Tanakh, the Hebrew Bible: Torah, part 2 of 2

‎1 ‏וַיְהִי֙ בַּיּ֣וֹם הַשְּׁמִינִ֔י קָרָ֣א מֹשֶׁ֔ה לְאַהֲרֹ֖ן וּלְבָנָ֑יו וּלְזִקְנֵ֖י יִשְׂרָאֵֽל׃

‎2 ‏וַיֹּ֣אמֶר אֶֽל־אַהֲרֹ֗ן קַח־לְ֠ךָ עֵ֣גֶל בֶּן־בָּקָ֧ר לְחַטָּ֛את וְאַ֥יִל לְעֹלָ֖ה תְּמִימִ֑ם וְהַקְרֵ֖ב לִפְנֵ֥י יְהוָֽה׃

‎3 ‏וְאֶל־בְּנֵ֥י יִשְׂרָאֵ֖ל תְּדַבֵּ֣ר לֵאמֹ֑ר קְח֤וּ שְׂעִיר־עִזִּים֙ לְחַטָּ֔את וְעֵ֨גֶל וָכֶ֧בֶשׂ בְּנֵי־שָׁנָ֛ה תְּמִימִ֖ם לְעֹלָֽה׃

‎4 ‏וְשׁ֨וֹר וָאַ֜יִל לִשְׁלָמִ֗ים לִזְבֹּ֙חַ֙ לִפְנֵ֣י יְהוָ֔ה וּמִנְחָ֖ה בְּלוּלָ֣ה בַשָּׁ֑מֶן כִּ֣י הַיּ֔וֹם יְהוָ֖ה נִרְאָ֥ה אֲלֵיכֶֽם׃

‎5 ‏וַיִּקְח֗וּ אֵ֚ת אֲשֶׁ֣ר צִוָּ֣ה מֹשֶׁ֔ה אֶל־פְּנֵ֖י אֹ֣הֶל מוֹעֵ֑ד וַֽיִּקְרְבוּ֙ כָּל־הָ֣עֵדָ֔ה וַיַּֽעַמְד֖וּ לִפְנֵ֥י יְהוָֽה׃

‎6 ‏וַיֹּ֣אמֶר מֹשֶׁ֔ה זֶ֧ה הַדָּבָ֛ר אֲשֶׁר־צִוָּ֥ה יְהוָ֖ה תַּעֲשׂ֑וּ וְיֵרָ֥א אֲלֵיכֶ֖ם כְּב֥וֹד יְהוָֽה׃

‎7 ‏וַיֹּ֨אמֶר מֹשֶׁ֜ה אֶֽל־אַהֲרֹ֗ן קְרַ֤ב אֶל־הַמִּזְבֵּ֙חַ֙ וַעֲשֵׂ֞ה אֶת־חַטָּֽאתְךָ֙ וְאֶת־עֹ֣לָתֶ֔ךָ וְכַפֵּ֥ר בַּֽעַדְךָ֖ וּבְעַ֣ד הָעָ֑ם וַעֲשֵׂ֞ה אֶת־קָרְבַּ֤ן הָעָם֙ וְכַפֵּ֣ר בַּֽעֲדָ֔ם כַּאֲשֶׁ֖ר צִוָּ֥ה יְהוָֽה׃

‎8 ‏וַיִּקְרַ֥ב אַהֲרֹ֖ן אֶל־הַמִּזְבֵּ֑חַ וַיִּשְׁחַ֛ט אֶת־עֵ֥גֶל הַחַטָּ֖את אֲשֶׁר־לֽוֹ׃

‎9 ‏וַ֠יַּקְרִבוּ בְּנֵ֨י אַהֲרֹ֣ן אֶת־הַדָּם֮ אֵלָיו֒ וַיִּטְבֹּ֤ל אֶצְבָּעוֹ֙ בַּדָּ֔ם וַיִּתֵּ֖ן עַל־קַרְנ֣וֹת הַמִּזְבֵּ֑חַ וְאֶת־הַדָּ֣ם יָצַ֔ק אֶל־יְס֖וֹד הַמִּזְבֵּֽחַ׃

‎10 ‏וְאֶת־הַחֵ֨לֶב וְאֶת־הַכְּלָיֹ֜ת וְאֶת־הַיֹּתֶ֤רֶת מִן־הַכָּבֵד֙ מִן־הַ֣חַטָּ֔את הִקְטִ֖יר הַמִּזְבֵּ֑חָה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

‎11 ‏וְאֶת־הַבָּשָׂ֖ר וְאֶת־הָע֑וֹר שָׂרַ֣ף בָּאֵ֔שׁ מִח֖וּץ לַֽמַּחֲנֶֽה׃

‎12 ‏וַיִּשְׁחַ֖ט אֶת־הָעֹלָ֑ה וַ֠יַּמְצִאוּ בְּנֵ֨י אַהֲרֹ֤ן אֵלָיו֙ אֶת־הַדָּ֔ם וַיִּזְרְקֵ֥הוּ עַל־הַמִּזְבֵּ֖חַ סָבִֽיב׃

‎13 ‏וְאֶת־הָעֹלָ֗ה הִמְצִ֧יאוּ אֵלָ֛יו לִנְתָחֶ֖יהָ וְאֶת־הָרֹ֑אשׁ וַיַּקְטֵ֖ר עַל־הַמִּזְבֵּֽחַ׃

‎14 ‏וַיִּרְחַ֥ץ אֶת־הַקֶּ֖רֶב וְאֶת־הַכְּרָעָ֑יִם וַיַּקְטֵ֥ר עַל־הָעֹלָ֖ה הַמִּזְבֵּֽחָה׃

‎15 ‏וַיַּקְרֵ֕ב אֵ֖ת קָרְבַּ֣ן הָעָ֑ם וַיִּקַּ֞ח אֶת־שְׂעִ֤יר הַֽחַטָּאת֙ אֲשֶׁ֣ר לָעָ֔ם וַיִּשְׁחָטֵ֥הוּ וַֽיְחַטְּאֵ֖הוּ כָּרִאשֽׁוֹן׃

‎16 ‏וַיַּקְרֵ֖ב אֶת־הָעֹלָ֑ה וַֽיַּעֲשֶׂ֖הָ כַּמִּשְׁפָּֽט׃

‎17 ‏וַיַּקְרֵב֮ אֶת־הַמִּנְחָה֒ וַיְמַלֵּ֤א כַפּוֹ֙ מִמֶּ֔נָּה וַיַּקְטֵ֖ר עַל־הַמִּזְבֵּ֑חַ מִלְּבַ֖ד עֹלַ֥ת הַבֹּֽקֶר׃

‎18 ‏וַיִּשְׁחַ֤ט אֶת־הַשּׁוֹר֙ וְאֶת־הָאַ֔יִל זֶ֥בַח הַשְּׁלָמִ֖ים אֲשֶׁ֣ר לָעָ֑ם וַ֠יַּמְצִאוּ בְּנֵ֨י אַהֲרֹ֤ן אֶת־הַדָּם֙ אֵלָ֔יו וַיִּזְרְקֵ֥הוּ עַל־הַמִּזְבֵּ֖חַ סָבִֽיב׃

‎19 ‏וְאֶת־הַחֲלָבִ֖ים מִן־הַשּׁ֑וֹר וּמִן־הָאַ֔יִל הָֽאַלְיָ֤ה וְהַֽמְכַסֶּה֙ וְהַכְּלָיֹ֔ת וְיֹתֶ֖רֶת הַכָּבֵֽד׃

‎20 ‏וַיָּשִׂ֥ימוּ אֶת־הַחֲלָבִ֖ים עַל־הֶחָז֑וֹת וַיַּקְטֵ֥ר הַחֲלָבִ֖ים הַמִּזְבֵּֽחָה׃

‎21 ‏וְאֵ֣ת הֶחָז֗וֹת וְאֵת֙ שׁ֣וֹק הַיָּמִ֔ין הֵנִ֧יף אַהֲרֹ֛ן תְּנוּפָ֖ה לִפְנֵ֣י יְהוָ֑ה כַּאֲשֶׁ֖ר צִוָּ֥ה מֹשֶֽׁה׃

‎22 ‏וַיִּשָּׂ֨א אַהֲרֹ֧ן אֶת־ידו יָדָ֛יו אֶל־הָעָ֖ם וַֽיְבָרְכֵ֑ם וַיֵּ֗רֶד מֵעֲשֹׂ֧ת הַֽחַטָּ֛את וְהָעֹלָ֖ה וְהַשְּׁלָמִֽים׃

‎23 ‏וַיָּבֹ֨א מֹשֶׁ֤ה וְאַהֲרֹן֙ אֶל־אֹ֣הֶל מוֹעֵ֔ד וַיֵּ֣צְא֔וּ וַֽיְבָרֲכ֖וּ אֶת־הָעָ֑ם וַיֵּרָ֥א כְבוֹד־יְהוָ֖ה אֶל־כָּל־הָעָֽם׃

‎24 ‏וַתֵּ֤צֵא אֵשׁ֙ מִלִּפְנֵ֣י יְהוָ֔ה וַתֹּ֙אכַל֙ עַל־הַמִּזְבֵּ֔חַ אֶת־הָעֹלָ֖ה וְאֶת־הַחֲלָבִ֑ים וַיַּ֤רְא כָּל־הָעָם֙ וַיָּרֹ֔נּוּ וַֽיִּפְּל֖וּ עַל־פְּנֵיהֶֽם׃

1 wayəhî bayywōm haššəmînî qārā’ mōšeh lə’ahărōn ûləḇānāyw ûləziqənê yiśərā’ēl:

2 wayyō’mer ’el-’ahărōn q^aḥ-ləḵā ‘ēḡel ben-bāqār ləḥaṭṭā’ṯ wə’ayil lə‘ōlâ təmîmim wəhaqərēḇ lifənê yəhwâ:

3 wə’el-bənê yiśərā’ēl təḏabēr lē’mōr qəḥû śə‘îr-‘izzîm ləḥaṭṭā’ṯ wə‘ēḡel wāḵeḇeś bənê-šānâ təmîmim lə‘ōlâ:

4 wəšwōr wā’ayil lišəlāmîm lizəbōḥa lifənê yəhwâ ûminəḥâ bəlûlâ ḇaššāmen kî hayywōm yəhwâ nirə’â ’ălêḵem:

5 wayyiqəḥû ’ēṯ ’ăšer ṣiûâ mōšeh ’el-pənê ’ōhel mwō‘ēḏ wayyiqərəḇû kāl-hā‘ēḏâ wayy^a‘aməḏû lifənê yəhwâ:

6 wayyō’mer mōšeh zeh hadāḇār ’ăšer-ṣiûâ yəhwâ t^a‘ăśû wəyērā’ ’ălêḵem kəḇwōḏ yəhwâ:

7 wayyō’mer mōšeh ’el-’ahărōn qəraḇ ’el-hammizəbēḥa w^a‘ăśēh ’eṯ-ḥaṭṭā’ṯəḵā wə’eṯ-‘ōlāṯeḵā wəḵapēr b^a‘aḏəḵā ûḇə‘aḏ hā‘ām w^a‘ăśēh ’eṯ-qārəban hā‘ām wəḵapēr b^a‘ăḏām ka’ăšer ṣiûâ yəhwâ:

8 wayyiqəraḇ ’ahărōn ’el-hammizəbēḥa wayyišəḥaṭ ’eṯ-‘ēḡel h^aḥaṭṭā’ṯ ’ăšer-lwō:

9 wayyaqəriḇû bənê ’ahărōn ’eṯ-hadām ’ēlāyw wayyiṭəbōl ’eṣəbā‘wō badām wayyitēn ‘al-qarənwōṯ hammizəbēḥa wə’eṯ-hadām yāṣaq ’el-yəswōḏ hammizəbēḥa:

10 wə’eṯ-h^aḥēleḇ wə’eṯ-hakəlāyōṯ wə’eṯ-hayyōṯereṯ min-hakāḇēḏ min-h^aḥaṭṭā’ṯ hiqəṭîr hammizəbēḥâ ka’ăšer ṣiûâ yəhwâ ’eṯ-mōšeh:

11 wə’eṯ-habāśār wə’eṯ-hā‘wōr śāraf bā’ēš miḥûṣ lamm^aḥăneh:

12 wayyišəḥaṭ ’eṯ-hā‘ōlâ wayyaməṣi’û bənê ’ahărōn ’ēlāyw ’eṯ-hadām wayyizərəqēhû ‘al-hammizəbēḥa sāḇîḇ:

13 wə’eṯ-hā‘ōlâ himəṣî’û ’ēlāyw linəṯāḥeyhā wə’eṯ-hārō’š wayyaqəṭēr ‘al-hammizəbēḥa:

14 wayyirəḥaṣ ’eṯ-haqqereḇ wə’eṯ-hakərā‘āyim wayyaqəṭēr ‘al-hā‘ōlâ hammizəbēḥâ:

15 wayyaqərēḇ ’ēṯ qārəban hā‘ām wayyiqq^aḥ ’eṯ-śə‘îr h^aḥaṭṭā’ṯ ’ăšer lā‘ām wayyišəḥāṭēhû wayəḥaṭṭə’ēhû kāri’šwōn:

16 wayyaqərēḇ ’eṯ-hā‘ōlâ wayy^a‘ăśehā kammišəpāṭ:

17 wayyaqərēḇ ’eṯ-hamminəḥâ wayəmallē’ ḵapwō mimmennâ wayyaqəṭēr ‘al-hammizəbēḥa milləḇaḏ ‘ōlaṯ habōqer:

18 wayyišəḥaṭ ’eṯ-haššwōr wə’eṯ-hā’ayil zeḇ^aḥ haššəlāmîm ’ăšer lā‘ām wayyaməṣi’û bənê ’ahărōn ’eṯ-hadām ’ēlāyw wayyizərəqēhû ‘al-hammizəbēḥa sāḇîḇ:

19 wə’eṯ-h^aḥălāḇîm min-haššwōr ûmin-hā’ayil hā’aləyâ wəhaməḵasseh wəhakəlāyōṯ wəyōṯereṯ hakāḇēḏ:

20 wayyāśîmû ’eṯ-h^aḥălāḇîm ‘al-heḥāzwōṯ wayyaqəṭēr h^aḥălāḇîm hammizəbēḥâ:

21 wə’ēṯ heḥāzwōṯ wə’ēṯ šwōq hayyāmîn hēnîf ’ahărōn tənûfâ lifənê yəhwâ ka’ăšer ṣiûâ mōšeh:

22 wayyiśśā’ ’ahărōn ’eṯ-yāḏwō yāḏāyw ’el-hā‘ām wayəḇārəḵēm wayyēreḏ mē‘ăśōṯ h^aḥaṭṭā’ṯ wəhā‘ōlâ wəhaššəlāmîm:

23 wayyāḇō’ mōšeh wə’ahărōn ’el-’ōhel mwō‘ēḏ wayyēṣə’û wayəḇārăḵû ’eṯ-hā‘ām wayyērā’ ḵəḇwōḏ-yəhwâ ’el-kāl-hā‘ām:

24 watēṣē’ ’ēš millifənê yəhwâ watō’ḵal ‘al-hammizəbēḥa ’eṯ-hā‘ōlâ wə’eṯ-h^aḥălāḇîm wayyarə’ kāl-hā‘ām wayyārōnnû wayyipəlû ‘al-pənêhem:

‎1 ‏וַיִּקְח֣וּ בְנֵֽי־אַ֠הֲרֹן נָדָ֨ב וַאֲבִיה֜וּא אִ֣ישׁ מַחְתָּת֗וֹ וַיִּתְּנ֤וּ בָהֵן֙ אֵ֔שׁ וַיָּשִׂ֥ימוּ עָלֶ֖יהָ קְטֹ֑רֶת וַיַּקְרִ֜בוּ לִפְנֵ֤י יְהוָה֙ אֵ֣שׁ זָרָ֔ה אֲשֶׁ֧ר לֹ֦א צִוָּ֖ה אֹתָֽם׃

‎2 ‏וַתֵּ֥צֵא אֵ֛שׁ מִלִּפְנֵ֥י יְהוָ֖ה וַתֹּ֣אכַל אוֹתָ֑ם וַיָּמֻ֖תוּ לִפְנֵ֥י יְהוָֽה׃

‎3 ‏וַיֹּ֨אמֶר מֹשֶׁ֜ה אֶֽל־אַהֲרֹ֗ן הוּא֩ אֲשֶׁר־דִּבֶּ֨ר יְהוָ֤ה׀ לֵאמֹר֙ בִּקְרֹבַ֣י אֶקָּדֵ֔שׁ וְעַל־פְּנֵ֥י כָל־הָעָ֖ם אֶכָּבֵ֑ד וַיִּדֹּ֖ם אַהֲרֹֽן׃

‎4 ‏וַיִּקְרָ֣א מֹשֶׁ֗ה אֶל־מִֽישָׁאֵל֙ וְאֶ֣ל אֶלְצָפָ֔ן בְּנֵ֥י עֻזִּיאֵ֖ל דֹּ֣ד אַהֲרֹ֑ן וַיֹּ֣אמֶר אֲלֵהֶ֗ם קִ֠רְב֞וּ³ שְׂא֤וּ אֶת־אֲחֵיכֶם֙ מֵאֵ֣ת פְּנֵי־הַקֹּ֔דֶשׁ אֶל־מִח֖וּץ לַֽמַּחֲנֶֽה׃

‎5 ‏וַֽיִּקְרְב֗וּ וַיִּשָּׂאֻם֙ בְּכֻתֳּנֹתָ֔ם אֶל־מִח֖וּץ לַֽמַּחֲנֶ֑ה כַּאֲשֶׁ֖ר דִּבֶּ֥ר מֹשֶֽׁה׃

‎6 ‏וַיֹּ֣אמֶר מֹשֶׁ֣ה אֶֽל־אַהֲרֹ֡ן וּלְאֶלְעָזָר֩ וּלְאִֽיתָמָ֨ר׀ בָּנָ֜יו רָֽאשֵׁיכֶ֥ם אַל־תִּפְרָ֣עוּ׀ וּבִגְדֵיכֶ֤ם לֹֽא־תִפְרֹ֙מוּ֙ וְלֹ֣א תָמֻ֔תוּ וְעַ֥ל כָּל־הָעֵדָ֖ה יִקְצֹ֑ף וַאֲחֵיכֶם֙ כָּל־בֵּ֣ית יִשְׂרָאֵ֔ל יִבְכּוּ֙ אֶת־הַשְּׂרֵפָ֔ה אֲשֶׁ֖ר שָׂרַ֥ף יְהוָֽה׃

‎7 ‏וּמִפֶּתַח֩ אֹ֨הֶל מוֹעֵ֜ד לֹ֤א תֵֽצְאוּ֙ פֶּן־תָּמֻ֔תוּ כִּי־שֶׁ֛מֶן מִשְׁחַ֥ת יְהוָ֖ה עֲלֵיכֶ֑ם וַֽיַּעֲשׂ֖וּ כִּדְבַ֥ר מֹשֶֽׁה׃ פ

‎8 ‏וַיְדַבֵּ֣ר יְהוָ֔ה אֶֽל־אַהֲרֹ֖ן לֵאמֹֽר׃

‎9 ‏יַ֣יִן וְשֵׁכָ֞ר אַל־תֵּ֣שְׁתְּ׀ אַתָּ֣ה׀ וּבָנֶ֣יךָ אִתָּ֗ךְ בְּבֹאֲכֶ֛ם אֶל־אֹ֥הֶל מוֹעֵ֖ד וְלֹ֣א תָמֻ֑תוּ חֻקַּ֥ת עוֹלָ֖ם לְדֹרֹתֵיכֶֽם׃

‎10 ‏וּֽלֲהַבְדִּ֔יל בֵּ֥ין הַקֹּ֖דֶשׁ וּבֵ֣ין הַחֹ֑ל וּבֵ֥ין הַטָּמֵ֖א וּבֵ֥ין הַטָּהֽוֹר׃

‎11 ‏וּלְהוֹרֹ֖ת אֶת־בְּנֵ֣י יִשְׂרָאֵ֑ל אֵ֚ת כָּל־הַ֣חֻקִּ֔ים אֲשֶׁ֨ר דִּבֶּ֧ר יְהוָ֛ה אֲלֵיהֶ֖ם בְּיַד־מֹשֶֽׁה׃ פ

‎12 ‏וַיְדַבֵּ֨ר מֹשֶׁ֜ה אֶֽל־אַהֲרֹ֗ן וְאֶ֣ל אֶ֠לְעָזָר וְאֶל־אִ֨יתָמָ֥ר׀ בָּנָיו֮ הַנּֽוֹתָרִים֒ קְח֣וּ אֶת־הַמִּנְחָ֗ה הַנּוֹתֶ֙רֶת֙ מֵאִשֵּׁ֣י יְהוָ֔ה וְאִכְל֥וּהָ מַצּ֖וֹת אֵ֣צֶל הַמִּזְבֵּ֑חַ כִּ֛י קֹ֥דֶשׁ קָֽדָשִׁ֖ים הִֽוא׃

‎13 ‏וַאֲכַלְתֶּ֤ם אֹתָהּ֙ בְּמָק֣וֹם קָדֹ֔שׁ כִּ֣י חָקְךָ֤ וְחָק־בָּנֶ֙יךָ֙ הִ֔וא מֵאִשֵּׁ֖י יְהוָ֑ה כִּי־כֵ֖ן צֻוֵּֽיתִי׃

‎14 ‏וְאֵת֩ חֲזֵ֨ה הַתְּנוּפָ֜ה וְאֵ֣ת׀ שׁ֣וֹק הַתְּרוּמָ֗ה תֹּֽאכְלוּ֙ בְּמָק֣וֹם טָה֔וֹר אַתָּ֕ה וּבָנֶ֥יךָ וּבְנֹתֶ֖יךָ אִתָּ֑ךְ כִּֽי־חָקְךָ֤ וְחָק־בָּנֶ֙יךָ֙ נִתְּנ֔וּ מִזִּבְחֵ֥י שַׁלְמֵ֖י בְּנֵ֥י יִשְׂרָאֵֽל׃

‎15 ‏שׁ֣וֹק הַתְּרוּמָ֞ה וַחֲזֵ֣ה הַתְּנוּפָ֗ה עַ֣ל אִשֵּׁ֤י הַחֲלָבִים֙ יָבִ֔יאוּ לְהָנִ֥יף תְּנוּפָ֖ה לִפְנֵ֣י יְהוָ֑ה וְהָיָ֨ה לְךָ֜ וּלְבָנֶ֤יךָ אִתְּךָ֙ לְחָק־עוֹלָ֔ם כַּאֲשֶׁ֖ר³ צִוָּ֥ה יְהוָֽה׃

‎16 ‏וְאֵ֣ת׀ שְׂעִ֣יר הַֽחַטָּ֗את דָּרֹ֥שׁ דָּרַ֛שׁ מֹשֶׁ֖ה וְהִנֵּ֣ה שֹׂרָ֑ף וַ֠יִּקְצֹף עַל־אֶלְעָזָ֤ר וְעַל־אִֽיתָמָר֙ בְּנֵ֣י אַהֲרֹ֔ן הַנּוֹתָרִ֖ם לֵאמֹֽר׃

‎17 ‏מַדּ֗וּעַ לֹֽא־אֲכַלְתֶּ֤ם אֶת־הַחַטָּאת֙³ בִּמְק֣וֹם הַקֹּ֔דֶשׁ כִּ֛י קֹ֥דֶשׁ קָֽדָשִׁ֖ים הִ֑וא וְאֹתָ֣הּ׀ נָתַ֣ן לָכֶ֗ם לָשֵׂאת֙ אֶת־עֲוֹ֣ן הָעֵדָ֔ה לְכַפֵּ֥ר עֲלֵיהֶ֖ם לִפְנֵ֥י יְהוָֽה׃

‎18 ‏הֵ֚ן לֹא־הוּבָ֣א אֶת־דָּמָ֔הּ אֶל־הַקֹּ֖דֶשׁ פְּנִ֑ימָה אָכ֨וֹל תֹּאכְל֥וּ אֹתָ֛הּ בַּקֹּ֖דֶשׁ כַּאֲשֶׁ֥ר צִוֵּֽיתִי׃

‎19 ‏וַיְדַבֵּ֨ר אַהֲרֹ֜ן אֶל־מֹשֶׁ֗ה הֵ֣ן הַ֠יּוֹם הִקְרִ֨יבוּ אֶת־חַטָּאתָ֤ם וְאֶת־עֹֽלָתָם֙ לִפְנֵ֣י יְהוָ֔ה וַתִּקְרֶ֥אנָה אֹתִ֖י כָּאֵ֑לֶּה וְאָכַ֤לְתִּי חַטָּאת֙ הַיּ֔וֹם הַיִּיטַ֖ב בְּעֵינֵ֥י יְהוָֽה׃

‎20 ‏וַיִּשְׁמַ֣ע מֹשֶׁ֔ה וַיִּיטַ֖ב בְּעֵינָֽיו׃ פ

1 wayyiqəḥû ḇənê-’ahărōn nāḏāḇ wa’ăḇîhû’ ’îš m^aḥətāṯwō wayyitənû ḇâēn ’ēš wayyāśîmû ‘āleyhā qəṭōreṯ wayyaqəriḇû lifənê yəhwâ ’ēš zārâ ’ăšer lō’ ṣiûâ ’ōṯām:

2 watēṣē’ ’ēš millifənê yəhwâ watō’ḵal ’wōṯām wayyāmuṯû lifənê yəhwâ:

3 wayyō’mer mōšeh ’el-’ahărōn hû’ ’ăšer-diber yəhwâ| lē’mōr biqərōḇay ’eqqāḏēš wə‘al-pənê ḵāl-hā‘ām ’ekāḇēḏ wayyidōm ’ahărōn:

4 wayyiqərā’ mōšeh ’el-mîšā’ēl wə’el ’eləṣāfān bənê ‘uzzî’ēl dōḏ ’ahărōn wayyō’mer ’ălēhem qirəḇû³ śə’û ’eṯ-’ăḥêḵem mē’ēṯ pənê-haqqōḏeš ’el-miḥûṣ lamm^aḥăneh:

5 wayyiqərəḇû wayyiśśā’um bəḵutŏnōṯām ’el-miḥûṣ lamm^aḥăneh ka’ăšer diber mōšeh:

6 wayyō’mer mōšeh ’el-’ahărōn ûlə’elə‘āzār ûlə’îṯāmār| bānāyw rā’šêḵem ’al-tifərā‘û| ûḇiḡəḏêḵem lō’-ṯifərōmû wəlō’ ṯāmuṯû wə‘al kāl-hā‘ēḏâ yiqəṣōf wa’ăḥêḵem kāl-bêṯ yiśərā’ēl yiḇəkû ’eṯ-haśśərēfâ ’ăšer śāraf yəhwâ:

7 ûmipeṯ^aḥ ’ōhel mwō‘ēḏ lō’ ṯēṣə’û pen-tāmuṯû kî-šemen mišəḥaṯ yəhwâ ‘ălêḵem wayy^a‘ăśû kiḏəḇar mōšeh: f

8 wayəḏabēr yəhwâ ’el-’ahărōn lē’mōr:

9 yayin wəšēḵār ’al-tēšətə| ’atâ| ûḇāneyḵā ’itāḵə bəḇō’ăḵem ’el-’ōhel mwō‘ēḏ wəlō’ ṯāmuṯû ḥuqqaṯ ‘wōlām ləḏōrōṯêḵem:

10 ûlăhaḇədîl bên haqqōḏeš ûḇên h^aḥōl ûḇên haṭṭāmē’ ûḇên haṭṭâwōr:

11 ûləhwōrōṯ ’eṯ-bənê yiśərā’ēl ’ēṯ kāl-h^aḥuqqîm ’ăšer diber yəhwâ ’ălêhem bəyaḏ-mōšeh: f

12 wayəḏabēr mōšeh ’el-’ahărōn wə’el ’elə‘āzār wə’el-’îṯāmār| bānāyw hannwōṯārîm qəḥû ’eṯ-hamminəḥâ hannwōṯereṯ mē’iššê yəhwâ wə’iḵəlûhā maṣṣwōṯ ’ēṣel hammizəbēḥa kî qōḏeš qāḏāšîm hiw’:

13 wa’ăḵalətem ’ōṯāh bəmāqwōm qāḏōš kî ḥāqəḵā wəḥāq-bāneyḵā hiw’ mē’iššê yəhwâ kî-ḵēn ṣuûêṯî:

14 wə’ēṯ ḥăzēh hatənûfâ wə’ēṯ| šwōq hatərûmâ tō’ḵəlû bəmāqwōm ṭâwōr ’atâ ûḇāneyḵā ûḇənōṯeyḵā ’itāḵə kî-ḥāqəḵā wəḥāq-bāneyḵā nitənû mizziḇəḥê šaləmê bənê yiśərā’ēl:

15 šwōq hatərûmâ w^aḥăzēh hatənûfâ ‘al ’iššê h^aḥălāḇîm yāḇî’û ləhānîf tənûfâ lifənê yəhwâ wəhāyâ ləḵā ûləḇāneyḵā ’itəḵā ləḥāq-‘wōlām ka’ăšer³ ṣiûâ yəhwâ:

16 wə’ēṯ| śə‘îr h^aḥaṭṭā’ṯ dārōš dāraš mōšeh wəhinnēh śōrāf wayyiqəṣōf ‘al-’elə‘āzār wə‘al-’îṯāmār bənê ’ahărōn hannwōṯārim lē’mōr:

17 madû‘a lō’-’ăḵalətem ’eṯ-h^aḥaṭṭā’ṯ³ biməqwōm haqqōḏeš kî qōḏeš qāḏāšîm hiw’ wə’ōṯāh| nāṯan lāḵem lāśē’ṯ ’eṯ-‘ăwōn hā‘ēḏâ ləḵapēr ‘ălêhem lifənê yəhwâ:

18 hēn lō’-hûḇā’ ’eṯ-dāmāh ’el-haqqōḏeš pənîmâ ’āḵwōl tō’ḵəlû ’ōṯāh baqqōḏeš ka’ăšer ṣiûêṯî:

19 wayəḏabēr ’ahărōn ’el-mōšeh hēn hayywōm hiqərîḇû ’eṯ-ḥaṭṭā’ṯām wə’eṯ-‘ōlāṯām lifənê yəhwâ watiqəre’nâ ’ōṯî kā’ēlleh wə’āḵalətî ḥaṭṭā’ṯ hayywōm hayyîṭaḇ bə‘ênê yəhwâ:

20 wayyišəm^a‘ mōšeh wayyîṭaḇ bə‘ênāyw: f

‎1 ‏וַיְדַבֵּ֧ר יְהוָ֛ה אֶל־מֹשֶׁ֥ה וְאֶֽל־אַהֲרֹ֖ן לֵאמֹ֥ר אֲלֵהֶֽם׃

‎2 ‏דַּבְּר֛וּ אֶל־בְּנֵ֥י יִשְׂרָאֵ֖ל לֵאמֹ֑ר זֹ֤את הַֽחַיָּה֙ אֲשֶׁ֣ר תֹּאכְל֔וּ מִכָּל־הַבְּהֵמָ֖ה אֲשֶׁ֥ר עַל־הָאָֽרֶץ׃

‎3 ‏כֹּ֣ל׀ מַפְרֶ֣סֶת פַּרְסָ֗ה וְשֹׁסַ֤עַת שֶׁ֙סַע֙ פְּרָסֹ֔ת מַעֲלַ֥ת גֵּרָ֖ה בַּבְּהֵמָ֑ה אֹתָ֖הּ תֹּאכֵֽלוּ׃

‎4 ‏אַ֤ךְ אֶת־זֶה֙ לֹ֣א תֹֽאכְל֔וּ מִֽמַּעֲלֵי֙ הַגֵּרָ֔ה וּמִמַּפְרִיסֵ֖י הַפַּרְסָ֑ה אֶֽת־הַ֠גָּמָל כִּֽי־מַעֲלֵ֨ה גֵרָ֜ה ה֗וּא וּפַרְסָה֙ אֵינֶ֣נּוּ מַפְרִ֔יס טָמֵ֥א ה֖וּא לָכֶֽם׃

‎5 ‏וְאֶת־הַשָּׁפָ֗ן כִּֽי־מַעֲלֵ֤ה גֵרָה֙ ה֔וּא וּפַרְסָ֖ה לֹ֣א יַפְרִ֑יס טָמֵ֥א ה֖וּא לָכֶֽם׃

‎6 ‏וְאֶת־הָאַרְנֶ֗בֶת כִּֽי־מַעֲלַ֤ת גֵּרָה֙ הִ֔וא וּפַרְסָ֖ה לֹ֣א הִפְרִ֑יסָה טְמֵאָ֥ה הִ֖וא לָכֶֽם׃

‎7 ‏וְאֶת־הַ֠חֲזִיר כִּֽי־מַפְרִ֨יס פַּרְסָ֜ה ה֗וּא וְשֹׁסַ֥ע שֶׁ֙סַע֙ פַּרְסָ֔ה וְה֖וּא גֵּרָ֣ה לֹֽא־יִגָּ֑ר טָמֵ֥א ה֖וּא לָכֶֽם׃

‎8 ‏מִבְּשָׂרָם֙ לֹ֣א תֹאכֵ֔לוּ וּבְנִבְלָתָ֖ם לֹ֣א תִגָּ֑עוּ טְמֵאִ֥ים הֵ֖ם לָכֶֽם׃

‎9 ‏אֶת־זֶה֙ תֹּֽאכְל֔וּ מִכֹּ֖ל אֲשֶׁ֣ר בַּמָּ֑יִם כֹּ֣ל אֲשֶׁר־לוֹ֩ סְנַפִּ֨יר וְקַשְׂקֶ֜שֶׂת בַּמַּ֗יִם בַּיַּמִּ֛ים וּבַנְּחָלִ֖ים אֹתָ֥ם תֹּאכֵֽלוּ׃

‎10 ‏וְכֹל֩ אֲשֶׁ֨ר אֵֽין־ל֜וֹ סְנַפִּ֣יר וְקַשְׂקֶ֗שֶׂת בַּיַּמִּים֙ וּבַנְּחָלִ֔ים מִכֹּל֙ שֶׁ֣רֶץ הַמַּ֔יִם וּמִכֹּ֛ל נֶ֥פֶשׁ הַחַיָּ֖ה אֲשֶׁ֣ר בַּמָּ֑יִם שֶׁ֥קֶץ הֵ֖ם לָכֶֽם׃

‎11 ‏וְשֶׁ֖קֶץ יִהְי֣וּ לָכֶ֑ם מִבְּשָׂרָם֙ לֹ֣א תֹאכֵ֔לוּ וְאֶת־נִבְלָתָ֖ם תְּשַׁקֵּֽצוּ׃

‎12 ‏כֹּ֣ל אֲשֶׁ֥ר אֵֽין־ל֛וֹ סְנַפִּ֥יר וְקַשְׂקֶ֖שֶׂת בַּמָּ֑יִם שֶׁ֥קֶץ ה֖וּא לָכֶֽם׃

‎13 ‏וְאֶת־אֵ֙לֶּה֙ תְּשַׁקְּצ֣וּ מִן־הָע֔וֹף לֹ֥א יֵאָכְל֖וּ שֶׁ֣קֶץ הֵ֑ם אֶת־הַנֶּ֙שֶׁר֙ וְאֶת־הַפֶּ֔רֶס וְאֵ֖ת הָעָזְנִיָּֽה׃

‎14 ‏וְאֶת־הַ֨דָּאָ֔ה וְאֶת־הָאַיָּ֖ה לְמִינָֽהּ׃

‎15 ‏אֵ֥ת כָּל־עֹרֵ֖ב לְמִינֽוֹ׃

‎16 ‏וְאֵת֙ בַּ֣ת הַֽיַּעֲנָ֔ה וְאֶת־הַתַּחְמָ֖ס וְאֶת־הַשָּׁ֑חַף וְאֶת־הַנֵּ֖ץ לְמִינֵֽהוּ׃

‎17 ‏וְאֶת־הַכּ֥וֹס וְאֶת־הַשָּׁלָ֖ךְ וְאֶת־הַיַּנְשֽׁוּף׃

‎18 ‏וְאֶת־הַתִּנְשֶׁ֥מֶת וְאֶת־הַקָּאָ֖ת וְאֶת־הָרָחָֽם׃

‎19 ‏וְאֵת֙ הַחֲסִידָ֔ה הָאֲנָפָ֖ה לְמִינָ֑הּ וְאֶת־הַדּוּכִיפַ֖ת וְאֶת־הָעֲטַלֵּֽף׃

‎20 ‏כֹּ֚ל שֶׁ֣רֶץ הָע֔וֹף הַהֹלֵ֖ךְ עַל־אַרְבַּ֑ע שֶׁ֥קֶץ ה֖וּא לָכֶֽם׃ ס

‎21 ‏אַ֤ךְ אֶת־זֶה֙ תֹּֽאכְל֔וּ מִכֹּל֙ שֶׁ֣רֶץ הָע֔וֹף הַהֹלֵ֖ךְ עַל־אַרְבַּ֑ע אֲשֶׁר־לא ל֤וֹ כְרָעַ֙יִם֙ מִמַּ֣עַל לְרַגְלָ֔יו לְנַתֵּ֥ר בָּהֵ֖ן עַל־הָאָֽרֶץ׃

‎22 ‏אֶת־אֵ֤לֶּה מֵהֶם֙ תֹּאכֵ֔לוּ אֶת־הָֽאַרְבֶּ֣ה³ לְמִינ֔וֹ וְאֶת־הַסָּלְעָ֖ם לְמִינֵ֑הוּ וְאֶת־הַחַרְגֹּ֣ל לְמִינֵ֔הוּ וְאֶת־הֶחָגָ֖ב לְמִינֵֽהוּ׃

‎23 ‏וְכֹל֙ שֶׁ֣רֶץ הָע֔וֹף אֲשֶׁר־ל֖וֹ אַרְבַּ֣ע רַגְלָ֑יִם שֶׁ֥קֶץ ה֖וּא לָכֶֽם׃

‎24 ‏וּלְאֵ֖לֶּה תִּטַּמָּ֑אוּ כָּל־הַנֹּגֵ֥עַ בְּנִבְלָתָ֖ם יִטְמָ֥א עַד־הָעָֽרֶב׃

‎25 ‏וְכָל־הַנֹּשֵׂ֖א מִנִּבְלָתָ֑ם יְכַבֵּ֥ס בְּגָדָ֖יו וְטָמֵ֥א עַד־הָעָֽרֶב׃

‎26 ‏לְֽכָל־הַבְּהֵמָ֡ה אֲשֶׁ֣ר הִוא֩ מַפְרֶ֨סֶת פַּרְסָ֜ה וְשֶׁ֣סַע׀ אֵינֶ֣נָּה שֹׁסַ֗עַת וְגֵרָה֙ אֵינֶ֣נָּה מַעֲלָ֔ה טְמֵאִ֥ים הֵ֖ם לָכֶ֑ם כָּל־הַנֹּגֵ֥עַ בָּהֶ֖ם יִטְמָֽא׃

‎27 ‏וְכֹ֣ל׀ הוֹלֵ֣ךְ עַל־כַּפָּ֗יו בְּכָל־הַֽחַיָּה֙ הַהֹלֶ֣כֶת עַל־אַרְבַּ֔ע טְמֵאִ֥ים הֵ֖ם לָכֶ֑ם כָּל־הַנֹּגֵ֥עַ בְּנִבְלָתָ֖ם יִטְמָ֥א עַד־הָעָֽרֶב׃

‎28 ‏וְהַנֹּשֵׂא֙ אֶת־נִבְלָתָ֔ם יְכַבֵּ֥ס בְּגָדָ֖יו וְטָמֵ֣א עַד־הָעָ֑רֶב טְמֵאִ֥ים הֵ֖מָּה לָכֶֽם׃ ס

‎29 ‏וְזֶ֤ה לָכֶם֙ הַטָּמֵ֔א בַּשֶּׁ֖רֶץ הַשֹּׁרֵ֣ץ עַל־הָאָ֑רֶץ הַחֹ֥לֶד וְהָעַכְבָּ֖ר וְהַצָּ֥ב לְמִינֵֽהוּ׃

‎30 ‏וְהָאֲנָקָ֥ה וְהַכֹּ֖חַ וְהַלְּטָאָ֑ה וְהַחֹ֖מֶט וְהַתִּנְשָֽׁמֶת׃

‎31 ‏אֵ֛לֶּה הַטְּמֵאִ֥ים לָכֶ֖ם בְּכָל־הַשָּׁ֑רֶץ כָּל־הַנֹּגֵ֧עַ בָּהֶ֛ם בְּמֹתָ֖ם יִטְמָ֥א עַד־הָעָֽרֶב׃

‎32 ‏וְכֹ֣ל אֲשֶׁר־יִפֹּל־עָלָיו֩ מֵהֶ֨ם׀ בְּמֹתָ֜ם יִטְמָ֗א מִכָּל־כְּלִי־עֵץ֙ א֣וֹ בֶ֤גֶד אוֹ־עוֹר֙ א֣וֹ שָׂ֔ק כָּל־כְּלִ֕י אֲשֶׁר־יֵעָשֶׂ֥ה מְלָאכָ֖ה בָּהֶ֑ם בַּמַּ֧יִם יוּבָ֛א וְטָמֵ֥א עַד־הָעֶ֖רֶב וְטָהֵֽר׃

‎33 ‏וְכָל־כְּלִי־חֶ֔רֶשׂ אֲשֶׁר־יִפֹּ֥ל מֵהֶ֖ם אֶל־תּוֹכ֑וֹ כֹּ֣ל אֲשֶׁ֧ר בְּתוֹכ֛וֹ יִטְמָ֖א וְאֹת֥וֹ תִשְׁבֹּֽרוּ׃

‎34 ‏מִכָּל־הָאֹ֜כֶל אֲשֶׁ֣ר יֵאָכֵ֗ל אֲשֶׁ֨ר יָב֥וֹא עָלָ֛יו מַ֖יִם יִטְמָ֑א וְכָל־מַשְׁקֶה֙ אֲשֶׁ֣ר יִשָּׁתֶ֔ה בְּכָל־כְּלִ֖י יִטְמָֽא׃

‎35 ‏וְ֠כֹל אֲשֶׁר־יִפֹּ֨ל מִנִּבְלָתָ֥ם׀ עָלָיו֮ יִטְמָא֒ תַּנּ֧וּר וְכִירַ֛יִם יֻתָּ֖ץ טְמֵאִ֣ים הֵ֑ם וּטְמֵאִ֖ים יִהְי֥וּ לָכֶֽם׃

‎36 ‏אַ֣ךְ מַעְיָ֥ן וּב֛וֹר מִקְוֵה־מַ֖יִם יִהְיֶ֣ה טָה֑וֹר וְנֹגֵ֥עַ בְּנִבְלָתָ֖ם יִטְמָֽא׃

‎37 ‏וְכִ֤י יִפֹּל֙ מִנִּבְלָתָ֔ם עַל־כָּל־זֶ֥רַע זֵר֖וּעַ אֲשֶׁ֣ר יִזָּרֵ֑עַ טָה֖וֹר הֽוּא׃

‎38 ‏וְכִ֤י יֻתַּן־מַ֙יִם֙ עַל־זֶ֔רַע וְנָפַ֥ל מִנִּבְלָתָ֖ם עָלָ֑יו טָמֵ֥א ה֖וּא לָכֶֽם׃ ס

‎39 ‏וְכִ֤י יָמוּת֙ מִן־הַבְּהֵמָ֔ה אֲשֶׁר־הִ֥יא לָכֶ֖ם לְאָכְלָ֑ה הַנֹּגֵ֥עַ בְּנִבְלָתָ֖הּ יִטְמָ֥א עַד־הָעָֽרֶב׃

‎40 ‏וְהָֽאֹכֵל֙ מִנִּבְלָתָ֔הּ יְכַבֵּ֥ס בְּגָדָ֖יו וְטָמֵ֣א עַד־הָעָ֑רֶב וְהַנֹּשֵׂא֙ אֶת־נִבְלָתָ֔הּ יְכַבֵּ֥ס בְּגָדָ֖יו וְטָמֵ֥א עַד־הָעָֽרֶב׃

‎41 ‏וְכָל־הַשֶּׁ֖רֶץ הַשֹּׁרֵ֣ץ עַל־הָאָ֑רֶץ שֶׁ֥קֶץ ה֖וּא לֹ֥א יֵאָכֵֽל׃

‎42 ‏כֹּל֩ הוֹלֵ֨ךְ עַל־גָּח֜וֹ⁵ן וְכֹ֣ל׀ הוֹלֵ֣ךְ עַל־אַרְבַּ֗ע עַ֚ד כָּל־מַרְבֵּ֣ה רַגְלַ֔יִם לְכָל־הַשֶּׁ֖רֶץ הַשֹּׁרֵ֣ץ עַל־הָאָ֑רֶץ לֹ֥א תֹאכְל֖וּם כִּי־שֶׁ֥קֶץ הֵֽם׃

‎43 ‏אַל־תְּשַׁקְּצוּ֙ אֶת־נַפְשֹׁ֣תֵיכֶ֔ם בְּכָל־הַשֶּׁ֖רֶץ הַשֹּׁרֵ֑ץ וְלֹ֤א תִֽטַּמְּאוּ֙ בָּהֶ֔ם וְנִטְמֵתֶ֖ם בָּֽם׃

‎44 ‏כִּ֣י אֲנִ֣י יְהוָה֮ אֱלֹֽהֵיכֶם֒ וְהִתְקַדִּשְׁתֶּם֙ וִהְיִיתֶ֣ם קְדֹשִׁ֔ים כִּ֥י קָד֖וֹשׁ אָ֑נִי וְלֹ֤א תְטַמְּאוּ֙ אֶת־נַפְשֹׁ֣תֵיכֶ֔ם בְּכָל־הַשֶּׁ֖רֶץ הָרֹמֵ֥שׂ עַל־הָאָֽרֶץ׃

‎45 ‏כִּ֣י׀ אֲנִ֣י יְהוָ֗ה הַֽמַּעֲלֶ֤ה אֶתְכֶם֙ מֵאֶ֣רֶץ מִצְרַ֔יִם לִהְיֹ֥ת לָכֶ֖ם לֵאלֹהִ֑ים וִהְיִיתֶ֣ם קְדֹשִׁ֔ים כִּ֥י קָד֖וֹשׁ אָֽנִי׃

‎46 ‏זֹ֣את תּוֹרַ֤ת הַבְּהֵמָה֙ וְהָע֔וֹף וְכֹל֙ נֶ֣פֶשׁ הַֽחַיָּ֔ה הָרֹמֶ֖שֶׂת בַּמָּ֑יִם וּלְכָל־נֶ֖פֶשׁ הַשֹּׁרֶ֥צֶת עַל־הָאָֽרֶץ׃

‎47 ‏לְהַבְדִּ֕יל בֵּ֥ין הַטָּמֵ֖א וּבֵ֣ין הַטָּהֹ֑ר וּבֵ֤ין הַֽחַיָּה֙ הַֽנֶּאֱכֶ֔לֶת וּבֵין֙ הַֽחַיָּ֔ה אֲשֶׁ֖ר לֹ֥א תֵאָכֵֽל׃ פ

1 wayəḏabēr yəhwâ ’el-mōšeh wə’el-’ahărōn lē’mōr ’ălēhem:

2 dabərû ’el-bənê yiśərā’ēl lē’mōr zō’ṯ h^aḥayyâ ’ăšer tō’ḵəlû mikāl-habəhēmâ ’ăšer ‘al-hā’āreṣ:

3 kōl| mafəreseṯ parəsâ wəšōs^a‘aṯ šes^a‘ pərāsōṯ m^a‘ălaṯ gērâ babəhēmâ ’ōṯāh tō’ḵēlû:

4 ’aḵə ’eṯ-zeh lō’ ṯō’ḵəlû mimm^a‘ălê hagērâ ûmimmafərîsê haparəsâ ’eṯ-hagāmāl kî-m^a‘ălēh ḡērâ hû’ ûfarəsâ ’ênennû mafərîs ṭāmē’ hû’ lāḵem:

5 wə’eṯ-haššāfān kî-m^a‘ălēh ḡērâ hû’ ûfarəsâ lō’ yafərîs ṭāmē’ hû’ lāḵem:

6 wə’eṯ-hā’arəneḇeṯ kî-m^a‘ălaṯ gērâ hiw’ ûfarəsâ lō’ hifərîsâ ṭəmē’â hiw’ lāḵem:

7 wə’eṯ-h^aḥăzîr kî-mafərîs parəsâ hû’ wəšōs^a‘ šes^a‘ parəsâ wəhû’ gērâ lō’-yigār ṭāmē’ hû’ lāḵem:

8 mibəśārām lō’ ṯō’ḵēlû ûḇəniḇəlāṯām lō’ ṯigā‘û ṭəmē’îm hēm lāḵem:

9 ’eṯ-zeh tō’ḵəlû mikōl ’ăšer bammāyim kōl ’ăšer-lwō sənapîr wəqaśəqeśeṯ bammayim bayyammîm ûḇannəḥālîm ’ōṯām tō’ḵēlû:

10 wəḵōl ’ăšer ’ên-lwō sənapîr wəqaśəqeśeṯ bayyammîm ûḇannəḥālîm mikōl šereṣ hammayim ûmikōl nefeš h^aḥayyâ ’ăšer bammāyim šeqeṣ hēm lāḵem:

11 wəšeqeṣ yihəyû lāḵem mibəśārām lō’ ṯō’ḵēlû wə’eṯ-niḇəlāṯām təšaqqēṣû:

12 kōl ’ăšer ’ên-lwō sənapîr wəqaśəqeśeṯ bammāyim šeqeṣ hû’ lāḵem:

13 wə’eṯ-’ēlleh təšaqqəṣû min-hā‘wōf lō’ yē’āḵəlû šeqeṣ hēm ’eṯ-hannešer wə’eṯ-haperes wə’ēṯ hā‘āzənîyâ:

14 wə’eṯ-hadā’â wə’eṯ-hā’ayyâ ləmînāh:

15 ’ēṯ kāl-‘ōrēḇ ləmînwō:

16 wə’ēṯ baṯ hayy^a‘ănâ wə’eṯ-hat^aḥəmās wə’eṯ-haššāḥaf wə’eṯ-hannēṣ ləmînēhû:

17 wə’eṯ-hakwōs wə’eṯ-haššālāḵə wə’eṯ-hayyanəšûf:

18 wə’eṯ-hatinəšemeṯ wə’eṯ-haqqā’āṯ wə’eṯ-hārāḥām:

19 wə’ēṯ h^aḥăsîḏâ hā’ănāfâ ləmînāh wə’eṯ-hadûḵîfaṯ wə’eṯ-hā‘ăṭallēf:

20 kōl šereṣ hā‘wōf hahōlēḵə ‘al-’arəb^a‘ šeqeṣ hû’ lāḵem: s

21 ’aḵə ’eṯ-zeh tō’ḵəlû mikōl šereṣ hā‘wōf hahōlēḵə ‘al-’arəb^a‘ ’ăšer-lō’ lwō ḵərā‘ayim mimm^a‘al ləraḡəlāyw lənatēr bâēn ‘al-hā’āreṣ:

22 ’eṯ-’ēlleh mēhem tō’ḵēlû ’eṯ-hā’arəbeh³ ləmînwō wə’eṯ-hassālə‘ām ləmînēhû wə’eṯ-h^aḥarəgōl ləmînēhû wə’eṯ-heḥāḡāḇ ləmînēhû:

23 wəḵōl šereṣ hā‘wōf ’ăšer-lwō ’arəb^a‘ raḡəlāyim šeqeṣ hû’ lāḵem:

24 ûlə’ēlleh tiṭṭammā’û kāl-hannōḡē‘a bəniḇəlāṯām yiṭəmā’ ‘aḏ-hā‘āreḇ:

25 wəḵāl-hannōśē’ minniḇəlāṯām yəḵabēs bəḡāḏāyw wəṭāmē’ ‘aḏ-hā‘āreḇ:

26 ləḵāl-habəhēmâ ’ăšer hiw’ mafəreseṯ parəsâ wəšes^a‘| ’ênennâ šōs^a‘aṯ wəḡērâ ’ênennâ m^a‘ălâ ṭəmē’îm hēm lāḵem kāl-hannōḡē‘a bâem yiṭəmā’:

27 wəḵōl| hwōlēḵə ‘al-kapāyw bəḵāl-h^aḥayyâ hahōleḵeṯ ‘al-’arəb^a‘ ṭəmē’îm hēm lāḵem kāl-hannōḡē‘a bəniḇəlāṯām yiṭəmā’ ‘aḏ-hā‘āreḇ:

28 wəhannōśē’ ’eṯ-niḇəlāṯām yəḵabēs bəḡāḏāyw wəṭāmē’ ‘aḏ-hā‘āreḇ ṭəmē’îm hēmmâ lāḵem: s

29 wəzeh lāḵem haṭṭāmē’ baššereṣ haššōrēṣ ‘al-hā’āreṣ h^aḥōleḏ wəhā‘aḵəbār wəhaṣṣāḇ ləmînēhû:

30 wəhā’ănāqâ wəhakōḥa wəhalləṭā’â wəh^aḥōmeṭ wəhatinəšāmeṯ:

31 ’ēlleh haṭṭəmē’îm lāḵem bəḵāl-haššāreṣ kāl-hannōḡē‘a bâem bəmōṯām yiṭəmā’ ‘aḏ-hā‘āreḇ:

32 wəḵōl ’ăšer-yipōl-‘ālāyw mēhem| bəmōṯām yiṭəmā’ mikāl-kəlî-‘ēṣ ’wō ḇeḡeḏ ’wō-‘wōr ’wō śāq kāl-kəlî ’ăšer-yē‘āśeh məlā’ḵâ bâem bammayim yûḇā’ wəṭāmē’ ‘aḏ-hā‘ereḇ wəṭâēr:

33 wəḵāl-kəlî-ḥereś ’ăšer-yipōl mēhem ’el-twōḵwō kōl ’ăšer bəṯwōḵwō yiṭəmā’ wə’ōṯwō ṯišəbōrû:

34 mikāl-hā’ōḵel ’ăšer yē’āḵēl ’ăšer yāḇwō’ ‘ālāyw mayim yiṭəmā’ wəḵāl-mašəqeh ’ăšer yiššāṯeh bəḵāl-kəlî yiṭəmā’:

35 wəḵōl ’ăšer-yipōl minniḇəlāṯām| ‘ālāyw yiṭəmā’ tannûr wəḵîrayim yutāṣ ṭəmē’îm hēm ûṭəmē’îm yihəyû lāḵem:

36 ’aḵə m^a‘əyān ûḇwōr miqəwēh-mayim yihəyeh ṭâwōr wənōḡē‘a bəniḇəlāṯām yiṭəmā’:

37 wəḵî yipōl minniḇəlāṯām ‘al-kāl-zer^a‘ zērû‘a ’ăšer yizzārē‘a ṭâwōr hû’:

38 wəḵî yutan-mayim ‘al-zer^a‘ wənāfal minniḇəlāṯām ‘ālāyw ṭāmē’ hû’ lāḵem: s

39 wəḵî yāmûṯ min-habəhēmâ ’ăšer-hî’ lāḵem lə’āḵəlâ hannōḡē‘a bəniḇəlāṯāh yiṭəmā’ ‘aḏ-hā‘āreḇ:

40 wəhā’ōḵēl minniḇəlāṯāh yəḵabēs bəḡāḏāyw wəṭāmē’ ‘aḏ-hā‘āreḇ wəhannōśē’ ’eṯ-niḇəlāṯāh yəḵabēs bəḡāḏāyw wəṭāmē’ ‘aḏ-hā‘āreḇ:

41 wəḵāl-haššereṣ haššōrēṣ ‘al-hā’āreṣ šeqeṣ hû’ lō’ yē’āḵēl:

42 kōl hwōlēḵə ‘al-gāḥwō⁵n wəḵōl| hwōlēḵə ‘al-’arəb^a‘ ‘aḏ kāl-marəbēh raḡəlayim ləḵāl-haššereṣ haššōrēṣ ‘al-hā’āreṣ lō’ ṯō’ḵəlûm kî-šeqeṣ hēm:

43 ’al-təšaqqəṣû ’eṯ-nafəšōṯêḵem bəḵāl-haššereṣ haššōrēṣ wəlō’ ṯiṭṭammə’û bâem wəniṭəmēṯem bām:

44 kî ’ănî yəhwâ ’ĕlōhêḵem wəhiṯəqadišətem wihəyîṯem qəḏōšîm kî qāḏwōš ’ānî wəlō’ ṯəṭammə’û ’eṯ-nafəšōṯêḵem bəḵāl-haššereṣ hārōmēś ‘al-hā’āreṣ:

45 kî| ’ănî yəhwâ hamm^a‘ăleh ’eṯəḵem mē’ereṣ miṣərayim lihəyōṯ lāḵem lē’lōhîm wihəyîṯem qəḏōšîm kî qāḏwōš ’ānî:

46 zō’ṯ twōraṯ habəhēmâ wəhā‘wōf wəḵōl nefeš h^aḥayyâ hārōmeśeṯ bammāyim ûləḵāl-nefeš haššōreṣeṯ ‘al-hā’āreṣ:

47 ləhaḇədîl bên haṭṭāmē’ ûḇên haṭṭâōr ûḇên h^aḥayyâ hanne’ĕḵeleṯ ûḇên h^aḥayyâ ’ăšer lō’ ṯē’āḵēl: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏דַּבֵּ֞ר אֶל־בְּנֵ֤י יִשְׂרָאֵל֙ לֵאמֹ֔ר אִשָּׁה֙ כִּ֣י תַזְרִ֔יעַ וְיָלְדָ֖ה זָכָ֑ר וְטָֽמְאָה֙ שִׁבְעַ֣ת יָמִ֔ים כִּימֵ֛י נִדַּ֥ת דְּוֹתָ֖הּ תִּטְמָֽא׃

‎3 ‏וּבַיּ֖וֹם הַשְּׁמִינִ֑י יִמּ֖וֹל בְּשַׂ֥ר עָרְלָתֽוֹ׃

‎4 ‏וּשְׁלֹשִׁ֥ים יוֹם֙ וּשְׁלֹ֣שֶׁת יָמִ֔ים תֵּשֵׁ֖ב בִּדְמֵ֣י טָהֳרָ֑ה בְּכָל־קֹ֣דֶשׁ לֹֽא־תִגָּ֗ע וְאֶל־הַמִּקְדָּשׁ֙ לֹ֣א תָבֹ֔א עַד־מְלֹ֖את יְמֵ֥י טָהֳרָֽהּ׃

‎5 ‏וְאִם־נְקֵבָ֣ה תֵלֵ֔ד וְטָמְאָ֥ה שְׁבֻעַ֖יִם כְּנִדָּתָ֑הּ וְשִׁשִּׁ֥ים יוֹם֙ וְשֵׁ֣שֶׁת יָמִ֔ים תֵּשֵׁ֖ב עַל־דְּמֵ֥י טָהֳרָֽה׃

‎6 ‏וּבִמְלֹ֣את׀ יְמֵ֣י טָהֳרָ֗הּ לְבֵן֮ א֣וֹ לְבַת֒ תָּבִ֞יא כֶּ֤בֶשׂ בֶּן־שְׁנָתוֹ֙ לְעֹלָ֔ה וּבֶן־יוֹנָ֥ה אוֹ־תֹ֖ר לְחַטָּ֑את אֶל־פֶּ֥תַח אֹֽהֶל־מוֹעֵ֖ד אֶל־הַכֹּהֵֽן׃

‎7 ‏וְהִקְרִיב֞וֹ לִפְנֵ֤י יְהוָה֙ וְכִפֶּ֣ר עָלֶ֔יהָ וְטָהֲרָ֖ה מִמְּקֹ֣ר דָּמֶ֑יהָ זֹ֤את תּוֹרַת֙ הַיֹּלֶ֔דֶת לַזָּכָ֖ר א֥וֹ לַנְּקֵבָֽה׃

‎8 ‏וְאִם־לֹ֨א תִמְצָ֣א יָדָהּ֮ דֵּ֣י שֶׂה֒ וְלָקְחָ֣ה שְׁתֵּֽי־תֹרִ֗ים א֤וֹ שְׁנֵי֙ בְּנֵ֣י יוֹנָ֔ה אֶחָ֥ד לְעֹלָ֖ה וְאֶחָ֣ד לְחַטָּ֑את וְכִפֶּ֥ר עָלֶ֛יהָ הַכֹּהֵ֖ן וְטָהֵֽרָה׃ פ

1 wayəḏabēr yəhwâ ’el-mōšeh llē’mōr:

2 dabēr ’el-bənê yiśərā’ēl lē’mōr ’iššâ kî ṯazərî‘a wəyāləḏâ zāḵār wəṭāmə’â šiḇə‘aṯ yāmîm kîmê nidaṯ dəwōṯāh tiṭəmā’:

3 ûḇayywōm haššəmînî yimmwōl bəśar ‘ārəlāṯwō:

4 ûšəlōšîm ywōm ûšəlōšeṯ yāmîm tēšēḇ biḏəmê ṭâŏrâ bəḵāl-qōḏeš lō’-ṯigā‘ wə’el-hammiqədāš lō’ ṯāḇō’ ‘aḏ-məlō’ṯ yəmê ṭâŏrāh:

5 wə’im-nəqēḇâ ṯēlēḏ wəṭāmə’â šəḇu‘ayim kənidāṯāh wəšiššîm ywōm wəšēšeṯ yāmîm tēšēḇ ‘al-dəmê ṭâŏrâ:

6 ûḇiməlō’ṯ| yəmê ṭâŏrāh ləḇēn ’wō ləḇaṯ tāḇî’ keḇeś ben-šənāṯwō lə‘ōlâ ûḇen-ywōnâ ’wō-ṯōr ləḥaṭṭā’ṯ ’el-peṯ^aḥ ’ōhel-mwō‘ēḏ ’el-hakōhēn:

7 wəhiqərîḇwō lifənê yəhwâ wəḵiper ‘āleyhā wəṭâărâ mimməqōr dāmeyhā zō’ṯ twōraṯ hayyōleḏeṯ lazzāḵār ’wō lannəqēḇâ:

8 wə’im-lō’ ṯiməṣā’ yāḏāh dê śeh wəlāqəḥâ šətê-ṯōrîm ’wō šənê bənê ywōnâ ’eḥāḏ lə‘ōlâ wə’eḥāḏ ləḥaṭṭā’ṯ wəḵiper ‘āleyhā hakōhēn wəṭâērâ: f

‎1 ‏וַיְדַבֵּ֣ר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃

‎2 ‏אָדָ֗ם כִּֽי־יִהְיֶ֤ה בְעוֹר־בְּשָׂרוֹ֙ שְׂאֵ֤ת אֽוֹ־סַפַּ֙חַת֙ א֣וֹ בַהֶ֔רֶת וְהָיָ֥ה בְעוֹר־בְּשָׂר֖וֹ לְנֶ֣גַע צָרָ֑עַת וְהוּבָא֙ אֶל־אַהֲרֹ֣ן הַכֹּהֵ֔ן א֛וֹ אֶל־אַחַ֥ד מִבָּנָ֖יו הַכֹּהֲנִֽים׃

‎3 ‏וְרָאָ֣ה הַכֹּהֵ֣ן אֶת־הַנֶּ֣גַע בְּעֽוֹר־הַ֠בָּשָׂר וְשֵׂעָ֨ר בַּנֶּ֜גַע הָפַ֣ךְ׀ לָבָ֗ן וּמַרְאֵ֤ה הַנֶּ֙גַע֙ עָמֹק֙ מֵע֣וֹר בְּשָׂר֔וֹ נֶ֥גַע צָרַ֖עַת ה֑וּא וְרָאָ֥הוּ הַכֹּהֵ֖ן וְטִמֵּ֥א אֹתֽוֹ׃

‎4 ‏וְאִם־בַּהֶרֶת֩ לְבָנָ֨ה הִ֜וא בְּע֣וֹר בְּשָׂר֗וֹ וְעָמֹק֙ אֵין־מַרְאֶ֣הָ מִן־הָע֔וֹר וּשְׂעָרָ֖ה לֹא־הָפַ֣ךְ לָבָ֑ן וְהִסְגִּ֧יר הַכֹּהֵ֛ן אֶת־הַנֶּ֖גַע שִׁבְעַ֥ת יָמִֽים׃

‎5 ‏וְרָאָ֣הוּ הַכֹּהֵן֮ בַּיּ֣וֹם הַשְּׁבִיעִי֒ וְהִנֵּ֤ה הַנֶּ֙גַע֙ עָמַ֣ד בְּעֵינָ֔יו לֹֽא־פָשָׂ֥ה הַנֶּ֖גַע בָּע֑וֹר וְהִסְגִּיר֧וֹ הַכֹּהֵ֛ן שִׁבְעַ֥ת יָמִ֖ים שֵׁנִֽית׃

‎6 ‏וְרָאָה֩ הַכֹּהֵ֨ן אֹת֜וֹ בַּיּ֣וֹם הַשְּׁבִיעִי֮ שֵׁנִית֒ וְהִנֵּה֙ כֵּהָ֣ה הַנֶּ֔גַע וְלֹא־פָשָׂ֥ה הַנֶּ֖גַע בָּע֑וֹר וְטִהֲר֤וֹ הַכֹּהֵן֙ מִסְפַּ֣חַת הִ֔יא וְכִבֶּ֥ס בְּגָדָ֖יו וְטָהֵֽר׃

‎7 ‏וְאִם־פָּשֹׂ֨ה תִפְשֶׂ֤ה הַמִּסְפַּ֙חַת֙ בָּע֔וֹר אַחֲרֵ֧י הֵרָאֹת֛וֹ אֶל־הַכֹּהֵ֖ן לְטָהֳרָת֑וֹ וְנִרְאָ֥ה שֵׁנִ֖ית אֶל־הַכֹּהֵֽן׃

‎8 ‏וְרָאָה֙ הַכֹּהֵ֔ן וְהִנֵּ֛ה פָּשְׂתָ֥ה הַמִּסְפַּ֖חַת בָּע֑וֹר וְטִמְּא֥וֹ הַכֹּהֵ֖ן צָרַ֥עַת הִֽוא׃ פ

‎9 ‏נֶ֣גַע צָרַ֔עַת כִּ֥י תִהְיֶ֖ה בְּאָדָ֑ם וְהוּבָ֖א אֶל־הַכֹּהֵֽן׃

‎10 ‏וְרָאָ֣ה הַכֹּהֵ֗ן וְהִנֵּ֤ה שְׂאֵת־לְבָנָה֙ בָּע֔וֹר וְהִ֕יא הָפְכָ֖ה שֵׂעָ֣ר לָבָ֑ן וּמִֽחְיַ֛ת בָּשָׂ֥ר חַ֖י בַּשְׂאֵֽת׃

‎11 ‏צָרַ֨עַת נוֹשֶׁ֤נֶת הִוא֙ בְּע֣וֹר בְּשָׂר֔וֹ וְטִמְּא֖וֹ הַכֹּהֵ֑ן לֹ֣א יַסְגִּרֶ֔נּוּ כִּ֥י טָמֵ֖א הֽוּא׃

‎12 ‏וְאִם־פָּר֨וֹחַ תִּפְרַ֤ח הַצָּרַ֙עַת֙ בָּע֔וֹר וְכִסְּתָ֣ה הַצָּרַ֗עַת אֵ֚ת כָּל־ע֣וֹר הַנֶּ֔גַע מֵרֹאשׁ֖וֹ וְעַד־רַגְלָ֑יו לְכָל־מַרְאֵ֖ה עֵינֵ֥י הַכֹּהֵֽן׃

‎13 ‏וְרָאָ֣ה הַכֹּהֵ֗ן וְהִנֵּ֨ה כִסְּתָ֤ה הַצָּרַ֙עַת֙ אֶת־כָּל־בְּשָׂר֔וֹ וְטִהַ֖ר אֶת־הַנָּ֑גַע כֻּלּ֛וֹ הָפַ֥ךְ לָבָ֖ן טָה֥וֹר הֽוּא׃

‎14 ‏וּבְי֨וֹם הֵרָא֥וֹת בּ֛וֹ בָּשָׂ֥ר חַ֖י יִטְמָֽא׃

‎15 ‏וְרָאָ֧ה הַכֹּהֵ֛ן אֶת־הַבָּשָׂ֥ר הַחַ֖י וְטִמְּא֑וֹ הַבָּשָׂ֥ר הַחַ֛י טָמֵ֥א ה֖וּא צָרַ֥עַת הֽוּא׃

‎16 ‏א֣וֹ כִ֥י יָשׁ֛וּב הַבָּשָׂ֥ר הַחַ֖י וְנֶהְפַּ֣ךְ לְלָבָ֑ן וּבָ֖א אֶל־הַכֹּהֵֽן׃

‎17 ‏וְרָאָ֙הוּ֙ הַכֹּהֵ֔ן וְהִנֵּ֛ה נֶהְפַּ֥ךְ הַנֶּ֖גַע לְלָבָ֑ן וְטִהַ֧ר הַכֹּהֵ֛ן אֶת־הַנֶּ֖גַע טָה֥וֹר הֽוּא׃ פ

‎18 ‏וּבָשָׂ֕ר כִּֽי־יִהְיֶ֥ה בֽוֹ־בְעֹר֖וֹ שְׁחִ֑ין וְנִרְפָּֽא׃

‎19 ‏וְהָיָ֞ה בִּמְק֤וֹם הַשְּׁחִין֙ שְׂאֵ֣ת לְבָנָ֔ה א֥וֹ בַהֶ֖רֶת לְבָנָ֣ה אֲדַמְדָּ֑מֶת וְנִרְאָ֖ה אֶל־הַכֹּהֵֽן׃

‎20 ‏וְרָאָ֣ה הַכֹּהֵ֗ן וְהִנֵּ֤ה מַרְאֶ֙הָ֙ שָׁפָ֣ל מִן־הָע֔וֹר וּשְׂעָרָ֖הּ הָפַ֣ךְ לָבָ֑ן וְטִמְּא֧וֹ הַכֹּהֵ֛ן נֶֽגַע־צָרַ֥עַת הִ֖וא³ בַּשְּׁחִ֥ין פָּרָֽחָה׃

‎21 ‏וְאִ֣ם׀ יִרְאֶ֣נָּה הַכֹּהֵ֗ן וְהִנֵּ֤ה אֵֽין־בָּהּ֙ שֵׂעָ֣ר לָבָ֔ן וּשְׁפָלָ֥ה אֵינֶ֛נָּה מִן־הָע֖וֹר וְהִ֣יא כֵהָ֑ה וְהִסְגִּיר֥וֹ הַכֹּהֵ֖ן שִׁבְעַ֥ת יָמִֽים׃

‎22 ‏וְאִם־פָּשֹׂ֥ה תִפְשֶׂ֖ה בָּע֑וֹר וְטִמֵּ֧א הַכֹּהֵ֛ן אֹת֖וֹ נֶ֥גַע הִֽוא׃

‎23 ‏וְאִם־תַּחְתֶּ֜יהָ תַּעֲמֹ֤ד הַבַּהֶ֙רֶת֙ לֹ֣א פָשָׂ֔תָה צָרֶ֥בֶת הַשְּׁחִ֖ין הִ֑וא וְטִהֲר֖וֹ הַכֹּהֵֽן׃ ס

‎24 ‏א֣וֹ בָשָׂ֔ר כִּֽי־יִהְיֶ֥ה בְעֹר֖וֹ מִכְוַת־אֵ֑שׁ וְֽהָיְתָ֞ה מִֽחְיַ֣ת הַמִּכְוָ֗ה בַּהֶ֛רֶת לְבָנָ֥ה אֲדַמְדֶּ֖מֶת א֥וֹ לְבָנָֽה׃

‎25 ‏וְרָאָ֣ה אֹתָ֣הּ הַכֹּהֵ֡ן וְהִנֵּ֣ה נֶהְפַּךְ֩ שֵׂעָ֨ר לָבָ֜ן בַּבַּהֶ֗רֶת וּמַרְאֶ֙הָ֙ עָמֹ֣ק מִן־הָע֔וֹר צָרַ֣עַת הִ֔וא בַּמִּכְוָ֖ה פָּרָ֑חָה וְטִמֵּ֤א אֹתוֹ֙ הַכֹּהֵ֔ן נֶ֥גַע צָרַ֖עַת הִֽוא׃

‎26 ‏וְאִ֣ם׀ יִרְאֶ֣נָּה הַכֹּהֵ֗ן וְהִנֵּ֤ה אֵֽין־בַּבֶּהֶ֙רֶת֙ שֵׂעָ֣ר לָבָ֔ן וּשְׁפָלָ֥ה אֵינֶ֛נָּה מִן־הָע֖וֹר וְהִ֣וא כֵהָ֑ה וְהִסְגִּיר֥וֹ הַכֹּהֵ֖ן שִׁבְעַ֥ת יָמִֽים׃

‎27 ‏וְרָאָ֥הוּ הַכֹּהֵ֖ן בַּיּ֣וֹם הַשְּׁבִיעִ֑י אִם־פָּשֹׂ֤ה תִפְשֶׂה֙ בָּע֔וֹר וְטִמֵּ֤א הַכֹּהֵן֙ אֹת֔וֹ נֶ֥גַע צָרַ֖עַת הִֽוא׃

‎28 ‏וְאִם־תַּחְתֶּיהָ֩ תַעֲמֹ֨ד הַבַּהֶ֜רֶת לֹא־פָשְׂתָ֤ה בָעוֹר֙ וְהִ֣וא כֵהָ֔ה שְׂאֵ֥ת הַמִּכְוָ֖ה הִ֑וא וְטִֽהֲרוֹ֙ הַכֹּהֵ֔ן כִּֽי־צָרֶ֥בֶת הַמִּכְוָ֖ה הִֽוא׃ פ

‎29 ‏וְאִישׁ֙ א֣וֹ אִשָּׁ֔ה כִּֽי־יִהְיֶ֥ה ב֖וֹ נָ֑גַע בְּרֹ֖אשׁ א֥וֹ בְזָקָֽן׃

‎30 ‏וְרָאָ֨ה הַכֹּהֵ֜ן אֶת־הַנֶּ֗גַע וְהִנֵּ֤ה מַרְאֵ֙הוּ֙ עָמֹ֣ק מִן־הָע֔וֹר וּב֛וֹ שֵׂעָ֥ר צָהֹ֖ב דָּ֑ק וְטִמֵּ֨א אֹת֤וֹ הַכֹּהֵן֙ נֶ֣תֶק ה֔וּא צָרַ֧עַת הָרֹ֛אשׁ א֥וֹ הַזָּקָ֖ן הֽוּא׃

‎31 ‏וְכִֽי־יִרְאֶ֨ה הַכֹּהֵ֜ן אֶת־נֶ֣גַע הַנֶּ֗תֶק וְהִנֵּ֤ה אֵין־מַרְאֵ֙הוּ֙ עָמֹ֣ק מִן־הָע֔וֹר וְשֵׂעָ֥ר שָׁחֹ֖ר אֵ֣ין בּ֑וֹ וְהִסְגִּ֧יר הַכֹּהֵ֛ן אֶת־נֶ֥גַע הַנֶּ֖תֶק שִׁבְעַ֥ת יָמִֽים׃

‎32 ‏וְרָאָ֨ה הַכֹּהֵ֣ן אֶת־הַנֶּגַע֮ בַּיּ֣וֹם הַשְּׁבִיעִי֒ וְהִנֵּה֙ לֹא־פָשָׂ֣ה הַנֶּ֔תֶק וְלֹא־הָ֥יָה ב֖וֹ שֵׂעָ֣ר צָהֹ֑ב וּמַרְאֵ֣ה הַנֶּ֔תֶק אֵ֥ין עָמֹ֖ק מִן־הָעֽוֹר׃

‎33 ‏וְהִ֨תְגַּלָּ֔ח וְאֶת־הַנֶּ֖תֶק לֹ֣א יְגַלֵּ֑חַ וְהִסְגִּ֨יר הַכֹּהֵ֧ן אֶת־הַנֶּ֛תֶק שִׁבְעַ֥ת יָמִ֖ים שֵׁנִֽית׃

‎34 ‏וְרָאָה֩ הַכֹּהֵ֨ן אֶת־הַנֶּ֜תֶק בַּיּ֣וֹם הַשְּׁבִיעִ֗י וְ֠הִנֵּה לֹא־פָשָׂ֤ה הַנֶּ֙תֶק֙ בָּע֔וֹר וּמַרְאֵ֕הוּ אֵינֶ֥נּוּ עָמֹ֖ק מִן־הָע֑וֹר וְטִהַ֤ר אֹתוֹ֙ הַכֹּהֵ֔ן וְכִבֶּ֥ס בְּגָדָ֖יו וְטָהֵֽר׃

‎35 ‏וְאִם־פָּשֹׂ֥ה יִפְשֶׂ֛ה הַנֶּ֖תֶק בָּע֑וֹר אַחֲרֵ֖י טָהֳרָתֽוֹ׃

‎36 ‏וְרָאָ֙הוּ֙ הַכֹּהֵ֔ן וְהִנֵּ֛ה פָּשָׂ֥ה הַנֶּ֖תֶק בָּע֑וֹר לֹֽא־יְבַקֵּ֧ר הַכֹּהֵ֛ן לַשֵּׂעָ֥ר הַצָּהֹ֖ב טָמֵ֥א הֽוּא׃

‎37 ‏וְאִם־בְּעֵינָיו֩ עָמַ֨ד הַנֶּ֜תֶק וְשֵׂעָ֨ר שָׁחֹ֧ר צָֽמַח־בּ֛וֹ נִרְפָּ֥א הַנֶּ֖תֶק טָה֣וֹר ה֑וּא וְטִהֲר֖וֹ הַכֹּהֵֽן׃ ס

‎38 ‏וְאִישׁ֙ אֽוֹ־אִשָּׁ֔ה כִּֽי־יִהְיֶ֥ה בְעוֹר־בְּשָׂרָ֖ם בֶּהָרֹ֑ת בֶּהָרֹ֖ת לְבָנֹֽת׃

‎39 ‏וְרָאָ֣ה הַכֹּהֵ֗ן וְהִנֵּ֧ה בְעוֹר־בְּשָׂרָ֛ם בֶּהָרֹ֖ת כֵּה֣וֹת לְבָנֹ֑ת בֹּ֥הַק ה֛וּא פָּרַ֥ח בָּע֖וֹר טָה֥וֹר הֽוּא׃ ס

‎40 ‏וְאִ֕ישׁ כִּ֥י יִמָּרֵ֖ט רֹאשׁ֑וֹ קֵרֵ֥חַ ה֖וּא טָה֥וֹר הֽוּא׃

‎41 ‏וְאִם֙ מִפְּאַ֣ת פָּנָ֔יו יִמָּרֵ֖ט רֹאשׁ֑וֹ גִּבֵּ֥חַ ה֖וּא טָה֥וֹר הֽוּא׃

‎42 ‏וְכִֽי־יִהְיֶ֤ה בַקָּרַ֙חַת֙ א֣וֹ בַגַּבַּ֔חַת נֶ֖גַע לָבָ֣ן אֲדַמְדָּ֑ם צָרַ֤עַת פֹּרַ֙חַת֙ הִ֔וא בְּקָרַחְתּ֖וֹ א֥וֹ בְגַבַּחְתּֽוֹ׃

‎43 ‏וְרָאָ֨ה אֹת֜וֹ הַכֹּהֵ֗ן וְהִנֵּ֤ה שְׂאֵת־הַנֶּ֙גַע֙ לְבָנָ֣ה אֲדַמְדֶּ֔מֶת בְּקָרַחְתּ֖וֹ א֣וֹ בְגַבַּחְתּ֑וֹ כְּמַרְאֵ֥ה צָרַ֖עַת ע֥וֹר בָּשָֽׂר׃

‎44 ‏אִישׁ־צָר֥וּעַ ה֖וּא טָמֵ֣א ה֑וּא טַמֵּ֧א יְטַמְּאֶ֛נּוּ הַכֹּהֵ֖ן בְּרֹאשׁ֥וֹ נִגְעֽוֹ׃

‎45 ‏וְהַצָּר֜וּעַ אֲשֶׁר־בּ֣וֹ הַנֶּ֗גַע בְּגָדָ֞יו יִהְי֤וּ פְרֻמִים֙ וְרֹאשׁוֹ֙ יִהְיֶ֣ה פָר֔וּעַ וְעַל־שָׂפָ֖ם יַעְטֶ֑ה וְטָמֵ֥א׀ טָמֵ֖א יִקְרָֽא׃

‎46 ‏כָּל־יְמֵ֞י אֲשֶׁ֨ר הַנֶּ֥גַע בּ֛וֹ יִטְמָ֖א טָמֵ֣א ה֑וּא בָּדָ֣ד יֵשֵׁ֔ב מִח֥וּץ לַֽמַּחֲנֶ֖ה מוֹשָׁבֽוֹ׃ ס

‎47 ‏וְהַבֶּ֕גֶד כִּֽי־יִהְיֶ֥ה ב֖וֹ נֶ֣גַע צָרָ֑עַת בְּבֶ֣גֶד צֶ֔מֶר א֖וֹ בְּבֶ֥גֶד פִּשְׁתִּֽים׃

‎48 ‏א֤וֹ בִֽשְׁתִי֙ א֣וֹ בְעֵ֔רֶב לַפִּשְׁתִּ֖ים וְלַצָּ֑מֶר א֣וֹ בְע֔וֹר א֖וֹ בְּכָל־מְלֶ֥אכֶת עֽוֹר׃

‎49 ‏וְהָיָ֨ה הַנֶּ֜גַע יְרַקְרַ֣ק׀ א֣וֹ אֲדַמְדָּ֗ם בַּבֶּגֶד֩ א֨וֹ בָע֜וֹר אֽוֹ־בַשְּׁתִ֤י אוֹ־בָעֵ֙רֶב֙ א֣וֹ בְכָל־כְּלִי־ע֔וֹר נֶ֥גַע צָרַ֖עַת ה֑וּא וְהָרְאָ֖ה אֶת־הַכֹּהֵֽן׃

‎50 ‏וְרָאָ֥ה הַכֹּהֵ֖ן אֶת־הַנָּ֑גַע וְהִסְגִּ֥יר אֶת־הַנֶּ֖גַע שִׁבְעַ֥ת יָמִֽים׃

‎51 ‏וְרָאָ֨ה אֶת־הַנֶּ֜גַע בַּיּ֣וֹם הַשְּׁבִיעִ֗י כִּֽי־פָשָׂ֤ה הַנֶּ֙גַע֙ בַּ֠בֶּגֶד אֽוֹ־בַשְּׁתִ֤י אֽוֹ־בָעֵ֙רֶב֙ א֣וֹ בָע֔וֹר לְכֹ֛ל אֲשֶׁר־יֵעָשֶׂ֥ה הָע֖וֹר לִמְלָאכָ֑ה צָרַ֧עַת מַמְאֶ֛רֶת הַנֶּ֖גַע טָמֵ֥א הֽוּא׃

‎52 ‏וְשָׂרַ֨ף אֶת־הַבֶּ֜גֶד א֥וֹ אֶֽת־הַשְּׁתִ֣י׀ א֣וֹ אֶת־הָעֵ֗רֶב בַּצֶּ֙מֶר֙ א֣וֹ בַפִּשְׁתִּ֔ים א֚וֹ אֶת־כָּל־כְּלִ֣י הָע֔וֹר אֲשֶׁר־יִהְיֶ֥ה ב֖וֹ הַנָּ֑גַע כִּֽי־צָרַ֤עַת מַמְאֶ֙רֶת֙ הִ֔וא בָּאֵ֖שׁ תִּשָּׂרֵֽף׃

‎53 ‏וְאִם֮ יִרְאֶ֣ה הַכֹּהֵן֒ וְהִנֵּה֙ לֹא־פָשָׂ֣ה הַנֶּ֔גַע בַּבֶּ֕גֶד א֥וֹ בַשְּׁתִ֖י א֣וֹ בָעֵ֑רֶב א֖וֹ בְּכָל־כְּלִי־עֽוֹר׃

‎54 ‏וְצִוָּה֙ הַכֹּהֵ֔ן וְכִ֨בְּס֔וּ אֵ֥ת אֲשֶׁר־בּ֖וֹ הַנָּ֑גַע וְהִסְגִּיר֥וֹ שִׁבְעַת־יָמִ֖ים שֵׁנִֽית׃

‎55 ‏וְרָאָ֨ה הַכֹּהֵ֜ן אַחֲרֵ֣י׀ הֻכַּבֵּ֣ס אֶת־הַנֶּ֗גַע וְ֠הִנֵּה לֹֽא־הָפַ֨ךְ הַנֶּ֤גַע אֶת־עֵינוֹ֙ וְהַנֶּ֣גַע לֹֽא־פָשָׂ֔ה טָמֵ֣א ה֔וּא בָּאֵ֖שׁ תִּשְׂרְפֶ֑נּוּ פְּחֶ֣תֶת הִ֔וא בְּקָרַחְתּ֖וֹ א֥וֹ בְגַבַּחְתּֽוֹ׃

‎56 ‏וְאִם֮ רָאָ֣ה הַכֹּהֵן֒ וְהִנֵּה֙ כֵּהָ֣ה הַנֶּ֔גַע אַחֲרֵ֖י הֻכַּבֵּ֣ס אֹת֑וֹ וְקָרַ֣ע אֹת֗וֹ מִן־הַבֶּ֙גֶד֙ א֣וֹ מִן־הָע֔וֹר א֥וֹ מִן־הַשְּׁתִ֖י א֥וֹ מִן־הָעֵֽרֶב׃

‎57 ‏וְאִם־תֵּרָאֶ֨ה ע֜וֹד בַּ֠בֶּגֶד אֽוֹ־בַשְּׁתִ֤י אֽוֹ־בָעֵ֙רֶב֙ א֣וֹ בְכָל־כְּלִי־ע֔וֹר פֹּרַ֖חַת הִ֑וא בָּאֵ֣שׁ תִּשְׂרְפֶ֔נּוּ אֵ֥ת אֲשֶׁר־בּ֖וֹ הַנָּֽגַע׃

‎58 ‏וְהַבֶּ֡גֶד אֽוֹ־הַשְּׁתִ֨י אוֹ־הָעֵ֜רֶב אֽוֹ־כָל־כְּלִ֤י הָעוֹר֙ אֲשֶׁ֣ר תְּכַבֵּ֔ס וְסָ֥ר מֵהֶ֖ם הַנָּ֑גַע וְכֻבַּ֥ס שֵׁנִ֖ית וְטָהֵֽר׃

‎59 ‏זֹ֠את תּוֹרַ֨ת נֶֽגַע־צָרַ֜עַת בֶּ֥גֶד הַצֶּ֣מֶר׀ א֣וֹ הַפִּשְׁתִּ֗ים א֤וֹ הַשְּׁתִי֙ א֣וֹ הָעֵ֔רֶב א֖וֹ כָּל־כְּלִי־ע֑וֹר לְטַהֲר֖וֹ א֥וֹ לְטַמְּאֽוֹ׃ פ

1 wayəḏabēr yəhwâ ’el-mōšeh wə’el-’ahărōn lē’mōr:

2 ’āḏām kî-yihəyeh ḇə‘wōr-bəśārwō śə’ēṯ ’wō-sap^aḥaṯ ’wō ḇahereṯ wəhāyâ ḇə‘wōr-bəśārwō ləneḡ^a‘ ṣārā‘aṯ wəhûḇā’ ’el-’ahărōn hakōhēn ’wō ’el-’^aḥaḏ mibānāyw hakōhănîm:

3 wərā’â hakōhēn ’eṯ-hanneḡ^a‘ bə‘wōr-habāśār wəśē‘ār banneḡ^a‘ hāfaḵə| lāḇān ûmarə’ēh hanneḡ^a‘ ‘āmōq mē‘wōr bəśārwō neḡ^a‘ ṣār^a‘aṯ hû’ wərā’âû hakōhēn wəṭimmē’ ’ōṯwō:

4 wə’im-bahereṯ ləḇānâ hiw’ bə‘wōr bəśārwō wə‘āmōq ’ên-marə’ehā min-hā‘wōr ûśə‘ārâ lō’-hāfaḵə lāḇān wəhisəgîr hakōhēn ’eṯ-hanneḡ^a‘ šiḇə‘aṯ yāmîm:

5 wərā’âû hakōhēn bayywōm haššəḇî‘î wəhinnēh hanneḡ^a‘ ‘āmaḏ bə‘ênāyw lō’-fāśâ hanneḡ^a‘ bā‘wōr wəhisəgîrwō hakōhēn šiḇə‘aṯ yāmîm šēnîṯ:

6 wərā’â hakōhēn ’ōṯwō bayywōm haššəḇî‘î šēnîṯ wəhinnēh kēhâ hanneḡ^a‘ wəlō’-fāśâ hanneḡ^a‘ bā‘wōr wəṭihărwō hakōhēn misəp^aḥaṯ hî’ wəḵibes bəḡāḏāyw wəṭâēr:

7 wə’im-pāśōh ṯifəśeh hammisəp^aḥaṯ bā‘wōr ’^aḥărê hērā’ōṯwō ’el-hakōhēn ləṭâŏrāṯwō wənirə’â šēnîṯ ’el-hakōhēn:

8 wərā’â hakōhēn wəhinnēh pāśəṯâ hammisəp^aḥaṯ bā‘wōr wəṭimmə’wō hakōhēn ṣār^a‘aṯ hiw’: f

9 neḡ^a‘ ṣār^a‘aṯ kî ṯihəyeh bə’āḏām wəhûḇā’ ’el-hakōhēn:

10 wərā’â hakōhēn wəhinnēh śə’ēṯ-ləḇānâ bā‘wōr wəhî’ hāfəḵâ śē‘ār lāḇān ûmiḥəyaṯ bāśār ḥay baśə’ēṯ:

11 ṣār^a‘aṯ nwōšeneṯ hiw’ bə‘wōr bəśārwō wəṭimmə’wō hakōhēn lō’ yasəgirennû kî ṭāmē’ hû’:

12 wə’im-pārwōḥa tifər^aḥ haṣṣār^a‘aṯ bā‘wōr wəḵissəṯâ haṣṣār^a‘aṯ ’ēṯ kāl-‘wōr hanneḡ^a‘ mērō’šwō wə‘aḏ-raḡəlāyw ləḵāl-marə’ēh ‘ênê hakōhēn:

13 wərā’â hakōhēn wəhinnēh ḵissəṯâ haṣṣār^a‘aṯ ’eṯ-kāl-bəśārwō wəṭihar ’eṯ-hannāḡ^a‘ kullwō hāfaḵə lāḇān ṭâwōr hû’:

14 ûḇəywōm hērā’wōṯ bwō bāśār ḥay yiṭəmā’:

15 wərā’â hakōhēn ’eṯ-habāśār h^aḥay wəṭimmə’wō habāśār h^aḥay ṭāmē’ hû’ ṣār^a‘aṯ hû’:

16 ’wō ḵî yāšûḇ habāśār h^aḥay wənehəpaḵə ləlāḇān ûḇā’ ’el-hakōhēn:

17 wərā’âû hakōhēn wəhinnēh nehəpaḵə hanneḡ^a‘ ləlāḇān wəṭihar hakōhēn ’eṯ-hanneḡ^a‘ ṭâwōr hû’: f

18 ûḇāśār kî-yihəyeh ḇwō-ḇə‘ōrwō šəḥîn wənirəpā’:

19 wəhāyâ biməqwōm haššəḥîn śə’ēṯ ləḇānâ ’wō ḇahereṯ ləḇānâ ’ăḏamədāmeṯ wənirə’â ’el-hakōhēn:

20 wərā’â hakōhēn wəhinnēh marə’ehā šāfāl min-hā‘wōr ûśə‘ārāh hāfaḵə lāḇān wəṭimmə’wō hakōhēn neḡ^a‘-ṣār^a‘aṯ hiw’³ baššəḥîn pārāḥâ:

21 wə’im| yirə’ennâ hakōhēn wəhinnēh ’ên-bāh śē‘ār lāḇān ûšəfālâ ’ênennâ min-hā‘wōr wəhî’ ḵēhâ wəhisəgîrwō hakōhēn šiḇə‘aṯ yāmîm:

22 wə’im-pāśōh ṯifəśeh bā‘wōr wəṭimmē’ hakōhēn ’ōṯwō neḡ^a‘ hiw’:

23 wə’im-t^aḥəteyhā t^a‘ămōḏ habahereṯ lō’ fāśāṯâ ṣāreḇeṯ haššəḥîn hiw’ wəṭihărwō hakōhēn: s

24 ’wō ḇāśār kî-yihəyeh ḇə‘ōrwō miḵəwaṯ-’ēš wəhāyəṯâ miḥəyaṯ hammiḵəwâ bahereṯ ləḇānâ ’ăḏamədemeṯ ’wō ləḇānâ:

25 wərā’â ’ōṯāh hakōhēn wəhinnēh nehəpaḵə śē‘ār lāḇān babahereṯ ûmarə’ehā ‘āmōq min-hā‘wōr ṣār^a‘aṯ hiw’ bammiḵəwâ pārāḥâ wəṭimmē’ ’ōṯwō hakōhēn neḡ^a‘ ṣār^a‘aṯ hiw’:

26 wə’im| yirə’ennâ hakōhēn wəhinnēh ’ên-babehereṯ śē‘ār lāḇān ûšəfālâ ’ênennâ min-hā‘wōr wəhiw’ ḵēhâ wəhisəgîrwō hakōhēn šiḇə‘aṯ yāmîm:

27 wərā’âû hakōhēn bayywōm haššəḇî‘î ’im-pāśōh ṯifəśeh bā‘wōr wəṭimmē’ hakōhēn ’ōṯwō neḡ^a‘ ṣār^a‘aṯ hiw’:

28 wə’im-t^aḥəteyhā ṯ^a‘ămōḏ habahereṯ lō’-fāśəṯâ ḇā‘wōr wəhiw’ ḵēhâ śə’ēṯ hammiḵəwâ hiw’ wəṭihărwō hakōhēn kî-ṣāreḇeṯ hammiḵəwâ hiw’: f

29 wə’îš ’wō ’iššâ kî-yihəyeh ḇwō nāḡ^a‘ bərō’š ’wō ḇəzāqān:

30 wərā’â hakōhēn ’eṯ-hanneḡ^a‘ wəhinnēh marə’ēhû ‘āmōq min-hā‘wōr ûḇwō śē‘ār ṣâōḇ dāq wəṭimmē’ ’ōṯwō hakōhēn neṯeq hû’ ṣār^a‘aṯ hārō’š ’wō hazzāqān hû’:

31 wəḵî-yirə’eh hakōhēn ’eṯ-neḡ^a‘ hanneṯeq wəhinnēh ’ên-marə’ēhû ‘āmōq min-hā‘wōr wəśē‘ār šāḥōr ’ên bwō wəhisəgîr hakōhēn ’eṯ-neḡ^a‘ hanneṯeq šiḇə‘aṯ yāmîm:

32 wərā’â hakōhēn ’eṯ-hanneḡ^a‘ bayywōm haššəḇî‘î wəhinnēh lō’-fāśâ hanneṯeq wəlō’-hāyâ ḇwō śē‘ār ṣâōḇ ûmarə’ēh hanneṯeq ’ên ‘āmōq min-hā‘wōr:

33 wəhiṯəgallāḥ wə’eṯ-hanneṯeq lō’ yəḡallēḥa wəhisəgîr hakōhēn ’eṯ-hanneṯeq šiḇə‘aṯ yāmîm šēnîṯ:

34 wərā’â hakōhēn ’eṯ-hanneṯeq bayywōm haššəḇî‘î wəhinnēh lō’-fāśâ hanneṯeq bā‘wōr ûmarə’ēhû ’ênennû ‘āmōq min-hā‘wōr wəṭihar ’ōṯwō hakōhēn wəḵibes bəḡāḏāyw wəṭâēr:

35 wə’im-pāśōh yifəśeh hanneṯeq bā‘wōr ’^aḥărê ṭâŏrāṯwō:

36 wərā’âû hakōhēn wəhinnēh pāśâ hanneṯeq bā‘wōr lō’-yəḇaqqēr hakōhēn laśśē‘ār haṣṣâōḇ ṭāmē’ hû’:

37 wə’im-bə‘ênāyw ‘āmaḏ hanneṯeq wəśē‘ār šāḥōr ṣām^aḥ-bwō nirəpā’ hanneṯeq ṭâwōr hû’ wəṭihărwō hakōhēn: s

38 wə’îš ’wō-’iššâ kî-yihəyeh ḇə‘wōr-bəśārām behārōṯ behārōṯ ləḇānōṯ:

39 wərā’â hakōhēn wəhinnēh ḇə‘wōr-bəśārām behārōṯ kēhwōṯ ləḇānōṯ bōhaq hû’ pār^aḥ bā‘wōr ṭâwōr hû’: s

40 wə’îš kî yimmārēṭ rō’šwō qērēḥa hû’ ṭâwōr hû’:

41 wə’im mipə’aṯ pānāyw yimmārēṭ rō’šwō gibēḥa hû’ ṭâwōr hû’:

42 wəḵî-yihəyeh ḇaqqār^aḥaṯ ’wō ḇagab^aḥaṯ neḡ^a‘ lāḇān ’ăḏamədām ṣār^a‘aṯ pōr^aḥaṯ hiw’ bəqār^aḥətwō ’wō ḇəḡab^aḥətwō:

43 wərā’â ’ōṯwō hakōhēn wəhinnēh śə’ēṯ-hanneḡ^a‘ ləḇānâ ’ăḏamədemeṯ bəqār^aḥətwō ’wō ḇəḡab^aḥətwō kəmarə’ēh ṣār^a‘aṯ ‘wōr bāśār:

44 ’îš-ṣārû‘a hû’ ṭāmē’ hû’ ṭammē’ yəṭammə’ennû hakōhēn bərō’šwō niḡə‘wō:

45 wəhaṣṣārû‘a ’ăšer-bwō hanneḡ^a‘ bəḡāḏāyw yihəyû fərumîm wərō’šwō yihəyeh fārû‘a wə‘al-śāfām y^a‘əṭeh wəṭāmē’| ṭāmē’ yiqərā’:

46 kāl-yəmê ’ăšer hanneḡ^a‘ bwō yiṭəmā’ ṭāmē’ hû’ bāḏāḏ yēšēḇ miḥûṣ lamm^aḥăneh mwōšāḇwō: s

47 wəhabeḡeḏ kî-yihəyeh ḇwō neḡ^a‘ ṣārā‘aṯ bəḇeḡeḏ ṣemer ’wō bəḇeḡeḏ pišətîm:

48 ’wō ḇišəṯî ’wō ḇə‘ēreḇ lapišətîm wəlaṣṣāmer ’wō ḇə‘wōr ’wō bəḵāl-məle’ḵeṯ ‘wōr:

49 wəhāyâ hanneḡ^a‘ yəraqəraq| ’wō ’ăḏamədām babeḡeḏ ’wō ḇā‘wōr ’wō-ḇaššəṯî ’wō-ḇā‘ēreḇ ’wō ḇəḵāl-kəlî-‘wōr neḡ^a‘ ṣār^a‘aṯ hû’ wəhārə’â ’eṯ-hakōhēn:

50 wərā’â hakōhēn ’eṯ-hannāḡ^a‘ wəhisəgîr ’eṯ-hanneḡ^a‘ šiḇə‘aṯ yāmîm:

51 wərā’â ’eṯ-hanneḡ^a‘ bayywōm haššəḇî‘î kî-fāśâ hanneḡ^a‘ babeḡeḏ ’wō-ḇaššəṯî ’wō-ḇā‘ēreḇ ’wō ḇā‘wōr ləḵōl ’ăšer-yē‘āśeh hā‘wōr liməlā’ḵâ ṣār^a‘aṯ mamə’ereṯ hanneḡ^a‘ ṭāmē’ hû’:

52 wəśāraf ’eṯ-habeḡeḏ ’wō ’eṯ-haššəṯî| ’wō ’eṯ-hā‘ēreḇ baṣṣemer ’wō ḇapišətîm ’wō ’eṯ-kāl-kəlî hā‘wōr ’ăšer-yihəyeh ḇwō hannāḡ^a‘ kî-ṣār^a‘aṯ mamə’ereṯ hiw’ bā’ēš tiśśārēf:

53 wə’im yirə’eh hakōhēn wəhinnēh lō’-fāśâ hanneḡ^a‘ babeḡeḏ ’wō ḇaššəṯî ’wō ḇā‘ēreḇ ’wō bəḵāl-kəlî-‘wōr:

54 wəṣiûâ hakōhēn wəḵibəsû ’ēṯ ’ăšer-bwō hannāḡ^a‘ wəhisəgîrwō šiḇə‘aṯ-yāmîm šēnîṯ:

55 wərā’â hakōhēn ’^aḥărê| hukabēs ’eṯ-hanneḡ^a‘ wəhinnēh lō’-hāfaḵə hanneḡ^a‘ ’eṯ-‘ênwō wəhanneḡ^a‘ lō’-fāśâ ṭāmē’ hû’ bā’ēš tiśərəfennû pəḥeṯeṯ hiw’ bəqār^aḥətwō ’wō ḇəḡab^aḥətwō:

56 wə’im rā’â hakōhēn wəhinnēh kēhâ hanneḡ^a‘ ’^aḥărê hukabēs ’ōṯwō wəqār^a‘ ’ōṯwō min-habeḡeḏ ’wō min-hā‘wōr ’wō min-haššəṯî ’wō min-hā‘ēreḇ:

57 wə’im-tērā’eh ‘wōḏ babeḡeḏ ’wō-ḇaššəṯî ’wō-ḇā‘ēreḇ ’wō ḇəḵāl-kəlî-‘wōr pōr^aḥaṯ hiw’ bā’ēš tiśərəfennû ’ēṯ ’ăšer-bwō hannāḡ^a‘:

58 wəhabeḡeḏ ’wō-haššəṯî ’wō-hā‘ēreḇ ’wō-ḵāl-kəlî hā‘wōr ’ăšer təḵabēs wəsār mēhem hannāḡ^a‘ wəḵubas šēnîṯ wəṭâēr:

59 zō’ṯ twōraṯ neḡ^a‘-ṣār^a‘aṯ beḡeḏ haṣṣemer| ’wō hapišətîm ’wō haššəṯî ’wō hā‘ēreḇ ’wō kāl-kəlî-‘wōr ləṭahărwō ’wō ləṭammə’wō: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏זֹ֤את תִּֽהְיֶה֙ תּוֹרַ֣ת הַמְּצֹרָ֔ע בְּי֖וֹם טָהֳרָת֑וֹ וְהוּבָ֖א אֶל־הַכֹּהֵֽן׃

‎3 ‏וְיָצָא֙ הַכֹּהֵ֔ן אֶל־מִח֖וּץ לַֽמַּחֲנֶ֑ה וְרָאָה֙ הַכֹּהֵ֔ן וְהִנֵּ֛ה נִרְפָּ֥א נֶֽגַע־הַצָּרַ֖עַת מִן־הַצָּרֽוּעַ׃

‎4 ‏וְצִוָּה֙ הַכֹּהֵ֔ן וְלָקַ֧ח לַמִּטַּהֵ֛ר שְׁתֵּֽי־צִפֳּרִ֥ים חַיּ֖וֹת טְהֹר֑וֹת וְעֵ֣ץ אֶ֔רֶז וּשְׁנִ֥י תוֹלַ֖עַת וְאֵזֹֽב׃

‎5 ‏וְצִוָּה֙ הַכֹּהֵ֔ן וְשָׁחַ֖ט אֶת־הַצִּפּ֣וֹר הָאֶחָ֑ת אֶל־כְּלִי־חֶ֖רֶשׂ עַל־מַ֥יִם חַיִּֽים׃

‎6 ‏אֶת־הַצִּפֹּ֤ר הַֽחַיָּה֙ יִקַּ֣ח אֹתָ֔הּ וְאֶת־עֵ֥ץ הָאֶ֛רֶז וְאֶת־שְׁנִ֥י הַתּוֹלַ֖עַת וְאֶת־הָאֵזֹ֑ב וְטָבַ֨ל אוֹתָ֜ם וְאֵ֣ת׀ הַצִּפֹּ֣ר הַֽחַיָּ֗ה בְּדַם֙ הַצִּפֹּ֣ר הַשְּׁחֻטָ֔ה עַ֖ל הַמַּ֥יִם הַֽחַיִּֽים׃

‎7 ‏וְהִזָּ֗ה עַ֧ל הַמִּטַּהֵ֛ר מִן־הַצָּרַ֖עַת שֶׁ֣בַע פְּעָמִ֑ים וְטִ֣הֲר֔וֹ וְשִׁלַּ֛ח אֶת־הַצִּפֹּ֥ר הַֽחַיָּ֖ה עַל־פְּנֵ֥י הַשָּׂדֶֽה׃

‎8 ‏וְכִבֶּס֩ הַמִּטַּהֵ֨ר אֶת־בְּגָדָ֜יו וְגִלַּ֣ח אֶת־כָּל־שְׂעָר֗וֹ וְרָחַ֤ץ בַּמַּ֙יִם֙ וְטָהֵ֔ר וְאַחַ֖ר יָב֣וֹא אֶל־הַֽמַּחֲנֶ֑ה וְיָשַׁ֛ב מִח֥וּץ לְאָהֳל֖וֹ שִׁבְעַ֥ת יָמִֽים׃

‎9 ‏וְהָיָה֩ בַיּ֨וֹם הַשְּׁבִיעִ֜י יְגַלַּ֣ח אֶת־כָּל־שְׂעָר֗וֹ אֶת־רֹאשׁ֤וֹ וְאֶת־זְקָנוֹ֙ וְאֵת֙ גַּבֹּ֣ת עֵינָ֔יו וְאֶת־כָּל־שְׂעָר֖וֹ יְגַלֵּ֑חַ וְכִבֶּ֣ס אֶת־בְּגָדָ֗יו וְרָחַ֧ץ אֶת־בְּשָׂר֛וֹ בַּמַּ֖יִם וְטָהֵֽר׃

‎10 ‏וּבַיּ֣וֹם הַשְּׁמִינִ֗י יִקַּ֤ח שְׁנֵֽי־כְבָשִׂים֙ תְּמִימִ֔ים וְכַבְשָׂ֥ה אַחַ֛ת בַּת־שְׁנָתָ֖הּ תְּמִימָ֑ה וּשְׁלֹשָׁ֣ה עֶשְׂרֹנִ֗ים סֹ֤לֶת מִנְחָה֙ בְּלוּלָ֣ה בַשֶּׁ֔מֶן וְלֹ֥ג אֶחָ֖ד שָֽׁמֶן׃

‎11 ‏וְהֶעֱמִ֞יד הַכֹּהֵ֣ן הַֽמְטַהֵ֗ר אֵ֛ת הָאִ֥ישׁ הַמִּטַּהֵ֖ר וְאֹתָ֑ם לִפְנֵ֣י יְהוָ֔ה פֶּ֖תַח אֹ֥הֶל מוֹעֵֽד׃

‎12 ‏וְלָקַ֨ח הַכֹּהֵ֜ן אֶת־הַכֶּ֣בֶשׂ הָאֶחָ֗ד וְהִקְרִ֥יב אֹת֛וֹ לְאָשָׁ֖ם וְאֶת־לֹ֣ג הַשָּׁ֑מֶן וְהֵנִ֥יף אֹתָ֛ם תְּנוּפָ֖ה לִפְנֵ֥י יְהוָֽה׃

‎13 ‏וְשָׁחַ֣ט אֶת־הַכֶּ֗בֶשׂ בִּ֠מְקוֹם אֲשֶׁ֨ר יִשְׁחַ֧ט אֶת־הַֽחַטָּ֛את וְאֶת־הָעֹלָ֖ה בִּמְק֣וֹם הַקֹּ֑דֶשׁ כִּ֡י כַּ֠חַטָּאת הָאָשָׁ֥ם הוּא֙ לַכֹּהֵ֔ן קֹ֥דֶשׁ קָֽדָשִׁ֖ים הֽוּא׃

‎14 ‏וְלָקַ֣ח הַכֹּהֵן֮ מִדַּ֣ם הָאָשָׁם֒ וְנָתַן֙ הַכֹּהֵ֔ן עַל־תְּנ֛וּךְ אֹ֥זֶן הַמִּטַּהֵ֖ר הַיְמָנִ֑ית וְעַל־בֹּ֤הֶן יָדוֹ֙ הַיְמָנִ֔ית וְעַל־בֹּ֥הֶן רַגְל֖וֹ הַיְמָנִֽית׃

‎15 ‏וְלָקַ֥ח הַכֹּהֵ֖ן מִלֹּ֣ג הַשָּׁ֑מֶן וְיָצַ֛ק עַל־כַּ֥ף הַכֹּהֵ֖ן הַשְּׂמָאלִֽית׃

‎16 ‏וְטָבַ֤ל הַכֹּהֵן֙ אֶת־אֶצְבָּע֣וֹ הַיְמָנִ֔ית מִן־הַשֶּׁ֕מֶן אֲשֶׁ֥ר עַל־כַּפּ֖וֹ הַשְּׂמָאלִ֑ית וְהִזָּ֨ה מִן־הַשֶּׁ֧מֶן בְּאֶצְבָּע֛וֹ שֶׁ֥בַע פְּעָמִ֖ים לִפְנֵ֥י יְהוָֽה׃

‎17 ‏וּמִיֶּ֨תֶר הַשֶּׁ֜מֶן אֲשֶׁ֣ר עַל־כַּפּ֗וֹ יִתֵּ֤ן הַכֹּהֵן֙ עַל־תְּנ֞וּךְ אֹ֤זֶן הַמִּטַּהֵר֙ הַיְמָנִ֔ית וְעַל־בֹּ֤הֶן יָדוֹ֙ הַיְמָנִ֔ית וְעַל־בֹּ֥הֶן רַגְל֖וֹ הַיְמָנִ֑ית עַ֖ל דַּ֥ם הָאָשָֽׁם׃

‎18 ‏וְהַנּוֹתָ֗ר בַּשֶּׁ֙מֶן֙ אֲשֶׁר֙ עַל־כַּ֣ף הַכֹּהֵ֔ן יִתֵּ֖ן עַל־רֹ֣אשׁ הַמִּטַּהֵ֑ר וְכִפֶּ֥ר עָלָ֛יו הַכֹּהֵ֖ן לִפְנֵ֥י יְהוָֽה׃

‎19 ‏וְעָשָׂ֤ה הַכֹּהֵן֙ אֶת־הַ֣חַטָּ֔את וְכִפֶּ֕ר עַל־הַמִּטַּהֵ֖ר מִטֻּמְאָת֑וֹ וְאַחַ֖ר יִשְׁחַ֥ט אֶת־הָעֹלָֽה׃

‎20 ‏וְהֶעֱלָ֧ה הַכֹּהֵ֛ן אֶת־הָעֹלָ֥ה וְאֶת־הַמִּנְחָ֖ה הַמִּזְבֵּ֑חָה וְכִפֶּ֥ר עָלָ֛יו הַכֹּהֵ֖ן וְטָהֵֽר׃ ס

‎21 ‏וְאִם־דַּ֣ל ה֗וּא וְאֵ֣ין יָדוֹ֮ מַשֶּׂגֶת֒ וְ֠לָקַח כֶּ֣בֶשׂ אֶחָ֥ד אָשָׁ֛ם לִתְנוּפָ֖ה לְכַפֵּ֣ר עָלָ֑יו וְעִשָּׂר֨וֹן סֹ֜לֶת אֶחָ֨ד בָּל֥וּל בַּשֶּׁ֛מֶן לְמִנְחָ֖ה וְלֹ֥ג שָֽׁמֶן׃

‎22 ‏וּשְׁתֵּ֣י תֹרִ֗ים א֤וֹ שְׁנֵי֙ בְּנֵ֣י יוֹנָ֔ה אֲשֶׁ֥ר תַּשִּׂ֖יג יָד֑וֹ וְהָיָ֤ה אֶחָד֙ חַטָּ֔את וְהָאֶחָ֖ד עֹלָֽה׃

‎23 ‏וְהֵבִ֨יא אֹתָ֜ם בַּיּ֧וֹם הַשְּׁמִינִ֛י לְטָהֳרָת֖וֹ אֶל־הַכֹּהֵ֑ן אֶל־פֶּ֥תַח אֹֽהֶל־מוֹעֵ֖ד לִפְנֵ֥י יְהוָֽה׃

‎24 ‏וְלָקַ֧ח הַכֹּהֵ֛ן אֶת־כֶּ֥בֶשׂ הָאָשָׁ֖ם וְאֶת־לֹ֣ג הַשָּׁ֑מֶן וְהֵנִ֨יף אֹתָ֧ם הַכֹּהֵ֛ן תְּנוּפָ֖ה לִפְנֵ֥י יְהוָֽה׃

‎25 ‏וְשָׁחַט֮ אֶת־כֶּ֣בֶשׂ הָֽאָשָׁם֒ וְלָקַ֤ח הַכֹּהֵן֙ מִדַּ֣ם הָֽאָשָׁ֔ם וְנָתַ֛ן עַל־תְּנ֥וּךְ אֹֽזֶן־הַמִּטַּהֵ֖ר הַיְמָנִ֑ית וְעַל־בֹּ֤הֶן יָדוֹ֙ הַיְמָנִ֔ית וְעַל־בֹּ֥הֶן רַגְל֖וֹ הַיְמָנִֽית׃

‎26 ‏וּמִן־הַשֶּׁ֖מֶן יִצֹ֣ק הַכֹּהֵ֑ן עַל־כַּ֥ף הַכֹּהֵ֖ן הַשְּׂמָאלִֽית׃

‎27 ‏וְהִזָּ֤ה הַכֹּהֵן֙ בְּאֶצְבָּע֣וֹ הַיְמָנִ֔ית מִן־הַשֶּׁ֕מֶן אֲשֶׁ֥ר עַל־כַּפּ֖וֹ הַשְּׂמָאלִ֑ית שֶׁ֥בַע פְּעָמִ֖ים לִפְנֵ֥י יְהוָֽה׃

‎28 ‏וְנָתַ֨ן הַכֹּהֵ֜ן מִן־הַשֶּׁ֣מֶן׀ אֲשֶׁ֣ר עַל־כַּפּ֗וֹ עַל־תְּנ֞וּךְ אֹ֤זֶן הַמִּטַּהֵר֙ הַיְמָנִ֔ית וְעַל־בֹּ֤הֶן יָדוֹ֙ הַיְמָנִ֔ית וְעַל־בֹּ֥הֶן רַגְל֖וֹ הַיְמָנִ֑ית עַל־מְק֖וֹם דַּ֥ם הָאָשָֽׁם׃

‎29 ‏וְהַנּוֹתָ֗ר מִן־הַשֶּׁ֙מֶן֙ אֲשֶׁר֙ עַל־כַּ֣ף הַכֹּהֵ֔ן³ יִתֵּ֖ן עַל־רֹ֣אשׁ הַמִּטַּהֵ֑ר לְכַפֵּ֥ר עָלָ֖יו לִפְנֵ֥י יְהוָֽה׃

‎30 ‏וְעָשָׂ֤ה אֶת־הָֽאֶחָד֙ מִן־הַתֹּרִ֔ים א֖וֹ מִן־בְּנֵ֣י הַיּוֹנָ֑ה מֵאֲשֶׁ֥ר תַּשִּׂ֖יג יָדֽוֹ׃

‎31 ‏אֵ֣ת אֲשֶׁר־תַּשִּׂ֞יג יָד֗וֹ אֶת־הָאֶחָ֥ד חַטָּ֛את וְאֶת־הָאֶחָ֥ד עֹלָ֖ה עַל־הַמִּנְחָ֑ה וְכִפֶּ֧ר הַכֹּהֵ֛ן עַ֥ל הַמִּטַּהֵ֖ר לִפְנֵ֥י יְהוָֽה׃

‎32 ‏זֹ֣את תּוֹרַ֔ת אֲשֶׁר־בּ֖וֹ נֶ֣גַע צָרָ֑עַת אֲשֶׁ֛ר לֹֽא־תַשִּׂ֥יג יָד֖וֹ בְּטָהֳרָתֽוֹ׃ פ

‎33 ‏וַיְדַבֵּ֣ר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃

‎34 ‏כִּ֤י תָבֹ֙אוּ֙ אֶל־אֶ֣רֶץ כְּנַ֔עַן אֲשֶׁ֥ר אֲנִ֛י נֹתֵ֥ן לָכֶ֖ם לַאֲחֻזָּ֑ה וְנָתַתִּי֙ נֶ֣גַע צָרַ֔עַת בְּבֵ֖ית אֶ֥רֶץ אֲחֻזַּתְכֶֽם׃

‎35 ‏וּבָא֙ אֲשֶׁר־ל֣וֹ הַבַּ֔יִת וְהִגִּ֥יד לַכֹּהֵ֖ן לֵאמֹ֑ר כְּנֶ֕גַע נִרְאָ֥ה לִ֖י בַּבָּֽיִת׃

‎36 ‏וְצִוָּ֨ה הַכֹּהֵ֜ן וּפִנּ֣וּ אֶת־הַבַּ֗יִת בְּטֶ֨רֶם יָבֹ֤א הַכֹּהֵן֙ לִרְא֣וֹת אֶת־הַנֶּ֔גַע וְלֹ֥א יִטְמָ֖א כָּל־אֲשֶׁ֣ר בַּבָּ֑יִת וְאַ֥חַר כֵּ֛ן יָבֹ֥א הַכֹּהֵ֖ן לִרְא֥וֹת אֶת־הַבָּֽיִת׃

‎37 ‏וְרָאָ֣ה אֶת־הַנֶּ֗גַע וְהִנֵּ֤ה הַנֶּ֙גַע֙ בְּקִירֹ֣ת הַבַּ֔יִת שְׁקַֽעֲרוּרֹת֙ יְרַקְרַקֹּ֔ת א֖וֹ אֲדַמְדַּמֹּ֑ת וּמַרְאֵיהֶ֥ן שָׁפָ֖ל מִן־הַקִּֽיר׃

‎38 ‏וְיָצָ֧א הַכֹּהֵ֛ן מִן־הַבַּ֖יִת אֶל־פֶּ֣תַח הַבָּ֑יִת וְהִסְגִּ֥יר אֶת־הַבַּ֖יִת שִׁבְעַ֥ת יָמִֽים׃

‎39 ‏וְשָׁ֥ב הַכֹּהֵ֖ן בַּיּ֣וֹם הַשְּׁבִיעִ֑י וְרָאָ֕ה וְהִנֵּ֛ה פָּשָׂ֥ה הַנֶּ֖גַע בְּקִירֹ֥ת הַבָּֽיִת׃

‎40 ‏וְצִוָּה֙ הַכֹּהֵ֔ן וְחִלְּצוּ֙ אֶת־הָ֣אֲבָנִ֔ים אֲשֶׁ֥ר בָּהֵ֖ן הַנָּ֑גַע וְהִשְׁלִ֤יכוּ אֶתְהֶן֙ אֶל־מִח֣וּץ לָעִ֔יר אֶל־מָק֖וֹם טָמֵֽא׃

‎41 ‏וְאֶת־הַבַּ֛יִת יַקְצִ֥עַ מִבַּ֖יִת סָבִ֑יב וְשָׁפְכ֗וּ אֶת־הֶֽעָפָר֙ אֲשֶׁ֣ר הִקְצ֔וּ אֶל־מִח֣וּץ לָעִ֔יר אֶל־מָק֖וֹם טָמֵֽא׃

‎42 ‏וְלָקְחוּ֙ אֲבָנִ֣ים אֲחֵר֔וֹת וְהֵבִ֖יאוּ אֶל־תַּ֣חַת הָאֲבָנִ֑ים וְעָפָ֥ר אַחֵ֛ר יִקַּ֖ח וְטָ֥ח אֶת־הַבָּֽיִת׃

‎43 ‏וְאִם־יָשׁ֤וּב הַנֶּ֙גַע֙ וּפָרַ֣ח בַּבַּ֔יִת אַחַ֖ר חִלֵּ֣ץ אֶת־הָאֲבָנִ֑ים וְאַחֲרֵ֛י הִקְצ֥וֹת אֶת־הַבַּ֖יִת וְאַחֲרֵ֥י הִטּֽוֹחַ׃

‎44 ‏וּבָא֙ הַכֹּהֵ֔ן וְרָאָ֕ה וְהִנֵּ֛ה פָּשָׂ֥ה הַנֶּ֖גַע בַּבָּ֑יִת צָרַ֨עַת מַמְאֶ֥רֶת הִ֛וא בַּבַּ֖יִת טָמֵ֥א הֽוּא׃

‎45 ‏וְנָתַ֣ץ אֶת־הַבַּ֗יִת אֶת־אֲבָנָיו֙ וְאֶת־עֵצָ֔יו וְאֵ֖ת כָּל־עֲפַ֣ר הַבָּ֑יִת וְהוֹצִיא֙ אֶל־מִח֣וּץ לָעִ֔יר אֶל־מָק֖וֹם טָמֵֽא׃

‎46 ‏וְהַבָּא֙ אֶל־הַבַּ֔יִת כָּל־יְמֵ֖י הִסְגִּ֣יר אֹת֑וֹ יִטְמָ֖א עַד־הָעָֽרֶב׃

‎47 ‏וְהַשֹּׁכֵ֣ב בַּבַּ֔יִת יְכַבֵּ֖ס אֶת־בְּגָדָ֑יו וְהָאֹכֵ֣ל בַּבַּ֔יִת יְכַבֵּ֖ס אֶת־בְּגָדָֽיו׃

‎48 ‏וְאִם־בֹּ֨א יָבֹ֜א הַכֹּהֵ֗ן וְרָאָה֙ וְ֠הִנֵּה לֹא־פָשָׂ֤ה הַנֶּ֙גַע֙ בַּבַּ֔יִת אַחֲרֵ֖י הִטֹּ֣חַ אֶת־הַבָּ֑יִת וְטִהַ֤ר הַכֹּהֵן֙ אֶת־הַבַּ֔יִת כִּ֥י נִרְפָּ֖א הַנָּֽגַע׃

‎49 ‏וְלָקַ֛ח לְחַטֵּ֥א אֶת־הַבַּ֖יִת שְׁתֵּ֣י צִפֳּרִ֑ים וְעֵ֣ץ אֶ֔רֶז וּשְׁנִ֥י תוֹלַ֖עַת וְאֵזֹֽב׃

‎50 ‏וְשָׁחַ֖ט אֶת־הַצִּפֹּ֣ר הָאֶחָ֑ת אֶל־כְּלִי־חֶ֖רֶשׂ עַל־מַ֥יִם חַיִּֽים׃

‎51 ‏וְלָקַ֣ח אֶת־עֵֽץ־הָ֠אֶרֶז וְאֶת־הָ֨אֵזֹ֜ב וְאֵ֣ת׀ שְׁנִ֣י הַתּוֹלַ֗עַת וְאֵת֮ הַצִּפֹּ֣ר הַֽחַיָּה֒ וְטָבַ֣ל אֹתָ֗ם בְּדַם֙ הַצִּפֹּ֣ר הַשְּׁחוּטָ֔ה וּבַמַּ֖יִם הַֽחַיִּ֑ים וְהִזָּ֥ה אֶל־הַבַּ֖יִת שֶׁ֥בַע פְּעָמִֽים׃

‎52 ‏וְחִטֵּ֣א אֶת־הַבַּ֔יִת בְּדַם֙ הַצִּפּ֔וֹר וּבַמַּ֖יִם הַֽחַיִּ֑ים וּבַצִּפֹּ֣ר הַחַיָּ֗ה וּבְעֵ֥ץ הָאֶ֛רֶז וּבָאֵזֹ֖ב וּבִשְׁנִ֥י הַתּוֹלָֽעַת׃

‎53 ‏וְשִׁלַּ֞ח אֶת־הַצִּפֹּ֧ר הַֽחַיָּ֛ה אֶל־מִח֥וּץ לָעִ֖יר אֶל־פְּנֵ֣י הַשָּׂדֶ֑ה וְכִפֶּ֥ר עַל־הַבַּ֖יִת וְטָהֵֽר׃

‎54 ‏זֹ֖את הַתּוֹרָ֑ה לְכָל־נֶ֥גַע הַצָּרַ֖עַת וְלַנָּֽתֶק׃

‎55 ‏וּלְצָרַ֥עַת הַבֶּ֖גֶד וְלַבָּֽיִת׃

‎56 ‏וְלַשְׂאֵ֥ת וְלַסַּפַּ֖חַת וְלַבֶּהָֽרֶת׃

‎57 ‏לְהוֹרֹ֕ת בְּי֥וֹם הַטָּמֵ֖א וּבְי֣וֹם הַטָּהֹ֑ר זֹ֥את תּוֹרַ֖ת הַצָּרָֽעַת׃ ס

1 wayəḏabēr yəhwâ ’el-mōšeh llē’mōr:

2 zō’ṯ tihəyeh twōraṯ hamməṣōrā‘ bəywōm ṭâŏrāṯwō wəhûḇā’ ’el-hakōhēn:

3 wəyāṣā’ hakōhēn ’el-miḥûṣ lamm^aḥăneh wərā’â hakōhēn wəhinnēh nirəpā’ neḡ^a‘-haṣṣār^a‘aṯ min-haṣṣārû‘a:

4 wəṣiûâ hakōhēn wəlāq^aḥ lammiṭṭahēr šətê-ṣipŏrîm ḥayywōṯ ṭəhōrwōṯ wə‘ēṣ ’erez ûšənî ṯwōl^a‘aṯ wə’ēzōḇ:

5 wəṣiûâ hakōhēn wəšāḥaṭ ’eṯ-haṣṣipwōr hā’eḥāṯ ’el-kəlî-ḥereś ‘al-mayim ḥayyîm:

6 ’eṯ-haṣṣipōr h^aḥayyâ yiqq^aḥ ’ōṯāh wə’eṯ-‘ēṣ hā’erez wə’eṯ-šənî hatwōl^a‘aṯ wə’eṯ-hā’ēzōḇ wəṭāḇal ’wōṯām wə’ēṯ| haṣṣipōr h^aḥayyâ bəḏam haṣṣipōr haššəḥuṭâ ‘al hammayim h^aḥayyîm:

7 wəhizzâ ‘al hammiṭṭahēr min-haṣṣār^a‘aṯ šeḇ^a‘ pə‘āmîm wəṭihărwō wəšill^aḥ ’eṯ-haṣṣipōr h^aḥayyâ ‘al-pənê haśśāḏeh:

8 wəḵibes hammiṭṭahēr ’eṯ-bəḡāḏāyw wəḡill^aḥ ’eṯ-kāl-śə‘ārwō wərāḥaṣ bammayim wəṭâēr wə’^aḥar yāḇwō’ ’el-hamm^aḥăneh wəyāšaḇ miḥûṣ lə’âŏlwō šiḇə‘aṯ yāmîm:

9 wəhāyâ ḇayywōm haššəḇî‘î yəḡall^aḥ ’eṯ-kāl-śə‘ārwō ’eṯ-rō’šwō wə’eṯ-zəqānwō wə’ēṯ gabōṯ ‘ênāyw wə’eṯ-kāl-śə‘ārwō yəḡallēḥa wəḵibes ’eṯ-bəḡāḏāyw wərāḥaṣ ’eṯ-bəśārwō bammayim wəṭâēr:

10 ûḇayywōm haššəmînî yiqq^aḥ šənê-ḵəḇāśîm təmîmîm wəḵaḇəśâ ’^aḥaṯ baṯ-šənāṯāh təmîmâ ûšəlōšâ ‘eśərōnîm sōleṯ minəḥâ bəlûlâ ḇaššemen wəlōḡ ’eḥāḏ šāmen:

11 wəhe‘ĕmîḏ hakōhēn haməṭahēr ’ēṯ hā’îš hammiṭṭahēr wə’ōṯām lifənê yəhwâ peṯ^aḥ ’ōhel mwō‘ēḏ:

12 wəlāq^aḥ hakōhēn ’eṯ-hakeḇeś hā’eḥāḏ wəhiqərîḇ ’ōṯwō lə’āšām wə’eṯ-lōḡ haššāmen wəhēnîf ’ōṯām tənûfâ lifənê yəhwâ:

13 wəšāḥaṭ ’eṯ-hakeḇeś biməqwōm ’ăšer yišəḥaṭ ’eṯ-h^aḥaṭṭā’ṯ wə’eṯ-hā‘ōlâ biməqwōm haqqōḏeš kî k^aḥaṭṭā’ṯ hā’āšām hû’ lakōhēn qōḏeš qāḏāšîm hû’:

14 wəlāq^aḥ hakōhēn midam hā’āšām wənāṯan hakōhēn ‘al-tənûḵə ’ōzen hammiṭṭahēr hayəmānîṯ wə‘al-bōhen yāḏwō hayəmānîṯ wə‘al-bōhen raḡəlwō hayəmānîṯ:

15 wəlāq^aḥ hakōhēn millōḡ haššāmen wəyāṣaq ‘al-kaf hakōhēn haśśəmā’lîṯ:

16 wəṭāḇal hakōhēn ’eṯ-’eṣəbā‘wō hayəmānîṯ min-haššemen ’ăšer ‘al-kapwō haśśəmā’lîṯ wəhizzâ min-haššemen bə’eṣəbā‘wō šeḇ^a‘ pə‘āmîm lifənê yəhwâ:

17 ûmîyeṯer haššemen ’ăšer ‘al-kapwō yitēn hakōhēn ‘al-tənûḵə ’ōzen hammiṭṭahēr hayəmānîṯ wə‘al-bōhen yāḏwō hayəmānîṯ wə‘al-bōhen raḡəlwō hayəmānîṯ ‘al dam hā’āšām:

18 wəhannwōṯār baššemen ’ăšer ‘al-kaf hakōhēn yitēn ‘al-rō’š hammiṭṭahēr wəḵiper ‘ālāyw hakōhēn lifənê yəhwâ:

19 wə‘āśâ hakōhēn ’eṯ-h^aḥaṭṭā’ṯ wəḵiper ‘al-hammiṭṭahēr miṭṭumə’āṯwō wə’^aḥar yišəḥaṭ ’eṯ-hā‘ōlâ:

20 wəhe‘ĕlâ hakōhēn ’eṯ-hā‘ōlâ wə’eṯ-hamminəḥâ hammizəbēḥâ wəḵiper ‘ālāyw hakōhēn wəṭâēr: s

21 wə’im-dal hû’ wə’ên yāḏwō maśśeḡeṯ wəlāq^aḥ keḇeś ’eḥāḏ ’āšām liṯənûfâ ləḵapēr ‘ālāyw wə‘iśśārwōn sōleṯ ’eḥāḏ bālûl baššemen ləminəḥâ wəlōḡ šāmen:

22 ûšətê ṯōrîm ’wō šənê bənê ywōnâ ’ăšer taśśîḡ yāḏwō wəhāyâ ’eḥāḏ ḥaṭṭā’ṯ wəhā’eḥāḏ ‘ōlâ:

23 wəhēḇî’ ’ōṯām bayywōm haššəmînî ləṭâŏrāṯwō ’el-hakōhēn ’el-peṯ^aḥ ’ōhel-mwō‘ēḏ lifənê yəhwâ:

24 wəlāq^aḥ hakōhēn ’eṯ-keḇeś hā’āšām wə’eṯ-lōḡ haššāmen wəhēnîf ’ōṯām hakōhēn tənûfâ lifənê yəhwâ:

25 wəšāḥaṭ ’eṯ-keḇeś hā’āšām wəlāq^aḥ hakōhēn midam hā’āšām wənāṯan ‘al-tənûḵə ’ōzen-hammiṭṭahēr hayəmānîṯ wə‘al-bōhen yāḏwō hayəmānîṯ wə‘al-bōhen raḡəlwō hayəmānîṯ:

26 ûmin-haššemen yiṣōq hakōhēn ‘al-kaf hakōhēn haśśəmā’lîṯ:

27 wəhizzâ hakōhēn bə’eṣəbā‘wō hayəmānîṯ min-haššemen ’ăšer ‘al-kapwō haśśəmā’lîṯ šeḇ^a‘ pə‘āmîm lifənê yəhwâ:

28 wənāṯan hakōhēn min-haššemen| ’ăšer ‘al-kapwō ‘al-tənûḵə ’ōzen hammiṭṭahēr hayəmānîṯ wə‘al-bōhen yāḏwō hayəmānîṯ wə‘al-bōhen raḡəlwō hayəmānîṯ ‘al-məqwōm dam hā’āšām:

29 wəhannwōṯār min-haššemen ’ăšer ‘al-kaf hakōhēn³ yitēn ‘al-rō’š hammiṭṭahēr ləḵapēr ‘ālāyw lifənê yəhwâ:

30 wə‘āśâ ’eṯ-hā’eḥāḏ min-hatōrîm ’wō min-bənê hayywōnâ mē’ăšer taśśîḡ yāḏwō:

31 ’ēṯ ’ăšer-taśśîḡ yāḏwō ’eṯ-hā’eḥāḏ ḥaṭṭā’ṯ wə’eṯ-hā’eḥāḏ ‘ōlâ ‘al-hamminəḥâ wəḵiper hakōhēn ‘al hammiṭṭahēr lifənê yəhwâ:

32 zō’ṯ twōraṯ ’ăšer-bwō neḡ^a‘ ṣārā‘aṯ ’ăšer lō’-ṯaśśîḡ yāḏwō bəṭâŏrāṯwō: f

33 wayəḏabēr yəhwâ ’el-mōšeh wə’el-’ahărōn lē’mōr:

34 kî ṯāḇō’û ’el-’ereṣ kən^a‘an ’ăšer ’ănî nōṯēn lāḵem la’ăḥuzzâ wənāṯatî neḡ^a‘ ṣār^a‘aṯ bəḇêṯ ’ereṣ ’ăḥuzzaṯəḵem:

35 ûḇā’ ’ăšer-lwō habayiṯ wəhigîḏ lakōhēn lē’mōr kəneḡ^a‘ nirə’â lî babāyiṯ:

36 wəṣiûâ hakōhēn ûfinnû ’eṯ-habayiṯ bəṭerem yāḇō’ hakōhēn lirə’wōṯ ’eṯ-hanneḡ^a‘ wəlō’ yiṭəmā’ kāl-’ăšer babāyiṯ wə’^aḥar kēn yāḇō’ hakōhēn lirə’wōṯ ’eṯ-habāyiṯ:

37 wərā’â ’eṯ-hanneḡ^a‘ wəhinnēh hanneḡ^a‘ bəqîrōṯ habayiṯ šəq^a‘ărûrōṯ yəraqəraqqōṯ ’wō ’ăḏamədammōṯ ûmarə’êhen šāfāl min-haqqîr:

38 wəyāṣā’ hakōhēn min-habayiṯ ’el-peṯ^aḥ habāyiṯ wəhisəgîr ’eṯ-habayiṯ šiḇə‘aṯ yāmîm:

39 wəšāḇ hakōhēn bayywōm haššəḇî‘î wərā’â wəhinnēh pāśâ hanneḡ^a‘ bəqîrōṯ habāyiṯ:

40 wəṣiûâ hakōhēn wəḥilləṣû ’eṯ-hā’ăḇānîm ’ăšer bâēn hannāḡ^a‘ wəhišəlîḵû ’eṯəhen ’el-miḥûṣ lā‘îr ’el-māqwōm ṭāmē’:

41 wə’eṯ-habayiṯ yaqəṣi‘a mibayiṯ sāḇîḇ wəšāfəḵû ’eṯ-he‘āfār ’ăšer hiqəṣû ’el-miḥûṣ lā‘îr ’el-māqwōm ṭāmē’:

42 wəlāqəḥû ’ăḇānîm ’ăḥērwōṯ wəhēḇî’û ’el-t^aḥaṯ hā’ăḇānîm wə‘āfār ’^aḥēr yiqq^aḥ wəṭāḥ ’eṯ-habāyiṯ:

43 wə’im-yāšûḇ hanneḡ^a‘ ûfār^aḥ babayiṯ ’^aḥar ḥillēṣ ’eṯ-hā’ăḇānîm wə’^aḥărê hiqəṣwōṯ ’eṯ-habayiṯ wə’^aḥărê hiṭṭwōḥa:

44 ûḇā’ hakōhēn wərā’â wəhinnēh pāśâ hanneḡ^a‘ babāyiṯ ṣār^a‘aṯ mamə’ereṯ hiw’ babayiṯ ṭāmē’ hû’:

45 wənāṯaṣ ’eṯ-habayiṯ ’eṯ-’ăḇānāyw wə’eṯ-‘ēṣāyw wə’ēṯ kāl-‘ăfar habāyiṯ wəhwōṣî’ ’el-miḥûṣ lā‘îr ’el-māqwōm ṭāmē’:

46 wəhabā’ ’el-habayiṯ kāl-yəmê hisəgîr ’ōṯwō yiṭəmā’ ‘aḏ-hā‘āreḇ:

47 wəhaššōḵēḇ babayiṯ yəḵabēs ’eṯ-bəḡāḏāyw wəhā’ōḵēl babayiṯ yəḵabēs ’eṯ-bəḡāḏāyw:

48 wə’im-bō’ yāḇō’ hakōhēn wərā’â wəhinnēh lō’-fāśâ hanneḡ^a‘ babayiṯ ’^aḥărê hiṭṭōḥa ’eṯ-habāyiṯ wəṭihar hakōhēn ’eṯ-habayiṯ kî nirəpā’ hannāḡ^a‘:

49 wəlāq^aḥ ləḥaṭṭē’ ’eṯ-habayiṯ šətê ṣipŏrîm wə‘ēṣ ’erez ûšənî ṯwōl^a‘aṯ wə’ēzōḇ:

50 wəšāḥaṭ ’eṯ-haṣṣipōr hā’eḥāṯ ’el-kəlî-ḥereś ‘al-mayim ḥayyîm:

51 wəlāq^aḥ ’eṯ-‘ēṣ-hā’erez wə’eṯ-hā’ēzōḇ wə’ēṯ| šənî hatwōl^a‘aṯ wə’ēṯ haṣṣipōr h^aḥayyâ wəṭāḇal ’ōṯām bəḏam haṣṣipōr haššəḥûṭâ ûḇammayim h^aḥayyîm wəhizzâ ’el-habayiṯ šeḇ^a‘ pə‘āmîm:

52 wəḥiṭṭē’ ’eṯ-habayiṯ bəḏam haṣṣipwōr ûḇammayim h^aḥayyîm ûḇaṣṣipōr h^aḥayyâ ûḇə‘ēṣ hā’erez ûḇā’ēzōḇ ûḇišənî hatwōlā‘aṯ:

53 wəšill^aḥ ’eṯ-haṣṣipōr h^aḥayyâ ’el-miḥûṣ lā‘îr ’el-pənê haśśāḏeh wəḵiper ‘al-habayiṯ wəṭâēr:

54 zō’ṯ hatwōrâ ləḵāl-neḡ^a‘ haṣṣār^a‘aṯ wəlannāṯeq:

55 ûləṣār^a‘aṯ habeḡeḏ wəlabāyiṯ:

56 wəlaśə’ēṯ wəlassap^aḥaṯ wəlabehāreṯ:

57 ləhwōrōṯ bəywōm haṭṭāmē’ ûḇəywōm haṭṭâōr zō’ṯ twōraṯ haṣṣārā‘aṯ: s

‎1 ‏וַיְדַבֵּ֣ר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃

‎2 ‏דַּבְּרוּ֙ אֶל־בְּנֵ֣י יִשְׂרָאֵ֔ל וַאֲמַרְתֶּ֖ם אֲלֵהֶ֑ם אִ֣ישׁ אִ֗ישׁ כִּ֤י יִהְיֶה֙ זָ֣ב מִבְּשָׂר֔וֹ זוֹב֖וֹ טָמֵ֥א הֽוּא׃

‎3 ‏וְזֹ֛את תִּהְיֶ֥ה טֻמְאָת֖וֹ בְּזוֹב֑וֹ רָ֣ר בְּשָׂר֞וֹ אֶת־זוֹב֗וֹ אֽוֹ־הֶחְתִּ֤ים³ בְּשָׂרוֹ֙ מִזּוֹב֔וֹ טֻמְאָת֖וֹ הִֽוא׃

‎4 ‏כָּל־הַמִּשְׁכָּ֗ב אֲשֶׁ֨ר יִשְׁכַּ֥ב עָלָ֛יו הַזָּ֖ב יִטְמָ֑א וְכָֽל־הַכְּלִ֛י אֲשֶׁר־יֵשֵׁ֥ב עָלָ֖יו יִטְמָֽא׃

‎5 ‏וְאִ֕ישׁ אֲשֶׁ֥ר יִגַּ֖ע בְּמִשְׁכָּב֑וֹ יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃

‎6 ‏וְהַיֹּשֵׁב֙ עַֽל־הַכְּלִ֔י אֲשֶׁר־יֵשֵׁ֥ב עָלָ֖יו הַזָּ֑ב יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃

‎7 ‏וְהַנֹּגֵ֖עַ בִּבְשַׂ֣ר הַזָּ֑ב יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃

‎8 ‏וְכִֽי־יָרֹ֛ק הַזָּ֖ב בַּטָּה֑וֹר וְכִבֶּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃

‎9 ‏וְכָל־הַמֶּרְכָּ֗ב אֲשֶׁ֨ר יִרְכַּ֥ב עָלָ֛יו הַזָּ֖ב יִטְמָֽא׃

‎10 ‏וְכָל־הַנֹּגֵ֗עַ בְּכֹל֙ אֲשֶׁ֣ר יִהְיֶ֣ה תַחְתָּ֔יו יִטְמָ֖א עַד־הָעָ֑רֶב וְהַנּוֹשֵׂ֣א אוֹתָ֔ם יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃

‎11 ‏וְכֹ֨ל אֲשֶׁ֤ר יִגַּע־בּוֹ֙ הַזָּ֔ב וְיָדָ֖יו לֹא־שָׁטַ֣ף בַּמָּ֑יִם וְכִבֶּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃

‎12 ‏וּכְלִי־חֶ֛רֶשׂ אֲשֶׁר־יִגַּע־בּ֥וֹ הַזָּ֖ב יִשָּׁבֵ֑ר וְכָל־כְּלִי־עֵ֔ץ יִשָּׁטֵ֖ף בַּמָּֽיִם׃

‎13 ‏וְכִֽי־יִטְהַ֤ר הַזָּב֙ מִזּוֹב֔וֹ וְסָ֨פַר ל֜וֹ שִׁבְעַ֥ת יָמִ֛ים לְטָהֳרָת֖וֹ וְכִבֶּ֣ס בְּגָדָ֑יו וְרָחַ֧ץ בְּשָׂר֛וֹ בְּמַ֥יִם חַיִּ֖ים וְטָהֵֽר׃

‎14 ‏וּבַיּ֣וֹם הַשְּׁמִינִ֗י יִֽקַּֽח־לוֹ֙ שְׁתֵּ֣י תֹרִ֔ים א֥וֹ שְׁנֵ֖י בְּנֵ֣י יוֹנָ֑ה וּבָ֣א׀ לִפְנֵ֣י יְהוָ֗ה אֶל־פֶּ֙תַח֙ אֹ֣הֶל מוֹעֵ֔ד וּנְתָנָ֖ם אֶל־הַכֹּהֵֽן׃

‎15 ‏וְעָשָׂ֤ה אֹתָם֙ הַכֹּהֵ֔ן אֶחָ֣ד חַטָּ֔את וְהָאֶחָ֖ד עֹלָ֑ה וְכִפֶּ֨ר עָלָ֧יו הַכֹּהֵ֛ן לִפְנֵ֥י יְהוָ֖ה מִזּוֹבֽוֹ׃ ס

‎16 ‏וְאִ֕ישׁ כִּֽי־תֵצֵ֥א מִמֶּ֖נּוּ שִׁכְבַת־זָ֑רַע וְרָחַ֥ץ בַּמַּ֛יִם אֶת־כָּל־בְּשָׂר֖וֹ וְטָמֵ֥א עַד־הָעָֽרֶב׃

‎17 ‏וְכָל־בֶּ֣גֶד וְכָל־ע֔וֹר אֲשֶׁר־יִהְיֶ֥ה עָלָ֖יו שִׁכְבַת־זָ֑רַע וְכֻבַּ֥ס בַּמַּ֖יִם וְטָמֵ֥א עַד־הָעָֽרֶב׃ פ

‎18 ‏וְאִשָּׁ֕ה אֲשֶׁ֨ר יִשְׁכַּ֥ב אִ֛ישׁ אֹתָ֖הּ שִׁכְבַת־זָ֑רַע וְרָחֲצ֣וּ בַמַּ֔יִם וְטָמְא֖וּ עַד־הָעָֽרֶב׃

‎19 ‏וְאִשָּׁה֙ כִּֽי־תִהְיֶ֣ה זָבָ֔ה דָּ֛ם יִהְיֶ֥ה זֹבָ֖הּ בִּבְשָׂרָ֑הּ שִׁבְעַ֤ת יָמִים֙ תִּהְיֶ֣ה בְנִדָּתָ֔הּ וְכָל־הַנֹּגֵ֥עַ בָּ֖הּ יִטְמָ֥א עַד־הָעָֽרֶב׃

‎20 ‏וְכֹל֩ אֲשֶׁ֨ר תִּשְׁכַּ֥ב עָלָ֛יו בְּנִדָּתָ֖הּ יִטְמָ֑א וְכֹ֛ל אֲשֶׁר־תֵּשֵׁ֥ב עָלָ֖יו יִטְמָֽא׃

‎21 ‏וְכָל־הַנֹּגֵ֖עַ בְּמִשְׁכָּבָ֑הּ יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃

‎22 ‏וְכָל־הַנֹּגֵ֔עַ בְּכָל־כְּלִ֖י אֲשֶׁר־תֵּשֵׁ֣ב עָלָ֑יו יְכַבֵּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃

‎23 ‏וְאִ֨ם עַֽל־הַמִּשְׁכָּ֜ב ה֗וּא א֧וֹ עַֽל־הַכְּלִ֛י אֲשֶׁר־הִ֥וא יֹשֶֽׁבֶת־עָלָ֖יו בְּנָגְעוֹ־ב֑וֹ יִטְמָ֖א עַד־הָעָֽרֶב׃

‎24 ‏וְאִ֡ם שָׁכֹב֩ יִשְׁכַּ֨ב אִ֜ישׁ אֹתָ֗הּ וּתְהִ֤י נִדָּתָהּ֙ עָלָ֔יו וְטָמֵ֖א שִׁבְעַ֣ת יָמִ֑ים וְכָל־הַמִּשְׁכָּ֛ב אֲשֶׁר־יִשְׁכַּ֥ב עָלָ֖יו יִטְמָֽא׃ פ

‎25 ‏וְאִשָּׁ֡ה כִּֽי־יָזוּב֩ ז֨וֹב דָּמָ֜הּ יָמִ֣ים רַבִּ֗ים בְּלֹא֙ עֶת־נִדָּתָ֔הּ א֥וֹ כִֽי־תָז֖וּב עַל־נִדָּתָ֑הּ כָּל־יְמֵ֞י ז֣וֹב טֻמְאָתָ֗הּ כִּימֵ֧י נִדָּתָ֛הּ תִּהְיֶ֖ה טְמֵאָ֥ה הִֽוא׃

‎26 ‏כָּל־הַמִּשְׁכָּ֞ב אֲשֶׁר־תִּשְׁכַּ֤ב עָלָיו֙ כָּל־יְמֵ֣י זוֹבָ֔הּ כְּמִשְׁכַּ֥ב נִדָּתָ֖הּ יִֽהְיֶה־לָּ֑הּ וְכָֽל־הַכְּלִי֙ אֲשֶׁ֣ר תֵּשֵׁ֣ב עָלָ֔יו טָמֵ֣א יִהְיֶ֔ה כְּטֻמְאַ֖ת נִדָּתָֽהּ׃

‎27 ‏וְכָל־הַנּוֹגֵ֥עַ בָּ֖ם יִטְמָ֑א וְכִבֶּ֧ס בְּגָדָ֛יו וְרָחַ֥ץ בַּמַּ֖יִם וְטָמֵ֥א עַד־הָעָֽרֶב׃

‎28 ‏וְאִֽם־טָהֲרָ֖ה מִזּוֹבָ֑הּ וְסָ֥פְרָה לָּ֛הּ שִׁבְעַ֥ת יָמִ֖ים וְאַחַ֥ר תִּטְהָֽר׃

‎29 ‏וּבַיּ֣וֹם הַשְּׁמִינִ֗י תִּֽקַּֽח־לָהּ֙ שְׁתֵּ֣י תֹרִ֔ים א֥וֹ שְׁנֵ֖י בְּנֵ֣י יוֹנָ֑ה וְהֵבִיאָ֤ה אוֹתָם֙ אֶל־הַכֹּהֵ֔ן אֶל־פֶּ֖תַח אֹ֥הֶל מוֹעֵֽד׃

‎30 ‏וְעָשָׂ֤ה הַכֹּהֵן֙ אֶת־הָאֶחָ֣ד חַטָּ֔את וְאֶת־הָאֶחָ֖ד עֹלָ֑ה וְכִפֶּ֨ר עָלֶ֤יהָ הַכֹּהֵן֙ לִפְנֵ֣י יְהוָ֔ה מִזּ֖וֹב טֻמְאָתָֽהּ׃

‎31 ‏וְהִזַּרְתֶּ֥ם אֶת־בְּנֵי־יִשְׂרָאֵ֖ל מִטֻּמְאָתָ֑ם וְלֹ֤א יָמֻ֙תוּ֙ בְּטֻמְאָתָ֔ם בְּטַמְּאָ֥ם אֶת־מִשְׁכָּנִ֖י אֲשֶׁ֥ר בְּתוֹכָֽם׃

‎32 ‏זֹ֥את תּוֹרַ֖ת³ הַזָּ֑ב וַאֲשֶׁ֨ר תֵּצֵ֥א מִמֶּ֛נּוּ שִׁכְבַת־זֶ֖רַע לְטָמְאָה־בָֽהּ׃

‎33 ‏וְהַדָּוָה֙ בְּנִדָּתָ֔הּ וְהַזָּב֙ אֶת־זוֹב֔וֹ לַזָּכָ֖ר וְלַנְּקֵבָ֑ה וּלְאִ֕ישׁ אֲשֶׁ֥ר יִשְׁכַּ֖ב עִם־טְמֵאָֽה׃ פ

1 wayəḏabēr yəhwâ ’el-mōšeh wə’el-’ahărōn lē’mōr:

2 dabərû ’el-bənê yiśərā’ēl wa’ămarətem ’ălēhem ’îš ’îš kî yihəyeh zāḇ mibəśārwō zwōḇwō ṭāmē’ hû’:

3 wəzō’ṯ tihəyeh ṭumə’āṯwō bəzwōḇwō rār bəśārwō ’eṯ-zwōḇwō ’wō-heḥətîm³ bəśārwō mizzwōḇwō ṭumə’āṯwō hiw’:

4 kāl-hammišəkāḇ ’ăšer yišəkaḇ ‘ālāyw hazzāḇ yiṭəmā’ wəḵāl-hakəlî ’ăšer-yēšēḇ ‘ālāyw yiṭəmā’:

5 wə’îš ’ăšer yig^a‘ bəmišəkāḇwō yəḵabēs bəḡāḏāyw wərāḥaṣ bammayim wəṭāmē’ ‘aḏ-hā‘āreḇ:

6 wəhayyōšēḇ ‘al-hakəlî ’ăšer-yēšēḇ ‘ālāyw hazzāḇ yəḵabēs bəḡāḏāyw wərāḥaṣ bammayim wəṭāmē’ ‘aḏ-hā‘āreḇ:

7 wəhannōḡē‘a biḇəśar hazzāḇ yəḵabēs bəḡāḏāyw wərāḥaṣ bammayim wəṭāmē’ ‘aḏ-hā‘āreḇ:

8 wəḵî-yārōq hazzāḇ baṭṭâwōr wəḵibes bəḡāḏāyw wərāḥaṣ bammayim wəṭāmē’ ‘aḏ-hā‘āreḇ:

9 wəḵāl-hammerəkāḇ ’ăšer yirəkaḇ ‘ālāyw hazzāḇ yiṭəmā’:

10 wəḵāl-hannōḡē‘a bəḵōl ’ăšer yihəyeh ṯ^aḥətāyw yiṭəmā’ ‘aḏ-hā‘āreḇ wəhannwōśē’ ’wōṯām yəḵabēs bəḡāḏāyw wərāḥaṣ bammayim wəṭāmē’ ‘aḏ-hā‘āreḇ:

11 wəḵōl ’ăšer yig^a‘-bwō hazzāḇ wəyāḏāyw lō’-šāṭaf bammāyim wəḵibes bəḡāḏāyw wərāḥaṣ bammayim wəṭāmē’ ‘aḏ-hā‘āreḇ:

12 ûḵəlî-ḥereś ’ăšer-yig^a‘-bwō hazzāḇ yiššāḇēr wəḵāl-kəlî-‘ēṣ yiššāṭēf bammāyim:

13 wəḵî-yiṭəhar hazzāḇ mizzwōḇwō wəsāfar lwō šiḇə‘aṯ yāmîm ləṭâŏrāṯwō wəḵibes bəḡāḏāyw wərāḥaṣ bəśārwō bəmayim ḥayyîm wəṭâēr:

14 ûḇayywōm haššəmînî yiqq^aḥ-lwō šətê ṯōrîm ’wō šənê bənê ywōnâ ûḇā’| lifənê yəhwâ ’el-peṯ^aḥ ’ōhel mwō‘ēḏ ûnəṯānām ’el-hakōhēn:

15 wə‘āśâ ’ōṯām hakōhēn ’eḥāḏ ḥaṭṭā’ṯ wəhā’eḥāḏ ‘ōlâ wəḵiper ‘ālāyw hakōhēn lifənê yəhwâ mizzwōḇwō: s

16 wə’îš kî-ṯēṣē’ mimmennû šiḵəḇaṯ-zār^a‘ wərāḥaṣ bammayim ’eṯ-kāl-bəśārwō wəṭāmē’ ‘aḏ-hā‘āreḇ:

17 wəḵāl-beḡeḏ wəḵāl-‘wōr ’ăšer-yihəyeh ‘ālāyw šiḵəḇaṯ-zār^a‘ wəḵubas bammayim wəṭāmē’ ‘aḏ-hā‘āreḇ: f

18 wə’iššâ ’ăšer yišəkaḇ ’îš ’ōṯāh šiḵəḇaṯ-zār^a‘ wərāḥăṣû ḇammayim wəṭāmə’û ‘aḏ-hā‘āreḇ:

19 wə’iššâ kî-ṯihəyeh zāḇâ dām yihəyeh zōḇāh biḇəśārāh šiḇə‘aṯ yāmîm tihəyeh ḇənidāṯāh wəḵāl-hannōḡē‘a bāh yiṭəmā’ ‘aḏ-hā‘āreḇ:

20 wəḵōl ’ăšer tišəkaḇ ‘ālāyw bənidāṯāh yiṭəmā’ wəḵōl ’ăšer-tēšēḇ ‘ālāyw yiṭəmā’:

21 wəḵāl-hannōḡē‘a bəmišəkāḇāh yəḵabēs bəḡāḏāyw wərāḥaṣ bammayim wəṭāmē’ ‘aḏ-hā‘āreḇ:

22 wəḵāl-hannōḡē‘a bəḵāl-kəlî ’ăšer-tēšēḇ ‘ālāyw yəḵabēs bəḡāḏāyw wərāḥaṣ bammayim wəṭāmē’ ‘aḏ-hā‘āreḇ:

23 wə’im ‘al-hammišəkāḇ hû’ ’wō ‘al-hakəlî ’ăšer-hiw’ yōšeḇeṯ-‘ālāyw bənāḡə‘wō-ḇwō yiṭəmā’ ‘aḏ-hā‘āreḇ:

24 wə’im šāḵōḇ yišəkaḇ ’îš ’ōṯāh ûṯəhî nidāṯāh ‘ālāyw wəṭāmē’ šiḇə‘aṯ yāmîm wəḵāl-hammišəkāḇ ’ăšer-yišəkaḇ ‘ālāyw yiṭəmā’: f

25 wə’iššâ kî-yāzûḇ zwōḇ dāmāh yāmîm rabîm bəlō’ ‘eṯ-nidāṯāh ’wō ḵî-ṯāzûḇ ‘al-nidāṯāh kāl-yəmê zwōḇ ṭumə’āṯāh kîmê nidāṯāh tihəyeh ṭəmē’â hiw’:

26 kāl-hammišəkāḇ ’ăšer-tišəkaḇ ‘ālāyw kāl-yəmê zwōḇāh kəmišəkaḇ nidāṯāh yihəyeh-llāh wəḵāl-hakəlî ’ăšer tēšēḇ ‘ālāyw ṭāmē’ yihəyeh kəṭumə’aṯ nidāṯāh:

27 wəḵāl-hannwōḡē‘a bām yiṭəmā’ wəḵibes bəḡāḏāyw wərāḥaṣ bammayim wəṭāmē’ ‘aḏ-hā‘āreḇ:

28 wə’im-ṭâărâ mizzwōḇāh wəsāfərâ llāh šiḇə‘aṯ yāmîm wə’^aḥar tiṭəhār:

29 ûḇayywōm haššəmînî tiqq^aḥ-lāh šətê ṯōrîm ’wō šənê bənê ywōnâ wəhēḇî’â ’wōṯām ’el-hakōhēn ’el-peṯ^aḥ ’ōhel mwō‘ēḏ:

30 wə‘āśâ hakōhēn ’eṯ-hā’eḥāḏ ḥaṭṭā’ṯ wə’eṯ-hā’eḥāḏ ‘ōlâ wəḵiper ‘āleyhā hakōhēn lifənê yəhwâ mizzwōḇ ṭumə’āṯāh:

31 wəhizzarətem ’eṯ-bənê-yiśərā’ēl miṭṭumə’āṯām wəlō’ yāmuṯû bəṭumə’āṯām bəṭammə’ām ’eṯ-mišəkānî ’ăšer bəṯwōḵām:

32 zō’ṯ twōraṯ³ hazzāḇ wa’ăšer tēṣē’ mimmennû šiḵəḇaṯ-zer^a‘ ləṭāmə’â-ḇāh:

33 wəhadāwâ bənidāṯāh wəhazzāḇ ’eṯ-zwōḇwō lazzāḵār wəlannəqēḇâ ûlə’îš ’ăšer yišəkaḇ ‘im-ṭəmē’â: f

‎1 ‏וַיְדַבֵּ֤ר יְהוָה֙ אֶל־מֹשֶׁ֔ה אַחֲרֵ֣י מ֔וֹת שְׁנֵ֖י בְּנֵ֣י אַהֲרֹ֑ן בְּקָרְבָתָ֥ם לִפְנֵי־יְהוָ֖ה וַיָּמֻֽתוּ׃

‎2 ‏וַיֹּ֨אמֶר יְהוָ֜ה אֶל־מֹשֶׁ֗ה דַּבֵּר֮ אֶל־אַהֲרֹ֣ן אָחִיךָ֒ וְאַל־יָבֹ֤א בְכָל־עֵת֙ אֶל־הַקֹּ֔דֶשׁ מִבֵּ֖ית לַפָּרֹ֑כֶת אֶל־פְּנֵ֨י הַכַּפֹּ֜רֶת אֲשֶׁ֤ר עַל־הָאָרֹן֙ וְלֹ֣א יָמ֔וּת כִּ֚י בֶּֽעָנָ֔ן אֵרָאֶ֖ה עַל־הַכַּפֹּֽרֶת׃

‎3 ‏בְּזֹ֛את יָבֹ֥א אַהֲרֹ֖ן אֶל־הַקֹּ֑דֶשׁ בְּפַ֧ר בֶּן־בָּקָ֛ר לְחַטָּ֖את וְאַ֥יִל לְעֹלָֽה׃

‎4 ‏כְּתֹֽנֶת־בַּ֨ד קֹ֜דֶשׁ יִלְבָּ֗שׁ וּמִֽכְנְסֵי־בַד֮ יִהְי֣וּ עַל־בְּשָׂרוֹ֒ וּבְאַבְנֵ֥ט בַּד֙ יַחְגֹּ֔ר וּבְמִצְנֶ֥פֶת בַּ֖ד יִצְנֹ֑ף בִּגְדֵי־קֹ֣דֶשׁ הֵ֔ם וְרָחַ֥ץ בַּמַּ֛יִם אֶת־בְּשָׂר֖וֹ וּלְבֵשָֽׁם׃

‎5 ‏וּמֵאֵ֗ת עֲדַת֙ בְּנֵ֣י יִשְׂרָאֵ֔ל יִקַּ֛ח שְׁנֵֽי־שְׂעִירֵ֥י עִזִּ֖ים לְחַטָּ֑את וְאַ֥יִל אֶחָ֖ד לְעֹלָֽה׃

‎6 ‏וְהִקְרִ֧יב אַהֲרֹ֛ן אֶת־פַּ֥ר הַחַטָּ֖את אֲשֶׁר־ל֑וֹ וְכִפֶּ֥ר בַּעֲד֖וֹ וּבְעַ֥ד בֵּיתֽוֹ׃

‎7 ‏וְלָקַ֖ח אֶת־שְׁנֵ֣י הַשְּׂעִירִ֑ם וְהֶעֱמִ֤יד אֹתָם֙ לִפְנֵ֣י יְהוָ֔ה פֶּ֖תַח אֹ֥הֶל מוֹעֵֽד׃

‎8 ‏וְנָתַ֧ן אַהֲרֹ֛ן עַל־שְׁנֵ֥י הַשְּׂעִירִ֖ם גּוֹרָל֑וֹת גּוֹרָ֤ל אֶחָד֙ לַיהוָ֔ה וְגוֹרָ֥ל אֶחָ֖ד לַעֲזָאזֵֽל׃

‎9 ‏וְהִקְרִ֤יב אַהֲרֹן֙ אֶת־הַשָּׂעִ֔יר אֲשֶׁ֨ר עָלָ֥ה עָלָ֛יו הַגּוֹרָ֖ל לַיהוָ֑ה וְעָשָׂ֖הוּ חַטָּֽאת׃

‎10 ‏וְהַשָּׂעִ֗יר אֲשֶׁר֩ עָלָ֨ה עָלָ֤יו הַגּוֹרָל֙ לַעֲזָאזֵ֔ל יָֽעֳמַד־חַ֛י לִפְנֵ֥י יְהוָ֖ה לְכַפֵּ֣ר עָלָ֑יו לְשַׁלַּ֥ח אֹת֛וֹ לַעֲזָאזֵ֖ל הַמִּדְבָּֽרָה׃

‎11 ‏וְהִקְרִ֨יב אַהֲרֹ֜ן אֶת־פַּ֤ר הַֽחַטָּאת֙ אֲשֶׁר־ל֔וֹ וְכִפֶּ֥ר בַּֽעֲד֖וֹ וּבְעַ֣ד בֵּית֑וֹ וְשָׁחַ֛ט אֶת־פַּ֥ר הַֽחַטָּ֖את אֲשֶׁר־לֽוֹ׃

‎12 ‏וְלָקַ֣ח מְלֹֽא־הַ֠מַּחְתָּה גַּֽחֲלֵי־אֵ֞שׁ מֵעַ֤ל הַמִּזְבֵּ֙חַ֙ מִלִּפְנֵ֣י יְהוָ֔ה וּמְלֹ֣א חָפְנָ֔יו קְטֹ֥רֶת סַמִּ֖ים דַּקָּ֑ה וְהֵבִ֖יא מִבֵּ֥ית לַפָּרֹֽכֶת׃

‎13 ‏וְנָתַ֧ן אֶֽת־הַקְּטֹ֛רֶת עַל־הָאֵ֖שׁ לִפְנֵ֣י יְהוָ֑ה וְכִסָּ֣ה׀ עֲנַ֣ן הַקְּטֹ֗רֶת אֶת־הַכַּפֹּ֛רֶת אֲשֶׁ֥ר עַל־הָעֵד֖וּת וְלֹ֥א יָמֽוּת׃

‎14 ‏וְלָקַח֙ מִדַּ֣ם הַפָּ֔ר וְהִזָּ֧ה בְאֶצְבָּע֛וֹ עַל־פְּנֵ֥י הַכַּפֹּ֖רֶת קֵ֑דְמָה וְלִפְנֵ֣י הַכַּפֹּ֗רֶת יַזֶּ֧ה שֶֽׁבַע־פְּעָמִ֛ים מִן־הַדָּ֖ם בְּאֶצְבָּעֽוֹ׃

‎15 ‏וְשָׁחַ֞ט אֶת־שְׂעִ֤יר הַֽחַטָּאת֙ אֲשֶׁ֣ר לָעָ֔ם וְהֵבִיא֙ אֶת־דָּמ֔וֹ אֶל־מִבֵּ֖ית לַפָּרֹ֑כֶת וְעָשָׂ֣ה אֶת־דָּמ֗וֹ כַּאֲשֶׁ֤ר עָשָׂה֙ לְדַ֣ם הַפָּ֔ר וְהִזָּ֥ה אֹת֛וֹ עַל־הַכַּפֹּ֖רֶת וְלִפְנֵ֥י הַכַּפֹּֽרֶת׃

‎16 ‏וְכִפֶּ֣ר עַל־הַקֹּ֗דֶשׁ מִטֻּמְאֹת֙ בְּנֵ֣י יִשְׂרָאֵ֔ל וּמִפִּשְׁעֵיהֶ֖ם לְכָל־חַטֹּאתָ֑ם וְכֵ֤ן יַעֲשֶׂה֙ לְאֹ֣הֶל מוֹעֵ֔ד הַשֹּׁכֵ֣ן אִתָּ֔ם בְּת֖וֹךְ טֻמְאֹתָֽם׃

‎17 ‏וְכָל־אָדָ֞ם לֹא־יִהְיֶ֣ה׀ בְּאֹ֣הֶל מוֹעֵ֗ד בְּבֹא֛וֹ לְכַפֵּ֥ר בַּקֹּ֖דֶשׁ עַד־צֵאת֑וֹ וְכִפֶּ֤ר בַּעֲדוֹ֙ וּבְעַ֣ד בֵּית֔וֹ וּבְעַ֖ד כָּל־קְהַ֥ל יִשְׂרָאֵֽל׃

‎18 ‏וְיָצָ֗א אֶל־הַמִּזְבֵּ֛חַ אֲשֶׁ֥ר לִפְנֵֽי־יְהוָ֖ה וְכִפֶּ֣ר עָלָ֑יו וְלָקַ֞ח מִדַּ֤ם הַפָּר֙ וּמִדַּ֣ם הַשָּׂעִ֔יר וְנָתַ֛ן עַל־קַרְנ֥וֹת הַמִּזְבֵּ֖חַ סָבִֽיב׃

‎19 ‏וְהִזָּ֨ה עָלָ֧יו מִן־הַדָּ֛ם בְּאֶצְבָּע֖וֹ שֶׁ֣בַע פְּעָמִ֑ים וְטִהֲר֣וֹ וְקִדְּשׁ֔וֹ מִטֻּמְאֹ֖ת בְּנֵ֥י יִשְׂרָאֵֽל׃

‎20 ‏וְכִלָּה֙ מִכַּפֵּ֣ר אֶת־הַקֹּ֔דֶשׁ וְאֶת־אֹ֥הֶל מוֹעֵ֖ד וְאֶת־הַמִּזְבֵּ֑חַ וְהִקְרִ֖יב אֶת־הַשָּׂעִ֥יר הֶחָֽי׃

‎21 ‏וְסָמַ֨ךְ אַהֲרֹ֜ן אֶת־שְׁתֵּ֣י ידו יָדָ֗יו עַ֨ל רֹ֣אשׁ הַשָּׂעִיר֮ הַחַי֒ וְהִתְוַדָּ֣ה עָלָ֗יו אֶת־כָּל־עֲוֹנֹת֙ בְּנֵ֣י יִשְׂרָאֵ֔ל וְאֶת־כָּל־פִּשְׁעֵיהֶ֖ם לְכָל־חַטֹּאתָ֑ם וְנָתַ֤ן אֹתָם֙ עַל־רֹ֣אשׁ הַשָּׂעִ֔יר וְשִׁלַּ֛ח בְּיַד־אִ֥ישׁ עִתִּ֖י הַמִּדְבָּֽרָה׃

‎22 ‏וְנָשָׂ֨א הַשָּׂעִ֥יר עָלָ֛יו אֶת־כָּל־עֲוֹנֹתָ֖ם אֶל־אֶ֣רֶץ גְּזֵרָ֑ה וְשִׁלַּ֥ח אֶת־הַשָּׂעִ֖יר בַּמִּדְבָּֽר׃

‎23 ‏וּבָ֤א אַהֲרֹן֙ אֶל־אֹ֣הֶל מוֹעֵ֔ד וּפָשַׁט֙ אֶת־בִּגְדֵ֣י הַבָּ֔ד אֲשֶׁ֥ר לָבַ֖שׁ בְּבֹא֣וֹ אֶל־הַקֹּ֑דֶשׁ וְהִנִּיחָ֖ם שָֽׁם׃

‎24 ‏וְרָחַ֨ץ אֶת־בְּשָׂר֤וֹ בַמַּ֙יִם֙ בְּמָק֣וֹם קָד֔וֹשׁ וְלָבַ֖שׁ אֶת־בְּגָדָ֑יו וְיָצָ֗א וְעָשָׂ֤ה אֶת־עֹֽלָתוֹ֙ וְאֶת־עֹלַ֣ת הָעָ֔ם וְכִפֶּ֥ר בַּעֲד֖וֹ וּבְעַ֥ד הָעָֽם׃

‎25 ‏וְאֵ֛ת חֵ֥לֶב הַֽחַטָּ֖את יַקְטִ֥יר הַמִּזְבֵּֽחָה׃

‎26 ‏וְהַֽמְשַׁלֵּ֤חַ אֶת־הַשָּׂעִיר֙ לַֽעֲזָאזֵ֔ל יְכַבֵּ֣ס בְּגָדָ֔יו וְרָחַ֥ץ אֶת־בְּשָׂר֖וֹ בַּמָּ֑יִם וְאַחֲרֵי־כֵ֖ן יָב֥וֹא אֶל־הַֽמַּחֲנֶֽה׃

‎27 ‏וְאֵת֩ פַּ֨ר הַֽחַטָּ֜את וְאֵ֣ת׀ שְׂעִ֣יר הַֽחַטָּ֗את אֲשֶׁ֨ר הוּבָ֤א אֶת־דָּמָם֙ לְכַפֵּ֣ר בַּקֹּ֔דֶשׁ יוֹצִ֖יא אֶל־מִח֣וּץ לַֽמַּחֲנֶ֑ה וְשָׂרְפ֣וּ בָאֵ֔שׁ אֶת־עֹרֹתָ֥ם וְאֶת־בְּשָׂרָ֖ם וְאֶת־פִּרְשָֽׁם׃

‎28 ‏וְהַשֹּׂרֵ֣ף אֹתָ֔ם יְכַבֵּ֣ס בְּגָדָ֔יו וְרָחַ֥ץ אֶת־בְּשָׂר֖וֹ בַּמָּ֑יִם וְאַחֲרֵי־כֵ֖ן יָב֥וֹא אֶל־הַֽמַּחֲנֶֽה׃

‎29 ‏וְהָיְתָ֥ה לָכֶ֖ם לְחֻקַּ֣ת עוֹלָ֑ם בַּחֹ֣דֶשׁ הַ֠שְּׁבִיעִי בֶּֽעָשׂ֨וֹר לַחֹ֜דֶשׁ תְּעַנּ֣וּ אֶת־נַפְשֹֽׁתֵיכֶ֗ם וְכָל־מְלָאכָה֙ לֹ֣א תַעֲשׂ֔וּ הָֽאֶזְרָ֔ח וְהַגֵּ֖ר הַגָּ֥ר בְּתוֹכְכֶֽם׃

‎30 ‏כִּֽי־בַיּ֥וֹם הַזֶּ֛ה יְכַפֵּ֥ר עֲלֵיכֶ֖ם לְטַהֵ֣ר אֶתְכֶ֑ם מִכֹּל֙ חַטֹּ֣אתֵיכֶ֔ם לִפְנֵ֥י יְהוָ֖ה תִּטְהָֽרוּ׃

‎31 ‏שַׁבַּ֨ת שַׁבָּת֥וֹן הִיא֙ לָכֶ֔ם וְעִנִּיתֶ֖ם אֶת־נַפְשֹׁתֵיכֶ֑ם חֻקַּ֖ת עוֹלָֽם׃

‎32 ‏וְכִפֶּ֨ר הַכֹּהֵ֜ן אֲשֶׁר־יִמְשַׁ֣ח אֹת֗וֹ וַאֲשֶׁ֤ר יְמַלֵּא֙ אֶת־יָד֔וֹ לְכַהֵ֖ן תַּ֣חַת אָבִ֑יו וְלָבַ֛שׁ אֶת־בִּגְדֵ֥י הַבָּ֖ד בִּגְדֵ֥י הַקֹּֽדֶשׁ׃

‎33 ‏וְכִפֶּר֙ אֶת־מִקְדַּ֣שׁ הַקֹּ֔דֶשׁ וְאֶת־אֹ֧הֶל מוֹעֵ֛ד וְאֶת־הַמִּזְבֵּ֖חַ יְכַפֵּ֑ר וְעַ֧ל הַכֹּהֲנִ֛ים וְעַל־כָּל־עַ֥ם הַקָּהָ֖ל יְכַפֵּֽר׃

‎34 ‏וְהָֽיְתָה־זֹּ֨את לָכֶ֜ם לְחֻקַּ֣ת עוֹלָ֗ם לְכַפֵּ֞ר עַל־בְּנֵ֤י יִשְׂרָאֵל֙ מִכָּל־חַטֹּאתָ֔ם אַחַ֖ת בַּשָּׁנָ֑ה וַיַּ֕עַשׂ כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ פ

1 wayəḏabēr yəhwâ ’el-mōšeh ’^aḥărê mwōṯ šənê bənê ’ahărōn bəqārəḇāṯām lifənê-yəhwâ wayyāmuṯû:

2 wayyō’mer yəhwâ ’el-mōšeh dabēr ’el-’ahărōn ’āḥîḵā wə’al-yāḇō’ ḇəḵāl-‘ēṯ ’el-haqqōḏeš mibêṯ lapārōḵeṯ ’el-pənê hakapōreṯ ’ăšer ‘al-hā’ārōn wəlō’ yāmûṯ kî be‘ānān ’ērā’eh ‘al-hakapōreṯ:

3 bəzō’ṯ yāḇō’ ’ahărōn ’el-haqqōḏeš bəfar ben-bāqār ləḥaṭṭā’ṯ wə’ayil lə‘ōlâ:

4 kəṯōneṯ-baḏ qōḏeš yiləbāš ûmiḵənəsê-ḇaḏ yihəyû ‘al-bəśārwō ûḇə’aḇənēṭ baḏ y^aḥəgōr ûḇəmiṣənefeṯ baḏ yiṣənōf biḡəḏê-qōḏeš hēm wərāḥaṣ bammayim ’eṯ-bəśārwō ûləḇēšām:

5 ûmē’ēṯ ‘ăḏaṯ bənê yiśərā’ēl yiqq^aḥ šənê-śə‘îrê ‘izzîm ləḥaṭṭā’ṯ wə’ayil ’eḥāḏ lə‘ōlâ:

6 wəhiqərîḇ ’ahărōn ’eṯ-par h^aḥaṭṭā’ṯ ’ăšer-lwō wəḵiper b^a‘ăḏwō ûḇə‘aḏ bêṯwō:

7 wəlāq^aḥ ’eṯ-šənê haśśə‘îrim wəhe‘ĕmîḏ ’ōṯām lifənê yəhwâ peṯ^aḥ ’ōhel mwō‘ēḏ:

8 wənāṯan ’ahărōn ‘al-šənê haśśə‘îrim gwōrālwōṯ gwōrāl ’eḥāḏ layhwâ wəḡwōrāl ’eḥāḏ l^a‘ăzā’zēl:

9 wəhiqərîḇ ’ahărōn ’eṯ-haśśā‘îr ’ăšer ‘ālâ ‘ālāyw hagwōrāl layhwâ wə‘āśâû ḥaṭṭā’ṯ:

10 wəhaśśā‘îr ’ăšer ‘ālâ ‘ālāyw hagwōrāl l^a‘ăzā’zēl yā‘ŏmaḏ-ḥay lifənê yəhwâ ləḵapēr ‘ālāyw ləšall^aḥ ’ōṯwō l^a‘ăzā’zēl hammiḏəbārâ:

11 wəhiqərîḇ ’ahărōn ’eṯ-par h^aḥaṭṭā’ṯ ’ăšer-lwō wəḵiper b^a‘ăḏwō ûḇə‘aḏ bêṯwō wəšāḥaṭ ’eṯ-par h^aḥaṭṭā’ṯ ’ăšer-lwō:

12 wəlāq^aḥ məlō’-hamm^aḥətâ g^aḥălê-’ēš mē‘al hammizəbēḥa millifənê yəhwâ ûməlō’ ḥāfənāyw qəṭōreṯ sammîm daqqâ wəhēḇî’ mibêṯ lapārōḵeṯ:

13 wənāṯan ’eṯ-haqqəṭōreṯ ‘al-hā’ēš lifənê yəhwâ wəḵissâ| ‘ănan haqqəṭōreṯ ’eṯ-hakapōreṯ ’ăšer ‘al-hā‘ēḏûṯ wəlō’ yāmûṯ:

14 wəlāq^aḥ midam hapār wəhizzâ ḇə’eṣəbā‘wō ‘al-pənê hakapōreṯ qēḏəmâ wəlifənê hakapōreṯ yazzeh šeḇ^a‘-pə‘āmîm min-hadām bə’eṣəbā‘wō:

15 wəšāḥaṭ ’eṯ-śə‘îr h^aḥaṭṭā’ṯ ’ăšer lā‘ām wəhēḇî’ ’eṯ-dāmwō ’el-mibêṯ lapārōḵeṯ wə‘āśâ ’eṯ-dāmwō ka’ăšer ‘āśâ ləḏam hapār wəhizzâ ’ōṯwō ‘al-hakapōreṯ wəlifənê hakapōreṯ:

16 wəḵiper ‘al-haqqōḏeš miṭṭumə’ōṯ bənê yiśərā’ēl ûmipišə‘êhem ləḵāl-ḥaṭṭō’ṯām wəḵēn y^a‘ăśeh lə’ōhel mwō‘ēḏ haššōḵēn ’itām bəṯwōḵə ṭumə’ōṯām:

17 wəḵāl-’āḏām lō’-yihəyeh| bə’ōhel mwō‘ēḏ bəḇō’wō ləḵapēr baqqōḏeš ‘aḏ-ṣē’ṯwō wəḵiper b^a‘ăḏwō ûḇə‘aḏ bêṯwō ûḇə‘aḏ kāl-qəhal yiśərā’ēl:

18 wəyāṣā’ ’el-hammizəbēḥa ’ăšer lifənê-yəhwâ wəḵiper ‘ālāyw wəlāq^aḥ midam hapār ûmidam haśśā‘îr wənāṯan ‘al-qarənwōṯ hammizəbēḥa sāḇîḇ:

19 wəhizzâ ‘ālāyw min-hadām bə’eṣəbā‘wō šeḇ^a‘ pə‘āmîm wəṭihărwō wəqidəšwō miṭṭumə’ōṯ bənê yiśərā’ēl:

20 wəḵillâ mikapēr ’eṯ-haqqōḏeš wə’eṯ-’ōhel mwō‘ēḏ wə’eṯ-hammizəbēḥa wəhiqərîḇ ’eṯ-haśśā‘îr heḥāy:

21 wəsāmaḵə ’ahărōn ’eṯ-šətê yāḏwō yāḏāyw ‘al rō’š haśśā‘îr h^aḥay wəhiṯəwadâ ‘ālāyw ’eṯ-kāl-‘ăwōnōṯ bənê yiśərā’ēl wə’eṯ-kāl-pišə‘êhem ləḵāl-ḥaṭṭō’ṯām wənāṯan ’ōṯām ‘al-rō’š haśśā‘îr wəšill^aḥ bəyaḏ-’îš ‘itî hammiḏəbārâ:

22 wənāśā’ haśśā‘îr ‘ālāyw ’eṯ-kāl-‘ăwōnōṯām ’el-’ereṣ gəzērâ wəšill^aḥ ’eṯ-haśśā‘îr bammiḏəbār:

23 ûḇā’ ’ahărōn ’el-’ōhel mwō‘ēḏ ûfāšaṭ ’eṯ-biḡəḏê habāḏ ’ăšer lāḇaš bəḇō’wō ’el-haqqōḏeš wəhinnîḥām šām:

24 wərāḥaṣ ’eṯ-bəśārwō ḇammayim bəmāqwōm qāḏwōš wəlāḇaš ’eṯ-bəḡāḏāyw wəyāṣā’ wə‘āśâ ’eṯ-‘ōlāṯwō wə’eṯ-‘ōlaṯ hā‘ām wəḵiper b^a‘ăḏwō ûḇə‘aḏ hā‘ām:

25 wə’ēṯ ḥēleḇ h^aḥaṭṭā’ṯ yaqəṭîr hammizəbēḥâ:

26 wəhaməšallēḥa ’eṯ-haśśā‘îr l^a‘ăzā’zēl yəḵabēs bəḡāḏāyw wərāḥaṣ ’eṯ-bəśārwō bammāyim wə’^aḥărê-ḵēn yāḇwō’ ’el-hamm^aḥăneh:

27 wə’ēṯ par h^aḥaṭṭā’ṯ wə’ēṯ| śə‘îr h^aḥaṭṭā’ṯ ’ăšer hûḇā’ ’eṯ-dāmām ləḵapēr baqqōḏeš ywōṣî’ ’el-miḥûṣ lamm^aḥăneh wəśārəfû ḇā’ēš ’eṯ-‘ōrōṯām wə’eṯ-bəśārām wə’eṯ-pirəšām:

28 wəhaśśōrēf ’ōṯām yəḵabēs bəḡāḏāyw wərāḥaṣ ’eṯ-bəśārwō bammāyim wə’^aḥărê-ḵēn yāḇwō’ ’el-hamm^aḥăneh:

29 wəhāyəṯâ lāḵem ləḥuqqaṯ ‘wōlām b^aḥōḏeš haššəḇî‘î be‘āśwōr l^aḥōḏeš tə‘annû ’eṯ-nafəšōṯêḵem wəḵāl-məlā’ḵâ lō’ ṯ^a‘ăśû hā’ezərāḥ wəhagēr hagār bəṯwōḵəḵem:

30 kî-ḇayywōm hazzeh yəḵapēr ‘ălêḵem ləṭahēr ’eṯəḵem mikōl ḥaṭṭō’ṯêḵem lifənê yəhwâ tiṭəhārû:

31 šabaṯ šabāṯwōn hî’ lāḵem wə‘innîṯem ’eṯ-nafəšōṯêḵem ḥuqqaṯ ‘wōlām:

32 wəḵiper hakōhēn ’ăšer-yiməš^aḥ ’ōṯwō wa’ăšer yəmallē’ ’eṯ-yāḏwō ləḵahēn t^aḥaṯ ’āḇîw wəlāḇaš ’eṯ-biḡəḏê habāḏ biḡəḏê haqqōḏeš:

33 wəḵiper ’eṯ-miqədaš haqqōḏeš wə’eṯ-’ōhel mwō‘ēḏ wə’eṯ-hammizəbēḥa yəḵapēr wə‘al hakōhănîm wə‘al-kāl-‘am haqqâāl yəḵapēr:

34 wəhāyəṯâ-zzō’ṯ lāḵem ləḥuqqaṯ ‘wōlām ləḵapēr ‘al-bənê yiśərā’ēl mikāl-ḥaṭṭō’ṯām ’^aḥaṯ baššānâ wayy^a‘aś ka’ăšer ṣiûâ yəhwâ ’eṯ-mōšeh: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏דַּבֵּ֨ר אֶֽל־אַהֲרֹ֜ן וְאֶל־בָּנָ֗יו וְאֶל֙ כָּל־בְּנֵ֣י יִשְׂרָאֵ֔ל וְאָמַרְתָּ֖ אֲלֵיהֶ֑ם זֶ֣ה הַדָּבָ֔ר אֲשֶׁר־צִוָּ֥ה יְהוָ֖ה לֵאמֹֽר׃

‎3 ‏אִ֥ישׁ אִישׁ֙ מִבֵּ֣ית יִשְׂרָאֵ֔ל אֲשֶׁ֨ר יִשְׁחַ֜ט שׁ֥וֹר אוֹ־כֶ֛שֶׂב אוֹ־עֵ֖ז בַּֽמַּחֲנֶ֑ה א֚וֹ אֲשֶׁ֣ר יִשְׁחַ֔ט מִח֖וּץ לַֽמַּחֲנֶֽה׃

‎4 ‏וְאֶל־פֶּ֜תַח אֹ֣הֶל מוֹעֵד֮ לֹ֣א הֱבִיאוֹ֒ לְהַקְרִ֤יב קָרְבָּן֙ לַֽיהוָ֔ה לִפְנֵ֖י מִשְׁכַּ֣ן יְהוָ֑ה דָּ֣ם יֵחָשֵׁ֞ב לָאִ֤ישׁ הַהוּא֙ דָּ֣ם שָׁפָ֔ךְ וְנִכְרַ֛ת הָאִ֥ישׁ הַה֖וּא מִקֶּ֥רֶב עַמּֽוֹ׃

‎5 ‏לְמַעַן֩ אֲשֶׁ֨ר יָבִ֜יאוּ בְּנֵ֣י יִשְׂרָאֵ֗ל אֶֽת־זִבְחֵיהֶם֮ אֲשֶׁ֣ר הֵ֣ם זֹבְחִים֮ עַל־פְּנֵ֣י הַשָּׂדֶה֒ וֶֽהֱבִיאֻ֣ם לַֽיהוָ֗ה אֶל־פֶּ֛תַח אֹ֥הֶל מוֹעֵ֖ד אֶל־הַכֹּהֵ֑ן וְזָ֨בְח֜וּ זִבְחֵ֧י שְׁלָמִ֛ים לַֽיהוָ֖ה אוֹתָֽם׃

‎6 ‏וְזָרַ֨ק הַכֹּהֵ֤ן אֶת־הַדָּם֙ עַל־מִזְבַּ֣ח יְהוָ֔ה פֶּ֖תַח אֹ֣הֶל מוֹעֵ֑ד וְהִקְטִ֣יר הַחֵ֔לֶב לְרֵ֥יחַ נִיחֹ֖חַ לַיהוָֽה׃

‎7 ‏וְלֹא־יִזְבְּח֥וּ עוֹד֙ אֶת־זִבְחֵיהֶ֔ם לַשְּׂעִירִ֕ם אֲשֶׁ֛ר הֵ֥ם זֹנִ֖ים אַחֲרֵיהֶ֑ם חֻקַּ֥ת עוֹלָ֛ם תִּֽהְיֶה־זֹּ֥את לָהֶ֖ם לְדֹרֹתָֽם׃

‎8 ‏וַאֲלֵהֶ֣ם תֹּאמַ֔ר אִ֥ישׁ אִישׁ֙ מִבֵּ֣ית יִשְׂרָאֵ֔ל וּמִן־הַגֵּ֖ר אֲשֶׁר־יָג֣וּר בְּתוֹכָ֑ם אֲשֶׁר־יַעֲלֶ֥ה עֹלָ֖ה אוֹ־זָֽבַח׃

‎9 ‏וְאֶל־פֶּ֜תַח אֹ֤הֶל מוֹעֵד֙ לֹ֣א יְבִיאֶ֔נּוּ לַעֲשׂ֥וֹת אֹת֖וֹ לַיהוָ֑ה וְנִכְרַ֛ת הָאִ֥ישׁ הַה֖וּא מֵעַמָּֽיו׃

‎10 ‏וְאִ֨ישׁ אִ֜ישׁ מִבֵּ֣ית יִשְׂרָאֵ֗ל וּמִן־הַגֵּר֙ הַגָּ֣ר בְּתוֹכָ֔ם אֲשֶׁ֥ר יֹאכַ֖ל כָּל־דָּ֑ם וְנָתַתִּ֣י פָנַ֗י בַּנֶּ֙פֶשׁ֙ הָאֹכֶ֣לֶת אֶת־הַדָּ֔ם וְהִכְרַתִּ֥י אֹתָ֖הּ מִקֶּ֥רֶב עַמָּֽהּ׃

‎11 ‏כִּ֣י נֶ֣פֶשׁ הַבָּשָׂר֮ בַּדָּ֣ם הִוא֒ וַאֲנִ֞י נְתַתִּ֤יו לָכֶם֙ עַל־הַמִּזְבֵּ֔חַ לְכַפֵּ֖ר עַל־נַפְשֹׁתֵיכֶ֑ם כִּֽי־הַדָּ֥ם ה֖וּא בַּנֶּ֥פֶשׁ יְכַפֵּֽר׃

‎12 ‏עַל־כֵּ֤ן אָמַ֙רְתִּי֙ לִבְנֵ֣י יִשְׂרָאֵ֔ל כָּל־נֶ֥פֶשׁ מִכֶּ֖ם לֹא־תֹ֣אכַל דָּ֑ם וְהַגֵּ֛ר הַגָּ֥ר בְּתוֹכְכֶ֖ם לֹא־יֹ֥אכַל דָּֽם׃ ס

‎13 ‏וְאִ֨ישׁ אִ֜ישׁ מִבְּנֵ֣י יִשְׂרָאֵ֗ל וּמִן־הַגֵּר֙ הַגָּ֣ר בְּתוֹכָ֔ם אֲשֶׁ֨ר יָצ֜וּד צֵ֥יד חַיָּ֛ה אוֹ־ע֖וֹף אֲשֶׁ֣ר יֵאָכֵ֑ל וְשָׁפַךְ֙ אֶת־דָּמ֔וֹ וְכִסָּ֖הוּ בֶּעָפָֽר׃

‎14 ‏כִּֽי־נֶ֣פֶשׁ כָּל־בָּשָׂ֗ר דָּמ֣וֹ בְנַפְשׁוֹ֮ הוּא֒ וָֽאֹמַר֙ לִבְנֵ֣י יִשְׂרָאֵ֔ל דַּ֥ם כָּל־בָּשָׂ֖ר לֹ֣א תֹאכֵ֑לוּ כִּ֣י נֶ֤פֶשׁ כָּל־בָּשָׂר֙ דָּמ֣וֹ הִ֔וא כָּל־אֹכְלָ֖יו יִכָּרֵֽת׃

‎15 ‏וְכָל־נֶ֗פֶשׁ אֲשֶׁ֨ר תֹּאכַ֤ל נְבֵלָה֙ וּטְרֵפָ֔ה בָּאֶזְרָ֖ח וּבַגֵּ֑ר וְכִבֶּ֨ס בְּגָדָ֜יו וְרָחַ֥ץ בַּמַּ֛יִם וְטָמֵ֥א עַד־הָעֶ֖רֶב וְטָהֵֽר׃

‎16 ‏וְאִם֙ לֹ֣א יְכַבֵּ֔ס וּבְשָׂר֖וֹ לֹ֣א יִרְחָ֑ץ וְנָשָׂ֖א עֲוֹנֽוֹ׃ פ

1 wayəḏabēr yəhwâ ’el-mōšeh llē’mōr:

2 dabēr ’el-’ahărōn wə’el-bānāyw wə’el kāl-bənê yiśərā’ēl wə’āmarətā ’ălêhem zeh hadāḇār ’ăšer-ṣiûâ yəhwâ lē’mōr:

3 ’îš ’îš mibêṯ yiśərā’ēl ’ăšer yišəḥaṭ šwōr ’wō-ḵeśeḇ ’wō-‘ēz bamm^aḥăneh ’wō ’ăšer yišəḥaṭ miḥûṣ lamm^aḥăneh:

4 wə’el-peṯ^aḥ ’ōhel mwō‘ēḏ lō’ hĕḇî’wō ləhaqərîḇ qārəbān layhwâ lifənê mišəkan yəhwâ dām yēḥāšēḇ lā’îš hahû’ dām šāfāḵə wəniḵəraṯ hā’îš hahû’ miqqereḇ ‘ammwō:

5 ləm^a‘an ’ăšer yāḇî’û bənê yiśərā’ēl ’eṯ-ziḇəḥêhem ’ăšer hēm zōḇəḥîm ‘al-pənê haśśāḏeh wehĕḇî’um layhwâ ’el-peṯ^aḥ ’ōhel mwō‘ēḏ ’el-hakōhēn wəzāḇəḥû ziḇəḥê šəlāmîm layhwâ ’wōṯām:

6 wəzāraq hakōhēn ’eṯ-hadām ‘al-mizəb^aḥ yəhwâ peṯ^aḥ ’ōhel mwō‘ēḏ wəhiqəṭîr h^aḥēleḇ lərêḥa nîḥōḥa layhwâ:

7 wəlō’-yizəbəḥû ‘wōḏ ’eṯ-ziḇəḥêhem laśśə‘îrim ’ăšer hēm zōnîm ’^aḥărêhem ḥuqqaṯ ‘wōlām tihəyeh-zzō’ṯ lâem ləḏōrōṯām:

8 wa’ălēhem tō’mar ’îš ’îš mibêṯ yiśərā’ēl ûmin-hagēr ’ăšer-yāḡûr bəṯwōḵām ’ăšer-y^a‘ăleh ‘ōlâ ’wō-zāḇ^aḥ:

9 wə’el-peṯ^aḥ ’ōhel mwō‘ēḏ lō’ yəḇî’ennû l^a‘ăśwōṯ ’ōṯwō layhwâ wəniḵəraṯ hā’îš hahû’ mē‘ammāyw:

10 wə’îš ’îš mibêṯ yiśərā’ēl ûmin-hagēr hagār bəṯwōḵām ’ăšer yō’ḵal kāl-dām wənāṯatî fānay bannefeš hā’ōḵeleṯ ’eṯ-hadām wəhiḵəratî ’ōṯāh miqqereḇ ‘ammāh:

11 kî nefeš habāśār badām hiw’ wa’ănî nəṯatîw lāḵem ‘al-hammizəbēḥa ləḵapēr ‘al-nafəšōṯêḵem kî-hadām hû’ bannefeš yəḵapēr:

12 ‘al-kēn ’āmarətî liḇənê yiśərā’ēl kāl-nefeš mikem lō’-ṯō’ḵal dām wəhagēr hagār bəṯwōḵəḵem lō’-yō’ḵal dām: s

13 wə’îš ’îš mibənê yiśərā’ēl ûmin-hagēr hagār bəṯwōḵām ’ăšer yāṣûḏ ṣêḏ ḥayyâ ’wō-‘wōf ’ăšer yē’āḵēl wəšāfaḵə ’eṯ-dāmwō wəḵissâû be‘āfār:

14 kî-nefeš kāl-bāśār dāmwō ḇənafəšwō hû’ wā’ōmar liḇənê yiśərā’ēl dam kāl-bāśār lō’ ṯō’ḵēlû kî nefeš kāl-bāśār dāmwō hiw’ kāl-’ōḵəlāyw yikārēṯ:

15 wəḵāl-nefeš ’ăšer tō’ḵal nəḇēlâ ûṭərēfâ bā’ezərāḥ ûḇagēr wəḵibes bəḡāḏāyw wərāḥaṣ bammayim wəṭāmē’ ‘aḏ-hā‘ereḇ wəṭâēr:

16 wə’im lō’ yəḵabēs ûḇəśārwō lō’ yirəḥāṣ wənāśā’ ‘ăwōnwō: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏דַּבֵּר֙ אֶל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם אֲנִ֖י יְהוָ֥ה אֱלֹהֵיכֶֽם׃

‎3 ‏כְּמַעֲשֵׂ֧ה אֶֽרֶץ־מִצְרַ֛יִם אֲשֶׁ֥ר יְשַׁבְתֶּם־בָּ֖הּ לֹ֣א תַעֲשׂ֑וּ וּכְמַעֲשֵׂ֣ה אֶֽרֶץ־כְּנַ֡עַן אֲשֶׁ֣ר אֲנִי֩ מֵבִ֨יא אֶתְכֶ֥ם שָׁ֙מָּה֙ לֹ֣א תַעֲשׂ֔וּ וּבְחֻקֹּתֵיהֶ֖ם לֹ֥א תֵלֵֽכוּ׃

‎4 ‏אֶת־מִשְׁפָּטַ֧י תַּעֲשׂ֛וּ וְאֶת־חֻקֹּתַ֥י תִּשְׁמְר֖וּ לָלֶ֣כֶת בָּהֶ֑ם אֲנִ֖י יְהוָ֥ה אֱלֹהֵיכֶֽם׃

‎5 ‏וּשְׁמַרְתֶּ֤ם אֶת־חֻקֹּתַי֙ וְאֶת־מִשְׁפָּטַ֔י אֲשֶׁ֨ר יַעֲשֶׂ֥ה אֹתָ֛ם הָאָדָ֖ם וָחַ֣י בָּהֶ֑ם אֲנִ֖י יְהוָֽה׃ ס

‎6 ‏אִ֥ישׁ אִישׁ֙ אֶל־כָּל־שְׁאֵ֣ר בְּשָׂר֔וֹ לֹ֥א תִקְרְב֖וּ לְגַלּ֣וֹת עֶרְוָ֑ה אֲנִ֖י יְהוָֽה׃ ס

‎7 ‏עֶרְוַ֥ת אָבִ֛יךָ וְעֶרְוַ֥ת אִמְּךָ֖ לֹ֣א תְגַלֵּ֑ה אִמְּךָ֣ הִ֔וא לֹ֥א תְגַלֶּ֖ה עֶרְוָתָֽהּ׃ ס

‎8 ‏עֶרְוַ֥ת אֵֽשֶׁת־אָבִ֖יךָ לֹ֣א תְגַלֵּ֑ה עֶרְוַ֥ת אָבִ֖יךָ הִֽוא׃ ס

‎9 ‏עֶרְוַ֨ת אֲחֽוֹתְךָ֤ בַת־אָבִ֙יךָ֙ א֣וֹ בַת־אִמֶּ֔ךָ מוֹלֶ֣דֶת בַּ֔יִת א֖וֹ מוֹלֶ֣דֶת ח֑וּץ לֹ֥א תְגַלֶּ֖ה עֶרְוָתָֽן׃ ס

‎10 ‏עֶרְוַ֤ת בַּת־בִּנְךָ֙ א֣וֹ בַֽת־בִּתְּךָ֔ לֹ֥א תְגַלֶּ֖ה עֶרְוָתָ֑ן כִּ֥י עֶרְוָתְךָ֖ הֵֽנָּה׃ ס

‎11 ‏עֶרְוַ֨ת בַּת־אֵ֤שֶׁת אָבִ֙יךָ֙ מוֹלֶ֣דֶת אָבִ֔יךָ אֲחוֹתְךָ֖ הִ֑וא לֹ֥א תְגַלֶּ֖ה עֶרְוָתָֽהּ׃ ס

‎12 ‏עֶרְוַ֥ת אֲחוֹת־אָבִ֖יךָ לֹ֣א תְגַלֵּ֑ה שְׁאֵ֥ר אָבִ֖יךָ הִֽוא׃ ס

‎13 ‏עֶרְוַ֥ת אֲחֽוֹת־אִמְּךָ֖ לֹ֣א תְגַלֵּ֑ה כִּֽי־שְׁאֵ֥ר אִמְּךָ֖ הִֽוא׃ ס

‎14 ‏עֶרְוַ֥ת אֲחִֽי־אָבִ֖יךָ לֹ֣א תְגַלֵּ֑ה אֶל־אִשְׁתּוֹ֙ לֹ֣א תִקְרָ֔ב דֹּדָֽתְךָ֖ הִֽוא׃ ס

‎15 ‏עֶרְוַ֥ת כַּלָּֽתְךָ֖ לֹ֣א תְגַלֵּ֑ה אֵ֤שֶׁת בִּנְךָ֙ הִ֔וא לֹ֥א תְגַלֶּ֖ה עֶרְוָתָֽהּ׃ ס

‎16 ‏עֶרְוַ֥ת אֵֽשֶׁת־אָחִ֖יךָ לֹ֣א תְגַלֵּ֑ה עֶרְוַ֥ת אָחִ֖יךָ הִֽוא׃ ס

‎17 ‏עֶרְוַ֥ת אִשָּׁ֛ה וּבִתָּ֖הּ לֹ֣א תְגַלֵּ֑ה אֶֽת־בַּת־בְּנָ֞הּ וְאֶת־בַּת־בִּתָּ֗הּ לֹ֤א תִקַּח֙ לְגַלּ֣וֹת עֶרְוָתָ֔הּ שַׁאֲרָ֥ה הֵ֖נָּה זִמָּ֥ה הִֽוא²

‎18 ‏וְאִשָּׁ֥ה אֶל־אֲחֹתָ֖הּ לֹ֣א תִקָּ֑ח לִצְרֹ֗ר לְגַלּ֧וֹת עֶרְוָתָ֛הּ עָלֶ֖יהָ בְּחַיֶּֽיהָ׃

‎19 ‏וְאֶל־אִשָּׁ֖ה בְּנִדַּ֣ת טֻמְאָתָ֑הּ לֹ֣א תִקְרַ֔ב לְגַלּ֖וֹת עֶרְוָתָֽהּ׃

‎20 ‏וְאֶל־אֵ֙שֶׁת֙ עֲמִֽיתְךָ֔ לֹא־תִתֵּ֥ן שְׁכָבְתְּךָ֖ לְזָ֑רַע לְטָמְאָה־בָֽהּ׃

‎21 ‏וּמִֽזַּרְעֲךָ֥ לֹא־תִתֵּ֖ן לְהַעֲבִ֣יר לַמֹּ֑לֶךְ וְלֹ֧א תְחַלֵּ֛ל אֶת־שֵׁ֥ם אֱלֹהֶ֖יךָ אֲנִ֥י יְהוָֽה׃

‎22 ‏וְאֶ֨ת־זָכָ֔ר לֹ֥א תִשְׁכַּ֖ב מִשְׁכְּבֵ֣י אִשָּׁ֑ה תּוֹעֵבָ֖ה הִֽוא׃

‎23 ‏וּבְכָל־בְּהֵמָ֛ה לֹא־תִתֵּ֥ן שְׁכָבְתְּךָ֖ לְטָמְאָה־בָ֑הּ וְאִשָּׁ֗ה לֹֽא־תַעֲמֹ֞ד לִפְנֵ֧י בְהֵמָ֛ה לְרִבְעָ֖הּ תֶּ֥בֶל הֽוּא׃

‎24 ‏אַל־תִּֽטַּמְּא֖וּ בְּכָל־אֵ֑לֶּה כִּ֤י בְכָל־אֵ֙לֶּה֙ נִטְמְא֣וּ הַגּוֹיִ֔ם אֲשֶׁר־אֲנִ֥י מְשַׁלֵּ֖חַ מִפְּנֵיכֶֽם׃

‎25 ‏וַתִּטְמָ֣א הָאָ֔רֶץ וָאֶפְקֹ֥ד עֲוֹנָ֖הּ עָלֶ֑יהָ וַתָּקִ֥א הָאָ֖רֶץ אֶת־יֹשְׁבֶֽיהָ׃

‎26 ‏וּשְׁמַרְתֶּ֣ם אַתֶּ֗ם אֶת־חֻקֹּתַי֙ וְאֶת־מִשְׁפָּטַ֔י וְלֹ֣א תַעֲשׂ֔וּ מִכֹּ֥ל הַתּוֹעֵבֹ֖ת הָאֵ֑לֶּה הָֽאֶזְרָ֔ח וְהַגֵּ֖ר הַגָּ֥ר בְּתוֹכְכֶֽם׃

‎27 ‏כִּ֚י אֶת־כָּל־הַתּוֹעֵבֹ֣ת הָאֵ֔ל עָשׂ֥וּ אַנְשֵֽׁי־הָאָ֖רֶץ אֲשֶׁ֣ר לִפְנֵיכֶ֑ם וַתִּטְמָ֖א הָאָֽרֶץ׃

‎28 ‏וְלֹֽא־תָקִ֤יא הָאָ֙רֶץ֙ אֶתְכֶ֔ם בְּטַֽמַּאֲכֶ֖ם אֹתָ֑הּ כַּאֲשֶׁ֥ר קָאָ֛ה אֶת־הַגּ֖וֹי אֲשֶׁ֥ר לִפְנֵיכֶֽם׃

‎29 ‏כִּ֚י כָּל־אֲשֶׁ֣ר יַעֲשֶׂ֔ה מִכֹּ֥ל הַתּוֹעֵב֖וֹת הָאֵ֑לֶּה וְנִכְרְת֛וּ הַנְּפָשׁ֥וֹת הָעֹשֹׂ֖ת מִקֶּ֥רֶב עַמָּֽם׃

‎30 ‏וּשְׁמַרְתֶּ֣ם אֶת־מִשְׁמַרְתִּ֗י לְבִלְתִּ֨י עֲשׂ֜וֹת מֵחֻקּ֤וֹת הַתּֽוֹעֵבֹת֙ אֲשֶׁ֣ר נַעֲשׂ֣וּ לִפְנֵיכֶ֔ם וְלֹ֥א תִֽטַּמְּא֖וּ בָּהֶ֑ם אֲנִ֖י יְהוָ֥ה אֱלֹהֵיכֶֽם׃ פ

1 wayəḏabēr yəhwâ ’el-mōšeh llē’mōr:

2 dabēr ’el-bənê yiśərā’ēl wə’āmarətā ’ălēhem ’ănî yəhwâ ’ĕlōhêḵem:

3 kəm^a‘ăśēh ’ereṣ-miṣərayim ’ăšer yəšaḇətem-bāh lō’ ṯ^a‘ăśû ûḵəm^a‘ăśēh ’ereṣ-kən^a‘an ’ăšer ’ănî mēḇî’ ’eṯəḵem šāmmâ lō’ ṯ^a‘ăśû ûḇəḥuqqōṯêhem lō’ ṯēlēḵû:

4 ’eṯ-mišəpāṭay t^a‘ăśû wə’eṯ-ḥuqqōṯay tišəmərû lāleḵeṯ bâem ’ănî yəhwâ ’ĕlōhêḵem:

5 ûšəmarətem ’eṯ-ḥuqqōṯay wə’eṯ-mišəpāṭay ’ăšer y^a‘ăśeh ’ōṯām hā’āḏām wāḥay bâem ’ănî yəhwâ: s

6 ’îš ’îš ’el-kāl-šə’ēr bəśārwō lō’ ṯiqərəḇû ləḡallwōṯ ‘erəwâ ’ănî yəhwâ: s

7 ‘erəwaṯ ’āḇîḵā wə‘erəwaṯ ’imməḵā lō’ ṯəḡallēh ’imməḵā hiw’ lō’ ṯəḡalleh ‘erəwāṯāh: s

8 ‘erəwaṯ ’ēšeṯ-’āḇîḵā lō’ ṯəḡallēh ‘erəwaṯ ’āḇîḵā hiw’: s

9 ‘erəwaṯ ’ăḥwōṯəḵā ḇaṯ-’āḇîḵā ’wō ḇaṯ-’immeḵā mwōleḏeṯ bayiṯ ’wō mwōleḏeṯ ḥûṣ lō’ ṯəḡalleh ‘erəwāṯān: s

10 ‘erəwaṯ baṯ-binəḵā ’wō ḇaṯ-bitəḵā lō’ ṯəḡalleh ‘erəwāṯān kî ‘erəwāṯəḵā hēnnâ: s

11 ‘erəwaṯ baṯ-’ēšeṯ ’āḇîḵā mwōleḏeṯ ’āḇîḵā ’ăḥwōṯəḵā hiw’ lō’ ṯəḡalleh ‘erəwāṯāh: s

12 ‘erəwaṯ ’ăḥwōṯ-’āḇîḵā lō’ ṯəḡallēh šə’ēr ’āḇîḵā hiw’: s

13 ‘erəwaṯ ’ăḥwōṯ-’imməḵā lō’ ṯəḡallēh kî-šə’ēr ’imməḵā hiw’: s

14 ‘erəwaṯ ’ăḥî-’āḇîḵā lō’ ṯəḡallēh ’el-’išətwō lō’ ṯiqərāḇ dōḏāṯəḵā hiw’: s

15 ‘erəwaṯ kallāṯəḵā lō’ ṯəḡallēh ’ēšeṯ binəḵā hiw’ lō’ ṯəḡalleh ‘erəwāṯāh: s

16 ‘erəwaṯ ’ēšeṯ-’āḥîḵā lō’ ṯəḡallēh ‘erəwaṯ ’āḥîḵā hiw’: s

17 ‘erəwaṯ ’iššâ ûḇitāh lō’ ṯəḡallēh ’eṯ-baṯ-bənāh wə’eṯ-baṯ-bitāh lō’ ṯiqq^aḥ ləḡallwōṯ ‘erəwāṯāh ša’ărâ hēnnâ zimmâ hiw’²

18 wə’iššâ ’el-’ăḥōṯāh lō’ ṯiqqāḥ liṣərōr ləḡallwōṯ ‘erəwāṯāh ‘āleyhā bəḥayyeyhā:

19 wə’el-’iššâ bənidaṯ ṭumə’āṯāh lō’ ṯiqəraḇ ləḡallwōṯ ‘erəwāṯāh:

20 wə’el-’ēšeṯ ‘ămîṯəḵā lō’-ṯitēn šəḵāḇətəḵā ləzār^a‘ ləṭāmə’â-ḇāh:

21 ûmizzarə‘ăḵā lō’-ṯitēn ləh^a‘ăḇîr lammōleḵə wəlō’ ṯəḥallēl ’eṯ-šēm ’ĕlōheyḵā ’ănî yəhwâ:

22 wə’eṯ-zāḵār lō’ ṯišəkaḇ mišəkəḇê ’iššâ twō‘ēḇâ hiw’:

23 ûḇəḵāl-bəhēmâ lō’-ṯitēn šəḵāḇətəḵā ləṭāmə’â-ḇāh wə’iššâ lō’-ṯ^a‘ămōḏ lifənê ḇəhēmâ ləriḇə‘āh teḇel hû’:

24 ’al-tiṭṭammə’û bəḵāl-’ēlleh kî ḇəḵāl-’ēlleh niṭəmə’û hagwōyim ’ăšer-’ănî məšallēḥa mipənêḵem:

25 watiṭəmā’ hā’āreṣ wā’efəqōḏ ‘ăwōnāh ‘āleyhā watāqi’ hā’āreṣ ’eṯ-yōšəḇeyhā:

26 ûšəmarətem ’atem ’eṯ-ḥuqqōṯay wə’eṯ-mišəpāṭay wəlō’ ṯ^a‘ăśû mikōl hatwō‘ēḇōṯ hā’ēlleh hā’ezərāḥ wəhagēr hagār bəṯwōḵəḵem:

27 kî ’eṯ-kāl-hatwō‘ēḇōṯ hā’ēl ‘āśû ’anəšê-hā’āreṣ ’ăšer lifənêḵem watiṭəmā’ hā’āreṣ:

28 wəlō’-ṯāqî’ hā’āreṣ ’eṯəḵem bəṭamma’ăḵem ’ōṯāh ka’ăšer qā’â ’eṯ-hagwōy ’ăšer lifənêḵem:

29 kî kāl-’ăšer y^a‘ăśeh mikōl hatwō‘ēḇwōṯ hā’ēlleh wəniḵərəṯû hannəfāšwōṯ hā‘ōśōṯ miqqereḇ ‘ammām:

30 ûšəmarətem ’eṯ-mišəmarətî ləḇilətî ‘ăśwōṯ mēḥuqqwōṯ hatwō‘ēḇōṯ ’ăšer n^a‘ăśû lifənêḵem wəlō’ ṯiṭṭammə’û bâem ’ănî yəhwâ ’ĕlōhêḵem: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר²

‎2 ‏דַּבֵּ֞ר אֶל־כָּל־עֲדַ֧ת בְּנֵי־יִשְׂרָאֵ֛ל וְאָמַרְתָּ֥ אֲלֵהֶ֖ם קְדֹשִׁ֣ים תִּהְי֑וּ כִּ֣י קָד֔וֹשׁ אֲנִ֖י יְהוָ֥ה אֱלֹהֵיכֶֽם׃

‎3 ‏אִ֣ישׁ אִמּ֤וֹ וְאָבִיו֙ תִּירָ֔אוּ וְאֶת־שַׁבְּתֹתַ֖י תִּשְׁמֹ֑רוּ אֲנִ֖י יְהוָ֥ה אֱלֹהֵיכֶֽם׃

‎4 ‏אַל־תִּפְנוּ֙ אֶל־הָ֣אֱלִילִ֔ים וֵֽאלֹהֵי֙ מַסֵּכָ֔ה לֹ֥א תַעֲשׂ֖וּ לָכֶ֑ם אֲנִ֖י יְהוָ֥ה אֱלֹהֵיכֶֽם׃

‎5 ‏וְכִ֧י תִזְבְּח֛וּ זֶ֥בַח שְׁלָמִ֖ים לַיהוָ֑ה לִֽרְצֹנְכֶ֖ם תִּזְבָּחֻֽהוּ׃

‎6 ‏בְּי֧וֹם זִבְחֲכֶ֛ם יֵאָכֵ֖ל וּמִֽמָּחֳרָ֑ת וְהַנּוֹתָר֙ עַד־י֣וֹם הַשְּׁלִישִׁ֔י בָּאֵ֖שׁ יִשָּׂרֵֽף׃

‎7 ‏וְאִ֛ם הֵאָכֹ֥ל יֵאָכֵ֖ל בַּיּ֣וֹם הַשְּׁלִישִׁ֑י פִּגּ֥וּל ה֖וּא לֹ֥א יֵרָצֶֽה׃

‎8 ‏וְאֹֽכְלָיו֙ עֲוֹנ֣וֹ יִשָּׂ֔א כִּֽי־אֶת־קֹ֥דֶשׁ יְהוָ֖ה חִלֵּ֑ל וְנִכְרְתָ֛ה הַנֶּ֥פֶשׁ הַהִ֖וא מֵעַמֶּֽיהָ׃

‎9 ‏וּֽבְקֻצְרְכֶם֙ אֶת־קְצִ֣יר אַרְצְכֶ֔ם לֹ֧א תְכַלֶּ֛ה פְּאַ֥ת שָׂדְךָ֖ לִקְצֹ֑ר וְלֶ֥קֶט קְצִֽירְךָ֖ לֹ֥א תְלַקֵּֽט׃

‎10 ‏וְכַרְמְךָ֙ לֹ֣א תְעוֹלֵ֔ל וּפֶ֥רֶט כַּרְמְךָ֖ לֹ֣א תְלַקֵּ֑ט לֶֽעָנִ֤י וְלַגֵּר֙ תַּעֲזֹ֣ב אֹתָ֔ם אֲנִ֖י יְהוָ֥ה אֱלֹהֵיכֶֽם׃

‎11 ‏לֹ֖א תִּגְנֹ֑בוּ וְלֹא־תְכַחֲשׁ֥וּ וְלֹֽא־תְשַׁקְּר֖וּ אִ֥ישׁ בַּעֲמִיתֽוֹ׃

‎12 ‏וְלֹֽא־תִשָּׁבְע֥וּ בִשְׁמִ֖י לַשָּׁ֑קֶר וְחִלַּלְתָּ֛ אֶת־שֵׁ֥ם אֱלֹהֶ֖יךָ אֲנִ֥י יְהוָֽה׃

‎13 ‏לֹֽא־תַעֲשֹׁ֥ק אֶת־רֵֽעֲךָ֖ וְלֹ֣א תִגְזֹ֑ל לֹֽא־תָלִ֞ין פְּעֻלַּ֥ת שָׂכִ֛יר אִתְּךָ֖ עַד־בֹּֽקֶר׃

‎14 ‏לֹא־תְקַלֵּ֣ל חֵרֵ֔שׁ וְלִפְנֵ֣י עִוֵּ֔ר לֹ֥א תִתֵּ֖ן מִכְשֹׁ֑ל וְיָרֵ֥אתָ מֵּאֱלֹהֶ֖יךָ אֲנִ֥י יְהוָֽה׃

‎15 ‏לֹא־תַעֲשׂ֥וּ עָ֙וֶל֙ בַּמִּשְׁפָּ֔ט לֹא־תִשָּׂ֣א פְנֵי־דָ֔ל וְלֹ֥א תֶהְדַּ֖ר פְּנֵ֣י גָד֑וֹל בְּצֶ֖דֶק תִּשְׁפֹּ֥ט עֲמִיתֶֽךָ׃

‎16 ‏לֹא־תֵלֵ֤ךְ רָכִיל֙ בְּעַמֶּ֔יךָ לֹ֥א תַעֲמֹ֖ד עַל־דַּ֣ם רֵעֶ֑ךָ אֲנִ֖י יְהוָֽה׃

‎17 ‏לֹֽא־תִשְׂנָ֥א אֶת־אָחִ֖יךָ בִּלְבָבֶ֑ךָ הוֹכֵ֤חַ תּוֹכִ֙יחַ֙ אֶת־עֲמִיתֶ֔ךָ וְלֹא־תִשָּׂ֥א עָלָ֖יו חֵֽטְא׃

‎18 ‏לֹֽא־תִקֹּ֤ם וְלֹֽא־תִטֹּר֙ אֶת־בְּנֵ֣י עַמֶּ֔ךָ וְאָֽהַבְתָּ֥ לְרֵעֲךָ֖ כָּמ֑וֹךָ אֲנִ֖י יְהוָֽה׃

‎19 ‏אֶֽת־חֻקֹּתַי֮ תִּשְׁמֹרוּ֒ בְּהֶמְתְּךָ֙ לֹא־תַרְבִּ֣יעַ כִּלְאַ֔יִם שָׂדְךָ֖ לֹא־תִזְרַ֣ע כִּלְאָ֑יִם וּבֶ֤גֶד כִּלְאַ֙יִם֙ שַֽׁעַטְנֵ֔ז לֹ֥א יַעֲלֶ֖ה עָלֶֽיךָ׃ פ

‎20 ‏וְ֠אִישׁ כִּֽי־יִשְׁכַּ֨ב אֶת־אִשָּׁ֜ה שִׁכְבַת־זֶ֗רַע וְהִ֤וא שִׁפְחָה֙ נֶחֱרֶ֣פֶת לְאִ֔ישׁ וְהָפְדֵּה֙ לֹ֣א נִפְדָּ֔תָה א֥וֹ חֻפְשָׁ֖ה לֹ֣א נִתַּן־לָ֑הּ בִּקֹּ֧רֶת תִּהְיֶ֛ה לֹ֥א יוּמְת֖וּ כִּי־לֹ֥א חֻפָּֽשָׁה׃

‎21 ‏וְהֵבִ֤יא אֶת־אֲשָׁמוֹ֙ לַֽיהוָ֔ה אֶל־פֶּ֖תַח אֹ֣הֶל מוֹעֵ֑ד אֵ֖יל אָשָֽׁם׃

‎22 ‏וְכִפֶּר֩ עָלָ֨יו הַכֹּהֵ֜ן בְּאֵ֤יל הָֽאָשָׁם֙ לִפְנֵ֣י יְהוָ֔ה עַל־חַטָּאת֖וֹ אֲשֶׁ֣ר חָטָ֑א וְנִסְלַ֣ח ל֔וֹ מֵחַטָּאת֖וֹ אֲשֶׁ֥ר חָטָֽא׃ פ

‎23 ‏וְכִי־תָבֹ֣אוּ אֶל־הָאָ֗רֶץ וּנְטַעְתֶּם֙ כָּל־עֵ֣ץ מַאֲכָ֔ל וַעֲרַלְתֶּ֥ם עָרְלָת֖וֹ אֶת־פִּרְי֑וֹ שָׁלֹ֣שׁ שָׁנִ֗ים יִהְיֶ֥ה לָכֶ֛ם עֲרֵלִ֖ים לֹ֥א יֵאָכֵֽל׃

‎24 ‏וּבַשָּׁנָה֙ הָרְבִיעִ֔ת יִהְיֶ֖ה כָּל־פִּרְי֑וֹ קֹ֥דֶשׁ הִלּוּלִ֖ים לַיהוָֽה׃

‎25 ‏וּבַשָּׁנָ֣ה הַחֲמִישִׁ֗ת תֹּֽאכְלוּ֙ אֶת־פִּרְי֔וֹ לְהוֹסִ֥יף לָכֶ֖ם תְּבוּאָת֑וֹ אֲנִ֖י יְהוָ֥ה אֱלֹהֵיכֶֽם׃

‎26 ‏לֹ֥א תֹאכְל֖וּ עַל־הַדָּ֑ם לֹ֥א תְנַחֲשׁ֖וּ וְלֹ֥א תְעוֹנֵֽנוּ׃

‎27 ‏לֹ֣א תַקִּ֔פוּ פְּאַ֖ת רֹאשְׁכֶ֑ם וְלֹ֣א תַשְׁחִ֔ית אֵ֖ת פְּאַ֥ת זְקָנֶֽךָ׃

‎28 ‏וְשֶׂ֣רֶט לָנֶ֗פֶשׁ³ לֹ֤א תִתְּנוּ֙ בִּבְשַׂרְכֶ֔ם וּכְתֹ֣בֶת קַֽעֲקַ֔ע לֹ֥א תִתְּנ֖וּ בָּכֶ֑ם אֲנִ֖י יְהוָֽה׃

‎29 ‏אַל־תְּחַלֵּ֥ל אֶֽת־בִּתְּךָ֖ לְהַזְנוֹתָ֑הּ וְלֹא־תִזְנֶ֣ה הָאָ֔רֶץ וּמָלְאָ֥ה הָאָ֖רֶץ זִמָּֽה׃

‎30 ‏אֶת־שַׁבְּתֹתַ֣י תִּשְׁמֹ֔רוּ וּמִקְדָּשִׁ֖י תִּירָ֑אוּ אֲנִ֖י יְהוָֽה׃

‎31 ‏אַל־תִּפְנ֤וּ אֶל־הָאֹבֹת֙ וְאֶל־הַיִּדְּעֹנִ֔ים אַל־תְּבַקְשׁ֖וּ לְטָמְאָ֣ה בָהֶ֑ם אֲנִ֖י יְהוָ֥ה אֱלֹהֵיכֶֽם׃

‎32 ‏מִפְּנֵ֤י שֵׂיבָה֙ תָּק֔וּם וְהָדַרְתָּ֖ פְּנֵ֣י זָקֵ֑ן וְיָרֵ֥אתָ מֵּאֱלֹהֶ֖יךָ אֲנִ֥י יְהוָֽה׃ פ

‎33 ‏וְכִֽי־יָג֧וּר אִתְּךָ֛ גֵּ֖ר בְּאַרְצְכֶ֑ם לֹ֥א תוֹנ֖וּ אֹתֽוֹ׃

‎34 ‏כְּאֶזְרָ֣ח מִכֶּם֩ יִהְיֶ֨ה לָכֶ֜ם הַגֵּ֣ר׀ הַגָּ֣ר אִתְּכֶ֗ם וְאָהַבְתָּ֥ לוֹ֙ כָּמ֔וֹךָ כִּֽי־גֵרִ֥ים הֱיִיתֶ֖ם בְּאֶ֣רֶץ מִצְרָ֑יִם אֲנִ֖י יְהוָ֥ה אֱלֹהֵיכֶֽם׃

‎35 ‏לֹא־תַעֲשׂ֥וּ עָ֖וֶל בַּמִּשְׁפָּ֑ט בַּמִּדָּ֕ה בַּמִּשְׁקָ֖ל וּבַמְּשׂוּרָֽה׃

‎36 ‏מֹ֧אזְנֵי צֶ֣דֶק אַבְנֵי־צֶ֗דֶק אֵ֥יפַת צֶ֛דֶק וְהִ֥ין צֶ֖דֶק יִהְיֶ֣ה לָכֶ֑ם אֲנִי֙ יְהוָ֣ה אֱלֹֽהֵיכֶ֔ם אֲשֶׁר־הוֹצֵ֥אתִי אֶתְכֶ֖ם מֵאֶ֥רֶץ מִצְרָֽיִם׃

‎37 ‏וּשְׁמַרְתֶּ֤ם אֶת־כָּל־חֻקֹּתַי֙ וְאֶת־כָּל־מִשְׁפָּטַ֔י וַעֲשִׂיתֶ֖ם³ אֹתָ֑ם אֲנִ֖י יְהוָֽה׃ פ

1 wayəḏabēr yəhwâ ’el-mōšeh llē’mōr²

2 dabēr ’el-kāl-‘ăḏaṯ bənê-yiśərā’ēl wə’āmarətā ’ălēhem qəḏōšîm tihəyû kî qāḏwōš ’ănî yəhwâ ’ĕlōhêḵem:

3 ’îš ’immwō wə’āḇîw tîrā’û wə’eṯ-šabəṯōṯay tišəmōrû ’ănî yəhwâ ’ĕlōhêḵem:

4 ’al-tifənû ’el-hā’ĕlîlîm wē’lōhê massēḵâ lō’ ṯ^a‘ăśû lāḵem ’ănî yəhwâ ’ĕlōhêḵem:

5 wəḵî ṯizəbəḥû zeḇ^aḥ šəlāmîm layhwâ lirəṣōnəḵem tizəbāḥuhû:

6 bəywōm ziḇəḥăḵem yē’āḵēl ûmimmāḥŏrāṯ wəhannwōṯār ‘aḏ-ywōm haššəlîšî bā’ēš yiśśārēf:

7 wə’im hē’āḵōl yē’āḵēl bayywōm haššəlîšî pigûl hû’ lō’ yērāṣeh:

8 wə’ōḵəlāyw ‘ăwōnwō yiśśā’ kî-’eṯ-qōḏeš yəhwâ ḥillēl wəniḵərəṯâ hannefeš hahiw’ mē‘ammeyhā:

9 ûḇəquṣərəḵem ’eṯ-qəṣîr ’arəṣəḵem lō’ ṯəḵalleh pə’aṯ śāḏəḵā liqəṣōr wəleqeṭ qəṣîrəḵā lō’ ṯəlaqqēṭ:

10 wəḵarəməḵā lō’ ṯə‘wōlēl ûfereṭ karəməḵā lō’ ṯəlaqqēṭ le‘ānî wəlagēr t^a‘ăzōḇ ’ōṯām ’ănî yəhwâ ’ĕlōhêḵem:

11 lō’ tiḡənōḇû wəlō’-ṯəḵ^aḥăšû wəlō’-ṯəšaqqərû ’îš b^a‘ămîṯwō:

12 wəlō’-ṯiššāḇə‘û ḇišəmî laššāqer wəḥillalətā ’eṯ-šēm ’ĕlōheyḵā ’ănî yəhwâ:

13 lō’-ṯ^a‘ăšōq ’eṯ-rē‘ăḵā wəlō’ ṯiḡəzōl lō’-ṯālîn pə‘ullaṯ śāḵîr ’itəḵā ‘aḏ-bōqer:

14 lō’-ṯəqallēl ḥērēš wəlifənê ‘iûēr lō’ ṯitēn miḵəšōl wəyārē’ṯā mmē’ĕlōheyḵā ’ănî yəhwâ:

15 lō’-ṯ^a‘ăśû ‘āwel bammišəpāṭ lō’-ṯiśśā’ fənê-ḏāl wəlō’ ṯehədar pənê ḡāḏwōl bəṣeḏeq tišəpōṭ ‘ămîṯeḵā:

16 lō’-ṯēlēḵə rāḵîl bə‘ammeyḵā lō’ ṯ^a‘ămōḏ ‘al-dam rē‘eḵā ’ănî yəhwâ:

17 lō’-ṯiśənā’ ’eṯ-’āḥîḵā biləḇāḇeḵā hwōḵēḥa twōḵîḥa ’eṯ-‘ămîṯeḵā wəlō’-ṯiśśā’ ‘ālāyw ḥēṭə’:

18 lō’-ṯiqqōm wəlō’-ṯiṭṭōr ’eṯ-bənê ‘ammeḵā wə’âaḇətā lərē‘ăḵā kāmwōḵā ’ănî yəhwâ:

19 ’eṯ-ḥuqqōṯay tišəmōrû bəhemətəḵā lō’-ṯarəbî‘a kilə’ayim śāḏəḵā lō’-ṯizər^a‘ kilə’āyim ûḇeḡeḏ kilə’ayim š^a‘aṭənēz lō’ y^a‘ăleh ‘āleyḵā: f

20 wə’îš kî-yišəkaḇ ’eṯ-’iššâ šiḵəḇaṯ-zer^a‘ wəhiw’ šifəḥâ neḥĕrefeṯ lə’îš wəhāfədēh lō’ nifədāṯâ ’wō ḥufəšâ lō’ nitan-lāh biqqōreṯ tihəyeh lō’ yûməṯû kî-lō’ ḥupāšâ:

21 wəhēḇî’ ’eṯ-’ăšāmwō layhwâ ’el-peṯ^aḥ ’ōhel mwō‘ēḏ ’êl ’āšām:

22 wəḵiper ‘ālāyw hakōhēn bə’êl hā’āšām lifənê yəhwâ ‘al-ḥaṭṭā’ṯwō ’ăšer ḥāṭā’ wənisəl^aḥ lwō mēḥaṭṭā’ṯwō ’ăšer ḥāṭā’: f

23 wəḵî-ṯāḇō’û ’el-hā’āreṣ ûnəṭ^a‘ətem kāl-‘ēṣ ma’ăḵāl w^a‘ăralətem ‘ārəlāṯwō ’eṯ-pirəywō šālōš šānîm yihəyeh lāḵem ‘ărēlîm lō’ yē’āḵēl:

24 ûḇaššānâ hārəḇî‘iṯ yihəyeh kāl-pirəywō qōḏeš hillûlîm layhwâ:

25 ûḇaššānâ h^aḥămîšiṯ tō’ḵəlû ’eṯ-pirəywō ləhwōsîf lāḵem təḇû’āṯwō ’ănî yəhwâ ’ĕlōhêḵem:

26 lō’ ṯō’ḵəlû ‘al-hadām lō’ ṯən^aḥăšû wəlō’ ṯə‘wōnēnû:

27 lō’ ṯaqqifû pə’aṯ rō’šəḵem wəlō’ ṯašəḥîṯ ’ēṯ pə’aṯ zəqāneḵā:

28 wəśereṭ lānefeš³ lō’ ṯitənû biḇəśarəḵem ûḵəṯōḇeṯ q^a‘ăq^a‘ lō’ ṯitənû bāḵem ’ănî yəhwâ:

29 ’al-təḥallēl ’eṯ-bitəḵā ləhazənwōṯāh wəlō’-ṯizəneh hā’āreṣ ûmālə’â hā’āreṣ zimmâ:

30 ’eṯ-šabəṯōṯay tišəmōrû ûmiqədāšî tîrā’û ’ănî yəhwâ:

31 ’al-tifənû ’el-hā’ōḇōṯ wə’el-hayyidə‘ōnîm ’al-təḇaqəšû ləṭāmə’â ḇâem ’ănî yəhwâ ’ĕlōhêḵem:

32 mipənê śêḇâ tāqûm wəhāḏarətā pənê zāqēn wəyārē’ṯā mmē’ĕlōheyḵā ’ănî yəhwâ: f

33 wəḵî-yāḡûr ’itəḵā gēr bə’arəṣəḵem lō’ ṯwōnû ’ōṯwō:

34 kə’ezərāḥ mikem yihəyeh lāḵem hagēr| hagār ’itəḵem wə’âaḇətā lwō kāmwōḵā kî-ḡērîm hĕyîṯem bə’ereṣ miṣərāyim ’ănî yəhwâ ’ĕlōhêḵem:

35 lō’-ṯ^a‘ăśû ‘āwel bammišəpāṭ bammidâ bammišəqāl ûḇamməśûrâ:

36 mō’zənê ṣeḏeq ’aḇənê-ṣeḏeq ’êfaṯ ṣeḏeq wəhîn ṣeḏeq yihəyeh lāḵem ’ănî yəhwâ ’ĕlōhêḵem ’ăšer-hwōṣē’ṯî ’eṯəḵem mē’ereṣ miṣərāyim:

37 ûšəmarətem ’eṯ-kāl-ḥuqqōṯay wə’eṯ-kāl-mišəpāṭay w^a‘ăśîṯem³ ’ōṯām ’ănî yəhwâ: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏וְאֶל־בְּנֵ֣י יִשְׂרָאֵל֮³ תֹּאמַר֒ אִ֣ישׁ אִישׁ֩ מִבְּנֵ֨י יִשְׂרָאֵ֜ל וּמִן־הַגֵּ֣ר׀ הַגָּ֣ר בְּיִשְׂרָאֵ֗ל אֲשֶׁ֨ר יִתֵּ֧ן מִזַּרְע֛וֹ לַמֹּ֖לֶךְ מ֣וֹת יוּמָ֑ת עַ֥ם הָאָ֖רֶץ יִרְגְּמֻ֥הוּ בָאָֽבֶן׃

‎3 ‏וַאֲנִ֞י אֶתֵּ֤ן אֶת־פָּנַי֙ בָּאִ֣ישׁ הַה֔וּא וְהִכְרַתִּ֥י אֹת֖וֹ מִקֶּ֣רֶב עַמּ֑וֹ כִּ֤י מִזַּרְעוֹ֙ נָתַ֣ן לַמֹּ֔לֶךְ לְמַ֗עַן טַמֵּא֙ אֶת־מִקְדָּשִׁ֔י וּלְחַלֵּ֖ל אֶת־שֵׁ֥ם קָדְשִֽׁי׃

‎4 ‏וְאִ֡ם הַעְלֵ֣ם יַעְלִימֽוּ֩³ עַ֨ם הָאָ֜רֶץ אֶת־עֵֽינֵיהֶם֙ מִן־הָאִ֣ישׁ הַה֔וּא בְּתִתּ֥וֹ מִזַּרְע֖וֹ לַמֹּ֑לֶךְ לְבִלְתִּ֖י הָמִ֥ית אֹתֽוֹ׃

‎5 ‏וְשַׂמְתִּ֨י אֲנִ֧י אֶת־פָּנַ֛י בָּאִ֥ישׁ הַה֖וּא וּבְמִשְׁפַּחְתּ֑וֹ וְהִכְרַתִּ֨י אֹת֜וֹ וְאֵ֣ת׀ כָּל־הַזֹּנִ֣ים אַחֲרָ֗יו לִזְנ֛וֹת אַחֲרֵ֥י הַמֹּ֖לֶךְ מִקֶּ֥רֶב עַמָּֽם׃

‎6 ‏וְהַנֶּ֗פֶשׁ אֲשֶׁ֨ר תִּפְנֶ֤ה אֶל־הָֽאֹבֹת֙ וְאֶל־הַיִּדְּעֹנִ֔ים לִזְנ֖וֹת אַחֲרֵיהֶ֑ם וְנָתַתִּ֤י אֶת־פָּנַי֙ בַּנֶּ֣פֶשׁ הַהִ֔וא וְהִכְרַתִּ֥י אֹת֖וֹ מִקֶּ֥רֶב עַמּֽוֹ׃

‎7 ‏וְהִ֨תְקַדִּשְׁתֶּ֔ם וִהְיִיתֶ֖ם קְדֹשִׁ֑ים כִּ֛י אֲנִ֥י יְהוָ֖ה אֱלֹהֵיכֶֽם׃

‎8 ‏וּשְׁמַרְתֶּם֙ אֶת־חֻקֹּתַ֔י וַעֲשִׂיתֶ֖ם אֹתָ֑ם אֲנִ֥י יְהוָ֖ה מְקַדִּשְׁכֶֽם׃

‎9 ‏כִּֽי־אִ֣ישׁ אִ֗ישׁ אֲשֶׁ֨ר יְקַלֵּ֧ל אֶת־אָבִ֛יו וְאֶת־אִמּ֖וֹ מ֣וֹת יוּמָ֑ת אָבִ֧יו וְאִמּ֛וֹ קִלֵּ֖ל דָּמָ֥יו בּֽוֹ׃

‎10 ‏וְאִ֗ישׁ אֲשֶׁ֤ר יִנְאַף֙ אֶת־אֵ֣שֶׁת אִ֔ישׁ אֲשֶׁ֥ר יִנְאַ֖ף אֶת־אֵ֣שֶׁת רֵעֵ֑הוּ מֽוֹת־יוּמַ֥ת הַנֹּאֵ֖ף וְהַנֹּאָֽפֶת׃

‎11 ‏וְאִ֗ישׁ אֲשֶׁ֤ר יִשְׁכַּב֙ אֶת־אֵ֣שֶׁת אָבִ֔יו עֶרְוַ֥ת אָבִ֖יו גִּלָּ֑ה מֽוֹת־יוּמְת֥וּ שְׁנֵיהֶ֖ם דְּמֵיהֶ֥ם בָּֽם׃

‎12 ‏וְאִ֗ישׁ אֲשֶׁ֤ר יִשְׁכַּב֙ אֶת־כַּלָּת֔וֹ מ֥וֹת יוּמְת֖וּ שְׁנֵיהֶ֑ם תֶּ֥בֶל עָשׂ֖וּ דְּמֵיהֶ֥ם בָּֽם׃

‎13 ‏וְאִ֗ישׁ אֲשֶׁ֨ר יִשְׁכַּ֤ב אֶת־זָכָר֙ מִשְׁכְּבֵ֣י אִשָּׁ֔ה תּוֹעֵבָ֥ה עָשׂ֖וּ שְׁנֵיהֶ֑ם מ֥וֹת יוּמָ֖תוּ דְּמֵיהֶ֥ם בָּֽם׃

‎14 ‏וְאִ֗ישׁ אֲשֶׁ֨ר יִקַּ֧ח אֶת־אִשָּׁ֛ה וְאֶת־אִמָּ֖הּ זִמָּ֣ה הִ֑וא בָּאֵ֞שׁ יִשְׂרְפ֤וּ אֹתוֹ֙ וְאֶתְהֶ֔ן וְלֹא־תִהְיֶ֥ה זִמָּ֖ה בְּתוֹכְכֶֽם׃

‎15 ‏וְאִ֗ישׁ אֲשֶׁ֨ר יִתֵּ֧ן שְׁכָבְתּ֛וֹ בִּבְהֵמָ֖ה מ֣וֹת יוּמָ֑ת וְאֶת־הַבְּהֵמָ֖ה תַּהֲרֹֽגוּ׃

‎16 ‏וְאִשָּׁ֗ה אֲשֶׁ֨ר תִּקְרַ֤ב אֶל־כָּל־בְּהֵמָה֙ לְרִבְעָ֣ה אֹתָ֔הּ וְהָרַגְתָּ֥ אֶת־הָאִשָּׁ֖ה וְאֶת־הַבְּהֵמָ֑ה מ֥וֹת יוּמָ֖תוּ דְּמֵיהֶ֥ם בָּֽם׃

‎17 ‏וְאִ֣ישׁ אֲשֶׁר־יִקַּ֣ח אֶת־אֲחֹת֡וֹ בַּת־אָבִ֣יו א֣וֹ בַת־אִ֠מּוֹ וְרָאָ֨ה אֶת־עֶרְוָתָ֜הּ וְהִֽיא־תִרְאֶ֤ה אֶת־עֶרְוָתוֹ֙ חֶ֣סֶד ה֔וּא וְנִ֨כְרְת֔וּ לְעֵינֵ֖י בְּנֵ֣י עַמָּ֑ם עֶרְוַ֧ת אֲחֹת֛וֹ גִּלָּ֖ה עֲוֹנ֥וֹ יִשָּֽׂא׃

‎18 ‏וְ֠אִישׁ אֲשֶׁר־יִשְׁכַּ֨ב אֶת־אִשָּׁ֜ה דָּוָ֗ה וְגִלָּ֤ה אֶת־עֶרְוָתָהּ֙ אֶת־מְקֹרָ֣הּ הֶֽעֱרָ֔ה וְהִ֕יא גִּלְּתָ֖ה³ אֶת־מְק֣וֹר דָּמֶ֑יהָ וְנִכְרְת֥וּ שְׁנֵיהֶ֖ם מִקֶּ֥רֶב עַמָּֽם׃

‎19 ‏וְעֶרְוַ֨ת אֲח֧וֹת אִמְּךָ֛ וַאֲח֥וֹת אָבִ֖יךָ לֹ֣א תְגַלֵּ֑ה כִּ֧י אֶת־שְׁאֵר֛וֹ הֶעֱרָ֖ה עֲוֹנָ֥ם יִשָּֽׂאוּ׃

‎20 ‏וְאִ֗ישׁ אֲשֶׁ֤ר יִשְׁכַּב֙ אֶת־דֹּ֣דָת֔וֹ עֶרְוַ֥ת דֹּד֖וֹ גִּלָּ֑ה חֶטְאָ֥ם יִשָּׂ֖אוּ עֲרִירִ֥ים יָמֻֽתוּ׃

‎21 ‏וְאִ֗ישׁ אֲשֶׁ֥ר יִקַּ֛ח אֶת־אֵ֥שֶׁת אָחִ֖יו נִדָּ֣ה הִ֑וא עֶרְוַ֥ת אָחִ֛יו גִּלָּ֖ה עֲרִירִ֥ים יִהְיֽוּ׃

‎22 ‏וּשְׁמַרְתֶּ֤ם אֶת־כָּל־חֻקֹּתַי֙ וְאֶת־כָּל־מִשְׁפָּטַ֔י וַעֲשִׂיתֶ֖ם אֹתָ֑ם וְלֹא־תָקִ֤יא אֶתְכֶם֙ הָאָ֔רֶץ אֲשֶׁ֨ר אֲנִ֜י מֵבִ֥יא אֶתְכֶ֛ם שָׁ֖מָּה לָשֶׁ֥בֶת בָּֽהּ׃

‎23 ‏וְלֹ֤א תֵֽלְכוּ֙ בְּחֻקֹּ֣ת הַגּ֔וֹי אֲשֶׁר־אֲנִ֥י מְשַׁלֵּ֖חַ מִפְּנֵיכֶ֑ם כִּ֤י אֶת־כָּל־אֵ֙לֶּה֙ עָשׂ֔וּ וָאָקֻ֖ץ בָּֽם׃

‎24 ‏וָאֹמַ֣ר לָכֶ֗ם אַתֶּם֮ תִּֽירְשׁ֣וּ אֶת־אַדְמָתָם֒ וַאֲנִ֞י אֶתְּנֶ֤נָּה לָכֶם֙ לָרֶ֣שֶׁת אֹתָ֔הּ אֶ֛רֶץ זָבַ֥ת חָלָ֖ב וּדְבָ֑שׁ אֲנִי֙ יְהוָ֣ה אֱלֹֽהֵיכֶ֔ם אֲשֶׁר־הִבְדַּ֥לְתִּי אֶתְכֶ֖ם מִן־הָֽעַמִּֽים׃

‎25 ‏וְהִבְדַּלְתֶּ֞ם בֵּֽין־הַבְּהֵמָ֤ה הַטְּהֹרָה֙ לַטְּמֵאָ֔ה וּבֵין־הָע֥וֹף הַטָּמֵ֖א לַטָּהֹ֑ר וְלֹֽא־תְשַׁקְּצ֨וּ אֶת־נַפְשֹֽׁתֵיכֶ֜ם בַּבְּהֵמָ֣ה וּבָע֗וֹף וּבְכֹל֙ אֲשֶׁ֣ר תִּרְמֹ֣שׂ הָֽאֲדָמָ֔ה אֲשֶׁר־הִבְדַּ֥לְתִּי לָכֶ֖ם לְטַמֵּֽא׃

‎26 ‏וִהְיִ֤יתֶם לִי֙ קְדֹשִׁ֔ים כִּ֥י קָד֖וֹשׁ אֲנִ֣י יְהוָ֑ה וָאַבְדִּ֥ל אֶתְכֶ֛ם מִן־הָֽעַמִּ֖ים לִהְי֥וֹת לִֽי׃

‎27 ‏וְאִ֣ישׁ אֽוֹ־אִשָּׁ֗ה כִּי־יִהְיֶ֨ה³ בָהֶ֥ם א֛וֹב א֥וֹ יִדְּעֹנִ֖י מ֣וֹת יוּמָ֑תוּ בָּאֶ֛בֶן יִרְגְּמ֥וּ אֹתָ֖ם דְּמֵיהֶ֥ם בָּֽם׃ פ

1 wayəḏabēr yəhwâ ’el-mōšeh llē’mōr:

2 wə’el-bənê yiśərā’ēl³ tō’mar ’îš ’îš mibənê yiśərā’ēl ûmin-hagēr| hagār bəyiśərā’ēl ’ăšer yitēn mizzarə‘wō lammōleḵə mwōṯ yûmāṯ ‘am hā’āreṣ yirəgəmuhû ḇā’āḇen:

3 wa’ănî ’etēn ’eṯ-pānay bā’îš hahû’ wəhiḵəratî ’ōṯwō miqqereḇ ‘ammwō kî mizzarə‘wō nāṯan lammōleḵə ləm^a‘an ṭammē’ ’eṯ-miqədāšî ûləḥallēl ’eṯ-šēm qāḏəšî:

4 wə’im h^a‘əlēm y^a‘əlîmû³ ‘am hā’āreṣ ’eṯ-‘ênêhem min-hā’îš hahû’ bəṯitwō mizzarə‘wō lammōleḵə ləḇilətî hāmîṯ ’ōṯwō:

5 wəśamətî ’ănî ’eṯ-pānay bā’îš hahû’ ûḇəmišəp^aḥətwō wəhiḵəratî ’ōṯwō wə’ēṯ| kāl-hazzōnîm ’^aḥărāyw lizənwōṯ ’^aḥărê hammōleḵə miqqereḇ ‘ammām:

6 wəhannefeš ’ăšer tifəneh ’el-hā’ōḇōṯ wə’el-hayyidə‘ōnîm lizənwōṯ ’^aḥărêhem wənāṯatî ’eṯ-pānay bannefeš hahiw’ wəhiḵəratî ’ōṯwō miqqereḇ ‘ammwō:

7 wəhiṯəqadišətem wihəyîṯem qəḏōšîm kî ’ănî yəhwâ ’ĕlōhêḵem:

8 ûšəmarətem ’eṯ-ḥuqqōṯay w^a‘ăśîṯem ’ōṯām ’ănî yəhwâ məqadišəḵem:

9 kî-’îš ’îš ’ăšer yəqallēl ’eṯ-’āḇîw wə’eṯ-’immwō mwōṯ yûmāṯ ’āḇîw wə’immwō qillēl dāmāyw bwō:

10 wə’îš ’ăšer yinə’af ’eṯ-’ēšeṯ ’îš ’ăšer yinə’af ’eṯ-’ēšeṯ rē‘ēhû mwōṯ-yûmaṯ hannō’ēf wəhannō’āfeṯ:

11 wə’îš ’ăšer yišəkaḇ ’eṯ-’ēšeṯ ’āḇîw ‘erəwaṯ ’āḇîw gillâ mwōṯ-yûməṯû šənêhem dəmêhem bām:

12 wə’îš ’ăšer yišəkaḇ ’eṯ-kallāṯwō mwōṯ yûməṯû šənêhem teḇel ‘āśû dəmêhem bām:

13 wə’îš ’ăšer yišəkaḇ ’eṯ-zāḵār mišəkəḇê ’iššâ twō‘ēḇâ ‘āśû šənêhem mwōṯ yûmāṯû dəmêhem bām:

14 wə’îš ’ăšer yiqq^aḥ ’eṯ-’iššâ wə’eṯ-’immāh zimmâ hiw’ bā’ēš yiśərəfû ’ōṯwō wə’eṯəhen wəlō’-ṯihəyeh zimmâ bəṯwōḵəḵem:

15 wə’îš ’ăšer yitēn šəḵāḇətwō biḇəhēmâ mwōṯ yûmāṯ wə’eṯ-habəhēmâ tahărōḡû:

16 wə’iššâ ’ăšer tiqəraḇ ’el-kāl-bəhēmâ ləriḇə‘â ’ōṯāh wəhāraḡətā ’eṯ-hā’iššâ wə’eṯ-habəhēmâ mwōṯ yûmāṯû dəmêhem bām:

17 wə’îš ’ăšer-yiqq^aḥ ’eṯ-’ăḥōṯwō baṯ-’āḇîw ’wō ḇaṯ-’immwō wərā’â ’eṯ-‘erəwāṯāh wəhî’-ṯirə’eh ’eṯ-‘erəwāṯwō ḥeseḏ hû’ wəniḵərəṯû lə‘ênê bənê ‘ammām ‘erəwaṯ ’ăḥōṯwō gillâ ‘ăwōnwō yiśśā’:

18 wə’îš ’ăšer-yišəkaḇ ’eṯ-’iššâ dāwâ wəḡillâ ’eṯ-‘erəwāṯāh ’eṯ-məqōrāh he‘ĕrâ wəhî’ gilləṯâ³ ’eṯ-məqwōr dāmeyhā wəniḵərəṯû šənêhem miqqereḇ ‘ammām:

19 wə‘erəwaṯ ’ăḥwōṯ ’imməḵā wa’ăḥwōṯ ’āḇîḵā lō’ ṯəḡallēh kî ’eṯ-šə’ērwō he‘ĕrâ ‘ăwōnām yiśśā’û:

20 wə’îš ’ăšer yišəkaḇ ’eṯ-dōḏāṯwō ‘erəwaṯ dōḏwō gillâ ḥeṭə’ām yiśśā’û ‘ărîrîm yāmuṯû:

21 wə’îš ’ăšer yiqq^aḥ ’eṯ-’ēšeṯ ’āḥîw nidâ hiw’ ‘erəwaṯ ’āḥîw gillâ ‘ărîrîm yihəyû:

22 ûšəmarətem ’eṯ-kāl-ḥuqqōṯay wə’eṯ-kāl-mišəpāṭay w^a‘ăśîṯem ’ōṯām wəlō’-ṯāqî’ ’eṯəḵem hā’āreṣ ’ăšer ’ănî mēḇî’ ’eṯəḵem šāmmâ lāšeḇeṯ bāh:

23 wəlō’ ṯēləḵû bəḥuqqōṯ hagwōy ’ăšer-’ănî məšallēḥa mipənêḵem kî ’eṯ-kāl-’ēlleh ‘āśû wā’āquṣ bām:

24 wā’ōmar lāḵem ’atem tîrəšû ’eṯ-’aḏəmāṯām wa’ănî ’etənennâ lāḵem lārešeṯ ’ōṯāh ’ereṣ zāḇaṯ ḥālāḇ ûḏəḇāš ’ănî yəhwâ ’ĕlōhêḵem ’ăšer-hiḇədalətî ’eṯəḵem min-hā‘ammîm:

25 wəhiḇədalətem bên-habəhēmâ haṭṭəhōrâ laṭṭəmē’â ûḇên-hā‘wōf haṭṭāmē’ laṭṭâōr wəlō’-ṯəšaqqəṣû ’eṯ-nafəšōṯêḵem babəhēmâ ûḇā‘wōf ûḇəḵōl ’ăšer tirəmōś hā’ăḏāmâ ’ăšer-hiḇədalətî lāḵem ləṭammē’:

26 wihəyîṯem lî qəḏōšîm kî qāḏwōš ’ănî yəhwâ wā’aḇədil ’eṯəḵem min-hā‘ammîm lihəywōṯ lî:

27 wə’îš ’wō-’iššâ kî-yihəyeh³ ḇâem ’wōḇ ’wō yidə‘ōnî mwōṯ yûmāṯû bā’eḇen yirəgəmû ’ōṯām dəmêhem bām: f

‎1 ‏וַיֹּ֤אמֶר יְהוָה֙ אֶל־מֹשֶׁ֔ה אֱמֹ֥ר אֶל־הַכֹּהֲנִ֖ים בְּנֵ֣י אַהֲרֹ֑ן וְאָמַרְתָּ֣ אֲלֵהֶ֔ם לְנֶ֥פֶשׁ לֹֽא־יִטַּמָּ֖א בְּעַמָּֽיו׃

‎2 ‏כִּ֚י אִם־לִשְׁאֵר֔וֹ הַקָּרֹ֖ב אֵלָ֑יו לְאִמּ֣וֹ וּלְאָבִ֔יו וְלִבְנ֥וֹ וּלְבִתּ֖וֹ וּלְאָחִֽיו׃

‎3 ‏וְלַאֲחֹת֤וֹ הַבְּתוּלָה֙ הַקְּרוֹבָ֣ה אֵלָ֔יו אֲשֶׁ֥ר לֹֽא־הָיְתָ֖ה לְאִ֑ישׁ לָ֖הּ יִטַּמָּֽא׃

‎4 ‏לֹ֥א יִטַּמָּ֖א בַּ֣עַל בְּעַמָּ֑יו לְהֵ֖חַלּֽוֹ׃

‎5 ‏לֹֽא־יקרחה יִקְרְח֤וּ קָרְחָה֙ בְּרֹאשָׁ֔ם וּפְאַ֥ת זְקָנָ֖ם לֹ֣א יְגַלֵּ֑חוּ וּבִ֨בְשָׂרָ֔ם לֹ֥א יִשְׂרְט֖וּ שָׂרָֽטֶת׃

‎6 ‏קְדֹשִׁ֤ים יִהְיוּ֙ לֵאלֹ֣הֵיהֶ֔ם וְלֹ֣א יְחַלְּל֔וּ שֵׁ֖ם אֱלֹהֵיהֶ֑ם כִּי֩ אֶת־אִשֵּׁ֨י יְהוָ֜ה לֶ֧חֶם אֱלֹהֵיהֶ֛ם הֵ֥ם מַקְרִיבִ֖ם וְהָ֥יוּ קֹֽדֶשׁ׃

‎7 ‏אִשָּׁ֨ה זֹנָ֤ה וַחֲלָלָה֙ לֹ֣א יִקָּ֔חוּ וְאִשָּׁ֛ה גְּרוּשָׁ֥ה מֵאִישָׁ֖הּ לֹ֣א יִקָּ֑חוּ כִּֽי־קָדֹ֥שׁ ה֖וּא לֵאלֹהָֽיו׃

‎8 ‏וְקִדַּשְׁתּ֔וֹ כִּֽי־אֶת־לֶ֥חֶם אֱלֹהֶ֖יךָ ה֣וּא מַקְרִ֑יב קָדֹשׁ֙ יִֽהְיֶה־לָּ֔ךְ כִּ֣י קָד֔וֹשׁ אֲנִ֥י יְהוָ֖ה מְקַדִּשְׁכֶֽם׃

‎9 ‏וּבַת֙ אִ֣ישׁ כֹּהֵ֔ן כִּ֥י תֵחֵ֖ל לִזְנ֑וֹת אֶת־אָבִ֙יהָ֙ הִ֣יא מְחַלֶּ֔לֶת בָּאֵ֖שׁ תִּשָּׂרֵֽף׃ ס

‎10 ‏וְהַכֹּהֵן֩ הַגָּד֨וֹל מֵאֶחָ֜יו אֲ‍ֽשֶׁר־יוּצַ֥ק עַל־רֹאשׁ֣וֹ׀ שֶׁ֤מֶן הַמִּשְׁחָה֙ וּמִלֵּ֣א אֶת־יָד֔וֹ לִלְבֹּ֖שׁ אֶת־הַבְּגָדִ֑ים אֶת־רֹאשׁוֹ֙ לֹ֣א יִפְרָ֔ע וּבְגָדָ֖יו לֹ֥א יִפְרֹֽם׃

‎11 ‏וְעַ֛ל כָּל־נַפְשֹׁ֥ת מֵ֖ת לֹ֣א יָבֹ֑א לְאָבִ֥יו וּלְאִמּ֖וֹ לֹ֥א יִטַּמָּֽא׃

‎12 ‏וּמִן־הַמִּקְדָּשׁ֙ לֹ֣א יֵצֵ֔א וְלֹ֣א יְחַלֵּ֔ל אֵ֖ת מִקְדַּ֣שׁ אֱלֹהָ֑יו כִּ֡י נֵ֠זֶר שֶׁ֣מֶן מִשְׁחַ֧ת אֱלֹהָ֛יו עָלָ֖יו אֲנִ֥י יְהוָֽה׃

‎13 ‏וְה֕וּא אִשָּׁ֥ה בִבְתוּלֶ֖יהָ יִקָּֽח׃

‎14 ‏אַלְמָנָ֤ה וּגְרוּשָׁה֙ וַחֲלָלָ֣ה זֹנָ֔ה אֶת־אֵ֖לֶּה לֹ֣א יִקָּ֑ח כִּ֛י אִם־בְּתוּלָ֥ה מֵעַמָּ֖יו יִקַּ֥ח אִשָּֽׁה׃

‎15 ‏וְלֹֽא־יְחַלֵּ֥ל זַרְע֖וֹ בְּעַמָּ֑יו כִּ֛י אֲנִ֥י יְהוָ֖ה מְקַדְּשֽׁוֹ׃ פ

‎16 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎17 ‏דַּבֵּ֥ר אֶֽל־אַהֲרֹ֖ן לֵאמֹ֑ר אִ֣ישׁ מִֽזַּרְעֲךָ֞ לְדֹרֹתָ֗ם אֲשֶׁ֨ר יִהְיֶ֥ה בוֹ֙ מ֔וּם לֹ֣א יִקְרַ֔ב לְהַקְרִ֖יב לֶ֥חֶם אֱלֹהָֽיו׃

‎18 ‏כִּ֥י כָל־אִ֛ישׁ אֲשֶׁר־בּ֥וֹ מ֖וּם לֹ֣א יִקְרָ֑ב אִ֤ישׁ עִוֵּר֙ א֣וֹ פִסֵּ֔חַ א֥וֹ חָרֻ֖ם א֥וֹ שָׂרֽוּעַ׃

‎19 ‏א֣וֹ אִ֔ישׁ אֲשֶׁר־יִהְיֶ֥ה ב֖וֹ שֶׁ֣בֶר רָ֑גֶל א֖וֹ שֶׁ֥בֶר יָֽד׃

‎20 ‏אֽוֹ־גִבֵּ֣ן אוֹ־דַ֔ק א֖וֹ תְּבַלֻּ֣ל בְּעֵינ֑וֹ א֤וֹ גָרָב֙ א֣וֹ יַלֶּ֔פֶת א֖וֹ מְר֥וֹחַ אָֽשֶׁךְ׃

‎21 ‏כָּל־אִ֞ישׁ אֲשֶׁר־בּ֣וֹ מ֗וּם מִזֶּ֙רַע֙ אַהֲרֹ֣ן הַכֹּהֵ֔ן לֹ֣א יִגַּ֔שׁ לְהַקְרִ֖יב אֶת־אִשֵּׁ֣י יְהוָ֑ה מ֣וּם בּ֔וֹ אֵ֚ת לֶ֣חֶם אֱלֹהָ֔יו לֹ֥א יִגַּ֖שׁ לְהַקְרִֽיב׃

‎22 ‏לֶ֣חֶם אֱלֹהָ֔יו מִקָּדְשֵׁ֖י הַקֳּדָשִׁ֑ים וּמִן־הַקֳּדָשִׁ֖ים יֹאכֵֽל׃

‎23 ‏אַ֣ךְ אֶל־הַפָּרֹ֜כֶת לֹ֣א יָבֹ֗א וְאֶל־הַמִּזְבֵּ֛חַ לֹ֥א יִגַּ֖שׁ כִּֽי־מ֣וּם בּ֑וֹ וְלֹ֤א יְחַלֵּל֙ אֶת־מִקְדָּשַׁ֔י כִּ֛י אֲנִ֥י יְהוָ֖ה מְקַדְּשָֽׁם׃

‎24 ‏וַיְדַבֵּ֣ר מֹשֶׁ֔ה אֶֽל־אַהֲרֹ֖ן וְאֶל־בָּנָ֑יו וְאֶֽל־כָּל־בְּנֵ֖י יִשְׂרָאֵֽל׃ פ

1 wayyō’mer yəhwâ ’el-mōšeh ’ĕmōr ’el-hakōhănîm bənê ’ahărōn wə’āmarətā ’ălēhem lənefeš lō’-yiṭṭammā’ bə‘ammāyw:

2 kî ’im-lišə’ērwō haqqārōḇ ’ēlāyw lə’immwō ûlə’āḇîw wəliḇənwō ûləḇitwō ûlə’āḥîw:

3 wəla’ăḥōṯwō habəṯûlâ haqqərwōḇâ ’ēlāyw ’ăšer lō’-hāyəṯâ lə’îš lāh yiṭṭammā’:

4 lō’ yiṭṭammā’ b^a‘al bə‘ammāyw ləhēḥallwō:

5 lō’-yiqərəḥâ yiqərəḥû qārəḥâ bərō’šām ûfə’aṯ zəqānām lō’ yəḡallēḥû ûḇiḇəśārām lō’ yiśərəṭû śārāṭeṯ:

6 qəḏōšîm yihəyû lē’lōhêhem wəlō’ yəḥalləlû šēm ’ĕlōhêhem kî ’eṯ-’iššê yəhwâ leḥem ’ĕlōhêhem hēm maqərîḇim wəhāyû qōḏeš:

7 ’iššâ zōnâ w^aḥălālâ lō’ yiqqāḥû wə’iššâ gərûšâ mē’îšāh lō’ yiqqāḥû kî-qāḏōš hû’ lē’lōhāyw:

8 wəqidašətwō kî-’eṯ-leḥem ’ĕlōheyḵā hû’ maqərîḇ qāḏōš yihəyeh-llāḵə kî qāḏwōš ’ănî yəhwâ məqadišəḵem:

9 ûḇaṯ ’îš kōhēn kî ṯēḥēl lizənwōṯ ’eṯ-’āḇîhā hî’ məḥalleleṯ bā’ēš tiśśārēf: s

10 wəhakōhēn hagāḏwōl mē’eḥāyw ’ă‍šer-yûṣaq ‘al-rō’šwō| šemen hammišəḥâ ûmillē’ ’eṯ-yāḏwō liləbōš ’eṯ-habəḡāḏîm ’eṯ-rō’šwō lō’ yifərā‘ ûḇəḡāḏāyw lō’ yifərōm:

11 wə‘al kāl-nafəšōṯ mēṯ lō’ yāḇō’ lə’āḇîw ûlə’immwō lō’ yiṭṭammā’:

12 ûmin-hammiqədāš lō’ yēṣē’ wəlō’ yəḥallēl ’ēṯ miqədaš ’ĕlōhāyw kî nēzer šemen mišəḥaṯ ’ĕlōhāyw ‘ālāyw ’ănî yəhwâ:

13 wəhû’ ’iššâ ḇiḇəṯûleyhā yiqqāḥ:

14 ’aləmānâ ûḡərûšâ w^aḥălālâ zōnâ ’eṯ-’ēlleh lō’ yiqqāḥ kî ’im-bəṯûlâ mē‘ammāyw yiqq^aḥ ’iššâ:

15 wəlō’-yəḥallēl zarə‘wō bə‘ammāyw kî ’ănî yəhwâ məqadəšwō: f

16 wayəḏabēr yəhwâ ’el-mōšeh llē’mōr:

17 dabēr ’el-’ahărōn lē’mōr ’îš mizzarə‘ăḵā ləḏōrōṯām ’ăšer yihəyeh ḇwō mûm lō’ yiqəraḇ ləhaqərîḇ leḥem ’ĕlōhāyw:

18 kî ḵāl-’îš ’ăšer-bwō mûm lō’ yiqərāḇ ’îš ‘iûēr ’wō fissēḥa ’wō ḥārum ’wō śārû‘a:

19 ’wō ’îš ’ăšer-yihəyeh ḇwō šeḇer rāḡel ’wō šeḇer yāḏ:

20 ’wō-ḡibēn ’wō-ḏaq ’wō təḇallul bə‘ênwō ’wō ḡārāḇ ’wō yallefeṯ ’wō mərwōḥa ’āšeḵə:

21 kāl-’îš ’ăšer-bwō mûm mizzer^a‘ ’ahărōn hakōhēn lō’ yigaš ləhaqərîḇ ’eṯ-’iššê yəhwâ mûm bwō ’ēṯ leḥem ’ĕlōhāyw lō’ yigaš ləhaqərîḇ:

22 leḥem ’ĕlōhāyw miqqāḏəšê haqqŏḏāšîm ûmin-haqqŏḏāšîm yō’ḵēl:

23 ’aḵə ’el-hapārōḵeṯ lō’ yāḇō’ wə’el-hammizəbēḥa lō’ yigaš kî-mûm bwō wəlō’ yəḥallēl ’eṯ-miqədāšay kî ’ănî yəhwâ məqadəšām:

24 wayəḏabēr mōšeh ’el-’ahărōn wə’el-bānāyw wə’el-kāl-bənê yiśərā’ēl: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏דַּבֵּ֨ר אֶֽל־אַהֲרֹ֜ן וְאֶל־בָּנָ֗יו וְיִנָּֽזְרוּ֙ מִקָּדְשֵׁ֣י בְנֵֽי־יִשְׂרָאֵ֔ל וְלֹ֥א יְחַלְּל֖וּ אֶת־שֵׁ֣ם קָדְשִׁ֑י אֲשֶׁ֨ר הֵ֧ם מַקְדִּשִׁ֛ים לִ֖י אֲנִ֥י יְהוָֽה׃

‎3 ‏אֱמֹ֣ר אֲלֵהֶ֗ם לְדֹרֹ֨תֵיכֶ֜ם כָּל־אִ֣ישׁ׀ אֲשֶׁר־יִקְרַ֣ב מִכָּל־זַרְעֲכֶ֗ם אֶל־הַקֳּדָשִׁים֙ אֲשֶׁ֨ר יַקְדִּ֤ישׁוּ בְנֵֽי־יִשְׂרָאֵל֙ לַֽיהוָ֔ה וְטֻמְאָת֖וֹ עָלָ֑יו וְנִכְרְתָ֞ה הַנֶּ֧פֶשׁ הַהִ֛וא מִלְּפָנַ֖י אֲנִ֥י יְהוָֽה׃

‎4 ‏אִ֣ישׁ אִ֞ישׁ מִזֶּ֣רַע אַהֲרֹ֗ן וְה֤וּא צָר֙וּעַ֙ א֣וֹ זָ֔ב בַּקֳּדָשִׁים֙ לֹ֣א יֹאכַ֔ל עַ֖ד אֲשֶׁ֣ר יִטְהָ֑ר וְהַנֹּגֵ֙עַ֙ בְּכָל־טְמֵא־נֶ֔פֶשׁ א֣וֹ אִ֔ישׁ אֲשֶׁר־תֵּצֵ֥א מִמֶּ֖נּוּ שִׁכְבַת־זָֽרַע׃

‎5 ‏אוֹ־אִישׁ֙ אֲשֶׁ֣ר יִגַּ֔ע בְּכָל־שֶׁ֖רֶץ אֲשֶׁ֣ר יִטְמָא־ל֑וֹ א֤וֹ בְאָדָם֙ אֲשֶׁ֣ר יִטְמָא־ל֔וֹ לְכֹ֖ל טֻמְאָתֽוֹ׃

‎6 ‏נֶ֚פֶשׁ אֲשֶׁ֣ר תִּגַּע־בּ֔וֹ וְטָמְאָ֖ה עַד־הָעָ֑רֶב וְלֹ֤א יֹאכַל֙ מִן־הַקֳּדָשִׁ֔ים כִּ֛י אִם־רָחַ֥ץ בְּשָׂר֖וֹ בַּמָּֽיִם׃

‎7 ‏וּבָ֥א הַשֶּׁ֖מֶשׁ וְטָהֵ֑ר וְאַחַר֙ יֹאכַ֣ל מִן־הַקֳּדָשִׁ֔ים כִּ֥י לַחְמ֖וֹ הֽוּא׃

‎8 ‏נְבֵלָ֧ה וּטְרֵפָ֛ה לֹ֥א יֹאכַ֖ל לְטָמְאָה־בָ֑הּ אֲנִ֖י יְהוָֽה׃

‎9 ‏וְשָׁמְר֣וּ אֶת־מִשְׁמַרְתִּ֗י וְלֹֽא־יִשְׂא֤וּ עָלָיו֙ חֵ֔טְא וּמֵ֥תוּ ב֖וֹ כִּ֣י יְחַלְּלֻ֑הוּ אֲנִ֥י יְהוָ֖ה מְקַדְּשָֽׁם׃

‎10 ‏וְכָל־זָ֖ר לֹא־יֹ֣אכַל קֹ֑דֶשׁ תּוֹשַׁ֥ב כֹּהֵ֛ן וְשָׂכִ֖יר לֹא־יֹ֥אכַל קֹֽדֶשׁ׃

‎11 ‏וְכֹהֵ֗ן כִּֽי־יִקְנֶ֥ה נֶ֙פֶשׁ֙ קִנְיַ֣ן כַּסְפּ֔וֹ ה֖וּא יֹ֣אכַל בּ֑וֹ וִילִ֣יד בֵּית֔וֹ הֵ֖ם יֹאכְל֥וּ בְלַחְמֽוֹ׃

‎12 ‏וּבַת־כֹּהֵ֔ן כִּ֥י תִהְיֶ֖ה לְאִ֣ישׁ זָ֑ר הִ֕וא בִּתְרוּמַ֥ת הַקֳּדָשִׁ֖ים לֹ֥א תֹאכֵֽל׃

‎13 ‏וּבַת־כֹּהֵן֩ כִּ֨י תִהְיֶ֜ה אַלְמָנָ֣ה וּגְרוּשָׁ֗ה וְזֶרַע֮ אֵ֣ין לָהּ֒ וְשָׁבָ֞ה אֶל־בֵּ֤ית אָבִ֙יהָ֙ כִּנְעוּרֶ֔יהָ מִלֶּ֥חֶם אָבִ֖יהָ תֹּאכֵ֑ל וְכָל־זָ֖ר לֹא־יֹ֥אכַל בּֽוֹ׃ ס

‎14 ‏וְאִ֕ישׁ כִּֽי־יֹאכַ֥ל קֹ֖דֶשׁ בִּשְׁגָגָ֑ה וְיָסַ֤ף חֲמִֽשִׁיתוֹ֙ עָלָ֔יו וְנָתַ֥ן לַכֹּהֵ֖ן אֶת־הַקֹּֽדֶשׁ׃

‎15 ‏וְלֹ֣א יְחַלְּל֔וּ אֶת־קָדְשֵׁ֖י בְּנֵ֣י יִשְׂרָאֵ֑ל אֵ֥ת אֲשֶׁר־יָרִ֖ימוּ לַיהוָֽה׃

‎16 ‏וְהִשִּׂ֤יאוּ אוֹתָם֙ עֲוֹ֣ן אַשְׁמָ֔ה בְּאָכְלָ֖ם אֶת־קָדְשֵׁיהֶ֑ם כִּ֛י אֲנִ֥י יְהוָ֖ה מְקַדְּשָֽׁם׃ פ

‎17 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎18 ‏דַּבֵּ֨ר אֶֽל־אַהֲרֹ֜ן וְאֶל־בָּנָ֗יו וְאֶל֙ כָּל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם אִ֣ישׁ אִישׁ֩ מִבֵּ֨ית יִשְׂרָאֵ֜ל וּמִן־הַגֵּ֣ר בְּיִשְׂרָאֵ֗ל אֲשֶׁ֨ר יַקְרִ֤יב קָרְבָּנוֹ֙ לְכָל־נִדְרֵיהֶם֙ וּלְכָל־נִדְבוֹתָ֔ם אֲשֶׁר־יַקְרִ֥יבוּ לַיהוָ֖ה לְעֹלָֽה׃

‎19 ‏לִֽרְצֹנְכֶ֑ם תָּמִ֣ים זָכָ֔ר בַּבָּקָ֕ר בַּכְּשָׂבִ֖ים וּבָֽעִזִּֽים׃

‎20 ‏כֹּ֛ל אֲשֶׁר־בּ֥וֹ מ֖וּם לֹ֣א תַקְרִ֑יבוּ כִּי־לֹ֥א לְרָצ֖וֹן יִהְיֶ֥ה לָכֶֽם׃

‎21 ‏וְאִ֗ישׁ כִּֽי־יַקְרִ֤יב זֶֽבַח־שְׁלָמִים֙ לַיהוָ֔ה לְפַלֵּא־נֶ֙דֶר֙ א֣וֹ לִנְדָבָ֔ה בַּבָּקָ֖ר א֣וֹ בַצֹּ֑אן תָּמִ֤ים יִֽהְיֶה֙ לְרָצ֔וֹן כָּל־מ֖וּם לֹ֥א יִהְיֶה־בּֽוֹ׃

‎22 ‏עַוֶּרֶת֩ א֨וֹ שָׁב֜וּר אוֹ־חָר֣וּץ אֽוֹ־יַבֶּ֗לֶת א֤וֹ גָרָב֙ א֣וֹ יַלֶּ֔פֶת לֹא־תַקְרִ֥יבוּ אֵ֖לֶּה לַיהוָ֑ה וְאִשֶּׁ֗ה לֹא־תִתְּנ֥וּ מֵהֶ֛ם עַל־הַמִּזְבֵּ֖חַ לַיהוָֽה׃

‎23 ‏וְשׁ֥וֹר וָשֶׂ֖ה שָׂר֣וּעַ וְקָל֑וּט נְדָבָה֙ תַּעֲשֶׂ֣ה אֹת֔וֹ וּלְנֵ֖דֶר לֹ֥א יֵרָצֶֽה׃

‎24 ‏וּמָע֤וּךְ וְכָתוּת֙ וְנָת֣וּק וְכָר֔וּת לֹ֥א תַקְרִ֖יבוּ לַֽיהוָ֑ה וּֽבְאַרְצְכֶ֖ם לֹ֥א תַעֲשֽׂוּ׃

‎25 ‏וּמִיַּ֣ד בֶּן־נֵכָ֗ר לֹ֥א תַקְרִ֛יבוּ אֶת־לֶ֥חֶם אֱלֹהֵיכֶ֖ם מִכָּל־אֵ֑לֶּה כִּ֣י מָשְׁחָתָ֤ם בָּהֶם֙ מ֣וּם בָּ֔ם לֹ֥א יֵרָצ֖וּ לָכֶֽם׃ פ

‎26 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎27 ‏שׁ֣וֹר אוֹ־כֶ֤שֶׂב אוֹ־עֵז֙ כִּ֣י יִוָּלֵ֔ד וְהָיָ֛ה שִׁבְעַ֥ת יָמִ֖ים תַּ֣חַת אִמּ֑וֹ וּמִיּ֤וֹם הַשְּׁמִינִי֙ וָהָ֔לְאָה יֵרָצֶ֕ה לְקָרְבַּ֥ן אִשֶּׁ֖ה לַיהוָֽה׃

‎28 ‏וְשׁ֖וֹר אוֹ־שֶׂ֑ה אֹת֣וֹ וְאֶת־בְּנ֔וֹ לֹ֥א תִשְׁחֲט֖וּ בְּי֥וֹם אֶחָֽד׃

‎29 ‏וְכִֽי־תִזְבְּח֥וּ זֶֽבַח־תּוֹדָ֖ה לַיהוָ֑ה לִֽרְצֹנְכֶ֖ם תִּזְבָּֽחוּ׃

‎30 ‏בַּיּ֤וֹם הַהוּא֙ יֵאָכֵ֔ל לֹֽא־תוֹתִ֥ירוּ מִמֶּ֖נּוּ עַד־בֹּ֑קֶר אֲנִ֖י יְהוָֽה׃

‎31 ‏וּשְׁמַרְתֶּם֙ מִצְוֹתַ֔י וַעֲשִׂיתֶ֖ם אֹתָ֑ם אֲנִ֖י יְהוָֽה׃

‎32 ‏וְלֹ֤א תְחַלְּלוּ֙ אֶת־שֵׁ֣ם קָדְשִׁ֔י וְנִ֨קְדַּשְׁתִּ֔י בְּת֖וֹךְ בְּנֵ֣י יִשְׂרָאֵ֑ל אֲנִ֥י יְהוָ֖ה מְקַדִּשְׁכֶֽם׃

‎33 ‏הַמּוֹצִ֤יא אֶתְכֶם֙ מֵאֶ֣רֶץ מִצְרַ֔יִם לִהְי֥וֹת לָכֶ֖ם לֵאלֹהִ֑ים אֲנִ֖י יְהוָֽה׃ פ

1 wayəḏabēr yəhwâ ’el-mōšeh llē’mōr:

2 dabēr ’el-’ahărōn wə’el-bānāyw wəyinnāzərû miqqāḏəšê ḇənê-yiśərā’ēl wəlō’ yəḥalləlû ’eṯ-šēm qāḏəšî ’ăšer hēm maqədišîm lî ’ănî yəhwâ:

3 ’ĕmōr ’ălēhem ləḏōrōṯêḵem kāl-’îš| ’ăšer-yiqəraḇ mikāl-zarə‘ăḵem ’el-haqqŏḏāšîm ’ăšer yaqədîšû ḇənê-yiśərā’ēl layhwâ wəṭumə’āṯwō ‘ālāyw wəniḵərəṯâ hannefeš hahiw’ milləfānay ’ănî yəhwâ:

4 ’îš ’îš mizzer^a‘ ’ahărōn wəhû’ ṣārû‘a ’wō zāḇ baqqŏḏāšîm lō’ yō’ḵal ‘aḏ ’ăšer yiṭəhār wəhannōḡē‘a bəḵāl-ṭəmē’-nefeš ’wō ’îš ’ăšer-tēṣē’ mimmennû šiḵəḇaṯ-zār^a‘:

5 ’wō-’îš ’ăšer yig^a‘ bəḵāl-šereṣ ’ăšer yiṭəmā’-lwō ’wō ḇə’āḏām ’ăšer yiṭəmā’-lwō ləḵōl ṭumə’āṯwō:

6 nefeš ’ăšer tig^a‘-bwō wəṭāmə’â ‘aḏ-hā‘āreḇ wəlō’ yō’ḵal min-haqqŏḏāšîm kî ’im-rāḥaṣ bəśārwō bammāyim:

7 ûḇā’ haššemeš wəṭâēr wə’^aḥar yō’ḵal min-haqqŏḏāšîm kî l^aḥəmwō hû’:

8 nəḇēlâ ûṭərēfâ lō’ yō’ḵal ləṭāmə’â-ḇāh ’ănî yəhwâ:

9 wəšāmərû ’eṯ-mišəmarətî wəlō’-yiśə’û ‘ālāyw ḥēṭə’ ûmēṯû ḇwō kî yəḥalləluhû ’ănî yəhwâ məqadəšām:

10 wəḵāl-zār lō’-yō’ḵal qōḏeš twōšaḇ kōhēn wəśāḵîr lō’-yō’ḵal qōḏeš:

11 wəḵōhēn kî-yiqəneh nefeš qinəyan kasəpwō hû’ yō’ḵal bwō wîlîḏ bêṯwō hēm yō’ḵəlû ḇəl^aḥəmwō:

12 ûḇaṯ-kōhēn kî ṯihəyeh lə’îš zār hiw’ biṯərûmaṯ haqqŏḏāšîm lō’ ṯō’ḵēl:

13 ûḇaṯ-kōhēn kî ṯihəyeh ’aləmānâ ûḡərûšâ wəzer^a‘ ’ên lāh wəšāḇâ ’el-bêṯ ’āḇîhā kinə‘ûreyhā milleḥem ’āḇîhā tō’ḵēl wəḵāl-zār lō’-yō’ḵal bwō: s

14 wə’îš kî-yō’ḵal qōḏeš bišəḡāḡâ wəyāsaf ḥămišîṯwō ‘ālāyw wənāṯan lakōhēn ’eṯ-haqqōḏeš:

15 wəlō’ yəḥalləlû ’eṯ-qāḏəšê bənê yiśərā’ēl ’ēṯ ’ăšer-yārîmû layhwâ:

16 wəhiśśî’û ’wōṯām ‘ăwōn ’ašəmâ bə’āḵəlām ’eṯ-qāḏəšêhem kî ’ănî yəhwâ məqadəšām: f

17 wayəḏabēr yəhwâ ’el-mōšeh llē’mōr:

18 dabēr ’el-’ahărōn wə’el-bānāyw wə’el kāl-bənê yiśərā’ēl wə’āmarətā ’ălēhem ’îš ’îš mibêṯ yiśərā’ēl ûmin-hagēr bəyiśərā’ēl ’ăšer yaqərîḇ qārəbānwō ləḵāl-niḏərêhem ûləḵāl-niḏəḇwōṯām ’ăšer-yaqərîḇû layhwâ lə‘ōlâ:

19 lirəṣōnəḵem tāmîm zāḵār babāqār bakəśāḇîm ûḇā‘izzîm:

20 kōl ’ăšer-bwō mûm lō’ ṯaqərîḇû kî-lō’ lərāṣwōn yihəyeh lāḵem:

21 wə’îš kî-yaqərîḇ zeḇ^aḥ-šəlāmîm layhwâ ləfallē’-neḏer ’wō linəḏāḇâ babāqār ’wō ḇaṣṣō’n tāmîm yihəyeh lərāṣwōn kāl-mûm lō’ yihəyeh-bwō:

22 ‘aûereṯ ’wō šāḇûr ’wō-ḥārûṣ ’wō-yabeleṯ ’wō ḡārāḇ ’wō yallefeṯ lō’-ṯaqərîḇû ’ēlleh layhwâ wə’iššeh lō’-ṯitənû mēhem ‘al-hammizəbēḥa layhwâ:

23 wəšwōr wāśeh śārû‘a wəqālûṭ nəḏāḇâ t^a‘ăśeh ’ōṯwō ûlənēḏer lō’ yērāṣeh:

24 ûmā‘ûḵə wəḵāṯûṯ wənāṯûq wəḵārûṯ lō’ ṯaqərîḇû layhwâ ûḇə’arəṣəḵem lō’ ṯ^a‘ăśû:

25 ûmîyaḏ ben-nēḵār lō’ ṯaqərîḇû ’eṯ-leḥem ’ĕlōhêḵem mikāl-’ēlleh kî māšəḥāṯām bâem mûm bām lō’ yērāṣû lāḵem: f

26 wayəḏabēr yəhwâ ’el-mōšeh llē’mōr:

27 šwōr ’wō-ḵeśeḇ ’wō-‘ēz kî yiûālēḏ wəhāyâ šiḇə‘aṯ yāmîm t^aḥaṯ ’immwō ûmîywōm haššəmînî wâālə’â yērāṣeh ləqārəban ’iššeh layhwâ:

28 wəšwōr ’wō-śeh ’ōṯwō wə’eṯ-bənwō lō’ ṯišəḥăṭû bəywōm ’eḥāḏ:

29 wəḵî-ṯizəbəḥû zeḇ^aḥ-twōḏâ layhwâ lirəṣōnəḵem tizəbāḥû:

30 bayywōm hahû’ yē’āḵēl lō’-ṯwōṯîrû mimmennû ‘aḏ-bōqer ’ănî yəhwâ:

31 ûšəmarətem miṣəwōṯay w^a‘ăśîṯem ’ōṯām ’ănî yəhwâ:

32 wəlō’ ṯəḥalləlû ’eṯ-šēm qāḏəšî wəniqədašətî bəṯwōḵə bənê yiśərā’ēl ’ănî yəhwâ məqadišəḵem:

33 hammwōṣî’ ’eṯəḵem mē’ereṣ miṣərayim lihəywōṯ lāḵem lē’lōhîm ’ănî yəhwâ: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏דַּבֵּ֞ר אֶל־בְּנֵ֤י יִשְׂרָאֵל֙ וְאָמַרְתָּ֣ אֲלֵהֶ֔ם מוֹעֲדֵ֣י יְהוָ֔ה אֲשֶׁר־תִּקְרְא֥וּ אֹתָ֖ם מִקְרָאֵ֣י קֹ֑דֶשׁ אֵ֥לֶּה הֵ֖ם מוֹעֲדָֽי׃

‎3 ‏שֵׁ֣שֶׁת יָמִים֮ תֵּעָשֶׂ֣ה מְלָאכָה֒ וּבַיּ֣וֹם הַשְּׁבִיעִ֗י שַׁבַּ֤ת שַׁבָּתוֹן֙ מִקְרָא־קֹ֔דֶשׁ כָּל־מְלָאכָ֖ה לֹ֣א תַעֲשׂ֑וּ שַׁבָּ֥ת הִוא֙ לַֽיהוָ֔ה בְּכֹ֖ל מֽוֹשְׁבֹתֵיכֶֽם׃ פ

‎4 ‏אֵ֚לֶּה מוֹעֲדֵ֣י יְהוָ֔ה מִקְרָאֵ֖י קֹ֑דֶשׁ אֲשֶׁר־תִּקְרְא֥וּ אֹתָ֖ם בְּמוֹעֲדָֽם׃

‎5 ‏בַּחֹ֣דֶשׁ הָרִאשׁ֗וֹן בְּאַרְבָּעָ֥ה עָשָׂ֛ר לַחֹ֖דֶשׁ בֵּ֣ין הָעַרְבָּ֑יִם פֶּ֖סַח לַיהוָֽה׃

‎6 ‏וּבַחֲמִשָּׁ֨ה עָשָׂ֥ר יוֹם֙ לַחֹ֣דֶשׁ הַזֶּ֔ה חַ֥ג הַמַּצּ֖וֹת לַיהוָ֑ה שִׁבְעַ֥ת יָמִ֖ים מַצּ֥וֹת תֹּאכֵֽלוּ׃

‎7 ‏בַּיּוֹם֙ הָֽרִאשׁ֔וֹן מִקְרָא־קֹ֖דֶשׁ יִהְיֶ֣ה לָכֶ֑ם כָּל־מְלֶ֥אכֶת עֲבֹדָ֖ה לֹ֥א תַעֲשֽׂוּ׃

‎8 ‏וְהִקְרַבְתֶּ֥ם אִשֶּׁ֛ה לַיהוָ֖ה שִׁבְעַ֣ת יָמִ֑ים בַּיּ֤וֹם הַשְּׁבִיעִי֙ מִקְרָא־קֹ֔דֶשׁ כָּל־מְלֶ֥אכֶת עֲבֹדָ֖ה לֹ֥א תַעֲשֽׂוּ׃ פ

‎9 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎10 ‏דַּבֵּ֞ר אֶל־בְּנֵ֤י יִשְׂרָאֵל֙ וְאָמַרְתָּ֣ אֲלֵהֶ֔ם כִּֽי־תָבֹ֣אוּ אֶל־הָאָ֗רֶץ אֲשֶׁ֤ר אֲנִי֙ נֹתֵ֣ן לָכֶ֔ם וּקְצַרְתֶּ֖ם אֶת־קְצִירָ֑הּ וַהֲבֵאתֶ֥ם אֶת־עֹ֛מֶר רֵאשִׁ֥ית קְצִירְכֶ֖ם אֶל־הַכֹּהֵֽן׃

‎11 ‏וְהֵנִ֧יף אֶת־הָעֹ֛מֶר לִפְנֵ֥י יְהוָ֖ה לִֽרְצֹנְכֶ֑ם מִֽמָּחֳרַת֙ הַשַּׁבָּ֔ת יְנִיפֶ֖נּוּ הַכֹּהֵֽן׃

‎12 ‏וַעֲשִׂיתֶ֕ם בְּי֥וֹם הֲנִֽיפְכֶ֖ם אֶת־הָעֹ֑מֶר כֶּ֣בֶשׂ תָּמִ֧ים בֶּן־שְׁנָת֛וֹ לְעֹלָ֖ה לַיהוָֽה׃

‎13 ‏וּמִנְחָתוֹ֩ שְׁנֵ֨י עֶשְׂרֹנִ֜ים סֹ֣לֶת בְּלוּלָ֥ה בַשֶּׁ֛מֶן אִשֶּׁ֥ה לַיהוָ֖ה רֵ֣יחַ נִיחֹ֑חַ וְנִסְכֹּ֥ה^q יַ֖יִן רְבִיעִ֥ת הַהִֽין׃

‎14 ‏וְלֶחֶם֩ וְקָלִ֨י וְכַרְמֶ֜ל לֹ֣א תֹֽאכְל֗וּ עַד־עֶ֙צֶם֙ הַיּ֣וֹם הַזֶּ֔ה עַ֚ד הֲבִ֣יאֲכֶ֔ם אֶת־קָרְבַּ֖ן אֱלֹהֵיכֶ֑ם חֻקַּ֤ת עוֹלָם֙ לְדֹרֹ֣תֵיכֶ֔ם בְּכֹ֖ל מֹשְׁבֹֽתֵיכֶֽם׃ ס

‎15 ‏וּסְפַרְתֶּ֤ם לָכֶם֙ מִמָּחֳרַ֣ת הַשַּׁבָּ֔ת מִיּוֹם֙ הֲבִ֣יאֲכֶ֔ם אֶת־עֹ֖מֶר הַתְּנוּפָ֑ה שֶׁ֥בַע שַׁבָּת֖וֹת תְּמִימֹ֥ת תִּהְיֶֽינָה׃

‎16 ‏עַ֣ד מִֽמָּחֳרַ֤ת הַשַּׁבָּת֙ הַשְּׁבִיעִ֔ת תִּסְפְּר֖וּ חֲמִשִּׁ֣ים י֑וֹם וְהִקְרַבְתֶּ֛ם מִנְחָ֥ה חֲדָשָׁ֖ה לַיהוָֽה׃

‎17 ‏מִמּוֹשְׁבֹ֨תֵיכֶ֜ם תָּבִ֣יאּוּ׀ לֶ֣חֶם תְּנוּפָ֗ה שְׁ֚תַּיִם שְׁנֵ֣י עֶשְׂרֹנִ֔ים סֹ֣לֶת תִּהְיֶ֔ינָה חָמֵ֖ץ תֵּאָפֶ֑ינָה בִּכּוּרִ֖ים לַֽיהוָֽה׃

‎18 ‏וְהִקְרַבְתֶּ֣ם עַל־הַלֶּ֗חֶם שִׁבְעַ֨ת כְּבָשִׂ֤ים תְּמִימִם֙ בְּנֵ֣י שָׁנָ֔ה וּפַ֧ר בֶּן־בָּקָ֛ר אֶחָ֖ד וְאֵילִ֣ם שְׁנָ֑יִם יִהְי֤וּ עֹלָה֙ לַֽיהוָ֔ה וּמִנְחָתָם֙ וְנִסְכֵּיהֶ֔ם אִשֵּׁ֥ה רֵֽיחַ־נִיחֹ֖חַ לַיהוָֽה׃

‎19 ‏וַעֲשִׂיתֶ֛ם שְׂעִיר־עִזִּ֥ים אֶחָ֖ד לְחַטָּ֑את וּשְׁנֵ֧י כְבָשִׂ֛ים בְּנֵ֥י שָׁנָ֖ה לְזֶ֥בַח שְׁלָמִֽים׃

‎20 ‏וְהֵנִ֣יף הַכֹּהֵ֣ן׀ אֹתָ֡ם עַל֩ לֶ֨חֶם הַבִּכּוּרִ֤ים תְּנוּפָה֙ לִפְנֵ֣י יְהוָ֔ה עַל־שְׁנֵ֖י כְּבָשִׂ֑ים קֹ֛דֶשׁ יִהְי֥וּ לַיהוָ֖ה לַכֹּהֵֽן׃

‎21 ‏וּקְרָאתֶ֞ם בְּעֶ֣צֶם׀ הַיּ֣וֹם הַזֶּ֗ה מִֽקְרָא־קֹ֙דֶשׁ֙ יִהְיֶ֣ה לָכֶ֔ם כָּל־מְלֶ֥אכֶת עֲבֹדָ֖ה לֹ֣א תַעֲשׂ֑וּ חֻקַּ֥ת עוֹלָ֛ם בְּכָל־מוֹשְׁבֹ֥תֵיכֶ֖ם לְדֹרֹֽתֵיכֶֽם׃

‎22 ‏וּֽבְקֻצְרְכֶ֞ם אֶת־קְצִ֣יר אַרְצְכֶ֗ם לֹֽא־תְכַלֶּ֞ה פְּאַ֤ת שָֽׂדְךָ֙ בְּקֻצְרֶ֔ךָ וְלֶ֥קֶט קְצִירְךָ֖ לֹ֣א תְלַקֵּ֑ט לֶֽעָנִ֤י וְלַגֵּר֙ תַּעֲזֹ֣ב אֹתָ֔ם אֲנִ֖י יְהוָ֥ה אֱלֹהֵיכֶֽם׃ ס

‎23 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎24 ‏דַּבֵּ֛ר אֶל־בְּנֵ֥י יִשְׂרָאֵ֖ל לֵאמֹ֑ר בַּחֹ֨דֶשׁ הַשְּׁבִיעִ֜י בְּאֶחָ֣ד לַחֹ֗דֶשׁ יִהְיֶ֤ה לָכֶם֙ שַׁבָּת֔וֹן זִכְר֥וֹן תְּרוּעָ֖ה מִקְרָא־קֹֽדֶשׁ׃

‎25 ‏כָּל־מְלֶ֥אכֶת עֲבֹדָ֖ה לֹ֣א תַעֲשׂ֑וּ וְהִקְרַבְתֶּ֥ם אִשֶּׁ֖ה לַיהוָֽה׃ ס

‎26 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎27 ‏אַ֡ךְ בֶּעָשׂ֣וֹר לַחֹדֶשׁ֩ הַשְּׁבִיעִ֨י הַזֶּ֜ה י֧וֹם הַכִּפֻּרִ֣ים ה֗וּא מִֽקְרָא־קֹ֙דֶשׁ֙ יִהְיֶ֣ה לָכֶ֔ם וְעִנִּיתֶ֖ם אֶת־נַפְשֹׁתֵיכֶ֑ם וְהִקְרַבְתֶּ֥ם אִשֶּׁ֖ה לַיהוָֽה׃

‎28 ‏וְכָל־מְלָאכָה֙ לֹ֣א תַעֲשׂ֔וּ בְּעֶ֖צֶם הַיּ֣וֹם הַזֶּ֑ה כִּ֣י י֤וֹם כִּפֻּרִים֙ ה֔וּא לְכַפֵּ֣ר עֲלֵיכֶ֔ם לִפְנֵ֖י יְהוָ֥ה אֱלֹהֵיכֶֽם׃³

‎29 ‏כִּ֤י כָל־הַנֶּ֙פֶשׁ֙ אֲשֶׁ֣ר לֹֽא־תְעֻנֶּ֔ה בְּעֶ֖צֶם הַיּ֣וֹם הַזֶּ֑ה וְנִכְרְתָ֖ה מֵֽעַמֶּֽיהָ׃

‎30 ‏וְכָל־הַנֶּ֗פֶשׁ אֲשֶׁ֤ר תַּעֲשֶׂה֙ כָּל־מְלָאכָ֔ה בְּעֶ֖צֶם הַיּ֣וֹם הַזֶּ֑ה וְהַֽאֲבַדְתִּ֛י אֶת־הַנֶּ֥פֶשׁ הַהִ֖וא מִקֶּ֥רֶב עַמָּֽהּ׃

‎31 ‏כָּל־מְלָאכָ֖ה לֹ֣א תַעֲשׂ֑וּ חֻקַּ֤ת עוֹלָם֙ לְדֹרֹ֣תֵיכֶ֔ם בְּכֹ֖ל מֹֽשְׁבֹֽתֵיכֶֽם׃

‎32 ‏שַׁבַּ֨ת שַׁבָּת֥וֹן הוּא֙ לָכֶ֔ם וְעִנִּיתֶ֖ם אֶת־נַפְשֹׁתֵיכֶ֑ם בְּתִשְׁעָ֤ה לַחֹ֙דֶשׁ֙ בָּעֶ֔רֶב מֵעֶ֣רֶב עַד־עֶ֔רֶב תִּשְׁבְּת֖וּ שַׁבַּתְּכֶֽם׃ פ

‎33 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎34 ‏דַּבֵּ֛ר אֶל־בְּנֵ֥י יִשְׂרָאֵ֖ל לֵאמֹ֑ר בַּחֲמִשָּׁ֨ה עָשָׂ֜ר י֗וֹם לַחֹ֤דֶשׁ הַשְּׁבִיעִי֙ הַזֶּ֔ה חַ֧ג הַסֻּכּ֛וֹת שִׁבְעַ֥ת יָמִ֖ים לַיהוָֹֽה׃

‎35 ‏בַּיּ֥וֹם הָרִאשׁ֖וֹן מִקְרָא־קֹ֑דֶשׁ כָּל־מְלֶ֥אכֶת עֲבֹדָ֖ה לֹ֥א תַעֲשֽׂוּ׃

‎36 ‏שִׁבְעַ֣ת יָמִ֔ים תַּקְרִ֥יבוּ אִשֶּׁ֖ה לַיהוָ֑ה בַּיּ֣וֹם הַשְּׁמִינִ֡י מִקְרָא־קֹדֶשׁ֩ יִהְיֶ֨ה לָכֶ֜ם וְהִקְרַבְתֶּ֨ם אִשֶּׁ֤ה לַֽיהוָה֙ עֲצֶ֣רֶת הִ֔וא כָּל־מְלֶ֥אכֶת עֲבֹדָ֖ה לֹ֥א תַעֲשֽׂוּ׃

‎37 ‏אֵ֚לֶּה מוֹעֲדֵ֣י יְהוָ֔ה אֲשֶׁר־תִּקְרְא֥וּ אֹתָ֖ם מִקְרָאֵ֣י קֹ֑דֶשׁ לְהַקְרִ֨יב אִשֶּׁ֜ה לַיהוָ֗ה עֹלָ֧ה וּמִנְחָ֛ה זֶ֥בַח וּנְסָכִ֖ים דְּבַר־י֥וֹם בְּיוֹמֽוֹ׃

‎38 ‏מִלְּבַ֖ד שַׁבְּתֹ֣ת יְּהוָ֑ה וּמִלְּבַ֣ד מַתְּנֽוֹתֵיכֶ֗ם³ וּמִלְּבַ֤ד כָּל־נִדְרֵיכֶם֙ וּמִלְּבַד֙ כָּל־נִדְב֣וֹתֵיכֶ֔ם אֲשֶׁ֥ר תִּתְּנ֖וּ לַיהוָֽה׃

‎39 ‏אַ֡ךְ בַּחֲמִשָּׁה֩ עָשָׂ֨ר י֜וֹם לַחֹ֣דֶשׁ הַשְּׁבִיעִ֗י בְּאָסְפְּכֶם֙ אֶת־תְּבוּאַ֣ת הָאָ֔רֶץ תָּחֹ֥גּוּ אֶת־חַג־יְהוָ֖ה שִׁבְעַ֣ת יָמִ֑ים בַּיּ֤וֹם הָֽרִאשׁוֹן֙ שַׁבָּת֔וֹן וּבַיּ֥וֹם הַשְּׁמִינִ֖י שַׁבָּתֽוֹן׃

‎40 ‏וּלְקַחְתֶּ֨ם לָכֶ֜ם בַּיּ֣וֹם הָרִאשׁ֗וֹן פְּרִ֨י עֵ֤ץ הָדָר֙ כַּפֹּ֣ת תְּמָרִ֔ים וַעֲנַ֥ף עֵץ־עָבֹ֖ת וְעַרְבֵי־נָ֑חַל וּשְׂמַחְתֶּ֗ם לִפְנֵ֛י יְהוָ֥ה אֱלֹהֵיכֶ֖ם שִׁבְעַ֥ת יָמִֽים׃

‎41 ‏וְחַגֹּתֶ֤ם אֹתוֹ֙ חַ֣ג לַֽיהוָ֔ה שִׁבְעַ֥ת יָמִ֖ים בַּשָּׁנָ֑ה חֻקַּ֤ת עוֹלָם֙ לְדֹרֹ֣תֵיכֶ֔ם בַּחֹ֥דֶשׁ הַשְּׁבִיעִ֖י תָּחֹ֥גּוּ אֹתֽוֹ׃

‎42 ‏בַּסֻּכֹּ֥ת תֵּשְׁב֖וּ שִׁבְעַ֣ת יָמִ֑ים כָּל־הָֽאֶזְרָח֙ בְּיִשְׂרָאֵ֔ל יֵשְׁב֖וּ בַּסֻּכֹּֽת׃

‎43 ‏לְמַעַן֮ יֵדְע֣וּ דֹרֹֽתֵיכֶם֒ כִּ֣י בַסֻּכּ֗וֹת הוֹשַׁ֙בְתִּי֙ אֶת־בְּנֵ֣י יִשְׂרָאֵ֔ל בְּהוֹצִיאִ֥י אוֹתָ֖ם מֵאֶ֣רֶץ מִצְרָ֑יִם אֲנִ֖י יְהוָ֥ה אֱלֹהֵיכֶֽם׃

‎44 ‏וַיְדַבֵּ֣ר מֹשֶׁ֔ה אֶת־מֹעֲדֵ֖י יְהוָ֑ה אֶל־בְּנֵ֖י יִשְׂרָאֵֽל׃ פ

1 wayəḏabēr yəhwâ ’el-mōšeh llē’mōr:

2 dabēr ’el-bənê yiśərā’ēl wə’āmarətā ’ălēhem mwō‘ăḏê yəhwâ ’ăšer-tiqərə’û ’ōṯām miqərā’ê qōḏeš ’ēlleh hēm mwō‘ăḏāy:

3 šēšeṯ yāmîm tē‘āśeh məlā’ḵâ ûḇayywōm haššəḇî‘î šabaṯ šabāṯwōn miqərā’-qōḏeš kāl-məlā’ḵâ lō’ ṯ^a‘ăśû šabāṯ hiw’ layhwâ bəḵōl mwōšəḇōṯêḵem: f

4 ’ēlleh mwō‘ăḏê yəhwâ miqərā’ê qōḏeš ’ăšer-tiqərə’û ’ōṯām bəmwō‘ăḏām:

5 b^aḥōḏeš hāri’šwōn bə’arəbā‘â ‘āśār l^aḥōḏeš bên hā‘arəbāyim pes^aḥ layhwâ:

6 ûḇ^aḥămiššâ ‘āśār ywōm l^aḥōḏeš hazzeh ḥaḡ hammaṣṣwōṯ layhwâ šiḇə‘aṯ yāmîm maṣṣwōṯ tō’ḵēlû:

7 bayywōm hāri’šwōn miqərā’-qōḏeš yihəyeh lāḵem kāl-məle’ḵeṯ ‘ăḇōḏâ lō’ ṯ^a‘ăśû:

8 wəhiqəraḇətem ’iššeh layhwâ šiḇə‘aṯ yāmîm bayywōm haššəḇî‘î miqərā’-qōḏeš kāl-məle’ḵeṯ ‘ăḇōḏâ lō’ ṯ^a‘ăśû: f

9 wayəḏabēr yəhwâ ’el-mōšeh llē’mōr:

10 dabēr ’el-bənê yiśərā’ēl wə’āmarətā ’ălēhem kî-ṯāḇō’û ’el-hā’āreṣ ’ăšer ’ănî nōṯēn lāḵem ûqəṣarətem ’eṯ-qəṣîrāh wahăḇē’ṯem ’eṯ-‘ōmer rē’šîṯ qəṣîrəḵem ’el-hakōhēn:

11 wəhēnîf ’eṯ-hā‘ōmer lifənê yəhwâ lirəṣōnəḵem mimmāḥŏraṯ haššabāṯ yənîfennû hakōhēn:

12 w^a‘ăśîṯem bəywōm hănîfəḵem ’eṯ-hā‘ōmer keḇeś tāmîm ben-šənāṯwō lə‘ōlâ layhwâ:

13 ûminəḥāṯwō šənê ‘eśərōnîm sōleṯ bəlûlâ ḇaššemen ’iššeh layhwâ rêḥa nîḥōḥa wənisəkōh^q yayin rəḇî‘iṯ hahîn:

14 wəleḥem wəqālî wəḵarəmel lō’ ṯō’ḵəlû ‘aḏ-‘eṣem hayywōm hazzeh ‘aḏ hăḇî’ăḵem ’eṯ-qārəban ’ĕlōhêḵem ḥuqqaṯ ‘wōlām ləḏōrōṯêḵem bəḵōl mōšəḇōṯêḵem: s

15 ûsəfarətem lāḵem mimmāḥŏraṯ haššabāṯ mîywōm hăḇî’ăḵem ’eṯ-‘ōmer hatənûfâ šeḇ^a‘ šabāṯwōṯ təmîmōṯ tihəyeynâ:

16 ‘aḏ mimmāḥŏraṯ haššabāṯ haššəḇî‘iṯ tisəpərû ḥămiššîm ywōm wəhiqəraḇətem minəḥâ ḥăḏāšâ layhwâ:

17 mimmwōšəḇōṯêḵem tāḇî’’û| leḥem tənûfâ šətayim šənê ‘eśərōnîm sōleṯ tihəyeynâ ḥāmēṣ tē’āfeynâ bikûrîm layhwâ:

18 wəhiqəraḇətem ‘al-halleḥem šiḇə‘aṯ kəḇāśîm təmîmim bənê šānâ ûfar ben-bāqār ’eḥāḏ wə’êlim šənāyim yihəyû ‘ōlâ layhwâ ûminəḥāṯām wənisəkêhem ’iššēh rêḥa-nîḥōḥa layhwâ:

19 w^a‘ăśîṯem śə‘îr-‘izzîm ’eḥāḏ ləḥaṭṭā’ṯ ûšənê ḵəḇāśîm bənê šānâ ləzeḇ^aḥ šəlāmîm:

20 wəhēnîf hakōhēn| ’ōṯām ‘al leḥem habikûrîm tənûfâ lifənê yəhwâ ‘al-šənê kəḇāśîm qōḏeš yihəyû layhwâ lakōhēn:

21 ûqərā’ṯem bə‘eṣem| hayywōm hazzeh miqərā’-qōḏeš yihəyeh lāḵem kāl-məle’ḵeṯ ‘ăḇōḏâ lō’ ṯ^a‘ăśû ḥuqqaṯ ‘wōlām bəḵāl-mwōšəḇōṯêḵem ləḏōrōṯêḵem:

22 ûḇəquṣərəḵem ’eṯ-qəṣîr ’arəṣəḵem lō’-ṯəḵalleh pə’aṯ śāḏəḵā bəquṣəreḵā wəleqeṭ qəṣîrəḵā lō’ ṯəlaqqēṭ le‘ānî wəlagēr t^a‘ăzōḇ ’ōṯām ’ănî yəhwâ ’ĕlōhêḵem: s

23 wayəḏabēr yəhwâ ’el-mōšeh llē’mōr:

24 dabēr ’el-bənê yiśərā’ēl lē’mōr b^aḥōḏeš haššəḇî‘î bə’eḥāḏ l^aḥōḏeš yihəyeh lāḵem šabāṯwōn ziḵərwōn tərû‘â miqərā’-qōḏeš:

25 kāl-məle’ḵeṯ ‘ăḇōḏâ lō’ ṯ^a‘ăśû wəhiqəraḇətem ’iššeh layhwâ: s

26 wayəḏabēr yəhwâ ’el-mōšeh llē’mōr:

27 ’aḵə be‘āśwōr l^aḥōḏeš haššəḇî‘î hazzeh ywōm hakipurîm hû’ miqərā’-qōḏeš yihəyeh lāḵem wə‘innîṯem ’eṯ-nafəšōṯêḵem wəhiqəraḇətem ’iššeh layhwâ:

28 wəḵāl-məlā’ḵâ lō’ ṯ^a‘ăśû bə‘eṣem hayywōm hazzeh kî ywōm kipurîm hû’ ləḵapēr ‘ălêḵem lifənê yəhwâ ’ĕlōhêḵem:³

29 kî ḵāl-hannefeš ’ăšer lō’-ṯə‘unneh bə‘eṣem hayywōm hazzeh wəniḵərəṯâ mē‘ammeyhā:

30 wəḵāl-hannefeš ’ăšer t^a‘ăśeh kāl-məlā’ḵâ bə‘eṣem hayywōm hazzeh wəha’ăḇaḏətî ’eṯ-hannefeš hahiw’ miqqereḇ ‘ammāh:

31 kāl-məlā’ḵâ lō’ ṯ^a‘ăśû ḥuqqaṯ ‘wōlām ləḏōrōṯêḵem bəḵōl mōšəḇōṯêḵem:

32 šabaṯ šabāṯwōn hû’ lāḵem wə‘innîṯem ’eṯ-nafəšōṯêḵem bəṯišə‘â l^aḥōḏeš bā‘ereḇ mē‘ereḇ ‘aḏ-‘ereḇ tišəbəṯû šabatəḵem: f

33 wayəḏabēr yəhwâ ’el-mōšeh llē’mōr:

34 dabēr ’el-bənê yiśərā’ēl lē’mōr b^aḥămiššâ ‘āśār ywōm l^aḥōḏeš haššəḇî‘î hazzeh ḥaḡ hassukwōṯ šiḇə‘aṯ yāmîm layhwōâ:

35 bayywōm hāri’šwōn miqərā’-qōḏeš kāl-məle’ḵeṯ ‘ăḇōḏâ lō’ ṯ^a‘ăśû:

36 šiḇə‘aṯ yāmîm taqərîḇû ’iššeh layhwâ bayywōm haššəmînî miqərā’-qōḏeš yihəyeh lāḵem wəhiqəraḇətem ’iššeh layhwâ ‘ăṣereṯ hiw’ kāl-məle’ḵeṯ ‘ăḇōḏâ lō’ ṯ^a‘ăśû:

37 ’ēlleh mwō‘ăḏê yəhwâ ’ăšer-tiqərə’û ’ōṯām miqərā’ê qōḏeš ləhaqərîḇ ’iššeh layhwâ ‘ōlâ ûminəḥâ zeḇ^aḥ ûnəsāḵîm dəḇar-ywōm bəywōmwō:

38 milləḇaḏ šabəṯōṯ yyəhwâ ûmilləḇaḏ matənwōṯêḵem³ ûmilləḇaḏ kāl-niḏərêḵem ûmilləḇaḏ kāl-niḏəḇwōṯêḵem ’ăšer titənû layhwâ:

39 ’aḵə b^aḥămiššâ ‘āśār ywōm l^aḥōḏeš haššəḇî‘î bə’āsəpəḵem ’eṯ-təḇû’aṯ hā’āreṣ tāḥōgû ’eṯ-ḥaḡ-yəhwâ šiḇə‘aṯ yāmîm bayywōm hāri’šwōn šabāṯwōn ûḇayywōm haššəmînî šabāṯwōn:

40 ûləq^aḥətem lāḵem bayywōm hāri’šwōn pərî ‘ēṣ hāḏār kapōṯ təmārîm w^a‘ănaf ‘ēṣ-‘āḇōṯ wə‘arəḇê-nāḥal ûśəm^aḥətem lifənê yəhwâ ’ĕlōhêḵem šiḇə‘aṯ yāmîm:

41 wəḥagōṯem ’ōṯwō ḥaḡ layhwâ šiḇə‘aṯ yāmîm baššānâ ḥuqqaṯ ‘wōlām ləḏōrōṯêḵem b^aḥōḏeš haššəḇî‘î tāḥōgû ’ōṯwō:

42 bassukōṯ tēšəḇû šiḇə‘aṯ yāmîm kāl-hā’ezərāḥ bəyiśərā’ēl yēšəḇû bassukōṯ:

43 ləm^a‘an yēḏə‘û ḏōrōṯêḵem kî ḇassukwōṯ hwōšaḇətî ’eṯ-bənê yiśərā’ēl bəhwōṣî’î ’wōṯām mē’ereṣ miṣərāyim ’ănî yəhwâ ’ĕlōhêḵem:

44 wayəḏabēr mōšeh ’eṯ-mō‘ăḏê yəhwâ ’el-bənê yiśərā’ēl: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏צַ֞ו אֶת־בְּנֵ֣י יִשְׂרָאֵ֗ל וְיִקְח֨וּ אֵלֶ֜יךָ שֶׁ֣מֶן זַ֥יִת זָ֛ךְ כָּתִ֖ית לַמָּא֑וֹר לְהַעֲלֹ֥ת נֵ֖ר תָּמִֽיד׃

‎3 ‏מִחוּץ֩ לְפָרֹ֨כֶת הָעֵדֻ֜ת בְּאֹ֣הֶל מוֹעֵ֗ד יַעֲרֹךְ֩ אֹת֨וֹ אַהֲרֹ֜ן מֵעֶ֧רֶב עַד־בֹּ֛קֶר לִפְנֵ֥י יְהוָ֖ה תָּמִ֑יד חֻקַּ֥ת עוֹלָ֖ם לְדֹרֹֽתֵיכֶֽם׃

‎4 ‏עַ֚ל הַמְּנֹרָ֣ה הַטְּהֹרָ֔ה יַעֲרֹ֖ךְ אֶת־הַנֵּר֑וֹת לִפְנֵ֥י יְהוָ֖ה תָּמִֽיד׃ פ

‎5 ‏וְלָקַחְתָּ֣ סֹ֔לֶת וְאָפִיתָ֣ אֹתָ֔הּ שְׁתֵּ֥ים עֶשְׂרֵ֖ה חַלּ֑וֹת שְׁנֵי֙ עֶשְׂרֹנִ֔ים יִהְיֶ֖ה הַֽחַלָּ֥ה הָאֶחָֽת׃

‎6 ‏וְשַׂמְתָּ֥ אוֹתָ֛ם שְׁתַּ֥יִם מַֽעֲרָכ֖וֹת שֵׁ֣שׁ הַֽמַּעֲרָ֑כֶת עַ֛ל הַשֻּׁלְחָ֥ן הַטָּהֹ֖ר לִפְנֵ֥י יְהוָֽה׃

‎7 ‏וְנָתַתָּ֥ עַל־הַֽמַּעֲרֶ֖כֶת לְבֹנָ֣ה זַכָּ֑ה וְהָיְתָ֤ה לַלֶּ֙חֶם֙ לְאַזְכָּרָ֔ה אִשֶּׁ֖ה לַֽיהוָֽה׃

‎8 ‏בְּי֨וֹם הַשַּׁבָּ֜ת בְּי֣וֹם הַשַּׁבָּ֗ת יַֽעַרְכֶ֛נּוּ לִפְנֵ֥י יְהוָ֖ה תָּמִ֑יד מֵאֵ֥ת בְּנֵֽי־יִשְׂרָאֵ֖ל בְּרִ֥ית עוֹלָֽם׃

‎9 ‏וְהָֽיְתָה֙ לְאַהֲרֹ֣ן וּלְבָנָ֔יו וַאֲכָלֻ֖הוּ בְּמָק֣וֹם קָדֹ֑שׁ כִּ֡י קֹדֶשׁ֩ קָֽדָשִׁ֨ים ה֥וּא ל֛וֹ מֵאִשֵּׁ֥י יְהוָ֖ה חָק־עוֹלָֽם׃ ס

‎10 ‏וַיֵּצֵא֙ בֶּן־אִשָּׁ֣ה יִשְׂרְאֵלִ֔ית וְהוּא֙ בֶּן־אִ֣ישׁ מִצְרִ֔י בְּת֖וֹךְ בְּנֵ֣י יִשְׂרָאֵ֑ל וַיִּנָּצוּ֙ בַּֽמַּחֲנֶ֔ה בֶּ֚ן הַיִּשְׂרְאֵלִ֔ית וְאִ֖ישׁ הַיִּשְׂרְאֵלִֽי׃

‎11 ‏וַ֠יִּקֹּב בֶּן־הָֽאִשָּׁ֨ה הַיִּשְׂרְאֵלִ֤ית אֶת־הַשֵּׁם֙ וַיְקַלֵּ֔ל וַיָּבִ֥יאוּ אֹת֖וֹ אֶל־מֹשֶׁ֑ה וְשֵׁ֥ם אִמּ֛וֹ שְׁלֹמִ֥ית בַּת־דִּבְרִ֖י לְמַטֵּה־דָֽן׃

‎12 ‏וַיַּנִּיחֻ֖הוּ בַּמִּשְׁמָ֑ר לִפְרֹ֥שׁ לָהֶ֖ם עַל־פִּ֥י יְהוָֽה׃ פ

‎13 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎14 ‏הוֹצֵ֣א אֶת־הַֽמְקַלֵּ֗ל אֶל־מִחוּץ֙ לַֽמַּחֲנֶ֔ה וְסָמְכ֧וּ כָֽל־הַשֹּׁמְעִ֛ים אֶת־יְדֵיהֶ֖ם עַל־רֹאשׁ֑וֹ וְרָגְמ֥וּ אֹת֖וֹ כָּל־הָעֵדָֽה׃

‎15 ‏וְאֶל־בְּנֵ֥י יִשְׂרָאֵ֖ל תְּדַבֵּ֣ר לֵאמֹ֑ר אִ֥ישׁ אִ֛ישׁ כִּֽי־יְקַלֵּ֥ל אֱלֹהָ֖יו וְנָשָׂ֥א חֶטְאֽוֹ׃

‎16 ‏וְנֹקֵ֤ב שֵׁם־יְהוָה֙ מ֣וֹת יוּמָ֔ת רָג֥וֹם יִרְגְּמוּ־ב֖וֹ כָּל־הָעֵדָ֑ה כַּגֵּר֙ כָּֽאֶזְרָ֔ח בְּנָקְבוֹ־שֵׁ֖ם יוּמָֽת׃

‎17 ‏וְאִ֕ישׁ כִּ֥י יַכֶּ֖ה כָּל־נֶ֣פֶשׁ אָדָ֑ם מ֖וֹת יוּמָֽת׃

‎18 ‏וּמַכֵּ֥ה נֶֽפֶשׁ־בְּהֵמָ֖ה יְשַׁלְּמֶ֑נָּה נֶ֖פֶשׁ תַּ֥חַת נָֽפֶשׁ׃

‎19 ‏וְאִ֕ישׁ כִּֽי־יִתֵּ֥ן מ֖וּם בַּעֲמִית֑וֹ כַּאֲשֶׁ֣ר עָשָׂ֔ה כֵּ֖ן יֵעָ֥שֶׂה לּֽוֹ׃

‎20 ‏שֶׁ֚בֶר תַּ֣חַת שֶׁ֔בֶר עַ֚יִן תַּ֣חַת עַ֔יִן שֵׁ֖ן תַּ֣חַת שֵׁ֑ן כַּאֲשֶׁ֨ר יִתֵּ֥ן מוּם֙ בָּֽאָדָ֔ם כֵּ֖ן יִנָּ֥תֶן בּֽוֹ׃

‎21 ‏וּמַכֵּ֥ה בְהֵמָ֖ה יְשַׁלְּמֶ֑נָּה וּמַכֵּ֥ה אָדָ֖ם יוּמָֽת׃

‎22 ‏מִשְׁפַּ֤ט אֶחָד֙ יִהְיֶ֣ה לָכֶ֔ם כַּגֵּ֥ר כָּאֶזְרָ֖ח יִהְיֶ֑ה כִּ֛י אֲנִ֥י יְהוָ֖ה אֱלֹהֵיכֶֽם׃

‎23 ‏וַיְדַבֵּ֣ר מֹשֶׁה֮ אֶל־בְּנֵ֣י יִשְׂרָאֵל֒ וַיּוֹצִ֣יאוּ אֶת־הַֽמְקַלֵּ֗ל אֶל־מִחוּץ֙ לַֽמַּחֲנֶ֔ה וַיִּרְגְּמ֥וּ אֹת֖וֹ אָ֑בֶן וּבְנֵֽי־יִשְׂרָאֵ֣ל עָשׂ֔וּ כַּֽאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ פ

1 wayəḏabēr yəhwâ ’el-mōšeh llē’mōr:

2 ṣaw ’eṯ-bənê yiśərā’ēl wəyiqəḥû ’ēleyḵā šemen zayiṯ zāḵə kāṯîṯ lammā’wōr ləh^a‘ălōṯ nēr tāmîḏ:

3 miḥûṣ ləfārōḵeṯ hā‘ēḏuṯ bə’ōhel mwō‘ēḏ y^a‘ărōḵə ’ōṯwō ’ahărōn mē‘ereḇ ‘aḏ-bōqer lifənê yəhwâ tāmîḏ ḥuqqaṯ ‘wōlām ləḏōrōṯêḵem:

4 ‘al hammənōrâ haṭṭəhōrâ y^a‘ărōḵə ’eṯ-hannērwōṯ lifənê yəhwâ tāmîḏ: f

5 wəlāq^aḥətā sōleṯ wə’āfîṯā ’ōṯāh šətêm ‘eśərēh ḥallwōṯ šənê ‘eśərōnîm yihəyeh h^aḥallâ hā’eḥāṯ:

6 wəśamətā ’wōṯām šətayim m^a‘ărāḵwōṯ šēš hamm^a‘ărāḵeṯ ‘al haššuləḥān haṭṭâōr lifənê yəhwâ:

7 wənāṯatā ‘al-hamm^a‘ăreḵeṯ ləḇōnâ zakâ wəhāyəṯâ lalleḥem lə’azəkārâ ’iššeh layhwâ:

8 bəywōm haššabāṯ bəywōm haššabāṯ y^a‘arəḵennû lifənê yəhwâ tāmîḏ mē’ēṯ bənê-yiśərā’ēl bərîṯ ‘wōlām:

9 wəhāyəṯâ lə’ahărōn ûləḇānāyw wa’ăḵāluhû bəmāqwōm qāḏōš kî qōḏeš qāḏāšîm hû’ lwō mē’iššê yəhwâ ḥāq-‘wōlām: s

10 wayyēṣē’ ben-’iššâ yiśərə’ēlîṯ wəhû’ ben-’îš miṣərî bəṯwōḵə bənê yiśərā’ēl wayyinnāṣû bamm^aḥăneh ben hayyiśərə’ēlîṯ wə’îš hayyiśərə’ēlî:

11 wayyiqqōḇ ben-hā’iššâ hayyiśərə’ēlîṯ ’eṯ-haššēm wayəqallēl wayyāḇî’û ’ōṯwō ’el-mōšeh wəšēm ’immwō šəlōmîṯ baṯ-diḇərî ləmaṭṭēh-ḏān:

12 wayyannîḥuhû bammišəmār lifərōš lâem ‘al-pî yəhwâ: f

13 wayəḏabēr yəhwâ ’el-mōšeh llē’mōr:

14 hwōṣē’ ’eṯ-haməqallēl ’el-miḥûṣ lamm^aḥăneh wəsāməḵû ḵāl-haššōmə‘îm ’eṯ-yəḏêhem ‘al-rō’šwō wərāḡəmû ’ōṯwō kāl-hā‘ēḏâ:

15 wə’el-bənê yiśərā’ēl təḏabēr lē’mōr ’îš ’îš kî-yəqallēl ’ĕlōhāyw wənāśā’ ḥeṭə’wō:

16 wənōqēḇ šēm-yəhwâ mwōṯ yûmāṯ rāḡwōm yirəgəmû-ḇwō kāl-hā‘ēḏâ kagēr kā’ezərāḥ bənāqəḇwō-šēm yûmāṯ:

17 wə’îš kî yakeh kāl-nefeš ’āḏām mwōṯ yûmāṯ:

18 ûmakēh nefeš-bəhēmâ yəšalləmennâ nefeš t^aḥaṯ nāfeš:

19 wə’îš kî-yitēn mûm b^a‘ămîṯwō ka’ăšer ‘āśâ kēn yē‘āśeh llwō:

20 šeḇer t^aḥaṯ šeḇer ‘ayin t^aḥaṯ ‘ayin šēn t^aḥaṯ šēn ka’ăšer yitēn mûm bā’āḏām kēn yinnāṯen bwō:

21 ûmakēh ḇəhēmâ yəšalləmennâ ûmakēh ’āḏām yûmāṯ:

22 mišəpaṭ ’eḥāḏ yihəyeh lāḵem kagēr kā’ezərāḥ yihəyeh kî ’ănî yəhwâ ’ĕlōhêḵem:

23 wayəḏabēr mōšeh ’el-bənê yiśərā’ēl wayywōṣî’û ’eṯ-haməqallēl ’el-miḥûṣ lamm^aḥăneh wayyirəgəmû ’ōṯwō ’āḇen ûḇənê-yiśərā’ēl ‘āśû ka’ăšer ṣiûâ yəhwâ ’eṯ-mōšeh: f

‎1 ‏וַיְדַבֵּ֤ר יְהוָה֙ אֶל־מֹשֶׁ֔ה בְּהַ֥ר סִינַ֖י לֵאמֹֽר׃

‎2 ‏דַּבֵּ֞ר אֶל־בְּנֵ֤י יִשְׂרָאֵל֙ וְאָמַרְתָּ֣ אֲלֵהֶ֔ם כִּ֤י תָבֹ֙אוּ֙ אֶל־הָאָ֔רֶץ אֲשֶׁ֥ר אֲנִ֖י נֹתֵ֣ן לָכֶ֑ם וְשָׁבְתָ֣ה הָאָ֔רֶץ שַׁבָּ֖ת לַיהוָֽה׃

‎3 ‏שֵׁ֤שׁ שָׁנִים֙ תִּזְרַ֣ע שָׂדֶ֔ךָ וְשֵׁ֥שׁ שָׁנִ֖ים תִּזְמֹ֣ר כַּרְמֶ֑ךָ וְאָסַפְתָּ֖ אֶת־תְּבוּאָתָֽהּ׃

‎4 ‏וּבַשָּׁנָ֣ה הַשְּׁבִיעִ֗ת שַׁבַּ֤ת שַׁבָּתוֹן֙ יִהְיֶ֣ה לָאָ֔רֶץ שַׁבָּ֖ת לַיהוָ֑ה שָֽׂדְךָ֙ לֹ֣א תִזְרָ֔ע וְכַרְמְךָ֖ לֹ֥א תִזְמֹֽר׃

‎5 ‏אֵ֣ת סְפִ֤יחַ קְצִֽירְךָ֙ לֹ֣א תִקְצ֔וֹר וְאֶת־עִנְּבֵ֥י נְזִירֶ֖ךָ לֹ֣א תִבְצֹ֑ר שְׁנַ֥ת שַׁבָּת֖וֹן יִהְיֶ֥ה לָאָֽרֶץ׃

‎6 ‏וְ֠הָיְתָה שַׁבַּ֨ת הָאָ֤רֶץ לָכֶם֙ לְאָכְלָ֔ה לְךָ֖ וּלְעַבְדְּךָ֣ וְלַאֲמָתֶ֑ךָ וְלִשְׂכִֽירְךָ֙ וּלְתוֹשָׁ֣בְךָ֔ הַגָּרִ֖ים עִמָּֽךְ׃

‎7 ‏וְלִ֨בְהֶמְתְּךָ֔ וְלַֽחַיָּ֖ה אֲשֶׁ֣ר בְּאַרְצֶ֑ךָ תִּהְיֶ֥ה כָל־תְּבוּאָתָ֖הּ לֶאֱכֹֽל׃ ס

‎8 ‏וְסָפַרְתָּ֣ לְךָ֗ שֶׁ֚בַע שַׁבְּתֹ֣ת שָׁנִ֔ים שֶׁ֥בַע שָׁנִ֖ים שֶׁ֣בַע פְּעָמִ֑ים וְהָי֣וּ לְךָ֗ יְמֵי֙ שֶׁ֚בַע שַׁבְּתֹ֣ת הַשָּׁנִ֔ים תֵּ֥שַׁע וְאַרְבָּעִ֖ים שָׁנָֽה׃

‎9 ‏וְהַֽעֲבַרְתָּ֞ שׁוֹפַ֤ר תְּרוּעָה֙ בַּחֹ֣דֶשׁ הַשְּׁבִעִ֔י בֶּעָשׂ֖וֹר לַחֹ֑דֶשׁ בְּיוֹם֙ הַכִּפֻּרִ֔ים תַּעֲבִ֥ירוּ שׁוֹפָ֖ר בְּכָל־אַרְצְכֶֽם׃

‎10 ‏וְקִדַּשְׁתֶּ֗ם אֵ֣ת שְׁנַ֤ת הַחֲמִשִּׁים֙ שָׁנָ֔ה וּקְרָאתֶ֥ם דְּר֛וֹר בָּאָ֖רֶץ לְכָל־יֹשְׁבֶ֑יהָ יוֹבֵ֥ל הִוא֙ תִּהְיֶ֣ה לָכֶ֔ם וְשַׁבְתֶּ֗ם אִ֚ישׁ אֶל־אֲחֻזָּת֔וֹ וְאִ֥ישׁ אֶל־מִשְׁפַּחְתּ֖וֹ תָּשֻֽׁבוּ׃

‎11 ‏יוֹבֵ֣ל הִ֗וא שְׁנַ֛ת הַחֲמִשִּׁ֥ים שָׁנָ֖ה תִּהְיֶ֣ה לָכֶ֑ם לֹ֣א תִזְרָ֔עוּ וְלֹ֤א תִקְצְרוּ֙ אֶת־סְפִיחֶ֔יהָ וְלֹ֥א תִבְצְר֖וּ אֶת־נְזִרֶֽיהָ׃

‎12 ‏כִּ֚י יוֹבֵ֣ל הִ֔וא קֹ֖דֶשׁ תִּהְיֶ֣ה לָכֶ֑ם מִן־הַ֨שָּׂדֶ֔ה תֹּאכְל֖וּ אֶת־תְּבוּאָתָֽהּ׃

‎13 ‏בִּשְׁנַ֥ת הַיּוֹבֵ֖ל הַזֹּ֑את תָּשֻׁ֕בוּ אִ֖ישׁ אֶל־אֲחֻזָּתֽוֹ׃

‎14 ‏וְכִֽי־תִמְכְּר֤וּ מִמְכָּר֙ לַעֲמִיתֶ֔ךָ א֥וֹ קָנֹ֖ה מִיַּ֣ד עֲמִיתֶ֑ךָ אַל־תּוֹנ֖וּ אִ֥ישׁ אֶת־אָחִֽיו׃

‎15 ‏בְּמִסְפַּ֤ר שָׁנִים֙ אַחַ֣ר הַיּוֹבֵ֔ל תִּקְנֶ֖ה מֵאֵ֣ת עֲמִיתֶ֑ךָ בְּמִסְפַּ֥ר שְׁנֵֽי־תְבוּאֹ֖ת יִמְכָּר־לָֽךְ׃

‎16 ‏לְפִ֣י׀ רֹ֣ב הַשָּׁנִ֗ים תַּרְבֶּה֙ מִקְנָת֔וֹ וּלְפִי֙ מְעֹ֣ט הַשָּׁנִ֔ים תַּמְעִ֖יט מִקְנָת֑וֹ כִּ֚י מִסְפַּ֣ר תְּבוּאֹ֔ת ה֥וּא מֹכֵ֖ר לָֽךְ׃

‎17 ‏וְלֹ֤א תוֹנוּ֙ אִ֣ישׁ אֶת־עֲמִית֔וֹ וְיָרֵ֖אתָ מֵֽאֱלֹהֶ֑יךָ כִּ֛י אֲנִ֥י יְהוָֹ֖ה אֱלֹהֵיכֶֽם׃

‎18 ‏וַעֲשִׂיתֶם֙ אֶת־חֻקֹּתַ֔י וְאֶת־מִשְׁפָּטַ֥י תִּשְׁמְר֖וּ וַעֲשִׂיתֶ֣ם אֹתָ֑ם וִֽישַׁבְתֶּ֥ם עַל־הָאָ֖רֶץ לָבֶֽטַח׃

‎19 ‏וְנָתְנָ֤ה הָאָ֙רֶץ֙ פִּרְיָ֔הּ וַאֲכַלְתֶּ֖ם לָשֹׂ֑בַע וִֽישַׁבְתֶּ֥ם לָבֶ֖טַח עָלֶֽיהָ׃

‎20 ‏וְכִ֣י תֹאמְר֔וּ מַה־נֹּאכַ֖ל³ בַּשָּׁנָ֣ה הַשְּׁבִיעִ֑ת הֵ֚ן לֹ֣א נִזְרָ֔ע וְלֹ֥א נֶאֱסֹ֖ף אֶת־תְּבוּאָתֵֽנוּ׃

‎21 ‏וְצִוִּ֤יתִי אֶת־בִּרְכָתִי֙ לָכֶ֔ם בַּשָּׁנָ֖ה הַשִּׁשִּׁ֑ית וְעָשָׂת֙ אֶת־הַתְּבוּאָ֔ה לִשְׁלֹ֖שׁ הַשָּׁנִֽים׃

‎22 ‏וּזְרַעְתֶּ֗ם אֵ֚ת הַשָּׁנָ֣ה הַשְּׁמִינִ֔ת וַאֲכַלְתֶּ֖ם מִן־הַתְּבוּאָ֣ה יָשָׁ֑ן עַ֣ד׀ הַשָּׁנָ֣ה הַתְּשִׁיעִ֗ת עַד־בּוֹא֙ תְּב֣וּאָתָ֔הּ תֹּאכְל֖וּ יָשָֽׁן׃

‎23 ‏וְהָאָ֗רֶץ לֹ֤א תִמָּכֵר֙ לִצְמִתֻ֔ת כִּי־לִ֖י הָאָ֑רֶץ כִּֽי־גֵרִ֧ים וְתוֹשָׁבִ֛ים אַתֶּ֖ם עִמָּדִֽי׃

‎24 ‏וּבְכֹ֖ל אֶ֣רֶץ אֲחֻזַּתְכֶ֑ם גְּאֻלָּ֖ה תִּתְּנ֥וּ לָאָֽרֶץ׃ ס

‎25 ‏כִּֽי־יָמ֣וּךְ אָחִ֔יךָ וּמָכַ֖ר מֵאֲחֻזָּת֑וֹ וּבָ֤א גֹֽאֲלוֹ֙ הַקָּרֹ֣ב אֵלָ֔יו וְגָאַ֕ל אֵ֖ת מִמְכַּ֥ר אָחִֽיו׃

‎26 ‏וְאִ֕ישׁ כִּ֛י לֹ֥א יִֽהְיֶה־לּ֖וֹ גֹּאֵ֑ל וְהִשִּׂ֣יגָה יָד֔וֹ וּמָצָ֖א כְּדֵ֥י גְאֻלָּתֽוֹ׃

‎27 ‏וְחִשַּׁב֙ אֶת־שְׁנֵ֣י מִמְכָּר֔וֹ וְהֵשִׁיב֙ אֶת־הָ֣עֹדֵ֔ף לָאִ֖ישׁ אֲשֶׁ֣ר מָֽכַר־ל֑וֹ וְשָׁ֖ב לַאֲחֻזָּתֽוֹ׃

‎28 ‏וְאִ֨ם לֹֽא־מָֽצְאָ֜ה יָד֗וֹ דֵּי֮ הָשִׁ֣יב לוֹ֒ וְהָיָ֣ה מִמְכָּר֗וֹ בְּיַד֙ הַקֹּנֶ֣ה אֹת֔וֹ עַ֖ד שְׁנַ֣ת הַיּוֹבֵ֑ל וְיָצָא֙ בַּיֹּבֵ֔ל וְשָׁ֖ב לַאֲחֻזָּתֽוֹ׃

‎29 ‏וְאִ֗ישׁ כִּֽי־יִמְכֹּ֤ר בֵּית־מוֹשַׁב֙ עִ֣יר חוֹמָ֔ה וְהָיְתָה֙ גְּאֻלָּת֔וֹ עַד־תֹּ֖ם שְׁנַ֣ת מִמְכָּר֑וֹ יָמִ֖ים תִּהְיֶ֥ה גְאֻלָּתֽוֹ׃

‎30 ‏וְאִ֣ם לֹֽא־יִגָּאֵ֗ל עַד־מְלֹ֣את לוֹ֮ שָׁנָ֣ה תְמִימָה֒ וְ֠קָם הַבַּ֨יִת אֲשֶׁר־בָּעִ֜יר אֲשֶׁר־לא ל֣וֹ חֹמָ֗ה לַצְּמִיתֻ֛ת לַקֹּנֶ֥ה אֹת֖וֹ לְדֹרֹתָ֑יו לֹ֥א יֵצֵ֖א בַּיֹּבֵֽל׃

‎31 ‏וּבָתֵּ֣י הַחֲצֵרִ֗ים אֲשֶׁ֨ר אֵין־לָהֶ֤ם חֹמָה֙ סָבִ֔יב עַל־שְׂדֵ֥ה הָאָ֖רֶץ יֵחָשֵׁ֑ב גְּאֻלָּה֙ תִּהְיֶה־לּ֔וֹ וּבַיֹּבֵ֖ל יֵצֵֽא׃

‎32 ‏וְעָרֵי֙ הַלְוִיִּ֔ם בָּתֵּ֖י עָרֵ֣י אֲחֻזָּתָ֑ם גְּאֻלַּ֥ת עוֹלָ֖ם תִּהְיֶ֥ה לַלְוִיִּֽם׃

‎33 ‏וַאֲשֶׁ֤ר יִגְאַל֙ מִן־הַלְוִיִּ֔ם וְיָצָ֧א מִמְכַּר־בַּ֛יִת וְעִ֥יר אֲחֻזָּת֖וֹ בַּיֹּבֵ֑ל כִּ֣י בָתֵּ֞י עָרֵ֣י הַלְוִיִּ֗ם הִ֚וא אֲחֻזָּתָ֔ם בְּת֖וֹךְ בְּנֵ֥י יִשְׂרָאֵֽל׃

‎34 ‏וּֽשְׂדֵ֛ה מִגְרַ֥שׁ עָרֵיהֶ֖ם לֹ֣א יִמָּכֵ֑ר כִּֽי־אֲחֻזַּ֥ת עוֹלָ֛ם ה֖וּא לָהֶֽם׃ ס

‎35 ‏וְכִֽי־יָמ֣וּךְ אָחִ֔יךָ וּמָ֥טָה יָד֖וֹ עִמָּ֑ךְ וְהֶֽחֱזַ֣קְתָּ בּ֔וֹ גֵּ֧ר וְתוֹשָׁ֛ב וָחַ֖י עִמָּֽךְ׃

‎36 ‏אַל־תִּקַּ֤ח מֵֽאִתּוֹ֙ נֶ֣שֶׁךְ וְתַרְבִּ֔ית וְיָרֵ֖אתָ מֵֽאֱלֹהֶ֑יךָ וְחֵ֥י אָחִ֖יךָ עִמָּֽךְ׃

‎37 ‏אֶ֨ת־כַּסְפְּךָ֔ לֹֽא־תִתֵּ֥ן ל֖וֹ בְּנֶ֑שֶׁךְ וּבְמַרְבִּ֖ית לֹא־תִתֵּ֥ן אָכְלֶֽךָ׃

‎38 ‏אֲנִ֗י יְהוָה֙ אֱלֹ֣הֵיכֶ֔ם אֲשֶׁר־הוֹצֵ֥אתִי אֶתְכֶ֖ם מֵאֶ֣רֶץ מִצְרָ֑יִם לָתֵ֤ת לָכֶם֙ אֶת־אֶ֣רֶץ כְּנַ֔עַן לִהְי֥וֹת לָכֶ֖ם לֵאלֹהִֽים׃ ס

‎39 ‏וְכִֽי־יָמ֥וּךְ אָחִ֛יךָ עִמָּ֖ךְ וְנִמְכַּר־לָ֑ךְ לֹא־תַעֲבֹ֥ד בּ֖וֹ עֲבֹ֥דַת עָֽבֶד׃

‎40 ‏כְּשָׂכִ֥יר כְּתוֹשָׁ֖ב יִהְיֶ֣ה עִמָּ֑ךְ עַד־שְׁנַ֥ת הַיֹּבֵ֖ל יַעֲבֹ֥ד עִמָּֽךְ׃

‎41 ‏וְיָצָא֙ מֵֽעִמָּ֔ךְ ה֖וּא וּבָנָ֣יו עִמּ֑וֹ וְשָׁב֙ אֶל־מִשְׁפַּחְתּ֔וֹ וְאֶל־אֲחֻזַּ֥ת אֲבֹתָ֖יו יָשֽׁוּב׃

‎42 ‏כִּֽי־עֲבָדַ֣י הֵ֔ם אֲשֶׁר־הוֹצֵ֥אתִי אֹתָ֖ם מֵאֶ֣רֶץ מִצְרָ֑יִם לֹ֥א יִמָּכְר֖וּ מִמְכֶּ֥רֶת עָֽבֶד׃

‎43 ‏לֹא־תִרְדֶּ֥ה ב֖וֹ בְּפָ֑רֶךְ וְיָרֵ֖אתָ מֵאֱלֹהֶֽיךָ׃

‎44 ‏וְעַבְדְּךָ֥ וַאֲמָתְךָ֖ אֲשֶׁ֣ר יִהְיוּ־לָ֑ךְ מֵאֵ֣ת הַגּוֹיִ֗ם אֲשֶׁר֙ סְבִיבֹ֣תֵיכֶ֔ם מֵהֶ֥ם תִּקְנ֖וּ עֶ֥בֶד וְאָמָֽה׃

‎45 ‏וְ֠גַם מִבְּנֵ֨י הַתּוֹשָׁבִ֜ים הַגָּרִ֤ים עִמָּכֶם֙ מֵהֶ֣ם תִּקְנ֔וּ וּמִמִּשְׁפַּחְתָּם֙ אֲשֶׁ֣ר עִמָּכֶ֔ם אֲשֶׁ֥ר הוֹלִ֖ידוּ בְּאַרְצְכֶ֑ם וְהָי֥וּ לָכֶ֖ם לַֽאֲחֻזָּֽה׃

‎46 ‏וְהִתְנַחֲלְתֶּ֨ם¹ אֹתָ֜ם לִבְנֵיכֶ֤ם אַחֲרֵיכֶם֙ לָרֶ֣שֶׁת אֲחֻזָּ֔ה לְעֹלָ֖ם בָּהֶ֣ם תַּעֲבֹ֑דוּ וּבְאַ֨חֵיכֶ֤ם בְּנֵֽי־יִשְׂרָאֵל֙ אִ֣ישׁ בְּאָחִ֔יו לֹא־תִרְדֶּ֥ה ב֖וֹ בְּפָֽרֶךְ׃ ס

‎47 ‏וְכִ֣י תַשִּׂ֗יג יַ֣ד גֵּ֤ר וְתוֹשָׁב֙ עִמָּ֔ךְ וּמָ֥ךְ אָחִ֖יךָ עִמּ֑וֹ וְנִמְכַּ֗ר לְגֵ֤ר תּוֹשָׁב֙ עִמָּ֔ךְ א֥וֹ לְעֵ֖קֶר מִשְׁפַּ֥חַת גֵּֽר׃

‎48 ‏אַחֲרֵ֣י נִמְכַּ֔ר גְּאֻלָּ֖ה תִּהְיֶה־לּ֑וֹ אֶחָ֥ד מֵאֶחָ֖יו יִגְאָלֶֽנּוּ׃

‎49 ‏אוֹ־דֹד֞וֹ א֤וֹ בֶן־דֹּדוֹ֙ יִגְאָלֶ֔נּוּ אֽוֹ־מִשְּׁאֵ֧ר בְּשָׂר֛וֹ מִמִּשְׁפַּחְתּ֖וֹ יִגְאָלֶ֑נּוּ אֽוֹ־הִשִּׂ֥יגָה יָד֖וֹ וְנִגְאָֽל׃

‎50 ‏וְחִשַּׁב֙ עִם־קֹנֵ֔הוּ מִשְּׁנַת֙ הִמָּ֣כְרוֹ ל֔וֹ עַ֖ד שְׁנַ֣ת הַיֹּבֵ֑ל וְהָיָ֞ה כֶּ֤סֶף מִמְכָּרוֹ֙ בְּמִסְפַּ֣ר שָׁנִ֔ים כִּימֵ֥י שָׂכִ֖יר יִהְיֶ֥ה עִמּֽוֹ׃

‎51 ‏אִם־ע֥וֹד רַבּ֖וֹת בַּשָּׁנִ֑ים לְפִיהֶן֙ יָשִׁ֣יב גְּאֻלָּת֔וֹ מִכֶּ֖סֶף מִקְנָתֽוֹ׃

‎52 ‏וְאִם־מְעַ֞ט נִשְׁאַ֧ר בַּשָּׁנִ֛ים עַד־שְׁנַ֥ת הַיֹּבֵ֖ל וְחִשַּׁב־ל֑וֹ כְּפִ֣י שָׁנָ֔יו יָשִׁ֖יב אֶת־גְּאֻלָּתֽוֹ׃

‎53 ‏כִּשְׂכִ֥יר שָׁנָ֛ה בְּשָׁנָ֖ה יִהְיֶ֣ה עִמּ֑וֹ לֹֽא־יִרְדֶּ֥נּֽוּ³ בְּפֶ֖רֶךְ לְעֵינֶֽיךָ׃

‎54 ‏וְאִם־לֹ֥א יִגָּאֵ֖ל בְּאֵ֑לֶּה וְיָצָא֙ בִּשְׁנַ֣ת הַיֹּבֵ֔ל ה֖וּא וּבָנָ֥יו עִמּֽוֹ׃

‎55 ‏כִּֽי־לִ֤י בְנֵֽי־יִשְׂרָאֵל֙ עֲבָדִ֔ים עֲבָדַ֣י הֵ֔ם אֲשֶׁר־הוֹצֵ֥אתִי אוֹתָ֖ם מֵאֶ֣רֶץ מִצְרָ֑יִם אֲנִ֖י יְהוָ֥ה אֱלֹהֵיכֶֽם׃

1 wayəḏabēr yəhwâ ’el-mōšeh bəhar sînay lē’mōr:

2 dabēr ’el-bənê yiśərā’ēl wə’āmarətā ’ălēhem kî ṯāḇō’û ’el-hā’āreṣ ’ăšer ’ănî nōṯēn lāḵem wəšāḇəṯâ hā’āreṣ šabāṯ layhwâ:

3 šēš šānîm tizər^a‘ śāḏeḵā wəšēš šānîm tizəmōr karəmeḵā wə’āsafətā ’eṯ-təḇû’āṯāh:

4 ûḇaššānâ haššəḇî‘iṯ šabaṯ šabāṯwōn yihəyeh lā’āreṣ šabāṯ layhwâ śāḏəḵā lō’ ṯizərā‘ wəḵarəməḵā lō’ ṯizəmōr:

5 ’ēṯ səfîḥa qəṣîrəḵā lō’ ṯiqəṣwōr wə’eṯ-‘innəḇê nəzîreḵā lō’ ṯiḇəṣōr šənaṯ šabāṯwōn yihəyeh lā’āreṣ:

6 wəhāyəṯâ šabaṯ hā’āreṣ lāḵem lə’āḵəlâ ləḵā ûlə‘aḇədəḵā wəla’ămāṯeḵā wəliśəḵîrəḵā ûləṯwōšāḇəḵā hagārîm ‘immāḵə:

7 wəliḇəhemətəḵā wəl^aḥayyâ ’ăšer bə’arəṣeḵā tihəyeh ḵāl-təḇû’āṯāh le’ĕḵōl: s

8 wəsāfarətā ləḵā šeḇ^a‘ šabəṯōṯ šānîm šeḇ^a‘ šānîm šeḇ^a‘ pə‘āmîm wəhāyû ləḵā yəmê šeḇ^a‘ šabəṯōṯ haššānîm tēš^a‘ wə’arəbā‘îm šānâ:

9 wəh^a‘ăḇarətā šwōfar tərû‘â b^aḥōḏeš haššəḇi‘î be‘āśwōr l^aḥōḏeš bəywōm hakipurîm t^a‘ăḇîrû šwōfār bəḵāl-’arəṣəḵem:

10 wəqidašətem ’ēṯ šənaṯ h^aḥămiššîm šānâ ûqərā’ṯem dərwōr bā’āreṣ ləḵāl-yōšəḇeyhā ywōḇēl hiw’ tihəyeh lāḵem wəšaḇətem ’îš ’el-’ăḥuzzāṯwō wə’îš ’el-mišəp^aḥətwō tāšuḇû:

11 ywōḇēl hiw’ šənaṯ h^aḥămiššîm šānâ tihəyeh lāḵem lō’ ṯizərā‘û wəlō’ ṯiqəṣərû ’eṯ-səfîḥeyhā wəlō’ ṯiḇəṣərû ’eṯ-nəzireyhā:

12 kî ywōḇēl hiw’ qōḏeš tihəyeh lāḵem min-haśśāḏeh tō’ḵəlû ’eṯ-təḇû’āṯāh:

13 bišənaṯ hayywōḇēl hazzō’ṯ tāšuḇû ’îš ’el-’ăḥuzzāṯwō:

14 wəḵî-ṯiməkərû miməkār l^a‘ămîṯeḵā ’wō qānōh mîyaḏ ‘ămîṯeḵā ’al-twōnû ’îš ’eṯ-’āḥîw:

15 bəmisəpar šānîm ’^aḥar hayywōḇēl tiqəneh mē’ēṯ ‘ămîṯeḵā bəmisəpar šənê-ṯəḇû’ōṯ yiməkār-lāḵə:

16 ləfî| rōḇ haššānîm tarəbeh miqənāṯwō ûləfî mə‘ōṭ haššānîm tamə‘îṭ miqənāṯwō kî misəpar təḇû’ōṯ hû’ mōḵēr lāḵə:

17 wəlō’ ṯwōnû ’îš ’eṯ-‘ămîṯwō wəyārē’ṯā mē’ĕlōheyḵā kî ’ănî yəhwōâ ’ĕlōhêḵem:

18 w^a‘ăśîṯem ’eṯ-ḥuqqōṯay wə’eṯ-mišəpāṭay tišəmərû w^a‘ăśîṯem ’ōṯām wîšaḇətem ‘al-hā’āreṣ lāḇeṭ^aḥ:

19 wənāṯənâ hā’āreṣ pirəyāh wa’ăḵalətem lāśōḇ^a‘ wîšaḇətem lāḇeṭ^aḥ ‘āleyhā:

20 wəḵî ṯō’mərû mah-nnō’ḵal³ baššānâ haššəḇî‘iṯ hēn lō’ nizərā‘ wəlō’ ne’ĕsōf ’eṯ-təḇû’āṯēnû:

21 wəṣiûîṯî ’eṯ-birəḵāṯî lāḵem baššānâ haššiššîṯ wə‘āśāṯ ’eṯ-hatəḇû’â lišəlōš haššānîm:

22 ûzər^a‘ətem ’ēṯ haššānâ haššəmîniṯ wa’ăḵalətem min-hatəḇû’â yāšān ‘aḏ| haššānâ hatəšî‘iṯ ‘aḏ-bwō’ təḇû’āṯāh tō’ḵəlû yāšān:

23 wəhā’āreṣ lō’ ṯimmāḵēr liṣəmiṯuṯ kî-lî hā’āreṣ kî-ḡērîm wəṯwōšāḇîm ’atem ‘immāḏî:

24 ûḇəḵōl ’ereṣ ’ăḥuzzaṯəḵem gə’ullâ titənû lā’āreṣ: s

25 kî-yāmûḵə ’āḥîḵā ûmāḵar mē’ăḥuzzāṯwō ûḇā’ ḡō’ălwō haqqārōḇ ’ēlāyw wəḡā’al ’ēṯ miməkar ’āḥîw:

26 wə’îš kî lō’ yihəyeh-llwō gō’ēl wəhiśśîḡâ yāḏwō ûmāṣā’ kəḏê ḡə’ullāṯwō:

27 wəḥiššaḇ ’eṯ-šənê miməkārwō wəhēšîḇ ’eṯ-hā‘ōḏēf lā’îš ’ăšer māḵar-lwō wəšāḇ la’ăḥuzzāṯwō:

28 wə’im lō’-māṣə’â yāḏwō dê hāšîḇ lwō wəhāyâ miməkārwō bəyaḏ haqqōneh ’ōṯwō ‘aḏ šənaṯ hayywōḇēl wəyāṣā’ bayyōḇēl wəšāḇ la’ăḥuzzāṯwō:

29 wə’îš kî-yiməkōr bêṯ-mwōšaḇ ‘îr ḥwōmâ wəhāyəṯâ gə’ullāṯwō ‘aḏ-tōm šənaṯ miməkārwō yāmîm tihəyeh ḡə’ullāṯwō:

30 wə’im lō’-yigā’ēl ‘aḏ-məlō’ṯ lwō šānâ ṯəmîmâ wəqām habayiṯ ’ăšer-bā‘îr ’ăšer-lō’ lwō ḥōmâ laṣṣəmîṯuṯ laqqōneh ’ōṯwō ləḏōrōṯāyw lō’ yēṣē’ bayyōḇēl:

31 ûḇātê h^aḥăṣērîm ’ăšer ’ên-lâem ḥōmâ sāḇîḇ ‘al-śəḏēh hā’āreṣ yēḥāšēḇ gə’ullâ tihəyeh-llwō ûḇayyōḇēl yēṣē’:

32 wə‘ārê haləwîyim bātê ‘ārê ’ăḥuzzāṯām gə’ullaṯ ‘wōlām tihəyeh laləwîyim:

33 wa’ăšer yiḡə’al min-haləwîyim wəyāṣā’ miməkar-bayiṯ wə‘îr ’ăḥuzzāṯwō bayyōḇēl kî ḇātê ‘ārê haləwîyim hiw’ ’ăḥuzzāṯām bəṯwōḵə bənê yiśərā’ēl:

34 ûśəḏēh miḡəraš ‘ārêhem lō’ yimmāḵēr kî-’ăḥuzzaṯ ‘wōlām hû’ lâem: s

35 wəḵî-yāmûḵə ’āḥîḵā ûmāṭâ yāḏwō ‘immāḵə wəheḥĕzaqətā bwō gēr wəṯwōšāḇ wāḥay ‘immāḵə:

36 ’al-tiqq^aḥ mē’itwō nešeḵə wəṯarəbîṯ wəyārē’ṯā mē’ĕlōheyḵā wəḥê ’āḥîḵā ‘immāḵə:

37 ’eṯ-kasəpəḵā lō’-ṯitēn lwō bənešeḵə ûḇəmarəbîṯ lō’-ṯitēn ’āḵəleḵā:

38 ’ănî yəhwâ ’ĕlōhêḵem ’ăšer-hwōṣē’ṯî ’eṯəḵem mē’ereṣ miṣərāyim lāṯēṯ lāḵem ’eṯ-’ereṣ kən^a‘an lihəywōṯ lāḵem lē’lōhîm: s

39 wəḵî-yāmûḵə ’āḥîḵā ‘immāḵə wəniməkar-lāḵə lō’-ṯ^a‘ăḇōḏ bwō ‘ăḇōḏaṯ ‘āḇeḏ:

40 kəśāḵîr kəṯwōšāḇ yihəyeh ‘immāḵə ‘aḏ-šənaṯ hayyōḇēl y^a‘ăḇōḏ ‘immāḵə:

41 wəyāṣā’ mē‘immāḵə hû’ ûḇānāyw ‘immwō wəšāḇ ’el-mišəp^aḥətwō wə’el-’ăḥuzzaṯ ’ăḇōṯāyw yāšûḇ:

42 kî-‘ăḇāḏay hēm ’ăšer-hwōṣē’ṯî ’ōṯām mē’ereṣ miṣərāyim lō’ yimmāḵərû miməkereṯ ‘āḇeḏ:

43 lō’-ṯirədeh ḇwō bəfāreḵə wəyārē’ṯā mē’ĕlōheyḵā:

44 wə‘aḇədəḵā wa’ămāṯəḵā ’ăšer yihəyû-lāḵə mē’ēṯ hagwōyim ’ăšer səḇîḇōṯêḵem mēhem tiqənû ‘eḇeḏ wə’āmâ:

45 wəḡam mibənê hatwōšāḇîm hagārîm ‘immāḵem mēhem tiqənû ûmimmišəp^aḥətām ’ăšer ‘immāḵem ’ăšer hwōlîḏû bə’arəṣəḵem wəhāyû lāḵem la’ăḥuzzâ:

46 wəhiṯən^aḥălətem¹ ’ōṯām liḇənêḵem ’^aḥărêḵem lārešeṯ ’ăḥuzzâ lə‘ōlām bâem t^a‘ăḇōḏû ûḇə’^aḥêḵem bənê-yiśərā’ēl ’îš bə’āḥîw lō’-ṯirədeh ḇwō bəfāreḵə: s

47 wəḵî ṯaśśîḡ yaḏ gēr wəṯwōšāḇ ‘immāḵə ûmāḵə ’āḥîḵā ‘immwō wəniməkar ləḡēr twōšāḇ ‘immāḵə ’wō lə‘ēqer mišəp^aḥaṯ gēr:

48 ’^aḥărê niməkar gə’ullâ tihəyeh-llwō ’eḥāḏ mē’eḥāyw yiḡə’ālennû:

49 ’wō-ḏōḏwō ’wō ḇen-dōḏwō yiḡə’ālennû ’wō-miššə’ēr bəśārwō mimmišəp^aḥətwō yiḡə’ālennû ’wō-hiśśîḡâ yāḏwō wəniḡə’āl:

50 wəḥiššaḇ ‘im-qōnēhû miššənaṯ himmāḵərwō lwō ‘aḏ šənaṯ hayyōḇēl wəhāyâ kesef miməkārwō bəmisəpar šānîm kîmê śāḵîr yihəyeh ‘immwō:

51 ’im-‘wōḏ rabwōṯ baššānîm ləfîhen yāšîḇ gə’ullāṯwō mikesef miqənāṯwō:

52 wə’im-mə‘aṭ nišə’ar baššānîm ‘aḏ-šənaṯ hayyōḇēl wəḥiššaḇ-lwō kəfî šānāyw yāšîḇ ’eṯ-gə’ullāṯwō:

53 kiśəḵîr šānâ bəšānâ yihəyeh ‘immwō lō’-yirədennû³ bəfereḵə lə‘êneyḵā:

54 wə’im-lō’ yigā’ēl bə’ēlleh wəyāṣā’ bišənaṯ hayyōḇēl hû’ ûḇānāyw ‘immwō:

55 kî-lî ḇənê-yiśərā’ēl ‘ăḇāḏîm ‘ăḇāḏay hēm ’ăšer-hwōṣē’ṯî ’wōṯām mē’ereṣ miṣərāyim ’ănî yəhwâ ’ĕlōhêḵem:

‎1 ‏לֹֽא־תַעֲשׂ֨וּ לָכֶ֜ם אֱלִילִ֗ם וּפֶ֤סֶל וּמַצֵּבָה֙ לֹֽא־תָקִ֣ימוּ לָכֶ֔ם וְאֶ֣בֶן מַשְׂכִּ֗ית לֹ֤א תִתְּנוּ֙ בְּאַרְצְכֶ֔ם לְהִֽשְׁתַּחֲוֹ֖ת עָלֶ֑יהָ כִּ֛י אֲנִ֥י יְהוָ֖ה אֱלֹהֵיכֶֽם׃

‎2 ‏אֶת־שַׁבְּתֹתַ֣י תִּשְׁמֹ֔רוּ וּמִקְדָּשִׁ֖י תִּירָ֑אוּ אֲנִ֖י יְהוָֽה׃ ס

‎3 ‏אִם־בְּחֻקֹּתַ֖י תֵּלֵ֑כוּ וְאֶת־מִצְוֹתַ֣י תִּשְׁמְר֔וּ וַעֲשִׂיתֶ֖ם אֹתָֽם׃

‎4 ‏וְנָתַתִּ֥י גִשְׁמֵיכֶ֖ם בְּעִתָּ֑ם וְנָתְנָ֤ה הָאָ֙רֶץ֙ יְבוּלָ֔הּ וְעֵ֥ץ הַשָּׂדֶ֖ה יִתֵּ֥ן פִּרְיֽוֹ׃

‎5 ‏וְהִשִּׂ֨יג לָכֶ֥ם דַּ֙יִשׁ֙ אֶת־בָּצִ֔יר וּבָצִ֖יר יַשִּׂ֣יג אֶת־זָ֑רַע וַאֲכַלְתֶּ֤ם לַחְמְכֶם֙ לָשֹׂ֔בַע וִֽישַׁבְתֶּ֥ם לָבֶ֖טַח בְּאַרְצְכֶֽם׃

‎6 ‏וְנָתַתִּ֤י שָׁלוֹם֙ בָּאָ֔רֶץ וּשְׁכַבְתֶּ֖ם וְאֵ֣ין מַחֲרִ֑יד וְהִשְׁבַּתִּ֞י חַיָּ֤ה רָעָה֙ מִן־הָאָ֔רֶץ וְחֶ֖רֶב לֹא־תַעֲבֹ֥ר בְּאַרְצְכֶֽם׃

‎7 ‏וּרְדַפְתֶּ֖ם אֶת־אֹיְבֵיכֶ֑ם וְנָפְל֥וּ לִפְנֵיכֶ֖ם לֶחָֽרֶב²

‎8 ‏וְרָדְפוּ֙ מִכֶּ֤ם חֲמִשָּׁה֙ מֵאָ֔ה וּמֵאָ֥ה מִכֶּ֖ם רְבָבָ֣ה יִרְדֹּ֑פוּ וְנָפְל֧וּ אֹיְבֵיכֶ֛ם לִפְנֵיכֶ֖ם לֶחָֽרֶב׃

‎9 ‏וּפָנִ֣יתִי אֲלֵיכֶ֔ם וְהִפְרֵיתִ֣י אֶתְכֶ֔ם וְהִרְבֵּיתִ֖י אֶתְכֶ֑ם וַהֲקִימֹתִ֥י אֶת־בְּרִיתִ֖י אִתְּכֶֽם׃

‎10 ‏וַאֲכַלְתֶּ֥ם יָשָׁ֖ן נוֹשָׁ֑ן וְיָשָׁ֕ן מִפְּנֵ֥י חָדָ֖שׁ תּוֹצִֽיאוּ׃

‎11 ‏וְנָתַתִּ֥י מִשְׁכָּנִ֖י בְּתוֹכְכֶ֑ם וְלֹֽא־תִגְעַ֥ל נַפְשִׁ֖י אֶתְכֶֽם׃

‎12 ‏וְהִתְהַלַּכְתִּי֙ בְּת֣וֹכְכֶ֔ם וְהָיִ֥יתִי לָכֶ֖ם לֵֽאלֹהִ֑ים וְאַתֶּ֖ם תִּהְיוּ־לִ֥י לְעָֽם׃

‎13 ‏אֲנִ֞י יְהוָ֣ה אֱלֹֽהֵיכֶ֗ם אֲשֶׁ֨ר הוֹצֵ֤אתִי אֶתְכֶם֙ מֵאֶ֣רֶץ מִצְרַ֔יִם מִֽהְיֹ֥ת לָהֶ֖ם עֲבָדִ֑ים וָאֶשְׁבֹּר֙ מֹטֹ֣ת עֻלְּכֶ֔ם וָאוֹלֵ֥ךְ אֶתְכֶ֖ם קֽוֹמְמִיּֽוּת׃ פ

‎14 ‏וְאִם־לֹ֥א תִשְׁמְע֖וּ לִ֑י וְלֹ֣א תַעֲשׂ֔וּ אֵ֥ת כָּל־הַמִּצְוֹ֖ת הָאֵֽלֶּה׃

‎15 ‏וְאִם־בְּחֻקֹּתַ֣י תִּמְאָ֔סוּ וְאִ֥ם אֶת־מִשְׁפָּטַ֖י תִּגְעַ֣ל נַפְשְׁכֶ֑ם לְבִלְתִּ֤י עֲשׂוֹת֙ אֶת־כָּל־מִצְוֹתַ֔י לְהַפְרְכֶ֖ם אֶת־בְּרִיתִֽי׃

‎16 ‏אַף־אֲנִ֞י אֶֽעֱשֶׂה־זֹּ֣את לָכֶ֗ם וְהִפְקַדְתִּ֨י עֲלֵיכֶ֤ם בֶּֽהָלָה֙ אֶת־הַשַּׁחֶ֣פֶת וְאֶת־הַקַּדַּ֔חַת מְכַלּ֥וֹת עֵינַ֖יִם וּמְדִיבֹ֣ת נָ֑פֶשׁ וּזְרַעְתֶּ֤ם לָרִיק֙ זַרְעֲכֶ֔ם וַאֲכָלֻ֖הוּ אֹיְבֵיכֶֽם׃

‎17 ‏וְנָתַתִּ֤י פָנַי֙ בָּכֶ֔ם וְנִגַּפְתֶּ֖ם לִפְנֵ֣י אֹיְבֵיכֶ֑ם וְרָד֤וּ בָכֶם֙ שֹֽׂנְאֵיכֶ֔ם וְנַסְתֶּ֖ם וְאֵין־רֹדֵ֥ף אֶתְכֶֽם׃ ס

‎18 ‏וְאִ֨ם־עַד־אֵ֔לֶּה לֹ֥א תִשְׁמְע֖וּ לִ֑י וְיָסַפְתִּי֙ לְיַסְּרָ֣ה אֶתְכֶ֔ם שֶׁ֖בַע עַל־חַטֹּאתֵיכֶֽם׃

‎19 ‏וְשָׁבַרְתִּ֖י אֶת־גְּא֣וֹן עֻזְּכֶ֑ם וְנָתַתִּ֤י אֶת־שְׁמֵיכֶם֙ כַּבַּרְזֶ֔ל וְאֶֽת־אַרְצְכֶ֖ם כַּנְּחֻשָֽׁה׃

‎20 ‏וְתַ֥ם לָרִ֖יק כֹּחֲכֶ֑ם וְלֹֽא־תִתֵּ֤ן אַרְצְכֶם֙ אֶת־יְבוּלָ֔הּ וְעֵ֣ץ הָאָ֔רֶץ לֹ֥א יִתֵּ֖ן פִּרְיֽוֹ׃

‎21 ‏וְאִם־תֵּֽלְכ֤וּ עִמִּי֙ קֶ֔רִי וְלֹ֥א תֹאב֖וּ לִשְׁמֹ֣עַֽ לִ֑י וְיָסַפְתִּ֤י עֲלֵיכֶם֙ מַכָּ֔ה שֶׁ֖בַע כְּחַטֹּאתֵיכֶֽם׃

‎22 ‏וְהִשְׁלַחְתִּ֨י בָכֶ֜ם אֶת־חַיַּ֤ת הַשָּׂדֶה֙ וְשִׁכְּלָ֣ה אֶתְכֶ֔ם וְהִכְרִ֙יתָה֙ אֶת־בְּהֶמְתְּכֶ֔ם וְהִמְעִ֖יטָה אֶתְכֶ֑ם וְנָשַׁ֖מּוּ דַּרְכֵיכֶֽם׃

‎23 ‏וְאִ֨ם־בְּאֵ֔לֶּה לֹ֥א תִוָּסְר֖וּ לִ֑י וַהֲלַכְתֶּ֥ם עִמִּ֖י קֶֽרִי׃

‎24 ‏וְהָלַכְתִּ֧י אַף־אֲנִ֛י עִמָּכֶ֖ם בְּקֶ֑רִי וְהִכֵּיתִ֤י אֶתְכֶם֙ גַּם־אָ֔נִי שֶׁ֖בַע עַל־חַטֹּאתֵיכֶֽם׃

‎25 ‏וְהֵבֵאתִ֨י עֲלֵיכֶ֜ם חֶ֗רֶב נֹקֶ֙מֶת֙ נְקַם־בְּרִ֔ית וְנֶאֱסַפְתֶּ֖ם אֶל־עָרֵיכֶ֑ם וְשִׁלַּ֤חְתִּי דֶ֙בֶר֙ בְּת֣וֹכְכֶ֔ם וְנִתַּתֶּ֖ם בְּיַד־אוֹיֵֽב׃

‎26 ‏בְּשִׁבְרִ֣י לָכֶם֮ מַטֵּה־לֶחֶם֒ וְ֠אָפוּ עֶ֣שֶׂר נָשִׁ֤ים לַחְמְכֶם֙ בְּתַנּ֣וּר אֶחָ֔ד וְהֵשִׁ֥יבוּ לַחְמְכֶ֖ם בַּמִּשְׁקָ֑ל וַאֲכַלְתֶּ֖ם וְלֹ֥א תִשְׂבָּֽעוּ׃ ס

‎27 ‏וְאִ֨ם־בְּזֹ֔את לֹ֥א תִשְׁמְע֖וּ לִ֑י וַהֲלַכְתֶּ֥ם עִמִּ֖י בְּקֶֽרִי׃

‎28 ‏וְהָלַכְתִּ֥י עִמָּכֶ֖ם בַּחֲמַת־קֶ֑רִי וְיִסַּרְתִּ֤י אֶתְכֶם֙ אַף־אָ֔נִי שֶׁ֖בַע עַל־חַטֹּאתֵיכֶם׃¹

‎29 ‏וַאֲכַלְתֶּ֖ם בְּשַׂ֣ר בְּנֵיכֶ֑ם וּבְשַׂ֥ר בְּנֹתֵיכֶ֖ם תֹּאכֵֽלוּ׃

‎30 ‏וְהִשְׁמַדְתִּ֞י אֶת־בָּמֹֽתֵיכֶ֗ם וְהִכְרַתִּי֙ אֶת־חַמָּ֣נֵיכֶ֔ם וְנָֽתַתִּי֙ אֶת־פִּגְרֵיכֶ֔ם עַל־פִּגְרֵ֖י גִּלּוּלֵיכֶ֑ם וְגָעֲלָ֥ה נַפְשִׁ֖י אֶתְכֶֽם׃

‎31 ‏וְנָתַתִּ֤י אֶת־עָֽרֵיכֶם֙ חָרְבָּ֔ה וַהֲשִׁמּוֹתִ֖י אֶת־מִקְדְּשֵׁיכֶ֑ם וְלֹ֣א אָרִ֔יחַ בְּרֵ֖יחַ נִיחֹֽחֲכֶֽם׃

‎32 ‏וַהֲשִׁמֹּתִ֥י אֲנִ֖י אֶת־הָאָ֑רֶץ וְשָֽׁמְמ֤וּ עָלֶ֙יהָ֙ אֹֽיְבֵיכֶ֔ם הַיֹּשְׁבִ֖ים בָּֽהּ׃

‎33 ‏וְאֶתְכֶם֙ אֱזָרֶ֣ה בַגּוֹיִ֔ם וַהֲרִיקֹתִ֥י אַחֲרֵיכֶ֖ם חָ֑רֶב וְהָיְתָ֤ה אַרְצְכֶם֙ שְׁמָמָ֔ה וְעָרֵיכֶ֖ם יִהְי֥וּ חָרְבָּֽה׃

‎34 ‏אָז֩ תִּרְצֶ֨ה הָאָ֜רֶץ אֶת־שַׁבְּתֹתֶ֗יהָ כֹּ֚ל יְמֵ֣י הֳשַׁמָּ֔ה וְאַתֶּ֖ם בְּאֶ֣רֶץ אֹיְבֵיכֶ֑ם אָ֚ז תִּשְׁבַּ֣ת הָאָ֔רֶץ וְהִרְצָ֖ת אֶת־שַׁבְּתֹתֶֽיהָ׃

‎35 ‏כָּל־יְמֵ֥י הָשַּׁמָּ֖ה תִּשְׁבֹּ֑ת אֵ֣ת אֲשֶׁ֧ר לֹֽא־שָׁבְתָ֛ה בְּשַׁבְּתֹתֵיכֶ֖ם בְּשִׁבְתְּכֶ֥ם עָלֶֽיהָ׃

‎36 ‏וְהַנִּשְׁאָרִ֣ים בָּכֶ֔ם וְהֵבֵ֤אתִי מֹ֙רֶךְ֙ בִּלְבָבָ֔ם בְּאַרְצֹ֖ת אֹיְבֵיהֶ֑ם וְרָדַ֣ף אֹתָ֗ם ק֚וֹל עָלֶ֣ה נִדָּ֔ף וְנָס֧וּ מְנֻֽסַת־חֶ֛רֶב וְנָפְל֖וּ וְאֵ֥ין רֹדֵֽף׃

‎37 ‏וְכָשְׁל֧וּ אִישׁ־בְּאָחִ֛יו כְּמִפְּנֵי־חֶ֖רֶב וְרֹדֵ֣ף אָ֑יִן וְלֹא־תִֽהְיֶ֤ה לָכֶם֙ תְּקוּמָ֔ה לִפְנֵ֖י אֹֽיְבֵיכֶֽם׃

‎38 ‏וַאֲבַדְתֶּ֖ם בַּגּוֹיִ֑ם וְאָכְלָ֣ה אֶתְכֶ֔ם אֶ֖רֶץ אֹיְבֵיכֶֽם׃

‎39 ‏וְהַנִּשְׁאָרִ֣ים בָּכֶ֗ם יִמַּ֙קּוּ֙ בַּֽעֲוֹנָ֔ם בְּאַרְצֹ֖ת אֹיְבֵיכֶ֑ם וְאַ֛ף בַּעֲוֹנֹ֥ת אֲבֹתָ֖ם אִתָּ֥ם יִמָּֽקּוּ׃

‎40 ‏וְהִתְוַדּ֤וּ אֶת־עֲוֹנָם֙ וְאֶת־עֲוֹ֣ן אֲבֹתָ֔ם בְּמַעֲלָ֖ם אֲשֶׁ֣ר מָֽעֲלוּ־בִ֑י וְאַ֕ף אֲשֶׁר־הָֽלְכ֥וּ עִמִּ֖י בְּקֶֽרִי׃

‎41 ‏אַף־אֲנִ֗י אֵלֵ֤ךְ עִמָּם֙ בְּקֶ֔רִי וְהֵבֵאתִ֣י אֹתָ֔ם בְּאֶ֖רֶץ אֹיְבֵיהֶ֑ם אוֹ־אָ֣ז יִכָּנַ֗ע לְבָבָם֙ הֶֽעָרֵ֔ל וְאָ֖ז יִרְצ֥וּ אֶת־עֲוֹנָֽם׃

‎42 ‏וְזָכַרְתִּ֖י אֶת־בְּרִיתִ֣י יַעֲק֑וֹב וְאַף֩ אֶת־בְּרִיתִ֨י יִצְחָ֜ק וְאַ֨ף אֶת־בְּרִיתִ֧י אַבְרָהָ֛ם אֶזְכֹּ֖ר וְהָאָ֥רֶץ אֶזְכֹּֽר׃

‎43 ‏וְהָאָרֶץ֩ תֵּעָזֵ֨ב מֵהֶ֜ם וְתִ֣רֶץ אֶת־שַׁבְּתֹתֶ֗יהָ בָּהְשַׁמָּה֙ מֵהֶ֔ם וְהֵ֖ם יִרְצ֣וּ אֶת־עֲוֹנָ֑ם יַ֣עַן וּבְיַ֔עַן בְּמִשְׁפָּטַ֣י מָאָ֔סוּ וְאֶת־חֻקֹּתַ֖י גָּעֲלָ֥ה נַפְשָֽׁם׃

‎44 ‏וְאַף־גַּם־זֹ֠את בִּֽהְיוֹתָ֞ם בְּאֶ֣רֶץ אֹֽיְבֵיהֶ֗ם לֹֽא־מְאַסְתִּ֤ים וְלֹֽא־גְעַלְתִּים֙ לְכַלֹּתָ֔ם לְהָפֵ֥ר בְּרִיתִ֖י אִתָּ֑ם כִּ֛י אֲנִ֥י יְהוָ֖ה אֱלֹהֵיהֶֽם׃

‎45 ‏וְזָכַרְתִּ֥י לָהֶ֖ם בְּרִ֣ית רִאשֹׁנִ֑ים אֲשֶׁ֣ר הוֹצֵֽאתִי־אֹתָם֩ מֵאֶ֨רֶץ מִצְרַ֜יִם לְעֵינֵ֣י הַגּוֹיִ֗ם לִהְיֹ֥ת לָהֶ֛ם לֵאלֹהִ֖ים אֲנִ֥י יְהוָֽה׃

‎46 ‏אֵ֠לֶּה הַֽחֻקִּ֣ים וְהַמִּשְׁפָּטִים֮ וְהַתּוֹרֹת֒ אֲשֶׁר֙ נָתַ֣ן יְהוָ֔ה בֵּינ֕וֹ וּבֵ֖ין בְּנֵ֣י יִשְׂרָאֵ֑ל בְּהַ֥ר סִינַ֖י בְּיַד־מֹשֶֽׁה׃ פ

1 lō’-ṯ^a‘ăśû lāḵem ’ĕlîlim ûfesel ûmaṣṣēḇâ lō’-ṯāqîmû lāḵem wə’eḇen maśəkîṯ lō’ ṯitənû bə’arəṣəḵem ləhišət^aḥăwōṯ ‘āleyhā kî ’ănî yəhwâ ’ĕlōhêḵem:

2 ’eṯ-šabəṯōṯay tišəmōrû ûmiqədāšî tîrā’û ’ănî yəhwâ: s

3 ’im-bəḥuqqōṯay tēlēḵû wə’eṯ-miṣəwōṯay tišəmərû w^a‘ăśîṯem ’ōṯām:

4 wənāṯatî ḡišəmêḵem bə‘itām wənāṯənâ hā’āreṣ yəḇûlāh wə‘ēṣ haśśāḏeh yitēn pirəywō:

5 wəhiśśîḡ lāḵem dayiš ’eṯ-bāṣîr ûḇāṣîr yaśśîḡ ’eṯ-zār^a‘ wa’ăḵalətem l^aḥəməḵem lāśōḇ^a‘ wîšaḇətem lāḇeṭ^aḥ bə’arəṣəḵem:

6 wənāṯatî šālwōm bā’āreṣ ûšəḵaḇətem wə’ên m^aḥărîḏ wəhišəbatî ḥayyâ rā‘â min-hā’āreṣ wəḥereḇ lō’-ṯ^a‘ăḇōr bə’arəṣəḵem:

7 ûrəḏafətem ’eṯ-’ōyəḇêḵem wənāfəlû lifənêḵem leḥāreḇ²

8 wərāḏəfû mikem ḥămiššâ mē’â ûmē’â mikem rəḇāḇâ yirədōfû wənāfəlû ’ōyəḇêḵem lifənêḵem leḥāreḇ:

9 ûfānîṯî ’ălêḵem wəhifərêṯî ’eṯəḵem wəhirəbêṯî ’eṯəḵem wahăqîmōṯî ’eṯ-bərîṯî ’itəḵem:

10 wa’ăḵalətem yāšān nwōšān wəyāšān mipənê ḥāḏāš twōṣî’û:

11 wənāṯatî mišəkānî bəṯwōḵəḵem wəlō’-ṯiḡə‘al nafəšî ’eṯəḵem:

12 wəhiṯəhallaḵətî bəṯwōḵəḵem wəhāyîṯî lāḵem lē’lōhîm wə’atem tihəyû-lî lə‘ām:

13 ’ănî yəhwâ ’ĕlōhêḵem ’ăšer hwōṣē’ṯî ’eṯəḵem mē’ereṣ miṣərayim mihəyōṯ lâem ‘ăḇāḏîm wā’ešəbōr mōṭōṯ ‘ulləḵem wā’wōlēḵə ’eṯəḵem qwōməmîyûṯ: f

14 wə’im-lō’ ṯišəmə‘û lî wəlō’ ṯ^a‘ăśû ’ēṯ kāl-hammiṣəwōṯ hā’ēlleh:

15 wə’im-bəḥuqqōṯay timə’āsû wə’im ’eṯ-mišəpāṭay tiḡə‘al nafəšəḵem ləḇilətî ‘ăśwōṯ ’eṯ-kāl-miṣəwōṯay ləhafərəḵem ’eṯ-bərîṯî:

16 ’af-’ănî ’e‘ĕśeh-zzō’ṯ lāḵem wəhifəqaḏətî ‘ălêḵem behālâ ’eṯ-hašš^aḥefeṯ wə’eṯ-haqqad^aḥaṯ məḵallwōṯ ‘ênayim ûməḏîḇōṯ nāfeš ûzər^a‘ətem lārîq zarə‘ăḵem wa’ăḵāluhû ’ōyəḇêḵem:

17 wənāṯatî fānay bāḵem wənigafətem lifənê ’ōyəḇêḵem wərāḏû ḇāḵem śōnə’êḵem wənasətem wə’ên-rōḏēf ’eṯəḵem: s

18 wə’im-‘aḏ-’ēlleh lō’ ṯišəmə‘û lî wəyāsafətî ləyassərâ ’eṯəḵem šeḇ^a‘ ‘al-ḥaṭṭō’ṯêḵem:

19 wəšāḇarətî ’eṯ-gə’wōn ‘uzzəḵem wənāṯatî ’eṯ-šəmêḵem kabarəzel wə’eṯ-’arəṣəḵem kannəḥušâ:

20 wəṯam lārîq kōḥăḵem wəlō’-ṯitēn ’arəṣəḵem ’eṯ-yəḇûlāh wə‘ēṣ hā’āreṣ lō’ yitēn pirəywō:

21 wə’im-tēləḵû ‘immî qerî wəlō’ ṯō’ḇû lišəmō‘a lî wəyāsafətî ‘ălêḵem makâ šeḇ^a‘ kəḥaṭṭō’ṯêḵem:

22 wəhišəl^aḥətî ḇāḵem ’eṯ-ḥayyaṯ haśśāḏeh wəšikəlâ ’eṯəḵem wəhiḵərîṯâ ’eṯ-bəhemətəḵem wəhimə‘îṭâ ’eṯəḵem wənāšammû darəḵêḵem:

23 wə’im-bə’ēlleh lō’ ṯiûāsərû lî wahălaḵətem ‘immî qerî:

24 wəhālaḵətî ’af-’ănî ‘immāḵem bəqerî wəhikêṯî ’eṯəḵem gam-’ānî šeḇ^a‘ ‘al-ḥaṭṭō’ṯêḵem:

25 wəhēḇē’ṯî ‘ălêḵem ḥereḇ nōqemeṯ nəqam-bərîṯ wəne’ĕsafətem ’el-‘ārêḵem wəšill^aḥətî ḏeḇer bəṯwōḵəḵem wənitatem bəyaḏ-’wōyēḇ:

26 bəšiḇərî lāḵem maṭṭēh-leḥem wə’āfû ‘eśer nāšîm l^aḥəməḵem bəṯannûr ’eḥāḏ wəhēšîḇû l^aḥəməḵem bammišəqāl wa’ăḵalətem wəlō’ ṯiśəbā‘û: s

27 wə’im-bəzō’ṯ lō’ ṯišəmə‘û lî wahălaḵətem ‘immî bəqerî:

28 wəhālaḵətî ‘immāḵem b^aḥămaṯ-qerî wəyissarətî ’eṯəḵem ’af-’ānî šeḇ^a‘ ‘al-ḥaṭṭō’ṯêḵem:¹

29 wa’ăḵalətem bəśar bənêḵem ûḇəśar bənōṯêḵem tō’ḵēlû:

30 wəhišəmaḏətî ’eṯ-bāmōṯêḵem wəhiḵəratî ’eṯ-ḥammānêḵem wənāṯatî ’eṯ-piḡərêḵem ‘al-piḡərê gillûlêḵem wəḡā‘ălâ nafəšî ’eṯəḵem:

31 wənāṯatî ’eṯ-‘ārêḵem ḥārəbâ wahăšimmwōṯî ’eṯ-miqədəšêḵem wəlō’ ’ārîḥa bərêḥa nîḥōḥăḵem:

32 wahăšimmōṯî ’ănî ’eṯ-hā’āreṣ wəšāməmû ‘āleyhā ’ōyəḇêḵem hayyōšəḇîm bāh:

33 wə’eṯəḵem ’ĕzāreh ḇagwōyim wahărîqōṯî ’^aḥărêḵem ḥāreḇ wəhāyəṯâ ’arəṣəḵem šəmāmâ wə‘ārêḵem yihəyû ḥārəbâ:

34 ’āz tirəṣeh hā’āreṣ ’eṯ-šabəṯōṯeyhā kōl yəmê hŏšammâ wə’atem bə’ereṣ ’ōyəḇêḵem ’āz tišəbaṯ hā’āreṣ wəhirəṣāṯ ’eṯ-šabəṯōṯeyhā:

35 kāl-yəmê hāššammâ tišəbōṯ ’ēṯ ’ăšer lō’-šāḇəṯâ bəšabəṯōṯêḵem bəšiḇətəḵem ‘āleyhā:

36 wəhannišə’ārîm bāḵem wəhēḇē’ṯî mōreḵə biləḇāḇām bə’arəṣōṯ ’ōyəḇêhem wərāḏaf ’ōṯām qwōl ‘āleh nidāf wənāsû mənusaṯ-ḥereḇ wənāfəlû wə’ên rōḏēf:

37 wəḵāšəlû ’îš-bə’āḥîw kəmipənê-ḥereḇ wərōḏēf ’āyin wəlō’-ṯihəyeh lāḵem təqûmâ lifənê ’ōyəḇêḵem:

38 wa’ăḇaḏətem bagwōyim wə’āḵəlâ ’eṯəḵem ’ereṣ ’ōyəḇêḵem:

39 wəhannišə’ārîm bāḵem yimmaqqû b^a‘ăwōnām bə’arəṣōṯ ’ōyəḇêḵem wə’af b^a‘ăwōnōṯ ’ăḇōṯām ’itām yimmāqqû:

40 wəhiṯəwadû ’eṯ-‘ăwōnām wə’eṯ-‘ăwōn ’ăḇōṯām bəm^a‘ălām ’ăšer mā‘ălû-ḇî wə’af ’ăšer-hāləḵû ‘immî bəqerî:

41 ’af-’ănî ’ēlēḵə ‘immām bəqerî wəhēḇē’ṯî ’ōṯām bə’ereṣ ’ōyəḇêhem ’wō-’āz yikān^a‘ ləḇāḇām he‘ārēl wə’āz yirəṣû ’eṯ-‘ăwōnām:

42 wəzāḵarətî ’eṯ-bərîṯî y^a‘ăqwōḇ wə’af ’eṯ-bərîṯî yiṣəḥāq wə’af ’eṯ-bərîṯî ’aḇərâām ’ezəkōr wəhā’āreṣ ’ezəkōr:

43 wəhā’āreṣ tē‘āzēḇ mēhem wəṯireṣ ’eṯ-šabəṯōṯeyhā bâəšammâ mēhem wəhēm yirəṣû ’eṯ-‘ăwōnām y^a‘an ûḇəy^a‘an bəmišəpāṭay mā’āsû wə’eṯ-ḥuqqōṯay gā‘ălâ nafəšām:

44 wə’af-gam-zō’ṯ bihəywōṯām bə’ereṣ ’ōyəḇêhem lō’-mə’asətîm wəlō’-ḡə‘alətîm ləḵallōṯām ləhāfēr bərîṯî ’itām kî ’ănî yəhwâ ’ĕlōhêhem:

45 wəzāḵarətî lâem bərîṯ ri’šōnîm ’ăšer hwōṣē’ṯî-’ōṯām mē’ereṣ miṣərayim lə‘ênê hagwōyim lihəyōṯ lâem lē’lōhîm ’ănî yəhwâ:

46 ’ēlleh h^aḥuqqîm wəhammišəpāṭîm wəhatwōrōṯ ’ăšer nāṯan yəhwâ bênwō ûḇên bənê yiśərā’ēl bəhar sînay bəyaḏ-mōšeh: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏דַּבֵּ֞ר אֶל־בְּנֵ֤י יִשְׂרָאֵל֙ וְאָמַרְתָּ֣ אֲלֵהֶ֔ם אִ֕ישׁ כִּ֥י יַפְלִ֖א נֶ֑דֶר בְּעֶרְכְּךָ֥ נְפָשֹׁ֖ת לַֽיהוָֽה׃

‎3 ‏וְהָיָ֤ה עֶרְכְּךָ֙ הַזָּכָ֔ר מִבֶּן֙ עֶשְׂרִ֣ים שָׁנָ֔ה וְעַ֖ד בֶּן־שִׁשִּׁ֣ים שָׁנָ֑ה וְהָיָ֣ה עֶרְכְּךָ֗ חֲמִשִּׁ֛ים שֶׁ֥קֶל כֶּ֖סֶף בְּשֶׁ֥קֶל הַקֹּֽדֶשׁ׃

‎4 ‏וְאִם־נְקֵבָ֖ה הִ֑וא וְהָיָ֥ה עֶרְכְּךָ֖ שְׁלֹשִׁ֥ים שָֽׁקֶל׃

‎5 ‏וְאִ֨ם מִבֶּן־חָמֵ֜שׁ שָׁנִ֗ים וְעַד֙ בֶּן־עֶשְׂרִ֣ים שָׁנָ֔ה וְהָיָ֧ה עֶרְכְּךָ֛ הַזָּכָ֖ר עֶשְׂרִ֣ים שְׁקָלִ֑ים וְלַנְּקֵבָ֖ה עֲשֶׂ֥רֶת שְׁקָלִֽים׃

‎6 ‏וְאִ֣ם מִבֶּן־חֹ֗דֶשׁ וְעַד֙ בֶּן־חָמֵ֣שׁ שָׁנִ֔ים וְהָיָ֤ה עֶרְכְּךָ֙ הַזָּכָ֔ר חֲמִשָּׁ֥ה שְׁקָלִ֖ים כָּ֑סֶף וְלַנְּקֵבָ֣ה עֶרְכְּךָ֔ שְׁלֹ֥שֶׁת שְׁקָלִ֖ים כָּֽסֶף׃

‎7 ‏וְ֠אִם מִבֶּן־שִׁשִּׁ֨ים שָׁנָ֤ה וָמַ֙עְלָה֙ אִם־זָכָ֔ר וְהָיָ֣ה עֶרְכְּךָ֔ חֲמִשָּׁ֥ה עָשָׂ֖ר שָׁ֑קֶל וְלַנְּקֵבָ֖ה עֲשָׂרָ֥ה שְׁקָלִֽים׃

‎8 ‏וְאִם־מָ֥ךְ הוּא֙ מֵֽעֶרְכֶּ֔ךָ וְהֶֽעֱמִידוֹ֙ לִפְנֵ֣י הַכֹּהֵ֔ן וְהֶעֱרִ֥יךְ אֹת֖וֹ הַכֹּהֵ֑ן עַל־פִּ֗י אֲשֶׁ֤ר תַּשִּׂיג֙ יַ֣ד הַנֹּדֵ֔ר יַעֲרִיכֶ֖נּוּ הַכֹּהֵֽן׃ ס

‎9 ‏וְאִם־בְּהֵמָ֔ה אֲשֶׁ֨ר יַקְרִ֧יבוּ מִמֶּ֛נָּה קָרְבָּ֖ן לַֽיהוָ֑ה כֹּל֩ אֲשֶׁ֨ר יִתֵּ֥ן מִמֶּ֛נּוּ לַיהוָ֖ה יִֽהְיֶה־קֹּֽדֶשׁ׃

‎10 ‏לֹ֣א יַחֲלִיפֶ֗נּוּ וְלֹֽא־יָמִ֥יר אֹת֛וֹ ט֥וֹב בְּרָ֖ע אוֹ־רַ֣ע בְּט֑וֹב וְאִם־הָמֵ֨ר יָמִ֤יר בְּהֵמָה֙ בִּבְהֵמָ֔ה וְהָֽיָה־ה֥וּא וּתְמוּרָת֖וֹ יִֽהְיֶה־קֹּֽדֶשׁ׃

‎11 ‏וְאִם֙ כָּל־בְּהֵמָ֣ה טְמֵאָ֔ה אֲ֠שֶׁר לֹא־יַקְרִ֧יבוּ מִמֶּ֛נָּה קָרְבָּ֖ן לַֽיהוָ֑ה וְהֶֽעֱמִ֥יד אֶת־הַבְּהֵמָ֖ה לִפְנֵ֥י הַכֹּהֵֽן׃

‎12 ‏וְהֶעֱרִ֤יךְ הַכֹּהֵן֙ אֹתָ֔הּ בֵּ֥ין ט֖וֹב וּבֵ֣ין רָ֑ע כְּעֶרְכְּךָ֥ הַכֹּהֵ֖ן כֵּ֥ן יִהְיֶֽה׃

‎13 ‏וְאִם־גָּאֹ֖ל יִגְאָלֶ֑נָּה וְיָסַ֥ף חֲמִישִׁת֖וֹ עַל־עֶרְכֶּֽךָ׃

‎14 ‏וְאִ֗ישׁ כִּֽי־יַקְדִּ֨שׁ אֶת־בֵּית֥וֹ קֹ֙דֶשׁ֙ לַֽיהוָ֔ה וְהֶעֱרִיכוֹ֙ הַכֹּהֵ֔ן בֵּ֥ין ט֖וֹב וּבֵ֣ין רָ֑ע כַּאֲשֶׁ֨ר יַעֲרִ֥יךְ אֹת֛וֹ הַכֹּהֵ֖ן כֵּ֥ן יָקֽוּם׃

‎15 ‏וְאִ֨ם־הַמַּקְדִּ֔ישׁ יִגְאַ֖ל אֶת־בֵּית֑וֹ וְ֠יָסַף חֲמִישִׁ֧ית כֶּֽסֶף־עֶרְכְּךָ֛ עָלָ֖יו וְהָ֥יָה לֽוֹ׃

‎16 ‏וְאִ֣ם׀ מִשְּׂדֵ֣ה אֲחֻזָּת֗וֹ יַקְדִּ֥ישׁ אִישׁ֙ לַֽיהוָ֔ה וְהָיָ֥ה עֶרְכְּךָ֖ לְפִ֣י זַרְע֑וֹ זֶ֚רַע חֹ֣מֶר שְׂעֹרִ֔ים בַּחֲמִשִּׁ֖ים שֶׁ֥קֶל כָּֽסֶף׃

‎17 ‏אִם־מִשְּׁנַ֥ת הַיֹּבֵ֖ל יַקְדִּ֣ישׁ שָׂדֵ֑הוּ כְּעֶרְכְּךָ֖ יָקֽוּם׃

‎18 ‏וְאִם־אַחַ֣ר הַיֹּבֵל֮ יַקְדִּ֣ישׁ שָׂדֵהוּ֒ וְחִשַּׁב־ל֨וֹ הַכֹּהֵ֜ן אֶת־הַכֶּ֗סֶף עַל־פִּ֤י הַשָּׁנִים֙ הַנּ֣וֹתָרֹ֔ת עַ֖ד שְׁנַ֣ת הַיֹּבֵ֑ל וְנִגְרַ֖ע מֵֽעֶרְכֶּֽךָ׃

‎19 ‏וְאִם־גָּאֹ֤ל יִגְאַל֙ אֶת־הַשָּׂדֶ֔ה הַמַּקְדִּ֖ישׁ אֹת֑וֹ וְ֠יָסַף חֲמִשִׁ֧ית כֶּֽסֶף־עֶרְכְּךָ֛ עָלָ֖יו וְקָ֥ם לֽוֹ׃

‎20 ‏וְאִם־לֹ֤א יִגְאַל֙ אֶת־הַשָּׂדֶ֔ה וְאִם־מָכַ֥ר אֶת־הַשָּׂדֶ֖ה לְאִ֣ישׁ אַחֵ֑ר לֹ֥א יִגָּאֵ֖ל עֽוֹד׃

‎21 ‏וְהָיָ֨ה הַשָּׂדֶ֜ה בְּצֵאת֣וֹ בַיֹּבֵ֗ל קֹ֛דֶשׁ לַֽיהוָ֖ה כִּשְׂדֵ֣ה הַחֵ֑רֶם לַכֹּהֵ֖ן תִּהְיֶ֥ה אֲחֻזָּתֽוֹ׃

‎22 ‏וְאִם֙ אֶת־שְׂדֵ֣ה מִקְנָת֔וֹ אֲשֶׁ֕ר לֹ֖א מִשְּׂדֵ֣ה אֲחֻזָּת֑וֹ יַקְדִּ֖ישׁ לַֽיהוָֽה׃

‎23 ‏וְחִשַּׁב־ל֣וֹ הַכֹּהֵ֗ן אֵ֚ת מִכְסַ֣ת הָֽעֶרְכְּךָ֔ עַ֖ד שְׁנַ֣ת הַיֹּבֵ֑ל וְנָתַ֤ן אֶת־הָעֶרְכְּךָ֙ בַּיּ֣וֹם הַה֔וּא קֹ֖דֶשׁ לַיהוָֽה׃

‎24 ‏בִּשְׁנַ֤ת הַיּוֹבֵל֙ יָשׁ֣וּב הַשָּׂדֶ֔ה לַאֲשֶׁ֥ר קָנָ֖הוּ מֵאִתּ֑וֹ לַאֲשֶׁר־ל֖וֹ אֲחֻזַּ֥ת הָאָֽרֶץ׃

‎25 ‏וְכָל־עֶרְכְּךָ֔ יִהְיֶ֖ה בְּשֶׁ֣קֶל הַקֹּ֑דֶשׁ עֶשְׂרִ֥ים גֵּרָ֖ה יִהְיֶ֥ה הַשָּֽׁקֶל׃ ס

‎26 ‏אַךְ־בְּכ֞וֹר אֲשֶׁר־יְבֻכַּ֤ר לַֽיהוָה֙ בִּבְהֵמָ֔ה לֹֽא־יַקְדִּ֥ישׁ אִ֖ישׁ אֹת֑וֹ אִם־שׁ֣וֹר אִם־שֶׂ֔ה לַֽיהוָ֖ה הֽוּא׃

‎27 ‏וְאִ֨ם בַּבְּהֵמָ֤ה הַטְּמֵאָה֙ וּפָדָ֣ה בְעֶרְכֶּ֔ךָ וְיָסַ֥ף חֲמִשִׁת֖וֹ עָלָ֑יו וְאִם־לֹ֥א יִגָּאֵ֖ל וְנִמְכַּ֥ר בְּעֶרְכֶּֽךָ׃

‎28 ‏אַךְ־כָּל־חֵ֡רֶם אֲשֶׁ֣ר יַחֲרִם֩ אִ֨ישׁ לַֽיהוָ֜ה מִכָּל־אֲשֶׁר־ל֗וֹ מֵאָדָ֤ם וּבְהֵמָה֙ וּמִשְּׂדֵ֣ה אֲחֻזָּת֔וֹ לֹ֥א יִמָּכֵ֖ר וְלֹ֣א יִגָּאֵ֑ל כָּל־חֵ֕רֶם קֹֽדֶשׁ־קָֽדָשִׁ֥ים ה֖וּא לַיהוָֽה׃

‎29 ‏כָּל־חֵ֗רֶם אֲשֶׁ֧ר יָחֳרַ֛ם מִן־הָאָדָ֖ם לֹ֣א יִפָּדֶ֑ה מ֖וֹת יוּמָֽת׃

‎30 ‏וְכָל־מַעְשַׂ֨ר הָאָ֜רֶץ מִזֶּ֤רַע הָאָ֙רֶץ֙ מִפְּרִ֣י הָעֵ֔ץ לַיהוָ֖ה ה֑וּא קֹ֖דֶשׁ לַֽיהוָֽה׃

‎31 ‏וְאִם־גָּאֹ֥ל יִגְאַ֛ל אִ֖ישׁ מִמַּֽעַשְׂר֑וֹ חֲמִשִׁית֖וֹ יֹסֵ֥ף עָלָֽיו׃

‎32 ‏וְכָל־מַעְשַׂ֤ר בָּקָר֙ וָצֹ֔אן כֹּ֥ל אֲשֶׁר־יַעֲבֹ֖ר תַּ֣חַת הַשָּׁ֑בֶט הָֽעֲשִׂירִ֕י יִֽהְיֶה־קֹּ֖דֶשׁ לַֽיהוָֽה׃

‎33 ‏לֹ֧א יְבַקֵּ֛ר בֵּֽין־ט֥וֹב לָרַ֖ע וְלֹ֣א יְמִירֶ֑נּוּ וְאִם־הָמֵ֣ר יְמִירֶ֔נּוּ וְהָֽיָה־ה֧וּא וּתְמוּרָת֛וֹ יִֽהְיֶה־קֹ֖דֶשׁ לֹ֥א יִגָּאֵֽל׃

‎34 ‏אֵ֣לֶּה הַמִּצְוֹ֗ת אֲשֶׁ֨ר צִוָּ֧ה יְהוָ֛ה אֶת־מֹשֶׁ֖ה אֶל־בְּנֵ֣י יִשְׂרָאֵ֑ל בְּהַ֖ר סִינָֽי׃

1 wayəḏabēr yəhwâ ’el-mōšeh llē’mōr:

2 dabēr ’el-bənê yiśərā’ēl wə’āmarətā ’ălēhem ’îš kî yafəli’ neḏer bə‘erəkəḵā nəfāšōṯ layhwâ:

3 wəhāyâ ‘erəkəḵā hazzāḵār miben ‘eśərîm šānâ wə‘aḏ ben-šiššîm šānâ wəhāyâ ‘erəkəḵā ḥămiššîm šeqel kesef bəšeqel haqqōḏeš:

4 wə’im-nəqēḇâ hiw’ wəhāyâ ‘erəkəḵā šəlōšîm šāqel:

5 wə’im miben-ḥāmēš šānîm wə‘aḏ ben-‘eśərîm šānâ wəhāyâ ‘erəkəḵā hazzāḵār ‘eśərîm šəqālîm wəlannəqēḇâ ‘ăśereṯ šəqālîm:

6 wə’im miben-ḥōḏeš wə‘aḏ ben-ḥāmēš šānîm wəhāyâ ‘erəkəḵā hazzāḵār ḥămiššâ šəqālîm kāsef wəlannəqēḇâ ‘erəkəḵā šəlōšeṯ šəqālîm kāsef:

7 wə’im miben-šiššîm šānâ wām^a‘əlâ ’im-zāḵār wəhāyâ ‘erəkəḵā ḥămiššâ ‘āśār šāqel wəlannəqēḇâ ‘ăśārâ šəqālîm:

8 wə’im-māḵə hû’ mē‘erəkeḵā wəhe‘ĕmîḏwō lifənê hakōhēn wəhe‘ĕrîḵə ’ōṯwō hakōhēn ‘al-pî ’ăšer taśśîḡ yaḏ hannōḏēr y^a‘ărîḵennû hakōhēn: s

9 wə’im-bəhēmâ ’ăšer yaqərîḇû mimmennâ qārəbān layhwâ kōl ’ăšer yitēn mimmennû layhwâ yihəyeh-qqōḏeš:

10 lō’ y^aḥălîfennû wəlō’-yāmîr ’ōṯwō ṭwōḇ bərā‘ ’wō-r^a‘ bəṭwōḇ wə’im-hāmēr yāmîr bəhēmâ biḇəhēmâ wəhāyâ-hû’ ûṯəmûrāṯwō yihəyeh-qqōḏeš:

11 wə’im kāl-bəhēmâ ṭəmē’â ’ăšer lō’-yaqərîḇû mimmennâ qārəbān layhwâ wəhe‘ĕmîḏ ’eṯ-habəhēmâ lifənê hakōhēn:

12 wəhe‘ĕrîḵə hakōhēn ’ōṯāh bên ṭwōḇ ûḇên rā‘ kə‘erəkəḵā hakōhēn kēn yihəyeh:

13 wə’im-gā’ōl yiḡə’ālennâ wəyāsaf ḥămîšiṯwō ‘al-‘erəkeḵā:

14 wə’îš kî-yaqədiš ’eṯ-bêṯwō qōḏeš layhwâ wəhe‘ĕrîḵwō hakōhēn bên ṭwōḇ ûḇên rā‘ ka’ăšer y^a‘ărîḵə ’ōṯwō hakōhēn kēn yāqûm:

15 wə’im-hammaqədîš yiḡə’al ’eṯ-bêṯwō wəyāsaf ḥămîšîṯ kesef-‘erəkəḵā ‘ālāyw wəhāyâ lwō:

16 wə’im| miśśəḏēh ’ăḥuzzāṯwō yaqədîš ’îš layhwâ wəhāyâ ‘erəkəḵā ləfî zarə‘wō zer^a‘ ḥōmer śə‘ōrîm b^aḥămiššîm šeqel kāsef:

17 ’im-miššənaṯ hayyōḇēl yaqədîš śāḏēhû kə‘erəkəḵā yāqûm:

18 wə’im-’^aḥar hayyōḇēl yaqədîš śāḏēhû wəḥiššaḇ-lwō hakōhēn ’eṯ-hakesef ‘al-pî haššānîm hannwōṯārōṯ ‘aḏ šənaṯ hayyōḇēl wəniḡər^a‘ mē‘erəkeḵā:

19 wə’im-gā’ōl yiḡə’al ’eṯ-haśśāḏeh hammaqədîš ’ōṯwō wəyāsaf ḥămišîṯ kesef-‘erəkəḵā ‘ālāyw wəqām lwō:

20 wə’im-lō’ yiḡə’al ’eṯ-haśśāḏeh wə’im-māḵar ’eṯ-haśśāḏeh lə’îš ’^aḥēr lō’ yigā’ēl ‘wōḏ:

21 wəhāyâ haśśāḏeh bəṣē’ṯwō ḇayyōḇēl qōḏeš layhwâ kiśəḏēh h^aḥērem lakōhēn tihəyeh ’ăḥuzzāṯwō:

22 wə’im ’eṯ-śəḏēh miqənāṯwō ’ăšer lō’ miśśəḏēh ’ăḥuzzāṯwō yaqədîš layhwâ:

23 wəḥiššaḇ-lwō hakōhēn ’ēṯ miḵəsaṯ hā‘erəkəḵā ‘aḏ šənaṯ hayyōḇēl wənāṯan ’eṯ-hā‘erəkəḵā bayywōm hahû’ qōḏeš layhwâ:

24 bišənaṯ hayywōḇēl yāšûḇ haśśāḏeh la’ăšer qānâû mē’itwō la’ăšer-lwō ’ăḥuzzaṯ hā’āreṣ:

25 wəḵāl-‘erəkəḵā yihəyeh bəšeqel haqqōḏeš ‘eśərîm gērâ yihəyeh haššāqel: s

26 ’aḵə-bəḵwōr ’ăšer-yəḇukar layhwâ biḇəhēmâ lō’-yaqədîš ’îš ’ōṯwō ’im-šwōr ’im-śeh layhwâ hû’:

27 wə’im babəhēmâ haṭṭəmē’â ûfāḏâ ḇə‘erəkeḵā wəyāsaf ḥămišiṯwō ‘ālāyw wə’im-lō’ yigā’ēl wəniməkar bə‘erəkeḵā:

28 ’aḵə-kāl-ḥērem ’ăšer y^aḥărim ’îš layhwâ mikāl-’ăšer-lwō mē’āḏām ûḇəhēmâ ûmiśśəḏēh ’ăḥuzzāṯwō lō’ yimmāḵēr wəlō’ yigā’ēl kāl-ḥērem qōḏeš-qāḏāšîm hû’ layhwâ:

29 kāl-ḥērem ’ăšer yāḥŏram min-hā’āḏām lō’ yipāḏeh mwōṯ yûmāṯ:

30 wəḵāl-m^a‘əśar hā’āreṣ mizzer^a‘ hā’āreṣ mipərî hā‘ēṣ layhwâ hû’ qōḏeš layhwâ:

31 wə’im-gā’ōl yiḡə’al ’îš mimm^a‘aśərwō ḥămišîṯwō yōsēf ‘ālāyw:

32 wəḵāl-m^a‘əśar bāqār wāṣō’n kōl ’ăšer-y^a‘ăḇōr t^aḥaṯ haššāḇeṭ hā‘ăśîrî yihəyeh-qqōḏeš layhwâ:

33 lō’ yəḇaqqēr bên-ṭwōḇ lār^a‘ wəlō’ yəmîrennû wə’im-hāmēr yəmîrennû wəhāyâ-hû’ ûṯəmûrāṯwō yihəyeh-qōḏeš lō’ yigā’ēl:

34 ’ēlleh hammiṣəwōṯ ’ăšer ṣiûâ yəhwâ ’eṯ-mōšeh ’el-bənê yiśərā’ēl bəhar sînāy:

‎1 ‏מַשָּׂ֥א דְבַר־יְהוָ֖ה אֶל־יִשְׂרָאֵ֑ל בְּיַ֖ד מַלְאָכִֽי׃

‎2 ‏אָהַ֤בְתִּי אֶתְכֶם֙ אָמַ֣ר יְהוָ֔ה וַאֲמַרְתֶּ֖ם בַּמָּ֣ה אֲהַבְתָּ֑נוּ הֲלוֹא־אָ֨ח עֵשָׂ֤ו לְיַֽעֲקֹב֙ נְאֻם־יְהוָ֔ה וָאֹהַ֖ב אֶֽת־יַעֲקֹֽב׃

‎3 ‏וְאֶת־עֵשָׂ֖ו שָׂנֵ֑אתִי וָאָשִׂ֤ים אֶת־הָרָיו֙ שְׁמָמָ֔ה וְאֶת־נַחֲלָת֖וֹ לְתַנּ֥וֹת מִדְבָּֽר׃

‎4 ‏כִּֽי־תֹאמַ֨ר אֱד֜וֹם רֻשַּׁ֗שְׁנוּ וְנָשׁוּב֙ וְנִבְנֶ֣ה חֳרָב֔וֹת כֹּ֤ה אָמַר֙ יְהוָ֣ה צְבָא֔וֹת הֵ֥מָּה יִבְנ֖וּ וַאֲנִ֣י אֶהֱר֑וֹס וְקָרְא֤וּ לָהֶם֙ גְּב֣וּל רִשְׁעָ֔ה וְהָעָ֛ם אֲשֶׁר־זָעַ֥ם יְהוָ֖ה עַד־עוֹלָֽם׃

‎5 ‏וְעֵינֵיכֶ֖ם תִּרְאֶ֑ינָה וְאַתֶּ֤ם תֹּֽאמְרוּ֙ יִגְדַּ֣ל יְהוָ֔ה מֵעַ֖ל לִגְב֥וּל יִשְׂרָאֵֽל׃

‎6 ‏בֵּ֛ן יְכַבֵּ֥ד אָ֖ב וְעֶ֣בֶד אֲדֹנָ֑יו וְאִם־אָ֣ב אָ֣נִי אַיֵּ֣ה כְבוֹדִ֡י וְאִם־אֲדוֹנִ֣ים אָנִי֩ אַיֵּ֨ה מוֹרָאִ֜י אָמַ֣ר׀ יְהוָ֣ה צְבָא֗וֹת לָכֶם֙ הַכֹּֽהֲנִים֙ בּוֹזֵ֣י שְׁמִ֔י וַאֲמַרְתֶּ֕ם בַּמֶּ֥ה בָזִ֖ינוּ אֶת־שְׁמֶֽךָ׃

‎7 ‏מַגִּישִׁ֤ים עַֽל־מִזְבְּחִי֙ לֶ֣חֶם מְגֹאָ֔ל וַאֲמַרְתֶּ֖ם בַּמֶּ֣ה גֵֽאַלְנ֑וּךָ בֶּאֱמָרְכֶ֕ם שֻׁלְחַ֥ן יְהוָ֖ה נִבְזֶ֥ה הֽוּא׃

‎8 ‏וְכִֽי־תַגִּשׁ֨וּן עִוֵּ֤ר לִזְבֹּ֙חַ֙ אֵ֣ין רָ֔ע וְכִ֥י תַגִּ֛ישׁוּ פִּסֵּ֥חַ וְחֹלֶ֖ה אֵ֣ין רָ֑ע הַקְרִיבֵ֨הוּ נָ֜א לְפֶחָתֶ֗ךָ הֲיִרְצְךָ֙ א֚וֹ הֲיִשָּׂ֣א פָנֶ֔יךָ אָמַ֖ר יְהוָ֥ה צְבָאֽוֹת׃

‎9 ‏וְעַתָּ֛ה חַלּוּ־נָ֥א פְנֵי־אֵ֖ל וִֽיחָנֵ֑נוּ מִיֶּדְכֶם֙ הָ֣יְתָה זֹּ֔את הֲיִשָּׂ֤א מִכֶּם֙ פָּנִ֔ים אָמַ֖ר יְהוָ֥ה צְבָאֽוֹת׃

‎10 ‏מִ֤י גַם־בָּכֶם֙ וְיִסְגֹּ֣ר דְּלָתַ֔יִם וְלֹֽא־תָאִ֥ירוּ מִזְבְּחִ֖י חִנָּ֑ם אֵֽין־לִ֨י חֵ֜פֶץ בָּכֶ֗ם אָמַר֙ יְהוָ֣ה צְבָא֔וֹת וּמִנְחָ֖ה לֹֽא־אֶרְצֶ֥ה מִיֶּדְכֶֽם׃

‎11 ‏כִּ֣י מִמִּזְרַח־שֶׁ֜מֶשׁ וְעַד־מְבוֹא֗וֹ גָּד֤וֹל שְׁמִי֙ בַּגּוֹיִ֔ם וּבְכָל־מָק֗וֹם מֻקְטָ֥ר מֻגָּ֛שׁ לִשְׁמִ֖י וּמִנְחָ֣ה טְהוֹרָ֑ה כִּֽי־גָד֤וֹל שְׁמִי֙ בַּגּוֹיִ֔ם אָמַ֖ר יְהוָ֥ה צְבָאֽוֹת׃

‎12 ‏וְאַתֶּ֖ם מְחַלְּלִ֣ים אוֹת֑וֹ בֶּאֱמָרְכֶ֗ם שֻׁלְחַ֤ן אֲדֹנָי֙ מְגֹאָ֣ל ה֔וּא וְנִיב֖וֹ נִבְזֶ֥ה אָכְלֽוֹ׃

‎13 ‏וַאֲמַרְתֶּם֩ הִנֵּ֨ה מַתְּלָאָ֜ה וְהִפַּחְתֶּ֣ם אוֹת֗וֹ אָמַר֙ יְהוָ֣ה צְבָא֔וֹת וַהֲבֵאתֶ֣ם גָּז֗וּל וְאֶת־הַפִּסֵּ֙חַ֙ וְאֶת־הַ֣חוֹלֶ֔ה וַהֲבֵאתֶ֖ם אֶת־הַמִּנְחָ֑ה הַאֶרְצֶ֥ה אוֹתָ֛הּ מִיֶּדְכֶ֖ם אָמַ֥ר יְהוָֽה׃ ס

‎14 ‏וְאָר֣וּר נוֹכֵ֗ל וְיֵ֤שׁ בְּעֶדְרוֹ֙ זָכָ֔ר וְנֹדֵ֛ר וְזֹבֵ֥חַ מָשְׁחָ֖ת לַֽאדֹנָ֑י כִּי֩ מֶ֨לֶךְ גָּד֜וֹל אָ֗נִי אָמַר֙ יְהוָ֣ה צְבָא֔וֹת וּשְׁמִ֖י נוֹרָ֥א בַגּוֹיִֽם׃

1 maśśā’ ḏəḇar-yəhwâ ’el-yiśərā’ēl bəyaḏ malə’āḵî:

2 ’âaḇətî ’eṯəḵem ’āmar yəhwâ wa’ămarətem bammâ ’ăhaḇətānû hălwō’-’āḥ ‘ēśāw ləy^a‘ăqōḇ nə’um-yəhwâ wā’ōhaḇ ’eṯ-y^a‘ăqōḇ:

3 wə’eṯ-‘ēśāw śānē’ṯî wā’āśîm ’eṯ-hārāyw šəmāmâ wə’eṯ-n^aḥălāṯwō ləṯannwōṯ miḏəbār:

4 kî-ṯō’mar ’ĕḏwōm ruššašənû wənāšûḇ wəniḇəneh ḥŏrāḇwōṯ kōh ’āmar yəhwâ ṣəḇā’wōṯ hēmmâ yiḇənû wa’ănî ’ehĕrwōs wəqārə’û lâem gəḇûl rišə‘â wəhā‘ām ’ăšer-zā‘am yəhwâ ‘aḏ-‘wōlām:

5 wə‘ênêḵem tirə’eynâ wə’atem tō’mərû yiḡədal yəhwâ mē‘al liḡəḇûl yiśərā’ēl:

6 bēn yəḵabēḏ ’āḇ wə‘eḇeḏ ’ăḏōnāyw wə’im-’āḇ ’ānî ’ayyēh ḵəḇwōḏî wə’im-’ăḏwōnîm ’ānî ’ayyēh mwōrā’î ’āmar| yəhwâ ṣəḇā’wōṯ lāḵem hakōhănîm bwōzê šəmî wa’ămarətem bammeh ḇāzînû ’eṯ-šəmeḵā:

7 magîšîm ‘al-mizəbəḥî leḥem məḡō’āl wa’ămarətem bammeh ḡē’alənûḵā be’ĕmārəḵem šuləḥan yəhwâ niḇəzeh hû’:

8 wəḵî-ṯagišûn ‘iûēr lizəbōḥa ’ên rā‘ wəḵî ṯagîšû pissēḥa wəḥōleh ’ên rā‘ haqərîḇēhû nā’ ləfeḥāṯeḵā hăyirəṣəḵā ’wō hăyiśśā’ fāneyḵā ’āmar yəhwâ ṣəḇā’wōṯ:

9 wə‘atâ ḥallû-nā’ fənê-’ēl wîḥānēnû mîyeḏəḵem hāyəṯâ zzō’ṯ hăyiśśā’ mikem pānîm ’āmar yəhwâ ṣəḇā’wōṯ:

10 mî ḡam-bāḵem wəyisəgōr dəlāṯayim wəlō’-ṯā’îrû mizəbəḥî ḥinnām ’ên-lî ḥēfeṣ bāḵem ’āmar yəhwâ ṣəḇā’wōṯ ûminəḥâ lō’-’erəṣeh mîyeḏəḵem:

11 kî mimmizər^aḥ-šemeš wə‘aḏ-məḇwō’wō gāḏwōl šəmî bagwōyim ûḇəḵāl-māqwōm muqəṭār mugāš lišəmî ûminəḥâ ṭəhwōrâ kî-ḡāḏwōl šəmî bagwōyim ’āmar yəhwâ ṣəḇā’wōṯ:

12 wə’atem məḥalləlîm ’wōṯwō be’ĕmārəḵem šuləḥan ’ăḏōnāy məḡō’āl hû’ wənîḇwō niḇəzeh ’āḵəlwō:

13 wa’ămarətem hinnēh matəlā’â wəhip^aḥətem ’wōṯwō ’āmar yəhwâ ṣəḇā’wōṯ wahăḇē’ṯem gāzûl wə’eṯ-hapissēḥa wə’eṯ-h^aḥwōleh wahăḇē’ṯem ’eṯ-hamminəḥâ ha’erəṣeh ’wōṯāh mîyeḏəḵem ’āmar yəhwâ: s

14 wə’ārûr nwōḵēl wəyēš bə‘eḏərwō zāḵār wənōḏēr wəzōḇēḥa māšəḥāṯ la’ḏōnāy kî meleḵə gāḏwōl ’ānî ’āmar yəhwâ ṣəḇā’wōṯ ûšəmî nwōrā’ ḇagwōyim:

‎1 ‏וַיְדַבֵּ֨ר יְהוָ֧ה אֶל־מֹשֶׁ֛ה בְּמִדְבַּ֥ר סִינַ֖י בְּאֹ֣הֶל מוֹעֵ֑ד בְּאֶחָד֩ לַחֹ֨דֶשׁ הַשֵּׁנִ֜י בַּשָּׁנָ֣ה הַשֵּׁנִ֗ית לְצֵאתָ֛ם מֵאֶ֥רֶץ מִצְרַ֖יִם לֵאמֹֽר׃

‎2 ‏שְׂא֗וּ אֶת־רֹאשׁ֙ כָּל־עֲדַ֣ת בְּנֵֽי־יִשְׂרָאֵ֔ל לְמִשְׁפְּחֹתָ֖ם לְבֵ֣ית אֲבֹתָ֑ם בְּמִסְפַּ֣ר שֵׁמ֔וֹת כָּל־זָכָ֖ר לְגֻלְגְּלֹתָֽם׃

‎3 ‏מִבֶּ֨ן עֶשְׂרִ֤ים שָׁנָה֙ וָמַ֔עְלָה כָּל־יֹצֵ֥א צָבָ֖א בְּיִשְׂרָאֵ֑ל תִּפְקְד֥וּ אֹתָ֛ם לְצִבְאֹתָ֖ם אַתָּ֥ה וְאַהֲרֹֽן׃

‎4 ‏וְאִתְּכֶ֣ם יִהְי֔וּ אִ֥ישׁ אִ֖ישׁ לַמַּטֶּ֑ה אִ֛ישׁ רֹ֥אשׁ לְבֵית־אֲבֹתָ֖יו הֽוּא׃

‎5 ‏וְאֵ֙לֶּה֙ שְׁמ֣וֹת הָֽאֲנָשִׁ֔ים אֲשֶׁ֥ר יַֽעַמְד֖וּ אִתְּכֶ֑ם לִרְאוּבֵ֕ן אֱלִיצ֖וּר בֶּן־שְׁדֵיאֽוּר׃

‎6 ‏לְשִׁמְע֕וֹן שְׁלֻמִיאֵ֖ל בֶּן־צוּרִֽישַׁדָּֽי׃

‎7 ‏לִֽיהוּדָ֕ה נַחְשׁ֖וֹן בֶּן־עַמִּינָדָֽב׃

‎8 ‏לְיִ֨שָּׂשכָ֔ר נְתַנְאֵ֖ל בֶּן־צוּעָֽר׃

‎9 ‏לִזְבוּלֻ֕ן אֱלִיאָ֖ב בֶּן־חֵלֹֽן׃

‎10 ‏לִבְנֵ֣י יוֹסֵ֔ף לְאֶפְרַ֕יִם אֱלִישָׁמָ֖ע בֶּן־עַמִּיה֑וּד לִמְנַשֶּׁ֕ה גַּמְלִיאֵ֖ל בֶּן־פְּדָהצֽוּר׃

‎11 ‏לְבִ֨נְיָמִ֔ן אֲבִידָ֖ן בֶּן־גִּדְעֹנִֽי׃

‎12 ‏לְדָ֕ן אֲחִיעֶ֖זֶר בֶּן־עַמִּֽישַׁדָּֽי׃

‎13 ‏לְאָשֵׁ֕ר פַּגְעִיאֵ֖ל בֶּן־עָכְרָֽן׃

‎14 ‏לְגָ֕ד אֶלְיָסָ֖ף בֶּן־דְּעוּאֵֽל׃

‎15 ‏לְנַ֨פְתָּלִ֔י אֲחִירַ֖ע בֶּן־עֵינָֽן׃

‎16 ‏אֵ֚לֶּה קריאי קְרוּאֵ֣י הָעֵדָ֔ה נְשִׂיאֵ֖י מַטּ֣וֹת אֲבוֹתָ֑ם רָאשֵׁ֛י אַלְפֵ֥י יִשְׂרָאֵ֖ל הֵֽם׃

‎17 ‏וַיִּקַּ֥ח מֹשֶׁ֖ה וְאַהֲרֹ֑ן אֵ֚ת הָאֲנָשִׁ֣ים הָאֵ֔לֶּה אֲשֶׁ֥ר נִקְּב֖וּ בְּשֵׁמֽוֹת׃

‎18 ‏וְאֵ֨ת כָּל־הָעֵדָ֜ה הִקְהִ֗ילוּ בְּאֶחָד֙ לַחֹ֣דֶשׁ הַשֵּׁנִ֔י וַיִּתְיַֽלְד֥וּ עַל־מִשְׁפְּחֹתָ֖ם לְבֵ֣ית אֲבֹתָ֑ם בְּמִסְפַּ֣ר שֵׁמ֗וֹת מִבֶּ֨ן עֶשְׂרִ֥ים שָׁנָ֛ה וָמַ֖עְלָה לְגֻלְגְּלֹתָֽם׃

‎19 ‏כַּאֲשֶׁ֛ר צִוָּ֥ה יְהוָ֖ה אֶת־מֹשֶׁ֑ה וַֽיִּפְקְדֵ֖ם בְּמִדְבַּ֥ר סִינָֽי׃ פ

‎20 ‏וַיִּהְי֤וּ בְנֵֽי־רְאוּבֵן֙ בְּכֹ֣ר יִשְׂרָאֵ֔ל תּוֹלְדֹתָ֥ם לְמִשְׁפְּחֹתָ֖ם לְבֵ֣ית אֲבֹתָ֑ם בְּמִסְפַּ֤ר שֵׁמוֹת֙ לְגֻלְגְּלֹתָ֔ם כָּל־זָכָ֗ר מִבֶּ֨ן עֶשְׂרִ֤ים שָׁנָה֙ וָמַ֔עְלָה כֹּ֖ל יֹצֵ֥א צָבָֽא׃

‎21 ‏פְּקֻדֵיהֶ֖ם לְמַטֵּ֣ה רְאוּבֵ֑ן שִׁשָּׁ֧ה וְאַרְבָּעִ֛ים אֶ֖לֶף וַחֲמֵ֥שׁ מֵאֽוֹת׃ פ

‎22 ‏לִבְנֵ֣י שִׁמְע֔וֹן תּוֹלְדֹתָ֥ם לְמִשְׁפְּחֹתָ֖ם לְבֵ֣ית אֲבֹתָ֑ם פְּקֻדָ֗יו בְּמִסְפַּ֤ר שֵׁמוֹת֙ לְגֻלְגְּלֹתָ֔ם כָּל־זָכָ֗ר מִבֶּ֨ן עֶשְׂרִ֤ים שָׁנָה֙ וָמַ֔עְלָה כֹּ֖ל יֹצֵ֥א צָבָֽא׃

‎23 ‏פְּקֻדֵיהֶ֖ם לְמַטֵּ֣ה שִׁמְע֑וֹן תִּשְׁעָ֧ה וַחֲמִשִּׁ֛ים אֶ֖לֶף וּשְׁלֹ֥שׁ מֵאֽוֹת׃ פ

‎24 ‏לִבְנֵ֣י גָ֔ד תּוֹלְדֹתָ֥ם לְמִשְׁפְּחֹתָ֖ם לְבֵ֣ית אֲבֹתָ֑ם בְּמִסְפַּ֣ר שֵׁמ֗וֹת מִבֶּ֨ן עֶשְׂרִ֤ים שָׁנָה֙ וָמַ֔עְלָה כֹּ֖ל יֹצֵ֥א צָבָֽא׃

‎25 ‏פְּקֻדֵיהֶ֖ם לְמַטֵּ֣ה גָ֑ד חֲמִשָּׁ֤ה וְאַרְבָּעִים֙ אֶ֔לֶף וְשֵׁ֥שׁ מֵא֖וֹת וַחֲמִשִּֽׁים׃ פ

‎26 ‏לִבְנֵ֣י יְהוּדָ֔ה תּוֹלְדֹתָ֥ם לְמִשְׁפְּחֹתָ֖ם לְבֵ֣ית אֲבֹתָ֑ם בְּמִסְפַּ֣ר שֵׁמֹ֗ת מִבֶּ֨ן עֶשְׂרִ֤ים שָׁנָה֙ וָמַ֔עְלָה כֹּ֖ל יֹצֵ֥א צָבָֽא׃

‎27 ‏פְּקֻדֵיהֶ֖ם לְמַטֵּ֣ה יְהוּדָ֑ה אַרְבָּעָ֧ה וְשִׁבְעִ֛ים אֶ֖לֶף וְשֵׁ֥שׁ מֵאֽוֹת׃ פ

‎28 ‏לִבְנֵ֣י יִשָּׂשכָ֔ר תּוֹלְדֹתָ֥ם לְמִשְׁפְּחֹתָ֖ם לְבֵ֣ית אֲבֹתָ֑ם בְּמִסְפַּ֣ר שֵׁמֹ֗ת מִבֶּ֨ן עֶשְׂרִ֤ים שָׁנָה֙ וָמַ֔עְלָה כֹּ֖ל יֹצֵ֥א צָבָֽא׃

‎29 ‏פְּקֻדֵיהֶ֖ם לְמַטֵּ֣ה יִשָּׂשכָ֑ר אַרְבָּעָ֧ה וַחֲמִשִּׁ֛ים אֶ֖לֶף וְאַרְבַּ֥ע מֵאֽוֹת׃ פ

‎30 ‏לִבְנֵ֣י זְבוּלֻ֔ן תּוֹלְדֹתָ֥ם לְמִשְׁפְּחֹתָ֖ם לְבֵ֣ית אֲבֹתָ֑ם בְּמִסְפַּ֣ר שֵׁמֹ֗ת מִבֶּ֨ן עֶשְׂרִ֤ים שָׁנָה֙ וָמַ֔עְלָה כֹּ֖ל יֹצֵ֥א צָבָֽא׃

‎31 ‏פְּקֻדֵיהֶ֖ם לְמַטֵּ֣ה זְבוּלֻ֑ן שִׁבְעָ֧ה וַחֲמִשִּׁ֛ים אֶ֖לֶף וְאַרְבַּ֥ע מֵאֽוֹת׃ פ

‎32 ‏לִבְנֵ֤י יוֹסֵף֙ לִבְנֵ֣י אֶפְרַ֔יִם תּוֹלְדֹתָ֥ם לְמִשְׁפְּחֹתָ֖ם לְבֵ֣ית אֲבֹתָ֑ם בְּמִסְפַּ֣ר שֵׁמֹ֗ת מִבֶּ֨ן עֶשְׂרִ֤ים שָׁנָה֙ וָמַ֔עְלָה כֹּ֖ל יֹצֵ֥א צָבָֽא׃

‎33 ‏פְּקֻדֵיהֶ֖ם לְמַטֵּ֣ה אֶפְרָ֑יִם אַרְבָּעִ֥ים אֶ֖לֶף וַחֲמֵ֥שׁ מֵאֽוֹת׃ פ

‎34 ‏לִבְנֵ֣י מְנַשֶּׁ֔ה תּוֹלְדֹתָ֥ם לְמִשְׁפְּחֹתָ֖ם לְבֵ֣ית אֲבֹתָ֑ם בְּמִסְפַּ֣ר שֵׁמ֗וֹת מִבֶּ֨ן עֶשְׂרִ֤ים שָׁנָה֙ וָמַ֔עְלָה כֹּ֖ל יֹצֵ֥א צָבָֽא׃

‎35 ‏פְּקֻדֵיהֶ֖ם לְמַטֵּ֣ה מְנַשֶּׁ֑ה שְׁנַ֧יִם וּשְׁלֹשִׁ֛ים אֶ֖לֶף וּמָאתָֽיִם׃ פ

‎36 ‏לִבְנֵ֣י בִנְיָמִ֔ן תּוֹלְדֹתָ֥ם לְמִשְׁפְּחֹתָ֖ם לְבֵ֣ית אֲבֹתָ֑ם בְּמִסְפַּ֣ר שֵׁמֹ֗ת מִבֶּ֨ן עֶשְׂרִ֤ים שָׁנָה֙ וָמַ֔עְלָה כֹּ֖ל יֹצֵ֥א צָבָֽא׃

‎37 ‏פְּקֻדֵיהֶ֖ם לְמַטֵּ֣ה בִנְיָמִ֑ן חֲמִשָּׁ֧ה וּשְׁלֹשִׁ֛ים אֶ֖לֶף וְאַרְבַּ֥ע מֵאֽוֹת׃ פ

‎38 ‏לִבְנֵ֣י דָ֔ן תּוֹלְדֹתָ֥ם לְמִשְׁפְּחֹתָ֖ם לְבֵ֣ית אֲבֹתָ֑ם בְּמִסְפַּ֣ר שֵׁמֹ֗ת מִבֶּ֨ן עֶשְׂרִ֤ים שָׁנָה֙ וָמַ֔עְלָה כֹּ֖ל יֹצֵ֥א צָבָֽא׃

‎39 ‏פְּקֻדֵיהֶ֖ם לְמַטֵּ֣ה דָ֑ן שְׁנַ֧יִם וְשִׁשִּׁ֛ים אֶ֖לֶף וּשְׁבַ֥ע מֵאֽוֹת׃ פ

‎40 ‏לִבְנֵ֣י אָשֵׁ֔ר תּוֹלְדֹתָ֥ם לְמִשְׁפְּחֹתָ֖ם לְבֵ֣ית אֲבֹתָ֑ם בְּמִסְפַּ֣ר שֵׁמֹ֗ת מִבֶּ֨ן עֶשְׂרִ֤ים שָׁנָה֙ וָמַ֔עְלָה כֹּ֖ל יֹצֵ֥א צָבָֽא׃

‎41 ‏פְּקֻדֵיהֶ֖ם לְמַטֵּ֣ה אָשֵׁ֑ר אֶחָ֧ד וְאַרְבָּעִ֛ים אֶ֖לֶף וַחֲמֵ֥שׁ מֵאֽוֹת׃ פ

‎42 ‏בְּנֵ֣י נַפְתָּלִ֔י תּוֹלְדֹתָ֥ם לְמִשְׁפְּחֹתָ֖ם לְבֵ֣ית אֲבֹתָ֑ם בְּמִסְפַּ֣ר שֵׁמֹ֗ת מִבֶּ֨ן עֶשְׂרִ֤ים שָׁנָה֙ וָמַ֔עְלָה כֹּ֖ל יֹצֵ֥א צָבָֽא׃

‎43 ‏פְּקֻדֵיהֶ֖ם לְמַטֵּ֣ה נַפְתָּלִ֑י שְׁלֹשָׁ֧ה וַחֲמִשִּׁ֛ים אֶ֖לֶף וְאַרְבַּ֥ע מֵאֽוֹת׃ פ

‎44 ‏אֵ֣לֶּה הַפְּקֻדִ֡ים אֲשֶׁר֩ פָּקַ֨ד מֹשֶׁ֤ה וְאַהֲרֹן֙ וּנְשִׂיאֵ֣י יִשְׂרָאֵ֔ל שְׁנֵ֥ים עָשָׂ֖ר אִ֑ישׁ אִישׁ־אֶחָ֥ד לְבֵית־אֲבֹתָ֖יו הָיֽוּ׃

‎45 ‏וַיִּֽהְי֛וּ כָּל־פְּקוּדֵ֥י בְנֵֽי־יִשְׂרָאֵ֖ל לְבֵ֣ית אֲבֹתָ֑ם מִבֶּ֨ן עֶשְׂרִ֤ים שָׁנָה֙ וָמַ֔עְלָה כָּל־יֹצֵ֥א צָבָ֖א בְּיִשְׂרָאֵֽל׃

‎46 ‏וַיִּֽהְיוּ֙ כָּל־הַפְּקֻדִ֔ים שֵׁשׁ־מֵא֥וֹת אֶ֖לֶף וּשְׁלֹ֣שֶׁת אֲלָפִ֑ים וַחֲמֵ֥שׁ מֵא֖וֹת וַחֲמִשִּֽׁים׃

‎47 ‏וְהַלְוִיִּ֖ם לְמַטֵּ֣ה אֲבֹתָ֑ם לֹ֥א הָתְפָּקְד֖וּ בְּתוֹכָֽם׃ פ

‎48 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎49 ‏אַ֣ךְ אֶת־מַטֵּ֤ה לֵוִי֙ לֹ֣א תִפְקֹ֔ד וְאֶת־רֹאשָׁ֖ם לֹ֣א תִשָּׂ֑א בְּת֖וֹךְ בְּנֵ֥י יִשְׂרָאֵֽל׃

‎50 ‏וְאַתָּ֡ה הַפְקֵ֣ד אֶת־הַלְוִיִּם֩ עַל־מִשְׁכַּ֨ן הָעֵדֻ֜ת וְעַ֣ל כָּל־כֵּלָיו֮ וְעַ֣ל כָּל־אֲשֶׁר־לוֹ֒ הֵ֜מָּה יִשְׂא֤וּ אֶת־הַמִּשְׁכָּן֙ וְאֶת־כָּל־כֵּלָ֔יו וְהֵ֖ם יְשָׁרְתֻ֑הוּ וְסָבִ֥יב לַמִּשְׁכָּ֖ן יַחֲנֽוּ׃

‎51 ‏וּבִנְסֹ֣עַ הַמִּשְׁכָּ֗ן יוֹרִ֤ידוּ אֹתוֹ֙ הַלְוִיִּ֔ם וּבַחֲנֹת֙ הַמִּשְׁכָּ֔ן יָקִ֥ימוּ אֹת֖וֹ הַלְוִיִּ֑ם וְהַזָּ֥ר הַקָּרֵ֖ב יוּמָֽת׃

‎52 ‏וְחָנ֖וּ בְּנֵ֣י יִשְׂרָאֵ֑ל אִ֧ישׁ עַֽל־מַחֲנֵ֛הוּ וְאִ֥ישׁ עַל־דִּגְל֖וֹ לְצִבְאֹתָֽם׃

‎53 ‏וְהַלְוִיִּ֞ם יַחֲנ֤וּ סָבִיב֙ לְמִשְׁכַּ֣ן הָעֵדֻ֔ת וְלֹֽא־יִהְיֶ֣ה קֶ֔צֶף עַל־עֲדַ֖ת בְּנֵ֣י יִשְׂרָאֵ֑ל וְשָׁמְרוּ֙ הַלְוִיִּ֔ם אֶת־מִשְׁמֶ֖רֶת מִשְׁכַּ֥ן הָעֵדֽוּת׃

‎54 ‏וַֽיַּעֲשׂ֖וּ בְּנֵ֣י יִשְׂרָאֵ֑ל כְּ֠כֹל אֲשֶׁ֨ר צִוָּ֧ה יְהוָ֛ה אֶת־מֹשֶׁ֖ה כֵּ֥ן עָשֽׂוּ׃ פ

1 wayəḏabēr yəhwâ ’el-mōšeh bəmiḏəbar sînay bə’ōhel mwō‘ēḏ bə’eḥāḏ l^aḥōḏeš haššēnî baššānâ haššēnîṯ ləṣē’ṯām mē’ereṣ miṣərayim lē’mōr:

2 śə’û ’eṯ-rō’š kāl-‘ăḏaṯ bənê-yiśərā’ēl ləmišəpəḥōṯām ləḇêṯ ’ăḇōṯām bəmisəpar šēmwōṯ kāl-zāḵār ləḡuləgəlōṯām:

3 miben ‘eśərîm šānâ wām^a‘əlâ kāl-yōṣē’ ṣāḇā’ bəyiśərā’ēl tifəqəḏû ’ōṯām ləṣiḇə’ōṯām ’atâ wə’ahărōn:

4 wə’itəḵem yihəyû ’îš ’îš lammaṭṭeh ’îš rō’š ləḇêṯ-’ăḇōṯāyw hû’:

5 wə’ēlleh šəmwōṯ hā’ănāšîm ’ăšer y^a‘aməḏû ’itəḵem lirə’ûḇēn ’ĕlîṣûr ben-šəḏê’ûr:

6 ləšimə‘wōn šəlumî’ēl ben-ṣûrîšadāy:

7 lîhûḏâ n^aḥəšwōn ben-‘ammînāḏāḇ:

8 ləyiśśāsḵār nəṯanə’ēl ben-ṣû‘ār:

9 lizəḇûlun ’ĕlî’āḇ ben-ḥēlōn:

10 liḇənê ywōsēf lə’efərayim ’ĕlîšāmā‘ ben-‘ammîhûḏ limənaššeh gaməlî’ēl ben-pəḏâṣûr:

11 ləḇinəyāmin ’ăḇîḏān ben-giḏə‘ōnî:

12 ləḏān ’ăḥî‘ezer ben-‘ammîšadāy:

13 lə’āšēr paḡə‘î’ēl ben-‘āḵərān:

14 ləḡāḏ ’eləyāsāf ben-də‘û’ēl:

15 lənafətālî ’ăḥîr^a‘ ben-‘ênān:

16 ’ēlleh qərî’ê qərû’ê hā‘ēḏâ nəśî’ê maṭṭwōṯ ’ăḇwōṯām rā’šê ’aləfê yiśərā’ēl hēm:

17 wayyiqq^aḥ mōšeh wə’ahărōn ’ēṯ hā’ănāšîm hā’ēlleh ’ăšer niqqəḇû bəšēmwōṯ:

18 wə’ēṯ kāl-hā‘ēḏâ hiqəhîlû bə’eḥāḏ l^aḥōḏeš haššēnî wayyiṯəyaləḏû ‘al-mišəpəḥōṯām ləḇêṯ ’ăḇōṯām bəmisəpar šēmwōṯ miben ‘eśərîm šānâ wām^a‘əlâ ləḡuləgəlōṯām:

19 ka’ăšer ṣiûâ yəhwâ ’eṯ-mōšeh wayyifəqəḏēm bəmiḏəbar sînāy: f

20 wayyihəyû ḇənê-rə’ûḇēn bəḵōr yiśərā’ēl twōləḏōṯām ləmišəpəḥōṯām ləḇêṯ ’ăḇōṯām bəmisəpar šēmwōṯ ləḡuləgəlōṯām kāl-zāḵār miben ‘eśərîm šānâ wām^a‘əlâ kōl yōṣē’ ṣāḇā’:

21 pəquḏêhem ləmaṭṭēh rə’ûḇēn šiššâ wə’arəbā‘îm ’elef w^aḥămēš mē’wōṯ: f

22 liḇənê šimə‘wōn twōləḏōṯām ləmišəpəḥōṯām ləḇêṯ ’ăḇōṯām pəquḏāyw bəmisəpar šēmwōṯ ləḡuləgəlōṯām kāl-zāḵār miben ‘eśərîm šānâ wām^a‘əlâ kōl yōṣē’ ṣāḇā’:

23 pəquḏêhem ləmaṭṭēh šimə‘wōn tišə‘â w^aḥămiššîm ’elef ûšəlōš mē’wōṯ: f

24 liḇənê ḡāḏ twōləḏōṯām ləmišəpəḥōṯām ləḇêṯ ’ăḇōṯām bəmisəpar šēmwōṯ miben ‘eśərîm šānâ wām^a‘əlâ kōl yōṣē’ ṣāḇā’:

25 pəquḏêhem ləmaṭṭēh ḡāḏ ḥămiššâ wə’arəbā‘îm ’elef wəšēš mē’wōṯ w^aḥămiššîm: f

26 liḇənê yəhûḏâ twōləḏōṯām ləmišəpəḥōṯām ləḇêṯ ’ăḇōṯām bəmisəpar šēmōṯ miben ‘eśərîm šānâ wām^a‘əlâ kōl yōṣē’ ṣāḇā’:

27 pəquḏêhem ləmaṭṭēh yəhûḏâ ’arəbā‘â wəšiḇə‘îm ’elef wəšēš mē’wōṯ: f

28 liḇənê yiśśāsḵār twōləḏōṯām ləmišəpəḥōṯām ləḇêṯ ’ăḇōṯām bəmisəpar šēmōṯ miben ‘eśərîm šānâ wām^a‘əlâ kōl yōṣē’ ṣāḇā’:

29 pəquḏêhem ləmaṭṭēh yiśśāsḵār ’arəbā‘â w^aḥămiššîm ’elef wə’arəb^a‘ mē’wōṯ: f

30 liḇənê zəḇûlun twōləḏōṯām ləmišəpəḥōṯām ləḇêṯ ’ăḇōṯām bəmisəpar šēmōṯ miben ‘eśərîm šānâ wām^a‘əlâ kōl yōṣē’ ṣāḇā’:

31 pəquḏêhem ləmaṭṭēh zəḇûlun šiḇə‘â w^aḥămiššîm ’elef wə’arəb^a‘ mē’wōṯ: f

32 liḇənê ywōsēf liḇənê ’efərayim twōləḏōṯām ləmišəpəḥōṯām ləḇêṯ ’ăḇōṯām bəmisəpar šēmōṯ miben ‘eśərîm šānâ wām^a‘əlâ kōl yōṣē’ ṣāḇā’:

33 pəquḏêhem ləmaṭṭēh ’efərāyim ’arəbā‘îm ’elef w^aḥămēš mē’wōṯ: f

34 liḇənê mənaššeh twōləḏōṯām ləmišəpəḥōṯām ləḇêṯ ’ăḇōṯām bəmisəpar šēmwōṯ miben ‘eśərîm šānâ wām^a‘əlâ kōl yōṣē’ ṣāḇā’:

35 pəquḏêhem ləmaṭṭēh mənaššeh šənayim ûšəlōšîm ’elef ûmā’ṯāyim: f

36 liḇənê ḇinəyāmin twōləḏōṯām ləmišəpəḥōṯām ləḇêṯ ’ăḇōṯām bəmisəpar šēmōṯ miben ‘eśərîm šānâ wām^a‘əlâ kōl yōṣē’ ṣāḇā’:

37 pəquḏêhem ləmaṭṭēh ḇinəyāmin ḥămiššâ ûšəlōšîm ’elef wə’arəb^a‘ mē’wōṯ: f

38 liḇənê ḏān twōləḏōṯām ləmišəpəḥōṯām ləḇêṯ ’ăḇōṯām bəmisəpar šēmōṯ miben ‘eśərîm šānâ wām^a‘əlâ kōl yōṣē’ ṣāḇā’:

39 pəquḏêhem ləmaṭṭēh ḏān šənayim wəšiššîm ’elef ûšəḇ^a‘ mē’wōṯ: f

40 liḇənê ’āšēr twōləḏōṯām ləmišəpəḥōṯām ləḇêṯ ’ăḇōṯām bəmisəpar šēmōṯ miben ‘eśərîm šānâ wām^a‘əlâ kōl yōṣē’ ṣāḇā’:

41 pəquḏêhem ləmaṭṭēh ’āšēr ’eḥāḏ wə’arəbā‘îm ’elef w^aḥămēš mē’wōṯ: f

42 bənê nafətālî twōləḏōṯām ləmišəpəḥōṯām ləḇêṯ ’ăḇōṯām bəmisəpar šēmōṯ miben ‘eśərîm šānâ wām^a‘əlâ kōl yōṣē’ ṣāḇā’:

43 pəquḏêhem ləmaṭṭēh nafətālî šəlōšâ w^aḥămiššîm ’elef wə’arəb^a‘ mē’wōṯ: f

44 ’ēlleh hapəquḏîm ’ăšer pāqaḏ mōšeh wə’ahărōn ûnəśî’ê yiśərā’ēl šənêm ‘āśār ’îš ’îš-’eḥāḏ ləḇêṯ-’ăḇōṯāyw hāyû:

45 wayyihəyû kāl-pəqûḏê ḇənê-yiśərā’ēl ləḇêṯ ’ăḇōṯām miben ‘eśərîm šānâ wām^a‘əlâ kāl-yōṣē’ ṣāḇā’ bəyiśərā’ēl:

46 wayyihəyû kāl-hapəquḏîm šēš-mē’wōṯ ’elef ûšəlōšeṯ ’ălāfîm w^aḥămēš mē’wōṯ w^aḥămiššîm:

47 wəhaləwîyim ləmaṭṭēh ’ăḇōṯām lō’ hāṯəpāqəḏû bəṯwōḵām: f

48 wayəḏabēr yəhwâ ’el-mōšeh llē’mōr:

49 ’aḵə ’eṯ-maṭṭēh lēwî lō’ ṯifəqōḏ wə’eṯ-rō’šām lō’ ṯiśśā’ bəṯwōḵə bənê yiśərā’ēl:

50 wə’atâ hafəqēḏ ’eṯ-haləwîyim ‘al-mišəkan hā‘ēḏuṯ wə‘al kāl-kēlāyw wə‘al kāl-’ăšer-lwō hēmmâ yiśə’û ’eṯ-hammišəkān wə’eṯ-kāl-kēlāyw wəhēm yəšārəṯuhû wəsāḇîḇ lammišəkān y^aḥănû:

51 ûḇinəsō‘a hammišəkān ywōrîḏû ’ōṯwō haləwîyim ûḇ^aḥănōṯ hammišəkān yāqîmû ’ōṯwō haləwîyim wəhazzār haqqārēḇ yûmāṯ:

52 wəḥānû bənê yiśərā’ēl ’îš ‘al-m^aḥănēhû wə’îš ‘al-diḡəlwō ləṣiḇə’ōṯām:

53 wəhaləwîyim y^aḥănû sāḇîḇ ləmišəkan hā‘ēḏuṯ wəlō’-yihəyeh qeṣef ‘al-‘ăḏaṯ bənê yiśərā’ēl wəšāmərû haləwîyim ’eṯ-mišəmereṯ mišəkan hā‘ēḏûṯ:

54 wayy^a‘ăśû bənê yiśərā’ēl kəḵōl ’ăšer ṣiûâ yəhwâ ’eṯ-mōšeh kēn ‘āśû: f

‎1 ‏וַיְדַבֵּ֣ר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃

‎2 ‏אִ֣ישׁ עַל־דִּגְל֤וֹ בְאֹתֹת֙ לְבֵ֣ית אֲבֹתָ֔ם יַחֲנ֖וּ בְּנֵ֣י יִשְׂרָאֵ֑ל מִנֶּ֕גֶד סָבִ֥יב לְאֹֽהֶל־מוֹעֵ֖ד יַחֲנֽוּ׃

‎3 ‏וְהַחֹנִים֙ קֵ֣דְמָה מִזְרָ֔חָה דֶּ֛גֶל מַחֲנֵ֥ה יְהוּדָ֖ה לְצִבְאֹתָ֑ם וְנָשִׂיא֙ לִבְנֵ֣י יְהוּדָ֔ה נַחְשׁ֖וֹן בֶּן־עַמִּינָדָֽב׃

‎4 ‏וּצְבָא֖וֹ וּפְקֻדֵיהֶ֑ם אַרְבָּעָ֧ה וְשִׁבְעִ֛ים אֶ֖לֶף וְשֵׁ֥שׁ מֵאֽוֹת׃

‎5 ‏וְהַחֹנִ֥ים עָלָ֖יו מַטֵּ֣ה יִשָּׂשכָ֑ר וְנָשִׂיא֙ לִבְנֵ֣י יִשָּׂשכָ֔ר נְתַנְאֵ֖ל בֶּן־צוּעָֽר׃

‎6 ‏וּצְבָא֖וֹ וּפְקֻדָ֑יו אַרְבָּעָ֧ה וַחֲמִשִּׁ֛ים אֶ֖לֶף וְאַרְבַּ֥ע מֵאֽוֹת׃ ס

‎7 ‏מַטֵּ֖ה זְבוּלֻ֑ן וְנָשִׂיא֙ לִבְנֵ֣י זְבוּלֻ֔ן אֱלִיאָ֖ב בֶּן־חֵלֹֽן׃

‎8 ‏וּצְבָא֖וֹ וּפְקֻדָ֑יו שִׁבְעָ֧ה וַחֲמִשִּׁ֛ים אֶ֖לֶף וְאַרְבַּ֥ע מֵאֽוֹת׃

‎9 ‏כָּֽל־הַפְּקֻדִ֞ים לְמַחֲנֵ֣ה יְהוּדָ֗ה מְאַ֨ת אֶ֜לֶף וּשְׁמֹנִ֥ים אֶ֛לֶף וְשֵֽׁשֶׁת־אֲלָפִ֥ים וְאַרְבַּע־מֵא֖וֹת לְצִבְאֹתָ֑ם רִאשֹׁנָ֖ה יִסָּֽעוּ׃ ס

‎10 ‏דֶּ֣גֶל מַחֲנֵ֧ה רְאוּבֵ֛ן תֵּימָ֖נָה לְצִבְאֹתָ֑ם וְנָשִׂיא֙ לִבְנֵ֣י רְאוּבֵ֔ן אֱלִיצ֖וּר בֶּן־שְׁדֵיאֽוּר׃

‎11 ‏וּצְבָא֖וֹ וּפְקֻדָ֑יו שִׁשָּׁ֧ה וְאַרְבָּעִ֛ים אֶ֖לֶף וַחֲמֵ֥שׁ מֵאֽוֹת׃

‎12 ‏וְהַחוֹנִ֥ם עָלָ֖יו מַטֵּ֣ה שִׁמְע֑וֹן וְנָשִׂיא֙ לִבְנֵ֣י שִׁמְע֔וֹן שְׁלֻמִיאֵ֖ל בֶּן־צוּרִֽי־שַׁדָּֽי׃³

‎13 ‏וּצְבָא֖וֹ וּפְקֻדֵיהֶ֑ם תִּשְׁעָ֧ה וַחֲמִשִּׁ֛ים אֶ֖לֶף וּשְׁלֹ֥שׁ מֵאֽוֹת׃

‎14 ‏וְמַטֵּ֖ה גָּ֑ד וְנָשִׂיא֙ לִבְנֵ֣י גָ֔ד אֶלְיָסָ֖ף בֶּן־רְעוּאֵֽל׃

‎15 ‏וּצְבָא֖וֹ וּפְקֻדֵיהֶ֑ם חֲמִשָּׁ֤ה וְאַרְבָּעִים֙ אֶ֔לֶף וְשֵׁ֥שׁ מֵא֖וֹת וַחֲמִשִּֽׁים׃

‎16 ‏כָּֽל־הַפְּקֻדִ֞ים לְמַחֲנֵ֣ה רְאוּבֵ֗ן מְאַ֨ת אֶ֜לֶף וְאֶחָ֨ד וַחֲמִשִּׁ֥ים אֶ֛לֶף וְאַרְבַּע־מֵא֥וֹת וַחֲמִשִּׁ֖ים לְצִבְאֹתָ֑ם וּשְׁנִיִּ֖ם יִסָּֽעוּ׃ ס

‎17 ‏וְנָסַ֧ע אֹֽהֶל־מוֹעֵ֛ד מַחֲנֵ֥ה הַלְוִיִּ֖ם בְּת֣וֹךְ הַֽמַּחֲנֹ֑ת כַּאֲשֶׁ֤ר יַחֲנוּ֙ כֵּ֣ן יִסָּ֔עוּ אִ֥ישׁ עַל־יָד֖וֹ לְדִגְלֵיהֶֽם׃ ס

‎18 ‏דֶּ֣גֶל מַחֲנֵ֥ה אֶפְרַ֛יִם לְצִבְאֹתָ֖ם יָ֑מָּה וְנָשִׂיא֙ לִבְנֵ֣י אֶפְרַ֔יִם אֱלִישָׁמָ֖ע בֶּן־עַמִּיהֽוּד׃

‎19 ‏וּצְבָא֖וֹ וּפְקֻדֵיהֶ֑ם אַרְבָּעִ֥ים אֶ֖לֶף וַחֲמֵ֥שׁ מֵאֽוֹת׃

‎20 ‏וְעָלָ֖יו מַטֵּ֣ה מְנַשֶּׁ֑ה וְנָשִׂיא֙ לִבְנֵ֣י מְנַשֶּׁ֔ה גַּמְלִיאֵ֖ל בֶּן־פְּדָהצֽוּר׃

‎21 ‏וּצְבָא֖וֹ וּפְקֻדֵיהֶ֑ם שְׁנַ֧יִם וּשְׁלֹשִׁ֛ים אֶ֖לֶף וּמָאתָֽיִם׃

‎22 ‏וּמַטֵּ֖ה בִּנְיָמִ֑ן וְנָשִׂיא֙ לִבְנֵ֣י בִנְיָמִ֔ן אֲבִידָ֖ן בֶּן־גִּדְעֹנִֽי׃

‎23 ‏וּצְבָא֖וֹ וּפְקֻדֵיהֶ֑ם חֲמִשָּׁ֧ה וּשְׁלֹשִׁ֛ים אֶ֖לֶף וְאַרְבַּ֥ע מֵאֽוֹת׃

‎24 ‏כָּֽל־הַפְּקֻדִ֞ים לְמַחֲנֵ֣ה אֶפְרַ֗יִם מְאַ֥ת אֶ֛לֶף וּשְׁמֹֽנַת־אֲלָפִ֥ים וּמֵאָ֖ה לְצִבְאֹתָ֑ם וּשְׁלִשִׁ֖ים יִסָּֽעוּ׃ ס

‎25 ‏דֶּ֣גֶל מַחֲנֵ֥ה דָ֛ן צָפֹ֖נָה לְצִבְאֹתָ֑ם וְנָשִׂיא֙ לִבְנֵ֣י דָ֔ן אֲחִיעֶ֖זֶר בֶּן־עַמִּֽישַׁדָּֽי׃

‎26 ‏וּצְבָא֖וֹ וּפְקֻדֵיהֶ֑ם שְׁנַ֧יִם וְשִׁשִּׁ֛ים אֶ֖לֶף וּשְׁבַ֥ע מֵאֽוֹת׃

‎27 ‏וְהַחֹנִ֥ים עָלָ֖יו מַטֵּ֣ה אָשֵׁ֑ר וְנָשִׂיא֙ לִבְנֵ֣י אָשֵׁ֔ר פַּגְעִיאֵ֖ל בֶּן־עָכְרָֽן׃

‎28 ‏וּצְבָא֖וֹ וּפְקֻדֵיהֶ֑ם אֶחָ֧ד וְאַרְבָּעִ֛ים אֶ֖לֶף וַחֲמֵ֥שׁ מֵאֽוֹת׃

‎29 ‏וּמַטֵּ֖ה נַפְתָּלִ֑י וְנָשִׂיא֙ לִבְנֵ֣י נַפְתָּלִ֔י אֲחִירַ֖ע בֶּן־עֵינָֽן׃

‎30 ‏וּצְבָא֖וֹ וּפְקֻדֵיהֶ֑ם שְׁלֹשָׁ֧ה וַחֲמִשִּׁ֛ים אֶ֖לֶף וְאַרְבַּ֥ע מֵאֽוֹת׃

‎31 ‏כָּל־הַפְּקֻדִים֙ לְמַ֣חֲנֵה דָ֔ן מְאַ֣ת אֶ֗לֶף וְשִׁבְעָ֧ה וַחֲמִשִּׁ֛ים אֶ֖לֶף וְשֵׁ֣שׁ מֵא֑וֹת לָאַחֲרֹנָ֥ה יִסְע֖וּ לְדִגְלֵיהֶֽם׃ פ

‎32 ‏אֵ֛לֶּה פְּקוּדֵ֥י בְנֵֽי־יִשְׂרָאֵ֖ל לְבֵ֣ית אֲבֹתָ֑ם כָּל־פְּקוּדֵ֤י הַֽמַּחֲנֹת֙ לְצִבְאֹתָ֔ם שֵׁשׁ־מֵא֥וֹת אֶ֙לֶף֙ וּשְׁלֹ֣שֶׁת אֲלָפִ֔ים וַחֲמֵ֥שׁ מֵא֖וֹת וַחֲמִשִּֽׁים׃

‎33 ‏וְהַ֨לְוִיִּ֔ם לֹ֣א הָתְפָּקְד֔וּ בְּת֖וֹךְ בְּנֵ֣י יִשְׂרָאֵ֑ל כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

‎34 ‏וַֽיַּעֲשׂ֖וּ בְּנֵ֣י יִשְׂרָאֵ֑ל כְּ֠כֹל אֲשֶׁר־צִוָּ֨ה יְהוָ֜ה אֶת־מֹשֶׁ֗ה כֵּֽן־חָנ֤וּ³ לְדִגְלֵיהֶם֙ וְכֵ֣ן נָסָ֔עוּ אִ֥ישׁ לְמִשְׁפְּחֹתָ֖יו עַל־בֵּ֥ית אֲבֹתָֽיו׃

1 wayəḏabēr yəhwâ ’el-mōšeh wə’el-’ahărōn lē’mōr:

2 ’îš ‘al-diḡəlwō ḇə’ōṯōṯ ləḇêṯ ’ăḇōṯām y^aḥănû bənê yiśərā’ēl minneḡeḏ sāḇîḇ lə’ōhel-mwō‘ēḏ y^aḥănû:

3 wəh^aḥōnîm qēḏəmâ mizərāḥâ deḡel m^aḥănēh yəhûḏâ ləṣiḇə’ōṯām wənāśî’ liḇənê yəhûḏâ n^aḥəšwōn ben-‘ammînāḏāḇ:

4 ûṣəḇā’wō ûfəquḏêhem ’arəbā‘â wəšiḇə‘îm ’elef wəšēš mē’wōṯ:

5 wəh^aḥōnîm ‘ālāyw maṭṭēh yiśśāsḵār wənāśî’ liḇənê yiśśāsḵār nəṯanə’ēl ben-ṣû‘ār:

6 ûṣəḇā’wō ûfəquḏāyw ’arəbā‘â w^aḥămiššîm ’elef wə’arəb^a‘ mē’wōṯ: s

7 maṭṭēh zəḇûlun wənāśî’ liḇənê zəḇûlun ’ĕlî’āḇ ben-ḥēlōn:

8 ûṣəḇā’wō ûfəquḏāyw šiḇə‘â w^aḥămiššîm ’elef wə’arəb^a‘ mē’wōṯ:

9 kāl-hapəquḏîm ləm^aḥănēh yəhûḏâ mə’aṯ ’elef ûšəmōnîm ’elef wəšēšeṯ-’ălāfîm wə’arəb^a‘-mē’wōṯ ləṣiḇə’ōṯām ri’šōnâ yissā‘û: s

10 deḡel m^aḥănēh rə’ûḇēn têmānâ ləṣiḇə’ōṯām wənāśî’ liḇənê rə’ûḇēn ’ĕlîṣûr ben-šəḏê’ûr:

11 ûṣəḇā’wō ûfəquḏāyw šiššâ wə’arəbā‘îm ’elef w^aḥămēš mē’wōṯ:

12 wəh^aḥwōnim ‘ālāyw maṭṭēh šimə‘wōn wənāśî’ liḇənê šimə‘wōn šəlumî’ēl ben-ṣûrî-šadāy:³

13 ûṣəḇā’wō ûfəquḏêhem tišə‘â w^aḥămiššîm ’elef ûšəlōš mē’wōṯ:

14 wəmaṭṭēh gāḏ wənāśî’ liḇənê ḡāḏ ’eləyāsāf ben-rə‘û’ēl:

15 ûṣəḇā’wō ûfəquḏêhem ḥămiššâ wə’arəbā‘îm ’elef wəšēš mē’wōṯ w^aḥămiššîm:

16 kāl-hapəquḏîm ləm^aḥănēh rə’ûḇēn mə’aṯ ’elef wə’eḥāḏ w^aḥămiššîm ’elef wə’arəb^a‘-mē’wōṯ w^aḥămiššîm ləṣiḇə’ōṯām ûšənîyim yissā‘û: s

17 wənās^a‘ ’ōhel-mwō‘ēḏ m^aḥănēh haləwîyim bəṯwōḵə hamm^aḥănōṯ ka’ăšer y^aḥănû kēn yissā‘û ’îš ‘al-yāḏwō ləḏiḡəlêhem: s

18 deḡel m^aḥănēh ’efərayim ləṣiḇə’ōṯām yāmmâ wənāśî’ liḇənê ’efərayim ’ĕlîšāmā‘ ben-‘ammîhûḏ:

19 ûṣəḇā’wō ûfəquḏêhem ’arəbā‘îm ’elef w^aḥămēš mē’wōṯ:

20 wə‘ālāyw maṭṭēh mənaššeh wənāśî’ liḇənê mənaššeh gaməlî’ēl ben-pəḏâṣûr:

21 ûṣəḇā’wō ûfəquḏêhem šənayim ûšəlōšîm ’elef ûmā’ṯāyim:

22 ûmaṭṭēh binəyāmin wənāśî’ liḇənê ḇinəyāmin ’ăḇîḏān ben-giḏə‘ōnî:

23 ûṣəḇā’wō ûfəquḏêhem ḥămiššâ ûšəlōšîm ’elef wə’arəb^a‘ mē’wōṯ:

24 kāl-hapəquḏîm ləm^aḥănēh ’efərayim mə’aṯ ’elef ûšəmōnaṯ-’ălāfîm ûmē’â ləṣiḇə’ōṯām ûšəlišîm yissā‘û: s

25 deḡel m^aḥănēh ḏān ṣāfōnâ ləṣiḇə’ōṯām wənāśî’ liḇənê ḏān ’ăḥî‘ezer ben-‘ammîšadāy:

26 ûṣəḇā’wō ûfəquḏêhem šənayim wəšiššîm ’elef ûšəḇ^a‘ mē’wōṯ:

27 wəh^aḥōnîm ‘ālāyw maṭṭēh ’āšēr wənāśî’ liḇənê ’āšēr paḡə‘î’ēl ben-‘āḵərān:

28 ûṣəḇā’wō ûfəquḏêhem ’eḥāḏ wə’arəbā‘îm ’elef w^aḥămēš mē’wōṯ:

29 ûmaṭṭēh nafətālî wənāśî’ liḇənê nafətālî ’ăḥîr^a‘ ben-‘ênān:

30 ûṣəḇā’wō ûfəquḏêhem šəlōšâ w^aḥămiššîm ’elef wə’arəb^a‘ mē’wōṯ:

31 kāl-hapəquḏîm ləm^aḥănēh ḏān mə’aṯ ’elef wəšiḇə‘â w^aḥămiššîm ’elef wəšēš mē’wōṯ lā’^aḥărōnâ yisə‘û ləḏiḡəlêhem: f

32 ’ēlleh pəqûḏê ḇənê-yiśərā’ēl ləḇêṯ ’ăḇōṯām kāl-pəqûḏê hamm^aḥănōṯ ləṣiḇə’ōṯām šēš-mē’wōṯ ’elef ûšəlōšeṯ ’ălāfîm w^aḥămēš mē’wōṯ w^aḥămiššîm:

33 wəhaləwîyim lō’ hāṯəpāqəḏû bəṯwōḵə bənê yiśərā’ēl ka’ăšer ṣiûâ yəhwâ ’eṯ-mōšeh:

34 wayy^a‘ăśû bənê yiśərā’ēl kəḵōl ’ăšer-ṣiûâ yəhwâ ’eṯ-mōšeh kēn-ḥānû³ ləḏiḡəlêhem wəḵēn nāsā‘û ’îš ləmišəpəḥōṯāyw ‘al-bêṯ ’ăḇōṯāyw:

‎1 ‏וְאֵ֛לֶּה תּוֹלְדֹ֥ת אַהֲרֹ֖ן וּמֹשֶׁ֑ה בְּי֗וֹם דִּבֶּ֧ר יְהוָ֛ה אֶת־מֹשֶׁ֖ה בְּהַ֥ר סִינָֽי׃

‎2 ‏וְאֵ֛לֶּה שְׁמ֥וֹת בְּֽנֵי־אַהֲרֹ֖ן הַבְּכ֣וֹר׀ נָדָ֑ב וַאֲבִיה֕וּא אֶלְעָזָ֖ר וְאִיתָמָֽר׃

‎3 ‏אֵ֗לֶּה שְׁמוֹת֙ בְּנֵ֣י אַהֲרֹ֔ן הַכֹּהֲנִ֖ים הַמְּשֻׁחִ֑ים אֲשֶׁר־מִלֵּ֥א יָדָ֖ם לְכַהֵֽן׃

‎4 ‏וַיָּ֣מָת נָדָ֣ב וַאֲבִיה֣וּא לִפְנֵ֣י יְהוָ֡ה בְּֽהַקְרִבָם֩ אֵ֨שׁ זָרָ֜ה לִפְנֵ֤י יְהוָה֙ בְּמִדְבַּ֣ר סִינַ֔י וּבָנִ֖ים לֹא־הָי֣וּ לָהֶ֑ם וַיְכַהֵ֤ן אֶלְעָזָר֙ וְאִ֣יתָמָ֔ר עַל־פְּנֵ֖י אַהֲרֹ֥ן אֲבִיהֶֽם׃ פ

‎5 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎6 ‏הַקְרֵב֙ אֶת־מַטֵּ֣ה לֵוִ֔י וְֽהַעֲמַדְתָּ֣ אֹת֔וֹ לִפְנֵ֖י אַהֲרֹ֣ן הַכֹּהֵ֑ן וְשֵׁרְת֖וּ אֹתֽוֹ׃

‎7 ‏וְשָׁמְר֣וּ אֶת־מִשְׁמַרְתּ֗וֹ וְאֶת־מִשְׁמֶ֙רֶת֙ כָּל־הָ֣עֵדָ֔ה לִפְנֵ֖י אֹ֣הֶל מוֹעֵ֑ד לַעֲבֹ֖ד אֶת־עֲבֹדַ֥ת הַמִּשְׁכָּֽן׃

‎8 ‏וְשָׁמְר֗וּ אֶֽת־כָּל־כְּלֵי֙ אֹ֣הֶל מוֹעֵ֔ד וְאֶת־מִשְׁמֶ֖רֶת בְּנֵ֣י יִשְׂרָאֵ֑ל לַעֲבֹ֖ד אֶת־עֲבֹדַ֥ת הַמִּשְׁכָּֽן׃

‎9 ‏וְנָתַתָּה֙ אֶת־הַלְוִיִּ֔ם לְאַהֲרֹ֖ן וּלְבָנָ֑יו נְתוּנִ֨ם נְתוּנִ֥ם הֵ֙מָּה֙ ל֔וֹ מֵאֵ֖ת בְּנֵ֥י יִשְׂרָאֵֽל׃

‎10 ‏וְאֶת־אַהֲרֹ֤ן וְאֶת־בָּנָיו֙ תִּפְקֹ֔ד וְשָׁמְר֖וּ אֶת־כְּהֻנָּתָ֑ם וְהַזָּ֥ר הַקָּרֵ֖ב יוּמָֽת׃ פ

‎11 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎12 ‏וַאֲנִ֞י הִנֵּ֧ה לָקַ֣חְתִּי אֶת־הַלְוִיִּ֗ם מִתּוֹךְ֙ בְּנֵ֣י יִשְׂרָאֵ֔ל תַּ֧חַת כָּל־בְּכ֛וֹר פֶּ֥טֶר רֶ֖חֶם מִבְּנֵ֣י יִשְׂרָאֵ֑ל וְהָ֥יוּ לִ֖י הַלְוִיִּֽם׃

‎13 ‏כִּ֣י לִי֮ כָּל־בְּכוֹר֒ בְּיוֹם֩ הַכֹּתִ֨י כָל־בְּכ֜וֹר בְּאֶ֣רֶץ מִצְרַ֗יִם הִקְדַּ֨שְׁתִּי לִ֤י כָל־בְּכוֹר֙ בְּיִשְׂרָאֵ֔ל מֵאָדָ֖ם עַד־בְּהֵמָ֑ה לִ֥י יִהְי֖וּ אֲנִ֥י יְהוָֽה׃ ס

‎14 ‏וַיְדַבֵּ֤ר יְהוָה֙ אֶל־מֹשֶׁ֔ה בְּמִדְבַּ֥ר סִינַ֖י לֵאמֹֽר׃

‎15 ‏פְּקֹד֙ אֶת־בְּנֵ֣י לֵוִ֔י לְבֵ֥ית אֲבֹתָ֖ם לְמִשְׁפְּחֹתָ֑ם כָּל־זָכָ֛ר מִבֶּן־חֹ֥דֶשׁ וָמַ֖עְלָה תִּפְקְדֵֽם׃

‎16 ‏וַיִּפְקֹ֥ד אֹתָ֛ם מֹשֶׁ֖ה עַל־פִּ֣י יְהוָ֑ה כַּאֲשֶׁ֖ר צֻוָּֽה׃

‎17 ‏וַיִּֽהְיוּ־אֵ֥לֶּה בְנֵֽי־לֵוִ֖י בִּשְׁמֹתָ֑ם גֵּרְשׁ֕וֹן וּקְהָ֖ת וּמְרָרִֽי׃

‎18 ‏וְאֵ֛לֶּה שְׁמ֥וֹת בְּֽנֵי־גֵרְשׁ֖וֹן לְמִשְׁפְּחֹתָ֑ם לִבְנִ֖י וְשִׁמְעִֽי׃

‎19 ‏וּבְנֵ֥י קְהָ֖ת לְמִשְׁפְּחֹתָ֑ם עַמְרָ֣ם וְיִצְהָ֔ר חֶבְר֖וֹן וְעֻזִּיאֵֽל׃

‎20 ‏וּבְנֵ֧י מְרָרִ֛י לְמִשְׁפְּחֹתָ֖ם מַחְלִ֣י וּמוּשִׁ֑י אֵ֥לֶּה הֵ֛ם מִשְׁפְּחֹ֥ת הַלֵּוִ֖י לְבֵ֥ית אֲבֹתָֽם׃

‎21 ‏לְגֵ֣רְשׁ֔וֹן מִשְׁפַּ֙חַת֙ הַלִּבְנִ֔י וּמִשְׁפַּ֖חַת הַשִּׁמְעִ֑י אֵ֣לֶּה הֵ֔ם מִשְׁפְּחֹ֖ת הַגֵּרְשֻׁנִּֽי׃

‎22 ‏פְּקֻדֵיהֶם֙ בְּמִסְפַּ֣ר כָּל־זָכָ֔ר מִבֶּן־חֹ֖דֶשׁ וָמָ֑עְלָה פְּקֻ֣דֵיהֶ֔ם שִׁבְעַ֥ת אֲלָפִ֖ים וַחֲמֵ֥שׁ מֵאֽוֹת׃

‎23 ‏מִשְׁפְּחֹ֖ת הַגֵּרְשֻׁנִּ֑י אַחֲרֵ֧י הַמִּשְׁכָּ֛ן יַחֲנ֖וּ יָֽמָּה׃

‎24 ‏וּנְשִׂ֥יא בֵֽית־אָ֖ב לַגֵּרְשֻׁנִּ֑י אֶלְיָסָ֖ף בֶּן־לָאֵֽל׃

‎25 ‏וּמִשְׁמֶ֤רֶת בְּנֵֽי־גֵרְשׁוֹן֙ בְּאֹ֣הֶל מוֹעֵ֔ד הַמִּשְׁכָּ֖ן וְהָאֹ֑הֶל מִכְסֵ֕הוּ וּמָסַ֕ךְ פֶּ֖תַח אֹ֥הֶל מוֹעֵֽד׃

‎26 ‏וְקַלְעֵ֣י הֶֽחָצֵ֗ר וְאֶת־מָסַךְ֙ פֶּ֣תַח הֶֽחָצֵ֔ר אֲשֶׁ֧ר עַל־הַמִּשְׁכָּ֛ן וְעַל־הַמִּזְבֵּ֖חַ סָבִ֑יב וְאֵת֙ מֵֽיתָרָ֔יו לְכֹ֖ל עֲבֹדָתֽוֹ׃

‎27 ‏וְלִקְהָ֗ת מִשְׁפַּ֤חַת הַֽעַמְרָמִי֙ וּמִשְׁפַּ֣חַת הַיִּצְהָרִ֔י וּמִשְׁפַּ֙חַת֙ הַֽחֶבְרֹנִ֔י וּמִשְׁפַּ֖חַת הָֽעָזִּיאֵלִ֑י אֵ֥לֶּה הֵ֖ם מִשְׁפְּחֹ֥ת הַקְּהָתִֽי׃

‎28 ‏בְּמִסְפַּר֙ כָּל־זָכָ֔ר מִבֶּן־חֹ֖דֶשׁ וָמָ֑עְלָה שְׁמֹנַ֤ת אֲלָפִים֙ וְשֵׁ֣שׁ מֵא֔וֹת שֹׁמְרֵ֖י מִשְׁמֶ֥רֶת הַקֹּֽדֶשׁ׃

‎29 ‏מִשְׁפְּחֹ֥ת בְּנֵי־קְהָ֖ת יַחֲנ֑וּ עַ֛ל יֶ֥רֶךְ הַמִּשְׁכָּ֖ן תֵּימָֽנָה׃

‎30 ‏וּנְשִׂ֥יא בֵֽית־אָ֖ב לְמִשְׁפְּחֹ֣ת הַקְּהָתִ֑י אֶלִיצָפָ֖ן¹ בֶּן־עֻזִּיאֵֽל׃

‎31 ‏וּמִשְׁמַרְתָּ֗ם הָאָרֹ֤ן וְהַשֻּׁלְחָן֙ וְהַמְּנֹרָ֣ה וְהַֽמִּזְבְּחֹ֔ת וּכְלֵ֣י הַקֹּ֔דֶשׁ אֲשֶׁ֥ר יְשָׁרְת֖וּ בָּהֶ֑ם וְהַ֨מָּסָ֔ךְ וְכֹ֖ל עֲבֹדָתֽוֹ׃

‎32 ‏וּנְשִׂיא֙ נְשִׂיאֵ֣י הַלֵּוִ֔י אֶלְעָזָ֖ר בֶּן־אַהֲרֹ֣ן הַכֹּהֵ֑ן פְּקֻדַּ֕ת שֹׁמְרֵ֖י מִשְׁמֶ֥רֶת הַקֹּֽדֶשׁ׃

‎33 ‏לִמְרָרִ֕י מִשְׁפַּ֙חַת֙ הַמַּחְלִ֔י וּמִשְׁפַּ֖חַת הַמּוּשִׁ֑י אֵ֥לֶּה הֵ֖ם מִשְׁפְּחֹ֥ת מְרָרִֽי׃

‎34 ‏וּפְקֻדֵיהֶם֙ בְּמִסְפַּ֣ר כָּל־זָכָ֔ר מִבֶּן־חֹ֖דֶשׁ וָמָ֑עְלָה שֵׁ֥שֶׁת אֲלָפִ֖ים וּמָאתָֽיִם׃

‎35 ‏וּנְשִׂ֤יא בֵֽית־אָב֙ לְמִשְׁפְּחֹ֣ת מְרָרִ֔י צוּרִיאֵ֖ל בֶּן־אֲבִיחָ֑יִל עַ֣ל יֶ֧רֶךְ הַמִּשְׁכָּ֛ן יַחֲנ֖וּ צָפֹֽנָה׃

‎36 ‏וּפְקֻדַּ֣ת מִשְׁמֶרֶת֮ בְּנֵ֣י מְרָרִי֒ קַרְשֵׁי֙ הַמִּשְׁכָּ֔ן וּבְרִיחָ֖יו וְעַמֻּדָ֣יו וַאֲדָנָ֑יו וְכָל־כֵּלָ֔יו וְכֹ֖ל עֲבֹדָתֽוֹ׃

‎37 ‏וְעַמֻּדֵ֧י הֶחָצֵ֛ר סָבִ֖יב וְאַדְנֵיהֶ֑ם וִיתֵדֹתָ֖ם וּמֵֽיתְרֵיהֶֽם׃

‎38 ‏וְהַחֹנִ֣ים לִפְנֵ֣י הַמִּשְׁכָּ֡ן קֵ֣דְמָה לִפְנֵי֩ אֹֽהֶל־מוֹעֵ֨ד׀ מִזְרָ֜חָה מֹשֶׁ֣ה׀ וְאַהֲרֹ֣ן וּבָנָ֗יו שֹֽׁמְרִים֙ מִשְׁמֶ֣רֶת הַמִּקְדָּ֔שׁ לְמִשְׁמֶ֖רֶת בְּנֵ֣י יִשְׂרָאֵ֑ל וְהַזָּ֥ר הַקָּרֵ֖ב יוּמָֽת׃

‎39 ‏כָּל־פְּקוּדֵ֨י הַלְוִיִּ֜ם אֲשֶׁר֩ פָּקַ֨ד מֹשֶׁ֧ה וְׅאַׅהֲׅרֹ֛ׅןׅ⁴ עַל־פִּ֥י יְהוָ֖ה לְמִשְׁפְּחֹתָ֑ם כָּל־זָכָר֙ מִבֶּן־חֹ֣דֶשׁ וָמַ֔עְלָה שְׁנַ֥יִם וְעֶשְׂרִ֖ים אָֽלֶף׃ ס

‎40 ‏וַיֹּ֨אמֶר יְהוָ֜ה אֶל־מֹשֶׁ֗ה פְּקֹ֨ד כָּל־בְּכֹ֤ר זָכָר֙ לִבְנֵ֣י יִשְׂרָאֵ֔ל מִבֶּן־חֹ֖דֶשׁ וָמָ֑עְלָה וְשָׂ֕א אֵ֖ת מִסְפַּ֥ר שְׁמֹתָֽם׃

‎41 ‏וְלָקַחְתָּ֨³ אֶת־הַלְוִיִּ֥ם לִי֙ אֲנִ֣י יְהוָ֔ה תַּ֥חַת כָּל־בְּכֹ֖ר בִּבְנֵ֣י יִשְׂרָאֵ֑ל וְאֵת֙ בֶּהֱמַ֣ת הַלְוִיִּ֔ם תַּ֣חַת כָּל־בְּכ֔וֹר בְּבֶהֱמַ֖ת בְּנֵ֥י יִשְׂרָאֵֽל׃

‎42 ‏וַיִּפְקֹ֣ד מֹשֶׁ֔ה כַּאֲשֶׁ֛ר צִוָּ֥ה יְהוָ֖ה אֹת֑וֹ אֶֽת־כָּל־בְּכֹ֖ר בִּבְנֵ֥י יִשְׂרָאֵֽל׃

‎43 ‏וַיְהִי֩ כָל־בְּכ֨וֹר זָכָ֜ר בְּמִסְפַּ֥ר שֵׁמ֛וֹת מִבֶּן־חֹ֥דֶשׁ וָמַ֖עְלָה לִפְקֻדֵיהֶ֑ם שְׁנַ֤יִם וְעֶשְׂרִים֙ אֶ֔לֶף שְׁלֹשָׁ֥ה וְשִׁבְעִ֖ים וּמָאתָֽיִם׃ פ

‎44 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎45 ‏קַ֣ח אֶת־הַלְוִיִּ֗ם תַּ֤חַת כָּל־בְּכוֹר֙ בִּבְנֵ֣י יִשְׂרָאֵ֔ל וְאֶת־בֶּהֱמַ֥ת הַלְוִיִּ֖ם תַּ֣חַת בְּהֶמְתָּ֑ם וְהָיוּ־לִ֥י הַלְוִיִּ֖ם אֲנִ֥י יְהוָֽה׃

‎46 ‏וְאֵת֙ פְּדוּיֵ֣י הַשְּׁלֹשָׁ֔ה וְהַשִּׁבְעִ֖ים וְהַמָּאתָ֑יִם הָעֹֽדְפִים֙ עַל־הַלְוִיִּ֔ם מִבְּכ֖וֹר בְּנֵ֥י יִשְׂרָאֵֽל׃

‎47 ‏וְלָקַחְתָּ֗ חֲמֵ֧שֶׁת חֲמֵ֛שֶׁת שְׁקָלִ֖ים לַגֻּלְגֹּ֑לֶת בְּשֶׁ֤קֶל הַקֹּ֙דֶשׁ֙ תִּקָּ֔ח עֶשְׂרִ֥ים גֵּרָ֖ה הַשָּֽׁקֶל׃

‎48 ‏וְנָתַתָּ֣ה הַכֶּ֔סֶף לְאַהֲרֹ֖ן וּלְבָנָ֑יו פְּדוּיֵ֕י הָעֹדְפִ֖ים בָּהֶֽם׃

‎49 ‏וַיִּקַּ֣ח מֹשֶׁ֔ה אֵ֖ת כֶּ֣סֶף הַפִּדְי֑וֹם מֵאֵת֙ הָעֹ֣דְפִ֔ים עַ֖ל פְּדוּיֵ֥י הַלְוִיִּֽם׃

‎50 ‏מֵאֵ֗ת בְּכ֛וֹר בְּנֵ֥י יִשְׂרָאֵ֖ל לָקַ֣ח אֶת־הַכָּ֑סֶף חֲמִשָּׁ֨ה וְשִׁשִּׁ֜ים וּשְׁלֹ֥שׁ מֵא֛וֹת וָאֶ֖לֶף בְּשֶׁ֥קֶל הַקֹּֽדֶשׁ׃

‎51 ‏וַיִּתֵּ֨ן מֹשֶׁ֜ה אֶת־כֶּ֧סֶף הַפְּדֻיִ֛ם³ לְאַהֲרֹ֥ן וּלְבָנָ֖יו עַל־פִּ֣י יְהוָ֑ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ פ

1 wə’ēlleh twōləḏōṯ ’ahărōn ûmōšeh bəywōm diber yəhwâ ’eṯ-mōšeh bəhar sînāy:

2 wə’ēlleh šəmwōṯ bənê-’ahărōn habəḵwōr| nāḏāḇ wa’ăḇîhû’ ’elə‘āzār wə’îṯāmār:

3 ’ēlleh šəmwōṯ bənê ’ahărōn hakōhănîm hamməšuḥîm ’ăšer-millē’ yāḏām ləḵahēn:

4 wayyāmāṯ nāḏāḇ wa’ăḇîhû’ lifənê yəhwâ bəhaqəriḇām ’ēš zārâ lifənê yəhwâ bəmiḏəbar sînay ûḇānîm lō’-hāyû lâem wayəḵahēn ’elə‘āzār wə’îṯāmār ‘al-pənê ’ahărōn ’ăḇîhem: f

5 wayəḏabēr yəhwâ ’el-mōšeh llē’mōr:

6 haqərēḇ ’eṯ-maṭṭēh lēwî wəh^a‘ămaḏətā ’ōṯwō lifənê ’ahărōn hakōhēn wəšērəṯû ’ōṯwō:

7 wəšāmərû ’eṯ-mišəmarətwō wə’eṯ-mišəmereṯ kāl-hā‘ēḏâ lifənê ’ōhel mwō‘ēḏ l^a‘ăḇōḏ ’eṯ-‘ăḇōḏaṯ hammišəkān:

8 wəšāmərû ’eṯ-kāl-kəlê ’ōhel mwō‘ēḏ wə’eṯ-mišəmereṯ bənê yiśərā’ēl l^a‘ăḇōḏ ’eṯ-‘ăḇōḏaṯ hammišəkān:

9 wənāṯatâ ’eṯ-haləwîyim lə’ahărōn ûləḇānāyw nəṯûnim nəṯûnim hēmmâ lwō mē’ēṯ bənê yiśərā’ēl:

10 wə’eṯ-’ahărōn wə’eṯ-bānāyw tifəqōḏ wəšāmərû ’eṯ-kəhunnāṯām wəhazzār haqqārēḇ yûmāṯ: f

11 wayəḏabēr yəhwâ ’el-mōšeh llē’mōr:

12 wa’ănî hinnēh lāq^aḥətî ’eṯ-haləwîyim mitwōḵə bənê yiśərā’ēl t^aḥaṯ kāl-bəḵwōr peṭer reḥem mibənê yiśərā’ēl wəhāyû lî haləwîyim:

13 kî lî kāl-bəḵwōr bəywōm hakōṯî ḵāl-bəḵwōr bə’ereṣ miṣərayim hiqədašətî lî ḵāl-bəḵwōr bəyiśərā’ēl mē’āḏām ‘aḏ-bəhēmâ lî yihəyû ’ănî yəhwâ: s

14 wayəḏabēr yəhwâ ’el-mōšeh bəmiḏəbar sînay lē’mōr:

15 pəqōḏ ’eṯ-bənê lēwî ləḇêṯ ’ăḇōṯām ləmišəpəḥōṯām kāl-zāḵār miben-ḥōḏeš wām^a‘əlâ tifəqəḏēm:

16 wayyifəqōḏ ’ōṯām mōšeh ‘al-pî yəhwâ ka’ăšer ṣuûâ:

17 wayyihəyû-’ēlleh ḇənê-lēwî bišəmōṯām gērəšwōn ûqəhāṯ ûmərārî:

18 wə’ēlleh šəmwōṯ bənê-ḡērəšwōn ləmišəpəḥōṯām liḇənî wəšimə‘î:

19 ûḇənê qəhāṯ ləmišəpəḥōṯām ‘amərām wəyiṣəhār ḥeḇərwōn wə‘uzzî’ēl:

20 ûḇənê mərārî ləmišəpəḥōṯām m^aḥəlî ûmûšî ’ēlleh hēm mišəpəḥōṯ hallēwî ləḇêṯ ’ăḇōṯām:

21 ləḡērəšwōn mišəp^aḥaṯ halliḇənî ûmišəp^aḥaṯ haššimə‘î ’ēlleh hēm mišəpəḥōṯ hagērəšunnî:

22 pəquḏêhem bəmisəpar kāl-zāḵār miben-ḥōḏeš wāmā‘əlâ pəquḏêhem šiḇə‘aṯ ’ălāfîm w^aḥămēš mē’wōṯ:

23 mišəpəḥōṯ hagērəšunnî ’^aḥărê hammišəkān y^aḥănû yāmmâ:

24 ûnəśî’ ḇêṯ-’āḇ lagērəšunnî ’eləyāsāf ben-lā’ēl:

25 ûmišəmereṯ bənê-ḡērəšwōn bə’ōhel mwō‘ēḏ hammišəkān wəhā’ōhel miḵəsēhû ûmāsaḵə peṯ^aḥ ’ōhel mwō‘ēḏ:

26 wəqalə‘ê heḥāṣēr wə’eṯ-māsaḵə peṯ^aḥ heḥāṣēr ’ăšer ‘al-hammišəkān wə‘al-hammizəbēḥa sāḇîḇ wə’ēṯ mêṯārāyw ləḵōl ‘ăḇōḏāṯwō:

27 wəliqəhāṯ mišəp^aḥaṯ h^a‘amərāmî ûmišəp^aḥaṯ hayyiṣəhārî ûmišəp^aḥaṯ h^aḥeḇərōnî ûmišəp^aḥaṯ hā‘āzzî’ēlî ’ēlleh hēm mišəpəḥōṯ haqqəhāṯî:

28 bəmisəpar kāl-zāḵār miben-ḥōḏeš wāmā‘əlâ šəmōnaṯ ’ălāfîm wəšēš mē’wōṯ šōmərê mišəmereṯ haqqōḏeš:

29 mišəpəḥōṯ bənê-qəhāṯ y^aḥănû ‘al yereḵə hammišəkān têmānâ:

30 ûnəśî’ ḇêṯ-’āḇ ləmišəpəḥōṯ haqqəhāṯî ’elîṣāfān¹ ben-‘uzzî’ēl:

31 ûmišəmarətām hā’ārōn wəhaššuləḥān wəhammənōrâ wəhammizəbəḥōṯ ûḵəlê haqqōḏeš ’ăšer yəšārəṯû bâem wəhammāsāḵə wəḵōl ‘ăḇōḏāṯwō:

32 ûnəśî’ nəśî’ê hallēwî ’elə‘āzār ben-’ahărōn hakōhēn pəqudaṯ šōmərê mišəmereṯ haqqōḏeš:

33 limərārî mišəp^aḥaṯ hamm^aḥəlî ûmišəp^aḥaṯ hammûšî ’ēlleh hēm mišəpəḥōṯ mərārî:

34 ûfəquḏêhem bəmisəpar kāl-zāḵār miben-ḥōḏeš wāmā‘əlâ šēšeṯ ’ălāfîm ûmā’ṯāyim:

35 ûnəśî’ ḇêṯ-’āḇ ləmišəpəḥōṯ mərārî ṣûrî’ēl ben-’ăḇîḥāyil ‘al yereḵə hammišəkān y^aḥănû ṣāfōnâ:

36 ûfəqudaṯ mišəmereṯ bənê mərārî qarəšê hammišəkān ûḇərîḥāyw wə‘ammuḏāyw wa’ăḏānāyw wəḵāl-kēlāyw wəḵōl ‘ăḇōḏāṯwō:

37 wə‘ammuḏê heḥāṣēr sāḇîḇ wə’aḏənêhem wîṯēḏōṯām ûmêṯərêhem:

38 wəh^aḥōnîm lifənê hammišəkān qēḏəmâ lifənê ’ōhel-mwō‘ēḏ| mizərāḥâ mōšeh| wə’ahărōn ûḇānāyw šōmərîm mišəmereṯ hammiqədāš ləmišəmereṯ bənê yiśərā’ēl wəhazzār haqqārēḇ yûmāṯ:

39 kāl-pəqûḏê haləwîyim ’ăšer pāqaḏ mōšeh wəׅ’aׅhăׅrōׅnׅ⁴ ‘al-pî yəhwâ ləmišəpəḥōṯām kāl-zāḵār miben-ḥōḏeš wām^a‘əlâ šənayim wə‘eśərîm ’ālef: s

40 wayyō’mer yəhwâ ’el-mōšeh pəqōḏ kāl-bəḵōr zāḵār liḇənê yiśərā’ēl miben-ḥōḏeš wāmā‘əlâ wəśā’ ’ēṯ misəpar šəmōṯām:

41 wəlāq^aḥətā³ ’eṯ-haləwîyim lî ’ănî yəhwâ t^aḥaṯ kāl-bəḵōr biḇənê yiśərā’ēl wə’ēṯ behĕmaṯ haləwîyim t^aḥaṯ kāl-bəḵwōr bəḇehĕmaṯ bənê yiśərā’ēl:

42 wayyifəqōḏ mōšeh ka’ăšer ṣiûâ yəhwâ ’ōṯwō ’eṯ-kāl-bəḵōr biḇənê yiśərā’ēl:

43 wayəhî ḵāl-bəḵwōr zāḵār bəmisəpar šēmwōṯ miben-ḥōḏeš wām^a‘əlâ lifəquḏêhem šənayim wə‘eśərîm ’elef šəlōšâ wəšiḇə‘îm ûmā’ṯāyim: f

44 wayəḏabēr yəhwâ ’el-mōšeh llē’mōr:

45 q^aḥ ’eṯ-haləwîyim t^aḥaṯ kāl-bəḵwōr biḇənê yiśərā’ēl wə’eṯ-behĕmaṯ haləwîyim t^aḥaṯ bəhemətām wəhāyû-lî haləwîyim ’ănî yəhwâ:

46 wə’ēṯ pəḏûyê haššəlōšâ wəhaššiḇə‘îm wəhammā’ṯāyim hā‘ōḏəfîm ‘al-haləwîyim mibəḵwōr bənê yiśərā’ēl:

47 wəlāq^aḥətā ḥămēšeṯ ḥămēšeṯ šəqālîm laguləgōleṯ bəšeqel haqqōḏeš tiqqāḥ ‘eśərîm gērâ haššāqel:

48 wənāṯatâ hakesef lə’ahărōn ûləḇānāyw pəḏûyê hā‘ōḏəfîm bâem:

49 wayyiqq^aḥ mōšeh ’ēṯ kesef hapiḏəywōm mē’ēṯ hā‘ōḏəfîm ‘al pəḏûyê haləwîyim:

50 mē’ēṯ bəḵwōr bənê yiśərā’ēl lāq^aḥ ’eṯ-hakāsef ḥămiššâ wəšiššîm ûšəlōš mē’wōṯ wā’elef bəšeqel haqqōḏeš:

51 wayyitēn mōšeh ’eṯ-kesef hapəḏuyim³ lə’ahărōn ûləḇānāyw ‘al-pî yəhwâ ka’ăšer ṣiûâ yəhwâ ’eṯ-mōšeh: f

‎1 ‏וַיְדַבֵּ֣ר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃

‎2 ‏נָשֹׂ֗א אֶת־רֹאשׁ֙ בְּנֵ֣י קְהָ֔ת מִתּ֖וֹךְ בְּנֵ֣י לֵוִ֑י לְמִשְׁפְּחֹתָ֖ם לְבֵ֥ית אֲבֹתָֽם׃

‎3 ‏מִבֶּ֨ן שְׁלֹשִׁ֤ים שָׁנָה֙ וָמַ֔עְלָה וְעַ֖ד בֶּן־חֲמִשִּׁ֣ים שָׁנָ֑ה כָּל־בָּא֙ לַצָּבָ֔א לַעֲשׂ֥וֹת מְלָאכָ֖ה בְּאֹ֥הֶל מוֹעֵֽד׃

‎4 ‏זֹ֛את עֲבֹדַ֥ת בְּנֵי־קְהָ֖ת בְּאֹ֣הֶל מוֹעֵ֑ד קֹ֖דֶשׁ הַקֳּדָשִֽׁים׃

‎5 ‏וּבָ֨א אַהֲרֹ֤ן וּבָנָיו֙ בִּנְסֹ֣עַ הַֽמַּחֲנֶ֔ה וְהוֹרִ֕דוּ אֵ֖ת פָּרֹ֣כֶת הַמָּסָ֑ךְ וְכִ֨סּוּ־בָ֔הּ אֵ֖ת אֲרֹ֥ן הָעֵדֻֽת׃

‎6 ‏וְנָתְנ֣וּ עָלָ֗יו כְּסוּי֙ ע֣וֹר תַּ֔חַשׁ וּפָרְשׂ֧וּ בֶֽגֶד־כְּלִ֛יל תְּכֵ֖לֶת מִלְמָ֑עְלָה וְשָׂמ֖וּ בַּדָּֽיו׃

‎7 ‏וְעַ֣ל׀ שֻׁלְחַ֣ן הַפָּנִ֗ים יִפְרְשׂוּ֮ בֶּ֣גֶד תְּכֵלֶת֒ וְנָתְנ֣וּ עָ֠לָיו אֶת־הַקְּעָרֹ֤ת וְאֶת־הַכַּפֹּת֙ וְאֶת־הַמְּנַקִּיֹּ֔ת וְאֵ֖ת קְשׂ֣וֹת הַנָּ֑סֶךְ וְלֶ֥חֶם הַתָּמִ֖יד עָלָ֥יו יִהְיֶֽה׃

‎8 ‏וּפָרְשׂ֣וּ עֲלֵיהֶ֗ם בֶּ֚גֶד תּוֹלַ֣עַת שָׁנִ֔י וְכִסּ֣וּ אֹת֔וֹ בְּמִכְסֵ֖ה ע֣וֹר תָּ֑חַשׁ וְשָׂמ֖וּ אֶת־בַּדָּֽיו׃

‎9 ‏וְלָקְח֣וּ׀ בֶּ֣גֶד תְּכֵ֗לֶת וְכִסּ֞וּ אֶת־מְנֹרַ֤ת הַמָּאוֹר֙ וְאֶת־נֵ֣רֹתֶ֔יהָ וְאֶת־מַלְקָחֶ֖יהָ וְאֶת־מַחְתֹּתֶ֑יהָ וְאֵת֙ כָּל־כְּלֵ֣י שַׁמְנָ֔הּ אֲשֶׁ֥ר יְשָׁרְתוּ־לָ֖הּ בָּהֶֽם׃

‎10 ‏וְנָתְנ֤וּ אֹתָהּ֙ וְאֶת־כָּל־כֵּלֶ֔יהָ אֶל־מִכְסֵ֖ה ע֣וֹר תָּ֑חַשׁ וְנָתְנ֖וּ עַל־הַמּֽוֹט׃

‎11 ‏וְעַ֣ל׀ מִזְבַּ֣ח הַזָּהָ֗ב יִפְרְשׂוּ֙ בֶּ֣גֶד תְּכֵ֔לֶת וְכִסּ֣וּ אֹת֔וֹ בְּמִכְסֵ֖ה ע֣וֹר תָּ֑חַשׁ וְשָׂמ֖וּ אֶת־בַּדָּֽיו׃

‎12 ‏וְלָקְחוּ֩ אֶת־כָּל־כְּלֵ֨י הַשָּׁרֵ֜ת אֲשֶׁ֧ר יְשָֽׁרְתוּ־בָ֣ם בַּקֹּ֗דֶשׁ וְנָֽתְנוּ֙ אֶל־בֶּ֣גֶד תְּכֵ֔לֶת וְכִסּ֣וּ אוֹתָ֔ם בְּמִכְסֵ֖ה ע֣וֹר תָּ֑חַשׁ וְנָתְנ֖וּ עַל־הַמּֽוֹט׃

‎13 ‏וְדִשְּׁנ֖וּ אֶת־הַמִּזְבֵּ֑חַ וּפָרְשׂ֣וּ עָלָ֔יו בֶּ֖גֶד אַרְגָּמָֽן׃

‎14 ‏וְנָתְנ֣וּ עָ֠לָיו אֶֽת־כָּל־כֵּלָ֞יו אֲשֶׁ֣ר יְֽשָׁרְת֧וּ עָלָ֣יו בָּהֶ֗ם אֶת־הַמַּחְתֹּ֤ת אֶת־הַמִּזְלָגֹת֙ וְאֶת־הַיָּעִ֣ים וְאֶת־הַמִּזְרָקֹ֔ת כֹּ֖ל כְּלֵ֣י הַמִּזְבֵּ֑חַ וּפָרְשׂ֣וּ עָלָ֗יו כְּס֛וּי ע֥וֹר תַּ֖חַשׁ וְשָׂמ֥וּ בַדָּֽיו׃

‎15 ‏וְכִלָּ֣ה אַֽהֲרֹן־וּ֠בָנָיו לְכַסֹּ֨ת אֶת־הַקֹּ֜דֶשׁ וְאֶת־כָּל־כְּלֵ֣י הַקֹּדֶשׁ֮ בִּנְסֹ֣עַ הַֽמַּחֲנֶה֒ וְאַחֲרֵי־כֵ֗ן יָבֹ֤אוּ בְנֵי־קְהָת֙ לָשֵׂ֔את וְלֹֽא־יִגְּע֥וּ אֶל־הַקֹּ֖דֶשׁ וָמֵ֑תוּ אֵ֛לֶּה מַשָּׂ֥א בְנֵֽי־קְהָ֖ת בְּאֹ֥הֶל מוֹעֵֽד׃

‎16 ‏וּפְקֻדַּ֞ת אֶלְעָזָ֣ר׀ בֶּן־אַהֲרֹ֣ן הַכֹּהֵ֗ן שֶׁ֤מֶן הַמָּאוֹר֙ וּקְטֹ֣רֶת הַסַּמִּ֔ים וּמִנְחַ֥ת הַתָּמִ֖יד וְשֶׁ֣מֶן הַמִּשְׁחָ֑ה פְּקֻדַּ֗ת כָּל־הַמִּשְׁכָּן֙ וְכָל־אֲשֶׁר־בּ֔וֹ בְּקֹ֖דֶשׁ וּבְכֵלָֽיו׃ ס

‎17 ‏וַיְדַבֵּ֣ר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃

‎18 ‏אַל־תַּכְרִ֕יתוּ אֶת־שֵׁ֖בֶט מִשְׁפְּחֹ֣ת הַקְּהָתִ֑י מִתּ֖וֹךְ הַלְוִיִּֽם׃

‎19 ‏וְזֹ֣את׀ עֲשׂ֣וּ לָהֶ֗ם וְחָיוּ֙ וְלֹ֣א יָמֻ֔תוּ בְּגִשְׁתָּ֖ם אֶת־קֹ֣דֶשׁ הַקֳּדָשִׁ֑ים אַהֲרֹ֤ן וּבָנָיו֙ יָבֹ֔אוּ וְשָׂמ֣וּ אוֹתָ֗ם אִ֥ישׁ אִ֛ישׁ עַל־עֲבֹדָת֖וֹ וְאֶל־מַשָּׂאֽוֹ׃

‎20 ‏וְלֹא־יָבֹ֧אוּ לִרְא֛וֹת כְּבַלַּ֥ע אֶת־הַקֹּ֖דֶשׁ וָמֵֽתוּ׃ פ

‎21 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎22 ‏נָשֹׂ֗א אֶת־רֹ֛אשׁ בְּנֵ֥י גֵרְשׁ֖וֹן גַּם־הֵ֑ם לְבֵ֥ית אֲבֹתָ֖ם לְמִשְׁפְּחֹתָֽם׃

‎23 ‏מִבֶּן֩ שְׁלֹשִׁ֨ים שָׁנָ֜ה וָמַ֗עְלָה עַ֛ד בֶּן־חֲמִשִּׁ֥ים שָׁנָ֖ה תִּפְקֹ֣ד אוֹתָ֑ם כָּל־הַבָּא֙ לִצְבֹ֣א צָבָ֔א לַעֲבֹ֥ד עֲבֹדָ֖ה בְּאֹ֥הֶל מוֹעֵֽד׃

‎24 ‏זֹ֣את עֲבֹדַ֔ת מִשְׁפְּחֹ֖ת הַגֵּרְשֻׁנִּ֑י לַעֲבֹ֖ד וּלְמַשָּֽׂא׃

‎25 ‏וְנָ֨שְׂא֜וּ אֶת־יְרִיעֹ֤ת הַמִּשְׁכָּן֙ וְאֶת־אֹ֣הֶל מוֹעֵ֔ד מִכְסֵ֕הוּ וּמִכְסֵ֛ה הַתַּ֥חַשׁ אֲשֶׁר־עָלָ֖יו מִלְמָ֑עְלָה וְאֶ֨ת־מָסַ֔ךְ פֶּ֖תַח אֹ֥הֶל מוֹעֵֽד׃

‎26 ‏וְאֵת֩ קַלְעֵ֨י הֶֽחָצֵ֜ר וְאֶת־מָסַ֣ךְ׀ פֶּ֣תַח׀ שַׁ֣עַר הֶחָצֵ֗ר אֲשֶׁ֨ר עַל־הַמִּשְׁכָּ֤ן וְעַל־הַמִּזְבֵּ֙חַ֙ סָבִ֔יב וְאֵת֙ מֵֽיתְרֵיהֶ֔ם וְאֶֽת־כָּל־כְּלֵ֖י עֲבֹדָתָ֑ם וְאֵ֨ת כָּל־אֲשֶׁ֧ר יֵעָשֶׂ֛ה לָהֶ֖ם וְעָבָֽדוּ׃

‎27 ‏עַל־פִּי֩ אַהֲרֹ֨ן וּבָנָ֜יו תִּהְיֶ֗ה כָּל־עֲבֹדַת֙ בְּנֵ֣י הַגֵּרְשֻׁנִּ֔י לְכָל־מַשָּׂאָ֔ם וּלְכֹ֖ל עֲבֹדָתָ֑ם וּפְקַדְתֶּ֤ם עֲלֵהֶם֙ בְּמִשְׁמֶ֔רֶת אֵ֖ת כָּל־מַשָּׂאָֽם׃

‎28 ‏זֹ֣את עֲבֹדַ֗ת מִשְׁפְּחֹ֛ת בְּנֵ֥י הַגֵּרְשֻׁנִּ֖י בְּאֹ֣הֶל מוֹעֵ֑ד וּמִ֨שְׁמַרְתָּ֔ם בְּיַד֙ אִֽיתָמָ֔ר בֶּֽן־אַהֲרֹ֖ן הַכֹּהֵֽן׃ פ

‎29 ‏בְּנֵ֖י מְרָרִ֑י לְמִשְׁפְּחֹתָ֥ם לְבֵית־אֲבֹתָ֖ם תִּפְקֹ֥ד אֹתָֽם׃

‎30 ‏מִבֶּן֩ שְׁלֹשִׁ֨ים שָׁנָ֜ה וָמַ֗עְלָה וְעַ֛ד בֶּן־חֲמִשִּׁ֥ים שָׁנָ֖ה תִּפְקְדֵ֑ם כָּל־הַבָּא֙ לַצָּבָ֔א לַעֲבֹ֕ד אֶת־עֲבֹדַ֖ת אֹ֥הֶל מוֹעֵֽד׃

‎31 ‏וְזֹאת֙ מִשְׁמֶ֣רֶת מַשָּׂאָ֔ם לְכָל־עֲבֹדָתָ֖ם בְּאֹ֣הֶל מוֹעֵ֑ד קַרְשֵׁי֙ הַמִּשְׁכָּ֔ן וּבְרִיחָ֖יו וְעַמּוּדָ֥יו וַאֲדָנָֽיו׃

‎32 ‏וְעַמּוּדֵי֩ הֶחָצֵ֨ר סָבִ֜יב וְאַדְנֵיהֶ֗ם וִֽיתֵדֹתָם֙ וּמֵ֣יתְרֵיהֶ֔ם לְכָל־כְּלֵיהֶ֔ם וּלְכֹ֖ל עֲבֹדָתָ֑ם וּבְשֵׁמֹ֣ת תִּפְקְד֔וּ אֶת־כְּלֵ֖י מִשְׁמֶ֥רֶת מַשָּׂאָֽם׃

‎33 ‏זֹ֣את עֲבֹדַ֗ת מִשְׁפְּחֹת֙ בְּנֵ֣י מְרָרִ֔י לְכָל־עֲבֹדָתָ֖ם בְּאֹ֣הֶל מוֹעֵ֑ד בְּיַד֙ אִֽיתָמָ֔ר בֶּֽן־אַהֲרֹ֖ן הַכֹּהֵֽן׃

‎34 ‏וַיִּפְקֹ֨ד מֹשֶׁ֧ה וְאַהֲרֹ֛ן וּנְשִׂיאֵ֥י הָעֵדָ֖ה אֶת־בְּנֵ֣י הַקְּהָתִ֑י לְמִשְׁפְּחֹתָ֖ם וּלְבֵ֥ית אֲבֹתָֽם׃

‎35 ‏מִבֶּ֨ן שְׁלֹשִׁ֤ים שָׁנָה֙ וָמַ֔עְלָה וְעַ֖ד בֶּן־חֲמִשִּׁ֣ים שָׁנָ֑ה כָּל־הַבָּא֙ לַצָּבָ֔א לַעֲבֹדָ֖ה בְּאֹ֥הֶל מוֹעֵֽד׃

‎36 ‏וַיִּהְי֥וּ פְקֻדֵיהֶ֖ם לְמִשְׁפְּחֹתָ֑ם אַלְפַּ֕יִם שְׁבַ֥ע מֵא֖וֹת וַחֲמִשִּֽׁים׃

‎37 ‏אֵ֤לֶּה פְקוּדֵי֙ מִשְׁפְּחֹ֣ת הַקְּהָתִ֔י כָּל־הָעֹבֵ֖ד בְּאֹ֣הֶל מוֹעֵ֑ד אֲשֶׁ֨ר פָּקַ֤ד מֹשֶׁה֙ וְאַהֲרֹ֔ן עַל־פִּ֥י יְהוָ֖ה בְּיַד־מֹשֶֽׁה׃ ס

‎38 ‏וּפְקוּדֵ֖י בְּנֵ֣י גֵרְשׁ֑וֹן לְמִשְׁפְּחוֹתָ֖ם וּלְבֵ֥ית אֲבֹתָֽם׃

‎39 ‏מִבֶּ֨ן שְׁלֹשִׁ֤ים שָׁנָה֙ וָמַ֔עְלָה וְעַ֖ד בֶּן־חֲמִשִּׁ֣ים שָׁנָ֑ה כָּל־הַבָּא֙ לַצָּבָ֔א לַעֲבֹדָ֖ה בְּאֹ֥הֶל מוֹעֵֽד׃

‎40 ‏וַיִּֽהְיוּ֙ פְּקֻ֣דֵיהֶ֔ם לְמִשְׁפְּחֹתָ֖ם לְבֵ֣ית אֲבֹתָ֑ם אַלְפַּ֕יִם וְשֵׁ֥שׁ מֵא֖וֹת וּשְׁלֹשִֽׁים׃

‎41 ‏אֵ֣לֶּה פְקוּדֵ֗י מִשְׁפְּחֹת֙ בְּנֵ֣י גֵרְשׁ֔וֹן כָּל־הָעֹבֵ֖ד בְּאֹ֣הֶל מוֹעֵ֑ד אֲשֶׁ֨ר פָּקַ֥ד מֹשֶׁ֛ה וְאַהֲרֹ֖ן עַל־פִּ֥י יְהוָֽה׃

‎42 ‏וּפְקוּדֵ֕י מִשְׁפְּחֹ֖ת בְּנֵ֣י מְרָרִ֑י לְמִשְׁפְּחֹתָ֖ם לְבֵ֥ית אֲבֹתָֽם׃

‎43 ‏מִבֶּ֨ן שְׁלֹשִׁ֤ים שָׁנָה֙ וָמַ֔עְלָה וְעַ֖ד בֶּן־חֲמִשִּׁ֣ים שָׁנָ֑ה כָּל־הַבָּא֙ לַצָּבָ֔א לַעֲבֹדָ֖ה בְּאֹ֥הֶל מוֹעֵֽד׃

‎44 ‏וַיִּהְי֥וּ פְקֻדֵיהֶ֖ם לְמִשְׁפְּחֹתָ֑ם שְׁלֹ֥שֶׁת אֲלָפִ֖ים וּמָאתָֽיִם׃

‎45 ‏אֵ֣לֶּה פְקוּדֵ֔י מִשְׁפְּחֹ֖ת בְּנֵ֣י מְרָרִ֑י אֲשֶׁ֨ר פָּקַ֤ד מֹשֶׁה֙ וְאַהֲרֹ֔ן עַל־פִּ֥י יְהוָ֖ה בְּיַד־מֹשֶֽׁה׃

‎46 ‏כָּֽל־הַפְּקֻדִ֡ים אֲשֶׁר֩ פָּקַ֨ד מֹשֶׁ֧ה וְאַהֲרֹ֛ן וּנְשִׂיאֵ֥י יִשְׂרָאֵ֖ל אֶת־הַלְוִיִּ֑ם לְמִשְׁפְּחֹתָ֖ם וּלְבֵ֥ית אֲבֹתָֽם׃

‎47 ‏מִבֶּ֨ן שְׁלֹשִׁ֤ים שָׁנָה֙ וָמַ֔עְלָה וְעַ֖ד בֶּן־חֲמִשִּׁ֣ים שָׁנָ֑ה כָּל־הַבָּ֗א לַעֲבֹ֨ד עֲבֹדַ֧ת עֲבֹדָ֛ה וַעֲבֹדַ֥ת מַשָּׂ֖א בְּאֹ֥הֶל מוֹעֵֽד׃

‎48 ‏וַיִּהְי֖וּ פְּקֻדֵיהֶ֑ם שְׁמֹנַ֣ת אֲלָפִ֔ים וַחֲמֵ֥שׁ מֵא֖וֹת וּשְׁמֹנִֽים׃

‎49 ‏עַל־פִּ֨י יְהוָ֜ה פָּקַ֤ד אוֹתָם֙ בְּיַד־מֹשֶׁ֔ה אִ֥ישׁ אִ֛ישׁ עַל־עֲבֹדָת֖וֹ וְעַל־מַשָּׂא֑וֹ וּפְקֻדָ֕יו אֲשֶׁר־צִוָּ֥ה יְהוָ֖ה אֶת־מֹשֶֽׁה׃ פ

1 wayəḏabēr yəhwâ ’el-mōšeh wə’el-’ahărōn lē’mōr:

2 nāśō’ ’eṯ-rō’š bənê qəhāṯ mitwōḵə bənê lēwî ləmišəpəḥōṯām ləḇêṯ ’ăḇōṯām:

3 miben šəlōšîm šānâ wām^a‘əlâ wə‘aḏ ben-ḥămiššîm šānâ kāl-bā’ laṣṣāḇā’ l^a‘ăśwōṯ məlā’ḵâ bə’ōhel mwō‘ēḏ:

4 zō’ṯ ‘ăḇōḏaṯ bənê-qəhāṯ bə’ōhel mwō‘ēḏ qōḏeš haqqŏḏāšîm:

5 ûḇā’ ’ahărōn ûḇānāyw binəsō‘a hamm^aḥăneh wəhwōriḏû ’ēṯ pārōḵeṯ hammāsāḵə wəḵissû-ḇāh ’ēṯ ’ărōn hā‘ēḏuṯ:

6 wənāṯənû ‘ālāyw kəsûy ‘wōr t^aḥaš ûfārəśû ḇeḡeḏ-kəlîl təḵēleṯ miləmā‘əlâ wəśāmû badāyw:

7 wə‘al| šuləḥan hapānîm yifərəśû beḡeḏ təḵēleṯ wənāṯənû ‘ālāyw ’eṯ-haqqə‘ārōṯ wə’eṯ-hakapōṯ wə’eṯ-hammənaqqîyōṯ wə’ēṯ qəśwōṯ hannāseḵə wəleḥem hatāmîḏ ‘ālāyw yihəyeh:

8 ûfārəśû ‘ălêhem beḡeḏ twōl^a‘aṯ šānî wəḵissû ’ōṯwō bəmiḵəsēh ‘wōr tāḥaš wəśāmû ’eṯ-badāyw:

9 wəlāqəḥû| beḡeḏ təḵēleṯ wəḵissû ’eṯ-mənōraṯ hammā’wōr wə’eṯ-nērōṯeyhā wə’eṯ-maləqāḥeyhā wə’eṯ-m^aḥətōṯeyhā wə’ēṯ kāl-kəlê šamənāh ’ăšer yəšārəṯû-lāh bâem:

10 wənāṯənû ’ōṯāh wə’eṯ-kāl-kēleyhā ’el-miḵəsēh ‘wōr tāḥaš wənāṯənû ‘al-hammwōṭ:

11 wə‘al| mizəb^aḥ hazzâāḇ yifərəśû beḡeḏ təḵēleṯ wəḵissû ’ōṯwō bəmiḵəsēh ‘wōr tāḥaš wəśāmû ’eṯ-badāyw:

12 wəlāqəḥû ’eṯ-kāl-kəlê haššārēṯ ’ăšer yəšārəṯû-ḇām baqqōḏeš wənāṯənû ’el-beḡeḏ təḵēleṯ wəḵissû ’wōṯām bəmiḵəsēh ‘wōr tāḥaš wənāṯənû ‘al-hammwōṭ:

13 wəḏiššənû ’eṯ-hammizəbēḥa ûfārəśû ‘ālāyw beḡeḏ ’arəgāmān:

14 wənāṯənû ‘ālāyw ’eṯ-kāl-kēlāyw ’ăšer yəšārəṯû ‘ālāyw bâem ’eṯ-hamm^aḥətōṯ ’eṯ-hammizəlāḡōṯ wə’eṯ-hayyā‘îm wə’eṯ-hammizərāqōṯ kōl kəlê hammizəbēḥa ûfārəśû ‘ālāyw kəsûy ‘wōr t^aḥaš wəśāmû ḇadāyw:

15 wəḵillâ ’ahărōn-ûḇānāyw ləḵassōṯ ’eṯ-haqqōḏeš wə’eṯ-kāl-kəlê haqqōḏeš binəsō‘a hamm^aḥăneh wə’^aḥărê-ḵēn yāḇō’û ḇənê-qəhāṯ lāśē’ṯ wəlō’-yigə‘û ’el-haqqōḏeš wāmēṯû ’ēlleh maśśā’ ḇənê-qəhāṯ bə’ōhel mwō‘ēḏ:

16 ûfəqudaṯ ’elə‘āzār| ben-’ahărōn hakōhēn šemen hammā’wōr ûqəṭōreṯ hassammîm ûminəḥaṯ hatāmîḏ wəšemen hammišəḥâ pəqudaṯ kāl-hammišəkān wəḵāl-’ăšer-bwō bəqōḏeš ûḇəḵēlāyw: s

17 wayəḏabēr yəhwâ ’el-mōšeh wə’el-’ahărōn lē’mōr:

18 ’al-taḵərîṯû ’eṯ-šēḇeṭ mišəpəḥōṯ haqqəhāṯî mitwōḵə haləwîyim:

19 wəzō’ṯ| ‘ăśû lâem wəḥāyû wəlō’ yāmuṯû bəḡišətām ’eṯ-qōḏeš haqqŏḏāšîm ’ahărōn ûḇānāyw yāḇō’û wəśāmû ’wōṯām ’îš ’îš ‘al-‘ăḇōḏāṯwō wə’el-maśśā’wō:

20 wəlō’-yāḇō’û lirə’wōṯ kəḇall^a‘ ’eṯ-haqqōḏeš wāmēṯû: f

21 wayəḏabēr yəhwâ ’el-mōšeh llē’mōr:

22 nāśō’ ’eṯ-rō’š bənê ḡērəšwōn gam-hēm ləḇêṯ ’ăḇōṯām ləmišəpəḥōṯām:

23 miben šəlōšîm šānâ wām^a‘əlâ ‘aḏ ben-ḥămiššîm šānâ tifəqōḏ ’wōṯām kāl-habā’ liṣəḇō’ ṣāḇā’ l^a‘ăḇōḏ ‘ăḇōḏâ bə’ōhel mwō‘ēḏ:

24 zō’ṯ ‘ăḇōḏaṯ mišəpəḥōṯ hagērəšunnî l^a‘ăḇōḏ ûləmaśśā’:

25 wənāśə’û ’eṯ-yərî‘ōṯ hammišəkān wə’eṯ-’ōhel mwō‘ēḏ miḵəsēhû ûmiḵəsēh hat^aḥaš ’ăšer-‘ālāyw miləmā‘əlâ wə’eṯ-māsaḵə peṯ^aḥ ’ōhel mwō‘ēḏ:

26 wə’ēṯ qalə‘ê heḥāṣēr wə’eṯ-māsaḵə| peṯ^aḥ| š^a‘ar heḥāṣēr ’ăšer ‘al-hammišəkān wə‘al-hammizəbēḥa sāḇîḇ wə’ēṯ mêṯərêhem wə’eṯ-kāl-kəlê ‘ăḇōḏāṯām wə’ēṯ kāl-’ăšer yē‘āśeh lâem wə‘āḇāḏû:

27 ‘al-pî ’ahărōn ûḇānāyw tihəyeh kāl-‘ăḇōḏaṯ bənê hagērəšunnî ləḵāl-maśśā’ām ûləḵōl ‘ăḇōḏāṯām ûfəqaḏətem ‘ălēhem bəmišəmereṯ ’ēṯ kāl-maśśā’ām:

28 zō’ṯ ‘ăḇōḏaṯ mišəpəḥōṯ bənê hagērəšunnî bə’ōhel mwō‘ēḏ ûmišəmarətām bəyaḏ ’îṯāmār ben-’ahărōn hakōhēn: f

29 bənê mərārî ləmišəpəḥōṯām ləḇêṯ-’ăḇōṯām tifəqōḏ ’ōṯām:

30 miben šəlōšîm šānâ wām^a‘əlâ wə‘aḏ ben-ḥămiššîm šānâ tifəqəḏēm kāl-habā’ laṣṣāḇā’ l^a‘ăḇōḏ ’eṯ-‘ăḇōḏaṯ ’ōhel mwō‘ēḏ:

31 wəzō’ṯ mišəmereṯ maśśā’ām ləḵāl-‘ăḇōḏāṯām bə’ōhel mwō‘ēḏ qarəšê hammišəkān ûḇərîḥāyw wə‘ammûḏāyw wa’ăḏānāyw:

32 wə‘ammûḏê heḥāṣēr sāḇîḇ wə’aḏənêhem wîṯēḏōṯām ûmêṯərêhem ləḵāl-kəlêhem ûləḵōl ‘ăḇōḏāṯām ûḇəšēmōṯ tifəqəḏû ’eṯ-kəlê mišəmereṯ maśśā’ām:

33 zō’ṯ ‘ăḇōḏaṯ mišəpəḥōṯ bənê mərārî ləḵāl-‘ăḇōḏāṯām bə’ōhel mwō‘ēḏ bəyaḏ ’îṯāmār ben-’ahărōn hakōhēn:

34 wayyifəqōḏ mōšeh wə’ahărōn ûnəśî’ê hā‘ēḏâ ’eṯ-bənê haqqəhāṯî ləmišəpəḥōṯām ûləḇêṯ ’ăḇōṯām:

35 miben šəlōšîm šānâ wām^a‘əlâ wə‘aḏ ben-ḥămiššîm šānâ kāl-habā’ laṣṣāḇā’ l^a‘ăḇōḏâ bə’ōhel mwō‘ēḏ:

36 wayyihəyû fəquḏêhem ləmišəpəḥōṯām ’aləpayim šəḇ^a‘ mē’wōṯ w^aḥămiššîm:

37 ’ēlleh fəqûḏê mišəpəḥōṯ haqqəhāṯî kāl-hā‘ōḇēḏ bə’ōhel mwō‘ēḏ ’ăšer pāqaḏ mōšeh wə’ahărōn ‘al-pî yəhwâ bəyaḏ-mōšeh: s

38 ûfəqûḏê bənê ḡērəšwōn ləmišəpəḥwōṯām ûləḇêṯ ’ăḇōṯām:

39 miben šəlōšîm šānâ wām^a‘əlâ wə‘aḏ ben-ḥămiššîm šānâ kāl-habā’ laṣṣāḇā’ l^a‘ăḇōḏâ bə’ōhel mwō‘ēḏ:

40 wayyihəyû pəquḏêhem ləmišəpəḥōṯām ləḇêṯ ’ăḇōṯām ’aləpayim wəšēš mē’wōṯ ûšəlōšîm:

41 ’ēlleh fəqûḏê mišəpəḥōṯ bənê ḡērəšwōn kāl-hā‘ōḇēḏ bə’ōhel mwō‘ēḏ ’ăšer pāqaḏ mōšeh wə’ahărōn ‘al-pî yəhwâ:

42 ûfəqûḏê mišəpəḥōṯ bənê mərārî ləmišəpəḥōṯām ləḇêṯ ’ăḇōṯām:

43 miben šəlōšîm šānâ wām^a‘əlâ wə‘aḏ ben-ḥămiššîm šānâ kāl-habā’ laṣṣāḇā’ l^a‘ăḇōḏâ bə’ōhel mwō‘ēḏ:

44 wayyihəyû fəquḏêhem ləmišəpəḥōṯām šəlōšeṯ ’ălāfîm ûmā’ṯāyim:

45 ’ēlleh fəqûḏê mišəpəḥōṯ bənê mərārî ’ăšer pāqaḏ mōšeh wə’ahărōn ‘al-pî yəhwâ bəyaḏ-mōšeh:

46 kāl-hapəquḏîm ’ăšer pāqaḏ mōšeh wə’ahărōn ûnəśî’ê yiśərā’ēl ’eṯ-haləwîyim ləmišəpəḥōṯām ûləḇêṯ ’ăḇōṯām:

47 miben šəlōšîm šānâ wām^a‘əlâ wə‘aḏ ben-ḥămiššîm šānâ kāl-habā’ l^a‘ăḇōḏ ‘ăḇōḏaṯ ‘ăḇōḏâ w^a‘ăḇōḏaṯ maśśā’ bə’ōhel mwō‘ēḏ:

48 wayyihəyû pəquḏêhem šəmōnaṯ ’ălāfîm w^aḥămēš mē’wōṯ ûšəmōnîm:

49 ‘al-pî yəhwâ pāqaḏ ’wōṯām bəyaḏ-mōšeh ’îš ’îš ‘al-‘ăḇōḏāṯwō wə‘al-maśśā’wō ûfəquḏāyw ’ăšer-ṣiûâ yəhwâ ’eṯ-mōšeh: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏צַ֚ו אֶת־בְּנֵ֣י יִשְׂרָאֵ֔ל וִֽישַׁלְּחוּ֙ מִן־הַֽמַּחֲנֶ֔ה כָּל־צָר֖וּעַ וְכָל־זָ֑ב וְכֹ֖ל טָמֵ֥א לָנָֽפֶשׁ׃

‎3 ‏מִזָּכָ֤ר עַד־נְקֵבָה֙ תְּשַׁלֵּ֔חוּ אֶל־מִח֥וּץ לַֽמַּחֲנֶ֖ה תְּשַׁלְּח֑וּם וְלֹ֤א יְטַמְּאוּ֙ אֶת־מַ֣חֲנֵיהֶ֔ם אֲשֶׁ֥ר אֲנִ֖י שֹׁכֵ֥ן בְּתוֹכָֽם׃

‎4 ‏וַיַּֽעֲשׂוּ־כֵן֙ בְּנֵ֣י יִשְׂרָאֵ֔ל וַיְשַׁלְּח֣וּ אוֹתָ֔ם אֶל־מִח֖וּץ לַֽמַּחֲנֶ֑ה כַּאֲשֶׁ֨ר דִּבֶּ֤ר יְהוָה֙ אֶל־מֹשֶׁ֔ה כֵּ֥ן עָשׂ֖וּ בְּנֵ֥י יִשְׂרָאֵֽל׃ פ

‎5 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎6 ‏דַּבֵּר֮ אֶל־בְּנֵ֣י יִשְׂרָאֵל֒ אִ֣ישׁ אֽוֹ־אִשָּׁ֗ה כִּ֤י יַעֲשׂוּ֙ מִכָּל־חַטֹּ֣את הָֽאָדָ֔ם לִמְעֹ֥ל מַ֖עַל בַּיהוָ֑ה וְאָֽשְׁמָ֖ה הַנֶּ֥פֶשׁ הַהִֽוא׃

‎7 ‏וְהִתְוַדּ֗וּ אֶֽת־חַטָּאתָם֮ אֲשֶׁ֣ר עָשׂוּ֒ וְהֵשִׁ֤יב אֶת־אֲשָׁמוֹ֙ בְּרֹאשׁ֔וֹ וַחֲמִישִׁת֖וֹ יֹסֵ֣ף עָלָ֑יו וְנָתַ֕ן לַאֲשֶׁ֖ר אָשַׁ֥ם לֽוֹ׃

‎8 ‏וְאִם־אֵ֨ין לָאִ֜ישׁ גֹּאֵ֗ל לְהָשִׁ֤יב הָאָשָׁם֙ אֵלָ֔יו הָאָשָׁ֛ם הַמּוּשָׁ֥ב לַיהוָ֖ה לַכֹּהֵ֑ן מִלְּבַ֗ד אֵ֚יל הַכִּפֻּרִ֔ים אֲשֶׁ֥ר יְכַפֶּר־בּ֖וֹ עָלָֽיו׃

‎9 ‏וְכָל־תְּרוּמָ֞ה לְכָל־קָדְשֵׁ֧י בְנֵי־יִשְׂרָאֵ֛ל אֲשֶׁר־יַקְרִ֥יבוּ לַכֹּהֵ֖ן ל֥וֹ יִהְיֶֽה׃

‎10 ‏וְאִ֥ישׁ אֶת־קֳדָשָׁ֖יו ל֣וֹ יִהְי֑וּ אִ֛ישׁ אֲשֶׁר־יִתֵּ֥ן לַכֹּהֵ֖ן ל֥וֹ יִהְיֶֽה׃ פ

‎11 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎12 ‏דַּבֵּר֙ אֶל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם אִ֥ישׁ אִישׁ֙ כִּֽי־תִשְׂטֶ֣ה אִשְׁתּ֔וֹ וּמָעֲלָ֥ה ב֖וֹ מָֽעַל׃

‎13 ‏וְשָׁכַ֨ב אִ֣ישׁ אֹתָהּ֮ שִׁכְבַת־זֶרַע֒ וְנֶעְלַם֙ מֵעֵינֵ֣י אִישָׁ֔הּ וְנִסְתְּרָ֖ה וְהִ֣יא נִטְמָ֑אָה וְעֵד֙ אֵ֣ין בָּ֔הּ וְהִ֖וא לֹ֥א נִתְפָּֽשָׂה׃

‎14 ‏וְעָבַ֨ר עָלָ֧יו רֽוּחַ־קִנְאָ֛ה וְקִנֵּ֥א אֶת־אִשְׁתּ֖וֹ וְהִ֣וא נִטְמָ֑אָה אוֹ־עָבַ֨ר עָלָ֤יו רֽוּחַ־קִנְאָה֙ וְקִנֵּ֣א אֶת־אִשְׁתּ֔וֹ וְהִ֖יא לֹ֥א נִטְמָֽאָה׃

‎15 ‏וְהֵבִ֨יא הָאִ֣ישׁ אֶת־אִשְׁתּוֹ֮ אֶל־הַכֹּהֵן֒ וְהֵבִ֤יא אֶת־קָרְבָּנָהּ֙ עָלֶ֔יהָ עֲשִׂירִ֥ת הָאֵיפָ֖ה קֶ֣מַח שְׂעֹרִ֑ים לֹֽא־יִצֹ֨ק עָלָ֜יו שֶׁ֗מֶן וְלֹֽא־יִתֵּ֤ן עָלָיו֙ לְבֹנָ֔ה כִּֽי־מִנְחַ֤ת קְנָאֹת֙ ה֔וּא מִנְחַ֥ת זִכָּר֖וֹן מַזְכֶּ֥רֶת עָוֹֽן׃

‎16 ‏וְהִקְרִ֥יב אֹתָ֖הּ הַכֹּהֵ֑ן וְהֶֽעֱמִדָ֖הּ לִפְנֵ֥י יְהוָֽה׃

‎17 ‏וְלָקַ֧ח הַכֹּהֵ֛ן מַ֥יִם קְדֹשִׁ֖ים בִּכְלִי־חָ֑רֶשׂ וּמִן־הֶֽעָפָ֗ר אֲשֶׁ֤ר יִהְיֶה֙ בְּקַרְקַ֣ע הַמִּשְׁכָּ֔ן יִקַּ֥ח הַכֹּהֵ֖ן וְנָתַ֥ן אֶל־הַמָּֽיִם׃

‎18 ‏וְהֶעֱמִ֨יד הַכֹּהֵ֥ן אֶֽת־הָאִשָּׁה֮ לִפְנֵ֣י יְהוָה֒ וּפָרַע֙ אֶת־רֹ֣אשׁ הָֽאִשָּׁ֔ה וְנָתַ֣ן עַל־כַּפֶּ֗יהָ אֵ֚ת מִנְחַ֣ת הַזִּכָּר֔וֹן מִנְחַ֥ת קְנָאֹ֖ת הִ֑וא וּבְיַ֤ד הַכֹּהֵן֙ יִהְי֔וּ מֵ֥י הַמָּרִ֖ים הַמְאָֽרֲרִֽים׃³

‎19 ‏וְהִשְׁבִּ֨יעַ אֹתָ֜הּ הַכֹּהֵ֗ן וְאָמַ֤ר אֶל־הָֽאִשָּׁה֙ אִם־לֹ֨א שָׁכַ֥ב אִישׁ֙ אֹתָ֔ךְ וְאִם־לֹ֥א שָׂטִ֛ית טֻמְאָ֖ה תַּ֣חַת אִישֵׁ֑ךְ הִנָּקִ֕י מִמֵּ֛י הַמָּרִ֥ים הַֽמְאָרֲרִ֖ים הָאֵֽלֶּה׃

‎20 ‏וְאַ֗תְּ כִּ֥י שָׂטִ֛ית תַּ֥חַת אִישֵׁ֖ךְ וְכִ֣י נִטְמֵ֑את וַיִּתֵּ֨ן אִ֥ישׁ בָּךְ֙ אֶת־שְׁכָבְתּ֔וֹ מִֽבַּלְעֲדֵ֖י אִישֵֽׁךְ׃

‎21 ‏וְהִשְׁבִּ֨יעַ הַכֹּהֵ֥ן אֶֽת־הָֽאִשָּׁה֮ בִּשְׁבֻעַ֣ת הָאָלָה֒ וְאָמַ֤ר הַכֹּהֵן֙ לָֽאִשָּׁ֔ה יִתֵּ֨ן יְהוָ֥ה אוֹתָ֛ךְ לְאָלָ֥ה וְלִשְׁבֻעָ֖ה בְּת֣וֹךְ עַמֵּ֑ךְ בְּתֵ֨ת יְהוָ֤ה אֶת־יְרֵכֵךְ֙ נֹפֶ֔לֶת וְאֶת־בִּטְנֵ֖ךְ צָבָֽה׃

‎22 ‏וּ֠בָאוּ הַמַּ֨יִם הַמְאָרְרִ֤ים הָאֵ֙לֶּה֙ בְּֽמֵעַ֔יִךְ לַצְבּ֥וֹת בֶּ֖טֶן וְלַנְפִּ֣ל יָרֵ֑ךְ וְאָמְרָ֥ה הָאִשָּׁ֖ה אָמֵ֥ן׀ אָמֵֽן׃

‎23 ‏וְ֠כָתַב אֶת־הָאָלֹ֥ת הָאֵ֛לֶּה הַכֹּהֵ֖ן בַּסֵּ֑פֶר וּמָחָ֖ה אֶל־מֵ֥י הַמָּרִֽים׃

‎24 ‏וְהִשְׁקָה֙ אֶת־הָ֣אִשָּׁ֔ה אֶת־מֵ֥י הַמָּרִ֖ים הַמְאָֽרֲרִ֑ים וּבָ֥אוּ בָ֛הּ הַמַּ֥יִם הַֽמְאָרֲרִ֖ים לְמָרִֽים׃

‎25 ‏וְלָקַ֤ח הַכֹּהֵן֙ מִיַּ֣ד הָֽאִשָּׁ֔ה אֵ֖ת מִנְחַ֣ת הַקְּנָאֹ֑ת וְהֵנִ֤יף אֶת־הַמִּנְחָה֙ לִפְנֵ֣י יְהוָ֔ה וְהִקְרִ֥יב אֹתָ֖הּ אֶל־הַמִּזְבֵּֽחַ׃

‎26 ‏וְקָמַ֨ץ הַכֹּהֵ֤ן מִן־הַמִּנְחָה֙ אֶת־אַזְכָּ֣רָתָ֔הּ וְהִקְטִ֖יר הַמִּזְבֵּ֑חָה וְאַחַ֛ר יַשְׁקֶ֥ה אֶת־הָאִשָּׁ֖ה אֶת־הַמָּֽיִם׃

‎27 ‏וְהִשְׁקָ֣הּ אֶת־הַמַּ֗יִם וְהָיְתָ֣ה אִֽם־נִטְמְאָה֮ וַתִּמְעֹ֣ל מַ֣עַל בְּאִישָׁהּ֒ וּבָ֨אוּ בָ֜הּ הַמַּ֤יִם הַמְאָֽרֲרִים֙ לְמָרִ֔ים וְצָבְתָ֣ה בִטְנָ֔הּ וְנָפְלָ֖ה יְרֵכָ֑הּ וְהָיְתָ֧ה הָאִשָּׁ֛ה לְאָלָ֖ה בְּקֶ֥רֶב עַמָּֽהּ׃

‎28 ‏וְאִם־לֹ֤א נִטְמְאָה֙ הָֽאִשָּׁ֔ה וּטְהֹרָ֖ה הִ֑וא וְנִקְּתָ֖ה וְנִזְרְעָ֥ה זָֽרַע׃

‎29 ‏זֹ֥את תּוֹרַ֖ת הַקְּנָאֹ֑ת אֲשֶׁ֨ר תִּשְׂטֶ֥ה אִשָּׁ֛ה תַּ֥חַת אִישָׁ֖הּ וְנִטְמָֽאָה׃

‎30 ‏א֣וֹ אִ֗ישׁ אֲשֶׁ֨ר תַּעֲבֹ֥ר עָלָ֛יו ר֥וּחַ קִנְאָ֖ה וְקִנֵּ֣א אֶת־אִשְׁתּ֑וֹ וְהֶעֱמִ֤יד אֶת־הָֽאִשָּׁה֙ לִפְנֵ֣י יְהוָ֔ה וְעָ֤שָׂה לָהּ֙ הַכֹּהֵ֔ן אֵ֥ת כָּל־הַתּוֹרָ֖ה הַזֹּֽאת׃

‎31 ‏וְנִקָּ֥ה הָאִ֖ישׁ מֵעָוֹ֑ן וְהָאִשָּׁ֣ה הַהִ֔וא תִּשָּׂ֖א אֶת־עֲוֹנָֽהּ׃ פ

1 wayəḏabēr yəhwâ ’el-mōšeh llē’mōr:

2 ṣaw ’eṯ-bənê yiśərā’ēl wîšalləḥû min-hamm^aḥăneh kāl-ṣārû‘a wəḵāl-zāḇ wəḵōl ṭāmē’ lānāfeš:

3 mizzāḵār ‘aḏ-nəqēḇâ təšallēḥû ’el-miḥûṣ lamm^aḥăneh təšalləḥûm wəlō’ yəṭammə’û ’eṯ-m^aḥănêhem ’ăšer ’ănî šōḵēn bəṯwōḵām:

4 wayy^a‘ăśû-ḵēn bənê yiśərā’ēl wayəšalləḥû ’wōṯām ’el-miḥûṣ lamm^aḥăneh ka’ăšer diber yəhwâ ’el-mōšeh kēn ‘āśû bənê yiśərā’ēl: f

5 wayəḏabēr yəhwâ ’el-mōšeh llē’mōr:

6 dabēr ’el-bənê yiśərā’ēl ’îš ’wō-’iššâ kî y^a‘ăśû mikāl-ḥaṭṭō’ṯ hā’āḏām limə‘ōl m^a‘al bayhwâ wə’āšəmâ hannefeš hahiw’:

7 wəhiṯəwadû ’eṯ-ḥaṭṭā’ṯām ’ăšer ‘āśû wəhēšîḇ ’eṯ-’ăšāmwō bərō’šwō w^aḥămîšiṯwō yōsēf ‘ālāyw wənāṯan la’ăšer ’āšam lwō:

8 wə’im-’ên lā’îš gō’ēl ləhāšîḇ hā’āšām ’ēlāyw hā’āšām hammûšāḇ layhwâ lakōhēn milləḇaḏ ’êl hakipurîm ’ăšer yəḵaper-bwō ‘ālāyw:

9 wəḵāl-tərûmâ ləḵāl-qāḏəšê ḇənê-yiśərā’ēl ’ăšer-yaqərîḇû lakōhēn lwō yihəyeh:

10 wə’îš ’eṯ-qŏḏāšāyw lwō yihəyû ’îš ’ăšer-yitēn lakōhēn lwō yihəyeh: f

11 wayəḏabēr yəhwâ ’el-mōšeh llē’mōr:

12 dabēr ’el-bənê yiśərā’ēl wə’āmarətā ’ălēhem ’îš ’îš kî-ṯiśəṭeh ’išətwō ûmā‘ălâ ḇwō mā‘al:

13 wəšāḵaḇ ’îš ’ōṯāh šiḵəḇaṯ-zer^a‘ wəne‘əlam mē‘ênê ’îšāh wənisətərâ wəhî’ niṭəmā’â wə‘ēḏ ’ên bāh wəhiw’ lō’ niṯəpāśâ:

14 wə‘āḇar ‘ālāyw rûḥa-qinə’â wəqinnē’ ’eṯ-’išətwō wəhiw’ niṭəmā’â ’wō-‘āḇar ‘ālāyw rûḥa-qinə’â wəqinnē’ ’eṯ-’išətwō wəhî’ lō’ niṭəmā’â:

15 wəhēḇî’ hā’îš ’eṯ-’išətwō ’el-hakōhēn wəhēḇî’ ’eṯ-qārəbānāh ‘āleyhā ‘ăśîriṯ hā’êfâ qem^aḥ śə‘ōrîm lō’-yiṣōq ‘ālāyw šemen wəlō’-yitēn ‘ālāyw ləḇōnâ kî-minəḥaṯ qənā’ōṯ hû’ minəḥaṯ zikārwōn mazəkereṯ ‘āwōn:

16 wəhiqərîḇ ’ōṯāh hakōhēn wəhe‘ĕmiḏāh lifənê yəhwâ:

17 wəlāq^aḥ hakōhēn mayim qəḏōšîm biḵəlî-ḥāreś ûmin-he‘āfār ’ăšer yihəyeh bəqarəq^a‘ hammišəkān yiqq^aḥ hakōhēn wənāṯan ’el-hammāyim:

18 wəhe‘ĕmîḏ hakōhēn ’eṯ-hā’iššâ lifənê yəhwâ ûfār^a‘ ’eṯ-rō’š hā’iššâ wənāṯan ‘al-kapeyhā ’ēṯ minəḥaṯ hazzikārwōn minəḥaṯ qənā’ōṯ hiw’ ûḇəyaḏ hakōhēn yihəyû mê hammārîm hamə’ārărîm:³

19 wəhišəbî‘a ’ōṯāh hakōhēn wə’āmar ’el-hā’iššâ ’im-lō’ šāḵaḇ ’îš ’ōṯāḵə wə’im-lō’ śāṭîṯ ṭumə’â t^aḥaṯ ’îšēḵə hinnāqî mimmê hammārîm hamə’ārărîm hā’ēlleh:

20 wə’atə kî śāṭîṯ t^aḥaṯ ’îšēḵə wəḵî niṭəmē’ṯ wayyitēn ’îš bāḵə ’eṯ-šəḵāḇətwō mibalə‘ăḏê ’îšēḵə:

21 wəhišəbî‘a hakōhēn ’eṯ-hā’iššâ bišəḇu‘aṯ hā’ālâ wə’āmar hakōhēn lā’iššâ yitēn yəhwâ ’wōṯāḵə lə’ālâ wəlišəḇu‘â bəṯwōḵə ‘ammēḵə bəṯēṯ yəhwâ ’eṯ-yərēḵēḵə nōfeleṯ wə’eṯ-biṭənēḵə ṣāḇâ:

22 ûḇā’û hammayim hamə’ārərîm hā’ēlleh bəmē‘ayiḵə laṣəbwōṯ beṭen wəlanəpil yārēḵə wə’āmərâ hā’iššâ ’āmēn| ’āmēn:

23 wəḵāṯaḇ ’eṯ-hā’ālōṯ hā’ēlleh hakōhēn bassēfer ûmāḥâ ’el-mê hammārîm:

24 wəhišəqâ ’eṯ-hā’iššâ ’eṯ-mê hammārîm hamə’ārărîm ûḇā’û ḇāh hammayim hamə’ārărîm ləmārîm:

25 wəlāq^aḥ hakōhēn mîyaḏ hā’iššâ ’ēṯ minəḥaṯ haqqənā’ōṯ wəhēnîf ’eṯ-hamminəḥâ lifənê yəhwâ wəhiqərîḇ ’ōṯāh ’el-hammizəbēḥa:

26 wəqāmaṣ hakōhēn min-hamminəḥâ ’eṯ-’azəkārāṯāh wəhiqəṭîr hammizəbēḥâ wə’^aḥar yašəqeh ’eṯ-hā’iššâ ’eṯ-hammāyim:

27 wəhišəqāh ’eṯ-hammayim wəhāyəṯâ ’im-niṭəmə’â watimə‘ōl m^a‘al bə’îšāh ûḇā’û ḇāh hammayim hamə’ārărîm ləmārîm wəṣāḇəṯâ ḇiṭənāh wənāfəlâ yərēḵāh wəhāyəṯâ hā’iššâ lə’ālâ bəqereḇ ‘ammāh:

28 wə’im-lō’ niṭəmə’â hā’iššâ ûṭəhōrâ hiw’ wəniqqəṯâ wənizərə‘â zār^a‘:

29 zō’ṯ twōraṯ haqqənā’ōṯ ’ăšer tiśəṭeh ’iššâ t^aḥaṯ ’îšāh wəniṭəmā’â:

30 ’wō ’îš ’ăšer t^a‘ăḇōr ‘ālāyw rûḥa qinə’â wəqinnē’ ’eṯ-’išətwō wəhe‘ĕmîḏ ’eṯ-hā’iššâ lifənê yəhwâ wə‘āśâ lāh hakōhēn ’ēṯ kāl-hatwōrâ hazzō’ṯ:

31 wəniqqâ hā’îš mē‘āwōn wəhā’iššâ hahiw’ tiśśā’ ’eṯ-‘ăwōnāh: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏דַּבֵּר֙ אֶל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם אִ֣ישׁ אֽוֹ־אִשָּׁ֗ה כִּ֤י יַפְלִא֙ לִנְדֹּר֙ נֶ֣דֶר נָזִ֔יר לְהַזִּ֖יר לַֽיהוָֽה׃

‎3 ‏מִיַּ֤יִן וְשֵׁכָר֙ יַזִּ֔יר חֹ֥מֶץ יַ֛יִן וְחֹ֥מֶץ שֵׁכָ֖ר לֹ֣א יִשְׁתֶּ֑ה וְכָל־מִשְׁרַ֤ת עֲנָבִים֙ לֹ֣א יִשְׁתֶּ֔ה וַעֲנָבִ֛ים לַחִ֥ים וִיבֵשִׁ֖ים לֹ֥א יֹאכֵֽל׃

‎4 ‏כֹּ֖ל יְמֵ֣י נִזְר֑וֹ מִכֹּל֩ אֲשֶׁ֨ר יֵעָשֶׂ֜ה מִגֶּ֣פֶן הַיַּ֗יִן מֵחַרְצַנִּ֛ים וְעַד־זָ֖ג לֹ֥א יֹאכֵֽל׃

‎5 ‏כָּל־יְמֵי֙ נֶ֣דֶר נִזְר֔וֹ תַּ֖עַר לֹא־יַעֲבֹ֣ר עַל־רֹאשׁ֑וֹ עַד־מְלֹ֨את הַיָּמִ֜ם אֲשֶׁר־יַזִּ֤יר לַיהוָה֙ קָדֹ֣שׁ יִהְיֶ֔ה גַּדֵּ֥ל פֶּ֖רַע שְׂעַ֥ר רֹאשֽׁוֹ׃

‎6 ‏כָּל־יְמֵ֥י הַזִּיר֖וֹ לַיהוָ֑ה עַל־נֶ֥פֶשׁ מֵ֖ת לֹ֥א יָבֹֽא׃

‎7 ‏לְאָבִ֣יו וּלְאִמּ֗וֹ לְאָחִיו֙ וּלְאַ֣חֹת֔וֹ לֹא־יִטַּמָּ֥א לָהֶ֖ם בְּמֹתָ֑ם כִּ֛י נֵ֥זֶר אֱלֹהָ֖יו עַל־רֹאשֽׁוֹ׃

‎8 ‏כֹּ֖ל יְמֵ֣י נִזְר֑וֹ קָדֹ֥שׁ ה֖וּא לַֽיהוָֽה׃

‎9 ‏וְכִֽי־יָמ֨וּת מֵ֤ת עָלָיו֙ בְּפֶ֣תַע פִּתְאֹ֔ם וְטִמֵּ֖א רֹ֣אשׁ נִזְר֑וֹ וְגִלַּ֤ח רֹאשׁוֹ֙ בְּי֣וֹם טָהֳרָת֔וֹ בַּיּ֥וֹם הַשְּׁבִיעִ֖י יְגַלְּחֶֽנּוּ׃

‎10 ‏וּבַיּ֣וֹם הַשְּׁמִינִ֗י יָבִא֙ שְׁתֵּ֣י תֹרִ֔ים א֥וֹ שְׁנֵ֖י בְּנֵ֣י יוֹנָ֑ה אֶל־הַכֹּהֵ֔ן אֶל־פֶּ֖תַח אֹ֥הֶל מוֹעֵֽד׃

‎11 ‏וְעָשָׂ֣ה הַכֹּהֵ֗ן אֶחָ֤ד לְחַטָּאת֙ וְאֶחָ֣ד לְעֹלָ֔ה וְכִפֶּ֣ר עָלָ֔יו מֵאֲשֶׁ֥ר חָטָ֖א עַל־הַנָּ֑פֶשׁ וְקִדַּ֥שׁ אֶת־רֹאשׁ֖וֹ בַּיּ֥וֹם הַהֽוּא׃

‎12 ‏וְהִזִּ֤יר לַֽיהוָה֙ אֶת־יְמֵ֣י נִזְר֔וֹ וְהֵבִ֛יא כֶּ֥בֶשׂ בֶּן־שְׁנָת֖וֹ לְאָשָׁ֑ם וְהַיָּמִ֤ים הָרִאשֹׁנִים֙ יִפְּל֔וּ כִּ֥י טָמֵ֖א נִזְרֽוֹ׃

‎13 ‏וְזֹ֥את תּוֹרַ֖ת הַנָּזִ֑יר בְּי֗וֹם מְלֹאת֙ יְמֵ֣י נִזְר֔וֹ יָבִ֣יא אֹת֔וֹ אֶל־פֶּ֖תַח אֹ֥הֶל מוֹעֵֽד׃

‎14 ‏וְהִקְרִ֣יב אֶת־קָרְבָּנ֣וֹ לַיהוָ֡ה כֶּבֶשׂ֩ בֶּן־שְׁנָת֨וֹ תָמִ֤ים אֶחָד֙ לְעֹלָ֔ה וְכַבְשָׂ֨ה אַחַ֧ת בַּת־שְׁנָתָ֛הּ תְּמִימָ֖ה לְחַטָּ֑את וְאַֽיִל־אֶחָ֥ד תָּמִ֖ים לִשְׁלָמִֽים׃

‎15 ‏וְסַ֣ל מַצּ֗וֹת סֹ֤לֶת חַלֹּת֙ בְּלוּלֹ֣ת בַּשֶּׁ֔מֶן וּרְקִיקֵ֥י מַצּ֖וֹת מְשֻׁחִ֣ים בַּשָּׁ֑מֶן וּמִנְחָתָ֖ם וְנִסְכֵּיהֶֽם׃

‎16 ‏וְהִקְרִ֥יב הַכֹּהֵ֖ן לִפְנֵ֣י יְהוָ֑ה וְעָשָׂ֥ה אֶת־חַטָּאת֖וֹ וְאֶת־עֹלָתֽוֹ׃

‎17 ‏וְאֶת־הָאַ֜יִל יַעֲשֶׂ֨ה זֶ֤בַח שְׁלָמִים֙ לַֽיהוָ֔ה עַ֖ל סַ֣ל הַמַּצּ֑וֹת וְעָשָׂה֙ הַכֹּהֵ֔ן אֶת־מִנְחָת֖וֹ וְאֶת־נִסְכּֽוֹ׃

‎18 ‏וְגִלַּ֣ח הַנָּזִ֗יר פֶּ֛תַח אֹ֥הֶל מוֹעֵ֖ד אֶת־רֹ֣אשׁ נִזְר֑וֹ וְלָקַ֗ח אֶת־שְׂעַר֙ רֹ֣אשׁ נִזְר֔וֹ וְנָתַן֙ עַל־הָאֵ֔שׁ אֲשֶׁר־תַּ֖חַת זֶ֥בַח הַשְּׁלָמִֽים׃

‎19 ‏וְלָקַ֨ח הַכֹּהֵ֜ן אֶת־הַזְּרֹ֣עַ בְּשֵׁלָה֮ מִן־הָאַיִל֒ וְֽחַלַּ֨ת מַצָּ֤ה אַחַת֙ מִן־הַסַּ֔ל וּרְקִ֥יק מַצָּ֖ה אֶחָ֑ד וְנָתַן֙ עַל־כַּפֵּ֣י הַנָּזִ֔יר אַחַ֖ר הִֽתְגַּלְּח֥וֹ אֶת־נִזְרֽוֹ׃

‎20 ‏וְהֵנִיף֩ אוֹתָ֨ם הַכֹּהֵ֥ן׀ תְּנוּפָה֮ לִפְנֵ֣י יְהוָה֒ קֹ֤דֶשׁ הוּא֙ לַכֹּהֵ֔ן עַ֚ל חֲזֵ֣ה הַתְּנוּפָ֔ה וְעַ֖ל שׁ֣וֹק הַתְּרוּמָ֑ה וְאַחַ֛ר יִשְׁתֶּ֥ה הַנָּזִ֖יר יָֽיִן׃

‎21 ‏זֹ֣את תּוֹרַ֣ת הַנָּזִיר֮ אֲשֶׁ֣ר יִדֹּר֒ קָרְבָּנ֤וֹ לַֽיהוָה֙ עַל־נִזְר֔וֹ מִלְּבַ֖ד אֲשֶׁר־תַּשִּׂ֣יג יָד֑וֹ כְּפִ֤י נִדְרוֹ֙ אֲשֶׁ֣ר יִדֹּ֔ר כֵּ֣ן יַעֲשֶׂ֔ה עַ֖ל תּוֹרַ֥ת נִזְרֽוֹ׃ פ

‎22 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎23 ‏דַּבֵּ֤ר אֶֽל־אַהֲרֹן֙ וְאֶל־בָּנָ֣יו לֵאמֹ֔ר כֹּ֥ה תְבָרֲכ֖וּ אֶת־בְּנֵ֣י יִשְׂרָאֵ֑ל אָמ֖וֹר לָהֶֽם׃ ס

‎24 ‏יְבָרֶכְךָ֥ יְהוָ֖ה וְיִשְׁמְרֶֽךָ׃ ס

‎25 ‏יָאֵ֨ר יְהוָ֧ה׀ פָּנָ֛יו אֵלֶ֖יךָ וִֽיחֻנֶּֽךָּ׃ ס

‎26 ‏יִשָּׂ֨א יְהוָ֤ה׀ פָּנָיו֙ אֵלֶ֔יךָ וְיָשֵׂ֥ם לְךָ֖ שָׁלֽוֹם׃ ס

‎27 ‏וְשָׂמ֥וּ אֶת־שְׁמִ֖י עַל־בְּנֵ֣י יִשְׂרָאֵ֑ל וַאֲנִ֖י אֲבָרֲכֵֽם׃ פ

1 wayəḏabēr yəhwâ ’el-mōšeh llē’mōr:

2 dabēr ’el-bənê yiśərā’ēl wə’āmarətā ’ălēhem ’îš ’wō-’iššâ kî yafəli’ linədōr neḏer nāzîr ləhazzîr layhwâ:

3 mîyayin wəšēḵār yazzîr ḥōmeṣ yayin wəḥōmeṣ šēḵār lō’ yišəteh wəḵāl-mišəraṯ ‘ănāḇîm lō’ yišəteh w^a‘ănāḇîm l^aḥîm wîḇēšîm lō’ yō’ḵēl:

4 kōl yəmê nizərwō mikōl ’ăšer yē‘āśeh migefen hayyayin mēḥarəṣannîm wə‘aḏ-zāḡ lō’ yō’ḵēl:

5 kāl-yəmê neḏer nizərwō t^a‘ar lō’-y^a‘ăḇōr ‘al-rō’šwō ‘aḏ-məlō’ṯ hayyāmim ’ăšer-yazzîr layhwâ qāḏōš yihəyeh gadēl per^a‘ śə‘ar rō’šwō:

6 kāl-yəmê hazzîrwō layhwâ ‘al-nefeš mēṯ lō’ yāḇō’:

7 lə’āḇîw ûlə’immwō lə’āḥîw ûlə’^aḥōṯwō lō’-yiṭṭammā’ lâem bəmōṯām kî nēzer ’ĕlōhāyw ‘al-rō’šwō:

8 kōl yəmê nizərwō qāḏōš hû’ layhwâ:

9 wəḵî-yāmûṯ mēṯ ‘ālāyw bəfeṯ^a‘ piṯə’ōm wəṭimmē’ rō’š nizərwō wəḡill^aḥ rō’šwō bəywōm ṭâŏrāṯwō bayywōm haššəḇî‘î yəḡalləḥennû:

10 ûḇayywōm haššəmînî yāḇi’ šətê ṯōrîm ’wō šənê bənê ywōnâ ’el-hakōhēn ’el-peṯ^aḥ ’ōhel mwō‘ēḏ:

11 wə‘āśâ hakōhēn ’eḥāḏ ləḥaṭṭā’ṯ wə’eḥāḏ lə‘ōlâ wəḵiper ‘ālāyw mē’ăšer ḥāṭā’ ‘al-hannāfeš wəqidaš ’eṯ-rō’šwō bayywōm hahû’:

12 wəhizzîr layhwâ ’eṯ-yəmê nizərwō wəhēḇî’ keḇeś ben-šənāṯwō lə’āšām wəhayyāmîm hāri’šōnîm yipəlû kî ṭāmē’ nizərwō:

13 wəzō’ṯ twōraṯ hannāzîr bəywōm məlō’ṯ yəmê nizərwō yāḇî’ ’ōṯwō ’el-peṯ^aḥ ’ōhel mwō‘ēḏ:

14 wəhiqərîḇ ’eṯ-qārəbānwō layhwâ keḇeś ben-šənāṯwō ṯāmîm ’eḥāḏ lə‘ōlâ wəḵaḇəśâ ’^aḥaṯ baṯ-šənāṯāh təmîmâ ləḥaṭṭā’ṯ wə’ayil-’eḥāḏ tāmîm lišəlāmîm:

15 wəsal maṣṣwōṯ sōleṯ ḥallōṯ bəlûlōṯ baššemen ûrəqîqê maṣṣwōṯ məšuḥîm baššāmen ûminəḥāṯām wənisəkêhem:

16 wəhiqərîḇ hakōhēn lifənê yəhwâ wə‘āśâ ’eṯ-ḥaṭṭā’ṯwō wə’eṯ-‘ōlāṯwō:

17 wə’eṯ-hā’ayil y^a‘ăśeh zeḇ^aḥ šəlāmîm layhwâ ‘al sal hammaṣṣwōṯ wə‘āśâ hakōhēn ’eṯ-minəḥāṯwō wə’eṯ-nisəkwō:

18 wəḡill^aḥ hannāzîr peṯ^aḥ ’ōhel mwō‘ēḏ ’eṯ-rō’š nizərwō wəlāq^aḥ ’eṯ-śə‘ar rō’š nizərwō wənāṯan ‘al-hā’ēš ’ăšer-t^aḥaṯ zeḇ^aḥ haššəlāmîm:

19 wəlāq^aḥ hakōhēn ’eṯ-hazzərō‘a bəšēlâ min-hā’ayil wəḥallaṯ maṣṣâ ’^aḥaṯ min-hassal ûrəqîq maṣṣâ ’eḥāḏ wənāṯan ‘al-kapê hannāzîr ’^aḥar hiṯəgalləḥwō ’eṯ-nizərwō:

20 wəhēnîf ’wōṯām hakōhēn| tənûfâ lifənê yəhwâ qōḏeš hû’ lakōhēn ‘al ḥăzēh hatənûfâ wə‘al šwōq hatərûmâ wə’^aḥar yišəteh hannāzîr yāyin:

21 zō’ṯ twōraṯ hannāzîr ’ăšer yidōr qārəbānwō layhwâ ‘al-nizərwō milləḇaḏ ’ăšer-taśśîḡ yāḏwō kəfî niḏərwō ’ăšer yidōr kēn y^a‘ăśeh ‘al twōraṯ nizərwō: f

22 wayəḏabēr yəhwâ ’el-mōšeh llē’mōr:

23 dabēr ’el-’ahărōn wə’el-bānāyw lē’mōr kōh ṯəḇārăḵû ’eṯ-bənê yiśərā’ēl ’āmwōr lâem: s

24 yəḇāreḵəḵā yəhwâ wəyišəməreḵā: s

25 yā’ēr yəhwâ| pānāyw ’ēleyḵā wîḥunneḵḵā: s

26 yiśśā’ yəhwâ| pānāyw ’ēleyḵā wəyāśēm ləḵā šālwōm: s

27 wəśāmû ’eṯ-šəmî ‘al-bənê yiśərā’ēl wa’ănî ’ăḇārăḵēm: f

‎1 ‏וַיְהִ֡י בְּיוֹם֩ כַּלּ֨וֹת מֹשֶׁ֜ה לְהָקִ֣ים אֶת־הַמִּשְׁכָּ֗ן וַיִּמְשַׁ֨ח אֹת֜וֹ וַיְקַדֵּ֤שׁ אֹתוֹ֙ וְאֶת־כָּל־כֵּלָ֔יו וְאֶת־הַמִּזְבֵּ֖חַ וְאֶת־כָּל־כֵּלָ֑יו וַיִּמְשָׁחֵ֖ם וַיְקַדֵּ֥שׁ אֹתָֽם׃

‎2 ‏וַיַּקְרִ֙יבוּ֙ נְשִׂיאֵ֣י יִשְׂרָאֵ֔ל רָאשֵׁ֖י בֵּ֣ית אֲבֹתָ֑ם הֵ֚ם נְשִׂיאֵ֣י הַמַּטֹּ֔ת הֵ֥ם הָעֹמְדִ֖ים עַל־הַפְּקֻדִֽים׃

‎3 ‏וַיָּבִ֨יאוּ אֶת־קָרְבָּנָ֜ם לִפְנֵ֣י יְהוָ֗ה שֵׁשׁ־עֶגְלֹ֥ת צָב֙ וּשְׁנֵ֣י עָשָׂ֣ר בָּקָ֔ר עֲגָלָ֛ה עַל־שְׁנֵ֥י הַנְּשִׂאִ֖ים וְשׁ֣וֹר לְאֶחָ֑ד וַיַּקְרִ֥יבוּ אוֹתָ֖ם לִפְנֵ֥י הַמִּשְׁכָּֽן׃

‎4 ‏וַיֹּ֥אמֶר³ יְהוָ֖ה אֶל־מֹשֶׁ֥ה לֵּאמֹֽר׃

‎5 ‏קַ֚ח מֵֽאִתָּ֔ם וְהָי֕וּ לַעֲבֹ֕ד אֶת־עֲבֹדַ֖ת אֹ֣הֶל מוֹעֵ֑ד וְנָתַתָּ֤ה אוֹתָם֙ אֶל־הַלְוִיִּ֔ם אִ֖ישׁ כְּפִ֥י עֲבֹדָתֽוֹ׃

‎6 ‏וַיִּקַּ֣ח מֹשֶׁ֔ה אֶת־הָעֲגָלֹ֖ת וְאֶת־הַבָּקָ֑ר וַיִּתֵּ֥ן אוֹתָ֖ם אֶל־הַלְוִיִּֽם׃

‎7 ‏אֵ֣ת׀ שְׁתֵּ֣י הָעֲגָלֹ֗ת וְאֵת֙ אַרְבַּ֣עַת הַבָּקָ֔ר נָתַ֖ן לִבְנֵ֣י גֵרְשׁ֑וֹן כְּפִ֖י עֲבֹדָתָֽם׃

‎8 ‏וְאֵ֣ת׀ אַרְבַּ֣ע הָעֲגָלֹ֗ת וְאֵת֙ שְׁמֹנַ֣ת הַבָּקָ֔ר נָתַ֖ן לִבְנֵ֣י מְרָרִ֑י כְּפִי֙ עֲבֹ֣דָתָ֔ם בְּיַד֙ אִֽיתָמָ֔ר בֶּֽן־אַהֲרֹ֖ן הַכֹּהֵֽן׃

‎9 ‏וְלִבְנֵ֥י קְהָ֖ת לֹ֣א נָתָ֑ן כִּֽי־עֲבֹדַ֤ת הַקֹּ֙דֶשׁ֙ עֲלֵהֶ֔ם בַּכָּתֵ֖ף יִשָּֽׂאוּ׃

‎10 ‏וַיַּקְרִ֣יבוּ הַנְּשִׂאִ֗ים אֵ֚ת חֲנֻכַּ֣ת הַמִּזְבֵּ֔חַ בְּי֖וֹם הִמָּשַׁ֣ח אֹת֑וֹ וַיַּקְרִ֧יבוּ הַנְּשִׂיאִ֛ם אֶת־קָרְבָּנָ֖ם לִפְנֵ֥י הַמִּזְבֵּֽחַ׃

‎11 ‏וַיֹּ֥אמֶר יְהוָ֖ה אֶל־מֹשֶׁ֑ה נָשִׂ֨יא אֶחָ֜ד לַיּ֗וֹם נָשִׂ֤יא אֶחָד֙ לַיּ֔וֹם יַקְרִ֙יבוּ֙ אֶת־קָרְבָּנָ֔ם לַחֲנֻכַּ֖ת הַמִּזְבֵּֽחַ׃ ס

‎12 ‏וַיְהִ֗י הַמַּקְרִ֛יב בַּיּ֥וֹם הָרִאשׁ֖וֹן אֶת־קָרְבָּנ֑וֹ נַחְשׁ֥וֹן בֶּן־עַמִּינָדָ֖ב לְמַטֵּ֥ה יְהוּדָֽה׃

‎13 ‏וְקָרְבָּנ֞וֹ קַֽעֲרַת־כֶּ֣סֶף אַחַ֗ת שְׁלֹשִׁ֣ים וּמֵאָה֮ מִשְׁקָלָהּ֒ מִזְרָ֤ק אֶחָד֙ כֶּ֔סֶף שִׁבְעִ֥ים שֶׁ֖קֶל בְּשֶׁ֣קֶל הַקֹּ֑דֶשׁ שְׁנֵיהֶ֣ם׀ מְלֵאִ֗ים סֹ֛לֶת בְּלוּלָ֥ה בַשֶּׁ֖מֶן לְמִנְחָֽה׃

‎14 ‏כַּ֥ף אַחַ֛ת עֲשָׂרָ֥ה זָהָ֖ב מְלֵאָ֥ה קְטֹֽרֶת׃

‎15 ‏פַּ֣ר אֶחָ֞ד בֶּן־בָּקָ֗ר אַ֧יִל אֶחָ֛ד כֶּֽבֶשׂ־אֶחָ֥ד בֶּן־שְׁנָת֖וֹ לְעֹלָֽה׃

‎16 ‏שְׂעִיר־עִזִּ֥ים אֶחָ֖ד לְחַטָּֽאת׃

‎17 ‏וּלְזֶ֣בַח הַשְּׁלָמִים֮ בָּקָ֣ר שְׁנַיִם֒ אֵילִ֤ם חֲמִשָּׁה֙ עַתּוּדִ֣ים חֲמִשָּׁ֔ה כְּבָשִׂ֥ים בְּנֵֽי־שָׁנָ֖ה חֲמִשָּׁ֑ה זֶ֛ה קָרְבַּ֥ן נַחְשׁ֖וֹן בֶּן־עַמִּינָדָֽב׃ פ

‎18 ‏בַּיּוֹם֙ הַשֵּׁנִ֔י הִקְרִ֖יב נְתַנְאֵ֣ל בֶּן־צוּעָ֑ר נְשִׂ֖יא יִשָּׂשכָֽר׃

‎19 ‏הִקְרִ֨ב אֶת־קָרְבָּנ֜וֹ קַֽעֲרַת־כֶּ֣סֶף אַחַ֗ת שְׁלֹשִׁ֣ים וּמֵאָה֮ מִשְׁקָלָהּ֒ מִזְרָ֤ק אֶחָד֙ כֶּ֔סֶף שִׁבְעִ֥ים שֶׁ֖קֶל בְּשֶׁ֣קֶל הַקֹּ֑דֶשׁ שְׁנֵיהֶ֣ם׀ מְלֵאִ֗ים סֹ֛לֶת בְּלוּלָ֥ה בַשֶּׁ֖מֶן לְמִנְחָֽה׃

‎20 ‏כַּ֥ף אַחַ֛ת עֲשָׂרָ֥ה זָהָ֖ב מְלֵאָ֥ה קְטֹֽרֶת׃

‎21 ‏פַּ֣ר אֶחָ֞ד בֶּן־בָּקָ֗ר אַ֧יִל אֶחָ֛ד כֶּֽבֶשׂ־אֶחָ֥ד בֶּן־שְׁנָת֖וֹ לְעֹלָֽה׃

‎22 ‏שְׂעִיר־עִזִּ֥ים אֶחָ֖ד לְחַטָּֽאת׃

‎23 ‏וּלְזֶ֣בַח הַשְּׁלָמִים֮ בָּקָ֣ר שְׁנַיִם֒ אֵילִ֤ם חֲמִשָּׁה֙ עַתּוּדִ֣ים חֲמִשָּׁ֔ה כְּבָשִׂ֥ים בְּנֵי־שָׁנָ֖ה חֲמִשָּׁ֑ה זֶ֛ה קָרְבַּ֥ן נְתַנְאֵ֖ל בֶּן־צוּעָֽר׃ פ

‎24 ‏בַּיּוֹם֙ הַשְּׁלִישִׁ֔י נָשִׂ֖יא לִבְנֵ֣י זְבוּלֻ֑ן אֱלִיאָ֖ב בֶּן־חֵלֹֽן׃

‎25 ‏קָרְבָּנ֞וֹ קַֽעֲרַת־כֶּ֣סֶף אַחַ֗ת שְׁלֹשִׁ֣ים וּמֵאָה֮ מִשְׁקָלָהּ֒ מִזְרָ֤ק אֶחָד֙ כֶּ֔סֶף שִׁבְעִ֥ים שֶׁ֖קֶל בְּשֶׁ֣קֶל הַקֹּ֑דֶשׁ שְׁנֵיהֶ֣ם׀ מְלֵאִ֗ים סֹ֛לֶת בְּלוּלָ֥ה בַשֶּׁ֖מֶן לְמִנְחָֽה׃

‎26 ‏כַּ֥ף אַחַ֛ת עֲשָׂרָ֥ה זָהָ֖ב מְלֵאָ֥ה קְטֹֽרֶת׃

‎27 ‏פַּ֣ר אֶחָ֞ד בֶּן־בָּקָ֗ר אַ֧יִל אֶחָ֛ד כֶּֽבֶשׂ־אֶחָ֥ד בֶּן־שְׁנָת֖וֹ לְעֹלָֽה׃

‎28 ‏שְׂעִיר־עִזִּ֥ים אֶחָ֖ד לְחַטָּֽאת׃

‎29 ‏וּלְזֶ֣בַח הַשְּׁלָמִים֮ בָּקָ֣ר שְׁנַיִם֒ אֵילִ֤ם חֲמִשָּׁה֙ עַתֻּדִ֣ים חֲמִשָּׁ֔ה כְּבָשִׂ֥ים בְּנֵי־שָׁנָ֖ה חֲמִשָּׁ֑ה זֶ֛ה קָרְבַּ֥ן אֱלִיאָ֖ב בֶּן־חֵלֹֽן׃ פ

‎30 ‏בַּיּוֹם֙ הָרְבִיעִ֔י נָשִׂ֖יא לִבְנֵ֣י רְאוּבֵ֑ן אֱלִיצ֖וּר בֶּן־שְׁדֵיאֽוּר׃

‎31 ‏קָרְבָּנ֞וֹ קַֽעֲרַת־כֶּ֣סֶף אַחַ֗ת שְׁלֹשִׁ֣ים וּמֵאָה֮ מִשְׁקָלָהּ֒ מִזְרָ֤ק אֶחָד֙ כֶּ֔סֶף שִׁבְעִ֥ים שֶׁ֖קֶל בְּשֶׁ֣קֶל הַקֹּ֑דֶשׁ שְׁנֵיהֶ֣ם׀ מְלֵאִ֗ים סֹ֛לֶת בְּלוּלָ֥ה בַשֶּׁ֖מֶן לְמִנְחָֽה׃

‎32 ‏כַּ֥ף אַחַ֛ת עֲשָׂרָ֥ה זָהָ֖ב מְלֵאָ֥ה קְטֹֽרֶת²

‎33 ‏פַּ֣ר אֶחָ֞ד בֶּן־בָּקָ֗ר אַ֧יִל אֶחָ֛ד כֶּֽבֶשׂ־אֶחָ֥ד בֶּן־שְׁנָת֖וֹ לְעֹלָֽה׃

‎34 ‏שְׂעִיר־עִזִּ֥ים אֶחָ֖ד לְחַטָּֽאת׃

‎35 ‏וּלְזֶ֣בַח הַשְּׁלָמִים֮ בָּקָ֣ר שְׁנַיִם֒ אֵילִ֤ם חֲמִשָּׁה֙ עַתֻּדִ֣ים חֲמִשָּׁ֔ה כְּבָשִׂ֥ים בְּנֵֽי־שָׁנָ֖ה חֲמִשָּׁ֑ה זֶ֛ה קָרְבַּ֥ן אֱלִיצ֖וּר בֶּן־שְׁדֵיאֽוּר׃ פ

‎36 ‏בַּיּוֹם֙ הַחֲמִישִׁ֔י נָשִׂ֖יא לִבְנֵ֣י שִׁמְע֑וֹן שְׁלֻֽמִיאֵ֖ל בֶּן־צוּרִֽישַׁדָּֽי׃

‎37 ‏קָרְבָּנ֞וֹ קַֽעֲרַת־כֶּ֣סֶף אַחַ֗ת שְׁלֹשִׁ֣ים וּמֵאָה֮ מִשְׁקָלָהּ֒ מִזְרָ֤ק אֶחָד֙ כֶּ֔סֶף שִׁבְעִ֥ים שֶׁ֖קֶל בְּשֶׁ֣קֶל הַקֹּ֑דֶשׁ שְׁנֵיהֶ֣ם׀ מְלֵאִ֗ים סֹ֛לֶת בְּלוּלָ֥ה בַשֶּׁ֖מֶן לְמִנְחָֽה׃

‎38 ‏כַּ֥ף אַחַ֛ת עֲשָׂרָ֥ה זָהָ֖ב מְלֵאָ֥ה קְטֹֽרֶת׃

‎39 ‏פַּ֣ר אֶחָ֞ד בֶּן־בָּקָ֗ר אַ֧יִל אֶחָ֛ד כֶּֽבֶשׂ־אֶחָ֥ד בֶּן־שְׁנָת֖וֹ לְעֹלָֽה׃

‎40 ‏שְׂעִיר־עִזִּ֥ים אֶחָ֖ד לְחַטָּֽאת²

‎41 ‏וּלְזֶ֣בַח הַשְּׁלָמִים֮ בָּקָ֣ר שְׁנַיִם֒ אֵילִ֤ם חֲמִשָּׁה֙ עַתֻּדִ֣ים חֲמִשָּׁ֔ה כְּבָשִׂ֥ים בְּנֵי־שָׁנָ֖ה חֲמִשָּׁ֑ה זֶ֛ה קָרְבַּ֥ן שְׁלֻמִיאֵ֖ל בֶּן־צוּרִֽישַׁדָּֽי׃ פ

‎42 ‏בַּיּוֹם֙ הַשִּׁשִּׁ֔י נָשִׂ֖יא לִבְנֵ֣י גָ֑ד אֶלְיָסָ֖ף בֶּן־דְּעוּאֵֽל׃

‎43 ‏קָרְבָּנ֞וֹ קַֽעֲרַת־כֶּ֣סֶף אַחַ֗ת שְׁלֹשִׁ֣ים וּמֵאָה֮ מִשְׁקָלָהּ֒ מִזְרָ֤ק אֶחָד֙ כֶּ֔סֶף שִׁבְעִ֥ים שֶׁ֖קֶל בְּשֶׁ֣קֶל הַקֹּ֑דֶשׁ שְׁנֵיהֶ֣ם׀ מְלֵאִ֗ים סֹ֛לֶת בְּלוּלָ֥ה בַשֶּׁ֖מֶן לְמִנְחָֽה׃

‎44 ‏כַּ֥ף אַחַ֛ת עֲשָׂרָ֥ה זָהָ֖ב מְלֵאָ֥ה קְטֹֽרֶת׃

‎45 ‏פַּ֣ר אֶחָ֞ד בֶּן־בָּקָ֗ר אַ֧יִל אֶחָ֛ד כֶּֽבֶשׂ־אֶחָ֥ד בֶּן־שְׁנָת֖וֹ לְעֹלָֽה׃

‎46 ‏שְׂעִיר־עִזִּ֥ים אֶחָ֖ד לְחַטָּֽאת׃

‎47 ‏וּלְזֶ֣בַח הַשְּׁלָמִים֮ בָּקָ֣ר שְׁנַיִם֒ אֵילִ֤ם חֲמִשָּׁה֙ עַתֻּדִ֣ים חֲמִשָּׁ֔ה כְּבָשִׂ֥ים בְּנֵי־שָׁנָ֖ה חֲמִשָּׁ֑ה זֶ֛ה קָרְבַּ֥ן אֶלְיָסָ֖ף בֶּן־דְּעוּאֵֽל׃ פ

‎48 ‏בַּיּוֹם֙ הַשְּׁבִיעִ֔י נָשִׂ֖יא לִבְנֵ֣י אֶפְרָ֑יִם אֱלִֽישָׁמָ֖ע בֶּן־עַמִּיהֽוּד׃

‎49 ‏קָרְבָּנ֞וֹ קַֽעֲרַת־כֶּ֣סֶף אַחַ֗ת שְׁלֹשִׁ֣ים וּמֵאָה֮ מִשְׁקָלָהּ֒ מִזְרָ֤ק אֶחָד֙ כֶּ֔סֶף שִׁבְעִ֥ים שֶׁ֖קֶל בְּשֶׁ֣קֶל הַקֹּ֑דֶשׁ שְׁנֵיהֶ֣ם׀ מְלֵאִ֗ים סֹ֛לֶת בְּלוּלָ֥ה בַשֶּׁ֖מֶן לְמִנְחָֽה׃

‎50 ‏כַּ֥ף אַחַ֛ת עֲשָׂרָ֥ה זָהָ֖ב מְלֵאָ֥ה קְטֹֽרֶת׃

‎51 ‏פַּ֣ר אֶחָ֞ד בֶּן־בָּקָ֗ר אַ֧יִל אֶחָ֛ד כֶּֽבֶשׂ־אֶחָ֥ד בֶּן־שְׁנָת֖וֹ לְעֹלָֽה׃

‎52 ‏שְׂעִיר־עִזִּ֥ים אֶחָ֖ד לְחַטָּֽאת׃

‎53 ‏וּלְזֶ֣בַח הַשְּׁלָמִים֮ בָּקָ֣ר שְׁנַיִם֒ אֵילִ֤ם חֲמִשָּׁה֙ עַתֻּדִ֣ים חֲמִשָּׁ֔ה כְּבָשִׂ֥ים בְּנֵֽי־שָׁנָ֖ה חֲמִשָּׁ֑ה זֶ֛ה קָרְבַּ֥ן אֱלִישָׁמָ֖ע בֶּן־עַמִּיהֽוּד׃ פ

‎54 ‏בַּיּוֹם֙ הַשְּׁמִינִ֔י נָשִׂ֖יא לִבְנֵ֣י מְנַשֶּׁ֑ה גַּמְלִיאֵ֖ל בֶּן־פְּדָה־צֽוּר׃

‎55 ‏קָרְבָּנ֞וֹ קַֽעֲרַת־כֶּ֣סֶף אַחַ֗ת שְׁלֹשִׁ֣ים וּמֵאָה֮ מִשְׁקָלָהּ֒ מִזְרָ֤ק אֶחָד֙ כֶּ֔סֶף שִׁבְעִ֥ים שֶׁ֖קֶל בְּשֶׁ֣קֶל הַקֹּ֑דֶשׁ שְׁנֵיהֶ֣ם׀ מְלֵאִ֗ים סֹ֛לֶת בְּלוּלָ֥ה בַשֶּׁ֖מֶן לְמִנְחָֽה²

‎56 ‏כַּ֥ף אַחַ֛ת עֲשָׂרָ֥ה זָהָ֖ב מְלֵאָ֥ה קְטֹֽרֶת׃

‎57 ‏פַּ֣ר אֶחָ֞ד בֶּן־בָּקָ֗ר אַ֧יִל אֶחָ֛ד כֶּֽבֶשׂ־אֶחָ֥ד בֶּן־שְׁנָת֖וֹ לְעֹלָֽה׃

‎58 ‏שְׂעִיר־עִזִּ֥ים אֶחָ֖ד לְחַטָּֽאת׃

‎59 ‏וּלְזֶ֣בַח הַשְּׁלָמִים֮ בָּקָ֣ר שְׁנַיִם֒ אֵילִ֤ם חֲמִשָּׁה֙ עַתֻּדִ֣ים חֲמִשָּׁ֔ה כְּבָשִׂ֥ים בְּנֵי־שָׁנָ֖ה חֲמִשָּׁ֑ה זֶ֛ה קָרְבַּ֥ן גַּמְלִיאֵ֖ל בֶּן־פְּדָה צֽוּר׃³ פ

‎60 ‏בַּיּוֹם֙ הַתְּשִׁיעִ֔י נָשִׂ֖יא לִבְנֵ֣י בִנְיָמִ֑ן אֲבִידָ֖ן בֶּן־גִּדְעֹנִֽי׃

‎61 ‏קָרְבָּנ֞וֹ קַֽעֲרַת־כֶּ֣סֶף אַחַ֗ת שְׁלֹשִׁ֣ים וּמֵאָה֮ מִשְׁקָלָהּ֒ מִזְרָ֤ק אֶחָד֙ כֶּ֔סֶף שִׁבְעִ֥ים שֶׁ֖קֶל בְּשֶׁ֣קֶל הַקֹּ֑דֶשׁ שְׁנֵיהֶ֣ם׀ מְלֵאִ֗ים סֹ֛לֶת בְּלוּלָ֥ה בַשֶּׁ֖מֶן לְמִנְחָֽה׃

‎62 ‏כַּ֥ף אַחַ֛ת עֲשָׂרָ֥ה זָהָ֖ב מְלֵאָ֥ה קְטֹֽרֶת׃

‎63 ‏פַּ֣ר אֶחָ֞ד בֶּן־בָּקָ֗ר אַ֧יִל אֶחָ֛ד כֶּֽבֶשׂ־אֶחָ֥ד בֶּן־שְׁנָת֖וֹ לְעֹלָֽה׃

‎64 ‏שְׂעִיר־עִזִּ֥ים אֶחָ֖ד לְחַטָּֽאת׃

‎65 ‏וּלְזֶ֣בַח הַשְּׁלָמִים֮ בָּקָ֣ר שְׁנַיִם֒ אֵילִ֤ם חֲמִשָּׁה֙ עַתֻּדִ֣ים חֲמִשָּׁ֔ה כְּבָשִׂ֥ים בְּנֵי־שָׁנָ֖ה חֲמִשָּׁ֑ה זֶ֛ה קָרְבַּ֥ן אֲבִידָ֖ן בֶּן־גִּדְעֹנִֽי׃ פ

‎66 ‏בַּיּוֹם֙ הָעֲשִׂירִ֔י נָשִׂ֖יא לִבְנֵ֣י דָ֑ן אֲחִיעֶ֖זֶר בֶּן־עַמִּישַׁדָּֽי׃

‎67 ‏קָרְבָּנ֞וֹ קַֽעֲרַת־כֶּ֣סֶף אַחַ֗ת שְׁלֹשִׁ֣ים וּמֵאָה֮ מִשְׁקָלָהּ֒ מִזְרָ֤ק אֶחָד֙ כֶּ֔סֶף שִׁבְעִ֥ים שֶׁ֖קֶל בְּשֶׁ֣קֶל הַקֹּ֑דֶשׁ שְׁנֵיהֶ֣ם׀ מְלֵאִ֗ים סֹ֛לֶת בְּלוּלָ֥ה בַשֶּׁ֖מֶן לְמִנְחָֽה׃

‎68 ‏כַּ֥ף אַחַ֛ת עֲשָׂרָ֥ה זָהָ֖ב מְלֵאָ֥ה קְטֹֽרֶת²

‎69 ‏פַּ֣ר אֶחָ֞ד בֶּן־בָּקָ֗ר אַ֧יִל אֶחָ֛ד כֶּֽבֶשׂ־אֶחָ֥ד בֶּן־שְׁנָת֖וֹ לְעֹלָֽה׃

‎70 ‏שְׂעִיר־עִזִּ֥ים אֶחָ֖ד לְחַטָּֽאת׃

‎71 ‏וּלְזֶ֣בַח הַשְּׁלָמִים֮ בָּקָ֣ר שְׁנַיִם֒ אֵילִ֤ם חֲמִשָּׁה֙ עַתֻּדִ֣ים חֲמִשָּׁ֔ה כְּבָשִׂ֥ים בְּנֵֽי־שָׁנָ֖ה חֲמִשָּׁ֑ה זֶ֛ה קָרְבַּ֥ן אֲחִיעֶ֖זֶר בֶּן־עַמִּישַׁדָּֽי׃ פ

‎72 ‏בְּיוֹם֙ עַשְׁתֵּ֣י עָשָׂ֣ר י֔וֹם נָשִׂ֖יא לִבְנֵ֣י אָשֵׁ֑ר פַּגְעִיאֵ֖ל בֶּן־עָכְרָֽן׃

‎73 ‏קָרְבָּנ֞וֹ קַֽעֲרַת־כֶּ֣סֶף אַחַ֗ת שְׁלֹשִׁ֣ים וּמֵאָה֮ מִשְׁקָלָהּ֒ מִזְרָ֤ק אֶחָד֙ כֶּ֔סֶף שִׁבְעִ֥ים שֶׁ֖קֶל בְּשֶׁ֣קֶל הַקֹּ֑דֶשׁ שְׁנֵיהֶ֣ם׀ מְלֵאִ֗ים סֹ֛לֶת בְּלוּלָ֥ה בַשֶּׁ֖מֶן לְמִנְחָֽה׃

‎74 ‏כַּ֥ף אַחַ֛ת עֲשָׂרָ֥ה זָהָ֖ב מְלֵאָ֥ה קְטֹֽרֶת׃

‎75 ‏פַּ֣ר אֶחָ֞ד בֶּן־בָּקָ֗ר אַ֧יִל אֶחָ֛ד כֶּֽבֶשׂ־אֶחָ֥ד בֶּן־שְׁנָת֖וֹ לְעֹלָֽה׃

‎76 ‏שְׂעִיר־עִזִּ֥ים אֶחָ֖ד לְחַטָּֽאת׃

‎77 ‏וּלְזֶ֣בַח הַשְּׁלָמִים֮ בָּקָ֣ר שְׁנַיִם֒ אֵילִ֤ם חֲמִשָּׁה֙ עַתֻּדִ֣ים חֲמִשָּׁ֔ה כְּבָשִׂ֥ים בְּנֵֽי־שָׁנָ֖ה חֲמִשָּׁ֑ה זֶ֛ה קָרְבַּ֥ן פַּגְעִיאֵ֖ל בֶּן־עָכְרָֽן׃ פ

‎78 ‏בְּיוֹם֙ שְׁנֵ֣ים עָשָׂ֣ר י֔וֹם נָשִׂ֖יא לִבְנֵ֣י נַפְתָּלִ֑י אֲחִירַ֖ע בֶּן־עֵינָֽן׃

‎79 ‏קָרְבָּנ֞וֹ קַֽעֲרַת־כֶּ֣סֶף אַחַ֗ת שְׁלֹשִׁ֣ים וּמֵאָה֮ מִשְׁקָלָהּ֒ מִזְרָ֤ק אֶחָד֙ כֶּ֔סֶף שִׁבְעִ֥ים שֶׁ֖קֶל בְּשֶׁ֣קֶל הַקֹּ֑דֶשׁ שְׁנֵיהֶ֣ם׀ מְלֵאִ֗ים סֹ֛לֶת בְּלוּלָ֥ה בַשֶּׁ֖מֶן לְמִנְחָֽה׃

‎80 ‏כַּ֥ף אַחַ֛ת עֲשָׂרָ֥ה זָהָ֖ב מְלֵאָ֥ה קְטֹֽרֶת׃

‎81 ‏פַּ֣ר אֶחָ֞ד בֶּן־בָּקָ֗ר אַ֧יִל אֶחָ֛ד כֶּֽבֶשׂ־אֶחָ֥ד בֶּן־שְׁנָת֖וֹ לְעֹלָֽה׃

‎82 ‏שְׂעִיר־עִזִּ֥ים אֶחָ֖ד לְחַטָּֽאת׃

‎83 ‏וּלְזֶ֣בַח הַשְּׁלָמִים֮ בָּקָ֣ר שְׁנַיִם֒ אֵילִ֤ם חֲמִשָּׁה֙ עַתֻּדִ֣ים חֲמִשָּׁ֔ה כְּבָשִׂ֥ים בְּנֵֽי־שָׁנָ֖ה חֲמִשָּׁ֑ה זֶ֛ה קָרְבַּ֥ן אֲחִירַ֖ע בֶּן־עֵינָֽן׃ פ

‎84 ‏זֹ֣את׀ חֲנֻכַּ֣ת הַמִּזְבֵּ֗חַ בְּיוֹם֙ הִמָּשַׁ֣ח אֹת֔וֹ מֵאֵ֖ת נְשִׂיאֵ֣י יִשְׂרָאֵ֑ל קַעֲרֹ֨ת כֶּ֜סֶף שְׁתֵּ֣ים עֶשְׂרֵ֗ה מִֽזְרְקֵי־כֶ֙סֶף֙ שְׁנֵ֣ים עָשָׂ֔ר כַּפּ֥וֹת זָהָ֖ב שְׁתֵּ֥ים עֶשְׂרֵֽה׃

‎85 ‏שְׁלֹשִׁ֣ים וּמֵאָ֗ה הַקְּעָרָ֤ה הָֽאַחַת֙ כֶּ֔סֶף וְשִׁבְעִ֖ים הַמִּזְרָ֣ק הָאֶחָ֑ד כֹּ֚ל כֶּ֣סֶף הַכֵּלִ֔ים אַלְפַּ֥יִם וְאַרְבַּע־מֵא֖וֹת בְּשֶׁ֥קֶל הַקֹּֽדֶשׁ׃

‎86 ‏כַּפּ֨וֹת זָהָ֤ב שְׁתֵּים־עֶשְׂרֵה֙ מְלֵאֹ֣ת קְטֹ֔רֶת עֲשָׂרָ֧ה עֲשָׂרָ֛ה הַכַּ֖ף בְּשֶׁ֣קֶל הַקֹּ֑דֶשׁ כָּל־זְהַ֥ב הַכַּפּ֖וֹת עֶשְׂרִ֥ים וּמֵאָֽה׃

‎87 ‏כָּל־הַבָּקָ֨ר לָעֹלָ֜ה שְׁנֵ֧ים עָשָׂ֣ר פָּרִ֗ים אֵילִ֤ם שְׁנֵים־עָשָׂר֙ כְּבָשִׂ֧ים בְּנֵֽי־שָׁנָ֛ה שְׁנֵ֥ים עָשָׂ֖ר וּמִנְחָתָ֑ם וּשְׂעִירֵ֥י עִזִּ֛ים שְׁנֵ֥ים עָשָׂ֖ר לְחַטָּֽאת׃

‎88 ‏וְכֹ֞ל בְּקַ֣ר׀ זֶ֣בַח הַשְּׁלָמִ֗ים עֶשְׂרִ֣ים וְאַרְבָּעָה֮ פָּרִים֒ אֵילִ֤ם שִׁשִּׁים֙ עַתֻּדִ֣ים שִׁשִּׁ֔ים כְּבָשִׂ֥ים בְּנֵי־שָׁנָ֖ה שִׁשִּׁ֑ים זֹ֚את חֲנֻכַּ֣ת הַמִּזְבֵּ֔חַ אַחֲרֵ֖י הִמָּשַׁ֥ח אֹתֽוֹ׃

‎89 ‏וּבְבֹ֨א מֹשֶׁ֜ה אֶל־אֹ֣הֶל מוֹעֵד֮ לְדַבֵּ֣ר אִתּוֹ֒ וַיִּשְׁמַ֨ע אֶת־הַקּ֜וֹל מִדַּבֵּ֣ר אֵלָ֗יו מֵעַ֤ל הַכַּפֹּ֙רֶת֙ אֲשֶׁר֙ עַל־אֲרֹ֣ן הָעֵדֻ֔ת מִבֵּ֖ין שְׁנֵ֣י הַכְּרֻבִ֑ים וַיְדַבֵּ֖ר אֵלָֽיו׃ פ

1 wayəhî bəywōm kallwōṯ mōšeh ləhāqîm ’eṯ-hammišəkān wayyiməš^aḥ ’ōṯwō wayəqadēš ’ōṯwō wə’eṯ-kāl-kēlāyw wə’eṯ-hammizəbēḥa wə’eṯ-kāl-kēlāyw wayyiməšāḥēm wayəqadēš ’ōṯām:

2 wayyaqərîḇû nəśî’ê yiśərā’ēl rā’šê bêṯ ’ăḇōṯām hēm nəśî’ê hammaṭṭōṯ hēm hā‘ōməḏîm ‘al-hapəquḏîm:

3 wayyāḇî’û ’eṯ-qārəbānām lifənê yəhwâ šēš-‘eḡəlōṯ ṣāḇ ûšənê ‘āśār bāqār ‘ăḡālâ ‘al-šənê hannəśi’îm wəšwōr lə’eḥāḏ wayyaqərîḇû ’wōṯām lifənê hammišəkān:

4 wayyō’mer³ yəhwâ ’el-mōšeh llē’mōr:

5 q^aḥ mē’itām wəhāyû l^a‘ăḇōḏ ’eṯ-‘ăḇōḏaṯ ’ōhel mwō‘ēḏ wənāṯatâ ’wōṯām ’el-haləwîyim ’îš kəfî ‘ăḇōḏāṯwō:

6 wayyiqq^aḥ mōšeh ’eṯ-hā‘ăḡālōṯ wə’eṯ-habāqār wayyitēn ’wōṯām ’el-haləwîyim:

7 ’ēṯ| šətê hā‘ăḡālōṯ wə’ēṯ ’arəb^a‘aṯ habāqār nāṯan liḇənê ḡērəšwōn kəfî ‘ăḇōḏāṯām:

8 wə’ēṯ| ’arəb^a‘ hā‘ăḡālōṯ wə’ēṯ šəmōnaṯ habāqār nāṯan liḇənê mərārî kəfî ‘ăḇōḏāṯām bəyaḏ ’îṯāmār ben-’ahărōn hakōhēn:

9 wəliḇənê qəhāṯ lō’ nāṯān kî-‘ăḇōḏaṯ haqqōḏeš ‘ălēhem bakāṯēf yiśśā’û:

10 wayyaqərîḇû hannəśi’îm ’ēṯ ḥănukaṯ hammizəbēḥa bəywōm himmāš^aḥ ’ōṯwō wayyaqərîḇû hannəśî’im ’eṯ-qārəbānām lifənê hammizəbēḥa:

11 wayyō’mer yəhwâ ’el-mōšeh nāśî’ ’eḥāḏ layywōm nāśî’ ’eḥāḏ layywōm yaqərîḇû ’eṯ-qārəbānām l^aḥănukaṯ hammizəbēḥa: s

12 wayəhî hammaqərîḇ bayywōm hāri’šwōn ’eṯ-qārəbānwō n^aḥəšwōn ben-‘ammînāḏāḇ ləmaṭṭēh yəhûḏâ:

13 wəqārəbānwō q^a‘ăraṯ-kesef ’^aḥaṯ šəlōšîm ûmē’â mišəqālāh mizərāq ’eḥāḏ kesef šiḇə‘îm šeqel bəšeqel haqqōḏeš šənêhem| məlē’îm sōleṯ bəlûlâ ḇaššemen ləminəḥâ:

14 kaf ’^aḥaṯ ‘ăśārâ zâāḇ məlē’â qəṭōreṯ:

15 par ’eḥāḏ ben-bāqār ’ayil ’eḥāḏ keḇeś-’eḥāḏ ben-šənāṯwō lə‘ōlâ:

16 śə‘îr-‘izzîm ’eḥāḏ ləḥaṭṭā’ṯ:

17 ûləzeḇ^aḥ haššəlāmîm bāqār šənayim ’êlim ḥămiššâ ‘atûḏîm ḥămiššâ kəḇāśîm bənê-šānâ ḥămiššâ zeh qārəban n^aḥəšwōn ben-‘ammînāḏāḇ: f

18 bayywōm haššēnî hiqərîḇ nəṯanə’ēl ben-ṣû‘ār nəśî’ yiśśāsḵār:

19 hiqəriḇ ’eṯ-qārəbānwō q^a‘ăraṯ-kesef ’^aḥaṯ šəlōšîm ûmē’â mišəqālāh mizərāq ’eḥāḏ kesef šiḇə‘îm šeqel bəšeqel haqqōḏeš šənêhem| məlē’îm sōleṯ bəlûlâ ḇaššemen ləminəḥâ:

20 kaf ’^aḥaṯ ‘ăśārâ zâāḇ məlē’â qəṭōreṯ:

21 par ’eḥāḏ ben-bāqār ’ayil ’eḥāḏ keḇeś-’eḥāḏ ben-šənāṯwō lə‘ōlâ:

22 śə‘îr-‘izzîm ’eḥāḏ ləḥaṭṭā’ṯ:

23 ûləzeḇ^aḥ haššəlāmîm bāqār šənayim ’êlim ḥămiššâ ‘atûḏîm ḥămiššâ kəḇāśîm bənê-šānâ ḥămiššâ zeh qārəban nəṯanə’ēl ben-ṣû‘ār: f

24 bayywōm haššəlîšî nāśî’ liḇənê zəḇûlun ’ĕlî’āḇ ben-ḥēlōn:

25 qārəbānwō q^a‘ăraṯ-kesef ’^aḥaṯ šəlōšîm ûmē’â mišəqālāh mizərāq ’eḥāḏ kesef šiḇə‘îm šeqel bəšeqel haqqōḏeš šənêhem| məlē’îm sōleṯ bəlûlâ ḇaššemen ləminəḥâ:

26 kaf ’^aḥaṯ ‘ăśārâ zâāḇ məlē’â qəṭōreṯ:

27 par ’eḥāḏ ben-bāqār ’ayil ’eḥāḏ keḇeś-’eḥāḏ ben-šənāṯwō lə‘ōlâ:

28 śə‘îr-‘izzîm ’eḥāḏ ləḥaṭṭā’ṯ:

29 ûləzeḇ^aḥ haššəlāmîm bāqār šənayim ’êlim ḥămiššâ ‘atuḏîm ḥămiššâ kəḇāśîm bənê-šānâ ḥămiššâ zeh qārəban ’ĕlî’āḇ ben-ḥēlōn: f

30 bayywōm hārəḇî‘î nāśî’ liḇənê rə’ûḇēn ’ĕlîṣûr ben-šəḏê’ûr:

31 qārəbānwō q^a‘ăraṯ-kesef ’^aḥaṯ šəlōšîm ûmē’â mišəqālāh mizərāq ’eḥāḏ kesef šiḇə‘îm šeqel bəšeqel haqqōḏeš šənêhem| məlē’îm sōleṯ bəlûlâ ḇaššemen ləminəḥâ:

32 kaf ’^aḥaṯ ‘ăśārâ zâāḇ məlē’â qəṭōreṯ²

33 par ’eḥāḏ ben-bāqār ’ayil ’eḥāḏ keḇeś-’eḥāḏ ben-šənāṯwō lə‘ōlâ:

34 śə‘îr-‘izzîm ’eḥāḏ ləḥaṭṭā’ṯ:

35 ûləzeḇ^aḥ haššəlāmîm bāqār šənayim ’êlim ḥămiššâ ‘atuḏîm ḥămiššâ kəḇāśîm bənê-šānâ ḥămiššâ zeh qārəban ’ĕlîṣûr ben-šəḏê’ûr: f

36 bayywōm h^aḥămîšî nāśî’ liḇənê šimə‘wōn šəlumî’ēl ben-ṣûrîšadāy:

37 qārəbānwō q^a‘ăraṯ-kesef ’^aḥaṯ šəlōšîm ûmē’â mišəqālāh mizərāq ’eḥāḏ kesef šiḇə‘îm šeqel bəšeqel haqqōḏeš šənêhem| məlē’îm sōleṯ bəlûlâ ḇaššemen ləminəḥâ:

38 kaf ’^aḥaṯ ‘ăśārâ zâāḇ məlē’â qəṭōreṯ:

39 par ’eḥāḏ ben-bāqār ’ayil ’eḥāḏ keḇeś-’eḥāḏ ben-šənāṯwō lə‘ōlâ:

40 śə‘îr-‘izzîm ’eḥāḏ ləḥaṭṭā’ṯ²

41 ûləzeḇ^aḥ haššəlāmîm bāqār šənayim ’êlim ḥămiššâ ‘atuḏîm ḥămiššâ kəḇāśîm bənê-šānâ ḥămiššâ zeh qārəban šəlumî’ēl ben-ṣûrîšadāy: f

42 bayywōm haššiššî nāśî’ liḇənê ḡāḏ ’eləyāsāf ben-də‘û’ēl:

43 qārəbānwō q^a‘ăraṯ-kesef ’^aḥaṯ šəlōšîm ûmē’â mišəqālāh mizərāq ’eḥāḏ kesef šiḇə‘îm šeqel bəšeqel haqqōḏeš šənêhem| məlē’îm sōleṯ bəlûlâ ḇaššemen ləminəḥâ:

44 kaf ’^aḥaṯ ‘ăśārâ zâāḇ məlē’â qəṭōreṯ:

45 par ’eḥāḏ ben-bāqār ’ayil ’eḥāḏ keḇeś-’eḥāḏ ben-šənāṯwō lə‘ōlâ:

46 śə‘îr-‘izzîm ’eḥāḏ ləḥaṭṭā’ṯ:

47 ûləzeḇ^aḥ haššəlāmîm bāqār šənayim ’êlim ḥămiššâ ‘atuḏîm ḥămiššâ kəḇāśîm bənê-šānâ ḥămiššâ zeh qārəban ’eləyāsāf ben-də‘û’ēl: f

48 bayywōm haššəḇî‘î nāśî’ liḇənê ’efərāyim ’ĕlîšāmā‘ ben-‘ammîhûḏ:

49 qārəbānwō q^a‘ăraṯ-kesef ’^aḥaṯ šəlōšîm ûmē’â mišəqālāh mizərāq ’eḥāḏ kesef šiḇə‘îm šeqel bəšeqel haqqōḏeš šənêhem| məlē’îm sōleṯ bəlûlâ ḇaššemen ləminəḥâ:

50 kaf ’^aḥaṯ ‘ăśārâ zâāḇ məlē’â qəṭōreṯ:

51 par ’eḥāḏ ben-bāqār ’ayil ’eḥāḏ keḇeś-’eḥāḏ ben-šənāṯwō lə‘ōlâ:

52 śə‘îr-‘izzîm ’eḥāḏ ləḥaṭṭā’ṯ:

53 ûləzeḇ^aḥ haššəlāmîm bāqār šənayim ’êlim ḥămiššâ ‘atuḏîm ḥămiššâ kəḇāśîm bənê-šānâ ḥămiššâ zeh qārəban ’ĕlîšāmā‘ ben-‘ammîhûḏ: f

54 bayywōm haššəmînî nāśî’ liḇənê mənaššeh gaməlî’ēl ben-pəḏâ-ṣûr:

55 qārəbānwō q^a‘ăraṯ-kesef ’^aḥaṯ šəlōšîm ûmē’â mišəqālāh mizərāq ’eḥāḏ kesef šiḇə‘îm šeqel bəšeqel haqqōḏeš šənêhem| məlē’îm sōleṯ bəlûlâ ḇaššemen ləminəḥâ²

56 kaf ’^aḥaṯ ‘ăśārâ zâāḇ məlē’â qəṭōreṯ:

57 par ’eḥāḏ ben-bāqār ’ayil ’eḥāḏ keḇeś-’eḥāḏ ben-šənāṯwō lə‘ōlâ:

58 śə‘îr-‘izzîm ’eḥāḏ ləḥaṭṭā’ṯ:

59 ûləzeḇ^aḥ haššəlāmîm bāqār šənayim ’êlim ḥămiššâ ‘atuḏîm ḥămiššâ kəḇāśîm bənê-šānâ ḥămiššâ zeh qārəban gaməlî’ēl ben-pəḏâ ṣûr:³ f

60 bayywōm hatəšî‘î nāśî’ liḇənê ḇinəyāmin ’ăḇîḏān ben-giḏə‘ōnî:

61 qārəbānwō q^a‘ăraṯ-kesef ’^aḥaṯ šəlōšîm ûmē’â mišəqālāh mizərāq ’eḥāḏ kesef šiḇə‘îm šeqel bəšeqel haqqōḏeš šənêhem| məlē’îm sōleṯ bəlûlâ ḇaššemen ləminəḥâ:

62 kaf ’^aḥaṯ ‘ăśārâ zâāḇ məlē’â qəṭōreṯ:

63 par ’eḥāḏ ben-bāqār ’ayil ’eḥāḏ keḇeś-’eḥāḏ ben-šənāṯwō lə‘ōlâ:

64 śə‘îr-‘izzîm ’eḥāḏ ləḥaṭṭā’ṯ:

65 ûləzeḇ^aḥ haššəlāmîm bāqār šənayim ’êlim ḥămiššâ ‘atuḏîm ḥămiššâ kəḇāśîm bənê-šānâ ḥămiššâ zeh qārəban ’ăḇîḏān ben-giḏə‘ōnî: f

66 bayywōm hā‘ăśîrî nāśî’ liḇənê ḏān ’ăḥî‘ezer ben-‘ammîšadāy:

67 qārəbānwō q^a‘ăraṯ-kesef ’^aḥaṯ šəlōšîm ûmē’â mišəqālāh mizərāq ’eḥāḏ kesef šiḇə‘îm šeqel bəšeqel haqqōḏeš šənêhem| məlē’îm sōleṯ bəlûlâ ḇaššemen ləminəḥâ:

68 kaf ’^aḥaṯ ‘ăśārâ zâāḇ məlē’â qəṭōreṯ²

69 par ’eḥāḏ ben-bāqār ’ayil ’eḥāḏ keḇeś-’eḥāḏ ben-šənāṯwō lə‘ōlâ:

70 śə‘îr-‘izzîm ’eḥāḏ ləḥaṭṭā’ṯ:

71 ûləzeḇ^aḥ haššəlāmîm bāqār šənayim ’êlim ḥămiššâ ‘atuḏîm ḥămiššâ kəḇāśîm bənê-šānâ ḥămiššâ zeh qārəban ’ăḥî‘ezer ben-‘ammîšadāy: f

72 bəywōm ‘ašətê ‘āśār ywōm nāśî’ liḇənê ’āšēr paḡə‘î’ēl ben-‘āḵərān:

73 qārəbānwō q^a‘ăraṯ-kesef ’^aḥaṯ šəlōšîm ûmē’â mišəqālāh mizərāq ’eḥāḏ kesef šiḇə‘îm šeqel bəšeqel haqqōḏeš šənêhem| məlē’îm sōleṯ bəlûlâ ḇaššemen ləminəḥâ:

74 kaf ’^aḥaṯ ‘ăśārâ zâāḇ məlē’â qəṭōreṯ:

75 par ’eḥāḏ ben-bāqār ’ayil ’eḥāḏ keḇeś-’eḥāḏ ben-šənāṯwō lə‘ōlâ:

76 śə‘îr-‘izzîm ’eḥāḏ ləḥaṭṭā’ṯ:

77 ûləzeḇ^aḥ haššəlāmîm bāqār šənayim ’êlim ḥămiššâ ‘atuḏîm ḥămiššâ kəḇāśîm bənê-šānâ ḥămiššâ zeh qārəban paḡə‘î’ēl ben-‘āḵərān: f

78 bəywōm šənêm ‘āśār ywōm nāśî’ liḇənê nafətālî ’ăḥîr^a‘ ben-‘ênān:

79 qārəbānwō q^a‘ăraṯ-kesef ’^aḥaṯ šəlōšîm ûmē’â mišəqālāh mizərāq ’eḥāḏ kesef šiḇə‘îm šeqel bəšeqel haqqōḏeš šənêhem| məlē’îm sōleṯ bəlûlâ ḇaššemen ləminəḥâ:

80 kaf ’^aḥaṯ ‘ăśārâ zâāḇ məlē’â qəṭōreṯ:

81 par ’eḥāḏ ben-bāqār ’ayil ’eḥāḏ keḇeś-’eḥāḏ ben-šənāṯwō lə‘ōlâ:

82 śə‘îr-‘izzîm ’eḥāḏ ləḥaṭṭā’ṯ:

83 ûləzeḇ^aḥ haššəlāmîm bāqār šənayim ’êlim ḥămiššâ ‘atuḏîm ḥămiššâ kəḇāśîm bənê-šānâ ḥămiššâ zeh qārəban ’ăḥîr^a‘ ben-‘ênān: f

84 zō’ṯ| ḥănukaṯ hammizəbēḥa bəywōm himmāš^aḥ ’ōṯwō mē’ēṯ nəśî’ê yiśərā’ēl q^a‘ărōṯ kesef šətêm ‘eśərēh mizərəqê-ḵesef šənêm ‘āśār kapwōṯ zâāḇ šətêm ‘eśərēh:

85 šəlōšîm ûmē’â haqqə‘ārâ hā’^aḥaṯ kesef wəšiḇə‘îm hammizərāq hā’eḥāḏ kōl kesef hakēlîm ’aləpayim wə’arəb^a‘-mē’wōṯ bəšeqel haqqōḏeš:

86 kapwōṯ zâāḇ šətêm-‘eśərēh məlē’ōṯ qəṭōreṯ ‘ăśārâ ‘ăśārâ hakaf bəšeqel haqqōḏeš kāl-zəhaḇ hakapwōṯ ‘eśərîm ûmē’â:

87 kāl-habāqār lā‘ōlâ šənêm ‘āśār pārîm ’êlim šənêm-‘āśār kəḇāśîm bənê-šānâ šənêm ‘āśār ûminəḥāṯām ûśə‘îrê ‘izzîm šənêm ‘āśār ləḥaṭṭā’ṯ:

88 wəḵōl bəqar| zeḇ^aḥ haššəlāmîm ‘eśərîm wə’arəbā‘â pārîm ’êlim šiššîm ‘atuḏîm šiššîm kəḇāśîm bənê-šānâ šiššîm zō’ṯ ḥănukaṯ hammizəbēḥa ’^aḥărê himmāš^aḥ ’ōṯwō:

89 ûḇəḇō’ mōšeh ’el-’ōhel mwō‘ēḏ ləḏabēr ’itwō wayyišəm^a‘ ’eṯ-haqqwōl midabēr ’ēlāyw mē‘al hakapōreṯ ’ăšer ‘al-’ărōn hā‘ēḏuṯ mibên šənê hakəruḇîm wayəḏabēr ’ēlāyw: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏דַּבֵּר֙ אֶֽל־אַהֲרֹ֔ן וְאָמַרְתָּ֖ אֵלָ֑יו בְּהַעֲלֹֽתְךָ֙ אֶת־הַנֵּרֹ֔ת אֶל־מוּל֙ פְּנֵ֣י הַמְּנוֹרָ֔ה יָאִ֖ירוּ שִׁבְעַ֥ת הַנֵּרֽוֹת׃

‎3 ‏וַיַּ֤עַשׂ כֵּן֙ אַהֲרֹ֔ן אֶל־מוּל֙ פְּנֵ֣י הַמְּנוֹרָ֔ה הֶעֱלָ֖ה נֵרֹתֶ֑יהָ כַּֽאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

‎4 ‏וְזֶ֨ה מַעֲשֵׂ֤ה הַמְּנֹרָה֙ מִקְשָׁ֣ה זָהָ֔ב עַד־יְרֵכָ֥הּ עַד־פִּרְחָ֖הּ מִקְשָׁ֣ה הִ֑וא כַּמַּרְאֶ֗ה אֲשֶׁ֨ר הֶרְאָ֤ה יְהוָה֙ אֶת־מֹשֶׁ֔ה כֵּ֥ן עָשָׂ֖ה אֶת־הַמְּנֹרָֽה׃ פ

‎5 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎6 ‏קַ֚ח אֶת־הַלְוִיִּ֔ם מִתּ֖וֹךְ בְּנֵ֣י יִשְׂרָאֵ֑ל וְטִהַרְתָּ֖ אֹתָֽם׃

‎7 ‏וְכֹֽה־תַעֲשֶׂ֤ה לָהֶם֙ לְטַֽהֲרָ֔ם הַזֵּ֥ה עֲלֵיהֶ֖ם מֵ֣י חַטָּ֑את וְהֶעֱבִ֤ירוּ תַ֙עַר֙ עַל־כָּל־בְּשָׂרָ֔ם וְכִבְּס֥וּ בִגְדֵיהֶ֖ם וְהִטֶּהָֽרוּ׃

‎8 ‏וְלָֽקְחוּ֙ פַּ֣ר בֶּן־בָּקָ֔ר וּמִנְחָת֔וֹ סֹ֖לֶת בְּלוּלָ֣ה בַשָּׁ֑מֶן וּפַר־שֵׁנִ֥י בֶן־בָּקָ֖ר תִּקַּ֥ח לְחַטָּֽאת׃

‎9 ‏וְהִקְרַבְתָּ֙ אֶת־הַלְוִיִּ֔ם לִפְנֵ֖י אֹ֣הֶל מוֹעֵ֑ד וְהִ֨קְהַלְתָּ֔ אֶֽת־כָּל־עֲדַ֖ת בְּנֵ֥י יִשְׂרָאֵֽל׃

‎10 ‏וְהִקְרַבְתָּ֥ אֶת־הַלְוִיִּ֖ם לִפְנֵ֣י יְהוָ֑ה וְסָמְכ֧וּ בְנֵי־יִשְׂרָאֵ֛ל אֶת־יְדֵיהֶ֖ם עַל־הַלְוִיִּֽם׃

‎11 ‏וְהֵנִיף֩ אַהֲרֹ֨ן אֶת־הַלְוִיִּ֤ם תְּנוּפָה֙ לִפְנֵ֣י יְהוָ֔ה מֵאֵ֖ת בְּנֵ֣י יִשְׂרָאֵ֑ל וְהָי֕וּ לַעֲבֹ֖ד אֶת־עֲבֹדַ֥ת יְהוָֽה׃

‎12 ‏וְהַלְוִיִּם֙ יִסְמְכ֣וּ אֶת־יְדֵיהֶ֔ם עַ֖ל רֹ֣אשׁ הַפָּרִ֑ים וַ֠עֲשֵׂה אֶת־הָאֶחָ֨ד חַטָּ֜את וְאֶת־הָאֶחָ֤ד עֹלָה֙ לַֽיהוָ֔ה לְכַפֵּ֖ר עַל־הַלְוִיִּֽם׃

‎13 ‏וְהַֽעֲמַדְתָּ֙ אֶת־הַלְוִיִּ֔ם לִפְנֵ֥י אַהֲרֹ֖ן וְלִפְנֵ֣י בָנָ֑יו וְהֵנַפְתָּ֥ אֹתָ֛ם תְּנוּפָ֖ה לַֽיהוָֽה׃

‎14 ‏וְהִבְדַּלְתָּ֙ אֶת־הַלְוִיִּ֔ם מִתּ֖וֹךְ בְּנֵ֣י יִשְׂרָאֵ֑ל וְהָ֥יוּ לִ֖י הַלְוִיִּֽם׃

‎15 ‏וְאַֽחֲרֵי־כֵן֙ יָבֹ֣אוּ הַלְוִיִּ֔ם לַעֲבֹ֖ד אֶת־אֹ֣הֶל מוֹעֵ֑ד וְטִֽהַרְתָּ֣ אֹתָ֔ם וְהֵנַפְתָּ֥ אֹתָ֖ם תְּנוּפָֽה׃

‎16 ‏כִּי֩ נְתֻנִ֨ים נְתֻנִ֥ים הֵ֙מָּה֙ לִ֔י מִתּ֖וֹךְ בְּנֵ֣י יִשְׂרָאֵ֑ל תַּחַת֩ פִּטְרַ֨ת כָּל־רֶ֜חֶם בְּכ֥וֹר כֹּל֙ מִבְּנֵ֣י יִשְׂרָאֵ֔ל לָקַ֥חְתִּי אֹתָ֖ם לִֽי׃

‎17 ‏כִּ֣י לִ֤י כָל־בְּכוֹר֙ בִּבְנֵ֣י יִשְׂרָאֵ֔ל בָּאָדָ֖ם וּבַבְּהֵמָ֑ה בְּי֗וֹם הַכֹּתִ֤י כָל־בְּכוֹר֙ בְּאֶ֣רֶץ מִצְרַ֔יִם הִקְדַּ֥שְׁתִּי אֹתָ֖ם לִֽי׃

‎18 ‏וָאֶקַּח֙ אֶת־הַלְוִיִּ֔ם תַּ֥חַת כָּל־בְּכ֖וֹר בִּבְנֵ֥י יִשְׂרָאֵֽל׃

‎19 ‏וָאֶתְּנָ֨ה אֶת־הַלְוִיִּ֜ם נְתֻנִ֣ים׀ לְאַהֲרֹ֣ן וּלְבָנָ֗יו מִתּוֹךְ֮ בְּנֵ֣י יִשְׂרָאֵל֒ לַעֲבֹ֞ד אֶת־עֲבֹדַ֤ת בְּנֵֽי־יִשְׂרָאֵל֙ בְּאֹ֣הֶל מוֹעֵ֔ד וּלְכַפֵּ֖ר עַל־בְּנֵ֣י יִשְׂרָאֵ֑ל וְלֹ֨א יִהְיֶ֜ה בִּבְנֵ֤י יִשְׂרָאֵל֙ נֶ֔גֶף בְּגֶ֥שֶׁת בְּנֵֽי־יִשְׂרָאֵ֖ל אֶל־הַקֹּֽדֶשׁ׃

‎20 ‏וַיַּ֨עַשׂ מֹשֶׁ֧ה וְאַהֲרֹ֛ן וְכָל־עֲדַ֥ת בְּנֵי־יִשְׂרָאֵ֖ל לַלְוִיִּ֑ם כְּ֠כֹל אֲשֶׁר־צִוָּ֨ה יְהוָ֤ה אֶת־מֹשֶׁה֙ לַלְוִיִּ֔ם כֵּן־עָשׂ֥וּ לָהֶ֖ם בְּנֵ֥י יִשְׂרָאֵֽל׃

‎21 ‏וַיִּֽתְחַטְּא֣וּ הַלְוִיִּ֗ם וַֽיְכַבְּסוּ֙ בִּגְדֵיהֶ֔ם וַיָּ֨נֶף אַהֲרֹ֥ן אֹתָ֛ם תְּנוּפָ֖ה לִפְנֵ֣י יְהוָ֑ה וַיְכַפֵּ֧ר עֲלֵיהֶ֛ם אַהֲרֹ֖ן לְטַהֲרָֽם׃

‎22 ‏וְאַחֲרֵי־כֵ֞ן בָּ֣אוּ הַלְוִיִּ֗ם לַעֲבֹ֤ד אֶת־עֲבֹֽדָתָם֙ בְּאֹ֣הֶל מוֹעֵ֔ד לִפְנֵ֥י אַהֲרֹ֖ן וְלִפְנֵ֣י בָנָ֑יו כַּאֲשֶׁר֩ צִוָּ֨ה יְהוָ֤ה אֶת־מֹשֶׁה֙ עַל־הַלְוִיִּ֔ם כֵּ֖ן עָשׂ֥וּ לָהֶֽם׃ ס

‎23 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎24 ‏זֹ֖את אֲשֶׁ֣ר לַלְוִיִּ֑ם מִבֶּן֩ חָמֵ֨שׁ וְעֶשְׂרִ֤ים שָׁנָה֙ וָמַ֔עְלָה יָבוֹא֙ לִצְבֹ֣א צָבָ֔א בַּעֲבֹדַ֖ת אֹ֥הֶל מוֹעֵֽד׃

‎25 ‏וּמִבֶּן֙ חֲמִשִּׁ֣ים שָׁנָ֔ה יָשׁ֖וּב מִצְּבָ֣א הָעֲבֹדָ֑ה וְלֹ֥א יַעֲבֹ֖ד עֽוֹד׃

‎26 ‏וְשֵׁרֵ֨ת אֶת־אֶחָ֜יו בְּאֹ֤הֶל מוֹעֵד֙ לִשְׁמֹ֣ר מִשְׁמֶ֔רֶת וַעֲבֹדָ֖ה לֹ֣א יַעֲבֹ֑ד כָּ֛כָה תַּעֲשֶׂ֥ה לַלְוִיִּ֖ם בְּמִשְׁמְרֹתָֽם׃ פ

1 wayəḏabēr yəhwâ ’el-mōšeh llē’mōr:

2 dabēr ’el-’ahărōn wə’āmarətā ’ēlāyw bəh^a‘ălōṯəḵā ’eṯ-hannērōṯ ’el-mûl pənê hammənwōrâ yā’îrû šiḇə‘aṯ hannērwōṯ:

3 wayy^a‘aś kēn ’ahărōn ’el-mûl pənê hammənwōrâ he‘ĕlâ nērōṯeyhā ka’ăšer ṣiûâ yəhwâ ’eṯ-mōšeh:

4 wəzeh m^a‘ăśēh hammənōrâ miqəšâ zâāḇ ‘aḏ-yərēḵāh ‘aḏ-pirəḥāh miqəšâ hiw’ kammarə’eh ’ăšer herə’â yəhwâ ’eṯ-mōšeh kēn ‘āśâ ’eṯ-hammənōrâ: f

5 wayəḏabēr yəhwâ ’el-mōšeh llē’mōr:

6 q^aḥ ’eṯ-haləwîyim mitwōḵə bənê yiśərā’ēl wəṭiharətā ’ōṯām:

7 wəḵōh-ṯ^a‘ăśeh lâem ləṭahărām hazzēh ‘ălêhem mê ḥaṭṭā’ṯ wəhe‘ĕḇîrû ṯ^a‘ar ‘al-kāl-bəśārām wəḵibəsû ḇiḡəḏêhem wəhiṭṭehārû:

8 wəlāqəḥû par ben-bāqār ûminəḥāṯwō sōleṯ bəlûlâ ḇaššāmen ûfar-šēnî ḇen-bāqār tiqq^aḥ ləḥaṭṭā’ṯ:

9 wəhiqəraḇətā ’eṯ-haləwîyim lifənê ’ōhel mwō‘ēḏ wəhiqəhalətā ’eṯ-kāl-‘ăḏaṯ bənê yiśərā’ēl:

10 wəhiqəraḇətā ’eṯ-haləwîyim lifənê yəhwâ wəsāməḵû ḇənê-yiśərā’ēl ’eṯ-yəḏêhem ‘al-haləwîyim:

11 wəhēnîf ’ahărōn ’eṯ-haləwîyim tənûfâ lifənê yəhwâ mē’ēṯ bənê yiśərā’ēl wəhāyû l^a‘ăḇōḏ ’eṯ-‘ăḇōḏaṯ yəhwâ:

12 wəhaləwîyim yisəməḵû ’eṯ-yəḏêhem ‘al rō’š hapārîm w^a‘ăśēh ’eṯ-hā’eḥāḏ ḥaṭṭā’ṯ wə’eṯ-hā’eḥāḏ ‘ōlâ layhwâ ləḵapēr ‘al-haləwîyim:

13 wəh^a‘ămaḏətā ’eṯ-haləwîyim lifənê ’ahărōn wəlifənê ḇānāyw wəhēnafətā ’ōṯām tənûfâ layhwâ:

14 wəhiḇədalətā ’eṯ-haləwîyim mitwōḵə bənê yiśərā’ēl wəhāyû lî haləwîyim:

15 wə’^aḥărê-ḵēn yāḇō’û haləwîyim l^a‘ăḇōḏ ’eṯ-’ōhel mwō‘ēḏ wəṭiharətā ’ōṯām wəhēnafətā ’ōṯām tənûfâ:

16 kî nəṯunîm nəṯunîm hēmmâ lî mitwōḵə bənê yiśərā’ēl t^aḥaṯ piṭəraṯ kāl-reḥem bəḵwōr kōl mibənê yiśərā’ēl lāq^aḥətî ’ōṯām lî:

17 kî lî ḵāl-bəḵwōr biḇənê yiśərā’ēl bā’āḏām ûḇabəhēmâ bəywōm hakōṯî ḵāl-bəḵwōr bə’ereṣ miṣərayim hiqədašətî ’ōṯām lî:

18 wā’eqq^aḥ ’eṯ-haləwîyim t^aḥaṯ kāl-bəḵwōr biḇənê yiśərā’ēl:

19 wā’etənâ ’eṯ-haləwîyim nəṯunîm| lə’ahărōn ûləḇānāyw mitwōḵə bənê yiśərā’ēl l^a‘ăḇōḏ ’eṯ-‘ăḇōḏaṯ bənê-yiśərā’ēl bə’ōhel mwō‘ēḏ ûləḵapēr ‘al-bənê yiśərā’ēl wəlō’ yihəyeh biḇənê yiśərā’ēl neḡef bəḡešeṯ bənê-yiśərā’ēl ’el-haqqōḏeš:

20 wayy^a‘aś mōšeh wə’ahărōn wəḵāl-‘ăḏaṯ bənê-yiśərā’ēl laləwîyim kəḵōl ’ăšer-ṣiûâ yəhwâ ’eṯ-mōšeh laləwîyim kēn-‘āśû lâem bənê yiśərā’ēl:

21 wayyiṯəḥaṭṭə’û haləwîyim wayəḵabəsû biḡəḏêhem wayyānef ’ahărōn ’ōṯām tənûfâ lifənê yəhwâ wayəḵapēr ‘ălêhem ’ahărōn ləṭahărām:

22 wə’^aḥărê-ḵēn bā’û haləwîyim l^a‘ăḇōḏ ’eṯ-‘ăḇōḏāṯām bə’ōhel mwō‘ēḏ lifənê ’ahărōn wəlifənê ḇānāyw ka’ăšer ṣiûâ yəhwâ ’eṯ-mōšeh ‘al-haləwîyim kēn ‘āśû lâem: s

23 wayəḏabēr yəhwâ ’el-mōšeh llē’mōr:

24 zō’ṯ ’ăšer laləwîyim miben ḥāmēš wə‘eśərîm šānâ wām^a‘əlâ yāḇwō’ liṣəḇō’ ṣāḇā’ b^a‘ăḇōḏaṯ ’ōhel mwō‘ēḏ:

25 ûmiben ḥămiššîm šānâ yāšûḇ miṣṣəḇā’ hā‘ăḇōḏâ wəlō’ y^a‘ăḇōḏ ‘wōḏ:

26 wəšērēṯ ’eṯ-’eḥāyw bə’ōhel mwō‘ēḏ lišəmōr mišəmereṯ w^a‘ăḇōḏâ lō’ y^a‘ăḇōḏ kāḵâ t^a‘ăśeh laləwîyim bəmišəmərōṯām: f

‎1 ‏וַיְדַבֵּ֣ר יְהוָ֣ה אֶל־מֹשֶׁ֣ה בְמִדְבַּר־סִ֠ינַי בַּשָּׁנָ֨ה הַשֵּׁנִ֜ית לְצֵאתָ֨ם מֵאֶ֧רֶץ מִצְרַ֛יִם בַּחֹ֥דֶשׁ הָרִאשׁ֖וֹן לֵאמֹֽר׃

‎2 ‏וְיַעֲשׂ֧וּ בְנֵי־יִשְׂרָאֵ֛ל אֶת־הַפָּ֖סַח בְּמוֹעֲדֽוֹ׃

‎3 ‏בְּאַרְבָּעָ֣ה עָשָֽׂר־י֠וֹם בַּחֹ֨דֶשׁ הַזֶּ֜ה בֵּ֧ין הָֽעֲרְבַּ֛יִם¹ תַּעֲשׂ֥וּ אֹת֖וֹ בְּמוֹעֲד֑וֹ כְּכָל־חֻקֹּתָ֥יו וּכְכָל־מִשְׁפָּטָ֖יו תַּעֲשׂ֥וּ אֹתֽוֹ׃

‎4 ‏וַיְדַבֵּ֥ר מֹשֶׁ֛ה אֶל־בְּנֵ֥י יִשְׂרָאֵ֖ל לַעֲשֹׂ֥ת הַפָּֽסַח׃

‎5 ‏וַיַּעֲשׂ֣וּ אֶת־הַפֶּ֡סַח בָּרִאשׁ֡וֹן בְּאַרְבָּעָה֩ עָשָׂ֨ר י֥וֹם לַחֹ֛דֶשׁ בֵּ֥ין הָעַרְבַּ֖יִם בְּמִדְבַּ֣ר סִינָ֑י כְּ֠כֹל אֲשֶׁ֨ר צִוָּ֤ה יְהוָה֙ אֶת־מֹשֶׁ֔ה כֵּ֥ן עָשׂ֖וּ בְּנֵ֥י יִשְׂרָאֵֽל׃

‎6 ‏וַיְהִ֣י אֲנָשִׁ֗ים אֲשֶׁ֨ר הָי֤וּ טְמֵאִים֙ לְנֶ֣פֶשׁ אָדָ֔ם וְלֹא־יָכְל֥וּ לַעֲשֹׂת־הַפֶּ֖סַח בַּיּ֣וֹם הַה֑וּא וַֽיִּקְרְב֞וּ לִפְנֵ֥י מֹשֶׁ֛ה וְלִפְנֵ֥י אַהֲרֹ֖ן בַּיּ֥וֹם הַהֽוּא׃

‎7 ‏וַ֠יֹּאמְרוּ הָאֲנָשִׁ֤ים הָהֵ֙מָּה֙ אֵלָ֔יו אֲנַ֥חְנוּ טְמֵאִ֖ים לְנֶ֣פֶשׁ אָדָ֑ם לָ֣מָּה נִגָּרַ֗ע לְבִלְתִּ֨י הַקְרִ֜ב אֶת־קָרְבַּ֤ן יְהוָה֙ בְּמֹ֣עֲד֔וֹ בְּת֖וֹךְ בְּנֵ֥י יִשְׂרָאֵֽל׃

‎8 ‏וַיֹּ֥אמֶר אֲלֵהֶ֖ם מֹשֶׁ֑ה עִמְד֣וּ וְאֶשְׁמְעָ֔ה מַה־יְצַוֶּ֥ה יְהוָ֖ה לָכֶֽם׃ פ

‎9 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎10 ‏דַּבֵּ֛ר אֶל־בְּנֵ֥י יִשְׂרָאֵ֖ל לֵאמֹ֑ר אִ֣ישׁ אִ֣ישׁ כִּי־יִהְיֶֽה־טָמֵ֣א׀ לָנֶ֡פֶשׁ אוֹ֩ בְדֶ֨רֶךְ רְחֹקָ֜הׅ⁴ לָכֶ֗ם א֚וֹ לְדֹרֹ֣תֵיכֶ֔ם וְעָ֥שָׂה פֶ֖סַח לַיהוָֽה׃

‎11 ‏בַּחֹ֨דֶשׁ הַשֵּׁנִ֜י בְּאַרְבָּעָ֨ה עָשָׂ֥ר י֛וֹם בֵּ֥ין הָעַרְבַּ֖יִם יַעֲשׂ֣וּ אֹת֑וֹ עַל־מַצּ֥וֹת וּמְרֹרִ֖ים יֹאכְלֻֽהוּ׃

‎12 ‏לֹֽא־יַשְׁאִ֤ירוּ מִמֶּ֙נּוּ֙ עַד־בֹּ֔קֶר וְעֶ֖צֶם לֹ֣א יִשְׁבְּרוּ־ב֑וֹ כְּכָל־חֻקַּ֥ת הַפֶּ֖סַח יַעֲשׂ֥וּ אֹתֽוֹ׃

‎13 ‏וְהָאִישׁ֩ אֲשֶׁר־ה֨וּא טָה֜וֹר וּבְדֶ֣רֶךְ לֹא־הָיָ֗ה וְחָדַל֙ לַעֲשׂ֣וֹת הַפֶּ֔סַח וְנִכְרְתָ֛ה הַנֶּ֥פֶשׁ הַהִ֖וא מֵֽעַמֶּ֑יהָ כִּ֣י׀ קָרְבַּ֣ן יְהוָ֗ה לֹ֤א הִקְרִיב֙ בְּמֹ֣עֲד֔וֹ חֶטְא֥וֹ יִשָּׂ֖א הָאִ֥ישׁ הַהֽוּא׃

‎14 ‏וְכִֽי־יָג֨וּר אִתְּכֶ֜ם גֵּ֗ר וְעָ֤שָֽׂה פֶ֙סַח֙ לַֽיהוָ֔ה כְּחֻקַּ֥ת הַפֶּ֛סַח וּכְמִשְׁפָּט֖וֹ כֵּ֣ן יַעֲשֶׂ֑ה חֻקָּ֤ה אַחַת֙ יִהְיֶ֣ה לָכֶ֔ם וְלַגֵּ֖ר וּלְאֶזְרַ֥ח הָאָֽרֶץ׃ פ

‎15 ‏וּבְיוֹם֙ הָקִ֣ים אֶת־הַמִּשְׁכָּ֔ן כִּסָּ֤ה הֶֽעָנָן֙ אֶת־הַמִּשְׁכָּ֔ן לְאֹ֖הֶל הָעֵדֻ֑ת וּבָעֶ֜רֶב יִהְיֶ֧ה עַֽל־הַמִּשְׁכָּ֛ן כְּמַרְאֵה־אֵ֖שׁ עַד־בֹּֽקֶר׃

‎16 ‏כֵּ֚ן יִהְיֶ֣ה תָמִ֔יד הֶעָנָ֖ן יְכַסֶּ֑נּוּ וּמַרְאֵה־אֵ֖שׁ לָֽיְלָה׃

‎17 ‏וּלְפִ֞י הֵעָלֹ֤ת הֶֽעָנָן֙ מֵעַ֣ל הָאֹ֔הֶל וְאַ֣חֲרֵי־כֵ֔ן יִסְע֖וּ בְּנֵ֣י יִשְׂרָאֵ֑ל וּבִמְק֗וֹם אֲשֶׁ֤ר יִשְׁכָּן־שָׁם֙ הֶֽעָנָ֔ן שָׁ֥ם יַחֲנ֖וּ בְּנֵ֥י יִשְׂרָאֵֽל׃

‎18 ‏עַל־פִּ֣י יְהוָ֗ה יִסְעוּ֙ בְּנֵ֣י יִשְׂרָאֵ֔ל וְעַל־פִּ֥י יְהוָ֖ה יַחֲנ֑וּ כָּל־יְמֵ֗י אֲשֶׁ֨ר יִשְׁכֹּ֧ן הֶעָנָ֛ן עַל־הַמִּשְׁכָּ֖ן יַחֲנֽוּ׃

‎19 ‏וּבְהַאֲרִ֧יךְ הֶֽעָנָ֛ן עַל־הַמִּשְׁכָּ֖ן יָמִ֣ים רַבִּ֑ים וְשָׁמְר֧וּ בְנֵי־יִשְׂרָאֵ֛ל אֶת־מִשְׁמֶ֥רֶת יְהוָ֖ה וְלֹ֥א יִסָּֽעוּ׃

‎20 ‏וְיֵ֞שׁ אֲשֶׁ֨ר יִהְיֶ֧ה הֶֽעָנָ֛ן יָמִ֥ים מִסְפָּ֖ר עַל־הַמִּשְׁכָּ֑ן עַל־פִּ֤י יְהוָה֙ יַחֲנ֔וּ וְעַל־פִּ֥י יְהוָ֖ה יִסָּֽעוּ׃

‎21 ‏וְיֵ֞שׁ אֲשֶׁר־יִהְיֶ֤ה³ הֶֽעָנָן֙ מֵעֶ֣רֶב עַד־בֹּ֔קֶר וְנַעֲלָ֧ה הֶֽעָנָ֛ן בַּבֹּ֖קֶר וְנָסָ֑עוּ א֚וֹ יוֹמָ֣ם וָלַ֔יְלָה וְנַעֲלָ֥ה הֶעָנָ֖ן וְנָסָֽעוּ׃

‎22 ‏אֽוֹ־יֹמַ֜יִם אוֹ־חֹ֣דֶשׁ אוֹ־יָמִ֗ים בְּהַאֲרִ֨יךְ הֶעָנָ֤ן עַל־הַמִּשְׁכָּן֙ לִשְׁכֹּ֣ן עָלָ֔יו יַחֲנ֥וּ בְנֵֽי־יִשְׂרָאֵ֖ל וְלֹ֣א יִסָּ֑עוּ וּבְהֵעָלֹת֖וֹ יִסָּֽעוּ׃

‎23 ‏עַל־פִּ֤י יְהוָה֙ יַחֲנ֔וּ וְעַל־פִּ֥י יְהוָ֖ה יִסָּ֑עוּ אֶת־מִשְׁמֶ֤רֶת יְהוָה֙ שָׁמָ֔רוּ עַל־פִּ֥י יְהוָ֖ה בְּיַד־מֹשֶֽׁה׃ פ

1 wayəḏabēr yəhwâ ’el-mōšeh ḇəmiḏəbar-sînay baššānâ haššēnîṯ ləṣē’ṯām mē’ereṣ miṣərayim b^aḥōḏeš hāri’šwōn lē’mōr:

2 wəy^a‘ăśû ḇənê-yiśərā’ēl ’eṯ-hapās^aḥ bəmwō‘ăḏwō:

3 bə’arəbā‘â ‘āśār-ywōm b^aḥōḏeš hazzeh bên hā‘ărəbayim¹ t^a‘ăśû ’ōṯwō bəmwō‘ăḏwō kəḵāl-ḥuqqōṯāyw ûḵəḵāl-mišəpāṭāyw t^a‘ăśû ’ōṯwō:

4 wayəḏabēr mōšeh ’el-bənê yiśərā’ēl l^a‘ăśōṯ hapās^aḥ:

5 wayy^a‘ăśû ’eṯ-hapes^aḥ bāri’šwōn bə’arəbā‘â ‘āśār ywōm l^aḥōḏeš bên hā‘arəbayim bəmiḏəbar sînāy kəḵōl ’ăšer ṣiûâ yəhwâ ’eṯ-mōšeh kēn ‘āśû bənê yiśərā’ēl:

6 wayəhî ’ănāšîm ’ăšer hāyû ṭəmē’îm lənefeš ’āḏām wəlō’-yāḵəlû l^a‘ăśōṯ-hapes^aḥ bayywōm hahû’ wayyiqərəḇû lifənê mōšeh wəlifənê ’ahărōn bayywōm hahû’:

7 wayyō’mərû hā’ănāšîm hâēmmâ ’ēlāyw ’ăn^aḥənû ṭəmē’îm lənefeš ’āḏām lāmmâ nigār^a‘ ləḇilətî haqəriḇ ’eṯ-qārəban yəhwâ bəmō‘ăḏwō bəṯwōḵə bənê yiśərā’ēl:

8 wayyō’mer ’ălēhem mōšeh ‘iməḏû wə’ešəmə‘â mah-yəṣaûeh yəhwâ lāḵem: f

9 wayəḏabēr yəhwâ ’el-mōšeh llē’mōr:

10 dabēr ’el-bənê yiśərā’ēl lē’mōr ’îš ’îš kî-yihəyeh-ṭāmē’| lānefeš ’wō ḇəḏereḵə rəḥōqâׅ⁴ lāḵem ’wō ləḏōrōṯêḵem wə‘āśâ fes^aḥ layhwâ:

11 b^aḥōḏeš haššēnî bə’arəbā‘â ‘āśār ywōm bên hā‘arəbayim y^a‘ăśû ’ōṯwō ‘al-maṣṣwōṯ ûmərōrîm yō’ḵəluhû:

12 lō’-yašə’îrû mimmennû ‘aḏ-bōqer wə‘eṣem lō’ yišəbərû-ḇwō kəḵāl-ḥuqqaṯ hapes^aḥ y^a‘ăśû ’ōṯwō:

13 wəhā’îš ’ăšer-hû’ ṭâwōr ûḇəḏereḵə lō’-hāyâ wəḥāḏal l^a‘ăśwōṯ hapes^aḥ wəniḵərəṯâ hannefeš hahiw’ mē‘ammeyhā kî| qārəban yəhwâ lō’ hiqərîḇ bəmō‘ăḏwō ḥeṭə’wō yiśśā’ hā’îš hahû’:

14 wəḵî-yāḡûr ’itəḵem gēr wə‘āśâ fes^aḥ layhwâ kəḥuqqaṯ hapes^aḥ ûḵəmišəpāṭwō kēn y^a‘ăśeh ḥuqqâ ’^aḥaṯ yihəyeh lāḵem wəlagēr ûlə’ezər^aḥ hā’āreṣ: f

15 ûḇəywōm hāqîm ’eṯ-hammišəkān kissâ he‘ānān ’eṯ-hammišəkān lə’ōhel hā‘ēḏuṯ ûḇā‘ereḇ yihəyeh ‘al-hammišəkān kəmarə’ēh-’ēš ‘aḏ-bōqer:

16 kēn yihəyeh ṯāmîḏ he‘ānān yəḵassennû ûmarə’ēh-’ēš lāyəlâ:

17 ûləfî hē‘ālōṯ he‘ānān mē‘al hā’ōhel wə’^aḥărê-ḵēn yisə‘û bənê yiśərā’ēl ûḇiməqwōm ’ăšer yišəkān-šām he‘ānān šām y^aḥănû bənê yiśərā’ēl:

18 ‘al-pî yəhwâ yisə‘û bənê yiśərā’ēl wə‘al-pî yəhwâ y^aḥănû kāl-yəmê ’ăšer yišəkōn he‘ānān ‘al-hammišəkān y^aḥănû:

19 ûḇəha’ărîḵə he‘ānān ‘al-hammišəkān yāmîm rabîm wəšāmərû ḇənê-yiśərā’ēl ’eṯ-mišəmereṯ yəhwâ wəlō’ yissā‘û:

20 wəyēš ’ăšer yihəyeh he‘ānān yāmîm misəpār ‘al-hammišəkān ‘al-pî yəhwâ y^aḥănû wə‘al-pî yəhwâ yissā‘û:

21 wəyēš ’ăšer-yihəyeh³ he‘ānān mē‘ereḇ ‘aḏ-bōqer wən^a‘ălâ he‘ānān babōqer wənāsā‘û ’wō ywōmām wālayəlâ wən^a‘ălâ he‘ānān wənāsā‘û:

22 ’wō-yōmayim ’wō-ḥōḏeš ’wō-yāmîm bəha’ărîḵə he‘ānān ‘al-hammišəkān lišəkōn ‘ālāyw y^aḥănû ḇənê-yiśərā’ēl wəlō’ yissā‘û ûḇəhē‘ālōṯwō yissā‘û:

23 ‘al-pî yəhwâ y^aḥănû wə‘al-pî yəhwâ yissā‘û ’eṯ-mišəmereṯ yəhwâ šāmārû ‘al-pî yəhwâ bəyaḏ-mōšeh: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏עֲשֵׂ֣ה לְךָ֗ שְׁתֵּי֙ חֲצֽוֹצְרֹ֣ת כֶּ֔סֶף מִקְשָׁ֖ה תַּעֲשֶׂ֣ה אֹתָ֑ם וְהָי֤וּ לְךָ֙ לְמִקְרָ֣א הָֽעֵדָ֔ה וּלְמַסַּ֖ע אֶת־הַֽמַּחֲנֽוֹת׃

‎3 ‏וְתָקְע֖וּ בָּהֵ֑ן וְנֽוֹעֲד֤וּ אֵלֶ֙יךָ֙ כָּל־הָ֣עֵדָ֔ה אֶל־פֶּ֖תַח אֹ֥הֶל מוֹעֵֽד׃

‎4 ‏וְאִם־בְּאַחַ֖ת יִתְקָ֑עוּ וְנוֹעֲד֤וּ אֵלֶ֙יךָ֙ הַנְּשִׂיאִ֔ים רָאשֵׁ֖י אַלְפֵ֥י יִשְׂרָאֵֽל׃

‎5 ‏וּתְקַעְתֶּ֖ם תְּרוּעָ֑ה וְנָֽסְעוּ֙ הַֽמַּחֲנ֔וֹת הַחֹנִ֖ים קֵֽדְמָה׃

‎6 ‏וּתְקַעְתֶּ֤ם תְּרוּעָה֙ שֵׁנִ֔ית וְנָֽסְעוּ֙ הַֽמַּחֲנ֔וֹת הַחֹנִ֖ים תֵּימָ֑נָה תְּרוּעָ֥ה יִתְקְע֖וּ לְמַסְעֵיהֶֽם׃

‎7 ‏וּבְהַקְהִ֖יל אֶת־הַקָּהָ֑ל תִּתְקְע֖וּ וְלֹ֥א תָרִֽיעוּ׃

‎8 ‏וּבְנֵ֤י אַהֲרֹן֙ הַכֹּ֣הֲנִ֔ים יִתְקְע֖וּ בַּֽחֲצֹצְר֑וֹת וְהָי֥וּ לָכֶ֛ם לְחֻקַּ֥ת עוֹלָ֖ם לְדֹרֹתֵיכֶֽם׃

‎9 ‏וְכִֽי־תָבֹ֨אוּ מִלְחָמָ֜ה בְּאַרְצְכֶ֗ם עַל־הַצַּר֙ הַצֹּרֵ֣ר אֶתְכֶ֔ם וַהֲרֵעֹתֶ֖ם בַּחֲצֹצְר֑וֹת וֲנִזְכַּרְתֶּ֗ם¹ לִפְנֵי֙ יְהוָ֣ה אֱלֹֽהֵיכֶ֔ם וְנוֹשַׁעְתֶּ֖ם מֵאֹיְבֵיכֶֽם׃

‎10 ‏וּבְי֨וֹם שִׂמְחַתְכֶ֥ם וּֽבְמוֹעֲדֵיכֶם֮ וּבְרָאשֵׁ֣י חָדְשֵׁיכֶם֒ וּתְקַעְתֶּ֣ם בַּחֲצֹֽצְרֹ֗ת עַ֚ל עֹלֹ֣תֵיכֶ֔ם וְעַ֖ל זִבְחֵ֣י שַׁלְמֵיכֶ֑ם וְהָי֨וּ לָכֶ֤ם לְזִכָּרוֹן֙ לִפְנֵ֣י אֱלֹֽהֵיכֶ֔ם אֲנִ֖י יְהוָ֥ה אֱלֹהֵיכֶֽם׃ פ

‎11 ‏וַיְהִ֞י בַּשָּׁנָ֧ה הַשֵּׁנִ֛ית בַּחֹ֥דֶשׁ הַשֵּׁנִ֖י בְּעֶשְׂרִ֣ים בַּחֹ֑דֶשׁ נַעֲלָה֙ הֶֽעָנָ֔ן מֵעַ֖ל מִשְׁכַּ֥ן הָעֵדֻֽת׃

‎12 ‏וַיִּסְע֧וּ בְנֵֽי־יִשְׂרָאֵ֛ל לְמַסְעֵיהֶ֖ם מִמִּדְבַּ֣ר סִינָ֑י וַיִּשְׁכֹּ֥ן הֶעָנָ֖ן בְּמִדְבַּ֥ר פָּארָֽן׃

‎13 ‏וַיִּסְע֖וּ בָּרִאשֹׁנָ֑ה עַל־פִּ֥י יְהוָ֖ה בְּיַד־מֹשֶֽׁה׃

‎14 ‏וַיִּסַּ֞ע דֶּ֣גֶל מַחֲנֵ֧ה בְנֵֽי־יְהוּדָ֛ה בָּרִאשֹׁנָ֖ה לְצִבְאֹתָ֑ם וְעַל־צְבָא֔וֹ נַחְשׁ֖וֹן בֶּן־עַמִּינָדָֽב׃

‎15 ‏וְעַ֨ל־צְבָ֔א מַטֵּ֖ה בְּנֵ֣י יִשָׂשכָ֑ר נְתַנְאֵ֖ל בֶּן־צוּעָֽר׃

‎16 ‏וְעַ֨ל־צְבָ֔א מַטֵּ֖ה בְּנֵ֣י זְבוּלֻ֑ן אֱלִיאָ֖ב בֶּן־חֵלֽוֹן׃

‎17 ‏וְהוּרַ֖ד הַמִּשְׁכָּ֑ן וְנָסְע֤וּ בְנֵֽי־גֵרְשׁוֹן֙ וּבְנֵ֣י מְרָרִ֔י נֹשְׂאֵ֖י הַמִּשְׁכָּֽן׃ ס

‎18 ‏וְנָסַ֗ע דֶּ֛גֶל מַחֲנֵ֥ה רְאוּבֵ֖ן לְצִבְאֹתָ֑ם וְעַל־צְבָא֔וֹ אֱלִיצ֖וּר בֶּן־שְׁדֵיאֽוּר׃

‎19 ‏וְעַ֨ל־צְבָ֔א מַטֵּ֖ה בְּנֵ֣י שִׁמְע֑וֹן שְׁלֻֽמִיאֵ֖ל בֶּן־צוּרִֽי שַׁדָּֽי׃

‎20 ‏וְעַל־צְבָ֖א מַטֵּ֣ה בְנֵי־גָ֑ד אֶלְיָסָ֖ף בֶּן־דְּעוּאֵֽל׃

‎21 ‏וְנָסְעוּ֙ הַקְּהָתִ֔ים נֹשְׂאֵ֖י הַמִּקְדָּ֑שׁ וְהֵקִ֥ימוּ אֶת־הַמִּשְׁכָּ֖ן עַד־בֹּאָֽם׃ ס

‎22 ‏וְנָסַ֗ע דֶּ֛גֶל מַחֲנֵ֥ה בְנֵֽי־אֶפְרַ֖יִם לְצִבְאֹתָ֑ם וְעַל־צְבָא֔וֹ אֱלִישָׁמָ֖ע בֶּן־עַמִּיהֽוּד׃

‎23 ‏וְעַ֨ל־צְבָ֔א מַטֵּ֖ה בְּנֵ֣י מְנַשֶּׁ֑ה גַּמְלִיאֵ֖ל בֶּן־פְּדָה־צֽוּר׃³

‎24 ‏וְעַ֨ל־צְבָ֔א מַטֵּ֖ה בְּנֵ֣י בִנְיָמִ֑ן אֲבִידָ֖ן בֶּן־גִּדְעוֹנִֽי׃ ס

‎25 ‏וְנָסַ֗ע דֶּ֚גֶל מַחֲנֵ֣ה בְנֵי־דָ֔ן מְאַסֵּ֥ף לְכָל־הַֽמַּחֲנֹ֖ת לְצִבְאֹתָ֑ם וְעַל־צְבָא֔וֹ אֲחִיעֶ֖זֶר בֶּן־עַמִּישַׁדָּֽי׃³

‎26 ‏וְעַל־צְבָ֔א מַטֵּ֖ה בְּנֵ֣י אָשֵׁ֑ר פַּגְעִיאֵ֖ל בֶּן־עָכְרָֽן׃

‎27 ‏וְעַ֨ל־צְבָ֔א מַטֵּ֖ה בְּנֵ֣י נַפְתָּלִ֑י אֲחִירַ֖ע בֶּן־עֵינָֽן׃

‎28 ‏אֵ֛לֶּה מַסְעֵ֥י בְנֵֽי־יִשְׂרָאֵ֖ל לְצִבְאֹתָ֑ם וַיִּסָּֽעוּ׃ ס

‎29 ‏וַיֹּ֣אמֶר מֹשֶׁ֗ה לְ֠חֹבָב בֶּן־רְעוּאֵ֣ל הַמִּדְיָנִי֮ חֹתֵ֣ן מֹשֶׁה֒ נֹסְעִ֣ים׀ אֲנַ֗חְנוּ אֶל־הַמָּקוֹם֙ אֲשֶׁ֣ר אָמַ֣ר יְהוָ֔ה אֹת֖וֹ אֶתֵּ֣ן לָכֶ֑ם לְכָ֤ה אִתָּ֙נוּ֙ וְהֵטַ֣בְנוּ לָ֔ךְ כִּֽי־יְהוָ֥ה דִּבֶּר־ט֖וֹב עַל־יִשְׂרָאֵֽל׃

‎30 ‏וַיֹּ֥אמֶר אֵלָ֖יו לֹ֣א אֵלֵ֑ךְ כִּ֧י אִם־אֶל־אַרְצִ֛י וְאֶל־מוֹלַדְתִּ֖י אֵלֵֽךְ׃

‎31 ‏וַיֹּ֕אמֶר אַל־נָ֖א תַּעֲזֹ֣ב אֹתָ֑נוּ כִּ֣י׀ עַל־כֵּ֣ן יָדַ֗עְתָּ חֲנֹתֵ֙נוּ֙ בַּמִּדְבָּ֔ר וְהָיִ֥יתָ לָּ֖נוּ לְעֵינָֽיִם׃

‎32 ‏וְהָיָ֖ה כִּי־תֵלֵ֣ךְ עִמָּ֑נוּ וְהָיָ֣ה׀ הַטּ֣וֹב הַה֗וּא אֲשֶׁ֨ר יֵיטִ֧יב יְהוָ֛ה עִמָּ֖נוּ וְהֵטַ֥בְנוּ לָֽךְ׃

‎33 ‏וַיִּסְעוּ֙ מֵהַ֣ר יְהוָ֔ה דֶּ֖רֶךְ שְׁלֹ֣שֶׁת יָמִ֑ים וַאֲר֨וֹן בְּרִית־יְהוָ֜ה נֹסֵ֣עַ לִפְנֵיהֶ֗ם דֶּ֚רֶךְ שְׁלֹ֣שֶׁת יָמִ֔ים לָת֥וּר לָהֶ֖ם מְנוּחָֽה׃

‎34 ‏וַעֲנַ֧ן יְהוָ֛ה עֲלֵיהֶ֖ם יוֹמָ֑ם בְּנָסְעָ֖ם מִן־הַֽמַּחֲנֶֽה׃ ⁸׆ס

‎35 ‏וַיְהִ֛י בִּנְסֹ֥עַ הָאָרֹ֖ן וַיֹּ֣אמֶר מֹשֶׁ֑ה קוּמָ֣ה׀ יְהוָ֗ה וְיָפֻ֙צוּ֙ אֹֽיְבֶ֔יךָ וְיָנֻ֥סוּ מְשַׂנְאֶ֖יךָ מִפָּנֶֽיךָ׃

‎36 ‏וּבְנֻחֹ֖ה יֹאמַ֑ר שׁוּבָ֣ה יְהוָ֔ה רִֽבְב֖וֹת אַלְפֵ֥י יִשְׂרָאֵֽל׃ ⁸׆ס

1 wayəḏabēr yəhwâ ’el-mōšeh llē’mōr:

2 ‘ăśēh ləḵā šətê ḥăṣwōṣərōṯ kesef miqəšâ t^a‘ăśeh ’ōṯām wəhāyû ləḵā ləmiqərā’ hā‘ēḏâ ûləmass^a‘ ’eṯ-hamm^aḥănwōṯ:

3 wəṯāqə‘û bâēn wənwō‘ăḏû ’ēleyḵā kāl-hā‘ēḏâ ’el-peṯ^aḥ ’ōhel mwō‘ēḏ:

4 wə’im-bə’^aḥaṯ yiṯəqā‘û wənwō‘ăḏû ’ēleyḵā hannəśî’îm rā’šê ’aləfê yiśərā’ēl:

5 ûṯəq^a‘ətem tərû‘â wənāsə‘û hamm^aḥănwōṯ h^aḥōnîm qēḏəmâ:

6 ûṯəq^a‘ətem tərû‘â šēnîṯ wənāsə‘û hamm^aḥănwōṯ h^aḥōnîm têmānâ tərû‘â yiṯəqə‘û ləmasə‘êhem:

7 ûḇəhaqəhîl ’eṯ-haqqâāl tiṯəqə‘û wəlō’ ṯārî‘û:

8 ûḇənê ’ahărōn hakōhănîm yiṯəqə‘û b^aḥăṣōṣərwōṯ wəhāyû lāḵem ləḥuqqaṯ ‘wōlām ləḏōrōṯêḵem:

9 wəḵî-ṯāḇō’û miləḥāmâ bə’arəṣəḵem ‘al-haṣṣar haṣṣōrēr ’eṯəḵem wahărē‘ōṯem b^aḥăṣōṣərwōṯ wănizəkarətem¹ lifənê yəhwâ ’ĕlōhêḵem wənwōš^a‘ətem mē’ōyəḇêḵem:

10 ûḇəywōm śiməḥaṯəḵem ûḇəmwō‘ăḏêḵem ûḇərā’šê ḥāḏəšêḵem ûṯəq^a‘ətem b^aḥăṣōṣərōṯ ‘al ‘ōlōṯêḵem wə‘al ziḇəḥê šaləmêḵem wəhāyû lāḵem ləzikārwōn lifənê ’ĕlōhêḵem ’ănî yəhwâ ’ĕlōhêḵem: f

11 wayəhî baššānâ haššēnîṯ b^aḥōḏeš haššēnî bə‘eśərîm b^aḥōḏeš n^a‘ălâ he‘ānān mē‘al mišəkan hā‘ēḏuṯ:

12 wayyisə‘û ḇənê-yiśərā’ēl ləmasə‘êhem mimmiḏəbar sînāy wayyišəkōn he‘ānān bəmiḏəbar pā’rān:

13 wayyisə‘û bāri’šōnâ ‘al-pî yəhwâ bəyaḏ-mōšeh:

14 wayyiss^a‘ deḡel m^aḥănēh ḇənê-yəhûḏâ bāri’šōnâ ləṣiḇə’ōṯām wə‘al-ṣəḇā’wō n^aḥəšwōn ben-‘ammînāḏāḇ:

15 wə‘al-ṣəḇā’ maṭṭēh bənê yiśāsḵār nəṯanə’ēl ben-ṣû‘ār:

16 wə‘al-ṣəḇā’ maṭṭēh bənê zəḇûlun ’ĕlî’āḇ ben-ḥēlwōn:

17 wəhûraḏ hammišəkān wənāsə‘û ḇənê-ḡērəšwōn ûḇənê mərārî nōśə’ê hammišəkān: s

18 wənās^a‘ deḡel m^aḥănēh rə’ûḇēn ləṣiḇə’ōṯām wə‘al-ṣəḇā’wō ’ĕlîṣûr ben-šəḏê’ûr:

19 wə‘al-ṣəḇā’ maṭṭēh bənê šimə‘wōn šəlumî’ēl ben-ṣûrî šadāy:

20 wə‘al-ṣəḇā’ maṭṭēh ḇənê-ḡāḏ ’eləyāsāf ben-də‘û’ēl:

21 wənāsə‘û haqqəhāṯîm nōśə’ê hammiqədāš wəhēqîmû ’eṯ-hammišəkān ‘aḏ-bō’ām: s

22 wənās^a‘ deḡel m^aḥănēh ḇənê-’efərayim ləṣiḇə’ōṯām wə‘al-ṣəḇā’wō ’ĕlîšāmā‘ ben-‘ammîhûḏ:

23 wə‘al-ṣəḇā’ maṭṭēh bənê mənaššeh gaməlî’ēl ben-pəḏâ-ṣûr:³

24 wə‘al-ṣəḇā’ maṭṭēh bənê ḇinəyāmin ’ăḇîḏān ben-giḏə‘wōnî: s

25 wənās^a‘ deḡel m^aḥănēh ḇənê-ḏān mə’assēf ləḵāl-hamm^aḥănōṯ ləṣiḇə’ōṯām wə‘al-ṣəḇā’wō ’ăḥî‘ezer ben-‘ammîšadāy:³

26 wə‘al-ṣəḇā’ maṭṭēh bənê ’āšēr paḡə‘î’ēl ben-‘āḵərān:

27 wə‘al-ṣəḇā’ maṭṭēh bənê nafətālî ’ăḥîr^a‘ ben-‘ênān:

28 ’ēlleh masə‘ê ḇənê-yiśərā’ēl ləṣiḇə’ōṯām wayyissā‘û: s

29 wayyō’mer mōšeh ləḥōḇāḇ ben-rə‘û’ēl hammiḏəyānî ḥōṯēn mōšeh nōsə‘îm| ’ăn^aḥənû ’el-hammāqwōm ’ăšer ’āmar yəhwâ ’ōṯwō ’etēn lāḵem ləḵâ ’itānû wəhēṭaḇənû lāḵə kî-yəhwâ diber-ṭwōḇ ‘al-yiśərā’ēl:

30 wayyō’mer ’ēlāyw lō’ ’ēlēḵə kî ’im-’el-’arəṣî wə’el-mwōlaḏətî ’ēlēḵə:

31 wayyō’mer ’al-nā’ t^a‘ăzōḇ ’ōṯānû kî| ‘al-kēn yāḏ^a‘ətā ḥănōṯēnû bammiḏəbār wəhāyîṯā llānû lə‘ênāyim:

32 wəhāyâ kî-ṯēlēḵə ‘immānû wəhāyâ| haṭṭwōḇ hahû’ ’ăšer yêṭîḇ yəhwâ ‘immānû wəhēṭaḇənû lāḵə:

33 wayyisə‘û mēhar yəhwâ dereḵə šəlōšeṯ yāmîm wa’ărwōn bərîṯ-yəhwâ nōsē‘a lifənêhem dereḵə šəlōšeṯ yāmîm lāṯûr lâem mənûḥâ:

34 w^a‘ănan yəhwâ ‘ălêhem ywōmām bənāsə‘ām min-hamm^aḥăneh: ⁸׆s

35 wayəhî binəsō‘a hā’ārōn wayyō’mer mōšeh qûmâ| yəhwâ wəyāfuṣû ’ōyəḇeyḵā wəyānusû məśanə’eyḵā mipāneyḵā:

36 ûḇənuḥōh yō’mar šûḇâ yəhwâ riḇəḇwōṯ ’aləfê yiśərā’ēl: ⁸׆s

‎1 ‏וַיְהִ֤י הָעָם֙ כְּמִתְאֹ֣נְנִ֔ים רַ֖ע בְּאָזְנֵ֣י יְהוָ֑ה וַיִּשְׁמַ֤ע יְהוָה֙ וַיִּ֣חַר אַפּ֔וֹ וַתִּבְעַר־בָּם֙ אֵ֣שׁ יְהוָ֔ה וַתֹּ֖אכַל בִּקְצֵ֥ה הַֽמַּחֲנֶֽה׃

‎2 ‏וַיִּצְעַ֥ק הָעָ֖ם אֶל־מֹשֶׁ֑ה וַיִּתְפַּלֵּ֤ל מֹשֶׁה֙ אֶל־יְהוָ֔ה וַתִּשְׁקַ֖ע הָאֵֽשׁ׃

‎3 ‏וַיִּקְרָ֛א שֵֽׁם־הַמָּק֥וֹם הַה֖וּא תַּבְעֵרָ֑ה כִּֽי־בָעֲרָ֥ה בָ֖ם אֵ֥שׁ יְהוָֽה׃

‎4 ‏וְהָֽאסַפְסֻף֙ אֲשֶׁ֣ר בְּקִרְבּ֔וֹ הִתְאַוּ֖וּ תַּאֲוָ֑ה וַיָּשֻׁ֣בוּ וַיִּבְכּ֗וּ גַּ֚ם בְּנֵ֣י יִשְׂרָאֵ֔ל וַיֹּ֣אמְר֔וּ מִ֥י יַאֲכִלֵ֖נוּ בָּשָֽׂר׃

‎5 ‏זָכַ֙רְנוּ֙ אֶת־הַדָּגָ֔ה אֲשֶׁר־נֹאכַ֥ל בְּמִצְרַ֖יִם חִנָּ֑ם אֵ֣ת הַקִּשֻּׁאִ֗ים וְאֵת֙ הָֽאֲבַטִּחִ֔ים וְאֶת־הֶחָצִ֥יר וְאֶת־הַבְּצָלִ֖ים וְאֶת־הַשּׁוּמִֽים׃

‎6 ‏וְעַתָּ֛ה נַפְשֵׁ֥נוּ יְבֵשָׁ֖ה אֵ֣ין כֹּ֑ל בִּלְתִּ֖י אֶל־הַמָּ֥ן עֵינֵֽינוּ׃

‎7 ‏וְהַמָּ֕ן כִּזְרַע־גַּ֖ד ה֑וּא וְעֵינ֖וֹ כְּעֵ֥ין הַבְּדֹֽלַח׃

‎8 ‏שָׁטוּ֩ הָעָ֨ם וְלָֽקְט֜וּ וְטָחֲנ֣וּ בָרֵחַ֗יִם א֤וֹ דָכוּ֙ בַּמְּדֹכָ֔ה וּבִשְּׁלוּ֙ בַּפָּר֔וּר וְעָשׂ֥וּ אֹת֖וֹ עֻג֑וֹת וְהָיָ֣ה טַעְמ֔וֹ כְּטַ֖עַם לְשַׁ֥ד הַשָּֽׁמֶן׃

‎9 ‏וּבְרֶ֧דֶת הַטַּ֛ל עַל־הַֽמַּחֲנֶ֖ה לָ֑יְלָה יֵרֵ֥ד הַמָּ֖ן עָלָֽיו׃

‎10 ‏וַיִּשְׁמַ֨ע מֹשֶׁ֜ה אֶת־הָעָ֗ם בֹּכֶה֙ לְמִשְׁפְּחֹתָ֔יו אִ֖ישׁ לְפֶ֣תַח אָהֳל֑וֹ וַיִּֽחַר־אַ֤ף יְהוָה֙ מְאֹ֔ד וּבְעֵינֵ֥י מֹשֶׁ֖ה רָֽע׃

‎11 ‏וַיֹּ֨אמֶר מֹשֶׁ֜ה אֶל־יְהוָ֗ה לָמָ֤ה הֲרֵעֹ֙תָ֙ לְעַבְדֶּ֔ךָ וְלָ֛מָּה לֹא־מָצָ֥תִי חֵ֖ן בְּעֵינֶ֑יךָ לָשׂ֗וּם אֶת־מַשָּׂ֛א כָּל־הָעָ֥ם הַזֶּ֖ה עָלָֽי׃

‎12 ‏הֶאָנֹכִ֣י הָרִ֗יתִי אֵ֚ת כָּל־הָעָ֣ם הַזֶּ֔ה אִם־אָנֹכִ֖י יְלִדְתִּ֑יהוּ כִּֽי־תֹאמַ֨ר אֵלַ֜י שָׂאֵ֣הוּ בְחֵיקֶ֗ךָ כַּאֲשֶׁ֨ר יִשָּׂ֤א הָאֹמֵן֙ אֶת־הַיֹּנֵ֔ק עַ֚ל הָֽאֲדָמָ֔ה אֲשֶׁ֥ר נִשְׁבַּ֖עְתָּ לַאֲבֹתָֽיו׃

‎13 ‏מֵאַ֤יִן לִי֙ בָּשָׂ֔ר לָתֵ֖ת לְכָל־הָעָ֣ם הַזֶּ֑ה כִּֽי־יִבְכּ֤וּ עָלַי֙ לֵאמֹ֔ר תְּנָה־לָּ֥נוּ בָשָׂ֖ר וְנֹאכֵֽלָה׃

‎14 ‏לֹֽא־אוּכַ֤ל אָנֹכִי֙ לְבַדִּ֔י לָשֵׂ֖את אֶת־כָּל־הָעָ֣ם הַזֶּ֑ה כִּ֥י כָבֵ֖ד מִמֶּֽנִּי׃

‎15 ‏וְאִם־כָּ֣כָה׀ אַתְּ־עֹ֣שֶׂה לִּ֗י הָרְגֵ֤נִי נָא֙ הָרֹ֔ג אִם־מָצָ֥אתִי חֵ֖ן בְּעֵינֶ֑יךָ וְאַל־אֶרְאֶ֖ה בְּרָעָתִֽי׃ פ

‎16 ‏וַיֹּ֨אמֶר יְהוָ֜ה אֶל־מֹשֶׁ֗ה אֶסְפָה־לִּ֞י שִׁבְעִ֣ים אִישׁ֮ מִזִּקְנֵ֣י יִשְׂרָאֵל֒ אֲשֶׁ֣ר יָדַ֔עְתָּ כִּי־הֵ֛ם זִקְנֵ֥י הָעָ֖ם וְשֹׁטְרָ֑יו וְלָקַחְתָּ֤ אֹתָם֙ אֶל־אֹ֣הֶל מוֹעֵ֔ד וְהִֽתְיַצְּב֥וּ שָׁ֖ם עִמָּֽךְ׃

‎17 ‏וְיָרַדְתִּ֗י וְדִבַּרְתִּ֣י עִמְּךָ֮ שָׁם֒ וְאָצַלְתִּ֗י מִן־הָר֛וּחַ אֲשֶׁ֥ר עָלֶ֖יךָ וְשַׂמְתִּ֣י עֲלֵיהֶ֑ם וְנָשְׂא֤וּ אִתְּךָ֙ בְּמַשָּׂ֣א הָעָ֔ם וְלֹא־תִשָּׂ֥א אַתָּ֖ה לְבַדֶּֽךָ׃

‎18 ‏וְאֶל־הָעָ֨ם תֹּאמַ֜ר הִתְקַדְּשׁ֣וּ לְמָחָר֮ וַאֲכַלְתֶּ֣ם בָּשָׂר֒ כִּ֡י בְּכִיתֶם֩ בְּאָזְנֵ֨י יְהוָ֜ה לֵאמֹ֗ר מִ֤י יַאֲכִלֵ֙נוּ֙ בָּשָׂ֔ר כִּי־ט֥וֹב לָ֖נוּ בְּמִצְרָ֑יִם וְנָתַ֨ן יְהוָ֥ה לָכֶ֛ם בָּשָׂ֖ר וַאֲכַלְתֶּֽם׃

‎19 ‏לֹ֣א י֥וֹם אֶחָ֛ד תֹּאכְל֖וּן וְלֹ֣א יוֹמָ֑יִם וְלֹ֣א׀ חֲמִשָּׁ֣ה יָמִ֗ים וְלֹא֙ עֲשָׂרָ֣ה יָמִ֔ים וְלֹ֖א עֶשְׂרִ֥ים יֽוֹם׃

‎20 ‏עַ֣ד׀ חֹ֣דֶשׁ יָמִ֗ים עַ֤ד אֲשֶׁר־יֵצֵא֙ מֵֽאַפְּכֶ֔ם וְהָיָ֥ה לָכֶ֖ם לְזָרָ֑א יַ֗עַן כִּֽי־מְאַסְתֶּ֤ם אֶת־יְהוָה֙ אֲשֶׁ֣ר בְּקִרְבְּכֶ֔ם וַתִּבְכּ֤וּ לְפָנָיו֙ לֵאמֹ֔ר לָ֥מָּה זֶּ֖ה יָצָ֥אנוּ מִמִּצְרָֽיִם׃

‎21 ‏וַיֹּאמֶר֮ מֹשֶׁה֒ שֵׁשׁ־מֵא֥וֹת אֶ֙לֶף֙ רַגְלִ֔י הָעָ֕ם אֲשֶׁ֥ר אָנֹכִ֖י בְּקִרְבּ֑וֹ וְאַתָּ֣ה אָמַ֗רְתָּ בָּשָׂר֙ אֶתֵּ֣ן לָהֶ֔ם וְאָכְל֖וּ חֹ֥דֶשׁ יָמִֽים׃

‎22 ‏הֲצֹ֧אן וּבָקָ֛ר יִשָּׁחֵ֥ט לָהֶ֖ם וּמָצָ֣א לָהֶ֑ם אִ֣ם אֶֽת־כָּל־דְּגֵ֥י הַיָּ֛ם יֵאָסֵ֥ף לָהֶ֖ם וּמָצָ֥א לָהֶֽם׃ פ

‎23 ‏וַיֹּ֤אמֶר יְהוָה֙ אֶל־מֹשֶׁ֔ה הֲיַ֥ד יְהוָ֖ה תִּקְצָ֑ר עַתָּ֥ה תִרְאֶ֛ה הֲיִקְרְךָ֥ דְבָרִ֖י אִם־לֹֽא׃

‎24 ‏וַיֵּצֵ֣א מֹשֶׁ֗ה וַיְדַבֵּר֙ אֶל־הָעָ֔ם אֵ֖ת דִּבְרֵ֣י יְהוָ֑ה וַיֶּאֱסֹ֞ף שִׁבְעִ֥ים אִישׁ֙ מִזִּקְנֵ֣י הָעָ֔ם וַֽיַּעֲמֵ֥ד אֹתָ֖ם סְבִיבֹ֥ת הָאֹֽהֶל׃

‎25 ‏וַיֵּ֨רֶד יְהוָ֥ה׀ בֶּעָנָן֮ וַיְדַבֵּ֣ר אֵלָיו֒ וַיָּ֗אצֶל מִן־הָר֙וּחַ֙ אֲשֶׁ֣ר עָלָ֔יו וַיִּתֵּ֕ן עַל־שִׁבְעִ֥ים³ אִ֖ישׁ הַזְּקֵנִ֑ים וַיְהִ֗י כְּנ֤וֹחַ עֲלֵיהֶם֙ הָר֔וּחַ וַיִּֽתְנַבְּא֖וּ וְלֹ֥א יָסָֽפוּ׃

‎26 ‏וַיִּשָּׁאֲר֣וּ שְׁנֵֽי־אֲנָשִׁ֣ים׀ בַּֽמַּחֲנֶ֡ה שֵׁ֣ם הָאֶחָ֣ד׀ אֶלְדָּ֡ד וְשֵׁם֩ הַשֵּׁנִ֨י מֵידָ֜ד וַתָּ֧נַח עֲלֵיהֶ֣ם הָר֗וּחַ וְהֵ֙מָּה֙ בַּכְּתֻבִ֔ים וְלֹ֥א יָצְא֖וּ הָאֹ֑הֱלָה וַיִּֽתְנַבְּא֖וּ בַּֽמַּחֲנֶֽה׃

‎27 ‏וַיָּ֣רָץ הַנַּ֔עַר וַיַּגֵּ֥ד לְמֹשֶׁ֖ה וַיֹּאמַ֑ר אֶלְדָּ֣ד וּמֵידָ֔ד מִֽתְנַבְּאִ֖ים בַּֽמַּחֲנֶֽה׃

‎28 ‏וַיַּ֜עַן יְהוֹשֻׁ֣עַ בִּן־נ֗וּן מְשָׁרֵ֥ת מֹשֶׁ֛ה מִבְּחֻרָ֖יו וַיֹּאמַ֑ר אֲדֹנִ֥י מֹשֶׁ֖ה כְּלָאֵֽם׃

‎29 ‏וַיֹּ֤אמֶר לוֹ֙ מֹשֶׁ֔ה הַֽמְקַנֵּ֥א אַתָּ֖ה לִ֑י וּמִ֨י יִתֵּ֜ן כָּל־עַ֤ם יְהוָה֙ נְבִיאִ֔ים כִּי־יִתֵּ֧ן יְהוָ֛ה אֶת־רוּח֖וֹ עֲלֵיהֶֽם׃

‎30 ‏וַיֵּאָסֵ֥ף מֹשֶׁ֖ה אֶל־הַֽמַּחֲנֶ֑ה ה֖וּא וְזִקְנֵ֥י יִשְׂרָאֵֽל׃

‎31 ‏וְר֜וּחַ נָסַ֣ע׀ מֵאֵ֣ת יְהוָ֗ה וַיָּ֣גָז שַׂלְוִים֮ מִן־הַיָּם֒ וַיִּטֹּ֨שׁ עַל־הַֽמַּחֲנֶ֜ה כְּדֶ֧רֶךְ י֣וֹם כֹּ֗ה וּכְדֶ֤רֶךְ יוֹם֙ כֹּ֔ה סְבִיב֖וֹת הַֽמַּחֲנֶ֑ה וּכְאַמָּתַ֖יִם עַל־פְּנֵ֥י הָאָֽרֶץ׃

‎32 ‏וַיָּ֣קָם הָעָ֡ם כָּל־הַיּוֹם֩ הַה֨וּא וְכָל־הַלַּ֜יְלָה וְכֹ֣ל׀ י֣וֹם הַֽמָּחֳרָ֗ת וַיַּֽאַסְפוּ֙ אֶת־הַשְּׂלָ֔ו הַמַּמְעִ֕יט אָסַ֖ף עֲשָׂרָ֣ה חֳמָרִ֑ים וַיִּשְׁטְח֤וּ לָהֶם֙ שָׁט֔וֹחַ סְבִיב֖וֹת הַֽמַּחֲנֶֽה׃

‎33 ‏הַבָּשָׂ֗ר עוֹדֶ֙נּוּ֙ בֵּ֣ין שִׁנֵּיהֶ֔ם טֶ֖רֶם יִכָּרֵ֑ת וְאַ֤ף יְהוָה֙ חָרָ֣ה בָעָ֔ם וַיַּ֤ךְ יְהוָה֙ בָּעָ֔ם מַכָּ֖ה רַבָּ֥ה מְאֹֽד׃

‎34 ‏וַיִּקְרָ֛א אֶת־שֵֽׁם־הַמָּק֥וֹם הַה֖וּא קִבְר֣וֹת הַֽתַּאֲוָ֑ה כִּי־שָׁם֙ קָֽבְר֔וּ אֶת־הָעָ֖ם הַמִּתְאַוִּֽים׃

‎35 ‏מִקִּבְר֧וֹת הַֽתַּאֲוָ֛ה נָסְע֥וּ הָעָ֖ם חֲצֵר֑וֹת וַיִּהְי֖וּ בַּחֲצֵרֽוֹת׃ פ

1 wayəhî hā‘ām kəmiṯə’ōnənîm r^a‘ bə’āzənê yəhwâ wayyišəm^a‘ yəhwâ wayyiḥar ’apwō watiḇə‘ar-bām ’ēš yəhwâ watō’ḵal biqəṣēh hamm^aḥăneh:

2 wayyiṣə‘aq hā‘ām ’el-mōšeh wayyiṯəpallēl mōšeh ’el-yəhwâ watišəq^a‘ hā’ēš:

3 wayyiqərā’ šēm-hammāqwōm hahû’ taḇə‘ērâ kî-ḇā‘ărâ ḇām ’ēš yəhwâ:

4 wəhā’safəsuf ’ăšer bəqirəbwō hiṯə’aûû ta’ăwâ wayyāšuḇû wayyiḇəkû gam bənê yiśərā’ēl wayyō’mərû mî ya’ăḵilēnû bāśār:

5 zāḵarənû ’eṯ-hadāḡâ ’ăšer-nō’ḵal bəmiṣərayim ḥinnām ’ēṯ haqqiššu’îm wə’ēṯ hā’ăḇaṭṭiḥîm wə’eṯ-heḥāṣîr wə’eṯ-habəṣālîm wə’eṯ-haššûmîm:

6 wə‘atâ nafəšēnû yəḇēšâ ’ên kōl bilətî ’el-hammān ‘ênênû:

7 wəhammān kizər^a‘-gaḏ hû’ wə‘ênwō kə‘ên habəḏōl^aḥ:

8 šāṭû hā‘ām wəlāqəṭû wəṭāḥănû ḇārēḥayim ’wō ḏāḵû bamməḏōḵâ ûḇiššəlû bapārûr wə‘āśû ’ōṯwō ‘uḡwōṯ wəhāyâ ṭ^a‘əmwō kəṭ^a‘am ləšaḏ haššāmen:

9 ûḇəreḏeṯ haṭṭal ‘al-hamm^aḥăneh lāyəlâ yērēḏ hammān ‘ālāyw:

10 wayyišəm^a‘ mōšeh ’eṯ-hā‘ām bōḵeh ləmišəpəḥōṯāyw ’îš ləfeṯ^aḥ ’âŏlwō wayyiḥar-’af yəhwâ mə’ōḏ ûḇə‘ênê mōšeh rā‘:

11 wayyō’mer mōšeh ’el-yəhwâ lāmâ hărē‘ōṯā lə‘aḇədeḵā wəlāmmâ lō’-māṣāṯî ḥēn bə‘êneyḵā lāśûm ’eṯ-maśśā’ kāl-hā‘ām hazzeh ‘ālāy:

12 he’ānōḵî hārîṯî ’ēṯ kāl-hā‘ām hazzeh ’im-’ānōḵî yəliḏətîhû kî-ṯō’mar ’ēlay śā’ēhû ḇəḥêqeḵā ka’ăšer yiśśā’ hā’ōmēn ’eṯ-hayyōnēq ‘al hā’ăḏāmâ ’ăšer nišəb^a‘ətā la’ăḇōṯāyw:

13 mē’ayin lî bāśār lāṯēṯ ləḵāl-hā‘ām hazzeh kî-yiḇəkû ‘ālay lē’mōr tənâ-llānû ḇāśār wənō’ḵēlâ:

14 lō’-’ûḵal ’ānōḵî ləḇadî lāśē’ṯ ’eṯ-kāl-hā‘ām hazzeh kî ḵāḇēḏ mimmennî:

15 wə’im-kāḵâ| ’atə-‘ōśeh llî hārəḡēnî nā’ hārōḡ ’im-māṣā’ṯî ḥēn bə‘êneyḵā wə’al-’erə’eh bərā‘āṯî: f

16 wayyō’mer yəhwâ ’el-mōšeh ’esəfâ-llî šiḇə‘îm ’îš mizziqənê yiśərā’ēl ’ăšer yāḏ^a‘ətā kî-hēm ziqənê hā‘ām wəšōṭərāyw wəlāq^aḥətā ’ōṯām ’el-’ōhel mwō‘ēḏ wəhiṯəyaṣṣəḇû šām ‘immāḵə:

17 wəyāraḏətî wəḏibarətî ‘imməḵā šām wə’āṣalətî min-hārûḥa ’ăšer ‘āleyḵā wəśamətî ‘ălêhem wənāśə’û ’itəḵā bəmaśśā’ hā‘ām wəlō’-ṯiśśā’ ’atâ ləḇadeḵā:

18 wə’el-hā‘ām tō’mar hiṯəqadəšû ləmāḥār wa’ăḵalətem bāśār kî bəḵîṯem bə’āzənê yəhwâ lē’mōr mî ya’ăḵilēnû bāśār kî-ṭwōḇ lānû bəmiṣərāyim wənāṯan yəhwâ lāḵem bāśār wa’ăḵalətem:

19 lō’ ywōm ’eḥāḏ tō’ḵəlûn wəlō’ ywōmāyim wəlō’| ḥămiššâ yāmîm wəlō’ ‘ăśārâ yāmîm wəlō’ ‘eśərîm ywōm:

20 ‘aḏ| ḥōḏeš yāmîm ‘aḏ ’ăšer-yēṣē’ mē’apəḵem wəhāyâ lāḵem ləzārā’ y^a‘an kî-mə’asətem ’eṯ-yəhwâ ’ăšer bəqirəbəḵem watiḇəkû ləfānāyw lē’mōr lāmmâ zzeh yāṣā’nû mimmiṣərāyim:

21 wayyō’mer mōšeh šēš-mē’wōṯ ’elef raḡəlî hā‘ām ’ăšer ’ānōḵî bəqirəbwō wə’atâ ’āmarətā bāśār ’etēn lâem wə’āḵəlû ḥōḏeš yāmîm:

22 hăṣō’n ûḇāqār yiššāḥēṭ lâem ûmāṣā’ lâem ’im ’eṯ-kāl-dəḡê hayyām yē’āsēf lâem ûmāṣā’ lâem: f

23 wayyō’mer yəhwâ ’el-mōšeh hăyaḏ yəhwâ tiqəṣār ‘atâ ṯirə’eh hăyiqərəḵā ḏəḇārî ’im-lō’:

24 wayyēṣē’ mōšeh wayəḏabēr ’el-hā‘ām ’ēṯ diḇərê yəhwâ wayye’ĕsōf šiḇə‘îm ’îš mizziqənê hā‘ām wayy^a‘ămēḏ ’ōṯām səḇîḇōṯ hā’ōhel:

25 wayyēreḏ yəhwâ| be‘ānān wayəḏabēr ’ēlāyw wayyā’ṣel min-hārûḥa ’ăšer ‘ālāyw wayyitēn ‘al-šiḇə‘îm³ ’îš hazzəqēnîm wayəhî kənwōḥa ‘ălêhem hārûḥa wayyiṯənabə’û wəlō’ yāsāfû:

26 wayyiššā’ărû šənê-’ănāšîm| bamm^aḥăneh šēm hā’eḥāḏ| ’elədāḏ wəšēm haššēnî mêḏāḏ watān^aḥ ‘ălêhem hārûḥa wəhēmmâ bakəṯuḇîm wəlō’ yāṣə’û hā’ōhĕlâ wayyiṯənabə’û bamm^aḥăneh:

27 wayyārāṣ hann^a‘ar wayyagēḏ ləmōšeh wayyō’mar ’elədāḏ ûmêḏāḏ miṯənabə’îm bamm^aḥăneh:

28 wayy^a‘an yəhwōšu‘a bin-nûn məšārēṯ mōšeh mibəḥurāyw wayyō’mar ’ăḏōnî mōšeh kəlā’ēm:

29 wayyō’mer lwō mōšeh haməqannē’ ’atâ lî ûmî yitēn kāl-‘am yəhwâ nəḇî’îm kî-yitēn yəhwâ ’eṯ-rûḥwō ‘ălêhem:

30 wayyē’āsēf mōšeh ’el-hamm^aḥăneh hû’ wəziqənê yiśərā’ēl:

31 wərûḥa nās^a‘| mē’ēṯ yəhwâ wayyāḡāz śaləwîm min-hayyām wayyiṭṭōš ‘al-hamm^aḥăneh kəḏereḵə ywōm kōh ûḵəḏereḵə ywōm kōh səḇîḇwōṯ hamm^aḥăneh ûḵə’ammāṯayim ‘al-pənê hā’āreṣ:

32 wayyāqām hā‘ām kāl-hayywōm hahû’ wəḵāl-hallayəlâ wəḵōl| ywōm hammāḥŏrāṯ wayya’asəfû ’eṯ-haśśəlāw hammamə‘îṭ ’āsaf ‘ăśārâ ḥŏmārîm wayyišəṭəḥû lâem šāṭwōḥa səḇîḇwōṯ hamm^aḥăneh:

33 habāśār ‘wōḏennû bên šinnêhem ṭerem yikārēṯ wə’af yəhwâ ḥārâ ḇā‘ām wayyaḵə yəhwâ bā‘ām makâ rabâ mə’ōḏ:

34 wayyiqərā’ ’eṯ-šēm-hammāqwōm hahû’ qiḇərwōṯ hata’ăwâ kî-šām qāḇərû ’eṯ-hā‘ām hammiṯə’aûîm:

35 miqqiḇərwōṯ hata’ăwâ nāsə‘û hā‘ām ḥăṣērwōṯ wayyihəyû b^aḥăṣērwōṯ: f

‎1 ‏וַתְּדַבֵּ֨ר מִרְיָ֤ם וְאַהֲרֹן֙ בְּמֹשֶׁ֔ה עַל־אֹד֛וֹת הָאִשָּׁ֥ה הַכֻּשִׁ֖ית אֲשֶׁ֣ר לָקָ֑ח כִּֽי־אִשָּׁ֥ה כֻשִׁ֖ית לָקָֽח׃

‎2 ‏וַיֹּאמְר֗וּ הֲרַ֤ק אַךְ־בְּמֹשֶׁה֙ דִּבֶּ֣ר יְהוָ֔ה הֲלֹ֖א גַּם־בָּ֣נוּ דִבֵּ֑ר וַיִּשְׁמַ֖ע יְהוָֽה׃

‎3 ‏וְהָאִ֥ישׁ מֹשֶׁ֖ה ענו עָנָ֣יו מְאֹ֑ד מִכֹּל֙ הָֽאָדָ֔ם אֲשֶׁ֖ר עַל־פְּנֵ֥י הָאֲדָמָֽה׃ ס

‎4 ‏וַיֹּ֨אמֶר יְהוָ֜ה פִּתְאֹ֗ם אֶל־מֹשֶׁ֤ה וְאֶֽל־אַהֲרֹן֙ וְאֶל־מִרְיָ֔ם צְא֥וּ שְׁלָשְׁתְּכֶ֖ם אֶל־אֹ֣הֶל מוֹעֵ֑ד וַיֵּצְא֖וּ שְׁלָשְׁתָּֽם׃

‎5 ‏וַיֵּ֤רֶד יְהוָה֙ בְּעַמּ֣וּד עָנָ֔ן וַֽיַּעֲמֹ֖ד פֶּ֣תַח הָאֹ֑הֶל וַיִּקְרָא֙ אַהֲרֹ֣ן וּמִרְיָ֔ם וַיֵּצְא֖וּ שְׁנֵיהֶֽם׃

‎6 ‏וַיֹּ֖אמֶר שִׁמְעוּ־נָ֣א דְבָרָ֑י אִם־יִֽהְיֶה֙ נְבִ֣יאֲכֶ֔ם יְהוָ֗ה בַּמַּרְאָה֙ אֵלָ֣יו אֶתְוַדָּ֔ע בַּחֲל֖וֹם אֲדַבֶּר־בּֽוֹ׃

‎7 ‏לֹא־כֵ֖ן עַבְדִּ֣י מֹשֶׁ֑ה בְּכָל־בֵּיתִ֖י נֶאֱמָ֥ן הֽוּא׃

‎8 ‏פֶּ֣ה אֶל־פֶּ֞ה אֲדַבֶּר־בּ֗וֹ וּמַרְאֶה֙ וְלֹ֣א בְחִידֹ֔ת וּתְמֻנַ֥ת יְהוָ֖ה יַבִּ֑יט וּמַדּ֙וּעַ֙ לֹ֣א יְרֵאתֶ֔ם לְדַבֵּ֖ר בְּעַבְדִּ֥י בְמֹשֶֽׁה׃

‎9 ‏וַיִּֽחַר¹ אַ֧ף יְהוָ֛ה בָּ֖ם וַיֵּלַֽךְ׃

‎10 ‏וְהֶעָנָ֗ן סָ֚ר מֵעַ֣ל הָאֹ֔הֶל וְהִנֵּ֥ה מִרְיָ֖ם מְצֹרַ֣עַת כַּשָּׁ֑לֶג וַיִּ֧פֶן אַהֲרֹ֛ן אֶל־מִרְיָ֖ם וְהִנֵּ֥ה מְצֹרָֽעַת׃

‎11 ‏וַיֹּ֥אמֶר אַהֲרֹ֖ן אֶל־מֹשֶׁ֑ה בִּ֣י אֲדֹנִ֔י אַל־נָ֨א תָשֵׁ֤ת עָלֵ֙ינוּ֙ חַטָּ֔את אֲשֶׁ֥ר נוֹאַ֖לְנוּ וַאֲשֶׁ֥ר חָטָֽאנוּ׃

‎12 ‏אַל־נָ֥א תְהִ֖י כַּמֵּ֑ת אֲשֶׁ֤ר בְּצֵאתוֹ֙ מֵרֶ֣חֶם אִמּ֔וֹ וַיֵּאָכֵ֖ל חֲצִ֥י בְשָׂרֽוֹ׃

‎13 ‏וַיִּצְעַ֣ק מֹשֶׁ֔ה אֶל־יְהוָ֖ה לֵאמֹ֑ר אֵ֕ל נָ֛א רְפָ֥א נָ֖א לָֽהּ׃ פ

‎14 ‏וַיֹּ֨אמֶר יְהוָ֜ה אֶל־מֹשֶׁ֗ה וְאָבִ֙יהָ֙ יָרֹ֤ק יָרַק֙ בְּפָנֶ֔יהָ הֲלֹ֥א תִכָּלֵ֖ם שִׁבְעַ֣ת יָמִ֑ים תִּסָּגֵ֞ר שִׁבְעַ֤ת יָמִים֙ מִח֣וּץ לַֽמַּחֲנֶ֔ה וְאַחַ֖ר תֵּאָסֵֽף׃

‎15 ‏וַתִּסָּגֵ֥ר מִרְיָ֛ם מִח֥וּץ לַֽמַּחֲנֶ֖ה שִׁבְעַ֣ת יָמִ֑ים וְהָעָם֙ לֹ֣א נָסַ֔ע עַד־הֵאָסֵ֖ף מִרְיָֽם׃

‎16 ‏וְאַחַ֛ר נָסְע֥וּ הָעָ֖ם מֵחֲצֵר֑וֹת וַֽיַּחֲנ֖וּ בְּמִדְבַּ֥ר פָּארָֽן׃ פ

1 watəḏabēr mirəyām wə’ahărōn bəmōšeh ‘al-’ōḏwōṯ hā’iššâ hakušîṯ ’ăšer lāqāḥ kî-’iššâ ḵušîṯ lāqāḥ:

2 wayyō’mərû hăraq ’aḵə-bəmōšeh diber yəhwâ hălō’ gam-bānû ḏibēr wayyišəm^a‘ yəhwâ:

3 wəhā’îš mōšeh ‘ānāw ‘ānāyw mə’ōḏ mikōl hā’āḏām ’ăšer ‘al-pənê hā’ăḏāmâ: s

4 wayyō’mer yəhwâ piṯə’ōm ’el-mōšeh wə’el-’ahărōn wə’el-mirəyām ṣə’û šəlāšətəḵem ’el-’ōhel mwō‘ēḏ wayyēṣə’û šəlāšətām:

5 wayyēreḏ yəhwâ bə‘ammûḏ ‘ānān wayy^a‘ămōḏ peṯ^aḥ hā’ōhel wayyiqərā’ ’ahărōn ûmirəyām wayyēṣə’û šənêhem:

6 wayyō’mer šimə‘û-nā’ ḏəḇārāy ’im-yihəyeh nəḇî’ăḵem yəhwâ bammarə’â ’ēlāyw ’eṯəwadā‘ b^aḥălwōm ’ăḏaber-bwō:

7 lō’-ḵēn ‘aḇədî mōšeh bəḵāl-bêṯî ne’ĕmān hû’:

8 peh ’el-peh ’ăḏaber-bwō ûmarə’eh wəlō’ ḇəḥîḏōṯ ûṯəmunaṯ yəhwâ yabîṭ ûmadû‘a lō’ yərē’ṯem ləḏabēr bə‘aḇədî ḇəmōšeh:

9 wayyiḥar¹ ’af yəhwâ bām wayyēlaḵə:

10 wəhe‘ānān sār mē‘al hā’ōhel wəhinnēh mirəyām məṣōr^a‘aṯ kaššāleḡ wayyifen ’ahărōn ’el-mirəyām wəhinnēh məṣōrā‘aṯ:

11 wayyō’mer ’ahărōn ’el-mōšeh bî ’ăḏōnî ’al-nā’ ṯāšēṯ ‘ālênû ḥaṭṭā’ṯ ’ăšer nwō’alənû wa’ăšer ḥāṭā’nû:

12 ’al-nā’ ṯəhî kammēṯ ’ăšer bəṣē’ṯwō mēreḥem ’immwō wayyē’āḵēl ḥăṣî ḇəśārwō:

13 wayyiṣə‘aq mōšeh ’el-yəhwâ lē’mōr ’ēl nā’ rəfā’ nā’ lāh: f

14 wayyō’mer yəhwâ ’el-mōšeh wə’āḇîhā yārōq yāraq bəfāneyhā hălō’ ṯikālēm šiḇə‘aṯ yāmîm tissāḡēr šiḇə‘aṯ yāmîm miḥûṣ lamm^aḥăneh wə’^aḥar tē’āsēf:

15 watissāḡēr mirəyām miḥûṣ lamm^aḥăneh šiḇə‘aṯ yāmîm wəhā‘ām lō’ nās^a‘ ‘aḏ-hē’āsēf mirəyām:

16 wə’^aḥar nāsə‘û hā‘ām mēḥăṣērwōṯ wayy^aḥănû bəmiḏəbar pā’rān: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏שְׁלַח־לְךָ֣ אֲנָשִׁ֗ים וְיָתֻ֙רוּ֙ אֶת־אֶ֣רֶץ כְּנַ֔עַן אֲשֶׁר־אֲנִ֥י נֹתֵ֖ן לִבְנֵ֣י יִשְׂרָאֵ֑ל אִ֣ישׁ אֶחָד֩ אִ֨ישׁ אֶחָ֜ד לְמַטֵּ֤ה אֲבֹתָיו֙ תִּשְׁלָ֔חוּ כֹּ֖ל נָשִׂ֥יא בָהֶֽם׃

‎3 ‏וַיִּשְׁלַ֨ח אֹתָ֥ם מֹשֶׁ֛ה מִמִּדְבַּ֥ר פָּארָ֖ן עַל־פִּ֣י יְהוָ֑ה כֻּלָּ֣ם אֲנָשִׁ֔ים רָאשֵׁ֥י בְנֵֽי־יִשְׂרָאֵ֖ל הֵֽמָּה׃

‎4 ‏וְאֵ֖לֶּה שְׁמוֹתָ֑ם לְמַטֵּ֣ה רְאוּבֵ֔ן שַׁמּ֖וּעַ בֶּן־זַכּֽוּר׃

‎5 ‏לְמַטֵּ֣ה שִׁמְע֔וֹן שָׁפָ֖ט בֶּן־חוֹרִֽי׃

‎6 ‏לְמַטֵּ֣ה יְהוּדָ֔ה כָּלֵ֖ב בֶּן־יְפֻנֶּֽה׃

‎7 ‏לְמַטֵּ֣ה יִשָּׂשכָ֔ר יִגְאָ֖ל בֶּן־יוֹסֵֽף׃

‎8 ‏לְמַטֵּ֥ה אֶפְרָ֖יִם הוֹשֵׁ֥עַ בִּן־נֽוּן׃

‎9 ‏לְמַטֵּ֣ה בִנְיָמִ֔ן פַּלְטִ֖י בֶּן־רָפֽוּא׃

‎10 ‏לְמַטֵּ֣ה זְבוּלֻ֔ן גַּדִּיאֵ֖ל בֶּן־סוֹדִֽי׃

‎11 ‏לְמַטֵּ֥ה יוֹסֵ֖ף לְמַטֵּ֣ה מְנַשֶּׁ֑ה גַּדִּ֖י בֶּן־סוּסִֽי׃

‎12 ‏לְמַטֵּ֣ה דָ֔ן עַמִּיאֵ֖ל בֶּן־גְּמַלִּֽי׃

‎13 ‏לְמַטֵּ֣ה אָשֵׁ֔ר סְת֖וּר בֶּן־מִיכָאֵֽל׃

‎14 ‏לְמַטֵּ֣ה נַפְתָּלִ֔י נַחְבִּ֖י בֶּן־וָפְסִֽי׃

‎15 ‏לְמַטֵּ֣ה גָ֔ד גְּאוּאֵ֖ל בֶּן־מָכִֽי׃

‎16 ‏אֵ֚לֶּה שְׁמ֣וֹת הָֽאֲנָשִׁ֔ים אֲשֶׁר־שָׁלַ֥ח מֹשֶׁ֖ה לָת֣וּר אֶת־הָאָ֑רֶץ וַיִּקְרָ֥א מֹשֶׁ֛ה לְהוֹשֵׁ֥עַ בִּן־נ֖וּן יְהוֹשֻֽׁעַ׃

‎17 ‏וַיִּשְׁלַ֤ח אֹתָם֙ מֹשֶׁ֔ה לָת֖וּר אֶת־אֶ֣רֶץ כְּנָ֑עַן וַיֹּ֣אמֶר אֲלֵהֶ֗ם עֲל֥וּ זֶה֙ בַּנֶּ֔גֶב וַעֲלִיתֶ֖ם אֶת־הָהָֽר׃

‎18 ‏וּרְאִיתֶ֥ם אֶת־הָאָ֖רֶץ מַה־הִ֑וא וְאֶת־הָעָם֙ הַיֹּשֵׁ֣ב עָלֶ֔יהָ הֶחָזָ֥ק הוּא֙ הֲרָפֶ֔ה הַמְעַ֥ט ה֖וּא אִם־רָֽב׃

‎19 ‏וּמָ֣ה הָאָ֗רֶץ אֲשֶׁר־הוּא֙ יֹשֵׁ֣ב בָּ֔הּ הֲטוֹבָ֥ה הִ֖וא אִם־רָעָ֑ה וּמָ֣ה הֶֽעָרִ֗ים אֲשֶׁר־הוּא֙ יוֹשֵׁ֣ב בָּהֵ֔נָּה הַבְּמַֽחֲנִ֖ים אִ֥ם בְּמִבְצָרִֽים׃

‎20 ‏וּמָ֣ה הָ֠אָרֶץ הַשְּׁמֵנָ֨ה הִ֜וא אִם־רָזָ֗ה הֲיֵֽשׁ־בָּ֥הּ עֵץ֙ אִם־אַ֔יִן וְהִ֨תְחַזַּקְתֶּ֔ם וּלְקַחְתֶּ֖ם מִפְּרִ֣י הָאָ֑רֶץ וְהַ֨יָּמִ֔ים יְמֵ֖י בִּכּוּרֵ֥י עֲנָבִֽים׃

‎21 ‏וַֽיַּעֲל֖וּ וַיָּתֻ֣רוּ אֶת־הָאָ֑רֶץ מִמִּדְבַּר־צִ֥ן עַד־רְחֹ֖ב לְבֹ֥א חֲמָֽת׃

‎22 ‏וַיַּעֲל֣וּ בַנֶּגֶב֮ וַיָּבֹ֣א עַד־חֶבְרוֹן֒ וְשָׁ֤ם אֲחִימַן֙ שֵׁשַׁ֣י וְתַלְמַ֔י יְלִידֵ֖י הָעֲנָ֑ק וְחֶבְר֗וֹן שֶׁ֤בַע שָׁנִים֙ נִבְנְתָ֔ה לִפְנֵ֖י צֹ֥עַן מִצְרָֽיִם׃

‎23 ‏וַיָּבֹ֜אוּ עַד־נַ֣חַל אֶשְׁכֹּ֗ל וַיִּכְרְת֨וּ מִשָּׁ֤ם זְמוֹרָה֙ וְאֶשְׁכּ֤וֹל עֲנָבִים֙ אֶחָ֔ד וַיִּשָּׂאֻ֥הוּ בַמּ֖וֹט בִּשְׁנָ֑יִם וּמִן־הָרִמֹּנִ֖ים וּמִן־הַתְּאֵנִֽים׃

‎24 ‏לַמָּק֣וֹם הַה֔וּא קָרָ֖א נַ֣חַל אֶשְׁכּ֑וֹל עַ֚ל אֹד֣וֹת הָֽאֶשְׁכּ֔וֹל אֲשֶׁר־כָּרְת֥וּ מִשָּׁ֖ם בְּנֵ֥י יִשְׂרָאֵֽל׃

‎25 ‏וַיָּשֻׁ֖בוּ מִתּ֣וּר הָאָ֑רֶץ מִקֵּ֖ץ אַרְבָּעִ֥ים יֽוֹם׃

‎26 ‏וַיֵּלְכ֡וּ וַיָּבֹאוּ֩ אֶל־מֹשֶׁ֨ה וְאֶֽל־אַהֲרֹ֜ן וְאֶל־כָּל־עֲדַ֧ת בְּנֵֽי־יִשְׂרָאֵ֛ל אֶל־מִדְבַּ֥ר פָּארָ֖ן קָדֵ֑שָׁה וַיָּשִׁ֨יבוּ אוֹתָ֤ם דָּבָר֙ וְאֶת־כָּל־הָ֣עֵדָ֔ה וַיַּרְא֖וּם אֶת־פְּרִ֥י הָאָֽרֶץ׃

‎27 ‏וַיְסַפְּרוּ־לוֹ֙ וַיֹּ֣אמְר֔וּ בָּ֕אנוּ אֶל־הָאָ֖רֶץ אֲשֶׁ֣ר שְׁלַחְתָּ֑נוּ וְ֠גַם זָבַ֨ת חָלָ֥ב וּדְבַ֛שׁ הִ֖וא וְזֶה־פִּרְיָֽהּ׃

‎28 ‏אֶ֚פֶס כִּֽי־עַ֣ז הָעָ֔ם הַיֹּשֵׁ֖ב בָּאָ֑רֶץ וְהֶֽעָרִ֗ים בְּצֻר֤וֹת גְּדֹלֹת֙ מְאֹ֔ד וְגַם־יְלִדֵ֥י הָֽעֲנָ֖ק רָאִ֥ינוּ שָֽׁם׃

‎29 ‏עֲמָלֵ֥ק יוֹשֵׁ֖ב בְּאֶ֣רֶץ הַנֶּ֑גֶב וְ֠הַֽחִתִּי וְהַיְבוּסִ֤י וְהָֽאֱמֹרִי֙ יוֹשֵׁ֣ב בָּהָ֔ר וְהַֽכְּנַעֲנִי֙ יֹשֵׁ֣ב עַל־הַיָּ֔ם וְעַ֖ל יַ֥ד הַיַּרְדֵּֽן׃

‎30 ‏וַיַּ֧הַס כָּלֵ֛ב אֶת־הָעָ֖ם אֶל־מֹשֶׁ֑ה וַיֹּ֗אמֶר עָלֹ֤ה נַעֲלֶה֙ וְיָרַ֣שְׁנוּ אֹתָ֔הּ כִּֽי־יָכ֥וֹל נוּכַ֖ל לָֽהּ׃

‎31 ‏וְהָ֨אֲנָשִׁ֜ים אֲשֶׁר־עָל֤וּ עִמּוֹ֙ אָֽמְר֔וּ לֹ֥א נוּכַ֖ל לַעֲל֣וֹת אֶל־הָעָ֑ם כִּֽי־חָזָ֥ק ה֖וּא מִמֶּֽנּוּ׃

‎32 ‏וַיּוֹצִ֜יאוּ דִּבַּ֤ת הָאָ֙רֶץ֙ אֲשֶׁ֣ר תָּר֣וּ אֹתָ֔הּ אֶל־בְּנֵ֥י יִשְׂרָאֵ֖ל לֵאמֹ֑ר הָאָ֡רֶץ אֲשֶׁר֩ עָבַ֨רְנוּ בָ֜הּ לָת֣וּר אֹתָ֗הּ אֶ֣רֶץ אֹכֶ֤לֶת יוֹשְׁבֶ֙יהָ֙ הִ֔וא וְכָל־הָעָ֛ם אֲשֶׁר־רָאִ֥ינוּ בְתוֹכָ֖הּ אַנְשֵׁ֥י מִדּֽוֹת׃

‎33 ‏וְשָׁ֣ם רָאִ֗ינוּ אֶת־הַנְּפִילִ֛ים בְּנֵ֥י עֲנָ֖ק מִן־הַנְּפִלִ֑ים וַנְּהִ֤י בְעֵינֵ֙ינוּ֙ כַּֽחֲגָבִ֔ים וְכֵ֥ן הָיִ֖ינוּ בְּעֵינֵיהֶֽם׃

1 wayəḏabēr yəhwâ ’el-mōšeh llē’mōr:

2 šəl^aḥ-ləḵā ’ănāšîm wəyāṯurû ’eṯ-’ereṣ kən^a‘an ’ăšer-’ănî nōṯēn liḇənê yiśərā’ēl ’îš ’eḥāḏ ’îš ’eḥāḏ ləmaṭṭēh ’ăḇōṯāyw tišəlāḥû kōl nāśî’ ḇâem:

3 wayyišəl^aḥ ’ōṯām mōšeh mimmiḏəbar pā’rān ‘al-pî yəhwâ kullām ’ănāšîm rā’šê ḇənê-yiśərā’ēl hēmmâ:

4 wə’ēlleh šəmwōṯām ləmaṭṭēh rə’ûḇēn šammû‘a ben-zakûr:

5 ləmaṭṭēh šimə‘wōn šāfāṭ ben-ḥwōrî:

6 ləmaṭṭēh yəhûḏâ kālēḇ ben-yəfunneh:

7 ləmaṭṭēh yiśśāsḵār yiḡə’āl ben-ywōsēf:

8 ləmaṭṭēh ’efərāyim hwōšē‘a bin-nûn:

9 ləmaṭṭēh ḇinəyāmin paləṭî ben-rāfû’:

10 ləmaṭṭēh zəḇûlun gadî’ēl ben-swōḏî:

11 ləmaṭṭēh ywōsēf ləmaṭṭēh mənaššeh gadî ben-sûsî:

12 ləmaṭṭēh ḏān ‘ammî’ēl ben-gəmallî:

13 ləmaṭṭēh ’āšēr səṯûr ben-mîḵā’ēl:

14 ləmaṭṭēh nafətālî n^aḥəbî ben-wāfəsî:

15 ləmaṭṭēh ḡāḏ gə’û’ēl ben-māḵî:

16 ’ēlleh šəmwōṯ hā’ănāšîm ’ăšer-šāl^aḥ mōšeh lāṯûr ’eṯ-hā’āreṣ wayyiqərā’ mōšeh ləhwōšē‘a bin-nûn yəhwōšu‘a:

17 wayyišəl^aḥ ’ōṯām mōšeh lāṯûr ’eṯ-’ereṣ kənā‘an wayyō’mer ’ălēhem ‘ălû zeh banneḡeḇ w^a‘ălîṯem ’eṯ-hâār:

18 ûrə’îṯem ’eṯ-hā’āreṣ mah-hiw’ wə’eṯ-hā‘ām hayyōšēḇ ‘āleyhā heḥāzāq hû’ hărāfeh hamə‘aṭ hû’ ’im-rāḇ:

19 ûmâ hā’āreṣ ’ăšer-hû’ yōšēḇ bāh hăṭwōḇâ hiw’ ’im-rā‘â ûmâ he‘ārîm ’ăšer-hû’ ywōšēḇ bâēnnâ habəm^aḥănîm ’im bəmiḇəṣārîm:

20 ûmâ hā’āreṣ haššəmēnâ hiw’ ’im-rāzâ hăyēš-bāh ‘ēṣ ’im-’ayin wəhiṯəḥazzaqətem ûləq^aḥətem mipərî hā’āreṣ wəhayyāmîm yəmê bikûrê ‘ănāḇîm:

21 wayy^a‘ălû wayyāṯurû ’eṯ-hā’āreṣ mimmiḏəbar-ṣin ‘aḏ-rəḥōḇ ləḇō’ ḥămāṯ:

22 wayy^a‘ălû ḇanneḡeḇ wayyāḇō’ ‘aḏ-ḥeḇərwōn wəšām ’ăḥîman šēšay wəṯaləmay yəlîḏê hā‘ănāq wəḥeḇərwōn šeḇ^a‘ šānîm niḇənəṯâ lifənê ṣō‘an miṣərāyim:

23 wayyāḇō’û ‘aḏ-n^aḥal ’ešəkōl wayyiḵərəṯû miššām zəmwōrâ wə’ešəkwōl ‘ănāḇîm ’eḥāḏ wayyiśśā’uhû ḇammwōṭ bišənāyim ûmin-hārimmōnîm ûmin-hatə’ēnîm:

24 lammāqwōm hahû’ qārā’ n^aḥal ’ešəkwōl ‘al ’ōḏwōṯ hā’ešəkwōl ’ăšer-kārəṯû miššām bənê yiśərā’ēl:

25 wayyāšuḇû mitûr hā’āreṣ miqqēṣ ’arəbā‘îm ywōm:

26 wayyēləḵû wayyāḇō’û ’el-mōšeh wə’el-’ahărōn wə’el-kāl-‘ăḏaṯ bənê-yiśərā’ēl ’el-miḏəbar pā’rān qāḏēšâ wayyāšîḇû ’wōṯām dāḇār wə’eṯ-kāl-hā‘ēḏâ wayyarə’ûm ’eṯ-pərî hā’āreṣ:

27 wayəsapərû-lwō wayyō’mərû bā’nû ’el-hā’āreṣ ’ăšer šəl^aḥətānû wəḡam zāḇaṯ ḥālāḇ ûḏəḇaš hiw’ wəzeh-pirəyāh:

28 ’efes kî-‘az hā‘ām hayyōšēḇ bā’āreṣ wəhe‘ārîm bəṣurwōṯ gəḏōlōṯ mə’ōḏ wəḡam-yəliḏê hā‘ănāq rā’înû šām:

29 ‘ămālēq ywōšēḇ bə’ereṣ hanneḡeḇ wəh^aḥitî wəhayəḇûsî wəhā’ĕmōrî ywōšēḇ bâār wəhakən^a‘ănî yōšēḇ ‘al-hayyām wə‘al yaḏ hayyarədēn:

30 wayyahas kālēḇ ’eṯ-hā‘ām ’el-mōšeh wayyō’mer ‘ālōh n^a‘ăleh wəyārašənû ’ōṯāh kî-yāḵwōl nûḵal lāh:

31 wəhā’ănāšîm ’ăšer-‘ālû ‘immwō ’āmərû lō’ nûḵal l^a‘ălwōṯ ’el-hā‘ām kî-ḥāzāq hû’ mimmennû:

32 wayywōṣî’û dibaṯ hā’āreṣ ’ăšer tārû ’ōṯāh ’el-bənê yiśərā’ēl lē’mōr hā’āreṣ ’ăšer ‘āḇarənû ḇāh lāṯûr ’ōṯāh ’ereṣ ’ōḵeleṯ ywōšəḇeyhā hiw’ wəḵāl-hā‘ām ’ăšer-rā’înû ḇəṯwōḵāh ’anəšê midwōṯ:

33 wəšām rā’înû ’eṯ-hannəfîlîm bənê ‘ănāq min-hannəfilîm wannəhî ḇə‘ênênû k^aḥăḡāḇîm wəḵēn hāyînû bə‘ênêhem:

‎1 ‏וַתִּשָּׂא֙ כָּל־הָ֣עֵדָ֔ה וַֽיִּתְּנ֖וּ אֶת־קוֹלָ֑ם וַיִּבְכּ֥וּ הָעָ֖ם בַּלַּ֥יְלָה הַהֽוּא׃

‎2 ‏וַיִּלֹּ֙נוּ֙ עַל־מֹשֶׁ֣ה וְעַֽל־אַהֲרֹ֔ן כֹּ֖ל בְּנֵ֣י יִשְׂרָאֵ֑ל וַֽיֹּאמְר֨וּ אֲלֵהֶ֜ם כָּל־הָעֵדָ֗ה לוּ־מַ֙תְנוּ֙ בְּאֶ֣רֶץ מִצְרַ֔יִם א֛וֹ בַּמִּדְבָּ֥ר הַזֶּ֖ה לוּ־מָֽתְנוּ׃

‎3 ‏וְלָמָ֣ה יְ֠הוָה מֵבִ֨יא אֹתָ֜נוּ אֶל־הָאָ֤רֶץ הַזֹּאת֙ לִנְפֹּ֣ל בַּחֶ֔רֶב נָשֵׁ֥ינוּ וְטַפֵּ֖נוּ יִהְי֣וּ לָבַ֑ז הֲל֧וֹא ט֦וֹב לָ֖נוּ שׁ֥וּב מִצְרָֽיְמָה׃

‎4 ‏וַיֹּאמְר֖וּ אִ֣ישׁ אֶל־אָחִ֑יו נִתְּנָ֥ה רֹ֖אשׁ וְנָשׁ֥וּבָה מִצְרָֽיְמָה׃

‎5 ‏וַיִּפֹּ֥ל מֹשֶׁ֛ה וְאַהֲרֹ֖ן עַל־פְּנֵיהֶ֑ם לִפְנֵ֕י כָּל־קְהַ֥ל עֲדַ֖ת בְּנֵ֥י יִשְׂרָאֵֽל׃

‎6 ‏וִיהוֹשֻׁ֣עַ בִּן־נ֗וּן וְכָלֵב֙ בֶּן־יְפֻנֶּ֔ה מִן־הַתָּרִ֖ים אֶת־הָאָ֑רֶץ קָרְע֖וּ בִּגְדֵיהֶֽם׃

‎7 ‏וַיֹּ֣אמְר֔וּ אֶל־כָּל־עֲדַ֥ת בְּנֵֽי־יִשְׂרָאֵ֖ל לֵאמֹ֑ר הָאָ֗רֶץ אֲשֶׁ֨ר עָבַ֤רְנוּ בָהּ֙ לָת֣וּר אֹתָ֔הּ טוֹבָ֥ה הָאָ֖רֶץ מְאֹ֥ד מְאֹֽד׃

‎8 ‏אִם־חָפֵ֥ץ בָּ֙נוּ֙ יְהוָ֔ה וְהֵבִ֤יא אֹתָ֙נוּ֙ אֶל־הָאָ֣רֶץ הַזֹּ֔את וּנְתָנָ֖הּ לָ֑נוּ אֶ֕רֶץ אֲשֶׁר־הִ֛וא זָבַ֥ת חָלָ֖ב וּדְבָֽשׁ׃

‎9 ‏אַ֣ךְ בַּֽיהוָה֮ אַל־תִּמְרֹדוּ֒ וְאַתֶּ֗ם אַל־תִּֽירְאוּ֙ אֶת־עַ֣ם הָאָ֔רֶץ כִּ֥י לַחְמֵ֖נוּ הֵ֑ם סָ֣ר צִלָּ֧ם מֵעֲלֵיהֶ֛ם וַֽיהוָ֥ה אִתָּ֖נוּ אַל־תִּירָאֻֽם׃

‎10 ‏וַיֹּֽאמְרוּ֙ כָּל־הָ֣עֵדָ֔ה לִרְגּ֥וֹם אֹתָ֖ם בָּאֲבָנִ֑ים וּכְב֣וֹד יְהוָ֗ה נִרְאָה֙ בְּאֹ֣הֶל מוֹעֵ֔ד אֶֽל־כָּל־בְּנֵ֖י יִשְׂרָאֵֽל׃ פ

‎11 ‏וַיֹּ֤אמֶר יְהוָה֙ אֶל־מֹשֶׁ֔ה עַד־אָ֥נָה יְנַאֲצֻ֖נִי הָעָ֣ם הַזֶּ֑ה וְעַד־אָ֙נָה֙ לֹא־יַאֲמִ֣ינוּ בִ֔י בְּכֹל֙ הָֽאֹת֔וֹת אֲשֶׁ֥ר עָשִׂ֖יתִי בְּקִרְבּֽוֹ׃

‎12 ‏אַכֶּ֥נּוּ בַדֶּ֖בֶר וְאוֹרִשֶׁ֑נּוּ וְאֶֽעֱשֶׂה֙ אֹֽתְךָ֔ לְגוֹי־גָּד֥וֹל וְעָצ֖וּם מִמֶּֽנּוּ׃

‎13 ‏וַיֹּ֥אמֶר מֹשֶׁ֖ה אֶל־יְהוָ֑ה וְשָׁמְע֣וּ מִצְרַ֔יִם כִּֽי־הֶעֱלִ֧יתָ בְכֹחֲךָ֛ אֶת־הָעָ֥ם הַזֶּ֖ה מִקִּרְבּֽוֹ׃

‎14 ‏וְאָמְר֗וּ אֶל־יוֹשֵׁב֮ הָאָ֣רֶץ הַזֹּאת֒ שָֽׁמְעוּ֙ כִּֽי־אַתָּ֣ה יְהוָ֔ה בְּקֶ֖רֶב הָעָ֣ם הַזֶּ֑ה אֲשֶׁר־עַ֨יִן בְּעַ֜יִן נִרְאָ֣ה׀ אַתָּ֣ה יְהוָ֗ה וַעֲנָֽנְךָ֙ עֹמֵ֣ד עֲלֵהֶ֔ם וּבְעַמֻּ֣ד עָנָ֗ן אַתָּ֨ה הֹלֵ֤ךְ לִפְנֵיהֶם֙ יוֹמָ֔ם וּבְעַמּ֥וּד אֵ֖שׁ לָֽיְלָה׃

‎15 ‏וְהֵמַתָּ֛ה אֶת־הָעָ֥ם הַזֶּ֖ה כְּאִ֣ישׁ אֶחָ֑ד וְאָֽמְרוּ֙ הַגּוֹיִ֔ם אֲשֶׁר־שָׁמְע֥וּ אֶֽת־שִׁמְעֲךָ֖ לֵאמֹֽר׃

‎16 ‏מִבִּלְתִּ֞י יְכֹ֣לֶת יְהוָ֗ה לְהָבִיא֙ אֶת־הָעָ֣ם הַזֶּ֔ה אֶל־הָאָ֖רֶץ אֲשֶׁר־נִשְׁבַּ֣ע לָהֶ֑ם וַיִּשְׁחָטֵ֖ם בַּמִּדְבָּֽר׃

‎17 ‏וְעַתָּ֕ה יִגְדַּל־נָ֖א כֹּ֣חַ אֲדֹנָ֑י כַּאֲשֶׁ֥ר דִּבַּ֖רְתָּ לֵאמֹֽר׃

‎18 ‏יְהוָ֗ה אֶ֤רֶךְ אַפַּ֙יִם֙ וְרַב־חֶ֔סֶד נֹשֵׂ֥א עָוֹ֖ן וָפָ֑שַׁע וְנַקֵּה֙ לֹ֣א יְנַקֶּ֔ה פֹּקֵ֞ד עֲוֹ֤ן אָבוֹת֙ עַל־בָּנִ֔ים עַל־שִׁלֵּשִׁ֖ים וְעַל־רִבֵּעִֽים׃

‎19 ‏סְלַֽח־נָ֗א לַעֲוֹ֛ן הָעָ֥ם הַזֶּ֖ה כְּגֹ֣דֶל חַסְדֶּ֑ךָ וְכַאֲשֶׁ֤ר נָשָׂ֙אתָה֙ לָעָ֣ם הַזֶּ֔ה מִמִּצְרַ֖יִם וְעַד־הֵֽנָּה׃

‎20 ‏וַיֹּ֣אמֶר יְהוָ֔ה סָלַ֖חְתִּי כִּדְבָרֶֽךָ׃

‎21 ‏וְאוּלָ֖ם חַי־אָ֑נִי וְיִמָּלֵ֥א כְבוֹד־יְהוָ֖ה אֶת־כָּל־הָאָֽרֶץ׃

‎22 ‏כִּ֣י כָל־הָאֲנָשִׁ֗ים הָרֹאִ֤ים אֶת־כְּבֹדִי֙ וְאֶת־אֹ֣תֹתַ֔י אֲשֶׁר־עָשִׂ֥יתִי בְמִצְרַ֖יִם וּבַמִּדְבָּ֑ר וַיְנַסּ֣וּ אֹתִ֗י זֶ֚ה עֶ֣שֶׂר פְּעָמִ֔ים וְלֹ֥א שָׁמְע֖וּ בְּקוֹלִֽי׃

‎23 ‏אִם־יִרְאוּ֙ אֶת־הָאָ֔רֶץ אֲשֶׁ֥ר נִשְׁבַּ֖עְתִּי לַאֲבֹתָ֑ם וְכָל־מְנַאֲצַ֖י לֹ֥א יִרְאֽוּהָ׃

‎24 ‏וְעַבְדִּ֣י כָלֵ֗ב עֵ֣קֶב הָֽיְתָ֞ה ר֤וּחַ אַחֶ֙רֶת֙ עִמּ֔וֹ וַיְמַלֵּ֖א אַחֲרָ֑י וַהֲבִֽיאֹתִ֗יו אֶל־הָאָ֙רֶץ֙ אֲשֶׁר־בָּ֣א שָׁ֔מָּה וְזַרְע֖וֹ יוֹרִשֶֽׁנָּה׃

‎25 ‏וְהָֽעֲמָלֵקִ֥י וְהַֽכְּנַעֲנִ֖י יוֹשֵׁ֣ב בָּעֵ֑מֶק מָחָ֗ר פְּנ֨וּ וּסְע֥וּ לָכֶ֛ם הַמִּדְבָּ֖ר דֶּ֥רֶךְ יַם־סֽוּף׃ פ

‎26 ‏וַיְדַבֵּ֣ר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃

‎27 ‏עַד־מָתַ֗י לָעֵדָ֤ה הָֽרָעָה֙ הַזֹּ֔את אֲשֶׁ֛ר הֵ֥מָּה מַלִּינִ֖ים עָלָ֑י אֶת־תְּלֻנּ֞וֹת בְּנֵ֣י יִשְׂרָאֵ֗ל אֲשֶׁ֨ר הֵ֧מָּה מַלִּינִ֛ים עָלַ֖י שָׁמָֽעְתִּי׃

‎28 ‏אֱמֹ֣ר אֲלֵהֶ֗ם חַי־אָ֙נִי֙ נְאֻם־יְהוָ֔ה אִם־לֹ֕א כַּאֲשֶׁ֥ר דִּבַּרְתֶּ֖ם בְּאָזְנָ֑י כֵּ֖ן אֶֽעֱשֶׂ֥ה לָכֶֽם׃

‎29 ‏בַּמִּדְבָּ֣ר הַ֠זֶּה יִפְּל֨וּ פִגְרֵיכֶ֜ם וְכָל־פְּקֻדֵיכֶם֙ לְכָל־מִסְפַּרְכֶ֔ם מִבֶּ֛ן עֶשְׂרִ֥ים שָׁנָ֖ה וָמָ֑עְלָה אֲשֶׁ֥ר הֲלִֽינֹתֶ֖ם עָלָֽי׃

‎30 ‏אִם־אַתֶּם֙ תָּבֹ֣אוּ אֶל־הָאָ֔רֶץ אֲשֶׁ֤ר נָשָׂ֙אתִי֙ אֶת־יָדִ֔י לְשַׁכֵּ֥ן אֶתְכֶ֖ם בָּ֑הּ כִּ֚י אִם־כָּלֵ֣ב בֶּן־יְפֻנֶּ֔ה וִיהוֹשֻׁ֖עַ בִּן־נֽוּן׃

‎31 ‏וְטַ֨פְּכֶ֔ם אֲשֶׁ֥ר אֲמַרְתֶּ֖ם לָבַ֣ז יִהְיֶ֑ה וְהֵבֵיאתִ֣י אֹתָ֔ם וְיָֽדְעוּ֙ אֶת־הָאָ֔רֶץ אֲשֶׁ֥ר מְאַסְתֶּ֖ם בָּֽהּ׃

‎32 ‏וּפִגְרֵיכֶ֖ם אַתֶּ֑ם יִפְּל֖וּ בַּמִּדְבָּ֥ר הַזֶּֽה׃

‎33 ‏וּ֠בְנֵיכֶם יִהְי֨וּ רֹעִ֤ים בַּמִּדְבָּר֙ אַרְבָּעִ֣ים שָׁנָ֔ה וְנָשְׂא֖וּ אֶת־זְנוּתֵיכֶ֑ם עַד־תֹּ֥ם פִּגְרֵיכֶ֖ם בַּמִּדְבָּֽר׃

‎34 ‏בְּמִסְפַּ֨ר הַיָּמִ֜ים אֲשֶׁר־תַּרְתֶּ֣ם אֶת־הָאָרֶץ֮ אַרְבָּעִ֣ים יוֹם֒ י֣וֹם לַשָּׁנָ֞ה י֣וֹם לַשָּׁנָ֗ה תִּשְׂאוּ֙ אֶת־עֲוֹנֹ֣תֵיכֶ֔ם אַרְבָּעִ֖ים שָׁנָ֑ה וִֽידַעְתֶּ֖ם אֶת־תְּנוּאָתִֽי׃

‎35 ‏אֲנִ֣י יְהוָה֮ דִּבַּרְתִּי֒ אִם־לֹ֣א׀ זֹ֣את אֶֽעֱשֶׂ֗ה לְכָל־הָעֵדָ֤ה הָֽרָעָה֙ הַזֹּ֔את הַנּוֹעָדִ֖ים עָלָ֑י בַּמִּדְבָּ֥ר הַזֶּ֛ה יִתַּ֖מּוּ וְשָׁ֥ם יָמֻֽתוּ׃

‎36 ‏וְהָ֣אֲנָשִׁ֔ים אֲשֶׁר־שָׁלַ֥ח מֹשֶׁ֖ה לָת֣וּר אֶת־הָאָ֑רֶץ וַיָּשֻׁ֗בוּ וילונו וַיַּלִּ֤ינוּ עָלָיו֙ אֶת־כָּל־הָ֣עֵדָ֔ה לְהוֹצִ֥יא דִבָּ֖ה עַל־הָאָֽרֶץ׃

‎37 ‏וַיָּמֻ֙תוּ֙ הָֽאֲנָשִׁ֔ים מוֹצִאֵ֥י דִבַּת־הָאָ֖רֶץ רָעָ֑ה בַּמַּגֵּפָ֖ה לִפְנֵ֥י יְהוָֽה׃

‎38 ‏וִיהוֹשֻׁ֣עַ בִּן־נ֔וּן וְכָלֵ֖ב בֶּן־יְפֻנֶּ֑ה חָיוּ֙ מִן־הָאֲנָשִׁ֣ים הָהֵ֔ם הַֽהֹלְכִ֖ים לָת֥וּר אֶת־הָאָֽרֶץ׃

‎39 ‏וַיְדַבֵּ֤ר מֹשֶׁה֙ אֶת־הַדְּבָרִ֣ים הָאֵ֔לֶּה אֶֽל־כָּל־בְּנֵ֖י יִשְׂרָאֵ֑ל וַיִּֽתְאַבְּל֥וּ הָעָ֖ם מְאֹֽד׃

‎40 ‏וַיַּשְׁכִּ֣מוּ בַבֹּ֔קֶר וַיַּֽעֲל֥וּ אֶל־רֹאשׁ־הָהָ֖ר לֵאמֹ֑ר הִנֶּ֗נּוּ וְעָלִ֛ינוּ אֶל־הַמָּק֛וֹם אֲשֶׁר־אָמַ֥ר יְהוָ֖ה כִּ֥י חָטָֽאנוּ׃

‎41 ‏וַיֹּ֣אמֶר מֹשֶׁ֔ה לָ֥מָּה זֶּ֛ה אַתֶּ֥ם עֹבְרִ֖ים אֶת־פִּ֣י יְהוָ֑ה וְהִ֖וא לֹ֥א תִצְלָֽח׃

‎42 ‏אַֽל־תַּעֲל֔וּ כִּ֛י אֵ֥ין יְהוָ֖ה בְּקִרְבְּכֶ֑ם וְלֹא֙ תִּנָּ֣גְפ֔וּ לִפְנֵ֖י אֹיְבֵיכֶֽם׃

‎43 ‏כִּי֩ הָעֲמָלֵקִ֨י וְהַכְּנַעֲנִ֥י שָׁם֙ לִפְנֵיכֶ֔ם וּנְפַלְתֶּ֖ם בֶּחָ֑רֶב כִּֽי־עַל־כֵּ֤ן שַׁבְתֶּם֙ מֵאַחֲרֵ֣י יְהוָ֔ה וְלֹא־יִהְיֶ֥ה יְהוָ֖ה עִמָּכֶֽם׃

‎44 ‏וַיַּעְפִּ֕לוּ לַעֲל֖וֹת אֶל־רֹ֣אשׁ הָהָ֑ר וַאֲר֤וֹן בְּרִית־יְהוָה֙ וּמֹשֶׁ֔ה לֹא־מָ֖שׁוּ מִקֶּ֥רֶב הַֽמַּחֲנֶֽה׃

‎45 ‏וַיֵּ֤רֶד הָעֲמָלֵקִי֙ וְהַֽכְּנַעֲנִ֔י הַיֹּשֵׁ֖ב בָּהָ֣ר הַה֑וּא וַיַּכּ֥וּם וַֽיַּכְּת֖וּם עַד־הַֽחָרְמָֽה׃ פ

1 watiśśā’ kāl-hā‘ēḏâ wayyitənû ’eṯ-qwōlām wayyiḇəkû hā‘ām ballayəlâ hahû’:

2 wayyillōnû ‘al-mōšeh wə‘al-’ahărōn kōl bənê yiśərā’ēl wayyō’mərû ’ălēhem kāl-hā‘ēḏâ lû-maṯənû bə’ereṣ miṣərayim ’wō bammiḏəbār hazzeh lû-māṯənû:

3 wəlāmâ yəhwâ mēḇî’ ’ōṯānû ’el-hā’āreṣ hazzō’ṯ linəpōl b^aḥereḇ nāšênû wəṭapēnû yihəyû lāḇaz hălwō’ ṭwōḇ lānû šûḇ miṣərāyəmâ:

4 wayyō’mərû ’îš ’el-’āḥîw nitənâ rō’š wənāšûḇâ miṣərāyəmâ:

5 wayyipōl mōšeh wə’ahărōn ‘al-pənêhem lifənê kāl-qəhal ‘ăḏaṯ bənê yiśərā’ēl:

6 wîhwōšu‘a bin-nûn wəḵālēḇ ben-yəfunneh min-hatārîm ’eṯ-hā’āreṣ qārə‘û biḡəḏêhem:

7 wayyō’mərû ’el-kāl-‘ăḏaṯ bənê-yiśərā’ēl lē’mōr hā’āreṣ ’ăšer ‘āḇarənû ḇāh lāṯûr ’ōṯāh ṭwōḇâ hā’āreṣ mə’ōḏ mə’ōḏ:

8 ’im-ḥāfēṣ bānû yəhwâ wəhēḇî’ ’ōṯānû ’el-hā’āreṣ hazzō’ṯ ûnəṯānāh lānû ’ereṣ ’ăšer-hiw’ zāḇaṯ ḥālāḇ ûḏəḇāš:

9 ’aḵə bayhwâ ’al-timərōḏû wə’atem ’al-tîrə’û ’eṯ-‘am hā’āreṣ kî l^aḥəmēnû hēm sār ṣillām mē‘ălêhem wayhwâ ’itānû ’al-tîrā’um:

10 wayyō’mərû kāl-hā‘ēḏâ lirəgwōm ’ōṯām bā’ăḇānîm ûḵəḇwōḏ yəhwâ nirə’â bə’ōhel mwō‘ēḏ ’el-kāl-bənê yiśərā’ēl: f

11 wayyō’mer yəhwâ ’el-mōšeh ‘aḏ-’ānâ yəna’ăṣunî hā‘ām hazzeh wə‘aḏ-’ānâ lō’-ya’ămînû ḇî bəḵōl hā’ōṯwōṯ ’ăšer ‘āśîṯî bəqirəbwō:

12 ’akennû ḇadeḇer wə’wōrišennû wə’e‘ĕśeh ’ōṯəḵā ləḡwōy-gāḏwōl wə‘āṣûm mimmennû:

13 wayyō’mer mōšeh ’el-yəhwâ wəšāmə‘û miṣərayim kî-he‘ĕlîṯā ḇəḵōḥăḵā ’eṯ-hā‘ām hazzeh miqqirəbwō:

14 wə’āmərû ’el-ywōšēḇ hā’āreṣ hazzō’ṯ šāmə‘û kî-’atâ yəhwâ bəqereḇ hā‘ām hazzeh ’ăšer-‘ayin bə‘ayin nirə’â| ’atâ yəhwâ w^a‘ănānəḵā ‘ōmēḏ ‘ălēhem ûḇə‘ammuḏ ‘ānān ’atâ hōlēḵə lifənêhem ywōmām ûḇə‘ammûḏ ’ēš lāyəlâ:

15 wəhēmatâ ’eṯ-hā‘ām hazzeh kə’îš ’eḥāḏ wə’āmərû hagwōyim ’ăšer-šāmə‘û ’eṯ-šimə‘ăḵā lē’mōr:

16 mibilətî yəḵōleṯ yəhwâ ləhāḇî’ ’eṯ-hā‘ām hazzeh ’el-hā’āreṣ ’ăšer-nišəb^a‘ lâem wayyišəḥāṭēm bammiḏəbār:

17 wə‘atâ yiḡədal-nā’ kōḥa ’ăḏōnāy ka’ăšer dibarətā lē’mōr:

18 yəhwâ ’ereḵə ’apayim wəraḇ-ḥeseḏ nōśē’ ‘āwōn wāfāš^a‘ wənaqqēh lō’ yənaqqeh pōqēḏ ‘ăwōn ’āḇwōṯ ‘al-bānîm ‘al-šillēšîm wə‘al-ribē‘îm:

19 səl^aḥ-nā’ l^a‘ăwōn hā‘ām hazzeh kəḡōḏel ḥasədeḵā wəḵa’ăšer nāśā’ṯâ lā‘ām hazzeh mimmiṣərayim wə‘aḏ-hēnnâ:

20 wayyō’mer yəhwâ sāl^aḥətî kiḏəḇāreḵā:

21 wə’ûlām ḥay-’ānî wəyimmālē’ ḵəḇwōḏ-yəhwâ ’eṯ-kāl-hā’āreṣ:

22 kî ḵāl-hā’ănāšîm hārō’îm ’eṯ-kəḇōḏî wə’eṯ-’ōṯōṯay ’ăšer-‘āśîṯî ḇəmiṣərayim ûḇammiḏəbār wayənassû ’ōṯî zeh ‘eśer pə‘āmîm wəlō’ šāmə‘û bəqwōlî:

23 ’im-yirə’û ’eṯ-hā’āreṣ ’ăšer nišəb^a‘ətî la’ăḇōṯām wəḵāl-məna’ăṣay lō’ yirə’ûhā:

24 wə‘aḇədî ḵālēḇ ‘ēqeḇ hāyəṯâ rûḥa ’^aḥereṯ ‘immwō wayəmallē’ ’^aḥărāy wahăḇî’ōṯîw ’el-hā’āreṣ ’ăšer-bā’ šāmmâ wəzarə‘wō ywōrišennâ:

25 wəhā‘ămālēqî wəhakən^a‘ănî ywōšēḇ bā‘ēmeq māḥār pənû ûsə‘û lāḵem hammiḏəbār dereḵə yam-sûf: f

26 wayəḏabēr yəhwâ ’el-mōšeh wə’el-’ahărōn lē’mōr:

27 ‘aḏ-māṯay lā‘ēḏâ hārā‘â hazzō’ṯ ’ăšer hēmmâ mallînîm ‘ālāy ’eṯ-təlunnwōṯ bənê yiśərā’ēl ’ăšer hēmmâ mallînîm ‘ālay šāmā‘ətî:

28 ’ĕmōr ’ălēhem ḥay-’ānî nə’um-yəhwâ ’im-lō’ ka’ăšer dibarətem bə’āzənāy kēn ’e‘ĕśeh lāḵem:

29 bammiḏəbār hazzeh yipəlû fiḡərêḵem wəḵāl-pəquḏêḵem ləḵāl-misəparəḵem miben ‘eśərîm šānâ wāmā‘əlâ ’ăšer hălînōṯem ‘ālāy:

30 ’im-’atem tāḇō’û ’el-hā’āreṣ ’ăšer nāśā’ṯî ’eṯ-yāḏî ləšakēn ’eṯəḵem bāh kî ’im-kālēḇ ben-yəfunneh wîhwōšu‘a bin-nûn:

31 wəṭapəḵem ’ăšer ’ămarətem lāḇaz yihəyeh wəhēḇê’ṯî ’ōṯām wəyāḏə‘û ’eṯ-hā’āreṣ ’ăšer mə’asətem bāh:

32 ûfiḡərêḵem ’atem yipəlû bammiḏəbār hazzeh:

33 ûḇənêḵem yihəyû rō‘îm bammiḏəbār ’arəbā‘îm šānâ wənāśə’û ’eṯ-zənûṯêḵem ‘aḏ-tōm piḡərêḵem bammiḏəbār:

34 bəmisəpar hayyāmîm ’ăšer-tarətem ’eṯ-hā’āreṣ ’arəbā‘îm ywōm ywōm laššānâ ywōm laššānâ tiśə’û ’eṯ-‘ăwōnōṯêḵem ’arəbā‘îm šānâ wîḏ^a‘ətem ’eṯ-tənû’āṯî:

35 ’ănî yəhwâ dibarətî ’im-lō’| zō’ṯ ’e‘ĕśeh ləḵāl-hā‘ēḏâ hārā‘â hazzō’ṯ hannwō‘āḏîm ‘ālāy bammiḏəbār hazzeh yitammû wəšām yāmuṯû:

36 wəhā’ănāšîm ’ăšer-šāl^aḥ mōšeh lāṯûr ’eṯ-hā’āreṣ wayyāšuḇû wayyillwōnû wayyallînû ‘ālāyw ’eṯ-kāl-hā‘ēḏâ ləhwōṣî’ ḏibâ ‘al-hā’āreṣ:

37 wayyāmuṯû hā’ănāšîm mwōṣi’ê ḏibaṯ-hā’āreṣ rā‘â bammagēfâ lifənê yəhwâ:

38 wîhwōšu‘a bin-nûn wəḵālēḇ ben-yəfunneh ḥāyû min-hā’ănāšîm hâēm hahōləḵîm lāṯûr ’eṯ-hā’āreṣ:

39 wayəḏabēr mōšeh ’eṯ-hadəḇārîm hā’ēlleh ’el-kāl-bənê yiśərā’ēl wayyiṯə’abəlû hā‘ām mə’ōḏ:

40 wayyašəkimû ḇabōqer wayy^a‘ălû ’el-rō’š-hâār lē’mōr hinnennû wə‘ālînû ’el-hammāqwōm ’ăšer-’āmar yəhwâ kî ḥāṭā’nû:

41 wayyō’mer mōšeh lāmmâ zzeh ’atem ‘ōḇərîm ’eṯ-pî yəhwâ wəhiw’ lō’ ṯiṣəlāḥ:

42 ’al-t^a‘ălû kî ’ên yəhwâ bəqirəbəḵem wəlō’ tinnāḡəfû lifənê ’ōyəḇêḵem:

43 kî hā‘ămālēqî wəhakən^a‘ănî šām lifənêḵem ûnəfalətem beḥāreḇ kî-‘al-kēn šaḇətem mē’^aḥărê yəhwâ wəlō’-yihəyeh yəhwâ ‘immāḵem:

44 wayy^a‘əpilû l^a‘ălwōṯ ’el-rō’š hâār wa’ărwōn bərîṯ-yəhwâ ûmōšeh lō’-māšû miqqereḇ hamm^aḥăneh:

45 wayyēreḏ hā‘ămālēqî wəhakən^a‘ănî hayyōšēḇ bâār hahû’ wayyakûm wayyakəṯûm ‘aḏ-h^aḥārəmâ: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏דַּבֵּר֙ אֶל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם כִּ֣י תָבֹ֗אוּ אֶל־אֶ֙רֶץ֙ מוֹשְׁבֹ֣תֵיכֶ֔ם אֲשֶׁ֥ר אֲנִ֖י נֹתֵ֥ן לָכֶֽם׃

‎3 ‏וַעֲשִׂיתֶ֨ם אִשֶּׁ֤ה לַֽיהוָה֙ עֹלָ֣ה אוֹ־זֶ֔בַח לְפַלֵּא־נֶ֙דֶר֙ א֣וֹ בִנְדָבָ֔ה א֖וֹ בְּמֹעֲדֵיכֶ֑ם לַעֲשׂ֞וֹת רֵ֤יחַ נִיחֹ֙חַ֙ לַֽיהוָ֔ה מִן־הַבָּקָ֖ר א֥וֹ מִן־הַצֹּֽאן׃

‎4 ‏וְהִקְרִ֛יב הַמַּקְרִ֥יב קָרְבָּנ֖וֹ לַֽיהוָ֑ה מִנְחָה֙ סֹ֣לֶת עִשָּׂר֔וֹן בָּל֕וּל בִּרְבִעִ֥ית הַהִ֖ין שָֽׁמֶן׃

‎5 ‏וְיַ֤יִן לַנֶּ֙סֶךְ֙ רְבִיעִ֣ית הַהִ֔ין תַּעֲשֶׂ֥ה עַל־הָעֹלָ֖ה א֣וֹ לַזָּ֑בַח לַכֶּ֖בֶשׂ הָאֶחָֽד׃

‎6 ‏א֤וֹ לָאַ֙יִל֙ תַּעֲשֶׂ֣ה מִנְחָ֔ה סֹ֖לֶת שְׁנֵ֣י עֶשְׂרֹנִ֑ים בְּלוּלָ֥ה בַשֶּׁ֖מֶן שְׁלִשִׁ֥ית הַהִֽין׃

‎7 ‏וְיַ֥יִן לַנֶּ֖סֶךְ שְׁלִשִׁ֣ית הַהִ֑ין תַּקְרִ֥יב רֵֽיחַ־נִיחֹ֖חַ לַיהוָֽה׃

‎8 ‏וְכִֽי־תַעֲשֶׂ֥ה בֶן־בָּקָ֖ר עֹלָ֣ה אוֹ־זָ֑בַח לְפַלֵּא־נֶ֥דֶר אֽוֹ־שְׁלָמִ֖ים לַֽיהוָֽה׃

‎9 ‏וְהִקְרִ֤יב עַל־בֶּן־הַבָּקָר֙ מִנְחָ֔ה סֹ֖לֶת שְׁלֹשָׁ֣ה עֶשְׂרֹנִ֑ים בָּל֥וּל בַּשֶּׁ֖מֶן חֲצִ֥י הַהִֽין׃

‎10 ‏וְיַ֛יִן תַּקְרִ֥יב לַנֶּ֖סֶךְ חֲצִ֣י הַהִ֑ין אִשֵּׁ֥ה רֵֽיחַ־נִיחֹ֖חַ לַיהוָֽה׃

‎11 ‏כָּ֣כָה יֵעָשֶׂ֗ה לַשּׁוֹר֙ הָֽאֶחָ֔ד א֖וֹ לָאַ֣יִל הָאֶחָ֑ד אֽוֹ־לַשֶּׂ֥ה בַכְּבָשִׂ֖ים א֥וֹ בָעִזִּֽים׃

‎12 ‏כַּמִּסְפָּ֖ר אֲשֶׁ֣ר תַּעֲשׂ֑וּ כָּ֛כָה תַּעֲשׂ֥וּ לָאֶחָ֖ד כְּמִסְפָּרָֽם׃

‎13 ‏כָּל־הָאֶזְרָ֥ח יַעֲשֶׂה־כָּ֖כָה אֶת־אֵ֑לֶּה לְהַקְרִ֛יב אִשֵּׁ֥ה רֵֽיחַ־נִיחֹ֖חַ לַֽיהוָֽה׃

‎14 ‏וְכִֽי־יָגוּר֩ אִתְּכֶ֨ם גֵּ֜ר א֤וֹ אֲשֶֽׁר־בְּתֽוֹכְכֶם֙ לְדֹרֹ֣תֵיכֶ֔ם וְעָשָׂ֛ה אִשֵּׁ֥ה רֵֽיחַ־נִיחֹ֖חַ לַיהוָ֑ה כַּאֲשֶׁ֥ר תַּעֲשׂ֖וּ כֵּ֥ן יַעֲשֶֽׂה׃

‎15 ‏הַקָּהָ֕ל חֻקָּ֥ה אַחַ֛ת לָכֶ֖ם וְלַגֵּ֣ר הַגָּ֑ר חֻקַּ֤ת עוֹלָם֙ לְדֹרֹ֣תֵיכֶ֔ם כָּכֶ֛ם כַּגֵּ֥ר יִהְיֶ֖ה לִפְנֵ֥י יְהוָֽה׃

‎16 ‏תּוֹרָ֥ה אַחַ֛ת וּמִשְׁפָּ֥ט אֶחָ֖ד יִהְיֶ֣ה לָכֶ֑ם וְלַגֵּ֖ר הַגָּ֥ר אִתְּכֶֽם׃ פ

‎17 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎18 ‏דַּבֵּר֙ אֶל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם בְּבֹֽאֲכֶם֙ אֶל־הָאָ֔רֶץ אֲשֶׁ֥ר אֲנִ֛י מֵבִ֥יא אֶתְכֶ֖ם שָֽׁמָּה׃

‎19 ‏וְהָיָ֕ה בַּאֲכָלְכֶ֖ם מִלֶּ֣חֶם הָאָ֑רֶץ תָּרִ֥ימוּ תְרוּמָ֖ה לַיהוָֽה׃

‎20 ‏רֵאשִׁית֙ עֲרִסֹ֣תֵכֶ֔ם חַלָּ֖ה תָּרִ֣ימוּ תְרוּמָ֑ה כִּתְרוּמַ֣ת גֹּ֔רֶן כֵּ֖ן תָּרִ֥ימוּ אֹתָֽהּ׃

‎21 ‏מֵרֵאשִׁית֙ עֲרִסֹ֣תֵיכֶ֔ם תִּתְּנ֥וּ לַיהוָ֖ה תְּרוּמָ֑ה לְדֹרֹ֖תֵיכֶֽם׃ ס

‎22 ‏וְכִ֣י תִשְׁגּ֔וּ וְלֹ֣א תַעֲשׂ֔וּ אֵ֥ת כָּל־הַמִּצְוֹ֖ת הָאֵ֑לֶּה אֲשֶׁר־דִּבֶּ֥ר יְהוָ֖ה אֶל־מֹשֶֽׁה׃

‎23 ‏אֵת֩ כָּל־אֲשֶׁ֨ר צִוָּ֧ה יְהוָ֛ה אֲלֵיכֶ֖ם בְּיַד־מֹשֶׁ֑ה מִן־הַיּ֞וֹם אֲשֶׁ֨ר צִוָּ֧ה יְהוָ֛ה וָהָ֖לְאָה לְדֹרֹתֵיכֶֽם׃

‎24 ‏וְהָיָ֗ה אִ֣ם מֵעֵינֵ֣י הָעֵדָה֮ נֶעֶשְׂתָ֣ה לִשְׁגָגָה֒ וְעָשׂ֣וּ כָל־הָעֵדָ֡ה פַּ֣ר בֶּן־בָּקָר֩ אֶחָ֨ד לְעֹלָ֜ה לְרֵ֤יחַ נִיחֹ֙חַ֙ לַֽיהוָ֔ה וּמִנְחָת֥וֹ וְנִסְכּ֖וֹ כַּמִּשְׁפָּ֑ט וּשְׂעִיר־עִזִּ֥ים אֶחָ֖ד לְחַטָּֽת׃

‎25 ‏וְכִפֶּ֣ר הַכֹּהֵ֗ן עַֽל־כָּל־עֲדַ֛ת בְּנֵ֥י יִשְׂרָאֵ֖ל וְנִסְלַ֣ח לָהֶ֑ם כִּֽי־שְׁגָגָ֣ה הִ֔וא וְהֵם֩ הֵבִ֨יאוּ אֶת־קָרְבָּנָ֜ם אִשֶּׁ֣ה לַֽיהוָ֗ה וְחַטָּאתָ֛ם לִפְנֵ֥י יְהוָ֖ה עַל־שִׁגְגָתָֽם׃

‎26 ‏וְנִסְלַ֗ח לְכָל־עֲדַת֙ בְּנֵ֣י יִשְׂרָאֵ֔ל וְלַגֵּ֖ר הַגָּ֣ר בְּתוֹכָ֑ם כִּ֥י לְכָל־הָעָ֖ם בִּשְׁגָגָֽה׃ ס

‎27 ‏וְאִם־נֶ֥פֶשׁ אַחַ֖ת תֶּחֱטָ֣א בִשְׁגָגָ֑ה וְהִקְרִ֛יבָה עֵ֥ז בַּת־שְׁנָתָ֖הּ לְחַטָּֽאת׃

‎28 ‏וְכִפֶּ֣ר הַכֹּהֵ֗ן עַל־הַנֶּ֧פֶשׁ הַשֹּׁגֶ֛גֶת בְּחֶטְאָ֥ה בִשְׁגָגָ֖ה לִפְנֵ֣י יְהוָ֑ה לְכַפֵּ֥ר עָלָ֖יו וְנִסְלַ֥ח לֽוֹ׃

‎29 ‏הָֽאֶזְרָח֙ בִּבְנֵ֣י יִשְׂרָאֵ֔ל וְלַגֵּ֖ר הַגָּ֣ר בְּתוֹכָ֑ם תּוֹרָ֤ה אַחַת֙ יִהְיֶ֣ה לָכֶ֔ם לָעֹשֶׂ֖ה בִּשְׁגָגָֽה׃

‎30 ‏וְהַנֶּ֜פֶשׁ אֲשֶֽׁר־תַּעֲשֶׂ֣ה׀ בְּיָ֣ד רָמָ֗ה מִן־הָֽאֶזְרָח֙ וּמִן־הַגֵּ֔ר אֶת־יְהוָ֖ה ה֣וּא מְגַדֵּ֑ף וְנִכְרְתָ֛ה הַנֶּ֥פֶשׁ הַהִ֖וא מִקֶּ֥רֶב עַמָּֽהּ׃

‎31 ‏כִּ֤י דְבַר־יְהוָה֙ בָּזָ֔ה וְאֶת־מִצְוָת֖וֹ הֵפַ֑ר הִכָּרֵ֧ת׀ תִּכָּרֵ֛ת הַנֶּ֥פֶשׁ הַהִ֖וא עֲוֹנָ֥ה בָֽהּ׃ פ

‎32 ‏וַיִּהְי֥וּ בְנֵֽי־יִשְׂרָאֵ֖ל בַּמִּדְבָּ֑ר וַֽיִּמְצְא֗וּ אִ֛ישׁ מְקֹשֵׁ֥שׁ עֵצִ֖ים בְּי֥וֹם הַשַּׁבָּֽת׃

‎33 ‏וַיַּקְרִ֣יבוּ אֹת֔וֹ הַמֹּצְאִ֥ים אֹת֖וֹ מְקֹשֵׁ֣שׁ עֵצִ֑ים אֶל־מֹשֶׁה֙ וְאֶֽל־אַהֲרֹ֔ן וְאֶ֖ל כָּל־הָעֵדָֽה׃

‎34 ‏וַיַּנִּ֥יחוּ אֹת֖וֹ בַּמִּשְׁמָ֑ר כִּ֚י לֹ֣א פֹרַ֔שׁ מַה־יֵּעָשֶׂ֖ה לֽוֹ׃ ס

‎35 ‏וַיֹּ֤אמֶר יְהוָה֙ אֶל־מֹשֶׁ֔ה מ֥וֹת יוּמַ֖ת הָאִ֑ישׁ רָג֨וֹם אֹת֤וֹ בָֽאֲבָנִים֙ כָּל־הָ֣עֵדָ֔ה מִח֖וּץ לַֽמַּחֲנֶֽה׃

‎36 ‏וַיֹּצִ֨יאוּ אֹת֜וֹ כָּל־הָעֵדָ֗ה אֶל־מִחוּץ֙ לַֽמַּחֲנֶ֔ה וַיִּרְגְּמ֥וּ אֹת֛וֹ בָּאֲבָנִ֖ים וַיָּמֹ֑ת כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ פ

‎37 ‏וַיֹּ֥אמֶר יְהוָ֖ה אֶל־מֹשֶׁ֥ה לֵּאמֹֽר׃

‎38 ‏דַּבֵּ֞ר אֶל־בְּנֵ֤י יִשְׂרָאֵל֙ וְאָמַרְתָּ֣ אֲלֵהֶ֔ם וְעָשׂ֨וּ לָהֶ֥ם צִיצִ֛ת עַל־כַּנְפֵ֥י בִגְדֵיהֶ֖ם לְדֹרֹתָ֑ם וְנָ֥תְנ֛וּ³ עַל־צִיצִ֥ת הַכָּנָ֖ף פְּתִ֥יל תְּכֵֽלֶת׃

‎39 ‏וְהָיָ֣ה לָכֶם֮ לְצִיצִת֒ וּרְאִיתֶ֣ם אֹת֗וֹ וּזְכַרְתֶּם֙ אֶת־כָּל־מִצְוֹ֣ת יְהוָ֔ה וַעֲשִׂיתֶ֖ם אֹתָ֑ם וְלֹֽא־תָתֻ֜רוּ אַחֲרֵ֤י לְבַבְכֶם֙ וְאַחֲרֵ֣י עֵֽינֵיכֶ֔ם אֲשֶׁר־אַתֶּ֥ם זֹנִ֖ים אַחֲרֵיהֶֽם׃

‎40 ‏לְמַ֣עַן תִּזְכְּר֔וּ וַעֲשִׂיתֶ֖ם אֶת־כָּל־מִצְוֹתָ֑י וִהְיִיתֶ֥ם קְדֹשִׁ֖ים לֵֽאלֹהֵיכֶֽם׃

‎41 ‏אֲנִ֞י יְהוָ֣ה אֱלֹֽהֵיכֶ֗ם אֲשֶׁ֨ר הוֹצֵ֤אתִי אֶתְכֶם֙ מֵאֶ֣רֶץ מִצְרַ֔יִם לִהְי֥וֹת לָכֶ֖ם לֵאלֹהִ֑ים אֲנִ֖י יְהוָ֥ה אֱלֹהֵיכֶֽם׃ פ

1 wayəḏabēr yəhwâ ’el-mōšeh llē’mōr:

2 dabēr ’el-bənê yiśərā’ēl wə’āmarətā ’ălēhem kî ṯāḇō’û ’el-’ereṣ mwōšəḇōṯêḵem ’ăšer ’ănî nōṯēn lāḵem:

3 w^a‘ăśîṯem ’iššeh layhwâ ‘ōlâ ’wō-zeḇ^aḥ ləfallē’-neḏer ’wō ḇinəḏāḇâ ’wō bəmō‘ăḏêḵem l^a‘ăśwōṯ rêḥa nîḥōḥa layhwâ min-habāqār ’wō min-haṣṣō’n:

4 wəhiqərîḇ hammaqərîḇ qārəbānwō layhwâ minəḥâ sōleṯ ‘iśśārwōn bālûl birəḇi‘îṯ hahîn šāmen:

5 wəyayin lanneseḵə rəḇî‘îṯ hahîn t^a‘ăśeh ‘al-hā‘ōlâ ’wō lazzāḇ^aḥ lakeḇeś hā’eḥāḏ:

6 ’wō lā’ayil t^a‘ăśeh minəḥâ sōleṯ šənê ‘eśərōnîm bəlûlâ ḇaššemen šəlišîṯ hahîn:

7 wəyayin lanneseḵə šəlišîṯ hahîn taqərîḇ rêḥa-nîḥōḥa layhwâ:

8 wəḵî-ṯ^a‘ăśeh ḇen-bāqār ‘ōlâ ’wō-zāḇ^aḥ ləfallē’-neḏer ’wō-šəlāmîm layhwâ:

9 wəhiqərîḇ ‘al-ben-habāqār minəḥâ sōleṯ šəlōšâ ‘eśərōnîm bālûl baššemen ḥăṣî hahîn:

10 wəyayin taqərîḇ lanneseḵə ḥăṣî hahîn ’iššēh rêḥa-nîḥōḥa layhwâ:

11 kāḵâ yē‘āśeh laššwōr hā’eḥāḏ ’wō lā’ayil hā’eḥāḏ ’wō-laśśeh ḇakəḇāśîm ’wō ḇā‘izzîm:

12 kammisəpār ’ăšer t^a‘ăśû kāḵâ t^a‘ăśû lā’eḥāḏ kəmisəpārām:

13 kāl-hā’ezərāḥ y^a‘ăśeh-kāḵâ ’eṯ-’ēlleh ləhaqərîḇ ’iššēh rêḥa-nîḥōḥa layhwâ:

14 wəḵî-yāḡûr ’itəḵem gēr ’wō ’ăšer-bəṯwōḵəḵem ləḏōrōṯêḵem wə‘āśâ ’iššēh rêḥa-nîḥōḥa layhwâ ka’ăšer t^a‘ăśû kēn y^a‘ăśeh:

15 haqqâāl ḥuqqâ ’^aḥaṯ lāḵem wəlagēr hagār ḥuqqaṯ ‘wōlām ləḏōrōṯêḵem kāḵem kagēr yihəyeh lifənê yəhwâ:

16 twōrâ ’^aḥaṯ ûmišəpāṭ ’eḥāḏ yihəyeh lāḵem wəlagēr hagār ’itəḵem: f

17 wayəḏabēr yəhwâ ’el-mōšeh llē’mōr:

18 dabēr ’el-bənê yiśərā’ēl wə’āmarətā ’ălēhem bəḇō’ăḵem ’el-hā’āreṣ ’ăšer ’ănî mēḇî’ ’eṯəḵem šāmmâ:

19 wəhāyâ ba’ăḵāləḵem milleḥem hā’āreṣ tārîmû ṯərûmâ layhwâ:

20 rē’šîṯ ‘ărisōṯēḵem ḥallâ tārîmû ṯərûmâ kiṯərûmaṯ gōren kēn tārîmû ’ōṯāh:

21 mērē’šîṯ ‘ărisōṯêḵem titənû layhwâ tərûmâ ləḏōrōṯêḵem: s

22 wəḵî ṯišəgû wəlō’ ṯ^a‘ăśû ’ēṯ kāl-hammiṣəwōṯ hā’ēlleh ’ăšer-diber yəhwâ ’el-mōšeh:

23 ’ēṯ kāl-’ăšer ṣiûâ yəhwâ ’ălêḵem bəyaḏ-mōšeh min-hayywōm ’ăšer ṣiûâ yəhwâ wâālə’â ləḏōrōṯêḵem:

24 wəhāyâ ’im mē‘ênê hā‘ēḏâ ne‘eśəṯâ lišəḡāḡâ wə‘āśû ḵāl-hā‘ēḏâ par ben-bāqār ’eḥāḏ lə‘ōlâ lərêḥa nîḥōḥa layhwâ ûminəḥāṯwō wənisəkwō kammišəpāṭ ûśə‘îr-‘izzîm ’eḥāḏ ləḥaṭṭāṯ:

25 wəḵiper hakōhēn ‘al-kāl-‘ăḏaṯ bənê yiśərā’ēl wənisəl^aḥ lâem kî-šəḡāḡâ hiw’ wəhēm hēḇî’û ’eṯ-qārəbānām ’iššeh layhwâ wəḥaṭṭā’ṯām lifənê yəhwâ ‘al-šiḡəḡāṯām:

26 wənisəl^aḥ ləḵāl-‘ăḏaṯ bənê yiśərā’ēl wəlagēr hagār bəṯwōḵām kî ləḵāl-hā‘ām bišəḡāḡâ: s

27 wə’im-nefeš ’^aḥaṯ teḥĕṭā’ ḇišəḡāḡâ wəhiqərîḇâ ‘ēz baṯ-šənāṯāh ləḥaṭṭā’ṯ:

28 wəḵiper hakōhēn ‘al-hannefeš haššōḡeḡeṯ bəḥeṭə’â ḇišəḡāḡâ lifənê yəhwâ ləḵapēr ‘ālāyw wənisəl^aḥ lwō:

29 hā’ezərāḥ biḇənê yiśərā’ēl wəlagēr hagār bəṯwōḵām twōrâ ’^aḥaṯ yihəyeh lāḵem lā‘ōśeh bišəḡāḡâ:

30 wəhannefeš ’ăšer-t^a‘ăśeh| bəyāḏ rāmâ min-hā’ezərāḥ ûmin-hagēr ’eṯ-yəhwâ hû’ məḡadēf wəniḵərəṯâ hannefeš hahiw’ miqqereḇ ‘ammāh:

31 kî ḏəḇar-yəhwâ bāzâ wə’eṯ-miṣəwāṯwō hēfar hikārēṯ| tikārēṯ hannefeš hahiw’ ‘ăwōnâ ḇāh: f

32 wayyihəyû ḇənê-yiśərā’ēl bammiḏəbār wayyiməṣə’û ’îš məqōšēš ‘ēṣîm bəywōm haššabāṯ:

33 wayyaqərîḇû ’ōṯwō hammōṣə’îm ’ōṯwō məqōšēš ‘ēṣîm ’el-mōšeh wə’el-’ahărōn wə’el kāl-hā‘ēḏâ:

34 wayyannîḥû ’ōṯwō bammišəmār kî lō’ fōraš mah-yyē‘āśeh lwō: s

35 wayyō’mer yəhwâ ’el-mōšeh mwōṯ yûmaṯ hā’îš rāḡwōm ’ōṯwō ḇā’ăḇānîm kāl-hā‘ēḏâ miḥûṣ lamm^aḥăneh:

36 wayyōṣî’û ’ōṯwō kāl-hā‘ēḏâ ’el-miḥûṣ lamm^aḥăneh wayyirəgəmû ’ōṯwō bā’ăḇānîm wayyāmōṯ ka’ăšer ṣiûâ yəhwâ ’eṯ-mōšeh: f

37 wayyō’mer yəhwâ ’el-mōšeh llē’mōr:

38 dabēr ’el-bənê yiśərā’ēl wə’āmarətā ’ălēhem wə‘āśû lâem ṣîṣiṯ ‘al-kanəfê ḇiḡəḏêhem ləḏōrōṯām wənāṯənû³ ‘al-ṣîṣiṯ hakānāf pəṯîl təḵēleṯ:

39 wəhāyâ lāḵem ləṣîṣiṯ ûrə’îṯem ’ōṯwō ûzəḵarətem ’eṯ-kāl-miṣəwōṯ yəhwâ w^a‘ăśîṯem ’ōṯām wəlō’-ṯāṯurû ’^aḥărê ləḇaḇəḵem wə’^aḥărê ‘ênêḵem ’ăšer-’atem zōnîm ’^aḥărêhem:

40 ləm^a‘an tizəkərû w^a‘ăśîṯem ’eṯ-kāl-miṣəwōṯāy wihəyîṯem qəḏōšîm lē’lōhêḵem:

41 ’ănî yəhwâ ’ĕlōhêḵem ’ăšer hwōṣē’ṯî ’eṯəḵem mē’ereṣ miṣərayim lihəywōṯ lāḵem lē’lōhîm ’ănî yəhwâ ’ĕlōhêḵem: f

‎1 ‏וַיִּקַּ֣ח קֹ֔רַח בֶּן־יִצְהָ֥ר בֶּן־קְהָ֖ת בֶּן־לֵוִ֑י וְדָתָ֨ן וַאֲבִירָ֜ם בְּנֵ֧י אֱלִיאָ֛ב וְא֥וֹן בֶּן־פֶּ֖לֶת בְּנֵ֥י רְאוּבֵֽן׃

‎2 ‏וַיָּקֻ֙מוּ֙ לִפְנֵ֣י מֹשֶׁ֔ה וַאֲנָשִׁ֥ים מִבְּנֵֽי־יִשְׂרָאֵ֖ל חֲמִשִּׁ֣ים וּמָאתָ֑יִם נְשִׂיאֵ֥י עֵדָ֛ה קְרִאֵ֥י מוֹעֵ֖ד אַנְשֵׁי־שֵֽׁם׃

‎3 ‏וַיִּֽקָּהֲל֞וּ עַל־מֹשֶׁ֣ה וְעַֽל־אַהֲרֹ֗ן וַיֹּאמְר֣וּ אֲלֵהֶם֮ רַב־לָכֶם֒ כִּ֤י כָל־הָֽעֵדָה֙ כֻּלָּ֣ם קְדֹשִׁ֔ים וּבְתוֹכָ֖ם יְהוָ֑ה וּמַדּ֥וּעַ תִּֽתְנַשְּׂא֖וּ עַל־קְהַ֥ל יְהוָֽה׃

‎4 ‏וַיִּשְׁמַ֣ע מֹשֶׁ֔ה וַיִּפֹּ֖ל עַל־פָּנָֽיו׃

‎5 ‏וַיְדַבֵּ֨ר אֶל־קֹ֜רַח וְאֶֽל־כָּל־עֲדָתוֹ֮ לֵאמֹר֒ בֹּ֠קֶר וְיֹדַ֨ע יְהוָ֧ה אֶת־אֲשֶׁר־ל֛וֹ וְאֶת־הַקָּד֖וֹשׁ וְהִקְרִ֣יב אֵלָ֑יו וְאֵ֛ת אֲשֶׁ֥ר יִבְחַר־בּ֖וֹ יַקְרִ֥יב אֵלָֽיו׃

‎6 ‏זֹ֖את עֲשׂ֑וּ קְחוּ־לָכֶ֣ם מַחְתּ֔וֹת קֹ֖רַח וְכָל־עֲדָתֽוֹ׃

‎7 ‏וּתְנ֣וּ בָהֵ֣ן׀ אֵ֡שׁ וְשִׂימוּ֩ עֲלֵיהֶ֨ן קְטֹ֜רֶת לִפְנֵ֤י יְהוָה֙ מָחָ֔ר וְהָיָ֗ה הָאִ֛ישׁ אֲשֶׁר־יִבְחַ֥ר יְהוָ֖ה ה֣וּא הַקָּד֑וֹשׁ רַב־לָכֶ֖ם בְּנֵ֥י לֵוִֽי׃

‎8 ‏וַיֹּ֥אמֶר מֹשֶׁ֖ה אֶל־קֹ֑רַח שִׁמְעוּ־נָ֖א בְּנֵ֥י לֵוִֽי׃

‎9 ‏הַמְעַ֣ט מִכֶּ֗ם כִּֽי־הִבְדִּיל֩ אֱלֹהֵ֨י יִשְׂרָאֵ֤ל אֶתְכֶם֙ מֵעֲדַ֣ת יִשְׂרָאֵ֔ל לְהַקְרִ֥יב אֶתְכֶ֖ם אֵלָ֑יו לַעֲבֹ֗ד אֶת־עֲבֹדַת֙ מִשְׁכַּ֣ן יְהוָ֔ה וְלַעֲמֹ֛ד לִפְנֵ֥י הָעֵדָ֖ה לְשָׁרְתָֽם׃

‎10 ‏וַיַּקְרֵב֙ אֹֽתְךָ֔ וְאֶת־כָּל־אַחֶ֥יךָ בְנֵי־לֵוִ֖י אִתָּ֑ךְ וּבִקַּשְׁתֶּ֖ם גַּם־כְּהֻנָּֽה׃

‎11 ‏לָכֵ֗ן אַתָּה֙ וְכָל־עֲדָ֣תְךָ֔ הַנֹּעָדִ֖ים עַל־יְהוָ֑ה וְאַהֲרֹ֣ן מַה־ה֔וּא כִּ֥י תלונו תַלִּ֖ינוּ עָלָֽיו׃

‎12 ‏וַיִּשְׁלַ֣ח מֹשֶׁ֔ה לִקְרֹ֛א לְדָתָ֥ן וְלַאֲבִירָ֖ם בְּנֵ֣י³ אֱלִיאָ֑ב וַיֹּאמְר֖וּ לֹ֥א נַעֲלֶֽה׃

‎13 ‏הַמְעַ֗ט כִּ֤י הֶֽעֱלִיתָ֙נוּ֙ מֵאֶ֨רֶץ זָבַ֤ת חָלָב֙ וּדְבַ֔שׁ לַהֲמִיתֵ֖נוּ בַּמִּדְבָּ֑ר כִּֽי־תִשְׂתָּרֵ֥ר עָלֵ֖ינוּ גַּם־הִשְׂתָּרֵֽר׃

‎14 ‏אַ֡ף לֹ֣א אֶל־אֶרֶץ֩ זָבַ֨ת חָלָ֤ב וּדְבַשׁ֙ הֲבִ֣יאֹתָ֔נוּ וַתִּ֨תֶּן־לָ֔נוּ נַחֲלַ֖ת שָׂדֶ֣ה וָכָ֑רֶם הַעֵינֵ֞י הָאֲנָשִׁ֥ים הָהֵ֛ם תְּנַקֵּ֖ר לֹ֥א נַעֲלֶֽה׃

‎15 ‏וַיִּ֤חַר לְמֹשֶׁה֙ מְאֹ֔ד וַיֹּ֙אמֶר֙ אֶל־יְהוָ֔ה אַל־תֵּ֖פֶן אֶל־מִנְחָתָ֑ם לֹ֠א חֲמ֨וֹר אֶחָ֤ד מֵהֶם֙ נָשָׂ֔אתִי וְלֹ֥א הֲרֵעֹ֖תִי אֶת־אַחַ֥ד מֵהֶֽם׃

‎16 ‏וַיֹּ֤אמֶר מֹשֶׁה֙ אֶל־קֹ֔רַח אַתָּה֙ וְכָל־עֲדָ֣תְךָ֔ הֱי֖וּ לִפְנֵ֣י יְהוָ֑ה אַתָּ֥ה וָהֵ֛ם וְאַהֲרֹ֖ן מָחָֽר׃

‎17 ‏וּקְח֣וּ׀ אִ֣ישׁ מַחְתָּת֗וֹ וּנְתַתֶּ֤ם עֲלֵיהֶם֙ קְטֹ֔רֶת וְהִקְרַבְתֶּ֞ם לִפְנֵ֤י יְהוָה֙ אִ֣ישׁ מַחְתָּת֔וֹ חֲמִשִּׁ֥ים וּמָאתַ֖יִם מַחְתֹּ֑ת וְאַתָּ֥ה וְאַהֲרֹ֖ן אִ֥ישׁ מַחְתָּתֽוֹ׃

‎18 ‏וַיִּקְח֞וּ אִ֣ישׁ מַחְתָּת֗וֹ וַיִּתְּנ֤וּ עֲלֵיהֶם֙ אֵ֔שׁ וַיָּשִׂ֥ימוּ עֲלֵיהֶ֖ם קְטֹ֑רֶת וַֽיַּעַמְד֗וּ פֶּ֛תַח אֹ֥הֶל מוֹעֵ֖ד וּמֹשֶׁ֥ה וְאַהֲרֹֽן׃

‎19 ‏וַיַּקְהֵ֨ל עֲלֵיהֶ֥ם קֹ֙רַח֙ אֶת־כָּל־הָ֣עֵדָ֔ה אֶל־פֶּ֖תַח אֹ֣הֶל מוֹעֵ֑ד וַיֵּרָ֥א כְבוֹד־יְהוָ֖ה אֶל־כָּל־הָעֵדָֽה׃ פ

‎20 ‏וַיְדַבֵּ֣ר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃

‎21 ‏הִבָּ֣דְל֔וּ מִתּ֖וֹךְ הָעֵדָ֣ה הַזֹּ֑את וַאַכַלֶּ֥ה¹ אֹתָ֖ם כְּרָֽגַע׃

‎22 ‏וַיִּפְּל֤וּ עַל־פְּנֵיהֶם֙ וַיֹּ֣אמְר֔וּ אֵ֕ל אֱלֹהֵ֥י הָרוּחֹ֖ת לְכָל־בָּשָׂ֑ר הָאִ֤ישׁ אֶחָד֙ יֶחֱטָ֔א וְעַ֥ל כָּל־הָעֵדָ֖ה תִּקְצֹֽף׃ פ

‎23 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎24 ‏דַּבֵּ֥ר אֶל־הָעֵדָ֖ה לֵאמֹ֑ר הֵֽעָלוּ֙ מִסָּבִ֔יב לְמִשְׁכַּן־קֹ֖רַח דָּתָ֥ן וַאֲבִירָֽם׃

‎25 ‏וַיָּ֣קָם מֹשֶׁ֔ה וַיֵּ֖לֶךְ אֶל־דָּתָ֣ן וַאֲבִירָ֑ם וַיֵּלְכ֥וּ אַחֲרָ֖יו זִקְנֵ֥י יִשְׂרָאֵֽל׃

‎26 ‏וַיְדַבֵּ֨ר אֶל־הָעֵדָ֜ה לֵאמֹ֗ר ס֣וּרוּ נָ֡א מֵעַל֩ אָהֳלֵ֨י הָאֲנָשִׁ֤ים הָֽרְשָׁעִים֙ הָאֵ֔לֶּה וְאַֽל־תִּגְּע֖וּ בְּכָל־אֲשֶׁ֣ר לָהֶ֑ם פֶּן־תִּסָּפ֖וּ בְּכָל־חַטֹּאתָֽם׃

‎27 ‏וַיֵּעָל֗וּ מֵעַ֧ל מִשְׁכַּן־קֹ֛רֶח¹ דָּתָ֥ן וַאֲבִירָ֖ם מִסָּבִ֑יב וְדָתָ֨ן וַאֲבִירָ֜ם יָצְא֣וּ נִצָּבִ֗ים פֶּ֚תַח אָֽהֳלֵיהֶ֔ם וּנְשֵׁיהֶ֥ם וּבְנֵיהֶ֖ם וְטַפָּֽם׃

‎28 ‏וַיֹּאמֶר֮ מֹשֶׁה֒ בְּזֹאת֙ תֵּֽדְע֔וּן כִּֽי־יְהוָ֣ה שְׁלָחַ֔נִי לַעֲשׂ֕וֹת אֵ֥ת כָּל־הַֽמַּעֲשִׂ֖ים הָאֵ֑לֶּה כִּי־לֹ֖א מִלִּבִּֽי׃

‎29 ‏אִם־כְּמ֤וֹת כָּל־הָֽאָדָם֙ יְמֻת֣וּן אֵ֔לֶּה וּפְקֻדַּת֙ כָּל־הָ֣אָדָ֔ם יִפָּקֵ֖ד עֲלֵיהֶ֑ם לֹ֥א יְהוָ֖ה שְׁלָחָֽנִי׃

‎30 ‏וְאִם־בְּרִיאָ֞ה יִבְרָ֣א יְהוָ֗ה וּפָצְתָ֨ה הָאֲדָמָ֤ה אֶת־פִּ֙יהָ֙ וּבָלְעָ֤ה אֹתָם֙ וְאֶת־כָּל־אֲשֶׁ֣ר לָהֶ֔ם וְיָרְד֥וּ חַיִּ֖ים שְׁאֹ֑לָה וִֽידַעְתֶּ֕ם כִּ֧י נִֽאֲצ֛וּ הָאֲנָשִׁ֥ים הָאֵ֖לֶּה אֶת־יְהוָֽה׃

‎31 ‏וַיְהִי֙ כְּכַלֹּת֔וֹ לְדַבֵּ֕ר אֵ֥ת כָּל־הַדְּבָרִ֖ים הָאֵ֑לֶּה וַתִּבָּקַ֥ע הָאֲדָמָ֖ה אֲשֶׁ֥ר תַּחְתֵּיהֶֽם׃

‎32 ‏וַתִּפְתַּ֤ח הָאָ֙רֶץ֙ אֶת־פִּ֔יהָ וַתִּבְלַ֥ע אֹתָ֖ם וְאֶת־בָּתֵּיהֶ֑ם וְאֵ֤ת כָּל־הָאָדָם֙ אֲשֶׁ֣ר לְקֹ֔רַח וְאֵ֖ת כָּל־הָרֲכֽוּשׁ׃

‎33 ‏וַיֵּ֨רְד֜וּ הֵ֣ם וְכָל־אֲשֶׁ֥ר לָהֶ֛ם חַיִּ֖ים שְׁאֹ֑לָה וַתְּכַ֤ס עֲלֵיהֶם֙ הָאָ֔רֶץ וַיֹּאבְד֖וּ מִתּ֥וֹךְ הַקָּהָֽל׃

‎34 ‏וְכָל־יִשְׂרָאֵ֗ל אֲשֶׁ֛ר סְבִיבֹתֵיהֶ֖ם נָ֣סוּ לְקֹלָ֑ם כִּ֣י אָֽמְר֔וּ פֶּן־תִּבְלָעֵ֖נוּ הָאָֽרֶץ׃

‎35 ‏וְאֵ֥שׁ יָצְאָ֖ה מֵאֵ֣ת יְהוָ֑ה וַתֹּ֗אכַל אֵ֣ת הַחֲמִשִּׁ֤ים וּמָאתַ֙יִם֙ אִ֔ישׁ מַקְרִיבֵ֖י הַקְּטֹֽרֶת׃ פ

1 wayyiqq^aḥ qōr^aḥ ben-yiṣəhār ben-qəhāṯ ben-lēwî wəḏāṯān wa’ăḇîrām bənê ’ĕlî’āḇ wə’wōn ben-peleṯ bənê rə’ûḇēn:

2 wayyāqumû lifənê mōšeh wa’ănāšîm mibənê-yiśərā’ēl ḥămiššîm ûmā’ṯāyim nəśî’ê ‘ēḏâ qəri’ê mwō‘ēḏ ’anəšê-šēm:

3 wayyiqqâălû ‘al-mōšeh wə‘al-’ahărōn wayyō’mərû ’ălēhem raḇ-lāḵem kî ḵāl-hā‘ēḏâ kullām qəḏōšîm ûḇəṯwōḵām yəhwâ ûmadû‘a tiṯənaśśə’û ‘al-qəhal yəhwâ:

4 wayyišəm^a‘ mōšeh wayyipōl ‘al-pānāyw:

5 wayəḏabēr ’el-qōr^aḥ wə’el-kāl-‘ăḏāṯwō lē’mōr bōqer wəyōḏ^a‘ yəhwâ ’eṯ-’ăšer-lwō wə’eṯ-haqqāḏwōš wəhiqərîḇ ’ēlāyw wə’ēṯ ’ăšer yiḇəḥar-bwō yaqərîḇ ’ēlāyw:

6 zō’ṯ ‘ăśû qəḥû-lāḵem m^aḥətwōṯ qōr^aḥ wəḵāl-‘ăḏāṯwō:

7 ûṯənû ḇâēn| ’ēš wəśîmû ‘ălêhen qəṭōreṯ lifənê yəhwâ māḥār wəhāyâ hā’îš ’ăšer-yiḇəḥar yəhwâ hû’ haqqāḏwōš raḇ-lāḵem bənê lēwî:

8 wayyō’mer mōšeh ’el-qōr^aḥ šimə‘û-nā’ bənê lēwî:

9 hamə‘aṭ mikem kî-hiḇədîl ’ĕlōhê yiśərā’ēl ’eṯəḵem mē‘ăḏaṯ yiśərā’ēl ləhaqərîḇ ’eṯəḵem ’ēlāyw l^a‘ăḇōḏ ’eṯ-‘ăḇōḏaṯ mišəkan yəhwâ wəl^a‘ămōḏ lifənê hā‘ēḏâ ləšārəṯām:

10 wayyaqərēḇ ’ōṯəḵā wə’eṯ-kāl-’^aḥeyḵā ḇənê-lēwî ’itāḵə ûḇiqqašətem gam-kəhunnâ:

11 lāḵēn ’atâ wəḵāl-‘ăḏāṯəḵā hannō‘āḏîm ‘al-yəhwâ wə’ahărōn mah-hû’ kî ṯillwōnû ṯallînû ‘ālāyw:

12 wayyišəl^aḥ mōšeh liqərō’ ləḏāṯān wəla’ăḇîrām bənê³ ’ĕlî’āḇ wayyō’mərû lō’ n^a‘ăleh:

13 hamə‘aṭ kî he‘ĕlîṯānû mē’ereṣ zāḇaṯ ḥālāḇ ûḏəḇaš lahămîṯēnû bammiḏəbār kî-ṯiśətārēr ‘ālênû gam-hiśətārēr:

14 ’af lō’ ’el-’ereṣ zāḇaṯ ḥālāḇ ûḏəḇaš hăḇî’ōṯānû watiten-lānû n^aḥălaṯ śāḏeh wāḵārem h^a‘ênê hā’ănāšîm hâēm tənaqqēr lō’ n^a‘ăleh:

15 wayyiḥar ləmōšeh mə’ōḏ wayyō’mer ’el-yəhwâ ’al-tēfen ’el-minəḥāṯām lō’ ḥămwōr ’eḥāḏ mēhem nāśā’ṯî wəlō’ hărē‘ōṯî ’eṯ-’^aḥaḏ mēhem:

16 wayyō’mer mōšeh ’el-qōr^aḥ ’atâ wəḵāl-‘ăḏāṯəḵā hĕyû lifənê yəhwâ ’atâ wâēm wə’ahărōn māḥār:

17 ûqəḥû| ’îš m^aḥətāṯwō ûnəṯatem ‘ălêhem qəṭōreṯ wəhiqəraḇətem lifənê yəhwâ ’îš m^aḥətāṯwō ḥămiššîm ûmā’ṯayim m^aḥətōṯ wə’atâ wə’ahărōn ’îš m^aḥətāṯwō:

18 wayyiqəḥû ’îš m^aḥətāṯwō wayyitənû ‘ălêhem ’ēš wayyāśîmû ‘ălêhem qəṭōreṯ wayy^a‘aməḏû peṯ^aḥ ’ōhel mwō‘ēḏ ûmōšeh wə’ahărōn:

19 wayyaqəhēl ‘ălêhem qōr^aḥ ’eṯ-kāl-hā‘ēḏâ ’el-peṯ^aḥ ’ōhel mwō‘ēḏ wayyērā’ ḵəḇwōḏ-yəhwâ ’el-kāl-hā‘ēḏâ: f

20 wayəḏabēr yəhwâ ’el-mōšeh wə’el-’ahărōn lē’mōr:

21 hibāḏəlû mitwōḵə hā‘ēḏâ hazzō’ṯ wa’aḵalleh¹ ’ōṯām kərāḡ^a‘:

22 wayyipəlû ‘al-pənêhem wayyō’mərû ’ēl ’ĕlōhê hārûḥōṯ ləḵāl-bāśār hā’îš ’eḥāḏ yeḥĕṭā’ wə‘al kāl-hā‘ēḏâ tiqəṣōf: f

23 wayəḏabēr yəhwâ ’el-mōšeh llē’mōr:

24 dabēr ’el-hā‘ēḏâ lē’mōr hē‘ālû missāḇîḇ ləmišəkan-qōr^aḥ dāṯān wa’ăḇîrām:

25 wayyāqām mōšeh wayyēleḵə ’el-dāṯān wa’ăḇîrām wayyēləḵû ’^aḥărāyw ziqənê yiśərā’ēl:

26 wayəḏabēr ’el-hā‘ēḏâ lē’mōr sûrû nā’ mē‘al ’âŏlê hā’ănāšîm hārəšā‘îm hā’ēlleh wə’al-tigə‘û bəḵāl-’ăšer lâem pen-tissāfû bəḵāl-ḥaṭṭō’ṯām:

27 wayyē‘ālû mē‘al mišəkan-qōreḥ¹ dāṯān wa’ăḇîrām missāḇîḇ wəḏāṯān wa’ăḇîrām yāṣə’û niṣṣāḇîm peṯ^aḥ ’âŏlêhem ûnəšêhem ûḇənêhem wəṭapām:

28 wayyō’mer mōšeh bəzō’ṯ tēḏə‘ûn kî-yəhwâ šəlāḥanî l^a‘ăśwōṯ ’ēṯ kāl-hamm^a‘ăśîm hā’ēlleh kî-lō’ millibî:

29 ’im-kəmwōṯ kāl-hā’āḏām yəmuṯûn ’ēlleh ûfəqudaṯ kāl-hā’āḏām yipāqēḏ ‘ălêhem lō’ yəhwâ šəlāḥānî:

30 wə’im-bərî’â yiḇərā’ yəhwâ ûfāṣəṯâ hā’ăḏāmâ ’eṯ-pîhā ûḇālə‘â ’ōṯām wə’eṯ-kāl-’ăšer lâem wəyārəḏû ḥayyîm šə’ōlâ wîḏ^a‘ətem kî ni’ăṣû hā’ănāšîm hā’ēlleh ’eṯ-yəhwâ:

31 wayəhî kəḵallōṯwō ləḏabēr ’ēṯ kāl-hadəḇārîm hā’ēlleh watibāq^a‘ hā’ăḏāmâ ’ăšer t^aḥətêhem:

32 watifət^aḥ hā’āreṣ ’eṯ-pîhā watiḇəl^a‘ ’ōṯām wə’eṯ-bātêhem wə’ēṯ kāl-hā’āḏām ’ăšer ləqōr^aḥ wə’ēṯ kāl-hārăḵûš:

33 wayyērəḏû hēm wəḵāl-’ăšer lâem ḥayyîm šə’ōlâ watəḵas ‘ălêhem hā’āreṣ wayyō’ḇəḏû mitwōḵə haqqâāl:

34 wəḵāl-yiśərā’ēl ’ăšer səḇîḇōṯêhem nāsû ləqōlām kî ’āmərû pen-tiḇəlā‘ēnû hā’āreṣ:

35 wə’ēš yāṣə’â mē’ēṯ yəhwâ watō’ḵal ’ēṯ h^aḥămiššîm ûmā’ṯayim ’îš maqərîḇê haqqəṭōreṯ: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏אֱמֹ֨ר אֶל־אֶלְעָזָ֜ר בֶּן־אַהֲרֹ֣ן הַכֹּהֵ֗ן וְיָרֵ֤ם אֶת־הַמַּחְתֹּת֙ מִבֵּ֣ין הַשְּׂרֵפָ֔ה וְאֶת־הָאֵ֖שׁ זְרֵה־הָ֑לְאָה כִּ֖י קָדֵֽשׁוּ׃

‎3 ‏אֵ֡ת מַחְתּוֹת֩ הַֽחַטָּאִ֨ים הָאֵ֜לֶּה בְּנַפְשֹׁתָ֗ם וְעָשׂ֨וּ אֹתָ֜ם רִקֻּעֵ֤י פַחִים֙ צִפּ֣וּי לַמִּזְבֵּ֔חַ כִּֽי־הִקְרִיבֻ֥ם לִפְנֵֽי־יְהוָ֖ה וַיִּקְדָּ֑שׁוּ וְיִֽהְי֥וּ לְא֖וֹת לִבְנֵ֥י יִשְׂרָאֵֽל׃

‎4 ‏וַיִּקַּ֞ח אֶלְעָזָ֣ר הַכֹּהֵ֗ן אֵ֚ת מַחְתּ֣וֹת הַנְּחֹ֔שֶׁת אֲשֶׁ֥ר הִקְרִ֖יבוּ הַשְּׂרֻפִ֑ים וַֽיְרַקְּע֖וּם צִפּ֥וּי לַמִּזְבֵּֽחַ׃

‎5 ‏זִכָּר֞וֹן לִבְנֵ֣י יִשְׂרָאֵ֗ל לְ֠מַעַן אֲשֶׁ֨ר לֹֽא־יִקְרַ֜ב אִ֣ישׁ זָ֗ר אֲ֠שֶׁר לֹ֣א מִזֶּ֤רַע אַהֲרֹן֙ ה֔וּא לְהַקְטִ֥יר קְטֹ֖רֶת לִפְנֵ֣י יְהוָ֑ה וְלֹֽא־יִהְיֶ֤ה כְקֹ֙רַח֙ וְכַ֣עֲדָת֔וֹ כַּאֲשֶׁ֨ר דִּבֶּ֧ר יְהוָ֛ה בְּיַד־מֹשֶׁ֖ה לֽוֹ׃

‎6 ‏וַיִּלֹּ֜נוּ כָּל־עֲדַ֤ת בְּנֵֽי־יִשְׂרָאֵל֙ מִֽמָּחֳרָ֔ת עַל־מֹשֶׁ֥ה וְעַֽל־אַהֲרֹ֖ן לֵאמֹ֑ר אַתֶּ֥ם הֲמִתֶּ֖ם אֶת־עַ֥ם יְהוָֽה׃

‎7 ‏וַיְהִ֗י בְּהִקָּהֵ֤ל הָֽעֵדָה֙ עַל־מֹשֶׁ֣ה וְעַֽל־אַהֲרֹ֔ן וַיִּפְנוּ֙ אֶל־אֹ֣הֶל מוֹעֵ֔ד וְהִנֵּ֥ה כִסָּ֖הוּ הֶעָנָ֑ן וַיֵּרָ֖א כְּב֥וֹד יְהוָֽה׃

‎8 ‏וַיָּבֹ֤א מֹשֶׁה֙ וְאַהֲרֹ֔ן אֶל־פְּנֵ֖י אֹ֥הֶל מוֹעֵֽד׃ פ

‎9 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎10 ‏הֵרֹ֗מּוּ מִתּוֹךְ֙ הָעֵדָ֣ה הַזֹּ֔את וַאֲכַלֶּ֥ה אֹתָ֖ם כְּרָ֑גַע וַֽיִּפְּל֖וּ עַל־פְּנֵיהֶֽם׃

‎11 ‏וַיֹּ֨אמֶר מֹשֶׁ֜ה אֶֽל־אַהֲרֹ֗ן קַ֣ח אֶת־הַ֠מַּחְתָּה וְתֶן־עָלֶ֨יהָ אֵ֜שׁ מֵעַ֤ל הַמִּזְבֵּ֙חַ֙ וְשִׂ֣ים קְטֹ֔רֶת וְהוֹלֵ֧ךְ מְהֵרָ֛ה אֶל־הָעֵדָ֖ה וְכַפֵּ֣ר עֲלֵיהֶ֑ם כִּֽי־יָצָ֥א הַקֶּ֛צֶף מִלִּפְנֵ֥י יְהוָ֖ה הֵחֵ֥ל הַנָּֽגֶף׃

‎12 ‏וַיִּקַּ֨ח אַהֲרֹ֜ן כַּאֲשֶׁ֣ר׀ דִּבֶּ֣ר מֹשֶׁ֗ה וַיָּ֙רָץ֙ אֶל־תּ֣וֹך¹ הַקָּהָ֔ל וְהִנֵּ֛ה הֵחֵ֥ל הַנֶּ֖גֶף בָּעָ֑ם וַיִּתֵּן֙ אֶֽת־הַקְּטֹ֔רֶת וַיְכַפֵּ֖ר עַל־הָעָֽם׃

‎13 ‏וַיַּעֲמֹ֥ד בֵּֽין־הַמֵּתִ֖ים וּבֵ֣ין הַֽחַיִּ֑ים וַתֵּעָצַ֖ר הַמַּגֵּפָֽה׃

‎14 ‏וַיִּהְי֗וּ הַמֵּתִים֙ בַּמַּגֵּפָ֔ה אַרְבָּעָ֥ה עָשָׂ֛ר אֶ֖לֶף וּשְׁבַ֣ע מֵא֑וֹת מִלְּבַ֥ד הַמֵּתִ֖ים עַל־דְּבַר־קֹֽרַח׃

‎15 ‏וַיָּ֤שָׁב אַהֲרֹן֙ אֶל־מֹשֶׁ֔ה אֶל־פֶּ֖תַח אֹ֣הֶל מוֹעֵ֑ד וְהַמַּגֵּפָ֖ה נֶעֱצָֽרָה׃ פ

‎16 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎17 ‏דַּבֵּ֣ר׀ אֶל־בְּנֵ֣י יִשְׂרָאֵ֗ל וְקַ֣ח מֵֽאִתָּ֡ם מַטֶּ֣ה מַטֶּה֩ לְבֵ֨ית אָ֜ב מֵאֵ֤ת כָּל־נְשִֽׂיאֵהֶם֙ לְבֵ֣ית אֲבֹתָ֔ם שְׁנֵ֥ים עָשָׂ֖ר מַטּ֑וֹת אִ֣ישׁ אֶת־שְׁמ֔וֹ תִּכְתֹּ֖ב עַל־מַטֵּֽהוּ׃

‎18 ‏וְאֵת֙ שֵׁ֣ם אַהֲרֹ֔ן תִּכְתֹּ֖ב עַל־מַטֵּ֣ה לֵוִ֑י כִּ֚י מַטֶּ֣ה אֶחָ֔ד לְרֹ֖אשׁ בֵּ֥ית אֲבוֹתָֽם׃

‎19 ‏וְהִנַּחְתָּ֖ם בְּאֹ֣הֶל מוֹעֵ֑ד לִפְנֵי֙ הָֽעֵד֔וּת אֲשֶׁ֛ר אִוָּעֵ֥ד לָכֶ֖ם שָֽׁמָּה׃

‎20 ‏וְהָיָ֗ה הָאִ֛ישׁ אֲשֶׁ֥ר אֶבְחַר־בּ֖וֹ מַטֵּ֣הוּ יִפְרָ֑ח וַהֲשִׁכֹּתִ֣י מֵֽעָלַ֗י אֶת־תְּלֻנּוֹת֙ בְּנֵ֣י יִשְׂרָאֵ֔ל אֲשֶׁ֛ר הֵ֥ם מַלִּינִ֖ם עֲלֵיכֶֽם׃

‎21 ‏וַיְדַבֵּ֨ר מֹשֶׁ֜ה אֶל־בְּנֵ֣י יִשְׂרָאֵ֗ל וַיִּתְּנ֣וּ אֵלָ֣יו׀ כָּֽל־נְשִֽׂיאֵיהֶ֡ם מַטֶּה֩ לְנָשִׂ֨יא אֶחָ֜ד מַטֶּ֨ה לְנָשִׂ֤יא אֶחָד֙ לְבֵ֣ית אֲבֹתָ֔ם שְׁנֵ֥ים עָשָׂ֖ר מַטּ֑וֹת וּמַטֵּ֥ה אַהֲרֹ֖ן בְּת֥וֹךְ מַטּוֹתָֽם׃

‎22 ‏וַיַּנַּ֥ח מֹשֶׁ֛ה אֶת־הַמַּטֹּ֖ת לִפְנֵ֣י יְהוָ֑ה בְּאֹ֖הֶל הָעֵדֻֽת׃

‎23 ‏וַיְהִ֣י מִֽמָּחֳרָ֗ת וַיָּבֹ֤א מֹשֶׁה֙ אֶל־אֹ֣הֶל הָעֵד֔וּת וְהִנֵּ֛ה פָּרַ֥ח מַטֵּֽה־אַהֲרֹ֖ן לְבֵ֣ית לֵוִ֑י וַיֹּ֤צֵֽא³ פֶ֙רַח֙ וַיָּ֣צֵֽץ³ צִ֔יץ וַיִּגְמֹ֖ל שְׁקֵדִֽים׃

‎24 ‏וַיֹּצֵ֨א מֹשֶׁ֤ה אֶת־כָּל־הַמַּטֹּת֙ מִלִּפְנֵ֣י יְהוָ֔ה אֶֽל־כָּל־בְּנֵ֖י יִשְׂרָאֵ֑ל וַיִּרְא֥וּ וַיִּקְח֖וּ אִ֥ישׁ מַטֵּֽהוּ׃ ס

‎25 ‏וַיֹּ֨אמֶר יְהוָ֜ה אֶל־מֹשֶׁ֗ה הָשֵׁ֞ב אֶת־מַטֵּ֤ה אַהֲרֹן֙ לִפְנֵ֣י הָעֵד֔וּת לְמִשְׁמֶ֥רֶת לְא֖וֹת לִבְנֵי־מֶ֑רִי וּתְכַ֧ל תְּלוּנֹּתָ֛ם מֵעָלַ֖י³ וְלֹ֥א יָמֻֽתוּ׃

‎26 ‏וַיַּ֖עַשׂ מֹשֶׁ֑ה כַּאֲשֶׁ֨ר צִוָּ֧ה יְהוָ֛ה אֹת֖וֹ כֵּ֥ן עָשָֽׂה׃ ס

‎27 ‏וַיֹּֽאמְרוּ֙ בְּנֵ֣י יִשְׂרָאֵ֔ל אֶל־מֹשֶׁ֖ה לֵאמֹ֑ר הֵ֥ן גָּוַ֛עְנוּ אָבַ֖דְנוּ כֻּלָּ֥נוּ אָבָֽדְנוּ׃

‎28 ‏כֹּ֣ל הַקָּרֵ֧ב׀ הַקָּרֵ֛ב אֶל־מִשְׁכַּ֥ן יְהוָ֖ה יָמ֑וּת הַאִ֥ם תַּ֖מְנוּ לִגְוֹֽעַ׃ ס

1 wayəḏabēr yəhwâ ’el-mōšeh llē’mōr:

2 ’ĕmōr ’el-’elə‘āzār ben-’ahărōn hakōhēn wəyārēm ’eṯ-hamm^aḥətōṯ mibên haśśərēfâ wə’eṯ-hā’ēš zərēh-hālə’â kî qāḏēšû:

3 ’ēṯ m^aḥətwōṯ h^aḥaṭṭā’îm hā’ēlleh bənafəšōṯām wə‘āśû ’ōṯām riqqu‘ê f^aḥîm ṣipûy lammizəbēḥa kî-hiqərîḇum lifənê-yəhwâ wayyiqədāšû wəyihəyû lə’wōṯ liḇənê yiśərā’ēl:

4 wayyiqq^aḥ ’elə‘āzār hakōhēn ’ēṯ m^aḥətwōṯ hannəḥōšeṯ ’ăšer hiqərîḇû haśśərufîm wayəraqqə‘ûm ṣipûy lammizəbēḥa:

5 zikārwōn liḇənê yiśərā’ēl ləm^a‘an ’ăšer lō’-yiqəraḇ ’îš zār ’ăšer lō’ mizzer^a‘ ’ahărōn hû’ ləhaqəṭîr qəṭōreṯ lifənê yəhwâ wəlō’-yihəyeh ḵəqōr^aḥ wəḵ^a‘ăḏāṯwō ka’ăšer diber yəhwâ bəyaḏ-mōšeh lwō:

6 wayyillōnû kāl-‘ăḏaṯ bənê-yiśərā’ēl mimmāḥŏrāṯ ‘al-mōšeh wə‘al-’ahărōn lē’mōr ’atem hămitem ’eṯ-‘am yəhwâ:

7 wayəhî bəhiqqâēl hā‘ēḏâ ‘al-mōšeh wə‘al-’ahărōn wayyifənû ’el-’ōhel mwō‘ēḏ wəhinnēh ḵissâû he‘ānān wayyērā’ kəḇwōḏ yəhwâ:

8 wayyāḇō’ mōšeh wə’ahărōn ’el-pənê ’ōhel mwō‘ēḏ: f

9 wayəḏabēr yəhwâ ’el-mōšeh llē’mōr:

10 hērōmmû mitwōḵə hā‘ēḏâ hazzō’ṯ wa’ăḵalleh ’ōṯām kərāḡ^a‘ wayyipəlû ‘al-pənêhem:

11 wayyō’mer mōšeh ’el-’ahărōn q^aḥ ’eṯ-hamm^aḥətâ wəṯen-‘āleyhā ’ēš mē‘al hammizəbēḥa wəśîm qəṭōreṯ wəhwōlēḵə məhērâ ’el-hā‘ēḏâ wəḵapēr ‘ălêhem kî-yāṣā’ haqqeṣef millifənê yəhwâ hēḥēl hannāḡef:

12 wayyiqq^aḥ ’ahărōn ka’ăšer| diber mōšeh wayyārāṣ ’el-twōḵ¹ haqqâāl wəhinnēh hēḥēl hanneḡef bā‘ām wayyitēn ’eṯ-haqqəṭōreṯ wayəḵapēr ‘al-hā‘ām:

13 wayy^a‘ămōḏ bên-hammēṯîm ûḇên h^aḥayyîm watē‘āṣar hammagēfâ:

14 wayyihəyû hammēṯîm bammagēfâ ’arəbā‘â ‘āśār ’elef ûšəḇ^a‘ mē’wōṯ milləḇaḏ hammēṯîm ‘al-dəḇar-qōr^aḥ:

15 wayyāšāḇ ’ahărōn ’el-mōšeh ’el-peṯ^aḥ ’ōhel mwō‘ēḏ wəhammagēfâ ne‘ĕṣārâ: f

16 wayəḏabēr yəhwâ ’el-mōšeh llē’mōr:

17 dabēr| ’el-bənê yiśərā’ēl wəq^aḥ mē’itām maṭṭeh maṭṭeh ləḇêṯ ’āḇ mē’ēṯ kāl-nəśî’ēhem ləḇêṯ ’ăḇōṯām šənêm ‘āśār maṭṭwōṯ ’îš ’eṯ-šəmwō tiḵətōḇ ‘al-maṭṭēhû:

18 wə’ēṯ šēm ’ahărōn tiḵətōḇ ‘al-maṭṭēh lēwî kî maṭṭeh ’eḥāḏ lərō’š bêṯ ’ăḇwōṯām:

19 wəhinn^aḥətām bə’ōhel mwō‘ēḏ lifənê hā‘ēḏûṯ ’ăšer ’iûā‘ēḏ lāḵem šāmmâ:

20 wəhāyâ hā’îš ’ăšer ’eḇəḥar-bwō maṭṭēhû yifərāḥ wahăšikōṯî mē‘ālay ’eṯ-təlunnwōṯ bənê yiśərā’ēl ’ăšer hēm mallînim ‘ălêḵem:

21 wayəḏabēr mōšeh ’el-bənê yiśərā’ēl wayyitənû ’ēlāyw| kāl-nəśî’êhem maṭṭeh lənāśî’ ’eḥāḏ maṭṭeh lənāśî’ ’eḥāḏ ləḇêṯ ’ăḇōṯām šənêm ‘āśār maṭṭwōṯ ûmaṭṭēh ’ahărōn bəṯwōḵə maṭṭwōṯām:

22 wayyann^aḥ mōšeh ’eṯ-hammaṭṭōṯ lifənê yəhwâ bə’ōhel hā‘ēḏuṯ:

23 wayəhî mimmāḥŏrāṯ wayyāḇō’ mōšeh ’el-’ōhel hā‘ēḏûṯ wəhinnēh pār^aḥ maṭṭēh-’ahărōn ləḇêṯ lēwî wayyōṣē’³ fer^aḥ wayyāṣēṣ³ ṣîṣ wayyiḡəmōl šəqēḏîm:

24 wayyōṣē’ mōšeh ’eṯ-kāl-hammaṭṭōṯ millifənê yəhwâ ’el-kāl-bənê yiśərā’ēl wayyirə’û wayyiqəḥû ’îš maṭṭēhû: s

25 wayyō’mer yəhwâ ’el-mōšeh hāšēḇ ’eṯ-maṭṭēh ’ahărōn lifənê hā‘ēḏûṯ ləmišəmereṯ lə’wōṯ liḇənê-merî ûṯəḵal təlûnnōṯām mē‘ālay³ wəlō’ yāmuṯû:

26 wayy^a‘aś mōšeh ka’ăšer ṣiûâ yəhwâ ’ōṯwō kēn ‘āśâ: s

27 wayyō’mərû bənê yiśərā’ēl ’el-mōšeh lē’mōr hēn gāw^a‘ənû ’āḇaḏənû kullānû ’āḇāḏənû:

28 kōl haqqārēḇ| haqqārēḇ ’el-mišəkan yəhwâ yāmûṯ ha’im tamənû liḡəwō‘a: s

‎1 ‏וַיֹּ֤אמֶר יְהוָה֙ אֶֽל־אַהֲרֹ֔ן אַתָּ֗ה וּבָנֶ֤יךָ וּבֵית־אָבִ֙יךָ֙ אִתָּ֔ךְ תִּשְׂא֖וּ אֶת־עֲוֹ֣ן הַמִּקְדָּ֑שׁ וְאַתָּה֙ וּבָנֶ֣יךָ אִתָּ֔ךְ תִּשְׂא֖וּ אֶת־עֲוֹ֥ן כְּהֻנַּתְכֶֽם׃

‎2 ‏וְגַ֣ם אֶת־אַחֶיךָ֩ מַטֵּ֨ה לֵוִ֜י שֵׁ֤בֶט אָבִ֙יךָ֙ הַקְרֵ֣ב אִתָּ֔ךְ וְיִלָּו֥וּ עָלֶ֖יךָ וִֽישָׁרְת֑וּךָ וְאַתָּה֙ וּבָנֶ֣יךָ אִתָּ֔ךְ לִפְנֵ֖י אֹ֥הֶל הָעֵדֻֽת׃

‎3 ‏וְשָֽׁמְרוּ֙ מִֽשְׁמַרְתְּךָ֔ וּמִשְׁמֶ֖רֶת כָּל־הָאֹ֑הֶל אַךְ֩ אֶל־כְּלֵ֨י הַקֹּ֤דֶשׁ וְאֶל־הַמִּזְבֵּ֙חַ֙ לֹ֣א יִקְרָ֔בוּ וְלֹֽא־יָמֻ֥תוּ גַם־הֵ֖ם גַּם־אַתֶּֽם׃

‎4 ‏וְנִלְו֣וּ עָלֶ֔יךָ וְשָֽׁמְר֗וּ אֶת־מִשְׁמֶ֙רֶת֙ אֹ֣הֶל מוֹעֵ֔ד לְכֹ֖ל עֲבֹדַ֣ת הָאֹ֑הֶל וְזָ֖ר לֹא־יִקְרַ֥ב אֲלֵיכֶֽם׃

‎5 ‏וּשְׁמַרְתֶּ֗ם אֵ֚ת מִשְׁמֶ֣רֶת הַקֹּ֔דֶשׁ וְאֵ֖ת מִשְׁמֶ֣רֶת הַמִּזְבֵּ֑חַ וְלֹֽא־יִהְיֶ֥ה ע֛וֹד קֶ֖צֶף עַל־בְּנֵ֥י יִשְׂרָאֵֽל׃

‎6 ‏וַאֲנִ֗י הִנֵּ֤ה לָקַ֙חְתִּי֙ אֶת־אֲחֵיכֶ֣ם הַלְוִיִּ֔ם מִתּ֖וֹךְ בְּנֵ֣י יִשְׂרָאֵ֑ל לָכֶ֞ם מַתָּנָ֤ה נְתֻנִים֙ לַֽיהוָ֔ה לַעֲבֹ֕ד אֶת־עֲבֹדַ֖ת אֹ֥הֶל מוֹעֵֽד׃

‎7 ‏וְאַתָּ֣ה וּבָנֶ֣יךָ אִ֠תְּךָ תִּשְׁמְר֨וּ אֶת־כְּהֻנַּתְכֶ֜ם לְכָל־דְּבַ֧ר הַמִּזְבֵּ֛חַ וּלְמִבֵּ֥ית לַפָּרֹ֖כֶת וַעֲבַדְתֶּ֑ם עֲבֹדַ֣ת מַתָּנָ֗ה אֶתֵּן֙ אֶת־כְּהֻנַּתְכֶ֔ם וְהַזָּ֥ר הַקָּרֵ֖ב יוּמָֽת׃ ס

‎8 ‏וַיְדַבֵּ֣ר יְהוָה֮ אֶֽל־אַהֲרֹן֒ וַאֲנִי֙ הִנֵּ֣ה נָתַ֣תִּֽי לְךָ֔ אֶת־מִשְׁמֶ֖רֶת תְּרוּמֹתָ֑י לְכָל־קָדְשֵׁ֣י בְנֵֽי־יִ֠שְׂרָאֵל לְךָ֙ נְתַתִּ֧ים לְמָשְׁחָ֛ה וּלְבָנֶ֖יךָ לְחָק־עוֹלָֽם׃

‎9 ‏זֶֽה־יִהְיֶ֥ה לְךָ֛ מִקֹּ֥דֶשׁ הַקֳּדָשִׁ֖ים מִן־הָאֵ֑שׁ כָּל־קָ֠רְבָּנָם לְֽכָל־מִנְחָתָ֞ם וּלְכָל־חַטָּאתָ֗ם וּלְכָל־אֲשָׁמָם֙ אֲשֶׁ֣ר יָשִׁ֣יבוּ לִ֔י קֹ֣דֶשׁ קָֽדָשִׁ֥ים לְךָ֛ ה֖וּא וּלְבָנֶֽיךָ׃

‎10 ‏בְּקֹ֥דֶשׁ הַקֳּדָשִׁ֖ים תֹּאכֲלֶ֑נּוּ כָּל־זָכָר֙ יֹאכַ֣ל אֹת֔וֹ קֹ֖דֶשׁ יִֽהְיֶה־לָּֽךְ׃

‎11 ‏וְזֶה־לְּךָ֞ תְּרוּמַ֣ת מַתָּנָ֗ם לְכָל־תְּנוּפֹת֮ בְּנֵ֣י יִשְׂרָאֵל֒ לְךָ֣ נְתַתִּ֗ים וּלְבָנֶ֧יךָ וְלִבְנֹתֶ֛יךָ אִתְּךָ֖ לְחָק־עוֹלָ֑ם כָּל־טָה֥וֹר בְּבֵיתְךָ֖ יֹאכַ֥ל אֹתֽוֹ׃

‎12 ‏כֹּ֚ל חֵ֣לֶב יִצְהָ֔ר וְכָל־חֵ֖לֶב תִּיר֣וֹשׁ וְדָגָ֑ן רֵאשִׁיתָ֛ם אֲשֶׁר־יִתְּנ֥וּ לַֽיהוָ֖ה לְךָ֥ נְתַתִּֽים׃

‎13 ‏בִּכּוּרֵ֞י כָּל־אֲשֶׁ֧ר בְּאַרְצָ֛ם אֲשֶׁר־יָבִ֥יאוּ לַיהוָ֖ה לְךָ֣ יִהְיֶ֑ה כָּל־טָה֥וֹר בְּבֵיתְךָ֖ יֹאכֲלֶֽנּוּ׃

‎14 ‏כָּל־חֵ֥רֶם בְּיִשְׂרָאֵ֖ל לְךָ֥ יִהְיֶֽה׃

‎15 ‏כָּל־פֶּ֣טֶר רֶ֠חֶם לְֽכָל־בָּשָׂ֞ר אֲשֶׁר־יַקְרִ֧יבוּ לַֽיהוָ֛ה בָּאָדָ֥ם וּבַבְּהֵמָ֖ה יִֽהְיֶה־לָּ֑ךְ אַ֣ךְ׀ פָּדֹ֣ה תִפְדֶּ֗ה אֵ֚ת בְּכ֣וֹר הָֽאָדָ֔ם וְאֵ֛ת בְּכֽוֹר־הַבְּהֵמָ֥ה הַטְּמֵאָ֖ה תִּפְדֶּֽה׃

‎16 ‏וּפְדוּיָו֙ מִבֶּן־חֹ֣דֶשׁ תִּפְדֶּ֔ה בְּעֶ֨רְכְּךָ֔ כֶּ֛סֶף חֲמֵ֥שֶׁת שְׁקָלִ֖ים בְּשֶׁ֣קֶל הַקֹּ֑דֶשׁ עֶשְׂרִ֥ים גֵּרָ֖ה הֽוּא׃

‎17 ‏אַ֣ךְ בְּֽכוֹר־שׁ֡וֹר אֽוֹ־בְכ֨וֹר כֶּ֜שֶׂב אֽוֹ־בְכ֥וֹר עֵ֛ז לֹ֥א תִפְדֶּ֖ה קֹ֣דֶשׁ הֵ֑ם אֶת־דָּמָ֞ם תִּזְרֹ֤ק עַל־הַמִּזְבֵּ֙חַ֙ וְאֶת־חֶלְבָּ֣ם תַּקְטִ֔יר אִשֶּׁ֛ה לְרֵ֥יחַ נִיחֹ֖חַ לַֽיהוָֽה׃

‎18 ‏וּבְשָׂרָ֖ם יִהְיֶה־לָּ֑ךְ כַּחֲזֵ֧ה הַתְּנוּפָ֛ה וּכְשׁ֥וֹק הַיָּמִ֖ין לְךָ֥ יִהְיֶֽה׃

‎19 ‏כֹּ֣ל׀ תְּרוּמֹ֣ת הַקֳּדָשִׁ֗ים אֲשֶׁ֨ר יָרִ֥ימוּ בְנֵֽי־יִשְׂרָאֵל֮ לַֽיהוָה֒ נָתַ֣תִּֽי לְךָ֗ וּלְבָנֶ֧יךָ וְלִבְנֹתֶ֛יךָ אִתְּךָ֖ לְחָק־עוֹלָ֑ם בְּרִית֩ מֶ֨לַח עוֹלָ֥ם הִוא֙ לִפְנֵ֣י יְהוָ֔ה לְךָ֖ וּלְזַרְעֲךָ֥ אִתָּֽךְ׃

‎20 ‏וַיֹּ֨אמֶר יְהוָ֜ה אֶֽל־אַהֲרֹ֗ן בְּאַרְצָם֙ לֹ֣א תִנְחָ֔ל וְחֵ֕לֶק לֹא־יִהְיֶ֥ה לְךָ֖ בְּתוֹכָ֑ם אֲנִ֤י חֶלְקְךָ֙ וְנַחֲלָ֣תְךָ֔ בְּת֖וֹךְ בְּנֵ֥י יִשְׂרָאֵֽל׃ ס

‎21 ‏וְלִבְנֵ֣י לֵוִ֔י הִנֵּ֥ה נָתַ֛תִּי כָּל־מַֽעֲשֵׂ֥ר בְּיִשְׂרָאֵ֖ל לְנַחֲלָ֑ה חֵ֤לֶף עֲבֹֽדָתָם֙ אֲשֶׁר־הֵ֣ם עֹֽבְדִ֔ים אֶת־עֲבֹדַ֖ת אֹ֥הֶל מוֹעֵֽד׃

‎22 ‏וְלֹא־יִקְרְב֥וּ ע֛וֹד בְּנֵ֥י יִשְׂרָאֵ֖ל אֶל־אֹ֣הֶל מוֹעֵ֑ד לָשֵׂ֥את חֵ֖טְא לָמֽוּת׃

‎23 ‏וְעָבַ֨ד הַלֵּוִ֜י ה֗וּא אֶת־עֲבֹדַת֙ אֹ֣הֶל מוֹעֵ֔ד וְהֵ֖ם יִשְׂא֣וּ עֲוֹנָ֑ם חֻקַּ֤ת עוֹלָם֙ לְדֹרֹ֣תֵיכֶ֔ם וּבְתוֹךְ֙ בְּנֵ֣י יִשְׂרָאֵ֔ל לֹ֥א יִנְחֲל֖וּ נַחֲלָֽה׃

‎24 ‏כִּ֞י אֶת־מַעְשַׂ֣ר בְּנֵֽי־יִשְׂרָאֵ֗ל אֲשֶׁ֨ר יָרִ֤ימוּ לַֽיהוָה֙ תְּרוּמָ֔ה נָתַ֥תִּי לַלְוִיִּ֖ם לְנַחֲלָ֑ה עַל־כֵּן֙ אָמַ֣רְתִּי לָהֶ֔ם בְּתוֹךְ֙ בְּנֵ֣י יִשְׂרָאֵ֔ל לֹ֥א יִנְחֲל֖וּ נַחֲלָֽה׃ פ

‎25 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎26 ‏וְאֶל־הַלְוִיִּ֣ם תְּדַבֵּר֮ וְאָמַרְתָּ֣ אֲלֵהֶם֒ כִּֽי־תִ֠קְחוּ מֵאֵ֨ת בְּנֵֽי־יִשְׂרָאֵ֜ל אֶת־הַֽמַּעֲשֵׂ֗ר אֲשֶׁ֨ר נָתַ֧תִּי לָכֶ֛ם מֵאִתָּ֖ם בְּנַחֲלַתְכֶ֑ם וַהֲרֵמֹתֶ֤ם מִמֶּ֙נּוּ֙ תְּרוּמַ֣ת יְהוָ֔ה מַעֲשֵׂ֖ר מִן־הַֽמַּעֲשֵֽׂר׃

‎27 ‏וְנֶחְשַׁ֥ב לָכֶ֖ם תְּרוּמַתְכֶ֑ם כַּדָּגָן֙ מִן־הַגֹּ֔רֶן וְכַֽמְלֵאָ֖ה מִן־הַיָּֽקֶב׃

‎28 ‏כֵּ֣ן תָּרִ֤ימוּ גַם־אַתֶּם֙ תְּרוּמַ֣ת יְהוָ֔ה מִכֹּל֙ מַעְשְׂרֹ֣תֵיכֶ֔ם אֲשֶׁ֣ר תִּקְח֔וּ מֵאֵ֖ת בְּנֵ֣י יִשְׂרָאֵ֑ל וּנְתַתֶּ֤ם מִמֶּ֙נּוּ֙ אֶת־תְּרוּמַ֣ת יְהוָ֔ה לְאַהֲרֹ֖ן הַכֹּהֵֽן׃

‎29 ‏מִכֹּל֙ מַתְּנֹ֣תֵיכֶ֔ם תָּרִ֕ימוּ אֵ֖ת כָּל־תְּרוּמַ֣ת יְהוָ֑ה מִכָּל־חֶלְבּ֔וֹ אֶֽת־מִקְדְּשׁ֖וֹ מִמֶּֽנּוּ׃

‎30 ‏וְאָמַרְתָּ֖ אֲלֵהֶ֑ם בַּהֲרִֽימְכֶ֤ם אֶת־חֶלְבּוֹ֙ מִמֶּ֔נּוּ וְנֶחְשַׁב֙ לַלְוִיִּ֔ם כִּתְבוּאַ֥ת גֹּ֖רֶן וְכִתְבוּאַ֥ת יָֽקֶב׃

‎31 ‏וַאֲכַלְתֶּ֤ם אֹתוֹ֙ בְּכָל־מָק֔וֹם אַתֶּ֖ם וּבֵֽיתְכֶ֑ם כִּֽי־שָׂכָ֥ר הוּא֙ לָכֶ֔ם חֵ֥לֶף עֲבֹֽדַתְכֶ֖ם בְּאֹ֥הֶל מוֹעֵֽד׃

‎32 ‏וְלֹֽא־תִשְׂא֤וּ עָלָיו֙ חֵ֔טְא בַּהֲרִֽימְכֶ֥ם אֶת־חֶלְבּ֖וֹ מִמֶּ֑נּוּ וְאֶת־קָדְשֵׁ֧י בְנֵי־יִשְׂרָאֵ֛ל לֹ֥א תְחַלְּל֖וּ וְלֹ֥א תָמֽוּתוּ׃ פ

1 wayyō’mer yəhwâ ’el-’ahărōn ’atâ ûḇāneyḵā ûḇêṯ-’āḇîḵā ’itāḵə tiśə’û ’eṯ-‘ăwōn hammiqədāš wə’atâ ûḇāneyḵā ’itāḵə tiśə’û ’eṯ-‘ăwōn kəhunnaṯəḵem:

2 wəḡam ’eṯ-’^aḥeyḵā maṭṭēh lēwî šēḇeṭ ’āḇîḵā haqərēḇ ’itāḵə wəyillāwû ‘āleyḵā wîšārəṯûḵā wə’atâ ûḇāneyḵā ’itāḵə lifənê ’ōhel hā‘ēḏuṯ:

3 wəšāmərû mišəmarətəḵā ûmišəmereṯ kāl-hā’ōhel ’aḵə ’el-kəlê haqqōḏeš wə’el-hammizəbēḥa lō’ yiqərāḇû wəlō’-yāmuṯû ḡam-hēm gam-’atem:

4 wəniləwû ‘āleyḵā wəšāmərû ’eṯ-mišəmereṯ ’ōhel mwō‘ēḏ ləḵōl ‘ăḇōḏaṯ hā’ōhel wəzār lō’-yiqəraḇ ’ălêḵem:

5 ûšəmarətem ’ēṯ mišəmereṯ haqqōḏeš wə’ēṯ mišəmereṯ hammizəbēḥa wəlō’-yihəyeh ‘wōḏ qeṣef ‘al-bənê yiśərā’ēl:

6 wa’ănî hinnēh lāq^aḥətî ’eṯ-’ăḥêḵem haləwîyim mitwōḵə bənê yiśərā’ēl lāḵem matānâ nəṯunîm layhwâ l^a‘ăḇōḏ ’eṯ-‘ăḇōḏaṯ ’ōhel mwō‘ēḏ:

7 wə’atâ ûḇāneyḵā ’itəḵā tišəmərû ’eṯ-kəhunnaṯəḵem ləḵāl-dəḇar hammizəbēḥa ûləmibêṯ lapārōḵeṯ w^a‘ăḇaḏətem ‘ăḇōḏaṯ matānâ ’etēn ’eṯ-kəhunnaṯəḵem wəhazzār haqqārēḇ yûmāṯ: s

8 wayəḏabēr yəhwâ ’el-’ahărōn wa’ănî hinnēh nāṯatî ləḵā ’eṯ-mišəmereṯ tərûmōṯāy ləḵāl-qāḏəšê ḇənê-yiśərā’ēl ləḵā nəṯatîm ləmāšəḥâ ûləḇāneyḵā ləḥāq-‘wōlām:

9 zeh-yihəyeh ləḵā miqqōḏeš haqqŏḏāšîm min-hā’ēš kāl-qārəbānām ləḵāl-minəḥāṯām ûləḵāl-ḥaṭṭā’ṯām ûləḵāl-’ăšāmām ’ăšer yāšîḇû lî qōḏeš qāḏāšîm ləḵā hû’ ûləḇāneyḵā:

10 bəqōḏeš haqqŏḏāšîm tō’ḵălennû kāl-zāḵār yō’ḵal ’ōṯwō qōḏeš yihəyeh-llāḵə:

11 wəzeh-lləḵā tərûmaṯ matānām ləḵāl-tənûfōṯ bənê yiśərā’ēl ləḵā nəṯatîm ûləḇāneyḵā wəliḇənōṯeyḵā ’itəḵā ləḥāq-‘wōlām kāl-ṭâwōr bəḇêṯəḵā yō’ḵal ’ōṯwō:

12 kōl ḥēleḇ yiṣəhār wəḵāl-ḥēleḇ tîrwōš wəḏāḡān rē’šîṯām ’ăšer-yitənû layhwâ ləḵā nəṯatîm:

13 bikûrê kāl-’ăšer bə’arəṣām ’ăšer-yāḇî’û layhwâ ləḵā yihəyeh kāl-ṭâwōr bəḇêṯəḵā yō’ḵălennû:

14 kāl-ḥērem bəyiśərā’ēl ləḵā yihəyeh:

15 kāl-peṭer reḥem ləḵāl-bāśār ’ăšer-yaqərîḇû layhwâ bā’āḏām ûḇabəhēmâ yihəyeh-llāḵə ’aḵə| pāḏōh ṯifədeh ’ēṯ bəḵwōr hā’āḏām wə’ēṯ bəḵwōr-habəhēmâ haṭṭəmē’â tifədeh:

16 ûfəḏûyāw miben-ḥōḏeš tifədeh bə‘erəkəḵā kesef ḥămēšeṯ šəqālîm bəšeqel haqqōḏeš ‘eśərîm gērâ hû’:

17 ’aḵə bəḵwōr-šwōr ’wō-ḇəḵwōr keśeḇ ’wō-ḇəḵwōr ‘ēz lō’ ṯifədeh qōḏeš hēm ’eṯ-dāmām tizərōq ‘al-hammizəbēḥa wə’eṯ-ḥeləbām taqəṭîr ’iššeh lərêḥa nîḥōḥa layhwâ:

18 ûḇəśārām yihəyeh-llāḵə k^aḥăzēh hatənûfâ ûḵəšwōq hayyāmîn ləḵā yihəyeh:

19 kōl| tərûmōṯ haqqŏḏāšîm ’ăšer yārîmû ḇənê-yiśərā’ēl layhwâ nāṯatî ləḵā ûləḇāneyḵā wəliḇənōṯeyḵā ’itəḵā ləḥāq-‘wōlām bərîṯ mel^aḥ ‘wōlām hiw’ lifənê yəhwâ ləḵā ûləzarə‘ăḵā ’itāḵə:

20 wayyō’mer yəhwâ ’el-’ahărōn bə’arəṣām lō’ ṯinəḥāl wəḥēleq lō’-yihəyeh ləḵā bəṯwōḵām ’ănî ḥeləqəḵā wən^aḥălāṯəḵā bəṯwōḵə bənê yiśərā’ēl: s

21 wəliḇənê lēwî hinnēh nāṯatî kāl-m^a‘ăśēr bəyiśərā’ēl lən^aḥălâ ḥēlef ‘ăḇōḏāṯām ’ăšer-hēm ‘ōḇəḏîm ’eṯ-‘ăḇōḏaṯ ’ōhel mwō‘ēḏ:

22 wəlō’-yiqərəḇû ‘wōḏ bənê yiśərā’ēl ’el-’ōhel mwō‘ēḏ lāśē’ṯ ḥēṭə’ lāmûṯ:

23 wə‘āḇaḏ hallēwî hû’ ’eṯ-‘ăḇōḏaṯ ’ōhel mwō‘ēḏ wəhēm yiśə’û ‘ăwōnām ḥuqqaṯ ‘wōlām ləḏōrōṯêḵem ûḇəṯwōḵə bənê yiśərā’ēl lō’ yinəḥălû n^aḥălâ:

24 kî ’eṯ-m^a‘əśar bənê-yiśərā’ēl ’ăšer yārîmû layhwâ tərûmâ nāṯatî laləwîyim lən^aḥălâ ‘al-kēn ’āmarətî lâem bəṯwōḵə bənê yiśərā’ēl lō’ yinəḥălû n^aḥălâ: f

25 wayəḏabēr yəhwâ ’el-mōšeh llē’mōr:

26 wə’el-haləwîyim təḏabēr wə’āmarətā ’ălēhem kî-ṯiqəḥû mē’ēṯ bənê-yiśərā’ēl ’eṯ-hamm^a‘ăśēr ’ăšer nāṯatî lāḵem mē’itām bən^aḥălaṯəḵem wahărēmōṯem mimmennû tərûmaṯ yəhwâ m^a‘ăśēr min-hamm^a‘ăśēr:

27 wəneḥəšaḇ lāḵem tərûmaṯəḵem kadāḡān min-hagōren wəḵaməlē’â min-hayyāqeḇ:

28 kēn tārîmû ḡam-’atem tərûmaṯ yəhwâ mikōl m^a‘əśərōṯêḵem ’ăšer tiqəḥû mē’ēṯ bənê yiśərā’ēl ûnəṯatem mimmennû ’eṯ-tərûmaṯ yəhwâ lə’ahărōn hakōhēn:

29 mikōl matənōṯêḵem tārîmû ’ēṯ kāl-tərûmaṯ yəhwâ mikāl-ḥeləbwō ’eṯ-miqədəšwō mimmennû:

30 wə’āmarətā ’ălēhem bahărîməḵem ’eṯ-ḥeləbwō mimmennû wəneḥəšaḇ laləwîyim kiṯəḇû’aṯ gōren wəḵiṯəḇû’aṯ yāqeḇ:

31 wa’ăḵalətem ’ōṯwō bəḵāl-māqwōm ’atem ûḇêṯəḵem kî-śāḵār hû’ lāḵem ḥēlef ‘ăḇōḏaṯəḵem bə’ōhel mwō‘ēḏ:

32 wəlō’-ṯiśə’û ‘ālāyw ḥēṭə’ bahărîməḵem ’eṯ-ḥeləbwō mimmennû wə’eṯ-qāḏəšê ḇənê-yiśərā’ēl lō’ ṯəḥalləlû wəlō’ ṯāmûṯû: f

‎1 ‏וַיְדַבֵּ֣ר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃

‎2 ‏זֹ֚את חֻקַּ֣ת הַתּוֹרָ֔ה אֲשֶׁר־צִוָּ֥ה יְהוָ֖ה לֵאמֹ֑ר דַּבֵּ֣ר׀ אֶל־בְּנֵ֣י יִשְׂרָאֵ֗ל וְיִקְח֣וּ אֵלֶיךָ֩ פָרָ֨ה אֲדֻמָּ֜ה תְּמִימָ֗ה אֲשֶׁ֤ר אֵֽין־בָּהּ֙ מ֔וּם אֲשֶׁ֛ר לֹא־עָלָ֥ה עָלֶ֖יהָ עֹֽל׃

‎3 ‏וּנְתַתֶּ֣ם אֹתָ֔הּ אֶל־אֶלְעָזָ֖ר הַכֹּהֵ֑ן וְהוֹצִ֤יא אֹתָהּ֙ אֶל־מִח֣וּץ לַֽמַּחֲנֶ֔ה וְשָׁחַ֥ט אֹתָ֖הּ לְפָנָֽיו׃

‎4 ‏וְלָקַ֞ח אֶלְעָזָ֧ר הַכֹּהֵ֛ן מִדָּמָ֖הּ בְּאֶצְבָּע֑וֹ וְהִזָּ֞ה אֶל־נֹ֨כַח פְּנֵ֧י אֹֽהֶל־מוֹעֵ֛ד מִדָּמָ֖הּ שֶׁ֥בַע פְּעָמִֽים׃

‎5 ‏וְשָׂרַ֥ף אֶת־הַפָּרָ֖ה לְעֵינָ֑יו אֶת־עֹרָ֤הּ וְאֶת־בְּשָׂרָהּ֙ וְאֶת־דָּמָ֔הּ עַל־פִּרְשָׁ֖הּ יִשְׂרֹֽף׃

‎6 ‏וְלָקַ֣ח הַכֹּהֵ֗ן עֵ֥ץ אֶ֛רֶז וְאֵז֖וֹב וּשְׁנִ֣י תוֹלָ֑עַת וְהִשְׁלִ֕יךְ אֶל־תּ֖וֹךְ שְׂרֵפַ֥ת הַפָּרָֽה׃

‎7 ‏וְכִבֶּ֨ס בְּגָדָ֜יו הַכֹּהֵ֗ן וְרָחַ֤ץ בְּשָׂרוֹ֙ בַּמַּ֔יִם וְאַחַ֖ר יָב֣וֹא אֶל־הַֽמַּחֲנֶ֑ה וְטָמֵ֥א הַכֹּהֵ֖ן עַד־הָעָֽרֶב׃

‎8 ‏וְהַשֹּׂרֵ֣ף אֹתָ֔הּ יְכַבֵּ֤ס בְּגָדָיו֙ בַּמַּ֔יִם וְרָחַ֥ץ בְּשָׂר֖וֹ בַּמָּ֑יִם וְטָמֵ֖א עַד־הָעָֽרֶב׃

‎9 ‏וְאָסַ֣ף׀ אִ֣ישׁ טָה֗וֹר אֵ֚ת אֵ֣פֶר הַפָּרָ֔ה וְהִנִּ֛יחַ מִח֥וּץ לַֽמַּחֲנֶ֖ה בְּמָק֣וֹם טָה֑וֹר וְ֠הָיְתָה לַעֲדַ֨ת בְּנֵֽי־יִשְׂרָאֵ֧ל לְמִשְׁמֶ֛רֶת לְמֵ֥י נִדָּ֖ה חַטָּ֥את הִֽוא׃

‎10 ‏וְ֠כִבֶּס הָאֹסֵ֨ף אֶת־אֵ֤פֶר הַפָּרָה֙ אֶת־בְּגָדָ֔יו וְטָמֵ֖א עַד־הָעָ֑רֶב וְֽהָיְתָ֞ה לִבְנֵ֣י יִשְׂרָאֵ֗ל וְלַגֵּ֛ר הַגָּ֥ר בְּתוֹכָ֖ם לְחֻקַּ֥ת עוֹלָֽם׃

‎11 ‏הַנֹּגֵ֥עַ בְּמֵ֖ת לְכָל־נֶ֣פֶשׁ אָדָ֑ם וְטָמֵ֖א שִׁבְעַ֥ת יָמִֽים׃

‎12 ‏ה֣וּא יִתְחַטָּא־ב֞וֹ בַּיּ֧וֹם הַשְּׁלִישִׁ֛י וּבַיּ֥וֹם הַשְּׁבִיעִ֖י יִטְהָ֑ר וְאִם־לֹ֨א יִתְחַטָּ֜א בַּיּ֧וֹם הַשְּׁלִישִׁ֛י וּבַיּ֥וֹם הַשְּׁבִיעִ֖י לֹ֥א יִטְהָֽר׃

‎13 ‏כָּֽל־הַנֹּגֵ֡עַ בְּמֵ֣ת בְּנֶפֶשׁ֩ הָאָדָ֨ם אֲשֶׁר־יָמ֜וּת וְלֹ֣א יִתְחַטָּ֗א אֶת־מִשְׁכַּ֤ן יְהוָה֙ טִמֵּ֔א וְנִכְרְתָ֛ה הַנֶּ֥פֶשׁ הַהִ֖וא מִיִּשְׂרָאֵ֑ל כִּי֩ מֵ֨י נִדָּ֜ה לֹא־זֹרַ֤ק עָלָיו֙ טָמֵ֣א יִהְיֶ֔ה ע֖וֹד טֻמְאָת֥וֹ בֽוֹ׃

‎14 ‏זֹ֚את הַתּוֹרָ֔ה אָדָ֖ם כִּֽי־יָמ֣וּת בְּאֹ֑הֶל כָּל־הַבָּ֤א אֶל־הָאֹ֙הֶל֙ וְכָל־אֲשֶׁ֣ר בָּאֹ֔הֶל יִטְמָ֖א שִׁבְעַ֥ת יָמִֽים׃

‎15 ‏וְכֹל֙ כְּלִ֣י פָת֔וּחַ אֲשֶׁ֛ר אֵין־צָמִ֥יד פָּתִ֖יל עָלָ֑יו טָמֵ֖א הֽוּא׃

‎16 ‏וְכֹ֨ל אֲשֶׁר־יִגַּ֜ע עַל־פְּנֵ֣י הַשָּׂדֶ֗ה בַּֽחֲלַל־חֶ֙רֶב֙ א֣וֹ בְמֵ֔ת אֽוֹ־בְעֶ֥צֶם אָדָ֖ם א֣וֹ בְקָ֑בֶר יִטְמָ֖א שִׁבְעַ֥ת יָמִֽים׃

‎17 ‏וְלָֽקְחוּ֙ לַטָּמֵ֔א מֵעֲפַ֖ר שְׂרֵפַ֣ת הַֽחַטָּ֑את וְנָתַ֥ן עָלָ֛יו מַ֥יִם חַיִּ֖ים אֶל־כֶּֽלִי׃

‎18 ‏וְלָקַ֨ח אֵז֜וֹב וְטָבַ֣ל בַּמַּיִם֮ אִ֣ישׁ טָהוֹר֒ וְהִזָּ֤ה עַל־הָאֹ֙הֶל֙ וְעַל־כָּל־הַכֵּלִ֔ים וְעַל־הַנְּפָשׁ֖וֹת אֲשֶׁ֣ר הָֽיוּ־שָׁ֑ם וְעַל־הַנֹּגֵ֗עַ בַּעֶ֙צֶם֙³ א֣וֹ בֶֽחָלָ֔ל א֥וֹ בַמֵּ֖ת א֥וֹ בַקָּֽבֶר׃

‎19 ‏וְהִזָּ֤ה הַטָּהֹר֙ עַל־הַטָּמֵ֔א בַּיּ֥וֹם הַשְּׁלִישִׁ֖י וּבַיּ֣וֹם הַשְּׁבִיעִ֑י וְחִטְּאוֹ֙ בַּיּ֣וֹם הַשְּׁבִיעִ֔י וְכִבֶּ֧ס בְּגָדָ֛יו וְרָחַ֥ץ בַּמַּ֖יִם וְטָהֵ֥ר בָּעָֽרֶב׃

‎20 ‏וְאִ֤ישׁ אֲשֶׁר־יִטְמָא֙ וְלֹ֣א יִתְחַטָּ֔א וְנִכְרְתָ֛ה הַנֶּ֥פֶשׁ הַהִ֖וא מִתּ֣וֹךְ הַקָּהָ֑ל כִּי֩ אֶת־מִקְדַּ֨שׁ יְהוָ֜ה טִמֵּ֗א מֵ֥י נִדָּ֛ה לֹא־זֹרַ֥ק עָלָ֖יו טָמֵ֥א הֽוּא׃

‎21 ‏וְהָיְתָ֥ה לָּהֶ֖ם¹ לְחֻקַּ֣ת עוֹלָ֑ם וּמַזֵּ֤ה מֵֽי־הַנִּדָּה֙ יְכַבֵּ֣ס בְּגָדָ֔יו וְהַנֹּגֵ֙עַ֙ בְּמֵ֣י הַנִּדָּ֔ה יִטְמָ֖א עַד־הָעָֽרֶב׃

‎22 ‏וְכֹ֛ל אֲשֶׁר־יִגַּע־בּ֥וֹ הַטָּמֵ֖א יִטְמָ֑א וְהַנֶּ֥פֶשׁ הַנֹּגַ֖עַת תִּטְמָ֥א עַד־הָעָֽרֶב׃ פ

1 wayəḏabēr yəhwâ ’el-mōšeh wə’el-’ahărōn lē’mōr:

2 zō’ṯ ḥuqqaṯ hatwōrâ ’ăšer-ṣiûâ yəhwâ lē’mōr dabēr| ’el-bənê yiśərā’ēl wəyiqəḥû ’ēleyḵā fārâ ’ăḏummâ təmîmâ ’ăšer ’ên-bāh mûm ’ăšer lō’-‘ālâ ‘āleyhā ‘ōl:

3 ûnəṯatem ’ōṯāh ’el-’elə‘āzār hakōhēn wəhwōṣî’ ’ōṯāh ’el-miḥûṣ lamm^aḥăneh wəšāḥaṭ ’ōṯāh ləfānāyw:

4 wəlāq^aḥ ’elə‘āzār hakōhēn midāmāh bə’eṣəbā‘wō wəhizzâ ’el-nōḵ^aḥ pənê ’ōhel-mwō‘ēḏ midāmāh šeḇ^a‘ pə‘āmîm:

5 wəśāraf ’eṯ-hapārâ lə‘ênāyw ’eṯ-‘ōrāh wə’eṯ-bəśārāh wə’eṯ-dāmāh ‘al-pirəšāh yiśərōf:

6 wəlāq^aḥ hakōhēn ‘ēṣ ’erez wə’ēzwōḇ ûšənî ṯwōlā‘aṯ wəhišəlîḵə ’el-twōḵə śərēfaṯ hapārâ:

7 wəḵibes bəḡāḏāyw hakōhēn wərāḥaṣ bəśārwō bammayim wə’^aḥar yāḇwō’ ’el-hamm^aḥăneh wəṭāmē’ hakōhēn ‘aḏ-hā‘āreḇ:

8 wəhaśśōrēf ’ōṯāh yəḵabēs bəḡāḏāyw bammayim wərāḥaṣ bəśārwō bammāyim wəṭāmē’ ‘aḏ-hā‘āreḇ:

9 wə’āsaf| ’îš ṭâwōr ’ēṯ ’ēfer hapārâ wəhinnîḥa miḥûṣ lamm^aḥăneh bəmāqwōm ṭâwōr wəhāyəṯâ l^a‘ăḏaṯ bənê-yiśərā’ēl ləmišəmereṯ ləmê nidâ ḥaṭṭā’ṯ hiw’:

10 wəḵibes hā’ōsēf ’eṯ-’ēfer hapārâ ’eṯ-bəḡāḏāyw wəṭāmē’ ‘aḏ-hā‘āreḇ wəhāyəṯâ liḇənê yiśərā’ēl wəlagēr hagār bəṯwōḵām ləḥuqqaṯ ‘wōlām:

11 hannōḡē‘a bəmēṯ ləḵāl-nefeš ’āḏām wəṭāmē’ šiḇə‘aṯ yāmîm:

12 hû’ yiṯəḥaṭṭā’-ḇwō bayywōm haššəlîšî ûḇayywōm haššəḇî‘î yiṭəhār wə’im-lō’ yiṯəḥaṭṭā’ bayywōm haššəlîšî ûḇayywōm haššəḇî‘î lō’ yiṭəhār:

13 kāl-hannōḡē‘a bəmēṯ bənefeš hā’āḏām ’ăšer-yāmûṯ wəlō’ yiṯəḥaṭṭā’ ’eṯ-mišəkan yəhwâ ṭimmē’ wəniḵərəṯâ hannefeš hahiw’ mîyiśərā’ēl kî mê nidâ lō’-zōraq ‘ālāyw ṭāmē’ yihəyeh ‘wōḏ ṭumə’āṯwō ḇwō:

14 zō’ṯ hatwōrâ ’āḏām kî-yāmûṯ bə’ōhel kāl-habā’ ’el-hā’ōhel wəḵāl-’ăšer bā’ōhel yiṭəmā’ šiḇə‘aṯ yāmîm:

15 wəḵōl kəlî fāṯûḥa ’ăšer ’ên-ṣāmîḏ pāṯîl ‘ālāyw ṭāmē’ hû’:

16 wəḵōl ’ăšer-yig^a‘ ‘al-pənê haśśāḏeh b^aḥălal-ḥereḇ ’wō ḇəmēṯ ’wō-ḇə‘eṣem ’āḏām ’wō ḇəqāḇer yiṭəmā’ šiḇə‘aṯ yāmîm:

17 wəlāqəḥû laṭṭāmē’ mē‘ăfar śərēfaṯ h^aḥaṭṭā’ṯ wənāṯan ‘ālāyw mayim ḥayyîm ’el-kelî:

18 wəlāq^aḥ ’ēzwōḇ wəṭāḇal bammayim ’îš ṭâwōr wəhizzâ ‘al-hā’ōhel wə‘al-kāl-hakēlîm wə‘al-hannəfāšwōṯ ’ăšer hāyû-šām wə‘al-hannōḡē‘a b^a‘eṣem³ ’wō ḇeḥālāl ’wō ḇammēṯ ’wō ḇaqqāḇer:

19 wəhizzâ haṭṭâōr ‘al-haṭṭāmē’ bayywōm haššəlîšî ûḇayywōm haššəḇî‘î wəḥiṭṭə’wō bayywōm haššəḇî‘î wəḵibes bəḡāḏāyw wərāḥaṣ bammayim wəṭâēr bā‘āreḇ:

20 wə’îš ’ăšer-yiṭəmā’ wəlō’ yiṯəḥaṭṭā’ wəniḵərəṯâ hannefeš hahiw’ mitwōḵə haqqâāl kî ’eṯ-miqədaš yəhwâ ṭimmē’ mê nidâ lō’-zōraq ‘ālāyw ṭāmē’ hû’:

21 wəhāyəṯâ llâem¹ ləḥuqqaṯ ‘wōlām ûmazzēh mê-hannidâ yəḵabēs bəḡāḏāyw wəhannōḡē‘a bəmê hannidâ yiṭəmā’ ‘aḏ-hā‘āreḇ:

22 wəḵōl ’ăšer-yig^a‘-bwō haṭṭāmē’ yiṭəmā’ wəhannefeš hannōḡ^a‘aṯ tiṭəmā’ ‘aḏ-hā‘āreḇ: f

‎1 ‏וַיָּבֹ֣אוּ בְנֵֽי־יִ֠שְׂרָאֵל כָּל־הָ֨עֵדָ֤ה מִדְבַּר־צִן֙ בַּחֹ֣דֶשׁ הָֽרִאשׁ֔וֹן וַיֵּ֥שֶׁב הָעָ֖ם בְּקָדֵ֑שׁ וַתָּ֤מָת שָׁם֙ מִרְיָ֔ם וַתִּקָּבֵ֖ר שָֽׁם׃

‎2 ‏וְלֹא־הָ֥יָה מַ֖יִם לָעֵדָ֑ה וַיִּקָּ֣הֲל֔וּ עַל־מֹשֶׁ֖ה וְעַֽל־אַהֲרֹֽן׃

‎3 ‏וַיָּ֥רֶב הָעָ֖ם עִם־מֹשֶׁ֑ה וַיֹּאמְר֣וּ לֵאמֹ֔ר וְל֥וּ גָוַ֛עְנוּ בִּגְוַ֥ע אַחֵ֖ינוּ לִפְנֵ֥י יְהוָֽה׃

‎4 ‏וְלָמָ֤ה הֲבֵאתֶם֙ אֶת־קְהַ֣ל יְהוָ֔ה אֶל־הַמִּדְבָּ֖ר הַזֶּ֑ה לָמ֣וּת שָׁ֔ם אֲנַ֖חְנוּ וּבְעִירֵֽנוּ׃

‎5 ‏וְלָמָ֤ה הֶֽעֱלִיתֻ֙נוּ֙ מִמִּצְרַ֔יִם לְהָבִ֣יא אֹתָ֔נוּ אֶל־הַמָּק֥וֹם הָרָ֖ע הַזֶּ֑ה לֹ֣א׀ מְק֣וֹם זֶ֗רַע וּתְאֵנָ֤ה וְגֶ֙פֶן֙ וְרִמּ֔וֹן וּמַ֥יִם אַ֖יִן לִשְׁתּֽוֹת׃

‎6 ‏וַיָּבֹא֩ מֹשֶׁ֨ה וְאַהֲרֹ֜ן מִפְּנֵ֣י הַקָּהָ֗ל אֶל־פֶּ֙תַח֙ אֹ֣הֶל מוֹעֵ֔ד וַֽיִּפְּל֖וּ עַל־פְּנֵיהֶ֑ם וַיֵּרָ֥א כְבוֹד־יְהוָ֖ה אֲלֵיהֶֽם׃ פ

‎7 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎8 ‏קַ֣ח אֶת־הַמַּטֶּ֗ה וְהַקְהֵ֤ל אֶת־הָעֵדָה֙ אַתָּה֙ וְאַהֲרֹ֣ן אָחִ֔יךָ וְדִבַּרְתֶּ֧ם אֶל־הַסֶּ֛לַע לְעֵינֵיהֶ֖ם וְנָתַ֣ן מֵימָ֑יו וְהוֹצֵאתָ֙ לָהֶ֥ם מַ֙יִם֙ מִן־הַסֶּ֔לַע וְהִשְׁקִיתָ֥ אֶת־הָעֵדָ֖ה וְאֶת־בְּעִירָֽם׃

‎9 ‏וַיִּקַּ֥ח מֹשֶׁ֛ה אֶת־הַמַּטֶּ֖ה מִלִּפְנֵ֣י יְהוָ֑ה כַּאֲשֶׁ֖ר צִוָּֽהוּ׃

‎10 ‏וַיַּקְהִ֜לוּ מֹשֶׁ֧ה וְאַהֲרֹ֛ן אֶת־הַקָּהָ֖ל אֶל־פְּנֵ֣י הַסָּ֑לַע וַיֹּ֣אמֶר לָהֶ֗ם שִׁמְעוּ־נָא֙ הַמֹּרִ֔ים הֲמִן־הַסֶּ֣לַע הַזֶּ֔ה נוֹצִ֥יא לָכֶ֖ם מָֽיִם׃

‎11 ‏וַיָּ֨רֶם מֹשֶׁ֜ה אֶת־יָד֗וֹ וַיַּ֧ךְ אֶת־הַסֶּ֛לַע בְּמַטֵּ֖הוּ פַּעֲמָ֑יִם וַיֵּצְאוּ֙ מַ֣יִם רַבִּ֔ים וַתֵּ֥שְׁתְּ הָעֵדָ֖ה וּבְעִירָֽם׃ ס

‎12 ‏וַיֹּ֣אמֶר יְהוָה֮ אֶל־מֹשֶׁ֣ה וְאֶֽל־אַהֲרֹן֒ יַ֚עַן לֹא־הֶאֱמַנְתֶּ֣ם בִּ֔י לְהַ֨קְדִּישֵׁ֔נִי³ לְעֵינֵ֖י בְּנֵ֣י יִשְׂרָאֵ֑ל לָכֵ֗ן לֹ֤א תָבִ֙יאוּ֙ אֶת־הַקָּהָ֣ל הַזֶּ֔ה אֶל־הָאָ֖רֶץ אֲשֶׁר־נָתַ֥תִּי לָהֶֽם׃

‎13 ‏הֵ֚מָּה מֵ֣י מְרִיבָ֔ה אֲשֶׁר־רָב֥וּ בְנֵֽי־יִשְׂרָאֵ֖ל אֶת־יְהוָ֑ה וַיִּקָּדֵ֖שׁ בָּֽם׃ ס

‎14 ‏וַיִּשְׁלַ֨ח מֹשֶׁ֧ה מַלְאָכִ֛ים מִקָּדֵ֖שׁ אֶל־מֶ֣לֶךְ אֱד֑וֹם כֹּ֤ה אָמַר֙ אָחִ֣יךָ יִשְׂרָאֵ֔ל אַתָּ֣ה יָדַ֔עְתָּ אֵ֥ת כָּל־הַתְּלָאָ֖ה אֲשֶׁ֥ר מְצָאָֽתְנוּ׃

‎15 ‏וַיֵּרְד֤וּ אֲבֹתֵ֙ינוּ֙ מִצְרַ֔יְמָה וַנֵּ֥שֶׁב בְּמִצְרַ֖יִם יָמִ֣ים רַבִּ֑ים וַיָּרֵ֥עוּ לָ֛נוּ מִצְרַ֖יִם וְלַאֲבֹתֵֽינוּ׃

‎16 ‏וַנִּצְעַ֤ק אֶל־יְהוָה֙ וַיִּשְׁמַ֣ע קֹלֵ֔נוּ וַיִּשְׁלַ֣ח מַלְאָ֔ךְ וַיֹּצִאֵ֖נוּ מִמִּצְרָ֑יִם וְהִנֵּה֙ אֲנַ֣חְנוּ בְקָדֵ֔שׁ עִ֖יר קְצֵ֥ה גְבוּלֶֽךָ׃

‎17 ‏נַעְבְּרָה־נָּ֣א בְאַרְצֶ֗ךָ לֹ֤א נַעֲבֹר֙ בְּשָׂדֶ֣ה וּבְכֶ֔רֶם וְלֹ֥א נִשְׁתֶּ֖ה מֵ֣י בְאֵ֑ר דֶּ֧רֶךְ הַמֶּ֣לֶךְ נֵלֵ֗ךְ לֹ֤א נִטֶּה֙ יָמִ֣ין וּשְׂמֹ֔אול עַ֥ד אֲשֶֽׁר־נַעֲבֹ֖ר גְּבוּלֶֽךָ׃

‎18 ‏וַיֹּ֤אמֶר אֵלָיו֙ אֱד֔וֹם לֹ֥א תַעֲבֹ֖ר בִּ֑י פֶּן־בַּחֶ֖רֶב אֵצֵ֥א לִקְרָאתֶֽךָ׃

‎19 ‏וַיֹּאמְר֨וּ אֵלָ֥יו בְּנֵֽי־יִשְׂרָאֵל֮³ בַּֽמְסִלָּ֣ה נַעֲלֶה֒ וְאִם־מֵימֶ֤יךָ נִשְׁתֶּה֙ אֲנִ֣י וּמִקְנַ֔י וְנָתַתִּ֖י מִכְרָ֑ם רַ֥ק אֵין־דָּבָ֖ר בְּרַגְלַ֥י אֶֽעֱבֹֽרָה׃

‎20 ‏וַיֹּ֖אמֶר לֹ֣א תַעֲבֹ֑ר וַיֵּצֵ֤א אֱדוֹם֙ לִקְרָאת֔וֹ בְּעַ֥ם כָּבֵ֖ד וּבְיָ֥ד חֲזָקָֽה׃

‎21 ‏וַיְמָאֵ֣ן׀ אֱד֗וֹם נְתֹן֙ אֶת־יִשְׂרָאֵ֔ל עֲבֹ֖ר בִּגְבֻל֑וֹ וַיֵּ֥ט יִשְׂרָאֵ֖ל מֵעָלָֽיו׃ פ

‎22 ‏וַיִּסְע֖וּ מִקָּדֵ֑שׁ וַיָּבֹ֧אוּ בְנֵֽי־יִשְׂרָאֵ֛ל כָּל־הָעֵדָ֖ה הֹ֥ר הָהָֽר׃

‎23 ‏וַיֹּ֧אמֶר יְהוָ֛ה אֶל־מֹשֶׁ֥ה וְאֶֽל־אַהֲרֹ֖ן בְּהֹ֣ר הָהָ֑ר עַל־גְּב֥וּל אֶֽרֶץ־אֱד֖וֹם לֵאמֹֽר׃

‎24 ‏יֵאָסֵ֤ף אַהֲרֹן֙ אֶל־עַמָּ֔יו כִּ֣י לֹ֤א יָבֹא֙ אֶל־הָאָ֔רֶץ אֲשֶׁ֥ר נָתַ֖תִּי לִבְנֵ֣י יִשְׂרָאֵ֑ל עַ֛ל אֲשֶׁר־מְרִיתֶ֥ם אֶת־פִּ֖י לְמֵ֥י מְרִיבָֽה׃

‎25 ‏קַ֚ח אֶֽת־אַהֲרֹ֔ן וְאֶת־אֶלְעָזָ֖ר בְּנ֑וֹ וְהַ֥עַל אֹתָ֖ם הֹ֥ר הָהָֽר׃

‎26 ‏וְהַפְשֵׁ֤ט אֶֽת־אַהֲרֹן֙ אֶת־בְּגָדָ֔יו וְהִלְבַּשְׁתָּ֖ם אֶת־אֶלְעָזָ֣ר בְּנ֑וֹ וְאַהֲרֹ֥ן יֵאָסֵ֖ף וּמֵ֥ת שָֽׁם׃

‎27 ‏וַיַּ֣עַשׂ מֹשֶׁ֔ה כַּאֲשֶׁ֖ר צִוָּ֣ה יְהוָ֑ה וַֽיַּעֲלוּ֙ אֶל־הֹ֣ר הָהָ֔ר לְעֵינֵ֖י כָּל־הָעֵדָֽה׃

‎28 ‏וַיַּפְשֵׁט֩ מֹשֶׁ֨ה אֶֽת־אַהֲרֹ֜ן אֶת־בְּגָדָ֗יו וַיַּלְבֵּ֤שׁ אֹתָם֙ אֶת־אֶלְעָזָ֣ר בְּנ֔וֹ וַיָּ֧מָת אַהֲרֹ֛ן שָׁ֖ם בְּרֹ֣אשׁ הָהָ֑ר וַיֵּ֧רֶד מֹשֶׁ֛ה וְאֶלְעָזָ֖ר מִן־הָהָֽר׃

‎29 ‏וַיִּרְאוּ֙ כָּל־הָ֣עֵדָ֔ה כִּ֥י גָוַ֖ע אַהֲרֹ֑ן וַיִּבְכּ֤וּ אֶֽת־אַהֲרֹן֙ שְׁלֹשִׁ֣ים י֔וֹם כֹּ֖ל בֵּ֥ית יִשְׂרָאֵֽל׃ ס

1 wayyāḇō’û ḇənê-yiśərā’ēl kāl-hā‘ēḏâ miḏəbar-ṣin b^aḥōḏeš hāri’šwōn wayyēšeḇ hā‘ām bəqāḏēš watāmāṯ šām mirəyām watiqqāḇēr šām:

2 wəlō’-hāyâ mayim lā‘ēḏâ wayyiqqâălû ‘al-mōšeh wə‘al-’ahărōn:

3 wayyāreḇ hā‘ām ‘im-mōšeh wayyō’mərû lē’mōr wəlû ḡāw^a‘ənû biḡəw^a‘ ’^aḥênû lifənê yəhwâ:

4 wəlāmâ hăḇē’ṯem ’eṯ-qəhal yəhwâ ’el-hammiḏəbār hazzeh lāmûṯ šām ’ăn^aḥənû ûḇə‘îrēnû:

5 wəlāmâ he‘ĕlîṯunû mimmiṣərayim ləhāḇî’ ’ōṯānû ’el-hammāqwōm hārā‘ hazzeh lō’| məqwōm zer^a‘ ûṯə’ēnâ wəḡefen wərimmwōn ûmayim ’ayin lišətwōṯ:

6 wayyāḇō’ mōšeh wə’ahărōn mipənê haqqâāl ’el-peṯ^aḥ ’ōhel mwō‘ēḏ wayyipəlû ‘al-pənêhem wayyērā’ ḵəḇwōḏ-yəhwâ ’ălêhem: f

7 wayəḏabēr yəhwâ ’el-mōšeh llē’mōr:

8 q^aḥ ’eṯ-hammaṭṭeh wəhaqəhēl ’eṯ-hā‘ēḏâ ’atâ wə’ahărōn ’āḥîḵā wəḏibarətem ’el-hassel^a‘ lə‘ênêhem wənāṯan mêmāyw wəhwōṣē’ṯā lâem mayim min-hassel^a‘ wəhišəqîṯā ’eṯ-hā‘ēḏâ wə’eṯ-bə‘îrām:

9 wayyiqq^aḥ mōšeh ’eṯ-hammaṭṭeh millifənê yəhwâ ka’ăšer ṣiûâû:

10 wayyaqəhilû mōšeh wə’ahărōn ’eṯ-haqqâāl ’el-pənê hassāl^a‘ wayyō’mer lâem šimə‘û-nā’ hammōrîm hămin-hassel^a‘ hazzeh nwōṣî’ lāḵem māyim:

11 wayyārem mōšeh ’eṯ-yāḏwō wayyaḵə ’eṯ-hassel^a‘ bəmaṭṭēhû p^a‘ămāyim wayyēṣə’û mayim rabîm watēšətə hā‘ēḏâ ûḇə‘îrām: s

12 wayyō’mer yəhwâ ’el-mōšeh wə’el-’ahărōn y^a‘an lō’-he’ĕmanətem bî ləhaqədîšēnî³ lə‘ênê bənê yiśərā’ēl lāḵēn lō’ ṯāḇî’û ’eṯ-haqqâāl hazzeh ’el-hā’āreṣ ’ăšer-nāṯatî lâem:

13 hēmmâ mê mərîḇâ ’ăšer-rāḇû ḇənê-yiśərā’ēl ’eṯ-yəhwâ wayyiqqāḏēš bām: s

14 wayyišəl^aḥ mōšeh malə’āḵîm miqqāḏēš ’el-meleḵə ’ĕḏwōm kōh ’āmar ’āḥîḵā yiśərā’ēl ’atâ yāḏ^a‘ətā ’ēṯ kāl-hatəlā’â ’ăšer məṣā’āṯənû:

15 wayyērəḏû ’ăḇōṯênû miṣərayəmâ wannēšeḇ bəmiṣərayim yāmîm rabîm wayyārē‘û lānû miṣərayim wəla’ăḇōṯênû:

16 wanniṣə‘aq ’el-yəhwâ wayyišəm^a‘ qōlēnû wayyišəl^aḥ malə’āḵə wayyōṣi’ēnû mimmiṣərāyim wəhinnēh ’ăn^aḥənû ḇəqāḏēš ‘îr qəṣēh ḡəḇûleḵā:

17 n^a‘əbərâ-nnā’ ḇə’arəṣeḵā lō’ n^a‘ăḇōr bəśāḏeh ûḇəḵerem wəlō’ nišəteh mê ḇə’ēr dereḵə hammeleḵə nēlēḵə lō’ niṭṭeh yāmîn ûśəmō’wl ‘aḏ ’ăšer-n^a‘ăḇōr gəḇûleḵā:

18 wayyō’mer ’ēlāyw ’ĕḏwōm lō’ ṯ^a‘ăḇōr bî pen-b^aḥereḇ ’ēṣē’ liqərā’ṯeḵā:

19 wayyō’mərû ’ēlāyw bənê-yiśərā’ēl³ baməsillâ n^a‘ăleh wə’im-mêmeyḵā nišəteh ’ănî ûmiqənay wənāṯatî miḵərām raq ’ên-dāḇār bəraḡəlay ’e‘ĕḇōrâ:

20 wayyō’mer lō’ ṯ^a‘ăḇōr wayyēṣē’ ’ĕḏwōm liqərā’ṯwō bə‘am kāḇēḏ ûḇəyāḏ ḥăzāqâ:

21 wayəmā’ēn| ’ĕḏwōm nəṯōn ’eṯ-yiśərā’ēl ‘ăḇōr biḡəḇulwō wayyēṭ yiśərā’ēl mē‘ālāyw: f

22 wayyisə‘û miqqāḏēš wayyāḇō’û ḇənê-yiśərā’ēl kāl-hā‘ēḏâ hōr hâār:

23 wayyō’mer yəhwâ ’el-mōšeh wə’el-’ahărōn bəhōr hâār ‘al-gəḇûl ’ereṣ-’ĕḏwōm lē’mōr:

24 yē’āsēf ’ahărōn ’el-‘ammāyw kî lō’ yāḇō’ ’el-hā’āreṣ ’ăšer nāṯatî liḇənê yiśərā’ēl ‘al ’ăšer-mərîṯem ’eṯ-pî ləmê mərîḇâ:

25 q^aḥ ’eṯ-’ahărōn wə’eṯ-’elə‘āzār bənwō wəh^a‘al ’ōṯām hōr hâār:

26 wəhafəšēṭ ’eṯ-’ahărōn ’eṯ-bəḡāḏāyw wəhiləbašətām ’eṯ-’elə‘āzār bənwō wə’ahărōn yē’āsēf ûmēṯ šām:

27 wayy^a‘aś mōšeh ka’ăšer ṣiûâ yəhwâ wayy^a‘ălû ’el-hōr hâār lə‘ênê kāl-hā‘ēḏâ:

28 wayyafəšēṭ mōšeh ’eṯ-’ahărōn ’eṯ-bəḡāḏāyw wayyaləbēš ’ōṯām ’eṯ-’elə‘āzār bənwō wayyāmāṯ ’ahărōn šām bərō’š hâār wayyēreḏ mōšeh wə’elə‘āzār min-hâār:

29 wayyirə’û kāl-hā‘ēḏâ kî ḡāw^a‘ ’ahărōn wayyiḇəkû ’eṯ-’ahărōn šəlōšîm ywōm kōl bêṯ yiśərā’ēl: s

‎1 ‏וַיִּשְׁמַ֞ע הַכְּנַעֲנִ֤י מֶֽלֶךְ־עֲרָד֙ יֹשֵׁ֣ב הַנֶּ֔גֶב כִּ֚י בָּ֣א יִשְׂרָאֵ֔ל דֶּ֖רֶךְ הָאֲתָרִ֑ים וַיִּלָּ֙חֶם֙ בְּיִשְׂרָאֵ֔ל וַיִּ֥שְׁבְּ׀ מִמֶּ֖נּוּ שֶֽׁבִי׃

‎2 ‏וַיִּדַּ֨ר יִשְׂרָאֵ֥ל נֶ֛דֶר לַֽיהוָ֖ה וַיֹּאמַ֑ר אִם־נָתֹ֨ן תִּתֵּ֜ן אֶת־הָעָ֤ם הַזֶּה֙ בְּיָדִ֔י וְהַֽחֲרַמְתִּ֖י אֶת־עָרֵיהֶֽם׃

‎3 ‏וַיִּשְׁמַ֨ע יְהוָ֜ה בְּק֣וֹל יִשְׂרָאֵ֗ל וַיִּתֵּן֙ אֶת־הַֽכְּנַעֲנִ֔י וַיַּחֲרֵ֥ם אֶתְהֶ֖ם וְאֶת־עָרֵיהֶ֑ם וַיִּקְרָ֥א שֵׁם־הַמָּק֖וֹם חָרְמָֽה׃ פ

‎4 ‏וַיִּסְע֞וּ מֵהֹ֤ר הָהָר֙ דֶּ֣רֶךְ יַם־ס֔וּף לִסְבֹ֖ב אֶת־אֶ֣רֶץ אֱד֑וֹם וַתִּקְצַ֥ר נֶֽפֶשׁ־הָעָ֖ם בַּדָּֽרֶךְ׃

‎5 ‏וַיְדַבֵּ֣ר הָעָ֗ם בֵּֽאלֹהִים֮ וּבְמֹשֶׁה֒ לָמָ֤ה הֶֽעֱלִיתֻ֙נוּ֙ מִמִּצְרַ֔יִם לָמ֨וּת בַּמִּדְבָּ֑ר כִּ֣י אֵ֥ין לֶ֙חֶם֙ וְאֵ֣ין מַ֔יִם וְנַפְשֵׁ֣נוּ קָ֔צָה בַּלֶּ֖חֶם הַקְּלֹקֵֽל׃

‎6 ‏וַיְשַׁלַּ֨ח יְהוָ֜ה בָּעָ֗ם אֵ֚ת הַנְּחָשִׁ֣ים הַשְּׂרָפִ֔ים וַֽיְנַשְּׁכ֖וּ אֶת־הָעָ֑ם וַיָּ֥מָת עַם־רָ֖ב מִיִּשְׂרָאֵֽל׃

‎7 ‏וַיָּבֹא֩ הָעָ֨ם אֶל־מֹשֶׁ֜ה וַיֹּאמְר֣וּ חָטָ֗אנוּ כִּֽי־דִבַּ֤רְנוּ בַֽיהוָה֙ וָבָ֔ךְ הִתְפַּלֵּל֙ אֶל־יְהוָ֔ה וְיָסֵ֥ר מֵעָלֵ֖ינוּ אֶת־הַנָּחָ֑שׁ וַיִּתְפַּלֵּ֥ל מֹשֶׁ֖ה בְּעַ֥ד הָעָֽם׃

‎8 ‏וַיֹּ֨אמֶר יְהוָ֜ה אֶל־מֹשֶׁ֗ה עֲשֵׂ֤ה לְךָ֙ שָׂרָ֔ף וְשִׂ֥ים אֹת֖וֹ עַל־נֵ֑ס וְהָיָה֙ כָּל־הַנָּשׁ֔וּךְ וְרָאָ֥ה אֹת֖וֹ וָחָֽי׃

‎9 ‏וַיַּ֤עַשׂ מֹשֶׁה֙ נְחַ֣שׁ נְחֹ֔שֶׁת וַיְשִׂמֵ֖הוּ עַל־הַנֵּ֑ס וְהָיָ֗ה אִם־נָשַׁ֤ךְ הַנָּחָשׁ֙ אֶת־אִ֔ישׁ וְהִבִּ֛יט אֶל־נְחַ֥שׁ הַנְּחֹ֖שֶׁת וָחָֽי׃

‎10 ‏וַיִּסְע֖וּ בְּנֵ֣י יִשְׂרָאֵ֑ל וַֽיַּחֲנ֖וּ בְּאֹבֹֽת׃

‎11 ‏וַיִּסְע֖וּ מֵאֹבֹ֑ת וַֽיַּחֲנ֞וּ בְּעִיֵּ֣י הָֽעֲבָרִ֗ים בַּמִּדְבָּר֙ אֲשֶׁר֙ עַל־פְּנֵ֣י מוֹאָ֔ב מִמִּזְרַ֖ח הַשָּֽׁמֶשׁ׃

‎12 ‏מִשָּׁ֖ם נָסָ֑עוּ וַֽיַּחֲנ֖וּ בְּנַ֥חַל זָֽרֶד׃

‎13 ‏מִשָּׁם֮ נָסָעוּ֒ וַֽיַּחֲנ֗וּ מֵעֵ֤בֶר אַרְנוֹן֙ אֲשֶׁ֣ר בַּמִּדְבָּ֔ר הַיֹּצֵ֖א מִגְּב֣וּל¹ הָֽאֱמֹרִ֑י כִּ֤י אַרְנוֹן֙ גְּב֣וּל מוֹאָ֔ב בֵּ֥ין מוֹאָ֖ב וּבֵ֥ין הָאֱמֹרִֽי׃

‎14 ‏עַל־כֵּן֙ יֵֽאָמַ֔ר בְּסֵ֖פֶר מִלְחֲמֹ֣ת יְהוָ֑ה אֶת־וָהֵ֣ב בְּסוּפָ֔ה וְאֶת־הַנְּחָלִ֖ים אַרְנֽוֹן׃

‎15 ‏וְאֶ֙שֶׁד֙ הַנְּחָלִ֔ים אֲשֶׁ֥ר נָטָ֖ה לְשֶׁ֣בֶת עָ֑ר וְנִשְׁעַ֖ן לִגְב֥וּל מוֹאָֽב׃

‎16 ‏וּמִשָּׁ֖ם בְּאֵ֑רָה הִ֣וא הַבְּאֵ֗ר אֲשֶׁ֨ר אָמַ֤ר יְהוָה֙ לְמֹשֶׁ֔ה אֱסֹף֙ אֶת־הָעָ֔ם וְאֶתְּנָ֥ה לָהֶ֖ם מָֽיִם׃ ס

‎17 ‏אָ֚ז יָשִׁ֣יר יִשְׂרָאֵ֔ל אֶת־הַשִּׁירָ֖ה הַזֹּ֑את עֲלִ֥י בְאֵ֖ר עֱנוּ־לָֽהּ׃

‎18 ‏בְּאֵ֞ר חֲפָר֣וּהָ שָׂרִ֗ים כָּר֙וּהָ֙ נְדִיבֵ֣י הָעָ֔ם בִּמְחֹקֵ֖ק בְּמִשְׁעֲנֹתָ֑ם וּמִמִּדְבָּ֖ר מַתָּנָֽה׃

‎19 ‏וּמִמַּתָּנָ֖ה נַחֲלִיאֵ֑ל וּמִנַּחֲלִיאֵ֖ל בָּמֽוֹת׃

‎20 ‏וּמִבָּמ֗וֹת הַגַּיְא֙ אֲשֶׁר֙ בִּשְׂדֵ֣ה מוֹאָ֔ב רֹ֖אשׁ הַפִּסְגָּ֑ה וְנִשְׁקָ֖פָה עַל־פְּנֵ֥י הַיְשִׁימֹֽן׃ פ

‎21 ‏וַיִּשְׁלַ֤ח יִשְׂרָאֵל֙ מַלְאָכִ֔ים אֶל־סִיחֹ֥ן מֶֽלֶךְ־הָאֱמֹרִ֖י לֵאמֹֽר׃

‎22 ‏אֶעְבְּרָ֣ה בְאַרְצֶ֗ךָ לֹ֤א נִטֶּה֙ בְּשָׂדֶ֣ה וּבְכֶ֔רֶם לֹ֥א נִשְׁתֶּ֖ה מֵ֣י בְאֵ֑ר בְּדֶ֤רֶךְ הַמֶּ֙לֶךְ֙ נֵלֵ֔ךְ עַ֥ד אֲשֶֽׁר־נַעֲבֹ֖ר גְּבֻלֶֽךָ׃

‎23 ‏וְלֹא־נָתַ֨ן סִיחֹ֣ן³ אֶת־יִשְׂרָאֵל֮ עֲבֹ֣ר בִּגְבֻלוֹ֒ וַיֶּאֱסֹ֨ף סִיחֹ֜ן אֶת־כָּל־עַמּ֗וֹ וַיֵּצֵ֞א לִקְרַ֤את יִשְׂרָאֵל֙ הַמִּדְבָּ֔רָה וַיָּבֹ֖א יָ֑הְצָה וַיִּלָּ֖חֶם בְּיִשְׂרָאֵֽל׃

‎24 ‏וַיַּכֵּ֥הוּ יִשְׂרָאֵ֖ל לְפִי־חָ֑רֶב וַיִּירַ֨שׁ אֶת־אַרְצ֜וֹ מֵֽאַרְנֹ֗ן עַד־יַבֹּק֙ עַד־בְּנֵ֣י עַמּ֔וֹן כִּ֣י עַ֔ז גְּב֖וּל בְּנֵ֥י עַמּֽוֹן׃

‎25 ‏וַיִּקַּח֙ יִשְׂרָאֵ֔ל אֵ֥ת כָּל־הֶעָרִ֖ים הָאֵ֑לֶּה וַיֵּ֤שֶׁב יִשְׂרָאֵל֙ בְּכָל־עָרֵ֣י הָֽאֱמֹרִ֔י בְּחֶשְׁבּ֖וֹן וּבְכָל־בְּנֹתֶֽיהָ׃

‎26 ‏כִּ֣י חֶשְׁבּ֔וֹן עִ֗יר סִיחֹ֛ן מֶ֥לֶךְ הָאֱמֹרִ֖י הִ֑וא וְה֣וּא נִלְחַ֗ם בְּמֶ֤לֶךְ מוֹאָב֙ הָֽרִאשׁ֔וֹן וַיִּקַּ֧ח אֶת־כָּל־אַרְצ֛וֹ מִיָּד֖וֹ עַד־אַרְנֹֽן׃

‎27 ‏עַל־כֵּ֛ן יֹאמְר֥וּ הַמֹּשְׁלִ֖ים בֹּ֣אוּ חֶשְׁבּ֑וֹן תִּבָּנֶ֥ה וְתִכּוֹנֵ֖ן עִ֥יר סִיחֽוֹן׃

‎28 ‏כִּי־אֵשׁ֙ יָֽצְאָ֣ה מֵֽחֶשְׁבּ֔וֹן לֶהָבָ֖ה מִקִּרְיַ֣ת סִיחֹ֑ן אָֽכְלָה֙ עָ֣ר מוֹאָ֔ב בַּעֲלֵ֖י בָּמ֥וֹת אַרְנֹֽן׃

‎29 ‏אוֹי־לְךָ֣ מוֹאָ֔ב אָבַ֖דְתָּ עַם־כְּמ֑וֹשׁ נָתַ֨ן בָּנָ֤יו פְּלֵיטִם֙ וּבְנֹתָ֣יו בַּשְּׁבִ֔ית לְמֶ֥לֶךְ אֱמֹרִ֖י סִיחֽוֹן׃

‎30 ‏וַנִּירָ֛ם אָבַ֥ד חֶשְׁבּ֖וֹן עַד־דִּיב֑וֹן וַנַּשִּׁ֣ים עַד־נֹ֔פַח אֲשֶׁ֖רׅ⁴ עַד־מֵֽידְבָֽא׃

‎31 ‏וַיֵּ֙שֶׁב֙ יִשְׂרָאֵ֔ל בְּאֶ֖רֶץ הָאֱמֹרִֽי׃

‎32 ‏וַיִּשְׁלַ֤ח מֹשֶׁה֙ לְרַגֵּ֣ל אֶת־יַעְזֵ֔ר וַֽיִּלְכְּד֖וּ בְּנֹתֶ֑יהָ ויירש וַיּ֖וֹרֶשׁ אֶת־הָאֱמֹרִ֥י אֲשֶׁר־שָֽׁם׃

‎33 ‏וַיִּפְנוּ֙ וַֽיַּעֲל֔וּ דֶּ֖רֶךְ הַבָּשָׁ֑ן וַיֵּצֵ֣א עוֹג֩ מֶֽלֶךְ־הַבָּשָׁ֨ן לִקְרָאתָ֜ם ה֧וּא וְכָל־עַמּ֛וֹ לַמִּלְחָמָ֖ה אֶדְרֶֽעִי׃

‎34 ‏וַיֹּ֨אמֶר יְהוָ֤ה אֶל־מֹשֶׁה֙ אַל־תִּירָ֣א אֹת֔וֹ כִּ֣י בְיָדְךָ֞ נָתַ֧תִּי אֹת֛וֹ וְאֶת־כָּל־עַמּ֖וֹ וְאֶת־אַרְצ֑וֹ וְעָשִׂ֣יתָ לּ֔וֹ כַּאֲשֶׁ֣ר עָשִׂ֗יתָ לְסִיחֹן֙ מֶ֣לֶךְ הָֽאֱמֹרִ֔י אֲשֶׁ֥ר יוֹשֵׁ֖ב בְּחֶשְׁבּֽוֹן׃

‎35 ‏וַיַּכּ֨וּ אֹת֤וֹ וְאֶת־בָּנָיו֙ וְאֶת־כָּל־עַמּ֔וֹ עַד־בִּלְתִּ֥י הִשְׁאִֽיר־ל֖וֹ שָׂרִ֑יד וַיִּֽירְשׁ֖וּ אֶת־אַרְצֽוֹ׃

1 wayyišəm^a‘ hakən^a‘ănî meleḵə-‘ărāḏ yōšēḇ hanneḡeḇ kî bā’ yiśərā’ēl dereḵə hā’ăṯārîm wayyillāḥem bəyiśərā’ēl wayyišəbə| mimmennû šeḇî:

2 wayyidar yiśərā’ēl neḏer layhwâ wayyō’mar ’im-nāṯōn titēn ’eṯ-hā‘ām hazzeh bəyāḏî wəh^aḥăramətî ’eṯ-‘ārêhem:

3 wayyišəm^a‘ yəhwâ bəqwōl yiśərā’ēl wayyitēn ’eṯ-hakən^a‘ănî wayy^aḥărēm ’eṯəhem wə’eṯ-‘ārêhem wayyiqərā’ šēm-hammāqwōm ḥārəmâ: f

4 wayyisə‘û mēhōr hâār dereḵə yam-sûf lisəḇōḇ ’eṯ-’ereṣ ’ĕḏwōm watiqəṣar nefeš-hā‘ām badāreḵə:

5 wayəḏabēr hā‘ām bē’lōhîm ûḇəmōšeh lāmâ he‘ĕlîṯunû mimmiṣərayim lāmûṯ bammiḏəbār kî ’ên leḥem wə’ên mayim wənafəšēnû qāṣâ balleḥem haqqəlōqēl:

6 wayəšall^aḥ yəhwâ bā‘ām ’ēṯ hannəḥāšîm haśśərāfîm wayənaššəḵû ’eṯ-hā‘ām wayyāmāṯ ‘am-rāḇ mîyiśərā’ēl:

7 wayyāḇō’ hā‘ām ’el-mōšeh wayyō’mərû ḥāṭā’nû kî-ḏibarənû ḇayhwâ wāḇāḵə hiṯəpallēl ’el-yəhwâ wəyāsēr mē‘ālênû ’eṯ-hannāḥāš wayyiṯəpallēl mōšeh bə‘aḏ hā‘ām:

8 wayyō’mer yəhwâ ’el-mōšeh ‘ăśēh ləḵā śārāf wəśîm ’ōṯwō ‘al-nēs wəhāyâ kāl-hannāšûḵə wərā’â ’ōṯwō wāḥāy:

9 wayy^a‘aś mōšeh nəḥaš nəḥōšeṯ wayəśimēhû ‘al-hannēs wəhāyâ ’im-nāšaḵə hannāḥāš ’eṯ-’îš wəhibîṭ ’el-nəḥaš hannəḥōšeṯ wāḥāy:

10 wayyisə‘û bənê yiśərā’ēl wayy^aḥănû bə’ōḇōṯ:

11 wayyisə‘û mē’ōḇōṯ wayy^aḥănû bə‘îyê hā‘ăḇārîm bammiḏəbār ’ăšer ‘al-pənê mwō’āḇ mimmizər^aḥ haššāmeš:

12 miššām nāsā‘û wayy^aḥănû bən^aḥal zāreḏ:

13 miššām nāsā‘û wayy^aḥănû mē‘ēḇer ’arənwōn ’ăšer bammiḏəbār hayyōṣē’ migəḇûl¹ hā’ĕmōrî kî ’arənwōn gəḇûl mwō’āḇ bên mwō’āḇ ûḇên hā’ĕmōrî:

14 ‘al-kēn yē’āmar bəsēfer miləḥămōṯ yəhwâ ’eṯ-wâēḇ bəsûfâ wə’eṯ-hannəḥālîm ’arənwōn:

15 wə’ešeḏ hannəḥālîm ’ăšer nāṭâ ləšeḇeṯ ‘ār wənišə‘an liḡəḇûl mwō’āḇ:

16 ûmiššām bə’ērâ hiw’ habə’ēr ’ăšer ’āmar yəhwâ ləmōšeh ’ĕsōf ’eṯ-hā‘ām wə’etənâ lâem māyim: s

17 ’āz yāšîr yiśərā’ēl ’eṯ-haššîrâ hazzō’ṯ ‘ălî ḇə’ēr ‘ĕnû-lāh:

18 bə’ēr ḥăfārûhā śārîm kārûhā nəḏîḇê hā‘ām biməḥōqēq bəmišə‘ănōṯām ûmimmiḏəbār matānâ:

19 ûmimmatānâ n^aḥălî’ēl ûminn^aḥălî’ēl bāmwōṯ:

20 ûmibāmwōṯ hagayə’ ’ăšer biśəḏēh mwō’āḇ rō’š hapisəgâ wənišəqāfâ ‘al-pənê hayəšîmōn: f

21 wayyišəl^aḥ yiśərā’ēl malə’āḵîm ’el-sîḥōn meleḵə-hā’ĕmōrî lē’mōr:

22 ’e‘əbərâ ḇə’arəṣeḵā lō’ niṭṭeh bəśāḏeh ûḇəḵerem lō’ nišəteh mê ḇə’ēr bəḏereḵə hammeleḵə nēlēḵə ‘aḏ ’ăšer-n^a‘ăḇōr gəḇuleḵā:

23 wəlō’-nāṯan sîḥōn³ ’eṯ-yiśərā’ēl ‘ăḇōr biḡəḇulwō wayye’ĕsōf sîḥōn ’eṯ-kāl-‘ammwō wayyēṣē’ liqəra’ṯ yiśərā’ēl hammiḏəbārâ wayyāḇō’ yâəṣâ wayyillāḥem bəyiśərā’ēl:

24 wayyakēhû yiśərā’ēl ləfî-ḥāreḇ wayyîraš ’eṯ-’arəṣwō mē’arənōn ‘aḏ-yabōq ‘aḏ-bənê ‘ammwōn kî ‘az gəḇûl bənê ‘ammwōn:

25 wayyiqq^aḥ yiśərā’ēl ’ēṯ kāl-he‘ārîm hā’ēlleh wayyēšeḇ yiśərā’ēl bəḵāl-‘ārê hā’ĕmōrî bəḥešəbwōn ûḇəḵāl-bənōṯeyhā:

26 kî ḥešəbwōn ‘îr sîḥōn meleḵə hā’ĕmōrî hiw’ wəhû’ niləḥam bəmeleḵə mwō’āḇ hāri’šwōn wayyiqq^aḥ ’eṯ-kāl-’arəṣwō mîyāḏwō ‘aḏ-’arənōn:

27 ‘al-kēn yō’mərû hammōšəlîm bō’û ḥešəbwōn tibāneh wəṯikwōnēn ‘îr sîḥwōn:

28 kî-’ēš yāṣə’â mēḥešəbwōn lehāḇâ miqqirəyaṯ sîḥōn ’āḵəlâ ‘ār mwō’āḇ b^a‘ălê bāmwōṯ ’arənōn:

29 ’wōy-ləḵā mwō’āḇ ’āḇaḏətā ‘am-kəmwōš nāṯan bānāyw pəlêṭim ûḇənōṯāyw baššəḇîṯ ləmeleḵə ’ĕmōrî sîḥwōn:

30 wannîrām ’āḇaḏ ḥešəbwōn ‘aḏ-dîḇwōn wannaššîm ‘aḏ-nōf^aḥ ’ăšerׅ⁴ ‘aḏ-mêḏəḇā’:

31 wayyēšeḇ yiśərā’ēl bə’ereṣ hā’ĕmōrî:

32 wayyišəl^aḥ mōšeh ləragēl ’eṯ-y^a‘əzēr wayyiləkəḏû bənōṯeyhā wayyîraš wayywōreš ’eṯ-hā’ĕmōrî ’ăšer-šām:

33 wayyifənû wayy^a‘ălû dereḵə habāšān wayyēṣē’ ‘wōḡ meleḵə-habāšān liqərā’ṯām hû’ wəḵāl-‘ammwō lammiləḥāmâ ’eḏəre‘î:

34 wayyō’mer yəhwâ ’el-mōšeh ’al-tîrā’ ’ōṯwō kî ḇəyāḏəḵā nāṯatî ’ōṯwō wə’eṯ-kāl-‘ammwō wə’eṯ-’arəṣwō wə‘āśîṯā llwō ka’ăšer ‘āśîṯā ləsîḥōn meleḵə hā’ĕmōrî ’ăšer ywōšēḇ bəḥešəbwōn:

35 wayyakû ’ōṯwō wə’eṯ-bānāyw wə’eṯ-kāl-‘ammwō ‘aḏ-bilətî hišə’îr-lwō śārîḏ wayyîrəšû ’eṯ-’arəṣwō:

‎1 ‏וַיִּסְע֖וּ בְּנֵ֣י יִשְׂרָאֵ֑ל וַֽיַּחֲנוּ֙ בְּעַֽרְב֣וֹת מוֹאָ֔ב מֵעֵ֖בֶר לְיַרְדֵּ֥ן יְרֵחֽוֹ׃ ס

‎2 ‏וַיַּ֥רְא בָּלָ֖ק בֶּן־צִפּ֑וֹר אֵ֛ת כָּל־אֲשֶׁר־עָשָׂ֥ה יִשְׂרָאֵ֖ל לָֽאֱמֹרִֽי׃

‎3 ‏וַיָּ֨גָר מוֹאָ֜ב מִפְּנֵ֥י הָעָ֛ם מְאֹ֖ד כִּ֣י רַב־ה֑וּא וַיָּ֣קָץ מוֹאָ֔ב מִפְּנֵ֖י בְּנֵ֥י יִשְׂרָאֵֽל׃

‎4 ‏וַיֹּ֨אמֶר מוֹאָ֜ב אֶל־זִקְנֵ֣י מִדְיָ֗ן עַתָּ֞ה יְלַחֲכ֤וּ הַקָּהָל֙ אֶת־כָּל־סְבִ֣יבֹתֵ֔ינוּ כִּלְחֹ֣ךְ הַשּׁ֔וֹר אֵ֖ת יֶ֣רֶק הַשָּׂדֶ֑ה וּבָלָ֧ק בֶּן־צִפּ֛וֹר מֶ֥לֶךְ לְמוֹאָ֖ב בָּעֵ֥ת הַהִֽוא׃

‎5 ‏וַיִּשְׁלַ֨ח מַלְאָכִ֜ים אֶל־בִּלְעָ֣ם בֶּן־בְּע֗וֹר פְּ֠תוֹרָה אֲשֶׁ֧ר עַל־הַנָּהָ֛ר אֶ֥רֶץ בְּנֵי־עַמּ֖וֹ לִקְרֹא־ל֑וֹ לֵאמֹ֗ר הִ֠נֵּה עַ֣ם יָצָ֤א מִמִּצְרַ֙יִם֙ הִנֵּ֤ה כִסָּה֙ אֶת־עֵ֣ין הָאָ֔רֶץ וְה֥וּא יֹשֵׁ֖ב מִמֻּלִֽי׃

‎6 ‏וְעַתָּה֩ לְכָה־נָּ֨א אָֽרָה־לִּ֜י אֶת־הָעָ֣ם הַזֶּ֗ה כִּֽי־עָצ֥וּם הוּא֙ מִמֶּ֔נִּי אוּלַ֤י אוּכַל֙ נַכֶּה־בּ֔וֹ וַאֲגָרְשֶׁ֖נּוּ מִן־הָאָ֑רֶץ כִּ֣י יָדַ֗עְתִּי אֵ֤ת אֲשֶׁר־תְּבָרֵךְ֙ מְבֹרָ֔ךְ וַאֲשֶׁ֥ר תָּאֹ֖ר יוּאָֽר׃

‎7 ‏וַיֵּ֨לְכ֜וּ זִקְנֵ֤י מוֹאָב֙ וְזִקְנֵ֣י מִדְיָ֔ן וּקְסָמִ֖ים בְּיָדָ֑ם וַיָּבֹ֙אוּ֙ אֶל־בִּלְעָ֔ם וַיְדַבְּר֥וּ אֵלָ֖יו דִּבְרֵ֥י בָלָֽק׃

‎8 ‏וַיֹּ֣אמֶר אֲלֵיהֶ֗ם לִ֤ינוּ פֹה֙ הַלַּ֔יְלָה וַהֲשִׁבֹתִ֤י אֶתְכֶם֙ דָּבָ֔ר כַּאֲשֶׁ֛ר יְדַבֵּ֥ר יְהוָ֖ה אֵלָ֑י וַיֵּשְׁב֥וּ שָׂרֵֽי־מוֹאָ֖ב עִם־בִּלְעָֽם׃

‎9 ‏וַיָּבֹ֥א אֱלֹהִ֖ים אֶל־בִּלְעָ֑ם וַיֹּ֕אמֶר מִ֛י הָאֲנָשִׁ֥ים הָאֵ֖לֶּה עִמָּֽךְ׃

‎10 ‏וַיֹּ֥אמֶר בִּלְעָ֖ם אֶל־הָאֱלֹהִ֑ים בָּלָ֧ק בֶּן־צִפֹּ֛ר מֶ֥לֶךְ מוֹאָ֖ב שָׁלַ֥ח אֵלָֽי׃

‎11 ‏הִנֵּ֤ה הָעָם֙ הַיֹּצֵ֣א מִמִּצְרַ֔יִם וַיְכַ֖ס אֶת־עֵ֣ין הָאָ֑רֶץ עַתָּ֗ה לְכָ֤ה קָֽבָה־לִּי֙ אֹת֔וֹ אוּלַ֥י אוּכַ֛ל לְהִלָּ֥חֶם בּ֖וֹ וְגֵרַשְׁתִּֽיו׃

‎12 ‏וַיֹּ֤אמֶר אֱלֹהִים֙ אֶל־בִּלְעָ֔ם לֹ֥א תֵלֵ֖ךְ עִמָּהֶ֑ם לֹ֤א תָאֹר֙ אֶת־הָעָ֔ם כִּ֥י בָר֖וּךְ הֽוּא׃

‎13 ‏וַיָּ֤קָם בִּלְעָם֙ בַּבֹּ֔קֶר וַיֹּ֙אמֶר֙ אֶל־שָׂרֵ֣י בָלָ֔ק לְכ֖וּ אֶֽל־אַרְצְכֶ֑ם כִּ֚י מֵאֵ֣ן יְהוָ֔ה לְתִתִּ֖י לַהֲלֹ֥ךְ עִמָּכֶֽם׃

‎14 ‏וַיָּק֙וּמוּ֙ שָׂרֵ֣י מוֹאָ֔ב וַיָּבֹ֖אוּ אֶל־בָּלָ֑ק וַיֹּ֣אמְר֔וּ מֵאֵ֥ן בִּלְעָ֖ם הֲלֹ֥ךְ עִמָּֽנוּ׃

‎15 ‏וַיֹּ֥סֶף ע֖וֹד בָּלָ֑ק שְׁלֹ֣חַ שָׂרִ֔ים רַבִּ֥ים וְנִכְבָּדִ֖ים מֵאֵֽלֶּה׃

‎16 ‏וַיָּבֹ֖אוּ אֶל־בִּלְעָ֑ם וַיֹּ֣אמְרוּ ל֗וֹ כֹּ֤ה אָמַר֙ בָּלָ֣ק בֶּן־צִפּ֔וֹר אַל־נָ֥א תִמָּנַ֖ע מֵהֲלֹ֥ךְ אֵלָֽי׃

‎17 ‏כִּֽי־כַבֵּ֤ד אֲכַבֶּדְךָ֙ מְאֹ֔ד וְכֹ֛ל אֲשֶׁר־תֹּאמַ֥ר אֵלַ֖י אֶֽעֱשֶׂ֑ה וּלְכָה־נָּא֙ קָֽבָה־לִּ֔י אֵ֖ת הָעָ֥ם הַזֶּֽה׃

‎18 ‏וַיַּ֣עַן בִּלְעָ֗ם וַיֹּ֙אמֶר֙ אֶל־עַבְדֵ֣י בָלָ֔ק אִם־יִתֶּן־לִ֥י בָלָ֛ק מְלֹ֥א בֵית֖וֹ כֶּ֣סֶף וְזָהָ֑ב לֹ֣א אוּכַ֗ל לַעֲבֹר֙ אֶת־פִּי֙ יְהוָ֣ה אֱלֹהָ֔י לַעֲשׂ֥וֹת קְטַנָּ֖ה א֥וֹ גְדוֹלָֽה׃

‎19 ‏וְעַתָּ֗ה שְׁב֨וּ נָ֥א בָזֶ֛ה גַּם־אַתֶּ֖ם הַלָּ֑יְלָה וְאֵ֣דְעָ֔ה מַה־יֹּסֵ֥ף יְהוָ֖ה דַּבֵּ֥ר עִמִּֽי׃

‎20 ‏וַיָּבֹ֨א אֱלֹהִ֥ים׀ אֶל־בִּלְעָם֮ לַיְלָה֒ וַיֹּ֣אמֶר ל֗וֹ אִם־לִקְרֹ֤א לְךָ֙ בָּ֣אוּ הָאֲנָשִׁ֔ים ק֖וּם לֵ֣ךְ אִתָּ֑ם וְאַ֗ךְ אֶת־הַדָּבָ֛ר אֲשֶׁר־אֲדַבֵּ֥ר אֵלֶ֖יךָ אֹת֥וֹ תַעֲשֶֽׂה׃

‎21 ‏וַיָּ֤קָם בִּלְעָם֙ בַּבֹּ֔קֶר וַֽיַּחֲבֹ֖שׁ אֶת־אֲתֹנ֑וֹ וַיֵּ֖לֶךְ עִם־שָׂרֵ֥י מוֹאָֽב׃

‎22 ‏וַיִּֽחַר־אַ֣ף אֱלֹהִים֮ כִּֽי־הוֹלֵ֣ךְ הוּא֒ וַיִּתְיַצֵּ֞ב מַלְאַ֧ךְ יְהוָ֛ה בַּדֶּ֖רֶךְ לְשָׂטָ֣ן ל֑וֹ וְהוּא֙ רֹכֵ֣ב עַל־אֲתֹנ֔וֹ וּשְׁנֵ֥י נְעָרָ֖יו עִמּֽוֹ׃

‎23 ‏וַתֵּ֣רֶא הָאָתוֹן֩ אֶת־מַלְאַ֨ךְ יְהוָ֜ה נִצָּ֣ב בַּדֶּ֗רֶךְ וְחַרְבּ֤וֹ שְׁלוּפָה֙ בְּיָד֔וֹ וַתֵּ֤ט הָֽאָתוֹן֙ מִן־הַדֶּ֔רֶךְ וַתֵּ֖לֶךְ בַּשָּׂדֶ֑ה וַיַּ֤ךְ בִּלְעָם֙ אֶת־הָ֣אָת֔וֹן לְהַטֹּתָ֖הּ הַדָּֽרֶךְ׃

‎24 ‏וַֽיַּעֲמֹד֙ מַלְאַ֣ךְ יְהוָ֔ה בְּמִשְׁע֖וֹל הַכְּרָמִ֑ים גָּדֵ֥ר מִזֶּ֖ה וְגָדֵ֥ר מִזֶּֽה׃

‎25 ‏וַתֵּ֨רֶא הָאָת֜וֹן אֶת־מַלְאַ֣ךְ יְהוָ֗ה וַתִּלָּחֵץ֙ אֶל־הַקִּ֔יר וַתִּלְחַ֛ץ אֶת־רֶ֥גֶל בִּלְעָ֖ם אֶל־הַקִּ֑יר וַיֹּ֖סֶף לְהַכֹּתָֽהּ׃

‎26 ‏וַיּ֥וֹסֶף מַלְאַךְ־יְהוָ֖ה עֲב֑וֹר וַֽיַּעֲמֹד֙ בְּמָק֣וֹם צָ֔ר אֲשֶׁ֛ר אֵֽין־דֶּ֥רֶךְ לִנְט֖וֹת יָמִ֥ין וּשְׂמֹֽאול׃

‎27 ‏וַתֵּ֤רֶא הָֽאָתוֹן֙ אֶת־מַלְאַ֣ךְ יְהוָ֔ה וַתִּרְבַּ֖ץ תַּ֣חַת בִּלְעָ֑ם וַיִּֽחַר־אַ֣ף בִּלְעָ֔ם וַיַּ֥ךְ אֶת־הָאָת֖וֹן בַּמַּקֵּֽל׃

‎28 ‏וַיִּפְתַּ֥ח יְהוָ֖ה אֶת־פִּ֣י הָאָת֑וֹן וַתֹּ֤אמֶר לְבִלְעָם֙ מֶה־עָשִׂ֣יתִֽי לְךָ֔ כִּ֣י הִכִּיתַ֔נִי זֶ֖ה שָׁלֹ֥שׁ רְגָלִֽים׃

‎29 ‏וַיֹּ֤אמֶר בִּלְעָם֙ לָֽאָת֔וֹן כִּ֥י הִתְעַלַּ֖לְתְּ בִּ֑י ל֤וּ יֶשׁ־חֶ֙רֶב֙ בְּיָדִ֔י כִּ֥י עַתָּ֖ה הֲרַגְתִּֽיךְ׃

‎30 ‏וַתֹּ֨אמֶר הָאָת֜וֹן אֶל־בִּלְעָ֗ם הֲלוֹא֩ אָנֹכִ֨י אֲתֹֽנְךָ֜ אֲשֶׁר־רָכַ֣בְתָּ עָלַ֗י מֵעֽוֹדְךָ֙ עַד־הַיּ֣וֹם הַזֶּ֔ה הַֽהַסְכֵּ֣ן הִסְכַּ֔נְתִּי לַעֲשׂ֥וֹת לְךָ֖ כֹּ֑ה וַיֹּ֖אמֶר לֹֽא׃

‎31 ‏וַיְגַ֣ל יְהוָה֮ אֶת־עֵינֵ֣י בִלְעָם֒ וַיַּ֞רְא אֶת־מַלְאַ֤ךְ יְהוָה֙ נִצָּ֣ב בַּדֶּ֔רֶךְ וְחַרְבּ֥וֹ שְׁלֻפָ֖ה בְּיָד֑וֹ וַיִּקֹּ֥ד וַיִּשְׁתַּ֖חוּ לְאַפָּֽיו׃

‎32 ‏וַיֹּ֤אמֶר אֵלָיו֙ מַלְאַ֣ךְ יְהוָ֔ה עַל־מָ֗ה הִכִּ֙יתָ֙ אֶת־אֲתֹ֣נְךָ֔ זֶ֖ה שָׁל֣וֹשׁ רְגָלִ֑ים הִנֵּ֤ה אָנֹכִי֙ יָצָ֣אתִי לְשָׂטָ֔ן כִּֽי־יָרַ֥ט הַדֶּ֖רֶךְ לְנֶגְדִּֽי׃

‎33 ‏וַתִּרְאַ֙נִי֙ הָֽאָת֔וֹן וַתֵּ֣ט לְפָנַ֔י זֶ֖ה שָׁלֹ֣שׁ רְגָלִ֑ים אוּלַי֙ נָטְתָ֣ה מִפָּנַ֔י כִּ֥י עַתָּ֛ה גַּם־אֹתְכָ֥ה הָרַ֖גְתִּי וְאוֹתָ֥הּ הֶחֱיֵֽיתִי׃

‎34 ‏וַיֹּ֨אמֶר בִּלְעָ֜ם אֶל־מַלְאַ֤ךְ יְהוָה֙ חָטָ֔אתִי כִּ֚י לֹ֣א יָדַ֔עְתִּי כִּ֥י אַתָּ֛ה נִצָּ֥ב לִקְרָאתִ֖י בַּדָּ֑רֶךְ וְעַתָּ֛ה אִם־רַ֥ע בְּעֵינֶ֖יךָ אָשׁ֥וּבָה לִּֽי׃

‎35 ‏וַיֹּאמֶר֩ מַלְאַ֨ךְ יְהוָ֜ה אֶל־בִּלְעָ֗ם לֵ֚ךְ עִם־הָ֣אֲנָשִׁ֔ים וְאֶ֗פֶס אֶת־הַדָּבָ֛ר אֲשֶׁר־אֲדַבֵּ֥ר אֵלֶ֖יךָ אֹת֣וֹ תְדַבֵּ֑ר וַיֵּ֥לֶךְ בִּלְעָ֖ם עִם־שָׂרֵ֥י בָלָֽק׃

‎36 ‏וַיִּשְׁמַ֥ע בָּלָ֖ק כִּ֣י בָ֣א בִלְעָ֑ם וַיֵּצֵ֨א לִקְרָאת֜וֹ אֶל־עִ֣יר מוֹאָ֗ב אֲשֶׁר֙ עַל־גְּב֣וּל אַרְנֹ֔ן אֲשֶׁ֖ר בִּקְצֵ֥ה הַגְּבֽוּל׃

‎37 ‏וַיֹּ֨אמֶר בָּלָ֜ק אֶל־בִּלְעָ֗ם הֲלֹא֩ שָׁלֹ֨חַ שָׁלַ֤חְתִּי אֵלֶ֙יךָ֙ לִקְרֹא־לָ֔ךְ לָ֥מָּה לֹא־הָלַ֖כְתָּ אֵלָ֑י הַֽאֻמְנָ֔ם לֹ֥א אוּכַ֖ל כַּבְּדֶֽךָ׃

‎38 ‏וַיֹּ֨אמֶר בִּלְעָ֜ם אֶל־בָּלָ֗ק הִֽנֵּה־בָ֙אתִי֙ אֵלֶ֔יךָ עַתָּ֕ה הֲיָכ֥וֹל אוּכַ֖ל דַּבֵּ֣ר מְא֑וּמָה הַדָּבָ֗ר אֲשֶׁ֨ר יָשִׂ֧ים אֱלֹהִ֛ים בְּפִ֖י אֹת֥וֹ אֲדַבֵּֽר׃

‎39 ‏וַיֵּ֥לֶךְ בִּלְעָ֖ם עִם־בָּלָ֑ק וַיָּבֹ֖אוּ קִרְיַ֥ת חֻצֽוֹת׃

‎40 ‏וַיִּזְבַּ֥ח בָּלָ֖ק בָּקָ֣ר וָצֹ֑אן וַיְשַׁלַּ֣ח לְבִלְעָ֔ם וְלַשָּׂרִ֖ים אֲשֶׁ֥ר אִתּֽוֹ׃

‎41 ‏וַיְהִ֣י בַבֹּ֔קֶר וַיִּקַּ֤ח בָּלָק֙ אֶת־בִּלְעָ֔ם וַֽיַּעֲלֵ֖הוּ בָּמ֣וֹת בָּ֑עַל וַיַּ֥רְא מִשָּׁ֖ם קְצֵ֥ה הָעָֽם׃

1 wayyisə‘û bənê yiśərā’ēl wayy^aḥănû bə‘arəḇwōṯ mwō’āḇ mē‘ēḇer ləyarədēn yərēḥwō: s

2 wayyarə’ bālāq ben-ṣipwōr ’ēṯ kāl-’ăšer-‘āśâ yiśərā’ēl lā’ĕmōrî:

3 wayyāḡār mwō’āḇ mipənê hā‘ām mə’ōḏ kî raḇ-hû’ wayyāqāṣ mwō’āḇ mipənê bənê yiśərā’ēl:

4 wayyō’mer mwō’āḇ ’el-ziqənê miḏəyān ‘atâ yəl^aḥăḵû haqqâāl ’eṯ-kāl-səḇîḇōṯênû kiləḥōḵə haššwōr ’ēṯ yereq haśśāḏeh ûḇālāq ben-ṣipwōr meleḵə ləmwō’āḇ bā‘ēṯ hahiw’:

5 wayyišəl^aḥ malə’āḵîm ’el-bilə‘ām ben-bə‘wōr pəṯwōrâ ’ăšer ‘al-hannâār ’ereṣ bənê-‘ammwō liqərō’-lwō lē’mōr hinnēh ‘am yāṣā’ mimmiṣərayim hinnēh ḵissâ ’eṯ-‘ên hā’āreṣ wəhû’ yōšēḇ mimmulî:

6 wə‘atâ ləḵâ-nnā’ ’ārâ-llî ’eṯ-hā‘ām hazzeh kî-‘āṣûm hû’ mimmennî ’ûlay ’ûḵal nakeh-bwō wa’ăḡārəšennû min-hā’āreṣ kî yāḏ^a‘ətî ’ēṯ ’ăšer-təḇārēḵə məḇōrāḵə wa’ăšer tā’ōr yû’ār:

7 wayyēləḵû ziqənê mwō’āḇ wəziqənê miḏəyān ûqəsāmîm bəyāḏām wayyāḇō’û ’el-bilə‘ām wayəḏabərû ’ēlāyw diḇərê ḇālāq:

8 wayyō’mer ’ălêhem lînû fōh hallayəlâ wahăšiḇōṯî ’eṯəḵem dāḇār ka’ăšer yəḏabēr yəhwâ ’ēlāy wayyēšəḇû śārê-mwō’āḇ ‘im-bilə‘ām:

9 wayyāḇō’ ’ĕlōhîm ’el-bilə‘ām wayyō’mer mî hā’ănāšîm hā’ēlleh ‘immāḵə:

10 wayyō’mer bilə‘ām ’el-hā’ĕlōhîm bālāq ben-ṣipōr meleḵə mwō’āḇ šāl^aḥ ’ēlāy:

11 hinnēh hā‘ām hayyōṣē’ mimmiṣərayim wayəḵas ’eṯ-‘ên hā’āreṣ ‘atâ ləḵâ qāḇâ-llî ’ōṯwō ’ûlay ’ûḵal ləhillāḥem bwō wəḡērašətîw:

12 wayyō’mer ’ĕlōhîm ’el-bilə‘ām lō’ ṯēlēḵə ‘immâem lō’ ṯā’ōr ’eṯ-hā‘ām kî ḇārûḵə hû’:

13 wayyāqām bilə‘ām babōqer wayyō’mer ’el-śārê ḇālāq ləḵû ’el-’arəṣəḵem kî mē’ēn yəhwâ ləṯitî lahălōḵə ‘immāḵem:

14 wayyāqûmû śārê mwō’āḇ wayyāḇō’û ’el-bālāq wayyō’mərû mē’ēn bilə‘ām hălōḵə ‘immānû:

15 wayyōsef ‘wōḏ bālāq šəlōḥa śārîm rabîm wəniḵəbāḏîm mē’ēlleh:

16 wayyāḇō’û ’el-bilə‘ām wayyō’mərû lwō kōh ’āmar bālāq ben-ṣipwōr ’al-nā’ ṯimmān^a‘ mēhălōḵə ’ēlāy:

17 kî-ḵabēḏ ’ăḵabeḏəḵā mə’ōḏ wəḵōl ’ăšer-tō’mar ’ēlay ’e‘ĕśeh ûləḵâ-nnā’ qāḇâ-llî ’ēṯ hā‘ām hazzeh:

18 wayy^a‘an bilə‘ām wayyō’mer ’el-‘aḇəḏê ḇālāq ’im-yiten-lî ḇālāq məlō’ ḇêṯwō kesef wəzâāḇ lō’ ’ûḵal l^a‘ăḇōr ’eṯ-pî yəhwâ ’ĕlōhāy l^a‘ăśwōṯ qəṭannâ ’wō ḡəḏwōlâ:

19 wə‘atâ šəḇû nā’ ḇāzeh gam-’atem hallāyəlâ wə’ēḏə‘â mah-yyōsēf yəhwâ dabēr ‘immî:

20 wayyāḇō’ ’ĕlōhîm| ’el-bilə‘ām layəlâ wayyō’mer lwō ’im-liqərō’ ləḵā bā’û hā’ănāšîm qûm lēḵə ’itām wə’aḵə ’eṯ-hadāḇār ’ăšer-’ăḏabēr ’ēleyḵā ’ōṯwō ṯ^a‘ăśeh:

21 wayyāqām bilə‘ām babōqer wayy^aḥăḇōš ’eṯ-’ăṯōnwō wayyēleḵə ‘im-śārê mwō’āḇ:

22 wayyiḥar-’af ’ĕlōhîm kî-hwōlēḵə hû’ wayyiṯəyaṣṣēḇ malə’aḵə yəhwâ badereḵə ləśāṭān lwō wəhû’ rōḵēḇ ‘al-’ăṯōnwō ûšənê nə‘ārāyw ‘immwō:

23 watēre’ hā’āṯwōn ’eṯ-malə’aḵə yəhwâ niṣṣāḇ badereḵə wəḥarəbwō šəlûfâ bəyāḏwō watēṭ hā’āṯwōn min-hadereḵə watēleḵə baśśāḏeh wayyaḵə bilə‘ām ’eṯ-hā’āṯwōn ləhaṭṭōṯāh hadāreḵə:

24 wayy^a‘ămōḏ malə’aḵə yəhwâ bəmišə‘wōl hakərāmîm gāḏēr mizzeh wəḡāḏēr mizzeh:

25 watēre’ hā’āṯwōn ’eṯ-malə’aḵə yəhwâ watillāḥēṣ ’el-haqqîr watiləḥaṣ ’eṯ-reḡel bilə‘ām ’el-haqqîr wayyōsef ləhakōṯāh:

26 wayywōsef malə’aḵə-yəhwâ ‘ăḇwōr wayy^a‘ămōḏ bəmāqwōm ṣār ’ăšer ’ên-dereḵə linəṭwōṯ yāmîn ûśəmō’wl:

27 watēre’ hā’āṯwōn ’eṯ-malə’aḵə yəhwâ watirəbaṣ t^aḥaṯ bilə‘ām wayyiḥar-’af bilə‘ām wayyaḵə ’eṯ-hā’āṯwōn bammaqqēl:

28 wayyifət^aḥ yəhwâ ’eṯ-pî hā’āṯwōn watō’mer ləḇilə‘ām meh-‘āśîṯî ləḵā kî hikîṯanî zeh šālōš rəḡālîm:

29 wayyō’mer bilə‘ām lā’āṯwōn kî hiṯə‘allalətə bî lû yeš-ḥereḇ bəyāḏî kî ‘atâ hăraḡətîḵə:

30 watō’mer hā’āṯwōn ’el-bilə‘ām hălwō’ ’ānōḵî ’ăṯōnəḵā ’ăšer-rāḵaḇətā ‘ālay mē‘wōḏəḵā ‘aḏ-hayywōm hazzeh hahasəkēn hisəkanətî l^a‘ăśwōṯ ləḵā kōh wayyō’mer lō’:

31 wayəḡal yəhwâ ’eṯ-‘ênê ḇilə‘ām wayyarə’ ’eṯ-malə’aḵə yəhwâ niṣṣāḇ badereḵə wəḥarəbwō šəlufâ bəyāḏwō wayyiqqōḏ wayyišət^aḥû lə’apāyw:

32 wayyō’mer ’ēlāyw malə’aḵə yəhwâ ‘al-mâ hikîṯā ’eṯ-’ăṯōnəḵā zeh šālwōš rəḡālîm hinnēh ’ānōḵî yāṣā’ṯî ləśāṭān kî-yāraṭ hadereḵə ləneḡədî:

33 watirə’anî hā’āṯwōn watēṭ ləfānay zeh šālōš rəḡālîm ’ûlay nāṭəṯâ mipānay kî ‘atâ gam-’ōṯəḵâ hāraḡətî wə’wōṯāh heḥĕyêṯî:

34 wayyō’mer bilə‘ām ’el-malə’aḵə yəhwâ ḥāṭā’ṯî kî lō’ yāḏ^a‘ətî kî ’atâ niṣṣāḇ liqərā’ṯî badāreḵə wə‘atâ ’im-r^a‘ bə‘êneyḵā ’āšûḇâ llî:

35 wayyō’mer malə’aḵə yəhwâ ’el-bilə‘ām lēḵə ‘im-hā’ănāšîm wə’efes ’eṯ-hadāḇār ’ăšer-’ăḏabēr ’ēleyḵā ’ōṯwō ṯəḏabēr wayyēleḵə bilə‘ām ‘im-śārê ḇālāq:

36 wayyišəm^a‘ bālāq kî ḇā’ ḇilə‘ām wayyēṣē’ liqərā’ṯwō ’el-‘îr mwō’āḇ ’ăšer ‘al-gəḇûl ’arənōn ’ăšer biqəṣēh hagəḇûl:

37 wayyō’mer bālāq ’el-bilə‘ām hălō’ šālōḥa šāl^aḥətî ’ēleyḵā liqərō’-lāḵə lāmmâ lō’-hālaḵətā ’ēlāy ha’umənām lō’ ’ûḵal kabəḏeḵā:

38 wayyō’mer bilə‘ām ’el-bālāq hinnēh-ḇā’ṯî ’ēleyḵā ‘atâ hăyāḵwōl ’ûḵal dabēr mə’ûmâ hadāḇār ’ăšer yāśîm ’ĕlōhîm bəfî ’ōṯwō ’ăḏabēr:

39 wayyēleḵə bilə‘ām ‘im-bālāq wayyāḇō’û qirəyaṯ ḥuṣwōṯ:

40 wayyizəb^aḥ bālāq bāqār wāṣō’n wayəšall^aḥ ləḇilə‘ām wəlaśśārîm ’ăšer ’itwō:

41 wayəhî ḇabōqer wayyiqq^aḥ bālāq ’eṯ-bilə‘ām wayy^a‘ălēhû bāmwōṯ bā‘al wayyarə’ miššām qəṣēh hā‘ām:

‎1 ‏וַיֹּ֤אמֶר בִּלְעָם֙ אֶל־בָּלָ֔ק בְּנֵה־לִ֥י בָזֶ֖ה שִׁבְעָ֣ה מִזְבְּחֹ֑ת וְהָכֵ֥ן לִי֙ בָּזֶ֔ה שִׁבְעָ֥ה פָרִ֖ים וְשִׁבְעָ֥ה אֵילִֽים׃

‎2 ‏וַיַּ֣עַשׂ בָּלָ֔ק כַּאֲשֶׁ֖ר דִּבֶּ֣ר בִּלְעָ֑ם וַיַּ֨עַל בָּלָ֧ק וּבִלְעָ֛ם פָּ֥ר וָאַ֖יִל בַּמִּזְבֵּֽחַ׃

‎3 ‏וַיֹּ֨אמֶר בִּלְעָ֜ם לְבָלָ֗ק הִתְיַצֵּב֮ עַל־עֹלָתֶךָ֒ וְאֵֽלְכָ֗ה אוּלַ֞י יִקָּרֵ֤ה³ יְהוָה֙ לִקְרָאתִ֔י וּדְבַ֥ר מַה־יַּרְאֵ֖נִי וְהִגַּ֣דְתִּי לָ֑ךְ וַיֵּ֖לֶךְ שֶֽׁפִי׃

‎4 ‏וַיִּקָּ֥ר אֱלֹהִ֖ים אֶל־בִּלְעָ֑ם וַיֹּ֣אמֶר אֵלָ֗יו אֶת־שִׁבְעַ֤ת הַֽמִּזְבְּחֹת֙ עָרַ֔כְתִּי וָאַ֛עַל פָּ֥ר וָאַ֖יִל בַּמִּזְבֵּֽחַ׃

‎5 ‏וַיָּ֧שֶׂם יְהוָ֛ה דָּבָ֖ר בְּפִ֣י בִלְעָ֑ם וַיֹּ֛אמֶר שׁ֥וּב אֶל־בָּלָ֖ק וְכֹ֥ה תְדַבֵּֽר׃

‎6 ‏וַיָּ֣שָׁב אֵלָ֔יו וְהִנֵּ֥ה נִצָּ֖ב עַל־עֹלָת֑וֹ ה֖וּא וְכָל־שָׂרֵ֥י מוֹאָֽב׃

‎7 ‏וַיִּשָּׂ֥א מְשָׁל֖וֹ וַיֹּאמַ֑ר מִן־אֲ֠רָם יַנְחֵ֨נִי בָלָ֤ק מֶֽלֶךְ־מוֹאָב֙ מֵֽהַרְרֵי־קֶ֔דֶם לְכָה֙ אָֽרָה־לִּ֣י יַעֲקֹ֔ב וּלְכָ֖ה זֹעֲמָ֥ה יִשְׂרָאֵֽל׃

‎8 ‏מָ֣ה אֶקֹּ֔ב לֹ֥א קַבֹּ֖ה אֵ֑ל וּמָ֣ה אֶזְעֹ֔ם לֹ֥א זָעַ֖ם יְהוָֽה׃

‎9 ‏כִּֽי־מֵרֹ֤אשׁ צֻרִים֙ אֶרְאֶ֔נּוּ וּמִגְּבָע֖וֹת אֲשׁוּרֶ֑נּוּ הֶן־עָם֙ לְבָדָ֣ד יִשְׁכֹּ֔ן וּבַגּוֹיִ֖ם לֹ֥א יִתְחַשָּֽׁב׃

‎10 ‏מִ֤י מָנָה֙ עֲפַ֣ר יַעֲקֹ֔ב וּמִסְפָּ֖ר אֶת־רֹ֣בַע יִשְׂרָאֵ֑ל תָּמֹ֤ת נַפְשִׁי֙ מ֣וֹת יְשָׁרִ֔ים וּתְהִ֥י אַחֲרִיתִ֖י כָּמֹֽהוּ׃

‎11 ‏וַיֹּ֤אמֶר בָּלָק֙ אֶל־בִּלְעָ֔ם מֶ֥ה עָשִׂ֖יתָ לִ֑י לָקֹ֤ב אֹיְבַי֙ לְקַחְתִּ֔יךָ וְהִנֵּ֖ה בֵּרַ֥כְתָּ בָרֵֽךְ׃

‎12 ‏וַיַּ֖עַן וַיֹּאמַ֑ר הֲלֹ֗א אֵת֩ אֲשֶׁ֨ר יָשִׂ֤ים יְהוָה֙ בְּפִ֔י אֹת֥וֹ אֶשְׁמֹ֖ר לְדַבֵּֽר׃

‎13 ‏וַיֹּ֨אמֶר אֵלָ֜יו בָּלָ֗ק לך־ לְכָה־ נָּ֨א אִתִּ֜י אֶל־מָק֤וֹם אַחֵר֙ אֲשֶׁ֣ר תִּרְאֶ֣נּוּ מִשָּׁ֔ם אֶ֚פֶס קָצֵ֣הוּ תִרְאֶ֔ה וְכֻלּ֖וֹ לֹ֣א תִרְאֶ֑ה וְקָבְנוֹ־לִ֖י מִשָּֽׁם׃

‎14 ‏וַיִּקָּחֵ֙הוּ֙ שְׂדֵ֣ה צֹפִ֔ים אֶל־רֹ֖אשׁ הַפִּסְגָּ֑ה וַיִּ֙בֶן֙ שִׁבְעָ֣ה מִזְבְּחֹ֔ת וַיַּ֛עַל פָּ֥ר וָאַ֖יִל בַּמִּזְבֵּֽחַ׃

‎15 ‏וַיֹּ֙אמֶר֙ אֶל־בָּלָ֔ק הִתְיַצֵּ֥ב כֹּ֖ה עַל־עֹלָתֶ֑ךָ וְאָנֹכִ֖י אִקָּ֥רֶה כֹּֽה׃

‎16 ‏וַיִּקָּ֤ר יְהוָה֙ אֶל־בִּלְעָ֔ם וַיָּ֥שֶׂם דָּבָ֖ר בְּפִ֑יו וַיֹּ֛אמֶר שׁ֥וּב אֶל־בָּלָ֖ק וְכֹ֥ה תְדַבֵּֽר׃

‎17 ‏וַיָּבֹ֣א אֵלָ֗יו וְהִנּ֤וֹ נִצָּב֙ עַל־עֹ֣לָת֔וֹ וְשָׂרֵ֥י מוֹאָ֖ב אִתּ֑וֹ וַיֹּ֤אמֶר לוֹ֙ בָּלָ֔ק מַה־דִּבֶּ֖ר יְהוָֽה׃

‎18 ‏וַיִּשָּׂ֥א מְשָׁל֖וֹ וַיֹּאמַ֑ר ק֤וּם בָּלָק֙ וּֽשֲׁמָ֔ע³ הַאֲזִ֥ינָה עָדַ֖י בְּנ֥וֹ צִפֹּֽר׃

‎19 ‏לֹ֣א אִ֥ישׁ אֵל֙ וִֽיכַזֵּ֔ב וּבֶן־אָדָ֖ם וְיִתְנֶחָ֑ם הַה֤וּא אָמַר֙ וְלֹ֣א יַעֲשֶׂ֔ה וְדִבֶּ֖ר וְלֹ֥א יְקִימֶֽנָּה׃

‎20 ‏הִנֵּ֥ה בָרֵ֖ךְ לָקָ֑חְתִּי וּבֵרֵ֖ךְ וְלֹ֥א אֲשִׁיבֶֽנָּה׃

‎21 ‏לֹֽא־הִבִּ֥יט אָ֙וֶן֙ בְּיַעֲקֹ֔ב וְלֹא־רָאָ֥ה עָמָ֖ל בְּיִשְׂרָאֵ֑ל יְהוָ֤ה אֱלֹהָיו֙ עִמּ֔וֹ וּתְרוּעַ֥ת מֶ֖לֶךְ בּֽוֹ׃

‎22 ‏אֵ֖ל מוֹצִיאָ֣ם מִמִּצְרָ֑יִם כְּתוֹעֲפֹ֥ת רְאֵ֖ם לֽוֹ׃

‎23 ‏כִּ֤י לֹא־נַ֙חַשׁ֙ בְּיַעֲקֹ֔ב וְלֹא־קֶ֖סֶם בְּיִשְׂרָאֵ֑ל כָּעֵ֗ת יֵאָמֵ֤ר לְיַעֲקֹב֙ וּלְיִשְׂרָאֵ֔ל מַה־פָּ֖עַל אֵֽל׃

‎24 ‏הֶן־עָם֙ כְּלָבִ֣יא יָק֔וּם וְכַאֲרִ֖י יִתְנַשָּׂ֑א לֹ֤א יִשְׁכַּב֙ עַד־יֹ֣אכַל טֶ֔רֶף וְדַם־חֲלָלִ֖ים יִשְׁתֶּֽה׃

‎25 ‏וַיֹּ֤אמֶר בָּלָק֙ אֶל־בִּלְעָ֔ם גַּם־קֹ֖ב לֹ֣א תִקֳּבֶ֑נּוּ גַּם־בָּרֵ֖ךְ לֹ֥א תְבָרֲכֶֽנּוּ׃

‎26 ‏וַיַּ֣עַן בִּלְעָ֔ם וַיֹּ֖אמֶר אֶל־בָּלָ֑ק הֲלֹ֗א דִּבַּ֤רְתִּי אֵלֶ֙יךָ֙ לֵאמֹ֔ר כֹּ֛ל אֲשֶׁר־יְדַבֵּ֥ר יְהוָ֖ה אֹת֥וֹ אֶֽעֱשֶֽׂה׃

‎27 ‏וַיֹּ֤אמֶר בָּלָק֙ אֶל־בִּלְעָ֔ם לְכָה־נָּא֙ אֶקָּ֣חֲךָ֔ אֶל־מָק֖וֹם אַחֵ֑ר אוּלַ֤י יִישַׁר֙ בְּעֵינֵ֣י הָאֱלֹהִ֔ים וְקַבֹּ֥תוֹ לִ֖י מִשָּֽׁם׃

‎28 ‏וַיִּקַּ֥ח בָּלָ֖ק אֶת־בִּלְעָ֑ם רֹ֣אשׁ הַפְּע֔וֹר הַנִּשְׁקָ֖ף עַל־פְּנֵ֥י הַיְשִׁימֹֽן׃

‎29 ‏וַיֹּ֤אמֶר בִּלְעָם֙ אֶל־בָּלָ֔ק בְּנֵה־לִ֥י בָזֶ֖ה שִׁבְעָ֣ה מִזְבְּחֹ֑ת וְהָכֵ֥ן לִי֙ בָּזֶ֔ה שִׁבְעָ֥ה פָרִ֖ים³ וְשִׁבְעָ֥ה אֵילִֽים׃

‎30 ‏וַיַּ֣עַשׂ בָּלָ֔ק כַּאֲשֶׁ֖ר אָמַ֣ר בִּלְעָ֑ם וַיַּ֛עַל פָּ֥ר וָאַ֖יִל בַּמִּזְבֵּֽחַ׃

1 wayyō’mer bilə‘ām ’el-bālāq bənēh-lî ḇāzeh šiḇə‘â mizəbəḥōṯ wəhāḵēn lî bāzeh šiḇə‘â fārîm wəšiḇə‘â ’êlîm:

2 wayy^a‘aś bālāq ka’ăšer diber bilə‘ām wayy^a‘al bālāq ûḇilə‘ām pār wā’ayil bammizəbēḥa:

3 wayyō’mer bilə‘ām ləḇālāq hiṯəyaṣṣēḇ ‘al-‘ōlāṯeḵā wə’ēləḵâ ’ûlay yiqqārēh³ yəhwâ liqərā’ṯî ûḏəḇar mah-yyarə’ēnî wəhigaḏətî lāḵə wayyēleḵə šefî:

4 wayyiqqār ’ĕlōhîm ’el-bilə‘ām wayyō’mer ’ēlāyw ’eṯ-šiḇə‘aṯ hammizəbəḥōṯ ‘āraḵətî wā’^a‘al pār wā’ayil bammizəbēḥa:

5 wayyāśem yəhwâ dāḇār bəfî ḇilə‘ām wayyō’mer šûḇ ’el-bālāq wəḵōh ṯəḏabēr:

6 wayyāšāḇ ’ēlāyw wəhinnēh niṣṣāḇ ‘al-‘ōlāṯwō hû’ wəḵāl-śārê mwō’āḇ:

7 wayyiśśā’ məšālwō wayyō’mar min-’ărām yanəḥēnî ḇālāq meleḵə-mwō’āḇ mēharərê-qeḏem ləḵâ ’ārâ-llî y^a‘ăqōḇ ûləḵâ zō‘ămâ yiśərā’ēl:

8 mâ ’eqqōḇ lō’ qabōh ’ēl ûmâ ’ezə‘ōm lō’ zā‘am yəhwâ:

9 kî-mērō’š ṣurîm ’erə’ennû ûmigəḇā‘wōṯ ’ăšûrennû hen-‘ām ləḇāḏāḏ yišəkōn ûḇagwōyim lō’ yiṯəḥaššāḇ:

10 mî mānâ ‘ăfar y^a‘ăqōḇ ûmisəpār ’eṯ-rōḇ^a‘ yiśərā’ēl tāmōṯ nafəšî mwōṯ yəšārîm ûṯəhî ’^aḥărîṯî kāmōhû:

11 wayyō’mer bālāq ’el-bilə‘ām meh ‘āśîṯā lî lāqōḇ ’ōyəḇay ləq^aḥətîḵā wəhinnēh bēraḵətā ḇārēḵə:

12 wayy^a‘an wayyō’mar hălō’ ’ēṯ ’ăšer yāśîm yəhwâ bəfî ’ōṯwō ’ešəmōr ləḏabēr:

13 wayyō’mer ’ēlāyw bālāq ləḵā- ləḵâ- nnā’ ’itî ’el-māqwōm ’^aḥēr ’ăšer tirə’ennû miššām ’efes qāṣēhû ṯirə’eh wəḵullwō lō’ ṯirə’eh wəqāḇənwō-lî miššām:

14 wayyiqqāḥēhû śəḏēh ṣōfîm ’el-rō’š hapisəgâ wayyiḇen šiḇə‘â mizəbəḥōṯ wayy^a‘al pār wā’ayil bammizəbēḥa:

15 wayyō’mer ’el-bālāq hiṯəyaṣṣēḇ kōh ‘al-‘ōlāṯeḵā wə’ānōḵî ’iqqāreh kōh:

16 wayyiqqār yəhwâ ’el-bilə‘ām wayyāśem dāḇār bəfîw wayyō’mer šûḇ ’el-bālāq wəḵōh ṯəḏabēr:

17 wayyāḇō’ ’ēlāyw wəhinnwō niṣṣāḇ ‘al-‘ōlāṯwō wəśārê mwō’āḇ ’itwō wayyō’mer lwō bālāq mah-diber yəhwâ:

18 wayyiśśā’ məšālwō wayyō’mar qûm bālāq ûšămā‘³ ha’ăzînâ ‘āḏay bənwō ṣipōr:

19 lō’ ’îš ’ēl wîḵazzēḇ ûḇen-’āḏām wəyiṯəneḥām hahû’ ’āmar wəlō’ y^a‘ăśeh wəḏiber wəlō’ yəqîmennâ:

20 hinnēh ḇārēḵə lāqāḥətî ûḇērēḵə wəlō’ ’ăšîḇennâ:

21 lō’-hibîṭ ’āwen bəy^a‘ăqōḇ wəlō’-rā’â ‘āmāl bəyiśərā’ēl yəhwâ ’ĕlōhāyw ‘immwō ûṯərû‘aṯ meleḵə bwō:

22 ’ēl mwōṣî’ām mimmiṣərāyim kəṯwō‘ăfōṯ rə’ēm lwō:

23 kî lō’-n^aḥaš bəy^a‘ăqōḇ wəlō’-qesem bəyiśərā’ēl kā‘ēṯ yē’āmēr ləy^a‘ăqōḇ ûləyiśərā’ēl mah-pā‘al ’ēl:

24 hen-‘ām kəlāḇî’ yāqûm wəḵa’ărî yiṯənaśśā’ lō’ yišəkaḇ ‘aḏ-yō’ḵal ṭeref wəḏam-ḥălālîm yišəteh:

25 wayyō’mer bālāq ’el-bilə‘ām gam-qōḇ lō’ ṯiqqŏḇennû gam-bārēḵə lō’ ṯəḇārăḵennû:

26 wayy^a‘an bilə‘ām wayyō’mer ’el-bālāq hălō’ dibarətî ’ēleyḵā lē’mōr kōl ’ăšer-yəḏabēr yəhwâ ’ōṯwō ’e‘ĕśeh:

27 wayyō’mer bālāq ’el-bilə‘ām ləḵâ-nnā’ ’eqqāḥăḵā ’el-māqwōm ’^aḥēr ’ûlay yîšar bə‘ênê hā’ĕlōhîm wəqabōṯwō lî miššām:

28 wayyiqq^aḥ bālāq ’eṯ-bilə‘ām rō’š hapə‘wōr hannišəqāf ‘al-pənê hayəšîmōn:

29 wayyō’mer bilə‘ām ’el-bālāq bənēh-lî ḇāzeh šiḇə‘â mizəbəḥōṯ wəhāḵēn lî bāzeh šiḇə‘â fārîm³ wəšiḇə‘â ’êlîm:

30 wayy^a‘aś bālāq ka’ăšer ’āmar bilə‘ām wayy^a‘al pār wā’ayil bammizəbēḥa:

‎1 ‏וַיַּ֣רְא בִּלְעָ֗ם כִּ֣י ט֞וֹב בְּעֵינֵ֤י יְהוָה֙ לְבָרֵ֣ךְ אֶת־יִשְׂרָאֵ֔ל וְלֹא־הָלַ֥ךְ כְּפַֽעַם־בְּפַ֖עַם לִקְרַ֣את נְחָשִׁ֑ים וַיָּ֥שֶׁת אֶל־הַמִּדְבָּ֖ר פָּנָֽיו׃

‎2 ‏וַיִּשָּׂ֨א בִלְעָ֜ם אֶת־עֵינָ֗יו וַיַּרְא֙ אֶת־יִשְׂרָאֵ֔ל שֹׁכֵ֖ן לִשְׁבָטָ֑יו וַתְּהִ֥י עָלָ֖יו ר֥וּחַ אֱלֹהִֽים׃

‎3 ‏וַיִּשָּׂ֥א מְשָׁל֖וֹ וַיֹּאמַ֑ר נְאֻ֤ם בִּלְעָם֙ בְּנ֣וֹ בְעֹ֔ר וּנְאֻ֥ם הַגֶּ֖בֶר שְׁתֻ֥ם הָעָֽיִן׃

‎4 ‏נְאֻ֕ם שֹׁמֵ֖עַ אִמְרֵי־אֵ֑ל אֲשֶׁ֨ר מַחֲזֵ֤ה שַׁדַּי֙ יֶֽחֱזֶ֔ה נֹפֵ֖ל וּגְל֥וּי עֵינָֽיִם׃

‎5 ‏מַה־טֹּ֥בוּ אֹהָלֶ֖יךָ יַעֲקֹ֑ב מִשְׁכְּנֹתֶ֖יךָ יִשְׂרָאֵֽל׃

‎6 ‏כִּנְחָלִ֣ים נִטָּ֔יוּ כְּגַנֹּ֖ת עֲלֵ֣י נָהָ֑ר כַּאֲהָלִים֙ נָטַ֣ע יְהוָ֔ה כַּאֲרָזִ֖ים עֲלֵי־מָֽיִם׃

‎7 ‏יִֽזַּל־מַ֙יִם֙ מִדָּ֣לְיָ֔ו וְזַרְע֖וֹ בְּמַ֣יִם רַבִּ֑ים וְיָרֹ֤ם מֵֽאֲגַג֙ מַלְכּ֔וֹ וְתִנַּשֵּׂ֖א מַלְכֻתֽוֹ׃

‎8 ‏אֵ֚ל מוֹצִיא֣וֹ מִמִּצְרַ֔יִם כְּתוֹעֲפֹ֥ת רְאֵ֖ם ל֑וֹ יֹאכַ֞ל גּוֹיִ֣ם צָרָ֗יו וְעַצְמֹתֵיהֶ֛ם יְגָרֵ֖ם וְחִצָּ֥יו יִמְחָֽץ׃

‎9 ‏כָּרַ֨ע שָׁכַ֧ב כַּאֲרִ֛י וּכְלָבִ֖יא מִ֣י יְקִימֶ֑נּוּ מְבָרֲכֶ֣יךָ בָר֔וּךְ וְאֹרְרֶ֖יךָ אָרֽוּר׃

‎10 ‏וַיִּֽחַר־אַ֤ף בָּלָק֙ אֶל־בִּלְעָ֔ם וַיִּסְפֹּ֖ק אֶת־כַּפָּ֑יו וַיֹּ֨אמֶר בָּלָ֜ק אֶל־בִּלְעָ֗ם לָקֹ֤ב אֹֽיְבַי֙ קְרָאתִ֔יךָ וְהִנֵּה֙ בֵּרַ֣כְתָּ בָרֵ֔ךְ זֶ֖ה שָׁלֹ֥שׁ פְּעָמִֽים׃

‎11 ‏וְעַתָּ֖ה בְּרַח־לְךָ֣ אֶל־מְקוֹמֶ֑ךָ אָמַ֙רְתִּי֙ כַּבֵּ֣ד אֲכַבֶּדְךָ֔ וְהִנֵּ֛ה מְנָעֲךָ֥ יְהוָ֖ה מִכָּבֽוֹד׃

‎12 ‏וַיֹּ֥אמֶר בִּלְעָ֖ם אֶל־בָּלָ֑ק הֲלֹ֗א גַּ֧ם אֶל־מַלְאָכֶ֛יךָ אֲשֶׁר־שָׁלַ֥חְתָּ אֵלַ֖י דִּבַּ֥רְתִּי לֵאמֹֽר׃

‎13 ‏אִם־יִתֶּן־לִ֨י בָלָ֜ק מְלֹ֣א בֵיתוֹ֮ כֶּ֣סֶף וְזָהָב֒ לֹ֣א אוּכַ֗ל לַעֲבֹר֙ אֶת־פִּ֣י יְהוָ֔ה לַעֲשׂ֥וֹת טוֹבָ֛ה א֥וֹ רָעָ֖ה מִלִּבִּ֑י אֲשֶׁר־יְדַבֵּ֥ר יְהוָ֖ה אֹת֥וֹ אֲדַבֵּֽר׃

‎14 ‏וְעַתָּ֕ה הִנְנִ֥י הוֹלֵ֖ךְ לְעַמִּ֑י לְכָה֙ אִיעָ֣צְךָ֔ אֲשֶׁ֨ר יַעֲשֶׂ֜ה הָעָ֥ם הַזֶּ֛ה לְעַמְּךָ֖ בְּאַחֲרִ֥ית הַיָּמִֽים׃

‎15 ‏וַיִּשָּׂ֥א מְשָׁל֖וֹ וַיֹּאמַ֑ר נְאֻ֤ם בִּלְעָם֙ בְּנ֣וֹ בְעֹ֔ר וּנְאֻ֥ם הַגֶּ֖בֶר שְׁתֻ֥ם הָעָֽיִן׃

‎16 ‏נְאֻ֗ם שֹׁמֵ֙עַ֙ אִמְרֵי־אֵ֔ל וְיֹדֵ֖עַ דַּ֣עַת עֶלְי֑וֹן מַחֲזֵ֤ה שַׁדַּי֙ יֶֽחֱזֶ֔ה נֹפֵ֖ל וּגְל֥וּי עֵינָֽיִם׃

‎17 ‏אֶרְאֶ֙נּוּ֙ וְלֹ֣א עַתָּ֔ה אֲשׁוּרֶ֖נּוּ וְלֹ֣א קָר֑וֹב דָּרַ֨ךְ כּוֹכָ֜ב מִֽיַּעֲקֹ֗ב וְקָ֥ם שֵׁ֙בֶט֙ מִיִּשְׂרָאֵ֔ל וּמָחַץ֙ פַּאֲתֵ֣י מוֹאָ֔ב וְקַרְקַ֖ר כָּל־בְּנֵי־שֵֽׁת׃

‎18 ‏וְהָיָ֨ה אֱד֜וֹם יְרֵשָׁ֗ה וְהָיָ֧ה יְרֵשָׁ֛ה שֵׂעִ֖יר אֹיְבָ֑יו וְיִשְׂרָאֵ֖ל עֹ֥שֶׂה חָֽיִל׃

‎19 ‏וְיֵ֖רְדְּ מִֽיַּעֲקֹ֑ב וְהֶֽאֱבִ֥יד שָׂרִ֖יד מֵעִֽיר׃

‎20 ‏וַיַּרְא֙ אֶת־עֲמָלֵ֔ק וַיִּשָּׂ֥א מְשָׁל֖וֹ וַיֹּאמַ֑ר רֵאשִׁ֤ית גּוֹיִם֙ עֲמָלֵ֔ק וְאַחֲרִית֖וֹ עֲדֵ֥י אֹבֵֽד׃

‎21 ‏וַיַּרְא֙ אֶת־הַקֵּינִ֔י וַיִּשָּׂ֥א מְשָׁל֖וֹ וַיֹּאמַ֑ר אֵיתָן֙ מֽוֹשָׁבֶ֔ךָ וְשִׂ֥ים בַּסֶּ֖לַע קִנֶּֽךָ׃

‎22 ‏כִּ֥י אִם־יִהְיֶ֖ה לְבָ֣עֵֽר קָ֑יִן עַד־מָ֖ה אַשּׁ֥וּר תִּשְׁבֶּֽךָּ׃

‎23 ‏וַיִּשָּׂ֥א מְשָׁל֖וֹ וַיֹּאמַ֑ר א֕וֹי מִ֥י יִחְיֶ֖ה מִשֻּׂמ֥וֹ אֵֽל׃

‎24 ‏וְצִים֙ מִיַּ֣ד כִּתִּ֔ים וְעִנּ֥וּ אַשּׁ֖וּר וְעִנּוּ־עֵ֑בֶר וְגַם־ה֖וּא עֲדֵ֥י אֹבֵֽד׃

‎25 ‏וַיָּ֣קָם בִּלְעָ֔ם וַיֵּ֖לֶךְ וַיָּ֣שָׁב לִמְקֹמ֑וֹ וְגַם־בָּלָ֖ק הָלַ֥ךְ לְדַרְכּֽוֹ׃ פ

1 wayyarə’ bilə‘ām kî ṭwōḇ bə‘ênê yəhwâ ləḇārēḵə ’eṯ-yiśərā’ēl wəlō’-hālaḵə kəf^a‘am-bəf^a‘am liqəra’ṯ nəḥāšîm wayyāšeṯ ’el-hammiḏəbār pānāyw:

2 wayyiśśā’ ḇilə‘ām ’eṯ-‘ênāyw wayyarə’ ’eṯ-yiśərā’ēl šōḵēn lišəḇāṭāyw watəhî ‘ālāyw rûḥa ’ĕlōhîm:

3 wayyiśśā’ məšālwō wayyō’mar nə’um bilə‘ām bənwō ḇə‘ōr ûnə’um hageḇer šəṯum hā‘āyin:

4 nə’um šōmē‘a ’imərê-’ēl ’ăšer m^aḥăzēh šaday yeḥĕzeh nōfēl ûḡəlûy ‘ênāyim:

5 mah-ṭṭōḇû ’ōhāleyḵā y^a‘ăqōḇ mišəkənōṯeyḵā yiśərā’ēl:

6 kinəḥālîm niṭṭāyû kəḡannōṯ ‘ălê nâār ka’ăhālîm nāṭ^a‘ yəhwâ ka’ărāzîm ‘ălê-māyim:

7 yizzal-mayim midāləyāw wəzarə‘wō bəmayim rabîm wəyārōm mē’ăḡaḡ maləkwō wəṯinnaśśē’ maləḵuṯwō:

8 ’ēl mwōṣî’wō mimmiṣərayim kəṯwō‘ăfōṯ rə’ēm lwō yō’ḵal gwōyim ṣārāyw wə‘aṣəmōṯêhem yəḡārēm wəḥiṣṣāyw yiməḥāṣ:

9 kār^a‘ šāḵaḇ ka’ărî ûḵəlāḇî’ mî yəqîmennû məḇārăḵeyḵā ḇārûḵə wə’ōrəreyḵā ’ārûr:

10 wayyiḥar-’af bālāq ’el-bilə‘ām wayyisəpōq ’eṯ-kapāyw wayyō’mer bālāq ’el-bilə‘ām lāqōḇ ’ōyəḇay qərā’ṯîḵā wəhinnēh bēraḵətā ḇārēḵə zeh šālōš pə‘āmîm:

11 wə‘atâ bər^aḥ-ləḵā ’el-məqwōmeḵā ’āmarətî kabēḏ ’ăḵabeḏəḵā wəhinnēh mənā‘ăḵā yəhwâ mikāḇwōḏ:

12 wayyō’mer bilə‘ām ’el-bālāq hălō’ gam ’el-malə’āḵeyḵā ’ăšer-šāl^aḥətā ’ēlay dibarətî lē’mōr:

13 ’im-yiten-lî ḇālāq məlō’ ḇêṯwō kesef wəzâāḇ lō’ ’ûḵal l^a‘ăḇōr ’eṯ-pî yəhwâ l^a‘ăśwōṯ ṭwōḇâ ’wō rā‘â millibî ’ăšer-yəḏabēr yəhwâ ’ōṯwō ’ăḏabēr:

14 wə‘atâ hinənî hwōlēḵə lə‘ammî ləḵâ ’î‘āṣəḵā ’ăšer y^a‘ăśeh hā‘ām hazzeh lə‘amməḵā bə’^aḥărîṯ hayyāmîm:

15 wayyiśśā’ məšālwō wayyō’mar nə’um bilə‘ām bənwō ḇə‘ōr ûnə’um hageḇer šəṯum hā‘āyin:

16 nə’um šōmē‘a ’imərê-’ēl wəyōḏē‘a d^a‘aṯ ‘eləywōn m^aḥăzēh šaday yeḥĕzeh nōfēl ûḡəlûy ‘ênāyim:

17 ’erə’ennû wəlō’ ‘atâ ’ăšûrennû wəlō’ qārwōḇ dāraḵə kwōḵāḇ mîy^a‘ăqōḇ wəqām šēḇeṭ mîyiśərā’ēl ûmāḥaṣ pa’ăṯê mwō’āḇ wəqarəqar kāl-bənê-šēṯ:

18 wəhāyâ ’ĕḏwōm yərēšâ wəhāyâ yərēšâ śē‘îr ’ōyəḇāyw wəyiśərā’ēl ‘ōśeh ḥāyil:

19 wəyērədə mîy^a‘ăqōḇ wəhe’ĕḇîḏ śārîḏ mē‘îr:

20 wayyarə’ ’eṯ-‘ămālēq wayyiśśā’ məšālwō wayyō’mar rē’šîṯ gwōyim ‘ămālēq wə’^aḥărîṯwō ‘ăḏê ’ōḇēḏ:

21 wayyarə’ ’eṯ-haqqênî wayyiśśā’ məšālwō wayyō’mar ’êṯān mwōšāḇeḵā wəśîm bassel^a‘ qinneḵā:

22 kî ’im-yihəyeh ləḇā‘ēr qāyin ‘aḏ-mâ ’aššûr tišəbeḵḵā:

23 wayyiśśā’ məšālwō wayyō’mar ’wōy mî yiḥəyeh miśśumwō ’ēl:

24 wəṣîm mîyaḏ kitîm wə‘innû ’aššûr wə‘innû-‘ēḇer wəḡam-hû’ ‘ăḏê ’ōḇēḏ:

25 wayyāqām bilə‘ām wayyēleḵə wayyāšāḇ liməqōmwō wəḡam-bālāq hālaḵə ləḏarəkwō: f

‎1 ‏וַיֵּ֥שֶׁב יִשְׂרָאֵ֖ל בַּשִּׁטִּ֑ים וַיָּ֣חֶל הָעָ֔ם לִזְנ֖וֹת אֶל־בְּנ֥וֹת מוֹאָֽב׃

‎2 ‏וַתִּקְרֶ֣אןָ לָעָ֔ם לְזִבְחֵ֖י אֱלֹהֵיהֶ֑ן וַיֹּ֣אכַל הָעָ֔ם וַיִּֽשְׁתַּחֲוּ֖וּ¹ לֵֽאלֹהֵיהֶֽן׃

‎3 ‏וַיִּצָּ֥מֶד יִשְׂרָאֵ֖ל לְבַ֣עַל פְּע֑וֹר וַיִּֽחַר־אַ֥ף יְהוָ֖ה בְּיִשְׂרָאֵֽל׃

‎4 ‏וַיֹּ֨אמֶר יְהוָ֜ה אֶל־מֹשֶׁ֗ה קַ֚ח אֶת־כָּל־רָאשֵׁ֣י הָעָ֔ם וְהוֹקַ֥ע אוֹתָ֛ם לַיהוָ֖ה נֶ֣גֶד הַשָּׁ֑מֶשׁ וְיָשֹׁ֛ב חֲר֥וֹן אַף־יְהוָ֖ה מִיִּשְׂרָאֵֽל׃

‎5 ‏וַיֹּ֣אמֶר מֹשֶׁ֔ה אֶל־שֹׁפְטֵ֖י יִשְׂרָאֵ֑ל הִרְגוּ֙ אִ֣ישׁ אֲנָשָׁ֔יו הַנִּצְמָדִ֖ים לְבַ֥עַל פְּעֽוֹר׃

‎6 ‏וְהִנֵּ֡ה אִישׁ֩ מִבְּנֵ֨י יִשְׂרָאֵ֜ל בָּ֗א וַיַּקְרֵ֤ב אֶל־אֶחָיו֙ אֶת־הַמִּדְיָנִ֔ית לְעֵינֵ֣י מֹשֶׁ֔ה וּלְעֵינֵ֖י כָּל־עֲדַ֣ת בְּנֵי־יִשְׂרָאֵ֑ל וְהֵ֣מָּה בֹכִ֔ים פֶּ֖תַח אֹ֥הֶל מוֹעֵֽד׃

‎7 ‏וַיַּ֗רְא פִּֽינְחָס֙ בֶּן־אֶלְעָזָ֔ר בֶּֽן־אַהֲרֹ֖ן הַכֹּהֵ֑ן וַיָּ֙קָם֙ מִתּ֣וֹךְ הָֽעֵדָ֔ה וַיִּקַּ֥ח רֹ֖מַח בְּיָדֽוֹ׃

‎8 ‏וַ֠יָּבֹא אַחַ֨ר אִֽישׁ־יִשְׂרָאֵ֜ל אֶל־הַקֻּבָּ֗ה וַיִּדְקֹר֙ אֶת־שְׁנֵיהֶ֔ם אֵ֚ת אִ֣ישׁ יִשְׂרָאֵ֔ל וְאֶת־הָאִשָּׁ֖ה אֶל־קֳבָתָ֑הּ וַתֵּֽעָצַר֙ הַמַּגֵּפָ֔ה מֵעַ֖ל בְּנֵ֥י יִשְׂרָאֵֽל׃

‎9 ‏וַיִּהְי֕וּ הַמֵּתִ֖ים בַּמַּגֵּפָ֑ה אַרְבָּעָ֥ה וְעֶשְׂרִ֖ים אָֽלֶף׃ פ

‎10 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎11 ‏פִּֽינְחָ֨ס בֶּן־אֶלְעָזָ֜ר בֶּן־אַהֲרֹ֣ן הַכֹּהֵ֗ן הֵשִׁ֤יב אֶת־חֲמָתִי֙ מֵעַ֣ל בְּנֵֽי־יִשְׂרָאֵ֔ל בְּקַנְא֥וֹ אֶת־קִנְאָתִ֖י בְּתוֹכָ֑ם וְלֹא־כִלִּ֥יתִי אֶת־בְּנֵֽי־יִשְׂרָאֵ֖ל בְּקִנְאָתִֽי׃

‎12 ‏לָכֵ֖ן אֱמֹ֑ר הִנְנִ֨י נֹתֵ֥ן ל֛וֹ אֶת־בְּרִיתִ֖י שָׁלֽוֹם׃

‎13 ‏וְהָ֤יְתָה לּוֹ֙ וּלְזַרְע֣וֹ אַחֲרָ֔יו בְּרִ֖ית כְּהֻנַּ֣ת עוֹלָ֑ם תַּ֗חַת אֲשֶׁ֤ר קִנֵּא֙ לֵֽאלֹהָ֔יו וַיְכַפֵּ֖ר עַל־בְּנֵ֥י יִשְׂרָאֵֽל׃

‎14 ‏וְשֵׁם֩ אִ֨ישׁ יִשְׂרָאֵ֜ל הַמֻּכֶּ֗ה אֲשֶׁ֤ר הֻכָּה֙ אֶת־הַמִּדְיָנִ֔ית זִמְרִ֖י בֶּן־סָל֑וּא נְשִׂ֥יא בֵֽית־אָ֖ב לַשִּׁמְעֹנִֽי׃

‎15 ‏וְשֵׁ֨ם הָֽאִשָּׁ֧ה הַמֻּכָּ֛ה הַמִּדְיָנִ֖ית כָּזְבִּ֣י בַת־צ֑וּר רֹ֣אשׁ אֻמּ֥וֹת בֵּֽית־אָ֛ב בְּמִדְיָ֖ן הֽוּא׃ פ

‎16 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎17 ‏צָר֖וֹר אֶת־הַמִּדְיָנִ֑ים וְהִכִּיתֶ֖ם אוֹתָֽם׃

‎18 ‏כִּ֣י צֹרְרִ֥ים הֵם֙ לָכֶ֔ם בְּנִכְלֵיהֶ֛ם אֲשֶׁר־נִכְּל֥וּ לָכֶ֖ם עַל־דְּבַר־פְּע֑וֹר וְעַל־דְּבַ֞ר כָּזְבִּ֨י בַת־נְשִׂ֤יא מִדְיָן֙ אֲחֹתָ֔ם הַמֻּכָּ֥ה בְיוֹם־הַמַּגֵּפָ֖ה עַל־דְּבַר־פְּעֽוֹר׃

‎19 ‏וַיְהִ֖י אַחֲרֵ֣י הַמַּגֵּפָ֑ה² פ

1 wayyēšeḇ yiśərā’ēl baššiṭṭîm wayyāḥel hā‘ām lizənwōṯ ’el-bənwōṯ mwō’āḇ:

2 watiqəre’nā lā‘ām ləziḇəḥê ’ĕlōhêhen wayyō’ḵal hā‘ām wayyišət^aḥăûû¹ lē’lōhêhen:

3 wayyiṣṣāmeḏ yiśərā’ēl ləḇ^a‘al pə‘wōr wayyiḥar-’af yəhwâ bəyiśərā’ēl:

4 wayyō’mer yəhwâ ’el-mōšeh q^aḥ ’eṯ-kāl-rā’šê hā‘ām wəhwōq^a‘ ’wōṯām layhwâ neḡeḏ haššāmeš wəyāšōḇ ḥărwōn ’af-yəhwâ mîyiśərā’ēl:

5 wayyō’mer mōšeh ’el-šōfəṭê yiśərā’ēl hirəḡû ’îš ’ănāšāyw hanniṣəmāḏîm ləḇ^a‘al pə‘wōr:

6 wəhinnēh ’îš mibənê yiśərā’ēl bā’ wayyaqərēḇ ’el-’eḥāyw ’eṯ-hammiḏəyānîṯ lə‘ênê mōšeh ûlə‘ênê kāl-‘ăḏaṯ bənê-yiśərā’ēl wəhēmmâ ḇōḵîm peṯ^aḥ ’ōhel mwō‘ēḏ:

7 wayyarə’ pînəḥās ben-’elə‘āzār ben-’ahărōn hakōhēn wayyāqām mitwōḵə hā‘ēḏâ wayyiqq^aḥ rōm^aḥ bəyāḏwō:

8 wayyāḇō’ ’^aḥar ’îš-yiśərā’ēl ’el-haqqubâ wayyiḏəqōr ’eṯ-šənêhem ’ēṯ ’îš yiśərā’ēl wə’eṯ-hā’iššâ ’el-qŏḇāṯāh watē‘āṣar hammagēfâ mē‘al bənê yiśərā’ēl:

9 wayyihəyû hammēṯîm bammagēfâ ’arəbā‘â wə‘eśərîm ’ālef: f

10 wayəḏabēr yəhwâ ’el-mōšeh llē’mōr:

11 pînəḥās ben-’elə‘āzār ben-’ahărōn hakōhēn hēšîḇ ’eṯ-ḥămāṯî mē‘al bənê-yiśərā’ēl bəqanə’wō ’eṯ-qinə’āṯî bəṯwōḵām wəlō’-ḵillîṯî ’eṯ-bənê-yiśərā’ēl bəqinə’āṯî:

12 lāḵēn ’ĕmōr hinənî nōṯēn lwō ’eṯ-bərîṯî šālwōm:

13 wəhāyəṯâ llwō ûləzarə‘wō ’^aḥărāyw bərîṯ kəhunnaṯ ‘wōlām t^aḥaṯ ’ăšer qinnē’ lē’lōhāyw wayəḵapēr ‘al-bənê yiśərā’ēl:

14 wəšēm ’îš yiśərā’ēl hammukeh ’ăšer hukâ ’eṯ-hammiḏəyānîṯ zimərî ben-sālû’ nəśî’ ḇêṯ-’āḇ laššimə‘ōnî:

15 wəšēm hā’iššâ hammukâ hammiḏəyānîṯ kāzəbî ḇaṯ-ṣûr rō’š ’ummwōṯ bêṯ-’āḇ bəmiḏəyān hû’: f

16 wayəḏabēr yəhwâ ’el-mōšeh llē’mōr:

17 ṣārwōr ’eṯ-hammiḏəyānîm wəhikîṯem ’wōṯām:

18 kî ṣōrərîm hēm lāḵem bəniḵəlêhem ’ăšer-nikəlû lāḵem ‘al-dəḇar-pə‘wōr wə‘al-dəḇar kāzəbî ḇaṯ-nəśî’ miḏəyān ’ăḥōṯām hammukâ ḇəywōm-hammagēfâ ‘al-dəḇar-pə‘wōr:

19 wayəhî ’^aḥărê hammagēfâ² f

‎1 ‏וַיֹּ֤אמֶר יְהוָה֙ אֶל־מֹשֶׁ֔ה וְאֶ֧ל אֶלְעָזָ֛ר בֶּן־אַהֲרֹ֥ן הַכֹּהֵ֖ן לֵאמֹֽר׃

‎2 ‏שְׂא֞וּ אֶת־רֹ֣אשׁ׀ כָּל־עֲדַ֣ת בְּנֵי־יִשְׂרָאֵ֗ל מִבֶּ֨ן עֶשְׂרִ֥ים שָׁנָ֛ה וָמַ֖עְלָה לְבֵ֣ית אֲבֹתָ֑ם כָּל־יֹצֵ֥א צָבָ֖א בְּיִשְׂרָאֵֽל׃

‎3 ‏וַיְדַבֵּ֨ר מֹשֶׁ֜ה וְאֶלְעָזָ֧ר הַכֹּהֵ֛ן אֹתָ֖ם בְּעַֽרְבֹ֣ת מוֹאָ֑ב עַל־יַרְדֵּ֥ן יְרֵח֖וֹ לֵאמֹֽר׃

‎4 ‏מִבֶּ֛ן עֶשְׂרִ֥ים שָׁנָ֖ה וָמָ֑עְלָה כַּאֲשֶׁר֩ צִוָּ֨ה יְהוָ֤ה אֶת־מֹשֶׁה֙ וּבְנֵ֣י יִשְׂרָאֵ֔ל הַיֹּצְאִ֖ים מֵאֶ֥רֶץ מִצְרָֽיִם׃

‎5 ‏רְאוּבֵ֖ן בְּכ֣וֹר יִשְׂרָאֵ֑ל בְּנֵ֣י רְאוּבֵ֗ן חֲנוֹךְ֙ מִשְׁפַּ֣חַת הַחֲנֹכִ֔י לְפַלּ֕וּא מִשְׁפַּ֖חַת הַפַּלֻּאִֽי׃

‎6 ‏לְחֶצְרֹ֕ן מִשְׁפַּ֖חַת הַֽחֶצְרוֹנִ֑י לְכַרְמִ֕י מִשְׁפַּ֖חַת הַכַּרְמִֽי׃

‎7 ‏אֵ֖לֶּה מִשְׁפְּחֹ֣ת הָרֻֽאוּבֵנִ֑י¹ וַיִּהְי֣וּ פְקֻדֵיהֶ֗ם שְׁלֹשָׁ֤ה וְאַרְבָּעִים֙ אֶ֔לֶף וּשְׁבַ֥ע מֵא֖וֹת וּשְׁלֹשִֽׁים׃

‎8 ‏וּבְנֵ֥י פַלּ֖וּא אֱלִיאָֽב׃

‎9 ‏וּבְנֵ֣י אֱלִיאָ֔ב נְמוּאֵ֖ל וְדָתָ֣ן וַאֲבִירָ֑ם הֽוּא־דָתָ֨ן וַאֲבִירָ֜ם קרואי קְרִיאֵ֣י הָעֵדָ֗ה אֲשֶׁ֨ר הִצּ֜וּ עַל־מֹשֶׁ֤ה וְעַֽל־אַהֲרֹן֙ בַּעֲדַת־קֹ֔רַח בְּהַצֹּתָ֖ם עַל־יְהוָֽה׃

‎10 ‏וַתִּפְתַּ֨ח הָאָ֜רֶץ אֶת־פִּ֗יהָ וַתִּבְלַ֥ע אֹתָ֛ם וְאֶת־קֹ֖רַח בְּמ֣וֹת הָעֵדָ֑ה בַּאֲכֹ֣ל הָאֵ֗שׁ אֵ֣ת חֲמִשִּׁ֤ים וּמָאתַ֙יִם֙ אִ֔ישׁ וַיִּהְי֖וּ לְנֵֽס׃

‎11 ‏וּבְנֵי־קֹ֖רַח לֹא־מֵֽתוּ׃ ס

‎12 ‏בְּנֵ֣י שִׁמְעוֹן֮ לְמִשְׁפְּחֹתָם֒ לִנְמוּאֵ֗ל מִשְׁפַּ֙חַת֙ הַנְּמ֣וּאֵלִ֔י לְיָמִ֕ין מִשְׁפַּ֖חַת הַיָּמִינִ֑י לְיָכִ֕ין מִשְׁפַּ֖חַת הַיָּכִינִֽי׃

‎13 ‏לְזֶ֕רַח מִשְׁפַּ֖חַת הַזַּרְחִ֑י לְשָׁא֕וּל מִשְׁפַּ֖חַת הַשָּׁאוּלִֽי׃

‎14 ‏אֵ֖לֶּה מִשְׁפְּחֹ֣ת הַשִּׁמְעֹנִ֑י שְׁנַ֧יִם וְעֶשְׂרִ֛ים אֶ֖לֶף וּמָאתָֽיִם׃ ס

‎15 ‏בְּנֵ֣י גָד֮ לְמִשְׁפְּחֹתָם֒ לִצְפ֗וֹן מִשְׁפַּ֙חַת֙ הַצְּפוֹנִ֔י לְחַגִּ֕י מִשְׁפַּ֖חַת הַֽחַגִּ֑י לְשׁוּנִ֕י מִשְׁפַּ֖חַת הַשּׁוּנִֽי׃

‎16 ‏לְאָזְנִ֕י מִשְׁפַּ֖חַת הָאָזְנִ֑י לְעֵרִ֕י מִשְׁפַּ֖חַת הָעֵרִֽי׃

‎17 ‏לַאֲר֕וֹד מִשְׁפַּ֖חַת הָאֲרוֹדִ֑י לְאַ֨רְאֵלִ֔י מִשְׁפַּ֖חַת הָאַרְאֵלִֽי׃

‎18 ‏אֵ֛לֶּה מִשְׁפְּחֹ֥ת בְּנֵֽי־גָ֖ד לִפְקֻדֵיהֶ֑ם אַרְבָּעִ֥ים אֶ֖לֶף וַחֲמֵ֥שׁ מֵאֽוֹת׃ ס

‎19 ‏בְּנֵ֥י יְהוּדָ֖ה עֵ֣ר וְאוֹנָ֑ן וַיָּ֥מָת עֵ֛ר וְאוֹנָ֖ן בְּאֶ֥רֶץ כְּנָֽעַן׃

‎20 ‏וַיִּהְי֣וּ בְנֵי־יְהוּדָה֮ לְמִשְׁפְּחֹתָם֒ לְשֵׁלָ֗ה מִשְׁפַּ֙חַת֙ הַשֵּׁ֣לָנִ֔י לְפֶ֕רֶץ מִשְׁפַּ֖חַת הַפַּרְצִ֑י לְזֶ֕רַח מִשְׁפַּ֖חַת הַזַּרְחִֽי׃

‎21 ‏וַיִּהְי֣וּ בְנֵי־פֶ֔רֶץ לְחֶצְרֹ֕ן מִשְׁפַּ֖חַת הַֽחֶצְרֹנִ֑י לְחָמ֕וּל מִשְׁפַּ֖חַת הֶחָמוּלִֽי׃

‎22 ‏אֵ֛לֶּה מִשְׁפְּחֹ֥ת יְהוּדָ֖ה לִפְקֻדֵיהֶ֑ם שִׁשָּׁ֧ה וְשִׁבְעִ֛ים אֶ֖לֶף וַחֲמֵ֥שׁ מֵאֽוֹת׃ ס

‎23 ‏בְּנֵ֤י יִשָּׂשכָר֙ לְמִשְׁפְּחֹתָ֔ם תּוֹלָ֕ע מִשְׁפַּ֖חַת הַתּוֹלָעִ֑י לְפֻוָ֕ה מִשְׁפַּ֖חַת הַפּוּנִֽי׃

‎24 ‏לְיָשׁ֕וּב מִשְׁפַּ֖חַת הַיָּשׁוּבִ֑י לְשִׁמְרֹ֕ן מִשְׁפַּ֖חַת הַשִּׁמְרֹנִֽי׃

‎25 ‏אֵ֛לֶּה מִשְׁפְּחֹ֥ת יִשָּׂשכָ֖ר לִפְקֻדֵיהֶ֑ם אַרְבָּעָ֧ה וְשִׁשִּׁ֛ים אֶ֖לֶף וּשְׁלֹ֥שׁ מֵאֽוֹת׃ ס

‎26 ‏בְּנֵ֣י זְבוּלֻן֮ לְמִשְׁפְּחֹתָם֒ לְסֶ֗רֶד מִשְׁפַּ֙חַת֙ הַסַּרְדִּ֔י לְאֵל֕וֹן מִשְׁפַּ֖חַת הָאֵלֹנִ֑י לְיַ֨חְלְאֵ֔ל מִשְׁפַּ֖חַת הַיַּחְלְאֵלִֽי׃

‎27 ‏אֵ֛לֶּה מִשְׁפְּחֹ֥ת הַזְּבוּלֹנִ֖י לִפְקֻדֵיהֶ֑ם שִׁשִּׁ֥ים אֶ֖לֶף וַחֲמֵ֥שׁ מֵאֽוֹת׃ ס

‎28 ‏בְּנֵ֥י יוֹסֵ֖ף לְמִשְׁפְּחֹתָ֑ם מְנַשֶּׁ֖ה וְאֶפְרָֽיִם׃

‎29 ‏בְּנֵ֣י מְנַשֶּׁ֗ה לְמָכִיר֙ מִשְׁפַּ֣חַת הַמָּכִירִ֔י וּמָכִ֖יר הוֹלִ֣יד אֶת־גִּלְעָ֑ד לְגִלְעָ֕ד מִשְׁפַּ֖חַת הַגִּלְעָדִֽי׃

‎30 ‏אֵ֚לֶּה בְּנֵ֣י גִלְעָ֔ד אִיעֶ֕זֶר מִשְׁפַּ֖חַת הָאִֽיעֶזְרִ֑י לְחֵ֕לֶק מִשְׁפַּ֖חַת הַֽחֶלְקִֽי׃

‎31 ‏וְאַ֨שְׂרִיאֵ֔ל מִשְׁפַּ֖חַת הָֽאַשְׂרִֽאֵלִ֑י וְשֶׁ֕כֶם מִשְׁפַּ֖חַת הַשִּׁכְמִֽי׃

‎32 ‏וּשְׁמִידָ֕ע מִשְׁפַּ֖חַת הַשְּׁמִידָעִ֑י וְחֵ֕פֶר מִשְׁפַּ֖חַת הַֽחֶפְרִֽי׃

‎33 ‏וּצְלָפְחָ֣ד בֶּן־חֵ֗פֶר לֹא־הָ֥יוּ ל֛וֹ בָּנִ֖ים כִּ֣י אִם־בָּנ֑וֹת וְשֵׁם֙ בְּנ֣וֹת צְלָפְחָ֔ד מַחְלָ֣ה וְנֹעָ֔ה חָגְלָ֥ה מִלְכָּ֖ה וְתִרְצָֽה׃

‎34 ‏אֵ֖לֶּה מִשְׁפְּחֹ֣ת מְנַשֶּׁ֑ה וּפְקֻ֣דֵיהֶ֔ם שְׁנַ֧יִם וַחֲמִשִּׁ֛ים אֶ֖לֶף וּשְׁבַ֥ע מֵאֽוֹת׃ ס

‎35 ‏אֵ֣לֶּה בְנֵי־אֶפְרַיִם֮ לְמִשְׁפְּחֹתָם֒ לְשׁוּתֶ֗לַח מִשְׁפַּ֙חַת֙ הַשֻּׁ֣תַלְחִ֔י לְבֶ֕כֶר מִשְׁפַּ֖חַת הַבַּכְרִ֑י לְתַ֕חַן מִשְׁפַּ֖חַת הַֽתַּחֲנִֽי׃

‎36 ‏וְאֵ֖לֶּה בְּנֵ֣י שׁוּתָ֑לַח לְעֵרָ֕ן מִשְׁפַּ֖חַת הָעֵרָנִֽי׃

‎37 ‏אֵ֣לֶּה מִשְׁפְּחֹ֤ת בְּנֵי־אֶפְרַ֙יִם֙ לִפְקֻ֣דֵיהֶ֔ם שְׁנַ֧יִם וּשְׁלֹשִׁ֛ים אֶ֖לֶף וַחֲמֵ֣שׁ מֵא֑וֹת אֵ֥לֶּה בְנֵי־יוֹסֵ֖ף לְמִשְׁפְּחֹתָֽם׃ ס

‎38 ‏בְּנֵ֣י בִנְיָמִן֮ לְמִשְׁפְּחֹתָם֒ לְבֶ֗לַע מִשְׁפַּ֙חַת֙ הַבַּלְעִ֔י לְאַשְׁבֵּ֕ל מִשְׁפַּ֖חַת הָֽאַשְׁבֵּלִ֑י לַאֲחִירָ֕ם מִשְׁפַּ֖חַת הָאֲחִירָמִֽי׃

‎39 ‏לִשְׁפוּפָ֕ם מִשְׁפַּ֖חַת הַשּׁוּפָמִ֑י לְחוּפָ֕ם מִשְׁפַּ֖חַת הַחוּפָמִֽי׃

‎40 ‏וַיִּהְי֥וּ בְנֵי־בֶ֖לַע אַ֣רְדְּ וְנַעֲמָ֑ן מִשְׁפַּ֙חַת֙ הָֽאַרְדִּ֔י לְנַֽעֲמָ֔ן מִשְׁפַּ֖חַת הַֽנַּעֲמִֽי׃

‎41 ‏אֵ֥לֶּה בְנֵי־בִנְיָמִ֖ן לְמִשְׁפְּחֹתָ֑ם וּפְקֻ֣דֵיהֶ֔ם חֲמִשָּׁ֧ה וְאַרְבָּעִ֛ים אֶ֖לֶף וְשֵׁ֥שׁ מֵאֽוֹת׃ ס

‎42 ‏אֵ֤לֶּה בְנֵי־דָן֙ לְמִשְׁפְּחֹתָ֔ם לְשׁוּחָ֕ם מִשְׁפַּ֖חַת הַשּׁוּחָמִ֑י אֵ֛לֶּה מִשְׁפְּחֹ֥ת דָּ֖ן לְמִשְׁפְּחֹתָֽם׃

‎43 ‏כָּל־מִשְׁפְּחֹ֥ת הַשּׁוּחָמִ֖י לִפְקֻדֵיהֶ֑ם אַרְבָּעָ֧ה וְשִׁשִּׁ֛ים אֶ֖לֶף וְאַרְבַּ֥ע מֵאֽוֹת׃ ס

‎44 ‏בְּנֵ֣י אָשֵׁר֮ לְמִשְׁפְּחֹתָם֒ לְיִמְנָ֗ה מִשְׁפַּ֙חַת֙ הַיִּמְנָ֔ה לְיִשְׁוִ֕י מִשְׁפַּ֖חַת הַיִּשְׁוִ֑י לִבְרִיעָ֕ה מִשְׁפַּ֖חַת הַבְּרִיעִֽי׃

‎45 ‏לִבְנֵ֣י בְרִיעָ֔ה לְחֶ֕בֶר מִשְׁפַּ֖חַת הַֽחֶבְרִ֑י לְמַ֨לְכִּיאֵ֔ל מִשְׁפַּ֖חַת הַמַּלְכִּיאֵלִֽי׃

‎46 ‏וְשֵׁ֥ם בַּת־אָשֵׁ֖ר שָֽׂרַח׃

‎47 ‏אֵ֛לֶּה מִשְׁפְּחֹ֥ת בְּנֵי־אָשֵׁ֖ר לִפְקֻדֵיהֶ֑ם שְׁלֹשָׁ֧ה וַחֲמִשִּׁ֛ים אֶ֖לֶף וְאַרְבַּ֥ע מֵאֽוֹת׃ ס

‎48 ‏בְּנֵ֤י נַפְתָּלִי֙ לְמִשְׁפְּחֹתָ֔ם לְיַ֨חְצְאֵ֔ל מִשְׁפַּ֖חַת הַיַּחְצְאֵלִ֑י לְגוּנִ֕י מִשְׁפַּ֖חַת הַגּוּנִֽי׃

‎49 ‏לְיֵ֕צֶר מִשְׁפַּ֖חַת הַיִּצְרִ֑י לְשִׁלֵּ֕ם מִשְׁפַּ֖חַת הַשִּׁלֵּמִֽי׃

‎50 ‏אֵ֛לֶּה מִשְׁפְּחֹ֥ת נַפְתָּלִ֖י לְמִשְׁפְּחֹתָ֑ם וּפְקֻ֣דֵיהֶ֔ם חֲמִשָּׁ֧ה וְאַרְבָּעִ֛ים אֶ֖לֶף וְאַרְבַּ֥ע מֵאֽוֹת׃

‎51 ‏אֵ֗לֶּה פְּקוּדֵי֙ בְּנֵ֣י יִשְׂרָאֵ֔ל שֵׁשׁ־מֵא֥וֹת אֶ֖לֶף וָאָ֑לֶף שְׁבַ֥ע מֵא֖וֹת וּשְׁלֹשִֽׁים׃ פ

‎52 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎53 ‏לָאֵ֗לֶּה תֵּחָלֵ֥ק הָאָ֛רֶץ בְּנַחֲלָ֖ה בְּמִסְפַּ֥ר שֵׁמֽוֹת׃

‎54 ‏לָרַ֗ב תַּרְבֶּה֙ נַחֲלָת֔וֹ וְלַמְעַ֕ט תַּמְעִ֖יט נַחֲלָת֑וֹ אִ֚ישׁ לְפִ֣י פְקֻדָ֔יו יֻתַּ֖ן נַחֲלָתֽוֹ׃

‎55 ‏אַךְ־בְּגוֹרָ֕ל³ יֵחָלֵ֖ק אֶת־הָאָ֑רֶץ לִשְׁמ֥וֹת מַטּוֹת־אֲבֹתָ֖ם יִנְחָֽלוּ׃

‎56 ‏עַל־פִּי֙ הַגּוֹרָ֔ל תֵּחָלֵ֖ק נַחֲלָת֑וֹ בֵּ֥ין רַ֖ב לִמְעָֽט׃ ס

‎57 ‏וְאֵ֨לֶּה פְקוּדֵ֣י הַלֵּוִי֮ לְמִשְׁפְּחֹתָם֒ לְגֵרְשׁ֗וֹן מִשְׁפַּ֙חַת֙ הַגֵּ֣רְשֻׁנִּ֔י לִקְהָ֕ת מִשְׁפַּ֖חַת הַקְּהָתִ֑י לִמְרָרִ֕י מִשְׁפַּ֖חַת הַמְּרָרִֽי׃

‎58 ‏אֵ֣לֶּה׀ מִשְׁפְּחֹ֣ת לֵוִ֗י מִשְׁפַּ֨חַת הַלִּבְנִ֜י מִשְׁפַּ֤חַת הַֽחֶבְרֹנִי֙ מִשְׁפַּ֤חַת הַמַּחְלִי֙ מִשְׁפַּ֣חַת הַמּוּשִׁ֔י מִשְׁפַּ֖חַת הַקָּרְחִ֑י וּקְהָ֖ת הוֹלִ֥ד אֶת־עַמְרָֽם׃

‎59 ‏וְשֵׁ֣ם׀ אֵ֣שֶׁת עַמְרָ֗ם יוֹכֶ֙בֶד֙ בַּת־לֵוִ֔י אֲשֶׁ֨ר יָלְדָ֥ה אֹתָ֛הּ לְלֵוִ֖י בְּמִצְרָ֑יִם וַתֵּ֣לֶד לְעַמְרָ֗ם אֶֽת־אַהֲרֹן֙ וְאֶת־מֹשֶׁ֔ה וְאֵ֖ת מִרְיָ֥ם אֲחֹתָֽם׃

‎60 ‏וַיִּוָּלֵ֣ד לְאַהֲרֹ֔ן אֶת־נָדָ֖ב וְאֶת־אֲבִיה֑וּא אֶת־אֶלְעָזָ֖ר וְאֶת־אִיתָמָֽר׃

‎61 ‏וַיָּ֥מָת נָדָ֖ב וַאֲבִיה֑וּא בְּהַקְרִיבָ֥ם אֵשׁ־זָרָ֖ה לִפְנֵ֥י יְהוָֽה׃

‎62 ‏וַיִּהְי֣וּ פְקֻדֵיהֶ֗ם שְׁלֹשָׁ֤ה וְעֶשְׂרִים֙ אֶ֔לֶף כָּל־זָכָ֖ר מִבֶּן־חֹ֣דֶשׁ וָמָ֑עְלָה כִּ֣י׀ לֹ֣א הָתְפָּקְד֗וּ בְּתוֹךְ֙ בְּנֵ֣י יִשְׂרָאֵ֔ל כִּ֠י לֹא־נִתַּ֤ן לָהֶם֙ נַחֲלָ֔ה בְּת֖וֹךְ בְּנֵ֥י יִשְׂרָאֵֽל׃

‎63 ‏אֵ֚לֶּה פְּקוּדֵ֣י מֹשֶׁ֔ה וְאֶלְעָזָ֖ר הַכֹּהֵ֑ן אֲשֶׁ֨ר פָּֽקְד֜וּ אֶת־בְּנֵ֤י יִשְׂרָאֵל֙ בְּעַֽרְבֹ֣ת מוֹאָ֔ב עַ֖ל יַרְדֵּ֥ן יְרֵחֽוֹ׃

‎64 ‏וּבְאֵ֙לֶּה֙ לֹא־הָ֣יָה אִ֔ישׁ מִפְּקוּדֵ֣י מֹשֶׁ֔ה וְאַהֲרֹ֖ן הַכֹּהֵ֑ן אֲשֶׁ֥ר פָּקְד֛וּ אֶת־בְּנֵ֥י יִשְׂרָאֵ֖ל בְּמִדְבַּ֥ר סִינָֽי׃

‎65 ‏כִּֽי־אָמַ֤ר יְהוָה֙ לָהֶ֔ם מ֥וֹת יָמֻ֖תוּ בַּמִּדְבָּ֑ר וְלֹא־נוֹתַ֤ר מֵהֶם֙ אִ֔ישׁ כִּ֚י אִם־כָּלֵ֣ב בֶּן־יְפֻנֶּ֔ה וִיהוֹשֻׁ֖עַ בִּן־נֽוּן׃ ס

1 wayyō’mer yəhwâ ’el-mōšeh wə’el ’elə‘āzār ben-’ahărōn hakōhēn lē’mōr:

2 śə’û ’eṯ-rō’š| kāl-‘ăḏaṯ bənê-yiśərā’ēl miben ‘eśərîm šānâ wām^a‘əlâ ləḇêṯ ’ăḇōṯām kāl-yōṣē’ ṣāḇā’ bəyiśərā’ēl:

3 wayəḏabēr mōšeh wə’elə‘āzār hakōhēn ’ōṯām bə‘arəḇōṯ mwō’āḇ ‘al-yarədēn yərēḥwō lē’mōr:

4 miben ‘eśərîm šānâ wāmā‘əlâ ka’ăšer ṣiûâ yəhwâ ’eṯ-mōšeh ûḇənê yiśərā’ēl hayyōṣə’îm mē’ereṣ miṣərāyim:

5 rə’ûḇēn bəḵwōr yiśərā’ēl bənê rə’ûḇēn ḥănwōḵə mišəp^aḥaṯ h^aḥănōḵî ləfallû’ mišəp^aḥaṯ hapallu’î:

6 ləḥeṣərōn mišəp^aḥaṯ h^aḥeṣərwōnî ləḵarəmî mišəp^aḥaṯ hakarəmî:

7 ’ēlleh mišəpəḥōṯ hāru’ûḇēnî¹ wayyihəyû fəquḏêhem šəlōšâ wə’arəbā‘îm ’elef ûšəḇ^a‘ mē’wōṯ ûšəlōšîm:

8 ûḇənê fallû’ ’ĕlî’āḇ:

9 ûḇənê ’ĕlî’āḇ nəmû’ēl wəḏāṯān wa’ăḇîrām hû’-ḏāṯān wa’ăḇîrām qərû’ê qərî’ê hā‘ēḏâ ’ăšer hiṣṣû ‘al-mōšeh wə‘al-’ahărōn b^a‘ăḏaṯ-qōr^aḥ bəhaṣṣōṯām ‘al-yəhwâ:

10 watifət^aḥ hā’āreṣ ’eṯ-pîhā watiḇəl^a‘ ’ōṯām wə’eṯ-qōr^aḥ bəmwōṯ hā‘ēḏâ ba’ăḵōl hā’ēš ’ēṯ ḥămiššîm ûmā’ṯayim ’îš wayyihəyû lənēs:

11 ûḇənê-qōr^aḥ lō’-mēṯû: s

12 bənê šimə‘wōn ləmišəpəḥōṯām linəmû’ēl mišəp^aḥaṯ hannəmû’ēlî ləyāmîn mišəp^aḥaṯ hayyāmînî ləyāḵîn mišəp^aḥaṯ hayyāḵînî:

13 ləzer^aḥ mišəp^aḥaṯ hazzarəḥî ləšā’ûl mišəp^aḥaṯ haššā’ûlî:

14 ’ēlleh mišəpəḥōṯ haššimə‘ōnî šənayim wə‘eśərîm ’elef ûmā’ṯāyim: s

15 bənê ḡāḏ ləmišəpəḥōṯām liṣəfwōn mišəp^aḥaṯ haṣṣəfwōnî ləḥagî mišəp^aḥaṯ h^aḥagî ləšûnî mišəp^aḥaṯ haššûnî:

16 lə’āzənî mišəp^aḥaṯ hā’āzənî lə‘ērî mišəp^aḥaṯ hā‘ērî:

17 la’ărwōḏ mišəp^aḥaṯ hā’ărwōḏî lə’arə’ēlî mišəp^aḥaṯ hā’arə’ēlî:

18 ’ēlleh mišəpəḥōṯ bənê-ḡāḏ lifəquḏêhem ’arəbā‘îm ’elef w^aḥămēš mē’wōṯ: s

19 bənê yəhûḏâ ‘ēr wə’wōnān wayyāmāṯ ‘ēr wə’wōnān bə’ereṣ kənā‘an:

20 wayyihəyû ḇənê-yəhûḏâ ləmišəpəḥōṯām ləšēlâ mišəp^aḥaṯ haššēlānî ləfereṣ mišəp^aḥaṯ haparəṣî ləzer^aḥ mišəp^aḥaṯ hazzarəḥî:

21 wayyihəyû ḇənê-fereṣ ləḥeṣərōn mišəp^aḥaṯ h^aḥeṣərōnî ləḥāmûl mišəp^aḥaṯ heḥāmûlî:

22 ’ēlleh mišəpəḥōṯ yəhûḏâ lifəquḏêhem šiššâ wəšiḇə‘îm ’elef w^aḥămēš mē’wōṯ: s

23 bənê yiśśāsḵār ləmišəpəḥōṯām twōlā‘ mišəp^aḥaṯ hatwōlā‘î ləfuwâ mišəp^aḥaṯ hapûnî:

24 ləyāšûḇ mišəp^aḥaṯ hayyāšûḇî ləšimərōn mišəp^aḥaṯ haššimərōnî:

25 ’ēlleh mišəpəḥōṯ yiśśāsḵār lifəquḏêhem ’arəbā‘â wəšiššîm ’elef ûšəlōš mē’wōṯ: s

26 bənê zəḇûlun ləmišəpəḥōṯām ləsereḏ mišəp^aḥaṯ hassarədî lə’ēlwōn mišəp^aḥaṯ hā’ēlōnî ləy^aḥələ’ēl mišəp^aḥaṯ hayy^aḥələ’ēlî:

27 ’ēlleh mišəpəḥōṯ hazzəḇûlōnî lifəquḏêhem šiššîm ’elef w^aḥămēš mē’wōṯ: s

28 bənê ywōsēf ləmišəpəḥōṯām mənaššeh wə’efərāyim:

29 bənê mənaššeh ləmāḵîr mišəp^aḥaṯ hammāḵîrî ûmāḵîr hwōlîḏ ’eṯ-gilə‘āḏ ləḡilə‘āḏ mišəp^aḥaṯ hagilə‘āḏî:

30 ’ēlleh bənê ḡilə‘āḏ ’î‘ezer mišəp^aḥaṯ hā’î‘ezərî ləḥēleq mišəp^aḥaṯ h^aḥeləqî:

31 wə’aśərî’ēl mišəp^aḥaṯ hā’aśəri’ēlî wəšeḵem mišəp^aḥaṯ haššiḵəmî:

32 ûšəmîḏā‘ mišəp^aḥaṯ haššəmîḏā‘î wəḥēfer mišəp^aḥaṯ h^aḥefərî:

33 ûṣəlāfəḥāḏ ben-ḥēfer lō’-hāyû lwō bānîm kî ’im-bānwōṯ wəšēm bənwōṯ ṣəlāfəḥāḏ m^aḥəlâ wənō‘â ḥāḡəlâ miləkâ wəṯirəṣâ:

34 ’ēlleh mišəpəḥōṯ mənaššeh ûfəquḏêhem šənayim w^aḥămiššîm ’elef ûšəḇ^a‘ mē’wōṯ: s

35 ’ēlleh ḇənê-’efərayim ləmišəpəḥōṯām ləšûṯel^aḥ mišəp^aḥaṯ haššuṯaləḥî ləḇeḵer mišəp^aḥaṯ habaḵərî ləṯ^aḥan mišəp^aḥaṯ hat^aḥănî:

36 wə’ēlleh bənê šûṯāl^aḥ lə‘ērān mišəp^aḥaṯ hā‘ērānî:

37 ’ēlleh mišəpəḥōṯ bənê-’efərayim lifəquḏêhem šənayim ûšəlōšîm ’elef w^aḥămēš mē’wōṯ ’ēlleh ḇənê-ywōsēf ləmišəpəḥōṯām: s

38 bənê ḇinəyāmin ləmišəpəḥōṯām ləḇel^a‘ mišəp^aḥaṯ habalə‘î lə’ašəbēl mišəp^aḥaṯ hā’ašəbēlî la’ăḥîrām mišəp^aḥaṯ hā’ăḥîrāmî:

39 lišəfûfām mišəp^aḥaṯ haššûfāmî ləḥûfām mišəp^aḥaṯ h^aḥûfāmî:

40 wayyihəyû ḇənê-ḇel^a‘ ’arədə wən^a‘ămān mišəp^aḥaṯ hā’arədî lən^a‘ămān mišəp^aḥaṯ hann^a‘ămî:

41 ’ēlleh ḇənê-ḇinəyāmin ləmišəpəḥōṯām ûfəquḏêhem ḥămiššâ wə’arəbā‘îm ’elef wəšēš mē’wōṯ: s

42 ’ēlleh ḇənê-ḏān ləmišəpəḥōṯām ləšûḥām mišəp^aḥaṯ haššûḥāmî ’ēlleh mišəpəḥōṯ dān ləmišəpəḥōṯām:

43 kāl-mišəpəḥōṯ haššûḥāmî lifəquḏêhem ’arəbā‘â wəšiššîm ’elef wə’arəb^a‘ mē’wōṯ: s

44 bənê ’āšēr ləmišəpəḥōṯām ləyimənâ mišəp^aḥaṯ hayyimənâ ləyišəwî mišəp^aḥaṯ hayyišəwî liḇərî‘â mišəp^aḥaṯ habərî‘î:

45 liḇənê ḇərî‘â ləḥeḇer mišəp^aḥaṯ h^aḥeḇərî ləmaləkî’ēl mišəp^aḥaṯ hammaləkî’ēlî:

46 wəšēm baṯ-’āšēr śār^aḥ:

47 ’ēlleh mišəpəḥōṯ bənê-’āšēr lifəquḏêhem šəlōšâ w^aḥămiššîm ’elef wə’arəb^a‘ mē’wōṯ: s

48 bənê nafətālî ləmišəpəḥōṯām ləy^aḥəṣə’ēl mišəp^aḥaṯ hayy^aḥəṣə’ēlî ləḡûnî mišəp^aḥaṯ hagûnî:

49 ləyēṣer mišəp^aḥaṯ hayyiṣərî ləšillēm mišəp^aḥaṯ haššillēmî:

50 ’ēlleh mišəpəḥōṯ nafətālî ləmišəpəḥōṯām ûfəquḏêhem ḥămiššâ wə’arəbā‘îm ’elef wə’arəb^a‘ mē’wōṯ:

51 ’ēlleh pəqûḏê bənê yiśərā’ēl šēš-mē’wōṯ ’elef wā’ālef šəḇ^a‘ mē’wōṯ ûšəlōšîm: f

52 wayəḏabēr yəhwâ ’el-mōšeh llē’mōr:

53 lā’ēlleh tēḥālēq hā’āreṣ bən^aḥălâ bəmisəpar šēmwōṯ:

54 lāraḇ tarəbeh n^aḥălāṯwō wəlamə‘aṭ tamə‘îṭ n^aḥălāṯwō ’îš ləfî fəquḏāyw yutan n^aḥălāṯwō:

55 ’aḵə-bəḡwōrāl³ yēḥālēq ’eṯ-hā’āreṣ lišəmwōṯ maṭṭwōṯ-’ăḇōṯām yinəḥālû:

56 ‘al-pî hagwōrāl tēḥālēq n^aḥălāṯwō bên raḇ limə‘āṭ: s

57 wə’ēlleh fəqûḏê hallēwî ləmišəpəḥōṯām ləḡērəšwōn mišəp^aḥaṯ hagērəšunnî liqəhāṯ mišəp^aḥaṯ haqqəhāṯî limərārî mišəp^aḥaṯ hammərārî:

58 ’ēlleh| mišəpəḥōṯ lēwî mišəp^aḥaṯ halliḇənî mišəp^aḥaṯ h^aḥeḇərōnî mišəp^aḥaṯ hamm^aḥəlî mišəp^aḥaṯ hammûšî mišəp^aḥaṯ haqqārəḥî ûqəhāṯ hwōliḏ ’eṯ-‘amərām:

59 wəšēm| ’ēšeṯ ‘amərām ywōḵeḇeḏ baṯ-lēwî ’ăšer yāləḏâ ’ōṯāh ləlēwî bəmiṣərāyim watēleḏ lə‘amərām ’eṯ-’ahărōn wə’eṯ-mōšeh wə’ēṯ mirəyām ’ăḥōṯām:

60 wayyiûālēḏ lə’ahărōn ’eṯ-nāḏāḇ wə’eṯ-’ăḇîhû’ ’eṯ-’elə‘āzār wə’eṯ-’îṯāmār:

61 wayyāmāṯ nāḏāḇ wa’ăḇîhû’ bəhaqərîḇām ’ēš-zārâ lifənê yəhwâ:

62 wayyihəyû fəquḏêhem šəlōšâ wə‘eśərîm ’elef kāl-zāḵār miben-ḥōḏeš wāmā‘əlâ kî| lō’ hāṯəpāqəḏû bəṯwōḵə bənê yiśərā’ēl kî lō’-nitan lâem n^aḥălâ bəṯwōḵə bənê yiśərā’ēl:

63 ’ēlleh pəqûḏê mōšeh wə’elə‘āzār hakōhēn ’ăšer pāqəḏû ’eṯ-bənê yiśərā’ēl bə‘arəḇōṯ mwō’āḇ ‘al yarədēn yərēḥwō:

64 ûḇə’ēlleh lō’-hāyâ ’îš mipəqûḏê mōšeh wə’ahărōn hakōhēn ’ăšer pāqəḏû ’eṯ-bənê yiśərā’ēl bəmiḏəbar sînāy:

65 kî-’āmar yəhwâ lâem mwōṯ yāmuṯû bammiḏəbār wəlō’-nwōṯar mēhem ’îš kî ’im-kālēḇ ben-yəfunneh wîhwōšu‘a bin-nûn: s

‎1 ‏וַתִּקְרַ֜בְנָה בְּנ֣וֹת צְלָפְחָ֗ד בֶּן־חֵ֤פֶר בֶּן־גִּלְעָד֙ בֶּן־מָכִ֣יר בֶּן־מְנַשֶּׁ֔ה לְמִשְׁפְּחֹ֖ת מְנַשֶּׁ֣ה בֶן־יוֹסֵ֑ף וְאֵ֙לֶּה֙ שְׁמ֣וֹת בְּנֹתָ֔יו מַחְלָ֣ה נֹעָ֔ה וְחָגְלָ֥ה וּמִלְכָּ֖ה וְתִרְצָֽה׃

‎2 ‏וַֽתַּעֲמֹ֜דְנָה לִפְנֵ֣י מֹשֶׁ֗ה וְלִפְנֵי֙ אֶלְעָזָ֣ר הַכֹּהֵ֔ן וְלִפְנֵ֥י הַנְּשִׂיאִ֖ם וְכָל־הָעֵדָ֑ה פֶּ֥תַח אֹֽהֶל־מוֹעֵ֖ד לֵאמֹֽר׃

‎3 ‏אָבִינוּ֮ מֵ֣ת בַּמִּדְבָּר֒ וְה֨וּא לֹא־הָיָ֜ה בְּת֣וֹךְ הָעֵדָ֗ה הַנּוֹעָדִ֛ים עַל־יְהוָ֖ה בַּעֲדַת־קֹ֑רַח כִּֽי־בְחֶטְא֣וֹ מֵ֔ת וּבָנִ֖ים לֹא־הָ֥יוּ לֽוֹ׃

‎4 ‏לָ֣מָּה יִגָּרַ֤ע שֵׁם־אָבִ֙ינוּ֙ מִתּ֣וֹךְ מִשְׁפַּחְתּ֔וֹ כִּ֛י אֵ֥ין ל֖וֹ בֵּ֑ן תְּנָה־לָּ֣נוּ אֲחֻזָּ֔ה בְּת֖וֹךְ אֲחֵ֥י אָבִֽינוּ׃

‎5 ‏וַיַּקְרֵ֥ב מֹשֶׁ֛ה אֶת־מִשְׁפָּטָ֖ן⁵ לִפְנֵ֥י יְהוָֽה׃ ס

‎6 ‏וַיֹּ֥אמֶר יְהוָ֖ה אֶל־מֹשֶׁ֥ה לֵּאמֹֽר׃

‎7 ‏כֵּ֗ן בְּנ֣וֹת צְלָפְחָד֮ דֹּבְרֹת֒ נָתֹ֨ן תִּתֵּ֤ן לָהֶם֙ אֲחֻזַּ֣ת נַחֲלָ֔ה בְּת֖וֹךְ אֲחֵ֣י אֲבִיהֶ֑ם וְהַֽעֲבַרְתָּ֛ אֶת־נַחֲלַ֥ת אֲבִיהֶ֖ן לָהֶֽן׃

‎8 ‏וְאֶל־בְּנֵ֥י יִשְׂרָאֵ֖ל תְּדַבֵּ֣ר לֵאמֹ֑ר אִ֣ישׁ כִּֽי־יָמ֗וּת וּבֵן֙ אֵ֣ין ל֔וֹ וְהַֽעֲבַרְתֶּ֥ם אֶת־נַחֲלָת֖וֹ לְבִתּֽוֹ׃

‎9 ‏וְאִם־אֵ֥ין ל֖וֹ בַּ֑ת וּנְתַתֶּ֥ם אֶת־נַחֲלָת֖וֹ לְאֶחָיו׃¹

‎10 ‏וְאִם־אֵ֥ין ל֖וֹ אַחִ֑ים וּנְתַתֶּ֥ם אֶת־נַחֲלָת֖וֹ לַאֲחֵ֥י אָבִֽיו׃

‎11 ‏וְאִם־אֵ֣ין אַחִים֮ לְאָבִיו֒ וּנְתַתֶּ֣ם אֶת־נַחֲלָת֗וֹ לִשְׁאֵר֞וֹ הַקָּרֹ֥ב אֵלָ֛יו מִמִּשְׁפַּחְתּ֖וֹ וְיָרַ֣שׁ אֹתָ֑הּ וְֽהָ֨יְתָ֜ה לִבְנֵ֤י יִשְׂרָאֵל֙ לְחֻקַּ֣ת מִשְׁפָּ֔ט כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס

‎12 ‏וַיֹּ֤אמֶר יְהוָה֙ אֶל־מֹשֶׁ֔ה עֲלֵ֛ה אֶל־הַ֥ר הָעֲבָרִ֖ים הַזֶּ֑ה וּרְאֵה֙ אֶת־הָאָ֔רֶץ אֲשֶׁ֥ר נָתַ֖תִּי לִבְנֵ֥י יִשְׂרָאֵֽל׃

‎13 ‏וְרָאִ֣יתָה אֹתָ֔הּ וְנֶאֱסַפְתָּ֥ אֶל־עַמֶּ֖יךָ גַּם־אָ֑תָּה כַּאֲשֶׁ֥ר נֶאֱסַ֖ף אַהֲרֹ֥ן אָחִֽיךָ׃

‎14 ‏כַּאֲשֶׁר֩ מְרִיתֶ֨ם פִּ֜י בְּמִדְבַּר־צִ֗ן בִּמְרִיבַת֙ הָֽעֵדָ֔ה לְהַקְדִּישֵׁ֥נִי בַמַּ֖יִם לְעֵינֵיהֶ֑ם הֵ֛ם מֵֽי־מְרִיבַ֥ת קָדֵ֖שׁ מִדְבַּר־צִֽן׃ פ

‎15 ‏וַיְדַבֵּ֣ר מֹשֶׁ֔ה אֶל־יְהוָ֖ה לֵאמֹֽר׃

‎16 ‏יִפְקֹ֣ד יְהוָ֔ה אֱלֹהֵ֥י הָרוּחֹ֖ת לְכָל־בָּשָׂ֑ר אִ֖ישׁ עַל־הָעֵדָֽה׃

‎17 ‏אֲשֶׁר־יֵצֵ֣א לִפְנֵיהֶ֗ם וַאֲשֶׁ֤ר יָבֹא֙ לִפְנֵיהֶ֔ם וַאֲשֶׁ֥ר יוֹצִיאֵ֖ם וַאֲשֶׁ֣ר יְבִיאֵ֑ם וְלֹ֤א תִהְיֶה֙ עֲדַ֣ת יְהוָ֔ה כַּצֹּ֕אן אֲשֶׁ֥ר אֵין־לָהֶ֖ם רֹעֶֽה׃

‎18 ‏וַיֹּ֨אמֶר יְהוָ֜ה אֶל־מֹשֶׁ֗ה קַח־לְךָ֙ אֶת־יְהוֹשֻׁ֣עַ בִּן־נ֔וּן אִ֖ישׁ אֲשֶׁר־ר֣וּחַ בּ֑וֹ וְסָמַכְתָּ֥ אֶת־יָדְךָ֖ עָלָֽיו׃

‎19 ‏וְהַֽעֲמַדְתָּ֣ אֹת֗וֹ לִפְנֵי֙ אֶלְעָזָ֣ר הַכֹּהֵ֔ן וְלִפְנֵ֖י כָּל־הָעֵדָ֑ה וְצִוִּיתָ֥ה אֹת֖וֹ לְעֵינֵיהֶֽם׃

‎20 ‏וְנָתַתָּ֥ה מֵהֽוֹדְךָ֖ עָלָ֑יו לְמַ֣עַן יִשְׁמְע֔וּ כָּל־עֲדַ֖ת בְּנֵ֥י יִשְׂרָאֵֽל׃

‎21 ‏וְלִפְנֵ֨י אֶלְעָזָ֤ר הַכֹּהֵן֙ יַעֲמֹ֔ד וְשָׁ֥אַל ל֛וֹ בְּמִשְׁפַּ֥ט הָאוּרִ֖ים לִפְנֵ֣י יְהוָ֑ה עַל־פִּ֨יו יֵצְא֜וּ וְעַל־פִּ֣יו יָבֹ֗אוּ ה֛וּא וְכָל־בְּנֵי־יִשְׂרָאֵ֥ל אִתּ֖וֹ וְכָל־הָעֵדָֽה׃

‎22 ‏וַיַּ֣עַשׂ מֹשֶׁ֔ה כַּאֲשֶׁ֛ר צִוָּ֥ה יְהוָ֖ה אֹת֑וֹ וַיִּקַּ֣ח אֶת־יְהוֹשֻׁ֗עַ וַיַּֽעֲמִדֵ֙הוּ֙ לִפְנֵי֙ אֶלְעָזָ֣ר הַכֹּהֵ֔ן וְלִפְנֵ֖י כָּל־הָעֵדָֽה׃

‎23 ‏וַיִּסְמֹ֧ךְ אֶת־יָדָ֛יו עָלָ֖יו וַיְצַוֵּ֑הוּ כַּאֲשֶׁ֛ר דִּבֶּ֥ר יְהוָ֖ה בְּיַד־מֹשֶֽׁה׃ פ

1 watiqəraḇənâ bənwōṯ ṣəlāfəḥāḏ ben-ḥēfer ben-gilə‘āḏ ben-māḵîr ben-mənaššeh ləmišəpəḥōṯ mənaššeh ḇen-ywōsēf wə’ēlleh šəmwōṯ bənōṯāyw m^aḥəlâ nō‘â wəḥāḡəlâ ûmiləkâ wəṯirəṣâ:

2 wat^a‘ămōḏənâ lifənê mōšeh wəlifənê ’elə‘āzār hakōhēn wəlifənê hannəśî’im wəḵāl-hā‘ēḏâ peṯ^aḥ ’ōhel-mwō‘ēḏ lē’mōr:

3 ’āḇînû mēṯ bammiḏəbār wəhû’ lō’-hāyâ bəṯwōḵə hā‘ēḏâ hannwō‘āḏîm ‘al-yəhwâ b^a‘ăḏaṯ-qōr^aḥ kî-ḇəḥeṭə’wō mēṯ ûḇānîm lō’-hāyû lwō:

4 lāmmâ yigār^a‘ šēm-’āḇînû mitwōḵə mišəp^aḥətwō kî ’ên lwō bēn tənâ-llānû ’ăḥuzzâ bəṯwōḵə ’ăḥê ’āḇînû:

5 wayyaqərēḇ mōšeh ’eṯ-mišəpāṭān⁵ lifənê yəhwâ: s

6 wayyō’mer yəhwâ ’el-mōšeh llē’mōr:

7 kēn bənwōṯ ṣəlāfəḥāḏ dōḇərōṯ nāṯōn titēn lâem ’ăḥuzzaṯ n^aḥălâ bəṯwōḵə ’ăḥê ’ăḇîhem wəh^a‘ăḇarətā ’eṯ-n^aḥălaṯ ’ăḇîhen lâen:

8 wə’el-bənê yiśərā’ēl təḏabēr lē’mōr ’îš kî-yāmûṯ ûḇēn ’ên lwō wəh^a‘ăḇarətem ’eṯ-n^aḥălāṯwō ləḇitwō:

9 wə’im-’ên lwō baṯ ûnəṯatem ’eṯ-n^aḥălāṯwō lə’eḥāyw:¹

10 wə’im-’ên lwō ’^aḥîm ûnəṯatem ’eṯ-n^aḥălāṯwō la’ăḥê ’āḇîw:

11 wə’im-’ên ’^aḥîm lə’āḇîw ûnəṯatem ’eṯ-n^aḥălāṯwō lišə’ērwō haqqārōḇ ’ēlāyw mimmišəp^aḥətwō wəyāraš ’ōṯāh wəhāyəṯâ liḇənê yiśərā’ēl ləḥuqqaṯ mišəpāṭ ka’ăšer ṣiûâ yəhwâ ’eṯ-mōšeh: s

12 wayyō’mer yəhwâ ’el-mōšeh ‘ălēh ’el-har hā‘ăḇārîm hazzeh ûrə’ēh ’eṯ-hā’āreṣ ’ăšer nāṯatî liḇənê yiśərā’ēl:

13 wərā’îṯâ ’ōṯāh wəne’ĕsafətā ’el-‘ammeyḵā gam-’ātâ ka’ăšer ne’ĕsaf ’ahărōn ’āḥîḵā:

14 ka’ăšer mərîṯem pî bəmiḏəbar-ṣin bimərîḇaṯ hā‘ēḏâ ləhaqədîšēnî ḇammayim lə‘ênêhem hēm mê-mərîḇaṯ qāḏēš miḏəbar-ṣin: f

15 wayəḏabēr mōšeh ’el-yəhwâ lē’mōr:

16 yifəqōḏ yəhwâ ’ĕlōhê hārûḥōṯ ləḵāl-bāśār ’îš ‘al-hā‘ēḏâ:

17 ’ăšer-yēṣē’ lifənêhem wa’ăšer yāḇō’ lifənêhem wa’ăšer ywōṣî’ēm wa’ăšer yəḇî’ēm wəlō’ ṯihəyeh ‘ăḏaṯ yəhwâ kaṣṣō’n ’ăšer ’ên-lâem rō‘eh:

18 wayyō’mer yəhwâ ’el-mōšeh q^aḥ-ləḵā ’eṯ-yəhwōšu‘a bin-nûn ’îš ’ăšer-rûḥa bwō wəsāmaḵətā ’eṯ-yāḏəḵā ‘ālāyw:

19 wəh^a‘ămaḏətā ’ōṯwō lifənê ’elə‘āzār hakōhēn wəlifənê kāl-hā‘ēḏâ wəṣiûîṯâ ’ōṯwō lə‘ênêhem:

20 wənāṯatâ mēhwōḏəḵā ‘ālāyw ləm^a‘an yišəmə‘û kāl-‘ăḏaṯ bənê yiśərā’ēl:

21 wəlifənê ’elə‘āzār hakōhēn y^a‘ămōḏ wəšā’al lwō bəmišəpaṭ hā’ûrîm lifənê yəhwâ ‘al-pîw yēṣə’û wə‘al-pîw yāḇō’û hû’ wəḵāl-bənê-yiśərā’ēl ’itwō wəḵāl-hā‘ēḏâ:

22 wayy^a‘aś mōšeh ka’ăšer ṣiûâ yəhwâ ’ōṯwō wayyiqq^aḥ ’eṯ-yəhwōšu‘a wayy^a‘ămiḏēhû lifənê ’elə‘āzār hakōhēn wəlifənê kāl-hā‘ēḏâ:

23 wayyisəmōḵə ’eṯ-yāḏāyw ‘ālāyw wayəṣaûēhû ka’ăšer diber yəhwâ bəyaḏ-mōšeh: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏צַ֚ו אֶת־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם אֶת־קָרְבָּנִ֨י לַחְמִ֜י לְאִשַּׁ֗י רֵ֚יחַ נִֽיחֹחִ֔י תִּשְׁמְר֕וּ לְהַקְרִ֥יב לִ֖י בְּמוֹעֲדֽוֹ׃

‎3 ‏וְאָמַרְתָּ֣ לָהֶ֔ם זֶ֚ה הָֽאִשֶּׁ֔ה אֲשֶׁ֥ר תַּקְרִ֖יבוּ לַיהוָ֑ה כְּבָשִׂ֨ים בְּנֵֽי־שָׁנָ֧ה תְמִימִ֛ם שְׁנַ֥יִם לַיּ֖וֹם עֹלָ֥ה תָמִֽיד׃

‎4 ‏אֶת־הַכֶּ֥בֶשׂ אֶחָ֖ד תַּעֲשֶׂ֣ה בַבֹּ֑קֶר וְאֵת֙ הַכֶּ֣בֶשׂ הַשֵּׁנִ֔י תַּעֲשֶׂ֖ה בֵּ֥ין הָֽעַרְבָּֽיִם׃

‎5 ‏וַעֲשִׂירִ֧ית הָאֵיפָ֛ה סֹ֖לֶת לְמִנְחָ֑ה בְּלוּלָ֛ה בְּשֶׁ֥מֶן כָּתִ֖ית רְבִיעִ֥ת הַהִֽין׃

‎6 ‏עֹלַ֖ת תָּמִ֑יד הָעֲשֻׂיָה֙ בְּהַ֣ר סִינַ֔י לְרֵ֣יחַ נִיחֹ֔חַ אִשֶּׁ֖ה לַֽיהוָֽה׃

‎7 ‏וְנִסְכּוֹ֙ רְבִיעִ֣ת הַהִ֔ין לַכֶּ֖בֶשׂ הָאֶחָ֑ד בַּקֹּ֗דֶשׁ הַסֵּ֛ךְ נֶ֥סֶךְ שֵׁכָ֖ר לַיהוָֽה׃

‎8 ‏וְאֵת֙ הַכֶּ֣בֶשׂ הַשֵּׁנִ֔י תַּעֲשֶׂ֖ה בֵּ֣ין הָֽעַרְבָּ֑יִם כְּמִנְחַ֨ת הַבֹּ֤קֶר וּכְנִסְכּוֹ֙ תַּעֲשֶׂ֔ה אִשֵּׁ֛ה רֵ֥יחַ נִיחֹ֖חַ לַיהוָֽה׃ פ

‎9 ‏וּבְיוֹם֙ הַשַּׁבָּ֔ת שְׁנֵֽי־כְבָשִׂ֥ים בְּנֵֽי־שָׁנָ֖ה תְּמִימִ֑ם וּשְׁנֵ֣י עֶשְׂרֹנִ֗ים סֹ֧לֶת מִנְחָ֛ה בְּלוּלָ֥ה בַשֶּׁ֖מֶן וְנִסְכּֽוֹ׃

‎10 ‏עֹלַ֥ת שַׁבַּ֖ת בְּשַׁבַּתּ֑וֹ עַל־עֹלַ֥ת הַתָּמִ֖יד וְנִסְכָּֽהּ׃ ס

‎11 ‏וּבְרָאשֵׁי֙ חָדְשֵׁיכֶ֔ם תַּקְרִ֥יבוּ עֹלָ֖ה לַיהוָ֑ה פָּרִ֨ים בְּנֵֽי־בָקָ֤ר שְׁנַ֙יִם֙ וְאַ֣יִל אֶחָ֔ד כְּבָשִׂ֧ים בְּנֵי־שָׁנָ֛ה שִׁבְעָ֖ה תְּמִימִֽם׃

‎12 ‏וּשְׁלֹשָׁ֣ה עֶשְׂרֹנִ֗ים סֹ֤לֶת מִנְחָה֙ בְּלוּלָ֣ה בַשֶּׁ֔מֶן לַפָּ֖ר הָאֶחָ֑ד וּשְׁנֵ֣י עֶשְׂרֹנִ֗ים סֹ֤לֶת מִנְחָה֙ בְּלוּלָ֣ה בַשֶּׁ֔מֶן לָאַ֖יִל הָֽאֶחָֽד׃

‎13 ‏וְעִשָּׂרֹ֣ן עִשָּׂר֗וֹן סֹ֤לֶת מִנְחָה֙ בְּלוּלָ֣ה בַשֶּׁ֔מֶן לַכֶּ֖בֶשׂ הָאֶחָ֑ד עֹלָה֙ רֵ֣יחַ נִיחֹ֔חַ אִשֶּׁ֖ה לַיהוָֽה׃

‎14 ‏וְנִסְכֵּיהֶ֗ם חֲצִ֣י הַהִין֩ יִהְיֶ֨ה לַפָּ֜ר וּשְׁלִישִׁ֧ת הַהִ֣ין לָאַ֗יִל וּרְבִיעִ֥ת הַהִ֛ין לַכֶּ֖בֶשׂ יָ֑יִן זֹ֣את עֹלַ֥ת חֹ֙דֶשׁ֙ בְּחָדְשׁ֔וֹ לְחָדְשֵׁ֖י הַשָּׁנָֽה׃

‎15 ‏וּשְׂעִ֨יר עִזִּ֥ים אֶחָ֛ד לְחַטָּ֖את לַיהוָ֑ה עַל־עֹלַ֧ת הַתָּמִ֛יד יֵעָשֶׂ֖ה וְנִסְכּֽוֹ׃ ס

‎16 ‏וּבַחֹ֣דֶשׁ הָרִאשׁ֗וֹן בְּאַרְבָּעָ֥ה עָשָׂ֛ר י֖וֹם לַחֹ֑דֶשׁ פֶּ֖סַח לַיהוָֽה׃

‎17 ‏וּבַחֲמִשָּׁ֨ה עָשָׂ֥ר י֛וֹם לַחֹ֥דֶשׁ הַזֶּ֖ה חָ֑ג שִׁבְעַ֣ת יָמִ֔ים מַצּ֖וֹת יֵאָכֵֽל׃

‎18 ‏בַּיּ֥וֹם הָרִאשׁ֖וֹן מִקְרָא־קֹ֑דֶשׁ כָּל־מְלֶ֥אכֶת עֲבֹדָ֖ה לֹ֥א תַעֲשֽׂוּ׃

‎19 ‏וְהִקְרַבְתֶּ֨ם אִשֶּׁ֤ה עֹלָה֙ לַֽיהוָ֔ה פָּרִ֧ים בְּנֵי־בָקָ֛ר שְׁנַ֖יִם וְאַ֣יִל אֶחָ֑ד וְשִׁבְעָ֤ה כְבָשִׂים֙ בְּנֵ֣י שָׁנָ֔ה תְּמִימִ֖ם יִהְי֥וּ לָכֶֽם׃

‎20 ‏וּמִ֨נְחָתָ֔ם סֹ֖לֶת בְּלוּלָ֣ה בַשָּׁ֑מֶן שְׁלֹשָׁ֨ה עֶשְׂרֹנִ֜ים לַפָּ֗ר וּשְׁנֵ֧י עֶשְׂרֹנִ֛ים לָאַ֖יִל תַּעֲשֽׂוּ׃

‎21 ‏עִשָּׂר֤וֹן עִשָּׂרוֹן֙ תַּעֲשֶׂ֔ה לַכֶּ֖בֶשׂ הָאֶחָ֑ד לְשִׁבְעַ֖ת הַכְּבָשִֽׂים׃

‎22 ‏וּשְׂעִ֥יר חַטָּ֖את אֶחָ֑ד לְכַפֵּ֖ר עֲלֵיכֶֽם׃

‎23 ‏מִלְּבַד֙ עֹלַ֣ת הַבֹּ֔קֶר אֲשֶׁ֖ר לְעֹלַ֣ת הַתָּמִ֑יד תַּעֲשׂ֖וּ אֶת־אֵֽלֶּה׃

‎24 ‏כָּאֵ֜לֶּה תַּעֲשׂ֤וּ לַיּוֹם֙ שִׁבְעַ֣ת יָמִ֔ים לֶ֛חֶם אִשֵּׁ֥ה רֵֽיחַ־נִיחֹ֖חַ לַיהוָ֑ה עַל־עוֹלַ֧ת הַתָּמִ֛יד יֵעָשֶׂ֖ה וְנִסְכּֽוֹ׃

‎25 ‏וּבַיּוֹם֙ הַשְּׁבִיעִ֔י מִקְרָא־קֹ֖דֶשׁ יִהְיֶ֣ה לָכֶ֑ם כָּל־מְלֶ֥אכֶת עֲבֹדָ֖ה לֹ֥א תַעֲשֽׂוּ׃ ס

‎26 ‏וּבְי֣וֹם הַבִּכּוּרִ֗ים בְּהַקְרִ֨יבְכֶ֜ם מִנְחָ֤ה חֲדָשָׁה֙ לַֽיהוָ֔ה בְּשָׁבֻעֹ֖תֵיכֶ֑ם מִֽקְרָא־קֹ֙דֶשׁ֙ יִהְיֶ֣ה לָכֶ֔ם כָּל־מְלֶ֥אכֶת עֲבֹדָ֖ה לֹ֥א תַעֲשֽׂוּ׃

‎27 ‏וְהִקְרַבְתֶּ֨ם עוֹלָ֜ה לְרֵ֤יחַ נִיחֹ֙חַ֙ לַֽיהוָ֔ה פָּרִ֧ים בְּנֵי־בָקָ֛ר שְׁנַ֖יִם אַ֣יִל אֶחָ֑ד שִׁבְעָ֥ה כְבָשִׂ֖ים בְּנֵ֥י שָׁנָֽה׃

‎28 ‏וּמִנְחָתָ֔ם סֹ֖לֶת בְּלוּלָ֣ה בַשָּׁ֑מֶן שְׁלֹשָׁ֤ה עֶשְׂרֹנִים֙ לַפָּ֣ר הָֽאֶחָ֔ד שְׁנֵי֙ עֶשְׂרֹנִ֔ים לָאַ֖יִל הָאֶחָֽד׃

‎29 ‏עִשָּׂרוֹן֙ עִשָּׂר֔וֹן לַכֶּ֖בֶשׂ הָאֶחָ֑ד לְשִׁבְעַ֖ת הַכְּבָשִֽׂים׃

‎30 ‏שְׂעִ֥יר עִזִּ֖ים אֶחָ֑ד לְכַפֵּ֖ר עֲלֵיכֶֽם׃

‎31 ‏מִלְּבַ֞ד עֹלַ֧ת הַתָּמִ֛יד וּמִנְחָת֖וֹ תַּעֲשׂ֑וּ תְּמִימִ֥ם יִהְיוּ־לָכֶ֖ם וְנִסְכֵּיהֶֽם׃ פ

1 wayəḏabēr yəhwâ ’el-mōšeh llē’mōr:

2 ṣaw ’eṯ-bənê yiśərā’ēl wə’āmarətā ’ălēhem ’eṯ-qārəbānî l^aḥəmî lə’iššay rêḥa nîḥōḥî tišəmərû ləhaqərîḇ lî bəmwō‘ăḏwō:

3 wə’āmarətā lâem zeh hā’iššeh ’ăšer taqərîḇû layhwâ kəḇāśîm bənê-šānâ ṯəmîmim šənayim layywōm ‘ōlâ ṯāmîḏ:

4 ’eṯ-hakeḇeś ’eḥāḏ t^a‘ăśeh ḇabōqer wə’ēṯ hakeḇeś haššēnî t^a‘ăśeh bên hā‘arəbāyim:

5 w^a‘ăśîrîṯ hā’êfâ sōleṯ ləminəḥâ bəlûlâ bəšemen kāṯîṯ rəḇî‘iṯ hahîn:

6 ‘ōlaṯ tāmîḏ hā‘ăśuyâ bəhar sînay lərêḥa nîḥōḥa ’iššeh layhwâ:

7 wənisəkwō rəḇî‘iṯ hahîn lakeḇeś hā’eḥāḏ baqqōḏeš hassēḵə neseḵə šēḵār layhwâ:

8 wə’ēṯ hakeḇeś haššēnî t^a‘ăśeh bên hā‘arəbāyim kəminəḥaṯ habōqer ûḵənisəkwō t^a‘ăśeh ’iššēh rêḥa nîḥōḥa layhwâ: f

9 ûḇəywōm haššabāṯ šənê-ḵəḇāśîm bənê-šānâ təmîmim ûšənê ‘eśərōnîm sōleṯ minəḥâ bəlûlâ ḇaššemen wənisəkwō:

10 ‘ōlaṯ šabaṯ bəšabatwō ‘al-‘ōlaṯ hatāmîḏ wənisəkāh: s

11 ûḇərā’šê ḥāḏəšêḵem taqərîḇû ‘ōlâ layhwâ pārîm bənê-ḇāqār šənayim wə’ayil ’eḥāḏ kəḇāśîm bənê-šānâ šiḇə‘â təmîmim:

12 ûšəlōšâ ‘eśərōnîm sōleṯ minəḥâ bəlûlâ ḇaššemen lapār hā’eḥāḏ ûšənê ‘eśərōnîm sōleṯ minəḥâ bəlûlâ ḇaššemen lā’ayil hā’eḥāḏ:

13 wə‘iśśārōn ‘iśśārwōn sōleṯ minəḥâ bəlûlâ ḇaššemen lakeḇeś hā’eḥāḏ ‘ōlâ rêḥa nîḥōḥa ’iššeh layhwâ:

14 wənisəkêhem ḥăṣî hahîn yihəyeh lapār ûšəlîšiṯ hahîn lā’ayil ûrəḇî‘iṯ hahîn lakeḇeś yāyin zō’ṯ ‘ōlaṯ ḥōḏeš bəḥāḏəšwō ləḥāḏəšê haššānâ:

15 ûśə‘îr ‘izzîm ’eḥāḏ ləḥaṭṭā’ṯ layhwâ ‘al-‘ōlaṯ hatāmîḏ yē‘āśeh wənisəkwō: s

16 ûḇ^aḥōḏeš hāri’šwōn bə’arəbā‘â ‘āśār ywōm l^aḥōḏeš pes^aḥ layhwâ:

17 ûḇ^aḥămiššâ ‘āśār ywōm l^aḥōḏeš hazzeh ḥāḡ šiḇə‘aṯ yāmîm maṣṣwōṯ yē’āḵēl:

18 bayywōm hāri’šwōn miqərā’-qōḏeš kāl-məle’ḵeṯ ‘ăḇōḏâ lō’ ṯ^a‘ăśû:

19 wəhiqəraḇətem ’iššeh ‘ōlâ layhwâ pārîm bənê-ḇāqār šənayim wə’ayil ’eḥāḏ wəšiḇə‘â ḵəḇāśîm bənê šānâ təmîmim yihəyû lāḵem:

20 ûminəḥāṯām sōleṯ bəlûlâ ḇaššāmen šəlōšâ ‘eśərōnîm lapār ûšənê ‘eśərōnîm lā’ayil t^a‘ăśû:

21 ‘iśśārwōn ‘iśśārwōn t^a‘ăśeh lakeḇeś hā’eḥāḏ ləšiḇə‘aṯ hakəḇāśîm:

22 ûśə‘îr ḥaṭṭā’ṯ ’eḥāḏ ləḵapēr ‘ălêḵem:

23 milləḇaḏ ‘ōlaṯ habōqer ’ăšer lə‘ōlaṯ hatāmîḏ t^a‘ăśû ’eṯ-’ēlleh:

24 kā’ēlleh t^a‘ăśû layywōm šiḇə‘aṯ yāmîm leḥem ’iššēh rêḥa-nîḥōḥa layhwâ ‘al-‘wōlaṯ hatāmîḏ yē‘āśeh wənisəkwō:

25 ûḇayywōm haššəḇî‘î miqərā’-qōḏeš yihəyeh lāḵem kāl-məle’ḵeṯ ‘ăḇōḏâ lō’ ṯ^a‘ăśû: s

26 ûḇəywōm habikûrîm bəhaqərîḇəḵem minəḥâ ḥăḏāšâ layhwâ bəšāḇu‘ōṯêḵem miqərā’-qōḏeš yihəyeh lāḵem kāl-məle’ḵeṯ ‘ăḇōḏâ lō’ ṯ^a‘ăśû:

27 wəhiqəraḇətem ‘wōlâ lərêḥa nîḥōḥa layhwâ pārîm bənê-ḇāqār šənayim ’ayil ’eḥāḏ šiḇə‘â ḵəḇāśîm bənê šānâ:

28 ûminəḥāṯām sōleṯ bəlûlâ ḇaššāmen šəlōšâ ‘eśərōnîm lapār hā’eḥāḏ šənê ‘eśərōnîm lā’ayil hā’eḥāḏ:

29 ‘iśśārwōn ‘iśśārwōn lakeḇeś hā’eḥāḏ ləšiḇə‘aṯ hakəḇāśîm:

30 śə‘îr ‘izzîm ’eḥāḏ ləḵapēr ‘ălêḵem:

31 milləḇaḏ ‘ōlaṯ hatāmîḏ ûminəḥāṯwō t^a‘ăśû təmîmim yihəyû-lāḵem wənisəkêhem: f

‎1 ‏וּבַחֹ֨דֶשׁ הַשְּׁבִיעִ֜י בְּאֶחָ֣ד לַחֹ֗דֶשׁ מִֽקְרָא־קֹ֙דֶשׁ֙ יִהְיֶ֣ה לָכֶ֔ם כָּל־מְלֶ֥אכֶת עֲבֹדָ֖ה לֹ֣א תַעֲשׂ֑וּ י֥וֹם תְּרוּעָ֖ה יִהְיֶ֥ה לָכֶֽם׃

‎2 ‏וַעֲשִׂיתֶ֨ם עֹלָ֜ה לְרֵ֤יחַ נִיחֹ֙חַ֙ לַֽיהוָ֔ה פַּ֧ר בֶּן־בָּקָ֛ר אֶחָ֖ד אַ֣יִל אֶחָ֑ד כְּבָשִׂ֧ים בְּנֵי־שָׁנָ֛ה שִׁבְעָ֖ה תְּמִימִֽם׃

‎3 ‏וּמִנְחָתָ֔ם סֹ֖לֶת בְּלוּלָ֣ה בַשָּׁ֑מֶן שְׁלֹשָׁ֤ה עֶשְׂרֹנִים֙ לַפָּ֔ר שְׁנֵ֥י עֶשְׂרֹנִ֖ים לָאָֽיִל׃

‎4 ‏וְעִשָּׂר֣וֹן אֶחָ֔ד לַכֶּ֖בֶשׂ הָאֶחָ֑ד לְשִׁבְעַ֖ת הַכְּבָשִֽׂים׃

‎5 ‏וּשְׂעִיר־עִזִּ֥ים אֶחָ֖ד חַטָּ֑את לְכַפֵּ֖ר עֲלֵיכֶֽם׃

‎6 ‏מִלְּבַד֩ עֹלַ֨ת הַחֹ֜דֶשׁ וּמִנְחָתָ֗הּ וְעֹלַ֤ת הַתָּמִיד֙ וּמִנְחָתָ֔הּ וְנִסְכֵּיהֶ֖ם כְּמִשְׁפָּטָ֑ם לְרֵ֣יחַ נִיחֹ֔חַ אִשֶּׁ֖ה לַיהוָֽה׃ ס

‎7 ‏וּבֶעָשׂוֹר֩ לַחֹ֨דֶשׁ הַשְּׁבִיעִ֜י הַזֶּ֗ה מִֽקְרָא־קֹ֙דֶשׁ֙ יִהְיֶ֣ה לָכֶ֔ם וְעִנִּיתֶ֖ם אֶת־נַפְשֹׁתֵיכֶ֑ם כָּל־מְלָאכָ֖ה לֹ֥א תַעֲשֽׂוּ׃

‎8 ‏וְהִקְרַבְתֶּ֨ם עֹלָ֤ה לַֽיהוָה֙ רֵ֣יחַ נִיחֹ֔חַ פַּ֧ר בֶּן־בָּקָ֛ר אֶחָ֖ד אַ֣יִל אֶחָ֑ד כְּבָשִׂ֤ים בְּנֵֽי־שָׁנָה֙ שִׁבְעָ֔ה תְּמִימִ֖ם יִהְי֥וּ לָכֶֽם׃

‎9 ‏וּמִנְחָתָ֔ם סֹ֖לֶת בְּלוּלָ֣ה בַשָּׁ֑מֶן שְׁלֹשָׁ֤ה עֶשְׂרֹנִים֙ לַפָּ֔ר שְׁנֵי֙ עֶשְׂרֹנִ֔ים לָאַ֖יִל הָאֶחָֽד׃

‎10 ‏עִשָּׂרוֹן֙ עִשָּׂר֔וֹן לַכֶּ֖בֶשׂ הָאֶחָ֑ד לְשִׁבְעַ֖ת הַכְּבָשִֽׂים׃

‎11 ‏שְׂעִיר־עִזִּ֥ים אֶחָ֖ד חַטָּ֑את מִלְּבַ֞ד חַטַּ֤את הַכִּפֻּרִים֙ וְעֹלַ֣ת הַתָּמִ֔יד וּמִנְחָתָ֖הּ וְנִסְכֵּיהֶֽם׃ פ

‎12 ‏וּבַחֲמִשָּׁה֩ עָשָׂ֨ר י֜וֹם לַחֹ֣דֶשׁ הַשְּׁבִיעִ֗י מִֽקְרָא־קֹ֙דֶשׁ֙ יִהְיֶ֣ה לָכֶ֔ם כָּל־מְלֶ֥אכֶת עֲבֹדָ֖ה לֹ֣א תַעֲשׂ֑וּ וְחַגֹּתֶ֥ם חַ֛ג לַיהוָ֖ה שִׁבְעַ֥ת יָמִֽים׃

‎13 ‏וְהִקְרַבְתֶּ֨ם עֹלָ֜ה אִשֵּׁ֨ה רֵ֤יחַ נִיחֹ֙חַ֙ לַֽיהוָ֔ה פָּרִ֧ים בְּנֵי־בָקָ֛ר שְׁלֹשָׁ֥ה עָשָׂ֖ר אֵילִ֣ם שְׁנָ֑יִם כְּבָשִׂ֧ים בְּנֵֽי־שָׁנָ֛ה אַרְבָּעָ֥ה עָשָׂ֖ר תְּמִימִ֥ם יִהְיֽוּ׃

‎14 ‏וּמִנְחָתָ֔ם סֹ֖לֶת בְּלוּלָ֣ה בַשָּׁ֑מֶן שְׁלֹשָׁ֨ה עֶשְׂרֹנִ֜ים לַפָּ֣ר הָֽאֶחָ֗ד לִשְׁלֹשָׁ֤ה עָשָׂר֙ פָּרִ֔ים שְׁנֵ֤י עֶשְׂרֹנִים֙ לָאַ֣יִל הָֽאֶחָ֔ד לִשְׁנֵ֖י הָאֵילִֽם׃

‎15 ‏וְעִשָּׂרוֹׅן֙⁴ עִשָּׂר֔וֹן לַכֶּ֖בֶשׂ הָאֶחָ֑ד לְאַרְבָּעָ֥ה עָשָׂ֖ר כְּבָשִֽׂים׃

‎16 ‏וּשְׂעִיר־עִזִּ֥ים אֶחָ֖ד חַטָּ֑את מִלְּבַד֙ עֹלַ֣ת הַתָּמִ֔יד מִנְחָתָ֖הּ וְנִסְכָּֽהּ׃ ס

‎17 ‏וּבַיּ֣וֹם הַשֵּׁנִ֗י פָּרִ֧ים בְּנֵי־בָקָ֛ר שְׁנֵ֥ים עָשָׂ֖ר אֵילִ֣ם שְׁנָ֑יִם כְּבָשִׂ֧ים בְּנֵי־שָׁנָ֛ה אַרְבָּעָ֥ה עָשָׂ֖ר תְּמִימִֽם׃

‎18 ‏וּמִנְחָתָ֣ם וְנִסְכֵּיהֶ֡ם לַ֠פָּרִים לָאֵילִ֧ם וְלַכְּבָשִׂ֛ים בְּמִסְפָּרָ֖ם כַּמִּשְׁפָּֽט׃

‎19 ‏וּשְׂעִיר־עִזִּ֥ים אֶחָ֖ד חַטָּ֑את מִלְּבַד֙ עֹלַ֣ת הַתָּמִ֔יד וּמִנְחָתָ֖הּ וְנִסְכֵּיהֶֽם׃ ס

‎20 ‏וּבַיּ֧וֹם הַשְּׁלִישִׁ֛י פָּרִ֥ים עַשְׁתֵּי־עָשָׂ֖ר אֵילִ֣ם שְׁנָ֑יִם כְּבָשִׂ֧ים בְּנֵי־שָׁנָ֛ה אַרְבָּעָ֥ה עָשָׂ֖ר תְּמִימִֽם׃

‎21 ‏וּמִנְחָתָ֣ם וְנִסְכֵּיהֶ֡ם לַ֠פָּרִים לָאֵילִ֧ם וְלַכְּבָשִׂ֛ים בְּמִסְפָּרָ֖ם כַּמִּשְׁפָּֽט׃

‎22 ‏וּשְׂעִ֥יר חַטָּ֖את אֶחָ֑ד מִלְּבַד֙ עֹלַ֣ת הַתָּמִ֔יד וּמִנְחָתָ֖הּ וְנִסְכָּֽהּ׃ ס

‎23 ‏וּבַיּ֧וֹם הָרְבִיעִ֛י פָּרִ֥ים עֲשָׂרָ֖ה אֵילִ֣ם שְׁנָ֑יִם כְּבָשִׂ֧ים בְּנֵֽי־שָׁנָ֛ה אַרְבָּעָ֥ה עָשָׂ֖ר תְּמִימִֽם׃

‎24 ‏מִנְחָתָ֣ם וְנִסְכֵּיהֶ֡ם לַ֠פָּרִים לָאֵילִ֧ם וְלַכְּבָשִׂ֛ים בְּמִסְפָּרָ֖ם כַּמִּשְׁפָּֽט׃

‎25 ‏וּשְׂעִיר־עִזִּ֥ים אֶחָ֖ד חַטָּ֑את מִלְּבַד֙ עֹלַ֣ת הַתָּמִ֔יד מִנְחָתָ֖הּ וְנִסְכָּֽהּ׃ ס

‎26 ‏וּבַיּ֧וֹם הַחֲמִישִׁ֛י פָּרִ֥ים תִּשְׁעָ֖ה אֵילִ֣ם שְׁנָ֑יִם כְּבָשִׂ֧ים בְּנֵֽי־שָׁנָ֛ה אַרְבָּעָ֥ה עָשָׂ֖ר תְּמִימִֽם׃

‎27 ‏וּמִנְחָתָ֣ם וְנִסְכֵּיהֶ֡ם לַ֠פָּרִים לָאֵילִ֧ם וְלַכְּבָשִׂ֛ים בְּמִסְפָּרָ֖ם כַּמִּשְׁפָּֽט׃

‎28 ‏וּשְׂעִ֥יר חַטָּ֖את אֶחָ֑ד מִלְּבַד֙ עֹלַ֣ת הַתָּמִ֔יד וּמִנְחָתָ֖הּ וְנִסְכָּֽהּ׃ ס

‎29 ‏וּבַיּ֧וֹם הַשִּׁשִּׁ֛י פָּרִ֥ים שְׁמֹנָ֖ה אֵילִ֣ם שְׁנָ֑יִם כְּבָשִׂ֧ים בְּנֵי־שָׁנָ֛ה אַרְבָּעָ֥ה עָשָׂ֖ר תְּמִימִֽם׃

‎30 ‏וּמִנְחָתָ֣ם וְנִסְכֵּיהֶ֡ם לַ֠פָּרִים לָאֵילִ֧ם וְלַכְּבָשִׂ֛ים בְּמִסְפָּרָ֖ם כַּמִּשְׁפָּֽט׃

‎31 ‏וּשְׂעִ֥יר חַטָּ֖את אֶחָ֑ד מִלְּבַד֙ עֹלַ֣ת הַתָּמִ֔יד מִנְחָתָ֖הּ וּנְסָכֶֽיהָ׃ פ

‎32 ‏וּבַיּ֧וֹם הַשְּׁבִיעִ֛י פָּרִ֥ים שִׁבְעָ֖ה אֵילִ֣ם שְׁנָ֑יִם כְּבָשִׂ֧ים בְּנֵי־שָׁנָ֛ה אַרְבָּעָ֥ה עָשָׂ֖ר תְּמִימִֽם׃

‎33 ‏וּמִנְחָתָ֣ם וְנִסְכֵּהֶ֡ם לַ֠פָּרִים לָאֵילִ֧ם וְלַכְּבָשִׂ֛ים בְּמִסְפָּרָ֖ם כְּמִשְׁפָּטָֽם׃

‎34 ‏וּשְׂעִ֥יר חַטָּ֖את אֶחָ֑ד מִלְּבַד֙ עֹלַ֣ת הַתָּמִ֔יד מִנְחָתָ֖הּ וְנִסְכָּֽהּ׃ פ

‎35 ‏בַּיּוֹם֙ הַשְּׁמִינִ֔י עֲצֶ֖רֶת תִּהְיֶ֣ה לָכֶ֑ם כָּל־מְלֶ֥אכֶת עֲבֹדָ֖ה לֹ֥א תַעֲשֽׂוּ׃

‎36 ‏וְהִקְרַבְתֶּ֨ם עֹלָ֜ה אִשֵּׁ֨ה רֵ֤יחַ נִיחֹ֙חַ֙ לַֽיהוָ֔ה פַּ֥ר אֶחָ֖ד אַ֣יִל אֶחָ֑ד כְּבָשִׂ֧ים בְּנֵי־שָׁנָ֛ה שִׁבְעָ֖ה תְּמִימִֽם׃

‎37 ‏מִנְחָתָ֣ם וְנִסְכֵּיהֶ֗ם לַפָּ֨ר לָאַ֧יִל וְלַכְּבָשִׂ֛ים בְּמִסְפָּרָ֖ם כַּמִּשְׁפָּֽט׃

‎38 ‏וּשְׂעִ֥יר חַטָּ֖את אֶחָ֑ד מִלְּבַד֙ עֹלַ֣ת הַתָּמִ֔יד וּמִנְחָתָ֖הּ וְנִסְכָּֽהּ׃

‎39 ‏אֵ֛לֶּה תַּעֲשׂ֥וּ לַיהוָ֖ה בְּמוֹעֲדֵיכֶ֑ם לְבַ֨ד מִנִּדְרֵיכֶ֜ם וְנִדְבֹתֵיכֶ֗ם לְעֹלֹֽתֵיכֶם֙ וּלְמִנְחֹ֣תֵיכֶ֔ם וּלְנִסְכֵּיכֶ֖ם וּלְשַׁלְמֵיכֶֽם׃

1 ûḇ^aḥōḏeš haššəḇî‘î bə’eḥāḏ l^aḥōḏeš miqərā’-qōḏeš yihəyeh lāḵem kāl-məle’ḵeṯ ‘ăḇōḏâ lō’ ṯ^a‘ăśû ywōm tərû‘â yihəyeh lāḵem:

2 w^a‘ăśîṯem ‘ōlâ lərêḥa nîḥōḥa layhwâ par ben-bāqār ’eḥāḏ ’ayil ’eḥāḏ kəḇāśîm bənê-šānâ šiḇə‘â təmîmim:

3 ûminəḥāṯām sōleṯ bəlûlâ ḇaššāmen šəlōšâ ‘eśərōnîm lapār šənê ‘eśərōnîm lā’āyil:

4 wə‘iśśārwōn ’eḥāḏ lakeḇeś hā’eḥāḏ ləšiḇə‘aṯ hakəḇāśîm:

5 ûśə‘îr-‘izzîm ’eḥāḏ ḥaṭṭā’ṯ ləḵapēr ‘ălêḵem:

6 milləḇaḏ ‘ōlaṯ h^aḥōḏeš ûminəḥāṯāh wə‘ōlaṯ hatāmîḏ ûminəḥāṯāh wənisəkêhem kəmišəpāṭām lərêḥa nîḥōḥa ’iššeh layhwâ: s

7 ûḇe‘āśwōr l^aḥōḏeš haššəḇî‘î hazzeh miqərā’-qōḏeš yihəyeh lāḵem wə‘innîṯem ’eṯ-nafəšōṯêḵem kāl-məlā’ḵâ lō’ ṯ^a‘ăśû:

8 wəhiqəraḇətem ‘ōlâ layhwâ rêḥa nîḥōḥa par ben-bāqār ’eḥāḏ ’ayil ’eḥāḏ kəḇāśîm bənê-šānâ šiḇə‘â təmîmim yihəyû lāḵem:

9 ûminəḥāṯām sōleṯ bəlûlâ ḇaššāmen šəlōšâ ‘eśərōnîm lapār šənê ‘eśərōnîm lā’ayil hā’eḥāḏ:

10 ‘iśśārwōn ‘iśśārwōn lakeḇeś hā’eḥāḏ ləšiḇə‘aṯ hakəḇāśîm:

11 śə‘îr-‘izzîm ’eḥāḏ ḥaṭṭā’ṯ milləḇaḏ ḥaṭṭa’ṯ hakipurîm wə‘ōlaṯ hatāmîḏ ûminəḥāṯāh wənisəkêhem: f

12 ûḇ^aḥămiššâ ‘āśār ywōm l^aḥōḏeš haššəḇî‘î miqərā’-qōḏeš yihəyeh lāḵem kāl-məle’ḵeṯ ‘ăḇōḏâ lō’ ṯ^a‘ăśû wəḥagōṯem ḥaḡ layhwâ šiḇə‘aṯ yāmîm:

13 wəhiqəraḇətem ‘ōlâ ’iššēh rêḥa nîḥōḥa layhwâ pārîm bənê-ḇāqār šəlōšâ ‘āśār ’êlim šənāyim kəḇāśîm bənê-šānâ ’arəbā‘â ‘āśār təmîmim yihəyû:

14 ûminəḥāṯām sōleṯ bəlûlâ ḇaššāmen šəlōšâ ‘eśərōnîm lapār hā’eḥāḏ lišəlōšâ ‘āśār pārîm šənê ‘eśərōnîm lā’ayil hā’eḥāḏ lišənê hā’êlim:

15 wə‘iśśārwōׅn⁴ ‘iśśārwōn lakeḇeś hā’eḥāḏ lə’arəbā‘â ‘āśār kəḇāśîm:

16 ûśə‘îr-‘izzîm ’eḥāḏ ḥaṭṭā’ṯ milləḇaḏ ‘ōlaṯ hatāmîḏ minəḥāṯāh wənisəkāh: s

17 ûḇayywōm haššēnî pārîm bənê-ḇāqār šənêm ‘āśār ’êlim šənāyim kəḇāśîm bənê-šānâ ’arəbā‘â ‘āśār təmîmim:

18 ûminəḥāṯām wənisəkêhem lapārîm lā’êlim wəlakəḇāśîm bəmisəpārām kammišəpāṭ:

19 ûśə‘îr-‘izzîm ’eḥāḏ ḥaṭṭā’ṯ milləḇaḏ ‘ōlaṯ hatāmîḏ ûminəḥāṯāh wənisəkêhem: s

20 ûḇayywōm haššəlîšî pārîm ‘ašətê-‘āśār ’êlim šənāyim kəḇāśîm bənê-šānâ ’arəbā‘â ‘āśār təmîmim:

21 ûminəḥāṯām wənisəkêhem lapārîm lā’êlim wəlakəḇāśîm bəmisəpārām kammišəpāṭ:

22 ûśə‘îr ḥaṭṭā’ṯ ’eḥāḏ milləḇaḏ ‘ōlaṯ hatāmîḏ ûminəḥāṯāh wənisəkāh: s

23 ûḇayywōm hārəḇî‘î pārîm ‘ăśārâ ’êlim šənāyim kəḇāśîm bənê-šānâ ’arəbā‘â ‘āśār təmîmim:

24 minəḥāṯām wənisəkêhem lapārîm lā’êlim wəlakəḇāśîm bəmisəpārām kammišəpāṭ:

25 ûśə‘îr-‘izzîm ’eḥāḏ ḥaṭṭā’ṯ milləḇaḏ ‘ōlaṯ hatāmîḏ minəḥāṯāh wənisəkāh: s

26 ûḇayywōm h^aḥămîšî pārîm tišə‘â ’êlim šənāyim kəḇāśîm bənê-šānâ ’arəbā‘â ‘āśār təmîmim:

27 ûminəḥāṯām wənisəkêhem lapārîm lā’êlim wəlakəḇāśîm bəmisəpārām kammišəpāṭ:

28 ûśə‘îr ḥaṭṭā’ṯ ’eḥāḏ milləḇaḏ ‘ōlaṯ hatāmîḏ ûminəḥāṯāh wənisəkāh: s

29 ûḇayywōm haššiššî pārîm šəmōnâ ’êlim šənāyim kəḇāśîm bənê-šānâ ’arəbā‘â ‘āśār təmîmim:

30 ûminəḥāṯām wənisəkêhem lapārîm lā’êlim wəlakəḇāśîm bəmisəpārām kammišəpāṭ:

31 ûśə‘îr ḥaṭṭā’ṯ ’eḥāḏ milləḇaḏ ‘ōlaṯ hatāmîḏ minəḥāṯāh ûnəsāḵeyhā: f

32 ûḇayywōm haššəḇî‘î pārîm šiḇə‘â ’êlim šənāyim kəḇāśîm bənê-šānâ ’arəbā‘â ‘āśār təmîmim:

33 ûminəḥāṯām wənisəkēhem lapārîm lā’êlim wəlakəḇāśîm bəmisəpārām kəmišəpāṭām:

34 ûśə‘îr ḥaṭṭā’ṯ ’eḥāḏ milləḇaḏ ‘ōlaṯ hatāmîḏ minəḥāṯāh wənisəkāh: f

35 bayywōm haššəmînî ‘ăṣereṯ tihəyeh lāḵem kāl-məle’ḵeṯ ‘ăḇōḏâ lō’ ṯ^a‘ăśû:

36 wəhiqəraḇətem ‘ōlâ ’iššēh rêḥa nîḥōḥa layhwâ par ’eḥāḏ ’ayil ’eḥāḏ kəḇāśîm bənê-šānâ šiḇə‘â təmîmim:

37 minəḥāṯām wənisəkêhem lapār lā’ayil wəlakəḇāśîm bəmisəpārām kammišəpāṭ:

38 ûśə‘îr ḥaṭṭā’ṯ ’eḥāḏ milləḇaḏ ‘ōlaṯ hatāmîḏ ûminəḥāṯāh wənisəkāh:

39 ’ēlleh t^a‘ăśû layhwâ bəmwō‘ăḏêḵem ləḇaḏ minniḏərêḵem wəniḏəḇōṯêḵem lə‘ōlōṯêḵem ûləminəḥōṯêḵem ûlənisəkêḵem ûləšaləmêḵem:

‎1 ‏וַיֹּ֥אמֶר מֹשֶׁ֖ה אֶל־בְּנֵ֣י יִשְׂרָאֵ֑ל כְּכֹ֛ל אֲשֶׁר־צִוָּ֥ה יְהוָ֖ה אֶת־מֹשֶֽׁה׃ פ

‎2 ‏וַיְדַבֵּ֤ר מֹשֶׁה֙ אֶל־רָאשֵׁ֣י הַמַּטּ֔וֹת לִבְנֵ֥י יִשְׂרָאֵ֖ל לֵאמֹ֑ר זֶ֣ה הַדָּבָ֔ר אֲשֶׁ֖ר צִוָּ֥ה יְהוָֽה׃

‎3 ‏אִישׁ֩ כִּֽי־יִדֹּ֨ר נֶ֜דֶר לַֽיהוָ֗ה אֽוֹ־הִשָּׁ֤בַע שְׁבֻעָה֙ לֶאְסֹ֤ר אִסָּר֙ עַל־נַפְשׁ֔וֹ לֹ֥א יַחֵ֖ל דְּבָר֑וֹ כְּכָל־הַיֹּצֵ֥א מִפִּ֖יו יַעֲשֶֽׂה׃

‎4 ‏וְאִשָּׁ֕ה כִּֽי־תִדֹּ֥ר נֶ֖דֶר לַיהוָ֑ה וְאָסְרָ֥ה אִסָּ֛ר בְּבֵ֥ית אָבִ֖יהָ בִּנְעֻרֶֽיהָ׃

‎5 ‏וְשָׁמַ֨ע אָבִ֜יהָ אֶת־נִדְרָ֗הּ וֶֽאֱסָרָהּ֙ אֲשֶׁ֣ר אָֽסְרָ֣ה עַל־נַפְשָׁ֔הּ וְהֶחֱרִ֥ישׁ לָ֖הּ אָבִ֑יהָ וְקָ֙מוּ֙ כָּל־נְדָרֶ֔יהָ וְכָל־אִסָּ֛ר אֲשֶׁר־אָסְרָ֥ה עַל־נַפְשָׁ֖הּ יָקֽוּם׃

‎6 ‏וְאִם־הֵנִ֨יא אָבִ֣יהָ אֹתָהּ֮ בְּי֣וֹם שָׁמְעוֹ֒ כָּל־נְדָרֶ֗יהָ וֶֽאֱסָרֶ֛יהָ אֲשֶׁר־אָסְרָ֥ה עַל־נַפְשָׁ֖הּ לֹ֣א יָק֑וּם וַֽיהוָה֙ יִֽסְלַח־לָ֔הּ כִּי־הֵנִ֥יא אָבִ֖יהָ אֹתָֽהּ׃

‎7 ‏וְאִם־הָי֤וֹ תִֽהְיֶה֙ לְאִ֔ישׁ וּנְדָרֶ֖יהָ עָלֶ֑יהָ א֚וֹ מִבְטָ֣א שְׂפָתֶ֔יהָ אֲשֶׁ֥ר אָסְרָ֖ה עַל־נַפְשָֽׁהּ׃

‎8 ‏וְשָׁמַ֥ע אִישָׁ֛הּ בְּי֥וֹם שָׁמְע֖וֹ וְהֶחֱרִ֣ישׁ לָ֑הּ וְקָ֣מוּ נְדָרֶ֗יהָ וֶֽאֱסָרֶ֛הָ אֲשֶׁר־אָסְרָ֥ה עַל־נַפְשָׁ֖הּ יָקֻֽמוּ׃

‎9 ‏וְ֠אִם בְּי֨וֹם שְׁמֹ֣עַ אִישָׁהּ֮ יָנִ֣יא אוֹתָהּ֒ וְהֵפֵ֗ר אֶת־נִדְרָהּ֙ אֲשֶׁ֣ר עָלֶ֔יהָ וְאֵת֙ מִבְטָ֣א שְׂפָתֶ֔יהָ אֲשֶׁ֥ר אָסְרָ֖ה עַל־נַפְשָׁ֑הּ וַיהוָ֖ה יִֽסְלַֽח־לָֽהּ׃

‎10 ‏וְנֵ֥דֶר אַלְמָנָ֖ה וּגְרוּשָׁ֑ה כֹּ֛ל אֲשֶׁר־אָסְרָ֥ה עַל־נַפְשָׁ֖הּ יָק֥וּם עָלֶֽיהָ׃

‎11 ‏וְאִם־בֵּ֥ית אִישָׁ֖הּ נָדָ֑רָה אֽוֹ־אָסְרָ֥ה אִסָּ֛ר עַל־נַפְשָׁ֖הּ בִּשְׁבֻעָֽה׃

‎12 ‏וְשָׁמַ֤ע אִישָׁהּ֙ וְהֶחֱרִ֣שׁ לָ֔הּ לֹ֥א הֵנִ֖יא אֹתָ֑הּ וְקָ֙מוּ֙ כָּל־נְדָרֶ֔יהָ וְכָל־אִסָּ֛ר אֲשֶׁר־אָסְרָ֥ה עַל־נַפְשָׁ֖הּ יָקֽוּם׃

‎13 ‏וְאִם־הָפֵר֩ יָפֵ֨ר אֹתָ֥ם׀ אִישָׁהּ֮ בְּי֣וֹם שָׁמְעוֹ֒ כָּל־מוֹצָ֨א שְׂפָתֶ֧יהָ לִנְדָרֶ֛יהָ וּלְאִסַּ֥ר נַפְשָׁ֖הּ לֹ֣א יָק֑וּם אִישָׁ֣הּ הֲפֵרָ֔ם וַיהוָ֖ה יִֽסְלַֽח־לָֽהּ׃

‎14 ‏כָּל־נֵ֛דֶר וְכָל־שְׁבֻעַ֥ת אִסָּ֖ר לְעַנֹּ֣ת נָ֑פֶשׁ אִישָׁ֥הּ יְקִימֶ֖נּוּ וְאִישָׁ֥הּ יְפֵרֶֽנּוּ׃

‎15 ‏וְאִם־הַחֲרֵשׁ֩ יַחֲרִ֨ישׁ לָ֥הּ אִישָׁהּ֮ מִיּ֣וֹם אֶל־יוֹם֒ וְהֵקִים֙ אֶת־כָּל־נְדָרֶ֔יהָ א֥וֹ אֶת־כָּל־אֱסָרֶ֖יהָ אֲשֶׁ֣ר עָלֶ֑יהָ הֵקִ֣ים אֹתָ֔ם כִּי־הֶחֱרִ֥שׁ לָ֖הּ בְּי֥וֹם שָׁמְעֽוֹ׃

‎16 ‏וְאִם־הָפֵ֥ר יָפֵ֛ר אֹתָ֖ם אַחֲרֵ֣י שָׁמְע֑וֹ וְנָשָׂ֖א אֶת־עֲוֹנָֽהּ׃

‎17 ‏אֵ֣לֶּה הַֽחֻקִּ֗ים אֲשֶׁ֨ר צִוָּ֤ה יְהוָה֙ אֶת־מֹשֶׁ֔ה בֵּ֥ין אִ֖ישׁ לְאִשְׁתּ֑וֹ בֵּֽין־אָ֣ב לְבִתּ֔וֹ בִּנְעֻרֶ֖יהָ בֵּ֥ית אָבִֽיהָ׃ פ

1 wayyō’mer mōšeh ’el-bənê yiśərā’ēl kəḵōl ’ăšer-ṣiûâ yəhwâ ’eṯ-mōšeh: f

2 wayəḏabēr mōšeh ’el-rā’šê hammaṭṭwōṯ liḇənê yiśərā’ēl lē’mōr zeh hadāḇār ’ăšer ṣiûâ yəhwâ:

3 ’îš kî-yidōr neḏer layhwâ ’wō-hiššāḇ^a‘ šəḇu‘â le’əsōr ’issār ‘al-nafəšwō lō’ y^aḥēl dəḇārwō kəḵāl-hayyōṣē’ mipîw y^a‘ăśeh:

4 wə’iššâ kî-ṯidōr neḏer layhwâ wə’āsərâ ’issār bəḇêṯ ’āḇîhā binə‘ureyhā:

5 wəšām^a‘ ’āḇîhā ’eṯ-niḏərāh we’ĕsārāh ’ăšer ’āsərâ ‘al-nafəšāh wəheḥĕrîš lāh ’āḇîhā wəqāmû kāl-nəḏāreyhā wəḵāl-’issār ’ăšer-’āsərâ ‘al-nafəšāh yāqûm:

6 wə’im-hēnî’ ’āḇîhā ’ōṯāh bəywōm šāmə‘wō kāl-nəḏāreyhā we’ĕsāreyhā ’ăšer-’āsərâ ‘al-nafəšāh lō’ yāqûm wayhwâ yisəl^aḥ-lāh kî-hēnî’ ’āḇîhā ’ōṯāh:

7 wə’im-hāywō ṯihəyeh lə’îš ûnəḏāreyhā ‘āleyhā ’wō miḇəṭā’ śəfāṯeyhā ’ăšer ’āsərâ ‘al-nafəšāh:

8 wəšām^a‘ ’îšāh bəywōm šāmə‘wō wəheḥĕrîš lāh wəqāmû nəḏāreyhā we’ĕsārehā ’ăšer-’āsərâ ‘al-nafəšāh yāqumû:

9 wə’im bəywōm šəmō‘a ’îšāh yānî’ ’wōṯāh wəhēfēr ’eṯ-niḏərāh ’ăšer ‘āleyhā wə’ēṯ miḇəṭā’ śəfāṯeyhā ’ăšer ’āsərâ ‘al-nafəšāh wayhwâ yisəl^aḥ-lāh:

10 wənēḏer ’aləmānâ ûḡərûšâ kōl ’ăšer-’āsərâ ‘al-nafəšāh yāqûm ‘āleyhā:

11 wə’im-bêṯ ’îšāh nāḏārâ ’wō-’āsərâ ’issār ‘al-nafəšāh bišəḇu‘â:

12 wəšām^a‘ ’îšāh wəheḥĕriš lāh lō’ hēnî’ ’ōṯāh wəqāmû kāl-nəḏāreyhā wəḵāl-’issār ’ăšer-’āsərâ ‘al-nafəšāh yāqûm:

13 wə’im-hāfēr yāfēr ’ōṯām| ’îšāh bəywōm šāmə‘wō kāl-mwōṣā’ śəfāṯeyhā linəḏāreyhā ûlə’issar nafəšāh lō’ yāqûm ’îšāh hăfērām wayhwâ yisəl^aḥ-lāh:

14 kāl-nēḏer wəḵāl-šəḇu‘aṯ ’issār lə‘annōṯ nāfeš ’îšāh yəqîmennû wə’îšāh yəfērennû:

15 wə’im-h^aḥărēš y^aḥărîš lāh ’îšāh mîywōm ’el-ywōm wəhēqîm ’eṯ-kāl-nəḏāreyhā ’wō ’eṯ-kāl-’ĕsāreyhā ’ăšer ‘āleyhā hēqîm ’ōṯām kî-heḥĕriš lāh bəywōm šāmə‘wō:

16 wə’im-hāfēr yāfēr ’ōṯām ’^aḥărê šāmə‘wō wənāśā’ ’eṯ-‘ăwōnāh:

17 ’ēlleh h^aḥuqqîm ’ăšer ṣiûâ yəhwâ ’eṯ-mōšeh bên ’îš lə’išətwō bên-’āḇ ləḇitwō binə‘ureyhā bêṯ ’āḇîhā: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏נְקֹ֗ם נִקְמַת֙ בְּנֵ֣י יִשְׂרָאֵ֔ל מֵאֵ֖ת הַמִּדְיָנִ֑ים אַחַ֖ר תֵּאָסֵ֥ף אֶל־עַמֶּֽיךָ׃

‎3 ‏וַיְדַבֵּ֤ר מֹשֶׁה֙ אֶל־הָעָ֣ם לֵאמֹ֔ר הֵחָלְצ֧וּ מֵאִתְּכֶ֛ם אֲנָשִׁ֖ים לַצָּבָ֑א וְיִהְיוּ֙ עַל־מִדְיָ֔ן לָתֵ֥ת נִקְמַת־יְהוָ֖ה בְּמִדְיָֽן׃

‎4 ‏אֶ֚לֶף לַמַּטֶּ֔ה אֶ֖לֶף לַמַּטֶּ֑ה לְכֹל֙ מַטּ֣וֹת יִשְׂרָאֵ֔ל תִּשְׁלְח֖וּ לַצָּבָֽא׃

‎5 ‏וַיִּמָּֽסְרוּ֙ מֵאַלְפֵ֣י יִשְׂרָאֵ֔ל אֶ֖לֶף לַמַּטֶּ֑ה שְׁנֵים־עָשָׂ֥ר אֶ֖לֶף חֲלוּצֵ֥י צָבָֽא׃

‎6 ‏וַיִּשְׁלַ֨ח אֹתָ֥ם מֹשֶׁ֛ה אֶ֥לֶף לַמַּטֶּ֖ה לַצָּבָ֑א אֹ֠תָם וְאֶת־פִּ֨ינְחָ֜ס בֶּן־אֶלְעָזָ֤ר הַכֹּהֵן֙ לַצָּבָ֔א וּכְלֵ֥י הַקֹּ֛דֶשׁ וַחֲצֹצְר֥וֹת הַתְּרוּעָ֖ה בְּיָדֽוֹ׃

‎7 ‏וַֽיִּצְבְּאוּ֙ עַל־מִדְיָ֔ן כַּאֲשֶׁ֛ר צִוָּ֥ה יְהוָ֖ה אֶת־מֹשֶׁ֑ה וַיַּֽהַרְג֖וּ כָּל־זָכָֽר׃

‎8 ‏וְאֶת־מַלְכֵ֨י מִדְיָ֜ן הָרְג֣וּ עַל־חַלְלֵיהֶ֗ם אֶת־אֱוִ֤י וְאֶת־רֶ֙קֶם֙ וְאֶת־צ֤וּר וְאֶת־חוּר֙ וְאֶת־רֶ֔בַע חֲמֵ֖שֶׁת מַלְכֵ֣י מִדְיָ֑ן וְאֵת֙ בִּלְעָ֣ם בֶּן־בְּע֔וֹר הָרְג֖וּ בֶּחָֽרֶב׃

‎9 ‏וַיִּשְׁבּ֧וּ בְנֵי־יִשְׂרָאֵ֛ל אֶת־נְשֵׁ֥י מִדְיָ֖ן וְאֶת־טַפָּ֑ם וְאֵ֨ת כָּל־בְּהֶמְתָּ֧ם וְאֶת־כָּל־מִקְנֵהֶ֛ם וְאֶת־כָּל־חֵילָ֖ם בָּזָֽזוּ׃

‎10 ‏וְאֵ֤ת כָּל־עָרֵיהֶם֙ בְּמ֣וֹשְׁבֹתָ֔ם וְאֵ֖ת כָּל־טִֽירֹתָ֑ם שָׂרְפ֖וּ בָּאֵֽשׁ׃

‎11 ‏וַיִּקְחוּ֙ אֶת־כָּל־הַשָּׁלָ֔ל וְאֵ֖ת כָּל־הַמַּלְק֑וֹחַ בָּאָדָ֖ם וּבַבְּהֵמָֽה׃

‎12 ‏וַיָּבִ֡אוּ אֶל־מֹשֶׁה֩ וְאֶל־אֶלְעָזָ֨ר הַכֹּהֵ֜ן וְאֶל־עֲדַ֣ת בְּנֵֽי־יִשְׂרָאֵ֗ל אֶת־הַשְּׁבִ֧י וְאֶת־הַמַּלְק֛וֹחַ וְאֶת־הַשָּׁלָ֖ל אֶל־הַֽמַּחֲנֶ֑ה אֶל־עַֽרְבֹ֣ת מוֹאָ֔ב אֲשֶׁ֖ר עַל־יַרְדֵּ֥ן יְרֵחֽוֹ׃ ס

‎13 ‏וַיֵּ֨צְא֜וּ מֹשֶׁ֨ה וְאֶלְעָזָ֧ר הַכֹּהֵ֛ן וְכָל־נְשִׂיאֵ֥י הָעֵדָ֖ה לִקְרָאתָ֑ם אֶל־מִח֖וּץ לַֽמַּחֲנֶֽה׃

‎14 ‏וַיִּקְצֹ֣ף מֹשֶׁ֔ה עַ֖ל פְּקוּדֵ֣י הֶחָ֑יִל שָׂרֵ֤י הָאֲלָפִים֙ וְשָׂרֵ֣י הַמֵּא֔וֹת הַבָּאִ֖ים מִצְּבָ֥א הַמִּלְחָמָֽה׃

‎15 ‏וַיֹּ֥אמֶר אֲלֵיהֶ֖ם מֹשֶׁ֑ה הַֽחִיִּיתֶ֖ם כָּל־נְקֵבָֽה׃

‎16 ‏הֵ֣ן הֵ֜נָּה הָי֨וּ לִבְנֵ֤י יִשְׂרָאֵל֙ בִּדְבַ֣ר בִּלְעָ֔ם לִמְסָר־מַ֥עַל בַּיהוָ֖ה עַל־דְּבַר־פְּע֑וֹר וַתְּהִ֥י הַמַּגֵּפָ֖ה בַּעֲדַ֥ת יְהוָֽה׃

‎17 ‏וְעַתָּ֕ה הִרְג֥וּ כָל־זָכָ֖ר בַּטָּ֑ף וְכָל־אִשָּׁ֗ה יֹדַ֥עַת אִ֛ישׁ לְמִשְׁכַּ֥ב זָכָ֖ר הֲרֹֽגוּ׃

‎18 ‏וְכֹל֙ הַטַּ֣ף בַּנָּשִׁ֔ים אֲשֶׁ֥ר לֹא־יָדְע֖וּ מִשְׁכַּ֣ב זָכָ֑ר הַחֲי֖וּ לָכֶֽם׃

‎19 ‏וְאַתֶּ֗ם חֲנ֛וּ מִח֥וּץ לַֽמַּחֲנֶ֖ה שִׁבְעַ֣ת יָמִ֑ים כֹּל֩ הֹרֵ֨ג נֶ֜פֶשׁ וְכֹ֣ל׀ נֹגֵ֣עַ בֶּֽחָלָ֗ל תִּֽתְחַטְּא֞וּ בַּיּ֤וֹם הַשְּׁלִישִׁי֙ וּבַיּ֣וֹם הַשְּׁבִיעִ֔י אַתֶּ֖ם וּשְׁבִיכֶֽם׃

‎20 ‏וְכָל־בֶּ֧גֶד וְכָל־כְּלִי־ע֛וֹר וְכָל־מַעֲשֵׂ֥ה עִזִּ֖ים וְכָל־כְּלִי־עֵ֑ץ תִּתְחַטָּֽאוּ׃ ס

‎21 ‏וַיֹּ֨אמֶר אֶלְעָזָ֤ר הַכֹּהֵן֙ אֶל־אַנְשֵׁ֣י הַצָּבָ֔א הַבָּאִ֖ים לַמִּלְחָמָ֑ה זֹ֚את חֻקַּ֣ת הַתּוֹרָ֔ה אֲשֶׁר־צִוָּ֥ה יְהוָ֖ה אֶת־מֹשֶֽׁה׃

‎22 ‏אַ֥ךְ אֶת־הַזָּהָ֖ב וְאֶת־הַכָּ֑סֶף אֶֽת־הַנְּחֹ֙שֶׁת֙ אֶת־הַבַּרְזֶ֔ל אֶֽת־הַבְּדִ֖יל וְאֶת־הָעֹפָֽרֶת׃

‎23 ‏כָּל־דָּבָ֞ר אֲשֶׁר־יָבֹ֣א בָאֵ֗שׁ תַּעֲבִ֤ירוּ בָאֵשׁ֙ וְטָהֵ֔ר אַ֕ךְ בְּמֵ֥י נִדָּ֖ה יִתְחַטָּ֑א וְכֹ֨ל אֲשֶׁ֧ר לֹֽא־יָבֹ֛א בָּאֵ֖שׁ תַּעֲבִ֥ירוּ בַמָּֽיִם׃

‎24 ‏וְכִבַּסְתֶּ֧ם בִּגְדֵיכֶ֛ם בַּיּ֥וֹם הַשְּׁבִיעִ֖י וּטְהַרְתֶּ֑ם וְאַחַ֖ר תָּבֹ֥אוּ אֶל־הַֽמַּחֲנֶֽה׃ פ

‎25 ‏וַיֹּ֥אמֶר יְהוָ֖ה אֶל־מֹשֶׁ֥ה לֵּאמֹֽר׃

‎26 ‏שָׂ֗א אֵ֣ת רֹ֤אשׁ מַלְק֙וֹחַ֙ הַשְּׁבִ֔י בָּאָדָ֖ם וּבַבְּהֵמָ֑ה אַתָּה֙ וְאֶלְעָזָ֣ר הַכֹּהֵ֔ן וְרָאשֵׁ֖י אֲב֥וֹת הָעֵדָֽה׃

‎27 ‏וְחָצִ֙יתָ֙ אֶת־הַמַּלְק֔וֹחַ בֵּ֚ין תֹּפְשֵׂ֣י הַמִּלְחָמָ֔ה הַיֹּצְאִ֖ים לַצָּבָ֑א וּבֵ֖ין כָּל־הָעֵדָֽה׃

‎28 ‏וַהֲרֵמֹתָ֨ מֶ֜כֶס לַֽיהוָ֗ה מֵאֵ֞ת אַנְשֵׁ֤י הַמִּלְחָמָה֙ הַיֹּצְאִ֣ים לַצָּבָ֔א אֶחָ֣ד נֶ֔פֶשׁ מֵחֲמֵ֖שׁ הַמֵּא֑וֹת מִן־הָאָדָם֙ וּמִן־הַבָּקָ֔ר וּמִן־הַחֲמֹרִ֖ים וּמִן־הַצֹּֽאן׃

‎29 ‏מִמַּֽחֲצִיתָ֖ם תִּקָּ֑חוּ וְנָתַתָּ֛ה לְאֶלְעָזָ֥ר הַכֹּהֵ֖ן תְּרוּמַ֥ת יְהוָֽה׃

‎30 ‏וּמִמַּחֲצִ֨ת בְּנֵֽי־יִשְׂרָאֵ֜ל תִּקַּ֣ח׀ אֶחָ֣ד׀ אָחֻ֣ז מִן־הַחֲמִשִּׁ֗ים מִן־הָאָדָ֧ם מִן־הַבָּקָ֛ר מִן־הַחֲמֹרִ֥ים וּמִן־הַצֹּ֖אן מִכָּל־הַבְּהֵמָ֑ה וְנָתַתָּ֤ה אֹתָם֙ לַלְוִיִּ֔ם שֹׁמְרֵ֕י מִשְׁמֶ֖רֶת מִשְׁכַּ֥ן יְהוָֽה׃

‎31 ‏וַיַּ֣עַשׂ מֹשֶׁ֔ה וְאֶלְעָזָ֖ר הַכֹּהֵ֑ן כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

‎32 ‏וַיְהִי֙ הַמַּלְק֔וֹחַ יֶ֣תֶר הַבָּ֔ז אֲשֶׁ֥ר בָּזְז֖וּ עַ֣ם הַצָּבָ֑א צֹ֗אן שֵׁשׁ־מֵא֥וֹת אֶ֛לֶף וְשִׁבְעִ֥ים אֶ֖לֶף וַחֲמֵֽשֶׁת־אֲלָפִֽים׃³

‎33 ‏וּבָקָ֕ר שְׁנַ֥יִם וְשִׁבְעִ֖ים אָֽלֶף׃

‎34 ‏וַחֲמֹרִ֕ים אֶחָ֥ד וְשִׁשִּׁ֖ים אָֽלֶף׃

‎35 ‏וְנֶ֣פֶשׁ אָדָ֔ם מִן־הַ֨נָּשִׁ֔ים אֲשֶׁ֥ר לֹֽא־יָדְע֖וּ מִשְׁכַּ֣ב זָכָ֑ר כָּל־נֶ֕פֶשׁ שְׁנַ֥יִם וּשְׁלֹשִׁ֖ים אָֽלֶף׃

‎36 ‏וַתְּהִי֙ הַֽמֶּחֱצָ֔ה חֵ֕לֶק הַיֹּצְאִ֖ים בַּצָּבָ֑א מִסְפַּ֣ר הַצֹּ֗אן שְׁלֹשׁ־מֵא֥וֹת אֶ֙לֶף֙ וּשְׁלֹשִׁ֣ים אֶ֔לֶף וְשִׁבְעַ֥ת אֲלָפִ֖ים וַחֲמֵ֥שׁ מֵאֽוֹת׃

‎37 ‏וַיְהִ֛י הַמֶּ֥כֶס לַֽיהוָ֖ה מִן־הַצֹּ֑אן שֵׁ֥שׁ מֵא֖וֹת חָמֵ֥שׁ וְשִׁבְעִֽים׃

‎38 ‏וְהַ֨בָּקָ֔ר שִׁשָּׁ֥ה וּשְׁלֹשִׁ֖ים אָ֑לֶף וּמִכְסָ֥ם לַיהוָ֖ה שְׁנַ֥יִם וְשִׁבְעִֽים׃

‎39 ‏וַחֲמֹרִ֕ים שְׁלֹשִׁ֥ים אֶ֖לֶף וַחֲמֵ֣שׁ מֵא֑וֹת וּמִכְסָ֥ם לַֽיהוָ֖ה אֶחָ֥ד וְשִׁשִּֽׁים׃

‎40 ‏וְנֶ֣פֶשׁ אָדָ֔ם שִׁשָּׁ֥ה עָשָׂ֖ר אָ֑לֶף וּמִכְסָם֙ לַֽיהוָ֔ה שְׁנַ֥יִם וּשְׁלֹשִׁ֖ים נָֽפֶשׁ׃

‎41 ‏וַיִּתֵּ֣ן מֹשֶׁ֗ה אֶת־מֶ֙כֶס֙ תְּרוּמַ֣ת יְהוָ֔ה לְאֶלְעָזָ֖ר הַכֹּהֵ֑ן כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

‎42 ‏וּמִֽמַּחֲצִ֖ית בְּנֵ֣י יִשְׂרָאֵ֑ל אֲשֶׁר֙ חָצָ֣ה מֹשֶׁ֔ה מִן־הָאֲנָשִׁ֖ים הַצֹּבְאִֽים׃

‎43 ‏וַתְּהִ֛י מֶחֱצַ֥ת הָעֵדָ֖ה מִן־הַצֹּ֑אן שְׁלֹשׁ־מֵא֥וֹת אֶ֙לֶף֙ וּשְׁלֹשִׁ֣ים אֶ֔לֶף שִׁבְעַ֥ת אֲלָפִ֖ים וַחֲמֵ֥שׁ מֵאֽוֹת׃

‎44 ‏וּבָקָ֕ר שִׁשָּׁ֥ה וּשְׁלֹשִׁ֖ים אָֽלֶף׃

‎45 ‏וַחֲמֹרִ֕ים שְׁלֹשִׁ֥ים אֶ֖לֶף וַחֲמֵ֥שׁ מֵאֽוֹת׃

‎46 ‏וְנֶ֣פֶשׁ אָדָ֔ם שִׁשָּׁ֥ה עָשָׂ֖ר אָֽלֶף׃

‎47 ‏וַיִּקַּ֨ח מֹשֶׁ֜ה מִמַּחֲצִ֣ת בְּנֵֽי־יִשְׂרָאֵ֗ל אֶת־הָֽאָחֻז֙ אֶחָ֣ד מִן־הַחֲמִשִּׁ֔ים מִן־הָאָדָ֖ם וּמִן־הַבְּהֵמָ֑ה וַיִּתֵּ֨ן אֹתָ֜ם לַלְוִיִּ֗ם שֹֽׁמְרֵי֙ מִשְׁמֶ֙רֶת֙ מִשְׁכַּ֣ן יְהוָ֔ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

‎48 ‏וַֽיִּקְרְבוּ֙ אֶל־מֹשֶׁ֔ה הַפְּקֻדִ֕ים אֲשֶׁ֖ר לְאַלְפֵ֣י הַצָּבָ֑א שָׂרֵ֥י הָאֲלָפִ֖ים וְשָׂרֵ֥י הַמֵּאֽוֹת׃

‎49 ‏וַיֹּֽאמְרוּ֙ אֶל־מֹשֶׁ֔ה עֲבָדֶ֣יךָ נָֽשְׂא֗וּ אֶת־רֹ֛אשׁ אַנְשֵׁ֥י הַמִּלְחָמָ֖ה אֲשֶׁ֣ר בְּיָדֵ֑נוּ וְלֹא־נִפְקַ֥ד מִמֶּ֖נּוּ אִֽישׁ׃

‎50 ‏וַנַּקְרֵ֞ב אֶת־קָרְבַּ֣ן יְהוָ֗ה אִישׁ֩ אֲשֶׁ֨ר מָצָ֤א כְלִֽי־זָהָב֙ אֶצְעָדָ֣ה וְצָמִ֔יד טַבַּ֖עַת עָגִ֣יל וְכוּמָ֑ז לְכַפֵּ֥ר עַל־נַפְשֹׁתֵ֖ינוּ לִפְנֵ֥י יְהוָֽה׃

‎51 ‏וַיִּקַּ֨ח מֹשֶׁ֜ה וְאֶלְעָזָ֧ר הַכֹּהֵ֛ן אֶת־הַזָּהָ֖ב מֵֽאִתָּ֑ם כֹּ֖ל כְּלִ֥י מַעֲשֶֽׂה׃

‎52 ‏וַיְהִ֣י׀ כָּל־זְהַ֣ב הַתְּרוּמָ֗ה אֲשֶׁ֤ר הֵרִ֙ימוּ֙ לַֽיהוָ֔ה שִׁשָּׁ֨ה עָשָׂ֥ר אֶ֛לֶף שְׁבַע־מֵא֥וֹת וַחֲמִשִּׁ֖ים שָׁ֑קֶל מֵאֵת֙ שָׂרֵ֣י הָֽאֲלָפִ֔ים וּמֵאֵ֖ת שָׂרֵ֥י הַמֵּאֽוֹת׃

‎53 ‏אַנְשֵׁי֙ הַצָּבָ֔א בָּזְז֖וּ אִ֥ישׁ לֽוֹ׃

‎54 ‏וַיִּקַּ֨ח מֹשֶׁ֜ה וְאֶלְעָזָ֤ר הַכֹּהֵן֙ אֶת־הַזָּהָ֔ב מֵאֵ֛ת שָׂרֵ֥י הָאֲלָפִ֖ים וְהַמֵּא֑וֹת וַיָּבִ֤אוּ אֹתוֹ֙ אֶל־אֹ֣הֶל מוֹעֵ֔ד זִכָּר֥וֹן לִבְנֵֽי־יִשְׂרָאֵ֖ל לִפְנֵ֥י יְהוָֽה׃ פ

1 wayəḏabēr yəhwâ ’el-mōšeh llē’mōr:

2 nəqōm niqəmaṯ bənê yiśərā’ēl mē’ēṯ hammiḏəyānîm ’^aḥar tē’āsēf ’el-‘ammeyḵā:

3 wayəḏabēr mōšeh ’el-hā‘ām lē’mōr hēḥāləṣû mē’itəḵem ’ănāšîm laṣṣāḇā’ wəyihəyû ‘al-miḏəyān lāṯēṯ niqəmaṯ-yəhwâ bəmiḏəyān:

4 ’elef lammaṭṭeh ’elef lammaṭṭeh ləḵōl maṭṭwōṯ yiśərā’ēl tišələḥû laṣṣāḇā’:

5 wayyimmāsərû mē’aləfê yiśərā’ēl ’elef lammaṭṭeh šənêm-‘āśār ’elef ḥălûṣê ṣāḇā’:

6 wayyišəl^aḥ ’ōṯām mōšeh ’elef lammaṭṭeh laṣṣāḇā’ ’ōṯām wə’eṯ-pînəḥās ben-’elə‘āzār hakōhēn laṣṣāḇā’ ûḵəlê haqqōḏeš w^aḥăṣōṣərwōṯ hatərû‘â bəyāḏwō:

7 wayyiṣəbə’û ‘al-miḏəyān ka’ăšer ṣiûâ yəhwâ ’eṯ-mōšeh wayyaharəḡû kāl-zāḵār:

8 wə’eṯ-maləḵê miḏəyān hārəḡû ‘al-ḥaləlêhem ’eṯ-’ĕwî wə’eṯ-reqem wə’eṯ-ṣûr wə’eṯ-ḥûr wə’eṯ-reḇ^a‘ ḥămēšeṯ maləḵê miḏəyān wə’ēṯ bilə‘ām ben-bə‘wōr hārəḡû beḥāreḇ:

9 wayyišəbû ḇənê-yiśərā’ēl ’eṯ-nəšê miḏəyān wə’eṯ-ṭapām wə’ēṯ kāl-bəhemətām wə’eṯ-kāl-miqənēhem wə’eṯ-kāl-ḥêlām bāzāzû:

10 wə’ēṯ kāl-‘ārêhem bəmwōšəḇōṯām wə’ēṯ kāl-ṭîrōṯām śārəfû bā’ēš:

11 wayyiqəḥû ’eṯ-kāl-haššālāl wə’ēṯ kāl-hammaləqwōḥa bā’āḏām ûḇabəhēmâ:

12 wayyāḇi’û ’el-mōšeh wə’el-’elə‘āzār hakōhēn wə’el-‘ăḏaṯ bənê-yiśərā’ēl ’eṯ-haššəḇî wə’eṯ-hammaləqwōḥa wə’eṯ-haššālāl ’el-hamm^aḥăneh ’el-‘arəḇōṯ mwō’āḇ ’ăšer ‘al-yarədēn yərēḥwō: s

13 wayyēṣə’û mōšeh wə’elə‘āzār hakōhēn wəḵāl-nəśî’ê hā‘ēḏâ liqərā’ṯām ’el-miḥûṣ lamm^aḥăneh:

14 wayyiqəṣōf mōšeh ‘al pəqûḏê heḥāyil śārê hā’ălāfîm wəśārê hammē’wōṯ habā’îm miṣṣəḇā’ hammiləḥāmâ:

15 wayyō’mer ’ălêhem mōšeh h^aḥîyîṯem kāl-nəqēḇâ:

16 hēn hēnnâ hāyû liḇənê yiśərā’ēl biḏəḇar bilə‘ām liməsār-m^a‘al bayhwâ ‘al-dəḇar-pə‘wōr watəhî hammagēfâ b^a‘ăḏaṯ yəhwâ:

17 wə‘atâ hirəḡû ḵāl-zāḵār baṭṭāf wəḵāl-’iššâ yōḏ^a‘aṯ ’îš ləmišəkaḇ zāḵār hărōḡû:

18 wəḵōl haṭṭaf bannāšîm ’ăšer lō’-yāḏə‘û mišəkaḇ zāḵār h^aḥăyû lāḵem:

19 wə’atem ḥănû miḥûṣ lamm^aḥăneh šiḇə‘aṯ yāmîm kōl hōrēḡ nefeš wəḵōl| nōḡē‘a beḥālāl tiṯəḥaṭṭə’û bayywōm haššəlîšî ûḇayywōm haššəḇî‘î ’atem ûšəḇîḵem:

20 wəḵāl-beḡeḏ wəḵāl-kəlî-‘wōr wəḵāl-m^a‘ăśēh ‘izzîm wəḵāl-kəlî-‘ēṣ tiṯəḥaṭṭā’û: s

21 wayyō’mer ’elə‘āzār hakōhēn ’el-’anəšê haṣṣāḇā’ habā’îm lammiləḥāmâ zō’ṯ ḥuqqaṯ hatwōrâ ’ăšer-ṣiûâ yəhwâ ’eṯ-mōšeh:

22 ’aḵə ’eṯ-hazzâāḇ wə’eṯ-hakāsef ’eṯ-hannəḥōšeṯ ’eṯ-habarəzel ’eṯ-habəḏîl wə’eṯ-hā‘ōfāreṯ:

23 kāl-dāḇār ’ăšer-yāḇō’ ḇā’ēš t^a‘ăḇîrû ḇā’ēš wəṭâēr ’aḵə bəmê nidâ yiṯəḥaṭṭā’ wəḵōl ’ăšer lō’-yāḇō’ bā’ēš t^a‘ăḇîrû ḇammāyim:

24 wəḵibasətem biḡəḏêḵem bayywōm haššəḇî‘î ûṭəharətem wə’^aḥar tāḇō’û ’el-hamm^aḥăneh: f

25 wayyō’mer yəhwâ ’el-mōšeh llē’mōr:

26 śā’ ’ēṯ rō’š maləqwōḥa haššəḇî bā’āḏām ûḇabəhēmâ ’atâ wə’elə‘āzār hakōhēn wərā’šê ’ăḇwōṯ hā‘ēḏâ:

27 wəḥāṣîṯā ’eṯ-hammaləqwōḥa bên tōfəśê hammiləḥāmâ hayyōṣə’îm laṣṣāḇā’ ûḇên kāl-hā‘ēḏâ:

28 wahărēmōṯā meḵes layhwâ mē’ēṯ ’anəšê hammiləḥāmâ hayyōṣə’îm laṣṣāḇā’ ’eḥāḏ nefeš mēḥămēš hammē’wōṯ min-hā’āḏām ûmin-habāqār ûmin-h^aḥămōrîm ûmin-haṣṣō’n:

29 mimm^aḥăṣîṯām tiqqāḥû wənāṯatâ lə’elə‘āzār hakōhēn tərûmaṯ yəhwâ:

30 ûmimm^aḥăṣiṯ bənê-yiśərā’ēl tiqq^aḥ| ’eḥāḏ| ’āḥuz min-h^aḥămiššîm min-hā’āḏām min-habāqār min-h^aḥămōrîm ûmin-haṣṣō’n mikāl-habəhēmâ wənāṯatâ ’ōṯām laləwîyim šōmərê mišəmereṯ mišəkan yəhwâ:

31 wayy^a‘aś mōšeh wə’elə‘āzār hakōhēn ka’ăšer ṣiûâ yəhwâ ’eṯ-mōšeh:

32 wayəhî hammaləqwōḥa yeṯer habāz ’ăšer bāzəzû ‘am haṣṣāḇā’ ṣō’n šēš-mē’wōṯ ’elef wəšiḇə‘îm ’elef w^aḥămēšeṯ-’ălāfîm:³

33 ûḇāqār šənayim wəšiḇə‘îm ’ālef:

34 w^aḥămōrîm ’eḥāḏ wəšiššîm ’ālef:

35 wənefeš ’āḏām min-hannāšîm ’ăšer lō’-yāḏə‘û mišəkaḇ zāḵār kāl-nefeš šənayim ûšəlōšîm ’ālef:

36 watəhî hammeḥĕṣâ ḥēleq hayyōṣə’îm baṣṣāḇā’ misəpar haṣṣō’n šəlōš-mē’wōṯ ’elef ûšəlōšîm ’elef wəšiḇə‘aṯ ’ălāfîm w^aḥămēš mē’wōṯ:

37 wayəhî hammeḵes layhwâ min-haṣṣō’n šēš mē’wōṯ ḥāmēš wəšiḇə‘îm:

38 wəhabāqār šiššâ ûšəlōšîm ’ālef ûmiḵəsām layhwâ šənayim wəšiḇə‘îm:

39 w^aḥămōrîm šəlōšîm ’elef w^aḥămēš mē’wōṯ ûmiḵəsām layhwâ ’eḥāḏ wəšiššîm:

40 wənefeš ’āḏām šiššâ ‘āśār ’ālef ûmiḵəsām layhwâ šənayim ûšəlōšîm nāfeš:

41 wayyitēn mōšeh ’eṯ-meḵes tərûmaṯ yəhwâ lə’elə‘āzār hakōhēn ka’ăšer ṣiûâ yəhwâ ’eṯ-mōšeh:

42 ûmimm^aḥăṣîṯ bənê yiśərā’ēl ’ăšer ḥāṣâ mōšeh min-hā’ănāšîm haṣṣōḇə’îm:

43 watəhî meḥĕṣaṯ hā‘ēḏâ min-haṣṣō’n šəlōš-mē’wōṯ ’elef ûšəlōšîm ’elef šiḇə‘aṯ ’ălāfîm w^aḥămēš mē’wōṯ:

44 ûḇāqār šiššâ ûšəlōšîm ’ālef:

45 w^aḥămōrîm šəlōšîm ’elef w^aḥămēš mē’wōṯ:

46 wənefeš ’āḏām šiššâ ‘āśār ’ālef:

47 wayyiqq^aḥ mōšeh mimm^aḥăṣiṯ bənê-yiśərā’ēl ’eṯ-hā’āḥuz ’eḥāḏ min-h^aḥămiššîm min-hā’āḏām ûmin-habəhēmâ wayyitēn ’ōṯām laləwîyim šōmərê mišəmereṯ mišəkan yəhwâ ka’ăšer ṣiûâ yəhwâ ’eṯ-mōšeh:

48 wayyiqərəḇû ’el-mōšeh hapəquḏîm ’ăšer lə’aləfê haṣṣāḇā’ śārê hā’ălāfîm wəśārê hammē’wōṯ:

49 wayyō’mərû ’el-mōšeh ‘ăḇāḏeyḵā nāśə’û ’eṯ-rō’š ’anəšê hammiləḥāmâ ’ăšer bəyāḏēnû wəlō’-nifəqaḏ mimmennû ’îš:

50 wannaqərēḇ ’eṯ-qārəban yəhwâ ’îš ’ăšer māṣā’ ḵəlî-zâāḇ ’eṣə‘āḏâ wəṣāmîḏ ṭab^a‘aṯ ‘āḡîl wəḵûmāz ləḵapēr ‘al-nafəšōṯênû lifənê yəhwâ:

51 wayyiqq^aḥ mōšeh wə’elə‘āzār hakōhēn ’eṯ-hazzâāḇ mē’itām kōl kəlî m^a‘ăśeh:

52 wayəhî| kāl-zəhaḇ hatərûmâ ’ăšer hērîmû layhwâ šiššâ ‘āśār ’elef šəḇ^a‘-mē’wōṯ w^aḥămiššîm šāqel mē’ēṯ śārê hā’ălāfîm ûmē’ēṯ śārê hammē’wōṯ:

53 ’anəšê haṣṣāḇā’ bāzəzû ’îš lwō:

54 wayyiqq^aḥ mōšeh wə’elə‘āzār hakōhēn ’eṯ-hazzâāḇ mē’ēṯ śārê hā’ălāfîm wəhammē’wōṯ wayyāḇi’û ’ōṯwō ’el-’ōhel mwō‘ēḏ zikārwōn liḇənê-yiśərā’ēl lifənê yəhwâ: f

‎1 ‏וּמִקְנֶ֣ה׀ רַ֗ב הָיָ֞ה לִבְנֵ֧י רְאוּבֵ֛ן וְלִבְנֵי־גָ֖ד עָצ֣וּם מְאֹ֑ד וַיִּרְא֞וּ אֶת־אֶ֤רֶץ יַעְזֵר֙ וְאֶת־אֶ֣רֶץ גִּלְעָ֔ד וְהִנֵּ֥ה הַמָּק֖וֹם מְק֥וֹם מִקְנֶֽה׃

‎2 ‏וַיָּבֹ֥אוּ בְנֵֽי־גָ֖ד וּבְנֵ֣י רְאוּבֵ֑ן וַיֹּאמְר֤וּ אֶל־מֹשֶׁה֙ וְאֶל־אֶלְעָזָ֣ר הַכֹּהֵ֔ן וְאֶל־נְשִׂיאֵ֥י הָעֵדָ֖ה לֵאמֹֽר׃

‎3 ‏עֲטָר֤וֹת וְדִיבֹן֙ וְיַעְזֵ֣ר וְנִמְרָ֔ה וְחֶשְׁבּ֖וֹן וְאֶלְעָלֵ֑ה וּשְׂבָ֥ם וּנְב֖וֹ וּבְעֹֽן׃

‎4 ‏הָאָ֗רֶץ אֲשֶׁ֨ר הִכָּ֤ה יְהוָה֙ לִפְנֵי֙ עֲדַ֣ת יִשְׂרָאֵ֔ל אֶ֥רֶץ מִקְנֶ֖ה הִ֑וא וְלַֽעֲבָדֶ֖יךָ מִקְנֶֽה׃ ס

‎5 ‏וַיֹּאמְר֗וּ אִם־מָצָ֤אנוּ חֵן֙ בְּעֵינֶ֔יךָ יֻתַּ֞ן אֶת־הָאָ֧רֶץ הַזֹּ֛את לַעֲבָדֶ֖יךָ לַאֲחֻזָּ֑ה אַל־תַּעֲבִרֵ֖נוּ אֶת־הַיַּרְדֵּֽן׃

‎6 ‏וַיֹּ֣אמֶר מֹשֶׁ֔ה לִבְנֵי־גָ֖ד וְלִבְנֵ֣י רְאוּבֵ֑ן הַאַֽחֵיכֶ֗ם יָבֹ֙אוּ֙ לַמִּלְחָמָ֔ה וְאַתֶּ֖ם תֵּ֥שְׁבוּ פֹֽה׃

‎7 ‏וְלָ֣מָּה תנואון תְנִיא֔וּן אֶת־לֵ֖ב בְּנֵ֣י יִשְׂרָאֵ֑ל מֵֽעֲבֹר֙ אֶל־הָאָ֔רֶץ אֲשֶׁר־נָתַ֥ן לָהֶ֖ם יְהוָֽה׃

‎8 ‏כֹּ֥ה עָשׂ֖וּ אֲבֹתֵיכֶ֑ם בְּשָׁלְחִ֥י אֹתָ֛ם מִקָּדֵ֥שׁ בַּרְנֵ֖עַ לִרְא֥וֹת אֶת־הָאָֽרֶץ׃

‎9 ‏וַֽיַּעֲל֞וּ עַד־נַ֣חַל אֶשְׁכּ֗וֹל וַיִּרְאוּ֙ אֶת־הָאָ֔רֶץ וַיָּנִ֕יאוּ אֶת־לֵ֖ב בְּנֵ֣י יִשְׂרָאֵ֑ל לְבִלְתִּי־בֹא֙ אֶל־הָאָ֔רֶץ אֲשֶׁר־נָתַ֥ן לָהֶ֖ם יְהוָֽה׃

‎10 ‏וַיִּֽחַר־אַ֥ף יְהוָ֖ה בַּיּ֣וֹם הַה֑וּא וַיִּשָּׁבַ֖ע לֵאמֹֽר׃

‎11 ‏אִם־יִרְא֨וּ הָאֲנָשִׁ֜ים הָעֹלִ֣ים מִמִּצְרַ֗יִם מִבֶּ֨ן עֶשְׂרִ֤ים שָׁנָה֙ וָמַ֔עְלָה אֵ֚ת הָאֲדָמָ֔ה אֲשֶׁ֥ר נִשְׁבַּ֛עְתִּי לְאַבְרָהָ֥ם לְיִצְחָ֖ק וּֽלְיַעֲקֹ֑ב כִּ֥י לֹא־מִלְא֖וּ אַחֲרָֽי׃

‎12 ‏בִּלְתִּ֞י כָּלֵ֤ב בֶּן־יְפֻנֶּה֙ הַקְּנִזִּ֔י וִיהוֹשֻׁ֖עַ בִּן־נ֑וּן כִּ֥י מִלְא֖וּ אַחֲרֵ֥י יְהוָֽה׃

‎13 ‏וַיִּֽחַר־אַ֤ף יְהוָה֙ בְּיִשְׂרָאֵ֔ל וַיְנִעֵם֙ בַּמִּדְבָּ֔ר אַרְבָּעִ֖ים שָׁנָ֑ה עַד־תֹּם֙ כָּל־הַדּ֔וֹר הָעֹשֶׂ֥ה הָרַ֖ע בְּעֵינֵ֥י יְהוָֽה׃

‎14 ‏וְהִנֵּ֣ה קַמְתֶּ֗ם תַּ֚חַת אֲבֹ֣תֵיכֶ֔ם תַּרְבּ֖וּת אֲנָשִׁ֣ים חַטָּאִ֑ים לִסְפּ֣וֹת ע֗וֹד עַ֛ל חֲר֥וֹן אַף־יְהוָ֖ה אֶל־יִשְׂרָאֵֽל׃

‎15 ‏כִּ֤י תְשׁוּבֻן֙ מֵֽאַחֲרָ֔יו וְיָסַ֣ף ע֔וֹד לְהַנִּיח֖וֹ בַּמִּדְבָּ֑ר וְשִֽׁחַתֶּ֖ם לְכָל־הָעָ֥ם הַזֶּֽה׃ ס

‎16 ‏וַיִּגְּשׁ֤וּ אֵלָיו֙ וַ֣יֹּאמְר֔וּ גִּדְרֹ֥ת צֹ֛אן נִבְנֶ֥ה לְמִקְנֵ֖נוּ פֹּ֑ה וְעָרִ֖ים לְטַפֵּֽנוּ׃

‎17 ‏וַאֲנַ֜חְנוּ נֵחָלֵ֣ץ חֻשִׁ֗ים לִפְנֵי֙ בְּנֵ֣י יִשְׂרָאֵ֔ל עַ֛ד אֲשֶׁ֥ר אִם־הֲבִֽיאֹנֻ֖ם אֶל־מְקוֹמָ֑ם וְיָשַׁ֤ב טַפֵּ֙נוּ֙ בְּעָרֵ֣י הַמִּבְצָ֔ר מִפְּנֵ֖י יֹשְׁבֵ֥י הָאָֽרֶץ׃

‎18 ‏לֹ֥א נָשׁ֖וּב אֶל־בָּתֵּ֑ינוּ עַ֗ד הִתְנַחֵל֙ בְּנֵ֣י יִשְׂרָאֵ֔ל אִ֖ישׁ נַחֲלָתֽוֹ׃

‎19 ‏כִּ֣י לֹ֤א נִנְחַל֙ אִתָּ֔ם מֵעֵ֥בֶר לַיַּרְדֵּ֖ן וָהָ֑לְאָה כִּ֣י בָ֤אָה נַחֲלָתֵ֙נוּ֙ אֵלֵ֔ינוּ מֵעֵ֥בֶר הַיַּרְדֵּ֖ן מִזְרָֽחָה׃ פ

‎20 ‏וַיֹּ֤אמֶר אֲלֵיהֶם֙ מֹשֶׁ֔ה אִֽם־תַּעֲשׂ֖וּן אֶת־הַדָּבָ֣ר הַזֶּ֑ה אִם־תֵּחָ֥לְצ֛וּ³ לִפְנֵ֥י יְהוָ֖ה לַמִּלְחָמָֽה׃

‎21 ‏וְעָבַ֨ר לָכֶ֧ם כָּל־חָל֛וּץ אֶת־הַיַּרְדֵּ֖ן לִפְנֵ֣י יְהוָ֑ה עַ֧ד הוֹרִישׁ֛וֹ אֶת־אֹיְבָ֖יו מִפָּנָֽיו׃

‎22 ‏וְנִכְבְּשָׁ֨ה הָאָ֜רֶץ לִפְנֵ֤י יְהוָה֙ וְאַחַ֣ר תָּשֻׁ֔בוּ וִהְיִיתֶ֧ם נְקִיִּ֛ים מֵיְהוָ֖ה וּמִיִּשְׂרָאֵ֑ל וְ֠הָיְתָה הָאָ֨רֶץ הַזֹּ֥את לָכֶ֛ם לַאֲחֻזָּ֖ה לִפְנֵ֥י יְהוָֽה׃

‎23 ‏וְאִם־לֹ֤א תַעֲשׂוּן֙ כֵּ֔ן הִנֵּ֥ה חֲטָאתֶ֖ם לַיהוָ֑ה וּדְעוּ֙ חַטַּאתְכֶ֔ם אֲשֶׁ֥ר תִּמְצָ֖א אֶתְכֶֽם׃

‎24 ‏בְּנֽוּ־לָכֶ֤ם עָרִים֙ לְטַפְּכֶ֔ם וּגְדֵרֹ֖ת לְצֹנַאֲכֶ֑ם וְהַיֹּצֵ֥א מִפִּיכֶ֖ם תַּעֲשֽׂוּ׃

‎25 ‏וַיֹּ֤אמֶר בְּנֵי־גָד֙ וּבְנֵ֣י רְאוּבֵ֔ן אֶל־מֹשֶׁ֖ה לֵאמֹ֑ר עֲבָדֶ֣יךָ יַעֲשׂ֔וּ כַּאֲשֶׁ֥ר אֲדֹנִ֖י מְצַוֶּֽה׃

‎26 ‏טַפֵּ֣נוּ נָשֵׁ֔ינוּ מִקְנֵ֖נוּ וְכָל־בְּהֶמְתֵּ֑נוּ יִֽהְיוּ־שָׁ֖ם בְּעָרֵ֥י הַגִּלְעָֽד׃

‎27 ‏וַעֲבָדֶ֨יךָ יַֽעַבְר֜וּ כָּל־חֲל֥וּץ צָבָ֛א לִפְנֵ֥י יְהוָ֖ה לַמִּלְחָמָ֑ה כַּאֲשֶׁ֥ר אֲדֹנִ֖י דֹּבֵֽר׃

‎28 ‏וַיְצַ֤ו לָהֶם֙ מֹשֶׁ֔ה אֵ֚ת אֶלְעָזָ֣ר הַכֹּהֵ֔ן וְאֵ֖ת יְהוֹשֻׁ֣עַ בִּן־נ֑וּן וְאֶת־רָאשֵׁ֛י אֲב֥וֹת הַמַּטּ֖וֹת לִבְנֵ֥י יִשְׂרָאֵֽל׃

‎29 ‏וַיֹּ֨אמֶר מֹשֶׁ֜ה אֲלֵהֶ֗ם אִם־יַעַבְר֣וּ בְנֵי־גָ֣ד וּבְנֵי־רְאוּבֵ֣ן׀ אִ֠תְּכֶם אֶֽת־הַיַּרְדֵּ֞ן כָּל־חָל֤וּץ לַמִּלְחָמָה֙ לִפְנֵ֣י יְהוָ֔ה וְנִכְבְּשָׁ֥ה הָאָ֖רֶץ לִפְנֵיכֶ֑ם וּנְתַתֶּ֥ם לָהֶ֛ם אֶת־אֶ֥רֶץ הַגִּלְעָ֖ד לַאֲחֻזָּֽה׃

‎30 ‏וְאִם־לֹ֧א יַֽעַבְר֛וּ חֲלוּצִ֖ים אִתְּכֶ֑ם וְנֹֽאחֲז֥וּ בְתֹכְכֶ֖ם¹ בְּאֶ֥רֶץ כְּנָֽעַן׃

‎31 ‏וַיַּֽעֲנ֧וּ בְנֵי־גָ֛ד וּבְנֵ֥י רְאוּבֵ֖ן לֵאמֹ֑ר אֵת֩ אֲשֶׁ֨ר דִּבֶּ֧ר יְהוָ֛ה אֶל־עֲבָדֶ֖יךָ כֵּ֥ן נַעֲשֶֽׂה׃

‎32 ‏נַ֣חְנוּ נַעֲבֹ֧ר חֲלוּצִ֛ים לִפְנֵ֥י יְהוָ֖ה אֶ֣רֶץ כְּנָ֑עַן וְאִתָּ֙נוּ֙ אֲחֻזַּ֣ת נַחֲלָתֵ֔נוּ מֵעֵ֖בֶר לַיַּרְדֵּֽן׃

‎33 ‏וַיִּתֵּ֣ן לָהֶ֣ם׀ מֹשֶׁ֡ה לִבְנֵי־גָד֩ וְלִבְנֵ֨י רְאוּבֵ֜ן וְלַחֲצִ֣י׀ שֵׁ֣בֶט׀ מְנַשֶּׁ֣ה בֶן־יוֹסֵ֗ף אֶת־מַמְלֶ֙כֶת֙ סִיחֹן֙ מֶ֣לֶךְ הָֽאֱמֹרִ֔י וְאֶת־מַמְלֶ֔כֶת ע֖וֹג מֶ֣לֶךְ הַבָּשָׁ֑ן הָאָ֗רֶץ לְעָרֶ֙יהָ֙ בִּגְבֻלֹ֔ת עָרֵ֥י הָאָ֖רֶץ סָבִֽיב׃

‎34 ‏וַיִּבְנ֣וּ בְנֵי־גָ֔ד אֶת־דִּיבֹ֖ן וְאֶת־עֲטָרֹ֑ת וְאֵ֖ת עֲרֹעֵֽר׃

‎35 ‏וְאֶת־עַטְרֹ֥ת שׁוֹפָ֛ן וְאֶת־יַעְזֵ֖ר וְיָגְבֳּהָֽה׃

‎36 ‏וְאֶת־בֵּ֥ית נִמְרָ֖ה וְאֶת־בֵּ֣ית הָרָ֑ן עָרֵ֥י מִבְצָ֖ר וְגִדְרֹ֥ת צֹֽאן׃

‎37 ‏וּבְנֵ֤י רְאוּבֵן֙ בָּנ֔וּ אֶת־חֶשְׁבּ֖וֹן וְאֶת־אֶלְעָלֵ֑א וְאֵ֖ת קִרְיָתָֽיִם׃

‎38 ‏וְאֶת־נְב֞וֹ וְאֶת־בַּ֧עַל מְע֛וֹן מֽוּסַבֹּ֥ת שֵׁ֖ם וְאֶת־שִׂבְמָ֑ה וַיִּקְרְא֣וּ בְשֵׁמֹ֔ת אֶת־שְׁמ֥וֹת הֶעָרִ֖ים אֲשֶׁ֥ר בָּנֽוּ׃

‎39 ‏וַיֵּ֨לְכ֜וּ בְּנֵ֨י מָכִ֧יר בֶּן־מְנַשֶּׁ֛ה גִּלְעָ֖דָה וַֽיִּלְכְּדֻ֑הָ וַיּ֖וֹרֶשׁ אֶת־הָאֱמֹרִ֥י אֲשֶׁר־בָּֽהּ׃

‎40 ‏וַיִּתֵּ֤ן מֹשֶׁה֙ אֶת־הַגִּלְעָ֔ד לְמָכִ֖יר בֶּן־מְנַשֶּׁ֑ה וַיֵּ֖שֶׁב בָּֽהּ׃

‎41 ‏וְיָאִ֤יר בֶּן־מְנַשֶּׁה֙ הָלַ֔ךְ וַיִּלְכֹּ֖ד אֶת־חַוֹּתֵיהֶ֑ם וַיִּקְרָ֥א אֶתְהֶ֖ן חַוֹּ֥ת יָאִֽיר׃

‎42 ‏וְנֹ֣בַח הָלַ֔ךְ וַיִּלְכֹּ֥ד אֶת־קְנָ֖ת וְאֶת־בְּנֹתֶ֑יהָ וַיִּקְרָ֧א לָ֦ה נֹ֖בַח בִּשְׁמֽוֹ׃ פ

1 ûmiqəneh| raḇ hāyâ liḇənê rə’ûḇēn wəliḇənê-ḡāḏ ‘āṣûm mə’ōḏ wayyirə’û ’eṯ-’ereṣ y^a‘əzēr wə’eṯ-’ereṣ gilə‘āḏ wəhinnēh hammāqwōm məqwōm miqəneh:

2 wayyāḇō’û ḇənê-ḡāḏ ûḇənê rə’ûḇēn wayyō’mərû ’el-mōšeh wə’el-’elə‘āzār hakōhēn wə’el-nəśî’ê hā‘ēḏâ lē’mōr:

3 ‘ăṭārwōṯ wəḏîḇōn wəy^a‘əzēr wənimərâ wəḥešəbwōn wə’elə‘ālēh ûśəḇām ûnəḇwō ûḇə‘ōn:

4 hā’āreṣ ’ăšer hikâ yəhwâ lifənê ‘ăḏaṯ yiśərā’ēl ’ereṣ miqəneh hiw’ wəl^a‘ăḇāḏeyḵā miqəneh: s

5 wayyō’mərû ’im-māṣā’nû ḥēn bə‘êneyḵā yutan ’eṯ-hā’āreṣ hazzō’ṯ l^a‘ăḇāḏeyḵā la’ăḥuzzâ ’al-t^a‘ăḇirēnû ’eṯ-hayyarədēn:

6 wayyō’mer mōšeh liḇənê-ḡāḏ wəliḇənê rə’ûḇēn ha’^aḥêḵem yāḇō’û lammiləḥāmâ wə’atem tēšəḇû fōh:

7 wəlāmmâ ṯənû’ûn ṯənî’ûn ’eṯ-lēḇ bənê yiśərā’ēl mē‘ăḇōr ’el-hā’āreṣ ’ăšer-nāṯan lâem yəhwâ:

8 kōh ‘āśû ’ăḇōṯêḵem bəšāləḥî ’ōṯām miqqāḏēš barənē‘a lirə’wōṯ ’eṯ-hā’āreṣ:

9 wayy^a‘ălû ‘aḏ-n^aḥal ’ešəkwōl wayyirə’û ’eṯ-hā’āreṣ wayyānî’û ’eṯ-lēḇ bənê yiśərā’ēl ləḇilətî-ḇō’ ’el-hā’āreṣ ’ăšer-nāṯan lâem yəhwâ:

10 wayyiḥar-’af yəhwâ bayywōm hahû’ wayyiššāḇ^a‘ lē’mōr:

11 ’im-yirə’û hā’ănāšîm hā‘ōlîm mimmiṣərayim miben ‘eśərîm šānâ wām^a‘əlâ ’ēṯ hā’ăḏāmâ ’ăšer nišəb^a‘ətî lə’aḇərâām ləyiṣəḥāq ûləy^a‘ăqōḇ kî lō’-milə’û ’^aḥărāy:

12 bilətî kālēḇ ben-yəfunneh haqqənizzî wîhwōšu‘a bin-nûn kî milə’û ’^aḥărê yəhwâ:

13 wayyiḥar-’af yəhwâ bəyiśərā’ēl wayəni‘ēm bammiḏəbār ’arəbā‘îm šānâ ‘aḏ-tōm kāl-hadwōr hā‘ōśeh hār^a‘ bə‘ênê yəhwâ:

14 wəhinnēh qamətem t^aḥaṯ ’ăḇōṯêḵem tarəbûṯ ’ănāšîm ḥaṭṭā’îm lisəpwōṯ ‘wōḏ ‘al ḥărwōn ’af-yəhwâ ’el-yiśərā’ēl:

15 kî ṯəšûḇun mē’^aḥărāyw wəyāsaf ‘wōḏ ləhannîḥwō bammiḏəbār wəšiḥatem ləḵāl-hā‘ām hazzeh: s

16 wayyigəšû ’ēlāyw wayyō’mərû giḏərōṯ ṣō’n niḇəneh ləmiqənēnû pōh wə‘ārîm ləṭapēnû:

17 wa’ăn^aḥənû nēḥālēṣ ḥušîm lifənê bənê yiśərā’ēl ‘aḏ ’ăšer ’im-hăḇî’ōnum ’el-məqwōmām wəyāšaḇ ṭapēnû bə‘ārê hammiḇəṣār mipənê yōšəḇê hā’āreṣ:

18 lō’ nāšûḇ ’el-bātênû ‘aḏ hiṯən^aḥēl bənê yiśərā’ēl ’îš n^aḥălāṯwō:

19 kî lō’ ninəḥal ’itām mē‘ēḇer layyarədēn wâālə’â kî ḇā’â n^aḥălāṯēnû ’ēlênû mē‘ēḇer hayyarədēn mizərāḥâ: f

20 wayyō’mer ’ălêhem mōšeh ’im-t^a‘ăśûn ’eṯ-hadāḇār hazzeh ’im-tēḥāləṣû³ lifənê yəhwâ lammiləḥāmâ:

21 wə‘āḇar lāḵem kāl-ḥālûṣ ’eṯ-hayyarədēn lifənê yəhwâ ‘aḏ hwōrîšwō ’eṯ-’ōyəḇāyw mipānāyw:

22 wəniḵəbəšâ hā’āreṣ lifənê yəhwâ wə’^aḥar tāšuḇû wihəyîṯem nəqîyîm mêəhwâ ûmîyiśərā’ēl wəhāyəṯâ hā’āreṣ hazzō’ṯ lāḵem la’ăḥuzzâ lifənê yəhwâ:

23 wə’im-lō’ ṯ^a‘ăśûn kēn hinnēh ḥăṭā’ṯem layhwâ ûḏə‘û ḥaṭṭa’ṯəḵem ’ăšer timəṣā’ ’eṯəḵem:

24 bənû-lāḵem ‘ārîm ləṭapəḵem ûḡəḏērōṯ ləṣōna’ăḵem wəhayyōṣē’ mipîḵem t^a‘ăśû:

25 wayyō’mer bənê-ḡāḏ ûḇənê rə’ûḇēn ’el-mōšeh lē’mōr ‘ăḇāḏeyḵā y^a‘ăśû ka’ăšer ’ăḏōnî məṣaûeh:

26 ṭapēnû nāšênû miqənēnû wəḵāl-bəhemətēnû yihəyû-šām bə‘ārê hagilə‘āḏ:

27 w^a‘ăḇāḏeyḵā y^a‘aḇərû kāl-ḥălûṣ ṣāḇā’ lifənê yəhwâ lammiləḥāmâ ka’ăšer ’ăḏōnî dōḇēr:

28 wayəṣaw lâem mōšeh ’ēṯ ’elə‘āzār hakōhēn wə’ēṯ yəhwōšu‘a bin-nûn wə’eṯ-rā’šê ’ăḇwōṯ hammaṭṭwōṯ liḇənê yiśərā’ēl:

29 wayyō’mer mōšeh ’ălēhem ’im-y^a‘aḇərû ḇənê-ḡāḏ ûḇənê-rə’ûḇēn| ’itəḵem ’eṯ-hayyarədēn kāl-ḥālûṣ lammiləḥāmâ lifənê yəhwâ wəniḵəbəšâ hā’āreṣ lifənêḵem ûnəṯatem lâem ’eṯ-’ereṣ hagilə‘āḏ la’ăḥuzzâ:

30 wə’im-lō’ y^a‘aḇərû ḥălûṣîm ’itəḵem wənō’ḥăzû ḇəṯōḵəḵem¹ bə’ereṣ kənā‘an:

31 wayy^a‘ănû ḇənê-ḡāḏ ûḇənê rə’ûḇēn lē’mōr ’ēṯ ’ăšer diber yəhwâ ’el-‘ăḇāḏeyḵā kēn n^a‘ăśeh:

32 n^aḥənû n^a‘ăḇōr ḥălûṣîm lifənê yəhwâ ’ereṣ kənā‘an wə’itānû ’ăḥuzzaṯ n^aḥălāṯēnû mē‘ēḇer layyarədēn:

33 wayyitēn lâem| mōšeh liḇənê-ḡāḏ wəliḇənê rə’ûḇēn wəl^aḥăṣî| šēḇeṭ| mənaššeh ḇen-ywōsēf ’eṯ-maməleḵeṯ sîḥōn meleḵə hā’ĕmōrî wə’eṯ-maməleḵeṯ ‘wōḡ meleḵə habāšān hā’āreṣ lə‘āreyhā biḡəḇulōṯ ‘ārê hā’āreṣ sāḇîḇ:

34 wayyiḇənû ḇənê-ḡāḏ ’eṯ-dîḇōn wə’eṯ-‘ăṭārōṯ wə’ēṯ ‘ărō‘ēr:

35 wə’eṯ-‘aṭərōṯ šwōfān wə’eṯ-y^a‘əzēr wəyāḡəbŏhâ:

36 wə’eṯ-bêṯ nimərâ wə’eṯ-bêṯ hārān ‘ārê miḇəṣār wəḡiḏərōṯ ṣō’n:

37 ûḇənê rə’ûḇēn bānû ’eṯ-ḥešəbwōn wə’eṯ-’elə‘ālē’ wə’ēṯ qirəyāṯāyim:

38 wə’eṯ-nəḇwō wə’eṯ-b^a‘al mə‘wōn mûsabōṯ šēm wə’eṯ-śiḇəmâ wayyiqərə’û ḇəšēmōṯ ’eṯ-šəmwōṯ he‘ārîm ’ăšer bānû:

39 wayyēləḵû bənê māḵîr ben-mənaššeh gilə‘āḏâ wayyiləkəḏuhā wayywōreš ’eṯ-hā’ĕmōrî ’ăšer-bāh:

40 wayyitēn mōšeh ’eṯ-hagilə‘āḏ ləmāḵîr ben-mənaššeh wayyēšeḇ bāh:

41 wəyā’îr ben-mənaššeh hālaḵə wayyiləkōḏ ’eṯ-ḥaûōṯêhem wayyiqərā’ ’eṯəhen ḥaûōṯ yā’îr:

42 wənōḇ^aḥ hālaḵə wayyiləkōḏ ’eṯ-qənāṯ wə’eṯ-bənōṯeyhā wayyiqərā’ lâ nōḇ^aḥ bišəmwō: f

‎1 ‏אֵ֜לֶּה מַסְעֵ֣י בְנֵֽי־יִשְׂרָאֵ֗ל אֲשֶׁ֥ר יָצְא֛וּ מֵאֶ֥רֶץ מִצְרַ֖יִם לְצִבְאֹתָ֑ם בְּיַד־מֹשֶׁ֖ה וְאַהֲרֹֽן׃

‎2 ‏וַיִּכְתֹּ֨ב מֹשֶׁ֜ה אֶת־מוֹצָאֵיהֶ֛ם לְמַסְעֵיהֶ֖ם עַל־פִּ֣י יְהוָ֑ה וְאֵ֥לֶּה מַסְעֵיהֶ֖ם לְמוֹצָאֵיהֶֽם׃

‎3 ‏וַיִּסְע֤וּ מֵֽרַעְמְסֵס֙ בַּחֹ֣דֶשׁ הָרִאשׁ֔וֹן³ בַּחֲמִשָּׁ֥ה עָשָׂ֛ר י֖וֹם לַחֹ֣דֶשׁ הָרִאשׁ֑וֹן מִֽמָּחֳרַ֣ת הַפֶּ֗סַח יָצְא֤וּ בְנֵֽי־יִשְׂרָאֵל֙ בְּיָ֣ד רָמָ֔ה לְעֵינֵ֖י כָּל־מִצְרָֽיִם׃

‎4 ‏וּמִצְרַ֣יִם מְקַבְּרִ֗ים אֵת֩ אֲשֶׁ֨ר הִכָּ֧ה יְהוָ֛ה בָּהֶ֖ם כָּל־בְּכ֑וֹר וּבֵאלֹ֣הֵיהֶ֔ם עָשָׂ֥ה יְהוָ֖ה שְׁפָטִֽים׃

‎5 ‏וַיִּסְע֥וּ בְנֵֽי־יִשְׂרָאֵ֖ל מֵרַעְמְסֵ֑ס וַֽיַּחֲנ֖וּ בְּסֻכֹּֽת׃

‎6 ‏וַיִּסְע֖וּ מִסֻּכֹּ֑ת וַיַּחֲנ֣וּ בְאֵתָ֔ם אֲשֶׁ֖ר בִּקְצֵ֥ה הַמִּדְבָּֽר׃

‎7 ‏וַיִּסְעוּ֙ מֵֽאֵתָ֔ם וַיָּ֙שָׁב֙ עַל־פִּ֣י הַחִירֹ֔ת אֲשֶׁ֥ר עַל־פְּנֵ֖י בַּ֣עַל צְפ֑וֹן וַֽיַּחֲנ֖וּ לִפְנֵ֥י מִגְדֹּֽל׃

‎8 ‏וַיִּסְעוּ֙ מִפְּנֵ֣י הַֽחִירֹ֔ת וַיַּֽעַבְר֥וּ בְתוֹךְ־הַיָּ֖ם הַמִּדְבָּ֑רָה וַיֵּ֨לְכ֜וּ דֶּ֣רֶךְ שְׁלֹ֤שֶׁת יָמִים֙ בְּמִדְבַּ֣ר אֵתָ֔ם וַֽיַּחֲנ֖וּ בְּמָרָֽה׃

‎9 ‏וַיִּסְעוּ֙ מִמָּרָ֔ה וַיָּבֹ֖אוּ אֵילִ֑מָה וּ֠בְאֵילִם שְׁתֵּ֣ים עֶשְׂרֵ֞ה עֵינֹ֥ת מַ֛יִם וְשִׁבְעִ֥ים תְּמָרִ֖ים וַיַּחֲנוּ־שָֽׁם׃

‎10 ‏וַיִּסְע֖וּ מֵאֵילִ֑ם וַֽיַּחֲנ֖וּ עַל־יַם־סֽוּף׃

‎11 ‏וַיִּסְע֖וּ מִיַּם־ס֑וּף וַֽיַּחֲנ֖וּ בְּמִדְבַּר־סִֽין׃

‎12 ‏וַיִּסְע֖וּ מִמִּדְבַּר־סִ֑ין וַֽיַּחֲנ֖וּ בְּדָפְקָֽה׃

‎13 ‏וַיִּסְע֖וּ מִדָּפְקָ֑ה וַֽיַּחֲנ֖וּ בְּאָלֽוּשׁ׃

‎14 ‏וַיִּסְע֖וּ מֵאָל֑וּשׁ וַֽיַּחֲנוּ֙ בִּרְפִידִ֔ם וְלֹא־הָ֨יָה שָׁ֥ם מַ֛יִם לָעָ֖ם לִשְׁתּֽוֹת׃

‎15 ‏וַיִּסְע֖וּ מֵרְפִידִ֑ם וַֽיַּחֲנ֖וּ בְּמִדְבַּ֥ר סִינָֽי׃

‎16 ‏וַיִּסְע֖וּ מִמִּדְבַּ֣ר סִינָ֑י וַֽיַּחֲנ֖וּ בְּקִבְרֹ֥ת הַֽתַּאֲוָֽה׃

‎17 ‏וַיִּסְע֖וּ מִקִּבְרֹ֣ת הַֽתַּאֲוָ֑ה וַֽיַּחֲנ֖וּ בַּחֲצֵרֹֽת׃

‎18 ‏וַיִּסְע֖וּ מֵחֲצֵרֹ֑ת וַֽיַּחֲנ֖וּ בְּרִתְמָֽה׃

‎19 ‏וַיִּסְע֖וּ מֵרִתְמָ֑ה וַֽיַּחֲנ֖וּ בְּרִמֹּ֥ן פָּֽרֶץ׃

‎20 ‏וַיִּסְע֖וּ מֵרִמֹּ֣ן פָּ֑רֶץ וַֽיַּחֲנ֖וּ בְּלִבְנָֽה׃

‎21 ‏וַיִּסְע֖וּ מִלִּבְנָ֑ה וַֽיַּחֲנ֖וּ בְּרִסָּֽה׃

‎22 ‏וַיִּסְע֖וּ מֵרִסָּ֑ה וַֽיַּחֲנ֖וּ בִּקְהֵלָֽתָה׃

‎23 ‏וַיִּסְע֖וּ מִקְּהֵלָ֑תָה וַֽיַּחֲנ֖וּ בְּהַר־שָֽׁפֶר׃

‎24 ‏וַיִּסְע֖וּ מֵֽהַר־שָׁ֑פֶר וַֽיַּחֲנ֖וּ בַּחֲרָדָֽה׃

‎25 ‏וַיִּסְע֖וּ מֵחֲרָדָ֑ה וַֽיַּחֲנ֖וּ בְּמַקְהֵלֹֽת׃

‎26 ‏וַיִּסְע֖וּ מִמַּקְהֵלֹ֑ת וַֽיַּחֲנ֖וּ בְּתָֽחַת׃

‎27 ‏וַיִּסְע֖וּ מִתָּ֑חַת וַֽיַּחֲנ֖וּ בְּתָֽרַח׃

‎28 ‏וַיִּסְע֖וּ מִתָּ֑רַח וַֽיַּחֲנ֖וּ בְּמִתְקָֽה׃

‎29 ‏וַיִּסְע֖וּ מִמִּתְקָ֑ה וַֽיַּחֲנ֖וּ בְּחַשְׁמֹנָֽה׃

‎30 ‏וַיִּסְע֖וּ מֵֽחַשְׁמֹנָ֑ה וַֽיַּחֲנ֖וּ בְּמֹסֵרֽוֹת׃

‎31 ‏וַיִּסְע֖וּ מִמֹּסֵר֑וֹת וַֽיַּחֲנ֖וּ בִּבְנֵ֥י יַעֲקָֽן׃

‎32 ‏וַיִּסְע֖וּ מִבְּנֵ֣י יַעֲקָ֑ן וַֽיַּחֲנ֖וּ בְּחֹ֥ר הַגִּדְגָּֽד׃

‎33 ‏וַיִּסְע֖וּ מֵחֹ֣ר הַגִּדְגָּ֑ד וַֽיַּחֲנ֖וּ בְּיָטְבָֽתָה׃

‎34 ‏וַיִּסְע֖וּ מִיָּטְבָ֑תָה וַֽיַּחֲנ֖וּ בְּעַבְרֹנָֽה׃

‎35 ‏וַיִּסְע֖וּ מֵֽעַבְרֹנָ֑ה וַֽיַּחֲנ֖וּ בְּעֶצְי֥וֹן גָּֽבֶר׃

‎36 ‏וַיִּסְע֖וּ מֵעֶצְי֣וֹן גָּ֑בֶר וַיַּחֲנ֥וּ בְמִדְבַּר־צִ֖ן הִ֥וא קָדֵֽשׁ׃

‎37 ‏וַיִּסְע֖וּ מִקָּדֵ֑שׁ וַֽיַּחֲנוּ֙ בְּהֹ֣ר הָהָ֔ר בִּקְצֵ֖ה אֶ֥רֶץ אֱדֽוֹם׃

‎38 ‏וַיַּעַל֩ אַהֲרֹ֨ן הַכֹּהֵ֜ן אֶל־הֹ֥ר הָהָ֛ר עַל־פִּ֥י יְהוָ֖ה וַיָּ֣מָת שָׁ֑ם בִּשְׁנַ֣ת הָֽאַרְבָּעִ֗ים לְצֵ֤את בְּנֵֽי־יִשְׂרָאֵל֙ מֵאֶ֣רֶץ מִצְרַ֔יִם בַּחֹ֥דֶשׁ הַחֲמִישִׁ֖י בְּאֶחָ֥ד לַחֹֽדֶשׁ׃

‎39 ‏וְאַהֲרֹ֔ן בֶּן־שָׁלֹ֧שׁ וְעֶשְׂרִ֛ים וּמְאַ֖ת שָׁנָ֑ה בְּמֹת֖וֹ בְּהֹ֥ר הָהָֽר׃ ס

‎40 ‏וַיִּשְׁמַ֗ע הַֽכְּנַעֲנִי֙ מֶ֣לֶךְ עֲרָ֔ד וְהֽוּא־יֹשֵׁ֥ב בַּנֶּ֖גֶב בְּאֶ֣רֶץ כְּנָ֑עַן בְּבֹ֖א בְּנֵ֥י יִשְׂרָאֵֽל׃

‎41 ‏וַיִּסְע֖וּ מֵהֹ֣ר הָהָ֑ר וַֽיַּחֲנ֖וּ בְּצַלְמֹנָֽה׃

‎42 ‏וַיִּסְע֖וּ מִצַּלְמֹנָ֑ה וַֽיַּחֲנ֖וּ בְּפוּנֹֽן׃

‎43 ‏וַיִּסְע֖וּ מִפּוּנֹ֑ן וַֽיַּחֲנ֖וּ בְּאֹבֹֽת׃

‎44 ‏וַיִּסְע֖וּ מֵאֹבֹ֑ת וַֽיַּחֲנ֛וּ בְּעִיֵּ֥י הָעֲבָרִ֖ים בִּגְב֥וּל מוֹאָֽב׃

‎45 ‏וַיִּסְע֖וּ מֵעִיִּ֑ים וַֽיַּחֲנ֖וּ בְּדִיבֹ֥ן גָּֽד׃

‎46 ‏וַיִּסְע֖וּ מִדִּיבֹ֣ן גָּ֑ד וַֽיַּחֲנ֖וּ בְּעַלְמֹ֥ן דִּבְלָתָֽיְמָה׃

‎47 ‏וַיִּסְע֖וּ מֵעַלְמֹ֣ן דִּבְלָתָ֑יְמָה וַֽיַּחֲנ֛וּ בְּהָרֵ֥י הָעֲבָרִ֖ים לִפְנֵ֥י נְבֽוֹ׃

‎48 ‏וַיִּסְע֖וּ מֵהָרֵ֣י הָעֲבָרִ֑ים וַֽיַּחֲנוּ֙ בְּעַֽרְבֹ֣ת מוֹאָ֔ב עַ֖ל יַרְדֵּ֥ן יְרֵחֽוֹ׃

‎49 ‏וַיַּחֲנ֤וּ עַל־הַיַּרְדֵּן֙ מִבֵּ֣ית הַיְשִׁמֹ֔ת עַ֖ד אָבֵ֣ל הַשִּׁטִּ֑ים בְּעַֽרְבֹ֖ת מוֹאָֽב׃ ס

‎50 ‏וַיְדַבֵּ֧ר יְהוָ֛ה אֶל־מֹשֶׁ֖ה בְּעַֽרְבֹ֣ת מוֹאָ֑ב עַל־יַרְדֵּ֥ן יְרֵח֖וֹ לֵאמֹֽר׃

‎51 ‏דַּבֵּר֙ אֶל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם כִּ֥י אַתֶּ֛ם עֹבְרִ֥ים אֶת־הַיַּרְדֵּ֖ן אֶל־אֶ֥רֶץ כְּנָֽעַן׃

‎52 ‏וְה֨וֹרַשְׁתֶּ֜ם אֶת־כָּל־יֹשְׁבֵ֤י הָאָ֙רֶץ֙ מִפְּנֵיכֶ֔ם וְאִ֨בַּדְתֶּ֔ם אֵ֖ת כָּל־מַשְׂכִּיֹּתָ֑ם וְאֵ֨ת כָּל־צַלְמֵ֤י מַסֵּֽכֹתָם֙ תְּאַבֵּ֔דוּ וְאֵ֥ת כָּל־בָּמֹתָ֖ם תַּשְׁמִֽידוּ׃

‎53 ‏וְהוֹרַשְׁתֶּ֥ם אֶת־הָאָ֖רֶץ וִֽישַׁבְתֶּם־בָּ֑הּ כִּ֥י לָכֶ֛ם נָתַ֥תִּי אֶת־הָאָ֖רֶץ לָרֶ֥שֶׁת אֹתָֽהּ׃

‎54 ‏וְהִתְנַחַלְתֶּם֩ אֶת־הָאָ֨רֶץ בְּגוֹרָ֜ל לְמִשְׁפְּחֹֽתֵיכֶ֗ם לָרַ֞ב תַּרְבּ֤וּ אֶת־נַחֲלָתוֹ֙ וְלַמְעַט֙ תַּמְעִ֣יט אֶת־נַחֲלָת֔וֹ אֶל֩ אֲשֶׁר־יֵ֨צֵא ל֥וֹ שָׁ֛מָּה הַגּוֹרָ֖ל ל֣וֹ יִהְיֶ֑ה לְמַטּ֥וֹת אֲבֹתֵיכֶ֖ם תִּתְנֶחָֽלוּ׃

‎55 ‏וְאִם־לֹ֨א תוֹרִ֜ישׁוּ אֶת־יֹשְׁבֵ֣י הָאָרֶץ֮ מִפְּנֵיכֶם֒ וְהָיָה֙ אֲשֶׁ֣ר תּוֹתִ֣ירוּ מֵהֶ֔ם לְשִׂכִּים֙ בְּעֵ֣ינֵיכֶ֔ם וְלִצְנִינִ֖ם בְּצִדֵּיכֶ֑ם וְצָרֲר֣וּ אֶתְכֶ֔ם עַל־הָאָ֕רֶץ אֲשֶׁ֥ר אַתֶּ֖ם יֹשְׁבִ֥ים בָּֽהּ׃

‎56 ‏וְהָיָ֗ה כַּאֲשֶׁ֥ר דִּמִּ֛יתִי לַעֲשׂ֥וֹת לָהֶ֖ם אֶֽעֱשֶׂ֥ה לָכֶֽם׃ פ

1 ’ēlleh masə‘ê ḇənê-yiśərā’ēl ’ăšer yāṣə’û mē’ereṣ miṣərayim ləṣiḇə’ōṯām bəyaḏ-mōšeh wə’ahărōn:

2 wayyiḵətōḇ mōšeh ’eṯ-mwōṣā’êhem ləmasə‘êhem ‘al-pî yəhwâ wə’ēlleh masə‘êhem ləmwōṣā’êhem:

3 wayyisə‘û mēr^a‘əməsēs b^aḥōḏeš hāri’šwōn³ b^aḥămiššâ ‘āśār ywōm l^aḥōḏeš hāri’šwōn mimmāḥŏraṯ hapes^aḥ yāṣə’û ḇənê-yiśərā’ēl bəyāḏ rāmâ lə‘ênê kāl-miṣərāyim:

4 ûmiṣərayim məqabərîm ’ēṯ ’ăšer hikâ yəhwâ bâem kāl-bəḵwōr ûḇē’lōhêhem ‘āśâ yəhwâ šəfāṭîm:

5 wayyisə‘û ḇənê-yiśərā’ēl mēr^a‘əməsēs wayy^aḥănû bəsukōṯ:

6 wayyisə‘û missukōṯ wayy^aḥănû ḇə’ēṯām ’ăšer biqəṣēh hammiḏəbār:

7 wayyisə‘û mē’ēṯām wayyāšāḇ ‘al-pî h^aḥîrōṯ ’ăšer ‘al-pənê b^a‘al ṣəfwōn wayy^aḥănû lifənê miḡədōl:

8 wayyisə‘û mipənê h^aḥîrōṯ wayy^a‘aḇərû ḇəṯwōḵə-hayyām hammiḏəbārâ wayyēləḵû dereḵə šəlōšeṯ yāmîm bəmiḏəbar ’ēṯām wayy^aḥănû bəmārâ:

9 wayyisə‘û mimmārâ wayyāḇō’û ’êlimâ ûḇə’êlim šətêm ‘eśərēh ‘ênōṯ mayim wəšiḇə‘îm təmārîm wayy^aḥănû-šām:

10 wayyisə‘û mē’êlim wayy^aḥănû ‘al-yam-sûf:

11 wayyisə‘û mîyam-sûf wayy^aḥănû bəmiḏəbar-sîn:

12 wayyisə‘û mimmiḏəbar-sîn wayy^aḥănû bəḏāfəqâ:

13 wayyisə‘û midāfəqâ wayy^aḥănû bə’ālûš:

14 wayyisə‘û mē’ālûš wayy^aḥănû birəfîḏim wəlō’-hāyâ šām mayim lā‘ām lišətwōṯ:

15 wayyisə‘û mērəfîḏim wayy^aḥănû bəmiḏəbar sînāy:

16 wayyisə‘û mimmiḏəbar sînāy wayy^aḥănû bəqiḇərōṯ hata’ăwâ:

17 wayyisə‘û miqqiḇərōṯ hata’ăwâ wayy^aḥănû b^aḥăṣērōṯ:

18 wayyisə‘û mēḥăṣērōṯ wayy^aḥănû bəriṯəmâ:

19 wayyisə‘û mēriṯəmâ wayy^aḥănû bərimmōn pāreṣ:

20 wayyisə‘û mērimmōn pāreṣ wayy^aḥănû bəliḇənâ:

21 wayyisə‘û milliḇənâ wayy^aḥănû bərissâ:

22 wayyisə‘û mērissâ wayy^aḥănû biqəhēlāṯâ:

23 wayyisə‘û miqqəhēlāṯâ wayy^aḥănû bəhar-šāfer:

24 wayyisə‘û mēhar-šāfer wayy^aḥănû b^aḥărāḏâ:

25 wayyisə‘û mēḥărāḏâ wayy^aḥănû bəmaqəhēlōṯ:

26 wayyisə‘û mimmaqəhēlōṯ wayy^aḥănû bəṯāḥaṯ:

27 wayyisə‘û mitāḥaṯ wayy^aḥănû bəṯār^aḥ:

28 wayyisə‘û mitār^aḥ wayy^aḥănû bəmiṯəqâ:

29 wayyisə‘û mimmiṯəqâ wayy^aḥănû bəḥašəmōnâ:

30 wayyisə‘û mēḥašəmōnâ wayy^aḥănû bəmōsērwōṯ:

31 wayyisə‘û mimmōsērwōṯ wayy^aḥănû biḇənê y^a‘ăqān:

32 wayyisə‘û mibənê y^a‘ăqān wayy^aḥănû bəḥōr hagiḏəgāḏ:

33 wayyisə‘û mēḥōr hagiḏəgāḏ wayy^aḥănû bəyāṭəḇāṯâ:

34 wayyisə‘û mîyāṭəḇāṯâ wayy^aḥănû bə‘aḇərōnâ:

35 wayyisə‘û mē‘aḇərōnâ wayy^aḥănû bə‘eṣəywōn gāḇer:

36 wayyisə‘û mē‘eṣəywōn gāḇer wayy^aḥănû ḇəmiḏəbar-ṣin hiw’ qāḏēš:

37 wayyisə‘û miqqāḏēš wayy^aḥănû bəhōr hâār biqəṣēh ’ereṣ ’ĕḏwōm:

38 wayy^a‘al ’ahărōn hakōhēn ’el-hōr hâār ‘al-pî yəhwâ wayyāmāṯ šām bišənaṯ hā’arəbā‘îm ləṣē’ṯ bənê-yiśərā’ēl mē’ereṣ miṣərayim b^aḥōḏeš h^aḥămîšî bə’eḥāḏ l^aḥōḏeš:

39 wə’ahărōn ben-šālōš wə‘eśərîm ûmə’aṯ šānâ bəmōṯwō bəhōr hâār: s

40 wayyišəm^a‘ hakən^a‘ănî meleḵə ‘ărāḏ wəhû’-yōšēḇ banneḡeḇ bə’ereṣ kənā‘an bəḇō’ bənê yiśərā’ēl:

41 wayyisə‘û mēhōr hâār wayy^aḥănû bəṣaləmōnâ:

42 wayyisə‘û miṣṣaləmōnâ wayy^aḥănû bəfûnōn:

43 wayyisə‘û mipûnōn wayy^aḥănû bə’ōḇōṯ:

44 wayyisə‘û mē’ōḇōṯ wayy^aḥănû bə‘îyê hā‘ăḇārîm biḡəḇûl mwō’āḇ:

45 wayyisə‘û mē‘îyîm wayy^aḥănû bəḏîḇōn gāḏ:

46 wayyisə‘û midîḇōn gāḏ wayy^aḥănû bə‘aləmōn diḇəlāṯāyəmâ:

47 wayyisə‘û mē‘aləmōn diḇəlāṯāyəmâ wayy^aḥănû bəhārê hā‘ăḇārîm lifənê nəḇwō:

48 wayyisə‘û mēhārê hā‘ăḇārîm wayy^aḥănû bə‘arəḇōṯ mwō’āḇ ‘al yarədēn yərēḥwō:

49 wayy^aḥănû ‘al-hayyarədēn mibêṯ hayəšimōṯ ‘aḏ ’āḇēl haššiṭṭîm bə‘arəḇōṯ mwō’āḇ: s

50 wayəḏabēr yəhwâ ’el-mōšeh bə‘arəḇōṯ mwō’āḇ ‘al-yarədēn yərēḥwō lē’mōr:

51 dabēr ’el-bənê yiśərā’ēl wə’āmarətā ’ălēhem kî ’atem ‘ōḇərîm ’eṯ-hayyarədēn ’el-’ereṣ kənā‘an:

52 wəhwōrašətem ’eṯ-kāl-yōšəḇê hā’āreṣ mipənêḵem wə’ibaḏətem ’ēṯ kāl-maśəkîyōṯām wə’ēṯ kāl-ṣaləmê massēḵōṯām tə’abēḏû wə’ēṯ kāl-bāmōṯām tašəmîḏû:

53 wəhwōrašətem ’eṯ-hā’āreṣ wîšaḇətem-bāh kî lāḵem nāṯatî ’eṯ-hā’āreṣ lārešeṯ ’ōṯāh:

54 wəhiṯən^aḥalətem ’eṯ-hā’āreṣ bəḡwōrāl ləmišəpəḥōṯêḵem lāraḇ tarəbû ’eṯ-n^aḥălāṯwō wəlamə‘aṭ tamə‘îṭ ’eṯ-n^aḥălāṯwō ’el ’ăšer-yēṣē’ lwō šāmmâ hagwōrāl lwō yihəyeh ləmaṭṭwōṯ ’ăḇōṯêḵem tiṯəneḥālû:

55 wə’im-lō’ ṯwōrîšû ’eṯ-yōšəḇê hā’āreṣ mipənêḵem wəhāyâ ’ăšer twōṯîrû mēhem ləśikîm bə‘ênêḵem wəliṣənînim bəṣidêḵem wəṣārărû ’eṯəḵem ‘al-hā’āreṣ ’ăšer ’atem yōšəḇîm bāh:

56 wəhāyâ ka’ăšer dimmîṯî l^a‘ăśwōṯ lâem ’e‘ĕśeh lāḵem: f

‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏צַ֞ו אֶת־בְּנֵ֤י יִשְׂרָאֵל֙ וְאָמַרְתָּ֣ אֲלֵהֶ֔ם כִּֽי־אַתֶּ֥ם בָּאִ֖ים אֶל־הָאָ֣רֶץ כְּנָ֑עַן זֹ֣את הָאָ֗רֶץ אֲשֶׁ֨ר תִּפֹּ֤ל לָכֶם֙ בְּֽנַחֲלָ֔ה אֶ֥רֶץ כְּנַ֖עַן לִגְבֻלֹתֶֽיהָ׃

‎3 ‏וְהָיָ֨ה לָכֶ֧ם פְּאַת־נֶ֛גֶב מִמִּדְבַּר־צִ֖ן עַל־יְדֵ֣י אֱד֑וֹם וְהָיָ֤ה לָכֶם֙ גְּב֣וּל נֶ֔גֶב מִקְצֵ֥ה יָם־הַמֶּ֖לַח קֵֽדְמָה׃

‎4 ‏וְנָסַ֣ב לָכֶם֩ הַגְּב֨וּל מִנֶּ֜גֶב לְמַעֲלֵ֤ה עַקְרַבִּים֙ וְעָ֣בַר צִ֔נָה והיה וְהָיוּ֙ תּֽוֹצְאֹתָ֔יו מִנֶּ֖גֶב לְקָדֵ֣שׁ בַּרְנֵ֑עַ וְיָצָ֥א חֲצַר־אַדָּ֖ר וְעָבַ֥ר עַצְמֹֽנָה׃

‎5 ‏וְנָסַ֧ב הַגְּב֛וּל מֵעַצְמ֖וֹן³ נַ֣חְלָה מִצְרָ֑יִם וְהָי֥וּ תוֹצְאֹתָ֖יו הַיָּֽמָּה׃

‎6 ‏וּגְב֣וּל יָ֔ם וְהָיָ֥ה לָכֶ֛ם הַיָּ֥ם הַגָּד֖וֹל וּגְב֑וּל זֶֽה־יִהְיֶ֥ה לָכֶ֖ם גְּב֥וּל יָֽם׃

‎7 ‏וְזֶֽה־יִהְיֶ֥ה לָכֶ֖ם גְּב֣וּל צָפ֑וֹן מִן־הַיָּם֙ הַגָּדֹ֔ל תְּתָא֥וּ לָכֶ֖ם הֹ֥ר הָהָֽר׃

‎8 ‏מֵהֹ֣ר הָהָ֔ר תְּתָא֖וּ לְבֹ֣א חֲמָ֑ת וְהָי֛וּ תּוֹצְאֹ֥ת הַגְּבֻ֖ל צְדָֽדָה׃

‎9 ‏וְיָצָ֤א הַגְּבֻל֙ זִפְרֹ֔נָה וְהָי֥וּ תוֹצְאֹתָ֖יו חֲצַ֣ר עֵינָ֑ן זֶֽה־יִהְיֶ֥ה לָכֶ֖ם גְּב֥וּל צָפֽוֹן׃

‎10 ‏וְהִתְאַוִּיתֶ֥ם לָכֶ֖ם לִגְב֣וּל קֵ֑דְמָה מֵחֲצַ֥ר עֵינָ֖ן שְׁפָֽמָה׃

‎11 ‏וְיָרַ֨ד הַגְּבֻ֧ל מִשְּׁפָ֛ם הָרִבְלָ֖ה מִקֶּ֣דֶם לָעָ֑יִן וְיָרַ֣ד הַגְּב֔וּל וּמָחָ֛ה עַל־כֶּ֥תֶף יָם־כִּנֶּ֖רֶת קֵֽדְמָה׃

‎12 ‏וְיָרַ֤ד הַגְּבוּל֙ הַיַּרְדֵּ֔נָה וְהָי֥וּ תוֹצְאֹתָ֖יו יָ֣ם הַמֶּ֑לַח זֹאת֩ תִּהְיֶ֨ה לָכֶ֥ם הָאָ֛רֶץ לִגְבֻלֹתֶ֖יהָ סָבִֽיב׃

‎13 ‏וַיְצַ֣ו מֹשֶׁ֔ה אֶת־בְּנֵ֥י יִשְׂרָאֵ֖ל לֵאמֹ֑ר זֹ֣את הָאָ֗רֶץ אֲשֶׁ֨ר תִּתְנַחֲל֤וּ אֹתָהּ֙ בְּגוֹרָ֔ל אֲשֶׁר֙ צִוָּ֣ה יְהוָ֔ה לָתֵ֛ת לְתִשְׁעַ֥ת הַמַּטּ֖וֹת וַחֲצִ֥י הַמַּטֶּֽה׃

‎14 ‏כִּ֣י לָקְח֞וּ מַטֵּ֨ה בְנֵ֤י הָראוּבֵנִי֙ לְבֵ֣ית אֲבֹתָ֔ם וּמַטֵּ֥ה בְנֵֽי־הַגָּדִ֖י לְבֵ֣ית אֲבֹתָ֑ם וַחֲצִי֙ מַטֵּ֣ה מְנַשֶּׁ֔ה לָקְח֖וּ נַחֲלָתָֽם׃

‎15 ‏שְׁנֵ֥י הַמַּטּ֖וֹת וַחֲצִ֣י הַמַּטֶּ֑ה לָקְח֣וּ נַחֲלָתָ֗ם מֵעֵ֛בֶר לְיַרְדֵּ֥ן יְרֵח֖וֹ קֵ֥דְמָה מִזְרָֽחָה׃ פ

‎16 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎17 ‏אֵ֚לֶּה שְׁמ֣וֹת הָֽאֲנָשִׁ֔ים אֲשֶׁר־יִנְחֲל֥וּ לָכֶ֖ם אֶת־הָאָ֑רֶץ אֶלְעָזָר֙ הַכֹּהֵ֔ן וִיהוֹשֻׁ֖עַ בִּן־נֽוּן׃

‎18 ‏וְנָשִׂ֥יא אֶחָ֛ד נָשִׂ֥יא אֶחָ֖ד מִמַּטֶּ֑ה תִּקְח֖וּ לִנְחֹ֥ל אֶת־הָאָֽרֶץ׃

‎19 ‏וְאֵ֖לֶּה שְׁמ֣וֹת הָאֲנָשִׁ֑ים לְמַטֵּ֣ה יְהוּדָ֔ה כָּלֵ֖ב בֶּן־יְפֻנֶּֽה׃

‎20 ‏וּלְמַטֵּה֙ בְּנֵ֣י שִׁמְע֔וֹן שְׁמוּאֵ֖ל בֶּן־עַמִּיהֽוּד׃

‎21 ‏לְמַטֵּ֣ה בִנְיָמִ֔ן אֱלִידָ֖ד בֶּן־כִּסְלֽוֹן׃

‎22 ‏וּלְמַטֵּ֥ה בְנֵי־דָ֖ן נָשִׂ֑יא בֻּקִּ֖י בֶּן־יָגְלִֽי׃

‎23 ‏לִבְנֵ֣י יוֹסֵ֔ף לְמַטֵּ֥ה בְנֵֽי־מְנַשֶּׁ֖ה נָשִׂ֑יא חַנִּיאֵ֖ל בֶּן־אֵפֹֽד׃

‎24 ‏וּלְמַטֵּ֥ה בְנֵֽי־אֶפְרַ֖יִם נָשִׂ֑יא קְמוּאֵ֖ל בֶּן־שִׁפְטָֽן׃

‎25 ‏וּלְמַטֵּ֥ה בְנֵֽי־זְבוּלֻ֖ן נָשִׂ֑יא אֱלִיצָפָ֖ן בֶּן־פַּרְנָֽךְ׃

‎26 ‏וּלְמַטֵּ֥ה בְנֵֽי־יִשָׂשכָ֖ר נָשִׂ֑יא פַּלְטִיאֵ֖ל בֶּן־עַזָּֽן׃

‎27 ‏וּלְמַטֵּ֥ה בְנֵי־אָשֵׁ֖ר נָשִׂ֑יא אֲחִיה֖וּד בֶּן־שְׁלֹמִֽי׃

‎28 ‏וּלְמַטֵּ֥ה בְנֵֽי־נַפְתָּלִ֖י נָשִׂ֑יא פְּדַהְאֵ֖ל בֶּן־עַמִּיהֽוּד׃

‎29 ‏אֵ֕לֶּה אֲשֶׁ֖ר צִוָּ֣ה יְהוָ֑ה לְנַחֵ֥ל אֶת־בְּנֵֽי־יִשְׂרָאֵ֖ל בְּאֶ֥רֶץ כְּנָֽעַן׃ פ

1 wayəḏabēr yəhwâ ’el-mōšeh llē’mōr:

2 ṣaw ’eṯ-bənê yiśərā’ēl wə’āmarətā ’ălēhem kî-’atem bā’îm ’el-hā’āreṣ kənā‘an zō’ṯ hā’āreṣ ’ăšer tipōl lāḵem bən^aḥălâ ’ereṣ kən^a‘an liḡəḇulōṯeyhā:

3 wəhāyâ lāḵem pə’aṯ-neḡeḇ mimmiḏəbar-ṣin ‘al-yəḏê ’ĕḏwōm wəhāyâ lāḵem gəḇûl neḡeḇ miqəṣēh yām-hammel^aḥ qēḏəmâ:

4 wənāsaḇ lāḵem hagəḇûl minneḡeḇ ləm^a‘ălēh ‘aqərabîm wə‘āḇar ṣinâ wəhāyâ wəhāyû twōṣə’ōṯāyw minneḡeḇ ləqāḏēš barənē‘a wəyāṣā’ ḥăṣar-’adār wə‘āḇar ‘aṣəmōnâ:

5 wənāsaḇ hagəḇûl mē‘aṣəmwōn³ n^aḥəlâ miṣərāyim wəhāyû ṯwōṣə’ōṯāyw hayyāmmâ:

6 ûḡəḇûl yām wəhāyâ lāḵem hayyām hagāḏwōl ûḡəḇûl zeh-yihəyeh lāḵem gəḇûl yām:

7 wəzeh-yihəyeh lāḵem gəḇûl ṣāfwōn min-hayyām hagāḏōl təṯā’û lāḵem hōr hâār:

8 mēhōr hâār təṯā’û ləḇō’ ḥămāṯ wəhāyû twōṣə’ōṯ hagəḇul ṣəḏāḏâ:

9 wəyāṣā’ hagəḇul zifərōnâ wəhāyû ṯwōṣə’ōṯāyw ḥăṣar ‘ênān zeh-yihəyeh lāḵem gəḇûl ṣāfwōn:

10 wəhiṯə’aûîṯem lāḵem liḡəḇûl qēḏəmâ mēḥăṣar ‘ênān šəfāmâ:

11 wəyāraḏ hagəḇul miššəfām hāriḇəlâ miqqeḏem lā‘āyin wəyāraḏ hagəḇûl ûmāḥâ ‘al-keṯef yām-kinnereṯ qēḏəmâ:

12 wəyāraḏ hagəḇûl hayyarədēnâ wəhāyû ṯwōṣə’ōṯāyw yām hammel^aḥ zō’ṯ tihəyeh lāḵem hā’āreṣ liḡəḇulōṯeyhā sāḇîḇ:

13 wayəṣaw mōšeh ’eṯ-bənê yiśərā’ēl lē’mōr zō’ṯ hā’āreṣ ’ăšer tiṯən^aḥălû ’ōṯāh bəḡwōrāl ’ăšer ṣiûâ yəhwâ lāṯēṯ ləṯišə‘aṯ hammaṭṭwōṯ w^aḥăṣî hammaṭṭeh:

14 kî lāqəḥû maṭṭēh ḇənê hār’ûḇēnî ləḇêṯ ’ăḇōṯām ûmaṭṭēh ḇənê-hagāḏî ləḇêṯ ’ăḇōṯām w^aḥăṣî maṭṭēh mənaššeh lāqəḥû n^aḥălāṯām:

15 šənê hammaṭṭwōṯ w^aḥăṣî hammaṭṭeh lāqəḥû n^aḥălāṯām mē‘ēḇer ləyarədēn yərēḥwō qēḏəmâ mizərāḥâ: f

16 wayəḏabēr yəhwâ ’el-mōšeh llē’mōr:

17 ’ēlleh šəmwōṯ hā’ănāšîm ’ăšer-yinəḥălû lāḵem ’eṯ-hā’āreṣ ’elə‘āzār hakōhēn wîhwōšu‘a bin-nûn:

18 wənāśî’ ’eḥāḏ nāśî’ ’eḥāḏ mimmaṭṭeh tiqəḥû linəḥōl ’eṯ-hā’āreṣ:

19 wə’ēlleh šəmwōṯ hā’ănāšîm ləmaṭṭēh yəhûḏâ kālēḇ ben-yəfunneh:

20 ûləmaṭṭēh bənê šimə‘wōn šəmû’ēl ben-‘ammîhûḏ:

21 ləmaṭṭēh ḇinəyāmin ’ĕlîḏāḏ ben-kisəlwōn:

22 ûləmaṭṭēh ḇənê-ḏān nāśî’ buqqî ben-yāḡəlî:

23 liḇənê ywōsēf ləmaṭṭēh ḇənê-mənaššeh nāśî’ ḥannî’ēl ben-’ēfōḏ:

24 ûləmaṭṭēh ḇənê-’efərayim nāśî’ qəmû’ēl ben-šifəṭān:

25 ûləmaṭṭēh ḇənê-zəḇûlun nāśî’ ’ĕlîṣāfān ben-parənāḵə:

26 ûləmaṭṭēh ḇənê-yiśāsḵār nāśî’ paləṭî’ēl ben-‘azzān:

27 ûləmaṭṭēh ḇənê-’āšēr nāśî’ ’ăḥîhûḏ ben-šəlōmî:

28 ûləmaṭṭēh ḇənê-nafətālî nāśî’ pəḏahə’ēl ben-‘ammîhûḏ:

29 ’ēlleh ’ăšer ṣiûâ yəhwâ lən^aḥēl ’eṯ-bənê-yiśərā’ēl bə’ereṣ kənā‘an: f

‎1 ‏וַיְדַבֵּ֧ר יְהוָ֛ה אֶל־מֹשֶׁ֖ה בְּעַֽרְבֹ֣ת מוֹאָ֑ב עַל־יַרְדֵּ֥ן יְרֵח֖וֹ לֵאמֹֽר׃

‎2 ‏צַו֮ אֶת־בְּנֵ֣י יִשְׂרָאֵל֒ וְנָתְנ֣וּ לַלְוִיִּ֗ם מִֽנַּחֲלַ֛ת אֲחֻזָּתָ֖ם עָרִ֣ים לָשָׁ֑בֶת וּמִגְרָ֗שׁ לֶֽעָרִים֙ סְבִיבֹ֣תֵיהֶ֔ם תִּתְּנ֖וּ לַלְוִיִּֽם׃

‎3 ‏וְהָי֧וּ הֶֽעָרִ֛ים לָהֶ֖ם לָשָׁ֑בֶת וּמִגְרְשֵׁיהֶ֗ם יִהְי֤וּ לִבְהֶמְתָּם֙ וְלִרְכֻשָׁ֔ם וּלְכֹ֖ל חַיָּתָֽם׃

‎4 ‏וּמִגְרְשֵׁי֙ הֶֽעָרִ֔ים אֲשֶׁ֥ר תִּתְּנ֖וּ לַלְוִיִּ֑ם מִקִּ֤יר הָעִיר֙ וָח֔וּצָה אֶ֥לֶף אַמָּ֖ה סָבִֽיב׃

‎5 ‏וּמַדֹּתֶ֞ם מִח֣וּץ לָעִ֗יר אֶת־פְּאַת־קֵ֣דְמָה אַלְפַּ֪יִם בָּֽאַמָּ֟ה וְאֶת־פְּאַת־נֶגֶב֩ אַלְפַּ֨יִם בָּאַמָּ֜ה וְאֶת־פְּאַת־יָ֣ם׀ אַלְפַּ֣יִם בָּֽאַמָּ֗ה וְאֵ֨ת פְּאַ֥ת צָפ֛וֹן אַלְפַּ֥יִם בָּאַמָּ֖ה וְהָעִ֣יר בַּתָּ֑וֶךְ זֶ֚ה יִהְיֶ֣ה לָהֶ֔ם מִגְרְשֵׁ֖י הֶעָרִֽים׃

‎6 ‏וְאֵ֣ת הֶֽעָרִ֗ים אֲשֶׁ֤ר תִּתְּנוּ֙ לַלְוִיִּ֔ם אֵ֚ת שֵׁשׁ־עָרֵ֣י הַמִּקְלָ֔ט אֲשֶׁ֣ר תִּתְּנ֔וּ לָנֻ֥ס שָׁ֖מָּה הָרֹצֵ֑חַ וַעֲלֵיהֶ֣ם תִּתְּנ֔וּ אַרְבָּעִ֥ים וּשְׁתַּ֖יִם עִֽיר׃

‎7 ‏כָּל־הֶעָרִ֗ים אֲשֶׁ֤ר תִּתְּנוּ֙ לַלְוִיִּ֔ם אַרְבָּעִ֥ים וּשְׁמֹנֶ֖ה עִ֑יר אֶתְהֶ֖ן וְאֶת־מִגְרְשֵׁיהֶֽן׃

‎8 ‏וְהֶֽעָרִ֗ים אֲשֶׁ֤ר תִּתְּנוּ֙ מֵאֲחֻזַּ֣ת בְּנֵי־יִשְׂרָאֵ֔ל מֵאֵ֤ת הָרַב֙ תַּרְבּ֔וּ וּמֵאֵ֥ת הַמְעַ֖ט תַּמְעִ֑יטוּ אִ֗ישׁ כְּפִ֤י נַחֲלָתוֹ֙ אֲשֶׁ֣ר יִנְחָ֔לוּ יִתֵּ֥ן מֵעָרָ֖יו לַלְוִיִּֽם׃ פ

‎9 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎10 ‏דַּבֵּר֙ אֶל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם כִּ֥י אַתֶּ֛ם עֹבְרִ֥ים אֶת־הַיַּרְדֵּ֖ן אַ֥רְצָה כְּנָֽעַן׃

‎11 ‏וְהִקְרִיתֶ֤ם לָכֶם֙ עָרִ֔ים עָרֵ֥י מִקְלָ֖ט תִּהְיֶ֣ינָה לָכֶ֑ם וְנָ֥ס שָׁ֙מָּה֙ רֹצֵ֔חַ מַכֵּה־נֶ֖פֶשׁ בִּשְׁגָגָֽה׃

‎12 ‏וְהָי֨וּ לָכֶ֧ם הֶעָרִ֛ים לְמִקְלָ֖ט מִגֹּאֵ֑ל וְלֹ֤א יָמוּת֙ הָרֹצֵ֔חַ עַד־עָמְד֛וֹ לִפְנֵ֥י הָעֵדָ֖ה לַמִּשְׁפָּֽט׃

‎13 ‏וְהֶעָרִ֖ים אֲשֶׁ֣ר תִּתֵּ֑נוּ שֵׁשׁ־עָרֵ֥י מִקְלָ֖ט תִּהְיֶ֥ינָה לָכֶֽם׃

‎14 ‏אֵ֣ת׀ שְׁלֹ֣שׁ הֶעָרִ֗ים תִּתְּנוּ֙ מֵעֵ֣בֶר לַיַּרְדֵּ֔ן וְאֵת֙ שְׁלֹ֣שׁ הֶֽעָרִ֔ים תִּתְּנ֖וּ בְּאֶ֣רֶץ כְּנָ֑עַן עָרֵ֥י מִקְלָ֖ט תִּהְיֶֽינָה׃

‎15 ‏לִבְנֵ֣י יִשְׂרָאֵ֗ל וְלַגֵּ֤ר וְלַתּוֹשָׁב֙ בְּתוֹכָ֔ם תִּהְיֶ֛ינָה שֵׁשׁ־הֶעָרִ֥ים הָאֵ֖לֶּה לְמִקְלָ֑ט לָנ֣וּס שָׁ֔מָּה כָּל־מַכֵּה־נֶ֖פֶשׁ בִּשְׁגָגָֽה׃

‎16 ‏וְאִם־בִּכְלִ֨י בַרְזֶ֧ל׀ הִכָּ֛הוּ וַיָּמֹ֖ת רֹצֵ֣חַֽ ה֑וּא מ֥וֹת יוּמַ֖ת הָרֹצֵֽחַ׃

‎17 ‏וְאִ֡ם בְּאֶ֣בֶן יָד֩ אֲשֶׁר־יָמ֨וּת בָּ֥הּ הִכָּ֛הוּ וַיָּמֹ֖ת רֹצֵ֣חַֽ ה֑וּא מ֥וֹת יוּמַ֖ת הָרֹצֵֽחַ׃

‎18 ‏א֡וֹ בִּכְלִ֣י עֵֽץ־יָד֩ אֲשֶׁר־יָמ֨וּת בּ֥וֹ הִכָּ֛הוּ וַיָּמֹ֖ת רֹצֵ֣חַֽ ה֑וּא מ֥וֹת יוּמַ֖ת הָרֹצֵֽחַ׃

‎19 ‏גֹּאֵ֣ל הַדָּ֔ם ה֥וּא יָמִ֖ית אֶת־הָרֹצֵ֑חַ בְּפִגְעוֹ־ב֖וֹ ה֥וּא יְמִיתֶֽנּוּ׃

‎20 ‏וְאִם־בְּשִׂנְאָ֖ה יֶהְדָּפֶ֑נּוּ אֽוֹ־הִשְׁלִ֥יךְ עָלָ֛יו בִּצְדִיָּ֖ה וַיָּמֹֽת׃

‎21 ‏א֣וֹ בְאֵיבָ֞ה הִכָּ֤הוּ בְיָדוֹ֙ וַיָּמֹ֔ת מֽוֹת־יוּמַ֥ת הַמַּכֶּ֖ה רֹצֵ֣חַֽ ה֑וּא גֹּאֵ֣ל הַדָּ֗ם יָמִ֛ית אֶת־הָרֹצֵ֖חַ בְּפִגְעוֹ־בֽוֹ׃

‎22 ‏וְאִם־בְּפֶ֥תַע בְּלֹא־אֵיבָ֖ה הֲדָפ֑וֹ אוֹ־הִשְׁלִ֥יךְ עָלָ֛יו כָּל־כְּלִ֖י בְּלֹ֥א צְדִיָּֽה׃

‎23 ‏א֣וֹ בְכָל־אֶ֜בֶן אֲשֶׁר־יָמ֥וּת בָּהּ֙ בְּלֹ֣א רְא֔וֹת וַיַּפֵּ֥ל עָלָ֖יו וַיָּמֹ֑ת וְהוּא֙ לֹא־אוֹיֵ֣ב ל֔וֹ וְלֹ֥א מְבַקֵּ֖שׁ רָעָתֽוֹ׃

‎24 ‏וְשָֽׁפְטוּ֙ הָֽעֵדָ֔ה בֵּ֚ין הַמַּכֶּ֔ה וּבֵ֖ין גֹּאֵ֣ל הַדָּ֑ם עַ֥ל הַמִּשְׁפָּטִ֖ים הָאֵֽלֶּה׃

‎25 ‏וְהִצִּ֨ילוּ הָעֵדָ֜ה אֶת־הָרֹצֵ֗חַ מִיַּד֮ גֹּאֵ֣ל הַדָּם֒ וְהֵשִׁ֤יבוּ אֹתוֹ֙ הָֽעֵדָ֔ה אֶל־עִ֥יר מִקְלָט֖וֹ אֲשֶׁר־נָ֣ס שָׁ֑מָּה וְיָ֣שַׁב בָּ֗הּ עַד־מוֹת֙ הַכֹּהֵ֣ן הַגָּדֹ֔ל אֲשֶׁר־מָשַׁ֥ח אֹת֖וֹ בְּשֶׁ֥מֶן הַקֹּֽדֶשׁ׃

‎26 ‏וְאִם־יָצֹ֥א יֵצֵ֖א הָרֹצֵ֑חַ אֶת־גְּבוּל֙ עִ֣יר מִקְלָט֔וֹ אֲשֶׁ֥ר יָנ֖וּס שָֽׁמָּה׃

‎27 ‏וּמָצָ֤א אֹתוֹ֙ גֹּאֵ֣ל הַדָּ֔ם מִח֕וּץ לִגְב֖וּל עִ֣יר מִקְלָט֑וֹ וְרָצַ֞ח גֹּאֵ֤ל הַדָּם֙ אֶת־הָ֣רֹצֵ֔חַ אֵ֥ין ל֖וֹ דָּֽם׃

‎28 ‏כִּ֣י בְעִ֤יר מִקְלָטוֹ֙ יֵשֵׁ֔ב עַד־מ֖וֹת הַכֹּהֵ֣ן הַגָּדֹ֑ל וְאַחֲרֵ֥י מוֹת֙ הַכֹּהֵ֣ן הַגָּדֹ֔ל יָשׁוּב֙ הָרֹצֵ֔חַ אֶל־אֶ֖רֶץ אֲחֻזָּתֽוֹ׃

‎29 ‏וְהָי֨וּ אֵ֧לֶּה לָכֶ֛ם לְחֻקַּ֥ת מִשְׁפָּ֖ט לְדֹרֹתֵיכֶ֑ם בְּכֹ֖ל מוֹשְׁבֹתֵיכֶֽם׃

‎30 ‏כָּל־מַ֨כֵּה־נֶ֔פֶשׁ לְפִ֣י עֵדִ֔ים יִרְצַ֖ח אֶת־הָרֹצֵ֑חַ וְעֵ֣ד אֶחָ֔ד לֹא־יַעֲנֶ֥ה בְנֶ֖פֶשׁ לָמֽוּת׃

‎31 ‏וְלֹֽא־תִקְח֥וּ כֹ֙פֶר֙ לְנֶ֣פֶשׁ רֹצֵ֔חַ אֲשֶׁר־ה֥וּא רָשָׁ֖ע לָמ֑וּת כִּי־מ֖וֹת יוּמָֽת׃

‎32 ‏וְלֹא־תִקְח֣וּ כֹ֔פֶר לָנ֖וּס אֶל־עִ֣יר מִקְלָט֑וֹ לָשׁוּב֙ לָשֶׁ֣בֶת בָּאָ֔רֶץ עַד־מ֖וֹת הַכֹּהֵֽן׃

‎33 ‏וְלֹא־תַחֲנִ֣יפוּ³ אֶת־הָאָ֗רֶץ אֲשֶׁ֤ר אַתֶּם֙ בָּ֔הּ כִּ֣י הַדָּ֔ם ה֥וּא יַחֲנִ֖יף אֶת־הָאָ֑רֶץ וְלָאָ֣רֶץ לֹֽא־יְכֻפַּ֗ר לַדָּם֙ אֲשֶׁ֣ר שֻׁפַּךְ־בָּ֔הּ כִּי־אִ֖ם בְּדַ֥ם שֹׁפְכֽוֹ׃

‎34 ‏וְלֹ֧א תְטַמֵּ֣א אֶת־הָאָ֗רֶץ אֲשֶׁ֤ר אַתֶּם֙ יֹשְׁבִ֣ים בָּ֔הּ אֲשֶׁ֥ר אֲנִ֖י שֹׁכֵ֣ן בְּתוֹכָ֑הּ כִּ֚י אֲנִ֣י יְהוָ֔ה שֹׁכֵ֕ן בְּת֖וֹךְ בְּנֵ֥י יִשְׂרָאֵֽל׃ פ

1 wayəḏabēr yəhwâ ’el-mōšeh bə‘arəḇōṯ mwō’āḇ ‘al-yarədēn yərēḥwō lē’mōr:

2 ṣaw ’eṯ-bənê yiśərā’ēl wənāṯənû laləwîyim minn^aḥălaṯ ’ăḥuzzāṯām ‘ārîm lāšāḇeṯ ûmiḡərāš le‘ārîm səḇîḇōṯêhem titənû laləwîyim:

3 wəhāyû he‘ārîm lâem lāšāḇeṯ ûmiḡərəšêhem yihəyû liḇəhemətām wəlirəḵušām ûləḵōl ḥayyāṯām:

4 ûmiḡərəšê he‘ārîm ’ăšer titənû laləwîyim miqqîr hā‘îr wāḥûṣâ ’elef ’ammâ sāḇîḇ:

5 ûmadōṯem miḥûṣ lā‘îr ’eṯ-pə’aṯ-qēḏəmâ ’aləpayim bā’ammâ wə’eṯ-pə’aṯ-neḡeḇ ’aləpayim bā’ammâ wə’eṯ-pə’aṯ-yām| ’aləpayim bā’ammâ wə’ēṯ pə’aṯ ṣāfwōn ’aləpayim bā’ammâ wəhā‘îr batāweḵə zeh yihəyeh lâem miḡərəšê he‘ārîm:

6 wə’ēṯ he‘ārîm ’ăšer titənû laləwîyim ’ēṯ šēš-‘ārê hammiqəlāṭ ’ăšer titənû lānus šāmmâ hārōṣēḥa w^a‘ălêhem titənû ’arəbā‘îm ûšətayim ‘îr:

7 kāl-he‘ārîm ’ăšer titənû laləwîyim ’arəbā‘îm ûšəmōneh ‘îr ’eṯəhen wə’eṯ-miḡərəšêhen:

8 wəhe‘ārîm ’ăšer titənû mē’ăḥuzzaṯ bənê-yiśərā’ēl mē’ēṯ hāraḇ tarəbû ûmē’ēṯ hamə‘aṭ tamə‘îṭû ’îš kəfî n^aḥălāṯwō ’ăšer yinəḥālû yitēn mē‘ārāyw laləwîyim: f

9 wayəḏabēr yəhwâ ’el-mōšeh llē’mōr:

10 dabēr ’el-bənê yiśərā’ēl wə’āmarətā ’ălēhem kî ’atem ‘ōḇərîm ’eṯ-hayyarədēn ’arəṣâ kənā‘an:

11 wəhiqərîṯem lāḵem ‘ārîm ‘ārê miqəlāṭ tihəyeynâ lāḵem wənās šāmmâ rōṣēḥa makēh-nefeš bišəḡāḡâ:

12 wəhāyû lāḵem he‘ārîm ləmiqəlāṭ migō’ēl wəlō’ yāmûṯ hārōṣēḥa ‘aḏ-‘āməḏwō lifənê hā‘ēḏâ lammišəpāṭ:

13 wəhe‘ārîm ’ăšer titēnû šēš-‘ārê miqəlāṭ tihəyeynâ lāḵem:

14 ’ēṯ| šəlōš he‘ārîm titənû mē‘ēḇer layyarədēn wə’ēṯ šəlōš he‘ārîm titənû bə’ereṣ kənā‘an ‘ārê miqəlāṭ tihəyeynâ:

15 liḇənê yiśərā’ēl wəlagēr wəlatwōšāḇ bəṯwōḵām tihəyeynâ šēš-he‘ārîm hā’ēlleh ləmiqəlāṭ lānûs šāmmâ kāl-makēh-nefeš bišəḡāḡâ:

16 wə’im-biḵəlî ḇarəzel| hikâû wayyāmōṯ rōṣēḥa hû’ mwōṯ yûmaṯ hārōṣēḥa:

17 wə’im bə’eḇen yāḏ ’ăšer-yāmûṯ bāh hikâû wayyāmōṯ rōṣēḥa hû’ mwōṯ yûmaṯ hārōṣēḥa:

18 ’wō biḵəlî ‘ēṣ-yāḏ ’ăšer-yāmûṯ bwō hikâû wayyāmōṯ rōṣēḥa hû’ mwōṯ yûmaṯ hārōṣēḥa:

19 gō’ēl hadām hû’ yāmîṯ ’eṯ-hārōṣēḥa bəfiḡə‘wō-ḇwō hû’ yəmîṯennû:

20 wə’im-bəśinə’â yehədāfennû ’wō-hišəlîḵə ‘ālāyw biṣəḏîyâ wayyāmōṯ:

21 ’wō ḇə’êḇâ hikâû ḇəyāḏwō wayyāmōṯ mwōṯ-yûmaṯ hammakeh rōṣēḥa hû’ gō’ēl hadām yāmîṯ ’eṯ-hārōṣēḥa bəfiḡə‘wō-ḇwō:

22 wə’im-bəfeṯ^a‘ bəlō’-’êḇâ hăḏāfwō ’wō-hišəlîḵə ‘ālāyw kāl-kəlî bəlō’ ṣəḏîyâ:

23 ’wō ḇəḵāl-’eḇen ’ăšer-yāmûṯ bāh bəlō’ rə’wōṯ wayyapēl ‘ālāyw wayyāmōṯ wəhû’ lō’-’wōyēḇ lwō wəlō’ məḇaqqēš rā‘āṯwō:

24 wəšāfəṭû hā‘ēḏâ bên hammakeh ûḇên gō’ēl hadām ‘al hammišəpāṭîm hā’ēlleh:

25 wəhiṣṣîlû hā‘ēḏâ ’eṯ-hārōṣēḥa mîyaḏ gō’ēl hadām wəhēšîḇû ’ōṯwō hā‘ēḏâ ’el-‘îr miqəlāṭwō ’ăšer-nās šāmmâ wəyāšaḇ bāh ‘aḏ-mwōṯ hakōhēn hagāḏōl ’ăšer-māš^aḥ ’ōṯwō bəšemen haqqōḏeš:

26 wə’im-yāṣō’ yēṣē’ hārōṣēḥa ’eṯ-gəḇûl ‘îr miqəlāṭwō ’ăšer yānûs šāmmâ:

27 ûmāṣā’ ’ōṯwō gō’ēl hadām miḥûṣ liḡəḇûl ‘îr miqəlāṭwō wərāṣ^aḥ gō’ēl hadām ’eṯ-hārōṣēḥa ’ên lwō dām:

28 kî ḇə‘îr miqəlāṭwō yēšēḇ ‘aḏ-mwōṯ hakōhēn hagāḏōl wə’^aḥărê mwōṯ hakōhēn hagāḏōl yāšûḇ hārōṣēḥa ’el-’ereṣ ’ăḥuzzāṯwō:

29 wəhāyû ’ēlleh lāḵem ləḥuqqaṯ mišəpāṭ ləḏōrōṯêḵem bəḵōl mwōšəḇōṯêḵem:

30 kāl-makēh-nefeš ləfî ‘ēḏîm yirəṣ^aḥ ’eṯ-hārōṣēḥa wə‘ēḏ ’eḥāḏ lō’-y^a‘ăneh ḇənefeš lāmûṯ:

31 wəlō’-ṯiqəḥû ḵōfer lənefeš rōṣēḥa ’ăšer-hû’ rāšā‘ lāmûṯ kî-mwōṯ yûmāṯ:

32 wəlō’-ṯiqəḥû ḵōfer lānûs ’el-‘îr miqəlāṭwō lāšûḇ lāšeḇeṯ bā’āreṣ ‘aḏ-mwōṯ hakōhēn:

33 wəlō’-ṯ^aḥănîfû³ ’eṯ-hā’āreṣ ’ăšer ’atem bāh kî hadām hû’ y^aḥănîf ’eṯ-hā’āreṣ wəlā’āreṣ lō’-yəḵupar ladām ’ăšer šupaḵə-bāh kî-’im bəḏam šōfəḵwō:

34 wəlō’ ṯəṭammē’ ’eṯ-hā’āreṣ ’ăšer ’atem yōšəḇîm bāh ’ăšer ’ănî šōḵēn bəṯwōḵāh kî ’ănî yəhwâ šōḵēn bəṯwōḵə bənê yiśərā’ēl: f

‎1 ‏וַֽיִּקְרְב֞וּ רָאשֵׁ֣י הָֽאָב֗וֹת לְמִשְׁפַּ֤חַת בְּנֵֽי־גִלְעָד֙ בֶּן־מָכִ֣יר בֶּן־מְנַשֶּׁ֔ה מִֽמִּשְׁפְּחֹ֖ת בְּנֵ֣י יוֹסֵ֑ף וַֽיְדַבְּר֞וּ לִפְנֵ֤י מֹשֶׁה֙ וְלִפְנֵ֣י הַנְּשִׂאִ֔ים רָאשֵׁ֥י אָב֖וֹת לִבְנֵ֥י יִשְׂרָאֵֽל׃

‎2 ‏וַיֹּאמְר֗וּ אֶת־אֲדֹנִי֙ צִוָּ֣ה יְהוָ֔ה לָתֵ֨ת אֶת־הָאָ֧רֶץ בְּנַחֲלָ֛ה בְּגוֹרָ֖ל לִבְנֵ֣י יִשְׂרָאֵ֑ל וַֽאדֹנִי֙ צֻוָּ֣ה בַֽיהוָ֔ה לָתֵ֗ת אֶֽת־נַחֲלַ֛ת צְלָפְחָ֥ד אָחִ֖ינוּ לִבְנֹתָֽיו׃

‎3 ‏וְ֠הָיוּ לְאֶחָ֞ד מִבְּנֵ֨י שִׁבְטֵ֥י בְנֵֽי־יִשְׂרָאֵל֮ לְנָשִׁים֒ וְנִגְרְעָ֤ה נַחֲלָתָן֙ מִנַּחֲלַ֣ת אֲבֹתֵ֔ינוּ וְנוֹסַ֕ף עַ֚ל נַחֲלַ֣ת הַמַּטֶּ֔ה אֲשֶׁ֥ר תִּהְיֶ֖ינָה לָהֶ֑ם וּמִגֹּרַ֥ל נַחֲלָתֵ֖נוּ יִגָּרֵֽעַ׃

‎4 ‏וְאִם־יִהְיֶ֣ה הַיֹּבֵל֮ לִבְנֵ֣י יִשְׂרָאֵל֒ וְנֽוֹסְפָה֙ נַחֲלָתָ֔ן עַ֚ל נַחֲלַ֣ת הַמַּטֶּ֔ה אֲשֶׁ֥ר תִּהְיֶ֖ינָה לָהֶ֑ם וּמִֽנַּחֲלַת֙ מַטֵּ֣ה אֲבֹתֵ֔ינוּ יִגָּרַ֖ע נַחֲלָתָֽן׃

‎5 ‏וַיְצַ֤ו מֹשֶׁה֙ אֶת־בְּנֵ֣י יִשְׂרָאֵ֔ל עַל־פִּ֥י יְהוָ֖ה לֵאמֹ֑ר כֵּ֛ן מַטֵּ֥ה בְנֵֽי־יוֹסֵ֖ף דֹּבְרִֽים׃

‎6 ‏זֶ֣ה הַדָּבָ֞ר אֲשֶׁר־צִוָּ֣ה יְהוָ֗ה לִבְנ֤וֹת צְלָפְחָד֙ לֵאמֹ֔ר לַטּ֥וֹב בְּעֵינֵיהֶ֖ם תִּהְיֶ֣ינָה לְנָשִׁ֑ים אַ֗ךְ לְמִשְׁפַּ֛חַת מַטֵּ֥ה אֲבִיהֶ֖ם תִּהְיֶ֥ינָה לְנָשִֽׁים׃

‎7 ‏וְלֹֽא־תִסֹּ֤ב נַחֲלָה֙ לִבְנֵ֣י יִשְׂרָאֵ֔ל מִמַּטֶּ֖ה אֶל־מַטֶּ֑ה כִּ֣י אִ֗ישׁ בְּנַחֲלַת֙ מַטֵּ֣ה אֲבֹתָ֔יו יִדְבְּק֖וּ בְּנֵ֥י יִשְׂרָאֵֽל׃

‎8 ‏וְכָל־בַּ֞ת יֹרֶ֣שֶׁת נַחֲלָ֗ה מִמַּטּוֹת֮ בְּנֵ֣י יִשְׂרָאֵל֒ לְאֶחָ֗ד מִמִּשְׁפַּ֛חַת מַטֵּ֥ה אָבִ֖יהָ תִּהְיֶ֣ה לְאִשָּׁ֑ה לְמַ֗עַן יִֽירְשׁוּ֙ בְּנֵ֣י יִשְׂרָאֵ֔ל אִ֖ישׁ נַחֲלַ֥ת אֲבֹתָֽיו׃

‎9 ‏וְלֹֽא־תִסֹּ֧ב נַחֲלָ֛ה מִמַּטֶּ֖ה לְמַטֶּ֣ה אַחֵ֑ר כִּי־אִישׁ֙ בְּנַ֣חֲלָת֔וֹ יִדְבְּק֕וּ מַטּ֖וֹת בְּנֵ֥י יִשְׂרָאֵֽל׃

‎10 ‏כַּאֲשֶׁ֛ר צִוָּ֥ה יְהוָ֖ה אֶת־מֹשֶׁ֑ה כֵּ֥ן עָשׂ֖וּ בְּנ֥וֹת צְלָפְחָֽד׃

‎11 ‏וַתִּהְיֶ֜ינָה מַחְלָ֣ה תִרְצָ֗ה וְחָגְלָ֧ה וּמִלְכָּ֛ה וְנֹעָ֖ה בְּנ֣וֹת צְלָפְחָ֑ד לִבְנֵ֥י דֹדֵיהֶ֖ן לְנָשִֽׁים׃

‎12 ‏מִֽמִּשְׁפְּחֹ֛ת בְּנֵֽי־מְנַשֶּׁ֥ה בֶן־יוֹסֵ֖ף הָי֣וּ לְנָשִׁ֑ים וַתְּהִי֙ נַחֲלָתָ֔ן עַל־מַטֵּ֖ה מִשְׁפַּ֥חַת אֲבִיהֶֽן׃

‎13 ‏אֵ֣לֶּה הַמִּצְוֹ֞ת וְהַמִּשְׁפָּטִ֗ים אֲשֶׁ֨ר צִוָּ֧ה יְהוָ֛ה בְּיַד־מֹשֶׁ֖ה אֶל־בְּנֵ֣י יִשְׂרָאֵ֑ל בְּעַֽרְבֹ֣ת מוֹאָ֔ב עַ֖ל יַרְדֵּ֥ן יְרֵחֽוֹ׃

1 wayyiqərəḇû rā’šê hā’āḇwōṯ ləmišəp^aḥaṯ bənê-ḡilə‘āḏ ben-māḵîr ben-mənaššeh mimmišəpəḥōṯ bənê ywōsēf wayəḏabərû lifənê mōšeh wəlifənê hannəśi’îm rā’šê ’āḇwōṯ liḇənê yiśərā’ēl:

2 wayyō’mərû ’eṯ-’ăḏōnî ṣiûâ yəhwâ lāṯēṯ ’eṯ-hā’āreṣ bən^aḥălâ bəḡwōrāl liḇənê yiśərā’ēl wa’ḏōnî ṣuûâ ḇayhwâ lāṯēṯ ’eṯ-n^aḥălaṯ ṣəlāfəḥāḏ ’āḥînû liḇənōṯāyw:

3 wəhāyû lə’eḥāḏ mibənê šiḇəṭê ḇənê-yiśərā’ēl lənāšîm wəniḡərə‘â n^aḥălāṯān minn^aḥălaṯ ’ăḇōṯênû wənwōsaf ‘al n^aḥălaṯ hammaṭṭeh ’ăšer tihəyeynâ lâem ûmigōral n^aḥălāṯēnû yigārē‘a:

4 wə’im-yihəyeh hayyōḇēl liḇənê yiśərā’ēl wənwōsəfâ n^aḥălāṯān ‘al n^aḥălaṯ hammaṭṭeh ’ăšer tihəyeynâ lâem ûminn^aḥălaṯ maṭṭēh ’ăḇōṯênû yigār^a‘ n^aḥălāṯān:

5 wayəṣaw mōšeh ’eṯ-bənê yiśərā’ēl ‘al-pî yəhwâ lē’mōr kēn maṭṭēh ḇənê-ywōsēf dōḇərîm:

6 zeh hadāḇār ’ăšer-ṣiûâ yəhwâ liḇənwōṯ ṣəlāfəḥāḏ lē’mōr laṭṭwōḇ bə‘ênêhem tihəyeynâ lənāšîm ’aḵə ləmišəp^aḥaṯ maṭṭēh ’ăḇîhem tihəyeynâ lənāšîm:

7 wəlō’-ṯissōḇ n^aḥălâ liḇənê yiśərā’ēl mimmaṭṭeh ’el-maṭṭeh kî ’îš bən^aḥălaṯ maṭṭēh ’ăḇōṯāyw yiḏəbəqû bənê yiśərā’ēl:

8 wəḵāl-baṯ yōrešeṯ n^aḥălâ mimmaṭṭwōṯ bənê yiśərā’ēl lə’eḥāḏ mimmišəp^aḥaṯ maṭṭēh ’āḇîhā tihəyeh lə’iššâ ləm^a‘an yîrəšû bənê yiśərā’ēl ’îš n^aḥălaṯ ’ăḇōṯāyw:

9 wəlō’-ṯissōḇ n^aḥălâ mimmaṭṭeh ləmaṭṭeh ’^aḥēr kî-’îš bən^aḥălāṯwō yiḏəbəqû maṭṭwōṯ bənê yiśərā’ēl:

10 ka’ăšer ṣiûâ yəhwâ ’eṯ-mōšeh kēn ‘āśû bənwōṯ ṣəlāfəḥāḏ:

11 watihəyeynâ m^aḥəlâ ṯirəṣâ wəḥāḡəlâ ûmiləkâ wənō‘â bənwōṯ ṣəlāfəḥāḏ liḇənê ḏōḏêhen lənāšîm:

12 mimmišəpəḥōṯ bənê-mənaššeh ḇen-ywōsēf hāyû lənāšîm watəhî n^aḥălāṯān ‘al-maṭṭēh mišəp^aḥaṯ ’ăḇîhen:

13 ’ēlleh hammiṣəwōṯ wəhammišəpāṭîm ’ăšer ṣiûâ yəhwâ bəyaḏ-mōšeh ’el-bənê yiśərā’ēl bə‘arəḇōṯ mwō’āḇ ‘al yarədēn yərēḥwō:

‎1 ‏חֲז֖וֹן עֹֽבַדְיָ֑ה כֹּֽה־אָמַר֩ אֲדֹנָ֨י יְהוִ֜ה לֶאֱד֗וֹם שְׁמוּעָ֨ה שָׁמַ֜עְנוּ מֵאֵ֤ת יְהוָה֙ וְצִיר֙ בַּגּוֹיִ֣ם שֻׁלָּ֔ח ק֛וּמוּ וְנָק֥וּמָה עָלֶ֖יהָ לַמִּלְחָמָֽה׃

‎2 ‏הִנֵּ֥ה קָטֹ֛ן נְתַתִּ֖יךָ בַּגּוֹיִ֑ם בָּז֥וּי אַתָּ֖ה מְאֹֽד׃

‎3 ‏זְד֤וֹן לִבְּךָ֙ הִשִּׁיאֶ֔ךָ שֹׁכְנִ֥י בְחַגְוֵי־סֶּ֖לַע מְר֣וֹם שִׁבְתּ֑וֹ אֹמֵ֣ר בְּלִבּ֔וֹ מִ֥י יוֹרִדֵ֖נִי אָֽרֶץ׃

‎4 ‏אִם־תַּגְבִּ֣יהַּ כַּנֶּ֔שֶׁר וְאִם־בֵּ֥ין כּֽוֹכָבִ֖ים שִׂ֣ים קִנֶּ֑ךָ מִשָּׁ֥ם אוֹרִֽידְךָ֖ נְאֻם־יְהוָֽה׃

‎5 ‏אִם־גַּנָּבִ֤ים בָּאֽוּ־לְךָ֙ אִם־שׁ֣וֹדְדֵי לַ֔יְלָה אֵ֣יךְ נִדְמֵ֔יתָה הֲל֥וֹא יִגְנְב֖וּ דַּיָּ֑ם אִם־בֹּֽצְרִים֙ בָּ֣אוּ לָ֔ךְ הֲל֖וֹא יַשְׁאִ֥ירוּ עֹלֵלֽוֹת׃

‎6 ‏אֵ֚יךְ נֶחְפְּשׂ֣וּ עֵשָׂ֔ו נִבְע֖וּ מַצְפֻּנָֽיו׃

‎7 ‏עַֽד־הַגְּב֣וּל שִׁלְּח֗וּךָ כֹּ֚ל אַנְשֵׁ֣י בְרִיתֶ֔ךָ הִשִּׁיא֛וּךָ יָכְל֥וּ לְךָ֖ אַנְשֵׁ֣י שְׁלֹמֶ֑ךָ לַחְמְךָ֗ יָשִׂ֤ימוּ מָזוֹר֙ תַּחְתֶּ֔יךָ אֵ֥ין תְּבוּנָ֖ה בּֽוֹ׃

‎8 ‏הֲל֛וֹא בַּיּ֥וֹם הַה֖וּא נְאֻם¹ יְהוָ֑ה וְהַאֲבַדְתִּ֤י חֲכָמִים֙ מֵֽאֱד֔וֹם וּתְבוּנָ֖ה מֵהַ֥ר עֵשָֽׂו׃

‎9 ‏וְחַתּ֥וּ גִבּוֹרֶ֖יךָ תֵּימָ֑ן לְמַ֧עַן יִכָּֽרֶת־אִ֛ישׁ מֵהַ֥ר עֵשָׂ֖ו מִקָּֽטֶל׃

‎10 ‏מֵחֲמַ֛ס אָחִ֥יךָ יַעֲקֹ֖ב תְּכַסְּךָ֣ בוּשָׁ֑ה וְנִכְרַ֖תָּ לְעוֹלָֽם׃

‎11 ‏בְּיוֹם֙ עֲמָֽדְךָ֣ מִנֶּ֔גֶד בְּי֛וֹם שְׁב֥וֹת זָרִ֖ים חֵיל֑וֹ וְנָכְרִ֞ים בָּ֣אוּ שערו שְׁעָרָ֗יו וְעַל־יְרוּשָׁלִַ֙ם֙ יַדּ֣וּ גוֹרָ֔ל גַּם־אַתָּ֖ה כְּאַחַ֥ד מֵהֶֽם׃

‎12 ‏וְאַל־תֵּ֤רֶא בְיוֹם־אָחִ֙יךָ֙ בְּי֣וֹם נָכְר֔וֹ וְאַל־תִּשְׂמַ֥ח לִבְנֵֽי־יְהוּדָ֖ה בְּי֣וֹם אָבְדָ֑ם וְאַל־תַּגְדֵּ֥ל פִּ֖יךָ בְּי֥וֹם צָרָֽה׃

‎13 ‏אַל־תָּב֤וֹא בְשַֽׁעַר־עַמִּי֙ בְּי֣וֹם אֵידָ֔ם אַל־תֵּ֧רֶא גַם־אַתָּ֛ה בְּרָעָת֖וֹ בְּי֣וֹם אֵיד֑וֹ וְאַל־תִּשְׁלַ֥חְנָה בְחֵיל֖וֹ בְּי֥וֹם אֵידֽוֹ׃

‎14 ‏וְאַֽל־תַּעֲמֹד֙ עַל־הַפֶּ֔רֶק לְהַכְרִ֖ית אֶת־פְּלִיטָ֑יו וְאַל־תַּסְגֵּ֥ר שְׂרִידָ֖יו בְּי֥וֹם צָרָֽה׃

‎15 ‏כִּֽי־קָר֥וֹב יוֹם־יְהוָ֖ה עַל־כָּל־הַגּוֹיִ֑ם כַּאֲשֶׁ֤ר עָשִׂ֙יתָ֙ יֵעָ֣שֶׂה לָּ֔ךְ גְּמֻלְךָ֖ יָשׁ֥וּב בְּרֹאשֶֽׁךָ׃

‎16 ‏כִּ֗י כַּֽאֲשֶׁ֤ר שְׁתִיתֶם֙ עַל־הַ֣ר קָדְשִׁ֔י יִשְׁתּ֥וּ כָֽל־הַגּוֹיִ֖ם תָּמִ֑יד וְשָׁת֣וּ וְלָע֔וּ וְהָי֖וּ כְּל֥וֹא הָיֽוּ׃

‎17 ‏וּבְהַ֥ר צִיּ֛וֹן תִּהְיֶ֥ה פְלֵיטָ֖ה וְהָ֣יָה קֹ֑דֶשׁ וְיָֽרְשׁוּ֙¹ בֵּ֣ית יַֽעֲקֹ֔ב אֵ֖ת מוֹרָֽשֵׁיהֶם׃¹

‎18 ‏וְהָיָה֩ בֵית־יַעֲקֹ֨ב אֵ֜שׁ וּבֵ֧ית יוֹסֵ֣ף לֶהָבָ֗ה וּבֵ֤ית עֵשָׂו֙ לְקַ֔שׁ וְדָלְק֥וּ בָהֶ֖ם וַאֲכָל֑וּם וְלֹֽא־יִֽהְיֶ֤ה³ שָׂרִיד֙ לְבֵ֣ית עֵשָׂ֔ו כִּ֥י יְהוָ֖ה דִּבֵּֽר׃

‎19 ‏וְיָרְשׁ֨וּ הַנֶּ֜גֶב אֶת־הַ֣ר עֵשָׂ֗ו וְהַשְּׁפֵלָה֙ אֶת־פְּלִשְׁתִּ֔ים וְיָרְשׁוּ֙ אֶת־שְׂדֵ֣ה אֶפְרַ֔יִם וְאֵ֖ת שְׂדֵ֣ה שֹׁמְר֑וֹן וּבִנְיָמִ֖ן אֶת־הַגִּלְעָֽד׃

‎20 ‏וְגָלֻ֣ת הַֽחֵל־הַ֠זֶּה לִבְנֵ֨י יִשְׂרָאֵ֤ל אֲשֶֽׁר־כְּנַעֲנִים֙ עַד־צָ֣רְפַ֔ת וְגָלֻ֥ת יְרוּשָׁלִַ֖ם אֲשֶׁ֣ר בִּסְפָרַ֑ד יִֽרְשׁ֕וּ אֵ֖ת עָרֵ֥י הַנֶּֽגֶב׃

‎21 ‏וְעָל֤וּ מֽוֹשִׁעִים֙ בְּהַ֣ר צִיּ֔וֹן לִשְׁפֹּ֖ט אֶת־הַ֣ר עֵשָׂ֑ו וְהָיְתָ֥ה לַֽיהוָ֖ה הַמְּלוּכָֽה׃

1 ḥăzwōn ‘ōḇaḏəyâ kōh-’āmar ’ăḏōnāy yəhwih le’ĕḏwōm šəmû‘â šām^a‘ənû mē’ēṯ yəhwâ wəṣîr bagwōyim šullāḥ qûmû wənāqûmâ ‘āleyhā lammiləḥāmâ:

2 hinnēh qāṭōn nəṯatîḵā bagwōyim bāzûy ’atâ mə’ōḏ:

3 zəḏwōn libəḵā hiššî’eḵā šōḵənî ḇəḥaḡəwê-ssel^a‘ mərwōm šiḇətwō ’ōmēr bəlibwō mî ywōriḏēnî ’āreṣ:

4 ’im-taḡəbîhha kannešer wə’im-bên kwōḵāḇîm śîm qinneḵā miššām ’wōrîḏəḵā nə’um-yəhwâ:

5 ’im-gannāḇîm bā’û-ləḵā ’im-šwōḏəḏê layəlâ ’êḵə niḏəmêṯâ hălwō’ yiḡənəḇû dayyām ’im-bōṣərîm bā’û lāḵə hălwō’ yašə’îrû ‘ōlēlwōṯ:

6 ’êḵə neḥəpəśû ‘ēśāw niḇə‘û maṣəpunāyw:

7 ‘aḏ-hagəḇûl šilləḥûḵā kōl ’anəšê ḇərîṯeḵā hiššî’ûḵā yāḵəlû ləḵā ’anəšê šəlōmeḵā l^aḥəməḵā yāśîmû māzwōr t^aḥəteyḵā ’ên təḇûnâ bwō:

8 hălwō’ bayywōm hahû’ nə’um¹ yəhwâ wəha’ăḇaḏətî ḥăḵāmîm mē’ĕḏwōm ûṯəḇûnâ mēhar ‘ēśāw:

9 wəḥatû ḡibwōreyḵā têmān ləm^a‘an yikāreṯ-’îš mēhar ‘ēśāw miqqāṭel:

10 mēḥămas ’āḥîḵā y^a‘ăqōḇ təḵassəḵā ḇûšâ wəniḵəratā lə‘wōlām:

11 bəywōm ‘ămāḏəḵā minneḡeḏ bəywōm šəḇwōṯ zārîm ḥêlwō wənāḵərîm bā’û š^a‘ărwō šə‘ārāyw wə‘al-yərûšālaim yadû ḡwōrāl gam-’atâ kə’^aḥaḏ mēhem:

12 wə’al-tēre’ ḇəywōm-’āḥîḵā bəywōm nāḵərwō wə’al-tiśəm^aḥ liḇənê-yəhûḏâ bəywōm ’āḇəḏām wə’al-taḡədēl pîḵā bəywōm ṣārâ:

13 ’al-tāḇwō’ ḇəš^a‘ar-‘ammî bəywōm ’êḏām ’al-tēre’ ḡam-’atâ bərā‘āṯwō bəywōm ’êḏwō wə’al-tišəl^aḥənâ ḇəḥêlwō bəywōm ’êḏwō:

14 wə’al-t^a‘ămōḏ ‘al-hapereq ləhaḵərîṯ ’eṯ-pəlîṭāyw wə’al-tasəgēr śərîḏāyw bəywōm ṣārâ:

15 kî-qārwōḇ ywōm-yəhwâ ‘al-kāl-hagwōyim ka’ăšer ‘āśîṯā yē‘āśeh llāḵə gəmuləḵā yāšûḇ bərō’šeḵā:

16 kî ka’ăšer šəṯîṯem ‘al-har qāḏəšî yišətû ḵāl-hagwōyim tāmîḏ wəšāṯû wəlā‘û wəhāyû kəlwō’ hāyû:

17 ûḇəhar ṣîywōn tihəyeh fəlêṭâ wəhāyâ qōḏeš wəyārəšû¹ bêṯ y^a‘ăqōḇ ’ēṯ mwōrāšêhem:¹

18 wəhāyâ ḇêṯ-y^a‘ăqōḇ ’ēš ûḇêṯ ywōsēf lehāḇâ ûḇêṯ ‘ēśāw ləqaš wəḏāləqû ḇâem wa’ăḵālûm wəlō’-yihəyeh³ śārîḏ ləḇêṯ ‘ēśāw kî yəhwâ dibēr:

19 wəyārəšû hanneḡeḇ ’eṯ-har ‘ēśāw wəhaššəfēlâ ’eṯ-pəlišətîm wəyārəšû ’eṯ-śəḏēh ’efərayim wə’ēṯ śəḏēh šōmərwōn ûḇinəyāmin ’eṯ-hagilə‘āḏ:

20 wəḡāluṯ h^aḥēl-hazzeh liḇənê yiśərā’ēl ’ăšer-kən^a‘ănîm ‘aḏ-ṣārəfaṯ wəḡāluṯ yərûšālaim ’ăšer bisəfāraḏ yirəšû ’ēṯ ‘ārê hanneḡeḇ:

21 wə‘ālû mwōši‘îm bəhar ṣîywōn lišəpōṭ ’eṯ-har ‘ēśāw wəhāyəṯâ layhwâ hamməlûḵâ:

‎1 ‏אֵ֣לֶּה הַדְּבָרִ֗ים אֲשֶׁ֨ר דִּבֶּ֤ר מֹשֶׁה֙ אֶל־כָּל־יִשְׂרָאֵ֔ל בְּעֵ֖בֶר הַיַּרְדֵּ֑ן בַּמִּדְבָּ֡ר בָּֽעֲרָבָה֩ מ֨וֹל ס֜וּף בֵּֽין־פָּארָ֧ן וּבֵֽין־תֹּ֛פֶל וְלָבָ֥ן וַחֲצֵרֹ֖ת וְדִ֥י זָהָֽב׃

‎2 ‏אַחַ֨ד עָשָׂ֥ר יוֹם֙ מֵֽחֹרֵ֔ב דֶּ֖רֶךְ הַר־שֵׂעִ֑יר עַ֖ד קָדֵ֥שׁ בַּרְנֵֽעַ׃

‎3 ‏וַיְהִי֙ בְּאַרְבָּעִ֣ים שָׁנָ֔ה בְּעַשְׁתֵּֽי־עָשָׂ֥ר חֹ֖דֶשׁ בְּאֶחָ֣ד לַחֹ֑דֶשׁ דִּבֶּ֤ר מֹשֶׁה֙ אֶל־בְּנֵ֣י יִשְׂרָאֵ֔ל כְּ֠כֹל אֲשֶׁ֨ר צִוָּ֧ה יְהוָ֛ה אֹת֖וֹ אֲלֵהֶֽם׃

‎4 ‏אַחֲרֵ֣י הַכֹּת֗וֹ אֵ֚ת סִיחֹן֙ מֶ֣לֶךְ הָֽאֱמֹרִ֔י אֲשֶׁ֥ר יוֹשֵׁ֖ב בְּחֶשְׁבּ֑וֹן וְאֵ֗ת ע֚וֹג מֶ֣לֶךְ הַבָּשָׁ֔ן אֲשֶׁר־יוֹשֵׁ֥ב בְּעַשְׁתָּרֹ֖ת בְּאֶדְרֶֽעִי׃

‎5 ‏בְּעֵ֥בֶר הַיַּרְדֵּ֖ן בְּאֶ֣רֶץ מוֹאָ֑ב הוֹאִ֣יל מֹשֶׁ֔ה בֵּאֵ֛ר אֶת־הַתּוֹרָ֥ה הַזֹּ֖את לֵאמֹֽר׃

‎6 ‏יְהוָ֧ה אֱלֹהֵ֛ינוּ דִּבֶּ֥ר אֵלֵ֖ינוּ בְּחֹרֵ֣ב לֵאמֹ֑ר רַב־לָכֶ֥ם שֶׁ֖בֶת בָּהָ֥ר הַזֶּֽה׃

‎7 ‏פְּנ֣וּ׀ וּסְע֣וּ לָכֶ֗ם וּבֹ֨אוּ הַ֥ר הָֽאֱמֹרִי֮ וְאֶל־כָּל־שְׁכֵנָיו֒ בָּעֲרָבָ֥ה בָהָ֛ר וּבַשְּׁפֵלָ֥ה וּבַנֶּ֖גֶב וּבְח֣וֹף הַיָּ֑ם אֶ֤רֶץ הַֽכְּנַעֲנִי֙ וְהַלְּבָנ֔וֹן עַד־הַנָּהָ֥ר הַגָּדֹ֖ל נְהַר־פְּרָֽת׃

‎8 ‏רְאֵ֛ה נָתַ֥תִּי לִפְנֵיכֶ֖ם אֶת־הָאָ֑רֶץ בֹּ֚אוּ וּרְשׁ֣וּ אֶת־הָאָ֔רֶץ אֲשֶׁ֣ר נִשְׁבַּ֣ע יְ֠הוָה לַאֲבֹ֨תֵיכֶ֜ם לְאַבְרָהָ֨ם לְיִצְחָ֤ק וּֽלְיַעֲקֹב֙ לָתֵ֣ת לָהֶ֔ם וּלְזַרְעָ֖ם אַחֲרֵיהֶֽם׃

‎9 ‏וָאֹמַ֣ר אֲלֵכֶ֔ם בָּעֵ֥ת הַהִ֖וא לֵאמֹ֑ר לֹא־אוּכַ֥ל לְבַדִּ֖י שְׂאֵ֥ת אֶתְכֶֽם׃

‎10 ‏יְהוָ֥ה אֱלֹהֵיכֶ֖ם הִרְבָּ֣ה אֶתְכֶ֑ם וְהִנְּכֶ֣ם הַיּ֔וֹם כְּכוֹכְבֵ֥י הַשָּׁמַ֖יִם לָרֹֽב׃

‎11 ‏יְהוָ֞ה אֱלֹהֵ֣י אֲבֽוֹתֵכֶ֗ם יֹסֵ֧ף עֲלֵיכֶ֛ם כָּכֶ֖ם אֶ֣לֶף פְּעָמִ֑ים וִיבָרֵ֣ךְ אֶתְכֶ֔ם כַּאֲשֶׁ֖ר דִּבֶּ֥ר לָכֶֽם׃

‎12 ‏אֵיכָ֥ה אֶשָּׂ֖א לְבַדִּ֑י טָרְחֲכֶ֥ם וּמַֽשַּׂאֲכֶ֖ם וְרִֽיבְכֶֽם׃

‎13 ‏הָב֣וּ לָ֠כֶם אֲנָשִׁ֨ים חֲכָמִ֧ים וּנְבֹנִ֛ים וִידֻעִ֖ים לְשִׁבְטֵיכֶ֑ם וַאֲשִׂימֵ֖ם בְּרָאשֵׁיכֶֽם׃

‎14 ‏וַֽתַּעֲנ֖וּ אֹתִ֑י וַתֹּ֣אמְר֔וּ טֽוֹב־הַדָּבָ֥ר אֲשֶׁר־דִּבַּ֖רְתָּ לַעֲשֽׂוֹת׃

‎15 ‏וָאֶקַּ֞ח אֶת־רָאשֵׁ֣י שִׁבְטֵיכֶ֗ם אֲנָשִׁ֤ים חֲכָמִים֙ וִֽידֻעִ֔ים וָאֶתֵּ֥ן אֹתָ֛ם רָאשִׁ֖ים עֲלֵיכֶ֑ם שָׂרֵ֨י אֲלָפִ֜ים וְשָׂרֵ֣י מֵא֗וֹת וְשָׂרֵ֤י חֲמִשִּׁים֙ וְשָׂרֵ֣י עֲשָׂרֹ֔ת וְשֹׁטְרִ֖ים לְשִׁבְטֵיכֶֽם׃

‎16 ‏וָאֲצַוֶּה֙ אֶת־שֹׁ֣פְטֵיכֶ֔ם בָּעֵ֥ת הַהִ֖וא לֵאמֹ֑ר שָׁמֹ֤עַ בֵּין־אֲחֵיכֶם֙ וּשְׁפַטְתֶּ֣ם צֶ֔דֶק בֵּֽין־אִ֥ישׁ וּבֵין־אָחִ֖יו וּבֵ֥ין גֵּרֽוֹ׃

‎17 ‏לֹֽא־תַכִּ֨ירוּ פָנִ֜ים בַּמִּשְׁפָּ֗ט כַּקָּטֹ֤ן כַּגָּדֹל֙ תִּשְׁמָע֔וּן לֹ֤א תָג֙וּרוּ֙ מִפְּנֵי־אִ֔ישׁ כִּ֥י הַמִּשְׁפָּ֖ט לֵאלֹהִ֣ים ה֑וּא וְהַדָּבָר֙ אֲשֶׁ֣ר יִקְשֶׁ֣ה מִכֶּ֔ם תַּקְרִב֥וּן אֵלַ֖י וּשְׁמַעְתִּֽיו׃

‎18 ‏וָאֲצַוֶּ֥ה אֶתְכֶ֖ם בָּעֵ֣ת הַהִ֑וא אֵ֥ת כָּל־הַדְּבָרִ֖ים אֲשֶׁ֥ר תַּעֲשֽׂוּן׃

‎19 ‏וַנִּסַּ֣ע מֵחֹרֵ֗ב וַנֵּ֡לֶךְ אֵ֣ת כָּל־הַמִּדְבָּ֣ר הַגָּדוֹל֩ וְהַנּוֹרָ֨א הַה֜וּא אֲשֶׁ֣ר רְאִיתֶ֗ם דֶּ֚רֶךְ הַ֣ר הָֽאֱמֹרִ֔י כַּאֲשֶׁ֥ר צִוָּ֛ה יְהוָ֥ה אֱלֹהֵ֖ינוּ אֹתָ֑נוּ וַנָּבֹ֕א עַ֖ד קָדֵ֥שׁ בַּרְנֵֽעַ׃

‎20 ‏וָאֹמַ֖ר אֲלֵכֶ֑ם בָּאתֶם֙ עַד־הַ֣ר הָאֱמֹרִ֔י אֲשֶׁר־יְהוָ֥ה אֱלֹהֵ֖ינוּ נֹתֵ֥ן לָֽנוּ׃

‎21 ‏רְ֠אֵה נָתַ֨ן יְהוָ֧ה אֱלֹהֶ֛יךָ לְפָנֶ֖יךָ אֶת־הָאָ֑רֶץ עֲלֵ֣ה רֵ֗שׁ כַּאֲשֶׁר֩ דִּבֶּ֨ר יְהוָ֜ה אֱלֹהֵ֤י אֲבֹתֶ֙יךָ֙ לָ֔ךְ אַל־תִּירָ֖א וְאַל־תֵּחָֽת׃

‎22 ‏וַתִּקְרְב֣וּן אֵלַי֮ כֻּלְּכֶם֒ וַתֹּאמְר֗וּ נִשְׁלְחָ֤ה אֲנָשִׁים֙ לְפָנֵ֔ינוּ וְיַחְפְּרוּ־לָ֖נוּ אֶת־הָאָ֑רֶץ וְיָשִׁ֤בוּ אֹתָ֙נוּ֙ דָּבָ֔ר אֶת־הַדֶּ֙רֶךְ֙ אֲשֶׁ֣ר נַעֲלֶה־בָּ֔הּ וְאֵת֙ הֶֽעָרִ֔ים אֲשֶׁ֥ר נָבֹ֖א אֲלֵיהֶֽן׃

‎23 ‏וַיִּיטַ֥ב בְּעֵינַ֖י הַדָּבָ֑ר וָאֶקַּ֤ח מִכֶּם֙ שְׁנֵ֣ים עָשָׂ֣ר אֲנָשִׁ֔ים אִ֥ישׁ אֶחָ֖ד לַשָּֽׁבֶט׃

‎24 ‏וַיִּפְנוּ֙ וַיַּעֲל֣וּ הָהָ֔רָה וַיָּבֹ֖אוּ עַד־נַ֣חַל אֶשְׁכֹּ֑ל וַֽיְרַגְּל֖וּ אֹתָֽהּ׃

‎25 ‏וַיִּקְח֤וּ בְיָדָם֙ מִפְּרִ֣י הָאָ֔רֶץ וַיּוֹרִ֖דוּ אֵלֵ֑ינוּ וַיָּשִׁ֨בוּ אֹתָ֤נוּ דָבָר֙ וַיֹּ֣אמְר֔וּ טוֹבָ֣ה הָאָ֔רֶץ אֲשֶׁר־יְהוָ֥ה אֱלֹהֵ֖ינוּ נֹתֵ֥ן לָֽנוּ׃

‎26 ‏וְלֹ֥א אֲבִיתֶ֖ם לַעֲלֹ֑ת וַתַּמְר֕וּ אֶת־פִּ֥י יְהוָ֖ה אֱלֹהֵיכֶֽם׃

‎27 ‏וַתֵּרָגְנ֤וּ בְאָהֳלֵיכֶם֙ וַתֹּ֣אמְר֔וּ בְּשִׂנְאַ֤ת יְהוָה֙ אֹתָ֔נוּ הוֹצִיאָ֖נוּ מֵאֶ֣רֶץ מִצְרָ֑יִם לָתֵ֥ת אֹתָ֛נוּ בְּיַ֥ד הָאֱמֹרִ֖י לְהַשְׁמִידֵֽנוּ׃

‎28 ‏אָנָ֣ה׀ אֲנַ֣חְנוּ עֹלִ֗ים אַחֵינוּ֩ הֵמַ֨סּוּ אֶת־לְבָבֵ֜נוּ לֵאמֹ֗ר עַ֣ם גָּד֤וֹל וָרָם֙ מִמֶּ֔נּוּ עָרִ֛ים גְּדֹלֹ֥ת וּבְצוּרֹ֖ת בַּשָּׁמָ֑יִם וְגַם־בְּנֵ֥י עֲנָקִ֖ים רָאִ֥ינוּ שָֽׁם׃

‎29 ‏וָאֹמַ֖ר אֲלֵכֶ֑ם לֹא־תַֽעַרְצ֥וּן וְֽלֹא־תִֽירְא֖וּן מֵהֶֽם׃

‎30 ‏יְהוָ֤ה אֱלֹֽהֵיכֶם֙ הַהֹלֵ֣ךְ לִפְנֵיכֶ֔ם ה֖וּא יִלָּחֵ֣ם לָכֶ֑ם כְּ֠כֹל אֲשֶׁ֨ר עָשָׂ֧ה אִתְּכֶ֛ם בְּמִצְרַ֖יִם לְעֵינֵיכֶֽם׃

‎31 ‏וּבַמִּדְבָּר֙ אֲשֶׁ֣ר רָאִ֔יתָ אֲשֶׁ֤ר נְשָׂאֲךָ֙ יְהוָ֣ה אֱלֹהֶ֔יךָ כַּאֲשֶׁ֥ר יִשָּׂא־אִ֖ישׁ אֶת־בְּנ֑וֹ בְּכָל־הַדֶּ֙רֶךְ֙ אֲשֶׁ֣ר הֲלַכְתֶּ֔ם עַד־בֹּאֲכֶ֖ם עַד־הַמָּק֥וֹם הַזֶּֽה׃

‎32 ‏וּבַדָּבָ֖ר הַזֶּ֑ה אֵֽינְכֶם֙ מַאֲמִינִ֔ם בַּיהוָ֖ה אֱלֹהֵיכֶֽם׃

‎33 ‏הַהֹלֵ֨ךְ לִפְנֵיכֶ֜ם בַּדֶּ֗רֶךְ לָת֥וּר לָכֶ֛ם מָק֖וֹם לַֽחֲנֹֽתְכֶ֑ם בָּאֵ֣שׁ׀ לַ֗יְלָה לַרְאֹֽתְכֶם֙ בַּדֶּ֙רֶךְ֙ אֲשֶׁ֣ר תֵּֽלְכוּ־בָ֔הּ וּבֶעָנָ֖ן יוֹמָֽם׃

‎34 ‏וַיִּשְׁמַ֥ע יְהוָ֖ה אֶת־ק֣וֹל דִּבְרֵיכֶ֑ם וַיִּקְצֹ֖ף וַיִּשָּׁבַ֥ע לֵאמֹֽר׃

‎35 ‏אִם־יִרְאֶ֥ה אִישׁ֙ בָּאֲנָשִׁ֣ים הָאֵ֔לֶּה הַדּ֥וֹר הָרָ֖ע הַזֶּ֑ה אֵ֚ת הָאָ֣רֶץ הַטּוֹבָ֔ה אֲשֶׁ֣ר נִשְׁבַּ֔עְתִּי לָתֵ֖ת לַאֲבֹתֵיכֶֽם׃

‎36 ‏זֽוּלָתִ֞י כָּלֵ֤ב בֶּן־יְפֻנֶּה֙ ה֣וּא יִרְאֶ֔נָּה וְלֽוֹ־אֶתֵּ֧ן אֶת־הָאָ֛רֶץ אֲשֶׁ֥ר דָּֽרַךְ־בָּ֖הּ וּלְבָנָ֑יו יַ֕עַן אֲשֶׁ֥ר מִלֵּ֖א אַחֲרֵ֥י יְהוָֽה׃

‎37 ‏גַּם־בִּי֙ הִתְאַנַּ֣ף יְהוָ֔ה בִּגְלַלְכֶ֖ם לֵאמֹ֑ר גַּם־אַתָּ֖ה לֹא־תָבֹ֥א שָֽׁם׃

‎38 ‏יְהוֹשֻׁ֤עַ בִּן־נוּן֙ הָעֹמֵ֣ד לְפָנֶ֔יךָ ה֖וּא יָ֣בֹא שָׁ֑מָּה אֹת֣וֹ חַזֵּ֔ק כִּי־ה֖וּא יַנְחִלֶ֥נָּה אֶת־יִשְׂרָאֵֽל׃

‎39 ‏וְטַפְּכֶם֩ אֲשֶׁ֨ר אֲמַרְתֶּ֜ם לָבַ֣ז יִהְיֶ֗ה וּ֠בְנֵיכֶם אֲשֶׁ֨ר לֹא־יָדְע֤וּ הַיּוֹם֙ ט֣וֹב וָרָ֔ע הֵ֖מָּה יָבֹ֣אוּ שָׁ֑מָּה וְלָהֶ֣ם אֶתְּנֶ֔נָּה וְהֵ֖ם יִירָשֽׁוּהָ׃

‎40 ‏וְאַתֶּ֖ם פְּנ֣וּ לָכֶ֑ם וּסְע֥וּ הַמִּדְבָּ֖רָה דֶּ֥רֶךְ יַם־סֽוּף׃

‎41 ‏וַֽתַּעֲנ֣וּ׀ וַתֹּאמְר֣וּ אֵלַ֗י חָטָאנוּ֮ לַֽיהוָה֒ אֲנַ֤חְנוּ נַעֲלֶה֙ וְנִלְחַ֔מְנוּ כְּכֹ֥ל אֲשֶׁר־צִוָּ֖נוּ יְהוָ֣ה אֱלֹהֵ֑ינוּ וַֽתַּחְגְּר֗וּ אִ֚ישׁ אֶת־כְּלֵ֣י מִלְחַמְתּ֔וֹ וַתָּהִ֖ינוּ לַעֲלֹ֥ת הָהָֽרָה׃

‎42 ‏וַיֹּ֨אמֶר יְהוָ֜ה אֵלַ֗י אֱמֹ֤ר לָהֶם֙ לֹ֤א תַֽעֲלוּ֙ וְלֹא־תִלָּ֣חֲמ֔וּ כִּ֥י אֵינֶ֖נִּי בְּקִרְבְּכֶ֑ם וְלֹא֙ תִּנָּֽגְפ֔וּ לִפְנֵ֖י אֹיְבֵיכֶֽם׃

‎43 ‏וָאֲדַבֵּ֥ר אֲלֵיכֶ֖ם וְלֹ֣א שְׁמַעְתֶּ֑ם וַתַּמְרוּ֙ אֶת־פִּ֣י יְהוָ֔ה וַתָּזִ֖דוּ וַתַּעֲל֥וּ הָהָֽרָה׃

‎44 ‏וַיֵּצֵ֨א הָאֱמֹרִ֜י הַיֹּשֵׁ֨ב בָּהָ֤ר הַהוּא֙ לִקְרַאתְכֶ֔ם וַיִּרְדְּפ֣וּ אֶתְכֶ֔ם כַּאֲשֶׁ֥ר תַּעֲשֶׂ֖ינָה הַדְּבֹרִ֑ים וַֽיַּכְּת֥וּ אֶתְכֶ֛ם בְּשֵׂעִ֖יר עַד־חָרְמָֽה׃

‎45 ‏וַתָּשֻׁ֥בוּ וַתִּבְכּ֖וּ לִפְנֵ֣י יְהוָ֑ה וְלֹֽא־שָׁמַ֤ע יְהוָה֙ בְּקֹ֣לְכֶ֔ם וְלֹ֥א הֶאֱזִ֖ין אֲלֵיכֶֽם׃

‎46 ‏וַתֵּשְׁב֥וּ בְקָדֵ֖שׁ יָמִ֣ים רַבִּ֑ים כַּיָּמִ֖ים אֲשֶׁ֥ר יְשַׁבְתֶּֽם׃

1 ’ēlleh hadəḇārîm ’ăšer diber mōšeh ’el-kāl-yiśərā’ēl bə‘ēḇer hayyarədēn bammiḏəbār bā‘ărāḇâ mwōl sûf bên-pā’rān ûḇên-tōfel wəlāḇān w^aḥăṣērōṯ wəḏî zâāḇ:

2 ’^aḥaḏ ‘āśār ywōm mēḥōrēḇ dereḵə har-śē‘îr ‘aḏ qāḏēš barənē‘a:

3 wayəhî bə’arəbā‘îm šānâ bə‘ašətê-‘āśār ḥōḏeš bə’eḥāḏ l^aḥōḏeš diber mōšeh ’el-bənê yiśərā’ēl kəḵōl ’ăšer ṣiûâ yəhwâ ’ōṯwō ’ălēhem:

4 ’^aḥărê hakōṯwō ’ēṯ sîḥōn meleḵə hā’ĕmōrî ’ăšer ywōšēḇ bəḥešəbwōn wə’ēṯ ‘wōḡ meleḵə habāšān ’ăšer-ywōšēḇ bə‘ašətārōṯ bə’eḏəre‘î:

5 bə‘ēḇer hayyarədēn bə’ereṣ mwō’āḇ hwō’îl mōšeh bē’ēr ’eṯ-hatwōrâ hazzō’ṯ lē’mōr:

6 yəhwâ ’ĕlōhênû diber ’ēlênû bəḥōrēḇ lē’mōr raḇ-lāḵem šeḇeṯ bâār hazzeh:

7 pənû| ûsə‘û lāḵem ûḇō’û har hā’ĕmōrî wə’el-kāl-šəḵēnāyw bā‘ărāḇâ ḇâār ûḇaššəfēlâ ûḇanneḡeḇ ûḇəḥwōf hayyām ’ereṣ hakən^a‘ănî wəhalləḇānwōn ‘aḏ-hannâār hagāḏōl nəhar-pərāṯ:

8 rə’ēh nāṯatî lifənêḵem ’eṯ-hā’āreṣ bō’û ûrəšû ’eṯ-hā’āreṣ ’ăšer nišəb^a‘ yəhwâ la’ăḇōṯêḵem lə’aḇərâām ləyiṣəḥāq ûləy^a‘ăqōḇ lāṯēṯ lâem ûləzarə‘ām ’^aḥărêhem:

9 wā’ōmar ’ălēḵem bā‘ēṯ hahiw’ lē’mōr lō’-’ûḵal ləḇadî śə’ēṯ ’eṯəḵem:

10 yəhwâ ’ĕlōhêḵem hirəbâ ’eṯəḵem wəhinnəḵem hayywōm kəḵwōḵəḇê haššāmayim lārōḇ:

11 yəhwâ ’ĕlōhê ’ăḇwōṯēḵem yōsēf ‘ălêḵem kāḵem ’elef pə‘āmîm wîḇārēḵə ’eṯəḵem ka’ăšer diber lāḵem:

12 ’êḵâ ’eśśā’ ləḇadî ṭārəḥăḵem ûmaśśa’ăḵem wərîḇəḵem:

13 hāḇû lāḵem ’ănāšîm ḥăḵāmîm ûnəḇōnîm wîḏu‘îm ləšiḇəṭêḵem wa’ăśîmēm bərā’šêḵem:

14 wat^a‘ănû ’ōṯî watō’mərû ṭwōḇ-hadāḇār ’ăšer-dibarətā l^a‘ăśwōṯ:

15 wā’eqq^aḥ ’eṯ-rā’šê šiḇəṭêḵem ’ănāšîm ḥăḵāmîm wîḏu‘îm wā’etēn ’ōṯām rā’šîm ‘ălêḵem śārê ’ălāfîm wəśārê mē’wōṯ wəśārê ḥămiššîm wəśārê ‘ăśārōṯ wəšōṭərîm ləšiḇəṭêḵem:

16 wā’ăṣaûeh ’eṯ-šōfəṭêḵem bā‘ēṯ hahiw’ lē’mōr šāmō‘a bên-’ăḥêḵem ûšəfaṭətem ṣeḏeq bên-’îš ûḇên-’āḥîw ûḇên gērwō:

17 lō’-ṯakîrû fānîm bammišəpāṭ kaqqāṭōn kagāḏōl tišəmā‘ûn lō’ ṯāḡûrû mipənê-’îš kî hammišəpāṭ lē’lōhîm hû’ wəhadāḇār ’ăšer yiqəšeh mikem taqəriḇûn ’ēlay ûšəm^a‘ətîw:

18 wā’ăṣaûeh ’eṯəḵem bā‘ēṯ hahiw’ ’ēṯ kāl-hadəḇārîm ’ăšer t^a‘ăśûn:

19 wanniss^a‘ mēḥōrēḇ wannēleḵə ’ēṯ kāl-hammiḏəbār hagāḏwōl wəhannwōrā’ hahû’ ’ăšer rə’îṯem dereḵə har hā’ĕmōrî ka’ăšer ṣiûâ yəhwâ ’ĕlōhênû ’ōṯānû wannāḇō’ ‘aḏ qāḏēš barənē‘a:

20 wā’ōmar ’ălēḵem bā’ṯem ‘aḏ-har hā’ĕmōrî ’ăšer-yəhwâ ’ĕlōhênû nōṯēn lānû:

21 rə’ēh nāṯan yəhwâ ’ĕlōheyḵā ləfāneyḵā ’eṯ-hā’āreṣ ‘ălēh rēš ka’ăšer diber yəhwâ ’ĕlōhê ’ăḇōṯeyḵā lāḵə ’al-tîrā’ wə’al-tēḥāṯ:

22 watiqərəḇûn ’ēlay kulləḵem watō’mərû nišələḥâ ’ănāšîm ləfānênû wəy^aḥəpərû-lānû ’eṯ-hā’āreṣ wəyāšiḇû ’ōṯānû dāḇār ’eṯ-hadereḵə ’ăšer n^a‘ăleh-bāh wə’ēṯ he‘ārîm ’ăšer nāḇō’ ’ălêhen:

23 wayyîṭaḇ bə‘ênay hadāḇār wā’eqq^aḥ mikem šənêm ‘āśār ’ănāšîm ’îš ’eḥāḏ laššāḇeṭ:

24 wayyifənû wayy^a‘ălû hâārâ wayyāḇō’û ‘aḏ-n^aḥal ’ešəkōl wayəragəlû ’ōṯāh:

25 wayyiqəḥû ḇəyāḏām mipərî hā’āreṣ wayywōriḏû ’ēlênû wayyāšiḇû ’ōṯānû ḏāḇār wayyō’mərû ṭwōḇâ hā’āreṣ ’ăšer-yəhwâ ’ĕlōhênû nōṯēn lānû:

26 wəlō’ ’ăḇîṯem l^a‘ălōṯ watamərû ’eṯ-pî yəhwâ ’ĕlōhêḵem:

27 watērāḡənû ḇə’âŏlêḵem watō’mərû bəśinə’aṯ yəhwâ ’ōṯānû hwōṣî’ānû mē’ereṣ miṣərāyim lāṯēṯ ’ōṯānû bəyaḏ hā’ĕmōrî ləhašəmîḏēnû:

28 ’ānâ| ’ăn^aḥənû ‘ōlîm ’^aḥênû hēmassû ’eṯ-ləḇāḇēnû lē’mōr ‘am gāḏwōl wārām mimmennû ‘ārîm gəḏōlōṯ ûḇəṣûrōṯ baššāmāyim wəḡam-bənê ‘ănāqîm rā’înû šām:

29 wā’ōmar ’ălēḵem lō’-ṯ^a‘arəṣûn wəlō’-ṯîrə’ûn mēhem:

30 yəhwâ ’ĕlōhêḵem hahōlēḵə lifənêḵem hû’ yillāḥēm lāḵem kəḵōl ’ăšer ‘āśâ ’itəḵem bəmiṣərayim lə‘ênêḵem:

31 ûḇammiḏəbār ’ăšer rā’îṯā ’ăšer nəśā’ăḵā yəhwâ ’ĕlōheyḵā ka’ăšer yiśśā’-’îš ’eṯ-bənwō bəḵāl-hadereḵə ’ăšer hălaḵətem ‘aḏ-bō’ăḵem ‘aḏ-hammāqwōm hazzeh:

32 ûḇadāḇār hazzeh ’ênəḵem ma’ămînim bayhwâ ’ĕlōhêḵem:

33 hahōlēḵə lifənêḵem badereḵə lāṯûr lāḵem māqwōm l^aḥănōṯəḵem bā’ēš| layəlâ larə’ōṯəḵem badereḵə ’ăšer tēləḵû-ḇāh ûḇe‘ānān ywōmām:

34 wayyišəm^a‘ yəhwâ ’eṯ-qwōl diḇərêḵem wayyiqəṣōf wayyiššāḇ^a‘ lē’mōr:

35 ’im-yirə’eh ’îš bā’ănāšîm hā’ēlleh hadwōr hārā‘ hazzeh ’ēṯ hā’āreṣ haṭṭwōḇâ ’ăšer nišəb^a‘ətî lāṯēṯ la’ăḇōṯêḵem:

36 zûlāṯî kālēḇ ben-yəfunneh hû’ yirə’ennâ wəlwō-’etēn ’eṯ-hā’āreṣ ’ăšer dāraḵə-bāh ûləḇānāyw y^a‘an ’ăšer millē’ ’^aḥărê yəhwâ:

37 gam-bî hiṯə’annaf yəhwâ biḡəlaləḵem lē’mōr gam-’atâ lō’-ṯāḇō’ šām:

38 yəhwōšu‘a bin-nûn hā‘ōmēḏ ləfāneyḵā hû’ yāḇō’ šāmmâ ’ōṯwō ḥazzēq kî-hû’ yanəḥilennâ ’eṯ-yiśərā’ēl:

39 wəṭapəḵem ’ăšer ’ămarətem lāḇaz yihəyeh ûḇənêḵem ’ăšer lō’-yāḏə‘û hayywōm ṭwōḇ wārā‘ hēmmâ yāḇō’û šāmmâ wəlâem ’etənennâ wəhēm yîrāšûhā:

40 wə’atem pənû lāḵem ûsə‘û hammiḏəbārâ dereḵə yam-sûf:

41 wat^a‘ănû| watō’mərû ’ēlay ḥāṭā’nû layhwâ ’ăn^aḥənû n^a‘ăleh wəniləḥamənû kəḵōl ’ăšer-ṣiûānû yəhwâ ’ĕlōhênû wat^aḥəgərû ’îš ’eṯ-kəlê miləḥamətwō watâînû l^a‘ălōṯ hâārâ:

42 wayyō’mer yəhwâ ’ēlay ’ĕmōr lâem lō’ ṯ^a‘ălû wəlō’-ṯillāḥămû kî ’ênennî bəqirəbəḵem wəlō’ tinnāḡəfû lifənê ’ōyəḇêḵem:

43 wā’ăḏabēr ’ălêḵem wəlō’ šəm^a‘ətem watamərû ’eṯ-pî yəhwâ watāziḏû wat^a‘ălû hâārâ:

44 wayyēṣē’ hā’ĕmōrî hayyōšēḇ bâār hahû’ liqəra’ṯəḵem wayyirədəfû ’eṯəḵem ka’ăšer t^a‘ăśeynâ hadəḇōrîm wayyakəṯû ’eṯəḵem bəśē‘îr ‘aḏ-ḥārəmâ:

45 watāšuḇû watiḇəkû lifənê yəhwâ wəlō’-šām^a‘ yəhwâ bəqōləḵem wəlō’ he’ĕzîn ’ălêḵem:

46 watēšəḇû ḇəqāḏēš yāmîm rabîm kayyāmîm ’ăšer yəšaḇətem:

‎1 ‏וַנֵּ֜פֶן וַנִּסַּ֤ע הַמִּדְבָּ֙רָה֙ דֶּ֣רֶךְ יַם־ס֔וּף כַּאֲשֶׁ֛ר דִּבֶּ֥ר יְהוָ֖ה אֵלָ֑י וַנָּ֥סָב אֶת־הַר־שֵׂעִ֖יר יָמִ֥ים רַבִּֽים׃ ס

‎2 ‏וַיֹּ֥אמֶר יְהוָ֖ה אֵלַ֥י לֵאמֹֽר׃

‎3 ‏רַב־לָכֶ֕ם סֹ֖ב אֶת־הָהָ֣ר הַזֶּ֑ה פְּנ֥וּ לָכֶ֖ם צָפֹֽנָה׃

‎4 ‏וְאֶת־הָעָם֮ צַ֣ו לֵאמֹר֒ אַתֶּ֣ם עֹֽבְרִ֗ים בִּגְבוּל֙ אֲחֵיכֶ֣ם בְּנֵי־עֵשָׂ֔ו הַיֹּשְׁבִ֖ים בְּשֵׂעִ֑יר וְיִֽירְא֣וּ מִכֶּ֔ם וְנִשְׁמַרְתֶּ֖ם מְאֹֽד׃

‎5 ‏אַל־תִּתְגָּר֣וּ בָ֔ם כִּ֠י לֹֽא־אֶתֵּ֤ן לָכֶם֙ מֵֽאַרְצָ֔ם עַ֖ד מִדְרַ֣ךְ כַּף־רָ֑גֶל כִּֽי־יְרֻשָּׁ֣ה לְעֵשָׂ֔ו נָתַ֖תִּי אֶת־הַ֥ר שֵׂעִֽיר׃

‎6 ‏אֹ֣כֶל תִּשְׁבְּר֧וּ מֵֽאִתָּ֛ם בַּכֶּ֖סֶף וַאֲכַלְתֶּ֑ם וְגַם־מַ֜יִם תִּכְר֧וּ מֵאִתָּ֛ם בַּכֶּ֖סֶף וּשְׁתִיתֶֽם׃

‎7 ‏כִּי֩ יְהוָ֨ה אֱלֹהֶ֜יךָ בֵּֽרַכְךָ֗ בְּכֹל֙ מַעֲשֵׂ֣ה יָדֶ֔ךָ יָדַ֣ע לֶכְתְּךָ֔ אֶת־הַמִּדְבָּ֥ר הַגָּדֹ֖ל הַזֶּ֑ה זֶ֣ה׀ אַרְבָּעִ֣ים שָׁנָ֗ה יְהוָ֤ה אֱלֹהֶ֙יךָ֙ עִמָּ֔ךְ לֹ֥א חָסַ֖רְתָּ דָּבָֽר׃

‎8 ‏וַֽנַּעֲבֹ֞ר מֵאֵ֧ת אַחֵ֣ינוּ בְנֵי־עֵשָׂ֗ו הַיֹּֽשְׁבִים֙ בְּשֵׂעִ֔יר מִדֶּ֙רֶךְ֙ הָֽעֲרָבָ֔ה מֵאֵילַ֖ת וּמֵעֶצְיֹ֣ן גָּ֑בֶר סוַנֵּ֙פֶן֙ וַֽנַּעֲבֹ֔ר דֶּ֖רֶךְ מִדְבַּ֥ר מוֹאָֽב׃

‎9 ‏וַיֹּ֨אמֶר יְהוָ֜ה אֵלַ֗י אֶל־תָּ֙צַר֙¹ אֶת־מוֹאָ֔ב וְאַל־תִּתְגָּ֥ר בָּ֖ם מִלְחָמָ֑ה כִּ֠י לֹֽא־אֶתֵּ֨ן לְךָ֤ מֵֽאַרְצוֹ֙ יְרֻשָּׁ֔ה כִּ֣י לִבְנֵי־ל֔וֹט נָתַ֥תִּי אֶת־עָ֖ר יְרֻשָּׁה׃¹

‎10 ‏הָאֵמִ֥ים לְפָנִ֖ים יָ֣שְׁבוּ בָ֑הּ עַ֣ם גָּד֥וֹל וְרַ֛ב וָרָ֖ם כָּעֲנָקִֽים׃

‎11 ‏רְפָאִ֛ים יֵחָשְׁב֥וּ אַף־הֵ֖ם כָּעֲנָקִ֑ים וְהַמֹּ֣אָבִ֔ים יִקְרְא֥וּ לָהֶ֖ם אֵמִֽים׃

‎12 ‏וּבְשֵׂעִ֞יר יָשְׁב֣וּ הַחֹרִים֮ לְפָנִים֒ וּבְנֵ֧י עֵשָׂ֣ו יִֽירָשׁ֗וּם וַיַּשְׁמִידוּם֙ מִפְּנֵיהֶ֔ם וַיֵּשְׁב֖וּ תַּחְתָּ֑ם כַּאֲשֶׁ֧ר עָשָׂ֣ה יִשְׂרָאֵ֗ל לְאֶ֙רֶץ֙ יְרֻשָּׁת֔וֹ אֲשֶׁר־נָתַ֥ן יְהוָ֖ה לָהֶֽם׃

‎13 ‏עַתָּ֗ה קֻ֛מוּ וְעִבְר֥וּ לָכֶ֖ם אֶת־נַ֣חַל זָ֑רֶד וַֽנַּעֲבֹ֖ר אֶת־נַ֥חַל זָֽרֶד׃

‎14 ‏וְהַיָּמִ֞ים אֲשֶׁר־הָלַ֣כְנוּ׀ מִקָּדֵ֣שׁ בַּרְנֵ֗עַ עַ֤ד אֲשֶׁר־עָבַ֙רְנוּ֙ אֶת־נַ֣חַל זֶ֔רֶד שְׁלֹשִׁ֥ים וּשְׁמֹנֶ֖ה שָׁנָ֑ה עַד־תֹּ֨ם כָּל־הַדּ֜וֹר אַנְשֵׁ֤י הַמִּלְחָמָה֙ מִקֶּ֣רֶב הַֽמַּחֲנֶ֔ה כַּאֲשֶׁ֛ר נִשְׁבַּ֥ע יְהוָ֖ה לָהֶֽם׃

‎15 ‏וְגַ֤ם יַד־יְהוָה֙ הָ֣יְתָה בָּ֔ם לְהֻמָּ֖ם מִקֶּ֣רֶב הַֽמַּחֲנֶ֑ה עַ֖ד תֻּמָּֽם׃

‎16 ‏וַיְהִ֨י כַאֲשֶׁר־תַּ֜מּוּ כָּל־אַנְשֵׁ֧י הַמִּלְחָמָ֛ה לָמ֖וּת מִקֶּ֥רֶב הָעָֽם׃ ס

‎17 ‏וַיְדַבֵּ֥ר יְהוָ֖ה אֵלַ֥י לֵאמֹֽר׃

‎18 ‏אַתָּ֨ה עֹבֵ֥ר הַיּ֛וֹם אֶת־גְּב֥וּל מוֹאָ֖ב אֶת־עָֽר׃

‎19 ‏וְקָרַבְתָּ֗ מ֚וּל בְּנֵ֣י עַמּ֔וֹן אַל־תְּצֻרֵ֖ם וְאַל־תִּתְגָּ֣ר בָּ֑ם כִּ֣י לֹֽא־אֶ֠תֵּן מֵאֶ֨רֶץ בְּנֵי־עַמּ֤וֹן לְךָ֙ יְרֻשָּׁ֔ה כִּ֥י לִבְנֵי־ל֖וֹט נְתַתִּ֥יהָ יְרֻשָּֽׁה׃

‎20 ‏אֶֽרֶץ־רְפָאִ֥ים תֵּחָשֵׁ֖ב אַף־הִ֑וא רְפָאִ֤ים יָֽשְׁבוּ־בָהּ֙ לְפָנִ֔ים וְהָֽעַמֹּנִ֔ים יִקְרְא֥וּ לָהֶ֖ם זַמְזֻמִּֽים׃

‎21 ‏עַ֣ם גָּד֥וֹל וְרַ֛ב וָרָ֖ם כָּעֲנָקִ֑ים וַיַּשְׁמִידֵ֤ם יְהוָה֙ מִפְּנֵיהֶ֔ם וַיִּירָשֻׁ֖ם וַיֵּשְׁב֥וּ תַחְתָּֽם׃

‎22 ‏כַּאֲשֶׁ֤ר עָשָׂה֙ לִבְנֵ֣י עֵשָׂ֔ו הַיֹּשְׁבִ֖ים בְּשֵׂעִ֑יר אֲשֶׁ֨ר הִשְׁמִ֤יד אֶת־הַחֹרִי֙ מִפְּנֵיהֶ֔ם וַיִּֽירָשֻׁם֙ וַיֵּשְׁב֣וּ תַחְתָּ֔ם עַ֖ד הַיּ֥וֹם הַזֶּֽה׃

‎23 ‏וְהָֽעַוִּ֛ים הַיֹּשְׁבִ֥ים בַּחֲצֵרִ֖ים עַד־עַזָּ֑ה כַּפְתֹּרִים֙ הַיֹּצְאִ֣ים מִכַּפְתּ֔וֹר הִשְׁמִידֻ֖ם וַיֵּשְׁב֥וּ תַחְתָּֽם׃

‎24 ‏ק֣וּמוּ סְּע֗וּ וְעִבְרוּ֮ אֶת־נַ֣חַל אַרְנֹן֒ רְאֵ֣ה נָתַ֣תִּי בְ֠יָדְךָ אֶת־סִיחֹ֨ן מֶֽלֶךְ־חֶשְׁבּ֧וֹן הָֽאֱמֹרִ֛י וְאֶת־אַרְצ֖וֹ הָחֵ֣ל רָ֑שׁ וְהִתְגָּ֥ר בּ֖וֹ מִלְחָמָֽה׃

‎25 ‏הַיּ֣וֹם הַזֶּ֗ה אָחֵל֙ תֵּ֤ת פַּחְדְּךָ֙ וְיִרְאָ֣תְךָ֔ עַל־פְּנֵי֙ הָֽעַמִּ֔ים תַּ֖חַת כָּל־הַשָּׁמָ֑יִם אֲשֶׁ֤ר יִשְׁמְעוּן֙ שִׁמְעֲךָ֔ וְרָגְז֥וּ וְחָל֖וּ מִפָּנֶֽיךָ׃³

‎26 ‏וָאֶשְׁלַ֤ח מַלְאָכִים֙ מִמִּדְבַּ֣ר קְדֵמ֔וֹת אֶל־סִיח֖וֹן מֶ֣לֶךְ חֶשְׁבּ֑וֹן דִּבְרֵ֥י שָׁל֖וֹם לֵאמֹֽר׃

‎27 ‏אֶעְבְּרָ֣ה בְאַרְצֶ֔ךָ בַּדֶּ֥רֶךְ בַּדֶּ֖רֶךְ אֵלֵ֑ךְ לֹ֥א אָס֖וּר יָמִ֥ין וּשְׂמֹֽאול׃

‎28 ‏אֹ֣כֶל בַּכֶּ֤סֶף תַּשְׁבִּרֵ֙נִי֙ וְאָכַ֔לְתִּי וּמַ֛יִם בַּכֶּ֥סֶף תִּתֶּן־לִ֖י וְשָׁתִ֑יתִי רַ֖ק אֶעְבְּרָ֥ה בְרַגְלָֽי׃

‎29 ‏כַּאֲשֶׁ֨ר עָֽשׂוּ־לִ֜י בְּנֵ֣י עֵשָׂ֗ו הַיֹּֽשְׁבִים֙ בְּשֵׂעִ֔יר וְהַמּ֣וֹאָבִ֔ים הַיֹּשְׁבִ֖ים בְּעָ֑ר עַ֤ד אֲשֶֽׁר־אֶֽעֱבֹר֙ אֶת־הַיַּרְדֵּ֔ן אֶל־הָאָ֕רֶץ אֲשֶׁר־יְהוָ֥ה אֱלֹהֵ֖ינוּ נֹתֵ֥ן לָֽנוּ׃

‎30 ‏וְלֹ֣א אָבָ֗ה סִיחֹן֙ מֶ֣לֶךְ חֶשְׁבּ֔וֹן הַעֲבִרֵ֖נוּ בּ֑וֹ כִּֽי־הִקְשָׁה֩ יְהוָ֨ה אֱלֹהֶ֜יךָ אֶת־רוּח֗וֹ וְאִמֵּץ֙ אֶת־לְבָב֔וֹ לְמַ֛עַן תִּתּ֥וֹ בְיָדְךָ֖ כַּיּ֥וֹם הַזֶּֽה׃ ס

‎31 ‏וַיֹּ֤אמֶר יְהוָה֙ אֵלַ֔י רְאֵ֗ה הַֽחִלֹּ֙תִי֙ תֵּ֣ת לְפָנֶ֔יךָ אֶת־סִיחֹ֖ן וְאֶת־אַרְצ֑וֹ הָחֵ֣ל רָ֔שׁ לָרֶ֖שֶׁת אֶת־אַרְצֽוֹ׃

‎32 ‏וַיֵּצֵא֩ סִיחֹ֨ן לִקְרָאתֵ֜נוּ ה֧וּא וְכָל־עַמּ֛וֹ לַמִּלְחָמָ֖ה יָֽהְצָה׃

‎33 ‏וַֽיִּתְּנֵ֛הוּ יְהוָ֥ה אֱלֹהֵ֖ינוּ לְפָנֵ֑ינוּ וַנַּ֥ךְ אֹת֛וֹ וְאֶת־בנו בָּנָ֖יו וְאֶת־כָּל־עַמּֽוֹ׃

‎34 ‏וַנִּלְכֹּ֤ד אֶת־כָּל־עָרָיו֙ בָּעֵ֣ת הַהִ֔וא וַֽנַּחֲרֵם֙ אֶת־כָּל־עִ֣יר מְתִ֔ם וְהַנָּשִׁ֖ים וְהַטָּ֑ף לֹ֥א הִשְׁאַ֖רְנוּ שָׂרִֽיד׃

‎35 ‏רַ֥ק הַבְּהֵמָ֖ה בָּזַ֣זְנוּ לָ֑נוּ וּשְׁלַ֥ל הֶעָרִ֖ים אֲשֶׁ֥ר לָכָֽדְנוּ׃

‎36 ‏מֵֽעֲרֹעֵ֡ר אֲשֶׁר֩ עַל־שְׂפַת־נַ֨חַל אַרְנֹ֜ן וְהָעִ֨יר אֲשֶׁ֤ר בַּנַּ֙חַל֙ וְעַד־הַגִּלְעָ֔ד לֹ֤א הָֽיְתָה֙ קִרְיָ֔ה אֲשֶׁ֥ר שָׂגְבָ֖ה מִמֶּ֑נּוּ אֶת־הַכֹּ֕ל נָתַ֛ן יְהוָ֥ה אֱלֹהֵ֖ינוּ לְפָנֵֽינוּ׃

‎37 ‏רַ֛ק אֶל־אֶ֥רֶץ בְּנֵי־עַמּ֖וֹן לֹ֣א קָרָ֑בְתָּ כָּל־יַ֞ד נַ֤חַל יַבֹּק֙ וְעָרֵ֣י הָהָ֔ר וְכֹ֥ל אֲשֶׁר־צִוָּ֖ה יְהוָ֥ה אֱלֹהֵֽינוּ׃

1 wannēfen wanniss^a‘ hammiḏəbārâ dereḵə yam-sûf ka’ăšer diber yəhwâ ’ēlāy wannāsāḇ ’eṯ-har-śē‘îr yāmîm rabîm: s

2 wayyō’mer yəhwâ ’ēlay lē’mōr:

3 raḇ-lāḵem sōḇ ’eṯ-hâār hazzeh pənû lāḵem ṣāfōnâ:

4 wə’eṯ-hā‘ām ṣaw lē’mōr ’atem ‘ōḇərîm biḡəḇûl ’ăḥêḵem bənê-‘ēśāw hayyōšəḇîm bəśē‘îr wəyîrə’û mikem wənišəmarətem mə’ōḏ:

5 ’al-tiṯəgārû ḇām kî lō’-’etēn lāḵem mē’arəṣām ‘aḏ miḏəraḵə kaf-rāḡel kî-yəruššâ lə‘ēśāw nāṯatî ’eṯ-har śē‘îr:

6 ’ōḵel tišəbərû mē’itām bakesef wa’ăḵalətem wəḡam-mayim tiḵərû mē’itām bakesef ûšəṯîṯem:

7 kî yəhwâ ’ĕlōheyḵā bēraḵəḵā bəḵōl m^a‘ăśēh yāḏeḵā yāḏ^a‘ leḵətəḵā ’eṯ-hammiḏəbār hagāḏōl hazzeh zeh| ’arəbā‘îm šānâ yəhwâ ’ĕlōheyḵā ‘immāḵə lō’ ḥāsarətā dāḇār:

8 wann^a‘ăḇōr mē’ēṯ ’^aḥênû ḇənê-‘ēśāw hayyōšəḇîm bəśē‘îr midereḵə hā‘ărāḇâ mē’êlaṯ ûmē‘eṣəyōn gāḇer swannēfen wann^a‘ăḇōr dereḵə miḏəbar mwō’āḇ:

9 wayyō’mer yəhwâ ’ēlay ’el-tāṣar¹ ’eṯ-mwō’āḇ wə’al-tiṯəgār bām miləḥāmâ kî lō’-’etēn ləḵā mē’arəṣwō yəruššâ kî liḇənê-lwōṭ nāṯatî ’eṯ-‘ār yəruššâ:¹

10 hā’ēmîm ləfānîm yāšəḇû ḇāh ‘am gāḏwōl wəraḇ wārām kā‘ănāqîm:

11 rəfā’îm yēḥāšəḇû ’af-hēm kā‘ănāqîm wəhammō’āḇîm yiqərə’û lâem ’ēmîm:

12 ûḇəśē‘îr yāšəḇû h^aḥōrîm ləfānîm ûḇənê ‘ēśāw yîrāšûm wayyašəmîḏûm mipənêhem wayyēšəḇû t^aḥətām ka’ăšer ‘āśâ yiśərā’ēl lə’ereṣ yəruššāṯwō ’ăšer-nāṯan yəhwâ lâem:

13 ‘atâ qumû wə‘iḇərû lāḵem ’eṯ-n^aḥal zāreḏ wann^a‘ăḇōr ’eṯ-n^aḥal zāreḏ:

14 wəhayyāmîm ’ăšer-hālaḵənû| miqqāḏēš barənē‘a ‘aḏ ’ăšer-‘āḇarənû ’eṯ-n^aḥal zereḏ šəlōšîm ûšəmōneh šānâ ‘aḏ-tōm kāl-hadwōr ’anəšê hammiləḥāmâ miqqereḇ hamm^aḥăneh ka’ăšer nišəb^a‘ yəhwâ lâem:

15 wəḡam yaḏ-yəhwâ hāyəṯâ bām ləhummām miqqereḇ hamm^aḥăneh ‘aḏ tummām:

16 wayəhî ḵa’ăšer-tammû kāl-’anəšê hammiləḥāmâ lāmûṯ miqqereḇ hā‘ām: s

17 wayəḏabēr yəhwâ ’ēlay lē’mōr:

18 ’atâ ‘ōḇēr hayywōm ’eṯ-gəḇûl mwō’āḇ ’eṯ-‘ār:

19 wəqāraḇətā mûl bənê ‘ammwōn ’al-təṣurēm wə’al-tiṯəgār bām kî lō’-’etēn mē’ereṣ bənê-‘ammwōn ləḵā yəruššâ kî liḇənê-lwōṭ nəṯatîhā yəruššâ:

20 ’ereṣ-rəfā’îm tēḥāšēḇ ’af-hiw’ rəfā’îm yāšəḇû-ḇāh ləfānîm wəhā‘ammōnîm yiqərə’û lâem zaməzummîm:

21 ‘am gāḏwōl wəraḇ wārām kā‘ănāqîm wayyašəmîḏēm yəhwâ mipənêhem wayyîrāšum wayyēšəḇû ṯ^aḥətām:

22 ka’ăšer ‘āśâ liḇənê ‘ēśāw hayyōšəḇîm bəśē‘îr ’ăšer hišəmîḏ ’eṯ-h^aḥōrî mipənêhem wayyîrāšum wayyēšəḇû ṯ^aḥətām ‘aḏ hayywōm hazzeh:

23 wəhā‘aûîm hayyōšəḇîm b^aḥăṣērîm ‘aḏ-‘azzâ kafətōrîm hayyōṣə’îm mikafətwōr hišəmîḏum wayyēšəḇû ṯ^aḥətām:

24 qûmû ssə‘û wə‘iḇərû ’eṯ-n^aḥal ’arənōn rə’ēh nāṯatî ḇəyāḏəḵā ’eṯ-sîḥōn meleḵə-ḥešəbwōn hā’ĕmōrî wə’eṯ-’arəṣwō hāḥēl rāš wəhiṯəgār bwō miləḥāmâ:

25 hayywōm hazzeh ’āḥēl tēṯ p^aḥədəḵā wəyirə’āṯəḵā ‘al-pənê hā‘ammîm t^aḥaṯ kāl-haššāmāyim ’ăšer yišəmə‘ûn šimə‘ăḵā wərāḡəzû wəḥālû mipāneyḵā:³

26 wā’ešəl^aḥ malə’āḵîm mimmiḏəbar qəḏēmwōṯ ’el-sîḥwōn meleḵə ḥešəbwōn diḇərê šālwōm lē’mōr:

27 ’e‘əbərâ ḇə’arəṣeḵā badereḵə badereḵə ’ēlēḵə lō’ ’āsûr yāmîn ûśəmō’wl:

28 ’ōḵel bakesef tašəbirēnî wə’āḵalətî ûmayim bakesef titen-lî wəšāṯîṯî raq ’e‘əbərâ ḇəraḡəlāy:

29 ka’ăšer ‘āśû-lî bənê ‘ēśāw hayyōšəḇîm bəśē‘îr wəhammwō’āḇîm hayyōšəḇîm bə‘ār ‘aḏ ’ăšer-’e‘ĕḇōr ’eṯ-hayyarədēn ’el-hā’āreṣ ’ăšer-yəhwâ ’ĕlōhênû nōṯēn lānû:

30 wəlō’ ’āḇâ sîḥōn meleḵə ḥešəbwōn h^a‘ăḇirēnû bwō kî-hiqəšâ yəhwâ ’ĕlōheyḵā ’eṯ-rûḥwō wə’immēṣ ’eṯ-ləḇāḇwō ləm^a‘an titwō ḇəyāḏəḵā kayywōm hazzeh: s

31 wayyō’mer yəhwâ ’ēlay rə’ēh h^aḥillōṯî tēṯ ləfāneyḵā ’eṯ-sîḥōn wə’eṯ-’arəṣwō hāḥēl rāš lārešeṯ ’eṯ-’arəṣwō:

32 wayyēṣē’ sîḥōn liqərā’ṯēnû hû’ wəḵāl-‘ammwō lammiləḥāmâ yâəṣâ:

33 wayyitənēhû yəhwâ ’ĕlōhênû ləfānênû wannaḵə ’ōṯwō wə’eṯ-bənwō bānāyw wə’eṯ-kāl-‘ammwō:

34 wanniləkōḏ ’eṯ-kāl-‘ārāyw bā‘ēṯ hahiw’ wann^aḥărēm ’eṯ-kāl-‘îr məṯim wəhannāšîm wəhaṭṭāf lō’ hišə’arənû śārîḏ:

35 raq habəhēmâ bāzazənû lānû ûšəlal he‘ārîm ’ăšer lāḵāḏənû:

36 mē‘ărō‘ēr ’ăšer ‘al-śəfaṯ-n^aḥal ’arənōn wəhā‘îr ’ăšer bann^aḥal wə‘aḏ-hagilə‘āḏ lō’ hāyəṯâ qirəyâ ’ăšer śāḡəḇâ mimmennû ’eṯ-hakōl nāṯan yəhwâ ’ĕlōhênû ləfānênû:

37 raq ’el-’ereṣ bənê-‘ammwōn lō’ qārāḇətā kāl-yaḏ n^aḥal yabōq wə‘ārê hâār wəḵōl ’ăšer-ṣiûâ yəhwâ ’ĕlōhênû:

‎1 ‏וַנֵּ֣פֶן וַנַּ֔עַל דֶּ֖רֶךְ הַבָּשָׁ֑ן וַיֵּצֵ֣א עוֹג֩ מֶֽלֶךְ־הַבָּשָׁ֨ן לִקְרָאתֵ֜נוּ ה֧וּא וְכָל־עַמּ֛וֹ לַמִּלְחָמָ֖ה אֶדְרֶֽעִי׃

‎2 ‏וַיֹּ֨אמֶר יְהוָ֤ה אֵלַי֙ אַל־תִּירָ֣א אֹת֔וֹ כִּ֣י בְיָדְךָ֞ נָתַ֧תִּי אֹת֛וֹ וְאֶת־כָּל־עַמּ֖וֹ וְאֶת־אַרְצ֑וֹ וְעָשִׂ֣יתָ לּ֔וֹ כַּאֲשֶׁ֣ר עָשִׂ֗יתָ לְסִיחֹן֙ מֶ֣לֶךְ הָֽאֱמֹרִ֔י אֲשֶׁ֥ר יוֹשֵׁ֖ב בְּחֶשְׁבּֽוֹן׃

‎3 ‏וַיִּתֵּן֩ יְהוָ֨ה אֱלֹהֵ֜ינוּ בְּיָדֵ֗נוּ גַּ֛ם אֶת־ע֥וֹג מֶֽלֶךְ־הַבָּשָׁ֖ן וְאֶת־כָּל־עַמּ֑וֹ וַנַּכֵּ֕הוּ עַד־בִּלְתִּ֥י הִשְׁאִֽיר־ל֖וֹ שָׂרִֽיד׃

‎4 ‏וַנִּלְכֹּ֤ד אֶת־כָּל־עָרָיו֙ בָּעֵ֣ת הַהִ֔וא לֹ֤א הָֽיְתָה֙ קִרְיָ֔ה אֲשֶׁ֥ר לֹא־לָקַ֖חְנוּ מֵֽאִתָּ֑ם שִׁשִּׁ֥ים עִיר֙ כָּל־חֶ֣בֶל אַרְגֹּ֔ב מַמְלֶ֥כֶת ע֖וֹג בַּבָּשָֽׁן׃

‎5 ‏כָּל־אֵ֜לֶּה עָרִ֧ים בְּצֻר֛וֹת חוֹמָ֥ה גְבֹהָ֖ה דְּלָתַ֣יִם וּבְרִ֑יחַ לְבַ֛ד מֵעָרֵ֥י הַפְּרָזִ֖י הַרְבֵּ֥ה מְאֹֽד׃

‎6 ‏וַנַּחֲרֵ֣ם אוֹתָ֔ם כַּאֲשֶׁ֣ר עָשִׂ֔ינוּ לְסִיחֹ֖ן מֶ֣לֶךְ חֶשְׁבּ֑וֹן הַחֲרֵם֙ כָּל־עִ֣יר מְתִ֔ם הַנָּשִׁ֖ים וְהַטָּֽף׃

‎7 ‏וְכָל־הַבְּהֵמָ֛ה וּשְׁלַ֥ל הֶעָרִ֖ים בַּזּ֥וֹנוּ לָֽנוּ׃

‎8 ‏וַנִּקַּ֞ח בָּעֵ֤ת הַהִוא֙ אֶת־הָאָ֔רֶץ מִיַּ֗ד שְׁנֵי֙ מַלְכֵ֣י הָאֱמֹרִ֔י אֲשֶׁ֖ר בְּעֵ֣בֶר הַיַּרְדֵּ֑ן מִנַּ֥חַל אַרְנֹ֖ן עַד־הַ֥ר חֶרְמֽוֹן׃

‎9 ‏צִידֹנִ֛ים יִקְרְא֥וּ לְחֶרְמ֖וֹן שִׂרְיֹ֑ן וְהָ֣אֱמֹרִ֔י יִקְרְאוּ־ל֖וֹ שְׂנִֽיר׃

‎10 ‏כֹּ֣ל׀ עָרֵ֣י הַמִּישֹׁ֗ר וְכָל־הַגִּלְעָד֙ וְכָל־הַבָּשָׁ֔ן עַד־סַלְכָ֖ה וְאֶדְרֶ֑עִי עָרֵ֛י מַמְלֶ֥כֶת ע֖וֹג בַּבָּשָֽׁן׃

‎11 ‏כִּ֣י רַק־ע֞וֹג מֶ֣לֶךְ הַבָּשָׁ֗ן נִשְׁאַר֮ מִיֶּ֣תֶר הָרְפָאִים֒ הִנֵּ֤ה עַרְשׂוֹ֙ עֶ֣רֶשׂ בַּרְזֶ֔ל הֲלֹ֣ה הִ֔וא בְּרַבַּ֖ת בְּנֵ֣י עַמּ֑וֹן תֵּ֧שַׁע אַמּ֣וֹת אָרְכָּ֗הּ וְאַרְבַּ֥ע אַמּ֛וֹת רָחְבָּ֖הּ בְּאַמַּת־אִֽישׁ׃

‎12 ‏וְאֶת־הָאָ֧רֶץ הַזֹּ֛את יָרַ֖שְׁנוּ בָּעֵ֣ת הַהִ֑וא מֵעֲרֹעֵ֞ר אֲשֶׁר־עַל־נַ֣חַל אַרְנֹ֗ן וַחֲצִ֤י הַֽר־הַגִּלְעָד֙ וְעָרָ֔יו נָתַ֕תִּי לָרֻֽאוּבֵנִ֖י¹ וְלַגָּדִֽי׃

‎13 ‏וְיֶ֨תֶר הַגִּלְעָ֤ד וְכָל־הַבָּשָׁן֙ מַמְלֶ֣כֶת ע֔וֹג נָתַ֕תִּי לַחֲצִ֖י שֵׁ֣בֶט הַֽמְנַשֶּׁ֑ה כֹּ֣ל חֶ֤בֶל הָֽאַרְגֹּב֙ לְכָל־הַבָּשָׁ֔ן הַה֥וּא יִקָּרֵ֖א אֶ֥רֶץ רְפָאִֽים׃

‎14 ‏יָאִ֣יר בֶּן־מְנַשֶּׁ֗ה לָקַח֙ אֶת־כָּל־חֶ֣בֶל אַרְגֹּ֔ב עַד־גְּב֥וּל הַגְּשׁוּרִ֖י וְהַמַּֽעֲכָתִ֑י וַיִּקְרָא֩ אֹתָ֨ם עַל־שְׁמ֤וֹ אֶת־הַבָּשָׁן֙ חַוֹּ֣ת יָאִ֔יר עַ֖ד הַיּ֥וֹם הַזֶּֽה׃

‎15 ‏וּלְמָכִ֖יר נָתַ֥תִּי אֶת־הַגִּלְעָֽד׃

‎16 ‏וְלָרֻאוּבֵנִ֨י¹ וְלַגָּדִ֜י נָתַ֤תִּי מִן־הַגִּלְעָד֙ וְעַד־נַ֣חַל אַרְנֹ֔ן תּ֥וֹךְ הַנַּ֖חַל וּגְבֻ֑ל וְעַד֙ יַבֹּ֣ק הַנַּ֔חַל גְּב֖וּל בְּנֵ֥י עַמּֽוֹן׃

‎17 ‏וְהָֽעֲרָבָ֖ה וְהַיַּרְדֵּ֣ן וּגְבֻ֑ל מִכִּנֶּ֗רֶת וְעַ֨ד יָ֤ם הָֽעֲרָבָה֙ יָ֣ם הַמֶּ֔לַח תַּ֛חַת אַשְׁדֹּ֥ת הַפִּסְגָּ֖ה מִזְרָֽחָה׃

‎18 ‏וָאֲצַ֣ו אֶתְכֶ֔ם בָּעֵ֥ת הַהִ֖וא לֵאמֹ֑ר יְהוָ֣ה אֱלֹהֵיכֶ֗ם נָתַ֨ן לָכֶ֜ם אֶת־הָאָ֤רֶץ הַזֹּאת֙ לְרִשְׁתָּ֔הּ חֲלוּצִ֣ים תַּֽעַבְר֗וּ לִפְנֵ֛י אֲחֵיכֶ֥ם בְּנֵֽי־יִשְׂרָאֵ֖ל כָּל־בְּנֵי־חָֽיִל׃

‎19 ‏רַ֠ק נְשֵׁיכֶ֣ם וְטַפְּכֶם֮ וּמִקְנֵכֶם֒ יָדַ֕עְתִּי כִּֽי־מִקְנֶ֥ה רַ֖ב לָכֶ֑ם יֵֽשְׁבוּ֙ בְּעָ֣רֵיכֶ֔ם אֲשֶׁ֥ר נָתַ֖תִּי לָכֶֽם׃

‎20 ‏עַ֠ד אֲשֶׁר־יָנִ֨יחַ יְהוָ֥ה׀ לַֽאֲחֵיכֶם֮ כָּכֶם֒ וְיָרְשׁ֣וּ גַם־הֵ֔ם אֶת־הָאָ֕רֶץ אֲשֶׁ֨ר יְהוָ֧ה אֱלֹהֵיכֶ֛ם נֹתֵ֥ן לָהֶ֖ם בְּעֵ֣בֶר הַיַּרְדֵּ֑ן וְשַׁבְתֶּ֗ם אִ֚ישׁ לִֽירֻשָּׁת֔וֹ אֲשֶׁ֥ר נָתַ֖תִּי לָכֶֽם׃

‎21 ‏וְאֶת־יְהוֹשׁ֣וּעַ צִוֵּ֔יתִי בָּעֵ֥ת הַהִ֖וא לֵאמֹ֑ר עֵינֶ֣יךָ הָרֹאֹ֗ת אֵת֩ כָּל־אֲשֶׁ֨ר עָשָׂ֜ה יְהוָ֤ה אֱלֹהֵיכֶם֙ לִשְׁנֵי֙ הַמְּלָכִ֣ים הָאֵ֔לֶּה כֵּֽן־יַעֲשֶׂ֤ה יְהוָה֙ לְכָל־הַמַּמְלָכ֔וֹת אֲשֶׁ֥ר אַתָּ֖ה עֹבֵ֥ר שָֽׁמָּה׃

‎22 ‏לֹ֖א תִּֽירָא֑וּם כִּ֚י יְהוָ֣ה אֱלֹֽהֵיכֶ֔ם ה֖וּא הַנִּלְחָ֥ם לָכֶֽם׃ ס

‎23 ‏וָאֶתְחַנַּ֖ן אֶל־יְהוָ֑ה בָּעֵ֥ת הַהִ֖וא לֵאמֹֽר׃

‎24 ‏אֲדֹנָ֣י יְהוִ֗ה אַתָּ֤ה הַֽחִלּ֙וֹתָ֙ לְהַרְא֣וֹת אֶֽת־עַבְדְּךָ֔ אֶ֨ת־גָּדְלְךָ֔ וְאֶת־יָדְךָ֖ הַחֲזָקָ֑ה אֲשֶׁ֤ר מִי־אֵל֙ בַּשָּׁמַ֣יִם וּבָאָ֔רֶץ אֲשֶׁר־יַעֲשֶׂ֥ה כְמַעֲשֶׂ֖יךָ וְכִגְבוּרֹתֶֽךָ׃

‎25 ‏אֶעְבְּרָה־נָּ֗א וְאֶרְאֶה֙ אֶת־הָאָ֣רֶץ הַטּוֹבָ֔ה אֲשֶׁ֖ר בְּעֵ֣בֶר הַיַּרְדֵּ֑ן הָהָ֥ר הַטּ֛וֹב הַזֶּ֖ה וְהַלְּבָנֽוֹן׃

‎26 ‏וַיִּתְעַבֵּ֨ר יְהוָ֥ה בִּי֙ לְמַ֣עַנְכֶ֔ם וְלֹ֥א שָׁמַ֖ע אֵלָ֑י וַיֹּ֨אמֶר יְהוָ֤ה אֵלַי֙ רַב־לָ֔ךְ אַל־תּ֗וֹסֶף דַּבֵּ֥ר אֵלַ֛י ע֖וֹד בַּדָּבָ֥ר הַזֶּֽה׃

‎27 ‏עֲלֵ֣ה׀ רֹ֣אשׁ הַפִּסְגָּ֗ה וְשָׂ֥א עֵינֶ֛יךָ יָ֧מָּה וְצָפֹ֛נָה וְתֵימָ֥נָה וּמִזְרָ֖חָה וּרְאֵ֣ה בְעֵינֶ֑יךָ כִּי־לֹ֥א תַעֲבֹ֖ר אֶת־הַיַּרְדֵּ֥ן הַזֶּֽה׃

‎28 ‏וְצַ֥ו אֶת־יְהוֹשֻׁ֖עַ וְחַזְּקֵ֣הוּ וְאַמְּצֵ֑הוּ כִּי־ה֣וּא יַעֲבֹ֗ר לִפְנֵי֙ הָעָ֣ם הַזֶּ֔ה וְהוּא֙ יַנְחִ֣יל אוֹתָ֔ם אֶת־הָאָ֖רֶץ אֲשֶׁ֥ר תִּרְאֶֽה׃

‎29 ‏וַנֵּ֣שֶׁב בַּגָּ֔יְא מ֖וּל בֵּ֥ית פְּעֽוֹר׃ פ

1 wannēfen wann^a‘al dereḵə habāšān wayyēṣē’ ‘wōḡ meleḵə-habāšān liqərā’ṯēnû hû’ wəḵāl-‘ammwō lammiləḥāmâ ’eḏəre‘î:

2 wayyō’mer yəhwâ ’ēlay ’al-tîrā’ ’ōṯwō kî ḇəyāḏəḵā nāṯatî ’ōṯwō wə’eṯ-kāl-‘ammwō wə’eṯ-’arəṣwō wə‘āśîṯā llwō ka’ăšer ‘āśîṯā ləsîḥōn meleḵə hā’ĕmōrî ’ăšer ywōšēḇ bəḥešəbwōn:

3 wayyitēn yəhwâ ’ĕlōhênû bəyāḏēnû gam ’eṯ-‘wōḡ meleḵə-habāšān wə’eṯ-kāl-‘ammwō wannakēhû ‘aḏ-bilətî hišə’îr-lwō śārîḏ:

4 wanniləkōḏ ’eṯ-kāl-‘ārāyw bā‘ēṯ hahiw’ lō’ hāyəṯâ qirəyâ ’ăšer lō’-lāq^aḥənû mē’itām šiššîm ‘îr kāl-ḥeḇel ’arəgōḇ maməleḵeṯ ‘wōḡ babāšān:

5 kāl-’ēlleh ‘ārîm bəṣurwōṯ ḥwōmâ ḡəḇōhâ dəlāṯayim ûḇərîḥa ləḇaḏ mē‘ārê hapərāzî harəbēh mə’ōḏ:

6 wann^aḥărēm ’wōṯām ka’ăšer ‘āśînû ləsîḥōn meleḵə ḥešəbwōn h^aḥărēm kāl-‘îr məṯim hannāšîm wəhaṭṭāf:

7 wəḵāl-habəhēmâ ûšəlal he‘ārîm bazzwōnû lānû:

8 wanniqq^aḥ bā‘ēṯ hahiw’ ’eṯ-hā’āreṣ mîyaḏ šənê maləḵê hā’ĕmōrî ’ăšer bə‘ēḇer hayyarədēn minn^aḥal ’arənōn ‘aḏ-har ḥerəmwōn:

9 ṣîḏōnîm yiqərə’û ləḥerəmwōn śirəyōn wəhā’ĕmōrî yiqərə’û-lwō śənîr:

10 kōl| ‘ārê hammîšōr wəḵāl-hagilə‘āḏ wəḵāl-habāšān ‘aḏ-saləḵâ wə’eḏəre‘î ‘ārê maməleḵeṯ ‘wōḡ babāšān:

11 kî raq-‘wōḡ meleḵə habāšān nišə’ar mîyeṯer hārəfā’îm hinnēh ‘arəśwō ‘ereś barəzel hălōh hiw’ bərabaṯ bənê ‘ammwōn tēš^a‘ ’ammwōṯ ’ārəkāh wə’arəb^a‘ ’ammwōṯ rāḥəbāh bə’ammaṯ-’îš:

12 wə’eṯ-hā’āreṣ hazzō’ṯ yārašənû bā‘ēṯ hahiw’ mē‘ărō‘ēr ’ăšer-‘al-n^aḥal ’arənōn w^aḥăṣî har-hagilə‘āḏ wə‘ārāyw nāṯatî lāru’ûḇēnî¹ wəlagāḏî:

13 wəyeṯer hagilə‘āḏ wəḵāl-habāšān maməleḵeṯ ‘wōḡ nāṯatî l^aḥăṣî šēḇeṭ hamənaššeh kōl ḥeḇel hā’arəgōḇ ləḵāl-habāšān hahû’ yiqqārē’ ’ereṣ rəfā’îm:

14 yā’îr ben-mənaššeh lāq^aḥ ’eṯ-kāl-ḥeḇel ’arəgōḇ ‘aḏ-gəḇûl hagəšûrî wəhamm^a‘ăḵāṯî wayyiqərā’ ’ōṯām ‘al-šəmwō ’eṯ-habāšān ḥaûōṯ yā’îr ‘aḏ hayywōm hazzeh:

15 ûləmāḵîr nāṯatî ’eṯ-hagilə‘āḏ:

16 wəlāru’ûḇēnî¹ wəlagāḏî nāṯatî min-hagilə‘āḏ wə‘aḏ-n^aḥal ’arənōn twōḵə hann^aḥal ûḡəḇul wə‘aḏ yabōq hann^aḥal gəḇûl bənê ‘ammwōn:

17 wəhā‘ărāḇâ wəhayyarədēn ûḡəḇul mikinnereṯ wə‘aḏ yām hā‘ărāḇâ yām hammel^aḥ t^aḥaṯ ’ašədōṯ hapisəgâ mizərāḥâ:

18 wā’ăṣaw ’eṯəḵem bā‘ēṯ hahiw’ lē’mōr yəhwâ ’ĕlōhêḵem nāṯan lāḵem ’eṯ-hā’āreṣ hazzō’ṯ lərišətāh ḥălûṣîm t^a‘aḇərû lifənê ’ăḥêḵem bənê-yiśərā’ēl kāl-bənê-ḥāyil:

19 raq nəšêḵem wəṭapəḵem ûmiqənēḵem yāḏ^a‘ətî kî-miqəneh raḇ lāḵem yēšəḇû bə‘ārêḵem ’ăšer nāṯatî lāḵem:

20 ‘aḏ ’ăšer-yānîḥa yəhwâ| la’ăḥêḵem kāḵem wəyārəšû ḡam-hēm ’eṯ-hā’āreṣ ’ăšer yəhwâ ’ĕlōhêḵem nōṯēn lâem bə‘ēḇer hayyarədēn wəšaḇətem ’îš lîruššāṯwō ’ăšer nāṯatî lāḵem:

21 wə’eṯ-yəhwōšû‘a ṣiûêṯî bā‘ēṯ hahiw’ lē’mōr ‘êneyḵā hārō’ōṯ ’ēṯ kāl-’ăšer ‘āśâ yəhwâ ’ĕlōhêḵem lišənê hamməlāḵîm hā’ēlleh kēn-y^a‘ăśeh yəhwâ ləḵāl-hammaməlāḵwōṯ ’ăšer ’atâ ‘ōḇēr šāmmâ:

22 lō’ tîrā’ûm kî yəhwâ ’ĕlōhêḵem hû’ hanniləḥām lāḵem: s

23 wā’eṯəḥannan ’el-yəhwâ bā‘ēṯ hahiw’ lē’mōr:

24 ’ăḏōnāy yəhwih ’atâ h^aḥillwōṯā ləharə’wōṯ ’eṯ-‘aḇədəḵā ’eṯ-gāḏələḵā wə’eṯ-yāḏəḵā h^aḥăzāqâ ’ăšer mî-’ēl baššāmayim ûḇā’āreṣ ’ăšer-y^a‘ăśeh ḵəm^a‘ăśeyḵā wəḵiḡəḇûrōṯeḵā:

25 ’e‘əbərâ-nnā’ wə’erə’eh ’eṯ-hā’āreṣ haṭṭwōḇâ ’ăšer bə‘ēḇer hayyarədēn hâār haṭṭwōḇ hazzeh wəhalləḇānwōn:

26 wayyiṯə‘abēr yəhwâ bî ləm^a‘anəḵem wəlō’ šām^a‘ ’ēlāy wayyō’mer yəhwâ ’ēlay raḇ-lāḵə ’al-twōsef dabēr ’ēlay ‘wōḏ badāḇār hazzeh:

27 ‘ălēh| rō’š hapisəgâ wəśā’ ‘êneyḵā yāmmâ wəṣāfōnâ wəṯêmānâ ûmizərāḥâ ûrə’ēh ḇə‘êneyḵā kî-lō’ ṯ^a‘ăḇōr ’eṯ-hayyarədēn hazzeh:

28 wəṣaw ’eṯ-yəhwōšu‘a wəḥazzəqēhû wə’amməṣēhû kî-hû’ y^a‘ăḇōr lifənê hā‘ām hazzeh wəhû’ yanəḥîl ’wōṯām ’eṯ-hā’āreṣ ’ăšer tirə’eh:

29 wannēšeḇ bagāyə’ mûl bêṯ pə‘wōr: f

‎1 ‏וְעַתָּ֣ה יִשְׂרָאֵ֗ל שְׁמַ֤ע אֶל־הַֽחֻקִּים֙ וְאֶל־הַמִּשְׁפָּטִ֔ים אֲשֶׁ֧ר אָֽנֹכִ֛י מְלַמֵּ֥ד אֶתְכֶ֖ם לַעֲשׂ֑וֹת לְמַ֣עַן תִּֽחְי֗וּ וּבָאתֶם֙ וִֽירִשְׁתֶּ֣ם אֶת־הָאָ֔רֶץ אֲשֶׁ֧ר יְהוָ֛ה אֱלֹהֵ֥י אֲבֹתֵיכֶ֖ם נֹתֵ֥ן לָכֶֽם׃

‎2 ‏לֹ֣א תֹסִ֗פוּ עַל־הַדָּבָר֙ אֲשֶׁ֤ר אָנֹכִי֙ מְצַוֶּ֣ה אֶתְכֶ֔ם וְלֹ֥א תִגְרְע֖וּ מִמֶּ֑נּוּ לִשְׁמֹ֗ר אֶת־מִצְוֹת֙ יְהוָ֣ה אֱלֹֽהֵיכֶ֔ם אֲשֶׁ֥ר אָנֹכִ֖י מְצַוֶּ֥ה אֶתְכֶֽם׃

‎3 ‏עֵֽינֵיכֶם֙ הָֽרֹאֹ֔ת אֵ֛ת אֲשֶׁר־עָשָׂ֥ה יְהוָ֖ה בְּבַ֣עַל פְּע֑וֹר כִּ֣י כָל־הָאִ֗ישׁ אֲשֶׁ֤ר הָלַךְ֙ אַחֲרֵ֣י בַֽעַל־פְּע֔וֹר הִשְׁמִיד֛וֹ יְהוָ֥ה אֱלֹהֶ֖יךָ מִקִּרְבֶּֽךָ׃

‎4 ‏וְאַתֶּם֙ הַדְּבֵקִ֔ים בַּיהוָ֖ה אֱלֹהֵיכֶ֑ם חַיִּ֥ים כֻּלְּכֶ֖ם הַיּֽוֹם׃

‎5 ‏רְאֵ֣ה׀ לִמַּ֣דְתִּי אֶתְכֶ֗ם חֻקִּים֙ וּמִשְׁפָּטִ֔ים כַּאֲשֶׁ֥ר צִוַּ֖נִי יְהוָ֣ה אֱלֹהָ֑י לַעֲשׂ֣וֹת כֵּ֔ן בְּקֶ֣רֶב הָאָ֔רֶץ אֲשֶׁ֥ר אַתֶּ֛ם בָּאִ֥ים שָׁ֖מָּה לְרִשְׁתָּֽהּ׃

‎6 ‏וּשְׁמַרְתֶּם֮ וַעֲשִׂיתֶם֒ כִּ֣י הִ֤וא חָכְמַתְכֶם֙ וּבִ֣ינַתְכֶ֔ם לְעֵינֵ֖י הָעַמִּ֑ים אֲשֶׁ֣ר יִשְׁמְע֗וּן אֵ֚ת כָּל־הַחֻקִּ֣ים הָאֵ֔לֶּה וְאָמְר֗וּ רַ֚ק עַם־חָכָ֣ם וְנָב֔וֹן הַגּ֥וֹי הַגָּד֖וֹל הַזֶּֽה׃

‎7 ‏כִּ֚י מִי־ג֣וֹי גָּד֔וֹל אֲשֶׁר־ל֥וֹ אֱלֹהִ֖ים קְרֹבִ֣ים אֵלָ֑יו כַּיהוָ֣ה אֱלֹהֵ֔ינוּ בְּכָל־קָרְאֵ֖נוּ אֵלָֽיו׃

‎8 ‏וּמִי֙ גּ֣וֹי גָּד֔וֹל אֲשֶׁר־ל֛וֹ חֻקִּ֥ים וּמִשְׁפָּטִ֖ים צַדִּיקִ֑ם כְּכֹל֙ הַתּוֹרָ֣ה הַזֹּ֔את אֲשֶׁ֧ר אָנֹכִ֛י נֹתֵ֥ן לִפְנֵיכֶ֖ם הַיּֽוֹם׃

‎9 ‏רַ֡ק הִשָּׁ֣מֶר לְךָ֩ וּשְׁמֹ֨ר נַפְשְׁךָ֜ מְאֹ֗ד פֶּן־תִּשְׁכַּ֨ח אֶת־הַדְּבָרִ֜ים אֲשֶׁר־רָא֣וּ עֵינֶ֗יךָ וּפֶן־יָס֙וּרוּ֙ מִלְּבָ֣בְךָ֔ כֹּ֖ל יְמֵ֣י חַיֶּ֑יךָ וְהוֹדַעְתָּ֥ם לְבָנֶ֖יךָ וְלִבְנֵ֥י בָנֶֽיךָ׃

‎10 ‏י֗וֹם אֲשֶׁ֨ר עָמַ֜דְתָּ לִפְנֵ֨י יְהוָ֣ה אֱלֹהֶיךָ֮ בְּחֹרֵב֒ בֶּאֱמֹ֨ר יְהוָ֜ה אֵלַ֗י הַקְהֶל־לִי֙ אֶת־הָעָ֔ם וְאַשְׁמִעֵ֖ם אֶת־דְּבָרָ֑י אֲשֶׁ֨ר יִלְמְד֜וּן לְיִרְאָ֣ה אֹתִ֗י כָּל־הַיָּמִים֙ אֲשֶׁ֨ר הֵ֤ם חַיִּים֙ עַל־הָ֣אֲדָמָ֔ה וְאֶת־בְּנֵיהֶ֖ם יְלַמֵּדֽוּן׃

‎11 ‏וַתִּקְרְב֥וּן וַתַּֽעַמְד֖וּן תַּ֣חַת הָהָ֑ר וְהָהָ֞ר בֹּעֵ֤ר בָּאֵשׁ֙ עַד־לֵ֣ב הַשָּׁמַ֔יִם חֹ֖שֶׁךְ עָנָ֥ן וַעֲרָפֶֽל׃

‎12 ‏וַיְדַבֵּ֧ר יְהוָ֛ה אֲלֵיכֶ֖ם מִתּ֣וֹךְ הָאֵ֑שׁ ק֤וֹל דְּבָרִים֙ אַתֶּ֣ם שֹׁמְעִ֔ים וּתְמוּנָ֛ה אֵינְכֶ֥ם רֹאִ֖ים זוּלָתִ֥י קֽוֹל׃

‎13 ‏וַיַּגֵּ֨ד לָכֶ֜ם אֶת־בְּרִית֗וֹ אֲשֶׁ֨ר צִוָּ֤ה אֶתְכֶם֙ לַעֲשׂ֔וֹת עֲשֶׂ֖רֶת הַדְּבָרִ֑ים וַֽיִּכְתְּבֵ֔ם עַל־שְׁנֵ֖י לֻח֥וֹת אֲבָנִֽים׃

‎14 ‏וְאֹתִ֞י צִוָּ֤ה יְהוָה֙ בָּעֵ֣ת הַהִ֔וא לְלַמֵּ֣ד אֶתְכֶ֔ם חֻקִּ֖ים וּמִשְׁפָּטִ֑ים לַעֲשֹׂתְכֶ֣ם אֹתָ֔ם בָּאָ֕רֶץ אֲשֶׁ֥ר אַתֶּ֛ם עֹבְרִ֥ים שָׁ֖מָּה לְרִשְׁתָּֽהּ׃

‎15 ‏וְנִשְׁמַרְתֶּ֥ם מְאֹ֖ד לְנַפְשֹׁתֵיכֶ֑ם כִּ֣י לֹ֤א רְאִיתֶם֙ כָּל־תְּמוּנָ֔ה בְּי֗וֹם דִּבֶּ֨ר יְהוָ֧ה אֲלֵיכֶ֛ם בְּחֹרֵ֖ב מִתּ֥וֹךְ הָאֵֽשׁ׃

‎16 ‏פֶּ֨ן־תַּשְׁחִת֔וּן וַעֲשִׂיתֶ֥ם לָכֶ֛ם פֶּ֖סֶל תְּמוּנַ֣ת כָּל־סָ֑מֶל תַּבְנִ֥ית זָכָ֖ר א֥וֹ נְקֵבָֽה׃

‎17 ‏תַּבְנִ֕ית כָּל־בְּהֵמָ֖ה אֲשֶׁ֣ר בָּאָ֑רֶץ תַּבְנִית֙ כָּל־צִפּ֣וֹר כָּנָ֔ף אֲשֶׁ֥ר תָּע֖וּף בַּשָּׁמָֽיִם׃

‎18 ‏תַּבְנִ֕ית כָּל־רֹמֵ֖שׂ בָּאֲדָמָ֑ה תַּבְנִ֛ית כָּל־דָּגָ֥ה אֲשֶׁר־בַּמַּ֖יִם מִתַּ֥חַת לָאָֽרֶץ׃

‎19 ‏וּפֶן־תִּשָּׂ֨א עֵינֶ֜יךָ הַשָּׁמַ֗יְמָה וְֽ֠רָאִיתָ אֶת־הַשֶּׁ֨מֶשׁ וְאֶת־הַיָּרֵ֜חַ וְאֶת־הַכּֽוֹכָבִ֗ים כֹּ֚ל צְבָ֣א הַשָּׁמַ֔יִם וְנִדַּחְתָּ֛ וְהִשְׁתַּחֲוִ֥יתָ לָהֶ֖ם וַעֲבַדְתָּ֑ם אֲשֶׁ֨ר חָלַ֜ק יְהוָ֤ה אֱלֹהֶ֙יךָ֙ אֹתָ֔ם לְכֹל֙ הָֽעַמִּ֔ים תַּ֖חַת כָּל־הַשָּׁמָֽיִם׃

‎20 ‏וְאֶתְכֶם֙ לָקַ֣ח יְהוָ֔ה וַיּוֹצִ֥א אֶתְכֶ֛ם מִכּ֥וּר הַבַּרְזֶ֖ל מִמִּצְרָ֑יִם לִהְי֥וֹת ל֛וֹ לְעַ֥ם נַחֲלָ֖ה כַּיּ֥וֹם הַזֶּֽה׃

‎21 ‏וַֽיהוָ֥ה הִתְאַנֶּף־בִּ֖י עַל־דִּבְרֵיכֶ֑ם וַיִּשָּׁבַ֗ע לְבִלְתִּ֤י עָבְרִי֙ אֶת־הַיַּרְדֵּ֔ן וּלְבִלְתִּי־בֹא֙ אֶל־הָאָ֣רֶץ הַטּוֹבָ֔ה אֲשֶׁר֙ יְהוָ֣ה אֱלֹהֶ֔יךָ נֹתֵ֥ן לְךָ֖ נַחֲלָֽה׃

‎22 ‏כִּ֣י אָנֹכִ֥י מֵת֙ בָּאָ֣רֶץ הַזֹּ֔את אֵינֶ֥נִּי עֹבֵ֖ר אֶת־הַיַּרְדֵּ֑ן וְאַתֶּם֙ עֹֽבְרִ֔ים וִֽירִשְׁתֶּ֕ם אֶת־הָאָ֥רֶץ הַטּוֹבָ֖ה הַזֹּֽאת׃

‎23 ‏הִשָּׁמְר֣וּ לָכֶ֗ם פֶּֽן־תִּשְׁכְּחוּ֙ אֶת־בְּרִ֤ית יְהוָה֙ אֱלֹ֣הֵיכֶ֔ם אֲשֶׁ֥ר כָּרַ֖ת עִמָּכֶ֑ם וַעֲשִׂיתֶ֨ם לָכֶ֥ם פֶּ֙סֶל֙ תְּמ֣וּנַת כֹּ֔ל אֲשֶׁ֥ר צִוְּךָ֖ יְהוָ֥ה אֱלֹהֶֽיךָ׃

‎24 ‏כִּ֚י יְהוָ֣ה אֱלֹהֶ֔יךָ אֵ֥שׁ אֹכְלָ֖ה ה֑וּא אֵ֖ל קַנָּֽא׃ פ

‎25 ‏כִּֽי־תוֹלִ֤יד בָּנִים֙ וּבְנֵ֣י בָנִ֔ים וְנוֹשַׁנְתֶּ֖ם בָּאָ֑רֶץ וְהִשְׁחַתֶּ֗ם וַעֲשִׂ֤יתֶם פֶּ֙סֶל֙ תְּמ֣וּנַת כֹּ֔ל וַעֲשִׂיתֶ֥ם הָרַ֛ע בְּעֵינֵ֥י יְהוָֽה־אֱלֹהֶ֖יךָ לְהַכְעִיסֽוֹ׃

‎26 ‏הַעִידֹתִי֩ בָכֶ֨ם הַיּ֜וֹם אֶת־הַשָּׁמַ֣יִם וְאֶת־הָאָ֗רֶץ כִּֽי־אָבֹ֣ד תֹּאבֵדוּן֮ מַהֵר֒ מֵעַ֣ל הָאָ֔רֶץ אֲשֶׁ֨ר אַתֶּ֜ם עֹבְרִ֧ים אֶת־הַיַּרְדֵּ֛ן שָׁ֖מָּה לְרִשְׁתָּ֑הּ לֹֽא־תַאֲרִיכֻ֤ן יָמִים֙ עָלֶ֔יהָ כִּ֥י הִשָּׁמֵ֖ד תִּשָּׁמֵדֽוּן׃

‎27 ‏וְהֵפִ֧יץ יְהוָ֛ה אֶתְכֶ֖ם בָּעַמִּ֑ים וְנִשְׁאַרְתֶּם֙ מְתֵ֣י מִסְפָּ֔ר בַּגּוֹיִ֕ם אֲשֶׁ֨ר יְנַהֵ֧ג יְהוָ֛ה אֶתְכֶ֖ם שָֽׁמָּה׃

‎28 ‏וַעֲבַדְתֶּם־שָׁ֣ם אֱלֹהִ֔ים מַעֲשֵׂ֖ה יְדֵ֣י אָדָ֑ם עֵ֣ץ וָאֶ֔בֶן אֲשֶׁ֤ר לֹֽא־יִרְאוּן֙ וְלֹ֣א יִשְׁמְע֔וּן וְלֹ֥א יֹֽאכְל֖וּן וְלֹ֥א יְרִיחֻֽן׃

‎29 ‏וּבִקַּשְׁתֶּ֥ם מִשָּׁ֛ם אֶת־יְהוָ֥ה אֱלֹהֶ֖יךָ וּמָצָ֑אתָ כִּ֣י תִדְרְשֶׁ֔נּוּ בְּכָל־לְבָבְךָ֖ וּבְכָל־נַפְשֶֽׁךָ׃

‎30 ‏בַּצַּ֣ר לְךָ֔ וּמְצָא֕וּךָ כֹּ֖ל הַדְּבָרִ֣ים הָאֵ֑לֶּה בְּאַחֲרִית֙ הַיָּמִ֔ים וְשַׁבְתָּ֙ עַד־יְהוָ֣ה אֱלֹהֶ֔יךָ וְשָׁמַעְתָּ֖ בְּקֹלֽוֹ׃

‎31 ‏כִּ֣י אֵ֤ל רַחוּם֙ יְהוָ֣ה אֱלֹהֶ֔יךָ לֹ֥א יַרְפְּךָ֖ וְלֹ֣א יַשְׁחִיתֶ֑ךָ וְלֹ֤א יִשְׁכַּח֙ אֶת־בְּרִ֣ית אֲבֹתֶ֔יךָ אֲשֶׁ֥ר נִשְׁבַּ֖ע לָהֶֽם׃

‎32 ‏כִּ֣י שְׁאַל־נָא֩ לְיָמִ֨ים רִֽאשֹׁנִ֜ים אֲשֶׁר־הָי֣וּ לְפָנֶ֗יךָ לְמִן־הַיּוֹם֙ אֲשֶׁר֩ בָּרָ֨א אֱלֹהִ֤ים׀ אָדָם֙ עַל־הָאָ֔רֶץ וּלְמִקְצֵ֥ה הַשָּׁמַ֖יִם וְעַד־קְצֵ֣ה הַשָּׁמָ֑יִם הֲנִֽהְיָ֗ה כַּדָּבָ֤ר הַגָּדוֹל֙ הַזֶּ֔ה א֖וֹ הֲנִשְׁמַ֥ע כָּמֹֽהוּ׃

‎33 ‏הֲשָׁ֣מַֽע עָם֩ ק֨וֹל אֱלֹהִ֜ים מְדַבֵּ֧ר מִתּוֹךְ־הָאֵ֛שׁ כַּאֲשֶׁר־שָׁמַ֥עְתָּ אַתָּ֖ה וַיֶּֽחִי׃

‎34 ‏א֣וֹ׀ הֲנִסָּ֣ה אֱלֹהִ֗ים לָ֠בוֹא לָקַ֨חַת ל֣וֹ גוֹי֮ מִקֶּ֣רֶב גּוֹי֒ בְּמַסֹּת֩ בְּאֹתֹ֨ת וּבְמוֹפְתִ֜ים וּבְמִלְחָמָ֗ה וּבְיָ֤ד חֲזָקָה֙ וּבִזְר֣וֹעַ נְטוּיָ֔ה וּבְמוֹרָאִ֖ים גְּדֹלִ֑ים כְּ֠כֹל אֲשֶׁר־עָשָׂ֨ה לָכֶ֜ם יְהוָ֧ה אֱלֹהֵיכֶ֛ם בְּמִצְרַ֖יִם לְעֵינֶֽיךָ׃

‎35 ‏אַתָּה֙ הָרְאֵ֣תָ לָדַ֔עַת כִּ֥י יְהוָ֖ה ה֣וּא הָאֱלֹהִ֑ים אֵ֥ין ע֖וֹד מִלְבַדּֽוֹ׃

‎36 ‏מִן־הַשָּׁמַ֛יִם הִשְׁמִֽיעֲךָ֥ אֶת־קֹל֖וֹ לְיַסְּרֶ֑ךָּ וְעַל־הָאָ֗רֶץ הֶרְאֲךָ֙ אֶת־אִשּׁ֣וֹ הַגְּדוֹלָ֔ה וּדְבָרָ֥יו שָׁמַ֖עְתָּ מִתּ֥וֹךְ הָאֵֽשׁ׃

‎37 ‏וְתַ֗חַת כִּ֤י אָהַב֙ אֶת־אֲבֹתֶ֔יךָ וַיִּבְחַ֥ר בְּזַרְע֖וֹ אַחֲרָ֑יו וַיּוֹצִֽאֲךָ֧ בְּפָנָ֛יו בְּכֹח֥וֹ הַגָּדֹ֖ל מִמִּצְרָֽיִם׃

‎38 ‏לְהוֹרִ֗ישׁ גּוֹיִ֛ם גְּדֹלִ֧ים וַעֲצֻמִ֛ים מִמְּךָ֖ מִפָּנֶ֑יךָ לַהֲבִֽיאֲךָ֗ לָֽתֶת־לְךָ֧ אֶת־אַרְצָ֛ם נַחֲלָ֖ה כַּיּ֥וֹם הַזֶּֽה׃

‎39 ‏וְיָדַעְתָּ֣ הַיּ֗וֹם וַהֲשֵׁבֹתָ֮ אֶל־לְבָבֶךָ֒ כִּ֤י יְהוָה֙ ה֣וּא הָֽאֱלֹהִ֔ים בַּשָּׁמַ֣יִם מִמַּ֔עַל וְעַל־הָאָ֖רֶץ מִתָּ֑חַת אֵ֖ין עֽוֹד׃

‎40 ‏וְשָׁמַרְתָּ֞ אֶת־חֻקָּ֣יו וְאֶת־מִצְוֹתָ֗יו אֲשֶׁ֨ר אָנֹכִ֤י מְצַוְּךָ֙ הַיּ֔וֹם אֲשֶׁר֙ יִיטַ֣ב לְךָ֔ וּלְבָנֶ֖יךָ אַחֲרֶ֑יךָ וּלְמַ֨עַן תַּאֲרִ֤יךְ יָמִים֙ עַל־הָ֣אֲדָמָ֔ה אֲשֶׁ֨ר יְהוָ֧ה אֱלֹהֶ֛יךָ נֹתֵ֥ן לְךָ֖ כָּל־הַיָּמִֽים׃ פ

‎41 ‏אָ֣ז יַבְדִּ֤יל מֹשֶׁה֙ שָׁלֹ֣שׁ עָרִ֔ים בְּעֵ֖בֶר הַיַּרְדֵּ֑ן מִזְרְחָ֖ה שָֽׁמֶשׁ׃

‎42 ‏לָנֻ֨ס שָׁ֜מָּה רוֹצֵ֗חַ אֲשֶׁ֨ר יִרְצַ֤ח אֶת־רֵעֵ֙הוּ֙ בִּבְלִי־דַ֔עַת וְה֛וּא לֹא־שֹׂנֵ֥א ל֖וֹ מִתְּמ֣וֹל שִׁלְשׁ֑וֹם וְנָ֗ס אֶל־אַחַ֛ת מִן־הֶעָרִ֥ים הָאֵ֖ל וָחָֽי׃

‎43 ‏אֶת־בֶּ֧צֶר בַּמִּדְבָּ֛ר בְּאֶ֥רֶץ הַמִּישֹׁ֖ר לָרֻֽאוּבֵנִ֑י¹ וְאֶת־רָאמֹ֤ת בַּגִּלְעָד֙ לַגָּדִ֔י וְאֶת־גּוֹלָ֥ן בַּבָּשָׁ֖ן לַֽמְנַשִּֽׁי׃

‎44 ‏וְזֹ֖את הַתּוֹרָ֑ה אֲשֶׁר־שָׂ֣ם מֹשֶׁ֔ה לִפְנֵ֖י בְּנֵ֥י יִשְׂרָאֵֽל׃

‎45 ‏אֵ֚לֶּה הָֽעֵדֹ֔ת וְהַֽחֻקִּ֖ים וְהַמִּשְׁפָּטִ֑ים אֲשֶׁ֨ר דִּבֶּ֤ר מֹשֶׁה֙ אֶל־בְּנֵ֣י יִשְׂרָאֵ֔ל בְּצֵאתָ֖ם מִמִּצְרָֽיִם׃

‎46 ‏בְּעֵ֨בֶר הַיַּרְדֵּ֜ן בַּגַּ֗יְא מ֚וּל בֵּ֣ית פְּע֔וֹר בְּאֶ֗רֶץ סִיחֹן֙ מֶ֣לֶךְ הָֽאֱמֹרִ֔י אֲשֶׁ֥ר יוֹשֵׁ֖ב בְּחֶשְׁבּ֑וֹן אֲשֶׁ֨ר הִכָּ֤ה מֹשֶׁה֙ וּבְנֵֽי יִשְׂרָאֵ֔ל בְּצֵאתָ֖ם מִמִּצְרָֽיִם׃

‎47 ‏וַיִּֽירְשׁ֨וּ אֶת־אַרְצ֜וֹ וְאֶת־אֶ֣רֶץ׀ ע֣וֹג מֶֽלֶךְ־הַבָּשָׁ֗ן שְׁנֵי֙ מַלְכֵ֣י הָֽאֱמֹרִ֔י אֲשֶׁ֖ר בְּעֵ֣בֶר הַיַּרְדֵּ֑ן מִזְרַ֖ח שָֽׁמֶשׁ׃

‎48 ‏מֵעֲרֹעֵ֞ר אֲשֶׁ֨ר עַל־שְׂפַת־נַ֧חַל אַרְנֹ֛ן וְעַד־הַ֥ר שִׂיאֹ֖ן ה֥וּא חֶרְמֽוֹן׃

‎49 ‏וְכָל־הָ֨עֲרָבָ֜ה עֵ֤בֶר הַיַּרְדֵּן֙ מִזְרָ֔חָה וְעַ֖ד יָ֣ם הָעֲרָבָ֑ה תַּ֖חַת אַשְׁדֹּ֥ת הַפִּסְגָּֽה׃ פ

1 wə‘atâ yiśərā’ēl šəm^a‘ ’el-h^aḥuqqîm wə’el-hammišəpāṭîm ’ăšer ’ānōḵî məlammēḏ ’eṯəḵem l^a‘ăśwōṯ ləm^a‘an tiḥəyû ûḇā’ṯem wîrišətem ’eṯ-hā’āreṣ ’ăšer yəhwâ ’ĕlōhê ’ăḇōṯêḵem nōṯēn lāḵem:

2 lō’ ṯōsifû ‘al-hadāḇār ’ăšer ’ānōḵî məṣaûeh ’eṯəḵem wəlō’ ṯiḡərə‘û mimmennû lišəmōr ’eṯ-miṣəwōṯ yəhwâ ’ĕlōhêḵem ’ăšer ’ānōḵî məṣaûeh ’eṯəḵem:

3 ‘ênêḵem hārō’ōṯ ’ēṯ ’ăšer-‘āśâ yəhwâ bəḇ^a‘al pə‘wōr kî ḵāl-hā’îš ’ăšer hālaḵə ’^aḥărê ḇ^a‘al-pə‘wōr hišəmîḏwō yəhwâ ’ĕlōheyḵā miqqirəbeḵā:

4 wə’atem hadəḇēqîm bayhwâ ’ĕlōhêḵem ḥayyîm kulləḵem hayywōm:

5 rə’ēh| limmaḏətî ’eṯəḵem ḥuqqîm ûmišəpāṭîm ka’ăšer ṣiûanî yəhwâ ’ĕlōhāy l^a‘ăśwōṯ kēn bəqereḇ hā’āreṣ ’ăšer ’atem bā’îm šāmmâ lərišətāh:

6 ûšəmarətem w^a‘ăśîṯem kî hiw’ ḥāḵəmaṯəḵem ûḇînaṯəḵem lə‘ênê hā‘ammîm ’ăšer yišəmə‘ûn ’ēṯ kāl-h^aḥuqqîm hā’ēlleh wə’āmərû raq ‘am-ḥāḵām wənāḇwōn hagwōy hagāḏwōl hazzeh:

7 kî mî-ḡwōy gāḏwōl ’ăšer-lwō ’ĕlōhîm qərōḇîm ’ēlāyw kayhwâ ’ĕlōhênû bəḵāl-qārə’ēnû ’ēlāyw:

8 ûmî gwōy gāḏwōl ’ăšer-lwō ḥuqqîm ûmišəpāṭîm ṣadîqim kəḵōl hatwōrâ hazzō’ṯ ’ăšer ’ānōḵî nōṯēn lifənêḵem hayywōm:

9 raq hiššāmer ləḵā ûšəmōr nafəšəḵā mə’ōḏ pen-tišək^aḥ ’eṯ-hadəḇārîm ’ăšer-rā’û ‘êneyḵā ûfen-yāsûrû milləḇāḇəḵā kōl yəmê ḥayyeyḵā wəhwōḏ^a‘ətām ləḇāneyḵā wəliḇənê ḇāneyḵā:

10 ywōm ’ăšer ‘āmaḏətā lifənê yəhwâ ’ĕlōheyḵā bəḥōrēḇ be’ĕmōr yəhwâ ’ēlay haqəhel-lî ’eṯ-hā‘ām wə’ašəmi‘ēm ’eṯ-dəḇārāy ’ăšer yiləməḏûn ləyirə’â ’ōṯî kāl-hayyāmîm ’ăšer hēm ḥayyîm ‘al-hā’ăḏāmâ wə’eṯ-bənêhem yəlammēḏûn:

11 watiqərəḇûn wat^a‘aməḏûn t^aḥaṯ hâār wəhâār bō‘ēr bā’ēš ‘aḏ-lēḇ haššāmayim ḥōšeḵə ‘ānān w^a‘ărāfel:

12 wayəḏabēr yəhwâ ’ălêḵem mitwōḵə hā’ēš qwōl dəḇārîm ’atem šōmə‘îm ûṯəmûnâ ’ênəḵem rō’îm zûlāṯî qwōl:

13 wayyagēḏ lāḵem ’eṯ-bərîṯwō ’ăšer ṣiûâ ’eṯəḵem l^a‘ăśwōṯ ‘ăśereṯ hadəḇārîm wayyiḵətəḇēm ‘al-šənê luḥwōṯ ’ăḇānîm:

14 wə’ōṯî ṣiûâ yəhwâ bā‘ēṯ hahiw’ ləlammēḏ ’eṯəḵem ḥuqqîm ûmišəpāṭîm l^a‘ăśōṯəḵem ’ōṯām bā’āreṣ ’ăšer ’atem ‘ōḇərîm šāmmâ lərišətāh:

15 wənišəmarətem mə’ōḏ lənafəšōṯêḵem kî lō’ rə’îṯem kāl-təmûnâ bəywōm diber yəhwâ ’ălêḵem bəḥōrēḇ mitwōḵə hā’ēš:

16 pen-tašəḥiṯûn w^a‘ăśîṯem lāḵem pesel təmûnaṯ kāl-sāmel taḇənîṯ zāḵār ’wō nəqēḇâ:

17 taḇənîṯ kāl-bəhēmâ ’ăšer bā’āreṣ taḇənîṯ kāl-ṣipwōr kānāf ’ăšer tā‘ûf baššāmāyim:

18 taḇənîṯ kāl-rōmēś bā’ăḏāmâ taḇənîṯ kāl-dāḡâ ’ăšer-bammayim mit^aḥaṯ lā’āreṣ:

19 ûfen-tiśśā’ ‘êneyḵā haššāmayəmâ wərā’îṯā ’eṯ-haššemeš wə’eṯ-hayyārēḥa wə’eṯ-hakwōḵāḇîm kōl ṣəḇā’ haššāmayim wənid^aḥətā wəhišət^aḥăwîṯā lâem w^a‘ăḇaḏətām ’ăšer ḥālaq yəhwâ ’ĕlōheyḵā ’ōṯām ləḵōl hā‘ammîm t^aḥaṯ kāl-haššāmāyim:

20 wə’eṯəḵem lāq^aḥ yəhwâ wayywōṣi’ ’eṯəḵem mikûr habarəzel mimmiṣərāyim lihəywōṯ lwō lə‘am n^aḥălâ kayywōm hazzeh:

21 wayhwâ hiṯə’annef-bî ‘al-diḇərêḵem wayyiššāḇ^a‘ ləḇilətî ‘āḇərî ’eṯ-hayyarədēn ûləḇilətî-ḇō’ ’el-hā’āreṣ haṭṭwōḇâ ’ăšer yəhwâ ’ĕlōheyḵā nōṯēn ləḵā n^aḥălâ:

22 kî ’ānōḵî mēṯ bā’āreṣ hazzō’ṯ ’ênennî ‘ōḇēr ’eṯ-hayyarədēn wə’atem ‘ōḇərîm wîrišətem ’eṯ-hā’āreṣ haṭṭwōḇâ hazzō’ṯ:

23 hiššāmərû lāḵem pen-tišəkəḥû ’eṯ-bərîṯ yəhwâ ’ĕlōhêḵem ’ăšer kāraṯ ‘immāḵem w^a‘ăśîṯem lāḵem pesel təmûnaṯ kōl ’ăšer ṣiûəḵā yəhwâ ’ĕlōheyḵā:

24 kî yəhwâ ’ĕlōheyḵā ’ēš ’ōḵəlâ hû’ ’ēl qannā’: f

25 kî-ṯwōlîḏ bānîm ûḇənê ḇānîm wənwōšanətem bā’āreṣ wəhišəḥatem w^a‘ăśîṯem pesel təmûnaṯ kōl w^a‘ăśîṯem hār^a‘ bə‘ênê yəhwâ-’ĕlōheyḵā ləhaḵə‘îswō:

26 h^a‘îḏōṯî ḇāḵem hayywōm ’eṯ-haššāmayim wə’eṯ-hā’āreṣ kî-’āḇōḏ tō’ḇēḏûn mahēr mē‘al hā’āreṣ ’ăšer ’atem ‘ōḇərîm ’eṯ-hayyarədēn šāmmâ lərišətāh lō’-ṯa’ărîḵun yāmîm ‘āleyhā kî hiššāmēḏ tiššāmēḏûn:

27 wəhēfîṣ yəhwâ ’eṯəḵem bā‘ammîm wənišə’arətem məṯê misəpār bagwōyim ’ăšer yənahēḡ yəhwâ ’eṯəḵem šāmmâ:

28 w^a‘ăḇaḏətem-šām ’ĕlōhîm m^a‘ăśēh yəḏê ’āḏām ‘ēṣ wā’eḇen ’ăšer lō’-yirə’ûn wəlō’ yišəmə‘ûn wəlō’ yō’ḵəlûn wəlō’ yərîḥun:

29 ûḇiqqašətem miššām ’eṯ-yəhwâ ’ĕlōheyḵā ûmāṣā’ṯā kî ṯiḏərəšennû bəḵāl-ləḇāḇəḵā ûḇəḵāl-nafəšeḵā:

30 baṣṣar ləḵā ûməṣā’ûḵā kōl hadəḇārîm hā’ēlleh bə’^aḥărîṯ hayyāmîm wəšaḇətā ‘aḏ-yəhwâ ’ĕlōheyḵā wəšām^a‘ətā bəqōlwō:

31 kî ’ēl r^aḥûm yəhwâ ’ĕlōheyḵā lō’ yarəpəḵā wəlō’ yašəḥîṯeḵā wəlō’ yišək^aḥ ’eṯ-bərîṯ ’ăḇōṯeyḵā ’ăšer nišəb^a‘ lâem:

32 kî šə’al-nā’ ləyāmîm ri’šōnîm ’ăšer-hāyû ləfāneyḵā ləmin-hayywōm ’ăšer bārā’ ’ĕlōhîm| ’āḏām ‘al-hā’āreṣ ûləmiqəṣēh haššāmayim wə‘aḏ-qəṣēh haššāmāyim hănihəyâ kadāḇār hagāḏwōl hazzeh ’wō hănišəm^a‘ kāmōhû:

33 hăšām^a‘ ‘ām qwōl ’ĕlōhîm məḏabēr mitwōḵə-hā’ēš ka’ăšer-šām^a‘ətā ’atâ wayyeḥî:

34 ’wō| hănissâ ’ĕlōhîm lāḇwō’ lāq^aḥaṯ lwō ḡwōy miqqereḇ gwōy bəmassōṯ bə’ōṯōṯ ûḇəmwōfəṯîm ûḇəmiləḥāmâ ûḇəyāḏ ḥăzāqâ ûḇizərwō‘a nəṭûyâ ûḇəmwōrā’îm gəḏōlîm kəḵōl ’ăšer-‘āśâ lāḵem yəhwâ ’ĕlōhêḵem bəmiṣərayim lə‘êneyḵā:

35 ’atâ hārə’ēṯā lāḏ^a‘aṯ kî yəhwâ hû’ hā’ĕlōhîm ’ên ‘wōḏ miləḇadwō:

36 min-haššāmayim hišəmî‘ăḵā ’eṯ-qōlwō ləyassəreḵḵā wə‘al-hā’āreṣ herə’ăḵā ’eṯ-’iššwō hagəḏwōlâ ûḏəḇārāyw šām^a‘ətā mitwōḵə hā’ēš:

37 wəṯ^aḥaṯ kî ’âaḇ ’eṯ-’ăḇōṯeyḵā wayyiḇəḥar bəzarə‘wō ’^aḥărāyw wayywōṣi’ăḵā bəfānāyw bəḵōḥwō hagāḏōl mimmiṣərāyim:

38 ləhwōrîš gwōyim gəḏōlîm w^a‘ăṣumîm mimməḵā mipāneyḵā lahăḇî’ăḵā lāṯeṯ-ləḵā ’eṯ-’arəṣām n^aḥălâ kayywōm hazzeh:

39 wəyāḏ^a‘ətā hayywōm wahăšēḇōṯā ’el-ləḇāḇeḵā kî yəhwâ hû’ hā’ĕlōhîm baššāmayim mimm^a‘al wə‘al-hā’āreṣ mitāḥaṯ ’ên ‘wōḏ:

40 wəšāmarətā ’eṯ-ḥuqqāyw wə’eṯ-miṣəwōṯāyw ’ăšer ’ānōḵî məṣaûəḵā hayywōm ’ăšer yîṭaḇ ləḵā ûləḇāneyḵā ’^aḥăreyḵā ûləm^a‘an ta’ărîḵə yāmîm ‘al-hā’ăḏāmâ ’ăšer yəhwâ ’ĕlōheyḵā nōṯēn ləḵā kāl-hayyāmîm: f

41 ’āz yaḇədîl mōšeh šālōš ‘ārîm bə‘ēḇer hayyarədēn mizərəḥâ šāmeš:

42 lānus šāmmâ rwōṣēḥa ’ăšer yirəṣ^aḥ ’eṯ-rē‘ēhû biḇəlî-ḏ^a‘aṯ wəhû’ lō’-śōnē’ lwō mitəmwōl šiləšwōm wənās ’el-’^aḥaṯ min-he‘ārîm hā’ēl wāḥāy:

43 ’eṯ-beṣer bammiḏəbār bə’ereṣ hammîšōr lāru’ûḇēnî¹ wə’eṯ-rā’mōṯ bagilə‘āḏ lagāḏî wə’eṯ-gwōlān babāšān lamənaššî:

44 wəzō’ṯ hatwōrâ ’ăšer-śām mōšeh lifənê bənê yiśərā’ēl:

45 ’ēlleh hā‘ēḏōṯ wəh^aḥuqqîm wəhammišəpāṭîm ’ăšer diber mōšeh ’el-bənê yiśərā’ēl bəṣē’ṯām mimmiṣərāyim:

46 bə‘ēḇer hayyarədēn bagayə’ mûl bêṯ pə‘wōr bə’ereṣ sîḥōn meleḵə hā’ĕmōrî ’ăšer ywōšēḇ bəḥešəbwōn ’ăšer hikâ mōšeh ûḇənê yiśərā’ēl bəṣē’ṯām mimmiṣərāyim:

47 wayyîrəšû ’eṯ-’arəṣwō wə’eṯ-’ereṣ| ‘wōḡ meleḵə-habāšān šənê maləḵê hā’ĕmōrî ’ăšer bə‘ēḇer hayyarədēn mizər^aḥ šāmeš:

48 mē‘ărō‘ēr ’ăšer ‘al-śəfaṯ-n^aḥal ’arənōn wə‘aḏ-har śî’ōn hû’ ḥerəmwōn:

49 wəḵāl-hā‘ărāḇâ ‘ēḇer hayyarədēn mizərāḥâ wə‘aḏ yām hā‘ărāḇâ t^aḥaṯ ’ašədōṯ hapisəgâ: f

‎1 ‏וַיִּקְרָ֣א מֹשֶׁה֮ אֶל־כָּל־יִשְׂרָאֵל֒ וַיֹּ֣אמֶר אֲלֵהֶ֗ם שְׁמַ֤ע יִשְׂרָאֵל֙ אֶת־הַחֻקִּ֣ים וְאֶת־הַמִּשְׁפָּטִ֔ים אֲשֶׁ֧ר אָנֹכִ֛י דֹּבֵ֥ר בְּאָזְנֵיכֶ֖ם הַיּ֑וֹם וּלְמַדְתֶּ֣ם אֹתָ֔ם וּשְׁמַרְתֶּ֖ם לַעֲשֹׂתָֽם׃

‎2 ‏יְהוָ֣ה אֱלֹהֵ֗ינוּ כָּרַ֥ת עִמָּ֛נוּ בְּרִ֖ית בְּחֹרֵֽב׃

‎3 ‏לֹ֣א אֶת־אֲבֹתֵ֔ינוּ כָּרַ֥ת יְהוָ֖ה אֶת־הַבְּרִ֣ית הַזֹּ֑את כִּ֣י אִתָּ֗נוּ אֲנַ֨חְנוּ אֵ֥לֶּה פֹ֛ה הַיּ֖וֹם כֻּלָּ֥נוּ חַיִּֽים׃

‎4 ‏פָּנִ֣ים׀ בְּפָנִ֗ים דִּבֶּ֨ר יְהוָ֧ה עִמָּכֶ֛ם בָּהָ֖ר מִתּ֥וֹךְ הָאֵֽשׁ׃

‎5 ‏אָ֠נֹכִי עֹמֵ֨ד בֵּין־יְהוָ֤ה וּבֵֽינֵיכֶם֙ בָּעֵ֣ת הַהִ֔וא לְהַגִּ֥יד לָכֶ֖ם אֶת־דְּבַ֣ר יְהוָ֑ה כִּ֤י יְרֵאתֶם֙ מִפְּנֵ֣י הָאֵ֔שׁ וְלֹֽא־עֲלִיתֶ֥ם בָּהָ֖ר לֵאמֹֽר׃ ס

‎6 ‏אָֽנֹכִי֙ יְהוָ֣ה אֱלֹהֶ֔יךָ אֲשֶׁ֧ר הוֹצֵאתִ֛יךָ מֵאֶ֥רֶץ מִצְרַ֖יִם מִבֵּ֣ית עֲבָדִֽ֑ים׃

‎7 ‏לֹ֣א יִהְיֶ֥ה־לְךָ֛֩ אֱלֹהִ֥֨ים אֲחֵרִ֖֜ים עַל־פָּנָֽ֗יַ׃

‎8 ‏לֹֽ֣א־תַעֲשֶׂ֥ה־לְךָ֥֣ פֶ֣֙סֶל֙׀ כָּל־תְּמוּנָ֔֡ה אֲשֶׁ֤֣ר בַּשָּׁמַ֣֙יִם֙׀ מִמַּ֔֡עַל וַאֲשֶׁ֥ר֩ בָּאָ֖֨רֶץ מִתָּ֑֜חַת וַאֲשֶׁ֥ר בַּמַּ֖֣יִם׀ מִתַּ֥֣חַת לָאָֽ֗רֶץ׃

‎9 ‏לֹא־תִשְׁתַּחֲוֶ֥֣ה לָהֶ֖ם֮ וְלֹ֣א תָעָבְדֵ֑ם֒ כִּ֣י אָנֹכִ֞י יְהוָ֤ה אֱלֹהֶ֙יךָ֙ אֵ֣ל קַנָּ֔א פֹּ֠קֵד עֲוֹ֨ן אָב֧וֹת עַל־בָּנִ֛ים וְעַל־שִׁלֵּשִׁ֥ים וְעַל־רִבֵּעִ֖ים לְשֹׂנְאָֽ֑י׃

‎10 ‏וְעֹ֤֥שֶׂה חֶ֖֙סֶד֙ לַֽאֲלָפִ֑֔ים לְאֹהֲבַ֖י וּלְשֹׁמְרֵ֥י מצותו מִצְוֹתָֽי׃ ס

‎11 ‏לֹ֥א תִשָּׂ֛א אֶת־שֵֽׁם־יְהוָ֥ה אֱלֹהֶ֖יךָ לַשָּׁ֑וְא כִּ֣י לֹ֤א יְנַקֶּה֙ יְהוָ֔ה אֵ֛ת אֲשֶׁר־יִשָּׂ֥א אֶת־שְׁמ֖וֹ לַשָּֽׁוְא׃ ס

‎12 ‏שָׁמ֣֛וֹר אֶת־י֥וֹם֩ הַשַּׁבָּ֖֨ת לְקַדְּשׁ֑֜וֹ כַּאֲשֶׁ֥ר צִוְּךָ֖֣׀ יְהוָ֥֣ה אֱלֹהֶֽ֗יךָ²

‎13 ‏שֵׁ֤֣שֶׁת יָמִ֣ים֙ תַּֽעֲבֹ֔ד֮ וְעָשִׂ֖֣יתָ כָּֿל־מְלַאכְתֶּֽךָ֒׃

‎14 ‏וְי֙וֹם֙ הַשְּׁבִיעִ֜֔י שַׁבָּ֖֣ת׀ לַיהוָ֖֣ה אֱלֹהֶ֑֗יךָ לֹ֣א תַעֲשֶׂ֣ה כָל־מְלָאכָ֡ה אַתָּ֣ה וּבִנְךָֽ־וּבִתֶּ֣ךָ וְעַבְדְּךָֽ־וַ֠אֲמָתֶךָ וְשׁוֹרְךָ֨ וַחֲמֹֽרְךָ֜ וְכָל־בְּהֶמְתֶּ֗ךָ וְגֵֽרְךָ֙ אֲשֶׁ֣ר בִּשְׁעָרֶ֔יךָ לְמַ֗עַן יָנ֛וּחַ עַבְדְּךָ֥ וַאֲמָתְךָ֖ כָּמֽ֑וֹךָ׃

‎15 ‏וְזָכַרְתָּ֞֗ כִּ֣י־עֶ֤֥בֶד הָיִ֣֙יתָ֙׀ בְּאֶ֣רֶץ מִצְרַ֔֗יִם וַיֹּצִ֨אֲךָ֜֩ יְהוָ֤֨ה אֱלֹהֶ֤֙יךָ֙ מִשָּׁ֔ם֙ בְּיָ֤֥ד חֲזָקָ֖ה֙ וּבִזְרֹ֣עַ נְטוּיָ֑֔ה עַל־כֵּ֗ן צִוְּךָ֙ יְהוָ֣ה אֱלֹהֶ֔יךָ לַעֲשׂ֖וֹת אֶת־י֥וֹם הַשַּׁבָּֽת׃ ס

‎16 ‏כַּבֵּ֤ד אֶת־אָבִ֙יךָ֙ וְאֶת־אִמֶּ֔ךָ כַּאֲשֶׁ֥ר צִוְּךָ֖ יְהוָ֣ה אֱלֹהֶ֑יךָ לְמַ֣עַן׀ יַאֲרִיכֻ֣ן יָמֶ֗יךָ וּלְמַ֙עַן֙ יִ֣יטַב לָ֔ךְ עַ֚ל הָֽאֲדָמָ֔ה אֲשֶׁר־יְהוָ֥ה אֱלֹהֶ֖יךָ נֹתֵ֥ן לָֽךְ׃ ס

‎17 ‏לֹ֥֖א תִּֿרְצָֽח׃ ס

‎18 ‏וְלֹ֖֣א תִּֿנְאָֽ֑ף׃ ס

‎19 ‏וְלֹ֖֣א תִּֿגְנֹֽ֔ב׃ ס

‎20 ‏וְלֹֽא־תַעֲנֶ֥ה בְרֵֽעֲךָ֖ עֵ֥ד שָֽׁוְא׃ ס

‎21 ‏וְלֹ֥א תַחְמֹ֖ד אֵ֣שֶׁת רֵעֶ֑ךָ סוְלֹ֨א תִתְאַוֶּ֜ה בֵּ֣ית רֵעֶ֗ךָ שָׂדֵ֜הוּ וְעַבְדּ֤וֹ וַאֲמָתוֹ֙ שׁוֹר֣וֹ וַחֲמֹר֔וֹ וְכֹ֖ל אֲשֶׁ֥ר לְרֵעֶֽךָ׃ ס

‎22 ‏אֶֽת־הַדְּבָרִ֣ים הָאֵ֡לֶּה דִּבֶּר֩ יְהוָ֨ה אֶל־כָּל־קְהַלְכֶ֜ם בָּהָ֗ר מִתּ֤וֹךְ הָאֵשׁ֙ הֶֽעָנָ֣ן וְהָֽעֲרָפֶ֔ל ק֥וֹל גָּד֖וֹל וְלֹ֣א יָסָ֑ף וַֽיִּכְתְּבֵ֗ם עַל־שְׁנֵי֙ לֻחֹ֣ת אֲבָנִ֔ים וַֽיִּתְּנֵ֖ם אֵלָֽי׃

‎23 ‏וַיְהִ֗י כְּשָׁמְעֲכֶ֤ם אֶת־הַקּוֹל֙ מִתּ֣וֹךְ הַחֹ֔שֶׁךְ וְהָהָ֖ר בֹּעֵ֣ר בָּאֵ֑שׁ וַתִּקְרְב֣וּן אֵלַ֔י כָּל־רָאשֵׁ֥י שִׁבְטֵיכֶ֖ם וְזִקְנֵיכֶֽם׃

‎24 ‏וַתֹּאמְר֗וּ הֵ֣ן הֶרְאָ֜נוּ יְהוָ֤ה אֱלֹהֵ֙ינוּ֙ אֶת־כְּבֹד֣וֹ וְאֶת־גָּדְל֔וֹ וְאֶת־קֹל֥וֹ שָׁמַ֖עְנוּ מִתּ֣וֹךְ הָאֵ֑שׁ הַיּ֤וֹם הַזֶּה֙ רָאִ֔ינוּ כִּֽי־יְדַבֵּ֧ר אֱלֹהִ֛ים אֶת־הָֽאָדָ֖ם וָחָֽי׃

‎25 ‏וְעַתָּה֙ לָ֣מָּה נָמ֔וּת כִּ֣י תֹֽאכְלֵ֔נוּ הָאֵ֥שׁ הַגְּדֹלָ֖ה הַזֹּ֑את אִם־יֹסְפִ֣ים׀ אֲנַ֗חְנוּ לִ֠שְׁמֹעַ אֶת־ק֨וֹל יְהוָ֧ה אֱלֹהֵ֛ינוּ ע֖וֹד וָמָֽתְנוּ׃

‎26 ‏כִּ֣י מִ֣י כָל־בָּשָׂ֡ר אֲשֶׁ֣ר שָׁמַ֣ע קוֹל֩ אֱלֹהִ֨ים חַיִּ֜ים מְדַבֵּ֧ר מִתּוֹךְ־הָאֵ֛שׁ כָּמֹ֖נוּ וַיֶּֽחִי׃

‎27 ‏קְרַ֤ב אַתָּה֙ וּֽשֲׁמָ֔ע אֵ֛ת כָּל־אֲשֶׁ֥ר יֹאמַ֖ר יְהוָ֣ה אֱלֹהֵ֑ינוּ וְאַ֣תְּ׀ תְּדַבֵּ֣ר אֵלֵ֗ינוּ אֵת֩ כָּל־אֲשֶׁ֨ר יְדַבֵּ֜ר יְהוָ֧ה אֱלֹהֵ֛ינוּ אֵלֶ֖יךָ וְשָׁמַ֥עְנוּ וְעָשִֽׂינוּ׃

‎28 ‏וַיִּשְׁמַ֤ע יְהוָה֙ אֶת־ק֣וֹל דִּבְרֵיכֶ֔ם בְּדַבֶּרְכֶ֖ם אֵלָ֑י וַיֹּ֨אמֶר יְהוָ֜ה אֵלַ֗י שָׁ֠מַעְתִּי אֶת־ק֨וֹל דִּבְרֵ֜י הָעָ֤ם הַזֶּה֙ אֲשֶׁ֣ר דִּבְּר֣וּ אֵלֶ֔יךָ הֵיטִ֖יבוּ כָּל־אֲשֶׁ֥ר דִּבֵּֽרוּ׃

‎29 ‏מִֽי־יִתֵּ֡ן וְהָיָה֩ לְבָבָ֨ם זֶ֜ה לָהֶ֗ם לְיִרְאָ֥ה אֹתִ֛י וְלִשְׁמֹ֥ר אֶת־כָּל־מִצְוֹתַ֖י כָּל־הַיָּמִ֑ים לְמַ֨עַן יִיטַ֥ב לָהֶ֛ם וְלִבְנֵיהֶ֖ם לְעֹלָֽם׃

‎30 ‏לֵ֖ךְ אֱמֹ֣ר לָהֶ֑ם שׁ֥וּבוּ לָכֶ֖ם לְאָהֳלֵיכֶֽם׃

‎31 ‏וְאַתָּ֗ה פֹּה֮ עֲמֹ֣ד עִמָּדִי֒ וַאֲדַבְּרָ֣ה אֵלֶ֗יךָ אֵ֧ת כָּל־הַמִּצְוָ֛ה וְהַחֻקִּ֥ים וְהַמִּשְׁפָּטִ֖ים אֲשֶׁ֣ר תְּלַמְּדֵ֑ם וְעָשׂ֣וּ בָאָ֔רֶץ אֲשֶׁ֧ר אָנֹכִ֛י נֹתֵ֥ן לָהֶ֖ם לְרִשְׁתָּֽהּ׃

‎32 ‏וּשְׁמַרְתֶּ֣ם לַעֲשׂ֔וֹת כַּאֲשֶׁ֥ר צִוָּ֛ה יְהוָ֥ה אֱלֹהֵיכֶ֖ם אֶתְכֶ֑ם לֹ֥א תָסֻ֖רוּ יָמִ֥ין וּשְׂמֹֽאל׃

‎33 ‏בְּכָל־הַדֶּ֗רֶךְ אֲשֶׁ֨ר צִוָּ֜ה יְהוָ֧ה אֱלֹהֵיכֶ֛ם אֶתְכֶ֖ם תֵּלֵ֑כוּ לְמַ֤עַן תִּֽחְיוּן֙ וְט֣וֹב לָכֶ֔ם וְהַאֲרַכְתֶּ֣ם יָמִ֔ים בָּאָ֖רֶץ אֲשֶׁ֥ר תִּֽירָשֽׁוּן׃

1 wayyiqərā’ mōšeh ’el-kāl-yiśərā’ēl wayyō’mer ’ălēhem šəm^a‘ yiśərā’ēl ’eṯ-h^aḥuqqîm wə’eṯ-hammišəpāṭîm ’ăšer ’ānōḵî dōḇēr bə’āzənêḵem hayywōm ûləmaḏətem ’ōṯām ûšəmarətem l^a‘ăśōṯām:

2 yəhwâ ’ĕlōhênû kāraṯ ‘immānû bərîṯ bəḥōrēḇ:

3 lō’ ’eṯ-’ăḇōṯênû kāraṯ yəhwâ ’eṯ-habərîṯ hazzō’ṯ kî ’itānû ’ăn^aḥənû ’ēlleh fōh hayywōm kullānû ḥayyîm:

4 pānîm| bəfānîm diber yəhwâ ‘immāḵem bâār mitwōḵə hā’ēš:

5 ’ānōḵî ‘ōmēḏ bên-yəhwâ ûḇênêḵem bā‘ēṯ hahiw’ ləhagîḏ lāḵem ’eṯ-dəḇar yəhwâ kî yərē’ṯem mipənê hā’ēš wəlō’-‘ălîṯem bâār lē’mōr: s

6 ’ānōḵî yəhwâ ’ĕlōheyḵā ’ăšer hwōṣē’ṯîḵā mē’ereṣ miṣərayim mibêṯ ‘ăḇāḏîm:

7 lō’ yihəyeh-ləḵā ’ĕlōhîm ’ăḥērîm ‘al-pānāya:

8 lō’-ṯ^a‘ăśeh-ləḵā fesel| kāl-təmûnâ ’ăšer baššāmayim| mimm^a‘al wa’ăšer bā’āreṣ mitāḥaṯ wa’ăšer bammayim| mit^aḥaṯ lā’āreṣ:

9 lō’-ṯišət^aḥăweh lâem wəlō’ ṯā‘āḇəḏēm kî ’ānōḵî yəhwâ ’ĕlōheyḵā ’ēl qannā’ pōqēḏ ‘ăwōn ’āḇwōṯ ‘al-bānîm wə‘al-šillēšîm wə‘al-ribē‘îm ləśōnə’āy:

10 wə‘ōśeh ḥeseḏ la’ălāfîm lə’ōhăḇay ûləšōmərê miṣəwōṯāw miṣəwōṯāy: s

11 lō’ ṯiśśā’ ’eṯ-šēm-yəhwâ ’ĕlōheyḵā laššāwə’ kî lō’ yənaqqeh yəhwâ ’ēṯ ’ăšer-yiśśā’ ’eṯ-šəmwō laššāwə’: s

12 šāmwōr ’eṯ-ywōm haššabāṯ ləqadəšwō ka’ăšer ṣiûəḵā| yəhwâ ’ĕlōheyḵā²

13 šēšeṯ yāmîm t^a‘ăḇōḏ wə‘āśîṯā kāl-məla’ḵəteḵā:

14 wəywōm haššəḇî‘î šabāṯ| layhwâ ’ĕlōheyḵā lō’ ṯ^a‘ăśeh ḵāl-məlā’ḵâ ’atâ ûḇinəḵā-ûḇiteḵā wə‘aḇədəḵā-wa’ămāṯeḵā wəšwōrəḵā w^aḥămōrəḵā wəḵāl-bəheməteḵā wəḡērəḵā ’ăšer bišə‘āreyḵā ləm^a‘an yānûḥa ‘aḇədəḵā wa’ămāṯəḵā kāmwōḵā:

15 wəzāḵarətā kî-‘eḇeḏ hāyîṯā| bə’ereṣ miṣərayim wayyōṣi’ăḵā yəhwâ ’ĕlōheyḵā miššām bəyāḏ ḥăzāqâ ûḇizərō‘a nəṭûyâ ‘al-kēn ṣiûəḵā yəhwâ ’ĕlōheyḵā l^a‘ăśwōṯ ’eṯ-ywōm haššabāṯ: s

16 kabēḏ ’eṯ-’āḇîḵā wə’eṯ-’immeḵā ka’ăšer ṣiûəḵā yəhwâ ’ĕlōheyḵā ləm^a‘an| ya’ărîḵun yāmeyḵā ûləm^a‘an yîṭaḇ lāḵə ‘al hā’ăḏāmâ ’ăšer-yəhwâ ’ĕlōheyḵā nōṯēn lāḵə: s

17 lō’ tirəṣāḥ: s

18 wəlō’ tinə’āf: s

19 wəlō’ tiḡənōḇ: s

20 wəlō’-ṯ^a‘ăneh ḇərē‘ăḵā ‘ēḏ šāwə’: s

21 wəlō’ ṯ^aḥəmōḏ ’ēšeṯ rē‘eḵā swəlō’ ṯiṯə’aûeh bêṯ rē‘eḵā śāḏēhû wə‘aḇədwō wa’ămāṯwō šwōrwō w^aḥămōrwō wəḵōl ’ăšer lərē‘eḵā: s

22 ’eṯ-hadəḇārîm hā’ēlleh diber yəhwâ ’el-kāl-qəhaləḵem bâār mitwōḵə hā’ēš he‘ānān wəhā‘ărāfel qwōl gāḏwōl wəlō’ yāsāf wayyiḵətəḇēm ‘al-šənê luḥōṯ ’ăḇānîm wayyitənēm ’ēlāy:

23 wayəhî kəšāmə‘ăḵem ’eṯ-haqqwōl mitwōḵə h^aḥōšeḵə wəhâār bō‘ēr bā’ēš watiqərəḇûn ’ēlay kāl-rā’šê šiḇəṭêḵem wəziqənêḵem:

24 watō’mərû hēn herə’ānû yəhwâ ’ĕlōhênû ’eṯ-kəḇōḏwō wə’eṯ-gāḏəlwō wə’eṯ-qōlwō šām^a‘ənû mitwōḵə hā’ēš hayywōm hazzeh rā’înû kî-yəḏabēr ’ĕlōhîm ’eṯ-hā’āḏām wāḥāy:

25 wə‘atâ lāmmâ nāmûṯ kî ṯō’ḵəlēnû hā’ēš hagəḏōlâ hazzō’ṯ ’im-yōsəfîm| ’ăn^aḥənû lišəmō‘a ’eṯ-qwōl yəhwâ ’ĕlōhênû ‘wōḏ wāmāṯənû:

26 kî mî ḵāl-bāśār ’ăšer šām^a‘ qwōl ’ĕlōhîm ḥayyîm məḏabēr mitwōḵə-hā’ēš kāmōnû wayyeḥî:

27 qəraḇ ’atâ ûšămā‘ ’ēṯ kāl-’ăšer yō’mar yəhwâ ’ĕlōhênû wə’atə| təḏabēr ’ēlênû ’ēṯ kāl-’ăšer yəḏabēr yəhwâ ’ĕlōhênû ’ēleyḵā wəšām^a‘ənû wə‘āśînû:

28 wayyišəm^a‘ yəhwâ ’eṯ-qwōl diḇərêḵem bəḏaberəḵem ’ēlāy wayyō’mer yəhwâ ’ēlay šām^a‘ətî ’eṯ-qwōl diḇərê hā‘ām hazzeh ’ăšer dibərû ’ēleyḵā hêṭîḇû kāl-’ăšer dibērû:

29 mî-yitēn wəhāyâ ləḇāḇām zeh lâem ləyirə’â ’ōṯî wəlišəmōr ’eṯ-kāl-miṣəwōṯay kāl-hayyāmîm ləm^a‘an yîṭaḇ lâem wəliḇənêhem lə‘ōlām:

30 lēḵə ’ĕmōr lâem šûḇû lāḵem lə’âŏlêḵem:

31 wə’atâ pōh ‘ămōḏ ‘immāḏî wa’ăḏabərâ ’ēleyḵā ’ēṯ kāl-hammiṣəwâ wəh^aḥuqqîm wəhammišəpāṭîm ’ăšer təlamməḏēm wə‘āśû ḇā’āreṣ ’ăšer ’ānōḵî nōṯēn lâem lərišətāh:

32 ûšəmarətem l^a‘ăśwōṯ ka’ăšer ṣiûâ yəhwâ ’ĕlōhêḵem ’eṯəḵem lō’ ṯāsurû yāmîn ûśəmō’l:

33 bəḵāl-hadereḵə ’ăšer ṣiûâ yəhwâ ’ĕlōhêḵem ’eṯəḵem tēlēḵû ləm^a‘an tiḥəyûn wəṭwōḇ lāḵem wəha’ăraḵətem yāmîm bā’āreṣ ’ăšer tîrāšûn:

‎1 ‏וְזֹ֣את הַמִּצְוָ֗ה הַֽחֻקִּים֙ וְהַמִּשְׁפָּטִ֔ים אֲשֶׁ֥ר צִוָּ֛ה יְהוָ֥ה אֱלֹהֵיכֶ֖ם לְלַמֵּ֣ד אֶתְכֶ֑ם לַעֲשׂ֣וֹת בָּאָ֔רֶץ אֲשֶׁ֥ר אַתֶּ֛ם עֹבְרִ֥ים שָׁ֖מָּה לְרִשְׁתָּֽהּ׃

‎2 ‏לְמַ֨עַן תִּירָ֜א אֶת־יְהוָ֣ה אֱלֹהֶ֗יךָ לִ֠שְׁמֹר אֶת־כָּל־חֻקֹּתָ֣יו וּמִצְוֹתָיו֮ אֲשֶׁ֣ר אָנֹכִ֣י מְצַוֶּךָ֒ אַתָּה֙ וּבִנְךָ֣ וּבֶן־בִּנְךָ֔ כֹּ֖ל יְמֵ֣י חַיֶּ֑יךָ וּלְמַ֖עַן יַאֲרִכֻ֥ן יָמֶֽיךָ׃

‎3 ‏וְשָׁמַעְתָּ֤ יִשְׂרָאֵל֙ וְשָׁמַרְתָּ֣ לַעֲשׂ֔וֹת אֲשֶׁר֙ יִיטַ֣ב לְךָ֔ וַאֲשֶׁ֥ר תִּרְבּ֖וּן מְאֹ֑ד כַּאֲשֶׁר֩ דִּבֶּ֨ר יְהוָ֜ה אֱלֹהֵ֤י אֲבֹתֶ֙יךָ֙ לָ֔ךְ אֶ֛רֶץ זָבַ֥ת חָלָ֖ב וּדְבָֽשׁ׃ פ

‎4 ‏שְׁמַ֖ע⁵ יִשְׂרָאֵ֑ל יְהוָ֥ה אֱלֹהֵ֖ינוּ יְהוָ֥ה׀ אֶחָֽד׃⁵

‎5 ‏וְאָ֣הַבְתָּ֔ אֵ֖ת יְהוָ֣ה אֱלֹהֶ֑יךָ בְּכָל־לְבָבְךָ֥ וּבְכָל־נַפְשְׁךָ֖ וּבְכָל־מְאֹדֶֽךָ׃

‎6 ‏וְהָי֞וּ הַדְּבָרִ֣ים הָאֵ֗לֶּה אֲשֶׁ֨ר אָנֹכִ֧י מְצַוְּךָ֛ הַיּ֖וֹם עַל־לְבָבֶֽךָ׃

‎7 ‏וְשִׁנַּנְתָּ֣ם לְבָנֶ֔יךָ וְדִבַּרְתָּ֖ בָּ֑ם בְּשִׁבְתְּךָ֤ בְּבֵיתֶ֙ךָ֙ וּבְלֶכְתְּךָ֣ בַדֶּ֔רֶךְ וּֽבְשָׁכְבְּךָ֖ וּבְקוּמֶֽךָ׃

‎8 ‏וּקְשַׁרְתָּ֥ם לְא֖וֹת עַל־יָדֶ֑ךָ וְהָי֥וּ לְטֹטָפֹ֖ת בֵּ֥ין עֵינֶֽיךָ׃

‎9 ‏וּכְתַבְתָּ֛ם עַל־מְזוּזֹ֥ת בֵּיתֶ֖ךָ וּבִשְׁעָרֶֽיךָ׃ ס

‎10 ‏וְהָיָ֞ה כִּ֥י יְבִיאֲךָ֣׀ יְהוָ֣ה אֱלֹהֶ֗יךָ אֶל־הָאָ֜רֶץ אֲשֶׁ֨ר נִשְׁבַּ֧ע לַאֲבֹתֶ֛יךָ לְאַבְרָהָ֛ם לְיִצְחָ֥ק וּֽלְיַעֲקֹ֖ב לָ֣תֶת לָ֑ךְ עָרִ֛ים גְּדֹלֹ֥ת וְטֹבֹ֖ת אֲשֶׁ֥ר לֹא־בָנִֽיתָ׃

‎11 ‏וּבָ֨תִּ֜ים מְלֵאִ֣ים כָּל־טוּב֮ אֲשֶׁ֣ר לֹא־מִלֵּאתָ֒ וּבֹרֹ֤ת חֲצוּבִים֙ אֲשֶׁ֣ר לֹא־חָצַ֔בְתָּ כְּרָמִ֥ים וְזֵיתִ֖ים אֲשֶׁ֣ר לֹא־נָטָ֑עְתָּ וְאָכַלְתָּ֖ וְשָׂבָֽעְתָּ׃

‎12 ‏הִשָּׁ֣מֶר לְךָ֔ פֶּן־תִּשְׁכַּ֖ח אֶת־יְהוָ֑ה אֲשֶׁ֧ר הוֹצִֽיאֲךָ֛ מֵאֶ֥רֶץ מִצְרַ֖יִם מִבֵּ֥ית עֲבָדִֽים׃

‎13 ‏אֶת־יְהוָ֧ה אֱלֹהֶ֛יךָ תִּירָ֖א וְאֹת֣וֹ תַעֲבֹ֑ד וּבִשְׁמ֖וֹ תִּשָּׁבֵֽעַ׃

‎14 ‏לֹ֣א תֵֽלְכ֔וּן אַחֲרֵ֖י אֱלֹהִ֣ים אֲחֵרִ֑ים מֵאֱלֹהֵי֙ הָֽעַמִּ֔ים אֲשֶׁ֖ר סְבִיבוֹתֵיכֶֽם׃

‎15 ‏כִּ֣י אֵ֥ל קַנָּ֛א יְהוָ֥ה אֱלֹהֶ֖יךָ בְּקִרְבֶּ֑ךָ פֶּן־יֶ֠חֱרֶה אַף־יְהוָ֤ה אֱלֹהֶ֙יךָ֙ בָּ֔ךְ וְהִשְׁמִ֣ידְךָ֔ מֵעַ֖ל פְּנֵ֥י הָאֲדָמָֽה׃ ס

‎16 ‏לֹ֣א תְנַסּ֔וּ אֶת־יְהוָ֖ה אֱלֹהֵיכֶ֑ם כַּאֲשֶׁ֥ר נִסִּיתֶ֖ם בַּמַּסָּֽה׃

‎17 ‏שָׁמ֣וֹר תִּשְׁמְר֔וּן אֶת־מִצְוֹ֖ת יְהוָ֣ה אֱלֹהֵיכֶ֑ם וְעֵדֹתָ֥יו וְחֻקָּ֖יו אֲשֶׁ֥ר צִוָּֽךְ׃

‎18 ‏וְעָשִׂ֛יתָ הַיָּשָׁ֥ר וְהַטּ֖וֹב בְּעֵינֵ֣י יְהוָ֑ה לְמַ֙עַן֙ יִ֣יטַב לָ֔ךְ וּבָ֗אתָ וְיָֽרַשְׁתָּ֙ אֶת־הָאָ֣רֶץ הַטֹּבָ֔ה אֲשֶׁר־נִשְׁבַּ֥ע יְהוָ֖ה לַאֲבֹתֶֽיךָ׃

‎19 ‏לַהֲדֹ֥ף אֶת־כָּל־אֹיְבֶ֖יךָ מִפָּנֶ֑יךָ כַּאֲשֶׁ֖ר דִּבֶּ֥ר יְהוָֽה׃ ס

‎20 ‏כִּֽי־יִשְׁאָלְךָ֥ בִנְךָ֛ מָחָ֖ר לֵאמֹ֑ר מָ֣ה הָעֵדֹ֗ת וְהַֽחֻקִּים֙ וְהַמִּשְׁפָּטִ֔ים אֲשֶׁ֥ר צִוָּ֛ה יְהוָ֥ה אֱלֹהֵ֖ינוּ אֶתְכֶֽם׃

‎21 ‏וְאָמַרְתָּ֣ לְבִנְךָ֔ עֲבָדִ֛ים הָיִ֥ינוּ לְפַרְעֹ֖ה בְּמִצְרָ֑יִם וַיּוֹצִיאֵ֧נוּ יְהוָ֛ה מִמִּצְרַ֖יִם בְּיָ֥ד חֲזָקָֽה׃

‎22 ‏וַיִּתֵּ֣ן יְהוָ֡ה אוֹתֹ֣ת וּ֠מֹפְתִים גְּדֹלִ֨ים וְרָעִ֧ים׀ בְּמִצְרַ֛יִם בְּפַרְעֹ֥ה וּבְכָל־בֵּית֖וֹ לְעֵינֵֽינוּ׃

‎23 ‏וְאוֹתָ֖נוּ הוֹצִ֣יא מִשָּׁ֑ם לְמַ֙עַן֙ הָבִ֣יא אֹתָ֔נוּ לָ֤תֶת לָ֙נוּ֙ אֶת־הָאָ֔רֶץ אֲשֶׁ֥ר נִשְׁבַּ֖ע לַאֲבֹתֵֽינוּ׃

‎24 ‏וַיְצַוֵּ֣נוּ יְהוָ֗ה לַעֲשׂוֹת֙ אֶת־כָּל־הַחֻקִּ֣ים הָאֵ֔לֶּה לְיִרְאָ֖ה אֶת־יְהוָ֣ה אֱלֹהֵ֑ינוּ לְט֥וֹב לָ֙נוּ֙ כָּל־הַיָּמִ֔ים לְחַיֹּתֵ֖נוּ כְּהַיּ֥וֹם הַזֶּֽה׃

‎25 ‏וּצְדָקָ֖ה תִּֽהְיֶה־לָּ֑נוּ כִּֽי־נִשְׁמֹ֨ר לַעֲשׂ֜וֹת אֶת־כָּל־הַמִּצְוָ֣ה הַזֹּ֗את לִפְנֵ֛י יְהוָ֥ה אֱלֹהֵ֖ינוּ כַּאֲשֶׁ֥ר צִוָּֽנוּ׃ ס

1 wəzō’ṯ hammiṣəwâ h^aḥuqqîm wəhammišəpāṭîm ’ăšer ṣiûâ yəhwâ ’ĕlōhêḵem ləlammēḏ ’eṯəḵem l^a‘ăśwōṯ bā’āreṣ ’ăšer ’atem ‘ōḇərîm šāmmâ lərišətāh:

2 ləm^a‘an tîrā’ ’eṯ-yəhwâ ’ĕlōheyḵā lišəmōr ’eṯ-kāl-ḥuqqōṯāyw ûmiṣəwōṯāyw ’ăšer ’ānōḵî məṣaûeḵā ’atâ ûḇinəḵā ûḇen-binəḵā kōl yəmê ḥayyeyḵā ûləm^a‘an ya’ăriḵun yāmeyḵā:

3 wəšām^a‘ətā yiśərā’ēl wəšāmarətā l^a‘ăśwōṯ ’ăšer yîṭaḇ ləḵā wa’ăšer tirəbûn mə’ōḏ ka’ăšer diber yəhwâ ’ĕlōhê ’ăḇōṯeyḵā lāḵə ’ereṣ zāḇaṯ ḥālāḇ ûḏəḇāš: f

4 šəm^a‘⁵ yiśərā’ēl yəhwâ ’ĕlōhênû yəhwâ| ’eḥāḏ:⁵

5 wə’âaḇətā ’ēṯ yəhwâ ’ĕlōheyḵā bəḵāl-ləḇāḇəḵā ûḇəḵāl-nafəšəḵā ûḇəḵāl-mə’ōḏeḵā:

6 wəhāyû hadəḇārîm hā’ēlleh ’ăšer ’ānōḵî məṣaûəḵā hayywōm ‘al-ləḇāḇeḵā:

7 wəšinnanətām ləḇāneyḵā wəḏibarətā bām bəšiḇətəḵā bəḇêṯeḵā ûḇəleḵətəḵā ḇadereḵə ûḇəšāḵəbəḵā ûḇəqûmeḵā:

8 ûqəšarətām lə’wōṯ ‘al-yāḏeḵā wəhāyû ləṭōṭāfōṯ bên ‘êneyḵā:

9 ûḵəṯaḇətām ‘al-məzûzōṯ bêṯeḵā ûḇišə‘āreyḵā: s

10 wəhāyâ kî yəḇî’ăḵā| yəhwâ ’ĕlōheyḵā ’el-hā’āreṣ ’ăšer nišəb^a‘ la’ăḇōṯeyḵā lə’aḇərâām ləyiṣəḥāq ûləy^a‘ăqōḇ lāṯeṯ lāḵə ‘ārîm gəḏōlōṯ wəṭōḇōṯ ’ăšer lō’-ḇānîṯā:

11 ûḇātîm məlē’îm kāl-ṭûḇ ’ăšer lō’-millē’ṯā ûḇōrōṯ ḥăṣûḇîm ’ăšer lō’-ḥāṣaḇətā kərāmîm wəzêṯîm ’ăšer lō’-nāṭā‘ətā wə’āḵalətā wəśāḇā‘ətā:

12 hiššāmer ləḵā pen-tišək^aḥ ’eṯ-yəhwâ ’ăšer hwōṣî’ăḵā mē’ereṣ miṣərayim mibêṯ ‘ăḇāḏîm:

13 ’eṯ-yəhwâ ’ĕlōheyḵā tîrā’ wə’ōṯwō ṯ^a‘ăḇōḏ ûḇišəmwō tiššāḇē‘a:

14 lō’ ṯēləḵûn ’^aḥărê ’ĕlōhîm ’ăḥērîm mē’ĕlōhê hā‘ammîm ’ăšer səḇîḇwōṯêḵem:

15 kî ’ēl qannā’ yəhwâ ’ĕlōheyḵā bəqirəbeḵā pen-yeḥĕreh ’af-yəhwâ ’ĕlōheyḵā bāḵə wəhišəmîḏəḵā mē‘al pənê hā’ăḏāmâ: s

16 lō’ ṯənassû ’eṯ-yəhwâ ’ĕlōhêḵem ka’ăšer nissîṯem bammassâ:

17 šāmwōr tišəmərûn ’eṯ-miṣəwōṯ yəhwâ ’ĕlōhêḵem wə‘ēḏōṯāyw wəḥuqqāyw ’ăšer ṣiûāḵə:

18 wə‘āśîṯā hayyāšār wəhaṭṭwōḇ bə‘ênê yəhwâ ləm^a‘an yîṭaḇ lāḵə ûḇā’ṯā wəyārašətā ’eṯ-hā’āreṣ haṭṭōḇâ ’ăšer-nišəb^a‘ yəhwâ la’ăḇōṯeyḵā:

19 lahăḏōf ’eṯ-kāl-’ōyəḇeyḵā mipāneyḵā ka’ăšer diber yəhwâ: s

20 kî-yišə’āləḵā ḇinəḵā māḥār lē’mōr mâ hā‘ēḏōṯ wəh^aḥuqqîm wəhammišəpāṭîm ’ăšer ṣiûâ yəhwâ ’ĕlōhênû ’eṯəḵem:

21 wə’āmarətā ləḇinəḵā ‘ăḇāḏîm hāyînû ləfarə‘ōh bəmiṣərāyim wayywōṣî’ēnû yəhwâ mimmiṣərayim bəyāḏ ḥăzāqâ:

22 wayyitēn yəhwâ ’wōṯōṯ ûmōfəṯîm gəḏōlîm wərā‘îm| bəmiṣərayim bəfarə‘ōh ûḇəḵāl-bêṯwō lə‘ênênû:

23 wə’wōṯānû hwōṣî’ miššām ləm^a‘an hāḇî’ ’ōṯānû lāṯeṯ lānû ’eṯ-hā’āreṣ ’ăšer nišəb^a‘ la’ăḇōṯênû:

24 wayəṣaûēnû yəhwâ l^a‘ăśwōṯ ’eṯ-kāl-h^aḥuqqîm hā’ēlleh ləyirə’â ’eṯ-yəhwâ ’ĕlōhênû ləṭwōḇ lānû kāl-hayyāmîm ləḥayyōṯēnû kəhayywōm hazzeh:

25 ûṣəḏāqâ tihəyeh-llānû kî-nišəmōr l^a‘ăśwōṯ ’eṯ-kāl-hammiṣəwâ hazzō’ṯ lifənê yəhwâ ’ĕlōhênû ka’ăšer ṣiûānû: s

‎1 ‏כִּ֤י יְבִֽיאֲךָ֙ יְהוָ֣ה אֱלֹהֶ֔יךָ אֶל־הָאָ֕רֶץ אֲשֶׁר־אַתָּ֥ה בָא־שָׁ֖מָּה לְרִשְׁתָּ֑הּ וְנָשַׁ֣ל גּֽוֹיִם־רַבִּ֣ים׀ מִפָּנֶ֡יךָ הַֽחִתִּי֩ וְהַגִּרְגָּשִׁ֨י וְהָאֱמֹרִ֜י וְהַכְּנַעֲנִ֣י וְהַפְּרִזִּ֗י וְהַֽחִוִּי֙ וְהַיְבוּסִ֔י שִׁבְעָ֣ה גוֹיִ֔ם רַבִּ֥ים וַעֲצוּמִ֖ים מִמֶּֽךָּ׃

‎2 ‏וּנְתָנָ֞ם יְהוָ֧ה אֱלֹהֶ֛יךָ לְפָנֶ֖יךָ וְהִכִּיתָ֑ם הַחֲרֵ֤ם תַּחֲרִים֙ אֹתָ֔ם לֹא־תִכְרֹ֥ת לָהֶ֛ם בְּרִ֖ית וְלֹ֥א תְחָנֵּֽם׃

‎3 ‏וְלֹ֥א תִתְחַתֵּ֖ן בָּ֑ם בִּתְּךָ֙ לֹא־תִתֵּ֣ן לִבְנ֔וֹ וּבִתּ֖וֹ לֹא־תִקַּ֥ח לִבְנֶֽךָ׃

‎4 ‏כִּֽי־יָסִ֤יר אֶת־בִּנְךָ֙ מֵֽאַחֲרַ֔י וְעָבְד֖וּ אֱלֹהִ֣ים אֲחֵרִ֑ים וְחָרָ֤ה אַף־יְהוָה֙ בָּכֶ֔ם וְהִשְׁמִידְךָ֖ מַהֵֽר׃

‎5 ‏כִּֽי־אִם־כֹּ֤ה תַעֲשׂוּ֙ לָהֶ֔ם מִזְבְּחֹתֵיהֶ֣ם תִּתֹּ֔צוּ וּמַצֵּבֹתָ֖ם תְּשַׁבֵּ֑רוּ וַאֲשֵֽׁירֵהֶם֙ תְּגַדֵּע֔וּן וּפְסִילֵיהֶ֖ם תִּשְׂרְפ֥וּן בָּאֵֽשׁ׃

‎6 ‏כִּ֣י עַ֤ם קָדוֹשׁ֙ אַתָּ֔ה לַיהוָ֖ה אֱלֹהֶ֑יךָ בְּךָ֞ בָּחַ֣ר׀ יְהוָ֣ה אֱלֹהֶ֗יךָ לִהְי֥וֹת לוֹ֙ לְעַ֣ם סְגֻלָּ֔ה מִכֹּל֙ הָֽעַמִּ֔ים אֲשֶׁ֖ר עַל־פְּנֵ֥י הָאֲדָמָֽה׃ ס

‎7 ‏לֹ֣א מֵֽרֻבְּכֶ֞ם מִכָּל־הָֽעַמִּ֗ים חָשַׁ֧ק יְהוָ֛ה בָּכֶ֖ם וַיִּבְחַ֣ר בָּכֶ֑ם כִּֽי־אַתֶּ֥ם הַמְעַ֖ט מִכָּל־הָעַמִּֽים׃

‎8 ‏כִּי֩ מֵֽאַהֲבַ֨ת יְהוָ֜ה אֶתְכֶ֗ם וּמִשָּׁמְר֤וֹ אֶת־הַשְּׁבֻעָה֙ אֲשֶׁ֤ר נִשְׁבַּע֙ לַאֲבֹ֣תֵיכֶ֔ם הוֹצִ֧יא יְהוָ֛ה אֶתְכֶ֖ם בְּיָ֣ד חֲזָקָ֑ה וַֽיִּפְדְּךָ֙ מִבֵּ֣ית עֲבָדִ֔ים מִיַּ֖ד פַּרְעֹ֥ה מֶֽלֶךְ־מִצְרָֽיִם׃

‎9 ‏וְיָ֣דַעְתָּ֔ כִּֽי־יְהוָ֥ה אֱלֹהֶ֖יךָ ה֣וּא הָֽאֱלֹהִ֑ים הָאֵל֙ הַֽנֶּאֱמָ֔ן שֹׁמֵ֧ר הַבְּרִ֣ית וְהַחֶ֗סֶד לְאֹהֲבָ֛יו וּלְשֹׁמְרֵ֥י מצותו מִצְוֹתָ֖יו לְאֶ֥לֶף דּֽוֹר׃

‎10 ‏וּמְשַׁלֵּ֧ם לְשֹׂנְאָ֛יו אֶל־פָּנָ֖יו לְהַאֲבִיד֑וֹ לֹ֤א יְאַחֵר֙ לְשֹׂ֣נְא֔וֹ אֶל־פָּנָ֖יו יְשַׁלֶּם־לֽוֹ׃

‎11 ‏וְשָׁמַרְתָּ֨³ אֶת־הַמִּצְוָ֜ה וְאֶת־הַֽחֻקִּ֣ים וְאֶת־הַמִּשְׁפָּטִ֗ים אֲשֶׁ֨ר אָנֹכִ֧י מְצַוְּךָ֛ הַיּ֖וֹם לַעֲשׂוֹתָֽם׃ פ

‎12 ‏וְהָיָ֣ה׀ עֵ֣קֶב תִּשְׁמְע֗וּן אֵ֤ת הַמִּשְׁפָּטִים֙ הָאֵ֔לֶּה וּשְׁמַרְתֶּ֥ם וַעֲשִׂיתֶ֖ם אֹתָ֑ם וְשָׁמַר֩ יְהוָ֨ה אֱלֹהֶ֜יךָ לְךָ֗ אֶֽת־הַבְּרִית֙ וְאֶת־הַחֶ֔סֶד אֲשֶׁ֥ר נִשְׁבַּ֖ע לַאֲבֹתֶֽיךָ׃

‎13 ‏וַאֲהֵ֣בְךָ֔ וּבֵרַכְךָ֖ וְהִרְבֶּ֑ךָ וּבֵרַ֣ךְ פְּרִֽי־בִטְנְךָ֣ וּפְרִֽי־אַ֠דְמָתֶךָ דְּגָ֨נְךָ֜ וְתִֽירֹשְׁךָ֣ וְיִצְהָרֶ֗ךָ שְׁגַר־אֲלָפֶ֙יךָ֙ וְעַשְׁתְּרֹ֣ת צֹאנֶ֔ךָ עַ֚ל הָֽאֲדָמָ֔ה אֲשֶׁר־נִשְׁבַּ֥ע לַאֲבֹתֶ֖יךָ לָ֥תֶת לָֽךְ׃

‎14 ‏בָּר֥וּךְ תִּֽהְיֶ֖ה מִכָּל־הָעַמִּ֑ים לֹא־יִהְיֶ֥ה בְךָ֛ עָקָ֥ר וַֽעֲקָרָ֖ה וּבִבְהֶמְתֶּֽךָ׃

‎15 ‏וְהֵסִ֧יר יְהוָ֛ה מִמְּךָ֖ כָּל־חֹ֑לִי וְכָל־מַדְוֵי֩ מִצְרַ֨יִם הָרָעִ֜ים אֲשֶׁ֣ר יָדַ֗עְתָּ לֹ֤א יְשִׂימָם֙ בָּ֔ךְ וּנְתָנָ֖ם בְּכָל־שֹׂנְאֶֽיךָ׃

‎16 ‏וְאָכַלְתָּ֣ אֶת־כָּל־הָֽעַמִּ֗ים אֲשֶׁ֨ר יְהוָ֤ה אֱלֹהֶ֙יךָ֙ נֹתֵ֣ן לָ֔ךְ לֹא־תָחֹ֥ס עֵֽינְךָ֖ עֲלֵיהֶ֑ם וְלֹ֤א תַעֲבֹד֙ אֶת־אֱלֹ֣הֵיהֶ֔ם כִּֽי־מוֹקֵ֥שׁ ה֖וּא לָֽךְ׃ ס

‎17 ‏כִּ֤י תֹאמַר֙ בִּלְבָ֣בְךָ֔ רַבִּ֛ים הַגּוֹיִ֥ם הָאֵ֖לֶּה מִמֶּ֑נִּי אֵיכָ֥ה אוּכַ֖ל לְהוֹרִישָֽׁם׃

‎18 ‏לֹ֥א תִירָ֖א מֵהֶ֑ם זָכֹ֣ר תִּזְכֹּ֗ר אֵ֤ת אֲשֶׁר־עָשָׂה֙ יְהוָ֣ה אֱלֹהֶ֔יךָ לְפַרְעֹ֖ה וּלְכָל־מִצְרָֽיִם׃

‎19 ‏הַמַּסֹּ֨ת הַגְּדֹלֹ֜ת אֲשֶׁר־רָא֣וּ עֵינֶ֗יךָ וְהָאֹתֹ֤ת וְהַמֹּֽפְתִים֙ וְהַיָּ֤ד הַחֲזָקָה֙ וְהַזְּרֹ֣עַ הַנְּטוּיָ֔ה אֲשֶׁ֥ר הוֹצִֽאֲךָ֖ יְהוָ֣ה אֱלֹהֶ֑יךָ כֵּֽן־יַעֲשֶׂ֞ה יְהוָ֤ה אֱלֹהֶ֙יךָ֙ לְכָל־הָ֣עַמִּ֔ים אֲשֶׁר־אַתָּ֥ה יָרֵ֖א מִפְּנֵיהֶֽם׃

‎20 ‏וְגַם֙ אֶת־הַצִּרְעָ֔ה יְשַׁלַּ֛ח יְהוָ֥ה אֱלֹהֶ֖יךָ בָּ֑ם עַד־אֲבֹ֗ד הַנִּשְׁאָרִ֛ים וְהַנִּסְתָּרִ֖ים מִפָּנֶֽיךָ׃

‎21 ‏לֹ֥א תַעֲרֹ֖ץ מִפְּנֵיהֶ֑ם כִּֽי־יְהוָ֤ה אֱלֹהֶ֙יךָ֙ בְּקִרְבֶּ֔ךָ אֵ֥ל גָּד֖וֹל וְנוֹרָֽא׃

‎22 ‏וְנָשַׁל֩ יְהוָ֨ה אֱלֹהֶ֜יךָ אֶת־הַגּוֹיִ֥ם הָאֵ֛ל מִפָּנֶ֖יךָ מְעַ֣ט מְעָ֑ט לֹ֤א תוּכַל֙ כַּלֹּתָ֣ם מַהֵ֔ר פֶּן־תִּרְבֶּ֥ה עָלֶ֖יךָ חַיַּ֥ת הַשָּׂדֶֽה׃

‎23 ‏וּנְתָנָ֛ם יְהוָ֥ה אֱלֹהֶ֖יךָ לְפָנֶ֑יךָ וְהָמָם֙ מְהוּמָ֣ה גְדֹלָ֔ה עַ֖ד הִשָּׁמְדָֽם׃

‎24 ‏וְנָתַ֤ן מַלְכֵיהֶם֙ בְּיָדֶ֔ךָ וְהַאֲבַדְתָּ֣ אֶת־שְׁמָ֔ם מִתַּ֖חַת הַשָּׁמָ֑יִם לֹֽא־יִתְיַצֵּ֥ב אִישׁ֙ בְּפָנֶ֔יךָ עַ֥ד הִשְׁמִֽדְךָ֖ אֹתָֽם׃

‎25 ‏פְּסִילֵ֥י אֱלֹהֵיהֶ֖ם תִּשְׂרְפ֣וּן בָּאֵ֑שׁ לֹֽא־תַחְמֹד֩ כֶּ֨סֶף וְזָהָ֤ב עֲלֵיהֶם֙ וְלָקַחְתָּ֣ לָ֔ךְ פֶּ֚ן תִּוָּקֵ֣שׁ בּ֔וֹ כִּ֧י תוֹעֲבַ֛ת יְהוָ֥ה אֱלֹהֶ֖יךָ הֽוּא׃

‎26 ‏וְלֹא־תָבִ֤יא תֽוֹעֵבָה֙ אֶל־בֵּיתֶ֔ךָ וְהָיִ֥יתָ חֵ֖רֶם כָּמֹ֑הוּ שַׁקֵּ֧ץ׀ תְּשַׁקְּצֶ֛נּוּ וְתַעֵ֥ב׀ תְּֽתַעֲבֶ֖נּוּ כִּי־חֵ֥רֶם הֽוּא׃ פ

1 kî yəḇî’ăḵā yəhwâ ’ĕlōheyḵā ’el-hā’āreṣ ’ăšer-’atâ ḇā’-šāmmâ lərišətāh wənāšal gwōyim-rabîm| mipāneyḵā h^aḥitî wəhagirəgāšî wəhā’ĕmōrî wəhakən^a‘ănî wəhapərizzî wəh^aḥiûî wəhayəḇûsî šiḇə‘â ḡwōyim rabîm w^a‘ăṣûmîm mimmeḵḵā:

2 ûnəṯānām yəhwâ ’ĕlōheyḵā ləfāneyḵā wəhikîṯām h^aḥărēm t^aḥărîm ’ōṯām lō’-ṯiḵərōṯ lâem bərîṯ wəlō’ ṯəḥānnēm:

3 wəlō’ ṯiṯəḥatēn bām bitəḵā lō’-ṯitēn liḇənwō ûḇitwō lō’-ṯiqq^aḥ liḇəneḵā:

4 kî-yāsîr ’eṯ-binəḵā mē’^aḥăray wə‘āḇəḏû ’ĕlōhîm ’ăḥērîm wəḥārâ ’af-yəhwâ bāḵem wəhišəmîḏəḵā mahēr:

5 kî-’im-kōh ṯ^a‘ăśû lâem mizəbəḥōṯêhem titōṣû ûmaṣṣēḇōṯām təšabērû wa’ăšêrēhem təḡadē‘ûn ûfəsîlêhem tiśərəfûn bā’ēš:

6 kî ‘am qāḏwōš ’atâ layhwâ ’ĕlōheyḵā bəḵā bāḥar| yəhwâ ’ĕlōheyḵā lihəywōṯ lwō lə‘am səḡullâ mikōl hā‘ammîm ’ăšer ‘al-pənê hā’ăḏāmâ: s

7 lō’ mērubəḵem mikāl-hā‘ammîm ḥāšaq yəhwâ bāḵem wayyiḇəḥar bāḵem kî-’atem hamə‘aṭ mikāl-hā‘ammîm:

8 kî mē’ahăḇaṯ yəhwâ ’eṯəḵem ûmiššāmərwō ’eṯ-haššəḇu‘â ’ăšer nišəb^a‘ la’ăḇōṯêḵem hwōṣî’ yəhwâ ’eṯəḵem bəyāḏ ḥăzāqâ wayyifədəḵā mibêṯ ‘ăḇāḏîm mîyaḏ parə‘ōh meleḵə-miṣərāyim:

9 wəyāḏ^a‘ətā kî-yəhwâ ’ĕlōheyḵā hû’ hā’ĕlōhîm hā’ēl hanne’ĕmān šōmēr habərîṯ wəh^aḥeseḏ lə’ōhăḇāyw ûləšōmərê miṣəwōṯāw miṣəwōṯāyw lə’elef dwōr:

10 ûməšallēm ləśōnə’āyw ’el-pānāyw ləha’ăḇîḏwō lō’ yə’^aḥēr ləśōnə’wō ’el-pānāyw yəšallem-lwō:

11 wəšāmarətā³ ’eṯ-hammiṣəwâ wə’eṯ-h^aḥuqqîm wə’eṯ-hammišəpāṭîm ’ăšer ’ānōḵî məṣaûəḵā hayywōm l^a‘ăśwōṯām: f

12 wəhāyâ| ‘ēqeḇ tišəmə‘ûn ’ēṯ hammišəpāṭîm hā’ēlleh ûšəmarətem w^a‘ăśîṯem ’ōṯām wəšāmar yəhwâ ’ĕlōheyḵā ləḵā ’eṯ-habərîṯ wə’eṯ-h^aḥeseḏ ’ăšer nišəb^a‘ la’ăḇōṯeyḵā:

13 wa’ăhēḇəḵā ûḇēraḵəḵā wəhirəbeḵā ûḇēraḵə pərî-ḇiṭənəḵā ûfərî-’aḏəmāṯeḵā dəḡānəḵā wəṯîrōšəḵā wəyiṣəhāreḵā šəḡar-’ălāfeyḵā wə‘ašətərōṯ ṣō’neḵā ‘al hā’ăḏāmâ ’ăšer-nišəb^a‘ la’ăḇōṯeyḵā lāṯeṯ lāḵə:

14 bārûḵə tihəyeh mikāl-hā‘ammîm lō’-yihəyeh ḇəḵā ‘āqār w^a‘ăqārâ ûḇiḇəheməteḵā:

15 wəhēsîr yəhwâ mimməḵā kāl-ḥōlî wəḵāl-maḏəwê miṣərayim hārā‘îm ’ăšer yāḏ^a‘ətā lō’ yəśîmām bāḵə ûnəṯānām bəḵāl-śōnə’eyḵā:

16 wə’āḵalətā ’eṯ-kāl-hā‘ammîm ’ăšer yəhwâ ’ĕlōheyḵā nōṯēn lāḵə lō’-ṯāḥōs ‘ênəḵā ‘ălêhem wəlō’ ṯ^a‘ăḇōḏ ’eṯ-’ĕlōhêhem kî-mwōqēš hû’ lāḵə: s

17 kî ṯō’mar biləḇāḇəḵā rabîm hagwōyim hā’ēlleh mimmennî ’êḵâ ’ûḵal ləhwōrîšām:

18 lō’ ṯîrā’ mēhem zāḵōr tizəkōr ’ēṯ ’ăšer-‘āśâ yəhwâ ’ĕlōheyḵā ləfarə‘ōh ûləḵāl-miṣərāyim:

19 hammassōṯ hagəḏōlōṯ ’ăšer-rā’û ‘êneyḵā wəhā’ōṯōṯ wəhammōfəṯîm wəhayyāḏ h^aḥăzāqâ wəhazzərō‘a hannəṭûyâ ’ăšer hwōṣi’ăḵā yəhwâ ’ĕlōheyḵā kēn-y^a‘ăśeh yəhwâ ’ĕlōheyḵā ləḵāl-hā‘ammîm ’ăšer-’atâ yārē’ mipənêhem:

20 wəḡam ’eṯ-haṣṣirə‘â yəšall^aḥ yəhwâ ’ĕlōheyḵā bām ‘aḏ-’ăḇōḏ hannišə’ārîm wəhannisətārîm mipāneyḵā:

21 lō’ ṯ^a‘ărōṣ mipənêhem kî-yəhwâ ’ĕlōheyḵā bəqirəbeḵā ’ēl gāḏwōl wənwōrā’:

22 wənāšal yəhwâ ’ĕlōheyḵā ’eṯ-hagwōyim hā’ēl mipāneyḵā mə‘aṭ mə‘āṭ lō’ ṯûḵal kallōṯām mahēr pen-tirəbeh ‘āleyḵā ḥayyaṯ haśśāḏeh:

23 ûnəṯānām yəhwâ ’ĕlōheyḵā ləfāneyḵā wəhāmām məhûmâ ḡəḏōlâ ‘aḏ hiššāməḏām:

24 wənāṯan maləḵêhem bəyāḏeḵā wəha’ăḇaḏətā ’eṯ-šəmām mit^aḥaṯ haššāmāyim lō’-yiṯəyaṣṣēḇ ’îš bəfāneyḵā ‘aḏ hišəmiḏəḵā ’ōṯām:

25 pəsîlê ’ĕlōhêhem tiśərəfûn bā’ēš lō’-ṯ^aḥəmōḏ kesef wəzâāḇ ‘ălêhem wəlāq^aḥətā lāḵə pen tiûāqēš bwō kî ṯwō‘ăḇaṯ yəhwâ ’ĕlōheyḵā hû’:

26 wəlō’-ṯāḇî’ ṯwō‘ēḇâ ’el-bêṯeḵā wəhāyîṯā ḥērem kāmōhû šaqqēṣ| təšaqqəṣennû wəṯ^a‘ēḇ| təṯ^a‘ăḇennû kî-ḥērem hû’: f

‎1 ‏כָּל־הַמִּצְוָ֗ה אֲשֶׁ֨ר אָנֹכִ֧י מְצַוְּךָ֛ הַיּ֖וֹם תִּשְׁמְר֣וּן לַעֲשׂ֑וֹת לְמַ֨עַן תִּֽחְי֜וּן וּרְבִיתֶ֗ם וּבָאתֶם֙ וִֽירִשְׁתֶּ֣ם אֶת־הָאָ֔רֶץ אֲשֶׁר־נִשְׁבַּ֥ע יְהוָ֖ה לַאֲבֹתֵיכֶֽם׃

‎2 ‏וְזָכַרְתָּ֣ אֶת־כָּל־הַדֶּ֗רֶךְ אֲשֶׁ֨ר³ הֹלִֽיכֲךָ֜ יְהוָ֧ה אֱלֹהֶ֛יךָ זֶ֛ה אַרְבָּעִ֥ים שָׁנָ֖ה בַּמִּדְבָּ֑ר לְמַ֨עַן עַנֹּֽתְךָ֜ לְנַסֹּֽתְךָ֗ לָדַ֜עַת אֶת־אֲשֶׁ֧ר בִּֽלְבָבְךָ֛ הֲתִשְׁמֹ֥ר מצותו מִצְוֹתָ֖יו אִם־לֹֽא׃

‎3 ‏וַֽיְעַנְּךָ֮ וַיַּרְעִבֶךָ֒ וַיַּֽאֲכִֽלְךָ֤ אֶת־הַמָּן֙ אֲשֶׁ֣ר לֹא־יָדַ֔עְתָּ וְלֹ֥א יָדְע֖וּן אֲבֹתֶ֑יךָ לְמַ֣עַן הוֹדִֽעֲךָ֗ כִּ֠י לֹ֣א עַל־הַלֶּ֤חֶם לְבַדּוֹ֙ יִחְיֶ֣ה הָֽאָדָ֔ם כִּ֛י עַל־כָּל־מוֹצָ֥א פִֽי־יְהוָ֖ה יִחְיֶ֥ה הָאָדָֽם׃

‎4 ‏שִׂמְלָ֨תְךָ֜ לֹ֤א בָֽלְתָה֙ מֵֽעָלֶ֔יךָ וְרַגְלְךָ֖ לֹ֣א בָצֵ֑קָה זֶ֖ה אַרְבָּעִ֥ים שָׁנָֽה׃

‎5 ‏וְיָדַעְתָּ֖ עִם־לְבָבֶ֑ךָ כִּ֗י כַּאֲשֶׁ֨ר יְיַסֵּ֥ר אִישׁ֙ אֶת־בְּנ֔וֹ יְהוָ֥ה אֱלֹהֶ֖יךָ מְיַסְּרֶֽךָּ׃

‎6 ‏וְשָׁ֣מַרְתָּ֔ אֶת־מִצְוֹ֖ת יְהוָ֣ה אֱלֹהֶ֑יךָ לָלֶ֥כֶת בִּדְרָכָ֖יו וּלְיִרְאָ֥ה אֹתֽוֹ׃

‎7 ‏כִּ֚י יְהוָ֣ה אֱלֹהֶ֔יךָ מְבִֽיאֲךָ֖ אֶל־אֶ֣רֶץ טוֹבָ֑ה אֶ֚רֶץ נַ֣חֲלֵי מָ֔יִם עֲיָנֹת֙ וּתְהֹמֹ֔ת יֹצְאִ֥ים בַּבִּקְעָ֖ה וּבָהָֽר׃

‎8 ‏אֶ֤רֶץ חִטָּה֙ וּשְׂעֹרָ֔ה וְגֶ֥פֶן וּתְאֵנָ֖ה וְרִמּ֑וֹן אֶֽרֶץ־זֵ֥ית שֶׁ֖מֶן וּדְבָֽשׁ׃

‎9 ‏אֶ֗רֶץ אֲשֶׁ֨ר לֹ֤א בְמִסְכֵּנֻת֙ תֹּֽאכַל־בָּ֣הּ לֶ֔חֶם לֹֽא־תֶחְסַ֥ר כֹּ֖ל בָּ֑הּ אֶ֚רֶץ אֲשֶׁ֣ר אֲבָנֶ֣יהָ בַרְזֶ֔ל וּמֵהֲרָרֶ֖יהָ תַּחְצֹ֥ב נְחֹֽשֶׁת׃

‎10 ‏וְאָכַלְתָּ֖ וְשָׂבָ֑עְתָּ וּבֵֽרַכְתָּ֙ אֶת־יְהוָ֣ה אֱלֹהֶ֔יךָ עַל־הָאָ֥רֶץ הַטֹּבָ֖ה אֲשֶׁ֥ר נָֽתַן־לָֽךְ׃

‎11 ‏הִשָּׁ֣מֶר לְךָ֔ פֶּן־תִּשְׁכַּ֖ח אֶת־יְהוָ֣ה אֱלֹהֶ֑יךָ לְבִלְתִּ֨י שְׁמֹ֤ר מִצְוֹתָיו֙ וּמִשְׁפָּטָ֣יו וְחֻקֹּתָ֔יו אֲשֶׁ֛ר אָנֹכִ֥י מְצַוְּךָ֖ הַיּֽוֹם׃

‎12 ‏פֶּן־תֹּאכַ֖ל וְשָׂבָ֑עְתָּ וּבָתִּ֥ים טוֹבִ֛ים תִּבְנֶ֖ה וְיָשָֽׁבְתָּ׃

‎13 ‏וּבְקָֽרְךָ֤ וְצֹֽאנְךָ֙ יִרְבְּיֻ֔ן וְכֶ֥סֶף וְזָהָ֖ב יִרְבֶּה־לָּ֑ךְ וְכֹ֥ל אֲשֶׁר־לְךָ֖ יִרְבֶּֽה׃

‎14 ‏וְרָ֖ם לְבָבֶ֑ךָ וְשָֽׁכַחְתָּ֙ אֶת־יְהוָ֣ה אֱלֹהֶ֔יךָ הַמּוֹצִיאֲךָ֛ מֵאֶ֥רֶץ מִצְרַ֖יִם מִבֵּ֥ית עֲבָדִֽים׃

‎15 ‏הַמּוֹלִ֨יכֲךָ֜ בַּמִּדְבָּ֣ר׀ הַגָּדֹ֣ל וְהַנּוֹרָ֗א נָחָ֤שׁ׀ שָׂרָף֙ וְעַקְרָ֔ב וְצִמָּא֖וֹן אֲשֶׁ֣ר אֵֽין־מָ֑יִם הַמּוֹצִ֤יא לְךָ֙ מַ֔יִם מִצּ֖וּר הַֽחַלָּמִֽישׁ׃

‎16 ‏הַמַּֽאֲכִ֨לְךָ֥ מָן֙ בַּמִּדְבָּ֔ר אֲשֶׁ֥ר לֹא־יָדְע֖וּן אֲבֹתֶ֑יךָ לְמַ֣עַן עַנֹּֽתְךָ֗ וּלְמַ֙עַן֙ נַסֹּתֶ֔ךָ לְהֵיטִֽבְךָ֖ בְּאַחֲרִיתֶֽךָ׃

‎17 ‏וְאָמַרְתָּ֖ בִּלְבָבֶ֑ךָ כֹּחִי֙ וְעֹ֣צֶם יָדִ֔י עָ֥שָׂה לִ֖י אֶת־הַחַ֥יִל הַזֶּֽה׃

‎18 ‏וְזָֽכַרְתָּ֙ אֶת־יְהוָ֣ה אֱלֹהֶ֔יךָ כִּ֣י ה֗וּא הַנֹּתֵ֥ן לְךָ֛ כֹּ֖חַ לַעֲשׂ֣וֹת חָ֑יִל לְמַ֨עַן הָקִ֧ים אֶת־בְּרִית֛וֹ אֲשֶׁר־נִשְׁבַּ֥ע לַאֲבֹתֶ֖יךָ כַּיּ֥וֹם הַזֶּֽה׃ פ

‎19 ‏וְהָיָ֗ה אִם־שָׁכֹ֤חַ תִּשְׁכַּח֙ אֶת־יְהוָ֣ה אֱלֹהֶ֔יךָ וְהָֽלַכְתָּ֗ אַחֲרֵי֙ אֱלֹהִ֣ים אֲחֵרִ֔ים וַעֲבַדְתָּ֖ם וְהִשְׁתַּחֲוִ֣יתָ לָהֶ֑ם הַעִדֹ֤תִי בָכֶם֙ הַיּ֔וֹם כִּ֥י אָבֹ֖ד תֹּאבֵדֽוּן׃

‎20 ‏כַּגּוֹיִ֗ם אֲשֶׁ֤ר יְהוָה֙ מַאֲבִ֣יד מִפְּנֵיכֶ֔ם כֵּ֖ן תֹאבֵד֑וּן עֵ֚קֶב לֹ֣א תִשְׁמְע֔וּן בְּק֖וֹל יְהוָ֥ה אֱלֹהֵיכֶֽם׃ פ

1 kāl-hammiṣəwâ ’ăšer ’ānōḵî məṣaûəḵā hayywōm tišəmərûn l^a‘ăśwōṯ ləm^a‘an tiḥəyûn ûrəḇîṯem ûḇā’ṯem wîrišətem ’eṯ-hā’āreṣ ’ăšer-nišəb^a‘ yəhwâ la’ăḇōṯêḵem:

2 wəzāḵarətā ’eṯ-kāl-hadereḵə ’ăšer³ hōlîḵăḵā yəhwâ ’ĕlōheyḵā zeh ’arəbā‘îm šānâ bammiḏəbār ləm^a‘an ‘annōṯəḵā lənassōṯəḵā lāḏ^a‘aṯ ’eṯ-’ăšer biləḇāḇəḵā hăṯišəmōr miṣəwōṯāw miṣəwōṯāyw ’im-lō’:

3 wayə‘annəḵā wayyarə‘iḇeḵā wayya’ăḵiləḵā ’eṯ-hammān ’ăšer lō’-yāḏ^a‘ətā wəlō’ yāḏə‘ûn ’ăḇōṯeyḵā ləm^a‘an hwōḏi‘ăḵā kî lō’ ‘al-halleḥem ləḇadwō yiḥəyeh hā’āḏām kî ‘al-kāl-mwōṣā’ fî-yəhwâ yiḥəyeh hā’āḏām:

4 śiməlāṯəḵā lō’ ḇāləṯâ mē‘āleyḵā wəraḡələḵā lō’ ḇāṣēqâ zeh ’arəbā‘îm šānâ:

5 wəyāḏ^a‘ətā ‘im-ləḇāḇeḵā kî ka’ăšer yəyassēr ’îš ’eṯ-bənwō yəhwâ ’ĕlōheyḵā məyassəreḵḵā:

6 wəšāmarətā ’eṯ-miṣəwōṯ yəhwâ ’ĕlōheyḵā lāleḵeṯ biḏərāḵāyw ûləyirə’â ’ōṯwō:

7 kî yəhwâ ’ĕlōheyḵā məḇî’ăḵā ’el-’ereṣ ṭwōḇâ ’ereṣ n^aḥălê māyim ‘ăyānōṯ ûṯəhōmōṯ yōṣə’îm babiqə‘â ûḇâār:

8 ’ereṣ ḥiṭṭâ ûśə‘ōrâ wəḡefen ûṯə’ēnâ wərimmwōn ’ereṣ-zêṯ šemen ûḏəḇāš:

9 ’ereṣ ’ăšer lō’ ḇəmisəkēnuṯ tō’ḵal-bāh leḥem lō’-ṯeḥəsar kōl bāh ’ereṣ ’ăšer ’ăḇāneyhā ḇarəzel ûmēhărāreyhā t^aḥəṣōḇ nəḥōšeṯ:

10 wə’āḵalətā wəśāḇā‘ətā ûḇēraḵətā ’eṯ-yəhwâ ’ĕlōheyḵā ‘al-hā’āreṣ haṭṭōḇâ ’ăšer nāṯan-lāḵə:

11 hiššāmer ləḵā pen-tišək^aḥ ’eṯ-yəhwâ ’ĕlōheyḵā ləḇilətî šəmōr miṣəwōṯāyw ûmišəpāṭāyw wəḥuqqōṯāyw ’ăšer ’ānōḵî məṣaûəḵā hayywōm:

12 pen-tō’ḵal wəśāḇā‘ətā ûḇātîm ṭwōḇîm tiḇəneh wəyāšāḇətā:

13 ûḇəqārəḵā wəṣō’nəḵā yirəbəyun wəḵesef wəzâāḇ yirəbeh-llāḵə wəḵōl ’ăšer-ləḵā yirəbeh:

14 wərām ləḇāḇeḵā wəšāḵ^aḥətā ’eṯ-yəhwâ ’ĕlōheyḵā hammwōṣî’ăḵā mē’ereṣ miṣərayim mibêṯ ‘ăḇāḏîm:

15 hammwōlîḵăḵā bammiḏəbār| hagāḏōl wəhannwōrā’ nāḥāš| śārāf wə‘aqərāḇ wəṣimmā’wōn ’ăšer ’ên-māyim hammwōṣî’ ləḵā mayim miṣṣûr h^aḥallāmîš:

16 hamma’ăḵiləḵā mān bammiḏəbār ’ăšer lō’-yāḏə‘ûn ’ăḇōṯeyḵā ləm^a‘an ‘annōṯəḵā ûləm^a‘an nassōṯeḵā ləhêṭiḇəḵā bə’^aḥărîṯeḵā:

17 wə’āmarətā biləḇāḇeḵā kōḥî wə‘ōṣem yāḏî ‘āśâ lî ’eṯ-h^aḥayil hazzeh:

18 wəzāḵarətā ’eṯ-yəhwâ ’ĕlōheyḵā kî hû’ hannōṯēn ləḵā kōḥa l^a‘ăśwōṯ ḥāyil ləm^a‘an hāqîm ’eṯ-bərîṯwō ’ăšer-nišəb^a‘ la’ăḇōṯeyḵā kayywōm hazzeh: f

19 wəhāyâ ’im-šāḵōḥa tišək^aḥ ’eṯ-yəhwâ ’ĕlōheyḵā wəhālaḵətā ’^aḥărê ’ĕlōhîm ’ăḥērîm w^a‘ăḇaḏətām wəhišət^aḥăwîṯā lâem h^a‘iḏōṯî ḇāḵem hayywōm kî ’āḇōḏ tō’ḇēḏûn:

20 kagwōyim ’ăšer yəhwâ ma’ăḇîḏ mipənêḵem kēn ṯō’ḇēḏûn ‘ēqeḇ lō’ ṯišəmə‘ûn bəqwōl yəhwâ ’ĕlōhêḵem: f

‎1 ‏שְׁמַ֣ע יִשְׂרָאֵ֗ל אַתָּ֨ה עֹבֵ֤ר הַיּוֹם֙ אֶת־הַיַּרְדֵּ֔ן לָבֹא֙ לָרֶ֣שֶׁת גּוֹיִ֔ם גְּדֹלִ֥ים וַעֲצֻמִ֖ים מִמֶּ֑ךָּ עָרִ֛ים גְּדֹלֹ֥ת וּבְצֻרֹ֖ת בַּשָּׁמָֽיִם׃

‎2 ‏עַֽם־גָּד֥וֹל וָרָ֖ם בְּנֵ֣י עֲנָקִ֑ים אֲשֶׁ֨ר אַתָּ֤ה יָדַ֙עְתָּ֙ וְאַתָּ֣ה שָׁמַ֔עְתָּ מִ֣י יִתְיַצֵּ֔ב לִפְנֵ֖י בְּנֵ֥י עֲנָֽק׃

‎3 ‏וְיָדַעְתָּ֣ הַיּ֗וֹם כִּי֩ יְהוָ֨ה אֱלֹהֶ֜יךָ הֽוּא־הָעֹבֵ֤ר לְפָנֶ֙יךָ֙ אֵ֣שׁ אֹֽכְלָ֔ה ה֧וּא יַשְׁמִידֵ֛ם וְה֥וּא יַכְנִיעֵ֖ם לְפָנֶ֑יךָ וְהֽוֹרַשְׁתָּ֤ם וְהַֽאַבַדְתָּם֙¹ מַהֵ֔ר כַּאֲשֶׁ֛ר דִּבֶּ֥ר יְהוָ֖ה לָֽךְ׃

‎4 ‏אַל־תֹּאמַ֣ר בִּלְבָבְךָ֗ בַּהֲדֹ֣ף יְהוָה֩ אֱלֹהֶ֨יךָ אֹתָ֥ם׀ מִלְּפָנֶיךָ֮ לֵאמֹר֒ בְּצִדְקָתִי֙ הֱבִיאַ֣נִי יְהוָ֔ה לָרֶ֖שֶׁת אֶת־הָאָ֣רֶץ הַזֹּ֑את וּבְרִשְׁעַת֙ הַגּוֹיִ֣ם הָאֵ֔לֶּה יְהוָ֖ה מוֹרִישָׁ֥ם³ מִפָּנֶֽיךָ׃

‎5 ‏לֹ֣א בְצִדְקָתְךָ֗ וּבְיֹ֙שֶׁר֙ לְבָ֣בְךָ֔ אַתָּ֥ה בָ֖א לָרֶ֣שֶׁת אֶת־אַרְצָ֑ם כִּ֞י בְּרִשְׁעַ֣ת׀ הַגּוֹיִ֣ם הָאֵ֗לֶּה יְהוָ֤ה אֱלֹהֶ֙יךָ֙ מוֹרִישָׁ֣ם מִפָּנֶ֔יךָ וּלְמַ֜עַן הָקִ֣ים אֶת־הַדָּבָ֗ר אֲשֶׁ֨ר נִשְׁבַּ֤ע יְהוָה֙ לַאֲבֹתֶ֔יךָ לְאַבְרָהָ֥ם לְיִצְחָ֖ק וּֽלְיַעֲקֹֽב׃

‎6 ‏וְיָדַעְתָּ֗ כִּ֠י לֹ֤א בְצִדְקָֽתְךָ֙ יְהוָ֣ה אֱ֠לֹהֶיךָ נֹתֵ֨ן לְךָ֜ אֶת־הָאָ֧רֶץ הַטּוֹבָ֛ה הַזֹּ֖את לְרִשְׁתָּ֑הּ כִּ֥י עַם־קְשֵׁה־עֹ֖רֶף אָֽתָּה׃

‎7 ‏זְכֹר֙ אַל־תִּשְׁכַּ֔ח אֵ֧ת אֲשֶׁר־הִקְצַ֛פְתָּ אֶת־יְהוָ֥ה אֱלֹהֶ֖יךָ בַּמִּדְבָּ֑ר לְמִן־הַיּ֞וֹם אֲשֶׁר־יָצָ֣אתָ׀ מֵאֶ֣רֶץ מִצְרַ֗יִם עַד־בֹּֽאֲכֶם֙ עַד־הַמָּק֣וֹם הַזֶּ֔ה מַמְרִ֥ים הֱיִיתֶ֖ם עִם־יְהוָֽה׃

‎8 ‏וּבְחֹרֵ֥ב הִקְצַפְתֶּ֖ם אֶת־יְהוָ֑ה וַיִּתְאַנַּ֧ף יְהוָ֛ה בָּכֶ֖ם לְהַשְׁמִ֥יד אֶתְכֶֽם׃

‎9 ‏בַּעֲלֹתִ֣י הָהָ֗רָה לָקַ֜חַת לוּחֹ֤ת הָֽאֲבָנִים֙ לוּחֹ֣ת הַבְּרִ֔ית אֲשֶׁר־כָּרַ֥ת יְהוָ֖ה עִמָּכֶ֑ם וָאֵשֵׁ֣ב בָּהָ֗ר אַרְבָּעִ֥ים יוֹם֙ וְאַרְבָּעִ֣ים לַ֔יְלָה לֶ֚חֶם לֹ֣א אָכַ֔לְתִּי וּמַ֖יִם לֹ֥א שָׁתִֽיתִי׃

‎10 ‏וַיִּתֵּ֨ן יְהוָ֜ה אֵלַ֗י אֶת־שְׁנֵי֙ לוּחֹ֣ת הָֽאֲבָנִ֔ים כְּתֻבִ֖ים בְּאֶצְבַּ֣ע אֱלֹהִ֑ים וַעֲלֵיהֶ֗ם כְּֽכָל־הַדְּבָרִ֡ים אֲשֶׁ֣ר דִּבֶּר֩ יְהוָ֨ה עִמָּכֶ֥ם בָּהָ֛ר מִתּ֥וֹךְ הָאֵ֖שׁ בְּי֥וֹם הַקָּהָֽל׃

‎11 ‏וַיְהִ֗י מִקֵּץ֙ אַרְבָּעִ֣ים י֔וֹם וְאַרְבָּעִ֖ים לָ֑יְלָה נָתַ֨ן יְהוָ֜ה אֵלַ֗י אֶת־שְׁנֵ֛י לֻחֹ֥ת הָאֲבָנִ֖ים לֻח֥וֹת הַבְּרִֽית׃

‎12 ‏וַיֹּ֨אמֶר יְהוָ֜ה אֵלַ֗י ק֣וּם רֵ֤ד מַהֵר֙ מִזֶּ֔ה כִּ֚י שִׁחֵ֣ת עַמְּךָ֔ אֲשֶׁ֥ר הוֹצֵ֖אתָ מִמִּצְרָ֑יִם סָ֣רוּ מַהֵ֗ר מִן־הַדֶּ֙רֶךְ֙ אֲשֶׁ֣ר צִוִּיתִ֔ם עָשׂ֥וּ לָהֶ֖ם מַסֵּכָֽה׃

‎13 ‏וַיֹּ֥אמֶר יְהוָ֖ה אֵלַ֣י לֵאמֹ֑ר רָאִ֙יתִי֙ אֶת־הָעָ֣ם הַזֶּ֔ה וְהִנֵּ֥ה עַם־קְשֵׁה־עֹ֖רֶף הֽוּא׃

‎14 ‏הֶ֤רֶף מִמֶּ֙נִּי֙ וְאַשְׁמִידֵ֔ם וְאֶמְחֶ֣ה אֶת־שְׁמָ֔ם מִתַּ֖חַת הַשָּׁמָ֑יִם וְאֶֽעֱשֶׂה֙ אֽוֹתְךָ֔ לְגוֹי־עָצ֥וּם וָרָ֖ב מִמֶּֽנּוּ׃

‎15 ‏וָאֵ֗פֶן וָֽאֵרֵד֙ מִן־הָהָ֔ר וְהָהָ֖ר בֹּעֵ֣ר בָּאֵ֑שׁ וּשְׁנֵי֙ לֻחֹ֣ת הַבְּרִ֔ית עַ֖ל שְׁתֵּ֥י יָדָֽי׃

‎16 ‏וָאֵ֗רֶא וְהִנֵּ֤ה חֲטָאתֶם֙ לַיהוָ֣ה אֱלֹֽהֵיכֶ֔ם עֲשִׂיתֶ֣ם לָכֶ֔ם עֵ֖גֶל מַסֵּכָ֑ה סַרְתֶּ֣ם מַהֵ֔ר מִן־הַדֶּ֕רֶךְ אֲשֶׁר־צִוָּ֥ה יְהוָ֖ה אֶתְכֶֽם׃

‎17 ‏וָאֶתְפֹּשׂ֙ בִּשְׁנֵ֣י הַלֻּחֹ֔ת וָֽאַשְׁלִכֵ֔ם מֵעַ֖ל שְׁתֵּ֣י יָדָ֑י וָאֲשַׁבְּרֵ֖ם לְעֵינֵיכֶֽם׃

‎18 ‏וָֽאֶתְנַפַּל֩ לִפְנֵ֨י יְהוָ֜ה כָּרִאשֹׁנָ֗ה אַרְבָּעִ֥ים יוֹם֙ וְאַרְבָּעִ֣ים לַ֔יְלָה לֶ֚חֶם לֹ֣א אָכַ֔לְתִּי וּמַ֖יִם לֹ֣א שָׁתִ֑יתִי עַ֤ל כָּל־חַטַּאתְכֶם֙ אֲשֶׁ֣ר חֲטָאתֶ֔ם לַעֲשׂ֥וֹת הָרַ֛ע בְּעֵינֵ֥י יְהוָ֖ה לְהַכְעִיסֽוֹ׃

‎19 ‏כִּ֣י יָגֹ֗רְתִּי מִפְּנֵ֤י הָאַף֙ וְהַ֣חֵמָ֔ה אֲשֶׁ֨ר קָצַ֧ף יְהוָ֛ה עֲלֵיכֶ֖ם לְהַשְׁמִ֣יד אֶתְכֶ֑ם וַיִּשְׁמַ֤ע יְהוָה֙ אֵלַ֔י גַּ֖ם בַּפַּ֥עַם הַהִֽוא׃

‎20 ‏וּֽבְאַהֲרֹ֗ן הִתְאַנַּ֧ף יְהוָ֛ה מְאֹ֖ד לְהַשְׁמִיד֑וֹ וָֽאֶתְפַּלֵּ֛ל גַּם־בְּעַ֥ד אַהֲרֹ֖ן בָּעֵ֥ת הַהִֽוא׃

‎21 ‏וְֽאֶת־חַטַּאתְכֶ֞ם אֲשֶׁר־עֲשִׂיתֶ֣ם אֶת־הָעֵ֗גֶל לָקַחְתִּי֮ וָאֶשְׂרֹ֣ף אֹת֣וֹ׀ בָּאֵשׁ֒ וָאֶכֹּ֨ת אֹת֤וֹ טָחוֹן֙ הֵיטֵ֔ב עַ֥ד אֲשֶׁר־דַּ֖ק לְעָפָ֑ר וָֽאַשְׁלִךְ֙ אֶת־עֲפָר֔וֹ אֶל־הַנַּ֖חַל הַיֹּרֵ֥ד מִן־הָהָֽר׃

‎22 ‏וּבְתַבְעֵרָה֙ וּבְמַסָּ֔ה וּבְקִבְרֹ֖ת הַֽתַּאֲוָ֑ה מַקְצִפִ֥ים הֱיִיתֶ֖ם אֶת־יְהוָֽה׃

‎23 ‏וּבִשְׁלֹ֨חַ יְהוָ֜ה אֶתְכֶ֗ם מִקָּדֵ֤שׁ בַּרְנֵ֙עַ֙ לֵאמֹ֔ר עֲלוּ֙ וּרְשׁ֣וּ אֶת־הָאָ֔רֶץ אֲשֶׁ֥ר נָתַ֖תִּי לָכֶ֑ם וַתַּמְר֗וּ אֶת־פִּ֤י יְהוָה֙ אֱלֹ֣הֵיכֶ֔ם וְלֹ֤א הֶֽאֱמַנְתֶּם֙ ל֔וֹ וְלֹ֥א שְׁמַעְתֶּ֖ם בְּקֹלֽוֹ׃

‎24 ‏מַמְרִ֥ים הֱיִיתֶ֖ם עִם־יְהוָ֑ה מִיּ֖וֹם דַּעְתִּ֥י אֶתְכֶֽם׃

‎25 ‏וָֽאֶתְנַפַּ֞ל לִפְנֵ֣י יְהוָ֗ה אֵ֣ת אַרְבָּעִ֥ים הַיּ֛וֹם וְאֶת־אַרְבָּעִ֥ים הַלַּ֖יְלָה אֲשֶׁ֣ר הִתְנַפָּ֑לְתִּי כִּֽי־אָמַ֥ר יְהוָ֖ה לְהַשְׁמִ֥יד אֶתְכֶֽם׃

‎26 ‏וָאֶתְפַּלֵּ֣ל אֶל־יְהוָה֮ וָאֹמַר֒ אֲדֹנָ֣י יְהוִ֗ה אַל־תַּשְׁחֵ֤ת עַמְּךָ֙ וְנַחֲלָ֣תְךָ֔ אֲשֶׁ֥ר פָּדִ֖יתָ בְּגָדְלֶ֑ךָ אֲשֶׁר־הוֹצֵ֥אתָ מִמִּצְרַ֖יִם בְּיָ֥ד חֲזָקָֽה׃

‎27 ‏זְכֹר֙ לַעֲבָדֶ֔יךָ לְאַבְרָהָ֥ם לְיִצְחָ֖ק וּֽלְיַעֲקֹ֑ב אַל־תֵּ֗פֶן אֶל־קְשִׁי֙ הָעָ֣ם הַזֶּ֔ה וְאֶל־רִשְׁע֖וֹ וְאֶל־חַטָּאתֽוֹ׃

‎28 ‏פֶּן־יֹאמְר֗וּ הָאָרֶץ֮ אֲשֶׁ֣ר הוֹצֵאתָ֣נוּ מִשָּׁם֒ מִבְּלִי֙ יְכֹ֣לֶת יְהוָ֔ה לַהֲבִיאָ֕ם אֶל־הָאָ֖רֶץ אֲשֶׁר־דִּבֶּ֣ר לָהֶ֑ם וּמִשִּׂנְאָת֣וֹ אוֹתָ֔ם הוֹצִיאָ֖ם לַהֲמִתָ֥ם בַּמִּדְבָּֽר׃

‎29 ‏וְהֵ֥ם עַמְּךָ֖ וְנַחֲלָתֶ֑ךָ אֲשֶׁ֤ר הוֹצֵ֙אתָ֙ בְּכֹחֲךָ֣ הַגָּדֹ֔ל וּבִֽזְרֹעֲךָ֖ הַנְּטוּיָֽה׃ פ

1 šəm^a‘ yiśərā’ēl ’atâ ‘ōḇēr hayywōm ’eṯ-hayyarədēn lāḇō’ lārešeṯ gwōyim gəḏōlîm w^a‘ăṣumîm mimmeḵḵā ‘ārîm gəḏōlōṯ ûḇəṣurōṯ baššāmāyim:

2 ‘am-gāḏwōl wārām bənê ‘ănāqîm ’ăšer ’atâ yāḏ^a‘ətā wə’atâ šām^a‘ətā mî yiṯəyaṣṣēḇ lifənê bənê ‘ănāq:

3 wəyāḏ^a‘ətā hayywōm kî yəhwâ ’ĕlōheyḵā hû’-hā‘ōḇēr ləfāneyḵā ’ēš ’ōḵəlâ hû’ yašəmîḏēm wəhû’ yaḵənî‘ēm ləfāneyḵā wəhwōrašətām wəha’aḇaḏətām¹ mahēr ka’ăšer diber yəhwâ lāḵə:

4 ’al-tō’mar biləḇāḇəḵā bahăḏōf yəhwâ ’ĕlōheyḵā ’ōṯām| milləfāneyḵā lē’mōr bəṣiḏəqāṯî hĕḇî’anî yəhwâ lārešeṯ ’eṯ-hā’āreṣ hazzō’ṯ ûḇərišə‘aṯ hagwōyim hā’ēlleh yəhwâ mwōrîšām³ mipāneyḵā:

5 lō’ ḇəṣiḏəqāṯəḵā ûḇəyōšer ləḇāḇəḵā ’atâ ḇā’ lārešeṯ ’eṯ-’arəṣām kî bərišə‘aṯ| hagwōyim hā’ēlleh yəhwâ ’ĕlōheyḵā mwōrîšām mipāneyḵā ûləm^a‘an hāqîm ’eṯ-hadāḇār ’ăšer nišəb^a‘ yəhwâ la’ăḇōṯeyḵā lə’aḇərâām ləyiṣəḥāq ûləy^a‘ăqōḇ:

6 wəyāḏ^a‘ətā kî lō’ ḇəṣiḏəqāṯəḵā yəhwâ ’ĕlōheyḵā nōṯēn ləḵā ’eṯ-hā’āreṣ haṭṭwōḇâ hazzō’ṯ lərišətāh kî ‘am-qəšēh-‘ōref ’ātâ:

7 zəḵōr ’al-tišək^aḥ ’ēṯ ’ăšer-hiqəṣafətā ’eṯ-yəhwâ ’ĕlōheyḵā bammiḏəbār ləmin-hayywōm ’ăšer-yāṣā’ṯā| mē’ereṣ miṣərayim ‘aḏ-bō’ăḵem ‘aḏ-hammāqwōm hazzeh mamərîm hĕyîṯem ‘im-yəhwâ:

8 ûḇəḥōrēḇ hiqəṣafətem ’eṯ-yəhwâ wayyiṯə’annaf yəhwâ bāḵem ləhašəmîḏ ’eṯəḵem:

9 b^a‘ălōṯî hâārâ lāq^aḥaṯ lûḥōṯ hā’ăḇānîm lûḥōṯ habərîṯ ’ăšer-kāraṯ yəhwâ ‘immāḵem wā’ēšēḇ bâār ’arəbā‘îm ywōm wə’arəbā‘îm layəlâ leḥem lō’ ’āḵalətî ûmayim lō’ šāṯîṯî:

10 wayyitēn yəhwâ ’ēlay ’eṯ-šənê lûḥōṯ hā’ăḇānîm kəṯuḇîm bə’eṣəb^a‘ ’ĕlōhîm w^a‘ălêhem kəḵāl-hadəḇārîm ’ăšer diber yəhwâ ‘immāḵem bâār mitwōḵə hā’ēš bəywōm haqqâāl:

11 wayəhî miqqēṣ ’arəbā‘îm ywōm wə’arəbā‘îm lāyəlâ nāṯan yəhwâ ’ēlay ’eṯ-šənê luḥōṯ hā’ăḇānîm luḥwōṯ habərîṯ:

12 wayyō’mer yəhwâ ’ēlay qûm rēḏ mahēr mizzeh kî šiḥēṯ ‘amməḵā ’ăšer hwōṣē’ṯā mimmiṣərāyim sārû mahēr min-hadereḵə ’ăšer ṣiûîṯim ‘āśû lâem massēḵâ:

13 wayyō’mer yəhwâ ’ēlay lē’mōr rā’îṯî ’eṯ-hā‘ām hazzeh wəhinnēh ‘am-qəšēh-‘ōref hû’:

14 heref mimmennî wə’ašəmîḏēm wə’eməḥeh ’eṯ-šəmām mit^aḥaṯ haššāmāyim wə’e‘ĕśeh ’wōṯəḵā ləḡwōy-‘āṣûm wārāḇ mimmennû:

15 wā’ēfen wā’ērēḏ min-hâār wəhâār bō‘ēr bā’ēš ûšənê luḥōṯ habərîṯ ‘al šətê yāḏāy:

16 wā’ēre’ wəhinnēh ḥăṭā’ṯem layhwâ ’ĕlōhêḵem ‘ăśîṯem lāḵem ‘ēḡel massēḵâ sarətem mahēr min-hadereḵə ’ăšer-ṣiûâ yəhwâ ’eṯəḵem:

17 wā’eṯəpōś bišənê halluḥōṯ wā’ašəliḵēm mē‘al šətê yāḏāy wā’ăšabərēm lə‘ênêḵem:

18 wā’eṯənapal lifənê yəhwâ kāri’šōnâ ’arəbā‘îm ywōm wə’arəbā‘îm layəlâ leḥem lō’ ’āḵalətî ûmayim lō’ šāṯîṯî ‘al kāl-ḥaṭṭa’ṯəḵem ’ăšer ḥăṭā’ṯem l^a‘ăśwōṯ hār^a‘ bə‘ênê yəhwâ ləhaḵə‘îswō:

19 kî yāḡōrətî mipənê hā’af wəh^aḥēmâ ’ăšer qāṣaf yəhwâ ‘ălêḵem ləhašəmîḏ ’eṯəḵem wayyišəm^a‘ yəhwâ ’ēlay gam bap^a‘am hahiw’:

20 ûḇə’ahărōn hiṯə’annaf yəhwâ mə’ōḏ ləhašəmîḏwō wā’eṯəpallēl gam-bə‘aḏ ’ahărōn bā‘ēṯ hahiw’:

21 wə’eṯ-ḥaṭṭa’ṯəḵem ’ăšer-‘ăśîṯem ’eṯ-hā‘ēḡel lāq^aḥətî wā’eśərōf ’ōṯwō| bā’ēš wā’ekōṯ ’ōṯwō ṭāḥwōn hêṭēḇ ‘aḏ ’ăšer-daq lə‘āfār wā’ašəliḵə ’eṯ-‘ăfārwō ’el-hann^aḥal hayyōrēḏ min-hâār:

22 ûḇəṯaḇə‘ērâ ûḇəmassâ ûḇəqiḇərōṯ hata’ăwâ maqəṣifîm hĕyîṯem ’eṯ-yəhwâ:

23 ûḇišəlōḥa yəhwâ ’eṯəḵem miqqāḏēš barənē‘a lē’mōr ‘ălû ûrəšû ’eṯ-hā’āreṣ ’ăšer nāṯatî lāḵem watamərû ’eṯ-pî yəhwâ ’ĕlōhêḵem wəlō’ he’ĕmanətem lwō wəlō’ šəm^a‘ətem bəqōlwō:

24 mamərîm hĕyîṯem ‘im-yəhwâ mîywōm d^a‘ətî ’eṯəḵem:

25 wā’eṯənapal lifənê yəhwâ ’ēṯ ’arəbā‘îm hayywōm wə’eṯ-’arəbā‘îm hallayəlâ ’ăšer hiṯənapālətî kî-’āmar yəhwâ ləhašəmîḏ ’eṯəḵem:

26 wā’eṯəpallēl ’el-yəhwâ wā’ōmar ’ăḏōnāy yəhwih ’al-tašəḥēṯ ‘amməḵā wən^aḥălāṯəḵā ’ăšer pāḏîṯā bəḡāḏəleḵā ’ăšer-hwōṣē’ṯā mimmiṣərayim bəyāḏ ḥăzāqâ:

27 zəḵōr l^a‘ăḇāḏeyḵā lə’aḇərâām ləyiṣəḥāq ûləy^a‘ăqōḇ ’al-tēfen ’el-qəšî hā‘ām hazzeh wə’el-rišə‘wō wə’el-ḥaṭṭā’ṯwō:

28 pen-yō’mərû hā’āreṣ ’ăšer hwōṣē’ṯānû miššām mibəlî yəḵōleṯ yəhwâ lahăḇî’ām ’el-hā’āreṣ ’ăšer-diber lâem ûmiśśinə’āṯwō ’wōṯām hwōṣî’ām lahămiṯām bammiḏəbār:

29 wəhēm ‘amməḵā wən^aḥălāṯeḵā ’ăšer hwōṣē’ṯā bəḵōḥăḵā hagāḏōl ûḇizərō‘ăḵā hannəṭûyâ: f

‎1 ‏בָּעֵ֨ת הַהִ֜וא אָמַ֧ר יְהוָ֣ה אֵלַ֗י פְּסָל־לְךָ֞ שְׁנֵֽי־לוּחֹ֤ת אֲבָנִים֙ כָּרִ֣אשֹׁנִ֔ים וַעֲלֵ֥ה אֵלַ֖י הָהָ֑רָה וְעָשִׂ֥יתָ לְּךָ֖ אֲר֥וֹן עֵֽץ׃

‎2 ‏וְאֶכְתֹּב֙ עַל־הַלֻּחֹ֔ת אֶת־הַדְּבָרִ֔ים אֲשֶׁ֥ר הָי֛וּ עַל־הַלֻּחֹ֥ת הָרִאשֹׁנִ֖ים אֲשֶׁ֣ר שִׁבַּ֑רְתָּ וְשַׂמְתָּ֖ם בָּאָרֽוֹן׃

‎3 ‏וָאַ֤עַשׂ אֲרוֹן֙ עֲצֵ֣י שִׁטִּ֔ים וָאֶפְסֹ֛ל שְׁנֵי־לֻחֹ֥ת אֲבָנִ֖ים כָּרִאשֹׁנִ֑ים וָאַ֣עַל הָהָ֔רָה³ וּשְׁנֵ֥י הַלֻּחֹ֖ת בְּיָדִֽי׃

‎4 ‏וַיִּכְתֹּ֨ב עַֽל־הַלֻּחֹ֜ת כַּמִּכְתָּ֣ב הָרִאשׁ֗וֹן אֵ֚ת עֲשֶׂ֣רֶת הַדְּבָרִ֔ים אֲשֶׁ֣ר דִּבֶּר֩ יְהוָ֨ה אֲלֵיכֶ֥ם בָּהָ֛ר מִתּ֥וֹךְ הָאֵ֖שׁ בְּי֣וֹם הַקָּהָ֑ל וַיִּתְּנֵ֥ם יְהוָ֖ה אֵלָֽי׃

‎5 ‏וָאֵ֗פֶן וָֽאֵרֵד֙ מִן־הָהָ֔ר וָֽאָשִׂם֙ אֶת־הַלֻּחֹ֔ת בָּאָר֖וֹן אֲשֶׁ֣ר עָשִׂ֑יתִי וַיִּ֣הְיוּ שָׁ֔ם כַּאֲשֶׁ֥ר צִוַּ֖נִי יְהוָֽה׃

‎6 ‏וּבְנֵ֣י יִשְׂרָאֵ֗ל נָֽסְע֛וּ מִבְּאֵרֹ֥ת בְּנֵי־יַעֲקָ֖ן מוֹסֵרָ֑ה שָׁ֣ם מֵ֤ת אַהֲרֹן֙ וַיִּקָּבֵ֣ר שָׁ֔ם וַיְכַהֵ֛ן אֶלְעָזָ֥ר בְּנ֖וֹ תַּחְתָּֽיו׃

‎7 ‏מִשָּׁ֥ם נָסְע֖וּ הַגֻּדְגֹּ֑דָה וּמִן־הַגֻּדְגֹּ֣דָה יָטְבָ֔תָה אֶ֖רֶץ נַֽחֲלֵי מָֽיִם׃

‎8 ‏בָּעֵ֣ת הַהִ֗וא הִבְדִּ֤יל יְהוָה֙ אֶת־שֵׁ֣בֶט הַלֵּוִ֔י לָשֵׂ֖את אֶת־אֲר֣וֹן בְּרִית־יְהוָ֑ה לַעֲמֹד֩ לִפְנֵ֨י יְהוָ֤ה לְשָֽׁרְתוֹ֙ וּלְבָרֵ֣ךְ בִּשְׁמ֔וֹ עַ֖ד הַיּ֥וֹם הַזֶּֽה׃

‎9 ‏עַל־כֵּ֞ן לֹֽא־הָיָ֧ה לְלֵוִ֛י חֵ֥לֶק וְנַחֲלָ֖ה עִם־אֶחָ֑יו יְהוָה֙ ה֣וּא נַחֲלָת֔וֹ כַּאֲשֶׁ֥ר דִּבֶּ֛ר יְהוָ֥ה אֱלֹהֶ֖יךָ לֽוֹ׃

‎10 ‏וְאָנֹכִ֞י עָמַ֣דְתִּי בָהָ֗ר כַּיָּמִים֙ הָרִ֣אשֹׁנִ֔ים אַרְבָּעִ֣ים י֔וֹם וְאַרְבָּעִ֖ים לָ֑יְלָה וַיִּשְׁמַ֨ע יְהוָ֜ה אֵלַ֔י גַּ֚ם בַּפַּ֣עַם הַהִ֔וא לֹא־אָבָ֥ה יְהוָ֖ה הַשְׁחִיתֶֽךָ׃

‎11 ‏וַיֹּ֤אמֶר יְהוָה֙ אֵלַ֔י ק֛וּם לֵ֥ךְ לְמַסַּ֖ע לִפְנֵ֣י הָעָ֑ם וְיָבֹ֙אוּ֙ וְיִֽרְשׁ֣וּ אֶת־הָאָ֔רֶץ אֲשֶׁר־נִשְׁבַּ֥עְתִּי לַאֲבֹתָ֖ם לָתֵ֥ת לָהֶֽם׃ פ

‎12 ‏וְעַתָּה֙ יִשְׂרָאֵ֔ל מָ֚ה יְהוָ֣ה אֱלֹהֶ֔יךָ שֹׁאֵ֖ל מֵעִמָּ֑ךְ כִּ֣י אִם־לְ֠יִרְאָה אֶת־יְהוָ֨ה אֱלֹהֶ֜יךָ לָלֶ֤כֶת בְּכָל־דְּרָכָיו֙ וּלְאַהֲבָ֣ה אֹת֔וֹ וְלַֽעֲבֹד֙ אֶת־יְהוָ֣ה אֱלֹהֶ֔יךָ בְּכָל־לְבָבְךָ֖ וּבְכָל־נַפְשֶֽׁךָ׃

‎13 ‏לִשְׁמֹ֞ר אֶת־מִצְוֹ֤ת יְהוָה֙ וְאֶת־חֻקֹּתָ֔יו אֲשֶׁ֛ר אָנֹכִ֥י מְצַוְּךָ֖ הַיּ֑וֹם לְט֖וֹב לָֽךְ׃

‎14 ‏הֵ֚ן לַיהוָ֣ה אֱלֹהֶ֔יךָ הַשָּׁמַ֖יִם וּשְׁמֵ֣י הַשָּׁמָ֑יִם הָאָ֖רֶץ וְכָל־אֲשֶׁר־בָּֽהּ׃

‎15 ‏רַ֧ק בַּאֲבֹתֶ֛יךָ חָשַׁ֥ק יְהוָ֖ה לְאַהֲבָ֣ה אוֹתָ֑ם וַיִּבְחַ֞ר בְּזַרְעָ֣ם אַחֲרֵיהֶ֗ם בָּכֶ֛ם מִכָּל־הָעַמִּ֖ים כַּיּ֥וֹם הַזֶּֽה׃

‎16 ‏וּמַלְתֶּ֕ם אֵ֖ת עָרְלַ֣ת לְבַבְכֶ֑ם וְעָ֨רְפְּכֶ֔ם לֹ֥א תַקְשׁ֖וּ עֽוֹד׃

‎17 ‏כִּ֚י יְהוָ֣ה אֱלֹֽהֵיכֶ֔ם ה֚וּא אֱלֹהֵ֣י הָֽאֱלֹהִ֔ים וַאֲדֹנֵ֖י הָאֲדֹנִ֑ים הָאֵ֨ל הַגָּדֹ֤ל הַגִּבֹּר֙ וְהַנּוֹרָ֔א אֲשֶׁר֙ לֹא־יִשָּׂ֣א פָנִ֔ים וְלֹ֥א יִקַּ֖ח שֹֽׁחַד׃

‎18 ‏עֹשֶׂ֛ה מִשְׁפַּ֥ט יָת֖וֹם וְאַלְמָנָ֑ה וְאֹהֵ֣ב גֵּ֔ר לָ֥תֶת ל֖וֹ לֶ֥חֶם וְשִׂמְלָֽה׃

‎19 ‏וַאֲהַבְתֶּ֖ם אֶת־הַגֵּ֑ר כִּֽי־גֵרִ֥ים הֱיִיתֶ֖ם בְּאֶ֥רֶץ מִצְרָֽיִם׃

‎20 ‏אֶת־יְהוָ֧ה אֱלֹהֶ֛יךָ תִּירָ֖א אֹת֣וֹ תַעֲבֹ֑ד וּב֣וֹ תִדְבָּ֔ק וּבִשְׁמ֖וֹ תִּשָּׁבֵֽעַ׃

‎21 ‏ה֥וּא תְהִלָּתְךָ֖ וְה֣וּא אֱלֹהֶ֑יךָ אֲשֶׁר־עָשָׂ֣ה אִתְּךָ֗ אֶת־הַגְּדֹלֹ֤ת וְאֶת־הַנּֽוֹרָאֹת֙ הָאֵ֔לֶּה אֲשֶׁ֥ר רָא֖וּ עֵינֶֽיךָ׃

‎22 ‏בְּשִׁבְעִ֣ים נֶ֔פֶשׁ יָרְד֥וּ אֲבֹתֶ֖יךָ מִצְרָ֑יְמָה וְעַתָּ֗ה שָֽׂמְךָ֙ יְהוָ֣ה אֱלֹהֶ֔יךָ כְּכוֹכְבֵ֥י הַשָּׁמַ֖יִם לָרֹֽב׃

1 bā‘ēṯ hahiw’ ’āmar yəhwâ ’ēlay pəsāl-ləḵā šənê-lûḥōṯ ’ăḇānîm kāri’šōnîm w^a‘ălēh ’ēlay hâārâ wə‘āśîṯā lləḵā ’ărwōn ‘ēṣ:

2 wə’eḵətōḇ ‘al-halluḥōṯ ’eṯ-hadəḇārîm ’ăšer hāyû ‘al-halluḥōṯ hāri’šōnîm ’ăšer šibarətā wəśamətām bā’ārwōn:

3 wā’^a‘aś ’ărwōn ‘ăṣê šiṭṭîm wā’efəsōl šənê-luḥōṯ ’ăḇānîm kāri’šōnîm wā’^a‘al hâārâ³ ûšənê halluḥōṯ bəyāḏî:

4 wayyiḵətōḇ ‘al-halluḥōṯ kammiḵətāḇ hāri’šwōn ’ēṯ ‘ăśereṯ hadəḇārîm ’ăšer diber yəhwâ ’ălêḵem bâār mitwōḵə hā’ēš bəywōm haqqâāl wayyitənēm yəhwâ ’ēlāy:

5 wā’ēfen wā’ērēḏ min-hâār wā’āśim ’eṯ-halluḥōṯ bā’ārwōn ’ăšer ‘āśîṯî wayyihəyû šām ka’ăšer ṣiûanî yəhwâ:

6 ûḇənê yiśərā’ēl nāsə‘û mibə’ērōṯ bənê-y^a‘ăqān mwōsērâ šām mēṯ ’ahărōn wayyiqqāḇēr šām wayəḵahēn ’elə‘āzār bənwō t^aḥətāyw:

7 miššām nāsə‘û haguḏəgōḏâ ûmin-haguḏəgōḏâ yāṭəḇāṯâ ’ereṣ n^aḥălê māyim:

8 bā‘ēṯ hahiw’ hiḇədîl yəhwâ ’eṯ-šēḇeṭ hallēwî lāśē’ṯ ’eṯ-’ărwōn bərîṯ-yəhwâ l^a‘ămōḏ lifənê yəhwâ ləšārəṯwō ûləḇārēḵə bišəmwō ‘aḏ hayywōm hazzeh:

9 ‘al-kēn lō’-hāyâ ləlēwî ḥēleq wən^aḥălâ ‘im-’eḥāyw yəhwâ hû’ n^aḥălāṯwō ka’ăšer diber yəhwâ ’ĕlōheyḵā lwō:

10 wə’ānōḵî ‘āmaḏətî ḇâār kayyāmîm hāri’šōnîm ’arəbā‘îm ywōm wə’arəbā‘îm lāyəlâ wayyišəm^a‘ yəhwâ ’ēlay gam bap^a‘am hahiw’ lō’-’āḇâ yəhwâ hašəḥîṯeḵā:

11 wayyō’mer yəhwâ ’ēlay qûm lēḵə ləmass^a‘ lifənê hā‘ām wəyāḇō’û wəyirəšû ’eṯ-hā’āreṣ ’ăšer-nišəb^a‘ətî la’ăḇōṯām lāṯēṯ lâem: f

12 wə‘atâ yiśərā’ēl mâ yəhwâ ’ĕlōheyḵā šō’ēl mē‘immāḵə kî ’im-ləyirə’â ’eṯ-yəhwâ ’ĕlōheyḵā lāleḵeṯ bəḵāl-dərāḵāyw ûlə’ahăḇâ ’ōṯwō wəl^a‘ăḇōḏ ’eṯ-yəhwâ ’ĕlōheyḵā bəḵāl-ləḇāḇəḵā ûḇəḵāl-nafəšeḵā:

13 lišəmōr ’eṯ-miṣəwōṯ yəhwâ wə’eṯ-ḥuqqōṯāyw ’ăšer ’ānōḵî məṣaûəḵā hayywōm ləṭwōḇ lāḵə:

14 hēn layhwâ ’ĕlōheyḵā haššāmayim ûšəmê haššāmāyim hā’āreṣ wəḵāl-’ăšer-bāh:

15 raq ba’ăḇōṯeyḵā ḥāšaq yəhwâ lə’ahăḇâ ’wōṯām wayyiḇəḥar bəzarə‘ām ’^aḥărêhem bāḵem mikāl-hā‘ammîm kayywōm hazzeh:

16 ûmalətem ’ēṯ ‘ārəlaṯ ləḇaḇəḵem wə‘ārəpəḵem lō’ ṯaqəšû ‘wōḏ:

17 kî yəhwâ ’ĕlōhêḵem hû’ ’ĕlōhê hā’ĕlōhîm wa’ăḏōnê hā’ăḏōnîm hā’ēl hagāḏōl hagibōr wəhannwōrā’ ’ăšer lō’-yiśśā’ fānîm wəlō’ yiqq^aḥ šōḥaḏ:

18 ‘ōśeh mišəpaṭ yāṯwōm wə’aləmānâ wə’ōhēḇ gēr lāṯeṯ lwō leḥem wəśiməlâ:

19 wa’ăhaḇətem ’eṯ-hagēr kî-ḡērîm hĕyîṯem bə’ereṣ miṣərāyim:

20 ’eṯ-yəhwâ ’ĕlōheyḵā tîrā’ ’ōṯwō ṯ^a‘ăḇōḏ ûḇwō ṯiḏəbāq ûḇišəmwō tiššāḇē‘a:

21 hû’ ṯəhillāṯəḵā wəhû’ ’ĕlōheyḵā ’ăšer-‘āśâ ’itəḵā ’eṯ-hagəḏōlōṯ wə’eṯ-hannwōrā’ōṯ hā’ēlleh ’ăšer rā’û ‘êneyḵā:

22 bəšiḇə‘îm nefeš yārəḏû ’ăḇōṯeyḵā miṣərāyəmâ wə‘atâ śāməḵā yəhwâ ’ĕlōheyḵā kəḵwōḵəḇê haššāmayim lārōḇ:

‎1 ‏וְאָ֣הַבְתָּ֔ אֵ֖ת יְהוָ֣ה אֱלֹהֶ֑יךָ וְשָׁמַרְתָּ֣ מִשְׁמַרְתּ֗וֹ וְחֻקֹּתָ֧יו וּמִשְׁפָּטָ֛יו וּמִצְוֹתָ֖יו כָּל־הַיָּמִֽים׃

‎2 ‏וִֽידַעְתֶּם֮ הַיּוֹם֒ כִּ֣י׀ לֹ֣א אֶת־בְּנֵיכֶ֗ם אֲשֶׁ֤ר לֹֽא־יָדְעוּ֙ וַאֲשֶׁ֣ר לֹא־רָא֔וּ אֶת־מוּסַ֖ר יְהוָ֣ה אֱלֹהֵיכֶ֑ם אֶת־גָּדְל֕וֹ אֶת־יָדוֹ֙ הַחֲזָקָ֔ה וּזְרֹע֖וֹ הַנְּטוּיָֽה׃

‎3 ‏וְאֶת־אֹֽתֹתָיו֙ וְאֶֽת־מַעֲשָׂ֔יו אֲשֶׁ֥ר עָשָׂ֖ה בְּת֣וֹךְ מִצְרָ֑יִם לְפַרְעֹ֥ה מֶֽלֶךְ־מִצְרַ֖יִם וּלְכָל־אַרְצֽוֹ׃

‎4 ‏וַאֲשֶׁ֣ר עָשָׂה֩ לְחֵ֨יל מִצְרַ֜יִם לְסוּסָ֣יו וּלְרִכְבּ֗וֹ אֲשֶׁ֨ר הֵצִ֜יף אֶת־מֵ֤י יַם־סוּף֙ עַל־פְּנֵיהֶ֔ם בְּרָדְפָ֖ם אַחֲרֵיכֶ֑ם וַיְאַבְּדֵ֣ם יְהוָ֔ה עַ֖ד הַיּ֥וֹם הַזֶּֽה׃

‎5 ‏וַאֲשֶׁ֥ר עָשָׂ֛ה לָכֶ֖ם בַּמִּדְבָּ֑ר עַד־בֹּאֲכֶ֖ם עַד־הַמָּק֥וֹם הַזֶּֽה׃

‎6 ‏וַאֲשֶׁ֨ר עָשָׂ֜ה לְדָתָ֣ן וְלַאֲבִירָ֗ם בְּנֵ֣י אֱלִיאָב֮ בֶּן־רְאוּבֵן֒ אֲשֶׁ֨ר פָּצְתָ֤ה הָאָ֙רֶץ֙ אֶת־פִּ֔יהָ וַתִּבְלָעֵ֥ם וְאֶת־בָּתֵּיהֶ֖ם וְאֶת־אָהֳלֵיהֶ֑ם וְאֵ֤ת כָּל־הַיְקוּם֙ אֲשֶׁ֣ר בְּרַגְלֵיהֶ֔ם בְּקֶ֖רֶב כָּל־יִשְׂרָאֵֽל׃

‎7 ‏כִּ֤י עֵֽינֵיכֶם֙ הָֽרֹאֹ֔ת אֶת־כָּל־מַעֲשֵׂ֥ה יְהוָ֖ה הַגָּדֹ֑ל אֲשֶׁ֖ר עָשָֽׂה׃

‎8 ‏וּשְׁמַרְתֶּם֙ אֶת־כָּל־הַמִּצְוָ֔ה אֲשֶׁ֛ר אָנֹכִ֥י מְצַוְּךָ֖ הַיּ֑וֹם לְמַ֣עַן תֶּחֶזְק֗וּ וּבָאתֶם֙ וִֽירִשְׁתֶּ֣ם אֶת־הָאָ֔רֶץ אֲשֶׁ֥ר אַתֶּ֛ם עֹבְרִ֥ים שָׁ֖מָּה לְרִשְׁתָּֽהּ׃

‎9 ‏וּלְמַ֨עַן תַּאֲרִ֤יכוּ יָמִים֙ עַל־הָ֣אֲדָמָ֔ה אֲשֶׁר֩ נִשְׁבַּ֨ע יְהוָ֧ה לַאֲבֹתֵיכֶ֛ם לָתֵ֥ת לָהֶ֖ם וּלְזַרְעָ֑ם אֶ֛רֶץ זָבַ֥ת חָלָ֖ב וּדְבָֽשׁ׃ ס

‎10 ‏כִּ֣י הָאָ֗רֶץ אֲשֶׁ֨ר אַתָּ֤ה בָא־שָׁ֙מָּה֙ לְרִשְׁתָּ֔הּ לֹ֣א כְאֶ֤רֶץ מִצְרַ֙יִם֙ הִ֔וא אֲשֶׁ֥ר יְצָאתֶ֖ם מִשָּׁ֑ם אֲשֶׁ֤ר תִּזְרַע֙ אֶֽת־זַרְעֲךָ֔ וְהִשְׁקִ֥יתָ בְרַגְלְךָ֖ כְּגַ֥ן הַיָּרָֽק׃

‎11 ‏וְהָאָ֗רֶץ אֲשֶׁ֨ר אַתֶּ֜ם עֹבְרִ֥ים שָׁ֙מָּה֙ לְרִשְׁתָּ֔הּ אֶ֥רֶץ הָרִ֖ים וּבְקָעֹ֑ת לִמְטַ֥ר הַשָּׁמַ֖יִם תִּשְׁתֶּה־מָּֽיִם׃

‎12 ‏אֶ֕רֶץ אֲשֶׁר־יְהוָ֥ה אֱלֹהֶ֖יךָ דֹּרֵ֣שׁ אֹתָ֑הּ תָּמִ֗יד עֵינֵ֨י יְהוָ֤ה אֱלֹהֶ֙יךָ֙ בָּ֔הּ מֵֽרֵשִׁית֙ הַשָּׁנָ֔ה וְעַ֖ד אַחֲרִ֥ית שָׁנָֽה׃ ס

‎13 ‏וְהָיָ֗ה אִם־שָׁמֹ֤עַ תִּשְׁמְעוּ֙ אֶל־מִצְוֹתַ֔י אֲשֶׁ֧ר אָנֹכִ֛י מְצַוֶּ֥ה אֶתְכֶ֖ם הַיּ֑וֹם לְאַהֲבָ֞ה אֶת־יְהוָ֤ה אֱלֹֽהֵיכֶם֙ וּלְעָבְד֔וֹ בְּכָל־לְבַבְכֶ֖ם וּבְכָל־נַפְשְׁכֶֽם׃

‎14 ‏וְנָתַתִּ֧י מְטַֽר־אַרְצְכֶ֛ם בְּעִתּ֖וֹ יוֹרֶ֣ה וּמַלְק֑וֹשׁ וְאָסַפְתָּ֣ דְגָנֶ֔ךָ וְתִֽירֹשְׁךָ֖ וְיִצְהָרֶֽךָ׃

‎15 ‏וְנָתַתִּ֛י עֵ֥שֶׂב בְּשָׂדְךָ֖ לִבְהֶמְתֶּ֑ךָ וְאָכַלְתָּ֖ וְשָׂבָֽעְתָּ׃

‎16 ‏הִשָּֽׁמְר֣וּ לָכֶ֔ם פֶּ֥ן יִפְתֶּ֖ה לְבַבְכֶ֑ם וְסַרְתֶּ֗ם וַעֲבַדְתֶּם֙ אֱלֹהִ֣ים אֲחֵרִ֔ים וְהִשְׁתַּחֲוִיתֶ֖ם לָהֶֽם׃

‎17 ‏וְחָרָ֨ה אַף־יְהוָ֜ה בָּכֶ֗ם וְעָצַ֤ר אֶת־הַשָּׁמַ֙יִם֙ וְלֹֽא־יִהְיֶ֣ה מָטָ֔ר וְהָ֣אֲדָמָ֔ה לֹ֥א תִתֵּ֖ן אֶת־יְבוּלָ֑הּ וַאֲבַדְתֶּ֣ם מְהֵרָ֗ה מֵעַל֙ הָאָ֣רֶץ הַטֹּבָ֔ה אֲשֶׁ֥ר יְהוָ֖ה נֹתֵ֥ן לָכֶֽם׃

‎18 ‏וְשַׂמְתֶּם֙ אֶת־דְּבָרַ֣י אֵ֔לֶּה עַל־לְבַבְכֶ֖ם וְעַֽל־נַפְשְׁכֶ֑ם וּקְשַׁרְתֶּ֨ם אֹתָ֤ם לְאוֹת֙ עַל־יֶדְכֶ֔ם וְהָי֥וּ לְטוֹטָפֹ֖ת בֵּ֥ין עֵינֵיכֶֽם׃

‎19 ‏וְלִמַּדְתֶּ֥ם אֹתָ֛ם אֶת־בְּנֵיכֶ֖ם לְדַבֵּ֣ר בָּ֑ם בְּשִׁבְתְּךָ֤ בְּבֵיתֶ֙ךָ֙ וּבְלֶכְתְּךָ֣ בַדֶּ֔רֶךְ וּֽבְשָׁכְבְּךָ֖ וּבְקוּמֶֽךָ׃

‎20 ‏וּכְתַבְתָּ֛ם עַל־מְזוּז֥וֹת בֵּיתֶ֖ךָ וּבִשְׁעָרֶֽיךָ׃

‎21 ‏לְמַ֨עַן יִרְבּ֤וּ יְמֵיכֶם֙ וִימֵ֣י בְנֵיכֶ֔ם עַ֚ל הָֽאֲדָמָ֔ה אֲשֶׁ֨ר נִשְׁבַּ֧ע יְהוָ֛ה לַאֲבֹתֵיכֶ֖ם לָתֵ֣ת לָהֶ֑ם כִּימֵ֥י הַשָּׁמַ֖יִם עַל־הָאָֽרֶץ׃ ס

‎22 ‏כִּי֩ אִם־שָׁמֹ֨ר תִּשְׁמְר֜וּן אֶת־כָּל־הַמִּצְוָ֣ה הַזֹּ֗את אֲשֶׁ֧ר אָנֹכִ֛י מְצַוֶּ֥ה אֶתְכֶ֖ם לַעֲשֹׂתָ֑הּ לְאַהֲבָ֞ה אֶת־יְהוָ֧ה אֱלֹהֵיכֶ֛ם לָלֶ֥כֶת בְּכָל־דְּרָכָ֖יו וּלְדָבְקָה־בֽוֹ׃

‎23 ‏וְהוֹרִ֧ישׁ יְהוָ֛ה אֶת־כָּל־הַגּוֹיִ֥ם הָאֵ֖לֶּה מִלִּפְנֵיכֶ֑ם וִֽירִשְׁתֶּ֣ם גּוֹיִ֔ם גְּדֹלִ֥ים וַעֲצֻמִ֖ים מִכֶּֽם׃

‎24 ‏כָּל־הַמָּק֗וֹם אֲשֶׁ֨ר תִּדְרֹ֧ךְ כַּֽף־רַגְלְכֶ֛ם בּ֖וֹ לָכֶ֣ם יִהְיֶ֑ה מִן־הַמִּדְבָּ֨ר וְהַלְּבָנ֜וֹן מִן־הַנָּהָ֣ר נְהַר־פְּרָ֗ת וְעַד֙ הַיָּ֣ם הָֽאַחֲר֔וֹן יִהְיֶ֖ה גְּבֻלְכֶֽם׃

‎25 ‏לֹא־יִתְיַצֵּ֥ב אִ֖ישׁ בִּפְנֵיכֶ֑ם פַּחְדְּכֶ֨ם וּמֽוֹרַאֲכֶ֜ם יִתֵּ֣ן׀ יְהוָ֣ה אֱלֹֽהֵיכֶ֗ם עַל־פְּנֵ֤י³ כָל־הָאָ֙רֶץ֙ אֲשֶׁ֣ר תִּדְרְכוּ־בָ֔הּ כַּאֲשֶׁ֖ר דִּבֶּ֥ר לָכֶֽם׃ ס

‎26 ‏רְאֵ֗ה אָנֹכִ֛י נֹתֵ֥ן לִפְנֵיכֶ֖ם הַיּ֑וֹם בְּרָכָ֖ה וּקְלָלָֽה׃

‎27 ‏אֶֽת־הַבְּרָכָ֑ה אֲשֶׁ֣ר תִּשְׁמְע֗וּ אֶל־מִצְוֹת֙ יְהוָ֣ה אֱלֹֽהֵיכֶ֔ם אֲשֶׁ֧ר אָנֹכִ֛י מְצַוֶּ֥ה אֶתְכֶ֖ם הַיּֽוֹם׃

‎28 ‏וְהַקְּלָלָ֗ה אִם־לֹ֤א תִשְׁמְעוּ֙ אֶל־מִצְוֹת֙ יְהוָ֣ה אֱלֹֽהֵיכֶ֔ם וְסַרְתֶּ֣ם מִן־הַדֶּ֔רֶךְ אֲשֶׁ֧ר אָנֹכִ֛י מְצַוֶּ֥ה אֶתְכֶ֖ם הַיּ֑וֹם לָלֶ֗כֶת אַחֲרֵ֛י אֱלֹהִ֥ים אֲחֵרִ֖ים אֲשֶׁ֥ר לֹֽא־יְדַעְתֶּֽם׃ ס

‎29 ‏וְהָיָ֗ה כִּ֤י יְבִֽיאֲךָ֙ יְהוָ֣ה אֱלֹהֶ֔יךָ אֶל־הָאָ֕רֶץ אֲשֶׁר־אַתָּ֥ה בָא־שָׁ֖מָּה לְרִשְׁתָּ֑הּ וְנָתַתָּ֤ה אֶת־הַבְּרָכָה֙ עַל־הַ֣ר גְּרִזִ֔ים וְאֶת־הַקְּלָלָ֖ה עַל־הַ֥ר עֵיבָֽל׃

‎30 ‏הֲלֹא־הֵ֜מָּה בְּעֵ֣בֶר הַיַּרְדֵּ֗ן אַֽחֲרֵי֙ דֶּ֚רֶךְ מְב֣וֹא הַשֶּׁ֔מֶשׁ בְּאֶ֙רֶץ֙ הַֽכְּנַעֲנִ֔י הַיֹּשֵׁ֖ב בָּעֲרָבָ֑ה מ֚וּל הַגִּלְגָּ֔ל אֵ֖צֶל אֵלוֹנֵ֥י מֹרֶֽה׃

‎31 ‏כִּ֤י אַתֶּם֙ עֹבְרִ֣ים אֶת־הַיַּרְדֵּ֔ן לָבֹא֙ לָרֶ֣שֶׁת אֶת־הָאָ֔רֶץ אֲשֶׁר־יְהוָ֥ה אֱלֹהֵיכֶ֖ם נֹתֵ֣ן לָכֶ֑ם וִֽירִשְׁתֶּ֥ם אֹתָ֖הּ וִֽישַׁבְתֶּם־בָּֽהּ׃

‎32 ‏וּשְׁמַרְתֶּ֣ם לַעֲשׂ֔וֹת אֵ֥ת כָּל־הַֽחֻקִּ֖ים וְאֶת־הַמִּשְׁפָּטִ֑ים אֲשֶׁ֧ר אָנֹכִ֛י נֹתֵ֥ן לִפְנֵיכֶ֖ם הַיּֽוֹם׃

1 wə’âaḇətā ’ēṯ yəhwâ ’ĕlōheyḵā wəšāmarətā mišəmarətwō wəḥuqqōṯāyw ûmišəpāṭāyw ûmiṣəwōṯāyw kāl-hayyāmîm:

2 wîḏ^a‘ətem hayywōm kî| lō’ ’eṯ-bənêḵem ’ăšer lō’-yāḏə‘û wa’ăšer lō’-rā’û ’eṯ-mûsar yəhwâ ’ĕlōhêḵem ’eṯ-gāḏəlwō ’eṯ-yāḏwō h^aḥăzāqâ ûzərō‘wō hannəṭûyâ:

3 wə’eṯ-’ōṯōṯāyw wə’eṯ-m^a‘ăśāyw ’ăšer ‘āśâ bəṯwōḵə miṣərāyim ləfarə‘ōh meleḵə-miṣərayim ûləḵāl-’arəṣwō:

4 wa’ăšer ‘āśâ ləḥêl miṣərayim ləsûsāyw ûləriḵəbwō ’ăšer hēṣîf ’eṯ-mê yam-sûf ‘al-pənêhem bərāḏəfām ’^aḥărêḵem wayə’abəḏēm yəhwâ ‘aḏ hayywōm hazzeh:

5 wa’ăšer ‘āśâ lāḵem bammiḏəbār ‘aḏ-bō’ăḵem ‘aḏ-hammāqwōm hazzeh:

6 wa’ăšer ‘āśâ ləḏāṯān wəla’ăḇîrām bənê ’ĕlî’āḇ ben-rə’ûḇēn ’ăšer pāṣəṯâ hā’āreṣ ’eṯ-pîhā watiḇəlā‘ēm wə’eṯ-bātêhem wə’eṯ-’âŏlêhem wə’ēṯ kāl-hayəqûm ’ăšer bəraḡəlêhem bəqereḇ kāl-yiśərā’ēl:

7 kî ‘ênêḵem hārō’ōṯ ’eṯ-kāl-m^a‘ăśēh yəhwâ hagāḏōl ’ăšer ‘āśâ:

8 ûšəmarətem ’eṯ-kāl-hammiṣəwâ ’ăšer ’ānōḵî məṣaûəḵā hayywōm ləm^a‘an teḥezəqû ûḇā’ṯem wîrišətem ’eṯ-hā’āreṣ ’ăšer ’atem ‘ōḇərîm šāmmâ lərišətāh:

9 ûləm^a‘an ta’ărîḵû yāmîm ‘al-hā’ăḏāmâ ’ăšer nišəb^a‘ yəhwâ la’ăḇōṯêḵem lāṯēṯ lâem ûləzarə‘ām ’ereṣ zāḇaṯ ḥālāḇ ûḏəḇāš: s

10 kî hā’āreṣ ’ăšer ’atâ ḇā’-šāmmâ lərišətāh lō’ ḵə’ereṣ miṣərayim hiw’ ’ăšer yəṣā’ṯem miššām ’ăšer tizər^a‘ ’eṯ-zarə‘ăḵā wəhišəqîṯā ḇəraḡələḵā kəḡan hayyārāq:

11 wəhā’āreṣ ’ăšer ’atem ‘ōḇərîm šāmmâ lərišətāh ’ereṣ hārîm ûḇəqā‘ōṯ liməṭar haššāmayim tišəteh-mmāyim:

12 ’ereṣ ’ăšer-yəhwâ ’ĕlōheyḵā dōrēš ’ōṯāh tāmîḏ ‘ênê yəhwâ ’ĕlōheyḵā bāh mērēšîṯ haššānâ wə‘aḏ ’^aḥărîṯ šānâ: s

13 wəhāyâ ’im-šāmō‘a tišəmə‘û ’el-miṣəwōṯay ’ăšer ’ānōḵî məṣaûeh ’eṯəḵem hayywōm lə’ahăḇâ ’eṯ-yəhwâ ’ĕlōhêḵem ûlə‘āḇəḏwō bəḵāl-ləḇaḇəḵem ûḇəḵāl-nafəšəḵem:

14 wənāṯatî məṭar-’arəṣəḵem bə‘itwō ywōreh ûmaləqwōš wə’āsafətā ḏəḡāneḵā wəṯîrōšəḵā wəyiṣəhāreḵā:

15 wənāṯatî ‘ēśeḇ bəśāḏəḵā liḇəheməteḵā wə’āḵalətā wəśāḇā‘ətā:

16 hiššāmərû lāḵem pen yifəteh ləḇaḇəḵem wəsarətem w^a‘ăḇaḏətem ’ĕlōhîm ’ăḥērîm wəhišət^aḥăwîṯem lâem:

17 wəḥārâ ’af-yəhwâ bāḵem wə‘āṣar ’eṯ-haššāmayim wəlō’-yihəyeh māṭār wəhā’ăḏāmâ lō’ ṯitēn ’eṯ-yəḇûlāh wa’ăḇaḏətem məhērâ mē‘al hā’āreṣ haṭṭōḇâ ’ăšer yəhwâ nōṯēn lāḵem:

18 wəśamətem ’eṯ-dəḇāray ’ēlleh ‘al-ləḇaḇəḵem wə‘al-nafəšəḵem ûqəšarətem ’ōṯām lə’wōṯ ‘al-yeḏəḵem wəhāyû ləṭwōṭāfōṯ bên ‘ênêḵem:

19 wəlimmaḏətem ’ōṯām ’eṯ-bənêḵem ləḏabēr bām bəšiḇətəḵā bəḇêṯeḵā ûḇəleḵətəḵā ḇadereḵə ûḇəšāḵəbəḵā ûḇəqûmeḵā:

20 ûḵəṯaḇətām ‘al-məzûzwōṯ bêṯeḵā ûḇišə‘āreyḵā:

21 ləm^a‘an yirəbû yəmêḵem wîmê ḇənêḵem ‘al hā’ăḏāmâ ’ăšer nišəb^a‘ yəhwâ la’ăḇōṯêḵem lāṯēṯ lâem kîmê haššāmayim ‘al-hā’āreṣ: s

22 kî ’im-šāmōr tišəmərûn ’eṯ-kāl-hammiṣəwâ hazzō’ṯ ’ăšer ’ānōḵî məṣaûeh ’eṯəḵem l^a‘ăśōṯāh lə’ahăḇâ ’eṯ-yəhwâ ’ĕlōhêḵem lāleḵeṯ bəḵāl-dərāḵāyw ûləḏāḇəqâ-ḇwō:

23 wəhwōrîš yəhwâ ’eṯ-kāl-hagwōyim hā’ēlleh millifənêḵem wîrišətem gwōyim gəḏōlîm w^a‘ăṣumîm mikem:

24 kāl-hammāqwōm ’ăšer tiḏərōḵə kaf-raḡələḵem bwō lāḵem yihəyeh min-hammiḏəbār wəhalləḇānwōn min-hannâār nəhar-pərāṯ wə‘aḏ hayyām hā’^aḥărwōn yihəyeh gəḇuləḵem:

25 lō’-yiṯəyaṣṣēḇ ’îš bifənêḵem p^aḥədəḵem ûmwōra’ăḵem yitēn| yəhwâ ’ĕlōhêḵem ‘al-pənê³ ḵāl-hā’āreṣ ’ăšer tiḏərəḵû-ḇāh ka’ăšer diber lāḵem: s

26 rə’ēh ’ānōḵî nōṯēn lifənêḵem hayywōm bərāḵâ ûqəlālâ:

27 ’eṯ-habərāḵâ ’ăšer tišəmə‘û ’el-miṣəwōṯ yəhwâ ’ĕlōhêḵem ’ăšer ’ānōḵî məṣaûeh ’eṯəḵem hayywōm:

28 wəhaqqəlālâ ’im-lō’ ṯišəmə‘û ’el-miṣəwōṯ yəhwâ ’ĕlōhêḵem wəsarətem min-hadereḵə ’ăšer ’ānōḵî məṣaûeh ’eṯəḵem hayywōm lāleḵeṯ ’^aḥărê ’ĕlōhîm ’ăḥērîm ’ăšer lō’-yəḏ^a‘ətem: s

29 wəhāyâ kî yəḇî’ăḵā yəhwâ ’ĕlōheyḵā ’el-hā’āreṣ ’ăšer-’atâ ḇā’-šāmmâ lərišətāh wənāṯatâ ’eṯ-habərāḵâ ‘al-har gərizîm wə’eṯ-haqqəlālâ ‘al-har ‘êḇāl:

30 hălō’-hēmmâ bə‘ēḇer hayyarədēn ’^aḥărê dereḵə məḇwō’ haššemeš bə’ereṣ hakən^a‘ănî hayyōšēḇ bā‘ărāḇâ mûl hagiləgāl ’ēṣel ’ēlwōnê mōreh:

31 kî ’atem ‘ōḇərîm ’eṯ-hayyarədēn lāḇō’ lārešeṯ ’eṯ-hā’āreṣ ’ăšer-yəhwâ ’ĕlōhêḵem nōṯēn lāḵem wîrišətem ’ōṯāh wîšaḇətem-bāh:

32 ûšəmarətem l^a‘ăśwōṯ ’ēṯ kāl-h^aḥuqqîm wə’eṯ-hammišəpāṭîm ’ăšer ’ānōḵî nōṯēn lifənêḵem hayywōm:

‎1 ‏אֵ֠לֶּה הַֽחֻקִּ֣ים וְהַמִּשְׁפָּטִים֮ אֲשֶׁ֣ר תִּשְׁמְר֣וּן לַעֲשׂוֹת֒ בָּאָ֕רֶץ אֲשֶׁר֩ נָתַ֨ן יְהוָ֜ה אֱלֹהֵ֧י אֲבֹתֶ֛יךָ לְךָ֖ לְרִשְׁתָּ֑הּ כָּל־הַיָּמִ֔ים אֲשֶׁר־אַתֶּ֥ם חַיִּ֖ים עַל־הָאֲדָמָֽה׃

‎2 ‏אַבֵּ֣ד תְּ֠אַבְּדוּן אֶֽת־כָּל־הַמְּקֹמ֞וֹת אֲשֶׁ֧ר עָֽבְדוּ־שָׁ֣ם הַגּוֹיִ֗ם אֲשֶׁ֥ר אַתֶּ֛ם יֹרְשִׁ֥ים אֹתָ֖ם אֶת־אֱלֹהֵיהֶ֑ם עַל־הֶהָרִ֤ים הָֽרָמִים֙ וְעַל־הַגְּבָע֔וֹת וְתַ֖חַת כָּל־עֵ֥ץ רַעֲנָן׃¹

‎3 ‏וְנִתַּצְתֶּ֣ם אֶת־מִזְבּחֹתָ֗ם¹ וְשִׁבַּרְתֶּם֙ אֶת־מַצֵּ֣בֹתָ֔ם וַאֲשֵֽׁרֵיהֶם֙ תִּשְׂרְפ֣וּן בָּאֵ֔שׁ וּפְסִילֵ֥י אֱלֹֽהֵיהֶ֖ם תְּגַדֵּע֑וּן וְאִבַּדְתֶּ֣ם אֶת־שְׁמָ֔ם מִן־הַמָּק֖וֹם הַהֽוּא׃

‎4 ‏לֹֽא־תַעֲשׂ֣וּן כֵּ֔ן לַיהוָ֖ה אֱלֹהֵיכֶֽם׃

‎5 ‏כִּ֠י אִֽם־אֶל־הַמָּק֞וֹם אֲשֶׁר־יִבְחַ֨ר יְהוָ֤ה אֱלֹֽהֵיכֶם֙ מִכָּל־שִׁבְטֵיכֶ֔ם לָשׂ֥וּם אֶת־שְׁמ֖וֹ שָׁ֑ם לְשִׁכְנ֥וֹ תִדְרְשׁ֖וּ וּבָ֥אתָ שָֽׁמָּה׃

‎6 ‏וַהֲבֵאתֶ֣ם שָׁ֗מָּה עֹלֹֽתֵיכֶם֙ וְזִבְחֵיכֶ֔ם וְאֵת֙ מַעְשְׂרֹ֣תֵיכֶ֔ם וְאֵ֖ת תְּרוּמַ֣ת יֶדְכֶ֑ם וְנִדְרֵיכֶם֙ וְנִדְבֹ֣תֵיכֶ֔ם וּבְכֹרֹ֥ת בְּקַרְכֶ֖ם וְצֹאנְכֶֽם׃

‎7 ‏וַאֲכַלְתֶּם־שָׁ֗ם לִפְנֵי֙ יְהוָ֣ה אֱלֹֽהֵיכֶ֔ם וּשְׂמַחְתֶּ֗ם בְּכֹל֙ מִשְׁלַ֣ח יֶדְכֶ֔ם אַתֶּ֖ם וּבָתֵּיכֶ֑ם אֲשֶׁ֥ר בֵּֽרַכְךָ֖ יְהוָ֥ה אֱלֹהֶֽיךָ׃

‎8 ‏לֹ֣א תַעֲשׂ֔וּן כְּ֠כֹל אֲשֶׁ֨ר אֲנַ֧חְנוּ עֹשִׂ֛ים פֹּ֖ה הַיּ֑וֹם אִ֖ישׁ כָּל־הַיָּשָׁ֥ר בְּעֵינָֽיו׃

‎9 ‏כִּ֥י לֹא־בָּאתֶ֖ם עַד־עָ֑תָּה אֶל־הַמְּנוּחָה֙ וְאֶל־הַֽנַּחֲלָ֔ה אֲשֶׁר־יְהוָ֥ה אֱלֹהֶ֖יךָ נֹתֵ֥ן לָֽךְ׃

‎10 ‏וַעֲבַרְתֶּם֮ אֶת־הַיַּרְדֵּן֒ וִֽישַׁבְתֶּ֣ם בָּאָ֔רֶץ אֲשֶׁר־יְהוָ֥ה אֱלֹהֵיכֶ֖ם מַנְחִ֣יל אֶתְכֶ֑ם וְהֵנִ֨יחַ לָכֶ֧ם מִכָּל־אֹיְבֵיכֶ֛ם מִסָּבִ֖יב וִֽישַׁבְתֶּם־בֶּֽטַח׃

‎11 ‏וְהָיָ֣ה הַמָּק֗וֹם אֲשֶׁר־יִבְחַר֩ יְהוָ֨ה אֱלֹהֵיכֶ֥ם בּוֹ֙ לְשַׁכֵּ֤ן שְׁמוֹ֙ שָׁ֔ם שָׁ֣מָּה תָבִ֔יאוּ אֵ֛ת כָּל־אֲשֶׁ֥ר אָנֹכִ֖י מְצַוֶּ֣ה אֶתְכֶ֑ם עוֹלֹתֵיכֶ֣ם וְזִבְחֵיכֶ֗ם מַעְשְׂרֹֽתֵיכֶם֙ וּתְרֻמַ֣ת יֶדְכֶ֔ם וְכֹל֙ מִבְחַ֣ר נִדְרֵיכֶ֔ם אֲשֶׁ֥ר תִּדְּר֖וּ לַֽיהוָֽה׃

‎12 ‏וּשְׂמַחְתֶּ֗ם לִפְנֵי֮ יְהוָ֣ה אֱלֹֽהֵיכֶם֒ אַתֶּ֗ם וּבְנֵיכֶם֙ וּבְנֹ֣תֵיכֶ֔ם וְעַבְדֵיכֶ֖ם וְאַמְהֹתֵיכֶ֑ם וְהַלֵּוִי֙ אֲשֶׁ֣ר בְּשַֽׁעֲרֵיכֶ֔ם כִּ֣י אֵ֥ין ל֛וֹ חֵ֥לֶק וְנַחֲלָ֖ה אִתְּכֶֽם׃

‎13 ‏הִשָּׁ֣מֶר לְךָ֔ פֶּֽן־תַּעֲלֶ֖ה עֹלֹתֶ֑יךָ בְּכָל־מָק֖וֹם אֲשֶׁ֥ר תִּרְאֶֽה׃

‎14 ‏כִּ֣י אִם־בַּמָּק֞וֹם אֲשֶׁר־יִבְחַ֤ר יְהוָה֙ בְּאַחַ֣ד שְׁבָטֶ֔יךָ שָׁ֖ם תַּעֲלֶ֣ה עֹלֹתֶ֑יךָ וְשָׁ֣ם תַּעֲשֶׂ֔ה כֹּ֛ל אֲשֶׁ֥ר אָנֹכִ֖י מְצַוֶּֽךָּ׃

‎15 ‏רַק֩ בְּכָל־אַוַּ֨ת נַפְשְׁךָ֜ תִּזְבַּ֣ח׀ וְאָכַלְתָּ֣ בָשָׂ֗ר כְּבִרְכַּ֨ת יְהוָ֧ה אֱלֹהֶ֛יךָ אֲשֶׁ֥ר נָֽתַן־לְךָ֖ בְּכָל־שְׁעָרֶ֑יךָ הַטָּמֵ֤א וְהַטָּהוֹר֙ יֹאכְלֶ֔נּוּ כַּצְּבִ֖י וְכָאַיָּֽל׃

‎16 ‏רַ֥ק הַדָּ֖ם לֹ֣א תֹאכֵ֑לוּ עַל־הָאָ֥רֶץ תִּשְׁפְּכֶ֖נּוּ כַּמָּֽיִם׃

‎17 ‏לֹֽא־תוּכַ֞ל לֶאֱכֹ֣ל בִּשְׁעָרֶ֗יךָ מַעְשַׂ֤ר דְּגָֽנְךָ֙ וְתִֽירֹשְׁךָ֣ וְיִצְהָרֶ֔ךָ וּבְכֹרֹ֥ת בְּקָרְךָ֖ וְצֹאנֶ֑ךָ וְכָל־נְדָרֶ֙יךָ֙ אֲשֶׁ֣ר תִּדֹּ֔ר וְנִדְבֹתֶ֖יךָ וּתְרוּמַ֥ת יָדֶֽךָ׃

‎18 ‏כִּ֡י אִם־לִפְנֵי֩ יְהוָ֨ה אֱלֹהֶ֜יךָ תֹּאכְלֶ֗נּוּ בַּמָּקוֹם֙ אֲשֶׁ֨ר יִבְחַ֜ר יְהוָ֣ה אֱלֹהֶיךָ֮ בּוֹ֒ אַתָּ֨ה וּבִנְךָ֤ וּבִתֶּ֙ךָ֙ וְעַבְדְּךָ֣ וַאֲמָתֶ֔ךָ וְהַלֵּוִ֖י אֲשֶׁ֣ר בִּשְׁעָרֶ֑יךָ וְשָׂמַחְתָּ֗ לִפְנֵי֙ יְהוָ֣ה אֱלֹהֶ֔יךָ בְּכֹ֖ל מִשְׁלַ֥ח יָדֶֽךָ׃

‎19 ‏הִשָּׁ֣מֶר לְךָ֔ פֶּֽן־תַּעֲזֹ֖ב אֶת־הַלֵּוִ֑י כָּל־יָמֶ֖יךָ עַל־אַדְמָתֶֽךָ׃ ס

‎20 ‏כִּֽי־יַרְחִיב֩ יְהוָ֨ה אֱלֹהֶ֥יךָ אֶֽת־גְּבֽוּלְךָ֮ כַּאֲשֶׁ֣ר דִּבֶּר־לָךְ֒ וְאָמַרְתָּ֙ אֹכְלָ֣ה בָשָׂ֔ר כִּֽי־תְאַוֶּ֥ה נַפְשְׁךָ֖ לֶאֱכֹ֣ל בָּשָׂ֑ר בְּכָל־אַוַּ֥ת נַפְשְׁךָ֖ תֹּאכַ֥ל בָּשָֽׂר׃

‎21 ‏כִּֽי־יִרְחַ֨ק מִמְּךָ֜ הַמָּק֗וֹם אֲשֶׁ֨ר יִבְחַ֜ר יְהוָ֣ה אֱלֹהֶיךָ֮ לָשׂ֣וּם שְׁמ֣וֹ שָׁם֒ וְזָבַחְתָּ֞ מִבְּקָרְךָ֣ וּמִצֹּֽאנְךָ֗ אֲשֶׁ֨ר נָתַ֤ן יְהוָה֙ לְךָ֔ כַּאֲשֶׁ֖ר צִוִּיתִ֑ךָ וְאָֽכַלְתָּ֙ בִּשְׁעָרֶ֔יךָ בְּכֹ֖ל אַוַּ֥ת נַפְשֶֽׁךָ׃

‎22 ‏אַ֗ךְ כַּאֲשֶׁ֨ר יֵאָכֵ֤ל אֶֽת־הַצְּבִי֙ וְאֶת־הָ֣אַיָּ֔ל כֵּ֖ן תֹּאכְלֶ֑נּוּ הַטָּמֵא֙ וְהַטָּה֔וֹר יַחְדָּ֖ו יֹאכְלֶֽנּוּ׃

‎23 ‏רַ֣ק חֲזַ֗ק לְבִלְתִּי֙ אֲכֹ֣ל הַדָּ֔ם כִּ֥י הַדָּ֖ם ה֣וּא הַנָּ֑פֶשׁ וְלֹא־תֹאכַ֥ל הַנֶּ֖פֶשׁ עִם־הַבָּשָֽׂר׃

‎24 ‏לֹ֖א תֹּאכְלֶ֑נּוּ עַל־הָאָ֥רֶץ תִּשְׁפְּכֶ֖נּוּ כַּמָּֽיִם׃

‎25 ‏לֹ֖א תֹּאכְלֶ֑נּוּ לְמַ֨עַן יִיטַ֤ב לְךָ֙ וּלְבָנֶ֣יךָ אַחֲרֶ֔יךָ כִּֽי־תַעֲשֶׂ֥ה הַיָּשָׁ֖ר בְּעֵינֵ֥י יְהוָֽה׃

‎26 ‏רַ֧ק קָֽדָשֶׁ֛יךָ אֲשֶׁר־יִהְי֥וּ לְךָ֖ וּנְדָרֶ֑יךָ תִּשָּׂ֣א וּבָ֔אתָ אֶל־הַמָּק֖וֹם אֲשֶׁר־יִבְחַ֥ר יְהוָֽה׃

‎27 ‏וְעָשִׂ֤יתָ עֹלֹתֶ֙יךָ֙ הַבָּשָׂ֣ר וְהַדָּ֔ם עַל־מִזְבַּ֖ח יְהוָ֣ה אֱלֹהֶ֑יךָ וְדַם־זְבָחֶ֗יךָ יִשָּׁפֵךְ֙ עַל־מִזְבַּח֙ יְהוָ֣ה אֱלֹהֶ֔יךָ וְהַבָּשָׂ֖ר תֹּאכֵֽל׃

‎28 ‏שְׁמֹ֣ר וְשָׁמַעְתָּ֗ אֵ֚ת כָּל־הַדְּבָרִ֣ים הָאֵ֔לֶּה אֲשֶׁ֥ר אָנֹכִ֖י מְצַוֶּ֑ךָּ לְמַעַן֩ יִיטַ֨ב לְךָ֜ וּלְבָנֶ֤יךָ אַחֲרֶ֙יךָ֙ עַד־עוֹלָ֔ם כִּ֤י תַעֲשֶׂה֙ הַטּ֣וֹב וְהַיָּשָׁ֔ר בְּעֵינֵ֖י יְהוָ֥ה אֱלֹהֶֽיךָ׃ ס

‎29 ‏כִּֽי־יַכְרִית֩ יְהוָ֨ה אֱלֹהֶ֜יךָ אֶת־הַגּוֹיִ֗ם אֲשֶׁ֨ר אַתָּ֥ה בָא־שָׁ֛מָּה לָרֶ֥שֶׁת אוֹתָ֖ם מִפָּנֶ֑יךָ וְיָרַשְׁתָּ֣ אֹתָ֔ם וְיָשַׁבְתָּ֖ בְּאַרְצָֽם׃

‎30 ‏הִשָּׁ֣מֶר לְךָ֗ פֶּן־תִּנָּקֵשׁ֙ אַחֲרֵיהֶ֔ם אַחֲרֵ֖י הִשָּׁמְדָ֣ם מִפָּנֶ֑יךָ וּפֶן־תִּדְרֹ֨שׁ לֵֽאלֹהֵיהֶ֜ם לֵאמֹ֨ר אֵיכָ֨ה יַעַבְד֜וּ הַגּוֹיִ֤ם הָאֵ֙לֶּה֙ אֶת־אֱלֹ֣הֵיהֶ֔ם וְאֶעֱשֶׂה־כֵּ֖ן גַּם־אָֽנִי׃

‎31 ‏לֹא־תַעֲשֶׂ֣ה כֵ֔ן לַיהוָ֖ה אֱלֹהֶ֑יךָ כִּי֩ כָּל־תּוֹעֲבַ֨ת יְהוָ֜ה אֲשֶׁ֣ר שָׂנֵ֗א עָשׂוּ֙ לֵאלֹ֣הֵיהֶ֔ם כִּ֣י גַ֤ם אֶת־בְּנֵיהֶם֙ וְאֶת־בְּנֹ֣תֵיהֶ֔ם יִשְׂרְפ֥וּ בָאֵ֖שׁ לֵֽאלֹהֵיהֶֽם׃

1 ’ēlleh h^aḥuqqîm wəhammišəpāṭîm ’ăšer tišəmərûn l^a‘ăśwōṯ bā’āreṣ ’ăšer nāṯan yəhwâ ’ĕlōhê ’ăḇōṯeyḵā ləḵā lərišətāh kāl-hayyāmîm ’ăšer-’atem ḥayyîm ‘al-hā’ăḏāmâ:

2 ’abēḏ tə’abəḏûn ’eṯ-kāl-hamməqōmwōṯ ’ăšer ‘āḇəḏû-šām hagwōyim ’ăšer ’atem yōrəšîm ’ōṯām ’eṯ-’ĕlōhêhem ‘al-hehārîm hārāmîm wə‘al-hagəḇā‘wōṯ wəṯ^aḥaṯ kāl-‘ēṣ r^a‘ănān:¹

3 wənitaṣətem ’eṯ-mizəbḥōṯām¹ wəšibarətem ’eṯ-maṣṣēḇōṯām wa’ăšērêhem tiśərəfûn bā’ēš ûfəsîlê ’ĕlōhêhem təḡadē‘ûn wə’ibaḏətem ’eṯ-šəmām min-hammāqwōm hahû’:

4 lō’-ṯ^a‘ăśûn kēn layhwâ ’ĕlōhêḵem:

5 kî ’im-’el-hammāqwōm ’ăšer-yiḇəḥar yəhwâ ’ĕlōhêḵem mikāl-šiḇəṭêḵem lāśûm ’eṯ-šəmwō šām ləšiḵənwō ṯiḏərəšû ûḇā’ṯā šāmmâ:

6 wahăḇē’ṯem šāmmâ ‘ōlōṯêḵem wəziḇəḥêḵem wə’ēṯ m^a‘əśərōṯêḵem wə’ēṯ tərûmaṯ yeḏəḵem wəniḏərêḵem wəniḏəḇōṯêḵem ûḇəḵōrōṯ bəqarəḵem wəṣō’nəḵem:

7 wa’ăḵalətem-šām lifənê yəhwâ ’ĕlōhêḵem ûśəm^aḥətem bəḵōl mišəl^aḥ yeḏəḵem ’atem ûḇātêḵem ’ăšer bēraḵəḵā yəhwâ ’ĕlōheyḵā:

8 lō’ ṯ^a‘ăśûn kəḵōl ’ăšer ’ăn^aḥənû ‘ōśîm pōh hayywōm ’îš kāl-hayyāšār bə‘ênāyw:

9 kî lō’-bā’ṯem ‘aḏ-‘ātâ ’el-hammənûḥâ wə’el-hann^aḥălâ ’ăšer-yəhwâ ’ĕlōheyḵā nōṯēn lāḵə:

10 w^a‘ăḇarətem ’eṯ-hayyarədēn wîšaḇətem bā’āreṣ ’ăšer-yəhwâ ’ĕlōhêḵem manəḥîl ’eṯəḵem wəhēnîḥa lāḵem mikāl-’ōyəḇêḵem missāḇîḇ wîšaḇətem-beṭ^aḥ:

11 wəhāyâ hammāqwōm ’ăšer-yiḇəḥar yəhwâ ’ĕlōhêḵem bwō ləšakēn šəmwō šām šāmmâ ṯāḇî’û ’ēṯ kāl-’ăšer ’ānōḵî məṣaûeh ’eṯəḵem ‘wōlōṯêḵem wəziḇəḥêḵem m^a‘əśərōṯêḵem ûṯərumaṯ yeḏəḵem wəḵōl miḇəḥar niḏərêḵem ’ăšer tidərû layhwâ:

12 ûśəm^aḥətem lifənê yəhwâ ’ĕlōhêḵem ’atem ûḇənêḵem ûḇənōṯêḵem wə‘aḇəḏêḵem wə’aməhōṯêḵem wəhallēwî ’ăšer bəš^a‘ărêḵem kî ’ên lwō ḥēleq wən^aḥălâ ’itəḵem:

13 hiššāmer ləḵā pen-t^a‘ăleh ‘ōlōṯeyḵā bəḵāl-māqwōm ’ăšer tirə’eh:

14 kî ’im-bammāqwōm ’ăšer-yiḇəḥar yəhwâ bə’^aḥaḏ šəḇāṭeyḵā šām t^a‘ăleh ‘ōlōṯeyḵā wəšām t^a‘ăśeh kōl ’ăšer ’ānōḵî məṣaûeḵḵā:

15 raq bəḵāl-’aûaṯ nafəšəḵā tizəb^aḥ| wə’āḵalətā ḇāśār kəḇirəkaṯ yəhwâ ’ĕlōheyḵā ’ăšer nāṯan-ləḵā bəḵāl-šə‘āreyḵā haṭṭāmē’ wəhaṭṭâwōr yō’ḵəlennû kaṣṣəḇî wəḵā’ayyāl:

16 raq hadām lō’ ṯō’ḵēlû ‘al-hā’āreṣ tišəpəḵennû kammāyim:

17 lō’-ṯûḵal le’ĕḵōl bišə‘āreyḵā m^a‘əśar dəḡānəḵā wəṯîrōšəḵā wəyiṣəhāreḵā ûḇəḵōrōṯ bəqārəḵā wəṣō’neḵā wəḵāl-nəḏāreyḵā ’ăšer tidōr wəniḏəḇōṯeyḵā ûṯərûmaṯ yāḏeḵā:

18 kî ’im-lifənê yəhwâ ’ĕlōheyḵā tō’ḵəlennû bammāqwōm ’ăšer yiḇəḥar yəhwâ ’ĕlōheyḵā bwō ’atâ ûḇinəḵā ûḇiteḵā wə‘aḇədəḵā wa’ămāṯeḵā wəhallēwî ’ăšer bišə‘āreyḵā wəśām^aḥətā lifənê yəhwâ ’ĕlōheyḵā bəḵōl mišəl^aḥ yāḏeḵā:

19 hiššāmer ləḵā pen-t^a‘ăzōḇ ’eṯ-hallēwî kāl-yāmeyḵā ‘al-’aḏəmāṯeḵā: s

20 kî-yarəḥîḇ yəhwâ ’ĕlōheyḵā ’eṯ-gəḇûləḵā ka’ăšer diber-lāḵə wə’āmarətā ’ōḵəlâ ḇāśār kî-ṯə’aûeh nafəšəḵā le’ĕḵōl bāśār bəḵāl-’aûaṯ nafəšəḵā tō’ḵal bāśār:

21 kî-yirəḥaq mimməḵā hammāqwōm ’ăšer yiḇəḥar yəhwâ ’ĕlōheyḵā lāśûm šəmwō šām wəzāḇ^aḥətā mibəqārəḵā ûmiṣṣō’nəḵā ’ăšer nāṯan yəhwâ ləḵā ka’ăšer ṣiûîṯiḵā wə’āḵalətā bišə‘āreyḵā bəḵōl ’aûaṯ nafəšeḵā:

22 ’aḵə ka’ăšer yē’āḵēl ’eṯ-haṣṣəḇî wə’eṯ-hā’ayyāl kēn tō’ḵəlennû haṭṭāmē’ wəhaṭṭâwōr y^aḥədāw yō’ḵəlennû:

23 raq ḥăzaq ləḇilətî ’ăḵōl hadām kî hadām hû’ hannāfeš wəlō’-ṯō’ḵal hannefeš ‘im-habāśār:

24 lō’ tō’ḵəlennû ‘al-hā’āreṣ tišəpəḵennû kammāyim:

25 lō’ tō’ḵəlennû ləm^a‘an yîṭaḇ ləḵā ûləḇāneyḵā ’^aḥăreyḵā kî-ṯ^a‘ăśeh hayyāšār bə‘ênê yəhwâ:

26 raq qāḏāšeyḵā ’ăšer-yihəyû ləḵā ûnəḏāreyḵā tiśśā’ ûḇā’ṯā ’el-hammāqwōm ’ăšer-yiḇəḥar yəhwâ:

27 wə‘āśîṯā ‘ōlōṯeyḵā habāśār wəhadām ‘al-mizəb^aḥ yəhwâ ’ĕlōheyḵā wəḏam-zəḇāḥeyḵā yiššāfēḵə ‘al-mizəb^aḥ yəhwâ ’ĕlōheyḵā wəhabāśār tō’ḵēl:

28 šəmōr wəšām^a‘ətā ’ēṯ kāl-hadəḇārîm hā’ēlleh ’ăšer ’ānōḵî məṣaûeḵḵā ləm^a‘an yîṭaḇ ləḵā ûləḇāneyḵā ’^aḥăreyḵā ‘aḏ-‘wōlām kî ṯ^a‘ăśeh haṭṭwōḇ wəhayyāšār bə‘ênê yəhwâ ’ĕlōheyḵā: s

29 kî-yaḵərîṯ yəhwâ ’ĕlōheyḵā ’eṯ-hagwōyim ’ăšer ’atâ ḇā’-šāmmâ lārešeṯ ’wōṯām mipāneyḵā wəyārašətā ’ōṯām wəyāšaḇətā bə’arəṣām:

30 hiššāmer ləḵā pen-tinnāqēš ’^aḥărêhem ’^aḥărê hiššāməḏām mipāneyḵā ûfen-tiḏərōš lē’lōhêhem lē’mōr ’êḵâ y^a‘aḇəḏû hagwōyim hā’ēlleh ’eṯ-’ĕlōhêhem wə’e‘ĕśeh-kēn gam-’ānî:

31 lō’-ṯ^a‘ăśeh ḵēn layhwâ ’ĕlōheyḵā kî kāl-twō‘ăḇaṯ yəhwâ ’ăšer śānē’ ‘āśû lē’lōhêhem kî ḡam ’eṯ-bənêhem wə’eṯ-bənōṯêhem yiśərəfû ḇā’ēš lē’lōhêhem:

‎1 ‏אֵ֣ת כָּל־הַדָּבָ֗ר אֲשֶׁ֤ר אָנֹכִי֙ מְצַוֶּ֣ה אֶתְכֶ֔ם אֹת֥וֹ תִשְׁמְר֖וּ לַעֲשׂ֑וֹת לֹא־תֹסֵ֣ף עָלָ֔יו וְלֹ֥א תִגְרַ֖ע מִמֶּֽנּוּ׃ פ

‎2 ‏כִּֽי־יָק֤וּם בְּקִרְבְּךָ֙ נָבִ֔יא א֖וֹ חֹלֵ֣ם חֲל֑וֹם וְנָתַ֥ן אֵלֶ֛יךָ א֖וֹת א֥וֹ מוֹפֵֽת׃

‎3 ‏וּבָ֤א הָאוֹת֙ וְהַמּוֹפֵ֔ת אֲשֶׁר־דִּבֶּ֥ר אֵלֶ֖יךָ לֵאמֹ֑ר נֵֽלְכָ֞ה אַחֲרֵ֨י אֱלֹהִ֧ים אֲחֵרִ֛ים אֲשֶׁ֥ר לֹֽא־יְדַעְתָּ֖ם וְנָֽעָבְדֵֽם׃

‎4 ‏לֹ֣א תִשְׁמַ֗ע אֶל־דִּבְרֵי֙ הַנָּבִ֣יא הַה֔וּא א֛וֹ אֶל־חוֹלֵ֥ם הַחֲל֖וֹם הַה֑וּא כִּ֣י מְנַסֶּ֞ה יְהוָ֤ה אֱלֹֽהֵיכֶם֙ אֶתְכֶ֔ם לָדַ֗עַת הֲיִשְׁכֶ֤ם אֹֽהֲבִים֙ אֶת־יְהוָ֣ה אֱלֹהֵיכֶ֔ם בְּכָל־לְבַבְכֶ֖ם וּבְכָל־נַפְשְׁכֶֽם׃

‎5 ‏אַחֲרֵ֨י יְהוָ֧ה אֱלֹהֵיכֶ֛ם תֵּלֵ֖כוּ וְאֹת֣וֹ תִירָ֑אוּ וְאֶת־מִצְוֹתָ֤יו תִּשְׁמֹ֙רוּ֙ וּבְקֹל֣וֹ תִשְׁמָ֔עוּ וְאֹת֥וֹ תַעֲבֹ֖דוּ וּב֥וֹ תִדְבָּקֽוּן׃

‎6 ‏וְהַנָּבִ֣יא הַה֡וּא א֣וֹ חֹלֵם֩ הַחֲל֨וֹם הַה֜וּא יוּמָ֗ת כִּ֣י דִבֶּר־סָ֠רָה עַל־יְהוָ֨ה אֱלֹֽהֵיכֶ֜ם הַמּוֹצִ֥יא אֶתְכֶ֣ם׀ מֵאֶ֣רֶץ מִצְרַ֗יִם וְהַפֹּֽדְךָ֙ מִבֵּ֣ית עֲבָדִ֔ים לְהַדִּֽיחֲךָ֙ מִן־הַדֶּ֔רֶךְ אֲשֶׁ֧ר צִוְּךָ֛ יְהוָ֥ה אֱלֹהֶ֖יךָ לָלֶ֣כֶת בָּ֑הּ וּבִֽעַרְתָּ֥ הָרָ֖ע מִקִּרְבֶּֽךָ׃

‎7 ‏כִּ֣י יְסִֽיתְךָ֡ אָחִ֣יךָ בֶן־אִ֠מֶּךָ אֽוֹ־בִנְךָ֨ אֽוֹ־בִתְּךָ֜ א֣וֹ׀ אֵ֣שֶׁת חֵיקֶ֗ךָ א֧וֹ רֵֽעֲךָ֛ אֲשֶׁ֥ר כְּנַפְשְׁךָ֖ בַּסֵּ֣תֶר לֵאמֹ֑ר נֵֽלְכָ֗ה וְנַֽעַבְדָה֙ אֱלֹהִ֣ים אֲחֵרִ֔ים אֲשֶׁר֙ לֹ֣א יָדַ֔עְתָּ אַתָּ֖ה וַאֲבֹתֶֽיךָ׃

‎8 ‏מֵאֱלֹהֵ֣י הָֽעַמִּ֗ים אֲשֶׁר֙ סְבִיבֹ֣תֵיכֶ֔ם הַקְּרֹבִ֣ים אֵלֶ֔יךָ א֖וֹ הָרְחֹקִ֣ים מִמֶּ֑ךָּ מִקְצֵ֥ה הָאָ֖רֶץ וְעַד־קְצֵ֥ה הָאָֽרֶץ׃

‎9 ‏לֹא־תֹאבֶ֣ה ל֔וֹ וְלֹ֥א תִשְׁמַ֖ע אֵלָ֑יו וְלֹא־תָח֤וֹס עֵֽינְךָ֙ עָלָ֔יו וְלֹֽא־תַחְמֹ֥ל וְלֹֽא־תְכַסֶּ֖ה עָלָֽיו׃

‎10 ‏כִּ֤י הָרֹג֙ תַּֽהַרְגֶ֔נּוּ יָֽדְךָ֛ תִּֽהְיֶה־בּ֥וֹ בָרִֽאשׁוֹנָ֖ה לַהֲמִית֑וֹ וְיַ֥ד כָּל־הָעָ֖ם בָּאַחֲרֹנָֽה׃

‎11 ‏וּסְקַלְתּ֥וֹ בָאֲבָנִ֖ים וָמֵ֑ת כִּ֣י בִקֵּ֗שׁ לְהַדִּֽיחֲךָ֙ מֵעַל֙ יְהוָ֣ה אֱלֹהֶ֔יךָ הַמּוֹצִיאֲךָ֛ מֵאֶ֥רֶץ מִצְרַ֖יִם מִבֵּ֥ית עֲבָדִֽים׃

‎12 ‏וְכָל־יִשְׂרָאֵ֔ל יִשְׁמְע֖וּ וְיִֽרָא֑וּן וְלֹֽא־יוֹסִ֣פוּ לַעֲשׂ֗וֹת כַּדָּבָ֥ר הָרָ֛ע הַזֶּ֖ה בְּקִרְבֶּֽךָ׃ ס

‎13 ‏כִּֽי־תִשְׁמַ֞ע בְּאַחַ֣ת עָרֶ֗יךָ אֲשֶׁר֩ יְהוָ֨ה אֱלֹהֶ֜יךָ נֹתֵ֥ן לְךָ֛ לָשֶׁ֥בֶת שָׁ֖ם לֵאמֹֽר׃

‎14 ‏יָצְא֞וּ אֲנָשִׁ֤ים בְּנֵֽי־בְלִיַּ֙עַל֙ מִקִּרְבֶּ֔ךָ וַיַּדִּ֛יחוּ אֶת־יֹשְׁבֵ֥י עִירָ֖ם לֵאמֹ֑ר נֵלְכָ֗ה וְנַעַבְדָ֛ה אֱלֹהִ֥ים אֲחֵרִ֖ים אֲשֶׁ֥ר לֹא־יְדַעְתֶּֽם׃

‎15 ‏וְדָרַשְׁתָּ֧ וְחָקַרְתָּ֧ וְשָׁאַלְתָּ֖ הֵיטֵ֑ב וְהִנֵּ֤ה אֱמֶת֙ נָכ֣וֹן הַדָּבָ֔ר נֶעֶשְׂתָ֛ה הַתּוֹעֵבָ֥ה הַזֹּ֖את בְּקִרְבֶּֽךָ׃

‎16 ‏הַכֵּ֣ה תַכֶּ֗ה אֶת־יֹֽשְׁבֵ֛י הָעִ֥יר ההוא הַהִ֖יא לְפִי־חָ֑רֶב הַחֲרֵ֨ם אֹתָ֧הּ וְאֶת־כָּל־אֲשֶׁר־בָּ֛הּ וְאֶת־בְּהֶמְתָּ֖הּ לְפִי־חָֽרֶב׃

‎17 ‏וְאֶת־כָּל־שְׁלָלָ֗הּ תִּקְבֹּץ֮ אֶל־תּ֣וֹךְ רְחֹבָהּ֒ וְשָׂרַפְתָּ֨ בָאֵ֜שׁ אֶת־הָעִ֤יר וְאֶת־כָּל־שְׁלָלָהּ֙ כָּלִ֔יל לַיהוָ֖ה אֱלֹהֶ֑יךָ וְהָיְתָה֙ תֵּ֣ל עוֹלָ֔ם לֹ֥א תִבָּנֶ֖ה עֽוֹד׃

‎18 ‏וְלֹֽא־יִדְבַּ֧ק בְּיָדְךָ֛ מְא֖וּמָה מִן־הַחֵ֑רֶם לְמַעַן֩ יָשׁ֨וּב יְהוָ֜ה מֵחֲר֣וֹן אַפּ֗וֹ וְנָֽתַן־לְךָ֤ רַחֲמִים֙ וְרִֽחַמְךָ֣ וְהִרְבֶּ֔ךָ כַּאֲשֶׁ֥ר נִשְׁבַּ֖ע לַאֲבֹתֶֽיךָ׃

‎19 ‏כִּ֣י תִשְׁמַ֗ע בְּקוֹל֙ יְהוָ֣ה אֱלֹהֶ֔יךָ לִשְׁמֹר֙ אֶת־כָּל־מִצְוֹתָ֔יו אֲשֶׁ֛ר אָנֹכִ֥י מְצַוְּךָ֖³ הַיּ֑וֹם לַעֲשׂוֹת֙ הַיָּשָׁ֔ר בְּעֵינֵ֖י יְהוָ֥ה אֱלֹהֶֽיךָ׃ ס

1 ’ēṯ kāl-hadāḇār ’ăšer ’ānōḵî məṣaûeh ’eṯəḵem ’ōṯwō ṯišəmərû l^a‘ăśwōṯ lō’-ṯōsēf ‘ālāyw wəlō’ ṯiḡər^a‘ mimmennû: f

2 kî-yāqûm bəqirəbəḵā nāḇî’ ’wō ḥōlēm ḥălwōm wənāṯan ’ēleyḵā ’wōṯ ’wō mwōfēṯ:

3 ûḇā’ hā’wōṯ wəhammwōfēṯ ’ăšer-diber ’ēleyḵā lē’mōr nēləḵâ ’^aḥărê ’ĕlōhîm ’ăḥērîm ’ăšer lō’-yəḏ^a‘ətām wənā‘āḇəḏēm:

4 lō’ ṯišəm^a‘ ’el-diḇərê hannāḇî’ hahû’ ’wō ’el-ḥwōlēm h^aḥălwōm hahû’ kî mənasseh yəhwâ ’ĕlōhêḵem ’eṯəḵem lāḏ^a‘aṯ hăyišəḵem ’ōhăḇîm ’eṯ-yəhwâ ’ĕlōhêḵem bəḵāl-ləḇaḇəḵem ûḇəḵāl-nafəšəḵem:

5 ’^aḥărê yəhwâ ’ĕlōhêḵem tēlēḵû wə’ōṯwō ṯîrā’û wə’eṯ-miṣəwōṯāyw tišəmōrû ûḇəqōlwō ṯišəmā‘û wə’ōṯwō ṯ^a‘ăḇōḏû ûḇwō ṯiḏəbāqûn:

6 wəhannāḇî’ hahû’ ’wō ḥōlēm h^aḥălwōm hahû’ yûmāṯ kî ḏiber-sārâ ‘al-yəhwâ ’ĕlōhêḵem hammwōṣî’ ’eṯəḵem| mē’ereṣ miṣərayim wəhapōḏəḵā mibêṯ ‘ăḇāḏîm ləhadîḥăḵā min-hadereḵə ’ăšer ṣiûəḵā yəhwâ ’ĕlōheyḵā lāleḵeṯ bāh ûḇi‘arətā hārā‘ miqqirəbeḵā:

7 kî yəsîṯəḵā ’āḥîḵā ḇen-’immeḵā ’wō-ḇinəḵā ’wō-ḇitəḵā ’wō| ’ēšeṯ ḥêqeḵā ’wō rē‘ăḵā ’ăšer kənafəšəḵā bassēṯer lē’mōr nēləḵâ wən^a‘aḇəḏâ ’ĕlōhîm ’ăḥērîm ’ăšer lō’ yāḏ^a‘ətā ’atâ wa’ăḇōṯeyḵā:

8 mē’ĕlōhê hā‘ammîm ’ăšer səḇîḇōṯêḵem haqqərōḇîm ’ēleyḵā ’wō hārəḥōqîm mimmeḵḵā miqəṣēh hā’āreṣ wə‘aḏ-qəṣēh hā’āreṣ:

9 lō’-ṯō’ḇeh lwō wəlō’ ṯišəm^a‘ ’ēlāyw wəlō’-ṯāḥwōs ‘ênəḵā ‘ālāyw wəlō’-ṯ^aḥəmōl wəlō’-ṯəḵasseh ‘ālāyw:

10 kî hārōḡ taharəḡennû yāḏəḵā tihəyeh-bwō ḇāri’šwōnâ lahămîṯwō wəyaḏ kāl-hā‘ām bā’^aḥărōnâ:

11 ûsəqalətwō ḇā’ăḇānîm wāmēṯ kî ḇiqqēš ləhadîḥăḵā mē‘al yəhwâ ’ĕlōheyḵā hammwōṣî’ăḵā mē’ereṣ miṣərayim mibêṯ ‘ăḇāḏîm:

12 wəḵāl-yiśərā’ēl yišəmə‘û wəyirā’ûn wəlō’-ywōsifû l^a‘ăśwōṯ kadāḇār hārā‘ hazzeh bəqirəbeḵā: s

13 kî-ṯišəm^a‘ bə’^aḥaṯ ‘āreyḵā ’ăšer yəhwâ ’ĕlōheyḵā nōṯēn ləḵā lāšeḇeṯ šām lē’mōr:

14 yāṣə’û ’ănāšîm bənê-ḇəlîy^a‘al miqqirəbeḵā wayyadîḥû ’eṯ-yōšəḇê ‘îrām lē’mōr nēləḵâ wən^a‘aḇəḏâ ’ĕlōhîm ’ăḥērîm ’ăšer lō’-yəḏ^a‘ətem:

15 wəḏārašətā wəḥāqarətā wəšā’alətā hêṭēḇ wəhinnēh ’ĕmeṯ nāḵwōn hadāḇār ne‘eśəṯâ hatwō‘ēḇâ hazzō’ṯ bəqirəbeḵā:

16 hakēh ṯakeh ’eṯ-yōšəḇê hā‘îr hahiw’ hahî’ ləfî-ḥāreḇ h^aḥărēm ’ōṯāh wə’eṯ-kāl-’ăšer-bāh wə’eṯ-bəhemətāh ləfî-ḥāreḇ:

17 wə’eṯ-kāl-šəlālāh tiqəbōṣ ’el-twōḵə rəḥōḇāh wəśārafətā ḇā’ēš ’eṯ-hā‘îr wə’eṯ-kāl-šəlālāh kālîl layhwâ ’ĕlōheyḵā wəhāyəṯâ tēl ‘wōlām lō’ ṯibāneh ‘wōḏ:

18 wəlō’-yiḏəbaq bəyāḏəḵā mə’ûmâ min-h^aḥērem ləm^a‘an yāšûḇ yəhwâ mēḥărwōn ’apwō wənāṯan-ləḵā r^aḥămîm wəriḥaməḵā wəhirəbeḵā ka’ăšer nišəb^a‘ la’ăḇōṯeyḵā:

19 kî ṯišəm^a‘ bəqwōl yəhwâ ’ĕlōheyḵā lišəmōr ’eṯ-kāl-miṣəwōṯāyw ’ăšer ’ānōḵî məṣaûəḵā³ hayywōm l^a‘ăśwōṯ hayyāšār bə‘ênê yəhwâ ’ĕlōheyḵā: s

‎1 ‏בָּנִ֣ים אַתֶּ֔ם לַֽיהוָ֖ה אֱלֹהֵיכֶ֑ם לֹ֣א תִתְגֹּֽדְד֗וּ וְלֹֽא־תָשִׂ֧ימוּ קָרְחָ֛ה בֵּ֥ין עֵינֵיכֶ֖ם לָמֵֽת׃

‎2 ‏כִּ֣י עַ֤ם קָדוֹשׁ֙ אַתָּ֔ה לַיהוָ֖ה אֱלֹהֶ֑יךָ וּבְךָ֞ בָּחַ֣ר יְהוָ֗ה לִֽהְי֥וֹת לוֹ֙ לְעַ֣ם סְגֻלָּ֔ה מִכֹּל֙ הָֽעַמִּ֔ים אֲשֶׁ֖ר עַל־פְּנֵ֥י הָאֲדָמָֽה׃ ס

‎3 ‏לֹ֥א תֹאכַ֖ל כָּל־תּוֹעֵבָֽה׃

‎4 ‏זֹ֥את הַבְּהֵמָ֖ה אֲשֶׁ֣ר תֹּאכֵ֑לוּ שׁ֕וֹר שֵׂ֥ה כְשָׂבִ֖ים וְשֵׂ֥ה עִזִּֽים׃

‎5 ‏אַיָּ֥ל וּצְבִ֖י וְיַחְמ֑וּר וְאַקּ֥וֹ וְדִישֹׁ֖ן וּתְא֥וֹ וָזָֽמֶר׃

‎6 ‏וְכָל־בְּהֵמָ֞ה מַפְרֶ֣סֶת פַּרְסָ֗ה וְשֹׁסַ֤עַת שֶׁ֙סַע֙ שְׁתֵּ֣י פְרָס֔וֹת מַעֲלַ֥ת גֵּרָ֖ה בַּבְּהֵמָ֑ה אֹתָ֖הּ תֹּאכֵֽלוּ׃

‎7 ‏אַ֣ךְ אֶת־זֶ֞ה לֹ֤א תֹֽאכְלוּ֙ מִמַּֽעֲלֵ֣י הַגֵּרָ֔ה וּמִמַּפְרִיסֵ֥י הַפַּרְסָ֖ה הַשְּׁסוּעָ֑ה אֶֽת־הַ֠גָּמָל וְאֶת־הָאַרְנֶ֨בֶת וְאֶת־הַשָּׁפָ֜ן כִּֽי־מַעֲלֵ֧ה גֵרָ֣ה הֵ֗מָּה וּפַרְסָה֙ לֹ֣א הִפְרִ֔יסוּ טְמֵאִ֥ים הֵ֖ם לָכֶֽם׃

‎8 ‏וְאֶת־הַ֠חֲזִיר כִּֽי־מַפְרִ֨יס פַּרְסָ֥ה הוּא֙ וְלֹ֣א גֵרָ֔ה טָמֵ֥א ה֖וּא לָכֶ֑ם מִבְּשָׂרָם֙ לֹ֣א תֹאכֵ֔לוּ וּבְנִבְלָתָ֖ם לֹ֥א תִגָּֽעוּ׃ ס

‎9 ‏אֶת־זֶה֙ תֹּֽאכְל֔וּ מִכֹּ֖ל אֲשֶׁ֣ר בַּמָּ֑יִם כֹּ֧ל אֲשֶׁר־ל֛וֹ סְנַפִּ֥יר וְקַשְׂקֶ֖שֶׂת תֹּאכֵֽלוּ׃

‎10 ‏וְכֹ֨ל אֲשֶׁ֧ר אֵֽין־ל֛וֹ סְנַפִּ֥יר וְקַשְׂקֶ֖שֶׂת לֹ֣א תֹאכֵ֑לוּ טָמֵ֥א ה֖וּא לָכֶֽם׃ ס

‎11 ‏כָּל־צִפּ֥וֹר טְהֹרָ֖ה תֹּאכֵֽלוּ׃

‎12 ‏וְזֶ֕ה אֲשֶׁ֥ר לֹֽא־תֹאכְל֖וּ מֵהֶ֑ם הַנֶּ֥שֶׁר וְהַפֶּ֖רֶס וְהָֽעָזְנִיָּֽה׃

‎13 ‏וְהָרָאָה֙ וְאֶת־הָ֣אַיָּ֔ה וְהַדַּיָּ֖ה לְמִינָֽהּ׃

‎14 ‏וְאֵ֥ת כָּל־עֹרֵ֖ב לְמִינֽוֹ׃

‎15 ‏וְאֵת֙ בַּ֣ת הַֽיַּעֲנָ֔ה וְאֶת־הַתַּחְמָ֖ס וְאֶת־הַשָּׁ֑חַף וְאֶת־הַנֵּ֖ץ לְמִינֵֽהוּ׃

‎16 ‏אֶת־הַכּ֥וֹס וְאֶת־הַיַּנְשׁ֖וּף וְהַתִּנְשָֽׁמֶת׃

‎17 ‏וְהַקָּאָ֥ת וְאֶֽת־הָרָחָ֖מָה וְאֶת־הַשָּׁלָֽךְ׃

‎18 ‏וְהַ֣חֲסִידָ֔ה וְהָאֲנָפָ֖ה לְמִינָ֑הּ וְהַדּוּכִיפַ֖ת וְהָעֲטַלֵּֽף׃

‎19 ‏וְכֹל֙ שֶׁ֣רֶץ הָע֔וֹף טָמֵ֥א ה֖וּא לָכֶ֑ם לֹ֖א יֵאָכֵֽלוּ׃

‎20 ‏כָּל־ע֥וֹף טָה֖וֹר תֹּאכֵֽלוּ׃

‎21 ‏לֹ֣א תֹאכְל֣וּ כָל־נְ֠בֵלָה לַגֵּ֨ר אֲשֶׁר־בִּשְׁעָרֶ֜יךָ תִּתְּנֶ֣נָּה וַאֲכָלָ֗הּ א֤וֹ מָכֹר֙ לְנָכְרִ֔י כִּ֣י עַ֤ם קָדוֹשׁ֙ אַתָּ֔ה לַיהוָ֖ה אֱלֹהֶ֑יךָ לֹֽא־תְבַשֵּׁ֥ל גְּדִ֖י בַּחֲלֵ֥ב אִמּֽוֹ׃ פ

‎22 ‏עַשֵּׂ֣ר תְּעַשֵּׂ֔ר אֵ֖ת כָּל־תְּבוּאַ֣ת זַרְעֶ֑ךָ הַיֹּצֵ֥א הַשָּׂדֶ֖ה שָׁנָ֥ה שָׁנָֽה׃

‎23 ‏וְאָכַלְתָּ֞ לִפְנֵ֣י׀ יְהוָ֣ה אֱלֹהֶ֗יךָ בַּמָּק֣וֹם אֲשֶׁר־יִבְחַר֮ לְשַׁכֵּ֣ן שְׁמ֣וֹ שָׁם֒ מַעְשַׂ֤ר דְּגָֽנְךָ֙ תִּֽירֹשְׁךָ֣ וְיִצְהָרֶ֔ךָ וּבְכֹרֹ֥ת בְּקָרְךָ֖ וְצֹאנֶ֑ךָ לְמַ֣עַן תִּלְמַ֗ד לְיִרְאָ֛ה אֶת־יְהוָ֥ה אֱלֹהֶ֖יךָ כָּל־הַיָּמִֽים׃

‎24 ‏וְכִֽי־יִרְבֶּ֨ה מִמְּךָ֜ הַדֶּ֗רֶךְ כִּ֣י לֹ֣א תוּכַל֮³ שְׂאֵתוֹ֒ כִּֽי־יִרְחַ֤ק מִמְּךָ֙ הַמָּק֔וֹם אֲשֶׁ֤ר יִבְחַר֙ יְהוָ֣ה אֱלֹהֶ֔יךָ לָשׂ֥וּם שְׁמ֖וֹ שָׁ֑ם כִּ֥י יְבָרֶכְךָ֖ יְהוָ֥ה אֱלֹהֶֽיךָ׃

‎25 ‏וְנָתַתָּ֖ה בַּכָּ֑סֶף וְצַרְתָּ֤ הַכֶּ֙סֶף֙ בְּיָ֣דְךָ֔ וְהָֽלַכְתָּ֙ אֶל־הַמָּק֔וֹם אֲשֶׁ֥ר יִבְחַ֛ר יְהוָ֥ה אֱלֹהֶ֖יךָ בּֽוֹ׃

‎26 ‏וְנָתַתָּ֣ה הַכֶּ֡סֶף בְּכֹל֩ אֲשֶׁר־תְּאַוֶּ֨ה נַפְשְׁךָ֜ בַּבָּקָ֣ר וּבַצֹּ֗אן וּבַיַּ֙יִן֙ וּבַשֵּׁכָ֔ר וּבְכֹ֛ל אֲשֶׁ֥ר תִּֽשְׁאָלְךָ֖ נַפְשֶׁ֑ךָ וְאָכַ֣לְתָּ שָּׁ֗ם לִפְנֵי֙ יְהוָ֣ה אֱלֹהֶ֔יךָ וְשָׂמַחְתָּ֖ אַתָּ֥ה וּבֵיתֶֽךָ׃

‎27 ‏וְהַלֵּוִ֥י אֲשֶׁר־בִּשְׁעָרֶ֖יךָ לֹ֣א תַֽעַזְבֶ֑נּוּ כִּ֣י אֵ֥ין ל֛וֹ חֵ֥לֶק וְנַחֲלָ֖ה עִמָּֽךְ׃ ס

‎28 ‏מִקְצֵ֣ה׀ שָׁלֹ֣שׁ שָׁנִ֗ים תּוֹצִיא֙ אֶת־כָּל־מַעְשַׂר֙ תְּבוּאָ֣תְךָ֔ בַּשָּׁנָ֖ה הַהִ֑וא וְהִנַּחְתָּ֖ בִּשְׁעָרֶֽיךָ׃

‎29 ‏וּבָ֣א הַלֵּוִ֡י כִּ֣י אֵֽין־לוֹ֩ חֵ֨לֶק וְנַחֲלָ֜ה עִמָּ֗ךְ וְ֠הַגֵּר וְהַיָּת֤וֹם וְהָֽאַלְמָנָה֙ אֲשֶׁ֣ר בִּשְׁעָרֶ֔יךָ וְאָכְל֖וּ וְשָׂבֵ֑עוּ לְמַ֤עַן יְבָרֶכְךָ֙ יְהוָ֣ה אֱלֹהֶ֔יךָ בְּכָל־מַעֲשֵׂ֥ה יָדְךָ֖ אֲשֶׁ֥ר תַּעֲשֶֽׂה׃ ס

1 bānîm ’atem layhwâ ’ĕlōhêḵem lō’ ṯiṯəgōḏəḏû wəlō’-ṯāśîmû qārəḥâ bên ‘ênêḵem lāmēṯ:

2 kî ‘am qāḏwōš ’atâ layhwâ ’ĕlōheyḵā ûḇəḵā bāḥar yəhwâ lihəywōṯ lwō lə‘am səḡullâ mikōl hā‘ammîm ’ăšer ‘al-pənê hā’ăḏāmâ: s

3 lō’ ṯō’ḵal kāl-twō‘ēḇâ:

4 zō’ṯ habəhēmâ ’ăšer tō’ḵēlû šwōr śēh ḵəśāḇîm wəśēh ‘izzîm:

5 ’ayyāl ûṣəḇî wəy^aḥəmûr wə’aqqwō wəḏîšōn ûṯə’wō wāzāmer:

6 wəḵāl-bəhēmâ mafəreseṯ parəsâ wəšōs^a‘aṯ šes^a‘ šətê fərāswōṯ m^a‘ălaṯ gērâ babəhēmâ ’ōṯāh tō’ḵēlû:

7 ’aḵə ’eṯ-zeh lō’ ṯō’ḵəlû mimm^a‘ălê hagērâ ûmimmafərîsê haparəsâ haššəsû‘â ’eṯ-hagāmāl wə’eṯ-hā’arəneḇeṯ wə’eṯ-haššāfān kî-m^a‘ălēh ḡērâ hēmmâ ûfarəsâ lō’ hifərîsû ṭəmē’îm hēm lāḵem:

8 wə’eṯ-h^aḥăzîr kî-mafərîs parəsâ hû’ wəlō’ ḡērâ ṭāmē’ hû’ lāḵem mibəśārām lō’ ṯō’ḵēlû ûḇəniḇəlāṯām lō’ ṯigā‘û: s

9 ’eṯ-zeh tō’ḵəlû mikōl ’ăšer bammāyim kōl ’ăšer-lwō sənapîr wəqaśəqeśeṯ tō’ḵēlû:

10 wəḵōl ’ăšer ’ên-lwō sənapîr wəqaśəqeśeṯ lō’ ṯō’ḵēlû ṭāmē’ hû’ lāḵem: s

11 kāl-ṣipwōr ṭəhōrâ tō’ḵēlû:

12 wəzeh ’ăšer lō’-ṯō’ḵəlû mēhem hannešer wəhaperes wəhā‘āzənîyâ:

13 wəhārā’â wə’eṯ-hā’ayyâ wəhadayyâ ləmînāh:

14 wə’ēṯ kāl-‘ōrēḇ ləmînwō:

15 wə’ēṯ baṯ hayy^a‘ănâ wə’eṯ-hat^aḥəmās wə’eṯ-haššāḥaf wə’eṯ-hannēṣ ləmînēhû:

16 ’eṯ-hakwōs wə’eṯ-hayyanəšûf wəhatinəšāmeṯ:

17 wəhaqqā’āṯ wə’eṯ-hārāḥāmâ wə’eṯ-haššālāḵə:

18 wəh^aḥăsîḏâ wəhā’ănāfâ ləmînāh wəhadûḵîfaṯ wəhā‘ăṭallēf:

19 wəḵōl šereṣ hā‘wōf ṭāmē’ hû’ lāḵem lō’ yē’āḵēlû:

20 kāl-‘wōf ṭâwōr tō’ḵēlû:

21 lō’ ṯō’ḵəlû ḵāl-nəḇēlâ lagēr ’ăšer-bišə‘āreyḵā titənennâ wa’ăḵālāh ’wō māḵōr lənāḵərî kî ‘am qāḏwōš ’atâ layhwâ ’ĕlōheyḵā lō’-ṯəḇaššēl gəḏî b^aḥălēḇ ’immwō: f

22 ‘aśśēr tə‘aśśēr ’ēṯ kāl-təḇû’aṯ zarə‘eḵā hayyōṣē’ haśśāḏeh šānâ šānâ:

23 wə’āḵalətā lifənê| yəhwâ ’ĕlōheyḵā bammāqwōm ’ăšer-yiḇəḥar ləšakēn šəmwō šām m^a‘əśar dəḡānəḵā tîrōšəḵā wəyiṣəhāreḵā ûḇəḵōrōṯ bəqārəḵā wəṣō’neḵā ləm^a‘an tiləmaḏ ləyirə’â ’eṯ-yəhwâ ’ĕlōheyḵā kāl-hayyāmîm:

24 wəḵî-yirəbeh mimməḵā hadereḵə kî lō’ ṯûḵal³ śə’ēṯwō kî-yirəḥaq mimməḵā hammāqwōm ’ăšer yiḇəḥar yəhwâ ’ĕlōheyḵā lāśûm šəmwō šām kî yəḇāreḵəḵā yəhwâ ’ĕlōheyḵā:

25 wənāṯatâ bakāsef wəṣarətā hakesef bəyāḏəḵā wəhālaḵətā ’el-hammāqwōm ’ăšer yiḇəḥar yəhwâ ’ĕlōheyḵā bwō:

26 wənāṯatâ hakesef bəḵōl ’ăšer-tə’aûeh nafəšəḵā babāqār ûḇaṣṣō’n ûḇayyayin ûḇaššēḵār ûḇəḵōl ’ăšer tišə’āləḵā nafəšeḵā wə’āḵalətā ššām lifənê yəhwâ ’ĕlōheyḵā wəśām^aḥətā ’atâ ûḇêṯeḵā:

27 wəhallēwî ’ăšer-bišə‘āreyḵā lō’ ṯ^a‘azəḇennû kî ’ên lwō ḥēleq wən^aḥălâ ‘immāḵə: s

28 miqəṣēh| šālōš šānîm twōṣî’ ’eṯ-kāl-m^a‘əśar təḇû’āṯəḵā baššānâ hahiw’ wəhinn^aḥətā bišə‘āreyḵā:

29 ûḇā’ hallēwî kî ’ên-lwō ḥēleq wən^aḥălâ ‘immāḵə wəhagēr wəhayyāṯwōm wəhā’aləmānâ ’ăšer bišə‘āreyḵā wə’āḵəlû wəśāḇē‘û ləm^a‘an yəḇāreḵəḵā yəhwâ ’ĕlōheyḵā bəḵāl-m^a‘ăśēh yāḏəḵā ’ăšer t^a‘ăśeh: s

‎1 ‏מִקֵּ֥ץ שֶֽׁבַע־שָׁנִ֖ים תַּעֲשֶׂ֥ה שְׁמִטָּֽה׃

‎2 ‏וְזֶה֮ דְּבַ֣ר הַשְּׁמִטָּה֒ שָׁמ֗וֹט כָּל־בַּ֙עַל֙ מַשֵּׁ֣ה יָד֔וֹ אֲשֶׁ֥ר יַשֶּׁ֖ה בְּרֵעֵ֑הוּ לֹֽא־יִגֹּ֤שׂ אֶת־רֵעֵ֙הוּ֙ וְאֶת־אָחִ֔יו כִּֽי־קָרָ֥א שְׁמִטָּ֖ה לַֽיהוָֽה׃

‎3 ‏אֶת־הַנָּכְרִ֖י תִּגֹּ֑שׂ וַאֲשֶׁ֨ר יִהְיֶ֥ה לְךָ֛ אֶת־אָחִ֖יךָ תַּשְׁמֵ֥ט יָדֶֽךָ׃

‎4 ‏אֶ֕פֶס כִּ֛י לֹ֥א יִֽהְיֶה־בְּךָ֖ אֶבְי֑וֹן כִּֽי־בָרֵ֤ךְ יְבָֽרֶכְךָ֙ יְהוָ֔ה בָּאָ֕רֶץ אֲשֶׁר֙ יְהוָ֣ה אֱלֹהֶ֔יךָ נֹֽתֵן־לְךָ֥ נַחֲלָ֖ה לְרִשְׁתָּֽהּ׃

‎5 ‏רַ֚ק אִם־שָׁמ֣וֹעַ תִּשְׁמַ֔ע בְּק֖וֹל יְהוָ֣ה אֱלֹהֶ֑יךָ לִשְׁמֹ֤ר לַעֲשׂוֹת֙ אֶת־כָּל־הַמִּצְוָ֣ה הַזֹּ֔את אֲשֶׁ֛ר אָנֹכִ֥י מְצַוְּךָ֖ הַיּֽוֹם׃

‎6 ‏כִּֽי־יְהוָ֤ה אֱלֹהֶ֙יךָ֙ בֵּֽרַכְךָ֔ כַּאֲשֶׁ֖ר דִּבֶּר־לָ֑ךְ וְהַֽעֲבַטְתָּ֞ גּוֹיִ֣ם רַבִּ֗ים וְאַתָּה֙ לֹ֣א תַעֲבֹ֔ט וּמָֽשַׁלְתָּ֙ בְּגוֹיִ֣ם רַבִּ֔ים וּבְךָ֖ לֹ֥א יִמְשֹֽׁלוּ׃ ס

‎7 ‏כִּֽי־יִהְיֶה֩ בְךָ֨ אֶבְי֜וֹן מֵאַחַ֤ד אַחֶ֙יךָ֙ בְּאַחַ֣ד שְׁעָרֶ֔יךָ בְּאַ֨רְצְךָ֔ אֲשֶׁר־יְהוָ֥ה אֱלֹהֶ֖יךָ נֹתֵ֣ן לָ֑ךְ לֹ֧א תְאַמֵּ֣ץ אֶת־לְבָבְךָ֗ וְלֹ֤א תִקְפֹּץ֙ אֶת־יָ֣דְךָ֔ מֵאָחִ֖יךָ הָאֶבְיֽוֹן׃

‎8 ‏כִּֽי־פָתֹ֧חַ תִּפְתַּ֛ח אֶת־יָדְךָ֖ ל֑וֹ וְהַעֲבֵט֙ תַּעֲבִיטֶ֔נּוּ דֵּ֚י מַחְסֹר֔וֹ אֲשֶׁ֥ר יֶחְסַ֖ר לֽוֹ׃

‎9 ‏הִשָּׁ֣מֶר לְךָ֡ פֶּן־יִהְיֶ֣ה דָבָר֩ עִם־לְבָבְךָ֨ בְלִיַּ֜עַל לֵאמֹ֗ר קָֽרְבָ֣ה שְׁנַֽת־הַשֶּׁבַע֮ שְׁנַ֣ת הַשְּׁמִטָּה֒ וְרָעָ֣ה עֵֽינְךָ֗ בְּאָחִ֙יךָ֙ הָֽאֶבְי֔וֹן וְלֹ֥א תִתֵּ֖ן ל֑וֹ וְקָרָ֤א עָלֶ֙יךָ֙ אֶל־יְהוָ֔ה וְהָיָ֥ה בְךָ֖ חֵֽטְא׃

‎10 ‏נָת֤וֹן תִּתֵּן֙ ל֔וֹ וְלֹא־יֵרַ֥ע לְבָבְךָ֖ בְּתִתְּךָ֣ ל֑וֹ כִּ֞י בִּגְלַ֣ל׀ הַדָּבָ֣ר הַזֶּ֗ה יְבָרֶכְךָ֙ יְהוָ֣ה אֱלֹהֶ֔יךָ בְּכָֽל־מַעֲשֶׂ֔ךָ וּבְכֹ֖ל מִשְׁלַ֥ח יָדֶֽךָ׃

‎11 ‏כִּ֛י לֹא־יֶחְדַּ֥ל אֶבְי֖וֹן מִקֶּ֣רֶב הָאָ֑רֶץ עַל־כֵּ֞ן אָנֹכִ֤י מְצַוְּךָ֙ לֵאמֹ֔ר פָּ֠תֹחַ תִּפְתַּ֨ח אֶת־יָדְךָ֜ לְאָחִ֧יךָ לַעֲנִיֶּ֛ךָ וּלְאֶבְיֹנְךָ֖ בְּאַרְצֶֽךָ׃ ס

‎12 ‏כִּֽי־יִמָּכֵ֨ר לְךָ֜ אָחִ֣יךָ הָֽעִבְרִ֗י א֚וֹ הָֽעִבְרִיָּ֔ה וַעֲבָֽדְךָ֖ שֵׁ֣שׁ שָׁנִ֑ים וּבַשָּׁנָה֙ הַשְּׁבִיעִ֔ת תְּשַׁלְּחֶ֥נּוּ חָפְשִׁ֖י מֵעִמָּֽךְ׃

‎13 ‏וְכִֽי־תְשַׁלְּחֶ֥נּוּ חָפְשִׁ֖י מֵֽעִמָּ֑ךְ לֹ֥א תְשַׁלְּחֶ֖נּוּ רֵיקָֽם׃

‎14 ‏הַעֲנֵ֤יק תַּעֲנִיק֙ ל֔וֹ מִצֹּ֣אנְךָ֔ וּמִֽגָּרְנְךָ֖ וּמִיִּקְבֶ֑ךָ אֲשֶׁ֧ר בֵּרַכְךָ֛ יְהוָ֥ה אֱלֹהֶ֖יךָ תִּתֶּן־לֽוֹ׃

‎15 ‏וְזָכַרְתָּ֗ כִּ֣י עֶ֤בֶד הָיִ֙יתָ֙ בְּאֶ֣רֶץ מִצְרַ֔יִם וַֽיִּפְדְּךָ֖ יְהוָ֣ה אֱלֹהֶ֑יךָ עַל־כֵּ֞ן אָנֹכִ֧י מְצַוְּךָ֛ אֶת־הַדָּבָ֥ר הַזֶּ֖ה הַיּֽוֹם׃

‎16 ‏וְהָיָה֙ כִּֽי־יֹאמַ֣ר אֵלֶ֔יךָ לֹ֥א אֵצֵ֖א מֵעִמָּ֑ךְ כִּ֤י אֲהֵֽבְךָ֙ וְאֶת־בֵּיתֶ֔ךָ כִּי־ט֥וֹב ל֖וֹ עִמָּֽךְ׃

‎17 ‏וְלָקַחְתָּ֣ אֶת־הַמַּרְצֵ֗עַ וְנָתַתָּ֤ה בְאָזְנוֹ֙ וּבַדֶּ֔לֶת וְהָיָ֥ה לְךָ֖ עֶ֣בֶד עוֹלָ֑ם וְאַ֥ף לַאֲמָתְךָ֖ תַּעֲשֶׂה־כֵּֽן׃

‎18 ‏לֹא־יִקְשֶׁ֣ה בְעֵינֶ֗ךָ בְּשַׁלֵּֽחֲךָ֙ אֹת֤וֹ חָפְשִׁי֙ מֵֽעִמָּ֔ךְ כִּ֗י מִשְׁנֶה֙ שְׂכַ֣ר שָׂכִ֔יר עֲבָֽדְךָ֖ שֵׁ֣שׁ שָׁנִ֑ים וּבֵֽרַכְךָ֙ יְהוָ֣ה אֱלֹהֶ֔יךָ בְּכֹ֖ל אֲשֶׁ֥ר תַּעֲשֶֽׂה׃ פ

‎19 ‏כָּֽל־הַבְּכ֡וֹר אֲשֶׁר֩ יִוָּלֵ֨ד בִּבְקָרְךָ֤ וּבְצֹֽאנְךָ֙ הַזָּכָ֔ר תַּקְדִּ֖ישׁ לַיהוָ֣ה אֱלֹהֶ֑יךָ לֹ֤א תַעֲבֹד֙ בִּבְכֹ֣ר שׁוֹרֶ֔ךָ וְלֹ֥א תָגֹ֖ז בְּכ֥וֹר צֹאנֶֽךָ׃

‎20 ‏לִפְנֵי֩ יְהוָ֨ה אֱלֹהֶ֤יךָ תֹאכֲלֶ֙נּוּ֙ שָׁנָ֣ה בְשָׁנָ֔ה בַּמָּק֖וֹם אֲשֶׁר־יִבְחַ֣ר יְהוָ֑ה אַתָּ֖ה וּבֵיתֶֽךָ׃

‎21 ‏וְכִֽי־יִהְיֶ֨ה ב֜וֹ מ֗וּם פִּסֵּ֙חַ֙ א֣וֹ עִוֵּ֔ר כֹּ֖ל מ֣וּם רָ֑ע לֹ֣א תִזְבָּחֶ֔נּוּ לַיהוָ֖ה אֱלֹהֶֽיךָ׃

‎22 ‏בִּשְׁעָרֶ֖יךָ תֹּאכֲלֶ֑נּוּ הַטָּמֵ֤א וְהַטָּהוֹר֙ יַחְדָּ֔ו כַּצְּבִ֖י וְכָאַיָּֽל׃

‎23 ‏רַ֥ק אֶת־דָּמ֖וֹ לֹ֣א תֹאכֵ֑ל עַל־הָאָ֥רֶץ תִּשְׁפְּכֶ֖נּוּ כַּמָּֽיִם׃ פ

1 miqqēṣ šeḇ^a‘-šānîm t^a‘ăśeh šəmiṭṭâ:

2 wəzeh dəḇar haššəmiṭṭâ šāmwōṭ kāl-b^a‘al maššēh yāḏwō ’ăšer yaššeh bərē‘ēhû lō’-yigōś ’eṯ-rē‘ēhû wə’eṯ-’āḥîw kî-qārā’ šəmiṭṭâ layhwâ:

3 ’eṯ-hannāḵərî tigōś wa’ăšer yihəyeh ləḵā ’eṯ-’āḥîḵā tašəmēṭ yāḏeḵā:

4 ’efes kî lō’ yihəyeh-bəḵā ’eḇəywōn kî-ḇārēḵə yəḇāreḵəḵā yəhwâ bā’āreṣ ’ăšer yəhwâ ’ĕlōheyḵā nōṯēn-ləḵā n^aḥălâ lərišətāh:

5 raq ’im-šāmwō‘a tišəm^a‘ bəqwōl yəhwâ ’ĕlōheyḵā lišəmōr l^a‘ăśwōṯ ’eṯ-kāl-hammiṣəwâ hazzō’ṯ ’ăšer ’ānōḵî məṣaûəḵā hayywōm:

6 kî-yəhwâ ’ĕlōheyḵā bēraḵəḵā ka’ăšer diber-lāḵə wəh^a‘ăḇaṭətā gwōyim rabîm wə’atâ lō’ ṯ^a‘ăḇōṭ ûmāšalətā bəḡwōyim rabîm ûḇəḵā lō’ yiməšōlû: s

7 kî-yihəyeh ḇəḵā ’eḇəywōn mē’^aḥaḏ ’^aḥeyḵā bə’^aḥaḏ šə‘āreyḵā bə’arəṣəḵā ’ăšer-yəhwâ ’ĕlōheyḵā nōṯēn lāḵə lō’ ṯə’ammēṣ ’eṯ-ləḇāḇəḵā wəlō’ ṯiqəpōṣ ’eṯ-yāḏəḵā mē’āḥîḵā hā’eḇəywōn:

8 kî-fāṯōḥa tifət^aḥ ’eṯ-yāḏəḵā lwō wəh^a‘ăḇēṭ t^a‘ăḇîṭennû dê m^aḥəsōrwō ’ăšer yeḥəsar lwō:

9 hiššāmer ləḵā pen-yihəyeh ḏāḇār ‘im-ləḇāḇəḵā ḇəlîy^a‘al lē’mōr qārəḇâ šənaṯ-haššeḇ^a‘ šənaṯ haššəmiṭṭâ wərā‘â ‘ênəḵā bə’āḥîḵā hā’eḇəywōn wəlō’ ṯitēn lwō wəqārā’ ‘āleyḵā ’el-yəhwâ wəhāyâ ḇəḵā ḥēṭə’:

10 nāṯwōn titēn lwō wəlō’-yēr^a‘ ləḇāḇəḵā bəṯitəḵā lwō kî biḡəlal| hadāḇār hazzeh yəḇāreḵəḵā yəhwâ ’ĕlōheyḵā bəḵāl-m^a‘ăśeḵā ûḇəḵōl mišəl^aḥ yāḏeḵā:

11 kî lō’-yeḥədal ’eḇəywōn miqqereḇ hā’āreṣ ‘al-kēn ’ānōḵî məṣaûəḵā lē’mōr pāṯōḥa tifət^aḥ ’eṯ-yāḏəḵā lə’āḥîḵā l^a‘ănîyeḵā ûlə’eḇəyōnəḵā bə’arəṣeḵā: s

12 kî-yimmāḵēr ləḵā ’āḥîḵā hā‘iḇərî ’wō hā‘iḇərîyâ w^a‘ăḇāḏəḵā šēš šānîm ûḇaššānâ haššəḇî‘iṯ təšalləḥennû ḥāfəšî mē‘immāḵə:

13 wəḵî-ṯəšalləḥennû ḥāfəšî mē‘immāḵə lō’ ṯəšalləḥennû rêqām:

14 h^a‘ănêq t^a‘ănîq lwō miṣṣō’nəḵā ûmigārənəḵā ûmîyiqəḇeḵā ’ăšer bēraḵəḵā yəhwâ ’ĕlōheyḵā titen-lwō:

15 wəzāḵarətā kî ‘eḇeḏ hāyîṯā bə’ereṣ miṣərayim wayyifədəḵā yəhwâ ’ĕlōheyḵā ‘al-kēn ’ānōḵî məṣaûəḵā ’eṯ-hadāḇār hazzeh hayywōm:

16 wəhāyâ kî-yō’mar ’ēleyḵā lō’ ’ēṣē’ mē‘immāḵə kî ’ăhēḇəḵā wə’eṯ-bêṯeḵā kî-ṭwōḇ lwō ‘immāḵə:

17 wəlāq^aḥətā ’eṯ-hammarəṣē‘a wənāṯatâ ḇə’āzənwō ûḇadeleṯ wəhāyâ ləḵā ‘eḇeḏ ‘wōlām wə’af la’ămāṯəḵā t^a‘ăśeh-kēn:

18 lō’-yiqəšeh ḇə‘êneḵā bəšallēḥăḵā ’ōṯwō ḥāfəšî mē‘immāḵə kî mišəneh śəḵar śāḵîr ‘ăḇāḏəḵā šēš šānîm ûḇēraḵəḵā yəhwâ ’ĕlōheyḵā bəḵōl ’ăšer t^a‘ăśeh: f

19 kāl-habəḵwōr ’ăšer yiûālēḏ biḇəqārəḵā ûḇəṣō’nəḵā hazzāḵār taqədîš layhwâ ’ĕlōheyḵā lō’ ṯ^a‘ăḇōḏ biḇəḵōr šwōreḵā wəlō’ ṯāḡōz bəḵwōr ṣō’neḵā:

20 lifənê yəhwâ ’ĕlōheyḵā ṯō’ḵălennû šānâ ḇəšānâ bammāqwōm ’ăšer-yiḇəḥar yəhwâ ’atâ ûḇêṯeḵā:

21 wəḵî-yihəyeh ḇwō mûm pissēḥa ’wō ‘iûēr kōl mûm rā‘ lō’ ṯizəbāḥennû layhwâ ’ĕlōheyḵā:

22 bišə‘āreyḵā tō’ḵălennû haṭṭāmē’ wəhaṭṭâwōr y^aḥədāw kaṣṣəḇî wəḵā’ayyāl:

23 raq ’eṯ-dāmwō lō’ ṯō’ḵēl ‘al-hā’āreṣ tišəpəḵennû kammāyim: f

‎1 ‏שָׁמוֹר֙ אֶת־חֹ֣דֶשׁ הָאָבִ֔יב וְעָשִׂ֣יתָ פֶּ֔סַח לַיהוָ֖ה אֱלֹהֶ֑יךָ כִּ֞י בְּחֹ֣דֶשׁ הָֽאָבִ֗יב הוֹצִ֨יאֲךָ֜ יְהוָ֧ה אֱלֹהֶ֛יךָ מִמִּצְרַ֖יִם לָֽיְלָה׃

‎2 ‏וְזָבַ֥חְתָּ פֶּ֛סַח לַיהוָ֥ה אֱלֹהֶ֖יךָ צֹ֣אן וּבָקָ֑ר בַּמָּקוֹם֙ אֲשֶׁר־יִבְחַ֣ר יְהוָ֔ה לְשַׁכֵּ֥ן שְׁמ֖וֹ שָֽׁם׃

‎3 ‏לֹא־תֹאכַ֤ל עָלָיו֙ חָמֵ֔ץ שִׁבְעַ֥ת יָמִ֛ים תֹּֽאכַל־עָלָ֥יו מַצּ֖וֹת לֶ֣חֶם עֹ֑נִי כִּ֣י בְחִפָּז֗וֹן יָצָ֙אתָ֙ מֵאֶ֣רֶץ מִצְרַ֔יִם לְמַ֣עַן תִּזְכֹּ֗ר אֶת־י֤וֹם צֵֽאתְךָ֙ מֵאֶ֣רֶץ מִצְרַ֔יִם כֹּ֖ל יְמֵ֥י חַיֶּֽיךָ׃

‎4 ‏וְלֹֽא־יֵרָאֶ֨ה לְךָ֥ שְׂאֹ֛ר בְּכָל־גְּבֻלְךָ֖ שִׁבְעַ֣ת יָמִ֑ים וְלֹא־יָלִ֣ין מִן־הַבָּשָׂ֗ר אֲשֶׁ֨ר תִּזְבַּ֥ח בָּעֶ֛רֶב בַּיּ֥וֹם הָרִאשׁ֖וֹן לַבֹּֽקֶר׃

‎5 ‏לֹ֥א תוּכַ֖ל לִזְבֹּ֣חַ אֶת־הַפָּ֑סַח בְּאַחַ֣ד שְׁעָרֶ֔יךָ אֲשֶׁר־יְהוָ֥ה אֱלֹהֶ֖יךָ נֹתֵ֥ן לָֽךְ׃

‎6 ‏כִּ֠י אִֽם־אֶל־הַמָּק֞וֹם אֲשֶׁר־יִבְחַ֨ר יְהוָ֤ה אֱלֹהֶ֙יךָ֙ לְשַׁכֵּ֣ן שְׁמ֔וֹ שָׁ֛ם תִּזְבַּ֥ח אֶת־הַפֶּ֖סַח בָּעָ֑רֶב כְּב֣וֹא הַשֶּׁ֔מֶשׁ מוֹעֵ֖ד צֵֽאתְךָ֥ מִמִּצְרָֽיִם׃

‎7 ‏וּבִשַּׁלְתָּ֙ וְאָ֣כַלְתָּ֔ בַּמָּק֕וֹם אֲשֶׁ֥ר יִבְחַ֛ר יְהוָ֥ה אֱלֹהֶ֖יךָ בּ֑וֹ וּפָנִ֣יתָ בַבֹּ֔קֶר וְהָלַכְתָּ֖ לְאֹהָלֶֽיךָ׃

‎8 ‏שֵׁ֥שֶׁת יָמִ֖ים תֹּאכַ֣ל מַצּ֑וֹת וּבַיּ֣וֹם הַשְּׁבִיעִ֗י עֲצֶ֙רֶת֙ לַיהוָ֣ה אֱלֹהֶ֔יךָ לֹ֥א תַעֲשֶׂ֖ה מְלָאכָֽה׃ ס

‎9 ‏שִׁבְעָ֥ה שָׁבֻעֹ֖ת תִּסְפָּר־לָ֑ךְ מֵהָחֵ֤ל חֶרְמֵשׁ֙ בַּקָּמָ֔ה תָּחֵ֣ל לִסְפֹּ֔ר שִׁבְעָ֖ה שָׁבֻעֽוֹת׃

‎10 ‏וְעָשִׂ֜יתָ חַ֤ג שָׁבֻעוֹת֙ לַיהוָ֣ה אֱלֹהֶ֔יךָ מִסַּ֛ת נִדְבַ֥ת יָדְךָ֖ אֲשֶׁ֣ר תִּתֵּ֑ן כַּאֲשֶׁ֥ר יְבָרֶכְךָ֖ יְהוָ֥ה אֱלֹהֶֽיךָ׃

‎11 ‏וְשָׂמַחְתָּ֞ לִפְנֵ֣י׀ יְהוָ֣ה אֱלֹהֶ֗יךָ אַתָּ֨ה וּבִנְךָ֣ וּבִתֶּךָ֮ וְעַבְדְּךָ֣ וַאֲמָתֶךָ֒ וְהַלֵּוִי֙ אֲשֶׁ֣ר בִּשְׁעָרֶ֔יךָ וְהַגֵּ֛ר וְהַיָּת֥וֹם וְהָאַלְמָנָ֖ה אֲשֶׁ֣ר בְּקִרְבֶּ֑ךָ בַּמָּק֗וֹם אֲשֶׁ֤ר יִבְחַר֙ יְהוָ֣ה אֱלֹהֶ֔יךָ לְשַׁכֵּ֥ן שְׁמ֖וֹ שָֽׁם׃

‎12 ‏וְזָ֣כַרְתָּ֔ כִּי־עֶ֥בֶד הָיִ֖יתָ בְּמִצְרָ֑יִם וְשָׁמַרְתָּ֣ וְעָשִׂ֔יתָ אֶת־הַֽחֻקִּ֖ים הָאֵֽלֶּה׃ פ

‎13 ‏חַ֧ג הַסֻּכֹּ֛ת תַּעֲשֶׂ֥ה לְךָ֖ שִׁבְעַ֣ת יָמִ֑ים בְּאָ֨סְפְּךָ֔ מִֽגָּרְנְךָ֖ וּמִיִּקְבֶֽךָ׃

‎14 ‏וְשָׂמַחְתָּ֖ בְּחַגֶּ֑ךָ אַתָּ֨ה וּבִנְךָ֤ וּבִתֶּ֙ךָ֙ וְעַבְדְּךָ֣ וַאֲמָתֶ֔ךָ וְהַלֵּוִ֗י וְהַגֵּ֛ר וְהַיָּת֥וֹם וְהָאַלְמָנָ֖ה אֲשֶׁ֥ר בִּשְׁעָרֶֽיךָ׃

‎15 ‏שִׁבְעַ֣ת יָמִ֗ים תָּחֹג֙ לַיהוָ֣ה אֱלֹהֶ֔יךָ בַּמָּק֖וֹם אֲשֶׁר־יִבְחַ֣ר יְהוָ֑ה כִּ֣י יְבָרֶכְךָ֞ יְהוָ֣ה אֱלֹהֶ֗יךָ בְּכֹ֤ל תְּבוּאָֽתְךָ֙ וּבְכֹל֙ מַעֲשֵׂ֣ה יָדֶ֔יךָ וְהָיִ֖יתָ אַ֥ךְ שָׂמֵֽחַ׃

‎16 ‏שָׁל֣וֹשׁ פְּעָמִ֣ים׀ בַּשָּׁנָ֡ה יֵרָאֶ֨ה כָל־זְכוּרְךָ֜ אֶת־פְּנֵ֣י׀ יְהוָ֣ה אֱלֹהֶ֗יךָ בַּמָּקוֹם֙ אֲשֶׁ֣ר יִבְחָ֔ר בְּחַ֧ג הַמַּצּ֛וֹת וּבְחַ֥ג הַשָּׁבֻע֖וֹת וּבְחַ֣ג הַסֻּכּ֑וֹת וְלֹ֧א יֵרָאֶ֛ה אֶת־פְּנֵ֥י יְהוָ֖ה רֵיקָֽם׃

‎17 ‏אִ֖ישׁ כְּמַתְּנַ֣ת יָד֑וֹ כְּבִרְכַּ֛ת יְהוָ֥ה אֱלֹהֶ֖יךָ אֲשֶׁ֥ר נָֽתַן־לָֽךְ׃ ס

‎18 ‏שֹׁפְטִ֣ים וְשֹֽׁטְרִ֗ים תִּֽתֶּן־לְךָ֙ בְּכָל־שְׁעָרֶ֔יךָ אֲשֶׁ֨ר יְהוָ֧ה אֱלֹהֶ֛יךָ נֹתֵ֥ן לְךָ֖ לִשְׁבָטֶ֑יךָ וְשָׁפְט֥וּ אֶת־הָעָ֖ם מִשְׁפַּט־צֶֽדֶק׃

‎19 ‏לֹא־תַטֶּ֣ה מִשְׁפָּ֔ט לֹ֥א תַכִּ֖יר פָּנִ֑ים וְלֹא־תִקַּ֣ח שֹׁ֔חַד כִּ֣י הַשֹּׁ֗חַד יְעַוֵּר֙ עֵינֵ֣י חֲכָמִ֔ים וִֽיסַלֵּ֖ף דִּבְרֵ֥י צַדִּיקִֽם׃

‎20 ‏צֶ֥דֶק צֶ֖דֶק תִּרְדֹּ֑ף לְמַ֤עַן תִּֽחְיֶה֙ וְיָרַשְׁתָּ֣ אֶת־הָאָ֔רֶץ אֲשֶׁר־יְהוָ֥ה אֱלֹהֶ֖יךָ נֹתֵ֥ן לָֽךְ׃ ס

‎21 ‏לֹֽא־תִטַּ֥ע לְךָ֛ אֲשֵׁרָ֖ה כָּל־עֵ֑ץ אֵ֗צֶל מִזְבַּ֛ח יְהוָ֥ה אֱלֹהֶ֖יךָ אֲשֶׁ֥ר תַּעֲשֶׂה־לָּֽךְ׃ ס

‎22 ‏וְלֹֽא־תָקִ֥ים לְךָ֖ מַצֵּבָ֑ה אֲשֶׁ֥ר שָׂנֵ֖א יְהוָ֥ה אֱלֹהֶֽיךָ׃ ס

1 šāmwōr ’eṯ-ḥōḏeš hā’āḇîḇ wə‘āśîṯā pes^aḥ layhwâ ’ĕlōheyḵā kî bəḥōḏeš hā’āḇîḇ hwōṣî’ăḵā yəhwâ ’ĕlōheyḵā mimmiṣərayim lāyəlâ:

2 wəzāḇ^aḥətā pes^aḥ layhwâ ’ĕlōheyḵā ṣō’n ûḇāqār bammāqwōm ’ăšer-yiḇəḥar yəhwâ ləšakēn šəmwō šām:

3 lō’-ṯō’ḵal ‘ālāyw ḥāmēṣ šiḇə‘aṯ yāmîm tō’ḵal-‘ālāyw maṣṣwōṯ leḥem ‘ōnî kî ḇəḥipāzwōn yāṣā’ṯā mē’ereṣ miṣərayim ləm^a‘an tizəkōr ’eṯ-ywōm ṣē’ṯəḵā mē’ereṣ miṣərayim kōl yəmê ḥayyeyḵā:

4 wəlō’-yērā’eh ləḵā śə’ōr bəḵāl-gəḇuləḵā šiḇə‘aṯ yāmîm wəlō’-yālîn min-habāśār ’ăšer tizəb^aḥ bā‘ereḇ bayywōm hāri’šwōn labōqer:

5 lō’ ṯûḵal lizəbōḥa ’eṯ-hapās^aḥ bə’^aḥaḏ šə‘āreyḵā ’ăšer-yəhwâ ’ĕlōheyḵā nōṯēn lāḵə:

6 kî ’im-’el-hammāqwōm ’ăšer-yiḇəḥar yəhwâ ’ĕlōheyḵā ləšakēn šəmwō šām tizəb^aḥ ’eṯ-hapes^aḥ bā‘āreḇ kəḇwō’ haššemeš mwō‘ēḏ ṣē’ṯəḵā mimmiṣərāyim:

7 ûḇiššalətā wə’āḵalətā bammāqwōm ’ăšer yiḇəḥar yəhwâ ’ĕlōheyḵā bwō ûfānîṯā ḇabōqer wəhālaḵətā lə’ōhāleyḵā:

8 šēšeṯ yāmîm tō’ḵal maṣṣwōṯ ûḇayywōm haššəḇî‘î ‘ăṣereṯ layhwâ ’ĕlōheyḵā lō’ ṯ^a‘ăśeh məlā’ḵâ: s

9 šiḇə‘â šāḇu‘ōṯ tisəpār-lāḵə mēhāḥēl ḥerəmēš baqqāmâ tāḥēl lisəpōr šiḇə‘â šāḇu‘wōṯ:

10 wə‘āśîṯā ḥaḡ šāḇu‘wōṯ layhwâ ’ĕlōheyḵā missaṯ niḏəḇaṯ yāḏəḵā ’ăšer titēn ka’ăšer yəḇāreḵəḵā yəhwâ ’ĕlōheyḵā:

11 wəśām^aḥətā lifənê| yəhwâ ’ĕlōheyḵā ’atâ ûḇinəḵā ûḇiteḵā wə‘aḇədəḵā wa’ămāṯeḵā wəhallēwî ’ăšer bišə‘āreyḵā wəhagēr wəhayyāṯwōm wəhā’aləmānâ ’ăšer bəqirəbeḵā bammāqwōm ’ăšer yiḇəḥar yəhwâ ’ĕlōheyḵā ləšakēn šəmwō šām:

12 wəzāḵarətā kî-‘eḇeḏ hāyîṯā bəmiṣərāyim wəšāmarətā wə‘āśîṯā ’eṯ-h^aḥuqqîm hā’ēlleh: f

13 ḥaḡ hassukōṯ t^a‘ăśeh ləḵā šiḇə‘aṯ yāmîm bə’āsəpəḵā migārənəḵā ûmîyiqəḇeḵā:

14 wəśām^aḥətā bəḥageḵā ’atâ ûḇinəḵā ûḇiteḵā wə‘aḇədəḵā wa’ămāṯeḵā wəhallēwî wəhagēr wəhayyāṯwōm wəhā’aləmānâ ’ăšer bišə‘āreyḵā:

15 šiḇə‘aṯ yāmîm tāḥōḡ layhwâ ’ĕlōheyḵā bammāqwōm ’ăšer-yiḇəḥar yəhwâ kî yəḇāreḵəḵā yəhwâ ’ĕlōheyḵā bəḵōl təḇû’āṯəḵā ûḇəḵōl m^a‘ăśēh yāḏeyḵā wəhāyîṯā ’aḵə śāmēḥa:

16 šālwōš pə‘āmîm| baššānâ yērā’eh ḵāl-zəḵûrəḵā ’eṯ-pənê| yəhwâ ’ĕlōheyḵā bammāqwōm ’ăšer yiḇəḥār bəḥaḡ hammaṣṣwōṯ ûḇəḥaḡ haššāḇu‘wōṯ ûḇəḥaḡ hassukwōṯ wəlō’ yērā’eh ’eṯ-pənê yəhwâ rêqām:

17 ’îš kəmatənaṯ yāḏwō kəḇirəkaṯ yəhwâ ’ĕlōheyḵā ’ăšer nāṯan-lāḵə: s

18 šōfəṭîm wəšōṭərîm titen-ləḵā bəḵāl-šə‘āreyḵā ’ăšer yəhwâ ’ĕlōheyḵā nōṯēn ləḵā lišəḇāṭeyḵā wəšāfəṭû ’eṯ-hā‘ām mišəpaṭ-ṣeḏeq:

19 lō’-ṯaṭṭeh mišəpāṭ lō’ ṯakîr pānîm wəlō’-ṯiqq^aḥ šōḥaḏ kî haššōḥaḏ yə‘aûēr ‘ênê ḥăḵāmîm wîsallēf diḇərê ṣadîqim:

20 ṣeḏeq ṣeḏeq tirədōf ləm^a‘an tiḥəyeh wəyārašətā ’eṯ-hā’āreṣ ’ăšer-yəhwâ ’ĕlōheyḵā nōṯēn lāḵə: s

21 lō’-ṯiṭṭ^a‘ ləḵā ’ăšērâ kāl-‘ēṣ ’ēṣel mizəb^aḥ yəhwâ ’ĕlōheyḵā ’ăšer t^a‘ăśeh-llāḵə: s

22 wəlō’-ṯāqîm ləḵā maṣṣēḇâ ’ăšer śānē’ yəhwâ ’ĕlōheyḵā: s

‎1 ‏לֹא־תִזְבַּח֩ לַיהוָ֨ה אֱלֹהֶ֜יךָ שׁ֣וֹר וָשֶׂ֗ה אֲשֶׁ֨ר יִהְיֶ֥ה בוֹ֙ מ֔וּם כֹּ֖ל דָּבָ֣ר רָ֑ע כִּ֧י תוֹעֲבַ֛ת יְהוָ֥ה אֱלֹהֶ֖יךָ הֽוּא׃ ס

‎2 ‏כִּֽי־יִמָּצֵ֤א בְקִרְבְּךָ֙ בְּאַחַ֣ד שְׁעָרֶ֔יךָ אֲשֶׁר־יְהוָ֥ה אֱלֹהֶ֖יךָ נֹתֵ֣ן לָ֑ךְ אִ֣ישׁ אוֹ־אִשָּׁ֗ה אֲשֶׁ֨ר יַעֲשֶׂ֧ה אֶת־הָרַ֛ע בְּעֵינֵ֥י יְהוָֽה־אֱלֹהֶ֖יךָ לַעֲבֹ֥ר בְּרִיתֽוֹ׃

‎3 ‏וַיֵּ֗לֶךְ וַֽיַּעֲבֹד֙ אֱלֹהִ֣ים אֲחֵרִ֔ים וַיִּשְׁתַּ֖חוּ לָהֶ֑ם וְלַשֶּׁ֣מֶשׁ׀ א֣וֹ לַיָּרֵ֗חַ א֛וֹ לְכָל־צְבָ֥א הַשָּׁמַ֖יִם אֲשֶׁ֥ר לֹא־צִוִּֽיתִי׃

‎4 ‏וְהֻֽגַּד־לְךָ֖ וְשָׁמָ֑עְתָּ וְדָרַשְׁתָּ֣ הֵיטֵ֔ב וְהִנֵּ֤ה אֱמֶת֙ נָכ֣וֹן הַדָּבָ֔ר נֶעֶשְׂתָ֛ה הַתּוֹעֵבָ֥ה הַזֹּ֖את בְּיִשְׂרָאֵֽל׃

‎5 ‏וְהֽוֹצֵאתָ֣ אֶת־הָאִ֣ישׁ הַה֡וּא אוֹ֩ אֶת־הָאִשָּׁ֨ה הַהִ֜וא אֲשֶׁ֣ר עָ֠שׂוּ אֶת־הַדָּבָ֨ר הָרָ֤ע הַזֶּה֙ אֶל־שְׁעָרֶ֔יךָ אֶת־הָאִ֕ישׁ א֖וֹ אֶת־הָאִשָּׁ֑ה וּסְקַלְתָּ֥ם בָּאֲבָנִ֖ים וָמֵֽתוּ׃

‎6 ‏עַל־פִּ֣י׀ שְׁנַ֣יִם עֵדִ֗ים א֛וֹ שְׁלֹשָׁ֥ה עֵדִ֖ים יוּמַ֣ת הַמֵּ֑ת לֹ֣א יוּמַ֔ת עַל־פִּ֖י עֵ֥ד אֶחָֽד׃

‎7 ‏יַ֣ד הָעֵדִ֞ים תִּֽהְיֶה־בּ֤וֹ בָרִאשֹׁנָה֙ לַהֲמִית֔וֹ וְיַ֥ד כָּל־הָעָ֖ם בָּאַחֲרֹנָ֑ה³ וּבִֽעַרְתָּ֥ הָרָ֖ע מִקִּרְבֶּֽךָ׃ פ

‎8 ‏כִּ֣י יִפָּלֵא֩ מִמְּךָ֙ דָבָ֜ר לַמִּשְׁפָּ֗ט בֵּֽין־דָּ֨ם׀ לְדָ֜ם בֵּֽין־דִּ֣ין לְדִ֗ין וּבֵ֥ין נֶ֙גַע֙ לָנֶ֔גַע דִּבְרֵ֥י רִיבֹ֖ת בִּשְׁעָרֶ֑יךָ וְקַמְתָּ֣ וְעָלִ֔יתָ אֶל־הַמָּק֔וֹם אֲשֶׁ֥ר יִבְחַ֛ר יְהוָ֥ה אֱלֹהֶ֖יךָ בּֽוֹ׃

‎9 ‏וּבָאתָ֗ אֶל־הַכֹּהֲנִים֙ הַלְוִיִּ֔ם וְאֶל־הַשֹּׁפֵ֔ט אֲשֶׁ֥ר יִהְיֶ֖ה בַּיָּמִ֣ים הָהֵ֑ם וְדָרַשְׁתָּ֙ וְהִגִּ֣ידוּ לְךָ֔ אֵ֖ת דְּבַ֥ר הַמִּשְׁפָּֽט׃

‎10 ‏וְעָשִׂ֗יתָ עַל־פִּ֤י הַדָּבָר֙ אֲשֶׁ֣ר יַגִּ֣ידֽוּ לְךָ֔ מִן־הַמָּק֣וֹם הַה֔וּא אֲשֶׁ֖ר יִבְחַ֣ר יְהוָ֑ה וְשָׁמַרְתָּ֣ לַעֲשׂ֔וֹת כְּכֹ֖ל אֲשֶׁ֥ר יוֹרֽוּךָ׃

‎11 ‏עַל־פִּ֨י הַתּוֹרָ֜ה אֲשֶׁ֣ר יוֹר֗וּךָ וְעַל־הַמִּשְׁפָּ֛ט אֲשֶׁר־יֹאמְר֥וּ לְךָ֖ תַּעֲשֶׂ֑ה לֹ֣א תָס֗וּר מִן־הַדָּבָ֛ר אֲשֶׁר־יַגִּ֥ידֽוּ לְךָ֖ יָמִ֥ין וּשְׂמֹֽאל׃

‎12 ‏וְהָאִ֞ישׁ אֲשֶׁר־יַעֲשֶׂ֣ה בְזָד֗וֹן לְבִלְתִּ֨י שְׁמֹ֤עַ אֶל־הַכֹּהֵן֙ הָעֹמֵ֞ד לְשָׁ֤רֶת שָׁם֙ אֶת־יְהוָ֣ה אֱלֹהֶ֔יךָ א֖וֹ אֶל־הַשֹּׁפֵ֑ט וּמֵת֙ הָאִ֣ישׁ הַה֔וּא וּבִֽעַרְתָּ֥ הָרָ֖ע מִיִּשְׂרָאֵֽל׃

‎13 ‏וְכָל־הָעָ֖ם יִשְׁמְע֣וּ וְיִרָ֑אוּ וְלֹ֥א יְזִיד֖וּן עֽוֹד׃ ס

‎14 ‏כִּֽי־תָבֹ֣א אֶל־הָאָ֗רֶץ אֲשֶׁ֨ר יְהוָ֤ה אֱלֹהֶ֙יךָ֙ נֹתֵ֣ן לָ֔ךְ וִֽירִשְׁתָּ֖הּ וְיָשַׁ֣בְתָּה בָּ֑הּ וְאָמַרְתָּ֗ אָשִׂ֤ימָה עָלַי֙ מֶ֔לֶךְ כְּכָל־הַגּוֹיִ֖ם אֲשֶׁ֥ר סְבִיבֹתָֽי׃

‎15 ‏שׂ֣וֹם תָּשִׂ֤ים עָלֶ֙יךָ֙ מֶ֔לֶךְ אֲשֶׁ֥ר יִבְחַ֛ר יְהוָ֥ה אֱלֹהֶ֖יךָ בּ֑וֹ מִקֶּ֣רֶב אַחֶ֗יךָ תָּשִׂ֤ים עָלֶ֙יךָ֙ מֶ֔לֶךְ לֹ֣א תוּכַ֗ל לָתֵ֤ת עָלֶ֙יךָ֙ אִ֣ישׁ נָכְרִ֔י אֲשֶׁ֥ר לֹֽא־אָחִ֖יךָ הֽוּא׃

‎16 ‏רַק֮ לֹא־יַרְבֶּה־לּ֣וֹ סוּסִים֒ וְלֹֽא־יָשִׁ֤יב אֶת־הָעָם֙ מִצְרַ֔יְמָה לְמַ֖עַן הַרְבּ֣וֹת ס֑וּס וַֽיהוָה֙ אָמַ֣ר לָכֶ֔ם לֹ֣א תֹסִפ֗וּן לָשׁ֛וּב בַּדֶּ֥רֶךְ הַזֶּ֖ה עֽוֹד׃

‎17 ‏וְלֹ֤א יַרְבֶּה־לּוֹ֙ נָשִׁ֔ים וְלֹ֥א יָס֖וּר לְבָב֑וֹ וְכֶ֣סֶף וְזָהָ֔ב לֹ֥א יַרְבֶּה־לּ֖וֹ מְאֹֽד׃

‎18 ‏וְהָיָ֣ה כְשִׁבְתּ֔וֹ עַ֖ל כִּסֵּ֣א מַמְלַכְתּ֑וֹ וְכָ֨תַב ל֜וֹ אֶת־מִשְׁנֵ֨ה הַתּוֹרָ֤ה הַזֹּאת֙ עַל־סֵ֔פֶר מִלִּפְנֵ֥י הַכֹּהֲנִ֖ים הַלְוִיִּֽם׃³

‎19 ‏וְהָיְתָ֣ה עִמּ֔וֹ וְקָ֥רָא ב֖וֹ כָּל־יְמֵ֣י חַיָּ֑יו לְמַ֣עַן יִלְמַ֗ד לְיִרְאָה֙ אֶת־יְהוָ֣ה אֱלֹהָ֔יו לִ֠שְׁמֹר אֶֽת־כָּל־דִּבְרֵ֞י הַתּוֹרָ֥ה הַזֹּ֛את וְאֶת־הַחֻקִּ֥ים הָאֵ֖לֶּה לַעֲשֹׂתָֽם׃

‎20 ‏לְבִלְתִּ֤י רוּם־לְבָבוֹ֙ מֵֽאֶחָ֔יו וּלְבִלְתִּ֛י ס֥וּר מִן־הַמִּצְוָ֖ה יָמִ֣ין וּשְׂמֹ֑אול לְמַעַן֩ יַאֲרִ֨יךְ יָמִ֧ים עַל־מַמְלַכְתּ֛וֹ ה֥וּא וּבָנָ֖יו בְּקֶ֥רֶב יִשְׂרָאֵֽל׃ ס

1 lō’-ṯizəb^aḥ layhwâ ’ĕlōheyḵā šwōr wāśeh ’ăšer yihəyeh ḇwō mûm kōl dāḇār rā‘ kî ṯwō‘ăḇaṯ yəhwâ ’ĕlōheyḵā hû’: s

2 kî-yimmāṣē’ ḇəqirəbəḵā bə’^aḥaḏ šə‘āreyḵā ’ăšer-yəhwâ ’ĕlōheyḵā nōṯēn lāḵə ’îš ’wō-’iššâ ’ăšer y^a‘ăśeh ’eṯ-hār^a‘ bə‘ênê yəhwâ-’ĕlōheyḵā l^a‘ăḇōr bərîṯwō:

3 wayyēleḵə wayy^a‘ăḇōḏ ’ĕlōhîm ’ăḥērîm wayyišət^aḥû lâem wəlaššemeš| ’wō layyārēḥa ’wō ləḵāl-ṣəḇā’ haššāmayim ’ăšer lō’-ṣiûîṯî:

4 wəhugaḏ-ləḵā wəšāmā‘ətā wəḏārašətā hêṭēḇ wəhinnēh ’ĕmeṯ nāḵwōn hadāḇār ne‘eśəṯâ hatwō‘ēḇâ hazzō’ṯ bəyiśərā’ēl:

5 wəhwōṣē’ṯā ’eṯ-hā’îš hahû’ ’wō ’eṯ-hā’iššâ hahiw’ ’ăšer ‘āśû ’eṯ-hadāḇār hārā‘ hazzeh ’el-šə‘āreyḵā ’eṯ-hā’îš ’wō ’eṯ-hā’iššâ ûsəqalətām bā’ăḇānîm wāmēṯû:

6 ‘al-pî| šənayim ‘ēḏîm ’wō šəlōšâ ‘ēḏîm yûmaṯ hammēṯ lō’ yûmaṯ ‘al-pî ‘ēḏ ’eḥāḏ:

7 yaḏ hā‘ēḏîm tihəyeh-bwō ḇāri’šōnâ lahămîṯwō wəyaḏ kāl-hā‘ām bā’^aḥărōnâ³ ûḇi‘arətā hārā‘ miqqirəbeḵā: f

8 kî yipālē’ mimməḵā ḏāḇār lammišəpāṭ bên-dām| ləḏām bên-dîn ləḏîn ûḇên neḡ^a‘ lāneḡ^a‘ diḇərê rîḇōṯ bišə‘āreyḵā wəqamətā wə‘ālîṯā ’el-hammāqwōm ’ăšer yiḇəḥar yəhwâ ’ĕlōheyḵā bwō:

9 ûḇā’ṯā ’el-hakōhănîm haləwîyim wə’el-haššōfēṭ ’ăšer yihəyeh bayyāmîm hâēm wəḏārašətā wəhigîḏû ləḵā ’ēṯ dəḇar hammišəpāṭ:

10 wə‘āśîṯā ‘al-pî hadāḇār ’ăšer yagîḏû ləḵā min-hammāqwōm hahû’ ’ăšer yiḇəḥar yəhwâ wəšāmarətā l^a‘ăśwōṯ kəḵōl ’ăšer ywōrûḵā:

11 ‘al-pî hatwōrâ ’ăšer ywōrûḵā wə‘al-hammišəpāṭ ’ăšer-yō’mərû ləḵā t^a‘ăśeh lō’ ṯāsûr min-hadāḇār ’ăšer-yagîḏû ləḵā yāmîn ûśəmō’l:

12 wəhā’îš ’ăšer-y^a‘ăśeh ḇəzāḏwōn ləḇilətî šəmō‘a ’el-hakōhēn hā‘ōmēḏ ləšāreṯ šām ’eṯ-yəhwâ ’ĕlōheyḵā ’wō ’el-haššōfēṭ ûmēṯ hā’îš hahû’ ûḇi‘arətā hārā‘ mîyiśərā’ēl:

13 wəḵāl-hā‘ām yišəmə‘û wəyirā’û wəlō’ yəzîḏûn ‘wōḏ: s

14 kî-ṯāḇō’ ’el-hā’āreṣ ’ăšer yəhwâ ’ĕlōheyḵā nōṯēn lāḵə wîrišətāh wəyāšaḇətâ bāh wə’āmarətā ’āśîmâ ‘ālay meleḵə kəḵāl-hagwōyim ’ăšer səḇîḇōṯāy:

15 śwōm tāśîm ‘āleyḵā meleḵə ’ăšer yiḇəḥar yəhwâ ’ĕlōheyḵā bwō miqqereḇ ’^aḥeyḵā tāśîm ‘āleyḵā meleḵə lō’ ṯûḵal lāṯēṯ ‘āleyḵā ’îš nāḵərî ’ăšer lō’-’āḥîḵā hû’:

16 raq lō’-yarəbeh-llwō sûsîm wəlō’-yāšîḇ ’eṯ-hā‘ām miṣərayəmâ ləm^a‘an harəbwōṯ sûs wayhwâ ’āmar lāḵem lō’ ṯōsifûn lāšûḇ badereḵə hazzeh ‘wōḏ:

17 wəlō’ yarəbeh-llwō nāšîm wəlō’ yāsûr ləḇāḇwō wəḵesef wəzâāḇ lō’ yarəbeh-llwō mə’ōḏ:

18 wəhāyâ ḵəšiḇətwō ‘al kissē’ maməlaḵətwō wəḵāṯaḇ lwō ’eṯ-mišənēh hatwōrâ hazzō’ṯ ‘al-sēfer millifənê hakōhănîm haləwîyim:³

19 wəhāyəṯâ ‘immwō wəqārā’ ḇwō kāl-yəmê ḥayyāyw ləm^a‘an yiləmaḏ ləyirə’â ’eṯ-yəhwâ ’ĕlōhāyw lišəmōr ’eṯ-kāl-diḇərê hatwōrâ hazzō’ṯ wə’eṯ-h^aḥuqqîm hā’ēlleh l^a‘ăśōṯām:

20 ləḇilətî rûm-ləḇāḇwō mē’eḥāyw ûləḇilətî sûr min-hammiṣəwâ yāmîn ûśəmō’wl ləm^a‘an ya’ărîḵə yāmîm ‘al-maməlaḵətwō hû’ ûḇānāyw bəqereḇ yiśərā’ēl: s

‎1 ‏לֹֽא־יִ֠הְיֶה לַכֹּהֲנִ֨ים הַלְוִיִּ֜ם כָּל־שֵׁ֧בֶט לֵוִ֛י חֵ֥לֶק וְנַחֲלָ֖ה עִם־יִשְׂרָאֵ֑ל אִשֵּׁ֧י יְהוָ֛ה וְנַחֲלָת֖וֹ יֹאכֵלֽוּן׃

‎2 ‏וְנַחֲלָ֥ה לֹא־יִֽהְיֶה־לּ֖וֹ בְּקֶ֣רֶב אֶחָ֑יו יְהוָה֙ ה֣וּא נַחֲלָת֔וֹ כַּאֲשֶׁ֖ר דִּבֶּר־לֽוֹ׃ ס

‎3 ‏וְזֶ֡ה יִהְיֶה֩ מִשְׁפַּ֨ט הַכֹּהֲנִ֜ים מֵאֵ֣ת הָעָ֗ם מֵאֵ֛ת זֹבְחֵ֥י הַזֶּ֖בַח אִם־שׁ֣וֹר אִם־שֶׂ֑ה וְנָתַן֙ לַכֹּהֵ֔ן הַזְּרֹ֥עַ וְהַלְּחָיַ֖יִם וְהַקֵּבָֽה׃

‎4 ‏רֵאשִׁ֨ית דְּגָֽנְךָ֜ תִּֽירֹשְׁךָ֣ וְיִצְהָרֶ֗ךָ וְרֵאשִׁ֛ית גֵּ֥ז צֹאנְךָ֖ תִּתֶּן־לּֽוֹ׃³

‎5 ‏כִּ֣י ב֗וֹ בָּחַ֛ר יְהוָ֥ה אֱלֹהֶ֖יךָ מִכָּל־שְׁבָטֶ֑יךָ לַעֲמֹ֨ד לְשָׁרֵ֧ת בְּשֵׁם־יְהוָ֛ה ה֥וּא וּבָנָ֖יו כָּל־הַיָּמִֽים׃ ס

‎6 ‏וְכִֽי־יָבֹ֨א הַלֵּוִ֜י מֵאַחַ֤ד שְׁעָרֶ֙יךָ֙ מִכָּל־יִשְׂרָאֵ֔ל אֲשֶׁר־ה֖וּא גָּ֣ר שָׁ֑ם וּבָא֙ בְּכָל־אַוַּ֣ת נַפְשׁ֔וֹ אֶל־הַמָּק֖וֹם אֲשֶׁר־יִבְחַ֥ר יְהוָֽה׃

‎7 ‏וְשֵׁרֵ֕ת בְּשֵׁ֖ם יְהוָ֣ה אֱלֹהָ֑יו כְּכָל־אֶחָיו֙ הַלְוִיִּ֔ם הָעֹמְדִ֥ים שָׁ֖ם לִפְנֵ֥י יְהוָֽה׃

‎8 ‏חֵ֥לֶק כְּחֵ֖לֶק יֹאכֵ֑לוּ לְבַ֥ד מִמְכָּרָ֖יו עַל־הָאָבֽוֹת׃ ס

‎9 ‏כִּ֤י אַתָּה֙ בָּ֣א אֶל־הָאָ֔רֶץ אֲשֶׁר־יְהוָ֥ה אֱלֹהֶ֖יךָ נֹתֵ֣ן לָ֑ךְ לֹֽא־תִלְמַ֣ד לַעֲשׂ֔וֹת כְּתוֹעֲבֹ֖ת הַגּוֹיִ֥ם הָהֵֽם׃

‎10 ‏לֹֽא־יִמָּצֵ֣א בְךָ֔ מַעֲבִ֥יר בְּנֽוֹ־וּבִתּ֖וֹ בָּאֵ֑שׁ קֹסֵ֣ם קְסָמִ֔ים מְעוֹנֵ֥ן וּמְנַחֵ֖שׁ וּמְכַשֵּֽׁף׃

‎11 ‏וְחֹבֵ֖ר חָ֑בֶר וְשֹׁאֵ֥ל אוֹב֙ וְיִדְּעֹנִ֔י וְדֹרֵ֖שׁ אֶל־הַמֵּתִֽים׃

‎12 ‏כִּֽי־תוֹעֲבַ֥ת יְהוָ֖ה כָּל־עֹ֣שֵׂה אֵ֑לֶּה וּבִגְלַל֙ הַתּוֹעֵבֹ֣ת הָאֵ֔לֶּה יְהוָ֣ה אֱלֹהֶ֔יךָ מוֹרִ֥ישׁ אוֹתָ֖ם מִפָּנֶֽיךָ׃

‎13 ‏תָּמִ֣ים תִּֽהְיֶ֔ה עִ֖ם יְהוָ֥ה אֱלֹהֶֽיךָ׃ ס

‎14 ‏כִּ֣י׀ הַגּוֹיִ֣ם הָאֵ֗לֶּה אֲשֶׁ֤ר אַתָּה֙ יוֹרֵ֣שׁ אוֹתָ֔ם אֶל־מְעֹנְנִ֥ים וְאֶל־קֹסְמִ֖ים יִשְׁמָ֑עוּ וְאַתָּ֕ה לֹ֣א כֵ֔ן נָ֥תַן לְךָ֖ יְהוָ֥ה אֱלֹהֶֽיךָ׃

‎15 ‏נָבִ֨יא מִקִּרְבְּךָ֤ מֵאַחֶ֙יךָ֙ כָּמֹ֔נִי יָקִ֥ים לְךָ֖ יְהוָ֣ה אֱלֹהֶ֑יךָ אֵלָ֖יו תִּשְׁמָעֽוּן׃

‎16 ‏כְּכֹ֨ל אֲשֶׁר־שָׁאַ֜לְתָּ מֵעִ֨ם יְהוָ֤ה אֱלֹהֶ֙יךָ֙ בְּחֹרֵ֔ב בְּי֥וֹם הַקָּהָ֖ל לֵאמֹ֑ר לֹ֣א אֹסֵ֗ף לִשְׁמֹ֙עַ֙ אֶת־קוֹל֙ יְהוָ֣ה אֱלֹהָ֔י וְאֶת־הָאֵ֨שׁ הַגְּדֹלָ֥ה הַזֹּ֛את לֹֽא־אֶרְאֶ֥ה ע֖וֹד וְלֹ֥א אָמֽוּת׃

‎17 ‏וַיֹּ֥אמֶר יְהוָ֖ה אֵלָ֑י הֵיטִ֖יבוּ אֲשֶׁ֥ר דִּבֵּֽרוּ׃

‎18 ‏נָבִ֨יא אָקִ֥ים לָהֶ֛ם מִקֶּ֥רֶב אֲחֵיהֶ֖ם כָּמ֑וֹךָ וְנָתַתִּ֤י דְבָרַי֙ בְּפִ֔יו וְדִבֶּ֣ר אֲלֵיהֶ֔ם אֵ֖ת כָּל־אֲשֶׁ֥ר אֲצַוֶּֽנּוּ׃

‎19 ‏וְהָיָ֗ה הָאִישׁ֙ אֲשֶׁ֤ר לֹֽא־יִשְׁמַע֙ אֶל־דְּבָרַ֔י אֲשֶׁ֥ר יְדַבֵּ֖ר בִּשְׁמִ֑י אָנֹכִ֖י אֶדְרֹ֥שׁ מֵעִמּֽוֹ׃

‎20 ‏אַ֣ךְ הַנָּבִ֡יא אֲשֶׁ֣ר יָזִיד֩ לְדַבֵּ֨ר דָּבָ֜ר בִּשְׁמִ֗י אֵ֣ת אֲשֶׁ֤ר לֹֽא־צִוִּיתִיו֙ לְדַבֵּ֔ר וַאֲשֶׁ֣ר יְדַבֵּ֔ר בְּשֵׁ֖ם אֱלֹהִ֣ים אֲחֵרִ֑ים וּמֵ֖ת הַנָּבִ֥יא הַהֽוּא׃

‎21 ‏וְכִ֥י תֹאמַ֖ר בִּלְבָבֶ֑ךָ אֵיכָה֙ נֵדַ֣ע אֶת־הַדָּבָ֔ר אֲשֶׁ֥ר לֹא־דִבְּר֖וֹ יְהוָֽה׃

‎22 ‏אֲשֶׁר֩ יְדַבֵּ֨ר הַנָּבִ֜יא בְּשֵׁ֣ם יְהוָ֗ה וְלֹֽא־יִהְיֶ֤ה הַדָּבָר֙ וְלֹ֣א יָב֔וֹא ה֣וּא הַדָּבָ֔ר אֲשֶׁ֥ר לֹא־דִבְּר֖וֹ יְהוָ֑ה בְּזָדוֹן֙ דִּבְּר֣וֹ הַנָּבִ֔יא לֹ֥א תָג֖וּר מִמֶּֽנּוּ׃ ס

1 lō’-yihəyeh lakōhănîm haləwîyim kāl-šēḇeṭ lēwî ḥēleq wən^aḥălâ ‘im-yiśərā’ēl ’iššê yəhwâ wən^aḥălāṯwō yō’ḵēlûn:

2 wən^aḥălâ lō’-yihəyeh-llwō bəqereḇ ’eḥāyw yəhwâ hû’ n^aḥălāṯwō ka’ăšer diber-lwō: s

3 wəzeh yihəyeh mišəpaṭ hakōhănîm mē’ēṯ hā‘ām mē’ēṯ zōḇəḥê hazzeḇ^aḥ ’im-šwōr ’im-śeh wənāṯan lakōhēn hazzərō‘a wəhalləḥāyayim wəhaqqēḇâ:

4 rē’šîṯ dəḡānəḵā tîrōšəḵā wəyiṣəhāreḵā wərē’šîṯ gēz ṣō’nəḵā titen-llwō:³

5 kî ḇwō bāḥar yəhwâ ’ĕlōheyḵā mikāl-šəḇāṭeyḵā l^a‘ămōḏ ləšārēṯ bəšēm-yəhwâ hû’ ûḇānāyw kāl-hayyāmîm: s

6 wəḵî-yāḇō’ hallēwî mē’^aḥaḏ šə‘āreyḵā mikāl-yiśərā’ēl ’ăšer-hû’ gār šām ûḇā’ bəḵāl-’aûaṯ nafəšwō ’el-hammāqwōm ’ăšer-yiḇəḥar yəhwâ:

7 wəšērēṯ bəšēm yəhwâ ’ĕlōhāyw kəḵāl-’eḥāyw haləwîyim hā‘ōməḏîm šām lifənê yəhwâ:

8 ḥēleq kəḥēleq yō’ḵēlû ləḇaḏ miməkārāyw ‘al-hā’āḇwōṯ: s

9 kî ’atâ bā’ ’el-hā’āreṣ ’ăšer-yəhwâ ’ĕlōheyḵā nōṯēn lāḵə lō’-ṯiləmaḏ l^a‘ăśwōṯ kəṯwō‘ăḇōṯ hagwōyim hâēm:

10 lō’-yimmāṣē’ ḇəḵā m^a‘ăḇîr bənwō-ûḇitwō bā’ēš qōsēm qəsāmîm mə‘wōnēn ûmən^aḥēš ûməḵaššēf:

11 wəḥōḇēr ḥāḇer wəšō’ēl ’wōḇ wəyidə‘ōnî wəḏōrēš ’el-hammēṯîm:

12 kî-ṯwō‘ăḇaṯ yəhwâ kāl-‘ōśēh ’ēlleh ûḇiḡəlal hatwō‘ēḇōṯ hā’ēlleh yəhwâ ’ĕlōheyḵā mwōrîš ’wōṯām mipāneyḵā:

13 tāmîm tihəyeh ‘im yəhwâ ’ĕlōheyḵā: s

14 kî| hagwōyim hā’ēlleh ’ăšer ’atâ ywōrēš ’wōṯām ’el-mə‘ōnənîm wə’el-qōsəmîm yišəmā‘û wə’atâ lō’ ḵēn nāṯan ləḵā yəhwâ ’ĕlōheyḵā:

15 nāḇî’ miqqirəbəḵā mē’^aḥeyḵā kāmōnî yāqîm ləḵā yəhwâ ’ĕlōheyḵā ’ēlāyw tišəmā‘ûn:

16 kəḵōl ’ăšer-šā’alətā mē‘im yəhwâ ’ĕlōheyḵā bəḥōrēḇ bəywōm haqqâāl lē’mōr lō’ ’ōsēf lišəmō‘a ’eṯ-qwōl yəhwâ ’ĕlōhāy wə’eṯ-hā’ēš hagəḏōlâ hazzō’ṯ lō’-’erə’eh ‘wōḏ wəlō’ ’āmûṯ:

17 wayyō’mer yəhwâ ’ēlāy hêṭîḇû ’ăšer dibērû:

18 nāḇî’ ’āqîm lâem miqqereḇ ’ăḥêhem kāmwōḵā wənāṯatî ḏəḇāray bəfîw wəḏiber ’ălêhem ’ēṯ kāl-’ăšer ’ăṣaûennû:

19 wəhāyâ hā’îš ’ăšer lō’-yišəm^a‘ ’el-dəḇāray ’ăšer yəḏabēr bišəmî ’ānōḵî ’eḏərōš mē‘immwō: