

‎17 ‏וָאֹמַ֗ר אַעֲלֶ֣ה אֶתְכֶם֮ מֵעֳנִ֣י מִצְרַיִם֒ אֶל־אֶ֤רֶץ הַֽכְּנַעֲנִי֙ וְהַ֣חִתִּ֔י וְהָֽאֱמֹרִי֙ וְהַפְּרִזִּ֔י וְהַחִוִּ֖י וְהַיְבוּסִ֑י אֶל־אֶ֛רֶץ זָבַ֥ת חָלָ֖ב וּדְבָֽשׁ׃

‎18 ‏וְשָׁמְע֖וּ לְקֹלֶ֑ךָ וּבָאתָ֡ אַתָּה֩ וְזִקְנֵ֨י יִשְׂרָאֵ֜ל אֶל־מֶ֣לֶךְ מִצְרַ֗יִם וַאֲמַרְתֶּ֤ם אֵלָיו֙ יְהוָ֞ה אֱלֹהֵ֤י הָֽעִבְרִיִּים֙ נִקְרָ֣ה עָלֵ֔ינוּ וְעַתָּ֗ה נֵֽלֲכָה־נָּ֞א דֶּ֣רֶךְ שְׁלֹ֤שֶׁת יָמִים֙ בַּמִּדְבָּ֔ר וְנִזְבְּחָ֖ה לַֽיהוָ֥ה אֱלֹהֵֽינוּ׃

‎19 ‏וַאֲנִ֣י יָדַ֔עְתִּי כִּ֠י לֹֽא־יִתֵּ֥ן אֶתְכֶ֛ם מֶ֥לֶךְ מִצְרַ֖יִם לַהֲלֹ֑ךְ וְלֹ֖א בְּיָ֥ד חֲזָקָֽה׃

‎20 ‏וְשָׁלַחְתִּ֤י אֶת־יָדִי֙ וְהִכֵּיתִ֣י אֶת־מִצְרַ֔יִם בְּכֹל֙ נִפְלְאֹתַ֔י אֲשֶׁ֥ר אֶֽעֱשֶׂ֖ה בְּקִרְבּ֑וֹ וְאַחֲרֵי־כֵ֖ן יְשַׁלַּ֥ח אֶתְכֶֽם׃

‎21 ‏וְנָתַתִּ֛י אֶת־חֵ֥ן הָֽעָם־הַזֶּ֖ה בְּעֵינֵ֣י מִצְרָ֑יִם וְהָיָה֙ כִּ֣י תֵֽלֵכ֔וּן לֹ֥א תֵלְכ֖וּ רֵיקָֽם׃

‎22 ‏וְשָׁאֲלָ֨ה אִשָּׁ֤ה מִשְּׁכֶנְתָּהּ֙ וּמִגָּרַ֣ת בֵּיתָ֔הּ כְּלֵי־כֶ֛סֶף וּכְלֵ֥י זָהָ֖ב וּשְׂמָלֹ֑ת וְשַׂמְתֶּ֗ם עַל־בְּנֵיכֶם֙ וְעַל־בְּנֹ֣תֵיכֶ֔ם וְנִצַּלְתֶּ֖ם אֶת־מִצְרָֽיִם׃

1 ûmōšeh hāyâ rō‘eh ’eṯ-ṣō’n yiṯərwō ḥōṯənwō kōhēn miḏəyān wayyinəhaḡ ’eṯ-haṣṣō’n ’^aḥar hammiḏəbār wayyāḇō’ ’el-har hā’ĕlōhîm ḥōrēḇâ:

2 wayyērā’ malə’aḵə yəhwōâ ’ēlāyw bəlabaṯ-’ēš mitwōḵə hassəneh wayyarə’ wəhinnēh hassəneh bō‘ēr bā’ēš wəhassəneh ’ênennû ’ukāl:

3 wayyō’mer mōšeh ’āsurâ-nnā’ wə’erə’eh ’eṯ-hammarə’eh hagāḏōl hazzeh madû‘a lō’-yiḇə‘ar hassəneh:

4 wayyarə’ yəhwâ kî sār lirə’wōṯ wayyiqərā’ ’ēlāyw ’ĕlōhîm mitwōḵə hassəneh wayyō’mer mōšeh mōšeh wayyō’mer hinnēnî:

5 wayyō’mer ’al-tiqəraḇ hălōm šal-nə‘āleyḵā mē‘al raḡəleyḵā kî hammāqwōm ’ăšer ’atâ ‘wōmēḏ ‘ālāyw ’aḏəmaṯ-qōḏeš hû’:

6 wayyō’mer ’ānōḵî ’ĕlōhê ’āḇîḵā ’ĕlōhê ’aḇərâām ’ĕlōhê yiṣəḥāq wē’lōhê y^a‘ăqōḇ wayyasətēr mōšeh pānāyw kî yārē’ mēhabîṭ ’el-hā’ĕlōhîm:

7 wayyō’mer yəhwâ rā’ōh rā’îṯî ’eṯ-‘ŏnî ‘ammî ’ăšer bəmiṣərāyim wə’eṯ-ṣ^a‘ăqāṯām šām^a‘ətî mipənê nōḡəśāyw kî yāḏ^a‘ətî ’eṯ-maḵə’ōḇāyw:

8 wā’ērēḏ ləhaṣṣîlwō| mîyaḏ miṣərayim ûləh^a‘ălōṯwō min-hā’āreṣ hahiw’ ’el-’ereṣ ṭwōḇâ ûrəḥāḇâ ’el-’ereṣ zāḇaṯ ḥālāḇ ûḏəḇāš ’el-məqwōm hakən^a‘ănî wəh^aḥitî wəhā’ĕmōrî wəhapərizzî wəh^aḥiûî wəhayəḇûsî:

9 wə‘atâ hinnēh ṣ^a‘ăqaṯ bənê-yiśərā’ēl bā’â ’ēlāy wəḡam-rā’îṯî ’eṯ-hall^aḥaṣ ’ăšer miṣərayim lōḥăṣîm ’ōṯām:

10 wə‘atâ ləḵâ wə’ešəlāḥăḵā ’el-parə‘ōh wəhwōṣē’ ’eṯ-‘ammî ḇənê-yiśərā’ēl mimmiṣərāyim:

11 wayyō’mer mōšeh ’el-hā’ĕlōhîm mî ’ānōḵî kî ’ēlēḵə ’el-parə‘ōh wəḵî ’wōṣî’ ’eṯ-bənê yiśərā’ēl mimmiṣərāyim:

12 wayyō’mer kî-’ehəyeh ‘immāḵə wəzeh-lləḵā hā’wōṯ kî ’ānōḵî šəl^aḥətîḵā bəhwōṣî’ăḵā ’eṯ-hā‘ām mimmiṣərayim t^a‘aḇəḏûn ’eṯ-hā’ĕlōhîm ‘al hâār hazzeh:

13 wayyō’mer mōšeh ’el-hā’ĕlōhîm hinnēh ’ānōḵî ḇā’ ’el-bənê yiśərā’ēl wə’āmarətî lâem ’ĕlōhê ’ăḇwōṯêḵem šəlāḥanî ’ălêḵem wə’āmərû-lî mah-ššəmwō mâ ’ōmar ’ălēhem:

14 wayyō’mer ’ĕlōhîm ’el-mōšeh ’ehəyeh ’ăšer ’ehəyeh wayyō’mer kōh ṯō’mar liḇənê yiśərā’ēl ’ehəyeh šəlāḥanî ’ălêḵem:

15 wayyō’mer ‘wōḏ ’ĕlōhîm ’el-mōšeh kōh-ṯō’mar ’el-bənê yiśərā’ēl yəhwâ ’ĕlōhê ’ăḇōṯêḵem ’ĕlōhê ’aḇərâām ’ĕlōhê yiṣəḥāq wē’lōhê y^a‘ăqōḇ šəlāḥanî ’ălêḵem zeh-ššəmî lə‘ōlām wəzeh ziḵərî ləḏōr dōr:

16 lēḵə wə’āsafətā ’eṯ-ziqənê yiśərā’ēl wə’āmarətā ’ălēhem yəhwâ ’ĕlōhê ’ăḇōṯêḵem nirə’â ’ēlay ’ĕlōhê ’aḇərâām yiṣəḥāq wəy^a‘ăqōḇ lē’mōr pāqōḏ pāqaḏətî ’eṯəḵem wə’eṯ-he‘āśûy lāḵem bəmiṣərāyim:

17 wā’ōmar ’^a‘ăleh ’eṯəḵem mē‘ŏnî miṣərayim ’el-’ereṣ hakən^a‘ănî wəh^aḥitî wəhā’ĕmōrî wəhapərizzî wəh^aḥiûî wəhayəḇûsî ’el-’ereṣ zāḇaṯ ḥālāḇ ûḏəḇāš:

18 wəšāmə‘û ləqōleḵā ûḇā’ṯā ’atâ wəziqənê yiśərā’ēl ’el-meleḵə miṣərayim wa’ămarətem ’ēlāyw yəhwâ ’ĕlōhê hā‘iḇərîyîm niqərâ ‘ālênû wə‘atâ nēlăḵâ-nnā’ dereḵə šəlōšeṯ yāmîm bammiḏəbār wənizəbəḥâ layhwâ ’ĕlōhênû:

19 wa’ănî yāḏ^a‘ətî kî lō’-yitēn ’eṯəḵem meleḵə miṣərayim lahălōḵə wəlō’ bəyāḏ ḥăzāqâ:

20 wəšāl^aḥətî ’eṯ-yāḏî wəhikêṯî ’eṯ-miṣərayim bəḵōl nifələ’ōṯay ’ăšer ’e‘ĕśeh bəqirəbwō wə’^aḥărê-ḵēn yəšall^aḥ ’eṯəḵem:

21 wənāṯatî ’eṯ-ḥēn hā‘ām-hazzeh bə‘ênê miṣərāyim wəhāyâ kî ṯēlēḵûn lō’ ṯēləḵû rêqām:

22 wəšā’ălâ ’iššâ miššəḵenətāh ûmigāraṯ bêṯāh kəlê-ḵesef ûḵəlê zâāḇ ûśəmālōṯ wəśamətem ‘al-bənêḵem wə‘al-bənōṯêḵem wəniṣṣalətem ’eṯ-miṣərāyim:

‎1 ‏וַיַּ֤עַן מֹשֶׁה֙ וַיֹּ֔אמֶר וְהֵן֙ לֹֽא־יַאֲמִ֣ינוּ לִ֔י וְלֹ֥א יִשְׁמְע֖וּ בְּקֹלִ֑י כִּ֣י יֹֽאמְר֔וּ לֹֽא־נִרְאָ֥ה אֵלֶ֖יךָ יְהוָֽה׃

‎2 ‏וַיֹּ֧אמֶר אֵלָ֛יו יְהוָ֖ה מזה מַה־ זֶּ֣ה^a בְיָדֶ֑ךָ וַיֹּ֖אמֶר מַטֶּֽה׃

‎3 ‏וַיֹּ֙אמֶר֙ הַשְׁלִיכֵ֣הוּ אַ֔רְצָה וַיַּשְׁלִיכֵ֥הוּ אַ֖רְצָה וַיְהִ֣י לְנָחָ֑שׁ וַיָּ֥נָס מֹשֶׁ֖ה מִפָּנָֽיו׃

‎4 ‏וַיֹּ֤אמֶר יְהוָה֙ אֶל־מֹשֶׁ֔ה שְׁלַח֙ יָֽדְךָ֔ וֶאֱחֹ֖ז בִּזְנָב֑וֹ וַיִּשְׁלַ֤ח יָדוֹ֙ וַיַּ֣חֲזֶק בּ֔וֹ וַיְהִ֥י לְמַטֶּ֖ה בְּכַפּֽוֹ׃

‎5 ‏לְמַ֣עַן יַאֲמִ֔ינוּ כִּֽי־נִרְאָ֥ה אֵלֶ֛יךָ יְהוָ֖ה אֱלֹהֵ֣י אֲבֹתָ֑ם אֱלֹהֵ֧י אַבְרָהָ֛ם אֱלֹהֵ֥י יִצְחָ֖ק וֵאלֹהֵ֥י יַעֲקֹֽב׃

‎6 ‏וַיֹּאמֶר֩ יְהוָ֨ה ל֜וֹ ע֗וֹד הָֽבֵא־נָ֤א יָֽדְךָ֙ בְּחֵיקֶ֔ךָ וַיָּבֵ֥א יָד֖וֹ בְּחֵיק֑וֹ וַיּ֣וֹצִאָ֔הּ וְהִנֵּ֥ה יָד֖וֹ מְצֹרַ֥עַת כַּשָּֽׁלֶג׃

‎7 ‏וַיֹּ֗אמֶר הָשֵׁ֤ב יָֽדְךָ֙ אֶל־חֵיקֶ֔ךָ וַיָּ֥שֶׁב יָד֖וֹ אֶל־חֵיק֑וֹ וַיּֽוֹצִאָהּ֙ מֵֽחֵיק֔וֹ וְהִנֵּה־שָׁ֖בָה כִּבְשָׂרֽוֹ׃

‎8 ‏וְהָיָה֙ אִם־לֹ֣א יַאֲמִ֣ינוּ לָ֔ךְ וְלֹ֣א יִשְׁמְע֔וּ לְקֹ֖ל הָאֹ֣ת הָרִאשׁ֑וֹן וְהֶֽאֱמִ֔ינוּ לְקֹ֖ל הָאֹ֥ת הָאַחֲרֽוֹן׃

‎9 ‏וְהָיָ֡ה אִם־לֹ֣א יַאֲמִ֡ינוּ גַּם֩ לִשְׁנֵ֨י הָאֹת֜וֹת הָאֵ֗לֶּה וְלֹ֤א יִשְׁמְעוּן֙ לְקֹלֶ֔ךָ וְלָקַחְתָּ֙ מִמֵּימֵ֣י הַיְאֹ֔ר וְשָׁפַכְתָּ֖ הַיַּבָּשָׁ֑ה וְהָי֤וּ הַמַּ֙יִם֙ אֲשֶׁ֣ר תִּקַּ֣ח מִן־הַיְאֹ֔ר וְהָי֥וּ לְדָ֖ם בַּיַּבָּֽשֶׁת׃

‎10 ‏וַיֹּ֨אמֶר מֹשֶׁ֣ה אֶל־יְהוָה֮ בִּ֣י אֲדֹנָי֒ לֹא֩ אִ֨ישׁ דְּבָרִ֜ים אָנֹ֗כִי גַּ֤ם מִתְּמוֹל֙ גַּ֣ם מִשִּׁלְשֹׁ֔ם גַּ֛ם מֵאָ֥ז דַּבֶּרְךָ¹ אֶל־עַבְדֶּ֑ךָ כִּ֧י כְבַד־פֶּ֛ה וּכְבַ֥ד לָשׁ֖וֹן אָנֹֽכִי׃

‎11 ‏וַיֹּ֨אמֶר יְהוָ֜ה אֵלָ֗יו מִ֣י שָׂ֣ם פֶּה֮ לָֽאָדָם֒ א֚וֹ מִֽי־יָשׂ֣וּם אִלֵּ֔ם א֣וֹ חֵרֵ֔שׁ א֥וֹ פִקֵּ֖חַ א֣וֹ עִוֵּ֑ר הֲלֹ֥א אָנֹכִ֖י יְהוָֽה׃

‎12 ‏וְעַתָּ֖ה לֵ֑ךְ וְאָנֹכִי֙ אֶֽהְיֶ֣ה עִם־פִּ֔יךָ וְהוֹרֵיתִ֖יךָ אֲשֶׁ֥ר תְּדַבֵּֽר׃

‎13 ‏וַיֹּ֖אמֶר בִּ֣י אֲדֹנָ֑י שְֽׁלַֽח־נָ֖א בְּיַד־תִּשְׁלָֽח׃

‎14 ‏וַיִּֽחַר־אַ֨ף יְהוָ֜ה בְּמֹשֶׁ֗ה וַיֹּ֙אמֶר֙ הֲלֹ֨א אַהֲרֹ֤ן אָחִ֙יךָ֙ הַלֵּוִ֔י יָדַ֕עְתִּי כִּֽי־דַבֵּ֥ר יְדַבֵּ֖ר ה֑וּא וְגַ֤ם הִנֵּה־הוּא֙ יֹצֵ֣א לִקְרָאתֶ֔ךָ וְרָאֲךָ֖ וְשָׂמַ֥ח בְּלִבּֽוֹ׃

‎15 ‏וְדִבַּרְתָּ֣ אֵלָ֔יו וְשַׂמְתָּ֥ אֶת־הַדְּבָרִ֖ים בְּפִ֑יו וְאָנֹכִ֗י אֶֽהְיֶ֤ה עִם־פִּ֙יךָ֙ וְעִם־פִּ֔יהוּ וְהוֹרֵיתִ֣י אֶתְכֶ֔ם אֵ֖ת אֲשֶׁ֥ר תַּעֲשֽׂוּן׃

‎16 ‏וְדִבֶּר־ה֥וּא לְךָ֖ אֶל־הָעָ֑ם וְהָ֤יָה הוּא֙ יִֽהְיֶה־לְּךָ֣ לְפֶ֔ה וְאַתָּ֖ה תִּֽהְיֶה־לּ֥וֹ לֵֽאלֹהִֽים׃

‎17 ‏וְאֶת־הַמַּטֶּ֥ה הַזֶּ֖ה תִּקַּ֣ח בְּיָדֶ֑ךָ אֲשֶׁ֥ר תַּעֲשֶׂה־בּ֖וֹ אֶת־הָאֹתֹֽת׃ פ

‎18 ‏וַיֵּ֨לֶךְ מֹשֶׁ֜ה וַיָּ֣שָׁב׀ אֶל־יֶ֣תֶר חֹֽתְנ֗וֹ וַיֹּ֤אמֶר לוֹ֙ אֵ֣לְכָה¹ נָּ֗א וְאָשׁ֙וּבָה֙ אֶל־אַחַ֣י אֲשֶׁר־בְּמִצְרַ֔יִם וְאֶרְאֶ֖ה הַעוֹדָ֣ם חַיִּ֑ים וַיֹּ֧אמֶר יִתְר֛וֹ לְמֹשֶׁ֖ה לֵ֥ךְ לְשָׁלֽוֹם׃

‎19 ‏וַיֹּ֨אמֶר יְהוָ֤ה אֶל־מֹשֶׁה֙ בְּמִדְיָ֔ן לֵ֖ךְ שֻׁ֣ב מִצְרָ֑יִם כִּי־מֵ֙תוּ֙ כָּל־הָ֣אֲנָשִׁ֔ים הַֽמְבַקְשִׁ֖ים אֶת־נַפְשֶֽׁךָ׃

‎20 ‏וַיִּקַּ֨ח מֹשֶׁ֜ה אֶת־אִשְׁתּ֣וֹ וְאֶת־בָּנָ֗יו וַיַּרְכִּבֵם֙ עַֽל־הַחֲמֹ֔ר וַיָּ֖שָׁב אַ֣רְצָה מִצְרָ֑יִם וַיִּקַּ֥ח מֹשֶׁ֛ה אֶת־מַטֵּ֥ה הָאֱלֹהִ֖ים בְּיָדֽוֹ׃

‎21 ‏וַיֹּ֣אמֶר יְהוָה֮ אֶל־מֹשֶׁה֒ בְּלֶכְתְּךָ֙ לָשׁ֣וּב מִצְרַ֔יְמָה רְאֵ֗ה כָּל־הַמֹּֽפְתִים֙ אֲשֶׁר־שַׂ֣מְתִּי בְיָדֶ֔ךָ וַעֲשִׂיתָ֖ם לִפְנֵ֣י פַרְעֹ֑ה וַאֲנִי֙ אֲחַזֵּ֣ק אֶת־לִבּ֔וֹ וְלֹ֥א יְשַׁלַּ֖ח אֶת־הָעָֽם׃

‎22 ‏וְאָמַרְתָּ֖ אֶל־פַּרְעֹ֑ה כֹּ֚ה אָמַ֣ר יְהוָ֔ה בְּנִ֥י בְכֹרִ֖י יִשְׂרָאֵֽל׃

‎23 ‏וָאֹמַ֣ר אֵלֶ֗יךָ שַׁלַּ֤ח אֶת־בְּנִי֙ וְיַֽעַבְדֵ֔נִי וַתְּמָאֵ֖ן לְשַׁלְּח֑וֹ הִנֵּה֙ אָנֹכִ֣י הֹרֵ֔ג אֶת־בִּנְךָ֖ בְּכֹרֶֽךָ׃

‎24 ‏וַיְהִ֥י בַדֶּ֖רֶךְ בַּמָּל֑וֹן וַיִּפְגְּשֵׁ֣הוּ יְהוָ֔ה וַיְבַקֵּ֖שׁ הֲמִיתֽוֹ׃

‎25 ‏וַתִּקַּ֨ח צִפֹּרָ֜ה צֹ֗ר וַתִּכְרֹת֙ אֶת־עָרְלַ֣ת בְּנָ֔הּ וַתַּגַּ֖ע לְרַגְלָ֑יו וַתֹּ֕אמֶר כִּ֧י חֲתַן־דָּמִ֛ים אַתָּ֖ה לִֽי׃

‎26 ‏וַיִּ֖רֶף מִמֶּ֑נּוּ אָ֚ז אָֽמְרָ֔ה חֲתַ֥ן דָּמִ֖ים לַמּוּלֹֽת׃ פ

‎27 ‏וַיֹּ֤אמֶר יְהוָה֙ אֶֽל־אַהֲרֹ֔ן לֵ֛ךְ לִקְרַ֥את מֹשֶׁ֖ה הַמִּדְבָּ֑רָה וַיֵּ֗לֶךְ וַֽיִּפְגְּשֵׁ֛הוּ בְּהַ֥ר הָאֱלֹהִ֖ים וַיִּשַּׁק־לֽוֹ׃

‎28 ‏וַיַּגֵּ֤ד מֹשֶׁה֙ לְאַֽהֲרֹ֔ן אֵ֛ת כָּל־דִּבְרֵ֥י יְהוָ֖ה אֲשֶׁ֣ר שְׁלָח֑וֹ וְאֵ֥ת כָּל־הָאֹתֹ֖ת אֲשֶׁ֥ר צִוָּֽהוּ׃

‎29 ‏וַיֵּ֥לֶךְ מֹשֶׁ֖ה וְאַהֲרֹ֑ן וַיַּ֣אַסְפ֔וּ אֶת־כָּל־זִקְנֵ֖י בְּנֵ֥י יִשְׂרָאֵֽל׃

‎30 ‏וַיְדַבֵּ֣ר אַהֲרֹ֔ן אֵ֚ת כָּל־הַדְּבָרִ֔ים אֲשֶׁר־דִּבֶּ֥ר יְהוָ֖ה אֶל־מֹשֶׁ֑ה וַיַּ֥עַשׂ הָאֹתֹ֖ת לְעֵינֵ֥י הָעָֽם׃

‎31 ‏וַֽיַּאֲמֵ֖ן הָעָ֑ם וַֽיִּשְׁמְע֡וּ כִּֽי־פָקַ֨ד יְהוָ֜ה אֶת־בְּנֵ֣י יִשְׂרָאֵ֗ל וְכִ֤י רָאָה֙ אֶת־עָנְיָ֔ם וַֽיִּקְּד֖וּ וַיִּֽשְׁתַּחֲוּֽוּ׃¹

1 wayy^a‘an mōšeh wayyō’mer wəhēn lō’-ya’ămînû lî wəlō’ yišəmə‘û bəqōlî kî yō’mərû lō’-nirə’â ’ēleyḵā yəhwâ:

2 wayyō’mer ’ēlāyw yəhwâ mazzeh mah- zzeh^a ḇəyāḏeḵā wayyō’mer maṭṭeh:

3 wayyō’mer hašəlîḵēhû ’arəṣâ wayyašəlîḵēhû ’arəṣâ wayəhî lənāḥāš wayyānās mōšeh mipānāyw:

4 wayyō’mer yəhwâ ’el-mōšeh šəl^aḥ yāḏəḵā we’ĕḥōz bizənāḇwō wayyišəl^aḥ yāḏwō wayy^aḥăzeq bwō wayəhî ləmaṭṭeh bəḵapwō:

5 ləm^a‘an ya’ămînû kî-nirə’â ’ēleyḵā yəhwâ ’ĕlōhê ’ăḇōṯām ’ĕlōhê ’aḇərâām ’ĕlōhê yiṣəḥāq wē’lōhê y^a‘ăqōḇ:

6 wayyō’mer yəhwâ lwō ‘wōḏ hāḇē’-nā’ yāḏəḵā bəḥêqeḵā wayyāḇē’ yāḏwō bəḥêqwō wayywōṣi’āh wəhinnēh yāḏwō məṣōr^a‘aṯ kaššāleḡ:

7 wayyō’mer hāšēḇ yāḏəḵā ’el-ḥêqeḵā wayyāšeḇ yāḏwō ’el-ḥêqwō wayywōṣi’āh mēḥêqwō wəhinnēh-šāḇâ kiḇəśārwō:

8 wəhāyâ ’im-lō’ ya’ămînû lāḵə wəlō’ yišəmə‘û ləqōl hā’ōṯ hāri’šwōn wəhe’ĕmînû ləqōl hā’ōṯ hā’^aḥărwōn:

9 wəhāyâ ’im-lō’ ya’ămînû gam lišənê hā’ōṯwōṯ hā’ēlleh wəlō’ yišəmə‘ûn ləqōleḵā wəlāq^aḥətā mimmêmê hayə’ōr wəšāfaḵətā hayyabāšâ wəhāyû hammayim ’ăšer tiqq^aḥ min-hayə’ōr wəhāyû ləḏām bayyabāšeṯ:

10 wayyō’mer mōšeh ’el-yəhwâ bî ’ăḏōnāy lō’ ’îš dəḇārîm ’ānōḵî gam mitəmwōl gam miššiləšōm gam mē’āz daberəḵā¹ ’el-‘aḇədeḵā kî ḵəḇaḏ-peh ûḵəḇaḏ lāšwōn ’ānōḵî:

11 wayyō’mer yəhwâ ’ēlāyw mî śām peh lā’āḏām ’wō mî-yāśûm ’illēm ’wō ḥērēš ’wō fiqqēḥa ’wō ‘iûēr hălō’ ’ānōḵî yəhwâ:

12 wə‘atâ lēḵə wə’ānōḵî ’ehəyeh ‘im-pîḵā wəhwōrêṯîḵā ’ăšer təḏabēr:

13 wayyō’mer bî ’ăḏōnāy šəl^aḥ-nā’ bəyaḏ-tišəlāḥ:

14 wayyiḥar-’af yəhwâ bəmōšeh wayyō’mer hălō’ ’ahărōn ’āḥîḵā hallēwî yāḏ^a‘ətî kî-ḏabēr yəḏabēr hû’ wəḡam hinnēh-hû’ yōṣē’ liqərā’ṯeḵā wərā’ăḵā wəśām^aḥ bəlibwō:

15 wəḏibarətā ’ēlāyw wəśamətā ’eṯ-hadəḇārîm bəfîw wə’ānōḵî ’ehəyeh ‘im-pîḵā wə‘im-pîhû wəhwōrêṯî ’eṯəḵem ’ēṯ ’ăšer t^a‘ăśûn:

16 wəḏiber-hû’ ləḵā ’el-hā‘ām wəhāyâ hû’ yihəyeh-lləḵā ləfeh wə’atâ tihəyeh-llwō lē’lōhîm:

17 wə’eṯ-hammaṭṭeh hazzeh tiqq^aḥ bəyāḏeḵā ’ăšer t^a‘ăśeh-bwō ’eṯ-hā’ōṯōṯ: f

18 wayyēleḵə mōšeh wayyāšāḇ| ’el-yeṯer ḥōṯənwō wayyō’mer lwō ’ēləḵâ¹ nnā’ wə’āšûḇâ ’el-’^aḥay ’ăšer-bəmiṣərayim wə’erə’eh h^a‘wōḏām ḥayyîm wayyō’mer yiṯərwō ləmōšeh lēḵə ləšālwōm:

19 wayyō’mer yəhwâ ’el-mōšeh bəmiḏəyān lēḵə šuḇ miṣərāyim kî-mēṯû kāl-hā’ănāšîm haməḇaqəšîm ’eṯ-nafəšeḵā:

20 wayyiqq^aḥ mōšeh ’eṯ-’išətwō wə’eṯ-bānāyw wayyarəkiḇēm ‘al-h^aḥămōr wayyāšāḇ ’arəṣâ miṣərāyim wayyiqq^aḥ mōšeh ’eṯ-maṭṭēh hā’ĕlōhîm bəyāḏwō:

21 wayyō’mer yəhwâ ’el-mōšeh bəleḵətəḵā lāšûḇ miṣərayəmâ rə’ēh kāl-hammōfəṯîm ’ăšer-śamətî ḇəyāḏeḵā w^a‘ăśîṯām lifənê farə‘ōh wa’ănî ’ăḥazzēq ’eṯ-libwō wəlō’ yəšall^aḥ ’eṯ-hā‘ām:

22 wə’āmarətā ’el-parə‘ōh kōh ’āmar yəhwâ bənî ḇəḵōrî yiśərā’ēl:

23 wā’ōmar ’ēleyḵā šall^aḥ ’eṯ-bənî wəy^a‘aḇəḏēnî watəmā’ēn ləšalləḥwō hinnēh ’ānōḵî hōrēḡ ’eṯ-binəḵā bəḵōreḵā:

24 wayəhî ḇadereḵə bammālwōn wayyifəgəšēhû yəhwâ wayəḇaqqēš hămîṯwō:

25 watiqq^aḥ ṣipōrâ ṣōr watiḵərōṯ ’eṯ-‘ārəlaṯ bənāh watag^a‘ ləraḡəlāyw watō’mer kî ḥăṯan-dāmîm ’atâ lî:

26 wayyiref mimmennû ’āz ’āmərâ ḥăṯan dāmîm lammûlōṯ: f

27 wayyō’mer yəhwâ ’el-’ahărōn lēḵə liqəra’ṯ mōšeh hammiḏəbārâ wayyēleḵə wayyifəgəšēhû bəhar hā’ĕlōhîm wayyiššaq-lwō:

28 wayyagēḏ mōšeh lə’ahărōn ’ēṯ kāl-diḇərê yəhwâ ’ăšer šəlāḥwō wə’ēṯ kāl-hā’ōṯōṯ ’ăšer ṣiûâû:

29 wayyēleḵə mōšeh wə’ahărōn wayya’asəfû ’eṯ-kāl-ziqənê bənê yiśərā’ēl:

30 wayəḏabēr ’ahărōn ’ēṯ kāl-hadəḇārîm ’ăšer-diber yəhwâ ’el-mōšeh wayy^a‘aś hā’ōṯōṯ lə‘ênê hā‘ām:

31 wayya’ămēn hā‘ām wayyišəmə‘û kî-fāqaḏ yəhwâ ’eṯ-bənê yiśərā’ēl wəḵî rā’â ’eṯ-‘ānəyām wayyiqqəḏû wayyišət^aḥăûû:¹

‎1 ‏וְאַחַ֗ר בָּ֚אוּ מֹשֶׁ֣ה וְאַהֲרֹ֔ן וַיֹּאמְר֖וּ אֶל־פַּרְעֹ֑ה כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל שַׁלַּח֙ אֶת־עַמִּ֔י וְיָחֹ֥גּוּ לִ֖י בַּמִּדְבָּֽר׃

‎2 ‏וַיֹּ֣אמֶר פַּרְעֹ֔ה מִ֤י יְהוָה֙ אֲשֶׁ֣ר אֶשְׁמַ֣ע בְּקֹל֔וֹ לְשַׁלַּ֖ח אֶת־יִשְׂרָאֵ֑ל לֹ֤א יָדַ֙עְתִּי֙ אֶת־יְהוָ֔ה וְגַ֥ם אֶת־יִשְׂרָאֵ֖ל לֹ֥א אֲשַׁלֵּֽחַ׃

‎3 ‏וַיֹּ֣אמְר֔וּ אֱלֹהֵ֥י הָעִבְרִ֖ים נִקְרָ֣א עָלֵ֑ינוּ נֵ֣לֲכָה נָּ֡א דֶּרֶךְ֩ שְׁלֹ֨שֶׁת יָמִ֜ים בַּמִּדְבָּ֗ר וְנִזְבְּחָה֙ לַֽיהוָ֣ה אֱלֹהֵ֔ינוּ פֶּ֨ן־יִפְגָּעֵ֔נוּ בַּדֶּ֖בֶר א֥וֹ בֶחָֽרֶב׃

‎4 ‏וַיֹּ֤אמֶר אֲלֵהֶם֙ מֶ֣לֶךְ מִצְרַ֔יִם לָ֚מָּה מֹשֶׁ֣ה וְאַהֲרֹ֔ן תַּפְרִ֥יעוּ אֶת־הָעָ֖ם מִמַּֽעֲשָׂ֑יו לְכ֖וּ לְסִבְלֹתֵיכֶֽם׃

‎5 ‏וַיֹּ֣אמֶר פַּרְעֹ֔ה הֵן־רַבִּ֥ים עַתָּ֖ה עַ֣ם הָאָ֑רֶץ וְהִשְׁבַּתֶּ֥ם אֹתָ֖ם מִסִּבְלֹתָֽם׃

‎6 ‏וַיְצַ֥ו פַּרְעֹ֖ה בַּיּ֣וֹם הַה֑וּא אֶת־הַנֹּגְשִׂ֣ים בָּעָ֔ם וְאֶת־שֹׁטְרָ֖יו לֵאמֹֽר׃

‎7 ‏לֹ֣א תֹאסִפ֞וּן לָתֵ֨ת תֶּ֧בֶן לָעָ֛ם לִלְבֹּ֥ן הַלְּבֵנִ֖ים כִּתְמ֣וֹל שִׁלְשֹׁ֑ם הֵ֚ם יֵֽלְכ֔וּ וְקֹשְׁשׁ֥וּ לָהֶ֖ם תֶּֽבֶן׃

‎8 ‏וְאֶת־מַתְכֹּ֨נֶת הַלְּבֵנִ֜ים אֲשֶׁ֣ר הֵם֩ עֹשִׂ֨ים תְּמ֤וֹל שִׁלְשֹׁם֙ תָּשִׂ֣ימוּ עֲלֵיהֶ֔ם לֹ֥א תִגְרְע֖וּ מִמֶּ֑נּוּ כִּֽי־נִרְפִּ֣ים הֵ֔ם עַל־כֵּ֗ן הֵ֤ם צֹֽעֲקִים֙ לֵאמֹ֔ר נֵלְכָ֖ה נִזְבְּחָ֥ה לֵאלֹהֵֽינוּ׃

‎9 ‏תִּכְבַּ֧ד הָעֲבֹדָ֛ה עַל־הָאֲנָשִׁ֖ים וְיַעֲשׂוּ־בָ֑הּ וְאַל־יִשְׁע֖וּ בְּדִבְרֵי־שָֽׁקֶר׃

‎10 ‏וַיֵּ֨צְא֜וּ נֹגְשֵׂ֤י³ הָעָם֙ וְשֹׁ֣טְרָ֔יו וַיֹּאמְר֥וּ אֶל־הָעָ֖ם לֵאמֹ֑ר כֹּ֚ה אָמַ֣ר פַּרְעֹ֔ה אֵינֶ֛נִּי נֹתֵ֥ן לָכֶ֖ם תֶּֽבֶן׃

‎11 ‏אַתֶּ֗ם לְכ֨וּ קְח֤וּ לָכֶם֙ תֶּ֔בֶן מֵאֲשֶׁ֖ר תִּמְצָ֑אוּ כִּ֣י אֵ֥ין נִגְרָ֛ע מֵעֲבֹדַתְכֶ֖ם דָּבָֽר׃

‎12 ‏וַיָּ֥פֶץ הָעָ֖ם בְּכָל־אֶ֣רֶץ מִצְרָ֑יִם לְקֹשֵׁ֥שׁ קַ֖שׁ לַתֶּֽבֶן׃

‎13 ‏וְהַנֹּגְשִׂ֖ים אָצִ֣ים לֵאמֹ֑ר כַּלּ֤וּ מַעֲשֵׂיכֶם֙ דְּבַר־י֣וֹם בְּיוֹמ֔וֹ כַּאֲשֶׁ֖ר בִּהְי֥וֹת הַתֶּֽבֶן׃

‎14 ‏וַיֻּכּ֗וּ שֹֽׁטְרֵי֙ בְּנֵ֣י יִשְׂרָאֵ֔ל אֲשֶׁר־שָׂ֣מוּ עֲלֵהֶ֔ם נֹגְשֵׂ֥י פַרְעֹ֖ה לֵאמֹ֑ר מַדּ֡וּעַ לֹא֩ כִלִּיתֶ֨ם חָקְכֶ֤ם לִלְבֹּן֙ כִּתְמ֣וֹל שִׁלְשֹׁ֔ם גַּם־תְּמ֖וֹל גַּם־הַיּֽוֹם׃

‎15 ‏וַיָּבֹ֗אוּ שֹֽׁטְרֵי֙ בְּנֵ֣י יִשְׂרָאֵ֔ל וַיִּצְעֲק֥וּ אֶל־פַּרְעֹ֖ה לֵאמֹ֑ר לָ֧מָּה תַעֲשֶׂ֦ה כֹ֖ה לַעֲבָדֶֽיךָ׃

‎16 ‏תֶּ֗בֶן אֵ֤ין נִתָּן֙ לַעֲבָדֶ֔יךָ וּלְבֵנִ֛ים אֹמְרִ֥ים לָ֖נוּ עֲשׂ֑וּ וְהִנֵּ֧ה עֲבָדֶ֛יךָ מֻכִּ֖ים וְחָטָ֥את עַמֶּֽךָ׃

‎17 ‏וַיֹּ֛אמֶר נִרְפִּ֥ים אַתֶּ֖ם נִרְפִּ֑ים עַל־כֵּן֙ אַתֶּ֣ם אֹֽמְרִ֔ים נֵלְכָ֖ה נִזְבְּחָ֥ה לַֽיהוָֽה׃

‎18 ‏וְעַתָּה֙ לְכ֣וּ עִבְד֔וּ וְתֶ֖בֶן לֹא־יִנָּתֵ֣ן לָכֶ֑ם וְתֹ֥כֶן לְבֵנִ֖ים תִּתֵּֽנּוּ׃

‎19 ‏וַיִּרְא֞וּ שֹֽׁטְרֵ֧י בְנֵֽי־יִשְׂרָאֵ֛ל אֹתָ֖ם בְּרָ֣ע לֵאמֹ֑ר לֹא־תִגְרְע֥וּ מִלִּבְנֵיכֶ֖ם דְּבַר־י֥וֹם בְּיוֹמֽוֹ׃

‎20 ‏וַֽיִּפְגְּעוּ֙ אֶת־מֹשֶׁ֣ה וְאֶֽת־אַהֲרֹ֔ן נִצָּבִ֖ים לִקְרָאתָ֑ם בְּצֵאתָ֖ם מֵאֵ֥ת פַּרְעֹֽה׃

‎21 ‏וַיֹּאמְר֣וּ אֲלֵהֶ֔ם יֵ֧רֶא יְהוָ֛ה עֲלֵיכֶ֖ם וְיִשְׁפֹּ֑ט אֲשֶׁ֧ר הִבְאַשְׁתֶּ֣ם אֶת־רֵיחֵ֗נוּ בְּעֵינֵ֤י פַרְעֹה֙ וּבְעֵינֵ֣י עֲבָדָ֔יו לָֽתֶת־חֶ֥רֶב בְּיָדָ֖ם לְהָרְגֵֽנוּ׃

‎22 ‏וַיָּ֧שָׁב מֹשֶׁ֛ה אֶל־יְהוָ֖ה וַיֹּאמַ֑ר אֲדֹנָ֗י לָמָ֤ה הֲרֵעֹ֙תָה֙ לָעָ֣ם הַזֶּ֔ה לָ֥מָּה זֶּ֖ה שְׁלַחְתָּֽנִי׃

‎23 ‏וּמֵאָ֞ז בָּ֤אתִי אֶל־פַּרְעֹה֙ לְדַבֵּ֣ר בִּשְׁמֶ֔ךָ הֵרַ֖ע לָעָ֣ם הַזֶּ֑ה וְהַצֵּ֥ל לֹא־הִצַּ֖לְתָּ אֶת־עַמֶּֽךָ׃

1 wə’^aḥar bā’û mōšeh wə’ahărōn wayyō’mərû ’el-parə‘ōh kōh-’āmar yəhwâ ’ĕlōhê yiśərā’ēl šall^aḥ ’eṯ-‘ammî wəyāḥōgû lî bammiḏəbār:

2 wayyō’mer parə‘ōh mî yəhwâ ’ăšer ’ešəm^a‘ bəqōlwō ləšall^aḥ ’eṯ-yiśərā’ēl lō’ yāḏ^a‘ətî ’eṯ-yəhwâ wəḡam ’eṯ-yiśərā’ēl lō’ ’ăšallēḥa:

3 wayyō’mərû ’ĕlōhê hā‘iḇərîm niqərā’ ‘ālênû nēlăḵâ nnā’ dereḵə šəlōšeṯ yāmîm bammiḏəbār wənizəbəḥâ layhwâ ’ĕlōhênû pen-yifəgā‘ēnû badeḇer ’wō ḇeḥāreḇ:

4 wayyō’mer ’ălēhem meleḵə miṣərayim lāmmâ mōšeh wə’ahărōn tafərî‘û ’eṯ-hā‘ām mimm^a‘ăśāyw ləḵû ləsiḇəlōṯêḵem:

5 wayyō’mer parə‘ōh hēn-rabîm ‘atâ ‘am hā’āreṣ wəhišəbatem ’ōṯām missiḇəlōṯām:

6 wayəṣaw parə‘ōh bayywōm hahû’ ’eṯ-hannōḡəśîm bā‘ām wə’eṯ-šōṭərāyw lē’mōr:

7 lō’ ṯō’sifûn lāṯēṯ teḇen lā‘ām liləbōn halləḇēnîm kiṯəmwōl šiləšōm hēm yēləḵû wəqōšəšû lâem teḇen:

8 wə’eṯ-maṯəkōneṯ halləḇēnîm ’ăšer hēm ‘ōśîm təmwōl šiləšōm tāśîmû ‘ălêhem lō’ ṯiḡərə‘û mimmennû kî-nirəpîm hēm ‘al-kēn hēm ṣō‘ăqîm lē’mōr nēləḵâ nizəbəḥâ lē’lōhênû:

9 tiḵəbaḏ hā‘ăḇōḏâ ‘al-hā’ănāšîm wəy^a‘ăśû-ḇāh wə’al-yišə‘û bəḏiḇərê-šāqer:

10 wayyēṣə’û nōḡəśê³ hā‘ām wəšōṭərāyw wayyō’mərû ’el-hā‘ām lē’mōr kōh ’āmar parə‘ōh ’ênennî nōṯēn lāḵem teḇen:

11 ’atem ləḵû qəḥû lāḵem teḇen mē’ăšer timəṣā’û kî ’ên niḡərā‘ mē‘ăḇōḏaṯəḵem dāḇār:

12 wayyāfeṣ hā‘ām bəḵāl-’ereṣ miṣərāyim ləqōšēš qaš lateḇen:

13 wəhannōḡəśîm ’āṣîm lē’mōr kallû m^a‘ăśêḵem dəḇar-ywōm bəywōmwō ka’ăšer bihəywōṯ hateḇen:

14 wayyukû šōṭərê bənê yiśərā’ēl ’ăšer-śāmû ‘ălēhem nōḡəśê farə‘ōh lē’mōr madû‘a lō’ ḵillîṯem ḥāqəḵem liləbōn kiṯəmwōl šiləšōm gam-təmwōl gam-hayywōm:

15 wayyāḇō’û šōṭərê bənê yiśərā’ēl wayyiṣə‘ăqû ’el-parə‘ōh lē’mōr lāmmâ ṯ^a‘ăśeh ḵōh l^a‘ăḇāḏeyḵā:

16 teḇen ’ên nitān l^a‘ăḇāḏeyḵā ûləḇēnîm ’ōmərîm lānû ‘ăśû wəhinnēh ‘ăḇāḏeyḵā mukîm wəḥāṭā’ṯ ‘ammeḵā:

17 wayyō’mer nirəpîm ’atem nirəpîm ‘al-kēn ’atem ’ōmərîm nēləḵâ nizəbəḥâ layhwâ:

18 wə‘atâ ləḵû ‘iḇəḏû wəṯeḇen lō’-yinnāṯēn lāḵem wəṯōḵen ləḇēnîm titēnnû:

19 wayyirə’û šōṭərê ḇənê-yiśərā’ēl ’ōṯām bərā‘ lē’mōr lō’-ṯiḡərə‘û milliḇənêḵem dəḇar-ywōm bəywōmwō:

20 wayyifəgə‘û ’eṯ-mōšeh wə’eṯ-’ahărōn niṣṣāḇîm liqərā’ṯām bəṣē’ṯām mē’ēṯ parə‘ōh:

21 wayyō’mərû ’ălēhem yēre’ yəhwâ ‘ălêḵem wəyišəpōṭ ’ăšer hiḇə’ašətem ’eṯ-rêḥēnû bə‘ênê farə‘ōh ûḇə‘ênê ‘ăḇāḏāyw lāṯeṯ-ḥereḇ bəyāḏām ləhārəḡēnû:

22 wayyāšāḇ mōšeh ’el-yəhwâ wayyō’mar ’ăḏōnāy lāmâ hărē‘ōṯâ lā‘ām hazzeh lāmmâ zzeh šəl^aḥətānî:

23 ûmē’āz bā’ṯî ’el-parə‘ōh ləḏabēr bišəmeḵā hēr^a‘ lā‘ām hazzeh wəhaṣṣēl lō’-hiṣṣalətā ’eṯ-‘ammeḵā:

‎1 ‏וַיֹּ֤אמֶר יְהוָה֙ אֶל־מֹשֶׁ֔ה עַתָּ֣ה תִרְאֶ֔ה אֲשֶׁ֥ר אֶֽעֱשֶׂ֖ה לְפַרְעֹ֑ה כִּ֣י בְיָ֤ד חֲזָקָה֙ יְשַׁלְּחֵ֔ם וּבְיָ֣ד חֲזָקָ֔ה יְגָרְשֵׁ֖ם מֵאַרְצֽוֹ׃ ס

‎2 ‏וַיְדַבֵּ֥ר אֱלֹהִ֖ים אֶל־מֹשֶׁ֑ה וַיֹּ֥אמֶר אֵלָ֖יו אֲנִ֥י יְהוָֽה׃

‎3 ‏וָאֵרָ֗א אֶל־אַבְרָהָ֛ם אֶל־יִצְחָ֥ק וְאֶֽל־יַעֲקֹ֖ב בְּאֵ֣ל שַׁדָּ֑י וּשְׁמִ֣י יְהוָ֔ה לֹ֥א נוֹדַ֖עְתִּי לָהֶֽם׃

‎4 ‏וְגַ֨ם הֲקִמֹ֤תִי אֶת־בְּרִיתִי֙ אִתָּ֔ם לָתֵ֥ת לָהֶ֖ם אֶת־אֶ֣רֶץ כְּנָ֑עַן אֵ֛ת אֶ֥רֶץ מְגֻרֵיהֶ֖ם אֲשֶׁר־גָּ֥רוּ בָֽהּ׃

‎5 ‏וְגַ֣ם׀ אֲנִ֣י שָׁמַ֗עְתִּי אֶֽת־נַאֲקַת֙ בְּנֵ֣י יִשְׂרָאֵ֔ל אֲשֶׁ֥ר מִצְרַ֖יִם מַעֲבִדִ֣ים אֹתָ֑ם וָאֶזְכֹּ֖ר אֶת־בְּרִיתִֽי׃

‎6 ‏לָכֵ֞ן אֱמֹ֥ר לִבְנֵֽי־יִשְׂרָאֵל֮³ אֲנִ֣י יְהוָה֒ וְהוֹצֵאתִ֣י אֶתְכֶ֗ם מִתַּ֙חַת֙ סִבְלֹ֣ת מִצְרַ֔יִם וְהִצַּלְתִּ֥י אֶתְכֶ֖ם מֵעֲבֹדָתָ֑ם וְגָאַלְתִּ֤י אֶתְכֶם֙ בִּזְר֣וֹעַ נְטוּיָ֔ה וּבִשְׁפָטִ֖ים גְּדֹלִֽים׃

‎7 ‏וְלָקַחְתִּ֨י אֶתְכֶ֥ם לִי֙ לְעָ֔ם וְהָיִ֥יתִי לָכֶ֖ם לֵֽאלֹהִ֑ים וִֽידַעְתֶּ֗ם כִּ֣י אֲנִ֤י יְהוָה֙ אֱלֹ֣הֵיכֶ֔ם הַמּוֹצִ֣יא אֶתְכֶ֔ם מִתַּ֖חַת סִבְל֥וֹת מִצְרָֽיִם׃

‎8 ‏וְהֵבֵאתִ֤י אֶתְכֶם֙ אֶל־הָאָ֔רֶץ אֲשֶׁ֤ר נָשָׂ֙אתִי֙ אֶת־יָדִ֔י לָתֵ֣ת אֹתָ֔הּ לְאַבְרָהָ֥ם לְיִצְחָ֖ק וּֽלְיַעֲקֹ֑ב וְנָתַתִּ֨י אֹתָ֥הּ לָכֶ֛ם מוֹרָשָׁ֖ה אֲנִ֥י יְהוָֽה׃

‎9 ‏וַיְדַבֵּ֥ר מֹשֶׁ֛ה כֵּ֖ן אֶל־בְּנֵ֣י יִשְׂרָאֵ֑ל וְלֹ֤א שָֽׁמְעוּ֙ אֶל־מֹשֶׁ֔ה מִקֹּ֣צֶר ר֔וּחַ וּמֵעֲבֹדָ֖ה קָשָֽׁה׃ פ

‎10 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎11 ‏בֹּ֣א דַבֵּ֔ר אֶל־פַּרְעֹ֖ה מֶ֣לֶךְ מִצְרָ֑יִם וִֽישַׁלַּ֥ח אֶת־בְּנֵֽי־יִשְׂרָאֵ֖ל מֵאַרְצֽוֹ׃

‎12 ‏וַיְדַבֵּ֣ר מֹשֶׁ֔ה לִפְנֵ֥י יְהוָ֖ה לֵאמֹ֑ר הֵ֤ן בְּנֵֽי־יִשְׂרָאֵל֙ לֹֽא־שָׁמְע֣וּ אֵלַ֔י וְאֵיךְ֙ יִשְׁמָעֵ֣נִי פַרְעֹ֔ה וַאֲנִ֖י עֲרַ֥ל שְׂפָתָֽיִם׃ פ

‎13 ‏וַיְדַבֵּ֣ר יְהוָה֮ אֶל־מֹשֶׁ֣ה וְאֶֽל־אַהֲרֹן֒ וַיְצַוֵּם֙ אֶל־בְּנֵ֣י יִשְׂרָאֵ֔ל וְאֶל־פַּרְעֹ֖ה מֶ֣לֶךְ מִצְרָ֑יִם לְהוֹצִ֥יא אֶת־בְּנֵֽי־יִשְׂרָאֵ֖ל מֵאֶ֥רֶץ מִצְרָֽיִם׃ ס

‎14 ‏אֵ֖לֶּה רָאשֵׁ֣י בֵית־אֲבֹתָ֑ם בְּנֵ֨י רְאוּבֵ֜ן בְּכֹ֣ר יִשְׂרָאֵ֗ל חֲנ֤וֹךְ וּפַלּוּא֙ חֶצְר֣וֹן וְכַרְמִ֔י אֵ֖לֶּה מִשְׁפְּחֹ֥ת רְאוּבֵֽן׃

‎15 ‏וּבְנֵ֣י שִׁמְע֗וֹן יְמוּאֵ֨ל וְיָמִ֤ין וְאֹ֙הַד֙ וְיָכִ֣ין וְצֹ֔חַר וְשָׁא֖וּל בֶּן־הַֽכְּנַעֲנִ֑ית אֵ֖לֶּה מִשְׁפְּחֹ֥ת שִׁמְעֽוֹן׃

‎16 ‏וְאֵ֨לֶּה שְׁמ֤וֹת בְּנֵֽי־לֵוִי֙ לְתֹ֣לְדֹתָ֔ם גֵּרְשׁ֕וֹן וּקְהָ֖ת וּמְרָרִ֑י וּשְׁנֵי֙ חַיֵּ֣י לֵוִ֔י שֶׁ֧בַע וּשְׁלֹשִׁ֛ים וּמְאַ֖ת שָׁנָֽה׃

‎17 ‏בְּנֵ֥י גֵרְשׁ֛וֹן לִבְנִ֥י וְשִׁמְעִ֖י לְמִשְׁפְּחֹתָֽם׃

‎18 ‏וּבְנֵ֣י קְהָ֔ת עַמְרָ֣ם וְיִצְהָ֔ר וְחֶבְר֖וֹן וְעֻזִּיאֵ֑ל וּשְׁנֵי֙ חַיֵּ֣י קְהָ֔ת שָׁלֹ֧שׁ וּשְׁלֹשִׁ֛ים וּמְאַ֖ת שָׁנָֽה׃

‎19 ‏וּבְנֵ֥י מְרָרִ֖י מַחְלִ֣י וּמוּשִׁ֑י אֵ֛לֶּה מִשְׁפְּחֹ֥ת הַלֵּוִ֖י לְתֹלְדֹתָֽם׃

‎20 ‏וַיִּקַּ֨ח עַמְרָ֜ם אֶת־יוֹכֶ֤בֶד דֹּֽדָתוֹ֙ ל֣וֹ לְאִשָּׁ֔ה וַתֵּ֣לֶד ל֔וֹ אֶֽת־אַהֲרֹ֖ן וְאֶת־מֹשֶׁ֑ה וּשְׁנֵי֙ חַיֵּ֣י עַמְרָ֔ם שֶׁ֧בַע וּשְׁלֹשִׁ֛ים וּמְאַ֖ת שָׁנָֽה׃

‎21 ‏וּבְנֵ֖י יִצְהָ֑ר קֹ֥רַח וָנֶ֖פֶג וְזִכְרִֽי׃

‎22 ‏וּבְנֵ֖י עֻזִּיאֵ֑ל מִֽישָׁאֵ֥ל וְאֶלְצָפָ֖ן וְסִתְרִֽי׃

‎23 ‏וַיִּקַּ֨ח³ אַהֲרֹ֜ן אֶת־אֱלִישֶׁ֧בַע בַּת־עַמִּינָדָ֛ב אֲח֥וֹת נַחְשׁ֖וֹן ל֣וֹ לְאִשָּׁ֑ה וַתֵּ֣לֶד ל֗וֹ אֶת־נָדָב֙ וְאֶת־אֲבִיה֔וּא אֶת־אֶלְעָזָ֖ר וְאֶת־אִֽיתָמָֽר׃

‎24 ‏וּבְנֵ֣י קֹ֔רַח אַסִּ֥יר וְאֶלְקָנָ֖ה וַאֲבִיאָסָ֑ף אֵ֖לֶּה מִשְׁפְּחֹ֥ת הַקָּרְחִֽי׃

‎25 ‏וְאֶלְעָזָ֨ר בֶּֽן־אַהֲרֹ֜ן לָקַֽח־ל֨וֹ מִבְּנ֤וֹת פּֽוּטִיאֵל֙ ל֣וֹ לְאִשָּׁ֔ה וַתֵּ֥לֶד ל֖וֹ אֶת־פִּֽינְחָ֑ס אֵ֗לֶּה רָאשֵׁ֛י אֲב֥וֹת הַלְוִיִּ֖ם לְמִשְׁפְּחֹתָֽם׃

‎26 ‏ה֥וּא אַהֲרֹ֖ן וּמֹשֶׁ֑ה אֲשֶׁ֨ר אָמַ֤ר יְהוָה֙ לָהֶ֔ם הוֹצִ֜יאוּ אֶת־בְּנֵ֧י יִשְׂרָאֵ֛ל מֵאֶ֥רֶץ מִצְרַ֖יִם עַל־צִבְאֹתָֽם׃

‎27 ‏הֵ֗ם הַֽמְדַבְּרִים֙ אֶל־פַּרְעֹ֣ה מֶֽלֶךְ־מִצְרַ֔יִם לְהוֹצִ֥יא אֶת־בְּנֵֽי־יִשְׂרָאֵ֖ל מִמִּצְרָ֑יִם ה֥וּא מֹשֶׁ֖ה וְאַהֲרֹֽן׃

‎28 ‏וַיְהִ֗י בְּי֨וֹם דִּבֶּ֧ר יְהוָ֛ה אֶל־מֹשֶׁ֖ה בְּאֶ֥רֶץ מִצְרָֽיִם׃ פ

‎29 ‏וַיְדַבֵּ֧ר יְהוָ֛ה אֶל־מֹשֶׁ֥ה לֵּאמֹ֖ר אֲנִ֣י יְהוָ֑ה דַּבֵּ֗ר אֶל־פַּרְעֹה֙ מֶ֣לֶךְ מִצְרַ֔יִם אֵ֛ת כָּל־אֲשֶׁ֥ר אֲנִ֖י דֹּבֵ֥ר אֵלֶֽיךָ׃

‎30 ‏וַיֹּ֥אמֶר מֹשֶׁ֖ה לִפְנֵ֣י יְהוָ֑ה הֵ֤ן אֲנִי֙ עֲרַ֣ל שְׂפָתַ֔יִם וְאֵ֕יךְ יִשְׁמַ֥ע אֵלַ֖י פַּרְעֹֽה׃ פ

1 wayyō’mer yəhwâ ’el-mōšeh ‘atâ ṯirə’eh ’ăšer ’e‘ĕśeh ləfarə‘ōh kî ḇəyāḏ ḥăzāqâ yəšalləḥēm ûḇəyāḏ ḥăzāqâ yəḡārəšēm mē’arəṣwō: s

2 wayəḏabēr ’ĕlōhîm ’el-mōšeh wayyō’mer ’ēlāyw ’ănî yəhwâ:

3 wā’ērā’ ’el-’aḇərâām ’el-yiṣəḥāq wə’el-y^a‘ăqōḇ bə’ēl šadāy ûšəmî yəhwâ lō’ nwōḏ^a‘ətî lâem:

4 wəḡam hăqimōṯî ’eṯ-bərîṯî ’itām lāṯēṯ lâem ’eṯ-’ereṣ kənā‘an ’ēṯ ’ereṣ məḡurêhem ’ăšer-gārû ḇāh:

5 wəḡam| ’ănî šām^a‘ətî ’eṯ-na’ăqaṯ bənê yiśərā’ēl ’ăšer miṣərayim m^a‘ăḇiḏîm ’ōṯām wā’ezəkōr ’eṯ-bərîṯî:

6 lāḵēn ’ĕmōr liḇənê-yiśərā’ēl³ ’ănî yəhwâ wəhwōṣē’ṯî ’eṯəḵem mit^aḥaṯ siḇəlōṯ miṣərayim wəhiṣṣalətî ’eṯəḵem mē‘ăḇōḏāṯām wəḡā’alətî ’eṯəḵem bizərwō‘a nəṭûyâ ûḇišəfāṭîm gəḏōlîm:

7 wəlāq^aḥətî ’eṯəḵem lî lə‘ām wəhāyîṯî lāḵem lē’lōhîm wîḏ^a‘ətem kî ’ănî yəhwâ ’ĕlōhêḵem hammwōṣî’ ’eṯəḵem mit^aḥaṯ siḇəlwōṯ miṣərāyim:

8 wəhēḇē’ṯî ’eṯəḵem ’el-hā’āreṣ ’ăšer nāśā’ṯî ’eṯ-yāḏî lāṯēṯ ’ōṯāh lə’aḇərâām ləyiṣəḥāq ûləy^a‘ăqōḇ wənāṯatî ’ōṯāh lāḵem mwōrāšâ ’ănî yəhwâ:

9 wayəḏabēr mōšeh kēn ’el-bənê yiśərā’ēl wəlō’ šāmə‘û ’el-mōšeh miqqōṣer rûḥa ûmē‘ăḇōḏâ qāšâ: f

10 wayəḏabēr yəhwâ ’el-mōšeh llē’mōr:

11 bō’ ḏabēr ’el-parə‘ōh meleḵə miṣərāyim wîšall^aḥ ’eṯ-bənê-yiśərā’ēl mē’arəṣwō:

12 wayəḏabēr mōšeh lifənê yəhwâ lē’mōr hēn bənê-yiśərā’ēl lō’-šāmə‘û ’ēlay wə’êḵə yišəmā‘ēnî farə‘ōh wa’ănî ‘ăral śəfāṯāyim: f

13 wayəḏabēr yəhwâ ’el-mōšeh wə’el-’ahărōn wayəṣaûēm ’el-bənê yiśərā’ēl wə’el-parə‘ōh meleḵə miṣərāyim ləhwōṣî’ ’eṯ-bənê-yiśərā’ēl mē’ereṣ miṣərāyim: s

14 ’ēlleh rā’šê ḇêṯ-’ăḇōṯām bənê rə’ûḇēn bəḵōr yiśərā’ēl ḥănwōḵə ûfallû’ ḥeṣərwōn wəḵarəmî ’ēlleh mišəpəḥōṯ rə’ûḇēn:

15 ûḇənê šimə‘wōn yəmû’ēl wəyāmîn wə’ōhaḏ wəyāḵîn wəṣōḥar wəšā’ûl ben-hakən^a‘ănîṯ ’ēlleh mišəpəḥōṯ šimə‘wōn:

16 wə’ēlleh šəmwōṯ bənê-lēwî ləṯōləḏōṯām gērəšwōn ûqəhāṯ ûmərārî ûšənê ḥayyê lēwî šeḇ^a‘ ûšəlōšîm ûmə’aṯ šānâ:

17 bənê ḡērəšwōn liḇənî wəšimə‘î ləmišəpəḥōṯām:

18 ûḇənê qəhāṯ ‘amərām wəyiṣəhār wəḥeḇərwōn wə‘uzzî’ēl ûšənê ḥayyê qəhāṯ šālōš ûšəlōšîm ûmə’aṯ šānâ:

19 ûḇənê mərārî m^aḥəlî ûmûšî ’ēlleh mišəpəḥōṯ hallēwî ləṯōləḏōṯām:

20 wayyiqq^aḥ ‘amərām ’eṯ-ywōḵeḇeḏ dōḏāṯwō lwō lə’iššâ watēleḏ lwō ’eṯ-’ahărōn wə’eṯ-mōšeh ûšənê ḥayyê ‘amərām šeḇ^a‘ ûšəlōšîm ûmə’aṯ šānâ:

21 ûḇənê yiṣəhār qōr^aḥ wānefeḡ wəziḵərî:

22 ûḇənê ‘uzzî’ēl mîšā’ēl wə’eləṣāfān wəsiṯərî:

23 wayyiqq^aḥ³ ’ahărōn ’eṯ-’ĕlîšeḇ^a‘ baṯ-‘ammînāḏāḇ ’ăḥwōṯ n^aḥəšwōn lwō lə’iššâ watēleḏ lwō ’eṯ-nāḏāḇ wə’eṯ-’ăḇîhû’ ’eṯ-’elə‘āzār wə’eṯ-’îṯāmār:

24 ûḇənê qōr^aḥ ’assîr wə’eləqānâ wa’ăḇî’āsāf ’ēlleh mišəpəḥōṯ haqqārəḥî:

25 wə’elə‘āzār ben-’ahărōn lāq^aḥ-lwō mibənwōṯ pûṭî’ēl lwō lə’iššâ watēleḏ lwō ’eṯ-pînəḥās ’ēlleh rā’šê ’ăḇwōṯ haləwîyim ləmišəpəḥōṯām:

26 hû’ ’ahărōn ûmōšeh ’ăšer ’āmar yəhwâ lâem hwōṣî’û ’eṯ-bənê yiśərā’ēl mē’ereṣ miṣərayim ‘al-ṣiḇə’ōṯām:

27 hēm haməḏabərîm ’el-parə‘ōh meleḵə-miṣərayim ləhwōṣî’ ’eṯ-bənê-yiśərā’ēl mimmiṣərāyim hû’ mōšeh wə’ahărōn:

28 wayəhî bəywōm diber yəhwâ ’el-mōšeh bə’ereṣ miṣərāyim: f

29 wayəḏabēr yəhwâ ’el-mōšeh llē’mōr ’ănî yəhwâ dabēr ’el-parə‘ōh meleḵə miṣərayim ’ēṯ kāl-’ăšer ’ănî dōḇēr ’ēleyḵā:

30 wayyō’mer mōšeh lifənê yəhwâ hēn ’ănî ‘ăral śəfāṯayim wə’êḵə yišəm^a‘ ’ēlay parə‘ōh: f

‎1 ‏וַיֹּ֤אמֶר יְהוָה֙ אֶל־מֹשֶׁ֔ה רְאֵ֛ה נְתַתִּ֥יךָ אֱלֹהִ֖ים לְפַרְעֹ֑ה וְאַהֲרֹ֥ן אָחִ֖יךָ יִהְיֶ֥ה נְבִיאֶֽךָ׃

‎2 ‏אַתָּ֣ה תְדַבֵּ֔ר אֵ֖ת כָּל־אֲשֶׁ֣ר אֲצַוֶּ֑ךָּ וְאַהֲרֹ֤ן אָחִ֙יךָ֙ יְדַבֵּ֣ר אֶל־פַּרְעֹ֔ה וְשִׁלַּ֥ח אֶת־בְּנֵֽי־יִשְׂרָאֵ֖ל מֵאַרְצֽוֹ׃

‎3 ‏וַאֲנִ֥י אַקְשֶׁ֖ה אֶת־לֵ֣ב פַּרְעֹ֑ה וְהִרְבֵּיתִ֧י אֶת־אֹתֹתַ֛י וְאֶת־מוֹפְתַ֖י בְּאֶ֥רֶץ מִצְרָֽיִם׃

‎4 ‏וְלֹֽא־יִשְׁמַ֤ע אֲלֵכֶם֙ פַּרְעֹ֔ה וְנָתַתִּ֥י אֶת־יָדִ֖י בְּמִצְרָ֑יִם וְהוֹצֵאתִ֨י אֶת־צִבְאֹתַ֜י אֶת־עַמִּ֤י בְנֵֽי־יִשְׂרָאֵל֙ מֵאֶ֣רֶץ מִצְרַ֔יִם בִּשְׁפָטִ֖ים גְּדֹלִֽים׃

‎5 ‏וְיָדְע֤וּ מִצְרַ֙יִם֙ כִּֽי־אֲנִ֣י יְהוָ֔ה בִּנְטֹתִ֥י אֶת־יָדִ֖י עַל־מִצְרָ֑יִם וְהוֹצֵאתִ֥י אֶת־בְּנֵֽי־יִשְׂרָאֵ֖ל מִתּוֹכָֽם׃

‎6 ‏וַיַּ֥עַשׂ מֹשֶׁ֖ה וְאַהֲרֹ֑ן כַּאֲשֶׁ֨ר צִוָּ֧ה יְהוָ֛ה אֹתָ֖ם כֵּ֥ן עָשֽׂוּ׃

‎7 ‏וּמֹשֶׁה֙ בֶּן־שְׁמֹנִ֣ים שָׁנָ֔ה וְאַֽהֲרֹ֔ן בֶּן־שָׁלֹ֥שׁ וּשְׁמֹנִ֖ים שָׁנָ֑ה בְּדַבְּרָ֖ם אֶל־פַּרְעֹֽה׃ פ

‎8 ‏וַיֹּ֣אמֶר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃

‎9 ‏כִּי֩ יְדַבֵּ֨ר אֲלֵכֶ֤ם פַּרְעֹה֙ לֵאמֹ֔ר תְּנ֥וּ לָכֶ֖ם מוֹפֵ֑ת וְאָמַרְתָּ֣ אֶֽל־אַהֲרֹ֗ן קַ֧ח אֶֽת־מַטְּךָ֛ וְהַשְׁלֵ֥ךְ לִפְנֵֽי־פַרְעֹ֖ה יְהִ֥י לְתַנִּֽין׃

‎10 ‏וַיָּבֹ֨א מֹשֶׁ֤ה וְאַהֲרֹן֙ אֶל־פַּרְעֹ֔ה וַיַּ֣עַשׂוּ¹ כֵ֔ן כַּאֲשֶׁ֖ר צִוָּ֣ה יְהוָ֑ה וַיַּשְׁלֵ֨ךְ אַהֲרֹ֜ן אֶת־מַטֵּ֗הוּ לִפְנֵ֥י פַרְעֹ֛ה וְלִפְנֵ֥י עֲבָדָ֖יו וַיְהִ֥י לְתַנִּֽין׃

‎11 ‏וַיִּקְרָא֙ גַּם־פַּרְעֹ֔ה לַֽחֲכָמִ֖ים וְלַֽמְכַשְּׁפִ֑ים וַיַּֽעֲשׂ֨וּ גַם־הֵ֜ם חַרְטֻמֵּ֥י מִצְרַ֛יִם בְּלַהֲטֵיהֶ֖ם כֵּֽן׃

‎12 ‏וַיַּשְׁלִ֙יכוּ֙ אִ֣ישׁ מַטֵּ֔הוּ וַיִּהְי֖וּ לְתַנִּינִ֑ם וַיִּבְלַ֥ע מַטֵּֽה־אַהֲרֹ֖ן אֶת־מַטֹּתָֽם׃

‎13 ‏וַיֶּחֱזַק֙ לֵ֣ב פַּרְעֹ֔ה וְלֹ֥א שָׁמַ֖ע אֲלֵהֶ֑ם כַּאֲשֶׁ֖ר דִּבֶּ֥ר יְהוָֽה׃ פ

‎14 ‏וַיֹּ֤אמֶר יְהוָה֙ אֶל־מֹשֶׁ֔ה כָּבֵ֖ד לֵ֣ב פַּרְעֹ֑ה מֵאֵ֖ן לְשַׁלַּ֥ח הָעָֽם׃

‎15 ‏לֵ֣ךְ אֶל־פַּרְעֹ֞ה בַּבֹּ֗קֶר הִנֵּה֙ יֹצֵ֣א הַמַּ֔יְמָה וְנִצַּבְתָּ֥ לִקְרָאת֖וֹ עַל־שְׂפַ֣ת הַיְאֹ֑ר וְהַמַּטֶּ֛ה אֲשֶׁר־נֶהְפַּ֥ךְ לְנָחָ֖שׁ תִּקַּ֥ח בְּיָדֶֽךָ׃

‎16 ‏וְאָמַרְתָּ֣ אֵלָ֗יו יְהוָ֞ה אֱלֹהֵ֤י הָעִבְרִים֙ שְׁלָחַ֤נִי אֵלֶ֙יךָ֙ לֵאמֹ֔ר שַׁלַּח֙ אֶת־עַמִּ֔י וְיַֽעַבְדֻ֖נִי בַּמִּדְבָּ֑ר וְהִנֵּ֥ה לֹא־שָׁמַ֖עְתָּ עַד־כֹּֽה׃

‎17 ‏כֹּ֚ה אָמַ֣ר יְהוָ֔ה בְּזֹ֣את תֵּדַ֔ע כִּ֖י אֲנִ֣י יְהוָ֑ה הִנֵּ֨ה אָנֹכִ֜י מַכֶּ֣ה׀ בַּמַּטֶּ֣ה אֲשֶׁר־בְּיָדִ֗י עַל־הַמַּ֛יִם אֲשֶׁ֥ר בַּיְאֹ֖ר וְנֶהֶפְכ֥וּ לְדָֽם׃

‎18 ‏וְהַדָּגָ֧ה אֲשֶׁר־בַּיְאֹ֛ר תָּמ֖וּת וּבָאַ֣שׁ הַיְאֹ֑ר וְנִלְא֣וּ מִצְרַ֔יִם לִשְׁתּ֥וֹת מַ֖יִם מִן־הַיְאֹֽר׃ ס

‎19 ‏וַיֹּ֨אמֶר יְהוָ֜ה אֶל־מֹשֶׁ֗ה אֱמֹ֣ר אֶֽל־אַהֲרֹ֡ן קַ֣ח מַטְּךָ֣ וּנְטֵֽה־יָדְךָ֩ עַל־מֵימֵ֨י מִצְרַ֜יִם עַֽל־נַהֲרֹתָ֣ם׀ עַל־יְאֹרֵיהֶ֣ם וְעַל־אַגְמֵיהֶ֗ם וְעַ֛ל כָּל־מִקְוֵ֥ה מֵימֵיהֶ֖ם וְיִֽהְיוּ־דָ֑ם וְהָ֤יָה דָם֙ בְּכָל־אֶ֣רֶץ מִצְרַ֔יִם וּבָעֵצִ֖ים וּבָאֲבָנִֽים׃

‎20 ‏וַיַּֽעֲשׂוּ־כֵן֩ מֹשֶׁ֨ה וְאַהֲרֹ֜ן כַּאֲשֶׁ֣ר׀ צִוָּ֣ה יְהוָ֗ה וַיָּ֤רֶם בַּמַּטֶּה֙ וַיַּ֤ךְ אֶת־הַמַּ֙יִם֙ אֲשֶׁ֣ר בַּיְאֹ֔ר לְעֵינֵ֣י פַרְעֹ֔ה וּלְעֵינֵ֖י עֲבָדָ֑יו וַיֵּהָֽפְכ֛וּ כָּל־הַמַּ֥יִם אֲשֶׁר־בַּיְאֹ֖ר לְדָֽם׃

‎21 ‏וְהַדָּגָ֨ה אֲשֶׁר־בַּיְאֹ֥ר מֵ֙תָה֙ וַיִּבְאַ֣שׁ הַיְאֹ֔ר וְלֹא־יָכְל֣וּ מִצְרַ֔יִם לִשְׁתּ֥וֹת מַ֖יִם מִן־הַיְאֹ֑ר וַיְהִ֥י הַדָּ֖ם בְּכָל־אֶ֥רֶץ מִצְרָֽיִם׃

‎22 ‏וַיַּֽעֲשׂוּ־כֵ֛ן חַרְטֻמֵּ֥י מִצְרַ֖יִם בְּלָטֵיהֶ֑ם וַיֶּחֱזַ֤ק לֵב־פַּרְעֹה֙ וְלֹא־שָׁמַ֣ע אֲלֵהֶ֔ם כַּאֲשֶׁ֖ר דִּבֶּ֥ר יְהוָֽה׃

‎23 ‏וַיִּ֣פֶן פַּרְעֹ֔ה וַיָּבֹ֖א אֶל־בֵּית֑וֹ וְלֹא־שָׁ֥ת לִבּ֖וֹ גַּם־לָזֹֽאת׃

‎24 ‏וַיַּחְפְּר֧וּ כָל־מִצְרַ֛יִם סְבִיבֹ֥ת הַיְאֹ֖ר מַ֣יִם לִשְׁתּ֑וֹת כִּ֣י לֹ֤א יָֽכְלוּ֙ לִשְׁתֹּ֔ת מִמֵּימֵ֖י הַיְאֹֽר׃

‎25 ‏וַיִּמָּלֵ֖א שִׁבְעַ֣ת יָמִ֑ים אַחֲרֵ֥י הַכּוֹת־יְהוָ֖ה אֶת־הַיְאֹֽר׃ פ

‎26 ‏וַיֹּ֤אמֶר יְהוָה֙ אֶל־מֹשֶׁ֔ה בֹּ֖א אֶל־פַּרְעֹ֑ה וְאָמַרְתָּ֣ אֵלָ֗יו כֹּ֚ה אָמַ֣ר יְהוָ֔ה שַׁלַּ֥ח אֶת־עַמִּ֖י וְיַֽעַבְדֻֽנִי׃

‎27 ‏וְאִם־מָאֵ֥ן אַתָּ֖ה לְשַׁלֵּ֑חַ הִנֵּ֣ה אָנֹכִ֗י נֹגֵ֛ף אֶת־כָּל־גְּבוּלְךָ֖ בַּֽצְפַרְדְּעִֽים׃

‎28 ‏וְשָׁרַ֣ץ הַיְאֹר֮ צְפַרְדְּעִים֒ וְעָלוּ֙ וּבָ֣אוּ בְּבֵיתֶ֔ךָ וּבַחֲדַ֥ר מִשְׁכָּבְךָ֖ וְעַל־מִטָּתֶ֑ךָ וּבְבֵ֤ית עֲבָדֶ֙יךָ֙ וּבְעַמֶּ֔ךָ וּבְתַנּוּרֶ֖יךָ וּבְמִשְׁאֲרוֹתֶֽיךָ׃

‎29 ‏וּבְכָ֥ה וּֽבְעַמְּךָ֖ וּבְכָל־עֲבָדֶ֑יךָ יַעֲל֖וּ הַֽצְפַרְדְּעִֽים׃

1 wayyō’mer yəhwâ ’el-mōšeh rə’ēh nəṯatîḵā ’ĕlōhîm ləfarə‘ōh wə’ahărōn ’āḥîḵā yihəyeh nəḇî’eḵā:

2 ’atâ ṯəḏabēr ’ēṯ kāl-’ăšer ’ăṣaûeḵḵā wə’ahărōn ’āḥîḵā yəḏabēr ’el-parə‘ōh wəšill^aḥ ’eṯ-bənê-yiśərā’ēl mē’arəṣwō:

3 wa’ănî ’aqəšeh ’eṯ-lēḇ parə‘ōh wəhirəbêṯî ’eṯ-’ōṯōṯay wə’eṯ-mwōfəṯay bə’ereṣ miṣərāyim:

4 wəlō’-yišəm^a‘ ’ălēḵem parə‘ōh wənāṯatî ’eṯ-yāḏî bəmiṣərāyim wəhwōṣē’ṯî ’eṯ-ṣiḇə’ōṯay ’eṯ-‘ammî ḇənê-yiśərā’ēl mē’ereṣ miṣərayim bišəfāṭîm gəḏōlîm:

5 wəyāḏə‘û miṣərayim kî-’ănî yəhwâ binəṭōṯî ’eṯ-yāḏî ‘al-miṣərāyim wəhwōṣē’ṯî ’eṯ-bənê-yiśərā’ēl mitwōḵām:

6 wayy^a‘aś mōšeh wə’ahărōn ka’ăšer ṣiûâ yəhwâ ’ōṯām kēn ‘āśû:

7 ûmōšeh ben-šəmōnîm šānâ wə’ahărōn ben-šālōš ûšəmōnîm šānâ bəḏabərām ’el-parə‘ōh: f

8 wayyō’mer yəhwâ ’el-mōšeh wə’el-’ahărōn lē’mōr:

9 kî yəḏabēr ’ălēḵem parə‘ōh lē’mōr tənû lāḵem mwōfēṯ wə’āmarətā ’el-’ahărōn q^aḥ ’eṯ-maṭṭəḵā wəhašəlēḵə lifənê-farə‘ōh yəhî ləṯannîn:

10 wayyāḇō’ mōšeh wə’ahărōn ’el-parə‘ōh wayy^a‘aśû¹ ḵēn ka’ăšer ṣiûâ yəhwâ wayyašəlēḵə ’ahărōn ’eṯ-maṭṭēhû lifənê farə‘ōh wəlifənê ‘ăḇāḏāyw wayəhî ləṯannîn:

11 wayyiqərā’ gam-parə‘ōh l^aḥăḵāmîm wəlaməḵaššəfîm wayy^a‘ăśû ḡam-hēm ḥarəṭummê miṣərayim bəlahăṭêhem kēn:

12 wayyašəlîḵû ’îš maṭṭēhû wayyihəyû ləṯannînim wayyiḇəl^a‘ maṭṭēh-’ahărōn ’eṯ-maṭṭōṯām:

13 wayyeḥĕzaq lēḇ parə‘ōh wəlō’ šām^a‘ ’ălēhem ka’ăšer diber yəhwâ: f

14 wayyō’mer yəhwâ ’el-mōšeh kāḇēḏ lēḇ parə‘ōh mē’ēn ləšall^aḥ hā‘ām:

15 lēḵə ’el-parə‘ōh babōqer hinnēh yōṣē’ hammayəmâ wəniṣṣaḇətā liqərā’ṯwō ‘al-śəfaṯ hayə’ōr wəhammaṭṭeh ’ăšer-nehəpaḵə lənāḥāš tiqq^aḥ bəyāḏeḵā:

16 wə’āmarətā ’ēlāyw yəhwâ ’ĕlōhê hā‘iḇərîm šəlāḥanî ’ēleyḵā lē’mōr šall^aḥ ’eṯ-‘ammî wəy^a‘aḇəḏunî bammiḏəbār wəhinnēh lō’-šām^a‘ətā ‘aḏ-kōh:

17 kōh ’āmar yəhwâ bəzō’ṯ tēḏ^a‘ kî ’ănî yəhwâ hinnēh ’ānōḵî makeh| bammaṭṭeh ’ăšer-bəyāḏî ‘al-hammayim ’ăšer bayə’ōr wənehefəḵû ləḏām:

18 wəhadāḡâ ’ăšer-bayə’ōr tāmûṯ ûḇā’aš hayə’ōr wənilə’û miṣərayim lišətwōṯ mayim min-hayə’ōr: s

19 wayyō’mer yəhwâ ’el-mōšeh ’ĕmōr ’el-’ahărōn q^aḥ maṭṭəḵā ûnəṭēh-yāḏəḵā ‘al-mêmê miṣərayim ‘al-nahărōṯām| ‘al-yə’ōrêhem wə‘al-’aḡəmêhem wə‘al kāl-miqəwēh mêmêhem wəyihəyû-ḏām wəhāyâ ḏām bəḵāl-’ereṣ miṣərayim ûḇā‘ēṣîm ûḇā’ăḇānîm:

20 wayy^a‘ăśû-ḵēn mōšeh wə’ahărōn ka’ăšer| ṣiûâ yəhwâ wayyārem bammaṭṭeh wayyaḵə ’eṯ-hammayim ’ăšer bayə’ōr lə‘ênê farə‘ōh ûlə‘ênê ‘ăḇāḏāyw wayyēhāfəḵû kāl-hammayim ’ăšer-bayə’ōr ləḏām:

21 wəhadāḡâ ’ăšer-bayə’ōr mēṯâ wayyiḇə’aš hayə’ōr wəlō’-yāḵəlû miṣərayim lišətwōṯ mayim min-hayə’ōr wayəhî hadām bəḵāl-’ereṣ miṣərāyim:

22 wayy^a‘ăśû-ḵēn ḥarəṭummê miṣərayim bəlāṭêhem wayyeḥĕzaq lēḇ-parə‘ōh wəlō’-šām^a‘ ’ălēhem ka’ăšer diber yəhwâ:

23 wayyifen parə‘ōh wayyāḇō’ ’el-bêṯwō wəlō’-šāṯ libwō gam-lāzō’ṯ:

24 wayy^aḥəpərû ḵāl-miṣərayim səḇîḇōṯ hayə’ōr mayim lišətwōṯ kî lō’ yāḵəlû lišətōṯ mimmêmê hayə’ōr:

25 wayyimmālē’ šiḇə‘aṯ yāmîm ’^aḥărê hakwōṯ-yəhwâ ’eṯ-hayə’ōr: f

26 wayyō’mer yəhwâ ’el-mōšeh bō’ ’el-parə‘ōh wə’āmarətā ’ēlāyw kōh ’āmar yəhwâ šall^aḥ ’eṯ-‘ammî wəy^a‘aḇəḏunî:

27 wə’im-mā’ēn ’atâ ləšallēḥa hinnēh ’ānōḵî nōḡēf ’eṯ-kāl-gəḇûləḵā baṣəfarədə‘îm:

28 wəšāraṣ hayə’ōr ṣəfarədə‘îm wə‘ālû ûḇā’û bəḇêṯeḵā ûḇ^aḥăḏar mišəkāḇəḵā wə‘al-miṭṭāṯeḵā ûḇəḇêṯ ‘ăḇāḏeyḵā ûḇə‘ammeḵā ûḇəṯannûreyḵā ûḇəmišə’ărwōṯeyḵā:

29 ûḇəḵâ ûḇə‘amməḵā ûḇəḵāl-‘ăḇāḏeyḵā y^a‘ălû haṣəfarədə‘îm:

‎1 ‏וַיֹּ֣אמֶר יְהוָה֮ אֶל־מֹשֶׁה֒ אֱמֹ֣ר אֶֽל־אַהֲרֹ֗ן נְטֵ֤ה אֶת־יָדְךָ֙ בְּמַטֶּ֔ךָ עַל־הַ֨נְּהָרֹ֔ת עַל־הַיְאֹרִ֖ים וְעַל־הָאֲגַמִּ֑ים וְהַ֥עַל אֶת־הַֽצְפַרְדְּעִ֖ים עַל־אֶ֥רֶץ מִצְרָֽיִם׃

‎2 ‏וַיֵּ֤ט אַהֲרֹן֙ אֶת־יָד֔וֹ עַ֖ל מֵימֵ֣י מִצְרָ֑יִם וַתַּ֙עַל֙ הַצְּפַרְדֵּ֔עַ וַתְּכַ֖ס אֶת־אֶ֥רֶץ מִצְרָֽיִם׃

‎3 ‏וַיַּֽעֲשׂוּ־כֵ֥ן הַֽחֲרְטֻמִּ֖ים בְּלָטֵיהֶ֑ם וַיַּעֲל֥וּ אֶת־הַֽצְפַרְדְּעִ֖ים עַל־אֶ֥רֶץ מִצְרָֽיִם׃

‎4 ‏וַיִּקְרָ֨א פַרְעֹ֜ה לְמֹשֶׁ֣ה וּֽלְאַהֲרֹ֗ן וַיֹּ֙אמֶר֙ הַעְתִּ֣ירוּ אֶל־יְהוָ֔ה וְיָסֵר֙ הַֽצְפַרְדְּעִ֔ים מִמֶּ֖נִּי וּמֵֽעַמִּ֑י וַאֲשַׁלְּחָה֙ אֶת־הָעָ֔ם וְיִזְבְּח֖וּ לַיהוָֽה׃

‎5 ‏וַיֹּ֣אמֶר מֹשֶׁ֣ה לְפַרְעֹה֮ הִתְפָּאֵ֣ר עָלַי֒ לְמָתַ֣י׀ אַעְתִּ֣יר לְךָ֗ וְלַעֲבָדֶ֙יךָ֙ וּֽלְעַמְּךָ֔ לְהַכְרִית֙ הַֽצֲפַרְדְּעִ֔ים מִמְּךָ֖ וּמִבָּתֶּ֑יךָ רַ֥ק בַּיְאֹ֖ר תִּשָּׁאַֽרְנָה׃

‎6 ‏וַיֹּ֖אמֶר לְמָחָ֑ר וַיֹּ֙אמֶר֙ כִּדְבָ֣רְךָ֔ לְמַ֣עַן תֵּדַ֔ע כִּי־אֵ֖ין כַּיהוָ֥ה אֱלֹהֵֽינוּ׃

‎7 ‏וְסָר֣וּ הַֽצְפַרְדְּעִ֗ים מִמְּךָ֙ וּמִבָּ֣תֶּ֔יךָ וּמֵעֲבָדֶ֖יךָ וּמֵעַמֶּ֑ךָ רַ֥ק בַּיְאֹ֖ר תִּשָּׁאַֽרְנָה׃

‎8 ‏וַיֵּצֵ֥א מֹשֶׁ֛ה וְאַהֲרֹ֖ן מֵעִ֣ם פַּרְעֹ֑ה וַיִּצְעַ֤ק מֹשֶׁה֙ אֶל־יְהוָ֔ה עַל־דְּבַ֥ר הַֽצְפַרְדְּעִ֖ים אֲשֶׁר־שָׂ֥ם לְפַרְעֹֽה׃

‎9 ‏וַיַּ֥עַשׂ יְהוָ֖ה כִּדְבַ֣ר מֹשֶׁ֑ה וַיָּמֻ֙תוּ֙ הַֽצְפַרְדְּעִ֔ים מִן־הַבָּתִּ֥ים מִן־הַחֲצֵרֹ֖ת וּמִן־הַשָּׂדֹֽת׃

‎10 ‏וַיִּצְבְּר֥וּ אֹתָ֖ם חֳמָרִ֣ם חֳמָרִ֑ם וַתִּבְאַ֖שׁ הָאָֽרֶץ׃

‎11 ‏וַיַּ֣רְא פַּרְעֹ֗ה כִּ֤י הָֽיְתָה֙ הָֽרְוָחָ֔ה וְהַכְבֵּד֙ אֶת־לִבּ֔וֹ וְלֹ֥א שָׁמַ֖ע אֲלֵהֶ֑ם כַּאֲשֶׁ֖ר דִּבֶּ֥ר יְהוָֽה׃ ס

‎12 ‏וַיֹּ֣אמֶר יְהוָה֮ אֶל־מֹשֶׁה֒ אֱמֹר֙ אֶֽל־אַהֲרֹ֔ן נְטֵ֣ה אֶֽת־מַטְּךָ֔ וְהַ֖ךְ אֶת־עֲפַ֣ר הָאָ֑רֶץ וְהָיָ֥ה לְכִנִּ֖ם בְּכָל־אֶ֥רֶץ מִצְרָֽיִם׃

‎13 ‏וַיַּֽעֲשׂוּ־כֵ֗ן וַיֵּט֩ אַהֲרֹ֨ן אֶת־יָד֤וֹ בְמַטֵּ֙הוּ֙ וַיַּךְ֙ אֶת־עֲפַ֣ר הָאָ֔רֶץ וַתְּהִי֙ הַכִּנָּ֔ם בָּאָדָ֖ם וּבַבְּהֵמָ֑ה כָּל־עֲפַ֥ר הָאָ֛רֶץ הָיָ֥ה כִנִּ֖ים בְּכָל־אֶ֥רֶץ מִצְרָֽיִם׃

‎14 ‏וַיַּעֲשׂוּ־כֵ֨ן הַחַרְטֻמִּ֧ים בְּלָטֵיהֶ֛ם לְהוֹצִ֥יא אֶת־הַכִּנִּ֖ים וְלֹ֣א יָכֹ֑לוּ וַתְּהִי֙ הַכִּנָּ֔ם בָּאָדָ֖ם וּבַבְּהֵמָֽה׃

‎15 ‏וַיֹּאמְר֤וּ הַֽחַרְטֻמִּים֙ אֶל־פַּרְעֹ֔ה אֶצְבַּ֥ע אֱלֹהִ֖ים הִ֑וא וַיֶּחֱזַ֤ק לֵב־פַּרְעֹה֙ וְלֹֽא־שָׁמַ֣ע אֲלֵהֶ֔ם כַּאֲשֶׁ֖ר דִּבֶּ֥ר יְהוָֽה׃ ס

‎16 ‏וַיֹּ֨אמֶר יְהוָ֜ה אֶל־מֹשֶׁ֗ה הַשְׁכֵּ֤ם בַּבֹּ֙קֶר֙ וְהִתְיַצֵּב֙ לִפְנֵ֣י פַרְעֹ֔ה הִנֵּ֖ה יוֹצֵ֣א הַמָּ֑יְמָה וְאָמַרְתָּ֣ אֵלָ֗יו כֹּ֚ה אָמַ֣ר יְהוָ֔ה שַׁלַּ֥ח עַמִּ֖י וְיַֽעַבְדֻֽנִי׃

‎17 ‏כִּ֣י אִם־אֵינְךָ֮ מְשַׁלֵּ֣חַ אֶת־עַמִּי֒ הִנְנִי֩ מַשְׁלִ֨יחַ בְּךָ֜ וּבַעֲבָדֶ֧יךָ וּֽבְעַמְּךָ֛ וּבְבָתֶּ֖יךָ אֶת־הֶעָרֹ֑ב וּמָ֨לְא֜וּ בָּתֵּ֤י מִצְרַ֙יִם֙ אֶת־הֶ֣עָרֹ֔ב וְגַ֥ם הָאֲדָמָ֖ה אֲשֶׁר־הֵ֥ם עָלֶֽיהָ׃

‎18 ‏וְהִפְלֵיתִי֩ בַיּ֨וֹם הַה֜וּא אֶת־אֶ֣רֶץ גֹּ֗שֶׁן אֲשֶׁ֤ר עַמִּי֙ עֹמֵ֣ד עָלֶ֔יהָ לְבִלְתִּ֥י הֱיֽוֹת־שָׁ֖ם עָרֹ֑ב לְמַ֣עַן תֵּדַ֔ע כִּ֛י אֲנִ֥י יְהוָ֖ה בְּקֶ֥רֶב הָאָֽרֶץ׃

‎19 ‏וְשַׂמְתִּ֣י פְדֻ֔ת בֵּ֥ין עַמִּ֖י וּבֵ֣ין עַמֶּ֑ךָ לְמָחָ֥ר יִהְיֶ֖ה³ הָאֹ֥ת הַזֶּֽה׃

‎20 ‏וַיַּ֤עַשׂ יְהוָה֙ כֵּ֔ן וַיָּבֹא֙ עָרֹ֣ב כָּבֵ֔ד בֵּ֥יתָה פַרְעֹ֖ה וּבֵ֣ית עֲבָדָ֑יו וּבְכָל־אֶ֧רֶץ מִצְרַ֛יִם תִּשָּׁחֵ֥ת הָאָ֖רֶץ מִפְּנֵ֥י הֶעָרֹֽב׃

‎21 ‏וַיִּקְרָ֣א פַרְעֹ֔ה אֶל־מֹשֶׁ֖ה וּֽלְאַהֲרֹ֑ן וַיֹּ֗אמֶר לְכ֛וּ זִבְח֥וּ לֵֽאלֹהֵיכֶ֖ם בָּאָֽרֶץ׃

‎22 ‏וַיֹּ֣אמֶר מֹשֶׁ֗ה לֹ֤א נָכוֹן֙ לַעֲשׂ֣וֹת כֵּ֔ן כִּ֚י תּוֹעֲבַ֣ת מִצְרַ֔יִם נִזְבַּ֖ח לַיהוָ֣ה אֱלֹהֵ֑ינוּ הֵ֣ן נִזְבַּ֞ח אֶת־תּוֹעֲבַ֥ת מִצְרַ֛יִם לְעֵינֵיהֶ֖ם וְלֹ֥א יִסְקְלֻֽנוּ׃

‎23 ‏דֶּ֚רֶךְ שְׁלֹ֣שֶׁת יָמִ֔ים נֵלֵ֖ךְ בַּמִּדְבָּ֑ר וְזָבַ֙חְנוּ֙ לַֽיהוָ֣ה אֱלֹהֵ֔ינוּ כַּאֲשֶׁ֖ר יֹאמַ֥ר אֵלֵֽינוּ׃

‎24 ‏וַיֹּ֣אמֶר פַּרְעֹ֗ה אָנֹכִ֞י אֲשַׁלַּ֤ח אֶתְכֶם֙ וּזְבַחְתֶּ֞ם לַיהוָ֤ה אֱלֹֽהֵיכֶם֙ בַּמִּדְבָּ֔ר רַ֛ק הַרְחֵ֥ק לֹא־תַרְחִ֖יקוּ לָלֶ֑כֶת הַעְתִּ֖ירוּ בַּעֲדִֽי׃

‎25 ‏וַיֹּ֣אמֶר מֹשֶׁ֗ה הִנֵּ֨ה אָנֹכִ֜י יוֹצֵ֤א מֵֽעִמָּךְ֙ וְהַעְתַּרְתִּ֣י אֶל־יְהוָ֔ה וְסָ֣ר הֶעָרֹ֗ב מִפַּרְעֹ֛ה מֵעֲבָדָ֥יו וּמֵעַמּ֖וֹ מָחָ֑ר רַ֗ק אַל־יֹסֵ֤ף פַּרְעֹה֙ הָתֵ֔ל לְבִלְתִּי֙ שַׁלַּ֣ח אֶת־הָעָ֔ם לִזְבֹּ֖חַ לַֽיהוָֽה׃

‎26 ‏וַיֵּצֵ֥א מֹשֶׁ֖ה מֵעִ֣ם פַּרְעֹ֑ה וַיֶּעְתַּ֖ר אֶל־יְהוָֽה׃

‎27 ‏וַיַּ֤עַשׂ יְהוָה֙ כִּדְבַ֣ר מֹשֶׁ֔ה וַיָּ֙סַר֙ הֶעָרֹ֔ב מִפַּרְעֹ֖ה מֵעֲבָדָ֣יו וּמֵעַמּ֑וֹ לֹ֥א נִשְׁאַ֖ר אֶחָֽד׃

‎28 ‏וַיַּכְבֵּ֤ד פַּרְעֹה֙ אֶת־לִבּ֔וֹ גַּ֖ם בַּפַּ֣עַם הַזֹּ֑את וְלֹ֥א שִׁלַּ֖ח אֶת־הָעָֽם׃ פ

1 wayyō’mer yəhwâ ’el-mōšeh ’ĕmōr ’el-’ahărōn nəṭēh ’eṯ-yāḏəḵā bəmaṭṭeḵā ‘al-hannəhārōṯ ‘al-hayə’ōrîm wə‘al-hā’ăḡammîm wəh^a‘al ’eṯ-haṣəfarədə‘îm ‘al-’ereṣ miṣərāyim:

2 wayyēṭ ’ahărōn ’eṯ-yāḏwō ‘al mêmê miṣərāyim wat^a‘al haṣṣəfarədē‘a watəḵas ’eṯ-’ereṣ miṣərāyim:

3 wayy^a‘ăśû-ḵēn h^aḥărəṭummîm bəlāṭêhem wayy^a‘ălû ’eṯ-haṣəfarədə‘îm ‘al-’ereṣ miṣərāyim:

4 wayyiqərā’ farə‘ōh ləmōšeh ûlə’ahărōn wayyō’mer h^a‘ətîrû ’el-yəhwâ wəyāsēr haṣəfarədə‘îm mimmennî ûmē‘ammî wa’ăšalləḥâ ’eṯ-hā‘ām wəyizəbəḥû layhwâ:

5 wayyō’mer mōšeh ləfarə‘ōh hiṯəpā’ēr ‘ālay ləmāṯay| ’^a‘ətîr ləḵā wəl^a‘ăḇāḏeyḵā ûlə‘amməḵā ləhaḵərîṯ haṣăfarədə‘îm mimməḵā ûmibāteyḵā raq bayə’ōr tiššā’arənâ:

6 wayyō’mer ləmāḥār wayyō’mer kiḏəḇārəḵā ləm^a‘an tēḏ^a‘ kî-’ên kayhwâ ’ĕlōhênû:

7 wəsārû haṣəfarədə‘îm mimməḵā ûmibāteyḵā ûmē‘ăḇāḏeyḵā ûmē‘ammeḵā raq bayə’ōr tiššā’arənâ:

8 wayyēṣē’ mōšeh wə’ahărōn mē‘im parə‘ōh wayyiṣə‘aq mōšeh ’el-yəhwâ ‘al-dəḇar haṣəfarədə‘îm ’ăšer-śām ləfarə‘ōh:

9 wayy^a‘aś yəhwâ kiḏəḇar mōšeh wayyāmuṯû haṣəfarədə‘îm min-habātîm min-h^aḥăṣērōṯ ûmin-haśśāḏōṯ:

10 wayyiṣəbərû ’ōṯām ḥŏmārim ḥŏmārim watiḇə’aš hā’āreṣ:

11 wayyarə’ parə‘ōh kî hāyəṯâ hārəwāḥâ wəhaḵəbēḏ ’eṯ-libwō wəlō’ šām^a‘ ’ălēhem ka’ăšer diber yəhwâ: s

12 wayyō’mer yəhwâ ’el-mōšeh ’ĕmōr ’el-’ahărōn nəṭēh ’eṯ-maṭṭəḵā wəhaḵə ’eṯ-‘ăfar hā’āreṣ wəhāyâ ləḵinnim bəḵāl-’ereṣ miṣərāyim:

13 wayy^a‘ăśû-ḵēn wayyēṭ ’ahărōn ’eṯ-yāḏwō ḇəmaṭṭēhû wayyaḵə ’eṯ-‘ăfar hā’āreṣ watəhî hakinnām bā’āḏām ûḇabəhēmâ kāl-‘ăfar hā’āreṣ hāyâ ḵinnîm bəḵāl-’ereṣ miṣərāyim:

14 wayy^a‘ăśû-ḵēn h^aḥarəṭummîm bəlāṭêhem ləhwōṣî’ ’eṯ-hakinnîm wəlō’ yāḵōlû watəhî hakinnām bā’āḏām ûḇabəhēmâ:

15 wayyō’mərû h^aḥarəṭummîm ’el-parə‘ōh ’eṣəb^a‘ ’ĕlōhîm hiw’ wayyeḥĕzaq lēḇ-parə‘ōh wəlō’-šām^a‘ ’ălēhem ka’ăšer diber yəhwâ: s

16 wayyō’mer yəhwâ ’el-mōšeh hašəkēm babōqer wəhiṯəyaṣṣēḇ lifənê farə‘ōh hinnēh ywōṣē’ hammāyəmâ wə’āmarətā ’ēlāyw kōh ’āmar yəhwâ šall^aḥ ‘ammî wəy^a‘aḇəḏunî:

17 kî ’im-’ênəḵā məšallēḥa ’eṯ-‘ammî hinənî mašəlîḥa bəḵā ûḇ^a‘ăḇāḏeyḵā ûḇə‘amməḵā ûḇəḇāteyḵā ’eṯ-he‘ārōḇ ûmālə’û bātê miṣərayim ’eṯ-he‘ārōḇ wəḡam hā’ăḏāmâ ’ăšer-hēm ‘āleyhā:

18 wəhifəlêṯî ḇayywōm hahû’ ’eṯ-’ereṣ gōšen ’ăšer ‘ammî ‘ōmēḏ ‘āleyhā ləḇilətî hĕywōṯ-šām ‘ārōḇ ləm^a‘an tēḏ^a‘ kî ’ănî yəhwâ bəqereḇ hā’āreṣ:

19 wəśamətî fəḏuṯ bên ‘ammî ûḇên ‘ammeḵā ləmāḥār yihəyeh³ hā’ōṯ hazzeh:

20 wayy^a‘aś yəhwâ kēn wayyāḇō’ ‘ārōḇ kāḇēḏ bêṯâ farə‘ōh ûḇêṯ ‘ăḇāḏāyw ûḇəḵāl-’ereṣ miṣərayim tiššāḥēṯ hā’āreṣ mipənê he‘ārōḇ:

21 wayyiqərā’ farə‘ōh ’el-mōšeh ûlə’ahărōn wayyō’mer ləḵû ziḇəḥû lē’lōhêḵem bā’āreṣ:

22 wayyō’mer mōšeh lō’ nāḵwōn l^a‘ăśwōṯ kēn kî twō‘ăḇaṯ miṣərayim nizəb^aḥ layhwâ ’ĕlōhênû hēn nizəb^aḥ ’eṯ-twō‘ăḇaṯ miṣərayim lə‘ênêhem wəlō’ yisəqəlunû:

23 dereḵə šəlōšeṯ yāmîm nēlēḵə bammiḏəbār wəzāḇ^aḥənû layhwâ ’ĕlōhênû ka’ăšer yō’mar ’ēlênû:

24 wayyō’mer parə‘ōh ’ānōḵî ’ăšall^aḥ ’eṯəḵem ûzəḇ^aḥətem layhwâ ’ĕlōhêḵem bammiḏəbār raq harəḥēq lō’-ṯarəḥîqû lāleḵeṯ h^a‘ətîrû b^a‘ăḏî:

25 wayyō’mer mōšeh hinnēh ’ānōḵî ywōṣē’ mē‘immāḵə wəh^a‘ətarətî ’el-yəhwâ wəsār he‘ārōḇ miparə‘ōh mē‘ăḇāḏāyw ûmē‘ammwō māḥār raq ’al-yōsēf parə‘ōh hāṯēl ləḇilətî šall^aḥ ’eṯ-hā‘ām lizəbōḥa layhwâ:

26 wayyēṣē’ mōšeh mē‘im parə‘ōh wayye‘ətar ’el-yəhwâ:

27 wayy^a‘aś yəhwâ kiḏəḇar mōšeh wayyāsar he‘ārōḇ miparə‘ōh mē‘ăḇāḏāyw ûmē‘ammwō lō’ nišə’ar ’eḥāḏ:

28 wayyaḵəbēḏ parə‘ōh ’eṯ-libwō gam bap^a‘am hazzō’ṯ wəlō’ šill^aḥ ’eṯ-hā‘ām: f

‎1 ‏וַיֹּ֤אמֶר יְהוָה֙ אֶל־מֹשֶׁ֔ה בֹּ֖א אֶל־פַּרְעֹ֑ה וְדִבַּרְתָּ֣ אֵלָ֗יו כֹּֽה־אָמַ֤ר יְהוָה֙ אֱלֹהֵ֣י הָֽעִבְרִ֔ים שַׁלַּ֥ח אֶת־עַמִּ֖י וְיַֽעַבְדֻֽנִי׃

‎2 ‏כִּ֛י אִם־מָאֵ֥ן אַתָּ֖ה לְשַׁלֵּ֑חַ וְעוֹדְךָ֖ מַחֲזִ֥יק בָּֽם׃

‎3 ‏הִנֵּ֨ה יַד־יְהוָ֜ה הוֹיָ֗ה בְּמִקְנְךָ֙ אֲשֶׁ֣ר בַּשָּׂדֶ֔ה בַּסּוּסִ֤ים בַּֽחֲמֹרִים֙ בַּגְּמַלִּ֔ים בַּבָּקָ֖ר וּבַצֹּ֑אן דֶּ֖בֶר כָּבֵ֥ד מְאֹֽד׃

‎4 ‏וְהִפְלָ֣ה יְהוָ֔ה בֵּ֚ין מִקְנֵ֣ה יִשְׂרָאֵ֔ל וּבֵ֖ין מִקְנֵ֣ה מִצְרָ֑יִם וְלֹ֥א יָמ֛וּת מִכָּל־לִבְנֵ֥י יִשְׂרָאֵ֖ל דָּבָֽר׃

‎5 ‏וַיָּ֥שֶׂם יְהוָ֖ה מוֹעֵ֣ד לֵאמֹ֑ר מָחָ֗ר יַעֲשֶׂ֧ה יְהוָ֛ה הַדָּבָ֥ר הַזֶּ֖ה בָּאָֽרֶץ׃

‎6 ‏וַיַּ֨עַשׂ יְהוָ֜ה אֶת־הַדָּבָ֤ר הַזֶּה֙ מִֽמָּחֳרָ֔ת וַיָּ֕מָת כֹּ֖ל מִקְנֵ֣ה מִצְרָ֑יִם וּמִמִּקְנֵ֥ה בְנֵֽי־יִשְׂרָאֵ֖ל לֹא־מֵ֥ת אֶחָֽד׃

‎7 ‏וַיִּשְׁלַ֣ח פַּרְעֹ֔ה וְהִנֵּ֗ה לֹא־מֵ֛ת מִמִּקְנֵ֥ה יִשְׂרָאֵ֖ל עַד־אֶחָ֑ד וַיִּכְבַּד֙ לֵ֣ב פַּרְעֹ֔ה וְלֹ֥א שִׁלַּ֖ח אֶת־הָעָֽם׃ פ

‎8 ‏וַיֹּ֣אמֶר יְהוָה֮ אֶל־מֹשֶׁ֣ה וְאֶֽל־אַהֲרֹן֒ קְח֤וּ לָכֶם֙ מְלֹ֣א חָפְנֵיכֶ֔ם פִּ֖יחַ כִּבְשָׁ֑ן וּזְרָק֥וֹ מֹשֶׁ֛ה הַשָּׁמַ֖יְמָה לְעֵינֵ֥י פַרְעֹֽה׃

‎9 ‏וְהָיָ֣ה לְאָבָ֔ק עַ֖ל כָּל־אֶ֣רֶץ מִצְרָ֑יִם וְהָיָ֨ה עַל־הָאָדָ֜ם וְעַל־הַבְּהֵמָ֗ה לִשְׁחִ֥ין פֹּרֵ֛חַ אֲבַעְבֻּעֹ֖ת בְּכָל־אֶ֥רֶץ מִצְרָֽיִם׃

‎10 ‏וַיִּקְח֞וּ אֶת־פִּ֣יחַ הַכִּבְשָׁ֗ן וַיַּֽעַמְדוּ֙ לִפְנֵ֣י פַרְעֹ֔ה וַיִּזְרֹ֥ק אֹת֛וֹ מֹשֶׁ֖ה הַשָּׁמָ֑יְמָה וַיְהִ֗י שְׁחִין֙ אֲבַעְבֻּעֹ֔ת פֹּרֵ֕חַ בָּאָדָ֖ם וּבַבְּהֵמָֽה׃

‎11 ‏וְלֹֽא־יָכְל֣וּ הַֽחַרְטֻמִּ֗ים לַעֲמֹ֛ד לִפְנֵ֥י מֹשֶׁ֖ה מִפְּנֵ֣י הַשְּׁחִ֑ין כִּֽי־הָיָ֣ה הַשְּׁחִ֔ין בַּֽחֲרְטֻמִּ֖ם וּבְכָל־מִצְרָֽיִם׃

‎12 ‏וַיְחַזֵּ֤ק יְהוָה֙ אֶת־לֵ֣ב פַּרְעֹ֔ה וְלֹ֥א שָׁמַ֖ע אֲלֵהֶ֑ם כַּאֲשֶׁ֛ר דִּבֶּ֥ר יְהוָ֖ה אֶל־מֹשֶֽׁה׃ ס

‎13 ‏וַיֹּ֤אמֶר יְהוָה֙ אֶל־מֹשֶׁ֔ה הַשְׁכֵּ֣ם בַּבֹּ֔קֶר וְהִתְיַצֵּ֖ב לִפְנֵ֣י פַרְעֹ֑ה וְאָמַרְתָּ֣ אֵלָ֗יו כֹּֽה־אָמַ֤ר יְהוָה֙ אֱלֹהֵ֣י הָֽעִבְרִ֔ים שַׁלַּ֥ח אֶת־עַמִּ֖י וְיַֽעַבְדֻֽנִי׃

‎14 ‏כִּ֣י׀ בַּפַּ֣עַם הַזֹּ֗את אֲנִ֨י שֹׁלֵ֜חַ אֶת־כָּל־מַגֵּפֹתַי֙ אֶֽל־לִבְּךָ֔ וּבַעֲבָדֶ֖יךָ וּבְעַמֶּ֑ךָ בַּעֲב֣וּר תֵּדַ֔ע כִּ֛י אֵ֥ין כָּמֹ֖נִי בְּכָל־הָאָֽרֶץ׃

‎15 ‏כִּ֤י עַתָּה֙ שָׁלַ֣חְתִּי אֶת־יָדִ֔י וָאַ֥ךְ אוֹתְךָ֛ וְאֶֽת־עַמְּךָ֖ בַּדָּ֑בֶר וַתִּכָּחֵ֖ד מִן־הָאָֽרֶץ׃

‎16 ‏וְאוּלָ֗ם בַּעֲב֥וּר זֹאת֙ הֶעֱמַדְתִּ֔יךָ בַּעֲב֖וּר הַרְאֹתְךָ֣ אֶת־כֹּחִ֑י וּלְמַ֛עַן סַפֵּ֥ר שְׁמִ֖י בְּכָל־הָאָֽרֶץ׃

‎17 ‏עוֹדְךָ֖ מִסְתּוֹלֵ֣ל בְּעַמִּ֑י לְבִלְתִּ֖י שַׁלְּחָֽם׃

‎18 ‏הִנְנִ֤י מַמְטִיר֙ כָּעֵ֣ת מָחָ֔ר בָּרָ֖ד כָּבֵ֣ד מְאֹ֑ד אֲשֶׁ֨ר לֹא־הָיָ֤ה כָמֹ֙הוּ֙ בְּמִצְרַ֔יִם לְמִן־הַיּ֥וֹם הִוָּסְדָ֖ה וְעַד־עָֽתָּה׃

‎19 ‏וְעַתָּ֗ה שְׁלַ֤ח הָעֵז֙ אֶֽת־מִקְנְךָ֔ וְאֵ֛ת כָּל־אֲשֶׁ֥ר לְךָ֖ בַּשָּׂדֶ֑ה כָּל־הָאָדָ֨ם וְהַבְּהֵמָ֜ה אֲשֶֽׁר־יִמָּצֵ֣א בַשָּׂדֶ֗ה וְלֹ֤א יֵֽאָסֵף֙ הַבַּ֔יְתָה וְיָרַ֧ד עֲלֵהֶ֛ם הַבָּרָ֖ד וָמֵֽתוּ׃

‎20 ‏הַיָּרֵא֙ אֶת־דְּבַ֣ר יְהוָ֔ה מֵֽעַבְדֵ֖י פַּרְעֹ֑ה הֵנִ֛יס אֶת־עֲבָדָ֥יו וְאֶת־מִקְנֵ֖הוּ אֶל־הַבָּתִּֽים׃

‎21 ‏וַאֲשֶׁ֥ר לֹא־שָׂ֛ם לִבּ֖וֹ אֶל־דְּבַ֣ר יְהוָ֑ה וַֽיַּעֲזֹ֛ב אֶת־עֲבָדָ֥יו וְאֶת־מִקְנֵ֖הוּ בַּשָּׂדֶֽה׃ פ

‎22 ‏וַיֹּ֨אמֶר יְהוָ֜ה אֶל־מֹשֶׁה נְטֵ֤ה אֶת־יָֽדְךָ֙ עַל־הַשָּׁמַ֔יִם וִיהִ֥י בָרָ֖ד בְּכָל־אֶ֣רֶץ מִצְרָ֑יִם עַל־הָאָדָ֣ם וְעַל־הַבְּהֵמָ֗ה וְעַ֛ל כָּל־עֵ֥שֶׂב הַשָּׂדֶ֖ה בְּאֶ֥רֶץ מִצְרָֽיִם׃

‎23 ‏וַיֵּ֨ט מֹשֶׁ֣ה אֶת־מַטֵּהוּ֮ עַל־הַשָּׁמַיִם֒ וַֽיהוָ֗ה נָתַ֤ן קֹלֹת֙ וּבָרָ֔ד וַתִּ֥הֲלַךְ אֵ֖שׁ אָ֑רְצָה וַיַּמְטֵ֧ר יְהוָ֛ה בָּרָ֖ד עַל־אֶ֥רֶץ מִצְרָֽיִם׃

‎24 ‏וַיְהִ֣י בָרָ֔ד וְאֵ֕שׁ מִתְלַקַּ֖חַת בְּת֣וֹךְ הַבָּרָ֑ד כָּבֵ֣ד מְאֹ֔ד אֲ֠שֶׁר לֹֽא־הָיָ֤ה כָמֹ֙הוּ֙ בְּכָל־אֶ֣רֶץ מִצְרַ֔יִם מֵאָ֖ז הָיְתָ֥ה לְגֽוֹי׃

‎25 ‏וַיַּ֨ךְ הַבָּרָ֜ד בְּכָל־אֶ֣רֶץ מִצְרַ֗יִם אֵ֚ת כָּל־אֲשֶׁ֣ר בַּשָּׂדֶ֔ה מֵאָדָ֖ם וְעַד־בְּהֵמָ֑ה וְאֵ֨ת כָּל־עֵ֤שֶׂב הַשָּׂדֶה֙ הִכָּ֣ה הַבָּרָ֔ד וְאֶת־כָּל־עֵ֥ץ הַשָּׂדֶ֖ה שִׁבֵּֽר׃

‎26 ‏רַ֚ק בְּאֶ֣רֶץ גֹּ֔שֶׁן אֲשֶׁר־שָׁ֖ם בְּנֵ֣י יִשְׂרָאֵ֑ל לֹ֥א הָיָ֖ה בָּרָֽד׃

‎27 ‏וַיִּשְׁלַ֣ח פַּרְעֹ֗ה וַיִּקְרָא֙ לְמֹשֶׁ֣ה וּֽלְאַהֲרֹ֔ן וַיֹּ֥אמֶר אֲלֵהֶ֖ם חָטָ֣אתִי הַפָּ֑עַם יְהוָה֙ הַצַּדִּ֔יק וַאֲנִ֥י וְעַמִּ֖י הָרְשָׁעִֽים׃

‎28 ‏הַעְתִּ֙ירוּ֙ אֶל־יְהוָ֔ה וְרַ֕ב מִֽהְיֹ֛ת קֹלֹ֥ת אֱלֹהִ֖ים וּבָרָ֑ד וַאֲשַׁלְּחָ֣ה אֶתְכֶ֔ם וְלֹ֥א תֹסִפ֖וּן לַעֲמֹֽד׃

‎29 ‏וַיֹּ֤אמֶר אֵלָיו֙ מֹשֶׁ֔ה כְּצֵאתִי֙ אֶת־הָעִ֔יר אֶפְרֹ֥שׂ אֶת־כַּפַּ֖י אֶל־יְהוָ֑ה הַקֹּל֣וֹת יֶחְדָּל֗וּן וְהַבָּרָד֙ לֹ֣א יִֽהְיֶה־ע֔וֹד לְמַ֣עַן תֵּדַ֔ע כִּ֥י לַיהוָ֖ה הָאָֽרֶץ׃

‎30 ‏וְאַתָּ֖ה וַעֲבָדֶ֑יךָ יָדַ֕עְתִּי כִּ֚י טֶ֣רֶם תִּֽירְא֔וּן מִפְּנֵ֖י יְהוָ֥ה אֱלֹהִֽים׃

‎31 ‏וְהַפִּשְׁתָּ֥ה וְהַשְּׂעֹרָ֖ה נֻכָּ֑תָה כִּ֤י הַשְּׂעֹרָה֙ אָבִ֔יב וְהַפִּשְׁתָּ֖ה גִּבְעֹֽל׃

‎32 ‏וְהַחִטָּ֥ה וְהַכֻּסֶּ֖מֶת לֹ֣א נֻכּ֑וּ כִּ֥י אֲפִילֹ֖ת הֵֽנָּה׃

‎33 ‏וַיֵּצֵ֨א מֹשֶׁ֜ה מֵעִ֤ם פַּרְעֹה֙ אֶת־הָעִ֔יר וַיִּפְרֹ֥שׂ כַּפָּ֖יו אֶל־יְהוָ֑ה וַֽיַּחְדְּל֤וּ הַקֹּלוֹת֙ וְהַבָּרָ֔ד וּמָטָ֖ר לֹא־נִתַּ֥ךְ אָֽרְצָה׃

‎34 ‏וַיַּ֣רְא פַּרְעֹ֗ה כִּֽי־חָדַ֨ל הַמָּטָ֧ר וְהַבָּרָ֛ד וְהַקֹּלֹ֖ת וַיֹּ֣סֶף לַחֲטֹ֑א וַיַּכְבֵּ֥ד לִבּ֖וֹ ה֥וּא וַעֲבָדָֽיו׃

‎35 ‏וַֽיֶּחֱזַק֙ לֵ֣ב פַּרְעֹ֔ה וְלֹ֥א שִׁלַּ֖ח אֶת־בְּנֵ֣י יִשְׂרָאֵ֑ל כַּאֲשֶׁ֛ר דִּבֶּ֥ר יְהוָ֖ה בְּיַד־מֹשֶֽׁה׃ פ

1 wayyō’mer yəhwâ ’el-mōšeh bō’ ’el-parə‘ōh wəḏibarətā ’ēlāyw kōh-’āmar yəhwâ ’ĕlōhê hā‘iḇərîm šall^aḥ ’eṯ-‘ammî wəy^a‘aḇəḏunî:

2 kî ’im-mā’ēn ’atâ ləšallēḥa wə‘wōḏəḵā m^aḥăzîq bām:

3 hinnēh yaḏ-yəhwâ hwōyâ bəmiqənəḵā ’ăšer baśśāḏeh bassûsîm b^aḥămōrîm bagəmallîm babāqār ûḇaṣṣō’n deḇer kāḇēḏ mə’ōḏ:

4 wəhifəlâ yəhwâ bên miqənēh yiśərā’ēl ûḇên miqənēh miṣərāyim wəlō’ yāmûṯ mikāl-liḇənê yiśərā’ēl dāḇār:

5 wayyāśem yəhwâ mwō‘ēḏ lē’mōr māḥār y^a‘ăśeh yəhwâ hadāḇār hazzeh bā’āreṣ:

6 wayy^a‘aś yəhwâ ’eṯ-hadāḇār hazzeh mimmāḥŏrāṯ wayyāmāṯ kōl miqənēh miṣərāyim ûmimmiqənēh ḇənê-yiśərā’ēl lō’-mēṯ ’eḥāḏ:

7 wayyišəl^aḥ parə‘ōh wəhinnēh lō’-mēṯ mimmiqənēh yiśərā’ēl ‘aḏ-’eḥāḏ wayyiḵəbaḏ lēḇ parə‘ōh wəlō’ šill^aḥ ’eṯ-hā‘ām: f

8 wayyō’mer yəhwâ ’el-mōšeh wə’el-’ahărōn qəḥû lāḵem məlō’ ḥāfənêḵem pîḥa kiḇəšān ûzərāqwō mōšeh haššāmayəmâ lə‘ênê farə‘ōh:

9 wəhāyâ lə’āḇāq ‘al kāl-’ereṣ miṣərāyim wəhāyâ ‘al-hā’āḏām wə‘al-habəhēmâ lišəḥîn pōrēḥa ’ăḇ^a‘əbu‘ōṯ bəḵāl-’ereṣ miṣərāyim:

10 wayyiqəḥû ’eṯ-pîḥa hakiḇəšān wayy^a‘aməḏû lifənê farə‘ōh wayyizərōq ’ōṯwō mōšeh haššāmāyəmâ wayəhî šəḥîn ’ăḇ^a‘əbu‘ōṯ pōrēḥa bā’āḏām ûḇabəhēmâ:

11 wəlō’-yāḵəlû h^aḥarəṭummîm l^a‘ămōḏ lifənê mōšeh mipənê haššəḥîn kî-hāyâ haššəḥîn b^aḥărəṭummim ûḇəḵāl-miṣərāyim:

12 wayəḥazzēq yəhwâ ’eṯ-lēḇ parə‘ōh wəlō’ šām^a‘ ’ălēhem ka’ăšer diber yəhwâ ’el-mōšeh: s

13 wayyō’mer yəhwâ ’el-mōšeh hašəkēm babōqer wəhiṯəyaṣṣēḇ lifənê farə‘ōh wə’āmarətā ’ēlāyw kōh-’āmar yəhwâ ’ĕlōhê hā‘iḇərîm šall^aḥ ’eṯ-‘ammî wəy^a‘aḇəḏunî:

14 kî| bap^a‘am hazzō’ṯ ’ănî šōlēḥa ’eṯ-kāl-magēfōṯay ’el-libəḵā ûḇ^a‘ăḇāḏeyḵā ûḇə‘ammeḵā b^a‘ăḇûr tēḏ^a‘ kî ’ên kāmōnî bəḵāl-hā’āreṣ:

15 kî ‘atâ šāl^aḥətî ’eṯ-yāḏî wā’aḵə ’wōṯəḵā wə’eṯ-‘amməḵā badāḇer watikāḥēḏ min-hā’āreṣ:

16 wə’ûlām b^a‘ăḇûr zō’ṯ he‘ĕmaḏətîḵā b^a‘ăḇûr harə’ōṯəḵā ’eṯ-kōḥî ûləm^a‘an sapēr šəmî bəḵāl-hā’āreṣ:

17 ‘wōḏəḵā misətwōlēl bə‘ammî ləḇilətî šalləḥām:

18 hinənî maməṭîr kā‘ēṯ māḥār bārāḏ kāḇēḏ mə’ōḏ ’ăšer lō’-hāyâ ḵāmōhû bəmiṣərayim ləmin-hayywōm hiûāsəḏâ wə‘aḏ-‘ātâ:

19 wə‘atâ šəl^aḥ hā‘ēz ’eṯ-miqənəḵā wə’ēṯ kāl-’ăšer ləḵā baśśāḏeh kāl-hā’āḏām wəhabəhēmâ ’ăšer-yimmāṣē’ ḇaśśāḏeh wəlō’ yē’āsēf habayəṯâ wəyāraḏ ‘ălēhem habārāḏ wāmēṯû:

20 hayyārē’ ’eṯ-dəḇar yəhwâ mē‘aḇəḏê parə‘ōh hēnîs ’eṯ-‘ăḇāḏāyw wə’eṯ-miqənēhû ’el-habātîm:

21 wa’ăšer lō’-śām libwō ’el-dəḇar yəhwâ wayy^a‘ăzōḇ ’eṯ-‘ăḇāḏāyw wə’eṯ-miqənēhû baśśāḏeh: f

22 wayyō’mer yəhwâ ’el-mōšeh nəṭēh ’eṯ-yāḏəḵā ‘al-haššāmayim wîhî ḇārāḏ bəḵāl-’ereṣ miṣərāyim ‘al-hā’āḏām wə‘al-habəhēmâ wə‘al kāl-‘ēśeḇ haśśāḏeh bə’ereṣ miṣərāyim:

23 wayyēṭ mōšeh ’eṯ-maṭṭēhû ‘al-haššāmayim wayhwâ nāṯan qōlōṯ ûḇārāḏ watihălaḵə ’ēš ’ārəṣâ wayyaməṭēr yəhwâ bārāḏ ‘al-’ereṣ miṣərāyim:

24 wayəhî ḇārāḏ wə’ēš miṯəlaqq^aḥaṯ bəṯwōḵə habārāḏ kāḇēḏ mə’ōḏ ’ăšer lō’-hāyâ ḵāmōhû bəḵāl-’ereṣ miṣərayim mē’āz hāyəṯâ ləḡwōy:

25 wayyaḵə habārāḏ bəḵāl-’ereṣ miṣərayim ’ēṯ kāl-’ăšer baśśāḏeh mē’āḏām wə‘aḏ-bəhēmâ wə’ēṯ kāl-‘ēśeḇ haśśāḏeh hikâ habārāḏ wə’eṯ-kāl-‘ēṣ haśśāḏeh šibēr:

26 raq bə’ereṣ gōšen ’ăšer-šām bənê yiśərā’ēl lō’ hāyâ bārāḏ:

27 wayyišəl^aḥ parə‘ōh wayyiqərā’ ləmōšeh ûlə’ahărōn wayyō’mer ’ălēhem ḥāṭā’ṯî hapā‘am yəhwâ haṣṣadîq wa’ănî wə‘ammî hārəšā‘îm:

28 h^a‘ətîrû ’el-yəhwâ wəraḇ mihəyōṯ qōlōṯ ’ĕlōhîm ûḇārāḏ wa’ăšalləḥâ ’eṯəḵem wəlō’ ṯōsifûn l^a‘ămōḏ:

29 wayyō’mer ’ēlāyw mōšeh kəṣē’ṯî ’eṯ-hā‘îr ’efərōś ’eṯ-kapay ’el-yəhwâ haqqōlwōṯ yeḥədālûn wəhabārāḏ lō’ yihəyeh-‘wōḏ ləm^a‘an tēḏ^a‘ kî layhwâ hā’āreṣ:

30 wə’atâ w^a‘ăḇāḏeyḵā yāḏ^a‘ətî kî ṭerem tîrə’ûn mipənê yəhwâ ’ĕlōhîm:

31 wəhapišətâ wəhaśśə‘ōrâ nukāṯâ kî haśśə‘ōrâ ’āḇîḇ wəhapišətâ giḇə‘ōl:

32 wəh^aḥiṭṭâ wəhakussemeṯ lō’ nukû kî ’ăfîlōṯ hēnnâ:

33 wayyēṣē’ mōšeh mē‘im parə‘ōh ’eṯ-hā‘îr wayyifərōś kapāyw ’el-yəhwâ wayy^aḥədəlû haqqōlwōṯ wəhabārāḏ ûmāṭār lō’-nitaḵə ’ārəṣâ:

34 wayyarə’ parə‘ōh kî-ḥāḏal hammāṭār wəhabārāḏ wəhaqqōlōṯ wayyōsef l^aḥăṭō’ wayyaḵəbēḏ libwō hû’ w^a‘ăḇāḏāyw:

35 wayyeḥĕzaq lēḇ parə‘ōh wəlō’ šill^aḥ ’eṯ-bənê yiśərā’ēl ka’ăšer diber yəhwâ bəyaḏ-mōšeh: f

‎1 ‏וַיֹּ֤אמֶר יְהוָה֙ אֶל־מֹשֶׁ֔ה בֹּ֖א אֶל־פַּרְעֹ֑ה כִּֽי־אֲנִ֞י הִכְבַּ֤דְתִּי אֶת־לִבּוֹ֙ וְאֶת־לֵ֣ב עֲבָדָ֔יו לְמַ֗עַן שִׁתִ֛י אֹתֹתַ֥י אֵ֖לֶּה בְּקִרְבּוֹ׃

‎2 ‏וּלְמַ֡עַן תְּסַפֵּר֩ בְּאָזְנֵ֨י בִנְךָ֜ וּבֶן־בִּנְךָ֗ אֵ֣ת אֲשֶׁ֤ר הִתְעַלַּ֙לְתִּי֙ בְּמִצְרַ֔יִם וְאֶת־אֹתֹתַ֖י אֲשֶׁר־שַׂ֣מְתִּי בָ֑ם וִֽידַעְתֶּ֖ם כִּי־אֲנִ֥י יְהוָֽה׃

‎3 ‏וַיָּבֹ֨א מֹשֶׁ֣ה וְאַהֲרֹן֮ אֶל־פַּרְעֹה֒ וַיֹּאמְר֣וּ אֵלָ֗יו כֹּֽה־אָמַ֤ר יְהוָה֙ אֱלֹהֵ֣י הָֽעִבְרִ֔ים עַד־מָתַ֣י מֵאַ֔נְתָּ לֵעָנֹ֖ת מִפָּנָ֑י שַׁלַּ֥ח עַמִּ֖י וְיַֽעַבְדֻֽנִי׃

‎4 ‏כִּ֛י אִם־מָאֵ֥ן אַתָּ֖ה לְשַׁלֵּ֣חַ אֶת־עַמִּ֑י הִנְנִ֨י מֵבִ֥יא מָחָ֛ר אַרְבֶּ֖ה בִּגְבֻלֶֽךָ׃

‎5 ‏וְכִסָּה֙ אֶת־עֵ֣ין הָאָ֔רֶץ וְלֹ֥א יוּכַ֖ל לִרְאֹ֣ת אֶת־הָאָ֑רֶץ וְאָכַ֣ל׀ אֶת־יֶ֣תֶר הַפְּלֵטָ֗ה הַנִּשְׁאֶ֤רֶת לָכֶם֙ מִן־הַבָּרָ֔ד וְאָכַל֙ אֶת־כָּל־הָעֵ֔ץ הַצֹּמֵ֥חַ לָכֶ֖ם מִן־הַשָּׂדֶֽה׃

‎6 ‏וּמָלְא֨וּ בָתֶּ֜יךָ וּבָתֵּ֣י כָל־עֲבָדֶיךָ֮ וּבָתֵּ֣י כָל־מִצְרַיִם֒ אֲשֶׁ֨ר לֹֽא־רָא֤וּ אֲבֹתֶ֙יךָ֙ וַאֲבוֹ֣ת אֲבֹתֶ֔יךָ מִיּ֗וֹם הֱיוֹתָם֙ עַל־הָ֣אֲדָמָ֔ה עַ֖ד הַיּ֣וֹם הַזֶּ֑ה וַיִּ֥פֶן וַיֵּצֵ֖א מֵעִ֥ם פַּרְעֹֽה׃

‎7 ‏וַיֹּאמְרוּ֩ עַבְדֵ֨י פַרְעֹ֜ה אֵלָ֗יו עַד־מָתַי֙ יִהְיֶ֨ה זֶ֥ה לָ֙נוּ֙ לְמוֹקֵ֔שׁ שַׁלַּח֙ אֶת־הָ֣אֲנָשִׁ֔ים וְיַֽעַבְד֖וּ אֶת־יְהוָ֣ה אֱלֹהֵיהֶ֑ם הֲטֶ֣רֶם תֵּדַ֔ע כִּ֥י אָבְדָ֖ה מִצְרָֽיִם׃

‎8 ‏וַיּוּשַׁ֞ב אֶת־מֹשֶׁ֤ה וְאֶֽת־אַהֲרֹן֙ אֶל־פַּרְעֹ֔ה וַיֹּ֣אמֶר אֲלֵהֶ֔ם לְכ֥וּ עִבְד֖וּ אֶת־יְהוָ֣ה אֱלֹהֵיכֶ֑ם מִ֥י וָמִ֖י הַהֹלְכִֽים׃

‎9 ‏וַיֹּ֣אמֶר מֹשֶׁ֔ה בִּנְעָרֵ֥ינוּ וּבִזְקֵנֵ֖ינוּ נֵלֵ֑ךְ בְּבָנֵ֨ינוּ וּבִבְנוֹתֵ֜נוּ בְּצֹאנֵ֤נוּ וּבִבְקָרֵ֙נוּ֙ נֵלֵ֔ךְ כִּ֥י חַג־יְהוָ֖ה לָֽנוּ׃

‎10 ‏וַיֹּ֣אמֶר אֲלֵהֶ֗ם יְהִ֨י כֵ֤ן יְהוָה֙ עִמָּכֶ֔ם כַּאֲשֶׁ֛ר אֲשַׁלַּ֥ח אֶתְכֶ֖ם וְאֶֽת־טַפְּכֶ֑ם רְא֕וּ כִּ֥י רָעָ֖ה נֶ֥גֶד פְּנֵיכֶֽם׃

‎11 ‏לֹ֣א כֵ֗ן לְכֽוּ־נָ֤א הַגְּבָרִים֙ וְעִבְד֣וּ אֶת־יְהוָ֔ה כִּ֥י אֹתָ֖הּ אַתֶּ֣ם מְבַקְשִׁ֑ים וַיְגָ֣רֶשׁ אֹתָ֔ם מֵאֵ֖ת פְּנֵ֥י פַרְעֹֽה׃ פ

‎12 ‏וַיֹּ֨אמֶר יְהוָ֜ה אֶל־מֹשֶׁ֗ה נְטֵ֨ה יָדְךָ֜ עַל־אֶ֤רֶץ מִצְרַ֙יִם֙ בָּֽאַרְבֶּ֔ה וְיַ֖עַל עַל־אֶ֣רֶץ מִצְרָ֑יִם וְיֹאכַל֙ אֶת־כָּל־עֵ֣שֶׂב הָאָ֔רֶץ אֵ֛ת כָּל־אֲשֶׁ֥ר הִשְׁאִ֖יר הַבָּרָֽד׃

‎13 ‏וַיֵּ֨ט מֹשֶׁ֣ה אֶת־מַטֵּהוּ֮ עַל־אֶ֣רֶץ מִצְרַיִם֒ וַֽיהוָ֗ה נִהַ֤ג ר֥וּחַ קָדִים֙ בָּאָ֔רֶץ כָּל־הַיּ֥וֹם הַה֖וּא וְכָל־הַלָּ֑יְלָה הַבֹּ֣קֶר הָיָ֔ה וְר֙וּחַ֙ הַקָּדִ֔ים נָשָׂ֖א אֶת־הָאַרְבֶּֽה׃

‎14 ‏וַיַּ֣עַל הָֽאַרְבֶּ֗ה עַ֚ל כָּל־אֶ֣רֶץ מִצְרַ֔יִם וַיָּ֕נַח בְּכֹ֖ל גְּב֣וּל מִצְרָ֑יִם כָּבֵ֣ד מְאֹ֔ד לְ֠פָנָיו לֹא־הָ֨יָה כֵ֤ן אַרְבֶּה֙ כָּמֹ֔הוּ וְאַחֲרָ֖יו לֹ֥א יִֽהְיֶה־כֵּֽן׃

‎15 ‏וַיְכַ֞ס אֶת־עֵ֣ין כָּל־הָאָרֶץ֮ וַתֶּחְשַׁ֣ךְ הָאָרֶץ֒ וַיֹּ֜אכַל אֶת־כָּל־עֵ֣שֶׂב הָאָ֗רֶץ וְאֵת֙ כָּל־פְּרִ֣י הָעֵ֔ץ אֲשֶׁ֥ר הוֹתִ֖יר הַבָּרָ֑ד וְלֹא־נוֹתַ֨ר כָּל־יֶ֧רֶק בָּעֵ֛ץ וּבְעֵ֥שֶׂב הַשָּׂדֶ֖ה בְּכָל־אֶ֥רֶץ מִצְרָֽיִם׃

‎16 ‏וַיְמַהֵ֣ר פַּרְעֹ֔ה לִקְרֹ֖א לְמֹשֶׁ֣ה וּֽלְאַהֲרֹ֑ן וַיֹּ֗אמֶר חָטָ֛אתִי לַיהוָ֥ה אֱלֹֽהֵיכֶ֖ם וְלָכֶֽם׃

‎17 ‏וְעַתָּ֗ה שָׂ֣א נָ֤א חַטָּאתִי֙ אַ֣ךְ הַפַּ֔עַם וְהַעְתִּ֖ירוּ לַיהוָ֣ה אֱלֹהֵיכֶ֑ם וְיָסֵר֙ מֵֽעָלַ֔י רַ֖ק אֶת־הַמָּ֥וֶת הַזֶּֽה׃

‎18 ‏וַיֵּצֵ֖א מֵעִ֣ם פַּרְעֹ֑ה וַיֶּעְתַּ֖ר אֶל־יְהוָֽה׃

‎19 ‏וַיַּהֲפֹ֨ךְ יְהוָ֤ה רֽוּחַ־יָם֙ חָזָ֣ק מְאֹ֔ד וַיִּשָּׂא֙ אֶת־הָ֣אַרְבֶּ֔ה וַיִּתְקָעֵ֖הוּ יָ֣מָּה סּ֑וּף לֹ֤א נִשְׁאַר֙ אַרְבֶּ֣ה אֶחָ֔ד בְּכֹ֖ל גְּב֥וּל מִצְרָֽיִם׃

‎20 ‏וַיְחַזֵּ֥ק יְהוָ֖ה אֶת־לֵ֣ב פַּרְעֹ֑ה וְלֹ֥א שִׁלַּ֖ח אֶת־בְּנֵ֥י יִשְׂרָאֵֽל׃ פ

‎21 ‏וַיֹּ֨אמֶר יְהוָ֜ה אֶל־מֹשֶׁ֗ה נְטֵ֤ה יָֽדְךָ֙ עַל־הַשָּׁמַ֔יִם וִ֥יהִי חֹ֖שֶׁךְ עַל־אֶ֣רֶץ מִצְרָ֑יִם וְיָמֵ֖שׁ חֹֽשֶׁךְ׃

‎22 ‏וַיֵּ֥ט מֹשֶׁ֛ה אֶת־יָד֖וֹ עַל־הַשָּׁמָ֑יִם וַיְהִ֧י חֹֽשֶׁךְ־אֲפֵלָ֛ה בְּכָל־אֶ֥רֶץ מִצְרַ֖יִם שְׁלֹ֥שֶׁת יָמִֽים׃

‎23 ‏לֹֽא־רָא֞וּ אִ֣ישׁ אֶת־אָחִ֗יו וְלֹא־קָ֛מוּ אִ֥ישׁ מִתַּחְתָּ֖יו שְׁלֹ֣שֶׁת יָמִ֑ים וּֽלְכָל־בְּנֵ֧י יִשְׂרָאֵ֛ל הָ֥יָה א֖וֹר בְּמוֹשְׁבֹתָֽם׃

‎24 ‏וַיִּקְרָ֨א פַרְעֹ֜ה אֶל־מֹשֶׁ֗ה וַיֹּ֙אמֶר֙ לְכוּ֙ עִבְד֣וּ אֶת־יְהוָ֔ה רַ֛ק צֹאנְכֶ֥ם וּבְקַרְכֶ֖ם יֻצָּ֑ג גַּֽם־טַפְּכֶ֖ם יֵלֵ֥ךְ עִמָּכֶֽם׃

‎25 ‏וַיֹּ֣אמֶר מֹשֶׁ֔ה גַּם־אַתָּ֛ה תִּתֵּ֥ן בְּיָדֵ֖נוּ זְבָחִ֣ים וְעֹל֑וֹת וְעָשִׂ֖ינוּ לַיהוָ֥ה אֱלֹהֵֽינוּ׃

‎26 ‏וְגַם־מִקְנֵ֜נוּ יֵלֵ֣ךְ עִמָּ֗נוּ לֹ֤א תִשָּׁאֵר֙ פַּרְסָ֔ה כִּ֚י מִמֶּ֣נּוּ נִקַּ֔ח לַעֲבֹ֖ד אֶת־יְהוָ֣ה אֱלֹהֵ֑ינוּ וַאֲנַ֣חְנוּ לֹֽא־נֵדַ֗ע מַֽה־נַּעֲבֹד֙ אֶת־יְהוָ֔ה עַד־בֹּאֵ֖נוּ שָֽׁמָּה׃

‎27 ‏וַיְחַזֵּ֥ק יְהוָ֖ה אֶת־לֵ֣ב פַּרְעֹ֑ה וְלֹ֥א אָבָ֖ה לְשַׁלְּחָֽם׃

‎28 ‏וַיֹּֽאמֶר־ל֥וֹ פַרְעֹ֖ה לֵ֣ךְ מֵעָלָ֑י הִשָּׁ֣מֶר לְךָ֗ אֶל־תֹּ֙סֶף֙ רְא֣וֹת פָּנַ֔י כִּ֗י בְּי֛וֹם רְאֹתְךָ֥ פָנַ֖י תָּמֽוּת׃

‎29 ‏וַיֹּ֥אמֶר מֹשֶׁ֖ה כֵּ֣ן דִּבַּ֑רְתָּ לֹא־אֹסִ֥ף ע֖וֹד רְא֥וֹת פָּנֶֽיךָ׃ פ

1 wayyō’mer yəhwâ ’el-mōšeh bō’ ’el-parə‘ōh kî-’ănî hiḵəbaḏətî ’eṯ-libwō wə’eṯ-lēḇ ‘ăḇāḏāyw ləm^a‘an šiṯî ’ōṯōṯay ’ēlleh bəqirəbwō:

2 ûləm^a‘an təsapēr bə’āzənê ḇinəḵā ûḇen-binəḵā ’ēṯ ’ăšer hiṯə‘allalətî bəmiṣərayim wə’eṯ-’ōṯōṯay ’ăšer-śamətî ḇām wîḏ^a‘ətem kî-’ănî yəhwâ:

3 wayyāḇō’ mōšeh wə’ahărōn ’el-parə‘ōh wayyō’mərû ’ēlāyw kōh-’āmar yəhwâ ’ĕlōhê hā‘iḇərîm ‘aḏ-māṯay mē’anətā lē‘ānōṯ mipānāy šall^aḥ ‘ammî wəy^a‘aḇəḏunî:

4 kî ’im-mā’ēn ’atâ ləšallēḥa ’eṯ-‘ammî hinənî mēḇî’ māḥār ’arəbeh biḡəḇuleḵā:

5 wəḵissâ ’eṯ-‘ên hā’āreṣ wəlō’ yûḵal lirə’ōṯ ’eṯ-hā’āreṣ wə’āḵal| ’eṯ-yeṯer hapəlēṭâ hannišə’ereṯ lāḵem min-habārāḏ wə’āḵal ’eṯ-kāl-hā‘ēṣ haṣṣōmēḥa lāḵem min-haśśāḏeh:

6 ûmālə’û ḇāteyḵā ûḇātê ḵāl-‘ăḇāḏeyḵā ûḇātê ḵāl-miṣərayim ’ăšer lō’-rā’û ’ăḇōṯeyḵā wa’ăḇwōṯ ’ăḇōṯeyḵā mîywōm hĕywōṯām ‘al-hā’ăḏāmâ ‘aḏ hayywōm hazzeh wayyifen wayyēṣē’ mē‘im parə‘ōh:

7 wayyō’mərû ‘aḇəḏê farə‘ōh ’ēlāyw ‘aḏ-māṯay yihəyeh zeh lānû ləmwōqēš šall^aḥ ’eṯ-hā’ănāšîm wəy^a‘aḇəḏû ’eṯ-yəhwâ ’ĕlōhêhem hăṭerem tēḏ^a‘ kî ’āḇəḏâ miṣərāyim:

8 wayyûšaḇ ’eṯ-mōšeh wə’eṯ-’ahărōn ’el-parə‘ōh wayyō’mer ’ălēhem ləḵû ‘iḇəḏû ’eṯ-yəhwâ ’ĕlōhêḵem mî wāmî hahōləḵîm:

9 wayyō’mer mōšeh binə‘ārênû ûḇizəqēnênû nēlēḵə bəḇānênû ûḇiḇənwōṯēnû bəṣō’nēnû ûḇiḇəqārēnû nēlēḵə kî ḥaḡ-yəhwâ lānû:

10 wayyō’mer ’ălēhem yəhî ḵēn yəhwâ ‘immāḵem ka’ăšer ’ăšall^aḥ ’eṯəḵem wə’eṯ-ṭapəḵem rə’û kî rā‘â neḡeḏ pənêḵem:

11 lō’ ḵēn ləḵû-nā’ hagəḇārîm wə‘iḇəḏû ’eṯ-yəhwâ kî ’ōṯāh ’atem məḇaqəšîm wayəḡāreš ’ōṯām mē’ēṯ pənê farə‘ōh: f

12 wayyō’mer yəhwâ ’el-mōšeh nəṭēh yāḏəḵā ‘al-’ereṣ miṣərayim bā’arəbeh wəy^a‘al ‘al-’ereṣ miṣərāyim wəyō’ḵal ’eṯ-kāl-‘ēśeḇ hā’āreṣ ’ēṯ kāl-’ăšer hišə’îr habārāḏ:

13 wayyēṭ mōšeh ’eṯ-maṭṭēhû ‘al-’ereṣ miṣərayim wayhwâ nihaḡ rûḥa qāḏîm bā’āreṣ kāl-hayywōm hahû’ wəḵāl-hallāyəlâ habōqer hāyâ wərûḥa haqqāḏîm nāśā’ ’eṯ-hā’arəbeh:

14 wayy^a‘al hā’arəbeh ‘al kāl-’ereṣ miṣərayim wayyān^aḥ bəḵōl gəḇûl miṣərāyim kāḇēḏ mə’ōḏ ləfānāyw lō’-hāyâ ḵēn ’arəbeh kāmōhû wə’^aḥărāyw lō’ yihəyeh-kēn:

15 wayəḵas ’eṯ-‘ên kāl-hā’āreṣ wateḥəšaḵə hā’āreṣ wayyō’ḵal ’eṯ-kāl-‘ēśeḇ hā’āreṣ wə’ēṯ kāl-pərî hā‘ēṣ ’ăšer hwōṯîr habārāḏ wəlō’-nwōṯar kāl-yereq bā‘ēṣ ûḇə‘ēśeḇ haśśāḏeh bəḵāl-’ereṣ miṣərāyim:

16 wayəmahēr parə‘ōh liqərō’ ləmōšeh ûlə’ahărōn wayyō’mer ḥāṭā’ṯî layhwâ ’ĕlōhêḵem wəlāḵem:

17 wə‘atâ śā’ nā’ ḥaṭṭā’ṯî ’aḵə hap^a‘am wəh^a‘ətîrû layhwâ ’ĕlōhêḵem wəyāsēr mē‘ālay raq ’eṯ-hammāweṯ hazzeh:

18 wayyēṣē’ mē‘im parə‘ōh wayye‘ətar ’el-yəhwâ:

19 wayyahăfōḵə yəhwâ rûḥa-yām ḥāzāq mə’ōḏ wayyiśśā’ ’eṯ-hā’arəbeh wayyiṯəqā‘ēhû yāmmâ ssûf lō’ nišə’ar ’arəbeh ’eḥāḏ bəḵōl gəḇûl miṣərāyim:

20 wayəḥazzēq yəhwâ ’eṯ-lēḇ parə‘ōh wəlō’ šill^aḥ ’eṯ-bənê yiśərā’ēl: f

21 wayyō’mer yəhwâ ’el-mōšeh nəṭēh yāḏəḵā ‘al-haššāmayim wîhî ḥōšeḵə ‘al-’ereṣ miṣərāyim wəyāmēš ḥōšeḵə:

22 wayyēṭ mōšeh ’eṯ-yāḏwō ‘al-haššāmāyim wayəhî ḥōšeḵə-’ăfēlâ bəḵāl-’ereṣ miṣərayim šəlōšeṯ yāmîm:

23 lō’-rā’û ’îš ’eṯ-’āḥîw wəlō’-qāmû ’îš mit^aḥətāyw šəlōšeṯ yāmîm ûləḵāl-bənê yiśərā’ēl hāyâ ’wōr bəmwōšəḇōṯām:

24 wayyiqərā’ farə‘ōh ’el-mōšeh wayyō’mer ləḵû ‘iḇəḏû ’eṯ-yəhwâ raq ṣō’nəḵem ûḇəqarəḵem yuṣṣāḡ gam-ṭapəḵem yēlēḵə ‘immāḵem:

25 wayyō’mer mōšeh gam-’atâ titēn bəyāḏēnû zəḇāḥîm wə‘ōlwōṯ wə‘āśînû layhwâ ’ĕlōhênû:

26 wəḡam-miqənēnû yēlēḵə ‘immānû lō’ ṯiššā’ēr parəsâ kî mimmennû niqq^aḥ l^a‘ăḇōḏ ’eṯ-yəhwâ ’ĕlōhênû wa’ăn^aḥənû lō’-nēḏ^a‘ mah-nn^a‘ăḇōḏ ’eṯ-yəhwâ ‘aḏ-bō’ēnû šāmmâ:

27 wayəḥazzēq yəhwâ ’eṯ-lēḇ parə‘ōh wəlō’ ’āḇâ ləšalləḥām:

28 wayyō’mer-lwō farə‘ōh lēḵə mē‘ālāy hiššāmer ləḵā ’el-tōsef rə’wōṯ pānay kî bəywōm rə’ōṯəḵā fānay tāmûṯ:

29 wayyō’mer mōšeh kēn dibarətā lō’-’ōsif ‘wōḏ rə’wōṯ pāneyḵā: f

‎1 ‏וַיֹּ֨אמֶר יְהוָ֜ה אֶל־מֹשֶׁ֗ה ע֣וֹד נֶ֤גַע אֶחָד֙ אָבִ֤יא עַל־פַּרְעֹה֙ וְעַל־מִצְרַ֔יִם אַֽחֲרֵי־כֵ֕ן יְשַׁלַּ֥ח אֶתְכֶ֖ם מִזֶּ֑ה כְּשַׁ֨לְּח֔וֹ כָּלָ֕ה גָּרֵ֛שׁ יְגָרֵ֥שׁ אֶתְכֶ֖ם מִזֶּֽה׃

‎2 ‏דַּבֶּר־נָ֖א בְּאָזְנֵ֣י הָעָ֑ם וְיִשְׁאֲל֞וּ אִ֣ישׁ׀ מֵאֵ֣ת רֵעֵ֗הוּ וְאִשָּׁה֙ מֵאֵ֣ת רְעוּתָ֔הּ כְּלֵי־כֶ֖סֶף וּכְלֵ֥י זָהָֽב׃

‎3 ‏וַיִּתֵּ֧ן יְהוָ֛ה אֶת־חֵ֥ן הָעָ֖ם בְּעֵינֵ֣י מִצְרָ֑יִם גַּ֣ם׀ הָאִ֣ישׁ מֹשֶׁ֗ה גָּד֤וֹל מְאֹד֙ בְּאֶ֣רֶץ מִצְרַ֔יִם בְּעֵינֵ֥י עַבְדֵֽי־פַרְעֹ֖ה וּבְעֵינֵ֥י הָעָֽם׃ ס

‎4 ‏וַיֹּ֣אמֶר מֹשֶׁ֔ה כֹּ֖ה אָמַ֣ר יְהוָ֑ה כַּחֲצֹ֣ת הַלַּ֔יְלָה אֲנִ֥י יוֹצֵ֖א בְּת֥וֹךְ מִצְרָֽיִם׃

‎5 ‏וּמֵ֣ת כָּל־בְּכוֹר֮ בְּאֶ֣רֶץ מִצְרַיִם֒ מִבְּכ֤וֹר פַּרְעֹה֙ הַיֹּשֵׁ֣ב עַל־כִּסְא֔וֹ עַ֚ד בְּכ֣וֹר הַשִּׁפְחָ֔ה אֲשֶׁ֖ר אַחַ֣ר הָרֵחָ֑יִם וְכֹ֖ל בְּכ֥וֹר בְּהֵמָֽה׃

‎6 ‏וְהָֽיְתָ֛ה צְעָקָ֥ה גְדֹלָ֖ה בְּכָל־אֶ֣רֶץ מִצְרָ֑יִם אֲשֶׁ֤ר כָּמֹ֙הוּ֙ לֹ֣א נִהְיָ֔תָה וְכָמֹ֖הוּ לֹ֥א תֹסִֽף׃

‎7 ‏וּלְכֹ֣ל׀ בְּנֵ֣י יִשְׂרָאֵ֗ל לֹ֤א יֶֽחֱרַץ־כֶּ֙לֶב֙ לְשֹׁנ֔וֹ לְמֵאִ֖ישׁ וְעַד־בְּהֵמָ֑ה לְמַ֙עַן֙ תֵּֽדְע֔וּן אֲשֶׁר֙ יַפְלֶ֣ה יְהוָ֔ה בֵּ֥ין מִצְרַ֖יִם וּבֵ֥ין יִשְׂרָאֵֽל׃

‎8 ‏וְיָרְד֣וּ כָל־עֲבָדֶיךָ֩ אֵ֨לֶּה אֵלַ֜י וְהִשְׁתַּֽחֲוּוּ־לִ֣י לֵאמֹ֗ר צֵ֤א אַתָּה֙ וְכָל־הָעָ֣ם אֲשֶׁר־בְּרַגְלֶ֔יךָ וְאַחֲרֵי־כֵ֖ן אֵצֵ֑א וַיֵּצֵ֥א מֵֽעִם־פַּרְעֹ֖ה בָּחֳרִי־אָֽף׃ ס

‎9 ‏וַיֹּ֤אמֶר יְהוָה֙ אֶל־מֹשֶׁ֔ה לֹא־יִשְׁמַ֥ע אֲלֵיכֶ֖ם פַּרְעֹ֑ה לְמַ֛עַן רְב֥וֹת מוֹפְתַ֖י בְּאֶ֥רֶץ מִצְרָֽיִם׃

‎10 ‏וּמֹשֶׁ֣ה וְאַהֲרֹ֗ן עָשׂ֛וּ אֶת־כָּל־הַמֹּפְתִ֥ים הָאֵ֖לֶּה לִפְנֵ֣י פַרְעֹ֑ה וַיְחַזֵּ֤ק יְהוָה֙ אֶת־לֵ֣ב פַּרְעֹ֔ה וְלֹֽא־שִׁלַּ֥ח אֶת־בְּנֵֽי־יִשְׂרָאֵ֖ל מֵאַרְצֽוֹ׃ פ

1 wayyō’mer yəhwâ ’el-mōšeh ‘wōḏ neḡ^a‘ ’eḥāḏ ’āḇî’ ‘al-parə‘ōh wə‘al-miṣərayim ’^aḥărê-ḵēn yəšall^aḥ ’eṯəḵem mizzeh kəšalləḥwō kālâ gārēš yəḡārēš ’eṯəḵem mizzeh:

2 daber-nā’ bə’āzənê hā‘ām wəyišə’ălû ’îš| mē’ēṯ rē‘ēhû wə’iššâ mē’ēṯ rə‘ûṯāh kəlê-ḵesef ûḵəlê zâāḇ:

3 wayyitēn yəhwâ ’eṯ-ḥēn hā‘ām bə‘ênê miṣərāyim gam| hā’îš mōšeh gāḏwōl mə’ōḏ bə’ereṣ miṣərayim bə‘ênê ‘aḇəḏê-farə‘ōh ûḇə‘ênê hā‘ām: s

4 wayyō’mer mōšeh kōh ’āmar yəhwâ k^aḥăṣōṯ hallayəlâ ’ănî ywōṣē’ bəṯwōḵə miṣərāyim:

5 ûmēṯ kāl-bəḵwōr bə’ereṣ miṣərayim mibəḵwōr parə‘ōh hayyōšēḇ ‘al-kisə’wō ‘aḏ bəḵwōr haššifəḥâ ’ăšer ’^aḥar hārēḥāyim wəḵōl bəḵwōr bəhēmâ:

6 wəhāyəṯâ ṣə‘āqâ ḡəḏōlâ bəḵāl-’ereṣ miṣərāyim ’ăšer kāmōhû lō’ nihəyāṯâ wəḵāmōhû lō’ ṯōsif:

7 ûləḵōl| bənê yiśərā’ēl lō’ yeḥĕraṣ-keleḇ ləšōnwō ləmē’îš wə‘aḏ-bəhēmâ ləm^a‘an tēḏə‘ûn ’ăšer yafəleh yəhwâ bên miṣərayim ûḇên yiśərā’ēl:

8 wəyārəḏû ḵāl-‘ăḇāḏeyḵā ’ēlleh ’ēlay wəhišət^aḥăûû-lî lē’mōr ṣē’ ’atâ wəḵāl-hā‘ām ’ăšer-bəraḡəleyḵā wə’^aḥărê-ḵēn ’ēṣē’ wayyēṣē’ mē‘im-parə‘ōh bāḥŏrî-’āf: s

9 wayyō’mer yəhwâ ’el-mōšeh lō’-yišəm^a‘ ’ălêḵem parə‘ōh ləm^a‘an rəḇwōṯ mwōfəṯay bə’ereṣ miṣərāyim:

10 ûmōšeh wə’ahărōn ‘āśû ’eṯ-kāl-hammōfəṯîm hā’ēlleh lifənê farə‘ōh wayəḥazzēq yəhwâ ’eṯ-lēḇ parə‘ōh wəlō’-šill^aḥ ’eṯ-bənê-yiśərā’ēl mē’arəṣwō: f

‎1 ‏וַיֹּ֤אמֶר יְהוָה֙ אֶל־מֹשֶׁ֣ה וְאֶֽל־אַהֲרֹ֔ן בְּאֶ֥רֶץ מִצְרַ֖יִם לֵאמֹֽר׃

‎2 ‏הַחֹ֧דֶשׁ הַזֶּ֛ה לָכֶ֖ם רֹ֣אשׁ חֳדָשִׁ֑ים רִאשׁ֥וֹן הוּא֙ לָכֶ֔ם לְחָדְשֵׁ֖י הַשָּׁנָֽה׃

‎3 ‏דַּבְּר֗וּ אֶֽל־כָּל־עֲדַ֤ת יִשְׂרָאֵל֙ לֵאמֹ֔ר בֶּעָשֹׂ֖ר לַחֹ֣דֶשׁ הַזֶּ֑ה וְיִקְח֣וּ לָהֶ֗ם אִ֛ישׁ שֶׂ֥ה לְבֵית־אָבֹ֖ת שֶׂ֥ה לַבָּֽיִת׃

‎4 ‏וְאִם־יִמְעַ֣ט הַבַּיִת֮ מִהְיֹ֣ת מִשֶּׂה֒ וְלָקַ֣ח ה֗וּא וּשְׁכֵנ֛וֹ הַקָּרֹ֥ב אֶל־בֵּית֖וֹ בְּמִכְסַ֣ת נְפָשֹׁ֑ת אִ֚ישׁ לְפִ֣י אָכְל֔וֹ תָּכֹ֖סּוּ עַל־הַשֶּֽׂה׃

‎5 ‏שֶׂ֥ה תָמִ֛ים זָכָ֥ר בֶּן־שָׁנָ֖ה יִהְיֶ֣ה לָכֶ֑ם מִן־הַכְּבָשִׂ֥ים וּמִן־הָעִזִּ֖ים תִּקָּֽחוּ׃

‎6 ‏וְהָיָ֤ה לָכֶם֙ לְמִשְׁמֶ֔רֶת עַ֣ד אַרְבָּעָ֥ה עָשָׂ֛ר י֖וֹם לַחֹ֣דֶשׁ הַזֶּ֑ה וְשָׁחֲט֣וּ אֹת֗וֹ כֹּ֛ל קְהַ֥ל עֲדַֽת־יִשְׂרָאֵ֖ל בֵּ֥ין הָעַרְבָּֽיִם׃

‎7 ‏וְלָֽקְחוּ֙ מִן־הַדָּ֔ם וְנָֽתְנ֛וּ עַל־שְׁתֵּ֥י הַמְּזוּזֹ֖ת וְעַל־הַמַּשְׁק֑וֹף עַ֚ל הַבָּ֣תִּ֔ים אֲשֶׁר־יֹאכְל֥וּ אֹת֖וֹ בָּהֶֽם׃

‎8 ‏וְאָכְל֥וּ אֶת־הַבָּשָׂ֖ר בַּלַּ֣יְלָה הַזֶּ֑ה צְלִי־אֵ֣שׁ וּמַצּ֔וֹת עַל־מְרֹרִ֖ים יֹאכְלֻֽהוּ׃

‎9 ‏אַל־תֹּאכְל֤וּ מִמֶּ֙נּוּ֙ נָ֔א וּבָשֵׁ֥ל מְבֻשָּׁ֖ל בַּמָּ֑יִם כִּ֣י אִם־צְלִי־אֵ֔שׁ רֹאשׁ֥וֹ עַל־כְּרָעָ֖יו וְעַל־קִרְבּֽוֹ׃

‎10 ‏וְלֹא־תוֹתִ֥ירוּ מִמֶּ֖נּוּ עַד־בֹּ֑קֶר וְהַנֹּתָ֥ר מִמֶּ֛נּוּ עַד־בֹּ֖קֶר בָּאֵ֥שׁ תִּשְׂרֹֽפוּ׃

‎11 ‏וְכָכָה֮ תֹּאכְל֣וּ אֹתוֹ֒ מָתְנֵיכֶ֣ם חֲגֻרִ֔ים נַֽעֲלֵיכֶם֙ בְּרַגְלֵיכֶ֔ם וּמַקֶּלְכֶ֖ם בְּיֶדְכֶ֑ם וַאֲכַלְתֶּ֤ם אֹתוֹ֙ בְּחִפָּז֔וֹן פֶּ֥סַח ה֖וּא לַיהוָֽה׃

‎12 ‏וְעָבַרְתִּ֣י בְאֶֽרֶץ־מִצְרַיִם֮ בַּלַּ֣יְלָה הַזֶּה֒ וְהִכֵּיתִ֤י כָל־בְּכוֹר֙ בְּאֶ֣רֶץ מִצְרַ֔יִם מֵאָדָ֖ם וְעַד־בְּהֵמָ֑ה וּבְכָל־אֱלֹהֵ֥י מִצְרַ֛יִם אֶֽעֱשֶׂ֥ה שְׁפָטִ֖ים אֲנִ֥י יְהוָֽה׃

‎13 ‏וְהָיָה֩ הַדָּ֨ם לָכֶ֜ם לְאֹ֗ת עַ֤ל הַבָּתִּים֙ אֲשֶׁ֣ר אַתֶּ֣ם שָׁ֔ם וְרָאִ֙יתִי֙ אֶת־הַדָּ֔ם וּפָסַחְתִּ֖י עֲלֵכֶ֑ם וְלֹֽא־יִֽהְיֶ֨ה בָכֶ֥ם נֶ֙גֶף֙ לְמַשְׁחִ֔ית בְּהַכֹּתִ֖י בְּאֶ֥רֶץ מִצְרָֽיִם׃

‎14 ‏וְהָיָה֩ הַיּ֨וֹם הַזֶּ֤ה לָכֶם֙ לְזִכָּר֔וֹן וְחַגֹּתֶ֥ם אֹת֖וֹ חַ֣ג לַֽיהוָ֑ה לְדֹרֹ֣תֵיכֶ֔ם חֻקַּ֥ת עוֹלָ֖ם תְּחָגֻּֽהוּ׃

‎15 ‏שִׁבְעַ֤ת יָמִים֙ מַצּ֣וֹת תֹּאכֵ֔לוּ אַ֚ךְ בַּיּ֣וֹם הָרִאשׁ֔וֹן תַּשְׁבִּ֥יתוּ שְּׂאֹ֖ר מִבָּתֵּיכֶ֑ם כִּ֣י׀ כָּל־אֹכֵ֣ל חָמֵ֗ץ וְנִכְרְתָ֞ה הַנֶּ֤פֶשׁ הַהִוא֙ מִיִּשְׂרָאֵ֔ל מִיּ֥וֹם הָרִאשֹׁ֖ן עַד־י֥וֹם הַשְּׁבִעִֽי׃

‎16 ‏וּבַיּ֤וֹם הָרִאשׁוֹן֙ מִקְרָא־קֹ֔דֶשׁ וּבַיּוֹם֙ הַשְּׁבִיעִ֔י מִקְרָא־קֹ֖דֶשׁ יִהְיֶ֣ה לָכֶ֑ם כָּל־מְלָאכָה֙ לֹא־יֵעָשֶׂ֣ה בָהֶ֔ם אַ֚ךְ אֲשֶׁ֣ר יֵאָכֵ֣ל לְכָל־נֶ֔פֶשׁ ה֥וּא לְבַדּ֖וֹ יֵעָשֶׂ֥ה לָכֶֽם׃

‎17 ‏וּשְׁמַרְתֶּם֮ אֶת־הַמַּצּוֹת֒ כִּ֗י בְּעֶ֙צֶם֙ הַיּ֣וֹם הַזֶּ֔ה הוֹצֵ֥אתִי אֶת־צִבְאוֹתֵיכֶ֖ם מֵאֶ֣רֶץ מִצְרָ֑יִם וּשְׁמַרְתֶּ֞ם אֶת־הַיּ֥וֹם הַזֶּ֛ה לְדֹרֹתֵיכֶ֖ם חֻקַּ֥ת עוֹלָֽם׃

‎18 ‏בָּרִאשֹׁ֡ן בְּאַרְבָּעָה֩ עָשָׂ֨ר י֤וֹם לַחֹ֙דֶשׁ֙ בָּעֶ֔רֶב תֹּאכְל֖וּ מַצֹּ֑ת עַ֠ד י֣וֹם הָאֶחָ֧ד וְעֶשְׂרִ֛ים לַחֹ֖דֶשׁ בָּעָֽרֶב׃

‎19 ‏שִׁבְעַ֣ת יָמִ֔ים שְׂאֹ֕ר לֹ֥א יִמָּצֵ֖א בְּבָתֵּיכֶ֑ם כִּ֣י׀ כָּל־אֹכֵ֣ל מַחְמֶ֗צֶת וְנִכְרְתָ֞ה הַנֶּ֤פֶשׁ הַהִוא֙ מֵעֲדַ֣ת יִשְׂרָאֵ֔ל בַּגֵּ֖ר וּבְאֶזְרַ֥ח הָאָֽרֶץ׃

‎20 ‏כָּל־מַחְמֶ֖צֶת לֹ֣א תֹאכֵ֑לוּ בְּכֹל֙ מוֹשְׁבֹ֣תֵיכֶ֔ם תֹּאכְל֖וּ מַצּֽוֹת׃ פ

‎21 ‏וַיִּקְרָ֥א מֹשֶׁ֛ה לְכָל־זִקְנֵ֥י יִשְׂרָאֵ֖ל וַיֹּ֣אמֶר אֲלֵהֶ֑ם מִֽשְׁכ֗וּ וּקְח֨וּ לָכֶ֥ם צֹ֛אן לְמִשְׁפְּחֹתֵיכֶ֖ם וְשַׁחֲט֥וּ הַפָּֽסַח׃

‎22 ‏וּלְקַחְתֶּ֞ם אֲגֻדַּ֣ת אֵז֗וֹב וּטְבַלְתֶּם֮ בַּדָּ֣ם אֲשֶׁר־בַּסַּף֒ וְהִגַּעְתֶּ֤ם אֶל־הַמַּשְׁקוֹף֙ וְאֶל־שְׁתֵּ֣י הַמְּזוּזֹ֔ת מִן־הַדָּ֖ם אֲשֶׁ֣ר בַּסָּ֑ף וְאַתֶּ֗ם לֹ֥א תֵצְא֛וּ אִ֥ישׁ מִפֶּֽתַח־בֵּית֖וֹ עַד־בֹּֽקֶר׃

‎23 ‏וְעָבַ֣ר יְהוָה֮ לִנְגֹּ֣ף אֶת־מִצְרַיִם֒ וְרָאָ֤ה אֶת־הַדָּם֙ עַל־הַמַּשְׁק֔וֹף וְעַ֖ל שְׁתֵּ֣י הַמְּזוּזֹ֑ת וּפָסַ֤ח יְהוָה֙ עַל־הַפֶּ֔תַח וְלֹ֤א יִתֵּן֙ הַמַּשְׁחִ֔ית לָבֹ֥א אֶל־בָּתֵּיכֶ֖ם לִנְגֹּֽף׃

‎24 ‏וּשְׁמַרְתֶּ֖ם אֶת־הַדָּבָ֣ר הַזֶּ֑ה לְחָק־לְךָ֥ וּלְבָנֶ֖יךָ עַד־עוֹלָֽם׃

‎25 ‏וְהָיָ֞ה כִּֽי־תָבֹ֣אוּ אֶל־הָאָ֗רֶץ אֲשֶׁ֨ר יִתֵּ֧ן יְהוָ֛ה לָכֶ֖ם כַּאֲשֶׁ֣ר דִּבֵּ֑ר וּשְׁמַרְתֶּ֖ם אֶת־הָעֲבֹדָ֥ה הַזֹּֽאת׃

‎26 ‏וְהָיָ֕ה כִּֽי־יֹאמְר֥וּ אֲלֵיכֶ֖ם בְּנֵיכֶ֑ם מָ֛ה הָעֲבֹדָ֥ה הַזֹּ֖את לָכֶֽם׃

‎27 ‏וַאֲמַרְתֶּ֡ם זֶֽבַח־פֶּ֨סַח ה֜וּא לַֽיהוָ֗ה אֲשֶׁ֣ר פָּ֠סַח עַל־בָּתֵּ֤י בְנֵֽי־יִשְׂרָאֵל֙ בְּמִצְרַ֔יִם בְּנָגְפּ֥וֹ אֶת־מִצְרַ֖יִם וְאֶת־בָּתֵּ֣ינוּ הִצִּ֑יל וַיִּקֹּ֥ד הָעָ֖ם וַיִּֽשְׁתַּחֲוּֽוּ׃

‎28 ‏וַיֵּלְכ֥וּ וַיַּֽעֲשׂ֖וּ בְּנֵ֣י יִשְׂרָאֵ֑ל כַּאֲשֶׁ֨ר צִוָּ֧ה יְהוָ֛ה אֶת־מֹשֶׁ֥ה וְאַהֲרֹ֖ן כֵּ֥ן עָשֽׂוּ׃ ס

‎29 ‏וַיְהִ֣י׀ בַּחֲצִ֣י הַלַּ֗יְלָה וַֽיהוָה֮ הִכָּ֣ה כָל־בְּכוֹר֮ בְּאֶ֣רֶץ מִצְרַיִם֒ מִבְּכֹ֤ר פַּרְעֹה֙ הַיֹּשֵׁ֣ב עַל־כִּסְא֔וֹ עַ֚ד בְּכ֣וֹר הַשְּׁבִ֔י אֲשֶׁ֖ר בְּבֵ֣ית הַבּ֑וֹר וְכֹ֖ל בְּכ֥וֹר בְּהֵמָֽה׃

‎30 ‏וַיָּ֨קָם פַּרְעֹ֜ה לַ֗יְלָה ה֤וּא וְכָל־עֲבָדָיו֙ וְכָל־מִצְרַ֔יִם וַתְּהִ֛י צְעָקָ֥ה גְדֹלָ֖ה בְּמִצְרָ֑יִם כִּֽי־אֵ֣ין בַּ֔יִת אֲשֶׁ֥ר אֵֽין־שָׁ֖ם מֵֽת׃

‎31 ‏וַיִּקְרָא֩ לְמֹשֶׁ֨ה וּֽלְאַהֲרֹ֜ן לַ֗יְלָה וַיֹּ֙אמֶר֙ ק֤וּמוּ צְּאוּ֙ מִתּ֣וֹךְ עַמִּ֔י גַּם־אַתֶּ֖ם גַּם־בְּנֵ֣י יִשְׂרָאֵ֑ל וּלְכ֛וּ עִבְד֥וּ אֶת־יְהוָ֖ה כְּדַבֶּרְכֶֽם׃

‎32 ‏גַּם־צֹאנְכֶ֨ם גַּם־בְּקַרְכֶ֥ם קְח֛וּ כַּאֲשֶׁ֥ר דִּבַּרְתֶּ֖ם וָלֵ֑כוּ וּבֵֽרַכְתֶּ֖ם גַּם־אֹתִֽי׃

‎33 ‏וַתֶּחֱזַ֤ק מִצְרַ֙יִם֙ עַל־הָעָ֔ם לְמַהֵ֖ר לְשַׁלְּחָ֣ם מִן־הָאָ֑רֶץ כִּ֥י אָמְר֖וּ כֻּלָּ֥נוּ מֵתִֽים׃

‎34 ‏וַיִּשָּׂ֥א הָעָ֛ם אֶת־בְּצֵק֖וֹ טֶ֣רֶם יֶחְמָ֑ץ מִשְׁאֲרֹתָ֛ם צְרֻרֹ֥ת בְּשִׂמְלֹתָ֖ם עַל־שִׁכְמָֽם׃

‎35 ‏וּבְנֵי־יִשְׂרָאֵ֥ל עָשׂ֖וּ כִּדְבַ֣ר מֹשֶׁ֑ה וַֽיִּשְׁאֲלוּ֙ מִמִּצְרַ֔יִם כְּלֵי־כֶ֛סֶף וּכְלֵ֥י זָהָ֖ב וּשְׂמָלֹֽת׃

‎36 ‏וַֽיהוָ֞ה נָתַ֨ן אֶת־חֵ֥ן הָעָ֛ם בְּעֵינֵ֥י מִצְרַ֖יִם וַיַּשְׁאִל֑וּם וַֽיְנַצְּל֖וּ אֶת־מִצְרָֽיִם׃ פ

‎37 ‏וַיִּסְע֧וּ בְנֵֽי־יִשְׂרָאֵ֛ל מֵרַעְמְסֵ֖ס סֻכֹּ֑תָה כְּשֵׁשׁ־מֵא֨וֹת אֶ֧לֶף רַגְלִ֛י הַגְּבָרִ֖ים לְבַ֥ד מִטָּֽף׃

‎38 ‏וְגַם־עֵ֥רֶב רַ֖ב עָלָ֣ה אִתָּ֑ם וְצֹ֣אן וּבָקָ֔ר מִקְנֶ֖ה כָּבֵ֥ד מְאֹֽד׃

‎39 ‏וַיֹּאפ֨וּ אֶת־הַבָּצֵ֜ק אֲשֶׁ֨ר הוֹצִ֧יאוּ מִמִּצְרַ֛יִם עֻגֹ֥ת מַצּ֖וֹת כִּ֣י לֹ֣א חָמֵ֑ץ כִּֽי־גֹרְשׁ֣וּ מִמִּצְרַ֗יִם וְלֹ֤א יָֽכְלוּ֙ לְהִתְמַהְמֵ֔הַּ וְגַם־צֵדָ֖ה לֹא־עָשׂ֥וּ לָהֶֽם׃

‎40 ‏וּמוֹשַׁב֙ בְּנֵ֣י יִשְׂרָאֵ֔ל אֲשֶׁ֥ר יָשְׁב֖וּ בְּמִצְרָ֑יִם שְׁלֹשִׁ֣ים שָׁנָ֔ה וְאַרְבַּ֥ע מֵא֖וֹת שָׁנָֽה׃

‎41 ‏וַיְהִ֗י מִקֵּץ֙ שְׁלֹשִׁ֣ים שָׁנָ֔ה וְאַרְבַּ֥ע מֵא֖וֹת שָׁנָ֑ה וַיְהִ֗י בְּעֶ֙צֶם֙ הַיּ֣וֹם הַזֶּ֔ה יָֽצְא֛וּ כָּל־צִבְא֥וֹת יְהוָ֖ה מֵאֶ֥רֶץ מִצְרָֽיִם׃

‎42 ‏לֵ֣יל שִׁמֻּרִ֥ים הוּא֙ לַֽיהוָ֔ה לְהוֹצִיאָ֖ם מֵאֶ֣רֶץ מִצְרָ֑יִם הֽוּא־הַלַּ֤יְלָה הַזֶּה֙ לַֽיהוָ֔ה שִׁמֻּרִ֛ים לְכָל־בְּנֵ֥י יִשְׂרָאֵ֖ל לְדֹרֹתָֽם׃ פ

‎43 ‏וַיֹּ֤אמֶר יְהוָה֙ אֶל־מֹשֶׁ֣ה וְאַהֲרֹ֔ן זֹ֖את חֻקַּ֣ת הַפָּ֑סַח כָּל־בֶּן־נֵכָ֖ר לֹא־יֹ֥אכַל בּֽוֹ׃

‎44 ‏וְכָל־עֶ֥בֶד אִ֖ישׁ מִקְנַת־כָּ֑סֶף וּמַלְתָּ֣ה אֹת֔וֹ אָ֖ז יֹ֥אכַל בּֽוֹ׃

‎45 ‏תּוֹשָׁ֥ב וְשָׂכִ֖יר לֹא־יֹ֥אכַל־בּֽוֹ׃

‎46 ‏בְּבַ֤יִת אֶחָד֙ יֵאָכֵ֔ל לֹא־תוֹצִ֧יא מִן־הַבַּ֛יִת מִן־הַבָּשָׂ֖ר ח֑וּצָה וְעֶ֖צֶם לֹ֥א תִשְׁבְּרוּ־בֽוֹ׃

‎47 ‏כָּל־עֲדַ֥ת יִשְׂרָאֵ֖ל יַעֲשׂ֥וּ אֹתֽוֹ׃

‎48 ‏וְכִֽי־יָג֨וּר אִתְּךָ֜ גֵּ֗ר וְעָ֣שָׂה פֶסַח֮ לַיהוָה֒ הִמּ֧וֹל ל֣וֹ כָל־זָכָ֗ר וְאָז֙ יִקְרַ֣ב לַעֲשֹׂת֔וֹ וְהָיָ֖ה כְּאֶזְרַ֣ח הָאָ֑רֶץ וְכָל־עָרֵ֖ל לֹֽא־יֹ֥אכַל בּֽוֹ׃

‎49 ‏תּוֹרָ֣ה אַחַ֔ת יִהְיֶ֖ה לָֽאֶזְרָ֑ח וְלַגֵּ֖ר הַגָּ֥ר בְּתוֹכְכֶֽם׃

‎50 ‏וַיַּֽעֲשׂ֖וּ כָּל־בְּנֵ֣י יִשְׂרָאֵ֑ל כַּאֲשֶׁ֨ר צִוָּ֧ה יְהוָ֛ה אֶת־מֹשֶׁ֥ה וְאֶֽת־אַהֲרֹ֖ן כֵּ֥ן עָשֽׂוּ׃ ס

‎51 ‏וַיְהִ֕י בְּעֶ֖צֶם הַיּ֣וֹם הַזֶּ֑ה הוֹצִ֨יא יְהוָ֜ה אֶת־בְּנֵ֧י יִשְׂרָאֵ֛ל מֵאֶ֥רֶץ מִצְרַ֖יִם עַל־צִבְאֹתָֽם׃ פ

1 wayyō’mer yəhwâ ’el-mōšeh wə’el-’ahărōn bə’ereṣ miṣərayim lē’mōr:

2 h^aḥōḏeš hazzeh lāḵem rō’š ḥŏḏāšîm ri’šwōn hû’ lāḵem ləḥāḏəšê haššānâ:

3 dabərû ’el-kāl-‘ăḏaṯ yiśərā’ēl lē’mōr be‘āśōr l^aḥōḏeš hazzeh wəyiqəḥû lâem ’îš śeh ləḇêṯ-’āḇōṯ śeh labāyiṯ:

4 wə’im-yimə‘aṭ habayiṯ mihəyōṯ miśśeh wəlāq^aḥ hû’ ûšəḵēnwō haqqārōḇ ’el-bêṯwō bəmiḵəsaṯ nəfāšōṯ ’îš ləfî ’āḵəlwō tāḵōssû ‘al-haśśeh:

5 śeh ṯāmîm zāḵār ben-šānâ yihəyeh lāḵem min-hakəḇāśîm ûmin-hā‘izzîm tiqqāḥû:

6 wəhāyâ lāḵem ləmišəmereṯ ‘aḏ ’arəbā‘â ‘āśār ywōm l^aḥōḏeš hazzeh wəšāḥăṭû ’ōṯwō kōl qəhal ‘ăḏaṯ-yiśərā’ēl bên hā‘arəbāyim:

7 wəlāqəḥû min-hadām wənāṯənû ‘al-šətê hamməzûzōṯ wə‘al-hammašəqwōf ‘al habātîm ’ăšer-yō’ḵəlû ’ōṯwō bâem:

8 wə’āḵəlû ’eṯ-habāśār ballayəlâ hazzeh ṣəlî-’ēš ûmaṣṣwōṯ ‘al-mərōrîm yō’ḵəluhû:

9 ’al-tō’ḵəlû mimmennû nā’ ûḇāšēl məḇuššāl bammāyim kî ’im-ṣəlî-’ēš rō’šwō ‘al-kərā‘āyw wə‘al-qirəbwō:

10 wəlō’-ṯwōṯîrû mimmennû ‘aḏ-bōqer wəhannōṯār mimmennû ‘aḏ-bōqer bā’ēš tiśərōfû:

11 wəḵāḵâ tō’ḵəlû ’ōṯwō māṯənêḵem ḥăḡurîm n^a‘ălêḵem bəraḡəlêḵem ûmaqqeləḵem bəyeḏəḵem wa’ăḵalətem ’ōṯwō bəḥipāzwōn pes^aḥ hû’ layhwâ:

12 wə‘āḇarətî ḇə’ereṣ-miṣərayim ballayəlâ hazzeh wəhikêṯî ḵāl-bəḵwōr bə’ereṣ miṣərayim mē’āḏām wə‘aḏ-bəhēmâ ûḇəḵāl-’ĕlōhê miṣərayim ’e‘ĕśeh šəfāṭîm ’ănî yəhwâ:

13 wəhāyâ hadām lāḵem lə’ōṯ ‘al habātîm ’ăšer ’atem šām wərā’îṯî ’eṯ-hadām ûfās^aḥətî ‘ălēḵem wəlō’-yihəyeh ḇāḵem neḡef ləmašəḥîṯ bəhakōṯî bə’ereṣ miṣərāyim:

14 wəhāyâ hayywōm hazzeh lāḵem ləzikārwōn wəḥagōṯem ’ōṯwō ḥaḡ layhwâ ləḏōrōṯêḵem ḥuqqaṯ ‘wōlām təḥāguhû:

15 šiḇə‘aṯ yāmîm maṣṣwōṯ tō’ḵēlû ’aḵə bayywōm hāri’šwōn tašəbîṯû śśə’ōr mibātêḵem kî| kāl-’ōḵēl ḥāmēṣ wəniḵərəṯâ hannefeš hahiw’ mîyiśərā’ēl mîywōm hāri’šōn ‘aḏ-ywōm haššəḇi‘î:

16 ûḇayywōm hāri’šwōn miqərā’-qōḏeš ûḇayywōm haššəḇî‘î miqərā’-qōḏeš yihəyeh lāḵem kāl-məlā’ḵâ lō’-yē‘āśeh ḇâem ’aḵə ’ăšer yē’āḵēl ləḵāl-nefeš hû’ ləḇadwō yē‘āśeh lāḵem:

17 ûšəmarətem ’eṯ-hammaṣṣwōṯ kî bə‘eṣem hayywōm hazzeh hwōṣē’ṯî ’eṯ-ṣiḇə’wōṯêḵem mē’ereṣ miṣərāyim ûšəmarətem ’eṯ-hayywōm hazzeh ləḏōrōṯêḵem ḥuqqaṯ ‘wōlām:

18 bāri’šōn bə’arəbā‘â ‘āśār ywōm l^aḥōḏeš bā‘ereḇ tō’ḵəlû maṣṣōṯ ‘aḏ ywōm hā’eḥāḏ wə‘eśərîm l^aḥōḏeš bā‘āreḇ:

19 šiḇə‘aṯ yāmîm śə’ōr lō’ yimmāṣē’ bəḇātêḵem kî| kāl-’ōḵēl m^aḥəmeṣeṯ wəniḵərəṯâ hannefeš hahiw’ mē‘ăḏaṯ yiśərā’ēl bagēr ûḇə’ezər^aḥ hā’āreṣ:

20 kāl-m^aḥəmeṣeṯ lō’ ṯō’ḵēlû bəḵōl mwōšəḇōṯêḵem tō’ḵəlû maṣṣwōṯ: f

21 wayyiqərā’ mōšeh ləḵāl-ziqənê yiśərā’ēl wayyō’mer ’ălēhem mišəḵû ûqəḥû lāḵem ṣō’n ləmišəpəḥōṯêḵem wəš^aḥăṭû hapās^aḥ:

22 ûləq^aḥətem ’ăḡudaṯ ’ēzwōḇ ûṭəḇalətem badām ’ăšer-bassaf wəhig^a‘ətem ’el-hammašəqwōf wə’el-šətê hamməzûzōṯ min-hadām ’ăšer bassāf wə’atem lō’ ṯēṣə’û ’îš mipeṯ^aḥ-bêṯwō ‘aḏ-bōqer:

23 wə‘āḇar yəhwâ linəgōf ’eṯ-miṣərayim wərā’â ’eṯ-hadām ‘al-hammašəqwōf wə‘al šətê hamməzûzōṯ ûfās^aḥ yəhwâ ‘al-hapeṯ^aḥ wəlō’ yitēn hammašəḥîṯ lāḇō’ ’el-bātêḵem linəgōf:

24 ûšəmarətem ’eṯ-hadāḇār hazzeh ləḥāq-ləḵā ûləḇāneyḵā ‘aḏ-‘wōlām:

25 wəhāyâ kî-ṯāḇō’û ’el-hā’āreṣ ’ăšer yitēn yəhwâ lāḵem ka’ăšer dibēr ûšəmarətem ’eṯ-hā‘ăḇōḏâ hazzō’ṯ:

26 wəhāyâ kî-yō’mərû ’ălêḵem bənêḵem mâ hā‘ăḇōḏâ hazzō’ṯ lāḵem:

27 wa’ămarətem zeḇ^aḥ-pes^aḥ hû’ layhwâ ’ăšer pās^aḥ ‘al-bātê ḇənê-yiśərā’ēl bəmiṣərayim bənāḡəpwō ’eṯ-miṣərayim wə’eṯ-bātênû hiṣṣîl wayyiqqōḏ hā‘ām wayyišət^aḥăûû:

28 wayyēləḵû wayy^a‘ăśû bənê yiśərā’ēl ka’ăšer ṣiûâ yəhwâ ’eṯ-mōšeh wə’ahărōn kēn ‘āśû: s

29 wayəhî| b^aḥăṣî hallayəlâ wayhwâ hikâ ḵāl-bəḵwōr bə’ereṣ miṣərayim mibəḵōr parə‘ōh hayyōšēḇ ‘al-kisə’wō ‘aḏ bəḵwōr haššəḇî ’ăšer bəḇêṯ habwōr wəḵōl bəḵwōr bəhēmâ:

30 wayyāqām parə‘ōh layəlâ hû’ wəḵāl-‘ăḇāḏāyw wəḵāl-miṣərayim watəhî ṣə‘āqâ ḡəḏōlâ bəmiṣərāyim kî-’ên bayiṯ ’ăšer ’ên-šām mēṯ:

31 wayyiqərā’ ləmōšeh ûlə’ahărōn layəlâ wayyō’mer qûmû ṣṣə’û mitwōḵə ‘ammî gam-’atem gam-bənê yiśərā’ēl ûləḵû ‘iḇəḏû ’eṯ-yəhwâ kəḏaberəḵem:

32 gam-ṣō’nəḵem gam-bəqarəḵem qəḥû ka’ăšer dibarətem wālēḵû ûḇēraḵətem gam-’ōṯî:

33 wateḥĕzaq miṣərayim ‘al-hā‘ām ləmahēr ləšalləḥām min-hā’āreṣ kî ’āmərû kullānû mēṯîm:

34 wayyiśśā’ hā‘ām ’eṯ-bəṣēqwō ṭerem yeḥəmāṣ mišə’ărōṯām ṣərurōṯ bəśiməlōṯām ‘al-šiḵəmām:

35 ûḇənê-yiśərā’ēl ‘āśû kiḏəḇar mōšeh wayyišə’ălû mimmiṣərayim kəlê-ḵesef ûḵəlê zâāḇ ûśəmālōṯ:

36 wayhwâ nāṯan ’eṯ-ḥēn hā‘ām bə‘ênê miṣərayim wayyašə’ilûm wayənaṣṣəlû ’eṯ-miṣərāyim: f

37 wayyisə‘û ḇənê-yiśərā’ēl mēr^a‘əməsēs sukōṯâ kəšēš-mē’wōṯ ’elef raḡəlî hagəḇārîm ləḇaḏ miṭṭāf:

38 wəḡam-‘ēreḇ raḇ ‘ālâ ’itām wəṣō’n ûḇāqār miqəneh kāḇēḏ mə’ōḏ:

39 wayyō’fû ’eṯ-habāṣēq ’ăšer hwōṣî’û mimmiṣərayim ‘uḡōṯ maṣṣwōṯ kî lō’ ḥāmēṣ kî-ḡōrəšû mimmiṣərayim wəlō’ yāḵəlû ləhiṯəmahəmēhha wəḡam-ṣēḏâ lō’-‘āśû lâem:

40 ûmwōšaḇ bənê yiśərā’ēl ’ăšer yāšəḇû bəmiṣərāyim šəlōšîm šānâ wə’arəb^a‘ mē’wōṯ šānâ:

41 wayəhî miqqēṣ šəlōšîm šānâ wə’arəb^a‘ mē’wōṯ šānâ wayəhî bə‘eṣem hayywōm hazzeh yāṣə’û kāl-ṣiḇə’wōṯ yəhwâ mē’ereṣ miṣərāyim:

42 lêl šimmurîm hû’ layhwâ ləhwōṣî’ām mē’ereṣ miṣərāyim hû’-hallayəlâ hazzeh layhwâ šimmurîm ləḵāl-bənê yiśərā’ēl ləḏōrōṯām: f

43 wayyō’mer yəhwâ ’el-mōšeh wə’ahărōn zō’ṯ ḥuqqaṯ hapās^aḥ kāl-ben-nēḵār lō’-yō’ḵal bwō:

44 wəḵāl-‘eḇeḏ ’îš miqənaṯ-kāsef ûmalətâ ’ōṯwō ’āz yō’ḵal bwō:

45 twōšāḇ wəśāḵîr lō’-yō’ḵal-bwō:

46 bəḇayiṯ ’eḥāḏ yē’āḵēl lō’-ṯwōṣî’ min-habayiṯ min-habāśār ḥûṣâ wə‘eṣem lō’ ṯišəbərû-ḇwō:

47 kāl-‘ăḏaṯ yiśərā’ēl y^a‘ăśû ’ōṯwō:

48 wəḵî-yāḡûr ’itəḵā gēr wə‘āśâ fes^aḥ layhwâ himmwōl lwō ḵāl-zāḵār wə’āz yiqəraḇ l^a‘ăśōṯwō wəhāyâ kə’ezər^aḥ hā’āreṣ wəḵāl-‘ārēl lō’-yō’ḵal bwō:

49 twōrâ ’^aḥaṯ yihəyeh lā’ezərāḥ wəlagēr hagār bəṯwōḵəḵem:

50 wayy^a‘ăśû kāl-bənê yiśərā’ēl ka’ăšer ṣiûâ yəhwâ ’eṯ-mōšeh wə’eṯ-’ahărōn kēn ‘āśû: s

51 wayəhî bə‘eṣem hayywōm hazzeh hwōṣî’ yəhwâ ’eṯ-bənê yiśərā’ēl mē’ereṣ miṣərayim ‘al-ṣiḇə’ōṯām: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏קַדֶּשׁ־לִ֨י כָל־בְּכ֜וֹר פֶּ֤טֶר כָּל־רֶ֙חֶם֙ בִּבְנֵ֣י יִשְׂרָאֵ֔ל בָּאָדָ֖ם וּבַבְּהֵמָ֑ה לִ֖י הֽוּא׃

‎3 ‏וַיֹּ֨אמֶר מֹשֶׁ֜ה אֶל־הָעָ֗ם זָכ֞וֹר אֶת־הַיּ֤וֹם הַזֶּה֙ אֲשֶׁ֨ר יְצָאתֶ֤ם מִמִּצְרַ֙יִם֙ מִבֵּ֣ית עֲבָדִ֔ים כִּ֚י בְּחֹ֣זֶק יָ֔ד הוֹצִ֧יא יְהוָֹ֛ה אֶתְכֶ֖ם מִזֶּ֑ה וְלֹ֥א יֵאָכֵ֖ל חָמֵֽץ׃

‎4 ‏הַיּ֖וֹם אַתֶּ֣ם יֹצְאִ֑ים בְּחֹ֖דֶשׁ הָאָבִֽיב׃

‎5 ‏וְהָיָ֣ה כִֽי־יְבִֽיאֲךָ֣ יְהוָ֡ה אֶל־אֶ֣רֶץ הַֽ֠כְּנַעֲנִי וְהַחִתִּ֨י וְהָאֱמֹרִ֜י וְהַחִוִּ֣י וְהַיְבוּסִ֗י אֲשֶׁ֨ר נִשְׁבַּ֤ע לַאֲבֹתֶ֙יךָ֙ לָ֣תֶת לָ֔ךְ אֶ֛רֶץ זָבַ֥ת חָלָ֖ב וּדְבָ֑שׁ וְעָבַדְתָּ֛ אֶת־הָעֲבֹדָ֥ה הַזֹּ֖את בַּחֹ֥דֶשׁ הַזֶּֽה׃

‎6 ‏שִׁבְעַ֥ת יָמִ֖ים תֹּאכַ֣ל מַצֹּ֑ת וּבַיּוֹם֙ הַשְּׁבִיעִ֔י חַ֖ג לַיהוָֽה׃

‎7 ‏מַצּוֹת֙ יֵֽאָכֵ֔ל אֵ֖ת שִׁבְעַ֣ת הַיָּמִ֑ים וְלֹֽא־יֵרָאֶ֨ה לְךָ֜ חָמֵ֗ץ וְלֹֽא־יֵרָאֶ֥ה לְךָ֛ שְׂאֹ֖ר בְּכָל־גְּבֻלֶֽךָ׃

‎8 ‏וְהִגַּדְתָּ֣ לְבִנְךָ֔ בַּיּ֥וֹם הַה֖וּא לֵאמֹ֑ר בַּעֲב֣וּר זֶ֗ה עָשָׂ֤ה יְהוָה֙ לִ֔י בְּצֵאתִ֖י מִמִּצְרָֽיִם׃

‎9 ‏וְהָיָה֩ לְךָ֨ לְא֜וֹת עַל־יָדְךָ֗ וּלְזִכָּרוֹן֙ בֵּ֣ין עֵינֶ֔יךָ לְמַ֗עַן תִּהְיֶ֛ה תּוֹרַ֥ת יְהוָ֖ה בְּפִ֑יךָ כִּ֚י בְּיָ֣ד חֲזָקָ֔ה הוֹצִֽאֲךָ֥ יְהוָֹ֖ה מִמִּצְרָֽיִם׃

‎10 ‏וְשָׁמַרְתָּ֛ אֶת־הַחֻקָּ֥ה הַזֹּ֖את לְמוֹעֲדָ֑הּ מִיָּמִ֖ים יָמִֽימָה׃ ס

‎11 ‏וְהָיָ֞ה כִּֽי־יְבִֽאֲךָ֤ יְהוָה֙ אֶל־אֶ֣רֶץ הַֽכְּנַעֲנִ֔י כַּאֲשֶׁ֛ר נִשְׁבַּ֥ע לְךָ֖ וְלַֽאֲבֹתֶ֑יךָ וּנְתָנָ֖הּ לָֽךְ׃

‎12 ‏וְהַעֲבַרְתָּ֥ כָל־פֶּֽטֶר־רֶ֖חֶם לַֽיהוָֹ֑ה וְכָל־פֶּ֣טֶר׀ שֶׁ֣גֶר בְּהֵמָ֗ה אֲשֶׁ֨ר יִהְיֶ֥ה לְךָ֛ הַזְּכָרִ֖ים לַיהוָֽה׃

‎13 ‏וְכָל־פֶּ֤טֶר חֲמֹר֙ תִּפְדֶּ֣ה בְשֶׂ֔ה וְאִם־לֹ֥א תִפְדֶּ֖ה וַעֲרַפְתּ֑וֹ וְכֹ֨ל בְּכ֥וֹר אָדָ֛ם בְּבָנֶ֖יךָ תִּפְדֶּֽה׃

‎14 ‏וְהָיָ֞ה כִּֽי־יִשְׁאָלְךָ֥ בִנְךָ֛ מָחָ֖ר לֵאמֹ֣ר מַה־זֹּ֑את וְאָמַרְתָּ֣ אֵלָ֔יו בְּחֹ֣זֶק יָ֗ד הוֹצִיאָ֧נוּ יְהוָ֛ה מִמִּצְרַ֖יִם מִבֵּ֥ית עֲבָדִֽים׃

‎15 ‏וַיְהִ֗י כִּֽי־הִקְשָׁ֣ה פַרְעֹה֮ לְשַׁלְּחֵנוּ֒ וַיַּהֲרֹ֨ג יְהוָֹ֤ה כָּל־בְּכוֹר֙ בְּאֶ֣רֶץ מִצְרַ֔יִם מִבְּכֹ֥ר אָדָ֖ם וְעַד־בְּכ֣וֹר בְּהֵמָ֑ה עַל־כֵּן֩ אֲנִ֨י זֹבֵ֜חַ לַֽיהוָ֗ה כָּל־פֶּ֤טֶר רֶ֙חֶם֙ הַזְּכָרִ֔ים וְכָל־בְּכ֥וֹר בָּנַ֖י אֶפְדֶּֽה׃

‎16 ‏וְהָיָ֤ה לְאוֹת֙ עַל־יָ֣דְכָ֔ה וּלְטוֹטָפֹ֖ת בֵּ֣ין עֵינֶ֑יךָ כִּ֚י בְּחֹ֣זֶק יָ֔ד הוֹצִיאָ֥נוּ יְהוָ֖ה מִמִּצְרָֽיִם׃ ס

‎17 ‏וַיְהִ֗י בְּשַׁלַּ֣ח פַּרְעֹה֮ אֶת־הָעָם֒ וְלֹא־נָחָ֣ם אֱלֹהִ֗ים דֶּ֚רֶךְ אֶ֣רֶץ פְּלִשְׁתִּ֔ים כִּ֥י קָר֖וֹב ה֑וּא כִּ֣י׀ אָמַ֣ר אֱלֹהִ֗ים פֶּֽן־יִנָּחֵ֥ם הָעָ֛ם בִּרְאֹתָ֥ם מִלְחָמָ֖ה וְשָׁ֥בוּ מִצְרָֽיְמָה׃

‎18 ‏וַיַּסֵּ֨ב אֱלֹהִ֧ים׀ אֶת־הָעָ֛ם דֶּ֥רֶךְ הַמִּדְבָּ֖ר יַם־ס֑וּף וַחֲמֻשִׁ֛ים עָל֥וּ בְנֵי־יִשְׂרָאֵ֖ל מֵאֶ֥רֶץ מִצְרָֽיִם׃

‎19 ‏וַיִּקַּ֥ח מֹשֶׁ֛ה אֶת־עַצְמ֥וֹת יוֹסֵ֖ף עִמּ֑וֹ כִּי֩ הַשְׁבֵּ֨עַ הִשְׁבִּ֜יעַ אֶת־בְּנֵ֤י יִשְׂרָאֵל֙ לֵאמֹ֔ר פָּקֹ֨ד יִפְקֹ֤ד אֱלֹהִים֙ אֶתְכֶ֔ם וְהַעֲלִיתֶ֧ם אֶת־עַצְמֹתַ֛י מִזֶּ֖ה אִתְּכֶֽם׃

‎20 ‏וַיִּסְע֖וּ מִסֻּכֹּ֑ת וַיַּחֲנ֣וּ בְאֵתָ֔ם בִּקְצֵ֖ה הַמִּדְבָּֽר׃

‎21 ‏וַֽיהוָ֡ה הֹלֵךְ֩ לִפְנֵיהֶ֨ם יוֹמָ֜ם בְּעַמּ֤וּד עָנָן֙ לַנְחֹתָ֣ם הַדֶּ֔רֶךְ וְלַ֛יְלָה בְּעַמּ֥וּד אֵ֖שׁ לְהָאִ֣יר לָהֶ֑ם לָלֶ֖כֶת יוֹמָ֥ם וָלָֽיְלָה׃

‎22 ‏לֹֽא־יָמִ֞ישׁ עַמּ֤וּד הֶֽעָנָן֙ יוֹמָ֔ם וְעַמּ֥וּד הָאֵ֖שׁ לָ֑יְלָה לִפְנֵ֖י הָעָֽם׃ פ

1 wayəḏabēr yəhwâ ’el-mōšeh llē’mōr:

2 qadeš-lî ḵāl-bəḵwōr peṭer kāl-reḥem biḇənê yiśərā’ēl bā’āḏām ûḇabəhēmâ lî hû’:

3 wayyō’mer mōšeh ’el-hā‘ām zāḵwōr ’eṯ-hayywōm hazzeh ’ăšer yəṣā’ṯem mimmiṣərayim mibêṯ ‘ăḇāḏîm kî bəḥōzeq yāḏ hwōṣî’ yəhwōâ ’eṯəḵem mizzeh wəlō’ yē’āḵēl ḥāmēṣ:

4 hayywōm ’atem yōṣə’îm bəḥōḏeš hā’āḇîḇ:

5 wəhāyâ ḵî-yəḇî’ăḵā yəhwâ ’el-’ereṣ hakən^a‘ănî wəh^aḥitî wəhā’ĕmōrî wəh^aḥiûî wəhayəḇûsî ’ăšer nišəb^a‘ la’ăḇōṯeyḵā lāṯeṯ lāḵə ’ereṣ zāḇaṯ ḥālāḇ ûḏəḇāš wə‘āḇaḏətā ’eṯ-hā‘ăḇōḏâ hazzō’ṯ b^aḥōḏeš hazzeh:

6 šiḇə‘aṯ yāmîm tō’ḵal maṣṣōṯ ûḇayywōm haššəḇî‘î ḥaḡ layhwâ:

7 maṣṣwōṯ yē’āḵēl ’ēṯ šiḇə‘aṯ hayyāmîm wəlō’-yērā’eh ləḵā ḥāmēṣ wəlō’-yērā’eh ləḵā śə’ōr bəḵāl-gəḇuleḵā:

8 wəhigaḏətā ləḇinəḵā bayywōm hahû’ lē’mōr b^a‘ăḇûr zeh ‘āśâ yəhwâ lî bəṣē’ṯî mimmiṣərāyim:

9 wəhāyâ ləḵā lə’wōṯ ‘al-yāḏəḵā ûləzikārwōn bên ‘êneyḵā ləm^a‘an tihəyeh twōraṯ yəhwâ bəfîḵā kî bəyāḏ ḥăzāqâ hwōṣi’ăḵā yəhwōâ mimmiṣərāyim:

10 wəšāmarətā ’eṯ-h^aḥuqqâ hazzō’ṯ ləmwō‘ăḏāh mîyāmîm yāmîmâ: s

11 wəhāyâ kî-yəḇi’ăḵā yəhwâ ’el-’ereṣ hakən^a‘ănî ka’ăšer nišəb^a‘ ləḵā wəla’ăḇōṯeyḵā ûnəṯānāh lāḵə:

12 wəh^a‘ăḇarətā ḵāl-peṭer-reḥem layhwōâ wəḵāl-peṭer| šeḡer bəhēmâ ’ăšer yihəyeh ləḵā hazzəḵārîm layhwâ:

13 wəḵāl-peṭer ḥămōr tifədeh ḇəśeh wə’im-lō’ ṯifədeh w^a‘ărafətwō wəḵōl bəḵwōr ’āḏām bəḇāneyḵā tifədeh:

14 wəhāyâ kî-yišə’āləḵā ḇinəḵā māḥār lē’mōr mah-zzō’ṯ wə’āmarətā ’ēlāyw bəḥōzeq yāḏ hwōṣî’ānû yəhwâ mimmiṣərayim mibêṯ ‘ăḇāḏîm:

15 wayəhî kî-hiqəšâ farə‘ōh ləšalləḥēnû wayyahărōḡ yəhwōâ kāl-bəḵwōr bə’ereṣ miṣərayim mibəḵōr ’āḏām wə‘aḏ-bəḵwōr bəhēmâ ‘al-kēn ’ănî zōḇēḥa layhwâ kāl-peṭer reḥem hazzəḵārîm wəḵāl-bəḵwōr bānay ’efədeh:

16 wəhāyâ lə’wōṯ ‘al-yāḏəḵâ ûləṭwōṭāfōṯ bên ‘êneyḵā kî bəḥōzeq yāḏ hwōṣî’ānû yəhwâ mimmiṣərāyim: s

17 wayəhî bəšall^aḥ parə‘ōh ’eṯ-hā‘ām wəlō’-nāḥām ’ĕlōhîm dereḵə ’ereṣ pəlišətîm kî qārwōḇ hû’ kî| ’āmar ’ĕlōhîm pen-yinnāḥēm hā‘ām birə’ōṯām miləḥāmâ wəšāḇû miṣərāyəmâ:

18 wayyassēḇ ’ĕlōhîm| ’eṯ-hā‘ām dereḵə hammiḏəbār yam-sûf w^aḥămušîm ‘ālû ḇənê-yiśərā’ēl mē’ereṣ miṣərāyim:

19 wayyiqq^aḥ mōšeh ’eṯ-‘aṣəmwōṯ ywōsēf ‘immwō kî hašəbē‘a hišəbî‘a ’eṯ-bənê yiśərā’ēl lē’mōr pāqōḏ yifəqōḏ ’ĕlōhîm ’eṯəḵem wəh^a‘ălîṯem ’eṯ-‘aṣəmōṯay mizzeh ’itəḵem:

20 wayyisə‘û missukōṯ wayy^aḥănû ḇə’ēṯām biqəṣēh hammiḏəbār:

21 wayhwâ hōlēḵə lifənêhem ywōmām bə‘ammûḏ ‘ānān lanəḥōṯām hadereḵə wəlayəlâ bə‘ammûḏ ’ēš ləhā’îr lâem lāleḵeṯ ywōmām wālāyəlâ:

22 lō’-yāmîš ‘ammûḏ he‘ānān ywōmām wə‘ammûḏ hā’ēš lāyəlâ lifənê hā‘ām: f

‎1 ‏וַיְדַבֵּ֥ר יְהוָֹ֖ה אֶל־מֹשֶׁ֥ה לֵּאמֹֽר׃

‎2 ‏דַּבֵּר֮ אֶל־בְּנֵ֣י יִשְׂרָאֵל֒ וְיָשֻׁ֗בוּ וְיַחֲנוּ֙ לִפְנֵי֙ פִּ֣י הַחִירֹ֔ת בֵּ֥ין מִגְדֹּ֖ל וּבֵ֣ין הַיָּ֑ם לִפְנֵי֙ בַּ֣עַל צְפֹ֔ן נִכְח֥וֹ תַחֲנ֖וּ עַל־הַיָּֽם׃

‎3 ‏וְאָמַ֤ר פַּרְעֹה֙ לִבְנֵ֣י יִשְׂרָאֵ֔ל נְבֻכִ֥ים הֵ֖ם בָּאָ֑רֶץ סָגַ֥ר עֲלֵיהֶ֖ם הַמִּדְבָּֽר׃

‎4 ‏וְחִזַּקְתִּ֣י אֶת־לֵב־פַּרְעֹה֮ וְרָדַ֣ף אַחֲרֵיהֶם֒ וְאִכָּבְדָ֤ה בְּפַרְעֹה֙ וּבְכָל־חֵיל֔וֹ וְיָדְע֥וּ מִצְרַ֖יִם כִּֽי־אֲנִ֣י יְהוָ֑ה וַיַּֽעֲשׂוּ־כֵֽן׃

‎5 ‏וַיֻּגַּד֙ לְמֶ֣לֶךְ מִצְרַ֔יִם כִּ֥י בָרַ֖ח הָעָ֑ם וַ֠יֵּהָפֵךְ לְבַ֨ב פַּרְעֹ֤ה וַעֲבָדָיו֙ אֶל־הָעָ֔ם וַיֹּֽאמרוּ֙³ מַה־זֹּ֣את עָשִׂ֔ינוּ כִּֽי־שִׁלַּ֥חְנוּ אֶת־יִשְׂרָאֵ֖ל מֵעָבְדֵֽנוּ׃

‎6 ‏וַיֶּאְסֹ֖ר אֶת־רִכְבּ֑וֹ וְאֶת־עַמּ֖וֹ לָקַ֥ח עִמּֽוֹ׃

‎7 ‏וַיִּקַּ֗ח שֵׁשׁ־מֵא֥וֹת רֶ֙כֶב֙ בָּח֔וּר וְכֹ֖ל רֶ֣כֶב מִצְרָ֑יִם וְשָׁלִשִׁ֖ם עַל־כֻּלּֽוֹ׃

‎8 ‏וַיְחַזֵּ֣ק יְהוָֹ֗ה אֶת־לֵ֤ב פַּרְעֹה֙ מֶ֣לֶךְ מִצְרַ֔יִם וַיִּרְדֹּ֕ף אַחֲרֵ֖י בְּנֵ֣י יִשְׂרָאֵ֑ל וּבְנֵ֣י יִשְׂרָאֵ֔ל יֹצְאִ֖ים בְּיָ֥ד רָמָֽה׃

‎9 ‏וַיִּרְדְּפ֨וּ מִצְרַ֜יִם אַחֲרֵיהֶ֗ם וַיַּשִּׂ֤יגוּ אוֹתָם֙ חֹנִ֣ים עַל־הַיָּ֔ם כָּל־סוּס֙ רֶ֣כֶב פַּרְעֹ֔ה וּפָרָשָׁ֖יו וְחֵיל֑וֹ עַל־פִּי֙ הַֽחִירֹ֔ת לִפְנֵ֖י בַּ֥עַל צְפֹֽן׃

‎10 ‏וּפַרְעֹ֖ה הִקְרִ֑יב וַיִּשְׂאוּ֩ בְנֵֽי־יִשְׂרָאֵ֨ל אֶת־עֵינֵיהֶ֜ם וְהִנֵּ֥ה מִצְרַ֣יִם׀ נֹסֵ֣עַ אַחֲרֵיהֶ֗ם וַיִּֽירְאוּ֙ מְאֹ֔ד וַיִּצְעֲק֥וּ בְנֵֽי־יִשְׂרָאֵ֖ל אֶל־יְהוָֽה׃

‎11 ‏וַיֹּאמְרוּ֮ אֶל־מֹשֶׁה֒ הַֽמִבְּלִ֤י אֵין־קְבָרִים֙ בְּמִצְרַ֔יִם לְקַחְתָּ֖נוּ לָמ֣וּת בַּמִּדְבָּ֑ר מַה־זֹּאת֙ עָשִׂ֣יתָ לָּ֔נוּ לְהוֹצִיאָ֖נוּ מִמִּצְרָֽיִם׃

‎12 ‏הֲלֹא־זֶ֣ה הַדָּבָ֗ר אֲשֶׁר֩ דִּבַּ֨רְנוּ אֵלֶ֤יךָ בְמִצְרַ֙יִם֙ לֵאמֹ֔ר חֲדַ֥ל מִמֶּ֖נּוּ וְנַֽעַבְדָ֣ה אֶת־מִצְרָ֑יִם כִּ֣י ט֥וֹב לָ֙נוּ֙ עֲבֹ֣ד אֶת־מִצְרַ֔יִם מִמֻּתֵ֖נוּ בַּמִּדְבָּֽר׃

‎13 ‏וַיֹּ֨אמֶר מֹשֶׁ֣ה אֶל־הָעָם֮ אַל־תִּירָאוּ֒ הִֽתְיַצְב֗וּ וּרְאוּ֙ אֶת־יְשׁוּעַ֣ת יְהוָ֔ה אֲשֶׁר־יַעֲשֶׂ֥ה לָכֶ֖ם הַיּ֑וֹם כִּ֗י אֲשֶׁ֨ר רְאִיתֶ֤ם אֶת־מִצְרַ֙יִם֙ הַיּ֔וֹם לֹ֥א תֹסִ֛יפוּ לִרְאֹתָ֥ם ע֖וֹד עַד־עוֹלָֽם׃

‎14 ‏יְהוָ֖ה יִלָּחֵ֣ם לָכֶ֑ם וְאַתֶּ֖ם תַּחֲרִישֽׁוּן׃ פ

‎15 ‏וַיֹּ֤אמֶר יְהוָה֙ אֶל־מֹשֶׁ֔ה מַה־תִּצְעַ֖ק אֵלָ֑י דַּבֵּ֥ר אֶל־בְּנֵי־יִשְׂרָאֵ֖ל וְיִסָּֽעוּ׃

‎16 ‏וְאַתָּ֞ה הָרֵ֣ם אֶֽת־מַטְּךָ֗ וּנְטֵ֧ה אֶת־יָדְךָ֛ עַל־הַיָּ֖ם וּבְקָעֵ֑הוּ וְיָבֹ֧אוּ בְנֵֽי־יִשְׂרָאֵ֛ל בְּת֥וֹךְ הַיָּ֖ם בַּיַּבָּשָֽׁה׃

‎17 ‏וַאֲנִ֗י הִנְנִ֤י מְחַזֵּק֙ אֶת־לֵ֣ב מִצְרַ֔יִם וְיָבֹ֖אוּ אַחֲרֵיהֶ֑ם וְאִכָּבְדָ֤ה בְּפַרְעֹה֙ וּבְכָל־חֵיל֔וֹ בְּרִכְבּ֖וֹ וּבְפָרָשָֽׁיו׃

‎18 ‏וְיָדְע֥וּ מִצְרַ֖יִם כִּי־אֲנִ֣י יְהוָ֑ה בְּהִכָּבְדִ֣י בְּפַרְעֹ֔ה בְּרִכְבּ֖וֹ וּבְפָרָשָֽׁיו׃

‎19 ‏וַיִּסַּ֞ע מַלְאַ֣ךְ הָאֱלֹהִ֗ים הַהֹלֵךְ֙ לִפְנֵי֙ מַחֲנֵ֣ה יִשְׂרָאֵ֔ל וַיֵּ֖לֶךְ מֵאַחֲרֵיהֶ֑ם וַיִּסַּ֞ע עַמּ֤וּד הֶֽעָנָן֙ מִפְּנֵיהֶ֔ם וַיַּֽעֲמֹ֖ד מֵאַחֲרֵיהֶֽם׃

‎20 ‏וַיָּבֹ֞א בֵּ֣ין׀ מַחֲנֵ֣ה מִצְרַ֗יִם וּבֵין֙ מַחֲנֵ֣ה יִשְׂרָאֵ֔ל וַיְהִ֤י הֶֽעָנָן֙ וְהַחֹ֔שֶׁךְ וַיָּ֖אֶר אֶת־הַלָּ֑יְלָה וְלֹא־קָרַ֥ב זֶ֛ה אֶל־זֶ֖ה כָּל־הַלָּֽיְלָה׃

‎21 ‏וַיֵּ֨ט מֹשֶׁ֣ה אֶת־יָדוֹ֮ עַל־הַיָּם֒ וַיּ֣וֹלֶךְ יְהוָ֣ה׀ אֶת־הַ֠יָּם בְּר֨וּחַ קָדִ֤ים עַזָּה֙ כָּל־הַלַּ֔יְלָה וַיָּ֥שֶׂם אֶת־הַיָּ֖ם לֶחָרָבָ֑ה וַיִּבָּקְע֖וּ הַמָּֽיִם׃

‎22 ‏וַיָּבֹ֧אוּ בְנֵֽי־יִשְׂרָאֵ֛ל בְּת֥וֹךְ הַיָּ֖ם בַּיַּבָּשָׁ֑ה וְהַמַּ֤יִם לָהֶם֙ חֹמָ֔ה מִֽימִינָ֖ם וּמִשְּׂמֹאלָֽם׃

‎23 ‏וַיִּרְדְּפ֤וּ מִצְרַ֙יִם֙ וַיָּבֹ֣אוּ אַחֲרֵיהֶ֔ם כֹּ֚ל ס֣וּס פַּרְעֹ֔ה רִכְבּ֖וֹ וּפָרָשָׁ֑יו אֶל־תּ֖וֹךְ הַיָּֽם׃

‎24 ‏וַֽיְהִי֙ בְּאַשְׁמֹ֣רֶת הַבֹּ֔קֶר וַיַּשְׁקֵ֤ף יְהוָה֙ אֶל־מַחֲנֵ֣ה מִצְרַ֔יִם בְּעַמּ֥וּד אֵ֖שׁ וְעָנָ֑ן וַיָּ֕הָם אֵ֖ת מַחֲנֵ֥ה מִצְרָֽיִם׃

‎25 ‏וַיָּ֗סַר אֵ֚ת אֹפַ֣ן מַרְכְּבֹתָ֔יו וַֽיְנַהֲגֵ֖הוּ בִּכְבֵדֻ֑ת וַיֹּ֣אמֶר מִצְרַ֗יִם אָנ֙וּסָה֙ מִפְּנֵ֣י יִשְׂרָאֵ֔ל כִּ֣י יְהוָ֔ה נִלְחָ֥ם לָהֶ֖ם בְּמִצְרָֽיִם² פ

‎26 ‏וַיֹּ֤אמֶר יְהוָה֙ אֶל־מֹשֶׁ֔ה נְטֵ֥ה אֶת־יָדְךָ֖ עַל־הַיָּ֑ם וְיָשֻׁ֤בוּ הַמַּ֙יִם֙ עַל־מִצְרַ֔יִם עַל־רִכְבּ֖וֹ וְעַל־פָּרָשָֽׁיו׃

‎27 ‏וַיֵּט֩ מֹשֶׁ֨ה אֶת־יָד֜וֹ עַל־הַיָּ֗ם וַיָּ֨שָׁב הַיָּ֜ם לִפְנ֥וֹת בֹּ֙קֶר֙ לְאֵ֣יתָנ֔וֹ וּמִצְרַ֖יִם נָסִ֣ים לִקְרָאת֑וֹ וַיְנַעֵ֧ר יְהוָ֛ה אֶת־מִצְרַ֖יִם בְּת֥וֹךְ הַיָּֽם׃

‎28 ‏וַיָּשֻׁ֣בוּ הַמַּ֗יִם וַיְכַסּ֤וּ אֶת־הָרֶ֙כֶב֙ וְאֶת־הַפָּ֣רָשִׁ֔ים לְכֹל֙ חֵ֣יל פַּרְעֹ֔ה הַבָּאִ֥ים אַחֲרֵיהֶ֖ם בַּיָּ֑ם לֹֽא־נִשְׁאַ֥ר בָּהֶ֖ם עַד־אֶחָֽד׃

‎29 ‏וּבְנֵ֧י יִשְׂרָאֵ֛ל הָלְכ֥וּ בַיַּבָּשָׁ֖ה בְּת֣וֹךְ הַיָּ֑ם וְהַמַּ֤יִם לָהֶם֙ חֹמָ֔ה מִֽימִינָ֖ם וּמִשְּׂמֹאלָֽם²

‎30 ‏וַיּ֨וֹשַׁע יְהוָ֜ה בַּיּ֥וֹם הַה֛וּא אֶת־יִשְׂרָאֵ֖ל מִיַּ֣ד מִצְרָ֑יִם וַיַּ֤רְא יִשְׂרָאֵל֙ אֶת־מִצְרַ֔יִם מֵ֖ת עַל־שְׂפַ֥ת הַיָּֽם׃

‎31 ‏וַיַּ֨רְא יִשְׂרָאֵ֜ל אֶת־הַיָּ֣ד הַגְּדֹלָ֗ה אֲשֶׁ֨ר עָשָׂ֤ה יְהוָה֙ בְּמִצְרַ֔יִם וַיִּֽירְא֥וּ הָעָ֖ם אֶת־יְהוָ֑ה וַיַּֽאֲמִ֙ינוּ֙ בַּֽיהוָ֔ה וּבְמֹשֶׁ֖ה עַבְדּֽוֹ׃ פ

1 wayəḏabēr yəhwōâ ’el-mōšeh llē’mōr:

2 dabēr ’el-bənê yiśərā’ēl wəyāšuḇû wəy^aḥănû lifənê pî h^aḥîrōṯ bên miḡədōl ûḇên hayyām lifənê b^a‘al ṣəfōn niḵəḥwō ṯ^aḥănû ‘al-hayyām:

3 wə’āmar parə‘ōh liḇənê yiśərā’ēl nəḇuḵîm hēm bā’āreṣ sāḡar ‘ălêhem hammiḏəbār:

4 wəḥizzaqətî ’eṯ-lēḇ-parə‘ōh wərāḏaf ’^aḥărêhem wə’ikāḇəḏâ bəfarə‘ōh ûḇəḵāl-ḥêlwō wəyāḏə‘û miṣərayim kî-’ănî yəhwâ wayy^a‘ăśû-ḵēn:

5 wayyugaḏ ləmeleḵə miṣərayim kî ḇār^aḥ hā‘ām wayyēhāfēḵə ləḇaḇ parə‘ōh w^a‘ăḇāḏāyw ’el-hā‘ām wayyō’mrû³ mah-zzō’ṯ ‘āśînû kî-šill^aḥənû ’eṯ-yiśərā’ēl mē‘āḇəḏēnû:

6 wayye’əsōr ’eṯ-riḵəbwō wə’eṯ-‘ammwō lāq^aḥ ‘immwō:

7 wayyiqq^aḥ šēš-mē’wōṯ reḵeḇ bāḥûr wəḵōl reḵeḇ miṣərāyim wəšālišim ‘al-kullwō:

8 wayəḥazzēq yəhwōâ ’eṯ-lēḇ parə‘ōh meleḵə miṣərayim wayyirədōf ’^aḥărê bənê yiśərā’ēl ûḇənê yiśərā’ēl yōṣə’îm bəyāḏ rāmâ:

9 wayyirədəfû miṣərayim ’^aḥărêhem wayyaśśîḡû ’wōṯām ḥōnîm ‘al-hayyām kāl-sûs reḵeḇ parə‘ōh ûfārāšāyw wəḥêlwō ‘al-pî h^aḥîrōṯ lifənê b^a‘al ṣəfōn:

10 ûfarə‘ōh hiqərîḇ wayyiśə’û ḇənê-yiśərā’ēl ’eṯ-‘ênêhem wəhinnēh miṣərayim| nōsē‘a ’^aḥărêhem wayyîrə’û mə’ōḏ wayyiṣə‘ăqû ḇənê-yiśərā’ēl ’el-yəhwâ:

11 wayyō’mərû ’el-mōšeh hamibəlî ’ên-qəḇārîm bəmiṣərayim ləq^aḥətānû lāmûṯ bammiḏəbār mah-zzō’ṯ ‘āśîṯā llānû ləhwōṣî’ānû mimmiṣərāyim:

12 hălō’-zeh hadāḇār ’ăšer dibarənû ’ēleyḵā ḇəmiṣərayim lē’mōr ḥăḏal mimmennû wən^a‘aḇəḏâ ’eṯ-miṣərāyim kî ṭwōḇ lānû ‘ăḇōḏ ’eṯ-miṣərayim mimmuṯēnû bammiḏəbār:

13 wayyō’mer mōšeh ’el-hā‘ām ’al-tîrā’û hiṯəyaṣəḇû ûrə’û ’eṯ-yəšû‘aṯ yəhwâ ’ăšer-y^a‘ăśeh lāḵem hayywōm kî ’ăšer rə’îṯem ’eṯ-miṣərayim hayywōm lō’ ṯōsîfû lirə’ōṯām ‘wōḏ ‘aḏ-‘wōlām:

14 yəhwâ yillāḥēm lāḵem wə’atem t^aḥărîšûn: f

15 wayyō’mer yəhwâ ’el-mōšeh mah-tiṣə‘aq ’ēlāy dabēr ’el-bənê-yiśərā’ēl wəyissā‘û:

16 wə’atâ hārēm ’eṯ-maṭṭəḵā ûnəṭēh ’eṯ-yāḏəḵā ‘al-hayyām ûḇəqā‘ēhû wəyāḇō’û ḇənê-yiśərā’ēl bəṯwōḵə hayyām bayyabāšâ:

17 wa’ănî hinənî məḥazzēq ’eṯ-lēḇ miṣərayim wəyāḇō’û ’^aḥărêhem wə’ikāḇəḏâ bəfarə‘ōh ûḇəḵāl-ḥêlwō bəriḵəbwō ûḇəfārāšāyw:

18 wəyāḏə‘û miṣərayim kî-’ănî yəhwâ bəhikāḇəḏî bəfarə‘ōh bəriḵəbwō ûḇəfārāšāyw:

19 wayyiss^a‘ malə’aḵə hā’ĕlōhîm hahōlēḵə lifənê m^aḥănēh yiśərā’ēl wayyēleḵə mē’^aḥărêhem wayyiss^a‘ ‘ammûḏ he‘ānān mipənêhem wayy^a‘ămōḏ mē’^aḥărêhem:

20 wayyāḇō’ bên| m^aḥănēh miṣərayim ûḇên m^aḥănēh yiśərā’ēl wayəhî he‘ānān wəh^aḥōšeḵə wayyā’er ’eṯ-hallāyəlâ wəlō’-qāraḇ zeh ’el-zeh kāl-hallāyəlâ:

21 wayyēṭ mōšeh ’eṯ-yāḏwō ‘al-hayyām wayywōleḵə yəhwâ| ’eṯ-hayyām bərûḥa qāḏîm ‘azzâ kāl-hallayəlâ wayyāśem ’eṯ-hayyām leḥārāḇâ wayyibāqə‘û hammāyim:

22 wayyāḇō’û ḇənê-yiśərā’ēl bəṯwōḵə hayyām bayyabāšâ wəhammayim lâem ḥōmâ mîmînām ûmiśśəmō’lām:

23 wayyirədəfû miṣərayim wayyāḇō’û ’^aḥărêhem kōl sûs parə‘ōh riḵəbwō ûfārāšāyw ’el-twōḵə hayyām:

24 wayəhî bə’ašəmōreṯ habōqer wayyašəqēf yəhwâ ’el-m^aḥănēh miṣərayim bə‘ammûḏ ’ēš wə‘ānān wayyâām ’ēṯ m^aḥănēh miṣərāyim:

25 wayyāsar ’ēṯ ’ōfan marəkəḇōṯāyw wayənahăḡēhû biḵəḇēḏuṯ wayyō’mer miṣərayim ’ānûsâ mipənê yiśərā’ēl kî yəhwâ niləḥām lâem bəmiṣərāyim² f

26 wayyō’mer yəhwâ ’el-mōšeh nəṭēh ’eṯ-yāḏəḵā ‘al-hayyām wəyāšuḇû hammayim ‘al-miṣərayim ‘al-riḵəbwō wə‘al-pārāšāyw:

27 wayyēṭ mōšeh ’eṯ-yāḏwō ‘al-hayyām wayyāšāḇ hayyām lifənwōṯ bōqer lə’êṯānwō ûmiṣərayim nāsîm liqərā’ṯwō wayən^a‘ēr yəhwâ ’eṯ-miṣərayim bəṯwōḵə hayyām:

28 wayyāšuḇû hammayim wayəḵassû ’eṯ-hāreḵeḇ wə’eṯ-hapārāšîm ləḵōl ḥêl parə‘ōh habā’îm ’^aḥărêhem bayyām lō’-nišə’ar bâem ‘aḏ-’eḥāḏ:

29 ûḇənê yiśərā’ēl hāləḵû ḇayyabāšâ bəṯwōḵə hayyām wəhammayim lâem ḥōmâ mîmînām ûmiśśəmō’lām²

30 wayywōš^a‘ yəhwâ bayywōm hahû’ ’eṯ-yiśərā’ēl mîyaḏ miṣərāyim wayyarə’ yiśərā’ēl ’eṯ-miṣərayim mēṯ ‘al-śəfaṯ hayyām:

31 wayyarə’ yiśərā’ēl ’eṯ-hayyāḏ hagəḏōlâ ’ăšer ‘āśâ yəhwâ bəmiṣərayim wayyîrə’û hā‘ām ’eṯ-yəhwâ wayya’ămînû bayhwâ ûḇəmōšeh ‘aḇədwō: f

‎1 ‏אָ֣ז יָשִֽׁיר־מֹשֶׁה֩ וּבְנֵ֨י יִשְׂרָאֵ֜ל אֶת־הַשִּׁירָ֤ה הַזֹּאת֙ לַֽיהוָ֔ה וַיֹּאמְר֖וּ לֵאמֹ֑ר אָשִׁ֤ירָה לַֽיהוָה֙ כִּֽי־גָאֹ֣ה גָּאָ֔ה ס֥וּס וְרֹכְב֖וֹ רָמָ֥ה בַיָּֽם׃

‎2 ‏עָזִּ֤י וְזִמְרָת֙ יָ֔הּ וַֽיְהִי־לִ֖י לִֽישׁוּעָ֑ה זֶ֤ה אֵלִי֙ וְאַנְוֵ֔הוּ אֱלֹהֵ֥י אָבִ֖י וַאֲרֹמְמֶֽנְהוּ׃

‎3 ‏יְהוָ֖ה אִ֣ישׁ מִלְחָמָ֑ה יְהוָ֖ה שְׁמֽוֹ׃

‎4 ‏מַרְכְּבֹ֥ת פַּרְעֹ֛ה וְחֵיל֖וֹ יָרָ֣ה בַיָּ֑ם וּמִבְחַ֥ר שָֽׁלִשָׁ֖יו טֻבְּע֥וּ בְיַם־סֽוּף׃

‎5 ‏תְּהֹמֹ֖ת יְכַסְיֻ֑מוּ יָרְד֥וּ בִמְצוֹלֹ֖ת כְּמוֹ־אָֽבֶן׃

‎6 ‏יְמִֽינְךָ֣ יְהוָ֔ה נֶאְדָּרִ֖י בַּכֹּ֑חַ יְמִֽינְךָ֥ יְהוָ֖ה תִּרְעַ֥ץ אוֹיֵֽב׃

‎7 ‏וּבְרֹ֥ב גְּאוֹנְךָ֖ תַּהֲרֹ֣ס קָמֶ֑יךָ תְּשַׁלַּח֙ חֲרֹ֣נְךָ֔ יֹאכְלֵ֖מוֹ כַּקַּֽשׁ׃

‎8 ‏וּבְר֤וּחַ אַפֶּ֙יךָ֙ נֶ֣עֶרְמוּ מַ֔יִם נִצְּב֥וּ כְמוֹ־נֵ֖ד נֹזְלִ֑ים קָֽפְא֥וּ תְהֹמֹ֖ת בְּלֶב־יָֽם׃

‎9 ‏אָמַ֥ר אוֹיֵ֛ב אֶרְדֹּ֥ף אַשִּׂ֖יג אֲחַלֵּ֣ק שָׁלָ֑ל תִּמְלָאֵ֣מוֹ נַפְשִׁ֔י אָרִ֣יק חַרְבִּ֔י תּוֹרִישֵׁ֖מוֹ יָדִֽי׃

‎10 ‏נָשַׁ֥פְתָּ בְרוּחֲךָ֖ כִּסָּ֣מוֹ יָ֑ם צָֽלֲלוּ֙ כַּֽעוֹפֶ֔רֶת בְּמַ֖יִם אַדִּירִֽים׃

‎11 ‏מִֽי־כָמֹ֤כָה בָּֽאֵלִם֙ יְהוָ֔ה מִ֥י כָּמֹ֖כָה נֶאְדָּ֣ר בַּקֹּ֑דֶשׁ נוֹרָ֥א תְהִלֹּ֖ת עֹ֥שֵׂה פֶֽלֶא׃

‎12 ‏נָטִ֙יתָ֙ יְמִ֣ינְךָ֔ תִּבְלָעֵ֖מוֹ אָֽרֶץ׃

‎13 ‏נָחִ֥יתָ בְחַסְדְּךָ֖ עַם־ז֣וּ גָּאָ֑לְתָּ נֵהַ֥לְתָּ בְעָזְּךָ֖ אֶל־נְוֵ֥ה קָדְשֶֽׁךָ׃

‎14 ‏שָֽׁמְע֥וּ עַמִּ֖ים יִרְגָּז֑וּן חִ֣יל אָחַ֔ז יֹשְׁבֵ֖י פְּלָֽשֶׁת׃

‎15 ‏אָ֤ז נִבְהֲלוּ֙ אַלּוּפֵ֣י אֱד֔וֹם אֵילֵ֣י מוֹאָ֔ב יֹֽאחֲזֵ֖מוֹ רָ֑עַד נָמֹ֕גוּ כֹּ֖ל יֹשְׁבֵ֥י כְנָֽעַן׃

‎16 ‏תִּפֹּ֨ל עֲלֵיהֶ֤ם אֵימָ֙תָה֙ וָפַ֔חַד בִּגְדֹ֥ל זְרוֹעֲךָ֖ יִדְּמ֣וּ כָּאָ֑בֶן עַד־יַעֲבֹ֤ר עַמְּךָ֙ יְהוָ֔ה עַֽד־יַעֲבֹ֖ר עַם־ז֥וּ קָנִֽיתָ׃

‎17 ‏תְּבִאֵ֗מוֹ וְתִטָּעֵ֙מוֹ֙ בְּהַ֣ר נַחֲלָֽתְךָ֔ מָכ֧וֹן לְשִׁבְתְּךָ֛ פָּעַ֖לְתָּ יְהוָ֑ה מִקְּדָ֕שׁ אֲדֹנָ֖י כּוֹנְנ֥וּ יָדֶֽיךָ׃

‎18 ‏יְהוָ֥ה׀ יִמְלֹ֖ךְ לְעֹלָ֥ם וָעֶֽד׃

‎19 ‏כִּ֣י בָא֩ ס֨וּס פַּרְעֹ֜ה בְּרִכְבּ֤וֹ וּבְפָרָשָׁיו֙ בַּיָּ֔ם וַיָּ֧שֶׁב יְהוָ֛ה עֲלֵהֶ֖ם אֶת־מֵ֣י הַיָּ֑ם וּבְנֵ֧י יִשְׂרָאֵ֛ל הָלְכ֥וּ בַיַּבָּשָׁ֖ה בְּת֥וֹךְ הַיָּֽם׃ פ

‎20 ‏וַתִּקַּח֩ מִרְיָ֨ם הַנְּבִיאָ֜ה אֲח֧וֹת אַהֲרֹ֛ן אֶת־הַתֹּ֖ף בְּיָדָ֑הּ וַתֵּצֶ֤אןָ כָֽל־הַנָּשִׁים֙ אַחֲרֶ֔יהָ בְּתֻפִּ֖ים וּבִמְחֹלֹֽת׃

‎21 ‏וַתַּ֥עַן לָהֶ֖ם מִרְיָ֑ם שִׁ֤ירוּ לַֽיהוָה֙ כִּֽי־גָאֹ֣ה גָּאָ֔ה ס֥וּס וְרֹכְב֖וֹ רָמָ֥ה בַיָּֽם׃ ס

‎22 ‏וַיַּסַּ֨ע מֹשֶׁ֤ה אֶת־יִשְׂרָאֵל֙ מִיַּם־ס֔וּף וַיֵּצְא֖וּ אֶל־מִדְבַּר־שׁ֑וּר וַיֵּלְכ֧וּ שְׁלֹֽשֶׁת־יָמִ֛ים בַּמִּדְבָּ֖ר וְלֹא־מָ֥צְאוּ מָֽיִם׃

‎23 ‏וַיָּבֹ֣אוּ מָרָ֔תָה וְלֹ֣א יָֽכְל֗וּ לִשְׁתֹּ֥ת מַ֙יִם֙ מִמָּרָ֔ה כִּ֥י מָרִ֖ים הֵ֑ם עַל־כֵּ֥ן קָרָֽא־שְׁמָ֖הּ מָרָֽה׃

‎24 ‏וַיִּלֹּ֧נוּ הָעָ֛ם עַל־מֹשֶׁ֥ה לֵּאמֹ֖ר מַה־נִּשְׁתֶּֽה׃

‎25 ‏וַיִּצְעַ֣ק אֶל־יְהוָ֗ה וַיּוֹרֵ֤הוּ יְהוָה֙ עֵ֔ץ וַיַּשְׁלֵךְ֙ אֶל־הַמַּ֔יִם וַֽיִּמְתְּק֖וּ הַמָּ֑יִם שָׁ֣ם שָׂ֥ם ל֛וֹ חֹ֥ק וּמִשְׁפָּ֖ט וְשָׁ֥ם נִסָּֽהוּ׃

‎26 ‏וַיֹּאמֶר֩ אִם־שָׁמ֨וֹעַ תִּשְׁמַ֜ע לְק֣וֹל׀ יְהוָ֣ה אֱלֹהֶ֗יךָ וְהַיָּשָׁ֤ר בְּעֵינָיו֙ תַּעֲשֶׂ֔ה וְהַֽאֲזַנְתָּ֙ לְמִצְוֹתָ֔יו וְשָׁמַרְתָּ֖ כָּל־חֻקָּ֑יו כָּֽל־הַמַּֽחֲלָ֞ה אֲשֶׁר־שַׂ֤מְתִּי בְמִצְרַ֙יִם֙ לֹא־אָשִׂ֣ים עָלֶ֔יךָ כִּ֛י אֲנִ֥י יְהוָ֖ה רֹפְאֶֽךָ׃ ס

‎27 ‏וַיָּבֹ֣אוּ אֵילִ֔מָה וְשָׁ֗ם שְׁתֵּ֥ים עֶשְׂרֵ֛ה עֵינֹ֥ת מַ֖יִם וְשִׁבְעִ֣ים תְּמָרִ֑ים וַיַּחֲנוּ־שָׁ֖ם עַל־הַמָּֽיִם׃

1 ’āz yāšîr-mōšeh ûḇənê yiśərā’ēl ’eṯ-haššîrâ hazzō’ṯ layhwâ wayyō’mərû lē’mōr ’āšîrâ layhwâ kî-ḡā’ōh gā’â sûs wərōḵəḇwō rāmâ ḇayyām:

2 ‘āzzî wəzimərāṯ yāh wayəhî-lî lîšû‘â zeh ’ēlî wə’anəwēhû ’ĕlōhê ’āḇî wa’ărōməmenəhû:

3 yəhwâ ’îš miləḥāmâ yəhwâ šəmwō:

4 marəkəḇōṯ parə‘ōh wəḥêlwō yārâ ḇayyām ûmiḇəḥar šālišāyw ṭubə‘û ḇəyam-sûf:

5 təhōmōṯ yəḵasəyumû yārəḏû ḇiməṣwōlōṯ kəmwō-’āḇen:

6 yəmînəḵā yəhwâ ne’ədārî bakōḥa yəmînəḵā yəhwâ tirə‘aṣ ’wōyēḇ:

7 ûḇərōḇ gə’wōnəḵā tahărōs qāmeyḵā təšall^aḥ ḥărōnəḵā yō’ḵəlēmwō kaqqaš:

8 ûḇərûḥa ’apeyḵā ne‘erəmû mayim niṣṣəḇû ḵəmwō-nēḏ nōzəlîm qāfə’û ṯəhōmōṯ bəleḇ-yām:

9 ’āmar ’wōyēḇ ’erədōf ’aśśîḡ ’ăḥallēq šālāl timəlā’ēmwō nafəšî ’ārîq ḥarəbî twōrîšēmwō yāḏî:

10 nāšafətā ḇərûḥăḵā kissāmwō yām ṣālălû k^a‘wōfereṯ bəmayim ’adîrîm:

11 mî-ḵāmōḵâ bā’ēlim yəhwâ mî kāmōḵâ ne’ədār baqqōḏeš nwōrā’ ṯəhillōṯ ‘ōśēh fele’:

12 nāṭîṯā yəmînəḵā tiḇəlā‘ēmwō ’āreṣ:

13 nāḥîṯā ḇəḥasədəḵā ‘am-zû gā’ālətā nēhalətā ḇə‘āzzəḵā ’el-nəwēh qāḏəšeḵā:

14 šāmə‘û ‘ammîm yirəgāzûn ḥîl ’āḥaz yōšəḇê pəlāšeṯ:

15 ’āz niḇəhălû ’allûfê ’ĕḏwōm ’êlê mwō’āḇ yō’ḥăzēmwō rā‘aḏ nāmōḡû kōl yōšəḇê ḵənā‘an:

16 tipōl ‘ălêhem ’êmāṯâ wāf^aḥaḏ biḡəḏōl zərwō‘ăḵā yidəmû kā’āḇen ‘aḏ-y^a‘ăḇōr ‘amməḵā yəhwâ ‘aḏ-y^a‘ăḇōr ‘am-zû qānîṯā:

17 təḇi’ēmwō wəṯiṭṭā‘ēmwō bəhar n^aḥălāṯəḵā māḵwōn ləšiḇətəḵā pā‘alətā yəhwâ miqqəḏāš ’ăḏōnāy kwōnənû yāḏeyḵā:

18 yəhwâ| yiməlōḵə lə‘ōlām wā‘eḏ:

19 kî ḇā’ sûs parə‘ōh bəriḵəbwō ûḇəfārāšāyw bayyām wayyāšeḇ yəhwâ ‘ălēhem ’eṯ-mê hayyām ûḇənê yiśərā’ēl hāləḵû ḇayyabāšâ bəṯwōḵə hayyām: f

20 watiqq^aḥ mirəyām hannəḇî’â ’ăḥwōṯ ’ahărōn ’eṯ-hatōf bəyāḏāh watēṣe’nā ḵāl-hannāšîm ’^aḥăreyhā bəṯupîm ûḇiməḥōlōṯ:

21 wat^a‘an lâem mirəyām šîrû layhwâ kî-ḡā’ōh gā’â sûs wərōḵəḇwō rāmâ ḇayyām: s

22 wayyass^a‘ mōšeh ’eṯ-yiśərā’ēl mîyam-sûf wayyēṣə’û ’el-miḏəbar-šûr wayyēləḵû šəlōšeṯ-yāmîm bammiḏəbār wəlō’-māṣə’û māyim:

23 wayyāḇō’û mārāṯâ wəlō’ yāḵəlû lišətōṯ mayim mimmārâ kî mārîm hēm ‘al-kēn qārā’-šəmāh mārâ:

24 wayyillōnû hā‘ām ‘al-mōšeh llē’mōr mah-nnišəteh:

25 wayyiṣə‘aq ’el-yəhwâ wayywōrēhû yəhwâ ‘ēṣ wayyašəlēḵə ’el-hammayim wayyimətəqû hammāyim šām śām lwō ḥōq ûmišəpāṭ wəšām nissâû:

26 wayyō’mer ’im-šāmwō‘a tišəm^a‘ ləqwōl| yəhwâ ’ĕlōheyḵā wəhayyāšār bə‘ênāyw t^a‘ăśeh wəha’ăzanətā ləmiṣəwōṯāyw wəšāmarətā kāl-ḥuqqāyw kāl-hamm^aḥălâ ’ăšer-śamətî ḇəmiṣərayim lō’-’āśîm ‘āleyḵā kî ’ănî yəhwâ rōfə’eḵā: s

27 wayyāḇō’û ’êlimâ wəšām šətêm ‘eśərēh ‘ênōṯ mayim wəšiḇə‘îm təmārîm wayy^aḥănû-šām ‘al-hammāyim:

‎1 ‏וַיִּסְעוּ֙ מֵֽאֵילִ֔ם וַיָּבֹ֜אוּ כָּל־עֲדַ֤ת בְּנֵֽי־יִשְׂרָאֵל֙ אֶל־מִדְבַּר־סִ֔ין אֲשֶׁ֥ר בֵּין־אֵילִ֖ם וּבֵ֣ין סִינָ֑י בַּחֲמִשָּׁ֨ה עָשָׂ֥ר יוֹם֙ לַחֹ֣דֶשׁ הַשֵּׁנִ֔י לְצֵאתָ֖ם מֵאֶ֥רֶץ מִצְרָֽיִם׃

‎2 ‏וילינו וַיִּלּ֜וֹנוּ כָּל־עֲדַ֧ת בְּנֵי־יִשְׂרָאֵ֛ל עַל־מֹשֶׁ֥ה וְעַֽל־אַהֲרֹ֖ן בַּמִּדְבָּֽר׃

‎3 ‏וַיֹּאמְר֨וּ אֲלֵהֶ֜ם בְּנֵ֣י יִשְׂרָאֵ֗ל מִֽי־יִתֵּ֨ן מוּתֵ֤נוּ בְיַד־יְהוָה֙ בְּאֶ֣רֶץ מִצְרַ֔יִם בְּשִׁבְתֵּ֙נוּ֙ עַל־סִ֣יר הַבָּשָׂ֔ר בְּאָכְלֵ֥נוּ לֶ֖חֶם לָשֹׂ֑בַע כִּֽי־הוֹצֵאתֶ֤ם אֹתָ֙נוּ֙ אֶל־הַמִּדְבָּ֣ר הַזֶּ֔ה לְהָמִ֛ית אֶת־כָּל־הַקָּהָ֥ל הַזֶּ֖ה בָּרָעָֽב׃ ס

‎4 ‏וַיֹּ֤אמֶר יְהוָה֙ אֶל־מֹשֶׁ֔ה הִנְנִ֨י מַמְטִ֥יר לָכֶ֛ם לֶ֖חֶם מִן־הַשָּׁמָ֑יִם וְיָצָ֨א הָעָ֤ם וְלָֽקְטוּ֙ דְּבַר־י֣וֹם בְּיוֹמ֔וֹ לְמַ֧עַן אֲנַסֶּ֛נּוּ הֲיֵלֵ֥ךְ בְּתוֹרָתִ֖י אִם־לֹֽא׃

‎5 ‏וְהָיָה֙ בַּיּ֣וֹם הַשִּׁשִּׁ֔י וְהֵכִ֖ינוּ אֵ֣ת אֲשֶׁר־יָבִ֑יאוּ וְהָיָ֣ה מִשְׁנֶ֔ה עַ֥ל אֲשֶֽׁר־יִלְקְט֖וּ י֥וֹם׀ יֽוֹם׃ ס

‎6 ‏וַיֹּ֤אמֶר מֹשֶׁה֙ וְאַהֲרֹ֔ן אֶֽל־כָּל־בְּנֵ֖י יִשְׂרָאֵ֑ל עֶ֕רֶב וִֽידַעְתֶּ֕ם כִּ֧י יְהוָ֛ה הוֹצִ֥יא אֶתְכֶ֖ם מֵאֶ֥רֶץ מִצְרָֽיִם׃

‎7 ‏וּבֹ֗קֶר וּרְאִיתֶם֙ אֶת־כְּב֣וֹד יְהוָ֔ה בְּשָׁמְע֥וֹ אֶת־תְּלֻנֹּתֵיכֶ֖ם עַל־יְהוָ֑ה וְנַ֣חְנוּ מָ֔ה כִּ֥י תלונו תַלִּ֖ינוּ עָלֵֽינוּ׃

‎8 ‏וַיֹּ֣אמֶר מֹשֶׁ֗ה בְּתֵ֣ת יְהוָה֩ לָכֶ֨ם בָּעֶ֜רֶב בָּשָׂ֣ר לֶאֱכֹ֗ל וְלֶ֤חֶם בַּבֹּ֙קֶר֙ לִשְׂבֹּ֔עַ בִּשְׁמֹ֤עַ יְהוָה֙ אֶת־תְּלֻנֹּ֣תֵיכֶ֔ם אֲשֶׁר־אַתֶּ֥ם מַלִּינִ֖ם עָלָ֑יו וְנַ֣חְנוּ מָ֔ה לֹא־עָלֵ֥ינוּ תְלֻנֹּתֵיכֶ֖ם כִּ֥י עַל־יְהוָֽה׃

‎9 ‏וַיֹּ֤אמֶר מֹשֶׁה֙ אֶֽל־אַהֲרֹ֔ן אֱמֹ֗ר אֶֽל־כָּל־עֲדַת֙ בְּנֵ֣י יִשְׂרָאֵ֔ל קִרְב֖וּ לִפְנֵ֣י יְהוָ֑ה כִּ֣י שָׁמַ֔ע אֵ֖ת תְּלֻנֹּתֵיכֶֽם׃

‎10 ‏וַיְהִ֗י כְּדַבֵּ֤ר אַהֲרֹן֙ אֶל־כָּל־עֲדַ֣ת בְּנֵֽי־יִשְׂרָאֵ֔ל וַיִּפְנ֖וּ אֶל־הַמִּדְבָּ֑ר וְהִנֵּה֙ כְּב֣וֹד יְהוָ֔ה נִרְאָ֖ה בֶּעָנָֽן׃ פ

‎11 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎12 ‏שָׁמַ֗עְתִּי אֶת־תְּלוּנֹּת֮ בְּנֵ֣י יִשְׂרָאֵל֒ דַּבֵּ֨ר אֲלֵהֶ֜ם לֵאמֹ֗ר בֵּ֤ין הָֽעַרְבַּ֙יִם֙ תֹּאכְל֣וּ בָשָׂ֔ר וּבַבֹּ֖קֶר תִּשְׂבְּעוּ־לָ֑חֶם וִֽידַעְתֶּ֕ם כִּ֛י אֲנִ֥י יְהוָ֖ה אֱלֹהֵיכֶֽם׃

‎13 ‏וַיְהִ֣י בָעֶ֔רֶב וַתַּ֣עַל הַשְּׂלָ֔ו וַתְּכַ֖ס אֶת־הַֽמַּחֲנֶ֑ה וּבַבֹּ֗קֶר הָֽיְתָה֙ שִׁכְבַ֣ת הַטַּ֔ל סָבִ֖יב לַֽמַּחֲנֶֽה׃

‎14 ‏וַתַּ֖עַל שִׁכְבַ֣ת הַטָּ֑ל וְהִנֵּ֞ה עַל־פְּנֵ֤י הַמִּדְבָּר֙ דַּ֣ק מְחֻסְפָּ֔ס דַּ֥ק כַּכְּפֹ֖ר עַל־הָאָֽרֶץ׃

‎15 ‏וַיִּרְא֣וּ בְנֵֽי־יִשְׂרָאֵ֗ל וַיֹּ֨אמְר֜וּ אִ֤ישׁ אֶל־אָחִיו֙ מָ֣ן ה֔וּא כִּ֛י לֹ֥א יָדְע֖וּ מַה־ה֑וּא וַיֹּ֤אמֶר מֹשֶׁה֙ אֲלֵהֶ֔ם ה֣וּא הַלֶּ֔חֶם אֲשֶׁ֨ר נָתַ֧ן יְהוָ֛ה לָכֶ֖ם לְאָכְלָֽה׃

‎16 ‏זֶ֤ה הַדָּבָר֙ אֲשֶׁ֣ר צִוָּ֣ה יְהוָ֔ה לִקְט֣וּ מִמֶּ֔נּוּ אִ֖ישׁ לְפִ֣י אָכְל֑וֹ עֹ֣מֶר לַגֻּלְגֹּ֗לֶת מִסְפַּר֙ נַפְשֹׁ֣תֵיכֶ֔ם אִ֛ישׁ לַאֲשֶׁ֥ר בְּאָהֳל֖וֹ תִּקָּֽחוּ׃

‎17 ‏וַיַּעֲשׂוּ־כֵ֖ן בְּנֵ֣י יִשְׂרָאֵ֑ל וַֽיִּלְקְט֔וּ הַמַּרְבֶּ֖ה וְהַמַּמְעִֽיט׃

‎18 ‏וַיָּמֹ֣דּוּ בָעֹ֔מֶר וְלֹ֤א הֶעְדִּיף֙ הַמַּרְבֶּ֔ה וְהַמַּמְעִ֖יט לֹ֣א הֶחְסִ֑יר אִ֥ישׁ לְפִֽי־אָכְל֖וֹ לָקָֽטוּ׃

‎19 ‏וַיֹּ֥אמֶר מֹשֶׁ֖ה אֲלֵהֶ֑ם אִ֕ישׁ אַל־יוֹתֵ֥ר מִמֶּ֖נּוּ עַד־בֹּֽקֶר׃

‎20 ‏וְלֹא־שָׁמְע֣וּ אֶל־מֹשֶׁ֗ה וַיּוֹתִ֨רוּ אֲנָשִׁ֤ים מִמֶּ֙נּוּ֙ עַד־בֹּ֔קֶר וַיָּ֥רֻם תּוֹלָעִ֖ים וַיִּבְאַ֑שׁ וַיִּקְצֹ֥ף עֲלֵהֶ֖ם מֹשֶֽׁה׃

‎21 ‏וַיִּלְקְט֤וּ אֹתוֹ֙ בַּבֹּ֣קֶר בַּבֹּ֔קֶר אִ֖ישׁ כְּפִ֣י אָכְל֑וֹ וְחַ֥ם הַשֶּׁ֖מֶשׁ וְנָמָֽס׃

‎22 ‏וַיְהִ֣י׀ בַּיּ֣וֹם הַשִּׁשִּׁ֗י לָֽקְט֥וּ לֶ֙חֶם֙ מִשְׁנֶ֔ה שְׁנֵ֥י הָעֹ֖מֶר לָאֶחָ֑ד וַיָּבֹ֙אוּ֙ כָּל־נְשִׂיאֵ֣י הָֽעֵדָ֔ה וַיַּגִּ֖ידוּ לְמֹשֶֽׁה׃

‎23 ‏וַיֹּ֣אמֶר אֲלֵהֶ֗ם ה֚וּא אֲשֶׁ֣ר דִּבֶּ֣ר יְהוָ֔ה שַׁבָּת֧וֹן שַׁבַּת־קֹ֛דֶשׁ לַֽיהוָ֖ה מָחָ֑ר אֵ֣ת אֲשֶׁר־תֹּאפ֞וּ אֵפ֗וּ וְאֵ֤ת אֲשֶֽׁר־תְּבַשְּׁלוּ֙ בַּשֵּׁ֔לוּ וְאֵת֙ כָּל־הָ֣עֹדֵ֔ף הַנִּ֧יחוּ לָכֶ֛ם לְמִשְׁמֶ֖רֶת עַד־הַבֹּֽקֶר׃

‎24 ‏וַיַּנִּ֤יחוּ אֹתוֹ֙ עַד־הַבֹּ֔קֶר כַּאֲשֶׁ֖ר צִוָּ֣ה מֹשֶׁ֑ה וְלֹ֣א הִבְאִ֔ישׁ וְרִמָּ֖ה לֹא־הָ֥יְתָה בּֽוֹ׃

‎25 ‏וַיֹּ֤אמֶר מֹשֶׁה֙ אִכְלֻ֣הוּ הַיּ֔וֹם כִּֽי־שַׁבָּ֥ת הַיּ֖וֹם לַיהוָ֑ה הַיּ֕וֹם לֹ֥א תִמְצָאֻ֖הוּ בַּשָּׂדֶֽה׃

‎26 ‏שֵׁ֥שֶׁת יָמִ֖ים תִּלְקְטֻ֑הוּ וּבַיּ֧וֹם הַשְּׁבִיעִ֛י שַׁבָּ֖ת לֹ֥א יִֽהְיֶה־בּֽוֹ׃

‎27 ‏וַֽיְהִי֙ בַּיּ֣וֹם הַשְּׁבִיעִ֔י יָצְא֥וּ מִן־הָעָ֖ם לִלְקֹ֑ט וְלֹ֖א מָצָֽאוּ׃ ס

‎28 ‏וַיֹּ֥אמֶר יְהוָ֖ה אֶל־מֹשֶׁ֑ה עַד־אָ֙נָה֙ מֵֽאַנְתֶּ֔ם לִשְׁמֹ֥ר מִצְוֹתַ֖י וְתוֹרֹתָֽי׃

‎29 ‏רְא֗וּ כִּֽי־יְהוָה֮ נָתַ֣ן לָכֶ֣ם הַשַּׁבָּת֒ עַל־כֵּ֠ן ה֣וּא נֹתֵ֥ן לָכֶ֛ם בַּיּ֥וֹם הַשִּׁשִּׁ֖י לֶ֣חֶם יוֹמָ֑יִם שְׁב֣וּ׀ אִ֣ישׁ תַּחְתָּ֗יו אַל־יֵ֥צֵא אִ֛ישׁ מִמְּקֹמ֖וֹ בַּיּ֥וֹם הַשְּׁבִיעִֽי׃

‎30 ‏וַיִּשְׁבְּת֥וּ הָעָ֖ם בַּיּ֥וֹם הַשְּׁבִעִֽי׃

‎31 ‏וַיִּקְרְא֧וּ בֵֽית־יִשְׂרָאֵ֛ל אֶת־שְׁמ֖וֹ מָ֑ן וְה֗וּא כְּזֶ֤רַע גַּד֙ לָבָ֔ן וְטַעְמ֖וֹ כְּצַפִּיחִ֥ת בִּדְבָֽשׁ׃

‎32 ‏וַיֹּ֣אמֶר מֹשֶׁ֗ה זֶ֤ה הַדָּבָר֙ אֲשֶׁ֣ר צִוָּ֣ה יְהוָ֔ה מְלֹ֤א הָעֹ֙מֶר֙ מִמֶּ֔נּוּ לְמִשְׁמֶ֖רֶת לְדֹרֹתֵיכֶ֑ם לְמַ֣עַן׀ יִרְא֣וּ אֶת־הַלֶּ֗חֶם אֲשֶׁ֨ר הֶאֱכַ֤לְתִּי אֶתְכֶם֙ בַּמִּדְבָּ֔ר בְּהוֹצִיאִ֥י אֶתְכֶ֖ם מֵאֶ֥רֶץ מִצְרָֽיִם׃

‎33 ‏וַיֹּ֨אמֶר מֹשֶׁ֜ה אֶֽל־אַהֲרֹ֗ן קַ֚ח צִנְצֶ֣נֶת אַחַ֔ת וְתֶן־שָׁ֥מָּה מְלֹֽא־הָעֹ֖מֶר מָ֑ן וְהַנַּ֤ח אֹתוֹ֙ לִפְנֵ֣י יְהוָ֔ה לְמִשְׁמֶ֖רֶת לְדֹרֹתֵיכֶֽם׃

‎34 ‏כַּאֲשֶׁ֛ר צִוָּ֥ה יְהוָ֖ה אֶל־מֹשֶׁ֑ה וַיַּנִּיחֵ֧הוּ אַהֲרֹ֛ן לִפְנֵ֥י הָעֵדֻ֖ת לְמִשְׁמָֽרֶת׃

‎35 ‏וּבְנֵ֣י יִשְׂרָאֵ֗ל אָֽכְל֤וּ אֶת־הַמָּן֙ אַרְבָּעִ֣ים שָׁנָ֔ה עַד־בֹּאָ֖ם אֶל־אֶ֣רֶץ נוֹשָׁ֑בֶת אֶת־הַמָּן֙ אָֽכְל֔וּ עַד־בֹּאָ֕ם אֶל־קְצֵ֖ה אֶ֥רֶץ כְּנָֽעַן׃

‎36 ‏וְהָעֹ֕מֶר עֲשִׂרִ֥ית הָאֵיפָ֖ה הֽוּא׃ פ

1 wayyisə‘û mē’êlim wayyāḇō’û kāl-‘ăḏaṯ bənê-yiśərā’ēl ’el-miḏəbar-sîn ’ăšer bên-’êlim ûḇên sînāy b^aḥămiššâ ‘āśār ywōm l^aḥōḏeš haššēnî ləṣē’ṯām mē’ereṣ miṣərāyim:

2 wayyallînû wayyillwōnû kāl-‘ăḏaṯ bənê-yiśərā’ēl ‘al-mōšeh wə‘al-’ahărōn bammiḏəbār:

3 wayyō’mərû ’ălēhem bənê yiśərā’ēl mî-yitēn mûṯēnû ḇəyaḏ-yəhwâ bə’ereṣ miṣərayim bəšiḇətēnû ‘al-sîr habāśār bə’āḵəlēnû leḥem lāśōḇ^a‘ kî-hwōṣē’ṯem ’ōṯānû ’el-hammiḏəbār hazzeh ləhāmîṯ ’eṯ-kāl-haqqâāl hazzeh bārā‘āḇ: s

4 wayyō’mer yəhwâ ’el-mōšeh hinənî maməṭîr lāḵem leḥem min-haššāmāyim wəyāṣā’ hā‘ām wəlāqəṭû dəḇar-ywōm bəywōmwō ləm^a‘an ’ănassennû hăyēlēḵə bəṯwōrāṯî ’im-lō’:

5 wəhāyâ bayywōm haššiššî wəhēḵînû ’ēṯ ’ăšer-yāḇî’û wəhāyâ mišəneh ‘al ’ăšer-yiləqəṭû ywōm| ywōm: s

6 wayyō’mer mōšeh wə’ahărōn ’el-kāl-bənê yiśərā’ēl ‘ereḇ wîḏ^a‘ətem kî yəhwâ hwōṣî’ ’eṯəḵem mē’ereṣ miṣərāyim:

7 ûḇōqer ûrə’îṯem ’eṯ-kəḇwōḏ yəhwâ bəšāmə‘wō ’eṯ-təlunnōṯêḵem ‘al-yəhwâ wən^aḥənû mâ kî ṯallwōnû ṯallînû ‘ālênû:

8 wayyō’mer mōšeh bəṯēṯ yəhwâ lāḵem bā‘ereḇ bāśār le’ĕḵōl wəleḥem babōqer liśəbō‘a bišəmō‘a yəhwâ ’eṯ-təlunnōṯêḵem ’ăšer-’atem mallînim ‘ālāyw wən^aḥənû mâ lō’-‘ālênû ṯəlunnōṯêḵem kî ‘al-yəhwâ:

9 wayyō’mer mōšeh ’el-’ahărōn ’ĕmōr ’el-kāl-‘ăḏaṯ bənê yiśərā’ēl qirəḇû lifənê yəhwâ kî šām^a‘ ’ēṯ təlunnōṯêḵem:

10 wayəhî kəḏabēr ’ahărōn ’el-kāl-‘ăḏaṯ bənê-yiśərā’ēl wayyifənû ’el-hammiḏəbār wəhinnēh kəḇwōḏ yəhwâ nirə’â be‘ānān: f

11 wayəḏabēr yəhwâ ’el-mōšeh llē’mōr:

12 šām^a‘ətî ’eṯ-təlûnnōṯ bənê yiśərā’ēl dabēr ’ălēhem lē’mōr bên hā‘arəbayim tō’ḵəlû ḇāśār ûḇabōqer tiśəbə‘û-lāḥem wîḏ^a‘ətem kî ’ănî yəhwâ ’ĕlōhêḵem:

13 wayəhî ḇā‘ereḇ wat^a‘al haśśəlāw watəḵas ’eṯ-hamm^aḥăneh ûḇabōqer hāyəṯâ šiḵəḇaṯ haṭṭal sāḇîḇ lamm^aḥăneh:

14 wat^a‘al šiḵəḇaṯ haṭṭāl wəhinnēh ‘al-pənê hammiḏəbār daq məḥusəpās daq kakəfōr ‘al-hā’āreṣ:

15 wayyirə’û ḇənê-yiśərā’ēl wayyō’mərû ’îš ’el-’āḥîw mān hû’ kî lō’ yāḏə‘û mah-hû’ wayyō’mer mōšeh ’ălēhem hû’ halleḥem ’ăšer nāṯan yəhwâ lāḵem lə’āḵəlâ:

16 zeh hadāḇār ’ăšer ṣiûâ yəhwâ liqəṭû mimmennû ’îš ləfî ’āḵəlwō ‘ōmer laguləgōleṯ misəpar nafəšōṯêḵem ’îš la’ăšer bə’âŏlwō tiqqāḥû:

17 wayy^a‘ăśû-ḵēn bənê yiśərā’ēl wayyiləqəṭû hammarəbeh wəhammamə‘îṭ:

18 wayyāmōdû ḇā‘ōmer wəlō’ he‘ədîf hammarəbeh wəhammamə‘îṭ lō’ heḥəsîr ’îš ləfî-’āḵəlwō lāqāṭû:

19 wayyō’mer mōšeh ’ălēhem ’îš ’al-ywōṯēr mimmennû ‘aḏ-bōqer:

20 wəlō’-šāmə‘û ’el-mōšeh wayywōṯirû ’ănāšîm mimmennû ‘aḏ-bōqer wayyārum twōlā‘îm wayyiḇə’aš wayyiqəṣōf ‘ălēhem mōšeh:

21 wayyiləqəṭû ’ōṯwō babōqer babōqer ’îš kəfî ’āḵəlwō wəḥam haššemeš wənāmās:

22 wayəhî| bayywōm haššiššî lāqəṭû leḥem mišəneh šənê hā‘ōmer lā’eḥāḏ wayyāḇō’û kāl-nəśî’ê hā‘ēḏâ wayyagîḏû ləmōšeh:

23 wayyō’mer ’ălēhem hû’ ’ăšer diber yəhwâ šabāṯwōn šabaṯ-qōḏeš layhwâ māḥār ’ēṯ ’ăšer-tō’fû ’ēfû wə’ēṯ ’ăšer-təḇaššəlû baššēlû wə’ēṯ kāl-hā‘ōḏēf hannîḥû lāḵem ləmišəmereṯ ‘aḏ-habōqer:

24 wayyannîḥû ’ōṯwō ‘aḏ-habōqer ka’ăšer ṣiûâ mōšeh wəlō’ hiḇə’îš wərimmâ lō’-hāyəṯâ bwō:

25 wayyō’mer mōšeh ’iḵəluhû hayywōm kî-šabāṯ hayywōm layhwâ hayywōm lō’ ṯiməṣā’uhû baśśāḏeh:

26 šēšeṯ yāmîm tiləqəṭuhû ûḇayywōm haššəḇî‘î šabāṯ lō’ yihəyeh-bwō:

27 wayəhî bayywōm haššəḇî‘î yāṣə’û min-hā‘ām liləqōṭ wəlō’ māṣā’û: s

28 wayyō’mer yəhwâ ’el-mōšeh ‘aḏ-’ānâ mē’anətem lišəmōr miṣəwōṯay wəṯwōrōṯāy:

29 rə’û kî-yəhwâ nāṯan lāḵem haššabāṯ ‘al-kēn hû’ nōṯēn lāḵem bayywōm haššiššî leḥem ywōmāyim šəḇû| ’îš t^aḥətāyw ’al-yēṣē’ ’îš mimməqōmwō bayywōm haššəḇî‘î:

30 wayyišəbəṯû hā‘ām bayywōm haššəḇi‘î:

31 wayyiqərə’û ḇêṯ-yiśərā’ēl ’eṯ-šəmwō mān wəhû’ kəzer^a‘ gaḏ lāḇān wəṭ^a‘əmwō kəṣapîḥiṯ biḏəḇāš:

32 wayyō’mer mōšeh zeh hadāḇār ’ăšer ṣiûâ yəhwâ məlō’ hā‘ōmer mimmennû ləmišəmereṯ ləḏōrōṯêḵem ləm^a‘an| yirə’û ’eṯ-halleḥem ’ăšer he’ĕḵalətî ’eṯəḵem bammiḏəbār bəhwōṣî’î ’eṯəḵem mē’ereṣ miṣərāyim:

33 wayyō’mer mōšeh ’el-’ahărōn q^aḥ ṣinəṣeneṯ ’^aḥaṯ wəṯen-šāmmâ məlō’-hā‘ōmer mān wəhann^aḥ ’ōṯwō lifənê yəhwâ ləmišəmereṯ ləḏōrōṯêḵem:

34 ka’ăšer ṣiûâ yəhwâ ’el-mōšeh wayyannîḥēhû ’ahărōn lifənê hā‘ēḏuṯ ləmišəmāreṯ:

35 ûḇənê yiśərā’ēl ’āḵəlû ’eṯ-hammān ’arəbā‘îm šānâ ‘aḏ-bō’ām ’el-’ereṣ nwōšāḇeṯ ’eṯ-hammān ’āḵəlû ‘aḏ-bō’ām ’el-qəṣēh ’ereṣ kənā‘an:

36 wəhā‘ōmer ‘ăśirîṯ hā’êfâ hû’: f

‎1 ‏וַ֠יִּסְעוּ כָּל־עֲדַ֨ת בְּנֵֽי־יִשְׂרָאֵ֧ל מִמִּדְבַּר־סִ֛ין לְמַסְעֵיהֶ֖ם עַל־פִּ֣י יְהוָ֑ה וַֽיַּחֲנוּ֙ בִּרְפִידִ֔ים וְאֵ֥ין מַ֖יִם לִשְׁתֹּ֥ת הָעָֽם׃

‎2 ‏וַיָּ֤רֶב הָעָם֙ עִם־מֹשֶׁ֔ה וַיֹּ֣אמְר֔וּ תְּנוּ־לָ֥נוּ מַ֖יִם וְנִשְׁתֶּ֑ה וַיֹּ֤אמֶר לָהֶם֙ מֹשֶׁ֔ה מַה־תְּרִיבוּן֙ עִמָּדִ֔י מַה־תְּנַסּ֖וּן אֶת־יְהוָֽה׃

‎3 ‏וַיִּצְמָ֨א שָׁ֤ם הָעָם֙ לַמַּ֔יִם וַיָּ֥לֶן הָעָ֖ם עַל־מֹשֶׁ֑ה וַיֹּ֗אמֶר לָ֤מָּה זֶּה֙ הֶעֱלִיתָ֣נוּ מִמִּצְרַ֔יִם לְהָמִ֥ית אֹתִ֛י וְאֶת־בָּנַ֥י וְאֶת־מִקְנַ֖י בַּצָּמָֽא׃

‎4 ‏וַיִּצְעַ֤ק מֹשֶׁה֙ אֶל־יְהוָ֣ה לֵאמֹ֔ר מָ֥ה אֶעֱשֶׂ֖ה לָעָ֣ם הַזֶּ֑ה ע֥וֹד מְעַ֖ט וּסְקָלֻֽנִי׃

‎5 ‏וַיֹּ֨אמֶר יְהוָ֜ה אֶל־מֹשֶׁ֗ה עֲבֹר֙ לִפְנֵ֣י הָעָ֔ם וְקַ֥ח אִתְּךָ֖ מִזִּקְנֵ֣י יִשְׂרָאֵ֑ל וּמַטְּךָ֗ אֲשֶׁ֨ר הִכִּ֤יתָ בּוֹ֙ אֶת־הַיְאֹ֔ר קַ֥ח בְּיָדְךָ֖ וְהָלָֽכְתָּ׃

‎6 ‏הִנְנִ֣י עֹמֵד֩ לְפָנֶ֨יךָ שָּׁ֥ם׀ עַֽל־הַצּוּר֮ בְּחֹרֵב֒ וְהִכִּ֣יתָ בַצּ֗וּר וְיָצְא֥וּ מִמֶּ֛נּוּ מַ֖יִם וְשָׁתָ֣ה הָעָ֑ם וַיַּ֤עַשׂ כֵּן֙ מֹשֶׁ֔ה לְעֵינֵ֖י זִקְנֵ֥י יִשְׂרָאֵֽל׃

‎7 ‏וַיִּקְרָא֙ שֵׁ֣ם הַמָּק֔וֹם מַסָּ֖ה וּמְרִיבָ֑ה עַל־רִ֣יב׀ בְּנֵ֣י יִשְׂרָאֵ֗ל וְעַ֨ל נַסֹּתָ֤ם אֶת־יְהוָה֙ לֵאמֹ֔ר הֲיֵ֧שׁ יְהוָ֛ה בְּקִרְבֵּ֖נוּ אִם־אָֽיִן׃ פ

‎8 ‏וַיָּבֹ֖א עֲמָלֵ֑ק וַיִּלָּ֥חֶם עִם־יִשְׂרָאֵ֖ל בִּרְפִידִֽם׃

‎9 ‏וַיֹּ֨אמֶר מֹשֶׁ֤ה אֶל־יְהוֹשֻׁ֙עַ֙ בְּחַר־לָ֣נוּ אֲנָשִׁ֔ים וְצֵ֖א הִלָּחֵ֣ם בַּעֲמָלֵ֑ק מָחָ֗ר אָנֹכִ֤י נִצָּב֙ עַל־רֹ֣אשׁ הַגִּבְעָ֔ה וּמַטֵּ֥ה הָאֱלֹהִ֖ים בְּיָדִֽי׃

‎10 ‏וַיַּ֣עַשׂ יְהוֹשֻׁ֗עַ כַּאֲשֶׁ֤ר אָֽמַר־לוֹ֙ מֹשֶׁ֔ה לְהִלָּחֵ֖ם בַּעֲמָלֵ֑ק וּמֹשֶׁה֙ אַהֲרֹ֣ן וְח֔וּר עָל֖וּ רֹ֥אשׁ הַגִּבְעָֽה׃

‎11 ‏וְהָיָ֗ה כַּאֲשֶׁ֨ר יָרִ֥ים מֹשֶׁ֛ה יָד֖וֹ וְגָבַ֣ר יִשְׂרָאֵ֑ל וְכַאֲשֶׁ֥ר יָנִ֛יחַ יָד֖וֹ וְגָבַ֥ר עֲמָלֵֽק׃

‎12 ‏וִידֵ֤י מֹשֶׁה֙ כְּבֵדִ֔ים וַיִּקְחוּ־אֶ֛בֶן וַיָּשִׂ֥ימוּ תַחְתָּ֖יו וַיֵּ֣שֶׁב עָלֶ֑יהָ וְאַהֲרֹ֨ן וְח֜וּר תָּֽמְכ֣וּ בְיָדָ֗יו מִזֶּ֤ה אֶחָד֙ וּמִזֶּ֣ה אֶחָ֔ד וַיְהִ֥י יָדָ֛יו אֱמוּנָ֖ה עַד־בֹּ֥א הַשָּֽׁמֶשׁ׃

‎13 ‏וַיַּחֲלֹ֧שׁ יְהוֹשֻׁ֛עַ אֶת־עֲמָלֵ֥ק וְאֶת־עַמּ֖וֹ לְפִי־חָֽרֶב׃ פ

‎14 ‏וַיֹּ֨אמֶר יְהוָ֜ה אֶל־מֹשֶׁ֗ה כְּתֹ֨ב זֹ֤את זִכָּרוֹן֙ בַּסֵּ֔פֶר וְשִׂ֖ים בְּאָזְנֵ֣י יְהוֹשֻׁ֑עַ כִּֽי־מָחֹ֤ה אֶמְחֶה֙ אֶת־זֵ֣כֶר עֲמָלֵ֔ק מִתַּ֖חַת הַשָּׁמָֽיִם׃

‎15 ‏וַיִּ֥בֶן מֹשֶׁ֖ה מִזְבֵּ֑חַ וַיִּקְרָ֥א שְׁמ֖וֹ יְהוָ֥ה׀ נִסִּֽי׃

‎16 ‏וַיֹּ֗אמֶר כִּֽי־יָד֙ עַל־כֵּ֣ס יָ֔הּ מִלְחָמָ֥ה לַיהוָ֖ה בַּֽעֲמָלֵ֑ק מִדֹּ֖ר דֹּֽר׃ פ

1 wayyisə‘û kāl-‘ăḏaṯ bənê-yiśərā’ēl mimmiḏəbar-sîn ləmasə‘êhem ‘al-pî yəhwâ wayy^aḥănû birəfîḏîm wə’ên mayim lišətōṯ hā‘ām:

2 wayyāreḇ hā‘ām ‘im-mōšeh wayyō’mərû tənû-lānû mayim wənišəteh wayyō’mer lâem mōšeh mah-tərîḇûn ‘immāḏî mah-tənassûn ’eṯ-yəhwâ:

3 wayyiṣəmā’ šām hā‘ām lammayim wayyālen hā‘ām ‘al-mōšeh wayyō’mer lāmmâ zzeh he‘ĕlîṯānû mimmiṣərayim ləhāmîṯ ’ōṯî wə’eṯ-bānay wə’eṯ-miqənay baṣṣāmā’:

4 wayyiṣə‘aq mōšeh ’el-yəhwâ lē’mōr mâ ’e‘ĕśeh lā‘ām hazzeh ‘wōḏ mə‘aṭ ûsəqālunî:

5 wayyō’mer yəhwâ ’el-mōšeh ‘ăḇōr lifənê hā‘ām wəq^aḥ ’itəḵā mizziqənê yiśərā’ēl ûmaṭṭəḵā ’ăšer hikîṯā bwō ’eṯ-hayə’ōr q^aḥ bəyāḏəḵā wəhālāḵətā:

6 hinənî ‘ōmēḏ ləfāneyḵā ššām| ‘al-haṣṣûr bəḥōrēḇ wəhikîṯā ḇaṣṣûr wəyāṣə’û mimmennû mayim wəšāṯâ hā‘ām wayy^a‘aś kēn mōšeh lə‘ênê ziqənê yiśərā’ēl:

7 wayyiqərā’ šēm hammāqwōm massâ ûmərîḇâ ‘al-rîḇ| bənê yiśərā’ēl wə‘al nassōṯām ’eṯ-yəhwâ lē’mōr hăyēš yəhwâ bəqirəbēnû ’im-’āyin: f

8 wayyāḇō’ ‘ămālēq wayyillāḥem ‘im-yiśərā’ēl birəfîḏim:

9 wayyō’mer mōšeh ’el-yəhwōšu‘a bəḥar-lānû ’ănāšîm wəṣē’ hillāḥēm b^a‘ămālēq māḥār ’ānōḵî niṣṣāḇ ‘al-rō’š hagiḇə‘â ûmaṭṭēh hā’ĕlōhîm bəyāḏî:

10 wayy^a‘aś yəhwōšu‘a ka’ăšer ’āmar-lwō mōšeh ləhillāḥēm b^a‘ămālēq ûmōšeh ’ahărōn wəḥûr ‘ālû rō’š hagiḇə‘â:

11 wəhāyâ ka’ăšer yārîm mōšeh yāḏwō wəḡāḇar yiśərā’ēl wəḵa’ăšer yānîḥa yāḏwō wəḡāḇar ‘ămālēq:

12 wîḏê mōšeh kəḇēḏîm wayyiqəḥû-’eḇen wayyāśîmû ṯ^aḥətāyw wayyēšeḇ ‘āleyhā wə’ahărōn wəḥûr tāməḵû ḇəyāḏāyw mizzeh ’eḥāḏ ûmizzeh ’eḥāḏ wayəhî yāḏāyw ’ĕmûnâ ‘aḏ-bō’ haššāmeš:

13 wayy^aḥălōš yəhwōšu‘a ’eṯ-‘ămālēq wə’eṯ-‘ammwō ləfî-ḥāreḇ: f

14 wayyō’mer yəhwâ ’el-mōšeh kəṯōḇ zō’ṯ zikārwōn bassēfer wəśîm bə’āzənê yəhwōšu‘a kî-māḥōh ’eməḥeh ’eṯ-zēḵer ‘ămālēq mit^aḥaṯ haššāmāyim:

15 wayyiḇen mōšeh mizəbēḥa wayyiqərā’ šəmwō yəhwâ| nissî:

16 wayyō’mer kî-yāḏ ‘al-kēs yāh miləḥāmâ layhwâ b^a‘ămālēq midōr dōr: f

‎1 ‏וַיִּשְׁמַ֞ע יִתְר֨וֹ כֹהֵ֤ן מִדְיָן֙ חֹתֵ֣ן מֹשֶׁ֔ה אֵת֩ כָּל־אֲשֶׁ֨ר עָשָׂ֤ה אֱלֹהִים֙ לְמֹשֶׁ֔ה וּלְיִשְׂרָאֵ֖ל עַמּ֑וֹ כִּֽי־הוֹצִ֧יא יְהוָ֛ה אֶת־יִשְׂרָאֵ֖ל מִמִּצְרָֽיִם׃

‎2 ‏וַיִּקַּ֗ח יִתְרוֹ֙ חֹתֵ֣ן מֹשֶׁ֔ה אֶת־צִפֹּרָ֖ה אֵ֣שֶׁת מֹשֶׁ֑ה אַחַ֖ר שִׁלּוּחֶֽיהָ׃

‎3 ‏וְאֵ֖ת שְׁנֵ֣י בָנֶ֑יהָ אֲשֶׁ֨ר שֵׁ֤ם הָֽאֶחָד֙ גֵּֽרְשֹׁ֔ם כִּ֣י אָמַ֔ר גֵּ֣ר הָיִ֔יתִי בְּאֶ֖רֶץ נָכְרִיָּֽה׃

‎4 ‏וְשֵׁ֥ם הָאֶחָ֖ד אֱלִיעֶ֑זֶר כִּֽי־אֱלֹהֵ֤י אָבִי֙ בְּעֶזְרִ֔י וַיַּצִּלֵ֖נִי מֵחֶ֥רֶב פַּרְעֹֽה׃

‎5 ‏וַיָּבֹ֞א יִתְר֨וֹ חֹתֵ֥ן מֹשֶׁ֛ה וּבָנָ֥יו וְאִשְׁתּ֖וֹ אֶל־מֹשֶׁ֑ה אֶל־הַמִּדְבָּ֗ר אֲשֶׁר־ה֛וּא חֹנֶ֥ה שָׁ֖ם הַ֥ר הָאֱלֹהִֽים׃

‎6 ‏וַיֹּ֙אמֶר֙ אֶל־מֹשֶׁ֔ה אֲנִ֛י חֹתֶנְךָ֥ יִתְר֖וֹ בָּ֣א אֵלֶ֑יךָ וְאִ֨שְׁתְּךָ֔ וּשְׁנֵ֥י בָנֶ֖יהָ עִמָּֽהּ׃

‎7 ‏וַיֵּצֵ֨א מֹשֶׁ֜ה לִקְרַ֣את חֹֽתְנ֗וֹ וַיִּשְׁתַּ֙חוּ֙ וַיִּשַּׁק־ל֔וֹ וַיִּשְׁאֲל֥וּ אִישׁ־לְרֵעֵ֖הוּ לְשָׁל֑וֹם וַיָּבֹ֖אוּ הָאֹֽהֱלָה׃

‎8 ‏וַיְסַפֵּ֤ר מֹשֶׁה֙ לְחֹ֣תְנ֔וֹ אֵת֩ כָּל־אֲשֶׁ֨ר עָשָׂ֤ה יְהוָה֙ לְפַרְעֹ֣ה וּלְמִצְרַ֔יִם עַ֖ל אוֹדֹ֣ת יִשְׂרָאֵ֑ל אֵ֤ת כָּל־הַתְּלָאָה֙ אֲשֶׁ֣ר מְצָאָ֣תַם בַּדֶּ֔רֶךְ וַיַּצִּלֵ֖ם יְהוָֽה׃

‎9 ‏וַיִּ֣חַדְּ יִתְר֔וֹ עַ֚ל כָּל־הַטּוֹבָ֔ה אֲשֶׁר־עָשָׂ֥ה יְהוָ֖ה לְיִשְׂרָאֵ֑ל אֲשֶׁ֥ר הִצִּיל֖וֹ מִיַּ֥ד מִצְרָֽיִם׃

‎10 ‏וַיֹּאמֶר֮ יִתְרוֹ֒ בָּר֣וּךְ יְהוָ֔ה אֲשֶׁ֨ר הִצִּ֥יל אֶתְכֶ֛ם מִיַּ֥ד מִצְרַ֖יִם וּמִיַּ֣ד פַּרְעֹ֑ה אֲשֶׁ֤ר הִצִּיל֙ אֶת־הָעָ֔ם מִתַּ֖חַת יַד־מִצְרָֽיִם׃

‎11 ‏עַתָּ֣ה יָדַ֔עְתִּי כִּֽי־גָד֥וֹל יְהוָ֖ה מִכָּל־הָאֱלֹהִ֑ים כִּ֣י בַדָּבָ֔ר אֲשֶׁ֥ר זָד֖וּ עֲלֵיהֶֽם׃

‎12 ‏וַיִּקַּ֞ח יִתְר֨וֹ חֹתֵ֥ן מֹשֶׁ֛ה עֹלָ֥ה וּזְבָחִ֖ים לֵֽאלֹהִ֑ים וַיָּבֹ֨א אַהֲרֹ֜ן וְכֹ֣ל׀ זִקְנֵ֣י יִשְׂרָאֵ֗ל לֶאֱכָל־לֶ֛חֶם עִם־חֹתֵ֥ן מֹשֶׁ֖ה לִפְנֵ֥י הָאֱלֹהִֽים׃

‎13 ‏וַיְהִי֙ מִֽמָּחֳרָ֔ת וַיֵּ֥שֶׁב מֹשֶׁ֖ה לִשְׁפֹּ֣ט אֶת־הָעָ֑ם וַיַּעֲמֹ֤ד הָעָם֙ עַל־מֹשֶׁ֔ה מִן־הַבֹּ֖קֶר עַד־הָעָֽרֶב׃

‎14 ‏וַיַּרְא֙ חֹתֵ֣ן מֹשֶׁ֔ה אֵ֛ת כָּל־אֲשֶׁר־ה֥וּא עֹשֶׂ֖ה לָעָ֑ם וַיֹּ֗אמֶר מָֽה־הַדָּבָ֤ר הַזֶּה֙ אֲשֶׁ֨ר אַתָּ֤ה עֹשֶׂה֙ לָעָ֔ם מַדּ֗וּעַ אַתָּ֤ה יוֹשֵׁב֙ לְבַדֶּ֔ךָ וְכָל־הָעָ֛ם נִצָּ֥ב עָלֶ֖יךָ מִן־בֹּ֥קֶר עַד־עָֽרֶב׃

‎15 ‏וַיֹּ֥אמֶר מֹשֶׁ֖ה לְחֹתְנ֑וֹ כִּֽי־יָבֹ֥א אֵלַ֛י הָעָ֖ם לִדְרֹ֥שׁ אֱלֹהִֽים׃

‎16 ‏כִּֽי־יִהְיֶ֨ה לָהֶ֤ם דָּבָר֙ בָּ֣א אֵלַ֔י וְשָׁ֣פַטְתִּ֔י בֵּ֥ין אִ֖ישׁ וּבֵ֣ין רֵעֵ֑הוּ וְהוֹדַעְתִּ֛י אֶת־חֻקֵּ֥י הָאֱלֹהִ֖ים וְאֶת־תּוֹרֹתָֽיו׃

‎17 ‏וַיֹּ֛אמֶר חֹתֵ֥ן מֹשֶׁ֖ה אֵלָ֑יו לֹא־טוֹב֙ הַדָּבָ֔ר אֲשֶׁ֥ר אַתָּ֖ה עֹשֶֽׂה׃

‎18 ‏נָבֹ֣ל תִּבֹּ֔ל גַּם־אַתָּ֕ה גַּם־הָעָ֥ם הַזֶּ֖ה אֲשֶׁ֣ר עִמָּ֑ךְ כִּֽי־כָבֵ֤ד מִמְּךָ֙ הַדָּבָ֔ר לֹא־תוּכַ֥ל עֲשֹׂ֖הוּ לְבַדֶּֽךָ׃

‎19 ‏עַתָּ֞ה שְׁמַ֤ע בְּקֹלִי֙ אִיעָ֣צְךָ֔ וִיהִ֥י אֱלֹהִ֖ים עִמָּ֑ךְ הֱיֵ֧ה אַתָּ֣ה לָעָ֗ם מ֚וּל הָֽאֱלֹהִ֔ים וְהֵבֵאתָ֥ אַתָּ֛ה אֶת־הַדְּבָרִ֖ים אֶל־הָאֱלֹהִֽים׃

‎20 ‏וְהִזְהַרְתָּ֣ה אֶתְהֶ֔ם אֶת־הַחֻקִּ֖ים וְאֶת־הַתּוֹרֹ֑ת וְהוֹדַעְתָּ֣ לָהֶ֗ם אֶת־הַדֶּ֙רֶךְ֙ יֵ֣לְכוּ בָ֔הּ וְאֶת־הַֽמַּעֲשֶׂ֖ה אֲשֶׁ֥ר יַעֲשֽׂוּן׃

‎21 ‏וְאַתָּ֣ה תֶחֱזֶ֣ה מִכָּל־הָ֠עָם אַנְשֵׁי־חַ֜יִל יִרְאֵ֧י אֱלֹהִ֛ים אַנְשֵׁ֥י אֱמֶ֖ת שֹׂ֣נְאֵי בָ֑צַע וְשַׂמְתָּ֣ עֲלֵהֶ֗ם שָׂרֵ֤י אֲלָפִים֙ שָׂרֵ֣י מֵא֔וֹת שָׂרֵ֥י חֲמִשִּׁ֖ים וְשָׂרֵ֥י עֲשָׂרֹֽת׃

‎22 ‏וְשָׁפְט֣וּ אֶת־הָעָם֮ בְּכָל־עֵת֒ וְהָיָ֞ה כָּל־הַדָּבָ֤ר הַגָּדֹל֙ יָבִ֣יאוּ אֵלֶ֔יךָ וְכָל־הַדָּבָ֥ר הַקָּטֹ֖ן יִשְׁפְּטוּ־הֵ֑ם וְהָקֵל֙ מֵֽעָלֶ֔יךָ וְנָשְׂא֖וּ אִתָּֽךְ׃

‎23 ‏אִ֣ם אֶת־הַדָּבָ֤ר הַזֶּה֙ תַּעֲשֶׂ֔ה וְצִוְּךָ֣ אֱלֹהִ֔ים וְיָֽכָלְתָּ֖ עֲמֹ֑ד וְגַם֙ כָּל־הָעָ֣ם הַזֶּ֔ה עַל־מְקֹמ֖וֹ יָבֹ֥א בְשָׁלֽוֹם׃

‎24 ‏וַיִּשְׁמַ֥ע מֹשֶׁ֖ה לְק֣וֹל חֹתְנ֑וֹ וַיַּ֕עַשׂ כֹּ֖ל אֲשֶׁ֥ר אָמָֽר׃

‎25 ‏וַיִּבְחַ֨ר מֹשֶׁ֤ה אַנְשֵׁי־חַ֙יִל֙ מִכָּל־יִשְׂרָאֵ֔ל וַיִּתֵּ֥ן אֹתָ֛ם רָאשִׁ֖ים עַל־הָעָ֑ם שָׂרֵ֤י אֲלָפִים֙ שָׂרֵ֣י מֵא֔וֹת שָׂרֵ֥י חֲמִשִּׁ֖ים וְשָׂרֵ֥י עֲשָׂרֹֽת׃

‎26 ‏וְשָׁפְט֥וּ אֶת־הָעָ֖ם בְּכָל־עֵ֑ת אֶת־הַדָּבָ֤ר הַקָּשֶׁה֙ יְבִיא֣וּן אֶל־מֹשֶׁ֔ה וְכָל־הַדָּבָ֥ר הַקָּטֹ֖ן יִשְׁפּוּט֥וּ הֵֽם׃

‎27 ‏וַיְשַׁלַּ֥ח מֹשֶׁ֖ה אֶת־חֹתְנ֑וֹ וַיֵּ֥לֶךְ ל֖וֹ אֶל־אַרְצֽוֹ׃ פ

1 wayyišəm^a‘ yiṯərwō ḵōhēn miḏəyān ḥōṯēn mōšeh ’ēṯ kāl-’ăšer ‘āśâ ’ĕlōhîm ləmōšeh ûləyiśərā’ēl ‘ammwō kî-hwōṣî’ yəhwâ ’eṯ-yiśərā’ēl mimmiṣərāyim:

2 wayyiqq^aḥ yiṯərwō ḥōṯēn mōšeh ’eṯ-ṣipōrâ ’ēšeṯ mōšeh ’^aḥar šillûḥeyhā:

3 wə’ēṯ šənê ḇāneyhā ’ăšer šēm hā’eḥāḏ gērəšōm kî ’āmar gēr hāyîṯî bə’ereṣ nāḵərîyâ:

4 wəšēm hā’eḥāḏ ’ĕlî‘ezer kî-’ĕlōhê ’āḇî bə‘ezərî wayyaṣṣilēnî mēḥereḇ parə‘ōh:

5 wayyāḇō’ yiṯərwō ḥōṯēn mōšeh ûḇānāyw wə’išətwō ’el-mōšeh ’el-hammiḏəbār ’ăšer-hû’ ḥōneh šām har hā’ĕlōhîm:

6 wayyō’mer ’el-mōšeh ’ănî ḥōṯenəḵā yiṯərwō bā’ ’ēleyḵā wə’išətəḵā ûšənê ḇāneyhā ‘immāh:

7 wayyēṣē’ mōšeh liqəra’ṯ ḥōṯənwō wayyišət^aḥû wayyiššaq-lwō wayyišə’ălû ’îš-lərē‘ēhû ləšālwōm wayyāḇō’û hā’ōhĕlâ:

8 wayəsapēr mōšeh ləḥōṯənwō ’ēṯ kāl-’ăšer ‘āśâ yəhwâ ləfarə‘ōh ûləmiṣərayim ‘al ’wōḏōṯ yiśərā’ēl ’ēṯ kāl-hatəlā’â ’ăšer məṣā’āṯam badereḵə wayyaṣṣilēm yəhwâ:

9 wayyiḥadə yiṯərwō ‘al kāl-haṭṭwōḇâ ’ăšer-‘āśâ yəhwâ ləyiśərā’ēl ’ăšer hiṣṣîlwō mîyaḏ miṣərāyim:

10 wayyō’mer yiṯərwō bārûḵə yəhwâ ’ăšer hiṣṣîl ’eṯəḵem mîyaḏ miṣərayim ûmîyaḏ parə‘ōh ’ăšer hiṣṣîl ’eṯ-hā‘ām mit^aḥaṯ yaḏ-miṣərāyim:

11 ‘atâ yāḏ^a‘ətî kî-ḡāḏwōl yəhwâ mikāl-hā’ĕlōhîm kî ḇadāḇār ’ăšer zāḏû ‘ălêhem:

12 wayyiqq^aḥ yiṯərwō ḥōṯēn mōšeh ‘ōlâ ûzəḇāḥîm lē’lōhîm wayyāḇō’ ’ahărōn wəḵōl| ziqənê yiśərā’ēl le’ĕḵāl-leḥem ‘im-ḥōṯēn mōšeh lifənê hā’ĕlōhîm:

13 wayəhî mimmāḥŏrāṯ wayyēšeḇ mōšeh lišəpōṭ ’eṯ-hā‘ām wayy^a‘ămōḏ hā‘ām ‘al-mōšeh min-habōqer ‘aḏ-hā‘āreḇ:

14 wayyarə’ ḥōṯēn mōšeh ’ēṯ kāl-’ăšer-hû’ ‘ōśeh lā‘ām wayyō’mer mâ-hadāḇār hazzeh ’ăšer ’atâ ‘ōśeh lā‘ām madû‘a ’atâ ywōšēḇ ləḇadeḵā wəḵāl-hā‘ām niṣṣāḇ ‘āleyḵā min-bōqer ‘aḏ-‘āreḇ:

15 wayyō’mer mōšeh ləḥōṯənwō kî-yāḇō’ ’ēlay hā‘ām liḏərōš ’ĕlōhîm:

16 kî-yihəyeh lâem dāḇār bā’ ’ēlay wəšāfaṭətî bên ’îš ûḇên rē‘ēhû wəhwōḏ^a‘ətî ’eṯ-ḥuqqê hā’ĕlōhîm wə’eṯ-twōrōṯāyw:

17 wayyō’mer ḥōṯēn mōšeh ’ēlāyw lō’-ṭwōḇ hadāḇār ’ăšer ’atâ ‘ōśeh:

18 nāḇōl tibōl gam-’atâ gam-hā‘ām hazzeh ’ăšer ‘immāḵə kî-ḵāḇēḏ mimməḵā hadāḇār lō’-ṯûḵal ‘ăśōhû ləḇadeḵā:

19 ‘atâ šəm^a‘ bəqōlî ’î‘āṣəḵā wîhî ’ĕlōhîm ‘immāḵə hĕyēh ’atâ lā‘ām mûl hā’ĕlōhîm wəhēḇē’ṯā ’atâ ’eṯ-hadəḇārîm ’el-hā’ĕlōhîm:

20 wəhizəharətâ ’eṯəhem ’eṯ-h^aḥuqqîm wə’eṯ-hatwōrōṯ wəhwōḏ^a‘ətā lâem ’eṯ-hadereḵə yēləḵû ḇāh wə’eṯ-hamm^a‘ăśeh ’ăšer y^a‘ăśûn:

21 wə’atâ ṯeḥĕzeh mikāl-hā‘ām ’anəšê-ḥayil yirə’ê ’ĕlōhîm ’anəšê ’ĕmeṯ śōnə’ê ḇāṣ^a‘ wəśamətā ‘ălēhem śārê ’ălāfîm śārê mē’wōṯ śārê ḥămiššîm wəśārê ‘ăśārōṯ:

22 wəšāfəṭû ’eṯ-hā‘ām bəḵāl-‘ēṯ wəhāyâ kāl-hadāḇār hagāḏōl yāḇî’û ’ēleyḵā wəḵāl-hadāḇār haqqāṭōn yišəpəṭû-hēm wəhāqēl mē‘āleyḵā wənāśə’û ’itāḵə:

23 ’im ’eṯ-hadāḇār hazzeh t^a‘ăśeh wəṣiûəḵā ’ĕlōhîm wəyāḵālətā ‘ămōḏ wəḡam kāl-hā‘ām hazzeh ‘al-məqōmwō yāḇō’ ḇəšālwōm:

24 wayyišəm^a‘ mōšeh ləqwōl ḥōṯənwō wayy^a‘aś kōl ’ăšer ’āmār:

25 wayyiḇəḥar mōšeh ’anəšê-ḥayil mikāl-yiśərā’ēl wayyitēn ’ōṯām rā’šîm ‘al-hā‘ām śārê ’ălāfîm śārê mē’wōṯ śārê ḥămiššîm wəśārê ‘ăśārōṯ:

26 wəšāfəṭû ’eṯ-hā‘ām bəḵāl-‘ēṯ ’eṯ-hadāḇār haqqāšeh yəḇî’ûn ’el-mōšeh wəḵāl-hadāḇār haqqāṭōn yišəpûṭû hēm:

27 wayəšall^aḥ mōšeh ’eṯ-ḥōṯənwō wayyēleḵə lwō ’el-’arəṣwō: f

‎1 ‏בַּחֹ֙דֶשׁ֙ הַשְּׁלִישִׁ֔י לְצֵ֥את בְּנֵי־יִשְׂרָאֵ֖ל מֵאֶ֣רֶץ מִצְרָ֑יִם בַּיּ֣וֹם הַזֶּ֔ה בָּ֖אוּ מִדְבַּ֥ר סִינָֽי׃

‎2 ‏וַיִּסְע֣וּ מֵרְפִידִ֗ים וַיָּבֹ֙אוּ֙ מִדְבַּ֣ר סִינַ֔י וַֽיַּחֲנ֖וּ בַּמִּדְבָּ֑ר וַיִּֽחַן־שָׁ֥ם יִשְׂרָאֵ֖ל נֶ֥גֶד הָהָֽר׃

‎3 ‏וּמֹשֶׁ֥ה עָלָ֖ה אֶל־הָאֱלֹהִ֑ים וַיִּקְרָ֨א אֵלָ֤יו יְהוָה֙ מִן־הָהָ֣ר לֵאמֹ֔ר כֹּ֤ה תֹאמַר֙ לְבֵ֣ית יַעֲקֹ֔ב וְתַגֵּ֖יד לִבְנֵ֥י יִשְׂרָאֵֽל׃

‎4 ‏אַתֶּ֣ם רְאִיתֶ֔ם אֲשֶׁ֥ר עָשִׂ֖יתִי לְמִצְרָ֑יִם וָאֶשָּׂ֤א אֶתְכֶם֙ עַל־כַּנְפֵ֣י נְשָׁרִ֔ים וָאָבִ֥א אֶתְכֶ֖ם אֵלָֽי׃

‎5 ‏וְעַתָּ֗ה אִם־שָׁמ֤וֹעַ תִּשְׁמְעוּ֙ בְּקֹלִ֔י וּשְׁמַרְתֶּ֖ם אֶת־בְּרִיתִ֑י וִהְיִ֨יתֶם לִ֤י סְגֻלָּה֙ מִכָּל־הָ֣עַמִּ֔ים כִּי־לִ֖י כָּל־הָאָֽרֶץ׃

‎6 ‏וְאַתֶּ֧ם תִּהְיוּ־לִ֛י מַמְלֶ֥כֶת כֹּהֲנִ֖ים וְג֣וֹי קָד֑וֹשׁ אֵ֚לֶּה הַדְּבָרִ֔ים אֲשֶׁ֥ר תְּדַבֵּ֖ר אֶל־בְּנֵ֥י יִשְׂרָאֵֽל׃

‎7 ‏וַיָּבֹ֣א מֹשֶׁ֔ה וַיִּקְרָ֖א לְזִקְנֵ֣י הָעָ֑ם וַיָּ֣שֶׂם לִפְנֵיהֶ֗ם אֵ֚ת כָּל־הַדְּבָרִ֣ים הָאֵ֔לֶּה אֲשֶׁ֥ר צִוָּ֖הוּ יְהוָֽה׃

‎8 ‏וַיַּעֲנ֨וּ כָל־הָעָ֤ם יַחְדָּו֙ וַיֹּ֣אמְר֔וּ כֹּ֛ל אֲשֶׁר־דִּבֶּ֥ר יְהוָ֖ה נַעֲשֶׂ֑ה וַיָּ֧שֶׁב מֹשֶׁ֛ה אֶת־דִּבְרֵ֥י הָעָ֖ם אֶל־יְהוָֽה׃

‎9 ‏וַיֹּ֨אמֶר יְהוָ֜ה אֶל־מֹשֶׁ֗ה הִנֵּ֨ה אָנֹכִ֜י בָּ֣א אֵלֶיךָ֮ בְּעַ֣ב הֶֽעָנָן֒ בַּעֲב֞וּר יִשְׁמַ֤ע הָעָם֙ בְּדַבְּרִ֣י עִמָּ֔ךְ וְגַם־בְּךָ֖ יַאֲמִ֣ינוּ לְעוֹלָ֑ם וַיַּגֵּ֥ד מֹשֶׁ֛ה אֶת־דִּבְרֵ֥י הָעָ֖ם אֶל־יְהוָֽה׃

‎10 ‏וַיֹּ֨אמֶר יְהוָ֤ה אֶל־מֹשֶׁה֙ לֵ֣ךְ אֶל־הָעָ֔ם וְקִדַּשְׁתָּ֥ם הַיּ֖וֹם וּמָחָ֑ר וְכִבְּס֖וּ שִׂמְלֹתָֽם׃

‎11 ‏וְהָי֥וּ נְכֹנִ֖ים לַיּ֣וֹם הַשְּׁלִישִׁ֑י כִּ֣י׀ בַּיּ֣וֹם הַשְּׁלִישִׁ֗י יֵרֵ֧ד יְהוָ֛ה לְעֵינֵ֥י כָל־הָעָ֖ם עַל־הַ֥ר סִינָֽי׃

‎12 ‏וְהִגְבַּלְתָּ֤ אֶת־הָעָם֙ סָבִ֣יב לֵאמֹ֔ר הִשָּׁמְר֥וּ לָכֶ֛ם עֲל֥וֹת בָּהָ֖ר וּנְגֹ֣עַ בְּקָצֵ֑הוּ כָּל־הַנֹּגֵ֥עַ בָּהָ֖ר מ֥וֹת יוּמָֽת׃

‎13 ‏לֹא־תִגַּ֨ע בּ֜וֹ יָ֗ד כִּֽי־סָק֤וֹל יִסָּקֵל֙ אוֹ־יָרֹ֣ה יִיָּרֶ֔ה אִם־בְּהֵמָ֥ה אִם־אִ֖ישׁ לֹ֣א יִחְיֶ֑ה בִּמְשֹׁךְ֙ הַיֹּבֵ֔ל הֵ֖מָּה יַעֲל֥וּ בָהָֽר׃

‎14 ‏וַיֵּ֧רֶד מֹשֶׁ֛ה מִן־הָהָ֖ר אֶל־הָעָ֑ם וַיְקַדֵּשׁ֙ אֶת־הָעָ֔ם וַֽיְכַבְּס֖וּ שִׂמְלֹתָֽם׃

‎15 ‏וַיֹּ֙אמֶר֙ אֶל־הָעָ֔ם הֱי֥וּ נְכֹנִ֖ים לִשְׁלֹ֣שֶׁת יָמִ֑ים אַֽל־תִּגְּשׁ֖וּ אֶל־אִשָּֽׁה׃

‎16 ‏וַיְהִי֩ בַיּ֨וֹם הַשְּׁלִישִׁ֜י בִּֽהְיֹ֣ת הַבֹּ֗קֶר וַיְהִי֩ קֹלֹ֨ת וּבְרָקִ֜ים וְעָנָ֤ן כָּבֵד֙ עַל־הָהָ֔ר וְקֹ֥ל שֹׁפָ֖ר חָזָ֣ק מְאֹ֑ד וַיֶּחֱרַ֥ד כָּל־הָעָ֖ם אֲשֶׁ֥ר בַּֽמַּחֲנֶֽה׃

‎17 ‏וַיּוֹצֵ֨א מֹשֶׁ֧ה אֶת־הָעָ֛ם לִקְרַ֥את הָֽאֱלֹהִ֖ים מִן־הַֽמַּחֲנֶ֑ה וַיִּֽתְיַצְּב֖וּ בְּתַחְתִּ֥ית הָהָֽר׃

‎18 ‏וְהַ֤ר סִינַי֙ עָשַׁ֣ן כֻּלּ֔וֹ מִ֠פְּנֵי אֲשֶׁ֨ר יָרַ֥ד עָלָ֛יו יְהוָ֖ה בָּאֵ֑שׁ וַיַּ֤עַל עֲשָׁנוֹ֙ כְּעֶ֣שֶׁן הַכִּבְשָׁ֔ן וַיֶּחֱרַ֥ד כָּל־הָהָ֖ר מְאֹֽד׃

‎19 ‏וַיְהִי֙³ ק֣וֹל הַשּׁוֹפָ֔ר הוֹלֵ֖ךְ וְחָזֵ֣ק מְאֹ֑ד מֹשֶׁ֣ה יְדַבֵּ֔ר וְהָאֱלֹהִ֖ים יַעֲנֶ֥נּוּ בְקֽוֹל׃

‎20 ‏וַיֵּ֧רֶד יְהוָ֛ה עַל־הַ֥ר סִינַ֖י אֶל־רֹ֣אשׁ הָהָ֑ר וַיִּקְרָ֨א יְהוָ֧ה לְמֹשֶׁ֛ה אֶל־רֹ֥אשׁ הָהָ֖ר וַיַּ֥עַל מֹשֶֽׁה׃

‎21 ‏וַיֹּ֤אמֶר יְהוָה֙ אֶל־מֹשֶׁ֔ה רֵ֖ד הָעֵ֣ד בָּעָ֑ם פֶּן־יֶהֶרְס֤וּ אֶל־יְהוָה֙ לִרְא֔וֹת וְנָפַ֥ל מִמֶּ֖נּוּ רָֽב׃

‎22 ‏וְגַ֧ם הַכֹּהֲנִ֛ים הַנִּגָּשִׁ֥ים אֶל־יְהוָ֖ה יִתְקַדָּ֑שׁוּ פֶּן־יִפְרֹ֥ץ בָּהֶ֖ם יְהוָֽה׃

‎23 ‏וַיֹּ֤אמֶר מֹשֶׁה֙ אֶל־יְהוָ֔ה לֹא־יוּכַ֣ל הָעָ֔ם לַעֲלֹ֖ת אֶל־הַ֣ר סִינָ֑י כִּֽי־אַתָּ֞ה הַעֵדֹ֤תָה בָּ֙נוּ֙ לֵאמֹ֔ר הַגְבֵּ֥ל אֶת־הָהָ֖ר וְקִדַּשְׁתּֽוֹ׃

‎24 ‏וַיֹּ֨אמֶר אֵלָ֤יו יְהוָה֙ לֶךְ־רֵ֔ד וְעָלִ֥יתָ אַתָּ֖ה וְאַהֲרֹ֣ן עִמָּ֑ךְ וְהַכֹּהֲנִ֣ים וְהָעָ֗ם אַל־יֶֽהֶרְס֛וּ לַעֲלֹ֥ת אֶל־יְהוָ֖ה פֶּן־יִפְרָץ־בָּֽם׃

‎25 ‏וַיֵּ֥רֶד מֹשֶׁ֖ה אֶל־הָעָ֑ם וַיֹּ֖אמֶר אֲלֵהֶֽם׃ ס

1 b^aḥōḏeš haššəlîšî ləṣē’ṯ bənê-yiśərā’ēl mē’ereṣ miṣərāyim bayywōm hazzeh bā’û miḏəbar sînāy:

2 wayyisə‘û mērəfîḏîm wayyāḇō’û miḏəbar sînay wayy^aḥănû bammiḏəbār wayyiḥan-šām yiśərā’ēl neḡeḏ hâār:

3 ûmōšeh ‘ālâ ’el-hā’ĕlōhîm wayyiqərā’ ’ēlāyw yəhwâ min-hâār lē’mōr kōh ṯō’mar ləḇêṯ y^a‘ăqōḇ wəṯagêḏ liḇənê yiśərā’ēl:

4 ’atem rə’îṯem ’ăšer ‘āśîṯî ləmiṣərāyim wā’eśśā’ ’eṯəḵem ‘al-kanəfê nəšārîm wā’āḇi’ ’eṯəḵem ’ēlāy:

5 wə‘atâ ’im-šāmwō‘a tišəmə‘û bəqōlî ûšəmarətem ’eṯ-bərîṯî wihəyîṯem lî səḡullâ mikāl-hā‘ammîm kî-lî kāl-hā’āreṣ:

6 wə’atem tihəyû-lî maməleḵeṯ kōhănîm wəḡwōy qāḏwōš ’ēlleh hadəḇārîm ’ăšer təḏabēr ’el-bənê yiśərā’ēl:

7 wayyāḇō’ mōšeh wayyiqərā’ ləziqənê hā‘ām wayyāśem lifənêhem ’ēṯ kāl-hadəḇārîm hā’ēlleh ’ăšer ṣiûâû yəhwâ:

8 wayy^a‘ănû ḵāl-hā‘ām y^aḥədāw wayyō’mərû kōl ’ăšer-diber yəhwâ n^a‘ăśeh wayyāšeḇ mōšeh ’eṯ-diḇərê hā‘ām ’el-yəhwâ:

9 wayyō’mer yəhwâ ’el-mōšeh hinnēh ’ānōḵî bā’ ’ēleyḵā bə‘aḇ he‘ānān b^a‘ăḇûr yišəm^a‘ hā‘ām bəḏabərî ‘immāḵə wəḡam-bəḵā ya’ămînû lə‘wōlām wayyagēḏ mōšeh ’eṯ-diḇərê hā‘ām ’el-yəhwâ:

10 wayyō’mer yəhwâ ’el-mōšeh lēḵə ’el-hā‘ām wəqidašətām hayywōm ûmāḥār wəḵibəsû śiməlōṯām:

11 wəhāyû nəḵōnîm layywōm haššəlîšî kî| bayywōm haššəlîšî yērēḏ yəhwâ lə‘ênê ḵāl-hā‘ām ‘al-har sînāy:

12 wəhiḡəbalətā ’eṯ-hā‘ām sāḇîḇ lē’mōr hiššāmərû lāḵem ‘ălwōṯ bâār ûnəḡō‘a bəqāṣēhû kāl-hannōḡē‘a bâār mwōṯ yûmāṯ:

13 lō’-ṯig^a‘ bwō yāḏ kî-sāqwōl yissāqēl ’wō-yārōh yîyāreh ’im-bəhēmâ ’im-’îš lō’ yiḥəyeh biməšōḵə hayyōḇēl hēmmâ y^a‘ălû ḇâār:

14 wayyēreḏ mōšeh min-hâār ’el-hā‘ām wayəqadēš ’eṯ-hā‘ām wayəḵabəsû śiməlōṯām:

15 wayyō’mer ’el-hā‘ām hĕyû nəḵōnîm lišəlōšeṯ yāmîm ’al-tigəšû ’el-’iššâ:

16 wayəhî ḇayywōm haššəlîšî bihəyōṯ habōqer wayəhî qōlōṯ ûḇərāqîm wə‘ānān kāḇēḏ ‘al-hâār wəqōl šōfār ḥāzāq mə’ōḏ wayyeḥĕraḏ kāl-hā‘ām ’ăšer bamm^aḥăneh:

17 wayywōṣē’ mōšeh ’eṯ-hā‘ām liqəra’ṯ hā’ĕlōhîm min-hamm^aḥăneh wayyiṯəyaṣṣəḇû bəṯ^aḥətîṯ hâār:

18 wəhar sînay ‘āšan kullwō mipənê ’ăšer yāraḏ ‘ālāyw yəhwâ bā’ēš wayy^a‘al ‘ăšānwō kə‘ešen hakiḇəšān wayyeḥĕraḏ kāl-hâār mə’ōḏ:

19 wayəhî³ qwōl haššwōfār hwōlēḵə wəḥāzēq mə’ōḏ mōšeh yəḏabēr wəhā’ĕlōhîm y^a‘ănennû ḇəqwōl:

20 wayyēreḏ yəhwâ ‘al-har sînay ’el-rō’š hâār wayyiqərā’ yəhwâ ləmōšeh ’el-rō’š hâār wayy^a‘al mōšeh:

21 wayyō’mer yəhwâ ’el-mōšeh rēḏ hā‘ēḏ bā‘ām pen-yeherəsû ’el-yəhwâ lirə’wōṯ wənāfal mimmennû rāḇ:

22 wəḡam hakōhănîm hannigāšîm ’el-yəhwâ yiṯəqadāšû pen-yifərōṣ bâem yəhwâ:

23 wayyō’mer mōšeh ’el-yəhwâ lō’-yûḵal hā‘ām l^a‘ălōṯ ’el-har sînāy kî-’atâ h^a‘ēḏōṯâ bānû lē’mōr haḡəbēl ’eṯ-hâār wəqidašətwō:

24 wayyō’mer ’ēlāyw yəhwâ leḵə-rēḏ wə‘ālîṯā ’atâ wə’ahărōn ‘immāḵə wəhakōhănîm wəhā‘ām ’al-yeherəsû l^a‘ălōṯ ’el-yəhwâ pen-yifərāṣ-bām:

25 wayyēreḏ mōšeh ’el-hā‘ām wayyō’mer ’ălēhem: s

‎1 ‏וַיְדַבֵּ֣ר אֱלֹהִ֔ים אֵ֛ת כָּל־הַדְּבָרִ֥ים הָאֵ֖לֶּה לֵאמֹֽר׃ ס

‎2 ‏אָֽנֹכִ֖י֙ יְהוָ֣ה אֱלֹהֶ֑֔יךָ אֲשֶׁ֧ר הוֹצֵאתִ֛יךָ מֵאֶ֥רֶץ מִצְרַ֖יִם מִבֵּ֣֥ית עֲבָדִֽ֑ים׃

‎3 ‏לֹֽ֣א יִהְיֶֽה־לְךָ֛֩¹ אֱלֹהִ֥֨ים אֲחֵרִ֖֜ים עַל־פָּנָֽ֗יַ²

‎4 ‏לֹֽ֣א תַֽעֲשֶׂ֨ה־לְךָ֥֣ פֶ֣֙סֶל֙׀^m וְכָל־תְּמוּנָ֡֔ה אֲשֶׁ֤֣ר בַּשָּׁמַ֣֙יִם֙׀ מִמַּ֡֔עַל וַֽאֲשֶׁ֥ר֩ בָּאָ֖֨רֶץ מִתַָּ֑֜חַת¹ וַאֲשֶׁ֥֣ר בַּמַּ֖֣יִם׀ מִתַּ֥֣חַת לָאָֽ֗רֶץ²

‎5 ‏לֹֽא־תִשְׁתַּחְוֶ֥֣ה¹ לָהֶ֖ם֮ וְלֹ֣א תָעָבְדֵ֑ם֒ כִּ֣י אָֽנֹכִ֞י יְהוָ֤ה אֱלֹהֶ֙יךָ֙ אֵ֣ל קַנָּ֔א פֹּ֠קֵד עֲוֹ֨ן אָבֹ֧ת עַל־בָּנִ֛ים עַל־שִׁלֵּשִׁ֥ים וְעַל־רִבֵּעִ֖ים לְשֹׂנְאָֽ֑י׃

‎6 ‏וְעֹ֥֤שֶׂה חֶ֖֙סֶד֙ לַאֲלָפִ֑֔ים לְאֹהֲבַ֖י וּלְשֹׁמְרֵ֥י מִצְוֹתָֽי׃ ס

‎7 ‏לֹ֥א תִשָּׂ֛א אֶת־שֵֽׁם־יְהוָ֥ה אֱלֹהֶ֖יךָ לַשָּׁ֑וְא כִּ֣י לֹ֤א יְנַקֶּה֙ יְהוָ֔ה אֵ֛ת אֲשֶׁר־יִשָּׂ֥א אֶת־שְׁמ֖וֹ לַשָּֽׁוְא׃ פ

‎8 ‏זָכ֛וֹר֩ אֶת־י֥֨וֹם הַשַּׁבָּ֖֜ת לְקַדְּשֽׁ֗וֹ²

‎9 ‏שֵׁ֤֣שֶׁת יָמִ֣ים֙ תַּֽעֲבֹ֔ד֮ וְעָשִׂ֖֣יתָ כָּל־מְלַאכְתֶּֽךָ֒²

‎10 ‏וְי֙וֹם֙ הַשְּׁבִיעִ֔֜י שַׁבָּ֖֣ת׀ לַיהוָ֣ה אֱלֹהֶ֑֗יךָ לֹֽ֣א־תַעֲשֶׂ֣֨ה כָל־מְלָאכָ֡֜ה אַתָּ֣ה׀ וּבִנְךָֽ֣־וּ֠בִתֶּ֗ךָ עַבְדְּךָ֤֨³ וַאֲמָֽתְךָ֜֙³ וּבְהֶמְתֶּ֔֗ךָ וְגֵרְךָ֖֙ אֲשֶׁ֥֣ר בִּשְׁעָרֶֽ֔יךָ²

‎11 ‏כִּ֣י שֵֽׁשֶׁת־יָמִים֩ עָשָׂ֨ה יְהוָ֜ה אֶת־הַשָּׁמַ֣יִם וְאֶת־הָאָ֗רֶץ אֶת־הַיָּם֙ וְאֶת־כָּל־אֲשֶׁר־בָּ֔ם וַיָּ֖נַח בַּיּ֣וֹם הַשְּׁבִיעִ֑י עַל־כֵּ֗ן בֵּרַ֧ךְ יְהוָ֛ה אֶת־י֥וֹם הַשַּׁבָּ֖ת וַֽיְקַדְּשֵֽׁהוּ׃ ס

‎12 ‏כַּבֵּ֥ד אֶת־אָבִ֖יךָ וְאֶת־אִמֶּ֑ךָ לְמַ֙עַן֙ יַאֲרִכ֣וּן יָמֶ֔יךָ עַ֚ל הָאֲדָמָ֔ה אֲשֶׁר־יְהוָ֥ה אֱלֹהֶ֖יךָ נֹתֵ֥ן לָֽךְ׃ ס

‎13 ‏לֹ֥֖א תִּֿרְצָֽ֖ח׃ ס

‎14 ‏לֹ֣֖א תִּֿנְאָֽ֑ף׃ ס

‎15 ‏לֹ֣֖א תִּֿגְנֹֽ֔ב׃ ס

‎16 ‏לֹֽא־תַעֲנֶ֥ה בְרֵעֲךָ֖ עֵ֥ד שָֽׁקֶר׃ ס

‎17 ‏לֹ֥א תַחְמֹ֖ד בֵּ֣ית רֵעֶ֑ךָ לֹֽא־תַחְמֹ֞ד אֵ֣שֶׁת רֵעֶ֗ךָ וְעַבְדּ֤וֹ וַאֲמָתוֹ֙ וְשׁוֹר֣וֹ וַחֲמֹר֔וֹ וְכֹ֖ל אֲשֶׁ֥ר לְרֵעֶֽךָ׃ פ

‎18 ‏וְכָל־הָעָם֩ רֹאִ֨ים אֶת־הַקּוֹלֹ֜ת וְאֶת־הַלַּפִּידִ֗ם וְאֵת֙ ק֣וֹל הַשֹּׁפָ֔ר וְאֶת־הָהָ֖ר עָשֵׁ֑ן וַיַּ֤רְא הָעָם֙ וַיָּנֻ֔עוּ וַיַּֽעַמְד֖וּ מֵֽרָחֹֽק׃

‎19 ‏וַיֹּֽאמְרוּ֙ אֶל־מֹשֶׁ֔ה דַּבֵּר־אַתָּ֥ה עִמָּ֖נוּ וְנִשְׁמָ֑עָה וְאַל־יְדַבֵּ֥ר עִמָּ֛נוּ אֱלֹהִ֖ים פֶּן־נָמֽוּת׃

‎20 ‏וַיֹּ֨אמֶר מֹשֶׁ֣ה אֶל־הָעָם֮ אַל־תִּירָאוּ֒ כִּ֗י לְבַֽעֲבוּר֙ נַסּ֣וֹת אֶתְכֶ֔ם בָּ֖א הָאֱלֹהִ֑ים וּבַעֲב֗וּר תִּהְיֶ֧ה יִרְאָת֛וֹ עַל־פְּנֵיכֶ֖ם לְבִלְתִּ֥י תֶחֱטָֽאוּ׃

‎21 ‏וַיַּעֲמֹ֥ד הָעָ֖ם מֵרָחֹ֑ק וּמֹשֶׁה֙ נִגַּ֣שׁ אֶל־הָֽעֲרָפֶ֔ל אֲשֶׁר־שָׁ֖ם הָאֱלֹהִֽים׃ פ

‎22 ‏וַיֹּ֤אמֶר יְהוָה֙ אֶל־מֹשֶׁ֔ה כֹּ֥ה תֹאמַ֖ר אֶל־בְּנֵ֣י יִשְׂרָאֵ֑ל אַתֶּ֣ם רְאִיתֶ֔ם כִּ֚י מִן־הַשָּׁמַ֔יִם דִּבַּ֖רְתִּי עִמָּכֶֽם׃

‎23 ‏לֹ֥א תַעֲשׂ֖וּן אִתִּ֑י אֱלֹ֤הֵי כֶ֙סֶף֙ וֵאלֹהֵ֣י זָהָ֔ב לֹ֥א תַעֲשׂ֖וּ לָכֶֽם׃

‎24 ‏מִזְבַּ֣ח אֲדָמָה֮ תַּעֲשֶׂה־לִּי֒ וְזָבַחְתָּ֣ עָלָ֗יו אֶת־עֹלֹתֶ֙יךָ֙ וְאֶת־שְׁלָמֶ֔יךָ אֶת־צֹֽאנְךָ֖ וְאֶת־בְּקָרֶ֑ךָ בְּכָל־הַמָּקוֹם֙ אֲשֶׁ֣ר אַזְכִּ֣יר אֶת־שְׁמִ֔י אָב֥וֹא אֵלֶ֖יךָ וּבֵרַכְתִּֽיךָ׃

‎25 ‏וְאִם־מִזְבַּ֤ח אֲבָנִים֙ תַּֽעֲשֶׂה־לִּ֔י לֹֽא־תִבְנֶ֥ה אֶתְהֶ֖ן גָּזִ֑ית כִּ֧י חַרְבְּךָ֛ הֵנַ֥פְתָּ עָלֶ֖יהָ וַתְּחַֽלְלֶֽהָ׃

‎26 ‏וְלֹֽא־תַעֲלֶ֥ה בְמַעֲלֹ֖ת עַֽל־מִזְבְּחִ֑י אֲשֶׁ֛ר לֹֽא־תִגָּלֶ֥ה עֶרְוָתְךָ֖ עָלָֽיו׃ פ

1 wayəḏabēr ’ĕlōhîm ’ēṯ kāl-hadəḇārîm hā’ēlleh lē’mōr: s

2 ’ānōḵî yəhwâ ’ĕlōheyḵā ’ăšer hwōṣē’ṯîḵā mē’ereṣ miṣərayim mibêṯ ‘ăḇāḏîm:

3 lō’ yihəyeh-ləḵā¹ ’ĕlōhîm ’ăḥērîm ‘al-pānāya²

4 lō’ ṯ^a‘ăśeh-ləḵā fesel|^m wəḵāl-təmûnâ ’ăšer baššāmayim| mimm^a‘al wa’ăšer bā’āreṣ mitā^aḥaṯ¹ wa’ăšer bammayim| mit^aḥaṯ lā’āreṣ²

5 lō’-ṯišət^aḥəweh¹ lâem wəlō’ ṯā‘āḇəḏēm kî ’ānōḵî yəhwâ ’ĕlōheyḵā ’ēl qannā’ pōqēḏ ‘ăwōn ’āḇōṯ ‘al-bānîm ‘al-šillēšîm wə‘al-ribē‘îm ləśōnə’āy:

6 wə‘ōśeh ḥeseḏ la’ălāfîm lə’ōhăḇay ûləšōmərê miṣəwōṯāy: s

7 lō’ ṯiśśā’ ’eṯ-šēm-yəhwâ ’ĕlōheyḵā laššāwə’ kî lō’ yənaqqeh yəhwâ ’ēṯ ’ăšer-yiśśā’ ’eṯ-šəmwō laššāwə’: f

8 zāḵwōr ’eṯ-ywōm haššabāṯ ləqadəšwō²

9 šēšeṯ yāmîm t^a‘ăḇōḏ wə‘āśîṯā kāl-məla’ḵəteḵā²

10 wəywōm haššəḇî‘î šabāṯ| layhwâ ’ĕlōheyḵā lō’-ṯ^a‘ăśeh ḵāl-məlā’ḵâ ’atâ| ûḇinəḵā-ûḇiteḵā ‘aḇədəḵā³ wa’ămāṯəḵā³ ûḇəheməteḵā wəḡērəḵā ’ăšer bišə‘āreyḵā²

11 kî šēšeṯ-yāmîm ‘āśâ yəhwâ ’eṯ-haššāmayim wə’eṯ-hā’āreṣ ’eṯ-hayyām wə’eṯ-kāl-’ăšer-bām wayyān^aḥ bayywōm haššəḇî‘î ‘al-kēn bēraḵə yəhwâ ’eṯ-ywōm haššabāṯ wayəqadəšēhû: s

12 kabēḏ ’eṯ-’āḇîḵā wə’eṯ-’immeḵā ləm^a‘an ya’ăriḵûn yāmeyḵā ‘al hā’ăḏāmâ ’ăšer-yəhwâ ’ĕlōheyḵā nōṯēn lāḵə: s

13 lō’ tirəṣāḥ: s

14 lō’ tinə’āf: s

15 lō’ tiḡənōḇ: s

16 lō’-ṯ^a‘ăneh ḇərē‘ăḵā ‘ēḏ šāqer: s

17 lō’ ṯ^aḥəmōḏ bêṯ rē‘eḵā lō’-ṯ^aḥəmōḏ ’ēšeṯ rē‘eḵā wə‘aḇədwō wa’ămāṯwō wəšwōrwō w^aḥămōrwō wəḵōl ’ăšer lərē‘eḵā: f

18 wəḵāl-hā‘ām rō’îm ’eṯ-haqqwōlōṯ wə’eṯ-hallapîḏim wə’ēṯ qwōl haššōfār wə’eṯ-hâār ‘āšēn wayyarə’ hā‘ām wayyānu‘û wayy^a‘aməḏû mērāḥōq:

19 wayyō’mərû ’el-mōšeh dabēr-’atâ ‘immānû wənišəmā‘â wə’al-yəḏabēr ‘immānû ’ĕlōhîm pen-nāmûṯ:

20 wayyō’mer mōšeh ’el-hā‘ām ’al-tîrā’û kî ləḇ^a‘ăḇûr nasswōṯ ’eṯəḵem bā’ hā’ĕlōhîm ûḇ^a‘ăḇûr tihəyeh yirə’āṯwō ‘al-pənêḵem ləḇilətî ṯeḥĕṭā’û:

21 wayy^a‘ămōḏ hā‘ām mērāḥōq ûmōšeh nigaš ’el-hā‘ărāfel ’ăšer-šām hā’ĕlōhîm: f

22 wayyō’mer yəhwâ ’el-mōšeh kōh ṯō’mar ’el-bənê yiśərā’ēl ’atem rə’îṯem kî min-haššāmayim dibarətî ‘immāḵem:

23 lō’ ṯ^a‘ăśûn ’itî ’ĕlōhê ḵesef wē’lōhê zâāḇ lō’ ṯ^a‘ăśû lāḵem:

24 mizəb^aḥ ’ăḏāmâ t^a‘ăśeh-llî wəzāḇ^aḥətā ‘ālāyw ’eṯ-‘ōlōṯeyḵā wə’eṯ-šəlāmeyḵā ’eṯ-ṣō’nəḵā wə’eṯ-bəqāreḵā bəḵāl-hammāqwōm ’ăšer ’azəkîr ’eṯ-šəmî ’āḇwō’ ’ēleyḵā ûḇēraḵətîḵā:

25 wə’im-mizəb^aḥ ’ăḇānîm t^a‘ăśeh-llî lō’-ṯiḇəneh ’eṯəhen gāzîṯ kî ḥarəbəḵā hēnafətā ‘āleyhā watəḥaləlehā:

26 wəlō’-ṯ^a‘ăleh ḇəm^a‘ălōṯ ‘al-mizəbəḥî ’ăšer lō’-ṯigāleh ‘erəwāṯəḵā ‘ālāyw: f

‎1 ‏וְאֵ֙לֶּה֙ הַמִּשְׁפָּטִ֔ים אֲשֶׁ֥ר תָּשִׂ֖ים לִפְנֵיהֶֽם׃

‎2 ‏כִּ֤י תִקְנֶה֙ עֶ֣בֶד עִבְרִ֔י שֵׁ֥שׁ שָׁנִ֖ים יַעֲבֹ֑ד וּבַ֨שְּׁבִעִ֔ת יֵצֵ֥א לַֽחָפְשִׁ֖י חִנָּֽם׃

‎3 ‏אִם־בְּגַפּ֥וֹ יָבֹ֖א בְּגַפּ֣וֹ יֵצֵ֑א אִם־בַּ֤עַל אִשָּׁה֙ ה֔וּא וְיָצְאָ֥ה אִשְׁתּ֖וֹ עִמּֽוֹ׃

‎4 ‏אִם־אֲדֹנָיו֙ יִתֶּן־ל֣וֹ אִשָּׁ֔ה וְיָלְדָה־ל֥וֹ בָנִ֖ים א֣וֹ בָנ֑וֹת הָאִשָּׁ֣ה וִילָדֶ֗יהָ תִּהְיֶה֙ לַֽאדֹנֶ֔יהָ וְה֖וּא יֵצֵ֥א בְגַפּֽוֹ׃

‎5 ‏וְאִם־אָמֹ֤ר יֹאמַר֙ הָעֶ֔בֶד אָהַ֙בְתִּי֙ אֶת־אֲדֹנִ֔י אֶת־אִשְׁתִּ֖י וְאֶת־בָּנָ֑י לֹ֥א אֵצֵ֖א חָפְשִֽׁי׃

‎6 ‏וְהִגִּישׁ֤וֹ אֲדֹנָיו֙ אֶל־הָ֣אֱלֹהִ֔ים וְהִגִּישׁוֹ֙ אֶל־הַדֶּ֔לֶת א֖וֹ אֶל־הַמְּזוּזָ֑ה וְרָצַ֨ע אֲדֹנָ֤יו אֶת־אָזְנוֹ֙ בַּמַּרְצֵ֔עַ וַעֲבָד֖וֹ לְעֹלָֽם׃ ס

‎7 ‏וְכִֽי־יִמְכֹּ֥ר אִ֛ישׁ אֶת־בִּתּ֖וֹ לְאָמָ֑ה לֹ֥א תֵצֵ֖א כְּצֵ֥את הָעֲבָדִֽים׃

‎8 ‏אִם־רָעָ֞ה בְּעֵינֵ֧י אֲדֹנֶ֛יהָ אֲשֶׁר־לא ל֥וֹ יְעָדָ֖הּ וְהֶפְדָּ֑הּ לְעַ֥ם נָכְרִ֛י לֹא־יִמְשֹׁ֥ל לְמָכְרָ֖הּ בְּבִגְדוֹ־בָֽהּ׃

‎9 ‏וְאִם־לִבְנ֖וֹ יִֽיעָדֶ֑נָּה כְּמִשְׁפַּ֥ט הַבָּנ֖וֹת יַעֲשֶׂה־לָּֽהּ׃

‎10 ‏אִם־אַחֶ֖רֶת יִֽקַּֽח־ל֑וֹ שְׁאֵרָ֛הּ כְּסוּתָ֥הּ וְעֹנָתָ֖הּ לֹ֥א יִגְרָֽע׃

‎11 ‏וְאִם־שְׁלָ֨שׁ־אֵ֔לֶּה לֹ֥א יַעֲשֶׂ֖ה לָ֑הּ וְיָצְאָ֥ה חִנָּ֖ם אֵ֥ין כָּֽסֶף׃ ס

‎12 ‏מַכֵּ֥ה אִ֛ישׁ וָמֵ֖ת מ֥וֹת יוּמָֽת׃

‎13 ‏וַאֲשֶׁר֙ לֹ֣א צָדָ֔ה וְהָאֱלֹהִ֖ים אִנָּ֣ה לְיָד֑וֹ וְשַׂמְתִּ֤י לְךָ֙ מָק֔וֹם אֲשֶׁ֥ר יָנ֖וּס שָֽׁמָּה׃ ס

‎14 ‏וְכִי־יָזִ֥ד³ אִ֛ישׁ עַל־רֵעֵ֖הוּ לְהָרְג֣וֹ בְעָרְמָ֑ה מֵעִ֣ם מִזְבְּחִ֔י תִּקָּחֶ֖נּוּ לָמֽוּת׃ ס

‎15 ‏וּמַכֵּ֥ה אָבִ֛יו וְאִמּ֖וֹ מ֥וֹת יוּמָֽת׃

‎16 ‏וְגֹנֵ֨ב אִ֧ישׁ וּמְכָר֛וֹ וְנִמְצָ֥א בְיָד֖וֹ מ֥וֹת יוּמָֽת׃ ס

‎17 ‏וּמְקַלֵּ֥ל אָבִ֛יו וְאִמּ֖וֹ מ֥וֹת יוּמָֽת׃ ס

‎18 ‏וְכִֽי־יְרִיבֻ֣ן אֲנָשִׁ֔ים וְהִכָּה־אִישׁ֙ אֶת־רֵעֵ֔הוּ בְּאֶ֖בֶן א֣וֹ בְאֶגְרֹ֑ף וְלֹ֥א יָמ֖וּת וְנָפַ֥ל לְמִשְׁכָּֽב׃

‎19 ‏אִם־יָק֞וּם וְהִתְהַלֵּ֥ךְ בַּח֛וּץ עַל־מִשְׁעַנְתּ֖וֹ וְנִקָּ֣ה הַמַּכֶּ֑ה רַ֥ק שִׁבְתּ֛וֹ יִתֵּ֖ן וְרַפֹּ֥א יְרַפֵּֽא׃ ס

‎20 ‏וְכִֽי־יַכֶּה֩ אִ֨ישׁ אֶת־עַבְדּ֜וֹ א֤וֹ אֶת־אֲמָתוֹ֙ בַּשֵּׁ֔בֶט וּמֵ֖ת תַּ֣חַת יָד֑וֹ נָקֹ֖ם יִנָּקֵֽם׃

‎21 ‏אַ֥ךְ אִם־י֛וֹם א֥וֹ יוֹמַ֖יִם יַעֲמֹ֑ד לֹ֣א יֻקַּ֔ם כִּ֥י כַסְפּ֖וֹ הֽוּא׃ ס

‎22 ‏וְכִֽי־יִנָּצ֣וּ אֲנָשִׁ֗ים וְנָ֨גְפ֜וּ אִשָּׁ֤ה הָרָה֙ וְיָצְא֣וּ יְלָדֶ֔יהָ וְלֹ֥א יִהְיֶ֖ה אָס֑וֹן עָנ֣וֹשׁ יֵעָנֵ֗שׁ כַּֽאֲשֶׁ֨ר יָשִׁ֤ית עָלָיו֙ בַּ֣עַל הָֽאִשָּׁ֔ה וְנָתַ֖ן בִּפְלִלִֽים׃

‎23 ‏וְאִם־אָס֖וֹן יִהְיֶ֑ה וְנָתַתָּ֥ה נֶ֖פֶשׁ תַּ֥חַת נָֽפֶשׁ׃

‎24 ‏עַ֚יִן תַּ֣חַת עַ֔יִן שֵׁ֖ן תַּ֣חַת שֵׁ֑ן יָ֚ד תַּ֣חַת יָ֔ד רֶ֖גֶל תַּ֥חַת רָֽגֶל׃

‎25 ‏כְּוִיָּה֙ תַּ֣חַת כְּוִיָּ֔ה פֶּ֖צַע תַּ֣חַת פָּ֑צַע חַבּוּרָ֕ה תַּ֖חַת חַבּוּרָֽה׃ ס

‎26 ‏וְכִֽי־יַכֶּ֨ה אִ֜ישׁ אֶת־עֵ֥ין עַבְדּ֛וֹ אֽוֹ־אֶת־עֵ֥ין אֲמָת֖וֹ וְשִֽׁחֲתָ֑הּ לַֽחָפְשִׁ֥י יְשַׁלְּחֶ֖נּוּ תַּ֥חַת עֵינֽוֹ׃ ס

‎27 ‏וְאִם־שֵׁ֥ן עַבְדּ֛וֹ אֽוֹ־שֵׁ֥ן אֲמָת֖וֹ יַפִּ֑יל לַֽחָפְשִׁ֥י יְשַׁלְּחֶ֖נּוּ תַּ֥חַת שִׁנּֽוֹ׃ פ

‎28 ‏וְכִֽי־יִגַּ֨ח שׁ֥וֹר אֶת־אִ֛ישׁ א֥וֹ אֶת־אִשָּׁ֖ה וָמֵ֑ת סָק֨וֹל יִסָּקֵ֜ל הַשּׁ֗וֹר וְלֹ֤א יֵאָכֵל֙ אֶת־בְּשָׂר֔וֹ וּבַ֥עַל הַשּׁ֖וֹר נָקִֽי׃

‎29 ‏וְאִ֡ם שׁוֹר֩ נַגָּ֨ח ה֜וּא מִתְּמֹ֣ל שִׁלְשֹׁ֗ם וְהוּעַ֤ד בִּבְעָלָיו֙ וְלֹ֣א יִשְׁמְרֶ֔נּוּ וְהֵמִ֥ית אִ֖ישׁ א֣וֹ אִשָּׁ֑ה הַשּׁוֹר֙ יִסָּקֵ֔ל וְגַם־בְּעָלָ֖יו יוּמָֽת׃

‎30 ‏אִם־כֹּ֖פֶר יוּשַׁ֣ת עָלָ֑יו וְנָתַן֙ פִּדְיֹ֣ן נַפְשׁ֔וֹ כְּכֹ֥ל אֲשֶׁר־יוּשַׁ֖ת עָלָֽיו׃

‎31 ‏אוֹ־בֵ֥ן יִגָּ֖ח אוֹ־בַ֣ת יִגָּ֑ח כַּמִּשְׁפָּ֥ט הַזֶּ֖ה יֵעָ֥שֶׂה לּֽוֹ׃

‎32 ‏אִם־עֶ֛בֶד יִגַּ֥ח הַשּׁ֖וֹר א֣וֹ אָמָ֑ה כֶּ֣סֶף׀ שְׁלֹשִׁ֣ים שְׁקָלִ֗ים יִתֵּן֙ לַֽאדֹנָ֔יו וְהַשּׁ֖וֹר יִסָּקֵֽל׃ ס

‎33 ‏וְכִֽי־יִפְתַּ֨ח אִ֜ישׁ בּ֗וֹר א֠וֹ כִּֽי־יִכְרֶ֥ה אִ֛ישׁ בֹּ֖ר וְלֹ֣א יְכַסֶּ֑נּוּ וְנָֽפַל־שָׁ֥מָּה שּׁ֖וֹר א֥וֹ חֲמֽוֹר׃

‎34 ‏בַּ֤עַל הַבּוֹר֙ יְשַׁלֵּ֔ם כֶּ֖סֶף יָשִׁ֣יב לִבְעָלָ֑יו וְהַמֵּ֖ת יִֽהְיֶה־לּֽוֹ׃ ס

‎35 ‏וְכִֽי־יִגֹּ֧ף שֽׁוֹר־אִ֛ישׁ אֶת־שׁ֥וֹר רֵעֵ֖הוּ וָמֵ֑ת וּמָ֨כְר֜וּ אֶת־הַשּׁ֤וֹר הַחַי֙ וְחָצ֣וּ אֶת־כַּסְפּ֔וֹ וְגַ֥ם אֶת־הַמֵּ֖ת יֶֽחֱצֽוּן׃

‎36 ‏א֣וֹ נוֹדַ֗ע כִּ֠י שׁ֣וֹר נַגָּ֥ח הוּא֙ מִתְּמ֣וֹל שִׁלְשֹׁ֔ם וְלֹ֥א יִשְׁמְרֶ֖נּוּ בְּעָלָ֑יו שַׁלֵּ֨ם יְשַׁלֵּ֥ם שׁוֹר֙ תַּ֣חַת הַשּׁ֔וֹר וְהַמֵּ֖ת יִֽהְיֶה־לּֽוֹ׃ ס

‎37 ‏כִּ֤י יִגְנֹֽב־אִישׁ֙ שׁ֣וֹר אוֹ־שֶׂ֔ה וּטְבָח֖וֹ א֣וֹ מְכָר֑וֹ חֲמִשָּׁ֣ה בָקָ֗ר יְשַׁלֵּם֙ תַּ֣חַת הַשּׁ֔וֹר וְאַרְבַּע־צֹ֖אן תַּ֥חַת הַשֶּֽׂה׃

1 wə’ēlleh hammišəpāṭîm ’ăšer tāśîm lifənêhem:

2 kî ṯiqəneh ‘eḇeḏ ‘iḇərî šēš šānîm y^a‘ăḇōḏ ûḇaššəḇi‘iṯ yēṣē’ l^aḥāfəšî ḥinnām:

3 ’im-bəḡapwō yāḇō’ bəḡapwō yēṣē’ ’im-b^a‘al ’iššâ hû’ wəyāṣə’â ’išətwō ‘immwō:

4 ’im-’ăḏōnāyw yiten-lwō ’iššâ wəyāləḏâ-lwō ḇānîm ’wō ḇānwōṯ hā’iššâ wîlāḏeyhā tihəyeh la’ḏōneyhā wəhû’ yēṣē’ ḇəḡapwō:

5 wə’im-’āmōr yō’mar hā‘eḇeḏ ’âaḇətî ’eṯ-’ăḏōnî ’eṯ-’išətî wə’eṯ-bānāy lō’ ’ēṣē’ ḥāfəšî:

6 wəhigîšwō ’ăḏōnāyw ’el-hā’ĕlōhîm wəhigîšwō ’el-hadeleṯ ’wō ’el-hamməzûzâ wərāṣ^a‘ ’ăḏōnāyw ’eṯ-’āzənwō bammarəṣē‘a w^a‘ăḇāḏwō lə‘ōlām: s

7 wəḵî-yiməkōr ’îš ’eṯ-bitwō lə’āmâ lō’ ṯēṣē’ kəṣē’ṯ hā‘ăḇāḏîm:

8 ’im-rā‘â bə‘ênê ’ăḏōneyhā ’ăšer-lō’ lwō yə‘āḏāh wəhefədāh lə‘am nāḵərî lō’-yiməšōl ləmāḵərāh bəḇiḡəḏwō-ḇāh:

9 wə’im-liḇənwō yî‘āḏennâ kəmišəpaṭ habānwōṯ y^a‘ăśeh-llāh:

10 ’im-’^aḥereṯ yiqq^aḥ-lwō šə’ērāh kəsûṯāh wə‘ōnāṯāh lō’ yiḡərā‘:

11 wə’im-šəlāš-’ēlleh lō’ y^a‘ăśeh lāh wəyāṣə’â ḥinnām ’ên kāsef: s

12 makēh ’îš wāmēṯ mwōṯ yûmāṯ:

13 wa’ăšer lō’ ṣāḏâ wəhā’ĕlōhîm ’innâ ləyāḏwō wəśamətî ləḵā māqwōm ’ăšer yānûs šāmmâ: s

14 wəḵî-yāziḏ³ ’îš ‘al-rē‘ēhû ləhārəḡwō ḇə‘ārəmâ mē‘im mizəbəḥî tiqqāḥennû lāmûṯ: s

15 ûmakēh ’āḇîw wə’immwō mwōṯ yûmāṯ:

16 wəḡōnēḇ ’îš ûməḵārwō wəniməṣā’ ḇəyāḏwō mwōṯ yûmāṯ: s

17 ûməqallēl ’āḇîw wə’immwō mwōṯ yûmāṯ: s

18 wəḵî-yərîḇun ’ănāšîm wəhikâ-’îš ’eṯ-rē‘ēhû bə’eḇen ’wō ḇə’eḡərōf wəlō’ yāmûṯ wənāfal ləmišəkāḇ:

19 ’im-yāqûm wəhiṯəhallēḵə b^aḥûṣ ‘al-mišə‘anətwō wəniqqâ hammakeh raq šiḇətwō yitēn wərapō’ yərapē’: s

20 wəḵî-yakeh ’îš ’eṯ-‘aḇədwō ’wō ’eṯ-’ămāṯwō baššēḇeṭ ûmēṯ t^aḥaṯ yāḏwō nāqōm yinnāqēm:

21 ’aḵə ’im-ywōm ’wō ywōmayim y^a‘ămōḏ lō’ yuqqam kî ḵasəpwō hû’: s

22 wəḵî-yinnāṣû ’ănāšîm wənāḡəfû ’iššâ hārâ wəyāṣə’û yəlāḏeyhā wəlō’ yihəyeh ’āswōn ‘ānwōš yē‘ānēš ka’ăšer yāšîṯ ‘ālāyw b^a‘al hā’iššâ wənāṯan bifəlilîm:

23 wə’im-’āswōn yihəyeh wənāṯatâ nefeš t^aḥaṯ nāfeš:

24 ‘ayin t^aḥaṯ ‘ayin šēn t^aḥaṯ šēn yāḏ t^aḥaṯ yāḏ reḡel t^aḥaṯ rāḡel:

25 kəwîyâ t^aḥaṯ kəwîyâ peṣ^a‘ t^aḥaṯ pāṣ^a‘ ḥabûrâ t^aḥaṯ ḥabûrâ: s

26 wəḵî-yakeh ’îš ’eṯ-‘ên ‘aḇədwō ’wō-’eṯ-‘ên ’ămāṯwō wəšiḥăṯāh l^aḥāfəšî yəšalləḥennû t^aḥaṯ ‘ênwō: s

27 wə’im-šēn ‘aḇədwō ’wō-šēn ’ămāṯwō yapîl l^aḥāfəšî yəšalləḥennû t^aḥaṯ šinnwō: f

28 wəḵî-yig^aḥ šwōr ’eṯ-’îš ’wō ’eṯ-’iššâ wāmēṯ sāqwōl yissāqēl haššwōr wəlō’ yē’āḵēl ’eṯ-bəśārwō ûḇ^a‘al haššwōr nāqî:

29 wə’im šwōr nagāḥ hû’ mitəmōl šiləšōm wəhû‘aḏ biḇə‘ālāyw wəlō’ yišəmərennû wəhēmîṯ ’îš ’wō ’iššâ haššwōr yissāqēl wəḡam-bə‘ālāyw yûmāṯ:

30 ’im-kōfer yûšaṯ ‘ālāyw wənāṯan piḏəyōn nafəšwō kəḵōl ’ăšer-yûšaṯ ‘ālāyw:

31 ’wō-ḇēn yigāḥ ’wō-ḇaṯ yigāḥ kammišəpāṭ hazzeh yē‘āśeh llwō:

32 ’im-‘eḇeḏ yig^aḥ haššwōr ’wō ’āmâ kesef| šəlōšîm šəqālîm yitēn la’ḏōnāyw wəhaššwōr yissāqēl: s

33 wəḵî-yifət^aḥ ’îš bwōr ’wō kî-yiḵəreh ’îš bōr wəlō’ yəḵassennû wənāfal-šāmmâ ššwōr ’wō ḥămwōr:

34 b^a‘al habwōr yəšallēm kesef yāšîḇ liḇə‘ālāyw wəhammēṯ yihəyeh-llwō: s

35 wəḵî-yigōf šwōr-’îš ’eṯ-šwōr rē‘ēhû wāmēṯ ûmāḵərû ’eṯ-haššwōr h^aḥay wəḥāṣû ’eṯ-kasəpwō wəḡam ’eṯ-hammēṯ yeḥĕṣûn:

36 ’wō nwōḏ^a‘ kî šwōr nagāḥ hû’ mitəmwōl šiləšōm wəlō’ yišəmərennû bə‘ālāyw šallēm yəšallēm šwōr t^aḥaṯ haššwōr wəhammēṯ yihəyeh-llwō: s

37 kî yiḡənōḇ-’îš šwōr ’wō-śeh ûṭəḇāḥwō ’wō məḵārwō ḥămiššâ ḇāqār yəšallēm t^aḥaṯ haššwōr wə’arəb^a‘-ṣō’n t^aḥaṯ haśśeh:

‎1 ‏אִם־בַּמַּחְתֶּ֛רֶת יִמָּצֵ֥א הַגַּנָּ֖ב וְהֻכָּ֣ה וָמֵ֑ת אֵ֥ין ל֖וֹ דָּמִֽים׃

‎2 ‏אִם־זָרְחָ֥ה הַשֶּׁ֛מֶשׁ עָלָ֖יו דָּמִ֣ים ל֑וֹ שַׁלֵּ֣ם יְשַׁלֵּ֔ם אִם־אֵ֣ין ל֔וֹ וְנִמְכַּ֖ר בִּגְנֵבָתֽוֹ׃

‎3 ‏אִֽם־הִמָּצֵא֩ תִמָּצֵ֨א בְיָד֜וֹ הַגְּנֵבָ֗ה מִשּׁ֧וֹר עַד־חֲמ֛וֹר עַד־שֶׂ֖ה חַיִּ֑ים שְׁנַ֖יִם יְשַׁלֵּֽם׃ ס

‎4 ‏כִּ֤י יַבְעֶר־אִישׁ֙ שָׂדֶ֣ה אוֹ־כֶ֔רֶם וְשִׁלַּח֙ אֶת־בעירה בְּעִיר֔וֹ וּבִעֵ֖ר בִּשְׂדֵ֣ה אַחֵ֑ר מֵיטַ֥ב שָׂדֵ֛הוּ וּמֵיטַ֥ב כַּרְמ֖וֹ יְשַׁלֵּֽם׃ ס

‎5 ‏כִּֽי־תֵצֵ֨א אֵ֜שׁ וּמָצְאָ֤ה קֹצִים֙ וְנֶאֱכַ֣ל גָּדִ֔ישׁ א֥וֹ הַקָּמָ֖ה א֣וֹ הַשָּׂדֶ֑ה שַׁלֵּ֣ם יְשַׁלֵּ֔ם הַמַּבְעִ֖ר אֶת־הַבְּעֵרָֽה׃ ס

‎6 ‏כִּֽי־יִתֵּן֩ אִ֨ישׁ אֶל־רֵעֵ֜הוּ כֶּ֤סֶף אֽוֹ־כֵלִים֙ לִשְׁמֹ֔ר וְגֻנַּ֖ב מִבֵּ֣ית הָאִ֑ישׁ אִם־יִמָּצֵ֥א הַגַּנָּ֖ב יְשַׁלֵּ֥ם שְׁנָֽיִם׃

‎7 ‏אִם־לֹ֤א יִמָּצֵא֙ הַגַּנָּ֔ב וְנִקְרַ֥ב בַּֽעַל־הַבַּ֖יִת אֶל־הָֽאֱלֹהִ֑ים אִם־לֹ֥א שָׁלַ֛ח יָד֖וֹ בִּמְלֶ֥אכֶת רֵעֵֽהוּ׃

‎8 ‏עַֽל־כָּל־דְּבַר־פֶּ֡שַׁע עַל־שׁ֡וֹר עַל־חֲ֠מוֹר עַל־שֶׂ֨ה עַל־שַׂלְמָ֜ה עַל־כָּל־אֲבֵדָ֗ה אֲשֶׁ֤ר יֹאמַר֙ כִּי־ה֣וּא זֶ֔ה עַ֚ד הָֽאֱלֹהִ֔ים יָבֹ֖א דְּבַר־שְׁנֵיהֶ֑ם אֲשֶׁ֤ר יַרְשִׁיעֻן֙ אֱלֹהִ֔ים יְשַׁלֵּ֥ם שְׁנַ֖יִם לְרֵעֵֽהוּ׃ ס

‎9 ‏כִּֽי־יִתֵּן֩ אִ֨ישׁ אֶל־רֵעֵ֜הוּ חֲמ֨וֹר אוֹ־שׁ֥וֹר אוֹ־שֶׂ֛ה וְכָל־בְּהֵמָ֖ה לִשְׁמֹ֑ר וּמֵ֛ת אוֹ־נִשְׁבַּ֥ר אוֹ־נִשְׁבָּ֖ה אֵ֥ין רֹאֶֽה׃

‎10 ‏שְׁבֻעַ֣ת יְהוָ֗ה תִּהְיֶה֙ בֵּ֣ין שְׁנֵיהֶ֔ם אִם־לֹ֥א שָׁלַ֛ח יָד֖וֹ בִּמְלֶ֣אכֶת רֵעֵ֑הוּ וְלָקַ֥ח בְּעָלָ֖יו וְלֹ֥א יְשַׁלֵּֽם׃

‎11 ‏וְאִם־גָּנֹ֥ב יִגָּנֵ֖ב מֵעִמּ֑וֹ יְשַׁלֵּ֖ם לִבְעָלָֽיו׃

‎12 ‏אִם־טָרֹ֥ף יִטָּרֵ֖ף יְבִאֵ֣הוּ עֵ֑ד הַטְּרֵפָ֖ה לֹ֥א יְשַׁלֵּֽם׃ פ

‎13 ‏וְכִֽי־יִשְׁאַ֥ל אִ֛ישׁ מֵעִ֥ם רֵעֵ֖הוּ וְנִשְׁבַּ֣ר אוֹ־מֵ֑ת בְּעָלָ֥יו אֵין־עִמּ֖וֹ שַׁלֵּ֥ם יְשַׁלֵּֽם׃

‎14 ‏אִם־בְּעָלָ֥יו עִמּ֖וֹ לֹ֣א יְשַׁלֵּ֑ם אִם־שָׂכִ֣יר ה֔וּא בָּ֖א בִּשְׂכָרֽוֹ׃ ס

‎15 ‏וְכִֽי־יְפַתֶּ֣ה אִ֗ישׁ בְּתוּלָ֛ה אֲשֶׁ֥ר לֹא־אֹרָ֖שָׂה וְשָׁכַ֣ב עִמָּ֑הּ מָהֹ֛ר יִמְהָרֶ֥נָּה לּ֖וֹ לְאִשָּֽׁה׃

‎16 ‏אִם־מָאֵ֧ן יְמָאֵ֛ן אָבִ֖יהָ לְתִתָּ֣הּ ל֑וֹ כֶּ֣סֶף יִשְׁקֹ֔ל כְּמֹ֖הַר הַבְּתוּלֹֽת׃ ס

‎17 ‏מְכַשֵּׁפָ֖ה לֹ֥א תְחַיֶּֽה׃ ס

‎18 ‏כָּל־שֹׁכֵ֥ב עִם־בְּהֵמָ֖ה מ֥וֹת יוּמָֽת׃ ס

‎19 ‏זֹבֵ֥חַ לָאֱלֹהִ֖ים יָֽחֳרָ֑ם בִּלְתִּ֥י לַיהוָ֖ה לְבַדּֽוֹ׃

‎20 ‏וְגֵ֥ר לֹא־תוֹנֶ֖ה וְלֹ֣א תִלְחָצֶ֑נּוּ כִּֽי־גֵרִ֥ים הֱיִיתֶ֖ם בְּאֶ֥רֶץ מִצְרָֽיִם׃

‎21 ‏כָּל־אַלְמָנָ֥ה וְיָת֖וֹם לֹ֥א תְעַנּֽוּן׃

‎22 ‏אִם־עַנֵּ֥ה תְעַנֶּ֖ה אֹת֑וֹ כִּ֣י אִם־צָעֹ֤ק יִצְעַק֙ אֵלַ֔י שָׁמֹ֥עַ אֶשְׁמַ֖ע צַעֲקָתֽוֹ׃

‎23 ‏וְחָרָ֣ה אַפִּ֔י וְהָרַגְתִּ֥י אֶתְכֶ֖ם בֶּחָ֑רֶב וְהָי֤וּ נְשֵׁיכֶם֙ אַלְמָנ֔וֹת וּבְנֵיכֶ֖ם יְתֹמִֽים׃ פ

‎24 ‏אִם־כֶּ֣סֶף׀ תַּלְוֶ֣ה אֶת־עַמִּ֗י אֶת־הֶֽעָנִי֙ עִמָּ֔ךְ לֹא־תִהְיֶ֥ה ל֖וֹ כְּנֹשֶׁ֑ה לֹֽא־תְשִׂימ֥וּן עָלָ֖יו נֶֽשֶׁךְ׃

‎25 ‏אִם־חָבֹ֥ל תַּחְבֹּ֖ל שַׂלְמַ֣ת רֵעֶ֑ךָ עַד־בֹּ֥א הַשֶּׁ֖מֶשׁ תְּשִׁיבֶ֥נּוּ לֽוֹ׃

‎26 ‏כִּ֣י הִ֤וא כסותה כְסוּתוֹ֙ לְבַדָּ֔הּ הִ֥וא שִׂמְלָת֖וֹ לְעֹר֑וֹ בַּמֶּ֣ה יִשְׁכָּ֔ב וְהָיָה֙ כִּֽי־יִצְעַ֣ק אֵלַ֔י וְשָׁמַעְתִּ֖י כִּֽי־חַנּ֥וּן אָֽנִי׃ ס

‎27 ‏אֱלֹהִ֖ים לֹ֣א תְקַלֵּ֑ל וְנָשִׂ֥יא בְעַמְּךָ֖ לֹ֥א תָאֹֽר׃

‎28 ‏מְלֵאָתְךָ֥ וְדִמְעֲךָ֖ לֹ֣א תְאַחֵ֑ר בְּכ֥וֹר בָּנֶ֖יךָ תִּתֶּן־לִּֽי׃³

‎29 ‏כֵּֽן־תַּעֲשֶׂ֥ה לְשֹׁרְךָ֖ לְצֹאנֶ֑ךָ שִׁבְעַ֤ת יָמִים֙ יִהְיֶ֣ה עִם־אִמּ֔וֹ בַּיּ֥וֹם הַשְּׁמִינִ֖י תִּתְּנוֹ־לִֽי׃

‎30 ‏וְאַנְשֵׁי־קֹ֖דֶשׁ תִּהְי֣וּן לִ֑י וּבָשָׂ֨ר בַּשָּׂדֶ֤ה טְרֵפָה֙ לֹ֣א תֹאכֵ֔לוּ לַכֶּ֖לֶב תַּשְׁלִכ֥וּן אֹתֽוֹ׃ ס

1 ’im-bamm^aḥətereṯ yimmāṣē’ hagannāḇ wəhukâ wāmēṯ ’ên lwō dāmîm:

2 ’im-zārəḥâ haššemeš ‘ālāyw dāmîm lwō šallēm yəšallēm ’im-’ên lwō wəniməkar biḡənēḇāṯwō:

3 ’im-himmāṣē’ ṯimmāṣē’ ḇəyāḏwō hagənēḇâ miššwōr ‘aḏ-ḥămwōr ‘aḏ-śeh ḥayyîm šənayim yəšallēm: s

4 kî yaḇə‘er-’îš śāḏeh ’wō-ḵerem wəšill^aḥ ’eṯ-bə‘îrōh bə‘îrwō ûḇi‘ēr biśəḏēh ’^aḥēr mêṭaḇ śāḏēhû ûmêṭaḇ karəmwō yəšallēm: s

5 kî-ṯēṣē’ ’ēš ûmāṣə’â qōṣîm wəne’ĕḵal gāḏîš ’wō haqqāmâ ’wō haśśāḏeh šallēm yəšallēm hammaḇə‘ir ’eṯ-habə‘ērâ: s

6 kî-yitēn ’îš ’el-rē‘ēhû kesef ’wō-ḵēlîm lišəmōr wəḡunnaḇ mibêṯ hā’îš ’im-yimmāṣē’ hagannāḇ yəšallēm šənāyim:

7 ’im-lō’ yimmāṣē’ hagannāḇ wəniqəraḇ b^a‘al-habayiṯ ’el-hā’ĕlōhîm ’im-lō’ šāl^aḥ yāḏwō biməle’ḵeṯ rē‘ēhû:

8 ‘al-kāl-dəḇar-peš^a‘ ‘al-šwōr ‘al-ḥămwōr ‘al-śeh ‘al-śaləmâ ‘al-kāl-’ăḇēḏâ ’ăšer yō’mar kî-hû’ zeh ‘aḏ hā’ĕlōhîm yāḇō’ dəḇar-šənêhem ’ăšer yarəšî‘un ’ĕlōhîm yəšallēm šənayim lərē‘ēhû: s

9 kî-yitēn ’îš ’el-rē‘ēhû ḥămwōr ’wō-šwōr ’wō-śeh wəḵāl-bəhēmâ lišəmōr ûmēṯ ’wō-nišəbar ’wō-nišəbâ ’ên rō’eh:

10 šəḇu‘aṯ yəhwâ tihəyeh bên šənêhem ’im-lō’ šāl^aḥ yāḏwō biməle’ḵeṯ rē‘ēhû wəlāq^aḥ bə‘ālāyw wəlō’ yəšallēm:

11 wə’im-gānōḇ yigānēḇ mē‘immwō yəšallēm liḇə‘ālāyw:

12 ’im-ṭārōf yiṭṭārēf yəḇi’ēhû ‘ēḏ haṭṭərēfâ lō’ yəšallēm: f

13 wəḵî-yišə’al ’îš mē‘im rē‘ēhû wənišəbar ’wō-mēṯ bə‘ālāyw ’ên-‘immwō šallēm yəšallēm:

14 ’im-bə‘ālāyw ‘immwō lō’ yəšallēm ’im-śāḵîr hû’ bā’ biśəḵārwō: s

15 wəḵî-yəfateh ’îš bəṯûlâ ’ăšer lō’-’ōrāśâ wəšāḵaḇ ‘immāh mâōr yiməhārennâ llwō lə’iššâ:

16 ’im-mā’ēn yəmā’ēn ’āḇîhā ləṯitāh lwō kesef yišəqōl kəmōhar habəṯûlōṯ: s

17 məḵaššēfâ lō’ ṯəḥayyeh: s

18 kāl-šōḵēḇ ‘im-bəhēmâ mwōṯ yûmāṯ: s

19 zōḇēḥa lā’ĕlōhîm yāḥŏrām bilətî layhwâ ləḇadwō:

20 wəḡēr lō’-ṯwōneh wəlō’ ṯiləḥāṣennû kî-ḡērîm hĕyîṯem bə’ereṣ miṣərāyim:

21 kāl-’aləmānâ wəyāṯwōm lō’ ṯə‘annûn:

22 ’im-‘annēh ṯə‘anneh ’ōṯwō kî ’im-ṣā‘ōq yiṣə‘aq ’ēlay šāmō‘a ’ešəm^a‘ ṣ^a‘ăqāṯwō:

23 wəḥārâ ’apî wəhāraḡətî ’eṯəḵem beḥāreḇ wəhāyû nəšêḵem ’aləmānwōṯ ûḇənêḵem yəṯōmîm: f

24 ’im-kesef| taləweh ’eṯ-‘ammî ’eṯ-he‘ānî ‘immāḵə lō’-ṯihəyeh lwō kənōšeh lō’-ṯəśîmûn ‘ālāyw nešeḵə:

25 ’im-ḥāḇōl t^aḥəbōl śaləmaṯ rē‘eḵā ‘aḏ-bō’ haššemeš təšîḇennû lwō:

26 kî hiw’ ḵəsûṯōh ḵəsûṯwō ləḇadāh hiw’ śiməlāṯwō lə‘ōrwō bammeh yišəkāḇ wəhāyâ kî-yiṣə‘aq ’ēlay wəšām^a‘ətî kî-ḥannûn ’ānî: s

27 ’ĕlōhîm lō’ ṯəqallēl wənāśî’ ḇə‘amməḵā lō’ ṯā’ōr:

28 məlē’āṯəḵā wəḏimə‘ăḵā lō’ ṯə’^aḥēr bəḵwōr bāneyḵā titen-llî:³

29 kēn-t^a‘ăśeh ləšōrəḵā ləṣō’neḵā šiḇə‘aṯ yāmîm yihəyeh ‘im-’immwō bayywōm haššəmînî titənwō-lî:

30 wə’anəšê-qōḏeš tihəyûn lî ûḇāśār baśśāḏeh ṭərēfâ lō’ ṯō’ḵēlû lakeleḇ tašəliḵûn ’ōṯwō: s

‎1 ‏לֹ֥א תִשָּׂ֖א שֵׁ֣מַע שָׁ֑וְא אַל־תָּ֤שֶׁת יָֽדְךָ֙ עִם־רָשָׁ֔ע לִהְיֹ֖ת עֵ֥ד חָמָֽס׃ ס

‎2 ‏לֹֽא־תִהְיֶ֥ה אַחֲרֵֽי־רַבִּ֖ים לְרָעֹ֑ת וְלֹא־תַעֲנֶ֣ה עַל־רִ֗ב לִנְטֹ֛ת אַחֲרֵ֥י רַבִּ֖ים לְהַטֹּֽת׃

‎3 ‏וְדָ֕ל לֹ֥א תֶהְדַּ֖ר בְּרִיבֽוֹ׃ ס

‎4 ‏כִּ֣י תִפְגַּ֞ע שׁ֧וֹר אֹֽיִבְךָ֛ א֥וֹ חֲמֹר֖וֹ תֹּעֶ֑ה הָשֵׁ֥ב תְּשִׁיבֶ֖נּוּ לֽוֹ׃ ס

‎5 ‏כִּֽי־תִרְאֶ֞ה חֲמ֣וֹר שֹׂנַאֲךָ֗ רֹבֵץ֙ תַּ֣חַת מַשָּׂא֔וֹ וְחָדַלְתָּ֖ מֵעֲזֹ֣ב ל֑וֹ עָזֹ֥ב תַּעֲזֹ֖ב עִמּֽוֹ׃ ס

‎6 ‏לֹ֥א תַטֶּ֛ה מִשְׁפַּ֥ט אֶבְיֹנְךָ֖ בְּרִיבֽוֹ׃

‎7 ‏מִדְּבַר־שֶׁ֖קֶר תִּרְחָ֑ק וְנָקִ֤י וְצַדִּיק֙ אַֽל־תַּהֲרֹ֔ג כִּ֥י לֹא־אַצְדִּ֖יק רָשָֽׁע׃

‎8 ‏וְשֹׁ֖חַד לֹ֣א תִקָּ֑ח כִּ֤י הַשֹּׁ֙חַד֙ יְעַוֵּ֣ר פִּקְחִ֔ים וִֽיסַלֵּ֖ף דִּבְרֵ֥י צַדִּיקִֽים׃

‎9 ‏וְגֵ֖ר לֹ֣א תִלְחָ֑ץ וְאַתֶּ֗ם יְדַעְתֶּם֙ אֶת־נֶ֣פֶשׁ הַגֵּ֔ר כִּֽי־גֵרִ֥ים הֱיִיתֶ֖ם בְּאֶ֥רֶץ מִצְרָֽיִם׃

‎10 ‏וְשֵׁ֥שׁ שָׁנִ֖ים תִּזְרַ֣ע אֶת־אַרְצֶ֑ךָ וְאָסַפְתָּ֖ אֶת־תְּבוּאָתָֽהּ׃

‎11 ‏וְהַשְּׁבִיעִ֞ת תִּשְׁמְטֶ֣נָּה וּנְטַשְׁתָּ֗הּ וְאָֽכְלוּ֙ אֶבְיֹנֵ֣י עַמֶּ֔ךָ וְיִתְרָ֕ם תֹּאכַ֖ל חַיַּ֣ת הַשָּׂדֶ֑ה כֵּֽן־תַּעֲשֶׂ֥ה לְכַרְמְךָ֖ לְזֵיתֶֽךָ׃

‎12 ‏שֵׁ֤שֶׁת יָמִים֙ תַּעֲשֶׂ֣ה מַעֲשֶׂ֔יךָ וּבַיּ֥וֹם הַשְּׁבִיעִ֖י תִּשְׁבֹּ֑ת לְמַ֣עַן יָנ֗וּחַ שֽׁוֹרְךָ֙ וַחֲמֹרֶ֔ךָ וְיִנָּפֵ֥שׁ בֶּן־אֲמָתְךָ֖ וְהַגֵּֽר׃

‎13 ‏וּבְכֹ֛ל אֲשֶׁר־אָמַ֥רְתִּי אֲלֵיכֶ֖ם תִּשָּׁמֵ֑רוּ וְשֵׁ֨ם אֱלֹהִ֤ים אֲחֵרִים֙ לֹ֣א תַזְכִּ֔ירוּ לֹ֥א יִשָּׁמַ֖ע עַל־פִּֽיךָ׃

‎14 ‏שָׁלֹ֣שׁ רְגָלִ֔ים תָּחֹ֥ג לִ֖י בַּשָּׁנָֽה׃

‎15 ‏אֶת־חַ֣ג הַמַּצּוֹת֮ תִּשְׁמֹר֒ שִׁבְעַ֣ת יָמִים֩ תֹּאכַ֨ל מַצּ֜וֹת כַּֽאֲשֶׁ֣ר צִוִּיתִ֗ךָ לְמוֹעֵד֙ חֹ֣דֶשׁ הָֽאָבִ֔יב כִּי־ב֖וֹ יָצָ֣אתָ מִמִּצְרָ֑יִם וְלֹא־יֵרָא֥וּ פָנַ֖י רֵיקָֽם׃

‎16 ‏וְחַ֤ג הַקָּצִיר֙ בִּכּוּרֵ֣י מַעֲשֶׂ֔יךָ אֲשֶׁ֥ר תִּזְרַ֖ע בַּשָּׂדֶ֑ה וְחַ֤ג הָֽאָסִף֙ בְּצֵ֣את הַשָּׁנָ֔ה בְּאָסְפְּךָ֥ אֶֽת־מַעֲשֶׂ֖יךָ מִן־הַשָּׂדֶֽה׃

‎17 ‏שָׁלֹ֥שׁ פְּעָמִ֖ים בַּשָּׁנָ֑ה יֵרָאֶה֙ כָּל־זְכ֣וּרְךָ֔ אֶל־פְּנֵ֖י הָאָדֹ֥ן׀ יְהוָֽה׃

‎18 ‏לֹֽא־תִזְבַּ֥ח עַל־חָמֵ֖ץ דַּם־זִבְחִ֑י וְלֹֽא־יָלִ֥ין חֵֽלֶב־חַגִּ֖י עַד־בֹּֽקֶר׃

‎19 ‏רֵאשִׁ֗ית בִּכּוּרֵי֙ אַדְמָ֣תְךָ֔ תָּבִ֕יא בֵּ֖ית יְהוָ֣ה אֱלֹהֶ֑יךָ לֹֽא־תְבַשֵּׁ֥ל גְּדִ֖י בַּחֲלֵ֥ב אִמּֽוֹ׃ ס

‎20 ‏הִנֵּ֨ה אָנֹכִ֜י שֹׁלֵ֤חַ מַלְאָךְ֙ לְפָנֶ֔יךָ לִשְׁמָרְךָ֖ בַּדָּ֑רֶךְ וְלַהֲבִ֣יאֲךָ֔ אֶל־הַמָּק֖וֹם אֲשֶׁ֥ר הֲכִנֹֽתִי׃

‎21 ‏הִשָּׁ֧מֶר מִפָּנָ֛יו וּשְׁמַ֥ע בְּקֹל֖וֹ אַל־תַּמֵּ֣ר בּ֑וֹ כִּ֣י לֹ֤א יִשָּׂא֙ לְפִשְׁעֲכֶ֔ם כִּ֥י שְׁמִ֖י בְּקִרְבּֽוֹ׃

‎22 ‏כִּ֣י אִם־שָׁמֹ֤עַ תִּשְׁמַע֙ בְּקֹל֔וֹ וְעָשִׂ֕יתָ כֹּ֖ל אֲשֶׁ֣ר אֲדַבֵּ֑ר וְאָֽיַבְתִּי֙ אֶת־אֹ֣יְבֶ֔יךָ וְצַרְתִּ֖י אֶת־צֹרְרֶֽיךָ׃

‎23 ‏כִּֽי־יֵלֵ֣ךְ מַלְאָכִי֮ לְפָנֶיךָ֒ וֶהֱבִֽיאֲךָ֗ אֶל־הָֽאֱמֹרִי֙ וְהַ֣חִתִּ֔י וְהַפְּרִזִּי֙ וְהַֽכְּנַעֲנִ֔י הַחִוִּ֖י וְהַיְבוּסִ֑י וְהִכְחַדְתִּֽיו׃

‎24 ‏לֹֽא־תִשְׁתַּחֲוֶ֤ה לֵאלֹֽהֵיהֶם֙ וְלֹ֣א תָֽעָבְדֵ֔ם וְלֹ֥א תַעֲשֶׂ֖ה כְּמַֽעֲשֵׂיהֶ֑ם כִּ֤י הָרֵס֙ תְּהָ֣רְסֵ֔ם וְשַׁבֵּ֥ר תְּשַׁבֵּ֖ר מַצֵּבֹתֵיהֶֽם׃

‎25 ‏וַעֲבַדְתֶּ֗ם אֵ֚ת יְהוָ֣ה אֱלֹֽהֵיכֶ֔ם וּבֵרַ֥ךְ אֶֽת־לַחְמְךָ֖ וְאֶת־מֵימֶ֑יךָ וַהֲסִרֹתִ֥י מַחֲלָ֖ה מִקִּרְבֶּֽךָ׃

‎26 ‏לֹ֥א תִהְיֶ֛ה מְשַׁכֵּלָ֥ה וַעֲקָרָ֖ה בְּאַרְצֶ֑ךָ אֶת־מִסְפַּ֥ר יָמֶ֖יךָ אֲמַלֵּֽא׃

‎27 ‏אֶת־אֵֽימָתִי֙ אֲשַׁלַּ֣ח לְפָנֶ֔יךָ וְהַמֹּתִי֙ אֶת־כָּל־הָעָ֔ם אֲשֶׁ֥ר תָּבֹ֖א בָּהֶ֑ם וְנָתַתִּ֧י אֶת־כָּל־אֹיְבֶ֛יךָ אֵלֶ֖יךָ עֹֽרֶף׃

‎28 ‏וְשָׁלַחְתִּ֥י אֶת־הַצִּרְעָ֖ה לְפָנֶ֑יךָ וְגֵרְשָׁ֗ה אֶת־הַחִוִּ֧י אֶת־הַֽכְּנַעֲנִ֛י וְאֶת־הַחִתִּ֖י מִלְּפָנֶֽיךָ׃

‎29 ‏לֹ֧א אֲגָרְשֶׁ֛נּוּ מִפָּנֶ֖יךָ בְּשָׁנָ֣ה אֶחָ֑ת פֶּן־תִּהְיֶ֤ה הָאָ֙רֶץ֙ שְׁמָמָ֔ה וְרַבָּ֥ה עָלֶ֖יךָ חַיַּ֥ת הַשָּׂדֶֽה׃

‎30 ‏מְעַ֥ט מְעַ֛ט אֲגָרְשֶׁ֖נּוּ מִפָּנֶ֑יךָ עַ֚ד אֲשֶׁ֣ר תִּפְרֶ֔ה וְנָחַלְתָּ֖ אֶת־הָאָֽרֶץ׃

‎31 ‏וְשַׁתִּ֣י אֶת־גְּבֻלְךָ֗ מִיַּם־סוּף֙ וְעַד־יָ֣ם פְּלִשְׁתִּ֔ים וּמִמִּדְבָּ֖ר עַד־הַנָּהָ֑ר כִּ֣י׀ אֶתֵּ֣ן בְּיֶדְכֶ֗ם אֵ֚ת יֹשְׁבֵ֣י הָאָ֔רֶץ וְגֵרַשְׁתָּ֖מוֹ מִפָּנֶֽיךָ׃

‎32 ‏לֹא־תִכְרֹ֥ת³ לָהֶ֛ם וְלֵאלֹֽהֵיהֶ֖ם בְּרִֽית׃

‎33 ‏לֹ֤א יֵשְׁבוּ֙ בְּאַרְצְךָ֔ פֶּן־יַחֲטִ֥יאוּ אֹתְךָ֖ לִ֑י כִּ֤י תַעֲבֹד֙ אֶת־אֱלֹ֣הֵיהֶ֔ם כִּֽי־יִהְיֶ֥ה לְךָ֖ לְמוֹקֵֽשׁ׃ פ

1 lō’ ṯiśśā’ šēm^a‘ šāwə’ ’al-tāšeṯ yāḏəḵā ‘im-rāšā‘ lihəyōṯ ‘ēḏ ḥāmās: s

2 lō’-ṯihəyeh ’^aḥărê-rabîm lərā‘ōṯ wəlō’-ṯ^a‘ăneh ‘al-riḇ linəṭōṯ ’^aḥărê rabîm ləhaṭṭōṯ:

3 wəḏāl lō’ ṯehədar bərîḇwō: s

4 kî ṯifəg^a‘ šwōr ’ōyiḇəḵā ’wō ḥămōrwō tō‘eh hāšēḇ təšîḇennû lwō: s

5 kî-ṯirə’eh ḥămwōr śōna’ăḵā rōḇēṣ t^aḥaṯ maśśā’wō wəḥāḏalətā mē‘ăzōḇ lwō ‘āzōḇ t^a‘ăzōḇ ‘immwō: s

6 lō’ ṯaṭṭeh mišəpaṭ ’eḇəyōnəḵā bərîḇwō:

7 midəḇar-šeqer tirəḥāq wənāqî wəṣadîq ’al-tahărōḡ kî lō’-’aṣədîq rāšā‘:

8 wəšōḥaḏ lō’ ṯiqqāḥ kî haššōḥaḏ yə‘aûēr piqəḥîm wîsallēf diḇərê ṣadîqîm:

9 wəḡēr lō’ ṯiləḥāṣ wə’atem yəḏ^a‘ətem ’eṯ-nefeš hagēr kî-ḡērîm hĕyîṯem bə’ereṣ miṣərāyim:

10 wəšēš šānîm tizər^a‘ ’eṯ-’arəṣeḵā wə’āsafətā ’eṯ-təḇû’āṯāh:

11 wəhaššəḇî‘iṯ tišəməṭennâ ûnəṭašətāh wə’āḵəlû ’eḇəyōnê ‘ammeḵā wəyiṯərām tō’ḵal ḥayyaṯ haśśāḏeh kēn-t^a‘ăśeh ləḵarəməḵā ləzêṯeḵā:

12 šēšeṯ yāmîm t^a‘ăśeh m^a‘ăśeyḵā ûḇayywōm haššəḇî‘î tišəbōṯ ləm^a‘an yānûḥa šwōrəḵā w^aḥămōreḵā wəyinnāfēš ben-’ămāṯəḵā wəhagēr:

13 ûḇəḵōl ’ăšer-’āmarətî ’ălêḵem tiššāmērû wəšēm ’ĕlōhîm ’ăḥērîm lō’ ṯazəkîrû lō’ yiššām^a‘ ‘al-pîḵā:

14 šālōš rəḡālîm tāḥōḡ lî baššānâ:

15 ’eṯ-ḥaḡ hammaṣṣwōṯ tišəmōr šiḇə‘aṯ yāmîm tō’ḵal maṣṣwōṯ ka’ăšer ṣiûîṯiḵā ləmwō‘ēḏ ḥōḏeš hā’āḇîḇ kî-ḇwō yāṣā’ṯā mimmiṣərāyim wəlō’-yērā’û fānay rêqām:

16 wəḥaḡ haqqāṣîr bikûrê m^a‘ăśeyḵā ’ăšer tizər^a‘ baśśāḏeh wəḥaḡ hā’āsif bəṣē’ṯ haššānâ bə’āsəpəḵā ’eṯ-m^a‘ăśeyḵā min-haśśāḏeh:

17 šālōš pə‘āmîm baššānâ yērā’eh kāl-zəḵûrəḵā ’el-pənê hā’āḏōn| yəhwâ:

18 lō’-ṯizəb^aḥ ‘al-ḥāmēṣ dam-ziḇəḥî wəlō’-yālîn ḥēleḇ-ḥagî ‘aḏ-bōqer:

19 rē’šîṯ bikûrê ’aḏəmāṯəḵā tāḇî’ bêṯ yəhwâ ’ĕlōheyḵā lō’-ṯəḇaššēl gəḏî b^aḥălēḇ ’immwō: s

20 hinnēh ’ānōḵî šōlēḥa malə’āḵə ləfāneyḵā lišəmārəḵā badāreḵə wəlahăḇî’ăḵā ’el-hammāqwōm ’ăšer hăḵinōṯî:

21 hiššāmer mipānāyw ûšəm^a‘ bəqōlwō ’al-tammēr bwō kî lō’ yiśśā’ ləfišə‘ăḵem kî šəmî bəqirəbwō:

22 kî ’im-šāmō‘a tišəm^a‘ bəqōlwō wə‘āśîṯā kōl ’ăšer ’ăḏabēr wə’āyaḇətî ’eṯ-’ōyəḇeyḵā wəṣarətî ’eṯ-ṣōrəreyḵā:

23 kî-yēlēḵə malə’āḵî ləfāneyḵā wehĕḇî’ăḵā ’el-hā’ĕmōrî wəh^aḥitî wəhapərizzî wəhakən^a‘ănî h^aḥiûî wəhayəḇûsî wəhiḵəḥaḏətîw:

24 lō’-ṯišət^aḥăweh lē’lōhêhem wəlō’ ṯā‘āḇəḏēm wəlō’ ṯ^a‘ăśeh kəm^a‘ăśêhem kî hārēs təhārəsēm wəšabēr təšabēr maṣṣēḇōṯêhem:

25 w^a‘ăḇaḏətem ’ēṯ yəhwâ ’ĕlōhêḵem ûḇēraḵə ’eṯ-l^aḥəməḵā wə’eṯ-mêmeyḵā wahăsirōṯî m^aḥălâ miqqirəbeḵā:

26 lō’ ṯihəyeh məšakēlâ w^a‘ăqārâ bə’arəṣeḵā ’eṯ-misəpar yāmeyḵā ’ămallē’:

27 ’eṯ-’êmāṯî ’ăšall^aḥ ləfāneyḵā wəhammōṯî ’eṯ-kāl-hā‘ām ’ăšer tāḇō’ bâem wənāṯatî ’eṯ-kāl-’ōyəḇeyḵā ’ēleyḵā ‘ōref:

28 wəšāl^aḥətî ’eṯ-haṣṣirə‘â ləfāneyḵā wəḡērəšâ ’eṯ-h^aḥiûî ’eṯ-hakən^a‘ănî wə’eṯ-h^aḥitî milləfāneyḵā:

29 lō’ ’ăḡārəšennû mipāneyḵā bəšānâ ’eḥāṯ pen-tihəyeh hā’āreṣ šəmāmâ wərabâ ‘āleyḵā ḥayyaṯ haśśāḏeh:

30 mə‘aṭ mə‘aṭ ’ăḡārəšennû mipāneyḵā ‘aḏ ’ăšer tifəreh wənāḥalətā ’eṯ-hā’āreṣ:

31 wəšatî ’eṯ-gəḇuləḵā mîyam-sûf wə‘aḏ-yām pəlišətîm ûmimmiḏəbār ‘aḏ-hannâār kî| ’etēn bəyeḏəḵem ’ēṯ yōšəḇê hā’āreṣ wəḡērašətāmwō mipāneyḵā:

32 lō’-ṯiḵərōṯ³ lâem wəlē’lōhêhem bərîṯ:

33 lō’ yēšəḇû bə’arəṣəḵā pen-y^aḥăṭî’û ’ōṯəḵā lî kî ṯ^a‘ăḇōḏ ’eṯ-’ĕlōhêhem kî-yihəyeh ləḵā ləmwōqēš: f

‎1 ‏וְאֶל־מֹשֶׁ֨ה אָמַ֜ר עֲלֵ֣ה אֶל־יְהוָ֗ה אַתָּה֙ וְאַהֲרֹן֙ נָדָ֣ב וַאֲבִיה֔וּא וְשִׁבְעִ֖ים מִזִּקְנֵ֣י יִשְׂרָאֵ֑ל וְהִשְׁתַּחֲוִיתֶ֖ם מֵרָחֹֽק׃

‎2 ‏וְנִגַּ֨שׁ מֹשֶׁ֤ה לְבַדּוֹ֙ אֶל־יְהוָ֔ה וְהֵ֖ם לֹ֣א יִגָּ֑שׁוּ וְהָעָ֕ם לֹ֥א יַעֲל֖וּ עִמּֽוֹ׃

‎3 ‏וַיָּבֹ֣א מֹשֶׁ֗ה וַיְסַפֵּ֤ר לָעָם֙ אֵ֚ת כָּל־דִּבְרֵ֣י יְהוָ֔ה וְאֵ֖ת כָּל־הַמִּשְׁפָּטִ֑ים וַיַּ֨עַן כָּל־הָעָ֜ם ק֤וֹל אֶחָד֙ וַיֹּ֣אמְר֔וּ כָּל־הַדְּבָרִ֛ים אֲשֶׁר־דִּבֶּ֥ר יְהוָ֖ה נַעֲשֶֽׂה׃

‎4 ‏וַיִּכְתֹּ֣ב מֹשֶׁ֗ה אֵ֚ת כָּל־דִּבְרֵ֣י יְהוָ֔ה וַיַּשְׁכֵּ֣ם בַּבֹּ֔קֶר וַיִּ֥בֶן מִזְבֵּ֖חַ תַּ֣חַת הָהָ֑ר וּשְׁתֵּ֤ים עֶשְׂרֵה֙ מַצֵּבָ֔ה לִשְׁנֵ֥ים עָשָׂ֖ר שִׁבְטֵ֥י יִשְׂרָאֵֽל׃

‎5 ‏וַיִּשְׁלַ֗ח אֶֽת־נַעֲרֵי֙ בְּנֵ֣י יִשְׂרָאֵ֔ל וַיַּֽעֲל֖וּ עֹלֹ֑ת וַֽיִּזְבְּח֞וּ זְבָחִ֧ים שְׁלָמִ֛ים לַיהוָ֖ה פָּרִֽים׃

‎6 ‏וַיִּקַּ֤ח מֹשֶׁה֙ חֲצִ֣י הַדָּ֔ם וַיָּ֖שֶׂם בָּאַגָּנֹ֑ת וַחֲצִ֣י הַדָּ֔ם זָרַ֖ק עַל־הַמִּזְבֵּֽחַ׃

‎7 ‏וַיִּקַּח֙ סֵ֣פֶר הַבְּרִ֔ית וַיִּקְרָ֖א בְּאָזְנֵ֣י הָעָ֑ם וַיֹּ֣אמְר֔וּ כֹּ֛ל אֲשֶׁר־דִּבֶּ֥ר יְהוָ֖ה נַעֲשֶׂ֥ה וְנִשְׁמָֽע׃

‎8 ‏וַיִּקַּ֤ח מֹשֶׁה֙ אֶת־הַדָּ֔ם וַיִּזְרֹ֖ק עַל־הָעָ֑ם וַיֹּ֗אמֶר הִנֵּ֤ה דַֽם־הַבְּרִית֙ אֲשֶׁ֨ר כָּרַ֤ת יְהוָה֙ עִמָּכֶ֔ם עַ֥ל כָּל־הַדְּבָרִ֖ים הָאֵֽלֶּה׃

‎9 ‏וַיַּ֥עַל מֹשֶׁ֖ה וְאַהֲרֹ֑ן נָדָב֙ וַאֲבִיה֔וּא וְשִׁבְעִ֖ים מִזִּקְנֵ֥י יִשְׂרָאֵֽל׃

‎10 ‏וַיִּרְא֕וּ אֵ֖ת אֱלֹהֵ֣י יִשְׂרָאֵ֑ל וְתַ֣חַת רַגְלָ֗יו כְּמַעֲשֵׂה֙ לִבְנַ֣ת הַסַּפִּ֔יר וּכְעֶ֥צֶם הַשָּׁמַ֖יִם לָטֹֽהַר׃

‎11 ‏וְאֶל־אֲצִילֵי֙ בְּנֵ֣י יִשְׂרָאֵ֔ל לֹ֥א שָׁלַ֖ח יָד֑וֹ וַֽיֶּחֱזוּ֙ אֶת־הָ֣אֱלֹהִ֔ים וַיֹּאכְל֖וּ וַיִּשְׁתּֽוּ׃ ס

‎12 ‏וַיֹּ֨אמֶר יְהוָ֜ה אֶל־מֹשֶׁ֗ה עֲלֵ֥ה אֵלַ֛י הָהָ֖רָה וֶהְיֵה־שָׁ֑ם וְאֶתְּנָ֨ה לְךָ֜ אֶת־לֻחֹ֣ת הָאֶ֗בֶן וְהַתּוֹרָה֙ וְהַמִּצְוָ֔ה אֲשֶׁ֥ר כָּתַ֖בְתִּי לְהוֹרֹתָֽם׃

‎13 ‏וַיָּ֣קָם מֹשֶׁ֔ה וִיהוֹשֻׁ֖עַ מְשָׁרְת֑וֹ וַיַּ֥עַל מֹשֶׁ֖ה אֶל־הַ֥ר הָאֱלֹהִֽים׃

‎14 ‏וְאֶל־הַזְּקֵנִ֤ים אָמַר֙ שְׁבוּ־לָ֣נוּ בָזֶ֔ה עַ֥ד אֲשֶׁר־נָשׁ֖וּב אֲלֵיכֶ֑ם וְהִנֵּ֨ה אַהֲרֹ֤ן וְחוּר֙ עִמָּכֶ֔ם מִי־בַ֥עַל דְּבָרִ֖ים יִגַּ֥שׁ אֲלֵהֶֽם׃

‎15 ‏וַיַּ֥עַל מֹשֶׁ֖ה אֶל־הָהָ֑ר וַיְכַ֥ס הֶעָנָ֖ן אֶת־הָהָֽר׃

‎16 ‏וַיִּשְׁכֹּ֤ן כְּבוֹד־יְהוָה֙ עַל־הַ֣ר סִינַ֔י וַיְכַסֵּ֥הוּ הֶעָנָ֖ן שֵׁ֣שֶׁת יָמִ֑ים וַיִּקְרָ֧א אֶל־מֹשֶׁ֛ה בַּיּ֥וֹם הַשְּׁבִיעִ֖י מִתּ֥וֹךְ הֶעָנָֽן׃

‎17 ‏וּמַרְאֵה֙ כְּב֣וֹד יְהוָ֔ה כְּאֵ֥שׁ אֹכֶ֖לֶת בְּרֹ֣אשׁ הָהָ֑ר לְעֵינֵ֖י בְּנֵ֥י יִשְׂרָאֵֽל׃

‎18 ‏וַיָּבֹ֥א מֹשֶׁ֛ה בְּת֥וֹךְ הֶעָנָ֖ן וַיַּ֣עַל אֶל־הָהָ֑ר וַיְהִ֤י מֹשֶׁה֙ בָּהָ֔ר אַרְבָּעִ֣ים י֔וֹם וְאַרְבָּעִ֖ים לָֽיְלָה׃ פ

1 wə’el-mōšeh ’āmar ‘ălēh ’el-yəhwâ ’atâ wə’ahărōn nāḏāḇ wa’ăḇîhû’ wəšiḇə‘îm mizziqənê yiśərā’ēl wəhišət^aḥăwîṯem mērāḥōq:

2 wənigaš mōšeh ləḇadwō ’el-yəhwâ wəhēm lō’ yigāšû wəhā‘ām lō’ y^a‘ălû ‘immwō:

3 wayyāḇō’ mōšeh wayəsapēr lā‘ām ’ēṯ kāl-diḇərê yəhwâ wə’ēṯ kāl-hammišəpāṭîm wayy^a‘an kāl-hā‘ām qwōl ’eḥāḏ wayyō’mərû kāl-hadəḇārîm ’ăšer-diber yəhwâ n^a‘ăśeh:

4 wayyiḵətōḇ mōšeh ’ēṯ kāl-diḇərê yəhwâ wayyašəkēm babōqer wayyiḇen mizəbēḥa t^aḥaṯ hâār ûšətêm ‘eśərēh maṣṣēḇâ lišənêm ‘āśār šiḇəṭê yiśərā’ēl:

5 wayyišəl^aḥ ’eṯ-n^a‘ărê bənê yiśərā’ēl wayy^a‘ălû ‘ōlōṯ wayyizəbəḥû zəḇāḥîm šəlāmîm layhwâ pārîm:

6 wayyiqq^aḥ mōšeh ḥăṣî hadām wayyāśem bā’agānōṯ w^aḥăṣî hadām zāraq ‘al-hammizəbēḥa:

7 wayyiqq^aḥ sēfer habərîṯ wayyiqərā’ bə’āzənê hā‘ām wayyō’mərû kōl ’ăšer-diber yəhwâ n^a‘ăśeh wənišəmā‘:

8 wayyiqq^aḥ mōšeh ’eṯ-hadām wayyizərōq ‘al-hā‘ām wayyō’mer hinnēh ḏam-habərîṯ ’ăšer kāraṯ yəhwâ ‘immāḵem ‘al kāl-hadəḇārîm hā’ēlleh:

9 wayy^a‘al mōšeh wə’ahărōn nāḏāḇ wa’ăḇîhû’ wəšiḇə‘îm mizziqənê yiśərā’ēl:

10 wayyirə’û ’ēṯ ’ĕlōhê yiśərā’ēl wəṯ^aḥaṯ raḡəlāyw kəm^a‘ăśēh liḇənaṯ hassapîr ûḵə‘eṣem haššāmayim lāṭōhar:

11 wə’el-’ăṣîlê bənê yiśərā’ēl lō’ šāl^aḥ yāḏwō wayyeḥĕzû ’eṯ-hā’ĕlōhîm wayyō’ḵəlû wayyišətû: s

12 wayyō’mer yəhwâ ’el-mōšeh ‘ălēh ’ēlay hâārâ wehəyēh-šām wə’etənâ ləḵā ’eṯ-luḥōṯ hā’eḇen wəhatwōrâ wəhammiṣəwâ ’ăšer kāṯaḇətî ləhwōrōṯām:

13 wayyāqām mōšeh wîhwōšu‘a məšārəṯwō wayy^a‘al mōšeh ’el-har hā’ĕlōhîm:

14 wə’el-hazzəqēnîm ’āmar šəḇû-lānû ḇāzeh ‘aḏ ’ăšer-nāšûḇ ’ălêḵem wəhinnēh ’ahărōn wəḥûr ‘immāḵem mî-ḇ^a‘al dəḇārîm yigaš ’ălēhem:

15 wayy^a‘al mōšeh ’el-hâār wayəḵas he‘ānān ’eṯ-hâār:

16 wayyišəkōn kəḇwōḏ-yəhwâ ‘al-har sînay wayəḵassēhû he‘ānān šēšeṯ yāmîm wayyiqərā’ ’el-mōšeh bayywōm haššəḇî‘î mitwōḵə he‘ānān:

17 ûmarə’ēh kəḇwōḏ yəhwâ kə’ēš ’ōḵeleṯ bərō’š hâār lə‘ênê bənê yiśərā’ēl:

18 wayyāḇō’ mōšeh bəṯwōḵə he‘ānān wayy^a‘al ’el-hâār wayəhî mōšeh bâār ’arəbā‘îm ywōm wə’arəbā‘îm lāyəlâ: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏דַּבֵּר֙ אֶל־בְּנֵ֣י יִשְׂרָאֵ֔ל וְיִקְחוּ־לִ֖י תְּרוּמָ֑ה מֵאֵ֤ת כָּל־אִישׁ֙ אֲשֶׁ֣ר יִדְּבֶ֣נּוּ לִבּ֔וֹ תִּקְח֖וּ אֶת־תְּרוּמָתִֽי׃

‎3 ‏וְזֹאת֙ הַתְּרוּמָ֔ה אֲשֶׁ֥ר תִּקְח֖וּ מֵאִתָּ֑ם זָהָ֥ב וָכֶ֖סֶף וּנְחֹֽשֶׁת׃

‎4 ‏וּתְכֵ֧לֶת וְאַרְגָּמָ֛ן וְתוֹלַ֥עַת שָׁנִ֖י וְשֵׁ֥שׁ וְעִזִּֽים׃

‎5 ‏וְעֹרֹ֨ת אֵילִ֧ם מְאָדָּמִ֛ים וְעֹרֹ֥ת תְּחָשִׁ֖ים וַעֲצֵ֥י שִׁטִּֽים׃

‎6 ‏שֶׁ֖מֶן לַמָּאֹ֑ר בְּשָׂמִים֙ לְשֶׁ֣מֶן הַמִּשְׁחָ֔ה וְלִקְטֹ֖רֶת הַסַּמִּֽים׃

‎7 ‏אַבְנֵי־שֹׁ֕הַם וְאַבְנֵ֖י מִלֻּאִ֑ים לָאֵפֹ֖ד וְלַחֹֽשֶׁן׃

‎8 ‏וְעָ֥שׂוּ לִ֖י מִקְדָּ֑שׁ וְשָׁכַנְתִּ֖י בְּתוֹכָֽם׃

‎9 ‏כְּכֹ֗ל אֲשֶׁ֤ר אֲנִי֙ מַרְאֶ֣ה אוֹתְךָ֔ אֵ֚ת תַּבְנִ֣ית הַמִּשְׁכָּ֔ן וְאֵ֖ת תַּבְנִ֣ית כָּל־כֵּלָ֑יו וְכֵ֖ן תַּעֲשֽׂוּ׃ ס

‎10 ‏וְעָשׂ֥וּ אֲר֖וֹן עֲצֵ֣י שִׁטִּ֑ים אַמָּתַ֨יִם וָחֵ֜צִי אָרְכּ֗וֹ וְאַמָּ֤ה וָחֵ֙צִי֙ רָחְבּ֔וֹ וְאַמָּ֥ה וָחֵ֖צִי קֹמָתֽוֹ׃

‎11 ‏וְצִפִּיתָ֤ אֹתוֹ֙ זָהָ֣ב טָה֔וֹר מִבַּ֥יִת וּמִח֖וּץ תְּצַפֶּ֑נּוּ וְעָשִׂ֧יתָ עָלָ֛יו זֵ֥ר זָהָ֖ב סָבִֽיב׃

‎12 ‏וְיָצַ֣קְתָּ לּ֗וֹ אַרְבַּע֙ טַבְּעֹ֣ת זָהָ֔ב וְנָ֣תַתָּ֔ה עַ֖ל אַרְבַּ֣ע פַּעֲמֹתָ֑יו וּשְׁתֵּ֣י טַבָּעֹ֗ת עַל־צַלְעוֹ֙ הָֽאֶחָ֔ת וּשְׁתֵּי֙ טַבָּעֹ֔ת עַל־צַלְע֖וֹ הַשֵּׁנִֽית׃

‎13 ‏וְעָשִׂ֥יתָ בַדֵּ֖י עֲצֵ֣י שִׁטִּ֑ים וְצִפִּיתָ֥ אֹתָ֖ם זָהָֽב׃

‎14 ‏וְהֵבֵאתָ֤³ אֶת־הַבַּדִּים֙ בַּטַּבָּעֹ֔ת עַ֖ל צַלְעֹ֣ת הָאָרֹ֑ן לָשֵׂ֥את אֶת־הָאָרֹ֖ן בָּהֶֽם׃

‎15 ‏בְּטַבְּעֹת֙ הָאָרֹ֔ן יִהְי֖וּ הַבַּדִּ֑ים לֹ֥א יָסֻ֖רוּ מִמֶּֽנּוּ׃

‎16 ‏וְנָתַתָּ֖ אֶל־הָאָרֹ֑ן אֵ֚ת הָעֵדֻ֔ת אֲשֶׁ֥ר אֶתֵּ֖ן אֵלֶֽיךָ׃

‎17 ‏וְעָשִׂ֥יתָ כַפֹּ֖רֶת זָהָ֣ב טָה֑וֹר אַמָּתַ֤יִם וָחֵ֙צִי֙ אָרְכָּ֔הּ וְאַמָּ֥ה וָחֵ֖צִי רָחְבָּֽהּ׃

‎18 ‏וְעָשִׂ֛יתָ שְׁנַ֥יִם כְּרֻבִ֖ים זָהָ֑ב מִקְשָׁה֙ תַּעֲשֶׂ֣ה אֹתָ֔ם מִשְּׁנֵ֖י קְצ֥וֹת הַכַּפֹּֽרֶת׃

‎19 ‏וַ֠עֲשֵׂה כְּר֨וּב אֶחָ֤ד מִקָּצָה֙ מִזֶּ֔ה וּכְרוּב־אֶחָ֥ד מִקָּצָ֖ה מִזֶּ֑ה מִן־הַכַּפֹּ֛רֶת תַּעֲשׂ֥וּ אֶת־הַכְּרֻבִ֖ים עַל־שְׁנֵ֥י קְצוֹתָֽיו׃

‎20 ‏וְהָי֣וּ הַכְּרֻבִים֩ פֹּרְשֵׂ֨י כְנָפַ֜יִם לְמַ֗עְלָה סֹכְכִ֤ים בְּכַנְפֵיהֶם֙ עַל־הַכַּפֹּ֔רֶת וּפְנֵיהֶ֖ם אִ֣ישׁ אֶל־אָחִ֑יו אֶל־הַכַּפֹּ֔רֶת יִהְי֖וּ פְּנֵ֥י הַכְּרֻבִֽים׃

‎21 ‏וְנָתַתָּ֧ אֶת־הַכַּפֹּ֛רֶת עַל־הָאָרֹ֖ן מִלְמָ֑עְלָה וְאֶל־הָ֣אָרֹ֔ן תִּתֵּן֙ אֶת־הָ֣עֵדֻ֔ת אֲשֶׁ֥ר אֶתֵּ֖ן אֵלֶֽיךָ׃

‎22 ‏וְנוֹעַדְתִּ֣י לְךָ֮ שָׁם֒ וְדִבַּרְתִּ֨י אִתְּךָ֜ מֵעַ֣ל הַכַּפֹּ֗רֶת מִבֵּין֙ שְׁנֵ֣י הַכְּרֻבִ֔ים אֲשֶׁ֖ר עַל־אֲרֹ֣ן הָעֵדֻ֑ת אֵ֣ת כָּל־אֲשֶׁ֧ר אֲצַוֶּ֛ה אוֹתְךָ֖ אֶל־בְּנֵ֥י יִשְׂרָאֵֽל׃ פ

‎23 ‏וְעָשִׂ֥יתָ שֻׁלְחָ֖ן עֲצֵ֣י שִׁטִּ֑ים אַמָּתַ֤יִם אָרְכּוֹ֙ וְאַמָּ֣ה רָחְבּ֔וֹ וְאַמָּ֥ה וָחֵ֖צִי קֹמָתֽוֹ׃

‎24 ‏וְצִפִּיתָ֥ אֹת֖וֹ זָהָ֣ב טָה֑וֹר וְעָשִׂ֥יתָ לּ֛וֹ זֵ֥ר זָהָ֖ב סָבִֽיב׃

‎25 ‏וְעָשִׂ֨יתָ לּ֥וֹ מִסְגֶּ֛רֶת טֹ֖פַח סָבִ֑יב וְעָשִׂ֧יתָ זֵר־זָהָ֛ב לְמִסְגַּרְתּ֖וֹ סָבִֽיב׃

‎26 ‏וְעָשִׂ֣יתָ לּ֔וֹ אַרְבַּ֖ע טַבְּעֹ֣ת זָהָ֑ב וְנָתַתָּ֙ אֶת־הַטַּבָּעֹ֔ת עַ֚ל אַרְבַּ֣ע הַפֵּאֹ֔ת אֲשֶׁ֖ר לְאַרְבַּ֥ע רַגְלָֽיו׃

‎27 ‏לְעֻמַּת֙ הַמִּסְגֶּ֔רֶת תִּהְיֶ֖יןָ הַטַּבָּעֹ֑ת לְבָתִּ֣ים לְבַדִּ֔ים לָשֵׂ֖את אֶת־הַשֻּׁלְחָֽן׃

‎28 ‏וְעָשִׂ֤יתָ אֶת־הַבַּדִּים֙ עֲצֵ֣י שִׁטִּ֔ים וְצִפִּיתָ֥ אֹתָ֖ם זָהָ֑ב וְנִשָּׂא־בָ֖ם אֶת־הַשֻּׁלְחָֽן׃

‎29 ‏וְעָשִׂ֨יתָ קְּעָרֹתָ֜יו וְכַפֹּתָ֗יו וּקְשׂוֹתָיו֙ וּמְנַקִּיֹּתָ֔יו אֲשֶׁ֥ר יֻסַּ֖ךְ בָּהֵ֑ן זָהָ֥ב טָה֖וֹר תַּעֲשֶׂ֥ה אֹתָֽם׃

‎30 ‏וְנָתַתָּ֧ עַֽל־הַשֻּׁלְחָ֛ן לֶ֥חֶם פָּנִ֖ים לְפָנַ֥י תָּמִֽיד׃ פ

‎31 ‏וְעָשִׂ֥יתָ מְנֹרַ֖ת זָהָ֣ב טָה֑וֹר מִקְשָׁ֞ה תֵּעָשֶׂ֤ה הַמְּנוֹרָה֙ יְרֵכָ֣הּ וְקָנָ֔הּ גְּבִיעֶ֛יהָ כַּפְתֹּרֶ֥יהָ וּפְרָחֶ֖יהָ מִמֶּ֥נָּה יִהְיֽוּ׃

‎32 ‏וְשִׁשָּׁ֣ה קָנִ֔ים יֹצְאִ֖ים מִצִּדֶּ֑יהָ שְׁלֹשָׁ֣ה׀ קְנֵ֣י מְנֹרָ֗ה מִצִּדָּהּ֙ הָאֶחָ֔ד וּשְׁלֹשָׁה֙ קְנֵ֣י מְנֹרָ֔ה מִצִּדָּ֖הּ הַשֵּׁנִֽי׃

‎33 ‏שְׁלֹשָׁ֣ה גְ֠בִעִים מְֽשֻׁקָּדִ֞ים בַּקָּנֶ֣ה הָאֶחָד֮ כַּפְתֹּ֣ר וָפֶרַח֒ וּשְׁלֹשָׁ֣ה גְבִעִ֗ים מְשֻׁקָּדִ֛ים בַּקָּנֶ֥ה הָאֶחָ֖ד כַּפְתֹּ֣ר וָפָ֑רַח כֵּ֚ן לְשֵׁ֣שֶׁת הַקָּנִ֔ים הַיֹּצְאִ֖ים מִן־הַמְּנֹרָֽה׃

‎34 ‏וּבַמְּנֹרָ֖ה אַרְבָּעָ֣ה גְבִעִ֑ים מְשֻׁקָּדִ֔ים כַּפְתֹּרֶ֖יהָ וּפְרָחֶֽיהָ׃

‎35 ‏וְכַפְתֹּ֡ר תַּחַת֩ שְׁנֵ֨י הַקָּנִ֜ים מִמֶּ֗נָּה וְכַפְתֹּר֙ תַּ֣חַת שְׁנֵ֤י הַקָּנִים֙ מִמֶּ֔נָּה וְכַפְתֹּ֕ר תַּחַת־שְׁנֵ֥י הַקָּנִ֖ים מִמֶּ֑נָּה לְשֵׁ֙שֶׁת֙ הַקָּנִ֔ים הַיֹּצְאִ֖ים מִן־הַמְּנֹרָֽה׃

‎36 ‏כַּפְתֹּרֵיהֶ֥ם וּקְנֹתָ֖ם מִמֶּ֣נָּה יִהְי֑וּ כֻּלָּ֛הּ מִקְשָׁ֥ה אַחַ֖ת זָהָ֥ב טָהֽוֹר׃

‎37 ‏וְעָשִׂ֥יתָ אֶת־נֵרֹתֶ֖יהָ שִׁבְעָ֑ה וְהֶֽעֱלָה֙ אֶת־נֵ֣רֹתֶ֔יהָ וְהֵאִ֖יר עַל־עֵ֥בֶר פָּנֶֽיהָ׃

‎38 ‏וּמַלְקָחֶ֥יהָ וּמַחְתֹּתֶ֖יהָ זָהָ֥ב טָהֽוֹר׃

‎39 ‏כִּכָּ֛ר זָהָ֥ב טָה֖וֹר יַעֲשֶׂ֣ה אֹתָ֑הּ אֵ֥ת כָּל־הַכֵּלִ֖ים הָאֵֽלֶּה׃

‎40 ‏וּרְאֵ֖ה וַעֲשֵׂ֑ה בְּתַ֨בְנִיתָ֔ם אֲשֶׁר־אַתָּ֥ה מָרְאֶ֖ה בָּהָֽר׃ ס

1 wayəḏabēr yəhwâ ’el-mōšeh llē’mōr:

2 dabēr ’el-bənê yiśərā’ēl wəyiqəḥû-lî tərûmâ mē’ēṯ kāl-’îš ’ăšer yidəḇennû libwō tiqəḥû ’eṯ-tərûmāṯî:

3 wəzō’ṯ hatərûmâ ’ăšer tiqəḥû mē’itām zâāḇ wāḵesef ûnəḥōšeṯ:

4 ûṯəḵēleṯ wə’arəgāmān wəṯwōl^a‘aṯ šānî wəšēš wə‘izzîm:

5 wə‘ōrōṯ ’êlim mə’ādāmîm wə‘ōrōṯ təḥāšîm w^a‘ăṣê šiṭṭîm:

6 šemen lammā’ōr bəśāmîm ləšemen hammišəḥâ wəliqəṭōreṯ hassammîm:

7 ’aḇənê-šōham wə’aḇənê millu’îm lā’ēfōḏ wəl^aḥōšen:

8 wə‘āśû lî miqədāš wəšāḵanətî bəṯwōḵām:

9 kəḵōl ’ăšer ’ănî marə’eh ’wōṯəḵā ’ēṯ taḇənîṯ hammišəkān wə’ēṯ taḇənîṯ kāl-kēlāyw wəḵēn t^a‘ăśû: s

10 wə‘āśû ’ărwōn ‘ăṣê šiṭṭîm ’ammāṯayim wāḥēṣî ’ārəkwō wə’ammâ wāḥēṣî rāḥəbwō wə’ammâ wāḥēṣî qōmāṯwō:

11 wəṣipîṯā ’ōṯwō zâāḇ ṭâwōr mibayiṯ ûmiḥûṣ təṣapennû wə‘āśîṯā ‘ālāyw zēr zâāḇ sāḇîḇ:

12 wəyāṣaqətā llwō ’arəb^a‘ ṭabə‘ōṯ zâāḇ wənāṯatâ ‘al ’arəb^a‘ p^a‘ămōṯāyw ûšətê ṭabā‘ōṯ ‘al-ṣalə‘wō hā’eḥāṯ ûšətê ṭabā‘ōṯ ‘al-ṣalə‘wō haššēnîṯ:

13 wə‘āśîṯā ḇadê ‘ăṣê šiṭṭîm wəṣipîṯā ’ōṯām zâāḇ:

14 wəhēḇē’ṯā³ ’eṯ-habadîm baṭṭabā‘ōṯ ‘al ṣalə‘ōṯ hā’ārōn lāśē’ṯ ’eṯ-hā’ārōn bâem:

15 bəṭabə‘ōṯ hā’ārōn yihəyû habadîm lō’ yāsurû mimmennû:

16 wənāṯatā ’el-hā’ārōn ’ēṯ hā‘ēḏuṯ ’ăšer ’etēn ’ēleyḵā:

17 wə‘āśîṯā ḵapōreṯ zâāḇ ṭâwōr ’ammāṯayim wāḥēṣî ’ārəkāh wə’ammâ wāḥēṣî rāḥəbāh:

18 wə‘āśîṯā šənayim kəruḇîm zâāḇ miqəšâ t^a‘ăśeh ’ōṯām miššənê qəṣwōṯ hakapōreṯ:

19 w^a‘ăśēh kərûḇ ’eḥāḏ miqqāṣâ mizzeh ûḵərûḇ-’eḥāḏ miqqāṣâ mizzeh min-hakapōreṯ t^a‘ăśû ’eṯ-hakəruḇîm ‘al-šənê qəṣwōṯāyw:

20 wəhāyû hakəruḇîm pōrəśê ḵənāfayim ləm^a‘əlâ sōḵəḵîm bəḵanəfêhem ‘al-hakapōreṯ ûfənêhem ’îš ’el-’āḥîw ’el-hakapōreṯ yihəyû pənê hakəruḇîm:

21 wənāṯatā ’eṯ-hakapōreṯ ‘al-hā’ārōn miləmā‘əlâ wə’el-hā’ārōn titēn ’eṯ-hā‘ēḏuṯ ’ăšer ’etēn ’ēleyḵā:

22 wənwō‘aḏətî ləḵā šām wəḏibarətî ’itəḵā mē‘al hakapōreṯ mibên šənê hakəruḇîm ’ăšer ‘al-’ărōn hā‘ēḏuṯ ’ēṯ kāl-’ăšer ’ăṣaûeh ’wōṯəḵā ’el-bənê yiśərā’ēl: f

23 wə‘āśîṯā šuləḥān ‘ăṣê šiṭṭîm ’ammāṯayim ’ārəkwō wə’ammâ rāḥəbwō wə’ammâ wāḥēṣî qōmāṯwō:

24 wəṣipîṯā ’ōṯwō zâāḇ ṭâwōr wə‘āśîṯā llwō zēr zâāḇ sāḇîḇ:

25 wə‘āśîṯā llwō misəgereṯ ṭōf^aḥ sāḇîḇ wə‘āśîṯā zēr-zâāḇ ləmisəgarətwō sāḇîḇ:

26 wə‘āśîṯā llwō ’arəb^a‘ ṭabə‘ōṯ zâāḇ wənāṯatā ’eṯ-haṭṭabā‘ōṯ ‘al ’arəb^a‘ hapē’ōṯ ’ăšer lə’arəb^a‘ raḡəlāyw:

27 lə‘ummaṯ hammisəgereṯ tihəyeynā haṭṭabā‘ōṯ ləḇātîm ləḇadîm lāśē’ṯ ’eṯ-haššuləḥān:

28 wə‘āśîṯā ’eṯ-habadîm ‘ăṣê šiṭṭîm wəṣipîṯā ’ōṯām zâāḇ wəniśśā’-ḇām ’eṯ-haššuləḥān:

29 wə‘āśîṯā qqə‘ārōṯāyw wəḵapōṯāyw ûqəśwōṯāyw ûmənaqqîyōṯāyw ’ăšer yussaḵə bâēn zâāḇ ṭâwōr t^a‘ăśeh ’ōṯām:

30 wənāṯatā ‘al-haššuləḥān leḥem pānîm ləfānay tāmîḏ: f

31 wə‘āśîṯā mənōraṯ zâāḇ ṭâwōr miqəšâ tē‘āśeh hammənwōrâ yərēḵāh wəqānāh gəḇî‘eyhā kafətōreyhā ûfərāḥeyhā mimmennâ yihəyû:

32 wəšiššâ qānîm yōṣə’îm miṣṣideyhā šəlōšâ| qənê mənōrâ miṣṣidāh hā’eḥāḏ ûšəlōšâ qənê mənōrâ miṣṣidāh haššēnî:

33 šəlōšâ ḡəḇi‘îm məšuqqāḏîm baqqāneh hā’eḥāḏ kafətōr wāfer^aḥ ûšəlōšâ ḡəḇi‘îm məšuqqāḏîm baqqāneh hā’eḥāḏ kafətōr wāfār^aḥ kēn ləšēšeṯ haqqānîm hayyōṣə’îm min-hammənōrâ:

34 ûḇammənōrâ ’arəbā‘â ḡəḇi‘îm məšuqqāḏîm kafətōreyhā ûfərāḥeyhā:

35 wəḵafətōr t^aḥaṯ šənê haqqānîm mimmennâ wəḵafətōr t^aḥaṯ šənê haqqānîm mimmennâ wəḵafətōr t^aḥaṯ-šənê haqqānîm mimmennâ ləšēšeṯ haqqānîm hayyōṣə’îm min-hammənōrâ:

36 kafətōrêhem ûqənōṯām mimmennâ yihəyû kullāh miqəšâ ’^aḥaṯ zâāḇ ṭâwōr:

37 wə‘āśîṯā ’eṯ-nērōṯeyhā šiḇə‘â wəhe‘ĕlâ ’eṯ-nērōṯeyhā wəhē’îr ‘al-‘ēḇer pāneyhā:

38 ûmaləqāḥeyhā ûm^aḥətōṯeyhā zâāḇ ṭâwōr:

39 kikār zâāḇ ṭâwōr y^a‘ăśeh ’ōṯāh ’ēṯ kāl-hakēlîm hā’ēlleh:

40 ûrə’ēh w^a‘ăśēh bəṯaḇənîṯām ’ăšer-’atâ mārə’eh bâār: s

‎1 ‏וְאֶת־הַמִּשְׁכָּ֥ן תַּעֲשֶׂ֖ה עֶ֣שֶׂר יְרִיעֹ֑ת שֵׁ֣שׁ מָשְׁזָ֗ר וּתְכֵ֤לֶת וְאַרְגָּמָן֙ וְתֹלַ֣עַת שָׁנִ֔י כְּרֻבִ֛ים מַעֲשֵׂ֥ה חֹשֵׁ֖ב תַּעֲשֶׂ֥ה אֹתָֽם׃

‎2 ‏אֹ֣רֶךְ׀ הַיְרִיעָ֣ה הָֽאַחַ֗ת שְׁמֹנֶ֤ה וְעֶשְׂרִים֙ בָּֽאַמָּ֔ה וְרֹ֙חַב֙ אַרְבַּ֣ע בָּאַמָּ֔ה הַיְרִיעָ֖ה הָאֶחָ֑ת מִדָּ֥ה אַחַ֖ת לְכָל־הַיְרִיעֹֽת׃

‎3 ‏חֲמֵ֣שׁ הַיְרִיעֹ֗ת תִּֽהְיֶ֙יןָ֙ חֹֽבְרֹ֔ת אִשָּׁ֖ה אֶל־אֲחֹתָ֑הּ וְחָמֵ֤שׁ יְרִיעֹת֙ חֹֽבְרֹ֔ת אִשָּׁ֖ה אֶל־אֲחֹתָֽהּ׃

‎4 ‏וְעָשִׂ֜יתָ לֻֽלְאֹ֣ת תְּכֵ֗לֶת עַ֣ל שְׂפַ֤ת הַיְרִיעָה֙ הָאֶחָ֔ת מִקָּצָ֖ה בַּחֹבָ֑רֶת וְכֵ֤ן תַּעֲשֶׂה֙ בִּשְׂפַ֣ת הַיְרִיעָ֔ה הַקִּ֣יצוֹנָ֔ה בַּמַּחְבֶּ֖רֶת הַשֵּׁנִֽית׃

‎5 ‏חֲמִשִּׁ֣ים לֻֽלָאֹ֗ת תַּעֲשֶׂה֮ בַּיְרִיעָ֣ה הָאֶחָת֒ וַחֲמִשִּׁ֣ים לֻֽלָאֹ֗ת תַּעֲשֶׂה֙ בִּקְצֵ֣ה הַיְרִיעָ֔ה אֲשֶׁ֖ר בַּמַּחְבֶּ֣רֶת הַשֵּׁנִ֑ית מַקְבִּילֹת֙ הַלֻּ֣לָאֹ֔ת אִשָּׁ֖ה אֶל־אֲחֹתָֽהּ׃

‎6 ‏וְעָשִׂ֕יתָ חֲמִשִּׁ֖ים קַרְסֵ֣י זָהָ֑ב וְחִבַּרְתָּ֙ אֶת־הַיְרִיעֹ֜ת אִשָּׁ֤ה אֶל־אֲחֹתָהּ֙ בַּקְּרָסִ֔ים וְהָיָ֥ה הַמִּשְׁכָּ֖ן אֶחָֽד׃ פ

‎7 ‏וְעָשִׂ֙יתָ֙ יְרִיעֹ֣ת עִזִּ֔ים לְאֹ֖הֶל עַל־הַמִּשְׁכָּ֑ן עַשְׁתֵּי־עֶשְׂרֵ֥ה יְרִיעֹ֖ת תַּעֲשֶׂ֥ה אֹתָֽם׃

‎8 ‏אֹ֣רֶךְ׀ הַיְרִיעָ֣ה הָֽאַחַ֗ת שְׁלֹשִׁים֙ בָּֽאַמָּ֔ה וְרֹ֙חַב֙ אַרְבַּ֣ע בָּאַמָּ֔ה הַיְרִיעָ֖ה הָאֶחָ֑ת מִדָּ֣ה אַחַ֔ת לְעַשְׁתֵּ֥י עֶשְׂרֵ֖ה יְרִיעֹֽת׃

‎9 ‏וְחִבַּרְתָּ֞ אֶת־חֲמֵ֤שׁ הַיְרִיעֹת֙ לְבָ֔ד וְאֶת־שֵׁ֥שׁ הַיְרִיעֹ֖ת לְבָ֑ד וְכָפַלְתָּ֙ אֶת־הַיְרִיעָ֣ה הַשִּׁשִּׁ֔ית אֶל־מ֖וּל פְּנֵ֥י הָאֹֽהֶל׃

‎10 ‏וְעָשִׂ֜יתָ חֲמִשִּׁ֣ים לֻֽלָאֹ֗ת עַ֣ל שְׂפַ֤ת הַיְרִיעָה֙ הָֽאֶחָ֔ת הַקִּיצֹנָ֖ה בַּחֹבָ֑רֶת וַחֲמִשִּׁ֣ים לֻֽלָאֹ֗ת עַ֚ל שְׂפַ֣ת הַיְרִיעָ֔ה הַחֹבֶ֖רֶת הַשֵּׁנִֽית׃

‎11 ‏וְעָשִׂ֛יתָ קַרְסֵ֥י נְחֹ֖שֶׁת חֲמִשִּׁ֑ים וְהֵבֵאתָ֤ אֶת־הַקְּרָסִים֙ בַּלֻּ֣לָאֹ֔ת וְחִבַּרְתָּ֥ אֶת־הָאֹ֖הֶל וְהָיָ֥ה אֶחָֽד׃

‎12 ‏וְסֶ֙רַח֙ הָעֹדֵ֔ף בִּירִיעֹ֖ת הָאֹ֑הֶל חֲצִ֤י הַיְרִיעָה֙ הָעֹדֶ֔פֶת תִּסְרַ֕ח עַ֖ל אֲחֹרֵ֥י הַמִּשְׁכָּֽן׃

‎13 ‏וְהָאַמָּ֨ה מִזֶּ֜ה וְהָאַמָּ֤ה מִזֶּה֙ בָּעֹדֵ֔ף בְּאֹ֖רֶךְ יְרִיעֹ֣ת הָאֹ֑הֶל יִהְיֶ֨ה סָר֜וּחַ עַל־צִדֵּ֧י הַמִּשְׁכָּ֛ן מִזֶּ֥ה וּמִזֶּ֖ה לְכַסֹּתֽוֹ׃

‎14 ‏וְעָשִׂ֤יתָ מִכְסֶה֙ לָאֹ֔הֶל עֹרֹ֥ת אֵילִ֖ם מְאָדָּמִ֑ים וּמִכְסֵ֛ה עֹרֹ֥ת תְּחָשִׁ֖ים מִלְמָֽעְלָה׃ פ

‎15 ‏וְעָשִׂ֥יתָ אֶת־הַקְּרָשִׁ֖ים לַמִּשְׁכָּ֑ן עֲצֵ֥י שִׁטִּ֖ים עֹמְדִֽים׃

‎16 ‏עֶ֥שֶׂר אַמּ֖וֹת אֹ֣רֶךְ הַקָּ֑רֶשׁ וְאַמָּה֙ וַחֲצִ֣י הָֽאַמָּ֔ה רֹ֖חַב הַקֶּ֥רֶשׁ הָאֶחָֽד׃

‎17 ‏שְׁתֵּ֣י יָד֗וֹת לַקֶּ֙רֶשׁ֙ הָאֶחָ֔ד מְשֻׁלָּבֹ֔ת אִשָּׁ֖ה אֶל־אֲחֹתָ֑הּ כֵּ֣ן תַּעֲשֶׂ֔ה לְכֹ֖ל קַרְשֵׁ֥י הַמִּשְׁכָּֽן׃

‎18 ‏וְעָשִׂ֥יתָ אֶת־הַקְּרָשִׁ֖ים לַמִּשְׁכָּ֑ן עֶשְׂרִ֣ים קֶ֔רֶשׁ לִפְאַ֖ת נֶ֥גְבָּה תֵימָֽנָה׃

‎19 ‏וְאַרְבָּעִים֙ אַדְנֵי־כֶ֔סֶף תַּעֲשֶׂ֕ה תַּ֖חַת עֶשְׂרִ֣ים הַקָּ֑רֶשׁ שְׁנֵ֨י אֲדָנִ֜ים תַּֽחַת־הַקֶּ֤רֶשׁ הָאֶחָד֙ לִשְׁתֵּ֣י יְדֹתָ֔יו וּשְׁנֵ֧י אֲדָנִ֛ים תַּֽחַת־הַקֶּ֥רֶשׁ הָאֶחָ֖ד לִשְׁתֵּ֥י יְדֹתָֽיו׃

‎20 ‏וּלְצֶ֧לַע הַמִּשְׁכָּ֛ן הַשֵּׁנִ֖ית לִפְאַ֣ת צָפ֑וֹן עֶשְׂרִ֖ים קָֽרֶשׁ׃

‎21 ‏וְאַרְבָּעִ֥ים אַדְנֵיהֶ֖ם כָּ֑סֶף שְׁנֵ֣י אֲדָנִ֗ים תַּ֚חַת הַקֶּ֣רֶשׁ הָֽאֶחָ֔ד וּשְׁנֵ֣י אֲדָנִ֔ים תַּ֖חַת הַקֶּ֥רֶשׁ הָאֶחָֽד׃

‎22 ‏וּֽלְיַרְכְּתֵ֥י הַמִּשְׁכָּ֖ן יָ֑מָּה תַּעֲשֶׂ֖ה שִׁשָּׁ֥ה קְרָשִֽׁים׃

‎23 ‏וּשְׁנֵ֤י קְרָשִׁים֙ תַּעֲשֶׂ֔ה לִמְקֻצְעֹ֖ת הַמִּשְׁכָּ֑ן בַּיַּרְכָתָֽיִם׃

‎24 ‏וְיִֽהְי֣וּ תֹֽאֲמִים֮ מִלְּמַטָּה֒ וְיַחְדָּ֗ו יִהְי֤וּ³ תַמִּים֙ עַל־רֹאשׁ֔וֹ אֶל־הַטַּבַּ֖עַת הָאֶחָ֑ת כֵּ֚ן יִהְיֶ֣ה לִשְׁנֵיהֶ֔ם לִשְׁנֵ֥י הַמִּקְצֹעֹ֖ת יִהְיֽוּ׃

‎25 ‏וְהָיוּ֙ שְׁמֹנָ֣ה קְרָשִׁ֔ים וְאַדְנֵיהֶ֣ם כֶּ֔סֶף שִׁשָּׁ֥ה עָשָׂ֖ר אֲדָנִ֑ים שְׁנֵ֣י אֲדָנִ֗ים תַּ֚חַת הַקֶּ֣רֶשׁ הָאֶחָ֔ד וּשְׁנֵ֣י אֲדָנִ֔ים תַּ֖חַת הַקֶּ֥רֶשׁ הָאֶחָֽד׃

‎26 ‏וְעָשִׂ֥יתָ בְרִיחִ֖ם עֲצֵ֣י שִׁטִּ֑ים חֲמִשָּׁ֕ה לְקַרְשֵׁ֥י צֶֽלַע־הַמִּשְׁכָּ֖ן הָאֶחָֽד׃

‎27 ‏וַחֲמִשָּׁ֣ה בְרִיחִ֔ם לְקַרְשֵׁ֥י צֶֽלַע־הַמִּשְׁכָּ֖ן הַשֵּׁנִ֑ית וַחֲמִשָּׁ֣ה בְרִיחִ֗ם לְקַרְשֵׁי֙ צֶ֣לַע הַמִּשְׁכָּ֔ן לַיַּרְכָתַ֖יִם יָֽמָּה׃

‎28 ‏וְהַבְּרִ֥יחַ הַתִּיכֹ֖ן בְּת֣וֹךְ הַקְּרָשִׁ֑ים מַבְרִ֕חַ מִן־הַקָּצֶ֖ה אֶל־הַקָּצֶֽה׃

‎29 ‏וְֽאֶת־הַקְּרָשִׁ֞ים תְּצַפֶּ֣ה זָהָ֗ב וְאֶת־טַבְּעֹֽתֵיהֶם֙ תַּעֲשֶׂ֣ה זָהָ֔ב בָּתִּ֖ים לַבְּרִיחִ֑ם וְצִפִּיתָ֥ אֶת־הַבְּרִיחִ֖ם זָהָֽב׃

‎30 ‏וַהֲקֵמֹתָ֖ אֶת־הַמִּשְׁכָּ֑ן כְּמִ֨שְׁפָּט֔וֹ אֲשֶׁ֥ר הָרְאֵ֖יתָ בָּהָֽר׃ ס

‎31 ‏וְעָשִׂ֣יתָ פָרֹ֗כֶת תְּכֵ֧לֶת וְאַרְגָּמָ֛ן וְתוֹלַ֥עַת שָׁנִ֖י וְשֵׁ֣שׁ מָשְׁזָ֑ר מַעֲשֵׂ֥ה חֹשֵׁ֛ב יַעֲשֶׂ֥ה אֹתָ֖הּ כְּרֻבִֽים׃

‎32 ‏וְנָתַתָּ֣ה אֹתָ֗הּ עַל־אַרְבָּעָה֙ עַמּוּדֵ֣י שִׁטִּ֔ים מְצֻפִּ֣ים זָהָ֔ב וָוֵיהֶ֖ם זָהָ֑ב עַל־אַרְבָּעָ֖ה אַדְנֵי־כָֽסֶף׃

‎33 ‏וְנָתַתָּ֣ה אֶת־הַפָּרֹכֶת֮ תַּ֣חַת הַקְּרָסִים֒ וְהֵבֵאתָ֥ שָׁ֙מָּה֙ מִבֵּ֣ית לַפָּרֹ֔כֶת אֵ֖ת אֲר֣וֹן הָעֵד֑וּת וְהִבְדִּילָ֤ה הַפָּרֹ֙כֶת֙ לָכֶ֔ם בֵּ֣ין הַקֹּ֔דֶשׁ וּבֵ֖ין קֹ֥דֶשׁ הַקֳּדָשִֽׁים׃

‎34 ‏וְנָתַתָּ֙ אֶת־הַכַּפֹּ֔רֶת עַ֖ל אֲר֣וֹן הָעֵדֻ֑ת בְּקֹ֖דֶשׁ הַקֳּדָשִֽׁים׃

‎35 ‏וְשַׂמְתָּ֤ אֶת־הַשֻּׁלְחָן֙ מִח֣וּץ לַפָּרֹ֔כֶת וְאֶת־הַמְּנֹרָה֙ נֹ֣כַח הַשֻּׁלְחָ֔ן עַ֛ל צֶ֥לַע הַמִּשְׁכָּ֖ן תֵּימָ֑נָה וְהַ֨שֻּׁלְחָ֔ן תִּתֵּ֖ן עַל־צֶ֥לַע צָפֽוֹן׃

‎36 ‏וְעָשִׂ֤יתָ מָסָךְ֙ לְפֶ֣תַח הָאֹ֔הֶל תְּכֵ֧לֶת וְאַרְגָּמָ֛ן וְתוֹלַ֥עַת שָׁנִ֖י וְשֵׁ֣שׁ מָשְׁזָ֑ר מַעֲשֵׂ֖ה רֹקֵֽם׃

‎37 ‏וְעָשִׂ֣יתָ לַמָּסָ֗ךְ חֲמִשָּׁה֙ עַמּוּדֵ֣י שִׁטִּ֔ים וְצִפִּיתָ֤ אֹתָם֙ זָהָ֔ב וָוֵיהֶ֖ם זָהָ֑ב וְיָצַקְתָּ֣ לָהֶ֔ם חֲמִשָּׁ֖ה אַדְנֵ֥י נְחֹֽשֶׁת׃ ס

1 wə’eṯ-hammišəkān t^a‘ăśeh ‘eśer yərî‘ōṯ šēš māšəzār ûṯəḵēleṯ wə’arəgāmān wəṯōl^a‘aṯ šānî kəruḇîm m^a‘ăśēh ḥōšēḇ t^a‘ăśeh ’ōṯām:

2 ’ōreḵə| hayərî‘â hā’^aḥaṯ šəmōneh wə‘eśərîm bā’ammâ wərōḥaḇ ’arəb^a‘ bā’ammâ hayərî‘â hā’eḥāṯ midâ ’^aḥaṯ ləḵāl-hayərî‘ōṯ:

3 ḥămēš hayərî‘ōṯ tihəyeynā ḥōḇərōṯ ’iššâ ’el-’ăḥōṯāh wəḥāmēš yərî‘ōṯ ḥōḇərōṯ ’iššâ ’el-’ăḥōṯāh:

4 wə‘āśîṯā lulə’ōṯ təḵēleṯ ‘al śəfaṯ hayərî‘â hā’eḥāṯ miqqāṣâ b^aḥōḇāreṯ wəḵēn t^a‘ăśeh biśəfaṯ hayərî‘â haqqîṣwōnâ bamm^aḥəbereṯ haššēnîṯ:

5 ḥămiššîm lulā’ōṯ t^a‘ăśeh bayərî‘â hā’eḥāṯ w^aḥămiššîm lulā’ōṯ t^a‘ăśeh biqəṣēh hayərî‘â ’ăšer bamm^aḥəbereṯ haššēnîṯ maqəbîlōṯ hallulā’ōṯ ’iššâ ’el-’ăḥōṯāh:

6 wə‘āśîṯā ḥămiššîm qarəsê zâāḇ wəḥibarətā ’eṯ-hayərî‘ōṯ ’iššâ ’el-’ăḥōṯāh baqqərāsîm wəhāyâ hammišəkān ’eḥāḏ: f

7 wə‘āśîṯā yərî‘ōṯ ‘izzîm lə’ōhel ‘al-hammišəkān ‘ašətê-‘eśərēh yərî‘ōṯ t^a‘ăśeh ’ōṯām:

8 ’ōreḵə| hayərî‘â hā’^aḥaṯ šəlōšîm bā’ammâ wərōḥaḇ ’arəb^a‘ bā’ammâ hayərî‘â hā’eḥāṯ midâ ’^aḥaṯ lə‘ašətê ‘eśərēh yərî‘ōṯ:

9 wəḥibarətā ’eṯ-ḥămēš hayərî‘ōṯ ləḇāḏ wə’eṯ-šēš hayərî‘ōṯ ləḇāḏ wəḵāfalətā ’eṯ-hayərî‘â haššiššîṯ ’el-mûl pənê hā’ōhel:

10 wə‘āśîṯā ḥămiššîm lulā’ōṯ ‘al śəfaṯ hayərî‘â hā’eḥāṯ haqqîṣōnâ b^aḥōḇāreṯ w^aḥămiššîm lulā’ōṯ ‘al śəfaṯ hayərî‘â h^aḥōḇereṯ haššēnîṯ:

11 wə‘āśîṯā qarəsê nəḥōšeṯ ḥămiššîm wəhēḇē’ṯā ’eṯ-haqqərāsîm ballulā’ōṯ wəḥibarətā ’eṯ-hā’ōhel wəhāyâ ’eḥāḏ:

12 wəser^aḥ hā‘ōḏēf bîrî‘ōṯ hā’ōhel ḥăṣî hayərî‘â hā‘ōḏefeṯ tisər^aḥ ‘al ’ăḥōrê hammišəkān:

13 wəhā’ammâ mizzeh wəhā’ammâ mizzeh bā‘ōḏēf bə’ōreḵə yərî‘ōṯ hā’ōhel yihəyeh sārûḥa ‘al-ṣidê hammišəkān mizzeh ûmizzeh ləḵassōṯwō:

14 wə‘āśîṯā miḵəseh lā’ōhel ‘ōrōṯ ’êlim mə’ādāmîm ûmiḵəsēh ‘ōrōṯ təḥāšîm miləmā‘əlâ: f

15 wə‘āśîṯā ’eṯ-haqqərāšîm lammišəkān ‘ăṣê šiṭṭîm ‘ōməḏîm:

16 ‘eśer ’ammwōṯ ’ōreḵə haqqāreš wə’ammâ w^aḥăṣî hā’ammâ rōḥaḇ haqqereš hā’eḥāḏ:

17 šətê yāḏwōṯ laqqereš hā’eḥāḏ məšullāḇōṯ ’iššâ ’el-’ăḥōṯāh kēn t^a‘ăśeh ləḵōl qarəšê hammišəkān:

18 wə‘āśîṯā ’eṯ-haqqərāšîm lammišəkān ‘eśərîm qereš lifə’aṯ neḡəbâ ṯêmānâ:

19 wə’arəbā‘îm ’aḏənê-ḵesef t^a‘ăśeh t^aḥaṯ ‘eśərîm haqqāreš šənê ’ăḏānîm t^aḥaṯ-haqqereš hā’eḥāḏ lišətê yəḏōṯāyw ûšənê ’ăḏānîm t^aḥaṯ-haqqereš hā’eḥāḏ lišətê yəḏōṯāyw:

20 ûləṣel^a‘ hammišəkān haššēnîṯ lifə’aṯ ṣāfwōn ‘eśərîm qāreš:

21 wə’arəbā‘îm ’aḏənêhem kāsef šənê ’ăḏānîm t^aḥaṯ haqqereš hā’eḥāḏ ûšənê ’ăḏānîm t^aḥaṯ haqqereš hā’eḥāḏ:

22 ûləyarəkəṯê hammišəkān yāmmâ t^a‘ăśeh šiššâ qərāšîm:

23 ûšənê qərāšîm t^a‘ăśeh liməquṣə‘ōṯ hammišəkān bayyarəḵāṯāyim:

24 wəyihəyû ṯō’ămîm milləmaṭṭâ wəy^aḥədāw yihəyû³ ṯammîm ‘al-rō’šwō ’el-haṭṭab^a‘aṯ hā’eḥāṯ kēn yihəyeh lišənêhem lišənê hammiqəṣō‘ōṯ yihəyû:

25 wəhāyû šəmōnâ qərāšîm wə’aḏənêhem kesef šiššâ ‘āśār ’ăḏānîm šənê ’ăḏānîm t^aḥaṯ haqqereš hā’eḥāḏ ûšənê ’ăḏānîm t^aḥaṯ haqqereš hā’eḥāḏ:

26 wə‘āśîṯā ḇərîḥim ‘ăṣê šiṭṭîm ḥămiššâ ləqarəšê ṣel^a‘-hammišəkān hā’eḥāḏ:

27 w^aḥămiššâ ḇərîḥim ləqarəšê ṣel^a‘-hammišəkān haššēnîṯ w^aḥămiššâ ḇərîḥim ləqarəšê ṣel^a‘ hammišəkān layyarəḵāṯayim yāmmâ:

28 wəhabərîḥa hatîḵōn bəṯwōḵə haqqərāšîm maḇəriḥa min-haqqāṣeh ’el-haqqāṣeh:

29 wə’eṯ-haqqərāšîm təṣapeh zâāḇ wə’eṯ-ṭabə‘ōṯêhem t^a‘ăśeh zâāḇ bātîm labərîḥim wəṣipîṯā ’eṯ-habərîḥim zâāḇ:

30 wahăqēmōṯā ’eṯ-hammišəkān kəmišəpāṭwō ’ăšer hārə’êṯā bâār: s

31 wə‘āśîṯā fārōḵeṯ təḵēleṯ wə’arəgāmān wəṯwōl^a‘aṯ šānî wəšēš māšəzār m^a‘ăśēh ḥōšēḇ y^a‘ăśeh ’ōṯāh kəruḇîm:

32 wənāṯatâ ’ōṯāh ‘al-’arəbā‘â ‘ammûḏê šiṭṭîm məṣupîm zâāḇ wāwêhem zâāḇ ‘al-’arəbā‘â ’aḏənê-ḵāsef:

33 wənāṯatâ ’eṯ-hapārōḵeṯ t^aḥaṯ haqqərāsîm wəhēḇē’ṯā šāmmâ mibêṯ lapārōḵeṯ ’ēṯ ’ărwōn hā‘ēḏûṯ wəhiḇədîlâ hapārōḵeṯ lāḵem bên haqqōḏeš ûḇên qōḏeš haqqŏḏāšîm:

34 wənāṯatā ’eṯ-hakapōreṯ ‘al ’ărwōn hā‘ēḏuṯ bəqōḏeš haqqŏḏāšîm:

35 wəśamətā ’eṯ-haššuləḥān miḥûṣ lapārōḵeṯ wə’eṯ-hammənōrâ nōḵ^aḥ haššuləḥān ‘al ṣel^a‘ hammišəkān têmānâ wəhaššuləḥān titēn ‘al-ṣel^a‘ ṣāfwōn:

36 wə‘āśîṯā māsāḵə ləfeṯ^aḥ hā’ōhel təḵēleṯ wə’arəgāmān wəṯwōl^a‘aṯ šānî wəšēš māšəzār m^a‘ăśēh rōqēm:

37 wə‘āśîṯā lammāsāḵə ḥămiššâ ‘ammûḏê šiṭṭîm wəṣipîṯā ’ōṯām zâāḇ wāwêhem zâāḇ wəyāṣaqətā lâem ḥămiššâ ’aḏənê nəḥōšeṯ: s

‎1 ‏וְעָשִׂ֥יתָ אֶת־הַמִּזְבֵּ֖חַ עֲצֵ֣י שִׁטִּ֑ים חָמֵשׁ֩ אַמּ֨וֹת אֹ֜רֶךְ וְחָמֵ֧שׁ אַמּ֣וֹת רֹ֗חַב רָב֤וּעַ יִהְיֶה֙ הַמִּזְבֵּ֔חַ וְשָׁלֹ֥שׁ אַמּ֖וֹת קֹמָתֽוֹ׃

‎2 ‏וְעָשִׂ֣יתָ קַרְנֹתָ֗יו עַ֚ל אַרְבַּ֣ע פִּנֹּתָ֔יו מִמֶּ֖נּוּ תִּהְיֶ֣יןָ קַרְנֹתָ֑יו וְצִפִּיתָ֥ אֹת֖וֹ נְחֹֽשֶׁת׃

‎3 ‏וְעָשִׂ֤יתָ סִּֽירֹתָיו֙ לְדַשְּׁנ֔וֹ וְיָעָיו֙ וּמִזְרְקֹתָ֔יו וּמִזְלְגֹתָ֖יו וּמַחְתֹּתָ֑יו לְכָל־כֵּלָ֖יו תַּעֲשֶׂ֥ה נְחֹֽשֶׁת׃

‎4 ‏וְעָשִׂ֤יתָ לּוֹ֙ מִכְבָּ֔ר מַעֲשֵׂ֖ה רֶ֣שֶׁת נְחֹ֑שֶׁת וְעָשִׂ֣יתָ עַל־הָרֶ֗שֶׁת אַרְבַּע֙ טַבְּעֹ֣ת נְחֹ֔שֶׁת עַ֖ל אַרְבַּ֥ע קְצוֹתָֽיו׃

‎5 ‏וְנָתַתָּ֣ה אֹתָ֗הּ תַּ֛חַת כַּרְכֹּ֥ב הַמִּזְבֵּ֖חַ מִלְּמָ֑טָּה וְהָיְתָ֣ה הָרֶ֔שֶׁת עַ֖ד חֲצִ֥י הַמִּזְבֵּֽחַ׃

‎6 ‏וְעָשִׂ֤יתָ בַדִּים֙ לַמִּזְבֵּ֔חַ בַּדֵּ֖י עֲצֵ֣י שִׁטִּ֑ים וְצִפִּיתָ֥ אֹתָ֖ם נְחֹֽשֶׁת׃

‎7 ‏וְהוּבָ֥א אֶת־בַּדָּ֖יו בַּטַּבָּעֹ֑ת וְהָי֣וּ הַבַּדִּ֗ים עַל־שְׁתֵּ֛י צַלְעֹ֥ת הַמִּזְבֵּ֖חַ בִּשְׂאֵ֥ת אֹתֽוֹ׃

‎8 ‏נְב֥וּב לֻחֹ֖ת תַּעֲשֶׂ֣ה אֹת֑וֹ כַּאֲשֶׁ֨ר הֶרְאָ֥ה אֹתְךָ֛ בָּהָ֖ר כֵּ֥ן יַעֲשֽׂוּ׃ ס

‎9 ‏וְעָשִׂ֕יתָ אֵ֖ת חֲצַ֣ר הַמִּשְׁכָּ֑ן לִפְאַ֣ת נֶֽגֶב־תֵּ֠ימָנָה קְלָעִ֨ים לֶחָצֵ֜ר שֵׁ֣שׁ מָשְׁזָ֗ר מֵאָ֤ה בָֽאַמָּה֙ אֹ֔רֶךְ לַפֵּאָ֖ה הָאֶחָֽת׃

‎10 ‏וְעַמֻּדָ֣יו עֶשְׂרִ֔ים וְאַדְנֵיהֶ֥ם עֶשְׂרִ֖ים נְחֹ֑שֶׁת וָוֵ֧י הָעַמֻּדִ֛ים וַחֲשֻׁקֵיהֶ֖ם כָּֽסֶף׃

‎11 ‏וְכֵ֨ן לִפְאַ֤ת צָפוֹן֙ בָּאֹ֔רֶךְ קְלָעִ֖ים מֵ֣אָה אֹ֑רֶךְ ועמדו וְעַמּוּדָ֣יו עֶשְׂרִ֗ים וְאַדְנֵיהֶ֤ם עֶשְׂרִים֙ נְחֹ֔שֶׁת וָוֵ֧י הָֽעַמֻּדִ֛ים וַחֲשֻׁקֵיהֶ֖ם כָּֽסֶף׃

‎12 ‏וְרֹ֤חַב הֶֽחָצֵר֙ לִפְאַת־יָ֔ם קְלָעִ֖ים חֲמִשִּׁ֣ים אַמָּ֑ה עַמֻּדֵיהֶ֣ם עֲשָׂרָ֔ה וְאַדְנֵיהֶ֖ם עֲשָׂרָֽה׃

‎13 ‏וְרֹ֣חַב הֶֽחָצֵ֗ר לִפְאַ֛ת קֵ֥דְמָה מִזְרָ֖חָה חֲמִשִּׁ֥ים אַמָּֽה׃

‎14 ‏וַחֲמֵ֨שׁ עֶשְׂרֵ֥ה אַמָּ֛ה קְלָעִ֖ים לַכָּתֵ֑ף עַמֻּדֵיהֶ֣ם שְׁלֹשָׁ֔ה וְאַדְנֵיהֶ֖ם שְׁלֹשָֽׁה׃

‎15 ‏וְלַכָּתֵף֙ הַשֵּׁנִ֔ית חְמֵ֥שׁ¹ עֶשְׂרֵ֖ה קְלָעִ֑ים עַמֻּדֵיהֶ֣ם שְׁלֹשָׁ֔ה וְאַדְנֵיהֶ֖ם שְׁלֹשָֽׁה׃

‎16 ‏וּלְשַׁ֨עַר הֶֽחָצֵ֜ר מָסָ֣ךְ׀ עֶשְׂרִ֣ים אַמָּ֗ה תְּכֵ֨לֶת וְאַרְגָּמָ֜ן וְתוֹלַ֧עַת שָׁנִ֛י וְשֵׁ֥שׁ מָשְׁזָ֖ר מַעֲשֵׂ֣ה רֹקֵ֑ם עַמֻּֽדֵיהֶם֙ אַרְבָּעָ֔ה וְאַדְנֵיהֶ֖ם אַרְבָּעָֽה׃

‎17 ‏כָּל־עַמּוּדֵ֨י הֶֽחָצֵ֤ר סָבִיב֙ מְחֻשָּׁקִ֣ים כֶּ֔סֶף וָוֵיהֶ֖ם כָּ֑סֶף וְאַדְנֵיהֶ֖ם נְחֹֽשֶׁת׃

‎18 ‏אֹ֣רֶךְ הֶֽחָצֵר֩ מֵאָ֨ה בָֽאַמָּ֜ה וְרֹ֣חַב׀ חֲמִשִּׁ֣ים בַּחֲמִשִּׁ֗ים וְקֹמָ֛ה חָמֵ֥שׁ אַמּ֖וֹת שֵׁ֣שׁ מָשְׁזָ֑ר וְאַדְנֵיהֶ֖ם נְחֹֽשֶׁת׃

‎19 ‏לְכֹל֙ כְּלֵ֣י הַמִּשְׁכָּ֔ן בְּכֹ֖ל עֲבֹדָת֑וֹ וְכָל־יְתֵדֹתָ֛יו וְכָל־יִתְדֹ֥ת הֶחָצֵ֖ר נְחֹֽשֶׁת׃ ס

‎20 ‏וְאַתָּ֞ה תְּצַוֶּ֣ה׀ אֶת־בְּנֵ֣י יִשְׂרָאֵ֗ל וְיִקְח֨וּ אֵלֶ֜יךָ שֶׁ֣מֶן זַ֥יִת זָ֛ךְ כָּתִ֖ית לַמָּא֑וֹר לְהַעֲלֹ֥ת נֵ֖ר תָּמִֽיד׃

‎21 ‏בְּאֹ֣הֶל מוֹעֵד֩ מִח֨וּץ לַפָּרֹ֜כֶת אֲשֶׁ֣ר עַל־הָעֵדֻ֗ת יַעֲרֹךְ֩ אֹת֨וֹ אַהֲרֹ֧ן וּבָנָ֛יו מֵעֶ֥רֶב עַד־בֹּ֖קֶר לִפְנֵ֣י יְהוָ֑ה חֻקַּ֤ת עוֹלָם֙ לְדֹ֣רֹתָ֔ם מֵאֵ֖ת בְּנֵ֥י יִשְׂרָאֵֽל׃ ס

1 wə‘āśîṯā ’eṯ-hammizəbēḥa ‘ăṣê šiṭṭîm ḥāmēš ’ammwōṯ ’ōreḵə wəḥāmēš ’ammwōṯ rōḥaḇ rāḇû‘a yihəyeh hammizəbēḥa wəšālōš ’ammwōṯ qōmāṯwō:

2 wə‘āśîṯā qarənōṯāyw ‘al ’arəb^a‘ pinnōṯāyw mimmennû tihəyeynā qarənōṯāyw wəṣipîṯā ’ōṯwō nəḥōšeṯ:

3 wə‘āśîṯā ssîrōṯāyw ləḏaššənwō wəyā‘āyw ûmizərəqōṯāyw ûmizələḡōṯāyw ûm^aḥətōṯāyw ləḵāl-kēlāyw t^a‘ăśeh nəḥōšeṯ:

4 wə‘āśîṯā llwō miḵəbār m^a‘ăśēh rešeṯ nəḥōšeṯ wə‘āśîṯā ‘al-hārešeṯ ’arəb^a‘ ṭabə‘ōṯ nəḥōšeṯ ‘al ’arəb^a‘ qəṣwōṯāyw:

5 wənāṯatâ ’ōṯāh t^aḥaṯ karəkōḇ hammizəbēḥa milləmāṭṭâ wəhāyəṯâ hārešeṯ ‘aḏ ḥăṣî hammizəbēḥa:

6 wə‘āśîṯā ḇadîm lammizəbēḥa badê ‘ăṣê šiṭṭîm wəṣipîṯā ’ōṯām nəḥōšeṯ:

7 wəhûḇā’ ’eṯ-badāyw baṭṭabā‘ōṯ wəhāyû habadîm ‘al-šətê ṣalə‘ōṯ hammizəbēḥa biśə’ēṯ ’ōṯwō:

8 nəḇûḇ luḥōṯ t^a‘ăśeh ’ōṯwō ka’ăšer herə’â ’ōṯəḵā bâār kēn y^a‘ăśû: s

9 wə‘āśîṯā ’ēṯ ḥăṣar hammišəkān lifə’aṯ neḡeḇ-têmānâ qəlā‘îm leḥāṣēr šēš māšəzār mē’â ḇā’ammâ ’ōreḵə lapē’â hā’eḥāṯ:

10 wə‘ammuḏāyw ‘eśərîm wə’aḏənêhem ‘eśərîm nəḥōšeṯ wāwê hā‘ammuḏîm w^aḥăšuqêhem kāsef:

11 wəḵēn lifə’aṯ ṣāfwōn bā’ōreḵə qəlā‘îm mē’â ’ōreḵə wə‘amədû wə‘ammûḏāyw ‘eśərîm wə’aḏənêhem ‘eśərîm nəḥōšeṯ wāwê hā‘ammuḏîm w^aḥăšuqêhem kāsef:

12 wərōḥaḇ heḥāṣēr lifə’aṯ-yām qəlā‘îm ḥămiššîm ’ammâ ‘ammuḏêhem ‘ăśārâ wə’aḏənêhem ‘ăśārâ:

13 wərōḥaḇ heḥāṣēr lifə’aṯ qēḏəmâ mizərāḥâ ḥămiššîm ’ammâ:

14 w^aḥămēš ‘eśərēh ’ammâ qəlā‘îm lakāṯēf ‘ammuḏêhem šəlōšâ wə’aḏənêhem šəlōšâ:

15 wəlakāṯēf haššēnîṯ ḥəmēš¹ ‘eśərēh qəlā‘îm ‘ammuḏêhem šəlōšâ wə’aḏənêhem šəlōšâ:

16 ûləš^a‘ar heḥāṣēr māsāḵə| ‘eśərîm ’ammâ təḵēleṯ wə’arəgāmān wəṯwōl^a‘aṯ šānî wəšēš māšəzār m^a‘ăśēh rōqēm ‘ammuḏêhem ’arəbā‘â wə’aḏənêhem ’arəbā‘â:

17 kāl-‘ammûḏê heḥāṣēr sāḇîḇ məḥuššāqîm kesef wāwêhem kāsef wə’aḏənêhem nəḥōšeṯ:

18 ’ōreḵə heḥāṣēr mē’â ḇā’ammâ wərōḥaḇ| ḥămiššîm b^aḥămiššîm wəqōmâ ḥāmēš ’ammwōṯ šēš māšəzār wə’aḏənêhem nəḥōšeṯ:

19 ləḵōl kəlê hammišəkān bəḵōl ‘ăḇōḏāṯwō wəḵāl-yəṯēḏōṯāyw wəḵāl-yiṯəḏōṯ heḥāṣēr nəḥōšeṯ: s

20 wə’atâ təṣaûeh| ’eṯ-bənê yiśərā’ēl wəyiqəḥû ’ēleyḵā šemen zayiṯ zāḵə kāṯîṯ lammā’wōr ləh^a‘ălōṯ nēr tāmîḏ:

21 bə’ōhel mwō‘ēḏ miḥûṣ lapārōḵeṯ ’ăšer ‘al-hā‘ēḏuṯ y^a‘ărōḵə ’ōṯwō ’ahărōn ûḇānāyw mē‘ereḇ ‘aḏ-bōqer lifənê yəhwâ ḥuqqaṯ ‘wōlām ləḏōrōṯām mē’ēṯ bənê yiśərā’ēl: s

‎1 ‏וְאַתָּ֡ה הַקְרֵ֣ב אֵלֶיךָ֩ אֶת־אַהֲרֹ֨ן אָחִ֜יךָ וְאֶת־בָּנָ֣יו אִתּ֔וֹ מִתּ֛וֹךְ בְּנֵ֥י יִשְׂרָאֵ֖ל לְכַהֲנוֹ־לִ֑י אַהֲרֹ֕ן נָדָ֧ב וַאֲבִיה֛וּא אֶלְעָזָ֥ר וְאִיתָמָ֖ר בְּנֵ֥י אַהֲרֹֽן׃

‎2 ‏וְעָשִׂ֥יתָ בִגְדֵי־קֹ֖דֶשׁ לְאַהֲרֹ֣ן אָחִ֑יךָ לְכָב֖וֹד וּלְתִפְאָֽרֶת׃

‎3 ‏וְאַתָּ֗ה תְּדַבֵּר֙ אֶל־כָּל־חַכְמֵי־לֵ֔ב אֲשֶׁ֥ר מִלֵּאתִ֖יו ר֣וּחַ חָכְמָ֑ה וְעָשׂ֞וּ אֶת־בִּגְדֵ֧י אַהֲרֹ֛ן לְקַדְּשׁ֖וֹ לְכַהֲנוֹ־לִֽי׃

‎4 ‏וְאֵ֨לֶּה הַבְּגָדִ֜ים אֲשֶׁ֣ר יַעֲשׂ֗וּ חֹ֤שֶׁן וְאֵפוֹד֙ וּמְעִ֔יל וּכְתֹ֥נֶת תַּשְׁבֵּ֖ץ מִצְנֶ֣פֶת וְאַבְנֵ֑ט וְעָשׂ֨וּ בִגְדֵי־קֹ֜דֶשׁ לְאַהֲרֹ֥ן אָחִ֛יךָ וּלְבָנָ֖יו לְכַהֲנוֹ־לִֽי׃

‎5 ‏וְהֵם֙ יִקְח֣וּ אֶת־הַזָּהָ֔ב וְאֶת־הַתְּכֵ֖לֶת וְאֶת־הָֽאַרְגָּמָ֑ן וְאֶת־תּוֹלַ֥עַת הַשָּׁנִ֖י וְאֶת־הַשֵּֽׁשׁ׃ פ

‎6 ‏וְעָשׂ֖וּ אֶת־הָאֵפֹ֑ד זָ֠הָב תְּכֵ֨לֶת וְאַרְגָּמָ֜ן תּוֹלַ֧עַת שָׁנִ֛י וְשֵׁ֥שׁ מָשְׁזָ֖ר מַעֲשֵׂ֥ה חֹשֵֽׁב׃

‎7 ‏שְׁתֵּ֧י³ כְתֵפֹ֣ת חֹֽבְרֹ֗ת יִֽהְיֶה־לּ֛וֹ אֶל־שְׁנֵ֥י קְצוֹתָ֖יו וְחֻבָּֽר׃

‎8 ‏וְחֵ֤שֶׁב אֲפֻדָּתוֹ֙ אֲשֶׁ֣ר עָלָ֔יו כְּמַעֲשֵׂ֖הוּ מִמֶּ֣נּוּ יִהְיֶ֑ה זָהָ֗ב תְּכֵ֧לֶת וְאַרְגָּמָ֛ן וְתוֹלַ֥עַת שָׁנִ֖י וְשֵׁ֥שׁ מָשְׁזָֽר׃

‎9 ‏וְלָ֣קַחְתָּ֔ אֶת־שְׁתֵּ֖י אַבְנֵי־שֹׁ֑הַם וּפִתַּחְתָּ֣ עֲלֵיהֶ֔ם שְׁמ֖וֹת בְּנֵ֥י יִשְׂרָאֵֽל׃

‎10 ‏שִׁשָּׁה֙ מִשְּׁמֹתָ֔ם עַ֖ל הָאֶ֣בֶן הָאֶחָ֑ת וְאֶת־שְׁמ֞וֹת הַשִּׁשָּׁ֧ה הַנּוֹתָרִ֛ים עַל־הָאֶ֥בֶן הַשֵּׁנִ֖ית כְּתוֹלְדֹתָֽם׃

‎11 ‏מַעֲשֵׂ֣ה חָרַשׁ֮ אֶבֶן֒ פִּתּוּחֵ֣י חֹתָ֗ם תְּפַתַּח֙ אֶת־שְׁתֵּ֣י הָאֲבָנִ֔ים עַל־שְׁמֹ֖ת בְּנֵ֣י יִשְׂרָאֵ֑ל מֻסַבֹּ֛ת מִשְׁבְּצ֥וֹת זָהָ֖ב תַּעֲשֶׂ֥ה אֹתָֽם׃

‎12 ‏וְשַׂמְתָּ֞ אֶת־שְׁתֵּ֣י הָאֲבָנִ֗ים עַ֚ל כִּתְפֹ֣ת הָֽאֵפֹ֔ד אַבְנֵ֥י זִכָּרֹ֖ן לִבְנֵ֣י יִשְׂרָאֵ֑ל וְנָשָׂא֩ אַהֲרֹ֨ן אֶת־שְׁמוֹתָ֜ם לִפְנֵ֧י יְהוָ֛ה עַל־שְׁתֵּ֥י כְתֵפָ֖יו לְזִכָּרֹֽן׃ ס

‎13 ‏וְעָשִׂ֥יתָ מִשְׁבְּצֹ֖ת זָהָֽב׃

‎14 ‏וּשְׁתֵּ֤י שַׁרְשְׁרֹת֙ זָהָ֣ב טָה֔וֹר מִגְבָּלֹ֛ת תַּעֲשֶׂ֥ה אֹתָ֖ם מַעֲשֵׂ֣ה עֲבֹ֑ת וְנָתַתָּ֛ה אֶת־שַׁרְשְׁרֹ֥ת הָעֲבֹתֹ֖ת עַל־הַֽמִּשְׁבְּצֹֽת׃ ס

‎15 ‏וְעָשִׂ֜יתָ חֹ֤שֶׁן מִשְׁפָּט֙ מַעֲשֵׂ֣ה חֹשֵׁ֔ב כְּמַעֲשֵׂ֥ה אֵפֹ֖ד תַּעֲשֶׂ֑נּוּ זָ֠הָב תְּכֵ֨לֶת וְאַרְגָּמָ֜ן וְתוֹלַ֧עַת שָׁנִ֛י וְשֵׁ֥שׁ מָשְׁזָ֖ר תַּעֲשֶׂ֥ה אֹתֽוֹ׃

‎16 ‏רָב֥וּעַ יִֽהְיֶ֖ה כָּפ֑וּל זֶ֥רֶת אָרְכּ֖וֹ וְזֶ֥רֶת רָחְבּֽוֹ׃

‎17 ‏וּמִלֵּאתָ֥ בוֹ֙ מִלֻּ֣אַת אֶ֔בֶן אַרְבָּעָ֖ה טוּרִ֣ים אָ֑בֶן ט֗וּר אֹ֤דֶם פִּטְדָה֙ וּבָרֶ֔קֶת הַטּ֖וּר הָאֶחָֽד׃

‎18 ‏וְהַטּ֖וּר הַשֵּׁנִ֑י נֹ֥פֶךְ סַפִּ֖יר וְיָהֲלֹֽם׃

‎19 ‏וְהַטּ֖וּר הַשְּׁלִישִׁ֑י לֶ֥שֶׁם שְׁב֖וֹ וְאַחְלָֽמָה׃

‎20 ‏וְהַטּוּר֙ הָרְבִיעִ֔י תַּרְשִׁ֥ישׁ וְשֹׁ֖הַם וְיָשְׁפֵ֑ה מְשֻׁבָּצִ֥ים זָהָ֛ב יִהְי֖וּ בְּמִלּוּאֹתָֽם׃

‎21 ‏וְ֠הָאֲבָנִים תִּֽהְיֶ֜יןָ עַל־שְׁמֹ֧ת בְּנֵֽי־יִשְׂרָאֵ֛ל שְׁתֵּ֥ים עֶשְׂרֵ֖ה עַל־שְׁמֹתָ֑ם פִּתּוּחֵ֤י חוֹתָם֙ אִ֣ישׁ עַל־שְׁמ֔וֹ תִּֽהְיֶ֕יןָ לִשְׁנֵ֥י עָשָׂ֖ר שָֽׁבֶט׃

‎22 ‏וְעָשִׂ֧יתָ עַל־הַחֹ֛שֶׁן שַֽׁרְשֹׁ֥ת גַּבְלֻ֖ת מַעֲשֵׂ֣ה עֲבֹ֑ת זָהָ֖ב טָהֽוֹר׃

‎23 ‏וְעָשִׂ֙יתָ֙ עַל־הַחֹ֔שֶׁן שְׁתֵּ֖י טַבְּע֣וֹת זָהָ֑ב וְנָתַתָּ֗ אֶת־שְׁתֵּי֙ הַטַּבָּע֔וֹת עַל־שְׁנֵ֖י קְצ֥וֹת הַחֹֽשֶׁן׃

‎24 ‏וְנָתַתָּ֗ה אֶת־שְׁתֵּי֙ עֲבֹתֹ֣ת הַזָּהָ֔ב עַל־שְׁתֵּ֖י הַטַּבָּעֹ֑ת אֶל־קְצ֖וֹת הַחֹֽשֶׁן׃

‎25 ‏וְאֵ֨ת שְׁתֵּ֤י קְצוֹת֙ שְׁתֵּ֣י הָעֲבֹתֹ֔ת תִּתֵּ֖ן עַל־שְׁתֵּ֣י הַֽמִּשְׁבְּצ֑וֹת וְנָתַתָּ֛ה עַל־כִּתְפ֥וֹת הָאֵפֹ֖ד אֶל־מ֥וּל פָּנָֽיו׃

‎26 ‏וְעָשִׂ֗יתָ שְׁתֵּי֙ טַבְּע֣וֹת זָהָ֔ב וְשַׂמְתָּ֣ אֹתָ֔ם עַל־שְׁנֵ֖י קְצ֣וֹת הַחֹ֑שֶׁן עַל־שְׂפָת֕וֹ אֲשֶׁ֛ר אֶל־עֵ֥בֶר הָאֵפֹ֖ד³ בָּֽיְתָה׃

‎27 ‏וְעָשִׂיתָ֮ שְׁתֵּ֣י טַבְּע֣וֹת זָהָב֒ וְנָתַתָּ֣ה אֹתָ֡ם עַל־שְׁתֵּי֩ כִתְפ֨וֹת הָאֵפ֤וֹד מִלְּמַ֙טָּה֙ מִמּ֣וּל פָּנָ֔יו לְעֻמַּ֖ת מֶחְבַּרְתּ֑וֹ מִמַּ֕עַל לְחֵ֖שֶׁב הָאֵפֽוֹד׃

‎28 ‏וְיִרְכְּס֣וּ אֶת־הַ֠חֹשֶׁן מטבעתו מִֽטַּבְּעֹתָ֞יו אֶל־טַבְּעֹ֤ת הָאֵפֹד֙ בִּפְתִ֣יל תְּכֵ֔לֶת לִֽהְי֖וֹת עַל־חֵ֣שֶׁב הָאֵפ֑וֹד וְלֹֽא־יִזַּ֣ח הַחֹ֔שֶׁן מֵעַ֖ל הָאֵפֽוֹד׃

‎29 ‏וְנָשָׂ֣א אַ֠הֲרֹן אֶת־שְׁמ֨וֹת בְּנֵֽי־יִשְׂרָאֵ֜ל בְּחֹ֧שֶׁן הַמִּשְׁפָּ֛ט עַל־לִבּ֖וֹ בְּבֹא֣וֹ אֶל־הַקֹּ֑דֶשׁ לְזִכָּרֹ֥ן לִפְנֵֽי־יְהוָ֖ה תָּמִֽיד׃

‎30 ‏וְנָתַתָּ֞ אֶל־חֹ֣שֶׁן הַמִּשְׁפָּ֗ט אֶת־הָאוּרִים֙ וְאֶת־הַתֻּמִּ֔ים וְהָיוּ֙ עַל־לֵ֣ב אַהֲרֹ֔ן בְּבֹא֖וֹ לִפְנֵ֣י יְהוָ֑ה וְנָשָׂ֣א אַ֠הֲרֹן אֶת־מִשְׁפַּ֨ט בְּנֵי־יִשְׂרָאֵ֧ל עַל־לִבּ֛וֹ לִפְנֵ֥י יְהוָ֖ה תָּמִֽיד׃ ס

‎31 ‏וְעָשִׂ֛יתָ אֶת־מְעִ֥יל הָאֵפ֖וֹד כְּלִ֥יל תְּכֵֽלֶת׃

‎32 ‏וְהָיָ֥ה פִֽי־רֹאשׁ֖וֹ בְּתוֹכ֑וֹ שָׂפָ֡ה יִֽהְיֶה֩ לְפִ֨יו סָבִ֜יב מַעֲשֵׂ֣ה אֹרֵ֗ג כְּפִ֥י תַחְרָ֛א יִֽהְיֶה־לּ֖וֹ לֹ֥א יִקָּרֵֽעַ׃

‎33 ‏וְעָשִׂ֣יתָ עַל־שׁוּלָ֗יו רִמֹּנֵי֙ תְּכֵ֤לֶת וְאַרְגָּמָן֙ וְתוֹלַ֣עַת שָׁנִ֔י עַל־שׁוּלָ֖יו סָבִ֑יב וּפַעֲמֹנֵ֥י זָהָ֛ב בְּתוֹכָ֖ם סָבִֽיב׃

‎34 ‏פַּעֲמֹ֤ן זָהָב֙ וְרִמּ֔וֹן פַּֽעֲמֹ֥ן זָהָ֖ב וְרִמּ֑וֹן עַל־שׁוּלֵ֥י הַמְּעִ֖יל סָבִֽיב׃

‎35 ‏וְהָיָ֥ה עַֽל־אַהֲרֹ֖ן לְשָׁרֵ֑ת וְנִשְׁמַ֣ע ק֠וֹלוֹ בְּבֹא֨וֹ אֶל־הַקֹּ֜דֶשׁ לִפְנֵ֧י יְהוָ֛ה וּבְצֵאת֖וֹ וְלֹ֥א יָמֽוּת׃ ס

‎36 ‏וְעָשִׂ֥יתָ צִּ֖יץ זָהָ֣ב טָה֑וֹר וּפִתַּחְתָּ֤ עָלָיו֙ פִּתּוּחֵ֣י חֹתָ֔ם קֹ֖דֶשׁ לַֽיהוָֽה׃

‎37 ‏וְשַׂמְתָּ֤ אֹתוֹ֙ עַל־פְּתִ֣יל תְּכֵ֔לֶת וְהָיָ֖ה עַל־הַמִּצְנָ֑פֶת אֶל־מ֥וּל פְּנֵֽי־הַמִּצְנֶ֖פֶת יִהְיֶֽה׃

‎38 ‏וְהָיָה֮ עַל־מֵ֣צַח אַהֲרֹן֒ וְנָשָׂ֨א אַהֲרֹ֜ן אֶת־עֲוֹ֣ן הַקֳּדָשִׁ֗ים אֲשֶׁ֤ר יַקְדִּ֙ישׁוּ֙ בְּנֵ֣י יִשְׂרָאֵ֔ל לְכָֽל־מַתְּנֹ֖ת קָדְשֵׁיהֶ֑ם וְהָיָ֤ה עַל־מִצְחוֹ֙ תָּמִ֔יד לְרָצ֥וֹן לָהֶ֖ם לִפְנֵ֥י יְהוָֽה׃

‎39 ‏וְשִׁבַּצְתָּ֙ הַכְּתֹ֣נֶת שֵׁ֔שׁ וְעָשִׂ֖יתָ מִצְנֶ֣פֶת שֵׁ֑שׁ וְאַבְנֵ֥ט תַּעֲשֶׂ֖ה מַעֲשֵׂ֥ה רֹקֵֽם׃

‎40 ‏וְלִבְנֵ֤י אַהֲרֹן֙ תַּעֲשֶׂ֣ה כֻתֳּנֹ֔ת וְעָשִׂ֥יתָ לָהֶ֖ם אַבְנֵטִ֑ים וּמִגְבָּעוֹת֙ תַּעֲשֶׂ֣ה לָהֶ֔ם לְכָב֖וֹד וּלְתִפְאָֽרֶת׃

‎41 ‏וְהִלְבַּשְׁתָּ֤ אֹתָם֙ אֶת־אַהֲרֹ֣ן אָחִ֔יךָ וְאֶת־בָּנָ֖יו אִתּ֑וֹ וּמָשַׁחְתָּ֨ אֹתָ֜ם וּמִלֵּאתָ֧ אֶת־יָדָ֛ם וְקִדַּשְׁתָּ֥ אֹתָ֖ם וְכִהֲנ֥וּ לִֽי׃

‎42 ‏וַעֲשֵׂ֤ה לָהֶם֙ מִכְנְסֵי־בָ֔ד לְכַסּ֖וֹת בְּשַׂ֣ר עֶרְוָ֑ה מִמָּתְנַ֥יִם וְעַד־יְרֵכַ֖יִם יִהְיֽוּ׃

‎43 ‏וְהָיוּ֩ עַל־אַהֲרֹ֨ן וְעַל־בָּנָ֜יו בְּבֹאָ֣ם׀ אֶל־אֹ֣הֶל מוֹעֵ֗ד א֣וֹ בְגִשְׁתָּ֤ם אֶל־הַמִּזְבֵּ֙חַ֙ לְשָׁרֵ֣ת בַּקֹּ֔דֶשׁ וְלֹא־יִשְׂא֥וּ עָוֹ֖ן וָמֵ֑תוּ חֻקַּ֥ת עוֹלָ֛ם ל֖וֹ וּלְזַרְע֥וֹ אַחֲרָֽיו׃ ס

1 wə’atâ haqərēḇ ’ēleyḵā ’eṯ-’ahărōn ’āḥîḵā wə’eṯ-bānāyw ’itwō mitwōḵə bənê yiśərā’ēl ləḵahănwō-lî ’ahărōn nāḏāḇ wa’ăḇîhû’ ’elə‘āzār wə’îṯāmār bənê ’ahărōn:

2 wə‘āśîṯā ḇiḡəḏê-qōḏeš lə’ahărōn ’āḥîḵā ləḵāḇwōḏ ûləṯifə’āreṯ:

3 wə’atâ təḏabēr ’el-kāl-ḥaḵəmê-lēḇ ’ăšer millē’ṯîw rûḥa ḥāḵəmâ wə‘āśû ’eṯ-biḡəḏê ’ahărōn ləqadəšwō ləḵahănwō-lî:

4 wə’ēlleh habəḡāḏîm ’ăšer y^a‘ăśû ḥōšen wə’ēfwōḏ ûmə‘îl ûḵəṯōneṯ tašəbēṣ miṣənefeṯ wə’aḇənēṭ wə‘āśû ḇiḡəḏê-qōḏeš lə’ahărōn ’āḥîḵā ûləḇānāyw ləḵahănwō-lî:

5 wəhēm yiqəḥû ’eṯ-hazzâāḇ wə’eṯ-hatəḵēleṯ wə’eṯ-hā’arəgāmān wə’eṯ-twōl^a‘aṯ haššānî wə’eṯ-haššēš: f

6 wə‘āśû ’eṯ-hā’ēfōḏ zâāḇ təḵēleṯ wə’arəgāmān twōl^a‘aṯ šānî wəšēš māšəzār m^a‘ăśēh ḥōšēḇ:

7 šətê³ ḵəṯēfōṯ ḥōḇərōṯ yihəyeh-llwō ’el-šənê qəṣwōṯāyw wəḥubār:

8 wəḥēšeḇ ’ăfudāṯwō ’ăšer ‘ālāyw kəm^a‘ăśēhû mimmennû yihəyeh zâāḇ təḵēleṯ wə’arəgāmān wəṯwōl^a‘aṯ šānî wəšēš māšəzār:

9 wəlāq^aḥətā ’eṯ-šətê ’aḇənê-šōham ûfit^aḥətā ‘ălêhem šəmwōṯ bənê yiśərā’ēl:

10 šiššâ miššəmōṯām ‘al hā’eḇen hā’eḥāṯ wə’eṯ-šəmwōṯ haššiššâ hannwōṯārîm ‘al-hā’eḇen haššēnîṯ kəṯwōləḏōṯām:

11 m^a‘ăśēh ḥāraš ’eḇen pitûḥê ḥōṯām təfat^aḥ ’eṯ-šətê hā’ăḇānîm ‘al-šəmōṯ bənê yiśərā’ēl musabōṯ mišəbəṣwōṯ zâāḇ t^a‘ăśeh ’ōṯām:

12 wəśamətā ’eṯ-šətê hā’ăḇānîm ‘al kiṯəfōṯ hā’ēfōḏ ’aḇənê zikārōn liḇənê yiśərā’ēl wənāśā’ ’ahărōn ’eṯ-šəmwōṯām lifənê yəhwâ ‘al-šətê ḵəṯēfāyw ləzikārōn: s

13 wə‘āśîṯā mišəbəṣōṯ zâāḇ:

14 ûšətê šarəšərōṯ zâāḇ ṭâwōr miḡəbālōṯ t^a‘ăśeh ’ōṯām m^a‘ăśēh ‘ăḇōṯ wənāṯatâ ’eṯ-šarəšərōṯ hā‘ăḇōṯōṯ ‘al-hammišəbəṣōṯ: s

15 wə‘āśîṯā ḥōšen mišəpāṭ m^a‘ăśēh ḥōšēḇ kəm^a‘ăśēh ’ēfōḏ t^a‘ăśennû zâāḇ təḵēleṯ wə’arəgāmān wəṯwōl^a‘aṯ šānî wəšēš māšəzār t^a‘ăśeh ’ōṯwō:

16 rāḇû‘a yihəyeh kāfûl zereṯ ’ārəkwō wəzereṯ rāḥəbwō:

17 ûmillē’ṯā ḇwō millu’aṯ ’eḇen ’arəbā‘â ṭûrîm ’āḇen ṭûr ’ōḏem piṭəḏâ ûḇāreqeṯ haṭṭûr hā’eḥāḏ:

18 wəhaṭṭûr haššēnî nōfeḵə sapîr wəyâălōm:

19 wəhaṭṭûr haššəlîšî lešem šəḇwō wə’^aḥəlāmâ:

20 wəhaṭṭûr hārəḇî‘î tarəšîš wəšōham wəyāšəfēh məšubāṣîm zâāḇ yihəyû bəmillû’ōṯām:

21 wəhā’ăḇānîm tihəyeynā ‘al-šəmōṯ bənê-yiśərā’ēl šətêm ‘eśərēh ‘al-šəmōṯām pitûḥê ḥwōṯām ’îš ‘al-šəmwō tihəyeynā lišənê ‘āśār šāḇeṭ:

22 wə‘āśîṯā ‘al-h^aḥōšen šarəšōṯ gaḇəluṯ m^a‘ăśēh ‘ăḇōṯ zâāḇ ṭâwōr:

23 wə‘āśîṯā ‘al-h^aḥōšen šətê ṭabə‘wōṯ zâāḇ wənāṯatā ’eṯ-šətê haṭṭabā‘wōṯ ‘al-šənê qəṣwōṯ h^aḥōšen:

24 wənāṯatâ ’eṯ-šətê ‘ăḇōṯōṯ hazzâāḇ ‘al-šətê haṭṭabā‘ōṯ ’el-qəṣwōṯ h^aḥōšen:

25 wə’ēṯ šətê qəṣwōṯ šətê hā‘ăḇōṯōṯ titēn ‘al-šətê hammišəbəṣwōṯ wənāṯatâ ‘al-kiṯəfwōṯ hā’ēfōḏ ’el-mûl pānāyw:

26 wə‘āśîṯā šətê ṭabə‘wōṯ zâāḇ wəśamətā ’ōṯām ‘al-šənê qəṣwōṯ h^aḥōšen ‘al-śəfāṯwō ’ăšer ’el-‘ēḇer hā’ēfōḏ³ bāyəṯâ:

27 wə‘āśîṯā šətê ṭabə‘wōṯ zâāḇ wənāṯatâ ’ōṯām ‘al-šətê ḵiṯəfwōṯ hā’ēfwōḏ milləmaṭṭâ mimmûl pānāyw lə‘ummaṯ meḥəbarətwō mimm^a‘al ləḥēšeḇ hā’ēfwōḏ:

28 wəyirəkəsû ’eṯ-h^aḥōšen miṭṭabə‘ōṯāw miṭṭabə‘ōṯāyw ’el-ṭabə‘ōṯ hā’ēfōḏ bifəṯîl təḵēleṯ lihəywōṯ ‘al-ḥēšeḇ hā’ēfwōḏ wəlō’-yizz^aḥ h^aḥōšen mē‘al hā’ēfwōḏ:

29 wənāśā’ ’ahărōn ’eṯ-šəmwōṯ bənê-yiśərā’ēl bəḥōšen hammišəpāṭ ‘al-libwō bəḇō’wō ’el-haqqōḏeš ləzikārōn lifənê-yəhwâ tāmîḏ:

30 wənāṯatā ’el-ḥōšen hammišəpāṭ ’eṯ-hā’ûrîm wə’eṯ-hatummîm wəhāyû ‘al-lēḇ ’ahărōn bəḇō’wō lifənê yəhwâ wənāśā’ ’ahărōn ’eṯ-mišəpaṭ bənê-yiśərā’ēl ‘al-libwō lifənê yəhwâ tāmîḏ: s

31 wə‘āśîṯā ’eṯ-mə‘îl hā’ēfwōḏ kəlîl təḵēleṯ:

32 wəhāyâ fî-rō’šwō bəṯwōḵwō śāfâ yihəyeh ləfîw sāḇîḇ m^a‘ăśēh ’ōrēḡ kəfî ṯ^aḥərā’ yihəyeh-llwō lō’ yiqqārē‘a:

33 wə‘āśîṯā ‘al-šûlāyw rimmōnê təḵēleṯ wə’arəgāmān wəṯwōl^a‘aṯ šānî ‘al-šûlāyw sāḇîḇ ûf^a‘ămōnê zâāḇ bəṯwōḵām sāḇîḇ:

34 p^a‘ămōn zâāḇ wərimmwōn p^a‘ămōn zâāḇ wərimmwōn ‘al-šûlê hammə‘îl sāḇîḇ:

35 wəhāyâ ‘al-’ahărōn ləšārēṯ wənišəm^a‘ qwōlwō bəḇō’wō ’el-haqqōḏeš lifənê yəhwâ ûḇəṣē’ṯwō wəlō’ yāmûṯ: s

36 wə‘āśîṯā ṣṣîṣ zâāḇ ṭâwōr ûfit^aḥətā ‘ālāyw pitûḥê ḥōṯām qōḏeš layhwâ:

37 wəśamətā ’ōṯwō ‘al-pəṯîl təḵēleṯ wəhāyâ ‘al-hammiṣənāfeṯ ’el-mûl pənê-hammiṣənefeṯ yihəyeh:

38 wəhāyâ ‘al-mēṣ^aḥ ’ahărōn wənāśā’ ’ahărōn ’eṯ-‘ăwōn haqqŏḏāšîm ’ăšer yaqədîšû bənê yiśərā’ēl ləḵāl-matənōṯ qāḏəšêhem wəhāyâ ‘al-miṣəḥwō tāmîḏ lərāṣwōn lâem lifənê yəhwâ:

39 wəšibaṣətā hakəṯōneṯ šēš wə‘āśîṯā miṣənefeṯ šēš wə’aḇənēṭ t^a‘ăśeh m^a‘ăśēh rōqēm:

40 wəliḇənê ’ahărōn t^a‘ăśeh ḵutŏnōṯ wə‘āśîṯā lâem ’aḇənēṭîm ûmiḡəbā‘wōṯ t^a‘ăśeh lâem ləḵāḇwōḏ ûləṯifə’āreṯ:

41 wəhiləbašətā ’ōṯām ’eṯ-’ahărōn ’āḥîḵā wə’eṯ-bānāyw ’itwō ûmāš^aḥətā ’ōṯām ûmillē’ṯā ’eṯ-yāḏām wəqidašətā ’ōṯām wəḵihănû lî:

42 w^a‘ăśēh lâem miḵənəsê-ḇāḏ ləḵasswōṯ bəśar ‘erəwâ mimmāṯənayim wə‘aḏ-yərēḵayim yihəyû:

43 wəhāyû ‘al-’ahărōn wə‘al-bānāyw bəḇō’ām| ’el-’ōhel mwō‘ēḏ ’wō ḇəḡišətām ’el-hammizəbēḥa ləšārēṯ baqqōḏeš wəlō’-yiśə’û ‘āwōn wāmēṯû ḥuqqaṯ ‘wōlām lwō ûləzarə‘wō ’^aḥărāyw: s

‎1 ‏וְזֶ֨ה³ הַדָּבָ֜ר אֲשֶֽׁר־תַּעֲשֶׂ֥ה לָהֶ֛ם לְקַדֵּ֥שׁ אֹתָ֖ם לְכַהֵ֣ן לִ֑י לְ֠קַח פַּ֣ר אֶחָ֧ד בֶּן־בָּקָ֛ר וְאֵילִ֥ם שְׁנַ֖יִם תְּמִימִֽם׃

‎2 ‏וְלֶ֣חֶם מַצּ֗וֹת וְחַלֹּ֤ת מַצֹּת֙ בְּלוּלֹ֣ת בַּשֶּׁ֔מֶן וּרְקִיקֵ֥י מַצּ֖וֹת מְשֻׁחִ֣ים בַּשָּׁ֑מֶן סֹ֥לֶת חִטִּ֖ים תַּעֲשֶׂ֥ה אֹתָֽם׃

‎3 ‏וְנָתַתָּ֤ אוֹתָם֙ עַל־סַ֣ל אֶחָ֔ד וְהִקְרַבְתָּ֥ אֹתָ֖ם בַּסָּ֑ל וְאֶ֨ת־הַפָּ֔ר וְאֵ֖ת שְׁנֵ֥י הָאֵילִֽם׃

‎4 ‏וְאֶת־אַהֲרֹ֤ן וְאֶת־בָּנָיו֙ תַּקְרִ֔יב אֶל־פֶּ֖תַח אֹ֣הֶל מוֹעֵ֑ד וְרָחַצְתָּ֥ אֹתָ֖ם בַּמָּֽיִם׃

‎5 ‏וְלָקַחְתָּ֣ אֶת־הַבְּגָדִ֗ים וְהִלְבַּשְׁתָּ֤ אֶֽת־אַהֲרֹן֙ אֶת־הַכֻּתֹּ֔נֶת וְאֵת֙ מְעִ֣יל הָאֵפֹ֔ד וְאֶת־הָאֵפֹ֖ד וְאֶת־הַחֹ֑שֶׁן וְאָפַדְתָּ֣ ל֔וֹ בְּחֵ֖שֶׁב הָאֵפֹֽד׃

‎6 ‏וְשַׂמְתָּ֥ הַמִּצְנֶ֖פֶת עַל־רֹאשׁ֑וֹ וְנָתַתָּ֛ אֶת־נֵ֥זֶר הַקֹּ֖דֶשׁ עַל־הַמִּצְנָֽפֶת׃

‎7 ‏וְלָֽקַחְתָּ֙ אֶת־שֶׁ֣מֶן הַמִּשְׁחָ֔ה וְיָצַקְתָּ֖ עַל־רֹאשׁ֑וֹ וּמָשַׁחְתָּ֖ אֹתֽוֹ׃

‎8 ‏וְאֶת־בָּנָ֖יו תַּקְרִ֑יב וְהִלְבַּשְׁתָּ֖ם כֻּתֳּנֹֽת׃

‎9 ‏וְחָגַרְתָּ֩ אֹתָ֨ם אַבְנֵ֜ט אַהֲרֹ֣ן וּבָנָ֗יו וְחָבַשְׁתָּ֤ לָהֶם֙ מִגְבָּעֹ֔ת וְהָיְתָ֥ה לָהֶ֛ם כְּהֻנָּ֖ה לְחֻקַּ֣ת עוֹלָ֑ם וּמִלֵּאתָ֥ יַֽד־אַהֲרֹ֖ן וְיַד־בָּנָֽיו׃

‎10 ‏וְהִקְרַבְתָּ֙ אֶת־הַפָּ֔ר לִפְנֵ֖י אֹ֣הֶל מוֹעֵ֑ד וְסָמַ֨ךְ אַהֲרֹ֧ן וּבָנָ֛יו אֶת־יְדֵיהֶ֖ם עַל־רֹ֥אשׁ הַפָּֽר׃

‎11 ‏וְשָׁחַטְתָּ֥ אֶת־הַפָּ֖ר לִפְנֵ֣י יְהוָ֑ה פֶּ֖תַח אֹ֥הֶל מוֹעֵֽד׃

‎12 ‏וְלָֽקַחְתָּ֙ מִדַּ֣ם הַפָּ֔ר וְנָתַתָּ֛ה עַל־קַרְנֹ֥ת הַמִּזְבֵּ֖חַ בְּאֶצְבָּעֶ֑ךָ וְאֶת־כָּל־הַדָּ֣ם תִּשְׁפֹּ֔ךְ אֶל־יְס֖וֹד הַמִּזְבֵּֽחַ׃

‎13 ‏וְלָֽקַחְתָּ֗ אֶֽת־כָּל־הַחֵלֶב֮ הַֽמְכַסֶּ֣ה אֶת־הַקֶּרֶב֒ וְאֵ֗ת הַיֹּתֶ֙רֶת֙ עַל־הַכָּבֵ֔ד וְאֵת֙ שְׁתֵּ֣י הַכְּלָיֹ֔ת וְאֶת־הַחֵ֖לֶב אֲשֶׁ֣ר עֲלֵיהֶ֑ן וְהִקְטַרְתָּ֖ הַמִּזְבֵּֽחָה׃

‎14 ‏וְאֶת־בְּשַׂ֤ר הַפָּר֙ וְאֶת־עֹר֣וֹ וְאֶת־פִּרְשׁ֔וֹ תִּשְׂרֹ֣ף בָּאֵ֔שׁ מִח֖וּץ לַֽמַּחֲנֶ֑ה חַטָּ֖את הֽוּא׃

‎15 ‏וְאֶת־הָאַ֥יִל הָאֶחָ֖ד תִּקָּ֑ח וְסָ֨מְכ֜וּ אַהֲרֹ֧ן וּבָנָ֛יו אֶת־יְדֵיהֶ֖ם עַל־רֹ֥אשׁ הָאָֽיִל׃

‎16 ‏וְשָׁחַטְתָּ֖ אֶת־הָאָ֑יִל וְלָֽקַחְתָּ֙ אֶת־דָּמ֔וֹ וְזָרַקְתָּ֥ עַל־הַמִּזְבֵּ֖חַ סָבִֽיב׃

‎17 ‏וְאֶ֨ת־הָאַ֔יִל תְּנַתֵּ֖חַ לִנְתָחָ֑יו וְרָחַצְתָּ֤ קִרְבּוֹ֙ וּכְרָעָ֔יו וְנָתַתָּ֥ עַל־נְתָחָ֖יו וְעַל־רֹאשֽׁוֹ׃

‎18 ‏וְהִקְטַרְתָּ֤ אֶת־כָּל־הָאַ֙יִל֙ הַמִּזְבֵּ֔חָה עֹלָ֥ה ה֖וּא לַֽיהוָ֑ה רֵ֣יחַ נִיח֔וֹחַ אִשֶּׁ֥ה לַיהוָ֖ה הֽוּא׃

‎19 ‏וְלָ֣קַחְתָּ֔ אֵ֖ת הָאַ֣יִל הַשֵּׁנִ֑י וְסָמַ֨ךְ אַהֲרֹ֧ן וּבָנָ֛יו אֶת־יְדֵיהֶ֖ם עַל־רֹ֥אשׁ הָאָֽיִל׃

‎20 ‏וְשָׁחַטְתָּ֣ אֶת־הָאַ֗יִל וְלָקַחְתָּ֤ מִדָּמוֹ֙ וְנָֽתַתָּ֡ה עַל־תְּנוּךְ֩ אֹ֨זֶן אַהֲרֹ֜ן וְעַל־תְּנ֨וּךְ אֹ֤זֶן בָּנָיו֙ הַיְמָנִ֔ית וְעַל־בֹּ֤הֶן יָדָם֙ הַיְמָנִ֔ית וְעַל־בֹּ֥הֶן רַגְלָ֖ם הַיְמָנִ֑ית וְזָרַקְתָּ֧ אֶת־הַדָּ֛ם עַל־הַמִּזְבֵּ֖חַ סָבִֽיב׃

‎21 ‏וְלָקַחְתָּ֞ מִן־הַדָּ֨ם אֲשֶׁ֥ר עַֽל־הַמִּזְבֵּחַ֮ וּמִשֶּׁ֣מֶן הַמִּשְׁחָה֒ וְהִזֵּיתָ֤ עַֽל־אַהֲרֹן֙ וְעַל־בְּגָדָ֔יו וְעַל־בָּנָ֛יו וְעַל־בִּגְדֵ֥י בָנָ֖יו אִתּ֑וֹ וְקָדַ֥שׁ הוּא֙ וּבְגָדָ֔יו וּבָנָ֛יו וּבִגְדֵ֥י בָנָ֖יו אִתּֽוֹ׃

‎22 ‏וְלָקַחְתָּ֣ מִן־הָ֠אַיִל הַחֵ֨לֶב וְהָֽאַלְיָ֜ה וְאֶת־הַחֵ֣לֶב׀ הַֽמְכַסֶּ֣ה אֶת־הַקֶּ֗רֶב וְאֵ֨ת יֹתֶ֤רֶת הַכָּבֵד֙ וְאֵ֣ת׀ שְׁתֵּ֣י הַכְּלָיֹ֗ת וְאֶת־הַחֵ֙לֶב֙ אֲשֶׁ֣ר עֲלֵהֶ֔ן וְאֵ֖ת שׁ֣וֹק הַיָּמִ֑ין כִּ֛י אֵ֥יל מִלֻּאִ֖ים הֽוּא׃

‎23 ‏וְכִכַּ֨ר לֶ֜חֶם אַחַ֗ת וַֽחַלַּ֨ת לֶ֥חֶם שֶׁ֛מֶן אַחַ֖ת וְרָקִ֣יק אֶחָ֑ד מִסַּל֙³ הַמַּצּ֔וֹת אֲשֶׁ֖ר לִפְנֵ֥י יְהוָֽה׃

‎24 ‏וְשַׂמְתָּ֣ הַכֹּ֔ל עַ֚ל כַּפֵּ֣י אַהֲרֹ֔ן וְעַ֖ל כַּפֵּ֣י בָנָ֑יו וְהֵנַפְתָּ֥ אֹתָ֛ם תְּנוּפָ֖ה לִפְנֵ֥י יְהוָֽה׃

‎25 ‏וְלָקַחְתָּ֤ אֹתָם֙ מִיָּדָ֔ם וְהִקְטַרְתָּ֥ הַמִּזְבֵּ֖חָה עַל־הָעֹלָ֑ה לְרֵ֤יחַ נִיח֙וֹחַ֙ לִפְנֵ֣י יְהוָ֔ה אִשֶּׁ֥ה ה֖וּא לַיהוָֽה׃

‎26 ‏וְלָקַחְתָּ֣ אֶת־הֶֽחָזֶ֗ה מֵאֵ֤יל הַמִּלֻּאִים֙ אֲשֶׁ֣ר לְאַהֲרֹ֔ן וְהֵנַפְתָּ֥ אֹת֛וֹ תְּנוּפָ֖ה לִפְנֵ֣י יְהוָ֑ה וְהָיָ֥ה לְךָ֖ לְמָנָֽה׃

‎27 ‏וְקִדַּשְׁתָּ֞ אֵ֣ת׀ חֲזֵ֣ה הַתְּנוּפָ֗ה וְאֵת֙ שׁ֣וֹק הַתְּרוּמָ֔ה אֲשֶׁ֥ר הוּנַ֖ף וַאֲשֶׁ֣ר הוּרָ֑ם מֵאֵיל֙ הַמִּלֻּאִ֔ים מֵאֲשֶׁ֥ר לְאַהֲרֹ֖ן וּמֵאֲשֶׁ֥ר לְבָנָֽיו׃

‎28 ‏וְהָיָה֩ לְאַהֲרֹ֨ן וּלְבָנָ֜יו לְחָק־עוֹלָ֗ם מֵאֵת֙ בְּנֵ֣י יִשְׂרָאֵ֔ל כִּ֥י תְרוּמָ֖ה ה֑וּא וּתְרוּמָ֞ה יִהְיֶ֨ה מֵאֵ֤ת בְּנֵֽי־יִשְׂרָאֵל֙ מִזִּבְחֵ֣י שַׁלְמֵיהֶ֔ם תְּרוּמָתָ֖ם לַיהוָֽה׃

‎29 ‏וּבִגְדֵ֤י הַקֹּ֙דֶשׁ֙ אֲשֶׁ֣ר לְאַהֲרֹ֔ן יִהְי֥וּ לְבָנָ֖יו אַחֲרָ֑יו לְמָשְׁחָ֣ה בָהֶ֔ם וּלְמַלֵּא־בָ֖ם אֶת־יָדָֽם׃

‎30 ‏שִׁבְעַ֣ת יָמִ֗ים יִלְבָּשָׁ֧ם הַכֹּהֵ֛ן תַּחְתָּ֖יו מִבָּנָ֑יו אֲשֶׁ֥ר יָבֹ֛א אֶל־אֹ֥הֶל מוֹעֵ֖ד לְשָׁרֵ֥ת בַּקֹּֽדֶשׁ׃

‎31 ‏וְאֵ֛ת אֵ֥יל הַמִּלֻּאִ֖ים תִּקָּ֑ח וּבִשַּׁלְתָּ֥ אֶת־בְּשָׂר֖וֹ בְּמָקֹ֥ם קָדֹֽשׁ׃

‎32 ‏וְאָכַ֨ל אַהֲרֹ֤ן וּבָנָיו֙ אֶת־בְּשַׂ֣ר הָאַ֔יִל וְאֶת־הַלֶּ֖חֶם אֲשֶׁ֣ר בַּסָּ֑ל פֶּ֖תַח אֹ֥הֶל מוֹעֵֽד׃

‎33 ‏וְאָכְל֤וּ אֹתָם֙ אֲשֶׁ֣ר כֻּפַּ֣ר בָּהֶ֔ם לְמַלֵּ֥א אֶת־יָדָ֖ם לְקַדֵּ֣שׁ אֹתָ֑ם וְזָ֥ר לֹא־יֹאכַ֖ל כִּי־קֹ֥דֶשׁ הֵֽם׃

‎34 ‏וְֽאִם־יִוָּתֵ֞ר מִבְּשַׂ֧ר הַמִּלֻּאִ֛ים וּמִן־הַלֶּ֖חֶם עַד־הַבֹּ֑קֶר וְשָׂרַפְתָּ֤ אֶת־הַנּוֹתָר֙ בָּאֵ֔שׁ לֹ֥א יֵאָכֵ֖ל כִּי־קֹ֥דֶשׁ הֽוּא׃

‎35 ‏וְעָשִׂ֜יתָ לְאַהֲרֹ֤ן וּלְבָנָיו֙ כָּ֔כָה כְּכֹ֥ל אֲשֶׁר־צִוִּ֖יתִי אֹתָ֑כָה שִׁבְעַ֥ת יָמִ֖ים תְּמַלֵּ֥א יָדָֽם׃

‎36 ‏וּפַ֨ר חַטָּ֜את תַּעֲשֶׂ֤ה לַיּוֹם֙ עַל־הַכִּפֻּרִ֔ים וְחִטֵּאתָ֙ עַל־הַמִּזְבֵּ֔חַ בְּכַפֶּרְךָ֖ עָלָ֑יו וּמָֽשַׁחְתָּ֥ אֹת֖וֹ לְקַדְּשֽׁוֹ׃

‎37 ‏שִׁבְעַ֣ת יָמִ֗ים תְּכַפֵּר֙ עַל־הַמִּזְבֵּ֔חַ וְקִדַּשְׁתָּ֖ אֹת֑וֹ וְהָיָ֤ה הַמִּזְבֵּ֙חַ֙ קֹ֣דֶשׁ קָֽדָשִׁ֔ים כָּל־הַנֹּגֵ֥עַ בַּמִּזְבֵּ֖חַ יִקְדָּֽשׁ׃ ס

‎38 ‏וְזֶ֕ה אֲשֶׁ֥ר תַּעֲשֶׂ֖ה עַל־הַמִּזְבֵּ֑חַ כְּבָשִׂ֧ים בְּנֵֽי־שָׁנָ֛ה שְׁנַ֥יִם לַיּ֖וֹם תָּמִֽיד׃

‎39 ‏אֶת־הַכֶּ֥בֶשׂ הָאֶחָ֖ד תַּעֲשֶׂ֣ה בַבֹּ֑קֶר וְאֵת֙ הַכֶּ֣בֶשׂ הַשֵּׁנִ֔י תַּעֲשֶׂ֖ה בֵּ֥ין הָעַרְבָּֽיִם׃

‎40 ‏וְעִשָּׂרֹ֨ן סֹ֜לֶת בָּל֨וּל בְּשֶׁ֤מֶן כָּתִית֙ רֶ֣בַע הַהִ֔ין וְנֵ֕סֶךְ רְבִעִ֥ית הַהִ֖ין יָ֑יִן לַכֶּ֖בֶשׂ הָאֶחָֽד׃

‎41 ‏וְאֵת֙ הַכֶּ֣בֶשׂ הַשֵּׁנִ֔י תַּעֲשֶׂ֖ה בֵּ֣ין הָעַרְבָּ֑יִם כְּמִנְחַ֨ת הַבֹּ֤קֶר וּכְנִסְכָּהּ֙ תַּֽעֲשֶׂה־לָּ֔הּ לְרֵ֣יחַ נִיחֹ֔חַ אִשֶּׁ֖ה לַיהוָֽה׃

‎42 ‏עֹלַ֤ת תָּמִיד֙ לְדֹרֹ֣תֵיכֶ֔ם פֶּ֥תַח אֹֽהֶל־מוֹעֵ֖ד לִפְנֵ֣י יְהוָ֑ה אֲשֶׁ֨ר אִוָּעֵ֤ד לָכֶם֙ שָׁ֔מָּה לְדַבֵּ֥ר אֵלֶ֖יךָ שָֽׁם׃

‎43 ‏וְנֹעַדְתִּ֥י שָׁ֖מָּה לִבְנֵ֣י יִשְׂרָאֵ֑ל וְנִקְדַּ֖שׁ בִּכְבֹדִֽי׃

‎44 ‏וְקִדַּשְׁתִּ֛י אֶת־אֹ֥הֶל מוֹעֵ֖ד וְאֶת־הַמִּזְבֵּ֑חַ וְאֶת־אַהֲרֹ֧ן וְאֶת־בָּנָ֛יו אֲקַדֵּ֖שׁ לְכַהֵ֥ן לִֽי׃

‎45 ‏וְשָׁ֣כַנְתִּ֔י בְּת֖וֹךְ בְּנֵ֣י יִשְׂרָאֵ֑ל וְהָיִ֥יתִי לָהֶ֖ם לֵאלֹהִֽים׃

‎46 ‏וְיָדְע֗וּ כִּ֣י אֲנִ֤י יְהוָה֙ אֱלֹ֣הֵיהֶ֔ם אֲשֶׁ֨ר הוֹצֵ֧אתִי אֹתָ֛ם מֵאֶ֥רֶץ מִצְרַ֖יִם לְשָׁכְנִ֣י בְתוֹכָ֑ם אֲנִ֖י יְהוָ֥ה אֱלֹהֵיהֶֽם׃ פ

1 wəzeh³ hadāḇār ’ăšer-t^a‘ăśeh lâem ləqadēš ’ōṯām ləḵahēn lî ləq^aḥ par ’eḥāḏ ben-bāqār wə’êlim šənayim təmîmim:

2 wəleḥem maṣṣwōṯ wəḥallōṯ maṣṣōṯ bəlûlōṯ baššemen ûrəqîqê maṣṣwōṯ məšuḥîm baššāmen sōleṯ ḥiṭṭîm t^a‘ăśeh ’ōṯām:

3 wənāṯatā ’wōṯām ‘al-sal ’eḥāḏ wəhiqəraḇətā ’ōṯām bassāl wə’eṯ-hapār wə’ēṯ šənê hā’êlim:

4 wə’eṯ-’ahărōn wə’eṯ-bānāyw taqərîḇ ’el-peṯ^aḥ ’ōhel mwō‘ēḏ wərāḥaṣətā ’ōṯām bammāyim:

5 wəlāq^aḥətā ’eṯ-habəḡāḏîm wəhiləbašətā ’eṯ-’ahărōn ’eṯ-hakutōneṯ wə’ēṯ mə‘îl hā’ēfōḏ wə’eṯ-hā’ēfōḏ wə’eṯ-h^aḥōšen wə’āfaḏətā lwō bəḥēšeḇ hā’ēfōḏ:

6 wəśamətā hammiṣənefeṯ ‘al-rō’šwō wənāṯatā ’eṯ-nēzer haqqōḏeš ‘al-hammiṣənāfeṯ:

7 wəlāq^aḥətā ’eṯ-šemen hammišəḥâ wəyāṣaqətā ‘al-rō’šwō ûmāš^aḥətā ’ōṯwō:

8 wə’eṯ-bānāyw taqərîḇ wəhiləbašətām kutŏnōṯ:

9 wəḥāḡarətā ’ōṯām ’aḇənēṭ ’ahărōn ûḇānāyw wəḥāḇašətā lâem miḡəbā‘ōṯ wəhāyəṯâ lâem kəhunnâ ləḥuqqaṯ ‘wōlām ûmillē’ṯā yaḏ-’ahărōn wəyaḏ-bānāyw:

10 wəhiqəraḇətā ’eṯ-hapār lifənê ’ōhel mwō‘ēḏ wəsāmaḵə ’ahărōn ûḇānāyw ’eṯ-yəḏêhem ‘al-rō’š hapār:

11 wəšāḥaṭətā ’eṯ-hapār lifənê yəhwâ peṯ^aḥ ’ōhel mwō‘ēḏ:

12 wəlāq^aḥətā midam hapār wənāṯatâ ‘al-qarənōṯ hammizəbēḥa bə’eṣəbā‘eḵā wə’eṯ-kāl-hadām tišəpōḵə ’el-yəswōḏ hammizəbēḥa:

13 wəlāq^aḥətā ’eṯ-kāl-h^aḥēleḇ haməḵasseh ’eṯ-haqqereḇ wə’ēṯ hayyōṯereṯ ‘al-hakāḇēḏ wə’ēṯ šətê hakəlāyōṯ wə’eṯ-h^aḥēleḇ ’ăšer ‘ălêhen wəhiqəṭarətā hammizəbēḥâ:

14 wə’eṯ-bəśar hapār wə’eṯ-‘ōrwō wə’eṯ-pirəšwō tiśərōf bā’ēš miḥûṣ lamm^aḥăneh ḥaṭṭā’ṯ hû’:

15 wə’eṯ-hā’ayil hā’eḥāḏ tiqqāḥ wəsāməḵû ’ahărōn ûḇānāyw ’eṯ-yəḏêhem ‘al-rō’š hā’āyil:

16 wəšāḥaṭətā ’eṯ-hā’āyil wəlāq^aḥətā ’eṯ-dāmwō wəzāraqətā ‘al-hammizəbēḥa sāḇîḇ:

17 wə’eṯ-hā’ayil tənatēḥa linəṯāḥāyw wərāḥaṣətā qirəbwō ûḵərā‘āyw wənāṯatā ‘al-nəṯāḥāyw wə‘al-rō’šwō:

18 wəhiqəṭarətā ’eṯ-kāl-hā’ayil hammizəbēḥâ ‘ōlâ hû’ layhwâ rêḥa nîḥwōḥa ’iššeh layhwâ hû’:

19 wəlāq^aḥətā ’ēṯ hā’ayil haššēnî wəsāmaḵə ’ahărōn ûḇānāyw ’eṯ-yəḏêhem ‘al-rō’š hā’āyil:

20 wəšāḥaṭətā ’eṯ-hā’ayil wəlāq^aḥətā midāmwō wənāṯatâ ‘al-tənûḵə ’ōzen ’ahărōn wə‘al-tənûḵə ’ōzen bānāyw hayəmānîṯ wə‘al-bōhen yāḏām hayəmānîṯ wə‘al-bōhen raḡəlām hayəmānîṯ wəzāraqətā ’eṯ-hadām ‘al-hammizəbēḥa sāḇîḇ:

21 wəlāq^aḥətā min-hadām ’ăšer ‘al-hammizəbēḥa ûmiššemen hammišəḥâ wəhizzêṯā ‘al-’ahărōn wə‘al-bəḡāḏāyw wə‘al-bānāyw wə‘al-biḡəḏê ḇānāyw ’itwō wəqāḏaš hû’ ûḇəḡāḏāyw ûḇānāyw ûḇiḡəḏê ḇānāyw ’itwō:

22 wəlāq^aḥətā min-hā’ayil h^aḥēleḇ wəhā’aləyâ wə’eṯ-h^aḥēleḇ| haməḵasseh ’eṯ-haqqereḇ wə’ēṯ yōṯereṯ hakāḇēḏ wə’ēṯ| šətê hakəlāyōṯ wə’eṯ-h^aḥēleḇ ’ăšer ‘ălēhen wə’ēṯ šwōq hayyāmîn kî ’êl millu’îm hû’:

23 wəḵikar leḥem ’^aḥaṯ w^aḥallaṯ leḥem šemen ’^aḥaṯ wərāqîq ’eḥāḏ missal³ hammaṣṣwōṯ ’ăšer lifənê yəhwâ:

24 wəśamətā hakōl ‘al kapê ’ahărōn wə‘al kapê ḇānāyw wəhēnafətā ’ōṯām tənûfâ lifənê yəhwâ:

25 wəlāq^aḥətā ’ōṯām mîyāḏām wəhiqəṭarətā hammizəbēḥâ ‘al-hā‘ōlâ lərêḥa nîḥwōḥa lifənê yəhwâ ’iššeh hû’ layhwâ:

26 wəlāq^aḥətā ’eṯ-heḥāzeh mē’êl hammillu’îm ’ăšer lə’ahărōn wəhēnafətā ’ōṯwō tənûfâ lifənê yəhwâ wəhāyâ ləḵā ləmānâ:

27 wəqidašətā ’ēṯ| ḥăzēh hatənûfâ wə’ēṯ šwōq hatərûmâ ’ăšer hûnaf wa’ăšer hûrām mē’êl hammillu’îm mē’ăšer lə’ahărōn ûmē’ăšer ləḇānāyw:

28 wəhāyâ lə’ahărōn ûləḇānāyw ləḥāq-‘wōlām mē’ēṯ bənê yiśərā’ēl kî ṯərûmâ hû’ ûṯərûmâ yihəyeh mē’ēṯ bənê-yiśərā’ēl mizziḇəḥê šaləmêhem tərûmāṯām layhwâ:

29 ûḇiḡəḏê haqqōḏeš ’ăšer lə’ahărōn yihəyû ləḇānāyw ’^aḥărāyw ləmāšəḥâ ḇâem ûləmallē’-ḇām ’eṯ-yāḏām:

30 šiḇə‘aṯ yāmîm yiləbāšām hakōhēn t^aḥətāyw mibānāyw ’ăšer yāḇō’ ’el-’ōhel mwō‘ēḏ ləšārēṯ baqqōḏeš:

31 wə’ēṯ ’êl hammillu’îm tiqqāḥ ûḇiššalətā ’eṯ-bəśārwō bəmāqōm qāḏōš:

32 wə’āḵal ’ahărōn ûḇānāyw ’eṯ-bəśar hā’ayil wə’eṯ-halleḥem ’ăšer bassāl peṯ^aḥ ’ōhel mwō‘ēḏ:

33 wə’āḵəlû ’ōṯām ’ăšer kupar bâem ləmallē’ ’eṯ-yāḏām ləqadēš ’ōṯām wəzār lō’-yō’ḵal kî-qōḏeš hēm:

34 wə’im-yiûāṯēr mibəśar hammillu’îm ûmin-halleḥem ‘aḏ-habōqer wəśārafətā ’eṯ-hannwōṯār bā’ēš lō’ yē’āḵēl kî-qōḏeš hû’:

35 wə‘āśîṯā lə’ahărōn ûləḇānāyw kāḵâ kəḵōl ’ăšer-ṣiûîṯî ’ōṯāḵâ šiḇə‘aṯ yāmîm təmallē’ yāḏām:

36 ûfar ḥaṭṭā’ṯ t^a‘ăśeh layywōm ‘al-hakipurîm wəḥiṭṭē’ṯā ‘al-hammizəbēḥa bəḵaperəḵā ‘ālāyw ûmāš^aḥətā ’ōṯwō ləqadəšwō:

37 šiḇə‘aṯ yāmîm təḵapēr ‘al-hammizəbēḥa wəqidašətā ’ōṯwō wəhāyâ hammizəbēḥa qōḏeš qāḏāšîm kāl-hannōḡē‘a bammizəbēḥa yiqədāš: s

38 wəzeh ’ăšer t^a‘ăśeh ‘al-hammizəbēḥa kəḇāśîm bənê-šānâ šənayim layywōm tāmîḏ:

39 ’eṯ-hakeḇeś hā’eḥāḏ t^a‘ăśeh ḇabōqer wə’ēṯ hakeḇeś haššēnî t^a‘ăśeh bên hā‘arəbāyim:

40 wə‘iśśārōn sōleṯ bālûl bəšemen kāṯîṯ reḇ^a‘ hahîn wənēseḵə rəḇi‘îṯ hahîn yāyin lakeḇeś hā’eḥāḏ:

41 wə’ēṯ hakeḇeś haššēnî t^a‘ăśeh bên hā‘arəbāyim kəminəḥaṯ habōqer ûḵənisəkāh t^a‘ăśeh-llāh lərêḥa nîḥōḥa ’iššeh layhwâ:

42 ‘ōlaṯ tāmîḏ ləḏōrōṯêḵem peṯ^aḥ ’ōhel-mwō‘ēḏ lifənê yəhwâ ’ăšer ’iûā‘ēḏ lāḵem šāmmâ ləḏabēr ’ēleyḵā šām:

43 wənō‘aḏətî šāmmâ liḇənê yiśərā’ēl wəniqədaš biḵəḇōḏî:

44 wəqidašətî ’eṯ-’ōhel mwō‘ēḏ wə’eṯ-hammizəbēḥa wə’eṯ-’ahărōn wə’eṯ-bānāyw ’ăqadēš ləḵahēn lî:

45 wəšāḵanətî bəṯwōḵə bənê yiśərā’ēl wəhāyîṯî lâem lē’lōhîm:

46 wəyāḏə‘û kî ’ănî yəhwâ ’ĕlōhêhem ’ăšer hwōṣē’ṯî ’ōṯām mē’ereṣ miṣərayim ləšāḵənî ḇəṯwōḵām ’ănî yəhwâ ’ĕlōhêhem: f

‎1 ‏וְעָשִׂ֥יתָ מִזְבֵּ֖חַ מִקְטַ֣ר קְטֹ֑רֶת עֲצֵ֥י שִׁטִּ֖ים תַּעֲשֶׂ֥ה אֹתֽוֹ׃

‎2 ‏אַמָּ֨ה אָרְכּ֜וֹ וְאַמָּ֤ה רָחְבּוֹ֙ רָב֣וּעַ יִהְיֶ֔ה וְאַמָּתַ֖יִם קֹמָת֑וֹ מִמֶּ֖נּוּ קַרְנֹתָֽיו׃

‎3 ‏וְצִפִּיתָ֨ אֹת֜וֹ זָהָ֣ב טָה֗וֹר אֶת־גַּגּ֧וֹ וְאֶת־קִירֹתָ֛יו סָבִ֖יב וְאֶת־קַרְנֹתָ֑יו וְעָשִׂ֥יתָ לּ֛וֹ זֵ֥ר זָהָ֖ב סָבִֽיב׃

‎4 ‏וּשְׁתֵּי֩ טַבְּעֹ֨ת זָהָ֜ב תַּֽעֲשֶׂה־לּ֣וֹ׀ מִתַּ֣חַת לְזֵר֗וֹ עַ֚ל שְׁתֵּ֣י צַלְעֹתָ֔יו תַּעֲשֶׂ֖ה עַל־שְׁנֵ֣י צִדָּ֑יו וְהָיָה֙ לְבָתִּ֣ים לְבַדִּ֔ים לָשֵׂ֥את אֹת֖וֹ בָּהֵֽמָּה׃

‎5 ‏וְעָשִׂ֥יתָ אֶת־הַבַּדִּ֖ים עֲצֵ֣י שִׁטִּ֑ים וְצִפִּיתָ֥ אֹתָ֖ם זָהָֽב׃

‎6 ‏וְנָתַתָּ֤ה אֹתוֹ֙ לִפְנֵ֣י הַפָּרֹ֔כֶת אֲשֶׁ֖ר עַל־אֲרֹ֣ן הָעֵדֻ֑ת לִפְנֵ֣י הַכַּפֹּ֗רֶת אֲשֶׁר֙ עַל־הָ֣עֵדֻ֔ת אֲשֶׁ֛ר אִוָּעֵ֥ד לְךָ֖ שָֽׁמָּה׃

‎7 ‏וְהִקְטִ֥יר עָלָ֛יו אַהֲרֹ֖ן קְטֹ֣רֶת סַמִּ֑ים בַּבֹּ֣קֶר בַּבֹּ֗קֶר בְּהֵיטִיב֛וֹ אֶת־הַנֵּרֹ֖ת יַקְטִירֶֽנָּה׃

‎8 ‏וּבְהַעֲלֹ֨ת אַהֲרֹ֧ן אֶת־הַנֵּרֹ֛ת בֵּ֥ין הָעֲרְבַּ֖יִם יַקְטִירֶ֑נָּה קְטֹ֧רֶת תָּמִ֛יד לִפְנֵ֥י יְהוָ֖ה לְדֹרֹתֵיכֶֽם׃

‎9 ‏לֹא־תַעֲל֥וּ עָלָ֛יו קְטֹ֥רֶת זָרָ֖ה וְעֹלָ֣ה וּמִנְחָ֑ה וְנֵ֕סֶךְ לֹ֥א תִסְּכ֖וּ עָלָֽיו׃

‎10 ‏וְכִפֶּ֤ר אַהֲרֹן֙ עַל־קַרְנֹתָ֔יו אַחַ֖ת בַּשָּׁנָ֑ה מִדַּ֞ם חַטַּ֣את הַכִּפֻּרִ֗ים אַחַ֤ת בַּשָּׁנָה֙ יְכַפֵּ֤ר עָלָיו֙ לְדֹרֹ֣תֵיכֶ֔ם קֹֽדֶשׁ־קָֽדָשִׁ֥ים ה֖וּא לַיהוָֽה׃ פ

‎11 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎12 ‏כִּ֣י תִשָּׂ֞א אֶת־רֹ֥אשׁ בְּנֵֽי־יִשְׂרָאֵל֮³ לִפְקֻדֵיהֶם֒ וְנָ֨תְנ֜וּ אִ֣ישׁ כֹּ֧פֶר נַפְשׁ֛וֹ לַיהוָ֖ה בִּפְקֹ֣ד אֹתָ֑ם וְלֹא־יִהְיֶ֥ה בָהֶ֛ם נֶ֖גֶף בִּפְקֹ֥ד אֹתָֽם׃

‎13 ‏זֶ֣ה׀ יִתְּנ֗וּ כָּל־הָעֹבֵר֙ עַל־הַפְּקֻדִ֔ים מַחֲצִ֥ית הַשֶּׁ֖קֶל בְּשֶׁ֣קֶל הַקֹּ֑דֶשׁ עֶשְׂרִ֤ים גֵּרָה֙ הַשֶּׁ֔קֶל מַחֲצִ֣ית הַשֶּׁ֔קֶל תְּרוּמָ֖ה לַֽיהוָֽה׃

‎14 ‏כֹּ֗ל הָעֹבֵר֙ עַל־הַפְּקֻדִ֔ים מִבֶּ֛ן עֶשְׂרִ֥ים שָׁנָ֖ה וָמָ֑עְלָה יִתֵּ֖ן תְּרוּמַ֥ת יְהוָֽה׃

‎15 ‏הֶֽעָשִׁ֣יר לֹֽא־יַרְבֶּ֗ה וְהַדַּל֙ לֹ֣א יַמְעִ֔יט מִֽמַּחֲצִ֖ית הַשָּׁ֑קֶל לָתֵת֙ אֶת־תְּרוּמַ֣ת יְהוָ֔ה לְכַפֵּ֖ר עַל־נַפְשֹׁתֵיכֶֽם׃

‎16 ‏וְלָקַחְתָּ֞ אֶת־כֶּ֣סֶף הַכִּפֻּרִ֗ים מֵאֵת֙ בְּנֵ֣י יִשְׂרָאֵ֔ל וְנָתַתָּ֣ אֹת֔וֹ עַל־עֲבֹדַ֖ת אֹ֣הֶל מוֹעֵ֑ד וְהָיָה֩ לִבְנֵ֨י יִשְׂרָאֵ֤ל לְזִכָּרוֹן֙ לִפְנֵ֣י יְהוָ֔ה לְכַפֵּ֖ר עַל־נַפְשֹׁתֵיכֶֽם׃ פ

‎17 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎18 ‏וְעָשִׂ֜יתָ כִּיּ֥וֹר נְחֹ֛שֶׁת וְכַנּ֥וֹ נְחֹ֖שֶׁת לְרָחְצָ֑ה וְנָתַתָּ֣ אֹת֗וֹ בֵּֽין־אֹ֤הֶל מוֹעֵד֙ וּבֵ֣ין הַמִּזְבֵּ֔חַ וְנָתַתָּ֥ שָׁ֖מָּה מָֽיִם׃

‎19 ‏וְרָחֲצ֛וּ אַהֲרֹ֥ן וּבָנָ֖יו מִמֶּ֑נּוּ אֶת־יְדֵיהֶ֖ם וְאֶת־רַגְלֵיהֶֽם׃

‎20 ‏בְּבֹאָ֞ם אֶל־אֹ֧הֶל מוֹעֵ֛ד יִרְחֲצוּ־מַ֖יִם וְלֹ֣א יָמֻ֑תוּ א֣וֹ בְגִשְׁתָּ֤ם אֶל־הַמִּזְבֵּ֙חַ֙ לְשָׁרֵ֔ת לְהַקְטִ֥יר אִשֶּׁ֖ה לַֽיהוָֽה׃

‎21 ‏וְרָחֲצ֛וּ יְדֵיהֶ֥ם וְרַגְלֵיהֶ֖ם וְלֹ֣א יָמֻ֑תוּ וְהָיְתָ֨ה לָהֶ֧ם חָק־עוֹלָ֛ם ל֥וֹ וּלְזַרְע֖וֹ לְדֹרֹתָֽם׃ פ

‎22 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎23 ‏וְאַתָּ֣ה קַח־לְךָ֮ בְּשָׂמִ֣ים רֹאשׁ֒ מָר־דְּרוֹר֙ חֲמֵ֣שׁ מֵא֔וֹת וְקִנְּמָן־בֶּ֥שֶׂם מַחֲצִית֖וֹ חֲמִשִּׁ֣ים וּמָאתָ֑יִם וּקְנֵה־בֹ֖שֶׂם חֲמִשִּׁ֥ים וּמָאתָֽיִם׃

‎24 ‏וְקִדָּ֕ה חֲמֵ֥שׁ מֵא֖וֹת בְּשֶׁ֣קֶל הַקֹּ֑דֶשׁ וְשֶׁ֥מֶן זַ֖יִת הִֽין׃

‎25 ‏וְעָשִׂ֣יתָ אֹת֗וֹ שֶׁ֚מֶן מִשְׁחַת־קֹ֔דֶשׁ רֹ֥קַח מִרְקַ֖חַת מַעֲשֵׂ֣ה רֹקֵ֑חַ שֶׁ֥מֶן מִשְׁחַת־קֹ֖דֶשׁ יִהְיֶֽה׃

‎26 ‏וּמָשַׁחְתָּ֥ ב֖וֹ אֶת־אֹ֣הֶל מוֹעֵ֑ד וְאֵ֖ת אֲר֥וֹן הָעֵדֻֽת׃

‎27 ‏וְאֶת־הַשֻּׁלְחָן֙ וְאֶת־כָּל־כֵּלָ֔יו וְאֶת־הַמְּנֹרָ֖ה וְאֶת־כֵּלֶ֑יהָ וְאֵ֖ת מִזְבַּ֥ח הַקְּטֹֽרֶת׃

‎28 ‏וְאֶת־מִזְבַּ֥ח הָעֹלָ֖ה וְאֶת־כָּל־כֵּלָ֑יו וְאֶת־הַכִּיֹּ֖ר וְאֶת־כַּנּֽוֹ׃

‎29 ‏וְקִדַּשְׁתָּ֣ אֹתָ֔ם וְהָי֖וּ קֹ֣דֶשׁ קָֽדָשִׁ֑ים כָּל־הַנֹּגֵ֥עַ בָּהֶ֖ם יִקְדָּֽשׁ׃

‎30 ‏וְאֶת־אַהֲרֹ֥ן וְאֶת־בָּנָ֖יו תִּמְשָׁ֑ח וְקִדַּשְׁתָּ֥ אֹתָ֖ם לְכַהֵ֥ן לִֽי׃

‎31 ‏וְאֶל־בְּנֵ֥י יִשְׂרָאֵ֖ל תְּדַבֵּ֣ר לֵאמֹ֑ר שֶׁ֠מֶן מִשְׁחַת־קֹ֨דֶשׁ יִהְיֶ֥ה זֶ֛ה לִ֖י לְדֹרֹתֵיכֶֽם׃

‎32 ‏עַל־בְּשַׂ֤ר אָדָם֙ לֹ֣א יִיסָ֔ךְ וּבְמַ֨תְכֻּנְתּ֔וֹ לֹ֥א תַעֲשׂ֖וּ כָּמֹ֑הוּ קֹ֣דֶשׁ ה֔וּא קֹ֖דֶשׁ יִהְיֶ֥ה לָכֶֽם׃

‎33 ‏אִ֚ישׁ אֲשֶׁ֣ר יִרְקַ֣ח כָּמֹ֔הוּ וַאֲשֶׁ֥ר יִתֵּ֛ן מִמֶּ֖נּוּ עַל־זָ֑ר וְנִכְרַ֖ת מֵעַמָּֽיו׃ ס

‎34 ‏וַיֹּאמֶר֩ יְהוָ֨ה אֶל־מֹשֶׁ֜ה קַח־לְךָ֣ סַמִּ֗ים נָטָ֤ף׀ וּשְׁחֵ֙לֶת֙ וְחֶלְבְּנָ֔ה סַמִּ֖ים וּלְבֹנָ֣ה זַכָּ֑ה בַּ֥ד בְּבַ֖ד יִהְיֶֽה׃

‎35 ‏וְעָשִׂ֤יתָ אֹתָהּ֙ קְטֹ֔רֶת רֹ֖קַח מַעֲשֵׂ֣ה רוֹקֵ֑חַ מְמֻלָּ֖ח טָה֥וֹר קֹֽדֶשׁ׃

‎36 ‏וְשָֽׁחַקְתָּ֣ מִמֶּנָּה֮ הָדֵק֒ וְנָתַתָּ֨ה מִמֶּ֜נָּה לִפְנֵ֤י הָעֵדֻת֙ בְּאֹ֣הֶל מוֹעֵ֔ד אֲשֶׁ֛ר אִוָּעֵ֥ד לְךָ֖ שָׁ֑מָּה קֹ֥דֶשׁ קָֽדָשִׁ֖ים תִּהְיֶ֥ה לָכֶֽם׃

‎37 ‏וְהַקְּטֹ֙רֶת֙ אֲשֶׁ֣ר תַּעֲשֶׂ֔ה בְּמַ֨תְכֻּנְתָּ֔הּ לֹ֥א תַעֲשׂ֖וּ לָכֶ֑ם קֹ֛דֶשׁ תִּהְיֶ֥ה לְךָ֖ לַיהוָֽה׃

‎38 ‏אִ֛ישׁ אֲשֶׁר־יַעֲשֶׂ֥ה כָמ֖וֹהָ לְהָרִ֣יחַ בָּ֑הּ וְנִכְרַ֖ת מֵעַמָּֽיו׃ ס

1 wə‘āśîṯā mizəbēḥa miqəṭar qəṭōreṯ ‘ăṣê šiṭṭîm t^a‘ăśeh ’ōṯwō:

2 ’ammâ ’ārəkwō wə’ammâ rāḥəbwō rāḇû‘a yihəyeh wə’ammāṯayim qōmāṯwō mimmennû qarənōṯāyw:

3 wəṣipîṯā ’ōṯwō zâāḇ ṭâwōr ’eṯ-gagwō wə’eṯ-qîrōṯāyw sāḇîḇ wə’eṯ-qarənōṯāyw wə‘āśîṯā llwō zēr zâāḇ sāḇîḇ:

4 ûšətê ṭabə‘ōṯ zâāḇ t^a‘ăśeh-llwō| mit^aḥaṯ ləzērwō ‘al šətê ṣalə‘ōṯāyw t^a‘ăśeh ‘al-šənê ṣidāyw wəhāyâ ləḇātîm ləḇadîm lāśē’ṯ ’ōṯwō bâēmmâ: