The Hebrew Bible (Tanakh) in the Masoretic text, in Hebrew, as given by the Internet Sacred Text Archive, book by book and chapter by chapter.

‎16 ‏וַיִּשְׁלַ֣ח הֲדַדְעֶ֗זֶר וַיֹּצֵ֤א אֶת־אֲרָם֙ אֲשֶׁר֙ מֵעֵ֣בֶר הַנָּהָ֔ר וַיָּבֹ֖אוּ חֵילָ֑ם וְשׁוֹבַ֛ךְ שַׂר־צְבָ֥א הֲדַדְעֶ֖זֶר לִפְנֵיהֶֽם׃

‎17 ‏וַיֻּגַּ֣ד לְדָוִ֗ד סוַיֶּאֱסֹ֤ף אֶת־כָּל־יִשְׂרָאֵל֙ וַיַּעֲבֹ֣ר אֶת־הַיַּרְדֵּ֔ן וַיָּבֹ֖א חֵלָ֑אמָה וַיַּעַרְכ֤וּ אֲרָם֙ לִקְרַ֣את דָּוִ֔ד וַיִּלָּחֲמ֖וּ עִמּֽוֹ׃

‎18 ‏וַיָּ֣נָס אֲרָם֮ מִפְּנֵ֣י יִשְׂרָאֵל֒ וַיַּהֲרֹ֨ג דָּוִ֜ד מֵאֲרָ֗ם שְׁבַ֤ע מֵאוֹת֙ רֶ֔כֶב וְאַרְבָּעִ֥ים אֶ֖לֶף פָּרָשִׁ֑ים וְאֵ֨ת שׁוֹבַ֧ךְ שַׂר־צְבָא֛וֹ הִכָּ֖ה וַיָּ֥מָת שָֽׁם׃

‎19 ‏וַיִּרְא֨וּ כָֽל־הַמְּלָכִ֜ים עַבְדֵ֣י הֲדַדְעֶ֗זֶר כִּ֤י נִגְּפוּ֙ לִפְנֵ֣י יִשְׂרָאֵ֔ל וַיַּשְׁלִ֥מוּ אֶת־יִשְׂרָאֵ֖ל וַיַּֽעַבְד֑וּם וַיִּֽרְא֣וּ אֲרָ֔ם לְהוֹשִׁ֥יעַ ע֖וֹד אֶת־בְּנֵ֥י עַמּֽוֹן׃ פ

1 wayəhî ’^aḥărê-ḵēn wayyāmāṯ meleḵə bənê ‘ammwōn wayyiməlōḵə ḥānûn bənwō t^aḥətāyw:

2 wayyō’mer dāwiḏ ’e‘ĕśeh-ḥeseḏ| ‘im-ḥānûn ben-nāḥāš ka’ăšer ‘āśâ ’āḇîw ‘immāḏî ḥeseḏ wayyišəl^aḥ dāwiḏ lən^aḥămwō bəyaḏ-‘ăḇāḏāyw ’el-’āḇîw wayyāḇō’û ‘aḇəḏê ḏāwiḏ ’ereṣ bənê ‘ammwōn:

3 wayyō’mərû śārê ḇənê-‘ammwōn ’el-ḥānûn ’ăḏōnêhem haməḵabēḏ dāwiḏ ’eṯ-’āḇîḵā bə‘êneyḵā kî-šāl^aḥ ləḵā mən^aḥămîm hălwō’ b^a‘ăḇûr ḥăqwōr ’eṯ-hā‘îr ûləragəlāh ûləhāfəḵāh šāl^aḥ dāwiḏ ’eṯ-‘ăḇāḏāyw ’ēleyḵā:

4 wayyiqq^aḥ ḥānûn ’eṯ-‘aḇəḏê ḏāwiḏ wayəḡall^aḥ ’eṯ-ḥăṣî zəqānām wayyiḵərōṯ ’eṯ-maḏəwêhem b^aḥēṣî ‘aḏ šəṯwōṯêhem wayəšalləḥēm:

5 wayyagiḏû ləḏāwiḏ wayyišəl^aḥ liqərā’ṯām kî-hāyû hā’ănāšîm niḵəlāmîm mə’ōḏ wayyō’mer hammeleḵə šəḇû ḇîrēḥwō ‘aḏ-yəṣamm^aḥ zəqanəḵem wəšaḇətem:

6 wayyirə’û bənê ‘ammwōn kî niḇə’ăšû bəḏāwiḏ wayyišələḥû ḇənê-‘ammwōn wayyiśəkərû ’eṯ-’ăram bêṯ-rəḥwōḇ wə’eṯ-’ăram ṣwōḇā’ ‘eśərîm ’elef raḡəlî wə’eṯ-meleḵə m^a‘ăḵâ ’elef ’îš wə’îš ṭwōḇ šənêm-‘āśār ’elef ’îš:

7 wayyišəm^a‘ dāwiḏ wayyišəl^aḥ ’eṯ-ywō’āḇ wə’ēṯ kāl-haṣṣāḇā’ hagibōrîm:

8 wayyēṣə’û bənê ‘ammwōn wayy^a‘arəḵû miləḥāmâ peṯ^aḥ haššā‘ar wa’ăram ṣwōḇā’ ûrəḥwōḇ wə’îš-ṭwōḇ ûm^a‘ăḵâ ləḇadām baśśāḏeh:

9 wayyarə’ ywō’āḇ kî-hāyəṯâ ’ēlāyw pənê hammiləḥāmâ mipānîm ûmē’āḥwōr wayyiḇəḥar mikōl bəḥûrê bəyiśərā’ēl yiśərā’ēl wayy^a‘ărōḵə liqəra’ṯ ’ărām:

10 wə’ēṯ yeṯer hā‘ām nāṯan bəyaḏ ’aḇəšay ’āḥîw wayy^a‘ărōḵə liqəra’ṯ bənê ‘ammwōn:

11 wayyō’mer ’im-teḥĕzaq ’ărām mimmennî wəhāyiṯâ llî lîšû‘â wə’im-bənê ‘ammwōn yeḥĕzəqû mimməḵā wəhālaḵətî ləhwōšî‘a lāḵə:

12 ḥăzaq wəniṯəḥazzaq bə‘aḏ-‘ammēnû ûḇə‘aḏ ‘ārê ’ĕlōhênû wayhwâ y^a‘ăśeh haṭṭwōḇ bə‘ênāyw:

13 wayyigaš ywō’āḇ wəhā‘ām ’ăšer ‘immwō lammiləḥāmâ ba’ărām wayyānusû mipānāyw:

14 ûḇənê ‘ammwōn rā’û kî-nās ’ărām wayyānusû mipənê ’ăḇîšay wayyāḇō’û hā‘îr wayyāšāḇ ywō’āḇ mē‘al bənê ‘ammwōn wayyāḇō’ yərûšālāim:

15 wayyarə’ ’ărām kî nigaf lifənê yiśərā’ēl wayyē’āsəfû yāḥaḏ:

16 wayyišəl^aḥ hăḏaḏə‘ezer wayyōṣē’ ’eṯ-’ărām ’ăšer mē‘ēḇer hannâār wayyāḇō’û ḥêlām wəšwōḇaḵə śar-ṣəḇā’ hăḏaḏə‘ezer lifənêhem:

17 wayyugaḏ ləḏāwiḏ swayye’ĕsōf ’eṯ-kāl-yiśərā’ēl wayy^a‘ăḇōr ’eṯ-hayyarədēn wayyāḇō’ ḥēlā’mâ wayy^a‘arəḵû ’ărām liqəra’ṯ dāwiḏ wayyillāḥămû ‘immwō:

18 wayyānās ’ărām mipənê yiśərā’ēl wayyahărōḡ dāwiḏ mē’ărām šəḇ^a‘ mē’wōṯ reḵeḇ wə’arəbā‘îm ’elef pārāšîm wə’ēṯ šwōḇaḵə śar-ṣəḇā’wō hikâ wayyāmāṯ šām:

19 wayyirə’û ḵāl-hamməlāḵîm ‘aḇəḏê hăḏaḏə‘ezer kî nigəfû lifənê yiśərā’ēl wayyašəlimû ’eṯ-yiśərā’ēl wayy^a‘aḇəḏûm wayyirə’û ’ărām ləhwōšî‘a ‘wōḏ ’eṯ-bənê ‘ammwōn: f

Tanach (Hebrew): 2 Samuel (2 Shmuel) Chapter 11

‎1 ‏וַיְהִי֩ לִתְשׁוּבַ֨ת הַשָּׁנָ֜ה לְעֵ֣ת׀ צֵ֣את הַמַּלְאֿכִ֗ים¹ וַיִּשְׁלַ֣ח דָּוִ֡ד אֶת־יוֹאָב֩ וְאֶת־עֲבָדָ֨יו עִמּ֜וֹ וְאֶת־כָּל־יִשְׂרָאֵ֗ל וַיַּשְׁחִ֙תוּ֙ אֶת־בְּנֵ֣י עַמּ֔וֹן וַיָּצֻ֖רוּ עַל־רַבָּ֑ה וְדָוִ֖ד יוֹשֵׁ֥ב בִּירוּשָׁלִָֽם׃ ס

‎2 ‏וַיְהִ֣י׀ לְעֵ֣ת הָעֶ֗רֶב וַיָּ֨קָם דָּוִ֜ד מֵעַ֤ל מִשְׁכָּבוֹ֙ וַיִּתְהַלֵּךְ֙ עַל־גַּ֣ג בֵּית־הַמֶּ֔לֶךְ וַיַּ֥רְא אִשָּׁ֛ה רֹחֶ֖צֶת מֵעַ֣ל הַגָּ֑ג וְהָ֣אִשָּׁ֔ה טוֹבַ֥ת מַרְאֶ֖ה מְאֹֽד׃

‎3 ‏וַיִּשְׁלַ֣ח דָּוִ֔ד וַיִּדְרֹ֖שׁ לָֽאִשָּׁ֑ה וַיֹּ֗אמֶר הֲלוֹא־זֹאת֙ בַּת־שֶׁ֣בַע בַּת־אֱלִיעָ֔ם אֵ֖שֶׁת אוּרִיָּ֥ה הַחִתִּֽי׃

‎4 ‏וַיִּשְׁלַח֩ דָּוִ֨ד מַלְאָכִ֜ים וַיִּקָּחֶ֗הָ וַתָּב֤וֹא אֵלָיו֙ וַיִּשְׁכַּ֣ב עִמָּ֗הּ וְהִ֥יא מִתְקַדֶּ֖שֶׁת מִטֻּמְאָתָ֑הּ וַתָּ֖שָׁב אֶל־בֵּיתָֽהּ׃

‎5 ‏וַתַּ֖הַר הָֽאִשָּׁ֑ה וַתִּשְׁלַח֙ וַתַּגֵּ֣ד לְדָוִ֔ד וַתֹּ֖אמֶר הָרָ֥ה אָנֹֽכִי׃

‎6 ‏וַיִּשְׁלַ֤ח דָּוִד֙ אֶל־יוֹאָ֔ב שְׁלַ֣ח אֵלַ֔י אֶת־אֽוּרִיָּ֖ה הַחִתִּ֑י וַיִּשְׁלַ֥ח יוֹאָ֛ב אֶת־אֽוּרִיָּ֖ה אֶל־דָּוִֽד׃

‎7 ‏וַיָּבֹ֥א אוּרִיָּ֖ה אֵלָ֑יו וַיִּשְׁאַ֣ל דָּוִ֗ד לִשְׁל֤וֹם יוֹאָב֙ וְלִשְׁל֣וֹם הָעָ֔ם וְלִשְׁל֖וֹם הַמִּלְחָמָֽה׃

‎8 ‏וַיֹּ֤אמֶר דָּוִד֙ לְא֣וּרִיָּ֗ה רֵ֥ד לְבֵיתְךָ֖ וּרְחַ֣ץ רַגְלֶ֑יךָ וַיֵּצֵ֤א אֽוּרִיָּה֙ מִבֵּ֣ית הַמֶּ֔לֶךְ וַתֵּצֵ֥א אַחֲרָ֖יו מַשְׂאַ֥ת הַמֶּֽלֶךְ׃

‎9 ‏וַיִּשְׁכַּ֣ב אוּרִיָּ֗ה פֶּ֚תַח בֵּ֣ית הַמֶּ֔לֶךְ אֵ֖ת כָּל־עַבְדֵ֣י אֲדֹנָ֑יו וְלֹ֥א יָרַ֖ד אֶל־בֵּיתֽוֹ׃

‎10 ‏וַיַּגִּ֤דוּ לְדָוִד֙ לֵאמֹ֔ר לֹֽא־יָרַ֥ד אוּרִיָּ֖ה אֶל־בֵּית֑וֹ וַיֹּ֨אמֶר דָּוִ֜ד אֶל־אוּרִיָּ֗ה הֲל֤וֹא מִדֶּ֙רֶךְ֙ אַתָּ֣ה בָ֔א מַדּ֖וּעַ לֹֽא־יָרַ֥דְתָּ אֶל־בֵּיתֶֽךָ׃

‎11 ‏וַיֹּ֨אמֶר אוּרִיָּ֜ה אֶל־דָּוִ֗ד הָ֠אָרוֹן וְיִשְׂרָאֵ֨ל וִֽיהוּדָ֜ה יֹשְׁבִ֣ים בַּסֻּכּ֗וֹת וַאדֹנִ֨י יוֹאָ֜ב וְעַבְדֵ֤י אֲדֹנִ֨י עַל־פְּנֵ֤י הַשָּׂדֶה֙ חֹנִ֔ים וַאֲנִ֞י אָב֧וֹא אֶל־בֵּיתִ֛י לֶאֱכֹ֥ל וְלִשְׁתּ֖וֹת וְלִשְׁכַּ֣ב עִם־אִשְׁתִּ֑י חַיֶּ֙ךָ֙ וְחֵ֣י נַפְשֶׁ֔ךָ אִֽם־אֶעֱשֶׂ֖ה אֶת־הַדָּבָ֥ר הַזֶּֽה׃

‎12 ‏וַיֹּ֨אמֶר דָּוִ֜ד אֶל־אוּרִיָּ֗ה שֵׁ֥ב בָּזֶ֛ה גַּם־הַיּ֖וֹם וּמָחָ֣ר אֲשַׁלְּחֶ֑ךָּ וַיֵּ֨שֶׁב אוּרִיָּ֧ה בִירוּשָׁלִַ֛ם³ בַּיּ֥וֹם הַה֖וּא וּמִֽמָּחֳרָֽת׃

‎13 ‏וַיִּקְרָא־ל֣וֹ דָוִ֗ד וַיֹּ֧אכַל לְפָנָ֛יו וַיֵּ֖שְׁתְּ וַֽיְשַׁכְּרֵ֑הוּ וַיֵּצֵ֣א בָעֶ֗רֶב לִשְׁכַּ֤ב בְּמִשְׁכָּבוֹ֙ עִם־עַבְדֵ֣י אֲדֹנָ֔יו וְאֶל־בֵּית֖וֹ לֹ֥א יָרָֽד׃

‎14 ‏וַיְהִ֣י בַבֹּ֔קֶר וַיִּכְתֹּ֥ב דָּוִ֛ד סֵ֖פֶר אֶל־יוֹאָ֑ב וַיִּשְׁלַ֖ח בְּיַ֥ד אוּרִיָּֽה׃

‎15 ‏וַיִּכְתֹּ֥ב בַּסֵּ֖פֶר לֵאמֹ֑ר הָב֣וּ אֶת־אֽוּרִיָּ֗ה אֶל־מוּל֙ פְּנֵ֤י הַמִּלְחָמָה֙ הַֽחֲזָקָ֔ה וְשַׁבְתֶּ֥ם מֵאַחֲרָ֖יו וְנִכָּ֥ה וָמֵֽת׃ ס

‎16 ‏וַיְהִ֕י בִּשְׁמ֥וֹר יוֹאָ֖ב אֶל־הָעִ֑יר וַיִּתֵּן֙ אֶת־א֣וּרִיָּ֔ה אֶל־הַמָּקוֹם֙ אֲשֶׁ֣ר יָדַ֔ע כִּ֥י אַנְשֵׁי־חַ֖יִל שָֽׁם׃

‎17 ‏וַיֵּ֨צְא֜וּ אַנְשֵׁ֤י הָעִיר֙ וַיִּלָּחֲמ֣וּ אֶת־יוֹאָ֔ב וַיִּפֹּ֥ל מִן־הָעָ֖ם מֵעַבְדֵ֣י דָוִ֑ד וַיָּ֕מָת גַּ֖ם אוּרִיָּ֥ה הַחִתִּֽי׃

‎18 ‏וַיִּשְׁלַ֖ח יוֹאָ֑ב וַיַּגֵּ֣ד לְדָוִ֔ד אֶת־כָּל־דִּבְרֵ֖י הַמִּלְחָמָֽה׃

‎19 ‏וַיְצַ֥ו אֶת־הַמַּלְאָ֖ךְ לֵאמֹ֑ר כְּכַלּוֹתְךָ֗ אֵ֛ת כָּל־דִּבְרֵ֥י הַמִּלְחָמָ֖ה לְדַבֵּ֥ר אֶל־הַמֶּֽלֶךְ׃

‎20 ‏וְהָיָ֗ה אִֽם־תַּעֲלֶה֙ חֲמַ֣ת הַמֶּ֔לֶךְ וְאָמַ֣ר לְךָ֔ מַדּ֛וּעַ נִגַּשְׁתֶּ֥ם אֶל־הָעִ֖יר לְהִלָּחֵ֑ם הֲל֣וֹא יְדַעְתֶּ֔ם אֵ֥ת אֲשֶׁר־יֹר֖וּ מֵעַ֥ל הַחוֹמָֽה׃

‎21 ‏מִֽי־הִכָּ֞ה אֶת־אֲבִימֶ֣לֶךְ בֶּן־יְרֻבֶּ֗שֶׁת הֲלֽוֹא־אִשָּׁ֡ה הִשְׁלִ֣יכָה עָלָיו֩ פֶּ֨לַח רֶ֜כֶב מֵעַ֤ל הַֽחוֹמָה֙ וַיָּ֣מָת בְּתֵבֵ֔ץ לָ֥מָּה נִגַּשְׁתֶּ֖ם אֶל־הַֽחוֹמָ֑ה וְאָ֣מַרְתָּ֔ גַּ֗ם עַבְדְּךָ֛ אוּרִיָּ֥ה הַחִתִּ֖י מֵֽת׃

‎22 ‏וַיֵּ֖לֶךְ הַמַּלְאָ֑ךְ וַיָּבֹא֙ וַיַּגֵּ֣ד לְדָוִ֔ד אֵ֛ת כָּל־אֲשֶׁ֥ר שְׁלָח֖וֹ יוֹאָֽב׃

‎23 ‏וַיֹּ֤אמֶר הַמַּלְאָךְ֙ אֶל־דָּוִ֔ד כִּֽי־גָבְר֤וּ עָלֵ֙ינוּ֙ הָֽאֲנָשִׁ֔ים וַיֵּצְא֥וּ אֵלֵ֖ינוּ הַשָּׂדֶ֑ה וַנִּהְיֶ֥ה עֲלֵיהֶ֖ם עַד־פֶּ֥תַח הַשָּֽׁעַר׃

‎24 ‏ויראו וַיֹּר֨וּ המוראים הַמּוֹרִ֤ים אֶל־עֲבָדֶ֙ךָ֙ מֵעַ֣ל הַחוֹמָ֔ה וַיָּמ֖וּתוּ מֵעַבְדֵ֣י הַמֶּ֑לֶךְ וְגַ֗ם עַבְדְּךָ֛ אוּרִיָּ֥ה הַחִתִּ֖י מֵֽת׃ ס

‎25 ‏וַיֹּ֨אמֶר דָּוִ֜ד אֶל־הַמַּלְאָ֗ךְ כֹּֽה־תֹאמַ֤ר אֶל־יוֹאָב֙ אַל־יֵרַ֤ע בְּעֵינֶ֙יךָ֙ אֶת־הַדָּבָ֣ר הַזֶּ֔ה כִּֽי־כָזֹ֥ה וְכָזֶ֖ה תֹּאכַ֣ל הֶחָ֑רֶב הַחֲזֵ֨ק מִלְחַמְתְּךָ֧ אֶל־הָעִ֛יר וְהָרְסָ֖הּ וְחַזְּקֵֽהוּ׃

‎26 ‏וַתִּשְׁמַע֙ אֵ֣שֶׁת אֽוּרִיָּ֔ה כִּי־מֵ֖ת אוּרִיָּ֣ה אִישָׁ֑הּ וַתִּסְפֹּ֖ד עַל־בַּעְלָֽהּ׃

‎27 ‏וַיַּעֲבֹ֣ר הָאֵ֗בֶל וַיִּשְׁלַ֨ח דָּוִ֜ד וַיַּאַסְפָ֤הּ אֶל־בֵּיתוֹ֙ וַתְּהִי־ל֣וֹ לְאִשָּׁ֔ה וַתֵּ֥לֶד ל֖וֹ בֵּ֑ן וַיֵּ֧רַע הַדָּבָ֛ר אֲשֶׁר־עָשָׂ֥ה דָוִ֖ד בְּעֵינֵ֥י יְהוָֽה׃ פ

1 wayəhî liṯəšûḇaṯ haššānâ lə‘ēṯ| ṣē’ṯ hammalə’ḵîm¹ wayyišəl^aḥ dāwiḏ ’eṯ-ywō’āḇ wə’eṯ-‘ăḇāḏāyw ‘immwō wə’eṯ-kāl-yiśərā’ēl wayyašəḥiṯû ’eṯ-bənê ‘ammwōn wayyāṣurû ‘al-rabâ wəḏāwiḏ ywōšēḇ bîrûšālāim: s

2 wayəhî| lə‘ēṯ hā‘ereḇ wayyāqām dāwiḏ mē‘al mišəkāḇwō wayyiṯəhallēḵə ‘al-gaḡ bêṯ-hammeleḵə wayyarə’ ’iššâ rōḥeṣeṯ mē‘al hagāḡ wəhā’iššâ ṭwōḇaṯ marə’eh mə’ōḏ:

3 wayyišəl^aḥ dāwiḏ wayyiḏərōš lā’iššâ wayyō’mer hălwō’-zō’ṯ baṯ-šeḇ^a‘ baṯ-’ĕlî‘ām ’ēšeṯ ’ûrîyâ h^aḥitî:

4 wayyišəl^aḥ dāwiḏ malə’āḵîm wayyiqqāḥehā watāḇwō’ ’ēlāyw wayyišəkaḇ ‘immāh wəhî’ miṯəqadešeṯ miṭṭumə’āṯāh watāšāḇ ’el-bêṯāh:

5 watahar hā’iššâ watišəl^aḥ watagēḏ ləḏāwiḏ watō’mer hārâ ’ānōḵî:

6 wayyišəl^aḥ dāwiḏ ’el-ywō’āḇ šəl^aḥ ’ēlay ’eṯ-’ûrîyâ h^aḥitî wayyišəl^aḥ ywō’āḇ ’eṯ-’ûrîyâ ’el-dāwiḏ:

7 wayyāḇō’ ’ûrîyâ ’ēlāyw wayyišə’al dāwiḏ lišəlwōm ywō’āḇ wəlišəlwōm hā‘ām wəlišəlwōm hammiləḥāmâ:

8 wayyō’mer dāwiḏ lə’ûrîyâ rēḏ ləḇêṯəḵā ûrəḥaṣ raḡəleyḵā wayyēṣē’ ’ûrîyâ mibêṯ hammeleḵə watēṣē’ ’^aḥărāyw maśə’aṯ hammeleḵə:

9 wayyišəkaḇ ’ûrîyâ peṯ^aḥ bêṯ hammeleḵə ’ēṯ kāl-‘aḇəḏê ’ăḏōnāyw wəlō’ yāraḏ ’el-bêṯwō:

10 wayyagiḏû ləḏāwiḏ lē’mōr lō’-yāraḏ ’ûrîyâ ’el-bêṯwō wayyō’mer dāwiḏ ’el-’ûrîyâ hălwō’ midereḵə ’atâ ḇā’ madû‘a lō’-yāraḏətā ’el-bêṯeḵā:

11 wayyō’mer ’ûrîyâ ’el-dāwiḏ hā’ārwōn wəyiśərā’ēl wîhûḏâ yōšəḇîm bassukwōṯ wa’ḏōnî ywō’āḇ wə‘aḇəḏê ’ăḏōnî ‘al-pənê haśśāḏeh ḥōnîm wa’ănî ’āḇwō’ ’el-bêṯî le’ĕḵōl wəlišətwōṯ wəlišəkaḇ ‘im-’išətî ḥayyeḵā wəḥê nafəšeḵā ’im-’e‘ĕśeh ’eṯ-hadāḇār hazzeh:

12 wayyō’mer dāwiḏ ’el-’ûrîyâ šēḇ bāzeh gam-hayywōm ûmāḥār ’ăšalləḥeḵḵā wayyēšeḇ ’ûrîyâ ḇîrûšālaim³ bayywōm hahû’ ûmimmāḥŏrāṯ:

13 wayyiqərā’-lwō ḏāwiḏ wayyō’ḵal ləfānāyw wayyēšətə wayəšakərēhû wayyēṣē’ ḇā‘ereḇ lišəkaḇ bəmišəkāḇwō ‘im-‘aḇəḏê ’ăḏōnāyw wə’el-bêṯwō lō’ yārāḏ:

14 wayəhî ḇabōqer wayyiḵətōḇ dāwiḏ sēfer ’el-ywō’āḇ wayyišəl^aḥ bəyaḏ ’ûrîyâ:

15 wayyiḵətōḇ bassēfer lē’mōr hāḇû ’eṯ-’ûrîyâ ’el-mûl pənê hammiləḥāmâ h^aḥăzāqâ wəšaḇətem mē’^aḥărāyw wənikâ wāmēṯ: s

16 wayəhî bišəmwōr ywō’āḇ ’el-hā‘îr wayyitēn ’eṯ-’ûrîyâ ’el-hammāqwōm ’ăšer yāḏ^a‘ kî ’anəšê-ḥayil šām:

17 wayyēṣə’û ’anəšê hā‘îr wayyillāḥămû ’eṯ-ywō’āḇ wayyipōl min-hā‘ām mē‘aḇəḏê ḏāwiḏ wayyāmāṯ gam ’ûrîyâ h^aḥitî:

18 wayyišəl^aḥ ywō’āḇ wayyagēḏ ləḏāwiḏ ’eṯ-kāl-diḇərê hammiləḥāmâ:

19 wayəṣaw ’eṯ-hammalə’āḵə lē’mōr kəḵallwōṯəḵā ’ēṯ kāl-diḇərê hammiləḥāmâ ləḏabēr ’el-hammeleḵə:

20 wəhāyâ ’im-t^a‘ăleh ḥămaṯ hammeleḵə wə’āmar ləḵā madû‘a nigašətem ’el-hā‘îr ləhillāḥēm hălwō’ yəḏ^a‘ətem ’ēṯ ’ăšer-yōrû mē‘al h^aḥwōmâ:

21 mî-hikâ ’eṯ-’ăḇîmeleḵə ben-yərubešeṯ hălwō’-’iššâ hišəlîḵâ ‘ālāyw pel^aḥ reḵeḇ mē‘al h^aḥwōmâ wayyāmāṯ bəṯēḇēṣ lāmmâ nigašətem ’el-h^aḥwōmâ wə’āmarətā gam ‘aḇədəḵā ’ûrîyâ h^aḥitî mēṯ:

22 wayyēleḵə hammalə’āḵə wayyāḇō’ wayyagēḏ ləḏāwiḏ ’ēṯ kāl-’ăšer šəlāḥwō ywō’āḇ:

23 wayyō’mer hammalə’āḵə ’el-dāwiḏ kî-ḡāḇərû ‘ālênû hā’ănāšîm wayyēṣə’û ’ēlênû haśśāḏeh wannihəyeh ‘ălêhem ‘aḏ-peṯ^aḥ haššā‘ar:

24 wayyōrə’û wayyōrû hammwōrə’îm hammwōrîm ’el-‘ăḇāḏeḵā mē‘al h^aḥwōmâ wayyāmûṯû mē‘aḇəḏê hammeleḵə wəḡam ‘aḇədəḵā ’ûrîyâ h^aḥitî mēṯ: s

25 wayyō’mer dāwiḏ ’el-hammalə’āḵə kōh-ṯō’mar ’el-ywō’āḇ ’al-yēr^a‘ bə‘êneyḵā ’eṯ-hadāḇār hazzeh kî-ḵāzōh wəḵāzeh tō’ḵal heḥāreḇ h^aḥăzēq miləḥamətəḵā ’el-hā‘îr wəhārəsāh wəḥazzəqēhû:

26 watišəm^a‘ ’ēšeṯ ’ûrîyâ kî-mēṯ ’ûrîyâ ’îšāh watisəpōḏ ‘al-b^a‘əlāh:

27 wayy^a‘ăḇōr hā’ēḇel wayyišəl^aḥ dāwiḏ wayya’asəfāh ’el-bêṯwō watəhî-lwō lə’iššâ watēleḏ lwō bēn wayyēr^a‘ hadāḇār ’ăšer-‘āśâ ḏāwiḏ bə‘ênê yəhwâ: f

Tanach (Hebrew): 2 Samuel (2 Shmuel) Chapter 12

‎1 ‏וַיִּשְׁלַ֧ח יְהוָ֛ה אֶת־נָתָ֖ן אֶל־דָּוִ֑ד וַיָּבֹ֣א אֵלָ֗יו וַיֹּ֤אמֶר לוֹ֙ שְׁנֵ֣י אֲנָשִׁ֗ים הָיוּ֙ בְּעִ֣יר אֶחָ֔ת אֶחָ֥ד עָשִׁ֖יר וְאֶחָ֥ד רָֽאשׁ׃

‎2 ‏לְעָשִׁ֗יר הָיָ֛ה צֹ֥אן וּבָקָ֖ר הַרְבֵּ֥ה מְאֹֽד׃

‎3 ‏וְלָרָ֣שׁ אֵֽין־כֹּ֗ל כִּי֩ אִם־כִּבְשָׂ֨ה אַחַ֤ת קְטַנָּה֙ אֲשֶׁ֣ר קָנָ֔ה וַיְחַיֶּ֕הָ וַתִּגְדַּ֥ל עִמּ֛וֹ וְעִם־בָּנָ֖יו יַחְדָּ֑ו מִפִּתּ֨וֹ תֹאכַ֜ל וּמִכֹּס֤וֹ תִשְׁתֶּה֙ וּבְחֵיק֣וֹ תִשְׁכָּ֔ב וַתְּהִי־ל֖וֹ כְּבַֽת׃

‎4 ‏וַיָּ֣בֹא הֵלֶךְ֮ לְאִ֣ישׁ הֶֽעָשִׁיר֒ וַיַּחְמֹ֗ל לָקַ֤חַת מִצֹּאנוֹ֙ וּמִבְּקָר֔וֹ לַעֲשׂ֕וֹת לָאֹרֵ֖חַ הַבָּא־ל֑וֹ וַיִּקַּ֗ח אֶת־כִּבְשַׂת֙ הָאִ֣ישׁ הָרָ֔אשׁ וַֽיַּעֲשֶׂ֔הָ לָאִ֖ישׁ הַבָּ֥א אֵלָֽיו׃

‎5 ‏וַיִּֽחַר־אַ֥ף דָּוִ֛ד בָּאִ֖ישׁ מְאֹ֑ד וַיֹּ֙אמֶר֙ אֶל־נָתָ֔ן חַי־יְהוָ֕ה כִּ֣י בֶן־מָ֔וֶת הָאִ֖ישׁ הָעֹשֶׂ֥ה זֹֽאת׃

‎6 ‏וְאֶת־הַכִּבְשָׂ֖ה יְשַׁלֵּ֣ם אַרְבַּעְתָּ֑יִם עֵ֗קֶב אֲשֶׁ֤ר עָשָׂה֙ אֶת־הַדָּבָ֣ר הַזֶּ֔ה וְעַ֖ל אֲשֶׁ֥ר לֹֽא־חָמָֽל׃

‎7 ‏וַיֹּ֧אמֶר נָתָ֛ן אֶל־דָּוִ֖ד אַתָּ֣ה הָאִ֑ישׁ כֹּה־אָמַ֨ר יְהוָ֜ה אֱלֹהֵ֣י יִשְׂרָאֵ֗ל אָנֹכִ֞י מְשַׁחְתִּ֤יךָֽ לְמֶ֙לֶךְ֙ עַל־יִשְׂרָאֵ֔ל וְאָנֹכִ֥י הִצַּלְתִּ֖יךָ מִיַּ֥ד שָׁאֽוּל׃

‎8 ‏וָאֶתְּנָ֨ה לְךָ֜ אֶת־בֵּ֣ית אֲדֹנֶ֗יךָ וְאֶת־נְשֵׁ֤י אֲדֹנֶ֙יךָ֙ בְּחֵיקֶ֔ךָ וָאֶתְּנָ֣ה לְךָ֔ אֶת־בֵּ֥ית יִשְׂרָאֵ֖ל וִֽיהוּדָ֑ה וְאִ֨ם־מְעָ֔ט וְאֹסִ֥פָה לְּךָ֖ כָּהֵ֥נָּה וְכָהֵֽנָּה׃

‎9 ‏מַדּ֜וּעַ בָּזִ֣יתָ׀ אֶת־דְּבַ֣ר יְהוָ֗ה לַעֲשׂ֣וֹת הָרַע֮ בעינו בְּעֵינַי֒ אֵ֣ת אוּרִיָּ֤ה הַֽחִתִּי֙ הִכִּ֣יתָ בַחֶ֔רֶב וְאֶ֨ת־אִשְׁתּ֔וֹ לָקַ֥חְתָּ לְּךָ֖ לְאִשָּׁ֑ה וְאֹת֣וֹ הָרַ֔גְתָּ בְּחֶ֖רֶב בְּנֵ֥י עַמּֽוֹן׃

‎10 ‏וְעַתָּ֗ה לֹא־תָס֥וּר חֶ֛רֶב מִבֵּיתְךָ֖ עַד־עוֹלָ֑ם עֵ֚קֶב כִּ֣י בְזִתָ֔נִי וַתִּקַּ֗ח אֶת־אֵ֙שֶׁת֙ אוּרִיָּ֣ה הַחִתִּ֔י לִהְי֥וֹת לְךָ֖ לְאִשָּֽׁה׃ ס

‎11 ‏כֹּ֣ה׀ אָמַ֣ר יְהוָ֗ה הִנְנִי֩ מֵקִ֨ים עָלֶ֤יךָ רָעָה֙ מִבֵּיתֶ֔ךָ וְלָקַחְתִּ֤י אֶת־נָשֶׁ֙יךָ֙ לְעֵינֶ֔יךָ וְנָתַתִּ֖י לְרֵעֶ֑יךָ וְשָׁכַב֙ עִם־נָשֶׁ֔יךָ לְעֵינֵ֖י הַשֶּׁ֥מֶשׁ הַזֹּֽאת׃

‎12 ‏כִּ֥י אַתָּ֖ה עָשִׂ֣יתָ בַסָּ֑תֶר וַאֲנִ֗י אֶעֱשֶׂה֙ אֶת־הַדָּבָ֣ר הַזֶּ֔ה נֶ֥גֶד כָּל־יִשְׂרָאֵ֖ל וְנֶ֥גֶד הַשָּֽׁמֶשׁ׃ ס

‎13 ‏וַיֹּ֤אמֶר דָּוִד֙ אֶל־נָתָ֔ן חָטָ֖אתִי לַֽיהוָ֑ה סוַיֹּ֨אמֶר נָתָ֜ן אֶל־דָּוִ֗ד גַּם־יְהוָ֛ה הֶעֱבִ֥יר חַטָּאתְךָ֖ לֹ֥א תָמֽוּת׃

‎14 ‏אֶ֗פֶס כִּֽי־נִאֵ֤ץ נִאַ֙צְתָּ֙ אֶת־אֹיְבֵ֣י יְהוָ֔ה בַּדָּבָ֖ר הַזֶּ֑ה גַּ֗ם הַבֵּ֛ן הַיִּלּ֥וֹד לְךָ֖ מ֥וֹת יָמֽוּת׃

‎15 ‏וַיֵּ֥לֶךְ נָתָ֖ן אֶל־בֵּית֑וֹ וַיִּגֹּ֣ף יְהוָ֗ה אֶת־הַיֶּ֜לֶד אֲשֶׁ֨ר יָלְדָ֧ה אֵֽשֶׁת־אוּרִיָּ֛ה לְדָוִ֖ד וַיֵּאָנַֽשׁ׃

‎16 ‏וַיְבַקֵּ֥שׁ דָּוִ֛ד אֶת־הָאֱלֹהִ֖ים בְּעַ֣ד הַנָּ֑עַר וַיָּ֤צָם דָּוִד֙ צ֔וֹם וּבָ֥א וְלָ֖ן וְשָׁכַ֥ב אָֽרְצָה׃

‎17 ‏וַיָּקֻ֜מוּ זִקְנֵ֤י בֵיתוֹ֙ עָלָ֔יו לַהֲקִימ֖וֹ מִן־הָאָ֑רֶץ וְלֹ֣א אָבָ֔ה וְלֹֽא־בָרָ֥א אִתָּ֖ם לָֽחֶם׃

‎18 ‏וַיְהִ֛י בַּיּ֥וֹם הַשְּׁבִיעִ֖י וַיָּ֣מָת הַיָּ֑לֶד וַיִּֽרְאוּ֩ עַבְדֵ֨י דָוִ֜ד לְהַגִּ֥יד ל֣וֹ׀ כִּי־מֵ֣ת הַיֶּ֗לֶד כִּ֤י אָֽמְרוּ֙ הִנֵּה֩ בִהְי֨וֹת הַיֶּ֜לֶד חַ֗י דִּבַּ֤רְנוּ אֵלָיו֙ וְלֹא־שָׁמַ֣ע בְּקוֹלֵ֔נוּ וְאֵ֨יךְ נֹאמַ֥ר אֵלָ֛יו מֵ֥ת הַיֶּ֖לֶד וְעָשָׂ֥ה רָעָֽה׃

‎19 ‏וַיַּ֣רְא דָּוִ֗ד כִּ֤י עֲבָדָיו֙ מִֽתְלַחֲשִׁ֔ים וַיָּ֥בֶן דָּוִ֖ד כִּ֣י מֵ֣ת הַיָּ֑לֶד וַיֹּ֨אמֶר דָּוִ֧ד אֶל־עֲבָדָ֛יו הֲמֵ֥ת הַיֶּ֖לֶד וַיֹּ֥אמְרוּ מֵֽת׃

‎20 ‏וַיָּקָם֩ דָּוִ֨ד מֵהָאָ֜רֶץ וַיִּרְחַ֣ץ וַיָּ֗סֶךְ וַיְחַלֵּף֙ שמלתו שִׂמְלֹתָ֔יו וַיָּבֹ֥א בֵית־יְהוָ֖ה וַיִּשְׁתָּ֑חוּ וַיָּבֹא֙ אֶל־בֵּית֔וֹ וַיִּשְׁאַ֕ל וַיָּשִׂ֥ימוּ ל֛וֹ לֶ֖חֶם וַיֹּאכַֽל׃

‎21 ‏וַיֹּאמְר֤וּ עֲבָדָיו֙ אֵלָ֔יו מָֽה־הַדָּבָ֥ר הַזֶּ֖ה אֲשֶׁ֣ר עָשִׂ֑יתָה בַּעֲב֞וּר הַיֶּ֤לֶד חַי֙ צַ֣מְתָּ וַתֵּ֔בְךְּ וְכַֽאֲשֶׁר֙ מֵ֣ת הַיֶּ֔לֶד קַ֖מְתָּ וַתֹּ֥אכַל לָֽחֶם׃

‎22 ‏וַיֹּ֕אמֶר בְּעוֹד֙ הַיֶּ֣לֶד חַ֔י צַ֖מְתִּי וָֽאֶבְכֶּ֑ה כִּ֤י אָמַ֙רְתִּי֙ מִ֣י יוֹדֵ֔עַ יחנני וְחַנַּ֥נִי יְהוָ֖ה וְחַ֥י הַיָּֽלֶד׃

‎23 ‏וְעַתָּ֣ה׀ מֵ֗ת לָ֤מָּה זֶּה֙ אֲנִ֣י צָ֔ם הַאוּכַ֥ל לַהֲשִׁיב֖וֹ ע֑וֹד אֲנִי֙ הֹלֵ֣ךְ אֵלָ֔יו וְה֖וּא לֹֽא־יָשׁ֥וּב אֵלָֽי׃

‎24 ‏וַיְנַחֵ֣ם דָּוִ֗ד אֵ֚ת בַּת־שֶׁ֣בַע אִשְׁתּ֔וֹ וַיָּבֹ֥א אֵלֶ֖יהָ וַיִּשְׁכַּ֣ב עִמָּ֑הּ וַתֵּ֣לֶד בֵּ֗ן ויקרא וַתִּקְרָ֤א אֶת־שְׁמוֹ֙ שְׁלֹמֹ֔ה וַיהוָ֖ה אֲהֵבֽוֹ׃

‎25 ‏וַיִּשְׁלַ֗ח בְּיַד֙ נָתָ֣ן הַנָּבִ֔יא וַיִּקְרָ֥א אֶת־שְׁמ֖וֹ יְדִ֣ידְיָ֑הּ בַּעֲב֖וּר יְהוָֽה׃ פ

‎26 ‏וַיִּלָּ֣חֶם יוֹאָ֔ב בְּרַבַּ֖ת בְּנֵ֣י עַמּ֑וֹן וַיִּלְכֹּ֖ד אֶת־עִ֥יר הַמְּלוּכָֽה׃

‎27 ‏וַיִּשְׁלַ֥ח יוֹאָ֛ב מַלְאָכִ֖ים אֶל־דָּוִ֑ד וַיֹּ֙אמֶר֙ נִלְחַ֣מְתִּי בְרַבָּ֔ה גַּם־לָכַ֖דְתִּי אֶת־עִ֥יר הַמָּֽיִם׃

‎28 ‏וְעַתָּ֗ה אֱסֹף֙ אֶת־יֶ֣תֶר הָעָ֔ם וַחֲנֵ֥ה עַל־הָעִ֖יר וְלָכְדָ֑הּ פֶּן־אֶלְכֹּ֤ד אֲנִי֙ אֶת־הָעִ֔יר וְנִקְרָ֥א שְׁמִ֖י עָלֶֽיהָ׃

‎29 ‏וַיֶּאֱסֹ֥ף דָּוִ֛ד אֶת־כָּל־הָעָ֖ם וַיֵּ֣לֶךְ רַבָּ֑תָה וַיִּלָּ֥חֶם בָּ֖הּ וַֽיִּלְכְּדָֽהּ׃

‎30 ‏וַיִּקַּ֣ח אֶת־עֲטֶֽרֶת־מַלְכָּם֩ מֵעַ֨ל רֹאשׁ֜וֹ וּמִשְׁקָלָ֨הּ כִּכַּ֤ר זָהָב֙ וְאֶ֣בֶן יְקָרָ֔ה וַתְּהִ֖י עַל־רֹ֣אשׁ דָּוִ֑ד וּשְׁלַ֥ל הָעִ֛יר הוֹצִ֖יא הַרְבֵּ֥ה מְאֹֽד׃

‎31 ‏וְאֶת־הָעָ֨ם אֲשֶׁר־בָּ֜הּ הוֹצִ֗יא וַיָּ֣שֶׂם בַּ֠מְּגֵרָה וּבַחֲרִצֵ֨י הַבַּרְזֶ֜ל וּֽבְמַגְזְרֹ֣ת הַבַּרְזֶ֗ל וְהֶעֱבִ֤יר אוֹתָם֙ במלכן בַּמַּלְבֵּ֔ן וְכֵ֣ן יַעֲשֶׂ֔ה לְכֹ֖ל עָרֵ֣י בְנֵֽי־עַמּ֑וֹן וַיָּ֧שָׁב דָּוִ֛ד וְכָל־הָעָ֖ם יְרוּשָׁלִָֽם׃ פ

1 wayyišəl^aḥ yəhwâ ’eṯ-nāṯān ’el-dāwiḏ wayyāḇō’ ’ēlāyw wayyō’mer lwō šənê ’ănāšîm hāyû bə‘îr ’eḥāṯ ’eḥāḏ ‘āšîr wə’eḥāḏ rā’š:

2 lə‘āšîr hāyâ ṣō’n ûḇāqār harəbēh mə’ōḏ:

3 wəlārāš ’ên-kōl kî ’im-kiḇəśâ ’^aḥaṯ qəṭannâ ’ăšer qānâ wayəḥayyehā watiḡədal ‘immwō wə‘im-bānāyw y^aḥədāw mipitwō ṯō’ḵal ûmikōswō ṯišəteh ûḇəḥêqwō ṯišəkāḇ watəhî-lwō kəḇaṯ:

4 wayyāḇō’ hēleḵə lə’îš he‘āšîr wayy^aḥəmōl lāq^aḥaṯ miṣṣō’nwō ûmibəqārwō l^a‘ăśwōṯ lā’ōrēḥa habā’-lwō wayyiqq^aḥ ’eṯ-kiḇəśaṯ hā’îš hārā’š wayy^a‘ăśehā lā’îš habā’ ’ēlāyw:

5 wayyiḥar-’af dāwiḏ bā’îš mə’ōḏ wayyō’mer ’el-nāṯān ḥay-yəhwâ kî ḇen-māweṯ hā’îš hā‘ōśeh zō’ṯ:

6 wə’eṯ-hakiḇəśâ yəšallēm ’arəb^a‘ətāyim ‘ēqeḇ ’ăšer ‘āśâ ’eṯ-hadāḇār hazzeh wə‘al ’ăšer lō’-ḥāmāl:

7 wayyō’mer nāṯān ’el-dāwiḏ ’atâ hā’îš kōh-’āmar yəhwâ ’ĕlōhê yiśərā’ēl ’ānōḵî məš^aḥətîḵā ləmeleḵə ‘al-yiśərā’ēl wə’ānōḵî hiṣṣalətîḵā mîyaḏ šā’ûl:

8 wā’etənâ ləḵā ’eṯ-bêṯ ’ăḏōneyḵā wə’eṯ-nəšê ’ăḏōneyḵā bəḥêqeḵā wā’etənâ ləḵā ’eṯ-bêṯ yiśərā’ēl wîhûḏâ wə’im-mə‘āṭ wə’ōsifâ lləḵā kâēnnâ wəḵâēnnâ:

9 madû‘a bāzîṯā| ’eṯ-dəḇar yəhwâ l^a‘ăśwōṯ hār^a‘ bə‘ênāw bə‘ênay ’ēṯ ’ûrîyâ h^aḥitî hikîṯā ḇ^aḥereḇ wə’eṯ-’išətwō lāq^aḥətā lləḵā lə’iššâ wə’ōṯwō hāraḡətā bəḥereḇ bənê ‘ammwōn:

10 wə‘atâ lō’-ṯāsûr ḥereḇ mibêṯəḵā ‘aḏ-‘wōlām ‘ēqeḇ kî ḇəziṯānî watiqq^aḥ ’eṯ-’ēšeṯ ’ûrîyâ h^aḥitî lihəywōṯ ləḵā lə’iššâ: s

11 kōh| ’āmar yəhwâ hinənî mēqîm ‘āleyḵā rā‘â mibêṯeḵā wəlāq^aḥətî ’eṯ-nāšeyḵā lə‘êneyḵā wənāṯatî lərē‘eyḵā wəšāḵaḇ ‘im-nāšeyḵā lə‘ênê haššemeš hazzō’ṯ:

12 kî ’atâ ‘āśîṯā ḇassāṯer wa’ănî ’e‘ĕśeh ’eṯ-hadāḇār hazzeh neḡeḏ kāl-yiśərā’ēl wəneḡeḏ haššāmeš: s

13 wayyō’mer dāwiḏ ’el-nāṯān ḥāṭā’ṯî layhwâ swayyō’mer nāṯān ’el-dāwiḏ gam-yəhwâ he‘ĕḇîr ḥaṭṭā’ṯəḵā lō’ ṯāmûṯ:

14 ’efes kî-ni’ēṣ ni’aṣətā ’eṯ-’ōyəḇê yəhwâ badāḇār hazzeh gam habēn hayyillwōḏ ləḵā mwōṯ yāmûṯ:

15 wayyēleḵə nāṯān ’el-bêṯwō wayyigōf yəhwâ ’eṯ-hayyeleḏ ’ăšer yāləḏâ ’ēšeṯ-’ûrîyâ ləḏāwiḏ wayyē’ānaš:

16 wayəḇaqqēš dāwiḏ ’eṯ-hā’ĕlōhîm bə‘aḏ hannā‘ar wayyāṣām dāwiḏ ṣwōm ûḇā’ wəlān wəšāḵaḇ ’ārəṣâ:

17 wayyāqumû ziqənê ḇêṯwō ‘ālāyw lahăqîmwō min-hā’āreṣ wəlō’ ’āḇâ wəlō’-ḇārā’ ’itām lāḥem:

18 wayəhî bayywōm haššəḇî‘î wayyāmāṯ hayyāleḏ wayyirə’û ‘aḇəḏê ḏāwiḏ ləhagîḏ lwō| kî-mēṯ hayyeleḏ kî ’āmərû hinnēh ḇihəywōṯ hayyeleḏ ḥay dibarənû ’ēlāyw wəlō’-šām^a‘ bəqwōlēnû wə’êḵə nō’mar ’ēlāyw mēṯ hayyeleḏ wə‘āśâ rā‘â:

19 wayyarə’ dāwiḏ kî ‘ăḇāḏāyw miṯəl^aḥăšîm wayyāḇen dāwiḏ kî mēṯ hayyāleḏ wayyō’mer dāwiḏ ’el-‘ăḇāḏāyw hămēṯ hayyeleḏ wayyō’mərû mēṯ:

20 wayyāqām dāwiḏ mēhā’āreṣ wayyirəḥaṣ wayyāseḵə wayəḥallēf śiməlāṯwō śiməlōṯāyw wayyāḇō’ ḇêṯ-yəhwâ wayyišətāḥû wayyāḇō’ ’el-bêṯwō wayyišə’al wayyāśîmû lwō leḥem wayyō’ḵal:

21 wayyō’mərû ‘ăḇāḏāyw ’ēlāyw mâ-hadāḇār hazzeh ’ăšer ‘āśîṯâ b^a‘ăḇûr hayyeleḏ ḥay ṣamətā watēḇəḵḵə wəḵa’ăšer mēṯ hayyeleḏ qamətā watō’ḵal lāḥem:

22 wayyō’mer bə‘wōḏ hayyeleḏ ḥay ṣamətî wā’eḇəkeh kî ’āmarətî mî ywōḏē‘a yəḥānnanî wəḥannanî yəhwâ wəḥay hayyāleḏ:

23 wə‘atâ| mēṯ lāmmâ zzeh ’ănî ṣām ha’ûḵal lahăšîḇwō ‘wōḏ ’ănî hōlēḵə ’ēlāyw wəhû’ lō’-yāšûḇ ’ēlāy:

24 wayən^aḥēm dāwiḏ ’ēṯ baṯ-šeḇ^a‘ ’išətwō wayyāḇō’ ’ēleyhā wayyišəkaḇ ‘immāh watēleḏ bēn wayyiqərā’ watiqərā’ ’eṯ-šəmwō šəlōmōh wayhwâ ’ăhēḇwō:

25 wayyišəl^aḥ bəyaḏ nāṯān hannāḇî’ wayyiqərā’ ’eṯ-šəmwō yəḏîḏəyāh b^a‘ăḇûr yəhwâ: f

26 wayyillāḥem ywō’āḇ bərabaṯ bənê ‘ammwōn wayyiləkōḏ ’eṯ-‘îr hamməlûḵâ:

27 wayyišəl^aḥ ywō’āḇ malə’āḵîm ’el-dāwiḏ wayyō’mer niləḥamətî ḇərabâ gam-lāḵaḏətî ’eṯ-‘îr hammāyim:

28 wə‘atâ ’ĕsōf ’eṯ-yeṯer hā‘ām w^aḥănēh ‘al-hā‘îr wəlāḵəḏāh pen-’eləkōḏ ’ănî ’eṯ-hā‘îr wəniqərā’ šəmî ‘āleyhā:

29 wayye’ĕsōf dāwiḏ ’eṯ-kāl-hā‘ām wayyēleḵə rabāṯâ wayyillāḥem bāh wayyiləkəḏāh:

30 wayyiqq^aḥ ’eṯ-‘ăṭereṯ-maləkām mē‘al rō’šwō ûmišəqālāh kikar zâāḇ wə’eḇen yəqārâ watəhî ‘al-rō’š dāwiḏ ûšəlal hā‘îr hwōṣî’ harəbēh mə’ōḏ:

31 wə’eṯ-hā‘ām ’ăšer-bāh hwōṣî’ wayyāśem bamməḡērâ ûḇ^aḥăriṣê habarəzel ûḇəmaḡəzərōṯ habarəzel wəhe‘ĕḇîr ’wōṯām bammaləkēn bammaləbēn wəḵēn y^a‘ăśeh ləḵōl ‘ārê ḇənê-‘ammwōn wayyāšāḇ dāwiḏ wəḵāl-hā‘ām yərûšālāim: f

Tanach (Hebrew): 2 Samuel (2 Shmuel) Chapter 13

‎1 ‏וַיְהִ֣י אַֽחֲרֵי־כֵ֗ן וּלְאַבְשָׁל֧וֹם בֶּן־דָּוִ֛ד אָח֥וֹת יָפָ֖ה וּשְׁמָ֣הּ תָּמָ֑ר וַיֶּאֱהָבֶ֖הָ אַמְנ֥וֹן בֶּן־דָּוִֽד׃

‎2 ‏וַיֵּ֨צֶר לְאַמְנ֜וֹן לְהִתְחַלּ֗וֹת בַּֽעֲבוּר֙ תָּמָ֣ר אֲחֹת֔וֹ כִּ֥י בְתוּלָ֖ה הִ֑יא וַיִּפָּלֵא֙ בְּעֵינֵ֣י אַמְנ֔וֹן לַעֲשׂ֥וֹת לָ֖הּ מְאֽוּמָה׃

‎3 ‏וּלְאַמְנ֣וֹן רֵ֗עַ וּשְׁמוֹ֙ יֽוֹנָדָ֔ב בֶּן־שִׁמְעָ֖ה אֲחִ֣י דָוִ֑ד וְי֣וֹנָדָ֔ב אִ֥ישׁ חָכָ֖ם מְאֹֽד׃

‎4 ‏וַיֹּ֣אמֶר ל֗וֹ מַדּ֣וּעַ אַ֠תָּה כָּ֣כָה דַּ֤ל בֶּן־הַמֶּ֙לֶךְ֙ בַּבֹּ֣קֶר בַּבֹּ֔קֶר הֲל֖וֹא תַּגִּ֣יד לִ֑י וַיֹּ֤אמֶר לוֹ֙ אַמְנ֔וֹן אֶת־תָּמָ֗ר אֲח֛וֹת אַבְשָׁלֹ֥ם אָחִ֖י אֲנִ֥י אֹהֵֽב׃

‎5 ‏וַיֹּ֤אמֶר לוֹ֙ יְה֣וֹנָדָ֔ב שְׁכַ֥ב עַל־מִשְׁכָּבְךָ֖ וְהִתְחָ֑ל וּבָ֧א אָבִ֣יךָ לִרְאוֹתֶ֗ךָ וְאָמַרְתָּ֣ אֵלָ֡יו תָּ֣בֹא נָא֩ תָמָ֨ר אֲחוֹתִ֜י וְתַבְרֵ֣נִי לֶ֗חֶם וְעָשְׂתָ֤ה לְעֵינַי֙ אֶת־הַבִּרְיָ֔ה לְמַ֙עַן֙ אֲשֶׁ֣ר אֶרְאֶ֔ה וְאָכַלְתִּ֖י מִיָּדָֽהּ׃

‎6 ‏וַיִּשְׁכַּ֥ב אַמְנ֖וֹן וַיִּתְחָ֑ל וַיָּבֹ֨א הַמֶּ֜לֶךְ לִרְאֹת֗וֹ וַיֹּ֨אמֶר אַמְנ֤וֹן אֶל־הַמֶּ֙לֶךְ֙ תָּֽבוֹא־נָ֞א תָּמָ֣ר אֲחֹתִ֗י וּתְלַבֵּ֤ב לְעֵינַי֙ שְׁתֵּ֣י לְבִב֔וֹת וְאֶבְרֶ֖ה מִיָּדָֽהּ׃

‎7 ‏וַיִּשְׁלַ֥ח דָּוִ֛ד אֶל־תָּמָ֖ר הַבַּ֣יְתָה לֵאמֹ֑ר לְכִ֣י נָ֗א בֵּ֚ית אַמְנ֣וֹן אָחִ֔יךְ וַעֲשִׂי־ל֖וֹ הַבִּרְיָֽה׃

‎8 ‏וַתֵּ֣לֶךְ תָּמָ֗ר בֵּ֛ית אַמְנ֥וֹן אָחִ֖יהָ וְה֣וּא שֹׁכֵ֑ב וַתִּקַּ֨ח אֶת־הַבָּצֵ֤ק ותלוש וַתָּ֙לָשׁ֙ וַתְּלַבֵּ֣ב לְעֵינָ֔יו וַתְּבַשֵּׁ֖ל אֶת־הַלְּבִבֽוֹת׃

‎9 ‏וַתִּקַּ֤ח אֶת־הַמַּשְׂרֵת֙ וַתִּצֹ֣ק לְפָנָ֔יו וַיְמָאֵ֖ן לֶאֱכ֑וֹל וַיֹּ֣אמֶר אַמְנ֗וֹן הוֹצִ֤יאוּ כָל־אִישׁ֙ מֵֽעָלַ֔י וַיֵּצְא֥וּ כָל־אִ֖ישׁ מֵעָלָֽיו׃

‎10 ‏וַיֹּ֨אמֶר אַמְנ֜וֹן אֶל־תָּמָ֗ר הָבִ֤יאִי הַבִּרְיָה֙ הַחֶדֶ֔ר וְאֶבְרֶ֖ה מִיָּדֵ֑ךְ וַתִּקַּ֣ח תָּמָ֗ר אֶת־הַלְּבִבוֹת֙ אֲשֶׁ֣ר עָשָׂ֔תָה וַתָּבֵ֛א לְאַמְנ֥וֹן אָחִ֖יהָ הֶחָֽדְרָה׃

‎11 ‏וַתַּגֵּ֥שׁ אֵלָ֖יו לֶֽאֱכֹ֑ל וַיַּֽחֲזֶק־בָּהּ֙ וַיֹּ֣אמֶר לָ֔הּ בּ֛וֹאִי שִׁכְבִ֥י עִמִּ֖י אֲחוֹתִֽי׃

‎12 ‏וַתֹּ֣אמֶר ל֗וֹ אַל־אָחִי֙ אַל־תְּעַנֵּ֔נִי כִּ֛י לֹא־יֵֽעָשֶׂ֥ה כֵ֖ן בְּיִשְׂרָאֵ֑ל אַֽל־תַּעֲשֵׂ֖ה אֶת־הַנְּבָלָ֥ה הַזֹּֽאת׃

‎13 ‏וַאֲנִ֗י אָ֤נָה אוֹלִיךְ֙ אֶת־חֶרְפָּתִ֔י וְאַתָּ֗ה תִּהְיֶ֛ה כְּאַחַ֥ד הַנְּבָלִ֖ים בְּיִשְׂרָאֵ֑ל וְעַתָּה֙ דַּבֶּר־נָ֣א אֶל־הַמֶּ֔לֶךְ כִּ֛י לֹ֥א יִמְנָעֵ֖נִי מִמֶּֽךָּ׃

‎14 ‏וְלֹ֥א אָבָ֖ה לִשְׁמֹ֣עַ בְּקוֹלָ֑הּ וַיֶּחֱזַ֤ק מִמֶּ֙נָּה֙ וַיְעַנֶּ֔הָ וַיִּשְׁכַּ֖ב אֹתָֽהּ׃

‎15 ‏וַיִּשְׂנָאֶ֣הָ אַמְנ֗וֹן שִׂנְאָה֙ גְּדוֹלָ֣ה מְאֹ֔ד כִּ֣י גְדוֹלָ֗ה הַשִּׂנְאָה֙ אֲשֶׁ֣ר שְׂנֵאָ֔הּ מֵאַהֲבָ֖ה אֲשֶׁ֣ר אֲהֵבָ֑הּ וַֽיֹּאמֶר־לָ֥הּ אַמְנ֖וֹן ק֥וּמִי לֵֽכִי׃

‎16 ‏וַתֹּ֣אמֶר ל֗וֹ אַל־אוֹדֹ֞ת הָרָעָ֤ה הַגְּדוֹלָה֙ הַזֹּ֔את מֵאַחֶ֛רֶת אֲשֶׁר־עָשִׂ֥יתָ עִמִּ֖י לְשַׁלְּחֵ֑נִי וְלֹ֥א אָבָ֖ה לִשְׁמֹ֥עַֽ לָֽהּ׃

‎17 ‏וַיִּקְרָ֗א אֶֽת־נַעֲרוֹ֙ מְשָׁ֣רְת֔וֹ וַיֹּ֕אמֶר שִׁלְחוּ־נָ֥א אֶת־זֹ֛את מֵעָלַ֖י הַח֑וּצָה וּנְעֹ֥ל הַדֶּ֖לֶת אַחֲרֶֽיהָ׃

‎18 ‏וְעָלֶ֙יהָ֙ כְּתֹ֣נֶת פַּסִּ֔ים כִּי֩ כֵ֨ן תִּלְבַּ֧שְׁןָ בְנוֹת־הַמֶּ֛לֶךְ הַבְּתוּלֹ֖ת מְעִילִ֑ים וַיֹּצֵ֨א אוֹתָ֤הּ מְשָֽׁרְתוֹ֙ הַח֔וּץ וְנָעַ֥ל הַדֶּ֖לֶת אַחֲרֶֽיהָ׃

‎19 ‏וַתִּקַּ֨ח תָּמָ֥ר אֵ֙פֶר֙ עַל־רֹאשָׁ֔הּ וּכְתֹ֧נֶת הַפַּסִּ֛ים אֲשֶׁ֥ר עָלֶ֖יהָ קָרָ֑עָה וַתָּ֤שֶׂם יָדָהּ֙ עַל־רֹאשָׁ֔הּ וַתֵּ֥לֶךְ הָל֖וֹךְ וְזָעָֽקָה׃

‎20 ‏וַיֹּ֨אמֶר אֵלֶ֜יהָ אַבְשָׁל֣וֹם אָחִ֗יהָ הַאֲמִינ֣וֹן אָחִיךְ֮ הָיָ֣ה עִמָּךְ֒ וְעַתָּ֞ה אֲחוֹתִ֤י הַחֲרִ֙ישִׁי֙ אָחִ֣יךְ ה֔וּא אַל־תָּשִׁ֥יתִי אֶת־לִבֵּ֖ךְ לַדָּבָ֣ר הַזֶּ֑ה וַתֵּ֤שֶׁב תָּמָר֙ וְשֹׁ֣מֵמָ֔ה בֵּ֖ית אַבְשָׁל֥וֹם אָחִֽיהָ׃

‎21 ‏וְהַמֶּ֣לֶךְ דָּוִ֔ד שָׁמַ֕ע אֵ֥ת כָּל־הַדְּבָרִ֖ים הָאֵ֑לֶּה וַיִּ֥חַר ל֖וֹ מְאֹֽד׃

‎22 ‏וְלֹֽא־דִבֶּ֧ר אַבְשָׁל֛וֹם עִם־אַמְנ֖וֹן לְמֵרָ֣ע וְעַד־ט֑וֹב כִּֽי־שָׂנֵ֤א אַבְשָׁלוֹם֙ אֶת־אַמְנ֔וֹן עַל־דְּבַר֙ אֲשֶׁ֣ר עִנָּ֔ה אֵ֖ת תָּמָ֥ר אֲחֹתֽוֹ׃ פ

‎23 ‏וַֽיְהִי֙ לִשְׁנָתַ֣יִם יָמִ֔ים וַיִּהְי֤וּ גֹֽזְזִים֙ לְאַבְשָׁל֔וֹם בְּבַ֥עַל חָצ֖וֹר אֲשֶׁ֣ר עִם־אֶפְרָ֑יִם וַיִּקְרָ֥א אַבְשָׁל֖וֹם לְכָל־בְּנֵ֥י הַמֶּֽלֶךְ׃

‎24 ‏וַיָּבֹ֤א אַבְשָׁלוֹם֙ אֶל־הַמֶּ֔לֶךְ וַיֹּ֕אמֶר הִנֵּה־נָ֥א גֹזְזִ֖ים לְעַבְדֶּ֑ךָ יֵֽלֶךְ־נָ֥א הַמֶּ֛לֶךְ וַעֲבָדָ֖יו עִם־עַבְדֶּֽךָ׃

‎25 ‏וַיֹּ֨אמֶר הַמֶּ֜לֶךְ אֶל־אַבְשָׁל֗וֹם אַל־בְּנִי֙ אַל־נָ֤א נֵלֵךְ֙ כֻּלָּ֔נוּ וְלֹ֥א נִכְבַּ֖ד עָלֶ֑יךָ וַיִּפְרָץ־בּ֛וֹ וְלֹֽא־אָבָ֥ה לָלֶ֖כֶת וַֽיְבָרֲכֵֽהוּ׃

‎26 ‏וַיֹּ֙אמֶר֙ אַבְשָׁל֔וֹם וָלֹ֕א יֵֽלֶךְ־נָ֥א אִתָּ֖נוּ אַמְנ֣וֹן אָחִ֑י וַיֹּ֤אמֶר לוֹ֙ הַמֶּ֔לֶךְ לָ֥מָּה יֵלֵ֖ךְ עִמָּֽךְ׃

‎27 ‏וַיִּפְרָץ־בּ֖וֹ אַבְשָׁל֑וֹם וַיִּשְׁלַ֤ח אִתּוֹ֙ אֶת־אַמְנ֔וֹן וְאֵ֖ת כָּל־בְּנֵ֥י הַמֶּֽלֶךְ׃ ס

‎28 ‏וַיְצַו֩ אַבְשָׁל֨וֹם אֶת־נְעָרָ֜יו לֵאמֹ֗ר רְא֣וּ נָ֠א כְּט֨וֹב לֵב־אַמְנ֤וֹן בַּיַּ֙יִן֙ וְאָמַרְתִּ֣י אֲלֵיכֶ֔ם הַכּ֧וּ אֶת־אַמְנ֛וֹן וַהֲמִתֶּ֥ם אֹת֖וֹ אַל־תִּירָ֑אוּ הֲל֗וֹא כִּ֤י אָֽנֹכִי֙ צִוִּ֣יתִי אֶתְכֶ֔ם חִזְק֖וּ וִהְי֥וּ לִבְנֵי־חָֽיִל׃

‎29 ‏וַֽיַּעֲשׂ֞וּ נַעֲרֵ֤י אַבְשָׁלוֹם֙ לְאַמְנ֔וֹן כַּאֲשֶׁ֥ר צִוָּ֖ה אַבְשָׁל֑וֹם וַיָּקֻ֣מוּ׀ כָּל־בְּנֵ֣י הַמֶּ֗לֶךְ וַֽיִּרְכְּב֛וּ אִ֥ישׁ עַל־פִּרְדּ֖וֹ וַיָּנֻֽסוּ׃

‎30 ‏וַֽיְהִי֙ הֵ֣מָּה בַדֶּ֔רֶךְ וְהַשְּׁמֻעָ֣ה בָ֔אָה אֶל־דָּוִ֖ד לֵאמֹ֑ר הִכָּ֤ה אַבְשָׁלוֹם֙ אֶת־כָּל־בְּנֵ֣י הַמֶּ֔לֶךְ וְלֹֽא־נוֹתַ֥ר מֵהֶ֖ם אֶחָֽד׃ ס

‎31 ‏וַיָּ֧קָם הַמֶּ֛לֶךְ וַיִּקְרַ֥ע אֶת־בְּגָדָ֖יו וַיִּשְׁכַּ֣ב אָ֑רְצָה וְכָל־עֲבָדָ֥יו נִצָּבִ֖ים קְרֻעֵ֥י בְגָדִֽים׃ ס

‎32 ‏וַיַּ֡עַן יוֹנָדָ֣ב׀ בֶּן־שִׁמְעָ֨ה אֲחִֽי־דָוִ֜ד וַיֹּ֗אמֶר אַל־יֹאמַ֤ר אֲדֹנִי֙ אֵ֣ת כָּל־הַנְּעָרִ֤ים בְּנֵֽי־הַמֶּ֙לֶךְ֙ הֵמִ֔יתוּ כִּֽי־אַמְנ֥וֹן לְבַדּ֖וֹ מֵ֑ת כִּֽי־עַל־פִּ֤י אַבְשָׁלוֹם֙ הָיְתָ֣ה שׂוּמָ֔ה מִיּוֹם֙ עַנֹּת֔וֹ אֵ֖ת תָּמָ֥ר אֲחֹתֽוֹ׃

‎33 ‏וְעַתָּ֡ה אַל־יָשֵׂם֩ אֲדֹנִ֨י הַמֶּ֤לֶךְ אֶל־לִבּוֹ֙ דָּבָ֣ר לֵאמֹ֔ר כָּל־בְּנֵ֥י הַמֶּ֖לֶךְ מֵ֑תוּ כִּֽי־אִם־אַמְנ֥וֹן לְבַדּ֖וֹ מֵֽת׃ פ

‎34 ‏וַיִּבְרַ֖ח אַבְשָׁל֑וֹם וַיִּשָּׂ֞א הַנַּ֤עַר הַצֹּפֶה֙ אֶת־עינו עֵינָ֔יו וַיַּ֗רְא וְהִנֵּ֨ה עַם־רַ֜ב הֹלְכִ֥ים מִדֶּ֛רֶךְ אַחֲרָ֖יו מִצַּ֥ד הָהָֽר׃

‎35 ‏וַיֹּ֤אמֶר יֽוֹנָדָב֙ אֶל־הַמֶּ֔לֶךְ הִנֵּ֥ה בְנֵֽי־הַמֶּ֖לֶךְ בָּ֑אוּ כִּדְבַ֥ר עַבְדְּךָ֖ כֵּ֥ן הָיָֽה׃

‎36 ‏וַיְהִ֣י׀ כְּכַלֹּת֣וֹ לְדַבֵּ֗ר וְהִנֵּ֤ה בְנֵֽי־הַמֶּ֙לֶךְ֙ בָּ֔אוּ וַיִּשְׂא֥וּ קוֹלָ֖ם וַיִּבְכּ֑וּ וְגַם־הַמֶּ֙לֶךְ֙ וְכָל־עֲבָדָ֔יו בָּכ֕וּ בְּכִ֖י גָּד֥וֹל מְאֹֽד׃

‎37 ‏וְאַבְשָׁל֣וֹם בָּרַ֔ח וַיֵּ֛לֶךְ אֶל־תַּלְמַ֥י בֶּן־עמיחור עַמִּיה֖וּד מֶ֣לֶךְ גְּשׁ֑וּר וַיִּתְאַבֵּ֥ל עַל־בְּנ֖וֹ כָּל־הַיָּמִֽים׃

‎38 ‏וְאַבְשָׁל֥וֹם בָּרַ֖ח וַיֵּ֣לֶךְ גְּשׁ֑וּר וַיְהִי־שָׁ֖ם שָׁלֹ֥שׁ שָׁנִֽים׃

‎39 ‏וַתְּכַל֙ דָּוִ֣ד הַמֶּ֔לֶךְ לָצֵ֖את אֶל־אַבְשָׁל֑וֹם כִּֽי־נִחַ֥ם עַל־אַמְנ֖וֹן כִּֽי־מֵֽת׃ ס

1 wayəhî ’^aḥărê-ḵēn ûlə’aḇəšālwōm ben-dāwiḏ ’āḥwōṯ yāfâ ûšəmāh tāmār wayye’ĕhāḇehā ’amənwōn ben-dāwiḏ:

2 wayyēṣer lə’amənwōn ləhiṯəḥallwōṯ b^a‘ăḇûr tāmār ’ăḥōṯwō kî ḇəṯûlâ hî’ wayyipālē’ bə‘ênê ’amənwōn l^a‘ăśwōṯ lāh mə’ûmâ:

3 ûlə’amənwōn rē‘a ûšəmwō ywōnāḏāḇ ben-šimə‘â ’ăḥî ḏāwiḏ wəywōnāḏāḇ ’îš ḥāḵām mə’ōḏ:

4 wayyō’mer lwō madû‘a ’atâ kāḵâ dal ben-hammeleḵə babōqer babōqer hălwō’ tagîḏ lî wayyō’mer lwō ’amənwōn ’eṯ-tāmār ’ăḥwōṯ ’aḇəšālōm ’āḥî ’ănî ’ōhēḇ:

5 wayyō’mer lwō yəhwōnāḏāḇ šəḵaḇ ‘al-mišəkāḇəḵā wəhiṯəḥāl ûḇā’ ’āḇîḵā lirə’wōṯeḵā wə’āmarətā ’ēlāyw tāḇō’ nā’ ṯāmār ’ăḥwōṯî wəṯaḇərēnî leḥem wə‘āśəṯâ lə‘ênay ’eṯ-habirəyâ ləm^a‘an ’ăšer ’erə’eh wə’āḵalətî mîyāḏāh:

6 wayyišəkaḇ ’amənwōn wayyiṯəḥāl wayyāḇō’ hammeleḵə lirə’ōṯwō wayyō’mer ’amənwōn ’el-hammeleḵə tāḇwō’-nā’ tāmār ’ăḥōṯî ûṯəlabēḇ lə‘ênay šətê ləḇiḇwōṯ wə’eḇəreh mîyāḏāh:

7 wayyišəl^aḥ dāwiḏ ’el-tāmār habayəṯâ lē’mōr ləḵî nā’ bêṯ ’amənwōn ’āḥîḵə w^a‘ăśî-lwō habirəyâ:

8 watēleḵə tāmār bêṯ ’amənwōn ’āḥîhā wəhû’ šōḵēḇ watiqq^aḥ ’eṯ-habāṣēq watālwōš watālāš watəlabēḇ lə‘ênāyw watəḇaššēl ’eṯ-halləḇiḇwōṯ:

9 watiqq^aḥ ’eṯ-hammaśərēṯ watiṣōq ləfānāyw wayəmā’ēn le’ĕḵwōl wayyō’mer ’amənwōn hwōṣî’û ḵāl-’îš mē‘ālay wayyēṣə’û ḵāl-’îš mē‘ālāyw:

10 wayyō’mer ’amənwōn ’el-tāmār hāḇî’î habirəyâ h^aḥeḏer wə’eḇəreh mîyāḏēḵə watiqq^aḥ tāmār ’eṯ-halləḇiḇwōṯ ’ăšer ‘āśāṯâ watāḇē’ lə’amənwōn ’āḥîhā heḥāḏərâ:

11 watagēš ’ēlāyw le’ĕḵōl wayy^aḥăzeq-bāh wayyō’mer lāh bwō’î šiḵəḇî ‘immî ’ăḥwōṯî:

12 watō’mer lwō ’al-’āḥî ’al-tə‘annēnî kî lō’-yē‘āśeh ḵēn bəyiśərā’ēl ’al-t^a‘ăśēh ’eṯ-hannəḇālâ hazzō’ṯ:

13 wa’ănî ’ānâ ’wōlîḵə ’eṯ-ḥerəpāṯî wə’atâ tihəyeh kə’^aḥaḏ hannəḇālîm bəyiśərā’ēl wə‘atâ daber-nā’ ’el-hammeleḵə kî lō’ yimənā‘ēnî mimmeḵḵā:

14 wəlō’ ’āḇâ lišəmō‘a bəqwōlāh wayyeḥĕzaq mimmennâ wayə‘annehā wayyišəkaḇ ’ōṯāh:

15 wayyiśənā’ehā ’amənwōn śinə’â gəḏwōlâ mə’ōḏ kî ḡəḏwōlâ haśśinə’â ’ăšer śənē’āh mē’ahăḇâ ’ăšer ’ăhēḇāh wayyō’mer-lāh ’amənwōn qûmî lēḵî:

16 watō’mer lwō ’al-’wōḏōṯ hārā‘â hagəḏwōlâ hazzō’ṯ mē’^aḥereṯ ’ăšer-‘āśîṯā ‘immî ləšalləḥēnî wəlō’ ’āḇâ lišəmō‘a lāh:

17 wayyiqərā’ ’eṯ-n^a‘ărwō məšārəṯwō wayyō’mer šiləḥû-nā’ ’eṯ-zō’ṯ mē‘ālay h^aḥûṣâ ûnə‘ōl hadeleṯ ’^aḥăreyhā:

18 wə‘āleyhā kəṯōneṯ passîm kî ḵēn tiləbašənā ḇənwōṯ-hammeleḵə habəṯûlōṯ mə‘îlîm wayyōṣē’ ’wōṯāh məšārəṯwō h^aḥûṣ wənā‘al hadeleṯ ’^aḥăreyhā:

19 watiqq^aḥ tāmār ’ēfer ‘al-rō’šāh ûḵəṯōneṯ hapassîm ’ăšer ‘āleyhā qārā‘â watāśem yāḏāh ‘al-rō’šāh watēleḵə hālwōḵə wəzā‘āqâ:

20 wayyō’mer ’ēleyhā ’aḇəšālwōm ’āḥîhā ha’ămînwōn ’āḥîḵə hāyâ ‘immāḵə wə‘atâ ’ăḥwōṯî h^aḥărîšî ’āḥîḵə hû’ ’al-tāšîṯî ’eṯ-libēḵə ladāḇār hazzeh watēšeḇ tāmār wəšōmēmâ bêṯ ’aḇəšālwōm ’āḥîhā:

21 wəhammeleḵə dāwiḏ šām^a‘ ’ēṯ kāl-hadəḇārîm hā’ēlleh wayyiḥar lwō mə’ōḏ:

22 wəlō’-ḏiber ’aḇəšālwōm ‘im-’amənwōn ləmērā‘ wə‘aḏ-ṭwōḇ kî-śānē’ ’aḇəšālwōm ’eṯ-’amənwōn ‘al-dəḇar ’ăšer ‘innâ ’ēṯ tāmār ’ăḥōṯwō: f

23 wayəhî lišənāṯayim yāmîm wayyihəyû ḡōzəzîm lə’aḇəšālwōm bəḇ^a‘al ḥāṣwōr ’ăšer ‘im-’efərāyim wayyiqərā’ ’aḇəšālwōm ləḵāl-bənê hammeleḵə:

24 wayyāḇō’ ’aḇəšālwōm ’el-hammeleḵə wayyō’mer hinnēh-nā’ ḡōzəzîm lə‘aḇədeḵā yēleḵə-nā’ hammeleḵə w^a‘ăḇāḏāyw ‘im-‘aḇədeḵā:

25 wayyō’mer hammeleḵə ’el-’aḇəšālwōm ’al-bənî ’al-nā’ nēlēḵə kullānû wəlō’ niḵəbaḏ ‘āleyḵā wayyifərāṣ-bwō wəlō’-’āḇâ lāleḵeṯ wayəḇārăḵēhû:

26 wayyō’mer ’aḇəšālwōm wālō’ yēleḵə-nā’ ’itānû ’amənwōn ’āḥî wayyō’mer lwō hammeleḵə lāmmâ yēlēḵə ‘immāḵə:

27 wayyifərāṣ-bwō ’aḇəšālwōm wayyišəl^aḥ ’itwō ’eṯ-’amənwōn wə’ēṯ kāl-bənê hammeleḵə: s

28 wayəṣaw ’aḇəšālwōm ’eṯ-nə‘ārāyw lē’mōr rə’û nā’ kəṭwōḇ lēḇ-’amənwōn bayyayin wə’āmarətî ’ălêḵem hakû ’eṯ-’amənwōn wahămitem ’ōṯwō ’al-tîrā’û hălwō’ kî ’ānōḵî ṣiûîṯî ’eṯəḵem ḥizəqû wihəyû liḇənê-ḥāyil:

29 wayy^a‘ăśû n^a‘ărê ’aḇəšālwōm lə’amənwōn ka’ăšer ṣiûâ ’aḇəšālwōm wayyāqumû| kāl-bənê hammeleḵə wayyirəkəḇû ’îš ‘al-pirədwō wayyānusû:

30 wayəhî hēmmâ ḇadereḵə wəhaššəmu‘â ḇā’â ’el-dāwiḏ lē’mōr hikâ ’aḇəšālwōm ’eṯ-kāl-bənê hammeleḵə wəlō’-nwōṯar mēhem ’eḥāḏ: s

31 wayyāqām hammeleḵə wayyiqər^a‘ ’eṯ-bəḡāḏāyw wayyišəkaḇ ’ārəṣâ wəḵāl-‘ăḇāḏāyw niṣṣāḇîm qəru‘ê ḇəḡāḏîm: s

32 wayy^a‘an ywōnāḏāḇ| ben-šimə‘â ’ăḥî-ḏāwiḏ wayyō’mer ’al-yō’mar ’ăḏōnî ’ēṯ kāl-hannə‘ārîm bənê-hammeleḵə hēmîṯû kî-’amənwōn ləḇadwō mēṯ kî-‘al-pî ’aḇəšālwōm hāyəṯâ śûmâ mîywōm ‘annōṯwō ’ēṯ tāmār ’ăḥōṯwō:

33 wə‘atâ ’al-yāśēm ’ăḏōnî hammeleḵə ’el-libwō dāḇār lē’mōr kāl-bənê hammeleḵə mēṯû kî-’im-’amənwōn ləḇadwō mēṯ: f

34 wayyiḇər^aḥ ’aḇəšālwōm wayyiśśā’ hann^a‘ar haṣṣōfeh ’eṯ-‘ênāw ‘ênāyw wayyarə’ wəhinnēh ‘am-raḇ hōləḵîm midereḵə ’^aḥărāyw miṣṣaḏ hâār:

35 wayyō’mer ywōnāḏāḇ ’el-hammeleḵə hinnēh ḇənê-hammeleḵə bā’û kiḏəḇar ‘aḇədəḵā kēn hāyâ:

36 wayəhî| kəḵallōṯwō ləḏabēr wəhinnēh ḇənê-hammeleḵə bā’û wayyiśə’û qwōlām wayyiḇəkû wəḡam-hammeleḵə wəḵāl-‘ăḇāḏāyw bāḵû bəḵî gāḏwōl mə’ōḏ:

37 wə’aḇəšālwōm bār^aḥ wayyēleḵə ’el-taləmay ben-‘ammîḥûr ‘ammîhûḏ meleḵə gəšûr wayyiṯə’abēl ‘al-bənwō kāl-hayyāmîm:

38 wə’aḇəšālwōm bār^aḥ wayyēleḵə gəšûr wayəhî-šām šālōš šānîm:

39 watəḵal dāwiḏ hammeleḵə lāṣē’ṯ ’el-’aḇəšālwōm kî-niḥam ‘al-’amənwōn kî-mēṯ: s

Tanach (Hebrew): 2 Samuel (2 Shmuel) Chapter 14

‎1 ‏וַיֵּ֖דַע יוֹאָ֣ב בֶּן־צְרֻיָ֑ה כִּֽי־לֵ֥ב הַמֶּ֖לֶךְ עַל־אַבְשָׁלֽוֹם׃

‎2 ‏וַיִּשְׁלַ֤ח יוֹאָב֙ תְּק֔וֹעָה וַיִּקַּ֥ח מִשָּׁ֖ם אִשָּׁ֣ה חֲכָמָ֑ה וַיֹּ֣אמֶר אֵ֠לֶיהָ הִֽתְאַבְּלִי־נָ֞א וְלִבְשִׁי־נָ֣א בִגְדֵי־אֵ֗בֶל וְאַל־תָּס֙וּכִי֙ שֶׁ֔מֶן וְהָיִ֕ית כְּאִשָּׁ֗ה זֶ֚ה יָמִ֣ים רַבִּ֔ים מִתְאַבֶּ֖לֶת עַל־מֵֽת׃

‎3 ‏וּבָאת֙ אֶל־הַמֶּ֔לֶךְ וְדִבַּ֥רְתְּ אֵלָ֖יו כַּדָּבָ֣ר הַזֶּ֑ה וַיָּ֧שֶׂם יוֹאָ֛ב אֶת־הַדְּבָרִ֖ים בְּפִֽיהָ׃

‎4 ‏וַ֠תֹּאמֶר הָאִשָּׁ֤ה הַתְּקֹעִית֙ אֶל־הַמֶּ֔לֶךְ וַתִּפֹּ֧ל עַל־אַפֶּ֛יהָ אַ֖רְצָה וַתִּשְׁתָּ֑חוּ וַתֹּ֖אמֶר הוֹשִׁ֥עָה הַמֶּֽלֶךְ׃ ס

‎5 ‏וַיֹּֽאמֶר־לָ֥הּ הַמֶּ֖לֶךְ מַה־לָּ֑ךְ וַתֹּ֗אמֶר אֲבָ֛ל אִשָּֽׁה־אַלְמָנָ֥ה אָ֖נִי וַיָּ֥מָת אִישִֽׁי׃

‎6 ‏וּלְשִׁפְחָֽתְךָ֙ שְׁנֵ֣י בָנִ֔ים וַיִּנָּצ֤וּ שְׁנֵיהֶם֙ בַּשָּׂדֶ֔ה וְאֵ֥ין מַצִּ֖יל בֵּֽינֵיהֶ֑ם וַיַּכּ֧וֹ הָאֶחָ֛ד אֶת־הָאֶחָ֖ד וַיָּ֥מֶת אֹתֽוֹ׃

‎7 ‏וְהִנֵּה֩ קָ֨מָה כָֽל־הַמִּשְׁפָּחָ֜ה עַל־שִׁפְחָתֶ֗ךָ וַיֹּֽאמְרוּ֙ תְּנִ֣י׀ אֶת־מַכֵּ֣ה אָחִ֗יו וּנְמִתֵ֙הוּ֙ בְּנֶ֤פֶשׁ אָחִיו֙ אֲשֶׁ֣ר הָרָ֔ג וְנַשְׁמִ֖ידָה גַּ֣ם אֶת־הַיּוֹרֵ֑שׁ וְכִבּ֗וּ אֶת־גַּֽחַלְתִּי֙ אֲשֶׁ֣ר נִשְׁאָ֔רָה לְבִלְתִּ֧י שום־ שִׂים־ לְאִישִׁ֛י שֵׁ֥ם וּשְׁאֵרִ֖ית עַל־פְּנֵ֥י הָאֲדָמָֽה׃ פ

‎8 ‏וַיֹּ֧אמֶר הַמֶּ֛לֶךְ אֶל־הָאִשָּׁ֖ה לְכִ֣י לְבֵיתֵ֑ךְ וַאֲנִ֖י אֲצַוֶּ֥ה עָלָֽיִךְ׃

‎9 ‏וַתֹּ֜אמֶר הָאִשָּׁ֤ה הַתְּקוֹעִית֙ אֶל־הַמֶּ֔לֶךְ עָלַ֞י אֲדֹנִ֥י הַמֶּ֛לֶךְ הֶעָוֹ֖ן וְעַל־בֵּ֣ית אָבִ֑י וְהַמֶּ֥לֶךְ וְכִסְא֖וֹ נָקִֽי׃ ס

‎10 ‏וַיֹּ֖אמֶר הַמֶּ֑לֶךְ הַֽמְדַבֵּ֤ר אֵלַ֙יִךְ֙ וַֽהֲבֵאת֣וֹ אֵלַ֔י וְלֹֽא־יֹסִ֥יף ע֖וֹד לָגַ֥עַת בָּֽךְ׃

‎11 ‏וַתֹּאמֶר֩ יִזְכָּר־נָ֨א הַמֶּ֜לֶךְ אֶת־יְהוָ֣ה אֱלֹהֶ֗יךָ מהרבית מֵהַרְבַּ֞ת גֹּאֵ֤ל הַדָּם֙ לְשַׁחֵ֔ת וְלֹ֥א יַשְׁמִ֖ידוּ אֶת־בְּנִ֑י וַיֹּ֙אמֶר֙ חַי־יְהוָ֔ה אִם־יִפֹּ֛ל מִשַּׂעֲרַ֥ת בְּנֵ֖ךְ אָֽרְצָה׃

‎12 ‏וַתֹּ֙אמֶר֙ הָֽאִשָּׁ֔ה תְּדַבֶּר־נָ֧א שִׁפְחָתְךָ֛ אֶל־אֲדֹנִ֥י הַמֶּ֖לֶךְ דָּבָ֑ר וַיֹּ֖אמֶר דַּבֵּֽרִי׃ ס

‎13 ‏וַתֹּ֙אמֶר֙ הָֽאִשָּׁ֔ה וְלָ֧מָּה חָשַׁ֛בְתָּה כָּזֹ֖את עַל־עַ֣ם אֱלֹהִ֑ים וּמִדַּבֵּ֨ר הַמֶּ֜לֶךְ הַדָּבָ֤ר הַזֶּה֙ כְּאָשֵׁ֔ם לְבִלְתִּ֛י הָשִׁ֥יב הַמֶּ֖לֶךְ אֶֽת־נִדְּחֽוֹ׃

‎14 ‏כִּי־מ֣וֹת נָמ֔וּת וְכַמַּ֙יִם֙ הַנִּגָּרִ֣ים אַ֔רְצָה אֲשֶׁ֖ר לֹ֣א יֵאָסֵ֑פוּ וְלֹֽא־יִשָּׂ֤א אֱלֹהִים֙ נֶ֔פֶשׁ וְחָשַׁב֙ מַֽחֲשָׁב֔וֹת לְבִלְתִּ֛י יִדַּ֥ח מִמֶּ֖נּוּ נִדָּֽח׃

‎15 ‏וְ֠עַתָּה אֲשֶׁר־בָּ֜אתִי לְדַבֵּ֨ר אֶל־הַמֶּ֤לֶךְ אֲדֹנִי֙ אֶת־הַדָּבָ֣ר הַזֶּ֔ה כִּ֥י יֵֽרְאֻ֖נִי הָעָ֑ם וַתֹּ֤אמֶר שִׁפְחָֽתְךָ֙ אֲדַבְּרָה־נָּ֣א אֶל־הַמֶּ֔לֶךְ אוּלַ֛י יַעֲשֶׂ֥ה הַמֶּ֖לֶךְ אֶת־דְּבַ֥ר אֲמָתֽוֹ׃

‎16 ‏כִּ֚י יִשְׁמַ֣ע הַמֶּ֔לֶךְ לְהַצִּ֥יל אֶת־אֲמָת֖וֹ מִכַּ֣ף הָאִ֑ישׁ לְהַשְׁמִ֨יד אֹתִ֤י וְאֶת־בְּנִי֙ יַ֔חַד מִֽנַּחֲלַ֖ת אֱלֹהִֽים׃

‎17 ‏וַתֹּ֙אמֶר֙ שִׁפְחָ֣תְךָ֔ יִֽהְיֶה־נָּ֛א דְּבַר־אֲדֹנִ֥י הַמֶּ֖לֶךְ לִמְנוּחָ֑ה כִּ֣י׀ כְּמַלְאַ֣ךְ הָאֱלֹהִ֗ים כֵּ֣ן אֲדֹנִ֤י הַמֶּ֙לֶךְ֙ לִשְׁמֹ֙עַ֙ הַטּ֣וֹב וְהָרָ֔ע וַֽיהוָ֥ה אֱלֹהֶ֖יךָ יְהִ֥י עִמָּֽךְ׃ פ

‎18 ‏וַיַּ֣עַן הַמֶּ֗לֶךְ וַיֹּ֙אמֶר֙ אֶל־הָ֣אִשָּׁ֔ה אַל־נָ֨א תְכַחֲדִ֤י מִמֶּ֙נִּי֙ דָּבָ֔ר אֲשֶׁ֥ר אָנֹכִ֖י שֹׁאֵ֣ל אֹתָ֑ךְ וַתֹּ֙אמֶר֙ הָֽאִשָּׁ֔ה יְדַבֶּר־נָ֖א אֲדֹנִ֥י הַמֶּֽלֶךְ׃

‎19 ‏וַיֹּ֣אמֶר הַמֶּ֔לֶךְ הֲיַ֥ד יוֹאָ֛ב אִתָּ֖ךְ בְּכָל־זֹ֑את וַתַּ֣עַן הָאִשָּׁ֣ה וַתֹּ֡אמֶר חֵֽי־נַפְשְׁךָ֩ אֲדֹנִ֨י הַמֶּ֜לֶךְ אִם־אִ֣שׁ׀ לְהֵמִ֣ין וּלְהַשְׂמִ֗יל מִכֹּ֤ל אֲשֶׁר־דִּבֶּר֙ אֲדֹנִ֣י הַמֶּ֔לֶךְ כִּֽי־עַבְדְּךָ֤ יוֹאָב֙ ה֣וּא צִוָּ֔נִי וְה֗וּא שָׂ֚ם בְּפִ֣י שִׁפְחָֽתְךָ֔ אֵ֥ת כָּל־הַדְּבָרִ֖ים הָאֵֽלֶּה׃

‎20 ‏לְבַעֲב֤וּר סַבֵּב֙ אֶת־פְּנֵ֣י הַדָּבָ֔ר עָשָׂ֛ה עַבְדְּךָ֥ יוֹאָ֖ב אֶת־הַדָּבָ֣ר הַזֶּ֑ה וַאדֹנִ֣י חָכָ֗ם כְּחָכְמַת֙ מַלְאַ֣ךְ הָאֱלֹהִ֔ים לָדַ֖עַת אֶֽת־כָּל־אֲשֶׁ֥ר בָּאָֽרֶץ׃ ס

‎21 ‏וַיֹּ֤אמֶר הַמֶּ֙לֶךְ֙ אֶל־יוֹאָ֔ב הִנֵּה־נָ֥א עָשִׂ֖יתִי אֶת־הַדָּבָ֣ר הַזֶּ֑ה וְלֵ֛ךְ הָשֵׁ֥ב אֶת־הַנַּ֖עַר אֶת־אַבְשָׁלֽוֹם׃

‎22 ‏וַיִּפֹּל֩ יוֹאָ֨ב אֶל־פָּנָ֥יו אַ֛רְצָה וַיִּשְׁתַּ֖חוּ וַיְבָ֣רֶךְ אֶת־הַמֶּ֑לֶךְ וַיֹּ֣אמֶר יוֹאָ֡ב הַיּוֹם֩ יָדַ֨ע עַבְדְּךָ֜ כִּי־מָצָ֨אתִי חֵ֤ן בְּעֵינֶ֙יךָ֙ אֲדֹנִ֣י הַמֶּ֔לֶךְ אֲשֶׁר־עָשָׂ֥ה הַמֶּ֖לֶךְ אֶת־דְּבַ֥ר עבדו עַבְדֶּֽךָ׃

‎23 ‏וַיָּ֥קָם יוֹאָ֖ב וַיֵּ֣לֶךְ גְּשׁ֑וּרָה וַיָּבֵ֥א אֶת־אַבְשָׁל֖וֹם יְרוּשָׁלִָֽם׃ פ

‎24 ‏וַיֹּ֤אמֶר הַמֶּ֙לֶךְ֙ יִסֹּ֣ב אֶל־בֵּית֔וֹ וּפָנַ֖י לֹ֣א יִרְאֶ֑ה וַיִּסֹּ֤ב אַבְשָׁלוֹם֙ אֶל־בֵּית֔וֹ וּפְנֵ֥י הַמֶּ֖לֶךְ לֹ֥א רָאָֽה׃ ס

‎25 ‏וּכְאַבְשָׁל֗וֹם לֹא־הָיָ֧ה אִישׁ־יָפֶ֛ה בְּכָל־יִשְׂרָאֵ֖ל לְהַלֵּ֣ל מְאֹ֑ד מִכַּ֤ף רַגְלוֹ֙ וְעַ֣ד קָדְקֳד֔וֹ לֹא־הָ֥יָה ב֖וֹ מֽוּם׃

‎26 ‏וּֽבְגַלְּחוֹ֮ אֶת־רֹאשׁוֹ֒ וְֽ֠הָיָה מִקֵּץ֙ יָמִ֤ים׀ לַיָּמִים֙ אֲשֶׁ֣ר יְגַלֵּ֔חַ כִּֽי־כָבֵ֥ד עָלָ֖יו וְגִלְּח֑וֹ וְשָׁקַל֙ אֶת־שְׂעַ֣ר רֹאשׁ֔וֹ מָאתַ֥יִם שְׁקָלִ֖ים בְּאֶ֥בֶן הַמֶּֽלֶךְ׃

‎27 ‏וַיִּֽוָּלְד֤וּ לְאַבְשָׁלוֹם֙ שְׁלוֹשָׁ֣ה בָנִ֔ים וּבַ֥ת אַחַ֖ת וּשְׁמָ֣הּ תָּמָ֑ר הִ֣יא הָיְתָ֔ה אִשָּׁ֖ה יְפַ֥ת מַרְאֶֽה׃ פ

‎28 ‏וַיֵּ֧שֶׁב אַבְשָׁל֛וֹם בִּירוּשָׁלִַ֖ם שְׁנָתַ֣יִם יָמִ֑ים וּפְנֵ֥י הַמֶּ֖לֶךְ לֹ֥א רָאָֽה׃

‎29 ‏וַיִּשְׁלַ֨ח אַבְשָׁל֜וֹם אֶל־יוֹאָ֗ב לִשְׁלֹ֤חַ אֹתוֹ֙ אֶל־הַמֶּ֔לֶךְ וְלֹ֥א אָבָ֖ה לָב֣וֹא אֵלָ֑יו וַיִּשְׁלַ֥ח עוֹד֙ שֵׁנִ֔ית וְלֹ֥א אָבָ֖ה לָבֽוֹא׃

‎30 ‏וַיֹּ֨אמֶר אֶל־עֲבָדָ֜יו רְאוּ֩ חֶלְקַ֨ת יוֹאָ֤ב אֶל־יָדִי֙ וְלוֹ־שָׁ֣ם שְׂעֹרִ֔ים לְכ֖וּ והוצתיה וְהַצִּית֣וּהָ בָאֵ֑שׁ וַיַּצִּ֜תוּ עַבְדֵ֧י אַבְשָׁל֛וֹם אֶת־הַחֶלְקָ֖ה בָּאֵֽשׁ׃ פ

‎31 ‏וַיָּ֣קָם יוֹאָ֔ב וַיָּבֹ֥א אֶל־אַבְשָׁל֖וֹם הַבָּ֑יְתָה וַיֹּ֣אמֶר אֵלָ֔יו לָ֣מָּה הִצִּ֧יתוּ עֲבָדֶ֛ךָ אֶת־הַחֶלְקָ֥ה אֲשֶׁר־לִ֖י בָּאֵֽשׁ׃

‎32 ‏וַיֹּ֣אמֶר אַבְשָׁל֣וֹם אֶל־יוֹאָ֡ב הִנֵּ֣ה שָׁלַ֣חְתִּי אֵלֶ֣יךָ׀ לֵאמֹ֡ר בֹּ֣א הֵ֠נָּה וְאֶשְׁלְחָה֩ אֹתְךָ֙ אֶל־הַמֶּ֜לֶךְ לֵאמֹ֗ר לָ֤מָּה בָּ֙אתִי֙ מִגְּשׁ֔וּר ט֥וֹב לִ֖י עֹ֣ד אֲנִי־שָׁ֑ם וְעַתָּ֗ה אֶרְאֶה֙ פְּנֵ֣י הַמֶּ֔לֶךְ וְאִם־יֶשׁ־בִּ֥י עָוֹ֖ן וֶהֱמִתָֽנִי׃

‎33 ‏וַיָּבֹ֨א יוֹאָ֣ב אֶל־הַמֶּלֶךְ֮ וַיַּגֶּד־לוֹ֒ וַיִּקְרָ֤א אֶל־אַבְשָׁלוֹם֙ וַיָּבֹ֣א אֶל־הַמֶּ֔לֶךְ וַיִּשְׁתַּ֨חוּ ל֧וֹ עַל־אַפָּ֛יו אַ֖רְצָה לִפְנֵ֣י הַמֶּ֑לֶךְ וַיִּשַּׁ֥ק הַמֶּ֖לֶךְ לְאַבְשָׁלֽוֹם׃ פ

1 wayyēḏ^a‘ ywō’āḇ ben-ṣəruyâ kî-lēḇ hammeleḵə ‘al-’aḇəšālwōm:

2 wayyišəl^aḥ ywō’āḇ təqwō‘â wayyiqq^aḥ miššām ’iššâ ḥăḵāmâ wayyō’mer ’ēleyhā hiṯə’abəlî-nā’ wəliḇəšî-nā’ ḇiḡəḏê-’ēḇel wə’al-tāsûḵî šemen wəhāyîṯ kə’iššâ zeh yāmîm rabîm miṯə’abeleṯ ‘al-mēṯ:

3 ûḇā’ṯ ’el-hammeleḵə wəḏibarətə ’ēlāyw kadāḇār hazzeh wayyāśem ywō’āḇ ’eṯ-hadəḇārîm bəfîhā:

4 watō’mer hā’iššâ hatəqō‘îṯ ’el-hammeleḵə watipōl ‘al-’apeyhā ’arəṣâ watišətāḥû watō’mer hwōši‘â hammeleḵə: s

5 wayyō’mer-lāh hammeleḵə mah-llāḵə watō’mer ’ăḇāl ’iššâ-’aləmānâ ’ānî wayyāmāṯ ’îšî:

6 ûləšifəḥāṯəḵā šənê ḇānîm wayyinnāṣû šənêhem baśśāḏeh wə’ên maṣṣîl bênêhem wayyakwō hā’eḥāḏ ’eṯ-hā’eḥāḏ wayyāmeṯ ’ōṯwō:

7 wəhinnēh qāmâ ḵāl-hammišəpāḥâ ‘al-šifəḥāṯeḵā wayyō’mərû tənî| ’eṯ-makēh ’āḥîw ûnəmiṯēhû bənefeš ’āḥîw ’ăšer hārāḡ wənašəmîḏâ gam ’eṯ-hayywōrēš wəḵibû ’eṯ-g^aḥalətî ’ăšer nišə’ārâ ləḇilətî śûm- śîm- lə’îšî šēm ûšə’ērîṯ ‘al-pənê hā’ăḏāmâ: f

8 wayyō’mer hammeleḵə ’el-hā’iššâ ləḵî ləḇêṯēḵə wa’ănî ’ăṣaûeh ‘ālāyiḵə:

9 watō’mer hā’iššâ hatəqwō‘îṯ ’el-hammeleḵə ‘ālay ’ăḏōnî hammeleḵə he‘āwōn wə‘al-bêṯ ’āḇî wəhammeleḵə wəḵisə’wō nāqî: s

10 wayyō’mer hammeleḵə haməḏabēr ’ēlayiḵə wahăḇē’ṯwō ’ēlay wəlō’-yōsîf ‘wōḏ lāḡ^a‘aṯ bāḵə:

11 watō’mer yizəkār-nā’ hammeleḵə ’eṯ-yəhwâ ’ĕlōheyḵā mēharəbîṯ mēharəbaṯ gō’ēl hadām ləš^aḥēṯ wəlō’ yašəmîḏû ’eṯ-bənî wayyō’mer ḥay-yəhwâ ’im-yipōl miśś^a‘ăraṯ bənēḵə ’ārəṣâ:

12 watō’mer hā’iššâ təḏaber-nā’ šifəḥāṯəḵā ’el-’ăḏōnî hammeleḵə dāḇār wayyō’mer dabērî: s

13 watō’mer hā’iššâ wəlāmmâ ḥāšaḇətâ kāzō’ṯ ‘al-‘am ’ĕlōhîm ûmidabēr hammeleḵə hadāḇār hazzeh kə’āšēm ləḇilətî hāšîḇ hammeleḵə ’eṯ-nidəḥwō:

14 kî-mwōṯ nāmûṯ wəḵammayim hannigārîm ’arəṣâ ’ăšer lō’ yē’āsēfû wəlō’-yiśśā’ ’ĕlōhîm nefeš wəḥāšaḇ m^aḥăšāḇwōṯ ləḇilətî yid^aḥ mimmennû nidāḥ:

15 wə‘atâ ’ăšer-bā’ṯî ləḏabēr ’el-hammeleḵə ’ăḏōnî ’eṯ-hadāḇār hazzeh kî yērə’unî hā‘ām watō’mer šifəḥāṯəḵā ’ăḏabərâ-nnā’ ’el-hammeleḵə ’ûlay y^a‘ăśeh hammeleḵə ’eṯ-dəḇar ’ămāṯwō:

16 kî yišəm^a‘ hammeleḵə ləhaṣṣîl ’eṯ-’ămāṯwō mikaf hā’îš ləhašəmîḏ ’ōṯî wə’eṯ-bənî y^aḥaḏ minn^aḥălaṯ ’ĕlōhîm:

17 watō’mer šifəḥāṯəḵā yihəyeh-nnā’ dəḇar-’ăḏōnî hammeleḵə limənûḥâ kî| kəmalə’aḵə hā’ĕlōhîm kēn ’ăḏōnî hammeleḵə lišəmō‘a haṭṭwōḇ wəhārā‘ wayhwâ ’ĕlōheyḵā yəhî ‘immāḵə: f

18 wayy^a‘an hammeleḵə wayyō’mer ’el-hā’iššâ ’al-nā’ ṯəḵ^aḥăḏî mimmennî dāḇār ’ăšer ’ānōḵî šō’ēl ’ōṯāḵə watō’mer hā’iššâ yəḏaber-nā’ ’ăḏōnî hammeleḵə:

19 wayyō’mer hammeleḵə hăyaḏ ywō’āḇ ’itāḵə bəḵāl-zō’ṯ wat^a‘an hā’iššâ watō’mer ḥê-nafəšəḵā ’ăḏōnî hammeleḵə ’im-’iš| ləhēmîn ûləhaśəmîl mikōl ’ăšer-diber ’ăḏōnî hammeleḵə kî-‘aḇədəḵā ywō’āḇ hû’ ṣiûānî wəhû’ śām bəfî šifəḥāṯəḵā ’ēṯ kāl-hadəḇārîm hā’ēlleh:

20 ləḇ^a‘ăḇûr sabēḇ ’eṯ-pənê hadāḇār ‘āśâ ‘aḇədəḵā ywō’āḇ ’eṯ-hadāḇār hazzeh wa’ḏōnî ḥāḵām kəḥāḵəmaṯ malə’aḵə hā’ĕlōhîm lāḏ^a‘aṯ ’eṯ-kāl-’ăšer bā’āreṣ: s

21 wayyō’mer hammeleḵə ’el-ywō’āḇ hinnēh-nā’ ‘āśîṯî ’eṯ-hadāḇār hazzeh wəlēḵə hāšēḇ ’eṯ-hann^a‘ar ’eṯ-’aḇəšālwōm:

22 wayyipōl ywō’āḇ ’el-pānāyw ’arəṣâ wayyišət^aḥû wayəḇāreḵə ’eṯ-hammeleḵə wayyō’mer ywō’āḇ hayywōm yāḏ^a‘ ‘aḇədəḵā kî-māṣā’ṯî ḥēn bə‘êneyḵā ’ăḏōnî hammeleḵə ’ăšer-‘āśâ hammeleḵə ’eṯ-dəḇar ‘aḇədwō ‘aḇədeḵā:

23 wayyāqām ywō’āḇ wayyēleḵə gəšûrâ wayyāḇē’ ’eṯ-’aḇəšālwōm yərûšālāim: f

24 wayyō’mer hammeleḵə yissōḇ ’el-bêṯwō ûfānay lō’ yirə’eh wayyissōḇ ’aḇəšālwōm ’el-bêṯwō ûfənê hammeleḵə lō’ rā’â: s

25 ûḵə’aḇəšālwōm lō’-hāyâ ’îš-yāfeh bəḵāl-yiśərā’ēl ləhallēl mə’ōḏ mikaf raḡəlwō wə‘aḏ qāḏəqŏḏwō lō’-hāyâ ḇwō mûm:

26 ûḇəḡalləḥwō ’eṯ-rō’šwō wəhāyâ miqqēṣ yāmîm| layyāmîm ’ăšer yəḡallēḥa kî-ḵāḇēḏ ‘ālāyw wəḡilləḥwō wəšāqal ’eṯ-śə‘ar rō’šwō mā’ṯayim šəqālîm bə’eḇen hammeleḵə:

27 wayyiûāləḏû lə’aḇəšālwōm šəlwōšâ ḇānîm ûḇaṯ ’^aḥaṯ ûšəmāh tāmār hî’ hāyəṯâ ’iššâ yəfaṯ marə’eh: f

28 wayyēšeḇ ’aḇəšālwōm bîrûšālaim šənāṯayim yāmîm ûfənê hammeleḵə lō’ rā’â:

29 wayyišəl^aḥ ’aḇəšālwōm ’el-ywō’āḇ lišəlōḥa ’ōṯwō ’el-hammeleḵə wəlō’ ’āḇâ lāḇwō’ ’ēlāyw wayyišəl^aḥ ‘wōḏ šēnîṯ wəlō’ ’āḇâ lāḇwō’:

30 wayyō’mer ’el-‘ăḇāḏāyw rə’û ḥeləqaṯ ywō’āḇ ’el-yāḏî wəlwō-šām śə‘ōrîm ləḵû wəhwōṣitîhā wəhaṣṣîṯûhā ḇā’ēš wayyaṣṣiṯû ‘aḇəḏê ’aḇəšālwōm ’eṯ-h^aḥeləqâ bā’ēš: f

31 wayyāqām ywō’āḇ wayyāḇō’ ’el-’aḇəšālwōm habāyəṯâ wayyō’mer ’ēlāyw lāmmâ hiṣṣîṯû ‘ăḇāḏeḵā ’eṯ-h^aḥeləqâ ’ăšer-lî bā’ēš:

32 wayyō’mer ’aḇəšālwōm ’el-ywō’āḇ hinnēh šāl^aḥətî ’ēleyḵā| lē’mōr bō’ hēnnâ wə’ešələḥâ ’ōṯəḵā ’el-hammeleḵə lē’mōr lāmmâ bā’ṯî migəšûr ṭwōḇ lî ‘ōḏ ’ănî-šām wə‘atâ ’erə’eh pənê hammeleḵə wə’im-yeš-bî ‘āwōn wehĕmiṯānî:

33 wayyāḇō’ ywō’āḇ ’el-hammeleḵə wayyageḏ-lwō wayyiqərā’ ’el-’aḇəšālwōm wayyāḇō’ ’el-hammeleḵə wayyišət^aḥû lwō ‘al-’apāyw ’arəṣâ lifənê hammeleḵə wayyiššaq hammeleḵə lə’aḇəšālwōm: f

Tanach (Hebrew): 2 Samuel (2 Shmuel) Chapter 15

‎1 ‏וַֽיְהִי֙ מֵאַ֣חֲרֵי כֵ֔ן וַיַּ֤עַשׂ לוֹ֙ אַבְשָׁל֔וֹם מֶרְכָּבָ֖ה וְסֻסִ֑ים וַחֲמִשִּׁ֥ים אִ֖ישׁ רָצִ֥ים לְפָנָֽיו׃

‎2 ‏וְהִשְׁכִּים֙ אַבְשָׁל֔וֹם וְעָמַ֕ד עַל־יַ֖ד דֶּ֣רֶךְ הַשָּׁ֑עַר וַיְהִ֡י כָּל־הָאִ֣ישׁ אֲשֶֽׁר־יִהְיֶה־לּוֹ־רִיב֩ לָב֨וֹא אֶל־הַמֶּ֜לֶךְ לַמִּשְׁפָּ֗ט וַיִּקְרָ֨א אַבְשָׁל֤וֹם אֵלָיו֙ וַיֹּ֗אמֶר אֵֽי־מִזֶּ֥ה עִיר֙ אַ֔תָּה וַיֹּ֕אמֶר מֵאַחַ֥ד שִׁבְטֵֽי־יִשְׂרָאֵ֖ל עַבְדֶּֽךָ׃

‎3 ‏וַיֹּ֤אמֶר אֵלָיו֙ אַבְשָׁל֔וֹם רְאֵ֥ה דְבָרֶ֖ךָ טוֹבִ֣ים וּנְכֹחִ֑ים וְשֹׁמֵ֥עַ אֵין־לְךָ֖ מֵאֵ֥ת הַמֶּֽלֶךְ׃

‎4 ‏וַיֹּ֙אמֶר֙ אַבְשָׁל֔וֹם מִי־יְשִׂמֵ֥נִי שֹׁפֵ֖ט בָּאָ֑רֶץ וְעָלַ֗י יָב֥וֹא כָּל־אִ֛ישׁ אֲשֶֽׁר־יִהְיֶה־לּוֹ־רִ֥יב וּמִשְׁפָּ֖ט וְהִצְדַּקְתִּֽיו׃

‎5 ‏וְהָיָה֙ בִּקְרָב־אִ֔ישׁ לְהִשְׁתַּחֲוֹ֖ת ל֑וֹ וְשָׁלַ֧ח אֶת־יָד֛וֹ וְהֶחֱזִ֥יק ל֖וֹ וְנָ֥שַׁק לֽוֹ׃

‎6 ‏וַיַּ֨עַשׂ אַבְשָׁל֜וֹם כַּדָּבָ֤ר הַזֶּה֙ לְכָל־יִשְׂרָאֵ֔ל אֲשֶׁר־יָבֹ֥אוּ לַמִּשְׁפָּ֖ט אֶל־הַמֶּ֑לֶךְ וַיְגַנֵּב֙ אַבְשָׁל֔וֹם אֶת־לֵ֖ב אַנְשֵׁ֥י יִשְׂרָאֵֽל׃ פ

‎7 ‏וַיְהִ֕י מִקֵּ֖ץ אַרְבָּעִ֣ים שָׁנָ֑ה וַיֹּ֤אמֶר אַבְשָׁלוֹם֙ אֶל־הַמֶּ֔לֶךְ אֵ֣לֲכָה נָּ֗א וַאֲשַׁלֵּ֛ם אֶת־נִדְרִ֛י אֲשֶׁר־נָדַ֥רְתִּי לַֽיהוָ֖ה בְּחֶבְרֽוֹן׃

‎8 ‏כִּי־נֵ֙דֶר֙ נָדַ֣ר עַבְדְּךָ֔ בְּשִׁבְתִּ֥י בִגְשׁ֛וּר בַּאֲרָ֖ם לֵאמֹ֑ר אִם־ישיב יָשׁ֨וֹב יְשִׁיבֵ֤נִי יְהוָה֙ יְר֣וּשָׁלִַ֔ם וְעָבַדְתִּ֖י אֶת־יְהוָֽה׃

‎9 ‏וַיֹּֽאמֶר־ל֥וֹ הַמֶּ֖לֶךְ לֵ֣ךְ בְּשָׁל֑וֹם וַיָּ֖קָם וַיֵּ֥לֶךְ חֶבְרֽוֹנָה׃ פ

‎10 ‏וַיִּשְׁלַ֤ח אַבְשָׁלוֹם֙ מְרַגְּלִ֔ים בְּכָל־שִׁבְטֵ֥י יִשְׂרָאֵ֖ל לֵאמֹ֑ר כְּשָׁמְעֲכֶם֙ אֶת־ק֣וֹל הַשֹּׁפָ֔ר וַאֲמַרְתֶּ֕ם מָלַ֥ךְ אַבְשָׁל֖וֹם בְּחֶבְרֽוֹן׃

‎11 ‏וְאֶת־אַבְשָׁל֗וֹם הָלְכ֞וּ מָאתַ֤יִם אִישׁ֙ מִיר֣וּשָׁלִַ֔ם קְרֻאִ֖ים וְהֹלְכִ֣ים לְתֻמָּ֑ם וְלֹ֥א יָדְע֖וּ כָּל־דָּבָֽר׃

‎12 ‏וַיִּשְׁלַ֣ח אַ֠בְשָׁלוֹם אֶת־אֲחִיתֹ֨פֶל הַגִּֽילֹנִ֜י יוֹעֵ֣ץ דָּוִ֗ד מֵֽעִירוֹ֙ מִגִּלֹ֔ה בְּזָבְח֖וֹ אֶת־הַזְּבָחִ֑ים וַיְהִ֤י הַקֶּ֙שֶׁר֙ אַמִּ֔ץ וְהָעָ֛ם הוֹלֵ֥ךְ וָרָ֖ב אֶת־אַבְשָׁלֽוֹם׃

‎13 ‏וַיָּבֹא֙ הַמַּגִּ֔יד אֶל־דָּוִ֖ד לֵאמֹ֑ר הָיָ֛ה לֶב־אִ֥ישׁ יִשְׂרָאֵ֖ל אַחֲרֵ֥י אַבְשָׁלֽוֹם׃

‎14 ‏וַיֹּ֣אמֶר דָּ֠וִד לְכָל־עֲבָדָ֨יו אֲשֶׁר־אִתּ֤וֹ בִירוּשָׁלִַ֙ם֙ ק֣וּמוּ וְנִבְרָ֔חָה כִּ֛י לֹא־תִֽהְיֶה־לָּ֥נוּ פְלֵיטָ֖ה מִפְּנֵ֣י אַבְשָׁל֑וֹם מַהֲר֣וּ לָלֶ֗כֶת פֶּן־יְמַהֵ֤ר וְהִשִּׂגָ֙נוּ֙ וְהִדִּ֤יחַ עָלֵ֙ינוּ֙ אֶת־הָ֣רָעָ֔ה וְהִכָּ֥ה הָעִ֖יר לְפִי־חָֽרֶב׃

‎15 ‏וַיֹּאמְר֥וּ עַבְדֵֽי־הַמֶּ֖לֶךְ אֶל־הַמֶּ֑לֶךְ כְּכֹ֧ל אֲשֶׁר־יִבְחַ֛ר אֲדֹנִ֥י הַמֶּ֖לֶךְ הִנֵּ֥ה עֲבָדֶֽיךָ׃

‎16 ‏וַיֵּצֵ֥א הַמֶּ֛לֶךְ וְכָל־בֵּית֖וֹ בְּרַגְלָ֑יו וַיַּעֲזֹ֣ב הַמֶּ֗לֶךְ אֵ֣ת עֶ֧שֶׂר נָשִׁ֛ים פִּֽלַגְשִׁ֖ים לִשְׁמֹ֥ר הַבָּֽיִת׃

‎17 ‏וַיֵּצֵ֥א הַמֶּ֛לֶךְ וְכָל־הָעָ֖ם בְּרַגְלָ֑יו וַיַּעַמְד֖וּ בֵּ֥ית הַמֶּרְחָֽק׃

‎18 ‏וְכָל־עֲבָדָיו֙ עֹבְרִ֣ים עַל־יָד֔וֹ וְכָל־הַכְּרֵתִ֖י וְכָל־הַפְּלֵתִ֑י וְכָֽל־הַגִּתִּ֞ים שֵׁשׁ־מֵא֣וֹת אִ֗ישׁ אֲשֶׁר־בָּ֤אוּ בְרַגְלוֹ֙ מִגַּ֔ת עֹבְרִ֖ים עַל־פְּנֵ֥י הַמֶּֽלֶךְ׃

‎19 ‏וַיֹּ֤אמֶר הַמֶּ֙לֶךְ֙ אֶל־אִתַּ֣י הַגִּתִּ֔י לָ֧מָּה תֵלֵ֛ךְ גַּם־אַתָּ֖ה אִתָּ֑נוּ שׁ֣וּב וְשֵׁ֤ב עִם־הַמֶּ֙לֶךְ֙ כִּֽי־נָכְרִ֣י אַ֔תָּה וְגַם־גֹּלֶ֥ה אַתָּ֖ה לִמְקוֹמֶֽךָ׃

‎20 ‏תְּמ֣וֹל׀ בּוֹאֶ֗ךָ וְהַיּ֞וֹם אנועך אֲנִֽיעֲךָ֤ עִמָּ֙נוּ֙ לָלֶ֔כֶת וַאֲנִ֣י הוֹלֵ֔ךְ עַ֥ל אֲשֶׁר־אֲנִ֖י הוֹלֵ֑ךְ שׁ֣וּב וְהָשֵׁ֧ב אֶת־אַחֶ֛יךָ עִמָּ֖ךְ חֶ֥סֶד וֶאֱמֶֽת׃

‎21 ‏וַיַּ֧עַן אִתַּ֛י אֶת־הַמֶּ֖לֶךְ וַיֹּאמַ֑ר חַי־יְהוָ֗ה וְחֵי֙ אֲדֹנִ֣י הַמֶּ֔לֶךְ כִּ֠י אִם־בִּמְק֞וֹם אֲשֶׁ֥ר יִֽהְיֶה־שָּׁ֣ם׀ אֲדֹנִ֣י הַמֶּ֗לֶךְ אִם־לְמָ֙וֶת֙ אִם־לְחַיִּ֔ים כִּי־שָׁ֖ם יִהְיֶ֥ה עַבְדֶּֽךָ׃

‎22 ‏וַיֹּ֧אמֶר דָּוִ֛ד אֶל־אִתַּ֖י לֵ֣ךְ וַעֲבֹ֑ר וַֽיַּעֲבֹ֞ר אִתַּ֤י הַגִּתִּי֙ וְכָל־אֲנָשָׁ֔יו וְכָל־הַטַּ֖ף אֲשֶׁ֥ר אִתּֽוֹ׃

‎23 ‏וְכָל־הָאָ֗רֶץ בּוֹכִים֙ ק֣וֹל גָּד֔וֹל וְכָל־הָעָ֖ם עֹֽבְרִ֑ים וְהַמֶּ֗לֶךְ עֹבֵר֙ בְּנַ֣חַל קִדְר֔וֹן וְכָל־הָעָם֙ עֹבְרִ֔ים עַל־פְּנֵי־דֶ֖רֶךְ אֶת־הַמִּדְבָּֽר׃

‎24 ‏וְהִנֵּ֨ה גַם־צָד֜וֹק וְכָֽל־הַלְוִיִּ֣ם אִתּ֗וֹ נֹֽשְׂאִים֙ אֶת־אֲרוֹן֙ בְּרִ֣ית הָאֱלֹהִ֔ים וַיַּצִּ֙קוּ֙ אֶת־אֲר֣וֹן הָאֱלֹהִ֔ים וַיַּ֖עַל אֶבְיָתָ֑ר עַד־תֹּ֥ם כָּל־הָעָ֖ם לַעֲב֥וֹר מִן־הָעִֽיר׃

‎25 ‏וַיֹּ֤אמֶר הַמֶּ֙לֶךְ֙ לְצָד֔וֹק הָשֵׁ֛ב אֶת־אֲר֥וֹן הָאֱלֹהִ֖ים הָעִ֑יר אִם־אֶמְצָ֥א חֵן֙ בְּעֵינֵ֣י יְהוָ֔ה וֶהֱשִׁבַ֕נִי וְהִרְאַ֥נִי אֹת֖וֹ וְאֶת־נָוֵֽהוּ׃

‎26 ‏וְאִם֙ כֹּ֣ה יֹאמַ֔ר לֹ֥א חָפַ֖צְתִּי בָּ֑ךְ הִנְנִ֕י יַֽעֲשֶׂה־לִּ֕י כַּאֲשֶׁ֥ר ט֖וֹב בְּעֵינָֽיו׃ ס

‎27 ‏וַיֹּ֤אמֶר הַמֶּ֙לֶךְ֙ אֶל־צָד֣וֹק הַכֹּהֵ֔ן הֲרוֹאֶ֣ה אַתָּ֔ה שֻׁ֥בָה הָעִ֖יר בְּשָׁל֑וֹם וַאֲחִימַ֨עַץ בִּנְךָ֜ וִיהוֹנָתָ֧ן בֶּן־אֶבְיָתָ֛ר שְׁנֵ֥י בְנֵיכֶ֖ם אִתְּכֶֽם׃

‎28 ‏רְאוּ֙ אָנֹכִ֣י מִתְמַהְמֵ֔הַּ בעברות בְּעַֽרְב֖וֹת הַמִּדְבָּ֑ר עַ֣ד בּ֥וֹא דָבָ֛ר מֵעִמָּכֶ֖ם לְהַגִּ֥יד לִֽי׃

‎29 ‏וַיָּ֨שֶׁב צָד֧וֹק וְאֶבְיָתָ֛ר אֶת־אֲר֥וֹן הָאֱלֹהִ֖ים יְרוּשָׁלִָ֑ם וַיֵּשְׁב֖וּ שָֽׁם׃

‎30 ‏וְדָוִ֡ד עֹלֶה֩ בְמַעֲלֵ֨ה הַזֵּיתִ֜ים עֹלֶ֣ה׀ וּבוֹכֶ֗ה וְרֹ֥אשׁ לוֹ֙ חָפ֔וּי וְה֖וּא הֹלֵ֣ךְ יָחֵ֑ף וְכָל־הָעָ֣ם אֲשֶׁר־אִתּ֗וֹ חָפוּ֙ אִ֣ישׁ רֹאשׁ֔וֹ וְעָל֥וּ עָלֹ֖ה וּבָכֹֽה׃

‎31 ‏וְדָוִד֙ הִגִּ֣יד לֵאמֹ֔ר אֲחִיתֹ֥פֶל בַּקֹּשְׁרִ֖ים עִם־אַבְשָׁל֑וֹם וַיֹּ֣אמֶר דָּוִ֔ד סַכֶּל־נָ֛א אֶת־עֲצַ֥ת אֲחִיתֹ֖פֶל יְהוָֽה׃

‎32 ‏וַיְהִ֤י דָוִד֙ בָּ֣א עַד־הָרֹ֔אשׁ אֲשֶֽׁר־יִשְׁתַּחֲוֶ֥ה שָׁ֖ם לֵאלֹהִ֑ים וְהִנֵּ֤ה לִקְרָאתוֹ֙ חוּשַׁ֣י הָאַרְכִּ֔י קָר֙וּעַ֙ כֻּתָּנְתּ֔וֹ וַאֲדָמָ֖ה עַל־רֹאשֽׁוֹ׃

‎33 ‏וַיֹּ֥אמֶר ל֖וֹ דָּוִ֑ד אִ֚ם עָבַ֣רְתָּ אִתִּ֔י וְהָיִ֥תָ עָלַ֖י לְמַשָּֽׂא׃

‎34 ‏וְאִם־הָעִ֣יר תָּשׁ֗וּב וְאָמַרְתָּ֤ לְאַבְשָׁלוֹם֙ עַבְדְּךָ֙ אֲנִ֤י הַמֶּ֙לֶךְ֙ אֶֽהְיֶ֔ה עֶ֣בֶד אָבִ֤יךָ וַֽאֲנִי֙ מֵאָ֔ז וְעַתָּ֖ה וַאֲנִ֣י עַבְדֶּ֑ךָ וְהֵפַרְתָּ֣ה לִ֔י אֵ֖ת עֲצַ֥ת אֲחִיתֹֽפֶל׃

‎35 ‏וַהֲל֤וֹא עִמְּךָ֙ שָׁ֔ם צָד֥וֹק וְאֶבְיָתָ֖ר הַכֹּהֲנִ֑ים וְהָיָ֗ה כָּל־הַדָּבָר֙ אֲשֶׁ֤ר תִּשְׁמַע֙ מִבֵּ֣ית הַמֶּ֔לֶךְ תַּגִּ֕יד לְצָד֥וֹק וּלְאֶבְיָתָ֖ר הַכֹּהֲנִֽים׃

‎36 ‏הִנֵּה־שָׁ֤ם עִמָּם֙ שְׁנֵ֣י בְנֵיהֶ֔ם אֲחִימַ֣עַץ לְצָד֔וֹק וִיהוֹנָתָ֖ן לְאֶבְיָתָ֑ר וּשְׁלַחְתֶּ֤ם בְּיָדָם֙ אֵלַ֔י כָּל־דָּבָ֖ר אֲשֶׁ֥ר תִּשְׁמָֽעוּ׃

‎37 ‏וַיָּבֹ֥א חוּשַׁ֛י רֵעֶ֥ה דָוִ֖ד הָעִ֑יר וְאַבְשָׁלֹ֔ם יָבֹ֖א יְרוּשָׁלִָֽם׃

1 wayəhî mē’^aḥărê ḵēn wayy^a‘aś lwō ’aḇəšālwōm merəkāḇâ wəsusîm w^aḥămiššîm ’îš rāṣîm ləfānāyw:

2 wəhišəkîm ’aḇəšālwōm wə‘āmaḏ ‘al-yaḏ dereḵə haššā‘ar wayəhî kāl-hā’îš ’ăšer-yihəyeh-llwō-rîḇ lāḇwō’ ’el-hammeleḵə lammišəpāṭ wayyiqərā’ ’aḇəšālwōm ’ēlāyw wayyō’mer ’ê-mizzeh ‘îr ’atâ wayyō’mer mē’^aḥaḏ šiḇəṭê-yiśərā’ēl ‘aḇədeḵā:

3 wayyō’mer ’ēlāyw ’aḇəšālwōm rə’ēh ḏəḇāreḵā ṭwōḇîm ûnəḵōḥîm wəšōmē‘a ’ên-ləḵā mē’ēṯ hammeleḵə:

4 wayyō’mer ’aḇəšālwōm mî-yəśimēnî šōfēṭ bā’āreṣ wə‘ālay yāḇwō’ kāl-’îš ’ăšer-yihəyeh-llwō-rîḇ ûmišəpāṭ wəhiṣədaqətîw:

5 wəhāyâ biqərāḇ-’îš ləhišət^aḥăwōṯ lwō wəšāl^aḥ ’eṯ-yāḏwō wəheḥĕzîq lwō wənāšaq lwō:

6 wayy^a‘aś ’aḇəšālwōm kadāḇār hazzeh ləḵāl-yiśərā’ēl ’ăšer-yāḇō’û lammišəpāṭ ’el-hammeleḵə wayəḡannēḇ ’aḇəšālwōm ’eṯ-lēḇ ’anəšê yiśərā’ēl: f

7 wayəhî miqqēṣ ’arəbā‘îm šānâ wayyō’mer ’aḇəšālwōm ’el-hammeleḵə ’ēlăḵâ nnā’ wa’ăšallēm ’eṯ-niḏərî ’ăšer-nāḏarətî layhwâ bəḥeḇərwōn:

8 kî-nēḏer nāḏar ‘aḇədəḵā bəšiḇətî ḇiḡəšûr ba’ărām lē’mōr ’im-yāšîḇ yāšwōḇ yəšîḇēnî yəhwâ yərûšālaim wə‘āḇaḏətî ’eṯ-yəhwâ:

9 wayyō’mer-lwō hammeleḵə lēḵə bəšālwōm wayyāqām wayyēleḵə ḥeḇərwōnâ: f

10 wayyišəl^aḥ ’aḇəšālwōm məragəlîm bəḵāl-šiḇəṭê yiśərā’ēl lē’mōr kəšāmə‘ăḵem ’eṯ-qwōl haššōfār wa’ămarətem mālaḵə ’aḇəšālwōm bəḥeḇərwōn:

11 wə’eṯ-’aḇəšālwōm hāləḵû mā’ṯayim ’îš mîrûšālaim qəru’îm wəhōləḵîm ləṯummām wəlō’ yāḏə‘û kāl-dāḇār:

12 wayyišəl^aḥ ’aḇəšālwōm ’eṯ-’ăḥîṯōfel hagîlōnî ywō‘ēṣ dāwiḏ mē‘îrwō migilōh bəzāḇəḥwō ’eṯ-hazzəḇāḥîm wayəhî haqqešer ’ammiṣ wəhā‘ām hwōlēḵə wārāḇ ’eṯ-’aḇəšālwōm:

13 wayyāḇō’ hammagîḏ ’el-dāwiḏ lē’mōr hāyâ leḇ-’îš yiśərā’ēl ’^aḥărê ’aḇəšālwōm:

14 wayyō’mer dāwiḏ ləḵāl-‘ăḇāḏāyw ’ăšer-’itwō ḇîrûšālaim qûmû wəniḇərāḥâ kî lō’-ṯihəyeh-llānû fəlêṭâ mipənê ’aḇəšālwōm mahărû lāleḵeṯ pen-yəmahēr wəhiśśiḡānû wəhidîḥa ‘ālênû ’eṯ-hārā‘â wəhikâ hā‘îr ləfî-ḥāreḇ:

15 wayyō’mərû ‘aḇəḏê-hammeleḵə ’el-hammeleḵə kəḵōl ’ăšer-yiḇəḥar ’ăḏōnî hammeleḵə hinnēh ‘ăḇāḏeyḵā:

16 wayyēṣē’ hammeleḵə wəḵāl-bêṯwō bəraḡəlāyw wayy^a‘ăzōḇ hammeleḵə ’ēṯ ‘eśer nāšîm pilaḡəšîm lišəmōr habāyiṯ:

17 wayyēṣē’ hammeleḵə wəḵāl-hā‘ām bəraḡəlāyw wayy^a‘aməḏû bêṯ hammerəḥāq:

18 wəḵāl-‘ăḇāḏāyw ‘ōḇərîm ‘al-yāḏwō wəḵāl-hakərēṯî wəḵāl-hapəlēṯî wəḵāl-hagitîm šēš-mē’wōṯ ’îš ’ăšer-bā’û ḇəraḡəlwō migaṯ ‘ōḇərîm ‘al-pənê hammeleḵə:

19 wayyō’mer hammeleḵə ’el-’itay hagitî lāmmâ ṯēlēḵə gam-’atâ ’itānû šûḇ wəšēḇ ‘im-hammeleḵə kî-nāḵərî ’atâ wəḡam-gōleh ’atâ liməqwōmeḵā:

20 təmwōl| bwō’eḵā wəhayywōm ’ănwō‘ăḵā ’ănî‘ăḵā ‘immānû lāleḵeṯ wa’ănî hwōlēḵə ‘al ’ăšer-’ănî hwōlēḵə šûḇ wəhāšēḇ ’eṯ-’^aḥeyḵā ‘immāḵə ḥeseḏ we’ĕmeṯ:

21 wayy^a‘an ’itay ’eṯ-hammeleḵə wayyō’mar ḥay-yəhwâ wəḥê ’ăḏōnî hammeleḵə kî ’im-biməqwōm ’ăšer yihəyeh-ššām| ’ăḏōnî hammeleḵə ’im-ləmāweṯ ’im-ləḥayyîm kî-šām yihəyeh ‘aḇədeḵā:

22 wayyō’mer dāwiḏ ’el-’itay lēḵə w^a‘ăḇōr wayy^a‘ăḇōr ’itay hagitî wəḵāl-’ănāšāyw wəḵāl-haṭṭaf ’ăšer ’itwō:

23 wəḵāl-hā’āreṣ bwōḵîm qwōl gāḏwōl wəḵāl-hā‘ām ‘ōḇərîm wəhammeleḵə ‘ōḇēr bən^aḥal qiḏərwōn wəḵāl-hā‘ām ‘ōḇərîm ‘al-pənê-ḏereḵə ’eṯ-hammiḏəbār:

24 wəhinnēh ḡam-ṣāḏwōq wəḵāl-haləwîyim ’itwō nōśə’îm ’eṯ-’ărwōn bərîṯ hā’ĕlōhîm wayyaṣṣiqû ’eṯ-’ărwōn hā’ĕlōhîm wayy^a‘al ’eḇəyāṯār ‘aḏ-tōm kāl-hā‘ām l^a‘ăḇwōr min-hā‘îr:

25 wayyō’mer hammeleḵə ləṣāḏwōq hāšēḇ ’eṯ-’ărwōn hā’ĕlōhîm hā‘îr ’im-’eməṣā’ ḥēn bə‘ênê yəhwâ wehĕšiḇanî wəhirə’anî ’ōṯwō wə’eṯ-nāwēhû:

26 wə’im kōh yō’mar lō’ ḥāfaṣətî bāḵə hinənî y^a‘ăśeh-llî ka’ăšer ṭwōḇ bə‘ênāyw: s

27 wayyō’mer hammeleḵə ’el-ṣāḏwōq hakōhēn hărwō’eh ’atâ šuḇâ hā‘îr bəšālwōm wa’ăḥîm^a‘aṣ binəḵā wîhwōnāṯān ben-’eḇəyāṯār šənê ḇənêḵem ’itəḵem:

28 rə’û ’ānōḵî miṯəmahəmēhha bə‘aḇərwōṯ bə‘arəḇwōṯ hammiḏəbār ‘aḏ bwō’ ḏāḇār mē‘immāḵem ləhagîḏ lî:

29 wayyāšeḇ ṣāḏwōq wə’eḇəyāṯār ’eṯ-’ărwōn hā’ĕlōhîm yərûšālāim wayyēšəḇû šām:

30 wəḏāwiḏ ‘ōleh ḇəm^a‘ălēh hazzêṯîm ‘ōleh| ûḇwōḵeh wərō’š lwō ḥāfûy wəhû’ hōlēḵə yāḥēf wəḵāl-hā‘ām ’ăšer-’itwō ḥāfû ’îš rō’šwō wə‘ālû ‘ālōh ûḇāḵōh:

31 wəḏāwiḏ higîḏ lē’mōr ’ăḥîṯōfel baqqōšərîm ‘im-’aḇəšālwōm wayyō’mer dāwiḏ sakel-nā’ ’eṯ-‘ăṣaṯ ’ăḥîṯōfel yəhwâ:

32 wayəhî ḏāwiḏ bā’ ‘aḏ-hārō’š ’ăšer-yišət^aḥăweh šām lē’lōhîm wəhinnēh liqərā’ṯwō ḥûšay hā’arəkî qārû‘a kutānətwō wa’ăḏāmâ ‘al-rō’šwō:

33 wayyō’mer lwō dāwiḏ ’im ‘āḇarətā ’itî wəhāyiṯā ‘ālay ləmaśśā’:

34 wə’im-hā‘îr tāšûḇ wə’āmarətā lə’aḇəšālwōm ‘aḇədəḵā ’ănî hammeleḵə ’ehəyeh ‘eḇeḏ ’āḇîḵā wa’ănî mē’āz wə‘atâ wa’ănî ‘aḇədeḵā wəhēfarətâ lî ’ēṯ ‘ăṣaṯ ’ăḥîṯōfel:

35 wahălwō’ ‘imməḵā šām ṣāḏwōq wə’eḇəyāṯār hakōhănîm wəhāyâ kāl-hadāḇār ’ăšer tišəm^a‘ mibêṯ hammeleḵə tagîḏ ləṣāḏwōq ûlə’eḇəyāṯār hakōhănîm:

36 hinnēh-šām ‘immām šənê ḇənêhem ’ăḥîm^a‘aṣ ləṣāḏwōq wîhwōnāṯān lə’eḇəyāṯār ûšəl^aḥətem bəyāḏām ’ēlay kāl-dāḇār ’ăšer tišəmā‘û:

37 wayyāḇō’ ḥûšay rē‘eh ḏāwiḏ hā‘îr wə’aḇəšālōm yāḇō’ yərûšālāim:

Tanach (Hebrew): 2 Samuel (2 Shmuel) Chapter 16

‎1 ‏וְדָוִ֗ד עָבַ֤ר מְעַט֙ מֵֽהָרֹ֔אשׁ וְהִנֵּ֥ה צִיבָ֛א נַ֥עַר מְפִי־בֹ֖שֶׁת לִקְרָאת֑וֹ וְצֶ֨מֶד חֲמֹרִ֜ים חֲבֻשִׁ֗ים וַעֲלֵיהֶם֩ מָאתַ֨יִם לֶ֜חֶם וּמֵאָ֧ה צִמּוּקִ֛ים וּמֵ֥אָה קַ֖יִץ וְנֵ֥בֶל יָֽיִן׃

‎2 ‏וַיֹּ֧אמֶר הַמֶּ֛לֶךְ אֶל־צִיבָ֖א מָה־אֵ֣לֶּה לָּ֑ךְ וַיֹּ֣אמֶר צִ֠יבָא הַחֲמוֹרִ֨ים לְבֵית־הַמֶּ֜לֶךְ לִרְכֹּ֗ב ולהלחם וְהַלֶּ֤חֶם וְהַקַּ֙יִץ֙ לֶאֱכ֣וֹל הַנְּעָרִ֔ים וְהַיַּ֕יִן לִשְׁתּ֥וֹת הַיָּעֵ֖ף בַּמִּדְבָּֽר׃

‎3 ‏וַיֹּ֣אמֶר הַמֶּ֔לֶךְ וְאַיֵּ֖ה בֶּן־אֲדֹנֶ֑יךָ וַיֹּ֨אמֶר צִיבָ֜א אֶל־הַמֶּ֗לֶךְ הִנֵּה֙ יוֹשֵׁ֣ב בִּירוּשָׁלִַ֔ם כִּ֣י אָמַ֔ר הַיּ֗וֹם יָשִׁ֤יבוּ לִי֙ בֵּ֣ית יִשְׂרָאֵ֔ל אֵ֖ת מַמְלְכ֥וּת אָבִֽי׃

‎4 ‏וַיֹּ֤אמֶר הַמֶּ֙לֶךְ֙ לְצִבָ֔א הִנֵּ֣ה לְךָ֔ כֹּ֖ל אֲשֶׁ֣ר לִמְפִי־בֹ֑שֶׁת וַיֹּ֤אמֶר צִיבָא֙ הִֽשְׁתַּחֲוֵ֔יתִי אֶמְצָא־חֵ֥ן בְּעֵינֶ֖יךָ אֲדֹנִ֥י הַמֶּֽלֶךְ׃

‎5 ‏וּבָ֛א הַמֶּ֥לֶךְ דָּוִ֖ד עַד־בַּֽחוּרִ֑ים וְהִנֵּ֣ה מִשָּׁם֩ אִ֨ישׁ יוֹצֵ֜א מִמִּשְׁפַּ֣חַת בֵּית־שָׁא֗וּל וּשְׁמוֹ֙ שִׁמְעִ֣י בֶן־גֵּרָ֔א יֹצֵ֥א יָצ֖וֹא וּמְקַלֵּֽל׃

‎6 ‏וַיְסַקֵּ֤ל בָּֽאֲבָנִים֙ אֶת־דָּוִ֔ד וְאֶת־כָּל־עַבְדֵ֖י הַמֶּ֣לֶךְ דָּוִ֑ד וְכָל־הָעָם֙ וְכָל־הַגִּבֹּרִ֔ים מִימִינ֖וֹ וּמִשְּׂמֹאלֽוֹ׃

‎7 ‏וְכֹֽה־אָמַ֥ר שִׁמְעִ֖י בְּקַֽלְל֑וֹ צֵ֥א צֵ֛א אִ֥ישׁ הַדָּמִ֖ים וְאִ֥ישׁ הַבְּלִיָּֽעַל׃

‎8 ‏הֵשִׁיב֩ עָלֶ֨יךָ יְהוָ֜ה כֹּ֣ל׀ דְּמֵ֣י בֵית־שָׁא֗וּל אֲשֶׁ֤ר מָלַ֙כְתָּ֙ תחתו תַּחְתָּ֔יו וַיִּתֵּ֤ן יְהוָה֙ אֶת־הַמְּלוּכָ֔ה בְּיַ֖ד אַבְשָׁל֣וֹם בְּנֶ֑ךָ וְהִנְּךָ֙ בְּרָ֣עָתֶ֔ךָ כִּ֛י אִ֥ישׁ דָּמִ֖ים אָֽתָּה׃

‎9 ‏וַיֹּ֨אמֶר אֲבִישַׁ֤י בֶּן־צְרוּיָה֙ אֶל־הַמֶּ֔לֶךְ לָ֣מָּה יְקַלֵּ֞ל הַכֶּ֤לֶב הַמֵּת֙ הַזֶּ֔ה אֶת־אֲדֹנִ֖י הַמֶּ֑לֶךְ אֶעְבְּרָה־נָּ֖א וְאָסִ֥ירָה אֶת־רֹאשֽׁוֹ׃ ס

‎10 ‏וַיֹּ֣אמֶר הַמֶּ֔לֶךְ מַה־לִּ֥י וְלָכֶ֖ם בְּנֵ֣י צְרֻיָ֑ה כי כֹּ֣ה יְקַלֵּ֗ל וכי כִּ֤י יְהוָה֙ אָ֤מַר לוֹ֙ קַלֵּ֣ל אֶת־דָּוִ֔ד וּמִ֣י יֹאמַ֔ר מַדּ֖וּעַ עָשִׂ֥יתָה כֵּֽן׃ ס

‎11 ‏וַיֹּ֨אמֶר דָּוִ֤ד אֶל־אֲבִישַׁי֙ וְאֶל־כָּל־עֲבָדָ֔יו הִנֵּ֥ה בְנִ֛י אֲשֶׁר־יָצָ֥א מִמֵּעַ֖י מְבַקֵּ֣שׁ אֶת־נַפְשִׁ֑י וְאַ֨ף כִּֽי־עַתָּ֜ה בֶּן־הַיְמִינִ֗י הַנִּ֤חוּ לוֹ֙ וִֽיקַלֵּ֔ל כִּ֥י אָֽמַר־ל֖וֹ יְהוָֽה׃

‎12 ‏אוּלַ֛י יִרְאֶ֥ה יְהוָ֖ה בעוני בְּעֵינִ֑י וְהֵשִׁ֨יב יְהוָ֥ה לִי֙ טוֹבָ֔ה תַּ֥חַת קִלְלָת֖וֹ הַיּ֥וֹם הַזֶּֽה׃

‎13 ‏וַיֵּ֧לֶךְ דָּוִ֛ד וַאֲנָשָׁ֖יו בַּדָּ֑רֶךְ סוְשִׁמְעִ֡י הֹלֵךְ֩ בְּצֵ֨לַע הָהָ֜ר לְעֻמָּת֗וֹ הָלוֹךְ֙ וַיְקַלֵּ֔ל וַיְסַקֵּ֤ל בָּֽאֲבָנִים֙ לְעֻמָּת֔וֹ וְעִפַּ֖ר בֶּעָפָֽר׃ פ

‎14 ‏וַיָּבֹ֥א הַמֶּ֛לֶךְ וְכָל־הָעָ֥ם אֲשֶׁר־אִתּ֖וֹ עֲיֵפִ֑ים וַיִּנָּפֵ֖שׁ שָֽׁם׃

‎15 ‏וְאַבְשָׁל֗וֹם וְכָל־הָעָם֙ אִ֣ישׁ יִשְׂרָאֵ֔ל בָּ֖אוּ יְרוּשָׁלִָ֑ם וַאֲחִיתֹ֖פֶל אִתּֽוֹ׃

‎16 ‏וַיְהִ֗י כַּֽאֲשֶׁר־בָּ֞א חוּשַׁ֧י הָאַרְכִּ֛י רֵעֶ֥ה דָוִ֖ד אֶל־אַבְשָׁל֑וֹם וַיֹּ֤אמֶר חוּשַׁי֙ אֶל־אַבְשָׁלֹ֔ם יְחִ֥י הַמֶּ֖לֶךְ יְחִ֥י הַמֶּֽלֶךְ׃

‎17 ‏וַיֹּ֤אמֶר אַבְשָׁלוֹם֙ אֶל־חוּשַׁ֔י זֶ֥ה חַסְדְּךָ֖ אֶת־רֵעֶ֑ךָ לָ֥מָּה לֹֽא־הָלַ֖כְתָּ אֶת־רֵעֶֽךָ׃

‎18 ‏וַיֹּ֣אמֶר חוּשַׁי֮ אֶל־אַבְשָׁלֹם֒ לֹ֕א כִּי֩ אֲשֶׁ֨ר בָּחַ֧ר יְהוָ֛ה וְהָעָ֥ם הַזֶּ֖ה וְכָל־אִ֣ישׁ יִשְׂרָאֵ֑ל לא ל֥וֹ אֶהְיֶ֖ה וְאִתּ֥וֹ אֵשֵֽׁב׃

‎19 ‏וְהַשֵּׁנִ֗ית לְמִי֙ אֲנִ֣י אֶֽעֱבֹ֔ד הֲל֖וֹא לִפְנֵ֣י בְנ֑וֹ כַּאֲשֶׁ֤ר עָבַ֙דְתִּי֙ לִפְנֵ֣י אָבִ֔יךָ כֵּ֖ן אֶהְיֶ֥ה לְפָנֶֽיךָ׃ פ

‎20 ‏וַיֹּ֥אמֶר אַבְשָׁל֖וֹם אֶל־אֲחִיתֹ֑פֶל הָב֥וּ לָכֶ֛ם עֵצָ֖ה מַֽה־נַּעֲשֶֽׂה׃

‎21 ‏וַיֹּ֤אמֶר אֲחִיתֹ֙פֶל֙ אֶל־אַבְשָׁלֹ֔ם בּ֚וֹא אֶל־פִּלַגְשֵׁ֣י אָבִ֔יךָ אֲשֶׁ֥ר הִנִּ֖יחַ לִשְׁמ֣וֹר הַבָּ֑יִת וְשָׁמַ֤ע כָּל־יִשְׂרָאֵל֙ כִּֽי־נִבְאַ֣שְׁתָּ אֶת־אָבִ֔יךָ וְחָ֣זְק֔וּ יְדֵ֖י כָּל־אֲשֶׁ֥ר אִתָּֽךְ׃

‎22 ‏וַיַּטּ֧וּ לְאַבְשָׁל֛וֹם הָאֹ֖הֶל עַל־הַגָּ֑ג וַיָּבֹ֤א אַבְשָׁלוֹם֙ אֶל־פִּֽלַגְשֵׁ֣י אָבִ֔יו לְעֵינֵ֖י כָּל־יִשְׂרָאֵֽל׃

‎23 ‏וַעֲצַ֣ת אֲחִיתֹ֗פֶל אֲשֶׁ֤ר יָעַץ֙ בַּיָּמִ֣ים הָהֵ֔ם כַּאֲשֶׁ֥ר יִשְׁאַל־אִ֖ישׁ בִּדְבַ֣ר הָאֱלֹהִ֑ים כֵּ֚ן כָּל־עֲצַ֣ת אֲחִיתֹ֔פֶל גַּם־לְדָוִ֖ד גַּ֥ם לְאַבְשָׁלֹֽם׃ ס

1 wəḏāwiḏ ‘āḇar mə‘aṭ mēhārō’š wəhinnēh ṣîḇā’ n^a‘ar məfî-ḇōšeṯ liqərā’ṯwō wəṣemeḏ ḥămōrîm ḥăḇušîm w^a‘ălêhem mā’ṯayim leḥem ûmē’â ṣimmûqîm ûmē’â qayiṣ wənēḇel yāyin:

2 wayyō’mer hammeleḵə ’el-ṣîḇā’ mâ-’ēlleh llāḵə wayyō’mer ṣîḇā’ h^aḥămwōrîm ləḇêṯ-hammeleḵə lirəkōḇ ûləhalleḥem wəhalleḥem wəhaqqayiṣ le’ĕḵwōl hannə‘ārîm wəhayyayin lišətwōṯ hayyā‘ēf bammiḏəbār:

3 wayyō’mer hammeleḵə wə’ayyēh ben-’ăḏōneyḵā wayyō’mer ṣîḇā’ ’el-hammeleḵə hinnēh ywōšēḇ bîrûšālaim kî ’āmar hayywōm yāšîḇû lî bêṯ yiśərā’ēl ’ēṯ mamələḵûṯ ’āḇî:

4 wayyō’mer hammeleḵə ləṣiḇā’ hinnēh ləḵā kōl ’ăšer liməfî-ḇōšeṯ wayyō’mer ṣîḇā’ hišət^aḥăwêṯî ’eməṣā’-ḥēn bə‘êneyḵā ’ăḏōnî hammeleḵə:

5 ûḇā’ hammeleḵə dāwiḏ ‘aḏ-b^aḥûrîm wəhinnēh miššām ’îš ywōṣē’ mimmišəp^aḥaṯ bêṯ-šā’ûl ûšəmwō šimə‘î ḇen-gērā’ yōṣē’ yāṣwō’ ûməqallēl:

6 wayəsaqqēl bā’ăḇānîm ’eṯ-dāwiḏ wə’eṯ-kāl-‘aḇəḏê hammeleḵə dāwiḏ wəḵāl-hā‘ām wəḵāl-hagibōrîm mîmînwō ûmiśśəmō’lwō:

7 wəḵōh-’āmar šimə‘î bəqaləlwō ṣē’ ṣē’ ’îš hadāmîm wə’îš habəlîyā‘al:

8 hēšîḇ ‘āleyḵā yəhwâ kōl| dəmê ḇêṯ-šā’ûl ’ăšer mālaḵətā t^aḥətwō t^aḥətāyw wayyitēn yəhwâ ’eṯ-hamməlûḵâ bəyaḏ ’aḇəšālwōm bəneḵā wəhinnəḵā bərā‘āṯeḵā kî ’îš dāmîm ’ātâ:

9 wayyō’mer ’ăḇîšay ben-ṣərûyâ ’el-hammeleḵə lāmmâ yəqallēl hakeleḇ hammēṯ hazzeh ’eṯ-’ăḏōnî hammeleḵə ’e‘əbərâ-nnā’ wə’āsîrâ ’eṯ-rō’šwō: s

10 wayyō’mer hammeleḵə mah-llî wəlāḵem bənê ṣəruyâ kî kōh yəqallēl wəḵî kî yəhwâ ’āmar lwō qallēl ’eṯ-dāwiḏ ûmî yō’mar madû‘a ‘āśîṯâ kēn: s

11 wayyō’mer dāwiḏ ’el-’ăḇîšay wə’el-kāl-‘ăḇāḏāyw hinnēh ḇənî ’ăšer-yāṣā’ mimmē‘ay məḇaqqēš ’eṯ-nafəšî wə’af kî-‘atâ ben-hayəmînî hanniḥû lwō wîqallēl kî ’āmar-lwō yəhwâ:

12 ’ûlay yirə’eh yəhwâ bə‘ăwōnî bə‘ênî wəhēšîḇ yəhwâ lî ṭwōḇâ t^aḥaṯ qiləlāṯwō hayywōm hazzeh:

13 wayyēleḵə dāwiḏ wa’ănāšāyw badāreḵə swəšimə‘î hōlēḵə bəṣēl^a‘ hâār lə‘ummāṯwō hālwōḵə wayəqallēl wayəsaqqēl bā’ăḇānîm lə‘ummāṯwō wə‘ipar be‘āfār: f

14 wayyāḇō’ hammeleḵə wəḵāl-hā‘ām ’ăšer-’itwō ‘ăyēfîm wayyinnāfēš šām:

15 wə’aḇəšālwōm wəḵāl-hā‘ām ’îš yiśərā’ēl bā’û yərûšālāim wa’ăḥîṯōfel ’itwō:

16 wayəhî ka’ăšer-bā’ ḥûšay hā’arəkî rē‘eh ḏāwiḏ ’el-’aḇəšālwōm wayyō’mer ḥûšay ’el-’aḇəšālōm yəḥî hammeleḵə yəḥî hammeleḵə:

17 wayyō’mer ’aḇəšālwōm ’el-ḥûšay zeh ḥasədəḵā ’eṯ-rē‘eḵā lāmmâ lō’-hālaḵətā ’eṯ-rē‘eḵā:

18 wayyō’mer ḥûšay ’el-’aḇəšālōm lō’ kî ’ăšer bāḥar yəhwâ wəhā‘ām hazzeh wəḵāl-’îš yiśərā’ēl lō’ lwō ’ehəyeh wə’itwō ’ēšēḇ:

19 wəhaššēnîṯ ləmî ’ănî ’e‘ĕḇōḏ hălwō’ lifənê ḇənwō ka’ăšer ‘āḇaḏətî lifənê ’āḇîḵā kēn ’ehəyeh ləfāneyḵā: f

20 wayyō’mer ’aḇəšālwōm ’el-’ăḥîṯōfel hāḇû lāḵem ‘ēṣâ mah-nn^a‘ăśeh:

21 wayyō’mer ’ăḥîṯōfel ’el-’aḇəšālōm bwō’ ’el-pilaḡəšê ’āḇîḵā ’ăšer hinnîḥa lišəmwōr habāyiṯ wəšām^a‘ kāl-yiśərā’ēl kî-niḇə’ašətā ’eṯ-’āḇîḵā wəḥāzəqû yəḏê kāl-’ăšer ’itāḵə:

22 wayyaṭṭû lə’aḇəšālwōm hā’ōhel ‘al-hagāḡ wayyāḇō’ ’aḇəšālwōm ’el-pilaḡəšê ’āḇîw lə‘ênê kāl-yiśərā’ēl:

23 w^a‘ăṣaṯ ’ăḥîṯōfel ’ăšer yā‘aṣ bayyāmîm hâēm ka’ăšer yišə’al-’îš biḏəḇar hā’ĕlōhîm kēn kāl-‘ăṣaṯ ’ăḥîṯōfel gam-ləḏāwiḏ gam lə’aḇəšālōm: s

Tanach (Hebrew): 2 Samuel (2 Shmuel) Chapter 17

‎1 ‏וַיֹּ֥אמֶר אֲחִיתֹ֖פֶל אֶל־אַבְשָׁלֹ֑ם אֶבְחֲרָ֣ה נָּ֗א שְׁנֵים־עָשָׂ֥ר אֶ֙לֶף֙ אִ֔ישׁ וְאָק֛וּמָה וְאֶרְדְּפָ֥ה אַחֲרֵי־דָוִ֖ד הַלָּֽיְלָה׃

‎2 ‏וְאָב֣וֹא עָלָ֗יו וְה֤וּא יָגֵ֙עַ֙ וּרְפֵ֣ה יָדַ֔יִם וְהַֽחֲרַדְתִּ֣י אֹת֔וֹ וְנָ֖ס כָּל־הָעָ֣ם אֲשֶׁר־אִתּ֑וֹ וְהִכֵּיתִ֥י אֶת־הַמֶּ֖לֶךְ לְבַדּֽוֹ׃

‎3 ‏וְאָשִׁ֥יבָה כָל־הָעָ֖ם אֵלֶ֑יךָ כְּשׁ֣וּב הַכֹּ֔ל הָאִישׁ֙ אֲשֶׁ֣ר אַתָּ֣ה מְבַקֵּ֔שׁ כָּל־הָעָ֖ם יִהְיֶ֥ה שָׁלֽוֹם׃

‎4 ‏וַיִּישַׁ֥ר הַדָּבָ֖ר בְּעֵינֵ֣י אַבְשָׁלֹ֑ם וּבְעֵינֵ֖י כָּל־זִקְנֵ֥י יִשְׂרָאֵֽל׃ ס

‎5 ‏וַיֹּ֙אמֶר֙ אַבְשָׁל֔וֹם קְרָ֣א נָ֔א גַּ֖ם לְחוּשַׁ֣י הָאַרְכִּ֑י וְנִשְׁמְעָ֥ה מַה־בְּפִ֖יו גַּם־הֽוּא׃

‎6 ‏וַיָּבֹ֣א חוּשַׁי֮ אֶל־אַבְשָׁלוֹם֒ וַיֹּאמֶר֩ אַבְשָׁל֨וֹם אֵלָ֜יו לֵאמֹ֗ר כַּדָּבָ֤ר הַזֶּה֙ דִּבֶּ֣ר אֲחִיתֹ֔פֶל הֲנַעֲשֶׂ֖ה אֶת־דְּבָר֑וֹ אִם־אַ֖יִן אַתָּ֥ה דַבֵּֽר׃ ס

‎7 ‏וַיֹּ֥אמֶר חוּשַׁ֖י אֶל־אַבְשָׁל֑וֹם לֹֽא־טוֹבָ֧ה הָעֵצָ֛ה אֲשֶׁר־יָעַ֥ץ אֲחִיתֹ֖פֶל בַּפַּ֥עַם הַזֹּֽאת׃

‎8 ‏וַיֹּ֣אמֶר חוּשַׁ֗י אַתָּ֣ה יָ֠דַעְתָּ אֶת־אָבִ֨יךָ וְאֶת־אֲנָשָׁ֜יו כִּ֧י גִבֹּרִ֣ים הֵ֗מָּה וּמָרֵ֥י נֶ֙פֶשׁ֙ הֵ֔מָּה כְּדֹ֥ב שַׁכּ֖וּל בַּשָּׂדֶ֑ה וְאָבִ֙יךָ֙ אִ֣ישׁ מִלְחָמָ֔ה וְלֹ֥א יָלִ֖ין אֶת־הָעָֽם׃

‎9 ‏הִנֵּ֨ה עַתָּ֤ה הֽוּא־נֶחְבָּא֙ בְּאַחַ֣ת הַפְּחָתִ֔ים א֖וֹ בְּאַחַ֣ד הַמְּקוֹמֹ֑ת וְהָיָ֗ה כִּנְפֹ֤ל בָּהֶם֙ בַּתְּחִלָּ֔ה וְשָׁמַ֤ע הַשֹּׁמֵ֙עַ֙ וְאָמַ֔ר הָֽיְתָה֙ מַגֵּפָ֔ה בָּעָ֕ם אֲשֶׁ֖ר אַחֲרֵ֥י אַבְשָׁלֹֽם׃

‎10 ‏וְה֣וּא גַם־בֶּן־חַ֗יִל אֲשֶׁ֥ר לִבּ֛וֹ כְּלֵ֥ב הָאַרְיֵ֖ה הִמֵּ֣ס יִמָּ֑ס כִּֽי־יֹדֵ֤עַ כָּל־יִשְׂרָאֵל֙ כִּי־גִבּ֣וֹר אָבִ֔יךָ וּבְנֵי־חַ֖יִל אֲשֶׁ֥ר אִתּֽוֹ׃

‎11 ‏כִּ֣י יָעַ֗צְתִּי הֵ֠אָסֹף יֵאָסֵ֨ף עָלֶ֤יךָ כָל־יִשְׂרָאֵל֙ מִדָּן֙ וְעַד־בְּאֵ֣ר שֶׁ֔בַע כַּח֥וֹל אֲשֶׁר־עַל־הַיָּ֖ם לָרֹ֑ב וּפָנֶ֥יךָ הֹלְכִ֖ים בַּקְרָֽב׃

‎12 ‏וּבָ֣אנוּ אֵלָ֗יו באחת בְּאַחַ֤ד הַמְּקוֹמֹת֙ אֲשֶׁ֣ר נִמְצָ֣א שָׁ֔ם וְנַ֣חְנוּ עָלָ֔יו כַּאֲשֶׁ֛ר יִפֹּ֥ל הַטַּ֖ל עַל־הָאֲדָמָ֑ה וְלֹֽא־נ֥וֹתַר בּ֛וֹ וּבְכָל־הָאֲנָשִׁ֥ים אֲשֶׁר־אִתּ֖וֹ גַּם־אֶחָֽד׃

‎13 ‏וְאִם־אֶל־עִיר֙ יֵֽאָסֵ֔ף וְהִשִּׂ֧יאוּ כָֽל־יִשְׂרָאֵ֛ל אֶל־הָעִ֥יר הַהִ֖יא חֲבָלִ֑ים וְסָחַ֤בְנוּ אֹתוֹ֙ עַד־הַנַּ֔חַל עַ֛ד אֲשֶֽׁר־לֹא־נִמְצָ֥א שָׁ֖ם גַּם־צְרֽוֹר׃ פ

‎14 ‏וַיֹּ֤אמֶר אַבְשָׁלוֹם֙ וְכָל־אִ֣ישׁ יִשְׂרָאֵ֔ל טוֹבָ֗ה עֲצַת֙ חוּשַׁ֣י הָאַרְכִּ֔י מֵעֲצַ֖ת אֲחִיתֹ֑פֶל וַיהוָ֣ה צִוָּ֗ה לְהָפֵ֞ר אֶת־עֲצַ֤ת אֲחִיתֹ֙פֶל֙ הַטּוֹבָ֔ה לְבַעֲב֗וּר הָבִ֧יא יְהוָ֛ה אֶל־אַבְשָׁל֖וֹם אֶת־הָרָעָֽה׃ ס

‎15 ‏וַיֹּ֣אמֶר חוּשַׁ֗י אֶל־צָד֤וֹק וְאֶל־אֶבְיָתָר֙ הַכֹּ֣הֲנִ֔ים כָּזֹ֣את וְכָזֹ֗את יָעַ֤ץ אֲחִיתֹ֙פֶל֙ אֶת־אַבְשָׁלֹ֔ם וְאֵ֖ת זִקְנֵ֣י יִשְׂרָאֵ֑ל וְכָזֹ֥את וְכָזֹ֖את יָעַ֥צְתִּי אָֽנִי׃

‎16 ‏וְעַתָּ֡ה שִׁלְח֣וּ מְהֵרָה֩ וְהַגִּ֨ידוּ לְדָוִ֜ד לֵאמֹ֗ר אַל־תָּ֤לֶן הַלַּ֙יְלָה֙ בְּעַֽרְב֣וֹת הַמִּדְבָּ֔ר וְגַ֖ם עָב֣וֹר תַּעֲב֑וֹר פֶּ֚ן יְבֻלַּ֣ע לַמֶּ֔לֶךְ וּלְכָל־הָעָ֖ם אֲשֶׁ֥ר אִתּֽוֹ׃

‎17 ‏וִיהוֹנָתָ֨ן וַאֲחִימַ֜עַץ עֹמְדִ֣ים בְּעֵין־רֹגֵ֗ל וְהָלְכָ֤ה הַשִּׁפְחָה֙ וְהִגִּ֣ידָה לָהֶ֔ם וְהֵם֙ יֵֽלְכ֔וּ וְהִגִּ֖ידוּ לַמֶּ֣לֶךְ דָּוִ֑ד כִּ֣י לֹ֥א יוּכְל֛וּ לְהֵרָא֖וֹת לָב֥וֹא הָעִֽירָה׃

‎18 ‏וַיַּ֤רְא אֹתָם֙ נַ֔עַר וַיַּגֵּ֖ד לְאַבְשָׁלֹ֑ם וַיֵּלְכוּ֩ שְׁנֵיהֶ֨ם מְהֵרָ֜ה וַיָּבֹ֣אוּ׀ אֶל־בֵּֽית־אִ֣ישׁ בְּבַחוּרִ֗ים וְל֥וֹ בְאֵ֛ר בַּחֲצֵר֖וֹ וַיֵּ֥רְדוּ שָֽׁם׃

‎19 ‏וַתִּקַּ֣ח הָאִשָּׁ֗ה וַתִּפְרֹ֤שׂ אֶת־הַמָּסָךְ֙ עַל־פְּנֵ֣י הַבְּאֵ֔ר וַתִּשְׁטַ֥ח עָלָ֖יו הָֽרִפ֑וֹת וְלֹ֥א נוֹדַ֖ע דָּבָֽר׃

‎20 ‏וַיָּבֹ֣אוּ עַבְדֵי֩ אַבְשָׁל֨וֹם אֶֽל־הָאִשָּׁ֜ה הַבַּ֗יְתָה וַיֹּֽאמְרוּ֙ אַיֵּ֗ה אֲחִימַ֙עַץ֙ וִיה֣וֹנָתָ֔ן וַתֹּ֤אמֶר לָהֶם֙ הָֽאִשָּׁ֔ה עָבְר֖וּ מִיכַ֣ל הַמָּ֑יִם וַיְבַקְשׁוּ֙ וְלֹ֣א מָצָ֔אוּ וַיָּשֻׁ֖בוּ יְרוּשָׁלִָֽם׃ ס

‎21 ‏וַיְהִ֣י׀ אַחֲרֵ֣י לֶכְתָּ֗ם וַֽיַּעֲלוּ֙ מֵֽהַבְּאֵ֔ר וַיֵּ֣לְכ֔וּ וַיַּגִּ֖דוּ לַמֶּ֣לֶךְ דָּוִ֑ד וַיֹּאמְר֣וּ אֶל־דָּוִ֗ד ק֣וּמוּ וְעִבְר֤וּ מְהֵרָה֙ אֶת־הַמַּ֔יִם כִּי־כָ֛כָה יָעַ֥ץ עֲלֵיכֶ֖ם אֲחִיתֹֽפֶל׃

‎22 ‏וַיָּ֣קָם דָּוִ֗ד וְכָל־הָעָם֙ אֲשֶׁ֣ר אִתּ֔וֹ וַיַּעַבְר֖וּ אֶת־הַיַּרְדֵּ֑ן עַד־א֣וֹר הַבֹּ֗קֶר עַד־אַחַד֙ לֹ֣א נֶעְדָּ֔ר אֲשֶׁ֥ר לֹא־עָבַ֖ר אֶת־הַיַּרְדֵּֽן׃

‎23 ‏וַאֲחִיתֹ֣פֶל רָאָ֗ה כִּ֣י לֹ֣א נֶעֶשְׂתָה֮ עֲצָתוֹ֒ וַיַּחֲבֹ֣שׁ אֶֽת־הַחֲמ֗וֹר וַיָּ֜קָם וַיֵּ֤לֶךְ אֶל־בֵּיתוֹ֙ אֶל־עִיר֔וֹ וַיְצַ֥ו אֶל־בֵּית֖וֹ וַיֵּחָנַ֑ק וַיָּ֕מָת וַיִּקָּבֵ֖ר בְּקֶ֥בֶר אָבִֽיו׃ ס

‎24 ‏וְדָוִ֖ד בָּ֣א מַחֲנָ֑יְמָה וְאַבְשָׁלֹ֗ם עָבַר֙ אֶת־הַיַּרְדֵּ֔ן ה֕וּא וְכָל־אִ֥ישׁ יִשְׂרָאֵ֖ל עִמּֽוֹ׃

‎25 ‏וְאֶת־עֲמָשָׂ֗א שָׂ֧ם אַבְשָׁלֹ֛ם תַּ֥חַת יוֹאָ֖ב עַל־הַצָּבָ֑א וַעֲמָשָׂ֣א בֶן־אִ֗ישׁ וּשְׁמוֹ֙ יִתְרָ֣א הַיִּשְׂרְאֵלִ֔י אֲשֶׁר־בָּא֙ אֶל־אֲבִיגַ֣ל בַּת־נָחָ֔שׁ אֲח֥וֹת צְרוּיָ֖ה אֵ֥ם יוֹאָֽב׃

‎26 ‏וַיִּ֤חַן יִשְׂרָאֵל֙ וְאַבְשָׁלֹ֔ם אֶ֖רֶץ הַגִּלְעָֽד׃ ס

‎27 ‏וַיְהִ֕י כְּב֥וֹא דָוִ֖ד מַחֲנָ֑יְמָה וְשֹׁבִ֨י בֶן־נָחָ֜שׁ מֵרַבַּ֣ת בְּנֵֽי־עַמּ֗וֹן וּמָכִ֤יר בֶּן־עַמִּיאֵל֙ מִלֹּ֣א דְבָ֔ר וּבַרְזִלַּ֥י הַגִּלְעָדִ֖י מֵרֹגְלִֽים׃

‎28 ‏מִשְׁכָּ֤ב וְסַפּוֹת֙ וּכְלִ֣י יוֹצֵ֔ר וְחִטִּ֥ים וּשְׂעֹרִ֖ים וְקֶ֣מַח וְקָלִ֑י וּפ֥וֹל וַעֲדָשִׁ֖ים וְקָלִֽי׃

‎29 ‏וּדְבַ֣שׁ וְחֶמְאָ֗ה וְצֹאן֙ וּשְׁפ֣וֹת בָּקָ֔ר הִגִּ֧ישׁוּ לְדָוִ֛ד וְלָעָ֥ם אֲשֶׁר־אִתּ֖וֹ לֶאֱכ֑וֹל כִּ֣י אָמְר֔וּ הָעָ֗ם רָעֵ֛ב וְעָיֵ֥ף וְצָמֵ֖א בַּמִּדְבָּֽר׃

1 wayyō’mer ’ăḥîṯōfel ’el-’aḇəšālōm ’eḇəḥărâ nnā’ šənêm-‘āśār ’elef ’îš wə’āqûmâ wə’erədəfâ ’^aḥărê-ḏāwiḏ hallāyəlâ:

2 wə’āḇwō’ ‘ālāyw wəhû’ yāḡē‘a ûrəfēh yāḏayim wəh^aḥăraḏətî ’ōṯwō wənās kāl-hā‘ām ’ăšer-’itwō wəhikêṯî ’eṯ-hammeleḵə ləḇadwō:

3 wə’āšîḇâ ḵāl-hā‘ām ’ēleyḵā kəšûḇ hakōl hā’îš ’ăšer ’atâ məḇaqqēš kāl-hā‘ām yihəyeh šālwōm:

4 wayyîšar hadāḇār bə‘ênê ’aḇəšālōm ûḇə‘ênê kāl-ziqənê yiśərā’ēl: s

5 wayyō’mer ’aḇəšālwōm qərā’ nā’ gam ləḥûšay hā’arəkî wənišəmə‘â mah-bəfîw gam-hû’:

6 wayyāḇō’ ḥûšay ’el-’aḇəšālwōm wayyō’mer ’aḇəšālwōm ’ēlāyw lē’mōr kadāḇār hazzeh diber ’ăḥîṯōfel hăn^a‘ăśeh ’eṯ-dəḇārwō ’im-’ayin ’atâ ḏabēr: s

7 wayyō’mer ḥûšay ’el-’aḇəšālwōm lō’-ṭwōḇâ hā‘ēṣâ ’ăšer-yā‘aṣ ’ăḥîṯōfel bap^a‘am hazzō’ṯ:

8 wayyō’mer ḥûšay ’atâ yāḏ^a‘ətā ’eṯ-’āḇîḵā wə’eṯ-’ănāšāyw kî ḡibōrîm hēmmâ ûmārê nefeš hēmmâ kəḏōḇ šakûl baśśāḏeh wə’āḇîḵā ’îš miləḥāmâ wəlō’ yālîn ’eṯ-hā‘ām:

9 hinnēh ‘atâ hû’-neḥəbā’ bə’^aḥaṯ hapəḥāṯîm ’wō bə’^aḥaḏ hamməqwōmōṯ wəhāyâ kinəfōl bâem batəḥillâ wəšām^a‘ haššōmē‘a wə’āmar hāyəṯâ magēfâ bā‘ām ’ăšer ’^aḥărê ’aḇəšālōm:

10 wəhû’ ḡam-ben-ḥayil ’ăšer libwō kəlēḇ hā’arəyēh himmēs yimmās kî-yōḏē‘a kāl-yiśərā’ēl kî-ḡibwōr ’āḇîḵā ûḇənê-ḥayil ’ăšer ’itwō:

11 kî yā‘aṣətî hē’āsōf yē’āsēf ‘āleyḵā ḵāl-yiśərā’ēl midān wə‘aḏ-bə’ēr šeḇ^a‘ k^aḥwōl ’ăšer-‘al-hayyām lārōḇ ûfāneyḵā hōləḵîm baqərāḇ:

12 ûḇā’nû ’ēlāyw bə’^aḥaṯ bə’^aḥaḏ hamməqwōmōṯ ’ăšer niməṣā’ šām wən^aḥənû ‘ālāyw ka’ăšer yipōl haṭṭal ‘al-hā’ăḏāmâ wəlō’-nwōṯar bwō ûḇəḵāl-hā’ănāšîm ’ăšer-’itwō gam-’eḥāḏ:

13 wə’im-’el-‘îr yē’āsēf wəhiśśî’û ḵāl-yiśərā’ēl ’el-hā‘îr hahî’ ḥăḇālîm wəsāḥaḇənû ’ōṯwō ‘aḏ-hann^aḥal ‘aḏ ’ăšer-lō’-niməṣā’ šām gam-ṣərwōr: f

14 wayyō’mer ’aḇəšālwōm wəḵāl-’îš yiśərā’ēl ṭwōḇâ ‘ăṣaṯ ḥûšay hā’arəkî mē‘ăṣaṯ ’ăḥîṯōfel wayhwâ ṣiûâ ləhāfēr ’eṯ-‘ăṣaṯ ’ăḥîṯōfel haṭṭwōḇâ ləḇ^a‘ăḇûr hāḇî’ yəhwâ ’el-’aḇəšālwōm ’eṯ-hārā‘â: s

15 wayyō’mer ḥûšay ’el-ṣāḏwōq wə’el-’eḇəyāṯār hakōhănîm kāzō’ṯ wəḵāzō’ṯ yā‘aṣ ’ăḥîṯōfel ’eṯ-’aḇəšālōm wə’ēṯ ziqənê yiśərā’ēl wəḵāzō’ṯ wəḵāzō’ṯ yā‘aṣətî ’ānî:

16 wə‘atâ šiləḥû məhērâ wəhagîḏû ləḏāwiḏ lē’mōr ’al-tālen hallayəlâ bə‘arəḇwōṯ hammiḏəbār wəḡam ‘āḇwōr t^a‘ăḇwōr pen yəḇull^a‘ lammeleḵə ûləḵāl-hā‘ām ’ăšer ’itwō:

17 wîhwōnāṯān wa’ăḥîm^a‘aṣ ‘ōməḏîm bə‘ên-rōḡēl wəhāləḵâ haššifəḥâ wəhigîḏâ lâem wəhēm yēləḵû wəhigîḏû lammeleḵə dāwiḏ kî lō’ yûḵəlû ləhērā’wōṯ lāḇwō’ hā‘îrâ:

18 wayyarə’ ’ōṯām n^a‘ar wayyagēḏ lə’aḇəšālōm wayyēləḵû šənêhem məhērâ wayyāḇō’û| ’el-bêṯ-’îš bəḇ^aḥûrîm wəlwō ḇə’ēr b^aḥăṣērwō wayyērəḏû šām:

19 watiqq^aḥ hā’iššâ watifərōś ’eṯ-hammāsāḵə ‘al-pənê habə’ēr watišəṭ^aḥ ‘ālāyw hārifwōṯ wəlō’ nwōḏ^a‘ dāḇār:

20 wayyāḇō’û ‘aḇəḏê ’aḇəšālwōm ’el-hā’iššâ habayəṯâ wayyō’mərû ’ayyēh ’ăḥîm^a‘aṣ wîhwōnāṯān watō’mer lâem hā’iššâ ‘āḇərû mîḵal hammāyim wayəḇaqəšû wəlō’ māṣā’û wayyāšuḇû yərûšālāim: s

21 wayəhî| ’^aḥărê leḵətām wayy^a‘ălû mēhabə’ēr wayyēləḵû wayyagiḏû lammeleḵə dāwiḏ wayyō’mərû ’el-dāwiḏ qûmû wə‘iḇərû məhērâ ’eṯ-hammayim kî-ḵāḵâ yā‘aṣ ‘ălêḵem ’ăḥîṯōfel:

22 wayyāqām dāwiḏ wəḵāl-hā‘ām ’ăšer ’itwō wayy^a‘aḇərû ’eṯ-hayyarədēn ‘aḏ-’wōr habōqer ‘aḏ-’^aḥaḏ lō’ ne‘ədār ’ăšer lō’-‘āḇar ’eṯ-hayyarədēn:

23 wa’ăḥîṯōfel rā’â kî lō’ ne‘eśəṯâ ‘ăṣāṯwō wayy^aḥăḇōš ’eṯ-h^aḥămwōr wayyāqām wayyēleḵə ’el-bêṯwō ’el-‘îrwō wayəṣaw ’el-bêṯwō wayyēḥānaq wayyāmāṯ wayyiqqāḇēr bəqeḇer ’āḇîw: s

24 wəḏāwiḏ bā’ m^aḥănāyəmâ wə’aḇəšālōm ‘āḇar ’eṯ-hayyarədēn hû’ wəḵāl-’îš yiśərā’ēl ‘immwō:

25 wə’eṯ-‘ămāśā’ śām ’aḇəšālōm t^aḥaṯ ywō’āḇ ‘al-haṣṣāḇā’ w^a‘ămāśā’ ḇen-’îš ûšəmwō yiṯərā’ hayyiśərə’ēlî ’ăšer-bā’ ’el-’ăḇîḡal baṯ-nāḥāš ’ăḥwōṯ ṣərûyâ ’ēm ywō’āḇ:

26 wayyiḥan yiśərā’ēl wə’aḇəšālōm ’ereṣ hagilə‘āḏ: s

27 wayəhî kəḇwō’ ḏāwiḏ m^aḥănāyəmâ wəšōḇî ḇen-nāḥāš mērabaṯ bənê-‘ammwōn ûmāḵîr ben-‘ammî’ēl millō’ ḏəḇār ûḇarəzillay hagilə‘āḏî mērōḡəlîm:

28 mišəkāḇ wəsapwōṯ ûḵəlî ywōṣēr wəḥiṭṭîm ûśə‘ōrîm wəqem^aḥ wəqālî ûfwōl w^a‘ăḏāšîm wəqālî:

29 ûḏəḇaš wəḥemə’â wəṣō’n ûšəfwōṯ bāqār higîšû ləḏāwiḏ wəlā‘ām ’ăšer-’itwō le’ĕḵwōl kî ’āmərû hā‘ām rā‘ēḇ wə‘āyēf wəṣāmē’ bammiḏəbār:

Tanach (Hebrew): 2 Samuel (2 Shmuel) Chapter 18

‎1 ‏וַיִּפְקֹ֣ד דָּוִ֔ד אֶת־הָעָ֖ם אֲשֶׁ֣ר אִתּ֑וֹ וַיָּ֣שֶׂם עֲלֵיהֶ֔ם שָׂרֵ֥י אֲלָפִ֖ים וְשָׂרֵ֥י מֵאֽוֹת׃

‎2 ‏וַיְשַׁלַּ֨ח דָּוִ֜ד אֶת־הָעָ֗ם הַשְּׁלִשִׁ֤ית בְּיַד־יוֹאָב֙ וְ֠הַשְּׁלִשִׁית בְּיַ֨ד אֲבִישַׁ֤י בֶּן־צְרוּיָה֙ אֲחִ֣י יוֹאָ֔ב וְהַ֨שְּׁלִשִׁ֔ת בְּיַ֖ד אִתַּ֣י הַגִּתִּ֑י סוַיֹּ֤אמֶר הַמֶּ֙לֶךְ֙ אֶל־הָעָ֔ם יָצֹ֥א אֵצֵ֛א גַּם־אֲנִ֖י עִמָּכֶֽם׃

‎3 ‏וַיֹּ֨אמֶר הָעָ֜ם לֹ֣א תֵצֵ֗א כִּי֩ אִם־נֹ֨ס נָנ֜וּס לֹא־יָשִׂ֧ימוּ אֵלֵ֣ינוּ לֵ֗ב וְאִם־יָמֻ֤תוּ חֶצְיֵ֙נוּ֙ לֹֽא־יָשִׂ֤ימוּ אֵלֵ֙ינוּ֙ לֵ֔ב כִּֽי־עַתָּ֥ה כָמֹ֖נוּ עֲשָׂרָ֣ה אֲלָפִ֑ים וְעַתָּ֣ה ט֔וֹב כִּי־תִֽהְיֶה־לָּ֥נוּ מֵעִ֖יר לעזיר לַעְזֽוֹר׃ ס

‎4 ‏וַיֹּ֤אמֶר אֲלֵיהֶם֙ הַמֶּ֔לֶךְ אֲשֶׁר־יִיטַ֥ב בְּעֵינֵיכֶ֖ם אֶעֱשֶׂ֑ה וַיַּעֲמֹ֤ד הַמֶּ֙לֶךְ֙ אֶל־יַ֣ד הַשַּׁ֔עַר וְכָל־הָעָם֙ יָֽצְא֔וּ לְמֵא֖וֹת וְלַאֲלָפִֽים׃

‎5 ‏וַיְצַ֣ו הַמֶּ֡לֶךְ אֶת־י֠וֹאָב וְאֶת־אֲבִישַׁ֤י וְאֶת־אִתַּי֙ לֵאמֹ֔ר לְאַט־לִ֖י לַנַּ֣עַר לְאַבְשָׁל֑וֹם וְכָל־הָעָ֣ם שָׁמְע֗וּ בְּצַוֹּ֥ת הַמֶּ֛לֶךְ אֶת־כָּל־הַשָּׂרִ֖ים עַל־דְּבַ֥ר אַבְשָׁלֽוֹם׃

‎6 ‏וַיֵּצֵ֥א הָעָ֛ם הַשָּׂדֶ֖ה לִקְרַ֣את יִשְׂרָאֵ֑ל וַתְּהִ֥י הַמִּלְחָמָ֖ה בְּיַ֥עַר אֶפְרָֽיִם׃

‎7 ‏וַיִּנָּ֤גְפוּ שָׁם֙ עַ֣ם יִשְׂרָאֵ֔ל לִפְנֵ֖י עַבְדֵ֣י דָוִ֑ד וַתְּהִי־שָׁ֞ם הַמַּגֵּפָ֧ה גְדוֹלָ֛ה בַּיּ֥וֹם הַה֖וּא עֶשְׂרִ֥ים אָֽלֶף׃

‎8 ‏וַתְּהִי־שָׁ֧ם הַמִּלְחָמָ֛ה נפצית נָפֹ֖צֶת³ עַל־פְּנֵ֣י כָל־הָאָ֑רֶץ וַיֶּ֤רֶב הַיַּ֙עַר֙ לֶאֱכֹ֣ל בָּעָ֔ם מֵאֲשֶׁ֥ר אָכְלָ֛ה הַחֶ֖רֶב בַּיּ֥וֹם הַהֽוּא׃

‎9 ‏וַיִּקָּרֵא֙ אַבְשָׁל֔וֹם לִפְנֵ֖י עַבְדֵ֣י דָוִ֑ד וְאַבְשָׁל֞וֹם רֹכֵ֣ב עַל־הַפֶּ֗רֶד וַיָּבֹ֣א הַפֶּ֡רֶד תַּ֣חַת שׂוֹבֶךְ֩ הָאֵלָ֨ה הַגְּדוֹלָ֜ה וַיֶּחֱזַ֧ק רֹאשׁ֣וֹ בָאֵלָ֗ה וַיֻּתַּן֙ בֵּ֤ין הַשָּׁמַ֙יִם֙ וּבֵ֣ין הָאָ֔רֶץ וְהַפֶּ֥רֶד אֲשֶׁר־תַּחְתָּ֖יו עָבָֽר׃

‎10 ‏וַיַּרְא֙ אִ֣ישׁ אֶחָ֔ד וַיַּגֵּ֖ד לְיוֹאָ֑ב וַיֹּ֗אמֶר הִנֵּה֙ רָאִ֣יתִי אֶת־אַבְשָׁלֹ֔ם תָּל֖וּי בָּאֵלָֽה׃

‎11 ‏וַיֹּ֣אמֶר יוֹאָ֗ב לָאִישׁ֙ הַמַּגִּ֣יד ל֔וֹ וְהִנֵּ֣ה רָאִ֔יתָ וּמַדּ֛וּעַ לֹֽא־הִכִּית֥וֹ שָׁ֖ם אָ֑רְצָה וְעָלַ֗י לָ֤תֶת לְךָ֙ עֲשָׂ֣רָה כֶ֔סֶף וַחֲגֹרָ֖ה אֶחָֽת׃

‎12 ‏וַיֹּ֤אמֶר הָאִישׁ֙ אֶל־יוֹאָ֔ב ולא וְל֨וּא³ אָנֹכִ֜י שֹׁקֵ֤ל עַל־כַּפַּי֙ אֶ֣לֶף כֶּ֔סֶף לֹֽא־אֶשְׁלַ֥ח יָדִ֖י אֶל־בֶּן־הַמֶּ֑לֶךְ כִּ֣י בְאָזְנֵ֜ינוּ צִוָּ֣ה הַמֶּ֗לֶךְ אֹ֠תְךָ וְאֶת־אֲבִישַׁ֤י וְאֶת־אִתַּי֙ לֵאמֹ֔ר שִׁמְרוּ־מִ֕י בַּנַּ֖עַר בְּאַבְשָׁלֽוֹם׃

‎13 ‏אֽוֹ־עָשִׂ֤יתִי בנפשו בְנַפְשִׁי֙ שֶׁ֔קֶר וְכָל־דָּבָ֖ר לֹא־יִכָּחֵ֣ד מִן־הַמֶּ֑לֶךְ וְאַתָּ֖ה תִּתְיַצֵּ֥ב מִנֶּֽגֶד׃

‎14 ‏וַיֹּ֣אמֶר יוֹאָ֔ב לֹא־כֵ֖ן אֹחִ֣ילָה לְפָנֶ֑יךָ וַיִּקַּח֩ שְׁלֹשָׁ֨ה שְׁבָטִ֜ים בְּכַפּ֗וֹ וַיִּתְקָעֵם֙ בְּלֵ֣ב אַבְשָׁל֔וֹם עוֹדֶ֥נּוּ חַ֖י בְּלֵ֥ב הָאֵלָֽה׃

‎15 ‏וַיָּסֹ֙בּוּ֙ עֲשָׂרָ֣ה נְעָרִ֔ים נֹשְׂאֵ֖י כְּלֵ֣י יוֹאָ֑ב וַיַּכּ֥וּ אֶת־אַבְשָׁל֖וֹם וַיְמִיתֻֽהוּ׃

‎16 ‏וַיִּתְקַ֤ע יוֹאָב֙ בַּשֹּׁפָ֔ר וַיָּ֣שָׁב הָעָ֔ם מִרְדֹ֖ף אַחֲרֵ֣י יִשְׂרָאֵ֑ל כִּֽי־חָשַׂ֥ךְ יוֹאָ֖ב אֶת־הָעָֽם׃

‎17 ‏וַיִּקְח֣וּ אֶת־אַבְשָׁל֗וֹם וַיַּשְׁלִ֨יכוּ אֹת֤וֹ בַיַּ֙עַר֙ אֶל־הַפַּ֣חַת הַגָּד֔וֹל וַיַּצִּ֧בוּ עָלָ֛יו גַּל־אֲבָנִ֖ים גָּד֣וֹל מְאֹ֑ד וְכָל־יִשְׂרָאֵ֔ל נָ֖סוּ אִ֥ישׁ לאהלו לְאֹהָלָֽיו׃ ס

‎18 ‏וְאַבְשָׁלֹ֣ם לָקַ֗ח וַיַּצֶּב־ל֤וֹ בחיו בְחַיָּיו֙^q אֶת־מַצֶּ֙בֶת֙ אֲשֶׁ֣ר בְּעֵֽמֶק־הַמֶּ֔לֶךְ כִּ֤י אָמַר֙ אֵֽין־לִ֣י בֵ֔ן בַּעֲב֖וּר הַזְכִּ֣יר שְׁמִ֑י וַיִּקְרָ֤א לַמַּצֶּ֙בֶת֙ עַל־שְׁמ֔וֹ וַיִּקָּ֤רֵא לָהּ֙ יַ֣ד אַבְשָׁלֹ֔ם עַ֖ד הַיּ֥וֹם הַזֶּֽה׃ ס

‎19 ‏וַאֲחִימַ֤עַץ בֶּן־צָדוֹק֙ אָמַ֔ר אָר֣וּצָה נָּ֔א וַאֲבַשְּׂרָ֖ה אֶת־הַמֶּ֑לֶךְ כִּי־שְׁפָט֥וֹ יְהוָ֖ה מִיַּ֥ד אֹיְבָֽיו׃

‎20 ‏וַיֹּ֧אמֶר ל֣וֹ יוֹאָ֗ב לֹא֩ אִ֨ישׁ בְּשֹׂרָ֤ה אַתָּה֙ הַיּ֣וֹם הַזֶּ֔ה וּבִשַּׂרְתָּ֖ בְּי֣וֹם אַחֵ֑ר וְהַיּ֤וֹם הַזֶּה֙ לֹ֣א תְבַשֵּׂ֔ר כִּֽי־על עַל־ כֵּ֥ן^a בֶּן־הַמֶּ֖לֶךְ מֵֽת׃

‎21 ‏וַיֹּ֤אמֶר יוֹאָב֙ לַכּוּשִׁ֔י לֵ֛ךְ הַגֵּ֥ד לַמֶּ֖לֶךְ אֲשֶׁ֣ר רָאִ֑יתָה וַיִּשְׁתַּ֧חוּ כוּשִׁ֛י לְיוֹאָ֖ב וַיָּרֹֽץ׃

‎22 ‏וַיֹּ֨סֶף ע֜וֹד אֲחִימַ֤עַץ בֶּן־צָדוֹק֙ וַיֹּ֣אמֶר אֶל־יוֹאָ֔ב וִ֣יהִי מָ֔ה אָרֻֽצָה־נָּ֥א גַם־אָ֖נִי אַחֲרֵ֣י הַכּוּשִׁ֑י וַיֹּ֣אמֶר יוֹאָ֗ב לָֽמָּה־זֶּ֞ה אַתָּ֥ה רָץ֙ בְּנִ֔י וּלְכָ֖ה אֵין־בְּשׂוֹרָ֥ה מֹצֵֽאת׃

‎23 ‏וִיהִי־מָ֣ה אָר֔וּץ וַיֹּ֥אמֶר ל֖וֹ ר֑וּץ וַיָּ֤רָץ אֲחִימַ֙עַץ֙ דֶּ֣רֶךְ הַכִּכָּ֔ר וַֽיַּעֲבֹ֖ר אֶת־הַכּוּשִֽׁי׃

‎24 ‏וְדָוִ֥ד יוֹשֵׁ֖ב בֵּין־שְׁנֵ֣י הַשְּׁעָרִ֑ים וַיֵּ֨לֶךְ הַצֹּפֶ֜ה אֶל־גַּ֤ג הַשַּׁ֙עַר֙ אֶל־הַ֣חוֹמָ֔ה וַיִּשָּׂ֤א אֶת־עֵינָיו֙ וַיַּ֔רְא וְהִנֵּה־אִ֖ישׁ רָ֥ץ לְבַדּֽוֹ׃

‎25 ‏וַיִּקְרָ֤א הַצֹּפֶה֙ וַיַּגֵּ֣ד לַמֶּ֔לֶךְ וַיֹּ֣אמֶר הַמֶּ֔לֶךְ אִם־לְבַדּ֖וֹ בְּשׂוֹרָ֣ה בְּפִ֑יו וַיֵּ֥לֶךְ הָל֖וֹךְ וְקָרֵֽב׃

‎26 ‏וַיַּ֣רְא הַצֹּפֶה֮ אִישׁ־אַחֵ֣ר רָץ֒ וַיִּקְרָ֤א הַצֹּפֶה֙ אֶל־הַשֹּׁעֵ֔ר וַיֹּ֕אמֶר הִנֵּה־אִ֖ישׁ רָ֣ץ לְבַדּ֑וֹ וַיֹּ֥אמֶר הַמֶּ֖לֶךְ גַּם־זֶ֥ה מְבַשֵּֽׂר׃

‎27 ‏וַיֹּ֙אמֶר֙ הַצֹּפֶ֔ה אֲנִ֤י רֹאֶה֙ אֶת־מְרוּצַ֣ת הָרִאשׁ֔וֹן כִּמְרֻצַ֖ת אֲחִימַ֣עַץ בֶּן־צָד֑וֹק וַיֹּ֤אמֶר הַמֶּ֙לֶךְ֙ אִֽישׁ־ט֣וֹב זֶ֔ה וְאֶל־בְּשׂוֹרָ֥ה טוֹבָ֖ה יָבֽוֹא׃

‎28 ‏וַיִּקְרָ֣א אֲחִימַ֗עַץ וַיֹּ֤אמֶר אֶל־הַמֶּ֙לֶךְ֙ שָׁל֔וֹם וַיִּשְׁתַּ֧חוּ לַמֶּ֛לֶךְ לְאַפָּ֖יו אָ֑רְצָה סוַיֹּ֗אמֶר בָּרוּךְ֙ יְהוָ֣ה אֱלֹהֶ֔יךָ אֲשֶׁ֤ר סִגַּר֙ אֶת־הָ֣אֲנָשִׁ֔ים אֲשֶׁר־נָשְׂא֥וּ אֶת־יָדָ֖ם בַּֽאדֹנִ֥י הַמֶּֽלֶךְ׃

‎29 ‏וַיֹּ֣אמֶר הַמֶּ֔לֶךְ שָׁל֥וֹם לַנַּ֖עַר לְאַבְשָׁל֑וֹם וַיֹּ֣אמֶר אֲחִימַ֡עַץ רָאִיתִי֩ הֶהָמ֨וֹן הַגָּד֜וֹל לִ֠שְׁלֹחַ אֶת־עֶ֨בֶד הַמֶּ֤לֶךְ יוֹאָב֙ וְאֶת־עַבְדֶּ֔ךָ וְלֹ֥א יָדַ֖עְתִּי מָֽה׃

‎30 ‏וַיֹּ֣אמֶר הַמֶּ֔לֶךְ סֹ֖ב הִתְיַצֵּ֣ב כֹּ֑ה וַיִּסֹּ֖ב וַֽיַּעֲמֹֽד׃

‎31 ‏וְהִנֵּ֥ה הַכּוּשִׁ֖י בָּ֑א וַיֹּ֣אמֶר הַכּוּשִׁ֗י יִתְבַּשֵּׂר֙ אֲדֹנִ֣י הַמֶּ֔לֶךְ כִּֽי־שְׁפָטְךָ֤ יְהוָה֙ הַיּ֔וֹם מִיַּ֖ד כָּל־הַקָּמִ֥ים עָלֶֽיךָ׃ ס

‎32 ‏וַיֹּ֤אמֶר הַמֶּ֙לֶךְ֙ אֶל־הַכּוּשִׁ֔י הֲשָׁל֥וֹם לַנַּ֖עַר לְאַבְשָׁל֑וֹם וַיֹּ֣אמֶר הַכּוּשִׁ֗י יִהְי֤וּ כַנַּ֙עַר֙ אֹֽיְבֵי֙ אֲדֹנִ֣י הַמֶּ֔לֶךְ וְכֹ֛ל אֲשֶׁר־קָ֥מוּ עָלֶ֖יךָ לְרָעָֽה׃ ס

1 wayyifəqōḏ dāwiḏ ’eṯ-hā‘ām ’ăšer ’itwō wayyāśem ‘ălêhem śārê ’ălāfîm wəśārê mē’wōṯ:

2 wayəšall^aḥ dāwiḏ ’eṯ-hā‘ām haššəlišîṯ bəyaḏ-ywō’āḇ wəhaššəlišîṯ bəyaḏ ’ăḇîšay ben-ṣərûyâ ’ăḥî ywō’āḇ wəhaššəlišiṯ bəyaḏ ’itay hagitî swayyō’mer hammeleḵə ’el-hā‘ām yāṣō’ ’ēṣē’ gam-’ănî ‘immāḵem:

3 wayyō’mer hā‘ām lō’ ṯēṣē’ kî ’im-nōs nānûs lō’-yāśîmû ’ēlênû lēḇ wə’im-yāmuṯû ḥeṣəyēnû lō’-yāśîmû ’ēlênû lēḇ kî-‘atâ ḵāmōnû ‘ăśārâ ’ălāfîm wə‘atâ ṭwōḇ kî-ṯihəyeh-llānû mē‘îr l^a‘əzîr l^a‘əzwōr: s

4 wayyō’mer ’ălêhem hammeleḵə ’ăšer-yîṭaḇ bə‘ênêḵem ’e‘ĕśeh wayy^a‘ămōḏ hammeleḵə ’el-yaḏ hašš^a‘ar wəḵāl-hā‘ām yāṣə’û ləmē’wōṯ wəla’ălāfîm:

5 wayəṣaw hammeleḵə ’eṯ-ywō’āḇ wə’eṯ-’ăḇîšay wə’eṯ-’itay lē’mōr lə’aṭ-lî lann^a‘ar lə’aḇəšālwōm wəḵāl-hā‘ām šāmə‘û bəṣaûōṯ hammeleḵə ’eṯ-kāl-haśśārîm ‘al-dəḇar ’aḇəšālwōm:

6 wayyēṣē’ hā‘ām haśśāḏeh liqəra’ṯ yiśərā’ēl watəhî hammiləḥāmâ bəy^a‘ar ’efərāyim:

7 wayyinnāḡəfû šām ‘am yiśərā’ēl lifənê ‘aḇəḏê ḏāwiḏ watəhî-šām hammagēfâ ḡəḏwōlâ bayywōm hahû’ ‘eśərîm ’ālef:

8 watəhî-šām hammiləḥāmâ nāfōṣêṯ nāfōṣeṯ³ ‘al-pənê ḵāl-hā’āreṣ wayyereḇ hayy^a‘ar le’ĕḵōl bā‘ām mē’ăšer ’āḵəlâ h^aḥereḇ bayywōm hahû’:

9 wayyiqqārē’ ’aḇəšālwōm lifənê ‘aḇəḏê ḏāwiḏ wə’aḇəšālwōm rōḵēḇ ‘al-hapereḏ wayyāḇō’ hapereḏ t^aḥaṯ śwōḇeḵə hā’ēlâ hagəḏwōlâ wayyeḥĕzaq rō’šwō ḇā’ēlâ wayyutan bên haššāmayim ûḇên hā’āreṣ wəhapereḏ ’ăšer-t^aḥətāyw ‘āḇār:

10 wayyarə’ ’îš ’eḥāḏ wayyagēḏ ləywō’āḇ wayyō’mer hinnēh rā’îṯî ’eṯ-’aḇəšālōm tālûy bā’ēlâ:

11 wayyō’mer ywō’āḇ lā’îš hammagîḏ lwō wəhinnēh rā’îṯā ûmadû‘a lō’-hikîṯwō šām ’ārəṣâ wə‘ālay lāṯeṯ ləḵā ‘ăśārâ ḵesef w^aḥăḡōrâ ’eḥāṯ:

12 wayyō’mer hā’îš ’el-ywō’āḇ wəlu’ wəlû’³ ’ānōḵî šōqēl ‘al-kapay ’elef kesef lō’-’ešəl^aḥ yāḏî ’el-ben-hammeleḵə kî ḇə’āzənênû ṣiûâ hammeleḵə ’ōṯəḵā wə’eṯ-’ăḇîšay wə’eṯ-’itay lē’mōr šimərû-mî bann^a‘ar bə’aḇəšālwōm:

13 ’wō-‘āśîṯî ḇənafəšwō ḇənafəšî šeqer wəḵāl-dāḇār lō’-yikāḥēḏ min-hammeleḵə wə’atâ tiṯəyaṣṣēḇ minneḡeḏ:

14 wayyō’mer ywō’āḇ lō’-ḵēn ’ōḥîlâ ləfāneyḵā wayyiqq^aḥ šəlōšâ šəḇāṭîm bəḵapwō wayyiṯəqā‘ēm bəlēḇ ’aḇəšālwōm ‘wōḏennû ḥay bəlēḇ hā’ēlâ:

15 wayyāsōbû ‘ăśārâ nə‘ārîm nōśə’ê kəlê ywō’āḇ wayyakû ’eṯ-’aḇəšālwōm wayəmîṯuhû:

16 wayyiṯəq^a‘ ywō’āḇ baššōfār wayyāšāḇ hā‘ām mirəḏōf ’^aḥărê yiśərā’ēl kî-ḥāśaḵə ywō’āḇ ’eṯ-hā‘ām:

17 wayyiqəḥû ’eṯ-’aḇəšālwōm wayyašəlîḵû ’ōṯwō ḇayy^a‘ar ’el-hap^aḥaṯ hagāḏwōl wayyaṣṣiḇû ‘ālāyw gal-’ăḇānîm gāḏwōl mə’ōḏ wəḵāl-yiśərā’ēl nāsû ’îš lə’âŏlwō lə’ōhālāyw: s

18 wə’aḇəšālōm lāq^aḥ wayyaṣṣeḇ-lwō ḇəḥayyāw ḇəḥayyāyw^q ’eṯ-maṣṣeḇeṯ ’ăšer bə‘ēmeq-hammeleḵə kî ’āmar ’ên-lî ḇēn b^a‘ăḇûr hazəkîr šəmî wayyiqərā’ lammaṣṣeḇeṯ ‘al-šəmwō wayyiqqārē’ lāh yaḏ ’aḇəšālōm ‘aḏ hayywōm hazzeh: s

19 wa’ăḥîm^a‘aṣ ben-ṣāḏwōq ’āmar ’ārûṣâ nnā’ wa’ăḇaśśərâ ’eṯ-hammeleḵə kî-šəfāṭwō yəhwâ mîyaḏ ’ōyəḇāyw:

20 wayyō’mer lwō ywō’āḇ lō’ ’îš bəśōrâ ’atâ hayywōm hazzeh ûḇiśśarətā bəywōm ’^aḥēr wəhayywōm hazzeh lō’ ṯəḇaśśēr kî-‘al ‘al- kēn^a ben-hammeleḵə mēṯ:

21 wayyō’mer ywō’āḇ lakûšî lēḵə hagēḏ lammeleḵə ’ăšer rā’îṯâ wayyišət^aḥû ḵûšî ləywō’āḇ wayyārōṣ:

22 wayyōsef ‘wōḏ ’ăḥîm^a‘aṣ ben-ṣāḏwōq wayyō’mer ’el-ywō’āḇ wîhî mâ ’āruṣâ-nnā’ ḡam-’ānî ’^aḥărê hakûšî wayyō’mer ywō’āḇ lāmmâ-zzeh ’atâ rāṣ bənî ûləḵâ ’ên-bəśwōrâ mōṣē’ṯ:

23 wîhî-mâ ’ārûṣ wayyō’mer lwō rûṣ wayyārāṣ ’ăḥîm^a‘aṣ dereḵə hakikār wayy^a‘ăḇōr ’eṯ-hakûšî:

24 wəḏāwiḏ ywōšēḇ bên-šənê haššə‘ārîm wayyēleḵə haṣṣōfeh ’el-gaḡ hašš^a‘ar ’el-h^aḥwōmâ wayyiśśā’ ’eṯ-‘ênāyw wayyarə’ wəhinnēh-’îš rāṣ ləḇadwō:

25 wayyiqərā’ haṣṣōfeh wayyagēḏ lammeleḵə wayyō’mer hammeleḵə ’im-ləḇadwō bəśwōrâ bəfîw wayyēleḵə hālwōḵə wəqārēḇ:

26 wayyarə’ haṣṣōfeh ’îš-’^aḥēr rāṣ wayyiqərā’ haṣṣōfeh ’el-haššō‘ēr wayyō’mer hinnēh-’îš rāṣ ləḇadwō wayyō’mer hammeleḵə gam-zeh məḇaśśēr:

27 wayyō’mer haṣṣōfeh ’ănî rō’eh ’eṯ-mərûṣaṯ hāri’šwōn kiməruṣaṯ ’ăḥîm^a‘aṣ ben-ṣāḏwōq wayyō’mer hammeleḵə ’îš-ṭwōḇ zeh wə’el-bəśwōrâ ṭwōḇâ yāḇwō’:

28 wayyiqərā’ ’ăḥîm^a‘aṣ wayyō’mer ’el-hammeleḵə šālwōm wayyišət^aḥû lammeleḵə lə’apāyw ’ārəṣâ swayyō’mer bārûḵə yəhwâ ’ĕlōheyḵā ’ăšer sigar ’eṯ-hā’ănāšîm ’ăšer-nāśə’û ’eṯ-yāḏām ba’ḏōnî hammeleḵə:

29 wayyō’mer hammeleḵə šālwōm lann^a‘ar lə’aḇəšālwōm wayyō’mer ’ăḥîm^a‘aṣ rā’îṯî hehāmwōn hagāḏwōl lišəlōḥa ’eṯ-‘eḇeḏ hammeleḵə ywō’āḇ wə’eṯ-‘aḇədeḵā wəlō’ yāḏ^a‘ətî mâ:

30 wayyō’mer hammeleḵə sōḇ hiṯəyaṣṣēḇ kōh wayyissōḇ wayy^a‘ămōḏ:

31 wəhinnēh hakûšî bā’ wayyō’mer hakûšî yiṯəbaśśēr ’ăḏōnî hammeleḵə kî-šəfāṭəḵā yəhwâ hayywōm mîyaḏ kāl-haqqāmîm ‘āleyḵā: s

32 wayyō’mer hammeleḵə ’el-hakûšî hăšālwōm lann^a‘ar lə’aḇəšālwōm wayyō’mer hakûšî yihəyû ḵann^a‘ar ’ōyəḇê ’ăḏōnî hammeleḵə wəḵōl ’ăšer-qāmû ‘āleyḵā lərā‘â: s

Tanach (Hebrew): 2 Samuel (2 Shmuel) Chapter 19

‎1 ‏וַיִּרְגַּ֣ז הַמֶּ֗לֶךְ וַיַּ֛עַל עַל־עֲלִיַּ֥ת הַשַּׁ֖עַר וַיֵּ֑בְךְּ וְכֹ֣ה׀ אָמַ֣ר בְּלֶכְתּ֗וֹ בְּנִ֤י אַבְשָׁלוֹם֙ בְּנִ֣י בְנִ֣י אַבְשָׁל֔וֹם מִֽי־יִתֵּ֤ן מוּתִי֙ אֲנִ֣י תַחְתֶּ֔יךָ אַבְשָׁל֖וֹם בְּנִ֥י בְנִֽי׃

‎2 ‏וַיֻּגַּ֖ד לְיוֹאָ֑ב הִנֵּ֨ה הַמֶּ֧לֶךְ בֹּכֶ֛ה וַיִּתְאַבֵּ֖ל עַל־אַבְשָׁלֹֽם׃

‎3 ‏וַתְּהִ֨י הַתְּשֻׁעָ֜ה בַּיּ֥וֹם הַה֛וּא לְאֵ֖בֶל לְכָל־הָעָ֑ם כִּֽי־שָׁמַ֣ע הָעָ֗ם בַּיּ֤וֹם הַהוּא֙ לֵאמֹ֔ר נֶעֱצַ֥ב הַמֶּ֖לֶךְ עַל־בְּנֽוֹ׃

‎4 ‏וַיִּתְגַּנֵּ֥ב הָעָ֛ם בַּיּ֥וֹם הַה֖וּא לָב֣וֹא הָעִ֑יר כַּאֲשֶׁ֣ר יִתְגַּנֵּ֗ב הָעָם֙ הַנִּכְלָמִ֔ים בְּנוּסָ֖ם בַּמִּלְחָמָֽה׃

‎5 ‏וְהַמֶּ֙לֶךְ֙ לָאַ֣ט אֶת־פָּנָ֔יו וַיִּזְעַ֥ק הַמֶּ֖לֶךְ ק֣וֹל גָּד֑וֹל בְּנִי֙ אַבְשָׁל֔וֹם אַבְשָׁל֖וֹם בְּנִ֥י בְנִֽי׃ ס

‎6 ‏וַיָּבֹ֥א יוֹאָ֛ב אֶל־הַמֶּ֖לֶךְ הַבָּ֑יִת וַיֹּאמֶר֩ הֹבַ֨שְׁתָּ הַיּ֜וֹם אֶת־פְּנֵ֣י כָל־עֲבָדֶ֗יךָ הַֽמְמַלְּטִ֤ים אֶֽת־נַפְשְׁךָ֙ הַיּ֔וֹם וְאֵ֨ת נֶ֤פֶשׁ בָּנֶ֙יךָ֙ וּבְנֹתֶ֔יךָ וְנֶ֣פֶשׁ נָשֶׁ֔יךָ וְנֶ֖פֶשׁ פִּלַגְשֶֽׁיךָ׃

‎7 ‏לְאַֽהֲבָה֙ אֶת־שֹׂ֣נְאֶ֔יךָ וְלִשְׂנֹ֖א אֶת־אֹהֲבֶ֑יךָ כִּ֣י׀ הִגַּ֣דְתָּ הַיּ֗וֹם כִּ֣י אֵ֤ין לְךָ֙ שָׂרִ֣ים וַעֲבָדִ֔ים כִּ֣י׀ יָדַ֣עְתִּי הַיּ֗וֹם כִּ֠י לא ל֣וּ אַבְשָׁל֥וֹם חַי֙ וְכֻלָּ֤נוּ הַיּוֹם֙ מֵתִ֔ים כִּי־אָ֖ז יָשָׁ֥ר בְּעֵינֶֽיךָ׃

‎8 ‏וְעַתָּה֙ ק֣וּם צֵ֔א וְדַבֵּ֖ר עַל־לֵ֣ב עֲבָדֶ֑יךָ כִּי֩ בַיהוָ֨ה נִשְׁבַּ֜עְתִּי כִּי־אֵינְךָ֣ יוֹצֵ֗א אִם־יָלִ֨ין אִ֤ישׁ אִתְּךָ֙ הַלַּ֔יְלָה וְרָעָ֧ה לְךָ֣ זֹ֗את מִכָּל־הָרָעָה֙ אֲשֶׁר־בָּ֣אָה עָלֶ֔יךָ מִנְּעֻרֶ֖יךָ עַד־עָֽתָּה׃ ס

‎9 ‏וַיָּ֥קָם הַמֶּ֖לֶךְ וַיֵּ֣שֶׁב בַּשָּׁ֑עַר וּֽלְכָל־הָעָ֞ם הִגִּ֣ידוּ לֵאמֹ֗ר הִנֵּ֤ה הַמֶּ֙לֶךְ֙ יוֹשֵׁ֣ב בַּשַּׁ֔עַר וַיָּבֹ֤א כָל־הָעָם֙ לִפְנֵ֣י הַמֶּ֔לֶךְ וְיִשְׂרָאֵ֔ל נָ֖ס אִ֥ישׁ לְאֹהָלָֽיו׃ ס

‎10 ‏וַיְהִ֤י כָל־הָעָם֙ נָד֔וֹן בְּכָל־שִׁבְטֵ֥י יִשְׂרָאֵ֖ל לֵאמֹ֑ר הַמֶּ֜לֶךְ הִצִּילָ֣נוּ׀ מִכַּ֣ף אֹיְבֵ֗ינוּ וְה֤וּא מִלְּטָ֙נוּ֙ מִכַּ֣ף פְּלִשְׁתִּ֔ים וְעַתָּ֛ה בָּרַ֥ח מִן־הָאָ֖רֶץ מֵעַ֥ל אַבְשָׁלֽוֹם׃

‎11 ‏וְאַבְשָׁלוֹם֙ אֲשֶׁ֣ר מָשַׁ֣חְנוּ עָלֵ֔ינוּ מֵ֖ת בַּמִּלְחָמָ֑ה וְעַתָּ֗ה לָמָ֥ה אַתֶּ֛ם מַחֲרִשִׁ֖ים לְהָשִׁ֥יב אֶת־הַמֶּֽלֶךְ׃ ס

‎12 ‏וְהַמֶּ֣לֶךְ דָּוִ֗ד שָׁ֠לַח אֶל־צָד֨וֹק וְאֶל־אֶבְיָתָ֥ר הַכֹּהֲנִים֮ לֵאמֹר֒ דַּבְּר֞וּ אֶל־זִקְנֵ֤י יְהוּדָה֙ לֵאמֹ֔ר לָ֤מָּה תִֽהְיוּ֙ אַֽחֲרֹנִ֔ים לְהָשִׁ֥יב אֶת־הַמֶּ֖לֶךְ אֶל־בֵּית֑וֹ וּדְבַר֙ כָּל־יִשְׂרָאֵ֔ל בָּ֥א אֶל־הַמֶּ֖לֶךְ אֶל־בֵּיתֽוֹ׃

‎13 ‏אַחַ֣י אַתֶּ֔ם עַצְמִ֥י וּבְשָׂרִ֖י אַתֶּ֑ם וְלָ֧מָּה תִהְי֛וּ אַחֲרֹנִ֖ים לְהָשִׁ֥יב אֶת־הַמֶּֽלֶךְ׃

‎14 ‏וְלַֽעֲמָשָׂא֙ תֹּֽמְר֔וּ הֲל֛וֹא עַצְמִ֥י וּבְשָׂרִ֖י אָ֑תָּה כֹּ֣ה יַֽעֲשֶׂה־לִּ֤י אֱלֹהִים֙ וְכֹ֣ה יוֹסִ֔יף אִם־לֹ֠א שַׂר־צָבָ֞א תִּהְיֶ֧ה לְפָנַ֛י כָּל־הַיָּמִ֖ים תַּ֥חַת יוֹאָֽב׃

‎15 ‏וַיַּ֛ט אֶת־לְבַ֥ב כָּל־אִישׁ־יְהוּדָ֖ה כְּאִ֣ישׁ אֶחָ֑ד וַֽיִּשְׁלְחוּ֙ אֶל־הַמֶּ֔לֶךְ שׁ֥וּב אַתָּ֖ה וְכָל־עֲבָדֶֽיךָ׃

‎16 ‏וַיָּ֣שָׁב הַמֶּ֔לֶךְ וַיָּבֹ֖א עַד־הַיַּרְדֵּ֑ן וִיהוּדָ֞ה בָּ֣א הַגִּלְגָּ֗לָה לָלֶ֙כֶת֙ לִקְרַ֣את הַמֶּ֔לֶךְ לְהַעֲבִ֥יר אֶת־הַמֶּ֖לֶךְ אֶת־הַיַּרְדֵּֽן׃

‎17 ‏וַיְמַהֵ֗ר שִׁמְעִ֤י בֶן־גֵּרָא֙ בֶּן־הַיְמִינִ֔י אֲשֶׁ֖ר מִבַּֽחוּרִ֑ים וַיֵּ֙רֶד֙ עִם־אִ֣ישׁ יְהוּדָ֔ה לִקְרַ֖את הַמֶּ֥לֶךְ דָּוִֽד׃

‎18 ‏וְאֶ֨לֶף אִ֣ישׁ עִמּוֹ֮ מִבִּנְיָמִן֒ וְצִיבָ֗א נַ֚עַר בֵּ֣ית שָׁא֔וּל וַחֲמֵ֨שֶׁת עָשָׂ֥ר בָּנָ֛יו וְעֶשְׂרִ֥ים עֲבָדָ֖יו אִתּ֑וֹ וְצָלְח֥וּ הַיַּרְדֵּ֖ן לִפְנֵ֥י הַמֶּֽלֶךְ׃

‎19 ‏וְעָבְרָ֣ה הָעֲבָרָ֗ה לַֽעֲבִיר֙ אֶת־בֵּ֣ית הַמֶּ֔לֶךְ וְלַעֲשׂ֥וֹת הַטּ֖וֹב בעינו בְּעֵינָ֑יו וְשִׁמְעִ֣י בֶן־גֵּרָ֗א נָפַל֙ לִפְנֵ֣י הַמֶּ֔לֶךְ בְּעָבְר֖וֹ בַּיַּרְדֵּֽן׃

‎20 ‏וַיֹּ֣אמֶר אֶל־הַמֶּ֗לֶךְ אַל־יַחֲשָׁב־לִ֣י אֲדֹנִי֮ עָוֹן֒ וְאַל־תִּזְכֹּ֗ר אֵ֚ת אֲשֶׁ֣ר הֶעֱוָ֣ה עַבְדְּךָ֔ בַּיּ֕וֹם אֲשֶׁר־יָׅצָ֥ׅאׅ⁴ אֲדֹנִֽי־הַמֶּ֖לֶךְ מִירֽוּשָׁלִָ֑ם לָשׂ֥וּם הַמֶּ֖לֶךְ אֶל־לִבּֽוֹ׃

‎21 ‏כִּ֚י יָדַ֣ע עַבְדְּךָ֔ כִּ֖י אֲנִ֣י חָטָ֑אתִי וְהִנֵּֽה־בָ֣אתִי הַיּ֗וֹם רִאשׁוֹן֙ לְכָל־בֵּ֣ית יוֹסֵ֔ף לָרֶ֕דֶת לִקְרַ֖את אֲדֹנִ֥י הַמֶּֽלֶךְ׃ ס

‎22 ‏וַיַּ֨עַן אֲבִישַׁ֤י בֶּן־צְרוּיָה֙ וַיֹּ֔אמֶר הֲתַ֣חַת זֹ֔את לֹ֥א יוּמַ֖ת שִׁמְעִ֑י כִּ֥י קִלֵּ֖ל אֶת־מְשִׁ֥יחַ יְהוָֽה׃ ס

‎23 ‏וַיֹּ֣אמֶר דָּוִ֗ד מַה־לִּ֤י וְלָכֶם֙ בְּנֵ֣י צְרוּיָ֔ה כִּי־תִֽהְיוּ־לִ֥י הַיּ֖וֹם לְשָׂטָ֑ן הַיּ֗וֹם י֤וּמַת אִישׁ֙ בְּיִשְׂרָאֵ֔ל כִּ֚י הֲל֣וֹא יָדַ֔עְתִּי כִּ֥י הַיּ֖וֹם אֲנִי־מֶ֥לֶךְ עַל־יִשְׂרָאֵֽל׃

‎24 ‏וַיֹּ֧אמֶר הַמֶּ֛לֶךְ אֶל־שִׁמְעִ֖י לֹ֣א תָמ֑וּת וַיִּשָּׁ֥בַֽע ל֖וֹ הַמֶּֽלֶךְ׃ ס

‎25 ‏וּמְפִבֹ֙שֶׁת֙ בֶּן־שָׁא֔וּל יָרַ֖ד לִקְרַ֣את הַמֶּ֑לֶךְ וְלֹא־עָשָׂ֨ה רַגְלָ֜יו וְלֹא־עָשָׂ֣ה שְׂפָמ֗וֹ וְאֶת־בְּגָדָיו֙ לֹ֣א כִבֵּ֔ס לְמִן־הַיּוֹם֙ לֶ֣כֶת הַמֶּ֔לֶךְ עַד־הַיּ֖וֹם אֲשֶׁר־בָּ֥א בְשָׁלֽוֹם׃

‎26 ‏וַיְהִ֛י כִּי־בָ֥א יְרוּשָׁלִַ֖ם לִקְרַ֣את הַמֶּ֑לֶךְ וַיֹּ֤אמֶר לוֹ֙ הַמֶּ֔לֶךְ לָ֛מָּה לֹא־הָלַ֥כְתָּ עִמִּ֖י מְפִיבֹֽשֶׁת׃

‎27 ‏וַיֹּאמַ֕ר אֲדֹנִ֥י הַמֶּ֖לֶךְ עַבְדִּ֣י רִמָּ֑נִי כִּֽי־אָמַ֨ר עַבְדְּךָ֜ אֶחְבְּשָׁה־לִּי֩ הַחֲמ֨וֹר וְאֶרְכַּ֤ב עָלֶ֙יהָ֙ וְאֵלֵ֣ךְ אֶת־הַמֶּ֔לֶךְ כִּ֥י פִסֵּ֖חַ עַבְדֶּֽךָ׃

‎28 ‏וַיְרַגֵּ֣ל בְּעַבְדְּךָ֔ אֶל־אֲדֹנִ֖י הַמֶּ֑לֶךְ וַאדֹנִ֤י הַמֶּ֙לֶךְ֙ כְּמַלְאַ֣ךְ הָאֱלֹהִ֔ים וַעֲשֵׂ֥ה הַטּ֖וֹב בְּעֵינֶֽיךָ׃

‎29 ‏כִּי֩ לֹ֨א הָיָ֜ה כָּל־בֵּ֣ית אָבִ֗י כִּ֤י אִם־אַנְשֵׁי־מָ֙וֶת֙ לַאדֹנִ֣י הַמֶּ֔לֶךְ וַתָּ֙שֶׁת֙ אֶֽת־עַבְדְּךָ֔ בְּאֹכְלֵ֖י שֻׁלְחָנֶ֑ךָ וּמַה־יֶּשׁ־לִ֥י עוֹד֙ צְדָקָ֔ה וְלִזְעֹ֥ק ע֖וֹד אֶל־הַמֶּֽלֶךְ׃ פ

‎30 ‏וַיֹּ֤אמֶר לוֹ֙ הַמֶּ֔לֶךְ לָ֛מָּה תְּדַבֵּ֥ר ע֖וֹד דְּבָרֶ֑יךָ אָמַ֕רְתִּי אַתָּ֣ה וְצִיבָ֔א תַּחְלְק֖וּ אֶת־הַשָּׂדֶֽה׃

‎31 ‏וַיֹּ֤אמֶר מְפִיבֹ֙שֶׁת֙ אֶל־הַמֶּ֔לֶךְ גַּ֥ם אֶת־הַכֹּ֖ל יִקָּ֑ח אַ֠חֲרֵי אֲשֶׁר־בָּ֞א אֲדֹנִ֥י הַמֶּ֛לֶך¹ בְּשָׁל֖וֹם אֶל־בֵּיתֽוֹ׃ ס

‎32 ‏וּבַרְזִלַּי֙ הַגִּלְעָדִ֔י יָרַ֖ד מֵרֹגְלִ֑ים וַיַּעֲבֹ֤ר אֶת־הַמֶּ֙לֶךְ֙ הַיַּרְדֵּ֔ן לְשַׁלְּח֖וֹ אֶת־בירדן הַיַּרְדֵּֽן׃

‎33 ‏וּבַרְזִלַּי֙ זָקֵ֣ן מְאֹ֔ד בֶּן־שְׁמֹנִ֖ים שָׁנָ֑ה וְהֽוּא־כִלְכַּ֤ל אֶת־הַמֶּ֙לֶךְ֙ בְּשִׁיבָת֣וֹ בְמַחֲנַ֔יִם כִּֽי־אִ֛ישׁ גָּד֥וֹל ה֖וּא מְאֹֽד׃

‎34 ‏וַיֹּ֥אמֶר הַמֶּ֖לֶךְ אֶל־בַּרְזִלָּ֑י אַתָּה֙ עֲבֹ֣ר אִתִּ֔י וְכִלְכַּלְתִּ֥י אֹתְךָ֛ עִמָּדִ֖י בִּירוּשָׁלִָֽם׃

‎35 ‏וַיֹּ֥אמֶר בַּרְזִלַּ֖י אֶל־הַמֶּ֑לֶךְ כַּמָּ֗ה יְמֵי֙ שְׁנֵ֣י חַיַּ֔י כִּי־אֶעֱלֶ֥ה אֶת־הַמֶּ֖לֶךְ יְרוּשָׁלִָֽם׃

‎36 ‏בֶּן־שְׁמֹנִ֣ים שָׁנָה֩ אָנֹכִ֨י הַיּ֜וֹם הַאֵדַ֣ע׀ בֵּין־ט֣וֹב לְרָ֗ע אִם־יִטְעַ֤ם עַבְדְּךָ֙ אֶת־אֲשֶׁ֤ר אֹכַל֙ וְאֶת־אֲשֶׁ֣ר אֶשְׁתֶּ֔ה אִם־אֶשְׁמַ֣ע ע֔וֹד בְּק֖וֹל שָׁרִ֣ים וְשָׁר֑וֹת וְלָמָּה֩ יִֽהְיֶ֨ה עַבְדְּךָ֥ עוֹד֙ לְמַשָּׂ֔א אֶל־אֲדֹנִ֖י הַמֶּֽלֶךְ׃

‎37 ‏כִּמְעַ֞ט יַעֲבֹ֧ר עַבְדְּךָ֛ אֶת־הַיַּרְדֵּ֖ן אֶת־הַמֶּ֑לֶךְ וְלָ֙מָּה֙ יִגְמְלֵ֣נִי הַמֶּ֔לֶךְ הַגְּמוּלָ֖ה הַזֹּֽאת׃

‎38 ‏יָֽשָׁב־נָ֤א עַבְדְּךָ֙ וְאָמֻ֣ת בְּעִירִ֔י עִ֛ם קֶ֥בֶר אָבִ֖י וְאִמִּ֑י וְהִנֵּ֣ה׀ עַבְדְּךָ֣ כִמְהָ֗ם יַֽעֲבֹר֙ עִם־אֲדֹנִ֣י הַמֶּ֔לֶךְ וַעֲשֵׂה־ל֕וֹ אֵ֥ת אֲשֶׁר־ט֖וֹב בְּעֵינֶֽיךָ׃ ס

‎39 ‏וַיֹּ֣אמֶר הַמֶּ֗לֶךְ אִתִּי֙ יַעֲבֹ֣ר כִּמְהָ֔ם וַאֲנִי֙ אֶעֱשֶׂה־לּ֔וֹ אֶת־הַטּ֖וֹב בְּעֵינֶ֑יךָ וְכֹ֛ל אֲשֶׁר־תִּבְחַ֥ר עָלַ֖י אֶֽעֱשֶׂה־לָּֽךְ׃

‎40 ‏וַיַּעֲבֹ֧ר כָּל־הָעָ֛ם אֶת־הַיַּרְדֵּ֖ן וְהַמֶּ֣לֶךְ עָבָ֑ר וַיִּשַּׁ֨ק הַמֶּ֤לֶךְ לְבַרְזִלַּי֙ וַיְבָ֣רֲכֵ֔הוּ וַיָּ֖שָׁב לִמְקֹמֽוֹ׃ ס

‎41 ‏וַיַּעֲבֹ֤ר הַמֶּ֙לֶךְ֙ הַגִּלְגָּ֔לָה וְכִמְהָ֖ן עָבַ֣ר עִמּ֑וֹ וְכָל־עַ֤ם יְהוּדָה֙ ויעברו הֶעֱבִ֣ירוּ אֶת־הַמֶּ֔לֶךְ וְגַ֕ם חֲצִ֖י עַ֥ם יִשְׂרָאֵֽל׃

‎42 ‏וְהִנֵּ֛ה כָּל־אִ֥ישׁ יִשְׂרָאֵ֖ל בָּאִ֣ים אֶל־הַמֶּ֑לֶךְ וַיֹּאמְר֣וּ אֶל־הַמֶּ֡לֶךְ מַדּוּעַ֩ גְּנָב֨וּךָ אַחֵ֜ינוּ אִ֣ישׁ יְהוּדָ֗ה וַיַּעֲבִ֨רוּ אֶת־הַמֶּ֤לֶךְ וְאֶת־בֵּיתוֹ֙ אֶת־הַיַּרְדֵּ֔ן וְכָל־אַנְשֵׁ֥י דָוִ֖ד עִמּֽוֹ׃ ס

‎43 ‏וַיַּעַן֩ כָּל־אִ֨ישׁ יְהוּדָ֜ה עַל־אִ֣ישׁ יִשְׂרָאֵ֗ל כִּֽי־קָר֤וֹב הַמֶּ֙לֶךְ֙ אֵלַ֔י וְלָ֤מָּה זֶּה֙ חָרָ֣ה לְךָ֔ עַל־הַדָּבָ֖ר הַזֶּ֑ה הֶאָכ֤וֹל אָכַ֙לְנוּ֙ מִן־הַמֶּ֔לֶךְ אִם־נִשֵּׂ֥את נִשָּׂ֖א לָֽנוּ׃ ס

‎44 ‏וַיַּ֣עַן אִֽישׁ־יִשְׂרָאֵל֩ אֶת־אִ֨ישׁ יְהוּדָ֜ה וַיֹּ֗אמֶר עֶֽשֶׂר־יָד֨וֹת לִ֣י בַמֶּלֶךְ֮ וְגַם־בְּדָוִד֮ אֲנִ֣י מִמְּךָ֒ וּמַדּ֙וּעַ֙ הֱקִלֹּתַ֔נִי וְלֹא־הָיָ֨ה דְבָרִ֥י רִאשׁ֛וֹן לִ֖י לְהָשִׁ֣יב אֶת־מַלְכִּ֑י וַיִּ֙קֶשׁ֙ דְּבַר־אִ֣ישׁ יְהוּדָ֔ה מִדְּבַ֖ר אִ֥ישׁ יִשְׂרָאֵֽל׃ ס

1 wayyirəgaz hammeleḵə wayy^a‘al ‘al-‘ălîyaṯ hašš^a‘ar wayyēḇəḵḵə wəḵōh| ’āmar bəleḵətwō bənî ’aḇəšālwōm bənî ḇənî ’aḇəšālwōm mî-yitēn mûṯî ’ănî ṯ^aḥəteyḵā ’aḇəšālwōm bənî ḇənî:

2 wayyugaḏ ləywō’āḇ hinnēh hammeleḵə bōḵeh wayyiṯə’abēl ‘al-’aḇəšālōm:

3 watəhî hatəšu‘â bayywōm hahû’ lə’ēḇel ləḵāl-hā‘ām kî-šām^a‘ hā‘ām bayywōm hahû’ lē’mōr ne‘ĕṣaḇ hammeleḵə ‘al-bənwō:

4 wayyiṯəgannēḇ hā‘ām bayywōm hahû’ lāḇwō’ hā‘îr ka’ăšer yiṯəgannēḇ hā‘ām hanniḵəlāmîm bənûsām bammiləḥāmâ:

5 wəhammeleḵə lā’aṭ ’eṯ-pānāyw wayyizə‘aq hammeleḵə qwōl gāḏwōl bənî ’aḇəšālwōm ’aḇəšālwōm bənî ḇənî: s

6 wayyāḇō’ ywō’āḇ ’el-hammeleḵə habāyiṯ wayyō’mer hōḇašətā hayywōm ’eṯ-pənê ḵāl-‘ăḇāḏeyḵā haməmalləṭîm ’eṯ-nafəšəḵā hayywōm wə’ēṯ nefeš bāneyḵā ûḇənōṯeyḵā wənefeš nāšeyḵā wənefeš pilaḡəšeyḵā:

7 lə’ahăḇâ ’eṯ-śōnə’eyḵā wəliśənō’ ’eṯ-’ōhăḇeyḵā kî| higaḏətā hayywōm kî ’ên ləḵā śārîm w^a‘ăḇāḏîm kî| yāḏ^a‘ətî hayywōm kî lu’ lû ’aḇəšālwōm ḥay wəḵullānû hayywōm mēṯîm kî-’āz yāšār bə‘êneyḵā:

8 wə‘atâ qûm ṣē’ wəḏabēr ‘al-lēḇ ‘ăḇāḏeyḵā kî ḇayhwâ nišəb^a‘ətî kî-’ênəḵā ywōṣē’ ’im-yālîn ’îš ’itəḵā hallayəlâ wərā‘â ləḵā zō’ṯ mikāl-hārā‘â ’ăšer-bā’â ‘āleyḵā minnə‘ureyḵā ‘aḏ-‘ātâ: s

9 wayyāqām hammeleḵə wayyēšeḇ baššā‘ar ûləḵāl-hā‘ām higîḏû lē’mōr hinnēh hammeleḵə ywōšēḇ bašš^a‘ar wayyāḇō’ ḵāl-hā‘ām lifənê hammeleḵə wəyiśərā’ēl nās ’îš lə’ōhālāyw: s

10 wayəhî ḵāl-hā‘ām nāḏwōn bəḵāl-šiḇəṭê yiśərā’ēl lē’mōr hammeleḵə hiṣṣîlānû| mikaf ’ōyəḇênû wəhû’ milləṭānû mikaf pəlišətîm wə‘atâ bār^aḥ min-hā’āreṣ mē‘al ’aḇəšālwōm:

11 wə’aḇəšālwōm ’ăšer māš^aḥənû ‘ālênû mēṯ bammiləḥāmâ wə‘atâ lāmâ ’atem m^aḥărišîm ləhāšîḇ ’eṯ-hammeleḵə: s

12 wəhammeleḵə dāwiḏ šāl^aḥ ’el-ṣāḏwōq wə’el-’eḇəyāṯār hakōhănîm lē’mōr dabərû ’el-ziqənê yəhûḏâ lē’mōr lāmmâ ṯihəyû ’^aḥărōnîm ləhāšîḇ ’eṯ-hammeleḵə ’el-bêṯwō ûḏəḇar kāl-yiśərā’ēl bā’ ’el-hammeleḵə ’el-bêṯwō:

13 ’^aḥay ’atem ‘aṣəmî ûḇəśārî ’atem wəlāmmâ ṯihəyû ’^aḥărōnîm ləhāšîḇ ’eṯ-hammeleḵə:

14 wəl^a‘ămāśā’ tōmərû hălwō’ ‘aṣəmî ûḇəśārî ’ātâ kōh y^a‘ăśeh-llî ’ĕlōhîm wəḵōh ywōsîf ’im-lō’ śar-ṣāḇā’ tihəyeh ləfānay kāl-hayyāmîm t^aḥaṯ ywō’āḇ:

15 wayyaṭ ’eṯ-ləḇaḇ kāl-’îš-yəhûḏâ kə’îš ’eḥāḏ wayyišələḥû ’el-hammeleḵə šûḇ ’atâ wəḵāl-‘ăḇāḏeyḵā:

16 wayyāšāḇ hammeleḵə wayyāḇō’ ‘aḏ-hayyarədēn wîhûḏâ bā’ hagiləgālâ lāleḵeṯ liqəra’ṯ hammeleḵə ləh^a‘ăḇîr ’eṯ-hammeleḵə ’eṯ-hayyarədēn:

17 wayəmahēr šimə‘î ḇen-gērā’ ben-hayəmînî ’ăšer mib^aḥûrîm wayyēreḏ ‘im-’îš yəhûḏâ liqəra’ṯ hammeleḵə dāwiḏ:

18 wə’elef ’îš ‘immwō mibinəyāmin wəṣîḇā’ n^a‘ar bêṯ šā’ûl w^aḥămēšeṯ ‘āśār bānāyw wə‘eśərîm ‘ăḇāḏāyw ’itwō wəṣāləḥû hayyarədēn lifənê hammeleḵə:

19 wə‘āḇərâ hā‘ăḇārâ l^a‘ăḇîr ’eṯ-bêṯ hammeleḵə wəl^a‘ăśwōṯ haṭṭwōḇ bə‘ênāw bə‘ênāyw wəšimə‘î ḇen-gērā’ nāfal lifənê hammeleḵə bə‘āḇərwō bayyarədēn:

20 wayyō’mer ’el-hammeleḵə ’al-y^aḥăšāḇ-lî ’ăḏōnî ‘āwōn wə’al-tizəkōr ’ēṯ ’ăšer he‘ĕwâ ‘aḇədəḵā bayywōm ’ăšer-yāׅṣāׅ’ׅ⁴ ’ăḏōnî-hammeleḵə mîrûšālāim lāśûm hammeleḵə ’el-libwō:

21 kî yāḏ^a‘ ‘aḇədəḵā kî ’ănî ḥāṭā’ṯî wəhinnēh-ḇā’ṯî hayywōm ri’šwōn ləḵāl-bêṯ ywōsēf lāreḏeṯ liqəra’ṯ ’ăḏōnî hammeleḵə: s

22 wayy^a‘an ’ăḇîšay ben-ṣərûyâ wayyō’mer hăṯ^aḥaṯ zō’ṯ lō’ yûmaṯ šimə‘î kî qillēl ’eṯ-məšîḥa yəhwâ: s

23 wayyō’mer dāwiḏ mah-llî wəlāḵem bənê ṣərûyâ kî-ṯihəyû-lî hayywōm ləśāṭān hayywōm yûmaṯ ’îš bəyiśərā’ēl kî hălwō’ yāḏ^a‘ətî kî hayywōm ’ănî-meleḵə ‘al-yiśərā’ēl:

24 wayyō’mer hammeleḵə ’el-šimə‘î lō’ ṯāmûṯ wayyiššāḇ^a‘ lwō hammeleḵə: s

25 ûməfiḇōšeṯ ben-šā’ûl yāraḏ liqəra’ṯ hammeleḵə wəlō’-‘āśâ raḡəlāyw wəlō’-‘āśâ śəfāmwō wə’eṯ-bəḡāḏāyw lō’ ḵibēs ləmin-hayywōm leḵeṯ hammeleḵə ‘aḏ-hayywōm ’ăšer-bā’ ḇəšālwōm:

26 wayəhî kî-ḇā’ yərûšālaim liqəra’ṯ hammeleḵə wayyō’mer lwō hammeleḵə lāmmâ lō’-hālaḵətā ‘immî məfîḇōšeṯ:

27 wayyō’mar ’ăḏōnî hammeleḵə ‘aḇədî rimmānî kî-’āmar ‘aḇədəḵā ’eḥəbəšâ-llî h^aḥămwōr wə’erəkaḇ ‘āleyhā wə’ēlēḵə ’eṯ-hammeleḵə kî fissēḥa ‘aḇədeḵā:

28 wayəragēl bə‘aḇədəḵā ’el-’ăḏōnî hammeleḵə wa’ḏōnî hammeleḵə kəmalə’aḵə hā’ĕlōhîm w^a‘ăśēh haṭṭwōḇ bə‘êneyḵā:

29 kî lō’ hāyâ kāl-bêṯ ’āḇî kî ’im-’anəšê-māweṯ la’ḏōnî hammeleḵə watāšeṯ ’eṯ-‘aḇədəḵā bə’ōḵəlê šuləḥāneḵā ûmah-yyeš-lî ‘wōḏ ṣəḏāqâ wəlizə‘ōq ‘wōḏ ’el-hammeleḵə: f

30 wayyō’mer lwō hammeleḵə lāmmâ təḏabēr ‘wōḏ dəḇāreyḵā ’āmarətî ’atâ wəṣîḇā’ t^aḥələqû ’eṯ-haśśāḏeh:

31 wayyō’mer məfîḇōšeṯ ’el-hammeleḵə gam ’eṯ-hakōl yiqqāḥ ’^aḥărê ’ăšer-bā’ ’ăḏōnî hammeleḵ¹ bəšālwōm ’el-bêṯwō: s

32 ûḇarəzillay hagilə‘āḏî yāraḏ mērōḡəlîm wayy^a‘ăḇōr ’eṯ-hammeleḵə hayyarədēn ləšalləḥwō ’eṯ-bayyarədēn hayyarədēn:

33 ûḇarəzillay zāqēn mə’ōḏ ben-šəmōnîm šānâ wəhû’-ḵiləkal ’eṯ-hammeleḵə bəšîḇāṯwō ḇəm^aḥănayim kî-’îš gāḏwōl hû’ mə’ōḏ:

34 wayyō’mer hammeleḵə ’el-barəzillāy ’atâ ‘ăḇōr ’itî wəḵiləkalətî ’ōṯəḵā ‘immāḏî bîrûšālāim:

35 wayyō’mer barəzillay ’el-hammeleḵə kammâ yəmê šənê ḥayyay kî-’e‘ĕleh ’eṯ-hammeleḵə yərûšālāim:

36 ben-šəmōnîm šānâ ’ānōḵî hayywōm ha’ēḏ^a‘| bên-ṭwōḇ lərā‘ ’im-yiṭə‘am ‘aḇədəḵā ’eṯ-’ăšer ’ōḵal wə’eṯ-’ăšer ’ešəteh ’im-’ešəm^a‘ ‘wōḏ bəqwōl šārîm wəšārwōṯ wəlāmmâ yihəyeh ‘aḇədəḵā ‘wōḏ ləmaśśā’ ’el-’ăḏōnî hammeleḵə:

37 kimə‘aṭ y^a‘ăḇōr ‘aḇədəḵā ’eṯ-hayyarədēn ’eṯ-hammeleḵə wəlāmmâ yiḡəməlēnî hammeleḵə hagəmûlâ hazzō’ṯ:

38 yāšāḇ-nā’ ‘aḇədəḵā wə’āmuṯ bə‘îrî ‘im qeḇer ’āḇî wə’immî wəhinnēh| ‘aḇədəḵā ḵiməhām y^a‘ăḇōr ‘im-’ăḏōnî hammeleḵə w^a‘ăśēh-lwō ’ēṯ ’ăšer-ṭwōḇ bə‘êneyḵā: s

39 wayyō’mer hammeleḵə ’itî y^a‘ăḇōr kiməhām wa’ănî ’e‘ĕśeh-llwō ’eṯ-haṭṭwōḇ bə‘êneyḵā wəḵōl ’ăšer-tiḇəḥar ‘ālay ’e‘ĕśeh-llāḵə:

40 wayy^a‘ăḇōr kāl-hā‘ām ’eṯ-hayyarədēn wəhammeleḵə ‘āḇār wayyiššaq hammeleḵə ləḇarəzillay wayəḇārăḵēhû wayyāšāḇ liməqōmwō: s

41 wayy^a‘ăḇōr hammeleḵə hagiləgālâ wəḵiməhān ‘āḇar ‘immwō wəḵāl-‘am yəhûḏâ wayy^a‘ăḇirû he‘ĕḇîrû ’eṯ-hammeleḵə wəḡam ḥăṣî ‘am yiśərā’ēl:

42 wəhinnēh kāl-’îš yiśərā’ēl bā’îm ’el-hammeleḵə wayyō’mərû ’el-hammeleḵə madû‘a gənāḇûḵā ’^aḥênû ’îš yəhûḏâ wayy^a‘ăḇirû ’eṯ-hammeleḵə wə’eṯ-bêṯwō ’eṯ-hayyarədēn wəḵāl-’anəšê ḏāwiḏ ‘immwō: s

43 wayy^a‘an kāl-’îš yəhûḏâ ‘al-’îš yiśərā’ēl kî-qārwōḇ hammeleḵə ’ēlay wəlāmmâ zzeh ḥārâ ləḵā ‘al-hadāḇār hazzeh he’āḵwōl ’āḵalənû min-hammeleḵə ’im-niśśē’ṯ niśśā’ lānû: s

44 wayy^a‘an ’îš-yiśərā’ēl ’eṯ-’îš yəhûḏâ wayyō’mer ‘eśer-yāḏwōṯ lî ḇammeleḵə wəḡam-bəḏāwiḏ ’ănî mimməḵā ûmadû‘a hĕqillōṯanî wəlō’-hāyâ ḏəḇārî ri’šwōn lî ləhāšîḇ ’eṯ-maləkî wayyiqeš dəḇar-’îš yəhûḏâ midəḇar ’îš yiśərā’ēl: s

Tanach (Hebrew): 2 Samuel (2 Shmuel) Chapter 20

‎1 ‏וְשָׁ֨ם נִקְרָ֜א אִ֣ישׁ בְּלִיַּ֗עַל וּשְׁמ֛וֹ שֶׁ֥בַע בֶּן־בִּכְרִ֖י אִ֣ישׁ יְמִינִ֑י וַיִּתְקַ֣ע בַּשֹּׁפָ֗ר וַ֠יֹּאמֶר אֵֽין־לָ֨נוּ חֵ֜לֶק בְּדָוִ֗ד וְלֹ֤א נַֽחֲלָה־לָ֙נוּ֙ בְּבֶן־יִשַׁ֔י אִ֥ישׁ לְאֹהָלָ֖יו יִשְׂרָאֵֽל׃

‎2 ‏וַיַּ֜עַל כָּל־אִ֤ישׁ יִשְׂרָאֵל֙ מֵאַחֲרֵ֣י דָוִ֔ד אַחֲרֵ֖י שֶׁ֣בַע בֶּן־בִּכְרִ֑י וְאִ֤ישׁ יְהוּדָה֙ דָּבְק֣וּ בְמַלְכָּ֔ם מִן־הַיַּרְדֵּ֖ן וְעַד־יְרוּשָׁלִָֽם׃

‎3 ‏וַיָּבֹ֨א דָוִ֣ד אֶל־בֵּיתוֹ֮ יְרֽוּשָׁלִַם֒ וַיִּקַּ֣ח הַמֶּ֡לֶךְ אֵ֣ת עֶֽשֶׂר־נָשִׁ֣ים׀ פִּלַגְשִׁ֡ים אֲשֶׁ֣ר הִנִּיחַ֩ לִשְׁמֹ֨ר הַבַּ֜יִת וַֽיִּתְּנֵ֤ם בֵּית־מִשְׁמֶ֙רֶת֙ וַֽיְכַלְכְּלֵ֔ם וַאֲלֵיהֶ֖ם לֹא־בָ֑א וַתִּהְיֶ֧ינָה צְרֻר֛וֹת עַד־י֥וֹם מֻתָ֖ן אַלְמְנ֥וּת חַיּֽוּת׃ ס

‎4 ‏וַיֹּ֤אמֶר הַמֶּ֙לֶךְ֙ אֶל־עֲמָשָׂ֔א הַזְעֶק־לִ֥י אֶת־אִישׁ־יְהוּדָ֖ה שְׁלֹ֣שֶׁת יָמִ֑ים וְאַתָּ֖ה פֹּ֥ה עֲמֹֽד׃

‎5 ‏וַיֵּ֥לֶךְ עֲמָשָׂ֖א לְהַזְעִ֣יק אֶת־יְהוּדָ֑ה וייחר וַיּ֕וֹחֶר מִן־הַמּוֹעֵ֖ד אֲשֶׁ֥ר יְעָדֽוֹ׃ ס

‎6 ‏וַיֹּ֤אמֶר דָּוִד֙ אֶל־אֲבִישַׁ֔י עַתָּ֗ה יֵ֧רַֽע לָ֛נוּ שֶׁ֥בַע בֶּן־בִּכְרִ֖י מִן־אַבְשָׁל֑וֹם אַ֠תָּה קַ֞ח אֶת־עַבְדֵ֤י אֲדֹנֶ֙יךָ֙ וּרְדֹ֣ף אַחֲרָ֔יו פֶּן־מָ֥צָא ל֛וֹ עָרִ֥ים בְּצֻר֖וֹת וְהִצִּ֥יל עֵינֵֽנוּ׃

‎7 ‏וַיֵּצְא֤וּ אַֽחֲרָיו֙ אַנְשֵׁ֣י יוֹאָ֔ב וְהַכְּרֵתִ֥י וְהַפְּלֵתִ֖י וְכָל־הַגִּבֹּרִ֑ים וַיֵּֽצְאוּ֙ מִיר֣וּשָׁלִַ֔ם לִרְדֹּ֕ף אַחֲרֵ֖י שֶׁ֥בַע בֶּן־בִּכְרִֽי׃

‎8 ‏הֵ֗ם עִם־הָאֶ֤בֶן הַגְּדוֹלָה֙ אֲשֶׁ֣ר בְּגִבְע֔וֹן וַעֲמָשָׂ֖א בָּ֣א לִפְנֵיהֶ֑ם וְיוֹאָ֞ב חָג֣וּר׀ מִדּ֣וֹ לְבֻשׁ֗וּ ועלו וְעָלָ֞יו חֲג֥וֹר חֶ֙רֶב֙ מְצֻמֶּ֤דֶת עַל־מָתְנָיו֙ בְּתַעְרָ֔הּ וְה֥וּא יָצָ֖א וַתִּפֹּֽל׃ ס

‎9 ‏וַיֹּ֤אמֶר יוֹאָב֙ לַעֲמָשָׂ֔א הֲשָׁל֥וֹם אַתָּ֖ה אָחִ֑י וַתֹּ֜חֶז יַד־יְמִ֥ין יוֹאָ֛ב בִּזְקַ֥ן עֲמָשָׂ֖א לִנְשָׁק־לֽוֹ׃

‎10 ‏וַעֲמָשָׂ֨א לֹֽא־נִשְׁמַ֜ר בַּחֶ֣רֶב׀ אֲשֶׁ֣ר בְּיַד־יוֹאָ֗ב וַיַּכֵּהוּ֩ בָ֨הּ אֶל־הַחֹ֜מֶשׁ וַיִּשְׁפֹּ֨ךְ מֵעָ֥יו אַ֛רְצָה וְלֹא־שָׁ֥נָה ל֖וֹ וַיָּמֹ֑ת סוְיוֹאָב֙ וַאֲבִישַׁ֣י אָחִ֔יו רָדַ֕ף אַחֲרֵ֖י שֶׁ֥בַע בֶּן־בִּכְרִֽי׃

‎11 ‏וְאִישׁ֙ עָמַ֣ד עָלָ֔יו מִֽנַּעֲרֵ֖י יוֹאָ֑ב וַיֹּ֗אמֶר מִי֩ אֲשֶׁ֨ר חָפֵ֧ץ בְּיוֹאָ֛ב וּמִ֥י אֲשֶׁר־לְדָוִ֖ד אַחֲרֵ֥י יוֹאָֽב׃

‎12 ‏וַעֲמָשָׂ֛א מִתְגֹּלֵ֥ל בַּדָּ֖ם בְּת֣וֹךְ הַֽמְּסִלָּ֑ה וַיַּ֨רְא הָאִ֜ישׁ כִּֽי־עָמַ֣ד כָּל־הָעָ֗ם וַיַּסֵּב֩ אֶת־עֲמָשָׂ֨א מִן־הַֽמְסִלָּ֤ה הַשָּׂדֶה֙ וַיַּשְׁלֵ֤ךְ עָלָיו֙ בֶּ֔גֶד כַּאֲשֶׁ֣ר רָאָ֔ה כָּל־הַבָּ֥א עָלָ֖יו וְעָמָֽד׃

‎13 ‏כַּאֲשֶׁ֥ר הֹגָ֖ה מִן־הַֽמְסִלָּ֑ה עָבַ֤ר כָּל־אִישׁ֙ אַחֲרֵ֣י יוֹאָ֔ב לִרְדֹּ֕ף אַחֲרֵ֖י שֶׁ֥בַע בֶּן־בִּכְרִֽי׃

‎14 ‏וַֽיַּעֲבֹ֞ר בְּכָל־שִׁבְטֵ֣י יִשְׂרָאֵ֗ל אָבֵ֛לָה וּבֵ֥ית מַעֲכָ֖ה וְכָל־הַבֵּרִ֑ים סויקלהו וַיִּקָּ֣הֲל֔וּ וַיָּבֹ֖אוּ אַף־אַחֲרָֽיו׃

‎15 ‏וַיָּבֹ֜אוּ וַיָּצֻ֣רוּ עָלָ֗יו בְּאָבֵ֙לָה֙ בֵּ֣ית הַֽמַּעֲכָ֔ה וַיִּשְׁפְּכ֤וּ סֹֽלְלָה֙ אֶל־הָעִ֔יר וַֽתַּעֲמֹ֖ד בַּחֵ֑ל וְכָל־הָעָם֙ אֲשֶׁ֣ר אֶת־יוֹאָ֔ב מַשְׁחִיתִ֖ם לְהַפִּ֥יל הַחוֹמָֽה׃

‎16 ‏וַתִּקְרָ֛א אִשָּׁ֥ה חֲכָמָ֖ה מִן־הָעִ֑יר שִׁמְע֤וּ שִׁמְעוּ֙ אִמְרוּ־נָ֣א אֶל־יוֹאָ֔ב קְרַ֣ב עַד־הֵ֔נָּה וַאֲדַבְּרָ֖ה אֵלֶֽיךָ׃

‎17 ‏וַיִּקְרַ֣ב אֵלֶ֔יהָ וַתֹּ֧אמֶר הָאִשָּׁ֛ה הַאַתָּ֥ה יוֹאָ֖ב וַיֹּ֣אמֶר אָ֑נִי וַתֹּ֣אמֶר ל֗וֹ שְׁמַע֙ דִּבְרֵ֣י אֲמָתֶ֔ךָ וַיֹּ֖אמֶר שֹׁמֵ֥עַ אָנֹֽכִי׃

‎18 ‏וַתֹּ֖אמֶר לֵאמֹ֑ר דַּבֵּ֨ר יְדַבְּר֤וּ בָרִֽאשֹׁנָה֙ לֵאמֹ֔ר שָׁאֹ֧ל יְשָׁאֲל֛וּ בְּאָבֵ֖ל וְכֵ֥ן הֵתַֽמּוּ׃

‎19 ‏אָנֹכִ֕י שְׁלֻמֵ֖י אֱמוּנֵ֣י יִשְׂרָאֵ֑ל אַתָּ֣ה מְבַקֵּ֗שׁ לְהָמִ֨ית עִ֤יר וְאֵם֙ בְּיִשְׂרָאֵ֔ל לָ֥מָּה תְבַלַּ֖ע נַחֲלַ֥ת יְהוָֽה׃ פ

‎20 ‏וַיַּ֥עַן יוֹאָ֖ב וַיֹּאמַ֑ר חָלִ֤ילָה חָלִ֙ילָה֙ לִ֔י אִם־אֲבַלַּ֖ע וְאִם־אַשְׁחִֽית׃

‎21 ‏לֹא־כֵ֣ן הַדָּבָ֗ר כִּ֡י אִישׁ֩ מֵהַ֨ר אֶפְרַ֜יִם שֶׁ֧בַע בֶּן־בִּכְרִ֣י שְׁמ֗וֹ נָשָׂ֤א יָדוֹ֙ בַּמֶּ֣לֶךְ בְּדָוִ֔ד תְּנֽוּ־אֹת֣וֹ לְבַדּ֔וֹ וְאֵלְכָ֖ה מֵעַ֣ל הָעִ֑יר וַתֹּ֤אמֶר הָֽאִשָּׁה֙ אֶל־יוֹאָ֔ב הִנֵּ֥ה רֹאשׁ֛וֹ מֻשְׁלָ֥ךְ אֵלֶ֖יךָ בְּעַ֥ד הַחוֹמָֽה׃

‎22 ‏וַתָּבוֹא֩ הָאִשָּׁ֨ה אֶל־כָּל־הָעָ֜ם בְּחָכְמָתָ֗הּ וַֽיִּכְרְת֞וּ אֶת־רֹ֨אשׁ שֶׁ֤בַע בֶּן־בִּכְרִי֙ וַיַּשְׁלִ֣כוּ אֶל־יוֹאָ֔ב וַיִּתְקַע֙ בַּשּׁוֹפָ֔ר וַיָּפֻ֥צוּ מֵֽעַל־הָעִ֖יר אִ֣ישׁ לְאֹהָלָ֑יו וְיוֹאָ֛ב שָׁ֥ב יְרוּשָׁלִַ֖ם אֶל־הַמֶּֽלֶךְ׃ ס

‎23 ‏וְיוֹאָ֕ב אֶ֥ל כָּל־הַצָּבָ֖א יִשְׂרָאֵ֑ל וּבְנָיָה֙ בֶּן־יְה֣וֹיָדָ֔ע עַל־הכרי הַכְּרֵתִ֖י וְעַל־הַפְּלֵתִֽי׃

‎24 ‏וַאֲדֹרָ֖ם עַל־הַמַּ֑ס וִיהוֹשָׁפָ֥ט בֶּן־אֲחִיל֖וּד הַמַּזְכִּֽיר׃

‎25 ‏ושיא וּשְׁוָ֖א סֹפֵ֑ר וְצָד֥וֹק וְאֶבְיָתָ֖ר כֹּהֲנִֽים׃

‎26 ‏וְגַ֗ם עִירָא֙ הַיָּ֣אִרִ֔י הָיָ֥ה כֹהֵ֖ן לְדָוִֽד׃ ס

1 wəšām niqərā’ ’îš bəlîy^a‘al ûšəmwō šeḇ^a‘ ben-biḵərî ’îš yəmînî wayyiṯəq^a‘ baššōfār wayyō’mer ’ên-lānû ḥēleq bəḏāwiḏ wəlō’ n^aḥălâ-lānû bəḇen-yišay ’îš lə’ōhālāyw yiśərā’ēl:

2 wayy^a‘al kāl-’îš yiśərā’ēl mē’^aḥărê ḏāwiḏ ’^aḥărê šeḇ^a‘ ben-biḵərî wə’îš yəhûḏâ dāḇəqû ḇəmaləkām min-hayyarədēn wə‘aḏ-yərûšālāim:

3 wayyāḇō’ ḏāwiḏ ’el-bêṯwō yərûšālaim wayyiqq^aḥ hammeleḵə ’ēṯ ‘eśer-nāšîm| pilaḡəšîm ’ăšer hinnîḥa lišəmōr habayiṯ wayyitənēm bêṯ-mišəmereṯ wayəḵaləkəlēm wa’ălêhem lō’-ḇā’ watihəyeynâ ṣərurwōṯ ‘aḏ-ywōm muṯān ’aləmənûṯ ḥayyûṯ: s

4 wayyō’mer hammeleḵə ’el-‘ămāśā’ hazə‘eq-lî ’eṯ-’îš-yəhûḏâ šəlōšeṯ yāmîm wə’atâ pōh ‘ămōḏ:

5 wayyēleḵə ‘ămāśā’ ləhazə‘îq ’eṯ-yəhûḏâ wayyêḥar wayywōḥer min-hammwō‘ēḏ ’ăšer yə‘āḏwō: s

6 wayyō’mer dāwiḏ ’el-’ăḇîšay ‘atâ yēr^a‘ lānû šeḇ^a‘ ben-biḵərî min-’aḇəšālwōm ’atâ q^aḥ ’eṯ-‘aḇəḏê ’ăḏōneyḵā ûrəḏōf ’^aḥărāyw pen-māṣā’ lwō ‘ārîm bəṣurwōṯ wəhiṣṣîl ‘ênēnû:

7 wayyēṣə’û ’^aḥărāyw ’anəšê ywō’āḇ wəhakərēṯî wəhapəlēṯî wəḵāl-hagibōrîm wayyēṣə’û mîrûšālaim lirədōf ’^aḥărê šeḇ^a‘ ben-biḵərî:

8 hēm ‘im-hā’eḇen hagəḏwōlâ ’ăšer bəḡiḇə‘wōn w^a‘ămāśā’ bā’ lifənêhem wəywō’āḇ ḥāḡûr| midwō ləḇušû wə‘ālwō wə‘ālāyw ḥăḡwōr ḥereḇ məṣummeḏeṯ ‘al-māṯənāyw bəṯ^a‘ərāh wəhû’ yāṣā’ watipōl: s

9 wayyō’mer ywō’āḇ l^a‘ămāśā’ hăšālwōm ’atâ ’āḥî watōḥez yaḏ-yəmîn ywō’āḇ bizəqan ‘ămāśā’ linəšāq-lwō:

10 w^a‘ămāśā’ lō’-nišəmar b^aḥereḇ| ’ăšer bəyaḏ-ywō’āḇ wayyakēhû ḇāh ’el-h^aḥōmeš wayyišəpōḵə mē‘āyw ’arəṣâ wəlō’-šānâ lwō wayyāmōṯ swəywō’āḇ wa’ăḇîšay ’āḥîw rāḏaf ’^aḥărê šeḇ^a‘ ben-biḵərî:

11 wə’îš ‘āmaḏ ‘ālāyw minn^a‘ărê ywō’āḇ wayyō’mer mî ’ăšer ḥāfēṣ bəywō’āḇ ûmî ’ăšer-ləḏāwiḏ ’^aḥărê ywō’āḇ:

12 w^a‘ămāśā’ miṯəgōlēl badām bəṯwōḵə hamməsillâ wayyarə’ hā’îš kî-‘āmaḏ kāl-hā‘ām wayyassēḇ ’eṯ-‘ămāśā’ min-haməsillâ haśśāḏeh wayyašəlēḵə ‘ālāyw beḡeḏ ka’ăšer rā’â kāl-habā’ ‘ālāyw wə‘āmāḏ:

13 ka’ăšer hōḡâ min-haməsillâ ‘āḇar kāl-’îš ’^aḥărê ywō’āḇ lirədōf ’^aḥărê šeḇ^a‘ ben-biḵərî:

14 wayy^a‘ăḇōr bəḵāl-šiḇəṭê yiśərā’ēl ’āḇēlâ ûḇêṯ m^a‘ăḵâ wəḵāl-habērîm swayyiqqāləhû wayyiqqâălû wayyāḇō’û ’af-’^aḥărāyw:

15 wayyāḇō’û wayyāṣurû ‘ālāyw bə’āḇēlâ bêṯ hamm^a‘ăḵâ wayyišəpəḵû sōləlâ ’el-hā‘îr wat^a‘ămōḏ b^aḥēl wəḵāl-hā‘ām ’ăšer ’eṯ-ywō’āḇ mašəḥîṯim ləhapîl h^aḥwōmâ:

16 watiqərā’ ’iššâ ḥăḵāmâ min-hā‘îr šimə‘û šimə‘û ’imərû-nā’ ’el-ywō’āḇ qəraḇ ‘aḏ-hēnnâ wa’ăḏabərâ ’ēleyḵā:

17 wayyiqəraḇ ’ēleyhā watō’mer hā’iššâ ha’atâ ywō’āḇ wayyō’mer ’ānî watō’mer lwō šəm^a‘ diḇərê ’ămāṯeḵā wayyō’mer šōmē‘a ’ānōḵî:

18 watō’mer lē’mōr dabēr yəḏabərû ḇāri’šōnâ lē’mōr šā’ōl yəšā’ălû bə’āḇēl wəḵēn hēṯammû:

19 ’ānōḵî šəlumê ’ĕmûnê yiśərā’ēl ’atâ məḇaqqēš ləhāmîṯ ‘îr wə’ēm bəyiśərā’ēl lāmmâ ṯəḇall^a‘ n^aḥălaṯ yəhwâ: f

20 wayy^a‘an ywō’āḇ wayyō’mar ḥālîlâ ḥālîlâ lî ’im-’ăḇall^a‘ wə’im-’ašəḥîṯ:

21 lō’-ḵēn hadāḇār kî ’îš mēhar ’efərayim šeḇ^a‘ ben-biḵərî šəmwō nāśā’ yāḏwō bammeleḵə bəḏāwiḏ tənû-’ōṯwō ləḇadwō wə’ēləḵâ mē‘al hā‘îr watō’mer hā’iššâ ’el-ywō’āḇ hinnēh rō’šwō mušəlāḵə ’ēleyḵā bə‘aḏ h^aḥwōmâ:

22 watāḇwō’ hā’iššâ ’el-kāl-hā‘ām bəḥāḵəmāṯāh wayyiḵərəṯû ’eṯ-rō’š šeḇ^a‘ ben-biḵərî wayyašəliḵû ’el-ywō’āḇ wayyiṯəq^a‘ baššwōfār wayyāfuṣû mē‘al-hā‘îr ’îš lə’ōhālāyw wəywō’āḇ šāḇ yərûšālaim ’el-hammeleḵə: s

23 wəywō’āḇ ’el kāl-haṣṣāḇā’ yiśərā’ēl ûḇənāyâ ben-yəhwōyāḏā‘ ‘al-hakərî hakərēṯî wə‘al-hapəlēṯî:

24 wa’ăḏōrām ‘al-hammas wîhwōšāfāṭ ben-’ăḥîlûḏ hammazəkîr:

25 wəšêā’ ûšəwā’ sōfēr wəṣāḏwōq wə’eḇəyāṯār kōhănîm:

26 wəḡam ‘îrā’ hayyā’irî hāyâ ḵōhēn ləḏāwiḏ: s

Tanach (Hebrew): 2 Samuel (2 Shmuel) Chapter 21

‎1 ‏וַיְהִ֣י רָעָב֩ בִּימֵ֨י דָוִ֜ד שָׁלֹ֣שׁ שָׁנִ֗ים שָׁנָה֙ אַחֲרֵ֣י שָׁנָ֔ה וַיְבַקֵּ֥שׁ דָּוִ֖ד אֶת־פְּנֵ֣י יְהוָ֑ה סוַיֹּ֣אמֶר יְהוָ֗ה אֶל־שָׁאוּל֙ וְאֶל־בֵּ֣ית הַדָּמִ֔ים עַל־אֲשֶׁר־הֵמִ֖ית אֶת־הַגִּבְעֹנִֽים׃

‎2 ‏וַיִּקְרָ֥א הַמֶּ֛לֶךְ לַגִּבְעֹנִ֖ים וַיֹּ֣אמֶר אֲלֵיהֶ֑ם וְהַגִּבְעֹנִ֞ים לֹ֣א מִבְּנֵ֧י יִשְׂרָאֵ֣ל הֵ֗מָּה כִּ֚י אִם־מִיֶּ֣תֶר הָאֱמֹרִ֔י וּבְנֵ֤י יִשְׂרָאֵל֙ נִשְׁבְּע֣וּ לָהֶ֔ם וַיְבַקֵּ֤שׁ שָׁאוּל֙ לְהַכֹּתָ֔ם בְּקַנֹּאת֥וֹ לִבְנֵֽי־יִשְׂרָאֵ֖ל וִיהוּדָֽה׃

‎3 ‏וַיֹּ֤אמֶר דָּוִד֙ אֶל־הַגִּבְעֹנִ֔ים מָ֥ה אֶעֱשֶׂ֖ה לָכֶ֑ם וּבַמָּ֣ה אֲכַפֵּ֔ר וּבָרְכ֖וּ אֶת־נַחֲלַ֥ת יְהוָֽה׃

‎4 ‏וַיֹּ֧אמְרוּ ל֣וֹ הַגִּבְעֹנִ֗ים אֵֽין־לי לָ֜נוּ כֶּ֤סֶף וְזָהָב֙ עִם־שָׁא֣וּל וְעִם־בֵּית֔וֹ וְאֵֽין־לָ֥נוּ אִ֖ישׁ לְהָמִ֣ית בְּיִשְׂרָאֵ֑ל וַיֹּ֛אמֶר מָֽה־אַתֶּ֥ם אֹמְרִ֖ים אֶעֱשֶׂ֥ה לָכֶֽם׃

‎5 ‏וַיֹּֽאמְרוּ֙ אֶל־הַמֶּ֔לֶךְ הָאִישׁ֙ אֲשֶׁ֣ר כִּלָּ֔נוּ וַאֲשֶׁ֖ר דִּמָּה־לָ֑נוּ נִשְׁמַ֕דְנוּ מֵֽהִתְיַצֵּ֖ב בְּכָל־גְּבֻ֥ל יִשְׂרָאֵֽל׃

‎6 ‏ינתן־ יֻתַּן־ לָ֜נוּ שִׁבְעָ֤ה אֲנָשִׁים֙ מִבָּנָ֔יו וְהוֹקַֽעֲנוּם֙ לַֽיהוָ֔ה בְּגִבְעַ֥ת שָׁא֖וּל בְּחִ֣יר יְהוָ֑ה סוַיֹּ֥אמֶר הַמֶּ֖לֶךְ אֲנִ֥י אֶתֵּֽן׃

‎7 ‏וַיַּחְמֹ֣ל הַמֶּ֔לֶךְ עַל־מְפִי־בֹ֖שֶׁת³ בֶּן־יְהוֹנָתָ֣ן בֶּן־שָׁא֑וּל עַל־שְׁבֻעַ֤ת יְהוָה֙ אֲשֶׁ֣ר בֵּֽינֹתָ֔ם בֵּ֣ין דָּוִ֔ד וּבֵ֖ין יְהוֹנָתָ֥ן בֶּן־שָׁאֽוּל׃

‎8 ‏וַיִּקַּ֣ח הַמֶּ֡לֶךְ אֶת־שְׁ֠נֵי בְּנֵ֨י רִצְפָּ֤ה בַת־אַיָּה֙ אֲשֶׁ֣ר יָלְדָ֣ה לְשָׁא֔וּל אֶת־אַרְמֹנִ֖י וְאֶת־מְפִבֹ֑שֶׁת וְאֶת־חֲמֵ֗שֶׁת בְּנֵי֙ מִיכַ֣ל בַּת־שָׁא֔וּל אֲשֶׁ֥ר יָלְדָ֛ה לְעַדְרִיאֵ֥ל בֶּן־בַּרְזִלַּ֖י הַמְּחֹלָתִֽי׃

‎9 ‏וַֽיִּתְּנֵ֞ם בְּיַ֣ד הַגִּבְעֹנִ֗ים וַיֹּקִיעֻ֤ם בָּהָר֙ לִפְנֵ֣י יְהוָ֔ה וַיִּפְּל֥וּ שבעתים שְׁבַעְתָּ֖ם יָ֑חַד והם וְהֵ֨מָּה הֻמְת֜וּ בִּימֵ֤י קָצִיר֙ בָּרִ֣אשֹׁנִ֔ים תחלת בִּתְחִלַּ֖ת^a קְצִ֥יר שְׂעֹרִֽים׃

‎10 ‏וַתִּקַּ֣ח רִצְפָּה֩ בַת־אַיָּ֨ה אֶת־הַשַּׂ֜ק וַתַּטֵּ֨הוּ לָ֤הּ אֶל־הַצּוּר֙ מִתְּחִלַּ֣ת קָצִ֔יר עַ֛ד נִתַּךְ־מַ֥יִם עֲלֵיהֶ֖ם מִן־הַשָּׁמָ֑יִם וְלֹֽא־נָתְנָה֩ ע֨וֹף הַשָּׁמַ֜יִם לָנ֤וּחַ עֲלֵיהֶם֙ יוֹמָ֔ם וְאֶת־חַיַּ֥ת הַשָּׂדֶ֖ה לָֽיְלָה׃

‎11 ‏וַיֻּגַּ֖ד לְדָוִ֑ד אֵ֧ת אֲשֶׁר־עָשְׂתָ֛ה רִצְפָּ֥ה בַת־אַיָּ֖ה פִּלֶ֥גֶשׁ שָׁאֽוּל׃

‎12 ‏וַיֵּ֣לֶךְ דָּוִ֗ד וַיִּקַּ֞ח אֶת־עַצְמ֤וֹת שָׁאוּל֙ וְאֶת־עַצְמוֹת֙ יְהוֹנָתָ֣ן בְּנ֔וֹ מֵאֵ֕ת בַּעֲלֵ֖י יָבֵ֣ישׁ גִּלְעָ֑ד אֲשֶׁר֩ גָּנְב֨וּ אֹתָ֜ם מֵרְחֹ֣ב בֵּֽית־שַׁ֗ן אֲשֶׁ֨ר תלום תְּלָא֥וּם שם הפלשתים שָׁ֙מָּה֙ פְּלִשְׁתִּ֔ים בְּי֨וֹם הַכּ֧וֹת פְּלִשְׁתִּ֛ים אֶת־שָׁא֖וּל בַּגִּלְבֹּֽעַ׃

‎13 ‏וַיַּ֤עַל מִשָּׁם֙ אֶת־עַצְמ֣וֹת שָׁא֔וּל וְאֶת־עַצְמ֖וֹת יְהוֹנָתָ֣ן בְּנ֑וֹ וַיַּ֣אַסְפ֔וּ אֶת־עַצְמ֖וֹת הַמּוּקָעִֽים׃

‎14 ‏וַיִּקְבְּר֣וּ אֶת־עַצְמוֹת־שָׁא֣וּל וִיהוֹנָֽתָן־בְּ֠נוֹ בְּאֶ֨רֶץ בִּנְיָמִ֜ן בְּצֵלָ֗ע בְּקֶ֙בֶר֙ קִ֣ישׁ אָבִ֔יו וַֽיַּעֲשׂ֔וּ כֹּ֥ל אֲשֶׁר־צִוָּ֖ה הַמֶּ֑לֶךְ וַיֵּעָתֵ֧ר אֱלֹהִ֛ים לָאָ֖רֶץ אַֽחֲרֵי־כֵֽן׃ פ

‎15 ‏וַתְּהִי־ע֧וֹד מִלְחָמָ֛ה לַפְּלִשְׁתִּ֖ים אֶת־יִשְׂרָאֵ֑ל וַיֵּ֨רֶד דָּוִ֜ד וַעֲבָדָ֥יו עִמּ֛וֹ וַיִּלָּחֲמ֥וּ אֶת־פְּלִשְׁתִּ֖ים וַיָּ֥עַף דָּוִֽד׃

‎16 ‏וישבו וְיִשְׁבִּ֨י בְּנֹ֜ב אֲשֶׁ֣ר׀ בִּילִידֵ֣י הָרָפָ֗ה וּמִשְׁקַ֤ל קֵינוֹ֙ שְׁלֹ֤שׁ מֵאוֹת֙ מִשְׁקַ֣ל נְחֹ֔שֶׁת וְה֖וּא חָג֣וּר חֲדָשָׁ֑ה וַיֹּ֖אמֶר לְהַכּ֥וֹת אֶת־דָּוִֽד׃

‎17 ‏וַיַּֽעֲזָר־לוֹ֙ אֲבִישַׁ֣י בֶּן־צְרוּיָ֔ה וַיַּ֥ךְ אֶת־הַפְּלִשְׁתִּ֖י וַיְמִיתֵ֑הוּ אָ֣ז נִשְׁבְּעוּ֩ אַנְשֵׁי־דָוִ֨ד ל֜וֹ לֵאמֹ֗ר לֹא־תֵצֵ֨א ע֤וֹד אִתָּ֙נוּ֙ לַמִּלְחָמָ֔ה וְלֹ֥א תְכַבֶּ֖ה אֶת־נֵ֥ר יִשְׂרָאֵֽל׃ פ

‎18 ‏וַֽיְהִי֙ אַֽחֲרֵי־כֵ֔ן וַתְּהִי־ע֧וֹד הַמִּלְחָמָ֛ה בְּג֖וֹב עִם־פְּלִשְׁתִּ֑ים אָ֣ז הִכָּ֗ה סִבְּכַי֙ הַחֻ֣שָׁתִ֔י אֶת־סַ֕ף אֲשֶׁ֖ר בִּילִדֵ֥י הָרָפָֽה׃ פ

‎19 ‏וַתְּהִי־ע֧וֹד הַמִּלְחָמָ֛ה בְּג֖וֹב עִם־פְּלִשְׁתִּ֑ים וַיַּ֡ךְ אֶלְחָנָן֩ בֶּן־יַעְרֵי֙ אֹרְגִ֜ים בֵּ֣ית הַלַּחְמִ֗י אֵ֚ת גָּלְיָ֣ת הַגִּתִּ֔י וְעֵ֣ץ חֲנִית֔וֹ כִּמְנ֖וֹר אֹרְגִֽים׃ ס

‎20 ‏וַתְּהִי־ע֥וֹד מִלְחָמָ֖ה בְּגַ֑ת וַיְהִ֣י׀ אִ֣ישׁ מדין מָד֗וֹן וְאֶצְבְּעֹ֣ת יָדָיו֩ וְאֶצְבְּעֹ֨ת³ רַגְלָ֜יו שֵׁ֣שׁ וָשֵׁ֗שׁ עֶשְׂרִ֤ים וְאַרְבַּע֙ מִסְפָּ֔ר וְגַם־ה֖וּא יֻלַּ֥ד לְהָרָפָֽה׃

‎21 ‏וַיְחָרֵ֖ף אֶת־יִשְׂרָאֵ֑ל וַיַּכֵּ֙הוּ֙ יְה֣וֹנָתָ֔ן בֶּן־שמעי שִׁמְעָ֖ה אֲחִ֥י דָוִֽד׃

‎22 ‏אֶת־אַרְבַּ֥עַת אֵ֛לֶּה יֻלְּד֥וּ לְהָרָפָ֖ה בְּגַ֑ת וַיִּפְּל֥וּ בְיַד־דָּוִ֖ד וּבְיַ֥ד עֲבָדָֽיו׃ פ

1 wayəhî rā‘āḇ bîmê ḏāwiḏ šālōš šānîm šānâ ’^aḥărê šānâ wayəḇaqqēš dāwiḏ ’eṯ-pənê yəhwâ swayyō’mer yəhwâ ’el-šā’ûl wə’el-bêṯ hadāmîm ‘al-’ăšer-hēmîṯ ’eṯ-hagiḇə‘ōnîm:

2 wayyiqərā’ hammeleḵə lagiḇə‘ōnîm wayyō’mer ’ălêhem wəhagiḇə‘ōnîm lō’ mibənê yiśərā’ēl hēmmâ kî ’im-mîyeṯer hā’ĕmōrî ûḇənê yiśərā’ēl nišəbə‘û lâem wayəḇaqqēš šā’ûl ləhakōṯām bəqannō’ṯwō liḇənê-yiśərā’ēl wîhûḏâ:

3 wayyō’mer dāwiḏ ’el-hagiḇə‘ōnîm mâ ’e‘ĕśeh lāḵem ûḇammâ ’ăḵapēr ûḇārəḵû ’eṯ-n^aḥălaṯ yəhwâ:

4 wayyō’mərû lwō hagiḇə‘ōnîm ’ên-lî lānû kesef wəzâāḇ ‘im-šā’ûl wə‘im-bêṯwō wə’ên-lānû ’îš ləhāmîṯ bəyiśərā’ēl wayyō’mer mâ-’atem ’ōmərîm ’e‘ĕśeh lāḵem:

5 wayyō’mərû ’el-hammeleḵə hā’îš ’ăšer killānû wa’ăšer dimmâ-lānû nišəmaḏənû mēhiṯəyaṣṣēḇ bəḵāl-gəḇul yiśərā’ēl:

6 yinnāṯen- yutan- lānû šiḇə‘â ’ănāšîm mibānāyw wəhwōq^a‘ănûm layhwâ bəḡiḇə‘aṯ šā’ûl bəḥîr yəhwâ swayyō’mer hammeleḵə ’ănî ’etēn:

7 wayy^aḥəmōl hammeleḵə ‘al-məfî-ḇōšeṯ³ ben-yəhwōnāṯān ben-šā’ûl ‘al-šəḇu‘aṯ yəhwâ ’ăšer bênōṯām bên dāwiḏ ûḇên yəhwōnāṯān ben-šā’ûl:

8 wayyiqq^aḥ hammeleḵə ’eṯ-šənê bənê riṣəpâ ḇaṯ-’ayyâ ’ăšer yāləḏâ ləšā’ûl ’eṯ-’arəmōnî wə’eṯ-məfiḇōšeṯ wə’eṯ-ḥămēšeṯ bənê mîḵal baṯ-šā’ûl ’ăšer yāləḏâ lə‘aḏərî’ēl ben-barəzillay hamməḥōlāṯî:

9 wayyitənēm bəyaḏ hagiḇə‘ōnîm wayyōqî‘um bâār lifənê yəhwâ wayyipəlû šiḇə‘āṯayim šəḇ^a‘ətām yāḥaḏ wəhēm wəhēmmâ huməṯû bîmê qāṣîr bāri’šōnîm təḥillaṯ biṯəḥillaṯ^a qəṣîr śə‘ōrîm:

10 watiqq^aḥ riṣəpâ ḇaṯ-’ayyâ ’eṯ-haśśaq wataṭṭēhû lāh ’el-haṣṣûr mitəḥillaṯ qāṣîr ‘aḏ nitaḵə-mayim ‘ălêhem min-haššāmāyim wəlō’-nāṯənâ ‘wōf haššāmayim lānûḥa ‘ălêhem ywōmām wə’eṯ-ḥayyaṯ haśśāḏeh lāyəlâ:

11 wayyugaḏ ləḏāwiḏ ’ēṯ ’ăšer-‘āśəṯâ riṣəpâ ḇaṯ-’ayyâ pileḡeš šā’ûl:

12 wayyēleḵə dāwiḏ wayyiqq^aḥ ’eṯ-‘aṣəmwōṯ šā’ûl wə’eṯ-‘aṣəmwōṯ yəhwōnāṯān bənwō mē’ēṯ b^a‘ălê yāḇêš gilə‘āḏ ’ăšer gānəḇû ’ōṯām mērəḥōḇ bêṯ-šan ’ăšer tālûm təlā’ûm šām hapəlišətîm šāmmâ pəlišətîm bəywōm hakwōṯ pəlišətîm ’eṯ-šā’ûl bagiləbō‘a:

13 wayy^a‘al miššām ’eṯ-‘aṣəmwōṯ šā’ûl wə’eṯ-‘aṣəmwōṯ yəhwōnāṯān bənwō wayya’asəfû ’eṯ-‘aṣəmwōṯ hammûqā‘îm:

14 wayyiqəbərû ’eṯ-‘aṣəmwōṯ-šā’ûl wîhwōnāṯān-bənwō bə’ereṣ binəyāmin bəṣēlā‘ bəqeḇer qîš ’āḇîw wayy^a‘ăśû kōl ’ăšer-ṣiûâ hammeleḵə wayyē‘āṯēr ’ĕlōhîm lā’āreṣ ’^aḥărê-ḵēn: f

15 watəhî-‘wōḏ miləḥāmâ lapəlišətîm ’eṯ-yiśərā’ēl wayyēreḏ dāwiḏ w^a‘ăḇāḏāyw ‘immwō wayyillāḥămû ’eṯ-pəlišətîm wayyā‘af dāwiḏ:

16 wəyišəbwō wəyišəbî bənōḇ ’ăšer| bîlîḏê hārāfâ ûmišəqal qênwō šəlōš mē’wōṯ mišəqal nəḥōšeṯ wəhû’ ḥāḡûr ḥăḏāšâ wayyō’mer ləhakwōṯ ’eṯ-dāwiḏ:

17 wayy^a‘ăzār-lwō ’ăḇîšay ben-ṣərûyâ wayyaḵə ’eṯ-hapəlišətî wayəmîṯēhû ’āz nišəbə‘û ’anəšê-ḏāwiḏ lwō lē’mōr lō’-ṯēṣē’ ‘wōḏ ’itānû lammiləḥāmâ wəlō’ ṯəḵabeh ’eṯ-nēr yiśərā’ēl: f

18 wayəhî ’^aḥărê-ḵēn watəhî-‘wōḏ hammiləḥāmâ bəḡwōḇ ‘im-pəlišətîm ’āz hikâ sibəḵay h^aḥušāṯî ’eṯ-saf ’ăšer bîliḏê hārāfâ: f

19 watəhî-‘wōḏ hammiləḥāmâ bəḡwōḇ ‘im-pəlišətîm wayyaḵə ’eləḥānān ben-y^a‘ərê ’ōrəḡîm bêṯ hall^aḥəmî ’ēṯ gāləyāṯ hagitî wə‘ēṣ ḥănîṯwō kimənwōr ’ōrəḡîm: s

20 watəhî-‘wōḏ miləḥāmâ bəḡaṯ wayəhî| ’îš māḏîn māḏwōn wə’eṣəbə‘ōṯ yāḏāyw wə’eṣəbə‘ōṯ³ raḡəlāyw šēš wāšēš ‘eśərîm wə’arəb^a‘ misəpār wəḡam-hû’ yullaḏ ləhārāfâ:

21 wayəḥārēf ’eṯ-yiśərā’ēl wayyakēhû yəhwōnāṯān ben-šimə‘î šimə‘â ’ăḥî ḏāwiḏ:

22 ’eṯ-’arəb^a‘aṯ ’ēlleh yulləḏû ləhārāfâ bəḡaṯ wayyipəlû ḇəyaḏ-dāwiḏ ûḇəyaḏ ‘ăḇāḏāyw: f

Tanach (Hebrew): 2 Samuel (2 Shmuel) Chapter 22

‎1 ‏וַיְדַבֵּ֤ר דָּוִד֙ לַֽיהוָ֔ה אֶת־דִּבְרֵ֖י הַשִּׁירָ֣ה הַזֹּ֑את בְּיוֹם֩ הִצִּ֨יל יְהוָ֥ה אֹת֛וֹ מִכַּ֥ף כָּל־אֹיְבָ֖יו וּמִכַּ֥ף שָׁאֽוּל׃

‎2 ‏וַיֹּאמַ֑ר יְהוָ֛ה סַֽלְעִ֥י וּמְצֻדָתִ֖י וּמְפַלְטִי־לִֽי׃

‎3 ‏אֱלֹהֵ֥י צוּרִ֖י אֶחֱסֶה־בּ֑וֹ מָגִנִּ֞י וְקֶ֣רֶן יִשְׁעִ֗י מִשְׂגַּבִּי֙ וּמְנוּסִ֔י מֹשִׁעִ֕י מֵחָמָ֖ס תֹּשִׁעֵֽנִי׃

‎4 ‏מְהֻלָּ֖ל אֶקְרָ֣א יְהוָ֑ה וּמֵאֹיְבַ֖י אִוָּשֵֽׁעַ׃

‎5 ‏כִּ֥י אֲפָפֻ֖נִי מִשְׁבְּרֵי־מָ֑וֶת נַחֲלֵ֥י בְלִיַּ֖עַל יְבַעֲתֻֽנִי׃

‎6 ‏חֶבְלֵ֥י שְׁא֖וֹל סַבֻּ֑נִי קִדְּמֻ֖נִי מֹֽקְשֵׁי־מָֽוֶת׃

‎7 ‏בַּצַּר־לִי֙ אֶקְרָ֣א יְהוָ֔ה וְאֶל־אֱלֹהַ֖י אֶקְרָ֑א וַיִּשְׁמַ֤ע מֵהֵֽיכָלוֹ֙ קוֹלִ֔י וְשַׁוְעָתִ֖י בְּאָזְנָֽיו׃

‎8 ‏ותגעש וַיִּתְגָּעַ֤שׁ^a וַתִּרְעַשׁ֙ הָאָ֔רֶץ מוֹסְד֥וֹת הַשָּׁמַ֖יִם יִרְגָּ֑זוּ וַיִּֽתְגָּעֲשׁ֖וּ כִּֽי־חָ֥רָה לֽוֹ׃

‎9 ‏עָלָ֤ה עָשָׁן֙ בְּאַפּ֔וֹ וְאֵ֥שׁ מִפִּ֖יו תֹּאכֵ֑ל גֶּחָלִ֖ים בָּעֲר֥וּ מִמֶּֽנּוּ׃

‎10 ‏וַיֵּ֥ט שָׁמַ֖יִם וַיֵּרַ֑ד וַעֲרָפֶ֖ל תַּ֥חַת רַגְלָֽיו׃

‎11 ‏וַיִּרְכַּ֥ב עַל־כְּר֖וּב וַיָּעֹ֑ף וַיֵּרָ֖א עַל־כַּנְפֵי־רֽוּחַ׃

‎12 ‏וַיָּ֥שֶׁת חֹ֛שֶׁךְ סְבִיבֹתָ֖יו סֻכּ֑וֹת חַֽשְׁרַת־מַ֖יִם עָבֵ֥י שְׁחָקִֽים׃

‎13 ‏מִנֹּ֖גַהּ נֶגְדּ֑וֹ בָּעֲר֖וּ גַּחֲלֵי־אֵֽשׁ׃

‎14 ‏יַרְעֵ֥ם מִן־שָׁמַ֖יִם יְהוָ֑ה וְעֶלְי֖וֹן יִתֵּ֥ן קוֹלֽוֹ׃

‎15 ‏וַיִּשְׁלַ֥ח חִצִּ֖ים וַיְפִיצֵ֑ם בָּרָ֖ק ויהמם וַיָּהֹֽם׃

‎16 ‏וַיֵּֽרָאוּ֙ אֲפִ֣קֵי יָ֔ם יִגָּל֖וּ מֹסְד֣וֹת תֵּבֵ֑ל בְּגַעֲרַ֣ת יְהוָ֔ה מִנִּשְׁמַ֖ת ר֥וּחַ אַפּֽוֹ׃

‎17 ‏יִשְׁלַ֥ח מִמָּר֖וֹם יִקָּחֵ֑נִי יַֽמְשֵׁ֖נִי מִמַּ֥יִם רַבִּֽים׃

‎18 ‏יַצִּילֵ֕נִי מֵאֹיְבִ֖י עָ֑ז מִשֹּׂ֣נְאַ֔י כִּ֥י אָמְצ֖וּ מִמֶּֽנִּי׃

‎19 ‏יְקַדְּמֻ֖נִי בְּי֣וֹם אֵידִ֑י וַיְהִ֧י יְהוָ֛ה מִשְׁעָ֖ן לִֽי׃

‎20 ‏וַיֹּצֵ֥א לַמֶּרְחָ֖ב אֹתִ֑י יְחַלְּצֵ֖נִי כִּי־חָ֥פֵֽץ בִּֽי׃

‎21 ‏יִגְמְלֵ֥נִי יְהוָ֖ה כְּצִדְקָתִ֑י כְּבֹ֥ר יָדַ֖י יָשִׁ֥יב לִֽי׃

‎22 ‏כִּ֥י שָׁמַ֖רְתִּי דַּרְכֵ֣י יְהוָ֑ה וְלֹ֥א רָשַׁ֖עְתִּי מֵאֱלֹהָֽי׃

‎23 ‏כִּ֥י כָל־משפטו מִשְׁפָּטָ֖יו לְנֶגְדִּ֑י וְחֻקֹּתָ֖יו לֹא־אָס֥וּר מִמֶּֽנָּה׃

‎24 ‏וָאֶהְיֶ֥ה תָמִ֖ים ל֑וֹ וָאֶשְׁתַּמְּרָ֖ה מֵעֲוֹנִֽי׃

‎25 ‏וַיָּ֧שֶׁב יְהוָ֛ה לִ֖י כְּצִדְקָתִ֑י כְּבֹרִ֖י לְנֶ֥גֶד עֵינָֽיו׃

‎26 ‏עִם־חָסִ֖יד תִּתְחַסָּ֑ד עִם־גִּבּ֥וֹר תָּמִ֖ים תִּתַּמָּֽם׃

‎27 ‏עִם־נָבָ֖ר תִּתָּבָ֑ר וְעִם־עִקֵּ֖שׁ תִּתַּפָּֽל׃

‎28 ‏וְאֶת־עַ֥ם עָנִ֖י תּוֹשִׁ֑יעַ וְעֵינֶ֖יךָ עַל־רָמִ֥ים תַּשְׁפִּֽיל׃

‎29 ‏כִּֽי־אַתָּ֥ה נֵירִ֖י יְהוָ֑ה וַיהוָ֖ה יַגִּ֥יהַּ חָשְׁכִּֽי׃

‎30 ‏כִּ֥י בְכָ֖ה אָר֣וּץ גְּד֑וּד בֵּאלֹהַ֖י אֲדַלֶּג־שֽׁוּר׃

‎31 ‏הָאֵ֖ל תָּמִ֣ים דַּרְכּ֑וֹ אִמְרַ֤ת יְהוָה֙ צְרוּפָ֔ה מָגֵ֣ן ה֔וּא לְכֹ֖ל הַחֹסִ֥ים בּֽוֹ׃

‎32 ‏כִּ֥י מִי־אֵ֖ל מִבַּלְעֲדֵ֣י יְהוָ֑ה וּמִ֥י צ֖וּר מִֽבַּלְעֲדֵ֥י אֱלֹהֵֽינוּ׃

‎33 ‏הָאֵ֥ל מָעוּזִּ֖י חָ֑יִל וַיַּתֵּ֥ר תָּמִ֖ים דרכו דַּרְכִּֽי׃

‎34 ‏מְשַׁוֶּ֥ה רגליו רַגְלַ֖י כָּאַיָּל֑וֹת וְעַ֥ל בָּמוֹתַ֖י יַעֲמִדֵֽנִי׃

‎35 ‏מְלַמֵּ֥ד יָדַ֖י לַמִּלְחָמָ֑ה וְנִחַ֥ת קֶֽשֶׁת־נְחוּשָׁ֖ה זְרֹעֹתָֽי׃

‎36 ‏וַתִּתֶּן־לִ֖י מָגֵ֣ן יִשְׁעֶ֑ךָ וַעֲנֹתְךָ֖ תַּרְבֵּֽנִי׃

‎37 ‏תַּרְחִ֥יב צַעֲדִ֖י תַּחְתֵּ֑נִי וְלֹ֥א מָעֲד֖וּ קַרְסֻלָּֽי׃

‎38 ‏אֶרְדְּפָ֥ה אֹיְבַ֖י וָאַשְׁמִידֵ֑ם וְלֹ֥א אָשׁ֖וּב עַד־כַּלּוֹתָֽם׃

‎39 ‏וָאֲכַלֵּ֥ם וָאֶמְחָצֵ֖ם וְלֹ֣א יְקוּמ֑וּן וַֽיִּפְּל֖וּ תַּ֥חַת רַגְלָֽי׃

‎40 ‏וַתַּזְרֵ֥נִי חַ֖יִל לַמִּלְחָמָ֑ה תַּכְרִ֥יעַ קָמַ֖י תַּחְתֵּֽנִי׃

‎41 ‏וְאֹ֣יְבַ֔י תַּ֥תָּה לִּ֖י עֹ֑רֶף מְשַׂנְאַ֖י וָאַצְמִיתֵֽם׃

‎42 ‏יִשְׁע֖וּ וְאֵ֣ין מֹשִׁ֑יעַ אֶל־יְהוָ֖ה וְלֹ֥א עָנָֽם׃

‎43 ‏וְאֶשְׁחָקֵ֖ם כַּעֲפַר־אָ֑רֶץ כְּטִיט־חוּצ֥וֹת אֲדִקֵּ֖ם אֶרְקָעֵֽם׃

‎44 ‏וַֽתְּפַלְּטֵ֔נִי מֵרִיבֵ֖י עַמִּ֑י תִּשְׁמְרֵ֙נִי֙ לְרֹ֣אשׁ גּוֹיִ֔ם עַ֥ם לֹא־יָדַ֖עְתִּי יַעַבְדֻֽנִי׃

‎45 ‏בְּנֵ֥י נֵכָ֖ר יִתְכַּֽחֲשׁוּ־לִ֑י לִשְׁמ֥וֹעַ אֹ֖זֶן יִשָּׁ֥מְעוּ לִֽי׃

‎46 ‏בְּנֵ֥י נֵכָ֖ר יִבֹּ֑לוּ וְיַחְגְּר֖וּ מִמִּסְגְּרוֹתָֽם׃

‎47 ‏חַי־יְהוָ֖ה וּבָר֣וּךְ צוּרִ֑י וְיָרֻ֕ם אֱלֹהֵ֖י צ֥וּר יִשְׁעִֽי׃

‎48 ‏הָאֵ֕ל הַנֹּתֵ֥ן נְקָמֹ֖ת לִ֑י וּמוֹרִ֥יד עַמִּ֖ים תַּחְתֵּֽנִי׃

‎49 ‏וּמוֹצִיאִ֖י מֵאֹֽיְבָ֑י וּמִקָּמַי֙ תְּר֣וֹמְמֵ֔נִי מֵאִ֥ישׁ חֲמָסִ֖ים תַּצִּילֵֽנִי׃

‎50 ‏עַל־כֵּ֛ן אוֹדְךָ֥ יְהוָ֖ה בַּגּוֹיִ֑ם וּלְשִׁמְךָ֖ אֲזַמֵּֽר׃

‎51 ‏מגדיל מִגְדּ֖וֹל יְשׁוּע֣וֹת מַלְכּ֑וֹ וְעֹֽשֶׂה־חֶ֧סֶד לִמְשִׁיח֛וֹ לְדָוִ֥ד וּלְזַרְע֖וֹ עַד־עוֹלָֽם׃ ³פ

1 wayəḏabēr dāwiḏ layhwâ ’eṯ-diḇərê haššîrâ hazzō’ṯ bəywōm hiṣṣîl yəhwâ ’ōṯwō mikaf kāl-’ōyəḇāyw ûmikaf šā’ûl:

2 wayyō’mar yəhwâ salə‘î ûməṣuḏāṯî ûməfaləṭî-lî:

3 ’ĕlōhê ṣûrî ’eḥĕseh-bwō māḡinnî wəqeren yišə‘î miśəgabî ûmənûsî mōši‘î mēḥāmās tōši‘ēnî:

4 məhullāl ’eqərā’ yəhwâ ûmē’ōyəḇay ’iûāšē‘a:

5 kî ’ăfāfunî mišəbərê-māweṯ n^aḥălê ḇəlîy^a‘al yəḇ^a‘ăṯunî:

6 ḥeḇəlê šə’wōl sabunî qidəmunî mōqəšê-māweṯ:

7 baṣṣar-lî ’eqərā’ yəhwâ wə’el-’ĕlōhay ’eqərā’ wayyišəm^a‘ mēhêḵālwō qwōlî wəšawə‘āṯî bə’āzənāyw:

8 watiḡə‘aš wayyiṯəgā‘aš^a watirə‘aš hā’āreṣ mwōsəḏwōṯ haššāmayim yirəgāzû wayyiṯəgā‘ăšû kî-ḥārâ lwō:

9 ‘ālâ ‘āšān bə’apwō wə’ēš mipîw tō’ḵēl geḥālîm bā‘ărû mimmennû:

10 wayyēṭ šāmayim wayyēraḏ w^a‘ărāfel t^aḥaṯ raḡəlāyw:

11 wayyirəkaḇ ‘al-kərûḇ wayyā‘ōf wayyērā’ ‘al-kanəfê-rûḥa:

12 wayyāšeṯ ḥōšeḵə səḇîḇōṯāyw sukwōṯ ḥašəraṯ-mayim ‘āḇê šəḥāqîm:

13 minnōḡ^ah neḡədwō bā‘ărû g^aḥălê-’ēš:

14 yarə‘ēm min-šāmayim yəhwâ wə‘eləywōn yitēn qwōlwō:

15 wayyišəl^aḥ ḥiṣṣîm wayəfîṣēm bārāq wayəhummēm wayyâōm:

16 wayyērā’û ’ăfiqê yām yigālû mōsəḏwōṯ tēḇēl bəḡ^a‘ăraṯ yəhwâ minnišəmaṯ rûḥa ’apwō:

17 yišəl^aḥ mimmārwōm yiqqāḥēnî yaməšēnî mimmayim rabîm:

18 yaṣṣîlēnî mē’ōyəḇî ‘āz miśśōnə’ay kî ’āməṣû mimmennî:

19 yəqadəmunî bəywōm ’êḏî wayəhî yəhwâ mišə‘ān lî:

20 wayyōṣē’ lammerəḥāḇ ’ōṯî yəḥalləṣēnî kî-ḥāfēṣ bî:

21 yiḡəməlēnî yəhwâ kəṣiḏəqāṯî kəḇōr yāḏay yāšîḇ lî:

22 kî šāmarətî darəḵê yəhwâ wəlō’ rāš^a‘ətî mē’ĕlōhāy:

23 kî ḵāl-mišəpāṭāw mišəpāṭāyw ləneḡədî wəḥuqqōṯāyw lō’-’āsûr mimmennâ:

24 wā’ehəyeh ṯāmîm lwō wā’ešətammərâ mē‘ăwōnî:

25 wayyāšeḇ yəhwâ lî kəṣiḏəqāṯî kəḇōrî ləneḡeḏ ‘ênāyw:

26 ‘im-ḥāsîḏ tiṯəḥassāḏ ‘im-gibwōr tāmîm titammām:

27 ‘im-nāḇār titāḇār wə‘im-‘iqqēš titapāl:

28 wə’eṯ-‘am ‘ānî twōšî‘a wə‘êneyḵā ‘al-rāmîm tašəpîl:

29 kî-’atâ nêrî yəhwâ wayhwâ yagîhha ḥāšəkî:

30 kî ḇəḵâ ’ārûṣ gəḏûḏ bē’lōhay ’ăḏalleḡ-šûr:

31 hā’ēl tāmîm darəkwō ’iməraṯ yəhwâ ṣərûfâ māḡēn hû’ ləḵōl h^aḥōsîm bwō:

32 kî mî-’ēl mibalə‘ăḏê yəhwâ ûmî ṣûr mibalə‘ăḏê ’ĕlōhênû:

33 hā’ēl mā‘ûzzî ḥāyil wayyatēr tāmîm darəkwō darəkî:

34 məšaûeh raḡəlāyw raḡəlay kā’ayyālwōṯ wə‘al bāmwōṯay y^a‘ămiḏēnî:

35 məlammēḏ yāḏay lammiləḥāmâ wəniḥaṯ qešeṯ-nəḥûšâ zərō‘ōṯāy:

36 watiten-lî māḡēn yišə‘eḵā w^a‘ănōṯəḵā tarəbēnî:

37 tarəḥîḇ ṣ^a‘ăḏî t^aḥətēnî wəlō’ mā‘ăḏû qarəsullāy:

38 ’erədəfâ ’ōyəḇay wā’ašəmîḏēm wəlō’ ’āšûḇ ‘aḏ-kallwōṯām:

39 wā’ăḵallēm wā’eməḥāṣēm wəlō’ yəqûmûn wayyipəlû t^aḥaṯ raḡəlāy:

40 watazərēnî ḥayil lammiləḥāmâ taḵərî‘a qāmay t^aḥətēnî:

41 wə’ōyəḇay tatâ llî ‘ōref məśanə’ay wā’aṣəmîṯēm:

42 yišə‘û wə’ên mōšî‘a ’el-yəhwâ wəlō’ ‘ānām:

43 wə’ešəḥāqēm k^a‘ăfar-’āreṣ kəṭîṭ-ḥûṣwōṯ ’ăḏiqqēm ’erəqā‘ēm:

44 watəfalləṭēnî mērîḇê ‘ammî tišəmərēnî lərō’š gwōyim ‘am lō’-yāḏ^a‘ətî y^a‘aḇəḏunî:

45 bənê nēḵār yiṯək^aḥăšû-lî lišəmwō‘a ’ōzen yiššāmə‘û lî:

46 bənê nēḵār yibōlû wəy^aḥəgərû mimmisəgərwōṯām:

47 ḥay-yəhwâ ûḇārûḵə ṣûrî wəyārum ’ĕlōhê ṣûr yišə‘î:

48 hā’ēl hannōṯēn nəqāmōṯ lî ûmwōrîḏ ‘ammîm t^aḥətēnî:

49 ûmwōṣî’î mē’ōyəḇāy ûmiqqāmay tərwōməmēnî mē’îš ḥămāsîm taṣṣîlēnî:

50 ‘al-kēn ’wōḏəḵā yəhwâ bagwōyim ûləšiməḵā ’ăzammēr:

51 maḡədîl miḡədwōl yəšû‘wōṯ maləkwō wə‘ōśeh-ḥeseḏ liməšîḥwō ləḏāwiḏ ûləzarə‘wō ‘aḏ-‘wōlām: ³f

Tanach (Hebrew): 2 Samuel (2 Shmuel) Chapter 23

‎1 ‏וְאֵ֛לֶּה דִּבְרֵ֥י דָוִ֖ד הָאַֽחֲרֹנִ֑ים נְאֻ֧ם דָּוִ֣ד בֶּן־יִשַׁ֗י וּנְאֻ֤ם הַגֶּ֙בֶר֙ הֻ֣קַם עָ֔ל מְשִׁ֙יחַ֙ אֱלֹהֵ֣י יַֽעֲקֹ֔ב וּנְעִ֖ים זְמִר֥וֹת יִשְׂרָאֵֽל׃

‎2 ‏ר֥וּחַ יְהוָ֖ה דִּבֶּר־בִּ֑י וּמִלָּת֖וֹ עַל־לְשׁוֹנִֽי׃

‎3 ‏אָמַר֙ אֱלֹהֵ֣י יִשְׂרָאֵ֔ל לִ֥י דִבֶּ֖ר צ֣וּר יִשְׂרָאֵ֑ל מוֹשֵׁל֙ בָּאָדָ֔ם צַדִּ֕יק מוֹשֵׁ֖ל יִרְאַ֥ת אֱלֹהִֽים׃

‎4 ‏וּכְא֥וֹר בֹּ֖קֶר יִזְרַח־שָׁ֑מֶשׁ בֹּ֚קֶר לֹ֣א עָב֔וֹת מִנֹּ֥גַהּ מִמָּטָ֖ר דֶּ֥שֶׁא מֵאָֽרֶץ׃

‎5 ‏כִּֽי־לֹא־כֵ֥ן בֵּיתִ֖י עִם־אֵ֑ל כִּי֩ בְרִ֨ית עוֹלָ֜ם שָׂ֣ם לִ֗י עֲרוּכָ֤ה בַכֹּל֙ וּשְׁמֻרָ֔ה כִּֽי־כָל־יִשְׁעִ֥י וְכָל־חֵ֖פֶץ כִּֽי־לֹ֥א יַצְמִֽיחַ׃

‎6 ‏וּבְלִיַּ֕עַל כְּק֥וֹץ מֻנָ֖ד כֻּלָּ֑הַם כִּֽי־לֹ֥א בְיָ֖ד יִקָּֽחוּ׃

‎7 ‏וְאִישׁ֙ יִגַּ֣ע בָּהֶ֔ם יִמָּלֵ֥א בַרְזֶ֖ל וְעֵ֣ץ חֲנִ֑ית וּבָאֵ֕שׁ שָׂר֥וֹף יִשָּׂרְפ֖וּ בַּשָּֽׁבֶת׃ פ

‎8 ‏אֵ֛לֶּה שְׁמ֥וֹת הַגִּבֹּרִ֖ים אֲשֶׁ֣ר לְדָוִ֑ד יֹשֵׁ֨ב בַּשֶּׁ֜בֶת תַּחְכְּמֹנִ֣י׀ רֹ֣אשׁ הַשָּׁלִשִׁ֗י ה֚וּא עֲדִינ֣וֹ העצנו הָֽעֶצְנִ֔י עַל־שְׁמֹנֶ֥ה מֵא֛וֹת חָלָ֖ל בְּפַ֥עַם אחד אֶחָֽת׃ ס

‎9 ‏ואחרו וְאַחֲרָ֛יו אֶלְעָזָ֥ר בֶּן־דדי דֹּד֖וֹ בֶּן־אֲחֹחִ֑י בִּשְׁלֹשָׁ֨ה גברים הַגִּבֹּרִ֜ים עִם־דָּוִ֗ד בְּחָֽרְפָ֤ם בַּפְּלִשְׁתִּים נֶאֶסְפוּ־שָׁ֣ם לַמִּלְחָמָ֔ה וַֽיַּעֲל֖וּ אִ֥ישׁ יִשְׂרָאֵֽל׃

‎10 ‏ה֣וּא קָם֩ וַיַּ֨ךְ בַּפְּלִשְׁתִּ֜ים עַ֣ד׀ כִּֽי־יָגְעָ֣ה יָד֗וֹ וַתִּדְבַּ֤ק יָדוֹ֙ אֶל־הַחֶ֔רֶב וַיַּ֧עַשׂ יְהוָ֛ה תְּשׁוּעָ֥ה גְדוֹלָ֖ה בַּיּ֣וֹם הַה֑וּא וְהָעָ֛ם יָשֻׁ֥בוּ אַחֲרָ֖יו אַךְ־לְפַשֵּֽׁט׃ ס

‎11 ‏וְאַחֲרָ֛יו שַׁמָּ֥א בֶן־אָגֵ֖א הָרָרִ֑י וַיֵּאָסְפ֨וּ פְלִשְׁתִּ֜ים לַחַיָּ֗ה וַתְּהִי־שָׁ֞ם חֶלְקַ֤ת הַשָּׂדֶה֙ מְלֵאָ֣ה עֲדָשִׁ֔ים וְהָעָ֥ם נָ֖ס מִפְּנֵ֥י פְלִשְׁתִּֽים׃

‎12 ‏וַיִּתְיַצֵּ֤ב בְּתוֹךְ־הַֽחֶלְקָה֙ וַיַּצִּילֶ֔הָ וַיַּ֖ךְ אֶת־פְּלִשְׁתִּ֑ים וַיַּ֥עַשׂ יְהוָ֖ה תְּשׁוּעָ֥ה גְדוֹלָֽה׃ ס

‎13 ‏וַיֵּרְד֨וּ שלשים שְׁלֹשָׁ֜ה מֵהַשְּׁלֹשִׁ֣ים רֹ֗אשׁ וַיָּבֹ֤אוּ אֶל־קָצִיר֙ אֶל־דָּוִ֔ד אֶל־מְעָרַ֖ת עֲדֻלָּ֑ם וְחַיַּ֣ת פְּלִשְׁתִּ֔ים חֹנָ֖ה בְּעֵ֥מֶק רְפָאִֽים׃

‎14 ‏וְדָוִ֖ד אָ֣ז בַּמְּצוּדָ֑ה וּמַצַּ֣ב פְּלִשְׁתִּ֔ים אָ֖ז בֵּ֥ית לָֽחֶם׃

‎15 ‏וַיִּתְאַוֶּ֥ה דָוִ֖ד וַיֹּאמַ֑ר מִ֚י יַשְׁקֵ֣נִי מַ֔יִם מִבֹּ֥אר בֵּֽית־לֶ֖חֶם אֲשֶׁ֥ר בַּשָּֽׁעַר׃

‎16 ‏וַיִּבְקְעוּ֩ שְׁלֹ֨שֶׁת הַגִּבֹּרִ֜ים בְּמַחֲנֵ֣ה פְלִשְׁתִּ֗ים וַיִּֽשְׁאֲבוּ־מַ֙יִם֙ מִבֹּ֤אר בֵּֽית־לֶ֙חֶם֙ אֲשֶׁ֣ר בַּשַּׁ֔עַר וַיִּשְׂא֖וּ וַיָּבִ֣אוּ אֶל־דָּוִ֑ד וְלֹ֤א אָבָה֙ לִשְׁתּוֹתָ֔ם וַיַּסֵּ֥ךְ אֹתָ֖ם לַֽיהוָֽה׃

‎17 ‏וַיֹּ֡אמֶר חָלִילָה֩ לִּ֨י יְהוָ֜ה מֵעֲשֹׂ֣תִי זֹ֗את הֲדַ֤ם הָֽאֲנָשִׁים֙ הַהֹלְכִ֣ים בְּנַפְשׁוֹתָ֔ם וְלֹ֥א אָבָ֖ה לִשְׁתּוֹתָ֑ם אֵ֣לֶּה עָשׂ֔וּ שְׁלֹ֖שֶׁת הַגִּבֹּרִֽים׃ ס

‎18 ‏וַאֲבִישַׁ֞י אֲחִ֣י׀ יוֹאָ֣ב בֶּן־צְרוּיָ֗ה ה֚וּא רֹ֣אשׁ השלשי הַשְּׁלֹשָׁ֔ה וְהוּא֙ עוֹרֵ֣ר אֶת־חֲנִית֔וֹ עַל־שְׁלֹ֥שׁ מֵא֖וֹת חָלָ֑ל וְלוֹ־שֵׁ֖ם בַּשְּׁלֹשָֽׁה׃

‎19 ‏מִן־הַשְּׁלֹשָׁה֙ הֲכִ֣י נִכְבָּ֔ד וַיְהִ֥י לָהֶ֖ם לְשָׂ֑ר וְעַד־הַשְּׁלֹשָׁ֖ה לֹא־בָֽא׃ ס

‎20 ‏וּבְנָיָ֨הוּ בֶן־יְהוֹיָדָ֧ע בֶּן־אִֽישׁ־חי חַ֛יִל רַב־פְּעָלִ֖ים מִֽקַּבְצְאֵ֑ל ה֣וּא הִכָּ֗ה אֵ֣ת שְׁנֵ֤י אֲרִאֵל֙ מוֹאָ֔ב וְ֠הוּא יָרַ֞ד וְהִכָּ֧ה אֶֽת־האריה הָאֲרִ֛י בְּת֥וֹךְ הַבֹּ֖אר בְּי֥וֹם הַשָּֽׁלֶג׃

‎21 ‏וְהוּא־הִכָּה֩ אֶת־אִ֨ישׁ מִצְרִ֜י אשר אִ֣ישׁ מַרְאֶ֗ה וּבְיַ֤ד הַמִּצְרִי֙ חֲנִ֔ית וַיֵּ֥רֶד אֵלָ֖יו בַּשָּׁ֑בֶט וַיִּגְזֹ֤ל אֶֽת־הַחֲנִית֙ מִיַּ֣ד הַמִּצְרִ֔י וַיַּהַרְגֵ֖הוּ בַּחֲנִיתֽוֹ׃

‎22 ‏אֵ֣לֶּה עָשָׂ֔ה בְּנָיָ֖הוּ בֶּן־יְהוֹיָדָ֑ע וְלוֹ־שֵׁ֖ם בִּשְׁלֹשָׁ֥ה הַגִּבֹּרִֽים׃

‎23 ‏מִן־הַשְּׁלֹשִׁ֣ים נִכְבָּ֔ד וְאֶל־הַשְּׁלֹשָׁ֖ה לֹא־בָ֑א וַיְשִׂמֵ֥הוּ דָוִ֖ד אֶל־מִשְׁמַעְתּֽוֹ׃ ס

‎24 ‏עֲשָׂה־אֵ֥ל אֲחִֽי־יוֹאָ֖ב בַּשְּׁלֹשִׁ֑ים אֶלְחָנָ֥ן בֶּן־דֹּד֖וֹ בֵּ֥ית לָֽחֶם׃

‎25 ‏שַׁמָּה֙ הַֽחֲרֹדִ֔י אֱלִיקָ֖א הַחֲרֹדִֽי׃ ס

‎26 ‏חֶ֚לֶץ הַפַּלְטִ֔י עִירָ֥א בֶן־עִקֵּ֖שׁ הַתְּקוֹעִֽי׃ ס

‎27 ‏אֲבִיעֶ֙זֶר֙ הָֽעַנְּתֹתִ֔י מְבֻנַּ֖י הַחֻשָׁתִֽי׃ ס

‎28 ‏צַלְמוֹן֙ הָֽאֲחֹחִ֔י מַהְרַ֖י הַנְּטֹפָתִֽי׃ ס

‎29 ‏חֵ֥לֶב בֶּֽן־בַּעֲנָ֖ה הַנְּטֹפָתִ֑י סאִתַּי֙ בֶּן־רִיבַ֔י מִגִּבְעַ֖ת בְּנֵ֥י בִנְיָמִֽן׃ ס

‎30 ‏בְּנָיָ֙הוּ֙ פִּרְעָ֣תֹנִ֔י הִדַּ֖י מִנַּ֥חֲלֵי גָֽעַשׁ׃ ס

‎31 ‏אֲבִֽי־עַלְבוֹן֙ הָֽעַרְבָתִ֔י עַזְמָ֖וֶת הַבַּרְחֻמִֽי׃ ס

‎32 ‏אֶלְיַחְבָּא֙ הַשַּׁ֣עַלְבֹנִ֔י בְּנֵ֥י יָשֵׁ֖ן יְהוֹנָתָֽן׃ ס

‎33 ‏שַׁמָּה֙ הַֽהֲרָרִ֔י אֲחִיאָ֥ם בֶּן־שָׁרָ֖ר הָארָרִֽי׃ ס

‎34 ‏אֱלִיפֶ֥לֶט בֶּן־אֲחַסְבַּ֖י בֶּן־הַמַּֽעֲכָתִ֑י ³סאֱלִיעָ֥ם בֶּן־אֲחִיתֹ֖פֶל הַגִּלֹנִֽי׃ ס

‎35 ‏חצרו חֶצְרַי֙ הַֽכַּרְמְלִ֔י פַּעֲרַ֖י הָאַרְבִּֽי׃ ס

‎36 ‏יִגְאָ֤ל בֶּן־נָתָן֙ מִצֹּבָ֔ה ³סבָּנִ֖י הַגָּדִֽי׃ ס

‎37 ‏צֶ֖לֶק הָעַמֹּנִ֑י סנַחְרַי֙ הַבְּאֵ֣רֹתִ֔י נשאי נֹשֵׂ֕א כְּלֵ֖י יוֹאָ֥ב בֶּן־צְרֻיָֽה׃ ס

‎38 ‏עִירָא֙ הַיִּתְרִ֔י גָּרֵ֖ב הַיִּתְרִֽי׃ ס

‎39 ‏אֽוּרִיָּה֙ הַֽחִתִּ֔י כֹּ֖ל שְׁלֹשִׁ֥ים וְשִׁבְעָֽה׃ פ

1 wə’ēlleh diḇərê ḏāwiḏ hā’^aḥărōnîm nə’um dāwiḏ ben-yišay ûnə’um hageḇer huqam ‘āl məšîḥa ’ĕlōhê y^a‘ăqōḇ ûnə‘îm zəmirwōṯ yiśərā’ēl:

2 rûḥa yəhwâ diber-bî ûmillāṯwō ‘al-ləšwōnî:

3 ’āmar ’ĕlōhê yiśərā’ēl lî ḏiber ṣûr yiśərā’ēl mwōšēl bā’āḏām ṣadîq mwōšēl yirə’aṯ ’ĕlōhîm:

4 ûḵə’wōr bōqer yizər^aḥ-šāmeš bōqer lō’ ‘āḇwōṯ minnōḡ^ah mimmāṭār deše’ mē’āreṣ:

5 kî-lō’-ḵēn bêṯî ‘im-’ēl kî ḇərîṯ ‘wōlām śām lî ‘ărûḵâ ḇakōl ûšəmurâ kî-ḵāl-yišə‘î wəḵāl-ḥēfeṣ kî-lō’ yaṣəmîḥa:

6 ûḇəlîy^a‘al kəqwōṣ munāḏ kullâam kî-lō’ ḇəyāḏ yiqqāḥû:

7 wə’îš yig^a‘ bâem yimmālē’ ḇarəzel wə‘ēṣ ḥănîṯ ûḇā’ēš śārwōf yiśśārəfû baššāḇeṯ: f

8 ’ēlleh šəmwōṯ hagibōrîm ’ăšer ləḏāwiḏ yōšēḇ baššeḇeṯ t^aḥəkəmōnî| rō’š haššālišî hû’ ‘ăḏînwō hā‘eṣənwō hā‘eṣənî ‘al-šəmōneh mē’wōṯ ḥālāl bəf^a‘am ’eḥāḏ ’eḥāṯ: s

9 wə’^aḥărāw wə’^aḥărāyw ’elə‘āzār ben-dōḏî dōḏwō ben-’ăḥōḥî bišəlōšâ ḡibōrîm hagibōrîm ‘im-dāwiḏ bəḥārəfām bapəlišətîm ne’esəfû-šām lammiləḥāmâ wayy^a‘ălû ’îš yiśərā’ēl:

10 hû’ qām wayyaḵə bapəlišətîm ‘aḏ| kî-yāḡə‘â yāḏwō watiḏəbaq yāḏwō ’el-h^aḥereḇ wayy^a‘aś yəhwâ təšû‘â ḡəḏwōlâ bayywōm hahû’ wəhā‘ām yāšuḇû ’^aḥărāyw ’aḵə-ləfaššēṭ: s

11 wə’^aḥărāyw šammā’ ḇen-’āḡē’ hārārî wayyē’āsəfû fəlišətîm l^aḥayyâ watəhî-šām ḥeləqaṯ haśśāḏeh məlē’â ‘ăḏāšîm wəhā‘ām nās mipənê fəlišətîm:

12 wayyiṯəyaṣṣēḇ bəṯwōḵə-h^aḥeləqâ wayyaṣṣîlehā wayyaḵə ’eṯ-pəlišətîm wayy^a‘aś yəhwâ təšû‘â ḡəḏwōlâ: s

13 wayyērəḏû šəlōšîm šəlōšâ mēhaššəlōšîm rō’š wayyāḇō’û ’el-qāṣîr ’el-dāwiḏ ’el-mə‘āraṯ ‘ăḏullām wəḥayyaṯ pəlišətîm ḥōnâ bə‘ēmeq rəfā’îm:

14 wəḏāwiḏ ’āz bamməṣûḏâ ûmaṣṣaḇ pəlišətîm ’āz bêṯ lāḥem:

15 wayyiṯə’aûeh ḏāwiḏ wayyō’mar mî yašəqēnî mayim mibō’r bêṯ-leḥem ’ăšer baššā‘ar:

16 wayyiḇəqə‘û šəlōšeṯ hagibōrîm bəm^aḥănēh fəlišətîm wayyišə’ăḇû-mayim mibō’r bêṯ-leḥem ’ăšer bašš^a‘ar wayyiśə’û wayyāḇi’û ’el-dāwiḏ wəlō’ ’āḇâ lišətwōṯām wayyassēḵə ’ōṯām layhwâ:

17 wayyō’mer ḥālîlâ llî yəhwâ mē‘ăśōṯî zō’ṯ hăḏam hā’ănāšîm hahōləḵîm bənafəšwōṯām wəlō’ ’āḇâ lišətwōṯām ’ēlleh ‘āśû šəlōšeṯ hagibōrîm: s

18 wa’ăḇîšay ’ăḥî| ywō’āḇ ben-ṣərûyâ hû’ rō’š haššəlōšî haššəlōšâ wəhû’ ‘wōrēr ’eṯ-ḥănîṯwō ‘al-šəlōš mē’wōṯ ḥālāl wəlwō-šēm baššəlōšâ:

19 min-haššəlōšâ hăḵî niḵəbāḏ wayəhî lâem ləśār wə‘aḏ-haššəlōšâ lō’-ḇā’: s

20 ûḇənāyâû ḇen-yəhwōyāḏā‘ ben-’îš-ḥay ḥayil raḇ-pə‘ālîm miqqaḇəṣə’ēl hû’ hikâ ’ēṯ šənê ’ări’ēl mwō’āḇ wəhû’ yāraḏ wəhikâ ’eṯ-hā’arəyēh hā’ărî bəṯwōḵə habō’r bəywōm haššāleḡ:

21 wəhû’-hikâ ’eṯ-’îš miṣərî ’ăšer ’îš marə’eh ûḇəyaḏ hammiṣərî ḥănîṯ wayyēreḏ ’ēlāyw baššāḇeṭ wayyiḡəzōl ’eṯ-h^aḥănîṯ mîyaḏ hammiṣərî wayyaharəḡēhû b^aḥănîṯwō:

22 ’ēlleh ‘āśâ bənāyâû ben-yəhwōyāḏā‘ wəlwō-šēm bišəlōšâ hagibōrîm:

23 min-haššəlōšîm niḵəbāḏ wə’el-haššəlōšâ lō’-ḇā’ wayəśimēhû ḏāwiḏ ’el-mišəm^a‘ətwō: s

24 ‘ăśâ-’ēl ’ăḥî-ywō’āḇ baššəlōšîm ’eləḥānān ben-dōḏwō bêṯ lāḥem:

25 šammâ h^aḥărōḏî ’ĕlîqā’ h^aḥărōḏî: s

26 ḥeleṣ hapaləṭî ‘îrā’ ḇen-‘iqqēš hatəqwō‘î: s

27 ’ăḇî‘ezer hā‘annəṯōṯî məḇunnay h^aḥušāṯî: s

28 ṣaləmwōn hā’ăḥōḥî mahəray hannəṭōfāṯî: s

29 ḥēleḇ ben-b^a‘ănâ hannəṭōfāṯî s’itay ben-rîḇay migiḇə‘aṯ bənê ḇinəyāmin: s

30 bənāyâû pirə‘āṯōnî hiday minn^aḥălê ḡā‘aš: s

31 ’ăḇî-‘aləḇwōn hā‘arəḇāṯî ‘azəmāweṯ habarəḥumî: s

32 ’eləy^aḥəbā’ hašš^a‘aləḇōnî bənê yāšēn yəhwōnāṯān: s

33 šammâ hahărārî ’ăḥî’ām ben-šārār hā’rārî: s

34 ’ĕlîfeleṭ ben-’ăḥasəbay ben-hamm^a‘ăḵāṯî ³s’ĕlî‘ām ben-’ăḥîṯōfel hagilōnî: s

35 ḥeṣərwō ḥeṣəray hakarəməlî p^a‘ăray hā’arəbî: s

36 yiḡə’āl ben-nāṯān miṣṣōḇâ ³sbānî hagāḏî: s

37 ṣeleq hā‘ammōnî sn^aḥəray habə’ērōṯî nōśə’ê nōśē’ kəlê ywō’āḇ ben-ṣəruyâ: s

38 ‘îrā’ hayyiṯərî gārēḇ hayyiṯərî: s

39 ’ûrîyâ h^aḥitî kōl šəlōšîm wəšiḇə‘â: f

Tanach (Hebrew): 2 Samuel (2 Shmuel) Chapter 24

‎1 ‏וַיֹּ֙סֶף֙ אַף־יְהוָ֔ה לַחֲר֖וֹת בְּיִשְׂרָאֵ֑ל וַיָּ֨סֶת אֶת־דָּוִ֤ד בָּהֶם֙ לֵאמֹ֔ר לֵ֛ךְ מְנֵ֥ה אֶת־יִשְׂרָאֵ֖ל וְאֶת־יְהוּדָֽה׃

‎2 ‏וַיֹּ֨אמֶר הַמֶּ֜לֶךְ אֶל־יוֹאָ֣ב׀ שַׂר־הַחַ֣יִל אֲשֶׁר־אִתּ֗וֹ שֽׁוּט־נָ֞א בְּכָל־שִׁבְטֵ֤י יִשְׂרָאֵל֙ מִדָּן֙ וְעַד־בְּאֵ֣ר שֶׁ֔בַע וּפִקְד֖וּ אֶת־הָעָ֑ם וְיָ֣דַעְתִּ֔י אֵ֖ת מִסְפַּ֥ר הָעָֽם׃ ס

‎3 ‏וַיֹּ֨אמֶר יוֹאָ֜ב אֶל־הַמֶּ֗לֶךְ וְיוֹסֵ֣ף יְהוָה֩ אֱלֹהֶ֨יךָ אֶל־הָעָ֜ם כָּהֵ֤ם׀ וְכָהֵם֙ מֵאָ֣ה פְעָמִ֔ים וְעֵינֵ֥י אֲדֹנִֽי־הַמֶּ֖לֶךְ רֹא֑וֹת וַאדֹנִ֣י הַמֶּ֔לֶךְ לָ֥מָּה חָפֵ֖ץ בַּדָּבָ֥ר הַזֶּֽה׃

‎4 ‏וַיֶּחֱזַ֤ק דְּבַר־הַמֶּ֙לֶךְ֙ אֶל־יוֹאָ֔ב וְעַ֖ל שָׂרֵ֣י הֶחָ֑יִל וַיֵּצֵ֨א יוֹאָ֜ב וְשָׂרֵ֤י הַחַ֙יִל֙ לִפְנֵ֣י הַמֶּ֔לֶךְ לִפְקֹ֥ד אֶת־הָעָ֖ם אֶת־יִשְׂרָאֵֽל׃

‎5 ‏וַיַּעַבְר֖וּ אֶת־הַיַּרְדֵּ֑ן וַיַּחֲנ֣וּ בַעֲרוֹעֵ֗ר יְמִ֥ין הָעִ֛יר אֲשֶׁ֛ר בְּתוֹךְ־הַנַּ֥חַל הַגָּ֖ד וְאֶל־יַעְזֵֽר׃

‎6 ‏וַיָּבֹ֙אוּ֙ הַגִּלְעָ֔דָה וְאֶל־אֶ֥רֶץ תַּחְתִּ֖ים חָדְשִׁ֑י וַיָּבֹ֙אוּ֙ דָּ֣נָה יַּ֔עַן וְסָבִ֖יב אֶל־צִידֽוֹן׃

‎7 ‏וַיָּבֹ֨אוּ מִבְצַר־צֹ֔ר וְכָל־עָרֵ֥י הַחִוִּ֖י וְהַֽכְּנַעֲנִ֑י וַיֵּֽצְא֛וּ אֶל־נֶ֥גֶב יְהוּדָ֖ה בְּאֵ֥ר שָֽׁבַע׃

‎8 ‏וַיָּשֻׁ֖טוּ בְּכָל־הָאָ֑רֶץ וַיָּבֹ֜אוּ מִקְצֵ֨ה תִשְׁעָ֧ה חֳדָשִׁ֛ים וְעֶשְׂרִ֥ים י֖וֹם יְרוּשָׁלִָֽם׃

‎9 ‏וַיִּתֵּ֥ן יוֹאָ֛ב אֶת־מִסְפַּ֥ר מִפְקַד־הָעָ֖ם אֶל־הַמֶּ֑לֶךְ וַתְּהִ֣י יִשְׂרָאֵ֡ל שְׁמֹנֶה֩ מֵא֨וֹת אֶ֤לֶף אִֽישׁ־חַ֙יִל֙ שֹׁ֣לֵֽף חֶ֔רֶב וְאִ֣ישׁ יְהוּדָ֔ה חֲמֵשׁ־מֵא֥וֹת אֶ֖לֶף אִֽישׁ׃

‎10 ‏וַיַּ֤ךְ לֵב־דָּוִד֙ אֹת֔וֹ אַחֲרֵי־כֵ֖ן סָפַ֣ר אֶת־הָעָ֑ם סוַיֹּ֨אמֶר דָּוִ֜ד אֶל־יְהוָ֗ה חָטָ֤אתִי מְאֹד֙ אֲשֶׁ֣ר עָשִׂ֔יתִי וְעַתָּ֣ה יְהוָ֔ה הַֽעֲבֶר־נָא֙ אֶת־עֲוֹ֣ן עַבְדְּךָ֔ כִּ֥י נִסְכַּ֖לְתִּי מְאֹֽד׃

‎11 ‏וַיָּ֥קָם דָּוִ֖ד בַּבֹּ֑קֶר פוּדְבַר־יְהוָ֗ה הָיָה֙ אֶל־גָּ֣ד הַנָּבִ֔יא חֹזֵ֥ה דָוִ֖ד לֵאמֹֽר׃

‎12 ‏הָל֞וֹךְ וְדִבַּרְתָּ֣ אֶל־דָּוִ֗ד כֹּ֚ה אָמַ֣ר יְהוָ֔ה שָׁלֹ֕שׁ אָנֹכִ֖י נוֹטֵ֣ל עָלֶ֑יךָ בְּחַר־לְךָ֥ אַֽחַת־מֵהֶ֖ם וְאֶֽעֱשֶׂה־לָּֽךְ׃

‎13 ‏וַיָּבֹא־גָ֥ד אֶל־דָּוִ֖ד וַיַּגֶּד־ל֑וֹ וַיֹּ֣אמֶר ל֡וֹ הֲתָב֣וֹא לְךָ֣ שֶֽׁבַע שָׁנִ֣ים׀ רָעָ֣ב׀ בְּאַרְצֶ֡ךָ אִם־שְׁלֹשָׁ֣ה חֳ֠דָשִׁים נֻסְךָ֙ לִפְנֵֽי־צָרֶ֜יךָ וְה֣וּא רֹדְפֶ֗ךָ וְאִם־הֱ֠יוֹת שְׁלֹ֨שֶׁת יָמִ֥ים דֶּ֙בֶר֙ בְּאַרְצֶ֔ךָ עַתָּה֙ דַּ֣ע וּרְאֵ֔ה מָה־אָשִׁ֥יב שֹׁלְחִ֖י דָּבָֽר׃ ס

‎14 ‏וַיֹּ֧אמֶר דָּוִ֛ד אֶל־גָּ֖ד צַר־לִ֣י מְאֹ֑ד נִפְּלָה־נָּ֤א בְיַד־יְהוָה֙ כִּֽי־רַבִּ֣ים רחמו רַֽחֲמָ֔יו וּבְיַד־אָדָ֖ם אַל־אֶפֹּֽלָה׃

‎15 ‏וַיִּתֵּ֨ן יְהוָ֥ה דֶּ֙בֶר֙ בְּיִשְׂרָאֵ֔ל מֵהַבֹּ֖קֶר וְעַד־עֵ֣ת מוֹעֵ֑ד וַיָּ֣מָת מִן־הָעָ֗ם מִדָּן֙ וְעַד־בְּאֵ֣ר שֶׁ֔בַע שִׁבְעִ֥ים אֶ֖לֶף אִֽישׁ׃

‎16 ‏וַיִּשְׁלַח֩ יָד֨וֹ הַמַּלְאָ֥ךְ׀ יְרֽוּשָׁלִַם֮ לְשַׁחֲתָהּ֒ וַיִּנָּ֤חֶם יְהוָה֙ אֶל־הָ֣רָעָ֔ה וַ֠יֹּאמֶר לַמַּלְאָ֞ךְ הַמַּשְׁחִ֤ית בָּעָם֙ רַ֔ב עַתָּ֖ה הֶ֣רֶף יָדֶ֑ךָ וּמַלְאַ֤ךְ יְהוָה֙ הָיָ֔ה עִם־גֹּ֖רֶן האורנה הָאֲרַ֥וְנָה הַיְבֻסִֽי׃ ס

‎17 ‏וַיֹּאמֶר֩ דָּוִ֨ד אֶל־יְהוָ֜ה בִּרְאֹת֣וֹ׀ אֶֽת־הַמַּלְאָ֣ךְ׀ הַמַּכֶּ֣ה בָעָ֗ם וַיֹּ֙אמֶר֙ הִנֵּ֨ה אָנֹכִ֤י חָטָ֙אתִי֙ וְאָנֹכִ֣י הֶעֱוֵ֔יתִי וְאֵ֥לֶּה הַצֹּ֖אן מֶ֣ה עָשׂ֑וּ תְּהִ֨י נָ֥א יָדְךָ֛ בִּ֖י וּבְבֵ֥ית אָבִֽי׃ פ

‎18 ‏וַיָּבֹא־גָ֥ד אֶל־דָּוִ֖ד בַּיּ֣וֹם הַה֑וּא וַיֹּ֣אמֶר ל֗וֹ עֲלֵה֙ הָקֵ֤ם לַֽיהוָה֙ מִזְבֵּ֔חַ בְּגֹ֖רֶן ארניה אֲרַ֥וְנָה הַיְבֻסִֽי׃

‎19 ‏וַיַּ֤עַל דָּוִד֙ כִּדְבַר־גָּ֔ד כַּאֲשֶׁ֖ר צִוָּ֥ה יְהוָֽה׃

‎20 ‏וַיַּשְׁקֵ֣ף אֲרַ֗וְנָה וַיַּ֤רְא אֶת־הַמֶּ֙לֶךְ֙ וְאֶת־עֲבָדָ֔יו עֹבְרִ֖ים עָלָ֑יו וַיֵּצֵ֣א אֲרַ֔וְנָה וַיִּשְׁתַּ֧חוּ לַמֶּ֛לֶךְ אַפָּ֖יו אָֽרְצָה׃

‎21 ‏וַיֹּ֣אמֶר אֲרַ֔וְנָה מַדּ֛וּעַ בָּ֥א אֲדֹנִֽי־הַמֶּ֖לֶךְ אֶל־עַבְדּ֑וֹ וַיֹּ֨אמֶר דָּוִ֜ד לִקְנ֧וֹת מֵעִמְּךָ֣ אֶת־הַגֹּ֗רֶן לִבְנ֤וֹת מִזְבֵּ֙חַ֙ לַֽיהוָ֔ה וְתֵעָצַ֥ר הַמַּגֵּפָ֖ה מֵעַ֥ל הָעָֽם׃

‎22 ‏וַיֹּ֤אמֶר אֲרַ֙וְנָה֙ אֶל־דָּוִ֔ד יִקַּ֥ח וְיַ֛עַל אֲדֹנִ֥י הַמֶּ֖לֶךְ הַטּ֣וֹב בעינו בְּעֵינָ֑יו רְאֵה֙ הַבָּקָ֣ר לָעֹלָ֔ה וְהַמֹּרִגִּ֛ים וּכְלֵ֥י הַבָּקָ֖ר לָעֵצִֽים׃

‎23 ‏הַכֹּ֗ל נָתַ֛ן אֲרַ֥וְנָה הַמֶּ֖לֶךְ לַמֶּ֑לֶךְ סוַיֹּ֤אמֶר אֲרַ֙וְנָה֙ אֶל־הַמֶּ֔לֶךְ יְהוָ֥ה אֱלֹהֶ֖יךָ יִרְצֶֽךָ׃

‎24 ‏וַיֹּ֨אמֶר הַמֶּ֜לֶךְ אֶל־אֲרַ֗וְנָה לֹ֤א כִּֽי־קָנ֨וֹ אֶקְנֶ֤ה מֵאֽוֹתְךָ֙ בִּמְחִ֔יר וְלֹ֧א אַעֲלֶ֛ה לַיהוָ֥ה אֱלֹהַ֖י עֹל֣וֹת חִנָּ֑ם וַיִּ֨קֶן דָּוִ֤ד אֶת־הַגֹּ֙רֶן֙ וְאֶת־הַבָּקָ֔ר בְּכֶ֖סֶף שְׁקָלִ֥ים חֲמִשִּֽׁים׃

‎25 ‏וַיִּבֶן֩ שָׁ֨ם דָּוִ֤ד מִזְבֵּ֙חַ֙ לַֽיהוָ֔ה וַיַּ֥עַל עֹל֖וֹת וּשְׁלָמִ֑ים וַיֵּעָתֵ֤ר יְהוָה֙ לָאָ֔רֶץ וַתֵּעָצַ֥ר הַמַּגֵּפָ֖ה מֵעַ֥ל יִשְׂרָאֵֽל׃

1 wayyōsef ’af-yəhwâ l^aḥărwōṯ bəyiśərā’ēl wayyāseṯ ’eṯ-dāwiḏ bâem lē’mōr lēḵə mənēh ’eṯ-yiśərā’ēl wə’eṯ-yəhûḏâ:

2 wayyō’mer hammeleḵə ’el-ywō’āḇ| śar-h^aḥayil ’ăšer-’itwō šûṭ-nā’ bəḵāl-šiḇəṭê yiśərā’ēl midān wə‘aḏ-bə’ēr šeḇ^a‘ ûfiqəḏû ’eṯ-hā‘ām wəyāḏ^a‘ətî ’ēṯ misəpar hā‘ām: s

3 wayyō’mer ywō’āḇ ’el-hammeleḵə wəywōsēf yəhwâ ’ĕlōheyḵā ’el-hā‘ām kâēm| wəḵâēm mē’â fə‘āmîm wə‘ênê ’ăḏōnî-hammeleḵə rō’wōṯ wa’ḏōnî hammeleḵə lāmmâ ḥāfēṣ badāḇār hazzeh:

4 wayyeḥĕzaq dəḇar-hammeleḵə ’el-ywō’āḇ wə‘al śārê heḥāyil wayyēṣē’ ywō’āḇ wəśārê h^aḥayil lifənê hammeleḵə lifəqōḏ ’eṯ-hā‘ām ’eṯ-yiśərā’ēl:

5 wayy^a‘aḇərû ’eṯ-hayyarədēn wayy^aḥănû ḇ^a‘ărwō‘ēr yəmîn hā‘îr ’ăšer bəṯwōḵə-hann^aḥal hagāḏ wə’el-y^a‘əzēr:

6 wayyāḇō’û hagilə‘āḏâ wə’el-’ereṣ t^aḥətîm ḥāḏəšî wayyāḇō’û dānâ yy^a‘an wəsāḇîḇ ’el-ṣîḏwōn:

7 wayyāḇō’û miḇəṣar-ṣōr wəḵāl-‘ārê h^aḥiûî wəhakən^a‘ănî wayyēṣə’û ’el-neḡeḇ yəhûḏâ bə’ēr šāḇ^a‘:

8 wayyāšuṭû bəḵāl-hā’āreṣ wayyāḇō’û miqəṣēh ṯišə‘â ḥŏḏāšîm wə‘eśərîm ywōm yərûšālāim:

9 wayyitēn ywō’āḇ ’eṯ-misəpar mifəqaḏ-hā‘ām ’el-hammeleḵə watəhî yiśərā’ēl šəmōneh mē’wōṯ ’elef ’îš-ḥayil šōlēf ḥereḇ wə’îš yəhûḏâ ḥămēš-mē’wōṯ ’elef ’îš:

10 wayyaḵə lēḇ-dāwiḏ ’ōṯwō ’^aḥărê-ḵēn sāfar ’eṯ-hā‘ām swayyō’mer dāwiḏ ’el-yəhwâ ḥāṭā’ṯî mə’ōḏ ’ăšer ‘āśîṯî wə‘atâ yəhwâ h^a‘ăḇer-nā’ ’eṯ-‘ăwōn ‘aḇədəḵā kî nisəkalətî mə’ōḏ:

11 wayyāqām dāwiḏ babōqer fûḏəḇar-yəhwâ hāyâ ’el-gāḏ hannāḇî’ ḥōzēh ḏāwiḏ lē’mōr:

12 hālwōḵə wəḏibarətā ’el-dāwiḏ kōh ’āmar yəhwâ šālōš ’ānōḵî nwōṭēl ‘āleyḵā bəḥar-ləḵā ’^aḥaṯ-mēhem wə’e‘ĕśeh-llāḵə:

13 wayyāḇō’-ḡāḏ ’el-dāwiḏ wayyageḏ-lwō wayyō’mer lwō hăṯāḇwō’ ləḵā šeḇ^a‘ šānîm| rā‘āḇ| bə’arəṣeḵā ’im-šəlōšâ ḥŏḏāšîm nusəḵā lifənê-ṣāreyḵā wəhû’ rōḏəfeḵā wə’im-hĕywōṯ šəlōšeṯ yāmîm deḇer bə’arəṣeḵā ‘atâ d^a‘ ûrə’ēh mâ-’āšîḇ šōləḥî dāḇār: s

14 wayyō’mer dāwiḏ ’el-gāḏ ṣar-lî mə’ōḏ nipəlâ-nnā’ ḇəyaḏ-yəhwâ kî-rabîm r^aḥămāw r^aḥămāyw ûḇəyaḏ-’āḏām ’al-’epōlâ:

15 wayyitēn yəhwâ deḇer bəyiśərā’ēl mēhabōqer wə‘aḏ-‘ēṯ mwō‘ēḏ wayyāmāṯ min-hā‘ām midān wə‘aḏ-bə’ēr šeḇ^a‘ šiḇə‘îm ’elef ’îš:

16 wayyišəl^aḥ yāḏwō hammalə’āḵə| yərûšālaim ləš^aḥăṯāh wayyinnāḥem yəhwâ ’el-hārā‘â wayyō’mer lammalə’āḵə hammašəḥîṯ bā‘ām raḇ ‘atâ heref yāḏeḵā ûmalə’aḵə yəhwâ hāyâ ‘im-gōren hā’wōrənâ hā’ărawənâ hayəḇusî: s

17 wayyō’mer dāwiḏ ’el-yəhwâ birə’ōṯwō| ’eṯ-hammalə’āḵə| hammakeh ḇā‘ām wayyō’mer hinnēh ’ānōḵî ḥāṭā’ṯî wə’ānōḵî he‘ĕwêṯî wə’ēlleh haṣṣō’n meh ‘āśû təhî nā’ yāḏəḵā bî ûḇəḇêṯ ’āḇî: f

18 wayyāḇō’-ḡāḏ ’el-dāwiḏ bayywōm hahû’ wayyō’mer lwō ‘ălēh hāqēm layhwâ mizəbēḥa bəḡōren ’ăranəyâ ’ărawənâ hayəḇusî:

19 wayy^a‘al dāwiḏ kiḏəḇar-gāḏ ka’ăšer ṣiûâ yəhwâ:

20 wayyašəqēf ’ărawənâ wayyarə’ ’eṯ-hammeleḵə wə’eṯ-‘ăḇāḏāyw ‘ōḇərîm ‘ālāyw wayyēṣē’ ’ărawənâ wayyišət^aḥû lammeleḵə ’apāyw ’ārəṣâ:

21 wayyō’mer ’ărawənâ madû‘a bā’ ’ăḏōnî-hammeleḵə ’el-‘aḇədwō wayyō’mer dāwiḏ liqənwōṯ mē‘imməḵā ’eṯ-hagōren liḇənwōṯ mizəbēḥa layhwâ wəṯē‘āṣar hammagēfâ mē‘al hā‘ām:

22 wayyō’mer ’ărawənâ ’el-dāwiḏ yiqq^aḥ wəy^a‘al ’ăḏōnî hammeleḵə haṭṭwōḇ bə‘ênāw bə‘ênāyw rə’ēh habāqār lā‘ōlâ wəhammōrigîm ûḵəlê habāqār lā‘ēṣîm:

23 hakōl nāṯan ’ărawənâ hammeleḵə lammeleḵə swayyō’mer ’ărawənâ ’el-hammeleḵə yəhwâ ’ĕlōheyḵā yirəṣeḵā:

24 wayyō’mer hammeleḵə ’el-’ărawənâ lō’ kî-qānwō ’eqəneh mē’wōṯəḵā biməḥîr wəlō’ ’^a‘ăleh layhwâ ’ĕlōhay ‘ōlwōṯ ḥinnām wayyiqen dāwiḏ ’eṯ-hagōren wə’eṯ-habāqār bəḵesef šəqālîm ḥămiššîm:

25 wayyiḇen šām dāwiḏ mizəbēḥa layhwâ wayy^a‘al ‘ōlwōṯ ûšəlāmîm wayyē‘āṯēr yəhwâ lā’āreṣ watē‘āṣar hammagēfâ mē‘al yiśərā’ēl:

Tanach (Hebrew): 1 Samuel (1 Shmuel) Chapter 1

‎1 ‏וַיְהִי֩ אִ֨ישׁ אֶחָ֜ד מִן־הָרָמָתַ֛יִם צוֹפִ֖ים מֵהַ֣ר אֶפְרָ֑יִם וּשְׁמ֡וֹ אֶ֠לְקָנָה בֶּן־יְרֹחָ֧ם בֶּן־אֱלִיה֛וּא בֶּן־תֹּ֥חוּ בֶן־צ֖וּף אֶפְרָתִֽי׃

‎2 ‏וְלוֹ֙ שְׁתֵּ֣י נָשִׁ֔ים שֵׁ֤ם אַחַת֙ חַנָּ֔ה וְשֵׁ֥ם הַשֵּׁנִ֖ית פְּנִנָּ֑ה וַיְהִ֤י לִפְנִנָּה֙ יְלָדִ֔ים וּלְחַנָּ֖ה אֵ֥ין יְלָדִֽים׃

‎3 ‏וְעָלָה֩ הָאִ֨ישׁ הַה֤וּא מֵֽעִירוֹ֙ מִיָּמִ֣ים׀ יָמִ֔ימָה לְהִֽשְׁתַּחֲוֹ֧ת וְלִזְבֹּ֛חַ לַיהוָ֥ה צְבָא֖וֹת בְּשִׁלֹ֑ה וְשָׁ֞ם שְׁנֵ֣י בְנֵֽי־עֵלִ֗י חָפְנִי֙ וּפִ֣נְחָ֔ס כֹּהֲנִ֖ים לַיהוָֽה׃

‎4 ‏וַיְהִ֣י הַיּ֔וֹם וַיִּזְבַּ֖ח אֶלְקָנָ֑ה וְנָתַ֞ן לִפְנִנָּ֣ה אִשְׁתּ֗וֹ וּֽלְכָל־בָּנֶ֛יהָ וּבְנוֹתֶ֖יהָ מָנֽוֹת׃

‎5 ‏וּלְחַנָּ֕ה יִתֵּ֛ן מָנָ֥ה אַחַ֖ת אַפָּ֑יִם כִּ֤י אֶת־חַנָּה֙ אָהֵ֔ב וַֽיהוָ֖ה סָגַ֥ר רַחְמָֽהּ׃

‎6 ‏וְכִֽעֲסַ֤תָּה צָֽרָתָהּ֙ גַּם־כַּ֔עַס בַּעֲב֖וּר הַרְּעִמָ֑הּ כִּֽי־סָגַ֥ר יְהוָ֖ה בְּעַ֥ד רַחְמָֽהּ׃

‎7 ‏וְכֵ֨ן יַעֲשֶׂ֜ה שָׁנָ֣ה בְשָׁנָ֗ה מִדֵּ֤י עֲלֹתָהּ֙ בְּבֵ֣ית יְהוָ֔ה כֵּ֖ן תַּכְעִסֶ֑נָּה וַתִּבְכֶּ֖ה וְלֹ֥א תֹאכַֽל׃

‎8 ‏וַיֹּ֨אמֶר לָ֜הּ אֶלְקָנָ֣ה אִישָׁ֗הּ חַנָּה֙ לָ֣מֶה תִבְכִּ֗י וְלָ֙מֶה֙ לֹ֣א תֹֽאכְלִ֔י וְלָ֖מֶה יֵרַ֣ע לְבָבֵ֑ךְ הֲל֤וֹא אָֽנֹכִי֙ ט֣וֹב לָ֔ךְ מֵעֲשָׂרָ֖ה בָּנִֽים׃

‎9 ‏וַתָּ֣קָם חַנָּ֔ה אַחֲרֵ֛י אָכְלָ֥ה בְשִׁלֹ֖ה וְאַחֲרֵ֣י שָׁתֹ֑ה וְעֵלִ֣י הַכֹּהֵ֗ן יֹשֵׁב֙ עַל־הַכִּסֵּ֔א עַל־מְזוּזַ֖ת הֵיכַ֥ל יְהוָֽה׃

‎10 ‏וְהִ֖יא מָ֣רַת נָ֑פֶשׁ וַתִּתְפַּלֵּ֥ל עַל־יְהוָ֖ה וּבָכֹ֥ה תִבְכֶּֽה׃

‎11 ‏וַתִּדֹּ֨ר נֶ֜דֶר וַתֹּאמַ֗ר יְהוָ֨ה צְבָא֜וֹת אִם־רָאֹ֥ה תִרְאֶ֣ה׀ בָּעֳנִ֣י אֲמָתֶ֗ךָ וּזְכַרְתַּ֙נִי֙ וְלֹֽא־תִשְׁכַּ֣ח אֶת־אֲמָתֶ֔ךָ וְנָתַתָּ֥ה לַאֲמָתְךָ֖ זֶ֣רַע אֲנָשִׁ֑ים וּנְתַתִּ֤יו לַֽיהוָה֙ כָּל־יְמֵ֣י חַיָּ֔יו וּמוֹרָ֖ה לֹא־יַעֲלֶ֥ה עַל־רֹאשֽׁוֹ׃

‎12 ‏וְהָיָה֙ כִּ֣י הִרְבְּתָ֔ה לְהִתְפַּלֵּ֖ל לִפְנֵ֣י יְהוָ֑ה וְעֵלִ֖י שֹׁמֵ֥ר אֶת־פִּֽיהָ׃

‎13 ‏וְחַנָּ֗ה הִ֚יא מְדַבֶּ֣רֶת עַל־לִבָּ֔הּ רַ֚ק שְׂפָתֶ֣יהָ נָּע֔וֹת וְקוֹלָ֖הּ לֹ֣א יִשָּׁמֵ֑עַ וַיַּחְשְׁבֶ֥הָ עֵלִ֖י לְשִׁכֹּרָֽה׃

‎14 ‏וַיֹּ֤אמֶר אֵלֶ֙יהָ֙ עֵלִ֔י עַד־מָתַ֖י תִּשְׁתַּכָּרִ֑ין הָסִ֥ירִי אֶת־יֵינֵ֖ךְ מֵעָלָֽיִךְ׃

‎15 ‏וַתַּ֨עַן חַנָּ֤ה וַתֹּ֙אמֶר֙ לֹ֣א אֲדֹנִ֔י אִשָּׁ֤ה קְשַׁת־ר֙וּחַ֙ אָנֹ֔כִי וְיַ֥יִן וְשֵׁכָ֖ר לֹ֣א שָׁתִ֑יתִי וָאֶשְׁפֹּ֥ךְ אֶת־נַפְשִׁ֖י לִפְנֵ֥י יְהוָֽה׃

‎16 ‏אַל־תִּתֵּן֙ אֶת־אֲמָ֣תְךָ֔ לִפְנֵ֖י בַּת־בְּלִיָּ֑עַל כִּֽי־מֵרֹ֥ב שִׂיחִ֛י וְכַעְסִ֖י דִּבַּ֥רְתִּי עַד־הֵֽנָּה׃

‎17 ‏וַיַּ֧עַן עֵלִ֛י וַיֹּ֖אמֶר לְכִ֣י לְשָׁל֑וֹם וֵאלֹהֵ֣י יִשְׂרָאֵ֗ל יִתֵּן֙ אֶת־שֵׁ֣לָתֵ֔ךְ אֲשֶׁ֥ר שָׁאַ֖לְתְּ מֵעִמּֽוֹ׃

‎18 ‏וַתֹּ֕אמֶר תִּמְצָ֧א שִׁפְחָתְךָ֛ חֵ֖ן בְּעֵינֶ֑יךָ וַתֵּ֨לֶךְ הָאִשָּׁ֤ה לְדַרְכָּהּ֙ וַתֹּאכַ֔ל וּפָנֶ֥יהָ לֹא־הָיוּ־לָ֖הּ עֽוֹד׃

‎19 ‏וַיַּשְׁכִּ֣מוּ בַבֹּ֗קֶר וַיִּֽשְׁתַּחֲווּ֙ לִפְנֵ֣י יְהוָ֔ה וַיָּשֻׁ֛בוּ וַיָּבֹ֥אוּ אֶל־בֵּיתָ֖ם הָרָמָ֑תָה וַיֵּ֤דַע אֶלְקָנָה֙ אֶת־חַנָּ֣ה אִשְׁתּ֔וֹ וַיִּֽזְכְּרֶ֖הָ יְהוָֽה׃

‎20 ‏וַיְהִי֙ לִתְקֻפ֣וֹת הַיָּמִ֔ים וַתַּ֥הַר חַנָּ֖ה וַתֵּ֣לֶד בֵּ֑ן וַתִּקְרָ֤א אֶת־שְׁמוֹ֙ שְׁמוּאֵ֔ל כִּ֥י מֵיְהוָ֖ה שְׁאִלְתִּֽיו׃

‎21 ‏וַיַּ֛עַל הָאִ֥ישׁ אֶלְקָנָ֖ה וְכָל־בֵּית֑וֹ לִזְבֹּ֧חַ לַֽיהוָ֛ה אֶת־זֶ֥בַח הַיָּמִ֖ים וְאֶת־נִדְרֽוֹ׃

‎22 ‏וְחַנָּ֖ה לֹ֣א עָלָ֑תָה כִּֽי־אָמְרָ֣ה לְאִישָׁ֗הּ עַ֣ד יִגָּמֵ֤ל הַנַּ֙עַר֙ וַהֲבִאֹתִ֗יו וְנִרְאָה֙ אֶת־פְּנֵ֣י יְהוָ֔ה וְיָ֥שַׁב שָׁ֖ם עַד־עוֹלָֽם׃

‎23 ‏וַיֹּ֣אמֶר לָהּ֩ אֶלְקָנָ֨ה אִישָׁ֜הּ עֲשִׂ֧י הַטּ֣וֹב בְּעֵינַ֗יִךְ שְׁבִי֙ עַד־גָּמְלֵ֣ךְ אֹת֔וֹ אַ֛ךְ יָקֵ֥ם יְהוָ֖ה אֶת־דְּבָר֑וֹ וַתֵּ֤שֶׁב הָֽאִשָּׁה֙ וַתֵּ֣ינֶק אֶת־בְּנָ֔הּ עַד־גָמְלָ֖הּ³ אֹתֽוֹ׃

‎24 ‏וַתַּעֲלֵ֨הוּ עִמָּ֜הּ כַּאֲשֶׁ֣ר גְּמָלַ֗תּוּ בְּפָרִ֤ים שְׁלֹשָׁה֙ וְאֵיפָ֨ה אַחַ֥ת קֶ֙מַח֙ וְנֵ֣בֶל יַ֔יִן וַתְּבִאֵ֥הוּ בֵית־יְהוָ֖ה שִׁל֑וֹ וְהַנַּ֖עַר נָֽעַר׃

‎25 ‏וַֽיִּשְׁחֲט֖וּ אֶת־הַפָּ֑ר וַיָּבִ֥יאוּ אֶת־הַנַּ֖עַר אֶל־עֵלִֽי׃

‎26 ‏וַתֹּ֙אמֶר֙ בִּ֣י אֲדֹנִ֔י חֵ֥י נַפְשְׁךָ֖ אֲדֹנִ֑י אֲנִ֣י הָאִשָּׁ֗ה הַנִּצֶּ֤בֶת עִמְּכָה֙ בָּזֶ֔ה לְהִתְפַּלֵּ֖ל אֶל־יְהוָֽה׃

‎27 ‏אֶל־הַנַּ֥עַר הַזֶּ֖ה הִתְפַּלָּ֑לְתִּי וַיִּתֵּ֨ן יְהוָ֥ה לִי֙ אֶת־שְׁאֵ֣לָתִ֔י אֲשֶׁ֥ר שָׁאַ֖לְתִּי מֵעִמּֽוֹ׃

‎28 ‏וְגַ֣ם אָנֹכִ֗י הִשְׁאִלְתִּ֙הוּ֙ לַֽיהוָ֔ה כָּל־הַיָּמִים֙ אֲשֶׁ֣ר הָיָ֔ה ה֥וּא שָׁא֖וּל לַֽיהוָ֑ה וַיִּשְׁתַּ֥חוּ שָׁ֖ם לַיהוָֽה׃ פ

1 wayəhî ’îš ’eḥāḏ min-hārāmāṯayim ṣwōfîm mēhar ’efərāyim ûšəmwō ’eləqānâ ben-yərōḥām ben-’ĕlîhû’ ben-tōḥû ḇen-ṣûf ’efərāṯî:

2 wəlwō šətê nāšîm šēm ’^aḥaṯ ḥannâ wəšēm haššēnîṯ pəninnâ wayəhî lifəninnâ yəlāḏîm ûləḥannâ ’ên yəlāḏîm:

3 wə‘ālâ hā’îš hahû’ mē‘îrwō mîyāmîm| yāmîmâ ləhišət^aḥăwōṯ wəlizəbōḥa layhwâ ṣəḇā’wōṯ bəšilōh wəšām šənê ḇənê-‘ēlî ḥāfənî ûfinəḥās kōhănîm layhwâ:

4 wayəhî hayywōm wayyizəb^aḥ ’eləqānâ wənāṯan lifəninnâ ’išətwō ûləḵāl-bāneyhā ûḇənwōṯeyhā mānwōṯ:

5 ûləḥannâ yitēn mānâ ’^aḥaṯ ’apāyim kî ’eṯ-ḥannâ ’âēḇ wayhwâ sāḡar r^aḥəmāh:

6 wəḵi‘ăsatâ ṣārāṯāh gam-k^a‘as b^a‘ăḇûr harrə‘imāh kî-sāḡar yəhwâ bə‘aḏ r^aḥəmāh:

7 wəḵēn y^a‘ăśeh šānâ ḇəšānâ midê ‘ălōṯāh bəḇêṯ yəhwâ kēn taḵə‘isennâ watiḇəkeh wəlō’ ṯō’ḵal:

8 wayyō’mer lāh ’eləqānâ ’îšāh ḥannâ lāmeh ṯiḇəkî wəlāmeh lō’ ṯō’ḵəlî wəlāmeh yēr^a‘ ləḇāḇēḵə hălwō’ ’ānōḵî ṭwōḇ lāḵə mē‘ăśārâ bānîm:

9 watāqām ḥannâ ’^aḥărê ’āḵəlâ ḇəšilōh wə’^aḥărê šāṯōh wə‘ēlî hakōhēn yōšēḇ ‘al-hakissē’ ‘al-məzûzaṯ hêḵal yəhwâ:

10 wəhî’ māraṯ nāfeš watiṯəpallēl ‘al-yəhwâ ûḇāḵōh ṯiḇəkeh:

11 watidōr neḏer watō’mar yəhwâ ṣəḇā’wōṯ ’im-rā’ōh ṯirə’eh| bā‘ŏnî ’ămāṯeḵā ûzəḵarətanî wəlō’-ṯišək^aḥ ’eṯ-’ămāṯeḵā wənāṯatâ la’ămāṯəḵā zer^a‘ ’ănāšîm ûnəṯatîw layhwâ kāl-yəmê ḥayyāyw ûmwōrâ lō’-y^a‘ăleh ‘al-rō’šwō:

12 wəhāyâ kî hirəbəṯâ ləhiṯəpallēl lifənê yəhwâ wə‘ēlî šōmēr ’eṯ-pîhā:

13 wəḥannâ hî’ məḏabereṯ ‘al-libāh raq śəfāṯeyhā nnā‘wōṯ wəqwōlāh lō’ yiššāmē‘a wayy^aḥəšəḇehā ‘ēlî ləšikōrâ:

14 wayyō’mer ’ēleyhā ‘ēlî ‘aḏ-māṯay tišətakārîn hāsîrî ’eṯ-yênēḵə mē‘ālāyiḵə:

15 wat^a‘an ḥannâ watō’mer lō’ ’ăḏōnî ’iššâ qəšaṯ-rûḥa ’ānōḵî wəyayin wəšēḵār lō’ šāṯîṯî wā’ešəpōḵə ’eṯ-nafəšî lifənê yəhwâ:

16 ’al-titēn ’eṯ-’ămāṯəḵā lifənê baṯ-bəlîyā‘al kî-mērōḇ śîḥî wəḵ^a‘əsî dibarətî ‘aḏ-hēnnâ:

17 wayy^a‘an ‘ēlî wayyō’mer ləḵî ləšālwōm wē’lōhê yiśərā’ēl yitēn ’eṯ-šēlāṯēḵə ’ăšer šā’alətə mē‘immwō:

18 watō’mer timəṣā’ šifəḥāṯəḵā ḥēn bə‘êneyḵā watēleḵə hā’iššâ ləḏarəkāh watō’ḵal ûfāneyhā lō’-hāyû-lāh ‘wōḏ:

19 wayyašəkimû ḇabōqer wayyišət^aḥăwû lifənê yəhwâ wayyāšuḇû wayyāḇō’û ’el-bêṯām hārāmāṯâ wayyēḏ^a‘ ’eləqānâ ’eṯ-ḥannâ ’išətwō wayyizəkərehā yəhwâ:

20 wayəhî liṯəqufwōṯ hayyāmîm watahar ḥannâ watēleḏ bēn watiqərā’ ’eṯ-šəmwō šəmû’ēl kî mêəhwâ šə’ilətîw:

21 wayy^a‘al hā’îš ’eləqānâ wəḵāl-bêṯwō lizəbōḥa layhwâ ’eṯ-zeḇ^aḥ hayyāmîm wə’eṯ-niḏərwō:

22 wəḥannâ lō’ ‘ālāṯâ kî-’āmərâ lə’îšāh ‘aḏ yigāmēl hann^a‘ar wahăḇi’ōṯîw wənirə’â ’eṯ-pənê yəhwâ wəyāšaḇ šām ‘aḏ-‘wōlām:

23 wayyō’mer lāh ’eləqānâ ’îšāh ‘ăśî haṭṭwōḇ bə‘ênayiḵə šəḇî ‘aḏ-gāməlēḵə ’ōṯwō ’aḵə yāqēm yəhwâ ’eṯ-dəḇārwō watēšeḇ hā’iššâ watêneq ’eṯ-bənāh ‘aḏ-ḡāməlāh³ ’ōṯwō:

24 wat^a‘ălēhû ‘immāh ka’ăšer gəmālatû bəfārîm šəlōšâ wə’êfâ ’^aḥaṯ qem^aḥ wənēḇel yayin watəḇi’ēhû ḇêṯ-yəhwâ šilwō wəhann^a‘ar nā‘ar:

25 wayyišəḥăṭû ’eṯ-hapār wayyāḇî’û ’eṯ-hann^a‘ar ’el-‘ēlî:

26 watō’mer bî ’ăḏōnî ḥê nafəšəḵā ’ăḏōnî ’ănî hā’iššâ hanniṣṣeḇeṯ ‘imməḵâ bāzeh ləhiṯəpallēl ’el-yəhwâ:

27 ’el-hann^a‘ar hazzeh hiṯəpallālətî wayyitēn yəhwâ lî ’eṯ-šə’ēlāṯî ’ăšer šā’alətî mē‘immwō:

28 wəḡam ’ānōḵî hišə’ilətihû layhwâ kāl-hayyāmîm ’ăšer hāyâ hû’ šā’ûl layhwâ wayyišət^aḥû šām layhwâ: f

Tanach (Hebrew): 1 Kings (1 Melakhim) Chapter 1

‎1 ‏וְהַמֶּ֤לֶךְ דָּוִד֙ זָקֵ֔ן בָּ֖א בַּיָּמִ֑ים וַיְכַסֻּ֙הוּ֙ בַּבְּגָדִ֔ים וְלֹ֥א יִחַ֖ם לֽוֹ׃

‎2 ‏וַיֹּ֧אמְרוּ ל֣וֹ עֲבָדָ֗יו יְבַקְשׁ֞וּ לַאדֹנִ֤י הַמֶּ֙לֶךְ֙ נַעֲרָ֣ה בְתוּלָ֔ה וְעָֽמְדָה֙ לִפְנֵ֣י הַמֶּ֔לֶךְ וּתְהִי־ל֖וֹ סֹכֶ֑נֶת וְשָׁכְבָ֣ה בְחֵיקֶ֔ךָ וְחַ֖ם לַאדֹנִ֥י הַמֶּֽלֶךְ׃

‎3 ‏וַיְבַקְשׁוּ֙ נַעֲרָ֣ה יָפָ֔ה בְּכֹ֖ל גְּב֣וּל יִשְׂרָאֵ֑ל וַֽיִּמְצְא֗וּ אֶת־אֲבִישַׁג֙ הַשּׁ֣וּנַמִּ֔ית וַיָּבִ֥אוּ אֹתָ֖הּ לַמֶּֽלֶךְ׃

‎4 ‏וְהַֽנַּעֲרָ֖ה יָפָ֣ה עַד־מְאֹ֑ד וַתְּהִ֨י לַמֶּ֤לֶךְ סֹכֶ֙נֶת֙ וַתְּשָׁ֣רְתֵ֔הוּ וְהַמֶּ֖לֶךְ לֹ֥א יְדָעָֽהּ׃

‎5 ‏וַאֲדֹנִיָּ֧ה בֶן־חַגִּ֛ית מִתְנַשֵּׂ֥א לֵאמֹ֖ר אֲנִ֣י אֶמְלֹ֑ךְ וַיַּ֣עַשׂ ל֗וֹ רֶ֚כֶב וּפָ֣רָשִׁ֔ים וַחֲמִשִּׁ֥ים אִ֖ישׁ רָצִ֥ים לְפָנָֽיו׃

‎6 ‏וְלֹֽא־עֲצָב֨וֹ אָבִ֤יו מִיָּמָיו֙ לֵאמֹ֔ר מַדּ֖וּעַ כָּ֣כָה עָשִׂ֑יתָ וְגַם־ה֤וּא טֽוֹב־תֹּ֙אַר֙ מְאֹ֔ד וְאֹת֥וֹ יָלְדָ֖ה אַחֲרֵ֥י אַבְשָׁלֽוֹם׃

‎7 ‏וַיִּהְי֣וּ דְבָרָ֔יו עִ֚ם יוֹאָ֣ב בֶּן־צְרוּיָ֔ה וְעִ֖ם אֶבְיָתָ֣ר הַכֹּהֵ֑ן וַֽיַּעְזְר֔וּ אַחֲרֵ֖י אֲדֹנִיָּֽה׃

‎8 ‏וְצָד֣וֹק הַ֠כֹּהֵן וּבְנָיָ֨הוּ בֶן־יְהוֹיָדָ֜ע וְנָתָ֤ן הַנָּבִיא֙ וְשִׁמְעִ֣י וְרֵעִ֔י וְהַגִּבּוֹרִ֖ים אֲשֶׁ֣ר לְדָוִ֑ד לֹ֥א הָי֖וּ עִם־אֲדֹנִיָּֽהוּ׃

‎9 ‏וַיִּזְבַּ֣ח אֲדֹנִיָּ֗הוּ צֹ֤אן וּבָקָר֙ וּמְרִ֔יא עִ֚ם אֶ֣בֶן הַזֹּחֶ֔לֶת אֲשֶׁר־אֵ֖צֶל עֵ֣ין רֹגֵ֑ל וַיִּקְרָ֗א אֶת־כָּל־אֶחָיו֙ בְּנֵ֣י הַמֶּ֔לֶךְ וּלְכָל־אַנְשֵׁ֥י יְהוּדָ֖ה עַבְדֵ֥י הַמֶּֽלֶךְ׃

‎10 ‏וְֽאֶת־נָתָן֩ הַנָּבִ֨יא וּבְנָיָ֜הוּ וְאֶת־הַגִּבּוֹרִ֛ים וְאֶת־שְׁלֹמֹ֥ה אָחִ֖יו לֹ֥א קָרָֽא׃

‎11 ‏וַיֹּ֣אמֶר נָתָ֗ן אֶל־בַּת־שֶׁ֤בַע אֵם־שְׁלֹמֹה֙ לֵאמֹ֔ר הֲל֣וֹא שָׁמַ֔עַתְּ כִּ֥י מָלַ֖ךְ אֲדֹנִיָּ֣הוּ בֶן־חַגִּ֑ית וַאֲדֹנֵ֥ינוּ דָוִ֖ד לֹ֥א יָדָֽע׃

‎12 ‏וְעַתָּ֕ה לְכִ֛י אִיעָצֵ֥ךְ נָ֖א עֵצָ֑ה וּמַלְּטִי֙ אֶת־נַפְשֵׁ֔ךְ וְאֶת־נֶ֥פֶשׁ בְּנֵ֖ךְ שְׁלֹמֹֽה׃

‎13 ‏לְכִ֞י וּבֹ֣אִי׀ אֶל־הַמֶּ֣לֶךְ דָּוִ֗ד וְאָמַ֤רְתְּ אֵלָיו֙ הֲלֹֽא־אַתָּ֞ה אֲדֹנִ֣י הַמֶּ֗לֶךְ נִשְׁבַּ֤עְתָּ לַאֲמָֽתְךָ֙ לֵאמֹ֔ר כִּֽי־שְׁלֹמֹ֤ה בְנֵךְ֙ יִמְלֹ֣ךְ אַחֲרַ֔י וְה֖וּא יֵשֵׁ֣ב עַל־כִּסְאִ֑י וּמַדּ֖וּעַ מָלַ֥ךְ אֲדֹנִיָֽהוּ׃¹

‎14 ‏הִנֵּ֗ה עוֹדָ֛ךְ מְדַבֶּ֥רֶת שָׁ֖ם עִם־הַמֶּ֑לֶךְ וַאֲנִי֙ אָב֣וֹא אַחֲרַ֔יִךְ וּמִלֵּאתִ֖י אֶת־דְּבָרָֽיִךְ׃

‎15 ‏וַתָּבֹ֨א בַת־שֶׁ֤בֶע אֶל־הַמֶּ֙לֶךְ֙ הַחַ֔דְרָה וְהַמֶּ֖לֶךְ זָקֵ֣ן מְאֹ֑ד וַֽאֲבִישַׁג֙ הַשּׁ֣וּנַמִּ֔ית מְשָׁרַ֖ת אֶת־הַמֶּֽלֶךְ׃

‎16 ‏וַתִּקֹּ֣ד בַּת־שֶׁ֔בַע וַתִּשְׁתַּ֖חוּ לַמֶּ֑לֶךְ וַיֹּ֥אמֶר הַמֶּ֖לֶךְ מַה־לָּֽךְ׃

‎17 ‏וַתֹּ֣אמֶר ל֗וֹ אֲדֹנִי֙ אַתָּ֨ה נִשְׁבַּ֜עְתָּ בַּֽיהוָ֤ה אֱלֹהֶ֙יךָ֙ לַֽאֲמָתֶ֔ךָ כִּֽי־שְׁלֹמֹ֥ה בְנֵ֖ךְ יִמְלֹ֣ךְ אַחֲרָ֑י וְה֖וּא יֵשֵׁ֥ב עַל־כִּסְאִֽי׃

‎18 ‏וְעַתָּ֕ה הִנֵּ֥ה אֲדֹנִיָּ֖ה מָלָ֑ךְ וְעַתָּ֛ה אֲדֹנִ֥י הַמֶּ֖לֶךְ לֹ֥א יָדָֽעְתָּ׃

‎19 ‏וַ֠יִּזְבַּח שׁ֥וֹר וּֽמְרִיא־וְצֹאן֮ לָרֹב֒ וַיִּקְרָא֙ לְכָל־בְּנֵ֣י הַמֶּ֔לֶךְ וּלְאֶבְיָתָר֙ הַכֹּהֵ֔ן וּלְיֹאָ֖ב שַׂ֣ר הַצָּבָ֑א וְלִשְׁלֹמֹ֥ה עַבְדְּךָ֖ לֹ֥א קָרָֽא׃

‎20 ‏וְאַתָּה֙ אֲדֹנִ֣י הַמֶּ֔לֶךְ עֵינֵ֥י כָל־יִשְׂרָאֵ֖ל עָלֶ֑יךָ לְהַגִּ֣יד לָהֶ֔ם מִ֗י יֵשֵׁ֛ב עַל־כִּסֵּ֥א אֲדֹנִֽי־הַמֶּ֖לֶךְ אַחֲרָֽיו׃

‎21 ‏וְהָיָ֕ה כִּשְׁכַ֥ב אֲדֹנִֽי־הַמֶּ֖לֶךְ עִם־אֲבֹתָ֑יו וְהָיִ֗יתִי אֲנִ֛י וּבְנִ֥י שְׁלֹמֹ֖ה חַטָּאִֽים׃

‎22 ‏וְהִנֵּ֛ה עוֹדֶ֥נָּה מְדַבֶּ֖רֶת עִם־הַמֶּ֑לֶךְ וְנָתָ֥ן הַנָּבִ֖יא בָּֽא׃

‎23 ‏וַיַּגִּ֤ידוּ לַמֶּ֙לֶךְ֙ לֵאמֹ֔ר הִנֵּ֖ה נָתָ֣ן הַנָּבִ֑יא וַיָּבֹא֙ לִפְנֵ֣י הַמֶּ֔לֶךְ וַיִּשְׁתַּ֧חוּ לַמֶּ֛לֶךְ עַל־אַפָּ֖יו אָֽרְצָה׃

‎24 ‏וַיֹּאמֶר֮ נָתָן֒ אֲדֹנִ֣י הַמֶּ֔לֶךְ אַתָּ֣ה אָמַ֔רְתָּ אֲדֹנִיָּ֖הוּ יִמְלֹ֣ךְ אַחֲרָ֑י וְה֖וּא יֵשֵׁ֥ב עַל־כִּסְאִֽי׃

‎25 ‏כִּ֣י׀ יָרַ֣ד הַיּ֗וֹם וַ֠יִּזְבַּח שׁ֥וֹר וּֽמְרִיא־וְצֹאן֮ לָרֹב֒ וַיִּקְרָא֩ לְכָל־בְּנֵ֨י הַמֶּ֜לֶךְ וּלְשָׂרֵ֤י הַצָּבָא֙ וּלְאֶבְיָתָ֣ר הַכֹּהֵ֔ן וְהִנָּ֛ם אֹכְלִ֥ים וְשֹׁתִ֖ים לְפָנָ֑יו וַיֹּ֣אמְר֔וּ יְחִ֖י הַמֶּ֥לֶךְ אֲדֹנִיָּֽהוּ׃

‎26 ‏וְלִ֣י אֲנִֽי־עַ֠בְדֶּךָ וּלְצָדֹ֨ק הַכֹּהֵ֜ן וְלִבְנָיָ֧הוּ בֶן־יְהוֹיָדָ֛ע וְלִשְׁלֹמֹ֥ה עַבְדְּךָ֖ לֹ֥א קָרָֽא׃

‎27 ‏אִ֗ם מֵאֵת֙ אֲדֹנִ֣י הַמֶּ֔לֶךְ נִהְיָ֖ה הַדָּבָ֣ר הַזֶּ֑ה וְלֹ֤א הוֹדַ֙עְתָּ֙ אֶֽת־עבדיך עַבְדְּךָ֔ מִ֗י יֵשֵׁ֛ב עַל־כִּסֵּ֥א אֲדֹנִֽי־הַמֶּ֖לֶךְ אַחֲרָֽיו׃ ס

‎28 ‏וַיַּ֨עַן הַמֶּ֤לֶךְ דָּוִד֙ וַיֹּ֔אמֶר קִרְאוּ־לִ֖י לְבַת־שָׁ֑בַע וַתָּבֹא֙ לִפְנֵ֣י הַמֶּ֔לֶךְ וַֽתַּעֲמֹ֖ד לִפְנֵ֥י הַמֶּֽלֶךְ׃

‎29 ‏וַיִּשָּׁבַ֥ע הַמֶּ֖לֶךְ וַיֹּאמַ֑ר חַי־יְהוָ֕ה אֲשֶׁר־פָּדָ֥ה אֶת־נַפְשִׁ֖י מִכָּל־צָרָֽה׃

‎30 ‏כִּ֡י כַּאֲשֶׁר֩ נִשְׁבַּ֨עְתִּי לָ֜ךְ בַּיהוָ֨ה אֱלֹהֵ֤י יִשְׂרָאֵל֙ לֵאמֹ֔ר כִּֽי־שְׁלֹמֹ֤ה בְנֵךְ֙ יִמְלֹ֣ךְ אַחֲרַ֔י וְה֛וּא יֵשֵׁ֥ב עַל־כִּסְאִ֖י תַּחְתָּ֑י כִּ֛י כֵּ֥ן אֶעֱשֶׂ֖ה הַיּ֥וֹם הַזֶּֽה׃

‎31 ‏וַתִּקֹּ֨ד בַּת־שֶׁ֤בַע אַפַּ֙יִם֙ אֶ֔רֶץ וַתִּשְׁתַּ֖חוּ לַמֶּ֑לֶךְ וַתֹּ֕אמֶר יְחִ֗י אֲדֹנִ֛י הַמֶּ֥לֶךְ דָּוִ֖ד לְעֹלָֽם׃ פ

‎32 ‏וַיֹּ֣אמֶר׀ הַמֶּ֣לֶךְ דָּוִ֗ד קִרְאוּ־לִ֞י לְצָד֤וֹק הַכֹּהֵן֙ וּלְנָתָ֣ן הַנָּבִ֔יא וְלִבְנָיָ֖הוּ בֶּן־יְהוֹיָדָ֑ע וַיָּבֹ֖אוּ לִפְנֵ֥י הַמֶּֽלֶךְ׃

‎33 ‏וַיֹּ֨אמֶר הַמֶּ֜לֶךְ לָהֶ֗ם קְח֤וּ עִמָּכֶם֙ אֶת־עַבְדֵ֣י אֲדֹנֵיכֶ֔ם וְהִרְכַּבְתֶּם֙ אֶת־שְׁלֹמֹ֣ה בְנִ֔י עַל־הַפִּרְדָּ֖ה אֲשֶׁר־לִ֑י וְהוֹרַדְתֶּ֥ם אֹת֖וֹ אֶל־גִּחֽוֹן׃

‎34 ‏וּמָשַׁ֣ח אֹת֣וֹ שָׁ֠ם צָד֨וֹק הַכֹּהֵ֜ן וְנָתָ֧ן הַנָּבִ֛יא לְמֶ֖לֶךְ עַל־יִשְׂרָאֵ֑ל וּתְקַעְתֶּם֙ בַּשּׁוֹפָ֔ר וַאֲמַרְתֶּ֕ם יְחִ֖י הַמֶּ֥לֶךְ שְׁלֹמֹֽה׃

‎35 ‏וַעֲלִיתֶ֣ם אַחֲרָ֗יו וּבָא֙ וְיָשַׁ֣ב עַל־כִּסְאִ֔י וְה֥וּא יִמְלֹ֖ךְ תַּחְתָּ֑י וְאֹת֤וֹ צִוִּ֙יתִי֙ לִֽהְי֣וֹת נָגִ֔יד עַל־יִשְׂרָאֵ֖ל וְעַל־יְהוּדָֽה׃

‎36 ‏וַיַּ֨עַן בְּנָיָ֧הוּ בֶן־יְהֽוֹיָדָ֛ע אֶת־הַמֶּ֖לֶךְ וַיֹּ֣אמֶר׀ אָמֵ֑ן כֵּ֚ן יֹאמַ֣ר יְהוָ֔ה אֱלֹהֵ֖י אֲדֹנִ֥י הַמֶּֽלֶךְ׃

‎37 ‏כַּאֲשֶׁ֨ר הָיָ֤ה יְהוָה֙ עִם־אֲדֹנִ֣י הַמֶּ֔לֶךְ כֵּ֖ן יהי יִֽהְיֶ֣ה עִם־שְׁלֹמֹ֑ה וִֽיגַדֵּל֙ אֶת־כִּסְא֔וֹ מִ֨כִּסֵּ֔א אֲדֹנִ֖י הַמֶּ֥לֶךְ דָּוִֽד׃

‎38 ‏וַיֵּ֣רֶד צָד֣וֹק הַ֠כֹּהֵן וְנָתָ֨ן הַנָּבִ֜יא וּבְנָיָ֣הוּ בֶן־יְהוֹיָדָ֗ע וְהַכְּרֵתִי֙ וְהַפְּלֵתִ֔י וַיַּרְכִּ֙בוּ֙ אֶת־שְׁלֹמֹ֔ה עַל־פִּרְדַּ֖ת הַמֶּ֣לֶךְ דָּוִ֑ד וַיֹּלִ֥כוּ אֹת֖וֹ עַל־גִּחֽוֹן׃

‎39 ‏וַיִּקַּח֩ צָד֨וֹק הַכֹּהֵ֜ן אֶת־קֶ֤רֶן הַשֶּׁ֙מֶן֙ מִן־הָאֹ֔הֶל וַיִּמְשַׁ֖ח אֶת־שְׁלֹמֹ֑ה וַֽיִּתְקְעוּ֙ בַּשּׁוֹפָ֔ר וַיֹּֽאמְרוּ֙ כָּל־הָעָ֔ם יְחִ֖י הַמֶּ֥לֶךְ שְׁלֹמֹֽה׃

‎40 ‏וַיַּעֲל֤וּ כָל־הָעָם֙ אַֽחֲרָ֔יו וְהָעָם֙ מְחַלְּלִ֣ים בַּחֲלִלִ֔ים וּשְׂמֵחִ֖ים שִׂמְחָ֣ה גְדוֹלָ֑ה וַתִּבָּקַ֥ע הָאָ֖רֶץ בְּקוֹלָֽם׃

‎41 ‏וַיִּשְׁמַ֣ע אֲדֹנִיָּ֗הוּ וְכָל־הַקְּרֻאִים֙ אֲשֶׁ֣ר אִתּ֔וֹ וְהֵ֖ם כִּלּ֣וּ לֶאֱכֹ֑ל וַיִּשְׁמַ֤ע יוֹאָב֙ אֶת־ק֣וֹל הַשּׁוֹפָ֔ר וַיֹּ֕אמֶר מַדּ֥וּעַ קֽוֹל־הַקִּרְיָ֖ה הוֹמָֽה׃

‎42 ‏עוֹדֶ֣נּוּ מְדַבֵּ֔ר וְהִנֵּ֧ה יוֹנָתָ֛ן בֶּן־אֶבְיָתָ֥ר הַכֹּהֵ֖ן בָּ֑א וַיֹּ֤אמֶר אֲדֹנִיָּ֙הוּ֙ בֹּ֔א כִּ֣י אִ֥ישׁ חַ֛יִל אַ֖תָּה וְט֥וֹב תְּבַשֵּֽׂר׃

‎43 ‏וַיַּ֙עַן֙ יוֹנָתָ֔ן וַיֹּ֖אמֶר לַאֲדֹנִיָּ֑הוּ אֲבָ֕ל אֲדֹנֵ֥ינוּ הַמֶּֽלֶךְ־דָּוִ֖ד הִמְלִ֥יךְ אֶת־שְׁלֹמֹֽה׃

‎44 ‏וַיִּשְׁלַ֣ח אִתּֽוֹ־הַ֠מֶּלֶךְ אֶת־צָד֨וֹק הַכֹּהֵ֜ן וְאֶת־נָתָ֣ן הַנָּבִ֗יא וּבְנָיָ֙הוּ֙ בֶּן־יְה֣וֹיָדָ֔ע וְהַכְּרֵתִ֖י וְהַפְּלֵתִ֑י וַיַּרְכִּ֣בוּ אֹת֔וֹ עַ֖ל פִּרְדַּ֥ת הַמֶּֽלֶךְ׃

‎45 ‏וַיִּמְשְׁח֣וּ אֹת֡וֹ צָד֣וֹק הַכֹּהֵ֣ן וְנָתָן֩ הַנָּבִ֨יא לְמֶ֜לֶךְ בְּגִח֗וֹן וַיַּעֲל֤וּ מִשָּׁם֙ שְׂמֵחִ֔ים וַתֵּהֹ֖ם הַקִּרְיָ֑ה ה֥וּא הַקּ֖וֹל אֲשֶׁ֥ר שְׁמַעְתֶּֽם׃

‎46 ‏וְגַם֙ יָשַׁ֣ב שְׁלֹמֹ֔ה עַ֖ל כִּסֵּ֥א הַמְּלוּכָֽה׃

‎47 ‏וְגַם־בָּ֜אוּ עַבְדֵ֣י הַמֶּ֗לֶךְ לְ֠בָרֵךְ אֶת־אֲדֹנֵ֜ינוּ הַמֶּ֣לֶךְ דָּוִד֮ לֵאמֹר֒ יֵיטֵ֨ב אלהיך אֱלֹהִ֜ים אֶת־שֵׁ֤ם שְׁלֹמֹה֙ מִשְּׁמֶ֔ךָ וִֽיגַדֵּ֥ל אֶת־כִּסְא֖וֹ מִכִּסְאֶ֑ךָ וַיִּשְׁתַּ֥חוּ הַמֶּ֖לֶךְ עַל־הַמִּשְׁכָּֽב׃

‎48 ‏וְגַם־כָּ֖כָה אָמַ֣ר הַמֶּ֑לֶךְ בָּר֨וּךְ יְהוָ֜ה אֱלֹהֵ֣י יִשְׂרָאֵ֗ל אֲשֶׁ֨ר נָתַ֥ן הַיּ֛וֹם יֹשֵׁ֥ב עַל־כִּסְאִ֖י וְעֵינַ֥י רֹאֽוֹת׃

‎49 ‏וַיֶּֽחֶרְדוּ֙ וַיָּקֻ֔מוּ כָּל־הַ֨קְּרֻאִ֔ים אֲשֶׁ֖ר לַאֲדֹנִיָּ֑הוּ וַיֵּלְכ֖וּ אִ֥ישׁ לְדַרְכּֽוֹ׃

‎50 ‏וַאֲדֹ֣נִיָּ֔הוּ יָרֵ֖א מִפְּנֵ֣י שְׁלֹמֹ֑ה וַיָּ֣קָם וַיֵּ֔לֶךְ וַֽיַּחֲזֵ֖ק בְּקַרְנ֥וֹת הַמִּזְבֵּֽחַ׃

‎51 ‏וַיֻּגַּ֤ד לִשְׁלֹמֹה֙ לֵאמֹ֔ר הִנֵּה֙ אֲדֹ֣נִיָּ֔הוּ יָרֵ֖א אֶת־הַמֶּ֣לֶךְ שְׁלֹמֹ֑ה וְ֠הִנֵּה אָחַ֞ז בְּקַרְנ֤וֹת הַמִּזְבֵּ֙חַ֙ לֵאמֹ֔ר יִשָּֽׁבַֽע־לִ֤י כַיּוֹם֙ הַמֶּ֣לֶךְ שְׁלֹמֹ֔ה אִם־יָמִ֥ית אֶת־עַבְדּ֖וֹ בֶּחָֽרֶב׃

‎52 ‏וַיֹּ֣אמֶר שְׁלֹמֹ֔ה אִ֚ם יִהְיֶ֣ה לְבֶן־חַ֔יִל לֹֽא־יִפֹּ֥ל מִשַּׂעֲרָת֖וֹ אָ֑רְצָה וְאִם־רָעָ֥ה תִמָּצֵא־ב֖וֹ וָמֵֽת׃

‎53 ‏וַיִּשְׁלַ֞ח הַמֶּ֣לֶךְ שְׁלֹמֹ֗ה וַיֹּרִדֻ֙הוּ֙ מֵעַ֣ל הַמִּזְבֵּ֔חַ וַיָּבֹ֕א וַיִּשְׁתַּ֖חוּ לַמֶּ֣לֶךְ שְׁלֹמֹ֑ה וַיֹּֽאמֶר־ל֥וֹ שְׁלֹמֹ֖ה לֵ֥ךְ לְבֵיתֶֽךָ׃ פ

1 wəhammeleḵə dāwiḏ zāqēn bā’ bayyāmîm wayəḵassuhû babəḡāḏîm wəlō’ yiḥam lwō:

2 wayyō’mərû lwō ‘ăḇāḏāyw yəḇaqəšû la’ḏōnî hammeleḵə n^a‘ărâ ḇəṯûlâ wə‘āməḏâ lifənê hammeleḵə ûṯəhî-lwō sōḵeneṯ wəšāḵəḇâ ḇəḥêqeḵā wəḥam la’ḏōnî hammeleḵə:

3 wayəḇaqəšû n^a‘ărâ yāfâ bəḵōl gəḇûl yiśərā’ēl wayyiməṣə’û ’eṯ-’ăḇîšaḡ haššûnammîṯ wayyāḇi’û ’ōṯāh lammeleḵə:

4 wəhann^a‘ărâ yāfâ ‘aḏ-mə’ōḏ watəhî lammeleḵə sōḵeneṯ watəšārəṯēhû wəhammeleḵə lō’ yəḏā‘āh:

5 wa’ăḏōnîyâ ḇen-ḥagîṯ miṯənaśśē’ lē’mōr ’ănî ’eməlōḵə wayy^a‘aś lwō reḵeḇ ûfārāšîm w^aḥămiššîm ’îš rāṣîm ləfānāyw:

6 wəlō’-‘ăṣāḇwō ’āḇîw mîyāmāyw lē’mōr madû‘a kāḵâ ‘āśîṯā wəḡam-hû’ ṭwōḇ-tō’ar mə’ōḏ wə’ōṯwō yāləḏâ ’^aḥărê ’aḇəšālwōm:

7 wayyihəyû ḏəḇārāyw ‘im ywō’āḇ ben-ṣərûyâ wə‘im ’eḇəyāṯār hakōhēn wayy^a‘əzərû ’^aḥărê ’ăḏōnîyâ:

8 wəṣāḏwōq hakōhēn ûḇənāyâû ḇen-yəhwōyāḏā‘ wənāṯān hannāḇî’ wəšimə‘î wərē‘î wəhagibwōrîm ’ăšer ləḏāwiḏ lō’ hāyû ‘im-’ăḏōnîyâû:

9 wayyizəb^aḥ ’ăḏōnîyâû ṣō’n ûḇāqār ûmərî’ ‘im ’eḇen hazzōḥeleṯ ’ăšer-’ēṣel ‘ên rōḡēl wayyiqərā’ ’eṯ-kāl-’eḥāyw bənê hammeleḵə ûləḵāl-’anəšê yəhûḏâ ‘aḇəḏê hammeleḵə:

10 wə’eṯ-nāṯān hannāḇî’ ûḇənāyâû wə’eṯ-hagibwōrîm wə’eṯ-šəlōmōh ’āḥîw lō’ qārā’:

11 wayyō’mer nāṯān ’el-baṯ-šeḇ^a‘ ’ēm-šəlōmōh lē’mōr hălwō’ šām^a‘atə kî mālaḵə ’ăḏōnîyâû ḇen-ḥagîṯ wa’ăḏōnênû ḏāwiḏ lō’ yāḏā‘:

12 wə‘atâ ləḵî ’î‘āṣēḵə nā’ ‘ēṣâ ûmalləṭî ’eṯ-nafəšēḵə wə’eṯ-nefeš bənēḵə šəlōmōh:

13 ləḵî ûḇō’î| ’el-hammeleḵə dāwiḏ wə’āmarətə ’ēlāyw hălō’-’atâ ’ăḏōnî hammeleḵə nišəb^a‘ətā la’ămāṯəḵā lē’mōr kî-šəlōmōh ḇənēḵə yiməlōḵə ’^aḥăray wəhû’ yēšēḇ ‘al-kisə’î ûmadû‘a mālaḵə ’ăḏōnîâû:¹

14 hinnēh ‘wōḏāḵə məḏabereṯ šām ‘im-hammeleḵə wa’ănî ’āḇwō’ ’^aḥărayiḵə ûmillē’ṯî ’eṯ-dəḇārāyiḵə:

15 watāḇō’ ḇaṯ-šeḇe‘ ’el-hammeleḵə h^aḥaḏərâ wəhammeleḵə zāqēn mə’ōḏ wa’ăḇîšaḡ haššûnammîṯ məšāraṯ ’eṯ-hammeleḵə:

16 watiqqōḏ baṯ-šeḇ^a‘ watišət^aḥû lammeleḵə wayyō’mer hammeleḵə mah-llāḵə:

17 watō’mer lwō ’ăḏōnî ’atâ nišəb^a‘ətā bayhwâ ’ĕlōheyḵā la’ămāṯeḵā kî-šəlōmōh ḇənēḵə yiməlōḵə ’^aḥărāy wəhû’ yēšēḇ ‘al-kisə’î:

18 wə‘atâ hinnēh ’ăḏōnîyâ mālāḵə wə‘atâ ’ăḏōnî hammeleḵə lō’ yāḏā‘ətā:

19 wayyizəb^aḥ šwōr ûmərî’-wəṣō’n lārōḇ wayyiqərā’ ləḵāl-bənê hammeleḵə ûlə’eḇəyāṯār hakōhēn ûləyō’āḇ śar haṣṣāḇā’ wəlišəlōmōh ‘aḇədəḵā lō’ qārā’:

20 wə’atâ ’ăḏōnî hammeleḵə ‘ênê ḵāl-yiśərā’ēl ‘āleyḵā ləhagîḏ lâem mî yēšēḇ ‘al-kissē’ ’ăḏōnî-hammeleḵə ’^aḥărāyw:

21 wəhāyâ kišəḵaḇ ’ăḏōnî-hammeleḵə ‘im-’ăḇōṯāyw wəhāyîṯî ’ănî ûḇənî šəlōmōh ḥaṭṭā’îm:

22 wəhinnēh ‘wōḏennâ məḏabereṯ ‘im-hammeleḵə wənāṯān hannāḇî’ bā’:

23 wayyagîḏû lammeleḵə lē’mōr hinnēh nāṯān hannāḇî’ wayyāḇō’ lifənê hammeleḵə wayyišət^aḥû lammeleḵə ‘al-’apāyw ’ārəṣâ:

24 wayyō’mer nāṯān ’ăḏōnî hammeleḵə ’atâ ’āmarətā ’ăḏōnîyâû yiməlōḵə ’^aḥărāy wəhû’ yēšēḇ ‘al-kisə’î:

25 kî| yāraḏ hayywōm wayyizəb^aḥ šwōr ûmərî’-wəṣō’n lārōḇ wayyiqərā’ ləḵāl-bənê hammeleḵə ûləśārê haṣṣāḇā’ ûlə’eḇəyāṯār hakōhēn wəhinnām ’ōḵəlîm wəšōṯîm ləfānāyw wayyō’mərû yəḥî hammeleḵə ’ăḏōnîyâû:

26 wəlî ’ănî-‘aḇədeḵā ûləṣāḏōq hakōhēn wəliḇənāyâû ḇen-yəhwōyāḏā‘ wəlišəlōmōh ‘aḇədəḵā lō’ qārā’:

27 ’im mē’ēṯ ’ăḏōnî hammeleḵə nihəyâ hadāḇār hazzeh wəlō’ hwōḏ^a‘ətā ’eṯ-‘ăḇāḏeyḵā ‘aḇədəḵā mî yēšēḇ ‘al-kissē’ ’ăḏōnî-hammeleḵə ’^aḥărāyw: s

28 wayy^a‘an hammeleḵə dāwiḏ wayyō’mer qirə’û-lî ləḇaṯ-šāḇ^a‘ watāḇō’ lifənê hammeleḵə wat^a‘ămōḏ lifənê hammeleḵə:

29 wayyiššāḇ^a‘ hammeleḵə wayyō’mar ḥay-yəhwâ ’ăšer-pāḏâ ’eṯ-nafəšî mikāl-ṣārâ:

30 kî ka’ăšer nišəb^a‘ətî lāḵə bayhwâ ’ĕlōhê yiśərā’ēl lē’mōr kî-šəlōmōh ḇənēḵə yiməlōḵə ’^aḥăray wəhû’ yēšēḇ ‘al-kisə’î t^aḥətāy kî kēn ’e‘ĕśeh hayywōm hazzeh:

31 watiqqōḏ baṯ-šeḇ^a‘ ’apayim ’ereṣ watišət^aḥû lammeleḵə watō’mer yəḥî ’ăḏōnî hammeleḵə dāwiḏ lə‘ōlām: f

32 wayyō’mer| hammeleḵə dāwiḏ qirə’û-lî ləṣāḏwōq hakōhēn ûlənāṯān hannāḇî’ wəliḇənāyâû ben-yəhwōyāḏā‘ wayyāḇō’û lifənê hammeleḵə:

33 wayyō’mer hammeleḵə lâem qəḥû ‘immāḵem ’eṯ-‘aḇəḏê ’ăḏōnêḵem wəhirəkaḇətem ’eṯ-šəlōmōh ḇənî ‘al-hapirədâ ’ăšer-lî wəhwōraḏətem ’ōṯwō ’el-giḥwōn:

34 ûmāš^aḥ ’ōṯwō šām ṣāḏwōq hakōhēn wənāṯān hannāḇî’ ləmeleḵə ‘al-yiśərā’ēl ûṯəq^a‘ətem baššwōfār wa’ămarətem yəḥî hammeleḵə šəlōmōh:

35 w^a‘ălîṯem ’^aḥărāyw ûḇā’ wəyāšaḇ ‘al-kisə’î wəhû’ yiməlōḵə t^aḥətāy wə’ōṯwō ṣiûîṯî lihəywōṯ nāḡîḏ ‘al-yiśərā’ēl wə‘al-yəhûḏâ:

36 wayy^a‘an bənāyâû ḇen-yəhwōyāḏā‘ ’eṯ-hammeleḵə wayyō’mer| ’āmēn kēn yō’mar yəhwâ ’ĕlōhê ’ăḏōnî hammeleḵə:

37 ka’ăšer hāyâ yəhwâ ‘im-’ăḏōnî hammeleḵə kēn yəhî yihəyeh ‘im-šəlōmōh wîḡadēl ’eṯ-kisə’wō mikissē’ ’ăḏōnî hammeleḵə dāwiḏ:

38 wayyēreḏ ṣāḏwōq hakōhēn wənāṯān hannāḇî’ ûḇənāyâû ḇen-yəhwōyāḏā‘ wəhakərēṯî wəhapəlēṯî wayyarəkiḇû ’eṯ-šəlōmōh ‘al-pirədaṯ hammeleḵə dāwiḏ wayyōliḵû ’ōṯwō ‘al-giḥwōn:

39 wayyiqq^aḥ ṣāḏwōq hakōhēn ’eṯ-qeren haššemen min-hā’ōhel wayyiməš^aḥ ’eṯ-šəlōmōh wayyiṯəqə‘û baššwōfār wayyō’mərû kāl-hā‘ām yəḥî hammeleḵə šəlōmōh:

40 wayy^a‘ălû ḵāl-hā‘ām ’^aḥărāyw wəhā‘ām məḥalləlîm b^aḥălilîm ûśəmēḥîm śiməḥâ ḡəḏwōlâ watibāq^a‘ hā’āreṣ bəqwōlām:

41 wayyišəm^a‘ ’ăḏōnîyâû wəḵāl-haqqəru’îm ’ăšer ’itwō wəhēm killû le’ĕḵōl wayyišəm^a‘ ywō’āḇ ’eṯ-qwōl haššwōfār wayyō’mer madû‘a qwōl-haqqirəyâ hwōmâ:

42 ‘wōḏennû məḏabēr wəhinnēh ywōnāṯān ben-’eḇəyāṯār hakōhēn bā’ wayyō’mer ’ăḏōnîyâû bō’ kî ’îš ḥayil ’atâ wəṭwōḇ təḇaśśēr:

43 wayy^a‘an ywōnāṯān wayyō’mer la’ăḏōnîyâû ’ăḇāl ’ăḏōnênû hammeleḵə-dāwiḏ himəlîḵə ’eṯ-šəlōmōh:

44 wayyišəl^aḥ ’itwō-hammeleḵə ’eṯ-ṣāḏwōq hakōhēn wə’eṯ-nāṯān hannāḇî’ ûḇənāyâû ben-yəhwōyāḏā‘ wəhakərēṯî wəhapəlēṯî wayyarəkiḇû ’ōṯwō ‘al pirədaṯ hammeleḵə:

45 wayyiməšəḥû ’ōṯwō ṣāḏwōq hakōhēn wənāṯān hannāḇî’ ləmeleḵə bəḡiḥwōn wayy^a‘ălû miššām śəmēḥîm watēhōm haqqirəyâ hû’ haqqwōl ’ăšer šəm^a‘ətem:

46 wəḡam yāšaḇ šəlōmōh ‘al kissē’ hamməlûḵâ:

47 wəḡam-bā’û ‘aḇəḏê hammeleḵə ləḇārēḵə ’eṯ-’ăḏōnênû hammeleḵə dāwiḏ lē’mōr yêṭēḇ ’ĕlōheyḵā ’ĕlōhîm ’eṯ-šēm šəlōmōh miššəmeḵā wîḡadēl ’eṯ-kisə’wō mikisə’eḵā wayyišət^aḥû hammeleḵə ‘al-hammišəkāḇ:

48 wəḡam-kāḵâ ’āmar hammeleḵə bārûḵə yəhwâ ’ĕlōhê yiśərā’ēl ’ăšer nāṯan hayywōm yōšēḇ ‘al-kisə’î wə‘ênay rō’wōṯ:

49 wayyeḥerəḏû wayyāqumû kāl-haqqəru’îm ’ăšer la’ăḏōnîyâû wayyēləḵû ’îš ləḏarəkwō:

50 wa’ăḏōnîyâû yārē’ mipənê šəlōmōh wayyāqām wayyēleḵə wayy^aḥăzēq bəqarənwōṯ hammizəbēḥa:

51 wayyugaḏ lišəlōmōh lē’mōr hinnēh ’ăḏōnîyâû yārē’ ’eṯ-hammeleḵə šəlōmōh wəhinnēh ’āḥaz bəqarənwōṯ hammizəbēḥa lē’mōr yiššāḇ^a‘-lî ḵayywōm hammeleḵə šəlōmōh ’im-yāmîṯ ’eṯ-‘aḇədwō beḥāreḇ:

52 wayyō’mer šəlōmōh ’im yihəyeh ləḇen-ḥayil lō’-yipōl miśś^a‘ărāṯwō ’ārəṣâ wə’im-rā‘â ṯimmāṣē’-ḇwō wāmēṯ:

53 wayyišəl^aḥ hammeleḵə šəlōmōh wayyōriḏuhû mē‘al hammizəbēḥa wayyāḇō’ wayyišət^aḥû lammeleḵə šəlōmōh wayyō’mer-lwō šəlōmōh lēḵə ləḇêṯeḵā: f

Tanach (Hebrew): 1 Kings (1 Melakhim) Chapter 2

‎1 ‏וַיִּקְרְב֥וּ יְמֵֽי־דָוִ֖ד לָמ֑וּת וַיְצַ֛ו אֶת־שְׁלֹמֹ֥ה בְנ֖וֹ לֵאמֹֽר׃

‎2 ‏אָנֹכִ֣י הֹלֵ֔ךְ בְּדֶ֖רֶךְ כָּל־הָאָ֑רֶץ וְחָזַקְתָּ֖ וְהָיִ֥יתָֽ לְאִֽישׁ׃

‎3 ‏וְשָׁמַרְתָּ֞ אֶת־מִשְׁמֶ֣רֶת׀ יְהוָ֣ה אֱלֹהֶ֗יךָ לָלֶ֤כֶת בִּדְרָכָיו֙ לִשְׁמֹ֨ר חֻקֹּתָ֤יו מִצְוֹתָיו֙ וּמִשְׁפָּטָ֣יו וְעֵדְוֹתָ֔יו כַּכָּת֖וּב בְּתוֹרַ֣ת מֹשֶׁ֑ה לְמַ֣עַן תַּשְׂכִּ֗יל אֵ֚ת כָּל־אֲשֶׁ֣ר תַּֽעֲשֶׂ֔ה וְאֵ֛ת כָּל־אֲשֶׁ֥ר תִּפְנֶ֖ה שָֽׁם׃

‎4 ‏לְמַעַן֩ יָקִ֨ים יְהוָ֜ה אֶת־דְּבָר֗וֹ אֲשֶׁ֨ר דִּבֶּ֣ר עָלַי֮ לֵאמֹר֒ אִם־יִשְׁמְר֨וּ בָנֶ֜יךָ אֶת־דַּרְכָּ֗ם לָלֶ֤כֶת לְפָנַי֙ בֶּאֱמֶ֔ת בְּכָל־לְבָבָ֖ם וּבְכָל־נַפְשָׁ֑ם לֵאמֹ֕ר לֹֽא־יִכָּרֵ֤ת לְךָ֙ אִ֔ישׁ מֵעַ֖ל כִּסֵּ֥א יִשְׂרָאֵֽל׃

‎5 ‏וְגַ֣ם אַתָּ֣ה יָדַ֡עְתָּ אֵת֩ אֲשֶׁר־עָ֨שָׂה לִ֜י יוֹאָ֣ב בֶּן־צְרוּיָ֗ה אֲשֶׁ֣ר עָשָׂ֣ה לִשְׁנֵֽי־שָׂרֵ֣י צִבְא֣וֹת יִ֠שְׂרָאֵל לְאַבְנֵ֨ר בֶּן־נֵ֜ר וְלַעֲמָשָׂ֤א בֶן־יֶ֙תֶר֙ וַיַּ֣הַרְגֵ֔ם וַיָּ֥שֶׂם דְּמֵֽי־מִלְחָמָ֖ה בְּשָׁלֹ֑ם וַיִּתֵּ֞ן דְּמֵ֣י מִלְחָמָ֗ה בַּחֲגֹֽרָתוֹ֙ אֲשֶׁ֣ר בְּמָתְנָ֔יו וּֽבְנַעֲל֖וֹ אֲשֶׁ֥ר בְּרַגְלָֽיו׃

‎6 ‏וְעָשִׂ֖יתָ כְּחָכְמָתֶ֑ךָ וְלֹֽא־תוֹרֵ֧ד שֵׂיבָת֛וֹ בְּשָׁלֹ֖ם שְׁאֹֽל׃ ס

‎7 ‏וְלִבְנֵ֨י בַרְזִלַּ֤י הַגִּלְעָדִי֙ תַּֽעֲשֶׂה־חֶ֔סֶד וְהָי֖וּ בְּאֹכְלֵ֣י שֻׁלְחָנֶ֑ךָ כִּי־כֵן֙ קָרְב֣וּ אֵלַ֔י בְּבָרְחִ֕י מִפְּנֵ֖י אַבְשָׁל֥וֹם אָחִֽיךָ׃

‎8 ‏וְהִנֵּ֣ה עִ֠מְּךָ שִֽׁמְעִ֨י בֶן־גֵּרָ֥א בֶן־הַיְמִינִי֮ מִבַּחֻרִים֒ וְה֤וּא קִֽלְלַ֙נִי֙ קְלָלָ֣ה נִמְרֶ֔צֶת בְּי֖וֹם לֶכְתִּ֣י מַחֲנָ֑יִם וְהֽוּא־יָרַ֤ד לִקְרָאתִי֙ הַיַּרְדֵּ֔ן וָאֶשָּׁ֨בַֽע ל֤וֹ בַֽיהוָה֙ לֵאמֹ֔ר אִם־אֲמִֽיתְךָ֖ בֶּחָֽרֶב׃

‎9 ‏וְעַתָּה֙ אַל־תְּנַקֵּ֔הוּ כִּ֛י אִ֥ישׁ חָכָ֖ם אָ֑תָּה וְיָֽדַעְתָּ֙ אֵ֣ת אֲשֶׁ֣ר תַּֽעֲשֶׂה־לּ֔וֹ וְהוֹרַדְתָּ֧ אֶת־שֵׂיבָת֛וֹ בְּדָ֖ם שְׁאֽוֹל׃

‎10 ‏וַיִּשְׁכַּ֥ב דָּוִ֖ד עִם־אֲבֹתָ֑יו וַיִּקָּבֵ֖ר בְּעִ֥יר דָּוִֽד׃ פ

‎11 ‏וְהַיָּמִ֗ים אֲשֶׁ֨ר מָלַ֤ךְ דָּוִד֙ עַל־יִשְׂרָאֵ֔ל אַרְבָּעִ֖ים שָׁנָ֑ה בְּחֶבְר֤וֹן מָלַךְ֙ שֶׁ֣בַע שָׁנִ֔ים וּבִירוּשָׁלִַ֣ם מָלַ֔ךְ שְׁלֹשִׁ֥ים וְשָׁלֹ֖שׁ שָׁנִֽים׃

‎12 ‏וּשְׁלֹמֹ֕ה יָשַׁ֕ב עַל־כִּסֵּ֖א דָּוִ֣ד אָבִ֑יו וַתִּכֹּ֥ן מַלְכֻת֖וֹ מְאֹֽד׃

‎13 ‏וַיָּבֹ֞א אֲדֹנִיָּ֣הוּ בֶן־חַגֵּ֗ית¹ אֶל־בַּת־שֶׁ֙בַע֙ אֵם־שְׁלֹמֹ֔ה וַתֹּ֖אמֶר הֲשָׁל֣וֹם בֹּאֶ֑ךָ וַיֹּ֖אמֶר שָׁלֽוֹם׃

‎14 ‏וַיֹּ֕אמֶר דָּבָ֥ר לִ֖י אֵלָ֑יִךְ וַתֹּ֖אמֶר דַּבֵּֽר׃

‎15 ‏וַיֹּ֗אמֶר אַ֤תְּ יָדַ֙עַתְּ֙ כִּי־לִי֙ הָיְתָ֣ה הַמְּלוּכָ֔ה וְעָלַ֞י שָׂ֧מוּ כָֽל־יִשְׂרָאֵ֛ל פְּנֵיהֶ֖ם לִמְלֹ֑ךְ וַתִּסֹּ֤ב הַמְּלוּכָה֙ וַתְּהִ֣י לְאָחִ֔י כִּ֥י מֵיְהוָ֖ה הָ֥יְתָה לּֽוֹ׃

‎16 ‏וְעַתָּ֗ה שְׁאֵלָ֤ה אַחַת֙ אָֽנֹכִי֙ שֹׁאֵ֣ל מֵֽאִתָּ֔ךְ אַל־תָּשִׁ֖בִי אֶת־פָּנָ֑י וַתֹּ֥אמֶר אֵלָ֖יו דַּבֵּֽר׃

‎17 ‏וַיֹּ֗אמֶר אִמְרִי־נָא֙ לִשְׁלֹמֹ֣ה הַמֶּ֔לֶךְ כִּ֥י לֹֽא־יָשִׁ֖יב אֶת־פָּנָ֑יִךְ וְיִתֶּן־לִ֛י אֶת־אֲבִישַׁ֥ג הַשּׁוּנַמִּ֖ית לְאִשָּֽׁה׃

‎18 ‏וַתֹּ֥אמֶר בַּת־שֶׁ֖בַע ט֑וֹב אָנֹכִ֕י אֲדַבֵּ֥ר עָלֶ֖יךָ אֶל־הַמֶּֽלֶךְ׃

‎19 ‏וַתָּבֹ֤א בַת־שֶׁ֙בַע֙ אֶל־הַמֶּ֣לֶךְ שְׁלֹמֹ֔ה לְדַבֶּר־ל֖וֹ עַל־אֲדֹנִיָּ֑הוּ וַיָּקָם֩ הַמֶּ֨לֶךְ לִקְרָאתָ֜הּ וַיִּשְׁתַּ֣חוּ לָ֗הּ וַיֵּ֙שֶׁב֙ עַל־כִּסְא֔וֹ וַיָּ֤שֶׂם כִּסֵּא֙ לְאֵ֣ם הַמֶּ֔לֶךְ וַתֵּ֖שֶׁב לִֽימִינֽוֹ׃

‎20 ‏וַתֹּ֗אמֶר שְׁאֵלָ֨ה אַחַ֤ת קְטַנָּה֙ אָֽנֹכִי֙ שֹׁאֶ֣לֶת מֵֽאִתָּ֔ךְ אַל־תָּ֖שֶׁב אֶת־פָּנָ֑י וַיֹּֽאמֶר־לָ֤הּ הַמֶּ֙לֶךְ֙ שַׁאֲלִ֣י אִמִּ֔י כִּ֥י לֹֽא־אָשִׁ֖יב אֶת־פָּנָֽיִךְ׃

‎21 ‏וַתֹּ֕אמֶר יֻתַּ֖ן אֶת־אֲבִישַׁ֣ג הַשֻּׁנַמִּ֑ית לַאֲדֹנִיָּ֥הוּ אָחִ֖יךָ לְאִשָּֽׁה׃

‎22 ‏וַיַּעַן֩ הַמֶּ֨לֶךְ שְׁלֹמֹ֜ה וַיֹּ֣אמֶר לְאִמּ֗וֹ וְלָמָה֩ אַ֨תְּ שֹׁאֶ֜לֶת אֶת־אֲבִישַׁ֤ג הַשֻּׁנַמִּית֙ לַאֲדֹ֣נִיָּ֔הוּ וְשַֽׁאֲלִי־לוֹ֙ אֶת־הַמְּלוּכָ֔ה כִּ֛י ה֥וּא אָחִ֖י הַגָּד֣וֹל מִמֶּ֑נִּי וְלוֹ֙ וּלְאֶבְיָתָ֣ר הַכֹּהֵ֔ן וּלְיוֹאָ֖ב בֶּן־צְרוּיָֽה׃ פ

‎23 ‏וַיִּשָּׁבַע֙ הַמֶּ֣לֶךְ שְׁלֹמֹ֔ה בַּֽיהוָ֖ה לֵאמֹ֑ר כֹּ֣ה יַֽעֲשֶׂה־לִּ֤י אֱלֹהִים֙ וְכֹ֣ה יוֹסִ֔יף כִּ֣י בְנַפְשׁ֔וֹ דִּבֶּר֙ אֲדֹ֣נִיָּ֔הוּ אֶת־הַדָּבָ֖ר הַזֶּֽה׃

‎24 ‏וְעַתָּ֗ה חַי־יְהוָה֙ אֲשֶׁ֣ר הֱכִינַ֗נִי ויושיביני וַיּֽוֹשִׁיבַ֙נִי֙ עַל־כִּסֵּא֙ דָּוִ֣ד אָבִ֔י וַאֲשֶׁ֧ר עָֽשָׂה־לִ֛י בַּ֖יִת כַּאֲשֶׁ֣ר דִּבֵּ֑ר כִּ֣י הַיּ֔וֹם יוּמַ֖ת אֲדֹנִיָּֽהוּ׃

‎25 ‏וַיִּשְׁלַח֙ הַמֶּ֣לֶךְ שְׁלֹמֹ֔ה בְּיַ֖ד בְּנָיָ֣הוּ בֶן־יְהוֹיָדָ֑ע וַיִּפְגַּע־בּ֖וֹ וַיָּמֹֽת׃ ס

‎26 ‏וּלְאֶבְיָתָ֨ר הַכֹּהֵ֜ן אָמַ֣ר הַמֶּ֗לֶךְ עֲנָתֹת֙ לֵ֣ךְ עַל־שָׂדֶ֔יךָ כִּ֛י אִ֥ישׁ מָ֖וֶת אָ֑תָּה וּבַיּ֨וֹם הַזֶּ֜ה לֹ֣א אֲמִיתֶ֗ךָ כִּֽי־נָשָׂ֜אתָ אֶת־אֲר֨וֹן אֲדֹנָ֤י יְהוִֹה֙ לִפְנֵי֙ דָּוִ֣ד אָבִ֔י וְכִ֣י הִתְעַנִּ֔יתָ בְּכֹ֥ל אֲשֶֽׁר־הִתְעַנָּ֖ה אָבִֽי׃

‎27 ‏וַיְגָ֤רֶשׁ שְׁלֹמֹה֙ אֶת־אֶבְיָתָ֔ר מִהְי֥וֹת כֹּהֵ֖ן לַֽיהוָ֑ה לְמַלֵּא֙ אֶת־דְּבַ֣ר יְהוָ֔ה אֲשֶׁ֥ר דִּבֶּ֛ר עַל־בֵּ֥ית עֵלִ֖י בְּשִׁלֹֽה׃ פ

‎28 ‏וְהַשְּׁמֻעָה֙ בָּ֣אָה עַד־יוֹאָ֔ב כִּ֣י יוֹאָ֗ב נָטָה֙ אַחֲרֵ֣י אֲדֹנִיָּ֔ה וְאַחֲרֵ֥י אַבְשָׁל֖וֹם לֹ֣א נָטָ֑ה וַיָּ֤נָס יוֹאָב֙ אֶל־אֹ֣הֶל יְהוָ֔ה וַֽיַּחֲזֵ֖ק בְּקַרְנ֥וֹת הַמִּזְבֵּֽחַ׃

‎29 ‏וַיֻּגַּ֞ד לַמֶּ֣לֶךְ שְׁלֹמֹ֗ה כִּ֣י נָ֤ס יוֹאָב֙ אֶל־אֹ֣הֶל יְהוָ֔ה וְהִנֵּ֖ה אֵ֣צֶל הַמִּזְבֵּ֑חַ וַיִּשְׁלַ֨ח שְׁלֹמֹ֜ה אֶת־בְּנָיָ֧הוּ בֶן־יְהוֹיָדָ֛ע לֵאמֹ֖ר לֵ֥ךְ פְּגַע־בּֽוֹ׃

‎30 ‏וַיָּבֹ֨א בְנָיָ֜הוּ אֶל־אֹ֣הֶל יְהוָ֗ה וַיֹּ֨אמֶר אֵלָ֜יו כֹּֽה־אָמַ֤ר הַמֶּ֙לֶךְ֙ צֵ֔א וַיֹּ֥אמֶר׀ לֹ֖א כִּ֣י פֹ֣ה אָמ֑וּת וַיָּ֨שֶׁב בְּנָיָ֤הוּ אֶת־הַמֶּ֙לֶךְ֙ דָּבָ֣ר לֵאמֹ֔ר כֹּֽה־דִבֶּ֥ר יוֹאָ֖ב וְכֹ֥ה עָנָֽנִי׃

‎31 ‏וַיֹּ֧אמֶר ל֣וֹ הַמֶּ֗לֶךְ עֲשֵׂה֙ כַּאֲשֶׁ֣ר דִּבֶּ֔ר וּפְגַע־בּ֖וֹ וּקְבַרְתּ֑וֹ וַהֲסִירֹ֣תָ׀ דְּמֵ֣י חִנָּ֗ם אֲשֶׁר֙ שָׁפַ֣ךְ יוֹאָ֔ב מֵעָלַ֕י וּמֵעַ֖ל בֵּ֥ית אָבִֽי׃

‎32 ‏וְהֵשִׁיב֩ יְהוָ֨ה אֶת־דָּמ֜וֹ עַל־רֹאשׁ֗וֹ אֲשֶׁ֣ר פָּגַ֣ע בִּשְׁנֵֽי־אֲ֠נָשִׁים צַדִּקִ֨ים וְטֹבִ֤ים מִמֶּ֙נּוּ֙ וַיַּהַרְגֵ֣ם³ בַּחֶ֔רֶב וְאָבִ֥י דָוִ֖ד לֹ֣א יָדָ֑ע אֶת־אַבְנֵ֤ר בֶּן־נֵר֙ שַׂר־צְבָ֣א יִשְׂרָאֵ֔ל וְאֶת־עֲמָשָׂ֥א בֶן־יֶ֖תֶר שַׂר־צְבָ֥א יְהוּדָֽה׃

‎33 ‏וְשָׁ֤בוּ דְמֵיהֶם֙ בְּרֹ֣אשׁ יוֹאָ֔ב וּבְרֹ֥אשׁ זַרְע֖וֹ לְעֹלָ֑ם וּלְדָוִ֡ד וּ֠לְזַרְעוֹ וּלְבֵית֨וֹ וּלְכִסְא֜וֹ יִהְיֶ֥ה שָׁל֛וֹם עַד־עוֹלָ֖ם מֵעִ֥ם יְהוָֽה׃

‎34 ‏וַיַּ֗עַל בְּנָיָ֙הוּ֙ בֶּן־יְה֣וֹיָדָ֔ע וַיִּפְגַּע־בּ֖וֹ וַיְמִתֵ֑הוּ וַיִּקָּבֵ֥ר בְּבֵית֖וֹ בַּמִּדְבָּֽר׃

‎35 ‏וַיִּתֵּ֨ן הַמֶּ֜לֶךְ אֶת־בְּנָיָ֧הוּ בֶן־יְהוֹיָדָ֛ע תַּחְתָּ֖יו עַל־הַצָּבָ֑א וְאֶת־צָד֤וֹק הַכֹּהֵן֙ נָתַ֣ן הַמֶּ֔לֶךְ תַּ֖חַת אֶבְיָתָֽר׃

‎36 ‏וַיִּשְׁלַ֤ח הַמֶּ֙לֶךְ֙ וַיִּקְרָ֣א לְשִׁמְעִ֔י וַיֹּ֣אמֶר ל֗וֹ בְּֽנֵה־לְךָ֥ בַ֙יִת֙ בִּיר֣וּשָׁלִַ֔ם וְיָשַׁבְתָּ֖ שָׁ֑ם וְלֹֽא־תֵצֵ֥א מִשָּׁ֖ם אָ֥נֶה וָאָֽנָה׃

‎37 ‏וְהָיָ֣ה׀ בְּי֣וֹם צֵאתְךָ֗ וְעָֽבַרְתָּ֙ אֶת־נַ֣חַל קִדְר֔וֹן יָדֹ֥עַ תֵּדַ֖ע כִּ֣י מ֣וֹת תָּמ֑וּת דָּמְךָ֖ יִהְיֶ֥ה בְרֹאשֶֽׁךָ׃

‎38 ‏וַיֹּ֨אמֶר שִׁמְעִ֤י לַמֶּ֙לֶךְ֙ ט֣וֹב הַדָּבָ֔ר כַּאֲשֶׁ֤ר דִּבֶּר֙ אֲדֹנִ֣י הַמֶּ֔לֶךְ כֵּ֖ן יַעֲשֶׂ֣ה עַבְדֶּ֑ךָ וַיֵּ֧שֶׁב שִׁמְעִ֛י בִּירוּשָׁלִַ֖ם יָמִ֥ים רַבִּֽים׃ ס

‎39 ‏וַיְהִ֗י מִקֵּץ֙ שָׁלֹ֣שׁ שָׁנִ֔ים וַיִּבְרְח֤וּ שְׁנֵֽי־עֲבָדִים֙ לְשִׁמְעִ֔י אֶל־אָכִ֥ישׁ בֶּֽן־מַעֲכָ֖ה מֶ֣לֶךְ גַּ֑ת וַיַּגִּ֤ידוּ לְשִׁמְעִי֙ לֵאמֹ֔ר הִנֵּ֥ה עֲבָדֶ֖יךָ בְּגַֽת׃

‎40 ‏וַיָּ֣קָם שִׁמְעִ֗י וַֽיַּחֲבֹשׁ֙ אֶת־חֲמֹר֔וֹ וַיֵּ֤לֶךְ גַּ֙תָה֙ אֶל־אָכִ֔ישׁ לְבַקֵּ֖שׁ אֶת־עֲבָדָ֑יו וַיֵּ֣לֶךְ שִׁמְעִ֔י וַיָּבֵ֥א אֶת־עֲבָדָ֖יו מִגַּֽת׃

‎41 ‏וַיֻּגַּ֖ד לִשְׁלֹמֹ֑ה כִּי־הָלַ֨ךְ שִׁמְעִ֧י מִירוּשָׁלִַ֛ם גַּ֖ת וַיָּשֹֽׁב׃

‎42 ‏וַיִּשְׁלַ֨ח הַמֶּ֜לֶךְ וַיִּקְרָ֣א לְשִׁמְעִ֗י וַיֹּ֨אמֶר אֵלָ֜יו הֲל֧וֹא הִשְׁבַּעְתִּ֣יךָ בַֽיהוָ֗ה וָאָעִ֤ד בְּךָ֙ לֵאמֹ֔ר בְּי֣וֹם צֵאתְךָ֗ וְהָֽלַכְתָּ֙ אָ֣נֶה וָאָ֔נָה יָדֹ֥עַ תֵּדַ֖ע כִּ֣י מ֣וֹת תָּמ֑וּת וַתֹּ֧אמֶר אֵלַ֛י ט֥וֹב הַדָּבָ֖ר שָׁמָֽעְתִּי׃

‎43 ‏וּמַדּ֕וּעַ לֹ֣א שָׁמַ֔רְתָּ אֵ֖ת שְׁבֻעַ֣ת יְהוָ֑ה וְאֶת־הַמִּצְוָ֖ה אֲשֶׁר־צִוִּ֥יתִי עָלֶֽיךָ׃

‎44 ‏וַיֹּ֨אמֶר הַמֶּ֜לֶךְ אֶל־שִׁמְעִ֗י אַתָּ֤ה יָדַ֙עְתָּ֙ אֵ֣ת כָּל־הָרָעָ֗ה אֲשֶׁ֤ר יָדַע֙ לְבָ֣בְךָ֔ אֲשֶׁ֥ר עָשִׂ֖יתָ לְדָוִ֣ד אָבִ֑י וְהֵשִׁ֧יב יְהוָ֛ה אֶת־רָעָתְךָ֖ בְּרֹאשֶֽׁךָ׃

‎45 ‏וְהַמֶּ֥לֶךְ שְׁלֹמֹ֖ה בָּר֑וּךְ וְכִסֵּ֣א דָוִ֗ד יִהְיֶ֥ה נָכ֛וֹן לִפְנֵ֥י יְהוָ֖ה עַד־עוֹלָֽם׃

‎46 ‏וַיְצַ֣ו הַמֶּ֗לֶךְ אֶת־בְּנָיָ֙הוּ֙ בֶּן־יְה֣וֹיָדָ֔ע וַיֵּצֵ֕א וַיִּפְגַּע־בּ֖וֹ וַיָּמֹ֑ת וְהַמַּמְלָכָ֥ה נָכ֖וֹנָה בְּיַד־שְׁלֹמֹֽה׃

1 wayyiqərəḇû yəmê-ḏāwiḏ lāmûṯ wayəṣaw ’eṯ-šəlōmōh ḇənwō lē’mōr:

2 ’ānōḵî hōlēḵə bəḏereḵə kāl-hā’āreṣ wəḥāzaqətā wəhāyîṯā lə’îš:

3 wəšāmarətā ’eṯ-mišəmereṯ| yəhwâ ’ĕlōheyḵā lāleḵeṯ biḏərāḵāyw lišəmōr ḥuqqōṯāyw miṣəwōṯāyw ûmišəpāṭāyw wə‘ēḏəwōṯāyw kakāṯûḇ bəṯwōraṯ mōšeh ləm^a‘an taśəkîl ’ēṯ kāl-’ăšer t^a‘ăśeh wə’ēṯ kāl-’ăšer tifəneh šām:

4 ləm^a‘an yāqîm yəhwâ ’eṯ-dəḇārwō ’ăšer diber ‘ālay lē’mōr ’im-yišəmərû ḇāneyḵā ’eṯ-darəkām lāleḵeṯ ləfānay be’ĕmeṯ bəḵāl-ləḇāḇām ûḇəḵāl-nafəšām lē’mōr lō’-yikārēṯ ləḵā ’îš mē‘al kissē’ yiśərā’ēl:

5 wəḡam ’atâ yāḏ^a‘ətā ’ēṯ ’ăšer-‘āśâ lî ywō’āḇ ben-ṣərûyâ ’ăšer ‘āśâ lišənê-śārê ṣiḇə’wōṯ yiśərā’ēl lə’aḇənēr ben-nēr wəl^a‘ămāśā’ ḇen-yeṯer wayyaharəḡēm wayyāśem dəmê-miləḥāmâ bəšālōm wayyitēn dəmê miləḥāmâ b^aḥăḡōrāṯwō ’ăšer bəmāṯənāyw ûḇən^a‘ălwō ’ăšer bəraḡəlāyw:

6 wə‘āśîṯā kəḥāḵəmāṯeḵā wəlō’-ṯwōrēḏ śêḇāṯwō bəšālōm šə’ōl: s

7 wəliḇənê ḇarəzillay hagilə‘āḏî t^a‘ăśeh-ḥeseḏ wəhāyû bə’ōḵəlê šuləḥāneḵā kî-ḵēn qārəḇû ’ēlay bəḇārəḥî mipənê ’aḇəšālwōm ’āḥîḵā:

8 wəhinnēh ‘imməḵā šimə‘î ḇen-gērā’ ḇen-hayəmînî mib^aḥurîm wəhû’ qiləlanî qəlālâ niməreṣeṯ bəywōm leḵətî m^aḥănāyim wəhû’-yāraḏ liqərā’ṯî hayyarədēn wā’eššāḇ^a‘ lwō ḇayhwâ lē’mōr ’im-’ămîṯəḵā beḥāreḇ:

9 wə‘atâ ’al-tənaqqēhû kî ’îš ḥāḵām ’ātâ wəyāḏ^a‘ətā ’ēṯ ’ăšer t^a‘ăśeh-llwō wəhwōraḏətā ’eṯ-śêḇāṯwō bəḏām šə’wōl:

10 wayyišəkaḇ dāwiḏ ‘im-’ăḇōṯāyw wayyiqqāḇēr bə‘îr dāwiḏ: f

11 wəhayyāmîm ’ăšer mālaḵə dāwiḏ ‘al-yiśərā’ēl ’arəbā‘îm šānâ bəḥeḇərwōn mālaḵə šeḇ^a‘ šānîm ûḇîrûšālaim mālaḵə šəlōšîm wəšālōš šānîm:

12 ûšəlōmōh yāšaḇ ‘al-kissē’ dāwiḏ ’āḇîw watikōn maləḵuṯwō mə’ōḏ:

13 wayyāḇō’ ’ăḏōnîyâû ḇen-ḥagêṯ¹ ’el-baṯ-šeḇ^a‘ ’ēm-šəlōmōh watō’mer hăšālwōm bō’eḵā wayyō’mer šālwōm:

14 wayyō’mer dāḇār lî ’ēlāyiḵə watō’mer dabēr:

15 wayyō’mer ’atə yāḏ^a‘atə kî-lî hāyəṯâ hamməlûḵâ wə‘ālay śāmû ḵāl-yiśərā’ēl pənêhem liməlōḵə watissōḇ hamməlûḵâ watəhî lə’āḥî kî mêəhwâ hāyəṯâ llwō:

16 wə‘atâ šə’ēlâ ’^aḥaṯ ’ānōḵî šō’ēl mē’itāḵə ’al-tāšiḇî ’eṯ-pānāy watō’mer ’ēlāyw dabēr:

17 wayyō’mer ’imərî-nā’ lišəlōmōh hammeleḵə kî lō’-yāšîḇ ’eṯ-pānāyiḵə wəyiten-lî ’eṯ-’ăḇîšaḡ haššûnammîṯ lə’iššâ:

18 watō’mer baṯ-šeḇ^a‘ ṭwōḇ ’ānōḵî ’ăḏabēr ‘āleyḵā ’el-hammeleḵə:

19 watāḇō’ ḇaṯ-šeḇ^a‘ ’el-hammeleḵə šəlōmōh ləḏaber-lwō ‘al-’ăḏōnîyâû wayyāqām hammeleḵə liqərā’ṯāh wayyišət^aḥû lāh wayyēšeḇ ‘al-kisə’wō wayyāśem kissē’ lə’ēm hammeleḵə watēšeḇ lîmînwō:

20 watō’mer šə’ēlâ ’^aḥaṯ qəṭannâ ’ānōḵî šō’eleṯ mē’itāḵə ’al-tāšeḇ ’eṯ-pānāy wayyō’mer-lāh hammeleḵə ša’ălî ’immî kî lō’-’āšîḇ ’eṯ-pānāyiḵə:

21 watō’mer yutan ’eṯ-’ăḇîšaḡ haššunammîṯ la’ăḏōnîyâû ’āḥîḵā lə’iššâ:

22 wayy^a‘an hammeleḵə šəlōmōh wayyō’mer lə’immwō wəlāmâ ’atə šō’eleṯ ’eṯ-’ăḇîšaḡ haššunammîṯ la’ăḏōnîyâû wəša’ălî-lwō ’eṯ-hamməlûḵâ kî hû’ ’āḥî hagāḏwōl mimmennî wəlwō ûlə’eḇəyāṯār hakōhēn ûləywō’āḇ ben-ṣərûyâ: f

23 wayyiššāḇ^a‘ hammeleḵə šəlōmōh bayhwâ lē’mōr kōh y^a‘ăśeh-llî ’ĕlōhîm wəḵōh ywōsîf kî ḇənafəšwō diber ’ăḏōnîyâû ’eṯ-hadāḇār hazzeh:

24 wə‘atâ ḥay-yəhwâ ’ăšer hĕḵînanî wayywōšîḇênî wayywōšîḇanî ‘al-kissē’ dāwiḏ ’āḇî wa’ăšer ‘āśâ-lî bayiṯ ka’ăšer dibēr kî hayywōm yûmaṯ ’ăḏōnîyâû:

25 wayyišəl^aḥ hammeleḵə šəlōmōh bəyaḏ bənāyâû ḇen-yəhwōyāḏā‘ wayyifəg^a‘-bwō wayyāmōṯ: s

26 ûlə’eḇəyāṯār hakōhēn ’āmar hammeleḵə ‘ănāṯōṯ lēḵə ‘al-śāḏeyḵā kî ’îš māweṯ ’ātâ ûḇayywōm hazzeh lō’ ’ămîṯeḵā kî-nāśā’ṯā ’eṯ-’ărwōn ’ăḏōnāy yəhwōih lifənê dāwiḏ ’āḇî wəḵî hiṯə‘annîṯā bəḵōl ’ăšer-hiṯə‘annâ ’āḇî:

27 wayəḡāreš šəlōmōh ’eṯ-’eḇəyāṯār mihəywōṯ kōhēn layhwâ ləmallē’ ’eṯ-dəḇar yəhwâ ’ăšer diber ‘al-bêṯ ‘ēlî bəšilōh: f

28 wəhaššəmu‘â bā’â ‘aḏ-ywō’āḇ kî ywō’āḇ nāṭâ ’^aḥărê ’ăḏōnîyâ wə’^aḥărê ’aḇəšālwōm lō’ nāṭâ wayyānās ywō’āḇ ’el-’ōhel yəhwâ wayy^aḥăzēq bəqarənwōṯ hammizəbēḥa:

29 wayyugaḏ lammeleḵə šəlōmōh kî nās ywō’āḇ ’el-’ōhel yəhwâ wəhinnēh ’ēṣel hammizəbēḥa wayyišəl^aḥ šəlōmōh ’eṯ-bənāyâû ḇen-yəhwōyāḏā‘ lē’mōr lēḵə pəḡ^a‘-bwō:

30 wayyāḇō’ ḇənāyâû ’el-’ōhel yəhwâ wayyō’mer ’ēlāyw kōh-’āmar hammeleḵə ṣē’ wayyō’mer| lō’ kî fōh ’āmûṯ wayyāšeḇ bənāyâû ’eṯ-hammeleḵə dāḇār lē’mōr kōh-ḏiber ywō’āḇ wəḵōh ‘ānānî:

31 wayyō’mer lwō hammeleḵə ‘ăśēh ka’ăšer diber ûfəḡ^a‘-bwō ûqəḇarətwō wahăsîrōṯā| dəmê ḥinnām ’ăšer šāfaḵə ywō’āḇ mē‘ālay ûmē‘al bêṯ ’āḇî:

32 wəhēšîḇ yəhwâ ’eṯ-dāmwō ‘al-rō’šwō ’ăšer pāḡ^a‘ bišənê-’ănāšîm ṣadiqîm wəṭōḇîm mimmennû wayyaharəḡēm³ b^aḥereḇ wə’āḇî ḏāwiḏ lō’ yāḏā‘ ’eṯ-’aḇənēr ben-nēr śar-ṣəḇā’ yiśərā’ēl wə’eṯ-‘ămāśā’ ḇen-yeṯer śar-ṣəḇā’ yəhûḏâ:

33 wəšāḇû ḏəmêhem bərō’š ywō’āḇ ûḇərō’š zarə‘wō lə‘ōlām ûləḏāwiḏ ûləzarə‘wō ûləḇêṯwō ûləḵisə’wō yihəyeh šālwōm ‘aḏ-‘wōlām mē‘im yəhwâ:

34 wayy^a‘al bənāyâû ben-yəhwōyāḏā‘ wayyifəg^a‘-bwō wayəmiṯēhû wayyiqqāḇēr bəḇêṯwō bammiḏəbār:

35 wayyitēn hammeleḵə ’eṯ-bənāyâû ḇen-yəhwōyāḏā‘ t^aḥətāyw ‘al-haṣṣāḇā’ wə’eṯ-ṣāḏwōq hakōhēn nāṯan hammeleḵə t^aḥaṯ ’eḇəyāṯār:

36 wayyišəl^aḥ hammeleḵə wayyiqərā’ ləšimə‘î wayyō’mer lwō bənēh-ləḵā ḇayiṯ bîrûšālaim wəyāšaḇətā šām wəlō’-ṯēṣē’ miššām ’āneh wā’ānâ:

37 wəhāyâ| bəywōm ṣē’ṯəḵā wə‘āḇarətā ’eṯ-n^aḥal qiḏərwōn yāḏō‘a tēḏ^a‘ kî mwōṯ tāmûṯ dāməḵā yihəyeh ḇərō’šeḵā:

38 wayyō’mer šimə‘î lammeleḵə ṭwōḇ hadāḇār ka’ăšer diber ’ăḏōnî hammeleḵə kēn y^a‘ăśeh ‘aḇədeḵā wayyēšeḇ šimə‘î bîrûšālaim yāmîm rabîm: s

39 wayəhî miqqēṣ šālōš šānîm wayyiḇərəḥû šənê-‘ăḇāḏîm ləšimə‘î ’el-’āḵîš ben-m^a‘ăḵâ meleḵə gaṯ wayyagîḏû ləšimə‘î lē’mōr hinnēh ‘ăḇāḏeyḵā bəḡaṯ:

40 wayyāqām šimə‘î wayy^aḥăḇōš ’eṯ-ḥămōrwō wayyēleḵə gaṯâ ’el-’āḵîš ləḇaqqēš ’eṯ-‘ăḇāḏāyw wayyēleḵə šimə‘î wayyāḇē’ ’eṯ-‘ăḇāḏāyw migaṯ:

41 wayyugaḏ lišəlōmōh kî-hālaḵə šimə‘î mîrûšālaim gaṯ wayyāšōḇ:

42 wayyišəl^aḥ hammeleḵə wayyiqərā’ ləšimə‘î wayyō’mer ’ēlāyw hălwō’ hišəb^a‘ətîḵā ḇayhwâ wā’ā‘iḏ bəḵā lē’mōr bəywōm ṣē’ṯəḵā wəhālaḵətā ’āneh wā’ānâ yāḏō‘a tēḏ^a‘ kî mwōṯ tāmûṯ watō’mer ’ēlay ṭwōḇ hadāḇār šāmā‘ətî:

43 ûmadû‘a lō’ šāmarətā ’ēṯ šəḇu‘aṯ yəhwâ wə’eṯ-hammiṣəwâ ’ăšer-ṣiûîṯî ‘āleyḵā:

44 wayyō’mer hammeleḵə ’el-šimə‘î ’atâ yāḏ^a‘ətā ’ēṯ kāl-hārā‘â ’ăšer yāḏ^a‘ ləḇāḇəḵā ’ăšer ‘āśîṯā ləḏāwiḏ ’āḇî wəhēšîḇ yəhwâ ’eṯ-rā‘āṯəḵā bərō’šeḵā:

45 wəhammeleḵə šəlōmōh bārûḵə wəḵissē’ ḏāwiḏ yihəyeh nāḵwōn lifənê yəhwâ ‘aḏ-‘wōlām:

46 wayəṣaw hammeleḵə ’eṯ-bənāyâû ben-yəhwōyāḏā‘ wayyēṣē’ wayyifəg^a‘-bwō wayyāmōṯ wəhammaməlāḵâ nāḵwōnâ bəyaḏ-šəlōmōh:

Tanach (Hebrew): 1 Kings (1 Melakhim) Chapter 3

‎1 ‏וַיִּתְחַתֵּ֣ן שְׁלֹמֹ֔ה אֶת־פַּרְעֹ֖ה מֶ֣לֶךְ מִצְרָ֑יִם וַיִּקַּ֣ח אֶת־בַּת־פַּרְעֹ֗ה וַיְבִיאֶ֙הָ֙ אֶל־עִ֣יר דָּוִ֔ד עַ֣ד כַּלֹּת֗וֹ לִבְנ֤וֹת אֶת־בֵּיתוֹ֙ וְאֶת־בֵּ֣ית יְהוָ֔ה וְאֶת־חוֹמַ֥ת יְרוּשָׁלִַ֖ם סָבִֽיב׃

‎2 ‏רַ֣ק הָעָ֔ם מְזַבְּחִ֖ים בַּבָּמ֑וֹת כִּ֠י לֹא־נִבְנָ֥ה בַ֙יִת֙ לְשֵׁ֣ם יְהוָ֔ה עַ֖ד הַיָּמִ֥ים הָהֵֽם׃ פ

‎3 ‏וַיֶּאֱהַ֤ב שְׁלֹמֹה֙ אֶת־יְהוָ֔ה לָלֶ֕כֶת בְּחֻקּ֖וֹת דָּוִ֣ד אָבִ֑יו רַ֚ק בַּבָּמ֔וֹת ה֥וּא מְזַבֵּ֖חַ וּמַקְטִֽיר׃

‎4 ‏וַיֵּ֨לֶךְ הַמֶּ֤לֶךְ גִּבְעֹ֙נָה֙ לִזְבֹּ֣חַ שָׁ֔ם כִּ֥י הִ֖יא הַבָּמָ֣ה הַגְּדוֹלָ֑ה אֶ֤לֶף עֹלוֹת֙ יַעֲלֶ֣ה שְׁלֹמֹ֔ה עַ֖ל הַמִּזְבֵּ֥חַ הַהֽוּא׃

‎5 ‏בְּגִבְע֗וֹן נִרְאָ֧ה יְהוָֹ֛ה אֶל־שְׁלֹמֹ֖ה בַּחֲל֣וֹם הַלָּ֑יְלָה וַיֹּ֣אמֶר אֱלֹהִ֔ים שְׁאַ֖ל מָ֥ה אֶתֶּן־לָֽךְ׃

‎6 ‏וַיֹּ֣אמֶר שְׁלֹמֹ֗ה אַתָּ֨ה עָשִׂ֜יתָ עִם־עַבְדְּךָ֙ דָוִ֣ד אָבִי֮ חֶ֣סֶד גָּדוֹל֒ כַּאֲשֶׁר֩ הָלַ֨ךְ לְפָנֶ֜יךָ בֶּאֱמֶ֧ת וּבִצְדָקָ֛ה וּבְיִשְׁרַ֥ת לֵבָ֖ב עִמָּ֑ךְ וַתִּשְׁמָר־ל֗וֹ אֶת־הַחֶ֤סֶד הַגָּדוֹל֙ הַזֶּ֔ה וַתִּתֶּן־ל֥וֹ בֵ֛ן יֹשֵׁ֥ב עַל־כִּסְא֖וֹ כַּיּ֥וֹם הַזֶּֽה׃

‎7 ‏וְעַתָּה֙ יְהוָ֣ה אֱלֹהָ֔י אַתָּה֙ הִמְלַ֣כְתָּ אֶֽת־עַבְדְּךָ֔ תַּ֖חַת דָּוִ֣ד אָבִ֑י וְאָֽנֹכִי֙ נַ֣עַר קָטֹ֔ן לֹ֥א אֵדַ֖ע צֵ֥את וָבֹֽא׃

‎8 ‏וְעַ֨בְדְּךָ֔ בְּת֥וֹךְ עַמְּךָ֖ אֲשֶׁ֣ר בָּחָ֑רְתָּ עַם־רָ֕ב אֲשֶׁ֧ר לֹֽא־יִמָּנֶ֛ה וְלֹ֥א יִסָּפֵ֖ר מֵרֹֽב׃

‎9 ‏וְנָתַתָּ֨ לְעַבְדְּךָ֜ לֵ֤ב שֹׁמֵ֙עַ֙ לִשְׁפֹּ֣ט אֶֽת־עַמְּךָ֔ לְהָבִ֖ין בֵּֽין־ט֣וֹב לְרָ֑ע כִּ֣י מִ֤י יוּכַל֙ לִשְׁפֹּ֔ט אֶת־עַמְּךָ֥ הַכָּבֵ֖ד הַזֶּֽה׃

‎10 ‏וַיִּיטַ֥ב הַדָּבָ֖ר בְּעֵינֵ֣י אֲדֹנָ֑י כִּ֚י שָׁאַ֣ל שְׁלֹמֹ֔ה אֶת־הַדָּבָ֖ר הַזֶּֽה׃

‎11 ‏וַיֹּ֨אמֶר אֱלֹהִ֜ים אֵלָ֗יו יַעַן֩ אֲשֶׁ֨ר שָׁאַ֜לְתָּ אֶת־הַדָּבָ֣ר הַזֶּ֗ה וְלֹֽא־שָׁאַ֨לְתָּ לְּךָ֜ יָמִ֣ים רַבִּ֗ים וְלֹֽא־שָׁאַ֤לְתָּ לְּךָ֙ עֹ֔שֶׁר וְלֹ֥א שָׁאַ֖לְתָּ נֶ֣פֶשׁ אֹיְבֶ֑יךָ וְשָׁאַ֧לְתָּ לְּךָ֛ הָבִ֖ין לִשְׁמֹ֥עַ מִשְׁפָּֽט׃

‎12 ‏הִנֵּ֥ה עָשִׂ֖יתִי כִּדְבָרֶ֑יךָ הִנֵּ֣ה׀ נָתַ֣תִּי לְךָ֗ לֵ֚ב חָכָ֣ם וְנָב֔וֹן אֲשֶׁ֤ר כָּמ֙וֹךָ֙ לֹא־הָיָ֣ה לְפָנֶ֔יךָ וְאַחֲרֶ֖יךָ לֹא־יָק֥וּם כָּמֽוֹךָ׃

‎13 ‏וְגַ֨ם אֲשֶׁ֤ר לֹֽא־שָׁאַ֙לְתָּ֙ נָתַ֣תִּי לָ֔ךְ גַּם־עֹ֖שֶׁר גַּם־כָּב֑וֹד אֲ֠שֶׁר לֹא־הָיָ֨ה כָמ֥וֹךָ אִ֛ישׁ בַּמְּלָכִ֖ים כָּל־יָמֶֽיךָ׃

‎14 ‏וְאִ֣ם׀ תֵּלֵ֣ךְ בִּדְרָכַ֗י לִשְׁמֹ֤ר חֻקַּי֙ וּמִצְוֹתַ֔י כַּאֲשֶׁ֥ר הָלַ֖ךְ דָּוִ֣יד אָבִ֑יךָ וְהַאַרַכְתִּ֖י אֶת־יָמֶֽיךָ׃ ס

‎15 ‏וַיִּקַ֥ץ שְׁלֹמֹ֖ה וְהִנֵּ֣ה חֲל֑וֹם וַיָּב֨וֹא יְרוּשָׁלִַ֜ם וַֽיַּעֲמֹ֣ד׀ לִפְנֵ֣י׀ אֲר֣וֹן בְּרִית־אֲדֹנָ֗י וַיַּ֤עַל עֹלוֹת֙ וַיַּ֣עַשׂ שְׁלָמִ֔ים וַיַּ֥עַשׂ מִשְׁתֶּ֖ה לְכָל־עֲבָדָֽיו׃ פ

‎16 ‏אָ֣ז תָּבֹ֗אנָה שְׁתַּ֛יִם נָשִׁ֥ים זֹנ֖וֹת אֶל־הַמֶּ֑לֶךְ וַֽתַּעֲמֹ֖דְנָה לְפָנָֽיו׃

‎17 ‏וַתֹּ֜אמֶר הָאִשָּׁ֤ה הָֽאַחַת֙ בִּ֣י אֲדֹנִ֔י אֲנִי֙ וְהָאִשָּׁ֣ה הַזֹּ֔את יֹשְׁבֹ֖ת בְּבַ֣יִת אֶחָ֑ד וָאֵלֵ֥ד עִמָּ֖הּ בַּבָּֽיִת׃

‎18 ‏וַיְהִ֞י בַּיּ֤וֹם הַשְּׁלִישִׁי֙ לְלִדְתִּ֔י וַתֵּ֖לֶד גַּם־הָאִשָּׁ֣ה הַזֹּ֑את וַאֲנַ֣חְנוּ יַחְדָּ֗ו אֵֽין־זָ֤ר אִתָּ֙נוּ֙ בַּבַּ֔יִת זוּלָתִ֥י שְׁתַּֽיִם־אֲנַ֖חְנוּ בַּבָּֽיִת׃

‎19 ‏וַיָּ֛מָת בֶּן־הָאִשָּׁ֥ה הַזֹּ֖את לָ֑יְלָה אֲשֶׁ֥ר שָׁכְבָ֖ה עָלָֽיו׃

‎20 ‏וַתָּקָם֩ בְּת֨וֹךְ הַלַּ֜יְלָה וַתִּקַּ֧ח אֶת־בְּנִ֣י מֵֽאֶצְלִ֗י וַאֲמָֽתְךָ֙ יְשֵׁנָ֔ה וַתַּשְׁכִּיבֵ֖הוּ בְּחֵיקָ֑הּ וְאֶת־בְּנָ֥הּ הַמֵּ֖ת הִשְׁכִּ֥יבָה בְחֵיקִֽי׃

‎21 ‏וָאָקֻ֥ם בַּבֹּ֛קֶר לְהֵינִ֥יק אֶת־בְּנִ֖י וְהִנֵּה־מֵ֑ת וָאֶתְבּוֹנֵ֤ן אֵלָיו֙ בַּבֹּ֔קֶר וְהִנֵּ֛ה לֹֽא־הָיָ֥ה בְנִ֖י אֲשֶׁ֥ר יָלָֽדְתִּי׃

‎22 ‏וַתֹּאמֶר֩ הָאִשָּׁ֨ה הָאַחֶ֜רֶת לֹ֣א כִ֗י בְּנִ֤י הַחַי֙ וּבְנֵ֣ךְ הַמֵּ֔ת וְזֹ֤את אֹמֶ֙רֶת֙ לֹ֣א כִ֔י בְּנֵ֥ךְ הַמֵּ֖ת וּבְנִ֣י הֶחָ֑י וַתְּדַבֵּ֖רְנָה לִפְנֵ֥י הַמֶּֽלֶךְ׃

‎23 ‏וַיֹּ֣אמֶר הַמֶּ֔לֶךְ זֹ֣את אֹמֶ֔רֶת זֶה־בְּנִ֥י הַחַ֖י וּבְנֵ֣ךְ הַמֵּ֑ת וְזֹ֤את אֹמֶ֙רֶת֙ לֹ֣א כִ֔י בְּנֵ֥ךְ הַמֵּ֖ת וּבְנִ֥י הֶחָֽי׃ פ

‎24 ‏וַיֹּ֥אמֶר הַמֶּ֖לֶךְ קְח֣וּ לִי־חָ֑רֶב וַיָּבִ֥אוּ הַחֶ֖רֶב לִפְנֵ֥י הַמֶּֽלֶךְ׃

‎25 ‏וַיֹּ֣אמֶר הַמֶּ֔לֶךְ גִּזְר֛וּ אֶת־הַיֶּ֥לֶד הַחַ֖י לִשְׁנָ֑יִם וּתְנ֤וּ אֶֽת־הַחֲצִי֙ לְאַחַ֔ת וְאֶֽת־הַחֲצִ֖י לְאֶחָֽת׃

‎26 ‏וַתֹּ֣אמֶר הָאִשָּׁה֩ אֲשֶׁר־בְּנָ֨הּ הַחַ֜י אֶל־הַמֶּ֗לֶךְ כִּֽי־נִכְמְר֣וּ רַחֲמֶיהָ֮ עַל־בְּנָהּ֒ וַתֹּ֣אמֶר׀ בִּ֣י אֲדֹנִ֗י תְּנוּ־לָהּ֙ אֶת־הַיָּל֣וּד הַחַ֔י וְהָמֵ֖ת אַל־תְּמִיתֻ֑הוּ וְזֹ֣את אֹמֶ֗רֶת גַּם־לִ֥י גַם־לָ֛ךְ לֹ֥א יִהְיֶ֖ה גְּזֹֽרוּ׃

‎27 ‏וַיַּ֨עַן הַמֶּ֜לֶךְ וַיֹּ֗אמֶר תְּנוּ־לָהּ֙ אֶת־הַיָּל֣וּד הַחַ֔י וְהָמֵ֖ת לֹ֣א תְמִיתֻ֑הוּ הִ֖יא אִמּֽוֹ׃

‎28 ‏וַיִּשְׁמְע֣וּ כָל־יִשְׂרָאֵ֗ל אֶת־הַמִּשְׁפָּט֙ אֲשֶׁ֣ר שָׁפַ֣ט הַמֶּ֔לֶךְ וַיִּֽרְא֖וּ מִפְּנֵ֣י הַמֶּ֑לֶךְ כִּ֣י רָא֔וּ כִּֽי־חָכְמַ֧ת אֱלֹהִ֛ים בְּקִרְבּ֖וֹ לַעֲשׂ֥וֹת מִשְׁפָּֽט׃ ס

1 wayyiṯəḥatēn šəlōmōh ’eṯ-parə‘ōh meleḵə miṣərāyim wayyiqq^aḥ ’eṯ-baṯ-parə‘ōh wayəḇî’ehā ’el-‘îr dāwiḏ ‘aḏ kallōṯwō liḇənwōṯ ’eṯ-bêṯwō wə’eṯ-bêṯ yəhwâ wə’eṯ-ḥwōmaṯ yərûšālaim sāḇîḇ:

2 raq hā‘ām məzabəḥîm babāmwōṯ kî lō’-niḇənâ ḇayiṯ ləšēm yəhwâ ‘aḏ hayyāmîm hâēm: f

3 wayye’ĕhaḇ šəlōmōh ’eṯ-yəhwâ lāleḵeṯ bəḥuqqwōṯ dāwiḏ ’āḇîw raq babāmwōṯ hû’ məzabēḥa ûmaqəṭîr:

4 wayyēleḵə hammeleḵə giḇə‘ōnâ lizəbōḥa šām kî hî’ habāmâ hagəḏwōlâ ’elef ‘ōlwōṯ y^a‘ăleh šəlōmōh ‘al hammizəbēḥa hahû’:

5 bəḡiḇə‘wōn nirə’â yəhwōâ ’el-šəlōmōh b^aḥălwōm hallāyəlâ wayyō’mer ’ĕlōhîm šə’al mâ ’eten-lāḵə:

6 wayyō’mer šəlōmōh ’atâ ‘āśîṯā ‘im-‘aḇədəḵā ḏāwiḏ ’āḇî ḥeseḏ gāḏwōl ka’ăšer hālaḵə ləfāneyḵā be’ĕmeṯ ûḇiṣəḏāqâ ûḇəyišəraṯ lēḇāḇ ‘immāḵə watišəmār-lwō ’eṯ-h^aḥeseḏ hagāḏwōl hazzeh watiten-lwō ḇēn yōšēḇ ‘al-kisə’wō kayywōm hazzeh:

7 wə‘atâ yəhwâ ’ĕlōhāy ’atâ himəlaḵətā ’eṯ-‘aḇədəḵā t^aḥaṯ dāwiḏ ’āḇî wə’ānōḵî n^a‘ar qāṭōn lō’ ’ēḏ^a‘ ṣē’ṯ wāḇō’:

8 wə‘aḇədəḵā bəṯwōḵə ‘amməḵā ’ăšer bāḥārətā ‘am-rāḇ ’ăšer lō’-yimmāneh wəlō’ yissāfēr mērōḇ:

9 wənāṯatā lə‘aḇədəḵā lēḇ šōmē‘a lišəpōṭ ’eṯ-‘amməḵā ləhāḇîn bên-ṭwōḇ lərā‘ kî mî yûḵal lišəpōṭ ’eṯ-‘amməḵā hakāḇēḏ hazzeh:

10 wayyîṭaḇ hadāḇār bə‘ênê ’ăḏōnāy kî šā’al šəlōmōh ’eṯ-hadāḇār hazzeh:

11 wayyō’mer ’ĕlōhîm ’ēlāyw y^a‘an ’ăšer šā’alətā ’eṯ-hadāḇār hazzeh wəlō’-šā’alətā lləḵā yāmîm rabîm wəlō’-šā’alətā lləḵā ‘ōšer wəlō’ šā’alətā nefeš ’ōyəḇeyḵā wəšā’alətā lləḵā hāḇîn lišəmō‘a mišəpāṭ:

12 hinnēh ‘āśîṯî kiḏəḇāreyḵā hinnēh| nāṯatî ləḵā lēḇ ḥāḵām wənāḇwōn ’ăšer kāmwōḵā lō’-hāyâ ləfāneyḵā wə’^aḥăreyḵā lō’-yāqûm kāmwōḵā:

13 wəḡam ’ăšer lō’-šā’alətā nāṯatî lāḵə gam-‘ōšer gam-kāḇwōḏ ’ăšer lō’-hāyâ ḵāmwōḵā ’îš bamməlāḵîm kāl-yāmeyḵā:

14 wə’im| tēlēḵə biḏərāḵay lišəmōr ḥuqqay ûmiṣəwōṯay ka’ăšer hālaḵə dāwîḏ ’āḇîḵā wəha’araḵətî ’eṯ-yāmeyḵā: s

15 wayyiqaṣ šəlōmōh wəhinnēh ḥălwōm wayyāḇwō’ yərûšālaim wayy^a‘ămōḏ| lifənê| ’ărwōn bərîṯ-’ăḏōnāy wayy^a‘al ‘ōlwōṯ wayy^a‘aś šəlāmîm wayy^a‘aś mišəteh ləḵāl-‘ăḇāḏāyw: f

16 ’āz tāḇō’nâ šətayim nāšîm zōnwōṯ ’el-hammeleḵə wat^a‘ămōḏənâ ləfānāyw:

17 watō’mer hā’iššâ hā’^aḥaṯ bî ’ăḏōnî ’ănî wəhā’iššâ hazzō’ṯ yōšəḇōṯ bəḇayiṯ ’eḥāḏ wā’ēlēḏ ‘immāh babāyiṯ:

18 wayəhî bayywōm haššəlîšî ləliḏətî watēleḏ gam-hā’iššâ hazzō’ṯ wa’ăn^aḥənû y^aḥədāw ’ên-zār ’itānû babayiṯ zûlāṯî šətayim-’ăn^aḥənû babāyiṯ:

19 wayyāmāṯ ben-hā’iššâ hazzō’ṯ lāyəlâ ’ăšer šāḵəḇâ ‘ālāyw:

20 watāqām bəṯwōḵə hallayəlâ watiqq^aḥ ’eṯ-bənî mē’eṣəlî wa’ămāṯəḵā yəšēnâ watašəkîḇēhû bəḥêqāh wə’eṯ-bənāh hammēṯ hišəkîḇâ ḇəḥêqî:

21 wā’āqum babōqer ləhênîq ’eṯ-bənî wəhinnēh-mēṯ wā’eṯəbwōnēn ’ēlāyw babōqer wəhinnēh lō’-hāyâ ḇənî ’ăšer yālāḏətî:

22 watō’mer hā’iššâ hā’^aḥereṯ lō’ ḵî bənî h^aḥay ûḇənēḵə hammēṯ wəzō’ṯ ’ōmereṯ lō’ ḵî bənēḵə hammēṯ ûḇənî heḥāy watəḏabērənâ lifənê hammeleḵə:

23 wayyō’mer hammeleḵə zō’ṯ ’ōmereṯ zeh-bənî h^aḥay ûḇənēḵə hammēṯ wəzō’ṯ ’ōmereṯ lō’ ḵî bənēḵə hammēṯ ûḇənî heḥāy: f

24 wayyō’mer hammeleḵə qəḥû lî-ḥāreḇ wayyāḇi’û h^aḥereḇ lifənê hammeleḵə:

25 wayyō’mer hammeleḵə gizərû ’eṯ-hayyeleḏ h^aḥay lišənāyim ûṯənû ’eṯ-h^aḥăṣî lə’^aḥaṯ wə’eṯ-h^aḥăṣî lə’eḥāṯ:

26 watō’mer hā’iššâ ’ăšer-bənāh h^aḥay ’el-hammeleḵə kî-niḵəmərû r^aḥămeyhā ‘al-bənāh watō’mer| bî ’ăḏōnî tənû-lāh ’eṯ-hayyālûḏ h^aḥay wəhāmēṯ ’al-təmîṯuhû wəzō’ṯ ’ōmereṯ gam-lî ḡam-lāḵə lō’ yihəyeh gəzōrû:

27 wayy^a‘an hammeleḵə wayyō’mer tənû-lāh ’eṯ-hayyālûḏ h^aḥay wəhāmēṯ lō’ ṯəmîṯuhû hî’ ’immwō:

28 wayyišəmə‘û ḵāl-yiśərā’ēl ’eṯ-hammišəpāṭ ’ăšer šāfaṭ hammeleḵə wayyirə’û mipənê hammeleḵə kî rā’û kî-ḥāḵəmaṯ ’ĕlōhîm bəqirəbwō l^a‘ăśwōṯ mišəpāṭ: s

Tanach (Hebrew): 1 Kings (1 Melakhim) Chapter 4

‎1 ‏וַֽיְהִי֙ הַמֶּ֣לֶךְ שְׁלֹמֹ֔ה מֶ֖לֶךְ עַל־כָּל־יִשְׂרָאֵֽל׃ ס

‎2 ‏וְאֵ֥לֶּה הַשָּׂרִ֖ים אֲשֶׁר־ל֑וֹ עֲזַרְיָ֥הוּ בֶן־צָד֖וֹק הַכֹּהֵֽן׃ ס

‎3 ‏אֱלִיחֹ֧רֶף וַאֲחִיָּ֛ה בְּנֵ֥י שִׁישָׁ֖א סֹפְרִ֑ים יְהוֹשָׁפָ֥ט בֶּן־אֲחִיל֖וּד הַמַּזְכִּֽיר׃

‎4 ‏וּבְנָיָ֥הוּ בֶן־יְהוֹיָדָ֖ע עַל־הַצָּבָ֑א וְצָד֥וֹק וְאֶבְיָתָ֖ר כֹּהֲנִֽים׃ ס

‎5 ‏וַעֲזַרְיָ֥הוּ בֶן־נָתָ֖ן עַל־הַנִּצָּבִ֑ים וְזָב֧וּד בֶּן־נָתָ֛ן כֹּהֵ֖ן רֵעֶ֥ה הַמֶּֽלֶךְ׃

‎6 ‏וַאֲחִישָׁ֖ר עַל־הַבָּ֑יִת וַאֲדֹנִירָ֥ם בֶּן־עַבְדָּ֖א עַל־הַמַּֽס׃ ס

‎7 ‏וְלִשְׁלֹמֹ֞ה שְׁנֵים־עָשָׂ֤ר נִצָּבִים֙ עַל־כָּל־יִשְׂרָאֵ֔ל וְכִלְכְּל֥וּ אֶת־הַמֶּ֖לֶךְ וְאֶת־בֵּית֑וֹ חֹ֧דֶשׁ בַּשָּׁנָ֛ה יִהְיֶ֥ה עַל־אחד הָאֶחָ֖ד לְכַלְכֵּֽל׃ ס

‎8 ‏וְאֵ֣לֶּה שְׁמוֹתָ֔ם בֶּן־ח֖וּר בְּהַ֥ר אֶפְרָֽיִם׃ ס

‎9 ‏בֶּן־דֶּ֛קֶר בְּמָקַ֥ץ וּבְשַֽׁעַלְבִ֖ים וּבֵ֣ית שָׁ֑מֶשׁ וְאֵיל֖וֹן בֵּ֥ית חָנָֽן׃ ס

‎10 ‏בֶּן־חֶ֖סֶד בָּֽאֲרֻבּ֑וֹת ל֥וֹ שֹׂכֹ֖ה וְכָל־אֶ֥רֶץ חֵֽפֶר׃ ס

‎11 ‏בֶּן־אֲבִֽינָדָ֖ב כָּל־נָ֣פַת דֹּ֑אר טָפַת֙ בַּת־שְׁלֹמֹ֔ה הָ֥יְתָה לּ֖וֹ לְאִשָּֽׁה׃ ס

‎12 ‏בַּֽעֲנָא֙ בֶּן־אֲחִיל֔וּד תַּעְנַ֖ךְ וּמְגִדּ֑וֹ וְכָל־בֵּ֣ית שְׁאָ֡ן אֲשֶׁר֩ אֵ֨צֶל צָרְתַ֜נָה מִתַּ֣חַת לְיִזְרְעֶ֗אל מִבֵּ֤ית שְׁאָן֙ עַ֚ד אָבֵ֣ל מְחוֹלָ֔ה עַ֖ד מֵעֵ֥בֶר לְיָקְמֳעָֽם׃ ס

‎13 ‏בֶּן־גֶּ֖בֶר בְּרָמֹ֣ת גִּלְעָ֑ד ל֡וֹ חַוֹּת֩ יָאִ֨יר בֶּן־מְנַשֶּׁ֜ה אֲשֶׁ֣ר בַּגִּלְעָ֗ד ל֚וֹ³ חֶ֤בֶל אַרְגֹּב֙ אֲשֶׁ֣ר בַּבָּשָׁ֔ן שִׁשִּׁים֙ עָרִ֣ים גְּדֹל֔וֹת חוֹמָ֖ה וּבְרִ֥יחַ נְחֹֽשֶׁת׃ ס

‎14 ‏אֲחִֽינָדָ֥ב בֶּן־עִדֹּ֖א מַחֲנָֽיְמָה׃

‎15 ‏אֲחִימַ֖עַץ בְּנַפְתָּלִ֑י גַּם־ה֗וּא לָקַ֛ח אֶת־בָּשְׂמַ֥ת בַּת־שְׁלֹמֹ֖ה לְאִשָּֽׁה׃

‎16 ‏בַּֽעֲנָא֙ בֶּן־חוּשָׁ֔י בְּאָשֵׁ֖ר וּבְעָלֽוֹת׃ ס

‎17 ‏יְהוֹשָׁפָ֥ט בֶּן־פָּר֖וּחַ בְּיִשָׂשכָֽר׃ ס

‎18 ‏שִׁמְעִ֥י בֶן־אֵלָ֖א בְּבִנְיָמִֽן׃ ס

‎19 ‏גֶּ֥בֶר בֶּן־אֻרִ֖י בְּאֶ֣רֶץ גִּלְעָ֑ד אֶ֜רֶץ סִיח֣וֹן׀ מֶ֣לֶךְ הָאֱמֹרִ֗י וְעֹג֙ מֶ֣לֶךְ הַבָּשָׁ֔ן וּנְצִ֥יב אֶחָ֖ד אֲשֶׁ֥ר בָּאָֽרֶץ׃

‎20 ‏יְהוּדָ֤ה וְיִשְׂרָאֵל֙ רַבִּ֔ים כַּח֥וֹל אֲשֶׁר־עַל־הַיָּ֖ם לָרֹ֑ב אֹכְלִ֥ים וְשֹׁתִ֖ים וּשְׂמֵחִֽים׃

1 wayəhî hammeleḵə šəlōmōh meleḵə ‘al-kāl-yiśərā’ēl: s

2 wə’ēlleh haśśārîm ’ăšer-lwō ‘ăzarəyâû ḇen-ṣāḏwōq hakōhēn: s

3 ’ĕlîḥōref wa’ăḥîyâ bənê šîšā’ sōfərîm yəhwōšāfāṭ ben-’ăḥîlûḏ hammazəkîr:

4 ûḇənāyâû ḇen-yəhwōyāḏā‘ ‘al-haṣṣāḇā’ wəṣāḏwōq wə’eḇəyāṯār kōhănîm: s

5 w^a‘ăzarəyâû ḇen-nāṯān ‘al-hanniṣṣāḇîm wəzāḇûḏ ben-nāṯān kōhēn rē‘eh hammeleḵə:

6 wa’ăḥîšār ‘al-habāyiṯ wa’ăḏōnîrām ben-‘aḇədā’ ‘al-hammas: s

7 wəlišəlōmōh šənêm-‘āśār niṣṣāḇîm ‘al-kāl-yiśərā’ēl wəḵiləkəlû ’eṯ-hammeleḵə wə’eṯ-bêṯwō ḥōḏeš baššānâ yihəyeh ‘al-’eḥāḏ hā’eḥāḏ ləḵaləkēl: s

8 wə’ēlleh šəmwōṯām ben-ḥûr bəhar ’efərāyim: s

9 ben-deqer bəmāqaṣ ûḇəš^a‘aləḇîm ûḇêṯ šāmeš wə’êlwōn bêṯ ḥānān: s

10 ben-ḥeseḏ bā’ărubwōṯ lwō śōḵōh wəḵāl-’ereṣ ḥēfer: s

11 ben-’ăḇînāḏāḇ kāl-nāfaṯ dō’r ṭāfaṯ baṯ-šəlōmōh hāyəṯâ llwō lə’iššâ: s

12 b^a‘ănā’ ben-’ăḥîlûḏ t^a‘ənaḵə ûməḡidwō wəḵāl-bêṯ šə’ān ’ăšer ’ēṣel ṣārəṯanâ mit^aḥaṯ ləyizərə‘e’l mibêṯ šə’ān ‘aḏ ’āḇēl məḥwōlâ ‘aḏ mē‘ēḇer ləyāqəmŏ‘ām: s

13 ben-geḇer bərāmōṯ gilə‘āḏ lwō ḥaûōṯ yā’îr ben-mənaššeh ’ăšer bagilə‘āḏ lwō³ ḥeḇel ’arəgōḇ ’ăšer babāšān šiššîm ‘ārîm gəḏōlwōṯ ḥwōmâ ûḇərîḥa nəḥōšeṯ: s

14 ’ăḥînāḏāḇ ben-‘idō’ m^aḥănāyəmâ:

15 ’ăḥîm^a‘aṣ bənafətālî gam-hû’ lāq^aḥ ’eṯ-bāśəmaṯ baṯ-šəlōmōh lə’iššâ:

16 b^a‘ănā’ ben-ḥûšāy bə’āšēr ûḇə‘ālwōṯ: s

17 yəhwōšāfāṭ ben-pārûḥa bəyiśāsḵār: s

18 šimə‘î ḇen-’ēlā’ bəḇinəyāmin: s

19 geḇer ben-’urî bə’ereṣ gilə‘āḏ ’ereṣ sîḥwōn| meleḵə hā’ĕmōrî wə‘ōḡ meleḵə habāšān ûnəṣîḇ ’eḥāḏ ’ăšer bā’āreṣ:

20 yəhûḏâ wəyiśərā’ēl rabîm k^aḥwōl ’ăšer-‘al-hayyām lārōḇ ’ōḵəlîm wəšōṯîm ûśəmēḥîm:

Tanach (Hebrew): 1 Kings (1 Melakhim) Chapter 5

‎1 ‏וּשְׁלֹמֹ֗ה הָיָ֤ה מוֹשֵׁל֙ בְּכָל־הַמַּמְלָכ֔וֹת מִן־הַנָּהָר֙ אֶ֣רֶץ פְּלִשְׁתִּ֔ים וְעַ֖ד גְּב֣וּל מִצְרָ֑יִם מַגִּשִׁ֥ים מִנְחָ֛ה וְעֹבְדִ֥ים אֶת־שְׁלֹמֹ֖ה כָּל־יְמֵ֥י חַיָּֽיו׃ פ

‎2 ‏וַיְהִ֥י לֶֽחֶם־שְׁלֹמֹ֖ה לְי֣וֹם אֶחָ֑ד שְׁלֹשִׁ֥ים כֹּר֙ סֹ֔לֶת וְשִׁשִּׁ֥ים כֹּ֖ר קָֽמַח׃

‎3 ‏עֲשָׂרָ֨ה בָקָ֜ר בְּרִאִ֗ים וְעֶשְׂרִ֥ים בָּקָ֛ר רְעִ֖י וּמֵ֣אָה צֹ֑אן לְ֠בַד מֵֽאַיָּ֤ל וּצְבִי֙ וְיַחְמ֔וּר וּבַרְבֻּרִ֖ים אֲבוּסִֽים׃

‎4 ‏כִּי־ה֞וּא רֹדֶ֣ה׀ בְּכָל־עֵ֣בֶר הַנָּהָ֗ר מִתִּפְסַח֙ וְעַד־עַזָּ֔ה בְּכָל־מַלְכֵ֖י עֵ֣בֶר הַנָּהָ֑ר וְשָׁל֗וֹם הָ֥יָה ל֛וֹ מִכָּל־עֲבָרָ֖יו מִסָּבִֽיב׃

‎5 ‏וַיֵּשֶׁב֩ יְהוּדָ֨ה וְיִשְׂרָאֵ֜ל לָבֶ֗טַח אִ֣ישׁ תַּ֤חַת גַּפְנוֹ֙ וְתַ֣חַת תְּאֵֽנָת֔וֹ מִדָּ֖ן וְעַד־בְּאֵ֣ר שָׁ֑בַע כֹּ֖ל יְמֵ֥י שְׁלֹמֹֽה׃ ס

‎6 ‏וַיְהִ֣י לִשְׁלֹמֹ֗ה אַרְבָּעִ֥ים אֶ֛לֶף אֻרְוֹ֥ת סוּסִ֖ים לְמֶרְכָּב֑וֹ וּשְׁנֵים־עָשָׂ֥ר אֶ֖לֶף פָּרָשִֽׁים׃

‎7 ‏וְכִלְכְּלוּ֩ הַנִּצָּבִ֨ים הָאֵ֜לֶּה אֶת־הַמֶּ֣לֶךְ שְׁלֹמֹ֗ה וְאֵ֧ת כָּל־הַקָּרֵ֛ב אֶל־שֻׁלְחַ֥ן הַמֶּֽלֶךְ־שְׁלֹמֹ֖ה אִ֣ישׁ חָדְשׁ֑וֹ לֹ֥א יְעַדְּר֖וּ דָּבָֽר׃

‎8 ‏וְהַשְּׂעֹרִ֣ים וְהַתֶּ֔בֶן לַסּוּסִ֖ים וְלָרָ֑כֶשׁ יָבִ֗אוּ אֶל־הַמָּקוֹם֙ אֲשֶׁ֣ר יִֽהְיֶה־שָּׁ֔ם אִ֖ישׁ כְּמִשְׁפָּטֽוֹ׃ ס

‎9 ‏וַיִּתֵּן֩ אֱלֹהִ֨ים חָכְמָ֧ה לִשְׁלֹמֹ֛ה וּתְבוּנָ֖ה הַרְבֵּ֣ה מְאֹ֑ד וְרֹ֣חַב לֵ֔ב כַּח֕וֹל אֲשֶׁ֖ר עַל־שְׂפַ֥ת הַיָּֽם׃

‎10 ‏וַתֵּ֙רֶב֙ חָכְמַ֣ת שְׁלֹמֹ֔ה מֵֽחָכְמַ֖ת כָּל־בְּנֵי־קֶ֑דֶם וּמִכֹּ֖ל חָכְמַ֥ת מִצְרָֽיִם׃

‎11 ‏וַיֶּחְכַּם֮ מִכָּל־הָֽאָדָם֒ מֵאֵיתָ֣ן הָאֶזְרָחִ֗י וְהֵימָ֧ן וְכַלְכֹּ֛ל וְדַרְדַּ֖ע בְּנֵ֣י מָח֑וֹל וַיְהִֽי־שְׁמ֥וֹ בְכָֽל־הַגּוֹיִ֖ם סָבִֽיב׃

‎12 ‏וַיְדַבֵּ֕ר שְׁלֹ֥שֶׁת אֲלָפִ֖ים מָשָׁ֑ל וַיְהִ֥י שִׁיר֖וֹ חֲמִשָּׁ֥ה וָאָֽלֶף׃

‎13 ‏וַיְדַבֵּר֮ עַל־הָֽעֵצִים֒ מִן־הָאֶ֙רֶז֙ אֲשֶׁ֣ר בַּלְּבָנ֔וֹן וְעַד֙ הָאֵז֔וֹב אֲשֶׁ֥ר יֹצֵ֖א בַּקִּ֑יר וַיְדַבֵּר֙ עַל־הַבְּהֵמָ֣ה וְעַל־הָע֔וֹף וְעַל־הָרֶ֖מֶשׂ וְעַל־הַדָּגִֽים׃

‎14 ‏וַיָּבֹ֙אוּ֙ מִכָּל־הָ֣עַמִּ֔ים לִשְׁמֹ֕עַ אֵ֖ת חָכְמַ֣ת שְׁלֹמֹ֑ה מֵאֵת֙ כָּל־מַלְכֵ֣י הָאָ֔רֶץ אֲשֶׁ֥ר שָׁמְע֖וּ אֶת־חָכְמָתֽוֹ׃ ס

‎15 ‏וַ֠יִּשְׁלַח חִירָ֨ם מֶֽלֶךְ־צ֤וֹר אֶת־עֲבָדָיו֙ אֶל־שְׁלֹמֹ֔ה כִּ֣י שָׁמַ֔ע כִּ֥י אֹת֛וֹ מָשְׁח֥וּ לְמֶ֖לֶךְ תַּ֣חַת אָבִ֑יהוּ כִּ֣י אֹהֵ֗ב הָיָ֥ה חִירָ֛ם לְדָוִ֖ד כָּל־הַיָּמִֽים׃ ס

‎16 ‏וַיִּשְׁלַ֣ח שְׁלֹמֹ֔ה אֶל־חִירָ֖ם לֵאמֹֽר׃

‎17 ‏אַתָּ֨ה יָדַ֜עְתָּ אֶת־דָּוִ֣ד אָבִ֗י כִּ֣י לֹ֤א יָכֹל֙ לִבְנ֣וֹת בַּ֗יִת לְשֵׁם֙ יְהוָ֣ה אֱלֹהָ֔יו מִפְּנֵ֥י הַמִּלְחָמָ֖ה אֲשֶׁ֣ר סְבָבֻ֑הוּ עַ֤ד תֵּת־יְהוָה֙ אֹתָ֔ם תַּ֖חַת כַּפּ֥וֹת רגלו רַגְלָֽי׃

‎18 ‏וְעַתָּ֕ה הֵנִ֨יחַ יְהוָ֧ה אֱלֹהַ֛י לִ֖י מִסָּבִ֑יב אֵ֣ין שָׂטָ֔ן וְאֵ֖ין פֶּ֥גַע רָֽע׃

‎19 ‏וְהִנְנִ֣י אֹמֵ֔ר לִבְנ֣וֹת בַּ֔יִת לְשֵׁ֖ם יְהוָ֣ה אֱלֹהָ֑י כַּאֲשֶׁ֣ר׀ דִּבֶּ֣ר יְהוָ֗ה אֶל־דָּוִ֤ד אָבִי֙ לֵאמֹ֔ר בִּנְךָ֗ אֲשֶׁ֨ר אֶתֵּ֤ן תַּחְתֶּ֙יךָ֙ עַל־כִּסְאֶ֔ךָ הֽוּא־יִבְנֶ֥ה הַבַּ֖יִת לִשְׁמִֽי׃

‎20 ‏וְעַתָּ֡ה צַוֵּה֩ וְיִכְרְתוּ־לִ֨י אֲרָזִ֜ים מִן־הַלְּבָנ֗וֹן וַֽעֲבָדַי֙ יִהְי֣וּ עִם־עֲבָדֶ֔יךָ וּשְׂכַ֤ר עֲבָדֶ֙יךָ֙ אֶתֵּ֣ן לְךָ֔ כְּכֹ֖ל אֲשֶׁ֣ר תֹּאמֵ֑ר כִּ֣י׀ אַתָּ֣ה יָדַ֗עְתָּ כִּ֣י אֵ֥ין בָּ֛נוּ אִ֛ישׁ יֹדֵ֥עַ לִכְרָת־עֵצִ֖ים כַּצִּדֹנִֽים׃

‎21 ‏וַיְהִ֞י כִּשְׁמֹ֧עַ חִירָ֛ם אֶת־דִּבְרֵ֥י שְׁלֹמֹ֖ה וַיִּשְׂמַ֣ח מְאֹ֑ד וַיֹּ֗אמֶר בָּר֤וּךְ יְהוָה֙ הַיּ֔וֹם אֲשֶׁ֨ר נָתַ֤ן לְדָוִד֙ בֵּ֣ן חָכָ֔ם עַל־הָעָ֥ם הָרָ֖ב הַזֶּֽה׃

‎22 ‏וַיִּשְׁלַ֤ח חִירָם֙ אֶל־שְׁלֹמֹ֣ה לֵאמֹ֔ר שָׁמַ֕עְתִּי אֵ֥ת אֲשֶׁר־שָׁלַ֖חְתָּ אֵלָ֑י אֲנִ֤י אֶֽעֱשֶׂה֙ אֶת־כָּל־חֶפְצְךָ֔ בַּעֲצֵ֥י אֲרָזִ֖ים וּבַעֲצֵ֥י בְרוֹשִֽׁים׃

‎23 ‏עֲ֠בָדַי יֹרִ֨דוּ מִן־הַלְּבָנ֜וֹן יָ֗מָּה וַ֠אֲנִי אֲשִׂימֵ֨ם דֹּבְר֤וֹת בַּיָּם֙ עַֽד־הַמָּק֞וֹם אֲשֶׁר־תִּשְׁלַ֥ח אֵלַ֛י וְנִפַּצְתִּ֥ים שָׁ֖ם וְאַתָּ֣ה תִשָּׂ֑א וְאַתָּה֙ תַּעֲשֶׂ֣ה אֶת־חֶפְצִ֔י לָתֵ֖ת לֶ֥חֶם בֵּיתִֽי׃

‎24 ‏וַיְהִ֨י חִיר֜וֹם נֹתֵ֣ן לִשְׁלֹמֹ֗ה עֲצֵ֧י אֲרָזִ֛ים וַעֲצֵ֥י בְרוֹשִׁ֖ים כָּל־חֶפְצֽוֹ׃

‎25 ‏וּשְׁלֹמֹה֩ נָתַ֨ן לְחִירָ֜ם עֶשְׂרִים֩ אֶ֨לֶף כֹּ֤ר חִטִּים֙ מַכֹּ֣לֶת לְבֵית֔וֹ וְעֶשְׂרִ֥ים כֹּ֖ר שֶׁ֣מֶן כָּתִ֑ית כֹּֽה־יִתֵּ֧ן שְׁלֹמֹ֛ה לְחִירָ֖ם שָׁנָ֥ה בְשָׁנָֽה׃ פ

‎26 ‏וַיהוָ֗ה נָתַ֤ן חָכְמָה֙ לִשְׁלֹמֹ֔ה כַּאֲשֶׁ֖ר דִּבֶּר־ל֑וֹ וַיְהִ֣י שָׁלֹ֗ם בֵּ֤ין חִירָם֙ וּבֵ֣ין שְׁלֹמֹ֔ה וַיִּכְרְת֥וּ בְרִ֖ית שְׁנֵיהֶֽם׃

‎27 ‏וַיַּ֨עַל הַמֶּ֧לֶךְ שְׁלֹמֹ֛ה מַ֖ס מִכָּל־יִשְׂרָאֵ֑ל וַיְהִ֣י הַמַּ֔ס שְׁלֹשִׁ֥ים אֶ֖לֶף אִֽישׁ׃

‎28 ‏וַיִּשְׁלָחֵ֣ם לְבָנ֗וֹנָה עֲשֶׂ֨רֶת אֲלָפִ֤ים בַּחֹ֙דֶשׁ֙ חֲלִיפ֔וֹת חֹ֚דֶשׁ יִהְי֣וּ בַלְּבָנ֔וֹן שְׁנַ֥יִם חֳדָשִׁ֖ים בְּבֵית֑וֹ וַאֲדֹנִירָ֖ם עַל־הַמַּֽס׃ ס

‎29 ‏וַיְהִ֧י לִשְׁלֹמֹ֛ה שִׁבְעִ֥ים אֶ֖לֶף נֹשֵׂ֣א סַבָּ֑ל וּשְׁמֹנִ֥ים אֶ֖לֶף חֹצֵ֥ב בָּהָֽר׃

‎30 ‏לְ֠בַד מִשָּׂרֵ֨י הַנִּצָּבִ֤ים לִשְׁלֹמֹה֙ אֲשֶׁ֣ר עַל־הַמְּלָאכָ֔ה שְׁלֹ֥שֶׁת אֲלָפִ֖ים וּשְׁלֹ֣שׁ מֵא֑וֹת הָרֹדִ֣ים בָּעָ֔ם הָעֹשִׂ֖ים בַּמְּלָאכָֽה׃

‎31 ‏וַיְצַ֣ו הַמֶּ֡לֶךְ וַיַּסִּעוּ֩ אֲבָנִ֨ים גְּדֹל֜וֹת אֲבָנִ֧ים יְקָר֛וֹת לְיַסֵּ֥ד הַבָּ֖יִת אַבְנֵ֥י גָזִֽית׃

‎32 ‏וַֽיִּפְסְל֞וּ בֹּנֵ֧י שְׁלֹמֹ֛ה וּבֹנֵ֥י חִיר֖וֹם וְהַגִּבְלִ֑ים וַיָּכִ֛ינוּ הָעֵצִ֥ים וְהָאֲבָנִ֖ים לִבְנ֥וֹת הַבָּֽיִת׃ פ

1 ûšəlōmōh hāyâ mwōšēl bəḵāl-hammaməlāḵwōṯ min-hannâār ’ereṣ pəlišətîm wə‘aḏ gəḇûl miṣərāyim magišîm minəḥâ wə‘ōḇəḏîm ’eṯ-šəlōmōh kāl-yəmê ḥayyāyw: f

2 wayəhî leḥem-šəlōmōh ləywōm ’eḥāḏ šəlōšîm kōr sōleṯ wəšiššîm kōr qām^aḥ:

3 ‘ăśārâ ḇāqār bəri’îm wə‘eśərîm bāqār rə‘î ûmē’â ṣō’n ləḇaḏ mē’ayyāl ûṣəḇî wəy^aḥəmûr ûḇarəburîm ’ăḇûsîm:

4 kî-hû’ rōḏeh| bəḵāl-‘ēḇer hannâār mitifəs^aḥ wə‘aḏ-‘azzâ bəḵāl-maləḵê ‘ēḇer hannâār wəšālwōm hāyâ lwō mikāl-‘ăḇārāyw missāḇîḇ:

5 wayyēšeḇ yəhûḏâ wəyiśərā’ēl lāḇeṭ^aḥ ’îš t^aḥaṯ gafənwō wəṯ^aḥaṯ tə’ēnāṯwō midān wə‘aḏ-bə’ēr šāḇ^a‘ kōl yəmê šəlōmōh: s

6 wayəhî lišəlōmōh ’arəbā‘îm ’elef ’urəwōṯ sûsîm ləmerəkāḇwō ûšənêm-‘āśār ’elef pārāšîm:

7 wəḵiləkəlû hanniṣṣāḇîm hā’ēlleh ’eṯ-hammeleḵə šəlōmōh wə’ēṯ kāl-haqqārēḇ ’el-šuləḥan hammeleḵə-šəlōmōh ’îš ḥāḏəšwō lō’ yə‘adərû dāḇār:

8 wəhaśśə‘ōrîm wəhateḇen lassûsîm wəlārāḵeš yāḇi’û ’el-hammāqwōm ’ăšer yihəyeh-ššām ’îš kəmišəpāṭwō: s

9 wayyitēn ’ĕlōhîm ḥāḵəmâ lišəlōmōh ûṯəḇûnâ harəbēh mə’ōḏ wərōḥaḇ lēḇ k^aḥwōl ’ăšer ‘al-śəfaṯ hayyām:

10 watēreḇ ḥāḵəmaṯ šəlōmōh mēḥāḵəmaṯ kāl-bənê-qeḏem ûmikōl ḥāḵəmaṯ miṣərāyim:

11 wayyeḥəkam mikāl-hā’āḏām mē’êṯān hā’ezərāḥî wəhêmān wəḵaləkōl wəḏarəd^a‘ bənê māḥwōl wayəhî-šəmwō ḇəḵāl-hagwōyim sāḇîḇ:

12 wayəḏabēr šəlōšeṯ ’ălāfîm māšāl wayəhî šîrwō ḥămiššâ wā’ālef:

13 wayəḏabēr ‘al-hā‘ēṣîm min-hā’erez ’ăšer balləḇānwōn wə‘aḏ hā’ēzwōḇ ’ăšer yōṣē’ baqqîr wayəḏabēr ‘al-habəhēmâ wə‘al-hā‘wōf wə‘al-hāremeś wə‘al-hadāḡîm:

14 wayyāḇō’û mikāl-hā‘ammîm lišəmō‘a ’ēṯ ḥāḵəmaṯ šəlōmōh mē’ēṯ kāl-maləḵê hā’āreṣ ’ăšer šāmə‘û ’eṯ-ḥāḵəmāṯwō: s

15 wayyišəl^aḥ ḥîrām meleḵə-ṣwōr ’eṯ-‘ăḇāḏāyw ’el-šəlōmōh kî šām^a‘ kî ’ōṯwō māšəḥû ləmeleḵə t^aḥaṯ ’āḇîhû kî ’ōhēḇ hāyâ ḥîrām ləḏāwiḏ kāl-hayyāmîm: s

16 wayyišəl^aḥ šəlōmōh ’el-ḥîrām lē’mōr:

17 ’atâ yāḏ^a‘ətā ’eṯ-dāwiḏ ’āḇî kî lō’ yāḵōl liḇənwōṯ bayiṯ ləšēm yəhwâ ’ĕlōhāyw mipənê hammiləḥāmâ ’ăšer səḇāḇuhû ‘aḏ tēṯ-yəhwâ ’ōṯām t^aḥaṯ kapwōṯ raḡəlāw raḡəlāy:

18 wə‘atâ hēnîḥa yəhwâ ’ĕlōhay lî missāḇîḇ ’ên śāṭān wə’ên peḡ^a‘ rā‘:

19 wəhinənî ’ōmēr liḇənwōṯ bayiṯ ləšēm yəhwâ ’ĕlōhāy ka’ăšer| diber yəhwâ ’el-dāwiḏ ’āḇî lē’mōr binəḵā ’ăšer ’etēn t^aḥəteyḵā ‘al-kisə’eḵā hû’-yiḇəneh habayiṯ lišəmî:

20 wə‘atâ ṣaûēh wəyiḵərəṯû-lî ’ărāzîm min-halləḇānwōn w^a‘ăḇāḏay yihəyû ‘im-‘ăḇāḏeyḵā ûśəḵar ‘ăḇāḏeyḵā ’etēn ləḵā kəḵōl ’ăšer tō’mēr kî| ’atâ yāḏ^a‘ətā kî ’ên bānû ’îš yōḏē‘a liḵərāṯ-‘ēṣîm kaṣṣiḏōnîm:

21 wayəhî kišəmō‘a ḥîrām ’eṯ-diḇərê šəlōmōh wayyiśəm^aḥ mə’ōḏ wayyō’mer bārûḵə yəhwâ hayywōm ’ăšer nāṯan ləḏāwiḏ bēn ḥāḵām ‘al-hā‘ām hārāḇ hazzeh:

22 wayyišəl^aḥ ḥîrām ’el-šəlōmōh lē’mōr šām^a‘ətî ’ēṯ ’ăšer-šāl^aḥətā ’ēlāy ’ănî ’e‘ĕśeh ’eṯ-kāl-ḥefəṣəḵā b^a‘ăṣê ’ărāzîm ûḇ^a‘ăṣê ḇərwōšîm:

23 ‘ăḇāḏay yōriḏû min-halləḇānwōn yāmmâ wa’ănî ’ăśîmēm dōḇərwōṯ bayyām ‘aḏ-hammāqwōm ’ăšer-tišəl^aḥ ’ēlay wənipaṣətîm šām wə’atâ ṯiśśā’ wə’atâ t^a‘ăśeh ’eṯ-ḥefəṣî lāṯēṯ leḥem bêṯî:

24 wayəhî ḥîrwōm nōṯēn lišəlōmōh ‘ăṣê ’ărāzîm w^a‘ăṣê ḇərwōšîm kāl-ḥefəṣwō:

25 ûšəlōmōh nāṯan ləḥîrām ‘eśərîm ’elef kōr ḥiṭṭîm makōleṯ ləḇêṯwō wə‘eśərîm kōr šemen kāṯîṯ kōh-yitēn šəlōmōh ləḥîrām šānâ ḇəšānâ: f

26 wayhwâ nāṯan ḥāḵəmâ lišəlōmōh ka’ăšer diber-lwō wayəhî šālōm bên ḥîrām ûḇên šəlōmōh wayyiḵərəṯû ḇərîṯ šənêhem:

27 wayy^a‘al hammeleḵə šəlōmōh mas mikāl-yiśərā’ēl wayəhî hammas šəlōšîm ’elef ’îš:

28 wayyišəlāḥēm ləḇānwōnâ ‘ăśereṯ ’ălāfîm b^aḥōḏeš ḥălîfwōṯ ḥōḏeš yihəyû ḇalləḇānwōn šənayim ḥŏḏāšîm bəḇêṯwō wa’ăḏōnîrām ‘al-hammas: s

29 wayəhî lišəlōmōh šiḇə‘îm ’elef nōśē’ sabāl ûšəmōnîm ’elef ḥōṣēḇ bâār:

30 ləḇaḏ miśśārê hanniṣṣāḇîm lišəlōmōh ’ăšer ‘al-hamməlā’ḵâ šəlōšeṯ ’ălāfîm ûšəlōš mē’wōṯ hārōḏîm bā‘ām hā‘ōśîm bamməlā’ḵâ:

31 wayəṣaw hammeleḵə wayyassi‘û ’ăḇānîm gəḏōlwōṯ ’ăḇānîm yəqārwōṯ ləyassēḏ habāyiṯ ’aḇənê ḡāzîṯ:

32 wayyifəsəlû bōnê šəlōmōh ûḇōnê ḥîrwōm wəhagiḇəlîm wayyāḵînû hā‘ēṣîm wəhā’ăḇānîm liḇənwōṯ habāyiṯ: f

Tanach (Hebrew): 1 Kings (1 Melakhim) Chapter 6

‎1 ‏וַיְהִ֣י בִשְׁמוֹנִ֣ים שָׁנָ֣ה וְאַרְבַּ֣ע מֵא֣וֹת שָׁנָ֡ה לְצֵ֣את בְּנֵֽי־יִשְׂרָאֵ֣ל מֵאֶֽרֶץ־מִצְרַיִם֩ בַּשָּׁנָ֨ה הָרְבִיעִ֜ית בְּחֹ֣דֶשׁ זִ֗ו ה֚וּא הַחֹ֣דֶשׁ הַשֵּׁנִ֔י לִמְלֹ֥ךְ שְׁלֹמֹ֖ה עַל־יִשְׂרָאֵ֑ל וַיִּ֥בֶן הַבַּ֖יִת לַיהוָֽה׃

‎2 ‏וְהַבַּ֗יִת אֲשֶׁ֨ר בָּנָ֜ה הַמֶּ֤לֶךְ שְׁלֹמֹה֙ לַֽיהוָ֔ה שִׁשִּֽׁים־אַמָּ֥ה אָרְכּ֖וֹ וְעֶשְׂרִ֤ים רָחְבּ֑וֹ וּשְׁלֹשִׁ֥ים אַמָּ֖ה קוֹמָתֽוֹ׃

‎3 ‏וְהָאוּלָ֗ם עַל־פְּנֵי֙ הֵיכַ֣ל הַבַּ֔יִת עֶשְׂרִ֣ים אַמָּה֙ אָרְכּ֔וֹ עַל־פְּנֵ֖י רֹ֣חַב הַבָּ֑יִת עֶ֧שֶׂר בָּאַמָּ֛ה רָחְבּ֖וֹ עַל־פְּנֵ֥י הַבָּֽיִת׃

‎4 ‏וַיַּ֣עַשׂ לַבָּ֔יִת חַלּוֹנֵ֖י שְׁקֻפִ֥ים אֲטֻמִֽים׃

‎5 ‏וַיִּבֶן֩ עַל־קִ֨יר הַבַּ֤יִת יצוע יָצִ֙יעַ֙ סָבִ֔יב אֶת־קִיר֤וֹת הַבַּ֙יִת֙ סָבִ֔יב לַֽהֵיכָ֖ל וְלַדְּבִ֑יר וַיַּ֥עַשׂ צְלָע֖וֹת סָבִֽיב׃

‎6 ‏היצוע הַיָּצִ֨יעַ הַתַּחְתֹּנָ֜ה חָמֵ֧שׁ בָּאַמָּ֣ה רָחְבָּ֗הּ וְהַתִּֽיכֹנָה֙ שֵׁ֤שׁ בָּֽאַמָּה֙ רָחְבָּ֔הּ וְהַ֨שְּׁלִישִׁ֔ית שֶׁ֥בַע בָּאַמָּ֖ה רָחְבָּ֑הּ כִּ֡י מִגְרָעוֹת֩ נָתַ֨ן לַבַּ֤יִת סָבִיב֙ ח֔וּצָה לְבִלְתִּ֖י אֲחֹ֥ז בְּקִֽירוֹת־הַבָּֽיִת׃

‎7 ‏וְהַבַּ֙יִת֙ בְּהִבָּ֣נֹת֔וֹ אֶֽבֶן־שְׁלֵמָ֥ה מַסָּ֖ע נִבְנָ֑ה וּמַקָּב֤וֹת וְהַגַּרְזֶן֙ כָּל־כְּלִ֣י בַרְזֶ֔ל לֹֽא־נִשְׁמַ֥ע בַּבַּ֖יִת בְּהִבָּנֹתֽוֹ׃

‎8 ‏פֶּ֗תַח הַצֵּלָע֙ הַתִּ֣יכֹנָ֔ה אֶל־כֶּ֥תֶף הַבַּ֖יִת הַיְמָנִ֑ית וּבְלוּלִּ֗ים יַֽעֲלוּ֙ עַל־הַתִּ֣יכֹנָ֔ה וּמִן־הַתִּֽיכֹנָ֖ה אֶל־הַשְּׁלִשִֽׁים׃

‎9 ‏וַיִּ֥בֶן אֶת־הַבַּ֖יִת וַיְכַלֵּ֑הוּ וַיִּסְפֹּ֤ן אֶת־הַבַּ֙יִת֙ גֵּבִ֔ים וּשְׂדֵרֹ֖ת בָּאֲרָזִֽים׃

‎10 ‏וַיִּ֤בֶן אֶת־היצוע הַיָּצִ֙יעַ֙ עַל־כָּל־הַבַּ֔יִת חָמֵ֥שׁ אַמּ֖וֹת קֽוֹמָת֑וֹ וַיֶּאֱחֹ֥ז אֶת־הַבַּ֖יִת בַּעֲצֵ֥י אֲרָזִֽים׃ פ

‎11 ‏וַֽיְהִי֙ דְּבַר־יְהוָ֔ה אֶל־שְׁלֹמֹ֖ה לֵאמֹֽר׃

‎12 ‏הַבַּ֨יִת הַזֶּ֜ה אֲשֶׁר־אַתָּ֣ה בֹנֶ֗ה אִם־תֵּלֵ֤ךְ בְּחֻקֹּתַי֙ וְאֶת־מִשְׁפָּטַ֣י תַּֽעֲשֶׂ֔ה וְשָׁמַרְתָּ֥ אֶת־כָּל־מִצְוֹתַ֖י לָלֶ֣כֶת בָּהֶ֑ם וַהֲקִמֹתִ֤י אֶת־דְּבָרִי֙ אִתָּ֔ךְ אֲשֶׁ֥ר דִּבַּ֖רְתִּי אֶל־דָּוִ֥ד אָבִֽיךָ׃

‎13 ‏וְשָׁ֣כַנְתִּ֔י בְּת֖וֹךְ בְּנֵ֣י יִשְׂרָאֵ֑ל וְלֹ֥א אֶעֱזֹ֖ב אֶת־עַמִּ֥י יִשְׂרָאֵֽל׃ ס

‎14 ‏וַיִּ֧בֶן שְׁלֹמֹ֛ה אֶת־הַבַּ֖יִת וַיְכַלֵּֽהוּ׃

‎15 ‏וַיִּבֶן֩ אֶת־קִיר֨וֹת הַבַּ֤יִת מִבַּ֙יְתָה֙ בְּצַלְע֣וֹת אֲרָזִ֔ים מִקַּרְקַ֤ע הַבַּ֙יִת֙ עַד־קִיר֣וֹת הַסִּפֻּ֔ן צִפָּ֥ה עֵ֖ץ מִבָּ֑יִת וַיְצַ֛ף אֶת־קַרְקַ֥ע הַבַּ֖יִת בְּצַלְע֥וֹת בְּרוֹשִֽׁים׃

‎16 ‏וַיִּבֶן֩ אֶת־עֶשְׂרִ֨ים אַמָּ֜ה מירכותי מִֽיַּרְכְּתֵ֤י הַבַּ֙יִת֙ בְּצַלְע֣וֹת אֲרָזִ֔ים מִן־הַקַּרְקַ֖ע עַד־הַקִּיר֑וֹת וַיִּ֤בֶן לוֹ֙ מִבַּ֣יִת לִדְבִ֔יר לְקֹ֖דֶשׁ הַקֳּדָשִֽׁים׃

‎17 ‏וְאַרְבָּעִ֥ים בָּאַמָּ֖ה הָיָ֣ה הַבָּ֑יִת ה֖וּא הַהֵיכָ֥ל לִפְנָֽי׃

‎18 ‏וְאֶ֤רֶז אֶל־הַבַּ֙יִת֙ פְּנִ֔ימָה מִקְלַ֣עַת פְּקָעִ֔ים וּפְטוּרֵ֖י צִצִּ֑ים הַכֹּ֣ל אֶ֔רֶז אֵ֥ין אֶ֖בֶן נִרְאָֽה׃

‎19 ‏וּדְבִ֧יר בְּתוֹךְ־הַבַּ֛יִת מִפְּנִ֖ימָה הֵכִ֑ין לְתִתֵּ֣ן שָׁ֔ם אֶת־אֲר֖וֹן בְּרִ֥ית יְהוָֽה׃

‎20 ‏וְלִפְנֵ֣י הַדְּבִ֡יר עֶשְׂרִים֩ אַמָּ֨ה אֹ֜רֶךְ וְעֶשְׂרִ֧ים אַמָּ֣ה רֹ֗חַב וְעֶשְׂרִ֤ים אַמָּה֙ קֽוֹמָת֔וֹ וַיְצַפֵּ֖הוּ זָהָ֣ב סָג֑וּר וַיְצַ֥ף מִזְבֵּ֖חַ אָֽרֶז׃

‎21 ‏וַיְצַ֨ף שְׁלֹמֹ֧ה אֶת־הַבַּ֛יִת מִפְּנִ֖ימָה זָהָ֣ב סָג֑וּר וַיְעַבֵּ֞ר ברתיקות בְּרַתּוּק֤וֹת זָהָב֙ לִפְנֵ֣י הַדְּבִ֔יר וַיְצַפֵּ֖הוּ זָהָֽב׃

‎22 ‏וְאֶת־כָּל־הַבַּ֛יִת צִפָּ֥ה זָהָ֖ב עַד־תֹּ֣ם כָּל־הַבָּ֑יִת וְכָל־הַמִּזְבֵּ֥חַ אֲ‍ֽשֶׁר־לַדְּבִ֖יר צִפָּ֥ה זָהָֽב׃

‎23 ‏וַיַּ֣עַשׂ בַּדְּבִ֔יר שְׁנֵ֥י כְרוּבִ֖ים עֲצֵי־שָׁ֑מֶן עֶ֥שֶׂר אַמּ֖וֹת קוֹמָתֽוֹ׃

‎24 ‏וְחָמֵ֣שׁ אַמּ֗וֹת כְּנַ֤ף הַכְּרוּב֙ הָֽאֶחָ֔ת וְחָמֵ֣שׁ אַמּ֔וֹת כְּנַ֥ף הַכְּר֖וּב הַשֵּׁנִ֑ית עֶ֣שֶׂר אַמּ֔וֹת מִקְצ֥וֹת כְּנָפָ֖יו וְעַד־קְצ֥וֹת כְּנָפָֽיו׃

‎25 ‏וְעֶ֙שֶׂר֙ בָּֽאַמָּ֔ה הַכְּר֖וּב הַשֵּׁנִ֑י מִדָּ֥ה אַחַ֛ת וְקֶ֥צֶב אֶחָ֖ד לִשְׁנֵ֥י הַכְּרֻבִֽים׃

‎26 ‏קוֹמַת֙ הַכְּר֣וּב הָֽאֶחָ֔ד עֶ֖שֶׂר בָּֽאַמָּ֑ה וְכֵ֖ן הַכְּר֥וּב הַשֵּׁנִֽי׃

‎27 ‏וַיִּתֵּ֨ן אֶת־הַכְּרוּבִ֜ים בְּת֣וֹךְ׀ הַבַּ֣יִת הַפְּנִימִ֗י וַֽיִּפְרְשׂוּ֮ אֶת־כַּנְפֵ֣י הַכְּרֻבִים֒ וַתִּגַּ֤ע כְּנַף־הָֽאֶחָד֙ בַּקִּ֔יר וּכְנַף֙ הַכְּר֣וּב הַשֵּׁנִ֔י נֹגַ֖עַת בַּקִּ֣יר הַשֵּׁנִ֑י³ וְכַנְפֵיהֶם֙ אֶל־תּ֣וֹךְ הַבַּ֔יִת נֹגְעֹ֖ת כָּנָ֥ף אֶל־כָּנָֽף׃

‎28 ‏וַיְצַ֥ף אֶת־הַכְּרוּבִ֖ים זָהָֽב׃

‎29 ‏וְאֵת֩ כָּל־קִיר֨וֹת הַבַּ֜יִת מֵסַ֣ב׀ קָלַ֗ע פִּתּוּחֵי֙ מִקְלְעוֹת֙ כְּרוּבִ֣ים וְתִֽמֹרֹ֔ת וּפְטוּרֵ֖י צִצִּ֑ים מִלִּפְנִ֖ים וְלַחִיצֽוֹן׃

‎30 ‏וְאֶת־קַרְקַ֥ע הַבַּ֖יִת צִפָּ֣ה זָהָ֑ב לִפְנִ֖ימָה וְלַחִיצֽוֹן׃

‎31 ‏וְאֵת֙ פֶּ֣תַח הַדְּבִ֔יר עָשָׂ֖ה דַּלְת֣וֹת עֲצֵי־שָׁ֑מֶן הָאַ֥יִל מְזוּז֖וֹת חֲמִשִֽׁית׃

‎32 ‏וּשְׁתֵּי֮ דַּלְת֣וֹת עֲצֵי־שֶׁמֶן֒ וְקָלַ֣ע עֲ֠לֵיהֶם מִקְלְע֨וֹת כְּרוּבִ֧ים וְתִמֹר֛וֹת וּפְטוּרֵ֥י צִצִּ֖ים וְצִפָּ֣ה זָהָ֑ב וַיָּ֛רֶד עַל־הַכְּרוּבִ֥ים וְעַל־הַתִּֽמֹר֖וֹת אֶת־הַזָּהָֽב׃

‎33 ‏וְכֵ֥ן עָשָׂ֛ה לְפֶ֥תַח הַֽהֵיכָ֖ל מְזוּז֣וֹת עֲצֵי־שָׁ֑מֶן מֵאֵ֖ת רְבִעִֽית׃

‎34 ‏וּשְׁתֵּ֥י דַלְת֖וֹת עֲצֵ֣י בְרוֹשִׁ֑ים שְׁנֵ֨י צְלָעִ֜ים הַדֶּ֤לֶת הָֽאַחַת֙ גְּלִילִ֔ים וּשְׁנֵ֧י קְלָעִ֛ים הַדֶּ֥לֶת הַשֵּׁנִ֖ית גְּלִילִֽים׃

‎35 ‏וְקָלַ֤ע כְּרוּבִים֙ וְתִ֣מֹר֔וֹת וּפְטֻרֵ֖י צִצִּ֑ים וְצִפָּ֣ה זָהָ֔ב מְיֻשָּׁ֖ר עַל־הַמְּחֻקֶּֽה׃

‎36 ‏וַיִּ֙בֶן֙ אֶת־הֶחָצֵ֣ר הַפְּנִימִ֔ית שְׁלֹשָׁ֖ה טוּרֵ֣י גָזִ֑ית וְט֖וּר כְּרֻתֹ֥ת אֲרָזִֽים׃

‎37 ‏בַּשָּׁנָה֙ הָֽרְבִיעִ֔ית יֻסַּ֖ד בֵּ֣ית יְהוָ֑ה בְּיֶ֖רַח זִֽו׃

‎38 ‏וּבַשָּׁנָה֩ הָאַחַ֨ת עֶשְׂרֵ֜ה בְּיֶ֣רַח בּ֗וּל ה֚וּא הַחֹ֣דֶשׁ הַשְּׁמִינִ֔י כָּלָ֣ה הַבַּ֔יִת לְכָל־דְּבָרָ֖יו וּלְכָל־משפטו מִשְׁפָּטָ֑יו וַיִּבְנֵ֖הוּ שֶׁ֥בַע שָׁנִֽים׃

1 wayəhî ḇišəmwōnîm šānâ wə’arəb^a‘ mē’wōṯ šānâ ləṣē’ṯ bənê-yiśərā’ēl mē’ereṣ-miṣərayim baššānâ hārəḇî‘îṯ bəḥōḏeš ziw hû’ h^aḥōḏeš haššēnî liməlōḵə šəlōmōh ‘al-yiśərā’ēl wayyiḇen habayiṯ layhwâ:

2 wəhabayiṯ ’ăšer bānâ hammeleḵə šəlōmōh layhwâ šiššîm-’ammâ ’ārəkwō wə‘eśərîm rāḥəbwō ûšəlōšîm ’ammâ qwōmāṯwō:

3 wəhā’ûlām ‘al-pənê hêḵal habayiṯ ‘eśərîm ’ammâ ’ārəkwō ‘al-pənê rōḥaḇ habāyiṯ ‘eśer bā’ammâ rāḥəbwō ‘al-pənê habāyiṯ:

4 wayy^a‘aś labāyiṯ ḥallwōnê šəqufîm ’ăṭumîm:

5 wayyiḇen ‘al-qîr habayiṯ yāṣû‘a yāṣî‘a sāḇîḇ ’eṯ-qîrwōṯ habayiṯ sāḇîḇ lahêḵāl wəladəḇîr wayy^a‘aś ṣəlā‘wōṯ sāḇîḇ:

6 hayyāṣwō‘a hayyāṣî‘a hat^aḥətōnâ ḥāmēš bā’ammâ rāḥəbāh wəhatîḵōnâ šēš bā’ammâ rāḥəbāh wəhaššəlîšîṯ šeḇ^a‘ bā’ammâ rāḥəbāh kî miḡərā‘wōṯ nāṯan labayiṯ sāḇîḇ ḥûṣâ ləḇilətî ’ăḥōz bəqîrwōṯ-habāyiṯ:

7 wəhabayiṯ bəhibānōṯwō ’eḇen-šəlēmâ massā‘ niḇənâ ûmaqqāḇwōṯ wəhagarəzen kāl-kəlî ḇarəzel lō’-nišəm^a‘ babayiṯ bəhibānōṯwō:

8 peṯ^aḥ haṣṣēlā‘ hatîḵōnâ ’el-keṯef habayiṯ hayəmānîṯ ûḇəlûllîm y^a‘ălû ‘al-hatîḵōnâ ûmin-hatîḵōnâ ’el-haššəlišîm:

9 wayyiḇen ’eṯ-habayiṯ wayəḵallēhû wayyisəpōn ’eṯ-habayiṯ gēḇîm ûśəḏērōṯ bā’ărāzîm:

10 wayyiḇen ’eṯ-hayyāṣû‘a hayyāṣî‘a ‘al-kāl-habayiṯ ḥāmēš ’ammwōṯ qwōmāṯwō wayye’ĕḥōz ’eṯ-habayiṯ b^a‘ăṣê ’ărāzîm: f

11 wayəhî dəḇar-yəhwâ ’el-šəlōmōh lē’mōr:

12 habayiṯ hazzeh ’ăšer-’atâ ḇōneh ’im-tēlēḵə bəḥuqqōṯay wə’eṯ-mišəpāṭay t^a‘ăśeh wəšāmarətā ’eṯ-kāl-miṣəwōṯay lāleḵeṯ bâem wahăqimōṯî ’eṯ-dəḇārî ’itāḵə ’ăšer dibarətî ’el-dāwiḏ ’āḇîḵā:

13 wəšāḵanətî bəṯwōḵə bənê yiśərā’ēl wəlō’ ’e‘ĕzōḇ ’eṯ-‘ammî yiśərā’ēl: s

14 wayyiḇen šəlōmōh ’eṯ-habayiṯ wayəḵallēhû:

15 wayyiḇen ’eṯ-qîrwōṯ habayiṯ mibayəṯâ bəṣalə‘wōṯ ’ărāzîm miqqarəq^a‘ habayiṯ ‘aḏ-qîrwōṯ hassipun ṣipâ ‘ēṣ mibāyiṯ wayəṣaf ’eṯ-qarəq^a‘ habayiṯ bəṣalə‘wōṯ bərwōšîm:

16 wayyiḇen ’eṯ-‘eśərîm ’ammâ mîyarəkwōṯê mîyarəkəṯê habayiṯ bəṣalə‘wōṯ ’ărāzîm min-haqqarəq^a‘ ‘aḏ-haqqîrwōṯ wayyiḇen lwō mibayiṯ liḏəḇîr ləqōḏeš haqqŏḏāšîm:

17 wə’arəbā‘îm bā’ammâ hāyâ habāyiṯ hû’ hahêḵāl lifənāy:

18 wə’erez ’el-habayiṯ pənîmâ miqəl^a‘aṯ pəqā‘îm ûfəṭûrê ṣiṣṣîm hakōl ’erez ’ên ’eḇen nirə’â:

19 ûḏəḇîr bəṯwōḵə-habayiṯ mipənîmâ hēḵîn ləṯitēn šām ’eṯ-’ărwōn bərîṯ yəhwâ:

20 wəlifənê hadəḇîr ‘eśərîm ’ammâ ’ōreḵə wə‘eśərîm ’ammâ rōḥaḇ wə‘eśərîm ’ammâ qwōmāṯwō wayəṣapēhû zâāḇ sāḡûr wayəṣaf mizəbēḥa ’ārez:

21 wayəṣaf šəlōmōh ’eṯ-habayiṯ mipənîmâ zâāḇ sāḡûr wayə‘abēr bəratîqwōṯ bəratûqwōṯ zâāḇ lifənê hadəḇîr wayəṣapēhû zâāḇ:

22 wə’eṯ-kāl-habayiṯ ṣipâ zâāḇ ‘aḏ-tōm kāl-habāyiṯ wəḵāl-hammizəbēḥa ’ă‍šer-ladəḇîr ṣipâ zâāḇ:

23 wayy^a‘aś badəḇîr šənê ḵərûḇîm ‘ăṣê-šāmen ‘eśer ’ammwōṯ qwōmāṯwō:

24 wəḥāmēš ’ammwōṯ kənaf hakərûḇ hā’eḥāṯ wəḥāmēš ’ammwōṯ kənaf hakərûḇ haššēnîṯ ‘eśer ’ammwōṯ miqəṣwōṯ kənāfāyw wə‘aḏ-qəṣwōṯ kənāfāyw:

25 wə‘eśer bā’ammâ hakərûḇ haššēnî midâ ’^aḥaṯ wəqeṣeḇ ’eḥāḏ lišənê hakəruḇîm:

26 qwōmaṯ hakərûḇ hā’eḥāḏ ‘eśer bā’ammâ wəḵēn hakərûḇ haššēnî:

27 wayyitēn ’eṯ-hakərûḇîm bəṯwōḵə| habayiṯ hapənîmî wayyifərəśû ’eṯ-kanəfê hakəruḇîm watig^a‘ kənaf-hā’eḥāḏ baqqîr ûḵənaf hakərûḇ haššēnî nōḡ^a‘aṯ baqqîr haššēnî³ wəḵanəfêhem ’el-twōḵə habayiṯ nōḡə‘ōṯ kānāf ’el-kānāf:

28 wayəṣaf ’eṯ-hakərûḇîm zâāḇ:

29 wə’ēṯ kāl-qîrwōṯ habayiṯ mēsaḇ| qāl^a‘ pitûḥê miqələ‘wōṯ kərûḇîm wəṯimōrōṯ ûfəṭûrê ṣiṣṣîm millifənîm wəl^aḥîṣwōn:

30 wə’eṯ-qarəq^a‘ habayiṯ ṣipâ zâāḇ lifənîmâ wəl^aḥîṣwōn:

31 wə’ēṯ peṯ^aḥ hadəḇîr ‘āśâ daləṯwōṯ ‘ăṣê-šāmen hā’ayil məzûzwōṯ ḥămišîṯ:

32 ûšətê daləṯwōṯ ‘ăṣê-šemen wəqāl^a‘ ‘ălêhem miqələ‘wōṯ kərûḇîm wəṯimōrwōṯ ûfəṭûrê ṣiṣṣîm wəṣipâ zâāḇ wayyāreḏ ‘al-hakərûḇîm wə‘al-hatimōrwōṯ ’eṯ-hazzâāḇ:

33 wəḵēn ‘āśâ ləfeṯ^aḥ hahêḵāl məzûzwōṯ ‘ăṣê-šāmen mē’ēṯ rəḇi‘îṯ:

34 ûšətê ḏaləṯwōṯ ‘ăṣê ḇərwōšîm šənê ṣəlā‘îm hadeleṯ hā’^aḥaṯ gəlîlîm ûšənê qəlā‘îm hadeleṯ haššēnîṯ gəlîlîm:

35 wəqāl^a‘ kərûḇîm wəṯimōrwōṯ ûfəṭurê ṣiṣṣîm wəṣipâ zâāḇ məyuššār ‘al-hamməḥuqqeh:

36 wayyiḇen ’eṯ-heḥāṣēr hapənîmîṯ šəlōšâ ṭûrê ḡāzîṯ wəṭûr kəruṯōṯ ’ărāzîm:

37 baššānâ hārəḇî‘îṯ yussaḏ bêṯ yəhwâ bəyer^aḥ ziw:

38 ûḇaššānâ hā’^aḥaṯ ‘eśərēh bəyer^aḥ bûl hû’ h^aḥōḏeš haššəmînî kālâ habayiṯ ləḵāl-dəḇārāyw ûləḵāl-mišəpāṭāw mišəpāṭāyw wayyiḇənēhû šeḇ^a‘ šānîm:

Tanach (Hebrew): 1 Kings (1 Melakhim) Chapter 7

‎1 ‏וְאֶת־בֵּיתוֹ֙ בָּנָ֣ה שְׁלֹמֹ֔ה שְׁלֹ֥שׁ עֶשְׂרֵ֖ה שָׁנָ֑ה וַיְכַ֖ל אֶת־כָּל־בֵּיתֽוֹ׃

‎2 ‏וַיִּ֜בֶן אֶת־בֵּ֣ית׀ יַ֣עַר הַלְּבָנ֗וֹן מֵאָ֨ה אַמָּ֤ה אָרְכּוֹ֙ וַחֲמִשִּׁ֤ים אַמָּה֙ רָחְבּ֔וֹ וּשְׁלֹשִׁ֥ים אַמָּ֖ה קוֹמָת֑וֹ עַ֗ל אַרְבָּעָה֙ טוּרֵי֙ עַמּוּדֵ֣י אֲרָזִ֔ים וּכְרֻת֥וֹת אֲרָזִ֖ים עַל־הָעַמּוּדִֽים׃

‎3 ‏וְסָפֻ֣ן בָּאֶ֗רֶז מִמַּ֙עַל֙ עַל־הַצְּלָעֹת֙ אֲשֶׁ֣ר עַל־הָֽעַמּוּדִ֔ים אַרְבָּעִ֖ים וַחֲמִשָּׁ֑ה חֲמִשָּׁ֥ה עָשָׂ֖ר הַטּֽוּר׃

‎4 ‏וּשְׁקֻפִ֖ים שְׁלֹשָׁ֣ה טוּרִ֑ים וּמֶחֱזָ֥ה אֶל־מֶחֱזָ֖ה שָׁלֹ֥שׁ פְּעָמִֽים׃

‎5 ‏וְכָל־הַפְּתָחִ֥ים וְהַמְּזוּז֖וֹת רְבֻעִ֣ים שָׁ֑קֶף וּמ֧וּל מֶחֱזָ֛ה אֶל־מֶחֱזָ֖ה שָׁלֹ֥שׁ פְּעָמִֽים׃

‎6 ‏וְאֵ֨ת אוּלָ֤ם הָֽעַמּוּדִים֙ עָשָׂ֔ה חֲמִשִּׁ֤ים אַמָּה֙ אָרְכּ֔וֹ וּשְׁלֹשִׁ֥ים אַמָּ֖ה רָחְבּ֑וֹ וְאוּלָם֙ עַל־פְּנֵיהֶ֔ם וְעַמֻּדִ֥ים וְעָ֖ב עַל־פְּנֵיהֶֽם׃

‎7 ‏וְאוּלָ֤ם הַכִּסֵּא֙ אֲשֶׁ֣ר יִשְׁפָּט־שָׁ֔ם אֻלָ֥ם הַמִּשְׁפָּ֖ט עָשָׂ֑ה וְסָפ֣וּן בָּאֶ֔רֶז מֵהַקַּרְקַ֖ע עַד־הַקַּרְקָֽע׃

‎8 ‏וּבֵיתוֹ֩ אֲשֶׁר־יֵ֨שֶׁב שָׁ֜ם חָצֵ֣ר הָאַחֶ֗רֶת מִבֵּית֙ לָֽאוּלָ֔ם כַּמַּֽעֲשֶׂ֥ה הַזֶּ֖ה הָיָ֑ה וּבַ֜יִת יַעֲשֶׂ֤ה לְבַת־פַּרְעֹה֙ אֲשֶׁ֣ר לָקַ֣ח שְׁלֹמֹ֔ה כָּאוּלָ֖ם הַזֶּֽה׃

‎9 ‏כָּל־אֵ֜לֶּה אֲבָנִ֤ים יְקָרֹת֙ כְּמִדֹּ֣ת גָּזִ֔ית מְגֹרָר֥וֹת בַּמְּגֵרָ֖ה מִבַּ֣יִת וּמִח֑וּץ וּמִמַּסָּד֙ עַד־הַטְּפָח֔וֹת וּמִח֖וּץ עַד־הֶחָצֵ֥ר הַגְּדוֹלָֽה׃

‎10 ‏וּמְיֻסָּ֕ד אֲבָנִ֥ים יְקָר֖וֹת אֲבָנִ֣ים גְּדֹל֑וֹת אַבְנֵי֙ עֶ֣שֶׂר אַמּ֔וֹת וְאַבְנֵ֖י שְׁמֹנֶ֥ה אַמּֽוֹת׃

‎11 ‏וּמִלְמַ֗עְלָה אֲבָנִ֧ים יְקָר֛וֹת כְּמִדּ֥וֹת גָּזִ֖ית וָאָֽרֶז׃

‎12 ‏וְחָצֵ֨ר הַגְּדוֹלָ֜ה סָבִ֗יב שְׁלֹשָׁה֙ טוּרִ֣ים גָּזִ֔ית וְט֖וּר כְּרֻתֹ֣ת אֲרָזִ֑ים וְלַחֲצַ֧ר בֵּית־יְהוָ֛ה הַפְּנִימִ֖ית וּלְאֻלָ֥ם הַבָּֽיִת׃ פ

‎13 ‏וַיִּשְׁלַח֙ הַמֶּ֣לֶךְ שְׁלֹמֹ֔ה וַיִּקַּ֥ח אֶת־חִירָ֖ם מִצֹּֽר׃

‎14 ‏בֶּן־אִשָּׁה֩ אַלְמָנָ֨ה ה֜וּא מִמַּטֵּ֣ה נַפְתָּלִ֗י וְאָבִ֣יו אִישׁ־צֹרִי֮ חֹרֵ֣שׁ נְחֹשֶׁת֒ וַ֠יִּמָּלֵא אֶת־הַחָכְמָ֤ה וְאֶת־הַתְּבוּנָה֙ וְאֶת־הַדַּ֔עַת לַעֲשׂ֥וֹת כָּל־מְלָאכָ֖ה בַּנְּחֹ֑שֶׁת וַיָּבוֹא֙ אֶל־הַמֶּ֣לֶךְ שְׁלֹמֹ֔ה וַיַּ֖עַשׂ אֶת־כָּל־מְלַאכְתּֽוֹ׃

‎15 ‏וַיָּ֛צַר אֶת־שְׁנֵ֥י הָעַמּוּדִ֖ים נְחֹ֑שֶׁת שְׁמֹנֶ֨ה עֶשְׂרֵ֜ה אַמָּ֗ה קוֹמַת֙ הָעַמּ֣וּד הָאֶחָ֔ד וְחוּט֙ שְׁתֵּים־עֶשְׂרֵ֣ה אַמָּ֔ה יָסֹ֖ב אֶת־הָעַמּ֥וּד הַשֵּׁנִֽי׃

‎16 ‏וּשְׁתֵּ֨י כֹתָרֹ֜ת עָשָׂ֗ה לָתֵ֛ת עַל־רָאשֵׁ֥י הָֽעַמּוּדִ֖ים מֻצַ֣ק נְחֹ֑שֶׁת חָמֵ֣שׁ אַמּ֗וֹת קוֹמַת֙ הַכֹּתֶ֣רֶת הָאֶחָ֔ת וְחָמֵ֣שׁ אַמּ֔וֹת קוֹמַ֖ת הַכֹּתֶ֥רֶת הַשֵּׁנִֽית׃

‎17 ‏שְׂבָכִ֞ים מַעֲשֵׂ֣ה שְׂבָכָ֗ה גְּדִלִים֙ מַעֲשֵׂ֣ה שַׁרְשְׁר֔וֹת לַכֹּ֣תָרֹ֔ת אֲשֶׁ֖ר עַל־רֹ֣אשׁ הָעַמּוּדִ֑ים שִׁבְעָה֙ לַכֹּתֶ֣רֶת הָאֶחָ֔ת וְשִׁבְעָ֖ה לַכֹּתֶ֥רֶת הַשֵּׁנִֽית׃

‎18 ‏וַיַּ֖עַשׂ אֶת־הָעַמּוּדִ֑ים וּשְׁנֵי֩ טוּרִ֨ים סָבִ֜יב עַל־הַשְּׂבָכָ֣ה הָאֶחָ֗ת לְכַסּ֤וֹת אֶת־הַכֹּֽתָרֹת֙ אֲשֶׁר֙ עַל־רֹ֣אשׁ הָֽרִמֹּנִ֔ים וְכֵ֣ן עָשָׂ֔ה לַכֹּתֶ֖רֶת הַשֵּׁנִֽית׃

‎19 ‏וְכֹֽתָרֹ֗ת אֲשֶׁר֙ עַל־רֹ֣אשׁ הָעַמּוּדִ֔ים מַעֲשֵׂ֖ה שׁוּשַׁ֣ן בָּֽאוּלָ֑ם אַרְבַּ֖ע אַמּֽוֹת׃

‎20 ‏וְכֹתָרֹ֗ת עַל־שְׁנֵי֙ הָֽעַמּוּדִ֔ים גַּם־מִמַּ֙עַל֙ מִלְּעֻמַּ֣ת הַבֶּ֔טֶן אֲשֶׁ֖ר לְעֵ֣בֶר שבכה הַשְּׂבָכָ֑ה וְהָרִמּוֹנִ֤ים מָאתַ֙יִם֙ טֻרִ֣ים סָבִ֔יב עַ֖ל הַכֹּתֶ֥רֶת הַשֵּׁנִֽית׃

‎21 ‏וַיָּ֙קֶם֙ אֶת־הָֽעַמֻּדִ֔ים לְאֻלָ֖ם הַֽהֵיכָ֑ל וַיָּ֜קֶם אֶת־הָעַמּ֣וּד הַיְמָנִ֗י וַיִּקְרָ֤א אֶת־שְׁמוֹ֙ יָכִ֔ין וַיָּ֙קֶם֙ אֶת־הָעַמּ֣וּד הַשְּׂמָאלִ֔י וַיִּקְרָ֥א אֶת־שְׁמ֖וֹ בֹּֽעַז׃

‎22 ‏וְעַ֛ל רֹ֥אשׁ הָעַמּוּדִ֖ים מַעֲשֵׂ֣ה שׁוֹשָׁ֑ן וַתִּתֹּ֖ם מְלֶ֥אכֶת הָעַמּוּדִֽים׃

‎23 ‏וַיַּ֥עַשׂ אֶת־הַיָּ֖ם מוּצָ֑ק עֶ֣שֶׂר בָּ֠אַמָּה מִשְּׂפָת֨וֹ עַד־שְׂפָת֜וֹ עָגֹ֣ל׀ סָבִ֗יב וְחָמֵ֤שׁ בָּֽאַמָּה֙ קוֹמָת֔וֹ וקוה וְקָו֙ שְׁלֹשִׁ֣ים בָּֽאַמָּ֔ה יָסֹ֥ב אֹת֖וֹ סָבִֽיב׃

‎24 ‏וּפְקָעִים֩ מִתַּ֨חַת לִשְׂפָת֤וֹ׀ סָבִיב֙ סֹבְבִ֣ים אֹת֔וֹ עֶ֚שֶׂר בָּֽאַמָּ֔ה מַקִּפִ֥ים אֶת־הַיָּ֖ם סָבִ֑יב שְׁנֵ֤י טוּרִים֙ הַפְּקָעִ֔ים יְצֻקִ֖ים בִּיצֻקָתֽוֹ׃

‎25 ‏עֹמֵ֞ד עַל־שְׁנֵ֧י עָשָׂ֣ר בָּקָ֗ר שְׁלֹשָׁ֣ה פֹנִ֣ים׀ צָפ֡וֹנָה וּשְׁלֹשָׁה֩ פֹנִ֨ים׀ יָ֜מָּה וּשְׁלֹשָׁ֣ה׀ פֹּנִ֣ים נֶ֗גְבָּה וּשְׁלֹשָׁה֙ פֹּנִ֣ים מִזְרָ֔חָה וְהַיָּ֥ם עֲלֵיהֶ֖ם מִלְמָ֑עְלָה וְכָל־אֲחֹֽרֵיהֶ֖ם בָּֽיְתָה׃

‎26 ‏וְעָבְי֣וֹ טֶ֔פַח וּשְׂפָת֛וֹ כְּמַעֲשֵׂ֥ה שְׂפַת־כּ֖וֹס פֶּ֣רַח שׁוֹשָׁ֑ן אַלְפַּ֥יִם בַּ֖ת יָכִֽיל׃ פ

‎27 ‏וַיַּ֧עַשׂ אֶת־הַמְּכֹנ֛וֹת עֶ֖שֶׂר נְחֹ֑שֶׁת אַרְבַּ֣ע בָּאַמָּ֗ה אֹ֚רֶךְ הַמְּכוֹנָ֣ה הָֽאֶחָ֔ת וְאַרְבַּ֤ע בָּֽאַמָּה֙ רָחְבָּ֔הּ וְשָׁלֹ֥שׁ בָּאַמָּ֖ה קוֹמָתָֽהּ׃

‎28 ‏וְזֶ֛ה מַעֲשֵׂ֥ה הַמְּכוֹנָ֖ה מִסְגְּרֹ֣ת לָהֶ֑ם וּמִסְגְּרֹ֖ת בֵּ֥ין הַשְׁלַבִּֽים׃

‎29 ‏וְעַֽל־הַמִּסְגְּר֞וֹת אֲשֶׁ֣ר׀ בֵּ֣ין הַשְׁלַבִּ֗ים אֲרָי֤וֹת׀ בָּקָר֙ וּכְרוּבִ֔ים וְעַל־הַשְׁלַבִּ֖ים כֵּ֣ן מִמָּ֑עַל וּמִתַּ֙חַת֙ לַאֲרָי֣וֹת וְלַבָּקָ֔ר לֹי֖וֹת מַעֲשֵׂ֥ה מוֹרָֽד׃

‎30 ‏וְאַרְבָּעָה֩ אוֹפַנֵּ֨י נְחֹ֜שֶׁת לַמְּכוֹנָ֤ה הָֽאַחַת֙ וְסַרְנֵ֣י נְחֹ֔שֶׁת וְאַרְבָּעָ֥ה פַעֲמֹתָ֖יו כְּתֵפֹ֣ת לָהֶ֑ם מִתַּ֤חַת לַכִּיֹּר֙ הַכְּתֵפֹ֣ת יְצֻק֔וֹת מֵעֵ֥בֶר אִ֖ישׁ לֹיֽוֹת׃

‎31 ‏וּ֠פִיהוּ מִבֵּ֨ית לַכֹּתֶ֤רֶת וָמַ֙עְלָה֙ בָּֽאַמָּ֔ה וּפִ֙יהָ֙ עָגֹ֣ל מַעֲשֵׂה־כֵ֔ן אַמָּ֖ה וַחֲצִ֣י הָֽאַמָּ֑ה וְגַם־עַל־פִּ֙יהָ֙ מִקְלָע֔וֹת וּמִסְגְּרֹתֵיהֶ֥ם מְרֻבָּע֖וֹת לֹ֥א עֲגֻלּֽוֹת׃

‎32 ‏וְאַרְבַּ֣עַת הָאֽוֹפַנִּ֗ים לְמִתַּ֙חַת֙ לַֽמִּסְגְּר֔וֹת וִיד֥וֹת הָאֽוֹפַנִּ֖ים בַּמְּכוֹנָ֑ה וְקוֹמַת֙ הָאוֹפַ֣ן הָאֶחָ֔ד אַמָּ֖ה וַחֲצִ֥י הָאַמָּֽה׃

‎33 ‏וּמַֽעֲשֵׂה֙ הָא֣וֹפַנִּ֔ים כְּמַעֲשֵׂ֖ה אוֹפַ֣ן הַמֶּרְכָּבָ֑ה יְדוֹתָ֣ם וְגַבֵּיהֶ֗ם וְחִשֻּׁקֵיהֶ֛ם וְחִשֻּׁרֵיהֶ֖ם הַכֹּ֥ל מוּצָֽק׃

‎34 ‏וְאַרְבַּ֣ע כְּתֵפ֔וֹת אֶ֚ל אַרְבַּ֣ע פִּנּ֔וֹת הַמְּכֹנָ֖ה הָֽאֶחָ֑ת מִן־הַמְּכֹנָ֖ה כְּתֵפֶֽיהָ׃

‎35 ‏וּבְרֹ֣אשׁ הַמְּכוֹנָ֗ה חֲצִ֧י הָאַמָּ֛ה קוֹמָ֖ה עָגֹ֣ל׀ סָבִ֑יב וְעַ֨ל רֹ֤אשׁ הַמְּכֹנָה֙ יְדֹתֶ֔יהָ וּמִסְגְּרֹתֶ֖יהָ מִמֶּֽנָּה׃

‎36 ‏וַיְפַתַּ֤ח עַל־הַלֻּחֹת֙ יְדֹתֶ֔יהָ וְעַל֙ ומסגרתיה מִסְגְּרֹתֶ֔יהָ כְּרוּבִ֖ים אֲרָי֣וֹת וְתִמֹרֹ֑ת כְּמַֽעַר־אִ֥ישׁ וְלֹי֖וֹת סָבִֽיב׃

‎37 ‏כָּזֹ֣את עָשָׂ֔ה אֵ֖ת עֶ֣שֶׂר הַמְּכֹנ֑וֹת מוּצָ֨ק אֶחָ֜ד מִדָּ֥ה אַחַ֛ת קֶ֥צֶב אֶחָ֖ד לְכֻלָּֽהְנָה׃ ס

‎38 ‏וַיַּ֛עַשׂ עֲשָׂרָ֥ה כִיֹּר֖וֹת נְחֹ֑שֶׁת אַרְבָּעִ֨ים בַּ֜ת יָכִ֣יל׀ הַכִּיּ֣וֹר הָאֶחָ֗ד אַרְבַּ֤ע בָּֽאַמָּה֙ הַכִּיּ֣וֹר הָאֶחָ֔ד כִּיּ֤וֹר אֶחָד֙ עַל־הַמְּכוֹנָ֣ה הָאַחַ֔ת לְעֶ֖שֶׂר הַמְּכֹנֽוֹת׃

‎39 ‏וַיִּתֵּן֙ אֶת־הַמְּכֹנ֔וֹת חָמֵ֞שׁ עַל־כֶּ֤תֶף הַבַּ֙יִת֙ מִיָּמִ֔ין וְחָמֵ֛שׁ עַל־כֶּ֥תֶף הַבַּ֖יִת מִשְּׂמֹאל֑וֹ וְאֶת־הַיָּ֗ם נָתַ֞ן מִכֶּ֨תֶף הַבַּ֧יִת הַיְמָנִ֛ית קֵ֖דְמָה מִמּ֥וּל נֶֽגֶב׃ ס

‎40 ‏וַיַּ֣עַשׂ חִיר֔וֹם אֶת־הַ֨כִּיֹּר֔וֹת וְאֶת־הַיָּעִ֖ים וְאֶת־הַמִּזְרָק֑וֹת וַיְכַ֣ל חִירָ֗ם לַֽעֲשׂוֹת֙ אֶת־כָּל־הַמְּלָאכָ֔ה אֲשֶׁ֥ר עָשָׂ֛ה לַמֶּ֥לֶךְ שְׁלֹמֹ֖ה בֵּ֥ית יְהוָֽה׃

‎41 ‏עַמֻּדִ֣ים שְׁנַ֔יִם וְגֻלֹּ֧ת הַכֹּתָרֹ֛ת אֲשֶׁר־עַל־רֹ֥אשׁ הָֽעַמֻּדִ֖ים שְׁתָּ֑יִם וְהַשְּׂבָכ֣וֹת שְׁתַּ֔יִם לְכַסּ֗וֹת אֶת־שְׁתֵּי֙ גֻּלֹּ֣ת הַכֹּֽתָרֹ֔ת אֲשֶׁ֖ר עַל־רֹ֥אשׁ הָעַמּוּדִֽים׃

‎42 ‏וְאֶת־הָרִמֹּנִ֛ים אַרְבַּ֥ע מֵא֖וֹת לִשְׁתֵּ֣י הַשְּׂבָכ֑וֹת שְׁנֵֽי־טוּרִ֤ים רִמֹּנִים֙ לַשְּׂבָכָ֣ה הָֽאֶחָ֔ת לְכַסּ֗וֹת אֶת־שְׁתֵּי֙ גֻּלֹּ֣ת הַכֹּֽתָרֹ֔ת אֲשֶׁ֖ר עַל־פְּנֵ֥י הָעַמּוּדִֽים׃

‎43 ‏וְאֶת־הַמְּכֹנ֖וֹת עָ֑שֶׂר וְאֶת־הַכִּיֹּרֹ֥ת עֲשָׂרָ֖ה עַל־הַמְּכֹנֽוֹת׃

‎44 ‏וְאֶת־הַיָּ֖ם הָאֶחָ֑ד וְאֶת־הַבָּקָ֥ר שְׁנֵים־עָשָׂ֖ר תַּ֥חַת הַיָּֽם׃

‎45 ‏וְאֶת־הַסִּיר֨וֹת וְאֶת־הַיָּעִ֜ים וְאֶת־הַמִּזְרָק֗וֹת וְאֵת֙ כָּל־הַכֵּלִ֣ים האהל הָאֵ֔לֶּה^a אֲשֶׁ֨ר עָשָׂ֥ה חִירָ֛ם לַמֶּ֥לֶךְ שְׁלֹמֹ֖ה בֵּ֣ית יְהוָ֑ה נְחֹ֖שֶׁת מְמֹרָֽט׃

‎46 ‏בְּכִכַּ֤ר הַיַּרְדֵּן֙ יְצָקָ֣ם הַמֶּ֔לֶךְ בְּמַעֲבֵ֖ה הָאֲדָמָ֑ה בֵּ֥ין סֻכּ֖וֹת וּבֵ֥ין צָרְתָֽן׃

‎47 ‏וַיַּנַּ֤ח שְׁלֹמֹה֙ אֶת־כָּל־הַכֵּלִ֔ים מֵרֹ֖ב מְאֹ֣ד מְאֹ֑ד לֹ֥א נֶחְקַ֖ר מִשְׁקַ֥ל הַנְּחֹֽשֶׁת׃

‎48 ‏וַיַּ֣עַשׂ שְׁלֹמֹ֔ה אֵ֚ת כָּל־הַכֵּלִ֔ים אֲשֶׁ֖ר בֵּ֣ית יְהוָ֑ה אֵ֚ת מִזְבַּ֣ח הַזָּהָ֔ב וְאֶת־הַשֻּׁלְחָ֗ן אֲשֶׁ֥ר עָלָ֛יו לֶ֥חֶם הַפָּנִ֖ים זָהָֽב׃

‎49 ‏וְאֶת־הַ֠מְּנֹרוֹת חָמֵ֨שׁ מִיָּמִ֜ין וְחָמֵ֧שׁ מִשְּׂמֹ֛אול לִפְנֵ֥י הַדְּבִ֖יר זָהָ֣ב סָג֑וּר וְהַפֶּ֧רַח וְהַנֵּרֹ֛ת וְהַמֶּלְקַחַ֖יִם זָהָֽב׃

‎50 ‏וְ֠הַסִּפּוֹת וְהַֽמְזַמְּר֧וֹת וְהַמִּזְרָק֛וֹת וְהַכַּפּ֥וֹת וְהַמַּחְתּ֖וֹת זָהָ֣ב סָג֑וּר וְהַפֹּת֡וֹת לְדַלְתוֹת֩ הַבַּ֨יִת הַפְּנִימִ֜י לְקֹ֣דֶשׁ הַקֳּדָשִׁ֗ים לְדַלְתֵ֥י הַבַּ֛יִת לַהֵיכָ֖ל זָהָֽב׃ פ

‎51 ‏וַתִּשְׁלַם֙ כָּל־הַמְּלָאכָ֔ה אֲשֶׁ֥ר עָשָׂ֛ה הַמֶּ֥לֶךְ שְׁלֹמֹ֖ה בֵּ֣ית יְהוָ֑ה וַיָּבֵ֨א שְׁלֹמֹ֜ה אֶת־קָדְשֵׁ֣י׀ דָּוִ֣ד אָבִ֗יו אֶת־הַכֶּ֤סֶף וְאֶת־הַזָּהָב֙ וְאֶת־הַכֵּלִ֔ים נָתַ֕ן בְּאֹצְר֖וֹת בֵּ֥ית יְהוָֽה׃ פ

1 wə’eṯ-bêṯwō bānâ šəlōmōh šəlōš ‘eśərēh šānâ wayəḵal ’eṯ-kāl-bêṯwō:

2 wayyiḇen ’eṯ-bêṯ| y^a‘ar halləḇānwōn mē’â ’ammâ ’ārəkwō w^aḥămiššîm ’ammâ rāḥəbwō ûšəlōšîm ’ammâ qwōmāṯwō ‘al ’arəbā‘â ṭûrê ‘ammûḏê ’ărāzîm ûḵəruṯwōṯ ’ărāzîm ‘al-hā‘ammûḏîm:

3 wəsāfun bā’erez mimm^a‘al ‘al-haṣṣəlā‘ōṯ ’ăšer ‘al-hā‘ammûḏîm ’arəbā‘îm w^aḥămiššâ ḥămiššâ ‘āśār haṭṭûr:

4 ûšəqufîm šəlōšâ ṭûrîm ûmeḥĕzâ ’el-meḥĕzâ šālōš pə‘āmîm:

5 wəḵāl-hapəṯāḥîm wəhamməzûzwōṯ rəḇu‘îm šāqef ûmûl meḥĕzâ ’el-meḥĕzâ šālōš pə‘āmîm:

6 wə’ēṯ ’ûlām hā‘ammûḏîm ‘āśâ ḥămiššîm ’ammâ ’ārəkwō ûšəlōšîm ’ammâ rāḥəbwō wə’ûlām ‘al-pənêhem wə‘ammuḏîm wə‘āḇ ‘al-pənêhem:

7 wə’ûlām hakissē’ ’ăšer yišəpāṭ-šām ’ulām hammišəpāṭ ‘āśâ wəsāfûn bā’erez mēhaqqarəq^a‘ ‘aḏ-haqqarəqā‘:

8 ûḇêṯwō ’ăšer-yēšeḇ šām ḥāṣēr hā’^aḥereṯ mibêṯ lā’ûlām kamm^a‘ăśeh hazzeh hāyâ ûḇayiṯ y^a‘ăśeh ləḇaṯ-parə‘ōh ’ăšer lāq^aḥ šəlōmōh kā’ûlām hazzeh:

9 kāl-’ēlleh ’ăḇānîm yəqārōṯ kəmidōṯ gāzîṯ məḡōrārwōṯ bamməḡērâ mibayiṯ ûmiḥûṣ ûmimmassāḏ ‘aḏ-haṭṭəfāḥwōṯ ûmiḥûṣ ‘aḏ-heḥāṣēr hagəḏwōlâ:

10 ûməyussāḏ ’ăḇānîm yəqārwōṯ ’ăḇānîm gəḏōlwōṯ ’aḇənê ‘eśer ’ammwōṯ wə’aḇənê šəmōneh ’ammwōṯ:

11 ûmiləm^a‘əlâ ’ăḇānîm yəqārwōṯ kəmidwōṯ gāzîṯ wā’ārez:

12 wəḥāṣēr hagəḏwōlâ sāḇîḇ šəlōšâ ṭûrîm gāzîṯ wəṭûr kəruṯōṯ ’ărāzîm wəl^aḥăṣar bêṯ-yəhwâ hapənîmîṯ ûlə’ulām habāyiṯ: f

13 wayyišəl^aḥ hammeleḵə šəlōmōh wayyiqq^aḥ ’eṯ-ḥîrām miṣṣōr:

14 ben-’iššâ ’aləmānâ hû’ mimmaṭṭēh nafətālî wə’āḇîw ’îš-ṣōrî ḥōrēš nəḥōšeṯ wayyimmālē’ ’eṯ-h^aḥāḵəmâ wə’eṯ-hatəḇûnâ wə’eṯ-had^a‘aṯ l^a‘ăśwōṯ kāl-məlā’ḵâ bannəḥōšeṯ wayyāḇwō’ ’el-hammeleḵə šəlōmōh wayy^a‘aś ’eṯ-kāl-məla’ḵətwō:

15 wayyāṣar ’eṯ-šənê hā‘ammûḏîm nəḥōšeṯ šəmōneh ‘eśərēh ’ammâ qwōmaṯ hā‘ammûḏ hā’eḥāḏ wəḥûṭ šətêm-‘eśərēh ’ammâ yāsōḇ ’eṯ-hā‘ammûḏ haššēnî:

16 ûšətê ḵōṯārōṯ ‘āśâ lāṯēṯ ‘al-rā’šê hā‘ammûḏîm muṣaq nəḥōšeṯ ḥāmēš ’ammwōṯ qwōmaṯ hakōṯereṯ hā’eḥāṯ wəḥāmēš ’ammwōṯ qwōmaṯ hakōṯereṯ haššēnîṯ:

17 śəḇāḵîm m^a‘ăśēh śəḇāḵâ gəḏilîm m^a‘ăśēh šarəšərwōṯ lakōṯārōṯ ’ăšer ‘al-rō’š hā‘ammûḏîm šiḇə‘â lakōṯereṯ hā’eḥāṯ wəšiḇə‘â lakōṯereṯ haššēnîṯ:

18 wayy^a‘aś ’eṯ-hā‘ammûḏîm ûšənê ṭûrîm sāḇîḇ ‘al-haśśəḇāḵâ hā’eḥāṯ ləḵasswōṯ ’eṯ-hakōṯārōṯ ’ăšer ‘al-rō’š hārimmōnîm wəḵēn ‘āśâ lakōṯereṯ haššēnîṯ:

19 wəḵōṯārōṯ ’ăšer ‘al-rō’š hā‘ammûḏîm m^a‘ăśēh šûšan bā’ûlām ’arəb^a‘ ’ammwōṯ:

20 wəḵōṯārōṯ ‘al-šənê hā‘ammûḏîm gam-mimm^a‘al millə‘ummaṯ habeṭen ’ăšer lə‘ēḇer śəḇāḵâ haśśəḇāḵâ wəhārimmwōnîm mā’ṯayim ṭurîm sāḇîḇ ‘al hakōṯereṯ haššēnîṯ:

21 wayyāqem ’eṯ-hā‘ammuḏîm lə’ulām hahêḵāl wayyāqem ’eṯ-hā‘ammûḏ hayəmānî wayyiqərā’ ’eṯ-šəmwō yāḵîn wayyāqem ’eṯ-hā‘ammûḏ haśśəmā’lî wayyiqərā’ ’eṯ-šəmwō bō‘az:

22 wə‘al rō’š hā‘ammûḏîm m^a‘ăśēh šwōšān watitōm məle’ḵeṯ hā‘ammûḏîm:

23 wayy^a‘aś ’eṯ-hayyām mûṣāq ‘eśer bā’ammâ miśśəfāṯwō ‘aḏ-śəfāṯwō ‘āḡōl| sāḇîḇ wəḥāmēš bā’ammâ qwōmāṯwō ûqəwēh wəqāw šəlōšîm bā’ammâ yāsōḇ ’ōṯwō sāḇîḇ:

24 ûfəqā‘îm mit^aḥaṯ liśəfāṯwō| sāḇîḇ sōḇəḇîm ’ōṯwō ‘eśer bā’ammâ maqqifîm ’eṯ-hayyām sāḇîḇ šənê ṭûrîm hapəqā‘îm yəṣuqîm bîṣuqāṯwō:

25 ‘ōmēḏ ‘al-šənê ‘āśār bāqār šəlōšâ fōnîm| ṣāfwōnâ ûšəlōšâ fōnîm| yāmmâ ûšəlōšâ| pōnîm neḡəbâ ûšəlōšâ pōnîm mizərāḥâ wəhayyām ‘ălêhem miləmā‘əlâ wəḵāl-’ăḥōrêhem bāyəṯâ:

26 wə‘āḇəywō ṭef^aḥ ûśəfāṯwō kəm^a‘ăśēh śəfaṯ-kwōs per^aḥ šwōšān ’aləpayim baṯ yāḵîl: f

27 wayy^a‘aś ’eṯ-hamməḵōnwōṯ ‘eśer nəḥōšeṯ ’arəb^a‘ bā’ammâ ’ōreḵə hamməḵwōnâ hā’eḥāṯ wə’arəb^a‘ bā’ammâ rāḥəbāh wəšālōš bā’ammâ qwōmāṯāh:

28 wəzeh m^a‘ăśēh hamməḵwōnâ misəgərōṯ lâem ûmisəgərōṯ bên hašəlabîm:

29 wə‘al-hammisəgərwōṯ ’ăšer| bên hašəlabîm ’ărāywōṯ| bāqār ûḵərûḇîm wə‘al-hašəlabîm kēn mimmā‘al ûmit^aḥaṯ la’ărāywōṯ wəlabāqār lōywōṯ m^a‘ăśēh mwōrāḏ:

30 wə’arəbā‘â ’wōfannê nəḥōšeṯ lamməḵwōnâ hā’^aḥaṯ wəsarənê nəḥōšeṯ wə’arəbā‘â f^a‘ămōṯāyw kəṯēfōṯ lâem mit^aḥaṯ lakîyōr hakəṯēfōṯ yəṣuqwōṯ mē‘ēḇer ’îš lōywōṯ:

31 ûfîhû mibêṯ lakōṯereṯ wām^a‘əlâ bā’ammâ ûfîhā ‘āḡōl m^a‘ăśēh-ḵēn ’ammâ w^aḥăṣî hā’ammâ wəḡam-‘al-pîhā miqəlā‘wōṯ ûmisəgərōṯêhem mərubā‘wōṯ lō’ ‘ăḡullwōṯ:

32 wə’arəb^a‘aṯ hā’wōfannîm ləmit^aḥaṯ lammisəgərwōṯ wîḏwōṯ hā’wōfannîm bamməḵwōnâ wəqwōmaṯ hā’wōfan hā’eḥāḏ ’ammâ w^aḥăṣî hā’ammâ:

33 ûm^a‘ăśēh hā’wōfannîm kəm^a‘ăśēh ’wōfan hammerəkāḇâ yəḏwōṯām wəḡabêhem wəḥiššuqêhem wəḥiššurêhem hakōl mûṣāq:

34 wə’arəb^a‘ kəṯēfwōṯ ’el ’arəb^a‘ pinnwōṯ hamməḵōnâ hā’eḥāṯ min-hamməḵōnâ kəṯēfeyhā:

35 ûḇərō’š hamməḵwōnâ ḥăṣî hā’ammâ qwōmâ ‘āḡōl| sāḇîḇ wə‘al rō’š hamməḵōnâ yəḏōṯeyhā ûmisəgərōṯeyhā mimmennâ:

36 wayəfat^aḥ ‘al-halluḥōṯ yəḏōṯeyhā wə‘al ûmisəgərōṯeyhā misəgərōṯeyhā kərûḇîm ’ărāywōṯ wəṯimōrōṯ kəm^a‘ar-’îš wəlōywōṯ sāḇîḇ:

37 kāzō’ṯ ‘āśâ ’ēṯ ‘eśer hamməḵōnwōṯ mûṣāq ’eḥāḏ midâ ’^aḥaṯ qeṣeḇ ’eḥāḏ ləḵullâənâ: s

38 wayy^a‘aś ‘ăśārâ ḵîyōrwōṯ nəḥōšeṯ ’arəbā‘îm baṯ yāḵîl| hakîywōr hā’eḥāḏ ’arəb^a‘ bā’ammâ hakîywōr hā’eḥāḏ kîywōr ’eḥāḏ ‘al-hamməḵwōnâ hā’^aḥaṯ lə‘eśer hamməḵōnwōṯ:

39 wayyitēn ’eṯ-hamməḵōnwōṯ ḥāmēš ‘al-keṯef habayiṯ mîyāmîn wəḥāmēš ‘al-keṯef habayiṯ miśśəmō’lwō wə’eṯ-hayyām nāṯan mikeṯef habayiṯ hayəmānîṯ qēḏəmâ mimmûl neḡeḇ: s

40 wayy^a‘aś ḥîrwōm ’eṯ-hakîyōrwōṯ wə’eṯ-hayyā‘îm wə’eṯ-hammizərāqwōṯ wayəḵal ḥîrām l^a‘ăśwōṯ ’eṯ-kāl-hamməlā’ḵâ ’ăšer ‘āśâ lammeleḵə šəlōmōh bêṯ yəhwâ:

41 ‘ammuḏîm šənayim wəḡullōṯ hakōṯārōṯ ’ăšer-‘al-rō’š hā‘ammuḏîm šətāyim wəhaśśəḇāḵwōṯ šətayim ləḵasswōṯ ’eṯ-šətê gullōṯ hakōṯārōṯ ’ăšer ‘al-rō’š hā‘ammûḏîm:

42 wə’eṯ-hārimmōnîm ’arəb^a‘ mē’wōṯ lišətê haśśəḇāḵwōṯ šənê-ṭûrîm rimmōnîm laśśəḇāḵâ hā’eḥāṯ ləḵasswōṯ ’eṯ-šətê gullōṯ hakōṯārōṯ ’ăšer ‘al-pənê hā‘ammûḏîm:

43 wə’eṯ-hamməḵōnwōṯ ‘āśer wə’eṯ-hakîyōrōṯ ‘ăśārâ ‘al-hamməḵōnwōṯ:

44 wə’eṯ-hayyām hā’eḥāḏ wə’eṯ-habāqār šənêm-‘āśār t^aḥaṯ hayyām:

45 wə’eṯ-hassîrwōṯ wə’eṯ-hayyā‘îm wə’eṯ-hammizərāqwōṯ wə’ēṯ kāl-hakēlîm hā’ōhel hā’ēlleh^a ’ăšer ‘āśâ ḥîrām lammeleḵə šəlōmōh bêṯ yəhwâ nəḥōšeṯ məmōrāṭ:

46 bəḵikar hayyarədēn yəṣāqām hammeleḵə bəm^a‘ăḇēh hā’ăḏāmâ bên sukwōṯ ûḇên ṣārəṯān:

47 wayyann^aḥ šəlōmōh ’eṯ-kāl-hakēlîm mērōḇ mə’ōḏ mə’ōḏ lō’ neḥəqar mišəqal hannəḥōšeṯ:

48 wayy^a‘aś šəlōmōh ’ēṯ kāl-hakēlîm ’ăšer bêṯ yəhwâ ’ēṯ mizəb^aḥ hazzâāḇ wə’eṯ-haššuləḥān ’ăšer ‘ālāyw leḥem hapānîm zâāḇ:

49 wə’eṯ-hammənōrwōṯ ḥāmēš mîyāmîn wəḥāmēš miśśəmō’wl lifənê hadəḇîr zâāḇ sāḡûr wəhaper^aḥ wəhannērōṯ wəhammeləq^aḥayim zâāḇ:

50 wəhassipwōṯ wəhaməzammərwōṯ wəhammizərāqwōṯ wəhakapwōṯ wəhamm^aḥətwōṯ zâāḇ sāḡûr wəhapōṯwōṯ ləḏaləṯwōṯ habayiṯ hapənîmî ləqōḏeš haqqŏḏāšîm ləḏaləṯê habayiṯ lahêḵāl zâāḇ: f

51 watišəlam kāl-hamməlā’ḵâ ’ăšer ‘āśâ hammeleḵə šəlōmōh bêṯ yəhwâ wayyāḇē’ šəlōmōh ’eṯ-qāḏəšê| dāwiḏ ’āḇîw ’eṯ-hakesef wə’eṯ-hazzâāḇ wə’eṯ-hakēlîm nāṯan bə’ōṣərwōṯ bêṯ yəhwâ: f

Tanach (Hebrew): 1 Kings (1 Melakhim) Chapter 8

‎1 ‏אָ֣ז יַקְהֵ֣ל שְׁלֹמֹ֣ה אֶת־זִקְנֵ֣י יִשְׂרָאֵ֡ל אֶת־כָּל־רָאשֵׁ֣י הַמַּטּוֹת֩ נְשִׂיאֵ֨י הָאָב֜וֹת לִבְנֵ֧י יִשְׂרָאֵ֛ל אֶל־הַמֶּ֥לֶךְ שְׁלֹמֹ֖ה יְרוּשָׁלִָ֑ם לְֽהַעֲל֞וֹת אֶת־אֲר֧וֹן בְּרִית־יְהוָ֛ה מֵעִ֥יר דָּוִ֖ד הִ֥יא צִיּֽוֹן׃

‎2 ‏וַיִּקָּ֨הֲל֜וּ אֶל־הַמֶּ֤לֶךְ שְׁלֹמֹה֙ כָּל־אִ֣ישׁ יִשְׂרָאֵ֔ל בְּיֶ֥רַח הָאֵֽתָנִ֖ים בֶּחָ֑ג ה֖וּא הַחֹ֥דֶשׁ הַשְּׁבִיעִֽי׃

‎3 ‏וַיָּבֹ֕אוּ כֹּ֖ל זִקְנֵ֣י יִשְׂרָאֵ֑ל וַיִּשְׂא֥וּ הַכֹּהֲנִ֖ים אֶת־הָאָרֽוֹן׃

‎4 ‏וַֽיַּעֲל֞וּ אֶת־אֲר֤וֹן יְהוָה֙ וְאֶת־אֹ֣הֶל מוֹעֵ֔ד וְאֶֽת־כָּל־כְּלֵ֥י הַקֹּ֖דֶשׁ אֲשֶׁ֣ר בָּאֹ֑הֶל וַיַּעֲל֣וּ אֹתָ֔ם הַכֹּהֲנִ֖ים וְהַלְוִיִּֽם׃

‎5 ‏וְהַמֶּ֣לֶךְ שְׁלֹמֹ֗ה וְכָל־עֲדַ֤ת יִשְׂרָאֵל֙ הַנּוֹעָדִ֣ים עָלָ֔יו אִתּ֖וֹ לִפְנֵ֣י הָֽאָר֑וֹן מְזַבְּחִים֙ צֹ֣אן וּבָקָ֔ר אֲשֶׁ֧ר לֹֽא־יִסָּפְר֛וּ וְלֹ֥א יִמָּנ֖וּ מֵרֹֽב׃

‎6 ‏וַיָּבִ֣אוּ הַ֠כֹּהֲנִים אֶת־אֲר֨וֹן בְּרִית־יְהוָ֧ה אֶל־מְקוֹמ֛וֹ אֶל־דְּבִ֥יר הַבַּ֖יִת אֶל־קֹ֣דֶשׁ הַקֳּדָשִׁ֑ים אֶל־תַּ֖חַת כַּנְפֵ֥י הַכְּרוּבִֽים׃

‎7 ‏כִּ֤י הַכְּרוּבִים֙ פֹּרְשִׂ֣ים כְּנָפַ֔יִם אֶל־מְק֖וֹם הָֽאָר֑וֹן וַיָּסֹ֧כּוּ הַכְּרֻבִ֛ים עַל־הָאָר֥וֹן וְעַל־בַּדָּ֖יו מִלְמָֽעְלָה׃

‎8 ‏וַֽיַּאֲרִכוּ֮ הַבַּדִּים֒ וַיֵּרָאוּ֩ רָאשֵׁ֨י הַבַּדִּ֤ים מִן־הַקֹּ֙דֶשׁ֙ עַל־פְּנֵ֣י הַדְּבִ֔יר וְלֹ֥א יֵרָא֖וּ הַח֑וּצָה וַיִּ֣הְיוּ שָׁ֔ם עַ֖ד הַיּ֥וֹם הַזֶּֽה׃

‎9 ‏אֵ֚ין בָּֽאָר֔וֹן רַ֗ק שְׁנֵי֙ לֻח֣וֹת הָאֲבָנִ֔ים אֲשֶׁ֨ר הִנִּ֥חַ שָׁ֛ם מֹשֶׁ֖ה בְּחֹרֵ֑ב אֲשֶׁ֨ר כָּרַ֤ת יְהוָה֙ עִם־בְּנֵ֣י יִשְׂרָאֵ֔ל בְּצֵאתָ֖ם מֵאֶ֥רֶץ מִצְרָֽיִם׃

‎10 ‏וַיְהִ֕י בְּצֵ֥את הַכֹּהֲנִ֖ים מִן־הַקֹּ֑דֶשׁ וְהֶעָנָ֥ן מָלֵ֖א אֶת־בֵּ֥ית יְהוָֽה׃

‎11 ‏וְלֹֽא־יָכְל֧וּ הַכֹּהֲנִ֛ים לַעֲמֹ֥ד לְשָׁרֵ֖ת מִפְּנֵ֥י הֶֽעָנָ֑ן כִּי־מָלֵ֥א כְבוֹד־יְהוָ֖ה אֶת־בֵּ֥ית יְהוָֽה׃ פ

‎12 ‏אָ֖ז אָמַ֣ר שְׁלֹמֹ֑ה יְהוָ֣ה אָמַ֔ר לִשְׁכֹּ֖ן בָּעֲרָפֶֽל׃

‎13 ‏בָּנֹ֥ה בָנִ֛יתִי בֵּ֥ית זְבֻ֖ל לָ֑ךְ מָכ֥וֹן לְשִׁבְתְּךָ֖ עוֹלָמִֽים׃

‎14 ‏וַיַּסֵּ֤ב הַמֶּ֙לֶךְ֙ אֶת־פָּנָ֔יו וַיְבָ֕רֶךְ אֵ֖ת כָּל־קְהַ֣ל יִשְׂרָאֵ֑ל וְכָל־קְהַ֥ל יִשְׂרָאֵ֖ל עֹמֵֽד׃

‎15 ‏וַיֹּ֗אמֶר בָּר֤וּךְ יְהוָה֙ אֱלֹהֵ֣י יִשְׂרָאֵ֔ל אֲשֶׁר֙ דִּבֶּ֣ר בְּפִ֔יו אֵ֖ת דָּוִ֣ד אָבִ֑י וּבְיָד֥וֹ מִלֵּ֖א לֵאמֹֽר׃

‎16 ‏מִן־הַיּ֗וֹם אֲשֶׁ֨ר הוֹצֵ֜אתִי אֶת־עַמִּ֣י אֶת־יִשְׂרָאֵל֮ מִמִּצְרַיִם֒ לֹֽא־בָחַ֣רְתִּי בְעִ֗יר מִכֹּל֙ שִׁבְטֵ֣י יִשְׂרָאֵ֔ל לִבְנ֣וֹת בַּ֔יִת לִהְי֥וֹת שְׁמִ֖י שָׁ֑ם וָאֶבְחַ֣ר בְּדָוִ֔ד לִֽהְי֖וֹת עַל־עַמִּ֥י יִשְׂרָאֵֽל׃

‎17 ‏וַיְהִ֕י עִם־לְבַ֖ב דָּוִ֣ד אָבִ֑י לִבְנ֣וֹת בַּ֔יִת לְשֵׁ֥ם יְהוָ֖ה אֱלֹהֵ֥י יִשְׂרָאֵֽל׃

‎18 ‏וַיֹּ֤אמֶר יְהוָה֙ אֶל־דָּוִ֣ד אָבִ֔י יַ֗עַן אֲשֶׁ֤ר הָיָה֙ עִם־לְבָ֣בְךָ֔ לִבְנ֥וֹת בַּ֖יִת לִשְׁמִ֑י הֱטִיבֹ֔תָ כִּ֥י הָיָ֖ה עִם־לְבָבֶֽךָ׃

‎19 ‏רַ֣ק אַתָּ֔ה לֹ֥א תִבְנֶ֖ה הַבָּ֑יִת כִּ֤י אִם־בִּנְךָ֙ הַיֹּצֵ֣א מֵחֲלָצֶ֔יךָ הֽוּא־יִבְנֶ֥ה הַבַּ֖יִת לִשְׁמִֽי׃

‎20 ‏וַיָּ֣קֶם יְהוָ֔ה אֶת־דְּבָר֖וֹ אֲשֶׁ֣ר דִּבֵּ֑ר וָאָקֻ֡ם תַּחַת֩ דָּוִ֨ד אָבִ֜י וָאֵשֵׁ֣ב עַל־כִּסֵּ֣א יִשְׂרָאֵ֗ל כַּֽאֲשֶׁר֙ דִּבֶּ֣ר יְהוָ֔ה וָאֶבְנֶ֣ה הַבַּ֔יִת לְשֵׁ֥ם יְהוָ֖ה אֱלֹהֵ֥י יִשְׂרָאֵֽל׃

‎21 ‏וָאָשִׂ֨ם שָׁ֤ם מָקוֹם֙ לָֽאָר֔וֹן אֲשֶׁר־שָׁ֖ם בְּרִ֣ית יְהוָ֑ה אֲשֶׁ֤ר כָּרַת֙ עִם־אֲבֹתֵ֔ינוּ בְּהוֹצִיא֥וֹ אֹתָ֖ם מֵאֶ֥רֶץ מִצְרָֽיִם׃ ס

‎22 ‏וַיַּעֲמֹ֣ד שְׁלֹמֹ֗ה לִפְנֵי֙ מִזְבַּ֣ח יְהוָ֔ה נֶ֖גֶד כָּל־קְהַ֣ל יִשְׂרָאֵ֑ל וַיִּפְרֹ֥שׂ כַּפָּ֖יו הַשָּׁמָֽיִם׃

‎23 ‏וַיֹּאמַ֗ר יְהוָ֞ה אֱלֹהֵ֤י יִשְׂרָאֵל֙ אֵין־כָּמ֣וֹךָ אֱלֹהִ֔ים בַּשָּׁמַ֣יִם מִמַּ֔עַל וְעַל־הָאָ֖רֶץ מִתָּ֑חַת שֹׁמֵ֤ר הַבְּרִית֙ וְֽהַחֶ֔סֶד לַעֲבָדֶ֕יךָ הַהֹלְכִ֥ים לְפָנֶ֖יךָ בְּכָל־לִבָּֽם׃

‎24 ‏אֲשֶׁ֣ר שָׁמַ֗רְתָּ לְעַבְדְּךָ֙ דָּוִ֣ד אָבִ֔י אֵ֥ת אֲשֶׁר־דִּבַּ֖רְתָּ ל֑וֹ וַתְּדַבֵּ֥ר בְּפִ֛יךָ וּבְיָדְךָ֥ מִלֵּ֖אתָ כַּיּ֥וֹם הַזֶּֽה׃

‎25 ‏וְעַתָּ֞ה יְהוָ֣ה׀ אֱלֹהֵ֣י יִשְׂרָאֵ֗ל שְׁ֠מֹר לְעַבְדְּךָ֙ דָוִ֤ד אָבִי֙ אֵת֩ אֲשֶׁ֨ר דִּבַּ֤רְתָּ לּוֹ֙ לֵאמֹ֔ר לֹא־יִכָּרֵ֨ת לְךָ֥ אִישׁ֙ מִלְּפָנַ֔י יֹשֵׁ֖ב עַל־כִּסֵּ֣א יִשְׂרָאֵ֑ל רַ֠ק אִם־יִשְׁמְר֨וּ בָנֶ֤יךָ אֶת־דַּרְכָּם֙ לָלֶ֣כֶת לְפָנַ֔י כַּאֲשֶׁ֥ר הָלַ֖כְתָּ לְפָנָֽי׃

‎26 ‏וְעַתָּ֖ה אֱלֹהֵ֣י יִשְׂרָאֵ֑ל יֵאָ֤מֶן נָא֙ דבריך דְּבָ֣רְךָ֔ אֲשֶׁ֣ר דִּבַּ֔רְתָּ לְעַבְדְּךָ֖ דָּוִ֥ד אָבִֽי׃

‎27 ‏כִּ֚י הַֽאֻמְנָ֔ם יֵשֵׁ֥ב אֱלֹהִ֖ים עַל־הָאָ֑רֶץ הִ֠נֵּה הַשָּׁמַ֜יִם וּשְׁמֵ֤י הַשָּׁמַ֙יִם֙ לֹ֣א יְכַלְכְּל֔וּךָ אַ֕ף כִּֽי־הַבַּ֥יִת הַזֶּ֖ה אֲשֶׁ֥ר בָּנִֽיתִי׃

‎28 ‏וּפָנִ֜יתָ אֶל־תְּפִלַּ֧ת עַבְדְּךָ֛ וְאֶל־תְּחִנָּת֖וֹ יְהוָ֣ה אֱלֹהָ֑י לִשְׁמֹ֤עַ אֶל־הָֽרִנָּה֙ וְאֶל־הַתְּפִלָּ֔ה אֲשֶׁ֧ר עַבְדְּךָ֛ מִתְפַּלֵּ֥ל לְפָנֶ֖יךָ הַיּֽוֹם׃

‎29 ‏לִהְיוֹת֩ עֵינֶ֨ךָ פְתֻח֜וֹת אֶל־הַבַּ֤יִת הַזֶּה֙ לַ֣יְלָה וָי֔וֹם אֶל־הַ֨מָּק֔וֹם אֲשֶׁ֣ר אָמַ֔רְתָּ יִהְיֶ֥ה שְׁמִ֖י שָׁ֑ם לִשְׁמֹ֙עַ֙ אֶל־הַתְּפִלָּ֔ה אֲשֶׁ֣ר יִתְפַּלֵּ֣ל עַבְדְּךָ֔ אֶל־הַמָּק֖וֹם הַזֶּֽה׃

‎30 ‏וְשָׁ֨מַעְתָּ֜ אֶל־תְּחִנַּ֤ת עַבְדְּךָ֙ וְעַמְּךָ֣ יִשְׂרָאֵ֔ל אֲשֶׁ֥ר יִֽתְפַּֽלְל֖וּ אֶל־הַמָּק֣וֹם הַזֶּ֑ה וְ֠אַתָּה תִּשְׁמַ֞ע אֶל־מְק֤וֹם שִׁבְתְּךָ֙ אֶל־הַשָּׁמַ֔יִם וְשָׁמַעְתָּ֖ וְסָלָֽחְתָּ׃

‎31 ‏אֵת֩ אֲשֶׁ֨ר יֶחֱטָ֥א אִישׁ֙ לְרֵעֵ֔הוּ וְנָֽשָׁא־ב֥וֹ אָלָ֖ה לְהַֽאֲלֹת֑וֹ וּבָ֗א אָלָ֛ה לִפְנֵ֥י מִֽזְבַּחֲךָ֖ בַּבַּ֥יִת הַזֶּֽה׃

‎32 ‏וְאַתָּ֣ה׀ תִּשְׁמַ֣ע הַשָּׁמַ֗יִם וְעָשִׂ֙יתָ֙ וְשָׁפַטְתָּ֣ אֶת־עֲבָדֶ֔יךָ לְהַרְשִׁ֣יעַ רָשָׁ֔ע לָתֵ֥ת דַּרְכּ֖וֹ בְּרֹאשׁ֑וֹ וּלְהַצְדִּ֣יק צַדִּ֔יק לָ֥תֶת ל֖וֹ כְּצִדְקָתֽוֹ׃ ס

‎33 ‏בְּֽהִנָּגֵ֞ף עַמְּךָ֧ יִשְׂרָאֵ֛ל לִפְנֵ֥י אוֹיֵ֖ב אֲשֶׁ֣ר יֶחֶטְאוּ־לָ֑ךְ וְשָׁ֤בוּ אֵלֶ֙יךָ֙ וְהוֹד֣וּ אֶת־שְׁמֶ֔ךָ וְהִֽתְפַּֽלְל֧וּ וְהִֽתְחַנְּנ֛וּ אֵלֶ֖יךָ בַּבַּ֥יִת הַזֶּֽה׃

‎34 ‏וְאַתָּה֙ תִּשְׁמַ֣ע הַשָּׁמַ֔יִם וְסָ֣לַחְתָּ֔ לְחַטַּ֖את עַמְּךָ֣ יִשְׂרָאֵ֑ל וַהֲשֵֽׁבֹתָם֙ אֶל־הָ֣אֲדָמָ֔ה אֲשֶׁ֥ר נָתַ֖תָּ לַאֲבוֹתָֽם׃ ס

‎35 ‏בְּהֵעָצֵ֥ר שָׁמַ֛יִם וְלֹא־יִהְיֶ֥ה מָטָ֖ר כִּ֣י יֶחֶטְאוּ־לָ֑ךְ וְהִֽתְפַּֽלְל֞וּ אֶל־הַמָּק֤וֹם הַזֶּה֙ וְהוֹד֣וּ אֶת־שְׁמֶ֔ךָ וּמֵחַטָּאתָ֥ם יְשׁוּב֖וּן כִּ֥י תַעֲנֵֽם׃

‎36 ‏וְאַתָּ֣ה׀ תִּשְׁמַ֣ע הַשָּׁמַ֗יִם וְסָ֨לַחְתָּ֜ לְחַטַּ֤את עֲבָדֶ֙יךָ֙ וְעַמְּךָ֣ יִשְׂרָאֵ֔ל כִּ֥י תוֹרֵ֛ם אֶת־הַדֶּ֥רֶךְ הַטּוֹבָ֖ה אֲשֶׁ֣ר יֵֽלְכוּ־בָ֑הּ וְנָתַתָּ֤ה מָטָר֙ עַל־אַרְצְךָ֔ אֲשֶׁר־נָתַ֥תָּה לְעַמְּךָ֖ לְנַחֲלָֽה׃ ס

‎37 ‏רָעָ֞ב כִּֽי־יִהְיֶ֣ה בָאָ֗רֶץ דֶּ֣בֶר כִּֽי־יִ֠הְיֶה שִׁדָּפ֨וֹן יֵרָק֜וֹן אַרְבֶּ֤ה חָסִיל֙ כִּ֣י יִהְיֶ֔ה כִּ֧י יָֽצַר־ל֛וֹ אֹיְב֖וֹ בְּאֶ֣רֶץ שְׁעָרָ֑יו כָּל־נֶ֖גַע כָּֽל־מַחֲלָֽה׃

‎38 ‏כָּל־תְּפִלָּ֣ה כָל־תְּחִנָּ֗ה אֲשֶׁ֤ר תִֽהְיֶה֙ לְכָל־הָ֣אָדָ֔ם לְכֹ֖ל עַמְּךָ֣ יִשְׂרָאֵ֑ל אֲשֶׁ֣ר יֵדְע֗וּן אִ֚ישׁ נֶ֣גַע לְבָב֔וֹ וּפָרַ֥שׂ כַּפָּ֖יו אֶל־הַבַּ֥יִת הַזֶּֽה׃

‎39 ‏וְ֠אַתָּה תִּשְׁמַ֨ע הַשָּׁמַ֜יִם מְכ֤וֹן שִׁבְתֶּ֙ךָ֙ וְסָלַחְתָּ֣ וְעָשִׂ֔יתָ וְנָתַתָּ֤ לָאִישׁ֙ כְּכָל־דְּרָכָ֔יו אֲשֶׁ֥ר תֵּדַ֖ע אֶת־לְבָב֑וֹ כִּֽי־אַתָּ֤ה יָדַ֙עְתָּ֙ לְבַדְּךָ֔ אֶת־לְבַ֖ב כָּל־בְּנֵ֥י הָאָדָֽם׃

‎40 ‏לְמַ֙עַן֙ יִֽרָא֔וּךָ כָּל־הַ֨יָּמִ֔ים אֲשֶׁר־הֵ֥ם חַיִּ֖ים עַל־פְּנֵ֣י הָאֲדָמָ֑ה אֲשֶׁ֥ר נָתַ֖תָּה לַאֲבֹתֵֽינוּ׃

‎41 ‏וְגַם֙ אֶל־הַנָּכְרִ֔י אֲשֶׁ֛ר לֹא־מֵעַמְּךָ֥ יִשְׂרָאֵ֖ל ה֑וּא וּבָ֛א מֵאֶ֥רֶץ רְחוֹקָ֖ה לְמַ֥עַן שְׁמֶֽךָ׃

‎42 ‏כִּ֤י יִשְׁמְעוּן֙ אֶת־שִׁמְךָ֣ הַגָּד֔וֹל וְאֶת־יָֽדְךָ֙ הַֽחֲזָקָ֔ה וּֽזְרֹעֲךָ֖ הַנְּטוּיָ֑ה וּבָ֥א וְהִתְפַּלֵּ֖ל אֶל־הַבַּ֥יִת הַזֶּֽה׃

‎43 ‏אַתָּ֞ה תִּשְׁמַ֤ע הַשָּׁמַ֙יִם֙ מְכ֣וֹן שִׁבְתֶּ֔ךָ וְעָשִׂ֕יתָ כְּכֹ֛ל אֲשֶׁר־יִקְרָ֥א אֵלֶ֖יךָ הַנָּכְרִ֑י לְמַ֣עַן יֵדְעוּן֩ כָּל־עַמֵּ֨י הָאָ֜רֶץ אֶת־שְׁמֶ֗ךָ לְיִרְאָ֤ה אֹֽתְךָ֙ כְּעַמְּךָ֣ יִשְׂרָאֵ֔ל וְלָדַ֕עַת כִּי־שִׁמְךָ֣ נִקְרָ֔א עַל־הַבַּ֥יִת הַזֶּ֖ה אֲשֶׁ֥ר בָּנִֽיתִי׃

‎44 ‏כִּי־יֵצֵ֨א עַמְּךָ֤ לַמִּלְחָמָה֙ עַל־אֹ֣יְב֔וֹ בַּדֶּ֖רֶךְ אֲשֶׁ֣ר תִּשְׁלָחֵ֑ם וְהִתְפַּֽלְל֣וּ אֶל־יְהוָ֗ה דֶּ֤רֶךְ הָעִיר֙ אֲשֶׁ֣ר בָּחַ֣רְתָּ בָּ֔הּ וְהַבַּ֖יִת אֲשֶׁר־בָּנִ֥תִי לִשְׁמֶֽךָ׃

‎45 ‏וְשָׁמַעְתָּ֙ הַשָּׁמַ֔יִם אֶת־תְּפִלָּתָ֖ם וְאֶת־תְּחִנָּתָ֑ם וְעָשִׂ֖יתָ מִשְׁפָּטָֽם׃

‎46 ‏כִּ֣י יֶֽחֶטְאוּ־לָ֗ךְ כִּ֣י אֵ֤ין אָדָם֙ אֲשֶׁ֣ר לֹא־יֶחֱטָ֔א וְאָנַפְתָּ֣ בָ֔ם וּנְתַתָּ֖ם לִפְנֵ֣י אוֹיֵ֑ב וְשָׁב֤וּם שֹֽׁבֵיהֶם֙ אֶל־אֶ֣רֶץ הָאוֹיֵ֔ב רְחוֹקָ֖ה א֥וֹ קְרוֹבָֽה׃

‎47 ‏וְהֵשִׁ֙יבוּ֙ אֶל־לִבָּ֔ם בָּאָ֖רֶץ אֲשֶׁ֣ר נִשְׁבּוּ־שָׁ֑ם וְשָׁ֣בוּ׀ וְהִֽתְחַנְּנ֣וּ אֵלֶ֗יךָ בְּאֶ֤רֶץ שֹֽׁבֵיהֶם֙ לֵאמֹ֔ר חָטָ֥אנוּ וְהֶעֱוִ֖ינוּ רָשָֽׁעְנוּ׃

‎48 ‏וְשָׁ֣בוּ אֵלֶ֗יךָ בְּכָל־לְבָבָם֙ וּבְכָל־נַפְשָׁ֔ם בְּאֶ֥רֶץ אֹיְבֵיהֶ֖ם אֲשֶׁר־שָׁב֣וּ אֹתָ֑ם וְהִֽתְפַּֽלְל֣וּ אֵלֶ֗יךָ דֶּ֤רֶךְ אַרְצָם֙ אֲשֶׁ֣ר נָתַ֣תָּה לַאֲבוֹתָ֔ם הָעִיר֙ אֲשֶׁ֣ר בָּחַ֔רְתָּ וְהַבַּ֖יִת אֲשֶׁר־בנית בָּנִ֥יתִי לִשְׁמֶֽךָ׃

‎49 ‏וְשָׁמַעְתָּ֤ הַשָּׁמַ֙יִם֙ מְכ֣וֹן שִׁבְתְּךָ֔ אֶת־תְּפִלָּתָ֖ם וְאֶת־תְּחִנָּתָ֑ם וְעָשִׂ֖יתָ מִשְׁפָּטָֽם׃

‎50 ‏וְסָלַחְתָּ֤ לְעַמְּךָ֙ אֲשֶׁ֣ר חָֽטְאוּ־לָ֔ךְ וּלְכָל־פִּשְׁעֵיהֶ֖ם אֲשֶׁ֣ר פָּשְׁעוּ־בָ֑ךְ וּנְתַתָּ֧ם לְרַחֲמִ֛ים לִפְנֵ֥י שֹׁבֵיהֶ֖ם וְרִֽחֲמֽוּם׃

‎51 ‏כִּֽי־עַמְּךָ֥ וְנַחֲלָתְךָ֖ הֵ֑ם אֲשֶׁ֤ר הוֹצֵ֙אתָ֙ מִמִּצְרַ֔יִם מִתּ֖וֹךְ כּ֥וּר הַבַּרְזֶֽל׃

‎52 ‏לִהְי֨וֹת עֵינֶ֤יךָ פְתֻחוֹת֙ אֶל־תְּחִנַּ֣ת עַבְדְּךָ֔ וְאֶל־תְּחִנַּ֖ת עַמְּךָ֣ יִשְׂרָאֵ֑ל לִשְׁמֹ֣עַ אֲלֵיהֶ֔ם בְּכֹ֖ל קָרְאָ֥ם אֵלֶֽיךָ׃

‎53 ‏כִּֽי־אַתָּ֞ה הִבְדַּלְתָּ֤ם לְךָ֙ לְֽנַחֲלָ֔ה מִכֹּ֖ל עַמֵּ֣י הָאָ֑רֶץ כַּאֲשֶׁ֨ר דִּבַּ֜רְתָּ בְּיַ֣ד׀ מֹשֶׁ֣ה עַבְדֶּ֗ךָ בְּהוֹצִיאֲךָ֧ אֶת־אֲבֹתֵ֛ינוּ מִמִּצְרַ֖יִם אֲדֹנָ֥י יְהוִֽה׃ פ

‎54 ‏וַיְהִ֣י׀ כְּכַלּ֣וֹת שְׁלֹמֹ֗ה לְהִתְפַּלֵּל֙ אֶל־יְהוָ֔ה אֵ֛ת כָּל־הַתְּפִלָּ֥ה וְהַתְּחִנָּ֖ה הַזֹּ֑את קָ֞ם מִלִּפְנֵ֨י מִזְבַּ֤ח יְהוָה֙ מִכְּרֹ֣עַ עַל־בִּרְכָּ֔יו וְכַפָּ֖יו פְּרֻשׂ֥וֹת הַשָּׁמָֽיִם׃

‎55 ‏וַֽיַּעְמֹ֕ד וַיְבָ֕רֶךְ אֵ֖ת כָּל־קְהַ֣ל יִשְׂרָאֵ֑ל ק֥וֹל גָּד֖וֹל לֵאמֹֽר׃

‎56 ‏בָּר֣וּךְ יְהוָ֗ה אֲשֶׁ֨ר נָתַ֤ן מְנוּחָה֙ לְעַמּ֣וֹ יִשְׂרָאֵ֔ל כְּכֹ֖ל אֲשֶׁ֣ר דִּבֵּ֑ר לֹֽא־נָפַ֞ל דָּבָ֣ר אֶחָ֗ד מִכֹּל֙ דְּבָר֣וֹ הַטּ֔וֹב אֲשֶׁ֣ר דִּבֶּ֔ר בְּיַ֖ד מֹשֶׁ֥ה עַבְדּֽוֹ׃

‎57 ‏יְהִ֨י יְהוָ֤ה אֱלֹהֵ֙ינוּ֙ עִמָּ֔נוּ כַּאֲשֶׁ֥ר הָיָ֖ה עִם־אֲבֹתֵ֑ינוּ אַל־יַעַזְבֵ֖נוּ וְאַֽל־יִטְּשֵֽׁנוּ׃

‎58 ‏לְהַטּ֥וֹת לְבָבֵ֖נוּ אֵלָ֑יו לָלֶ֣כֶת בְּכָל־דְּרָכָ֗יו וְלִשְׁמֹ֨ר מִצְוֹתָ֤יו וְחֻקָּיו֙ וּמִשְׁפָּטָ֔יו אֲשֶׁ֥ר צִוָּ֖ה אֶת־אֲבֹתֵֽינוּ׃

‎59 ‏וְיִֽהְי֨וּ דְבָרַ֜י אֵ֗לֶּה אֲשֶׁ֤ר הִתְחַנַּ֙נְתִּי֙ לִפְנֵ֣י יְהוָ֔ה קְרֹבִ֛ים אֶל־יְהוָ֥ה אֱלֹהֵ֖ינוּ יוֹמָ֣ם וָלָ֑יְלָה לַעֲשׂ֣וֹת׀ מִשְׁפַּ֣ט עַבְדּ֗וֹ וּמִשְׁפַּ֛ט עַמּ֥וֹ יִשְׂרָאֵ֖ל דְּבַר־י֥וֹם בְּיוֹמֽוֹ׃

‎60 ‏לְמַ֗עַן דַּ֚עַת כָּל־עַמֵּ֣י הָאָ֔רֶץ כִּ֥י יְהוָ֖ה ה֣וּא הָאֱלֹהִ֑ים אֵ֖ין עֽוֹד׃

‎61 ‏וְהָיָ֤ה לְבַבְכֶם֙ שָׁלֵ֔ם עִ֖ם יְהוָ֣ה אֱלֹהֵ֑ינוּ לָלֶ֧כֶת בְּחֻקָּ֛יו וְלִשְׁמֹ֥ר מִצְוֹתָ֖יו כַּיּ֥וֹם הַזֶּֽה׃

‎62 ‏וְֽהַמֶּ֔לֶךְ וְכָל־יִשְׂרָאֵ֖ל עִמּ֑וֹ זֹבְחִ֥ים זֶ֖בַח לִפְנֵ֥י יְהוָֽה׃

‎63 ‏וַיִּזְבַּ֣ח שְׁלֹמֹ֗ה אֵ֣ת זֶ֣בַח הַשְּׁלָמִים֮ אֲשֶׁ֣ר זָבַ֣ח לַיהוָה֒ בָּקָ֗ר עֶשְׂרִ֤ים וּשְׁנַ֙יִם֙ אֶ֔לֶף וְצֹ֕אן מֵאָ֥ה וְעֶשְׂרִ֖ים אָ֑לֶף וַֽיַּחְנְכוּ֙ אֶת־בֵּ֣ית יְהוָ֔ה הַמֶּ֖לֶךְ וְכָל־בְּנֵ֥י יִשְׂרָאֵֽל׃

‎64 ‏בַּיּ֣וֹם הַה֗וּא קִדַּ֨שׁ הַמֶּ֜לֶךְ אֶת־תּ֣וֹךְ הֶחָצֵ֗ר אֲשֶׁר֙ לִפְנֵ֣י בֵית־יְהוָ֔ה כִּי־עָ֣שָׂה שָׁ֗ם אֶת־הָֽעֹלָה֙ וְאֶת־הַמִּנְחָ֔ה וְאֵ֖ת חֶלְבֵ֣י הַשְּׁלָמִ֑ים כִּֽי־מִזְבַּ֤ח הַנְּחֹ֙שֶׁת֙ אֲשֶׁ֣ר לִפְנֵ֣י יְהוָ֔ה קָטֹ֗ן מֵֽהָכִיל֙ אֶת־הָעֹלָ֣ה וְאֶת־הַמִּנְחָ֔ה וְאֵ֖ת חֶלְבֵ֥י הַשְּׁלָמִֽים׃

‎65 ‏וַיַּ֣עַשׂ שְׁלֹמֹ֣ה בָֽעֵת־הַהִ֣יא׀ אֶת־הֶחָ֡ג וְכָל־יִשְׂרָאֵ֣ל עִמּוֹ֩ קָהָ֨ל גָּד֜וֹל מִלְּב֥וֹא חֲמָ֣ת׀ עַד־נַ֣חַל מִצְרַ֗יִם לִפְנֵי֙ יְהוָ֣ה אֱלֹהֵ֔ינוּ שִׁבְעַ֥ת יָמִ֖ים וְשִׁבְעַ֣ת יָמִ֑ים אַרְבָּעָ֥ה עָשָׂ֖ר יֽוֹם׃

‎66 ‏בַּיּ֤וֹם הַשְּׁמִינִי֙ שִׁלַּ֣ח אֶת־הָעָ֔ם וַֽיְבָרֲכ֖וּ אֶת־הַמֶּ֑לֶךְ וַיֵּלְכ֣וּ לְאָהֳלֵיהֶ֗ם שְׂמֵחִים֙ וְט֣וֹבֵי לֵ֔ב עַ֣ל כָּל־הַטּוֹבָ֗ה אֲשֶׁ֨ר עָשָׂ֤ה יְהוָה֙ לְדָוִ֣ד עַבְדּ֔וֹ וּלְיִשְׂרָאֵ֖ל עַמּֽוֹ׃

1 ’āz yaqəhēl šəlōmōh ’eṯ-ziqənê yiśərā’ēl ’eṯ-kāl-rā’šê hammaṭṭwōṯ nəśî’ê hā’āḇwōṯ liḇənê yiśərā’ēl ’el-hammeleḵə šəlōmōh yərûšālāim ləh^a‘ălwōṯ ’eṯ-’ărwōn bərîṯ-yəhwâ mē‘îr dāwiḏ hî’ ṣîywōn:

2 wayyiqqâălû ’el-hammeleḵə šəlōmōh kāl-’îš yiśərā’ēl bəyer^aḥ hā’ēṯānîm beḥāḡ hû’ h^aḥōḏeš haššəḇî‘î:

3 wayyāḇō’û kōl ziqənê yiśərā’ēl wayyiśə’û hakōhănîm ’eṯ-hā’ārwōn:

4 wayy^a‘ălû ’eṯ-’ărwōn yəhwâ wə’eṯ-’ōhel mwō‘ēḏ wə’eṯ-kāl-kəlê haqqōḏeš ’ăšer bā’ōhel wayy^a‘ălû ’ōṯām hakōhănîm wəhaləwîyim:

5 wəhammeleḵə šəlōmōh wəḵāl-‘ăḏaṯ yiśərā’ēl hannwō‘āḏîm ‘ālāyw ’itwō lifənê hā’ārwōn məzabəḥîm ṣō’n ûḇāqār ’ăšer lō’-yissāfərû wəlō’ yimmānû mērōḇ:

6 wayyāḇi’û hakōhănîm ’eṯ-’ărwōn bərîṯ-yəhwâ ’el-məqwōmwō ’el-dəḇîr habayiṯ ’el-qōḏeš haqqŏḏāšîm ’el-t^aḥaṯ kanəfê hakərûḇîm:

7 kî hakərûḇîm pōrəśîm kənāfayim ’el-məqwōm hā’ārwōn wayyāsōkû hakəruḇîm ‘al-hā’ārwōn wə‘al-badāyw miləmā‘əlâ:

8 wayya’ăriḵû habadîm wayyērā’û rā’šê habadîm min-haqqōḏeš ‘al-pənê hadəḇîr wəlō’ yērā’û h^aḥûṣâ wayyihəyû šām ‘aḏ hayywōm hazzeh:

9 ’ên bā’ārwōn raq šənê luḥwōṯ hā’ăḇānîm ’ăšer hinniḥa šām mōšeh bəḥōrēḇ ’ăšer kāraṯ yəhwâ ‘im-bənê yiśərā’ēl bəṣē’ṯām mē’ereṣ miṣərāyim:

10 wayəhî bəṣē’ṯ hakōhănîm min-haqqōḏeš wəhe‘ānān mālē’ ’eṯ-bêṯ yəhwâ:

11 wəlō’-yāḵəlû hakōhănîm l^a‘ămōḏ ləšārēṯ mipənê he‘ānān kî-mālē’ ḵəḇwōḏ-yəhwâ ’eṯ-bêṯ yəhwâ: f

12 ’āz ’āmar šəlōmōh yəhwâ ’āmar lišəkōn bā‘ărāfel:

13 bānōh ḇānîṯî bêṯ zəḇul lāḵə māḵwōn ləšiḇətəḵā ‘wōlāmîm:

14 wayyassēḇ hammeleḵə ’eṯ-pānāyw wayəḇāreḵə ’ēṯ kāl-qəhal yiśərā’ēl wəḵāl-qəhal yiśərā’ēl ‘ōmēḏ:

15 wayyō’mer bārûḵə yəhwâ ’ĕlōhê yiśərā’ēl ’ăšer diber bəfîw ’ēṯ dāwiḏ ’āḇî ûḇəyāḏwō millē’ lē’mōr:

16 min-hayywōm ’ăšer hwōṣē’ṯî ’eṯ-‘ammî ’eṯ-yiśərā’ēl mimmiṣərayim lō’-ḇāḥarətî ḇə‘îr mikōl šiḇəṭê yiśərā’ēl liḇənwōṯ bayiṯ lihəywōṯ šəmî šām wā’eḇəḥar bəḏāwiḏ lihəywōṯ ‘al-‘ammî yiśərā’ēl:

17 wayəhî ‘im-ləḇaḇ dāwiḏ ’āḇî liḇənwōṯ bayiṯ ləšēm yəhwâ ’ĕlōhê yiśərā’ēl:

18 wayyō’mer yəhwâ ’el-dāwiḏ ’āḇî y^a‘an ’ăšer hāyâ ‘im-ləḇāḇəḵā liḇənwōṯ bayiṯ lišəmî hĕṭîḇōṯā kî hāyâ ‘im-ləḇāḇeḵā:

19 raq ’atâ lō’ ṯiḇəneh habāyiṯ kî ’im-binəḵā hayyōṣē’ mēḥălāṣeyḵā hû’-yiḇəneh habayiṯ lišəmî:

20 wayyāqem yəhwâ ’eṯ-dəḇārwō ’ăšer dibēr wā’āqum t^aḥaṯ dāwiḏ ’āḇî wā’ēšēḇ ‘al-kissē’ yiśərā’ēl ka’ăšer diber yəhwâ wā’eḇəneh habayiṯ ləšēm yəhwâ ’ĕlōhê yiśərā’ēl:

21 wā’āśim šām māqwōm lā’ārwōn ’ăšer-šām bərîṯ yəhwâ ’ăšer kāraṯ ‘im-’ăḇōṯênû bəhwōṣî’wō ’ōṯām mē’ereṣ miṣərāyim: s

22 wayy^a‘ămōḏ šəlōmōh lifənê mizəb^aḥ yəhwâ neḡeḏ kāl-qəhal yiśərā’ēl wayyifərōś kapāyw haššāmāyim:

23 wayyō’mar yəhwâ ’ĕlōhê yiśərā’ēl ’ên-kāmwōḵā ’ĕlōhîm baššāmayim mimm^a‘al wə‘al-hā’āreṣ mitāḥaṯ šōmēr habərîṯ wəh^aḥeseḏ l^a‘ăḇāḏeyḵā hahōləḵîm ləfāneyḵā bəḵāl-libām:

24 ’ăšer šāmarətā lə‘aḇədəḵā dāwiḏ ’āḇî ’ēṯ ’ăšer-dibarətā lwō watəḏabēr bəfîḵā ûḇəyāḏəḵā millē’ṯā kayywōm hazzeh:

25 wə‘atâ yəhwâ| ’ĕlōhê yiśərā’ēl šəmōr lə‘aḇədəḵā ḏāwiḏ ’āḇî ’ēṯ ’ăšer dibarətā llwō lē’mōr lō’-yikārēṯ ləḵā ’îš milləfānay yōšēḇ ‘al-kissē’ yiśərā’ēl raq ’im-yišəmərû ḇāneyḵā ’eṯ-darəkām lāleḵeṯ ləfānay ka’ăšer hālaḵətā ləfānāy:

26 wə‘atâ ’ĕlōhê yiśərā’ēl yē’āmen nā’ dəḇāreyḵā dəḇārəḵā ’ăšer dibarətā lə‘aḇədəḵā dāwiḏ ’āḇî:

27 kî ha’umənām yēšēḇ ’ĕlōhîm ‘al-hā’āreṣ hinnēh haššāmayim ûšəmê haššāmayim lō’ yəḵaləkəlûḵā ’af kî-habayiṯ hazzeh ’ăšer bānîṯî:

28 ûfānîṯā ’el-təfillaṯ ‘aḇədəḵā wə’el-təḥinnāṯwō yəhwâ ’ĕlōhāy lišəmō‘a ’el-hārinnâ wə’el-hatəfillâ ’ăšer ‘aḇədəḵā miṯəpallēl ləfāneyḵā hayywōm:

29 lihəywōṯ ‘êneḵā fəṯuḥwōṯ ’el-habayiṯ hazzeh layəlâ wāywōm ’el-hammāqwōm ’ăšer ’āmarətā yihəyeh šəmî šām lišəmō‘a ’el-hatəfillâ ’ăšer yiṯəpallēl ‘aḇədəḵā ’el-hammāqwōm hazzeh:

30 wəšām^a‘ətā ’el-təḥinnaṯ ‘aḇədəḵā wə‘amməḵā yiśərā’ēl ’ăšer yiṯəpaləlû ’el-hammāqwōm hazzeh wə’atâ tišəm^a‘ ’el-məqwōm šiḇətəḵā ’el-haššāmayim wəšām^a‘ətā wəsālāḥətā:

31 ’ēṯ ’ăšer yeḥĕṭā’ ’îš lərē‘ēhû wənāšā’-ḇwō ’ālâ ləha’ălōṯwō ûḇā’ ’ālâ lifənê mizəb^aḥăḵā babayiṯ hazzeh:

32 wə’atâ| tišəm^a‘ haššāmayim wə‘āśîṯā wəšāfaṭətā ’eṯ-‘ăḇāḏeyḵā ləharəšî‘a rāšā‘ lāṯēṯ darəkwō bərō’šwō ûləhaṣədîq ṣadîq lāṯeṯ lwō kəṣiḏəqāṯwō: s

33 bəhinnāḡēf ‘amməḵā yiśərā’ēl lifənê ’wōyēḇ ’ăšer yeḥeṭə’û-lāḵə wəšāḇû ’ēleyḵā wəhwōḏû ’eṯ-šəmeḵā wəhiṯəpaləlû wəhiṯəḥannənû ’ēleyḵā babayiṯ hazzeh:

34 wə’atâ tišəm^a‘ haššāmayim wəsāl^aḥətā ləḥaṭṭa’ṯ ‘amməḵā yiśərā’ēl wahăšēḇōṯām ’el-hā’ăḏāmâ ’ăšer nāṯatā la’ăḇwōṯām: s

35 bəhē‘āṣēr šāmayim wəlō’-yihəyeh māṭār kî yeḥeṭə’û-lāḵə wəhiṯəpaləlû ’el-hammāqwōm hazzeh wəhwōḏû ’eṯ-šəmeḵā ûmēḥaṭṭā’ṯām yəšûḇûn kî ṯ^a‘ănēm:

36 wə’atâ| tišəm^a‘ haššāmayim wəsāl^aḥətā ləḥaṭṭa’ṯ ‘ăḇāḏeyḵā wə‘amməḵā yiśərā’ēl kî ṯwōrēm ’eṯ-hadereḵə haṭṭwōḇâ ’ăšer yēləḵû-ḇāh wənāṯatâ māṭār ‘al-’arəṣəḵā ’ăšer-nāṯatâ lə‘amməḵā lən^aḥălâ: s

37 rā‘āḇ kî-yihəyeh ḇā’āreṣ deḇer kî-yihəyeh šidāfwōn yērāqwōn ’arəbeh ḥāsîl kî yihəyeh kî yāṣar-lwō ’ōyəḇwō bə’ereṣ šə‘ārāyw kāl-neḡ^a‘ kāl-m^aḥălâ:

38 kāl-təfillâ ḵāl-təḥinnâ ’ăšer ṯihəyeh ləḵāl-hā’āḏām ləḵōl ‘amməḵā yiśərā’ēl ’ăšer yēḏə‘ûn ’îš neḡ^a‘ ləḇāḇwō ûfāraś kapāyw ’el-habayiṯ hazzeh:

39 wə’atâ tišəm^a‘ haššāmayim məḵwōn šiḇəteḵā wəsāl^aḥətā wə‘āśîṯā wənāṯatā lā’îš kəḵāl-dərāḵāyw ’ăšer tēḏ^a‘ ’eṯ-ləḇāḇwō kî-’atâ yāḏ^a‘ətā ləḇadəḵā ’eṯ-ləḇaḇ kāl-bənê hā’āḏām:

40 ləm^a‘an yirā’ûḵā kāl-hayyāmîm ’ăšer-hēm ḥayyîm ‘al-pənê hā’ăḏāmâ ’ăšer nāṯatâ la’ăḇōṯênû:

41 wəḡam ’el-hannāḵərî ’ăšer lō’-mē‘amməḵā yiśərā’ēl hû’ ûḇā’ mē’ereṣ rəḥwōqâ ləm^a‘an šəmeḵā:

42 kî yišəmə‘ûn ’eṯ-šiməḵā hagāḏwōl wə’eṯ-yāḏəḵā h^aḥăzāqâ ûzərō‘ăḵā hannəṭûyâ ûḇā’ wəhiṯəpallēl ’el-habayiṯ hazzeh:

43 ’atâ tišəm^a‘ haššāmayim məḵwōn šiḇəteḵā wə‘āśîṯā kəḵōl ’ăšer-yiqərā’ ’ēleyḵā hannāḵərî ləm^a‘an yēḏə‘ûn kāl-‘ammê hā’āreṣ ’eṯ-šəmeḵā ləyirə’â ’ōṯəḵā kə‘amməḵā yiśərā’ēl wəlāḏ^a‘aṯ kî-šiməḵā niqərā’ ‘al-habayiṯ hazzeh ’ăšer bānîṯî:

44 kî-yēṣē’ ‘amməḵā lammiləḥāmâ ‘al-’ōyəḇwō badereḵə ’ăšer tišəlāḥēm wəhiṯəpaləlû ’el-yəhwâ dereḵə hā‘îr ’ăšer bāḥarətā bāh wəhabayiṯ ’ăšer-bāniṯî lišəmeḵā:

45 wəšām^a‘ətā haššāmayim ’eṯ-təfillāṯām wə’eṯ-təḥinnāṯām wə‘āśîṯā mišəpāṭām:

46 kî yeḥeṭə’û-lāḵə kî ’ên ’āḏām ’ăšer lō’-yeḥĕṭā’ wə’ānafətā ḇām ûnəṯatām lifənê ’wōyēḇ wəšāḇûm šōḇêhem ’el-’ereṣ hā’wōyēḇ rəḥwōqâ ’wō qərwōḇâ:

47 wəhēšîḇû ’el-libām bā’āreṣ ’ăšer nišəbû-šām wəšāḇû| wəhiṯəḥannənû ’ēleyḵā bə’ereṣ šōḇêhem lē’mōr ḥāṭā’nû wəhe‘ĕwînû rāšā‘ənû:

48 wəšāḇû ’ēleyḵā bəḵāl-ləḇāḇām ûḇəḵāl-nafəšām bə’ereṣ ’ōyəḇêhem ’ăšer-šāḇû ’ōṯām wəhiṯəpaləlû ’ēleyḵā dereḵə ’arəṣām ’ăšer nāṯatâ la’ăḇwōṯām hā‘îr ’ăšer bāḥarətā wəhabayiṯ ’ăšer-bānîṯā bānîṯî lišəmeḵā:

49 wəšām^a‘ətā haššāmayim məḵwōn šiḇətəḵā ’eṯ-təfillāṯām wə’eṯ-təḥinnāṯām wə‘āśîṯā mišəpāṭām:

50 wəsāl^aḥətā lə‘amməḵā ’ăšer ḥāṭə’û-lāḵə ûləḵāl-pišə‘êhem ’ăšer pāšə‘û-ḇāḵə ûnəṯatām lər^aḥămîm lifənê šōḇêhem wəriḥămûm:

51 kî-‘amməḵā wən^aḥălāṯəḵā hēm ’ăšer hwōṣē’ṯā mimmiṣərayim mitwōḵə kûr habarəzel:

52 lihəywōṯ ‘êneyḵā fəṯuḥwōṯ ’el-təḥinnaṯ ‘aḇədəḵā wə’el-təḥinnaṯ ‘amməḵā yiśərā’ēl lišəmō‘a ’ălêhem bəḵōl qārə’ām ’ēleyḵā:

53 kî-’atâ hiḇədalətām ləḵā lən^aḥălâ mikōl ‘ammê hā’āreṣ ka’ăšer dibarətā bəyaḏ| mōšeh ‘aḇədeḵā bəhwōṣî’ăḵā ’eṯ-’ăḇōṯênû mimmiṣərayim ’ăḏōnāy yəhwih: f

54 wayəhî| kəḵallwōṯ šəlōmōh ləhiṯəpallēl ’el-yəhwâ ’ēṯ kāl-hatəfillâ wəhatəḥinnâ hazzō’ṯ qām millifənê mizəb^aḥ yəhwâ mikərō‘a ‘al-birəkāyw wəḵapāyw pəruśwōṯ haššāmāyim:

55 wayy^a‘əmōḏ wayəḇāreḵə ’ēṯ kāl-qəhal yiśərā’ēl qwōl gāḏwōl lē’mōr:

56 bārûḵə yəhwâ ’ăšer nāṯan mənûḥâ lə‘ammwō yiśərā’ēl kəḵōl ’ăšer dibēr lō’-nāfal dāḇār ’eḥāḏ mikōl dəḇārwō haṭṭwōḇ ’ăšer diber bəyaḏ mōšeh ‘aḇədwō:

57 yəhî yəhwâ ’ĕlōhênû ‘immānû ka’ăšer hāyâ ‘im-’ăḇōṯênû ’al-y^a‘azəḇēnû wə’al-yiṭṭəšēnû:

58 ləhaṭṭwōṯ ləḇāḇēnû ’ēlāyw lāleḵeṯ bəḵāl-dərāḵāyw wəlišəmōr miṣəwōṯāyw wəḥuqqāyw ûmišəpāṭāyw ’ăšer ṣiûâ ’eṯ-’ăḇōṯênû:

59 wəyihəyû ḏəḇāray ’ēlleh ’ăšer hiṯəḥannanətî lifənê yəhwâ qərōḇîm ’el-yəhwâ ’ĕlōhênû ywōmām wālāyəlâ l^a‘ăśwōṯ| mišəpaṭ ‘aḇədwō ûmišəpaṭ ‘ammwō yiśərā’ēl dəḇar-ywōm bəywōmwō:

60 ləm^a‘an d^a‘aṯ kāl-‘ammê hā’āreṣ kî yəhwâ hû’ hā’ĕlōhîm ’ên ‘wōḏ:

61 wəhāyâ ləḇaḇəḵem šālēm ‘im yəhwâ ’ĕlōhênû lāleḵeṯ bəḥuqqāyw wəlišəmōr miṣəwōṯāyw kayywōm hazzeh:

62 wəhammeleḵə wəḵāl-yiśərā’ēl ‘immwō zōḇəḥîm zeḇ^aḥ lifənê yəhwâ:

63 wayyizəb^aḥ šəlōmōh ’ēṯ zeḇ^aḥ haššəlāmîm ’ăšer zāḇ^aḥ layhwâ bāqār ‘eśərîm ûšənayim ’elef wəṣō’n mē’â wə‘eśərîm ’ālef wayy^aḥənəḵû ’eṯ-bêṯ yəhwâ hammeleḵə wəḵāl-bənê yiśərā’ēl:

64 bayywōm hahû’ qidaš hammeleḵə ’eṯ-twōḵə heḥāṣēr ’ăšer lifənê ḇêṯ-yəhwâ kî-‘āśâ šām ’eṯ-hā‘ōlâ wə’eṯ-hamminəḥâ wə’ēṯ ḥeləḇê haššəlāmîm kî-mizəb^aḥ hannəḥōšeṯ ’ăšer lifənê yəhwâ qāṭōn mēhāḵîl ’eṯ-hā‘ōlâ wə’eṯ-hamminəḥâ wə’ēṯ ḥeləḇê haššəlāmîm:

65 wayy^a‘aś šəlōmōh ḇā‘ēṯ-hahî’| ’eṯ-heḥāḡ wəḵāl-yiśərā’ēl ‘immwō qâāl gāḏwōl milləḇwō’ ḥămāṯ| ‘aḏ-n^aḥal miṣərayim lifənê yəhwâ ’ĕlōhênû šiḇə‘aṯ yāmîm wəšiḇə‘aṯ yāmîm ’arəbā‘â ‘āśār ywōm:

66 bayywōm haššəmînî šill^aḥ ’eṯ-hā‘ām wayəḇārăḵû ’eṯ-hammeleḵə wayyēləḵû lə’âŏlêhem śəmēḥîm wəṭwōḇê lēḇ ‘al kāl-haṭṭwōḇâ ’ăšer ‘āśâ yəhwâ ləḏāwiḏ ‘aḇədwō ûləyiśərā’ēl ‘ammwō:

Tanach (Hebrew): 1 Kings (1 Melakhim) Chapter 9

‎1 ‏וַיְהִי֙ כְּכַלּ֣וֹת שְׁלֹמֹ֔ה לִבְנ֥וֹת אֶת־בֵּית־יְהוָ֖ה וְאֶת־בֵּ֣ית הַמֶּ֑לֶךְ וְאֵת֙ כָּל־חֵ֣שֶׁק שְׁלֹמֹ֔ה אֲשֶׁ֥ר חָפֵ֖ץ לַעֲשֽׂוֹת׃ פ

‎2 ‏וַיֵּרָ֧א יְהוָ֛ה אֶל־שְׁלֹמֹ֖ה שֵׁנִ֑ית כַּאֲשֶׁ֛ר נִרְאָ֥ה אֵלָ֖יו בְּגִבְעֽוֹן׃

‎3 ‏וַיֹּ֨אמֶר יְהוָ֜ה אֵלָ֗יו שָׁ֠מַעְתִּי אֶת־תְּפִלָּתְךָ֣ וְאֶת־תְּחִנָּתְךָ֮ אֲשֶׁ֣ר הִתְחַנַּ֣נְתָּה לְפָנַי֒ הִקְדַּ֗שְׁתִּי אֶת־הַבַּ֤יִת הַזֶּה֙ אֲשֶׁ֣ר בָּנִ֔תָה לָשֽׂוּם־שְׁמִ֥י שָׁ֖ם עַד־עוֹלָ֑ם וְהָי֨וּ עֵינַ֧י וְלִבִּ֛י שָׁ֖ם כָּל־הַיָּמִֽים׃

‎4 ‏וְאַתָּ֞ה אִם־תֵּלֵ֣ךְ לְפָנַ֗י כַּאֲשֶׁ֨ר הָלַ֜ךְ דָּוִ֤ד אָבִ֙יךָ֙ בְּתָם־לֵבָ֣ב וּבְיֹ֔שֶׁר לַעֲשׂ֕וֹת כְּכֹ֖ל אֲשֶׁ֣ר צִוִּיתִ֑יךָ חֻקַּ֥י וּמִשְׁפָּטַ֖י תִּשְׁמֹֽר׃

‎5 ‏וַהֲקִ֨מֹתִ֜י אֶת־כִּסֵּ֧א מַֽמְלַכְתְּךָ֛ עַל־יִשְׂרָאֵ֖ל לְעֹלָ֑ם כַּאֲשֶׁ֣ר דִּבַּ֗רְתִּי עַל־דָּוִ֤ד אָבִ֙יךָ֙ לֵאמֹ֔ר לֹֽא־יִכָּרֵ֤ת לְךָ֙ אִ֔ישׁ מֵעַ֖ל כִּסֵּ֥א יִשְׂרָאֵֽל׃

‎6 ‏אִם־שׁ֨וֹב תְּשֻׁב֜וּן אַתֶּ֤ם וּבְנֵיכֶם֙ מֵֽאַחֲרַ֔י וְלֹ֤א תִשְׁמְרוּ֙ מִצְוֹתַ֣י חֻקֹּתַ֔י אֲשֶׁ֥ר נָתַ֖תִּי לִפְנֵיכֶ֑ם וַהֲלַכְתֶּ֗ם וַעֲבַדְתֶּם֙ אֱלֹהִ֣ים אֲחֵרִ֔ים וְהִשְׁתַּחֲוִיתֶ֖ם לָהֶֽם׃

‎7 ‏וְהִכְרַתִּ֣י אֶת־יִשְׂרָאֵ֗ל מֵעַ֨ל פְּנֵ֤י הָאֲדָמָה֙ אֲשֶׁ֣ר נָתַ֣תִּי לָהֶ֔ם וְאֶת־הַבַּ֙יִת֙ אֲשֶׁ֣ר הִקְדַּ֣שְׁתִּי לִשְׁמִ֔י אֲשַׁלַּ֖ח מֵעַ֣ל פָּנָ֑י וְהָיָ֧ה יִשְׂרָאֵ֛ל לְמָשָׁ֥ל וְלִשְׁנִינָ֖ה בְּכָל־הָעַמִּֽים׃

‎8 ‏וְהַבַּ֤יִת הַזֶּה֙ יִהְיֶ֣ה עֶלְי֔וֹן כָּל־עֹבֵ֥ר עָלָ֖יו יִשֹּׁ֣ם וְשָׁרָ֑ק וְאָמְר֗וּ עַל־מֶ֨ה עָשָׂ֤ה יְהוָה֙ כָּ֔כָה לָאָ֥רֶץ הַזֹּ֖את וְלַבַּ֥יִת הַזֶּֽה׃

‎9 ‏וְאָמְר֗וּ עַל֩ אֲשֶׁ֨ר עָזְב֜וּ אֶת־יְהוָ֣ה אֱלֹהֵיהֶ֗ם אֲשֶׁ֨ר הוֹצִ֣יא אֶת־אֲבֹתָם֮ מֵאֶ֣רֶץ מִצְרַיִם֒ וַֽיַּחֲזִ֙קוּ֙ בֵּאלֹהִ֣ים אֲחֵרִ֔ים וישתחו וַיִּשְׁתַּחֲו֥וּ לָהֶ֖ם וַיַּעַבְדֻ֑ם עַל־כֵּ֗ן הֵבִ֤יא יְהוָה֙ עֲלֵיהֶ֔ם אֵ֥ת כָּל־הָרָעָ֖ה הַזֹּֽאת׃ פ

‎10 ‏וַיְהִ֗י מִקְצֵה֙ עֶשְׂרִ֣ים שָׁנָ֔ה אֲשֶׁר־בָּנָ֥ה שְׁלֹמֹ֖ה אֶת־שְׁנֵ֣י הַבָּתִּ֑ים אֶת־בֵּ֥ית יְהוָ֖ה וְאֶת־בֵּ֥ית הַמֶּֽלֶךְ׃

‎11 ‏חִירָ֣ם מֶֽלֶךְ־צֹ֠ר נִשָּׂ֨א אֶת־שְׁלֹמֹ֜ה בַּעֲצֵי֩ אֲרָזִ֨ים וּבַעֲצֵ֧י בְרוֹשִׁ֛ים וּבַזָּהָ֖ב לְכָל־חֶפְצ֑וֹ אָ֡ז יִתֵּן֩ הַמֶּ֨לֶךְ שְׁלֹמֹ֤ה לְחִירָם֙ עֶשְׂרִ֣ים עִ֔יר בְּאֶ֖רֶץ הַגָּלִֽיל׃

‎12 ‏וַיֵּצֵ֤א חִירָם֙ מִצֹּ֔ר לִרְאוֹת֙ אֶת־הֶ֣עָרִ֔ים אֲשֶׁ֥ר נָתַן־ל֖וֹ שְׁלֹמֹ֑ה וְלֹ֥א יָשְׁר֖וּ בְּעֵינָֽיו׃

‎13 ‏וַיֹּ֕אמֶר מָ֚ה הֶעָרִ֣ים הָאֵ֔לֶּה אֲשֶׁר־נָתַ֥תָּה לִּ֖י אָחִ֑י וַיִּקְרָ֤א לָהֶם֙ אֶ֣רֶץ כָּב֔וּל עַ֖ד הַיּ֥וֹם הַזֶּֽה׃ פ

‎14 ‏וַיִּשְׁלַ֥ח חִירָ֖ם לַמֶּ֑לֶךְ מֵאָ֥ה וְעֶשְׂרִ֖ים כִּכַּ֥ר זָהָֽב׃

‎15 ‏וְזֶ֨ה דְבַר־הַמַּ֜ס אֲשֶֽׁר־הֶעֱלָ֣ה׀ הַמֶּ֣לֶךְ שְׁלֹמֹ֗ה לִבְנוֹת֩ אֶת־בֵּ֨ית יְהוָ֤ה וְאֶת־בֵּיתוֹ֙ וְאֶת־הַמִּלּ֔וֹא וְאֵ֖ת חוֹמַ֣ת יְרוּשָׁלִָ֑ם וְאֶת־חָצֹ֥ר וְאֶת־מְגִדּ֖וֹ וְאֶת־גָּֽזֶר׃

‎16 ‏פַּרְעֹ֨ה מֶֽלֶךְ־מִצְרַ֜יִם עָלָ֗ה וַיִּלְכֹּ֤ד אֶת־גֶּ֙זֶר֙ וַיִּשְׂרְפָ֣הּ בָּאֵ֔שׁ וְאֶת־הַֽכְּנַעֲנִ֛י הַיֹּשֵׁ֥ב בָּעִ֖יר הָרָ֑ג וַֽיִּתְּנָהּ֙ שִׁלֻּחִ֔ים לְבִתּ֖וֹ אֵ֥שֶׁת שְׁלֹמֹֽה׃

‎17 ‏וַיִּ֤בֶן שְׁלֹמֹה֙ אֶת־גָּ֔זֶר וְאֶת־בֵּ֥ית חֹרֹ֖ן תַּחְתּֽוֹן׃

‎18 ‏וְאֶֽת־בַּעֲלָ֛ת וְאֶת־תמר תַּדְמֹ֥ר בַּמִּדְבָּ֖ר בָּאָֽרֶץ׃

‎19 ‏וְאֵ֨ת כָּל־עָרֵ֤י הַֽמִּסְכְּנוֹת֙ אֲשֶׁ֣ר הָי֣וּ לִשְׁלֹמֹ֔ה וְאֵת֙ עָרֵ֣י הָרֶ֔כֶב וְאֵ֖ת עָרֵ֣י הַפָּרָשִׁ֑ים וְאֵ֣ת׀ חֵ֣שֶׁק שְׁלֹמֹ֗ה אֲשֶׁ֤ר חָשַׁק֙ לִבְנ֤וֹת בִּירוּשָׁלִַ֙ם֙ וּבַלְּבָנ֔וֹן וּבְכֹ֖ל אֶ֥רֶץ מֶמְשַׁלְתּֽוֹ׃

‎20 ‏כָּל־הָ֠עָם הַנּוֹתָ֨ר מִן־הָאֱמֹרִ֜י הַחִתִּ֤י הַפְּרִזִּי֙ הַחִוִּ֣י וְהַיְבוּסִ֔י אֲשֶׁ֛ר לֹֽא־מִבְּנֵ֥י יִשְׂרָאֵ֖ל הֵֽמָּה׃

‎21 ‏בְּנֵיהֶ֗ם אֲשֶׁ֨ר נֹתְר֤וּ אַחֲרֵיהֶם֙ בָּאָ֔רֶץ אֲשֶׁ֧ר לֹֽא־יָכְל֛וּ בְּנֵ֥י יִשְׂרָאֵ֖ל לְהַֽחֲרִימָ֑ם וַיַּעֲלֵ֤ם שְׁלֹמֹה֙ לְמַס־עֹבֵ֔ד עַ֖ד הַיּ֥וֹם הַזֶּֽה׃

‎22 ‏וּמִבְּנֵי֙ יִשְׂרָאֵ֔ל לֹֽא־נָתַ֥ן שְׁלֹמֹ֖ה עָ֑בֶד כִּי־הֵ֞ם אַנְשֵׁ֣י הַמִּלְחָמָ֗ה וַעֲבָדָיו֙ וְשָׂרָ֣יו וְשָׁלִשָׁ֔יו וְשָׂרֵ֥י רִכְבּ֖וֹ וּפָרָשָֽׁיו׃ ס

‎23 ‏אֵ֣לֶּה׀ שָׂרֵ֣י הַנִּצָּבִ֗ים אֲשֶׁ֤ר עַל־הַמְּלָאכָה֙ לִשְׁלֹמֹ֔ה חֲמִשִּׁ֖ים וַחֲמֵ֣שׁ מֵא֑וֹת הָרֹדִ֣ים בָּעָ֔ם הָעֹשִׂ֖ים בַּמְּלָאכָֽה׃

‎24 ‏אַ֣ךְ בַּת־פַּרְעֹ֗ה עָֽלְתָה֙ מֵעִ֣יר דָּוִ֔ד אֶל־בֵּיתָ֖הּ אֲשֶׁ֣ר בָּֽנָה־לָ֑הּ אָ֖ז בָּנָ֥ה אֶת־הַמִּלּֽוֹא׃

‎25 ‏וְהֶעֱלָ֣ה שְׁלֹמֹ֡ה שָׁלֹשׁ֩ פְּעָמִ֨ים בַּשָּׁנָ֜ה עֹל֣וֹת וּשְׁלָמִ֗ים עַל־הַמִּזְבֵּ֙חַ֙ אֲשֶׁ֣ר בָּנָ֣ה לַיהוָ֔ה וְהַקְטֵ֣יר אִתּ֗וֹ אֲשֶׁ֖ר לִפְנֵ֣י יְהוָ֑ה וְשִׁלַּ֖ם אֶת־הַבָּֽיִת׃

‎26 ‏וָאֳנִ֡י עָשָׂה֩ הַמֶּ֨לֶךְ שְׁלֹמֹ֜ה בְּעֶצְיֽוֹן־גֶּ֨בֶר אֲשֶׁ֧ר אֶת־אֵל֛וֹת עַל־שְׂפַ֥ת יַם־ס֖וּף בְּאֶ֥רֶץ אֱדֽוֹם׃

‎27 ‏וַיִּשְׁלַ֨ח חִירָ֤ם בָּֽאֳנִי֙ אֶת־עֲבָדָ֔יו אַנְשֵׁ֣י אֳנִיּ֔וֹת יֹדְעֵ֖י הַיָּ֑ם עִ֖ם עַבְדֵ֥י שְׁלֹמֹֽה׃

‎28 ‏וַיָּבֹ֣אוּ אוֹפִ֔ירָה וַיִּקְח֤וּ מִשָּׁם֙ זָהָ֔ב אַרְבַּע־מֵא֥וֹת וְעֶשְׂרִ֖ים כִּכָּ֑ר וַיָּבִ֖אוּ אֶל־הַמֶּ֥לֶךְ שְׁלֹמֹֽה׃ פ

1 wayəhî kəḵallwōṯ šəlōmōh liḇənwōṯ ’eṯ-bêṯ-yəhwâ wə’eṯ-bêṯ hammeleḵə wə’ēṯ kāl-ḥēšeq šəlōmōh ’ăšer ḥāfēṣ l^a‘ăśwōṯ: f

2 wayyērā’ yəhwâ ’el-šəlōmōh šēnîṯ ka’ăšer nirə’â ’ēlāyw bəḡiḇə‘wōn:

3 wayyō’mer yəhwâ ’ēlāyw šām^a‘ətî ’eṯ-təfillāṯəḵā wə’eṯ-təḥinnāṯəḵā ’ăšer hiṯəḥannanətâ ləfānay hiqədašətî ’eṯ-habayiṯ hazzeh ’ăšer bāniṯâ lāśûm-šəmî šām ‘aḏ-‘wōlām wəhāyû ‘ênay wəlibî šām kāl-hayyāmîm:

4 wə’atâ ’im-tēlēḵə ləfānay ka’ăšer hālaḵə dāwiḏ ’āḇîḵā bəṯām-lēḇāḇ ûḇəyōšer l^a‘ăśwōṯ kəḵōl ’ăšer ṣiûîṯîḵā ḥuqqay ûmišəpāṭay tišəmōr:

5 wahăqimōṯî ’eṯ-kissē’ maməlaḵətəḵā ‘al-yiśərā’ēl lə‘ōlām ka’ăšer dibarətî ‘al-dāwiḏ ’āḇîḵā lē’mōr lō’-yikārēṯ ləḵā ’îš mē‘al kissē’ yiśərā’ēl:

6 ’im-šwōḇ təšuḇûn ’atem ûḇənêḵem mē’^aḥăray wəlō’ ṯišəmərû miṣəwōṯay ḥuqqōṯay ’ăšer nāṯatî lifənêḵem wahălaḵətem w^a‘ăḇaḏətem ’ĕlōhîm ’ăḥērîm wəhišət^aḥăwîṯem lâem:

7 wəhiḵəratî ’eṯ-yiśərā’ēl mē‘al pənê hā’ăḏāmâ ’ăšer nāṯatî lâem wə’eṯ-habayiṯ ’ăšer hiqədašətî lišəmî ’ăšall^aḥ mē‘al pānāy wəhāyâ yiśərā’ēl ləmāšāl wəlišənînâ bəḵāl-hā‘ammîm:

8 wəhabayiṯ hazzeh yihəyeh ‘eləywōn kāl-‘ōḇēr ‘ālāyw yiššōm wəšārāq wə’āmərû ‘al-meh ‘āśâ yəhwâ kāḵâ lā’āreṣ hazzō’ṯ wəlabayiṯ hazzeh:

9 wə’āmərû ‘al ’ăšer ‘āzəḇû ’eṯ-yəhwâ ’ĕlōhêhem ’ăšer hwōṣî’ ’eṯ-’ăḇōṯām mē’ereṣ miṣərayim wayy^aḥăziqû bē’lōhîm ’ăḥērîm wayyišət^aḥû wayyišət^aḥăwû lâem wayy^a‘aḇəḏum ‘al-kēn hēḇî’ yəhwâ ‘ălêhem ’ēṯ kāl-hārā‘â hazzō’ṯ: f

10 wayəhî miqəṣēh ‘eśərîm šānâ ’ăšer-bānâ šəlōmōh ’eṯ-šənê habātîm ’eṯ-bêṯ yəhwâ wə’eṯ-bêṯ hammeleḵə:

11 ḥîrām meleḵə-ṣōr niśśā’ ’eṯ-šəlōmōh b^a‘ăṣê ’ărāzîm ûḇ^a‘ăṣê ḇərwōšîm ûḇazzâāḇ ləḵāl-ḥefəṣwō ’āz yitēn hammeleḵə šəlōmōh ləḥîrām ‘eśərîm ‘îr bə’ereṣ hagālîl:

12 wayyēṣē’ ḥîrām miṣṣōr lirə’wōṯ ’eṯ-he‘ārîm ’ăšer nāṯan-lwō šəlōmōh wəlō’ yāšərû bə‘ênāyw:

13 wayyō’mer mâ he‘ārîm hā’ēlleh ’ăšer-nāṯatâ llî ’āḥî wayyiqərā’ lâem ’ereṣ kāḇûl ‘aḏ hayywōm hazzeh: f

14 wayyišəl^aḥ ḥîrām lammeleḵə mē’â wə‘eśərîm kikar zâāḇ:

15 wəzeh ḏəḇar-hammas ’ăšer-he‘ĕlâ| hammeleḵə šəlōmōh liḇənwōṯ ’eṯ-bêṯ yəhwâ wə’eṯ-bêṯwō wə’eṯ-hammillwō’ wə’ēṯ ḥwōmaṯ yərûšālāim wə’eṯ-ḥāṣōr wə’eṯ-məḡidwō wə’eṯ-gāzer:

16 parə‘ōh meleḵə-miṣərayim ‘ālâ wayyiləkōḏ ’eṯ-gezer wayyiśərəfāh bā’ēš wə’eṯ-hakən^a‘ănî hayyōšēḇ bā‘îr hārāḡ wayyitənāh šilluḥîm ləḇitwō ’ēšeṯ šəlōmōh:

17 wayyiḇen šəlōmōh ’eṯ-gāzer wə’eṯ-bêṯ ḥōrōn t^aḥətwōn:

18 wə’eṯ-b^a‘ălāṯ wə’eṯ-tāmār taḏəmōr bammiḏəbār bā’āreṣ:

19 wə’ēṯ kāl-‘ārê hammisəkənwōṯ ’ăšer hāyû lišəlōmōh wə’ēṯ ‘ārê hāreḵeḇ wə’ēṯ ‘ārê hapārāšîm wə’ēṯ| ḥēšeq šəlōmōh ’ăšer ḥāšaq liḇənwōṯ bîrûšālaim ûḇalləḇānwōn ûḇəḵōl ’ereṣ meməšalətwō:

20 kāl-hā‘ām hannwōṯār min-hā’ĕmōrî h^aḥitî hapərizzî h^aḥiûî wəhayəḇûsî ’ăšer lō’-mibənê yiśərā’ēl hēmmâ:

21 bənêhem ’ăšer nōṯərû ’^aḥărêhem bā’āreṣ ’ăšer lō’-yāḵəlû bənê yiśərā’ēl ləh^aḥărîmām wayy^a‘ălēm šəlōmōh ləmas-‘ōḇēḏ ‘aḏ hayywōm hazzeh:

22 ûmibənê yiśərā’ēl lō’-nāṯan šəlōmōh ‘āḇeḏ kî-hēm ’anəšê hammiləḥāmâ w^a‘ăḇāḏāyw wəśārāyw wəšālišāyw wəśārê riḵəbwō ûfārāšāyw: s

23 ’ēlleh| śārê hanniṣṣāḇîm ’ăšer ‘al-hamməlā’ḵâ lišəlōmōh ḥămiššîm w^aḥămēš mē’wōṯ hārōḏîm bā‘ām hā‘ōśîm bamməlā’ḵâ:

24 ’aḵə baṯ-parə‘ōh ‘āləṯâ mē‘îr dāwiḏ ’el-bêṯāh ’ăšer bānâ-lāh ’āz bānâ ’eṯ-hammillwō’:

25 wəhe‘ĕlâ šəlōmōh šālōš pə‘āmîm baššānâ ‘ōlwōṯ ûšəlāmîm ‘al-hammizəbēḥa ’ăšer bānâ layhwâ wəhaqəṭêr ’itwō ’ăšer lifənê yəhwâ wəšillam ’eṯ-habāyiṯ:

26 wā’ŏnî ‘āśâ hammeleḵə šəlōmōh bə‘eṣəywōn-geḇer ’ăšer ’eṯ-’ēlwōṯ ‘al-śəfaṯ yam-sûf bə’ereṣ ’ĕḏwōm:

27 wayyišəl^aḥ ḥîrām bā’ŏnî ’eṯ-‘ăḇāḏāyw ’anəšê ’ŏnîywōṯ yōḏə‘ê hayyām ‘im ‘aḇəḏê šəlōmōh:

28 wayyāḇō’û ’wōfîrâ wayyiqəḥû miššām zâāḇ ’arəb^a‘-mē’wōṯ wə‘eśərîm kikār wayyāḇi’û ’el-hammeleḵə šəlōmōh: f

Tanach (Hebrew): 1 Kings (1 Melakhim) Chapter 10

‎1 ‏וּמַֽלְכַּת־שְׁבָ֗א שֹׁמַ֛עַת אֶת־שֵׁ֥מַע שְׁלֹמֹ֖ה לְשֵׁ֣ם יְהוָ֑ה וַתָּבֹ֥א לְנַסֹּת֖וֹ בְּחִידֽוֹת׃

‎2 ‏וַתָּבֹ֣א יְרוּשָׁלְַ֗מָה בְּחַיִל֮ כָּבֵ֣ד מְאֹד֒ גְּ֠מַלִּים נֹשְׂאִ֨ים בְּשָׂמִ֧ים וְזָהָ֛ב רַב־מְאֹ֖ד וְאֶ֣בֶן יְקָרָ֑ה וַתָּבֹא֙ אֶל־שְׁלֹמֹ֔ה וַתְּדַבֵּ֣ר אֵלָ֔יו אֵ֛ת כָּל־אֲשֶׁ֥ר הָיָ֖ה עִם־לְבָבָֽהּ׃

‎3 ‏וַיַּגֶּד־לָ֥הּ שְׁלֹמֹ֖ה אֶת־כָּל־דְּבָרֶ֑יהָ לֹֽא־הָיָ֤ה דָּבָר֙ נֶעְלָ֣ם מִן־הַמֶּ֔לֶךְ אֲשֶׁ֧ר לֹ֦א הִגִּ֖יד לָֽהּ׃

‎4 ‏וַתֵּ֙רֶא֙ מַֽלְכַּת־שְׁבָ֔א אֵ֖ת כָּל־חָכְמַ֣ת שְׁלֹמֹ֑ה וְהַבַּ֖יִת אֲשֶׁ֥ר בָּנָֽה׃

‎5 ‏וּמַאֲכַ֣ל שֻׁלְחָנ֡וֹ וּמוֹשַׁ֣ב עֲבָדָיו֩ וּמַעֲמַ֨ד משרתו מְשָׁרְתָ֜יו וּמַלְבֻּֽשֵׁיהֶם֙ וּמַשְׁקָ֔יו וְעֹ֣לָת֔וֹ אֲשֶׁ֥ר יַעֲלֶ֖ה בֵּ֣ית יְהוָ֑ה וְלֹא־הָ֥יָה בָ֛הּ ע֖וֹד רֽוּחַ׃

‎6 ‏וַתֹּ֙אמֶר֙ אֶל־הַמֶּ֔לֶךְ אֱמֶת֙ הָיָ֣ה הַדָּבָ֔ר אֲשֶׁ֥ר שָׁמַ֖עְתִּי בְּאַרְצִ֑י עַל־דְּבָרֶ֖יךָ וְעַל־חָכְמָתֶֽךָ׃

‎7 ‏וְלֹֽא־הֶאֱמַ֣נְתִּי לַדְּבָרִ֗ים עַ֤ד אֲשֶׁר־בָּ֙אתִי֙ וַתִּרְאֶ֣ינָה עֵינַ֔י וְהִנֵּ֥ה לֹֽא־הֻגַּד־לִ֖י הַחֵ֑צִי הוֹסַ֤פְתָּ חָכְמָה֙ וָט֔וֹב אֶל־הַשְּׁמוּעָ֖ה אֲשֶׁ֥ר שָׁמָֽעְתִּי׃

‎8 ‏אַשְׁרֵ֣י אֲנָשֶׁ֔יךָ אַשְׁרֵ֖י עֲבָדֶ֣יךָ אֵ֑לֶּה הָֽעֹמְדִ֤ים לְפָנֶ֙יךָ֙ תָּמִ֔יד הַשֹּׁמְעִ֖ים אֶת־חָכְמָתֶֽךָ׃

‎9 ‏יְהִ֨י יְהוָ֤ה אֱלֹהֶ֙יךָ֙ בָּר֔וּךְ אֲשֶׁר֙ חָפֵ֣ץ בְּךָ֔ לְתִתְּךָ֖ עַל־כִּסֵּ֣א יִשְׂרָאֵ֑ל בְּאַהֲבַ֨ת יְהוָ֤ה אֶת־יִשְׂרָאֵל֙ לְעֹלָ֔ם וַיְשִֽׂימְךָ֣ לְמֶ֔לֶךְ לַעֲשׂ֥וֹת מִשְׁפָּ֖ט וּצְדָקָֽה׃

‎10 ‏וַתִּתֵּ֨ן לַמֶּ֜לֶךְ מֵאָ֥ה וְעֶשְׂרִ֣ים׀ כִּכַּ֣ר זָהָ֗ב וּבְשָׂמִ֛ים הַרְבֵּ֥ה מְאֹ֖ד וְאֶ֣בֶן יְקָרָ֑ה לֹא־בָא֩ כַבֹּ֨שֶׂם הַה֥וּא עוֹד֙ לָרֹ֔ב אֲשֶׁר־נָתְנָ֥ה מַֽלְכַּת־שְׁבָ֖א לַמֶּ֥לֶךְ שְׁלֹמֹֽה׃

‎11 ‏וְגַם֙ אֳנִ֣י חִירָ֔ם אֲשֶׁר־נָשָׂ֥א זָהָ֖ב מֵאוֹפִ֑יר הֵבִ֨יא מֵאֹפִ֜יר עֲצֵ֧י אַלְמֻגִּ֛ים הַרְבֵּ֥ה מְאֹ֖ד וְאֶ֥בֶן יְקָרָֽה׃

‎12 ‏וַיַּ֣עַשׂ הַ֠מֶּלֶךְ אֶת־עֲצֵ֨י הָאַלְמֻגִּ֜ים מִסְעָ֤ד לְבֵית־יְהוָה֙ וּלְבֵ֣ית הַמֶּ֔לֶךְ וְכִנֹּר֥וֹת וּנְבָלִ֖ים לַשָּׁרִ֑ים לֹ֣א בָֽא־כֵ֞ן עֲצֵ֤י אַלְמֻגִּים֙ וְלֹ֣א נִרְאָ֔ה עַ֖ד הַיּ֥וֹם הַזֶּֽה׃

‎13 ‏וְהַמֶּ֨לֶךְ שְׁלֹמֹ֜ה נָתַ֣ן לְמַֽלְכַּת־שְׁבָ֗א אֶת־כָּל־חֶפְצָהּ֙ אֲשֶׁ֣ר שָׁאָ֔לָה מִלְּבַד֙ אֲשֶׁ֣ר נָֽתַן־לָ֔הּ כְּיַ֖ד הַמֶּ֣לֶךְ שְׁלֹמֹ֑ה וַתֵּ֛פֶן וַתֵּ֥לֶךְ לְאַרְצָ֖הּ הִ֥יא וַעֲבָדֶֽיהָ׃ ס

‎14 ‏וַֽיְהִי֙ מִשְׁקַ֣ל הַזָּהָ֔ב אֲשֶׁר־בָּ֥א לִשְׁלֹמֹ֖ה בְּשָׁנָ֣ה אֶחָ֑ת שֵׁ֥שׁ מֵא֛וֹת שִׁשִּׁ֥ים וָשֵׁ֖שׁ כִּכַּ֥ר זָהָֽב׃

‎15 ‏לְבַד֙ מֵאַנְשֵׁ֣י הַתָּרִ֔ים וּמִסְחַ֖ר הָרֹכְלִ֑ים וְכָל־מַלְכֵ֥י הָעֶ֖רֶב וּפַח֥וֹת הָאָֽרֶץ׃

‎16 ‏וַיַּ֨עַשׂ הַמֶּ֧לֶךְ שְׁלֹמֹ֛ה מָאתַ֥יִם צִנָּ֖ה זָהָ֣ב שָׁח֑וּט שֵׁשׁ־מֵא֣וֹת זָהָ֔ב יַעֲלֶ֖ה עַל־הַצִּנָּ֥ה הָאֶחָֽת׃

‎17 ‏וּשְׁלֹשׁ־מֵא֤וֹת מָֽגִנִּים֙ זָהָ֣ב שָׁח֔וּט שְׁלֹ֤שֶׁת מָנִים֙ זָהָ֔ב יַעֲלֶ֖ה עַל־הַמָּגֵ֣ן הָאֶחָ֑ת וַיִּתְּנֵ֣ם הַמֶּ֔לֶךְ בֵּ֖ית יַ֥עַר הַלְּבָנֽוֹן׃ פ

‎18 ‏וַיַּ֧עַשׂ הַמֶּ֛לֶךְ כִּסֵּא־שֵׁ֖ן גָּד֑וֹל וַיְצַפֵּ֖הוּ זָהָ֥ב מוּפָֽז׃

‎19 ‏שֵׁ֧שׁ מַעֲל֣וֹת לַכִּסֵּ֗ה וְרֹאשׁ־עָגֹ֤ל לַכִּסֵּה֙ מֵאַֽחֲרָ֔יו וְיָדֹ֛ת מִזֶּ֥ה וּמִזֶּ֖ה אֶל־מְק֣וֹם הַשָּׁ֑בֶת וּשְׁנַ֣יִם אֲרָי֔וֹת עֹמְדִ֖ים אֵ֥צֶל הַיָּדֽוֹת׃

‎20 ‏וּשְׁנֵ֧ים עָשָׂ֣ר אֲרָיִ֗ים עֹמְדִ֥ים שָׁ֛ם עַל־שֵׁ֥שׁ הַֽמַּעֲל֖וֹת מִזֶּ֣ה וּמִזֶּ֑ה לֹֽא־נַעֲשָׂ֥ה כֵ֖ן לְכָל־מַמְלָכֽוֹת׃

‎21 ‏וְ֠כֹל כְּלֵ֞י מַשְׁקֵ֨ה הַמֶּ֤לֶךְ שְׁלֹמֹה֙ זָהָ֔ב וְכֹ֗ל כְּלֵ֛י בֵּֽית־יַ֥עַר הַלְּבָנ֖וֹן זָהָ֣ב סָג֑וּר אֵ֣ין כֶּ֗סֶף לֹ֥א נֶחְשָׁ֛ב בִּימֵ֥י שְׁלֹמֹ֖ה לִמְאֽוּמָה׃

‎22 ‏כִּי֩ אֳנִ֨י תַרְשִׁ֤ישׁ לַמֶּ֙לֶךְ֙ בַּיָּ֔ם עִ֖ם אֳנִ֣י חִירָ֑ם אַחַת֩ לְשָׁלֹ֨שׁ שָׁנִ֜ים תָּב֣וֹא׀ אֳנִ֣י תַרְשִׁ֗ישׁ נֹֽשְׂאֵת֙ זָהָ֣ב וָכֶ֔סֶף שֶׁנְהַבִּ֥ים וְקֹפִ֖ים וְתֻכִּיִּֽים׃

‎23 ‏וַיִּגְדַּל֙ הַמֶּ֣לֶךְ שְׁלֹמֹ֔ה מִכֹּ֖ל מַלְכֵ֣י הָאָ֑רֶץ לְעֹ֖שֶׁר וּלְחָכְמָֽה׃

‎24 ‏וְכָ֨ל־הָאָ֔רֶץ מְבַקְשִׁ֖ים אֶת־פְּנֵ֣י שְׁלֹמֹ֑ה לִשְׁמֹ֙עַ֙ אֶת־חָכְמָת֔וֹ אֲשֶׁר־נָתַ֥ן אֱלֹהִ֖ים בְּלִבּֽוֹ׃

‎25 ‏וְהֵ֣מָּה מְבִאִ֣ים אִ֣ישׁ מִנְחָת֡וֹ כְּלֵ֣י כֶסֶף֩ וּכְלֵ֨י זָהָ֤ב וּשְׂלָמוֹת֙ וְנֵ֣שֶׁק וּבְשָׂמִ֔ים סוּסִ֖ים וּפְרָדִ֑ים דְּבַר־שָׁנָ֖ה בְּשָׁנָֽה׃ ס

‎26 ‏וַיֶּאֱסֹ֣ף שְׁלֹמֹה֮ רֶ֣כֶב וּפָרָשִׁים֒ וַיְהִי־ל֗וֹ אֶ֤לֶף וְאַרְבַּע־מֵאוֹת֙ רֶ֔כֶב וּשְׁנֵים־עָשָׂ֥ר אֶ֖לֶף פָּֽרָשִׁ֑ים וַיַּנְחֵם֙ בְּעָרֵ֣י הָרֶ֔כֶב וְעִם־הַמֶּ֖לֶךְ בִּירוּשָׁלִָֽם׃

‎27 ‏וַיִּתֵּ֨ן הַמֶּ֧לֶךְ אֶת־הַכֶּ֛סֶף בִּירוּשָׁלִַ֖ם כָּאֲבָנִ֑ים וְאֵ֣ת הָאֲרָזִ֗ים נָתַ֛ן כַּשִּׁקְמִ֥ים אֲשֶׁר־בַּשְּׁפֵלָ֖ה לָרֹֽב׃

‎28 ‏וּמוֹצָ֧א הַסּוּסִ֛ים אֲשֶׁ֥ר לִשְׁלֹמֹ֖ה מִמִּצְרָ֑יִם וּמִקְוֵ֕ה סֹחֲרֵ֣י הַמֶּ֔לֶךְ יִקְח֥וּ מִקְוֵ֖ה בִּמְחִֽיר׃

‎29 ‏וַֽ֠תַּעֲלֶה וַתֵּצֵ֨א מֶרְכָּבָ֤ה מִמִּצְרַ֙יִם֙ בְּשֵׁ֣שׁ מֵא֣וֹת כֶּ֔סֶף וְס֖וּס בַּחֲמִשִּׁ֣ים וּמֵאָ֑ה וְ֠כֵן לְכָל־מַלְכֵ֧י הַחִתִּ֛ים וּלְמַלְכֵ֥י אֲרָ֖ם בְּיָדָ֥ם יֹצִֽאוּ׃ פ

1 ûmaləkaṯ-šəḇā’ šōm^a‘aṯ ’eṯ-šēm^a‘ šəlōmōh ləšēm yəhwâ watāḇō’ lənassōṯwō bəḥîḏwōṯ:

2 watāḇō’ yərûšālaəmâ bəḥayil kāḇēḏ mə’ōḏ gəmallîm nōśə’îm bəśāmîm wəzâāḇ raḇ-mə’ōḏ wə’eḇen yəqārâ watāḇō’ ’el-šəlōmōh watəḏabēr ’ēlāyw ’ēṯ kāl-’ăšer hāyâ ‘im-ləḇāḇāh:

3 wayyageḏ-lāh šəlōmōh ’eṯ-kāl-dəḇāreyhā lō’-hāyâ dāḇār ne‘əlām min-hammeleḵə ’ăšer lō’ higîḏ lāh:

4 watēre’ maləkaṯ-šəḇā’ ’ēṯ kāl-ḥāḵəmaṯ šəlōmōh wəhabayiṯ ’ăšer bānâ:

5 ûma’ăḵal šuləḥānwō ûmwōšaḇ ‘ăḇāḏāyw ûm^a‘ămaḏ məšārəṯāw məšārəṯāyw ûmaləbušêhem ûmašəqāyw wə‘ōlāṯwō ’ăšer y^a‘ăleh bêṯ yəhwâ wəlō’-hāyâ ḇāh ‘wōḏ rûḥa:

6 watō’mer ’el-hammeleḵə ’ĕmeṯ hāyâ hadāḇār ’ăšer šām^a‘ətî bə’arəṣî ‘al-dəḇāreyḵā wə‘al-ḥāḵəmāṯeḵā:

7 wəlō’-he’ĕmanətî ladəḇārîm ‘aḏ ’ăšer-bā’ṯî watirə’eynâ ‘ênay wəhinnēh lō’-hugaḏ-lî h^aḥēṣî hwōsafətā ḥāḵəmâ wāṭwōḇ ’el-haššəmû‘â ’ăšer šāmā‘ətî:

8 ’ašərê ’ănāšeyḵā ’ašərê ‘ăḇāḏeyḵā ’ēlleh hā‘ōməḏîm ləfāneyḵā tāmîḏ haššōmə‘îm ’eṯ-ḥāḵəmāṯeḵā:

9 yəhî yəhwâ ’ĕlōheyḵā bārûḵə ’ăšer ḥāfēṣ bəḵā ləṯitəḵā ‘al-kissē’ yiśərā’ēl bə’ahăḇaṯ yəhwâ ’eṯ-yiśərā’ēl lə‘ōlām wayəśîməḵā ləmeleḵə l^a‘ăśwōṯ mišəpāṭ ûṣəḏāqâ:

10 watitēn lammeleḵə mē’â wə‘eśərîm| kikar zâāḇ ûḇəśāmîm harəbēh mə’ōḏ wə’eḇen yəqārâ lō’-ḇā’ ḵabōśem hahû’ ‘wōḏ lārōḇ ’ăšer-nāṯənâ maləkaṯ-šəḇā’ lammeleḵə šəlōmōh:

11 wəḡam ’ŏnî ḥîrām ’ăšer-nāśā’ zâāḇ mē’wōfîr hēḇî’ mē’ōfîr ‘ăṣê ’aləmugîm harəbēh mə’ōḏ wə’eḇen yəqārâ:

12 wayy^a‘aś hammeleḵə ’eṯ-‘ăṣê hā’aləmugîm misə‘āḏ ləḇêṯ-yəhwâ ûləḇêṯ hammeleḵə wəḵinnōrwōṯ ûnəḇālîm laššārîm lō’ ḇā’-ḵēn ‘ăṣê ’aləmugîm wəlō’ nirə’â ‘aḏ hayywōm hazzeh:

13 wəhammeleḵə šəlōmōh nāṯan ləmaləkaṯ-šəḇā’ ’eṯ-kāl-ḥefəṣāh ’ăšer šā’ālâ milləḇaḏ ’ăšer nāṯan-lāh kəyaḏ hammeleḵə šəlōmōh watēfen watēleḵə lə’arəṣāh hî’ w^a‘ăḇāḏeyhā: s

14 wayəhî mišəqal hazzâāḇ ’ăšer-bā’ lišəlōmōh bəšānâ ’eḥāṯ šēš mē’wōṯ šiššîm wāšēš kikar zâāḇ:

15 ləḇaḏ mē’anəšê hatārîm ûmisəḥar hārōḵəlîm wəḵāl-maləḵê hā‘ereḇ ûf^aḥwōṯ hā’āreṣ:

16 wayy^a‘aś hammeleḵə šəlōmōh mā’ṯayim ṣinnâ zâāḇ šāḥûṭ šēš-mē’wōṯ zâāḇ y^a‘ăleh ‘al-haṣṣinnâ hā’eḥāṯ:

17 ûšəlōš-mē’wōṯ māḡinnîm zâāḇ šāḥûṭ šəlōšeṯ mānîm zâāḇ y^a‘ăleh ‘al-hammāḡēn hā’eḥāṯ wayyitənēm hammeleḵə bêṯ y^a‘ar halləḇānwōn: f

18 wayy^a‘aś hammeleḵə kissē’-šēn gāḏwōl wayəṣapēhû zâāḇ mûfāz:

19 šēš m^a‘ălwōṯ lakissēh wərō’š-‘āḡōl lakissēh mē’^aḥărāyw wəyāḏōṯ mizzeh ûmizzeh ’el-məqwōm haššāḇeṯ ûšənayim ’ărāywōṯ ‘ōməḏîm ’ēṣel hayyāḏwōṯ:

20 ûšənêm ‘āśār ’ărāyîm ‘ōməḏîm šām ‘al-šēš hamm^a‘ălwōṯ mizzeh ûmizzeh lō’-n^a‘ăśâ ḵēn ləḵāl-maməlāḵwōṯ:

21 wəḵōl kəlê mašəqēh hammeleḵə šəlōmōh zâāḇ wəḵōl kəlê bêṯ-y^a‘ar halləḇānwōn zâāḇ sāḡûr ’ên kesef lō’ neḥəšāḇ bîmê šəlōmōh limə’ûmâ:

22 kî ’ŏnî ṯarəšîš lammeleḵə bayyām ‘im ’ŏnî ḥîrām ’^aḥaṯ ləšālōš šānîm tāḇwō’| ’ŏnî ṯarəšîš nōśə’ēṯ zâāḇ wāḵesef šenəhabîm wəqōfîm wəṯukîyîm:

23 wayyiḡədal hammeleḵə šəlōmōh mikōl maləḵê hā’āreṣ lə‘ōšer ûləḥāḵəmâ:

24 wəḵāl-hā’āreṣ məḇaqəšîm ’eṯ-pənê šəlōmōh lišəmō‘a ’eṯ-ḥāḵəmāṯwō ’ăšer-nāṯan ’ĕlōhîm bəlibwō:

25 wəhēmmâ məḇi’îm ’îš minəḥāṯwō kəlê ḵesef ûḵəlê zâāḇ ûśəlāmwōṯ wənēšeq ûḇəśāmîm sûsîm ûfərāḏîm dəḇar-šānâ bəšānâ: s

26 wayye’ĕsōf šəlōmōh reḵeḇ ûfārāšîm wayəhî-lwō ’elef wə’arəb^a‘-mē’wōṯ reḵeḇ ûšənêm-‘āśār ’elef pārāšîm wayyanəḥēm bə‘ārê hāreḵeḇ wə‘im-hammeleḵə bîrûšālāim:

27 wayyitēn hammeleḵə ’eṯ-hakesef bîrûšālaim kā’ăḇānîm wə’ēṯ hā’ărāzîm nāṯan kaššiqəmîm ’ăšer-baššəfēlâ lārōḇ:

28 ûmwōṣā’ hassûsîm ’ăšer lišəlōmōh mimmiṣərāyim ûmiqəwēh sōḥărê hammeleḵə yiqəḥû miqəwēh biməḥîr:

29 wat^a‘ăleh watēṣē’ merəkāḇâ mimmiṣərayim bəšēš mē’wōṯ kesef wəsûs b^aḥămiššîm ûmē’â wəḵēn ləḵāl-maləḵê h^aḥitîm ûləmaləḵê ’ărām bəyāḏām yōṣi’û: f

Tanach (Hebrew): 1 Kings (1 Melakhim) Chapter 11

‎1 ‏וְהַמֶּ֣לֶךְ שְׁלֹמֹ֗ה אָהַ֞ב נָשִׁ֧ים נָכְרִיּ֛וֹת רַבּ֖וֹת וְאֶת־בַּת־פַּרְעֹ֑ה מוֹאֲבִיּ֤וֹת עַמֳּנִיּוֹת֙ אֲדֹ֣מִיֹּ֔ת צֵדְנִיֹּ֖ת חִתִּיֹּֽת׃

‎2 ‏מִן־הַגּוֹיִ֗ם אֲשֶׁ֣ר אָֽמַר־יְהוָה֩ אֶל־בְּנֵ֨י יִשְׂרָאֵ֜ל לֹֽא־תָבֹ֣אוּ בָהֶ֗ם וְהֵם֙ לֹא־יָבֹ֣אוּ בָכֶ֔ם אָכֵן֙ יַטּ֣וּ אֶת־לְבַבְכֶ֔ם אַחֲרֵ֖י אֱלֹהֵיהֶ֑ם בָּהֶ֛ם דָּבַ֥ק שְׁלֹמֹ֖ה לְאַהֲבָֽה׃

‎3 ‏וַיְהִי־ל֣וֹ נָשִׁ֗ים שָׂרוֹת֙ שְׁבַ֣ע מֵא֔וֹת וּפִֽלַגְשִׁ֖ים שְׁלֹ֣שׁ מֵא֑וֹת וַיַּטּ֥וּ נָשָׁ֖יו אֶת־לִבּֽוֹ׃

‎4 ‏וַיְהִ֗י לְעֵת֙ זִקְנַ֣ת שְׁלֹמֹ֔ה נָשָׁיו֙ הִטּ֣וּ אֶת־לְבָב֔וֹ אַחֲרֵ֖י אֱלֹהִ֣ים אֲחֵרִ֑ים וְלֹא־הָיָ֨ה לְבָב֤וֹ שָׁלֵם֙ עִם־יְהוָ֣ה אֱלֹהָ֔יו כִּלְבַ֖ב דָּוִ֥יד אָבִֽיו׃

‎5 ‏וַיֵּ֣לֶךְ שְׁלֹמֹ֔ה אַחֲרֵ֣י עַשְׁתֹּ֔רֶת אֱלֹהֵ֖י צִדֹנִ֑ים וְאַחֲרֵ֣י מִלְכֹּ֔ם שִׁקֻּ֖ץ עַמֹּנִֽים׃

‎6 ‏וַיַּ֧עַשׂ שְׁלֹמֹ֛ה הָרַ֖ע בְּעֵינֵ֣י יְהוָ֑ה וְלֹ֥א מִלֵּ֛א אַחֲרֵ֥י יְהוָ֖ה כְּדָוִ֥ד אָבִֽיו׃ ס

‎7 ‏אָז֩ יִבְנֶ֨ה שְׁלֹמֹ֜ה בָּמָ֗ה לִכְמוֹשׁ֙ שִׁקֻּ֣ץ מוֹאָ֔ב בָּהָ֕ר אֲשֶׁ֖ר עַל־פְּנֵ֣י יְרוּשָׁלִָ֑ם וּלְמֹ֕לֶךְ שִׁקֻּ֖ץ בְּנֵ֥י עַמּֽוֹן׃

‎8 ‏וְכֵ֣ן עָשָׂ֔ה לְכָל־נָשָׁ֖יו הַנָּכְרִיּ֑וֹת מַקְטִיר֥וֹת וּֽמְזַבְּח֖וֹת לֵאלֹהֵיהֶֽן׃

‎9 ‏וַיִּתְאַנַּ֥ף יְהוָ֖ה בִּשְׁלֹמֹ֑ה כִּֽי־נָטָ֣ה לְבָב֗וֹ מֵעִ֤ם יְהוָה֙ אֱלֹהֵ֣י יִשְׂרָאֵ֔ל הַנִּרְאָ֥ה אֵלָ֖יו פַּעֲמָֽיִם׃

‎10 ‏וְצִוָּ֤ה אֵלָיו֙ עַל־הַדָּבָ֣ר הַזֶּ֔ה לְבִ֨לְתִּי־לֶ֔כֶת אַחֲרֵ֖י אֱלֹהִ֣ים אֲחֵרִ֑ים וְלֹ֣א שָׁמַ֔ר אֵ֥ת אֲשֶׁר־צִוָּ֖ה יְהוָֽה׃ פ

‎11 ‏וַיֹּ֨אמֶר יְהוָ֜ה לִשְׁלֹמֹ֗ה יַ֚עַן אֲשֶׁ֣ר הָֽיְתָה־זֹּ֣את עִמָּ֔ךְ וְלֹ֤א שָׁמַ֙רְתָּ֙ בְּרִיתִ֣י וְחֻקֹּתַ֔י אֲשֶׁ֥ר צִוִּ֖יתִי עָלֶ֑יךָ קָרֹ֨עַ אֶקְרַ֤ע אֶת־הַמַּמְלָכָה֙ מֵֽעָלֶ֔יךָ וּנְתַתִּ֖יהָ לְעַבְדֶּֽךָ׃

‎12 ‏אַךְ־בְּיָמֶ֙יךָ֙ לֹ֣א אֶעֱשֶׂ֔נָּה לְמַ֖עַן דָּוִ֣ד אָבִ֑יךָ מִיַּ֥ד בִּנְךָ֖ אֶקְרָעֶֽנָּה׃

‎13 ‏רַ֤ק אֶת־כָּל־הַמַּמְלָכָה֙ לֹ֣א אֶקְרָ֔ע שֵׁ֥בֶט אֶחָ֖ד אֶתֵּ֣ן לִבְנֶ֑ךָ לְמַ֙עַן֙ דָּוִ֣ד עַבְדִּ֔י וּלְמַ֥עַן יְרוּשָׁלִַ֖ם אֲשֶׁ֥ר בָּחָֽרְתִּי׃

‎14 ‏וַיָּ֨קֶם יְהוָ֤ה שָׂטָן֙ לִשְׁלֹמֹ֔ה אֵ֖ת הֲדַ֣ד הָאֲדֹמִ֑י מִזֶּ֧רַע הַמֶּ֛לֶךְ ה֖וּא בֶּאֱדֽוֹם׃

‎15 ‏וַיְהִ֗י בִּֽהְי֤וֹת דָּוִד֙ אֶת־אֱד֔וֹם בַּעֲל֗וֹת יוֹאָב֙ שַׂ֣ר הַצָּבָ֔א לְקַבֵּ֖ר אֶת־הַחֲלָלִ֑ים וַיַּ֥ךְ כָּל־זָכָ֖ר בֶּאֱדֽוֹם׃

‎16 ‏כִּ֣י שֵׁ֧שֶׁת חֳדָשִׁ֛ים יָֽשַׁב־שָׁ֥ם יוֹאָ֖ב וְכָל־יִשְׂרָאֵ֑ל עַד־הִכְרִ֥ית כָּל־זָכָ֖ר בֶּאֱדֽוֹם׃

‎17 ‏וַיִּבְרַ֣ח אֲדַ֡ד הוּא֩ וַאֲנָשִׁ֨ים אֲדֹמִיִּ֜ים מֵעַבְדֵ֥י אָבִ֛יו אִתּ֖וֹ לָב֣וֹא מִצְרָ֑יִם וַהֲדַ֖ד נַ֥עַר קָטָֽן׃

‎18 ‏וַיָּקֻ֙מוּ֙ מִמִּדְיָ֔ן וַיָּבֹ֖אוּ פָּארָ֑ן וַיִּקְחוּ֩ אֲנָשִׁ֨ים עִמָּ֜ם מִפָּארָ֗ן וַיָּבֹ֤אוּ מִצְרַ֙יִם֙ אֶל־פַּרְעֹ֣ה מֶֽלֶךְ־מִצְרַ֔יִם וַיִּתֶּן־ל֣וֹ בַ֗יִת וְלֶ֙חֶם֙ אָ֣מַר ל֔וֹ וְאֶ֖רֶץ נָ֥תַן לֽוֹ׃

‎19 ‏וַיִּמְצָא֙ הֲדַ֥ד חֵ֛ן בְּעֵינֵ֥י פַרְעֹ֖ה מְאֹ֑ד וַיִּתֶּן־ל֤וֹ אִשָּׁה֙ אֶת־אֲח֣וֹת אִשְׁתּ֔וֹ אֲח֖וֹת תַּחְפְּנֵ֥יס הַגְּבִירָֽה׃

‎20 ‏וַתֵּ֨לֶד ל֜וֹ אֲח֣וֹת תַּחְפְּנֵ֗יס אֵ֚ת גְּנֻבַ֣ת בְּנ֔וֹ וַתִּגְמְלֵ֣הוּ תַחְפְּנֵ֔ס בְּת֖וֹךְ בֵּ֣ית פַּרְעֹ֑ה וַיְהִ֤י גְנֻבַת֙ בֵּ֣ית פַּרְעֹ֔ה בְּת֖וֹךְ בְּנֵ֥י פַרְעֹֽה׃

‎21 ‏וַהֲדַ֞ד שָׁמַ֣ע בְּמִצְרַ֗יִם כִּֽי־שָׁכַ֤ב דָּוִד֙ עִם־אֲבֹתָ֔יו וְכִי־מֵ֖ת יוֹאָ֣ב שַֽׂר־הַצָּבָ֑א וַיֹּ֤אמֶר הֲדַד֙ אֶל־פַּרְעֹ֔ה שַׁלְּחֵ֖נִי וְאֵלֵ֥ךְ אֶל־אַרְצִֽי׃

‎22 ‏וַיֹּ֧אמֶר ל֣וֹ פַרְעֹ֗ה כִּ֠י מָה־אַתָּ֤ה חָסֵר֙ עִמִּ֔י וְהִנְּךָ֥ מְבַקֵּ֖שׁ לָלֶ֣כֶת אֶל־אַרְצֶ֑ךָ וַיֹּ֣אמֶר׀ לֹ֔א כִּ֥י שַׁלֵּ֖חַ תְּשַׁלְּחֵֽנִי׃

‎23 ‏וַיָּ֨קֶם אֱלֹהִ֥ים לוֹ֙ שָׂטָ֔ן אֶת־רְז֖וֹן בֶּן־אֶלְיָדָ֑ע אֲשֶׁ֣ר בָּרַ֗ח מֵאֵ֛ת הֲדַדְעֶ֥זֶר מֶֽלֶךְ־צוֹבָ֖ה אֲדֹנָֽיו׃

‎24 ‏וַיִּקְבֹּ֤ץ עָלָיו֙ אֲנָשִׁ֔ים וַיְהִ֣י שַׂר־גְּד֔וּד בַּהֲרֹ֥ג דָּוִ֖ד אֹתָ֑ם וַיֵּלְכ֤וּ דַמֶּ֙שֶׂק֙ וַיֵּ֣שְׁבוּ בָ֔הּ וַֽיִּמְלְכ֖וּ בְּדַמָּֽשֶׂק׃

‎25 ‏וַיְהִ֨י שָׂטָ֤ן לְיִשְׂרָאֵל֙ כָּל־יְמֵ֣י שְׁלֹמֹ֔ה וְאֶת־הָרָעָ֖ה אֲשֶׁ֣ר הֲדָ֑ד וַיָּ֙קָץ֙ בְּיִשְׂרָאֵ֔ל וַיִּמְלֹ֖ךְ עַל־אֲרָֽם׃ פ

‎26 ‏וְיָרָבְעָם֩ בֶּן־נְבָ֨ט אֶפְרָתִ֜י מִן־הַצְּרֵדָ֗ה וְשֵׁ֤ם אִמּוֹ֙ צְרוּעָה֙ אִשָּׁ֣ה אַלְמָנָ֔ה עֶ֖בֶד לִשְׁלֹמֹ֑ה וַיָּ֥רֶם יָ֖ד בַּמֶּֽלֶךְ׃

‎27 ‏וְזֶ֣ה הַדָּבָ֔ר אֲשֶׁר־הֵרִ֥ים יָ֖ד בַּמֶּ֑לֶךְ שְׁלֹמֹה֙ בָּנָ֣ה אֶת־הַמִּלּ֔וֹא סָגַ֕ר אֶת־פֶּ֕רֶץ עִ֖יר דָּוִ֥ד אָבִֽיו׃

‎28 ‏וְהָאִ֥ישׁ יָרָבְעָ֖ם גִּבּ֣וֹר חָ֑יִל וַיַּ֨רְא שְׁלֹמֹ֜ה אֶת־הַנַּ֗עַר כִּֽי־עֹשֵׂ֤ה מְלָאכָה֙ ה֔וּא וַיַּפְקֵ֣ד אֹת֔וֹ לְכָל־סֵ֖בֶל בֵּ֥ית יוֹסֵֽף׃ ס

‎29 ‏וַֽיְהִי֙ בָּעֵ֣ת הַהִ֔יא וְיָֽרָבְעָ֖ם יָצָ֣א מִירוּשָׁלִָ֑ם וַיִּמְצָ֣א אֹת֡וֹ אֲחִיָּה֩ הַשִּׁילֹנִ֨י הַנָּבִ֜יא בַּדֶּ֗רֶךְ וְה֤וּא מִתְכַּסֶּה֙ בְּשַׂלְמָ֣ה חֲדָשָׁ֔ה וּשְׁנֵיהֶ֥ם לְבַדָּ֖ם בַּשָּׂדֶֽה׃

‎30 ‏וַיִּתְפֹּ֣שׂ אֲחִיָּ֔ה בַּשַּׂלְמָ֥ה הַחֲדָשָׁ֖ה אֲשֶׁ֣ר עָלָ֑יו וַיִּ֨קְרָעֶ֔הָ שְׁנֵ֥ים עָשָׂ֖ר קְרָעִֽים׃

‎31 ‏וַיֹּ֙אמֶר֙ לְיָֽרָבְעָ֔ם קַח־לְךָ֖ עֲשָׂרָ֣ה קְרָעִ֑ים כִּ֣י כֹה֩ אָמַ֨ר יְהוָ֜ה אֱלֹהֵ֣י יִשְׂרָאֵ֗ל הִנְנִ֨י קֹרֵ֤עַ אֶת־הַמַּמְלָכָה֙ מִיַּ֣ד שְׁלֹמֹ֔ה וְנָתַתִּ֣י לְךָ֔ אֵ֖ת עֲשָׂרָ֥ה הַשְּׁבָטִֽים׃

‎32 ‏וְהַשֵּׁ֥בֶט הָאֶחָ֖ד יִֽהְיֶה־לּ֑וֹ לְמַ֣עַן׀ עַבְדִּ֣י דָוִ֗ד וּלְמַ֙עַן֙ יְר֣וּשָׁלִַ֔ם הָעִיר֙ אֲשֶׁ֣ר בָּחַ֣רְתִּי בָ֔הּ מִכֹּ֖ל שִׁבְטֵ֥י יִשְׂרָאֵֽל׃

‎33 ‏יַ֣עַן׀ אֲשֶׁ֣ר עֲזָב֗וּנִי וַיִּֽשְׁתַּחֲווּ֮ לְעַשְׁתֹּרֶת֮ אֱלֹהֵ֣י צִֽדֹנִין֒ לִכְמוֹשׁ֙ אֱלֹהֵ֣י מוֹאָ֔ב וּלְמִלְכֹּ֖ם אֱלֹהֵ֣י בְנֵֽי־עַמּ֑וֹן וְלֹֽא־הָלְכ֣וּ בִדְרָכַ֗י לַעֲשׂ֨וֹת הַיָּשָׁ֧ר בְּעֵינַ֛י וְחֻקֹּתַ֥י וּמִשְׁפָּטַ֖י כְּדָוִ֥ד אָבִֽיו׃

‎34 ‏וְלֹֽא־אֶקַּ֥ח אֶת־כָּל־הַמַּמְלָכָ֖ה מִיָּד֑וֹ כִּ֣י׀ נָשִׂ֣יא אֲשִׁתֶ֗נּוּ כֹּ֚ל יְמֵ֣י חַיָּ֔יו לְמַ֨עַן דָּוִ֤ד עַבְדִּי֙ אֲשֶׁ֣ר בָּחַ֣רְתִּי אֹת֔וֹ אֲשֶׁ֥ר שָׁמַ֖ר מִצְוֹתַ֥י וְחֻקֹּתָֽי׃

‎35 ‏וְלָקַחְתִּ֥י הַמְּלוּכָ֖ה מִיַּ֣ד בְּנ֑וֹ וּנְתַתִּ֣יהָ לְּךָ֔ אֵ֖ת עֲשֶׂ֥רֶת הַשְּׁבָטִֽים׃

‎36 ‏וְלִבְנ֖וֹ אֶתֵּ֣ן שֵֽׁבֶט־אֶחָ֑ד לְמַ֣עַן הֱיֽוֹת־נִ֣יר לְדָֽוִיד־עַ֠בְדִּי כָּֽל־הַיָּמִ֤ים׀ לְפָנַי֙ בִּיר֣וּשָׁלִַ֔ם הָעִיר֙ אֲשֶׁ֣ר בָּחַ֣רְתִּי לִ֔י לָשׂ֥וּם שְׁמִ֖י שָֽׁם׃

‎37 ‏וְאֹתְךָ֣ אֶקַּ֔ח וּמָ֣לַכְתָּ֔ בְּכֹ֥ל אֲשֶׁר־תְּאַוֶּ֖ה נַפְשֶׁ֑ךָ וְהָיִ֥יתָ מֶּ֖לֶךְ עַל־יִשְׂרָאֵֽל׃

‎38 ‏וְהָיָ֗ה אִם־תִּשְׁמַע֮ אֶת־כָּל־אֲשֶׁ֣ר אֲצַוֶּךָ֒ וְהָלַכְתָּ֣ בִדְרָכַ֗י וְעָשִׂ֨יתָ הַיָּשָׁ֤ר בְּעֵינַי֙ לִשְׁמ֤וֹר חֻקּוֹתַי֙ וּמִצְוֹתַ֔י כַּאֲשֶׁ֥ר עָשָׂ֖ה דָּוִ֣ד עַבְדִּ֑י וְהָיִ֣יתִי עִמָּ֗ךְ וּבָנִ֨יתִי לְךָ֤ בַֽיִת־נֶאֱמָן֙ כַּאֲשֶׁ֣ר בָּנִ֣יתִי לְדָוִ֔ד וְנָתַתִּ֥י לְךָ֖ אֶת־יִשְׂרָאֵֽל׃

‎39 ‏וַֽאעַנֶּ֛ה אֶת־זֶ֥רַע דָּוִ֖ד לְמַ֣עַן זֹ֑את אַ֖ךְ לֹ֥א כָל־הַיָּמִֽים׃ ס

‎40 ‏וַיְבַקֵּ֥שׁ שְׁלֹמֹ֖ה לְהָמִ֣ית אֶת־יָרָבְעָ֑ם וַיָּ֣קָם יָרָבְעָ֗ם וַיִּבְרַ֤ח מִצְרַ֙יִם֙ אֶל־שִׁישַׁ֣ק מֶֽלֶךְ־מִצְרַ֔יִם וַיְהִ֥י בְמִצְרַ֖יִם עַד־מ֥וֹת שְׁלֹמֹֽה׃

‎41 ‏וְיֶ֨תֶר דִּבְרֵ֧י שְׁלֹמֹ֛ה וְכָל־אֲשֶׁ֥ר עָשָׂ֖ה וְחָכְמָת֑וֹ הֲלֽוֹא־הֵ֣ם כְּתֻבִ֔ים עַל־סֵ֖פֶר דִּבְרֵ֥י שְׁלֹמֹֽה׃

‎42 ‏וְהַיָּמִ֗ים אֲשֶׁר֩ מָלַ֨ךְ שְׁלֹמֹ֤ה בִירוּשָׁלִַ֙ם֙ עַל־כָּל־יִשְׂרָאֵ֔ל אַרְבָּעִ֖ים שָׁנָֽה׃

‎43 ‏וַיִּשְׁכַּ֤ב שְׁלֹמֹה֙ עִם־אֲבֹתָ֔יו וַיִּ֨קָּבֵ֔ר בְּעִ֖יר דָּוִ֣ד אָבִ֑יו וַיִּמְלֹ֛ךְ רְחַבְעָ֥ם בְּנ֖וֹ תַּחְתָּֽיו׃ ס

1 wəhammeleḵə šəlōmōh ’âaḇ nāšîm nāḵərîywōṯ rabwōṯ wə’eṯ-baṯ-parə‘ōh mwō’ăḇîywōṯ ‘ammŏnîywōṯ ’ăḏōmîyōṯ ṣēḏənîyōṯ ḥitîyōṯ:

2 min-hagwōyim ’ăšer ’āmar-yəhwâ ’el-bənê yiśərā’ēl lō’-ṯāḇō’û ḇâem wəhēm lō’-yāḇō’û ḇāḵem ’āḵēn yaṭṭû ’eṯ-ləḇaḇəḵem ’^aḥărê ’ĕlōhêhem bâem dāḇaq šəlōmōh lə’ahăḇâ:

3 wayəhî-lwō nāšîm śārwōṯ šəḇ^a‘ mē’wōṯ ûfilaḡəšîm šəlōš mē’wōṯ wayyaṭṭû nāšāyw ’eṯ-libwō:

4 wayəhî lə‘ēṯ ziqənaṯ šəlōmōh nāšāyw hiṭṭû ’eṯ-ləḇāḇwō ’^aḥărê ’ĕlōhîm ’ăḥērîm wəlō’-hāyâ ləḇāḇwō šālēm ‘im-yəhwâ ’ĕlōhāyw kiləḇaḇ dāwîḏ ’āḇîw:

5 wayyēleḵə šəlōmōh ’^aḥărê ‘ašətōreṯ ’ĕlōhê ṣiḏōnîm wə’^aḥărê miləkōm šiqquṣ ‘ammōnîm:

6 wayy^a‘aś šəlōmōh hār^a‘ bə‘ênê yəhwâ wəlō’ millē’ ’^aḥărê yəhwâ kəḏāwiḏ ’āḇîw: s

7 ’āz yiḇəneh šəlōmōh bāmâ liḵəmwōš šiqquṣ mwō’āḇ bâār ’ăšer ‘al-pənê yərûšālāim ûləmōleḵə šiqquṣ bənê ‘ammwōn:

8 wəḵēn ‘āśâ ləḵāl-nāšāyw hannāḵərîywōṯ maqəṭîrwōṯ ûməzabəḥwōṯ lē’lōhêhen:

9 wayyiṯə’annaf yəhwâ bišəlōmōh kî-nāṭâ ləḇāḇwō mē‘im yəhwâ ’ĕlōhê yiśərā’ēl hannirə’â ’ēlāyw p^a‘ămāyim:

10 wəṣiûâ ’ēlāyw ‘al-hadāḇār hazzeh ləḇilətî-leḵeṯ ’^aḥărê ’ĕlōhîm ’ăḥērîm wəlō’ šāmar ’ēṯ ’ăšer-ṣiûâ yəhwâ: f

11 wayyō’mer yəhwâ lišəlōmōh y^a‘an ’ăšer hāyəṯâ-zzō’ṯ ‘immāḵə wəlō’ šāmarətā bərîṯî wəḥuqqōṯay ’ăšer ṣiûîṯî ‘āleyḵā qārō‘a ’eqər^a‘ ’eṯ-hammaməlāḵâ mē‘āleyḵā ûnəṯatîhā lə‘aḇədeḵā:

12 ’aḵə-bəyāmeyḵā lō’ ’e‘ĕśennâ ləm^a‘an dāwiḏ ’āḇîḵā mîyaḏ binəḵā ’eqərā‘ennâ:

13 raq ’eṯ-kāl-hammaməlāḵâ lō’ ’eqərā‘ šēḇeṭ ’eḥāḏ ’etēn liḇəneḵā ləm^a‘an dāwiḏ ‘aḇədî ûləm^a‘an yərûšālaim ’ăšer bāḥārətî:

14 wayyāqem yəhwâ śāṭān lišəlōmōh ’ēṯ hăḏaḏ hā’ăḏōmî mizzer^a‘ hammeleḵə hû’ be’ĕḏwōm:

15 wayəhî bihəywōṯ dāwiḏ ’eṯ-’ĕḏwōm b^a‘ălwōṯ ywō’āḇ śar haṣṣāḇā’ ləqabēr ’eṯ-h^aḥălālîm wayyaḵə kāl-zāḵār be’ĕḏwōm:

16 kî šēšeṯ ḥŏḏāšîm yāšaḇ-šām ywō’āḇ wəḵāl-yiśərā’ēl ‘aḏ-hiḵərîṯ kāl-zāḵār be’ĕḏwōm:

17 wayyiḇər^aḥ ’ăḏaḏ hû’ wa’ănāšîm ’ăḏōmîyîm mē‘aḇəḏê ’āḇîw ’itwō lāḇwō’ miṣərāyim wahăḏaḏ n^a‘ar qāṭān:

18 wayyāqumû mimmiḏəyān wayyāḇō’û pā’rān wayyiqəḥû ’ănāšîm ‘immām mipā’rān wayyāḇō’û miṣərayim ’el-parə‘ōh meleḵə-miṣərayim wayyiten-lwō ḇayiṯ wəleḥem ’āmar lwō wə’ereṣ nāṯan lwō:

19 wayyiməṣā’ hăḏaḏ ḥēn bə‘ênê farə‘ōh mə’ōḏ wayyiten-lwō ’iššâ ’eṯ-’ăḥwōṯ ’išətwō ’ăḥwōṯ t^aḥəpənês hagəḇîrâ:

20 watēleḏ lwō ’ăḥwōṯ t^aḥəpənês ’ēṯ gənuḇaṯ bənwō watiḡəməlēhû ṯ^aḥəpənēs bəṯwōḵə bêṯ parə‘ōh wayəhî ḡənuḇaṯ bêṯ parə‘ōh bəṯwōḵə bənê farə‘ōh:

21 wahăḏaḏ šām^a‘ bəmiṣərayim kî-šāḵaḇ dāwiḏ ‘im-’ăḇōṯāyw wəḵî-mēṯ ywō’āḇ śar-haṣṣāḇā’ wayyō’mer hăḏaḏ ’el-parə‘ōh šalləḥēnî wə’ēlēḵə ’el-’arəṣî:

22 wayyō’mer lwō farə‘ōh kî mâ-’atâ ḥāsēr ‘immî wəhinnəḵā məḇaqqēš lāleḵeṯ ’el-’arəṣeḵā wayyō’mer| lō’ kî šallēḥa təšalləḥēnî:

23 wayyāqem ’ĕlōhîm lwō śāṭān ’eṯ-rəzwōn ben-’eləyāḏā‘ ’ăšer bār^aḥ mē’ēṯ hăḏaḏə‘ezer meleḵə-ṣwōḇâ ’ăḏōnāyw:

24 wayyiqəbōṣ ‘ālāyw ’ănāšîm wayəhî śar-gəḏûḏ bahărōḡ dāwiḏ ’ōṯām wayyēləḵû ḏammeśeq wayyēšəḇû ḇāh wayyimələḵû bəḏammāśeq:

25 wayəhî śāṭān ləyiśərā’ēl kāl-yəmê šəlōmōh wə’eṯ-hārā‘â ’ăšer hăḏāḏ wayyāqāṣ bəyiśərā’ēl wayyiməlōḵə ‘al-’ărām: f

26 wəyārāḇə‘ām ben-nəḇāṭ ’efərāṯî min-haṣṣərēḏâ wəšēm ’immwō ṣərû‘â ’iššâ ’aləmānâ ‘eḇeḏ lišəlōmōh wayyārem yāḏ bammeleḵə:

27 wəzeh hadāḇār ’ăšer-hērîm yāḏ bammeleḵə šəlōmōh bānâ ’eṯ-hammillwō’ sāḡar ’eṯ-pereṣ ‘îr dāwiḏ ’āḇîw:

28 wəhā’îš yārāḇə‘ām gibwōr ḥāyil wayyarə’ šəlōmōh ’eṯ-hann^a‘ar kî-‘ōśēh məlā’ḵâ hû’ wayyafəqēḏ ’ōṯwō ləḵāl-sēḇel bêṯ ywōsēf: s

29 wayəhî bā‘ēṯ hahî’ wəyārāḇə‘ām yāṣā’ mîrûšālāim wayyiməṣā’ ’ōṯwō ’ăḥîyâ haššîlōnî hannāḇî’ badereḵə wəhû’ miṯəkasseh bəśaləmâ ḥăḏāšâ ûšənêhem ləḇadām baśśāḏeh:

30 wayyiṯəpōś ’ăḥîyâ baśśaləmâ h^aḥăḏāšâ ’ăšer ‘ālāyw wayyiqərā‘ehā šənêm ‘āśār qərā‘îm:

31 wayyō’mer ləyārāḇə‘ām q^aḥ-ləḵā ‘ăśārâ qərā‘îm kî ḵōh ’āmar yəhwâ ’ĕlōhê yiśərā’ēl hinənî qōrē‘a ’eṯ-hammaməlāḵâ mîyaḏ šəlōmōh wənāṯatî ləḵā ’ēṯ ‘ăśārâ haššəḇāṭîm:

32 wəhaššēḇeṭ hā’eḥāḏ yihəyeh-llwō ləm^a‘an| ‘aḇədî ḏāwiḏ ûləm^a‘an yərûšālaim hā‘îr ’ăšer bāḥarətî ḇāh mikōl šiḇəṭê yiśərā’ēl:

33 y^a‘an| ’ăšer ‘ăzāḇûnî wayyišət^aḥăwû lə‘ašətōreṯ ’ĕlōhê ṣiḏōnîn liḵəmwōš ’ĕlōhê mwō’āḇ ûləmiləkōm ’ĕlōhê ḇənê-‘ammwōn wəlō’-hāləḵû ḇiḏərāḵay l^a‘ăśwōṯ hayyāšār bə‘ênay wəḥuqqōṯay ûmišəpāṭay kəḏāwiḏ ’āḇîw:

34 wəlō’-’eqq^aḥ ’eṯ-kāl-hammaməlāḵâ mîyāḏwō kî| nāśî’ ’ăšiṯennû kōl yəmê ḥayyāyw ləm^a‘an dāwiḏ ‘aḇədî ’ăšer bāḥarətî ’ōṯwō ’ăšer šāmar miṣəwōṯay wəḥuqqōṯāy:

35 wəlāq^aḥətî hamməlûḵâ mîyaḏ bənwō ûnəṯatîhā lləḵā ’ēṯ ‘ăśereṯ haššəḇāṭîm:

36 wəliḇənwō ’etēn šēḇeṭ-’eḥāḏ ləm^a‘an hĕywōṯ-nîr ləḏāwîḏ-‘aḇədî kāl-hayyāmîm| ləfānay bîrûšālaim hā‘îr ’ăšer bāḥarətî lî lāśûm šəmî šām:

37 wə’ōṯəḵā ’eqq^aḥ ûmālaḵətā bəḵōl ’ăšer-tə’aûeh nafəšeḵā wəhāyîṯā mmeleḵə ‘al-yiśərā’ēl:

38 wəhāyâ ’im-tišəm^a‘ ’eṯ-kāl-’ăšer ’ăṣaûeḵā wəhālaḵətā ḇiḏərāḵay wə‘āśîṯā hayyāšār bə‘ênay lišəmwōr ḥuqqwōṯay ûmiṣəwōṯay ka’ăšer ‘āśâ dāwiḏ ‘aḇədî wəhāyîṯî ‘immāḵə ûḇānîṯî ləḵā ḇayiṯ-ne’ĕmān ka’ăšer bānîṯî ləḏāwiḏ wənāṯatî ləḵā ’eṯ-yiśərā’ēl:

39 wa’‘anneh ’eṯ-zer^a‘ dāwiḏ ləm^a‘an zō’ṯ ’aḵə lō’ ḵāl-hayyāmîm: s

40 wayəḇaqqēš šəlōmōh ləhāmîṯ ’eṯ-yārāḇə‘ām wayyāqām yārāḇə‘ām wayyiḇər^aḥ miṣərayim ’el-šîšaq meleḵə-miṣərayim wayəhî ḇəmiṣərayim ‘aḏ-mwōṯ šəlōmōh:

41 wəyeṯer diḇərê šəlōmōh wəḵāl-’ăšer ‘āśâ wəḥāḵəmāṯwō hălwō’-hēm kəṯuḇîm ‘al-sēfer diḇərê šəlōmōh:

42 wəhayyāmîm ’ăšer mālaḵə šəlōmōh ḇîrûšālaim ‘al-kāl-yiśərā’ēl ’arəbā‘îm šānâ:

43 wayyišəkaḇ šəlōmōh ‘im-’ăḇōṯāyw wayyiqqāḇēr bə‘îr dāwiḏ ’āḇîw wayyiməlōḵə rəḥaḇə‘ām bənwō t^aḥətāyw: s

Tanach (Hebrew): 1 Kings (1 Melakhim) Chapter 12

‎1 ‏וַיֵּ֥לֶךְ רְחַבְעָ֖ם שְׁכֶ֑ם כִּ֥י שְׁכֶ֛ם בָּ֥א כָל־יִשְׂרָאֵ֖ל לְהַמְלִ֥יךְ אֹתֽוֹ׃

‎2 ‏וַיְהִ֞י כִּשְׁמֹ֣עַ׀ יָרָבְעָ֣ם בֶּן־נְבָ֗ט וְהוּא֙ עוֹדֶ֣נּוּ בְמִצְרַ֔יִם אֲשֶׁ֣ר בָּרַ֔ח מִפְּנֵ֖י הַמֶּ֣לֶךְ שְׁלֹמֹ֑ה וַיֵּ֥שֶׁב יָרָבְעָ֖ם בְּמִצְרָֽיִם׃

‎3 ‏וַֽיִּשְׁלְחוּ֙ וַיִּקְרְאוּ־ל֔וֹ ויבאו וַיָּבֹ֥א יָרָבְעָ֖ם וְכָל־קְהַ֣ל יִשְׂרָאֵ֑ל וַֽיְדַבְּר֔וּ אֶל־רְחַבְעָ֖ם לֵאמֹֽר׃

‎4 ‏אָבִ֖יךָ הִקְשָׁ֣ה אֶת־עֻלֵּ֑נוּ וְאַתָּ֡ה עַתָּ֣ה הָקֵל֩ מֵעֲבֹדַ֨ת אָבִ֜יךָ הַקָּשָׁ֗ה וּמֵעֻלּ֧וֹ הַכָּבֵ֛ד אֲשֶׁר־נָתַ֥ן עָלֵ֖ינוּ וְנַעַבְדֶֽךָּ׃

‎5 ‏וַיֹּ֣אמֶר אֲלֵיהֶ֗ם לְכ֥וּ עֹ֛ד שְׁלֹשָׁ֥ה יָמִ֖ים וְשׁ֣וּבוּ אֵלָ֑י וַיֵּלְכ֖וּ הָעָֽם׃

‎6 ‏וַיִּוָּעַ֞ץ הַמֶּ֣לֶךְ רְחַבְעָ֗ם אֶת־הַזְּקֵנִים֙ אֲשֶׁר־הָי֣וּ עֹמְדִ֗ים אֶת־פְּנֵי֙ שְׁלֹמֹ֣ה אָבִ֔יו בִּֽהְיֹת֥וֹ חַ֖י לֵאמֹ֑ר אֵ֚יךְ אַתֶּ֣ם נֽוֹעָצִ֔ים לְהָשִׁ֥יב אֶת־הָֽעָם־הַזֶּ֖ה דָּבָֽר׃

‎7 ‏וידבר וַיְדַבְּרוּ֙ אֵלָ֜יו לֵאמֹ֗ר אִם־הַ֠יּוֹם תִּֽהְיֶה־עֶ֜בֶד לָעָ֤ם הַזֶּה֙ וַֽעֲבַדְתָּ֔ם וַעֲנִיתָ֕ם וְדִבַּרְתָּ֥ אֲלֵיהֶ֖ם דְּבָרִ֣ים טוֹבִ֑ים וְהָי֥וּ לְךָ֛ עֲבָדִ֖ים כָּל־הַיָּמִֽים׃

‎8 ‏וַֽיַּעֲזֹ֛ב אֶת־עֲצַ֥ת הַזְּקֵנִ֖ים אֲשֶׁ֣ר יְעָצֻ֑הוּ וַיִּוָּעַ֗ץ אֶת־הַיְלָדִים֙ אֲשֶׁ֣ר גָּדְל֣וּ אִתּ֔וֹ אֲשֶׁ֥ר הָעֹמְדִ֖ים לְפָנָֽיו׃

‎9 ‏וַיֹּ֣אמֶר אֲלֵיהֶ֗ם מָ֚ה אַתֶּ֣ם נֽוֹעָצִ֔ים וְנָשִׁ֥יב דָּבָ֖ר אֶת־הָעָ֣ם הַזֶּ֑ה אֲשֶׁ֨ר דִּבְּר֤וּ אֵלַי֙ לֵאמֹ֔ר הָקֵל֙ מִן־הָעֹ֔ל אֲשֶׁר־נָתַ֥ן אָבִ֖יךָ עָלֵֽינוּ׃

‎10 ‏וַיְדַבְּר֣וּ אֵלָ֗יו הַיְלָדִים֙ אֲשֶׁ֨ר גָּדְל֣וּ אִתּוֹ֮ לֵאמֹר֒ כֹּֽה־תֹאמַ֣ר לָעָ֣ם הַזֶּ֡ה אֲשֶׁר֩ דִּבְּר֨וּ אֵלֶ֜יךָ לֵאמֹ֗ר אָבִ֙יךָ֙ הִכְבִּ֣יד אֶת־עֻלֵּ֔נוּ וְאַתָּ֖ה הָקֵ֣ל מֵעָלֵ֑ינוּ כֹּ֚ה תְּדַבֵּ֣ר אֲלֵיהֶ֔ם קָֽטָנִּ֥י עָבָ֖ה מִמָּתְנֵ֥י אָבִֽי׃

‎11 ‏וְעַתָּ֗ה אָבִי֙ הֶעְמִ֤יס עֲלֵיכֶם֙ עֹ֣ל כָּבֵ֔ד וַאֲנִ֖י אוֹסִ֣יף עַֽל־עֻלְּכֶ֑ם אָבִ֗י יִסַּ֤ר אֶתְכֶם֙ בַּשּׁוֹטִ֔ים וַאֲנִ֕י אֲיַסֵּ֥ר אֶתְכֶ֖ם בָּעַקְרַבִּֽים׃

‎12 ‏ויבו וַיָּב֨וֹא יָרָבְעָ֧ם וְכָל־הָעָ֛ם אֶל־רְחַבְעָ֖ם בַּיּ֣וֹם הַשְּׁלִישִׁ֑י כַּאֲשֶׁ֨ר דִּבֶּ֤ר הַמֶּ֙לֶךְ֙ לֵאמֹ֔ר שׁ֥וּבוּ אֵלַ֖י בַּיּ֥וֹם הַשְּׁלִישִֽׁי׃

‎13 ‏וַיַּ֧עַן הַמֶּ֛לֶךְ אֶת־הָעָ֖ם קָשָׁ֑ה וַֽיַּעֲזֹ֛ב אֶת־עֲצַ֥ת הַזְּקֵנִ֖ים אֲשֶׁ֥ר יְעָצֻֽהוּ׃

‎14 ‏וַיְדַבֵּ֣ר אֲלֵיהֶ֗ם כַּעֲצַ֤ת הַיְלָדִים֙ לֵאמֹ֔ר אָבִי֙ הִכְבִּ֣יד אֶֽת־עֻלְּכֶ֔ם וַאֲנִ֖י אֹסִ֣יף עַֽל־עֻלְּכֶ֑ם אָבִ֗י יִסַּ֤ר אֶתְכֶם֙ בַּשּׁוֹטִ֔ים וַאֲנִ֕י אֲיַסֵּ֥ר אֶתְכֶ֖ם בָּעַקְרַבִּֽים׃

‎15 ‏וְלֹֽא־שָׁמַ֥ע הַמֶּ֖לֶךְ אֶל־הָעָ֑ם כִּֽי־הָיְתָ֤ה סִבָּה֙ מֵעִ֣ם יְהוָ֔ה לְמַ֜עַן הָקִ֣ים אֶת־דְּבָר֗וֹ אֲשֶׁ֨ר דִּבֶּ֤ר יְהוָה֙ בְּיַד֙ אֲחִיָּ֣ה הַשִּׁילֹנִ֔י אֶל־יָרָבְעָ֖ם בֶּן־נְבָֽט׃

‎16 ‏וַיַּ֣רְא כָּל־יִשְׂרָאֵ֗ל כִּ֠י לֹֽא־שָׁמַ֣ע הַמֶּלֶךְ֮ אֲלֵיהֶם֒ וַיָּשִׁ֣בוּ הָעָ֣ם אֶת־הַמֶּ֣לֶךְ דָּבָ֣ר׀ לֵאמֹ֡ר מַה־לָּנוּ֩ חֵ֨לֶק בְּדָוִ֜ד וְלֹֽא־נַחֲלָ֣ה בְּבֶן־יִשַׁ֗י לְאֹהָלֶ֙יךָ֙ יִשְׂרָאֵ֔ל עַתָּ֕ה רְאֵ֥ה בֵיתְךָ֖ דָּוִ֑ד וַיֵּ֥לֶךְ יִשְׂרָאֵ֖ל לְאֹהָלָֽיו׃

‎17 ‏וּבְנֵ֣י יִשְׂרָאֵ֔ל הַיֹּשְׁבִ֖ים בְּעָרֵ֣י יְהוּדָ֑ה וַיִּמְלֹ֥ךְ עֲלֵיהֶ֖ם רְחַבְעָֽם׃ פ

‎18 ‏וַיִּשְׁלַ֞ח הַמֶּ֣לֶךְ רְחַבְעָ֗ם אֶת־אֲדֹרָם֙ אֲשֶׁ֣ר עַל־הַמַּ֔ס וַיִּרְגְּמ֨וּ כָל־יִשְׂרָאֵ֥ל בּ֛וֹ אֶ֖בֶן וַיָּמֹ֑ת וְהַמֶּ֣לֶךְ רְחַבְעָ֗ם הִתְאַמֵּץ֙ לַעֲל֣וֹת בַּמֶּרְכָּבָ֔ה לָנ֖וּס יְרוּשָׁלִָֽם׃

‎19 ‏וַיִּפְשְׁע֤וּ יִשְׂרָאֵל֙ בְּבֵ֣ית דָּוִ֔ד עַ֖ד הַיּ֥וֹם הַזֶּֽה׃ ס

‎20 ‏וַיְהִ֞י כִּשְׁמֹ֤עַ כָּל־יִשְׂרָאֵל֙ כִּֽי־שָׁ֣ב יָרָבְעָ֔ם וַֽיִּשְׁלְח֗וּ וַיִּקְרְא֤וּ אֹתוֹ֙ אֶל־הָ֣עֵדָ֔ה וַיַּמְלִ֥יכוּ אֹת֖וֹ עַל־כָּל־יִשְׂרָאֵ֑ל לֹ֤א הָיָה֙ אַחֲרֵ֣י בֵית־דָּוִ֔ד זוּלָתִ֥י שֵֽׁבֶט־יְהוּדָ֖ה לְבַדּֽוֹ׃

‎21 ‏ויבאו וַיָּבֹ֣א רְחַבְעָם֮ יְרוּשָׁלִַם֒ וַיַּקְהֵל֩ אֶת־כָּל־בֵּ֨ית יְהוּדָ֜ה וְאֶת־שֵׁ֣בֶט בִּנְיָמִ֗ן מֵאָ֨ה וּשְׁמֹנִ֥ים אֶ֛לֶף בָּח֖וּר עֹשֵׂ֣ה מִלְחָמָ֑ה לְהִלָּחֵם֙ עִם־בֵּ֣ית יִשְׂרָאֵ֔ל לְהָשִׁיב֙ אֶת־הַמְּלוּכָ֔ה לִרְחַבְעָ֖ם בֶּן־שְׁלֹמֹֽה׃ פ

‎22 ‏וַיְהִי֙ דְּבַ֣ר הָֽאֱלֹהִ֔ים אֶל־שְׁמַעְיָ֥ה אִישׁ־הָאֱלֹהִ֖ים לֵאמֹֽר׃

‎23 ‏אֱמֹ֗ר אֶל־רְחַבְעָ֤ם בֶּן־שְׁלֹמֹה֙ מֶ֣לֶךְ יְהוּדָ֔ה וְאֶל־כָּל־בֵּ֥ית יְהוּדָ֖ה וּבִנְיָמִ֑ין וְיֶ֥תֶר הָעָ֖ם לֵאמֹֽר׃

‎24 ‏כֹּ֣ה אָמַ֣ר יְהוָ֡ה לֹֽא־תַעֲלוּ֩ וְלֹא־תִלָּ֨חֲמ֜וּן עִם־אֲחֵיכֶ֣ם בְּנֵֽי־יִשְׂרָאֵ֗ל שׁ֚וּבוּ אִ֣ישׁ לְבֵית֔וֹ כִּ֧י מֵאִתִּ֛י נִהְיָ֖ה הַדָּבָ֣ר הַזֶּ֑ה וַיִּשְׁמְעוּ֙ אֶת־דְּבַ֣ר יְהוָ֔ה וַיָּשֻׁ֥בוּ לָלֶ֖כֶת כִּדְבַ֥ר יְהוָֽה׃ ס

‎25 ‏וַיִּ֨בֶן יָרָבְעָ֧ם אֶת־שְׁכֶ֛ם בְּהַ֥ר אֶפְרַ֖יִם וַיֵּ֣שֶׁב בָּ֑הּ וַיֵּצֵ֣א מִשָּׁ֔ם וַיִּ֖בֶן אֶת־פְּנוּאֵֽל׃

‎26 ‏וַיֹּ֥אמֶר יָרָבְעָ֖ם בְּלִבּ֑וֹ עַתָּ֛ה תָּשׁ֥וּב הַמַּמְלָכָ֖ה לְבֵ֥ית דָּוִֽד׃

‎27 ‏אִֽם־יַעֲלֶ֣ה׀ הָעָ֣ם הַזֶּ֗ה לַעֲשׂ֨וֹת זְבָחִ֤ים בְּבֵית־יְהוָה֙ בִּיר֣וּשָׁלִַ֔ם וְ֠שָׁב לֵ֣ב הָעָ֤ם הַזֶּה֙ אֶל־אֲדֹ֣נֵיהֶ֔ם אֶל־רְחַבְעָ֖ם מֶ֣לֶךְ יְהוּדָ֑ה וַהֲרָגֻ֕נִי וְשָׁ֖בוּ אֶל־רְחַבְעָ֥ם מֶֽלֶךְ־יְהוּדָֽה׃

‎28 ‏וַיִּוָּעַ֣ץ הַמֶּ֔לֶךְ וַיַּ֕עַשׂ שְׁנֵ֖י עֶגְלֵ֣י זָהָ֑ב וַיֹּ֣אמֶר אֲלֵהֶ֗ם רַב־לָכֶם֙ מֵעֲל֣וֹת יְרוּשָׁלִַ֔ם הִנֵּ֤ה אֱלֹהֶ֙יךָ֙ יִשְׂרָאֵ֔ל אֲשֶׁ֥ר הֶעֱל֖וּךָ מֵאֶ֥רֶץ מִצְרָֽיִם׃

‎29 ‏וַיָּ֥שֶׂם אֶת־הָאֶחָ֖ד בְּבֵֽית־אֵ֑ל וְאֶת־הָאֶחָ֖ד נָתַ֥ן בְּדָֽן׃

‎30 ‏וַיְהִ֛י הַדָּבָ֥ר הַזֶּ֖ה לְחַטָּ֑את וַיֵּלְכ֥וּ הָעָ֛ם לִפְנֵ֥י הָאֶחָ֖ד עַד־דָּֽן׃

‎31 ‏וַיַּ֖עַשׂ אֶת־בֵּ֣ית בָּמ֑וֹת וַיַּ֤עַשׂ כֹּֽהֲנִים֙ מִקְצ֣וֹת הָעָ֔ם אֲשֶׁ֥ר לֹֽא־הָי֖וּ מִבְּנֵ֥י לֵוִֽי׃

‎32 ‏וַיַּ֣עַשׂ יָרָבְעָ֣ם׀ חָ֡ג בַּחֹ֣דֶשׁ הַשְּׁמִינִ֣י בַּחֲמִשָּֽׁה־עָשָׂר֩ י֨וֹם׀ לַחֹ֜דֶשׁ כֶּחָ֣ג׀ אֲשֶׁ֣ר בִּיהוּדָ֗ה וַיַּ֙עַל֙ עַל־הַמִּזְבֵּ֔חַ כֵּ֤ן עָשָׂה֙ בְּבֵֽית־אֵ֔ל לְזַבֵּ֖חַ לָעֲגָלִ֣ים אֲשֶׁר־עָשָׂ֑ה וְהֶעֱמִיד֙ בְּבֵ֣ית אֵ֔ל אֶת־כֹּהֲנֵ֥י הַבָּמ֖וֹת אֲשֶׁ֥ר עָשָֽׂה׃

‎33 ‏וַיַּ֜עַל עַֽל־הַמִּזְבֵּ֣חַ׀ אֲשֶׁר־עָשָׂ֣ה בְּבֵֽית־אֵ֗ל בַּחֲמִשָּׁ֨ה עָשָׂ֥ר יוֹם֙ בַּחֹ֣דֶשׁ הַשְּׁמִינִ֔י בַּחֹ֖דֶשׁ אֲשֶׁר־בָּדָ֣א מלבד מִלִּבּ֑וֹ וַיַּ֤עַשׂ חָג֙ לִבְנֵ֣י יִשְׂרָאֵ֔ל וַיַּ֥עַל עַל־הַמִּזְבֵּ֖חַ לְהַקְטִֽיר׃ פ

1 wayyēleḵə rəḥaḇə‘ām šəḵem kî šəḵem bā’ ḵāl-yiśərā’ēl ləhaməlîḵə ’ōṯwō:

2 wayəhî kišəmō‘a| yārāḇə‘ām ben-nəḇāṭ wəhû’ ‘wōḏennû ḇəmiṣərayim ’ăšer bār^aḥ mipənê hammeleḵə šəlōmōh wayyēšeḇ yārāḇə‘ām bəmiṣərāyim:

3 wayyišələḥû wayyiqərə’û-lwō wayyāḇō’û wayyāḇō’ yārāḇə‘ām wəḵāl-qəhal yiśərā’ēl wayəḏabərû ’el-rəḥaḇə‘ām lē’mōr:

4 ’āḇîḵā hiqəšâ ’eṯ-‘ullēnû wə’atâ ‘atâ hāqēl mē‘ăḇōḏaṯ ’āḇîḵā haqqāšâ ûmē‘ullwō hakāḇēḏ ’ăšer-nāṯan ‘ālênû wən^a‘aḇəḏeḵḵā:

5 wayyō’mer ’ălêhem ləḵû ‘ōḏ šəlōšâ yāmîm wəšûḇû ’ēlāy wayyēləḵû hā‘ām:

6 wayyiûā‘aṣ hammeleḵə rəḥaḇə‘ām ’eṯ-hazzəqēnîm ’ăšer-hāyû ‘ōməḏîm ’eṯ-pənê šəlōmōh ’āḇîw bihəyōṯwō ḥay lē’mōr ’êḵə ’atem nwō‘āṣîm ləhāšîḇ ’eṯ-hā‘ām-hazzeh dāḇār:

7 wayəḏabēr wayəḏabərû ’ēlāyw lē’mōr ’im-hayywōm tihəyeh-‘eḇeḏ lā‘ām hazzeh w^a‘ăḇaḏətām w^a‘ănîṯām wəḏibarətā ’ălêhem dəḇārîm ṭwōḇîm wəhāyû ləḵā ‘ăḇāḏîm kāl-hayyāmîm:

8 wayy^a‘ăzōḇ ’eṯ-‘ăṣaṯ hazzəqēnîm ’ăšer yə‘āṣuhû wayyiûā‘aṣ ’eṯ-hayəlāḏîm ’ăšer gāḏəlû ’itwō ’ăšer hā‘ōməḏîm ləfānāyw:

9 wayyō’mer ’ălêhem mâ ’atem nwō‘āṣîm wənāšîḇ dāḇār ’eṯ-hā‘ām hazzeh ’ăšer dibərû ’ēlay lē’mōr hāqēl min-hā‘ōl ’ăšer-nāṯan ’āḇîḵā ‘ālênû:

10 wayəḏabərû ’ēlāyw hayəlāḏîm ’ăšer gāḏəlû ’itwō lē’mōr kōh-ṯō’mar lā‘ām hazzeh ’ăšer dibərû ’ēleyḵā lē’mōr ’āḇîḵā hiḵəbîḏ ’eṯ-‘ullēnû wə’atâ hāqēl mē‘ālênû kōh təḏabēr ’ălêhem qāṭānnî ‘āḇâ mimmāṯənê ’āḇî:

11 wə‘atâ ’āḇî he‘əmîs ‘ălêḵem ‘ōl kāḇēḏ wa’ănî ’wōsîf ‘al-‘ulləḵem ’āḇî yissar ’eṯəḵem baššwōṭîm wa’ănî ’ăyassēr ’eṯəḵem bā‘aqərabîm:

12 wayyāḇwō wayyāḇwō’ yārāḇə‘ām wəḵāl-hā‘ām ’el-rəḥaḇə‘ām bayywōm haššəlîšî ka’ăšer diber hammeleḵə lē’mōr šûḇû ’ēlay bayywōm haššəlîšî:

13 wayy^a‘an hammeleḵə ’eṯ-hā‘ām qāšâ wayy^a‘ăzōḇ ’eṯ-‘ăṣaṯ hazzəqēnîm ’ăšer yə‘āṣuhû:

14 wayəḏabēr ’ălêhem k^a‘ăṣaṯ hayəlāḏîm lē’mōr ’āḇî hiḵəbîḏ ’eṯ-‘ulləḵem wa’ănî ’ōsîf ‘al-‘ulləḵem ’āḇî yissar ’eṯəḵem baššwōṭîm wa’ănî ’ăyassēr ’eṯəḵem bā‘aqərabîm:

15 wəlō’-šām^a‘ hammeleḵə ’el-hā‘ām kî-hāyəṯâ sibâ mē‘im yəhwâ ləm^a‘an hāqîm ’eṯ-dəḇārwō ’ăšer diber yəhwâ bəyaḏ ’ăḥîyâ haššîlōnî ’el-yārāḇə‘ām ben-nəḇāṭ:

16 wayyarə’ kāl-yiśərā’ēl kî lō’-šām^a‘ hammeleḵə ’ălêhem wayyāšiḇû hā‘ām ’eṯ-hammeleḵə dāḇār| lē’mōr mah-llānû ḥēleq bəḏāwiḏ wəlō’-n^aḥălâ bəḇen-yišay lə’ōhāleyḵā yiśərā’ēl ‘atâ rə’ēh ḇêṯəḵā dāwiḏ wayyēleḵə yiśərā’ēl lə’ōhālāyw:

17 ûḇənê yiśərā’ēl hayyōšəḇîm bə‘ārê yəhûḏâ wayyiməlōḵə ‘ălêhem rəḥaḇə‘ām: f

18 wayyišəl^aḥ hammeleḵə rəḥaḇə‘ām ’eṯ-’ăḏōrām ’ăšer ‘al-hammas wayyirəgəmû ḵāl-yiśərā’ēl bwō ’eḇen wayyāmōṯ wəhammeleḵə rəḥaḇə‘ām hiṯə’ammēṣ l^a‘ălwōṯ bammerəkāḇâ lānûs yərûšālāim:

19 wayyifəšə‘û yiśərā’ēl bəḇêṯ dāwiḏ ‘aḏ hayywōm hazzeh: s

20 wayəhî kišəmō‘a kāl-yiśərā’ēl kî-šāḇ yārāḇə‘ām wayyišələḥû wayyiqərə’û ’ōṯwō ’el-hā‘ēḏâ wayyaməlîḵû ’ōṯwō ‘al-kāl-yiśərā’ēl lō’ hāyâ ’^aḥărê ḇêṯ-dāwiḏ zûlāṯî šēḇeṭ-yəhûḏâ ləḇadwō:

21 wayyāḇō’û wayyāḇō’ rəḥaḇə‘ām yərûšālaim wayyaqəhēl ’eṯ-kāl-bêṯ yəhûḏâ wə’eṯ-šēḇeṭ binəyāmin mē’â ûšəmōnîm ’elef bāḥûr ‘ōśēh miləḥāmâ ləhillāḥēm ‘im-bêṯ yiśərā’ēl ləhāšîḇ ’eṯ-hamməlûḵâ lirəḥaḇə‘ām ben-šəlōmōh: f

22 wayəhî dəḇar hā’ĕlōhîm ’el-šəm^a‘əyâ ’îš-hā’ĕlōhîm lē’mōr:

23 ’ĕmōr ’el-rəḥaḇə‘ām ben-šəlōmōh meleḵə yəhûḏâ wə’el-kāl-bêṯ yəhûḏâ ûḇinəyāmîn wəyeṯer hā‘ām lē’mōr:

24 kōh ’āmar yəhwâ lō’-ṯ^a‘ălû wəlō’-ṯillāḥămûn ‘im-’ăḥêḵem bənê-yiśərā’ēl šûḇû ’îš ləḇêṯwō kî mē’itî nihəyâ hadāḇār hazzeh wayyišəmə‘û ’eṯ-dəḇar yəhwâ wayyāšuḇû lāleḵeṯ kiḏəḇar yəhwâ: s

25 wayyiḇen yārāḇə‘ām ’eṯ-šəḵem bəhar ’efərayim wayyēšeḇ bāh wayyēṣē’ miššām wayyiḇen ’eṯ-pənû’ēl:

26 wayyō’mer yārāḇə‘ām bəlibwō ‘atâ tāšûḇ hammaməlāḵâ ləḇêṯ dāwiḏ:

27 ’im-y^a‘ăleh| hā‘ām hazzeh l^a‘ăśwōṯ zəḇāḥîm bəḇêṯ-yəhwâ bîrûšālaim wəšāḇ lēḇ hā‘ām hazzeh ’el-’ăḏōnêhem ’el-rəḥaḇə‘ām meleḵə yəhûḏâ wahărāḡunî wəšāḇû ’el-rəḥaḇə‘ām meleḵə-yəhûḏâ:

28 wayyiûā‘aṣ hammeleḵə wayy^a‘aś šənê ‘eḡəlê zâāḇ wayyō’mer ’ălēhem raḇ-lāḵem mē‘ălwōṯ yərûšālaim hinnēh ’ĕlōheyḵā yiśərā’ēl ’ăšer he‘ĕlûḵā mē’ereṣ miṣərāyim:

29 wayyāśem ’eṯ-hā’eḥāḏ bəḇêṯ-’ēl wə’eṯ-hā’eḥāḏ nāṯan bəḏān:

30 wayəhî hadāḇār hazzeh ləḥaṭṭā’ṯ wayyēləḵû hā‘ām lifənê hā’eḥāḏ ‘aḏ-dān:

31 wayy^a‘aś ’eṯ-bêṯ bāmwōṯ wayy^a‘aś kōhănîm miqəṣwōṯ hā‘ām ’ăšer lō’-hāyû mibənê lēwî:

32 wayy^a‘aś yārāḇə‘ām| ḥāḡ b^aḥōḏeš haššəmînî b^aḥămiššâ-‘āśār ywōm| l^aḥōḏeš keḥāḡ| ’ăšer bîhûḏâ wayy^a‘al ‘al-hammizəbēḥa kēn ‘āśâ bəḇêṯ-’ēl ləzabēḥa lā‘ăḡālîm ’ăšer-‘āśâ wəhe‘ĕmîḏ bəḇêṯ ’ēl ’eṯ-kōhănê habāmwōṯ ’ăšer ‘āśâ:

33 wayy^a‘al ‘al-hammizəbēḥa| ’ăšer-‘āśâ bəḇêṯ-’ēl b^aḥămiššâ ‘āśār ywōm b^aḥōḏeš haššəmînî b^aḥōḏeš ’ăšer-bāḏā’ millibaḏ millibwō wayy^a‘aś ḥāḡ liḇənê yiśərā’ēl wayy^a‘al ‘al-hammizəbēḥa ləhaqəṭîr: f

Tanach (Hebrew): 1 Kings (1 Melakhim) Chapter 13

‎1 ‏וְהִנֵּ֣ה׀ אִ֣ישׁ אֱלֹהִ֗ים בָּ֧א מִיהוּדָ֛ה בִּדְבַ֥ר יְהוָ֖ה אֶל־בֵּֽית־אֵ֑ל וְיָרָבְעָ֛ם עֹמֵ֥ד עַל־הַמִּזְבֵּ֖חַ לְהַקְטִֽיר׃

‎2 ‏וַיִּקְרָ֤א עַל־הַמִּזְבֵּ֙חַ֙ בִּדְבַ֣ר יְהוָ֔ה וַיֹּ֙אמֶר֙ מִזְבֵּ֣חַ מִזְבֵּ֔חַ כֹּ֖ה אָמַ֣ר יְהוָ֑ה הִנֵּֽה־בֵ֞ן נוֹלָ֤ד לְבֵית־דָּוִד֙ יֹאשִׁיָּ֣הוּ שְׁמ֔וֹ וְזָבַ֣ח עָלֶ֗יךָ אֶת־כֹּהֲנֵ֤י הַבָּמוֹת֙ הַמַּקְטִרִ֣ים עָלֶ֔יךָ וְעַצְמ֥וֹת אָדָ֖ם יִשְׂרְפ֥וּ עָלֶֽיךָ׃

‎3 ‏וְנָתַן֩ בַּיּ֨וֹם הַה֤וּא מוֹפֵת֙ לֵאמֹ֔ר זֶ֣ה הַמּוֹפֵ֔ת אֲשֶׁ֖ר דִּבֶּ֣ר יְהוָ֑ה הִנֵּ֤ה הַמִּזְבֵּ֙חַ֙ נִקְרָ֔ע וְנִשְׁפַּ֖ךְ הַדֶּ֥שֶׁן אֲשֶׁר־עָלָֽיו׃

‎4 ‏וַיְהִי֩ כִשְׁמֹ֨עַ הַמֶּ֜לֶךְ אֶת־דְּבַ֣ר אִישׁ־הָאֱלֹהִ֗ים אֲשֶׁ֨ר קָרָ֤א עַל־הַמִּזְבֵּ֙חַ֙ בְּבֵֽית־אֵ֔ל וַיִּשְׁלַ֨ח יָרָבְעָ֧ם אֶת־יָד֛וֹ מֵעַ֥ל הַמִּזְבֵּ֖חַ לֵאמֹ֣ר׀ תִּפְשֻׂ֑הוּ וַתִּיבַ֤שׁ יָדוֹ֙ אֲשֶׁ֣ר שָׁלַ֣ח עָלָ֔יו וְלֹ֥א יָכֹ֖ל לַהֲשִׁיבָ֥הּ אֵלָֽיו׃

‎5 ‏וְהַמִּזְבֵּ֣חַ נִקְרָ֔ע וַיִּשָּׁפֵ֥ךְ הַדֶּ֖שֶׁן מִן־הַמִּזְבֵּ֑חַ כַּמּוֹפֵ֗ת אֲשֶׁ֥ר נָתַ֛ן אִ֥ישׁ הָאֱלֹהִ֖ים בִּדְבַ֥ר יְהוָֽה׃

‎6 ‏וַיַּ֨עַן הַמֶּ֜לֶךְ וַיֹּ֣אמֶר׀ אֶל־אִ֣ישׁ הָאֱלֹהִ֗ים חַל־נָ֞א אֶת־פְּנֵ֨י יְהוָ֤ה אֱלֹהֶ֙יךָ֙ וְהִתְפַּלֵּ֣ל בַּעֲדִ֔י וְתָשֹׁ֥ב יָדִ֖י אֵלָ֑י וַיְחַ֤ל אִישׁ־הָֽאֱלֹהִים֙ אֶת־פְּנֵ֣י יְהוָ֔ה וַתָּ֤שָׁב יַד־הַמֶּ֙לֶךְ֙ אֵלָ֔יו וַתְּהִ֖י כְּבָרִֽאשֹׁנָֽה׃

‎7 ‏וַיְדַבֵּ֤ר הַמֶּ֙לֶךְ֙ אֶל־אִ֣ישׁ הָאֱלֹהִ֔ים בֹּאָה־אִתִּ֥י הַבַּ֖יְתָה וּֽסְעָ֑דָה וְאֶתְּנָ֥ה לְךָ֖ מַתָּֽת׃

‎8 ‏וַיֹּ֤אמֶר אִישׁ־הָֽאֱלֹהִים֙ אֶל־הַמֶּ֔לֶךְ אִם־תִּתֶּן־לִי֙ אֶת־חֲצִ֣י בֵיתֶ֔ךָ לֹ֥א אָבֹ֖א עִמָּ֑ךְ וְלֹֽא־אֹ֤כַל לֶ֙חֶם֙ וְלֹ֣א אֶשְׁתֶּה־מַּ֔יִם בַּמָּק֖וֹם הַזֶּֽה׃

‎9 ‏כִּֽי־כֵ֣ן׀ צִוָּ֣ה אֹתִ֗י בִּדְבַ֤ר יְהוָה֙ לֵאמֹ֔ר לֹא־תֹ֥אכַל לֶ֖חֶם וְלֹ֣א תִשְׁתֶּה־מָּ֑יִם וְלֹ֣א תָשׁ֔וּב בַּדֶּ֖רֶךְ אֲשֶׁ֥ר הָלָֽכְתָּ׃

‎10 ‏וַיֵּ֖לֶךְ בְּדֶ֣רֶךְ אַחֵ֑ר וְלֹֽא־שָׁ֣ב בַּדֶּ֔רֶךְ אֲשֶׁ֛ר בָּ֥א בָ֖הּ אֶל־בֵּֽית־אֵֽל׃ פ

‎11 ‏וְנָבִ֤יא אֶחָד֙ זָקֵ֔ן יֹשֵׁ֖ב בְּבֵֽית־אֵ֑ל וַיָּב֣וֹא בְנ֡וֹ וַיְסַפֶּר־ל֣וֹ אֶת־כָּל־הַמַּעֲשֶׂ֣ה אֲשֶׁר־עָשָׂה֩ אִישׁ־הָאֱלֹהִ֨ים׀ הַיּ֜וֹם בְּבֵֽית־אֵ֗ל אֶת־הַדְּבָרִים֙ אֲשֶׁ֣ר דִּבֶּ֣ר אֶל־הַמֶּ֔לֶךְ וַֽיְסַפְּר֖וּם לַאֲבִיהֶֽם׃

‎12 ‏וַיְדַבֵּ֤ר אֲלֵהֶם֙ אֲבִיהֶ֔ם אֵֽי־זֶ֥ה הַדֶּ֖רֶךְ הָלָ֑ךְ וַיִּרְא֣וּ בָנָ֗יו אֶת־הַדֶּ֙רֶךְ֙ אֲשֶׁ֤ר הָלַךְ֙ אִ֣ישׁ הָאֱלֹהִ֔ים אֲשֶׁר־בָּ֖א מִיהוּדָֽה׃

‎13 ‏וַיֹּ֙אמֶר֙ אֶל־בָּנָ֔יו חִבְשׁוּ־לִ֖י הַחֲמ֑וֹר וַיַּחְבְּשׁוּ־ל֣וֹ הַחֲמ֔וֹר וַיִּרְכַּ֖ב עָלָֽיו׃

‎14 ‏וַיֵּ֗לֶךְ אַֽחֲרֵי֙ אִ֣ישׁ הָאֱלֹהִ֔ים וַיִּ֨מְצָאֵ֔הוּ יֹשֵׁ֖ב תַּ֣חַת הָאֵלָ֑ה וַיֹּ֣אמֶר אֵלָ֗יו הַאַתָּ֧ה אִישׁ־הָאֱלֹהִ֛ים אֲשֶׁר־בָּ֥אתָ מִֽיהוּדָ֖ה וַיֹּ֥אמֶר אָֽנִי׃

‎15 ‏וַיֹּ֣אמֶר אֵלָ֔יו לֵ֥ךְ אִתִּ֖י הַבָּ֑יְתָה וֶאֱכֹ֖ל לָֽחֶם׃

‎16 ‏וַיֹּ֗אמֶר לֹ֥א אוּכַ֛ל לָשׁ֥וּב אִתָּ֖ךְ וְלָב֣וֹא אִתָּ֑ךְ וְלֹֽא־אֹ֣כַל לֶ֗חֶם וְלֹֽא־אֶשְׁתֶּ֤ה אִתְּךָ֙ מַ֔יִם בַּמָּק֖וֹם הַזֶּֽה׃

‎17 ‏כִּֽי־דָבָ֤ר אֵלַי֙ בִּדְבַ֣ר יְהוָ֔ה לֹֽא־תֹאכַ֣ל לֶ֔חֶם וְלֹֽא־תִשְׁתֶּ֥ה שָׁ֖ם מָ֑יִם לֹא־תָשׁ֣וּב לָלֶ֔כֶת בַּדֶּ֖רֶךְ אֲשֶׁר־הָלַ֥כְתָּ בָּֽהּ׃

‎18 ‏וַיֹּ֣אמֶר ל֗וֹ גַּם־אֲנִ֣י נָבִיא֮ כָּמוֹךָ֒ וּמַלְאָ֡ךְ דִּבֶּ֣ר אֵלַי֩ בִּדְבַ֨ר יְהוָ֜ה לֵאמֹ֗ר הֲשִׁבֵ֤הוּ אִתְּךָ֙ אֶל־בֵּיתֶ֔ךָ וְיֹ֥אכַל לֶ֖חֶם וְיֵ֣שְׁתְּ מָ֑יִם כִּחֵ֖שׁ לֽוֹ׃

‎19 ‏וַיָּ֣שָׁב אִתּ֗וֹ וַיֹּ֥אכַל לֶ֛חֶם בְּבֵית֖וֹ וַיֵּ֥שְׁתְּ מָֽיִם׃

‎20 ‏וַיְהִ֕י הֵ֥ם יֹשְׁבִ֖ים אֶל־הַשֻּׁלְחָ֑ן פוַֽיְהִי֙ דְּבַר־יְהוָ֔ה אֶל־הַנָּבִ֖יא אֲשֶׁ֥ר הֱשִׁיבֽוֹ׃

‎21 ‏וַיִּקְרָ֞א אֶל־אִ֣ישׁ הָאֱלֹהִ֗ים אֲשֶׁר־בָּ֤א מִֽיהוּדָה֙ לֵאמֹ֔ר כֹּ֖ה אָמַ֣ר יְהוָ֑ה יַ֗עַן כִּ֤י מָרִ֙יתָ֙ פִּ֣י יְהוָ֔ה וְלֹ֤א שָׁמַ֙רְתָּ֙ אֶת־הַמִּצְוָ֔ה אֲשֶׁ֥ר צִוְּךָ֖ יְהוָ֥ה אֱלֹהֶֽיךָ׃

‎22 ‏וַתָּ֗שָׁב וַתֹּ֤אכַל לֶ֙חֶם֙ וַתֵּ֣שְׁתְּ מַ֔יִם בַּמָּקוֹם֙ אֲשֶׁ֣ר דִּבֶּ֣ר אֵלֶ֔יךָ אַל־תֹּ֥אכַל לֶ֖חֶם וְאַל־תֵּ֣שְׁתְּ מָ֑יִם לֹֽא־תָב֥וֹא נִבְלָתְךָ֖ אֶל־קֶ֥בֶר אֲבֹתֶֽיךָ׃

‎23 ‏וַיְהִ֗י אַחֲרֵ֛י אָכְל֥וֹ לֶ֖חֶם וְאַחֲרֵ֣י שְׁתוֹת֑וֹ וַיַּחֲבָשׁ־ל֣וֹ הַחֲמ֔וֹר לַנָּבִ֖יא אֲשֶׁ֥ר הֱשִׁיבֽוֹ׃

‎24 ‏וַיֵּ֕לֶךְ וַיִּמְצָאֵ֧הוּ אַרְיֵ֛ה בַּדֶּ֖רֶךְ וַיְמִיתֵ֑הוּ וַתְּהִ֤י נִבְלָתוֹ֙ מֻשְׁלֶ֣כֶת בַּדֶּ֔רֶךְ וְהַחֲמוֹר֙ עֹמֵ֣ד אֶצְלָ֔הּ וְהָ֣אַרְיֵ֔ה עֹמֵ֖ד אֵ֥צֶל הַנְּבֵלָֽה׃

‎25 ‏וְהִנֵּ֧ה אֲנָשִׁ֣ים עֹבְרִ֗ים וַיִּרְא֤וּ אֶת־הַנְּבֵלָה֙ מֻשְׁלֶ֣כֶת בַּדֶּ֔רֶךְ וְאֶת־הָ֣אַרְיֵ֔ה עֹמֵ֖ד אֵ֣צֶל הַנְּבֵלָ֑ה וַיָּבֹ֙אוּ֙ וַיְדַבְּר֣וּ בָעִ֔יר אֲשֶׁ֛ר הַנָּבִ֥יא הַזָּקֵ֖ן יֹשֵׁ֥ב בָּֽהּ׃

‎26 ‏וַיִּשְׁמַ֣ע הַנָּבִיא֮ אֲשֶׁ֣ר הֱשִׁיב֣וֹ מִן־הַדֶּרֶךְ֒ וַיֹּ֙אמֶר֙ אִ֣ישׁ הָאֱלֹהִ֣ים ה֔וּא אֲשֶׁ֥ר מָרָ֖ה אֶת־פִּ֣י יְהוָ֑ה וַיִּתְּנֵ֨הוּ יְהוָ֜ה לָאַרְיֵ֗ה וַֽיִּשְׁבְּרֵ֙הוּ֙ וַיְמִתֵ֔הוּ כִּדְבַ֥ר יְהוָ֖ה אֲשֶׁ֥ר דִּבֶּר־לֽוֹ׃

‎27 ‏וַיְדַבֵּ֤ר אֶל־בָּנָיו֙ לֵאמֹ֔ר חִבְשׁוּ־לִ֖י אֶֽת־הַחֲמ֑וֹר וַֽיַּחֲבֹֽשׁוּ׃

‎28 ‏וַיֵּ֗לֶךְ וַיִּמְצָ֤א אֶת־נִבְלָתוֹ֙ מֻשְׁלֶ֣כֶת בַּדֶּ֔רֶךְ וַֽחֲמוֹר֙ וְהָ֣אַרְיֵ֔ה עֹמְדִ֖ים אֵ֣צֶל הַנְּבֵלָ֑ה לֹֽא־אָכַ֤ל הָֽאַרְיֵה֙ אֶת־הַנְּבֵלָ֔ה וְלֹ֥א שָׁבַ֖ר אֶֽת־הַחֲמֽוֹר׃

‎29 ‏וַיִּשָּׂ֨א הַנָּבִ֜יא אֶת־נִבְלַ֧ת אִישׁ־הָאֱלֹהִ֛ים וַיַּנִּחֵ֥הוּ אֶֽל־הַחֲמ֖וֹר וַיְשִׁיבֵ֑הוּ וַיָּבֹ֗א אֶל־עִיר֙ הַנָּבִ֣יא הַזָּקֵ֔ן לִסְפֹּ֖ד וּלְקָבְרֽוֹ׃

‎30 ‏וַיַּנַּ֥ח אֶת־נִבְלָת֖וֹ בְּקִבְר֑וֹ וַיִּסְפְּד֥וּ עָלָ֖יו ה֥וֹי אָחִֽי׃

‎31 ‏וַיְהִי֮ אַחֲרֵ֣י קָבְר֣וֹ אֹתוֹ֒ וַיֹּ֤אמֶר אֶל־בָּנָיו֙ לֵאמֹ֔ר בְּמוֹתִי֙ וּקְבַרְתֶּ֣ם אֹתִ֔י בַּקֶּ֕בֶר אֲשֶׁ֛ר אִ֥ישׁ הָאֱלֹהִ֖ים קָב֣וּר בּ֑וֹ אֵ֚צֶל עַצְמֹתָ֔יו הַנִּ֖יחוּ אֶת־עַצְמֹתָֽי׃

‎32 ‏כִּי֩ הָיֹ֨ה יִהְיֶ֜ה הַדָּבָ֗ר אֲשֶׁ֤ר קָרָא֙ בִּדְבַ֣ר יְהוָ֔ה עַל־הַמִּזְבֵּ֖חַ אֲשֶׁ֣ר בְּבֵֽית־אֵ֑ל וְעַל֙ כָּל־בָּתֵּ֣י הַבָּמ֔וֹת אֲשֶׁ֖ר בְּעָרֵ֥י שֹׁמְרֽוֹן׃ פ

‎33 ‏אַחַר֙ הַדָּבָ֣ר הַזֶּ֔ה לֹֽא־שָׁ֥ב יָרָבְעָ֖ם מִדַּרְכּ֣וֹ הָרָעָ֑ה וַ֠יָּשָׁב וַיַּ֜עַשׂ מִקְצ֤וֹת הָעָם֙ כֹּהֲנֵ֣י בָמ֔וֹת הֶֽחָפֵץ֙ יְמַלֵּ֣א אֶת־יָד֔וֹ וִיהִ֖י כֹּהֲנֵ֥י בָמֽוֹת׃

‎34 ‏וַיְהִי֙ בַּדָּבָ֣ר הַזֶּ֔ה לְחַטַּ֖את בֵּ֣ית יָרָבְעָ֑ם וּלְהַכְחִיד֙ וּלְהַשְׁמִ֔יד מֵעַ֖ל פְּנֵ֥י הָאֲדָמָֽה׃ פ

1 wəhinnēh| ’îš ’ĕlōhîm bā’ mîhûḏâ biḏəḇar yəhwâ ’el-bêṯ-’ēl wəyārāḇə‘ām ‘ōmēḏ ‘al-hammizəbēḥa ləhaqəṭîr:

2 wayyiqərā’ ‘al-hammizəbēḥa biḏəḇar yəhwâ wayyō’mer mizəbēḥa mizəbēḥa kōh ’āmar yəhwâ hinnēh-ḇēn nwōlāḏ ləḇêṯ-dāwiḏ yō’šîyâû šəmwō wəzāḇ^aḥ ‘āleyḵā ’eṯ-kōhănê habāmwōṯ hammaqəṭirîm ‘āleyḵā wə‘aṣəmwōṯ ’āḏām yiśərəfû ‘āleyḵā:

3 wənāṯan bayywōm hahû’ mwōfēṯ lē’mōr zeh hammwōfēṯ ’ăšer diber yəhwâ hinnēh hammizəbēḥa niqərā‘ wənišəpaḵə hadešen ’ăšer-‘ālāyw:

4 wayəhî ḵišəmō‘a hammeleḵə ’eṯ-dəḇar ’îš-hā’ĕlōhîm ’ăšer qārā’ ‘al-hammizəbēḥa bəḇêṯ-’ēl wayyišəl^aḥ yārāḇə‘ām ’eṯ-yāḏwō mē‘al hammizəbēḥa lē’mōr| tifəśuhû watîḇaš yāḏwō ’ăšer šāl^aḥ ‘ālāyw wəlō’ yāḵōl lahăšîḇāh ’ēlāyw:

5 wəhammizəbēḥa niqərā‘ wayyiššāfēḵə hadešen min-hammizəbēḥa kammwōfēṯ ’ăšer nāṯan ’îš hā’ĕlōhîm biḏəḇar yəhwâ:

6 wayy^a‘an hammeleḵə wayyō’mer| ’el-’îš hā’ĕlōhîm ḥal-nā’ ’eṯ-pənê yəhwâ ’ĕlōheyḵā wəhiṯəpallēl b^a‘ăḏî wəṯāšōḇ yāḏî ’ēlāy wayəḥal ’îš-hā’ĕlōhîm ’eṯ-pənê yəhwâ watāšāḇ yaḏ-hammeleḵə ’ēlāyw watəhî kəḇāri’šōnâ:

7 wayəḏabēr hammeleḵə ’el-’îš hā’ĕlōhîm bō’â-’itî habayəṯâ ûsə‘āḏâ wə’etənâ ləḵā matāṯ:

8 wayyō’mer ’îš-hā’ĕlōhîm ’el-hammeleḵə ’im-titen-lî ’eṯ-ḥăṣî ḇêṯeḵā lō’ ’āḇō’ ‘immāḵə wəlō’-’ōḵal leḥem wəlō’ ’ešəteh-mmayim bammāqwōm hazzeh:

9 kî-ḵēn| ṣiûâ ’ōṯî biḏəḇar yəhwâ lē’mōr lō’-ṯō’ḵal leḥem wəlō’ ṯišəteh-mmāyim wəlō’ ṯāšûḇ badereḵə ’ăšer hālāḵətā:

10 wayyēleḵə bəḏereḵə ’^aḥēr wəlō’-šāḇ badereḵə ’ăšer bā’ ḇāh ’el-bêṯ-’ēl: f

11 wənāḇî’ ’eḥāḏ zāqēn yōšēḇ bəḇêṯ-’ēl wayyāḇwō’ ḇənwō wayəsaper-lwō ’eṯ-kāl-hamm^a‘ăśeh ’ăšer-‘āśâ ’îš-hā’ĕlōhîm| hayywōm bəḇêṯ-’ēl ’eṯ-hadəḇārîm ’ăšer diber ’el-hammeleḵə wayəsapərûm la’ăḇîhem:

12 wayəḏabēr ’ălēhem ’ăḇîhem ’ê-zeh hadereḵə hālāḵə wayyirə’û ḇānāyw ’eṯ-hadereḵə ’ăšer hālaḵə ’îš hā’ĕlōhîm ’ăšer-bā’ mîhûḏâ:

13 wayyō’mer ’el-bānāyw ḥiḇəšû-lî h^aḥămwōr wayy^aḥəbəšû-lwō h^aḥămwōr wayyirəkaḇ ‘ālāyw:

14 wayyēleḵə ’^aḥărê ’îš hā’ĕlōhîm wayyiməṣā’ēhû yōšēḇ t^aḥaṯ hā’ēlâ wayyō’mer ’ēlāyw ha’atâ ’îš-hā’ĕlōhîm ’ăšer-bā’ṯā mîhûḏâ wayyō’mer ’ānî:

15 wayyō’mer ’ēlāyw lēḵə ’itî habāyəṯâ we’ĕḵōl lāḥem:

16 wayyō’mer lō’ ’ûḵal lāšûḇ ’itāḵə wəlāḇwō’ ’itāḵə wəlō’-’ōḵal leḥem wəlō’-’ešəteh ’itəḵā mayim bammāqwōm hazzeh:

17 kî-ḏāḇār ’ēlay biḏəḇar yəhwâ lō’-ṯō’ḵal leḥem wəlō’-ṯišəteh šām māyim lō’-ṯāšûḇ lāleḵeṯ badereḵə ’ăšer-hālaḵətā bāh:

18 wayyō’mer lwō gam-’ănî nāḇî’ kāmwōḵā ûmalə’āḵə diber ’ēlay biḏəḇar yəhwâ lē’mōr hăšiḇēhû ’itəḵā ’el-bêṯeḵā wəyō’ḵal leḥem wəyēšətə māyim kiḥēš lwō:

19 wayyāšāḇ ’itwō wayyō’ḵal leḥem bəḇêṯwō wayyēšətə māyim:

20 wayəhî hēm yōšəḇîm ’el-haššuləḥān fwayəhî dəḇar-yəhwâ ’el-hannāḇî’ ’ăšer hĕšîḇwō:

21 wayyiqərā’ ’el-’îš hā’ĕlōhîm ’ăšer-bā’ mîhûḏâ lē’mōr kōh ’āmar yəhwâ y^a‘an kî mārîṯā pî yəhwâ wəlō’ šāmarətā ’eṯ-hammiṣəwâ ’ăšer ṣiûəḵā yəhwâ ’ĕlōheyḵā:

22 watāšāḇ watō’ḵal leḥem watēšətə mayim bammāqwōm ’ăšer diber ’ēleyḵā ’al-tō’ḵal leḥem wə’al-tēšətə māyim lō’-ṯāḇwō’ niḇəlāṯəḵā ’el-qeḇer ’ăḇōṯeyḵā:

23 wayəhî ’^aḥărê ’āḵəlwō leḥem wə’^aḥărê šəṯwōṯwō wayy^aḥăḇāš-lwō h^aḥămwōr lannāḇî’ ’ăšer hĕšîḇwō:

24 wayyēleḵə wayyiməṣā’ēhû ’arəyēh badereḵə wayəmîṯēhû watəhî niḇəlāṯwō mušəleḵeṯ badereḵə wəh^aḥămwōr ‘ōmēḏ ’eṣəlāh wəhā’arəyēh ‘ōmēḏ ’ēṣel hannəḇēlâ:

25 wəhinnēh ’ănāšîm ‘ōḇərîm wayyirə’û ’eṯ-hannəḇēlâ mušəleḵeṯ badereḵə wə’eṯ-hā’arəyēh ‘ōmēḏ ’ēṣel hannəḇēlâ wayyāḇō’û wayəḏabərû ḇā‘îr ’ăšer hannāḇî’ hazzāqēn yōšēḇ bāh:

26 wayyišəm^a‘ hannāḇî’ ’ăšer hĕšîḇwō min-hadereḵə wayyō’mer ’îš hā’ĕlōhîm hû’ ’ăšer mārâ ’eṯ-pî yəhwâ wayyitənēhû yəhwâ lā’arəyēh wayyišəbərēhû wayəmiṯēhû kiḏəḇar yəhwâ ’ăšer diber-lwō:

27 wayəḏabēr ’el-bānāyw lē’mōr ḥiḇəšû-lî ’eṯ-h^aḥămwōr wayy^aḥăḇōšû:

28 wayyēleḵə wayyiməṣā’ ’eṯ-niḇəlāṯwō mušəleḵeṯ badereḵə w^aḥămwōr wəhā’arəyēh ‘ōməḏîm ’ēṣel hannəḇēlâ lō’-’āḵal hā’arəyēh ’eṯ-hannəḇēlâ wəlō’ šāḇar ’eṯ-h^aḥămwōr:

29 wayyiśśā’ hannāḇî’ ’eṯ-niḇəlaṯ ’îš-hā’ĕlōhîm wayyanniḥēhû ’el-h^aḥămwōr wayəšîḇēhû wayyāḇō’ ’el-‘îr hannāḇî’ hazzāqēn lisəpōḏ ûləqāḇərwō:

30 wayyann^aḥ ’eṯ-niḇəlāṯwō bəqiḇərwō wayyisəpəḏû ‘ālāyw hwōy ’āḥî:

31 wayəhî ’^aḥărê qāḇərwō ’ōṯwō wayyō’mer ’el-bānāyw lē’mōr bəmwōṯî ûqəḇarətem ’ōṯî baqqeḇer ’ăšer ’îš hā’ĕlōhîm qāḇûr bwō ’ēṣel ‘aṣəmōṯāyw hannîḥû ’eṯ-‘aṣəmōṯāy:

32 kî hāyōh yihəyeh hadāḇār ’ăšer qārā’ biḏəḇar yəhwâ ‘al-hammizəbēḥa ’ăšer bəḇêṯ-’ēl wə‘al kāl-bātê habāmwōṯ ’ăšer bə‘ārê šōmərwōn: f

33 ’^aḥar hadāḇār hazzeh lō’-šāḇ yārāḇə‘ām midarəkwō hārā‘â wayyāšāḇ wayy^a‘aś miqəṣwōṯ hā‘ām kōhănê ḇāmwōṯ heḥāfēṣ yəmallē’ ’eṯ-yāḏwō wîhî kōhănê ḇāmwōṯ:

34 wayəhî badāḇār hazzeh ləḥaṭṭa’ṯ bêṯ yārāḇə‘ām ûləhaḵəḥîḏ ûləhašəmîḏ mē‘al pənê hā’ăḏāmâ: f

Tanach (Hebrew): 1 Kings (1 Melakhim) Chapter 14

‎1 ‏בָּעֵ֣ת הַהִ֔יא חָלָ֖ה אֲבִיָּ֥ה בֶן־יָרָבְעָֽם׃

‎2 ‏וַיֹּ֨אמֶר יָרָבְעָ֜ם לְאִשְׁתּ֗וֹ ק֤וּמִי נָא֙ וְהִשְׁתַּנִּ֔ית וְלֹ֣א יֵֽדְע֔וּ כִּי־אתי אַ֖תְּ אֵ֣שֶׁת יָרָבְעָ֑ם וְהָלַ֣כְתְּ שִׁלֹ֗ה הִנֵּה־שָׁם֙ אֲחִיָּ֣ה הַנָּבִ֔יא הֽוּא־דִבֶּ֥ר עָלַ֛י לְמֶ֖לֶךְ עַל־הָעָ֥ם הַזֶּֽה׃

‎3 ‏וְלָקַ֣חַתְּ בְּ֠יָדֵךְ עֲשָׂרָ֨ה לֶ֧חֶם וְנִקֻּדִ֛ים וּבַקְבֻּ֥ק דְּבַ֖שׁ וּבָ֣את אֵלָ֑יו ה֚וּא יַגִּ֣יד לָ֔ךְ מַה־יִּֽהְיֶ֖ה לַנָּֽעַר׃

‎4 ‏וַתַּ֤עַשׂ כֵּן֙ אֵ֣שֶׁת יָרָבְעָ֔ם וַתָּ֙קָם֙ וַתֵּ֣לֶךְ שִׁלֹ֔ה וַתָּבֹ֖א בֵּ֣ית אֲחִיָּ֑ה וַאֲחִיָּ֙הוּ֙ לֹֽא־יָכֹ֣ל לִרְא֔וֹת כִּ֛י קָ֥מוּ עֵינָ֖יו מִשֵּׂיבֽוֹ׃ ס

‎5 ‏וַיהוָ֞ה אָמַ֣ר אֶל־אֲחִיָּ֗הוּ הִנֵּ֣ה אֵ֣שֶׁת יָרָבְעָ֡ם בָּאָ֣ה לִדְרֹשׁ֩ דָּבָ֨ר מֵעִמְּךָ֤ אֶל־בְּנָהּ֙ כִּֽי־חֹלֶ֣ה ה֔וּא כָּזֹ֥ה וְכָזֶ֖ה תְּדַבֵּ֣ר אֵלֶ֑יהָ וִיהִ֣י כְבֹאָ֔הּ וְהִ֖יא מִתְנַכֵּרָֽה׃

‎6 ‏וַיְהִי֩ כִשְׁמֹ֨עַ אֲחִיָּ֜הוּ אֶת־ק֤וֹל רַגְלֶ֙יהָ֙ בָּאָ֣ה בַפֶּ֔תַח וַיֹּ֕אמֶר בֹּ֖אִי אֵ֣שֶׁת יָרָבְעָ֑ם לָ֣מָּה זֶּ֗ה אַ֚תְּ מִתְנַכֵּרָ֔ה וְאָ֣נֹכִ֔י שָׁל֥וּחַ אֵלַ֖יִךְ קָשָֽׁה׃

‎7 ‏לְכִ֞י אִמְרִ֣י לְיָרָבְעָ֗ם כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל יַ֛עַן אֲשֶׁ֥ר הֲרִימֹתִ֖יךָ מִתּ֣וֹךְ הָעָ֑ם וָאֶתֶּנְךָ֣ נָגִ֔יד עַ֖ל עַמִּ֥י יִשְׂרָאֵֽל׃

‎8 ‏וָאֶקְרַ֤ע אֶת־הַמַּמְלָכָה֙ מִבֵּ֣ית דָּוִ֔ד וָאֶתְּנֶ֖הָ לָ֑ךְ וְלֹֽא־הָיִ֜יתָ כְּעַבְדִּ֣י דָוִ֗ד אֲשֶׁר֩ שָׁמַ֨ר מִצְוֹתַ֜י וַאֲשֶׁר־הָלַ֤ךְ אַחֲרַי֙ בְּכָל־לְבָב֔וֹ לַעֲשׂ֕וֹת רַ֖ק הַיָּשָׁ֥ר בְּעֵינָֽי׃

‎9 ‏וַתָּ֣רַע לַעֲשׂ֔וֹת מִכֹּ֖ל אֲשֶׁר־הָי֣וּ לְפָנֶ֑יךָ וַתֵּ֡לֶךְ וַתַּעֲשֶׂה־לְּךָ֩ אֱלֹהִ֨ים אֲחֵרִ֤ים וּמַסֵּכוֹת֙ לְהַכְעִיסֵ֔נִי וְאֹתִ֥י הִשְׁלַ֖כְתָּ אַחֲרֵ֥י גַוֶּֽךָ׃ ס

‎10 ‏לָכֵ֗ן הִנְנִ֨י מֵבִ֤יא רָעָה֙ אֶל־בֵּ֣ית יָרָבְעָ֔ם וְהִכְרַתִּ֤י לְיָֽרָבְעָם֙ מַשְׁתִּ֣ין בְּקִ֔יר עָצ֥וּר וְעָז֖וּב בְּיִשְׂרָאֵ֑ל וּבִֽעַרְתִּי֙ אַחֲרֵ֣י בֵית־יָרָבְעָ֔ם כַּאֲשֶׁ֛ר יְבַעֵ֥ר הַגָּלָ֖ל עַד־תֻּמּֽוֹ׃

‎11 ‏הַמֵּ֨ת לְיָֽרָבְעָ֤ם בָּעִיר֙ יֹאכְל֣וּ הַכְּלָבִ֔ים וְהַמֵּת֙ בַּשָּׂדֶ֔ה יֹאכְל֖וּ ע֣וֹף הַשָּׁמָ֑יִם כִּ֥י יְהוָ֖ה דִּבֵּֽר׃

‎12 ‏וְאַ֥תְּ ק֖וּמִי לְכִ֣י לְבֵיתֵ֑ךְ בְּבֹאָ֥ה רַגְלַ֛יִךְ הָעִ֖ירָה וּמֵ֥ת הַיָּֽלֶד׃

‎13 ‏וְסָֽפְדוּ־ל֤וֹ כָל־יִשְׂרָאֵל֙ וְקָבְר֣וּ אֹת֔וֹ כִּֽי־זֶ֣ה לְבַדּ֔וֹ יָבֹ֥א לְיָרָבְעָ֖ם אֶל־קָ֑בֶר יַ֣עַן נִמְצָא־ב֞וֹ דָּבָ֣ר ט֗וֹב אֶל־יְהוָ֛ה אֱלֹהֵ֥י יִשְׂרָאֵ֖ל בְּבֵ֥ית יָרָבְעָֽם׃

‎14 ‏וְהֵקִים֩ יְהוָ֨ה ל֥וֹ מֶ֙לֶךְ֙ עַל־יִשְׂרָאֵ֔ל אֲשֶׁ֥ר יַכְרִ֛ית אֶת־בֵּ֥ית יָרָבְעָ֖ם זֶ֣ה הַיּ֑וֹם וּמֶ֖ה גַּם־עָֽתָּה׃

‎15 ‏וְהִכָּ֨ה יְהוָ֜ה אֶת־יִשְׂרָאֵ֗ל כַּאֲשֶׁ֨ר יָנ֣וּד הַקָּנֶה֮ בַּמַּיִם֒ וְנָתַ֣שׁ אֶת־יִשְׂרָאֵ֗ל מֵ֠עַל הָאֲדָמָ֨ה הַטּוֹבָ֤ה הַזֹּאת֙ אֲשֶׁ֤ר נָתַן֙ לַאֲב֣וֹתֵיהֶ֔ם וְזֵרָ֖ם מֵעֵ֣בֶר לַנָּהָ֑ר יַ֗עַן אֲשֶׁ֤ר עָשׂוּ֙ אֶת־אֲשֵׁ֣רֵיהֶ֔ם מַכְעִיסִ֖ים אֶת־יְהוָֽה׃

‎16 ‏וְיִתֵּ֖ן אֶת־יִשְׂרָאֵ֑ל בִּגְלַ֞ל חַטֹּ֤אות יָֽרָבְעָם֙ אֲשֶׁ֣ר חָטָ֔א וַאֲשֶׁ֥ר הֶחֱטִ֖יא אֶת־יִשְׂרָאֵֽל׃

‎17 ‏וַתָּ֙קָם֙ אֵ֣שֶׁת יָרָבְעָ֔ם וַתֵּ֖לֶךְ וַתָּבֹ֣א תִרְצָ֑תָה הִ֛יא בָּאָ֥ה בְסַף־הַבַּ֖יִת וְהַנַּ֥עַר מֵֽת׃

‎18 ‏וַיִּקְבְּר֥וּ אֹת֛וֹ וַיִּסְפְּדוּ־ל֖וֹ כָּל־יִשְׂרָאֵ֑ל כִּדְבַ֤ר יְהוָה֙ אֲשֶׁ֣ר דִּבֶּ֔ר בְּיַד־עַבְדּ֖וֹ אֲחִיָּ֥הוּ הַנָּבִֽיא׃

‎19 ‏וְיֶ֙תֶר֙ דִּבְרֵ֣י יָֽרָבְעָ֔ם אֲשֶׁ֥ר נִלְחַ֖ם וַאֲשֶׁ֣ר מָלָ֑ךְ הִנָּ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

‎20 ‏וְהַיָּמִים֙ אֲשֶׁ֣ר מָלַ֣ךְ יָרָבְעָ֔ם עֶשְׂרִ֥ים וּשְׁתַּ֖יִם שָׁנָ֑ה וַיִּשְׁכַּב֙ עִם־אֲבֹתָ֔יו וַיִּמְלֹ֛ךְ נָדָ֥ב בְּנ֖וֹ תַּחְתָּֽיו׃ פ

‎21 ‏וּרְחַבְעָם֙ בֶּן־שְׁלֹמֹ֔ה מָלַ֖ךְ בִּֽיהוּדָ֑ה בֶּן־אַרְבָּעִ֣ים וְאַחַ֣ת שָׁנָה֩ רְחַבְעָ֨ם בְּמָלְכ֜וֹ וּֽשֲׁבַ֨ע עֶשְׂרֵ֥ה שָׁנָ֣ה׀ מָלַ֣ךְ בִּירוּשָׁלִַ֗ם הָ֠עִיר אֲשֶׁר־בָּחַ֨ר יְהוָ֜ה לָשׂ֨וּם אֶת־שְׁמ֥וֹ שָׁם֙ מִכֹּל֙ שִׁבְטֵ֣י יִשְׂרָאֵ֔ל וְשֵׁ֣ם אִמּ֔וֹ נַעֲמָ֖ה הָעַמֹּנִֽית׃

‎22 ‏וַיַּ֧עַשׂ יְהוּדָ֛ה הָרַ֖ע בְּעֵינֵ֣י יְהוָ֑ה וַיְקַנְא֣וּ אֹת֗וֹ מִכֹּל֙ אֲשֶׁ֣ר עָשׂ֣וּ אֲבֹתָ֔ם בְּחַטֹּאתָ֖ם אֲשֶׁ֥ר חָטָֽאוּ׃

‎23 ‏וַיִּבְנ֨וּ גַם־הֵ֧מָּה לָהֶ֛ם בָּמ֥וֹת וּמַצֵּב֖וֹת וַאֲשֵׁרִ֑ים עַ֚ל כָּל־גִּבְעָ֣ה גְבֹהָ֔ה וְתַ֖חַת כָּל־עֵ֥ץ רַעֲנָֽן׃

‎24 ‏וְגַם־קָדֵ֖שׁ הָיָ֣ה בָאָ֑רֶץ עָשׂ֗וּ כְּכֹל֙ הַתּוֹעֲבֹ֣ת הַגּוֹיִ֔ם אֲשֶׁר֙ הוֹרִ֣ישׁ יְהוָ֔ה מִפְּנֵ֖י בְּנֵ֥י יִשְׂרָאֵֽל׃ פ

‎25 ‏וַיְהִ֛י בַּשָּׁנָ֥ה הַחֲמִישִׁ֖ית לַמֶּ֣לֶךְ רְחַבְעָ֑ם עָלָ֛ה שושק שִׁישַׁ֥ק מֶֽלֶךְ־מִצְרַ֖יִם עַל־יְרוּשָׁלִָֽם׃

‎26 ‏וַיִּקַּ֞ח אֶת־אֹצְר֣וֹת בֵּית־יְהוָ֗ה וְאֶת־אֽוֹצְרוֹת֙ בֵּ֣ית הַמֶּ֔לֶךְ וְאֶת־הַכֹּ֖ל לָקָ֑ח וַיִּקַּח֙ אֶת־כָּל־מָגִנֵּ֣י הַזָּהָ֔ב אֲשֶׁ֥ר עָשָׂ֖ה שְׁלֹמֹֽה׃

‎27 ‏וַיַּ֨עַשׂ הַמֶּ֤לֶךְ רְחַבְעָם֙ תַּחְתָּ֔ם מָגִנֵּ֖י נְחֹ֑שֶׁת וְהִפְקִ֗יד עַל־יַד֙ שָׂרֵ֣י הָרָצִ֔ים הַשֹּׁ֣מְרִ֔ים פֶּ֖תַח בֵּ֥ית הַמֶּֽלֶךְ׃

‎28 ‏וַיְהִ֛י מִדֵּי־בֹ֥א הַמֶּ֖לֶךְ בֵּ֣ית יְהוָ֑ה יִשָּׂאוּם֙ הָֽרָצִ֔ים וֶהֱשִׁיב֖וּם אֶל־תָּ֥א הָרָצִֽים׃

‎29 ‏וְיֶ֛תֶר דִּבְרֵ֥י רְחַבְעָ֖ם וְכָל־אֲשֶׁ֣ר עָשָׂ֑ה הֲלֹא־הֵ֣מָּה כְתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

‎30 ‏וּמִלְחָמָ֨ה הָיְתָ֧ה בֵין־רְחַבְעָ֛ם וּבֵ֥ין יָרָבְעָ֖ם כָּל־הַיָּמִֽים׃

‎31 ‏וַיִּשְׁכַּ֨ב רְחַבְעָ֜ם עִם־אֲבֹתָ֗יו וַיִּקָּבֵ֤ר עִם־אֲבֹתָיו֙ בְּעִ֣יר דָּוִ֔ד וְשֵׁ֣ם אִמּ֔וֹ נַעֲמָ֖ה הָעַמֹּנִ֑ית וַיִּמְלֹ֛ךְ אֲבִיָּ֥ם בְּנ֖וֹ תַּחְתָּֽיו׃ פ

1 bā‘ēṯ hahî’ ḥālâ ’ăḇîyâ ḇen-yārāḇə‘ām:

2 wayyō’mer yārāḇə‘ām lə’išətwō qûmî nā’ wəhišətannîṯ wəlō’ yēḏə‘û kî-’atî ’atə ’ēšeṯ yārāḇə‘ām wəhālaḵətə šilōh hinnēh-šām ’ăḥîyâ hannāḇî’ hû’-ḏiber ‘ālay ləmeleḵə ‘al-hā‘ām hazzeh:

3 wəlāq^aḥatə bəyāḏēḵə ‘ăśārâ leḥem wəniqquḏîm ûḇaqəbuq dəḇaš ûḇā’ṯ ’ēlāyw hû’ yagîḏ lāḵə mah-yyihəyeh lannā‘ar:

4 wat^a‘aś kēn ’ēšeṯ yārāḇə‘ām watāqām watēleḵə šilōh watāḇō’ bêṯ ’ăḥîyâ wa’ăḥîyâû lō’-yāḵōl lirə’wōṯ kî qāmû ‘ênāyw miśśêḇwō: s

5 wayhwâ ’āmar ’el-’ăḥîyâû hinnēh ’ēšeṯ yārāḇə‘ām bā’â liḏərōš dāḇār mē‘imməḵā ’el-bənāh kî-ḥōleh hû’ kāzōh wəḵāzeh təḏabēr ’ēleyhā wîhî ḵəḇō’āh wəhî’ miṯənakērâ:

6 wayəhî ḵišəmō‘a ’ăḥîyâû ’eṯ-qwōl raḡəleyhā bā’â ḇapeṯ^aḥ wayyō’mer bō’î ’ēšeṯ yārāḇə‘ām lāmmâ zzeh ’atə miṯənakērâ wə’ānōḵî šālûḥa ’ēlayiḵə qāšâ:

7 ləḵî ’imərî ləyārāḇə‘ām kōh-’āmar yəhwâ ’ĕlōhê yiśərā’ēl y^a‘an ’ăšer hărîmōṯîḵā mitwōḵə hā‘ām wā’etenəḵā nāḡîḏ ‘al ‘ammî yiśərā’ēl:

8 wā’eqər^a‘ ’eṯ-hammaməlāḵâ mibêṯ dāwiḏ wā’etənehā lāḵə wəlō’-hāyîṯā kə‘aḇədî ḏāwiḏ ’ăšer šāmar miṣəwōṯay wa’ăšer-hālaḵə ’^aḥăray bəḵāl-ləḇāḇwō l^a‘ăśwōṯ raq hayyāšār bə‘ênāy:

9 watār^a‘ l^a‘ăśwōṯ mikōl ’ăšer-hāyû ləfāneyḵā watēleḵə wat^a‘ăśeh-lləḵā ’ĕlōhîm ’ăḥērîm ûmassēḵwōṯ ləhaḵə‘îsēnî wə’ōṯî hišəlaḵətā ’^aḥărê ḡaûeḵā: s

10 lāḵēn hinənî mēḇî’ rā‘â ’el-bêṯ yārāḇə‘ām wəhiḵəratî ləyārāḇə‘ām mašətîn bəqîr ‘āṣûr wə‘āzûḇ bəyiśərā’ēl ûḇi‘arətî ’^aḥărê ḇêṯ-yārāḇə‘ām ka’ăšer yəḇ^a‘ēr hagālāl ‘aḏ-tummwō:

11 hammēṯ ləyārāḇə‘ām bā‘îr yō’ḵəlû hakəlāḇîm wəhammēṯ baśśāḏeh yō’ḵəlû ‘wōf haššāmāyim kî yəhwâ dibēr:

12 wə’atə qûmî ləḵî ləḇêṯēḵə bəḇō’â raḡəlayiḵə hā‘îrâ ûmēṯ hayyāleḏ:

13 wəsāfəḏû-lwō ḵāl-yiśərā’ēl wəqāḇərû ’ōṯwō kî-zeh ləḇadwō yāḇō’ ləyārāḇə‘ām ’el-qāḇer y^a‘an niməṣā’-ḇwō dāḇār ṭwōḇ ’el-yəhwâ ’ĕlōhê yiśərā’ēl bəḇêṯ yārāḇə‘ām:

14 wəhēqîm yəhwâ lwō meleḵə ‘al-yiśərā’ēl ’ăšer yaḵərîṯ ’eṯ-bêṯ yārāḇə‘ām zeh hayywōm ûmeh gam-‘ātâ:

15 wəhikâ yəhwâ ’eṯ-yiśərā’ēl ka’ăšer yānûḏ haqqāneh bammayim wənāṯaš ’eṯ-yiśərā’ēl mē‘al hā’ăḏāmâ haṭṭwōḇâ hazzō’ṯ ’ăšer nāṯan la’ăḇwōṯêhem wəzērām mē‘ēḇer lannâār y^a‘an ’ăšer ‘āśû ’eṯ-’ăšērêhem maḵə‘îsîm ’eṯ-yəhwâ:

16 wəyitēn ’eṯ-yiśərā’ēl biḡəlal ḥaṭṭō’wṯ yārāḇə‘ām ’ăšer ḥāṭā’ wa’ăšer heḥĕṭî’ ’eṯ-yiśərā’ēl:

17 watāqām ’ēšeṯ yārāḇə‘ām watēleḵə watāḇō’ ṯirəṣāṯâ hî’ bā’â ḇəsaf-habayiṯ wəhann^a‘ar mēṯ:

18 wayyiqəbərû ’ōṯwō wayyisəpəḏû-lwō kāl-yiśərā’ēl kiḏəḇar yəhwâ ’ăšer diber bəyaḏ-‘aḇədwō ’ăḥîyâû hannāḇî’:

19 wəyeṯer diḇərê yārāḇə‘ām ’ăšer niləḥam wa’ăšer mālāḵə hinnām kəṯûḇîm ‘al-sēfer diḇərê hayyāmîm ləmaləḵê yiśərā’ēl:

20 wəhayyāmîm ’ăšer mālaḵə yārāḇə‘ām ‘eśərîm ûšətayim šānâ wayyišəkaḇ ‘im-’ăḇōṯāyw wayyiməlōḵə nāḏāḇ bənwō t^aḥətāyw: f

21 ûrəḥaḇə‘ām ben-šəlōmōh mālaḵə bîhûḏâ ben-’arəbā‘îm wə’^aḥaṯ šānâ rəḥaḇə‘ām bəmāləḵwō ûšăḇ^a‘ ‘eśərēh šānâ| mālaḵə bîrûšālaim hā‘îr ’ăšer-bāḥar yəhwâ lāśûm ’eṯ-šəmwō šām mikōl šiḇəṭê yiśərā’ēl wəšēm ’immwō n^a‘ămâ hā‘ammōnîṯ:

22 wayy^a‘aś yəhûḏâ hār^a‘ bə‘ênê yəhwâ wayəqanə’û ’ōṯwō mikōl ’ăšer ‘āśû ’ăḇōṯām bəḥaṭṭō’ṯām ’ăšer ḥāṭā’û:

23 wayyiḇənû ḡam-hēmmâ lâem bāmwōṯ ûmaṣṣēḇwōṯ wa’ăšērîm ‘al kāl-giḇə‘â ḡəḇōhâ wəṯ^aḥaṯ kāl-‘ēṣ r^a‘ănān:

24 wəḡam-qāḏēš hāyâ ḇā’āreṣ ‘āśû kəḵōl hatwō‘ăḇōṯ hagwōyim ’ăšer hwōrîš yəhwâ mipənê bənê yiśərā’ēl: f

25 wayəhî baššānâ h^aḥămîšîṯ lammeleḵə rəḥaḇə‘ām ‘ālâ šûšaq šîšaq meleḵə-miṣərayim ‘al-yərûšālāim:

26 wayyiqq^aḥ ’eṯ-’ōṣərwōṯ bêṯ-yəhwâ wə’eṯ-’wōṣərwōṯ bêṯ hammeleḵə wə’eṯ-hakōl lāqāḥ wayyiqq^aḥ ’eṯ-kāl-māḡinnê hazzâāḇ ’ăšer ‘āśâ šəlōmōh:

27 wayy^a‘aś hammeleḵə rəḥaḇə‘ām t^aḥətām māḡinnê nəḥōšeṯ wəhifəqîḏ ‘al-yaḏ śārê hārāṣîm haššōmərîm peṯ^aḥ bêṯ hammeleḵə:

28 wayəhî midê-ḇō’ hammeleḵə bêṯ yəhwâ yiśśā’ûm hārāṣîm wehĕšîḇûm ’el-tā’ hārāṣîm:

29 wəyeṯer diḇərê rəḥaḇə‘ām wəḵāl-’ăšer ‘āśâ hălō’-hēmmâ ḵəṯûḇîm ‘al-sēfer diḇərê hayyāmîm ləmaləḵê yəhûḏâ:

30 ûmiləḥāmâ hāyəṯâ ḇên-rəḥaḇə‘ām ûḇên yārāḇə‘ām kāl-hayyāmîm:

31 wayyišəkaḇ rəḥaḇə‘ām ‘im-’ăḇōṯāyw wayyiqqāḇēr ‘im-’ăḇōṯāyw bə‘îr dāwiḏ wəšēm ’immwō n^a‘ămâ hā‘ammōnîṯ wayyiməlōḵə ’ăḇîyām bənwō t^aḥətāyw: f

Tanach (Hebrew): 1 Kings (1 Melakhim) Chapter 15

‎1 ‏וּבִשְׁנַת֙ שְׁמֹנֶ֣ה עֶשְׂרֵ֔ה לַמֶּ֖לֶךְ יָרָבְעָ֣ם בֶּן־נְבָ֑ט מָלַ֥ךְ אֲבִיָּ֖ם עַל־יְהוּדָֽה׃

‎2 ‏שָׁלֹ֣שׁ שָׁנִ֔ים מָלַ֖ךְ בִּירוּשָׁלִָ֑ם וְשֵׁ֣ם אִמּ֔וֹ מַעֲכָ֖ה בַּת־אֲבִישָׁלֽוֹם׃

‎3 ‏וַיֵּ֕לֶךְ בְּכָל־חַטֹּ֥אות אָבִ֖יו אֲשֶׁר־עָשָׂ֣ה לְפָנָ֑יו וְלֹא־הָיָ֨ה לְבָב֤וֹ שָׁלֵם֙ עִם־יְהוָ֣ה אֱלֹהָ֔יו כִּלְבַ֖ב דָּוִ֥ד אָבִֽיו׃

‎4 ‏כִּ֚י לְמַ֣עַן דָּוִ֔ד נָתַן֩ יְהוָ֨ה אֱלֹהָ֥יו ל֛וֹ נִ֖יר בִּירוּשָׁלִָ֑ם לְהָקִ֤ים אֶת־בְּנוֹ֙ אַחֲרָ֔יו וּֽלְהַעֲמִ֖יד אֶת־יְרוּשָׁלִָֽם׃

‎5 ‏אֲשֶׁ֨ר עָשָׂ֥ה דָוִ֛ד אֶת־הַיָּשָׁ֖ר בְּעֵינֵ֣י יְהוָ֑ה וְלֹֽא־סָ֞ר מִכֹּ֣ל אֲשֶׁר־צִוָּ֗הוּ כֹּ֚ל יְמֵ֣י חַיָּ֔יו רַ֕ק בִּדְבַ֖ר אוּרִיָּ֥ה הַחִתִּֽי׃

‎6 ‏וּמִלְחָמָ֨ה הָיְתָ֧ה בֵין־רְחַבְעָ֛ם וּבֵ֥ין יָרָבְעָ֖ם כָּל־יְמֵ֥י חַיָּֽיו׃

‎7 ‏וְיֶ֨תֶר דִּבְרֵ֤י אֲבִיָּם֙ וְכָל־אֲשֶׁ֣ר עָשָׂ֔ה הֲלֽוֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֣י יְהוּדָ֑ה וּמִלְחָמָ֥ה הָיְתָ֛ה בֵּ֥ין אֲבִיָּ֖ם וּבֵ֥ין יָרָבְעָֽם׃

‎8 ‏וַיִּשְׁכַּ֤ב אֲבִיָּם֙ עִם־אֲבֹתָ֔יו וַיִּקְבְּר֥וּ אֹת֖וֹ בְּעִ֣יר דָּוִ֑ד וַיִּמְלֹ֛ךְ אָסָ֥א בְנ֖וֹ תַּחְתָּֽיו׃ פ

‎9 ‏וּבִשְׁנַ֣ת עֶשְׂרִ֔ים לְיָרָבְעָ֖ם מֶ֣לֶךְ יִשְׂרָאֵ֑ל מָלַ֥ךְ אָסָ֖א מֶ֥לֶךְ יְהוּדָֽה׃

‎10 ‏וְאַרְבָּעִ֤ים וְאַחַת֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמּ֔וֹ מַעֲכָ֖ה בַּת־אֲבִישָׁלֽוֹם׃

‎11 ‏וַיַּ֧עַשׂ אָסָ֛א הַיָּשָׁ֖ר בְּעֵינֵ֣י יְהוָ֑ה כְּדָוִ֖ד אָבִֽיו׃

‎12 ‏וַיַּעֲבֵ֥ר הַקְּדֵשִׁ֖ים מִן־הָאָ֑רֶץ וַיָּ֙סַר֙ אֶת־כָּל־הַגִּלֻּלִ֔ים אֲשֶׁ֥ר עָשׂ֖וּ אֲבֹתָֽיו׃

‎13 ‏וְגַ֣ם׀ אֶת־מַעֲכָ֣ה אִמּ֗וֹ וַיְסִרֶ֙הָ֙ מִגְּבִירָ֔ה אֲשֶׁר־עָשְׂתָ֥ה מִפְלֶ֖צֶת לָאֲשֵׁרָ֑ה וַיִּכְרֹ֤ת אָסָא֙ אֶת־מִפְלַצְתָּ֔הּ וַיִּשְׂרֹ֖ף בְּנַ֥חַל קִדְרֽוֹן׃

‎14 ‏וְהַבָּמ֖וֹת לֹא־סָ֑רוּ רַ֣ק לְבַב־אָסָ֗א הָיָ֥ה שָׁלֵ֛ם עִם־יְהוָ֖ה כָּל־יָמָֽיו׃

‎15 ‏וַיָּבֵא֙ אֶת־קָדְשֵׁ֣י אָבִ֔יו וקדשו וְקָדְשֵׁ֖י בֵּ֣ית יְהוָ֑ה כֶּ֥סֶף וְזָהָ֖ב וְכֵלִֽים׃

‎16 ‏וּמִלְחָמָ֨ה הָיְתָ֜ה בֵּ֣ין אָסָ֗א וּבֵ֛ין בַּעְשָׁ֥א מֶֽלֶךְ־יִשְׂרָאֵ֖ל כָּל־יְמֵיהֶֽם׃

‎17 ‏וַיַּ֨עַל בַּעְשָׁ֤א מֶֽלֶךְ־יִשְׂרָאֵל֙ עַל־יְהוּדָ֔ה וַיִּ֖בֶן אֶת־הָרָמָ֑ה לְבִלְתִּ֗י תֵּ֚ת יֹצֵ֣א וָבָ֔א לְאָסָ֖א מֶ֥לֶךְ יְהוּדָֽה׃

‎18 ‏וַיִּקַּ֣ח אָ֠סָא אֶת־כָּל־הַכֶּ֨סֶף וְהַזָּהָ֜ב הַֽנּוֹתָרִ֣ים׀ בְּאוֹצְר֣וֹת בֵּית־יְהוָ֗ה וְאֶת־אֽוֹצְרוֹת֙ בֵּ֣ית מלך הַמֶּ֔לֶךְ וַֽיִּתְּנֵ֖ם בְּיַד־עֲבָדָ֑יו וַיִּשְׁלָחֵ֞ם הַמֶּ֣לֶךְ אָסָ֗א אֶל־בֶּן־הֲ֠דַד בֶּן־טַבְרִמֹּ֤ן בֶּן־חֶזְיוֹן֙ מֶ֣לֶךְ אֲרָ֔ם הַיֹּשֵׁ֥ב בְּדַמֶּ֖שֶׂק לֵאמֹֽר׃

‎19 ‏בְּרִית֙ בֵּינִ֣י וּבֵינֶ֔ךָ בֵּ֥ין אָבִ֖י וּבֵ֣ין אָבִ֑יךָ הִנֵּה֩ שָׁלַ֨חְתִּֽי לְךָ֥ שֹׁ֙חַד֙ כֶּ֣סֶף וְזָהָ֔ב לֵ֣ךְ הָפֵ֗רָה אֶת־בְּרִֽיתְךָ֙ אֶת־בַּעְשָׁ֣א מֶֽלֶךְ־יִשְׂרָאֵ֔ל וְיַעֲלֶ֖ה מֵעָלָֽי׃

‎20 ‏וַיִּשְׁמַ֨ע בֶּן־הֲדַ֜ד אֶל־הַמֶּ֣לֶךְ אָסָ֗א וַ֠יִּשְׁלַח אֶת־שָׂרֵ֨י הַחֲיָלִ֤ים אֲשֶׁר־לוֹ֙ עַל־עָרֵ֣י יִשְׂרָאֵ֔ל וַיַּךְ֙ אֶת־עִיּ֣וֹן וְאֶת־דָּ֔ן וְאֵ֖ת אָבֵ֣ל בֵּֽית־מַעֲכָ֑ה וְאֵת֙ כָּל־כִּנְר֔וֹת עַ֖ל כָּל־אֶ֥רֶץ נַפְתָּלִֽי׃

‎21 ‏וַֽיְהִי֙ כִּשְׁמֹ֣עַ בַּעְשָׁ֔א וַיֶּחְדַּ֕ל מִבְּנ֖וֹת אֶת־הָֽרָמָ֑ה וַיֵּ֖שֶׁב בְּתִרְצָֽה׃

‎22 ‏וְהַמֶּ֨לֶךְ אָסָ֜א הִשְׁמִ֤יעַ אֶת־כָּל־יְהוּדָה֙ אֵ֣ין נָקִ֔י וַיִּשְׂא֞וּ אֶת־אַבְנֵ֤י הָֽרָמָה֙ וְאֶת־עֵצֶ֔יהָ אֲשֶׁ֥ר בָּנָ֖ה בַּעְשָׁ֑א וַיִּ֤בֶן בָּם֙ הַמֶּ֣לֶךְ אָסָ֔א אֶת־גֶּ֥בַע בִּנְיָמִ֖ן וְאֶת־הַמִּצְפָּֽה׃

‎23 ‏וְיֶ֣תֶר כָּל־דִּבְרֵֽי־אָ֠סָא וְכָל־גְּב֨וּרָת֜וֹ וְכָל־אֲשֶׁ֣ר עָשָׂ֗ה וְהֶֽעָרִים֙ אֲשֶׁ֣ר בָּנָ֔ה הֲלֹֽא־הֵ֣מָּה כְתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֣י יְהוּדָ֑ה רַ֚ק לְעֵ֣ת זִקְנָת֔וֹ חָלָ֖ה אֶת־רַגְלָֽיו׃

‎24 ‏וַיִּשְׁכַּ֤ב אָסָא֙ עִם־אֲבֹתָ֔יו וַיִּקָּבֵר֙ עִם־אֲבֹתָ֔יו בְּעִ֖יר דָּוִ֣ד אָבִ֑יו וַיִּמְלֹ֛ךְ יְהוֹשָׁפָ֥ט בְּנ֖וֹ תַּחְתָּֽיו׃ פ

‎25 ‏וְנָדָ֣ב בֶּן־יָרָבְעָ֗ם מָלַךְ֙ עַל־יִשְׂרָאֵ֔ל בִּשְׁנַ֣ת שְׁתַּ֔יִם לְאָסָ֖א מֶ֣לֶךְ יְהוּדָ֑ה וַיִּמְלֹ֥ךְ עַל־יִשְׂרָאֵ֖ל שְׁנָתָֽיִם׃

‎26 ‏וַיַּ֥עַשׂ הָרַ֖ע בְּעֵינֵ֣י יְהוָ֑ה וַיֵּ֙לֶךְ֙ בְּדֶ֣רֶךְ אָבִ֔יו וּ֨בְחַטָּאת֔וֹ אֲשֶׁ֥ר הֶחֱטִ֖יא אֶת־יִשְׂרָאֵֽל׃

‎27 ‏וַיִּקְשֹׁ֨ר עָלָ֜יו בַּעְשָׁ֤א בֶן־אֲחִיָּה֙ לְבֵ֣ית יִשָּׂשכָ֔ר וַיַּכֵּ֣הוּ בַעְשָׁ֔א בְּגִבְּת֖וֹן אֲשֶׁ֣ר לַפְּלִשְׁתִּ֑ים וְנָדָב֙ וְכָל־יִשְׂרָאֵ֔ל צָרִ֖ים עַֽל־גִּבְּתֽוֹן׃

‎28 ‏וַיְמִתֵ֣הוּ בַעְשָׁ֔א בִּשְׁנַ֣ת שָׁלֹ֔שׁ לְאָסָ֖א מֶ֣לֶךְ יְהוּדָ֑ה וַיִּמְלֹ֖ךְ תַּחְתָּֽיו׃

‎29 ‏וַיְהִ֣י כְמָלְכ֗וֹ הִכָּה֙ אֶת־כָּל־בֵּ֣ית יָרָבְעָ֔ם לֹֽא־הִשְׁאִ֧יר כָּל־נְשָׁמָ֛ה לְיָרָבְעָ֖ם עַד־הִשְׁמִד֑וֹ כִּדְבַ֣ר יְהוָ֔ה אֲשֶׁ֣ר דִּבֶּ֔ר בְּיַד־עַבְדּ֖וֹ אֲחִיָּ֥ה הַשִּׁילֹנִֽי׃

‎30 ‏עַל־חַטֹּ֤אות יָרָבְעָם֙ אֲשֶׁ֣ר חָטָ֔א וַאֲשֶׁ֥ר הֶחֱטִ֖יא אֶת־יִשְׂרָאֵ֑ל בְּכַעְס֕וֹ אֲשֶׁ֣ר הִכְעִ֔יס אֶת־יְהוָ֖ה אֱלֹהֵ֥י יִשְׂרָאֵֽל׃

‎31 ‏וְיֶ֛תֶר דִּבְרֵ֥י נָדָ֖ב וְכָל־אֲשֶׁ֣ר עָשָׂ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

‎32 ‏וּמִלְחָמָ֨ה הָיְתָ֜ה בֵּ֣ין אָסָ֗א וּבֵ֛ין בַּעְשָׁ֥א מֶֽלֶךְ־יִשְׂרָאֵ֖ל כָּל־יְמֵיהֶֽם׃ פ

‎33 ‏בִּשְׁנַ֣ת שָׁלֹ֔שׁ לְאָסָ֖א מֶ֣לֶךְ יְהוּדָ֑ה מָ֠לַךְ בַּעְשָׁ֨א בֶן־אֲחִיָּ֤ה עַל־כָּל־יִשְׂרָאֵל֙ בְּתִרְצָ֔ה עֶשְׂרִ֥ים וְאַרְבַּ֖ע שָׁנָֽה׃

‎34 ‏וַיַּ֥עַשׂ הָרַ֖ע בְּעֵינֵ֣י יְהוָ֑ה וַיֵּ֙לֶךְ֙ בְּדֶ֣רֶךְ יָרָבְעָ֔ם וּ֨בְחַטָּאת֔וֹ אֲשֶׁ֥ר הֶחֱטִ֖יא אֶת־יִשְׂרָאֵֽל׃ ס

1 ûḇišənaṯ šəmōneh ‘eśərēh lammeleḵə yārāḇə‘ām ben-nəḇāṭ mālaḵə ’ăḇîyām ‘al-yəhûḏâ:

2 šālōš šānîm mālaḵə bîrûšālāim wəšēm ’immwō m^a‘ăḵâ baṯ-’ăḇîšālwōm:

3 wayyēleḵə bəḵāl-ḥaṭṭō’wṯ ’āḇîw ’ăšer-‘āśâ ləfānāyw wəlō’-hāyâ ləḇāḇwō šālēm ‘im-yəhwâ ’ĕlōhāyw kiləḇaḇ dāwiḏ ’āḇîw:

4 kî ləm^a‘an dāwiḏ nāṯan yəhwâ ’ĕlōhāyw lwō nîr bîrûšālāim ləhāqîm ’eṯ-bənwō ’^aḥărāyw ûləh^a‘ămîḏ ’eṯ-yərûšālāim:

5 ’ăšer ‘āśâ ḏāwiḏ ’eṯ-hayyāšār bə‘ênê yəhwâ wəlō’-sār mikōl ’ăšer-ṣiûâû kōl yəmê ḥayyāyw raq biḏəḇar ’ûrîyâ h^aḥitî:

6 ûmiləḥāmâ hāyəṯâ ḇên-rəḥaḇə‘ām ûḇên yārāḇə‘ām kāl-yəmê ḥayyāyw:

7 wəyeṯer diḇərê ’ăḇîyām wəḵāl-’ăšer ‘āśâ hălwō’-hēm kəṯûḇîm ‘al-sēfer diḇərê hayyāmîm ləmaləḵê yəhûḏâ ûmiləḥāmâ hāyəṯâ bên ’ăḇîyām ûḇên yārāḇə‘ām:

8 wayyišəkaḇ ’ăḇîyām ‘im-’ăḇōṯāyw wayyiqəbərû ’ōṯwō bə‘îr dāwiḏ wayyiməlōḵə ’āsā’ ḇənwō t^aḥətāyw: f

9 ûḇišənaṯ ‘eśərîm ləyārāḇə‘ām meleḵə yiśərā’ēl mālaḵə ’āsā’ meleḵə yəhûḏâ:

10 wə’arəbā‘îm wə’^aḥaṯ šānâ mālaḵə bîrûšālāim wəšēm ’immwō m^a‘ăḵâ baṯ-’ăḇîšālwōm:

11 wayy^a‘aś ’āsā’ hayyāšār bə‘ênê yəhwâ kəḏāwiḏ ’āḇîw:

12 wayy^a‘ăḇēr haqqəḏēšîm min-hā’āreṣ wayyāsar ’eṯ-kāl-hagillulîm ’ăšer ‘āśû ’ăḇōṯāyw:

13 wəḡam| ’eṯ-m^a‘ăḵâ ’immwō wayəsirehā migəḇîrâ ’ăšer-‘āśəṯâ mifəleṣeṯ lā’ăšērâ wayyiḵərōṯ ’āsā’ ’eṯ-mifəlaṣətāh wayyiśərōf bən^aḥal qiḏərwōn:

14 wəhabāmwōṯ lō’-sārû raq ləḇaḇ-’āsā’ hāyâ šālēm ‘im-yəhwâ kāl-yāmāyw:

15 wayyāḇē’ ’eṯ-qāḏəšê ’āḇîw wəqāḏəšwō wəqāḏəšê bêṯ yəhwâ kesef wəzâāḇ wəḵēlîm:

16 ûmiləḥāmâ hāyəṯâ bên ’āsā’ ûḇên b^a‘əšā’ meleḵə-yiśərā’ēl kāl-yəmêhem:

17 wayy^a‘al b^a‘əšā’ meleḵə-yiśərā’ēl ‘al-yəhûḏâ wayyiḇen ’eṯ-hārāmâ ləḇilətî tēṯ yōṣē’ wāḇā’ lə’āsā’ meleḵə yəhûḏâ:

18 wayyiqq^aḥ ’āsā’ ’eṯ-kāl-hakesef wəhazzâāḇ hannwōṯārîm| bə’wōṣərwōṯ bêṯ-yəhwâ wə’eṯ-’wōṣərwōṯ bêṯ meleḵə hammeleḵə wayyitənēm bəyaḏ-‘ăḇāḏāyw wayyišəlāḥēm hammeleḵə ’āsā’ ’el-ben-hăḏaḏ ben-ṭaḇərimmōn ben-ḥezəywōn meleḵə ’ărām hayyōšēḇ bəḏammeśeq lē’mōr:

19 bərîṯ bênî ûḇêneḵā bên ’āḇî ûḇên ’āḇîḵā hinnēh šāl^aḥətî ləḵā šōḥaḏ kesef wəzâāḇ lēḵə hāfērâ ’eṯ-bərîṯəḵā ’eṯ-b^a‘əšā’ meleḵə-yiśərā’ēl wəy^a‘ăleh mē‘ālāy:

20 wayyišəm^a‘ ben-hăḏaḏ ’el-hammeleḵə ’āsā’ wayyišəl^aḥ ’eṯ-śārê h^aḥăyālîm ’ăšer-lwō ‘al-‘ārê yiśərā’ēl wayyaḵə ’eṯ-‘îywōn wə’eṯ-dān wə’ēṯ ’āḇēl bêṯ-m^a‘ăḵâ wə’ēṯ kāl-kinərwōṯ ‘al kāl-’ereṣ nafətālî:

21 wayəhî kišəmō‘a b^a‘əšā’ wayyeḥədal mibənwōṯ ’eṯ-hārāmâ wayyēšeḇ bəṯirəṣâ:

22 wəhammeleḵə ’āsā’ hišəmî‘a ’eṯ-kāl-yəhûḏâ ’ên nāqî wayyiśə’û ’eṯ-’aḇənê hārāmâ wə’eṯ-‘ēṣeyhā ’ăšer bānâ b^a‘əšā’ wayyiḇen bām hammeleḵə ’āsā’ ’eṯ-geḇ^a‘ binəyāmin wə’eṯ-hammiṣəpâ:

23 wəyeṯer kāl-diḇərê-’āsā’ wəḵāl-gəḇûrāṯwō wəḵāl-’ăšer ‘āśâ wəhe‘ārîm ’ăšer bānâ hălō’-hēmmâ ḵəṯûḇîm ‘al-sēfer diḇərê hayyāmîm ləmaləḵê yəhûḏâ raq lə‘ēṯ ziqənāṯwō ḥālâ ’eṯ-raḡəlāyw:

24 wayyišəkaḇ ’āsā’ ‘im-’ăḇōṯāyw wayyiqqāḇēr ‘im-’ăḇōṯāyw bə‘îr dāwiḏ ’āḇîw wayyiməlōḵə yəhwōšāfāṭ bənwō t^aḥətāyw: f

25 wənāḏāḇ ben-yārāḇə‘ām mālaḵə ‘al-yiśərā’ēl bišənaṯ šətayim lə’āsā’ meleḵə yəhûḏâ wayyiməlōḵə ‘al-yiśərā’ēl šənāṯāyim:

26 wayy^a‘aś hār^a‘ bə‘ênê yəhwâ wayyēleḵə bəḏereḵə ’āḇîw ûḇəḥaṭṭā’ṯwō ’ăšer heḥĕṭî’ ’eṯ-yiśərā’ēl:

27 wayyiqəšōr ‘ālāyw b^a‘əšā’ ḇen-’ăḥîyâ ləḇêṯ yiśśāsḵār wayyakēhû ḇ^a‘əšā’ bəḡibəṯwōn ’ăšer lapəlišətîm wənāḏāḇ wəḵāl-yiśərā’ēl ṣārîm ‘al-gibəṯwōn:

28 wayəmiṯēhû ḇ^a‘əšā’ bišənaṯ šālōš lə’āsā’ meleḵə yəhûḏâ wayyiməlōḵə t^aḥətāyw:

29 wayəhî ḵəmāləḵwō hikâ ’eṯ-kāl-bêṯ yārāḇə‘ām lō’-hišə’îr kāl-nəšāmâ ləyārāḇə‘ām ‘aḏ-hišəmiḏwō kiḏəḇar yəhwâ ’ăšer diber bəyaḏ-‘aḇədwō ’ăḥîyâ haššîlōnî:

30 ‘al-ḥaṭṭō’wṯ yārāḇə‘ām ’ăšer ḥāṭā’ wa’ăšer heḥĕṭî’ ’eṯ-yiśərā’ēl bəḵ^a‘əswō ’ăšer hiḵə‘îs ’eṯ-yəhwâ ’ĕlōhê yiśərā’ēl:

31 wəyeṯer diḇərê nāḏāḇ wəḵāl-’ăšer ‘āśâ hălō’-hēm kəṯûḇîm ‘al-sēfer diḇərê hayyāmîm ləmaləḵê yiśərā’ēl:

32 ûmiləḥāmâ hāyəṯâ bên ’āsā’ ûḇên b^a‘əšā’ meleḵə-yiśərā’ēl kāl-yəmêhem: f

33 bišənaṯ šālōš lə’āsā’ meleḵə yəhûḏâ mālaḵə b^a‘əšā’ ḇen-’ăḥîyâ ‘al-kāl-yiśərā’ēl bəṯirəṣâ ‘eśərîm wə’arəb^a‘ šānâ:

34 wayy^a‘aś hār^a‘ bə‘ênê yəhwâ wayyēleḵə bəḏereḵə yārāḇə‘ām ûḇəḥaṭṭā’ṯwō ’ăšer heḥĕṭî’ ’eṯ-yiśərā’ēl: s

Tanach (Hebrew): 1 Kings (1 Melakhim) Chapter 16

‎1 ‏וַיְהִ֤י דְבַר־יְהוָה֙ אֶל־יֵה֣וּא בֶן־חֲנָ֔נִי עַל־בַּעְשָׁ֖א לֵאמֹֽר׃

‎2 ‏יַ֗עַן אֲשֶׁ֤ר הֲרִימֹתִ֙יךָ֙ מִן־הֶ֣עָפָ֔ר וָאֶתֶּנְךָ֣ נָגִ֔יד עַ֖ל עַמִּ֣י יִשְׂרָאֵ֑ל וַתֵּ֣לֶךְ׀ בְּדֶ֣רֶךְ יָרָבְעָ֗ם וַֽתַּחֲטִא֙ אֶת־עַמִּ֣י יִשְׂרָאֵ֔ל לְהַכְעִיסֵ֖נִי בְּחַטֹּאתָֽם׃

‎3 ‏הִנְנִ֥י מַבְעִ֛יר אַחֲרֵ֥י בַעְשָׁ֖א וְאַחֲרֵ֣י בֵית֑וֹ וְנָֽתַתִּי֙ אֶת־בֵּ֣יתְךָ֔ כְּבֵ֖ית יָרָבְעָ֥ם בֶּן־נְבָֽט׃

‎4 ‏הַמֵּ֤ת לְבַעְשָׁא֙ בָּעִ֔יר יֹֽאכְל֖וּ הַכְּלָבִ֑ים וְהַמֵּ֥ת לוֹ֙ בַּשָּׂדֶ֔ה יֹאכְל֖וּ ע֥וֹף הַשָּׁמָֽיִם׃

‎5 ‏וְיֶ֨תֶר דִּבְרֵ֥י בַעְשָׁ֛א וַאֲשֶׁ֥ר עָשָׂ֖ה וּגְבֽוּרָת֑וֹ הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

‎6 ‏וַיִּשְׁכַּ֤ב בַּעְשָׁא֙ עִם־אֲבֹתָ֔יו וַיִּקָּבֵ֖ר בְּתִרְצָ֑ה וַיִּמְלֹ֛ךְ אֵלָ֥ה בְנ֖וֹ תַּחְתָּֽיו׃

‎7 ‏וְגַ֡ם בְּיַד־יֵה֨וּא בֶן־חֲנָ֜נִי הַנָּבִ֗יא דְּבַר־יְהוָ֡ה הָיָה֩ אֶל־בַּעְשָׁ֨א וְאֶל־בֵּית֜וֹ וְעַ֥ל כָּל־הָרָעָ֣ה׀ אֲשֶׁר־עָשָׂ֣ה׀ בְּעֵינֵ֣י יְהוָ֗ה לְהַכְעִיסוֹ֙ בְּמַעֲשֵׂ֣ה יָדָ֔יו לִהְי֖וֹת כְּבֵ֣ית יָרָבְעָ֑ם וְעַ֥ל אֲשֶׁר־הִכָּ֖ה אֹתֽוֹ׃ פ

‎8 ‏בִּשְׁנַ֨ת עֶשְׂרִ֤ים וָשֵׁשׁ֙ שָׁנָ֔ה לְאָסָ֖א מֶ֣לֶךְ יְהוּדָ֑ה מָ֠לַךְ אֵלָ֨ה בֶן־בַּעְשָׁ֧א עַל־יִשְׂרָאֵ֛ל בְּתִרְצָ֖ה שְׁנָתָֽיִם׃

‎9 ‏וַיִּקְשֹׁ֤ר עָלָיו֙ עַבְדּ֣וֹ זִמְרִ֔י שַׂ֖ר מַחֲצִ֣ית הָרָ֑כֶב וְה֤וּא בְתִרְצָה֙ שֹׁתֶ֣ה שִׁכּ֔וֹר בֵּ֣ית אַרְצָ֔א אֲשֶׁ֥ר עַל־הַבַּ֖יִת בְּתִרְצָֽה׃

‎10 ‏וַיָּבֹ֤א זִמְרִי֙ וַיַּכֵּ֣הוּ וַיְמִיתֵ֔הוּ בִּשְׁנַת֙ עֶשְׂרִ֣ים וָשֶׁ֔בַע לְאָסָ֖א מֶ֣לֶךְ יְהוּדָ֑ה וַיִּמְלֹ֖ךְ תַּחְתָּֽיו׃

‎11 ‏וַיְהִ֨י בְמָלְכ֜וֹ כְּשִׁבְתּ֣וֹ עַל־כִּסְא֗וֹ הִכָּה֙ אֶת־כָּל־בֵּ֣ית בַּעְשָׁ֔א לֹֽא־הִשְׁאִ֥יר ל֖וֹ מַשְׁתִּ֣ין בְּקִ֑יר וְגֹאֲלָ֖יו וְרֵעֵֽהוּ׃

‎12 ‏וַיַּשְׁמֵ֣ד זִמְרִ֔י אֵ֖ת כָּל־בֵּ֣ית בַּעְשָׁ֑א כִּדְבַ֤ר יְהוָה֙ אֲשֶׁ֣ר דִּבֶּ֣ר אֶל־בַּעְשָׁ֔א בְּיַ֖ד יֵה֥וּא הַנָּבִֽיא׃

‎13 ‏אֶ֚ל כָּל־חַטֹּ֣אות בַּעְשָׁ֔א וְחַטֹּ֖אות אֵלָ֣ה בְנ֑וֹ אֲשֶׁ֣ר חָטְא֗וּ וַאֲשֶׁ֤ר הֶחֱטִ֙יאוּ֙ אֶת־יִשְׂרָאֵ֔ל לְהַכְעִ֗יס אֶת־יְהוָ֛ה אֱלֹהֵ֥י יִשְׂרָאֵ֖ל בְּהַבְלֵיהֶֽם׃

‎14 ‏וְיֶ֛תֶר דִּבְרֵ֥י אֵלָ֖ה וְכָל־אֲשֶׁ֣ר עָשָׂ֑ה הֲלֽוֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ פ

‎15 ‏בִּשְׁנַת֩ עֶשְׂרִ֨ים וָשֶׁ֜בַע שָׁנָ֗ה לְאָסָא֙ מֶ֣לֶךְ יְהוּדָ֔ה מָלַ֥ךְ זִמְרִ֛י שִׁבְעַ֥ת יָמִ֖ים בְּתִרְצָ֑ה וְהָעָ֣ם חֹנִ֔ים עַֽל־גִּבְּת֖וֹן אֲשֶׁ֥ר לַפְּלִשְׁתִּֽים׃

‎16 ‏וַיִּשְׁמַ֤ע הָעָם֙ הַחֹנִ֣ים לֵאמֹ֔ר קָשַׁ֣ר זִמְרִ֔י וְגַ֖ם הִכָּ֣ה אֶת־הַמֶּ֑לֶךְ וַיַּמְלִ֣כוּ כָֽל־יִ֠שְׂרָאֵל אֶת־עָמְרִ֨י שַׂר־צָבָ֧א עַל־יִשְׂרָאֵ֛ל בַּיּ֥וֹם הַה֖וּא בַּֽמַּחֲנֶֽה׃

‎17 ‏וַיַּעֲלֶ֥ה עָמְרִ֛י וְכָל־יִשְׂרָאֵ֥ל עִמּ֖וֹ מִֽגִּבְּת֑וֹן וַיָּצֻ֖רוּ עַל־תִּרְצָֽה׃

‎18 ‏וַיְהִ֞י כִּרְא֤וֹת זִמְרִי֙ כִּֽי־נִלְכְּדָ֣ה הָעִ֔יר וַיָּבֹ֖א אֶל־אַרְמ֣וֹן בֵּית־הַמֶּ֑לֶךְ וַיִּשְׂרֹ֨ף עָלָ֧יו אֶת־בֵּֽית־מֶ֛לֶךְ בָּאֵ֖שׁ וַיָּמֹֽת׃

‎19 ‏עַל־חטאתו חַטֹּאתָיו֙ אֲשֶׁ֣ר חָטָ֔א לַעֲשׂ֥וֹת הָרַ֖ע בְּעֵינֵ֣י יְהוָ֑ה לָלֶ֙כֶת֙ בְּדֶ֣רֶךְ יָרָבְעָ֔ם וּבְחַטָּאתוֹ֙ אֲשֶׁ֣ר עָשָׂ֔ה לְהַחֲטִ֖יא אֶת־יִשְׂרָאֵֽל׃

‎20 ‏וְיֶ֙תֶר֙ דִּבְרֵ֣י זִמְרִ֔י וְקִשְׁר֖וֹ אֲשֶׁ֣ר קָשָׁ֑ר הֲלֹֽא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ פ

‎21 ‏אָ֧ז יֵחָלֵ֛ק הָעָ֥ם יִשְׂרָאֵ֖ל לַחֵ֑צִי חֲצִ֨י הָעָ֜ם הָ֠יָה אַחֲרֵ֨י תִבְנִ֤י בֶן־גִּינַת֙ לְהַמְלִיכ֔וֹ וְהַחֲצִ֖י אַחֲרֵ֥י עָמְרִֽי׃

‎22 ‏וַיֶּחֱזַ֤ק הָעָם֙ אֲשֶׁ֣ר אַחֲרֵ֣י עָמְרִ֔י אֶת־הָעָ֕ם אֲשֶׁ֥ר אַחֲרֵ֖י תִּבְנִ֣י בֶן־גִּינַ֑ת וַיָּ֣מָת תִּבְנִ֔י וַיִּמְלֹ֖ךְ עָמְרִֽי׃ פ

‎23 ‏בִּשְׁנַת֩ שְׁלֹשִׁ֨ים וְאַחַ֜ת שָׁנָ֗ה לְאָסָא֙ מֶ֣לֶךְ יְהוּדָ֔ה מָלַ֤ךְ עָמְרִי֙ עַל־יִשְׂרָאֵ֔ל שְׁתֵּ֥ים עֶשְׂרֵ֖ה שָׁנָ֑ה בְּתִרְצָ֖ה מָלַ֥ךְ שֵׁשׁ־שָׁנִֽים׃

‎24 ‏וַיִּ֜קֶן אֶת־הָהָ֥ר שֹׁמְר֛וֹן מֵ֥אֶת שֶׁ֖מֶר בְּכִכְּרַ֣יִם כָּ֑סֶף וַיִּ֙בֶן֙ אֶת־הָהָ֔ר וַיִּקְרָ֗א אֶת־שֵׁ֤ם הָעִיר֙ אֲשֶׁ֣ר בָּנָ֔ה עַ֣ל שֶׁם־שֶׁ֔מֶר אֲדֹנֵ֖י הָהָ֥ר שֹׁמְרֽוֹן׃

‎25 ‏וַיַּעֲשֶׂ֥ה עָמְרִ֛י הָרַ֖ע בְּעֵינֵ֣י יְהוָ֑ה וַיָּ֕רַע מִכֹּ֖ל אֲשֶׁ֥ר לְפָנָֽיו׃

‎26 ‏וַיֵּ֗לֶךְ בְּכָל־דֶּ֙רֶךְ֙ יָרָבְעָ֣ם בֶּן־נְבָ֔ט ובחטאתיו וּבְחַטָּאת֔וֹ אֲשֶׁ֥ר הֶחֱטִ֖יא אֶת־יִשְׂרָאֵ֑ל לְהַכְעִ֗יס אֶת־יְהוָ֛ה אֱלֹהֵ֥י יִשְׂרָאֵ֖ל בְּהַבְלֵיהֶֽם׃³

‎27 ‏וְיֶ֨תֶר דִּבְרֵ֤י עָמְרִי֙ אֲשֶׁ֣ר עָשָׂ֔ה וּגְבוּרָת֖וֹ אֲשֶׁ֣ר עָשָׂ֑ה הֲלֹֽא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

‎28 ‏וַיִּשְׁכַּ֤ב עָמְרִי֙ עִם־אֲבֹתָ֔יו וַיִּקָּבֵ֖ר בְּשֹׁמְר֑וֹן וַיִּמְלֹ֛ךְ אַחְאָ֥ב בְּנ֖וֹ תַּחְתָּֽיו׃ פ

‎29 ‏וְאַחְאָ֣ב בֶּן־עָמְרִ֗י מָלַךְ֙ עַל־יִשְׂרָאֵ֔ל בִּשְׁנַ֨ת שְׁלֹשִׁ֤ים וּשְׁמֹנֶה֙ שָׁנָ֔ה לְאָסָ֖א מֶ֣לֶךְ יְהוּדָ֑ה וַ֠יִּמְלֹךְ אַחְאָ֨ב בֶּן־עָמְרִ֤י עַל־יִשְׂרָאֵל֙ בְּשֹׁ֣מְר֔וֹן עֶשְׂרִ֥ים וּשְׁתַּ֖יִם שָׁנָֽה׃

‎30 ‏וַיַּ֨עַשׂ אַחְאָ֧ב בֶּן־עָמְרִ֛י הָרַ֖ע בְּעֵינֵ֣י יְהוָ֑ה מִכֹּ֖ל אֲשֶׁ֥ר לְפָנָֽיו׃

‎31 ‏וַיְהִי֙ הֲנָקֵ֣ל לֶכְתּ֔וֹ בְּחַטֹּ֖אות יָרָבְעָ֣ם בֶּן־נְבָ֑ט וַיִּקַּ֨ח אִשָּׁ֜ה אֶת־אִיזֶ֗בֶל בַּת־אֶתְבַּ֙עַל֙ מֶ֣לֶךְ צִידֹנִ֔ים וַיֵּ֙לֶךְ֙ וַֽיַּעֲבֹ֣ד אֶת־הַבַּ֔עַל וַיִּשְׁתַּ֖חוּ לֽוֹ׃

‎32 ‏וַיָּ֥קֶם מִזְבֵּ֖חַ לַבָּ֑עַל בֵּ֣ית הַבַּ֔עַל אֲשֶׁ֥ר בָּנָ֖ה בְּשֹׁמְרֽוֹן׃

‎33 ‏וַיַּ֥עַשׂ אַחְאָ֖ב אֶת־הָאֲשֵׁרָ֑ה וַיּ֨וֹסֶף אַחְאָ֜ב לַעֲשׂ֗וֹת לְהַכְעִיס֙ אֶת־יְהוָֹה֙ אֱלֹהֵ֣י יִשְׂרָאֵ֔ל מִכֹּ֨ל מַלְכֵ֣י יִשְׂרָאֵ֔ל אֲשֶׁ֥ר הָי֖וּ לְפָנָֽיו׃

‎34 ‏בְּיָמָ֞יו בָּנָ֥ה חִיאֵ֛ל בֵּ֥ית הָאֱלִ֖י אֶת־יְרִיחֹ֑ה בַּאֲבִירָ֨ם בְּכֹר֜וֹ יִסְּדָ֗הּ ובשגיב וּבִשְׂג֤וּב צְעִירוֹ֙ הִצִּ֣יב דְּלָתֶ֔יהָ כִּדְבַ֣ר יְהוָ֔ה אֲשֶׁ֣ר דִּבֶּ֔ר בְּיַ֖ד יְהוֹשֻׁ֥עַ בִּן־נֽוּן׃ ס

1 wayəhî ḏəḇar-yəhwâ ’el-yēhû’ ḇen-ḥănānî ‘al-b^a‘əšā’ lē’mōr:

2 y^a‘an ’ăšer hărîmōṯîḵā min-he‘āfār wā’etenəḵā nāḡîḏ ‘al ‘ammî yiśərā’ēl watēleḵə| bəḏereḵə yārāḇə‘ām wat^aḥăṭi’ ’eṯ-‘ammî yiśərā’ēl ləhaḵə‘îsēnî bəḥaṭṭō’ṯām:

3 hinənî maḇə‘îr ’^aḥărê ḇ^a‘əšā’ wə’^aḥărê ḇêṯwō wənāṯatî ’eṯ-bêṯəḵā kəḇêṯ yārāḇə‘ām ben-nəḇāṭ:

4 hammēṯ ləḇ^a‘əšā’ bā‘îr yō’ḵəlû hakəlāḇîm wəhammēṯ lwō baśśāḏeh yō’ḵəlû ‘wōf haššāmāyim:

5 wəyeṯer diḇərê ḇ^a‘əšā’ wa’ăšer ‘āśâ ûḡəḇûrāṯwō hălō’-hēm kəṯûḇîm ‘al-sēfer diḇərê hayyāmîm ləmaləḵê yiśərā’ēl:

6 wayyišəkaḇ b^a‘əšā’ ‘im-’ăḇōṯāyw wayyiqqāḇēr bəṯirəṣâ wayyiməlōḵə ’ēlâ ḇənwō t^aḥətāyw:

7 wəḡam bəyaḏ-yēhû’ ḇen-ḥănānî hannāḇî’ dəḇar-yəhwâ hāyâ ’el-b^a‘əšā’ wə’el-bêṯwō wə‘al kāl-hārā‘â| ’ăšer-‘āśâ| bə‘ênê yəhwâ ləhaḵə‘îswō bəm^a‘ăśēh yāḏāyw lihəywōṯ kəḇêṯ yārāḇə‘ām wə‘al ’ăšer-hikâ ’ōṯwō: f

8 bišənaṯ ‘eśərîm wāšēš šānâ lə’āsā’ meleḵə yəhûḏâ mālaḵə ’ēlâ ḇen-b^a‘əšā’ ‘al-yiśərā’ēl bəṯirəṣâ šənāṯāyim:

9 wayyiqəšōr ‘ālāyw ‘aḇədwō zimərî śar m^aḥăṣîṯ hārāḵeḇ wəhû’ ḇəṯirəṣâ šōṯeh šikwōr bêṯ ’arəṣā’ ’ăšer ‘al-habayiṯ bəṯirəṣâ:

10 wayyāḇō’ zimərî wayyakēhû wayəmîṯēhû bišənaṯ ‘eśərîm wāšeḇ^a‘ lə’āsā’ meleḵə yəhûḏâ wayyiməlōḵə t^aḥətāyw:

11 wayəhî ḇəmāləḵwō kəšiḇətwō ‘al-kisə’wō hikâ ’eṯ-kāl-bêṯ b^a‘əšā’ lō’-hišə’îr lwō mašətîn bəqîr wəḡō’ălāyw wərē‘ēhû:

12 wayyašəmēḏ zimərî ’ēṯ kāl-bêṯ b^a‘əšā’ kiḏəḇar yəhwâ ’ăšer diber ’el-b^a‘əšā’ bəyaḏ yēhû’ hannāḇî’:

13 ’el kāl-ḥaṭṭō’wṯ b^a‘əšā’ wəḥaṭṭō’wṯ ’ēlâ ḇənwō ’ăšer ḥāṭə’û wa’ăšer heḥĕṭî’û ’eṯ-yiśərā’ēl ləhaḵə‘îs ’eṯ-yəhwâ ’ĕlōhê yiśərā’ēl bəhaḇəlêhem:

14 wəyeṯer diḇərê ’ēlâ wəḵāl-’ăšer ‘āśâ hălwō’-hēm kəṯûḇîm ‘al-sēfer diḇərê hayyāmîm ləmaləḵê yiśərā’ēl: f

15 bišənaṯ ‘eśərîm wāšeḇ^a‘ šānâ lə’āsā’ meleḵə yəhûḏâ mālaḵə zimərî šiḇə‘aṯ yāmîm bəṯirəṣâ wəhā‘ām ḥōnîm ‘al-gibəṯwōn ’ăšer lapəlišətîm:

16 wayyišəm^a‘ hā‘ām h^aḥōnîm lē’mōr qāšar zimərî wəḡam hikâ ’eṯ-hammeleḵə wayyaməliḵû ḵāl-yiśərā’ēl ’eṯ-‘āmərî śar-ṣāḇā’ ‘al-yiśərā’ēl bayywōm hahû’ bamm^aḥăneh:

17 wayy^a‘ăleh ‘āmərî wəḵāl-yiśərā’ēl ‘immwō migibəṯwōn wayyāṣurû ‘al-tirəṣâ:

18 wayəhî kirə’wōṯ zimərî kî-niləkəḏâ hā‘îr wayyāḇō’ ’el-’arəmwōn bêṯ-hammeleḵə wayyiśərōf ‘ālāyw ’eṯ-bêṯ-meleḵə bā’ēš wayyāmōṯ:

19 ‘al-ḥaṭṭā’ṯwō ḥaṭṭō’ṯāyw ’ăšer ḥāṭā’ l^a‘ăśwōṯ hār^a‘ bə‘ênê yəhwâ lāleḵeṯ bəḏereḵə yārāḇə‘ām ûḇəḥaṭṭā’ṯwō ’ăšer ‘āśâ ləh^aḥăṭî’ ’eṯ-yiśərā’ēl:

20 wəyeṯer diḇərê zimərî wəqišərwō ’ăšer qāšār hălō’-hēm kəṯûḇîm ‘al-sēfer diḇərê hayyāmîm ləmaləḵê yiśərā’ēl: f

21 ’āz yēḥālēq hā‘ām yiśərā’ēl l^aḥēṣî ḥăṣî hā‘ām hāyâ ’^aḥărê ṯiḇənî ḇen-gînaṯ ləhaməlîḵwō wəh^aḥăṣî ’^aḥărê ‘āmərî:

22 wayyeḥĕzaq hā‘ām ’ăšer ’^aḥărê ‘āmərî ’eṯ-hā‘ām ’ăšer ’^aḥărê tiḇənî ḇen-gînaṯ wayyāmāṯ tiḇənî wayyiməlōḵə ‘āmərî: f

23 bišənaṯ šəlōšîm wə’^aḥaṯ šānâ lə’āsā’ meleḵə yəhûḏâ mālaḵə ‘āmərî ‘al-yiśərā’ēl šətêm ‘eśərēh šānâ bəṯirəṣâ mālaḵə šēš-šānîm:

24 wayyiqen ’eṯ-hâār šōmərwōn mē’eṯ šemer bəḵikərayim kāsef wayyiḇen ’eṯ-hâār wayyiqərā’ ’eṯ-šēm hā‘îr ’ăšer bānâ ‘al šem-šemer ’ăḏōnê hâār šōmərwōn:

25 wayy^a‘ăśeh ‘āmərî hār^a‘ bə‘ênê yəhwâ wayyār^a‘ mikōl ’ăšer ləfānāyw:

26 wayyēleḵə bəḵāl-dereḵə yārāḇə‘ām ben-nəḇāṭ ûḇəḥaṭṭō’ṯāyw ûḇəḥaṭṭā’ṯwō ’ăšer heḥĕṭî’ ’eṯ-yiśərā’ēl ləhaḵə‘îs ’eṯ-yəhwâ ’ĕlōhê yiśərā’ēl bəhaḇəlêhem:³

27 wəyeṯer diḇərê ‘āmərî ’ăšer ‘āśâ ûḡəḇûrāṯwō ’ăšer ‘āśâ hălō’-hēm kəṯûḇîm ‘al-sēfer diḇərê hayyāmîm ləmaləḵê yiśərā’ēl:

28 wayyišəkaḇ ‘āmərî ‘im-’ăḇōṯāyw wayyiqqāḇēr bəšōmərwōn wayyiməlōḵə ’^aḥə’āḇ bənwō t^aḥətāyw: f

29 wə’^aḥə’āḇ ben-‘āmərî mālaḵə ‘al-yiśərā’ēl bišənaṯ šəlōšîm ûšəmōneh šānâ lə’āsā’ meleḵə yəhûḏâ wayyiməlōḵə ’^aḥə’āḇ ben-‘āmərî ‘al-yiśərā’ēl bəšōmərwōn ‘eśərîm ûšətayim šānâ:

30 wayy^a‘aś ’^aḥə’āḇ ben-‘āmərî hār^a‘ bə‘ênê yəhwâ mikōl ’ăšer ləfānāyw:

31 wayəhî hănāqēl leḵətwō bəḥaṭṭō’wṯ yārāḇə‘ām ben-nəḇāṭ wayyiqq^aḥ ’iššâ ’eṯ-’îzeḇel baṯ-’eṯəb^a‘al meleḵə ṣîḏōnîm wayyēleḵə wayy^a‘ăḇōḏ ’eṯ-hab^a‘al wayyišət^aḥû lwō:

32 wayyāqem mizəbēḥa labā‘al bêṯ hab^a‘al ’ăšer bānâ bəšōmərwōn:

33 wayy^a‘aś ’^aḥə’āḇ ’eṯ-hā’ăšērâ wayywōsef ’^aḥə’āḇ l^a‘ăśwōṯ ləhaḵə‘îs ’eṯ-yəhwōâ ’ĕlōhê yiśərā’ēl mikōl maləḵê yiśərā’ēl ’ăšer hāyû ləfānāyw:

34 bəyāmāyw bānâ ḥî’ēl bêṯ hā’ĕlî ’eṯ-yərîḥōh ba’ăḇîrām bəḵōrwō yissəḏāh ûḇiśəḡîḇ ûḇiśəḡûḇ ṣə‘îrwō hiṣṣîḇ dəlāṯeyhā kiḏəḇar yəhwâ ’ăšer diber bəyaḏ yəhwōšu‘a bin-nûn: s

Tanach (Hebrew): 1 Kings (1 Melakhim) Chapter 17

‎1 ‏וַיֹּאמֶר֩ אֵלִיָּ֨הוּ הַתִּשְׁבִּ֜י מִתֹּשָׁבֵ֣י גִלְעָד֮ אֶל־אַחְאָב֒ חַי־יְהוָ֞ה אֱלֹהֵ֤י יִשְׂרָאֵל֙ אֲשֶׁ֣ר עָמַ֣דְתִּי לְפָנָ֔יו אִם־יִהְיֶ֛ה הַשָּׁנִ֥ים הָאֵ֖לֶּה טַ֣ל וּמָטָ֑ר כִּ֖י אִם־לְפִ֥י דְבָרִֽי׃ ס

‎2 ‏וַיְהִ֥י דְבַר־יְהוָ֖ה אֵלָ֥יו לֵאמֹֽר׃

‎3 ‏לֵ֣ךְ מִזֶּ֔ה וּפָנִ֥יתָ לְּךָ֖ קֵ֑דְמָה וְנִסְתַּרְתָּ֙ בְּנַ֣חַל כְּרִ֔ית אֲשֶׁ֖ר עַל־פְּנֵ֥י הַיַּרְדֵּֽן׃

‎4 ‏וְהָיָ֖ה מֵהַנַּ֣חַל תִּשְׁתֶּ֑ה וְאֶת־הָעֹרְבִ֣ים צִוִּ֔יתִי לְכַלְכֶּלְךָ֖ שָֽׁם׃

‎5 ‏וַיֵּ֥לֶךְ וַיַּ֖עַשׂ כִּדְבַ֣ר יְהוָ֑ה וַיֵּ֗לֶךְ וַיֵּ֙שֶׁב֙ בְּנַ֣חַל כְּרִ֔ית אֲשֶׁ֖ר עַל־פְּנֵ֥י הַיַּרְדֵּֽן׃

‎6 ‏וְהָעֹרְבִ֗ים מְבִיאִ֨ים ל֜וֹ לֶ֤חֶם וּבָשָׂר֙ בַּבֹּ֔קֶר וְלֶ֥חֶם וּבָשָׂ֖ר בָּעָ֑רֶב וּמִן־הַנַּ֖חַל יִשְׁתֶּֽה׃

‎7 ‏וַיְהִ֛י מִקֵּ֥ץ יָמִ֖ים וַיִּיבַ֣שׁ הַנָּ֑חַל כִּ֛י לֹֽא־הָיָ֥ה גֶ֖שֶׁם בָּאָֽרֶץ׃ ס

‎8 ‏וַיְהִ֥י דְבַר־יְהוָ֖ה אֵלָ֥יו לֵאמֹֽר׃

‎9 ‏ק֣וּם לֵ֤ךְ צָרְפַ֙תָה֙ אֲשֶׁ֣ר לְצִיד֔וֹן וְיָשַׁבְתָּ֖ שָׁ֑ם הִנֵּ֨ה צִוִּ֥יתִי שָׁ֛ם אִשָּׁ֥ה אַלְמָנָ֖ה לְכַלְכְּלֶֽךָ׃

‎10 ‏וַיָּ֣קָם׀ וַיֵּ֣לֶךְ צָרְפַ֗תָה וַיָּבֹא֙ אֶל־פֶּ֣תַח הָעִ֔יר וְהִנֵּֽה־שָׁ֛ם אִשָּׁ֥ה אַלְמָנָ֖ה מְקֹשֶׁ֣שֶׁת עֵצִ֑ים וַיִּקְרָ֤א אֵלֶ֙יהָ֙ וַיֹּאמַ֔ר קְחִי־נָ֨א לִ֧י מְעַט־מַ֛יִם בַּכְּלִ֖י וְאֶשְׁתֶּֽה׃

‎11 ‏וַתֵּ֖לֶךְ לָקַ֑חַת וַיִּקְרָ֤א אֵלֶ֙יהָ֙ וַיֹּאמַ֔ר לִֽקְחִי־נָ֥א לִ֛י פַּת־לֶ֖חֶם בְּיָדֵֽךְ׃

‎12 ‏וַתֹּ֗אמֶר חַי־יְהוָ֤ה אֱלֹהֶ֙יךָ֙ אִם־יֶשׁ־לִ֣י מָע֔וֹג כִּ֣י אִם־מְלֹ֤א כַף־קֶ֙מַח֙ בַּכַּ֔ד וּמְעַט־שֶׁ֖מֶן בַּצַּפָּ֑חַת וְהִנְנִ֨י מְקֹשֶׁ֜שֶׁת שְׁנַ֣יִם עֵצִ֗ים וּבָ֙אתִי֙ וַעֲשִׂיתִ֙יהוּ֙ לִ֣י וְלִבְנִ֔י וַאֲכַלְנֻ֖הוּ וָמָֽתְנוּ׃

‎13 ‏וַיֹּ֨אמֶר אֵלֶ֤יהָ אֵלִיָּ֙הוּ֙ אַל־תִּ֣ירְאִ֔י בֹּ֖אִי עֲשִׂ֣י כִדְבָרֵ֑ךְ אַ֣ךְ עֲשִׂי־לִ֣י מִ֠שָּׁם עֻגָ֨ה קְטַנָּ֤ה בָרִאשֹׁנָה֙ וְהוֹצֵ֣אתְ¹ לִ֔י וְלָ֣ךְ וְלִבְנֵ֔ךְ תַּעֲשִׂ֖י בָּאַחֲרֹנָֽה׃ ס

‎14 ‏כִּ֣י כֹה֩ אָמַ֨ר יְהוָ֜ה אֱלֹהֵ֣י יִשְׂרָאֵ֗ל כַּ֤ד הַקֶּ֙מַח֙ לֹ֣א תִכְלָ֔ה וְצַפַּ֥חַת הַשֶּׁ֖מֶן לֹ֣א תֶחְסָ֑ר עַ֠ד י֧וֹם תתן־ תֵּת־ יְהוָ֛ה גֶּ֖שֶׁם עַל־פְּנֵ֥י הָאֲדָמָֽה׃

‎15 ‏וַתֵּ֥לֶךְ וַתַּעֲשֶׂ֖ה כִּדְבַ֣ר אֵלִיָּ֑הוּ וַתֹּ֧אכַל הוא־ והיא הִֽיא־ וָה֛וּא וּבֵיתָ֖הּ יָמִֽים׃

‎16 ‏כַּ֤ד הַקֶּ֙מַח֙ לֹ֣א כָלָ֔תָה וְצַפַּ֥חַת הַשֶּׁ֖מֶן לֹ֣א חָסֵ֑ר כִּדְבַ֣ר יְהוָ֔ה אֲשֶׁ֥ר דִּבֶּ֖ר בְּיַ֥ד אֵלִיָּֽהוּ׃ פ

‎17 ‏וַיְהִ֗י אַחַר֙ הַדְּבָרִ֣ים הָאֵ֔לֶּה חָלָ֕ה בֶּן־הָאִשָּׁ֖ה בַּעֲלַ֣ת הַבָּ֑יִת וַיְהִ֤י חָלְיוֹ֙ חָזָ֣ק מְאֹ֔ד עַ֛ד אֲשֶׁ֥ר לֹא־נֽוֹתְרָה־בּ֖וֹ נְשָׁמָֽה׃

‎18 ‏וַתֹּ֙אמֶר֙ אֶל־אֵ֣לִיָּ֔הוּ מַה־לִּ֥י וָלָ֖ךְ אִ֣ישׁ הָאֱלֹהִ֑ים בָּ֧אתָ אֵלַ֛י לְהַזְכִּ֥יר אֶת־עֲוֹנִ֖י וּלְהָמִ֥ית אֶת־בְּנִֽי׃

‎19 ‏וַיֹּ֥אמֶר אֵלֶ֖יהָ תְּנִֽי־לִ֣י אֶת־בְּנֵ֑ךְ וַיִּקָּחֵ֣הוּ מֵחֵיקָ֗הּ וַֽיַּעֲלֵ֙הוּ֙ אֶל־הָעֲלִיָּ֗ה אֲשֶׁר־הוּא֙ יֹשֵׁ֣ב שָׁ֔ם וַיַּשְׁכִּבֵ֖הוּ עַל־מִטָּתֽוֹ׃

‎20 ‏וַיִּקְרָ֥א אֶל־יְהוָ֖ה וַיֹּאמַ֑ר יְהוָ֣ה אֱלֹהָ֔י הֲ֠גַם עַל־הָאַלְמָנָ֞ה אֲשֶׁר־אֲנִ֨י מִתְגּוֹרֵ֥ר עִמָּ֛הּ הֲרֵע֖וֹתָ לְהָמִ֥ית אֶת־בְּנָֽהּ׃

‎21 ‏וַיִּתְמֹדֵ֤ד עַל־הַיֶּ֙לֶד֙ שָׁלֹ֣שׁ פְּעָמִ֔ים וַיִּקְרָ֥א אֶל־יְהוָ֖ה וַיֹּאמַ֑ר יְהוָ֣ה אֱלֹהָ֔י תָּ֥שָׁב נָ֛א נֶֽפֶשׁ־הַיֶּ֥לֶד הַזֶּ֖ה עַל־קִרְבּֽוֹ׃

‎22 ‏וַיִּשְׁמַ֥ע יְהוָ֖ה בְּק֣וֹל אֵלִיָּ֑הוּ וַתָּ֧שָׁב נֶֽפֶשׁ־הַיֶּ֛לֶד עַל־קִרְבּ֖וֹ וַיֶּֽחִי׃

‎23 ‏וַיִּקַּ֨ח אֵלִיָּ֜הוּ אֶת־הַיֶּ֗לֶד וַיֹּרִדֵ֤הוּ מִן־הָעֲלִיָּה֙ הַבַּ֔יְתָה וַֽיִּתְּנֵ֖הוּ לְאִמּ֑וֹ וַיֹּ֙אמֶר֙ אֵ֣לִיָּ֔הוּ רְאִ֖י חַ֥י בְּנֵֽךְ׃

‎24 ‏וַתֹּ֤אמֶר הָֽאִשָּׁה֙ אֶל־אֵ֣לִיָּ֔הוּ עַתָּה֙ זֶ֣ה יָדַ֔עְתִּי כִּ֛י אִ֥ישׁ אֱלֹהִ֖ים אָ֑תָּה וּדְבַר־יְהוָ֥ה בְּפִ֖יךָ אֱמֶֽת׃ פ

1 wayyō’mer ’ēlîyâû hatišəbî mitōšāḇê ḡilə‘āḏ ’el-’^aḥə’āḇ ḥay-yəhwâ ’ĕlōhê yiśərā’ēl ’ăšer ‘āmaḏətî ləfānāyw ’im-yihəyeh haššānîm hā’ēlleh ṭal ûmāṭār kî ’im-ləfî ḏəḇārî: s

2 wayəhî ḏəḇar-yəhwâ ’ēlāyw lē’mōr:

3 lēḵə mizzeh ûfānîṯā lləḵā qēḏəmâ wənisətarətā bən^aḥal kərîṯ ’ăšer ‘al-pənê hayyarədēn:

4 wəhāyâ mēhann^aḥal tišəteh wə’eṯ-hā‘ōrəḇîm ṣiûîṯî ləḵaləkeləḵā šām:

5 wayyēleḵə wayy^a‘aś kiḏəḇar yəhwâ wayyēleḵə wayyēšeḇ bən^aḥal kərîṯ ’ăšer ‘al-pənê hayyarədēn:

6 wəhā‘ōrəḇîm məḇî’îm lwō leḥem ûḇāśār babōqer wəleḥem ûḇāśār bā‘āreḇ ûmin-hann^aḥal yišəteh:

7 wayəhî miqqēṣ yāmîm wayyîḇaš hannāḥal kî lō’-hāyâ ḡešem bā’āreṣ: s

8 wayəhî ḏəḇar-yəhwâ ’ēlāyw lē’mōr:

9 qûm lēḵə ṣārəfaṯâ ’ăšer ləṣîḏwōn wəyāšaḇətā šām hinnēh ṣiûîṯî šām ’iššâ ’aləmānâ ləḵaləkəleḵā:

10 wayyāqām| wayyēleḵə ṣārəfaṯâ wayyāḇō’ ’el-peṯ^aḥ hā‘îr wəhinnēh-šām ’iššâ ’aləmānâ məqōšešeṯ ‘ēṣîm wayyiqərā’ ’ēleyhā wayyō’mar qəḥî-nā’ lî mə‘aṭ-mayim bakəlî wə’ešəteh:

11 watēleḵə lāq^aḥaṯ wayyiqərā’ ’ēleyhā wayyō’mar liqəḥî-nā’ lî paṯ-leḥem bəyāḏēḵə:

12 watō’mer ḥay-yəhwâ ’ĕlōheyḵā ’im-yeš-lî mā‘wōḡ kî ’im-məlō’ ḵaf-qem^aḥ bakaḏ ûmə‘aṭ-šemen baṣṣapāḥaṯ wəhinənî məqōšešeṯ šənayim ‘ēṣîm ûḇā’ṯî w^a‘ăśîṯîhû lî wəliḇənî wa’ăḵalənuhû wāmāṯənû:

13 wayyō’mer ’ēleyhā ’ēlîyâû ’al-tîrə’î bō’î ‘ăśî ḵiḏəḇārēḵə ’aḵə ‘ăśî-lî miššām ‘uḡâ qəṭannâ ḇāri’šōnâ wəhwōṣē’ṯə¹ lî wəlāḵə wəliḇənēḵə t^a‘ăśî bā’^aḥărōnâ: s

14 kî ḵōh ’āmar yəhwâ ’ĕlōhê yiśərā’ēl kaḏ haqqem^aḥ lō’ ṯiḵəlâ wəṣap^aḥaṯ haššemen lō’ ṯeḥəsār ‘aḏ ywōm titen- tēṯ- yəhwâ gešem ‘al-pənê hā’ăḏāmâ:

15 watēleḵə wat^a‘ăśeh kiḏəḇar ’ēlîyâû watō’ḵal hû’- wâî’ hî’- wâû’ ûḇêṯāh yāmîm:

16 kaḏ haqqem^aḥ lō’ ḵālāṯâ wəṣap^aḥaṯ haššemen lō’ ḥāsēr kiḏəḇar yəhwâ ’ăšer diber bəyaḏ ’ēlîyâû: f

17 wayəhî ’^aḥar hadəḇārîm hā’ēlleh ḥālâ ben-hā’iššâ b^a‘ălaṯ habāyiṯ wayəhî ḥāləywō ḥāzāq mə’ōḏ ‘aḏ ’ăšer lō’-nwōṯərâ-bwō nəšāmâ:

18 watō’mer ’el-’ēlîyâû mah-llî wālāḵə ’îš hā’ĕlōhîm bā’ṯā ’ēlay ləhazəkîr ’eṯ-‘ăwōnî ûləhāmîṯ ’eṯ-bənî:

19 wayyō’mer ’ēleyhā tənî-lî ’eṯ-bənēḵə wayyiqqāḥēhû mēḥêqāh wayy^a‘ălēhû ’el-hā‘ălîyâ ’ăšer-hû’ yōšēḇ šām wayyašəkiḇēhû ‘al-miṭṭāṯwō:

20 wayyiqərā’ ’el-yəhwâ wayyō’mar yəhwâ ’ĕlōhāy hăḡam ‘al-hā’aləmānâ ’ăšer-’ănî miṯəgwōrēr ‘immāh hărē‘wōṯā ləhāmîṯ ’eṯ-bənāh:

21 wayyiṯəmōḏēḏ ‘al-hayyeleḏ šālōš pə‘āmîm wayyiqərā’ ’el-yəhwâ wayyō’mar yəhwâ ’ĕlōhāy tāšāḇ nā’ nefeš-hayyeleḏ hazzeh ‘al-qirəbwō:

22 wayyišəm^a‘ yəhwâ bəqwōl ’ēlîyâû watāšāḇ nefeš-hayyeleḏ ‘al-qirəbwō wayyeḥî:

23 wayyiqq^aḥ ’ēlîyâû ’eṯ-hayyeleḏ wayyōriḏēhû min-hā‘ălîyâ habayəṯâ wayyitənēhû lə’immwō wayyō’mer ’ēlîyâû rə’î ḥay bənēḵə:

24 watō’mer hā’iššâ ’el-’ēlîyâû ‘atâ zeh yāḏ^a‘ətî kî ’îš ’ĕlōhîm ’ātâ ûḏəḇar-yəhwâ bəfîḵā ’ĕmeṯ: f

Tanach (Hebrew): 1 Kings (1 Melakhim) Chapter 18

‎1 ‏וַיְהִי֙ יָמִ֣ים רַבִּ֔ים וּדְבַר־יְהוָ֗ה הָיָה֙ אֶל־אֵ֣לִיָּ֔הוּ בַּשָּׁנָ֥ה הַשְּׁלִישִׁ֖ית לֵאמֹ֑ר לֵ֚ךְ הֵרָאֵ֣ה אֶל־אַחְאָ֔ב וְאֶתְּנָ֥ה מָטָ֖ר עַל־פְּנֵ֥י הָאֲדָמָֽה׃

‎2 ‏וַיֵּ֙לֶךְ֙ אֵֽלִיָּ֔הוּ לְהֵרָא֖וֹת אֶל־אַחְאָ֑ב וְהָרָעָ֖ב חָזָ֥ק בְּשֹׁמְרֽוֹן׃

‎3 ‏וַיִּקְרָ֣א אַחְאָ֔ב אֶל־עֹבַדְיָ֖הוּ אֲשֶׁ֣ר עַל־הַבָּ֑יִת וְעֹבַדְיָ֗הוּ הָיָ֥ה יָרֵ֛א אֶת־יְהוָ֖ה מְאֹֽד׃

‎4 ‏וַיְהִי֙ בְּהַכְרִ֣ית אִיזֶ֔בֶל אֵ֖ת נְבִיאֵ֣י יְהוָ֑ה וַיִּקַּ֨ח עֹבַדְיָ֜הוּ מֵאָ֣ה נְבִאִ֗ים וַֽיַּחְבִּיאֵ֞ם חֲמִשִּׁ֥ים אִישׁ֙ בַּמְּעָרָ֔ה וְכִלְכְּלָ֖ם לֶ֥חֶם וָמָֽיִם׃

‎5 ‏וַיֹּ֤אמֶר אַחְאָב֙ אֶל־עֹ֣בַדְיָ֔הוּ לֵ֤ךְ בָּאָ֙רֶץ֙ אֶל־כָּל־מַעְיְנֵ֣י הַמַּ֔יִם וְאֶ֖ל כָּל־הַנְּחָלִ֑ים אוּלַ֣י׀ נִמְצָ֣א חָצִ֗יר וּנְחַיֶּה֙ ס֣וּס וָפֶ֔רֶד וְל֥וֹא נַכְרִ֖ית מֵהַבְּהֵמָֽה׃

‎6 ‏וַֽיְחַלְּק֥וּ לָהֶ֛ם אֶת־הָאָ֖רֶץ לַֽעֲבָר־בָּ֑הּ אַחְאָ֞ב הָלַ֨ךְ בְּדֶ֤רֶךְ אֶחָד֙ לְבַדּ֔וֹ וְעֹֽבַדְיָ֛הוּ הָלַ֥ךְ בְּדֶרֶךְ־אֶחָ֖ד לְבַדּֽוֹ׃

‎7 ‏וַיְהִ֤י עֹבַדְיָ֙הוּ֙ בַּדֶּ֔רֶךְ וְהִנֵּ֥ה אֵלִיָּ֖הוּ לִקְרָאת֑וֹ וַיַּכִּרֵ֙הוּ֙ וַיִּפֹּ֣ל עַל־פָּנָ֔יו וַיֹּ֕אמֶר הַאַתָּ֥ה זֶ֖ה אֲדֹנִ֥י אֵלִיָּֽהוּ׃

‎8 ‏וַיֹּ֥אמֶר ל֖וֹ אָ֑נִי לֵ֛ךְ אֱמֹ֥ר לַאדֹנֶ֖יךָ הִנֵּ֥ה אֵלִיָּֽהוּ׃

‎9 ‏וַיֹּ֖אמֶר מֶ֣ה חָטָ֑אתִי כִּֽי־אַתָּ֞ה נֹתֵ֧ן אֶֽת־עַבְדְּךָ֛ בְּיַד־אַחְאָ֖ב לַהֲמִיתֵֽנִי׃

‎10 ‏חַ֣י׀ יְהוָ֣ה אֱלֹהֶ֗יךָ אִם־יֶשׁ־גּ֤וֹי וּמַמְלָכָה֙ אֲ֠שֶׁר לֹֽא־שָׁלַ֨ח אֲדֹנִ֥י שָׁם֙ לְבַקֶּשְׁךָ֔ וְאָמְר֖וּ אָ֑יִן וְהִשְׁבִּ֤יעַ אֶת־הַמַּמְלָכָה֙ וְאֶת־הַגּ֔וֹי כִּ֖י לֹ֥א יִמְצָאֶֽכָּה׃

‎11 ‏וְעַתָּ֖ה אַתָּ֣ה אֹמֵ֑ר לֵ֛ךְ אֱמֹ֥ר לַאדֹנֶ֖יךָ הִנֵּ֥ה אֵלִיָּֽהוּ׃

‎12 ‏וְהָיָ֞ה אֲנִ֣י׀ אֵלֵ֣ךְ מֵאִתָּ֗ךְ וְר֨וּחַ יְהוָ֤ה׀ יִֽשָּׂאֲךָ֙ עַ֚ל אֲשֶׁ֣ר לֹֽא־אֵדָ֔ע וּבָ֨אתִי לְהַגִּ֧יד לְאַחְאָ֛ב וְלֹ֥א יִֽמְצָאֲךָ֖ וַהֲרָגָ֑נִי וְעַבְדְּךָ֛ יָרֵ֥א אֶת־יְהוָ֖ה מִנְּעֻרָֽי׃

‎13 ‏הֲלֹֽא־הֻגַּ֤ד לַֽאדֹנִי֙ אֵ֣ת אֲשֶׁר־עָשִׂ֔יתִי בַּהֲרֹ֣ג אִיזֶ֔בֶל אֵ֖ת נְבִיאֵ֣י יְהוָ֑ה וָאַחְבִּא֩ מִנְּבִיאֵ֨י יְהוָ֜ה מֵ֣אָה אִ֗ישׁ חֲמִשִּׁ֨ים חֲמִשִּׁ֥ים אִישׁ֙ בַּמְּעָרָ֔ה וָאֲכַלְכְּלֵ֖ם לֶ֥חֶם וָמָֽיִם׃

‎14 ‏וְעַתָּה֙ אַתָּ֣ה אֹמֵ֔ר לֵ֛ךְ אֱמֹ֥ר לַֽאדֹנֶ֖יךָ הִנֵּ֣ה אֵלִיָּ֑הוּ וַהֲרָגָֽנִי׃ ס

‎15 ‏וַיֹּ֙אמֶר֙ אֵֽלִיָּ֔הוּ חַ֚י יְהוָ֣ה צְבָא֔וֹת אֲשֶׁ֥ר עָמַ֖דְתִּי לְפָנָ֑יו כִּ֥י הַיּ֖וֹם אֵרָאֶ֥ה אֵלָֽיו׃

‎16 ‏וַיֵּ֧לֶךְ עֹבַדְיָ֛הוּ לִקְרַ֥את אַחְאָ֖ב וַיַּגֶּד־ל֑וֹ וַיֵּ֥לֶךְ אַחְאָ֖ב לִקְרַ֥את אֵלִיָּֽהוּ׃

‎17 ‏וַיְהִ֛י כִּרְא֥וֹת אַחְאָ֖ב אֶת־אֵלִיָּ֑הוּ וַיֹּ֤אמֶר אַחְאָב֙ אֵלָ֔יו הַאַתָּ֥ה זֶ֖ה עֹכֵ֥ר יִשְׂרָאֵֽל׃

‎18 ‏וַיֹּ֗אמֶר לֹ֤א עָכַ֙רְתִּי֙ אֶת־יִשְׂרָאֵ֔ל כִּ֥י אִם־אַתָּ֖ה וּבֵ֣ית אָבִ֑יךָ בַּֽעֲזָבְכֶם֙ אֶת־מִצְוֹ֣ת יְהוָ֔ה וַתֵּ֖לֶךְ אַחֲרֵ֥י הַבְּעָלִֽים׃

‎19 ‏וְעַתָּ֗ה שְׁלַ֨ח קְבֹ֥ץ אֵלַ֛י אֶת־כָּל־יִשְׂרָאֵ֖ל אֶל־הַ֣ר הַכַּרְמֶ֑ל וְאֶת־נְבִיאֵ֨י הַבַּ֜עַל אַרְבַּ֧ע מֵא֣וֹת וַחֲמִשִּׁ֗ים וּנְבִיאֵ֤י הָֽאֲשֵׁרָה֙ אַרְבַּ֣ע מֵא֔וֹת אֹכְלֵ֖י שֻׁלְחַ֥ן אִיזָֽבֶל׃

‎20 ‏וַיִּשְׁלַ֥ח אַחְאָ֖ב בְּכָל־בְּנֵ֣י יִשְׂרָאֵ֑ל וַיִּקְבֹּ֥ץ אֶת־הַנְּבִיאִ֖ים אֶל־הַ֥ר הַכַּרְמֶֽל׃

‎21 ‏וַיִּגַּ֨שׁ אֵלִיָּ֜הוּ אֶל־כָּל־הָעָ֗ם וַיֹּ֙אמֶר֙ עַד־מָתַ֞י אַתֶּ֣ם פֹּסְחִים֮ עַל־שְׁתֵּ֣י הַסְּעִפִּים֒ אִם־יְהוָ֤ה הָֽאֱלֹהִים֙ לְכ֣וּ אַחֲרָ֔יו וְאִם־הַבַּ֖עַל לְכ֣וּ אַחֲרָ֑יו וְלֹֽא־עָנ֥וּ הָעָ֛ם אֹת֖וֹ דָּבָֽר׃

‎22 ‏וַיֹּ֤אמֶר אֵלִיָּ֙הוּ֙ אֶל־הָעָ֔ם אֲנִ֞י נוֹתַ֧רְתִּי נָבִ֛יא לַיהוָ֖ה לְבַדִּ֑י וּנְבִיאֵ֣י הַבַּ֔עַל אַרְבַּע־מֵא֥וֹת וַחֲמִשִּׁ֖ים אִֽישׁ׃

‎23 ‏וְיִתְּנוּ־לָ֜נוּ שְׁנַ֣יִם פָּרִ֗ים וְיִבְחֲר֣וּ לָהֶם֩ הַפָּ֨ר הָאֶחָ֜ד וִֽינַתְּחֻ֗הוּ וְיָשִׂ֙ימוּ֙ עַל־הָ֣עֵצִ֔ים וְאֵ֖שׁ לֹ֣א יָשִׂ֑ימוּ וַאֲנִ֞י אֶעֱשֶׂ֣ה׀ אֶת־הַפָּ֣ר הָאֶחָ֗ד וְנָֽתַתִּי֙ עַל־הָ֣עֵצִ֔ים וְאֵ֖שׁ לֹ֥א אָשִֽׂים׃

‎24 ‏וּקְרָאתֶ֞ם בְּשֵׁ֣ם אֱלֹֽהֵיכֶ֗ם וַֽאֲנִי֙ אֶקְרָ֣א בְשֵׁם־יְהוָ֔ה וְהָיָ֧ה הָאֱלֹהִ֛ים אֲשֶׁר־יַעֲנֶ֥ה בָאֵ֖שׁ ה֣וּא הָאֱלֹהִ֑ים וַיַּ֧עַן כָּל־הָעָ֛ם וַיֹּאמְר֖וּ ט֥וֹב הַדָּבָֽר׃

‎25 ‏וַיֹּ֨אמֶר אֵלִיָּ֜הוּ לִנְבִיאֵ֣י הַבַּ֗עַל בַּחֲר֨וּ לָכֶ֜ם הַפָּ֤ר הָֽאֶחָד֙ וַעֲשׂ֣וּ רִאשֹׁנָ֔ה כִּ֥י אַתֶּ֖ם הָרַבִּ֑ים וְקִרְאוּ֙ בְּשֵׁ֣ם אֱלֹהֵיכֶ֔ם וְאֵ֖שׁ לֹ֥א תָשִֽׂימוּ׃

‎26 ‏וַ֠יִּקְחוּ אֶת־הַפָּ֨ר אֲשֶׁר־נָתַ֣ן לָהֶם֮ וַֽיַּעֲשׂוּ֒ וַיִּקְרְא֣וּ בְשֵׁם־הַ֠בַּעַל מֵהַבֹּ֨קֶר וְעַד־הַצָּהֳרַ֤יִם לֵאמֹר֙ הַבַּ֣עַל עֲנֵ֔נוּ וְאֵ֥ין ק֖וֹל וְאֵ֣ין עֹנֶ֑ה וַֽיְפַסְּח֔וּ עַל־הַמִּזְבֵּ֖חַ אֲשֶׁ֥ר עָשָֽׂה׃

‎27 ‏וַיְהִ֨י בַֽצָּהֳרַ֜יִם וַיְהַתֵּ֧ל בָּהֶ֣ם אֵלִיָּ֗הוּ וַיֹּ֙אמֶר֙ קִרְא֤וּ בְקוֹל־גָּדוֹל֙ כִּֽי־אֱלֹהִ֣ים ה֔וּא כִּ֣י שִׂ֧יחַ וְכִֽי־שִׂ֛יג ל֖וֹ וְכִֽי־דֶ֣רֶךְ ל֑וֹ אוּלַ֛י יָשֵׁ֥ן ה֖וּא וְיִקָֽץ׃

‎28 ‏וַֽיִּקְרְאוּ֙ בְּק֣וֹל גָּד֔וֹל וַיִּתְגֹּֽדְדוּ֙ כְּמִשְׁפָּטָ֔ם בַּחֲרָב֖וֹת וּבָֽרְמָחִ֑ים עַד־שְׁפָךְ־דָּ֖ם עֲלֵיהֶֽם׃

‎29 ‏וַֽיְהִי֙ כַּעֲבֹ֣ר הַֽצָּהֳרַ֔יִם וַיִּֽתְנַבְּא֔וּ עַ֖ד לַעֲל֣וֹת הַמִּנְחָ֑ה וְאֵֽין־ק֥וֹל וְאֵין־עֹנֶ֖ה וְאֵ֥ין קָֽשֶׁב׃

‎30 ‏וַיֹּ֨אמֶר אֵלִיָּ֤הוּ לְכָל־הָעָם֙ גְּשׁ֣וּ אֵלַ֔י וַיִּגְּשׁ֥וּ כָל־הָעָ֖ם אֵלָ֑יו וַיְרַפֵּ֛א אֶת־מִזְבַּ֥ח יְהוָ֖ה הֶהָרֽוּס׃

‎31 ‏וַיִּקַּ֣ח אֵלִיָּ֗הוּ שְׁתֵּ֤ים עֶשְׂרֵה֙ אֲבָנִ֔ים כְּמִסְפַּ֖ר שִׁבְטֵ֣י בְנֵֽי־יַעֲקֹ֑ב אֲשֶׁר֩ הָיָ֨ה דְבַר־יְהוָ֤ה אֵלָיו֙ לֵאמֹ֔ר יִשְׂרָאֵ֖ל יִהְיֶ֥ה שְׁמֶֽךָ׃

‎32 ‏וַיִּבְנֶ֧ה אֶת־הָאֲבָנִ֛ים מִזְבֵּ֖חַ בְּשֵׁ֣ם יְהוָ֑ה וַיַּ֣עַשׂ תְּעָלָ֗ה כְּבֵית֙ סָאתַ֣יִם זֶ֔רַע סָבִ֖יב לַמִּזְבֵּֽחַ׃

‎33 ‏וַֽיַּעֲרֹ֖ךְ אֶת־הָֽעֵצִ֑ים וַיְנַתַּח֙ אֶת־הַפָּ֔ר וַיָּ֖שֶׂם עַל־הָעֵצִֽים׃

‎34 ‏וַיֹּ֗אמֶר מִלְא֨וּ אַרְבָּעָ֤ה כַדִּים֙ מַ֔יִם וְיִֽצְק֥וּ עַל־הָעֹלָ֖ה וְעַל־הָעֵצִ֑ים וַיֹּ֤אמֶר שְׁנוּ֙ וַיִּשְׁנ֔וּ וַיֹּ֥אמֶר שַׁלֵּ֖שׁוּ וַיְשַׁלֵּֽשׁוּ׃

‎35 ‏וַיֵּלְכ֣וּ הַמַּ֔יִם סָבִ֖יב לַמִּזְבֵּ֑חַ וְגַ֥ם אֶת־הַתְּעָלָ֖ה מִלֵּא־מָֽיִם׃

‎36 ‏וַיְהִ֣י׀ בַּעֲל֣וֹת הַמִּנְחָ֗ה וַיִּגַּ֞שׁ אֵלִיָּ֣הוּ הַנָּבִיא֮ וַיֹּאמַר֒ יְהוָ֗ה אֱלֹהֵי֙ אַבְרָהָם֙ יִצְחָ֣ק וְיִשְׂרָאֵ֔ל הַיּ֣וֹם יִוָּדַ֗ע כִּֽי־אַתָּ֧ה אֱלֹהִ֛ים בְּיִשְׂרָאֵ֖ל וַאֲנִ֣י עַבְדֶּ֑ךָ ובדבריך וּבִדְבָרְךָ֣ עָשִׂ֔יתִי אֵ֥ת כָּל־הַדְּבָרִ֖ים הָאֵֽלֶּה׃

‎37 ‏עֲנֵ֤נִי יְהוָה֙ עֲנֵ֔נִי וְיֵֽדְעוּ֙ הָעָ֣ם הַזֶּ֔ה כִּֽי־אַתָּ֥ה יְהוָ֖ה הָאֱלֹהִ֑ים וְאַתָּ֛ה הֲסִבֹּ֥תָ אֶת־לִבָּ֖ם אֲחֹרַנִּֽית׃

‎38 ‏וַתִּפֹּ֣ל אֵשׁ־יְהוָ֗ה וַתֹּ֤אכַל אֶת־הָֽעֹלָה֙ וְאֶת־הָ֣עֵצִ֔ים וְאֶת־הָאֲבָנִ֖ים וְאֶת־הֶעָפָ֑ר וְאֶת־הַמַּ֥יִם אֲשֶׁר־בַּתְּעָלָ֖ה לִחֵֽכָה׃

‎39 ‏וַיַּרְא֙ כָּל־הָעָ֔ם וַֽיִּפְּל֖וּ עַל־פְּנֵיהֶ֑ם וַיֹּ֣אמְר֔וּ יְהוָה֙ ה֣וּא הָאֱלֹהִ֔ים יְהוָ֖ה ה֥וּא הָאֱלֹהִֽים׃

‎40 ‏וַיֹּאמֶר֩ אֵלִיָּ֨הוּ לָהֶ֜ם תִּפְשׂ֣וּ׀ אֶת־נְבִיאֵ֣י הַבַּ֗עַל אִ֛ישׁ אַל־יִמָּלֵ֥ט מֵהֶ֖ם וַֽיִּתְפְּשׂ֑וּם וַיּוֹרִדֵ֤ם אֵלִיָּ֙הוּ֙ אֶל־נַ֣חַל קִישׁ֔וֹן וַיִּשְׁחָטֵ֖ם שָֽׁם׃

‎41 ‏וַיֹּ֤אמֶר אֵלִיָּ֙הוּ֙ לְאַחְאָ֔ב עֲלֵ֖ה אֱכֹ֣ל וּשְׁתֵ֑ה כִּי־ק֖וֹל הֲמ֥וֹן הַגָּֽשֶׁם׃

‎42 ‏וַיַּעֲלֶ֥ה אַחְאָ֖ב לֶאֱכֹ֣ל וְלִשְׁתּ֑וֹת וְאֵ֨לִיָּ֜הוּ עָלָ֨ה אֶל־רֹ֤אשׁ הַכַּרְמֶל֙ וַיִּגְהַ֣ר אַ֔רְצָה וַיָּ֥שֶׂם פָּנָ֖יו בֵּ֥ין ברכו בִּרְכָּֽיו׃

‎43 ‏וַיֹּ֣אמֶר אֶֽל־נַעֲר֗וֹ עֲלֵֽה־נָא֙ הַבֵּ֣ט דֶּֽרֶךְ־יָ֔ם וַיַּ֙עַל֙ וַיַּבֵּ֔ט וַיֹּ֖אמֶר אֵ֣ין מְא֑וּמָה וַיֹּ֕אמֶר שֻׁ֖ב שֶׁ֥בַע פְּעָמִֽים׃

‎44 ‏וַֽיְהִי֙ בַּשְּׁבִעִ֔ית וַיֹּ֗אמֶר הִנֵּה־עָ֛ב קְטַנָּ֥ה כְּכַף־אִ֖ישׁ עֹלָ֣ה מִיָּ֑ם וַיֹּ֗אמֶר עֲלֵ֨ה אֱמֹ֤ר אֶל־אַחְאָב֙ אֱסֹ֣ר וָרֵ֔ד וְלֹ֥א יַעַצָרְכָ֖ה הַגָּֽשֶׁם׃

‎45 ‏וַיְהִ֣י׀ עַד־כֹּ֣ה וְעַד־כֹּ֗ה וְהַשָּׁמַ֙יִם֙ הִֽתְקַדְּרוּ֙ עָבִ֣ים וְר֔וּחַ וַיְהִ֖י גֶּ֣שֶׁם גָּד֑וֹל וַיִּרְכַּ֥ב אַחְאָ֖ב וַיֵּ֥לֶךְ יִזְרְעֶֽאלָה׃

‎46 ‏וְיַד־יְהוָ֗ה הָֽיְתָה֙ אֶל־אֵ֣לִיָּ֔הוּ וַיְשַׁנֵּ֖ס מָתְנָ֑יו וַיָּ֙רָץ֙ לִפְנֵ֣י אַחְאָ֔ב עַד־בֹּאֲכָ֖ה יִזְרְעֶֽאלָה׃

1 wayəhî yāmîm rabîm ûḏəḇar-yəhwâ hāyâ ’el-’ēlîyâû baššānâ haššəlîšîṯ lē’mōr lēḵə hērā’ēh ’el-’^aḥə’āḇ wə’etənâ māṭār ‘al-pənê hā’ăḏāmâ:

2 wayyēleḵə ’ēlîyâû ləhērā’wōṯ ’el-’^aḥə’āḇ wəhārā‘āḇ ḥāzāq bəšōmərwōn:

3 wayyiqərā’ ’^aḥə’āḇ ’el-‘ōḇaḏəyâû ’ăšer ‘al-habāyiṯ wə‘ōḇaḏəyâû hāyâ yārē’ ’eṯ-yəhwâ mə’ōḏ:

4 wayəhî bəhaḵərîṯ ’îzeḇel ’ēṯ nəḇî’ê yəhwâ wayyiqq^aḥ ‘ōḇaḏəyâû mē’â nəḇi’îm wayy^aḥəbî’ēm ḥămiššîm ’îš bammə‘ārâ wəḵiləkəlām leḥem wāmāyim:

5 wayyō’mer ’^aḥə’āḇ ’el-‘ōḇaḏəyâû lēḵə bā’āreṣ ’el-kāl-m^a‘əyənê hammayim wə’el kāl-hannəḥālîm ’ûlay| niməṣā’ ḥāṣîr ûnəḥayyeh sûs wāfereḏ wəlwō’ naḵərîṯ mēhabəhēmâ:

6 wayəḥalləqû lâem ’eṯ-hā’āreṣ l^a‘ăḇār-bāh ’^aḥə’āḇ hālaḵə bəḏereḵə ’eḥāḏ ləḇadwō wə‘ōḇaḏəyâû hālaḵə bəḏereḵə-’eḥāḏ ləḇadwō:

7 wayəhî ‘ōḇaḏəyâû badereḵə wəhinnēh ’ēlîyâû liqərā’ṯwō wayyakirēhû wayyipōl ‘al-pānāyw wayyō’mer ha’atâ zeh ’ăḏōnî ’ēlîyâû:

8 wayyō’mer lwō ’ānî lēḵə ’ĕmōr la’ḏōneyḵā hinnēh ’ēlîyâû:

9 wayyō’mer meh ḥāṭā’ṯî kî-’atâ nōṯēn ’eṯ-‘aḇədəḵā bəyaḏ-’^aḥə’āḇ lahămîṯēnî:

10 ḥay| yəhwâ ’ĕlōheyḵā ’im-yeš-gwōy ûmaməlāḵâ ’ăšer lō’-šāl^aḥ ’ăḏōnî šām ləḇaqqešəḵā wə’āmərû ’āyin wəhišəbî‘a ’eṯ-hammaməlāḵâ wə’eṯ-hagwōy kî lō’ yiməṣā’ekâ:

11 wə‘atâ ’atâ ’ōmēr lēḵə ’ĕmōr la’ḏōneyḵā hinnēh ’ēlîyâû:

12 wəhāyâ ’ănî| ’ēlēḵə mē’itāḵə wərûḥa yəhwâ| yiśśā’ăḵā ‘al ’ăšer lō’-’ēḏā‘ ûḇā’ṯî ləhagîḏ lə’^aḥə’āḇ wəlō’ yiməṣā’ăḵā wahărāḡānî wə‘aḇədəḵā yārē’ ’eṯ-yəhwâ minnə‘urāy:

13 hălō’-hugaḏ la’ḏōnî ’ēṯ ’ăšer-‘āśîṯî bahărōḡ ’îzeḇel ’ēṯ nəḇî’ê yəhwâ wā’^aḥəbi’ minnəḇî’ê yəhwâ mē’â ’îš ḥămiššîm ḥămiššîm ’îš bammə‘ārâ wā’ăḵaləkəlēm leḥem wāmāyim:

14 wə‘atâ ’atâ ’ōmēr lēḵə ’ĕmōr la’ḏōneyḵā hinnēh ’ēlîyâû wahărāḡānî: s

15 wayyō’mer ’ēlîyâû ḥay yəhwâ ṣəḇā’wōṯ ’ăšer ‘āmaḏətî ləfānāyw kî hayywōm ’ērā’eh ’ēlāyw:

16 wayyēleḵə ‘ōḇaḏəyâû liqəra’ṯ ’^aḥə’āḇ wayyageḏ-lwō wayyēleḵə ’^aḥə’āḇ liqəra’ṯ ’ēlîyâû:

17 wayəhî kirə’wōṯ ’^aḥə’āḇ ’eṯ-’ēlîyâû wayyō’mer ’^aḥə’āḇ ’ēlāyw ha’atâ zeh ‘ōḵēr yiśərā’ēl:

18 wayyō’mer lō’ ‘āḵarətî ’eṯ-yiśərā’ēl kî ’im-’atâ ûḇêṯ ’āḇîḵā b^a‘ăzāḇəḵem ’eṯ-miṣəwōṯ yəhwâ watēleḵə ’^aḥărê habə‘ālîm:

19 wə‘atâ šəl^aḥ qəḇōṣ ’ēlay ’eṯ-kāl-yiśərā’ēl ’el-har hakarəmel wə’eṯ-nəḇî’ê hab^a‘al ’arəb^a‘ mē’wōṯ w^aḥămiššîm ûnəḇî’ê hā’ăšērâ ’arəb^a‘ mē’wōṯ ’ōḵəlê šuləḥan ’îzāḇel:

20 wayyišəl^aḥ ’^aḥə’āḇ bəḵāl-bənê yiśərā’ēl wayyiqəbōṣ ’eṯ-hannəḇî’îm ’el-har hakarəmel:

21 wayyigaš ’ēlîyâû ’el-kāl-hā‘ām wayyō’mer ‘aḏ-māṯay ’atem pōsəḥîm ‘al-šətê hassə‘ipîm ’im-yəhwâ hā’ĕlōhîm ləḵû ’^aḥărāyw wə’im-hab^a‘al ləḵû ’^aḥărāyw wəlō’-‘ānû hā‘ām ’ōṯwō dāḇār:

22 wayyō’mer ’ēlîyâû ’el-hā‘ām ’ănî nwōṯarətî nāḇî’ layhwâ ləḇadî ûnəḇî’ê hab^a‘al ’arəb^a‘-mē’wōṯ w^aḥămiššîm ’îš:

23 wəyitənû-lānû šənayim pārîm wəyiḇəḥărû lâem hapār hā’eḥāḏ wînatəḥuhû wəyāśîmû ‘al-hā‘ēṣîm wə’ēš lō’ yāśîmû wa’ănî ’e‘ĕśeh| ’eṯ-hapār hā’eḥāḏ wənāṯatî ‘al-hā‘ēṣîm wə’ēš lō’ ’āśîm:

24 ûqərā’ṯem bəšēm ’ĕlōhêḵem wa’ănî ’eqərā’ ḇəšēm-yəhwâ wəhāyâ hā’ĕlōhîm ’ăšer-y^a‘ăneh ḇā’ēš hû’ hā’ĕlōhîm wayy^a‘an kāl-hā‘ām wayyō’mərû ṭwōḇ hadāḇār:

25 wayyō’mer ’ēlîyâû linəḇî’ê hab^a‘al b^aḥărû lāḵem hapār hā’eḥāḏ w^a‘ăśû ri’šōnâ kî ’atem hārabîm wəqirə’û bəšēm ’ĕlōhêḵem wə’ēš lō’ ṯāśîmû:

26 wayyiqəḥû ’eṯ-hapār ’ăšer-nāṯan lâem wayy^a‘ăśû wayyiqərə’û ḇəšēm-hab^a‘al mēhabōqer wə‘aḏ-haṣṣâŏrayim lē’mōr hab^a‘al ‘ănēnû wə’ên qwōl wə’ên ‘ōneh wayəfassəḥû ‘al-hammizəbēḥa ’ăšer ‘āśâ:

27 wayəhî ḇaṣṣâŏrayim wayəhatēl bâem ’ēlîyâû wayyō’mer qirə’û ḇəqwōl-gāḏwōl kî-’ĕlōhîm hû’ kî śîḥa wəḵî-śîḡ lwō wəḵî-ḏereḵə lwō ’ûlay yāšēn hû’ wəyiqāṣ:

28 wayyiqərə’û bəqwōl gāḏwōl wayyiṯəgōḏəḏû kəmišəpāṭām b^aḥărāḇwōṯ ûḇārəmāḥîm ‘aḏ-šəfāḵə-dām ‘ălêhem:

29 wayəhî k^a‘ăḇōr haṣṣâŏrayim wayyiṯənabə’û ‘aḏ l^a‘ălwōṯ hamminəḥâ wə’ên-qwōl wə’ên-‘ōneh wə’ên qāšeḇ:

30 wayyō’mer ’ēlîyâû ləḵāl-hā‘ām gəšû ’ēlay wayyigəšû ḵāl-hā‘ām ’ēlāyw wayərapē’ ’eṯ-mizəb^aḥ yəhwâ hehārûs:

31 wayyiqq^aḥ ’ēlîyâû šətêm ‘eśərēh ’ăḇānîm kəmisəpar šiḇəṭê ḇənê-y^a‘ăqōḇ ’ăšer hāyâ ḏəḇar-yəhwâ ’ēlāyw lē’mōr yiśərā’ēl yihəyeh šəmeḵā:

32 wayyiḇəneh ’eṯ-hā’ăḇānîm mizəbēḥa bəšēm yəhwâ wayy^a‘aś tə‘ālâ kəḇêṯ sā’ṯayim zer^a‘ sāḇîḇ lammizəbēḥa:

33 wayy^a‘ărōḵə ’eṯ-hā‘ēṣîm wayənat^aḥ ’eṯ-hapār wayyāśem ‘al-hā‘ēṣîm:

34 wayyō’mer milə’û ’arəbā‘â ḵadîm mayim wəyiṣəqû ‘al-hā‘ōlâ wə‘al-hā‘ēṣîm wayyō’mer šənû wayyišənû wayyō’mer šallēšû wayəšallēšû:

35 wayyēləḵû hammayim sāḇîḇ lammizəbēḥa wəḡam ’eṯ-hatə‘ālâ millē’-māyim:

36 wayəhî| b^a‘ălwōṯ hamminəḥâ wayyigaš ’ēlîyâû hannāḇî’ wayyō’mar yəhwâ ’ĕlōhê ’aḇərâām yiṣəḥāq wəyiśərā’ēl hayywōm yiûāḏ^a‘ kî-’atâ ’ĕlōhîm bəyiśərā’ēl wa’ănî ‘aḇədeḵā ûḇiḏəḇāreyḵā ûḇiḏəḇārəḵā ‘āśîṯî ’ēṯ kāl-hadəḇārîm hā’ēlleh:

37 ‘ănēnî yəhwâ ‘ănēnî wəyēḏə‘û hā‘ām hazzeh kî-’atâ yəhwâ hā’ĕlōhîm wə’atâ hăsibōṯā ’eṯ-libām ’ăḥōrannîṯ:

38 watipōl ’ēš-yəhwâ watō’ḵal ’eṯ-hā‘ōlâ wə’eṯ-hā‘ēṣîm wə’eṯ-hā’ăḇānîm wə’eṯ-he‘āfār wə’eṯ-hammayim ’ăšer-batə‘ālâ liḥēḵâ:

39 wayyarə’ kāl-hā‘ām wayyipəlû ‘al-pənêhem wayyō’mərû yəhwâ hû’ hā’ĕlōhîm yəhwâ hû’ hā’ĕlōhîm:

40 wayyō’mer ’ēlîyâû lâem tifəśû| ’eṯ-nəḇî’ê hab^a‘al ’îš ’al-yimmālēṭ mēhem wayyiṯəpəśûm wayywōriḏēm ’ēlîyâû ’el-n^aḥal qîšwōn wayyišəḥāṭēm šām:

41 wayyō’mer ’ēlîyâû lə’^aḥə’āḇ ‘ălēh ’ĕḵōl ûšəṯēh kî-qwōl hămwōn hagāšem:

42 wayy^a‘ăleh ’^aḥə’āḇ le’ĕḵōl wəlišətwōṯ wə’ēlîyâû ‘ālâ ’el-rō’š hakarəmel wayyiḡəhar ’arəṣâ wayyāśem pānāyw bên birəkāw birəkāyw:

43 wayyō’mer ’el-n^a‘ărwō ‘ălēh-nā’ habēṭ dereḵə-yām wayy^a‘al wayyabēṭ wayyō’mer ’ên mə’ûmâ wayyō’mer šuḇ šeḇ^a‘ pə‘āmîm:

44 wayəhî baššəḇi‘îṯ wayyō’mer hinnēh-‘āḇ qəṭannâ kəḵaf-’îš ‘ōlâ mîyām wayyō’mer ‘ălēh ’ĕmōr ’el-’^aḥə’āḇ ’ĕsōr wārēḏ wəlō’ y^a‘aṣārəḵâ hagāšem:

45 wayəhî| ‘aḏ-kōh wə‘aḏ-kōh wəhaššāmayim hiṯəqadərû ‘āḇîm wərûḥa wayəhî gešem gāḏwōl wayyirəkaḇ ’^aḥə’āḇ wayyēleḵə yizərə‘e’lâ:

46 wəyaḏ-yəhwâ hāyəṯâ ’el-’ēlîyâû wayəšannēs māṯənāyw wayyārāṣ lifənê ’^aḥə’āḇ ‘aḏ-bō’ăḵâ yizərə‘e’lâ:

Tanach (Hebrew): 1 Kings (1 Melakhim) Chapter 19

‎1 ‏וַיַּגֵּ֤ד אַחְאָב֙ לְאִיזֶ֔בֶל אֵ֛ת כָּל־אֲשֶׁ֥ר עָשָׂ֖ה אֵלִיָּ֑הוּ וְאֵ֨ת כָּל־אֲשֶׁ֥ר הָרַ֛ג אֶת־כָּל־הַנְּבִיאִ֖ים בֶּחָֽרֶב׃

‎2 ‏וַתִּשְׁלַ֤ח אִיזֶ֙בֶל֙ מַלְאָ֔ךְ אֶל־אֵלִיָּ֖הוּ לֵאמֹ֑ר כֹּֽה־יַעֲשׂ֤וּן אֱלֹהִים֙ וְכֹ֣ה יוֹסִפ֔וּן כִּֽי־כָעֵ֤ת מָחָר֙ אָשִׂ֣ים אֶֽת־נַפְשְׁךָ֔ כְּנֶ֖פֶשׁ אַחַ֥ד מֵהֶֽם׃

‎3 ‏וַיַּ֗רְא וַיָּ֙קָם֙ וַיֵּ֣לֶךְ אֶל־נַפְשׁ֔וֹ וַיָּבֹ֕א בְּאֵ֥ר שֶׁ֖בַע אֲשֶׁ֣ר לִֽיהוּדָ֑ה וַיַּנַּ֥ח אֶֽת־נַעֲר֖וֹ שָֽׁם׃

‎4 ‏וְהֽוּא־הָלַ֤ךְ בַּמִּדְבָּר֙ דֶּ֣רֶךְ י֔וֹם וַיָּבֹ֕א וַיֵּ֕שֶׁב תַּ֖חַת רֹ֣תֶם אחת אֶחָ֑ד וַיִּשְׁאַ֤ל אֶת־נַפְשׁוֹ֙ לָמ֔וּת וַיֹּ֣אמֶר׀ רַ֗ב עַתָּ֤ה יְהוָה֙ קַ֣ח נַפְשִׁ֔י כִּֽי־לֹא־ט֥וֹב אָנֹכִ֖י מֵאֲבֹתָֽי׃

‎5 ‏וַיִּשְׁכַּב֙ וַיִּישַׁ֔ן תַּ֖חַת רֹ֣תֶם אֶחָ֑ד וְהִנֵּֽה־זֶ֤ה מַלְאָךְ֙ נֹגֵ֣עַ בּ֔וֹ וַיֹּ֥אמֶר ל֖וֹ ק֥וּם אֱכֽוֹל׃

‎6 ‏וַיַּבֵּ֕ט וְהִנֵּ֧ה מְרַאֲשֹׁתָ֛יו עֻגַ֥ת רְצָפִ֖ים וְצַפַּ֣חַת מָ֑יִם וַיֹּ֣אכַל וַיֵּ֔שְׁתְּ וַיָּ֖שָׁב וַיִּשְׁכָּֽב׃

‎7 ‏וַיָּשָׁב֩ מַלְאַ֨ךְ יְהוָ֤ה׀ שֵׁנִית֙ וַיִּגַּע־בּ֔וֹ וַיֹּ֖אמֶר ק֣וּם אֱכֹ֑ל כִּ֛י רַ֥ב מִמְּךָ֖ הַדָּֽרֶךְ׃

‎8 ‏וַיָּ֖קָם וַיֹּ֣אכַל וַיִּשְׁתֶּ֑ה וַיֵּ֜לֶךְ בְּכֹ֣חַ׀ הָאֲכִילָ֣ה הַהִ֗יא אַרְבָּעִ֥ים יוֹם֙ וְאַרְבָּעִ֣ים לַ֔יְלָה עַ֛ד הַ֥ר הָאֱלֹהִ֖ים חֹרֵֽב׃

‎9 ‏וַיָּבֹא־שָׁ֥ם אֶל־הַמְּעָרָ֖ה וַיָּ֣לֶן שָׁ֑ם וְהִנֵּ֤ה דְבַר־יְהוָה֙ אֵלָ֔יו וַיֹּ֣אמֶר ל֔וֹ מַה־לְּךָ֥ פֹ֖ה אֵלִיָּֽהוּ׃

‎10 ‏וַיֹּאמֶר֩ קַנֹּ֨א קִנֵּ֜אתִי לַיהוָ֣ה׀ אֱלֹהֵ֣י צְבָא֗וֹת כִּֽי־עָזְב֤וּ בְרִֽיתְךָ֙ בְּנֵ֣י יִשְׂרָאֵ֔ל אֶת־מִזְבְּחֹתֶ֣יךָ הָרָ֔סוּ וְאֶת־נְבִיאֶ֖יךָ הָרְג֣וּ בֶחָ֑רֶב וָֽאִוָּתֵ֤ר אֲנִי֙ לְבַדִּ֔י וַיְבַקְשׁ֥וּ אֶת־נַפְשִׁ֖י לְקַחְתָּֽהּ׃

‎11 ‏וַיֹּ֗אמֶר צֵ֣א וְעָמַדְתָּ֣ בָהָר֮ לִפְנֵ֣י יְהוָה֒ וְהִנֵּ֧ה יְהוָ֣ה עֹבֵ֗ר וְר֣וּחַ גְּדוֹלָ֡ה וְחָזָ֞ק מְפָרֵק֩ הָרִ֨ים וּמְשַׁבֵּ֤ר סְלָעִים֙ לִפְנֵ֣י יְהוָ֔ה לֹ֥א בָר֖וּחַ יְהוָ֑ה וְאַחַ֤ר הָר֨וּחַ¹ רַ֔עַשׁ לֹ֥א בָרַ֖עַשׁ יְהוָֽה׃

‎12 ‏וְאַחַ֤ר הָרַ֙עַשׁ֙ אֵ֔שׁ לֹ֥א בָאֵ֖שׁ יְהוָ֑ה וְאַחַ֣ר הָאֵ֔שׁ ק֖וֹל דְּמָמָ֥ה דַקָּֽה׃

‎13 ‏וַיְהִ֣י׀ כִּשְׁמֹ֣עַ אֵלִיָּ֗הוּ וַיָּ֤לֶט פָּנָיו֙ בְּאַדַּרְתּ֔וֹ וַיֵּצֵ֕א וַֽיַּעֲמֹ֖ד פֶּ֣תַח הַמְּעָרָ֑ה וְהִנֵּ֤ה אֵלָיו֙ ק֔וֹל וַיֹּ֕אמֶר מַה־לְּךָ֥ פֹ֖ה אֵלִיָּֽהוּ׃

‎14 ‏וַיֹּאמֶר֩ קַנֹּ֨א קִנֵּ֜אתִי לַיהוָ֣ה׀ אֱלֹהֵ֣י צְבָא֗וֹת כִּֽי־עָזְב֤וּ בְרִֽיתְךָ֙ בְּנֵ֣י יִשְׂרָאֵ֔ל אֶת־מִזְבְּחֹתֶ֣יךָ הָרָ֔סוּ וְאֶת־נְבִיאֶ֖יךָ הָרְג֣וּ בֶחָ֑רֶב וָאִוָּתֵ֤ר אֲנִי֙ לְבַדִּ֔י וַיְבַקְשׁ֥וּ אֶת־נַפְשִׁ֖י לְקַחְתָּֽהּ׃ ס

‎15 ‏וַיֹּ֤אמֶר יְהוָה֙ אֵלָ֔יו לֵ֛ךְ שׁ֥וּב לְדַרְכְּךָ֖ מִדְבַּ֣רָה דַמָּ֑שֶׂק¹ וּבָ֗אתָ וּמָשַׁחְתָּ֧ אֶת־חֲזָאֵ֛ל לְמֶ֖לֶךְ עַל־אֲרָֽם׃

‎16 ‏וְאֵת֙ יֵה֣וּא בֶן־נִמְשִׁ֔י תִּמְשַׁ֥ח לְמֶ֖לֶךְ עַל־יִשְׂרָאֵ֑ל וְאֶת־אֱלִישָׁ֤ע בֶּן־שָׁפָט֙ מֵאָבֵ֣ל מְחוֹלָ֔ה תִּמְשַׁ֥ח לְנָבִ֖יא תַּחְתֶּֽיךָ׃

‎17 ‏וְהָיָ֗ה הַנִּמְלָ֛ט מֵחֶ֥רֶב חֲזָאֵ֖ל יָמִ֣ית יֵה֑וּא וְהַנִּמְלָ֛ט מֵחֶ֥רֶב יֵה֖וּא יָמִ֥ית אֱלִישָֽׁע׃

‎18 ‏וְהִשְׁאַרְתִּ֥י בְיִשְׂרָאֵ֖ל שִׁבְעַ֣ת אֲלָפִ֑ים כָּל־הַבִּרְכַּ֗יִם אֲשֶׁ֤ר לֹֽא־כָֽרְעוּ֙ לַבַּ֔עַל וְכָ֨ל־הַפֶּ֔ה אֲשֶׁ֥ר לֹֽא־נָשַׁ֖ק לֽוֹ׃

‎19 ‏וַיֵּ֣לֶךְ מִ֠שָּׁם וַיִּמְצָ֞א אֶת־אֱלִישָׁ֤ע בֶּן־שָׁפָט֙ וְה֣וּא חֹרֵ֔שׁ שְׁנֵים־עָשָׂ֤ר צְמָדִים֙ לְפָנָ֔יו וְה֖וּא בִּשְׁנֵ֣ים הֶעָשָׂ֑ר וַיַּעֲבֹ֤ר אֵלִיָּ֙הוּ֙ אֵלָ֔יו וַיַּשְׁלֵ֥ךְ אַדַּרְתּ֖וֹ אֵלָֽיו׃

‎20 ‏וַיַּעֲזֹ֣ב אֶת־הַבָּקָ֗ר וַיָּ֙רָץ֙ אַחֲרֵ֣י אֵֽלִיָּ֔הוּ וַיֹּ֗אמֶר אֶשְּׁקָה־נָּא֙ לְאָבִ֣י וּלְאִמִּ֔י וְאֵלְכָ֖ה אַחֲרֶ֑יךָ וַיֹּ֤אמֶר לוֹ֙ לֵ֣ךְ שׁ֔וּב כִּ֥י מֶה־עָשִׂ֖יתִי לָֽךְ׃

‎21 ‏וַיָּ֨שָׁב מֵאַחֲרָ֜יו וַיִּקַּ֣ח אֶת־צֶ֧מֶד הַבָּקָ֣ר וַיִּזְבָּחֵ֗הוּ וּבִכְלִ֤י הַבָּקָר֙ בִּשְּׁלָ֣ם הַבָּשָׂ֔ר וַיִּתֵּ֥ן לָעָ֖ם וַיֹּאכֵ֑לוּ וַיָּ֗קָם וַיֵּ֛לֶךְ אַחֲרֵ֥י אֵלִיָּ֖הוּ וַיְשָׁרְתֵֽהוּ׃ פ

1 wayyagēḏ ’^aḥə’āḇ lə’îzeḇel ’ēṯ kāl-’ăšer ‘āśâ ’ēlîyâû wə’ēṯ kāl-’ăšer hāraḡ ’eṯ-kāl-hannəḇî’îm beḥāreḇ:

2 watišəl^aḥ ’îzeḇel malə’āḵə ’el-’ēlîyâû lē’mōr kōh-y^a‘ăśûn ’ĕlōhîm wəḵōh ywōsifûn kî-ḵā‘ēṯ māḥār ’āśîm ’eṯ-nafəšəḵā kənefeš ’^aḥaḏ mēhem:

3 wayyarə’ wayyāqām wayyēleḵə ’el-nafəšwō wayyāḇō’ bə’ēr šeḇ^a‘ ’ăšer lîhûḏâ wayyann^aḥ ’eṯ-n^a‘ărwō šām:

4 wəhû’-hālaḵə bammiḏəbār dereḵə ywōm wayyāḇō’ wayyēšeḇ t^aḥaṯ rōṯem ’eḥāṯ ’eḥāḏ wayyišə’al ’eṯ-nafəšwō lāmûṯ wayyō’mer| raḇ ‘atâ yəhwâ q^aḥ nafəšî kî-lō’-ṭwōḇ ’ānōḵî mē’ăḇōṯāy:

5 wayyišəkaḇ wayyîšan t^aḥaṯ rōṯem ’eḥāḏ wəhinnēh-zeh malə’āḵə nōḡē‘a bwō wayyō’mer lwō qûm ’ĕḵwōl:

6 wayyabēṭ wəhinnēh məra’ăšōṯāyw ‘uḡaṯ rəṣāfîm wəṣap^aḥaṯ māyim wayyō’ḵal wayyēšətə wayyāšāḇ wayyišəkāḇ:

7 wayyāšāḇ malə’aḵə yəhwâ| šēnîṯ wayyig^a‘-bwō wayyō’mer qûm ’ĕḵōl kî raḇ mimməḵā hadāreḵə:

8 wayyāqām wayyō’ḵal wayyišəteh wayyēleḵə bəḵōḥa| hā’ăḵîlâ hahî’ ’arəbā‘îm ywōm wə’arəbā‘îm layəlâ ‘aḏ har hā’ĕlōhîm ḥōrēḇ:

9 wayyāḇō’-šām ’el-hammə‘ārâ wayyālen šām wəhinnēh ḏəḇar-yəhwâ ’ēlāyw wayyō’mer lwō mah-lləḵā fōh ’ēlîyâû:

10 wayyō’mer qannō’ qinnē’ṯî layhwâ| ’ĕlōhê ṣəḇā’wōṯ kî-‘āzəḇû ḇərîṯəḵā bənê yiśərā’ēl ’eṯ-mizəbəḥōṯeyḵā hārāsû wə’eṯ-nəḇî’eyḵā hārəḡû ḇeḥāreḇ wā’iûāṯēr ’ănî ləḇadî wayəḇaqəšû ’eṯ-nafəšî ləq^aḥətāh:

11 wayyō’mer ṣē’ wə‘āmaḏətā ḇâār lifənê yəhwâ wəhinnēh yəhwâ ‘ōḇēr wərûḥa gəḏwōlâ wəḥāzāq məfārēq hārîm ûməšabēr səlā‘îm lifənê yəhwâ lō’ ḇārûḥa yəhwâ wə’^aḥar hārûḥa¹ r^a‘aš lō’ ḇār^a‘aš yəhwâ:

12 wə’^aḥar hār^a‘aš ’ēš lō’ ḇā’ēš yəhwâ wə’^aḥar hā’ēš qwōl dəmāmâ ḏaqqâ:

13 wayəhî| kišəmō‘a ’ēlîyâû wayyāleṭ pānāyw bə’adarətwō wayyēṣē’ wayy^a‘ămōḏ peṯ^aḥ hammə‘ārâ wəhinnēh ’ēlāyw qwōl wayyō’mer mah-lləḵā fōh ’ēlîyâû:

14 wayyō’mer qannō’ qinnē’ṯî layhwâ| ’ĕlōhê ṣəḇā’wōṯ kî-‘āzəḇû ḇərîṯəḵā bənê yiśərā’ēl ’eṯ-mizəbəḥōṯeyḵā hārāsû wə’eṯ-nəḇî’eyḵā hārəḡû ḇeḥāreḇ wā’iûāṯēr ’ănî ləḇadî wayəḇaqəšû ’eṯ-nafəšî ləq^aḥətāh: s

15 wayyō’mer yəhwâ ’ēlāyw lēḵə šûḇ ləḏarəkəḵā miḏəbarâ ḏammāśeq¹ ûḇā’ṯā ûmāš^aḥətā ’eṯ-ḥăzā’ēl ləmeleḵə ‘al-’ărām:

16 wə’ēṯ yēhû’ ḇen-niməšî timəš^aḥ ləmeleḵə ‘al-yiśərā’ēl wə’eṯ-’ĕlîšā‘ ben-šāfāṭ mē’āḇēl məḥwōlâ timəš^aḥ lənāḇî’ t^aḥəteyḵā:

17 wəhāyâ hanniməlāṭ mēḥereḇ ḥăzā’ēl yāmîṯ yēhû’ wəhanniməlāṭ mēḥereḇ yēhû’ yāmîṯ ’ĕlîšā‘:

18 wəhišə’arətî ḇəyiśərā’ēl šiḇə‘aṯ ’ălāfîm kāl-habirəkayim ’ăšer lō’-ḵārə‘û lab^a‘al wəḵāl-hapeh ’ăšer lō’-nāšaq lwō:

19 wayyēleḵə miššām wayyiməṣā’ ’eṯ-’ĕlîšā‘ ben-šāfāṭ wəhû’ ḥōrēš šənêm-‘āśār ṣəmāḏîm ləfānāyw wəhû’ bišənêm he‘āśār wayy^a‘ăḇōr ’ēlîyâû ’ēlāyw wayyašəlēḵə ’adarətwō ’ēlāyw:

20 wayy^a‘ăzōḇ ’eṯ-habāqār wayyārāṣ ’^aḥărê ’ēlîyâû wayyō’mer ’eššəqâ-nnā’ lə’āḇî ûlə’immî wə’ēləḵâ ’^aḥăreyḵā wayyō’mer lwō lēḵə šûḇ kî meh-‘āśîṯî lāḵə:

21 wayyāšāḇ mē’^aḥărāyw wayyiqq^aḥ ’eṯ-ṣemeḏ habāqār wayyizəbāḥēhû ûḇiḵəlî habāqār biššəlām habāśār wayyitēn lā‘ām wayyō’ḵēlû wayyāqām wayyēleḵə ’^aḥărê ’ēlîyâû wayəšārəṯēhû: f

Tanach (Hebrew): 1 Kings (1 Melakhim) Chapter 20

‎1 ‏וּבֶן־הֲדַ֣ד מֶֽלֶךְ־אֲרָ֗ם קָבַץ֙ אֶת־כָּל־חֵיל֔וֹ וּשְׁלֹשִׁ֨ים וּשְׁנַ֥יִם מֶ֛לֶךְ אִתּ֖וֹ וְס֣וּס וָרָ֑כֶב וַיַּ֗עַל וַיָּ֙צַר֙ עַל־שֹׁ֣מְר֔וֹן וַיִּלָּ֖חֶם בָּֽהּ׃

‎2 ‏וַיִּשְׁלַ֧ח מַלְאָכִ֛ים אֶל־אַחְאָ֥ב מֶֽלֶךְ־יִשְׂרָאֵ֖ל הָעִֽירָה׃

‎3 ‏וַיֹּ֣אמֶר ל֗וֹ כֹּ֚ה אָמַ֣ר בֶּן־הֲדַ֔ד כַּסְפְּךָ֥ וּֽזְהָבְךָ֖ לִֽי־ה֑וּא וְנָשֶׁ֧יךָ וּבָנֶ֛יךָ הַטּוֹבִ֖ים לִי־הֵֽם׃

‎4 ‏וַיַּ֤עַן מֶֽלֶךְ־יִשְׂרָאֵל֙ וַיֹּ֔אמֶר כִּדְבָרְךָ֖ אֲדֹנִ֣י הַמֶּ֑לֶךְ לְךָ֥ אֲנִ֖י וְכָל־אֲשֶׁר־לִֽי׃

‎5 ‏וַיָּשֻׁ֙בוּ֙ הַמַּלְאָכִ֔ים וַיֹּ֣אמְר֔וּ כֹּֽה־אָמַ֥ר בֶּן־הֲדַ֖ד לֵאמֹ֑ר כִּֽי־שָׁלַ֤חְתִּי אֵלֶ֙יךָ֙ לֵאמֹ֔ר כַּסְפְּךָ֧ וּזְהָבְךָ֛ וְנָשֶׁ֧יךָ וּבָנֶ֖יךָ לִ֥י תִתֵּֽן׃

‎6 ‏כִּ֣י׀ אִם־כָּעֵ֣ת מָחָ֗ר אֶשְׁלַ֤ח אֶת־עֲבָדַי֙ אֵלֶ֔יךָ וְחִפְּשׂוּ֙ אֶת־בֵּ֣יתְךָ֔ וְאֵ֖ת בָּתֵּ֣י עֲבָדֶ֑יךָ וְהָיָה֙ כָּל־מַחְמַ֣ד עֵינֶ֔יךָ יָשִׂ֥ימוּ בְיָדָ֖ם וְלָקָֽחוּ׃

‎7 ‏וַיִּקְרָ֤א מֶֽלֶךְ־יִשְׂרָאֵל֙ לְכָל־זִקְנֵ֣י הָאָ֔רֶץ וַיֹּ֙אמֶר֙ דְּעֽוּ־נָ֣א וּרְא֔וּ כִּ֥י רָעָ֖ה זֶ֣ה מְבַקֵּ֑שׁ כִּֽי־שָׁלַ֨ח אֵלַ֜י לְנָשַׁ֤י וּלְבָנַי֙ וּלְכַסְפִּ֣י וְלִזְהָבִ֔י וְלֹ֥א מָנַ֖עְתִּי מִמֶּֽנּוּ׃

‎8 ‏וַיֹּאמְר֥וּ אֵלָ֛יו כָּל־הַזְּקֵנִ֖ים וְכָל־הָעָ֑ם אַל־תִּשְׁמַ֖ע וְל֥וֹא תֹאבֶֽה׃

‎9 ‏וַיֹּ֜אמֶר לְמַלְאֲכֵ֣י בֶן־הֲדַ֗ד אִמְר֞וּ לַֽאדֹנִ֤י הַמֶּ֙לֶךְ֙ כֹּל֩ אֲשֶׁר־שָׁלַ֨חְתָּ אֶל־עַבְדְּךָ֤ בָרִֽאשֹׁנָה֙ אֶעֱשֶׂ֔ה וְהַדָּבָ֣ר הַזֶּ֔ה לֹ֥א אוּכַ֖ל לַעֲשׂ֑וֹת וַיֵּֽלְכוּ֙ הַמַּלְאָכִ֔ים וַיְשִׁבֻ֖הוּ דָּבָֽר׃

‎10 ‏וַיִּשְׁלַ֤ח אֵלָיו֙ בֶּן־הֲדַ֔ד וַיֹּ֕אמֶר כֹּֽה־יַעֲשׂ֥וּן לִ֛י אֱלֹהִ֖ים וְכֹ֣ה יוֹסִ֑פוּ אִם־יִשְׂפֹּק֙ עֲפַ֣ר שֹׁמְר֔וֹן לִשְׁעָלִ֕ים לְכָל־הָעָ֖ם אֲשֶׁ֥ר בְּרַגְלָֽי׃

‎11 ‏וַיַּ֤עַן מֶֽלֶךְ־יִשְׂרָאֵל֙ וַיֹּ֣אמֶר דַּבְּר֔וּ אַל־יִתְהַלֵּ֥ל חֹגֵ֖ר כִּמְפַתֵּֽחַ׃

‎12 ‏וַיְהִ֗י כִּשְׁמֹ֙עַ֙ אֶת־הַדָּבָ֣ר הַזֶּ֔ה וְה֥וּא שֹׁתֶ֛ה ה֥וּא וְהַמְּלָכִ֖ים בַּסֻּכּ֑וֹת וַיֹּ֤אמֶר אֶל־עֲבָדָיו֙ שִׂ֔ימוּ וַיָּשִׂ֖ימוּ עַל־הָעִֽיר׃

‎13 ‏וְהִנֵּ֣ה׀ נָבִ֣יא אֶחָ֗ד נִגַּשׁ֮ אֶל־אַחְאָ֣ב מֶֽלֶךְ־יִשְׂרָאֵל֒ וַיֹּ֗אמֶר כֹּ֚ה אָמַ֣ר יְהוָ֔ה הְֽרָאִ֔יתָ אֵ֛ת כָּל־הֶהָמ֥וֹן הַגָּד֖וֹל הַזֶּ֑ה הִנְנִ֨י נֹתְנ֤וֹ בְיָֽדְךָ֙ הַיּ֔וֹם וְיָדַעְתָּ֖ כִּֽי־אֲנִ֥י יְהוָֽה׃

‎14 ‏וַיֹּ֤אמֶר אַחְאָב֙ בְּמִ֔י וַיֹּ֙אמֶר֙ כֹּֽה־אָמַ֣ר יְהוָ֔ה בְּנַעֲרֵ֖י שָׂרֵ֣י הַמְּדִינ֑וֹת וַיֹּ֛אמֶר מִֽי־יֶאְסֹ֥ר הַמִּלְחָמָ֖ה וַיֹּ֥אמֶר אָֽתָּה׃

‎15 ‏וַיִּפְקֹ֗ד אֶֽת־נַעֲרֵי֙ שָׂרֵ֣י הַמְּדִינ֔וֹת וַיִּהְי֕וּ מָאתַ֖יִם שְׁנַ֣יִם וּשְׁלֹשִׁ֑ים וְאַחֲרֵיהֶ֗ם פָּקַ֧ד אֶת־כָּל־הָעָ֛ם כָּל־בְּנֵ֥י יִשְׂרָאֵ֖ל שִׁבְעַ֥ת אֲלָפִֽים׃

‎16 ‏וַיֵּצְא֖וּ בַּֽצָּהֳרָ֑יִם וּבֶן־הֲדַד֩ שֹׁתֶ֨ה שִׁכּ֜וֹר בַּסֻּכּ֗וֹת ה֧וּא וְהַמְּלָכִ֛ים שְׁלֹשִֽׁים־וּשְׁנַ֥יִם מֶ֖לֶךְ עֹזֵ֥ר אֹתֽוֹ׃

‎17 ‏וַיֵּצְא֗וּ נַעֲרֵ֛י שָׂרֵ֥י הַמְּדִינ֖וֹת בָּרִֽאשֹׁנָ֑ה וַיִּשְׁלַ֣ח בֶּן־הֲדַ֗ד וַיַּגִּ֤ידוּ לוֹ֙ לֵאמֹ֔ר אֲנָשִׁ֕ים יָצְא֖וּ מִשֹּׁמְרֽוֹן׃

‎18 ‏וַיֹּ֛אמֶר אִם־לְשָׁל֥וֹם יָצָ֖אוּ תִּפְשׂ֣וּם חַיִּ֑ים וְאִ֧ם לְמִלְחָמָ֛ה יָצָ֖אוּ חַיִּ֥ים תִּפְשֽׂוּם׃

‎19 ‏וְאֵ֙לֶּה֙ יָצְא֣וּ מִן־הָעִ֔יר נַעֲרֵ֖י שָׂרֵ֣י הַמְּדִינ֑וֹת וְהַחַ֖יִל אֲשֶׁ֥ר אַחֲרֵיהֶֽם׃

‎20 ‏וַיַּכּוּ֙ אִ֣ישׁ אִישׁ֔וֹ וַיָּנֻ֣סוּ אֲרָ֔ם וַֽיִּרְדְּפֵ֖ם יִשְׂרָאֵ֑ל וַיִּמָּלֵ֗ט בֶּן־הֲדַד֙ מֶ֣לֶךְ אֲרָ֔ם עַל־ס֖וּס וּפָרָשִֽׁים׃

‎21 ‏וַיֵּצֵא֙ מֶ֣לֶךְ יִשְׂרָאֵ֔ל וַיַּ֥ךְ אֶת־הַסּ֖וּס וְאֶת־הָרָ֑כֶב וְהִכָּ֥ה בַאֲרָ֖ם מַכָּ֥ה גְדוֹלָֽה׃

‎22 ‏וַיִּגַּ֤שׁ הַנָּבִיא֙ אֶל־מֶ֣לֶךְ יִשְׂרָאֵ֔ל וַיֹּ֤אמֶר לוֹ֙ לֵ֣ךְ הִתְחַזַּ֔ק וְדַ֥ע וּרְאֵ֖ה אֵ֣ת אֲשֶֽׁר־תַּעֲשֶׂ֑ה כִּ֚י לִתְשׁוּבַ֣ת הַשָּׁנָ֔ה מֶ֥לֶךְ אֲרָ֖ם עֹלֶ֥ה עָלֶֽיךָ׃ ס

‎23 ‏וְעַבְדֵ֨י מֶֽלֶךְ־אֲרָ֜ם אָמְר֣וּ אֵלָ֗יו אֱלֹהֵ֤י הָרִים֙ אֱלֹ֣הֵיהֶ֔ם עַל־כֵּ֖ן חָזְק֣וּ מִמֶּ֑נּוּ וְאוּלָ֗ם נִלָּחֵ֤ם אִתָּם֙ בַּמִּישׁ֔וֹר אִם־לֹ֥א נֶחֱזַ֖ק מֵהֶֽם׃

‎24 ‏וְאֶת־הַדָּבָ֥ר הַזֶּ֖ה עֲשֵׂ֑ה הָסֵ֤ר הַמְּלָכִים֙ אִ֣ישׁ מִמְּקֹמ֔וֹ וְשִׂ֥ים פַּח֖וֹת תַּחְתֵּיהֶֽם׃

‎25 ‏וְאַתָּ֣ה תִֽמְנֶה־לְךָ֣׀ חַ֡יִל כַּחַיִל֩ הַנֹּפֵ֨ל מֵאוֹתָ֜ךְ וְס֣וּס כַּסּ֣וּס׀ וְרֶ֣כֶב כָּרֶ֗כֶב וְנִֽלָּחֲמָ֤ה אוֹתָם֙ בַּמִּישׁ֔וֹר אִם־לֹ֥א נֶחֱזַ֖ק מֵהֶ֑ם וַיִּשְׁמַ֥ע לְקֹלָ֖ם וַיַּ֥עַשׂ כֵּֽן׃ פ

‎26 ‏וַֽיְהִי֙ לִתְשׁוּבַ֣ת הַשָּׁנָ֔ה וַיִּפְקֹ֥ד בֶּן־הֲדַ֖ד אֶת־אֲרָ֑ם וַיַּ֣עַל אֲפֵ֔קָה לַמִּלְחָמָ֖ה עִם־יִשְׂרָאֵֽל׃

‎27 ‏וּבְנֵ֣י יִשְׂרָאֵ֗ל הָתְפָּקְדוּ֙ וְכָלְכְּל֔וּ וַיֵּלְכ֖וּ לִקְרָאתָ֑ם וַיַּחֲנ֨וּ בְנֵֽי־יִשְׂרָאֵ֜ל נֶגְדָּ֗ם כִּשְׁנֵי֙ חֲשִׂפֵ֣י עִזִּ֔ים וַאֲרָ֖ם מִלְא֥וּ אֶת־הָאָֽרֶץ׃

‎28 ‏וַיִּגַּ֞שׁ אִ֣ישׁ הָאֱלֹהִ֗ים וַיֹּאמֶר֮ אֶל־מֶ֣לֶךְ יִשְׂרָאֵל֒ וַיֹּ֜אמֶר כֹּֽה־אָמַ֣ר יְהוָ֗ה יַ֠עַן אֲשֶׁ֨ר אָמְר֤וּ אֲרָם֙ אֱלֹהֵ֤י הָרִים֙ יְהוָ֔ה וְלֹֽא־אֱלֹהֵ֥י עֲמָקִ֖ים ה֑וּא וְ֠נָתַתִּי אֶת־כָּל־הֶהָמ֨וֹן הַגָּ֤דוֹל הַזֶּה֙ בְּיָדֶ֔ךָ וִֽידַעְתֶּ֖ם כִּֽי־אֲנִ֥י יְהוָֽה׃

‎29 ‏וַֽיַּחֲנ֧וּ אֵ֦לֶּה נֹ֥כַח אֵ֖לֶּה שִׁבְעַ֣ת יָמִ֑ים וַיְהִ֣י׀ בַּיּ֣וֹם הַשְּׁבִיעִ֗י וַתִּקְרַב֙ הַמִּלְחָמָ֔ה וַיַּכּ֨וּ בְנֵֽי־יִשְׂרָאֵ֧ל אֶת־אֲרָ֛ם מֵאָה־אֶ֥לֶף רַגְלִ֖י בְּי֥וֹם אֶחָֽד׃

‎30 ‏וַיָּנֻ֨סוּ הַנּוֹתָרִ֥ים׀ אֲפֵקָה֮ אֶל־הָעִיר֒ וַתִּפֹּל֙ הַחוֹמָ֔ה עַל־עֶשְׂרִ֨ים וְשִׁבְעָ֥ה אֶ֛לֶף אִ֖ישׁ הַנּוֹתָרִ֑ים וּבֶן־הֲדַ֣ד נָ֔ס וַיָּבֹ֥א אֶל־הָעִ֖יר חֶ֥דֶר בְּחָֽדֶר׃ ס

‎31 ‏וַיֹּאמְר֣וּ אֵלָיו֮ עֲבָדָיו֒ הִנֵּֽה־נָ֣א שָׁמַ֔עְנוּ כִּ֗י מַלְכֵי֙ בֵּ֣ית יִשְׂרָאֵ֔ל כִּֽי־מַלְכֵ֥י חֶ֖סֶד הֵ֑ם נָשִׂ֣ימָה נָּא֩ שַׂקִּ֨ים בְּמָתְנֵ֜ינוּ וַחֲבָלִ֣ים בְּרֹאשֵׁ֗נוּ וְנֵצֵא֙ אֶל־מֶ֣לֶךְ יִשְׂרָאֵ֔ל אוּלַ֖י יְחַיֶּ֥ה אֶת־נַפְשֶֽׁךָ׃

‎32 ‏וַיַּחְגְּרוּ֩ שַׂקִּ֨ים בְּמָתְנֵיהֶ֜ם וַחֲבָלִ֣ים בְּרָאשֵׁיהֶ֗ם וַיָּבֹ֙אוּ֙ אֶל־מֶ֣לֶךְ יִשְׂרָאֵ֔ל וַיֹּ֣אמְר֔וּ עַבְדְּךָ֧ בֶן־הֲדַ֛ד אָמַ֖ר תְּחִֽי־נָ֣א נַפְשִׁ֑י וַיֹּ֛אמֶר הַעוֹדֶ֥נּוּ חַ֖י אָחִ֥י הֽוּא׃

‎33 ‏וְהָאֲנָשִׁים֩ יְנַחֲשׁ֨וּ וַֽיְמַהֲר֜וּ וַיַּחְלְט֣וּ הֲמִמֶּ֗נּוּ וַיֹּֽאמְרוּ֙ אָחִ֣יךָ בֶן־הֲדַ֔ד וַיֹּ֖אמֶר בֹּ֣אוּ קָחֻ֑הוּ וַיֵּצֵ֤א אֵלָיו֙ בֶּן־הֲדַ֔ד וַֽיַּעֲלֵ֖הוּ עַל־הַמֶּרְכָּבָֽה׃

‎34 ‏וַיֹּ֣אמֶר אֵלָ֡יו הֶעָרִ֣ים אֲשֶׁר־לָֽקַח־אָבִי֩ מֵאֵ֨ת אָבִ֜יךָ אָשִׁ֗יב וְ֠חוּצוֹת תָּשִׂ֨ים לְךָ֤ בְדַמֶּ֙שֶׂק֙ כַּאֲשֶׁר־שָׂ֤ם אָבִי֙ בְּשֹׁ֣מְר֔וֹן וַאֲנִ֖י בַּבְּרִ֣ית אֲשַׁלְּחֶ֑ךָּ וַיִּכְרָת־ל֥וֹ בְרִ֖ית וַֽיְשַׁלְּחֵֽהוּ׃ ס

‎35 ‏וְאִ֨ישׁ אֶחָ֜ד מִבְּנֵ֣י הַנְּבִיאִ֗ים אָמַ֧ר אֶל־רֵעֵ֛הוּ בִּדְבַ֥ר יְהוָ֖ה הַכֵּ֣ינִי נָ֑א וַיְמָאֵ֥ן הָאִ֖ישׁ לְהַכֹּתֽוֹ׃

‎36 ‏וַיֹּ֣אמֶר ל֗וֹ יַ֚עַן אֲשֶׁ֤ר לֹֽא־שָׁמַ֙עְתָּ֙ בְּק֣וֹל יְהוָ֔ה הִנְּךָ֤ הוֹלֵךְ֙ מֵֽאִתִּ֔י וְהִכְּךָ֖ הָאַרְיֵ֑ה וַיֵּ֙לֶךְ֙ מֵֽאֶצְל֔וֹ וַיִּמְצָאֵ֥הוּ הָאַרְיֵ֖ה וַיַּכֵּֽהוּ׃

‎37 ‏וַיִּמְצָא֙ אִ֣ישׁ אַחֵ֔ר וַיֹּ֖אמֶר הַכֵּ֣ינִי נָ֑א וַיַּכֵּ֥הוּ הָאִ֖ישׁ הַכֵּ֥ה וּפָצֹֽעַ׃

‎38 ‏וַיֵּ֙לֶךְ֙ הַנָּבִ֔יא וַיַּעֲמֹ֥ד לַמֶּ֖לֶךְ עַל־הַדָּ֑רֶךְ וַיִּתְחַפֵּ֥שׂ בָּאֲפֵ֖ר עַל־עֵינָֽיו׃

‎39 ‏וַיְהִ֤י הַמֶּ֙לֶךְ֙ עֹבֵ֔ר וְה֖וּא צָעַ֣ק אֶל־הַמֶּ֑לֶךְ וַיֹּ֜אמֶר עַבְדְּךָ֣׀ יָצָ֣א בְקֶֽרֶב־הַמִּלְחָמָ֗ה וְהִנֵּֽה־אִ֨ישׁ סָ֜ר וַיָּבֵ֧א אֵלַ֣י אִ֗ישׁ וַיֹּ֙אמֶר֙ שְׁמֹר֙ אֶת־הָאִ֣ישׁ הַזֶּ֔ה אִם־הִפָּקֵד֙ יִפָּקֵ֔ד וְהָיְתָ֤ה נַפְשְׁךָ֙ תַּ֣חַת נַפְשׁ֔וֹ א֥וֹ כִכַּר־כֶּ֖סֶף תִּשְׁקֽוֹל׃

‎40 ‏וַיְהִ֣י עַבְדְּךָ֗ עֹשֵׂ֥ה הֵ֛נָּה וָהֵ֖נָּה וְה֣וּא אֵינֶ֑נּוּ וַיֹּ֨אמֶר אֵלָ֧יו מֶֽלֶךְ־יִשְׂרָאֵ֛ל כֵּ֥ן מִשְׁפָּטֶ֖ךָ אַתָּ֥ה חָרָֽצְתָּ׃

‎41 ‏וַיְמַהֵ֕ר וַיָּ֙סַר֙ אֶת־הָ֣אֲפֵ֔ר מעל מֵעֲלֵ֖י עֵינָ֑יו וַיַּכֵּ֤ר אֹתוֹ֙ מֶ֣לֶךְ יִשְׂרָאֵ֔ל כִּ֥י מֵֽהַנְּבִאִ֖ים הֽוּא׃

‎42 ‏וַיֹּ֣אמֶר אֵלָ֗יו כֹּ֚ה אָמַ֣ר יְהוָ֔ה יַ֛עַן שִׁלַּ֥חְתָּ אֶת־אִישׁ־חֶרְמִ֖י מִיָּ֑ד וְהָיְתָ֤ה נַפְשְׁךָ֙ תַּ֣חַת נַפְשׁ֔וֹ וְעַמְּךָ֖ תַּ֥חַת עַמּֽוֹ׃

‎43 ‏וַיֵּ֧לֶךְ מֶֽלֶךְ־יִשְׂרָאֵ֛ל עַל־בֵּית֖וֹ סַ֣ר וְזָעֵ֑ף וַיָּבֹ֖א שֹׁמְרֽוֹנָה׃ פ

1 ûḇen-hăḏaḏ meleḵə-’ărām qāḇaṣ ’eṯ-kāl-ḥêlwō ûšəlōšîm ûšənayim meleḵə ’itwō wəsûs wārāḵeḇ wayy^a‘al wayyāṣar ‘al-šōmərwōn wayyillāḥem bāh:

2 wayyišəl^aḥ malə’āḵîm ’el-’^aḥə’āḇ meleḵə-yiśərā’ēl hā‘îrâ:

3 wayyō’mer lwō kōh ’āmar ben-hăḏaḏ kasəpəḵā ûzəhāḇəḵā lî-hû’ wənāšeyḵā ûḇāneyḵā haṭṭwōḇîm lî-hēm:

4 wayy^a‘an meleḵə-yiśərā’ēl wayyō’mer kiḏəḇārəḵā ’ăḏōnî hammeleḵə ləḵā ’ănî wəḵāl-’ăšer-lî:

5 wayyāšuḇû hammalə’āḵîm wayyō’mərû kōh-’āmar ben-hăḏaḏ lē’mōr kî-šāl^aḥətî ’ēleyḵā lē’mōr kasəpəḵā ûzəhāḇəḵā wənāšeyḵā ûḇāneyḵā lî ṯitēn:

6 kî| ’im-kā‘ēṯ māḥār ’ešəl^aḥ ’eṯ-‘ăḇāḏay ’ēleyḵā wəḥipəśû ’eṯ-bêṯəḵā wə’ēṯ bātê ‘ăḇāḏeyḵā wəhāyâ kāl-m^aḥəmaḏ ‘êneyḵā yāśîmû ḇəyāḏām wəlāqāḥû:

7 wayyiqərā’ meleḵə-yiśərā’ēl ləḵāl-ziqənê hā’āreṣ wayyō’mer də‘û-nā’ ûrə’û kî rā‘â zeh məḇaqqēš kî-šāl^aḥ ’ēlay lənāšay ûləḇānay ûləḵasəpî wəlizəhāḇî wəlō’ mān^a‘ətî mimmennû:

8 wayyō’mərû ’ēlāyw kāl-hazzəqēnîm wəḵāl-hā‘ām ’al-tišəm^a‘ wəlwō’ ṯō’ḇeh:

9 wayyō’mer ləmalə’ăḵê ḇen-hăḏaḏ ’imərû la’ḏōnî hammeleḵə kōl ’ăšer-šāl^aḥətā ’el-‘aḇədəḵā ḇāri’šōnâ ’e‘ĕśeh wəhadāḇār hazzeh lō’ ’ûḵal l^a‘ăśwōṯ wayyēləḵû hammalə’āḵîm wayəšiḇuhû dāḇār:

10 wayyišəl^aḥ ’ēlāyw ben-hăḏaḏ wayyō’mer kōh-y^a‘ăśûn lî ’ĕlōhîm wəḵōh ywōsifû ’im-yiśəpōq ‘ăfar šōmərwōn lišə‘ālîm ləḵāl-hā‘ām ’ăšer bəraḡəlāy:

11 wayy^a‘an meleḵə-yiśərā’ēl wayyō’mer dabərû ’al-yiṯəhallēl ḥōḡēr kiməfatēḥa:

12 wayəhî kišəmō‘a ’eṯ-hadāḇār hazzeh wəhû’ šōṯeh hû’ wəhamməlāḵîm bassukwōṯ wayyō’mer ’el-‘ăḇāḏāyw śîmû wayyāśîmû ‘al-hā‘îr:

13 wəhinnēh| nāḇî’ ’eḥāḏ nigaš ’el-’^aḥə’āḇ meleḵə-yiśərā’ēl wayyō’mer kōh ’āmar yəhwâ hərā’îṯā ’ēṯ kāl-hehāmwōn hagāḏwōl hazzeh hinənî nōṯənwō ḇəyāḏəḵā hayywōm wəyāḏ^a‘ətā kî-’ănî yəhwâ:

14 wayyō’mer ’^aḥə’āḇ bəmî wayyō’mer kōh-’āmar yəhwâ bən^a‘ărê śārê hamməḏînwōṯ wayyō’mer mî-ye’əsōr hammiləḥāmâ wayyō’mer ’ātâ:

15 wayyifəqōḏ ’eṯ-n^a‘ărê śārê hamməḏînwōṯ wayyihəyû mā’ṯayim šənayim ûšəlōšîm wə’^aḥărêhem pāqaḏ ’eṯ-kāl-hā‘ām kāl-bənê yiśərā’ēl šiḇə‘aṯ ’ălāfîm:

16 wayyēṣə’û baṣṣâŏrāyim ûḇen-hăḏaḏ šōṯeh šikwōr bassukwōṯ hû’ wəhamməlāḵîm šəlōšîm-ûšənayim meleḵə ‘ōzēr ’ōṯwō:

17 wayyēṣə’û n^a‘ărê śārê hamməḏînwōṯ bāri’šōnâ wayyišəl^aḥ ben-hăḏaḏ wayyagîḏû lwō lē’mōr ’ănāšîm yāṣə’û miššōmərwōn:

18 wayyō’mer ’im-ləšālwōm yāṣā’û tifəśûm ḥayyîm wə’im ləmiləḥāmâ yāṣā’û ḥayyîm tifəśûm:

19 wə’ēlleh yāṣə’û min-hā‘îr n^a‘ărê śārê hamməḏînwōṯ wəh^aḥayil ’ăšer ’^aḥărêhem:

20 wayyakû ’îš ’îšwō wayyānusû ’ărām wayyirədəfēm yiśərā’ēl wayyimmālēṭ ben-hăḏaḏ meleḵə ’ărām ‘al-sûs ûfārāšîm:

21 wayyēṣē’ meleḵə yiśərā’ēl wayyaḵə ’eṯ-hassûs wə’eṯ-hārāḵeḇ wəhikâ ḇa’ărām makâ ḡəḏwōlâ:

22 wayyigaš hannāḇî’ ’el-meleḵə yiśərā’ēl wayyō’mer lwō lēḵə hiṯəḥazzaq wəḏ^a‘ ûrə’ēh ’ēṯ ’ăšer-t^a‘ăśeh kî liṯəšûḇaṯ haššānâ meleḵə ’ărām ‘ōleh ‘āleyḵā: s

23 wə‘aḇəḏê meleḵə-’ărām ’āmərû ’ēlāyw ’ĕlōhê hārîm ’ĕlōhêhem ‘al-kēn ḥāzəqû mimmennû wə’ûlām nillāḥēm ’itām bammîšwōr ’im-lō’ neḥĕzaq mēhem:

24 wə’eṯ-hadāḇār hazzeh ‘ăśēh hāsēr hamməlāḵîm ’îš mimməqōmwō wəśîm p^aḥwōṯ t^aḥətêhem:

25 wə’atâ ṯiməneh-ləḵā| ḥayil k^aḥayil hannōfēl mē’wōṯāḵə wəsûs kassûs| wəreḵeḇ kāreḵeḇ wənillāḥămâ ’wōṯām bammîšwōr ’im-lō’ neḥĕzaq mēhem wayyišəm^a‘ ləqōlām wayy^a‘aś kēn: f

26 wayəhî liṯəšûḇaṯ haššānâ wayyifəqōḏ ben-hăḏaḏ ’eṯ-’ărām wayy^a‘al ’ăfēqâ lammiləḥāmâ ‘im-yiśərā’ēl:

27 ûḇənê yiśərā’ēl hāṯəpāqəḏû wəḵāləkəlû wayyēləḵû liqərā’ṯām wayy^aḥănû ḇənê-yiśərā’ēl neḡədām kišənê ḥăśifê ‘izzîm wa’ărām milə’û ’eṯ-hā’āreṣ:

28 wayyigaš ’îš hā’ĕlōhîm wayyō’mer ’el-meleḵə yiśərā’ēl wayyō’mer kōh-’āmar yəhwâ y^a‘an ’ăšer ’āmərû ’ărām ’ĕlōhê hārîm yəhwâ wəlō’-’ĕlōhê ‘ămāqîm hû’ wənāṯatî ’eṯ-kāl-hehāmwōn hagāḏwōl hazzeh bəyāḏeḵā wîḏ^a‘ətem kî-’ănî yəhwâ:

29 wayy^aḥănû ’ēlleh nōḵ^aḥ ’ēlleh šiḇə‘aṯ yāmîm wayəhî| bayywōm haššəḇî‘î watiqəraḇ hammiləḥāmâ wayyakû ḇənê-yiśərā’ēl ’eṯ-’ărām mē’â-’elef raḡəlî bəywōm ’eḥāḏ:

30 wayyānusû hannwōṯārîm| ’ăfēqâ ’el-hā‘îr watipōl h^aḥwōmâ ‘al-‘eśərîm wəšiḇə‘â ’elef ’îš hannwōṯārîm ûḇen-hăḏaḏ nās wayyāḇō’ ’el-hā‘îr ḥeḏer bəḥāḏer: s

31 wayyō’mərû ’ēlāyw ‘ăḇāḏāyw hinnēh-nā’ šām^a‘ənû kî maləḵê bêṯ yiśərā’ēl kî-maləḵê ḥeseḏ hēm nāśîmâ nnā’ śaqqîm bəmāṯənênû w^aḥăḇālîm bərō’šēnû wənēṣē’ ’el-meleḵə yiśərā’ēl ’ûlay yəḥayyeh ’eṯ-nafəšeḵā:

32 wayy^aḥəgərû śaqqîm bəmāṯənêhem w^aḥăḇālîm bərā’šêhem wayyāḇō’û ’el-meleḵə yiśərā’ēl wayyō’mərû ‘aḇədəḵā ḇen-hăḏaḏ ’āmar təḥî-nā’ nafəšî wayyō’mer h^a‘wōḏennû ḥay ’āḥî hû’:

33 wəhā’ănāšîm yən^aḥăšû wayəmahărû wayy^aḥələṭû hămimmennû wayyō’mərû ’āḥîḵā ḇen-hăḏaḏ wayyō’mer bō’û qāḥuhû wayyēṣē’ ’ēlāyw ben-hăḏaḏ wayy^a‘ălēhû ‘al-hammerəkāḇâ:

34 wayyō’mer ’ēlāyw he‘ārîm ’ăšer-lāq^aḥ-’āḇî mē’ēṯ ’āḇîḵā ’āšîḇ wəḥûṣwōṯ tāśîm ləḵā ḇəḏammeśeq ka’ăšer-śām ’āḇî bəšōmərwōn wa’ănî babərîṯ ’ăšalləḥeḵḵā wayyiḵərāṯ-lwō ḇərîṯ wayəšalləḥēhû: s

35 wə’îš ’eḥāḏ mibənê hannəḇî’îm ’āmar ’el-rē‘ēhû biḏəḇar yəhwâ hakênî nā’ wayəmā’ēn hā’îš ləhakōṯwō:

36 wayyō’mer lwō y^a‘an ’ăšer lō’-šām^a‘ətā bəqwōl yəhwâ hinnəḵā hwōlēḵə mē’itî wəhikəḵā hā’arəyēh wayyēleḵə mē’eṣəlwō wayyiməṣā’ēhû hā’arəyēh wayyakēhû:

37 wayyiməṣā’ ’îš ’^aḥēr wayyō’mer hakênî nā’ wayyakēhû hā’îš hakēh ûfāṣō‘a:

38 wayyēleḵə hannāḇî’ wayy^a‘ămōḏ lammeleḵə ‘al-hadāreḵə wayyiṯəḥapēś bā’ăfēr ‘al-‘ênāyw:

39 wayəhî hammeleḵə ‘ōḇēr wəhû’ ṣā‘aq ’el-hammeleḵə wayyō’mer ‘aḇədəḵā| yāṣā’ ḇəqereḇ-hammiləḥāmâ wəhinnēh-’îš sār wayyāḇē’ ’ēlay ’îš wayyō’mer šəmōr ’eṯ-hā’îš hazzeh ’im-hipāqēḏ yipāqēḏ wəhāyəṯâ nafəšəḵā t^aḥaṯ nafəšwō ’wō ḵikar-kesef tišəqwōl:

40 wayəhî ‘aḇədəḵā ‘ōśēh hēnnâ wâēnnâ wəhû’ ’ênennû wayyō’mer ’ēlāyw meleḵə-yiśərā’ēl kēn mišəpāṭeḵā ’atâ ḥārāṣətā:

41 wayəmahēr wayyāsar ’eṯ-hā’ăfēr mē‘al mē‘ălê ‘ênāyw wayyakēr ’ōṯwō meleḵə yiśərā’ēl kî mēhannəḇi’îm hû’:

42 wayyō’mer ’ēlāyw kōh ’āmar yəhwâ y^a‘an šill^aḥətā ’eṯ-’îš-ḥerəmî mîyāḏ wəhāyəṯâ nafəšəḵā t^aḥaṯ nafəšwō wə‘amməḵā t^aḥaṯ ‘ammwō:

43 wayyēleḵə meleḵə-yiśərā’ēl ‘al-bêṯwō sar wəzā‘ēf wayyāḇō’ šōmərwōnâ: f

Tanach (Hebrew): 1 Kings (1 Melakhim) Chapter 21

‎1 ‏וַיְהִ֗י אַחַר֙ הַדְּבָרִ֣ים הָאֵ֔לֶּה כֶּ֧רֶם הָיָ֛ה לְנָב֥וֹת הַיִּזְרְעֵאלִ֖י אֲשֶׁ֣ר בְּיִזְרְעֶ֑אל אֵ֚צֶל הֵיכַ֣ל אַחְאָ֔ב מֶ֖לֶךְ שֹׁמְרֽוֹן׃

‎2 ‏וַיְדַבֵּ֣ר אַחְאָ֣ב אֶל־נָב֣וֹת׀ לֵאמֹר֩׀ תְּנָה־לִּ֨י אֶֽת־כַּרְמְךָ֜ וִֽיהִי־לִ֣י לְגַן־יָרָ֗ק כִּ֣י ה֤וּא קָרוֹב֙ אֵ֣צֶל בֵּיתִ֔י וְאֶתְּנָ֤ה לְךָ֙ תַּחְתָּ֔יו כֶּ֖רֶם ט֣וֹב מִמֶּ֑נּוּ אִ֚ם ט֣וֹב בְּעֵינֶ֔יךָ אֶתְּנָה־לְךָ֥ כֶ֖סֶף מְחִ֥יר זֶֽה׃

‎3 ‏וַיֹּ֥אמֶר נָב֖וֹת אֶל־אַחְאָ֑ב חָלִ֤ילָה לִּי֙ מֵֽיהוָ֔ה מִתִּתִּ֛י אֶת־נַחֲלַ֥ת אֲבֹתַ֖י לָֽךְ׃

‎4 ‏וַיָּבֹא֩ אַחְאָ֨ב אֶל־בֵּית֜וֹ סַ֣ר וְזָעֵ֗ף עַל־הַדָּבָר֙ אֲשֶׁר־דִּבֶּ֣ר אֵלָ֗יו נָבוֹת֙ הַיִּזְרְעֵאלִ֔י וַיֹּ֕אמֶר לֹֽא־אֶתֵּ֥ן לְךָ֖ אֶת־נַחֲלַ֣ת אֲבוֹתָ֑י וַיִּשְׁכַּב֙ עַל־מִטָּת֔וֹ וַיַּסֵּ֥ב אֶת־פָּנָ֖יו וְלֹֽא־אָ֥כַל לָֽחֶם׃

‎5 ‏וַתָּבֹ֥א אֵלָ֖יו אִיזֶ֣בֶל אִשְׁתּ֑וֹ וַתְּדַבֵּ֣ר אֵלָ֗יו מַה־זֶּה֙ רוּחֲךָ֣ סָרָ֔ה וְאֵינְךָ֖ אֹכֵ֥ל לָֽחֶם׃

‎6 ‏וַיְדַבֵּ֣ר אֵלֶ֗יהָ כִּֽי־אֲ֠דַבֵּר אֶל־נָב֨וֹת הַיִּזְרְעֵאלִ֜י וָאֹ֣מַר ל֗וֹ תְּנָה־לִּ֤י אֶֽת־כַּרְמְךָ֙ בְּכֶ֔סֶף א֚וֹ אִם־חָפֵ֣ץ אַתָּ֔ה אֶתְּנָה־לְךָ֥ כֶ֖רֶם תַּחְתָּ֑יו וַיֹּ֕אמֶר לֹֽא־אֶתֵּ֥ן לְךָ֖ אֶת־כַּרְמִֽי׃

‎7 ‏וַתֹּ֤אמֶר אֵלָיו֙ אִיזֶ֣בֶל אִשְׁתּ֔וֹ אַתָּ֕ה עַתָּ֛ה תַּעֲשֶׂ֥ה מְלוּכָ֖ה עַל־יִשְׂרָאֵ֑ל ק֤וּם אֱכָל־לֶ֙חֶם֙ וְיִטַ֣ב לִבֶּ֔ךָ אֲנִי֙ אֶתֵּ֣ן לְךָ֔ אֶת־כֶּ֖רֶם נָב֥וֹת הַיִּזְרְעֵאלִֽי׃

‎8 ‏וַתִּכְתֹּ֤ב סְפָרִים֙ בְּשֵׁ֣ם אַחְאָ֔ב וַתַּחְתֹּ֖ם בְּחֹתָמ֑וֹ וַתִּשְׁלַ֣ח הספרים סְפָרִ֗ים אֶל־הַזְקֵנִ֤ים¹ וְאֶל־הַֽחֹרִים֙ אֲשֶׁ֣ר בְּעִיר֔וֹ הַיֹּשְׁבִ֖ים אֶת־נָבֽוֹת׃

‎9 ‏וַתִּכְתֹּ֥ב בַּסְּפָרִ֖ים לֵאמֹ֑ר קִֽרְאוּ־צ֔וֹם וְהוֹשִׁ֥יבוּ אֶת־נָב֖וֹת בְּרֹ֥אשׁ הָעָֽם׃

‎10 ‏וְ֠הוֹשִׁיבוּ שְׁנַ֨יִם אֲנָשִׁ֥ים בְּנֵֽי־בְלִיַּעַל֮ נֶגְדּוֹ֒ וִיעִדֻ֣הוּ לֵאמֹ֔ר בֵּרַ֥כְתָּ אֱלֹהִ֖ים וָמֶ֑לֶךְ וְהוֹצִיאֻ֥הוּ וְסִקְלֻ֖הוּ וְיָמֹֽת׃

‎11 ‏וַיַּעֲשׂוּ֩ אַנְשֵׁ֨י עִיר֜וֹ הַזְּקֵנִ֣ים וְהַחֹרִ֗ים אֲשֶׁ֤ר הַיֹּֽשְׁבִים֙ בְּעִיר֔וֹ כַּאֲשֶׁ֛ר שָׁלְחָ֥ה אֲלֵיהֶ֖ם אִיזָ֑בֶל כַּאֲשֶׁ֤ר כָּתוּב֙ בַּסְּפָרִ֔ים אֲשֶׁ֥ר שָׁלְחָ֖ה אֲלֵיהֶֽם׃

‎12 ‏קָרְא֖וּ צ֑וֹם וְהֹשִׁ֥יבוּ אֶת־נָב֖וֹת בְּרֹ֥אשׁ הָעָֽם׃

‎13 ‏וַ֠יָּבֹאוּ שְׁנֵ֨י הָאֲנָשִׁ֥ים בְּנֵֽי־בְלִיַּעַל֮ וַיֵּשְׁב֣וּ נֶגְדּוֹ֒ וַיְעִדֻהוּ֩ אַנְשֵׁ֨י הַבְּלִיַּ֜עַל אֶת־נָב֗וֹת נֶ֤גֶד הָעָם֙ לֵאמֹ֔ר בֵּרַ֥ךְ נָב֛וֹת אֱלֹהִ֖ים וָמֶ֑לֶךְ וַיֹּצִאֻ֙הוּ֙ מִח֣וּץ לָעִ֔יר וַיִּסְקְלֻ֥הוּ בָאֲבָנִ֖ים וַיָּמֹֽת׃

‎14 ‏וַֽיִּשְׁלְח֖וּ אֶל־אִיזֶ֣בֶל לֵאמֹ֑ר סֻקַּ֥ל נָב֖וֹת וַיָּמֹֽת׃

‎15 ‏וַֽיְהִי֙ כִּשְׁמֹ֣עַ אִיזֶ֔בֶל כִּֽי־סֻקַּ֥ל נָב֖וֹת וַיָּמֹ֑ת וַתֹּ֨אמֶר אִיזֶ֜בֶל אֶל־אַחְאָ֗ב ק֣וּם רֵ֞שׁ אֶת־כֶּ֣רֶם׀ נָב֣וֹת הַיִּזְרְעֵאלִ֗י אֲשֶׁ֤ר מֵאֵן֙ לָתֶת־לְךָ֣ בְכֶ֔סֶף כִּ֣י אֵ֥ין נָב֛וֹת חַ֖י כִּי־מֵֽת׃

‎16 ‏וַיְהִ֛י כִּשְׁמֹ֥עַ אַחְאָ֖ב כִּ֣י מֵ֣ת נָב֑וֹת וַיָּ֣קָם אַחְאָ֗ב לָרֶ֛דֶת אֶל־כֶּ֛רֶם נָב֥וֹת הַיִּזְרְעֵאלִ֖י לְרִשְׁתּֽוֹ׃ ס

‎17 ‏וַיְהִי֙ דְּבַר־יְהוָ֔ה אֶל־אֵלִיָּ֥הוּ הַתִּשְׁבִּ֖י לֵאמֹֽר׃

‎18 ‏ק֣וּם רֵ֗ד לִקְרַ֛את אַחְאָ֥ב מֶֽלֶךְ־יִשְׂרָאֵ֖ל אֲשֶׁ֣ר בְּשֹׁמְר֑וֹן הִנֵּה֙ בְּכֶ֣רֶם נָב֔וֹת אֲשֶׁר־יָ֥רַד שָׁ֖ם לְרִשְׁתּֽוֹ׃

‎19 ‏וְדִבַּרְתָּ֨ אֵלָ֜יו לֵאמֹ֗ר כֹּ֚ה אָמַ֣ר יְהוָ֔ה הֲרָצַ֖חְתָּ וְגַם־יָרָ֑שְׁתָּ וְדִבַּרְתָּ֨ אֵלָ֜יו לֵאמֹ֗ר כֹּ֚ה אָמַ֣ר יְהוָ֔ה בִּמְק֗וֹם אֲשֶׁ֨ר לָקְק֤וּ הַכְּלָבִים֙ אֶת־דַּ֣ם נָב֔וֹת יָלֹ֧קּוּ הַכְּלָבִ֛ים אֶת־דָּמְךָ֖ גַּם־אָֽתָּה׃

‎20 ‏וַיֹּ֤אמֶר אַחְאָב֙ אֶל־אֵ֣לִיָּ֔הוּ הַֽמְצָאתַ֖נִי אֹיְבִ֑י וַיֹּ֣אמֶר מָצָ֔אתִי יַ֚עַן הִתְמַכֶּרְךָ֔ לַעֲשׂ֥וֹת הָרַ֖ע בְּעֵינֵ֥י יְהוָֽה׃

‎21 ‏הִנְנִ֨י מבי מֵבִ֤יא אֵלֶ֙יךָ֙ רָעָ֔ה וּבִעַרְתִּ֖י אַחֲרֶ֑יךָ וְהִכְרַתִּ֤י לְאַחְאָב֙ מַשְׁתִּ֣ין בְּקִ֔יר וְעָצ֥וּר וְעָז֖וּב בְּיִשְׂרָאֵֽל׃

‎22 ‏וְנָתַתִּ֣י אֶת־בֵּיתְךָ֗ כְּבֵית֙ יָרָבְעָ֣ם בֶּן־נְבָ֔ט וּכְבֵ֖ית בַּעְשָׁ֣א בֶן־אֲחִיָּ֑ה אֶל־הַכַּ֙עַס֙ אֲשֶׁ֣ר הִכְעַ֔סְתָּ וַֽתַּחֲטִ֖א אֶת־יִשְׂרָאֵֽל׃

‎23 ‏וְגַ֨ם־לְאִיזֶ֔בֶל דִּבֶּ֥ר יְהוָ֖ה לֵאמֹ֑ר הַכְּלָבִ֛ים יֹאכְל֥וּ אֶת־אִיזֶ֖בֶל בְּחֵ֥ל יִזְרְעֶֽאל׃

‎24 ‏הַמֵּ֤ת לְאַחְאָב֙ בָּעִ֔יר יֹאכְל֖וּ הַכְּלָבִ֑ים וְהַמֵּת֙ בַּשָּׂדֶ֔ה יֹאכְל֖וּ ע֥וֹף הַשָּׁמָֽיִם׃

‎25 ‏רַ֚ק לֹֽא־הָיָ֣ה כְאַחְאָ֔ב אֲשֶׁ֣ר הִתְמַכֵּ֔ר לַעֲשׂ֥וֹת הָרַ֖ע בְּעֵינֵ֣י יְהוָ֑ה אֲשֶׁר־הֵסַ֥תָּה אֹת֖וֹ אִיזֶ֥בֶל אִשְׁתּֽוֹ׃

‎26 ‏וַיַּתְעֵ֣ב מְאֹ֔ד לָלֶ֖כֶת אַחֲרֵ֣י הַגִּלֻּלִ֑ים כְּכֹל֙ אֲשֶׁ֣ר עָשׂ֣וּ הָאֱמֹרִ֔י אֲשֶׁר֙ הוֹרִ֣ישׁ יְהוָ֔ה מִפְּנֵ֖י בְּנֵ֥י יִשְׂרָאֵֽל׃ ס

‎27 ‏וַיְהִי֩ כִשְׁמֹ֨עַ אַחְאָ֜ב אֶת־הַדְּבָרִ֤ים הָאֵ֙לֶּה֙ וַיִּקְרַ֣ע בְּגָדָ֔יו וַיָּֽשֶׂם־שַׂ֥ק עַל־בְּשָׂר֖וֹ וַיָּצ֑וֹם וַיִּשְׁכַּ֣ב בַּשָּׂ֔ק וַיְהַלֵּ֖ךְ אַֽט׃ ס

‎28 ‏וַֽיְהִי֙ דְּבַר־יְהוָ֔ה אֶל־אֵלִיָּ֥הוּ הַתִּשְׁבִּ֖י לֵאמֹֽר׃

‎29 ‏הֲ‍ֽרָאִ֔יתָ כִּֽי־נִכְנַ֥ע אַחְאָ֖ב מִלְּפָנָ֑י יַ֜עַן כִּֽי־נִכְנַ֣ע מִפָּנַ֗י לֹֽא־אבי אָבִ֤יא הָֽרָעָה֙ בְּיָמָ֔יו בִּימֵ֣י בְנ֔וֹ אָבִ֥יא הָרָעָ֖ה עַל־בֵּיתֽוֹ׃

1 wayəhî ’^aḥar hadəḇārîm hā’ēlleh kerem hāyâ lənāḇwōṯ hayyizərə‘ē’lî ’ăšer bəyizərə‘e’l ’ēṣel hêḵal ’^aḥə’āḇ meleḵə šōmərwōn:

2 wayəḏabēr ’^aḥə’āḇ ’el-nāḇwōṯ| lē’mōr| tənâ-llî ’eṯ-karəməḵā wîhî-lî ləḡan-yārāq kî hû’ qārwōḇ ’ēṣel bêṯî wə’etənâ ləḵā t^aḥətāyw kerem ṭwōḇ mimmennû ’im ṭwōḇ bə‘êneyḵā ’etənâ-ləḵā ḵesef məḥîr zeh:

3 wayyō’mer nāḇwōṯ ’el-’^aḥə’āḇ ḥālîlâ llî mêhwâ mititî ’eṯ-n^aḥălaṯ ’ăḇōṯay lāḵə:

4 wayyāḇō’ ’^aḥə’āḇ ’el-bêṯwō sar wəzā‘ēf ‘al-hadāḇār ’ăšer-diber ’ēlāyw nāḇwōṯ hayyizərə‘ē’lî wayyō’mer lō’-’etēn ləḵā ’eṯ-n^aḥălaṯ ’ăḇwōṯāy wayyišəkaḇ ‘al-miṭṭāṯwō wayyassēḇ ’eṯ-pānāyw wəlō’-’āḵal lāḥem:

5 watāḇō’ ’ēlāyw ’îzeḇel ’išətwō watəḏabēr ’ēlāyw mah-zzeh rûḥăḵā sārâ wə’ênəḵā ’ōḵēl lāḥem:

6 wayəḏabēr ’ēleyhā kî-’ăḏabēr ’el-nāḇwōṯ hayyizərə‘ē’lî wā’ōmar lwō tənâ-llî ’eṯ-karəməḵā bəḵesef ’wō ’im-ḥāfēṣ ’atâ ’etənâ-ləḵā ḵerem t^aḥətāyw wayyō’mer lō’-’etēn ləḵā ’eṯ-karəmî:

7 watō’mer ’ēlāyw ’îzeḇel ’išətwō ’atâ ‘atâ t^a‘ăśeh məlûḵâ ‘al-yiśərā’ēl qûm ’ĕḵāl-leḥem wəyiṭaḇ libeḵā ’ănî ’etēn ləḵā ’eṯ-kerem nāḇwōṯ hayyizərə‘ē’lî:

8 watiḵətōḇ səfārîm bəšēm ’^aḥə’āḇ wat^aḥətōm bəḥōṯāmwō watišəl^aḥ hasəfārîm səfārîm ’el-hazəqēnîm¹ wə’el-h^aḥōrîm ’ăšer bə‘îrwō hayyōšəḇîm ’eṯ-nāḇwōṯ:

9 watiḵətōḇ bassəfārîm lē’mōr qirə’û-ṣwōm wəhwōšîḇû ’eṯ-nāḇwōṯ bərō’š hā‘ām:

10 wəhwōšîḇû šənayim ’ănāšîm bənê-ḇəlîy^a‘al neḡədwō wî‘iḏuhû lē’mōr bēraḵətā ’ĕlōhîm wāmeleḵə wəhwōṣî’uhû wəsiqəluhû wəyāmōṯ:

11 wayy^a‘ăśû ’anəšê ‘îrwō hazzəqēnîm wəh^aḥōrîm ’ăšer hayyōšəḇîm bə‘îrwō ka’ăšer šāləḥâ ’ălêhem ’îzāḇel ka’ăšer kāṯûḇ bassəfārîm ’ăšer šāləḥâ ’ălêhem:

12 qārə’û ṣwōm wəhōšîḇû ’eṯ-nāḇwōṯ bərō’š hā‘ām:

13 wayyāḇō’û šənê hā’ănāšîm bənê-ḇəlîy^a‘al wayyēšəḇû neḡədwō wayə‘iḏuhû ’anəšê habəlîy^a‘al ’eṯ-nāḇwōṯ neḡeḏ hā‘ām lē’mōr bēraḵə nāḇwōṯ ’ĕlōhîm wāmeleḵə wayyōṣi’uhû miḥûṣ lā‘îr wayyisəqəluhû ḇā’ăḇānîm wayyāmōṯ:

14 wayyišələḥû ’el-’îzeḇel lē’mōr suqqal nāḇwōṯ wayyāmōṯ:

15 wayəhî kišəmō‘a ’îzeḇel kî-suqqal nāḇwōṯ wayyāmōṯ watō’mer ’îzeḇel ’el-’^aḥə’āḇ qûm rēš ’eṯ-kerem| nāḇwōṯ hayyizərə‘ē’lî ’ăšer mē’ēn lāṯeṯ-ləḵā ḇəḵesef kî ’ên nāḇwōṯ ḥay kî-mēṯ:

16 wayəhî kišəmō‘a ’^aḥə’āḇ kî mēṯ nāḇwōṯ wayyāqām ’^aḥə’āḇ lāreḏeṯ ’el-kerem nāḇwōṯ hayyizərə‘ē’lî lərišətwō: s

17 wayəhî dəḇar-yəhwâ ’el-’ēlîyâû hatišəbî lē’mōr:

18 qûm rēḏ liqəra’ṯ ’^aḥə’āḇ meleḵə-yiśərā’ēl ’ăšer bəšōmərwōn hinnēh bəḵerem nāḇwōṯ ’ăšer-yāraḏ šām lərišətwō:

19 wəḏibarətā ’ēlāyw lē’mōr kōh ’āmar yəhwâ hărāṣ^aḥətā wəḡam-yārāšətā wəḏibarətā ’ēlāyw lē’mōr kōh ’āmar yəhwâ biməqwōm ’ăšer lāqəqû hakəlāḇîm ’eṯ-dam nāḇwōṯ yālōqqû hakəlāḇîm ’eṯ-dāməḵā gam-’ātâ:

20 wayyō’mer ’^aḥə’āḇ ’el-’ēlîyâû haməṣā’ṯanî ’ōyəḇî wayyō’mer māṣā’ṯî y^a‘an hiṯəmakerəḵā l^a‘ăśwōṯ hār^a‘ bə‘ênê yəhwâ:

21 hinənî mēḇî mēḇî’ ’ēleyḵā rā‘â ûḇi‘arətî ’^aḥăreyḵā wəhiḵəratî lə’^aḥə’āḇ mašətîn bəqîr wə‘āṣûr wə‘āzûḇ bəyiśərā’ēl:

22 wənāṯatî ’eṯ-bêṯəḵā kəḇêṯ yārāḇə‘ām ben-nəḇāṭ ûḵəḇêṯ b^a‘əšā’ ḇen-’ăḥîyâ ’el-hak^a‘as ’ăšer hiḵə‘asətā wat^aḥăṭi’ ’eṯ-yiśərā’ēl:

23 wəḡam-lə’îzeḇel diber yəhwâ lē’mōr hakəlāḇîm yō’ḵəlû ’eṯ-’îzeḇel bəḥēl yizərə‘e’l:

24 hammēṯ lə’^aḥə’āḇ bā‘îr yō’ḵəlû hakəlāḇîm wəhammēṯ baśśāḏeh yō’ḵəlû ‘wōf haššāmāyim:

25 raq lō’-hāyâ ḵə’^aḥə’āḇ ’ăšer hiṯəmakēr l^a‘ăśwōṯ hār^a‘ bə‘ênê yəhwâ ’ăšer-hēsatâ ’ōṯwō ’îzeḇel ’išətwō:

26 wayyaṯə‘ēḇ mə’ōḏ lāleḵeṯ ’^aḥărê hagillulîm kəḵōl ’ăšer ‘āśû hā’ĕmōrî ’ăšer hwōrîš yəhwâ mipənê bənê yiśərā’ēl: s

27 wayəhî ḵišəmō‘a ’^aḥə’āḇ ’eṯ-hadəḇārîm hā’ēlleh wayyiqər^a‘ bəḡāḏāyw wayyāśem-śaq ‘al-bəśārwō wayyāṣwōm wayyišəkaḇ baśśāq wayəhallēḵə ’aṭ: s

28 wayəhî dəḇar-yəhwâ ’el-’ēlîyâû hatišəbî lē’mōr:

29 hă‍rā’îṯā kî-niḵən^a‘ ’^aḥə’āḇ milləfānāy y^a‘an kî-niḵən^a‘ mipānay lō’-’āḇî ’āḇî’ hārā‘â bəyāmāyw bîmê ḇənwō ’āḇî’ hārā‘â ‘al-bêṯwō:

Tanach (Hebrew): 1 Kings (1 Melakhim) Chapter 22

‎1 ‏וַיֵּשְׁב֖וּ שָׁלֹ֣שׁ שָׁנִ֑ים אֵ֚ין מִלְחָמָ֔ה בֵּ֥ין אֲרָ֖ם וּבֵ֥ין יִשְׂרָאֵֽל׃ פ

‎2 ‏וַיְהִ֖י בַּשָּׁנָ֣ה הַשְּׁלִישִׁ֑ית וַיֵּ֛רֶד יְהוֹשָׁפָ֥ט מֶֽלֶךְ־יְהוּדָ֖ה אֶל־מֶ֥לֶךְ יִשְׂרָאֵֽל׃

‎3 ‏וַיֹּ֤אמֶר מֶֽלֶךְ־יִשְׂרָאֵל֙ אֶל־עֲבָדָ֔יו הַיְדַעְתֶּ֕ם כִּֽי־לָ֖נוּ רָמֹ֣ת גִּלְעָ֑ד וַאֲנַ֣חְנוּ מַחְשִׁ֔ים מִקַּ֣חַת אֹתָ֔הּ מִיַּ֖ד מֶ֥לֶךְ אֲרָֽם׃

‎4 ‏וַיֹּ֙אמֶר֙ אֶל־יְה֣וֹשָׁפָ֔ט הֲתֵלֵ֥ךְ אִתִּ֛י לַמִּלְחָמָ֖ה רָמֹ֣ת גִּלְעָ֑ד וַיֹּ֤אמֶר יְהֽוֹשָׁפָט֙ אֶל־מֶ֣לֶךְ יִשְׂרָאֵ֔ל כָּמ֧וֹנִי כָמ֛וֹךָ כְּעַמִּ֥י כְעַמֶּ֖ךָ כְּסוּסַ֥י כְּסוּסֶֽיךָ׃

‎5 ‏וַיֹּ֥אמֶר יְהוֹשָׁפָ֖ט אֶל־מֶ֣לֶךְ יִשְׂרָאֵ֑ל דְּרָשׁ־נָ֥א כַיּ֖וֹם אֶת־דְּבַ֥ר יְהוָֽה׃

‎6 ‏וַיִּקְבֹּ֨ץ מֶֽלֶךְ־יִשְׂרָאֵ֥ל אֶֽת־הַנְּבִיאִים֮ כְּאַרְבַּ֣ע מֵא֣וֹת אִישׁ֒ וַיֹּ֣אמֶר אֲלֵהֶ֗ם הַאֵלֵ֞ךְ עַל־רָמֹ֥ת גִּלְעָ֛ד לַמִּלְחָמָ֖ה אִם־אֶחְדָּ֑ל וַיֹּאמְר֣וּ עֲלֵ֔ה וְיִתֵּ֥ן אֲדֹנָ֖י בְּיַ֥ד הַמֶּֽלֶךְ׃

‎7 ‏וַיֹּ֙אמֶר֙ יְה֣וֹשָׁפָ֔ט הַאֵ֨ין פֹּ֥ה נָבִ֛יא לַיהוָ֖ה ע֑וֹד וְנִדְרְשָׁ֖ה מֵאוֹתֽוֹ׃

‎8 ‏וַיֹּ֣אמֶר מֶֽלֶךְ־יִשְׂרָאֵ֣ל׀ אֶֽל־יְהוֹשָׁפָ֡ט ע֣וֹד אִישׁ־אֶחָ֡ד לִדְרֹשׁ֩ אֶת־יְהוָ֨ה מֵאֹת֜וֹ וַאֲנִ֣י שְׂנֵאתִ֗יו כִּ֠י לֹֽא־יִתְנַבֵּ֨א עָלַ֥י טוֹב֙ כִּ֣י אִם־רָ֔ע מִיכָ֖יְהוּ בֶּן־יִמְלָ֑ה וַיֹּ֙אמֶר֙ יְה֣וֹשָׁפָ֔ט אַל־יֹאמַ֥ר הַמֶּ֖לֶךְ כֵּֽן׃

‎9 ‏וַיִּקְרָא֙ מֶ֣לֶךְ יִשְׂרָאֵ֔ל אֶל־סָרִ֖יס אֶחָ֑ד וַיֹּ֕אמֶר מַהֲרָ֖ה מִיכָ֥יְהוּ בֶן־יִמְלָֽה׃

‎10 ‏וּמֶ֣לֶךְ יִשְׂרָאֵ֡ל וִֽיהוֹשָׁפָ֣ט מֶֽלֶךְ־יְהוּדָ֡ה יֹשְׁבִים֩ אִ֨ישׁ עַל־כִּסְא֜וֹ מְלֻבָּשִׁ֤ים בְּגָדִים֙ בְּגֹ֔רֶן פֶּ֖תַח שַׁ֣עַר שֹׁמְר֑וֹן וְכָ֨ל־הַנְּבִיאִ֔ים מִֽתְנַבְּאִ֖ים לִפְנֵיהֶֽם׃

‎11 ‏וַיַּ֥עַשׂ ל֛וֹ צִדְקִיָּ֥ה בֶֽן־כְּנַעֲנָ֖ה קַרְנֵ֣י בַרְזֶ֑ל וַיֹּ֙אמֶר֙ כֹּֽה־אָמַ֣ר יְהוָ֔ה בְּאֵ֛לֶּה תְּנַגַּ֥ח אֶת־אֲרָ֖ם עַד־כַּלֹּתָֽם׃

‎12 ‏וְכָל־הַנְּבִאִ֔ים נִבְּאִ֥ים כֵּ֖ן לֵאמֹ֑ר עֲלֵ֞ה רָמֹ֤ת גִּלְעָד֙ וְהַצְלַ֔ח וְנָתַ֥ן יְהוָ֖ה בְּיַ֥ד הַמֶּֽלֶךְ׃

‎13 ‏וְהַמַּלְאָ֞ךְ אֲשֶׁר־הָלַ֣ךְ׀ לִקְרֹ֣א מִיכָ֗יְהוּ דִּבֶּ֤ר אֵלָיו֙ לֵאמֹ֔ר הִנֵּה־נָ֞א דִּבְרֵ֧י הַנְּבִיאִ֛ים פֶּֽה־אֶחָ֥ד ט֖וֹב אֶל־הַמֶּ֑לֶךְ יְהִֽי־נָ֣א דבריך דְבָרְךָ֗ כִּדְבַ֛ר אַחַ֥ד מֵהֶ֖ם וְדִבַּ֥רְתָּ טּֽוֹב׃

‎14 ‏וַיֹּ֖אמֶר מִיכָ֑יְהוּ חַי־יְהוָ֕ה כִּ֠י אֶת־אֲשֶׁ֨ר יֹאמַ֧ר יְהוָ֛ה אֵלַ֖י אֹת֥וֹ אֲדַבֵּֽר׃

‎15 ‏וַיָּבוֹא֮ אֶל־הַמֶּלֶךְ֒ וַיֹּ֨אמֶר הַמֶּ֜לֶךְ אֵלָ֗יו מִיכָ֙יְהוּ֙ הֲנֵלֵ֞ךְ אֶל־רָמֹ֥ת גִּלְעָ֛ד לַמִּלְחָמָ֖ה אִם־נֶחְדָּ֑ל וַיֹּ֤אמֶר אֵלָיו֙ עֲלֵ֣ה וְהַצְלַ֔ח וְנָתַ֥ן יְהוָ֖ה בְּיַ֥ד הַמֶּֽלֶךְ׃

‎16 ‏וַיֹּ֤אמֶר אֵלָיו֙ הַמֶּ֔לֶךְ עַד־כַּמֶּ֥ה פְעָמִ֖ים אֲנִ֣י מַשְׁבִּעֶ֑ךָ אֲ֠שֶׁר לֹֽא־תְדַבֵּ֥ר אֵלַ֛י רַק־אֱמֶ֖ת בְּשֵׁ֥ם יְהוָֽה׃

‎17 ‏וַיֹּ֗אמֶר רָאִ֤יתִי אֶת־כָּל־יִשְׂרָאֵל֙ נְפֹצִ֣ים אֶל־הֶהָרִ֔ים כַּצֹּ֕אן אֲשֶׁ֥ר אֵין־לָהֶ֖ם רֹעֶ֑ה וַיֹּ֤אמֶר יְהוָה֙ לֹֽא־אֲדֹנִ֣ים לָאֵ֔לֶּה יָשׁ֥וּבוּ אִישׁ־לְבֵית֖וֹ בְּשָׁלֽוֹם׃

‎18 ‏וַיֹּ֥אמֶר מֶֽלֶךְ־יִשְׂרָאֵ֖ל אֶל־יְהוֹשָׁפָ֑ט הֲלוֹא֙ אָמַ֣רְתִּי אֵלֶ֔יךָ לֽוֹא־יִתְנַבֵּ֥א עָלַ֛י ט֖וֹב כִּ֥י אִם־רָֽע׃

‎19 ‏וַיֹּ֕אמֶר לָכֵ֖ן שְׁמַ֣ע דְּבַר־יְהוָ֑ה רָאִ֤יתִי אֶת־יְהוָה֙ יֹשֵׁ֣ב עַל־כִּסְא֔וֹ וְכָל־צְבָ֤א הַשָּׁמַ֙יִם֙ עֹמֵ֣ד עָלָ֔יו מִימִינ֖וֹ וּמִשְּׂמֹאלֽוֹ׃

‎20 ‏וַיֹּ֣אמֶר יְהוָ֗ה מִ֤י יְפַתֶּה֙ אֶת־אַחְאָ֔ב וְיַ֕עַל וְיִפֹּ֖ל בְּרָמֹ֣ת גִּלְעָ֑ד וַיֹּ֤אמֶר זֶה֙ בְּכֹ֔ה וְזֶ֥ה אֹמֵ֖ר בְּכֹֽה׃

‎21 ‏וַיֵּצֵ֣א הָר֗וּחַ וַֽיַּעֲמֹד֙ לִפְנֵ֣י יְהוָ֔ה וַיֹּ֖אמֶר אֲנִ֣י אֲפַתֶּ֑נּוּ וַיֹּ֧אמֶר יְהוָ֛ה אֵלָ֖יו בַּמָּֽה׃

‎22 ‏וַיֹּ֗אמֶר אֵצֵא֙ וְהָיִ֙יתִי֙ ר֣וּחַ שֶׁ֔קֶר בְּפִ֖י כָּל־נְבִיאָ֑יו וַיֹּ֗אמֶר תְּפַתֶּה֙ וְגַם־תּוּכָ֔ל צֵ֖א וַעֲשֵׂה־כֵֽן׃

‎23 ‏וְעַתָּ֗ה הִנֵּ֨ה נָתַ֤ן יְהוָה֙ ר֣וּחַ שֶׁ֔קֶר בְּפִ֖י כָּל־נְבִיאֶ֣יךָ אֵ֑לֶּה וַֽיהוָ֔ה דִּבֶּ֥ר עָלֶ֖יךָ רָעָֽה׃

‎24 ‏וַיִּגַּשׁ֙ צִדְקִיָּ֣הוּ בֶֽן־כְּנַעֲנָ֔ה וַיַּכֶּ֥ה אֶת־מִיכָ֖יְהוּ עַל־הַלֶּ֑חִי וַיֹּ֕אמֶר אֵי־זֶ֨ה עָבַ֧ר רֽוּחַ־יְהוָ֛ה מֵאִתִּ֖י לְדַבֵּ֥ר אוֹתָֽךְ׃

‎25 ‏וַיֹּ֣אמֶר מִיכָ֔יְהוּ הִנְּךָ֥ רֹאֶ֖ה בַּיּ֣וֹם הַה֑וּא אֲשֶׁ֥ר תָּבֹ֛א חֶ֥דֶר בְּחֶ֖דֶר לְהֵחָבֵֽה׃

‎26 ‏וַיֹּ֙אמֶר֙ מֶ֣לֶךְ יִשְׂרָאֵ֔ל קַ֚ח אֶת־מִיכָ֔יְהוּ וַהֲשִׁיבֵ֖הוּ אֶל־אָמֹ֣ן שַׂר־הָעִ֑יר וְאֶל־יוֹאָ֖שׁ בֶּן־הַמֶּֽלֶךְ׃

‎27 ‏וְאָמַרְתָּ֗ כֹּ֚ה אָמַ֣ר הַמֶּ֔לֶךְ שִׂ֥ימוּ אֶת־זֶ֖ה בֵּ֣ית הַכֶּ֑לֶא וְהַאֲכִילֻ֨הוּ לֶ֤חֶם לַ֙חַץ֙ וּמַ֣יִם לַ֔חַץ עַ֖ד בֹּאִ֥י בְשָׁלֽוֹם׃

‎28 ‏וַיֹּ֣אמֶר מִיכָ֔יְהוּ אִם־שׁ֤וֹב תָּשׁוּב֙ בְּשָׁל֔וֹם לֹֽא־דִבֶּ֥ר יְהוָ֖ה בִּ֑י וַיֹּ֕אמֶר שִׁמְע֖וּ עַמִּ֥ים כֻּלָּֽם׃

‎29 ‏וַיַּ֧עַל מֶֽלֶךְ־יִשְׂרָאֵ֛ל וְיהוֹשָׁפָ֥ט¹ מֶֽלֶךְ־יְהוּדָ֖ה רָמֹ֥ת גִּלְעָֽד׃

‎30 ‏וַיֹּאמֶר֩ מֶ֨לֶךְ יִשְׂרָאֵ֜ל אֶל־יְהוֹשָׁפָ֗ט הִתְחַפֵּשׂ֙ וָבֹ֣א בַמִּלְחָמָ֔ה וְאַתָּ֖ה לְבַ֣שׁ בְּגָדֶ֑יךָ וַיִּתְחַפֵּשׂ֙ מֶ֣לֶךְ יִשְׂרָאֵ֔ל וַיָּב֖וֹא בַּמִּלְחָמָֽה׃

‎31 ‏וּמֶ֣לֶךְ אֲרָ֡ם צִוָּ֣ה אֶת־שָׂרֵי֩ הָרֶ֨כֶב אֲשֶׁר־ל֜וֹ שְׁלֹשִׁ֤ים וּשְׁנַ֙יִם֙ לֵאמֹ֔ר לֹ֚א תִּלָּ֣חֲמ֔וּ אֶת־קָטֹ֖ן וְאֶת־גָּד֑וֹל כִּ֛י אִֽם־אֶת־מֶ֥לֶךְ יִשְׂרָאֵ֖ל לְבַדּֽוֹ׃

‎32 ‏וַיְהִ֡י כִּרְאוֹת֩ שָׂרֵ֨י הָרֶ֜כֶב אֶת־יְהוֹשָׁפָ֗ט וְהֵ֤מָּה אָֽמְרוּ֙ אַ֣ךְ מֶֽלֶךְ־יִשְׂרָאֵ֣ל ה֔וּא וַיָּסֻ֥רוּ עָלָ֖יו לְהִלָּחֵ֑ם וַיִּזְעַ֖ק יְהוֹשָׁפָֽט׃

‎33 ‏וַיְהִ֗י כִּרְאוֹת֙ שָׂרֵ֣י הָרֶ֔כֶב כִּֽי־לֹא־מֶ֥לֶךְ יִשְׂרָאֵ֖ל ה֑וּא וַיָּשׁ֖וּבוּ מֵאַחֲרָֽיו׃

‎34 ‏וְאִ֗ישׁ מָשַׁ֤ךְ בַּקֶּ֙שֶׁת֙ לְתֻמּ֔וֹ וַיַּכֶּה֙ אֶת־מֶ֣לֶךְ יִשְׂרָאֵ֔ל בֵּ֥ין הַדְּבָקִ֖ים וּבֵ֣ין הַשִּׁרְיָ֑ן וַיֹּ֣אמֶר לְרַכָּב֗וֹ הֲפֹ֥ךְ יָדְךָ֛ וְהוֹצִיאֵ֥נִי מִן־הַֽמַּחֲנֶ֖ה כִּ֥י הָחֳלֵֽיתִי׃

‎35 ‏וַתַּעֲלֶ֤ה הַמִּלְחָמָה֙ בַּיּ֣וֹם הַה֔וּא וְהַמֶּ֗לֶךְ הָיָ֧ה מָעֳמָ֛ד בַּמֶּרְכָּבָ֖ה נֹ֣כַח אֲרָ֑ם וַיָּ֣מָת בָּעֶ֔רֶב וַיִּ֥צֶק דַּֽם־הַמַּכָּ֖ה אֶל־חֵ֥יק הָרָֽכֶב׃

‎36 ‏וַיַּעֲבֹ֤ר הָרִנָּה֙ בַּֽמַּחֲנֶ֔ה כְּבֹ֥א הַשֶּׁ֖מֶשׁ לֵאמֹ֑ר אִ֥ישׁ אֶל־עִיר֖וֹ וְאִ֥ישׁ אֶל־אַרְצֽוֹ׃

‎37 ‏וַיָּ֣מָת הַמֶּ֔לֶךְ וַיָּב֖וֹא שֹׁמְר֑וֹן וַיִּקְבְּר֥וּ אֶת־הַמֶּ֖לֶךְ בְּשֹׁמְרֽוֹן׃

‎38 ‏וַיִּשְׁטֹ֨ף אֶת־הָרֶ֜כֶב עַ֣ל׀ בְּרֵכַ֣ת שֹׁמְר֗וֹן וַיָּלֹ֤קּוּ הַכְּלָבִים֙ אֶת־דָּמ֔וֹ וְהַזֹּנ֖וֹת רָחָ֑צוּ כִּדְבַ֥ר יְהוָ֖ה אֲשֶׁ֥ר דִּבֵּֽר׃

‎39 ‏וְיֶתֶר֩ דִּבְרֵ֨י אַחְאָ֜ב וְכָל־אֲשֶׁ֣ר עָשָׂ֗ה וּבֵ֤ית הַשֵּׁן֙ אֲשֶׁ֣ר בָּנָ֔ה וְכָל־הֶעָרִ֖ים אֲשֶׁ֣ר בָּנָ֑ה הֲלֽוֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

‎40 ‏וַיִּשְׁכַּ֥ב אַחְאָ֖ב עִם־אֲבֹתָ֑יו וַיִּמְלֹ֛ךְ אֲחַזְיָ֥הוּ בְנ֖וֹ תַּחְתָּֽיו׃ פ

‎41 ‏וִיהֽוֹשָׁפָט֙ בֶּן־אָסָ֔א מָלַ֖ךְ עַל־יְהוּדָ֑ה בִּשְׁנַ֣ת אַרְבַּ֔ע לְאַחְאָ֖ב מֶ֥לֶךְ יִשְׂרָאֵֽל׃

‎42 ‏יְהוֹשָׁפָ֗ט בֶּן־שְׁלֹשִׁ֨ים וְחָמֵ֤שׁ שָׁנָה֙ בְּמָלְכ֔וֹ וְעֶשְׂרִ֤ים וְחָמֵשׁ֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמּ֔וֹ עֲזוּבָ֖ה בַּת־שִׁלְחִֽי׃

‎43 ‏וַיֵּ֗לֶךְ בְּכָל־דֶּ֛רֶךְ אָסָ֥א אָבִ֖יו לֹא־סָ֣ר מִמֶּ֑נּוּ לַעֲשׂ֥וֹת הַיָּשָׁ֖ר בְּעֵינֵ֥י יְהוָֽה׃

‎44 ‏אַ֥ךְ הַבָּמ֖וֹת לֹֽא־סָ֑רוּ ע֥וֹד הָעָ֛ם מְזַבְּחִ֥ים וּֽמְקַטְּרִ֖ים בַּבָּמֽוֹת׃

‎45 ‏וַיַּשְׁלֵ֥ם יְהוֹשָׁפָ֖ט עִם־מֶ֥לֶךְ יִשְׂרָאֵֽל׃

‎46 ‏וְיֶ֨תֶר דִּבְרֵ֧י יְהוֹשָׁפָ֛ט וּגְבוּרָת֥וֹ אֲשֶׁר־עָשָׂ֖ה וַאֲשֶׁ֣ר נִלְחָ֑ם הֲלֹֽא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

‎47 ‏וְיֶ֙תֶר֙ הַקָּדֵ֔שׁ אֲשֶׁ֣ר נִשְׁאַ֔ר בִּימֵ֖י אָסָ֣א אָבִ֑יו בִּעֵ֖ר מִן־הָאָֽרֶץ׃

‎48 ‏וּמֶ֥לֶךְ אֵ֛ין בֶּאֱד֖וֹם נִצָּ֥ב מֶֽלֶךְ׃

‎49 ‏יְהוֹשָׁפָ֡ט עשר עָשָׂה֩ אֳנִיּ֨וֹת תַּרְשִׁ֜ישׁ לָלֶ֧כֶת אוֹפִ֛ירָה לַזָּהָ֖ב וְלֹ֣א הָלָ֑ךְ כִּֽי־נשברה נִשְׁבְּר֥וּ אֳנִיּ֖וֹת בְּעֶצְי֥וֹן גָּֽבֶר׃

‎50 ‏אָ֠ז אָמַ֞ר אֲחַזְיָ֤הוּ בֶן־אַחְאָב֙ אֶל־יְה֣וֹשָׁפָ֔ט יֵלְכ֧וּ עֲבָדַ֛י עִם־עֲבָדֶ֖יךָ בָּאֳנִיּ֑וֹת וְלֹ֥א אָבָ֖ה יְהוֹשָׁפָֽט׃

‎51 ‏וַיִּשְׁכַּ֤ב יְהֽוֹשָׁפָט֙ עִם־אֲבֹתָ֔יו וַיִּקָּבֵר֙ עִם־אֲבֹתָ֔יו בְּעִ֖יר דָּוִ֣ד אָבִ֑יו וַיִּמְלֹ֛ךְ יְהוֹרָ֥ם בְּנ֖וֹ תַּחְתָּֽיו׃ ס

‎52 ‏אֲחַזְיָ֣הוּ בֶן־אַחְאָ֗ב מָלַ֤ךְ עַל־יִשְׂרָאֵל֙ בְּשֹׁ֣מְר֔וֹן בִּשְׁנַת֙ שְׁבַ֣ע עֶשְׂרֵ֔ה לִיהוֹשָׁפָ֖ט מֶ֣לֶךְ יְהוּדָ֑ה וַיִּמְלֹ֥ךְ עַל־יִשְׂרָאֵ֖ל שְׁנָתָֽיִם׃

‎53 ‏וַיַּ֥עַשׂ הָרַ֖ע בְּעֵינֵ֣י יְהוָ֑ה וַיֵּ֗לֶךְ בְּדֶ֤רֶךְ³ אָבִיו֙ וּבְדֶ֣רֶךְ אִמּ֔וֹ וּבְדֶ֙רֶךְ֙ יָרָבְעָ֣ם בֶּן־נְבָ֔ט אֲשֶׁ֥ר הֶחֱטִ֖יא אֶת־יִשְׂרָאֵֽל׃

‎54 ‏וַֽיַּעֲבֹד֙ אֶת־הַבַּ֔עַל וַיִּֽשְׁתַּחֲוֶ֖ה ל֑וֹ וַיַּכְעֵ֗ס אֶת־יְהוָה֙ אֱלֹהֵ֣י יִשְׂרָאֵ֔ל כְּכֹ֥ל אֲשֶׁר־עָשָׂ֖ה אָבִֽיו׃

1 wayyēšəḇû šālōš šānîm ’ên miləḥāmâ bên ’ărām ûḇên yiśərā’ēl: f

2 wayəhî baššānâ haššəlîšîṯ wayyēreḏ yəhwōšāfāṭ meleḵə-yəhûḏâ ’el-meleḵə yiśərā’ēl:

3 wayyō’mer meleḵə-yiśərā’ēl ’el-‘ăḇāḏāyw hayəḏ^a‘ətem kî-lānû rāmōṯ gilə‘āḏ wa’ăn^aḥənû m^aḥəšîm miqq^aḥaṯ ’ōṯāh mîyaḏ meleḵə ’ărām:

4 wayyō’mer ’el-yəhwōšāfāṭ hăṯēlēḵə ’itî lammiləḥāmâ rāmōṯ gilə‘āḏ wayyō’mer yəhwōšāfāṭ ’el-meleḵə yiśərā’ēl kāmwōnî ḵāmwōḵā kə‘ammî ḵə‘ammeḵā kəsûsay kəsûseyḵā:

5 wayyō’mer yəhwōšāfāṭ ’el-meleḵə yiśərā’ēl dərāš-nā’ ḵayywōm ’eṯ-dəḇar yəhwâ:

6 wayyiqəbōṣ meleḵə-yiśərā’ēl ’eṯ-hannəḇî’îm kə’arəb^a‘ mē’wōṯ ’îš wayyō’mer ’ălēhem ha’ēlēḵə ‘al-rāmōṯ gilə‘āḏ lammiləḥāmâ ’im-’eḥədāl wayyō’mərû ‘ălēh wəyitēn ’ăḏōnāy bəyaḏ hammeleḵə:

7 wayyō’mer yəhwōšāfāṭ ha’ên pōh nāḇî’ layhwâ ‘wōḏ wəniḏərəšâ mē’wōṯwō:

8 wayyō’mer meleḵə-yiśərā’ēl| ’el-yəhwōšāfāṭ ‘wōḏ ’îš-’eḥāḏ liḏərōš ’eṯ-yəhwâ mē’ōṯwō wa’ănî śənē’ṯîw kî lō’-yiṯənabē’ ‘ālay ṭwōḇ kî ’im-rā‘ mîḵāyəhû ben-yiməlâ wayyō’mer yəhwōšāfāṭ ’al-yō’mar hammeleḵə kēn:

9 wayyiqərā’ meleḵə yiśərā’ēl ’el-sārîs ’eḥāḏ wayyō’mer mahărâ mîḵāyəhû ḇen-yiməlâ:

10 ûmeleḵə yiśərā’ēl wîhwōšāfāṭ meleḵə-yəhûḏâ yōšəḇîm ’îš ‘al-kisə’wō məlubāšîm bəḡāḏîm bəḡōren peṯ^aḥ š^a‘ar šōmərwōn wəḵāl-hannəḇî’îm miṯənabə’îm lifənêhem:

11 wayy^a‘aś lwō ṣiḏəqîyâ ḇen-kən^a‘ănâ qarənê ḇarəzel wayyō’mer kōh-’āmar yəhwâ bə’ēlleh tənag^aḥ ’eṯ-’ărām ‘aḏ-kallōṯām:

12 wəḵāl-hannəḇi’îm nibə’îm kēn lē’mōr ‘ălēh rāmōṯ gilə‘āḏ wəhaṣəl^aḥ wənāṯan yəhwâ bəyaḏ hammeleḵə:

13 wəhammalə’āḵə ’ăšer-hālaḵə| liqərō’ mîḵāyəhû diber ’ēlāyw lē’mōr hinnēh-nā’ diḇərê hannəḇî’îm peh-’eḥāḏ ṭwōḇ ’el-hammeleḵə yəhî-nā’ ḏəḇāreyḵā ḏəḇārəḵā kiḏəḇar ’^aḥaḏ mēhem wəḏibarətā ṭṭwōḇ:

14 wayyō’mer mîḵāyəhû ḥay-yəhwâ kî ’eṯ-’ăšer yō’mar yəhwâ ’ēlay ’ōṯwō ’ăḏabēr:

15 wayyāḇwō’ ’el-hammeleḵə wayyō’mer hammeleḵə ’ēlāyw mîḵāyəhû hănēlēḵə ’el-rāmōṯ gilə‘āḏ lammiləḥāmâ ’im-neḥədāl wayyō’mer ’ēlāyw ‘ălēh wəhaṣəl^aḥ wənāṯan yəhwâ bəyaḏ hammeleḵə:

16 wayyō’mer ’ēlāyw hammeleḵə ‘aḏ-kammeh fə‘āmîm ’ănî mašəbi‘eḵā ’ăšer lō’-ṯəḏabēr ’ēlay raq-’ĕmeṯ bəšēm yəhwâ:

17 wayyō’mer rā’îṯî ’eṯ-kāl-yiśərā’ēl nəfōṣîm ’el-hehārîm kaṣṣō’n ’ăšer ’ên-lâem rō‘eh wayyō’mer yəhwâ lō’-’ăḏōnîm lā’ēlleh yāšûḇû ’îš-ləḇêṯwō bəšālwōm:

18 wayyō’mer meleḵə-yiśərā’ēl ’el-yəhwōšāfāṭ hălwō’ ’āmarətî ’ēleyḵā lwō’-yiṯənabē’ ‘ālay ṭwōḇ kî ’im-rā‘:

19 wayyō’mer lāḵēn šəm^a‘ dəḇar-yəhwâ rā’îṯî ’eṯ-yəhwâ yōšēḇ ‘al-kisə’wō wəḵāl-ṣəḇā’ haššāmayim ‘ōmēḏ ‘ālāyw mîmînwō ûmiśśəmō’lwō:

20 wayyō’mer yəhwâ mî yəfateh ’eṯ-’^aḥə’āḇ wəy^a‘al wəyipōl bərāmōṯ gilə‘āḏ wayyō’mer zeh bəḵōh wəzeh ’ōmēr bəḵōh:

21 wayyēṣē’ hārûḥa wayy^a‘ămōḏ lifənê yəhwâ wayyō’mer ’ănî ’ăfatennû wayyō’mer yəhwâ ’ēlāyw bammâ:

22 wayyō’mer ’ēṣē’ wəhāyîṯî rûḥa šeqer bəfî kāl-nəḇî’āyw wayyō’mer təfateh wəḡam-tûḵāl ṣē’ w^a‘ăśēh-ḵēn:

23 wə‘atâ hinnēh nāṯan yəhwâ rûḥa šeqer bəfî kāl-nəḇî’eyḵā ’ēlleh wayhwâ diber ‘āleyḵā rā‘â:

24 wayyigaš ṣiḏəqîyâû ḇen-kən^a‘ănâ wayyakeh ’eṯ-mîḵāyəhû ‘al-halleḥî wayyō’mer ’ê-zeh ‘āḇar rûḥa-yəhwâ mē’itî ləḏabēr ’wōṯāḵə:

25 wayyō’mer mîḵāyəhû hinnəḵā rō’eh bayywōm hahû’ ’ăšer tāḇō’ ḥeḏer bəḥeḏer ləhēḥāḇēh:

26 wayyō’mer meleḵə yiśərā’ēl q^aḥ ’eṯ-mîḵāyəhû wahăšîḇēhû ’el-’āmōn śar-hā‘îr wə’el-ywō’āš ben-hammeleḵə:

27 wə’āmarətā kōh ’āmar hammeleḵə śîmû ’eṯ-zeh bêṯ hakele’ wəha’ăḵîluhû leḥem l^aḥaṣ ûmayim l^aḥaṣ ‘aḏ bō’î ḇəšālwōm:

28 wayyō’mer mîḵāyəhû ’im-šwōḇ tāšûḇ bəšālwōm lō’-ḏiber yəhwâ bî wayyō’mer šimə‘û ‘ammîm kullām:

29 wayy^a‘al meleḵə-yiśərā’ēl wəyhwōšāfāṭ¹ meleḵə-yəhûḏâ rāmōṯ gilə‘āḏ:

30 wayyō’mer meleḵə yiśərā’ēl ’el-yəhwōšāfāṭ hiṯəḥapēś wāḇō’ ḇammiləḥāmâ wə’atâ ləḇaš bəḡāḏeyḵā wayyiṯəḥapēś meleḵə yiśərā’ēl wayyāḇwō’ bammiləḥāmâ:

31 ûmeleḵə ’ărām ṣiûâ ’eṯ-śārê hāreḵeḇ ’ăšer-lwō šəlōšîm ûšənayim lē’mōr lō’ tillāḥămû ’eṯ-qāṭōn wə’eṯ-gāḏwōl kî ’im-’eṯ-meleḵə yiśərā’ēl ləḇadwō:

32 wayəhî kirə’wōṯ śārê hāreḵeḇ ’eṯ-yəhwōšāfāṭ wəhēmmâ ’āmərû ’aḵə meleḵə-yiśərā’ēl hû’ wayyāsurû ‘ālāyw ləhillāḥēm wayyizə‘aq yəhwōšāfāṭ:

33 wayəhî kirə’wōṯ śārê hāreḵeḇ kî-lō’-meleḵə yiśərā’ēl hû’ wayyāšûḇû mē’^aḥărāyw:

34 wə’îš māšaḵə baqqešeṯ ləṯummwō wayyakeh ’eṯ-meleḵə yiśərā’ēl bên hadəḇāqîm ûḇên hašširəyān wayyō’mer lərakāḇwō hăfōḵə yāḏəḵā wəhwōṣî’ēnî min-hamm^aḥăneh kî hāḥŏlêṯî:

35 wat^a‘ăleh hammiləḥāmâ bayywōm hahû’ wəhammeleḵə hāyâ mā‘ŏmāḏ bammerəkāḇâ nōḵ^aḥ ’ărām wayyāmāṯ bā‘ereḇ wayyiṣeq dam-hammakâ ’el-ḥêq hārāḵeḇ:

36 wayy^a‘ăḇōr hārinnâ bamm^aḥăneh kəḇō’ haššemeš lē’mōr ’îš ’el-‘îrwō wə’îš ’el-’arəṣwō:

37 wayyāmāṯ hammeleḵə wayyāḇwō’ šōmərwōn wayyiqəbərû ’eṯ-hammeleḵə bəšōmərwōn:

38 wayyišəṭōf ’eṯ-hāreḵeḇ ‘al| bərēḵaṯ šōmərwōn wayyālōqqû hakəlāḇîm ’eṯ-dāmwō wəhazzōnwōṯ rāḥāṣû kiḏəḇar yəhwâ ’ăšer dibēr:

39 wəyeṯer diḇərê ’^aḥə’āḇ wəḵāl-’ăšer ‘āśâ ûḇêṯ haššēn ’ăšer bānâ wəḵāl-he‘ārîm ’ăšer bānâ hălwō’-hēm kəṯûḇîm ‘al-sēfer diḇərê hayyāmîm ləmaləḵê yiśərā’ēl:

40 wayyišəkaḇ ’^aḥə’āḇ ‘im-’ăḇōṯāyw wayyiməlōḵə ’ăḥazəyâû ḇənwō t^aḥətāyw: f

41 wîhwōšāfāṭ ben-’āsā’ mālaḵə ‘al-yəhûḏâ bišənaṯ ’arəb^a‘ lə’^aḥə’āḇ meleḵə yiśərā’ēl:

42 yəhwōšāfāṭ ben-šəlōšîm wəḥāmēš šānâ bəmāləḵwō wə‘eśərîm wəḥāmēš šānâ mālaḵə bîrûšālāim wəšēm ’immwō ‘ăzûḇâ baṯ-šiləḥî:

43 wayyēleḵə bəḵāl-dereḵə ’āsā’ ’āḇîw lō’-sār mimmennû l^a‘ăśwōṯ hayyāšār bə‘ênê yəhwâ:

44 ’aḵə habāmwōṯ lō’-sārû ‘wōḏ hā‘ām məzabəḥîm ûməqaṭṭərîm babāmwōṯ:

45 wayyašəlēm yəhwōšāfāṭ ‘im-meleḵə yiśərā’ēl:

46 wəyeṯer diḇərê yəhwōšāfāṭ ûḡəḇûrāṯwō ’ăšer-‘āśâ wa’ăšer niləḥām hălō’-hēm kəṯûḇîm ‘al-sēfer diḇərê hayyāmîm ləmaləḵê yəhûḏâ:

47 wəyeṯer haqqāḏēš ’ăšer nišə’ar bîmê ’āsā’ ’āḇîw bi‘ēr min-hā’āreṣ:

48 ûmeleḵə ’ên be’ĕḏwōm niṣṣāḇ meleḵə:

49 yəhwōšāfāṭ ‘āśār ‘āśâ ’ŏnîywōṯ tarəšîš lāleḵeṯ ’wōfîrâ lazzâāḇ wəlō’ hālāḵə kî-nišəbərâ nišəbərû ’ŏnîywōṯ bə‘eṣəywōn gāḇer:

50 ’āz ’āmar ’ăḥazəyâû ḇen-’^aḥə’āḇ ’el-yəhwōšāfāṭ yēləḵû ‘ăḇāḏay ‘im-‘ăḇāḏeyḵā bā’ŏnîywōṯ wəlō’ ’āḇâ yəhwōšāfāṭ:

51 wayyišəkaḇ yəhwōšāfāṭ ‘im-’ăḇōṯāyw wayyiqqāḇēr ‘im-’ăḇōṯāyw bə‘îr dāwiḏ ’āḇîw wayyiməlōḵə yəhwōrām bənwō t^aḥətāyw: s

52 ’ăḥazəyâû ḇen-’^aḥə’āḇ mālaḵə ‘al-yiśərā’ēl bəšōmərwōn bišənaṯ šəḇ^a‘ ‘eśərēh lîhwōšāfāṭ meleḵə yəhûḏâ wayyiməlōḵə ‘al-yiśərā’ēl šənāṯāyim:

53 wayy^a‘aś hār^a‘ bə‘ênê yəhwâ wayyēleḵə bəḏereḵə³ ’āḇîw ûḇəḏereḵə ’immwō ûḇəḏereḵə yārāḇə‘ām ben-nəḇāṭ ’ăšer heḥĕṭî’ ’eṯ-yiśərā’ēl:

54 wayy^a‘ăḇōḏ ’eṯ-hab^a‘al wayyišət^aḥăweh lwō wayyaḵə‘ēs ’eṯ-yəhwâ ’ĕlōhê yiśərā’ēl kəḵōl ’ăšer-‘āśâ ’āḇîw:

Tanach (Hebrew): 2 Kings (2 Melakhim) Chapter 1

‎1 ‏וַיִּפְשַׁ֤ע מוֹאָב֙ בְּיִשְׂרָאֵ֔ל אַחֲרֵ֖י מ֥וֹת אַחְאָֽב׃

‎2 ‏וַיִּפֹּ֨ל אֲחַזְיָ֜ה בְּעַ֣ד הַשְּׂבָכָ֗ה בַּעֲלִיָּת֛וֹ אֲשֶׁ֥ר בְּשֹׁמְר֖וֹן וַיָּ֑חַל וַיִּשְׁלַ֣ח מַלְאָכִ֔ים וַיֹּ֤אמֶר אֲלֵהֶם֙ לְכ֣וּ דִרְשׁ֗וּ בְּבַ֤עַל זְבוּב֙ אֱלֹהֵ֣י עֶקְר֔וֹן אִם־אֶחְיֶ֖ה מֵחֳלִ֥י זֶֽה׃ ס

‎3 ‏וּמַלְאַ֣ךְ יְהוָ֗ה דִּבֶּר֙ אֶל־אֵלִיָּ֣ה הַתִּשְׁבִּ֔י ק֣וּם עֲלֵ֔ה לִקְרַ֖את מַלְאֲכֵ֣י מֶֽלֶךְ־שֹׁמְר֑וֹן וְדַבֵּ֣ר אֲלֵהֶ֔ם הַֽמִבְּלִ֤י אֵין־אֱלֹהִים֙ בְּיִשְׂרָאֵ֔ל אַתֶּם֙ הֹֽלְכִ֔ים לִדְרֹ֕שׁ בְּבַ֥עַל זְב֖וּב אֱלֹהֵ֥י עֶקְרֽוֹן׃

‎4 ‏וְלָכֵן֙ כֹּֽה־אָמַ֣ר יְהוָ֔ה הַמִּטָּ֞ה אֲשֶׁר־עָלִ֥יתָ שָּׁ֛ם לֹֽא־תֵרֵ֥ד מִמֶּ֖נָּה כִּ֣י מ֣וֹת תָּמ֑וּת וַיֵּ֖לֶךְ אֵלִיָּֽה׃

‎5 ‏וַיָּשׁ֥וּבוּ הַמַּלְאָכִ֖ים אֵלָ֑יו וַיֹּ֥אמֶר אֲלֵיהֶ֖ם מַה־זֶּ֥ה שַׁבְתֶּֽם׃

‎6 ‏וַיֹּאמְר֨וּ אֵלָ֜יו אִ֣ישׁ׀ עָלָ֣ה לִקְרָאתֵ֗נוּ וַיֹּ֣אמֶר אֵלֵינוּ֮ לְכ֣וּ שׁוּבוּ֮ אֶל־הַמֶּ֣לֶךְ אֲשֶׁר־שָׁלַ֣ח אֶתְכֶם֒ וְדִבַּרְתֶּ֣ם אֵלָ֗יו כֹּ֚ה אָמַ֣ר יְהוָ֔ה הַֽמִבְּלִ֤י אֵין־אֱלֹהִים֙ בְּיִשְׂרָאֵ֔ל אַתָּ֣ה שֹׁלֵ֔חַ לִדְרֹ֕שׁ בְּבַ֥עַל זְב֖וּב אֱלֹהֵ֣י עֶקְר֑וֹן לָ֠כֵן הַמִּטָּ֞ה אֲשֶׁר־עָלִ֥יתָ שָּׁ֛ם לֹֽא־תֵרֵ֥ד מִמֶּ֖נָּה כִּֽי־מ֥וֹת תָּמֽוּת׃

‎7 ‏וַיְדַבֵּ֣ר אֲלֵהֶ֔ם מֶ֚ה מִשְׁפַּ֣ט הָאִ֔ישׁ אֲשֶׁ֥ר עָלָ֖ה לִקְרַאתְכֶ֑ם וַיְדַבֵּ֣ר אֲלֵיכֶ֔ם אֶת־הַדְּבָרִ֖ים הָאֵֽלֶּה׃

‎8 ‏וַיֹּאמְר֣וּ אֵלָ֗יו אִ֚ישׁ בַּ֣עַל שֵׂעָ֔ר וְאֵז֥וֹר ע֖וֹר אָז֣וּר בְּמָתְנָ֑יו וַיֹּאמַ֕ר אֵלִיָּ֥ה הַתִּשְׁבִּ֖י הֽוּא׃

‎9 ‏וַיִּשְׁלַ֥ח אֵלָ֛יו שַׂר־חֲמִשִּׁ֖ים וַחֲמִשָּׁ֑יו וַיַּ֣עַל אֵלָ֗יו וְהִנֵּה֙ יֹשֵׁב֙ עַל־רֹ֣אשׁ הָהָ֔ר וַיְדַבֵּ֣ר אֵלָ֔יו אִ֚ישׁ הָֽאֱלֹהִ֔ים הַמֶּ֥לֶךְ דִּבֶּ֖ר רֵֽדָה׃

‎10 ‏וַיַּעֲנֶ֣ה אֵלִיָּ֗הוּ וַיְדַבֵּר֮ אֶל־שַׂ֣ר הַחֲמִשִּׁים֒ וְאִם־אִ֤ישׁ אֱלֹהִים֙ אָ֔נִי תֵּ֤רֶד אֵשׁ֙ מִן־הַשָּׁמַ֔יִם וְתֹאכַ֥ל אֹתְךָ֖ וְאֶת־חֲמִשֶּׁ֑יךָ וַתֵּ֤רֶד אֵשׁ֙ מִן־הַשָּׁמַ֔יִם וַתֹּ֥אכַל אֹת֖וֹ וְאֶת־חֲמִשָּֽׁיו׃

‎11 ‏וַיָּ֜שָׁב וַיִּשְׁלַ֥ח אֵלָ֛יו שַׂר־חֲמִשִּׁ֥ים אַחֵ֖ר וַחֲמִשָּׁ֑יו וַיַּ֙עַן֙ וַיְדַבֵּ֣ר אֵלָ֔יו אִ֚ישׁ הָאֱלֹהִ֔ים כֹּֽה־אָמַ֥ר הַמֶּ֖לֶךְ מְהֵרָ֥ה רֵֽדָה׃

‎12 ‏וַיַּ֣עַן אֵלִיָּה֮ וַיְדַבֵּ֣ר אֲלֵיהֶם֒ אִם־אִ֤ישׁ הָֽאֱלֹהִים֙ אָ֔נִי תֵּ֤רֶד אֵשׁ֙ מִן־הַשָּׁמַ֔יִם וְתֹאכַ֥ל אֹתְךָ֖ וְאֶת־חֲמִשֶּׁ֑יךָ וַתֵּ֤רֶד אֵשׁ־אֱלֹהִים֙ מִן־הַשָּׁמַ֔יִם וַתֹּ֥אכַל אֹת֖וֹ וְאֶת־חֲמִשָּֽׁיו׃

‎13 ‏וַיָּ֗שָׁב וַיִּשְׁלַ֛ח שַׂר־חֲמִשִּׁ֥ים שְׁלִשִׁ֖ים וַחֲמִשָּׁ֑יו וַיַּ֡עַל וַיָּבֹא֩ שַׂר־הַחֲמִשִּׁ֨ים הַשְּׁלִישִׁ֜י וַיִּכְרַ֥ע עַל־בִּרְכָּ֣יו׀ לְנֶ֣גֶד אֵלִיָּ֗הוּ וַיִּתְחַנֵּ֤ן אֵלָיו֙ וַיְדַבֵּ֣ר אֵלָ֔יו אִ֚ישׁ הָֽאֱלֹהִ֔ים תִּֽיקַר־נָ֣א נַפְשִׁ֗י וְנֶ֨פֶשׁ עֲבָדֶ֥יךָֽ אֵ֛לֶּה חֲמִשִּׁ֖ים בְּעֵינֶֽיךָ׃

‎14 ‏הִ֠נֵּה יָ֤רְדָה אֵשׁ֙ מִן־הַשָּׁמַ֔יִם וַ֠תֹּאכַל אֶת־שְׁנֵ֞י שָׂרֵ֧י הַחֲמִשִּׁ֛ים הָרִאשֹׁנִ֖ים וְאֶת־חֲמִשֵּׁיהֶ֑ם וְעַתָּ֕ה תִּיקַ֥ר נַפְשִׁ֖י בְּעֵינֶֽיךָ׃ ס

‎15 ‏וַיְדַבֵּ֞ר מַלְאַ֤ךְ יְהוָה֙ אֶל־אֵ֣לִיָּ֔הוּ רֵ֣ד אוֹת֔וֹ אַל־תִּירָ֖א מִפָּנָ֑יו וַיָּ֛קָם וַיֵּ֥רֶד אוֹת֖וֹ אֶל־הַמֶּֽלֶךְ׃

‎16 ‏וַיְדַבֵּ֨ר אֵלָ֜יו כֹּֽה־אָמַ֣ר יְהוָ֗ה יַ֜עַן אֲשֶׁר־שָׁלַ֣חְתָּ מַלְאָכִים֮ לִדְרֹשׁ֮ בְּבַ֣עַל זְבוּב֮ אֱלֹהֵ֣י עֶקְרוֹן֒ הַֽמִבְּלִ֤י אֵין־אֱלֹהִים֙ בְּיִשְׂרָאֵ֔ל לִדְרֹ֖שׁ בִּדְבָר֑וֹ לָ֠כֵן הַמִּטָּ֞ה אֲשֶׁר־עָלִ֥יתָ שָּׁ֛ם לֹֽא־תֵרֵ֥ד מִמֶּ֖נָּה כִּֽי־מ֥וֹת תָּמֽוּת׃

‎17 ‏וַיָּ֜מָת כִּדְבַ֥ר יְהוָ֣ה׀ אֲשֶׁר־דִּבֶּ֣ר אֵלִיָּ֗הוּ וַיִּמְלֹ֤ךְ יְהוֹרָם֙ תַּחְתָּ֔יו פבִּשְׁנַ֣ת שְׁתַּ֔יִם לִיהוֹרָ֥ם בֶּן־יְהוֹשָׁפָ֖ט מֶ֣לֶךְ יְהוּדָ֑ה כִּ֛י לֹֽא־הָ֥יָה ל֖וֹ בֵּֽן׃

‎18 ‏וְיֶ֛תֶר דִּבְרֵ֥י אֲחַזְיָ֖הוּ אֲשֶׁ֣ר עָשָׂ֑ה הֲלֽוֹא־הֵ֣מָּה כְתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ פ

1 wayyifəš^a‘ mwō’āḇ bəyiśərā’ēl ’^aḥărê mwōṯ ’^aḥə’āḇ:

2 wayyipōl ’ăḥazəyâ bə‘aḏ haśśəḇāḵâ b^a‘ălîyāṯwō ’ăšer bəšōmərwōn wayyāḥal wayyišəl^aḥ malə’āḵîm wayyō’mer ’ălēhem ləḵû ḏirəšû bəḇ^a‘al zəḇûḇ ’ĕlōhê ‘eqərwōn ’im-’eḥəyeh mēḥŏlî zeh: s

3 ûmalə’aḵə yəhwâ diber ’el-’ēlîyâ hatišəbî qûm ‘ălēh liqəra’ṯ malə’ăḵê meleḵə-šōmərwōn wəḏabēr ’ălēhem hamibəlî ’ên-’ĕlōhîm bəyiśərā’ēl ’atem hōləḵîm liḏərōš bəḇ^a‘al zəḇûḇ ’ĕlōhê ‘eqərwōn:

4 wəlāḵēn kōh-’āmar yəhwâ hammiṭṭâ ’ăšer-‘ālîṯā ššām lō’-ṯērēḏ mimmennâ kî mwōṯ tāmûṯ wayyēleḵə ’ēlîyâ:

5 wayyāšûḇû hammalə’āḵîm ’ēlāyw wayyō’mer ’ălêhem mah-zzeh šaḇətem:

6 wayyō’mərû ’ēlāyw ’îš| ‘ālâ liqərā’ṯēnû wayyō’mer ’ēlênû ləḵû šûḇû ’el-hammeleḵə ’ăšer-šāl^aḥ ’eṯəḵem wəḏibarətem ’ēlāyw kōh ’āmar yəhwâ hamibəlî ’ên-’ĕlōhîm bəyiśərā’ēl ’atâ šōlēḥa liḏərōš bəḇ^a‘al zəḇûḇ ’ĕlōhê ‘eqərwōn lāḵēn hammiṭṭâ ’ăšer-‘ālîṯā ššām lō’-ṯērēḏ mimmennâ kî-mwōṯ tāmûṯ:

7 wayəḏabēr ’ălēhem meh mišəpaṭ hā’îš ’ăšer ‘ālâ liqəra’ṯəḵem wayəḏabēr ’ălêḵem ’eṯ-hadəḇārîm hā’ēlleh:

8 wayyō’mərû ’ēlāyw ’îš b^a‘al śē‘ār wə’ēzwōr ‘wōr ’āzûr bəmāṯənāyw wayyō’mar ’ēlîyâ hatišəbî hû’:

9 wayyišəl^aḥ ’ēlāyw śar-ḥămiššîm w^aḥămiššāyw wayy^a‘al ’ēlāyw wəhinnēh yōšēḇ ‘al-rō’š hâār wayəḏabēr ’ēlāyw ’îš hā’ĕlōhîm hammeleḵə diber rēḏâ:

10 wayy^a‘ăneh ’ēlîyâû wayəḏabēr ’el-śar h^aḥămiššîm wə’im-’îš ’ĕlōhîm ’ānî tēreḏ ’ēš min-haššāmayim wəṯō’ḵal ’ōṯəḵā wə’eṯ-ḥămiššeyḵā watēreḏ ’ēš min-haššāmayim watō’ḵal ’ōṯwō wə’eṯ-ḥămiššāyw:

11 wayyāšāḇ wayyišəl^aḥ ’ēlāyw śar-ḥămiššîm ’^aḥēr w^aḥămiššāyw wayy^a‘an wayəḏabēr ’ēlāyw ’îš hā’ĕlōhîm kōh-’āmar hammeleḵə məhērâ rēḏâ:

12 wayy^a‘an ’ēlîyâ wayəḏabēr ’ălêhem ’im-’îš hā’ĕlōhîm ’ānî tēreḏ ’ēš min-haššāmayim wəṯō’ḵal ’ōṯəḵā wə’eṯ-ḥămiššeyḵā watēreḏ ’ēš-’ĕlōhîm min-haššāmayim watō’ḵal ’ōṯwō wə’eṯ-ḥămiššāyw:

13 wayyāšāḇ wayyišəl^aḥ śar-ḥămiššîm šəlišîm w^aḥămiššāyw wayy^a‘al wayyāḇō’ śar-h^aḥămiššîm haššəlîšî wayyiḵər^a‘ ‘al-birəkāyw| ləneḡeḏ ’ēlîyâû wayyiṯəḥannēn ’ēlāyw wayəḏabēr ’ēlāyw ’îš hā’ĕlōhîm tîqar-nā’ nafəšî wənefeš ‘ăḇāḏeyḵā ’ēlleh ḥămiššîm bə‘êneyḵā:

14 hinnēh yārəḏâ ’ēš min-haššāmayim watō’ḵal ’eṯ-šənê śārê h^aḥămiššîm hāri’šōnîm wə’eṯ-ḥămiššêhem wə‘atâ tîqar nafəšî bə‘êneyḵā: s

15 wayəḏabēr malə’aḵə yəhwâ ’el-’ēlîyâû rēḏ ’wōṯwō ’al-tîrā’ mipānāyw wayyāqām wayyēreḏ ’wōṯwō ’el-hammeleḵə:

16 wayəḏabēr ’ēlāyw kōh-’āmar yəhwâ y^a‘an ’ăšer-šāl^aḥətā malə’āḵîm liḏərōš bəḇ^a‘al zəḇûḇ ’ĕlōhê ‘eqərwōn hamibəlî ’ên-’ĕlōhîm bəyiśərā’ēl liḏərōš biḏəḇārwō lāḵēn hammiṭṭâ ’ăšer-‘ālîṯā ššām lō’-ṯērēḏ mimmennâ kî-mwōṯ tāmûṯ:

17 wayyāmāṯ kiḏəḇar yəhwâ| ’ăšer-diber ’ēlîyâû wayyiməlōḵə yəhwōrām t^aḥətāyw fbišənaṯ šətayim lîhwōrām ben-yəhwōšāfāṭ meleḵə yəhûḏâ kî lō’-hāyâ lwō bēn:

18 wəyeṯer diḇərê ’ăḥazəyâû ’ăšer ‘āśâ hălwō’-hēmmâ ḵəṯûḇîm ‘al-sēfer diḇərê hayyāmîm ləmaləḵê yiśərā’ēl: f

Tanach (Hebrew): 2 Kings (2 Melakhim) Chapter 2

‎1 ‏וַיְהִ֗י בְּהַעֲל֤וֹת יְהוָה֙ אֶת־אֵ֣לִיָּ֔הוּ בַּֽסְעָרָ֖ה הַשָּׁמָ֑יִם וַיֵּ֧לֶךְ אֵלִיָּ֛הוּ וֶאֱלִישָׁ֖ע מִן־הַגִּלְגָּֽל׃

‎2 ‏וַיֹּאמֶר֩ אֵלִיָּ֨הוּ אֶל־אֱלִישָׁ֜ע שֵֽׁב־נָ֣א פֹ֗ה כִּ֤י יְהוָה֙ שְׁלָחַ֣נִי עַד־בֵּֽית־אֵ֔ל וַיֹּ֣אמֶר אֱלִישָׁ֔ע חַי־יְהוָ֥ה וְחֵֽי־נַפְשְׁךָ֖ אִם־אֶעֶזְבֶ֑ךָּ וַיֵּרְד֖וּ בֵּֽית־אֵֽל׃

‎3 ‏וַיֵּצְא֨וּ בְנֵֽי־הַנְּבִיאִ֥ים אֲשֶׁר־בֵּֽית־אֵל֮ אֶל־אֱלִישָׁע֒ וַיֹּאמְר֣וּ אֵלָ֔יו הֲיָדַ֕עְתָּ כִּ֣י הַיּ֗וֹם יְהוָ֛ה לֹקֵ֥חַ אֶת־אֲדֹנֶ֖יךָ מֵעַ֣ל רֹאשֶׁ֑ךָ וַיֹּ֛אמֶר גַּם־אֲנִ֥י יָדַ֖עְתִּי הֶחֱשֽׁוּ׃

‎4 ‏וַיֹּאמֶר֩ ל֨וֹ אֵלִיָּ֜הוּ אֱלִישָׁ֣ע׀ שֵֽׁב־נָ֣א פֹ֗ה כִּ֤י יְהוָה֙ שְׁלָחַ֣נִי יְרִיח֔וֹ וַיֹּ֕אמֶר חַי־יְהוָ֥ה וְחֵֽי־נַפְשְׁךָ֖ אִם־אֶעֶזְבֶ֑ךָּ וַיָּבֹ֖אוּ יְרִיחֽוֹ׃

‎5 ‏וַיִּגְּשׁ֨וּ בְנֵֽי־הַנְּבִיאִ֥ים אֲשֶׁר־בִּֽירִיחוֹ֮ אֶל־אֱלִישָׁע֒ וַיֹּאמְר֣וּ אֵלָ֔יו הֲיָדַ֕עְתָּ כִּ֣י הַיּ֗וֹם יְהוָ֛ה לֹקֵ֥חַ אֶת־אֲדֹנֶ֖יךָ מֵעַ֣ל רֹאשֶׁ֑ךָ וַיֹּ֛אמֶר גַּם־אֲנִ֥י יָדַ֖עְתִּי הֶחֱשֽׁוּ׃

‎6 ‏וַיֹּאמֶר֩ ל֨וֹ אֵלִיָּ֜הוּ שֵֽׁב־נָ֣א פֹ֗ה כִּ֤י יְהוָה֙ שְׁלָחַ֣נִי הַיַּרְדֵּ֔נָה וַיֹּ֕אמֶר חַי־יְהוָ֥ה וְחֵֽי־נַפְשְׁךָ֖ אִם־אֶעֶזְבֶ֑ךָּ וַיֵּלְכ֖וּ שְׁנֵיהֶֽם׃

‎7 ‏וַחֲמִשִּׁ֨ים אִ֜ישׁ מִבְּנֵ֤י הַנְּבִיאִים֙ הָֽלְכ֔וּ וַיַּעַמְד֥וּ מִנֶּ֖גֶד מֵרָח֑וֹק וּשְׁנֵיהֶ֖ם עָמְד֥וּ עַל־הַיַּרְדֵּֽן׃

‎8 ‏וַיִּקַּח֩ אֵלִיָּ֨הוּ אֶת־אַדַּרְתּ֤וֹ וַיִּגְלֹם֙ וַיַּכֶּ֣ה אֶת־הַמַּ֔יִם וַיֵּחָצ֖וּ הֵ֣נָּה וָהֵ֑נָּה וַיַּעַבְר֥וּ שְׁנֵיהֶ֖ם בֶּחָרָבָֽה׃

‎9 ‏וַיְהִ֣י כְעָבְרָ֗ם וְאֵ֨לִיָּ֜הוּ אָמַ֤ר אֶל־אֱלִישָׁע֙ שְׁאַל֙ מָ֣ה אֶֽעֱשֶׂה־לָּ֔ךְ בְּטֶ֖רֶם אֶלָּקַ֣ח מֵעִמָּ֑ךְ וַיֹּ֣אמֶר אֱלִישָׁ֔ע וִֽיהִי־נָ֛א פִּֽי־שְׁנַ֥יִם בְּרוּחֲךָ֖ אֵלָֽי׃

‎10 ‏וַיֹּ֖אמֶר הִקְשִׁ֣יתָ לִשְׁא֑וֹל אִם־תִּרְאֶ֨ה אֹתִ֜י לֻקָּ֤ח מֵֽאִתָּךְ֙ יְהִֽי־לְךָ֣ כֵ֔ן וְאִם־אַ֖יִן לֹ֥א יִהְיֶֽה׃

‎11 ‏וַיְהִ֗י הֵ֣מָּה הֹלְכִ֤ים הָלוֹךְ֙ וְדַבֵּ֔ר וְהִנֵּ֤ה רֶֽכֶב־אֵשׁ֙ וְס֣וּסֵי אֵ֔שׁ וַיַּפְרִ֖דוּ בֵּ֣ין שְׁנֵיהֶ֑ם וַיַּ֙עַל֙ אֵ֣לִיָּ֔הוּ בַּֽסְּעָרָ֖ה³ הַשָּׁמָֽיִם׃

‎12 ‏וֶאֱלִישָׁ֣ע רֹאֶ֗ה וְה֤וּא מְצַעֵק֙ אָבִ֣י׀ אָבִ֗י רֶ֤כֶב יִשְׂרָאֵל֙ וּפָ֣רָשָׁ֔יו וְלֹ֥א רָאָ֖הוּ ע֑וֹד וַֽיַּחֲזֵק֙ בִּבְגָדָ֔יו וַיִּקְרָעֵ֖ם לִשְׁנַ֥יִם קְרָעִֽים׃

‎13 ‏וַיָּ֙רֶם֙ אֶת־אַדֶּ֣רֶת אֵלִיָּ֔הוּ אֲשֶׁ֥ר נָפְלָ֖ה מֵעָלָ֑יו וַיָּ֥שָׁב וַֽיַּעֲמֹ֖ד עַל־שְׂפַ֥ת הַיַּרְדֵּֽן׃

‎14 ‏וַיִּקַּח֩ אֶת־אַדֶּ֨רֶת אֵלִיָּ֜הוּ אֲשֶׁר־נָפְלָ֤ה מֵֽעָלָיו֙ וַיַּכֶּ֣ה אֶת־הַמַּ֔יִם וַיֹּאמַ֕ר אַיֵּ֕ה יְהוָ֖ה אֱלֹהֵ֣י אֵלִיָּ֑הוּ אַף־ה֣וּא׀ וַיַּכֶּ֣ה אֶת־הַמַּ֗יִם וַיֵּֽחָצוּ֙ הֵ֣נָּה וָהֵ֔נָּה וַֽיַּעֲבֹ֖ר אֱלִישָֽׁע׃

‎15 ‏וַיִּרְאֻ֨הוּ בְנֵֽי־הַנְּבִיאִ֤ים אֲשֶׁר־בִּֽירִיחוֹ֙ מִנֶּ֔גֶד וַיֹּ֣אמְר֔וּ נָ֛חָה ר֥וּחַ אֵלִיָּ֖הוּ עַל־אֱלִישָׁ֑ע וַיָּבֹ֙אוּ֙ לִקְרָאת֔וֹ וַיִּשְׁתַּחֲווּ־ל֖וֹ אָֽרְצָה׃

‎16 ‏וַיֹּאמְר֣וּ אֵלָ֡יו הִנֵּה־נָ֣א יֵֽשׁ־אֶת־עֲבָדֶיךָ֩ חֲמִשִּׁ֨ים אֲנָשִׁ֜ים בְּנֵֽי־חַ֗יִל יֵ֣לְכוּ נָא֮ וִיבַקְשׁ֣וּ אֶת־אֲדֹנֶיךָ֒ פֶּן־נְשָׂאוֹ֙ ר֣וּחַ יְהוָ֔ה וַיַּשְׁלִכֵ֙הוּ֙ בְּאַחַ֣ד הֶהָרִ֔ים א֖וֹ בְּאַחַ֣ת הגיאות הַגֵּאָי֑וֹת וַיֹּ֖אמֶר לֹ֥א תִשְׁלָֽחוּ׃

‎17 ‏וַיִּפְצְרוּ־ב֥וֹ עַד־בֹּ֖שׁ וַיֹּ֣אמֶר שְׁלָ֑חוּ וַֽיִּשְׁלְחוּ֙ חֲמִשִּׁ֣ים אִ֔ישׁ וַיְבַקְשׁ֥וּ שְׁלֹשָֽׁה־יָמִ֖ים וְלֹ֥א מְצָאֻֽהוּ׃

‎18 ‏וַיָּשֻׁ֣בוּ אֵלָ֔יו וְה֖וּא יֹשֵׁ֣ב בִּירִיח֑וֹ וַיֹּ֣אמֶר אֲלֵהֶ֔ם הֲלֽוֹא־אָמַ֥רְתִּי אֲלֵיכֶ֖ם אַל־תֵּלֵֽכוּ׃

‎19 ‏וַיֹּ֨אמְר֜וּ אַנְשֵׁ֤י הָעִיר֙ אֶל־אֱלִישָׁ֔ע הִנֵּה־נָ֞א מוֹשַׁ֤ב הָעִיר֙ ט֔וֹב כַּאֲשֶׁ֥ר אֲדֹנִ֖י רֹאֶ֑ה וְהַמַּ֥יִם רָעִ֖ים וְהָאָ֥רֶץ מְשַׁכָּֽלֶת׃

‎20 ‏וַיֹּ֗אמֶר קְחוּ־לִי֙ צְלֹחִ֣ית חֲדָשָׁ֔ה וְשִׂ֥ימוּ שָׁ֖ם מֶ֑לַח וַיִּקְח֖וּ אֵלָֽיו׃

‎21 ‏וַיֵּצֵא֙ אֶל־מוֹצָ֣א הַמַּ֔יִם וַיַּשְׁלֶךְ־שָׁ֖ם מֶ֑לַח וַיֹּ֜אמֶר כֹּֽה־אָמַ֣ר יְהוָ֗ה רִפִּ֙אתִי֙ לַמַּ֣יִם הָאֵ֔לֶּה לֹֽא־יִהְיֶ֥ה מִשָּׁ֛ם ע֖וֹד מָ֥וֶת וּמְשַׁכָּֽלֶת׃

‎22 ‏וַיֵּרָפ֣וּ הַמַּ֔יִם עַ֖ד הַיּ֣וֹם הַזֶּ֑ה כִּדְבַ֥ר אֱלִישָׁ֖ע אֲשֶׁ֥ר דִּבֵּֽר׃ פ

‎23 ‏וַיַּ֥עַל מִשָּׁ֖ם בֵּֽית־אֵ֑ל וְה֣וּא׀ עֹלֶ֣ה בַדֶּ֗רֶךְ וּנְעָרִ֤ים קְטַנִּים֙ יָצְא֣וּ מִן־הָעִ֔יר וַיִּתְקַלְּסוּ־בוֹ֙ וַיֹּ֣אמְרוּ ל֔וֹ עֲלֵ֥ה קֵרֵ֖חַ עֲלֵ֥ה קֵרֵֽחַ׃

‎24 ‏וַיִּ֤פֶן אַֽחֲרָיו֙ וַיִּרְאֵ֔ם וַֽיְקַלְלֵ֖ם בְּשֵׁ֣ם יְהוָ֑ה וַתֵּצֶ֨אנָה שְׁתַּ֤יִם דֻּבִּים֙ מִן־הַיַּ֔עַר וַתְּבַקַּ֣עְנָה מֵהֶ֔ם אַרְבָּעִ֥ים וּשְׁנֵ֖י יְלָדִֽים׃

‎25 ‏וַיֵּ֥לֶךְ מִשָּׁ֖ם אֶל־הַ֣ר הַכַּרְמֶ֑ל וּמִשָּׁ֖ם שָׁ֥ב שֹׁמְרֽוֹן׃ פ

1 wayəhî bəh^a‘ălwōṯ yəhwâ ’eṯ-’ēlîyâû basə‘ārâ haššāmāyim wayyēleḵə ’ēlîyâû we’ĕlîšā‘ min-hagiləgāl:

2 wayyō’mer ’ēlîyâû ’el-’ĕlîšā‘ šēḇ-nā’ fōh kî yəhwâ šəlāḥanî ‘aḏ-bêṯ-’ēl wayyō’mer ’ĕlîšā‘ ḥay-yəhwâ wəḥê-nafəšəḵā ’im-’e‘ezəḇeḵḵā wayyērəḏû bêṯ-’ēl:

3 wayyēṣə’û ḇənê-hannəḇî’îm ’ăšer-bêṯ-’ēl ’el-’ĕlîšā‘ wayyō’mərû ’ēlāyw hăyāḏ^a‘ətā kî hayywōm yəhwâ lōqēḥa ’eṯ-’ăḏōneyḵā mē‘al rō’šeḵā wayyō’mer gam-’ănî yāḏ^a‘ətî heḥĕšû:

4 wayyō’mer lwō ’ēlîyâû ’ĕlîšā‘| šēḇ-nā’ fōh kî yəhwâ šəlāḥanî yərîḥwō wayyō’mer ḥay-yəhwâ wəḥê-nafəšəḵā ’im-’e‘ezəḇeḵḵā wayyāḇō’û yərîḥwō:

5 wayyigəšû ḇənê-hannəḇî’îm ’ăšer-bîrîḥwō ’el-’ĕlîšā‘ wayyō’mərû ’ēlāyw hăyāḏ^a‘ətā kî hayywōm yəhwâ lōqēḥa ’eṯ-’ăḏōneyḵā mē‘al rō’šeḵā wayyō’mer gam-’ănî yāḏ^a‘ətî heḥĕšû:

6 wayyō’mer lwō ’ēlîyâû šēḇ-nā’ fōh kî yəhwâ šəlāḥanî hayyarədēnâ wayyō’mer ḥay-yəhwâ wəḥê-nafəšəḵā ’im-’e‘ezəḇeḵḵā wayyēləḵû šənêhem:

7 w^aḥămiššîm ’îš mibənê hannəḇî’îm hāləḵû wayy^a‘aməḏû minneḡeḏ mērāḥwōq ûšənêhem ‘āməḏû ‘al-hayyarədēn:

8 wayyiqq^aḥ ’ēlîyâû ’eṯ-’adarətwō wayyiḡəlōm wayyakeh ’eṯ-hammayim wayyēḥāṣû hēnnâ wâēnnâ wayy^a‘aḇərû šənêhem beḥārāḇâ:

9 wayəhî ḵə‘āḇərām wə’ēlîyâû ’āmar ’el-’ĕlîšā‘ šə’al mâ ’e‘ĕśeh-llāḵə bəṭerem ’ellāq^aḥ mē‘immāḵə wayyō’mer ’ĕlîšā‘ wîhî-nā’ pî-šənayim bərûḥăḵā ’ēlāy:

10 wayyō’mer hiqəšîṯā lišə’wōl ’im-tirə’eh ’ōṯî luqqāḥ mē’itāḵə yəhî-ləḵā ḵēn wə’im-’ayin lō’ yihəyeh:

11 wayəhî hēmmâ hōləḵîm hālwōḵə wəḏabēr wəhinnēh reḵeḇ-’ēš wəsûsê ’ēš wayyafəriḏû bên šənêhem wayy^a‘al ’ēlîyâû bassə‘ārâ³ haššāmāyim:

12 we’ĕlîšā‘ rō’eh wəhû’ məṣ^a‘ēq ’āḇî| ’āḇî reḵeḇ yiśərā’ēl ûfārāšāyw wəlō’ rā’âû ‘wōḏ wayy^aḥăzēq biḇəḡāḏāyw wayyiqərā‘ēm lišənayim qərā‘îm:

13 wayyārem ’eṯ-’adereṯ ’ēlîyâû ’ăšer nāfəlâ mē‘ālāyw wayyāšāḇ wayy^a‘ămōḏ ‘al-śəfaṯ hayyarədēn:

14 wayyiqq^aḥ ’eṯ-’adereṯ ’ēlîyâû ’ăšer-nāfəlâ mē‘ālāyw wayyakeh ’eṯ-hammayim wayyō’mar ’ayyēh yəhwâ ’ĕlōhê ’ēlîyâû ’af-hû’| wayyakeh ’eṯ-hammayim wayyēḥāṣû hēnnâ wâēnnâ wayy^a‘ăḇōr ’ĕlîšā‘:

15 wayyirə’uhû ḇənê-hannəḇî’îm ’ăšer-bîrîḥwō minneḡeḏ wayyō’mərû nāḥâ rûḥa ’ēlîyâû ‘al-’ĕlîšā‘ wayyāḇō’û liqərā’ṯwō wayyišət^aḥăwû-lwō ’ārəṣâ:

16 wayyō’mərû ’ēlāyw hinnēh-nā’ yēš-’eṯ-‘ăḇāḏeyḵā ḥămiššîm ’ănāšîm bənê-ḥayil yēləḵû nā’ wîḇaqəšû ’eṯ-’ăḏōneyḵā pen-nəśā’wō rûḥa yəhwâ wayyašəliḵēhû bə’^aḥaḏ hehārîm ’wō bə’^aḥaṯ hagəyā’wōṯ hagē’āywōṯ wayyō’mer lō’ ṯišəlāḥû:

17 wayyifəṣərû-ḇwō ‘aḏ-bōš wayyō’mer šəlāḥû wayyišələḥû ḥămiššîm ’îš wayəḇaqəšû šəlōšâ-yāmîm wəlō’ məṣā’uhû:

18 wayyāšuḇû ’ēlāyw wəhû’ yōšēḇ bîrîḥwō wayyō’mer ’ălēhem hălwō’-’āmarətî ’ălêḵem ’al-tēlēḵû:

19 wayyō’mərû ’anəšê hā‘îr ’el-’ĕlîšā‘ hinnēh-nā’ mwōšaḇ hā‘îr ṭwōḇ ka’ăšer ’ăḏōnî rō’eh wəhammayim rā‘îm wəhā’āreṣ məšakāleṯ:

20 wayyō’mer qəḥû-lî ṣəlōḥîṯ ḥăḏāšâ wəśîmû šām mel^aḥ wayyiqəḥû ’ēlāyw:

21 wayyēṣē’ ’el-mwōṣā’ hammayim wayyašəleḵə-šām mel^aḥ wayyō’mer kōh-’āmar yəhwâ ripi’ṯî lammayim hā’ēlleh lō’-yihəyeh miššām ‘wōḏ māweṯ ûməšakāleṯ:

22 wayyērāfû hammayim ‘aḏ hayywōm hazzeh kiḏəḇar ’ĕlîšā‘ ’ăšer dibēr: f

23 wayy^a‘al miššām bêṯ-’ēl wəhû’| ‘ōleh ḇadereḵə ûnə‘ārîm qəṭannîm yāṣə’û min-hā‘îr wayyiṯəqalləsû-ḇwō wayyō’mərû lwō ‘ălēh qērēḥa ‘ălēh qērēḥa:

24 wayyifen ’^aḥărāyw wayyirə’ēm wayəqaləlēm bəšēm yəhwâ watēṣe’nâ šətayim dubîm min-hayy^a‘ar watəḇaqq^a‘ənâ mēhem ’arəbā‘îm ûšənê yəlāḏîm:

25 wayyēleḵə miššām ’el-har hakarəmel ûmiššām šāḇ šōmərwōn: f

Tanach (Hebrew): 2 Kings (2 Melakhim) Chapter 3

‎1 ‏וִיהוֹרָ֣ם בֶּן־אַחְאָ֗ב מָלַ֤ךְ עַל־יִשְׂרָאֵל֙ בְּשֹׁ֣מְר֔וֹן בִּשְׁנַת֙ שְׁמֹנֶ֣ה עֶשְׂרֵ֔ה לִיהוֹשָׁפָ֖ט מֶ֣לֶךְ יְהוּדָ֑ה וַיִּמְלֹ֖ךְ שְׁתֵּים־עֶשְׂרֵ֥ה שָׁנָֽה׃

‎2 ‏וַיַּעֲשֶׂ֤ה הָרַע֙ בְּעֵינֵ֣י יְהוָ֔ה רַ֕ק לֹ֥א כְאָבִ֖יו וּכְאִמּ֑וֹ וַיָּ֙סַר֙ אֶת־מַצְּבַ֣ת הַבַּ֔עַל אֲשֶׁ֥ר עָשָׂ֖ה אָבִֽיו׃

‎3 ‏רַ֠ק בְּחַטֹּ֞אות יָרָבְעָ֧ם בֶּֽן־נְבָ֛ט אֲשֶׁר־הֶחֱטִ֥יא אֶת־יִשְׂרָאֵ֖ל דָּבֵ֑ק לֹא־סָ֖ר מִמֶּֽנָּה׃ ס

‎4 ‏וּמֵישַׁ֥ע מֶֽלֶךְ־מוֹאָ֖ב הָיָ֣ה נֹקֵ֑ד וְהֵשִׁ֤יב לְמֶֽלֶךְ־יִשְׂרָאֵל֙ מֵאָה־אֶ֣לֶף כָּרִ֔ים וּמֵ֥אָה אֶ֖לֶף אֵילִ֥ים צָֽמֶר׃

‎5 ‏וַיְהִ֖י כְּמ֣וֹת אַחְאָ֑ב וַיִּפְשַׁ֥ע מֶֽלֶךְ־מוֹאָ֖ב בְּמֶ֥לֶךְ יִשְׂרָאֵֽל׃

‎6 ‏וַיֵּצֵ֞א הַמֶּ֧לֶךְ יְהוֹרָ֛ם בַּיּ֥וֹם הַה֖וּא מִשֹּׁמְר֑וֹן וַיִּפְקֹ֖ד אֶת־כָּל־יִשְׂרָאֵֽל׃

‎7 ‏וַיֵּ֡לֶךְ וַיִּשְׁלַח֩ אֶל־יְהוֹשָׁפָ֨ט מֶֽלֶךְ־יְהוּדָ֜ה לֵאמֹ֗ר מֶ֤לֶךְ מוֹאָב֙ פָּשַׁ֣ע בִּ֔י הֲתֵלֵ֥ךְ אִתִּ֛י אֶל־מוֹאָ֖ב לַמִּלְחָמָ֑ה וַיֹּ֣אמֶר אֶעֱלֶ֔ה כָּמ֧וֹנִי כָמ֛וֹךָ כְּעַמִּ֥י כְעַמֶּ֖ךָ כְּסוּסַ֥י כְּסוּסֶֽיךָ׃

‎8 ‏וַיֹּ֕אמֶר אֵי־זֶ֥ה הַדֶּ֖רֶךְ נַעֲלֶ֑ה וַיֹּ֕אמֶר דֶּ֖רֶךְ מִדְבַּ֥ר אֱדֽוֹם׃

‎9 ‏וַיֵּלֶךְ֩ מֶ֨לֶךְ יִשְׂרָאֵ֤ל וּמֶֽלֶך־יְהוּדָה֙¹ וּמֶ֣לֶךְ אֱד֔וֹם וַיָּסֹ֕בּוּ דֶּ֖רֶךְ שִׁבְעַ֣ת יָמִ֑ים וְלֹא־הָיָ֨ה מַ֧יִם לַֽמַּחֲנֶ֛ה וְלַבְּהֵמָ֖ה אֲשֶׁ֥ר בְּרַגְלֵיהֶֽם׃

‎10 ‏וַיֹּ֖אמֶר מֶ֣לֶךְ יִשְׂרָאֵ֑ל אֲהָ֕הּ כִּֽי־קָרָ֣א יְהוָ֗ה לִשְׁלֹ֙שֶׁת֙³ הַמְּלָכִ֣ים הָאֵ֔לֶּה לָתֵ֥ת אוֹתָ֖ם בְּיַד־מוֹאָֽב׃

‎11 ‏וַיֹּ֣אמֶר יְהוֹשָׁפָ֗ט הַאֵ֨ין פֹּ֤ה נָבִיא֙ לַֽיהוָ֔ה וְנִדְרְשָׁ֥ה אֶת־יְהוָ֖ה מֵאוֹת֑וֹ וַ֠יַּעַן אֶחָ֞ד מֵעַבְדֵ֤י מֶֽלֶךְ־יִשְׂרָאֵל֙ וַיֹּ֔אמֶר פֹּ֚ה אֱלִישָׁ֣ע בֶּן־שָׁפָ֔ט אֲשֶׁר־יָ֥צַק מַ֖יִם עַל־יְדֵ֥י אֵלִיָּֽהוּ׃

‎12 ‏וַיֹּ֙אמֶר֙ יְה֣וֹשָׁפָ֔ט יֵ֥שׁ אוֹת֖וֹ דְּבַר־יְהוָ֑ה וַיֵּרְד֣וּ אֵלָ֗יו מֶ֧לֶךְ יִשְׂרָאֵ֛ל וִיהוֹשָׁפָ֖ט וּמֶ֥לֶךְ אֱדֽוֹם׃

‎13 ‏וַיֹּ֨אמֶר אֱלִישָׁ֜ע אֶל־מֶ֤לֶךְ יִשְׂרָאֵל֙ מַה־לִּ֣י וָלָ֔ךְ לֵ֚ךְ אֶל־נְבִיאֵ֣י אָבִ֔יךָ וְאֶל־נְבִיאֵ֖י אִמֶּ֑ךָ וַיֹּ֤אמֶר לוֹ֙ מֶ֣לֶךְ יִשְׂרָאֵ֔ל אַ֗ל כִּֽי־קָרָ֤א יְהוָה֙ לִשְׁלֹ֙שֶׁת֙ הַמְּלָכִ֣ים הָאֵ֔לֶּה לָתֵ֥ת אוֹתָ֖ם בְּיַד־מוֹאָֽב׃

‎14 ‏וַיֹּ֣אמֶר אֱלִישָׁ֗ע חַי־יְהוָ֤ה צְבָאוֹת֙ אֲשֶׁ֣ר עָמַ֣דְתִּי לְפָנָ֔יו כִּ֗י לוּלֵ֛י פְּנֵ֛י יְהוֹשָׁפָ֥ט מֶֽלֶךְ־יְהוּדָ֖ה אֲנִ֣י נֹשֵׂ֑א אִם־אַבִּ֥יט אֵלֶ֖יךָ וְאִם־אֶרְאֶֽךָּ׃

‎15 ‏וְעַתָּ֖ה קְחוּ־לִ֣י מְנַגֵּ֑ן וְהָיָה֙ כְּנַגֵּ֣ן הַֽמְנַגֵּ֔ן וַתְּהִ֥י עָלָ֖יו יַד־יְהוָֽה׃

‎16 ‏וַיֹּ֕אמֶר כֹּ֖ה אָמַ֣ר יְהוָ֑ה עָשֹׂ֛ה הַנַּ֥חַל הַזֶּ֖ה גֵּבִ֥ים׀ גֵּבִֽים׃

‎17 ‏כִּֽי־כֹ֣ה׀ אָמַ֣ר יְהוָ֗ה לֹֽא־תִרְא֥וּ ר֙וּחַ֙ וְלֹֽא־תִרְא֣וּ גֶ֔שֶׁם וְהַנַּ֥חַל הַה֖וּא יִמָּ֣לֵא מָ֑יִם וּשְׁתִיתֶ֛ם אַתֶּ֥ם וּמִקְנֵיכֶ֖ם וּֽבְהֶמְתְּכֶֽם׃

‎18 ‏וְנָקַ֥ל זֹ֖את בְּעֵינֵ֣י יְהוָ֑ה וְנָתַ֥ן אֶת־מוֹאָ֖ב בְּיֶדְכֶֽם׃

‎19 ‏וְהִכִּיתֶ֞ם כָּל־עִ֤יר מִבְצָר֙ וְכָל־עִ֣יר מִבְח֔וֹר וְכָל־עֵ֥ץ טוֹב֙ תַּפִּ֔ילוּ וְכָל־מַעְיְנֵי־מַ֖יִם תִּסְתֹּ֑מוּ וְכֹל֙ הַחֶלְקָ֣ה הַטּוֹבָ֔ה תַּכְאִ֖בוּ בָּאֲבָנִֽים׃

‎20 ‏וַיְהִ֤י בַבֹּ֙קֶר֙ כַּעֲל֣וֹת הַמִּנְחָ֔ה וְהִנֵּה־מַ֥יִם בָּאִ֖ים מִדֶּ֣רֶךְ אֱד֑וֹם וַתִּמָּלֵ֥א הָאָ֖רֶץ אֶת־הַמָּֽיִם׃

‎21 ‏וְכָל־מוֹאָב֙ שָֽׁמְע֔וּ כִּֽי־עָל֥וּ הַמְּלָכִ֖ים לְהִלָּ֣חֶם בָּ֑ם וַיִּצָּעֲק֗וּ מִכֹּ֨ל חֹגֵ֤ר חֲגֹרָה֙ וָמַ֔עְלָה וַיַּעַמְד֖וּ עַֽל־הַגְּבֽוּל׃

‎22 ‏וַיַּשְׁכִּ֣ימוּ בַבֹּ֔קֶר וְהַשֶּׁ֖מֶשׁ זָרְחָ֣ה עַל־הַמָּ֑יִם וַיִּרְא֨וּ מוֹאָ֥ב מִנֶּ֛גֶד אֶת־הַמַּ֖יִם אֲדֻמִּ֥ים כַּדָּֽם׃

‎23 ‏וַיֹּֽאמְרוּ֙ דָּ֣ם זֶ֔ה הָחֳרֵ֤ב נֶֽחֶרְבוּ֙ הַמְּלָכִ֔ים וַיַּכּ֖וּ אִ֣ישׁ אֶת־רֵעֵ֑הוּ וְעַתָּ֥ה לַשָּׁלָ֖ל מוֹאָֽב׃

‎24 ‏וַיָּבֹאוּ֮ אֶל־מַחֲנֵ֣ה יִשְׂרָאֵל֒ וַיָּקֻ֤מוּ יִשְׂרָאֵל֙ וַיַּכּ֣וּ אֶת־מוֹאָ֔ב וַיָּנֻ֖סוּ מִפְּנֵיהֶ֑ם ויבו־ וַיַּכּוּ־ בָ֔הּ וְהַכּ֖וֹת אֶת־מוֹאָֽב׃

‎25 ‏וְהֶעָרִ֣ים יַהֲרֹ֡סוּ וְכָל־חֶלְקָ֣ה ט֠וֹבָה יַשְׁלִ֨יכוּ אִישׁ־אַבְנ֜וֹ וּמִלְא֗וּהָ וְכָל־מַעְיַן־מַ֤יִם יִסְתֹּ֙מוּ֙ וְכָל־עֵֽץ־ט֣וֹב יַפִּ֔ילוּ עַד־הִשְׁאִ֧יר אֲבָנֶ֛יהָ בַּקִּ֖יר חֲרָ֑שֶׂת וַיָּסֹ֥בּוּ הַקַּלָּעִ֖ים וַיַּכּֽוּהָ׃

‎26 ‏וַיַּרְא֙ מֶ֣לֶךְ מוֹאָ֔ב כִּֽי־חָזַ֥ק מִמֶּ֖נּוּ הַמִּלְחָמָ֑ה וַיִּקַּ֣ח א֠וֹתוֹ שְׁבַע־מֵא֨וֹת אִ֜ישׁ שֹׁ֣לֵֽף חֶ֗רֶב לְהַבְקִ֛יעַ אֶל־מֶ֥לֶךְ אֱד֖וֹם וְלֹ֥א יָכֹֽלוּ׃

‎27 ‏וַיִּקַּח֩ אֶת־בְּנ֨וֹ הַבְּכ֜וֹר אֲשֶׁר־יִמְלֹ֣ךְ תַּחְתָּ֗יו וַיַּעֲלֵ֤הוּ עֹלָה֙ עַל־הַ֣חֹמָ֔ה וַיְהִ֥י קֶצֶף־גָּד֖וֹל עַל־יִשְׂרָאֵ֑ל וַיִּסְעוּ֙ מֵֽעָלָ֔יו וַיָּשֻׁ֖בוּ לָאָֽרֶץ׃ פ

1 wîhwōrām ben-’^aḥə’āḇ mālaḵə ‘al-yiśərā’ēl bəšōmərwōn bišənaṯ šəmōneh ‘eśərēh lîhwōšāfāṭ meleḵə yəhûḏâ wayyiməlōḵə šətêm-‘eśərēh šānâ:

2 wayy^a‘ăśeh hār^a‘ bə‘ênê yəhwâ raq lō’ ḵə’āḇîw ûḵə’immwō wayyāsar ’eṯ-maṣṣəḇaṯ hab^a‘al ’ăšer ‘āśâ ’āḇîw:

3 raq bəḥaṭṭō’wṯ yārāḇə‘ām ben-nəḇāṭ ’ăšer-heḥĕṭî’ ’eṯ-yiśərā’ēl dāḇēq lō’-sār mimmennâ: s

4 ûmêš^a‘ meleḵə-mwō’āḇ hāyâ nōqēḏ wəhēšîḇ ləmeleḵə-yiśərā’ēl mē’â-’elef kārîm ûmē’â ’elef ’êlîm ṣāmer:

5 wayəhî kəmwōṯ ’^aḥə’āḇ wayyifəš^a‘ meleḵə-mwō’āḇ bəmeleḵə yiśərā’ēl:

6 wayyēṣē’ hammeleḵə yəhwōrām bayywōm hahû’ miššōmərwōn wayyifəqōḏ ’eṯ-kāl-yiśərā’ēl:

7 wayyēleḵə wayyišəl^aḥ ’el-yəhwōšāfāṭ meleḵə-yəhûḏâ lē’mōr meleḵə mwō’āḇ pāš^a‘ bî hăṯēlēḵə ’itî ’el-mwō’āḇ lammiləḥāmâ wayyō’mer ’e‘ĕleh kāmwōnî ḵāmwōḵā kə‘ammî ḵə‘ammeḵā kəsûsay kəsûseyḵā:

8 wayyō’mer ’ê-zeh hadereḵə n^a‘ăleh wayyō’mer dereḵə miḏəbar ’ĕḏwōm:

9 wayyēleḵə meleḵə yiśərā’ēl ûmeleḵ-yəhûḏâ¹ ûmeleḵə ’ĕḏwōm wayyāsōbû dereḵə šiḇə‘aṯ yāmîm wəlō’-hāyâ mayim lamm^aḥăneh wəlabəhēmâ ’ăšer bəraḡəlêhem:

10 wayyō’mer meleḵə yiśərā’ēl ’ăhāh kî-qārā’ yəhwâ lišəlōšeṯ³ hamməlāḵîm hā’ēlleh lāṯēṯ ’wōṯām bəyaḏ-mwō’āḇ:

11 wayyō’mer yəhwōšāfāṭ ha’ên pōh nāḇî’ layhwâ wəniḏərəšâ ’eṯ-yəhwâ mē’wōṯwō wayy^a‘an ’eḥāḏ mē‘aḇəḏê meleḵə-yiśərā’ēl wayyō’mer pōh ’ĕlîšā‘ ben-šāfāṭ ’ăšer-yāṣaq mayim ‘al-yəḏê ’ēlîyâû:

12 wayyō’mer yəhwōšāfāṭ yēš ’wōṯwō dəḇar-yəhwâ wayyērəḏû ’ēlāyw meleḵə yiśərā’ēl wîhwōšāfāṭ ûmeleḵə ’ĕḏwōm:

13 wayyō’mer ’ĕlîšā‘ ’el-meleḵə yiśərā’ēl mah-llî wālāḵə lēḵə ’el-nəḇî’ê ’āḇîḵā wə’el-nəḇî’ê ’immeḵā wayyō’mer lwō meleḵə yiśərā’ēl ’al kî-qārā’ yəhwâ lišəlōšeṯ hamməlāḵîm hā’ēlleh lāṯēṯ ’wōṯām bəyaḏ-mwō’āḇ:

14 wayyō’mer ’ĕlîšā‘ ḥay-yəhwâ ṣəḇā’wōṯ ’ăšer ‘āmaḏətî ləfānāyw kî lûlê pənê yəhwōšāfāṭ meleḵə-yəhûḏâ ’ănî nōśē’ ’im-’abîṭ ’ēleyḵā wə’im-’erə’eḵḵā:

15 wə‘atâ qəḥû-lî mənagēn wəhāyâ kənagēn hamənagēn watəhî ‘ālāyw yaḏ-yəhwâ:

16 wayyō’mer kōh ’āmar yəhwâ ‘āśōh hann^aḥal hazzeh gēḇîm| gēḇîm:

17 kî-ḵōh| ’āmar yəhwâ lō’-ṯirə’û rûḥa wəlō’-ṯirə’û ḡešem wəhann^aḥal hahû’ yimmālē’ māyim ûšəṯîṯem ’atem ûmiqənêḵem ûḇəhemətəḵem:

18 wənāqal zō’ṯ bə‘ênê yəhwâ wənāṯan ’eṯ-mwō’āḇ bəyeḏəḵem:

19 wəhikîṯem kāl-‘îr miḇəṣār wəḵāl-‘îr miḇəḥwōr wəḵāl-‘ēṣ ṭwōḇ tapîlû wəḵāl-m^a‘əyənê-mayim tisətōmû wəḵōl h^aḥeləqâ haṭṭwōḇâ taḵə’iḇû bā’ăḇānîm:

20 wayəhî ḇabōqer k^a‘ălwōṯ hamminəḥâ wəhinnēh-mayim bā’îm midereḵə ’ĕḏwōm watimmālē’ hā’āreṣ ’eṯ-hammāyim:

21 wəḵāl-mwō’āḇ šāmə‘û kî-‘ālû hamməlāḵîm ləhillāḥem bām wayyiṣṣā‘ăqû mikōl ḥōḡēr ḥăḡōrâ wām^a‘əlâ wayy^a‘aməḏû ‘al-hagəḇûl:

22 wayyašəkîmû ḇabōqer wəhaššemeš zārəḥâ ‘al-hammāyim wayyirə’û mwō’āḇ minneḡeḏ ’eṯ-hammayim ’ăḏummîm kadām:

23 wayyō’mərû dām zeh hāḥŏrēḇ neḥerəḇû hamməlāḵîm wayyakû ’îš ’eṯ-rē‘ēhû wə‘atâ laššālāl mwō’āḇ:

24 wayyāḇō’û ’el-m^aḥănēh yiśərā’ēl wayyāqumû yiśərā’ēl wayyakû ’eṯ-mwō’āḇ wayyānusû mipənêhem wayyāḇwō- wayyakû- ḇāh wəhakwōṯ ’eṯ-mwō’āḇ:

25 wəhe‘ārîm yahărōsû wəḵāl-ḥeləqâ ṭwōḇâ yašəlîḵû ’îš-’aḇənwō ûmilə’ûhā wəḵāl-m^a‘əyan-mayim yisətōmû wəḵāl-‘ēṣ-ṭwōḇ yapîlû ‘aḏ-hišə’îr ’ăḇāneyhā baqqîr ḥărāśeṯ wayyāsōbû haqqallā‘îm wayyakûhā:

26 wayyarə’ meleḵə mwō’āḇ kî-ḥāzaq mimmennû hammiləḥāmâ wayyiqq^aḥ ’wōṯwō šəḇ^a‘-mē’wōṯ ’îš šōlēf ḥereḇ ləhaḇəqî‘a ’el-meleḵə ’ĕḏwōm wəlō’ yāḵōlû:

27 wayyiqq^aḥ ’eṯ-bənwō habəḵwōr ’ăšer-yiməlōḵə t^aḥətāyw wayy^a‘ălēhû ‘ōlâ ‘al-h^aḥōmâ wayəhî qeṣef-gāḏwōl ‘al-yiśərā’ēl wayyisə‘û mē‘ālāyw wayyāšuḇû lā’āreṣ: f

Tanach (Hebrew): 2 Kings (2 Melakhim) Chapter 4

‎1 ‏וְאִשָּׁ֣ה אַחַ֣ת מִנְּשֵׁ֣י בְנֵֽי־הַ֠נְּבִיאִים צָעֲקָ֨ה אֶל־אֱלִישָׁ֜ע לֵאמֹ֗ר עַבְדְּךָ֤ אִישִׁי֙ מֵ֔ת וְאַתָּ֣ה יָדַ֔עְתָּ כִּ֣י עַבְדְּךָ֔ הָיָ֥ה יָרֵ֖א אֶת־יְהוָ֑ה וְהַ֨נֹּשֶׁ֔ה בָּ֗א לָקַ֜חַת אֶת־שְׁנֵ֧י יְלָדַ֛י ל֖וֹ לַעֲבָדִֽים׃

‎2 ‏וַיֹּ֨אמֶר אֵלֶ֤יהָ אֱלִישָׁע֙ מָ֣ה אֶֽעֱשֶׂה־לָּ֔ךְ הַגִּ֣ידִי לִ֔י מַה־יֶּשׁ־לכי לָ֖ךְ בַּבָּ֑יִת וַתֹּ֗אמֶר אֵ֣ין לְשִׁפְחָתְךָ֥ כֹל֙ בַּבַּ֔יִת כִּ֖י אִם־אָס֥וּךְ שָֽׁמֶן׃

‎3 ‏וַיֹּ֗אמֶר לְכִ֨י שַׁאֲלִי־לָ֤ךְ כֵּלִים֙ מִן־הַח֔וּץ מֵאֵ֖ת כָּל־שכנכי שְׁכֵנָ֑יִךְ^a כֵּלִ֥ים רֵקִ֖ים אַל־תַּמְעִֽיטִי׃

‎4 ‏וּבָ֗את וְסָגַ֤רְתְּ הַדֶּ֙לֶת֙ בַּעֲדֵ֣ךְ וּבְעַד־בָּנַ֔יִךְ וְיָצַ֕קְתְּ עַ֥ל כָּל־הַכֵּלִ֖ים הָאֵ֑לֶּה וְהַמָּלֵ֖א תַּסִּֽיעִי׃

‎5 ‏וַתֵּ֙לֶךְ֙ מֵֽאִתּ֔וֹ וַתִּסְגֹּ֣ר הַדֶּ֔לֶת בַּעֲדָ֖הּ וּבְעַ֣ד בָּנֶ֑יהָ הֵ֛ם מַגִּשִׁ֥ים אֵלֶ֖יהָ וְהִ֥יא מיצקת מוֹצָֽקֶת׃

‎6 ‏וַיְהִ֣י׀ כִּמְלֹ֣את הַכֵּלִ֗ים וַתֹּ֤אמֶר אֶל־בְּנָהּ֙ הַגִּ֨ישָׁה אֵלַ֥י עוֹד֙ כֶּ֔לִי וַיֹּ֣אמֶר אֵלֶ֔יהָ אֵ֥ין ע֖וֹד כֶּ֑לִי וַֽיַּעֲמֹ֖ד הַשָּֽׁמֶן׃

‎7 ‏וַתָּבֹ֗א וַתַּגֵּד֙ לְאִ֣ישׁ הָאֱלֹהִ֔ים וַיֹּ֗אמֶר לְכִי֙ מִכְרִ֣י אֶת־הַשֶּׁ֔מֶן וְשַׁלְּמִ֖י אֶת־נשיכי נִשְׁיֵ֑ךְ וְאַ֣תְּ בניכי וּבָנַ֔יִךְ תִֽחְיִ֖י בַּנּוֹתָֽר׃ פ

‎8 ‏וַיְהִ֨י הַיּ֜וֹם וַיַּעֲבֹ֧ר אֱלִישָׁ֣ע אֶל־שׁוּנֵ֗ם וְשָׁם֙ אִשָּׁ֣ה גְדוֹלָ֔ה וַתַּחֲזֶק־בּ֖וֹ לֶאֱכָל־לָ֑חֶם וַֽיְהִי֙ מִדֵּ֣י עָבְר֔וֹ יָסֻ֥ר שָׁ֖מָּה לֶאֱכָל־לָֽחֶם׃

‎9 ‏וַתֹּ֙אמֶר֙ אֶל־אִישָׁ֔הּ הִנֵּה־נָ֣א יָדַ֔עְתִּי כִּ֛י אִ֥ישׁ אֱלֹהִ֖ים קָד֣וֹשׁ ה֑וּא עֹבֵ֥ר עָלֵ֖ינוּ תָּמִֽיד׃

‎10 ‏נַֽעֲשֶׂה־נָּ֤א עֲלִיַּת־קִיר֙ קְטַנָּ֔ה וְנָשִׂ֨ים ל֥וֹ שָׁ֛ם מִטָּ֥ה וְשֻׁלְחָ֖ן וְכִסֵּ֣א וּמְנוֹרָ֑ה וְהָיָ֛ה בְּבֹא֥וֹ אֵלֵ֖ינוּ יָס֥וּר שָֽׁמָּה׃

‎11 ‏וַיְהִ֥י הַיּ֖וֹם וַיָּ֣בֹא שָׁ֑מָּה וַיָּ֥סַר אֶל־הָעֲלִיָּ֖ה וַיִּשְׁכַּב־שָֽׁמָּה׃

‎12 ‏וַיֹּ֙אמֶר֙ אֶל־גֵּחֲזִ֣י נַעֲר֔וֹ קְרָ֖א לַשּׁוּנַמִּ֣ית הַזֹּ֑את וַיִּקְרָא־לָ֔הּ וַֽתַּעֲמֹ֖ד לְפָנָֽיו׃

‎13 ‏וַיֹּ֣אמֶר ל֗וֹ אֱמָר־נָ֣א אֵלֶיהָ֮ הִנֵּ֣ה חָרַ֣דְתְּ׀ אֵלֵינוּ֮ אֶת־כָּל־הַחֲרָדָ֣ה הַזֹּאת֒ מֶ֚ה לַעֲשׂ֣וֹת לָ֔ךְ הֲיֵ֤שׁ לְדַבֶּר־לָךְ֙ אֶל־הַמֶּ֔לֶךְ א֖וֹ אֶל־שַׂ֣ר הַצָּבָ֑א וַתֹּ֕אמֶר בְּת֥וֹךְ עַמִּ֖י אָנֹכִ֥י יֹשָֽׁבֶת׃

‎14 ‏וַיֹּ֕אמֶר וּמֶ֖ה לַעֲשׂ֣וֹת לָ֑הּ וַיֹּ֣אמֶר גֵּיחֲזִ֗י אֲבָ֛ל בֵּ֥ן אֵֽין־לָ֖הּ וְאִישָׁ֥הּ זָקֵֽן׃

‎15 ‏וַיֹּ֖אמֶר קְרָא־לָ֑הּ וַיִּקְרָא־לָ֔הּ וַֽתַּעֲמֹ֖ד בַּפָּֽתַח׃

‎16 ‏וַיֹּ֗אמֶר לַמּוֹעֵ֤ד הַזֶּה֙ כָּעֵ֣ת חַיָּ֔ה אתי אַ֖תְּ חֹבֶ֣קֶת בֵּ֑ן וַתֹּ֗אמֶר אַל־אֲדֹנִי֙ אִ֣ישׁ הָאֱלֹהִ֔ים אַל־תְּכַזֵּ֖ב בְּשִׁפְחָתֶֽךָ׃

‎17 ‏וַתַּ֥הַר הָאִשָּׁ֖ה וַתֵּ֣לֶד בֵּ֑ן לַמּוֹעֵ֤ד הַזֶּה֙ כָּעֵ֣ת חַיָּ֔ה אֲשֶׁר־דִּבֶּ֥ר אֵלֶ֖יהָ אֱלִישָֽׁע׃

‎18 ‏וַיִּגְדַּ֖ל הַיָּ֑לֶד וַיְהִ֣י הַיּ֔וֹם וַיֵּצֵ֥א אֶל־אָבִ֖יו אֶל־הַקֹּצְרִֽים׃

‎19 ‏וַיֹּ֥אמֶר אֶל־אָבִ֖יו רֹאשִׁ֣י׀ רֹאשִׁ֑י וַיֹּ֙אמֶר֙ אֶל־הַנַּ֔עַר שָׂאֵ֖הוּ אֶל־אִמּֽוֹ׃

‎20 ‏וַיִּשָּׂאֵ֔הוּ וַיְבִיאֵ֖הוּ אֶל־אִמּ֑וֹ וַיֵּ֧שֶׁב עַל־בִּרְכֶּ֛יהָ עַד־הַֽצָּהֳרַ֖יִם וַיָּמֹֽת׃

‎21 ‏וַתַּ֙עַל֙ וַתַּשְׁכִּבֵ֔הוּ עַל־מִטַּ֖ת אִ֣ישׁ הָאֱלֹהִ֑ים וַתִּסְגֹּ֥ר בַּעֲד֖וֹ וַתֵּצֵֽא׃

‎22 ‏וַתִּקְרָא֮ אֶל־אִישָׁהּ֒ וַתֹּ֗אמֶר שִׁלְחָ֨ה נָ֥א לִי֙ אֶחָ֣ד מִן־הַנְּעָרִ֔ים וְאַחַ֖ת הָאֲתֹנ֑וֹת וְאָר֛וּצָה עַד־אִ֥ישׁ הָאֱלֹהִ֖ים וְאָשֽׁוּבָה׃

‎23 ‏וַיֹּ֗אמֶר מַ֠דּוּעַ אתי אַ֣תְּ הלכתי הֹלֶ֤כֶת אֵלָיו֙ הַיּ֔וֹם לֹֽא־חֹ֖דֶשׁ וְלֹ֣א שַׁבָּ֑ת וַתֹּ֖אמֶר שָׁלֽוֹם׃

‎24 ‏וַֽתַּחֲבֹשׁ֙ הָֽאָת֔וֹן וַתֹּ֥אמֶר אֶֽל־נַעֲרָ֖הּ נְהַ֣ג וָלֵ֑ךְ אַל־תַּעֲצָר־לִ֣י לִרְכֹּ֔ב כִּ֖י אִם־אָמַ֥רְתִּי לָֽךְ׃

‎25 ‏וַתֵּ֗לֶךְ וַתָּב֛וֹא אֶל־אִ֥ישׁ הָאֱלֹהִ֖ים אֶל־הַ֣ר הַכַּרְמֶ֑ל וַ֠יְהִי כִּרְא֨וֹת אִישׁ־הָאֱלֹהִ֤ים אֹתָהּ֙ מִנֶּ֔גֶד וַיֹּ֙אמֶר֙ אֶל־גֵּיחֲזִ֣י נַעֲר֔וֹ הִנֵּ֖ה הַשּׁוּנַמִּ֥ית הַלָּֽז׃

‎26 ‏עַתָּה֮ רֽוּץ־נָ֣א לִקְרָאתָהּ֒ וֶאֱמָר־לָ֗הּ הֲשָׁל֥וֹם לָ֛ךְ הֲשָׁל֥וֹם לְאִישֵׁ֖ךְ הֲשָׁל֣וֹם לַיָּ֑לֶד וַתֹּ֖אמֶר שָׁלֽוֹם׃

‎27 ‏וַתָּבֹ֞א אֶל־אִ֤ישׁ הָֽאֱלֹהִים֙ אֶל־הָהָ֔ר וַֽתַּחֲזֵ֖ק בְּרַגְלָ֑יו וַיִּגַּ֨שׁ גֵּֽיחֲזִ֜י לְהָדְפָ֗הּ וַיֹּאמֶר֩ אִ֨ישׁ הָאֱלֹהִ֤ים הַרְפֵּֽה־לָהּ֙ כִּֽי־נַפְשָׁ֣הּ מָֽרָה־לָ֔הּ וַֽיהוָה֙ הֶעְלִ֣ים מִמֶּ֔נִּי וְלֹ֥א הִגִּ֖יד לִֽי׃

‎28 ‏וַתֹּ֕אמֶר הֲשָׁאַ֥לְתִּי בֵ֖ן מֵאֵ֣ת אֲדֹנִ֑י הֲלֹ֣א אָמַ֔רְתִּי לֹ֥א תַשְׁלֶ֖ה אֹתִֽי׃

‎29 ‏וַיֹּ֨אמֶר לְגֵיחֲזִ֜י חֲגֹ֣ר מָתְנֶ֗יךָ וְקַ֨ח מִשְׁעַנְתִּ֣י בְיָדְךָ֮ וָלֵךְ֒ כִּֽי־תִמְצָ֥א אִישׁ֙ לֹ֣א תְבָרְכֶ֔נּוּ וְכִֽי־יְבָרֶכְךָ֥ אִ֖ישׁ לֹ֣א תַעֲנֶנּ֑וּ וְשַׂמְתָּ֥ מִשְׁעַנְתִּ֖י עַל־פְּנֵ֥י הַנָּֽעַר׃

‎30 ‏וַתֹּ֙אמֶר֙ אֵ֣ם הַנַּ֔עַר חַי־יְהוָ֥ה וְחֵֽי־נַפְשְׁךָ֖ אִם־אֶעֶזְבֶ֑ךָּ וַיָּ֖קָם וַיֵּ֥לֶךְ אַחֲרֶֽיהָ׃

‎31 ‏וְגֵחֲזִ֞י עָבַ֣ר לִפְנֵיהֶ֗ם וַיָּ֤שֶׂם אֶת־הַמִּשְׁעֶ֙נֶת֙ עַל־פְּנֵ֣י הַנַּ֔עַר וְאֵ֥ין ק֖וֹל וְאֵ֣ין קָ֑שֶׁב וַיָּ֤שָׁב לִקְרָאתוֹ֙ וַיַּגֶּד־ל֣וֹ לֵאמֹ֔ר לֹ֥א הֵקִ֖יץ הַנָּֽעַר׃

‎32 ‏וַיָּבֹ֥א אֱלִישָׁ֖ע הַבָּ֑יְתָה וְהִנֵּ֤ה הַנַּ֙עַר֙ מֵ֔ת מֻשְׁכָּ֖ב עַל־מִטָּתֽוֹ׃

‎33 ‏וַיָּבֹ֕א וַיִּסְגֹּ֥ר הַדֶּ֖לֶת בְּעַ֣ד שְׁנֵיהֶ֑ם וַיִּתְפַּלֵּ֖ל אֶל־יְהוָֽה׃

‎34 ‏וַיַּ֜עַל וַיִּשְׁכַּ֣ב עַל־הַיֶּ֗לֶד וַיָּשֶׂם֩ פִּ֨יו עַל־פִּ֜יו וְעֵינָ֤יו עַל־עֵינָיו֙ וְכַפָּ֣יו עַל־כפו כַּפָּ֔יו וַיִּגְהַ֖ר עָלָ֑יו וַיָּ֖חָם בְּשַׂ֥ר הַיָּֽלֶד׃

‎35 ‏וַיָּ֜שָׁב וַיֵּ֣לֶךְ בַּבַּ֗יִת אַחַ֥ת הֵ֙נָּה֙ וְאַחַ֣ת הֵ֔נָּה וַיַּ֖עַל וַיִּגְהַ֣ר עָלָ֑יו וַיְזוֹרֵ֤ר הַנַּ֙עַר֙ עַד־שֶׁ֣בַע פְּעָמִ֔ים וַיִּפְקַ֥ח הַנַּ֖עַר אֶת־עֵינָֽיו׃

‎36 ‏וַיִּקְרָ֣א אֶל־גֵּיחֲזִ֗י וַיֹּ֙אמֶר֙ קְרָא֙ אֶל־הַשֻּׁנַמִּ֣ית הַזֹּ֔את וַיִּקְרָאֶ֖הָ וַתָּב֣וֹא אֵלָ֑יו וַיֹּ֖אמֶר שְׂאִ֥י בְנֵֽךְ׃

‎37 ‏וַתָּבֹא֙ וַתִּפֹּ֣ל עַל־רַגְלָ֔יו וַתִּשְׁתַּ֖חוּ אָ֑רְצָה וַתִּשָּׂ֥א אֶת־בְּנָ֖הּ וַתֵּצֵֽא׃ פ

‎38 ‏וֶאֱלִישָׁ֞ע שָׁ֤ב הַגִּלְגָּ֙לָה֙ וְהָרָעָ֣ב בָּאָ֔רֶץ וּבְנֵי֙ הַנְּבִיאִ֔ים יֹשְׁבִ֖ים לְפָנָ֑יו וַיֹּ֣אמֶר לְנַעֲר֗וֹ שְׁפֹת֙ הַסִּ֣יר הַגְּדוֹלָ֔ה וּבַשֵּׁ֥ל נָזִ֖יד לִבְנֵ֥י הַנְּבִיאִֽים׃

‎39 ‏וַיֵּצֵ֨א אֶחָ֣ד אֶל־הַשָּׂדֶה֮ לְלַקֵּ֣ט אֹרֹת֒ וַיִּמְצָא֙ גֶּ֣פֶן שָׂדֶ֔ה וַיְלַקֵּ֥ט מִמֶּ֛נּוּ פַּקֻּעֹ֥ת שָׂדֶ֖ה מְלֹ֣א בִגְד֑וֹ וַיָּבֹ֗א וַיְפַלַּ֛ח אֶל־סִ֥יר הַנָּזִ֖יד כִּֽי־לֹ֥א יָדָֽעוּ׃

‎40 ‏וַיִּֽצְק֥וּ לַאֲנָשִׁ֖ים לֶאֱכ֑וֹל וַ֠יְהִי כְּאָכְלָ֨ם מֵהַנָּזִ֜יד וְהֵ֣מָּה צָעָ֗קוּ וַיֹּֽאמְרוּ֙ מָ֤וֶת בַּסִּיר֙ אִ֣ישׁ הָאֱלֹהִ֔ים וְלֹ֥א יָכְל֖וּ לֶאֱכֹֽל׃

‎41 ‏וַיֹּ֙אמֶר֙ וּקְחוּ־קֶ֔מַח וַיַּשְׁלֵ֖ךְ אֶל־הַסִּ֑יר וַיֹּ֗אמֶר צַ֤ק לָעָם֙ וְיֹאכֵ֔לוּ וְלֹ֥א הָיָ֛ה דָּבָ֥ר רָ֖ע בַּסִּֽיר׃ ס

‎42 ‏וְאִ֨ישׁ בָּ֜א מִבַּ֣עַל שָׁלִ֗שָׁה וַיָּבֵא֩ לְאִ֨ישׁ הָאֱלֹהִ֜ים לֶ֤חֶם בִּכּוּרִים֙ עֶשְׂרִֽים־לֶ֣חֶם שְׂעֹרִ֔ים וְכַרְמֶ֖ל בְּצִקְלֹנ֑וֹ וַיֹּ֕אמֶר תֵּ֥ן לָעָ֖ם וְיֹאכֵֽלוּ׃

‎43 ‏וַיֹּ֙אמֶר֙ מְשָׁ֣רְת֔וֹ מָ֚ה אֶתֵּ֣ן זֶ֔ה לִפְנֵ֖י מֵ֣אָה אִ֑ישׁ וַיֹּ֗אמֶר תֵּ֤ן לָעָם֙ וְיֹאכֵ֔לוּ כִּ֣י כֹ֥ה אָמַ֛ר יְהוָ֖ה אָכֹ֥ל וְהוֹתֵֽר׃

‎44 ‏וַיִּתֵּ֧ן לִפְנֵיהֶ֛ם וַיֹּאכְל֥וּ וַיּוֹתִ֖רוּ כִּדְבַ֥ר יְהוָֽה׃ פ

1 wə’iššâ ’^aḥaṯ minnəšê ḇənê-hannəḇî’îm ṣā‘ăqâ ’el-’ĕlîšā‘ lē’mōr ‘aḇədəḵā ’îšî mēṯ wə’atâ yāḏ^a‘ətā kî ‘aḇədəḵā hāyâ yārē’ ’eṯ-yəhwâ wəhannōšeh bā’ lāq^aḥaṯ ’eṯ-šənê yəlāḏay lwō l^a‘ăḇāḏîm:

2 wayyō’mer ’ēleyhā ’ĕlîšā‘ mâ ’e‘ĕśeh-llāḵə hagîḏî lî mah-yyeš-ləḵî lāḵə babāyiṯ watō’mer ’ên ləšifəḥāṯəḵā ḵōl babayiṯ kî ’im-’āsûḵə šāmen:

3 wayyō’mer ləḵî ša’ălî-lāḵə kēlîm min-h^aḥûṣ mē’ēṯ kāl-šəḵēnāḵî šəḵēnāyiḵə^a kēlîm rēqîm ’al-tamə‘îṭî:

4 ûḇā’ṯ wəsāḡarətə hadeleṯ b^a‘ăḏēḵə ûḇə‘aḏ-bānayiḵə wəyāṣaqətə ‘al kāl-hakēlîm hā’ēlleh wəhammālē’ tassî‘î:

5 watēleḵə mē’itwō watisəgōr hadeleṯ b^a‘ăḏāh ûḇə‘aḏ bāneyhā hēm magišîm ’ēleyhā wəhî’ mêṣāqeṯ mwōṣāqeṯ:

6 wayəhî| kiməlō’ṯ hakēlîm watō’mer ’el-bənāh hagîšâ ’ēlay ‘wōḏ kelî wayyō’mer ’ēleyhā ’ên ‘wōḏ kelî wayy^a‘ămōḏ haššāmen:

7 watāḇō’ watagēḏ lə’îš hā’ĕlōhîm wayyō’mer ləḵî miḵərî ’eṯ-haššemen wəšalləmî ’eṯ-nišəyēḵî nišəyēḵə wə’atə bənêḵî ûḇānayiḵə ṯiḥəyî bannwōṯār: f

8 wayəhî hayywōm wayy^a‘ăḇōr ’ĕlîšā‘ ’el-šûnēm wəšām ’iššâ ḡəḏwōlâ wat^aḥăzeq-bwō le’ĕḵāl-lāḥem wayəhî midê ‘āḇərwō yāsur šāmmâ le’ĕḵāl-lāḥem:

9 watō’mer ’el-’îšāh hinnēh-nā’ yāḏ^a‘ətî kî ’îš ’ĕlōhîm qāḏwōš hû’ ‘ōḇēr ‘ālênû tāmîḏ:

10 n^a‘ăśeh-nnā’ ‘ălîyaṯ-qîr qəṭannâ wənāśîm lwō šām miṭṭâ wəšuləḥān wəḵissē’ ûmənwōrâ wəhāyâ bəḇō’wō ’ēlênû yāsûr šāmmâ:

11 wayəhî hayywōm wayyāḇō’ šāmmâ wayyāsar ’el-hā‘ălîyâ wayyišəkaḇ-šāmmâ:

12 wayyō’mer ’el-gēḥăzî n^a‘ărwō qərā’ laššûnammîṯ hazzō’ṯ wayyiqərā’-lāh wat^a‘ămōḏ ləfānāyw:

13 wayyō’mer lwō ’ĕmār-nā’ ’ēleyhā hinnēh ḥāraḏətə| ’ēlênû ’eṯ-kāl-h^aḥărāḏâ hazzō’ṯ meh l^a‘ăśwōṯ lāḵə hăyēš ləḏaber-lāḵə ’el-hammeleḵə ’wō ’el-śar haṣṣāḇā’ watō’mer bəṯwōḵə ‘ammî ’ānōḵî yōšāḇeṯ:

14 wayyō’mer ûmeh l^a‘ăśwōṯ lāh wayyō’mer gêḥăzî ’ăḇāl bēn ’ên-lāh wə’îšāh zāqēn:

15 wayyō’mer qərā’-lāh wayyiqərā’-lāh wat^a‘ămōḏ bapāṯ^aḥ:

16 wayyō’mer lammwō‘ēḏ hazzeh kā‘ēṯ ḥayyâ ’atî ’atə ḥōḇeqeṯ bēn watō’mer ’al-’ăḏōnî ’îš hā’ĕlōhîm ’al-təḵazzēḇ bəšifəḥāṯeḵā:

17 watahar hā’iššâ watēleḏ bēn lammwō‘ēḏ hazzeh kā‘ēṯ ḥayyâ ’ăšer-diber ’ēleyhā ’ĕlîšā‘:

18 wayyiḡədal hayyāleḏ wayəhî hayywōm wayyēṣē’ ’el-’āḇîw ’el-haqqōṣərîm:

19 wayyō’mer ’el-’āḇîw rō’šî| rō’šî wayyō’mer ’el-hann^a‘ar śā’ēhû ’el-’immwō:

20 wayyiśśā’ēhû wayəḇî’ēhû ’el-’immwō wayyēšeḇ ‘al-birəkeyhā ‘aḏ-haṣṣâŏrayim wayyāmōṯ:

21 wat^a‘al watašəkiḇēhû ‘al-miṭṭaṯ ’îš hā’ĕlōhîm watisəgōr b^a‘ăḏwō watēṣē’:

22 watiqərā’ ’el-’îšāh watō’mer šiləḥâ nā’ lî ’eḥāḏ min-hannə‘ārîm wə’^aḥaṯ hā’ăṯōnwōṯ wə’ārûṣâ ‘aḏ-’îš hā’ĕlōhîm wə’āšûḇâ:

23 wayyō’mer madû‘a ’atî ’atə hōlaḵətî hōleḵeṯ ’ēlāyw hayywōm lō’-ḥōḏeš wəlō’ šabāṯ watō’mer šālwōm:

24 wat^aḥăḇōš hā’āṯwōn watō’mer ’el-n^a‘ărāh nəhaḡ wālēḵə ’al-t^a‘ăṣār-lî lirəkōḇ kî ’im-’āmarətî lāḵə:

25 watēleḵə watāḇwō’ ’el-’îš hā’ĕlōhîm ’el-har hakarəmel wayəhî kirə’wōṯ ’îš-hā’ĕlōhîm ’ōṯāh minneḡeḏ wayyō’mer ’el-gêḥăzî n^a‘ărwō hinnēh haššûnammîṯ hallāz:

26 ‘atâ rûṣ-nā’ liqərā’ṯāh we’ĕmār-lāh hăšālwōm lāḵə hăšālwōm lə’îšēḵə hăšālwōm layyāleḏ watō’mer šālwōm:

27 watāḇō’ ’el-’îš hā’ĕlōhîm ’el-hâār wat^aḥăzēq bəraḡəlāyw wayyigaš gêḥăzî ləhāḏəfāh wayyō’mer ’îš hā’ĕlōhîm harəpēh-lāh kî-nafəšāh mārâ-lāh wayhwâ he‘əlîm mimmennî wəlō’ higîḏ lî:

28 watō’mer hăšā’alətî ḇēn mē’ēṯ ’ăḏōnî hălō’ ’āmarətî lō’ ṯašəleh ’ōṯî:

29 wayyō’mer ləḡêḥăzî ḥăḡōr māṯəneyḵā wəq^aḥ mišə‘anətî ḇəyāḏəḵā wālēḵə kî-ṯiməṣā’ ’îš lō’ ṯəḇārəḵennû wəḵî-yəḇāreḵəḵā ’îš lō’ ṯ^a‘ănennû wəśamətā mišə‘anətî ‘al-pənê hannā‘ar:

30 watō’mer ’ēm hann^a‘ar ḥay-yəhwâ wəḥê-nafəšəḵā ’im-’e‘ezəḇeḵḵā wayyāqām wayyēleḵə ’^aḥăreyhā:

31 wəḡēḥăzî ‘āḇar lifənêhem wayyāśem ’eṯ-hammišə‘eneṯ ‘al-pənê hann^a‘ar wə’ên qwōl wə’ên qāšeḇ wayyāšāḇ liqərā’ṯwō wayyageḏ-lwō lē’mōr lō’ hēqîṣ hannā‘ar:

32 wayyāḇō’ ’ĕlîšā‘ habāyəṯâ wəhinnēh hann^a‘ar mēṯ mušəkāḇ ‘al-miṭṭāṯwō:

33 wayyāḇō’ wayyisəgōr hadeleṯ bə‘aḏ šənêhem wayyiṯəpallēl ’el-yəhwâ:

34 wayy^a‘al wayyišəkaḇ ‘al-hayyeleḏ wayyāśem pîw ‘al-pîw wə‘ênāyw ‘al-‘ênāyw wəḵapāyw ‘al-kapāw kapāyw wayyiḡəhar ‘ālāyw wayyāḥām bəśar hayyāleḏ:

35 wayyāšāḇ wayyēleḵə babayiṯ ’^aḥaṯ hēnnâ wə’^aḥaṯ hēnnâ wayy^a‘al wayyiḡəhar ‘ālāyw wayəzwōrēr hann^a‘ar ‘aḏ-šeḇ^a‘ pə‘āmîm wayyifəq^aḥ hann^a‘ar ’eṯ-‘ênāyw:

36 wayyiqərā’ ’el-gêḥăzî wayyō’mer qərā’ ’el-haššunammîṯ hazzō’ṯ wayyiqərā’ehā watāḇwō’ ’ēlāyw wayyō’mer śə’î ḇənēḵə:

37 watāḇō’ watipōl ‘al-raḡəlāyw watišət^aḥû ’ārəṣâ watiśśā’ ’eṯ-bənāh watēṣē’: f

38 we’ĕlîšā‘ šāḇ hagiləgālâ wəhārā‘āḇ bā’āreṣ ûḇənê hannəḇî’îm yōšəḇîm ləfānāyw wayyō’mer lən^a‘ărwō šəfōṯ hassîr hagəḏwōlâ ûḇaššēl nāzîḏ liḇənê hannəḇî’îm:

39 wayyēṣē’ ’eḥāḏ ’el-haśśāḏeh ləlaqqēṭ ’ōrōṯ wayyiməṣā’ gefen śāḏeh wayəlaqqēṭ mimmennû paqqu‘ōṯ śāḏeh məlō’ ḇiḡəḏwō wayyāḇō’ wayəfall^aḥ ’el-sîr hannāzîḏ kî-lō’ yāḏā‘û:

40 wayyiṣəqû la’ănāšîm le’ĕḵwōl wayəhî kə’āḵəlām mēhannāzîḏ wəhēmmâ ṣā‘āqû wayyō’mərû māweṯ bassîr ’îš hā’ĕlōhîm wəlō’ yāḵəlû le’ĕḵōl:

41 wayyō’mer ûqəḥû-qem^aḥ wayyašəlēḵə ’el-hassîr wayyō’mer ṣaq lā‘ām wəyō’ḵēlû wəlō’ hāyâ dāḇār rā‘ bassîr: s

42 wə’îš bā’ mib^a‘al šālišâ wayyāḇē’ lə’îš hā’ĕlōhîm leḥem bikûrîm ‘eśərîm-leḥem śə‘ōrîm wəḵarəmel bəṣiqəlōnwō wayyō’mer tēn lā‘ām wəyō’ḵēlû:

43 wayyō’mer məšārəṯwō mâ ’etēn zeh lifənê mē’â ’îš wayyō’mer tēn lā‘ām wəyō’ḵēlû kî ḵōh ’āmar yəhwâ ’āḵōl wəhwōṯēr:

44 wayyitēn lifənêhem wayyō’ḵəlû wayywōṯirû kiḏəḇar yəhwâ: f

Tanach (Hebrew): 2 Kings (2 Melakhim) Chapter 5

‎1 ‏וְ֠נַעֲמָן שַׂר־צְבָ֨א מֶֽלֶךְ־אֲרָ֜ם הָיָ֣ה אִישׁ֩ גָּד֨וֹל לִפְנֵ֤י אֲדֹנָיו֙ וּנְשֻׂ֣א פָנִ֔ים כִּֽי־ב֛וֹ נָֽתַן־יְהוָ֥ה תְּשׁוּעָ֖ה לַאֲרָ֑ם וְהָאִ֗ישׁ הָיָ֛ה גִּבּ֥וֹר חַ֖יִל מְצֹרָֽע׃

‎2 ‏וַאֲרָם֙ יָצְא֣וּ גְדוּדִ֔ים וַיִּשְׁבּ֛וּ מֵאֶ֥רֶץ יִשְׂרָאֵ֖ל נַעֲרָ֣ה קְטַנָּ֑ה וַתְּהִ֕י לִפְנֵ֖י אֵ֥שֶׁת נַעֲמָֽן׃

‎3 ‏וַתֹּ֙אמֶר֙ אֶל־גְּבִרְתָּ֔הּ אַחֲלֵ֣י אֲדֹנִ֔י לִפְנֵ֥י הַנָּבִ֖יא אֲשֶׁ֣ר בְּשֹׁמְר֑וֹן אָ֛ז יֶאֱסֹ֥ף אֹת֖וֹ מִצָּרַעְתּֽוֹ׃

‎4 ‏וַיָּבֹ֕א וַיַּגֵּ֥ד לַאדֹנָ֖יו לֵאמֹ֑ר כָּזֹ֤את וְכָזֹאת֙ דִּבְּרָ֣ה הַֽנַּעֲרָ֔ה אֲשֶׁ֖ר מֵאֶ֥רֶץ יִשְׂרָאֵֽל׃

‎5 ‏וַיֹּ֤אמֶר מֶֽלֶךְ־אֲרָם֙ לֶךְ־בֹּ֔א וְאֶשְׁלְחָ֥ה סֵ֖פֶר אֶל־מֶ֣לֶךְ יִשְׂרָאֵ֑ל וַיֵּלֶךְ֩ וַיִּקַּ֨ח בְּיָד֜וֹ עֶ֣שֶׂר כִּכְּרֵי־כֶ֗סֶף וְשֵׁ֤שֶׁת אֲלָפִים֙ זָהָ֔ב וְעֶ֖שֶׂר חֲלִיפ֥וֹת בְּגָדִֽים׃

‎6 ‏וַיָּבֵ֣א הַסֵּ֔פֶר אֶל־מֶ֥לֶךְ יִשְׂרָאֵ֖ל לֵאמֹ֑ר וְעַתָּ֗ה כְּב֨וֹא הַסֵּ֤פֶר הַזֶּה֙ אֵלֶ֔יךָ הִנֵּ֨ה שָׁלַ֤חְתִּי אֵלֶ֙יךָ֙ אֶת־נַעֲמָ֣ן עַבְדִּ֔י וַאֲסַפְתּ֖וֹ מִצָּרַעְתּֽוֹ׃

‎7 ‏וַיְהִ֡י כִּקְרֹא֩ מֶֽלֶךְ־יִשְׂרָאֵ֨ל אֶת־הַסֵּ֜פֶר וַיִּקְרַ֣ע בְּגָדָ֗יו וַיֹּ֙אמֶר֙ הַאֱלֹהִ֥ים אָ֙נִי֙ לְהָמִ֣ית וּֽלְהַחֲי֔וֹת כִּֽי־זֶה֙ שֹׁלֵ֣חַ אֵלַ֔י לֶאֱסֹ֥ף אִ֖ישׁ מִצָּֽרַעְתּ֑וֹ כִּ֤י אַךְ־דְּעֽוּ־נָא֙ וּרְא֔וּ כִּֽי־מִתְאַנֶּ֥ה ה֖וּא לִֽי׃

‎8 ‏וַיְהִ֞י כִּשְׁמֹ֣עַ׀ אֱלִישָׁ֣ע אִישׁ־הָאֱלֹהִ֗ים כִּֽי־קָרַ֤ע מֶֽלֶךְ־יִשְׂרָאֵל֙ אֶת־בְּגָדָ֔יו וַיִּשְׁלַח֙ אֶל־הַמֶּ֣לֶךְ לֵאמֹ֔ר לָ֥מָּה קָרַ֖עְתָּ בְּגָדֶ֑יךָ יָבֹֽא־נָ֣א אֵלַ֔י וְיֵדַ֕ע כִּ֛י יֵ֥שׁ נָבִ֖יא בְּיִשְׂרָאֵֽל׃

‎9 ‏וַיָּבֹ֥א נַעֲמָ֖ן בסוסו בְּסוּסָ֣יו וּבְרִכְבּ֑וֹ וַיַּעֲמֹ֥ד פֶּֽתַח־הַבַּ֖יִת לֶאֱלִישָֽׁע׃

‎10 ‏וַיִּשְׁלַ֥ח אֵלָ֛יו אֱלִישָׁ֖ע מַלְאָ֣ךְ לֵאמֹ֑ר הָל֗וֹךְ וְרָחַצְתָּ֤ שֶֽׁבַע־פְּעָמִים֙ בַּיַּרְדֵּ֔ן וְיָשֹׁ֧ב בְּשָׂרְךָ֛ לְךָ֖ וּטְהָֽר׃

‎11 ‏וַיִּקְצֹ֥ף נַעֲמָ֖ן וַיֵּלַ֑ךְ וַיֹּאמֶר֩ הִנֵּ֨ה אָמַ֜רְתִּי אֵלַ֣י׀ יֵצֵ֣א יָצ֗וֹא וְעָמַד֙ וְקָרָא֙ בְּשֵׁם־יְהוָ֣ה אֱלֹהָ֔יו וְהֵנִ֥יף יָד֛וֹ אֶל־הַמָּק֖וֹם וְאָסַ֥ף הַמְּצֹרָֽע׃

‎12 ‏הֲלֹ֡א טוֹב֩ אבנה אֲמָנָ֨ה וּפַרְפַּ֜ר נַהֲר֣וֹת דַּמֶּ֗שֶׂק מִכֹּל֙ מֵימֵ֣י יִשְׂרָאֵ֔ל הֲלֹֽא־אֶרְחַ֥ץ בָּהֶ֖ם וְטָהָ֑רְתִּי וַיִּ֖פֶן וַיֵּ֥לֶךְ בְּחֵמָֽה׃

‎13 ‏וַיִּגְּשׁ֣וּ עֲבָדָיו֮ וַיְדַבְּר֣וּ אֵלָיו֒ וַיֹּאמְר֗וּ אָבִי֙ דָּבָ֣ר גָּד֗וֹל הַנָּבִ֛יא דִּבֶּ֥ר אֵלֶ֖יךָ הֲל֣וֹא תַעֲשֶׂ֑ה וְאַ֛ף כִּֽי־אָמַ֥ר אֵלֶ֖יךָ רְחַ֥ץ וּטְהָֽר׃

‎14 ‏וַיֵּ֗רֶד וַיִּטְבֹּ֤ל בַּיַּרְדֵּן֙ שֶׁ֣בַע פְּעָמִ֔ים כִּדְבַ֖ר אִ֣ישׁ הָאֱלֹהִ֑ים וַיָּ֣שָׁב בְּשָׂר֗וֹ כִּבְשַׂ֛ר נַ֥עַר קָטֹ֖ן וַיִּטְהָֽר׃

‎15 ‏וַיָּשָׁב֩ אֶל־אִ֨ישׁ הָאֱלֹהִ֜ים ה֣וּא וְכָֽל־מַחֲנֵ֗הוּ וַיָּבֹא֮ וַיַּעֲמֹ֣ד לְפָנָיו֒ וַיֹּ֗אמֶר הִנֵּה־נָ֤א יָדַ֙עְתִּי֙ כִּ֣י אֵ֤ין אֱלֹהִים֙ בְּכָל־הָאָ֔רֶץ כִּ֖י אִם־בְּיִשְׂרָאֵ֑ל וְעַתָּ֛ה קַח־נָ֥א בְרָכָ֖ה מֵאֵ֥ת עַבְדֶּֽךָ׃

‎16 ‏וַיֹּ֕אמֶר חַי־יְהוָ֛ה אֲשֶׁר־עָמַ֥דְתִּי לְפָנָ֖יו אִם־אֶקָּ֑ח וַיִּפְצַר־בּ֥וֹ לָקַ֖חַת וַיְמָאֵֽן׃

‎17 ‏וַיֹּאמֶר֮ נַעֲמָן֒ וָלֹ֕א יֻתַּן־נָ֣א לְעַבְדְּךָ֔ מַשָּׂ֥א צֶֽמֶד־פְּרָדִ֖ים אֲדָמָ֑ה כִּ֡י לֽוֹא־יַעֲשֶׂה֩ ע֨וֹד עַבְדְּךָ֜ עֹלָ֤ה וָזֶ֙בַח֙ לֵאלֹהִ֣ים אֲחֵרִ֔ים כִּ֖י אִם־לַיהוָֽה׃

‎18 ‏לַדָּבָ֣ר הַזֶּ֔ה יִסְלַ֥ח יְהוָ֖ה לְעַבְדֶּ֑ךָ בְּב֣וֹא אֲדֹנִ֣י בֵית־רִמּוֹן֩ לְהִשְׁתַּחֲוֹ֨ת שָׁ֜מָּה וְה֣וּא׀ נִשְׁעָ֣ן עַל־יָדִ֗י וְהִֽשְׁתַּחֲוֵ֙יתִי֙ בֵּ֣ית רִמֹּ֔ן בְּהִשְׁתַּחֲוָיָ֙תִי֙ בֵּ֣ית רִמֹּ֔ן יִסְלַח־נא יְהוָ֥ה לְעַבְדְּךָ֖ בַּדָּבָ֥ר הַזֶּֽה׃

‎19 ‏וַיֹּ֥אמֶר ל֖וֹ לֵ֣ךְ לְשָׁל֑וֹם וַיֵּ֥לֶךְ מֵאִתּ֖וֹ כִּבְרַת־אָֽרֶץ׃ ס

‎20 ‏וַיֹּ֣אמֶר גֵּיחֲזִ֗י נַעַר֮ אֱלִישָׁ֣ע אִישׁ־הָאֱלֹהִים֒ הִנֵּ֣ה׀ חָשַׂ֣ךְ אֲדֹנִ֗י אֶֽת־נַעֲמָ֤ן הָֽאֲרַמִּי֙ הַזֶּ֔ה מִקַּ֥חַת מִיָּד֖וֹ אֵ֣ת אֲשֶׁר־הֵבִ֑יא חַי־יְהוָה֙ כִּֽי־אִם־רַ֣צְתִּי אַחֲרָ֔יו וְלָקַחְתִּ֥י מֵאִתּ֖וֹ מְאֽוּמָה׃

‎21 ‏וַיִּרְדֹּ֥ף גֵּיחֲזִ֖י אַחֲרֵ֣י נַֽעֲמָ֑ן וַיִּרְאֶ֤ה נַֽעֲמָן֙ רָ֣ץ אַחֲרָ֔יו וַיִּפֹּ֞ל מֵעַ֧ל הַמֶּרְכָּבָ֛ה לִקְרָאת֖וֹ וַיֹּ֥אמֶר הֲשָׁלֽוֹם׃

‎22 ‏וַיֹּ֣אמֶר׀ שָׁל֗וֹם אֲדֹנִי֮ שְׁלָחַ֣נִי לֵאמֹר֒ הִנֵּ֣ה עַתָּ֡ה זֶ֠ה בָּ֣אוּ אֵלַ֧י שְׁנֵֽי־נְעָרִ֛ים מֵהַ֥ר אֶפְרַ֖יִם מִבְּנֵ֣י הַנְּבִיאִ֑ים תְּנָה־נָּ֤א לָהֶם֙ כִּכַּר־כֶּ֔סֶף וּשְׁתֵּ֖י חֲלִפ֥וֹת בְּגָדִֽים׃

‎23 ‏וַיֹּ֣אמֶר נַעֲמָ֔ן הוֹאֵ֖ל קַ֣ח כִּכָּרָ֑יִם וַיִּפְרָץ־בּ֗וֹ וַיָּצַר֩ כִּכְּרַ֨יִם כֶּ֜סֶף בִּשְׁנֵ֣י חֲרִטִ֗ים וּשְׁתֵּי֙ חֲלִפ֣וֹת בְּגָדִ֔ים וַיִּתֵּן֙ אֶל־שְׁנֵ֣י נְעָרָ֔יו וַיִּשְׂא֖וּ לְפָנָֽיו׃

‎24 ‏וַיָּבֹא֙ אֶל־הָעֹ֔פֶל וַיִּקַּ֥ח מִיָּדָ֖ם וַיִּפְקֹ֣ד בַּבָּ֑יִת וַיְשַׁלַּ֥ח אֶת־הָאֲנָשִׁ֖ים וַיֵּלֵֽכוּ׃

‎25 ‏וְהוּא־בָא֙ וַיַּעֲמֹ֣ד אֶל־אֲדֹנָ֔יו וַיֹּ֤אמֶר אֵלָיו֙ אֱלִישָׁ֔ע מאן מֵאַ֖יִן גֵּחֲזִ֑י וַיֹּ֕אמֶר לֹֽא־הָלַ֥ךְ עַבְדְּךָ֖ אָ֥נֶה וָאָֽנָה׃

‎26 ‏וַיֹּ֤אמֶר אֵלָיו֙ לֹא־לִבִּ֣י הָלַ֔ךְ כַּאֲשֶׁ֧ר הָֽפַךְ־אִ֛ישׁ מֵעַ֥ל מֶרְכַּבְתּ֖וֹ לִקְרָאתֶ֑ךָ הַעֵ֞ת לָקַ֤חַת אֶת־הַכֶּ֙סֶף֙ וְלָקַ֣חַת בְּגָדִ֔ים וְזֵיתִ֤ים וּכְרָמִים֙ וְצֹ֣אן וּבָקָ֔ר וַעֲבָדִ֖ים וּשְׁפָחֽוֹת׃

‎27 ‏וְצָרַ֤עַת נַֽעֲמָן֙ תִּֽדְבַּק־בְּךָ֔ וּֽבְזַרְעֲךָ לְעוֹלָ֑ם וַיֵּצֵ֥א מִלְּפָנָ֖יו מְצֹרָ֥ע כַּשָּֽׁלֶג׃ ס

1 wən^a‘ămān śar-ṣəḇā’ meleḵə-’ărām hāyâ ’îš gāḏwōl lifənê ’ăḏōnāyw ûnəśu’ fānîm kî-ḇwō nāṯan-yəhwâ təšû‘â la’ărām wəhā’îš hāyâ gibwōr ḥayil məṣōrā‘:

2 wa’ărām yāṣə’û ḡəḏûḏîm wayyišəbû mē’ereṣ yiśərā’ēl n^a‘ărâ qəṭannâ watəhî lifənê ’ēšeṯ n^a‘ămān:

3 watō’mer ’el-gəḇirətāh ’^aḥălê ’ăḏōnî lifənê hannāḇî’ ’ăšer bəšōmərwōn ’āz ye’ĕsōf ’ōṯwō miṣṣār^a‘ətwō:

4 wayyāḇō’ wayyagēḏ la’ḏōnāyw lē’mōr kāzō’ṯ wəḵāzō’ṯ dibərâ hann^a‘ărâ ’ăšer mē’ereṣ yiśərā’ēl:

5 wayyō’mer meleḵə-’ărām leḵə-bō’ wə’ešələḥâ sēfer ’el-meleḵə yiśərā’ēl wayyēleḵə wayyiqq^aḥ bəyāḏwō ‘eśer kikərê-ḵesef wəšēšeṯ ’ălāfîm zâāḇ wə‘eśer ḥălîfwōṯ bəḡāḏîm:

6 wayyāḇē’ hassēfer ’el-meleḵə yiśərā’ēl lē’mōr wə‘atâ kəḇwō’ hassēfer hazzeh ’ēleyḵā hinnēh šāl^aḥətî ’ēleyḵā ’eṯ-n^a‘ămān ‘aḇədî wa’ăsafətwō miṣṣār^a‘ətwō:

7 wayəhî kiqərō’ meleḵə-yiśərā’ēl ’eṯ-hassēfer wayyiqər^a‘ bəḡāḏāyw wayyō’mer ha’ĕlōhîm ’ānî ləhāmîṯ ûləh^aḥăywōṯ kî-zeh šōlēḥa ’ēlay le’ĕsōf ’îš miṣṣār^a‘ətwō kî ’aḵə-də‘û-nā’ ûrə’û kî-miṯə’anneh hû’ lî:

8 wayəhî kišəmō‘a| ’ĕlîšā‘ ’îš-hā’ĕlōhîm kî-qār^a‘ meleḵə-yiśərā’ēl ’eṯ-bəḡāḏāyw wayyišəl^aḥ ’el-hammeleḵə lē’mōr lāmmâ qār^a‘ətā bəḡāḏeyḵā yāḇō’-nā’ ’ēlay wəyēḏ^a‘ kî yēš nāḇî’ bəyiśərā’ēl:

9 wayyāḇō’ n^a‘ămān bəsûsāw bəsûsāyw ûḇəriḵəbwō wayy^a‘ămōḏ peṯ^aḥ-habayiṯ le’ĕlîšā‘:

10 wayyišəl^aḥ ’ēlāyw ’ĕlîšā‘ malə’āḵə lē’mōr hālwōḵə wərāḥaṣətā šeḇ^a‘-pə‘āmîm bayyarədēn wəyāšōḇ bəśārəḵā ləḵā ûṭəhār:

11 wayyiqəṣōf n^a‘ămān wayyēlaḵə wayyō’mer hinnēh ’āmarətî ’ēlay| yēṣē’ yāṣwō’ wə‘āmaḏ wəqārā’ bəšēm-yəhwâ ’ĕlōhāyw wəhēnîf yāḏwō ’el-hammāqwōm wə’āsaf hamməṣōrā‘:

12 hălō’ ṭwōḇ ’ăḇānâ ’ămānâ ûfarəpar nahărwōṯ dammeśeq mikōl mêmê yiśərā’ēl hălō’-’erəḥaṣ bâem wəṭâārətî wayyifen wayyēleḵə bəḥēmâ:

13 wayyigəšû ‘ăḇāḏāyw wayəḏabərû ’ēlāyw wayyō’mərû ’āḇî dāḇār gāḏwōl hannāḇî’ diber ’ēleyḵā hălwō’ ṯ^a‘ăśeh wə’af kî-’āmar ’ēleyḵā rəḥaṣ ûṭəhār:

14 wayyēreḏ wayyiṭəbōl bayyarədēn šeḇ^a‘ pə‘āmîm kiḏəḇar ’îš hā’ĕlōhîm wayyāšāḇ bəśārwō kiḇəśar n^a‘ar qāṭōn wayyiṭəhār:

15 wayyāšāḇ ’el-’îš hā’ĕlōhîm hû’ wəḵāl-m^aḥănēhû wayyāḇō’ wayy^a‘ămōḏ ləfānāyw wayyō’mer hinnēh-nā’ yāḏ^a‘ətî kî ’ên ’ĕlōhîm bəḵāl-hā’āreṣ kî ’im-bəyiśərā’ēl wə‘atâ q^aḥ-nā’ ḇərāḵâ mē’ēṯ ‘aḇədeḵā:

16 wayyō’mer ḥay-yəhwâ ’ăšer-‘āmaḏətî ləfānāyw ’im-’eqqāḥ wayyifəṣar-bwō lāq^aḥaṯ wayəmā’ēn:

17 wayyō’mer n^a‘ămān wālō’ yutan-nā’ lə‘aḇədəḵā maśśā’ ṣemeḏ-pərāḏîm ’ăḏāmâ kî lwō’-y^a‘ăśeh ‘wōḏ ‘aḇədəḵā ‘ōlâ wāzeḇ^aḥ lē’lōhîm ’ăḥērîm kî ’im-layhwâ:

18 ladāḇār hazzeh yisəl^aḥ yəhwâ lə‘aḇədeḵā bəḇwō’ ’ăḏōnî ḇêṯ-rimmwōn ləhišət^aḥăwōṯ šāmmâ wəhû’| nišə‘ān ‘al-yāḏî wəhišət^aḥăwêṯî bêṯ rimmōn bəhišət^aḥăwāyāṯî bêṯ rimmōn yisəl^aḥ-nā’ yəhwâ lə‘aḇədəḵā badāḇār hazzeh:

19 wayyō’mer lwō lēḵə ləšālwōm wayyēleḵə mē’itwō kiḇəraṯ-’āreṣ: s

20 wayyō’mer gêḥăzî n^a‘ar ’ĕlîšā‘ ’îš-hā’ĕlōhîm hinnēh| ḥāśaḵə ’ăḏōnî ’eṯ-n^a‘ămān hā’ărammî hazzeh miqq^aḥaṯ mîyāḏwō ’ēṯ ’ăšer-hēḇî’ ḥay-yəhwâ kî-’im-raṣətî ’^aḥărāyw wəlāq^aḥətî mē’itwō mə’ûmâ:

21 wayyirədōf gêḥăzî ’^aḥărê n^a‘ămān wayyirə’eh n^a‘ămān rāṣ ’^aḥărāyw wayyipōl mē‘al hammerəkāḇâ liqərā’ṯwō wayyō’mer hăšālwōm:

22 wayyō’mer| šālwōm ’ăḏōnî šəlāḥanî lē’mōr hinnēh ‘atâ zeh bā’û ’ēlay šənê-nə‘ārîm mēhar ’efərayim mibənê hannəḇî’îm tənâ-nnā’ lâem kikar-kesef ûšətê ḥălifwōṯ bəḡāḏîm:

23 wayyō’mer n^a‘ămān hwō’ēl q^aḥ kikārāyim wayyifərāṣ-bwō wayyāṣar kikərayim kesef bišənê ḥăriṭîm ûšətê ḥălifwōṯ bəḡāḏîm wayyitēn ’el-šənê nə‘ārāyw wayyiśə’û ləfānāyw:

24 wayyāḇō’ ’el-hā‘ōfel wayyiqq^aḥ mîyāḏām wayyifəqōḏ babāyiṯ wayəšall^aḥ ’eṯ-hā’ănāšîm wayyēlēḵû:

25 wəhû’-ḇā’ wayy^a‘ămōḏ ’el-’ăḏōnāyw wayyō’mer ’ēlāyw ’ĕlîšā‘ mē’ān mē’ayin gēḥăzî wayyō’mer lō’-hālaḵə ‘aḇədəḵā ’āneh wā’ānâ:

26 wayyō’mer ’ēlāyw lō’-libî hālaḵə ka’ăšer hāfaḵə-’îš mē‘al merəkaḇətwō liqərā’ṯeḵā h^a‘ēṯ lāq^aḥaṯ ’eṯ-hakesef wəlāq^aḥaṯ bəḡāḏîm wəzêṯîm ûḵərāmîm wəṣō’n ûḇāqār w^a‘ăḇāḏîm ûšəfāḥwōṯ:

27 wəṣār^a‘aṯ n^a‘ămān tiḏəbaq-bəḵā ûḇəzarə‘ăḵā lə‘wōlām wayyēṣē’ milləfānāyw məṣōrā‘ kaššāleḡ: s

Tanach (Hebrew): 2 Kings (2 Melakhim) Chapter 6

‎1 ‏וַיֹּאמְר֥וּ בְנֵֽי־הַנְּבִיאִ֖ים אֶל־אֱלִישָׁ֑ע הִנֵּֽה־נָ֣א הַמָּק֗וֹם אֲשֶׁ֨ר אֲנַ֜חְנוּ יֹשְׁבִ֥ים שָׁ֛ם לְפָנֶ֖יךָ צַ֥ר מִמֶּֽנּוּ׃

‎2 ‏נֵֽלְכָה־נָּ֣א עַד־הַיַּרְדֵּ֗ן וְנִקְחָ֤ה מִשָּׁם֙ אִ֚ישׁ קוֹרָ֣ה אֶחָ֔ת וְנַעֲשֶׂה־לָּ֥נוּ שָׁ֛ם מָק֖וֹם לָשֶׁ֣בֶת שָׁ֑ם וַיֹּ֖אמֶר לֵֽכוּ׃

‎3 ‏וַיֹּ֙אמֶר֙ הָֽאֶחָ֔ד ה֥וֹאֶל נָ֖א וְלֵ֣ךְ אֶת־עֲבָדֶ֑יךָ וַיֹּ֖אמֶר אֲנִ֥י אֵלֵֽךְ׃

‎4 ‏וַיֵּ֖לֶךְ אִתָּ֑ם וַיָּבֹ֙אוּ֙ הַיַּרְדֵּ֔נָה וַֽיִּגְזְר֖וּ הָעֵצִֽים׃

‎5 ‏וַיְהִ֤י הָֽאֶחָד֙ מַפִּ֣יל הַקּוֹרָ֔ה וְאֶת־הַבַּרְזֶ֖ל נָפַ֣ל אֶל־הַמָּ֑יִם וַיִּצְעַ֥ק וַיֹּ֛אמֶר אֲהָ֥הּ אֲדֹנִ֖י וְה֥וּא שָׁאֽוּל׃

‎6 ‏וַיֹּ֥אמֶר אִישׁ־הָאֱלֹהִ֖ים אָ֣נָה נָפָ֑ל וַיַּרְאֵ֙הוּ֙ אֶת־הַמָּק֔וֹם וַיִּקְצָב־עֵץ֙ וַיַּשְׁלֶךְ־שָׁ֔מָּה וַיָּ֖צֶף הַבַּרְזֶֽל׃

‎7 ‏וַיֹּ֖אמֶר הָ֣רֶם לָ֑ךְ וַיִּשְׁלַ֥ח יָד֖וֹ וַיִּקָּחֵֽהוּ׃ פ

‎8 ‏וּמֶ֣לֶךְ אֲרָ֔ם הָיָ֥ה נִלְחָ֖ם בְּיִשְׂרָאֵ֑ל וַיִּוָּעַץ֙ אֶל־עֲבָדָ֣יו לֵאמֹ֗ר אֶל־מְק֛וֹם פְּלֹנִ֥י אַלְמֹנִ֖י תַּחֲנֹתִֽי׃

‎9 ‏וַיִּשְׁלַ֞ח אִ֣ישׁ הָאֱלֹהִ֗ים אֶל־מֶ֤לֶךְ יִשְׂרָאֵל֙ לֵאמֹ֔ר הִשָּׁ֕מֶר מֵעֲבֹ֖ר הַמָּק֣וֹם הַזֶּ֑ה כִּֽי־שָׁ֖ם אֲרָ֥ם נְחִתִּֽים׃

‎10 ‏וַיִּשְׁלַ֞ח מֶ֣לֶךְ יִשְׂרָאֵ֗ל אֶֽל־הַמָּק֞וֹם אֲשֶׁ֨ר אָֽמַר־ל֧וֹ אִישׁ־הָאֱלֹהִ֛ים והזהירה וְהִזְהִיר֖וֹ וְנִשְׁמַ֣ר שָׁ֑ם לֹ֥א אַחַ֖ת וְלֹ֥א שְׁתָּֽיִם׃

‎11 ‏וַיִּסָּעֵר֙ לֵ֣ב מֶֽלֶךְ־אֲרָ֔ם עַל־הַדָּבָ֖ר הַזֶּ֑ה וַיִּקְרָ֤א אֶל־עֲבָדָיו֙ וַיֹּ֣אמֶר אֲלֵיהֶ֔ם הֲלוֹא֙ תַּגִּ֣ידוּ לִ֔י מִ֥י מִשֶּׁלָּ֖נוּ אֶל־מֶ֥לֶךְ יִשְׂרָאֵֽל׃

‎12 ‏וַיֹּ֙אמֶר֙ אַחַ֣ד מֵֽעֲבָדָ֔יו ל֖וֹא אֲדֹנִ֣י הַמֶּ֑לֶךְ כִּֽי־אֱלִישָׁ֤ע הַנָּבִיא֙ אֲשֶׁ֣ר בְּיִשְׂרָאֵ֔ל יַגִּיד֙ לְמֶ֣לֶךְ יִשְׂרָאֵ֔ל אֶת־הַ֨דְּבָרִ֔ים אֲשֶׁ֥ר תְּדַבֵּ֖ר בַּחֲדַ֥ר מִשְׁכָּבֶֽךָ׃

‎13 ‏וַיֹּ֗אמֶר לְכ֤וּ וּרְאוּ֙ אֵיכֹ֣ה ה֔וּא וְאֶשְׁלַ֖ח וְאֶקָּחֵ֑הוּ וַיֻּגַּד־ל֥וֹ לֵאמֹ֖ר הִנֵּ֥ה בְדֹתָֽן׃

‎14 ‏וַיִּשְׁלַח־שָׁ֛מָּה סוּסִ֥ים וְרֶ֖כֶב וְחַ֣יִל כָּבֵ֑ד וַיָּבֹ֣אוּ לַ֔יְלָה וַיַּקִּ֖פוּ עַל־הָעִֽיר׃

‎15 ‏וַ֠יַּשְׁכֵּם מְשָׁרֵ֨ת אִ֥ישׁ הָֽאֱלֹהִים֮ לָקוּם֒ וַיֵּצֵ֕א וְהִנֵּה־חַ֛יִל סוֹבֵ֥ב אֶת־הָעִ֖יר וְס֣וּס וָרָ֑כֶב וַיֹּ֨אמֶר נַעֲר֥וֹ אֵלָ֛יו אֲהָ֥הּ אֲדֹנִ֖י אֵיכָ֥ה נַֽעֲשֶֽׂה׃

‎16 ‏וַיֹּ֖אמֶר אַל־תִּירָ֑א כִּ֤י רַבִּים֙ אֲשֶׁ֣ר אִתָּ֔נוּ מֵאֲשֶׁ֖ר אוֹתָֽם׃

‎17 ‏וַיִּתְפַּלֵּ֤ל אֱלִישָׁע֙ וַיֹּאמַ֔ר יְהוָ֕ה פְּקַח־נָ֥א אֶת־עֵינָ֖יו וְיִרְאֶ֑ה וַיִּפְקַ֤ח יְהוָה֙ אֶת־עֵינֵ֣י הַנַּ֔עַר וַיַּ֗רְא וְהִנֵּ֨ה הָהָ֜ר מָלֵ֨א סוּסִ֥ים וְרֶ֛כֶב אֵ֖שׁ סְבִיבֹ֥ת אֱלִישָֽׁע׃

‎18 ‏וַיֵּרְדוּ֮ אֵלָיו֒ וַיִּתְפַּלֵּ֨ל אֱלִישָׁ֤ע אֶל־יְהוָה֙ וַיֹּאמַ֔ר הַךְ־נָ֥א אֶת־הַגּוֹי־הַזֶּ֖ה בַּסַּנְוֵרִ֑ים וַיַּכֵּ֥ם בַּסַּנְוֵרִ֖ים כִּדְבַ֥ר אֱלִישָֽׁע׃

‎19 ‏וַיֹּ֨אמֶר אֲלֵהֶ֜ם אֱלִישָׁ֗ע לֹ֣א זֶ֣ה הַדֶּרֶךְ֮ וְלֹ֣א זֹ֣ה הָעִיר֒ לְכ֣וּ אַחֲרַ֔י וְאוֹלִ֣יכָה אֶתְכֶ֔ם אֶל־הָאִ֖ישׁ אֲשֶׁ֣ר תְּבַקֵּשׁ֑וּן וַיֹּ֥לֶךְ אוֹתָ֖ם שֹׁמְרֽוֹנָה׃

‎20 ‏וַיְהִי֮ כְּבֹאָ֣ם שֹׁמְרוֹן֒ וַיֹּ֣אמֶר אֱלִישָׁ֔ע יְהוָ֕ה פְּקַ֥ח אֶת־עֵינֵֽי־אֵ֖לֶּה וְיִרְא֑וּ וַיִּפְקַ֤ח יְהוָה֙ אֶת־עֵ֣ינֵיהֶ֔ם וַיִּרְא֕וּ וְהִנֵּ֖ה בְּת֥וֹךְ שֹׁמְרֽוֹן׃

‎21 ‏וַיֹּ֤אמֶר מֶֽלֶךְ־יִשְׂרָאֵל֙ אֶל־אֱלִישָׁ֔ע כִּרְאֹת֖וֹ אוֹתָ֑ם הַאַכֶּ֥ה אַכֶּ֖ה אָבִֽי׃

‎22 ‏וַיֹּ֙אמֶר֙ לֹ֣א תַכֶּ֔ה הַאֲשֶׁ֥ר שָׁבִ֛יתָ בְּחַרְבְּךָ֥ וּֽבְקַשְׁתְּךָ֖ אַתָּ֣ה מַכֶּ֑ה שִׂים֩ לֶ֨חֶם וָמַ֜יִם לִפְנֵיהֶ֗ם וְיֹֽאכְלוּ֙ וְיִשְׁתּ֔וּ וְיֵלְכ֖וּ אֶל־אֲדֹנֵיהֶֽם׃

‎23 ‏וַיִּכְרֶ֨ה לָהֶ֜ם כֵּרָ֣ה גְדוֹלָ֗ה וַיֹּֽאכְלוּ֙ וַיִּשְׁתּ֔וּ וַֽיְשַׁלְּחֵ֔ם וַיֵּלְכ֖וּ אֶל־אֲדֹֽנֵיהֶ֑ם וְלֹֽא־יָ֤סְפוּ עוֹד֙ גְּדוּדֵ֣י אֲרָ֔ם לָב֖וֹא בְּאֶ֥רֶץ יִשְׂרָאֵֽל׃ פ

‎24 ‏וַֽיְהִי֙ אַחֲרֵי־כֵ֔ן וַיִּקְבֹּ֛ץ בֶּן־הֲדַ֥ד מֶֽלֶךְ־אֲרָ֖ם אֶת־כָּל־מַחֲנֵ֑הוּ וַיַּ֕עַל וַיָּ֖צַר עַל־שֹׁמְרֽוֹן׃

‎25 ‏וַיְהִ֨י רָעָ֤ב גָּדוֹל֙ בְּשֹׁ֣מְר֔וֹן וְהִנֵּ֖ה צָרִ֣ים עָלֶ֑יהָ עַ֣ד הֱי֤וֹת רֹאשׁ־חֲמוֹר֙ בִּשְׁמֹנִ֣ים כֶּ֔סֶף וְרֹ֛בַע הַקַּ֥ב חרייונים דִּבְיוֹנִ֖ים^a בַּחֲמִשָּׁה־כָֽסֶף׃

‎26 ‏וַֽיְהִי֙ מֶ֣לֶךְ יִשְׂרָאֵ֔ל עֹבֵ֖ר עַל־הַחֹמָ֑ה וְאִשָּׁ֗ה צָעֲקָ֤ה אֵלָיו֙ לֵאמֹ֔ר הוֹשִׁ֖יעָה אֲדֹנִ֥י הַמֶּֽלֶךְ׃

‎27 ‏וַיֹּ֙אמֶר֙ אַל־יוֹשִׁעֵ֣ךְ יְהוָ֔ה מֵאַ֖יִן אֽוֹשִׁיעֵ֑ךְ הֲמִן־הַגֹּ֖רֶן א֥וֹ מִן־הַיָּֽקֶב׃

‎28 ‏וַיֹּֽאמֶר־לָ֥הּ הַמֶּ֖לֶךְ מַה־לָּ֑ךְ וַתֹּ֗אמֶר הָאִשָּׁ֨ה הַזֹּ֜את אָמְרָ֣ה אֵלַ֗י תְּנִ֤י אֶת־בְּנֵךְ֙ וְנֹאכְלֶ֣נּוּ הַיּ֔וֹם וְאֶת־בְּנִ֖י נֹאכַ֥ל מָחָֽר׃

‎29 ‏וַנְּבַשֵּׁ֥ל אֶת־בְּנִ֖י וַנֹּֽאכְלֵ֑הוּ וָאֹמַ֨ר אֵלֶ֜יהָ בַּיּ֣וֹם הָאַחֵ֗ר תְּנִ֤י אֶת־בְּנֵךְ֙ וְנֹ֣אכְלֶ֔נּוּ וַתַּחְבִּ֖א אֶת־בְּנָֽהּ׃

‎30 ‏וַיְהִי֩ כִשְׁמֹ֨עַ הַמֶּ֜לֶךְ אֶת־דִּבְרֵ֤י הָֽאִשָּׁה֙ וַיִּקְרַ֣ע אֶת־בְּגָדָ֔יו וְה֖וּא עֹבֵ֣ר עַל־הַחֹמָ֑ה וַיַּ֣רְא הָעָ֔ם וְהִנֵּ֥ה הַשַּׂ֛ק עַל־בְּשָׂר֖וֹ מִבָּֽיִת׃

‎31 ‏וַיֹּ֕אמֶר כֹּֽה־יַעֲשֶׂה־לִּ֥י אֱלֹהִ֖ים וְכֹ֣ה יוֹסִ֑ף אִֽם־יַעֲמֹ֞ד רֹ֣אשׁ אֱלִישָׁ֧ע בֶּן־שָׁפָ֛ט עָלָ֖יו הַיּֽוֹם׃

‎32 ‏וֶאֱלִישָׁע֙ יֹשֵׁ֣ב בְּבֵית֔וֹ וְהַזְּקֵנִ֖ים יֹשְׁבִ֣ים אִתּ֑וֹ וַיִּשְׁלַ֨ח אִ֜ישׁ מִלְּפָנָ֗יו בְּטֶ֣רֶם יָבֹא֩ הַמַּלְאָ֨ךְ אֵלָ֜יו וְה֣וּא׀ אָמַ֣ר אֶל־הַזְּקֵנִ֗ים הַרְּאִיתֶם֙ כִּֽי־שָׁלַ֞ח בֶּן־הַֽמְרַצֵּ֤חַ הַזֶּה֙ לְהָסִ֣יר אֶת־רֹאשִׁ֔י רְא֣וּ׀ כְּבֹ֣א הַמַּלְאָ֗ךְ סִגְר֤וּ הַדֶּ֙לֶת֙ וּלְחַצְתֶּ֤ם אֹתוֹ֙ בַּדֶּ֔לֶת הֲל֗וֹא ק֛וֹל רַגְלֵ֥י אֲדֹנָ֖יו אַחֲרָֽיו׃

‎33 ‏עוֹדֶ֙נּוּ֙ מְדַבֵּ֣ר עִמָּ֔ם וְהִנֵּ֥ה הַמַּלְאָ֖ךְ יֹרֵ֣ד אֵלָ֑יו וַיֹּ֗אמֶר הִנֵּֽה־זֹ֤את הָֽרָעָה֙ מֵאֵ֣ת יְהוָ֔ה מָֽה־אוֹחִ֥יל לַיהוָ֖ה עֽוֹד׃ ס

1 wayyō’mərû ḇənê-hannəḇî’îm ’el-’ĕlîšā‘ hinnēh-nā’ hammāqwōm ’ăšer ’ăn^aḥənû yōšəḇîm šām ləfāneyḵā ṣar mimmennû:

2 nēləḵâ-nnā’ ‘aḏ-hayyarədēn wəniqəḥâ miššām ’îš qwōrâ ’eḥāṯ wən^a‘ăśeh-llānû šām māqwōm lāšeḇeṯ šām wayyō’mer lēḵû:

3 wayyō’mer hā’eḥāḏ hwō’el nā’ wəlēḵə ’eṯ-‘ăḇāḏeyḵā wayyō’mer ’ănî ’ēlēḵə:

4 wayyēleḵə ’itām wayyāḇō’û hayyarədēnâ wayyiḡəzərû hā‘ēṣîm:

5 wayəhî hā’eḥāḏ mapîl haqqwōrâ wə’eṯ-habarəzel nāfal ’el-hammāyim wayyiṣə‘aq wayyō’mer ’ăhāh ’ăḏōnî wəhû’ šā’ûl:

6 wayyō’mer ’îš-hā’ĕlōhîm ’ānâ nāfāl wayyarə’ēhû ’eṯ-hammāqwōm wayyiqəṣāḇ-‘ēṣ wayyašəleḵə-šāmmâ wayyāṣef habarəzel:

7 wayyō’mer hārem lāḵə wayyišəl^aḥ yāḏwō wayyiqqāḥēhû: f

8 ûmeleḵə ’ărām hāyâ niləḥām bəyiśərā’ēl wayyiûā‘aṣ ’el-‘ăḇāḏāyw lē’mōr ’el-məqwōm pəlōnî ’aləmōnî t^aḥănōṯî:

9 wayyišəl^aḥ ’îš hā’ĕlōhîm ’el-meleḵə yiśərā’ēl lē’mōr hiššāmer mē‘ăḇōr hammāqwōm hazzeh kî-šām ’ărām nəḥitîm:

10 wayyišəl^aḥ meleḵə yiśərā’ēl ’el-hammāqwōm ’ăšer ’āmar-lwō ’îš-hā’ĕlōhîm wəhizəhîrāh wəhizəhîrwō wənišəmar šām lō’ ’^aḥaṯ wəlō’ šətāyim:

11 wayyissā‘ēr lēḇ meleḵə-’ărām ‘al-hadāḇār hazzeh wayyiqərā’ ’el-‘ăḇāḏāyw wayyō’mer ’ălêhem hălwō’ tagîḏû lî mî miššellānû ’el-meleḵə yiśərā’ēl:

12 wayyō’mer ’^aḥaḏ mē‘ăḇāḏāyw lwō’ ’ăḏōnî hammeleḵə kî-’ĕlîšā‘ hannāḇî’ ’ăšer bəyiśərā’ēl yagîḏ ləmeleḵə yiśərā’ēl ’eṯ-hadəḇārîm ’ăšer təḏabēr b^aḥăḏar mišəkāḇeḵā:

13 wayyō’mer ləḵû ûrə’û ’êḵōh hû’ wə’ešəl^aḥ wə’eqqāḥēhû wayyugaḏ-lwō lē’mōr hinnēh ḇəḏōṯān:

14 wayyišəl^aḥ-šāmmâ sûsîm wəreḵeḇ wəḥayil kāḇēḏ wayyāḇō’û layəlâ wayyaqqifû ‘al-hā‘îr:

15 wayyašəkēm məšārēṯ ’îš hā’ĕlōhîm lāqûm wayyēṣē’ wəhinnēh-ḥayil swōḇēḇ ’eṯ-hā‘îr wəsûs wārāḵeḇ wayyō’mer n^a‘ărwō ’ēlāyw ’ăhāh ’ăḏōnî ’êḵâ n^a‘ăśeh:

16 wayyō’mer ’al-tîrā’ kî rabîm ’ăšer ’itānû mē’ăšer ’wōṯām:

17 wayyiṯəpallēl ’ĕlîšā‘ wayyō’mar yəhwâ pəq^aḥ-nā’ ’eṯ-‘ênāyw wəyirə’eh wayyifəq^aḥ yəhwâ ’eṯ-‘ênê hann^a‘ar wayyarə’ wəhinnēh hâār mālē’ sûsîm wəreḵeḇ ’ēš səḇîḇōṯ ’ĕlîšā‘:

18 wayyērəḏû ’ēlāyw wayyiṯəpallēl ’ĕlîšā‘ ’el-yəhwâ wayyō’mar haḵə-nā’ ’eṯ-hagwōy-hazzeh bassanəwērîm wayyakēm bassanəwērîm kiḏəḇar ’ĕlîšā‘:

19 wayyō’mer ’ălēhem ’ĕlîšā‘ lō’ zeh hadereḵə wəlō’ zōh hā‘îr ləḵû ’^aḥăray wə’wōlîḵâ ’eṯəḵem ’el-hā’îš ’ăšer təḇaqqēšûn wayyōleḵə ’wōṯām šōmərwōnâ:

20 wayəhî kəḇō’ām šōmərwōn wayyō’mer ’ĕlîšā‘ yəhwâ pəq^aḥ ’eṯ-‘ênê-’ēlleh wəyirə’û wayyifəq^aḥ yəhwâ ’eṯ-‘ênêhem wayyirə’û wəhinnēh bəṯwōḵə šōmərwōn:

21 wayyō’mer meleḵə-yiśərā’ēl ’el-’ĕlîšā‘ kirə’ōṯwō ’wōṯām ha’akeh ’akeh ’āḇî:

22 wayyō’mer lō’ ṯakeh ha’ăšer šāḇîṯā bəḥarəbəḵā ûḇəqašətəḵā ’atâ makeh śîm leḥem wāmayim lifənêhem wəyō’ḵəlû wəyišətû wəyēləḵû ’el-’ăḏōnêhem:

23 wayyiḵəreh lâem kērâ ḡəḏwōlâ wayyō’ḵəlû wayyišətû wayəšalləḥēm wayyēləḵû ’el-’ăḏōnêhem wəlō’-yāsəfû ‘wōḏ gəḏûḏê ’ărām lāḇwō’ bə’ereṣ yiśərā’ēl: f

24 wayəhî ’^aḥărê-ḵēn wayyiqəbōṣ ben-hăḏaḏ meleḵə-’ărām ’eṯ-kāl-m^aḥănēhû wayy^a‘al wayyāṣar ‘al-šōmərwōn:

25 wayəhî rā‘āḇ gāḏwōl bəšōmərwōn wəhinnēh ṣārîm ‘āleyhā ‘aḏ hĕywōṯ rō’š-ḥămwōr bišəmōnîm kesef wərōḇ^a‘ haqqaḇ ḥărêywōnîm diḇəywōnîm^a b^aḥămiššâ-ḵāsef:

26 wayəhî meleḵə yiśərā’ēl ‘ōḇēr ‘al-h^aḥōmâ wə’iššâ ṣā‘ăqâ ’ēlāyw lē’mōr hwōšî‘â ’ăḏōnî hammeleḵə:

27 wayyō’mer ’al-ywōši‘ēḵə yəhwâ mē’ayin ’wōšî‘ēḵə hămin-hagōren ’wō min-hayyāqeḇ:

28 wayyō’mer-lāh hammeleḵə mah-llāḵə watō’mer hā’iššâ hazzō’ṯ ’āmərâ ’ēlay tənî ’eṯ-bənēḵə wənō’ḵəlennû hayywōm wə’eṯ-bənî nō’ḵal māḥār:

29 wannəḇaššēl ’eṯ-bənî wannō’ḵəlēhû wā’ōmar ’ēleyhā bayywōm hā’^aḥēr tənî ’eṯ-bənēḵə wənō’ḵəlennû wat^aḥəbi’ ’eṯ-bənāh:

30 wayəhî ḵišəmō‘a hammeleḵə ’eṯ-diḇərê hā’iššâ wayyiqər^a‘ ’eṯ-bəḡāḏāyw wəhû’ ‘ōḇēr ‘al-h^aḥōmâ wayyarə’ hā‘ām wəhinnēh haśśaq ‘al-bəśārwō mibāyiṯ:

31 wayyō’mer kōh-y^a‘ăśeh-llî ’ĕlōhîm wəḵōh ywōsif ’im-y^a‘ămōḏ rō’š ’ĕlîšā‘ ben-šāfāṭ ‘ālāyw hayywōm:

32 we’ĕlîšā‘ yōšēḇ bəḇêṯwō wəhazzəqēnîm yōšəḇîm ’itwō wayyišəl^aḥ ’îš milləfānāyw bəṭerem yāḇō’ hammalə’āḵə ’ēlāyw wəhû’| ’āmar ’el-hazzəqēnîm harrə’îṯem kî-šāl^aḥ ben-haməraṣṣēḥa hazzeh ləhāsîr ’eṯ-rō’šî rə’û| kəḇō’ hammalə’āḵə siḡərû hadeleṯ ûləḥaṣətem ’ōṯwō badeleṯ hălwō’ qwōl raḡəlê ’ăḏōnāyw ’^aḥărāyw:

33 ‘wōḏennû məḏabēr ‘immām wəhinnēh hammalə’āḵə yōrēḏ ’ēlāyw wayyō’mer hinnēh-zō’ṯ hārā‘â mē’ēṯ yəhwâ mâ-’wōḥîl layhwâ ‘wōḏ: s

Tanach (Hebrew): 2 Kings (2 Melakhim) Chapter 7

‎1 ‏וַיֹּ֣אמֶר אֱלִישָׁ֔ע שִׁמְע֖וּ דְּבַר־יְהוָ֑ה כֹּ֣ה׀ אָמַ֣ר יְהוָ֗ה כָּעֵ֤ת׀ מָחָר֙ סְאָֽה־סֹ֣לֶת בְּשֶׁ֗קֶל וְסָאתַ֧יִם שְׂעֹרִ֛ים בְּשֶׁ֖קֶל בְּשַׁ֥עַר שֹׁמְרֽוֹן׃

‎2 ‏וַיַּ֣עַן הַשָּׁלִ֡ישׁ אֲשֶׁר־לַמֶּלֶךְ֩ נִשְׁעָ֨ן עַל־יָד֜וֹ אֶת־אִ֣ישׁ הָאֱלֹהִים֮ וַיֹּאמַר֒ הִנֵּ֣ה יְהוָ֗ה עֹשֶׂ֤ה אֲרֻבּוֹת֙ בַּשָּׁמַ֔יִם הֲיִהְיֶ֖ה הַדָּבָ֣ר הַזֶּ֑ה וַיֹּ֗אמֶר הִנְּכָ֤ה רֹאֶה֙ בְּעֵינֶ֔יךָ וּמִשָּׁ֖ם לֹ֥א תֹאכֵֽל׃ ס

‎3 ‏וְאַרְבָּעָ֧ה אֲנָשִׁ֛ים הָי֥וּ מְצֹרָעִ֖ים פֶּ֣תַח הַשָּׁ֑עַר וַיֹּֽאמְרוּ֙ אִ֣ישׁ אֶל־רֵעֵ֔הוּ מָ֗ה אֲנַ֛חְנוּ יֹשְׁבִ֥ים פֹּ֖ה עַד־מָֽתְנוּ׃

‎4 ‏אִם־אָמַרְנוּ֩ נָב֨וֹא הָעִ֜יר וְהָרָעָ֤ב בָּעִיר֙ וָמַ֣תְנוּ שָׁ֔ם וְאִם־יָשַׁ֥בְנוּ פֹ֖ה וָמָ֑תְנוּ וְעַתָּ֗ה לְכוּ֙ וְנִפְּלָה֙ אֶל־מַחֲנֵ֣ה אֲרָ֔ם אִם־יְחַיֻּ֣נוּ נִֽחְיֶ֔ה וְאִם־יְמִיתֻ֖נוּ וָמָֽתְנוּ׃

‎5 ‏וַיָּק֣וּמוּ בַנֶּ֔שֶׁף לָב֖וֹא אֶל־מַחֲנֵ֣ה אֲרָ֑ם וַיָּבֹ֗אוּ עַד־קְצֵה֙ מַחֲנֵ֣ה אֲרָ֔ם וְהִנֵּ֥ה אֵֽין־שָׁ֖ם אִֽישׁ׃

‎6 ‏וַאדֹנָ֞י הִשְׁמִ֣יעַ׀ אֶת־מַחֲנֵ֣ה אֲרָ֗ם ק֥וֹל רֶ֙כֶב֙ ק֣וֹל ס֔וּס ק֖וֹל חַ֣יִל גָּד֑וֹל וַיֹּאמְר֞וּ אִ֣ישׁ אֶל־אָחִ֗יו הִנֵּ֣ה שָֽׂכַר־עָלֵינוּ֩ מֶ֨לֶךְ יִשְׂרָאֵ֜ל אֶת־מַלְכֵ֧י הַחִתִּ֛ים וְאֶת־מַלְכֵ֥י מִצְרַ֖יִם לָב֥וֹא עָלֵֽינוּ׃

‎7 ‏וַיָּקוּמוּ֮ וַיָּנ֣וּסוּ בַנֶּשֶׁף֒ וַיַּעַזְב֣וּ אֶת־אָהֳלֵיהֶ֗ם וְאֶת־סֽוּסֵיהֶם֙ וְאֶת־חֲמֹ֣רֵיהֶ֔ם הַֽמַּחֲנֶ֖ה כַּאֲשֶׁר־הִ֑יא וַיָּנֻ֖סוּ אֶל־נַפְשָֽׁם׃

‎8 ‏וַיָּבֹאוּ֩ הַֽמְצֹרָעִ֨ים הָאֵ֜לֶּה עַד־קְצֵ֣ה הַֽמַּחֲנֶ֗ה וַיָּבֹ֜אוּ אֶל־אֹ֤הֶל אֶחָד֙ וַיֹּאכְל֣וּ וַיִּשְׁתּ֔וּ וַיִּשְׂא֣וּ מִשָּׁ֗ם כֶּ֤סֶף וְזָהָב֙ וּבְגָדִ֔ים וַיֵּלְכ֖וּ וַיַּטְמִ֑נוּ וַיָּשֻׁ֗בוּ וַיָּבֹ֙אוּ֙ אֶל־אֹ֣הֶל אַחֵ֔ר וַיִּשְׂא֣וּ מִשָּׁ֔ם וַיֵּלְכ֖וּ וַיַּטְמִֽנוּ׃

‎9 ‏וַיֹּאמְרוּ֩ אִ֨ישׁ אֶל־רֵעֵ֜הוּ לֹֽא־כֵ֣ן׀ אֲנַ֣חְנוּ עֹשִׂ֗ים הַיּ֤וֹם הַזֶּה֙ יוֹם־בְּשֹׂרָ֣ה ה֔וּא וַאֲנַ֣חְנוּ מַחְשִׁ֗ים וְחִכִּ֛ינוּ עַד־א֥וֹר הַבֹּ֖קֶר וּמְצָאָ֣נוּ עָו֑וֹן וְעַתָּה֙ לְכ֣וּ וְנָבֹ֔אָה וְנַגִּ֖ידָה בֵּ֥ית הַמֶּֽלֶךְ׃

‎10 ‏וַיָּבֹ֗אוּ וַֽיִּקְרְאוּ֮ אֶל־שֹׁעֵ֣ר הָעִיר֒ וַיַּגִּ֤ידוּ לָהֶם֙ לֵאמֹ֔ר בָּ֚אנוּ אֶל־מַחֲנֵ֣ה אֲרָ֔ם וְהִנֵּ֥ה אֵֽין־שָׁ֛ם אִ֖ישׁ וְק֣וֹל אָדָ֑ם כִּ֣י אִם־הַסּ֤וּס אָסוּר֙ וְהַחֲמ֣וֹר אָס֔וּר וְאֹהָלִ֖ים כַּאֲשֶׁר־הֵֽמָּה׃

‎11 ‏וַיִּקְרָ֖א הַשֹּֽׁעֲרִ֑ים וַיַּגִּ֕ידוּ בֵּ֥ית הַמֶּ֖לֶךְ פְּנִֽימָה׃

‎12 ‏וַיָּ֨קָם הַמֶּ֜לֶךְ לַ֗יְלָה וַיֹּ֙אמֶר֙ אֶל־עֲבָדָ֔יו אַגִּֽידָה־נָּ֣א לָכֶ֔ם אֵ֛ת אֲשֶׁר־עָ֥שׂוּ לָ֖נוּ אֲרָ֑ם יָדְע֞וּ כִּי־רְעֵבִ֣ים אֲנַ֗חְנוּ וַיֵּצְא֤וּ מִן־הַֽמַּחֲנֶה֙ לְהֵחָבֵ֤ה בהשדה בַשָּׂדֶה֙ לֵאמֹ֔ר כִּֽי־יֵצְא֤וּ מִן־הָעִיר֙ וְנִתְפְּשֵׂ֣ם חַיִּ֔ים וְאֶל־הָעִ֖יר נָבֹֽא׃

‎13 ‏וַיַּעַן֩ אֶחָ֨ד מֵעֲבָדָ֜יו וַיֹּ֗אמֶר וְיִקְחוּ־נָ֞א חֲמִשָּׁ֣ה מִן־הַסּוּסִים֮ הַֽנִּשְׁאָרִים֮ אֲשֶׁ֣ר נִשְׁאֲרוּ־בָהּ֒ הִנָּ֗ם כְּכָל־ההמון הֲמ֤וֹן יִשְׂרָאֵל֙ אֲשֶׁ֣ר נִשְׁאֲרוּ־בָ֔הּ הִנָּ֕ם כְּכָל־הֲמ֥וֹן יִשְׂרָאֵ֖ל אֲשֶׁר־תָּ֑מּוּ וְנִשְׁלְחָ֖ה וְנִרְאֶֽה׃

‎14 ‏וַיִּקְח֕וּ שְׁנֵ֖י רֶ֣כֶב סוּסִ֑ים וַיִּשְׁלַ֨ח הַמֶּ֜לֶךְ אַחֲרֵ֧י מַחֲנֵֽה־אֲרָ֛ם לֵאמֹ֖ר לְכ֥וּ וּרְאֽוּ׃

‎15 ‏וַיֵּלְכ֣וּ אַחֲרֵיהֶם֮ עַד־הַיַּרְדֵּן֒ וְהִנֵּ֣ה כָל־הַדֶּ֗רֶךְ מְלֵאָ֤ה בְגָדִים֙ וְכֵלִ֔ים אֲשֶׁר־הִשְׁלִ֥יכוּ אֲרָ֖ם בהחפזם בְּחָפְזָ֑ם וַיָּשֻׁ֙בוּ֙ הַמַּלְאָכִ֔ים וַיַּגִּ֖דוּ לַמֶּֽלֶךְ׃

‎16 ‏וַיֵּצֵ֣א הָעָ֔ם וַיָּבֹ֕זּוּ אֵ֖ת מַחֲנֵ֣ה אֲרָ֑ם וַיְהִ֨י סְאָה־סֹ֜לֶת בְּשֶׁ֗קֶל וְסָאתַ֧יִם שְׂעֹרִ֛ים בְּשֶׁ֖קֶל כִּדְבַ֥ר יְהוָֽה׃

‎17 ‏וְהַמֶּלֶךְ֩ הִפְקִ֨יד אֶת־הַשָּׁלִ֜ישׁ אֲשֶׁר־נִשְׁעָ֤ן עַל־יָדוֹ֙ עַל־הַשַּׁ֔עַר וַיִּרְמְסֻ֧הוּ הָעָ֛ם בַּשַּׁ֖עַר וַיָּמֹ֑ת כַּאֲשֶׁ֤ר דִּבֶּר֙ אִ֣ישׁ הָאֱלֹהִ֔ים אֲשֶׁ֣ר דִּבֶּ֔ר בְּרֶ֥דֶת הַמֶּ֖לֶךְ אֵלָֽיו׃

‎18 ‏וַיְהִ֗י כְּדַבֵּר֙ אִ֣ישׁ הָאֱלֹהִ֔ים אֶל־הַמֶּ֖לֶךְ לֵאמֹ֑ר סָאתַ֨יִם שְׂעֹרִ֜ים בְּשֶׁ֗קֶל וּֽסְאָה־סֹ֙לֶת֙ בְּשֶׁ֔קֶל יִהְיֶה֙ כָּעֵ֣ת מָחָ֔ר בְּשַׁ֖עַר שֹׁמְרֽוֹן׃

‎19 ‏וַיַּ֨עַן הַשָּׁלִ֜ישׁ אֶת־אִ֣ישׁ הָאֱלֹהִים֮ וַיֹּאמַר֒ וְהִנֵּ֣ה יְהוָ֗ה עֹשֶׂ֤ה אֲרֻבּוֹת֙ בַּשָּׁמַ֔יִם הֲיִהְיֶ֖ה כַּדָּבָ֣ר הַזֶּ֑ה וַיֹּ֗אמֶר הִנְּךָ֤ רֹאֶה֙ בְּעֵינֶ֔יךָ וּמִשָּׁ֖ם לֹ֥א תֹאכֵֽל׃

‎20 ‏וַיְהִי־ל֖וֹ כֵּ֑ן וַיִּרְמְס֨וּ אֹת֥וֹ הָעָ֛ם בַּשַּׁ֖עַר וַיָּמֹֽת׃ ס

1 wayyō’mer ’ĕlîšā‘ šimə‘û dəḇar-yəhwâ kōh| ’āmar yəhwâ kā‘ēṯ| māḥār sə’â-sōleṯ bəšeqel wəsā’ṯayim śə‘ōrîm bəšeqel bəš^a‘ar šōmərwōn:

2 wayy^a‘an haššālîš ’ăšer-lammeleḵə nišə‘ān ‘al-yāḏwō ’eṯ-’îš hā’ĕlōhîm wayyō’mar hinnēh yəhwâ ‘ōśeh ’ărubwōṯ baššāmayim hăyihəyeh hadāḇār hazzeh wayyō’mer hinnəḵâ rō’eh bə‘êneyḵā ûmiššām lō’ ṯō’ḵēl: s

3 wə’arəbā‘â ’ănāšîm hāyû məṣōrā‘îm peṯ^aḥ haššā‘ar wayyō’mərû ’îš ’el-rē‘ēhû mâ ’ăn^aḥənû yōšəḇîm pōh ‘aḏ-māṯənû:

4 ’im-’āmarənû nāḇwō’ hā‘îr wəhārā‘āḇ bā‘îr wāmaṯənû šām wə’im-yāšaḇənû fōh wāmāṯənû wə‘atâ ləḵû wənipəlâ ’el-m^aḥănēh ’ărām ’im-yəḥayyunû niḥəyeh wə’im-yəmîṯunû wāmāṯənû:

5 wayyāqûmû ḇannešef lāḇwō’ ’el-m^aḥănēh ’ărām wayyāḇō’û ‘aḏ-qəṣēh m^aḥănēh ’ărām wəhinnēh ’ên-šām ’îš:

6 wa’ḏōnāy hišəmî‘a| ’eṯ-m^aḥănēh ’ărām qwōl reḵeḇ qwōl sûs qwōl ḥayil gāḏwōl wayyō’mərû ’îš ’el-’āḥîw hinnēh śāḵar-‘ālênû meleḵə yiśərā’ēl ’eṯ-maləḵê h^aḥitîm wə’eṯ-maləḵê miṣərayim lāḇwō’ ‘ālênû:

7 wayyāqûmû wayyānûsû ḇannešef wayy^a‘azəḇû ’eṯ-’âŏlêhem wə’eṯ-sûsêhem wə’eṯ-ḥămōrêhem hamm^aḥăneh ka’ăšer-hî’ wayyānusû ’el-nafəšām:

8 wayyāḇō’û haməṣōrā‘îm hā’ēlleh ‘aḏ-qəṣēh hamm^aḥăneh wayyāḇō’û ’el-’ōhel ’eḥāḏ wayyō’ḵəlû wayyišətû wayyiśə’û miššām kesef wəzâāḇ ûḇəḡāḏîm wayyēləḵû wayyaṭəminû wayyāšuḇû wayyāḇō’û ’el-’ōhel ’^aḥēr wayyiśə’û miššām wayyēləḵû wayyaṭəminû:

9 wayyō’mərû ’îš ’el-rē‘ēhû lō’-ḵēn| ’ăn^aḥənû ‘ōśîm hayywōm hazzeh ywōm-bəśōrâ hû’ wa’ăn^aḥənû m^aḥəšîm wəḥikînû ‘aḏ-’wōr habōqer ûməṣā’ānû ‘āwwōn wə‘atâ ləḵû wənāḇō’â wənagîḏâ bêṯ hammeleḵə:

10 wayyāḇō’û wayyiqərə’û ’el-šō‘ēr hā‘îr wayyagîḏû lâem lē’mōr bā’nû ’el-m^aḥănēh ’ărām wəhinnēh ’ên-šām ’îš wəqwōl ’āḏām kî ’im-hassûs ’āsûr wəh^aḥămwōr ’āsûr wə’ōhālîm ka’ăšer-hēmmâ:

11 wayyiqərā’ haššō‘ărîm wayyagîḏû bêṯ hammeleḵə pənîmâ:

12 wayyāqām hammeleḵə layəlâ wayyō’mer ’el-‘ăḇāḏāyw ’agîḏâ-nnā’ lāḵem ’ēṯ ’ăšer-‘āśû lānû ’ărām yāḏə‘û kî-rə‘ēḇîm ’ăn^aḥənû wayyēṣə’û min-hamm^aḥăneh ləhēḥāḇēh ḇəhaśśāḏeh ḇaśśāḏeh lē’mōr kî-yēṣə’û min-hā‘îr wəniṯəpəśēm ḥayyîm wə’el-hā‘îr nāḇō’:

13 wayy^a‘an ’eḥāḏ mē‘ăḇāḏāyw wayyō’mer wəyiqəḥû-nā’ ḥămiššâ min-hassûsîm hannišə’ārîm ’ăšer nišə’ărû-ḇāh hinnām kəḵāl-hehāmwōn hămwōn yiśərā’ēl ’ăšer nišə’ărû-ḇāh hinnām kəḵāl-hămwōn yiśərā’ēl ’ăšer-tāmmû wənišələḥâ wənirə’eh:

14 wayyiqəḥû šənê reḵeḇ sûsîm wayyišəl^aḥ hammeleḵə ’^aḥărê m^aḥănēh-’ărām lē’mōr ləḵû ûrə’û:

15 wayyēləḵû ’^aḥărêhem ‘aḏ-hayyarədēn wəhinnēh ḵāl-hadereḵə məlē’â ḇəḡāḏîm wəḵēlîm ’ăšer-hišəlîḵû ’ărām bəhēḥāfəzām bəḥāfəzām wayyāšuḇû hammalə’āḵîm wayyagiḏû lammeleḵə:

16 wayyēṣē’ hā‘ām wayyāḇōzzû ’ēṯ m^aḥănēh ’ărām wayəhî sə’â-sōleṯ bəšeqel wəsā’ṯayim śə‘ōrîm bəšeqel kiḏəḇar yəhwâ:

17 wəhammeleḵə hifəqîḏ ’eṯ-haššālîš ’ăšer-nišə‘ān ‘al-yāḏwō ‘al-hašš^a‘ar wayyirəməsuhû hā‘ām bašš^a‘ar wayyāmōṯ ka’ăšer diber ’îš hā’ĕlōhîm ’ăšer diber bəreḏeṯ hammeleḵə ’ēlāyw:

18 wayəhî kəḏabēr ’îš hā’ĕlōhîm ’el-hammeleḵə lē’mōr sā’ṯayim śə‘ōrîm bəšeqel ûsə’â-sōleṯ bəšeqel yihəyeh kā‘ēṯ māḥār bəš^a‘ar šōmərwōn:

19 wayy^a‘an haššālîš ’eṯ-’îš hā’ĕlōhîm wayyō’mar wəhinnēh yəhwâ ‘ōśeh ’ărubwōṯ baššāmayim hăyihəyeh kadāḇār hazzeh wayyō’mer hinnəḵā rō’eh bə‘êneyḵā ûmiššām lō’ ṯō’ḵēl:

20 wayəhî-lwō kēn wayyirəməsû ’ōṯwō hā‘ām bašš^a‘ar wayyāmōṯ: s

Tanach (Hebrew): 2 Kings (2 Melakhim) Chapter 8

‎1 ‏וֶאֱלִישָׁ֡ע דִּבֶּ֣ר אֶל־הָאִשָּׁה֩ אֲשֶׁר־הֶחֱיָ֨ה אֶת־בְּנָ֜הּ לֵאמֹ֗ר ק֤וּמִי וּלְכִי֙ אתי אַ֣תְּ וּבֵיתֵ֔ךְ וְג֖וּרִי בַּאֲשֶׁ֣ר תָּג֑וּרִי כִּֽי־קָרָ֤א יְהוָה֙ לָֽרָעָ֔ב וְגַם־בָּ֥א אֶל־הָאָ֖רֶץ שֶׁ֥בַע שָׁנִֽים׃

‎2 ‏וַתָּ֙קָם֙ הָֽאִשָּׁ֔ה וַתַּ֕עַשׂ כִּדְבַ֖ר אִ֣ישׁ הָאֱלֹהִ֑ים וַתֵּ֤לֶךְ הִיא֙ וּבֵיתָ֔הּ וַתָּ֥גָר בְּאֶֽרֶץ־פְּלִשְׁתִּ֖ים שֶׁ֥בַע שָׁנִֽים׃

‎3 ‏וַיְהִ֗י מִקְצֵה֙ שֶׁ֣בַע שָׁנִ֔ים וַתָּ֥שָׁב הָאִשָּׁ֖ה מֵאֶ֣רֶץ פְּלִשְׁתִּ֑ים וַתֵּצֵא֙ לִצְעֹ֣ק אֶל־הַמֶּ֔לֶךְ אֶל־בֵּיתָ֖הּ וְאֶל־שָׂדָֽהּ׃

‎4 ‏וְהַמֶּ֗לֶךְ מְדַבֵּר֙ אֶל־גֵּ֣חֲזִ֔י נַ֥עַר אִישׁ־הָאֱלֹהִ֖ים לֵאמֹ֑ר סַפְּרָה־נָּ֣א לִ֔י אֵ֥ת כָּל־הַגְּדֹל֖וֹת אֲשֶׁר־עָשָׂ֥ה אֱלִישָֽׁע׃

‎5 ‏וַ֠יְהִי ה֥וּא מְסַפֵּ֣ר לַמֶּלֶךְ֮ אֵ֣ת אֲשֶׁר־הֶחֱיָ֣ה אֶת־הַמֵּת֒ וְהִנֵּ֨ה הָאִשָּׁ֜ה אֲשֶׁר־הֶחֱיָ֤ה אֶת־בְּנָהּ֙ צֹעֶ֣קֶת אֶל־הַמֶּ֔לֶךְ עַל־בֵּיתָ֖הּ וְעַל־שָׂדָ֑הּ וַיֹּ֤אמֶר גֵּֽחֲזִי֙ אֲדֹנִ֣י הַמֶּ֔לֶךְ זֹ֚את³ הָֽאִשָּׁ֔ה וְזֶה־בְּנָ֖הּ אֲשֶׁר־הֶחֱיָ֥ה אֱלִישָֽׁע׃

‎6 ‏וַיִּשְׁאַ֥ל הַמֶּ֛לֶךְ לָאִשָּׁ֖ה וַתְּסַפֶּר־ל֑וֹ וַיִּתֶּן־לָ֣הּ הַמֶּלֶךְ֩ סָרִ֨יס אֶחָ֜ד לֵאמֹ֗ר הָשֵׁ֤יב אֶת־כָּל־אֲשֶׁר־לָהּ֙ וְאֵת֙ כָּל־תְּבוּאֹ֣ת הַשָּׂדֶ֔ה מִיּ֛וֹם עָזְבָ֥ה אֶת־הָאָ֖רֶץ וְעַד־עָֽתָּה׃ פ

‎7 ‏וַיָּבֹ֤א אֱלִישָׁע֙ דַּמֶּ֔שֶׂק וּבֶן־הֲדַ֥ד מֶֽלֶךְ־אֲרָ֖ם חֹלֶ֑ה וַיֻּגַּד־ל֣וֹ לֵאמֹ֔ר בָּ֛א אִ֥ישׁ הָאֱלֹהִ֖ים עַד־הֵֽנָּה׃

‎8 ‏וַיֹּ֨אמֶר הַמֶּ֜לֶךְ אֶל־חֲזָהאֵ֗ל קַ֤ח בְּיָֽדְךָ֙ מִנְחָ֔ה וְלֵ֕ךְ לִקְרַ֖את אִ֣ישׁ הָאֱלֹהִ֑ים וְדָרַשְׁתָּ֙ אֶת־יְהוָ֤ה מֵֽאוֹתוֹ֙ לֵאמֹ֔ר הַאֶחְיֶ֖ה מֵחֳלִ֥י זֶֽה׃

‎9 ‏וַיֵּ֣לֶךְ חֲזָאֵל֮ לִקְרָאתוֹ֒ וַיִּקַּ֨ח מִנְחָ֤ה בְיָדוֹ֙ וְכָל־ט֣וּב דַּמֶּ֔שֶׂק מַשָּׂ֖א אַרְבָּעִ֣ים גָּמָ֑ל וַיָּבֹא֙ וַיַּעֲמֹ֣ד לְפָנָ֔יו וַיֹּ֗אמֶר בִּנְךָ֙ בֶן־הֲדַ֤ד מֶֽלֶךְ־אֲרָם֙ שְׁלָחַ֤נִי אֵלֶ֙יךָ֙ לֵאמֹ֔ר הַאֶחְיֶ֖ה מֵחֳלִ֥י זֶֽה׃

‎10 ‏וַיֹּ֤אמֶר אֵלָיו֙ אֱלִישָׁ֔ע לֵ֥ךְ אֱמָר־לא ל֖וֹ חָיֹ֣ה תִחְיֶ֑ה וְהִרְאַ֥נִי יְהוָ֖ה כִּֽי־מ֥וֹת יָמֽוּת׃

‎11 ‏וַיַּעֲמֵ֥ד אֶת־פָּנָ֖יו וַיָּ֣שֶׂם עַד־בֹּ֑שׁ וַיֵּ֖בְךְּ אִ֥ישׁ הָאֱלֹהִֽים׃

‎12 ‏וַיֹּ֣אמֶר חֲזָאֵ֔ל מַדּ֖וּעַ אֲדֹנִ֣י בֹכֶ֑ה וַיֹּ֡אמֶר כִּֽי־יָדַ֡עְתִּי אֵ֣ת אֲשֶׁר־תַּעֲשֶׂה֩ לִבְנֵ֨י יִשְׂרָאֵ֜ל רָעָ֗ה מִבְצְרֵיהֶ֞ם תְּשַׁלַּ֤ח בָּאֵשׁ֙ וּבַחֻֽרֵיהֶם֙ בַּחֶ֣רֶב תַּהֲרֹ֔ג וְעֹלְלֵיהֶ֣ם תְּרַטֵּ֔שׁ וְהָרֹתֵיהֶ֖ם תְּבַקֵּֽעַ׃

‎13 ‏וַיֹּ֣אמֶר חֲזָהאֵ֔ל כִּ֣י מָ֤ה עַבְדְּךָ֙ הַכֶּ֔לֶב כִּ֣י יַעֲשֶׂ֔ה הַדָּבָ֥ר הַגָּד֖וֹל הַזֶּ֑ה וַיֹּ֣אמֶר אֱלִישָׁ֔ע הִרְאַ֧נִי יְהוָ֛ה אֹתְךָ֖ מֶ֥לֶךְ עַל־אֲרָֽם׃

‎14 ‏וַיֵּ֣לֶךְ׀ מֵאֵ֣ת אֱלִישָׁ֗ע וַיָּבֹא֙ אֶל־אֲדֹנָ֔יו וַיֹּ֣אמֶר ל֔וֹ מָֽה־אָמַ֥ר לְךָ֖ אֱלִישָׁ֑ע וַיֹּ֕אמֶר אָ֥מַר לִ֖י חָיֹ֥ה תִחְיֶֽה׃

‎15 ‏וַיְהִ֣י מִֽמָּחֳרָ֗ת וַיִּקַּ֤ח הַמַּכְבֵּר֙ וַיִּטְבֹּ֣ל בַּמַּ֔יִם וַיִּפְרֹ֥שׂ עַל־פָּנָ֖יו וַיָּמֹ֑ת וַיִּמְלֹ֥ךְ חֲזָהאֵ֖ל תַּחְתָּֽיו׃ פ

‎16 ‏וּבִשְׁנַ֣ת חָמֵ֗שׁ לְיוֹרָ֤ם בֶּן־אַחְאָב֙ מֶ֣לֶךְ יִשְׂרָאֵ֔ל וִיהוֹשָׁפָ֖ט מֶ֣לֶךְ יְהוּדָ֑ה מָלַ֛ךְ יְהוֹרָ֥ם בֶּן־יְהוֹשָׁפָ֖ט מֶ֥לֶךְ יְהוּדָֽה׃

‎17 ‏בֶּן־שְׁלֹשִׁ֥ים וּשְׁתַּ֛יִם שָׁנָ֖ה הָיָ֣ה בְמָלְכ֑וֹ וּשְׁמֹנֶ֣ה שנה שָׁנִ֔ים מָלַ֖ךְ בִּירוּשָׁלִָֽם׃

‎18 ‏וַיֵּ֨לֶךְ בְּדֶ֣רֶךְ׀ מַלְכֵ֣י יִשְׂרָאֵ֗ל כַּאֲשֶׁ֤ר עָשׂוּ֙ בֵּ֣ית אַחְאָ֔ב כִּ֚י בַּת־אַחְאָ֔ב הָֽיְתָה־לּ֖וֹ לְאִשָּׁ֑ה וַיַּ֥עַשׂ הָרַ֖ע בְּעֵינֵ֥י יְהוָֽה׃

‎19 ‏וְלֹֽא־אָבָ֤ה יְהוָה֙ לְהַשְׁחִ֣ית אֶת־יְהוּדָ֔ה לְמַ֖עַן דָּוִ֣ד עַבְדּ֑וֹ כַּאֲשֶׁ֣ר אָֽמַר־ל֗וֹ לָתֵ֨ת ל֥וֹ נִ֛יר לְבָנָ֖יו כָּל־הַיָּמִֽים׃

‎20 ‏בְּיָמָיו֙ פָּשַׁ֣ע אֱד֔וֹם מִתַּ֖חַת יַד־יְהוּדָ֑ה וַיַּמְלִ֥כוּ עֲלֵיהֶ֖ם מֶֽלֶךְ׃

‎21 ‏וַיַּעֲבֹ֤ר יוֹרָם֙ צָעִ֔ירָה וְכָל־הָרֶ֖כֶב עִמּ֑וֹ וַֽיְהִי־ה֞וּא קָ֣ם לַ֗יְלָה וַיַּכֶּ֨ה אֶת־אֱד֜וֹם הַסֹּבֵ֤יב אֵלָיו֙ וְאֵת֙ שָׂרֵ֣י הָרֶ֔כֶב וַיָּ֥נָס הָעָ֖ם לְאֹהָלָֽיו׃

‎22 ‏וַיִּפְשַׁ֣ע אֱד֗וֹם מִתַּ֙חַת֙ יַד־יְהוּדָ֔ה עַ֖ד הַיּ֣וֹם הַזֶּ֑ה אָ֛ז תִּפְשַׁ֥ע לִבְנָ֖ה בָּעֵ֥ת הַהִֽיא׃

‎23 ‏וְיֶ֛תֶר דִּבְרֵ֥י יוֹרָ֖ם וְכָל־אֲשֶׁ֣ר עָשָׂ֑ה הֲלֽוֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

‎24 ‏וַיִּשְׁכַּ֤ב יוֹרָם֙ עִם־אֲבֹתָ֔יו וַיִּקָּבֵ֥ר עִם־אֲבֹתָ֖יו בְּעִ֣יר דָּוִ֑ד וַיִּמְלֹ֛ךְ אֲחַזְיָ֥הוּ בְנ֖וֹ תַּחְתָּֽיו׃ פ

‎25 ‏בִּשְׁנַת֙ שְׁתֵּים־עֶשְׂרֵ֣ה שָׁנָ֔ה לְיוֹרָ֥ם בֶּן־אַחְאָ֖ב מֶ֣לֶךְ יִשְׂרָאֵ֑ל מָלַ֛ךְ אֲחַזְיָ֥הוּ בֶן־יְהוֹרָ֖ם מֶ֥לֶךְ יְהוּדָֽה׃

‎26 ‏בֶּן־עֶשְׂרִ֨ים וּשְׁתַּ֤יִם שָׁנָה֙ אֲחַזְיָ֣הוּ בְמָלְכ֔וֹ וְשָׁנָ֣ה אַחַ֔ת מָלַ֖ךְ בִּירוּשָׁלִָ֑ם וְשֵׁ֤ם אִמּוֹ֙ עֲתַלְיָ֔הוּ בַּת־עָמְרִ֖י מֶ֥לֶךְ יִשְׂרָאֵֽל׃

‎27 ‏וַיֵּ֗לֶךְ בְּדֶ֙רֶךְ֙ בֵּ֣ית אַחְאָ֔ב וַיַּ֧עַשׂ הָרַ֛ע בְּעֵינֵ֥י יְהוָ֖ה כְּבֵ֣ית אַחְאָ֑ב כִּ֛י חֲתַ֥ן בֵּית־אַחְאָ֖ב הֽוּא׃

‎28 ‏וַיֵּ֜לֶךְ אֶת־יוֹרָ֣ם בֶּן־אַחְאָ֗ב לַמִּלְחָמָ֛ה עִם־חֲזָהאֵ֥ל מֶֽלֶךְ־אֲרָ֖ם בְּרָמֹ֣ת גִּלְעָ֑ד וַיַּכּ֥וּ אֲרַמִּ֖ים אֶת־יוֹרָֽם׃

‎29 ‏וַיָּשָׁב֩ יוֹרָ֨ם הַמֶּ֜לֶךְ לְהִתְרַפֵּ֣א בְיִזְרְעֶ֗אל מִן־הַמַּכִּים֙ אֲשֶׁ֨ר יַכֻּ֤הוּ אֲרַמִּים֙ בָּֽרָמָ֔ה בְּהִלָּ֣חֲמ֔וֹ אֶת־חֲזָהאֵ֖ל מֶ֣לֶךְ אֲרָ֑ם וַאֲחַזְיָ֨הוּ בֶן־יְהוֹרָ֜ם מֶ֣לֶךְ יְהוּדָ֗ה יָרַ֡ד לִרְא֞וֹת אֶת־יוֹרָ֧ם בֶּן־אַחְאָ֛ב בְּיִזְרְעֶ֖אל כִּֽי־חֹלֶ֥ה הֽוּא׃ פ

1 we’ĕlîšā‘ diber ’el-hā’iššâ ’ăšer-heḥĕyâ ’eṯ-bənāh lē’mōr qûmî ûləḵî ’atî ’atə ûḇêṯēḵə wəḡûrî ba’ăšer tāḡûrî kî-qārā’ yəhwâ lārā‘āḇ wəḡam-bā’ ’el-hā’āreṣ šeḇ^a‘ šānîm:

2 watāqām hā’iššâ wat^a‘aś kiḏəḇar ’îš hā’ĕlōhîm watēleḵə hî’ ûḇêṯāh watāḡār bə’ereṣ-pəlišətîm šeḇ^a‘ šānîm:

3 wayəhî miqəṣēh šeḇ^a‘ šānîm watāšāḇ hā’iššâ mē’ereṣ pəlišətîm watēṣē’ liṣə‘ōq ’el-hammeleḵə ’el-bêṯāh wə’el-śāḏāh:

4 wəhammeleḵə məḏabēr ’el-gēḥăzî n^a‘ar ’îš-hā’ĕlōhîm lē’mōr sapərâ-nnā’ lî ’ēṯ kāl-hagəḏōlwōṯ ’ăšer-‘āśâ ’ĕlîšā‘:

5 wayəhî hû’ məsapēr lammeleḵə ’ēṯ ’ăšer-heḥĕyâ ’eṯ-hammēṯ wəhinnēh hā’iššâ ’ăšer-heḥĕyâ ’eṯ-bənāh ṣō‘eqeṯ ’el-hammeleḵə ‘al-bêṯāh wə‘al-śāḏāh wayyō’mer gēḥăzî ’ăḏōnî hammeleḵə zō’ṯ³ hā’iššâ wəzeh-bənāh ’ăšer-heḥĕyâ ’ĕlîšā‘:

6 wayyišə’al hammeleḵə lā’iššâ watəsaper-lwō wayyiten-lāh hammeleḵə sārîs ’eḥāḏ lē’mōr hāšêḇ ’eṯ-kāl-’ăšer-lāh wə’ēṯ kāl-təḇû’ōṯ haśśāḏeh mîywōm ‘āzəḇâ ’eṯ-hā’āreṣ wə‘aḏ-‘ātâ: f

7 wayyāḇō’ ’ĕlîšā‘ dammeśeq ûḇen-hăḏaḏ meleḵə-’ărām ḥōleh wayyugaḏ-lwō lē’mōr bā’ ’îš hā’ĕlōhîm ‘aḏ-hēnnâ:

8 wayyō’mer hammeleḵə ’el-ḥăzâ’ēl q^aḥ bəyāḏəḵā minəḥâ wəlēḵə liqəra’ṯ ’îš hā’ĕlōhîm wəḏārašətā ’eṯ-yəhwâ mē’wōṯwō lē’mōr ha’eḥəyeh mēḥŏlî zeh:

9 wayyēleḵə ḥăzā’ēl liqərā’ṯwō wayyiqq^aḥ minəḥâ ḇəyāḏwō wəḵāl-ṭûḇ dammeśeq maśśā’ ’arəbā‘îm gāmāl wayyāḇō’ wayy^a‘ămōḏ ləfānāyw wayyō’mer binəḵā ḇen-hăḏaḏ meleḵə-’ărām šəlāḥanî ’ēleyḵā lē’mōr ha’eḥəyeh mēḥŏlî zeh:

10 wayyō’mer ’ēlāyw ’ĕlîšā‘ lēḵə ’ĕmār-lō’ lwō ḥāyōh ṯiḥəyeh wəhirə’anî yəhwâ kî-mwōṯ yāmûṯ:

11 wayy^a‘ămēḏ ’eṯ-pānāyw wayyāśem ‘aḏ-bōš wayyēḇəḵḵə ’îš hā’ĕlōhîm:

12 wayyō’mer ḥăzā’ēl madû‘a ’ăḏōnî ḇōḵeh wayyō’mer kî-yāḏ^a‘ətî ’ēṯ ’ăšer-t^a‘ăśeh liḇənê yiśərā’ēl rā‘â miḇəṣərêhem təšall^aḥ bā’ēš ûḇ^aḥurêhem b^aḥereḇ tahărōḡ wə‘ōləlêhem təraṭṭēš wəhārōṯêhem təḇaqqē‘a:

13 wayyō’mer ḥăzâ’ēl kî mâ ‘aḇədəḵā hakeleḇ kî y^a‘ăśeh hadāḇār hagāḏwōl hazzeh wayyō’mer ’ĕlîšā‘ hirə’anî yəhwâ ’ōṯəḵā meleḵə ‘al-’ărām:

14 wayyēleḵə| mē’ēṯ ’ĕlîšā‘ wayyāḇō’ ’el-’ăḏōnāyw wayyō’mer lwō mâ-’āmar ləḵā ’ĕlîšā‘ wayyō’mer ’āmar lî ḥāyōh ṯiḥəyeh:

15 wayəhî mimmāḥŏrāṯ wayyiqq^aḥ hammaḵəbēr wayyiṭəbōl bammayim wayyifərōś ‘al-pānāyw wayyāmōṯ wayyiməlōḵə ḥăzâ’ēl t^aḥətāyw: f

16 ûḇišənaṯ ḥāmēš ləywōrām ben-’^aḥə’āḇ meleḵə yiśərā’ēl wîhwōšāfāṭ meleḵə yəhûḏâ mālaḵə yəhwōrām ben-yəhwōšāfāṭ meleḵə yəhûḏâ:

17 ben-šəlōšîm ûšətayim šānâ hāyâ ḇəmāləḵwō ûšəmōneh šānâ šānîm mālaḵə bîrûšālāim:

18 wayyēleḵə bəḏereḵə| maləḵê yiśərā’ēl ka’ăšer ‘āśû bêṯ ’^aḥə’āḇ kî baṯ-’^aḥə’āḇ hāyəṯâ-llwō lə’iššâ wayy^a‘aś hār^a‘ bə‘ênê yəhwâ:

19 wəlō’-’āḇâ yəhwâ ləhašəḥîṯ ’eṯ-yəhûḏâ ləm^a‘an dāwiḏ ‘aḇədwō ka’ăšer ’āmar-lwō lāṯēṯ lwō nîr ləḇānāyw kāl-hayyāmîm:

20 bəyāmāyw pāš^a‘ ’ĕḏwōm mit^aḥaṯ yaḏ-yəhûḏâ wayyaməliḵû ‘ălêhem meleḵə:

21 wayy^a‘ăḇōr ywōrām ṣā‘îrâ wəḵāl-hāreḵeḇ ‘immwō wayəhî-hû’ qām layəlâ wayyakeh ’eṯ-’ĕḏwōm hassōḇêḇ ’ēlāyw wə’ēṯ śārê hāreḵeḇ wayyānās hā‘ām lə’ōhālāyw:

22 wayyifəš^a‘ ’ĕḏwōm mit^aḥaṯ yaḏ-yəhûḏâ ‘aḏ hayywōm hazzeh ’āz tifəš^a‘ liḇənâ bā‘ēṯ hahî’:

23 wəyeṯer diḇərê ywōrām wəḵāl-’ăšer ‘āśâ hălwō’-hēm kəṯûḇîm ‘al-sēfer diḇərê hayyāmîm ləmaləḵê yəhûḏâ:

24 wayyišəkaḇ ywōrām ‘im-’ăḇōṯāyw wayyiqqāḇēr ‘im-’ăḇōṯāyw bə‘îr dāwiḏ wayyiməlōḵə ’ăḥazəyâû ḇənwō t^aḥətāyw: f

25 bišənaṯ šətêm-‘eśərēh šānâ ləywōrām ben-’^aḥə’āḇ meleḵə yiśərā’ēl mālaḵə ’ăḥazəyâû ḇen-yəhwōrām meleḵə yəhûḏâ:

26 ben-‘eśərîm ûšətayim šānâ ’ăḥazəyâû ḇəmāləḵwō wəšānâ ’^aḥaṯ mālaḵə bîrûšālāim wəšēm ’immwō ‘ăṯaləyâû baṯ-‘āmərî meleḵə yiśərā’ēl:

27 wayyēleḵə bəḏereḵə bêṯ ’^aḥə’āḇ wayy^a‘aś hār^a‘ bə‘ênê yəhwâ kəḇêṯ ’^aḥə’āḇ kî ḥăṯan bêṯ-’^aḥə’āḇ hû’:

28 wayyēleḵə ’eṯ-ywōrām ben-’^aḥə’āḇ lammiləḥāmâ ‘im-ḥăzâ’ēl meleḵə-’ărām bərāmōṯ gilə‘āḏ wayyakû ’ărammîm ’eṯ-ywōrām:

29 wayyāšāḇ ywōrām hammeleḵə ləhiṯərapē’ ḇəyizərə‘e’l min-hammakîm ’ăšer yakuhû ’ărammîm bārāmâ bəhillāḥămwō ’eṯ-ḥăzâ’ēl meleḵə ’ărām wa’ăḥazəyâû ḇen-yəhwōrām meleḵə yəhûḏâ yāraḏ lirə’wōṯ ’eṯ-ywōrām ben-’^aḥə’āḇ bəyizərə‘e’l kî-ḥōleh hû’: f

Tanach (Hebrew): 2 Kings (2 Melakhim) Chapter 9

‎1 ‏וֶאֱלִישָׁע֙ הַנָּבִ֔יא קָרָ֕א לְאַחַ֖ד מִבְּנֵ֣י הַנְּבִיאִ֑ים וַיֹּ֨אמֶר ל֜וֹ חֲגֹ֣ר מָתְנֶ֗יךָ וְ֠קַח פַּ֣ךְ הַשֶּׁ֤מֶן הַזֶּה֙ בְּיָדֶ֔ךָ וְלֵ֖ךְ רָמֹ֥ת גִּלְעָֽד׃

‎2 ‏וּבָ֖אתָ שָׁ֑מָּה וּרְאֵֽה־שָׁ֠ם יֵה֨וּא בֶן־יְהוֹשָׁפָ֜ט בֶּן־נִמְשִׁ֗י וּבָ֙אתָ֙ וַהֲקֵֽמֹתוֹ֙ מִתּ֣וֹך¹ אֶחָ֔יו וְהֵבֵיאתָ֥ אֹת֖וֹ חֶ֥דֶר בְּחָֽדֶר׃

‎3 ‏וְלָקַחְתָּ֤ פַךְ־הַשֶּׁ֙מֶן֙ וְיָצַקְתָּ֣ עַל־רֹאשׁ֔וֹ וְאָֽמַרְתָּ֙ כֹּֽה־אָמַ֣ר יְהוָ֔ה מְשַׁחְתִּ֥יךָֽ לְמֶ֖לֶךְ אֶל־יִשְׂרָאֵ֑ל וּפָתַחְתָּ֥ הַדֶּ֛לֶת וְנַ֖סְתָּה וְלֹ֥א תְחַכֶּֽה׃

‎4 ‏וַיֵּ֧לֶךְ הַנַּ֛עַר הַנַּ֥עַר הַנָּבִ֖יא רָמֹ֥ת גִּלְעָֽד׃

‎5 ‏וַיָּבֹ֗א וְהִנֵּ֨ה שָׂרֵ֤י הַחַ֙יִל֙ יֹֽשְׁבִ֔ים וַיֹּ֕אמֶר דָּבָ֥ר לִ֛י אֵלֶ֖יךָ הַשָּׂ֑ר וַיֹּ֤אמֶר יֵהוּא֙ אֶל־מִ֣י מִכֻּלָּ֔נוּ וַיֹּ֖אמֶר אֵלֶ֥יךָ הַשָּֽׂר׃

‎6 ‏וַיָּ֙קָם֙ וַיָּבֹ֣א הַבַּ֔יְתָה וַיִּצֹ֥ק הַשֶּׁ֖מֶן אֶל־רֹאשׁ֑וֹ וַיֹּ֣אמֶר ל֗וֹ כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל מְשַׁחְתִּ֧יךָֽ לְמֶ֛לֶךְ אֶל־עַ֥ם יְהוָ֖ה אֶל־יִשְׂרָאֵֽל׃

‎7 ‏וְהִ֨כִּיתָ֔ה אֶת־בֵּ֥ית אַחְאָ֖ב אֲדֹנֶ֑יךָ וְנִקַּמְתִּ֞י דְּמֵ֣י׀ עֲבָדַ֣י הַנְּבִיאִ֗ים וּדְמֵ֛י כָּל־עַבְדֵ֥י יְהוָ֖ה מִיַּ֥ד אִיזָֽבֶל׃

‎8 ‏וְאָבַ֖ד כָּל־בֵּ֣ית אַחְאָ֑ב וְהִכְרַתִּ֤י לְאַחְאָב֙ מַשְׁתִּ֣ין בְּקִ֔יר וְעָצ֥וּר וְעָז֖וּב בְּיִשְׂרָאֵֽל׃

‎9 ‏וְנָֽתַתִּי֙ אֶת־בֵּ֣ית אַחְאָ֔ב כְּבֵ֖ית יָרָבְעָ֣ם בֶּן־נְבָ֑ט וּכְבֵ֖ית בַּעְשָׁ֥א בֶן־אֲחִיָּֽה׃

‎10 ‏וְאֶת־אִיזֶ֜בֶל יֹאכְל֧וּ הַכְּלָבִ֛ים בְּחֵ֥לֶק יִזְרְעֶ֖אל וְאֵ֣ין קֹבֵ֑ר וַיִּפְתַּ֥ח הַדֶּ֖לֶת וַיָּנֹֽס׃

‎11 ‏וְיֵה֗וּא יָצָא֙ אֶל־עַבְדֵ֣י אֲדֹנָ֔יו וַיֹּ֤אמֶר לוֹ֙ הֲשָׁל֔וֹם מַדּ֛וּעַ בָּֽא־הַמְשֻׁגָּ֥ע הַזֶּ֖ה אֵלֶ֑יךָ וַיֹּ֣אמֶר אֲלֵיהֶ֔ם אַתֶּ֛ם יְדַעְתֶּ֥ם אֶת־הָאִ֖ישׁ וְאֶת־שִׂיחֽוֹ׃

‎12 ‏וַיֹּאמְר֣וּ שֶׁ֔קֶר הַגֶּד־נָ֖א לָ֑נוּ וַיֹּ֗אמֶר כָּזֹ֤את וְכָזֹאת֙ אָמַ֤ר אֵלַי֙ לֵאמֹ֔ר כֹּ֚ה אָמַ֣ר יְהוָ֔ה מְשַׁחְתִּ֥יךָֽ לְמֶ֖לֶךְ אֶל־יִשְׂרָאֵֽל׃

‎13 ‏וַֽיְמַהֲר֗וּ וַיִּקְחוּ֙ אִ֣ישׁ בִּגְד֔וֹ וַיָּשִׂ֥ימוּ תַחְתָּ֖יו אֶל־גֶּ֣רֶם הַֽמַּעֲל֑וֹת וַֽיִּתְקְעוּ֙ בַּשּׁוֹפָ֔ר וַיֹּאמְר֖וּ מָלַ֥ךְ יֵהֽוּא׃

‎14 ‏וַיִּתְקַשֵּׁ֗ר יֵה֛וּא בֶּן־יְהוֹשָׁפָ֥ט בֶּן־נִמְשִׁ֖י אֶל־יוֹרָ֑ם וְיוֹרָם֩ הָיָ֨ה שֹׁמֵ֜ר בְּרָמֹ֣ת גִּלְעָ֗ד ה֚וּא וְכָל־יִשְׂרָאֵ֔ל מִפְּנֵ֥י חֲזָאֵ֖ל מֶֽלֶךְ־אֲרָֽם׃

‎15 ‏וַיָּשָׁב֩ יְהוֹרָ֨ם הַמֶּ֜לֶךְ לְהִתְרַפֵּ֣א בִיְזְרְעֶ֗אל מִן־הַמַּכִּים֙ אֲשֶׁ֣ר יַכֻּ֣הוּ אֲרַמִּ֔ים בְּהִלָּ֣חֲמ֔וֹ אֶת־חֲזָאֵ֖ל מֶ֣לֶךְ אֲרָ֑ם וַיֹּ֤אמֶר יֵהוּא֙ אִם־יֵ֣שׁ נַפְשְׁכֶ֔ם אַל־יֵצֵ֤א פָלִיט֙ מִן־הָעִ֔יר לָלֶ֖כֶת לגיד לְהַגִּ֥יד בְּיִזְרְעֶֽאל׃

‎16 ‏וַיִּרְכַּ֤ב יֵהוּא֙ וַיֵּ֣לֶךְ יִזְרְעֶ֔אלָה כִּ֥י יוֹרָ֖ם שֹׁכֵ֣ב שָׁ֑מָּה וַֽאֲחַזְיָה֙ מֶ֣לֶךְ יְהוּדָ֔ה יָרַ֖ד לִרְא֥וֹת אֶת־יוֹרָֽם׃

‎17 ‏וְהַצֹּפֶה֩ עֹמֵ֨ד עַֽל־הַמִּגְדָּ֜ל בְּיִזְרְעֶ֗אל וַיַּ֞רְא אֶת־שִׁפְעַ֤ת יֵהוּא֙ בְּבֹא֔וֹ וַיֹּ֕אמֶר שִׁפְעַ֖ת אֲנִ֣י רֹאֶ֑ה וַיֹּ֣אמֶר יְהוֹרָ֗ם קַ֥ח רַכָּ֛ב וּֽשְׁלַ֥ח לִקְרָאתָ֖ם וְיֹאמַ֥ר הֲשָׁלֽוֹם׃

‎18 ‏וַיֵּלֶךְ֩ רֹכֵ֨ב הַסּ֜וּס לִקְרָאת֗וֹ וַיֹּ֙אמֶר֙ כֹּֽה־אָמַ֤ר הַמֶּ֙לֶךְ֙ הֲשָׁל֔וֹם וַיֹּ֧אמֶר יֵה֛וּא מַה־לְּךָ֥ וּלְשָׁל֖וֹם סֹ֣ב אֶֽל־אַחֲרָ֑י וַיַּגֵּ֤ד הַצֹּפֶה֙ לֵאמֹ֔ר בָּֽא־הַמַּלְאָ֥ךְ עַד־הֵ֖ם וְלֹֽא־שָֽׁב׃

‎19 ‏וַיִּשְׁלַ֗ח רֹכֵ֣ב סוּס֮ שֵׁנִי֒ וַיָּבֹ֣א אֲלֵהֶ֔ם וַיֹּ֛אמֶר כֹּֽה־אָמַ֥ר הַמֶּ֖לֶךְ שָׁל֑וֹם וַיֹּ֧אמֶר יֵה֛וּא מַה־לְּךָ֥ וּלְשָׁל֖וֹם סֹ֥ב אֶֽל־אַחֲרָֽי׃

‎20 ‏וַיַּגֵּ֤ד הַצֹּפֶה֙ לֵאמֹ֔ר בָּ֥א עַד־אֲלֵיהֶ֖ם וְלֹֽא־שָׁ֑ב וְהַמִּנְהָ֗ג כְּמִנְהַג֙ יֵה֣וּא בֶן־נִמְשִׁ֔י כִּ֥י בְשִׁגָּע֖וֹן יִנְהָֽג׃

‎21 ‏וַיֹּ֤אמֶר יְהוֹרָם֙ אֱסֹ֔ר וַיֶּאְסֹ֖ר רִכְבּ֑וֹ וַיֵּצֵ֣א יְהוֹרָ֣ם מֶֽלֶךְ־יִ֠שְׂרָאֵל וַאֲחַזְיָ֨הוּ מֶֽלֶךְ־יְהוּדָ֜ה אִ֣ישׁ בְּרִכְבּ֗וֹ וַיֵּֽצְאוּ֙ לִקְרַ֣את יֵה֔וּא וַיִּמְצָאֻ֔הוּ בְּחֶלְקַ֖ת נָב֥וֹת הַיִּזְרְעֵאלִֽי׃

‎22 ‏וַיְהִ֗י כִּרְא֤וֹת יְהוֹרָם֙ אֶת־יֵה֔וּא וַיֹּ֖אמֶר הֲשָׁל֣וֹם יֵה֑וּא וַיֹּ֙אמֶר֙ מָ֣ה הַשָּׁל֔וֹם עַד־זְנוּנֵ֞י אִיזֶ֧בֶל אִמְּךָ֛ וּכְשָׁפֶ֖יהָ הָרַבִּֽים׃

‎23 ‏וַיַּהֲפֹ֧ךְ יְהוֹרָ֛ם יָדָ֖יו וַיָּנֹ֑ס וַיֹּ֥אמֶר אֶל־אֲחַזְיָ֖הוּ מִרְמָ֥ה אֲחַזְיָֽה׃

‎24 ‏וְיֵה֞וּא מִלֵּ֧א יָד֣וֹ בַקֶּ֗שֶׁת וַיַּ֤ךְ אֶת־יְהוֹרָם֙ בֵּ֣ין זְרֹעָ֔יו וַיֵּצֵ֥א הַחֵ֖צִי מִלִּבּ֑וֹ וַיִּכְרַ֖ע בְּרִכְבּֽוֹ׃

‎25 ‏וַיֹּ֗אמֶר אֶל־בִּדְקַר֙ שלשה שָֽׁלִשׁ֔וֹ שָׂ֚א הַשְׁלִכֵ֔הוּ בְּחֶלְקַ֕ת שְׂדֵ֖ה נָב֣וֹת הַיִּזְרְעֵאלִ֑י כִּֽי־זְכֹ֞ר אֲנִ֣י וָאַ֗תָּה אֵ֣ת רֹכְבִ֤ים צְמָדִים֙ אַֽחֲרֵי֙ אַחְאָ֣ב אָבִ֔יו וַֽיהוָה֙ נָשָׂ֣א עָלָ֔יו אֶת־הַמַּשָּׂ֖א הַזֶּֽה׃

‎26 ‏אִם־לֹ֡א אֶת־דְּמֵ֣י נָבוֹת֩ וְאֶת־דְּמֵ֨י בָנָ֜יו רָאִ֤יתִי אֶ֙מֶשׁ֙ נְאֻם־יְהוָ֔ה וְשִׁלַּמְתִּ֥י לְךָ֛ בַּחֶלְקָ֥ה הַזֹּ֖את נְאֻם־יְהוָ֑ה וְעַתָּ֗ה שָׂ֧א הַשְׁלִכֵ֛הוּ בַּחֶלְקָ֖ה כִּדְבַ֥ר יְהוָֽה׃

‎27 ‏וַאֲחַזְיָ֤ה מֶֽלֶךְ־יְהוּדָה֙ רָאָ֔ה וַיָּ֕נָס דֶּ֖רֶךְ בֵּ֣ית הַגָּ֑ן וַיִּרְדֹּ֨ף אַחֲרָ֜יו יֵה֗וּא וַ֠יֹּאמֶר גַּם־אֹת֞וֹ הַכֻּ֣הוּ אֶל־הַמֶּרְכָּבָ֗ה בְּמַֽעֲלֵה־גוּר֙ אֲשֶׁ֣ר אֶֽת־יִבְלְעָ֔ם וַיָּ֥נָס מְגִדּ֖וֹ וַיָּ֥מָת שָֽׁם׃

‎28 ‏וַיַּרְכִּ֧בוּ אֹת֛וֹ עֲבָדָ֖יו יְרוּשָׁלְָ֑מָה וַיִּקְבְּר֨וּ אֹת֧וֹ בִקְבֻרָת֛וֹ עִם־אֲבֹתָ֖יו בְּעִ֥יר דָּוִֽד׃ פ

‎29 ‏וּבִשְׁנַת֙ אַחַ֣ת עֶשְׂרֵ֣ה שָׁנָ֔ה לְיוֹרָ֖ם בֶּן־אַחְאָ֑ב מָלַ֥ךְ אֲחַזְיָ֖ה עַל־יְהוּדָֽה׃

‎30 ‏וַיָּב֥וֹא יֵה֖וּא יִזְרְעֶ֑אלָה וְאִיזֶ֣בֶל שָׁמְעָ֗ה וַתָּ֨שֶׂם בַּפּ֤וּךְ עֵינֶ֙יהָ֙ וַתֵּ֣יטֶב אֶת־רֹאשָׁ֔הּ וַתַּשְׁקֵ֖ף בְּעַ֥ד הַחַלּֽוֹן׃

‎31 ‏וְיֵה֖וּא בָּ֣א בַשָּׁ֑עַר וַתֹּ֣אמֶר הֲשָׁל֔וֹם זִמְרִ֖י הֹרֵ֥ג אֲדֹנָֽיו׃

‎32 ‏וַיִּשָּׂ֤א פָנָיו֙ אֶל־הַ֣חַלּ֔וֹן וַיֹּ֕אמֶר מִ֥י אִתִּ֖י מִ֑י וַיַּשְׁקִ֣יפוּ אֵלָ֔יו שְׁנַ֥יִם שְׁלֹשָׁ֖ה סָרִיסִֽים׃

‎33 ‏וַיֹּ֥אמֶר שמטהו שִׁמְט֖וּהָ וַֽיִּשְׁמְט֑וּהָ וַיִּ֨ז מִדָּמָ֧הּ אֶל־הַקִּ֛יר וְאֶל־הַסּוּסִ֖ים וַֽיִּרְמְסֶֽנָּה׃

‎34 ‏וַיָּבֹ֖א וַיֹּ֣אכַל וַיֵּ֑שְׁתְּ וַיֹּ֗אמֶר פִּקְדוּ־נָ֞א אֶת־הָאֲרוּרָ֤ה הַזֹּאת֙ וְקִבְר֔וּהָ כִּ֥י בַת־מֶ֖לֶךְ הִֽיא׃

‎35 ‏וַיֵּלְכ֖וּ לְקָבְרָ֑הּ וְלֹא־מָ֣צְאוּ בָ֗הּ כִּ֧י אִם־הַגֻּלְגֹּ֛לֶת וְהָרַגְלַ֖יִם וְכַפּ֥וֹת הַיָּדָֽיִם׃

‎36 ‏וַיָּשֻׁבוּ֮ וַיַּגִּ֣ידוּ לוֹ֒ וַיֹּ֙אמֶר֙ דְּבַר־יְהוָ֣ה ה֔וּא אֲשֶׁ֣ר דִּבֶּ֗ר בְּיַד־עַבְדּ֛וֹ אֵלִיָּ֥הוּ הַתִּשְׁבִּ֖י לֵאמֹ֑ר בְּחֵ֣לֶק יִזְרְעֶ֔אל יֹאכְל֥וּ הַכְּלָבִ֖ים אֶת־בְּשַׂ֥ר אִיזָֽבֶל׃

‎37 ‏והית וְֽהָיְתָ֞ה נִבְלַ֣ת אִיזֶ֗בֶל כְּדֹ֛מֶן עַל־פְּנֵ֥י הַשָּׂדֶ֖ה בְּחֵ֣לֶק יִזְרְעֶ֑אל אֲשֶׁ֥ר לֹֽא־יֹאמְר֖וּ זֹ֥את אִיזָֽבֶל׃ פ

1 we’ĕlîšā‘ hannāḇî’ qārā’ lə’^aḥaḏ mibənê hannəḇî’îm wayyō’mer lwō ḥăḡōr māṯəneyḵā wəq^aḥ paḵə haššemen hazzeh bəyāḏeḵā wəlēḵə rāmōṯ gilə‘āḏ:

2 ûḇā’ṯā šāmmâ ûrə’ēh-šām yēhû’ ḇen-yəhwōšāfāṭ ben-niməšî ûḇā’ṯā wahăqēmōṯwō mitwōḵ¹ ’eḥāyw wəhēḇê’ṯā ’ōṯwō ḥeḏer bəḥāḏer:

3 wəlāq^aḥətā faḵə-haššemen wəyāṣaqətā ‘al-rō’šwō wə’āmarətā kōh-’āmar yəhwâ məš^aḥətîḵā ləmeleḵə ’el-yiśərā’ēl ûfāṯ^aḥətā hadeleṯ wənasətâ wəlō’ ṯəḥakeh:

4 wayyēleḵə hann^a‘ar hann^a‘ar hannāḇî’ rāmōṯ gilə‘āḏ:

5 wayyāḇō’ wəhinnēh śārê h^aḥayil yōšəḇîm wayyō’mer dāḇār lî ’ēleyḵā haśśār wayyō’mer yēhû’ ’el-mî mikullānû wayyō’mer ’ēleyḵā haśśār:

6 wayyāqām wayyāḇō’ habayəṯâ wayyiṣōq haššemen ’el-rō’šwō wayyō’mer lwō kōh-’āmar yəhwâ ’ĕlōhê yiśərā’ēl məš^aḥətîḵā ləmeleḵə ’el-‘am yəhwâ ’el-yiśərā’ēl:

7 wəhikîṯâ ’eṯ-bêṯ ’^aḥə’āḇ ’ăḏōneyḵā wəniqqamətî dəmê| ‘ăḇāḏay hannəḇî’îm ûḏəmê kāl-‘aḇəḏê yəhwâ mîyaḏ ’îzāḇel:

8 wə’āḇaḏ kāl-bêṯ ’^aḥə’āḇ wəhiḵəratî lə’^aḥə’āḇ mašətîn bəqîr wə‘āṣûr wə‘āzûḇ bəyiśərā’ēl:

9 wənāṯatî ’eṯ-bêṯ ’^aḥə’āḇ kəḇêṯ yārāḇə‘ām ben-nəḇāṭ ûḵəḇêṯ b^a‘əšā’ ḇen-’ăḥîyâ:

10 wə’eṯ-’îzeḇel yō’ḵəlû hakəlāḇîm bəḥēleq yizərə‘e’l wə’ên qōḇēr wayyifət^aḥ hadeleṯ wayyānōs:

11 wəyēhû’ yāṣā’ ’el-‘aḇəḏê ’ăḏōnāyw wayyō’mer lwō hăšālwōm madû‘a bā’-haməšugā‘ hazzeh ’ēleyḵā wayyō’mer ’ălêhem ’atem yəḏ^a‘ətem ’eṯ-hā’îš wə’eṯ-śîḥwō:

12 wayyō’mərû šeqer hageḏ-nā’ lānû wayyō’mer kāzō’ṯ wəḵāzō’ṯ ’āmar ’ēlay lē’mōr kōh ’āmar yəhwâ məš^aḥətîḵā ləmeleḵə ’el-yiśərā’ēl:

13 wayəmahărû wayyiqəḥû ’îš biḡəḏwō wayyāśîmû ṯ^aḥətāyw ’el-gerem hamm^a‘ălwōṯ wayyiṯəqə‘û baššwōfār wayyō’mərû mālaḵə yēhû’:

14 wayyiṯəqaššēr yēhû’ ben-yəhwōšāfāṭ ben-niməšî ’el-ywōrām wəywōrām hāyâ šōmēr bərāmōṯ gilə‘āḏ hû’ wəḵāl-yiśərā’ēl mipənê ḥăzā’ēl meleḵə-’ărām:

15 wayyāšāḇ yəhwōrām hammeleḵə ləhiṯərapē’ ḇîəzərə‘e’l min-hammakîm ’ăšer yakuhû ’ărammîm bəhillāḥămwō ’eṯ-ḥăzā’ēl meleḵə ’ărām wayyō’mer yēhû’ ’im-yēš nafəšəḵem ’al-yēṣē’ fālîṭ min-hā‘îr lāleḵeṯ lagîḏ ləhagîḏ bəyizərə‘e’l:

16 wayyirəkaḇ yēhû’ wayyēleḵə yizərə‘e’lâ kî ywōrām šōḵēḇ šāmmâ wa’ăḥazəyâ meleḵə yəhûḏâ yāraḏ lirə’wōṯ ’eṯ-ywōrām:

17 wəhaṣṣōfeh ‘ōmēḏ ‘al-hammiḡədāl bəyizərə‘e’l wayyarə’ ’eṯ-šifə‘aṯ yēhû’ bəḇō’wō wayyō’mer šifə‘aṯ ’ănî rō’eh wayyō’mer yəhwōrām q^aḥ rakāḇ ûšəl^aḥ liqərā’ṯām wəyō’mar hăšālwōm:

18 wayyēleḵə rōḵēḇ hassûs liqərā’ṯwō wayyō’mer kōh-’āmar hammeleḵə hăšālwōm wayyō’mer yēhû’ mah-lləḵā ûləšālwōm sōḇ ’el-’^aḥărāy wayyagēḏ haṣṣōfeh lē’mōr bā’-hammalə’āḵə ‘aḏ-hēm wəlō’-šāḇ:

19 wayyišəl^aḥ rōḵēḇ sûs šēnî wayyāḇō’ ’ălēhem wayyō’mer kōh-’āmar hammeleḵə šālwōm wayyō’mer yēhû’ mah-lləḵā ûləšālwōm sōḇ ’el-’^aḥărāy:

20 wayyagēḏ haṣṣōfeh lē’mōr bā’ ‘aḏ-’ălêhem wəlō’-šāḇ wəhamminəhāḡ kəminəhaḡ yēhû’ ḇen-niməšî kî ḇəšigā‘wōn yinəhāḡ:

21 wayyō’mer yəhwōrām ’ĕsōr wayye’əsōr riḵəbwō wayyēṣē’ yəhwōrām meleḵə-yiśərā’ēl wa’ăḥazəyâû meleḵə-yəhûḏâ ’îš bəriḵəbwō wayyēṣə’û liqəra’ṯ yēhû’ wayyiməṣā’uhû bəḥeləqaṯ nāḇwōṯ hayyizərə‘ē’lî:

22 wayəhî kirə’wōṯ yəhwōrām ’eṯ-yēhû’ wayyō’mer hăšālwōm yēhû’ wayyō’mer mâ haššālwōm ‘aḏ-zənûnê ’îzeḇel ’imməḵā ûḵəšāfeyhā hārabîm:

23 wayyahăfōḵə yəhwōrām yāḏāyw wayyānōs wayyō’mer ’el-’ăḥazəyâû mirəmâ ’ăḥazəyâ:

24 wəyēhû’ millē’ yāḏwō ḇaqqešeṯ wayyaḵə ’eṯ-yəhwōrām bên zərō‘āyw wayyēṣē’ h^aḥēṣî millibwō wayyiḵər^a‘ bəriḵəbwō:

25 wayyō’mer ’el-biḏəqar šəlōšâ šālišwō śā’ hašəliḵēhû bəḥeləqaṯ śəḏēh nāḇwōṯ hayyizərə‘ē’lî kî-zəḵōr ’ănî wā’atâ ’ēṯ rōḵəḇîm ṣəmāḏîm ’^aḥărê ’^aḥə’āḇ ’āḇîw wayhwâ nāśā’ ‘ālāyw ’eṯ-hammaśśā’ hazzeh:

26 ’im-lō’ ’eṯ-dəmê nāḇwōṯ wə’eṯ-dəmê ḇānāyw rā’îṯî ’emeš nə’um-yəhwâ wəšillamətî ləḵā b^aḥeləqâ hazzō’ṯ nə’um-yəhwâ wə‘atâ śā’ hašəliḵēhû b^aḥeləqâ kiḏəḇar yəhwâ:

27 wa’ăḥazəyâ meleḵə-yəhûḏâ rā’â wayyānās dereḵə bêṯ hagān wayyirədōf ’^aḥărāyw yēhû’ wayyō’mer gam-’ōṯwō hakuhû ’el-hammerəkāḇâ bəm^a‘ălēh-ḡûr ’ăšer ’eṯ-yiḇələ‘ām wayyānās məḡidwō wayyāmāṯ šām:

28 wayyarəkiḇû ’ōṯwō ‘ăḇāḏāyw yərûšālāəmâ wayyiqəbərû ’ōṯwō ḇiqəḇurāṯwō ‘im-’ăḇōṯāyw bə‘îr dāwiḏ: f

29 ûḇišənaṯ ’^aḥaṯ ‘eśərēh šānâ ləywōrām ben-’^aḥə’āḇ mālaḵə ’ăḥazəyâ ‘al-yəhûḏâ:

30 wayyāḇwō’ yēhû’ yizərə‘e’lâ wə’îzeḇel šāmə‘â watāśem bapûḵə ‘êneyhā watêṭeḇ ’eṯ-rō’šāh watašəqēf bə‘aḏ h^aḥallwōn:

31 wəyēhû’ bā’ ḇaššā‘ar watō’mer hăšālwōm zimərî hōrēḡ ’ăḏōnāyw:

32 wayyiśśā’ fānāyw ’el-h^aḥallwōn wayyō’mer mî ’itî mî wayyašəqîfû ’ēlāyw šənayim šəlōšâ sārîsîm:

33 wayyō’mer šiməṭuhû šiməṭûhā wayyišəməṭûhā wayyiz midāmāh ’el-haqqîr wə’el-hassûsîm wayyirəməsennâ:

34 wayyāḇō’ wayyō’ḵal wayyēšətə wayyō’mer piqəḏû-nā’ ’eṯ-hā’ărûrâ hazzō’ṯ wəqiḇərûhā kî ḇaṯ-meleḵə hî’:

35 wayyēləḵû ləqāḇərāh wəlō’-māṣə’û ḇāh kî ’im-haguləgōleṯ wəhāraḡəlayim wəḵapwōṯ hayyāḏāyim:

36 wayyāšuḇû wayyagîḏû lwō wayyō’mer dəḇar-yəhwâ hû’ ’ăšer diber bəyaḏ-‘aḇədwō ’ēlîyâû hatišəbî lē’mōr bəḥēleq yizərə‘e’l yō’ḵəlû hakəlāḇîm ’eṯ-bəśar ’îzāḇel:

37 wəhāyāṯ wəhāyəṯâ niḇəlaṯ ’îzeḇel kəḏōmen ‘al-pənê haśśāḏeh bəḥēleq yizərə‘e’l ’ăšer lō’-yō’mərû zō’ṯ ’îzāḇel: f

Tanach (Hebrew): 2 Kings (2 Melakhim) Chapter 10

‎1 ‏וּלְאַחְאָ֛ב שִׁבְעִ֥ים בָּנִ֖ים בְּשֹׁמְר֑וֹן וַיִּכְתֹּב֩ יֵה֨וּא סְפָרִ֜ים וַיִּשְׁלַ֣ח שֹׁמְר֗וֹן אֶל־שָׂרֵ֤י יִזְרְעֶאל֙ הַזְּקֵנִ֔ים וְאֶל־הָאֹמְנִ֥ים אַחְאָ֖ב לֵאמֹֽר׃

‎2 ‏וְעַתָּ֗ה כְּבֹ֨א³ הַסֵּ֤פֶר הַזֶּה֙ אֲלֵיכֶ֔ם וְאִתְּכֶ֖ם בְּנֵ֣י אֲדֹנֵיכֶ֑ם וְאִתְּכֶם֙ הָרֶ֣כֶב וְהַסּוּסִ֔ים וְעִ֥יר מִבְצָ֖ר וְהַנָּֽשֶׁק׃

‎3 ‏וּרְאִיתֶ֞ם הַטּ֤וֹב וְהַיָּשָׁר֙ מִבְּנֵ֣י אֲדֹנֵיכֶ֔ם וְשַׂמְתֶּ֖ם עַל־כִּסֵּ֣א אָבִ֑יו וְהִֽלָּחֲמ֖וּ עַל־בֵּ֥ית אֲדֹנֵיכֶֽם׃

‎4 ‏וַיִּֽרְאוּ֙ מְאֹ֣ד מְאֹ֔ד וַיֹּ֣אמְר֔וּ הִנֵּה֙ שְׁנֵ֣י הַמְּלָכִ֔ים לֹ֥א עָמְד֖וּ לְפָנָ֑יו וְאֵ֖יךְ נַעֲמֹ֥ד אֲנָֽחְנוּ׃

‎5 ‏וַיִּשְׁלַ֣ח אֲשֶׁר־עַל־הַבַּ֣יִת וַאֲשֶׁ֪ר עַל־הָעִ֟יר וְהַזְּקֵנִים֩ וְהָאֹמְנִ֨ים אֶל־יֵה֤וּא׀ לֵאמֹר֙ עֲבָדֶ֣יךָ אֲנַ֔חְנוּ וְכֹ֛ל אֲשֶׁר־תֹּאמַ֥ר אֵלֵ֖ינוּ נַעֲשֶׂ֑ה לֹֽא־נַמְלִ֣יךְ אִ֔ישׁ הַטּ֥וֹב בְּעֵינֶ֖יךָ עֲשֵֽׂה׃

‎6 ‏וַיִּכְתֹּ֣ב אֲלֵיהֶם֩ סֵ֨פֶר׀ שֵׁנִ֜ית לֵאמֹ֗ר אִם־לִ֨י אַתֶּ֜ם וּלְקֹלִ֣י׀ אַתֶּ֣ם שֹׁמְעִ֗ים קְחוּ֙ אֶת־רָאשֵׁי֙ אַנְשֵׁ֣י בְנֵֽי־אֲדֹנֵיכֶ֔ם וּבֹ֧אוּ אֵלַ֛י כָּעֵ֥ת מָחָ֖ר יִזְרְעֶ֑אלָה וּבְנֵ֤י הַמֶּ֙לֶךְ֙ שִׁבְעִ֣ים אִ֔ישׁ אֶת־גְּדֹלֵ֥י הָעִ֖יר מְגַדְּלִ֥ים אוֹתָֽם׃

‎7 ‏וַיְהִ֗י כְּבֹ֤א הַסֵּ֙פֶר֙ אֲלֵיהֶ֔ם וַיִּקְחוּ֙ אֶת־בְּנֵ֣י הַמֶּ֔לֶךְ וַֽיִּשְׁחֲט֖וּ שִׁבְעִ֣ים אִ֑ישׁ וַיָּשִׂ֤ימוּ אֶת־רָֽאשֵׁיהֶם֙ בַּדּוּדִ֔ים וַיִּשְׁלְח֥וּ אֵלָ֖יו יִזְרְעֶֽאלָה׃

‎8 ‏וַיָּבֹ֤א הַמַּלְאָךְ֙ וַיַּגֶּד־ל֣וֹ לֵאמֹ֔ר הֵבִ֖יאוּ רָאשֵׁ֣י בְנֵֽי־הַמֶּ֑לֶךְ וַיֹּ֗אמֶר שִׂ֣ימוּ אֹתָ֞ם שְׁנֵ֧י צִבֻּרִ֛ים פֶּ֥תַח הַשַּׁ֖עַר עַד־הַבֹּֽקֶר׃

‎9 ‏וַיְהִ֤י בַבֹּ֙קֶר֙ וַיֵּצֵ֣א וַֽיַּעֲמֹ֔ד וַיֹּ֙אמֶר֙ אֶל־כָּל־הָעָ֔ם צַדִּקִ֖ים אַתֶּ֑ם הִנֵּ֨ה אֲנִ֜י קָשַׁ֤רְתִּי עַל־אֲדֹנִי֙ וָאֶהְרְגֵ֔הוּ וּמִ֥י הִכָּ֖ה אֶת־כָּל־אֵֽלֶּה׃

‎10 ‏דְּע֣וּ אֵפ֗וֹא כִּי֩ לֹ֨א יִפֹּ֜ל מִדְּבַ֤ר יְהוָה֙ אַ֔רְצָה אֲשֶׁר־דִּבֶּ֥ר יְהוָ֖ה עַל־בֵּ֣ית אַחְאָ֑ב וַיהוָ֣ה עָשָׂ֔ה אֵ֚ת אֲשֶׁ֣ר דִּבֶּ֔ר בְּיַ֖ד עַבְדּ֥וֹ אֵלִיָּֽהוּ׃

‎11 ‏וַיַּ֣ךְ יֵה֗וּא אֵ֣ת כָּל־הַנִּשְׁאָרִ֤ים לְבֵית־אַחְאָב֙ בְּיִזְרְעֶ֔אל וְכָל־גְּדֹלָ֖יו וּמְיֻדָּעָ֣יו וְכֹהֲנָ֑יו עַד־בִּלְתִּ֥י הִשְׁאִֽיר־ל֖וֹ שָׂרִֽיד׃

‎12 ‏וַיָּ֙קָם֙ וַיָּבֹ֔א וַיֵּ֖לֶךְ שֹׁמְר֑וֹן ה֛וּא בֵּֽית־עֵ֥קֶד הָרֹעִ֖ים בַּדָּֽרֶךְ׃

‎13 ‏וְיֵה֗וּא מָצָא֙ אֶת־אֲחֵי֙ אֲחַזְיָ֣הוּ מֶֽלֶךְ־יְהוּדָ֔ה וַיֹּ֖אמֶר מִ֣י אַתֶּ֑ם וַיֹּאמְר֗וּ אֲחֵ֤י אֲחַזְיָ֙הוּ֙ אֲנַ֔חְנוּ וַנֵּ֛רֶד לִשְׁל֥וֹם בְּנֵֽי־הַמֶּ֖לֶךְ וּבְנֵ֥י הַגְּבִירָֽה׃

‎14 ‏וַיֹּ֙אמֶר֙ תִּפְשׂ֣וּם חַיִּ֔ים וַֽיִּתְפְּשׂ֖וּם חַיִּ֑ים וַֽיִּשְׁחָט֞וּם אֶל־בּ֣וֹר בֵּֽית־עֵ֗קֶד אַרְבָּעִ֤ים וּשְׁנַ֙יִם֙ אִ֔ישׁ וְלֹֽא־הִשְׁאִ֥יר אִ֖ישׁ מֵהֶֽם׃ ס

‎15 ‏וַיֵּ֣לֶךְ מִשָּׁ֡ם וַיִּמְצָ֣א אֶת־יְהוֹנָדָב֩ בֶּן־רֵכָ֨ב לִקְרָאת֜וֹ וַֽיְבָרְכֵ֗הוּ וַיֹּ֨אמֶר אֵלָ֜יו הֲיֵ֧שׁ אֶת־לְבָבְךָ֣ יָשָׁ֗ר כַּאֲשֶׁ֤ר לְבָבִי֙ עִם־לְבָבֶ֔ךָ וַיֹּ֨אמֶר יְהוֹנָדָ֥ב יֵ֛שׁ וָיֵ֖שׁ תְּנָ֣ה אֶת־יָדֶ֑ךָ וַיִּתֵּ֣ן יָד֔וֹ וַיַּעֲלֵ֥הוּ אֵלָ֖יו אֶל־הַמֶּרְכָּבָֽה׃

‎16 ‏וַיֹּ֙אמֶר֙ לְכָ֣ה אִתִּ֔י וּרְאֵ֖ה בְּקִנְאָתִ֣י לַיהוָ֑ה וַיַּרְכִּ֥בוּ אֹת֖וֹ בְּרִכְבּֽוֹ׃

‎17 ‏וַיָּבֹא֙ שֹֽׁמְר֔וֹן וַ֠יַּךְ אֶת־כָּל־הַנִּשְׁאָרִ֧ים לְאַחְאָ֛ב בְּשֹׁמְר֖וֹן עַד־הִשְׁמִיד֑וֹ כִּדְבַ֣ר יְהוָ֔ה אֲשֶׁ֥ר דִּבֶּ֖ר אֶל־אֵלִיָּֽהוּ׃ פ

‎18 ‏וַיִּקְבֹּ֤ץ יֵהוּא֙ אֶת־כָּל־הָעָ֔ם וַיֹּ֣אמֶר אֲלֵהֶ֔ם אַחְאָ֕ב עָבַ֥ד אֶת־הַבַּ֖עַל מְעָ֑ט יֵה֖וּא יַעַבְדֶ֥נּוּ הַרְבֵּֽה׃

‎19 ‏וְעַתָּ֣ה כָל־נְבִיאֵ֣י הַבַּ֡עַל כָּל־עֹבְדָ֣יו וְכָל־כֹּהֲנָיו֩ קִרְא֨וּ אֵלַ֜י אִ֣ישׁ אַל־יִפָּקֵ֗ד כִּי֩ זֶ֨בַח גָּד֥וֹל לִי֙ לַבַּ֔עַל כֹּ֥ל אֲשֶׁר־יִפָּקֵ֖ד לֹ֣א יִֽחְיֶ֑ה וְיֵהוּא֙ עָשָׂ֣ה בְעָקְבָּ֔ה לְמַ֥עַן הַאֲבִ֖יד אֶת־עֹבְדֵ֥י הַבָּֽעַל׃

‎20 ‏וַיֹּ֣אמֶר יֵה֗וּא קַדְּשׁ֧וּ עֲצָרָ֛ה לַבַּ֖עַל וַיִּקְרָֽאוּ׃

‎21 ‏וַיִּשְׁלַ֤ח יֵהוּא֙ בְּכָל־יִשְׂרָאֵ֔ל וַיָּבֹ֙אוּ֙ כָּל־עֹבְדֵ֣י הַבַּ֔עַל וְלֹֽא־נִשְׁאַ֥ר אִ֖ישׁ אֲשֶׁ֣ר לֹֽא־בָ֑א וַיָּבֹ֙אוּ֙ בֵּ֣ית הַבַּ֔עַל וַיִּמָּלֵ֥א בֵית־הַבַּ֖עַל פֶּ֥ה לָפֶֽה׃

‎22 ‏וַיֹּ֗אמֶר לַֽאֲשֶׁר֙ עַל־הַמֶּלְתָּחָ֔ה הוֹצֵ֣א לְב֔וּשׁ לְכֹ֖ל עֹבְדֵ֣י הַבָּ֑עַל וַיֹּצֵ֥א לָהֶ֖ם הַמַּלְבּֽוּשׁ׃

‎23 ‏וַיָּבֹ֥א יֵה֛וּא וִיהוֹנָדָ֥ב בֶּן־רֵכָ֖ב בֵּ֣ית הַבָּ֑עַל וַיֹּ֜אמֶר לְעֹבְדֵ֣י הַבַּ֗עַל חַפְּשׂ֤וּ וּרְאוּ֙ פֶּן־יֶשׁ־פֹּ֤ה עִמָּכֶם֙ מֵעַבְדֵ֣י יְהוָ֔ה כִּ֛י אִם־עֹבְדֵ֥י הַבַּ֖עַל לְבַדָּֽם׃

‎24 ‏וַיָּבֹ֕אוּ לַעֲשׂ֖וֹת זְבָחִ֣ים וְעֹל֑וֹת וְיֵה֞וּא שָׂם־ל֤וֹ בַחוּץ֙ שְׁמֹנִ֣ים אִ֔ישׁ וַיֹּ֗אמֶר הָאִ֤ישׁ אֲשֶׁר־יִמָּלֵט֙ מִן־הָאֲנָשִׁ֗ים אֲשֶׁ֤ר אֲנִי֙ מֵבִ֣יא עַל־יְדֵיכֶ֔ם נַפְשׁ֖וֹ תַּ֥חַת נַפְשֽׁוֹ׃

‎25 ‏וַיְהִ֞י כְּכַלֹּת֣וֹ׀ לַעֲשׂ֣וֹת הָעֹלָ֗ה וַיֹּ֣אמֶר יֵ֠הוּא לָרָצִ֨ים וְלַשָּׁלִשִׁ֜ים בֹּ֤אוּ הַכּוּם֙ אִ֣ישׁ אַל־יֵצֵ֔א וַיַּכּ֖וּם לְפִי־חָ֑רֶב וַיַּשְׁלִ֗כוּ הָֽרָצִים֙ וְהַשָּׁ֣לִשִׁ֔ים וַיֵּלְכ֖וּ עַד־עִ֥יר בֵּית־הַבָּֽעַל׃

‎26 ‏וַיֹּצִ֛אוּ אֶת־מַצְּב֥וֹת בֵּית־הַבַּ֖עַל וַֽיִּשְׂרְפֽוּהָ׃

‎27 ‏וַֽיִּתְּצ֔וּ אֵ֖ת מַצְּבַ֣ת הַבָּ֑עַל וַֽיִּתְּצוּ֙ אֶת־בֵּ֣ית הַבַּ֔עַל וַיְשִׂמֻ֥הוּ למחראות לְמֽוֹצָא֖וֹת עַד־הַיּֽוֹם׃

‎28 ‏וַיַּשְׁמֵ֥ד יֵה֛וּא אֶת־הַבַּ֖עַל מִיִּשְׂרָאֵֽל׃

‎29 ‏רַ֠ק חֲטָאֵ֞י יָרָבְעָ֤ם בֶּן־נְבָט֙ אֲשֶׁ֣ר הֶחֱטִ֣יא אֶת־יִשְׂרָאֵ֔ל לֹֽא־סָ֥ר יֵה֖וּא מֵאַֽחֲרֵיהֶ֑ם עֶגְלֵי֙ הַזָּהָ֔ב אֲשֶׁ֥ר בֵּֽית־אֵ֖ל וַאֲשֶׁ֥ר בְּדָֽן׃ ס

‎30 ‏וַיֹּ֨אמֶר יְהוָ֜ה אֶל־יֵה֗וּא יַ֤עַן אֲשֶׁר־הֱטִיבֹ֙תָ֙ לַעֲשׂ֤וֹת הַיָּשָׁר֙ בְּעֵינַ֔י כְּכֹל֙ אֲשֶׁ֣ר בִּלְבָבִ֔י עָשִׂ֖יתָ לְבֵ֣ית אַחְאָ֑ב בְּנֵ֣י רְבִעִ֔ים יֵשְׁב֥וּ לְךָ֖ עַל־כִּסֵּ֥א יִשְׂרָאֵֽל׃

‎31 ‏וְיֵה֗וּא לֹ֥א שָׁמַ֛ר לָלֶ֛כֶת בְּתֽוֹרַת־יְהוָ֥ה אֱלֹהֵֽי־יִשְׂרָאֵ֖ל בְּכָל־לְבָב֑וֹ לֹ֣א סָ֗ר מֵעַל֙ חַטֹּ֣אות יָֽרָבְעָ֔ם אֲשֶׁ֥ר הֶחֱטִ֖יא אֶת־יִשְׂרָאֵֽל׃

‎32 ‏בַּיָּמִ֣ים הָהֵ֔ם הֵחֵ֣ל יְהוָ֔ה לְקַצּ֖וֹת בְּיִשְׂרָאֵ֑ל וַיַּכֵּ֥ם חֲזָאֵ֖ל בְּכָל־גְּב֥וּל יִשְׂרָאֵֽל׃

‎33 ‏מִן־הַיַּרְדֵּן֙ מִזְרַ֣ח הַשֶּׁ֔מֶשׁ אֵ֚ת כָּל־אֶ֣רֶץ הַגִּלְעָ֔ד הַגָּדִ֥י וְהָרֻאובֵנִ֖י וְהַֽמְנַשִּׁ֑י מֵעֲרֹעֵר֙ אֲשֶׁ֣ר עַל־נַ֣חַל אַרְנֹ֔ן וְהַגִּלְעָ֖ד וְהַבָּשָֽׁן׃

‎34 ‏וְיֶ֨תֶר דִּבְרֵ֥י יֵה֛וּא וְכָל־אֲשֶׁ֥ר עָשָׂ֖ה וְכָל־גְּבוּרָת֑וֹ הֲלֽוֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

‎35 ‏וַיִּשְׁכַּ֤ב יֵהוּא֙ עִם־אֲבֹתָ֔יו וַיִּקְבְּר֥וּ אֹת֖וֹ בְּשֹׁמְר֑וֹן וַיִּמְלֹ֛ךְ יְהוֹאָחָ֥ז בְּנ֖וֹ תַּחְתָּֽיו׃

‎36 ‏וְהַיָּמִ֗ים אֲשֶׁ֨ר מָלַ֤ךְ יֵהוּא֙ עַל־יִשְׂרָאֵ֔ל עֶשְׂרִ֥ים וּשְׁמֹנֶֽה־שָׁנָ֖ה בְּשֹׁמְרֽוֹן׃ פ

1 ûlə’^aḥə’āḇ šiḇə‘îm bānîm bəšōmərwōn wayyiḵətōḇ yēhû’ səfārîm wayyišəl^aḥ šōmərwōn ’el-śārê yizərə‘e’l hazzəqēnîm wə’el-hā’ōmənîm ’^aḥə’āḇ lē’mōr:

2 wə‘atâ kəḇō’³ hassēfer hazzeh ’ălêḵem wə’itəḵem bənê ’ăḏōnêḵem wə’itəḵem hāreḵeḇ wəhassûsîm wə‘îr miḇəṣār wəhannāšeq:

3 ûrə’îṯem haṭṭwōḇ wəhayyāšār mibənê ’ăḏōnêḵem wəśamətem ‘al-kissē’ ’āḇîw wəhillāḥămû ‘al-bêṯ ’ăḏōnêḵem:

4 wayyirə’û mə’ōḏ mə’ōḏ wayyō’mərû hinnēh šənê hamməlāḵîm lō’ ‘āməḏû ləfānāyw wə’êḵə n^a‘ămōḏ ’ănāḥənû:

5 wayyišəl^aḥ ’ăšer-‘al-habayiṯ wa’ăšer ‘al-hā‘îr wəhazzəqēnîm wəhā’ōmənîm ’el-yēhû’| lē’mōr ‘ăḇāḏeyḵā ’ăn^aḥənû wəḵōl ’ăšer-tō’mar ’ēlênû n^a‘ăśeh lō’-naməlîḵə ’îš haṭṭwōḇ bə‘êneyḵā ‘ăśēh:

6 wayyiḵətōḇ ’ălêhem sēfer| šēnîṯ lē’mōr ’im-lî ’atem ûləqōlî| ’atem šōmə‘îm qəḥû ’eṯ-rā’šê ’anəšê ḇənê-’ăḏōnêḵem ûḇō’û ’ēlay kā‘ēṯ māḥār yizərə‘e’lâ ûḇənê hammeleḵə šiḇə‘îm ’îš ’eṯ-gəḏōlê hā‘îr məḡadəlîm ’wōṯām:

7 wayəhî kəḇō’ hassēfer ’ălêhem wayyiqəḥû ’eṯ-bənê hammeleḵə wayyišəḥăṭû šiḇə‘îm ’îš wayyāśîmû ’eṯ-rā’šêhem badûḏîm wayyišələḥû ’ēlāyw yizərə‘e’lâ:

8 wayyāḇō’ hammalə’āḵə wayyageḏ-lwō lē’mōr hēḇî’û rā’šê ḇənê-hammeleḵə wayyō’mer śîmû ’ōṯām šənê ṣiburîm peṯ^aḥ hašš^a‘ar ‘aḏ-habōqer:

9 wayəhî ḇabōqer wayyēṣē’ wayy^a‘ămōḏ wayyō’mer ’el-kāl-hā‘ām ṣadiqîm ’atem hinnēh ’ănî qāšarətî ‘al-’ăḏōnî wā’ehərəḡēhû ûmî hikâ ’eṯ-kāl-’ēlleh:

10 də‘û ’ēfwō’ kî lō’ yipōl midəḇar yəhwâ ’arəṣâ ’ăšer-diber yəhwâ ‘al-bêṯ ’^aḥə’āḇ wayhwâ ‘āśâ ’ēṯ ’ăšer diber bəyaḏ ‘aḇədwō ’ēlîyâû:

11 wayyaḵə yēhû’ ’ēṯ kāl-hannišə’ārîm ləḇêṯ-’^aḥə’āḇ bəyizərə‘e’l wəḵāl-gəḏōlāyw ûməyudā‘āyw wəḵōhănāyw ‘aḏ-bilətî hišə’îr-lwō śārîḏ:

12 wayyāqām wayyāḇō’ wayyēleḵə šōmərwōn hû’ bêṯ-‘ēqeḏ hārō‘îm badāreḵə:

13 wəyēhû’ māṣā’ ’eṯ-’ăḥê ’ăḥazəyâû meleḵə-yəhûḏâ wayyō’mer mî ’atem wayyō’mərû ’ăḥê ’ăḥazəyâû ’ăn^aḥənû wannēreḏ lišəlwōm bənê-hammeleḵə ûḇənê hagəḇîrâ:

14 wayyō’mer tifəśûm ḥayyîm wayyiṯəpəśûm ḥayyîm wayyišəḥāṭûm ’el-bwōr bêṯ-‘ēqeḏ ’arəbā‘îm ûšənayim ’îš wəlō’-hišə’îr ’îš mēhem: s

15 wayyēleḵə miššām wayyiməṣā’ ’eṯ-yəhwōnāḏāḇ ben-rēḵāḇ liqərā’ṯwō wayəḇārəḵēhû wayyō’mer ’ēlāyw hăyēš ’eṯ-ləḇāḇəḵā yāšār ka’ăšer ləḇāḇî ‘im-ləḇāḇeḵā wayyō’mer yəhwōnāḏāḇ yēš wāyēš tənâ ’eṯ-yāḏeḵā wayyitēn yāḏwō wayy^a‘ălēhû ’ēlāyw ’el-hammerəkāḇâ:

16 wayyō’mer ləḵâ ’itî ûrə’ēh bəqinə’āṯî layhwâ wayyarəkiḇû ’ōṯwō bəriḵəbwō:

17 wayyāḇō’ šōmərwōn wayyaḵə ’eṯ-kāl-hannišə’ārîm lə’^aḥə’āḇ bəšōmərwōn ‘aḏ-hišəmîḏwō kiḏəḇar yəhwâ ’ăšer diber ’el-’ēlîyâû: f

18 wayyiqəbōṣ yēhû’ ’eṯ-kāl-hā‘ām wayyō’mer ’ălēhem ’^aḥə’āḇ ‘āḇaḏ ’eṯ-hab^a‘al mə‘āṭ yēhû’ y^a‘aḇəḏennû harəbēh:

19 wə‘atâ ḵāl-nəḇî’ê hab^a‘al kāl-‘ōḇəḏāyw wəḵāl-kōhănāyw qirə’û ’ēlay ’îš ’al-yipāqēḏ kî zeḇ^aḥ gāḏwōl lî lab^a‘al kōl ’ăšer-yipāqēḏ lō’ yiḥəyeh wəyēhû’ ‘āśâ ḇə‘āqəbâ ləm^a‘an ha’ăḇîḏ ’eṯ-‘ōḇəḏê habā‘al:

20 wayyō’mer yēhû’ qadəšû ‘ăṣārâ lab^a‘al wayyiqərā’û:

21 wayyišəl^aḥ yēhû’ bəḵāl-yiśərā’ēl wayyāḇō’û kāl-‘ōḇəḏê hab^a‘al wəlō’-nišə’ar ’îš ’ăšer lō’-ḇā’ wayyāḇō’û bêṯ hab^a‘al wayyimmālē’ ḇêṯ-hab^a‘al peh lāfeh:

22 wayyō’mer la’ăšer ‘al-hammelətāḥâ hwōṣē’ ləḇûš ləḵōl ‘ōḇəḏê habā‘al wayyōṣē’ lâem hammaləbûš:

23 wayyāḇō’ yēhû’ wîhwōnāḏāḇ ben-rēḵāḇ bêṯ habā‘al wayyō’mer lə‘ōḇəḏê hab^a‘al ḥapəśû ûrə’û pen-yeš-pōh ‘immāḵem mē‘aḇəḏê yəhwâ kî ’im-‘ōḇəḏê hab^a‘al ləḇadām:

24 wayyāḇō’û l^a‘ăśwōṯ zəḇāḥîm wə‘ōlwōṯ wəyēhû’ śām-lwō ḇ^aḥûṣ šəmōnîm ’îš wayyō’mer hā’îš ’ăšer-yimmālēṭ min-hā’ănāšîm ’ăšer ’ănî mēḇî’ ‘al-yəḏêḵem nafəšwō t^aḥaṯ nafəšwō:

25 wayəhî kəḵallōṯwō| l^a‘ăśwōṯ hā‘ōlâ wayyō’mer yēhû’ lārāṣîm wəlaššālišîm bō’û hakûm ’îš ’al-yēṣē’ wayyakûm ləfî-ḥāreḇ wayyašəliḵû hārāṣîm wəhaššālišîm wayyēləḵû ‘aḏ-‘îr bêṯ-habā‘al:

26 wayyōṣi’û ’eṯ-maṣṣəḇwōṯ bêṯ-hab^a‘al wayyiśərəfûhā:

27 wayyitəṣû ’ēṯ maṣṣəḇaṯ habā‘al wayyitəṣû ’eṯ-bêṯ hab^a‘al wayəśimuhû ləm^aḥărā’wōṯ ləmwōṣā’wōṯ ‘aḏ-hayywōm:

28 wayyašəmēḏ yēhû’ ’eṯ-hab^a‘al mîyiśərā’ēl:

29 raq ḥăṭā’ê yārāḇə‘ām ben-nəḇāṭ ’ăšer heḥĕṭî’ ’eṯ-yiśərā’ēl lō’-sār yēhû’ mē’^aḥărêhem ‘eḡəlê hazzâāḇ ’ăšer bêṯ-’ēl wa’ăšer bəḏān: s

30 wayyō’mer yəhwâ ’el-yēhû’ y^a‘an ’ăšer-hĕṭîḇōṯā l^a‘ăśwōṯ hayyāšār bə‘ênay kəḵōl ’ăšer biləḇāḇî ‘āśîṯā ləḇêṯ ’^aḥə’āḇ bənê rəḇi‘îm yēšəḇû ləḵā ‘al-kissē’ yiśərā’ēl:

31 wəyēhû’ lō’ šāmar lāleḵeṯ bəṯwōraṯ-yəhwâ ’ĕlōhê-yiśərā’ēl bəḵāl-ləḇāḇwō lō’ sār mē‘al ḥaṭṭō’wṯ yārāḇə‘ām ’ăšer heḥĕṭî’ ’eṯ-yiśərā’ēl:

32 bayyāmîm hâēm hēḥēl yəhwâ ləqaṣṣwōṯ bəyiśərā’ēl wayyakēm ḥăzā’ēl bəḵāl-gəḇûl yiśərā’ēl:

33 min-hayyarədēn mizər^aḥ haššemeš ’ēṯ kāl-’ereṣ hagilə‘āḏ hagāḏî wəhāru’wḇēnî wəhamənaššî mē‘ărō‘ēr ’ăšer ‘al-n^aḥal ’arənōn wəhagilə‘āḏ wəhabāšān:

34 wəyeṯer diḇərê yēhû’ wəḵāl-’ăšer ‘āśâ wəḵāl-gəḇûrāṯwō hălwō’-hēm kəṯûḇîm ‘al-sēfer diḇərê hayyāmîm ləmaləḵê yiśərā’ēl:

35 wayyišəkaḇ yēhû’ ‘im-’ăḇōṯāyw wayyiqəbərû ’ōṯwō bəšōmərwōn wayyiməlōḵə yəhwō’āḥāz bənwō t^aḥətāyw:

36 wəhayyāmîm ’ăšer mālaḵə yēhû’ ‘al-yiśərā’ēl ‘eśərîm ûšəmōneh-šānâ bəšōmərwōn: f

Tanach (Hebrew): 2 Kings (2 Melakhim) Chapter 11

‎1 ‏וַֽעֲתַלְיָה֙ אֵ֣ם אֲחַזְיָ֔הוּ וראתה רָאֲתָ֖ה כִּ֣י מֵ֣ת בְּנָ֑הּ וַתָּ֙קָם֙ וַתְּאַבֵּ֔ד אֵ֖ת כָּל־זֶ֥רַע הַמַּמְלָכָֽה׃

‎2 ‏וַתִּקַּ֣ח יְהוֹשֶׁ֣בַע בַּת־הַמֶּֽלֶךְ־י֠וֹרָם אֲח֨וֹת אֲחַזְיָ֜הוּ אֶת־יוֹאָ֣שׁ בֶּן־אֲחַזְיָ֗ה וַתִּגְנֹ֤ב אֹתוֹ֙ מִתּ֤וֹךְ בְּנֵֽי־הַמֶּ֙לֶךְ֙ הממותתים הַמּ֣וּמָתִ֔ים אֹת֥וֹ וְאֶת־מֵינִקְתּ֖וֹ בַּחֲדַ֣ר הַמִּטּ֑וֹת וַיַּסְתִּ֧רוּ אֹת֛וֹ מִפְּנֵ֥י עֲתַלְיָ֖הוּ וְלֹ֥א הוּמָֽת׃

‎3 ‏וַיְהִ֤י אִתָּהּ֙ בֵּ֣ית יְהוָ֔ה מִתְחַבֵּ֖א שֵׁ֣שׁ שָׁנִ֑ים וַעֲתַלְיָ֖ה מֹלֶ֥כֶת עַל־הָאָֽרֶץ׃ פ

‎4 ‏וּבַשָּׁנָ֣ה הַ֠שְּׁבִיעִית שָׁלַ֨ח יְהוֹיָדָ֜ע וַיִּקַּ֣ח׀ אֶת־שָׂרֵ֣י המאיות הַמֵּא֗וֹת לַכָּרִי֙ וְלָ֣רָצִ֔ים וַיָּבֵ֥א אֹתָ֛ם אֵלָ֖יו בֵּ֣ית יְהוָ֑ה וַיִּכְרֹת֩ לָהֶ֨ם בְּרִ֜ית וַיַּשְׁבַּ֤ע אֹתָם֙ בְּבֵ֣ית יְהוָ֔ה וַיַּ֥רְא אֹתָ֖ם אֶת־בֶּן־הַמֶּֽלֶךְ׃

‎5 ‏וַיְצַוֵּ֣ם לֵאמֹ֔ר זֶ֥ה הַדָּבָ֖ר אֲשֶׁ֣ר תַּעֲשׂ֑וּן הַשְּׁלִשִׁ֤ית מִכֶּם֙ בָּאֵ֣י הַשַּׁבָּ֔ת וְשֹׁ֣מְרֵ֔י מִשְׁמֶ֖רֶת בֵּ֥ית הַמֶּֽלֶךְ׃

‎6 ‏וְהַשְּׁלִשִׁית֙ בְּשַׁ֣עַר ס֔וּר וְהַשְּׁלִשִׁ֥ית בַּשַּׁ֖עַר אַחַ֣ר הָרָצִ֑ים וּשְׁמַרְתֶּ֛ם אֶת־מִשְׁמֶ֥רֶת הַבַּ֖יִת מַסָּֽח׃

‎7 ‏וּשְׁתֵּ֤י הַיָּדוֹת֙ בָּכֶ֔ם כֹּ֖ל יֹצְאֵ֣י הַשַּׁבָּ֑ת וְשָֽׁמְר֛וּ אֶת־מִשְׁמֶ֥רֶת בֵּית־יְהוָ֖ה אֶל־הַמֶּֽלֶךְ׃

‎8 ‏וְהִקַּפְתֶּ֨ם עַל־הַמֶּ֜לֶךְ סָבִ֗יב אִ֚ישׁ וְכֵלָ֣יו בְּיָד֔וֹ וְהַבָּ֥א אֶל־הַשְּׂדֵר֖וֹת יוּמָ֑ת וִהְי֥וּ אֶת־הַמֶּ֖לֶךְ בְּצֵאת֥וֹ וּבְבֹאֽוֹ׃

‎9 ‏וַֽיַּעֲשׂ֞וּ שָׂרֵ֣י המאיות הַמֵּא֗וֹת כְּכֹ֣ל אֲשֶׁר־צִוָּה֮ יְהוֹיָדָ֣ע הַכֹּהֵן֒ וַיִּקְחוּ֙ אִ֣ישׁ אֶת־אֲנָשָׁ֔יו בָּאֵ֣י הַשַּׁבָּ֔ת עִ֖ם יֹצְאֵ֣י הַשַּׁבָּ֑ת וַיָּבֹ֖אוּ אֶל־יְהוֹיָדָ֥ע הַכֹּהֵֽן׃

‎10 ‏וַיִּתֵּ֨ן הַכֹּהֵ֜ן לְשָׂרֵ֣י המאיות הַמֵּא֗וֹת אֶֽת־הַחֲנִית֙ וְאֶת־הַשְּׁלָטִ֔ים אֲשֶׁ֖ר לַמֶּ֣לֶךְ דָּוִ֑ד אֲשֶׁ֖ר בְּבֵ֥ית יְהוָֽה׃

‎11 ‏וַיַּעַמְד֨וּ הָרָצִ֜ים אִ֣ישׁ׀ וְכֵלָ֣יו בְּיָד֗וֹ מִכֶּ֨תֶף הַבַּ֤יִת הַיְמָנִית֙ עַד־כֶּ֤תֶף הַבַּ֙יִת֙ הַשְּׂמָאלִ֔ית לַמִּזְבֵּ֖חַ וְלַבָּ֑יִת עַל־הַמֶּ֖לֶךְ סָבִֽיב׃

‎12 ‏וַיּוֹצִ֣א אֶת־בֶּן־הַמֶּ֗לֶךְ וַיִּתֵּ֤ן עָלָיו֙ אֶת־הַנֵּ֙זֶר֙ וְאֶת־הָ֣עֵד֔וּת וַיַּמְלִ֥כוּ אֹת֖וֹ וַיִּמְשָׁחֻ֑הוּ וַיַּכּוּ־כָ֔ף וַיֹּאמְר֖וּ יְחִ֥י הַמֶּֽלֶךְ׃ ס

‎13 ‏וַתִּשְׁמַ֣ע עֲתַלְיָ֔ה אֶת־ק֥וֹל הָֽרָצִ֖ין הָעָ֑ם וַתָּבֹ֥א אֶל־הָעָ֖ם בֵּ֥ית יְהוָֽה׃

‎14 ‏וַתֵּ֡רֶא וְהִנֵּ֣ה הַמֶּלֶךְ֩ עֹמֵ֨ד עַֽל־הָעַמּ֜וּד כַּמִּשְׁפָּ֗ט וְהַשָּׂרִ֤ים וְהַחֲצֹֽצְרוֹת֙ אֶל־הַמֶּ֔לֶךְ וְכָל־עַ֤ם הָאָ֙רֶץ֙ שָׂמֵ֔חַ וְתֹקֵ֖עַ בַּחֲצֹֽצְר֑וֹת וַתִּקְרַ֤ע עֲתַלְיָה֙ אֶת־בְּגָדֶ֔יהָ וַתִּקְרָ֖א קֶ֥שֶׁר קָֽשֶׁר׃ ס

‎15 ‏וַיְצַו֩ יְהוֹיָדָ֨ע הַכֹּהֵ֜ן אֶת־שָׂרֵ֥י המיאות הַמֵּא֣וֹת׀ פְּקֻדֵ֣י הַחַ֗יִל וַיֹּ֤אמֶר אֲלֵיהֶם֙ הוֹצִ֤יאוּ אֹתָהּ֙ אֶל־מִבֵּ֣ית לַשְּׂדֵרֹ֔ת וְהַבָּ֥א אַחֲרֶ֖יהָ הָמֵ֣ת בֶּחָ֑רֶב כִּ֚י אָמַ֣ר הַכֹּהֵ֔ן אַל־תּוּמַ֖ת בֵּ֥ית יְהוָֽה׃

‎16 ‏וַיָּשִׂ֤מוּ לָהּ֙ יָדַ֔יִם וַתָּב֛וֹא דֶּֽרֶךְ־מְב֥וֹא הַסּוּסִ֖ים בֵּ֣ית הַמֶּ֑לֶךְ וַתּוּמַ֖ת שָֽׁם׃ ס

‎17 ‏וַיִּכְרֹ֨ת יְהוֹיָדָ֜ע אֶֽת־הַבְּרִ֗ית בֵּ֤ין יְהוָה֙ וּבֵ֤ין הַמֶּ֙לֶךְ֙ וּבֵ֣ין הָעָ֔ם לִהְי֥וֹת לְעָ֖ם לַֽיהוָ֑ה וּבֵ֥ין הַמֶּ֖לֶךְ וּבֵ֥ין הָעָֽם׃

‎18 ‏וַיָּבֹ֣אוּ כָל־עַם֩ הָאָ֨רֶץ בֵּית־הַבַּ֜עַל וַֽיִּתְּצֻ֗הוּ אֶת־מזבחתו מִזְבְּחֹתָ֤יו וְאֶת־צְלָמָיו֙ שִׁבְּר֣וּ הֵיטֵ֔ב וְאֵ֗ת מַתָּן֙ כֹּהֵ֣ן הַבַּ֔עַל הָרְג֖וּ לִפְנֵ֣י הַֽמִּזְבְּח֑וֹת וַיָּ֧שֶׂם הַכֹּהֵ֛ן פְּקֻדּ֖וֹת עַל־בֵּ֥ית יְהוָֽה׃

‎19 ‏וַיִּקַּ֣ח אֶת־שָׂרֵ֣י הַ֠מֵּאוֹת וְאֶת־הַכָּרִ֨י וְאֶת־הָרָצִ֜ים וְאֵ֣ת׀ כָּל־עַ֣ם הָאָ֗רֶץ וַיֹּרִ֤ידוּ אֶת־הַמֶּ֙לֶךְ֙ מִבֵּ֣ית יְהוָ֔ה וַיָּב֛וֹאוּ דֶּֽרֶך־שַׁ֥עַר¹ הָרָצִ֖ים בֵּ֣ית הַמֶּ֑לֶךְ וַיֵּ֖שֶׁב עַל־כִּסֵּ֥א הַמְּלָכִֽים׃

‎20 ‏וַיִּשְׂמַ֥ח כָּל־עַם־הָאָ֖רֶץ וְהָעִ֣יר שָׁקָ֑טָה וְאֶת־עֲתַלְיָ֛הוּ הֵמִ֥יתוּ בַחֶ֖רֶב בֵּ֥ית מלך הַמֶּֽלֶךְ׃ ס

1 w^a‘ăṯaləyâ ’ēm ’ăḥazəyâû wərā’ăṯâ rā’ăṯâ kî mēṯ bənāh watāqām watə’abēḏ ’ēṯ kāl-zer^a‘ hammaməlāḵâ:

2 watiqq^aḥ yəhwōšeḇ^a‘ baṯ-hammeleḵə-ywōrām ’ăḥwōṯ ’ăḥazəyâû ’eṯ-ywō’āš ben-’ăḥazəyâ watiḡənōḇ ’ōṯwō mitwōḵə bənê-hammeleḵə hammāmwōṯəṯîm hammûmāṯîm ’ōṯwō wə’eṯ-mêniqətwō b^aḥăḏar hammiṭṭwōṯ wayyasətirû ’ōṯwō mipənê ‘ăṯaləyâû wəlō’ hûmāṯ:

3 wayəhî ’itāh bêṯ yəhwâ miṯəḥabē’ šēš šānîm w^a‘ăṯaləyâ mōleḵeṯ ‘al-hā’āreṣ: f

4 ûḇaššānâ haššəḇî‘îṯ šāl^aḥ yəhwōyāḏā‘ wayyiqq^aḥ| ’eṯ-śārê hammē’ywōṯ hammē’wōṯ lakārî wəlārāṣîm wayyāḇē’ ’ōṯām ’ēlāyw bêṯ yəhwâ wayyiḵərōṯ lâem bərîṯ wayyašəb^a‘ ’ōṯām bəḇêṯ yəhwâ wayyarə’ ’ōṯām ’eṯ-ben-hammeleḵə:

5 wayəṣaûēm lē’mōr zeh hadāḇār ’ăšer t^a‘ăśûn haššəlišîṯ mikem bā’ê haššabāṯ wəšōmərê mišəmereṯ bêṯ hammeleḵə:

6 wəhaššəlišîṯ bəš^a‘ar sûr wəhaššəlišîṯ bašš^a‘ar ’^aḥar hārāṣîm ûšəmarətem ’eṯ-mišəmereṯ habayiṯ massāḥ:

7 ûšətê hayyāḏwōṯ bāḵem kōl yōṣə’ê haššabāṯ wəšāmərû ’eṯ-mišəmereṯ bêṯ-yəhwâ ’el-hammeleḵə:

8 wəhiqqafətem ‘al-hammeleḵə sāḇîḇ ’îš wəḵēlāyw bəyāḏwō wəhabā’ ’el-haśśəḏērwōṯ yûmāṯ wihəyû ’eṯ-hammeleḵə bəṣē’ṯwō ûḇəḇō’wō:

9 wayy^a‘ăśû śārê hammē’ywōṯ hammē’wōṯ kəḵōl ’ăšer-ṣiûâ yəhwōyāḏā‘ hakōhēn wayyiqəḥû ’îš ’eṯ-’ănāšāyw bā’ê haššabāṯ ‘im yōṣə’ê haššabāṯ wayyāḇō’û ’el-yəhwōyāḏā‘ hakōhēn:

10 wayyitēn hakōhēn ləśārê hammē’ywōṯ hammē’wōṯ ’eṯ-h^aḥănîṯ wə’eṯ-haššəlāṭîm ’ăšer lammeleḵə dāwiḏ ’ăšer bəḇêṯ yəhwâ:

11 wayy^a‘aməḏû hārāṣîm ’îš| wəḵēlāyw bəyāḏwō mikeṯef habayiṯ hayəmānîṯ ‘aḏ-keṯef habayiṯ haśśəmā’lîṯ lammizəbēḥa wəlabāyiṯ ‘al-hammeleḵə sāḇîḇ:

12 wayywōṣi’ ’eṯ-ben-hammeleḵə wayyitēn ‘ālāyw ’eṯ-hannēzer wə’eṯ-hā‘ēḏûṯ wayyaməliḵû ’ōṯwō wayyiməšāḥuhû wayyakû-ḵāf wayyō’mərû yəḥî hammeleḵə: s

13 watišəm^a‘ ‘ăṯaləyâ ’eṯ-qwōl hārāṣîn hā‘ām watāḇō’ ’el-hā‘ām bêṯ yəhwâ:

14 watēre’ wəhinnēh hammeleḵə ‘ōmēḏ ‘al-hā‘ammûḏ kammišəpāṭ wəhaśśārîm wəh^aḥăṣōṣərwōṯ ’el-hammeleḵə wəḵāl-‘am hā’āreṣ śāmēḥa wəṯōqē‘a b^aḥăṣōṣərwōṯ watiqər^a‘ ‘ăṯaləyâ ’eṯ-bəḡāḏeyhā watiqərā’ qešer qāšer: s

15 wayəṣaw yəhwōyāḏā‘ hakōhēn ’eṯ-śārê hammê’wōṯ hammē’wōṯ| pəquḏê h^aḥayil wayyō’mer ’ălêhem hwōṣî’û ’ōṯāh ’el-mibêṯ laśśəḏērōṯ wəhabā’ ’^aḥăreyhā hāmēṯ beḥāreḇ kî ’āmar hakōhēn ’al-tûmaṯ bêṯ yəhwâ:

16 wayyāśimû lāh yāḏayim watāḇwō’ dereḵə-məḇwō’ hassûsîm bêṯ hammeleḵə watûmaṯ šām: s

17 wayyiḵərōṯ yəhwōyāḏā‘ ’eṯ-habərîṯ bên yəhwâ ûḇên hammeleḵə ûḇên hā‘ām lihəywōṯ lə‘ām layhwâ ûḇên hammeleḵə ûḇên hā‘ām:

18 wayyāḇō’û ḵāl-‘am hā’āreṣ bêṯ-hab^a‘al wayyitəṣuhû ’eṯ-mizəbəḥōṯāw mizəbəḥōṯāyw wə’eṯ-ṣəlāmāyw šibərû hêṭēḇ wə’ēṯ matān kōhēn hab^a‘al hārəḡû lifənê hammizəbəḥwōṯ wayyāśem hakōhēn pəqudwōṯ ‘al-bêṯ yəhwâ:

19 wayyiqq^aḥ ’eṯ-śārê hammē’wōṯ wə’eṯ-hakārî wə’eṯ-hārāṣîm wə’ēṯ| kāl-‘am hā’āreṣ wayyōrîḏû ’eṯ-hammeleḵə mibêṯ yəhwâ wayyāḇwō’û dereḵ-š^a‘ar¹ hārāṣîm bêṯ hammeleḵə wayyēšeḇ ‘al-kissē’ hamməlāḵîm:

20 wayyiśəm^aḥ kāl-‘am-hā’āreṣ wəhā‘îr šāqāṭâ wə’eṯ-‘ăṯaləyâû hēmîṯû ḇ^aḥereḇ bêṯ meleḵə hammeleḵə: s

Tanach (Hebrew): 2 Kings (2 Melakhim) Chapter 12

‎1 ‏בֶּן־שֶׁ֥בַע שָׁנִ֖ים יְהוֹאָ֥שׁ בְּמָלְכֽוֹ׃ פ

‎2 ‏בִּשְׁנַת־שֶׁ֤בַע לְיֵהוּא֙ מָלַ֣ךְ יְהוֹאָ֔שׁ וְאַרְבָּעִ֣ים שָׁנָ֔ה מָלַ֖ךְ בִּירֽוּשָׁלִָ֑ם וְשֵׁ֣ם אִמּ֔וֹ צִבְיָ֖ה מִבְּאֵ֥ר שָֽׁבַע׃

‎3 ‏וַיַּ֨עַשׂ יְהוֹאָ֧שׁ הַיָּשָׁ֛ר בְּעֵינֵ֥י יְהוָ֖ה כָּל־יָמָ֑יו אֲשֶׁ֣ר הוֹרָ֔הוּ יְהוֹיָדָ֖ע הַכֹּהֵֽן׃

‎4 ‏רַ֥ק הַבָּמ֖וֹת לֹא־סָ֑רוּ ע֥וֹד הָעָ֛ם מְזַבְּחִ֥ים וּֽמְקַטְּרִ֖ים בַּבָּמֽוֹת׃

‎5 ‏וַיֹּ֨אמֶר יְהוֹאָ֜שׁ אֶל־הַכֹּהֲנִ֗ים כֹּל֩ כֶּ֨סֶף הַקֳּדָשִׁ֜ים אֲשֶׁר־יוּבָ֤א בֵית־יְהוָה֙ כֶּ֣סֶף עוֹבֵ֔ר אִ֕ישׁ כֶּ֥סֶף נַפְשׁ֖וֹת עֶרְכּ֑וֹ כָּל־כֶּ֗סֶף אֲשֶׁ֤ר יַֽעֲלֶה֙ עַ֣ל לֶב־אִ֔ישׁ לְהָבִ֖יא בֵּ֥ית יְהוָֽה׃

‎6 ‏יִקְח֤וּ לָהֶם֙ הַכֹּ֣הֲנִ֔ים אִ֖ישׁ מֵאֵ֣ת מַכָּר֑וֹ וְהֵ֗ם יְחַזְּקוּ֙ אֶת־בֶּ֣דֶק הַבַּ֔יִת לְכֹ֛ל אֲשֶׁר־יִמָּצֵ֥א שָׁ֖ם בָּֽדֶק׃ פ

‎7 ‏וַיְהִ֗י בִּשְׁנַ֨ת עֶשְׂרִ֧ים וְשָׁלֹ֛שׁ שָׁנָ֖ה לַמֶּ֣לֶךְ יְהוֹאָ֑שׁ לֹֽא־חִזְּק֥וּ הַכֹּהֲנִ֖ים אֶת־בֶּ֥דֶק הַבָּֽיִת׃

‎8 ‏וַיִּקְרָא֩ הַמֶּ֨לֶךְ יְהוֹאָ֜שׁ לִיהוֹיָדָ֤ע הַכֹּהֵן֙ וְלַכֹּ֣הֲנִ֔ים וַיֹּ֣אמֶר אֲלֵהֶ֔ם מַדּ֛וּעַ אֵינְכֶ֥ם מְחַזְּקִ֖ים אֶת־בֶּ֣דֶק הַבָּ֑יִת וְעַתָּ֗ה אַל־תִּקְחוּ־כֶ֙סֶף֙ מֵאֵ֣ת מַכָּֽרֵיכֶ֔ם כִּֽי־לְבֶ֥דֶק הַבַּ֖יִת תִּתְּנֻֽהוּ׃

‎9 ‏וַיֵּאֹ֖תוּ הַכֹּֽהֲנִ֑ים לְבִלְתִּ֤י קְחַת־כֶּ֙סֶף֙ מֵאֵ֣ת הָעָ֔ם וּלְבִלְתִּ֥י חַזֵּ֖ק אֶת־בֶּ֥דֶק הַבָּֽיִת׃

‎10 ‏וַיִּקַּ֞ח יְהוֹיָדָ֤ע הַכֹּהֵן֙ אֲר֣וֹן אֶחָ֔ד וַיִּקֹּ֥ב חֹ֖ר בְּדַלְתּ֑וֹ וַיִּתֵּ֣ן אֹתוֹ֩ אֵ֨צֶל הַמִּזְבֵּ֜חַ בימין מִיָּמִ֗ין בְּבֽוֹא־אִישׁ֙ בֵּ֣ית יְהוָ֔ה וְנָֽתְנוּ־שָׁ֤מָּה הַכֹּֽהֲנִים֙ שֹׁמְרֵ֣י הַסַּ֔ף אֶת־כָּל־הַכֶּ֖סֶף הַמּוּבָ֥א בֵית־יְהוָֽה׃

‎11 ‏וַֽיְהִי֙ כִּרְאוֹתָ֔ם כִּֽי־רַ֥ב הַכֶּ֖סֶף בָּֽאָר֑וֹן וַיַּ֨עַל סֹפֵ֤ר הַמֶּ֙לֶךְ֙ וְהַכֹּהֵ֣ן הַגָּד֔וֹל וַיָּצֻ֙רוּ֙ וַיִּמְנ֔וּ אֶת־הַכֶּ֖סֶף הַנִּמְצָ֥א בֵית־יְהוָֽה׃

‎12 ‏וְנָתְנוּ֙ אֶת־הַכֶּ֣סֶף הַֽמְתֻכָּ֔ן עַל־יד יְדֵי֙ עֹשֵׂ֣י הַמְּלָאכָ֔ה הפקדים הַמֻּפְקָדִ֖ים בֵּ֣ית יְהוָ֑ה וַיּוֹצִיאֻ֜הוּ לְחָרָשֵׁ֤י הָעֵץ֙ וְלַבֹּנִ֔ים הָעֹשִׂ֖ים בֵּ֥ית יְהוָֽה׃

‎13 ‏וְלַגֹּֽדְרִים֙ וּלְחֹצְבֵ֣י הָאֶ֔בֶן וְלִקְנ֤וֹת עֵצִים֙ וְאַבְנֵ֣י מַחְצֵ֔ב לְחַזֵּ֖ק אֶת־בֶּ֣דֶק בֵּית־יְהוָ֑ה וּלְכֹ֛ל אֲשֶׁר־יֵצֵ֥א עַל־הַבַּ֖יִת לְחָזְקָֽה׃

‎14 ‏אַךְ֩ לֹ֨א יֵעָשֶׂ֜ה בֵּ֣ית יְהוָ֗ה סִפּ֥וֹת כֶּ֙סֶף֙ מְזַמְּר֤וֹת מִזְרָקוֹת֙ חֲצֹ֣צְר֔וֹת כָּל־כְּלִ֥י זָהָ֖ב וּכְלִי־כָ֑סֶף מִן־הַכֶּ֖סֶף הַמּוּבָ֥א בֵית־יְהוָֽה׃

‎15 ‏כִּֽי־לְעֹשֵׂ֥י הַמְּלָאכָ֖ה יִתְּנֻ֑הוּ וְחִזְּקוּ־ב֖וֹ אֶת־בֵּ֥ית יְהוָֽה׃

‎16 ‏וְלֹ֧א יְחַשְּׁב֣וּ אֶת־הָאֲנָשִׁ֗ים אֲשֶׁ֨ר יִתְּנ֤וּ אֶת־הַכֶּ֙סֶף֙ עַל־יָדָ֔ם לָתֵ֖ת לְעֹשֵׂ֣י הַמְּלָאכָ֑ה כִּ֥י בֶאֱמֻנָ֖ה הֵ֥ם עֹשִֽׂים׃

‎17 ‏כֶּ֤סֶף אָשָׁם֙ וְכֶ֣סֶף חַטָּא֔וֹת לֹ֥א יוּבָ֖א בֵּ֣ית יְהוָ֑ה לַכֹּהֲנִ֖ים יִהְיֽוּ׃ פ

‎18 ‏אָ֣ז יַעֲלֶ֗ה חֲזָאֵל֙ מֶ֣לֶךְ אֲרָ֔ם וַיִּלָּ֥חֶם עַל־גַּ֖ת וַֽיִּלְכְּדָ֑הּ וַיָּ֤שֶׂם חֲזָאֵל֙ פָּנָ֔יו לַעֲל֖וֹת עַל־יְרוּשָׁלִָֽם׃

‎19 ‏וַיִּקַּ֞ח יְהוֹאָ֣שׁ מֶֽלֶךְ־יְהוּדָ֗ה אֵ֣ת כָּל־הַקֳּדָשִׁ֡ים אֲשֶׁר־הִקְדִּ֣ישׁוּ יְהוֹשָׁפָ֣ט וִיהוֹרָם֩ וַאֲחַזְיָ֨הוּ אֲבֹתָ֜יו מַלְכֵ֤י יְהוּדָה֙ וְאֶת־קֳדָשָׁ֔יו וְאֵ֣ת כָּל־הַזָּהָ֗ב הַנִּמְצָ֛א בְּאֹצְר֥וֹת בֵּית־יְהוָ֖ה וּבֵ֣ית הַמֶּ֑לֶךְ וַיִּשְׁלַ֗ח לַֽחֲזָאֵל֙ מֶ֣לֶךְ אֲרָ֔ם וַיַּ֖עַל מֵעַ֥ל יְרוּשָׁלִָֽם׃

‎20 ‏וְיֶ֛תֶר דִּבְרֵ֥י יוֹאָ֖שׁ וְכָל־אֲשֶׁ֣ר עָשָׂ֑ה הֲלוֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

‎21 ‏וַיָּקֻ֥מוּ עֲבָדָ֖יו וַיִּקְשְׁרֽוּ־קָ֑שֶׁר וַיַּכּוּ֙ אֶת־יוֹאָ֔שׁ בֵּ֥ית מִלֹּ֖א הַיּוֹרֵ֥ד סִלָּֽא׃

‎22 ‏וְיוֹזָבָ֣ד בֶּן־שִׁ֠מְעָת וִיהוֹזָבָ֨ד בֶּן־שֹׁמֵ֤ר׀ עֲבָדָיו֙ הִכֻּ֣הוּ וַיָּמֹ֔ת וַיִּקְבְּר֥וּ אֹת֛וֹ עִם־אֲבֹתָ֖יו בְּעִ֣יר דָּוִ֑ד וַיִּמְלֹ֛ךְ אֲמַצְיָ֥ה בְנ֖וֹ תַּחְתָּֽיו׃ פ

1 ben-šeḇ^a‘ šānîm yəhwō’āš bəmāləḵwō: f

2 bišənaṯ-šeḇ^a‘ ləyēhû’ mālaḵə yəhwō’āš wə’arəbā‘îm šānâ mālaḵə bîrûšālāim wəšēm ’immwō ṣiḇəyâ mibə’ēr šāḇ^a‘:

3 wayy^a‘aś yəhwō’āš hayyāšār bə‘ênê yəhwâ kāl-yāmāyw ’ăšer hwōrâû yəhwōyāḏā‘ hakōhēn:

4 raq habāmwōṯ lō’-sārû ‘wōḏ hā‘ām məzabəḥîm ûməqaṭṭərîm babāmwōṯ:

5 wayyō’mer yəhwō’āš ’el-hakōhănîm kōl kesef haqqŏḏāšîm ’ăšer-yûḇā’ ḇêṯ-yəhwâ kesef ‘wōḇēr ’îš kesef nafəšwōṯ ‘erəkwō kāl-kesef ’ăšer y^a‘ăleh ‘al leḇ-’îš ləhāḇî’ bêṯ yəhwâ:

6 yiqəḥû lâem hakōhănîm ’îš mē’ēṯ makārwō wəhēm yəḥazzəqû ’eṯ-beḏeq habayiṯ ləḵōl ’ăšer-yimmāṣē’ šām bāḏeq: f

7 wayəhî bišənaṯ ‘eśərîm wəšālōš šānâ lammeleḵə yəhwō’āš lō’-ḥizzəqû hakōhănîm ’eṯ-beḏeq habāyiṯ:

8 wayyiqərā’ hammeleḵə yəhwō’āš lîhwōyāḏā‘ hakōhēn wəlakōhănîm wayyō’mer ’ălēhem madû‘a ’ênəḵem məḥazzəqîm ’eṯ-beḏeq habāyiṯ wə‘atâ ’al-tiqəḥû-ḵesef mē’ēṯ makārêḵem kî-ləḇeḏeq habayiṯ titənuhû:

9 wayyē’ōṯû hakōhănîm ləḇilətî qəḥaṯ-kesef mē’ēṯ hā‘ām ûləḇilətî ḥazzēq ’eṯ-beḏeq habāyiṯ:

10 wayyiqq^aḥ yəhwōyāḏā‘ hakōhēn ’ărwōn ’eḥāḏ wayyiqqōḇ ḥōr bəḏalətwō wayyitēn ’ōṯwō ’ēṣel hammizəbēḥa bayyāmîn mîyāmîn bəḇwō’-’îš bêṯ yəhwâ wənāṯənû-šāmmâ hakōhănîm šōmərê hassaf ’eṯ-kāl-hakesef hammûḇā’ ḇêṯ-yəhwâ:

11 wayəhî kirə’wōṯām kî-raḇ hakesef bā’ārwōn wayy^a‘al sōfēr hammeleḵə wəhakōhēn hagāḏwōl wayyāṣurû wayyimənû ’eṯ-hakesef hanniməṣā’ ḇêṯ-yəhwâ:

12 wənāṯənû ’eṯ-hakesef haməṯukān ‘al-yaḏ yəḏê ‘ōśê hamməlā’ḵâ hapəquḏîm hammufəqāḏîm bêṯ yəhwâ wayywōṣî’uhû ləḥārāšê hā‘ēṣ wəlabōnîm hā‘ōśîm bêṯ yəhwâ:

13 wəlagōḏərîm ûləḥōṣəḇê hā’eḇen wəliqənwōṯ ‘ēṣîm wə’aḇənê m^aḥəṣēḇ ləḥazzēq ’eṯ-beḏeq bêṯ-yəhwâ ûləḵōl ’ăšer-yēṣē’ ‘al-habayiṯ ləḥāzəqâ:

14 ’aḵə lō’ yē‘āśeh bêṯ yəhwâ sipwōṯ kesef məzammərwōṯ mizərāqwōṯ ḥăṣōṣərwōṯ kāl-kəlî zâāḇ ûḵəlî-ḵāsef min-hakesef hammûḇā’ ḇêṯ-yəhwâ:

15 kî-lə‘ōśê hamməlā’ḵâ yitənuhû wəḥizzəqû-ḇwō ’eṯ-bêṯ yəhwâ:

16 wəlō’ yəḥaššəḇû ’eṯ-hā’ănāšîm ’ăšer yitənû ’eṯ-hakesef ‘al-yāḏām lāṯēṯ lə‘ōśê hamməlā’ḵâ kî ḇe’ĕmunâ hēm ‘ōśîm:

17 kesef ’āšām wəḵesef ḥaṭṭā’wōṯ lō’ yûḇā’ bêṯ yəhwâ lakōhănîm yihəyû: f

18 ’āz y^a‘ăleh ḥăzā’ēl meleḵə ’ărām wayyillāḥem ‘al-gaṯ wayyiləkəḏāh wayyāśem ḥăzā’ēl pānāyw l^a‘ălwōṯ ‘al-yərûšālāim:

19 wayyiqq^aḥ yəhwō’āš meleḵə-yəhûḏâ ’ēṯ kāl-haqqŏḏāšîm ’ăšer-hiqədîšû yəhwōšāfāṭ wîhwōrām wa’ăḥazəyâû ’ăḇōṯāyw maləḵê yəhûḏâ wə’eṯ-qŏḏāšāyw wə’ēṯ kāl-hazzâāḇ hanniməṣā’ bə’ōṣərwōṯ bêṯ-yəhwâ ûḇêṯ hammeleḵə wayyišəl^aḥ l^aḥăzā’ēl meleḵə ’ărām wayy^a‘al mē‘al yərûšālāim:

20 wəyeṯer diḇərê ywō’āš wəḵāl-’ăšer ‘āśâ hălwō’-hēm kəṯûḇîm ‘al-sēfer diḇərê hayyāmîm ləmaləḵê yəhûḏâ:

21 wayyāqumû ‘ăḇāḏāyw wayyiqəšərû-qāšer wayyakû ’eṯ-ywō’āš bêṯ millō’ hayywōrēḏ sillā’:

22 wəywōzāḇāḏ ben-šimə‘āṯ wîhwōzāḇāḏ ben-šōmēr| ‘ăḇāḏāyw hikuhû wayyāmōṯ wayyiqəbərû ’ōṯwō ‘im-’ăḇōṯāyw bə‘îr dāwiḏ wayyiməlōḵə ’ămaṣəyâ ḇənwō t^aḥətāyw: f

Tanach (Hebrew): 2 Kings (2 Melakhim) Chapter 13

‎1 ‏בִּשְׁנַ֨ת עֶשְׂרִ֤ים וְשָׁלֹשׁ֙ שָׁנָ֔ה לְיוֹאָ֥שׁ בֶּן־אֲחַזְיָ֖הוּ מֶ֣לֶךְ יְהוּדָ֑ה מָ֠לַךְ יְהוֹאָחָ֨ז בֶּן־יֵה֤וּא עַל־יִשְׂרָאֵל֙ בְּשֹׁ֣מְר֔וֹן שְׁבַ֥ע עֶשְׂרֵ֖ה שָׁנָֽה׃

‎2 ‏וַיַּ֥עַשׂ הָרַ֖ע בְּעֵינֵ֣י יְהוָ֑ה וַ֠יֵּלֶךְ אַחַ֨ר חַטֹּ֜את יָרָבְעָ֧ם בֶּן־נְבָ֛ט אֲשֶׁר־הֶחֱטִ֥יא אֶת־יִשְׂרָאֵ֖ל לֹא־סָ֥ר מִמֶּֽנָּה׃

‎3 ‏וַיִּֽחַר־אַ֥ף יְהוָ֖ה בְּיִשְׂרָאֵ֑ל וַֽיִּתְּנֵ֞ם בְּיַ֣ד׀ חֲזָאֵ֣ל מֶֽלֶךְ־אֲרָ֗ם וּבְיַ֛ד בֶּן־הֲדַ֥ד בֶּן־חֲזָאֵ֖ל כָּל־הַיָּמִֽים׃

‎4 ‏וַיְחַ֥ל יְהוֹאָחָ֖ז אֶת־פְּנֵ֣י יְהוָ֑ה וַיִּשְׁמַ֤ע אֵלָיו֙ יְהוָ֔ה כִּ֤י רָאָה֙ אֶת־לַ֣חַץ יִשְׂרָאֵ֔ל כִּֽי־לָחַ֥ץ אֹתָ֖ם מֶ֥לֶךְ אֲרָֽם׃

‎5 ‏וַיִּתֵּ֨ן יְהוָ֤ה לְיִשְׂרָאֵל֙ מוֹשִׁ֔יעַ וַיֵּ֣צְא֔וּ מִתַּ֖חַת יַד־אֲרָ֑ם וַיֵּשְׁב֧וּ בְנֵֽי־יִשְׂרָאֵ֛ל בְּאָהֳלֵיהֶ֖ם כִּתְמ֥וֹל שִׁלְשֽׁוֹם׃

‎6 ‏אַ֠ךְ לֹֽא־סָ֜רוּ מֵחַטֹּ֧אות בֵּית־יָרָבְעָ֛ם אֲשֶׁר־החטי הֶחֱטִ֥יא אֶת־יִשְׂרָאֵ֖ל בָּ֣הּ הָלָ֑ךְ וְגַם֙ הָאֲשֵׁרָ֔ה עָמְדָ֖ה בְּשֹׁמְרֽוֹן׃

‎7 ‏כִּ֣י לֹא֩ הִשְׁאִ֨יר לִיהוֹאָחָ֜ז עָ֗ם כִּ֣י אִם־חֲמִשִּׁ֤ים פָּֽרָשִׁים֙ וַעֲשָׂ֣רָה רֶ֔כֶב וַעֲשֶׂ֥רֶת אֲלָפִ֖ים רַגְלִ֑י כִּ֤י אִבְּדָם֙ מֶ֣לֶךְ אֲרָ֔ם וַיְשִׂמֵ֥ם כֶּֽעָפָ֖ר לָדֻֽשׁ׃

‎8 ‏וְיֶ֨תֶר³ דִּבְרֵ֧י יְהוֹאָחָ֛ז וְכָל־אֲשֶׁ֥ר עָשָׂ֖ה וּגְבוּרָת֑וֹ הֲלוֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

‎9 ‏וַיִּשְׁכַּ֤ב יְהֽוֹאָחָז֙ עִם־אֲבֹתָ֔יו וַֽיִּקְבְּרֻ֖הוּ בְּשֹׁמְר֑וֹן וַיִּמְלֹ֛ךְ יוֹאָ֥שׁ בְּנ֖וֹ תַּחְתָּֽיו׃ פ

‎10 ‏בִּשְׁנַ֨ת שְׁלֹשִׁ֤ים וָשֶׁ֙בַע֙ שָׁנָ֔ה לְיוֹאָ֖שׁ מֶ֣לֶךְ יְהוּדָ֑ה מָ֠לַךְ יְהוֹאָ֨שׁ בֶּן־יְהוֹאָחָ֤ז עַל־יִשְׂרָאֵל֙ בְּשֹׁ֣מְר֔וֹן שֵׁ֥שׁ עֶשְׂרֵ֖ה שָׁנָֽה׃

‎11 ‏וַיַּֽעֲשֶׂ֥ה הָרַ֖ע בְּעֵינֵ֣י יְהוָ֑ה לֹ֣א סָ֗ר מִכָּל־חַטֹּ֞אות יָרָבְעָ֧ם בֶּן־נְבָ֛ט אֲשֶׁר־הֶחֱטִ֥יא אֶת־יִשְׂרָאֵ֖ל בָּ֥הּ הָלָֽךְ׃

‎12 ‏וְיֶ֨תֶר דִּבְרֵ֤י יוֹאָשׁ֙ וְכָל־אֲשֶׁ֣ר עָשָׂ֔ה וּגְב֣וּרָת֔וֹ אֲשֶׁ֣ר נִלְחַ֔ם עִ֖ם אֲמַצְיָ֣ה מֶֽלֶךְ־יְהוּדָ֑ה הֲלֽוֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

‎13 ‏וַיִּשְׁכַּ֤ב יוֹאָשׁ֙ עִם־אֲבֹתָ֔יו וְיָרָבְעָ֖ם יָשַׁ֣ב עַל־כִּסְא֑וֹ וַיִּקָּבֵ֤ר יוֹאָשׁ֙ בְּשֹׁ֣מְר֔וֹן עִ֖ם מַלְכֵ֥י יִשְׂרָאֵֽל׃ פ

‎14 ‏וֶֽאֱלִישָׁע֙ חָלָ֣ה אֶת־חָלְי֔וֹ אֲשֶׁ֥ר יָמ֖וּת בּ֑וֹ וַיֵּ֨רֶד אֵלָ֜יו יוֹאָ֣שׁ מֶֽלֶךְ־יִשְׂרָאֵ֗ל וַיֵּ֤בְךְּ עַל־פָּנָיו֙ וַיֹּאמַ֔ר אָבִ֣י׀ אָבִ֔י רֶ֥כֶב יִשְׂרָאֵ֖ל וּפָרָשָֽׁיו׃

‎15 ‏וַיֹּ֤אמֶר לוֹ֙ אֱלִישָׁ֔ע קַ֖ח קֶ֣שֶׁת וְחִצִּ֑ים וַיִּקַּ֥ח אֵלָ֖יו קֶ֥שֶׁת וְחִצִּֽים׃

‎16 ‏וַיֹּ֣אמֶר׀ לְמֶ֣לֶךְ יִשְׂרָאֵ֗ל הַרְכֵּ֤ב יָֽדְךָ֙ עַל־הַקֶּ֔שֶׁת וַיַּרְכֵּ֖ב יָד֑וֹ וַיָּ֧שֶׂם אֱלִישָׁ֛ע יָדָ֖יו עַל־יְדֵ֥י הַמֶּֽלֶךְ׃

‎17 ‏וַיֹּ֗אמֶר פְּתַ֧ח הַחַלּ֛וֹן קֵ֖דְמָה וַיִּפְתָּ֑ח וַיֹּ֤אמֶר אֱלִישָׁ֤ע יְרֵה֙ וַיּ֔וֹר וַיֹּ֗אמֶר חֵץ־תְּשׁוּעָ֤ה לַֽיהוָה֙ וְחֵ֣ץ תְּשׁוּעָ֣ה בַֽאֲרָ֔ם וְהִכִּיתָ֧ אֶת־אֲרָ֛ם בַּאֲפֵ֖ק עַד־כַּלֵּֽה׃

‎18 ‏וַיֹּ֛אמֶר קַ֥ח הַחִצִּ֖ים וַיִּקָּ֑ח וַיֹּ֤אמֶר לְמֶֽלֶךְ־יִשְׂרָאֵל֙ הַךְ־אַ֔רְצָה וַיַּ֥ךְ שָֽׁלֹשׁ־פְּעָמִ֖ים וַֽיַּעֲמֹֽד׃

‎19 ‏וַיִּקְצֹ֨ף עָלָ֜יו אִ֣ישׁ הָאֱלֹהִ֗ים וַיֹּ֙אמֶר֙ לְהַכּ֨וֹת חָמֵ֤שׁ אוֹ־שֵׁשׁ֙ פְּעָמִ֔ים אָ֛ז הִכִּ֥יתָ אֶת־אֲרָ֖ם עַד־כַּלֵּ֑ה וְעַתָּ֕ה שָׁלֹ֥שׁ פְּעָמִ֖ים תַּכֶּ֥ה אֶת־אֲרָֽם׃ ס

‎20 ‏וַיָּ֥מָת אֱלִישָׁ֖ע וַֽיִּקְבְּרֻ֑הוּ וּגְדוּדֵ֥י מוֹאָ֛ב יָבֹ֥אוּ בָאָ֖רֶץ בָּ֥א שָׁנָֽה׃

‎21 ‏וַיְהִ֞י הֵ֣ם׀ קֹבְרִ֣ים אִ֗ישׁ וְהִנֵּה֙ רָא֣וּ אֶֽת־הַגְּד֔וּד וַיַּשְׁלִ֥יכוּ אֶת־הָאִ֖ישׁ בְּקֶ֣בֶר אֱלִישָׁ֑ע וַיֵּ֜לֶךְ וַיִּגַּ֤ע הָאִישׁ֙ בְּעַצְמ֣וֹת אֱלִישָׁ֔ע וַיְחִ֖י וַיָּ֥קָם עַל־רַגְלָֽיו׃ פ

‎22 ‏וַֽחֲזָאֵל֙ מֶ֣לֶךְ אֲרָ֔ם לָחַ֖ץ אֶת־יִשְׂרָאֵ֑ל כֹּ֖ל יְמֵ֥י יְהוֹאָחָֽז׃

‎23 ‏וַיָּחָן֩ יְהוָ֨ה אֹתָ֤ם וַֽיְרַחֲמֵם֙ וַיִּ֣פֶן אֲלֵיהֶ֔ם לְמַ֣עַן בְּרִית֔וֹ אֶת־אַבְרָהָ֖ם יִצְחָ֣ק וְיַֽעֲקֹ֑ב וְלֹ֤א אָבָה֙ הַשְׁחִיתָ֔ם וְלֹֽא־הִשְׁלִיכָ֥ם מֵֽעַל־פָּנָ֖יו עַד־עָֽתָּה׃

‎24 ‏וַיָּ֖מָת חֲזָאֵ֣ל מֶֽלֶךְ־אֲרָ֑ם וַיִּמְלֹ֛ךְ בֶּן־הֲדַ֥ד בְּנ֖וֹ תַּחְתָּֽיו׃

‎25 ‏וַיָּ֜שָׁב יְהוֹאָ֣שׁ בֶּן־יְהוֹאָחָ֗ז וַיִּקַּ֤ח אֶת־הֶֽעָרִים֙ מִיַּד֙ בֶּן־הֲדַ֣ד בֶּן־חֲזָאֵ֔ל אֲשֶׁ֣ר לָקַ֗ח מִיַּ֛ד יְהוֹאָחָ֥ז אָבִ֖יו בַּמִּלְחָמָ֑ה שָׁלֹ֤שׁ פְּעָמִים֙ הִכָּ֣הוּ יוֹאָ֔שׁ וַיָּ֖שֶׁב אֶת־עָרֵ֥י יִשְׂרָאֵֽל׃ פ

1 bišənaṯ ‘eśərîm wəšālōš šānâ ləywō’āš ben-’ăḥazəyâû meleḵə yəhûḏâ mālaḵə yəhwō’āḥāz ben-yēhû’ ‘al-yiśərā’ēl bəšōmərwōn šəḇ^a‘ ‘eśərēh šānâ:

2 wayy^a‘aś hār^a‘ bə‘ênê yəhwâ wayyēleḵə ’^aḥar ḥaṭṭō’ṯ yārāḇə‘ām ben-nəḇāṭ ’ăšer-heḥĕṭî’ ’eṯ-yiśərā’ēl lō’-sār mimmennâ:

3 wayyiḥar-’af yəhwâ bəyiśərā’ēl wayyitənēm bəyaḏ| ḥăzā’ēl meleḵə-’ărām ûḇəyaḏ ben-hăḏaḏ ben-ḥăzā’ēl kāl-hayyāmîm:

4 wayəḥal yəhwō’āḥāz ’eṯ-pənê yəhwâ wayyišəm^a‘ ’ēlāyw yəhwâ kî rā’â ’eṯ-l^aḥaṣ yiśərā’ēl kî-lāḥaṣ ’ōṯām meleḵə ’ărām:

5 wayyitēn yəhwâ ləyiśərā’ēl mwōšî‘a wayyēṣə’û mit^aḥaṯ yaḏ-’ărām wayyēšəḇû ḇənê-yiśərā’ēl bə’âŏlêhem kiṯəmwōl šiləšwōm:

6 ’aḵə lō’-sārû mēḥaṭṭō’wṯ bêṯ-yārāḇə‘ām ’ăšer-heḥĕṭî heḥĕṭî’ ’eṯ-yiśərā’ēl bāh hālāḵə wəḡam hā’ăšērâ ‘āməḏâ bəšōmərwōn:

7 kî lō’ hišə’îr lîhwō’āḥāz ‘ām kî ’im-ḥămiššîm pārāšîm w^a‘ăśārâ reḵeḇ w^a‘ăśereṯ ’ălāfîm raḡəlî kî ’ibəḏām meleḵə ’ărām wayəśimēm ke‘āfār lāḏuš:

8 wəyeṯer³ diḇərê yəhwō’āḥāz wəḵāl-’ăšer ‘āśâ ûḡəḇûrāṯwō hălwō’-hēm kəṯûḇîm ‘al-sēfer diḇərê hayyāmîm ləmaləḵê yiśərā’ēl:

9 wayyišəkaḇ yəhwō’āḥāz ‘im-’ăḇōṯāyw wayyiqəbəruhû bəšōmərwōn wayyiməlōḵə ywō’āš bənwō t^aḥətāyw: f

10 bišənaṯ šəlōšîm wāšeḇ^a‘ šānâ ləywō’āš meleḵə yəhûḏâ mālaḵə yəhwō’āš ben-yəhwō’āḥāz ‘al-yiśərā’ēl bəšōmərwōn šēš ‘eśərēh šānâ:

11 wayy^a‘ăśeh hār^a‘ bə‘ênê yəhwâ lō’ sār mikāl-ḥaṭṭō’wṯ yārāḇə‘ām ben-nəḇāṭ ’ăšer-heḥĕṭî’ ’eṯ-yiśərā’ēl bāh hālāḵə:

12 wəyeṯer diḇərê ywō’āš wəḵāl-’ăšer ‘āśâ ûḡəḇûrāṯwō ’ăšer niləḥam ‘im ’ămaṣəyâ meleḵə-yəhûḏâ hălwō’-hēm kəṯûḇîm ‘al-sēfer diḇərê hayyāmîm ləmaləḵê yiśərā’ēl:

13 wayyišəkaḇ ywō’āš ‘im-’ăḇōṯāyw wəyārāḇə‘ām yāšaḇ ‘al-kisə’wō wayyiqqāḇēr ywō’āš bəšōmərwōn ‘im maləḵê yiśərā’ēl: f

14 we’ĕlîšā‘ ḥālâ ’eṯ-ḥāləywō ’ăšer yāmûṯ bwō wayyēreḏ ’ēlāyw ywō’āš meleḵə-yiśərā’ēl wayyēḇəḵḵə ‘al-pānāyw wayyō’mar ’āḇî| ’āḇî reḵeḇ yiśərā’ēl ûfārāšāyw:

15 wayyō’mer lwō ’ĕlîšā‘ q^aḥ qešeṯ wəḥiṣṣîm wayyiqq^aḥ ’ēlāyw qešeṯ wəḥiṣṣîm:

16 wayyō’mer| ləmeleḵə yiśərā’ēl harəkēḇ yāḏəḵā ‘al-haqqešeṯ wayyarəkēḇ yāḏwō wayyāśem ’ĕlîšā‘ yāḏāyw ‘al-yəḏê hammeleḵə:

17 wayyō’mer pəṯ^aḥ h^aḥallwōn qēḏəmâ wayyifətāḥ wayyō’mer ’ĕlîšā‘ yərēh wayywōr wayyō’mer ḥēṣ-təšû‘â layhwâ wəḥēṣ təšû‘â ḇa’ărām wəhikîṯā ’eṯ-’ărām ba’ăfēq ‘aḏ-kallēh:

18 wayyō’mer q^aḥ h^aḥiṣṣîm wayyiqqāḥ wayyō’mer ləmeleḵə-yiśərā’ēl haḵə-’arəṣâ wayyaḵə šālōš-pə‘āmîm wayy^a‘ămōḏ:

19 wayyiqəṣōf ‘ālāyw ’îš hā’ĕlōhîm wayyō’mer ləhakwōṯ ḥāmēš ’wō-šēš pə‘āmîm ’āz hikîṯā ’eṯ-’ărām ‘aḏ-kallēh wə‘atâ šālōš pə‘āmîm takeh ’eṯ-’ărām: s

20 wayyāmāṯ ’ĕlîšā‘ wayyiqəbəruhû ûḡəḏûḏê mwō’āḇ yāḇō’û ḇā’āreṣ bā’ šānâ:

21 wayəhî hēm| qōḇərîm ’îš wəhinnēh rā’û ’eṯ-hagəḏûḏ wayyašəlîḵû ’eṯ-hā’îš bəqeḇer ’ĕlîšā‘ wayyēleḵə wayyig^a‘ hā’îš bə‘aṣəmwōṯ ’ĕlîšā‘ wayəḥî wayyāqām ‘al-raḡəlāyw: f

22 w^aḥăzā’ēl meleḵə ’ărām lāḥaṣ ’eṯ-yiśərā’ēl kōl yəmê yəhwō’āḥāz:

23 wayyāḥān yəhwâ ’ōṯām wayər^aḥămēm wayyifen ’ălêhem ləm^a‘an bərîṯwō ’eṯ-’aḇərâām yiṣəḥāq wəy^a‘ăqōḇ wəlō’ ’āḇâ hašəḥîṯām wəlō’-hišəlîḵām mē‘al-pānāyw ‘aḏ-‘ātâ:

24 wayyāmāṯ ḥăzā’ēl meleḵə-’ărām wayyiməlōḵə ben-hăḏaḏ bənwō t^aḥətāyw:

25 wayyāšāḇ yəhwō’āš ben-yəhwō’āḥāz wayyiqq^aḥ ’eṯ-he‘ārîm mîyaḏ ben-hăḏaḏ ben-ḥăzā’ēl ’ăšer lāq^aḥ mîyaḏ yəhwō’āḥāz ’āḇîw bammiləḥāmâ šālōš pə‘āmîm hikâû ywō’āš wayyāšeḇ ’eṯ-‘ārê yiśərā’ēl: f

Tanach (Hebrew): 2 Kings (2 Melakhim) Chapter 14

‎1 ‏בִּשְׁנַ֣ת שְׁתַּ֔יִם לְיוֹאָ֥שׁ בֶּן־יוֹאָחָ֖ז מֶ֣לֶךְ יִשְׂרָאֵ֑ל מָלַ֛ךְ אֲמַצְיָ֥הוּ בֶן־יוֹאָ֖שׁ מֶ֥לֶךְ יְהוּדָֽה׃

‎2 ‏בֶּן־עֶשְׂרִ֨ים וְחָמֵ֤שׁ שָׁנָה֙ הָיָ֣ה בְמָלְכ֔וֹ וְעֶשְׂרִ֤ים וָתֵ֙שַׁע֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמּ֔וֹ יהועדין יְהֽוֹעַדָּ֖ן מִן־יְרוּשָׁלִָֽם׃

‎3 ‏וַיַּ֤עַשׂ הַיָּשָׁר֙ בְּעֵינֵ֣י יְהוָ֔ה רַ֕ק לֹ֖א כְּדָוִ֣ד אָבִ֑יו כְּכֹ֧ל אֲשֶׁר־עָשָׂ֛ה יוֹאָ֥שׁ אָבִ֖יו עָשָֽׂה׃

‎4 ‏רַ֥ק הַבָּמ֖וֹת לֹא־סָ֑רוּ ע֥וֹד הָעָ֛ם מְזַבְּחִ֥ים וּֽמְקַטְּרִ֖ים בַּבָּמֽוֹת׃

‎5 ‏וַיְהִ֕י כַּאֲשֶׁ֛ר חָזְקָ֥ה הַמַּמְלָכָ֖ה בְּיָד֑וֹ וַיַּךְ֙ אֶת־עֲבָדָ֔יו הַמַּכִּ֖ים אֶת־הַמֶּ֥לֶךְ אָבִֽיו׃

‎6 ‏וְאֶת־בְּנֵ֥י הַמַּכִּ֖ים לֹ֣א הֵמִ֑ית כַּכָּת֣וּב בְּסֵ֣פֶר תּֽוֹרַת־מֹ֠שֶׁה אֲשֶׁר־צִוָּ֨ה יְהוָ֜ה לֵאמֹ֗ר לֹא־יוּמְת֨וּ אָב֤וֹת עַל־בָּנִים֙ וּבָנִים֙ לֹא־יוּמְת֣וּ עַל־אָב֔וֹת כִּ֛י אִם־אִ֥ישׁ בְּחֶטְא֖וֹ ימות יוּמָֽת׃

‎7 ‏הוּא־הִכָּ֨ה אֶת־אֱד֤וֹם בְּגֵיא־המלח מֶ֙לַח֙ עֲשֶׂ֣רֶת אֲלָפִ֔ים וְתָפַ֥שׂ אֶת־הַסֶּ֖לַע בַּמִּלְחָמָ֑ה וַיִּקְרָ֤א אֶת־שְׁמָהּ֙ יָקְתְאֵ֔ל עַ֖ד הַיּ֥וֹם הַזֶּֽה׃ פ

‎8 ‏אָ֣ז שָׁלַ֤ח אֲמַצְיָה֙ מַלְאָכִ֔ים אֶל־יְהוֹאָ֨שׁ בֶּן־יְהוֹאָחָ֧ז בֶּן־יֵה֛וּא מֶ֥לֶךְ יִשְׂרָאֵ֖ל לֵאמֹ֑ר לְכָ֖ה נִתְרָאֶ֥ה פָנִֽים׃

‎9 ‏וַיִּשְׁלַ֞ח יְהוֹאָ֣שׁ מֶֽלֶךְ־יִשְׂרָאֵ֗ל אֶל־אֲמַצְיָ֣הוּ מֶֽלֶךְ־יְהוּדָה֮ לֵאמֹר֒ הַח֜וֹחַ אֲשֶׁ֣ר בַּלְּבָנ֗וֹן שָׁ֠לַח אֶל־הָאֶ֜רֶז אֲשֶׁ֤ר בַּלְּבָנוֹן֙ לֵאמֹ֔ר תְּנָֽה־אֶת־בִּתְּךָ֥ לִבְנִ֖י לְאִשָּׁ֑ה וַֽתַּעֲבֹ֞ר חַיַּ֤ת הַשָּׂדֶה֙ אֲשֶׁ֣ר בַּלְּבָנ֔וֹן וַתִּרְמֹ֖ס אֶת־הַחֽוֹחַ׃

‎10 ‏הַכֵּ֤ה הִכִּ֙יתָ֙ אֶת־אֱד֔וֹם וּֽנְשָׂאֲךָ֖ לִבֶּ֑ךָ הִכָּבֵד֙ וְשֵׁ֣ב בְּבֵיתֶ֔ךָ וְלָ֤מָּה תִתְגָּרֶה֙ בְּרָעָ֔ה וְנָ֣פַלְתָּ֔ה אַתָּ֖ה וִיהוּדָ֥ה עִמָּֽךְ׃

‎11 ‏וְלֹא־שָׁמַ֣ע אֲמַצְיָ֔הוּ וַיַּ֨עַל יְהוֹאָ֤שׁ מֶֽלֶךְ־יִשְׂרָאֵל֙ וַיִּתְרָא֣וּ פָנִ֔ים ה֖וּא וַאֲמַצְיָ֣הוּ מֶֽלֶךְ־יְהוּדָ֑ה בְּבֵ֥ית שֶׁ֖מֶשׁ אֲשֶׁ֥ר לִיהוּדָֽה׃

‎12 ‏וַיִּנָּ֥גֶף יְהוּדָ֖ה לִפְנֵ֣י יִשְׂרָאֵ֑ל וַיָּנֻ֖סוּ אִ֥ישׁ לאהלו לְאֹהָלָֽיו׃

‎13 ‏וְאֵת֩ אֲמַצְיָ֨הוּ מֶֽלֶךְ־יְהוּדָ֜ה בֶּן־יְהוֹאָ֣שׁ בֶּן־אֲחַזְיָ֗הוּ תָּפַ֛שׂ יְהוֹאָ֥שׁ מֶֽלֶךְ־יִשְׂרָאֵ֖ל בְּבֵ֣ית שָׁ֑מֶשׁ ויבאו וַיָּבֹא֙ יְר֣וּשָׁלִַ֔ם וַיִּפְרֹץ֩ בְּחוֹמַ֨ת יְרוּשָׁלִַ֜ם בְּשַׁ֤עַר אֶפְרַ֙יִם֙ עַד־שַׁ֣עַר הַפִּנָּ֔ה אַרְבַּ֥ע מֵא֖וֹת אַמָּֽה׃

‎14 ‏וְלָקַ֣ח אֶת־כָּל־הַזָּהָב־וְ֠הַכֶּסֶף וְאֵ֨ת כָּל־הַכֵּלִ֜ים הַנִּמְצְאִ֣ים בֵּית־יְהוָ֗ה וּבְאֹֽצְרוֹת֙ בֵּ֣ית הַמֶּ֔לֶךְ וְאֵ֖ת בְּנֵ֣י הַתַּֽעֲרֻב֑וֹת וַיָּ֖שָׁב שֹׁמְרֽוֹנָה׃

‎15 ‏וְיֶתֶר֩ דִּבְרֵ֨י יְהוֹאָ֜שׁ אֲשֶׁ֤ר עָשָׂה֙ וּגְב֣וּרָת֔וֹ וַאֲשֶׁ֣ר נִלְחַ֔ם עִ֖ם אֲמַצְיָ֣הוּ מֶֽלֶךְ־יְהוּדָ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

‎16 ‏וַיִּשְׁכַּ֤ב יְהוֹאָשׁ֙ עִם־אֲבֹתָ֔יו וַיִּקָּבֵר֙ בְּשֹׁ֣מְר֔וֹן עִ֖ם מַלְכֵ֣י יִשְׂרָאֵ֑ל וַיִּמְלֹ֛ךְ יָרָבְעָ֥ם בְּנ֖וֹ תַּחְתָּֽיו׃ פ

‎17 ‏וַיְחִ֨י אֲמַצְיָ֤הוּ בֶן־יוֹאָשׁ֙ מֶ֣לֶךְ יְהוּדָ֔ה אַֽחֲרֵ֣י מ֔וֹת יְהוֹאָ֥שׁ בֶּן־יְהֽוֹאָחָ֖ז מֶ֣לֶךְ יִשְׂרָאֵ֑ל חֲמֵ֥שׁ עֶשְׂרֵ֖ה שָׁנָֽה׃

‎18 ‏וְיֶ֖תֶר דִּבְרֵ֣י אֲמַצְיָ֑הוּ הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

‎19 ‏וַיִּקְשְׁר֨וּ עָלָ֥יו קֶ֛שֶׁר בִּירוּשָׁלִַ֖ם וַיָּ֣נָס לָכִ֑ישָׁה וַיִּשְׁלְח֤וּ אַֽחֲרָיו֙ לָכִ֔ישָׁה וַיְמִתֻ֖הוּ שָֽׁם׃

‎20 ‏וַיִּשְׂא֥וּ אֹת֖וֹ עַל־הַסּוּסִ֑ים וַיִּקָּבֵ֧ר בִּירוּשָׁלִַ֛ם עִם־אֲבֹתָ֖יו בְּעִ֥יר דָּוִֽד׃

‎21 ‏וַיִּקְח֞וּ כָּל־עַ֤ם יְהוּדָה֙ אֶת־עֲזַרְיָ֔ה וְה֕וּא בֶּן־שֵׁ֥שׁ עֶשְׂרֵ֖ה שָׁנָ֑ה וַיַּמְלִ֣כוּ אֹת֔וֹ תַּ֖חַת אָבִ֥יו אֲמַצְיָֽהוּ׃

‎22 ‏ה֚וּא בָּנָ֣ה אֶת־אֵילַ֔ת וַיְשִׁבֶ֖הָ לִֽיהוּדָ֑ה אַחֲרֵ֥י שְׁכַֽב־הַמֶּ֖לֶךְ עִם־אֲבֹתָֽיו׃ פ

‎23 ‏בִּשְׁנַת֙ חֲמֵשׁ־עֶשְׂרֵ֣ה³ שָׁנָ֔ה לַאֲמַצְיָ֥הוּ בֶן־יוֹאָ֖שׁ מֶ֣לֶךְ יְהוּדָ֑ה מָ֠לַךְ יָרָבְעָ֨ם בֶּן־יוֹאָ֤שׁ מֶֽלֶךְ־יִשְׂרָאֵל֙ בְּשֹׁ֣מְר֔וֹן אַרְבָּעִ֥ים וְאַחַ֖ת שָׁנָֽה׃

‎24 ‏וַיַּ֥עַשׂ הָרַ֖ע בְּעֵינֵ֣י יְהוָ֑ה לֹ֣א סָ֗ר מִכָּל־חַטֹּאות֙ יָרָבְעָ֣ם בֶּן־נְבָ֔ט אֲשֶׁ֥ר הֶחֱטִ֖יא אֶת־יִשְׂרָאֵֽל׃

‎25 ‏ה֗וּא הֵשִׁיב֙ אֶת־גְּב֣וּל יִשְׂרָאֵ֔ל מִלְּב֥וֹא חֲמָ֖ת עַד־יָ֣ם הָעֲרָבָ֑ה כִּדְבַ֤ר יְהוָה֙ אֱלֹהֵ֣י יִשְׂרָאֵ֔ל אֲשֶׁ֣ר דִּבֶּ֗ר בְּיַד־עַבְדּ֞וֹ יוֹנָ֤ה בֶן־אֲמִתַּי֙ הַנָּבִ֔יא אֲשֶׁ֖ר מִגַּ֥ת הַחֵֽפֶר׃

‎26 ‏כִּי־רָאָ֧ה יְהוָ֛ה אֶת־עֳנִ֥י יִשְׂרָאֵ֖ל מֹרֶ֣ה מְאֹ֑ד וְאֶ֤פֶס עָצוּר֙ וְאֶ֣פֶס עָז֔וּב וְאֵ֥ין עֹזֵ֖ר לְיִשְׂרָאֵֽל׃

‎27 ‏וְלֹא־דִבֶּ֣ר יְהוָ֔ה לִמְחוֹת֙ אֶת־שֵׁ֣ם יִשְׂרָאֵ֔ל מִתַּ֖חַת הַשָּׁמָ֑יִם וַיּ֣וֹשִׁיעֵ֔ם בְּיַ֖ד יָרָבְעָ֥ם בֶּן־יוֹאָֽשׁ׃

‎28 ‏וְיֶתֶר֩ דִּבְרֵ֨י יָרָבְעָ֜ם וְכָל־אֲשֶׁ֤ר עָשָׂה֙ וּגְבוּרָת֣וֹ אֲשֶׁר־נִלְחָ֔ם וַאֲשֶׁ֨ר הֵשִׁ֜יב אֶת־דַּמֶּ֧שֶׂק וְאֶת־חֲמָ֛ת לִיהוּדָ֖ה בְּיִשְׂרָאֵ֑ל הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

‎29 ‏וַיִּשְׁכַּ֤ב יָֽרָבְעָם֙ עִם־אֲבֹתָ֔יו עִ֖ם מַלְכֵ֣י יִשְׂרָאֵ֑ל וַיִּמְלֹ֛ךְ זְכַרְיָ֥ה בְנ֖וֹ תַּחְתָּֽיו׃ פ

1 bišənaṯ šətayim ləywō’āš ben-ywō’āḥāz meleḵə yiśərā’ēl mālaḵə ’ămaṣəyâû ḇen-ywō’āš meleḵə yəhûḏâ:

2 ben-‘eśərîm wəḥāmēš šānâ hāyâ ḇəmāləḵwō wə‘eśərîm wāṯēš^a‘ šānâ mālaḵə bîrûšālāim wəšēm ’immwō yəhwō‘adîn yəhwō‘adān min-yərûšālāim:

3 wayy^a‘aś hayyāšār bə‘ênê yəhwâ raq lō’ kəḏāwiḏ ’āḇîw kəḵōl ’ăšer-‘āśâ ywō’āš ’āḇîw ‘āśâ:

4 raq habāmwōṯ lō’-sārû ‘wōḏ hā‘ām məzabəḥîm ûməqaṭṭərîm babāmwōṯ:

5 wayəhî ka’ăšer ḥāzəqâ hammaməlāḵâ bəyāḏwō wayyaḵə ’eṯ-‘ăḇāḏāyw hammakîm ’eṯ-hammeleḵə ’āḇîw:

6 wə’eṯ-bənê hammakîm lō’ hēmîṯ kakāṯûḇ bəsēfer twōraṯ-mōšeh ’ăšer-ṣiûâ yəhwâ lē’mōr lō’-yûməṯû ’āḇwōṯ ‘al-bānîm ûḇānîm lō’-yûməṯû ‘al-’āḇwōṯ kî ’im-’îš bəḥeṭə’wō yāmûṯ yûmāṯ:

7 hû’-hikâ ’eṯ-’ĕḏwōm bəḡê’-hammel^aḥ mel^aḥ ‘ăśereṯ ’ălāfîm wəṯāfaś ’eṯ-hassel^a‘ bammiləḥāmâ wayyiqərā’ ’eṯ-šəmāh yāqəṯə’ēl ‘aḏ hayywōm hazzeh: f

8 ’āz šāl^aḥ ’ămaṣəyâ malə’āḵîm ’el-yəhwō’āš ben-yəhwō’āḥāz ben-yēhû’ meleḵə yiśərā’ēl lē’mōr ləḵâ niṯərā’eh fānîm:

9 wayyišəl^aḥ yəhwō’āš meleḵə-yiśərā’ēl ’el-’ămaṣəyâû meleḵə-yəhûḏâ lē’mōr h^aḥwōḥa ’ăšer balləḇānwōn šāl^aḥ ’el-hā’erez ’ăšer balləḇānwōn lē’mōr tənâ-’eṯ-bitəḵā liḇənî lə’iššâ wat^a‘ăḇōr ḥayyaṯ haśśāḏeh ’ăšer balləḇānwōn watirəmōs ’eṯ-h^aḥwōḥa:

10 hakēh hikîṯā ’eṯ-’ĕḏwōm ûnəśā’ăḵā libeḵā hikāḇēḏ wəšēḇ bəḇêṯeḵā wəlāmmâ ṯiṯəgāreh bərā‘â wənāfalətâ ’atâ wîhûḏâ ‘immāḵə:

11 wəlō’-šām^a‘ ’ămaṣəyâû wayy^a‘al yəhwō’āš meleḵə-yiśərā’ēl wayyiṯərā’û fānîm hû’ wa’ămaṣəyâû meleḵə-yəhûḏâ bəḇêṯ šemeš ’ăšer lîhûḏâ:

12 wayyinnāḡef yəhûḏâ lifənê yiśərā’ēl wayyānusû ’îš lə’âŏlwō lə’ōhālāyw:

13 wə’ēṯ ’ămaṣəyâû meleḵə-yəhûḏâ ben-yəhwō’āš ben-’ăḥazəyâû tāfaś yəhwō’āš meleḵə-yiśərā’ēl bəḇêṯ šāmeš wayyāḇō’û wayyāḇō’ yərûšālaim wayyifərōṣ bəḥwōmaṯ yərûšālaim bəš^a‘ar ’efərayim ‘aḏ-š^a‘ar hapinnâ ’arəb^a‘ mē’wōṯ ’ammâ:

14 wəlāq^aḥ ’eṯ-kāl-hazzâāḇ-wəhakesef wə’ēṯ kāl-hakēlîm hanniməṣə’îm bêṯ-yəhwâ ûḇə’ōṣərwōṯ bêṯ hammeleḵə wə’ēṯ bənê hat^a‘ăruḇwōṯ wayyāšāḇ šōmərwōnâ:

15 wəyeṯer diḇərê yəhwō’āš ’ăšer ‘āśâ ûḡəḇûrāṯwō wa’ăšer niləḥam ‘im ’ămaṣəyâû meleḵə-yəhûḏâ hălō’-hēm kəṯûḇîm ‘al-sēfer diḇərê hayyāmîm ləmaləḵê yiśərā’ēl:

16 wayyišəkaḇ yəhwō’āš ‘im-’ăḇōṯāyw wayyiqqāḇēr bəšōmərwōn ‘im maləḵê yiśərā’ēl wayyiməlōḵə yārāḇə‘ām bənwō t^aḥətāyw: f

17 wayəḥî ’ămaṣəyâû ḇen-ywō’āš meleḵə yəhûḏâ ’^aḥărê mwōṯ yəhwō’āš ben-yəhwō’āḥāz meleḵə yiśərā’ēl ḥămēš ‘eśərēh šānâ:

18 wəyeṯer diḇərê ’ămaṣəyâû hălō’-hēm kəṯûḇîm ‘al-sēfer diḇərê hayyāmîm ləmaləḵê yəhûḏâ:

19 wayyiqəšərû ‘ālāyw qešer bîrûšālaim wayyānās lāḵîšâ wayyišələḥû ’^aḥărāyw lāḵîšâ wayəmiṯuhû šām:

20 wayyiśə’û ’ōṯwō ‘al-hassûsîm wayyiqqāḇēr bîrûšālaim ‘im-’ăḇōṯāyw bə‘îr dāwiḏ:

21 wayyiqəḥû kāl-‘am yəhûḏâ ’eṯ-‘ăzarəyâ wəhû’ ben-šēš ‘eśərēh šānâ wayyaməliḵû ’ōṯwō t^aḥaṯ ’āḇîw ’ămaṣəyâû:

22 hû’ bānâ ’eṯ-’êlaṯ wayəšiḇehā lîhûḏâ ’^aḥărê šəḵaḇ-hammeleḵə ‘im-’ăḇōṯāyw: f

23 bišənaṯ ḥămēš-‘eśərēh³ šānâ la’ămaṣəyâû ḇen-ywō’āš meleḵə yəhûḏâ mālaḵə yārāḇə‘ām ben-ywō’āš meleḵə-yiśərā’ēl bəšōmərwōn ’arəbā‘îm wə’^aḥaṯ šānâ:

24 wayy^a‘aś hār^a‘ bə‘ênê yəhwâ lō’ sār mikāl-ḥaṭṭō’wṯ yārāḇə‘ām ben-nəḇāṭ ’ăšer heḥĕṭî’ ’eṯ-yiśərā’ēl:

25 hû’ hēšîḇ ’eṯ-gəḇûl yiśərā’ēl milləḇwō’ ḥămāṯ ‘aḏ-yām hā‘ărāḇâ kiḏəḇar yəhwâ ’ĕlōhê yiśərā’ēl ’ăšer diber bəyaḏ-‘aḇədwō ywōnâ ḇen-’ămitay hannāḇî’ ’ăšer migaṯ h^aḥēfer:

26 kî-rā’â yəhwâ ’eṯ-‘ŏnî yiśərā’ēl mōreh mə’ōḏ wə’efes ‘āṣûr wə’efes ‘āzûḇ wə’ên ‘ōzēr ləyiśərā’ēl:

27 wəlō’-ḏiber yəhwâ liməḥwōṯ ’eṯ-šēm yiśərā’ēl mit^aḥaṯ haššāmāyim wayywōšî‘ēm bəyaḏ yārāḇə‘ām ben-ywō’āš:

28 wəyeṯer diḇərê yārāḇə‘ām wəḵāl-’ăšer ‘āśâ ûḡəḇûrāṯwō ’ăšer-niləḥām wa’ăšer hēšîḇ ’eṯ-dammeśeq wə’eṯ-ḥămāṯ lîhûḏâ bəyiśərā’ēl hălō’-hēm kəṯûḇîm ‘al-sēfer diḇərê hayyāmîm ləmaləḵê yiśərā’ēl:

29 wayyišəkaḇ yārāḇə‘ām ‘im-’ăḇōṯāyw ‘im maləḵê yiśərā’ēl wayyiməlōḵə zəḵarəyâ ḇənwō t^aḥətāyw: f

Tanach (Hebrew): 2 Kings (2 Melakhim) Chapter 15

‎1 ‏בִּשְׁנַ֨ת עֶשְׂרִ֤ים וָשֶׁ֙בַע֙ שָׁנָ֔ה לְיָרָבְעָ֖ם מֶ֣לֶךְ יִשְׂרָאֵ֑ל מָלַ֛ךְ עֲזַרְיָ֥ה בֶן־אֲמַצְיָ֖ה מֶ֥לֶךְ יְהוּדָֽה׃

‎2 ‏בֶּן־שֵׁ֨שׁ עֶשְׂרֵ֤ה שָׁנָה֙ הָיָ֣ה בְמָלְכ֔וֹ וַחֲמִשִּׁ֤ים וּשְׁתַּ֙יִם֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמּ֔וֹ יְכָלְיָ֖הוּ מִירוּשָׁלִָֽם׃

‎3 ‏וַיַּ֥עַשׂ הַיָּשָׁ֖ר בְּעֵינֵ֣י יְהוָ֑ה כְּכֹ֥ל אֲשֶׁר־עָשָׂ֖ה אֲמַצְיָ֥הוּ אָבִֽיו׃

‎4 ‏רַ֥ק הַבָּמ֖וֹת לֹא־סָ֑רוּ ע֥וֹד הָעָ֛ם מְזַבְּחִ֥ים וּֽמְקַטְּרִ֖ים בַּבָּמֽוֹת׃

‎5 ‏וַיְנַגַּ֨ע יְהוָ֜ה אֶת־הַמֶּ֗לֶךְ וַיְהִ֤י מְצֹרָע֙ עַד־י֣וֹם מֹת֔וֹ וַיֵּ֖שֶׁב בְּבֵ֣ית הַחָפְשִׁ֑ית וְיוֹתָ֤ם בֶּן־הַמֶּ֙לֶךְ֙ עַל־הַבַּ֔יִת שֹׁפֵ֖ט אֶת־עַ֥ם הָאָֽרֶץ׃

‎6 ‏וְיֶ֛תֶר דִּבְרֵ֥י עֲזַרְיָ֖הוּ וְכָל־אֲשֶׁ֣ר עָשָׂ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

‎7 ‏וַיִּשְׁכַּ֤ב עֲזַרְיָה֙ עִם־אֲבֹתָ֔יו וַיִּקְבְּר֥וּ אֹת֛וֹ עִם־אֲבֹתָ֖יו בְּעִ֣יר דָּוִ֑ד וַיִּמְלֹ֛ךְ יוֹתָ֥ם בְּנ֖וֹ תַּחְתָּֽיו׃ פ

‎8 ‏בִּשְׁנַ֨ת שְׁלֹשִׁ֤ים וּשְׁמֹנֶה֙ שָׁנָ֔ה לַעֲזַרְיָ֖הוּ מֶ֣לֶךְ יְהוּדָ֑ה מָ֠לַךְ זְכַרְיָ֨הוּ בֶן־יָרָבְעָ֧ם עַל־יִשְׂרָאֵ֛ל בְּשֹׁמְר֖וֹן שִׁשָּׁ֥ה חֳדָשִֽׁים׃

‎9 ‏וַיַּ֤עַשׂ הָרַע֙ בְּעֵינֵ֣י יְהוָ֔ה כַּאֲשֶׁ֥ר עָשׂ֖וּ אֲבֹתָ֑יו לֹ֣א סָ֗ר מֵֽחַטֹּאות֙ יָרָבְעָ֣ם בֶּן־נְבָ֔ט אֲשֶׁ֥ר הֶחֱטִ֖יא אֶת־יִשְׂרָאֵֽל׃

‎10 ‏וַיִּקְשֹׁ֤ר עָלָיו֙ שַׁלֻּ֣ם בֶּן־יָבֵ֔שׁ וַיַּכֵּ֥הוּ קָֽבָלְ־עָ֖ם וַיְמִיתֵ֑הוּ וַיִּמְלֹ֖ךְ תַּחְתָּֽיו׃

‎11 ‏וְיֶ֖תֶר דִּבְרֵ֣י זְכַרְיָ֑ה הִנָּ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

‎12 ‏ה֣וּא דְבַר־יְהוָ֗ה אֲשֶׁ֨ר דִּבֶּ֤ר אֶל־יֵהוּא֙ לֵאמֹ֔ר בְּנֵ֣י רְבִיעִ֔ים יֵשְׁב֥וּ לְךָ֖ עַל־כִּסֵּ֣א יִשְׂרָאֵ֑ל וַֽיְהִי־כֵֽן׃ פ

‎13 ‏שַׁלּ֤וּם בֶּן־יָבֵישׁ֙ מָלַ֔ךְ בִּשְׁנַ֨ת שְׁלֹשִׁ֤ים וָתֵ֙שַׁע֙ שָׁנָ֔ה לְעֻזִיָּ֖ה מֶ֣לֶךְ יְהוּדָ֑ה וַיִּמְלֹ֥ךְ יֶֽרַח־יָמִ֖ים בְּשֹׁמְרֽוֹן׃

‎14 ‏וַיַּעַל֩ מְנַחֵ֨ם בֶּן־גָּדִ֜י מִתִּרְצָ֗ה וַיָּבֹא֙ שֹׁמְר֔וֹן וַיַּ֛ךְ אֶת־שַׁלּ֥וּם בֶּן־יָבֵ֖ישׁ בְּשֹׁמְר֑וֹן וַיְמִיתֵ֖הוּ וַיִּמְלֹ֥ךְ תַּחְתָּֽיו׃

‎15 ‏וְיֶ֙תֶר֙ דִּבְרֵ֣י שַׁלּ֔וּם וְקִשְׁר֖וֹ אֲשֶׁ֣ר קָשָׁ֑ר הִנָּ֣ם כְּתֻבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ ס

‎16 ‏אָ֣ז יַכֶּֽה־מְ֠נַחֵם אֶת־תִּפְסַ֨ח וְאֶת־כָּל־אֲשֶׁר־בָּ֤הּ וְאֶת־גְּבוּלֶ֙יהָ֙ מִתִּרְצָ֔ה כִּ֛י לֹ֥א פָתַ֖ח וַיַּ֑ךְ אֵ֛ת כָּל־הֶהָ֥רוֹתֶ֖יהָ בִּקֵּֽעַ׃ פ

‎17 ‏בִּשְׁנַ֨ת שְׁלֹשִׁ֤ים וָתֵ֙שַׁע֙ שָׁנָ֔ה לַעֲזַרְיָ֖ה מֶ֣לֶךְ יְהוּדָ֑ה מָ֠לַךְ מְנַחֵ֨ם בֶּן־גָּדִ֧י עַל־יִשְׂרָאֵ֛ל עֶ֥שֶׂר שָׁנִ֖ים בְּשֹׁמְרֽוֹן׃

‎18 ‏וַיַּ֥עַשׂ הָרַ֖ע בְּעֵינֵ֣י יְהוָ֑ה לֹ֣א סָ֠ר מֵעַ֨ל חַטֹּ֜אות יָרָבְעָ֧ם בֶּן־נְבָ֛ט אֲשֶׁר־הֶחֱטִ֥יא אֶת־יִשְׂרָאֵ֖ל כָּל־יָמָֽיו׃

‎19 ‏בָּ֣א פ֤וּל מֶֽלֶךְ־אַשּׁוּר֙ עַל־הָאָ֔רֶץ וַיִּתֵּ֤ן מְנַחֵם֙ לְפ֔וּל אֶ֖לֶף כִּכַּר־כָּ֑סֶף לִהְי֤וֹת יָדָיו֙ אִתּ֔וֹ לְהַחֲזִ֥יק הַמַּמְלָכָ֖ה בְּיָדֽוֹ׃

‎20 ‏וַיֹּצֵא֩ מְנַחֵ֨ם אֶת־הַכֶּ֜סֶף עַל־יִשְׂרָאֵ֗ל עַ֚ל כָּל־גִּבּוֹרֵ֣י הַחַ֔יִל לָתֵת֙ לְמֶ֣לֶךְ אַשּׁ֔וּר חֲמִשִּׁ֧ים שְׁקָלִ֛ים כֶּ֖סֶף לְאִ֣ישׁ אֶחָ֑ד וַיָּ֙שָׁב֙ מֶ֣לֶךְ אַשּׁ֔וּר וְלֹא־עָ֥מַד שָׁ֖ם בָּאָֽרֶץ׃

‎21 ‏וְיֶ֛תֶר דִּבְרֵ֥י מְנַחֵ֖ם וְכָל־אֲשֶׁ֣ר עָשָׂ֑ה הֲלוֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

‎22 ‏וַיִּשְׁכַּ֥ב מְנַחֵ֖ם עִם־אֲבֹתָ֑יו וַיִּמְלֹ֛ךְ פְּקַחְיָ֥ה בְנ֖וֹ תַּחְתָּֽיו׃ פ

‎23 ‏בִּשְׁנַת֙ חֲמִשִּׁ֣ים שָׁנָ֔ה לַעֲזַרְיָ֖ה מֶ֣לֶךְ יְהוּדָ֑ה מָ֠לַךְ פְּקַֽחְיָ֨ה בֶן־מְנַחֵ֧ם עַל־יִשְׂרָאֵ֛ל בְּשֹׁמְר֖וֹן שְׁנָתָֽיִם׃

‎24 ‏וַיַּ֥עַשׂ הָרַ֖ע בְּעֵינֵ֣י יְהוָ֑ה לֹ֣א סָ֗ר מֵֽחַטֹּאות֙ יָרָבְעָ֣ם בֶּן־נְבָ֔ט אֲשֶׁ֥ר הֶחֱטִ֖יא אֶת־יִשְׂרָאֵֽל׃

‎25 ‏וַיִּקְשֹׁ֣ר עָלָיו֩ פֶּ֨קַח בֶּן־רְמַלְיָ֜הוּ שָׁלִישׁ֗וֹ וַיַּכֵּ֨הוּ בְשֹׁמְר֜וֹן בְּאַרְמ֤וֹן בֵּית־מלך הַמֶּ֙לֶךְ֙ אֶת־אַרְגֹּ֣ב וְאֶת־הָאַרְיֵ֔ה וְעִמּ֛וֹ חֲמִשִּׁ֥ים אִ֖ישׁ מִבְּנֵ֣י גִלְעָדִ֑ים וַיְמִיתֵ֖הוּ וַיִּמְלֹ֥ךְ תַּחְתָּֽיו׃

‎26 ‏וְיֶ֛תֶר דִּבְרֵ֥י פְקַחְיָ֖ה וְכָל־אֲשֶׁ֣ר עָשָׂ֑ה הִנָּ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ פ

‎27 ‏בִּשְׁנַ֨ת חֲמִשִּׁ֤ים וּשְׁתַּ֙יִם֙ שָׁנָ֔ה לַעֲזַרְיָ֖ה מֶ֣לֶךְ יְהוּדָ֑ה מָ֠לַךְ פֶּ֣קַח בֶּן־רְמַלְיָ֧הוּ עַל־יִשְׂרָאֵ֛ל בְּשֹׁמְר֖וֹן עֶשְׂרִ֥ים שָׁנָֽה׃

‎28 ‏וַיַּ֥עַשׂ הָרַ֖ע בְּעֵינֵ֣י יְהוָ֑ה לֹ֣א סָ֗ר מִן־חַטֹּאות֙ יָרָבְעָ֣ם בֶּן־נְבָ֔ט אֲשֶׁ֥ר הֶחֱטִ֖יא אֶת־יִשְׂרָאֵֽל׃

‎29 ‏בִּימֵ֞י פֶּ֣קַח מֶֽלֶךְ־יִשְׂרָאֵ֗ל בָּא֮ תִּגְלַ֣ת פִּלְאֶסֶר֮ מֶ֣לֶךְ אַשּׁוּר֒ וַיִּקַּ֣ח אֶת־עִיּ֡וֹן וְאֶת־אָבֵ֣ל בֵּֽית־מַעֲכָ֡ה וְאֶת־יָ֠נוֹחַ וְאֶת־קֶ֨דֶשׁ וְאֶת־חָצ֤וֹר וְאֶת־הַגִּלְעָד֙ וְאֶת־הַגָּלִ֔ילָה כֹּ֖ל אֶ֣רֶץ נַפְתָּלִ֑י וַיַּגְלֵ֖ם אַשּֽׁוּרָה׃

‎30 ‏וַיִּקְשָׁר־קֶ֜שֶׁר הוֹשֵׁ֣עַ בֶּן־אֵלָ֗ה עַל־פֶּ֙קַח֙ בֶּן־רְמַלְיָ֔הוּ וַיַּכֵּ֙הוּ֙ וַיְמִיתֵ֔הוּ וַיִּמְלֹ֖ךְ תַּחְתָּ֑יו בִּשְׁנַ֣ת עֶשְׂרִ֔ים לְיוֹתָ֖ם בֶּן־עֻזִיָּֽה׃

‎31 ‏וְיֶ֥תֶר דִּבְרֵי־פֶ֖קַח וְכָל־אֲשֶׁ֣ר עָשָׂ֑ה הִנָּ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ פ

‎32 ‏בִּשְׁנַ֣ת שְׁתַּ֔יִם לְפֶ֥קַח בֶּן־רְמַלְיָ֖הוּ מֶ֣לֶךְ יִשְׂרָאֵ֑ל מָלַ֛ךְ יוֹתָ֥ם בֶּן־עֻזִיָּ֖הוּ מֶ֥לֶךְ יְהוּדָֽה׃

‎33 ‏בֶּן־עֶשְׂרִ֨ים וְחָמֵ֤שׁ שָׁנָה֙ הָיָ֣ה בְמָלְכ֔וֹ וְשֵׁשׁ־עֶשְׂרֵ֣ה שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמּ֔וֹ יְרוּשָׁ֖א בַּת־צָדֽוֹק׃

‎34 ‏וַיַּ֥עַשׂ הַיָּשָׁ֖ר בְּעֵינֵ֣י יְהוָ֑ה כְּכֹ֧ל אֲשֶׁר־עָשָׂ֛ה עֻזִיָּ֥הוּ אָבִ֖יו עָשָֽׂה׃

‎35 ‏רַ֤ק הַבָּמוֹת֙ לֹ֣א סָ֔רוּ ע֗וֹד הָעָ֛ם מְזַבְּחִ֥ים וּֽמְקַטְּרִ֖ים בַּבָּמ֑וֹת ה֗וּא בָּנָ֛ה אֶת־שַׁ֥עַר בֵּית־יְהוָ֖ה הָעֶלְיֽוֹן׃

‎36 ‏וְיֶ֛תֶר דִּבְרֵ֥י יוֹתָ֖ם אֲשֶׁ֣ר עָשָׂ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

‎37 ‏בַּיָּמִ֣ים הָהֵ֔ם הֵחֵ֣ל יְהוָ֗ה לְהַשְׁלִ֙יחַ֙ בִּֽיהוּדָ֔ה רְצִ֖ין מֶ֣לֶךְ אֲרָ֑ם וְאֵ֖ת פֶּ֥קַח בֶּן־רְמַלְיָֽהוּ׃

‎38 ‏וַיִּשְׁכַּ֤ב יוֹתָם֙ עִם־אֲבֹתָ֔יו וַיִּקָּבֵר֙ עִם־אֲבֹתָ֔יו בְּעִ֖יר דָּוִ֣ד אָבִ֑יו וַיִּמְלֹ֛ךְ אָחָ֥ז בְּנ֖וֹ תַּחְתָּֽיו׃ פ

1 bišənaṯ ‘eśərîm wāšeḇ^a‘ šānâ ləyārāḇə‘ām meleḵə yiśərā’ēl mālaḵə ‘ăzarəyâ ḇen-’ămaṣəyâ meleḵə yəhûḏâ:

2 ben-šēš ‘eśərēh šānâ hāyâ ḇəmāləḵwō w^aḥămiššîm ûšətayim šānâ mālaḵə bîrûšālāim wəšēm ’immwō yəḵāləyâû mîrûšālāim:

3 wayy^a‘aś hayyāšār bə‘ênê yəhwâ kəḵōl ’ăšer-‘āśâ ’ămaṣəyâû ’āḇîw:

4 raq habāmwōṯ lō’-sārû ‘wōḏ hā‘ām məzabəḥîm ûməqaṭṭərîm babāmwōṯ:

5 wayənag^a‘ yəhwâ ’eṯ-hammeleḵə wayəhî məṣōrā‘ ‘aḏ-ywōm mōṯwō wayyēšeḇ bəḇêṯ h^aḥāfəšîṯ wəywōṯām ben-hammeleḵə ‘al-habayiṯ šōfēṭ ’eṯ-‘am hā’āreṣ:

6 wəyeṯer diḇərê ‘ăzarəyâû wəḵāl-’ăšer ‘āśâ hălō’-hēm kəṯûḇîm ‘al-sēfer diḇərê hayyāmîm ləmaləḵê yəhûḏâ:

7 wayyišəkaḇ ‘ăzarəyâ ‘im-’ăḇōṯāyw wayyiqəbərû ’ōṯwō ‘im-’ăḇōṯāyw bə‘îr dāwiḏ wayyiməlōḵə ywōṯām bənwō t^aḥətāyw: f

8 bišənaṯ šəlōšîm ûšəmōneh šānâ l^a‘ăzarəyâû meleḵə yəhûḏâ mālaḵə zəḵarəyâû ḇen-yārāḇə‘ām ‘al-yiśərā’ēl bəšōmərwōn šiššâ ḥŏḏāšîm:

9 wayy^a‘aś hār^a‘ bə‘ênê yəhwâ ka’ăšer ‘āśû ’ăḇōṯāyw lō’ sār mēḥaṭṭō’wṯ yārāḇə‘ām ben-nəḇāṭ ’ăšer heḥĕṭî’ ’eṯ-yiśərā’ēl:

10 wayyiqəšōr ‘ālāyw šallum ben-yāḇēš wayyakēhû qāḇālə-‘ām wayəmîṯēhû wayyiməlōḵə t^aḥətāyw:

11 wəyeṯer diḇərê zəḵarəyâ hinnām kəṯûḇîm ‘al-sēfer diḇərê hayyāmîm ləmaləḵê yiśərā’ēl:

12 hû’ ḏəḇar-yəhwâ ’ăšer diber ’el-yēhû’ lē’mōr bənê rəḇî‘îm yēšəḇû ləḵā ‘al-kissē’ yiśərā’ēl wayəhî-ḵēn: f

13 šallûm ben-yāḇêš mālaḵə bišənaṯ šəlōšîm wāṯēš^a‘ šānâ lə‘uzîyâ meleḵə yəhûḏâ wayyiməlōḵə yer^aḥ-yāmîm bəšōmərwōn:

14 wayy^a‘al mən^aḥēm ben-gāḏî mitirəṣâ wayyāḇō’ šōmərwōn wayyaḵə ’eṯ-šallûm ben-yāḇêš bəšōmərwōn wayəmîṯēhû wayyiməlōḵə t^aḥətāyw:

15 wəyeṯer diḇərê šallûm wəqišərwō ’ăšer qāšār hinnām kəṯuḇîm ‘al-sēfer diḇərê hayyāmîm ləmaləḵê yiśərā’ēl: s

16 ’āz yakeh-mən^aḥēm ’eṯ-tifəs^aḥ wə’eṯ-kāl-’ăšer-bāh wə’eṯ-gəḇûleyhā mitirəṣâ kî lō’ fāṯ^aḥ wayyaḵə ’ēṯ kāl-hehārwōṯeyhā biqqē‘a: f

17 bišənaṯ šəlōšîm wāṯēš^a‘ šānâ l^a‘ăzarəyâ meleḵə yəhûḏâ mālaḵə mən^aḥēm ben-gāḏî ‘al-yiśərā’ēl ‘eśer šānîm bəšōmərwōn:

18 wayy^a‘aś hār^a‘ bə‘ênê yəhwâ lō’ sār mē‘al ḥaṭṭō’wṯ yārāḇə‘ām ben-nəḇāṭ ’ăšer-heḥĕṭî’ ’eṯ-yiśərā’ēl kāl-yāmāyw:

19 bā’ fûl meleḵə-’aššûr ‘al-hā’āreṣ wayyitēn mən^aḥēm ləfûl ’elef kikar-kāsef lihəywōṯ yāḏāyw ’itwō ləh^aḥăzîq hammaməlāḵâ bəyāḏwō:

20 wayyōṣē’ mən^aḥēm ’eṯ-hakesef ‘al-yiśərā’ēl ‘al kāl-gibwōrê h^aḥayil lāṯēṯ ləmeleḵə ’aššûr ḥămiššîm šəqālîm kesef lə’îš ’eḥāḏ wayyāšāḇ meleḵə ’aššûr wəlō’-‘āmaḏ šām bā’āreṣ:

21 wəyeṯer diḇərê mən^aḥēm wəḵāl-’ăšer ‘āśâ hălwō’-hēm kəṯûḇîm ‘al-sēfer diḇərê hayyāmîm ləmaləḵê yiśərā’ēl:

22 wayyišəkaḇ mən^aḥēm ‘im-’ăḇōṯāyw wayyiməlōḵə pəq^aḥəyâ ḇənwō t^aḥətāyw: f

23 bišənaṯ ḥămiššîm šānâ l^a‘ăzarəyâ meleḵə yəhûḏâ mālaḵə pəq^aḥəyâ ḇen-mən^aḥēm ‘al-yiśərā’ēl bəšōmərwōn šənāṯāyim:

24 wayy^a‘aś hār^a‘ bə‘ênê yəhwâ lō’ sār mēḥaṭṭō’wṯ yārāḇə‘ām ben-nəḇāṭ ’ăšer heḥĕṭî’ ’eṯ-yiśərā’ēl:

25 wayyiqəšōr ‘ālāyw peq^aḥ ben-rəmaləyâû šālîšwō wayyakēhû ḇəšōmərwōn bə’arəmwōn bêṯ-meleḵə hammeleḵə ’eṯ-’arəgōḇ wə’eṯ-hā’arəyēh wə‘immwō ḥămiššîm ’îš mibənê ḡilə‘āḏîm wayəmîṯēhû wayyiməlōḵə t^aḥətāyw:

26 wəyeṯer diḇərê fəq^aḥəyâ wəḵāl-’ăšer ‘āśâ hinnām kəṯûḇîm ‘al-sēfer diḇərê hayyāmîm ləmaləḵê yiśərā’ēl: f

27 bišənaṯ ḥămiššîm ûšətayim šānâ l^a‘ăzarəyâ meleḵə yəhûḏâ mālaḵə peq^aḥ ben-rəmaləyâû ‘al-yiśərā’ēl bəšōmərwōn ‘eśərîm šānâ:

28 wayy^a‘aś hār^a‘ bə‘ênê yəhwâ lō’ sār min-ḥaṭṭō’wṯ yārāḇə‘ām ben-nəḇāṭ ’ăšer heḥĕṭî’ ’eṯ-yiśərā’ēl:

29 bîmê peq^aḥ meleḵə-yiśərā’ēl bā’ tiḡəlaṯ pilə’eser meleḵə ’aššûr wayyiqq^aḥ ’eṯ-‘îywōn wə’eṯ-’āḇēl bêṯ-m^a‘ăḵâ wə’eṯ-yānwōḥa wə’eṯ-qeḏeš wə’eṯ-ḥāṣwōr wə’eṯ-hagilə‘āḏ wə’eṯ-hagālîlâ kōl ’ereṣ nafətālî wayyaḡəlēm ’aššûrâ:

30 wayyiqəšār-qešer hwōšē‘a ben-’ēlâ ‘al-peq^aḥ ben-rəmaləyâû wayyakēhû wayəmîṯēhû wayyiməlōḵə t^aḥətāyw bišənaṯ ‘eśərîm ləywōṯām ben-‘uzîyâ:

31 wəyeṯer diḇərê-feq^aḥ wəḵāl-’ăšer ‘āśâ hinnām kəṯûḇîm ‘al-sēfer diḇərê hayyāmîm ləmaləḵê yiśərā’ēl: f

32 bišənaṯ šətayim ləfeq^aḥ ben-rəmaləyâû meleḵə yiśərā’ēl mālaḵə ywōṯām ben-‘uzîyâû meleḵə yəhûḏâ:

33 ben-‘eśərîm wəḥāmēš šānâ hāyâ ḇəmāləḵwō wəšēš-‘eśərēh šānâ mālaḵə bîrûšālāim wəšēm ’immwō yərûšā’ baṯ-ṣāḏwōq:

34 wayy^a‘aś hayyāšār bə‘ênê yəhwâ kəḵōl ’ăšer-‘āśâ ‘uzîyâû ’āḇîw ‘āśâ:

35 raq habāmwōṯ lō’ sārû ‘wōḏ hā‘ām məzabəḥîm ûməqaṭṭərîm babāmwōṯ hû’ bānâ ’eṯ-š^a‘ar bêṯ-yəhwâ hā‘eləywōn:

36 wəyeṯer diḇərê ywōṯām ’ăšer ‘āśâ hălō’-hēm kəṯûḇîm ‘al-sēfer diḇərê hayyāmîm ləmaləḵê yəhûḏâ:

37 bayyāmîm hâēm hēḥēl yəhwâ ləhašəlîḥa bîhûḏâ rəṣîn meleḵə ’ărām wə’ēṯ peq^aḥ ben-rəmaləyâû:

38 wayyišəkaḇ ywōṯām ‘im-’ăḇōṯāyw wayyiqqāḇēr ‘im-’ăḇōṯāyw bə‘îr dāwiḏ ’āḇîw wayyiməlōḵə ’āḥāz bənwō t^aḥətāyw: f

Tanach (Hebrew): 2 Kings (2 Melakhim) Chapter 16

‎1 ‏בִּשְׁנַת֙ שְׁבַֽע־עֶשְׂרֵ֣ה שָׁנָ֔ה לְפֶ֖קַח בֶּן־רְמַלְיָ֑הוּ מָלַ֛ךְ אָחָ֥ז בֶּן־יוֹתָ֖ם מֶ֥לֶךְ יְהוּדָֽה׃

‎2 ‏בֶּן־עֶשְׂרִ֤ים שָׁנָה֙ אָחָ֣ז בְּמָלְכ֔וֹ וְשֵׁשׁ־עֶשְׂרֵ֣ה שָׁנָ֔ה מָלַ֖ךְ בִּירוּשָׁלִָ֑ם וְלֹא־עָשָׂ֣ה הַיָּשָׁ֗ר בְּעֵינֵ֛י יְהוָ֥ה אֱלֹהָ֖יו כְּדָוִ֥ד אָבִֽיו׃

‎3 ‏וַיֵּ֕לֶךְ בְּדֶ֖רֶךְ מַלְכֵ֣י יִשְׂרָאֵ֑ל וְגַ֤ם אֶת־בְּנוֹ֙ הֶעֱבִ֣יר בָּאֵ֔שׁ כְּתֹֽעֲבוֹת֙ הַגּוֹיִ֔ם אֲשֶׁ֨ר הוֹרִ֤ישׁ יְהוָה֙ אֹתָ֔ם מִפְּנֵ֖י בְּנֵ֥י יִשְׂרָאֵֽל׃

‎4 ‏וַיְזַבֵּ֧חַ וַיְקַטֵּ֛ר בַּבָּמ֖וֹת וְעַל־הַגְּבָע֑וֹת וְתַ֖חַת כָּל־עֵ֥ץ רַעֲנָֽן׃

‎5 ‏אָ֣ז יַעֲלֶ֣ה רְצִ֣ין מֶֽלֶךְ־אֲ֠רָם וּפֶ֨קַח בֶּן־רְמַלְיָ֧הוּ מֶֽלֶךְ־יִשְׂרָאֵ֛ל יְרוּשָׁלִַ֖ם לַמִּלְחָמָ֑ה וַיָּצֻ֙רוּ֙ עַל־אָחָ֔ז וְלֹ֥א יָכְל֖וּ לְהִלָּחֵֽם׃

‎6 ‏בָּעֵ֣ת הַהִ֗יא הֵ֠שִׁיב רְצִ֨ין מֶֽלֶךְ־אֲרָ֤ם אֶת־אֵילַת֙ לַֽאֲרָ֔ם וַיְנַשֵּׁ֥ל אֶת־הַיְהוּדִ֖ים מֵֽאֵיל֑וֹת וארמים וַֽאֲדוֹמִים֙³ בָּ֣אוּ אֵילַ֔ת וַיֵּ֣שְׁבוּ שָׁ֔ם עַ֖ד הַיּ֥וֹם הַזֶּֽה׃ פ

‎7 ‏וַיִּשְׁלַ֨ח אָחָ֜ז מַלְאָכִ֗ים אֶל־תִּ֠גְלַת פְּלֶ֤סֶר מֶֽלֶךְ־אַשּׁוּר֙ לֵאמֹ֔ר עַבְדְּךָ֥ וּבִנְךָ֖ אָ֑נִי עֲלֵ֨ה וְהוֹשִׁעֵ֜נִי מִכַּ֣ף מֶֽלֶךְ־אֲרָ֗ם וּמִכַּף֙ מֶ֣לֶךְ יִשְׂרָאֵ֔ל הַקּוֹמִ֖ים עָלָֽי׃

‎8 ‏וַיִּקַּ֨ח אָחָ֜ז אֶת־הַכֶּ֣סֶף וְאֶת־הַזָּהָ֗ב הַנִּמְצָא֙ בֵּ֣ית יְהוָ֔ה וּבְאֹֽצְר֖וֹת בֵּ֣ית הַמֶּ֑לֶךְ וַיִּשְׁלַ֥ח לְמֶֽלֶךְ־אַשּׁ֖וּר שֹֽׁחַד׃

‎9 ‏וַיִּשְׁמַ֤ע אֵלָיו֙ מֶ֣לֶךְ אַשּׁ֔וּר וַיַּעַל֩ מֶ֨לֶךְ אַשּׁ֤וּר אֶל־דַּמֶּ֙שֶׂק֙ וַֽיִּתְפְּשֶׂ֔הָ וַיַּגְלֶ֖הָ קִ֑ירָה וְאֶת־רְצִ֖ין הֵמִֽית׃

‎10 ‏וַיֵּ֣לֶךְ הַמֶּ֣לֶךְ אָחָ֡ז לִ֠קְרַאת תִּגְלַ֨ת פִּלְאֶ֤סֶר מֶֽלֶךְ־אַשּׁוּר֙ דּוּמֶּ֔שֶׂק וַיַּ֥רְא אֶת־הַמִּזְבֵּ֖חַ אֲשֶׁ֣ר בְּדַמָּ֑שֶׂק וַיִּשְׁלַח֩ הַמֶּ֨לֶךְ אָחָ֜ז אֶל־אוּרִיָּ֣ה הַכֹּהֵ֗ן אֶת־דְּמ֧וּת הַמִּזְבֵּ֛חַ וְאֶת־תַּבְנִית֖וֹ לְכָֽל־מַעֲשֵֽׂהוּ׃

‎11 ‏וַיִּ֛בֶן אוּרִיָּ֥ה הַכֹּהֵ֖ן אֶת־הַמִּזְבֵּ֑חַ כְּכֹ֣ל אֲשֶׁר־שָׁלַח֩ הַמֶּ֨לֶךְ אָחָ֜ז מִדַּמֶּ֗שֶׂק כֵּ֤ן עָשָׂה֙ אוּרִיָּ֣ה הַכֹּהֵ֔ן עַד־בּ֥וֹא הַמֶּֽלֶךְ־אָחָ֖ז מִדַּמָּֽשֶׂק׃

‎12 ‏וַיָּבֹ֤א הַמֶּ֙לֶךְ֙ מִדַּמֶּ֔שֶׂק וַיַּ֥רְא הַמֶּ֖לֶךְ אֶת־הַמִּזְבֵּ֑חַ וַיִּקְרַ֥ב הַמֶּ֛לֶךְ עַל־הַמִּזְבֵּ֖חַ וַיַּ֥עַל עָלָֽיו׃

‎13 ‏וַיַּקְטֵ֤ר אֶת־עֹֽלָתוֹ֙ וְאֶת־מִנְחָת֔וֹ וַיַּסֵּ֖ךְ אֶת־נִסְכּ֑וֹ וַיִּזְרֹ֛ק אֶת־דַּֽם־הַשְּׁלָמִ֥ים אֲשֶׁר־ל֖וֹ עַל־הַמִּזְבֵּֽחַ׃

‎14 ‏וְאֵ֨ת הַמִּזְבַּ֣ח הַנְּחֹשֶׁת֮ אֲשֶׁ֣ר לִפְנֵ֣י יְהוָה֒ וַיַּקְרֵ֗ב מֵאֵת֙ פְּנֵ֣י הַבַּ֔יִת מִבֵּין֙ הַמִּזְבֵּ֔חַ וּמִבֵּ֖ין בֵּ֣ית יְהוָ֑ה וַיִּתֵּ֥ן אֹת֛וֹ עַל־יֶ֥רֶךְ הַמִּזְבֵּ֖חַ צָפֽוֹנָה׃

‎15 ‏ויצוהו וַיְצַוֶּ֣ה הַמֶּֽלֶךְ־אָ֠חָז אֶת־אוּרִיָּ֨ה הַכֹּהֵ֜ן לֵאמֹ֗ר עַ֣ל הַמִּזְבֵּ֣חַ הַגָּד֡וֹל הַקְטֵ֣ר אֶת־עֹֽלַת־הַבֹּקֶר֩ וְאֶת־מִנְחַ֨ת הָעֶ֜רֶב וְֽאֶת־עֹלַ֧ת הַמֶּ֣לֶךְ וְאֶת־מִנְחָת֗וֹ וְ֠אֵת עֹלַ֞ת כָּל־עַ֤ם הָאָ֙רֶץ֙ וּמִנְחָתָ֣ם וְנִסְכֵּיהֶ֔ם וְכָל־דַּ֥ם עֹלָ֛ה וְכָל־דַּם־זֶ֖בַח עָלָ֣יו תִּזְרֹ֑ק וּמִזְבַּ֧ח הַנְּחֹ֛שֶׁת יִֽהְיֶה־לִּ֖י לְבַקֵּֽר׃

‎16 ‏וַיַּ֖עַשׂ אוּרִיָּ֣ה הַכֹּהֵ֑ן כְּכֹ֥ל אֲשֶׁר־צִוָּ֖ה הַמֶּ֥לֶךְ אָחָֽז׃

‎17 ‏וַיְקַצֵּץ֩ הַמֶּ֨לֶךְ אָחָ֜ז אֶת־הַמִּסְגְּר֣וֹת הַמְּכֹנ֗וֹת וַיָּ֤סַר מֵֽעֲלֵיהֶם֙ ואת־ אֶת־ הַכִּיֹּ֔ר וְאֶת־הַיָּ֣ם הוֹרִ֔ד מֵעַ֛ל הַבָּקָ֥ר הַנְּחֹ֖שֶׁת אֲשֶׁ֣ר תַּחְתֶּ֑יהָ וַיִּתֵּ֣ן אֹת֔וֹ עַ֖ל מַרְצֶ֥פֶת אֲבָנִֽים׃

‎18 ‏וְאֶת־מיסך מוּסַ֨ךְ הַשַּׁבָּ֜ת אֲשֶׁר־בָּנ֣וּ בַבַּ֗יִת וְאֶת־מְב֤וֹא הַמֶּ֙לֶךְ֙ הַֽחִיצ֔וֹנָה הֵסֵ֖ב בֵּ֣ית יְהוָ֑ה מִפְּנֵ֖י מֶ֥לֶךְ אַשּֽׁוּר׃

‎19 ‏וְיֶ֛תֶר דִּבְרֵ֥י אָחָ֖ז אֲשֶׁ֣ר עָשָׂ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

‎20 ‏וַיִּשְׁכַּ֤ב אָחָז֙ עִם־אֲבֹתָ֔יו וַיִּקָּבֵ֥ר עִם־אֲבֹתָ֖יו בְּעִ֣יר דָּוִ֑ד וַיִּמְלֹ֛ךְ חִזְקִיָּ֥הוּ בְנ֖וֹ תַּחְתָּֽיו׃ פ

1 bišənaṯ šəḇ^a‘-‘eśərēh šānâ ləfeq^aḥ ben-rəmaləyâû mālaḵə ’āḥāz ben-ywōṯām meleḵə yəhûḏâ:

2 ben-‘eśərîm šānâ ’āḥāz bəmāləḵwō wəšēš-‘eśərēh šānâ mālaḵə bîrûšālāim wəlō’-‘āśâ hayyāšār bə‘ênê yəhwâ ’ĕlōhāyw kəḏāwiḏ ’āḇîw:

3 wayyēleḵə bəḏereḵə maləḵê yiśərā’ēl wəḡam ’eṯ-bənwō he‘ĕḇîr bā’ēš kəṯō‘ăḇwōṯ hagwōyim ’ăšer hwōrîš yəhwâ ’ōṯām mipənê bənê yiśərā’ēl:

4 wayəzabēḥa wayəqaṭṭēr babāmwōṯ wə‘al-hagəḇā‘wōṯ wəṯ^aḥaṯ kāl-‘ēṣ r^a‘ănān:

5 ’āz y^a‘ăleh rəṣîn meleḵə-’ărām ûfeq^aḥ ben-rəmaləyâû meleḵə-yiśərā’ēl yərûšālaim lammiləḥāmâ wayyāṣurû ‘al-’āḥāz wəlō’ yāḵəlû ləhillāḥēm:

6 bā‘ēṯ hahî’ hēšîḇ rəṣîn meleḵə-’ărām ’eṯ-’êlaṯ la’ărām wayənaššēl ’eṯ-hayəhûḏîm mē’êlwōṯ wa’ărammîm wa’ăḏwōmîm³ bā’û ’êlaṯ wayyēšəḇû šām ‘aḏ hayywōm hazzeh: f

7 wayyišəl^aḥ ’āḥāz malə’āḵîm ’el-tiḡəlaṯ pəleser meleḵə-’aššûr lē’mōr ‘aḇədəḵā ûḇinəḵā ’ānî ‘ălēh wəhwōši‘ēnî mikaf meleḵə-’ărām ûmikaf meleḵə yiśərā’ēl haqqwōmîm ‘ālāy:

8 wayyiqq^aḥ ’āḥāz ’eṯ-hakesef wə’eṯ-hazzâāḇ hanniməṣā’ bêṯ yəhwâ ûḇə’ōṣərwōṯ bêṯ hammeleḵə wayyišəl^aḥ ləmeleḵə-’aššûr šōḥaḏ:

9 wayyišəm^a‘ ’ēlāyw meleḵə ’aššûr wayy^a‘al meleḵə ’aššûr ’el-dammeśeq wayyiṯəpəśehā wayyaḡəlehā qîrâ wə’eṯ-rəṣîn hēmîṯ:

10 wayyēleḵə hammeleḵə ’āḥāz liqəra’ṯ tiḡəlaṯ pilə’eser meleḵə-’aššûr dûmmeśeq wayyarə’ ’eṯ-hammizəbēḥa ’ăšer bəḏammāśeq wayyišəl^aḥ hammeleḵə ’āḥāz ’el-’ûrîyâ hakōhēn ’eṯ-dəmûṯ hammizəbēḥa wə’eṯ-taḇənîṯwō ləḵāl-m^a‘ăśēhû:

11 wayyiḇen ’ûrîyâ hakōhēn ’eṯ-hammizəbēḥa kəḵōl ’ăšer-šāl^aḥ hammeleḵə ’āḥāz midammeśeq kēn ‘āśâ ’ûrîyâ hakōhēn ‘aḏ-bwō’ hammeleḵə-’āḥāz midammāśeq:

12 wayyāḇō’ hammeleḵə midammeśeq wayyarə’ hammeleḵə ’eṯ-hammizəbēḥa wayyiqəraḇ hammeleḵə ‘al-hammizəbēḥa wayy^a‘al ‘ālāyw:

13 wayyaqəṭēr ’eṯ-‘ōlāṯwō wə’eṯ-minəḥāṯwō wayyassēḵə ’eṯ-nisəkwō wayyizərōq ’eṯ-dam-haššəlāmîm ’ăšer-lwō ‘al-hammizəbēḥa:

14 wə’ēṯ hammizəb^aḥ hannəḥōšeṯ ’ăšer lifənê yəhwâ wayyaqərēḇ mē’ēṯ pənê habayiṯ mibên hammizəbēḥa ûmibên bêṯ yəhwâ wayyitēn ’ōṯwō ‘al-yereḵə hammizəbēḥa ṣāfwōnâ:

15 wayəṣaûēhû wayəṣaûeh hammeleḵə-’āḥāz ’eṯ-’ûrîyâ hakōhēn lē’mōr ‘al hammizəbēḥa hagāḏwōl haqəṭēr ’eṯ-‘ōlaṯ-habōqer wə’eṯ-minəḥaṯ hā‘ereḇ wə’eṯ-‘ōlaṯ hammeleḵə wə’eṯ-minəḥāṯwō wə’ēṯ ‘ōlaṯ kāl-‘am hā’āreṣ ûminəḥāṯām wənisəkêhem wəḵāl-dam ‘ōlâ wəḵāl-dam-zeḇ^aḥ ‘ālāyw tizərōq ûmizəb^aḥ hannəḥōšeṯ yihəyeh-llî ləḇaqqēr:

16 wayy^a‘aś ’ûrîyâ hakōhēn kəḵōl ’ăšer-ṣiûâ hammeleḵə ’āḥāz:

17 wayəqaṣṣēṣ hammeleḵə ’āḥāz ’eṯ-hammisəgərwōṯ hamməḵōnwōṯ wayyāsar mē‘ălêhem wə’eṯ- ’eṯ- hakîyōr wə’eṯ-hayyām hwōriḏ mē‘al habāqār hannəḥōšeṯ ’ăšer t^aḥəteyhā wayyitēn ’ōṯwō ‘al marəṣefeṯ ’ăḇānîm:

18 wə’eṯ-mîsaḵə mûsaḵə haššabāṯ ’ăšer-bānû ḇabayiṯ wə’eṯ-məḇwō’ hammeleḵə h^aḥîṣwōnâ hēsēḇ bêṯ yəhwâ mipənê meleḵə ’aššûr:

19 wəyeṯer diḇərê ’āḥāz ’ăšer ‘āśâ hălō’-hēm kəṯûḇîm ‘al-sēfer diḇərê hayyāmîm ləmaləḵê yəhûḏâ:

20 wayyišəkaḇ ’āḥāz ‘im-’ăḇōṯāyw wayyiqqāḇēr ‘im-’ăḇōṯāyw bə‘îr dāwiḏ wayyiməlōḵə ḥizəqîyâû ḇənwō t^aḥətāyw: f

Tanach (Hebrew): 2 Kings (2 Melakhim) Chapter 17

‎1 ‏בִּשְׁנַת֙ שְׁתֵּ֣ים עֶשְׂרֵ֔ה לְאָחָ֖ז מֶ֣לֶךְ יְהוּדָ֑ה מָ֠לַךְ הוֹשֵׁ֨עַ בֶּן־אֵלָ֧ה בְשֹׁמְר֛וֹן עַל־יִשְׂרָאֵ֖ל תֵּ֥שַׁע שָׁנִֽים׃

‎2 ‏וַיַּ֥עַשׂ הָרַ֖ע בְּעֵינֵ֣י יְהוָ֑ה רַ֗ק לֹ֚א כְּמַלְכֵ֣י יִשְׂרָאֵ֔ל אֲשֶׁ֥ר הָי֖וּ לְפָנָֽיו׃

‎3 ‏עָלָ֣יו עָלָ֔ה שַׁלְמַנְאֶ֖סֶר מֶ֣לֶךְ אַשּׁ֑וּר וַֽיְהִי־ל֤וֹ הוֹשֵׁ֙עַ֙ עֶ֔בֶד וַיָּ֥שֶׁב ל֖וֹ מִנְחָֽה׃

‎4 ‏וַיִּמְצָא֩ מֶֽלֶךְ־אַשּׁ֨וּר בְּהוֹשֵׁ֜עַ קֶ֗שֶׁר אֲשֶׁ֨ר שָׁלַ֤ח מַלְאָכִים֙ אֶל־ס֣וֹא מֶֽלֶךְ־מִצְרַ֔יִם וְלֹא־הֶעֱלָ֥ה מִנְחָ֛ה לְמֶ֥לֶךְ אַשּׁ֖וּר כְּשָׁנָ֣ה בְשָׁנָ֑ה וַֽיַּעַצְרֵ֙הוּ֙ מֶ֣לֶךְ אַשּׁ֔וּר וַיַּאַסְרֵ֖הוּ בֵּ֥ית כֶּֽלֶא׃

‎5 ‏וַיַּ֥עַל מֶֽלֶךְ־אַשּׁ֖וּר¹ בְּכָל־הָאָ֑רֶץ וַיַּ֙עַל֙ שֹׁמְר֔וֹן וַיָּ֥צַר עָלֶ֖יהָ שָׁלֹ֥שׁ שָׁנִֽים׃

‎6 ‏בִּשְׁנַ֨ת הַתְּשִׁיעִ֜ית³ לְהוֹשֵׁ֗עַ לָכַ֤ד מֶֽלֶךְ־אַשּׁוּר֙ אֶת־שֹׁ֣מְר֔וֹן וַיֶּ֥גֶל אֶת־יִשְׂרָאֵ֖ל אַשּׁ֑וּרָה וַיֹּ֨שֶׁב אֹתָ֜ם בַּחְלַ֧ח וּבְחָב֛וֹר נְהַ֥ר גּוֹזָ֖ן וְעָרֵ֥י מָדָֽי׃ פ

‎7 ‏וַיְהִ֗י כִּֽי־חָטְא֤וּ בְנֵֽי־יִשְׂרָאֵל֙ לַיהוָ֣ה אֱלֹהֵיהֶ֔ם הַמַּעֲלֶ֤ה אֹתָם֙ מֵאֶ֣רֶץ מִצְרַ֔יִם מִתַּ֕חַת יַ֖ד פַּרְעֹ֣ה מֶֽלֶךְ־מִצְרָ֑יִם וַיִּֽירְא֖וּ אֱלֹהִ֥ים אֲחֵרִֽים׃

‎8 ‏וַיֵּֽלְכוּ֙ בְּחֻקּ֣וֹת הַגּוֹיִ֔ם אֲשֶׁר֙ הוֹרִ֣ישׁ יְהוָ֔ה מִפְּנֵ֖י בְּנֵ֣י יִשְׂרָאֵ֑ל וּמַלְכֵ֥י יִשְׂרָאֵ֖ל אֲשֶׁ֥ר עָשֽׂוּ׃

‎9 ‏וַיְחַפְּא֣וּ בְנֵֽי־יִשְׂרָאֵ֗ל דְּבָרִים֙ אֲשֶׁ֣ר לֹא־כֵ֔ן עַל־יְהוָ֖ה אֱלֹהֵיהֶ֑ם וַיִּבְנ֨וּ לָהֶ֤ם בָּמוֹת֙ בְּכָל־עָ֣רֵיהֶ֔ם מִמִּגְדַּ֥ל נוֹצְרִ֖ים עַד־עִ֥יר מִבְצָֽר׃

‎10 ‏וַיַּצִּ֧בוּ לָהֶ֛ם מַצֵּב֖וֹת וַאֲשֵׁרִ֑ים עַ֚ל כָּל־גִּבְעָ֣ה גְבֹהָ֔ה וְתַ֖חַת כָּל־עֵ֥ץ רַעֲנָֽן׃

‎11 ‏וַיְקַטְּרוּ־שָׁם֙ בְּכָל־בָּמ֔וֹת כַּגּוֹיִ֕ם אֲשֶׁר־הֶגְלָ֥ה יְהוָ֖ה מִפְּנֵיהֶ֑ם וַֽיַּעֲשׂוּ֙ דְּבָרִ֣ים רָעִ֔ים לְהַכְעִ֖יס אֶת־יְהוָֽה׃

‎12 ‏וַיַּֽעַבְד֖וּ הַגִּלֻּלִ֑ים אֲשֶׁ֨ר אָמַ֤ר יְהוָה֙ לָהֶ֔ם לֹ֥א תַעֲשׂ֖וּ אֶת־הַדָּבָ֥ר הַזֶּֽה׃

‎13 ‏וַיָּ֣עַד יְהוָ֡ה בְּיִשְׂרָאֵ֣ל וּבִיהוּדָ֡ה בְּיַד֩ כָּל־נביאו נְבִיאֵ֨י כָל־חֹזֶ֜ה לֵאמֹ֗ר שֻׁ֝֩בוּ³ מִדַּרְכֵיכֶ֤ם הָֽרָעִים֙ וְשִׁמְרוּ֙ מִצְוֹתַ֣י חֻקּוֹתַ֔י כְּכָ֨ל־הַתּוֹרָ֔ה אֲשֶׁ֥ר צִוִּ֖יתִי אֶת־אֲבֹֽתֵיכֶ֑ם וַֽאֲשֶׁר֙ שָׁלַ֣חְתִּי אֲלֵיכֶ֔ם בְּיַ֖ד עֲבָדַ֥י הַנְּבִיאִֽים׃

‎14 ‏וְלֹ֖א שָׁמֵ֑עוּ וַיַּקְשׁ֤וּ אֶת־עָרְפָּם֙ כְּעֹ֣רֶף אֲבוֹתָ֔ם אֲשֶׁר֙ לֹ֣א הֶאֱמִ֔ינוּ בַּֽיהוָ֖ה אֱלֹהֵיהֶֽם׃

‎15 ‏וַיִּמְאֲס֣וּ אֶת־חֻקָּ֗יו וְאֶת־בְּרִיתוֹ֙ אֲשֶׁ֣ר כָּרַ֣ת אֶת־אֲבוֹתָ֔ם וְאֵת֙ עֵֽדְוֹתָ֔יו אֲשֶׁ֥ר הֵעִ֖יד בָּ֑ם וַיֵּ֨לְכוּ֜ אַחֲרֵ֤י הַהֶ֙בֶל֙ וַיֶּהְבָּ֔לוּ וְאַחֲרֵ֤י הַגּוֹיִם֙ אֲשֶׁ֣ר סְבִֽיבֹתָ֔ם אֲשֶׁ֨ר צִוָּ֤ה יְהוָה֙ אֹתָ֔ם לְבִלְתִּ֖י עֲשׂ֥וֹת כָּהֶֽם׃

‎16 ‏וַיַּעַזְב֗וּ אֶת־כָּל־מִצְוֹת֙ יְהוָ֣ה אֱלֹהֵיהֶ֔ם וַיַּעֲשׂ֥וּ לָהֶ֛ם מַסֵּכָ֖ה שנים שְׁנֵ֣י עֲגָלִ֑ים וַיַּעֲשׂ֣וּ אֲשֵׁירָ֗ה וַיִּֽשְׁתַּחֲווּ֙ לְכָל־צְבָ֣א הַשָּׁמַ֔יִם וַיַּעַבְד֖וּ אֶת־הַבָּֽעַל׃

‎17 ‏וַֽ֠יַּעֲבִירוּ אֶת־בְּנֵיהֶ֤ם וְאֶת־בְּנֽוֹתֵיהֶם֙ בָּאֵ֔שׁ וַיִּקְסְמ֥וּ קְסָמִ֖ים וַיְנַחֵ֑שׁוּ וַיִּֽתְמַכְּר֗וּ לַעֲשׂ֥וֹת הָרַ֛ע בְּעֵינֵ֥י יְהוָ֖ה לְהַכְעִיסֽוֹ׃

‎18 ‏וַיִּתְאַנַּ֨ף יְהוָ֤ה מְאֹד֙ בְּיִשְׂרָאֵ֔ל וַיְסִרֵ֖ם מֵעַ֣ל פָּנָ֑יו לֹ֣א נִשְׁאַ֔ר רַ֛ק שֵׁ֥בֶט יְהוּדָ֖ה לְבַדּֽוֹ׃

‎19 ‏גַּם־יְהוּדָ֕ה לֹ֣א שָׁמַ֔ר אֶת־מִצְוֹ֖ת יְהוָ֣ה אֱלֹהֵיהֶ֑ם וַיֵּ֣לְכ֔וּ בְּחֻקּ֥וֹת יִשְׂרָאֵ֖ל אֲשֶׁ֥ר עָשֽׂוּ׃

‎20 ‏וַיִּמְאַ֨ס יְהוָ֜ה בְּכָל־זֶ֤רַע יִשְׂרָאֵל֙ וַיְעַנֵּ֔ם וַֽיִּתְּנֵ֖ם בְּיַד־שֹׁסִ֑ים עַ֛ד אֲשֶׁ֥ר הִשְׁלִיכָ֖ם מִפָּנָֽיו׃

‎21 ‏כִּֽי־קָרַ֣ע יִשְׂרָאֵ֗ל מֵעַל֙ בֵּ֣ית דָּוִ֔ד וַיַּמְלִ֖יכוּ אֶת־יָרָבְעָ֣ם בֶּן־נְבָ֑ט וידא וַיַּדַּ֨ח יָרָבְעָ֤ם אֶת־יִשְׂרָאֵל֙ מֵאַחֲרֵ֣י יְהוָ֔ה וְהֶחֱטֵיאָ֖ם¹ חֲטָאָ֥ה גְדוֹלָֽה׃

‎22 ‏וַיֵּֽלְכוּ֙ בְּנֵ֣י יִשְׂרָאֵ֔ל בְּכָל־חַטֹּ֥אות יָרָבְעָ֖ם אֲשֶׁ֣ר עָשָׂ֑ה לֹא־סָ֖רוּ מִמֶּֽנָּה׃

‎23 ‏עַ֠ד אֲשֶׁר־הֵסִ֨יר יְהוָ֤ה אֶת־יִשְׂרָאֵל֙ מֵעַ֣ל פָּנָ֔יו כַּאֲשֶׁ֣ר דִּבֶּ֔ר בְּיַ֖ד כָּל־עֲבָדָ֣יו הַנְּבִיאִ֑ים וַיִּ֨גֶל יִשְׂרָאֵ֜ל מֵעַ֤ל אַדְמָתוֹ֙ אַשּׁ֔וּרָה עַ֖ד הַיּ֥וֹם הַזֶּֽה׃ פ

‎24 ‏וַיָּבֵ֣א מֶֽלֶךְ־אַשּׁ֡וּר מִבָּבֶ֡ל וּ֠מִ֠כּוּתָה³ וּמֵעַוָּ֤א וּמֵֽחֲמָת֙ וּסְפַרְוַ֔יִם וַיֹּ֙שֶׁב֙ בְּעָרֵ֣י שֹֽׁמְר֔וֹן תַּ֖חַת בְּנֵ֣י יִשְׂרָאֵ֑ל וַיִּֽרְשׁוּ֙ אֶת־שֹׁ֣מְר֔וֹן וַיֵּֽשְׁב֖וּ בְּעָרֶֽיהָ׃

‎25 ‏וַיְהִ֗י בִּתְחִלַּת֙ שִׁבְתָּ֣ם שָׁ֔ם לֹ֥א יָרְא֖וּ אֶת־יְהוָ֑ה וַיְשַׁלַּ֨ח יְהוָ֤ה בָּהֶם֙ אֶת־הָ֣אֲרָי֔וֹת וַיִּֽהְי֥וּ הֹרְגִ֖ים בָּהֶֽם׃

‎26 ‏וַיֹּאמְר֗וּ לְמֶ֣לֶךְ אַשּׁוּר֮ לֵאמֹר֒ הַגּוֹיִ֗ם אֲשֶׁ֤ר הִגְלִ֙יתָ֙ וַתּ֙וֹשֶׁב֙ בְּעָרֵ֣י שֹׁמְר֔וֹן לֹ֣א יָֽדְע֔וּ אֶת־מִשְׁפַּ֖ט אֱלֹהֵ֣י הָאָ֑רֶץ וַיְשַׁלַּח־בָּ֣ם אֶת־הָאֲרָי֗וֹת וְהִנָּם֙ מְמִיתִ֣ים אוֹתָ֔ם כַּאֲשֶׁר֙ אֵינָ֣ם יֹדְעִ֔ים אֶת־מִשְׁפַּ֖ט אֱלֹהֵ֥י הָאָֽרֶץ׃

‎27 ‏וַיְצַ֨ו מֶֽלֶךְ־אַשּׁ֜וּר לֵאמֹ֗ר הֹלִ֤יכוּ שָׁ֙מָּה֙ אֶחָ֤ד מֵהַכֹּֽהֲנִים֙ אֲשֶׁ֣ר הִגְלִיתֶ֣ם מִשָּׁ֔ם וְיֵלְכ֖וּ וְיֵ֣שְׁבוּ שָׁ֑ם וְיֹרֵ֕ם אֶת־מִשְׁפַּ֖ט אֱלֹהֵ֥י הָאָֽרֶץ׃

‎28 ‏וַיָּבֹ֞א אֶחָ֣ד מֵהַכֹּהֲנִ֗ים אֲשֶׁ֤ר הִגְלוּ֙ מִשֹּׁ֣מְר֔וֹן וַיֵּ֖שֶׁב בְּבֵֽית־אֵ֑ל וַֽיְהִי֙ מוֹרֶ֣ה אֹתָ֔ם אֵ֖יךְ יִֽירְא֥וּ אֶת־יְהוָֽה׃

‎29 ‏וַיִּהְי֣וּ עֹשִׂ֔ים גּ֥וֹי גּ֖וֹי אֱלֹהָ֑יו וַיַּנִּ֣יחוּ׀ בְּבֵ֣ית הַבָּמ֗וֹת אֲשֶׁ֤ר עָשׂוּ֙ הַשֹּׁ֣מְרֹנִ֔ים גּ֥וֹי גּוֹי֙ בְּעָ֣רֵיהֶ֔ם אֲשֶׁ֛ר הֵ֥ם יֹשְׁבִ֖ים שָֽׁם׃

‎30 ‏וְאַנְשֵׁ֣י בָבֶ֗ל עָשׂוּ֙ אֶת־סֻכּ֣וֹת בְּנ֔וֹת וְאַנְשֵׁי־כ֔וּת³ עָשׂ֖וּ אֶת־נֵֽרְגַ֑ל וְאַנְשֵׁ֥י חֲמָ֖ת עָשׂ֥וּ אֶת־אֲשִׁימָֽא׃

‎31 ‏וְהָעַוִּ֛ים עָשׂ֥וּ נִבְחַ֖ז וְאֶת־תַּרְתָּ֑ק וְהַסְפַרְוִ֗ים שֹׂרְפִ֤ים אֶת־בְּנֵיהֶם֙ בָּאֵ֔שׁ לְאַדְרַמֶּ֥לֶךְ וַֽעֲנַמֶּ֖לֶךְ אלה אֱלֹהֵ֥י ספרים סְפַרְוָֽיִם׃

‎32 ‏וַיִּהְי֥וּ יְרֵאִ֖ים אֶת־יְהוָ֑ה וַיַּעֲשׂ֨וּ לָהֶ֤ם מִקְצוֹתָם֙ כֹּהֲנֵ֣י בָמ֔וֹת וַיִּהְי֛וּ עֹשִׂ֥ים לָהֶ֖ם בְּבֵ֥ית הַבָּמֽוֹת׃

‎33 ‏אֶת־יְהוָ֖ה הָי֣וּ יְרֵאִ֑ים וְאֶת־אֱלֹֽהֵיהֶם֙ הָי֣וּ עֹֽבְדִ֔ים כְּמִשְׁפַּט֙ הַגּוֹיִ֔ם אֲשֶׁר־הִגְל֥וּ אֹתָ֖ם מִשָּֽׁם׃

‎34 ‏עַ֣ד הַיּ֤וֹם הַזֶּה֙ הֵ֣ם עֹשִׂ֔ים כַּמִּשְׁפָּטִ֖ים הָרִֽאשֹׁנִ֑ים אֵינָ֤ם יְרֵאִים֙ אֶת־יְהוָ֔ה וְאֵינָ֣ם עֹשִׂ֗ים כְּחֻקֹּתָם֙ וּכְמִשְׁפָּטָ֔ם וְכַתּוֹרָ֣ה וְכַמִּצְוָ֗ה אֲשֶׁ֨ר צִוָּ֤ה יְהוָה֙ אֶת־בְּנֵ֣י יַעֲקֹ֔ב אֲשֶׁר־שָׂ֥ם שְׁמ֖וֹ יִשְׂרָאֵֽל׃

‎35 ‏וַיִּכְרֹ֨ת יְהוָ֤ה אִתָּם֙ בְּרִ֔ית וַיְצַוֵּ֣ם לֵאמֹ֔ר לֹ֥א תִֽירְא֖וּ אֱלֹהִ֣ים אֲחֵרִ֑ים וְלֹא־תִשְׁתַּחֲו֣וּ לָהֶ֔ם וְלֹ֣א תַעַבְד֔וּם וְלֹ֥א תִזְבְּח֖וּ לָהֶֽם׃

‎36 ‏כִּ֣י אִֽם־אֶת־יְהוָ֗ה אֲשֶׁר֩ הֶעֱלָ֨ה אֶתְכֶ֜ם מֵאֶ֧רֶץ מִצְרַ֛יִם בְּכֹ֧חַ גָּד֛וֹל וּבִזְר֥וֹעַ נְטוּיָ֖ה אֹת֣וֹ תִירָ֑אוּ וְל֥וֹ תִֽשְׁתַּחֲו֖וּ וְל֥וֹ תִזְבָּֽחוּ׃

‎37 ‏וְאֶת־הַחֻקִּ֨ים וְאֶת־הַמִּשְׁפָּטִ֜ים וְהַתּוֹרָ֤ה וְהַמִּצְוָה֙ אֲשֶׁ֣ר כָּתַ֣ב לָכֶ֔ם תִּשְׁמְר֥וּן לַעֲשׂ֖וֹת כָּל־הַיָּמִ֑ים וְלֹ֥א תִֽירְא֖וּ אֱלֹהִ֥ים אֲחֵרִֽים׃

‎38 ‏וְהַבְּרִ֛ית אֲשֶׁר־כָּרַ֥תִּי אִתְּכֶ֖ם לֹ֣א תִשְׁכָּ֑חוּ וְלֹ֥א תִֽירְא֖וּ אֱלֹהִ֥ים אֲחֵרִֽים׃

‎39 ‏כִּ֛י אִֽם־אֶת־יְהוָ֥ה אֱלֹהֵיכֶ֖ם תִּירָ֑אוּ וְהוּא֙ יַצִּ֣יל אֶתְכֶ֔ם מִיַּ֖ד כָּל־אֹיְבֵיכֶֽם׃

‎40 ‏וְלֹ֖א שָׁמֵ֑עוּ כִּ֛י אִֽם־כְּמִשְׁפָּטָ֥ם הָֽרִאשׁ֖וֹן הֵ֥ם עֹשִֽׂים׃

‎41 ‏וַיִּהְי֣וּ׀ הַגּוֹיִ֣ם הָאֵ֗לֶּה יְרֵאִים֙ אֶת־יְהוָ֔ה וְאֶת־פְּסִֽילֵיהֶ֖ם הָי֣וּ עֹֽבְדִ֑ים גַּם־בְּנֵיהֶ֣ם׀ וּבְנֵ֣י בְנֵיהֶ֗ם כַּאֲשֶׁ֨ר עָשׂ֤וּ אֲבֹתָם֙ הֵ֣ם עֹשִׂ֔ים עַ֖ד הַיּ֥וֹם הַזֶּֽה׃ פ

1 bišənaṯ šətêm ‘eśərēh lə’āḥāz meleḵə yəhûḏâ mālaḵə hwōšē‘a ben-’ēlâ ḇəšōmərwōn ‘al-yiśərā’ēl tēš^a‘ šānîm:

2 wayy^a‘aś hār^a‘ bə‘ênê yəhwâ raq lō’ kəmaləḵê yiśərā’ēl ’ăšer hāyû ləfānāyw:

3 ‘ālāyw ‘ālâ šaləmanə’eser meleḵə ’aššûr wayəhî-lwō hwōšē‘a ‘eḇeḏ wayyāšeḇ lwō minəḥâ:

4 wayyiməṣā’ meleḵə-’aššûr bəhwōšē‘a qešer ’ăšer šāl^aḥ malə’āḵîm ’el-swō’ meleḵə-miṣərayim wəlō’-he‘ĕlâ minəḥâ ləmeleḵə ’aššûr kəšānâ ḇəšānâ wayy^a‘aṣərēhû meleḵə ’aššûr wayya’asərēhû bêṯ kele’:

5 wayy^a‘al meleḵə-’aššûr¹ bəḵāl-hā’āreṣ wayy^a‘al šōmərwōn wayyāṣar ‘āleyhā šālōš šānîm:

6 bišənaṯ hatəšî‘îṯ³ ləhwōšē‘a lāḵaḏ meleḵə-’aššûr ’eṯ-šōmərwōn wayyeḡel ’eṯ-yiśərā’ēl ’aššûrâ wayyōšeḇ ’ōṯām b^aḥəl^aḥ ûḇəḥāḇwōr nəhar gwōzān wə‘ārê māḏāy: f

7 wayəhî kî-ḥāṭə’û ḇənê-yiśərā’ēl layhwâ ’ĕlōhêhem hamm^a‘ăleh ’ōṯām mē’ereṣ miṣərayim mit^aḥaṯ yaḏ parə‘ōh meleḵə-miṣərāyim wayyîrə’û ’ĕlōhîm ’ăḥērîm:

8 wayyēləḵû bəḥuqqwōṯ hagwōyim ’ăšer hwōrîš yəhwâ mipənê bənê yiśərā’ēl ûmaləḵê yiśərā’ēl ’ăšer ‘āśû:

9 wayəḥapə’û ḇənê-yiśərā’ēl dəḇārîm ’ăšer lō’-ḵēn ‘al-yəhwâ ’ĕlōhêhem wayyiḇənû lâem bāmwōṯ bəḵāl-‘ārêhem mimmiḡədal nwōṣərîm ‘aḏ-‘îr miḇəṣār:

10 wayyaṣṣiḇû lâem maṣṣēḇwōṯ wa’ăšērîm ‘al kāl-giḇə‘â ḡəḇōhâ wəṯ^aḥaṯ kāl-‘ēṣ r^a‘ănān:

11 wayəqaṭṭərû-šām bəḵāl-bāmwōṯ kagwōyim ’ăšer-heḡəlâ yəhwâ mipənêhem wayy^a‘ăśû dəḇārîm rā‘îm ləhaḵə‘îs ’eṯ-yəhwâ:

12 wayy^a‘aḇəḏû hagillulîm ’ăšer ’āmar yəhwâ lâem lō’ ṯ^a‘ăśû ’eṯ-hadāḇār hazzeh:

13 wayyā‘aḏ yəhwâ bəyiśərā’ēl ûḇîhûḏâ bəyaḏ kāl-nəḇî’wō nəḇî’ê ḵāl-ḥōzeh lē’mōr šuḇû³ midarəḵêḵem hārā‘îm wəšimərû miṣəwōṯay ḥuqqwōṯay kəḵāl-hatwōrâ ’ăšer ṣiûîṯî ’eṯ-’ăḇōṯêḵem wa’ăšer šāl^aḥətî ’ălêḵem bəyaḏ ‘ăḇāḏay hannəḇî’îm:

14 wəlō’ šāmē‘û wayyaqəšû ’eṯ-‘ārəpām kə‘ōref ’ăḇwōṯām ’ăšer lō’ he’ĕmînû bayhwâ ’ĕlōhêhem:

15 wayyimə’ăsû ’eṯ-ḥuqqāyw wə’eṯ-bərîṯwō ’ăšer kāraṯ ’eṯ-’ăḇwōṯām wə’ēṯ ‘ēḏəwōṯāyw ’ăšer hē‘îḏ bām wayyēləḵû ’^aḥărê haheḇel wayyehəbālû wə’^aḥărê hagwōyim ’ăšer səḇîḇōṯām ’ăšer ṣiûâ yəhwâ ’ōṯām ləḇilətî ‘ăśwōṯ kâem:

16 wayy^a‘azəḇû ’eṯ-kāl-miṣəwōṯ yəhwâ ’ĕlōhêhem wayy^a‘ăśû lâem massēḵâ šənêm šənê ‘ăḡālîm wayy^a‘ăśû ’ăšêrâ wayyišət^aḥăwû ləḵāl-ṣəḇā’ haššāmayim wayy^a‘aḇəḏû ’eṯ-habā‘al:

17 wayy^a‘ăḇîrû ’eṯ-bənêhem wə’eṯ-bənwōṯêhem bā’ēš wayyiqəsəmû qəsāmîm wayən^aḥēšû wayyiṯəmakərû l^a‘ăśwōṯ hār^a‘ bə‘ênê yəhwâ ləhaḵə‘îswō:

18 wayyiṯə’annaf yəhwâ mə’ōḏ bəyiśərā’ēl wayəsirēm mē‘al pānāyw lō’ nišə’ar raq šēḇeṭ yəhûḏâ ləḇadwō:

19 gam-yəhûḏâ lō’ šāmar ’eṯ-miṣəwōṯ yəhwâ ’ĕlōhêhem wayyēləḵû bəḥuqqwōṯ yiśərā’ēl ’ăšer ‘āśû:

20 wayyimə’as yəhwâ bəḵāl-zer^a‘ yiśərā’ēl wayə‘annēm wayyitənēm bəyaḏ-šōsîm ‘aḏ ’ăšer hišəlîḵām mipānāyw:

21 kî-qār^a‘ yiśərā’ēl mē‘al bêṯ dāwiḏ wayyaməlîḵû ’eṯ-yārāḇə‘ām ben-nəḇāṭ wayyadē’ wayyad^aḥ yārāḇə‘ām ’eṯ-yiśərā’ēl mē’^aḥărê yəhwâ wəheḥĕṭê’ām¹ ḥăṭā’â ḡəḏwōlâ:

22 wayyēləḵû bənê yiśərā’ēl bəḵāl-ḥaṭṭō’wṯ yārāḇə‘ām ’ăšer ‘āśâ lō’-sārû mimmennâ:

23 ‘aḏ ’ăšer-hēsîr yəhwâ ’eṯ-yiśərā’ēl mē‘al pānāyw ka’ăšer diber bəyaḏ kāl-‘ăḇāḏāyw hannəḇî’îm wayyiḡel yiśərā’ēl mē‘al ’aḏəmāṯwō ’aššûrâ ‘aḏ hayywōm hazzeh: f

24 wayyāḇē’ meleḵə-’aššûr mibāḇel ûmikûṯâ³ ûmē‘aûā’ ûmēḥămāṯ ûsəfarəwayim wayyōšeḇ bə‘ārê šōmərwōn t^aḥaṯ bənê yiśərā’ēl wayyirəšû ’eṯ-šōmərwōn wayyēšəḇû bə‘āreyhā:

25 wayəhî biṯəḥillaṯ šiḇətām šām lō’ yārə’û ’eṯ-yəhwâ wayəšall^aḥ yəhwâ bâem ’eṯ-hā’ărāywōṯ wayyihəyû hōrəḡîm bâem:

26 wayyō’mərû ləmeleḵə ’aššûr lē’mōr hagwōyim ’ăšer hiḡəlîṯā watwōšeḇ bə‘ārê šōmərwōn lō’ yāḏə‘û ’eṯ-mišəpaṭ ’ĕlōhê hā’āreṣ wayəšall^aḥ-bām ’eṯ-hā’ărāywōṯ wəhinnām məmîṯîm ’wōṯām ka’ăšer ’ênām yōḏə‘îm ’eṯ-mišəpaṭ ’ĕlōhê hā’āreṣ:

27 wayəṣaw meleḵə-’aššûr lē’mōr hōlîḵû šāmmâ ’eḥāḏ mēhakōhănîm ’ăšer hiḡəlîṯem miššām wəyēləḵû wəyēšəḇû šām wəyōrēm ’eṯ-mišəpaṭ ’ĕlōhê hā’āreṣ:

28 wayyāḇō’ ’eḥāḏ mēhakōhănîm ’ăšer hiḡəlû miššōmərwōn wayyēšeḇ bəḇêṯ-’ēl wayəhî mwōreh ’ōṯām ’êḵə yîrə’û ’eṯ-yəhwâ:

29 wayyihəyû ‘ōśîm gwōy gwōy ’ĕlōhāyw wayyannîḥû| bəḇêṯ habāmwōṯ ’ăšer ‘āśû haššōmərōnîm gwōy gwōy bə‘ārêhem ’ăšer hēm yōšəḇîm šām:

30 wə’anəšê ḇāḇel ‘āśû ’eṯ-sukwōṯ bənwōṯ wə’anəšê-ḵûṯ³ ‘āśû ’eṯ-nērəḡal wə’anəšê ḥămāṯ ‘āśû ’eṯ-’ăšîmā’:

31 wəhā‘aûîm ‘āśû niḇəḥaz wə’eṯ-tarətāq wəhasəfarəwîm śōrəfîm ’eṯ-bənêhem bā’ēš lə’aḏərammeleḵə w^a‘ănammeleḵə ’ĕlōhha ’ĕlōhê səfārîm səfarəwāyim:

32 wayyihəyû yərē’îm ’eṯ-yəhwâ wayy^a‘ăśû lâem miqəṣwōṯām kōhănê ḇāmwōṯ wayyihəyû ‘ōśîm lâem bəḇêṯ habāmwōṯ:

33 ’eṯ-yəhwâ hāyû yərē’îm wə’eṯ-’ĕlōhêhem hāyû ‘ōḇəḏîm kəmišəpaṭ hagwōyim ’ăšer-hiḡəlû ’ōṯām miššām:

34 ‘aḏ hayywōm hazzeh hēm ‘ōśîm kammišəpāṭîm hāri’šōnîm ’ênām yərē’îm ’eṯ-yəhwâ wə’ênām ‘ōśîm kəḥuqqōṯām ûḵəmišəpāṭām wəḵatwōrâ wəḵammiṣəwâ ’ăšer ṣiûâ yəhwâ ’eṯ-bənê y^a‘ăqōḇ ’ăšer-śām šəmwō yiśərā’ēl:

35 wayyiḵərōṯ yəhwâ ’itām bərîṯ wayəṣaûēm lē’mōr lō’ ṯîrə’û ’ĕlōhîm ’ăḥērîm wəlō’-ṯišət^aḥăwû lâem wəlō’ ṯ^a‘aḇəḏûm wəlō’ ṯizəbəḥû lâem:

36 kî ’im-’eṯ-yəhwâ ’ăšer he‘ĕlâ ’eṯəḵem mē’ereṣ miṣərayim bəḵōḥa gāḏwōl ûḇizərwō‘a nəṭûyâ ’ōṯwō ṯîrā’û wəlwō ṯišət^aḥăwû wəlwō ṯizəbāḥû:

37 wə’eṯ-h^aḥuqqîm wə’eṯ-hammišəpāṭîm wəhatwōrâ wəhammiṣəwâ ’ăšer kāṯaḇ lāḵem tišəmərûn l^a‘ăśwōṯ kāl-hayyāmîm wəlō’ ṯîrə’û ’ĕlōhîm ’ăḥērîm:

38 wəhabərîṯ ’ăšer-kāratî ’itəḵem lō’ ṯišəkāḥû wəlō’ ṯîrə’û ’ĕlōhîm ’ăḥērîm:

39 kî ’im-’eṯ-yəhwâ ’ĕlōhêḵem tîrā’û wəhû’ yaṣṣîl ’eṯəḵem mîyaḏ kāl-’ōyəḇêḵem:

40 wəlō’ šāmē‘û kî ’im-kəmišəpāṭām hāri’šwōn hēm ‘ōśîm:

41 wayyihəyû| hagwōyim hā’ēlleh yərē’îm ’eṯ-yəhwâ wə’eṯ-pəsîlêhem hāyû ‘ōḇəḏîm gam-bənêhem| ûḇənê ḇənêhem ka’ăšer ‘āśû ’ăḇōṯām hēm ‘ōśîm ‘aḏ hayywōm hazzeh: f

Tanach (Hebrew): 2 Kings (2 Melakhim) Chapter 18

‎1 ‏וַֽיְהִי֙ בִּשְׁנַ֣ת שָׁלֹ֔שׁ לְהוֹשֵׁ֥עַ בֶּן־אֵלָ֖ה מֶ֣לֶךְ יִשְׂרָאֵ֑ל מָלַ֛ךְ חִזְקִיָּ֥ה בֶן־אָחָ֖ז מֶ֥לֶךְ יְהוּדָֽה׃

‎2 ‏בֶּן־עֶשְׂרִ֨ים וְחָמֵ֤שׁ שָׁנָה֙ הָיָ֣ה בְמָלְכ֔וֹ וְעֶשְׂרִ֤ים וָתֵ֙שַׁע֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמּ֔וֹ אֲבִ֖י בַּת־זְכַרְיָֽה׃

‎3 ‏וַיַּ֥עַשׂ הַיָּשָׁ֖ר בְּעֵינֵ֣י יְהוָ֑ה כְּכֹ֥ל אֲשֶׁר־עָשָׂ֖ה דָּוִ֥ד אָבִֽיו׃

‎4 ‏ה֣וּא׀ הֵסִ֣יר אֶת־הַבָּמ֗וֹת וְשִׁבַּר֙ אֶת־הַמַּצֵּבֹ֔ת וְכָרַ֖ת אֶת־הָֽאֲשֵׁרָ֑ה וְכִתַּת֩ נְחַ֨שׁ הַנְּחֹ֜שֶׁת אֲשֶׁר־עָשָׂ֣ה מֹשֶׁ֗ה כִּ֣י עַד־הַיָּמִ֤ים הָהֵ֙מָּה֙ הָי֤וּ בְנֵֽי־יִשְׂרָאֵל֙ מְקַטְּרִ֣ים ל֔וֹ וַיִּקְרָא־ל֖וֹ נְחֻשְׁתָּֽן׃

‎5 ‏בַּיהוָ֥ה אֱלֹהֵֽי־יִשְׂרָאֵ֖ל בָּטָ֑ח וְאַחֲרָ֞יו לֹא־הָיָ֣ה כָמֹ֗הוּ בְּכֹל֙ מַלְכֵ֣י יְהוּדָ֔ה וַאֲשֶׁ֥ר הָי֖וּ לְפָנָֽיו׃

‎6 ‏וַיִּדְבַּק֙ בַּֽיהוָ֔ה לֹא־סָ֖ר מֵאַֽחֲרָ֑יו וַיִּשְׁמֹר֙ מִצְוֹתָ֔יו אֲשֶׁר־צִוָּ֥ה יְהוָ֖ה אֶת־מֹשֶֽׁה׃

‎7 ‏וְהָיָ֤ה יְהוָה֙ עִמּ֔וֹ בְּכֹ֥ל אֲשֶׁר־יֵצֵ֖א יַשְׂכִּ֑יל וַיִּמְרֹ֥ד בְּמֶֽלֶךְ־אַשּׁ֖וּר וְלֹ֥א עֲבָדֽוֹ׃

‎8 ‏הֽוּא־הִכָּ֧ה אֶת־פְּלִשְׁתִּ֛ים עַד־עַזָּ֖ה וְאֶת־גְּבוּלֶ֑יהָ מִמִּגְדַּ֥ל נוֹצְרִ֖ים עַד־עִ֥יר מִבְצָֽר׃ פ

‎9 ‏וַֽיְהִ֞י בַּשָּׁנָ֤ה הָֽרְבִיעִית֙ לַמֶּ֣לֶךְ חִזְקִיָּ֔הוּ הִ֚יא הַשָּׁנָ֣ה הַשְּׁבִיעִ֔ית לְהוֹשֵׁ֥עַ בֶּן־אֵלָ֖ה מֶ֣לֶךְ יִשְׂרָאֵ֑ל עָלָ֞ה שַׁלְמַנְאֶ֧סֶר מֶֽלֶךְ־אַשּׁ֛וּר עַל־שֹׁמְר֖וֹן וַיָּ֥צַר עָלֶֽיהָ׃

‎10 ‏וַֽיִּלְכְּדֻ֗הָ מִקְצֵה֙ שָׁלֹ֣שׁ שָׁנִ֔ים בִּשְׁנַת־שֵׁ֖שׁ לְחִזְקִיָּ֑ה הִ֣יא שְׁנַת־תֵּ֗שַׁע לְהוֹשֵׁ֙עַ֙ מֶ֣לֶךְ יִשְׂרָאֵ֔ל נִלְכְּדָ֖ה שֹׁמְרֽוֹן׃

‎11 ‏וַיֶּ֧גֶל מֶֽלֶךְ־אַשּׁ֛וּר אֶת־יִשְׂרָאֵ֖ל אַשּׁ֑וּרָה וַיַּנְחֵ֞ם בַּחְלַ֧ח וּבְחָב֛וֹר נְהַ֥ר גּוֹזָ֖ן וְעָרֵ֥י מָדָֽי׃

‎12 ‏עַ֣ל׀ אֲשֶׁ֣ר לֹֽא־שָׁמְע֗וּ בְּקוֹל֙ יְהוָ֣ה אֱלֹהֵיהֶ֔ם וַיַּעַבְרוּ֙ אֶת־בְּרִית֔וֹ אֵ֚ת כָּל־אֲשֶׁ֣ר צִוָּ֔ה מֹשֶׁ֖ה עֶ֣בֶד יְהוָ֑ה וְלֹ֥א שָׁמְע֖וּ וְלֹ֥א עָשֽׂוּ׃ פ

‎13 ‏וּבְאַרְבַּע֩ עֶשְׂרֵ֨ה שָׁנָ֜ה לַמֶּ֣לֶךְ חִזְקִיָּ֗ה עָלָ֞ה סַנְחֵרִ֤יב מֶֽלֶךְ־אַשּׁוּר֙ עַ֣ל כָּל־עָרֵ֧י יְהוּדָ֛ה הַבְּצֻר֖וֹת וַֽיִּתְפְּשֵֽׂם׃

‎14 ‏וַיִּשְׁלַ֣ח חִזְקִיָּ֣ה מֶֽלֶךְ־יְהוּדָ֣ה אֶל־מֶֽלֶךְ־אַשּׁוּר֩׀ לָכִ֨ישָׁה׀ לֵאמֹ֤ר׀ חָטָ֙אתִי֙ שׁ֣וּב מֵֽעָלַ֔י אֵ֛ת אֲשֶׁר־תִּתֵּ֥ן עָלַ֖י אֶשָּׂ֑א וַיָּ֨שֶׂם מֶֽלֶךְ־אַשּׁ֜וּר עַל־חִזְקִיָּ֣ה מֶֽלֶךְ־יְהוּדָ֗ה שְׁלֹ֤שׁ מֵאוֹת֙ כִּכַּר־כֶּ֔סֶף וּשְׁלֹשִׁ֖ים כִּכַּ֥ר זָהָֽב׃

‎15 ‏וַיִּתֵּן֙ חִזְקִיָּ֔ה אֶת־כָּל־הַכֶּ֖סֶף הַנִּמְצָ֣א בֵית־יְהוָ֑ה וּבְאֹצְר֖וֹת בֵּ֥ית הַמֶּֽלֶךְ׃

‎16 ‏בָּעֵ֣ת הַהִ֗יא קִצַּ֨ץ חִזְקִיָּ֜ה אֶת־דַּלְת֨וֹת הֵיכַ֤ל יְהוָה֙ וְאֶת־הָאֹ֣מְנ֔וֹת אֲשֶׁ֣ר צִפָּ֔ה חִזְקִיָּ֖ה מֶ֣לֶךְ יְהוּדָ֑ה וַֽיִּתְּנֵ֖ם לְמֶ֥לֶךְ אַשּֽׁוּר׃ פ

‎17 ‏וַיִּשְׁלַ֣ח מֶֽלֶךְ־אַשּׁ֡וּר אֶת־תַּרְתָּ֥ן וְאֶת־רַב־סָרִ֣יס׀ וְאֶת־רַב־שָׁקֵ֨ה מִן־לָכִ֜ישׁ אֶל־הַמֶּ֧לֶךְ חִזְקִיָּ֛הוּ בְּחֵ֥יל כָּבֵ֖ד יְרוּשָׁלִָ֑ם וַֽיַּעֲלוּ֙ וַיָּבֹ֣אוּ יְרוּשָׁלִַ֔ם וַיַּעֲל֣וּ וַיָּבֹ֗אוּ וַיַּֽעַמְדוּ֙ בִּתְעָלַת֙ הַבְּרֵכָ֣ה הָֽעֶלְיוֹנָ֔ה אֲשֶׁ֕ר בִּמְסִלַּ֖ת שְׂדֵ֥ה כוֹבֵֽס׃

‎18 ‏וַֽיִּקְרְאוּ֙ אֶל־הַמֶּ֔לֶךְ וַיֵּצֵ֧א אֲלֵהֶ֛ם אֶלְיָקִ֥ים בֶּן־חִלְקִיָּ֖הוּ אֲשֶׁ֣ר עַל־הַבָּ֑יִת וְשֶׁבְנָה֙ הַסֹּפֵ֔ר וְיוֹאָ֥ח בֶּן־אָסָ֖ף הַמַּזְכִּֽיר׃

‎19 ‏וַיֹּ֤אמֶר אֲלֵהֶם֙ רַב־שָׁקֵ֔ה אִמְרוּ־נָ֖א אֶל־חִזְקִיָּ֑הוּ כֹּֽה־אָמַ֞ר הַמֶּ֤לֶךְ הַגָּדוֹל֙ מֶ֣לֶךְ אַשּׁ֔וּר מָ֧ה הַבִּטָּח֛וֹן הַזֶּ֖ה אֲשֶׁ֥ר בָּטָֽחְתָּ׃

‎20 ‏אָמַ֙רְתָּ֙ אַךְ־דְּבַר־שְׂפָתַ֔יִם עֵצָ֥ה וּגְבוּרָ֖ה לַמִּלְחָמָ֑ה עַתָּה֙ עַל־מִ֣י בָטַ֔חְתָּ כִּ֥י מָרַ֖דְתָּ בִּֽי׃

‎21 ‏עַתָּ֡ה הִנֵּ֣ה בָטַ֣חְתָּ לְּךָ֡ עַל־מִשְׁעֶנֶת֩ הַקָּנֶ֨ה הָרָצ֤וּץ הַזֶּה֙ עַל־מִצְרַ֔יִם אֲשֶׁ֨ר יִסָּמֵ֥ךְ אִישׁ֙ עָלָ֔יו וּבָ֥א בְכַפּ֖וֹ וּנְקָבָ֑הּ כֵּ֚ן פַּרְעֹ֣ה מֶֽלֶךְ־מִצְרַ֔יִם לְכָֽל־הַבֹּטְחִ֖ים עָלָֽיו׃

‎22 ‏וְכִי־תֹאמְר֣וּן אֵלַ֔י אֶל־יְהוָ֥ה אֱלֹהֵ֖ינוּ בָּטָ֑חְנוּ הֲלוֹא־ה֗וּא אֲשֶׁ֨ר הֵסִ֤יר חִזְקִיָּ֙הוּ֙ אֶת־בָּמֹתָ֣יו וְאֶת־מִזְבְּחֹתָ֔יו וַיֹּ֤אמֶר לִֽיהוּדָה֙ וְלִיר֣וּשָׁלִַ֔ם לִפְנֵי֙ הַמִּזְבֵּ֣חַ הַזֶּ֔ה תִּֽשְׁתַּחֲו֖וּ בִּירוּשָׁלִָֽם׃

‎23 ‏וְעַתָּה֙ הִתְעָ֣רֶב נָ֔א אֶת־אֲדֹנִ֖י אֶת־מֶ֣לֶךְ אַשּׁ֑וּר וְאֶתְּנָ֤ה לְךָ֙ אַלְפַּ֣יִם סוּסִ֔ים אִם־תּוּכַ֕ל לָ֥תֶת לְךָ֖ רֹכְבִ֥ים עֲלֵיהֶֽם׃

‎24 ‏וְאֵ֣יךְ תָּשִׁ֗יב אֵ֠ת פְּנֵ֨י פַחַ֥ת אַחַ֛ד עַבְדֵ֥י אֲדֹנִ֖י הַקְּטַנִּ֑ים וַתִּבְטַ֤ח לְךָ֙ עַל־מִצְרַ֔יִם לְרֶ֖כֶב וּלְפָרָשִֽׁים׃

‎25 ‏עַתָּה֙ הֲמִבַּלְעֲדֵ֣י יְהוָ֔ה עָלִ֛יתִי עַל־הַמָּק֥וֹם הַזֶּ֖ה לְהַשְׁחִת֑וֹ יְהוָה֙ אָמַ֣ר אֵלַ֔י עֲלֵ֛ה עַל־הָאָ֥רֶץ הַזֹּ֖את וְהַשְׁחִיתָֽהּ׃

‎26 ‏וַיֹּ֣אמֶר אֶלְיָקִ֣ים בֶּן־חִ֠לְקִיָּהוּ וְשֶׁבְנָ֨ה וְיוֹאָ֜ח אֶל־רַב־שָׁקֵ֗ה דַּבֶּר־נָ֤א אֶל־עֲבָדֶ֙יךָ֙ אֲרָמִ֔ית כִּ֥י שֹׁמְעִ֖ים אֲנָ֑חְנוּ וְאַל־תְּדַבֵּ֤ר עִמָּ֙נוּ֙ יְהוּדִ֔ית בְּאָזְנֵ֣י הָעָ֔ם אֲשֶׁ֖ר עַל־הַחֹמָֽה׃

‎27 ‏וַיֹּ֨אמֶר אֲלֵיהֶ֜ם רַב־שָׁקֵ֗ה הַעַ֨ל אֲדֹנֶ֤יךָ וְאֵלֶ֙יךָ֙ שְׁלָחַ֣נִי אֲדֹנִ֔י לְדַבֵּ֖ר אֶת־הַדְּבָרִ֣ים הָאֵ֑לֶּה הֲלֹ֣א עַל־הָאֲנָשִׁ֗ים הַיֹּֽשְׁבִים֙ עַל־הַ֣חֹמָ֔ה לֶאֱכֹ֣ל אֶת¹ חריהם צוֹאָתָ֗ם וְלִשְׁתּ֛וֹת אֶת־שיניהם מֵֽימֵי⁹ רַגְלֵיהֶ֖ם עִמָּכֶֽם׃

‎28 ‏וַֽיַּעֲמֹד֙ רַב־שָׁקֵ֔ה וַיִּקְרָ֥א בְקוֹל־גָּד֖וֹל יְהוּדִ֑ית וַיְדַבֵּ֣ר וַיֹּ֔אמֶר שִׁמְע֛וּ דְּבַר־הַמֶּ֥לֶךְ הַגָּד֖וֹל מֶ֥לֶךְ אַשּֽׁוּר׃

‎29 ‏כֹּ֚ה אָמַ֣ר הַמֶּ֔לֶךְ אַל־יַשִּׁ֥יא לָכֶ֖ם חִזְקִיָּ֑הוּ כִּי־לֹ֣א יוּכַ֔ל לְהַצִּ֥יל אֶתְכֶ֖ם מִיָּדֽוֹ׃

‎30 ‏וְאַל־יַבְטַ֨ח אֶתְכֶ֤ם חִזְקִיָּ֙הוּ֙ אֶל־יְהוָ֣ה לֵאמֹ֔ר הַצֵּ֥ל יַצִּילֵ֖נוּ יְהוָ֑ה וְלֹ֤א תִנָּתֵן֙ אֶת־הָעִ֣יר הַזֹּ֔את בְּיַ֖ד מֶ֥לֶךְ אַשּֽׁוּר׃

‎31 ‏אַֽל־תִּשְׁמְע֖וּ אֶל־חִזְקִיָּ֑הוּ כִּי֩ כֹ֨ה אָמַ֜ר מֶ֣לֶךְ אַשּׁ֗וּר עֲשֽׂוּ־אִתִּ֤י בְרָכָה֙ וּצְא֣וּ אֵלַ֔י וְאִכְל֤וּ אִישׁ־גַּפְנוֹ֙ וְאִ֣ישׁ תְּאֵֽנָת֔וֹ וּשְׁת֖וּ אִ֥ישׁ מֵֽי־בוֹרֽוֹ׃

‎32 ‏עַד־בֹּאִי֩ וְלָקַחְתִּ֨י אֶתְכֶ֜ם אֶל־אֶ֣רֶץ כְּאַרְצְכֶ֗ם אֶרֶץ֩ דָּגָ֨ן וְתִיר֜וֹשׁ אֶ֧רֶץ לֶ֣חֶם וּכְרָמִ֗ים אֶ֣רֶץ זֵ֤ית יִצְהָר֙ וּדְבַ֔שׁ וִֽחְי֖וּ וְלֹ֣א תָמֻ֑תוּ וְאַֽל־תִּשְׁמְעוּ֙ אֶל־חִזְקִיָּ֔הוּ כִּֽי־יַסִּ֤ית אֶתְכֶם֙ לֵאמֹ֔ר יְהוָ֖ה יַצִּילֵֽנוּ׃

‎33 ‏הַהַצֵּ֥ל הִצִּ֛ילוּ אֱלֹהֵ֥י הַגּוֹיִ֖ם אִ֣ישׁ אֶת־אַרְצ֑וֹ מִיַּ֖ד מֶ֥לֶךְ אַשּֽׁוּר׃

‎34 ‏אַיֵּה֩ אֱלֹהֵ֨י חֲמָ֜ת וְאַרְפָּ֗ד אַיֵּ֛ה אֱלֹהֵ֥י סְפַרְוַ֖יִם הֵנַ֣ע וְעִוָּ֑ה כִּֽי־הִצִּ֥ילוּ אֶת־שֹׁמְר֖וֹן מִיָּדִֽי׃

‎35 ‏מִ֚י בְּכָל־אֱלֹהֵ֣י הָֽאֲרָצ֔וֹת אֲשֶׁר־הִצִּ֥ילוּ אֶת־אַרְצָ֖ם מִיָּדִ֑י כִּי־יַצִּ֧יל יְהוָ֛ה אֶת־יְרוּשָׁלִַ֖ם מִיָּדִֽי׃

‎36 ‏וְהֶחֱרִ֣ישׁוּ הָעָ֔ם וְלֹֽא־עָנ֥וּ אֹת֖וֹ דָּבָ֑ר כִּי־מִצְוַ֨ת הַמֶּ֥לֶךְ הִ֛יא לֵאמֹ֖ר לֹ֥א תַעֲנֻֽהוּ׃

‎37 ‏וַיָּבֹ֣א אֶלְיָקִ֣ים בֶּן־חִלְקִיָּ֣ה אֲשֶׁר־עַל־הַ֠בַּיִת וְשֶׁבְנָ֨א הַסֹּפֵ֜ר וְיוֹאָ֨ח בֶּן־אָסָ֧ף הַמַּזְכִּ֛יר אֶל־חִזְקִיָּ֖הוּ קְרוּעֵ֣י בְגָדִ֑ים וַיַּגִּ֣דוּ ל֔וֹ דִּבְרֵ֖י רַב־שָׁקֵֽה׃

1 wayəhî bišənaṯ šālōš ləhwōšē‘a ben-’ēlâ meleḵə yiśərā’ēl mālaḵə ḥizəqîyâ ḇen-’āḥāz meleḵə yəhûḏâ:

2 ben-‘eśərîm wəḥāmēš šānâ hāyâ ḇəmāləḵwō wə‘eśərîm wāṯēš^a‘ šānâ mālaḵə bîrûšālāim wəšēm ’immwō ’ăḇî baṯ-zəḵarəyâ:

3 wayy^a‘aś hayyāšār bə‘ênê yəhwâ kəḵōl ’ăšer-‘āśâ dāwiḏ ’āḇîw:

4 hû’| hēsîr ’eṯ-habāmwōṯ wəšibar ’eṯ-hammaṣṣēḇōṯ wəḵāraṯ ’eṯ-hā’ăšērâ wəḵitaṯ nəḥaš hannəḥōšeṯ ’ăšer-‘āśâ mōšeh kî ‘aḏ-hayyāmîm hâēmmâ hāyû ḇənê-yiśərā’ēl məqaṭṭərîm lwō wayyiqərā’-lwō nəḥušətān:

5 bayhwâ ’ĕlōhê-yiśərā’ēl bāṭāḥ wə’^aḥărāyw lō’-hāyâ ḵāmōhû bəḵōl maləḵê yəhûḏâ wa’ăšer hāyû ləfānāyw:

6 wayyiḏəbaq bayhwâ lō’-sār mē’^aḥărāyw wayyišəmōr miṣəwōṯāyw ’ăšer-ṣiûâ yəhwâ ’eṯ-mōšeh:

7 wəhāyâ yəhwâ ‘immwō bəḵōl ’ăšer-yēṣē’ yaśəkîl wayyimərōḏ bəmeleḵə-’aššûr wəlō’ ‘ăḇāḏwō:

8 hû’-hikâ ’eṯ-pəlišətîm ‘aḏ-‘azzâ wə’eṯ-gəḇûleyhā mimmiḡədal nwōṣərîm ‘aḏ-‘îr miḇəṣār: f

9 wayəhî baššānâ hārəḇî‘îṯ lammeleḵə ḥizəqîyâû hî’ haššānâ haššəḇî‘îṯ ləhwōšē‘a ben-’ēlâ meleḵə yiśərā’ēl ‘ālâ šaləmanə’eser meleḵə-’aššûr ‘al-šōmərwōn wayyāṣar ‘āleyhā:

10 wayyiləkəḏuhā miqəṣēh šālōš šānîm bišənaṯ-šēš ləḥizəqîyâ hî’ šənaṯ-tēš^a‘ ləhwōšē‘a meleḵə yiśərā’ēl niləkəḏâ šōmərwōn:

11 wayyeḡel meleḵə-’aššûr ’eṯ-yiśərā’ēl ’aššûrâ wayyanəḥēm b^aḥəl^aḥ ûḇəḥāḇwōr nəhar gwōzān wə‘ārê māḏāy:

12 ‘al| ’ăšer lō’-šāmə‘û bəqwōl yəhwâ ’ĕlōhêhem wayy^a‘aḇərû ’eṯ-bərîṯwō ’ēṯ kāl-’ăšer ṣiûâ mōšeh ‘eḇeḏ yəhwâ wəlō’ šāmə‘û wəlō’ ‘āśû: f

13 ûḇə’arəb^a‘ ‘eśərēh šānâ lammeleḵə ḥizəqîyâ ‘ālâ sanəḥērîḇ meleḵə-’aššûr ‘al kāl-‘ārê yəhûḏâ habəṣurwōṯ wayyiṯəpəśēm:

14 wayyišəl^aḥ ḥizəqîyâ meleḵə-yəhûḏâ ’el-meleḵə-’aššûr| lāḵîšâ| lē’mōr| ḥāṭā’ṯî šûḇ mē‘ālay ’ēṯ ’ăšer-titēn ‘ālay ’eśśā’ wayyāśem meleḵə-’aššûr ‘al-ḥizəqîyâ meleḵə-yəhûḏâ šəlōš mē’wōṯ kikar-kesef ûšəlōšîm kikar zâāḇ:

15 wayyitēn ḥizəqîyâ ’eṯ-kāl-hakesef hanniməṣā’ ḇêṯ-yəhwâ ûḇə’ōṣərwōṯ bêṯ hammeleḵə:

16 bā‘ēṯ hahî’ qiṣṣaṣ ḥizəqîyâ ’eṯ-daləṯwōṯ hêḵal yəhwâ wə’eṯ-hā’ōmənwōṯ ’ăšer ṣipâ ḥizəqîyâ meleḵə yəhûḏâ wayyitənēm ləmeleḵə ’aššûr: f

17 wayyišəl^aḥ meleḵə-’aššûr ’eṯ-tarətān wə’eṯ-raḇ-sārîs| wə’eṯ-raḇ-šāqēh min-lāḵîš ’el-hammeleḵə ḥizəqîyâû bəḥêl kāḇēḏ yərûšālāim wayy^a‘ălû wayyāḇō’û yərûšālaim wayy^a‘ălû wayyāḇō’û wayy^a‘aməḏû biṯə‘ālaṯ habərēḵâ hā‘eləywōnâ ’ăšer biməsillaṯ śəḏēh ḵwōḇēs:

18 wayyiqərə’û ’el-hammeleḵə wayyēṣē’ ’ălēhem ’eləyāqîm ben-ḥiləqîyâû ’ăšer ‘al-habāyiṯ wəšeḇənâ hassōfēr wəywō’āḥ ben-’āsāf hammazəkîr:

19 wayyō’mer ’ălēhem raḇ-šāqēh ’imərû-nā’ ’el-ḥizəqîyâû kōh-’āmar hammeleḵə hagāḏwōl meleḵə ’aššûr mâ habiṭṭāḥwōn hazzeh ’ăšer bāṭāḥətā:

20 ’āmarətā ’aḵə-dəḇar-śəfāṯayim ‘ēṣâ ûḡəḇûrâ lammiləḥāmâ ‘atâ ‘al-mî ḇāṭ^aḥətā kî māraḏətā bî:

21 ‘atâ hinnēh ḇāṭ^aḥətā lləḵā ‘al-mišə‘eneṯ haqqāneh hārāṣûṣ hazzeh ‘al-miṣərayim ’ăšer yissāmēḵə ’îš ‘ālāyw ûḇā’ ḇəḵapwō ûnəqāḇāh kēn parə‘ōh meleḵə-miṣərayim ləḵāl-habōṭəḥîm ‘ālāyw:

22 wəḵî-ṯō’mərûn ’ēlay ’el-yəhwâ ’ĕlōhênû bāṭāḥənû hălwō’-hû’ ’ăšer hēsîr ḥizəqîyâû ’eṯ-bāmōṯāyw wə’eṯ-mizəbəḥōṯāyw wayyō’mer lîhûḏâ wəlîrûšālaim lifənê hammizəbēḥa hazzeh tišət^aḥăwû bîrûšālāim:

23 wə‘atâ hiṯə‘āreḇ nā’ ’eṯ-’ăḏōnî ’eṯ-meleḵə ’aššûr wə’etənâ ləḵā ’aləpayim sûsîm ’im-tûḵal lāṯeṯ ləḵā rōḵəḇîm ‘ălêhem:

24 wə’êḵə tāšîḇ ’ēṯ pənê f^aḥaṯ ’^aḥaḏ ‘aḇəḏê ’ăḏōnî haqqəṭannîm watiḇəṭ^aḥ ləḵā ‘al-miṣərayim ləreḵeḇ ûləfārāšîm:

25 ‘atâ hămibalə‘ăḏê yəhwâ ‘ālîṯî ‘al-hammāqwōm hazzeh ləhašəḥiṯwō yəhwâ ’āmar ’ēlay ‘ălēh ‘al-hā’āreṣ hazzō’ṯ wəhašəḥîṯāh:

26 wayyō’mer ’eləyāqîm ben-ḥiləqîyâû wəšeḇənâ wəywō’āḥ ’el-raḇ-šāqēh daber-nā’ ’el-‘ăḇāḏeyḵā ’ărāmîṯ kî šōmə‘îm ’ănāḥənû wə’al-təḏabēr ‘immānû yəhûḏîṯ bə’āzənê hā‘ām ’ăšer ‘al-h^aḥōmâ:

27 wayyō’mer ’ălêhem raḇ-šāqēh h^a‘al ’ăḏōneyḵā wə’ēleyḵā šəlāḥanî ’ăḏōnî ləḏabēr ’eṯ-hadəḇārîm hā’ēlleh hălō’ ‘al-hā’ănāšîm hayyōšəḇîm ‘al-h^aḥōmâ le’ĕḵōl ’eṯ¹ ḥărêhem ṣwō’āṯām wəlišətwōṯ ’eṯ-šênêhem mêmê⁹ raḡəlêhem ‘immāḵem:

28 wayy^a‘ămōḏ raḇ-šāqēh wayyiqərā’ ḇəqwōl-gāḏwōl yəhûḏîṯ wayəḏabēr wayyō’mer šimə‘û dəḇar-hammeleḵə hagāḏwōl meleḵə ’aššûr:

29 kōh ’āmar hammeleḵə ’al-yaššî’ lāḵem ḥizəqîyâû kî-lō’ yûḵal ləhaṣṣîl ’eṯəḵem mîyāḏwō:

30 wə’al-yaḇəṭ^aḥ ’eṯəḵem ḥizəqîyâû ’el-yəhwâ lē’mōr haṣṣēl yaṣṣîlēnû yəhwâ wəlō’ ṯinnāṯēn ’eṯ-hā‘îr hazzō’ṯ bəyaḏ meleḵə ’aššûr:

31 ’al-tišəmə‘û ’el-ḥizəqîyâû kî ḵōh ’āmar meleḵə ’aššûr ‘ăśû-’itî ḇərāḵâ ûṣə’û ’ēlay wə’iḵəlû ’îš-gafənwō wə’îš tə’ēnāṯwō ûšəṯû ’îš mê-ḇwōrwō:

32 ‘aḏ-bō’î wəlāq^aḥətî ’eṯəḵem ’el-’ereṣ kə’arəṣəḵem ’ereṣ dāḡān wəṯîrwōš ’ereṣ leḥem ûḵərāmîm ’ereṣ zêṯ yiṣəhār ûḏəḇaš wiḥəyû wəlō’ ṯāmuṯû wə’al-tišəmə‘û ’el-ḥizəqîyâû kî-yassîṯ ’eṯəḵem lē’mōr yəhwâ yaṣṣîlēnû:

33 hahaṣṣēl hiṣṣîlû ’ĕlōhê hagwōyim ’îš ’eṯ-’arəṣwō mîyaḏ meleḵə ’aššûr:

34 ’ayyēh ’ĕlōhê ḥămāṯ wə’arəpāḏ ’ayyēh ’ĕlōhê səfarəwayim hēn^a‘ wə‘iûâ kî-hiṣṣîlû ’eṯ-šōmərwōn mîyāḏî:

35 mî bəḵāl-’ĕlōhê hā’ărāṣwōṯ ’ăšer-hiṣṣîlû ’eṯ-’arəṣām mîyāḏî kî-yaṣṣîl yəhwâ ’eṯ-yərûšālaim mîyāḏî:

36 wəheḥĕrîšû hā‘ām wəlō’-‘ānû ’ōṯwō dāḇār kî-miṣəwaṯ hammeleḵə hî’ lē’mōr lō’ ṯ^a‘ănuhû:

37 wayyāḇō’ ’eləyāqîm ben-ḥiləqîyâ ’ăšer-‘al-habayiṯ wəšeḇənā’ hassōfēr wəywō’āḥ ben-’āsāf hammazəkîr ’el-ḥizəqîyâû qərû‘ê ḇəḡāḏîm wayyagiḏû lwō diḇərê raḇ-šāqēh:

Tanach (Hebrew): 2 Kings (2 Melakhim) Chapter 19

‎1 ‏וַיְהִ֗י כִּשְׁמֹ֙עַ֙ הַמֶּ֣לֶךְ חִזְקִיָּ֔הוּ וַיִּקְרַ֖ע אֶת־בְּגָדָ֑יו וַיִּתְכַּ֣ס בַּשָּׂ֔ק וַיָּבֹ֖א בֵּ֥ית יְהוָֽה׃

‎2 ‏וַ֠יִּשְׁלַח אֶת־אֶלְיָקִ֨ים אֲשֶׁר־עַל־הַבַּ֜יִת וְשֶׁבְנָ֣א הַסֹּפֵ֗ר וְאֵת֙ זִקְנֵ֣י הַכֹּֽהֲנִ֔ים מִתְכַּסִּ֖ים בַּשַּׂקִּ֑ים אֶל־יְשַֽׁעְיָ֥הוּ הַנָּבִ֖יא בֶּן־אָמֽוֹץ׃

‎3 ‏וַיֹּאמְר֣וּ אֵלָ֗יו כֹּ֚ה אָמַ֣ר חִזְקִיָּ֔הוּ יוֹם־צָרָ֧ה וְתוֹכֵחָ֛ה וּנְאָצָ֖ה הַיּ֣וֹם הַזֶּ֑ה כִּ֣י בָ֤אוּ בָנִים֙ עַד־מַשְׁבֵּ֔ר וְכֹ֥חַ אַ֖יִן לְלֵדָֽה׃

‎4 ‏אוּלַ֡י יִשְׁמַע֩ יְהוָ֨ה אֱלֹהֶ֜יךָ אֵ֣ת׀ כָּל־דִּבְרֵ֣י רַב־שָׁקֵ֗ה אֲשֶׁר֩ שְׁלָח֨וֹ מֶֽלֶךְ־אַשּׁ֤וּר׀ אֲדֹנָיו֙ לְחָרֵף֙ אֱלֹהִ֣ים חַ֔י וְהוֹכִ֙יחַ֙ בַּדְּבָרִ֔ים אֲשֶׁ֥ר שָׁמַ֖ע יְהוָ֣ה אֱלֹהֶ֑יךָ וְנָשָׂ֣אתָ תְפִלָּ֔ה בְּעַ֥ד הַשְּׁאֵרִ֖ית הַנִּמְצָאָֽה׃

‎5 ‏וַיָּבֹ֗אוּ עַבְדֵ֛י הַמֶּ֥לֶךְ חִזְקִיָּ֖הוּ אֶל־יְשַֽׁעַיָֽהוּ׃

‎6 ‏וַיֹּ֤אמֶר לָהֶם֙ יְשַֽׁעְיָ֔הוּ כֹּ֥ה תֹאמְר֖וּן אֶל־אֲדֹֽנֵיכֶ֑ם כֹּ֣ה׀ אָמַ֣ר יְהוָ֗ה אַל־תִּירָא֙ מִפְּנֵ֤י הַדְּבָרִים֙ אֲשֶׁ֣ר שָׁמַ֗עְתָּ אֲשֶׁ֧ר גִּדְּפ֛וּ נַעֲרֵ֥י מֶֽלֶךְ־אַשּׁ֖וּר אֹתִֽי׃

‎7 ‏הִנְנִ֨י נֹתֵ֥ן בּוֹ֙ ר֔וּחַ וְשָׁמַ֥ע שְׁמוּעָ֖ה וְשָׁ֣ב לְאַרְצ֑וֹ וְהִפַּלְתִּ֥יו בַּחֶ֖רֶב בְּאַרְצֽוֹ׃

‎8 ‏וַיָּ֙שָׁב֙ רַב־שָׁקֵ֔ה וַיִּמְצָא֙ אֶת־מֶ֣לֶךְ אַשּׁ֔וּר נִלְחָ֖ם עַל־לִבְנָ֑ה כִּ֣י שָׁמַ֔ע כִּ֥י נָסַ֖ע מִלָּכִֽישׁ׃

‎9 ‏וַיִּשְׁמַ֗ע אֶל־תִּרְהָ֤קָה מֶֽלֶך־כּוּשׁ֙¹ לֵאמֹ֔ר הִנֵּ֥ה יָצָ֖א לְהִלָּחֵ֣ם אִתָּ֑ךְ וַיָּ֙שָׁב֙ וַיִּשְׁלַ֣ח מַלְאָכִ֔ים אֶל־חִזְקִיָּ֖הוּ לֵאמֹֽר׃

‎10 ‏כֹּ֣ה תֹאמְר֗וּן אֶל־חִזְקִיָּ֤הוּ מֶֽלֶךְ־יְהוּדָה֙ לֵאמֹ֔ר אַל־יַשִּׁאֲךָ֣ אֱלֹהֶ֔יךָ אֲשֶׁ֥ר אַתָּ֛ה בֹּטֵ֥חַ בּ֖וֹ לֵאמֹ֑ר לֹ֤א תִנָּתֵן֙ יְר֣וּשָׁלִַ֔ם בְּיַ֖ד מֶ֥לֶךְ אַשּֽׁוּר׃

‎11 ‏הִנֵּ֣ה׀ אַתָּ֣ה שָׁמַ֗עְתָּ אֵת֩ אֲשֶׁ֨ר עָשׂ֜וּ מַלְכֵ֥י אַשּׁ֛וּר לְכָל־הָאֲרָצ֖וֹת לְהַֽחֲרִימָ֑ם וְאַתָּ֖ה תִּנָּצֵֽל׃

‎12 ‏הַהִצִּ֨ילוּ אֹתָ֜ם אֱלֹהֵ֤י הַגּוֹיִם֙ אֲשֶׁ֣ר שִׁחֲת֣וּ אֲבוֹתַ֔י אֶת־גּוֹזָ֖ן וְאֶת־חָרָ֑ן וְרֶ֥צֶף וּבְנֵי־עֶ֖דֶן אֲשֶׁ֥ר בִּתְלַאשָּֽׂר׃

‎13 ‏אַיּ֤וֹ מֶֽלֶךְ־חֲמָת֙ וּמֶ֣לֶךְ אַרְפָּ֔ד וּמֶ֖לֶךְ לָעִ֣יר סְפַרְוָ֑יִם הֵנַ֖ע וְעִוָּֽה׃

‎14 ‏וַיִּקַּ֨ח חִזְקִיָּ֧הוּ אֶת־הַסְּפָרִ֛ים מִיַּ֥ד הַמַּלְאָכִ֖ים וַיִּקְרָאֵ֑ם וַיַּ֙עַל֙ בֵּ֣ית יְהוָ֔ה וַיִּפְרְשֵׂ֥הוּ חִזְקִיָּ֖הוּ לִפְנֵ֥י יְהוָֽה׃ פ

‎15 ‏וַיִּתְפַּלֵּ֨ל חִזְקִיָּ֜הוּ לִפְנֵ֣י יְהוָה֮ וַיֹּאמַר֒ יְהוָ֞ה אֱלֹהֵ֤י יִשְׂרָאֵל֙ יֹשֵׁ֣ב הַכְּרֻבִ֔ים אַתָּה־ה֤וּא הָֽאֱלֹהִים֙ לְבַדְּךָ֔ לְכֹ֖ל מַמְלְכ֣וֹת הָאָ֑רֶץ אַתָּ֣ה עָשִׂ֔יתָ אֶת־הַשָּׁמַ֖יִם וְאֶת־הָאָֽרֶץ׃

‎16 ‏הַטֵּ֨ה יְהוָ֤ה׀ אָזְנְךָ֙ וּֽשֲׁמָ֔ע פְּקַ֧ח יְהוָ֛ה עֵינֶ֖יךָ וּרְאֵ֑ה וּשְׁמַ֗ע אֵ֚ת דִּבְרֵ֣י סַנְחֵרִ֔יב אֲשֶׁ֣ר שְׁלָח֔וֹ לְחָרֵ֖ף אֱלֹהִ֥ים חָֽי׃

‎17 ‏אָמְנָ֖ם יְהוָ֑ה הֶחֱרִ֜יבוּ מַלְכֵ֥י אַשּׁ֛וּר אֶת־הַגּוֹיִ֖ם וְאֶת־אַרְצָֽם׃

‎18 ‏וְנָתְנ֥וּ אֶת־אֱלֹהֵיהֶ֖ם בָּאֵ֑שׁ כִּי֩ לֹ֨א אֱלֹהִ֜ים הֵ֗מָּה כִּ֣י אִם־מַעֲשֵׂ֧ה יְדֵֽי־אָדָ֛ם עֵ֥ץ וָאֶ֖בֶן וַֽיְאַבְּדֽוּם׃

‎19 ‏וְעַתָּה֙ יְהוָ֣ה אֱלֹהֵ֔ינוּ הוֹשִׁיעֵ֥נוּ נָ֖א מִיָּד֑וֹ וְיֵֽדְעוּ֙ כָּל־מַמְלְכ֣וֹת הָאָ֔רֶץ כִּ֥י אַתָּ֛ה יְהוָ֥ה אֱלֹהִ֖ים לְבַדֶּֽךָ׃ ס

‎20 ‏וַיִּשְׁלַח֙ יְשַֽׁעְיָ֣הוּ בֶן־אָמ֔וֹץ אֶל־חִזְקִיָּ֖הוּ לֵאמֹ֑ר כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל אֲשֶׁ֨ר הִתְפַּלַּ֧לְתָּ אֵלַ֛י אֶל־סַנְחֵרִ֥ב מֶֽלֶךְ־אַשּׁ֖וּר שָׁמָֽעְתִּי׃

‎21 ‏זֶ֣ה הַדָּבָ֔ר אֲשֶׁר־דִּבֶּ֥ר יְהוָ֖ה עָלָ֑יו בָּזָ֨ה לְךָ֜ לָעֲגָ֣ה לְךָ֗ בְּתוּלַת֙ בַּת־צִיּ֔וֹן אַחֲרֶ֙יךָ֙ רֹ֣אשׁ הֵנִ֔יעָה בַּ֖ת יְרוּשָׁלִָֽם׃

‎22 ‏אֶת־מִ֤י חֵרַ֙פְתָּ֙ וְגִדַּ֔פְתָּ וְעַל־מִ֖י הֲרִימ֣וֹתָ קּ֑וֹל וַתִּשָּׂ֥א מָר֛וֹם עֵינֶ֖יךָ עַל־קְד֥וֹשׁ יִשְׂרָאֵֽל׃

‎23 ‏בְּיַ֣ד מַלְאָכֶיךָ֮ חֵרַ֣פְתָּ׀ אֲדֹנָי֒ וַתֹּ֗אמֶר ברכב בְּרֹ֥ב רִכְבִּ֛י אֲנִ֥י עָלִ֛יתִי מְר֥וֹם הָרִ֖ים יַרְכְּתֵ֣י לְבָנ֑וֹן וְאֶכְרֹ֞ת קוֹמַ֤ת אֲרָזָיו֙ מִבְח֣וֹר בְּרֹשָׁ֔יו וְאָב֙וֹאָה֙ מְל֣וֹן קִצֹּ֔ה^q יַ֖עַר כַּרְמִלּֽוֹ׃

‎24 ‏אֲנִ֣י קַ֔רְתִּי וְשָׁתִ֖יתִי מַ֣יִם זָרִ֑ים וְאַחְרִב֙ בְּכַף־פְּעָמַ֔י כֹּ֖ל יְאֹרֵ֥י מָצֽוֹר׃

‎25 ‏הֲלֹֽא־שָׁמַ֤עְתָּ לְמֵֽרָחוֹק֙ אֹתָ֣הּ עָשִׂ֔יתִי לְמִ֥ימֵי קֶ֖דֶם וִֽיצַרְתִּ֑יהָ עַתָּ֣ה הֲבֵיאתִ֗יהָ וּתְהִ֗י לַהְשׁ֛וֹת גַּלִּ֥ים נִצִּ֖ים עָרִ֥ים בְּצֻרֽוֹת׃

‎26 ‏וְיֹֽשְׁבֵיהֶן֙ קִצְרֵי־יָ֔ד חַ֖תּוּ וַיֵּבֹ֑שׁוּ הָי֞וּ עֵ֤שֶׂב שָׂדֶה֙ וִ֣ירַק דֶּ֔שֶׁא חֲצִ֣יר גַּגּ֔וֹת וּשְׁדֵפָ֖ה לִפְנֵ֥י קָמָֽה׃

‎27 ‏וְשִׁבְתְּךָ֛ וְצֵאתְךָ֥ וּבֹאֲךָ֖ יָדָ֑עְתִּי וְאֵ֖ת הִֽתְרַגֶּזְךָ֥ אֵלָֽי׃

‎28 ‏יַ֚עַן הִתְרַגֶּזְךָ֣ אֵלַ֔י וְשַׁאֲנַנְךָ֖ עָלָ֣ה בְאָזְנָ֑י וְשַׂמְתִּ֨י חַחִ֜י בְּאַפֶּ֗ךָ וּמִתְגִּי֙ בִּשְׂפָתֶ֔יךָ וַהֲשִׁ֣בֹתִ֔יךָ בַּדֶּ֖רֶךְ אֲשֶׁר־בָּ֥אתָ בָּֽהּ׃

‎29 ‏וְזֶה־לְּךָ֣ הָא֔וֹת אָכ֤וֹל הַשָּׁנָה֙ סָפִ֔יחַ וּבַשָּׁנָ֥ה הַשֵּׁנִ֖ית סָחִ֑ישׁ וּבַשָּׁנָ֣ה הַשְּׁלִישִׁ֗ית זִרְע֧וּ וְקִצְר֛וּ³ וְנִטְע֥וּ כְרָמִ֖ים וְאִכְל֥וּ פִרְיָֽם׃

‎30 ‏וְיָ֨סְפָ֜ה פְּלֵיטַ֧ת בֵּית־יְהוּדָ֛ה הַנִּשְׁאָרָ֖ה שֹׁ֣רֶשׁ לְמָ֑טָּה וְעָשָׂ֥ה פְרִ֖י לְמָֽעְלָה׃

‎31 ‏כִּ֤י מִירוּשָׁלִַ֙ם֙ תֵּצֵ֣א שְׁאֵרִ֔ית וּפְלֵיטָ֖ה מֵהַ֣ר צִיּ֑וֹן קִנְאַ֛ת יְהוָ֥ה צְבָ֖אוֹת^a תַּֽעֲשֶׂה־זֹּֽאת׃ ס

‎32 ‏לָכֵ֗ן כֹּֽה־אָמַ֤ר יְהוָה֙ אֶל־מֶ֣לֶךְ אַשּׁ֔וּר לֹ֤א יָבֹא֙ אֶל־הָעִ֣יר הַזֹּ֔את וְלֹֽא־יוֹרֶ֥ה שָׁ֖ם חֵ֑ץ וְלֹֽא־יְקַדְּמֶ֣נָּה מָגֵ֔ן וְלֹֽא־יִשְׁפֹּ֥ךְ עָלֶ֖יהָ סֹלְלָֽה׃

‎33 ‏בַּדֶּ֥רֶךְ אֲשֶׁר־יָבֹ֖א בָּ֣הּ יָשׁ֑וּב וְאֶל־הָעִ֥יר הַזֹּ֛את לֹ֥א יָבֹ֖א נְאֻם־יְהוָֽה׃

‎34 ‏וְגַנּוֹתִ֛י אֶל־הָעִ֥יר הַזֹּ֖את לְהֽוֹשִׁיעָ֑הּ לְמַֽעֲנִ֔י וּלְמַ֖עַן דָּוִ֥ד עַבְדִּֽי׃

‎35 ‏וַיְהִי֮ בַּלַּ֣יְלָה הַהוּא֒ וַיֵּצֵ֣א׀ מַלְאַ֣ךְ יְהוָ֗ה וַיַּךְ֙ בְּמַחֲנֵ֣ה אַשּׁ֔וּר מֵאָ֛ה שְׁמוֹנִ֥ים וַחֲמִשָּׁ֖ה אָ֑לֶף וַיַּשְׁכִּ֣ימוּ בַבֹּ֔קֶר וְהִנֵּ֥ה כֻלָּ֖ם פְּגָרִ֥ים מֵתִֽים׃

‎36 ‏וַיִּסַּ֣ע וַיֵּ֔לֶךְ וַיָּ֖שָׁב סַנְחֵרִ֣יב מֶֽלֶךְ־אַשּׁ֑וּר וַיֵּ֖שֶׁב בְּנִֽינְוֵֽה׃

‎37 ‏וַיְהִי֩ ה֨וּא מִֽשְׁתַּחֲוֶ֜ה בֵּ֣ית׀ נִסְרֹ֣ךְ אֱלֹהָ֗יו וְֽאַדְרַמֶּ֨לֶךְ וְשַׂרְאֶ֤צֶר בָּנָיו֙^a הִכֻּ֣הוּ בַחֶ֔רֶב וְהֵ֥מָּה נִמְלְט֖וּ אֶ֣רֶץ אֲרָרָ֑ט וַיִּמְלֹ֛ךְ אֵֽסַר־חַדֹּ֥ן בְּנ֖וֹ תַּחְתָּֽיו׃ פ

1 wayəhî kišəmō‘a hammeleḵə ḥizəqîyâû wayyiqər^a‘ ’eṯ-bəḡāḏāyw wayyiṯəkas baśśāq wayyāḇō’ bêṯ yəhwâ:

2 wayyišəl^aḥ ’eṯ-’eləyāqîm ’ăšer-‘al-habayiṯ wəšeḇənā’ hassōfēr wə’ēṯ ziqənê hakōhănîm miṯəkassîm baśśaqqîm ’el-yəš^a‘əyâû hannāḇî’ ben-’āmwōṣ:

3 wayyō’mərû ’ēlāyw kōh ’āmar ḥizəqîyâû ywōm-ṣārâ wəṯwōḵēḥâ ûnə’āṣâ hayywōm hazzeh kî ḇā’û ḇānîm ‘aḏ-mašəbēr wəḵōḥa ’ayin ləlēḏâ:

4 ’ûlay yišəm^a‘ yəhwâ ’ĕlōheyḵā ’ēṯ| kāl-diḇərê raḇ-šāqēh ’ăšer šəlāḥwō meleḵə-’aššûr| ’ăḏōnāyw ləḥārēf ’ĕlōhîm ḥay wəhwōḵîḥa badəḇārîm ’ăšer šām^a‘ yəhwâ ’ĕlōheyḵā wənāśā’ṯā ṯəfillâ bə‘aḏ haššə’ērîṯ hanniməṣā’â:

5 wayyāḇō’û ‘aḇəḏê hammeleḵə ḥizəqîyâû ’el-yəš^a‘ayâû:

6 wayyō’mer lâem yəš^a‘əyâû kōh ṯō’mərûn ’el-’ăḏōnêḵem kōh| ’āmar yəhwâ ’al-tîrā’ mipənê hadəḇārîm ’ăšer šām^a‘ətā ’ăšer gidəfû n^a‘ărê meleḵə-’aššûr ’ōṯî:

7 hinənî nōṯēn bwō rûḥa wəšām^a‘ šəmû‘â wəšāḇ lə’arəṣwō wəhipalətîw b^aḥereḇ bə’arəṣwō:

8 wayyāšāḇ raḇ-šāqēh wayyiməṣā’ ’eṯ-meleḵə ’aššûr niləḥām ‘al-liḇənâ kî šām^a‘ kî nās^a‘ millāḵîš:

9 wayyišəm^a‘ ’el-tirəhāqâ meleḵ-kûš¹ lē’mōr hinnēh yāṣā’ ləhillāḥēm ’itāḵə wayyāšāḇ wayyišəl^aḥ malə’āḵîm ’el-ḥizəqîyâû lē’mōr:

10 kōh ṯō’mərûn ’el-ḥizəqîyâû meleḵə-yəhûḏâ lē’mōr ’al-yašši’ăḵā ’ĕlōheyḵā ’ăšer ’atâ bōṭēḥa bwō lē’mōr lō’ ṯinnāṯēn yərûšālaim bəyaḏ meleḵə ’aššûr:

11 hinnēh| ’atâ šām^a‘ətā ’ēṯ ’ăšer ‘āśû maləḵê ’aššûr ləḵāl-hā’ărāṣwōṯ ləh^aḥărîmām wə’atâ tinnāṣēl:

12 hahiṣṣîlû ’ōṯām ’ĕlōhê hagwōyim ’ăšer šiḥăṯû ’ăḇwōṯay ’eṯ-gwōzān wə’eṯ-ḥārān wəreṣef ûḇənê-‘eḏen ’ăšer biṯəla’śśār:

13 ’ayywō meleḵə-ḥămāṯ ûmeleḵə ’arəpāḏ ûmeleḵə lā‘îr səfarəwāyim hēn^a‘ wə‘iûâ:

14 wayyiqq^aḥ ḥizəqîyâû ’eṯ-hassəfārîm mîyaḏ hammalə’āḵîm wayyiqərā’ēm wayy^a‘al bêṯ yəhwâ wayyifərəśēhû ḥizəqîyâû lifənê yəhwâ: f

15 wayyiṯəpallēl ḥizəqîyâû lifənê yəhwâ wayyō’mar yəhwâ ’ĕlōhê yiśərā’ēl yōšēḇ hakəruḇîm ’atâ-hû’ hā’ĕlōhîm ləḇadəḵā ləḵōl mamələḵwōṯ hā’āreṣ ’atâ ‘āśîṯā ’eṯ-haššāmayim wə’eṯ-hā’āreṣ:

16 haṭṭēh yəhwâ| ’āzənəḵā ûšămā‘ pəq^aḥ yəhwâ ‘êneyḵā ûrə’ēh ûšəm^a‘ ’ēṯ diḇərê sanəḥērîḇ ’ăšer šəlāḥwō ləḥārēf ’ĕlōhîm ḥāy:

17 ’āmənām yəhwâ heḥĕrîḇû maləḵê ’aššûr ’eṯ-hagwōyim wə’eṯ-’arəṣām:

18 wənāṯənû ’eṯ-’ĕlōhêhem bā’ēš kî lō’ ’ĕlōhîm hēmmâ kî ’im-m^a‘ăśēh yəḏê-’āḏām ‘ēṣ wā’eḇen wayə’abəḏûm:

19 wə‘atâ yəhwâ ’ĕlōhênû hwōšî‘ēnû nā’ mîyāḏwō wəyēḏə‘û kāl-mamələḵwōṯ hā’āreṣ kî ’atâ yəhwâ ’ĕlōhîm ləḇadeḵā: s

20 wayyišəl^aḥ yəš^a‘əyâû ḇen-’āmwōṣ ’el-ḥizəqîyâû lē’mōr kōh-’āmar yəhwâ ’ĕlōhê yiśərā’ēl ’ăšer hiṯəpallalətā ’ēlay ’el-sanəḥēriḇ meleḵə-’aššûr šāmā‘ətî:

21 zeh hadāḇār ’ăšer-diber yəhwâ ‘ālāyw bāzâ ləḵā lā‘ăḡâ ləḵā bəṯûlaṯ baṯ-ṣîywōn ’^aḥăreyḵā rō’š hēnî‘â baṯ yərûšālāim:

22 ’eṯ-mî ḥērafətā wəḡidafətā wə‘al-mî hărîmwōṯā qqwōl watiśśā’ mārwōm ‘êneyḵā ‘al-qəḏwōš yiśərā’ēl:

23 bəyaḏ malə’āḵeyḵā ḥērafətā| ’ăḏōnāy watō’mer bəreḵeḇ bərōḇ riḵəbî ’ănî ‘ālîṯî mərwōm hārîm yarəkəṯê ləḇānwōn wə’eḵərōṯ qwōmaṯ ’ărāzāyw miḇəḥwōr bərōšāyw wə’āḇwō’â məlwōn qiṣṣōh^q y^a‘ar karəmillwō:

24 ’ănî qarətî wəšāṯîṯî mayim zārîm wə’^aḥəriḇ bəḵaf-pə‘āmay kōl yə’ōrê māṣwōr:

25 hălō’-šām^a‘ətā ləmērāḥwōq ’ōṯāh ‘āśîṯî ləmîmê qeḏem wîṣarətîhā ‘atâ hăḇê’ṯîhā ûṯəhî lahəšwōṯ gallîm niṣṣîm ‘ārîm bəṣurwōṯ:

26 wəyōšəḇêhen qiṣərê-yāḏ ḥatû wayyēḇōšû hāyû ‘ēśeḇ śāḏeh wîraq deše’ ḥăṣîr gagwōṯ ûšəḏēfâ lifənê qāmâ:

27 wəšiḇətəḵā wəṣē’ṯəḵā ûḇō’ăḵā yāḏā‘ətî wə’ēṯ hiṯəragezəḵā ’ēlāy:

28 y^a‘an hiṯəragezəḵā ’ēlay wəša’ănanəḵā ‘ālâ ḇə’āzənāy wəśamətî ḥ^aḥî bə’apeḵā ûmiṯəgî biśəfāṯeyḵā wahăšiḇōṯîḵā badereḵə ’ăšer-bā’ṯā bāh:

29 wəzeh-lləḵā hā’wōṯ ’āḵwōl haššānâ sāfîḥa ûḇaššānâ haššēnîṯ sāḥîš ûḇaššānâ haššəlîšîṯ zirə‘û wəqiṣərû³ wəniṭə‘û ḵərāmîm wə’iḵəlû firəyām:

30 wəyāsəfâ pəlêṭaṯ bêṯ-yəhûḏâ hannišə’ārâ šōreš ləmāṭṭâ wə‘āśâ fərî ləmā‘əlâ:

31 kî mîrûšālaim tēṣē’ šə’ērîṯ ûfəlêṭâ mēhar ṣîywōn qinə’aṯ yəhwâ ṣəḇā’wōṯ^a t^a‘ăśeh-zzō’ṯ: s

32 lāḵēn kōh-’āmar yəhwâ ’el-meleḵə ’aššûr lō’ yāḇō’ ’el-hā‘îr hazzō’ṯ wəlō’-ywōreh šām ḥēṣ wəlō’-yəqadəmennâ māḡēn wəlō’-yišəpōḵə ‘āleyhā sōləlâ:

33 badereḵə ’ăšer-yāḇō’ bāh yāšûḇ wə’el-hā‘îr hazzō’ṯ lō’ yāḇō’ nə’um-yəhwâ:

34 wəḡannwōṯî ’el-hā‘îr hazzō’ṯ ləhwōšî‘āh ləm^a‘ănî ûləm^a‘an dāwiḏ ‘aḇədî:

35 wayəhî ballayəlâ hahû’ wayyēṣē’| malə’aḵə yəhwâ wayyaḵə bəm^aḥănēh ’aššûr mē’â šəmwōnîm w^aḥămiššâ ’ālef wayyašəkîmû ḇabōqer wəhinnēh ḵullām pəḡārîm mēṯîm:

36 wayyiss^a‘ wayyēleḵə wayyāšāḇ sanəḥērîḇ meleḵə-’aššûr wayyēšeḇ bənînəwēh:

37 wayəhî hû’ mišət^aḥăweh bêṯ| nisərōḵə ’ĕlōhāyw wə’aḏərammeleḵə wəśarə’eṣer bānāyw^a hikuhû ḇ^aḥereḇ wəhēmmâ nimələṭû ’ereṣ ’ărārāṭ wayyiməlōḵə ’ēsar-ḥadōn bənwō t^aḥətāyw: f

Tanach (Hebrew): 2 Kings (2 Melakhim) Chapter 20

‎1 ‏בַּיָּמִ֣ים הָהֵ֔ם חָלָ֥ה חִזְקִיָּ֖הוּ לָמ֑וּת וַיָּבֹ֣א אֵ֠לָיו יְשַׁעְיָ֨הוּ בֶן־אָמ֜וֹץ הַנָּבִ֗יא וַיֹּ֨אמֶר אֵלָ֜יו כֹּֽה־אָמַ֤ר יְהוָה֙ צַ֣ו לְבֵיתֶ֔ךָ כִּ֛י מֵ֥ת אַתָּ֖ה וְלֹ֥א תִֽחְיֶֽה׃

‎2 ‏וַיַּסֵּ֥ב אֶת־פָּנָ֖יו אֶל־הַקִּ֑יר וַיִּ֨תְפַּלֵּ֔ל אֶל־יְהוָ֖ה לֵאמֹֽר׃

‎3 ‏אָנָּ֣ה יְהוָ֗ה זְכָר־נָ֞א אֵ֣ת אֲשֶׁ֧ר הִתְהַלַּ֣כְתִּי לְפָנֶ֗יךָ בֶּֽאֱמֶת֙ וּבְלֵבָ֣ב שָׁלֵ֔ם וְהַטּ֥וֹב בְּעֵינֶ֖יךָ עָשִׂ֑יתִי וַיֵּ֥בְךְּ חִזְקִיָּ֖הוּ בְּכִ֥י גָדֽוֹל׃ ס

‎4 ‏וַיְהִ֣י יְשַׁעְיָ֔הוּ לֹ֣א יָצָ֔א העיר חָצֵ֖ר הַתִּֽיכֹנָ֑ה וּדְבַר־יְהוָ֔ה הָיָ֥ה אֵלָ֖יו לֵאמֹֽר׃

‎5 ‏שׁ֣וּב וְאָמַרְתָּ֞ אֶל־חִזְקִיָּ֣הוּ נְגִיד־עַמִּ֗י כֹּֽה־אָמַ֤ר יְהוָה֙ אֱלֹהֵי֙ דָּוִ֣ד אָבִ֔יךָ שָׁמַ֙עְתִּי֙ אֶת־תְּפִלָּתֶ֔ךָ רָאִ֖יתִי אֶת־דִּמְעָתֶ֑ךָ הִנְנִי֙ רֹ֣פֶא לָ֔ךְ בַּיּוֹם֙ הַשְּׁלִישִׁ֔י תַּעֲלֶ֖ה בֵּ֥ית יְהוָֽה׃

‎6 ‏וְהֹסַפְתִּ֣י עַל־יָמֶ֗יךָ חֲמֵ֤שׁ עֶשְׂרֵה֙ שָׁנָ֔ה וּמִכַּ֤ף מֶֽלֶךְ־אַשּׁוּר֙ אַצִּ֣ילְךָ֔ וְאֵ֖ת הָעִ֣יר הַזֹּ֑את וְגַנּוֹתִי֙ עַל־הָעִ֣יר הַזֹּ֔את לְמַֽעֲנִ֔י וּלְמַ֖עַן דָּוִ֥ד עַבְדִּֽי׃

‎7 ‏וַיֹּ֣אמֶר יְשַֽׁעְיָ֔הוּ קְח֖וּ דְּבֶ֣לֶת תְּאֵנִ֑ים וַיִּקְח֛וּ וַיָּשִׂ֥ימוּ עַֽל־הַשְּׁחִ֖ין וַיֶּֽחִי׃

‎8 ‏וַיֹּ֤אמֶר חִזְקִיָּ֙הוּ֙ אֶֽל־יְשַׁעְיָ֔הוּ מָ֣ה א֔וֹת כִּֽי־יִרְפָּ֥א יְהוָ֖ה לִ֑י וְעָלִ֛יתִי בַּיּ֥וֹם הַשְּׁלִישִׁ֖י בֵּ֥ית יְהוָֽה׃

‎9 ‏וַיֹּ֣אמֶר יְשַׁעְיָ֗הוּ זֶה־לְּךָ֤ הָאוֹת֙ מֵאֵ֣ת יְהוָ֔ה כִּ֚י יַעֲשֶׂ֣ה יְהוָ֔ה אֶת־הַדָּבָ֖ר אֲשֶׁ֣ר דִּבֵּ֑ר הָלַ֤ךְ הַצֵּל֙ עֶ֣שֶׂר מַֽעֲל֔וֹת אִם־יָשׁ֖וּב עֶ֥שֶׂר מַעֲלֽוֹת׃

‎10 ‏וַיֹּ֙אמֶר֙ יְחִזְקִיָּ֔הוּ נָקֵ֣ל לַצֵּ֔ל לִנְט֖וֹת עֶ֣שֶׂר מַעֲל֑וֹת לֹ֣א כִ֔י יָשׁ֥וּב הַצֵּ֛ל אֲחֹרַנִּ֖ית עֶ֥שֶׂר מַעֲלֽוֹת׃

‎11 ‏וַיִּקְרָ֛א יְשַׁעְיָ֥הוּ הַנָּבִ֖יא אֶל־יְהוָ֑ה וַיָּ֣שֶׁב אֶת־הַצֵּ֗ל בַּֽ֠מַּעֲלוֹת אֲשֶׁ֨ר יָרְדָ֜ה בְּמַעֲל֥וֹת אָחָ֛ז אֲחֹֽרַנִּ֖ית עֶ֥שֶׂר מַעֲלֽוֹת׃ פ

‎12 ‏בָּעֵ֣ת הַהִ֡יא שָׁלַ֡ח בְּרֹאדַ֣ךְ בַּ֠לְאֲדָן בֶּֽן־בַּלְאֲדָ֧ן מֶֽלֶךְ־בָּבֶ֛ל סְפָרִ֥ים וּמִנְחָ֖ה אֶל־חִזְקִיָּ֑הוּ כִּ֣י שָׁמַ֔ע כִּ֥י חָלָ֖ה חִזְקִיָּֽהוּ׃

‎13 ‏וַיִּשְׁמַ֣ע עֲלֵיהֶם֮ חִזְקִיָּהוּ֒ וַיַּרְאֵ֣ם אֶת־כָּל־בֵּ֣ית נְכֹתֹ֡ה^q אֶת־הַכֶּסֶף֩ וְאֶת־הַזָּהָ֨ב וְאֶת־הַבְּשָׂמִ֜ים וְאֵ֣ת׀ שֶׁ֣מֶן הַטּ֗וֹב וְאֵת֙ בֵּ֣ית כֵּלָ֔יו וְאֵ֛ת כָּל־אֲשֶׁ֥ר נִמְצָ֖א בְּאֽוֹצְרֹתָ֑יו לֹֽא־הָיָ֣ה דָבָ֗ר אֲ֠שֶׁר לֹֽא־הֶרְאָ֧ם חִזְקִיָּ֛הוּ בְּבֵית֖וֹ וּבְכָל־מֶמְשַׁלְתּֽוֹ׃

‎14 ‏וַיָּבֹא֙ יְשַֽׁעְיָ֣הוּ הַנָּבִ֔יא אֶל־הַמֶּ֖לֶךְ חִזְקִיָּ֑הוּ וַיֹּ֨אמֶר אֵלָ֜יו מָ֥ה אָמְר֣וּ׀ הָאֲנָשִׁ֣ים הָאֵ֗לֶּה וּמֵאַ֙יִן֙ יָבֹ֣אוּ אֵלֶ֔יךָ וַיֹּ֙אמֶר֙ חִזְקִיָּ֔הוּ מֵאֶ֧רֶץ רְחוֹקָ֛ה בָּ֖אוּ מִבָּבֶֽל׃

‎15 ‏וַיֹּ֕אמֶר מָ֥ה רָא֖וּ בְּבֵיתֶ֑ךָ וַיֹּ֣אמֶר חִזְקִיָּ֗הוּ אֵ֣ת כָּל־אֲשֶׁ֤ר בְּבֵיתִי֙ רָא֔וּ לֹא־הָיָ֥ה דָבָ֛ר אֲשֶׁ֥ר לֹֽא־הִרְאִיתִ֖ם בְּאֹצְרֹתָֽי׃

‎16 ‏וַיֹּ֥אמֶר יְשַׁעְיָ֖הוּ אֶל־חִזְקִיָּ֑הוּ שְׁמַ֖ע דְּבַר־יְהוָֽה׃

‎17 ‏הִנֵּה֮ יָמִ֣ים בָּאִים֒ וְנִשָּׂ֣א׀ כָּל־אֲשֶׁ֣ר בְּבֵיתֶ֗ךָ וַאֲשֶׁ֨ר אָצְר֧וּ אֲבֹתֶ֛יךָ עַד־הַיּ֥וֹם הַזֶּ֖ה בָּבֶ֑לָה לֹֽא־יִוָּתֵ֥ר דָּבָ֖ר אָמַ֥ר יְהוָֽה׃

‎18 ‏וּמִבָּנֶ֜יךָ אֲשֶׁ֨ר יֵצְא֧וּ מִמְּךָ֛ אֲשֶׁ֥ר תּוֹלִ֖יד יקח יִקָּ֑חוּ וְהָיוּ֙ סָֽרִיסִ֔ים בְּהֵיכַ֖ל מֶ֥לֶךְ בָּבֶֽל׃

‎19 ‏וַיֹּ֤אמֶר חִזְקִיָּ֙הוּ֙ אֶֽל־יְשַֽׁעְיָ֔הוּ ט֥וֹב דְּבַר־יְהוָ֖ה אֲשֶׁ֣ר דִּבַּ֑רְתָּ וַיֹּ֕אמֶר הֲל֛וֹא אִם־שָׁל֥וֹם וֶאֱמֶ֖ת יִהְיֶ֥ה בְיָמָֽי׃

‎20 ‏וְיֶ֨תֶר דִּבְרֵ֤י חִזְקִיָּ֙הוּ֙ וְכָל־גְּב֣וּרָת֔וֹ וַאֲשֶׁ֣ר עָשָׂ֗ה אֶת־הַבְּרֵכָה֙ וְאֶת־הַתְּעָלָ֔ה וַיָּבֵ֥א אֶת־הַמַּ֖יִם הָעִ֑ירָה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

‎21 ‏וַיִּשְׁכַּ֥ב חִזְקִיָּ֖הוּ עִם־אֲבֹתָ֑יו וַיִּמְלֹ֛ךְ מְנַשֶּׁ֥ה בְנ֖וֹ תַּחְתָּֽיו׃ פ

1 bayyāmîm hâēm ḥālâ ḥizəqîyâû lāmûṯ wayyāḇō’ ’ēlāyw yəš^a‘əyâû ḇen-’āmwōṣ hannāḇî’ wayyō’mer ’ēlāyw kōh-’āmar yəhwâ ṣaw ləḇêṯeḵā kî mēṯ ’atâ wəlō’ ṯiḥəyeh:

2 wayyassēḇ ’eṯ-pānāyw ’el-haqqîr wayyiṯəpallēl ’el-yəhwâ lē’mōr:

3 ’ānnâ yəhwâ zəḵār-nā’ ’ēṯ ’ăšer hiṯəhallaḵətî ləfāneyḵā be’ĕmeṯ ûḇəlēḇāḇ šālēm wəhaṭṭwōḇ bə‘êneyḵā ‘āśîṯî wayyēḇəḵḵə ḥizəqîyâû bəḵî ḡāḏwōl: s

4 wayəhî yəš^a‘əyâû lō’ yāṣā’ hā‘îr ḥāṣēr hatîḵōnâ ûḏəḇar-yəhwâ hāyâ ’ēlāyw lē’mōr:

5 šûḇ wə’āmarətā ’el-ḥizəqîyâû nəḡîḏ-‘ammî kōh-’āmar yəhwâ ’ĕlōhê dāwiḏ ’āḇîḵā šām^a‘ətî ’eṯ-təfillāṯeḵā rā’îṯî ’eṯ-dimə‘āṯeḵā hinənî rōfe’ lāḵə bayywōm haššəlîšî t^a‘ăleh bêṯ yəhwâ:

6 wəhōsafətî ‘al-yāmeyḵā ḥămēš ‘eśərēh šānâ ûmikaf meleḵə-’aššûr ’aṣṣîləḵā wə’ēṯ hā‘îr hazzō’ṯ wəḡannwōṯî ‘al-hā‘îr hazzō’ṯ ləm^a‘ănî ûləm^a‘an dāwiḏ ‘aḇədî:

7 wayyō’mer yəš^a‘əyâû qəḥû dəḇeleṯ tə’ēnîm wayyiqəḥû wayyāśîmû ‘al-haššəḥîn wayyeḥî:

8 wayyō’mer ḥizəqîyâû ’el-yəš^a‘əyâû mâ ’wōṯ kî-yirəpā’ yəhwâ lî wə‘ālîṯî bayywōm haššəlîšî bêṯ yəhwâ:

9 wayyō’mer yəš^a‘əyâû zeh-lləḵā hā’wōṯ mē’ēṯ yəhwâ kî y^a‘ăśeh yəhwâ ’eṯ-hadāḇār ’ăšer dibēr hālaḵə haṣṣēl ‘eśer m^a‘ălwōṯ ’im-yāšûḇ ‘eśer m^a‘ălwōṯ:

10 wayyō’mer yəḥizəqîyâû nāqēl laṣṣēl linəṭwōṯ ‘eśer m^a‘ălwōṯ lō’ ḵî yāšûḇ haṣṣēl ’ăḥōrannîṯ ‘eśer m^a‘ălwōṯ:

11 wayyiqərā’ yəš^a‘əyâû hannāḇî’ ’el-yəhwâ wayyāšeḇ ’eṯ-haṣṣēl bamm^a‘ălwōṯ ’ăšer yārəḏâ bəm^a‘ălwōṯ ’āḥāz ’ăḥōrannîṯ ‘eśer m^a‘ălwōṯ: f

12 bā‘ēṯ hahî’ šāl^aḥ bərō’ḏaḵə balə’ăḏān ben-balə’ăḏān meleḵə-bāḇel səfārîm ûminəḥâ ’el-ḥizəqîyâû kî šām^a‘ kî ḥālâ ḥizəqîyâû:

13 wayyišəm^a‘ ‘ălêhem ḥizəqîyâû wayyarə’ēm ’eṯ-kāl-bêṯ nəḵōṯōh^q ’eṯ-hakesef wə’eṯ-hazzâāḇ wə’eṯ-habəśāmîm wə’ēṯ| šemen haṭṭwōḇ wə’ēṯ bêṯ kēlāyw wə’ēṯ kāl-’ăšer niməṣā’ bə’wōṣərōṯāyw lō’-hāyâ ḏāḇār ’ăšer lō’-herə’ām ḥizəqîyâû bəḇêṯwō ûḇəḵāl-meməšalətwō:

14 wayyāḇō’ yəš^a‘əyâû hannāḇî’ ’el-hammeleḵə ḥizəqîyâû wayyō’mer ’ēlāyw mâ ’āmərû| hā’ănāšîm hā’ēlleh ûmē’ayin yāḇō’û ’ēleyḵā wayyō’mer ḥizəqîyâû mē’ereṣ rəḥwōqâ bā’û mibāḇel:

15 wayyō’mer mâ rā’û bəḇêṯeḵā wayyō’mer ḥizəqîyâû ’ēṯ kāl-’ăšer bəḇêṯî rā’û lō’-hāyâ ḏāḇār ’ăšer lō’-hirə’îṯim bə’ōṣərōṯāy:

16 wayyō’mer yəš^a‘əyâû ’el-ḥizəqîyâû šəm^a‘ dəḇar-yəhwâ:

17 hinnēh yāmîm bā’îm wəniśśā’| kāl-’ăšer bəḇêṯeḵā wa’ăšer ’āṣərû ’ăḇōṯeyḵā ‘aḏ-hayywōm hazzeh bāḇelâ lō’-yiûāṯēr dāḇār ’āmar yəhwâ:

18 ûmibāneyḵā ’ăšer yēṣə’û mimməḵā ’ăšer twōlîḏ yiqqāḥ yiqqāḥû wəhāyû sārîsîm bəhêḵal meleḵə bāḇel:

19 wayyō’mer ḥizəqîyâû ’el-yəš^a‘əyâû ṭwōḇ dəḇar-yəhwâ ’ăšer dibarətā wayyō’mer hălwō’ ’im-šālwōm we’ĕmeṯ yihəyeh ḇəyāmāy:

20 wəyeṯer diḇərê ḥizəqîyâû wəḵāl-gəḇûrāṯwō wa’ăšer ‘āśâ ’eṯ-habərēḵâ wə’eṯ-hatə‘ālâ wayyāḇē’ ’eṯ-hammayim hā‘îrâ hălō’-hēm kəṯûḇîm ‘al-sēfer diḇərê hayyāmîm ləmaləḵê yəhûḏâ:

21 wayyišəkaḇ ḥizəqîyâû ‘im-’ăḇōṯāyw wayyiməlōḵə mənaššeh ḇənwō t^aḥətāyw: f

Tanach (Hebrew): 2 Kings (2 Melakhim) Chapter 21

‎1 ‏בֶּן־שְׁתֵּ֨ים עֶשְׂרֵ֤ה שָׁנָה֙ מְנַשֶּׁ֣ה בְמָלְכ֔וֹ וַחֲמִשִּׁ֤ים וְחָמֵשׁ֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֥ם אִמּ֖וֹ חֶפְצִי־בָֽהּ׃

‎2 ‏וַיַּ֥עַשׂ הָרַ֖ע בְּעֵינֵ֣י יְהוָ֑ה כְּתֽוֹעֲבֹת֙ הַגּוֹיִ֔ם אֲשֶׁר֙ הוֹרִ֣ישׁ יְהוָ֔ה מִפְּנֵ֖י בְּנֵ֥י יִשְׂרָאֵֽל׃

‎3 ‏וַיָּ֗שָׁב וַיִּ֙בֶן֙ אֶת־הַבָּמ֔וֹת אֲשֶׁ֥ר אִבַּ֖ד חִזְקִיָּ֣הוּ אָבִ֑יו וַיָּ֨קֶם מִזְבְּחֹ֜ת לַבַּ֗עַל וַיַּ֤עַשׂ אֲשֵׁרָה֙ כַּאֲשֶׁ֣ר עָשָׂ֗ה אַחְאָב֙ מֶ֣לֶךְ יִשְׂרָאֵ֔ל וַיִּשְׁתַּ֙חוּ֙ לְכָל־צְבָ֣א הַשָּׁמַ֔יִם וַֽיַּעֲבֹ֖ד אֹתָֽם׃

‎4 ‏וּבָנָ֥ה מִזְבְּחֹ֖ת בְּבֵ֣ית יְהוָ֑ה אֲשֶׁר֙ אָמַ֣ר יְהוָ֔ה בִּירוּשָׁלִַ֖ם אָשִׂ֥ים אֶת־שְׁמִֽי׃

‎5 ‏וַיִּ֥בֶן מִזְבְּח֖וֹת לְכָל־צְבָ֣א הַשָּׁמָ֑יִם בִּשְׁתֵּ֖י חַצְר֥וֹת בֵּית־יְהוָֽה׃

‎6 ‏וְהֶעֱבִ֤יר אֶת־בְּנוֹ֙ בָּאֵ֔שׁ וְעוֹנֵ֣ן וְנִחֵ֔שׁ וְעָ֥שָׂה א֖וֹב וְיִדְּעֹנִ֑ים הִרְבָּ֗ה לַעֲשׂ֥וֹת הָרַ֛ע בְּעֵינֵ֥י יְהוָ֖ה לְהַכְעִֽיס׃

‎7 ‏וַיָּ֕שֶׂם אֶת־פֶּ֥סֶל הָאֲשֵׁרָ֖ה אֲשֶׁ֣ר עָשָׂ֑ה בַּבַּ֗יִת אֲשֶׁ֨ר אָמַ֤ר יְהוָה֙ אֶל־דָּוִד֙ וְאֶל־שְׁלֹמֹ֣ה בְנ֔וֹ בַּבַּ֨יִת הַזֶּ֜ה וּבִירוּשָׁלִַ֗ם אֲשֶׁ֤ר בָּחַ֙רְתִּי֙ מִכֹּל֙ שִׁבְטֵ֣י יִשְׂרָאֵ֔ל אָשִׂ֥ים אֶת־שְׁמִ֖י לְעוֹלָֽם׃

‎8 ‏וְלֹ֣א אֹסִ֗יף לְהָנִיד֙ רֶ֣גֶל יִשְׂרָאֵ֔ל מִן־הָ֣אֲדָמָ֔ה אֲשֶׁ֥ר נָתַ֖תִּי לַֽאֲבוֹתָ֑ם רַ֣ק׀ אִם־יִשְׁמְר֣וּ לַעֲשׂ֗וֹת כְּכֹל֙ אֲשֶׁ֣ר צִוִּיתִ֔ים וּלְכָל־הַ֨תּוֹרָ֔ה אֲשֶׁר־צִוָּ֥ה אֹתָ֖ם עַבְדִּ֥י מֹשֶֽׁה׃

‎9 ‏וְלֹ֖א שָׁמֵ֑עוּ וַיַּתְעֵ֤ם מְנַשֶּׁה֙ לַעֲשׂ֣וֹת אֶת־הָרָ֔ע מִן־הַ֨גּוֹיִ֔ם אֲשֶׁר֙ הִשְׁמִ֣יד יְהוָ֔ה מִפְּנֵ֖י בְּנֵ֥י יִשְׂרָאֵֽל׃

‎10 ‏וַיְדַבֵּ֧ר יְהוָ֛ה בְּיַד־עֲבָדָ֥יו הַנְּבִיאִ֖ים לֵאמֹֽר׃

‎11 ‏יַעַן֩ אֲשֶׁ֨ר עָשָׂ֜ה מְנַשֶּׁ֤ה מֶֽלֶךְ־יְהוּדָה֙ הַתֹּעֵב֣וֹת הָאֵ֔לֶּה הֵרַ֕ע מִכֹּ֛ל אֲשֶׁר־עָשׂ֥וּ הָאֱמֹרִ֖י אֲשֶׁ֣ר לְפָנָ֑יו וַיַּחֲטִ֥א גַֽם־אֶת־יְהוּדָ֖ה בְּגִלּוּלָֽיו׃ פ

‎12 ‏לָכֵ֗ן כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל הִנְנִי֙ מֵבִ֣יא רָעָ֔ה עַל־יְרוּשָׁלִַ֖ם וִֽיהוּדָ֑ה אֲשֶׁר֙ כָּל־שמעיו שֹׁ֣מְעָ֔הּ תִּצַּ֖לְנָה שְׁתֵּ֥י אָזְנָֽיו׃

‎13 ‏וְנָטִ֣יתִי עַל־יְרוּשָׁלִַ֗ם אֵ֚ת קָ֣ו שֹֽׁמְר֔וֹן וְאֶת־מִשְׁקֹ֖לֶת בֵּ֣ית אַחְאָ֑ב וּמָחִ֨יתִי אֶת־יְרוּשָׁלִַ֜ם כַּֽאֲשֶׁר־יִמְחֶ֤ה אֶת־הַצַּלַּ֙חַת֙ מָחָ֔ה וְהָפַ֖ךְ עַל־פָּנֶֽיהָ׃

‎14 ‏וְנָטַשְׁתִּ֗י אֵ֚ת שְׁאֵרִ֣ית נַחֲלָתִ֔י וּנְתַתִּ֖ים בְּיַ֣ד אֹֽיְבֵיהֶ֑ם וְהָי֥וּ לְבַ֛ז וְלִמְשִׁסָּ֖ה לְכָל־אֹיְבֵיהֶֽם׃

‎15 ‏יַ֗עַן אֲשֶׁ֨ר עָשׂ֤וּ אֶת־הָרַע֙ בְּעֵינַ֔י וַיִּהְי֥וּ מַכְעִסִ֖ים אֹתִ֑י מִן־הַיּ֗וֹם אֲשֶׁ֨ר יָצְא֤וּ אֲבוֹתָם֙ מִמִּצְרַ֔יִם וְעַ֖ד הַיּ֥וֹם הַזֶּֽה׃

‎16 ‏וְגַם֩ דָּ֨ם נָקִ֜י שָׁפַ֤ךְ מְנַשֶּׁה֙ הַרְבֵּ֣ה מְאֹ֔ד עַ֛ד אֲשֶׁר־מִלֵּ֥א אֶת־יְרוּשָׁלִַ֖ם פֶּ֣ה לָפֶ֑ה לְבַ֤ד מֵֽחַטָּאתוֹ֙ אֲשֶׁ֣ר הֶחֱטִ֣יא אֶת־יְהוּדָ֔ה לַעֲשׂ֥וֹת הָרַ֖ע בְּעֵינֵ֥י יְהוָֽה׃

‎17 ‏וְיֶ֨תֶר דִּבְרֵ֤י מְנַשֶּׁה֙ וְכָל־אֲשֶׁ֣ר עָשָׂ֔ה וְחַטָּאת֖וֹ אֲשֶׁ֣ר חָטָ֑א הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

‎18 ‏וַיִּשְׁכַּ֤ב מְנַשֶּׁה֙ עִם־אֲבֹתָ֔יו וַיִּקָּבֵ֥ר בְּגַן־בֵּית֖וֹ בְּגַן־עֻזָּ֑א וַיִּמְלֹ֛ךְ אָמ֥וֹן בְּנ֖וֹ תַּחְתָּֽיו׃ פ

‎19 ‏בֶּן־עֶשְׂרִ֨ים וּשְׁתַּ֤יִם שָׁנָה֙ אָמ֣וֹן בְּמָלְכ֔וֹ וּשְׁתַּ֣יִם שָׁנִ֔ים מָלַ֖ךְ בִּירוּשָׁלִָ֑ם וְשֵׁ֣ם אִמּ֔וֹ מְשֻׁלֶּ֥מֶת בַּת־חָר֖וּץ מִן־יָטְבָֽה׃

‎20 ‏וַיַּ֥עַשׂ הָרַ֖ע בְּעֵינֵ֣י יְהוָ֑ה כַּאֲשֶׁ֥ר עָשָׂ֖ה מְנַשֶּׁ֥ה אָבִֽיו׃

‎21 ‏וַיֵּ֕לֶךְ בְּכָל־הַדֶּ֖רֶךְ אֲשֶׁר־הָלַ֣ךְ אָבִ֑יו וַֽיַּעֲבֹ֗ד אֶת־הַגִּלֻּלִים֙ אֲשֶׁ֣ר עָבַ֣ד אָבִ֔יו וַיִּשְׁתַּ֖חוּ לָהֶֽם׃

‎22 ‏וַיַּעֲזֹ֕ב אֶת־יְהוָ֖ה אֱלֹהֵ֣י אֲבֹתָ֑יו וְלֹ֥א הָלַ֖ךְ בְּדֶ֥רֶךְ יְהוָֽה׃

‎23 ‏וַיִּקְשְׁר֥וּ עַבְדֵֽי־אָמ֖וֹן עָלָ֑יו וַיָּמִ֥יתוּ אֶת־הַמֶּ֖לֶךְ בְּבֵיתֽוֹ׃

‎24 ‏וַיַּךְ֙ עַם־הָאָ֔רֶץ אֵ֥ת כָּל־הַקֹּשְׁרִ֖ים עַל־הַמֶּ֣לֶךְ אָמ֑וֹן וַיַּמְלִ֧יכוּ עַם־הָאָ֛רֶץ אֶת־יֹאשִׁיָּ֥הוּ בְנ֖וֹ תַּחְתָּֽיו׃

‎25 ‏וְיֶ֛תֶר דִּבְרֵ֥י אָמ֖וֹן אֲשֶׁ֣ר עָשָׂ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

‎26 ‏וַיִּקְבְֹּ֥ר¹ אֹת֛וֹ בִּקְבֻרָת֖וֹ בְּגַן־עֻזָּ֑א וַיִּמְלֹ֛ךְ יֹאשִׁיָּ֥הוּ בְנ֖וֹ תַּחְתָּֽיו׃ פ

1 ben-šətêm ‘eśərēh šānâ mənaššeh ḇəmāləḵwō w^aḥămiššîm wəḥāmēš šānâ mālaḵə bîrûšālāim wəšēm ’immwō ḥefəṣî-ḇāh:

2 wayy^a‘aś hār^a‘ bə‘ênê yəhwâ kəṯwō‘ăḇōṯ hagwōyim ’ăšer hwōrîš yəhwâ mipənê bənê yiśərā’ēl:

3 wayyāšāḇ wayyiḇen ’eṯ-habāmwōṯ ’ăšer ’ibaḏ ḥizəqîyâû ’āḇîw wayyāqem mizəbəḥōṯ lab^a‘al wayy^a‘aś ’ăšērâ ka’ăšer ‘āśâ ’^aḥə’āḇ meleḵə yiśərā’ēl wayyišət^aḥû ləḵāl-ṣəḇā’ haššāmayim wayy^a‘ăḇōḏ ’ōṯām:

4 ûḇānâ mizəbəḥōṯ bəḇêṯ yəhwâ ’ăšer ’āmar yəhwâ bîrûšālaim ’āśîm ’eṯ-šəmî:

5 wayyiḇen mizəbəḥwōṯ ləḵāl-ṣəḇā’ haššāmāyim bišətê ḥaṣərwōṯ bêṯ-yəhwâ:

6 wəhe‘ĕḇîr ’eṯ-bənwō bā’ēš wə‘wōnēn wəniḥēš wə‘āśâ ’wōḇ wəyidə‘ōnîm hirəbâ l^a‘ăśwōṯ hār^a‘ bə‘ênê yəhwâ ləhaḵə‘îs:

7 wayyāśem ’eṯ-pesel hā’ăšērâ ’ăšer ‘āśâ babayiṯ ’ăšer ’āmar yəhwâ ’el-dāwiḏ wə’el-šəlōmōh ḇənwō babayiṯ hazzeh ûḇîrûšālaim ’ăšer bāḥarətî mikōl šiḇəṭê yiśərā’ēl ’āśîm ’eṯ-šəmî lə‘wōlām:

8 wəlō’ ’ōsîf ləhānîḏ reḡel yiśərā’ēl min-hā’ăḏāmâ ’ăšer nāṯatî la’ăḇwōṯām raq| ’im-yišəmərû l^a‘ăśwōṯ kəḵōl ’ăšer ṣiûîṯîm ûləḵāl-hatwōrâ ’ăšer-ṣiûâ ’ōṯām ‘aḇədî mōšeh:

9 wəlō’ šāmē‘û wayyaṯə‘ēm mənaššeh l^a‘ăśwōṯ ’eṯ-hārā‘ min-hagwōyim ’ăšer hišəmîḏ yəhwâ mipənê bənê yiśərā’ēl:

10 wayəḏabēr yəhwâ bəyaḏ-‘ăḇāḏāyw hannəḇî’îm lē’mōr:

11 y^a‘an ’ăšer ‘āśâ mənaššeh meleḵə-yəhûḏâ hatō‘ēḇwōṯ hā’ēlleh hēr^a‘ mikōl ’ăšer-‘āśû hā’ĕmōrî ’ăšer ləfānāyw wayy^aḥăṭi’ ḡam-’eṯ-yəhûḏâ bəḡillûlāyw: f

12 lāḵēn kōh-’āmar yəhwâ ’ĕlōhê yiśərā’ēl hinənî mēḇî’ rā‘â ‘al-yərûšālaim wîhûḏâ ’ăšer kāl-šōmə‘āyw šōmə‘āh tiṣṣalənâ šətê ’āzənāyw:

13 wənāṭîṯî ‘al-yərûšālaim ’ēṯ qāw šōmərwōn wə’eṯ-mišəqōleṯ bêṯ ’^aḥə’āḇ ûmāḥîṯî ’eṯ-yərûšālaim ka’ăšer-yiməḥeh ’eṯ-haṣṣall^aḥaṯ māḥâ wəhāfaḵə ‘al-pāneyhā:

14 wənāṭašətî ’ēṯ šə’ērîṯ n^aḥălāṯî ûnəṯatîm bəyaḏ ’ōyəḇêhem wəhāyû ləḇaz wəliməšissâ ləḵāl-’ōyəḇêhem:

15 y^a‘an ’ăšer ‘āśû ’eṯ-hār^a‘ bə‘ênay wayyihəyû maḵə‘isîm ’ōṯî min-hayywōm ’ăšer yāṣə’û ’ăḇwōṯām mimmiṣərayim wə‘aḏ hayywōm hazzeh:

16 wəḡam dām nāqî šāfaḵə mənaššeh harəbēh mə’ōḏ ‘aḏ ’ăšer-millē’ ’eṯ-yərûšālaim peh lāfeh ləḇaḏ mēḥaṭṭā’ṯwō ’ăšer heḥĕṭî’ ’eṯ-yəhûḏâ l^a‘ăśwōṯ hār^a‘ bə‘ênê yəhwâ:

17 wəyeṯer diḇərê mənaššeh wəḵāl-’ăšer ‘āśâ wəḥaṭṭā’ṯwō ’ăšer ḥāṭā’ hălō’-hēm kəṯûḇîm ‘al-sēfer diḇərê hayyāmîm ləmaləḵê yəhûḏâ:

18 wayyišəkaḇ mənaššeh ‘im-’ăḇōṯāyw wayyiqqāḇēr bəḡan-bêṯwō bəḡan-‘uzzā’ wayyiməlōḵə ’āmwōn bənwō t^aḥətāyw: f

19 ben-‘eśərîm ûšətayim šānâ ’āmwōn bəmāləḵwō ûšətayim šānîm mālaḵə bîrûšālāim wəšēm ’immwō məšullemeṯ baṯ-ḥārûṣ min-yāṭəḇâ:

20 wayy^a‘aś hār^a‘ bə‘ênê yəhwâ ka’ăšer ‘āśâ mənaššeh ’āḇîw:

21 wayyēleḵə bəḵāl-hadereḵə ’ăšer-hālaḵə ’āḇîw wayy^a‘ăḇōḏ ’eṯ-hagillulîm ’ăšer ‘āḇaḏ ’āḇîw wayyišət^aḥû lâem:

22 wayy^a‘ăzōḇ ’eṯ-yəhwâ ’ĕlōhê ’ăḇōṯāyw wəlō’ hālaḵə bəḏereḵə yəhwâ:

23 wayyiqəšərû ‘aḇəḏê-’āmwōn ‘ālāyw wayyāmîṯû ’eṯ-hammeleḵə bəḇêṯwō:

24 wayyaḵə ‘am-hā’āreṣ ’ēṯ kāl-haqqōšərîm ‘al-hammeleḵə ’āmwōn wayyaməlîḵû ‘am-hā’āreṣ ’eṯ-yō’šîyâû ḇənwō t^aḥətāyw:

25 wəyeṯer diḇərê ’āmwōn ’ăšer ‘āśâ hălō’-hēm kəṯûḇîm ‘al-sēfer diḇərê hayyāmîm ləmaləḵê yəhûḏâ:

26 wayyiqəbōər¹ ’ōṯwō biqəḇurāṯwō bəḡan-‘uzzā’ wayyiməlōḵə yō’šîyâû ḇənwō t^aḥətāyw: f

Tanach (Hebrew): 2 Kings (2 Melakhim) Chapter 22

‎1 ‏בֶּן־שְׁמֹנֶ֤ה שָׁנָה֙ יֹאשִׁיָּ֣הוּ בְמָלְכ֔וֹ וּשְׁלֹשִׁ֤ים וְאַחַת֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמּ֔וֹ יְדִידָ֥ה בַת־עֲדָ֖יָה מִבָּצְקַֽת׃

‎2 ‏וַיַּ֥עַשׂ הַיָּשָׁ֖ר בְּעֵינֵ֣י יְהוָ֑ה וַיֵּ֗לֶךְ בְּכָל־דֶּ֙רֶךְ֙ דָּוִ֣ד אָבִ֔יו וְלֹא־סָ֖ר יָמִ֥ין וּשְׂמֹֽאול׃ פ

‎3 ‏וַיְהִ֗י בִּשְׁמֹנֶ֤ה עֶשְׂרֵה֙ שָׁנָ֔ה לַמֶּ֖לֶךְ יֹאשִׁיָּ֑הוּ שָׁלַ֣ח הַ֠מֶּלֶךְ אֶת־שָׁפָ֨ן בֶּן־אֲצַלְיָ֤הוּ בֶן־מְשֻׁלָּם֙ הַסֹּפֵ֔ר בֵּ֥ית יְהוָ֖ה לֵאמֹֽר׃

‎4 ‏עֲלֵ֗ה אֶל־חִלְקִיָּ֙הוּ֙ הַכֹּהֵ֣ן הַגָּד֔וֹל וְיַתֵּ֣ם אֶת־הַכֶּ֔סֶף הַמּוּבָ֖א בֵּ֣ית יְהוָ֑ה אֲשֶׁ֥ר אָסְפ֛וּ שֹׁמְרֵ֥י הַסַּ֖ף מֵאֵ֥ת הָעָֽם׃

‎5 ‏ויתנה וְיִתְּנֻ֗הוּ עַל־יַד֙ עֹשֵׂ֣י הַמְּלָאכָ֔ה הַמֻּפְקָדִ֖ים בבית בֵּ֣ית יְהוָ֑ה וְיִתְּנ֣וּ אֹת֗וֹ לְעֹשֵׂ֤י הַמְּלָאכָה֙ אֲשֶׁר֙ בְּבֵ֣ית יְהוָ֔ה לְחַזֵּ֖ק בֶּ֥דֶק הַבָּֽיִת׃

‎6 ‏לֶחָ֣רָשִׁ֔ים וְלַבֹּנִ֖ים וְלַגֹּֽדְרִ֑ים וְלִקְנ֤וֹת עֵצִים֙ וְאַבְנֵ֣י מַחְצֵ֔ב לְחַזֵּ֖ק אֶת־הַבָּֽיִת׃

‎7 ‏אַ֚ךְ לֹא־יֵחָשֵׁ֣ב אִתָּ֔ם הַכֶּ֖סֶף הַנִּתָּ֣ן עַל־יָדָ֑ם כִּ֥י בֶאֱמוּנָ֖ה הֵ֥ם עֹשִֽׂים׃

‎8 ‏וַ֠יֹּאמֶר חִלְקִיָּ֜הוּ הַכֹּהֵ֤ן הַגָּדוֹל֙ עַל־שָׁפָ֣ן הַסֹּפֵ֔ר סֵ֧פֶר הַתּוֹרָ֛ה מָצָ֖אתִי בְּבֵ֣ית יְהוָ֑ה וַיִּתֵּ֨ן חִלְקִיָּ֧ה אֶת־הַסֵּ֛פֶר אֶל־שָׁפָ֖ן וַיִּקְרָאֵֽהוּ׃

‎9 ‏וַיָּבֹ֞א שָׁפָ֤ן הַסֹּפֵר֙ אֶל־הַמֶּ֔לֶךְ וַיָּ֥שֶׁב אֶת־הַמֶּ֖לֶךְ דָּבָ֑ר וַיֹּ֗אמֶר הִתִּ֤יכוּ עֲבָדֶ֙יךָ֙ אֶת־הַכֶּ֙סֶף֙ הַנִּמְצָ֣א בַבַּ֔יִת וַֽיִּתְּנֻ֗הוּ עַל־יַד֙ עֹשֵׂ֣י הַמְּלָאכָ֔ה הַמֻּפְקָדִ֖ים בֵּ֥ית יְהוָֽה׃

‎10 ‏וַיַּגֵּ֞ד שָׁפָ֤ן הַסֹּפֵר֙ לַמֶּ֣לֶךְ לֵאמֹ֔ר סֵ֚פֶר נָ֣תַן לִ֔י חִלְקִיָּ֖ה הַכֹּהֵ֑ן וַיִּקְרָאֵ֥הוּ שָׁפָ֖ן לִפְנֵ֥י הַמֶּֽלֶךְ׃

‎11 ‏וַֽיְהִי֙ כִּשְׁמֹ֣עַ הַמֶּ֔לֶךְ אֶת־דִּבְרֵ֖י סֵ֣פֶר הַתּוֹרָ֑ה וַיִּקְרַ֖ע אֶת־בְּגָדָֽיו׃

‎12 ‏וַיְצַ֣ו הַמֶּ֡לֶךְ אֶת־חִלְקִיָּ֣ה הַכֹּהֵ֡ן וְאֶת־אֲחִיקָ֣ם בֶּן־שָׁ֠פָן וְאֶת־עַכְבּ֨וֹר בֶּן־מִיכָיָ֜ה וְאֵ֣ת׀ שָׁפָ֣ן הַסֹּפֵ֗ר וְאֵ֛ת עֲשָׂיָ֥ה עֶֽבֶד־הַמֶּ֖לֶךְ לֵאמֹֽר׃

‎13 ‏לְכוּ֩ דִרְשׁ֨וּ אֶת־יְהוָ֜ה בַּעֲדִ֣י וּבְעַד־הָעָ֗ם וּבְעַד֙ כָּל־יְהוּדָ֔ה עַל־דִּבְרֵ֛י הַסֵּ֥פֶר הַנִּמְצָ֖א הַזֶּ֑ה כִּֽי־גְדוֹלָ֞ה חֲמַ֣ת יְהוָ֗ה אֲשֶׁר־הִיא֙ נִצְּתָ֣ה בָ֔נוּ עַל֩ אֲשֶׁ֨ר לֹֽא־שָׁמְע֜וּ אֲבֹתֵ֗ינוּ עַל־דִּבְרֵי֙ הַסֵּ֣פֶר הַזֶּ֔ה לַעֲשׂ֖וֹת כְּכָל־הַכָּת֥וּב עָלֵֽינוּ׃

‎14 ‏וַיֵּ֣לֶךְ חִלְקִיָּ֣הוּ הַ֠כֹּהֵן וַאֲחִיקָ֨ם וְעַכְבּ֜וֹר וְשָׁפָ֣ן וַעֲשָׂיָ֗ה אֶל־חֻלְדָּ֨ה הַנְּבִיאָ֜ה אֵ֣שֶׁת׀ שַׁלֻּ֣ם בֶּן־תִּקְוָ֗ה בֶּן־חַרְחַס֙ שֹׁמֵ֣ר הַבְּגָדִ֔ים וְהִ֛יא יֹשֶׁ֥בֶת בִּירוּשָׁלִַ֖ם בַּמִּשְׁנֶ֑ה וַֽיְדַבְּר֖וּ אֵלֶֽיהָ׃

‎15 ‏וַתֹּ֣אמֶר אֲלֵיהֶ֔ם כֹּֽה־אָמַ֥ר יְהוָ֖ה אֱלֹהֵ֣י יִשְׂרָאֵ֑ל אִמְר֣וּ לָאִ֔ישׁ אֲשֶׁר־שָׁלַ֥ח אֶתְכֶ֖ם אֵלָֽי׃

‎16 ‏כֹּ֚ה אָמַ֣ר יְהוָ֔ה הִנְנִ֨י מֵבִ֥יא רָעָ֛ה אֶל־הַמָּק֥וֹם הַזֶּ֖ה וְעַל־יֹֽשְׁבָ֑יו אֵ֚ת כָּל־דִּבְרֵ֣י הַסֵּ֔פֶר אֲשֶׁ֥ר קָרָ֖א מֶ֥לֶךְ יְהוּדָֽה׃

‎17 ‏תַּ֣חַת׀ אֲשֶׁ֣ר עֲזָב֗וּנִי וַֽיְקַטְּרוּ֙ לֵאלֹהִ֣ים אֲחֵרִ֔ים לְמַ֙עַן֙ הַכְעִיסֵ֔נִי בְּכֹ֖ל מַעֲשֵׂ֣ה יְדֵיהֶ֑ם וְנִצְּתָ֧ה חֲמָתִ֛י בַּמָּק֥וֹם הַזֶּ֖ה וְלֹ֥א תִכְבֶּֽה׃

‎18 ‏וְאֶל־מֶ֣לֶךְ יְהוּדָ֗ה הַשֹּׁלֵ֤חַ אֶתְכֶם֙ לִדְרֹ֣שׁ אֶת־יְהוָ֔ה כֹּ֥ה תֹאמְר֖וּ אֵלָ֑יו כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל הַדְּבָרִ֖ים אֲשֶׁ֥ר שָׁמָֽעְתָּ׃

‎19 ‏יַ֠עַן רַךְ־לְבָ֨בְךָ֜ וַתִּכָּנַ֣ע׀ מִפְּנֵ֣י יְהוָ֗ה בְּֽשָׁמְעֲךָ֡ אֲשֶׁ֣ר דִּבַּרְתִּי֩ עַל־הַמָּק֨וֹם הַזֶּ֜ה וְעַל־יֹשְׁבָ֗יו לִהְי֤וֹת לְשַׁמָּה֙ וְלִקְלָלָ֔ה וַתִּקְרַע֙ אֶת־בְּגָדֶ֔יךָ וַתִּבְכֶּ֖ה לְפָנָ֑י וְגַ֧ם אָנֹכִ֛י שָׁמַ֖עְתִּי נְאֻם־יְהוָֽה׃

‎20 ‏לָכֵן֩ הִנְנִ֨י אֹֽסִפְךָ֜ עַל־אֲבֹתֶ֗יךָ וְנֶאֱסַפְתָּ֣ אֶל־קִבְרֹתֶיךָ֮ בְּשָׁלוֹם֒ וְלֹא־תִרְאֶ֣ינָה עֵינֶ֔יךָ בְּכֹל֙ הָֽרָעָ֔ה אֲשֶׁר־אֲנִ֥י מֵבִ֖יא עַל־הַמָּק֣וֹם הַזֶּ֑ה וַיָּשִׁ֥יבוּ אֶת־הַמֶּ֖לֶךְ דָּבָֽר׃

1 ben-šəmōneh šānâ yō’šîyâû ḇəmāləḵwō ûšəlōšîm wə’^aḥaṯ šānâ mālaḵə bîrûšālāim wəšēm ’immwō yəḏîḏâ ḇaṯ-‘ăḏāyâ mibāṣəqaṯ:

2 wayy^a‘aś hayyāšār bə‘ênê yəhwâ wayyēleḵə bəḵāl-dereḵə dāwiḏ ’āḇîw wəlō’-sār yāmîn ûśəmō’wl: f

3 wayəhî bišəmōneh ‘eśərēh šānâ lammeleḵə yō’šîyâû šāl^aḥ hammeleḵə ’eṯ-šāfān ben-’ăṣaləyâû ḇen-məšullām hassōfēr bêṯ yəhwâ lē’mōr:

4 ‘ălēh ’el-ḥiləqîyâû hakōhēn hagāḏwōl wəyatēm ’eṯ-hakesef hammûḇā’ bêṯ yəhwâ ’ăšer ’āsəfû šōmərê hassaf mē’ēṯ hā‘ām:

5 wəyitənōh wəyitənuhû ‘al-yaḏ ‘ōśê hamməlā’ḵâ hammufəqāḏîm bəḇêṯ bêṯ yəhwâ wəyitənû ’ōṯwō lə‘ōśê hamməlā’ḵâ ’ăšer bəḇêṯ yəhwâ ləḥazzēq beḏeq habāyiṯ:

6 leḥārāšîm wəlabōnîm wəlagōḏərîm wəliqənwōṯ ‘ēṣîm wə’aḇənê m^aḥəṣēḇ ləḥazzēq ’eṯ-habāyiṯ:

7 ’aḵə lō’-yēḥāšēḇ ’itām hakesef hannitān ‘al-yāḏām kî ḇe’ĕmûnâ hēm ‘ōśîm:

8 wayyō’mer ḥiləqîyâû hakōhēn hagāḏwōl ‘al-šāfān hassōfēr sēfer hatwōrâ māṣā’ṯî bəḇêṯ yəhwâ wayyitēn ḥiləqîyâ ’eṯ-hassēfer ’el-šāfān wayyiqərā’ēhû:

9 wayyāḇō’ šāfān hassōfēr ’el-hammeleḵə wayyāšeḇ ’eṯ-hammeleḵə dāḇār wayyō’mer hitîḵû ‘ăḇāḏeyḵā ’eṯ-hakesef hanniməṣā’ ḇabayiṯ wayyitənuhû ‘al-yaḏ ‘ōśê hamməlā’ḵâ hammufəqāḏîm bêṯ yəhwâ:

10 wayyagēḏ šāfān hassōfēr lammeleḵə lē’mōr sēfer nāṯan lî ḥiləqîyâ hakōhēn wayyiqərā’ēhû šāfān lifənê hammeleḵə:

11 wayəhî kišəmō‘a hammeleḵə ’eṯ-diḇərê sēfer hatwōrâ wayyiqər^a‘ ’eṯ-bəḡāḏāyw:

12 wayəṣaw hammeleḵə ’eṯ-ḥiləqîyâ hakōhēn wə’eṯ-’ăḥîqām ben-šāfān wə’eṯ-‘aḵəbwōr ben-mîḵāyâ wə’ēṯ| šāfān hassōfēr wə’ēṯ ‘ăśāyâ ‘eḇeḏ-hammeleḵə lē’mōr:

13 ləḵû ḏirəšû ’eṯ-yəhwâ b^a‘ăḏî ûḇə‘aḏ-hā‘ām ûḇə‘aḏ kāl-yəhûḏâ ‘al-diḇərê hassēfer hanniməṣā’ hazzeh kî-ḡəḏwōlâ ḥămaṯ yəhwâ ’ăšer-hî’ niṣṣəṯâ ḇānû ‘al ’ăšer lō’-šāmə‘û ’ăḇōṯênû ‘al-diḇərê hassēfer hazzeh l^a‘ăśwōṯ kəḵāl-hakāṯûḇ ‘ālênû:

14 wayyēleḵə ḥiləqîyâû hakōhēn wa’ăḥîqām wə‘aḵəbwōr wəšāfān w^a‘ăśāyâ ’el-ḥulədâ hannəḇî’â ’ēšeṯ| šallum ben-tiqəwâ ben-ḥarəḥas šōmēr habəḡāḏîm wəhî’ yōšeḇeṯ bîrûšālaim bammišəneh wayəḏabərû ’ēleyhā:

15 watō’mer ’ălêhem kōh-’āmar yəhwâ ’ĕlōhê yiśərā’ēl ’imərû lā’îš ’ăšer-šāl^aḥ ’eṯəḵem ’ēlāy:

16 kōh ’āmar yəhwâ hinənî mēḇî’ rā‘â ’el-hammāqwōm hazzeh wə‘al-yōšəḇāyw ’ēṯ kāl-diḇərê hassēfer ’ăšer qārā’ meleḵə yəhûḏâ:

17 t^aḥaṯ| ’ăšer ‘ăzāḇûnî wayəqaṭṭərû lē’lōhîm ’ăḥērîm ləm^a‘an haḵə‘îsēnî bəḵōl m^a‘ăśēh yəḏêhem wəniṣṣəṯâ ḥămāṯî bammāqwōm hazzeh wəlō’ ṯiḵəbeh:

18 wə’el-meleḵə yəhûḏâ haššōlēḥa ’eṯəḵem liḏərōš ’eṯ-yəhwâ kōh ṯō’mərû ’ēlāyw kōh-’āmar yəhwâ ’ĕlōhê yiśərā’ēl hadəḇārîm ’ăšer šāmā‘ətā:

19 y^a‘an raḵə-ləḇāḇəḵā watikān^a‘| mipənê yəhwâ bəšāmə‘ăḵā ’ăšer dibarətî ‘al-hammāqwōm hazzeh wə‘al-yōšəḇāyw lihəywōṯ ləšammâ wəliqəlālâ watiqər^a‘ ’eṯ-bəḡāḏeyḵā watiḇəkeh ləfānāy wəḡam ’ānōḵî šām^a‘ətî nə’um-yəhwâ:

20 lāḵēn hinənî ’ōsifəḵā ‘al-’ăḇōṯeyḵā wəne’ĕsafətā ’el-qiḇərōṯeyḵā bəšālwōm wəlō’-ṯirə’eynâ ‘êneyḵā bəḵōl hārā‘â ’ăšer-’ănî mēḇî’ ‘al-hammāqwōm hazzeh wayyāšîḇû ’eṯ-hammeleḵə dāḇār:

Tanach (Hebrew): 2 Kings (2 Melakhim) Chapter 23

‎1 ‏וַיִּשְׁלַ֖ח הַמֶּ֑לֶךְ וַיַּאַסְפ֣וּ אֵלָ֔יו כָּל־זִקְנֵ֥י יְהוּדָ֖ה וִירוּשָׁלִָֽם׃

‎2 ‏וַיַּ֣עַל הַמֶּ֣לֶךְ בֵּית־יְהוָ֡ה וְכָל־אִ֣ישׁ יְהוּדָה֩ וְכָל־יֹשְׁבֵ֨י יְרוּשָׁלִַ֜ם אִתּ֗וֹ וְהַכֹּֽהֲנִים֙ וְהַנְּבִיאִ֔ים וְכָל־הָעָ֖ם לְמִקָּטֹ֣ן וְעַד־גָּד֑וֹל וַיִּקְרָ֣א בְאָזְנֵיהֶ֗ם אֶת־כָּל־דִּבְרֵי֙ סֵ֣פֶר הַבְּרִ֔ית הַנִּמְצָ֖א בְּבֵ֥ית יְהוָֽה׃

‎3 ‏וַיַּעֲמֹ֣ד הַ֠מֶּלֶךְ עַֽל־הָ֨עַמּ֜וּד וַיִּכְרֹ֥ת אֶֽת־הַבְּרִ֣ית׀ לִפְנֵ֣י יְהוָ֗ה לָלֶ֜כֶת אַחַ֤ר יְהוָה֙ וְלִשְׁמֹ֨ר מִצְוֹתָ֜יו וְאֶת־עֵדְוֹתָ֤יו וְאֶת־חֻקֹּתָיו֙ בְּכָל־לֵ֣ב וּבְכָל־נֶ֔פֶשׁ לְהָקִ֗ים אֶת־דִּבְרֵי֙ הַבְּרִ֣ית הַזֹּ֔את הַכְּתֻבִ֖ים עַל־הַסֵּ֣פֶר הַזֶּ֑ה וַיַּעֲמֹ֥ד כָּל־הָעָ֖ם בַּבְּרִֽית׃

‎4 ‏וַיְצַ֣ו הַמֶּ֡לֶךְ אֶת־חִלְקִיָּהוּ֩ הַכֹּהֵ֨ן הַגָּד֜וֹל וְאֶת־כֹּהֲנֵ֣י הַמִּשְׁנֶה֮ וְאֶת־שֹׁמְרֵ֣י הַסַּף֒ לְהוֹצִיא֙ מֵהֵיכַ֣ל יְהוָ֔ה אֵ֣ת כָּל־הַכֵּלִ֗ים הָֽעֲשׂוּיִם֙ לַבַּ֣עַל וְלָֽאֲשֵׁרָ֔ה וּלְכֹ֖ל צְבָ֣א הַשָּׁמָ֑יִם וַֽיִּשְׂרְפֵ֞ם מִח֤וּץ לִירוּשָׁלִַ֙ם֙ בְּשַׁדְמ֣וֹת קִדְר֔וֹן וְנָשָׂ֥א אֶת־עֲפָרָ֖ם בֵּֽית־אֵֽל׃

‎5 ‏וְהִשְׁבִּ֣ית אֶת־הַכְּמָרִ֗ים אֲשֶׁ֤ר נָֽתְנוּ֙ מַלְכֵ֣י יְהוּדָ֔ה וַיְקַטֵּ֤ר בַּבָּמוֹת֙ בְּעָרֵ֣י יְהוּדָ֔ה וּמְסִבֵּ֖י יְרוּשָׁלִָ֑ם וְאֶת־הַֽמְקַטְּרִ֣ים לַבַּ֗עַל לַשֶּׁ֤מֶשׁ וְלַיָּרֵ֙חַ֙ וְלַמַּזָּל֔וֹת וּלְכֹ֖ל צְבָ֥א הַשָּׁמָֽיִם׃

‎6 ‏וַיֹּצֵ֣א אֶת־הָאֲשֵׁרָה֩ מִבֵּ֨ית יְהוָ֜ה מִח֤וּץ לִירוּשָׁלִַ֙ם֙ אֶל־נַ֣חַל קִדְר֔וֹן וַיִּשְׂרֹ֥ף אֹתָ֛הּ בְּנַ֥חַל קִדְר֖וֹן וַיָּ֣דֶק לְעָפָ֑ר וַיַּשְׁלֵךְ֙ אֶת־עֲפָרָ֔הּ עַל־קֶ֖בֶר בְּנֵ֥י הָעָֽם׃

‎7 ‏וַיִּתֹּץ֙ אֶת־בָּתֵּ֣י הַקְּדֵשִׁ֔ים אֲשֶׁ֖ר בְּבֵ֣ית יְהוָ֑ה אֲשֶׁ֣ר הַנָּשִׁ֗ים אֹרְג֥וֹת שָׁ֛ם בָּתִּ֖ים לָאֲשֵׁרָֽה׃

‎8 ‏וַיָּבֵ֤א אֶת־כָּל־הַכֹּֽהֲנִים֙ מֵעָרֵ֣י יְהוּדָ֔ה וַיְטַמֵּ֣א אֶת־הַבָּמ֗וֹת אֲשֶׁ֤ר קִטְּרוּ־שָׁ֙מָּה֙ הַכֹּ֣הֲנִ֔ים מִגֶּ֖בַע עַד־בְּאֵ֣ר שָׁ֑בַע וְנָתַ֞ץ אֶת־בָּמ֣וֹת הַשְּׁעָרִ֗ים אֲשֶׁר־פֶּ֜תַח שַׁ֤עַר יְהוֹשֻׁ֙עַ֙ שַׂר־הָעִ֔יר אֲשֶֽׁר־עַל־שְׂמֹ֥אול אִ֖ישׁ בְּשַׁ֥עַר הָעִֽיר׃

‎9 ‏אַ֗ךְ לֹ֤א יַֽעֲלוּ֙ כֹּהֲנֵ֣י הַבָּמ֔וֹת אֶל־מִזְבַּ֥ח יְהוָ֖ה בִּירוּשָׁלִָ֑ם כִּ֛י אִם־אָכְל֥וּ מַצּ֖וֹת בְּת֥וֹךְ אֲחֵיהֶֽם׃

‎10 ‏וְטִמֵּ֣א אֶת־הַתֹּ֔פֶת אֲשֶׁ֖ר בְּגֵ֣י בני־ בֶן־ הִנֹּ֑ם לְבִלְתִּ֗י לְהַעֲבִ֨יר אִ֜ישׁ אֶת־בְּנ֧וֹ וְאֶת־בִּתּ֛וֹ בָּאֵ֖שׁ לַמֹּֽלֶךְ׃

‎11 ‏וַיַּשְׁבֵּ֣ת אֶת־הַסּוּסִ֗ים אֲשֶׁ֣ר נָתְנוּ֩ מַלְכֵ֨י יְהוּדָ֤ה לַשֶּׁ֙מֶשׁ֙ מִבֹּ֣א בֵית־יְהוָ֔ה אֶל־לִשְׁכַּת֙ נְתַן־מֶ֣לֶךְ הַסָּרִ֔יס אֲשֶׁ֖ר בַּפַּרְוָרִ֑ים וְאֶת־מַרְכְּב֥וֹת הַשֶּׁ֖מֶשׁ שָׂרַ֥ף בָּאֵֽשׁ׃

‎12 ‏וְאֶֽת־הַֽמִּזְבְּח֡וֹת אֲשֶׁ֣ר עַל־הַגָּג֩ עֲלִיַּ֨ת אָחָ֜ז אֲשֶׁר־עָשׂ֣וּ׀ מַלְכֵ֣י יְהוּדָ֗ה וְאֶת־הַֽמִּזְבְּחוֹת֙ אֲשֶׁר־עָשָׂ֣ה מְנַשֶּׁ֔ה בִּשְׁתֵּ֛י חַצְר֥וֹת בֵּית־יְהוָ֖ה נָתַ֣ץ הַמֶּ֑לֶךְ וַיָּ֣רָץ מִשָּׁ֔ם וְהִשְׁלִ֥יךְ אֶת־עֲפָרָ֖ם אֶל־נַ֥חַל קִדְרֽוֹן׃

‎13 ‏וְֽאֶת־הַבָּמ֞וֹת אֲשֶׁ֣ר׀ עַל־פְּנֵ֣י יְרוּשָׁלִַ֗ם אֲשֶׁר֮ מִימִ֣ין לְהַר־הַמַּשְׁחִית֒ אֲשֶׁ֣ר בָּ֠נָה שְׁלֹמֹ֨ה מֶֽלֶךְ־יִשְׂרָאֵ֜ל לְעַשְׁתֹּ֣רֶת׀ שִׁקֻּ֣ץ צִידֹנִ֗ים וְלִכְמוֹשׁ֙ שִׁקֻּ֣ץ מוֹאָ֔ב וּלְמִלְכֹּ֖ם תּוֹעֲבַ֣ת בְּנֵֽי־עַמּ֑וֹן טִמֵּ֖א הַמֶּֽלֶךְ׃

‎14 ‏וְשִׁבַּר֙ אֶת־הַמַּצֵּב֔וֹת וַיִּכְרֹ֖ת אֶת־הָאֲשֵׁרִ֑ים וַיְמַלֵּ֥א אֶת־מְקוֹמָ֖ם עַצְמ֥וֹת אָדָֽם׃

‎15 ‏וְגַ֨ם אֶת־הַמִּזְבֵּ֜חַ אֲשֶׁ֣ר בְּבֵֽית־אֵ֗ל הַבָּמָה֙ אֲשֶׁ֨ר עָשָׂ֜ה יָרָבְעָ֤ם בֶּן־נְבָט֙ אֲשֶׁ֣ר הֶחֱטִ֣יא אֶת־יִשְׂרָאֵ֔ל גַּ֣ם אֶת־הַמִּזְבֵּ֧חַ הַה֛וּא וְאֶת־הַבָּמָ֖ה נָתָ֑ץ וַיִּשְׂרֹ֧ף אֶת־הַבָּמָ֛ה הֵדַ֥ק לְעָפָ֖ר וְשָׂרַ֥ף אֲשֵׁרָֽה׃

‎16 ‏וַיִּ֣פֶן יֹאשִׁיָּ֗הוּ וַיַּ֨רְא אֶת־הַקְּבָרִ֤ים אֲשֶׁר־שָׁם֙ בָּהָ֔ר וַיִּשְׁלַ֗ח וַיִּקַּ֤ח אֶת־הָֽעֲצָמוֹת֙ מִן־הַקְּבָרִ֔ים וַיִּשְׂרֹ֥ף עַל־הַמִּזְבֵּ֖חַ וַֽיְטַמְּאֵ֑הוּ כִּדְבַ֣ר יְהוָ֗ה אֲשֶׁ֤ר קָרָא֙ אִ֣ישׁ הָאֱלֹהִ֔ים אֲשֶׁ֣ר קָרָ֔א אֶת־הַדְּבָרִ֖ים הָאֵֽלֶּה׃

‎17 ‏וַיֹּ֕אמֶר מָ֚ה הַצִּיּ֣וּן הַלָּ֔ז אֲשֶׁ֖ר אֲנִ֣י רֹאֶ֑ה וַיֹּאמְר֨וּ אֵלָ֜יו אַנְשֵׁ֣י הָעִ֗יר הַקֶּ֤בֶר אִישׁ־הָֽאֱלֹהִים֙ אֲשֶׁר־בָּ֣א מִֽיהוּדָ֔ה וַיִּקְרָ֗א אֶת־הַדְּבָרִ֤ים הָאֵ֙לֶּה֙ אֲשֶׁ֣ר עָשִׂ֔יתָ עַ֖ל הַמִּזְבַּ֥ח בֵּֽית־אֵֽל׃

‎18 ‏וַיֹּ֙אמֶר֙ הַנִּ֣יחוּ ל֔וֹ אִ֖ישׁ אַל־יָנַ֣ע עַצְמֹתָ֑יו וַֽיְמַלְּטוּ֙ עַצְמֹתָ֔יו אֵ֚ת עַצְמ֣וֹת הַנָּבִ֔יא אֲשֶׁר־בָּ֖א מִשֹּׁמְרֽוֹן׃

‎19 ‏וְגַם֩ אֶת־כָּל־בָּתֵּ֨י הַבָּמ֜וֹת אֲשֶׁ֣ר׀ בְּעָרֵ֣י שֹׁמְר֗וֹן אֲשֶׁ֨ר עָשׂ֜וּ מַלְכֵ֤י יִשְׂרָאֵל֙ לְהַכְעִ֔יס הֵסִ֖יר יֹֽאשִׁיָּ֑הוּ וַיַּ֣עַשׂ לָהֶ֔ם כְּכָל־הַֽמַּעֲשִׂ֔ים אֲשֶׁ֥ר עָשָׂ֖ה בְּבֵֽית־אֵֽל׃

‎20 ‏וַ֠יִּזְבַּח אֶת־כָּל־כֹּהֲנֵ֨י הַבָּמ֤וֹת אֲשֶׁר־שָׁם֙ עַל־הַֽמִּזְבְּח֔וֹת וַיִּשְׂרֹ֛ף אֶת־עַצְמ֥וֹת אָדָ֖ם עֲלֵיהֶ֑ם וַיָּ֖שָׁב יְרוּשָׁלִָֽם׃

‎21 ‏וַיְצַ֤ו הַמֶּ֙לֶךְ֙ אֶת־כָּל־הָעָ֣ם לֵאמֹ֔ר עֲשׂ֣וּ פֶ֔סַח לַֽיהוָ֖ה אֱלֹֽהֵיכֶ֑ם כַּכָּת֕וּב עַ֛ל סֵ֥פֶר הַבְּרִ֖ית הַזֶּֽה׃

‎22 ‏כִּ֣י לֹ֤א נַֽעֲשָׂה֙ כַּפֶּ֣סַח הַזֶּ֔ה מִימֵי֙ הַשֹּׁ֣פְטִ֔ים אֲשֶׁ֥ר שָׁפְט֖וּ אֶת־יִשְׂרָאֵ֑ל וְכֹ֗ל יְמֵ֛י מַלְכֵ֥י יִשְׂרָאֵ֖ל וּמַלְכֵ֥י יְהוּדָֽה׃

‎23 ‏כִּ֗י אִם־בִּשְׁמֹנֶ֤ה עֶשְׂרֵה֙ שָׁנָ֔ה לַמֶּ֖לֶךְ יֹֽאשִׁיָּ֑הוּ נַעֲשָׂ֞ה הַפֶּ֧סַח הַזֶּ֛ה לַיהוָ֖ה בִּירוּשָׁלִָֽם׃

‎24 ‏וְגַ֣ם אֶת־הָאֹב֣וֹת וְאֶת־הַ֠יִּדְּעֹנִים וְאֶת־הַתְּרָפִ֨ים וְאֶת־הַגִּלֻּלִ֜ים וְאֵ֣ת כָּל־הַשִּׁקֻּצִ֗ים אֲשֶׁ֤ר נִרְאוּ֙ בְּאֶ֤רֶץ יְהוּדָה֙ וּבִיר֣וּשָׁלִַ֔ם בִּעֵ֖ר יֹֽאשִׁיָּ֑הוּ לְ֠מַעַן הָקִ֞ים אֶת־דִּבְרֵ֤י הַתּוֹרָה֙ הַכְּתֻבִ֣ים עַל־הַסֵּ֔פֶר אֲשֶׁ֥ר מָצָ֛א חִלְקִיָּ֥הוּ הַכֹּהֵ֖ן בֵּ֥ית יְהוָֽה׃

‎25 ‏וְכָמֹהוּ֩ לֹֽא־הָיָ֨ה לְפָנָ֜יו מֶ֗לֶךְ אֲשֶׁר־שָׁ֤ב אֶל־יְהוָה֙ בְּכָל־לְבָב֤וֹ וּבְכָל־נַפְשׁוֹ֙ וּבְכָל־מְאֹד֔וֹ כְּכֹ֖ל תּוֹרַ֣ת מֹשֶׁ֑ה וְאַחֲרָ֖יו לֹֽא־קָ֥ם כָּמֹֽהוּ׃

‎26 ‏אַ֣ךְ׀ לֹֽא־שָׁ֣ב יְהוָ֗ה מֵחֲר֤וֹן אַפּוֹ֙ הַגָּד֔וֹל אֲשֶׁר־חָרָ֥ה אַפּ֖וֹ בִּֽיהוּדָ֑ה עַ֚ל כָּל־הַכְּעָסִ֔ים אֲשֶׁ֥ר הִכְעִיס֖וֹ מְנַשֶּֽׁה׃

‎27 ‏וַיֹּ֣אמֶר יְהוָ֗ה גַּ֤ם אֶת־יְהוּדָה֙ אָסִיר֙ מֵעַ֣ל פָּנַ֔י כַּאֲשֶׁ֥ר הֲסִרֹ֖תִי אֶת־יִשְׂרָאֵ֑ל וּ֠מָאַסְתִּי אֶת־הָעִ֨יר הַזֹּ֤את אֲשֶׁר־בָּחַ֙רְתִּי֙ אֶת־יְר֣וּשָׁלִַ֔ם וְאֶת־הַבַּ֔יִת אֲשֶׁ֣ר אָמַ֔רְתִּי יִהְיֶ֥ה שְׁמִ֖י שָֽׁם׃

‎28 ‏וְיֶ֛תֶר דִּבְרֵ֥י יֹאשִׁיָּ֖הוּ וְכָל־אֲשֶׁ֣ר עָשָׂ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

‎29 ‏בְּיָמָ֡יו עָלָה֩ פַרְעֹ֨ה נְכֹ֧ה מֶֽלֶךְ־מִצְרַ֛יִם עַל־מֶ֥לֶךְ אַשּׁ֖וּר עַל־נְהַר־פְּרָ֑ת וַיֵּ֨לֶךְ הַמֶּ֤לֶךְ יֹאשִׁיָּ֙הוּ֙ לִקְרָאת֔וֹ וַיְמִיתֵ֙הוּ֙ בִּמְגִדּ֔וֹ כִּרְאֹת֖וֹ אֹתֽוֹ׃

‎30 ‏וַיַּרְכִּבֻ֨הוּ עֲבָדָ֥יו מֵת֙ מִמְּגִדּ֔וֹ וַיְבִאֻ֙הוּ֙ יְר֣וּשָׁלִַ֔ם וַֽיִּקְבְּרֻ֖הוּ בִּקְבֻֽרָת֑וֹ וַיִּקַּ֣ח עַם־הָאָ֗רֶץ אֶת־יְהֽוֹאָחָז֙ בֶּן־יֹ֣אשִׁיָּ֔הוּ וַיִּמְשְׁח֥וּ אֹת֛וֹ וַיַּמְלִ֥יכוּ אֹת֖וֹ תַּ֥חַת אָבִֽיו׃ פ

‎31 ‏בֶּן־עֶשְׂרִ֨ים וְשָׁלֹ֤שׁ שָׁנָה֙ יְהוֹאָחָ֣ז בְּמָלְכ֔וֹ וּשְׁלֹשָׁ֣ה חֳדָשִׁ֔ים מָלַ֖ךְ בִּירוּשָׁלִָ֑ם וְשֵׁ֣ם אִמּ֔וֹ חֲמוּטַ֥ל בַּֽת־יִרְמְיָ֖הוּ מִלִּבְנָֽה׃

‎32 ‏וַיַּ֥עַשׂ הָרַ֖ע בְּעֵינֵ֣י יְהוָ֑ה כְּכֹ֥ל אֲשֶׁר־עָשׂ֖וּ אֲבֹתָֽיו׃

‎33 ‏וַיַּאַסְרֵהוּ֩ פַרְעֹ֨ה נְכֹ֤ה בְרִבְלָה֙ בְּאֶ֣רֶץ חֲמָ֔ת במלך מִמְּלֹ֖ךְ^a בִּירוּשָׁלִָ֑ם וַיִּתֶּן־עֹ֙נֶשׁ֙ עַל־הָאָ֔רֶץ מֵאָ֥ה כִכַּר־כֶּ֖סֶף וְכִכַּ֥ר זָהָֽב׃

‎34 ‏וַיַּמְלֵךְ֩ פַּרְעֹ֨ה נְכֹ֜ה אֶת־אֶלְיָקִ֣ים בֶּן־יֹאשִׁיָּ֗הוּ תַּ֚חַת יֹאשִׁיָּ֣הוּ אָבִ֔יו וַיַּסֵּ֥ב אֶת־שְׁמ֖וֹ יְהוֹיָקִ֑ים וְאֶת־יְהוֹאָחָ֣ז לָקָ֔ח וַיָּבֹ֥א מִצְרַ֖יִם וַיָּ֥מָת שָֽׁם׃

‎35 ‏וְהַכֶּ֣סֶף וְהַזָּהָ֗ב נָתַ֤ן יְהוֹיָקִים֙ לְפַרְעֹ֔ה אַ֚ךְ הֶעֱרִ֣יךְ אֶת־הָאָ֔רֶץ לָתֵ֥ת אֶת־הַכֶּ֖סֶף עַל־פִּ֣י פַרְעֹ֑ה אִ֣ישׁ כְּעֶרְכּ֗וֹ נָגַ֞שׂ אֶת־הַכֶּ֤סֶף וְאֶת־הַזָּהָב֙ אֶת־עַ֣ם הָאָ֔רֶץ לָתֵ֖ת לְפַרְעֹ֥ה נְכֹֽה׃ ס

‎36 ‏בֶּן־עֶשְׂרִ֨ים וְחָמֵ֤שׁ שָׁנָ֨ה יְהוֹיָקִ֣ים בְּמָלְכ֔וֹ וְאַחַ֤ת עֶשְׂרֵה֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמּ֔וֹ זבידה זְבוּדָּ֥ה בַת־פְּדָיָ֖ה מִן־רוּמָֽה׃

‎37 ‏וַיַּ֥עַשׂ הָרַ֖ע בְּעֵינֵ֣י יְהוָ֑ה כְּכֹ֥ל אֲשֶׁר־עָשׂ֖וּ אֲבֹתָֽיו׃

1 wayyišəl^aḥ hammeleḵə wayya’asəfû ’ēlāyw kāl-ziqənê yəhûḏâ wîrûšālāim:

2 wayy^a‘al hammeleḵə bêṯ-yəhwâ wəḵāl-’îš yəhûḏâ wəḵāl-yōšəḇê yərûšālaim ’itwō wəhakōhănîm wəhannəḇî’îm wəḵāl-hā‘ām ləmiqqāṭōn wə‘aḏ-gāḏwōl wayyiqərā’ ḇə’āzənêhem ’eṯ-kāl-diḇərê sēfer habərîṯ hanniməṣā’ bəḇêṯ yəhwâ:

3 wayy^a‘ămōḏ hammeleḵə ‘al-hā‘ammûḏ wayyiḵərōṯ ’eṯ-habərîṯ| lifənê yəhwâ lāleḵeṯ ’^aḥar yəhwâ wəlišəmōr miṣəwōṯāyw wə’eṯ-‘ēḏəwōṯāyw wə’eṯ-ḥuqqōṯāyw bəḵāl-lēḇ ûḇəḵāl-nefeš ləhāqîm ’eṯ-diḇərê habərîṯ hazzō’ṯ hakəṯuḇîm ‘al-hassēfer hazzeh wayy^a‘ămōḏ kāl-hā‘ām babərîṯ:

4 wayəṣaw hammeleḵə ’eṯ-ḥiləqîyâû hakōhēn hagāḏwōl wə’eṯ-kōhănê hammišəneh wə’eṯ-šōmərê hassaf ləhwōṣî’ mēhêḵal yəhwâ ’ēṯ kāl-hakēlîm hā‘ăśûyim lab^a‘al wəlā’ăšērâ ûləḵōl ṣəḇā’ haššāmāyim wayyiśərəfēm miḥûṣ lîrûšālaim bəšaḏəmwōṯ qiḏərwōn wənāśā’ ’eṯ-‘ăfārām bêṯ-’ēl:

5 wəhišəbîṯ ’eṯ-hakəmārîm ’ăšer nāṯənû maləḵê yəhûḏâ wayəqaṭṭēr babāmwōṯ bə‘ārê yəhûḏâ ûməsibê yərûšālāim wə’eṯ-haməqaṭṭərîm lab^a‘al laššemeš wəlayyārēḥa wəlammazzālwōṯ ûləḵōl ṣəḇā’ haššāmāyim:

6 wayyōṣē’ ’eṯ-hā’ăšērâ mibêṯ yəhwâ miḥûṣ lîrûšālaim ’el-n^aḥal qiḏərwōn wayyiśərōf ’ōṯāh bən^aḥal qiḏərwōn wayyāḏeq lə‘āfār wayyašəlēḵə ’eṯ-‘ăfārāh ‘al-qeḇer bənê hā‘ām:

7 wayyitōṣ ’eṯ-bātê haqqəḏēšîm ’ăšer bəḇêṯ yəhwâ ’ăšer hannāšîm ’ōrəḡwōṯ šām bātîm lā’ăšērâ:

8 wayyāḇē’ ’eṯ-kāl-hakōhănîm mē‘ārê yəhûḏâ wayəṭammē’ ’eṯ-habāmwōṯ ’ăšer qiṭṭərû-šāmmâ hakōhănîm migeḇ^a‘ ‘aḏ-bə’ēr šāḇ^a‘ wənāṯaṣ ’eṯ-bāmwōṯ haššə‘ārîm ’ăšer-peṯ^aḥ š^a‘ar yəhwōšu‘a śar-hā‘îr ’ăšer-‘al-śəmō’wl ’îš bəš^a‘ar hā‘îr:

9 ’aḵə lō’ y^a‘ălû kōhănê habāmwōṯ ’el-mizəb^aḥ yəhwâ bîrûšālāim kî ’im-’āḵəlû maṣṣwōṯ bəṯwōḵə ’ăḥêhem:

10 wəṭimmē’ ’eṯ-hatōfeṯ ’ăšer bəḡê ḇənê- ḇen- hinnōm ləḇilətî ləh^a‘ăḇîr ’îš ’eṯ-bənwō wə’eṯ-bitwō bā’ēš lammōleḵə:

11 wayyašəbēṯ ’eṯ-hassûsîm ’ăšer nāṯənû maləḵê yəhûḏâ laššemeš mibō’ ḇêṯ-yəhwâ ’el-lišəkaṯ nəṯan-meleḵə hassārîs ’ăšer baparəwārîm wə’eṯ-marəkəḇwōṯ haššemeš śāraf bā’ēš:

12 wə’eṯ-hammizəbəḥwōṯ ’ăšer ‘al-hagāḡ ‘ălîyaṯ ’āḥāz ’ăšer-‘āśû| maləḵê yəhûḏâ wə’eṯ-hammizəbəḥwōṯ ’ăšer-‘āśâ mənaššeh bišətê ḥaṣərwōṯ bêṯ-yəhwâ nāṯaṣ hammeleḵə wayyārāṣ miššām wəhišəlîḵə ’eṯ-‘ăfārām ’el-n^aḥal qiḏərwōn:

13 wə’eṯ-habāmwōṯ ’ăšer| ‘al-pənê yərûšālaim ’ăšer mîmîn ləhar-hammašəḥîṯ ’ăšer bānâ šəlōmōh meleḵə-yiśərā’ēl lə‘ašətōreṯ| šiqquṣ ṣîḏōnîm wəliḵəmwōš šiqquṣ mwō’āḇ ûləmiləkōm twō‘ăḇaṯ bənê-‘ammwōn ṭimmē’ hammeleḵə:

14 wəšibar ’eṯ-hammaṣṣēḇwōṯ wayyiḵərōṯ ’eṯ-hā’ăšērîm wayəmallē’ ’eṯ-məqwōmām ‘aṣəmwōṯ ’āḏām:

15 wəḡam ’eṯ-hammizəbēḥa ’ăšer bəḇêṯ-’ēl habāmâ ’ăšer ‘āśâ yārāḇə‘ām ben-nəḇāṭ ’ăšer heḥĕṭî’ ’eṯ-yiśərā’ēl gam ’eṯ-hammizəbēḥa hahû’ wə’eṯ-habāmâ nāṯāṣ wayyiśərōf ’eṯ-habāmâ hēḏaq lə‘āfār wəśāraf ’ăšērâ:

16 wayyifen yō’šîyâû wayyarə’ ’eṯ-haqqəḇārîm ’ăšer-šām bâār wayyišəl^aḥ wayyiqq^aḥ ’eṯ-hā‘ăṣāmwōṯ min-haqqəḇārîm wayyiśərōf ‘al-hammizəbēḥa wayəṭammə’ēhû kiḏəḇar yəhwâ ’ăšer qārā’ ’îš hā’ĕlōhîm ’ăšer qārā’ ’eṯ-hadəḇārîm hā’ēlleh:

17 wayyō’mer mâ haṣṣîyûn hallāz ’ăšer ’ănî rō’eh wayyō’mərû ’ēlāyw ’anəšê hā‘îr haqqeḇer ’îš-hā’ĕlōhîm ’ăšer-bā’ mîhûḏâ wayyiqərā’ ’eṯ-hadəḇārîm hā’ēlleh ’ăšer ‘āśîṯā ‘al hammizəb^aḥ bêṯ-’ēl:

18 wayyō’mer hannîḥû lwō ’îš ’al-yān^a‘ ‘aṣəmōṯāyw wayəmalləṭû ‘aṣəmōṯāyw ’ēṯ ‘aṣəmwōṯ hannāḇî’ ’ăšer-bā’ miššōmərwōn:

19 wəḡam ’eṯ-kāl-bātê habāmwōṯ ’ăšer| bə‘ārê šōmərwōn ’ăšer ‘āśû maləḵê yiśərā’ēl ləhaḵə‘îs hēsîr yō’šîyâû wayy^a‘aś lâem kəḵāl-hamm^a‘ăśîm ’ăšer ‘āśâ bəḇêṯ-’ēl:

20 wayyizəb^aḥ ’eṯ-kāl-kōhănê habāmwōṯ ’ăšer-šām ‘al-hammizəbəḥwōṯ wayyiśərōf ’eṯ-‘aṣəmwōṯ ’āḏām ‘ălêhem wayyāšāḇ yərûšālāim:

21 wayəṣaw hammeleḵə ’eṯ-kāl-hā‘ām lē’mōr ‘ăśû fes^aḥ layhwâ ’ĕlōhêḵem kakāṯûḇ ‘al sēfer habərîṯ hazzeh:

22 kî lō’ n^a‘ăśâ kapes^aḥ hazzeh mîmê haššōfəṭîm ’ăšer šāfəṭû ’eṯ-yiśərā’ēl wəḵōl yəmê maləḵê yiśərā’ēl ûmaləḵê yəhûḏâ:

23 kî ’im-bišəmōneh ‘eśərēh šānâ lammeleḵə yō’šîyâû n^a‘ăśâ hapes^aḥ hazzeh layhwâ bîrûšālāim:

24 wəḡam ’eṯ-hā’ōḇwōṯ wə’eṯ-hayyidə‘ōnîm wə’eṯ-hatərāfîm wə’eṯ-hagillulîm wə’ēṯ kāl-haššiqquṣîm ’ăšer nirə’û bə’ereṣ yəhûḏâ ûḇîrûšālaim bi‘ēr yō’šîyâû ləm^a‘an hāqîm ’eṯ-diḇərê hatwōrâ hakəṯuḇîm ‘al-hassēfer ’ăšer māṣā’ ḥiləqîyâû hakōhēn bêṯ yəhwâ:

25 wəḵāmōhû lō’-hāyâ ləfānāyw meleḵə ’ăšer-šāḇ ’el-yəhwâ bəḵāl-ləḇāḇwō ûḇəḵāl-nafəšwō ûḇəḵāl-mə’ōḏwō kəḵōl twōraṯ mōšeh wə’^aḥărāyw lō’-qām kāmōhû:

26 ’aḵə| lō’-šāḇ yəhwâ mēḥărwōn ’apwō hagāḏwōl ’ăšer-ḥārâ ’apwō bîhûḏâ ‘al kāl-hakə‘āsîm ’ăšer hiḵə‘îswō mənaššeh:

27 wayyō’mer yəhwâ gam ’eṯ-yəhûḏâ ’āsîr mē‘al pānay ka’ăšer hăsirōṯî ’eṯ-yiśərā’ēl ûmā’asətî ’eṯ-hā‘îr hazzō’ṯ ’ăšer-bāḥarətî ’eṯ-yərûšālaim wə’eṯ-habayiṯ ’ăšer ’āmarətî yihəyeh šəmî šām:

28 wəyeṯer diḇərê yō’šîyâû wəḵāl-’ăšer ‘āśâ hălō’-hēm kəṯûḇîm ‘al-sēfer diḇərê hayyāmîm ləmaləḵê yəhûḏâ:

29 bəyāmāyw ‘ālâ farə‘ōh nəḵōh meleḵə-miṣərayim ‘al-meleḵə ’aššûr ‘al-nəhar-pərāṯ wayyēleḵə hammeleḵə yō’šîyâû liqərā’ṯwō wayəmîṯēhû biməḡidwō kirə’ōṯwō ’ōṯwō:

30 wayyarəkiḇuhû ‘ăḇāḏāyw mēṯ mimməḡidwō wayəḇi’uhû yərûšālaim wayyiqəbəruhû biqəḇurāṯwō wayyiqq^aḥ ‘am-hā’āreṣ ’eṯ-yəhwō’āḥāz ben-yō’šîyâû wayyiməšəḥû ’ōṯwō wayyaməlîḵû ’ōṯwō t^aḥaṯ ’āḇîw: f

31 ben-‘eśərîm wəšālōš šānâ yəhwō’āḥāz bəmāləḵwō ûšəlōšâ ḥŏḏāšîm mālaḵə bîrûšālāim wəšēm ’immwō ḥămûṭal baṯ-yirəməyâû milliḇənâ:

32 wayy^a‘aś hār^a‘ bə‘ênê yəhwâ kəḵōl ’ăšer-‘āśû ’ăḇōṯāyw:

33 wayya’asərēhû farə‘ōh nəḵōh ḇəriḇəlâ bə’ereṣ ḥămāṯ biməlōḵə mimməlōḵə^a bîrûšālāim wayyiten-‘ōneš ‘al-hā’āreṣ mē’â ḵikar-kesef wəḵikar zâāḇ:

34 wayyaməlēḵə parə‘ōh nəḵōh ’eṯ-’eləyāqîm ben-yō’šîyâû t^aḥaṯ yō’šîyâû ’āḇîw wayyassēḇ ’eṯ-šəmwō yəhwōyāqîm wə’eṯ-yəhwō’āḥāz lāqāḥ wayyāḇō’ miṣərayim wayyāmāṯ šām:

35 wəhakesef wəhazzâāḇ nāṯan yəhwōyāqîm ləfarə‘ōh ’aḵə he‘ĕrîḵə ’eṯ-hā’āreṣ lāṯēṯ ’eṯ-hakesef ‘al-pî farə‘ōh ’îš kə‘erəkwō nāḡaś ’eṯ-hakesef wə’eṯ-hazzâāḇ ’eṯ-‘am hā’āreṣ lāṯēṯ ləfarə‘ōh nəḵōh: s

36 ben-‘eśərîm wəḥāmēš šānâ yəhwōyāqîm bəmāləḵwō wə’^aḥaṯ ‘eśərēh šānâ mālaḵə bîrûšālāim wəšēm ’immwō zəḇîḏâ zəḇûdâ ḇaṯ-pəḏāyâ min-rûmâ:

37 wayy^a‘aś hār^a‘ bə‘ênê yəhwâ kəḵōl ’ăšer-‘āśû ’ăḇōṯāyw:

Tanach (Hebrew): 2 Kings (2 Melakhim) Chapter 24

‎1 ‏בְּיָמָ֣יו עָלָ֔ה נְבֻכַדְנֶאצַּ֖ר מֶ֣לֶךְ בָּבֶ֑ל וַיְהִי־ל֨וֹ יְהוֹיָקִ֥ים עֶ֙בֶד֙ שָׁלֹ֣שׁ שָׁנִ֔ים וַיָּ֖שָׁב וַיִּמְרָד־בּֽוֹ׃

‎2 ‏וַיְשַׁלַּ֣ח יְהוָ֣ה׀ בּ֡וֹ אֶת־גְּדוּדֵ֣י כַשְׂדִּים֩ וְאֶת־גְּדוּדֵ֨י אֲרָ֜ם וְאֵ֣ת׀ גְּדוּדֵ֣י מוֹאָ֗ב וְאֵת֙ גְּדוּדֵ֣י בְנֵֽי־עַמּ֔וֹן וַיְשַׁלְּחֵ֥ם בִּֽיהוּדָ֖ה לְהַֽאֲבִיד֑וֹ כִּדְבַ֣ר יְהוָ֔ה אֲשֶׁ֣ר דִּבֶּ֔ר בְּיַ֖ד עֲבָדָ֥יו הַנְּבִיאִֽים׃

‎3 ‏אַ֣ךְ׀ עַל־פִּ֣י יְהוָ֗ה הָֽיְתָה֙ בִּֽיהוּדָ֔ה לְהָסִ֖יר מֵעַ֣ל פָּנָ֑יו בְּחַטֹּ֣את מְנַשֶּׁ֔ה כְּכֹ֖ל אֲשֶׁ֥ר עָשָֽׂה׃

‎4 ‏וְגַ֤ם דַּֽם־הַנָּקִי֙ אֲשֶׁ֣ר שָׁפָ֔ךְ וַיְמַלֵּ֥א אֶת־יְרוּשָׁלִַ֖ם דָּ֣ם נָקִ֑י וְלֹֽא־אָבָ֥ה יְהוָ֖ה לִסְלֹֽחַ׃

‎5 ‏וְיֶ֛תֶר דִּבְרֵ֥י יְהוֹיָקִ֖ים וְכָל־אֲשֶׁ֣ר עָשָׂ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

‎6 ‏וַיִּשְׁכַּ֥ב יְהוֹיָקִ֖ים עִם־אֲבֹתָ֑יו וַיִּמְלֹ֛ךְ יְהוֹיָכִ֥ין בְּנ֖וֹ תַּחְתָּֽיו׃

‎7 ‏וְלֹֽא־הֹסִ֥יף עוֹד֙ מֶ֣לֶךְ מִצְרַ֔יִם לָצֵ֖את מֵֽאַרְצ֑וֹ כִּֽי־לָקַ֞ח מֶ֣לֶךְ בָּבֶ֗ל מִנַּ֤חַל מִצְרַ֙יִם֙ עַד־נְהַר־פְּרָ֔ת כֹּ֛ל אֲשֶׁ֥ר הָיְתָ֖ה לְמֶ֥לֶךְ מִצְרָֽיִם׃ פ

‎8 ‏בֶּן־שְׁמֹנֶ֨ה עֶשְׂרֵ֤ה שָׁנָה֙ יְהוֹיָכִ֣ין בְּמָלְכ֔וֹ וּשְׁלֹשָׁ֣ה חֳדָשִׁ֔ים מָלַ֖ךְ בִּירוּשָׁלִָ֑ם וְשֵׁ֣ם אִמּ֔וֹ נְחֻשְׁתָּ֥א בַת־אֶלְנָתָ֖ן מִירוּשָׁלִָֽם׃

‎9 ‏וַיַּ֥עַשׂ הָרַ֖ע בְּעֵינֵ֣י יְהוָ֑ה כְּכֹ֥ל אֲשֶׁר־עָשָׂ֖ה אָבִֽיו׃

‎10 ‏בָּעֵ֣ת הַהִ֔יא עלה עָל֗וּ עַבְדֵ֛י נְבֻכַדְנֶאצַּ֥ר מֶֽלֶךְ־בָּבֶ֖ל יְרוּשָׁלִָ֑ם וַתָּבֹ֥א הָעִ֖יר בַּמָּצֽוֹר׃

‎11 ‏וַיָּבֹ֛א נְבוּכַדְנֶאצַּ֥ר מֶֽלֶךְ־בָּבֶ֖ל עַל־הָעִ֑יר וַעֲבָדָ֖יו צָרִ֥ים עָלֶֽיהָ׃

‎12 ‏וַיֵּצֵ֞א יְהוֹיָכִ֤ין מֶֽלֶךְ־יְהוּדָה֙ עַל־מֶ֣לֶךְ בָּבֶ֔ל ה֣וּא וְאִמּ֔וֹ וַעֲבָדָ֖יו וְשָׂרָ֣יו וְסָֽרִיסָ֑יו וַיִּקַּ֤ח אֹתוֹ֙ מֶ֣לֶךְ בָּבֶ֔ל בִּשְׁנַ֥ת שְׁמֹנֶ֖ה לְמָלְכֽוֹ׃

‎13 ‏וַיּוֹצֵ֣א מִשָּׁ֗ם אֶת־כָּל־אוֹצְרוֹת֙ בֵּ֣ית יְהוָ֔ה וְאֽוֹצְר֖וֹת בֵּ֣ית הַמֶּ֑לֶךְ וַיְקַצֵּ֞ץ אֶת־כָּל־כְּלֵ֣י הַזָּהָ֗ב אֲשֶׁ֨ר עָשָׂ֜ה שְׁלֹמֹ֤ה מֶֽלֶךְ־יִשְׂרָאֵל֙ בְּהֵיכַ֣ל יְהוָ֔ה כַּֽאֲשֶׁ֖ר דִּבֶּ֥ר יְהוָֽה׃

‎14 ‏וְהִגְלָ֣ה אֶת־כָּל־יְ֠רוּשָׁלִַם וְֽאֶת־כָּל־הַשָּׂרִ֞ים וְאֵ֣ת׀ כָּל־גִּבּוֹרֵ֣י הַחַ֗יִל עשרה עֲשֶׂ֤רֶת אֲלָפִים֙ גּוֹלֶ֔ה וְכָל־הֶחָרָ֖שׁ וְהַמַּסְגֵּ֑ר לֹ֣א נִשְׁאַ֔ר זוּלַ֖ת דַּלַּ֥ת עַם־הָאָֽרֶץ׃

‎15 ‏וַיֶּ֥גֶל אֶת־יְהוֹיָכִ֖ין בָּבֶ֑לָה וְאֶת־אֵ֣ם הַ֠מֶּלֶךְ וְאֶת־נְשֵׁ֨י הַמֶּ֜לֶךְ וְאֶת־סָרִיסָ֗יו וְאֵת֙ אולי אֵילֵ֣י הָאָ֔רֶץ הוֹלִ֛יךְ גּוֹלָ֥ה מִירוּשָׁלִַ֖ם בָּבֶֽלָה׃

‎16 ‏וְאֵת֩ כָּל־אַנְשֵׁ֨י הַחַ֜יִל שִׁבְעַ֣ת אֲלָפִ֗ים וְהֶחָרָ֤שׁ וְהַמַּסְגֵּר֙ אֶ֔לֶף הַכֹּ֕ל גִּבּוֹרִ֖ים עֹשֵׂ֣י מִלְחָמָ֑ה וַיְבִיאֵ֧ם מֶֽלֶךְ־בָּבֶ֛ל גּוֹלָ֖ה בָּבֶֽלָה׃

‎17 ‏וַיַּמְלֵ֧ךְ מֶֽלֶךְ־בָּבֶ֛ל אֶת־מַתַּנְיָ֥ה דֹד֖וֹ תַּחְתָּ֑יו וַיַּסֵּ֥ב אֶת־שְׁמ֖וֹ צִדְקִיָּֽהוּ׃ פ

‎18 ‏בֶּן־עֶשְׂרִ֨ים וְאַחַ֤ת שָׁנָה֙ צִדְקִיָּ֣הוּ בְמָלְכ֔וֹ וְאַחַ֤ת עֶשְׂרֵה֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמּ֔וֹ חמיטל חֲמוּטַ֥ל בַּֽת־יִרְמְיָ֖הוּ מִלִּבְנָֽה׃

‎19 ‏וַיַּ֥עַשׂ הָרַ֖ע בְּעֵינֵ֣י יְהוָ֑ה כְּכֹ֥ל אֲשֶׁר־עָשָׂ֖ה יְהוֹיָקִֽים׃

‎20 ‏כִּ֣י׀ עַל־אַ֣ף יְהוָ֗ה הָיְתָ֤ה בִירוּשָׁלִַ֙ם֙ וּבִ֣יהוּדָ֔ה עַד־הִשְׁלִכ֥וֹ אֹתָ֖ם מֵעַ֣ל פָּנָ֑יו וַיִּמְרֹ֥ד צִדְקִיָּ֖הוּ בְּמֶ֥לֶךְ בָּבֶֽל׃ ס

1 bəyāmāyw ‘ālâ nəḇuḵaḏəne’ṣṣar meleḵə bāḇel wayəhî-lwō yəhwōyāqîm ‘eḇeḏ šālōš šānîm wayyāšāḇ wayyimərāḏ-bwō:

2 wayəšall^aḥ yəhwâ| bwō ’eṯ-gəḏûḏê ḵaśədîm wə’eṯ-gəḏûḏê ’ărām wə’ēṯ| gəḏûḏê mwō’āḇ wə’ēṯ gəḏûḏê ḇənê-‘ammwōn wayəšalləḥēm bîhûḏâ ləha’ăḇîḏwō kiḏəḇar yəhwâ ’ăšer diber bəyaḏ ‘ăḇāḏāyw hannəḇî’îm:

3 ’aḵə| ‘al-pî yəhwâ hāyəṯâ bîhûḏâ ləhāsîr mē‘al pānāyw bəḥaṭṭō’ṯ mənaššeh kəḵōl ’ăšer ‘āśâ:

4 wəḡam dam-hannāqî ’ăšer šāfāḵə wayəmallē’ ’eṯ-yərûšālaim dām nāqî wəlō’-’āḇâ yəhwâ lisəlōḥa:

5 wəyeṯer diḇərê yəhwōyāqîm wəḵāl-’ăšer ‘āśâ hălō’-hēm kəṯûḇîm ‘al-sēfer diḇərê hayyāmîm ləmaləḵê yəhûḏâ:

6 wayyišəkaḇ yəhwōyāqîm ‘im-’ăḇōṯāyw wayyiməlōḵə yəhwōyāḵîn bənwō t^aḥətāyw:

7 wəlō’-hōsîf ‘wōḏ meleḵə miṣərayim lāṣē’ṯ mē’arəṣwō kî-lāq^aḥ meleḵə bāḇel minn^aḥal miṣərayim ‘aḏ-nəhar-pərāṯ kōl ’ăšer hāyəṯâ ləmeleḵə miṣərāyim: f

8 ben-šəmōneh ‘eśərēh šānâ yəhwōyāḵîn bəmāləḵwō ûšəlōšâ ḥŏḏāšîm mālaḵə bîrûšālāim wəšēm ’immwō nəḥušətā’ ḇaṯ-’elənāṯān mîrûšālāim:

9 wayy^a‘aś hār^a‘ bə‘ênê yəhwâ kəḵōl ’ăšer-‘āśâ ’āḇîw:

10 bā‘ēṯ hahî’ ‘ālâ ‘ālû ‘aḇəḏê nəḇuḵaḏəne’ṣṣar meleḵə-bāḇel yərûšālāim watāḇō’ hā‘îr bammāṣwōr:

11 wayyāḇō’ nəḇûḵaḏəne’ṣṣar meleḵə-bāḇel ‘al-hā‘îr w^a‘ăḇāḏāyw ṣārîm ‘āleyhā:

12 wayyēṣē’ yəhwōyāḵîn meleḵə-yəhûḏâ ‘al-meleḵə bāḇel hû’ wə’immwō w^a‘ăḇāḏāyw wəśārāyw wəsārîsāyw wayyiqq^aḥ ’ōṯwō meleḵə bāḇel bišənaṯ šəmōneh ləmāləḵwō:

13 wayywōṣē’ miššām ’eṯ-kāl-’wōṣərwōṯ bêṯ yəhwâ wə’wōṣərwōṯ bêṯ hammeleḵə wayəqaṣṣēṣ ’eṯ-kāl-kəlê hazzâāḇ ’ăšer ‘āśâ šəlōmōh meleḵə-yiśərā’ēl bəhêḵal yəhwâ ka’ăšer diber yəhwâ:

14 wəhiḡəlâ ’eṯ-kāl-yərûšālaim wə’eṯ-kāl-haśśārîm wə’ēṯ| kāl-gibwōrê h^aḥayil ‘ăśārâ ‘ăśereṯ ’ălāfîm gwōleh wəḵāl-heḥārāš wəhammasəgēr lō’ nišə’ar zûlaṯ dallaṯ ‘am-hā’āreṣ:

15 wayyeḡel ’eṯ-yəhwōyāḵîn bāḇelâ wə’eṯ-’ēm hammeleḵə wə’eṯ-nəšê hammeleḵə wə’eṯ-sārîsāyw wə’ēṯ ’ĕwilê ’êlê hā’āreṣ hwōlîḵə gwōlâ mîrûšālaim bāḇelâ:

16 wə’ēṯ kāl-’anəšê h^aḥayil šiḇə‘aṯ ’ălāfîm wəheḥārāš wəhammasəgēr ’elef hakōl gibwōrîm ‘ōśê miləḥāmâ wayəḇî’ēm meleḵə-bāḇel gwōlâ bāḇelâ:

17 wayyaməlēḵə meleḵə-bāḇel ’eṯ-matanəyâ ḏōḏwō t^aḥətāyw wayyassēḇ ’eṯ-šəmwō ṣiḏəqîyâû: f

18 ben-‘eśərîm wə’^aḥaṯ šānâ ṣiḏəqîyâû ḇəmāləḵwō wə’^aḥaṯ ‘eśərēh šānâ mālaḵə bîrûšālāim wəšēm ’immwō ḥămîṭal ḥămûṭal baṯ-yirəməyâû milliḇənâ:

19 wayy^a‘aś hār^a‘ bə‘ênê yəhwâ kəḵōl ’ăšer-‘āśâ yəhwōyāqîm:

20 kî| ‘al-’af yəhwâ hāyəṯâ ḇîrûšālaim ûḇîhûḏâ ‘aḏ-hišəliḵwō ’ōṯām mē‘al pānāyw wayyimərōḏ ṣiḏəqîyâû bəmeleḵə bāḇel: s

Tanach (Hebrew): 2 Kings (2 Melakhim) Chapter 25

‎1 ‏וַיְהִי֩ בִשְׁנַ֨ת הַתְּשִׁיעִ֜ית לְמָלְכ֗וֹ בַּחֹ֣דֶשׁ הָעֲשִׂירִי֮ בֶּעָשׂ֣וֹר לַחֹדֶשׁ֒ בָּ֠א נְבֻכַדְנֶאצַּ֨ר מֶֽלֶךְ־בָּבֶ֜ל ה֧וּא וְכָל־חֵיל֛וֹ עַל־יְרוּשָׁלִַ֖ם וַיִּ֣חַן עָלֶ֑יהָ וַיִּבְנ֥וּ עָלֶ֖יהָ דָּיֵ֥ק סָבִֽיב׃

‎2 ‏וַתָּבֹ֥א הָעִ֖יר בַּמָּצ֑וֹר עַ֚ד עַשְׁתֵּ֣י עֶשְׂרֵ֣ה שָׁנָ֔ה לַמֶּ֖לֶךְ צִדְקִיָּֽהוּ׃

‎3 ‏בְּתִשְׁעָ֣ה לַחֹ֔דֶשׁ וַיֶּחֱזַ֥ק הָרָעָ֖ב בָּעִ֑יר וְלֹא־הָ֥יָה לֶ֖חֶם לְעַ֥ם הָאָֽרֶץ׃

‎4 ‏וַתִּבָּקַ֣ע הָעִ֗יר וְכָל־אַנְשֵׁ֨י הַמִּלְחָמָ֤ה׀ הַלַּ֙יְלָה֙ דֶּ֜רֶךְ שַׁ֣עַר׀ בֵּ֣ין הַחֹמֹתַ֗יִם אֲשֶׁר֙ עַל־גַּ֣ן הַמֶּ֔לֶךְ וְכַשְׂדִּ֥ים עַל־הָעִ֖יר סָבִ֑יב וַיֵּ֖לֶךְ דֶּ֥רֶךְ הָעֲרָבָֽה׃

‎5 ‏וַיִּרְדְּפ֤וּ חֵיל־כַּשְׂדִּים֙ אַחַ֣ר הַמֶּ֔לֶךְ וַיַּשִּׂ֥גוּ אֹת֖וֹ בְּעַרְב֣וֹת יְרֵח֑וֹ וְכָל־חֵיל֔וֹ נָפֹ֖צוּ מֵעָלָֽיו׃

‎6 ‏וַֽיִּתְפְּשׂוּ֙ אֶת־הַמֶּ֔לֶךְ וַיַּעֲל֥וּ אֹת֛וֹ אֶל־מֶ֥לֶךְ בָּבֶ֖ל רִבְלָ֑תָה וַיְדַבְּר֥וּ אִתּ֖וֹ מִשְׁפָּֽט׃

‎7 ‏וְאֶת־בְּנֵי֙ צִדְקִיָּ֔הוּ שָׁחֲט֖וּ לְעֵינָ֑יו וְאֶת־עֵינֵ֤י צִדְקִיָּ֙הוּ֙ עִוֵּ֔ר וַיַּאַסְרֵ֙הוּ֙ בַֽנְחֻשְׁתַּ֔יִם וַיְבִאֵ֖הוּ בָּבֶֽל׃ ס

‎8 ‏וּבַחֹ֤דֶשׁ הַֽחֲמִישִׁי֙ בְּשִׁבְעָ֣ה לַחֹ֔דֶשׁ הִ֗יא שְׁנַת֙ תְּשַֽׁע־עֶשְׂרֵ֣ה שָׁנָ֔ה לַמֶּ֖לֶךְ נְבֻכַדְנֶאצַּ֣ר מֶֽלֶךְ־בָּבֶ֑ל בָּ֞א נְבוּזַרְאֲדָ֧ן רַב־טַבָּחִ֛ים עֶ֥בֶד מֶֽלֶךְ־בָּבֶ֖ל יְרוּשָׁלִָֽם׃

‎9 ‏וַיִּשְׂרֹ֥ף אֶת־בֵּית־יְהוָ֖ה וְאֶת־בֵּ֣ית הַמֶּ֑לֶךְ וְאֵ֨ת כָּל־בָּתֵּ֧י יְרוּשָׁלִַ֛ם וְאֶת־כָּל־בֵּ֥ית גָּד֖וֹל שָׂרַ֥ף בָּאֵֽשׁ׃

‎10 ‏וְאֶת־חוֹמֹ֥ת יְרוּשָׁלִַ֖ם סָבִ֑יב נָֽתְצוּ֙ כָּל־חֵ֣יל כַּשְׂדִּ֔ים אֲשֶׁ֖ר רַב־טַבָּחִֽים׃

‎11 ‏וְאֵת֩ יֶ֨תֶר הָעָ֜ם הַנִּשְׁאָרִ֣ים בָּעִ֗יר וְאֶת־הַנֹּֽפְלִים֙ אֲשֶׁ֤ר נָפְלוּ֙ עַל־הַמֶּ֣לֶךְ בָּבֶ֔ל וְאֵ֖ת יֶ֣תֶר הֶהָמ֑וֹן הֶגְלָ֕ה נְבוּזַרְאֲדָ֖ן רַב־טַבָּחִֽים׃

‎12 ‏וּמִדַּלַּ֣ת הָאָ֔רֶץ הִשְׁאִ֖יר רַב־טַבָּחִ֑ים לְכֹֽרְמִ֖ים וּלְיֹגְבִֽים׃

‎13 ‏וְאֶת־עַמּוּדֵ֨י הַנְּחֹ֜שֶׁת אֲשֶׁ֣ר בֵּית־יְהוָ֗ה וְֽאֶת־הַמְּכֹנ֞וֹת וְאֶת־יָ֧ם הַנְּחֹ֛שֶׁת אֲשֶׁ֥ר בְּבֵית־יְהוָ֖ה שִׁבְּר֣וּ כַשְׂדִּ֑ים וַיִּשְׂא֥וּ אֶת־נְחֻשְׁתָּ֖ם בָּבֶֽלָה׃

‎14 ‏וְאֶת־הַסִּירֹ֨ת וְאֶת־הַיָּעִ֜ים וְאֶת־הַֽמְזַמְּר֣וֹת וְאֶת־הַכַּפּ֗וֹת וְאֵ֨ת כָּל־כְּלֵ֧י הַנְּחֹ֛שֶׁת אֲשֶׁ֥ר יְשָֽׁרְתוּ־בָ֖ם לָקָֽחוּ׃

‎15 ‏וְאֶת־הַמַּחְתּוֹת֙ וְאֶת־הַמִּזְרָק֗וֹת אֲשֶׁ֤ר זָהָב֙ זָהָ֔ב וַאֲשֶׁר־כֶּ֖סֶף כָּ֑סֶף לָקַ֖ח רַב־טַבָּחִֽים׃

‎16 ‏הָעַמּוּדִ֣ים׀ שְׁנַ֗יִם הַיָּ֤ם הָֽאֶחָד֙ וְהַמְּכֹנ֔וֹת אֲשֶׁר־עָשָׂ֥ה שְׁלֹמֹ֖ה לְבֵ֣ית יְהוָ֑ה לֹא־הָיָ֣ה מִשְׁקָ֔ל לִנְחֹ֖שֶׁת כָּל־הַכֵּלִ֥ים הָאֵֽלֶּה׃

‎17 ‏שְׁמֹנֶה֩ עֶשְׂרֵ֨ה אַמָּ֜ה קוֹמַ֣ת׀ הָעַמּ֣וּד הָאֶחָ֗ד וְכֹתֶ֨רֶת עָלָ֥יו׀ נְחֹשֶׁת֮ וְקוֹמַ֣ת הַכֹּתֶרֶת֮ שָׁלֹ֣שׁ אמה אַמּוֹת֒ וּשְׂבָכָ֨ה וְרִמֹּנִ֧ים עַֽל־הַכֹּתֶ֛רֶת סָבִ֖יב הַכֹּ֣ל נְחֹ֑שֶׁת וְכָאֵ֛לֶּה לַֽעַמּ֥וּד הַשֵּׁנִ֖י עַל־הַשְּׂבָכָֽה׃

‎18 ‏וַיִּקַּ֣ח רַב־טַבָּחִ֗ים אֶת־שְׂרָיָה֙ כֹּהֵ֣ן הָרֹ֔אשׁ וְאֶת־צְפַנְיָ֖הוּ כֹּהֵ֣ן מִשְׁנֶ֑ה וְאֶת־שְׁלֹ֖שֶׁת שֹׁמְרֵ֥י הַסַּֽף׃

‎19 ‏וּמִן־הָעִ֡יר לָקַח֩ סָרִ֨יס אֶחָ֜ד אֲ‍ֽשֶׁר־ה֥וּא פָקִ֣יד׀ עַל־אַנְשֵׁ֣י הַמִּלְחָמָ֗ה וַחֲמִשָּׁ֨ה אֲנָשִׁ֜ים מֵרֹאֵ֤י פְנֵֽי־הַמֶּ֙לֶךְ֙ אֲשֶׁ֣ר נִמְצְא֣וּ בָעִ֔יר וְאֵ֗ת הַסֹּפֵר֙ שַׂ֣ר הַצָּבָ֔א הַמַּצְבִּ֖א אֶת־עַ֣ם הָאָ֑רֶץ וְשִׁשִּׁ֥ים אִישׁ֙ מֵעַ֣ם הָאָ֔רֶץ הַֽנִּמְצְאִ֖ים בָּעִֽיר׃

‎20 ‏וַיִּקַּ֣ח אֹתָ֔ם נְבוּזַרְאֲדָ֖ן רַב־טַבָּחִ֑ים וַיֹּ֧לֶךְ אֹתָ֛ם עַל־מֶ֥לֶךְ בָּבֶ֖ל רִבְלָֽתָה׃

‎21 ‏וַיַּ֣ךְ אֹתָם֩ מֶ֨לֶךְ בָּבֶ֧ל וַיְמִיתֵ֛ם בְּרִבְלָ֖ה בְּאֶ֣רֶץ חֲמָ֑ת וַיִּ֥גֶל יְהוּדָ֖ה מֵעַ֥ל אַדְמָתֽוֹ׃

‎22 ‏וְהָעָ֗ם הַנִּשְׁאָר֙ בְּאֶ֣רֶץ יְהוּדָ֔ה אֲשֶׁ֣ר הִשְׁאִ֔יר נְבֽוּכַדְנֶאצַּ֖ר מֶ֣לֶךְ בָּבֶ֑ל וַיַּפְקֵ֣ד עֲלֵיהֶ֔ם אֶת־גְּדַלְיָ֖הוּ בֶּן־אֲחִיקָ֥ם בֶּן־שָׁפָֽן׃ פ

‎23 ‏וַיִּשְׁמְעוּ֩ כָל־שָׂרֵ֨י הַחֲיָלִ֜ים הֵ֣מָּה וְהָאֲנָשִׁ֗ים כִּֽי־הִפְקִ֤יד מֶֽלֶךְ־בָּבֶל֙ אֶת־גְּדַלְיָ֔הוּ וַיָּבֹ֥אוּ אֶל־גְּדַלְיָ֖הוּ הַמִּצְפָּ֑ה וְיִשְׁמָעֵ֣אל בֶּן־נְתַנְיָ֡ה וְיוֹחָנָ֣ן בֶּן־קָ֠רֵחַ וּשְׂרָיָ֨ה בֶן־תַּנְחֻ֜מֶת הַנְּטֹפָתִ֗י וְיַֽאֲזַנְיָ֙הוּ֙ בֶּן־הַמַּ֣עֲכָתִ֔י הֵ֖מָּה וְאַנְשֵׁיהֶֽם׃

‎24 ‏וַיִּשָּׁבַ֨ע לָהֶ֤ם גְּדַלְיָ֙הוּ֙ וּלְאַנְשֵׁיהֶ֔ם וַיֹּ֣אמֶר לָהֶ֔ם אַל־תִּֽירְא֖וּ מֵעַבְדֵ֣י הַכַּשְׂדִּ֑ים שְׁב֣וּ בָאָ֗רֶץ וְעִבְד֛וּ אֶת־מֶ֥לֶךְ בָּבֶ֖ל וְיִטַ֥ב לָכֶֽם׃ ס

‎25 ‏וַיְהִ֣י׀ בַּחֹ֣דֶשׁ הַשְּׁבִיעִ֗י בָּ֣א יִשְׁמָעֵ֣אל בֶּן־נְ֠תַנְיָה בֶּן־אֱלִ֨ישָׁמָ֜ע מִזֶּ֣רַע הַמְּלוּכָ֗ה וַעֲשָׂרָ֤ה אֲנָשִׁים֙ אִתּ֔וֹ וַיַּכּ֥וּ אֶת־גְּדַלְיָ֖הוּ וַיָּמֹ֑ת וְאֶת־הַיְּהוּדִים֙ וְאֶת־הַכַּשְׂדִּ֔ים אֲשֶׁר־הָי֥וּ אִתּ֖וֹ בַּמִּצְפָּֽה׃

‎26 ‏וַיָּקֻ֨מוּ כָל־הָעָ֜ם מִקָּטֹ֤ן וְעַד־גָּדוֹל֙ וְשָׂרֵ֣י הַחֲיָלִ֔ים וַיָּבֹ֖אוּ מִצְרָ֑יִם כִּ֥י יָרְא֖וּ מִפְּנֵ֥י כַשְׂדִּֽים׃ פ

‎27 ‏וַיְהִי֩ בִשְׁלֹשִׁ֨ים וָשֶׁ֜בַע שָׁנָ֗ה לְגָלוּת֙ יְהוֹיָכִ֣ין מֶֽלֶךְ־יְהוּדָ֔ה בִּשְׁנֵ֤ים עָשָׂר֙ חֹ֔דֶשׁ בְּעֶשְׂרִ֥ים וְשִׁבְעָ֖ה לַחֹ֑דֶשׁ נָשָׂ֡א אֱוִ֣יל מְרֹדַךְ֩ מֶ֨לֶךְ בָּבֶ֜ל בִּשְׁנַ֣ת מָלְכ֗וֹ אֶת־רֹ֛אשׁ יְהוֹיָכִ֥ין מֶֽלֶךְ־יְהוּדָ֖ה מִבֵּ֥ית כֶּֽלֶא׃

‎28 ‏וַיְדַבֵּ֥ר אִתּ֖וֹ טֹב֑וֹת וַיִּתֵּן֙ אֶת־כִּסְא֔וֹ מֵעַ֗ל כִּסֵּ֧א הַמְּלָכִ֛ים אֲשֶׁ֥ר אִתּ֖וֹ בְּבָבֶֽל׃

‎29 ‏וְשִׁנָּ֕א אֵ֖ת בִּגְדֵ֣י כִלְא֑וֹ וְאָכַ֨ל לֶ֧חֶם תָּמִ֛יד לְפָנָ֖יו כָּל־יְמֵ֥י חַיָּֽיו׃

‎30 ‏וַאֲרֻחָת֗וֹ אֲרֻחַ֨ת תָּמִ֧יד נִתְּנָה־לּ֛וֹ מֵאֵ֥ת הַמֶּ֖לֶךְ דְּבַר־י֣וֹם בְּיוֹמ֑וֹ כֹּ֖ל יְמֵ֥י חַיָּֽו׃

1 wayəhî ḇišənaṯ hatəšî‘îṯ ləmāləḵwō b^aḥōḏeš hā‘ăśîrî be‘āśwōr l^aḥōḏeš bā’ nəḇuḵaḏəne’ṣṣar meleḵə-bāḇel hû’ wəḵāl-ḥêlwō ‘al-yərûšālaim wayyiḥan ‘āleyhā wayyiḇənû ‘āleyhā dāyēq sāḇîḇ:

2 watāḇō’ hā‘îr bammāṣwōr ‘aḏ ‘ašətê ‘eśərēh šānâ lammeleḵə ṣiḏəqîyâû:

3 bəṯišə‘â l^aḥōḏeš wayyeḥĕzaq hārā‘āḇ bā‘îr wəlō’-hāyâ leḥem lə‘am hā’āreṣ:

4 watibāq^a‘ hā‘îr wəḵāl-’anəšê hammiləḥāmâ| hallayəlâ dereḵə š^a‘ar| bên h^aḥōmōṯayim ’ăšer ‘al-gan hammeleḵə wəḵaśədîm ‘al-hā‘îr sāḇîḇ wayyēleḵə dereḵə hā‘ărāḇâ:

5 wayyirədəfû ḥêl-kaśədîm ’^aḥar hammeleḵə wayyaśśiḡû ’ōṯwō bə‘arəḇwōṯ yərēḥwō wəḵāl-ḥêlwō nāfōṣû mē‘ālāyw:

6 wayyiṯəpəśû ’eṯ-hammeleḵə wayy^a‘ălû ’ōṯwō ’el-meleḵə bāḇel riḇəlāṯâ wayəḏabərû ’itwō mišəpāṭ:

7 wə’eṯ-bənê ṣiḏəqîyâû šāḥăṭû lə‘ênāyw wə’eṯ-‘ênê ṣiḏəqîyâû ‘iûēr wayya’asərēhû ḇanəḥušətayim wayəḇi’ēhû bāḇel: s

8 ûḇ^aḥōḏeš h^aḥămîšî bəšiḇə‘â l^aḥōḏeš hî’ šənaṯ təš^a‘-‘eśərēh šānâ lammeleḵə nəḇuḵaḏəne’ṣṣar meleḵə-bāḇel bā’ nəḇûzarə’ăḏān raḇ-ṭabāḥîm ‘eḇeḏ meleḵə-bāḇel yərûšālāim:

9 wayyiśərōf ’eṯ-bêṯ-yəhwâ wə’eṯ-bêṯ hammeleḵə wə’ēṯ kāl-bātê yərûšālaim wə’eṯ-kāl-bêṯ gāḏwōl śāraf bā’ēš:

10 wə’eṯ-ḥwōmōṯ yərûšālaim sāḇîḇ nāṯəṣû kāl-ḥêl kaśədîm ’ăšer raḇ-ṭabāḥîm:

11 wə’ēṯ yeṯer hā‘ām hannišə’ārîm bā‘îr wə’eṯ-hannōfəlîm ’ăšer nāfəlû ‘al-hammeleḵə bāḇel wə’ēṯ yeṯer hehāmwōn heḡəlâ nəḇûzarə’ăḏān raḇ-ṭabāḥîm:

12 ûmidallaṯ hā’āreṣ hišə’îr raḇ-ṭabāḥîm ləḵōrəmîm ûləyōḡəḇîm:

13 wə’eṯ-‘ammûḏê hannəḥōšeṯ ’ăšer bêṯ-yəhwâ wə’eṯ-hamməḵōnwōṯ wə’eṯ-yām hannəḥōšeṯ ’ăšer bəḇêṯ-yəhwâ šibərû ḵaśədîm wayyiśə’û ’eṯ-nəḥušətām bāḇelâ:

14 wə’eṯ-hassîrōṯ wə’eṯ-hayyā‘îm wə’eṯ-haməzammərwōṯ wə’eṯ-hakapwōṯ wə’ēṯ kāl-kəlê hannəḥōšeṯ ’ăšer yəšārəṯû-ḇām lāqāḥû:

15 wə’eṯ-hamm^aḥətwōṯ wə’eṯ-hammizərāqwōṯ ’ăšer zâāḇ zâāḇ wa’ăšer-kesef kāsef lāq^aḥ raḇ-ṭabāḥîm:

16 hā‘ammûḏîm| šənayim hayyām hā’eḥāḏ wəhamməḵōnwōṯ ’ăšer-‘āśâ šəlōmōh ləḇêṯ yəhwâ lō’-hāyâ mišəqāl linəḥōšeṯ kāl-hakēlîm hā’ēlleh:

17 šəmōneh ‘eśərēh ’ammâ qwōmaṯ| hā‘ammûḏ hā’eḥāḏ wəḵōṯereṯ ‘ālāyw| nəḥōšeṯ wəqwōmaṯ hakōṯereṯ šālōš ’ammâ ’ammwōṯ ûśəḇāḵâ wərimmōnîm ‘al-hakōṯereṯ sāḇîḇ hakōl nəḥōšeṯ wəḵā’ēlleh l^a‘ammûḏ haššēnî ‘al-haśśəḇāḵâ:

18 wayyiqq^aḥ raḇ-ṭabāḥîm ’eṯ-śərāyâ kōhēn hārō’š wə’eṯ-ṣəfanəyâû kōhēn mišəneh wə’eṯ-šəlōšeṯ šōmərê hassaf:

19 ûmin-hā‘îr lāq^aḥ sārîs ’eḥāḏ ’ă‍šer-hû’ fāqîḏ| ‘al-’anəšê hammiləḥāmâ w^aḥămiššâ ’ănāšîm mērō’ê fənê-hammeleḵə ’ăšer niməṣə’û ḇā‘îr wə’ēṯ hassōfēr śar haṣṣāḇā’ hammaṣəbi’ ’eṯ-‘am hā’āreṣ wəšiššîm ’îš mē‘am hā’āreṣ hanniməṣə’îm bā‘îr:

20 wayyiqq^aḥ ’ōṯām nəḇûzarə’ăḏān raḇ-ṭabāḥîm wayyōleḵə ’ōṯām ‘al-meleḵə bāḇel riḇəlāṯâ:

21 wayyaḵə ’ōṯām meleḵə bāḇel wayəmîṯēm bəriḇəlâ bə’ereṣ ḥămāṯ wayyiḡel yəhûḏâ mē‘al ’aḏəmāṯwō:

22 wəhā‘ām hannišə’ār bə’ereṣ yəhûḏâ ’ăšer hišə’îr nəḇûḵaḏəne’ṣṣar meleḵə bāḇel wayyafəqēḏ ‘ălêhem ’eṯ-gəḏaləyâû ben-’ăḥîqām ben-šāfān: f

23 wayyišəmə‘û ḵāl-śārê h^aḥăyālîm hēmmâ wəhā’ănāšîm kî-hifəqîḏ meleḵə-bāḇel ’eṯ-gəḏaləyâû wayyāḇō’û ’el-gəḏaləyâû hammiṣəpâ wəyišəmā‘ē’l ben-nəṯanəyâ wəywōḥānān ben-qārēḥa ûśərāyâ ḇen-tanəḥumeṯ hannəṭōfāṯî wəya’ăzanəyâû ben-hamm^a‘ăḵāṯî hēmmâ wə’anəšêhem:

24 wayyiššāḇ^a‘ lâem gəḏaləyâû ûlə’anəšêhem wayyō’mer lâem ’al-tîrə’û mē‘aḇəḏê hakaśədîm šəḇû ḇā’āreṣ wə‘iḇəḏû ’eṯ-meleḵə bāḇel wəyiṭaḇ lāḵem: s

25 wayəhî| b^aḥōḏeš haššəḇî‘î bā’ yišəmā‘ē’l ben-nəṯanəyâ ben-’ĕlîšāmā‘ mizzer^a‘ hamməlûḵâ w^a‘ăśārâ ’ănāšîm ’itwō wayyakû ’eṯ-gəḏaləyâû wayyāmōṯ wə’eṯ-hayyəhûḏîm wə’eṯ-hakaśədîm ’ăšer-hāyû ’itwō bammiṣəpâ:

26 wayyāqumû ḵāl-hā‘ām miqqāṭōn wə‘aḏ-gāḏwōl wəśārê h^aḥăyālîm wayyāḇō’û miṣərāyim kî yārə’û mipənê ḵaśədîm: f

27 wayəhî ḇišəlōšîm wāšeḇ^a‘ šānâ ləḡālûṯ yəhwōyāḵîn meleḵə-yəhûḏâ bišənêm ‘āśār ḥōḏeš bə‘eśərîm wəšiḇə‘â l^aḥōḏeš nāśā’ ’ĕwîl mərōḏaḵə meleḵə bāḇel bišənaṯ māləḵwō ’eṯ-rō’š yəhwōyāḵîn meleḵə-yəhûḏâ mibêṯ kele’:

28 wayəḏabēr ’itwō ṭōḇwōṯ wayyitēn ’eṯ-kisə’wō mē‘al kissē’ hamməlāḵîm ’ăšer ’itwō bəḇāḇel:

29 wəšinnā’ ’ēṯ biḡəḏê ḵilə’wō wə’āḵal leḥem tāmîḏ ləfānāyw kāl-yəmê ḥayyāyw:

30 wa’ăruḥāṯwō ’ăruḥaṯ tāmîḏ nitənâ-llwō mē’ēṯ hammeleḵə dəḇar-ywōm bəywōmwō kōl yəmê ḥayyāw: