Tanakh, the Hebrew Bible: Nevi'im (the Prophets), part 3 of 4

‎1 ‏וְיָצָ֥א חֹ֖טֶר מִגֵּ֣זַע יִשָׁ֑י וְנֵ֖צֶר מִשָּׁרָשָׁ֥יו יִפְרֶֽה׃

‎2 ‏וְנָחָ֥ה עָלָ֖יו ר֣וּחַ יְהוָ֑ה ר֧וּחַ חָכְמָ֣ה וּבִינָ֗ה ר֤וּחַ עֵצָה֙ וּגְבוּרָ֔ה ר֥וּחַ דַּ֖עַת וְיִרְאַ֥ת יְהוָֽה׃

‎3 ‏וַהֲרִיח֖וֹ בְּיִרְאַ֣ת יְהוָ֑ה וְלֹֽא־לְמַרְאֵ֤ה עֵינָיו֙ יִשְׁפּ֔וֹט וְלֹֽא־לְמִשְׁמַ֥ע אָזְנָ֖יו יוֹכִֽיחַ׃

‎4 ‏וְשָׁפַ֤ט בְּצֶ֙דֶק֙ דַּלִּ֔ים וְהוֹכִ֥יחַ בְּמִישׁ֖וֹר לְעַנְוֵי־אָ֑רֶץ וְהִֽכָּה־אֶ֙רֶץ֙ בְּשֵׁ֣בֶט פִּ֔יו וּבְר֥וּחַ שְׂפָתָ֖יו יָמִ֥ית רָשָֽׁע׃

‎5 ‏וְהָ֥יָה צֶ֖דֶק אֵז֣וֹר מָתְנָ֑יו וְהָאֱמוּנָ֖ה אֵז֥וֹר חֲלָצָֽיו׃

‎6 ‏וְגָ֤ר זְאֵב֙ עִם־כֶּ֔בֶשׂ וְנָמֵ֖ר עִם־גְּדִ֣י יִרְבָּ֑ץ וְעֵ֨גֶל וּכְפִ֤יר וּמְרִיא֙ יַחְדָּ֔ו וְנַ֥עַר קָטֹ֖ן נֹהֵ֥ג בָּֽם׃

‎7 ‏וּפָרָ֤ה וָדֹב֙ תִּרְעֶ֔ינָה יַחְדָּ֖ו יִרְבְּצ֣וּ יַלְדֵיהֶ֑ן וְאַרְיֵ֖ה כַּבָּקָ֥ר יֹֽאכַל־תֶּֽבֶן׃

‎8 ‏וְשִֽׁעֲשַׁ֥ע יוֹנֵ֖ק עַל־חֻ֣ר פָּ֑תֶן וְעַל֙ מְאוּרַ֣ת צִפְעוֹנִ֔י גָּמ֖וּל יָד֥וֹ הָדָֽה׃

‎9 ‏לֹֽא־יָרֵ֥עוּ וְלֹֽא־יַשְׁחִ֖יתוּ בְּכָל־הַ֣ר קָדְשִׁ֑י כִּֽי־מָלְאָ֣ה הָאָ֗רֶץ דֵּעָה֙ אֶת־יְהוָ֔ה כַּמַּ֖יִם לַיָּ֥ם מְכַסִּֽים׃ פ

‎10 ‏וְהָיָה֙ בַּיּ֣וֹם הַה֔וּא שֹׁ֣רֶשׁ יִשַׁ֗י אֲשֶׁ֤ר עֹמֵד֙ לְנֵ֣ס עַמִּ֔ים אֵלָ֖יו גּוֹיִ֣ם יִדְרֹ֑שׁוּ וְהָיְתָ֥ה מְנֻחָת֖וֹ כָּבֽוֹד׃ פ

‎11 ‏וְהָיָ֣ה׀ בַּיּ֣וֹם הַה֗וּא יוֹסִ֨יף אֲדֹנָ֤י׀ שֵׁנִית֙ יָד֔וֹ לִקְנ֖וֹת אֶת־שְׁאָ֣ר עַמּ֑וֹ אֲשֶׁ֣ר יִשָּׁאֵר֩ מֵאַשּׁ֨וּר וּמִמִּצְרַ֜יִם וּמִפַּתְר֣וֹס וּמִכּ֗וּשׁ וּמֵעֵילָ֤ם וּמִשִּׁנְעָר֙ וּמֵ֣חֲמָ֔ת וּמֵאִיֵּ֖י הַיָּֽם׃

‎12 ‏וְנָשָׂ֥א נֵס֙ לַגּוֹיִ֔ם וְאָסַ֖ף נִדְחֵ֣י יִשְׂרָאֵ֑ל וּנְפֻצ֤וֹת יְהוּדָה֙ יְקַבֵּ֔ץ מֵאַרְבַּ֖ע כַּנְפ֥וֹת הָאָֽרֶץ׃

‎13 ‏וְסָ֙רָה֙ קִנְאַ֣ת אֶפְרַ֔יִם וְצֹרְרֵ֥י יְהוּדָ֖ה יִכָּרֵ֑תוּ אֶפְרַ֙יִם֙ לֹֽא־יְקַנֵּ֣א אֶת־יְהוּדָ֔ה וִֽיהוּדָ֖ה לֹֽא־יָצֹ֥ר אֶת־אֶפְרָֽיִם׃

‎14 ‏וְעָפ֨וּ בְכָתֵ֤ף פְּלִשְׁתִּים֙ יָ֔מָּה יַחְדָּ֖ו יָבֹ֣זּוּ אֶת־בְּנֵי־קֶ֑דֶם אֱד֤וֹם וּמוֹאָב֙ מִשְׁל֣וֹח¹ יָדָ֔ם וּבְנֵ֥י עַמּ֖וֹן מִשְׁמַעְתָּֽם׃

‎15 ‏וְהֶחֱרִ֣ים יְהוָ֗ה אֵ֚ת לְשׁ֣וֹן יָם־מִצְרַ֔יִם וְהֵנִ֥יף יָד֛וֹ עַל־הַנָּהָ֖ר בַּעְיָ֣ם רוּח֑וֹ וְהִכָּ֙הוּ֙ לְשִׁבְעָ֣ה נְחָלִ֔ים וְהִדְרִ֖יךְ בַּנְּעָלִֽים׃

‎16 ‏וְהָיְתָ֣ה מְסִלָּ֔ה לִשְׁאָ֣ר עַמּ֔וֹ אֲשֶׁ֥ר יִשָּׁאֵ֖ר מֵֽאַשּׁ֑וּר כַּאֲשֶׁ֤ר הָֽיְתָה֙ לְיִשְׂרָאֵ֔ל בְּי֥וֹם עֲלֹת֖וֹ מֵאֶ֥רֶץ מִצְרָֽיִם׃

1 wəyāṣā’ ḥōṭer migēz^a‘ yišāy wənēṣer miššārāšāyw yifəreh:

2 wənāḥâ ‘ālāyw rûḥa yəhwâ rûḥa ḥāḵəmâ ûḇînâ rûḥa ‘ēṣâ ûḡəḇûrâ rûḥa d^a‘aṯ wəyirə’aṯ yəhwâ:

3 wahărîḥwō bəyirə’aṯ yəhwâ wəlō’-ləmarə’ēh ‘ênāyw yišəpwōṭ wəlō’-ləmišəm^a‘ ’āzənāyw ywōḵîḥa:

4 wəšāfaṭ bəṣeḏeq dallîm wəhwōḵîḥa bəmîšwōr lə‘anəwê-’āreṣ wəhikâ-’ereṣ bəšēḇeṭ pîw ûḇərûḥa śəfāṯāyw yāmîṯ rāšā‘:

5 wəhāyâ ṣeḏeq ’ēzwōr māṯənāyw wəhā’ĕmûnâ ’ēzwōr ḥălāṣāyw:

6 wəḡār zə’ēḇ ‘im-keḇeś wənāmēr ‘im-gəḏî yirəbāṣ wə‘ēḡel ûḵəfîr ûmərî’ y^aḥədāw wən^a‘ar qāṭōn nōhēḡ bām:

7 ûfārâ wāḏōḇ tirə‘eynâ y^aḥədāw yirəbəṣû yaləḏêhen wə’arəyēh kabāqār yō’ḵal-teḇen:

8 wəši‘ăš^a‘ ywōnēq ‘al-ḥur pāṯen wə‘al mə’ûraṯ ṣifə‘wōnî gāmûl yāḏwō hāḏâ:

9 lō’-yārē‘û wəlō’-yašəḥîṯû bəḵāl-har qāḏəšî kî-mālə’â hā’āreṣ dē‘â ’eṯ-yəhwâ kammayim layyām məḵassîm: f

10 wəhāyâ bayywōm hahû’ šōreš yišay ’ăšer ‘ōmēḏ lənēs ‘ammîm ’ēlāyw gwōyim yiḏərōšû wəhāyəṯâ mənuḥāṯwō kāḇwōḏ: f

11 wəhāyâ| bayywōm hahû’ ywōsîf ’ăḏōnāy| šēnîṯ yāḏwō liqənwōṯ ’eṯ-šə’ār ‘ammwō ’ăšer yiššā’ēr mē’aššûr ûmimmiṣərayim ûmipaṯərwōs ûmikûš ûmē‘êlām ûmiššinə‘ār ûmēḥămāṯ ûmē’îyê hayyām:

12 wənāśā’ nēs lagwōyim wə’āsaf niḏəḥê yiśərā’ēl ûnəfuṣwōṯ yəhûḏâ yəqabēṣ mē’arəb^a‘ kanəfwōṯ hā’āreṣ:

13 wəsārâ qinə’aṯ ’efərayim wəṣōrərê yəhûḏâ yikārēṯû ’efərayim lō’-yəqannē’ ’eṯ-yəhûḏâ wîhûḏâ lō’-yāṣōr ’eṯ-’efərāyim:

14 wə‘āfû ḇəḵāṯēf pəlišətîm yāmmâ y^aḥədāw yāḇōzzû ’eṯ-bənê-qeḏem ’ĕḏwōm ûmwō’āḇ mišəlwōḥ¹ yāḏām ûḇənê ‘ammwōn mišəm^a‘ətām:

15 wəheḥĕrîm yəhwâ ’ēṯ ləšwōn yām-miṣərayim wəhēnîf yāḏwō ‘al-hannâār b^a‘əyām rûḥwō wəhikâû ləšiḇə‘â nəḥālîm wəhiḏərîḵə bannə‘ālîm:

16 wəhāyəṯâ məsillâ lišə’ār ‘ammwō ’ăšer yiššā’ēr mē’aššûr ka’ăšer hāyəṯâ ləyiśərā’ēl bəywōm ‘ălōṯwō mē’ereṣ miṣərāyim:

‎1 ‏וְאָֽמַרְתָּ֙ בַּיּ֣וֹם הַה֔וּא אוֹדְךָ֣ יְהוָ֔ה כִּ֥י אָנַ֖פְתָּ בִּ֑י יָשֹׁ֥ב אַפְּךָ֖ וּֽתְנַחֲמֵֽנִי׃

‎2 ‏הִנֵּ֨ה אֵ֧ל יְשׁוּעָתִ֛י אֶבְטַ֖ח וְלֹ֣א אֶפְחָ֑ד כִּֽי־עָזִּ֤י וְזִמְרָת֙ יָ֣הּ יְהוָ֔ה וַֽיְהִי־לִ֖י לִֽישׁוּעָֽה׃

‎3 ‏וּשְׁאַבְתֶּם־מַ֖יִם בְּשָׂשׂ֑וֹן מִמַּעַיְנֵ֖י הַיְשׁוּעָֽה׃

‎4 ‏וַאֲמַרְתֶּ֞ם בַּיּ֣וֹם הַה֗וּא הוֹד֤וּ לַֽיהוָה֙ קִרְא֣וּ בִשְׁמ֔וֹ הוֹדִ֥יעוּ בָֽעַמִּ֖ים עֲלִֽילֹתָ֑יו הַזְכִּ֕ירוּ כִּ֥י נִשְׂגָּ֖ב שְׁמֽוֹ׃

‎5 ‏זַמְּר֣וּ יְהוָ֔ה כִּ֥י גֵא֖וּת עָשָׂ֑ה מידעת מוּדַ֥עַת זֹ֖את בְּכָל־הָאָֽרֶץ׃

‎6 ‏צַהֲלִ֥י וָרֹ֖נִּי יוֹשֶׁ֣בֶת צִיּ֑וֹן כִּֽי־גָד֥וֹל בְּקִרְבֵּ֖ךְ קְד֥וֹשׁ יִשְׂרָאֵֽל׃ פ

1 wə’āmarətā bayywōm hahû’ ’wōḏəḵā yəhwâ kî ’ānafətā bî yāšōḇ ’apəḵā ûṯən^aḥămēnî:

2 hinnēh ’ēl yəšû‘āṯî ’eḇəṭ^aḥ wəlō’ ’efəḥāḏ kî-‘āzzî wəzimərāṯ yāh yəhwâ wayəhî-lî lîšû‘â:

3 ûšə’aḇətem-mayim bəśāśwōn mimm^a‘ayənê hayəšû‘â:

4 wa’ămarətem bayywōm hahû’ hwōḏû layhwâ qirə’û ḇišəmwō hwōḏî‘û ḇā‘ammîm ‘ălîlōṯāyw hazəkîrû kî niśəgāḇ šəmwō:

5 zammərû yəhwâ kî ḡē’ûṯ ‘āśâ məyud^a‘aṯ mûḏ^a‘aṯ zō’ṯ bəḵāl-hā’āreṣ:

6 ṣahălî wārōnnî ywōšeḇeṯ ṣîywōn kî-ḡāḏwōl bəqirəbēḵə qəḏwōš yiśərā’ēl: f

‎1 ‏מַשָּׂ֖א בָּבֶ֑ל אֲשֶׁ֣ר חָזָ֔ה יְשַׁעְיָ֖הוּ בֶּן־אָמֽוֹץ׃

‎2 ‏עַ֤ל הַר־נִשְׁפֶּה֙ שְֽׂאוּ־נֵ֔ס הָרִ֥ימוּ ק֖וֹל לָהֶ֑ם הָנִ֣יפוּ יָ֔ד וְיָבֹ֖אוּ פִּתְחֵ֥י נְדִיבִֽים׃

‎3 ‏אֲנִ֥י צִוֵּ֖יתִי לִמְקֻדָּשָׁ֑י גַּ֣ם קָרָ֤אתִי גִבּוֹרַי֙ לְאַפִּ֔י עַלִּיזֵ֖י גַּאֲוָתִֽי׃

‎4 ‏ק֥וֹל הָמ֛וֹן בֶּֽהָרִ֖ים דְּמ֣וּת עַם־רָ֑ב ק֠וֹל שְׁא֞וֹן מַמְלְכ֤וֹת גּוֹיִם֙ נֶֽאֱסָפִ֔ים יְהוָ֣ה צְבָא֔וֹת מְפַקֵּ֖ד צְבָ֥א מִלְחָמָֽה׃

‎5 ‏בָּאִ֛ים מֵאֶ֥רֶץ מֶרְחָ֖ק מִקְצֵ֣ה הַשָּׁמָ֑יִם יְהוָה֙ וּכְלֵ֣י זַעְמ֔וֹ לְחַבֵּ֖ל כָּל־הָאָֽרֶץ׃

‎6 ‏הֵילִ֕ילוּ כִּ֥י קָר֖וֹב י֣וֹם יְהוָ֑ה כְּשֹׁ֖ד מִשַּׁדַּ֥י יָבֽוֹא׃

‎7 ‏עַל־כֵּ֖ן כָּל־יָדַ֣יִם תִּרְפֶּ֑ינָה וְכָל־לְבַ֥ב אֱנ֖וֹשׁ יִמָּֽס׃³

‎8 ‏וְֽנִבְהָ֓לוּ׀ צִירִ֤ים וַֽחֲבָלִים֙ יֹֽאחֵז֔וּן כַּיּוֹלֵדָ֖ה יְחִיל֑וּן אִ֤ישׁ אֶל־רֵעֵ֙הוּ֙ יִתְמָ֔הוּ פְּנֵ֥י לְהָבִ֖ים פְּנֵיהֶֽם׃

‎9 ‏הִנֵּ֤ה יוֹם־יְהוָה֙ בָּ֔א אַכְזָרִ֥י וְעֶבְרָ֖ה וַחֲר֣וֹן אָ֑ף לָשׂ֤וּם הָאָ֙רֶץ֙ לְשַׁמָּ֔ה וְחַטָּאֶ֖יהָ יַשְׁמִ֥יד מִמֶּֽנָּה׃

‎10 ‏כִּֽי־כוֹכְבֵ֤י הַשָּׁמַ֙יִם֙ וּכְסִ֣ילֵיהֶ֔ם לֹ֥א יָהֵ֖לּוּ אוֹרָ֑ם חָשַׁ֤ךְ הַשֶּׁ֙מֶשׁ֙ בְּצֵאת֔וֹ וְיָרֵ֖חַ לֹֽא־יַגִּ֥יהַ אוֹרֽוֹ׃

‎11 ‏וּפָקַדְתִּ֤י עַל־תֵּבֵל֙ רָעָ֔ה וְעַל־רְשָׁעִ֖ים עֲוֹנָ֑ם וְהִשְׁבַּתִּי֙ גְּא֣וֹן זֵדִ֔ים וְגַאֲוַ֥ת עָרִיצִ֖ים אַשְׁפִּֽיל׃

‎12 ‏אוֹקִ֥יר אֱנ֖וֹשׁ מִפָּ֑ז וְאָדָ֖ם מִכֶּ֥תֶם אוֹפִֽיר׃

‎13 ‏עַל־כֵּן֙ שָׁמַ֣יִם אַרְגִּ֔יז וְתִרְעַ֥שׁ הָאָ֖רֶץ מִמְּקוֹמָ֑הּ בְּעֶבְרַת֙ יְהוָ֣ה צְבָא֔וֹת וּבְי֖וֹם חֲר֥וֹן אַפּֽוֹ׃

‎14 ‏וְהָיָה֙ כִּצְבִ֣י מֻדָּ֔ח וּכְצֹ֖אן וְאֵ֣ין מְקַבֵּ֑ץ אִ֤ישׁ אֶל־עַמּוֹ֙ יִפְנ֔וּ וְאִ֥ישׁ אֶל־אַרְצ֖וֹ יָנֽוּסוּ׃

‎15 ‏כָּל־הַנִּמְצָ֖א יִדָּקֵ֑ר וְכָל־הַנִּסְפֶּ֖ה יִפּ֥וֹל בֶּחָֽרֶב׃

‎16 ‏וְעֹלְלֵיהֶ֥ם יְרֻטְּשׁ֖וּ לְעֵֽינֵיהֶ֑ם יִשַּׁ֙סּוּ֙ בָּֽתֵּיהֶ֔ם וּנְשֵׁיהֶ֖ם תשגלנה תִּשָּׁכַֽבְנָה׃

‎17 ‏הִנְנִ֛י מֵעִ֥יר עֲלֵיהֶ֖ם אֶת־מָדָ֑י אֲשֶׁר־כֶּ֙סֶף֙ לֹ֣א יַחְשֹׁ֔בוּ וְזָהָ֖ב לֹ֥א יַחְפְּצוּ־בֽוֹ׃

‎18 ‏וּקְשָׁת֖וֹת נְעָרִ֣ים תְּרַטַּ֑שְׁנָה וּפְרִי־בֶ֙טֶן֙ לֹ֣א יְרַחֵ֔מוּ עַל־בָּנִ֖ים לֹֽא־תָח֥וּס עֵינָֽם׃

‎19 ‏וְהָיְתָ֤ה בָבֶל֙ צְבִ֣י מַמְלָכ֔וֹת תִּפְאֶ֖רֶת גְּא֣וֹן כַּשְׂדִּ֑ים כְּמַהְפֵּכַ֣ת אֱלֹהִ֔ים אֶת־סְדֹ֖ם וְאֶת־עֲמֹרָֽה׃

‎20 ‏לֹֽא־תֵשֵׁ֣ב לָנֶ֔צַח וְלֹ֥א תִשְׁכֹּ֖ן עַד־דּ֣וֹר וָד֑וֹר וְלֹֽא־יַהֵ֥ל שָׁם֙ עֲרָבִ֔י וְרֹעִ֖ים לֹא־יַרְבִּ֥צוּ שָֽׁם׃

‎21 ‏וְרָבְצוּ־שָׁ֣ם צִיִּ֔ים וּמָלְא֥וּ בָתֵּיהֶ֖ם אֹחִ֑ים וְשָׁ֤כְנוּ שָׁם֙ בְּנ֣וֹת יַֽעֲנָ֔ה וּשְׂעִירִ֖ים יְרַקְּדוּ־שָֽׁם׃

‎22 ‏וְעָנָ֤ה אִיִּים֙ בְּאַלְמנוֹתָ֔יו¹ וְתַנִּ֖ים בְּהֵ֣יכְלֵי עֹ֑נֶג וְקָר֤וֹב לָבוֹא֙ עִתָּ֔הּ וְיָמֶ֖יהָ לֹ֥א יִמָּשֵֽׁכוּ׃

1 maśśā’ bāḇel ’ăšer ḥāzâ yəš^a‘əyâû ben-’āmwōṣ:

2 ‘al har-nišəpeh śə’û-nēs hārîmû qwōl lâem hānîfû yāḏ wəyāḇō’û piṯəḥê nəḏîḇîm:

3 ’ănî ṣiûêṯî liməqudāšāy gam qārā’ṯî ḡibwōray lə’apî ‘allîzê ga’ăwāṯî:

4 qwōl hāmwōn behārîm dəmûṯ ‘am-rāḇ qwōl šə’wōn mamələḵwōṯ gwōyim ne’ĕsāfîm yəhwâ ṣəḇā’wōṯ məfaqqēḏ ṣəḇā’ miləḥāmâ:

5 bā’îm mē’ereṣ merəḥāq miqəṣēh haššāmāyim yəhwâ ûḵəlê z^a‘əmwō ləḥabēl kāl-hā’āreṣ:

6 hêlîlû kî qārwōḇ ywōm yəhwâ kəšōḏ miššaday yāḇwō’:

7 ‘al-kēn kāl-yāḏayim tirəpeynâ wəḵāl-ləḇaḇ ’ĕnwōš yimmās:³

8 wəniḇəhālû| ṣîrîm w^aḥăḇālîm yō’ḥēzûn kayywōlēḏâ yəḥîlûn ’îš ’el-rē‘ēhû yiṯəmâû pənê ləhāḇîm pənêhem:

9 hinnēh ywōm-yəhwâ bā’ ’aḵəzārî wə‘eḇərâ w^aḥărwōn ’āf lāśûm hā’āreṣ ləšammâ wəḥaṭṭā’eyhā yašəmîḏ mimmennâ:

10 kî-ḵwōḵəḇê haššāmayim ûḵəsîlêhem lō’ yâēllû ’wōrām ḥāšaḵə haššemeš bəṣē’ṯwō wəyārēḥa lō’-yagîha ’wōrwō:

11 ûfāqaḏətî ‘al-tēḇēl rā‘â wə‘al-rəšā‘îm ‘ăwōnām wəhišəbatî gə’wōn zēḏîm wəḡa’ăwaṯ ‘ārîṣîm ’ašəpîl:

12 ’wōqîr ’ĕnwōš mipāz wə’āḏām mikeṯem ’wōfîr:

13 ‘al-kēn šāmayim ’arəgîz wəṯirə‘aš hā’āreṣ mimməqwōmāh bə‘eḇəraṯ yəhwâ ṣəḇā’wōṯ ûḇəywōm ḥărwōn ’apwō:

14 wəhāyâ kiṣəḇî mudāḥ ûḵəṣō’n wə’ên məqabēṣ ’îš ’el-‘ammwō yifənû wə’îš ’el-’arəṣwō yānûsû:

15 kāl-hanniməṣā’ yidāqēr wəḵāl-hannisəpeh yipwōl beḥāreḇ:

16 wə‘ōləlêhem yəruṭṭəšû lə‘ênêhem yiššassû bātêhem ûnəšêhem tiššāḡalənâ tiššāḵaḇənâ:

17 hinənî mē‘îr ‘ălêhem ’eṯ-māḏāy ’ăšer-kesef lō’ y^aḥəšōḇû wəzâāḇ lō’ y^aḥəpəṣû-ḇwō:

18 ûqəšāṯwōṯ nə‘ārîm təraṭṭašənâ ûfərî-ḇeṭen lō’ yər^aḥēmû ‘al-bānîm lō’-ṯāḥûs ‘ênām:

19 wəhāyəṯâ ḇāḇel ṣəḇî maməlāḵwōṯ tifə’ereṯ gə’wōn kaśədîm kəmahəpēḵaṯ ’ĕlōhîm ’eṯ-səḏōm wə’eṯ-‘ămōrâ:

20 lō’-ṯēšēḇ lāneṣ^aḥ wəlō’ ṯišəkōn ‘aḏ-dwōr wāḏwōr wəlō’-yahēl šām ‘ărāḇî wərō‘îm lō’-yarəbiṣû šām:

21 wərāḇəṣû-šām ṣîyîm ûmālə’û ḇātêhem ’ōḥîm wəšāḵənû šām bənwōṯ y^a‘ănâ ûśə‘îrîm yəraqqəḏû-šām:

22 wə‘ānâ ’îyîm bə’aləmnwōṯāyw¹ wəṯannîm bəhêḵəlê ‘ōneḡ wəqārwōḇ lāḇwō’ ‘itāh wəyāmeyhā lō’ yimmāšēḵû:

‎1 ‏כִּי֩ יְרַחֵ֨ם יְהוָ֜ה אֶֽת־יַעֲקֹ֗ב וּבָחַ֥ר עוֹד֙ בְּיִשְׂרָאֵ֔ל וְהִנִּיחָ֖ם עַל־אַדְמָתָ֑ם וְנִלְוָ֤ה הַגֵּר֙ עֲלֵיהֶ֔ם וְנִסְפְּח֖וּ עַל־בֵּ֥ית יַעֲקֹֽב׃

‎2 ‏וּלְקָח֣וּם עַמִּים֮ וֶהֱבִיא֣וּם אֶל־מְקוֹמָם֒ וְהִֽתְנַחֲל֣וּם בֵּֽית־יִשְׂרָאֵ֗ל עַ֚ל אַדְמַ֣ת יְהוָ֔ה לַעֲבָדִ֖ים וְלִשְׁפָח֑וֹת וְהָיוּ֙ שֹׁבִ֣ים לְשֹֽׁבֵיהֶ֔ם וְרָד֖וּ בְּנֹגְשֵׂיהֶֽם׃ ס

‎3 ‏וְהָיָ֗ה בְּי֨וֹם הָנִ֤יחַ יְהוָה֙ לְךָ֔ מֵֽעָצְבְּךָ֖ וּמֵרָגְזֶ֑ךָ וּמִן־הָעֲבֹדָ֥ה הַקָּשָׁ֖ה אֲשֶׁ֥ר עֻבַּד־בָּֽךְ׃

‎4 ‏וְנָשָׂ֜אתָ הַמָּשָׁ֥ל הַזֶּ֛ה עַל־מֶ֥לֶךְ בָּבֶ֖ל וְאָמָ֑רְתָּ אֵ֚יךְ שָׁבַ֣ת נֹגֵ֔שׂ שָׁבְתָ֖ה מַדְהֵבָֽה׃

‎5 ‏שָׁבַ֥ר יְהוָ֖ה מַטֵּ֣ה רְשָׁעִ֑ים שֵׁ֖בֶט מֹשְׁלִֽים׃

‎6 ‏מַכֶּ֤ה עַמִּים֙ בְּעֶבְרָ֔ה מַכַּ֖ת בִּלְתִּ֣י סָרָ֑ה רֹדֶ֤ה בָאַף֙ גּוֹיִ֔ם מֻרְדָּ֖ף בְּלִ֥י חָשָֽׂךְ׃

‎7 ‏נָ֥חָה שָׁקְטָ֖ה כָּל־הָאָ֑רֶץ פָּצְח֖וּ רִנָּֽה׃

‎8 ‏גַּם־בְּרוֹשִׁ֛ים שָׂמְח֥וּ לְךָ֖ אַרְזֵ֣י לְבָנ֑וֹן³ מֵאָ֣ז שָׁכַ֔בְתָּ לֹֽא־יַעֲלֶ֥ה הַכֹּרֵ֖ת עָלֵֽינוּ׃

‎9 ‏שְׁא֗וֹל מִתַּ֛חַת רָגְזָ֥ה לְךָ֖ לִקְרַ֣את בּוֹאֶ֑ךָ עוֹרֵ֨ר לְךָ֤ רְפָאִים֙ כָּל־עַתּ֣וּדֵי אָ֔רֶץ הֵקִים֙ מִכִּסְאוֹתָ֔ם כֹּ֖ל מַלְכֵ֥י גוֹיִֽם׃

‎10 ‏כֻּלָּ֣ם יַֽעֲנ֔וּ וְיֹאמְר֖וּ אֵלֶ֑יךָ גַּם־אַתָּ֛ה חֻלֵּ֥יתָ כָמ֖וֹנוּ אֵלֵ֥ינוּ נִמְשָֽׁלְתָּ׃

‎11 ‏הוּרַ֥ד שְׁא֛וֹל גְּאוֹנֶ֖ךָ הֶמְיַ֣ת נְבָלֶ֑יךָ תַּחְתֶּ֙יךָ֙ יֻצַּ֣ע רִמָּ֔ה וּמְכַסֶּ֖יךָ תּוֹלֵעָֽה׃

‎12 ‏אֵ֛יךְ נָפַ֥לְתָּ מִשָּׁמַ֖יִם הֵילֵ֣ל בֶּן־שָׁ֑חַר נִגְדַּ֣עְתָּ לָאָ֔רֶץ חוֹלֵ֖שׁ עַל־גּוֹיִֽם׃

‎13 ‏וְאַתָּ֞ה אָמַ֤רְתָּ בִֽלְבָבְךָ֙ הַשָּׁמַ֣יִם אֶֽעֱלֶ֔ה מִמַּ֥עַל לְכֽוֹכְבֵי־אֵ֖ל אָרִ֣ים כִּסְאִ֑י וְאֵשֵׁ֥ב בְּהַר־מוֹעֵ֖ד בְּיַרְכְּתֵ֥י צָפֽוֹן׃

‎14 ‏אֶעֱלֶ֖ה עַל־בָּ֣מֳתֵי עָ֑ב אֶדַּמֶּ֖ה לְעֶלְיֽוֹן׃

‎15 ‏אַ֧ךְ אֶל־שְׁא֛וֹל תּוּרָ֖ד אֶל־יַרְכְּתֵי־בֽוֹר׃

‎16 ‏רֹאֶ֙יךָ֙ אֵלֶ֣יךָ יַשְׁגִּ֔יחוּ אֵלֶ֖יךָ יִתְבּוֹנָ֑נוּ הֲזֶ֤ה הָאִישׁ֙ מַרְגִּ֣יז הָאָ֔רֶץ מַרְעִ֖ישׁ מַמְלָכֽוֹת׃

‎17 ‏שָׂ֥ם תֵּבֵ֛ל כַּמִּדְבָּ֖ר וְעָרָ֣יו הָרָ֑ס אֲסִירָ֖יו לֹא־פָ֥תַח בָּֽיְתָה׃

‎18 ‏כָּל־מַלְכֵ֥י גוֹיִ֖ם כֻּלָּ֑ם שָׁכְב֥וּ בְכָב֖וֹד אִ֥ישׁ בְּבֵיתֽוֹ׃

‎19 ‏וְאַתָּ֞ה הָשְׁלַ֤כְתָּ מִֽקִּבְרְךָ֙ כְּנֵ֣צֶר נִתְעָ֔ב לְב֥וּשׁ הֲרֻגִ֖ים מְטֹ֣עֲנֵי חָ֑רֶב יוֹרְדֵ֥י אֶל־אַבְנֵי־ב֖וֹר כְּפֶ֥גֶר מוּבָֽס׃

‎20 ‏לֹֽא־תֵחַ֤ד אִתָּם֙ בִּקְבוּרָ֔ה כִּֽי־אַרְצְךָ֥ שִׁחַ֖תָּ עַמְּךָ֣ הָרָ֑גְתָּ לֹֽא־יִקָּרֵ֥א לְעוֹלָ֖ם זֶ֥רַע מְרֵעִֽים׃

‎21 ‏הָכִ֧ינוּ לְבָנָ֛יו מַטְבֵּ֖חַ בַּעֲוֹ֣ן אֲבוֹתָ֑ם בַּל־יָקֻ֙מוּ֙ וְיָ֣רְשׁוּ אָ֔רֶץ וּמָלְא֥וּ פְנֵֽי־תֵבֵ֖ל עָרִֽים׃

‎22 ‏וְקַמְתִּ֣י עֲלֵיהֶ֔ם נְאֻ֖ם יְהוָ֣ה צְבָא֑וֹת וְהִכְרַתִּ֨י לְבָבֶ֜ל שֵׁ֥ם וּשְׁאָ֛ר וְנִ֥ין וָנֶ֖כֶד נְאֻם־יְהוָֽה׃

‎23 ‏וְשַׂמְתִּ֛יהָ לְמוֹרַ֥שׁ קִפֹּ֖ד וְאַגְמֵי־מָ֑יִם וְטֵֽאטֵאתִ֙יהָ֙ בְּמַטְאֲטֵ֣א הַשְׁמֵ֔ד נְאֻ֖ם יְהוָ֥ה צְבָאֽוֹת׃ פ

‎24 ‏נִשְׁבַּ֛ע יְהוָ֥ה צְבָא֖וֹת לֵאמֹ֑ר אִם־לֹ֞א כַּאֲשֶׁ֤ר דִּמִּ֙יתִי֙ כֵּ֣ן הָיָ֔תָה וְכַאֲשֶׁ֥ר יָעַ֖צְתִּי הִ֥יא תָקֽוּם׃

‎25 ‏לִשְׁבֹּ֤ר אַשּׁוּר֙ בְּאַרְצִ֔י וְעַל־הָרַ֖י אֲבוּסֶ֑נּוּ וְסָ֤ר מֵֽעֲלֵיהֶם֙ עֻלּ֔וֹ וְסֻ֨בֳּל֔וֹ מֵעַ֥ל שִׁכְמ֖וֹ יָסֽוּר׃

‎26 ‏זֹ֛את הָעֵצָ֥ה הַיְּעוּצָ֖ה עַל־כָּל־הָאָ֑רֶץ וְזֹ֛את הַיָּ֥ד הַנְּטוּיָ֖ה עַל־כָּל־הַגּוֹיִֽם׃

‎27 ‏כִּֽי־יְהוָ֧ה צְבָא֛וֹת יָעָ֖ץ וּמִ֣י יָפֵ֑ר וְיָד֥וֹ הַנְּטוּיָ֖ה וּמִ֥י³ יְשִׁיבֶֽנָּה׃ פ

‎28 ‏בִּשְׁנַת־מ֖וֹת הַמֶּ֣לֶךְ אָחָ֑ז הָיָ֖ה הַמַּשָּׂ֥א הַזֶּֽה׃

‎29 ‏אַֽל־תִּשְׂמְחִ֤י פְלֶ֙שֶׁת֙ כֻּלֵּ֔ךְ כִּ֥י נִשְׁבַּ֖ר שֵׁ֣בֶט מַכֵּ֑ךְ כִּֽי־מִשֹּׁ֤רֶשׁ נָחָשׁ֙ יֵ֣צֵא צֶ֔פַע וּפִרְי֖וֹ שָׂרָ֥ף מְעוֹפֵֽף׃

‎30 ‏וְרָעוּ֙ בְּכוֹרֵ֣י דַלִּ֔ים וְאֶבְיוֹנִ֖ים לָבֶ֣טַח יִרְבָּ֑צוּ וְהֵמַתִּ֤י בָֽרָעָב֙ שָׁרְשֵׁ֔ךְ וּשְׁאֵרִיתֵ֖ךְ יַהֲרֹֽג׃

‎31 ‏הֵילִ֤ילִֽי שַׁ֙עַר֙ זַֽעֲקִי־עִ֔יר נָמ֖וֹג פְּלֶ֣שֶׁת כֻּלֵּ֑ךְ כִּ֤י מִצָּפוֹן֙ עָשָׁ֣ן בָּ֔א וְאֵ֥ין בּוֹדֵ֖ד בְּמוֹעָדָֽיו׃

‎32 ‏וּמַֽה־יַּעֲנֶ֖ה מַלְאֲכֵי־ג֑וֹי כִּ֤י יְהוָה֙ יִסַּ֣ד צִיּ֔וֹן וּבָ֥הּ יֶחֱס֖וּ עֲנִיֵּ֥י עַמּֽוֹ׃ ס

1 kî yər^aḥēm yəhwâ ’eṯ-y^a‘ăqōḇ ûḇāḥar ‘wōḏ bəyiśərā’ēl wəhinnîḥām ‘al-’aḏəmāṯām wəniləwâ hagēr ‘ălêhem wənisəpəḥû ‘al-bêṯ y^a‘ăqōḇ:

2 ûləqāḥûm ‘ammîm wehĕḇî’ûm ’el-məqwōmām wəhiṯən^aḥălûm bêṯ-yiśərā’ēl ‘al ’aḏəmaṯ yəhwâ l^a‘ăḇāḏîm wəlišəfāḥwōṯ wəhāyû šōḇîm ləšōḇêhem wərāḏû bənōḡəśêhem: s

3 wəhāyâ bəywōm hānîḥa yəhwâ ləḵā mē‘āṣəbəḵā ûmērāḡəzeḵā ûmin-hā‘ăḇōḏâ haqqāšâ ’ăšer ‘ubaḏ-bāḵə:

4 wənāśā’ṯā hammāšāl hazzeh ‘al-meleḵə bāḇel wə’āmārətā ’êḵə šāḇaṯ nōḡēś šāḇəṯâ maḏəhēḇâ:

5 šāḇar yəhwâ maṭṭēh rəšā‘îm šēḇeṭ mōšəlîm:

6 makeh ‘ammîm bə‘eḇərâ makaṯ bilətî sārâ rōḏeh ḇā’af gwōyim murədāf bəlî ḥāśāḵə:

7 nāḥâ šāqəṭâ kāl-hā’āreṣ pāṣəḥû rinnâ:

8 gam-bərwōšîm śāməḥû ləḵā ’arəzê ləḇānwōn³ mē’āz šāḵaḇətā lō’-y^a‘ăleh hakōrēṯ ‘ālênû:

9 šə’wōl mit^aḥaṯ rāḡəzâ ləḵā liqəra’ṯ bwō’eḵā ‘wōrēr ləḵā rəfā’îm kāl-‘atûḏê ’āreṣ hēqîm mikisə’wōṯām kōl maləḵê ḡwōyim:

10 kullām y^a‘ănû wəyō’mərû ’ēleyḵā gam-’atâ ḥullêṯā ḵāmwōnû ’ēlênû niməšālətā:

11 hûraḏ šə’wōl gə’wōneḵā heməyaṯ nəḇāleyḵā t^aḥəteyḵā yuṣṣ^a‘ rimmâ ûməḵasseyḵā twōlē‘â:

12 ’êḵə nāfalətā miššāmayim hêlēl ben-šāḥar niḡəd^a‘ətā lā’āreṣ ḥwōlēš ‘al-gwōyim:

13 wə’atâ ’āmarətā ḇiləḇāḇəḵā haššāmayim ’e‘ĕleh mimm^a‘al ləḵwōḵəḇê-’ēl ’ārîm kisə’î wə’ēšēḇ bəhar-mwō‘ēḏ bəyarəkəṯê ṣāfwōn:

14 ’e‘ĕleh ‘al-bāmŏṯê ‘āḇ ’edammeh lə‘eləywōn:

15 ’aḵə ’el-šə’wōl tûrāḏ ’el-yarəkəṯê-ḇwōr:

16 rō’eyḵā ’ēleyḵā yašəgîḥû ’ēleyḵā yiṯəbwōnānû hăzeh hā’îš marəgîz hā’āreṣ marə‘îš maməlāḵwōṯ:

17 śām tēḇēl kammiḏəbār wə‘ārāyw hārās ’ăsîrāyw lō’-fāṯ^aḥ bāyəṯâ:

18 kāl-maləḵê ḡwōyim kullām šāḵəḇû ḇəḵāḇwōḏ ’îš bəḇêṯwō:

19 wə’atâ hāšəlaḵətā miqqiḇərəḵā kənēṣer niṯə‘āḇ ləḇûš hăruḡîm məṭō‘ănê ḥāreḇ ywōrəḏê ’el-’aḇənê-ḇwōr kəfeḡer mûḇās:

20 lō’-ṯēḥaḏ ’itām biqəḇûrâ kî-’arəṣəḵā šiḥatā ‘amməḵā hārāḡətā lō’-yiqqārē’ lə‘wōlām zer^a‘ mərē‘îm:

21 hāḵînû ləḇānāyw maṭəbēḥa b^a‘ăwōn ’ăḇwōṯām bal-yāqumû wəyārəšû ’āreṣ ûmālə’û fənê-ṯēḇēl ‘ārîm:

22 wəqamətî ‘ălêhem nə’um yəhwâ ṣəḇā’wōṯ wəhiḵəratî ləḇāḇel šēm ûšə’ār wənîn wāneḵeḏ nə’um-yəhwâ:

23 wəśamətîhā ləmwōraš qipōḏ wə’aḡəmê-māyim wəṭē’ṭē’ṯîhā bəmaṭə’ăṭē’ hašəmēḏ nə’um yəhwâ ṣəḇā’wōṯ: f

24 nišəb^a‘ yəhwâ ṣəḇā’wōṯ lē’mōr ’im-lō’ ka’ăšer dimmîṯî kēn hāyāṯâ wəḵa’ăšer yā‘aṣətî hî’ ṯāqûm:

25 lišəbōr ’aššûr bə’arəṣî wə‘al-hāray ’ăḇûsennû wəsār mē‘ălêhem ‘ullwō wəsubŏlwō mē‘al šiḵəmwō yāsûr:

26 zō’ṯ hā‘ēṣâ hayyə‘ûṣâ ‘al-kāl-hā’āreṣ wəzō’ṯ hayyāḏ hannəṭûyâ ‘al-kāl-hagwōyim:

27 kî-yəhwâ ṣəḇā’wōṯ yā‘āṣ ûmî yāfēr wəyāḏwō hannəṭûyâ ûmî³ yəšîḇennâ: f

28 bišənaṯ-mwōṯ hammeleḵə ’āḥāz hāyâ hammaśśā’ hazzeh:

29 ’al-tiśəməḥî fəlešeṯ kullēḵə kî nišəbar šēḇeṭ makēḵə kî-miššōreš nāḥāš yēṣē’ ṣef^a‘ ûfirəywō śārāf mə‘wōfēf:

30 wərā‘û bəḵwōrê ḏallîm wə’eḇəywōnîm lāḇeṭ^aḥ yirəbāṣû wəhēmatî ḇārā‘āḇ šārəšēḵə ûšə’ērîṯēḵə yahărōḡ:

31 hêlîlî š^a‘ar z^a‘ăqî-‘îr nāmwōḡ pəlešeṯ kullēḵə kî miṣṣāfwōn ‘āšān bā’ wə’ên bwōḏēḏ bəmwō‘āḏāyw:

32 ûmah-yy^a‘ăneh malə’ăḵê-ḡwōy kî yəhwâ yissaḏ ṣîywōn ûḇāh yeḥĕsû ‘ănîyê ‘ammwō: s

‎1 ‏מַשָּׂ֖א מוֹאָ֑ב כִּ֠י בְּלֵ֞יל שֻׁדַּ֨ד עָ֤ר מוֹאָב֙ נִדְמָ֔ה כִּ֗י בְּלֵ֛יל שֻׁדַּ֥ד קִיר־מוֹאָ֖ב נִדְמָֽה׃

‎2 ‏עָלָ֨ה הַבַּ֧יִת וְדִיבֹ֛ן הַבָּמ֖וֹת לְבֶ֑כִי עַל־נְב֞וֹ וְעַ֤ל מֵֽידְבָא֙ מוֹאָ֣ב יְיֵלִ֔יל בְּכָל־רֹאשָׁ֣יו קָרְחָ֔ה כָּל־זָקָ֖ן גְּרוּעָֽה׃

‎3 ‏בְּחוּצֹתָ֖יו חָ֣גְרוּ שָׂ֑ק עַ֣ל גַּגּוֹתֶ֧יהָ וּבִרְחֹבֹתֶ֛יהָ כֻּלֹּ֥ה יְיֵלִ֖יל יֹרֵ֥ד בַּבֶּֽכִי׃

‎4 ‏וַתִּזְעַ֤ק חֶשְׁבּוֹן֙ וְאֶלְעָלֵ֔ה עַד־יַ֖הַץ נִשְׁמַ֣ע קוֹלָ֑ם עַל־כֵּ֗ן חֲלֻצֵ֤י מוֹאָב֙ יָרִ֔יעוּ נַפְשׁ֖וֹ יָ֥רְעָה לּֽוֹ׃

‎5 ‏לִבִּי֙ לְמוֹאָ֣ב יִזְעָ֔ק בְּרִיחֶ֕הָ עַד־צֹ֖עַר עֶגְלַ֣ת שְׁלִשִׁיָּ֑ה כִּ֣י׀ מַעֲלֵ֣ה הַלּוּחִ֗ית בִּבְכִי֙ יַֽעֲלֶה־בּ֔וֹ כִּ֚י דֶּ֣רֶךְ חוֹרֹנַ֔יִם זַעֲקַת־שֶׁ֖בֶר יְעֹעֵֽרוּ׃

‎6 ‏כִּֽי־מֵ֥י נִמְרִ֖ים מְשַׁמּ֣וֹת יִֽהְי֑וּ כִּֽי־יָבֵ֤שׁ חָצִיר֙ כָּ֣לָה דֶ֔שֶׁא יֶ֖רֶק לֹ֥א הָיָֽה׃

‎7 ‏עַל־כֵּ֖ן יִתְרָ֣ה עָשָׂ֑ה וּפְקֻדָּתָ֔ם עַ֛ל נַ֥חַל הָעֲרָבִ֖ים יִשָּׂאֽוּם׃

‎8 ‏כִּֽי־הִקִּ֥יפָה הַזְּעָקָ֖ה אֶת־גְּב֣וּל מוֹאָ֑ב עַד־אֶגְלַ֙יִם֙ יִלְלָתָ֔הּ וּבְאֵ֥ר אֵילִ֖ים יִלְלָתָֽהּ׃

‎9 ‏כִּ֣י מֵ֤י דִימוֹן֙ מָ֣לְאוּ דָ֔ם כִּֽי־אָשִׁ֥ית עַל־דִּימ֖וֹן נוֹסָפ֑וֹת לִפְלֵיטַ֤ת מוֹאָב֙ אַרְיֵ֔ה וְלִשְׁאֵרִ֖ית אֲדָמָֽה׃

1 maśśā’ mwō’āḇ kî bəlêl šudaḏ ‘ār mwō’āḇ niḏəmâ kî bəlêl šudaḏ qîr-mwō’āḇ niḏəmâ:

2 ‘ālâ habayiṯ wəḏîḇōn habāmwōṯ ləḇeḵî ‘al-nəḇwō wə‘al mêḏəḇā’ mwō’āḇ yəyēlîl bəḵāl-rō’šāyw qārəḥâ kāl-zāqān gərû‘â:

3 bəḥûṣōṯāyw ḥāḡərû śāq ‘al gagwōṯeyhā ûḇirəḥōḇōṯeyhā kullōh yəyēlîl yōrēḏ babeḵî:

4 watizə‘aq ḥešəbwōn wə’elə‘ālēh ‘aḏ-yahaṣ nišəm^a‘ qwōlām ‘al-kēn ḥăluṣê mwō’āḇ yārî‘û nafəšwō yārə‘â llwō:

5 libî ləmwō’āḇ yizə‘āq bərîḥehā ‘aḏ-ṣō‘ar ‘eḡəlaṯ šəlišîyâ kî| m^a‘ălēh hallûḥîṯ biḇəḵî y^a‘ăleh-bwō kî dereḵə ḥwōrōnayim z^a‘ăqaṯ-šeḇer yə‘ō‘ērû:

6 kî-mê nimərîm məšammwōṯ yihəyû kî-yāḇēš ḥāṣîr kālâ ḏeše’ yereq lō’ hāyâ:

7 ‘al-kēn yiṯərâ ‘āśâ ûfəqudāṯām ‘al n^aḥal hā‘ărāḇîm yiśśā’ûm:

8 kî-hiqqîfâ hazzə‘āqâ ’eṯ-gəḇûl mwō’āḇ ‘aḏ-’eḡəlayim yiləlāṯāh ûḇə’ēr ’êlîm yiləlāṯāh:

9 kî mê ḏîmwōn mālə’û ḏām kî-’āšîṯ ‘al-dîmwōn nwōsāfwōṯ lifəlêṭaṯ mwō’āḇ ’arəyēh wəlišə’ērîṯ ’ăḏāmâ:

‎1 ‏שִׁלְחוּ־כַ֥ר מֹשֵֽׁל־אֶ֖רֶץ מִסֶּ֣לַע מִדְבָּ֑רָה אֶל־הַ֖ר בַּת־צִיּֽוֹן׃

‎2 ‏וְהָיָ֥ה כְעוֹף־נוֹדֵ֖ד קֵ֣ן מְשֻׁלָּ֑ח תִּֽהְיֶ֙ינָה֙ בְּנ֣וֹת מוֹאָ֔ב מַעְבָּרֹ֖ת לְאַרְנֽוֹן׃

‎3 ‏הביאו הָבִ֤יאִי עֵצָה֙ עֲשׂ֣וּ פְלִילָ֔ה שִׁ֧יתִי כַלַּ֛יִל צִלֵּ֖ךְ בְּת֣וֹךְ צָהֳרָ֑יִם סַתְּרִי֙ נִדָּחִ֔ים נֹדֵ֖ד אַל־תְּגַלִּֽי׃

‎4 ‏יָג֤וּרוּ בָךְ֙ נִדָּחַ֔י מוֹאָ֛ב הֱוִי־סֵ֥תֶר לָ֖מוֹ מִפְּנֵ֣י שׁוֹדֵ֑ד כִּֽי־אָפֵ֤ס הַמֵּץ֙ כָּ֣לָה שֹׁ֔ד תַּ֥מּוּ רֹמֵ֖ס מִן־הָאָֽרֶץ׃

‎5 ‏וְהוּכַ֤ן בַּחֶ֙סֶד֙ כִּסֵּ֔א וְיָשַׁ֥ב עָלָ֛יו בֶּאֱמֶ֖ת בְּאֹ֣הֶל דָּוִ֑ד שֹׁפֵ֛ט וְדֹרֵ֥שׁ מִשְׁפָּ֖ט וּמְהִ֥ר צֶֽדֶק׃

‎6 ‏שָׁמַ֥עְנוּ גְאוֹן־מוֹאָ֖ב גֵּ֣א מְאֹ֑ד גַּאֲוָת֧וֹ וּגְאוֹנ֛וֹ וְעֶבְרָת֖וֹ לֹא־כֵ֥ן בַּדָּֽיו׃ ס

‎7 ‏לָכֵ֗ן יְיֵלִ֥יל מוֹאָ֛ב לְמוֹאָ֖ב כֻּלֹּ֣ה יְיֵלִ֑יל לַאֲשִׁישֵׁ֧י קִיר־חֲרֶ֛שֶׂת תֶּהְגּ֖וּ אַךְ־נְכָאִֽים׃

‎8 ‏כִּ֣י שַׁדְמוֹת֩ חֶשְׁבּ֨וֹן אֻמְלָ֜ל גֶּ֣פֶן שִׂבְמָ֗ה בַּעֲלֵ֤י גוֹיִם֙ הָלְמ֣וּ שְׂרוּקֶּ֔יהָ עַד־יַעְזֵ֥ר נָגָ֖עוּ תָּ֣עוּ מִדְבָּ֑ר שְׁלֻ֣חוֹתֶ֔יהָ נִטְּשׁ֖וּ עָ֥בְרוּ יָֽם׃

‎9 ‏עַל־כֵּ֡ן אֶבְכֶּ֞ה בִּבְכִ֤י יַעְזֵר֙ גֶּ֣פֶן שִׂבְמָ֔ה אֲרַיָּ֙וֶךְ֙ דִּמְעָתִ֔י חֶשְׁבּ֖וֹן וְאֶלְעָלֵ֑ה כִּ֧י עַל־קֵיצֵ֛ךְ וְעַל־קְצִירֵ֖ךְ הֵידָ֥ד נָפָֽל׃

‎10 ‏וְנֶאֱסַ֨ף שִׂמְחָ֤ה וָגִיל֙ מִן־הַכַּרְמֶ֔ל וּבַכְּרָמִ֥ים לֹֽא־יְרֻנָּ֖ן לֹ֣א יְרֹעָ֑ע יַ֗יִן בַּיְקָבִ֛ים לֹֽא־יִדְרֹ֥ךְ הַדֹּרֵ֖ךְ הֵידָ֥ד הִשְׁבַּֽתִּי׃

‎11 ‏עַל־כֵּן֙ מֵעַ֣י לְמוֹאָ֔ב כַּכִּנּ֖וֹר יֶֽהֱמ֑וּ וְקִרְבִּ֖י לְקִ֥יר חָֽרֶשׂ׃

‎12 ‏וְהָיָ֧ה כִֽי־נִרְאָ֛ה כִּֽי־נִלְאָ֥ה מוֹאָ֖ב עַל־הַבָּמָ֑ה וּבָ֧א אֶל־מִקְדָּשׁ֛וֹ לְהִתְפַּלֵּ֖ל וְלֹ֥א יוּכָֽל׃

‎13 ‏זֶ֣ה הַדָּבָ֗ר אֲשֶׁ֨ר דִּבֶּ֧ר יְהוָ֛ה אֶל־מוֹאָ֖ב מֵאָֽז׃

‎14 ‏וְעַתָּ֗ה דִּבֶּ֣ר יְהוָה֮ לֵאמֹר֒ בְּשָׁלֹ֤שׁ שָׁנִים֙ כִּשְׁנֵ֣י שָׂכִ֔יר וְנִקְלָה֙ כְּב֣וֹד מוֹאָ֔ב בְּכֹ֖ל הֶהָמ֣וֹן הָרָ֑ב וּשְׁאָ֥ר מְעַ֛ט מִזְעָ֖ר ל֥וֹא כַבִּֽיר׃ ס

1 šiləḥû-ḵar mōšēl-’ereṣ missel^a‘ miḏəbārâ ’el-har baṯ-ṣîywōn:

2 wəhāyâ ḵə‘wōf-nwōḏēḏ qēn məšullāḥ tihəyeynâ bənwōṯ mwō’āḇ m^a‘əbārōṯ lə’arənwōn:

3 hāḇî’û hāḇî’î ‘ēṣâ ‘ăśû fəlîlâ šîṯî ḵallayil ṣillēḵə bəṯwōḵə ṣâŏrāyim satərî nidāḥîm nōḏēḏ ’al-təḡallî:

4 yāḡûrû ḇāḵə nidāḥay mwō’āḇ hĕwî-sēṯer lāmwō mipənê šwōḏēḏ kî-’āfēs hammēṣ kālâ šōḏ tammû rōmēs min-hā’āreṣ:

5 wəhûḵan b^aḥeseḏ kissē’ wəyāšaḇ ‘ālāyw be’ĕmeṯ bə’ōhel dāwiḏ šōfēṭ wəḏōrēš mišəpāṭ ûməhir ṣeḏeq:

6 šām^a‘ənû ḡə’wōn-mwō’āḇ gē’ mə’ōḏ ga’ăwāṯwō ûḡə’wōnwō wə‘eḇərāṯwō lō’-ḵēn badāyw: s

7 lāḵēn yəyēlîl mwō’āḇ ləmwō’āḇ kullōh yəyēlîl la’ăšîšê qîr-ḥăreśeṯ tehəgû ’aḵə-nəḵā’îm:

8 kî šaḏəmwōṯ ḥešəbwōn ’uməlāl gefen śiḇəmâ b^a‘ălê ḡwōyim hāləmû śərûqqeyhā ‘aḏ-y^a‘əzēr nāḡā‘û tā‘û miḏəbār šəluḥwōṯeyhā niṭṭəšû ‘āḇərû yām:

9 ‘al-kēn ’eḇəkeh biḇəḵî y^a‘əzēr gefen śiḇəmâ ’ărayyāweḵə dimə‘āṯî ḥešəbwōn wə’elə‘ālēh kî ‘al-qêṣēḵə wə‘al-qəṣîrēḵə hêḏāḏ nāfāl:

10 wəne’ĕsaf śiməḥâ wāḡîl min-hakarəmel ûḇakərāmîm lō’-yərunnān lō’ yərō‘ā‘ yayin bayəqāḇîm lō’-yiḏərōḵə hadōrēḵə hêḏāḏ hišəbatî:

11 ‘al-kēn mē‘ay ləmwō’āḇ kakinnwōr yehĕmû wəqirəbî ləqîr ḥāreś:

12 wəhāyâ ḵî-nirə’â kî-nilə’â mwō’āḇ ‘al-habāmâ ûḇā’ ’el-miqədāšwō ləhiṯəpallēl wəlō’ yûḵāl:

13 zeh hadāḇār ’ăšer diber yəhwâ ’el-mwō’āḇ mē’āz:

14 wə‘atâ diber yəhwâ lē’mōr bəšālōš šānîm kišənê śāḵîr wəniqəlâ kəḇwōḏ mwō’āḇ bəḵōl hehāmwōn hārāḇ ûšə’ār mə‘aṭ mizə‘ār lwō’ ḵabîr: s

‎1 ‏מַשָּׂ֖א דַּמָּ֑שֶׂק הִנֵּ֤ה דַמֶּ֙שֶׂק֙ מוּסָ֣ר מֵעִ֔יר וְהָיְתָ֖ה מְעִ֥י מַפָּלָֽה׃

‎2 ‏עֲזֻב֖וֹת עָרֵ֣י עֲרֹעֵ֑ר לַעֲדָרִ֣ים תִּֽהְיֶ֔ינָה וְרָבְצ֖וּ וְאֵ֥ין מַחֲרִֽיד׃

‎3 ‏וְנִשְׁבַּ֤ת מִבְצָר֙ מֵֽאֶפְרַ֔יִם וּמַמְלָכָ֥ה מִדַּמֶּ֖שֶׂק וּשְׁאָ֣ר אֲרָ֑ם כִּכְב֤וֹד בְּנֵֽי־יִשְׂרָאֵל֙ יִֽהְי֔וּ נְאֻ֖ם יְהוָ֥ה צְבָאֽוֹת׃ ס

‎4 ‏וְהָיָה֙ בַּיּ֣וֹם הַה֔וּא יִדַּ֖ל כְּב֣וֹד יַעֲקֹ֑ב וּמִשְׁמַ֥ן בְּשָׂר֖וֹ יֵרָזֶֽה׃

‎5 ‏וְהָיָ֗ה כֶּֽאֱסֹף֙ קָצִ֣יר קָמָ֔ה וּזְרֹע֖וֹ שִׁבֳּלִ֣ים יִקְצ֑וֹר וְהָיָ֛ה כִּמְלַקֵּ֥ט שִׁבֳּלִ֖ים בְּעֵ֥מֶק רְפָאִֽים׃

‎6 ‏וְנִשְׁאַר־בּ֤וֹ עֽוֹלֵלֹת֙ כְּנֹ֣קֶף זַ֔יִת שְׁנַ֧יִם שְׁלֹשָׁ֛ה גַּרְגְּרִ֖ים בְּרֹ֣אשׁ אָמִ֑יר אַרְבָּעָ֣ה חֲמִשָּׁ֗ה בִּסְעִפֶ֙יהָ֙ פֹּֽרִיָּ֔ה נְאֻם־יְהוָ֖ה אֱלֹהֵ֥י יִשְׂרָאֵֽל׃ ס

‎7 ‏בַּיּ֣וֹם הַה֔וּא יִשְׁעֶ֥ה הָאָדָ֖ם עַל־עֹשֵׂ֑הוּ וְעֵינָ֕יו אֶל־קְד֥וֹשׁ יִשְׂרָאֵ֖ל תִּרְאֶֽינָה׃

‎8 ‏וְלֹ֣א יִשְׁעֶ֔ה אֶל־הַֽמִּזְבְּח֖וֹת מַעֲשֵׂ֣ה יָדָ֑יו וַאֲשֶׁ֨ר עָשׂ֤וּ אֶצְבְּעֹתָיו֙ לֹ֣א יִרְאֶ֔ה וְהָאֲשֵׁרִ֖ים וְהָחַמָּנִֽים׃

‎9 ‏בַּיּ֨וֹם הַה֜וּא יִהְי֣וּ׀ עָרֵ֣י מָעֻזּ֗וֹ כַּעֲזוּבַ֤ת הַחֹ֙רֶשׁ֙ וְהָ֣אָמִ֔יר אֲשֶׁ֣ר עָזְב֔וּ מִפְּנֵ֖י בְּנֵ֣י יִשְׂרָאֵ֑ל וְהָיְתָ֖ה שְׁמָמָֽה׃

‎10 ‏כִּ֤י שָׁכַ֙חַתְּ֙ אֱלֹהֵ֣י יִשְׁעֵ֔ךְ וְצ֥וּר מָעֻזֵּ֖ךְ לֹ֣א זָכָ֑רְתְּ עַל־כֵּ֗ן תִּטְּעִי֙ נִטְעֵ֣י נַעֲמָנִ֔ים וּזְמֹ֥רַת זָ֖ר תִּזְרָעֶֽנּוּ׃

‎11 ‏בְּי֤וֹם נִטְעֵךְ֙ תְּשַׂגְשֵׂ֔גִי וּבַבֹּ֖קֶר זַרְעֵ֣ךְ תַּפְרִ֑יחִי נֵ֥ד קָצִ֛יר בְּי֥וֹם נַחֲלָ֖ה וּכְאֵ֥ב אָנֽוּשׁ׃ ס

‎12 ‏ה֗וֹי הֲמוֹן֙ עַמִּ֣ים רַבִּ֔ים כַּהֲמ֥וֹת יַמִּ֖ים יֶהֱמָי֑וּן וּשְׁא֣וֹן לְאֻמִּ֔ים כִּשְׁא֛וֹן מַ֥יִם כַּבִּירִ֖ים יִשָּׁאֽוּן׃

‎13 ‏לְאֻמִּ֗ים כִּשְׁא֞וֹן מַ֤יִם רַבִּים֙ יִשָּׁא֔וּן וְגָ֥עַר בּ֖וֹ וְנָ֣ס מִמֶּרְחָ֑ק וְרֻדַּ֗ף כְּמֹ֤ץ הָרִים֙ לִפְנֵי־ר֔וּחַ וּכְגַלְגַּ֖ל לִפְנֵ֥י סוּפָֽה׃

‎14 ‏לְעֵ֥ת עֶ֙רֶב֙ וְהִנֵּ֣ה בַלָּהָ֔ה בְּטֶ֥רֶם בֹּ֖קֶר אֵינֶ֑נּוּ זֶ֚ה חֵ֣לֶק שׁוֹסֵ֔ינוּ וְגוֹרָ֖ל לְבֹזְזֵֽינוּ׃ ס

1 maśśā’ dammāśeq hinnēh ḏammeśeq mûsār mē‘îr wəhāyəṯâ mə‘î mapālâ:

2 ‘ăzuḇwōṯ ‘ārê ‘ărō‘ēr l^a‘ăḏārîm tihəyeynâ wərāḇəṣû wə’ên m^aḥărîḏ:

3 wənišəbaṯ miḇəṣār mē’efərayim ûmaməlāḵâ midammeśeq ûšə’ār ’ărām kiḵəḇwōḏ bənê-yiśərā’ēl yihəyû nə’um yəhwâ ṣəḇā’wōṯ: s

4 wəhāyâ bayywōm hahû’ yidal kəḇwōḏ y^a‘ăqōḇ ûmišəman bəśārwō yērāzeh:

5 wəhāyâ ke’ĕsōf qāṣîr qāmâ ûzərō‘wō šibŏlîm yiqəṣwōr wəhāyâ kiməlaqqēṭ šibŏlîm bə‘ēmeq rəfā’îm:

6 wənišə’ar-bwō ‘wōlēlōṯ kənōqef zayiṯ šənayim šəlōšâ garəgərîm bərō’š ’āmîr ’arəbā‘â ḥămiššâ bisə‘ifeyhā pōrîyâ nə’um-yəhwâ ’ĕlōhê yiśərā’ēl: s

7 bayywōm hahû’ yišə‘eh hā’āḏām ‘al-‘ōśēhû wə‘ênāyw ’el-qəḏwōš yiśərā’ēl tirə’eynâ:

8 wəlō’ yišə‘eh ’el-hammizəbəḥwōṯ m^a‘ăśēh yāḏāyw wa’ăšer ‘āśû ’eṣəbə‘ōṯāyw lō’ yirə’eh wəhā’ăšērîm wəhāḥammānîm:

9 bayywōm hahû’ yihəyû| ‘ārê mā‘uzzwō k^a‘ăzûḇaṯ h^aḥōreš wəhā’āmîr ’ăšer ‘āzəḇû mipənê bənê yiśərā’ēl wəhāyəṯâ šəmāmâ:

10 kî šāḵ^aḥatə ’ĕlōhê yišə‘ēḵə wəṣûr mā‘uzzēḵə lō’ zāḵārətə ‘al-kēn tiṭṭə‘î niṭə‘ê n^a‘ămānîm ûzəmōraṯ zār tizərā‘ennû:

11 bəywōm niṭə‘ēḵə təśaḡəśēḡî ûḇabōqer zarə‘ēḵə tafərîḥî nēḏ qāṣîr bəywōm n^aḥălâ ûḵə’ēḇ ’ānûš: s

12 hwōy hămwōn ‘ammîm rabîm kahămwōṯ yammîm yehĕmāyûn ûšə’wōn lə’ummîm kišə’wōn mayim kabîrîm yiššā’ûn:

13 lə’ummîm kišə’wōn mayim rabîm yiššā’ûn wəḡā‘ar bwō wənās mimmerəḥāq wərudaf kəmōṣ hārîm lifənê-rûḥa ûḵəḡaləgal lifənê sûfâ:

14 lə‘ēṯ ‘ereḇ wəhinnēh ḇallââ bəṭerem bōqer ’ênennû zeh ḥēleq šwōsênû wəḡwōrāl ləḇōzəzênû: s

‎1 ‏ה֥וֹי אֶ֖רֶץ צִלְצַ֣ל כְּנָפָ֑יִם אֲשֶׁ֥ר מֵעֵ֖בֶר לְנַֽהֲרֵי־כֽוּשׁ׃

‎2 ‏הַשֹּׁלֵ֨חַ בַּיָּ֜ם צִירִ֗ים וּבִכְלֵי־גֹמֶא֮ עַל־פְּנֵי־מַיִם֒ לְכ֣וּ׀ מַלְאָכִ֣ים קַלִּ֗ים אֶל־גּוֹי֙ מְמֻשָּׁ֣ךְ וּמוֹרָ֔ט אֶל־עַ֥ם נוֹרָ֖א מִן־ה֣וּא וָהָ֑לְאָה גּ֚וֹי קַו־קָ֣ו וּמְבוּסָ֔ה אֲשֶׁר־בָּזְא֥וּ נְהָרִ֖ים אַרְצֽוֹ׃

‎3 ‏כָּל־יֹשְׁבֵ֥י תֵבֵ֖ל וְשֹׁ֣כְנֵי אָ֑רֶץ כִּנְשֹׂא־נֵ֤ס הָרִים֙ תִּרְא֔וּ וְכִתְקֹ֥עַ שׁוֹפָ֖ר תִּשְׁמָֽעוּ׃ ס

‎4 ‏כִּי֩ כֹ֨ה³ אָמַ֤ר יְהוָה֙ אֵלַ֔י אשקוטה אֶשְׁקֳטָ֖ה וְאַבִּ֣יטָה בִמְכוֹנִ֑י כְּחֹ֥ם צַח֙ עֲלֵי־א֔וֹר כְּעָ֥ב טַ֖ל בְּחֹ֥ם קָצִֽיר׃

‎5 ‏כִּֽי־לִפְנֵ֤י קָצִיר֙ כְּתָם־פֶּ֔רַח וּבֹ֥סֶר גֹּמֵ֖ל יִֽהְיֶ֣ה נִצָּ֑ה וְכָרַ֤ת הַזַּלְזַלִּים֙ בַּמַּזְמֵר֔וֹת וְאֶת־הַנְּטִישׁ֖וֹת הֵסִ֥יר הֵתַֽז׃

‎6 ‏יֵעָזְב֤וּ יַחְדָּו֙ לְעֵ֣יט הָרִ֔ים וּֽלְבֶהֱמַ֖ת הָאָ֑רֶץ וְקָ֤ץ עָלָיו֙ הָעַ֔יִט וְכָל־בֶּהֱמַ֥ת הָאָ֖רֶץ עָלָ֥יו תֶּחֱרָֽף׃

‎7 ‏בָּעֵת֩ הַהִ֨יא יֽוּבַל־שַׁ֜י לַיהוָ֣ה צְבָא֗וֹת עַ֚ם מְמֻשָּׁ֣ךְ וּמוֹרָ֔ט וּמֵעַ֥ם נוֹרָ֖א מִן־ה֣וּא וָהָ֑לְאָה גּ֣וֹי׀ קַו־קָ֣ו וּמְבוּסָ֗ה אֲשֶׁ֨ר בָּזְא֤וּ נְהָרִים֙ אַרְצ֔וֹ אֶל־מְק֛וֹם שֵׁם־יְהוָ֥ה צְבָא֖וֹת הַר־צִיּֽוֹן׃ ס

1 hwōy ’ereṣ ṣiləṣal kənāfāyim ’ăšer mē‘ēḇer lənahărê-ḵûš:

2 haššōlēḥa bayyām ṣîrîm ûḇiḵəlê-ḡōme’ ‘al-pənê-mayim ləḵû| malə’āḵîm qallîm ’el-gwōy məmuššāḵə ûmwōrāṭ ’el-‘am nwōrā’ min-hû’ wâālə’â gwōy qaw-qāw ûməḇûsâ ’ăšer-bāzə’û nəhārîm ’arəṣwō:

3 kāl-yōšəḇê ṯēḇēl wəšōḵənê ’āreṣ kinəśō’-nēs hārîm tirə’û wəḵiṯəqō‘a šwōfār tišəmā‘û: s

4 kî ḵōh³ ’āmar yəhwâ ’ēlay ’ešəqwōṭâ ’ešəqŏṭâ wə’abîṭâ ḇiməḵwōnî kəḥōm ṣ^aḥ ‘ălê-’wōr kə‘āḇ ṭal bəḥōm qāṣîr:

5 kî-lifənê qāṣîr kəṯām-per^aḥ ûḇōser gōmēl yihəyeh niṣṣâ wəḵāraṯ hazzaləzallîm bammazəmērwōṯ wə’eṯ-hannəṭîšwōṯ hēsîr hēṯaz:

6 yē‘āzəḇû y^aḥədāw lə‘êṭ hārîm ûləḇehĕmaṯ hā’āreṣ wəqāṣ ‘ālāyw hā‘ayiṭ wəḵāl-behĕmaṯ hā’āreṣ ‘ālāyw teḥĕrāf:

7 bā‘ēṯ hahî’ yûḇal-šay layhwâ ṣəḇā’wōṯ ‘am məmuššāḵə ûmwōrāṭ ûmē‘am nwōrā’ min-hû’ wâālə’â gwōy| qaw-qāw ûməḇûsâ ’ăšer bāzə’û nəhārîm ’arəṣwō ’el-məqwōm šēm-yəhwâ ṣəḇā’wōṯ har-ṣîywōn: s

‎1 ‏מַשָּׂ֖א מִצְרָ֑יִם הִנֵּ֨ה יְהוָ֜ה רֹכֵ֨ב עַל־עָ֥ב קַל֙ וּבָ֣א מִצְרַ֔יִם וְנָע֞וּ אֱלִילֵ֤י מִצְרַ֙יִם֙ מִפָּנָ֔יו וּלְבַ֥ב מִצְרַ֖יִם יִמַּ֥ס בְּקִרְבּֽוֹ׃

‎2 ‏וְסִכְסַכְתִּ֤י מִצְרַ֙יִם֙ בְּמִצְרַ֔יִם וְנִלְחֲמ֥וּ אִישׁ־בְּאָחִ֖יו וְאִ֣ישׁ בְּרֵעֵ֑הוּ עִ֣יר בְּעִ֔יר מַמְלָכָ֖ה בְּמַמְלָכָֽה׃

‎3 ‏וְנָבְקָ֤ה רֽוּחַ־מִצְרַ֙יִם֙ בְּקִרְבּ֔וֹ וַעֲצָת֖וֹ אֲבַלֵּ֑עַ וְדָרְשׁ֤וּ אֶל־הָֽאֱלִילִים֙ וְאֶל־הָ֣אִטִּ֔ים וְאֶל־הָאֹב֖וֹת וְאֶל־הַיִּדְּעֹנִֽים׃

‎4 ‏וְסִכַּרְתִּי֙ אֶת־מִצְרַ֔יִם בְּיַ֖ד אֲדֹנִ֣ים קָשֶׁ֑ה וּמֶ֤לֶךְ עַז֙ יִמְשָׁל־בָּ֔ם נְאֻ֥ם הָאָד֖וֹן יְהוָ֥ה צְבָאֽוֹת׃

‎5 ‏וְנִשְּׁתוּ־מַ֖יִם מֵֽהַיָּ֑ם וְנָהָ֖ר יֶחֱרַ֥ב וְיָבֵֽשׁ׃

‎6 ‏וְהֶאֶזְנִ֣יחוּ נְהָר֔וֹת דָּלֲל֥וּ וְחָרְב֖וּ יְאֹרֵ֣י מָצ֑וֹר קָנֶ֥ה וָס֖וּף קָמֵֽלוּ׃

‎7 ‏עָר֥וֹת עַל־יְא֖וֹר עַל־פִּ֣י יְא֑וֹר וְכֹל֙ מִזְרַ֣ע יְא֔וֹר יִיבַ֥שׁ נִדַּ֖ף וְאֵינֶֽנּוּ׃

‎8 ‏וְאָנוּ֙ הַדַּיָּגִ֔ים וְאָ֣בְל֔וּ כָּל־מַשְׁלִיכֵ֥י בַיְא֖וֹר חַכָּ֑ה וּפֹרְשֵׂ֥י מִכְמֹ֛רֶת עַל־פְּנֵי־מַ֖יִם אֻמְלָֽלוּ׃

‎9 ‏וּבֹ֛שׁוּ עֹבְדֵ֥י פִשְׁתִּ֖ים שְׂרִיק֑וֹת וְאֹרְגִ֖ים חוֹרָֽי׃

‎10 ‏וְהָי֥וּ שָׁתֹתֶ֖יהָ מְדֻכָּאִ֑ים כָּל־עֹ֥שֵׂי שֶׂ֖כֶר אַגְמֵי־נָֽפֶשׁ׃

‎11 ‏אַךְ־אֱוִלִים֙ שָׂ֣רֵי צֹ֔עַן חַכְמֵי֙ יֹעֲצֵ֣י פַרְעֹ֔ה עֵצָ֖ה נִבְעָרָ֑ה אֵ֚יךְ תֹּאמְר֣וּ אֶל־פַּרְעֹ֔ה בֶּן־חֲכָמִ֥ים אֲנִ֖י בֶּן־מַלְכֵי־קֶֽדֶם׃

‎12 ‏אַיָּם֙ אֵפ֣וֹא חֲכָמֶ֔יךָ וְיַגִּ֥ידוּ נָ֖א לָ֑ךְ וְיֵ֣דְע֔וּ מַה־יָּעַ֛ץ יְהוָ֥ה צְבָא֖וֹת עַל־מִצְרָֽיִם׃

‎13 ‏נֽוֹאֲלוּ֙ שָׂ֣רֵי צֹ֔עַן נִשְּׁא֖וּ שָׂ֣רֵי נֹ֑ף הִתְע֥וּ אֶת־מִצְרַ֖יִם פִּנַּ֥ת שְׁבָטֶֽיהָ׃

‎14 ‏יְהוָ֛ה מָסַ֥ךְ בְּקִרְבָּ֖הּ ר֣וּחַ עִוְעִ֑ים וְהִתְע֤וּ אֶת־מִצְרַ֙יִם֙ בְּכָֽל־מַעֲשֵׂ֔הוּ כְּהִתָּע֥וֹת שִׁכּ֖וֹר בְּקִיאֽוֹ׃

‎15 ‏וְלֹֽא־יִהְיֶ֥ה לְמִצְרַ֖יִם מַֽעֲשֶׂ֑ה אֲשֶׁ֧ר יַעֲשֶׂ֛ה רֹ֥אשׁ וְזָנָ֖ב כִּפָּ֥ה וְאַגְמֽוֹן׃ ס

‎16 ‏בַּיּ֣וֹם הַה֔וּא יִֽהְיֶ֥ה מִצְרַ֖יִם כַּנָּשִׁ֑ים וְחָרַ֣ד׀ וּפָחַ֗ד מִפְּנֵי֙ תְּנוּפַת֙ יַד־יְהוָ֣ה צְבָא֔וֹת אֲשֶׁר־ה֖וּא מֵנִ֥יף עָלָֽיו׃

‎17 ‏וְ֠הָיְתָה אַדְמַ֨ת יְהוּדָ֤ה לְמִצְרַ֙יִם֙ לְחָגָּ֔א כֹּל֩ אֲשֶׁ֨ר יַזְכִּ֥יר אֹתָ֛הּ אֵלָ֖יו יִפְחָ֑ד מִפְּנֵ֗י עֲצַת֙ יְהוָ֣ה צְבָא֔וֹת אֲשֶׁר־ה֖וּא יוֹעֵ֥ץ עָלָֽיו׃ ס

‎18 ‏בַּיּ֣וֹם הַה֡וּא יִהְיוּ֩ חָמֵ֨שׁ עָרִ֜ים בְּאֶ֣רֶץ מִצְרַ֗יִם מְדַבְּרוֹת֙ שְׂפַ֣ת כְּנַ֔עַן וְנִשְׁבָּע֖וֹת לַיהוָ֣ה צְבָא֑וֹת עִ֣יר הַהֶ֔רֶס יֵאָמֵ֖ר לְאֶחָֽת׃ ס

‎19 ‏בַּיּ֣וֹם הַה֗וּא יִֽהְיֶ֤ה מִזְבֵּ֙חַ֙ לַֽיהוָ֔ה בְּת֖וֹךְ אֶ֣רֶץ מִצְרָ֑יִם וּמַצֵּבָ֥ה אֵֽצֶל־גְּבוּלָ֖הּ לַֽיהוָֽה׃

‎20 ‏וְהָיָ֨ה לְא֥וֹת וּלְעֵ֛ד לַֽיהוָ֥ה צְבָא֖וֹת בְּאֶ֣רֶץ מִצְרָ֑יִם כִּֽי־יִצְעֲק֤וּ אֶל־יְהוָה֙ מִפְּנֵ֣י לֹֽחֲצִ֔ים וְיִשְׁלַ֥ח לָהֶ֛ם מוֹשִׁ֥יעַ וָרָ֖ב וְהִצִּילָֽם׃

‎21 ‏וְנוֹדַ֤ע יְהוָה֙ לְמִצְרַ֔יִם וְיָדְע֥וּ מִצְרַ֛יִם אֶת־יְהוָ֖ה בַּיּ֣וֹם הַה֑וּא וְעָֽבְדוּ֙ זֶ֣בַח וּמִנְחָ֔ה וְנָדְרוּ־נֵ֥דֶר לַֽיהוָ֖ה וְשִׁלֵּֽמוּ׃

‎22 ‏וְנָגַ֧ף יְהוָ֛ה אֶת־מִצְרַ֖יִם נָגֹ֣ף וְרָפ֑וֹא וְשָׁ֙בוּ֙ עַד־יְהוָ֔ה וְנֶעְתַּ֥ר לָהֶ֖ם וּרְפָאָֽם׃

‎23 ‏בַּיּ֣וֹם הַה֗וּא תִּהְיֶ֨ה מְסִלָּ֤ה מִמִּצְרַ֙יִם֙ אַשּׁ֔וּרָה וּבָֽא־אַשּׁ֥וּר בְּמִצְרַ֖יִם וּמִצְרַ֣יִם בְּאַשּׁ֑וּר וְעָבְד֥וּ מִצְרַ֖יִם אֶת־אַשּֽׁוּר׃ ס

‎24 ‏בַּיּ֣וֹם הַה֗וּא יִהְיֶ֤ה יִשְׂרָאֵל֙ שְׁלִ֣ישִׁיָּ֔ה לְמִצְרַ֖יִם וּלְאַשּׁ֑וּר בְּרָכָ֖ה בְּקֶ֥רֶב הָאָֽרֶץ׃

‎25 ‏אֲשֶׁ֧ר בֵּרֲכ֛וֹ יְהוָ֥ה צְבָא֖וֹת לֵאמֹ֑ר בָּר֨וּךְ עַמִּ֜י מִצְרַ֗יִם וּמַעֲשֵׂ֤ה יָדַי֙ אַשּׁ֔וּר וְנַחֲלָתִ֖י יִשְׂרָאֵֽל׃ ס

1 maśśā’ miṣərāyim hinnēh yəhwâ rōḵēḇ ‘al-‘āḇ qal ûḇā’ miṣərayim wənā‘û ’ĕlîlê miṣərayim mipānāyw ûləḇaḇ miṣərayim yimmas bəqirəbwō:

2 wəsiḵəsaḵətî miṣərayim bəmiṣərayim wəniləḥămû ’îš-bə’āḥîw wə’îš bərē‘ēhû ‘îr bə‘îr maməlāḵâ bəmaməlāḵâ:

3 wənāḇəqâ rûḥa-miṣərayim bəqirəbwō w^a‘ăṣāṯwō ’ăḇallē‘a wəḏārəšû ’el-hā’ĕlîlîm wə’el-hā’iṭṭîm wə’el-hā’ōḇwōṯ wə’el-hayyidə‘ōnîm:

4 wəsikarətî ’eṯ-miṣərayim bəyaḏ ’ăḏōnîm qāšeh ûmeleḵə ‘az yiməšāl-bām nə’um hā’āḏwōn yəhwâ ṣəḇā’wōṯ:

5 wəniššəṯû-mayim mēhayyām wənâār yeḥĕraḇ wəyāḇēš:

6 wəhe’ezənîḥû nəhārwōṯ dālălû wəḥārəḇû yə’ōrê māṣwōr qāneh wāsûf qāmēlû:

7 ‘ārwōṯ ‘al-yə’wōr ‘al-pî yə’wōr wəḵōl mizər^a‘ yə’wōr yîḇaš nidaf wə’ênennû:

8 wə’ānû hadayyāḡîm wə’āḇəlû kāl-mašəlîḵê ḇayə’wōr ḥakâ ûfōrəśê miḵəmōreṯ ‘al-pənê-mayim ’uməlālû:

9 ûḇōšû ‘ōḇəḏê fišətîm śərîqwōṯ wə’ōrəḡîm ḥwōrāy:

10 wəhāyû šāṯōṯeyhā məḏukā’îm kāl-‘ōśê śeḵer ’aḡəmê-nāfeš:

11 ’aḵə-’ĕwilîm śārê ṣō‘an ḥaḵəmê yō‘ăṣê farə‘ōh ‘ēṣâ niḇə‘ārâ ’êḵə tō’mərû ’el-parə‘ōh ben-ḥăḵāmîm ’ănî ben-maləḵê-qeḏem:

12 ’ayyām ’ēfwō’ ḥăḵāmeyḵā wəyagîḏû nā’ lāḵə wəyēḏə‘û mah-yyā‘aṣ yəhwâ ṣəḇā’wōṯ ‘al-miṣərāyim:

13 nwō’ălû śārê ṣō‘an niššə’û śārê nōf hiṯə‘û ’eṯ-miṣərayim pinnaṯ šəḇāṭeyhā:

14 yəhwâ māsaḵə bəqirəbāh rûḥa ‘iwə‘îm wəhiṯə‘û ’eṯ-miṣərayim bəḵāl-m^a‘ăśēhû kəhitā‘wōṯ šikwōr bəqî’wō:

15 wəlō’-yihəyeh ləmiṣərayim m^a‘ăśeh ’ăšer y^a‘ăśeh rō’š wəzānāḇ kipâ wə’aḡəmwōn: s

16 bayywōm hahû’ yihəyeh miṣərayim kannāšîm wəḥāraḏ| ûfāḥaḏ mipənê tənûfaṯ yaḏ-yəhwâ ṣəḇā’wōṯ ’ăšer-hû’ mēnîf ‘ālāyw:

17 wəhāyəṯâ ’aḏəmaṯ yəhûḏâ ləmiṣərayim ləḥāgā’ kōl ’ăšer yazəkîr ’ōṯāh ’ēlāyw yifəḥāḏ mipənê ‘ăṣaṯ yəhwâ ṣəḇā’wōṯ ’ăšer-hû’ ywō‘ēṣ ‘ālāyw: s

18 bayywōm hahû’ yihəyû ḥāmēš ‘ārîm bə’ereṣ miṣərayim məḏabərwōṯ śəfaṯ kən^a‘an wənišəbā‘wōṯ layhwâ ṣəḇā’wōṯ ‘îr haheres yē’āmēr lə’eḥāṯ: s

19 bayywōm hahû’ yihəyeh mizəbēḥa layhwâ bəṯwōḵə ’ereṣ miṣərāyim ûmaṣṣēḇâ ’ēṣel-gəḇûlāh layhwâ:

20 wəhāyâ lə’wōṯ ûlə‘ēḏ layhwâ ṣəḇā’wōṯ bə’ereṣ miṣərāyim kî-yiṣə‘ăqû ’el-yəhwâ mipənê lōḥăṣîm wəyišəl^aḥ lâem mwōšî‘a wārāḇ wəhiṣṣîlām:

21 wənwōḏ^a‘ yəhwâ ləmiṣərayim wəyāḏə‘û miṣərayim ’eṯ-yəhwâ bayywōm hahû’ wə‘āḇəḏû zeḇ^aḥ ûminəḥâ wənāḏərû-nēḏer layhwâ wəšillēmû:

22 wənāḡaf yəhwâ ’eṯ-miṣərayim nāḡōf wərāfwō’ wəšāḇû ‘aḏ-yəhwâ wəne‘ətar lâem ûrəfā’ām:

23 bayywōm hahû’ tihəyeh məsillâ mimmiṣərayim ’aššûrâ ûḇā’-’aššûr bəmiṣərayim ûmiṣərayim bə’aššûr wə‘āḇəḏû miṣərayim ’eṯ-’aššûr: s

24 bayywōm hahû’ yihəyeh yiśərā’ēl šəlîšîyâ ləmiṣərayim ûlə’aššûr bərāḵâ bəqereḇ hā’āreṣ:

25 ’ăšer bērăḵwō yəhwâ ṣəḇā’wōṯ lē’mōr bārûḵə ‘ammî miṣərayim ûm^a‘ăśēh yāḏay ’aššûr wən^aḥălāṯî yiśərā’ēl: s

‎1 ‏בִּשְׁנַ֨ת בֹּ֤א תַרְתָּן֙ אַשְׁדּ֔וֹדָה בִּשְׁלֹ֣ח אֹת֔וֹ סַֽרְג֖וֹן מֶ֣לֶךְ אַשּׁ֑וּר וַיִּלָּ֥חֶם בְּאַשְׁדּ֖וֹד וַֽיִּלְכְּדָֽהּ׃

‎2 ‏בָּעֵ֣ת הַהִ֗יא דִּבֶּ֣ר יְהוָה֮ בְּיַ֣ד יְשַׁעְיָ֣הוּ בֶן־אָמוֹץ֮ לֵאמֹר֒ לֵ֗ךְ וּפִתַּחְתָּ֤ הַשַּׂק֙ מֵעַ֣ל מָתְנֶ֔יךָ וְנַעַלְךָ֥ תַחֲלֹ֖ץ מֵעַ֣ל רַגְלֶ֑יךָ וַיַּ֣עַשׂ כֵּ֔ן הָלֹ֖ךְ עָר֥וֹם וְיָחֵֽף׃ ס

‎3 ‏וַיֹּ֣אמֶר יְהוָ֔ה כַּאֲשֶׁ֥ר הָלַ֛ךְ עַבְדִּ֥י יְשַׁעְיָ֖הוּ עָר֣וֹם וְיָחֵ֑ף שָׁלֹ֤שׁ שָׁנִים֙ א֣וֹת וּמוֹפֵ֔ת עַל־מִצְרַ֖יִם וְעַל־כּֽוּשׁ׃

‎4 ‏כֵּ֣ן יִנְהַ֣ג מֶֽלֶךְ־אַ֠שּׁוּר אֶת־שְׁבִ֨י מִצְרַ֜יִם וְאֶת־גָּל֥וּת כּ֛וּשׁ נְעָרִ֥ים וּזְקֵנִ֖ים עָר֣וֹם וְיָחֵ֑ף וַחֲשׂוּפַ֥י שֵׁ֖ת עֶרְוַ֥ת מִצְרָֽיִם׃

‎5 ‏וְחַתּ֖וּ וָבֹ֑שׁוּ מִכּוּשׁ֙ מַבָּטָ֔ם וּמִן־מִצְרַ֖יִם תִּפְאַרְתָּֽם׃

‎6 ‏וְ֠אָמַר יֹשֵׁ֨ב הָאִ֣י הַזֶּה֮ בַּיּ֣וֹם הַהוּא֒ הִנֵּה־כֹ֣ה מַבָּטֵ֗נוּ אֲשֶׁר־נַ֤סְנוּ שָׁם֙ לְעֶזְרָ֔ה לְהִ֨נָּצֵ֔ל מִפְּנֵ֖י מֶ֣לֶךְ אַשּׁ֑וּר וְאֵ֖יךְ נִמָּלֵ֥ט אֲנָֽחְנוּ׃ ס

1 bišənaṯ bō’ ṯarətān ’ašədwōḏâ bišəlōḥ ’ōṯwō sarəḡwōn meleḵə ’aššûr wayyillāḥem bə’ašədwōḏ wayyiləkəḏāh:

2 bā‘ēṯ hahî’ diber yəhwâ bəyaḏ yəš^a‘əyâû ḇen-’āmwōṣ lē’mōr lēḵə ûfit^aḥətā haśśaq mē‘al māṯəneyḵā wən^a‘aləḵā ṯ^aḥălōṣ mē‘al raḡəleyḵā wayy^a‘aś kēn hālōḵə ‘ārwōm wəyāḥēf: s

3 wayyō’mer yəhwâ ka’ăšer hālaḵə ‘aḇədî yəš^a‘əyâû ‘ārwōm wəyāḥēf šālōš šānîm ’wōṯ ûmwōfēṯ ‘al-miṣərayim wə‘al-kûš:

4 kēn yinəhaḡ meleḵə-’aššûr ’eṯ-šəḇî miṣərayim wə’eṯ-gālûṯ kûš nə‘ārîm ûzəqēnîm ‘ārwōm wəyāḥēf w^aḥăśûfay šēṯ ‘erəwaṯ miṣərāyim:

5 wəḥatû wāḇōšû mikûš mabāṭām ûmin-miṣərayim tifə’arətām:

6 wə’āmar yōšēḇ hā’î hazzeh bayywōm hahû’ hinnēh-ḵōh mabāṭēnû ’ăšer-nasənû šām lə‘ezərâ ləhinnāṣēl mipənê meleḵə ’aššûr wə’êḵə nimmālēṭ ’ănāḥənû: s

‎1 ‏מַשָּׂ֖א מִדְבַּר־יָ֑ם כְּסוּפ֤וֹת בַּנֶּ֙גֶב֙ לַֽחֲלֹ֔ף מִמִּדְבָּ֣ר בָּ֔א מֵאֶ֖רֶץ נוֹרָאָֽה׃

‎2 ‏חָז֥וּת קָשָׁ֖ה הֻגַּד־לִ֑י הַבּוֹגֵ֤ד׀ בּוֹגֵד֙ וְהַשּׁוֹדֵ֣ד׀ שׁוֹדֵ֔ד עֲלִ֤י עֵילָם֙ צוּרִ֣י מָדַ֔י כָּל־אַנְחָתָ֖ה הִשְׁבַּֽתִּי׃

‎3 ‏עַל־כֵּ֗ן מָלְא֤וּ מָתְנַי֙ חַלְחָלָ֔ה צִירִ֣ים אֲחָז֔וּנִי כְּצִירֵ֖י יֽוֹלֵדָ֑ה נַעֲוֵ֣יתִי מִשְּׁמֹ֔עַ נִבְהַ֖לְתִּי מֵרְאֽוֹת׃

‎4 ‏תָּעָ֣ה לְבָבִ֔י פַּלָּצ֖וּת בִּֽעֲתָ֑תְנִי אֵ֚ת נֶ֣שֶׁף חִשְׁקִ֔י שָׂ֥ם לִ֖י לַחֲרָדָֽה׃

‎5 ‏עָרֹ֧ךְ הַשֻּׁלְחָ֛ן צָפֹ֥ה הַצָּפִ֖ית אָכ֣וֹל שָׁתֹ֑ה ק֥וּמוּ הַשָּׂרִ֖ים מִשְׁח֥וּ מָגֵֽן׃ פ

‎6 ‏כִּ֣י כֹ֥ה אָמַ֛ר אֵלַ֖י אֲדֹנָ֑י לֵ֚ךְ הַעֲמֵ֣ד הַֽמְצַפֶּ֔ה אֲשֶׁ֥ר יִרְאֶ֖ה יַגִּֽיד׃

‎7 ‏וְרָ֣אָה רֶ֗כֶב צֶ֚מֶד פָּֽרָשִׁ֔ים רֶ֥כֶב חֲמ֖וֹר רֶ֣כֶב גָּמָ֑ל וְהִקְשִׁ֥יב קֶ֖שֶׁב רַב־קָֽשֶׁב׃

‎8 ‏וַיִּקְרָ֖א אַרְיֵ֑ה עַל־מִצְפֶּ֣ה׀ אֲדֹנָ֗י אָנֹכִ֞י עֹמֵ֤ד תָּמִיד֙ יוֹמָ֔ם וְעַל־מִ֨שְׁמַרְתִּ֔י אָנֹכִ֥י נִצָּ֖ב כָּל־הַלֵּילֽוֹת׃

‎9 ‏וְהִנֵּה־זֶ֥ה בָא֙ רֶ֣כֶב אִ֔ישׁ צֶ֖מֶד פָּֽרָשִׁ֑ים וַיַּ֣עַן וַיֹּ֗אמֶר נָפְלָ֤ה נָֽפְלָה֙ בָּבֶ֔ל וְכָל־פְּסִילֵ֥י אֱלֹהֶ֖יהָ שִׁבַּ֥ר לָאָֽרֶץ׃

‎10 ‏מְדֻשָׁתִ֖י וּבֶן־גָּרְנִ֑י אֲשֶׁ֣ר שָׁמַ֗עְתִּי מֵאֵ֨ת יְהוָ֧ה צְבָא֛וֹת אֱלֹהֵ֥י יִשְׂרָאֵ֖ל הִגַּ֥דְתִּי לָכֶֽם׃ ס

‎11 ‏מַשָּׂ֖א דּוּמָ֑ה אֵלַי֙ קֹרֵ֣א מִשֵּׂעִ֔יר שֹׁמֵר֙ מַה־מִלַּ֔יְלָה שֹׁמֵ֖ר מַה־מִלֵּֽיל׃

‎12 ‏אָמַ֣ר שֹׁמֵ֔ר אָתָ֥ה בֹ֖קֶר וְגַם־לָ֑יְלָה אִם־תִּבְעָי֥וּן בְּעָ֖יוּ שֻׁ֥בוּ אֵתָֽיוּ׃ ס

‎13 ‏מַשָּׂ֖א בַּעְרָ֑ב בַּיַּ֤עַר בַּעְרַב֙ תָּלִ֔ינוּ אֹֽרְח֖וֹת דְּדָנִֽים׃

‎14 ‏לִקְרַ֥את צָמֵ֖א הֵתָ֣יוּ מָ֑יִם יֹשְׁבֵי֙ אֶ֣רֶץ תֵּימָ֔א בְּלַחְמ֖וֹ קִדְּמ֥וּ נֹדֵֽד׃

‎15 ‏כִּֽי־מִפְּנֵ֥י חֲרָב֖וֹת נָדָ֑דוּ מִפְּנֵ֣י׀ חֶ֣רֶב נְטוּשָׁ֗ה וּמִפְּנֵי֙ קֶ֣שֶׁת דְּרוּכָ֔ה וּמִפְּנֵ֖י כֹּ֥בֶד מִלְחָמָֽה׃ ס

‎16 ‏כִּי־כֹ֛ה אָמַ֥ר אֲדֹנָ֖י אֵלָ֑י בְּע֤וֹד שָׁנָה֙ כִּשְׁנֵ֣י שָׂכִ֔יר וְכָלָ֖ה כָּל־כְּב֥וֹד קֵדָֽר׃

‎17 ‏וּשְׁאָ֧ר מִסְפַּר־קֶ֛שֶׁת גִּבּוֹרֵ֥י בְנֵֽי־קֵדָ֖ר יִמְעָ֑טוּ כִּ֛י יְהוָ֥ה אֱלֹהֵֽי־יִשְׂרָאֵ֖ל דִּבֵּֽר׃ ס

1 maśśā’ miḏəbar-yām kəsûfwōṯ banneḡeḇ l^aḥălōf mimmiḏəbār bā’ mē’ereṣ nwōrā’â:

2 ḥāzûṯ qāšâ hugaḏ-lî habwōḡēḏ| bwōḡēḏ wəhaššwōḏēḏ| šwōḏēḏ ‘ălî ‘êlām ṣûrî māḏay kāl-’anəḥāṯâ hišəbatî:

3 ‘al-kēn mālə’û māṯənay ḥaləḥālâ ṣîrîm ’ăḥāzûnî kəṣîrê ywōlēḏâ n^a‘ăwêṯî miššəmō‘a niḇəhalətî mērə’wōṯ:

4 tā‘â ləḇāḇî pallāṣûṯ bi‘ăṯāṯənî ’ēṯ nešef ḥišəqî śām lî l^aḥărāḏâ:

5 ‘ārōḵə haššuləḥān ṣāfōh haṣṣāfîṯ ’āḵwōl šāṯōh qûmû haśśārîm mišəḥû māḡēn: f

6 kî ḵōh ’āmar ’ēlay ’ăḏōnāy lēḵə h^a‘ămēḏ haməṣapeh ’ăšer yirə’eh yagîḏ:

7 wərā’â reḵeḇ ṣemeḏ pārāšîm reḵeḇ ḥămwōr reḵeḇ gāmāl wəhiqəšîḇ qešeḇ raḇ-qāšeḇ:

8 wayyiqərā’ ’arəyēh ‘al-miṣəpeh| ’ăḏōnāy ’ānōḵî ‘ōmēḏ tāmîḏ ywōmām wə‘al-mišəmarətî ’ānōḵî niṣṣāḇ kāl-hallêlwōṯ:

9 wəhinnēh-zeh ḇā’ reḵeḇ ’îš ṣemeḏ pārāšîm wayy^a‘an wayyō’mer nāfəlâ nāfəlâ bāḇel wəḵāl-pəsîlê ’ĕlōheyhā šibar lā’āreṣ:

10 məḏušāṯî ûḇen-gārənî ’ăšer šām^a‘ətî mē’ēṯ yəhwâ ṣəḇā’wōṯ ’ĕlōhê yiśərā’ēl higaḏətî lāḵem: s

11 maśśā’ dûmâ ’ēlay qōrē’ miśśē‘îr šōmēr mah-millayəlâ šōmēr mah-millêl:

12 ’āmar šōmēr ’āṯâ ḇōqer wəḡam-lāyəlâ ’im-tiḇə‘āyûn bə‘āyû šuḇû ’ēṯāyû: s

13 maśśā’ b^a‘ərāḇ bayy^a‘ar b^a‘əraḇ tālînû ’ōrəḥwōṯ dəḏānîm:

14 liqəra’ṯ ṣāmē’ hēṯāyû māyim yōšəḇê ’ereṣ têmā’ bəl^aḥəmwō qidəmû nōḏēḏ:

15 kî-mipənê ḥărāḇwōṯ nāḏāḏû mipənê| ḥereḇ nəṭûšâ ûmipənê qešeṯ dərûḵâ ûmipənê kōḇeḏ miləḥāmâ: s

16 kî-ḵōh ’āmar ’ăḏōnāy ’ēlāy bə‘wōḏ šānâ kišənê śāḵîr wəḵālâ kāl-kəḇwōḏ qēḏār:

17 ûšə’ār misəpar-qešeṯ gibwōrê ḇənê-qēḏār yimə‘āṭû kî yəhwâ ’ĕlōhê-yiśərā’ēl dibēr: s

‎1 ‏מַשָּׂ֖א גֵּ֣יא חִזָּי֑וֹן מַה־לָּ֣ךְ אֵפ֔וֹא כִּֽי־עָלִ֥ית כֻּלָּ֖ךְ לַגַּגּֽוֹת׃

‎2 ‏תְּשֻׁא֣וֹת׀ מְלֵאָ֗ה עִ֚יר הֽוֹמִיָּ֔ה קִרְיָ֖ה עַלִּיזָ֑ה חֲלָלַ֙יִךְ֙ לֹ֣א חַלְלֵי־חֶ֔רֶב וְלֹ֖א מֵתֵ֥י מִלְחָמָֽה׃

‎3 ‏כָּל־קְצִינַ֥יִךְ נָֽדְדוּ־יַ֖חַד מִקֶּ֣שֶׁת אֻסָּ֑רוּ כָּל־נִמְצָאַ֙יִךְ֙ אֻסְּר֣וּ יַחְדָּ֔ו מֵרָח֖וֹק בָּרָֽחוּ׃

‎4 ‏עַל־כֵּ֥ן אָמַ֛רְתִּי שְׁע֥וּ מִנִּ֖י אֲמָרֵ֣ר בַּבֶּ֑כִי אַל־תָּאִ֣יצוּ לְנַֽחֲמֵ֔נִי עַל־שֹׁ֖ד בַּת־עַמִּֽי׃

‎5 ‏כִּ֣י יוֹם֩ מְהוּמָ֨ה וּמְבוּסָ֜ה וּמְבוּכָ֗ה לַֽאדֹנָ֧י יְהוִ֛ה צְבָא֖וֹת בְּגֵ֣יא חִזָּי֑וֹן מְקַרְקַ֥ר קִ֖ר וְשׁ֥וֹעַ אֶל־הָהָֽר׃

‎6 ‏וְעֵילָם֙ נָשָׂ֣א אַשְׁפָּ֔ה בְּרֶ֥כֶב אָדָ֖ם פָּֽרָשִׁ֑ים וְקִ֥יר עֵרָ֖ה מָגֵֽן׃

‎7 ‏וַיְהִ֥י מִבְחַר־עֲמָקַ֖יִךְ מָ֣לְאוּ רָ֑כֶב וְהַפָּ֣רָשִׁ֔ים שֹׁ֖ת שָׁ֥תוּ הַשָּֽׁעְרָה׃

‎8 ‏וַיְגַ֕ל אֵ֖ת מָסַ֣ךְ יְהוּדָ֑ה וַתַּבֵּט֙ בַּיּ֣וֹם הַה֔וּא אֶל־נֶ֖שֶׁק בֵּ֥ית הַיָּֽעַר׃

‎9 ‏וְאֵ֨ת בְּקִיעֵ֧י עִיר־דָּוִ֛ד רְאִיתֶ֖ם כִּי־רָ֑בּוּ וַֽתְּקַבְּצ֔וּ אֶת־מֵ֥י הַבְּרֵכָ֖ה הַתַּחְתּוֹנָֽה׃

‎10 ‏וְאֶת־בָּתֵּ֥י יְרוּשָׁלִַ֖ם סְפַרְתֶּ֑ם וַתִּתְֿצוּ֙ הַבָּ֣תִּ֔ים לְבַצֵּ֖ר הַחוֹמָֽה׃

‎11 ‏וּמִקְוָ֣ה׀ עֲשִׂיתֶ֗ם בֵּ֚ין הַחֹ֣מֹתַ֔יִם לְמֵ֖י הַבְּרֵכָ֣ה הַיְשָׁנָ֑ה וְלֹ֤א הִבַּטְתֶּם֙ אֶל־עֹשֶׂ֔יהָ וְיֹצְרָ֥הּ מֵֽרָח֖וֹק לֹ֥א רְאִיתֶֽם׃

‎12 ‏וַיִּקְרָ֗א אֲדֹנָ֧י יְהוִ֛ה צְבָא֖וֹת בַּיּ֣וֹם הַה֑וּא לִבְכִי֙ וּלְמִסְפֵּ֔ד וּלְקָרְחָ֖ה וְלַחֲגֹ֥ר שָֽׂק׃

‎13 ‏וְהִנֵּ֣ה׀ שָׂשׂ֣וֹן וְשִׂמְחָ֗ה הָרֹ֤ג׀ בָּקָר֙ וְשָׁחֹ֣ט צֹ֔אן אָכֹ֥ל בָּשָׂ֖ר וְשָׁת֣וֹת יָ֑יִן אָכ֣וֹל וְשָׁת֔וֹ כִּ֥י מָחָ֖ר נָמֽוּת׃

‎14 ‏וְנִגְלָ֥ה בְאָזְנָ֖י יְהוָ֣ה צְבָא֑וֹת אִם־יְ֠כֻפַּר הֶעָוֹן֙ הַזֶּ֤ה לָכֶם֙ עַד־תְּמֻת֔וּן אָמַ֛ר אֲדֹנָ֥י יְהוִ֖ה צְבָאֽוֹת׃ פ

‎15 ‏כֹּ֥ה אָמַ֛ר אֲדֹנָ֥י יְהוִ֖ה צְבָא֑וֹת לֶךְ־בֹּא֙ אֶל־הַסֹּכֵ֣ן הַזֶּ֔ה עַל־שֶׁבְנָ֖א אֲשֶׁ֥ר עַל־הַבָּֽיִת׃

‎16 ‏מַה־לְּךָ֥ פֹה֙ וּמִ֣י לְךָ֣ פֹ֔ה כִּֽי־חָצַ֧בְתָּ לְּךָ֛ פֹּ֖ה קָ֑בֶר חֹצְבִ֤י מָרוֹם֙ קִבְר֔וֹ חֹקְקִ֥י בַסֶּ֖לַע מִשְׁכָּ֥ן לֽוֹ׃

‎17 ‏הִנֵּ֤ה יְהוָה֙ מְטַלְטֶלְךָ֔ טַלְטֵלָ֖ה גָּ֑בֶר וְעֹטְךָ֖ עָטֹֽה׃

‎18 ‏צָנ֤וֹף יִצְנָפְךָ֙ צְנֵפָ֔ה כַּדּ֕וּר אֶל־אֶ֖רֶץ רַחֲבַ֣ת יָדָ֑יִם שָׁ֣מָּה תָמ֗וּת וְשָׁ֙מָּה֙ מַרְכְּב֣וֹת כְּבוֹדֶ֔ךָ קְל֖וֹן בֵּ֥ית אֲדֹנֶֽיךָ׃

‎19 ‏וַהֲדַפְתִּ֖יךָ מִמַּצָּבֶ֑ךָ וּמִמַּעֲמָֽדְךָ֖ יֶהֶרְסֶֽךָ׃

‎20 ‏וְהָיָ֖ה בַּיּ֣וֹם הַה֑וּא וְקָרָ֣אתִי לְעַבְדִּ֔י לְאֶלְיָקִ֖ים בֶּן־חִלְקִיָּֽהוּ׃

‎21 ‏וְהִלְבַּשְׁתִּ֣יו כֻּתָּנְתֶּ֗ךָ וְאַבְנֵֽטְךָ֙ אֲחַזְּקֶ֔נּוּ וּמֶֽמְשֶׁלְתְּךָ֖¹ אֶתֵּ֣ן בְּיָד֑וֹ וְהָיָ֥ה לְאָ֛ב לְיוֹשֵׁ֥ב יְרוּשָׁלִַ֖ם וּלְבֵ֥ית יְהוּדָֽה׃

‎22 ‏וְנָתַתִּ֛י מַפְתֵּ֥חַ בֵּית־דָּוִ֖ד עַל־שִׁכְמ֑וֹ וּפָתַח֙ וְאֵ֣ין סֹגֵ֔ר וְסָגַ֖ר וְאֵ֥ין פֹּתֵֽחַ׃

‎23 ‏וּתְקַעְתִּ֥יו יָתֵ֖ד בְּמָק֣וֹם נֶאֱמָ֑ן וְהָיָ֛ה לְכִסֵּ֥א כָב֖וֹד לְבֵ֥ית אָבִֽיו׃

‎24 ‏וְתָל֨וּ עָלָ֜יו כֹּ֣ל׀ כְּב֣וֹד בֵּית־אָבִ֗יו הַצֶּֽאֱצָאִים֙ וְהַצְּפִע֔וֹת כֹּ֖ל כְּלֵ֣י הַקָּטָ֑ן מִכְּלֵי֙ הָֽאַגָּנ֔וֹת וְעַ֖ד כָּל־כְּלֵ֥י הַנְּבָלִֽים׃

‎25 ‏בַּיּ֣וֹם הַה֗וּא נְאֻם֙ יְהוָ֣ה צְבָא֔וֹת תָּמוּשׁ֙ הַיָּתֵ֔ד הַתְּקוּעָ֖ה בְּמָק֣וֹם נֶאֱמָ֑ן וְנִגְדְּעָ֣ה וְנָפְלָ֗ה וְנִכְרַת֙ הַמַּשָּׂ֣א אֲשֶׁר־עָלֶ֔יהָ כִּ֥י יְהוָ֖ה דִּבֵּֽר׃ ס

1 maśśā’ gê’ ḥizzāywōn mah-llāḵə ’ēfwō’ kî-‘ālîṯ kullāḵə lagagwōṯ:

2 təšu’wōṯ| məlē’â ‘îr hwōmîyâ qirəyâ ‘allîzâ ḥălālayiḵə lō’ ḥaləlê-ḥereḇ wəlō’ mēṯê miləḥāmâ:

3 kāl-qəṣînayiḵə nāḏəḏû-y^aḥaḏ miqqešeṯ ’ussārû kāl-niməṣā’ayiḵə ’ussərû y^aḥədāw mērāḥwōq bārāḥû:

4 ‘al-kēn ’āmarətî šə‘û minnî ’ămārēr babeḵî ’al-tā’îṣû lən^aḥămēnî ‘al-šōḏ baṯ-‘ammî:

5 kî ywōm məhûmâ ûməḇûsâ ûməḇûḵâ la’ḏōnāy yəhwih ṣəḇā’wōṯ bəḡê’ ḥizzāywōn məqarəqar qir wəšwō‘a ’el-hâār:

6 wə‘êlām nāśā’ ’ašəpâ bəreḵeḇ ’āḏām pārāšîm wəqîr ‘ērâ māḡēn:

7 wayəhî miḇəḥar-‘ămāqayiḵə mālə’û rāḵeḇ wəhapārāšîm šōṯ šāṯû haššā‘ərâ:

8 wayəḡal ’ēṯ māsaḵə yəhûḏâ watabēṭ bayywōm hahû’ ’el-nešeq bêṯ hayyā‘ar:

9 wə’ēṯ bəqî‘ê ‘îr-dāwiḏ rə’îṯem kî-rābû watəqabəṣû ’eṯ-mê habərēḵâ hat^aḥətwōnâ:

10 wə’eṯ-bātê yərûšālaim səfarətem watiṯəṣû habātîm ləḇaṣṣēr h^aḥwōmâ:

11 ûmiqəwâ| ‘ăśîṯem bên h^aḥōmōṯayim ləmê habərēḵâ hayəšānâ wəlō’ hibaṭətem ’el-‘ōśeyhā wəyōṣərāh mērāḥwōq lō’ rə’îṯem:

12 wayyiqərā’ ’ăḏōnāy yəhwih ṣəḇā’wōṯ bayywōm hahû’ liḇəḵî ûləmisəpēḏ ûləqārəḥâ wəl^aḥăḡōr śāq:

13 wəhinnēh| śāśwōn wəśiməḥâ hārōḡ| bāqār wəšāḥōṭ ṣō’n ’āḵōl bāśār wəšāṯwōṯ yāyin ’āḵwōl wəšāṯwō kî māḥār nāmûṯ:

14 wəniḡəlâ ḇə’āzənāy yəhwâ ṣəḇā’wōṯ ’im-yəḵupar he‘āwōn hazzeh lāḵem ‘aḏ-təmuṯûn ’āmar ’ăḏōnāy yəhwih ṣəḇā’wōṯ: f

15 kōh ’āmar ’ăḏōnāy yəhwih ṣəḇā’wōṯ leḵə-bō’ ’el-hassōḵēn hazzeh ‘al-šeḇənā’ ’ăšer ‘al-habāyiṯ:

16 mah-lləḵā fōh ûmî ləḵā fōh kî-ḥāṣaḇətā lləḵā pōh qāḇer ḥōṣəḇî mārwōm qiḇərwō ḥōqəqî ḇassel^a‘ mišəkān lwō:

17 hinnēh yəhwâ məṭaləṭeləḵā ṭaləṭēlâ gāḇer wə‘ōṭəḵā ‘āṭōh:

18 ṣānwōf yiṣənāfəḵā ṣənēfâ kadûr ’el-’ereṣ r^aḥăḇaṯ yāḏāyim šāmmâ ṯāmûṯ wəšāmmâ marəkəḇwōṯ kəḇwōḏeḵā qəlwōn bêṯ ’ăḏōneyḵā:

19 wahăḏafətîḵā mimmaṣṣāḇeḵā ûmimm^a‘ămāḏəḵā yeherəseḵā:

20 wəhāyâ bayywōm hahû’ wəqārā’ṯî lə‘aḇədî lə’eləyāqîm ben-ḥiləqîyâû:

21 wəhiləbašətîw kutānəteḵā wə’aḇənēṭəḵā ’ăḥazzəqennû ûmeməšelətəḵā¹ ’etēn bəyāḏwō wəhāyâ lə’āḇ ləywōšēḇ yərûšālaim ûləḇêṯ yəhûḏâ:

22 wənāṯatî mafətēḥa bêṯ-dāwiḏ ‘al-šiḵəmwō ûfāṯ^aḥ wə’ên sōḡēr wəsāḡar wə’ên pōṯēḥa:

23 ûṯəq^a‘ətîw yāṯēḏ bəmāqwōm ne’ĕmān wəhāyâ ləḵissē’ ḵāḇwōḏ ləḇêṯ ’āḇîw:

24 wəṯālû ‘ālāyw kōl| kəḇwōḏ bêṯ-’āḇîw haṣṣe’ĕṣā’îm wəhaṣṣəfi‘wōṯ kōl kəlê haqqāṭān mikəlê hā’agānwōṯ wə‘aḏ kāl-kəlê hannəḇālîm:

25 bayywōm hahû’ nə’um yəhwâ ṣəḇā’wōṯ tāmûš hayyāṯēḏ hatəqû‘â bəmāqwōm ne’ĕmān wəniḡədə‘â wənāfəlâ wəniḵəraṯ hammaśśā’ ’ăšer-‘āleyhā kî yəhwâ dibēr: s

‎1 ‏מַשָּׂ֖א צֹ֑ר הֵילִ֣ילוּ׀ אֳנִיּ֣וֹת תַּרְשִׁ֗ישׁ כִּֽי־שֻׁדַּ֤ד מִבַּ֙יִת֙ מִבּ֔וֹא מֵאֶ֥רֶץ כִּתִּ֖ים נִגְלָה־לָֽמוֹ׃

‎2 ‏דֹּ֖מּוּ יֹ֣שְׁבֵי אִ֑י סֹחֵ֥ר צִיד֛וֹן עֹבֵ֥ר יָ֖ם מִלְאֽוּךְ׃

‎3 ‏וּבְמַ֤יִם רַבִּים֙ זֶ֣רַע שִׁחֹ֔ר קְצִ֥יר יְא֖וֹר תְּבֽוּאָתָ֑הּ וַתְּהִ֖י סְחַ֥ר גּוֹיִֽם׃

‎4 ‏בּ֣וֹשִׁי צִיד֔וֹן כִּֽי־אָמַ֣ר יָ֔ם מָע֥וֹז הַיָּ֖ם לֵאמֹ֑ר לֹֽא־חַ֣לְתִּי וְלֹֽא־יָלַ֗דְתִּי וְלֹ֥א גִדַּ֛לְתִּי בַּחוּרִ֖ים רוֹמַ֥מְתִּי בְתוּלֽוֹת׃

‎5 ‏כַּֽאֲשֶׁר־שֵׁ֖מַע לְמִצְרָ֑יִם יָחִ֖ילוּ כְּשֵׁ֥מַע צֹֽר׃

‎6 ‏עִבְר֖וּ תַּרְשִׁ֑ישָׁה הֵילִ֖ילוּ יֹ֥שְׁבֵי אִֽי׃

‎7 ‏הֲזֹ֥את לָכֶ֖ם עַלִּיזָ֑ה מִֽימֵי־קֶ֤דֶם קַדְמָתָהּ֙ יֹבִל֣וּהָ רַגְלֶ֔יהָ מֵֽרָח֖וֹק לָגֽוּר׃

‎8 ‏מִ֚י יָעַ֣ץ זֹ֔את עַל־צֹ֖ר הַמַּֽעֲטִירָ֑ה אֲשֶׁ֤ר סֹחֲרֶ֙יה֙ שָׂרִ֔ים כִּנְעָנֶ֖יהָ נִכְבַּדֵּי־אָֽרֶץ׃

‎9 ‏יְהוָ֥ה צְבָא֖וֹת יְעָצָ֑הּ לְחַלֵּל֙ גְּא֣וֹן כָּל־צְבִ֔י לְהָקֵ֖ל כָּל־נִכְבַּדֵּי־אָֽרֶץ׃

‎10 ‏עִבְרִ֥י אַרְצֵ֖ךְ כַּיְאֹ֑ר בַּת־תַּרְשִׁ֕ישׁ אֵ֖ין מֵ֥זַח עֽוֹד׃

‎11 ‏יָדוֹ֙ נָטָ֣ה עַל־הַיָּ֔ם הִרְגִּ֖יז מַמְלָכ֑וֹת יְהוָה֙ צִוָּ֣ה אֶל־כְּנַ֔עַן לַשְׁמִ֖ד מָעֻזְנֶֽיהָ׃

‎12 ‏וַיֹּ֕אמֶר לֹֽא־תוֹסִ֥יפִי ע֖וֹד לַעְל֑וֹז הַֽמְעֻשָּׁקָ֞ה בְּתוּלַ֣ת בַּת־צִיד֗וֹן כתיים כִּתִּים֙ ק֣וּמִי עֲבֹ֔רִי גַּם־שָׁ֖ם לֹא־יָנ֥וּחַֽ לָֽךְ׃

‎13 ‏הֵ֣ן׀ אֶ֣רֶץ כַּשְׂדִּ֗ים זֶ֤ה הָעָם֙ לֹ֣א הָיָ֔ה אַשּׁ֖וּר יְסָדָ֣הּ לְצִיִּ֑ים הֵקִ֣ימוּ בחיניו בַחוּנָ֗יו עֹרְרוּ֙ אַרְמְנוֹתֶ֔יהָ שָׂמָ֖הּ לְמַפֵּלָֽה׃

‎14 ‏הֵילִ֖ילוּ אֳנִיּ֣וֹת תַּרְשִׁ֑ישׁ כִּ֥י שֻׁדַּ֖ד מָעֻזְּכֶֽן׃ ס

‎15 ‏וְהָיָה֙ בַּיּ֣וֹם הַה֔וּא וְנִשְׁכַּ֤חַת צֹר֙ שִׁבְעִ֣ים שָׁנָ֔ה כִּימֵ֖י מֶ֣לֶךְ אֶחָ֑ד מִקֵּ֞ץ שִׁבְעִ֤ים שָׁנָה֙ יִהְיֶ֣ה לְצֹ֔ר כְּשִׁירַ֖ת הַזּוֹנָֽה׃

‎16 ‏קְחִ֥י כִנּ֛וֹר סֹ֥בִּי עִ֖יר זוֹנָ֣ה נִשְׁכָּחָ֑ה הֵיטִ֤יבִי נַגֵּן֙ הַרְבִּי־שִׁ֔יר לְמַ֖עַן תִּזָּכֵֽרִי׃

‎17 ‏וְהָיָ֞ה מִקֵּ֣ץ׀ שִׁבְעִ֣ים שָׁנָ֗ה יִפְקֹ֤ד יְהוָה֙ אֶת־צֹ֔ר וְשָׁבָ֖ה לְאֶתְנַנָּ֑ה וְזָֽנְתָ֛ה אֶת־כָּל־מַמְלְכ֥וֹת הָאָ֖רֶץ עַל־פְּנֵ֥י הָאֲדָמָֽה׃

‎18 ‏וְהָיָ֨ה סַחְרָ֜הּ וְאֶתְנַנָּ֗הּ קֹ֚דֶשׁ לַֽיהוָ֔ה לֹ֥א יֵֽאָצֵ֖ר וְלֹ֣א יֵֽחָסֵ֑ן כִּ֣י לַיֹּשְׁבִ֞ים לִפְנֵ֤י יְהוָה֙ יִֽהְיֶ֣ה סַחְרָ֔הּ לֶאֱכֹ֥ל לְשָׂבְעָ֖ה וְלִמְכַסֶּ֥ה עָתִֽיק׃ פ

1 maśśā’ ṣōr hêlîlû| ’ŏnîywōṯ tarəšîš kî-šudaḏ mibayiṯ mibwō’ mē’ereṣ kitîm niḡəlâ-lāmwō:

2 dōmmû yōšəḇê ’î sōḥēr ṣîḏwōn ‘ōḇēr yām milə’ûḵə:

3 ûḇəmayim rabîm zer^a‘ šiḥōr qəṣîr yə’wōr təḇû’āṯāh watəhî səḥar gwōyim:

4 bwōšî ṣîḏwōn kî-’āmar yām mā‘wōz hayyām lē’mōr lō’-ḥalətî wəlō’-yālaḏətî wəlō’ ḡidalətî b^aḥûrîm rwōmamətî ḇəṯûlwōṯ:

5 ka’ăšer-šēm^a‘ ləmiṣərāyim yāḥîlû kəšēm^a‘ ṣōr:

6 ‘iḇərû tarəšîšâ hêlîlû yōšəḇê ’î:

7 hăzō’ṯ lāḵem ‘allîzâ mîmê-qeḏem qaḏəmāṯāh yōḇilûhā raḡəleyhā mērāḥwōq lāḡûr:

8 mî yā‘aṣ zō’ṯ ‘al-ṣōr hamm^a‘ăṭîrâ ’ăšer sōḥăreyh śārîm kinə‘āneyhā niḵəbadê-’āreṣ:

9 yəhwâ ṣəḇā’wōṯ yə‘āṣāh ləḥallēl gə’wōn kāl-ṣəḇî ləhāqēl kāl-niḵəbadê-’āreṣ:

10 ‘iḇərî ’arəṣēḵə kayə’ōr baṯ-tarəšîš ’ên mēz^aḥ ‘wōḏ:

11 yāḏwō nāṭâ ‘al-hayyām hirəgîz maməlāḵwōṯ yəhwâ ṣiûâ ’el-kən^a‘an lašəmiḏ mā‘uzəneyhā:

12 wayyō’mer lō’-ṯwōsîfî ‘wōḏ l^a‘əlwōz hamə‘uššāqâ bəṯûlaṯ baṯ-ṣîḏwōn kitîyîm kitîm qûmî ‘ăḇōrî gam-šām lō’-yānûḥa lāḵə:

13 hēn| ’ereṣ kaśədîm zeh hā‘ām lō’ hāyâ ’aššûr yəsāḏāh ləṣîyîm hēqîmû ḇəḥînāyw ḇ^aḥûnāyw ‘ōrərû ’arəmənwōṯeyhā śāmāh ləmapēlâ:

14 hêlîlû ’ŏnîywōṯ tarəšîš kî šudaḏ mā‘uzzəḵen: s

15 wəhāyâ bayywōm hahû’ wənišək^aḥaṯ ṣōr šiḇə‘îm šānâ kîmê meleḵə ’eḥāḏ miqqēṣ šiḇə‘îm šānâ yihəyeh ləṣōr kəšîraṯ hazzwōnâ:

16 qəḥî ḵinnwōr sōbî ‘îr zwōnâ nišəkāḥâ hêṭîḇî nagēn harəbî-šîr ləm^a‘an tizzāḵērî:

17 wəhāyâ miqqēṣ| šiḇə‘îm šānâ yifəqōḏ yəhwâ ’eṯ-ṣōr wəšāḇâ lə’eṯənannâ wəzānəṯâ ’eṯ-kāl-mamələḵwōṯ hā’āreṣ ‘al-pənê hā’ăḏāmâ:

18 wəhāyâ s^aḥərāh wə’eṯənannāh qōḏeš layhwâ lō’ yē’āṣēr wəlō’ yēḥāsēn kî layyōšəḇîm lifənê yəhwâ yihəyeh s^aḥərāh le’ĕḵōl ləśāḇə‘â wəliməḵasseh ‘āṯîq: f

‎1 ‏הִנֵּ֧ה יְהוָ֛ה בּוֹקֵ֥ק הָאָ֖רֶץ וּבֽוֹלְקָ֑הּ וְעִוָּ֣ה פָנֶ֔יהָ וְהֵפִ֖יץ יֹשְׁבֶֽיהָ׃

‎2 ‏וְהָיָ֤ה כָעָם֙ כַּכֹּהֵ֔ן כַּעֶ֙בֶד֙ כַּֽאדֹנָ֔יו כַּשִּׁפְחָ֖ה כַּגְּבִרְתָּ֑הּ כַּקּוֹנֶה֙ כַּמּוֹכֵ֔ר כַּמַּלְוֶה֙ כַּלּוֶֹ֔ה כַּנֹּשֶׁ֕ה כַּאֲשֶׁ֖ר נֹשֶׁ֥א בֽוֹ׃

‎3 ‏הִבּ֧וֹק׀ תִּבּ֛וֹק הָאָ֖רֶץ וְהִבּ֣וֹז׀ תִּבּ֑וֹז כִּ֣י יְהוָ֔ה דִּבֶּ֖ר אֶת־הַדָּבָ֥ר הַזֶּֽה׃

‎4 ‏אָבְלָ֤ה נָֽבְלָה֙ הָאָ֔רֶץ אֻמְלְלָ֥ה נָבְלָ֖ה תֵּבֵ֑ל אֻמְלָ֖לוּ מְר֥וֹם עַם־הָאָֽרֶץ׃

‎5 ‏וְהָאָ֥רֶץ חָנְפָ֖ה תַּ֣חַת יֹשְׁבֶ֑יהָ כִּֽי־עָבְר֤וּ תוֹרֹת֙ חָ֣לְפוּ חֹ֔ק הֵפֵ֖רוּ בְּרִ֥ית עוֹלָֽם׃

‎6 ‏עַל־כֵּ֗ן אָלָה֙ אָ֣כְלָה אֶ֔רֶץ וַֽיֶּאְשְׁמ֖וּ יֹ֣שְׁבֵי בָ֑הּ עַל־כֵּ֗ן חָרוּ֙ יֹ֣שְׁבֵי אֶ֔רֶץ וְנִשְׁאַ֥ר אֱנ֖וֹשׁ מִזְעָֽר׃

‎7 ‏אָבַ֥ל תִּיר֖וֹשׁ אֻמְלְלָה־גָ֑פֶן נֶאֶנְח֖וּ כָּל־שִׂמְחֵי־לֵֽב׃

‎8 ‏שָׁבַת֙ מְשׂ֣וֹשׂ תֻּפִּ֔ים חָדַ֖ל שְׁא֣וֹן עַלִּיזִ֑ים שָׁבַ֖ת מְשׂ֥וֹשׂ כִּנּֽוֹר׃

‎9 ‏בַּשִּׁ֖יר לֹ֣א יִשְׁתּוּ־יָ֑יִן יֵמַ֥ר שֵׁכָ֖ר לְשֹׁתָֽיו׃

‎10 ‏נִשְׁבְּרָ֖ה קִרְיַת־תֹּ֑הוּ סֻגַּ֥ר כָּל־בַּ֖יִת מִבּֽוֹא׃

‎11 ‏צְוָחָ֥ה עַל־הַיַּ֖יִן בַּֽחוּצ֑וֹת עָֽרְבָה֙ כָּל־שִׂמְחָ֔ה גָּלָ֖ה מְשׂ֥וֹשׂ הָאָֽרֶץ׃

‎12 ‏נִשְׁאַ֥ר בָּעִ֖יר שַׁמָּ֑ה וּשְׁאִיָּ֖ה יֻכַּת־שָֽׁעַר׃

‎13 ‏כִּ֣י כֹ֥ה יִהְיֶ֛ה בְּקֶ֥רֶב הָאָ֖רֶץ בְּת֣וֹךְ הָֽעַמִּ֑ים כְּנֹ֣קֶף זַ֔יִת כְּעוֹלֵלֹ֖ת אִם־כָּלָ֥ה בָצִֽיר׃

‎14 ‏הֵ֛מָּה יִשְׂא֥וּ קוֹלָ֖ם יָרֹ֑נּוּ בִּגְא֣וֹן יְהוָ֔ה צָהֲל֖וּ מִיָּֽם׃

‎15 ‏עַל־כֵּ֥ן בָּאֻרִ֖ים כַּבְּד֣וּ יְהוָ֑ה בְּאִיֵּ֣י הַיָּ֔ם שֵׁ֥ם יְהוָ֖ה אֱלֹהֵ֥י יִשְׂרָאֵֽל׃ ס

‎16 ‏מִכְּנַ֨ף הָאָ֜רֶץ זְמִרֹ֤ת שָׁמַ֙עְנוּ֙ צְבִ֣י לַצַּדִּ֔יק וָאֹמַ֛ר רָזִי־לִ֥י רָֽזִי־לִ֖י א֣וֹי לִ֑י בֹּגְדִ֣ים בָּגָ֔דוּ וּבֶ֥גֶד בּוֹגְדִ֖ים בָּגָֽדוּ׃

‎17 ‏פַּ֥חַד וָפַ֖חַת וָפָ֑ח עָלֶ֖יךָ יוֹשֵׁ֥ב הָאָֽרֶץ׃

‎18 ‏וְֽ֠הָיָה הַנָּ֞ס מִקּ֤וֹל הַפַּ֙חַד֙ יִפֹּ֣ל אֶל־הַפַּ֔חַת וְהָֽעוֹלֶה֙ מִתּ֣וֹךְ הַפַּ֔חַת יִלָּכֵ֖ד בַּפָּ֑ח כִּֽי־אֲרֻבּ֤וֹת מִמָּרוֹם֙ נִפְתָּ֔חוּ וַֽיִּרְעֲשׁ֖וּ מ֥וֹסְדֵי אָֽרֶץ׃

‎19 ‏רֹ֥עָה הִֽתְרֹעֲעָ֖ה הָאָ֑רֶץ פּ֤וֹר הִֽתְפּוֹרְרָה֙ אֶ֔רֶץ מ֥וֹט הִֽתְמוֹטְטָ֖ה אָֽרֶץ׃

‎20 ‏נ֣וֹעַ תָּנ֤וּעַ אֶ֙רֶץ֙ כַּשִּׁכּ֔וֹר וְהִֽתְנוֹדְדָ֖ה כַּמְּלוּנָ֑ה וְכָבַ֤ד עָלֶ֙יהָ֙ פִּשְׁעָ֔הּ וְנָפְלָ֖ה וְלֹא־תֹסִ֥יף קֽוּם׃ ס

‎21 ‏וְהָיָה֙ בַּיּ֣וֹם הַה֔וּא יִפְקֹ֧ד יְהוָ֛ה עַל־צְבָ֥א הַמָּר֖וֹם בַּמָּר֑וֹם וְעַל־מַלְכֵ֥י הָאֲדָמָ֖ה עַל־הָאֲדָמָֽה׃

‎22 ‏וְאֻסְּפ֨וּ אֲסֵפָ֤ה אַסִּיר֙ עַל־בּ֔וֹר וְסֻגְּר֖וּ עַל־מַסְגֵּ֑ר וּמֵרֹ֥ב יָמִ֖ים יִפָּקֵֽדוּ׃

‎23 ‏וְחָֽפְרָה֙ הַלְּבָנָ֔ה וּבוֹשָׁ֖ה הַֽחַמָּ֑ה כִּֽי־מָלַ֞ךְ יְהוָ֣ה צְבָא֗וֹת בְּהַ֤ר צִיּוֹן֙ וּבִיר֣וּשָׁלִַ֔ם וְנֶ֥גֶד זְקֵנָ֖יו כָּבֽוֹד׃ פ

1 hinnēh yəhwâ bwōqēq hā’āreṣ ûḇwōləqāh wə‘iûâ fāneyhā wəhēfîṣ yōšəḇeyhā:

2 wəhāyâ ḵā‘ām kakōhēn k^a‘eḇeḏ ka’ḏōnāyw kaššifəḥâ kagəḇirətāh kaqqwōneh kammwōḵēr kammaləweh kallwōeh kannōšeh ka’ăšer nōše’ ḇwō:

3 hibwōq| tibwōq hā’āreṣ wəhibwōz| tibwōz kî yəhwâ diber ’eṯ-hadāḇār hazzeh:

4 ’āḇəlâ nāḇəlâ hā’āreṣ ’umələlâ nāḇəlâ tēḇēl ’uməlālû mərwōm ‘am-hā’āreṣ:

5 wəhā’āreṣ ḥānəfâ t^aḥaṯ yōšəḇeyhā kî-‘āḇərû ṯwōrōṯ ḥāləfû ḥōq hēfērû bərîṯ ‘wōlām:

6 ‘al-kēn ’ālâ ’āḵəlâ ’ereṣ wayye’əšəmû yōšəḇê ḇāh ‘al-kēn ḥārû yōšəḇê ’ereṣ wənišə’ar ’ĕnwōš mizə‘ār:

7 ’āḇal tîrwōš ’umələlâ-ḡāfen ne’enəḥû kāl-śiməḥê-lēḇ:

8 šāḇaṯ məśwōś tupîm ḥāḏal šə’wōn ‘allîzîm šāḇaṯ məśwōś kinnwōr:

9 baššîr lō’ yišətû-yāyin yēmar šēḵār ləšōṯāyw:

10 nišəbərâ qirəyaṯ-tōhû sugar kāl-bayiṯ mibwō’:

11 ṣəwāḥâ ‘al-hayyayin b^aḥûṣwōṯ ‘ārəḇâ kāl-śiməḥâ gālâ məśwōś hā’āreṣ:

12 nišə’ar bā‘îr šammâ ûšə’îyâ yukaṯ-šā‘ar:

13 kî ḵōh yihəyeh bəqereḇ hā’āreṣ bəṯwōḵə hā‘ammîm kənōqef zayiṯ kə‘wōlēlōṯ ’im-kālâ ḇāṣîr:

14 hēmmâ yiśə’û qwōlām yārōnnû biḡə’wōn yəhwâ ṣâălû mîyām:

15 ‘al-kēn bā’urîm kabəḏû yəhwâ bə’îyê hayyām šēm yəhwâ ’ĕlōhê yiśərā’ēl: s

16 mikənaf hā’āreṣ zəmirōṯ šām^a‘ənû ṣəḇî laṣṣadîq wā’ōmar rāzî-lî rāzî-lî ’wōy lî bōḡəḏîm bāḡāḏû ûḇeḡeḏ bwōḡəḏîm bāḡāḏû:

17 p^aḥaḏ wāf^aḥaṯ wāfāḥ ‘āleyḵā ywōšēḇ hā’āreṣ:

18 wəhāyâ hannās miqqwōl hap^aḥaḏ yipōl ’el-hap^aḥaṯ wəhā‘wōleh mitwōḵə hap^aḥaṯ yillāḵēḏ bapāḥ kî-’ărubwōṯ mimmārwōm nifətāḥû wayyirə‘ăšû mwōsəḏê ’āreṣ:

19 rō‘â hiṯərō‘ă‘â hā’āreṣ pwōr hiṯəpwōrərâ ’ereṣ mwōṭ hiṯəmwōṭəṭâ ’āreṣ:

20 nwō‘a tānû‘a ’ereṣ kaššikwōr wəhiṯənwōḏəḏâ kamməlûnâ wəḵāḇaḏ ‘āleyhā pišə‘āh wənāfəlâ wəlō’-ṯōsîf qûm: s

21 wəhāyâ bayywōm hahû’ yifəqōḏ yəhwâ ‘al-ṣəḇā’ hammārwōm bammārwōm wə‘al-maləḵê hā’ăḏāmâ ‘al-hā’ăḏāmâ:

22 wə’ussəfû ’ăsēfâ ’assîr ‘al-bwōr wəsugərû ‘al-masəgēr ûmērōḇ yāmîm yipāqēḏû:

23 wəḥāfərâ halləḇānâ ûḇwōšâ h^aḥammâ kî-mālaḵə yəhwâ ṣəḇā’wōṯ bəhar ṣîywōn ûḇîrûšālaim wəneḡeḏ zəqēnāyw kāḇwōḏ: f

‎1 ‏יְהוָ֤ה אֱלֹהַי֙ אַתָּ֔ה אֲרֽוֹמִמְךָ֙ אוֹדֶ֣ה שִׁמְךָ֔ כִּ֥י עָשִׂ֖יתָ פֶּ֑לֶא עֵצ֥וֹת מֵֽרָח֖וֹק אֱמ֥וּנָה אֹֽמֶן׃

‎2 ‏כִּ֣י שַׂ֤מְתָּ מֵעִיר֙ לַגָּ֔ל קִרְיָ֥ה בְצוּרָ֖ה לְמַפֵּלָ֑ה אַרְמ֤וֹן זָרִים֙ מֵעִ֔יר לְעוֹלָ֖ם לֹ֥א יִבָּנֶֽה׃

‎3 ‏עַל־כֵּ֖ן יְכַבְּד֣וּךָ עַם־עָ֑ז קִרְיַ֛ת גּוֹיִ֥ם עָרִיצִ֖ים יִירָאֽוּךָ׃

‎4 ‏כִּֽי־הָיִ֨יתָ מָע֥וֹז לַדָּ֛ל מָע֥וֹז לָאֶבְי֖וֹן בַּצַּר־ל֑וֹ מַחְסֶ֤ה מִזֶּ֙רֶם֙ צֵ֣ל מֵחֹ֔רֶב כִּ֛י ר֥וּחַ עָרִיצִ֖ים כְּזֶ֥רֶם קִֽיר׃

‎5 ‏כְּחֹ֣רֶב בְּצָי֔וֹן שְׁא֥וֹן זָרִ֖ים תַּכְנִ֑יעַ חֹ֚רֶב בְּצֵ֣ל עָ֔ב זְמִ֥יר עָֽרִיצִ֖ים יַעֲנֶֽה׃ פ

‎6 ‏וְעָשָׂה֩ יְהוָ֨ה צְבָא֜וֹת לְכָל־הָֽעַמִּים֙ בָּהָ֣ר הַזֶּ֔ה מִשְׁתֵּ֥ה שְׁמָנִ֖ים מִשְׁתֵּ֣ה שְׁמָרִ֑ים שְׁמָנִים֙ מְמֻ֣חָיִ֔ם שְׁמָרִ֖ים מְזֻקָּקִֽים׃

‎7 ‏וּבִלַּע֙ בָּהָ֣ר הַזֶּ֔ה פְּנֵֽי־הַלּ֥וֹט׀ הַלּ֖וֹט עַל־כָּל־הָֽעַמִּ֑ים וְהַמַּסֵּכָ֥ה הַנְּסוּכָ֖ה עַל־כָּל־הַגּוֹיִֽם׃

‎8 ‏בִּלַּ֤ע הַמָּ֙וֶת֙ לָנֶ֔צַח וּמָחָ֨ה אֲדֹנָ֧י יְהוִ֛ה דִּמְעָ֖ה מֵעַ֣ל כָּל־פָּנִ֑ים וְחֶרְפַּ֣ת עַמּ֗וֹ יָסִיר֙ מֵעַ֣ל כָּל־הָאָ֔רֶץ כִּ֥י יְהוָ֖ה דִּבֵּֽר׃ פ

‎9 ‏וְאָמַר֙ בַּיּ֣וֹם הַה֔וּא הִנֵּ֨ה אֱלֹהֵ֥ינוּ זֶ֛ה קִוִּ֥ינוּ ל֖וֹ וְיֽוֹשִׁיעֵ֑נוּ זֶ֤ה יְהוָה֙ קִוִּ֣ינוּ ל֔וֹ נָגִ֥ילָה וְנִשְׂמְחָ֖ה בִּישׁוּעָתֽוֹ׃

‎10 ‏כִּֽי־תָנ֥וּחַ יַד־יְהוָ֖ה בָּהָ֣ר הַזֶּ֑ה וְנָ֤דוֹשׁ מוֹאָב֙ תַּחְתָּ֔יו כְּהִדּ֥וּשׁ מַתְבֵּ֖ן במי בְּמ֥וֹ מַדְמֵנָֽה׃

‎11 ‏וּפֵרַ֤שׂ יָדָיו֙ בְּקִרְבּ֔וֹ כַּאֲשֶׁ֛ר יְפָרֵ֥שׂ הַשֹּׂחֶ֖ה לִשְׂח֑וֹת וְהִשְׁפִּיל֙ גַּֽאֲוָת֔וֹ עִ֖ם אָרְבּ֥וֹת יָדָֽיו׃

‎12 ‏וּמִבְצַ֞ר מִשְׂגַּ֣ב חוֹמֹתֶ֗יךָ הֵשַׁ֥ח הִשְׁפִּ֛יל הִגִּ֥יעַ לָאָ֖רֶץ עַד־עָפָֽר׃ ס

1 yəhwâ ’ĕlōhay ’atâ ’ărwōmiməḵā ’wōḏeh šiməḵā kî ‘āśîṯā pele’ ‘ēṣwōṯ mērāḥwōq ’ĕmûnâ ’ōmen:

2 kî śamətā mē‘îr lagāl qirəyâ ḇəṣûrâ ləmapēlâ ’arəmwōn zārîm mē‘îr lə‘wōlām lō’ yibāneh:

3 ‘al-kēn yəḵabəḏûḵā ‘am-‘āz qirəyaṯ gwōyim ‘ārîṣîm yîrā’ûḵā:

4 kî-hāyîṯā mā‘wōz ladāl mā‘wōz lā’eḇəywōn baṣṣar-lwō m^aḥəseh mizzerem ṣēl mēḥōreḇ kî rûḥa ‘ārîṣîm kəzerem qîr:

5 kəḥōreḇ bəṣāywōn šə’wōn zārîm taḵənî‘a ḥōreḇ bəṣēl ‘āḇ zəmîr ‘ārîṣîm y^a‘ăneh: f

6 wə‘āśâ yəhwâ ṣəḇā’wōṯ ləḵāl-hā‘ammîm bâār hazzeh mišətēh šəmānîm mišətēh šəmārîm šəmānîm məmuḥāyim šəmārîm məzuqqāqîm:

7 ûḇill^a‘ bâār hazzeh pənê-hallwōṭ| hallwōṭ ‘al-kāl-hā‘ammîm wəhammassēḵâ hannəsûḵâ ‘al-kāl-hagwōyim:

8 bill^a‘ hammāweṯ lāneṣ^aḥ ûmāḥâ ’ăḏōnāy yəhwih dimə‘â mē‘al kāl-pānîm wəḥerəpaṯ ‘ammwō yāsîr mē‘al kāl-hā’āreṣ kî yəhwâ dibēr: f

9 wə’āmar bayywōm hahû’ hinnēh ’ĕlōhênû zeh qiûînû lwō wəywōšî‘ēnû zeh yəhwâ qiûînû lwō nāḡîlâ wəniśəməḥâ bîšû‘āṯwō:

10 kî-ṯānûḥa yaḏ-yəhwâ bâār hazzeh wənāḏwōš mwō’āḇ t^aḥətāyw kəhidûš maṯəbēn bəmê bəmwō maḏəmēnâ:

11 ûfēraś yāḏāyw bəqirəbwō ka’ăšer yəfārēś haśśōḥeh liśəḥwōṯ wəhišəpîl ga’ăwāṯwō ‘im ’ārəbwōṯ yāḏāyw:

12 ûmiḇəṣar miśəgaḇ ḥwōmōṯeyḵā hēš^aḥ hišəpîl higî‘a lā’āreṣ ‘aḏ-‘āfār: s

‎1 ‏בַּיּ֣וֹם הַה֔וּא יוּשַׁ֥ר הַשִּׁיר־הַזֶּ֖ה בְּאֶ֣רֶץ יְהוּדָ֑ה עִ֣יר עָז־לָ֔נוּ יְשׁוּעָ֥ה יָשִׁ֖ית חוֹמ֥וֹת וָחֵֽל׃

‎2 ‏פִּתְח֖וּ שְׁעָרִ֑ים וְיָבֹ֥א גוֹי־צַדִּ֖יק שֹׁמֵ֥ר אֱמֻנִֽים׃

‎3 ‏יֵ֣צֶר סָמ֔וּךְ תִּצֹּ֖ר שָׁל֣וֹם׀ שָׁל֑וֹם כִּ֥י בְךָ֖ בָּטֽוּחַ׃

‎4 ‏בִּטְח֥וּ בַֽיהוָ֖ה עֲדֵי־עַ֑ד כִּ֚י בְּיָ֣הּ יְהוָ֔ה צ֖וּר עוֹלָמִֽים׃

‎5 ‏כִּ֤י הֵשַׁח֙ יֹשְׁבֵ֣י מָר֔וֹם קִרְיָ֖ה נִשְׂגָּבָ֑ה יַשְׁפִּילֶ֤נָּה יַשְׁפִּילָהּ֙ עַד־אֶ֔רֶץ יַגִּיעֶ֖נָּה עַד־עָפָֽר׃

‎6 ‏תִּרְמְסֶ֖נָּה רָ֑גֶל רַגְלֵ֥י עָנִ֖י פַּעֲמֵ֥י דַלִּֽים׃

‎7 ‏אֹ֥רַח לַצַּדִּ֖יק מֵֽישָׁרִ֑ים יָשָׁ֕ר מַעְגַּ֥ל צַדִּ֖יק תְּפַלֵּֽס׃

‎8 ‏אַ֣ף אֹ֧רַח מִשְׁפָּטֶ֛יךָ יְהוָ֖ה קִוִּינ֑וּךָ לְשִׁמְךָ֥ וּֽלְזִכְרְךָ֖ תַּאֲוַת־נָֽפֶשׁ׃

‎9 ‏נַפְשִׁ֤י אִוִּיתִ֙יךָ֙ בַּלַּ֔יְלָה אַף־רוּחִ֥י בְקִרְבִּ֖י אֲשַֽׁחֲרֶ֑ךָּ כִּ֞י כַּאֲשֶׁ֤ר מִשְׁפָּטֶ֙יךָ֙ לָאָ֔רֶץ צֶ֥דֶק לָמְד֖וּ יֹשְׁבֵ֥י תֵבֵֽל׃

‎10 ‏יֻחַ֤ן רָשָׁע֙ בַּל־לָמַ֣ד צֶ֔דֶק בְּאֶ֥רֶץ נְכֹח֖וֹת יְעַוֵּ֑ל וּבַל־יִרְאֶ֖ה גֵּא֥וּת יְהוָֽה׃ ס

‎11 ‏יְהוָ֛ה רָ֥מָה יָדְךָ֖ בַּל־יֶחֱזָי֑וּן יֶחֱז֤וּ וְיֵבֹ֙שׁוּ֙ קִנְאַת־עָ֔ם אַף־אֵ֖שׁ צָרֶ֥יךָ תֹאכְלֵֽם׃ ס

‎12 ‏יְהוָ֕ה תִּשְׁפֹּ֥ת שָׁל֖וֹם לָ֑נוּ כִּ֛י גַּ֥ם כָּֽל־מַעֲשֵׂ֖ינוּ פָּעַ֥לְתָּ לָּֽנוּ׃

‎13 ‏יְהוָ֣ה אֱלֹהֵ֔ינוּ בְּעָל֥וּנוּ אֲדֹנִ֖ים זֽוּלָתֶ֑ךָ לְבַד־בְּךָ֖ נַזְכִּ֥יר שְׁמֶֽךָ׃

‎14 ‏מֵתִים֙ בַּל־יִחְי֔וּ רְפָאִ֖ים בַּל־יָקֻ֑מוּ לָכֵ֤ן פָּקַ֙דְתָּ֙ וַתַּשְׁמִידֵ֔ם וַתְּאַבֵּ֥ד כָּל־זֵ֖כֶר לָֽמוֹ׃

‎15 ‏יָסַ֤פְתָּ לַגּוֹי֙ יְהוָ֔ה יָסַ֥פְתָּ לַגּ֖וֹי נִכְבָּ֑דְתָּ רִחַ֖קְתָּ כָּל־קַצְוֵי־אָֽרֶץ׃

‎16 ‏יְהוָ֖ה בַּצַּ֣ר פְּקָד֑וּךָ צָק֣וּן לַ֔חַשׁ מוּסָרְךָ֖ לָֽמוֹ׃

‎17 ‏כְּמ֤וֹ הָרָה֙ תַּקְרִ֣יב לָלֶ֔דֶת תָּחִ֥יל תִּזְעַ֖ק בַּחֲבָלֶ֑יהָ כֵּ֛ן הָיִ֥ינוּ מִפָּנֶ֖יךָ יְהוָֽה׃

‎18 ‏הָרִ֣ינוּ חַ֔לְנוּ כְּמ֖וֹ יָלַ֣דְנוּ ר֑וּחַ יְשׁוּעֹת֙ בַּל־נַ֣עֲשֶׂה אֶ֔רֶץ וּבַֽל־יִפְּל֖וּ יֹשְׁבֵ֥י תֵבֵֽל׃

‎19 ‏יִֽחְי֣וּ מֵתֶ֔יךָ נְבֵלָתִ֖י יְקוּמ֑וּן הָקִ֨יצוּ וְרַנְּנ֜וּ שֹׁכְנֵ֣י עָפָ֗ר כִּ֣י טַ֤ל אוֹרֹת֙ טַלֶּ֔ךָ וָאָ֖רֶץ רְפָאִ֥ים תַּפִּֽיל׃ ס

‎20 ‏לֵ֤ךְ עַמִּי֙ בֹּ֣א בַחֲדָרֶ֔יךָ וּֽסְגֹ֥ר דלתיך דְּלָתְךָ֖ בַּעֲדֶ֑ךָ חֲבִ֥י כִמְעַט־רֶ֖גַע עַד־יעבור־ יַעֲבָר־ זָֽעַם׃

‎21 ‏כִּֽי־הִנֵּ֤ה יְהוָה֙ יֹצֵ֣א מִמְּקוֹמ֔וֹ לִפְקֹ֛ד עֲוֹ֥ן יֹֽשֵׁב־הָאָ֖רֶץ עָלָ֑יו וְגִלְּתָ֤ה הָאָ֙רֶץ֙ אֶת־דָּמֶ֔יהָ וְלֹֽא־תְכַסֶּ֥ה ע֖וֹד עַל־הֲרוּגֶֽיהָ׃ ס

1 bayywōm hahû’ yûšar haššîr-hazzeh bə’ereṣ yəhûḏâ ‘îr ‘āz-lānû yəšû‘â yāšîṯ ḥwōmwōṯ wāḥēl:

2 piṯəḥû šə‘ārîm wəyāḇō’ ḡwōy-ṣadîq šōmēr ’ĕmunîm:

3 yēṣer sāmûḵə tiṣṣōr šālwōm| šālwōm kî ḇəḵā bāṭûḥa:

4 biṭəḥû ḇayhwâ ‘ăḏê-‘aḏ kî bəyāh yəhwâ ṣûr ‘wōlāmîm:

5 kî hēš^aḥ yōšəḇê mārwōm qirəyâ niśəgāḇâ yašəpîlennâ yašəpîlāh ‘aḏ-’ereṣ yagî‘ennâ ‘aḏ-‘āfār:

6 tirəməsennâ rāḡel raḡəlê ‘ānî p^a‘ămê ḏallîm:

7 ’ōr^aḥ laṣṣadîq mêšārîm yāšār m^a‘əgal ṣadîq təfallēs:

8 ’af ’ōr^aḥ mišəpāṭeyḵā yəhwâ qiûînûḵā ləšiməḵā ûləziḵərəḵā ta’ăwaṯ-nāfeš:

9 nafəšî ’iûîṯîḵā ballayəlâ ’af-rûḥî ḇəqirəbî ’ăš^aḥăreḵḵā kî ka’ăšer mišəpāṭeyḵā lā’āreṣ ṣeḏeq lāməḏû yōšəḇê ṯēḇēl:

10 yuḥan rāšā‘ bal-lāmaḏ ṣeḏeq bə’ereṣ nəḵōḥwōṯ yə‘aûēl ûḇal-yirə’eh gē’ûṯ yəhwâ: s

11 yəhwâ rāmâ yāḏəḵā bal-yeḥĕzāyûn yeḥĕzû wəyēḇōšû qinə’aṯ-‘ām ’af-’ēš ṣāreyḵā ṯō’ḵəlēm: s

12 yəhwâ tišəpōṯ šālwōm lānû kî gam kāl-m^a‘ăśênû pā‘alətā llānû:

13 yəhwâ ’ĕlōhênû bə‘ālûnû ’ăḏōnîm zûlāṯeḵā ləḇaḏ-bəḵā nazəkîr šəmeḵā:

14 mēṯîm bal-yiḥəyû rəfā’îm bal-yāqumû lāḵēn pāqaḏətā watašəmîḏēm watə’abēḏ kāl-zēḵer lāmwō:

15 yāsafətā lagwōy yəhwâ yāsafətā lagwōy niḵəbāḏətā riḥaqətā kāl-qaṣəwê-’āreṣ:

16 yəhwâ baṣṣar pəqāḏûḵā ṣāqûn l^aḥaš mûsārəḵā lāmwō:

17 kəmwō hārâ taqərîḇ lāleḏeṯ tāḥîl tizə‘aq b^aḥăḇāleyhā kēn hāyînû mipāneyḵā yəhwâ:

18 hārînû ḥalənû kəmwō yālaḏənû rûḥa yəšû‘ōṯ bal-n^a‘ăśeh ’ereṣ ûḇal-yipəlû yōšəḇê ṯēḇēl:

19 yiḥəyû mēṯeyḵā nəḇēlāṯî yəqûmûn hāqîṣû wərannənû šōḵənê ‘āfār kî ṭal ’wōrōṯ ṭalleḵā wā’āreṣ rəfā’îm tapîl: s

20 lēḵə ‘ammî bō’ ḇ^aḥăḏāreyḵā ûsəḡōr dəlāṯeyḵā dəlāṯəḵā b^a‘ăḏeḵā ḥăḇî ḵimə‘aṭ-reḡ^a‘ ‘aḏ-y^a‘ăḇwōr- y^a‘ăḇār- zā‘am:

21 kî-hinnēh yəhwâ yōṣē’ mimməqwōmwō lifəqōḏ ‘ăwōn yōšēḇ-hā’āreṣ ‘ālāyw wəḡilləṯâ hā’āreṣ ’eṯ-dāmeyhā wəlō’-ṯəḵasseh ‘wōḏ ‘al-hărûḡeyhā: s

‎1 ‏בַּיּ֣וֹם הַה֡וּא יִפְקֹ֣ד יְהוָה֩ בְּחַרְב֨וֹ¹ הַקָּשָׁ֜ה וְהַגְּדוֹלָ֣ה וְהַֽחֲזָקָ֗ה עַ֤ל לִוְיָתָן֙ נָחָ֣שׁ בָּרִ֔חַ וְעַל֙ לִוְיָתָ֔ן נָחָ֖שׁ עֲקַלָּת֑וֹן וְהָרַ֥ג אֶת־הַתַּנִּ֖ין אֲשֶׁ֥ר בַּיָּֽם׃ ס

‎2 ‏בַּיּ֖וֹם הַה֑וּא כֶּ֥רֶם חֶ֖מֶד עַנּוּ־לָֽהּ׃

‎3 ‏אֲנִ֤י יְהוָה֙ נֹֽצְרָ֔הּ לִרְגָעִ֖ים אַשְׁקֶ֑נָּה פֶּ֚ן יִפְקֹ֣ד עָלֶ֔יהָ לַ֥יְלָה וָי֖וֹם אֶצֳּרֶֽנָּה׃

‎4 ‏חֵמָ֖ה אֵ֣ין לִ֑י מִֽי־יִתְּנֵ֜נִי שָׁמִ֥יר שַׁ֙יִת֙ בַּמִּלְחָמָ֔ה אֶפְשְׂעָ֥ה בָ֖הּ אֲצִיתֶ֥נָּה יָּֽחַד׃

‎5 ‏א֚וֹ יַחֲזֵ֣ק בְּמָעוּזִּ֔י יַעֲשֶׂ֥ה שָׁל֖וֹם לִ֑י שָׁל֖וֹם יַֽעֲשֶׂה־לִּֽי׃

‎6 ‏הַבָּאִים֙ יַשְׁרֵ֣שׁ יַֽעֲקֹ֔ב יָצִ֥יץ וּפָרַ֖ח יִשְׂרָאֵ֑ל וּמָלְא֥וּ פְנֵי־תֵבֵ֖ל תְּנוּבָֽה׃ ס

‎7 ‏הַכְּמַכַּ֥ת מַכֵּ֖הוּ הִכָּ֑הוּ אִם־כְּהֶ֥רֶג הֲרֻגָ֖יו הֹרָֽג׃

‎8 ‏בְּסַאסְּאָ֖ה בְּשַׁלְחָ֣הּ תְּרִיבֶ֑נָּה הָגָ֛ה בְּרוּח֥וֹ הַקָּשָׁ֖ה בְּי֥וֹם קָדִֽים׃

‎9 ‏לָכֵ֗ן בְּזֹאת֙ יְכֻפַּ֣ר עֲוֹֽן־יַעֲקֹ֔ב וְזֶ֕ה כָּל־פְּרִ֖י הָסִ֣ר חַטָּאת֑וֹ בְּשׂוּמ֣וֹ׀ כָּל־אַבְנֵ֣י מִזְבֵּ֗חַ כְּאַבְנֵי־גִר֙ מְנֻפָּצ֔וֹת לֹֽא־יָקֻ֥מוּ אֲשֵׁרִ֖ים וְחַמָּנִֽים׃

‎10 ‏כִּ֣י עִ֤יר בְּצוּרָה֙ בָּדָ֔ד נָוֶ֕ה מְשֻׁלָּ֥ח וְנֶעֱזָ֖ב כַּמִּדְבָּ֑ר שָׁ֣ם יִרְעֶ֥ה עֵ֛גֶל וְשָׁ֥ם יִרְבָּ֖ץ וְכִלָּ֥ה סְעִפֶֽיהָ׃

‎11 ‏בִּיבֹ֤שׁ קְצִירָהּ֙ תִּשָּׁבַ֔רְנָה נָשִׁ֕ים בָּא֖וֹת מְאִיר֣וֹת אוֹתָ֑הּ כִּ֣י לֹ֤א עַם־בִּינוֹת֙ ה֔וּא עַל־כֵּן֙ לֹֽא־יְרַחֲמֶ֣נּוּ עֹשֵׂ֔הוּ וְיֹצְר֖וֹ לֹ֥א יְחֻנֶּֽנּוּ׃ ס

‎12 ‏וְהָיָה֙ בַּיּ֣וֹם הַה֔וּא יַחְבֹּ֧ט יְהוָ֛ה מִשִּׁבֹּ֥לֶת הַנָּהָ֖ר עַד־נַ֣חַל מִצְרָ֑יִם וְאַתֶּ֧ם תְּלֻקְּט֛וּ לְאַחַ֥ד אֶחָ֖ד בְּנֵ֥י יִשְׂרָאֵֽל׃ ס

‎13 ‏וְהָיָ֣ה׀ בַּיּ֣וֹם הַה֗וּא יִתָּקַע֮ בְּשׁוֹפָ֣ר גָּדוֹל֒ וּבָ֗אוּ הָאֹֽבְדִים֙ בְּאֶ֣רֶץ אַשּׁ֔וּר וְהַנִּדָּחִ֖ים בְּאֶ֣רֶץ מִצְרָ֑יִם וְהִשְׁתַּחֲו֧וּ לַיהוָ֛ה בְּהַ֥ר הַקֹּ֖דֶשׁ בִּירוּשָׁלִָֽם׃

1 bayywōm hahû’ yifəqōḏ yəhwâ bəḥarəḇwō¹ haqqāšâ wəhagəḏwōlâ wəh^aḥăzāqâ ‘al liwəyāṯān nāḥāš bāriḥa wə‘al liwəyāṯān nāḥāš ‘ăqallāṯwōn wəhāraḡ ’eṯ-hatannîn ’ăšer bayyām: s

2 bayywōm hahû’ kerem ḥemeḏ ‘annû-lāh:

3 ’ănî yəhwâ nōṣərāh lirəḡā‘îm ’ašəqennâ pen yifəqōḏ ‘āleyhā layəlâ wāywōm ’eṣṣŏrennâ:

4 ḥēmâ ’ên lî mî-yitənēnî šāmîr šayiṯ bammiləḥāmâ ’efəśə‘â ḇāh ’ăṣîṯennâ yyāḥaḏ:

5 ’wō y^aḥăzēq bəmā‘ûzzî y^a‘ăśeh šālwōm lî šālwōm y^a‘ăśeh-llî:

6 habā’îm yašərēš y^a‘ăqōḇ yāṣîṣ ûfār^aḥ yiśərā’ēl ûmālə’û fənê-ṯēḇēl tənûḇâ: s

7 hakəmakaṯ makēhû hikâû ’im-kəhereḡ hăruḡāyw hōrāḡ:

8 bəsa’ssə’â bəšaləḥāh tərîḇennâ hāḡâ bərûḥwō haqqāšâ bəywōm qāḏîm:

9 lāḵēn bəzō’ṯ yəḵupar ‘ăwōn-y^a‘ăqōḇ wəzeh kāl-pərî hāsir ḥaṭṭā’ṯwō bəśûmwō| kāl-’aḇənê mizəbēḥa kə’aḇənê-ḡir mənupāṣwōṯ lō’-yāqumû ’ăšērîm wəḥammānîm:

10 kî ‘îr bəṣûrâ bāḏāḏ nāweh məšullāḥ wəne‘ĕzāḇ kammiḏəbār šām yirə‘eh ‘ēḡel wəšām yirəbāṣ wəḵillâ sə‘ifeyhā:

11 bîḇōš qəṣîrāh tiššāḇarənâ nāšîm bā’wōṯ mə’îrwōṯ ’wōṯāh kî lō’ ‘am-bînwōṯ hû’ ‘al-kēn lō’-yər^aḥămennû ‘ōśēhû wəyōṣərwō lō’ yəḥunnennû: s

12 wəhāyâ bayywōm hahû’ y^aḥəbōṭ yəhwâ miššibōleṯ hannâār ‘aḏ-n^aḥal miṣərāyim wə’atem təluqqəṭû lə’^aḥaḏ ’eḥāḏ bənê yiśərā’ēl: s

13 wəhāyâ| bayywōm hahû’ yitāq^a‘ bəšwōfār gāḏwōl ûḇā’û hā’ōḇəḏîm bə’ereṣ ’aššûr wəhannidāḥîm bə’ereṣ miṣərāyim wəhišət^aḥăwû layhwâ bəhar haqqōḏeš bîrûšālāim:

‎1 ‏ה֗וֹי עֲטֶ֤רֶת גֵּאוּת֙ שִׁכֹּרֵ֣י אֶפְרַ֔יִם וְצִ֥יץ נֹבֵ֖ל צְבִ֣י תִפְאַרְתּ֑וֹ אֲשֶׁ֛ר עַל־רֹ֥אשׁ גֵּֽיא־שְׁמָנִ֖ים הֲל֥וּמֵי יָֽיִן׃

‎2 ‏הִנֵּ֨ה חָזָ֤ק וְאַמִּץ֙ לַֽאדֹנָ֔י כְּזֶ֥רֶם בָּרָ֖ד שַׂ֣עַר קָ֑טֶב כְּ֠זֶרֶם מַ֣יִם כַּבִּירִ֥ים שֹׁטְפִ֛ים הִנִּ֥יחַ לָאָ֖רֶץ בְּיָֽד׃

‎3 ‏בְּרַגְלַ֖יִם תֵּֽרָמַ֑סְנָה עֲטֶ֥רֶת גֵּא֖וּת שִׁכּוֹרֵ֥י אֶפְרָֽיִם׃

‎4 ‏וְֽהָ֨יְתָ֜ה צִיצַ֤ת נֹבֵל֙ צְבִ֣י תִפְאַרְתּ֔וֹ אֲשֶׁ֥ר עַל־רֹ֖אשׁ גֵּ֣יא שְׁמָנִ֑ים כְּבִכּוּרָהּ֙ בְּטֶ֣רֶם קַ֔יִץ אֲשֶׁ֨ר יִרְאֶ֤ה הָֽרֹאֶה֙ אוֹתָ֔הּ בְּעוֹדָ֥הּ בְּכַפּ֖וֹ יִבְלָעֶֽנָּה׃ ס

‎5 ‏בַּיּ֣וֹם הַה֗וּא יִֽהְיֶה֙ יְהוָ֣ה צְבָא֔וֹת לַעֲטֶ֣רֶת צְבִ֔י וְלִצְפִירַ֖ת תִּפְאָרָ֑ה לִשְׁאָ֖ר עַמּֽוֹ׃

‎6 ‏וּלְר֖וּחַ מִשְׁפָּ֑ט לַיּוֹשֵׁב֙ עַל־הַמִּשְׁפָּ֔ט וְלִ֨גְבוּרָ֔ה מְשִׁיבֵ֥י מִלְחָמָ֖ה שָֽׁעְרָה׃ ס

‎7 ‏וְגַם־אֵ֙לֶּה֙ בַּיַּ֣יִן שָׁג֔וּ וּבַשֵּׁכָ֖ר תָּע֑וּ כֹּהֵ֣ן וְנָבִיא֩ שָׁג֨וּ בַשֵּׁכָ֜ר נִבְלְע֣וּ מִן־הַיַּ֗יִן תָּעוּ֙ מִן־הַשֵּׁכָ֔ר שָׁגוּ֙ בָּֽרֹאֶ֔ה פָּק֖וּ פְּלִילִיָּֽה׃

‎8 ‏כִּ֚י כָּל־שֻׁלְחָנ֔וֹת מָלְא֖וּ קִ֣יא צֹאָ֑ה בְּלִ֖י מָקֽוֹם׃ ס

‎9 ‏אֶת־מִי֙ יוֹרֶ֣ה דֵעָ֔ה וְאֶת־מִ֖י יָבִ֣ין שְׁמוּעָ֑ה גְּמוּלֵי֙ מֵֽחָלָ֔ב עַתִּיקֵ֖י מִשָּׁדָֽיִם׃

‎10 ‏כִּ֣י צַ֤ו לָצָו֙ צַ֣ו לָצָ֔ו קַ֥ו לָקָ֖ו קַ֣ו לָקָ֑ו זְעֵ֥יר שָׁ֖ם זְעֵ֥יר שָֽׁם׃

‎11 ‏כִּ֚י בְּלַעֲגֵ֣י שָׂפָ֔ה וּבְלָשׁ֖וֹן אַחֶ֑רֶת יְדַבֵּ֖ר אֶל־הָעָ֥ם הַזֶּֽה׃

‎12 ‏אֲשֶׁ֣ר׀ אָמַ֣ר אֲלֵיהֶ֗ם זֹ֤את הַמְּנוּחָה֙ הָנִ֣יחוּ לֶֽעָיֵ֔ף וְזֹ֖את הַמַּרְגֵּעָ֑ה וְלֹ֥א אָב֖וּא שְׁמֽוֹעַ׃

‎13 ‏וְהָיָ֨ה לָהֶ֜ם דְּבַר־יְהוָ֗ה צַ֣ו לָצָ֞ו צַ֤ו לָצָו֙ קַ֤ו לָקָו֙ קַ֣ו לָקָ֔ו זְעֵ֥יר שָׁ֖ם זְעֵ֣יר שָׁ֑ם לְמַ֨עַן יֵלְכ֜וּ וְכָשְׁל֤וּ אָחוֹר֙ וְנִשְׁבָּ֔רוּ וְנוֹקְשׁ֖וּ וְנִלְכָּֽדוּ׃ פ

‎14 ‏לָכֵ֛ן שִׁמְע֥וּ דְבַר־יְהוָ֖ה אַנְשֵׁ֣י לָצ֑וֹן מֹֽשְׁלֵי֙ הָעָ֣ם הַזֶּ֔ה אֲשֶׁ֖ר בִּירוּשָׁלִָֽם׃

‎15 ‏כִּ֣י אֲמַרְתֶּ֗ם כָּרַ֤תְנֽוּ בְרִית֙ אֶת־מָ֔וֶת וְעִם־שְׁא֖וֹל עָשִׂ֣ינוּ חֹזֶ֑ה שיט שׁ֣וֹט שׁוֹטֵ֤ף כִּֽי־עבר יַֽעֲבֹר֙ לֹ֣א יְבוֹאֵ֔נוּ כִּ֣י שַׂ֧מְנוּ כָזָ֛ב מַחְסֵ֖נוּ וּבַשֶּׁ֥קֶר נִסְתָּֽרְנוּ׃ ס

‎16 ‏לָכֵ֗ן כֹּ֤ה אָמַר֙ אֲדֹנָ֣י יְהוִ֔ה הִנְנִ֛י יִסַּ֥ד בְּצִיּ֖וֹן אָ֑בֶן אֶ֣בֶן בֹּ֜חַן פִּנַּ֤ת יִקְרַת֙ מוּסָ֣ד מוּסָּ֔ד הַֽמַּאֲמִ֖ין לֹ֥א יָחִֽישׁ׃

‎17 ‏וְשַׂמְתִּ֤י מִשְׁפָּט֙ לְקָ֔ו וּצְדָקָ֖ה לְמִשְׁקָ֑לֶת וְיָעָ֤ה בָרָד֙ מַחְסֵ֣ה כָזָ֔ב וְסֵ֥תֶר מַ֖יִם יִשְׁטֹֽפוּ׃

‎18 ‏וְכֻפַּ֤ר בְּרִֽיתְכֶם֙ אֶת־מָ֔וֶת וְחָזוּתְכֶ֥ם אֶת־שְׁא֖וֹל לֹ֣א תָק֑וּם שׁ֤וֹט שׁוֹטֵף֙ כִּ֣י יַֽעֲבֹ֔ר וִהְיִ֥יתֶם ל֖וֹ לְמִרְמָֽס׃

‎19 ‏מִדֵּ֤י עָבְרוֹ֙ יִקַּ֣ח אֶתְכֶ֔ם כִּֽי־בַבֹּ֧קֶר בַּבֹּ֛קֶר יַעֲבֹ֖ר בַּיּ֣וֹם וּבַלָּ֑יְלָה וְהָיָ֥ה רַק־זְוָעָ֖ה הָבִ֥ין שְׁמוּעָֽה׃

‎20 ‏כִּֽי־קָצַ֥ר הַמַּצָּ֖ע מֵֽהִשְׂתָּרֵ֑עַ וְהַמַּסֵּכָ֥ה צָ֖רָה כְּהִתְכַּנֵּֽס׃

‎21 ‏כִּ֤י כְהַר־פְּרָצִים֙ יָק֣וּם יְהוָ֔ה כְּעֵ֖מֶק בְּגִבְע֣וֹן יִרְגָּ֑ז לַעֲשׂ֤וֹת מַעֲשֵׂ֙הוּ֙ זָ֣ר מַעֲשֵׂ֔הוּ וְלַֽעֲבֹד֙ עֲבֹ֣דָת֔וֹ נָכְרִיָּ֖ה עֲבֹדָתֽוֹ׃

‎22 ‏וְעַתָּה֙ אַל־תִּתְלוֹצָ֔צוּ פֶּֽן־יֶחְזְק֖וּ מֽוֹסְרֵיכֶ֑ם כִּֽי־כָלָ֨ה וְנֶחֱרָצָ֜ה שָׁמַ֗עְתִּי מֵאֵ֨ת אֲדֹנָ֧י יְהוִ֛ה צְבָא֖וֹת עַל־כָּל־הָאָֽרֶץ׃

‎23 ‏הַאֲזִ֥ינוּ וְשִׁמְע֖וּ קוֹלִ֑י הַקְשִׁ֥יבוּ וְשִׁמְע֖וּ אִמְרָתִֽי׃

‎24 ‏הֲכֹ֣ל הַיּ֔וֹם יַחֲרֹ֥שׁ הַחֹרֵ֖שׁ לִזְרֹ֑עַ יְפַתַּ֥ח וִֽישַׂדֵּ֖ד אַדְמָתֽוֹ׃

‎25 ‏הֲלוֹא֙ אִם־שִׁוָּ֣ה פָנֶ֔יהָ וְהֵפִ֥יץ קֶ֖צַח וְכַמֹּ֣ן יִזְרֹ֑ק וְשָׂ֨ם חִטָּ֤ה שׂוֹרָה֙ וּשְׂעֹרָ֣ה נִסְמָ֔ן וְכֻסֶּ֖מֶת גְּבֻלָתֽוֹ׃

‎26 ‏וְיִסְּר֥וֹ לַמִּשְׁפָּ֖ט אֱלֹהָ֥יו יוֹרֶֽנּוּ׃

‎27 ‏כִּ֣י לֹ֤א בֶֽחָרוּץ֙ י֣וּדַשׁ קֶ֔צַח וְאוֹפַ֣ן עֲגָלָ֔ה עַל־כַּמֹּ֖ן יוּסָּ֑ב כִּ֧י בַמַּטֶּ֛ה יֵחָ֥בֶט קֶ֖צַח וְכַמֹּ֥ן בַּשָּֽׁבֶט׃

‎28 ‏לֶ֣חֶם יוּדָ֔ק כִּ֛י לֹ֥א לָנֶ֖צַח אָד֣וֹשׁ יְדוּשֶׁ֑נּוּ וְ֠הָמַם גִּלְגַּ֧ל עֶגְלָת֛וֹ וּפָרָשָׁ֖יו לֹֽא־יְדֻקֶּֽנּוּ׃

‎29 ‏גַּם־זֹ֕את מֵעִ֛ם יְהוָ֥ה צְבָא֖וֹת יָצָ֑אָה הִפְלִ֣יא עֵצָ֔ה הִגְדִּ֖יל תּוּשִׁיָּֽה׃ ס

1 hwōy ‘ăṭereṯ gē’ûṯ šikōrê ’efərayim wəṣîṣ nōḇēl ṣəḇî ṯifə’arətwō ’ăšer ‘al-rō’š gê’-šəmānîm hălûmê yāyin:

2 hinnēh ḥāzāq wə’ammiṣ la’ḏōnāy kəzerem bārāḏ ś^a‘ar qāṭeḇ kəzerem mayim kabîrîm šōṭəfîm hinnîḥa lā’āreṣ bəyāḏ:

3 bəraḡəlayim tērāmasənâ ‘ăṭereṯ gē’ûṯ šikwōrê ’efərāyim:

4 wəhāyəṯâ ṣîṣaṯ nōḇēl ṣəḇî ṯifə’arətwō ’ăšer ‘al-rō’š gê’ šəmānîm kəḇikûrāh bəṭerem qayiṣ ’ăšer yirə’eh hārō’eh ’wōṯāh bə‘wōḏāh bəḵapwō yiḇəlā‘ennâ: s

5 bayywōm hahû’ yihəyeh yəhwâ ṣəḇā’wōṯ l^a‘ăṭereṯ ṣəḇî wəliṣəfîraṯ tifə’ārâ lišə’ār ‘ammwō:

6 ûlərûḥa mišəpāṭ layywōšēḇ ‘al-hammišəpāṭ wəliḡəḇûrâ məšîḇê miləḥāmâ šā‘ərâ: s

7 wəḡam-’ēlleh bayyayin šāḡû ûḇaššēḵār tā‘û kōhēn wənāḇî’ šāḡû ḇaššēḵār niḇələ‘û min-hayyayin tā‘û min-haššēḵār šāḡû bārō’eh pāqû pəlîlîyâ:

8 kî kāl-šuləḥānwōṯ mālə’û qî’ ṣō’â bəlî māqwōm: s

9 ’eṯ-mî ywōreh ḏē‘â wə’eṯ-mî yāḇîn šəmû‘â gəmûlê mēḥālāḇ ‘atîqê miššāḏāyim:

10 kî ṣaw lāṣāw ṣaw lāṣāw qaw lāqāw qaw lāqāw zə‘êr šām zə‘êr šām:

11 kî bəl^a‘ăḡê śāfâ ûḇəlāšwōn ’^aḥereṯ yəḏabēr ’el-hā‘ām hazzeh:

12 ’ăšer| ’āmar ’ălêhem zō’ṯ hammənûḥâ hānîḥû le‘āyēf wəzō’ṯ hammarəgē‘â wəlō’ ’āḇû’ šəmwō‘a:

13 wəhāyâ lâem dəḇar-yəhwâ ṣaw lāṣāw ṣaw lāṣāw qaw lāqāw qaw lāqāw zə‘êr šām zə‘êr šām ləm^a‘an yēləḵû wəḵāšəlû ’āḥwōr wənišəbārû wənwōqəšû wəniləkāḏû: f

14 lāḵēn šimə‘û ḏəḇar-yəhwâ ’anəšê lāṣwōn mōšəlê hā‘ām hazzeh ’ăšer bîrûšālāim:

15 kî ’ămarətem kāraṯənû ḇərîṯ ’eṯ-māweṯ wə‘im-šə’wōl ‘āśînû ḥōzeh šîṭ šwōṭ šwōṭēf kî-‘āḇar y^a‘ăḇōr lō’ yəḇwō’ēnû kî śamənû ḵāzāḇ m^aḥəsēnû ûḇaššeqer nisətārənû: s

16 lāḵēn kōh ’āmar ’ăḏōnāy yəhwih hinənî yissaḏ bəṣîywōn ’āḇen ’eḇen bōḥan pinnaṯ yiqəraṯ mûsāḏ mûssāḏ hamma’ămîn lō’ yāḥîš:

17 wəśamətî mišəpāṭ ləqāw ûṣəḏāqâ ləmišəqāleṯ wəyā‘â ḇārāḏ m^aḥəsēh ḵāzāḇ wəsēṯer mayim yišəṭōfû:

18 wəḵupar bərîṯəḵem ’eṯ-māweṯ wəḥāzûṯəḵem ’eṯ-šə’wōl lō’ ṯāqûm šwōṭ šwōṭēf kî y^a‘ăḇōr wihəyîṯem lwō ləmirəmās:

19 midê ‘āḇərwō yiqq^aḥ ’eṯəḵem kî-ḇabōqer babōqer y^a‘ăḇōr bayywōm ûḇallāyəlâ wəhāyâ raq-zəwā‘â hāḇîn šəmû‘â:

20 kî-qāṣar hammaṣṣā‘ mēhiśətārē‘a wəhammassēḵâ ṣārâ kəhiṯəkannēs:

21 kî ḵəhar-pərāṣîm yāqûm yəhwâ kə‘ēmeq bəḡiḇə‘wōn yirəgāz l^a‘ăśwōṯ m^a‘ăśēhû zār m^a‘ăśēhû wəl^a‘ăḇōḏ ‘ăḇōḏāṯwō nāḵərîyâ ‘ăḇōḏāṯwō:

22 wə‘atâ ’al-tiṯəlwōṣāṣû pen-yeḥəzəqû mwōsərêḵem kî-ḵālâ wəneḥĕrāṣâ šām^a‘ətî mē’ēṯ ’ăḏōnāy yəhwih ṣəḇā’wōṯ ‘al-kāl-hā’āreṣ:

23 ha’ăzînû wəšimə‘û qwōlî haqəšîḇû wəšimə‘û ’imərāṯî:

24 hăḵōl hayywōm y^aḥărōš h^aḥōrēš lizərō‘a yəfat^aḥ wîśadēḏ ’aḏəmāṯwō:

25 hălwō’ ’im-šiûâ fāneyhā wəhēfîṣ qeṣ^aḥ wəḵammōn yizərōq wəśām ḥiṭṭâ śwōrâ ûśə‘ōrâ nisəmān wəḵussemeṯ gəḇulāṯwō:

26 wəyissərwō lammišəpāṭ ’ĕlōhāyw ywōrennû:

27 kî lō’ ḇeḥārûṣ yûḏaš qeṣ^aḥ wə’wōfan ‘ăḡālâ ‘al-kammōn yûssāḇ kî ḇammaṭṭeh yēḥāḇeṭ qeṣ^aḥ wəḵammōn baššāḇeṭ:

28 leḥem yûḏāq kî lō’ lāneṣ^aḥ ’āḏwōš yəḏûšennû wəhāmam giləgal ‘eḡəlāṯwō ûfārāšāyw lō’-yəḏuqqennû:

29 gam-zō’ṯ mē‘im yəhwâ ṣəḇā’wōṯ yāṣā’â hifəlî’ ‘ēṣâ hiḡədîl tûšîyâ: s

‎1 ‏ה֚וֹי אֲרִיאֵ֣ל אֲרִיאֵ֔ל קִרְיַ֖ת חָנָ֣ה דָוִ֑ד סְפ֥וּ שָׁנָ֛ה עַל־שָׁנָ֖ה חַגִּ֥ים יִנְקֹֽפוּ׃

‎2 ‏וַהֲצִיק֖וֹתִי לַֽאֲרִיאֵ֑ל וְהָיְתָ֤ה תַֽאֲנִיָּה֙ וַֽאֲנִיָּ֔ה וְהָ֥יְתָה לִּ֖י כַּאֲרִיאֵֽל׃

‎3 ‏וְחָנִ֥יתִי כַדּ֖וּר עָלָ֑יִךְ וְצַרְתִּ֤י עָלַ֙יִךְ֙ מֻצָּ֔ב וַהֲקִֽימֹתִ֥י עָלַ֖יִךְ מְצֻרֹֽת׃

‎4 ‏וְשָׁפַלְתְּ֙ מֵאֶ֣רֶץ תְּדַבֵּ֔רִי וּמֵֽעָפָ֖ר תִּשַּׁ֣ח אִמְרָתֵ֑ךְ וְֽ֠הָיָה כְּא֤וֹב מֵאֶ֙רֶץ֙ קוֹלֵ֔ךְ וּמֵעָפָ֖ר אִמְרָתֵ֥ךְ תְּצַפְצֵֽף׃

‎5 ‏וְהָיָ֛ה כְּאָבָ֥ק דַּ֖ק הֲמ֣וֹן זָרָ֑יִךְ וּכְמֹ֤ץ עֹבֵר֙ הֲמ֣וֹן עָֽרִיצִ֔ים וְהָיָ֖ה לְפֶ֥תַע פִּתְאֹֽם׃

‎6 ‏מֵעִ֨ם יְהוָ֤ה צְבָאוֹת֙ תִּפָּקֵ֔ד בְּרַ֥עַם וּבְרַ֖עַשׁ וְק֣וֹל גָּד֑וֹל סוּפָה֙ וּסְעָרָ֔ה וְלַ֖הַב אֵ֥שׁ אוֹכֵלָֽה׃

‎7 ‏וְהָיָ֗ה כַּֽחֲלוֹם֙ חֲז֣וֹן לַ֔יְלָה הֲמוֹן֙ כָּל־הַגּוֹיִ֔ם הַצֹּבְאִ֖ים עַל־אֲרִיאֵ֑ל וְכָל־צֹבֶ֙יהָ֙ וּמְצֹ֣דָתָ֔הּ וְהַמְּצִיקִ֖ים לָֽהּ׃

‎8 ‏וְהָיָ֡ה כַּאֲשֶׁר֩ יַחֲלֹ֨ם הָרָעֵ֜ב וְהִנֵּ֣ה אוֹכֵ֗ל וְהֵקִיץ֮ וְרֵיקָ֣ה נַפְשׁוֹ֒ וְכַאֲשֶׁ֨ר יַחֲלֹ֤ם הַצָּמֵא֙ וְהִנֵּ֣ה שֹׁתֶ֔ה וְהֵקִיץ֙ וְהִנֵּ֣ה עָיֵ֔ף וְנַפְשׁ֖וֹ שׁוֹקֵקָ֑ה כֵּ֣ן יִֽהְיֶ֗ה הֲמוֹן֙ כָּל־הַגּוֹיִ֔ם הַצֹּבְאִ֖ים עַל־הַ֥ר צִיּֽוֹן׃ ס

‎9 ‏הִתְמַהְמְה֣וּ וּתְמָ֔הוּ הִשְׁתַּֽעַשְׁע֖וּ וָשֹׁ֑עוּ שָֽׁכְר֣וּ וְלֹא־יַ֔יִן נָע֖וּ וְלֹ֥א שֵׁכָֽר׃

‎10 ‏כִּֽי־נָסַ֨ךְ עֲלֵיכֶ֤ם יְהוָה֙ ר֣וּחַ תַּרְדֵּמָ֔ה וַיְעַצֵּ֖ם אֶת־עֵֽינֵיכֶ֑ם אֶת־הַנְּבִיאִ֛ים וְאֶת־רָאשֵׁיכֶ֥ם הַחֹזִ֖ים כִּסָּֽה׃

‎11 ‏וַתְּהִ֨י לָכֶ֜ם חָז֣וּת הַכֹּ֗ל כְּדִבְרֵי֮ הַסֵּ֣פֶר הֶֽחָתוּם֒ אֲשֶֽׁר־יִתְּנ֣וּ אֹת֗וֹ אֶל־יוֹדֵ֥עַ הספר סֵ֛פֶר לֵאמֹ֖ר קְרָ֣א נָא־זֶ֑ה וְאָמַר֙ לֹ֣א אוּכַ֔ל כִּ֥י חָת֖וּם הֽוּא׃

‎12 ‏וְנִתַּ֣ן הַסֵּ֗פֶר עַל֩ אֲשֶׁ֨ר לֹֽא־יָדַ֥ע סֵ֛פֶר לֵאמֹ֖ר קְרָ֣א נָא־זֶ֑ה וְאָמַ֕ר לֹ֥א יָדַ֖עְתִּי סֵֽפֶר׃ ס

‎13 ‏וַיֹּ֣אמֶר אֲדֹנָ֗י יַ֚עַן כִּ֤י נִגַּשׁ֙ הָעָ֣ם הַזֶּ֔ה בְּפִ֤יו וּבִשְׂפָתָיו֙ כִּבְּד֔וּנִי וְלִבּ֖וֹ רִחַ֣ק מִמֶּ֑נִּי וַתְּהִ֤י יִרְאָתָם֙ אֹתִ֔י מִצְוַ֥ת אֲנָשִׁ֖ים מְלֻמָּדָֽה׃

‎14 ‏לָכֵ֗ן הִנְנִ֥י יוֹסִ֛ף לְהַפְלִ֥יא אֶת־הָֽעָם־הַזֶּ֖ה הַפְלֵ֣א וָפֶ֑לֶא וְאָֽבְדָה֙ חָכְמַ֣ת חֲכָמָ֔יו וּבִינַ֥ת נְבֹנָ֖יו תִּסְתַּתָּֽר׃ ס

‎15 ‏ה֛וֹי הַמַּעֲמִיקִ֥ים מֵֽיהוָ֖ה לַסְתִּ֣ר עֵצָ֑ה וְהָיָ֤ה בְמַחְשָׁךְ֙ מַֽעֲשֵׂיהֶ֔ם וַיֹּ֣אמְר֔וּ מִ֥י רֹאֵ֖נוּ וּמִ֥י יוֹדְעֵֽנוּ׃

‎16 ‏הַ֨פְכְּכֶ֔ם אִם־כְּחֹ֥מֶר הַיֹּצֵ֖ר יֵֽחָשֵׁ֑ב כִּֽי־יֹאמַ֨ר מַעֲשֶׂ֤ה לְעֹשֵׂ֙הוּ֙ לֹ֣א עָשָׂ֔נִי וְיֵ֛צֶר אָמַ֥ר לְיוֹצְר֖וֹ לֹ֥א הֵבִֽין׃

‎17 ‏הֲלוֹא־עוֹד֙ מְעַ֣ט מִזְעָ֔ר וְשָׁ֥ב לְבָנ֖וֹן לַכַּרְמֶ֑ל וְהַכַּרְמֶ֖ל לַיַּ֥עַר יֵחָשֵֽׁב׃

‎18 ‏וְשָׁמְע֧וּ בַיּוֹם־הַה֛וּא הַחֵרְשִׁ֖ים דִּבְרֵי־סֵ֑פֶר וּמֵאֹ֣פֶל וּמֵחֹ֔שֶׁךְ עֵינֵ֥י עִוְרִ֖ים תִּרְאֶֽינָה׃

‎19 ‏וְיָסְפ֧וּ עֲנָוִ֛ים בַּֽיהוָ֖ה שִׂמְחָ֑ה וְאֶבְיוֹנֵ֣י אָדָ֔ם בִּקְד֥וֹשׁ יִשְׂרָאֵ֖ל יָגִֽילוּ׃

‎20 ‏כִּֽי־אָפֵ֥ס עָרִ֖יץ וְכָ֣לָה לֵ֑ץ וְנִכְרְת֖וּ כָּל־שֹׁ֥קְדֵי אָֽוֶן׃

‎21 ‏מַחֲטִיאֵ֤י אָדָם֙ בְּדָבָ֔ר וְלַמּוֹכִ֥יחַ בַּשַּׁ֖עַר יְקֹשׁ֑וּן וַיַּטּ֥וּ בַתֹּ֖הוּ צַדִּֽיק׃ ס

‎22 ‏לָכֵ֗ן כֹּֽה־אָמַ֤ר יְהוָה֙ אֶל־בֵּ֣ית יַֽעֲקֹ֔ב אֲשֶׁ֥ר פָּדָ֖ה אֶת־אַבְרָהָ֑ם לֹֽא־עַתָּ֤ה יֵבוֹשׁ֙ יַֽעֲקֹ֔ב וְלֹ֥א עַתָּ֖ה פָּנָ֥יו יֶחֱוָֽרוּ׃

‎23 ‏כִּ֣י בִ֠רְאֹתוֹ יְלָדָ֞יו מַעֲשֵׂ֥ה יָדַ֛י בְּקִרְבּ֖וֹ יַקְדִּ֣ישֽׁוּ שְׁמִ֑י וְהִקְדִּ֙ישׁוּ֙ אֶת־קְד֣וֹשׁ יַֽעֲקֹ֔ב וְאֶת־אֱלֹהֵ֥י יִשְׂרָאֵ֖ל יַעֲרִֽיצוּ׃

‎24 ‏וְיָדְע֥וּ תֹֽעֵי־ר֖וּחַ בִּינָ֑ה וְרוֹגְנִ֖ים יִלְמְדוּ־לֶֽקַח׃

1 hwōy ’ărî’ēl ’ărî’ēl qirəyaṯ ḥānâ ḏāwiḏ səfû šānâ ‘al-šānâ ḥagîm yinəqōfû:

2 wahăṣîqwōṯî la’ărî’ēl wəhāyəṯâ ṯa’ănîyâ wa’ănîyâ wəhāyəṯâ llî ka’ărî’ēl:

3 wəḥānîṯî ḵadûr ‘ālāyiḵə wəṣarətî ‘ālayiḵə muṣṣāḇ wahăqîmōṯî ‘ālayiḵə məṣurōṯ:

4 wəšāfalətə mē’ereṣ təḏabērî ûmē‘āfār tišš^aḥ ’imərāṯēḵə wəhāyâ kə’wōḇ mē’ereṣ qwōlēḵə ûmē‘āfār ’imərāṯēḵə təṣafəṣēf:

5 wəhāyâ kə’āḇāq daq hămwōn zārāyiḵə ûḵəmōṣ ‘ōḇēr hămwōn ‘ārîṣîm wəhāyâ ləfeṯ^a‘ piṯə’ōm:

6 mē‘im yəhwâ ṣəḇā’wōṯ tipāqēḏ bər^a‘am ûḇər^a‘aš wəqwōl gāḏwōl sûfâ ûsə‘ārâ wəlahaḇ ’ēš ’wōḵēlâ:

7 wəhāyâ k^aḥălwōm ḥăzwōn layəlâ hămwōn kāl-hagwōyim haṣṣōḇə’îm ‘al-’ărî’ēl wəḵāl-ṣōḇeyhā ûməṣōḏāṯāh wəhamməṣîqîm lāh:

8 wəhāyâ ka’ăšer y^aḥălōm hārā‘ēḇ wəhinnēh ’wōḵēl wəhēqîṣ wərêqâ nafəšwō wəḵa’ăšer y^aḥălōm haṣṣāmē’ wəhinnēh šōṯeh wəhēqîṣ wəhinnēh ‘āyēf wənafəšwō šwōqēqâ kēn yihəyeh hămwōn kāl-hagwōyim haṣṣōḇə’îm ‘al-har ṣîywōn: s

9 hiṯəmahəməhû ûṯəmâû hišət^a‘ašə‘û wāšō‘û šāḵərû wəlō’-yayin nā‘û wəlō’ šēḵār:

10 kî-nāsaḵə ‘ălêḵem yəhwâ rûḥa tarədēmâ wayə‘aṣṣēm ’eṯ-‘ênêḵem ’eṯ-hannəḇî’îm wə’eṯ-rā’šêḵem h^aḥōzîm kissâ:

11 watəhî lāḵem ḥāzûṯ hakōl kəḏiḇərê hassēfer heḥāṯûm ’ăšer-yitənû ’ōṯwō ’el-ywōḏē‘a hassēfer sēfer lē’mōr qərā’ nā’-zeh wə’āmar lō’ ’ûḵal kî ḥāṯûm hû’:

12 wənitan hassēfer ‘al ’ăšer lō’-yāḏ^a‘ sēfer lē’mōr qərā’ nā’-zeh wə’āmar lō’ yāḏ^a‘ətî sēfer: s

13 wayyō’mer ’ăḏōnāy y^a‘an kî nigaš hā‘ām hazzeh bəfîw ûḇiśəfāṯāyw kibəḏûnî wəlibwō riḥaq mimmennî watəhî yirə’āṯām ’ōṯî miṣəwaṯ ’ănāšîm məlummāḏâ:

14 lāḵēn hinənî ywōsif ləhafəlî’ ’eṯ-hā‘ām-hazzeh hafəlē’ wāfele’ wə’āḇəḏâ ḥāḵəmaṯ ḥăḵāmāyw ûḇînaṯ nəḇōnāyw tisətatār: s

15 hwōy hamm^a‘ămîqîm mêhwâ lasətir ‘ēṣâ wəhāyâ ḇəm^aḥəšāḵə m^a‘ăśêhem wayyō’mərû mî rō’ēnû ûmî ywōḏə‘ēnû:

16 hafəkəḵem ’im-kəḥōmer hayyōṣēr yēḥāšēḇ kî-yō’mar m^a‘ăśeh lə‘ōśēhû lō’ ‘āśānî wəyēṣer ’āmar ləywōṣərwō lō’ hēḇîn:

17 hălwō’-‘wōḏ mə‘aṭ mizə‘ār wəšāḇ ləḇānwōn lakarəmel wəhakarəmel layy^a‘ar yēḥāšēḇ:

18 wəšāmə‘û ḇayywōm-hahû’ h^aḥērəšîm diḇərê-sēfer ûmē’ōfel ûmēḥōšeḵə ‘ênê ‘iwərîm tirə’eynâ:

19 wəyāsəfû ‘ănāwîm bayhwâ śiməḥâ wə’eḇəywōnê ’āḏām biqəḏwōš yiśərā’ēl yāḡîlû:

20 kî-’āfēs ‘ārîṣ wəḵālâ lēṣ wəniḵərəṯû kāl-šōqəḏê ’āwen:

21 m^aḥăṭî’ê ’āḏām bəḏāḇār wəlammwōḵîḥa bašš^a‘ar yəqōšûn wayyaṭṭû ḇatōhû ṣadîq: s

22 lāḵēn kōh-’āmar yəhwâ ’el-bêṯ y^a‘ăqōḇ ’ăšer pāḏâ ’eṯ-’aḇərâām lō’-‘atâ yēḇwōš y^a‘ăqōḇ wəlō’ ‘atâ pānāyw yeḥĕwārû:

23 kî ḇirə’ōṯwō yəlāḏāyw m^a‘ăśēh yāḏay bəqirəbwō yaqədîšû šəmî wəhiqədîšû ’eṯ-qəḏwōš y^a‘ăqōḇ wə’eṯ-’ĕlōhê yiśərā’ēl y^a‘ărîṣû:

24 wəyāḏə‘û ṯō‘ê-rûḥa bînâ wərwōḡənîm yiləməḏû-leq^aḥ:

‎1 ‏ה֣וֹי בָּנִ֤ים סֽוֹרְרִים֙ נְאֻם־יְהוָ֔ה לַעֲשׂ֤וֹת עֵצָה֙ וְלֹ֣א מִנִּ֔י וְלִנְסֹ֥ךְ מַסֵּכָ֖ה וְלֹ֣א רוּחִ֑י לְמַ֛עַן סְפ֥וֹת חַטָּ֖את עַל־חַטָּֽאת׃

‎2 ‏הַהֹלְכִים֙ לָרֶ֣דֶת מִצְרַ֔יִם וּפִ֖י לֹ֣א שָׁאָ֑לוּ לָעוֹז֙ בְּמָע֣וֹז פַּרְעֹ֔ה וְלַחְס֖וֹת בְּצֵ֥ל מִצְרָֽיִם׃

‎3 ‏וְהָיָ֥ה לָכֶ֛ם מָע֥וֹז פַּרְעֹ֖ה לְבֹ֑שֶׁת וְהֶחָס֥וּת בְּצֵל־מִצְרַ֖יִם לִכְלִמָּֽה׃

‎4 ‏כִּֽי־הָי֥וּ בְצֹ֖עַן שָׂרָ֑יו וּמַלְאָכָ֖יו חָנֵ֥ס יַגִּֽיעוּ׃

‎5 ‏כֹּ֣ל הבאיש הֹבִ֔ישׁ עַל־עַ֖ם לֹא־יוֹעִ֣ילוּ לָ֑מוֹ לֹ֤א לְעֵ֙זֶר֙ וְלֹ֣א לְהוֹעִ֔יל כִּ֥י לְבֹ֖שֶׁת וְגַם־לְחֶרְפָּֽה׃ ס

‎6 ‏מַשָּׂ֖א בַּהֲמ֣וֹת נֶ֑גֶב בְּאֶרֶץ֩ צָרָ֨ה וְצוּקָ֜ה לָבִ֧יא וָלַ֣יִשׁ מֵהֶ֗ם אֶפְעֶה֙ וְשָׂרָ֣ף מְעוֹפֵ֔ף יִשְׂאוּ֩ עַל־כֶּ֨תֶף עֲיָרִ֜ים חֵֽילֵהֶ֗ם וְעַל־דַּבֶּ֤שֶׁת גְּמַלִּים֙ אֽוֹצְרֹתָ֔ם עַל־עַ֖ם לֹ֥א יוֹעִֽילוּ׃

‎7 ‏וּמִצְרַ֕יִם הֶ֥בֶל וָרִ֖יק יַעְזֹ֑רוּ לָכֵן֙ קָרָ֣אתִי לָזֹ֔את רַ֥הַב הֵ֖ם שָֽׁבֶת׃

‎8 ‏עַתָּ֗ה בּ֣וֹא כָתְבָ֥הּ עַל־ל֛וּחַ אִתָּ֖ם וְעַל־סֵ֣פֶר חֻקָּ֑הּ וּתְהִי֙ לְי֣וֹם אַחֲר֔וֹן לָעַ֖ד עַד־עוֹלָֽם׃

‎9 ‏כִּ֣י עַ֤ם מְרִי֙ ה֔וּא בָּנִ֖ים כֶּחָשִׁ֑ים בָּנִ֕ים לֹֽא־אָב֥וּ שְׁמ֖וֹעַ תּוֹרַ֥ת יְהוָֽה׃

‎10 ‏אֲשֶׁ֨ר אָמְר֤וּ לָֽרֹאִים֙ לֹ֣א תִרְא֔וּ וְלַ֣חֹזִ֔ים לֹ֥א תֶחֱזוּ־לָ֖נוּ נְכֹח֑וֹת דַּבְּרוּ־לָ֣נוּ חֲלָק֔וֹת חֲז֖וּ מַהֲתַלּֽוֹת׃

‎11 ‏ס֚וּרוּ מִנֵּי־דֶ֔רֶךְ הַטּ֖וּ מִנֵּי־אֹ֑רַח הַשְׁבִּ֥יתוּ מִפָּנֵ֖ינוּ אֶת־קְד֥וֹשׁ יִשְׂרָאֵֽל׃ ס

‎12 ‏לָכֵ֗ן כֹּ֤ה אָמַר֙ קְד֣וֹשׁ יִשְׂרָאֵ֔ל יַ֥עַן מָֽאָסְכֶ֖ם בַּדָּבָ֣ר הַזֶּ֑ה וַֽתִּבְטְחוּ֙ בְּעֹ֣שֶׁק וְנָל֔וֹז וַתִּֽשָּׁעֲנ֖וּ עָלָֽיו׃

‎13 ‏לָכֵ֗ן יִֽהְיֶ֤ה לָכֶם֙ הֶעָוֹ֣ן הַזֶּ֔ה כְּפֶ֣רֶץ נֹפֵ֔ל נִבְעֶ֖ה בְּחוֹמָ֣ה נִשְׂגָּבָ֑ה אֲשֶׁר־פִּתְאֹ֥ם לְפֶ֖תַע יָב֥וֹא שִׁבְרָֽהּ׃

‎14 ‏וּ֠שְׁבָרָהּ כְּשֵׁ֨בֶר נֵ֧בֶל יוֹצְרִ֛ים כָּת֖וּת לֹ֣א יַחְמֹ֑ל וְלֹֽא־יִמָּצֵ֤א בִמְכִתָּתוֹ֙ חֶ֔רֶשׂ לַחְתּ֥וֹת אֵשׁ֙ מִיָּק֔וּד וְלַחְשֹׂ֥ף מַ֖יִם מִגֶּֽבֶא׃ פ

‎15 ‏כִּ֣י כֹֽה־אָמַר֩ אֲדֹנָ֨י יְהוִ֜ה קְד֣וֹשׁ יִשְׂרָאֵ֗ל בְּשׁוּבָ֤ה וָנַ֙חַת֙ תִּוָּ֣שֵׁע֔וּן בְּהַשְׁקֵט֙ וּבְבִטְחָ֔ה תִּֽהְיֶ֖ה³ גְּבֽוּרַתְכֶ֑ם וְלֹ֖א אֲבִיתֶֽם׃

‎16 ‏וַתֹּ֨אמְר֥וּ לֹא־כִ֛י עַל־ס֥וּס נָנ֖וּס עַל־כֵּ֣ן תְּנוּס֑וּן וְעַל־קַ֣ל נִרְכָּ֔ב עַל־כֵּ֖ן יִקַּ֥לּוּ רֹדְפֵיכֶֽם׃

‎17 ‏אֶ֣לֶף אֶחָ֗ד מִפְּנֵי֙ גַּעֲרַ֣ת אֶחָ֔ד מִפְּנֵ֛י גַּעֲרַ֥ת חֲמִשָּׁ֖ה תָּנֻ֑סוּ עַ֣ד אִם־נוֹתַרְתֶּ֗ם כַּתֹּ֙רֶן֙ עַל־רֹ֣אשׁ הָהָ֔ר וְכַנֵּ֖ס עַל־הַגִּבְעָֽה׃

‎18 ‏וְלָכֵ֞ן יְחַכֶּ֤ה יְהוָה֙ לַֽחֲנַנְכֶ֔ם וְלָכֵ֥ן יָר֖וּם לְרַֽחֶמְכֶ֑ם כִּֽי־אֱלֹהֵ֤י מִשְׁפָּט֙ יְהוָ֔ה אַשְׁרֵ֖י כָּל־ח֥וֹכֵי לֽוֹ׃ ס

‎19 ‏כִּי־עַ֛ם בְּצִיּ֥וֹן יֵשֵׁ֖ב בִּירֽוּשָׁלִָ֑ם בָּכ֣וֹ לֹֽא־תִבְכֶּ֗ה חָנ֤וֹן יָחְנְךָ֙ לְק֣וֹל זַעֲקֶ֔ךָ כְּשָׁמְעָת֖וֹ עָנָֽךְ׃

‎20 ‏וְנָתַ֨ן לָכֶ֧ם אֲדֹנָ֛י לֶ֥חֶם צָ֖ר וּמַ֣יִם לָ֑חַץ וְלֹֽא־יִכָּנֵ֥ף עוֹד֙ מוֹרֶ֔יךָ וְהָי֥וּ עֵינֶ֖יךָ רֹא֥וֹת אֶת־מוֹרֶֽיךָ׃

‎21 ‏וְאָזְנֶ֙יךָ֙ תִּשְׁמַ֣עְנָה דָבָ֔ר מֵֽאַחֲרֶ֖יךָ לֵאמֹ֑ר זֶ֤ה הַדֶּ֙רֶךְ֙ לְכ֣וּ ב֔וֹ כִּ֥י תַאֲמִ֖ינוּ וְכִ֥י תַשְׂמְאִֽילוּ׃

‎22 ‏וְטִמֵּאתֶ֗ם אֶת־צִפּוּי֙ פְּסִילֵ֣י כַסְפֶּ֔ךָ וְאֶת־אֲפֻדַּ֖ת מַסֵּכַ֣ת זְהָבֶ֑ךָ תִּזְרֵם֙ כְּמ֣וֹ דָוָ֔ה צֵ֖א תֹּ֥אמַר לֽוֹ׃

‎23 ‏וְנָתַן֩ מְטַ֨ר זַרְעֲךָ֜ אֲשֶׁר־תִּזְרַ֣ע אֶת־הָאֲדָמָ֗ה וְלֶ֙חֶם֙ תְּבוּאַ֣ת הָֽאֲדָמָ֔ה וְהָיָ֥ה דָשֵׁ֖ן וְשָׁמֵ֑ן יִרְעֶ֥ה מִקְנֶ֛יךָ בַּיּ֥וֹם הַה֖וּא כַּ֥ר נִרְחָֽב׃

‎24 ‏וְהָאֲלָפִ֣ים וְהָעֲיָרִ֗ים עֹֽבְדֵי֙ הָֽאֲדָמָ֔ה בְּלִ֥יל חָמִ֖יץ יֹאכֵ֑לוּ אֲשֶׁר־זֹרֶ֥ה בָרַ֖חַת וּבַמִּזְרֶֽה׃

‎25 ‏וְהָיָ֣ה׀ עַל־כָּל־הַ֣ר גָּבֹ֗הַ¹ וְעַל֙ כָּל־גִּבְעָ֣ה נִשָּׂאָ֔ה פְּלָגִ֖ים יִבְלֵי־מָ֑יִם בְּיוֹם֙ הֶ֣רֶג רָ֔ב בִּנְפֹ֖ל מִגְדָּלִֽים׃

‎26 ‏וְהָיָ֤ה אוֹר־הַלְּבָנָה֙³ כְּא֣וֹר הַֽחַמָּ֔ה וְא֤וֹר הַֽחַמָּה֙ יִהְיֶ֣ה שִׁבְעָתַ֔יִם כְּא֖וֹר שִׁבְעַ֣ת הַיָּמִ֑ים בְּי֗וֹם חֲבֹ֤שׁ יְהוָה֙ אֶת־שֶׁ֣בֶר עַמּ֔וֹ וּמַ֥חַץ מַכָּת֖וֹ יִרְפָּֽא׃ ס

‎27 ‏הִנֵּ֤ה שֵׁם־יְהוָה֙ בָּ֣א מִמֶּרְחָ֔ק בֹּעֵ֣ר אַפּ֔וֹ וְכֹ֖בֶד מַשָּׂאָ֑ה שְׂפָתָיו֙ מָ֣לְאוּ זַ֔עַם וּלְשׁוֹנ֖וֹ כְּאֵ֥שׁ אֹכָֽלֶת׃

‎28 ‏וְרוּח֞וֹ כְּנַ֤חַל שׁוֹטֵף֙ עַד־צַוָּ֣אר יֶֽחֱצֶ֔ה לַהֲנָפָ֥ה גוֹיִ֖ם בְּנָ֣פַת שָׁ֑וְא וְרֶ֣סֶן מַתְעֶ֔ה עַ֖ל לְחָיֵ֥י עַמִּֽים׃

‎29 ‏הַשִּׁיר֙ יִֽהְיֶ֣ה לָכֶ֔ם כְּלֵ֖יל הִתְקַדֶּשׁ־חָ֑ג וְשִׂמְחַ֣ת לֵבָ֗ב כַּֽהוֹלֵךְ֙ בֶּֽחָלִ֔יל לָב֥וֹא בְהַר־יְהוָ֖ה אֶל־צ֥וּר יִשְׂרָאֵֽל׃

‎30 ‏וְהִשְׁמִ֨יעַ יְהוָ֜ה אֶת־ה֣וֹד קוֹל֗וֹ וְנַ֤חַת זְרוֹעוֹ֙ יַרְאֶ֔ה בְּזַ֣עַף אַ֔ף וְלַ֖הַב אֵ֣שׁ אוֹכֵלָ֑ה נֶ֥פֶץ וָזֶ֖רֶם וְאֶ֥בֶן בָּרָֽד׃

‎31 ‏כִּֽי־מִקּ֥וֹל יְהוָ֖ה יֵחַ֣ת אַשּׁ֑וּר בַּשֵּׁ֖בֶט יַכֶּֽה׃

‎32 ‏וְהָיָ֗ה כֹּ֤ל מַֽעֲבַר֙ מַטֵּ֣ה מֽוּסָדָ֔ה אֲשֶׁ֨ר יָנִ֤יחַ יְהוָה֙ עָלָ֔יו בְּתֻפִּ֖ים וּבְכִנֹּר֑וֹת וּבְמִלְחֲמ֥וֹת תְּנוּפָ֖ה נִלְחַם־בה בָּֽם׃

‎33 ‏כִּֽי־עָר֤וּךְ מֵֽאֶתְמוּל֙ תָּפְתֶּ֔ה גַּם־הוא הִ֛יא לַמֶּ֥לֶךְ הוּכָ֖ן הֶעְמִ֣יק הִרְחִ֑ב מְדֻרָתָ֗הּ אֵ֤שׁ וְעֵצִים֙ הַרְבֵּ֔ה נִשְׁמַ֤ת יְהוָה֙ כְּנַ֣חַל גָּפְרִ֔ית בֹּעֲרָ֖ה בָּֽהּ׃ ס

1 hwōy bānîm swōrərîm nə’um-yəhwâ l^a‘ăśwōṯ ‘ēṣâ wəlō’ minnî wəlinəsōḵə massēḵâ wəlō’ rûḥî ləm^a‘an səfwōṯ ḥaṭṭā’ṯ ‘al-ḥaṭṭā’ṯ:

2 hahōləḵîm lāreḏeṯ miṣərayim ûfî lō’ šā’ālû lā‘wōz bəmā‘wōz parə‘ōh wəl^aḥəswōṯ bəṣēl miṣərāyim:

3 wəhāyâ lāḵem mā‘wōz parə‘ōh ləḇōšeṯ wəheḥāsûṯ bəṣēl-miṣərayim liḵəlimmâ:

4 kî-hāyû ḇəṣō‘an śārāyw ûmalə’āḵāyw ḥānēs yagî‘û:

5 kōl hiḇə’îš hōḇîš ‘al-‘am lō’-ywō‘îlû lāmwō lō’ lə‘ēzer wəlō’ ləhwō‘îl kî ləḇōšeṯ wəḡam-ləḥerəpâ: s

6 maśśā’ bahămwōṯ neḡeḇ bə’ereṣ ṣārâ wəṣûqâ lāḇî’ wālayiš mēhem ’efə‘eh wəśārāf mə‘wōfēf yiśə’û ‘al-keṯef ‘ăyārîm ḥêlēhem wə‘al-dabešeṯ gəmallîm ’wōṣərōṯām ‘al-‘am lō’ ywō‘îlû:

7 ûmiṣərayim heḇel wārîq y^a‘əzōrû lāḵēn qārā’ṯî lāzō’ṯ rahaḇ hēm šāḇeṯ:

8 ‘atâ bwō’ ḵāṯəḇāh ‘al-lûḥa ’itām wə‘al-sēfer ḥuqqāh ûṯəhî ləywōm ’^aḥărwōn lā‘aḏ ‘aḏ-‘wōlām:

9 kî ‘am mərî hû’ bānîm keḥāšîm bānîm lō’-’āḇû šəmwō‘a twōraṯ yəhwâ:

10 ’ăšer ’āmərû lārō’îm lō’ ṯirə’û wəl^aḥōzîm lō’ ṯeḥĕzû-lānû nəḵōḥwōṯ dabərû-lānû ḥălāqwōṯ ḥăzû mahăṯallwōṯ:

11 sûrû minnê-ḏereḵə haṭṭû minnê-’ōr^aḥ hašəbîṯû mipānênû ’eṯ-qəḏwōš yiśərā’ēl: s

12 lāḵēn kōh ’āmar qəḏwōš yiśərā’ēl y^a‘an mā’āsəḵem badāḇār hazzeh watiḇəṭəḥû bə‘ōšeq wənālwōz watiššā‘ănû ‘ālāyw:

13 lāḵēn yihəyeh lāḵem he‘āwōn hazzeh kəfereṣ nōfēl niḇə‘eh bəḥwōmâ niśəgāḇâ ’ăšer-piṯə’ōm ləfeṯ^a‘ yāḇwō’ šiḇərāh:

14 ûšəḇārāh kəšēḇer nēḇel ywōṣərîm kāṯûṯ lō’ y^aḥəmōl wəlō’-yimmāṣē’ ḇiməḵitāṯwō ḥereś l^aḥətwōṯ ’ēš mîyāqûḏ wəl^aḥəśōf mayim migeḇe’: f

15 kî ḵōh-’āmar ’ăḏōnāy yəhwih qəḏwōš yiśərā’ēl bəšûḇâ wān^aḥaṯ tiûāšē‘ûn bəhašəqēṭ ûḇəḇiṭəḥâ tihəyeh³ gəḇûraṯəḵem wəlō’ ’ăḇîṯem:

16 watō’mərû lō’-ḵî ‘al-sûs nānûs ‘al-kēn tənûsûn wə‘al-qal nirəkāḇ ‘al-kēn yiqqallû rōḏəfêḵem:

17 ’elef ’eḥāḏ mipənê g^a‘ăraṯ ’eḥāḏ mipənê g^a‘ăraṯ ḥămiššâ tānusû ‘aḏ ’im-nwōṯarətem katōren ‘al-rō’š hâār wəḵannēs ‘al-hagiḇə‘â:

18 wəlāḵēn yəḥakeh yəhwâ l^aḥănanəḵem wəlāḵēn yārûm lər^aḥeməḵem kî-’ĕlōhê mišəpāṭ yəhwâ ’ašərê kāl-ḥwōḵê lwō: s

19 kî-‘am bəṣîywōn yēšēḇ bîrûšālāim bāḵwō lō’-ṯiḇəkeh ḥānwōn yāḥənəḵā ləqwōl z^a‘ăqeḵā kəšāmə‘āṯwō ‘ānāḵə:

20 wənāṯan lāḵem ’ăḏōnāy leḥem ṣār ûmayim lāḥaṣ wəlō’-yikānēf ‘wōḏ mwōreyḵā wəhāyû ‘êneyḵā rō’wōṯ ’eṯ-mwōreyḵā:

21 wə’āzəneyḵā tišəm^a‘ənâ ḏāḇār mē’^aḥăreyḵā lē’mōr zeh hadereḵə ləḵû ḇwō kî ṯa’ămînû wəḵî ṯaśəmə’îlû:

22 wəṭimmē’ṯem ’eṯ-ṣipûy pəsîlê ḵasəpeḵā wə’eṯ-’ăfudaṯ massēḵaṯ zəhāḇeḵā tizərēm kəmwō ḏāwâ ṣē’ tō’mar lwō:

23 wənāṯan məṭar zarə‘ăḵā ’ăšer-tizər^a‘ ’eṯ-hā’ăḏāmâ wəleḥem təḇû’aṯ hā’ăḏāmâ wəhāyâ ḏāšēn wəšāmēn yirə‘eh miqəneyḵā bayywōm hahû’ kar nirəḥāḇ:

24 wəhā’ălāfîm wəhā‘ăyārîm ‘ōḇəḏê hā’ăḏāmâ bəlîl ḥāmîṣ yō’ḵēlû ’ăšer-zōreh ḇār^aḥaṯ ûḇammizəreh:

25 wəhāyâ| ‘al-kāl-har gāḇōha¹ wə‘al kāl-giḇə‘â niśśā’â pəlāḡîm yiḇəlê-māyim bəywōm hereḡ rāḇ binəfōl miḡədālîm:

26 wəhāyâ ’wōr-halləḇānâ³ kə’wōr h^aḥammâ wə’wōr h^aḥammâ yihəyeh šiḇə‘āṯayim kə’wōr šiḇə‘aṯ hayyāmîm bəywōm ḥăḇōš yəhwâ ’eṯ-šeḇer ‘ammwō ûm^aḥaṣ makāṯwō yirəpā’: s

27 hinnēh šēm-yəhwâ bā’ mimmerəḥāq bō‘ēr ’apwō wəḵōḇeḏ maśśā’â śəfāṯāyw mālə’û z^a‘am ûləšwōnwō kə’ēš ’ōḵāleṯ:

28 wərûḥwō kən^aḥal šwōṭēf ‘aḏ-ṣaûā’r yeḥĕṣeh lahănāfâ ḡwōyim bənāfaṯ šāwə’ wəresen maṯə‘eh ‘al ləḥāyê ‘ammîm:

29 haššîr yihəyeh lāḵem kəlêl hiṯəqadeš-ḥāḡ wəśiməḥaṯ lēḇāḇ kahwōlēḵə beḥālîl lāḇwō’ ḇəhar-yəhwâ ’el-ṣûr yiśərā’ēl:

30 wəhišəmî‘a yəhwâ ’eṯ-hwōḏ qwōlwō wən^aḥaṯ zərwō‘wō yarə’eh bəz^a‘af ’af wəlahaḇ ’ēš ’wōḵēlâ nefeṣ wāzerem wə’eḇen bārāḏ:

31 kî-miqqwōl yəhwâ yēḥaṯ ’aššûr baššēḇeṭ yakeh:

32 wəhāyâ kōl m^a‘ăḇar maṭṭēh mûsāḏâ ’ăšer yānîḥa yəhwâ ‘ālāyw bəṯupîm ûḇəḵinnōrwōṯ ûḇəmiləḥămwōṯ tənûfâ niləḥam-bāh bām:

33 kî-‘ārûḵə mē’eṯəmûl tāfəteh gam-hû’ hî’ lammeleḵə hûḵān he‘əmîq hirəḥiḇ məḏurāṯāh ’ēš wə‘ēṣîm harəbēh nišəmaṯ yəhwâ kən^aḥal gāfərîṯ bō‘ărâ bāh: s

‎1 ‏ה֣וֹי הַיֹּרְדִ֤ים מִצְרַ֙יִם֙ לְעֶזְרָ֔ה עַל־סוּסִ֖ים יִשָּׁעֵ֑נוּ וַיִּבְטְח֨וּ עַל־רֶ֜כֶב כִּ֣י רָ֗ב וְעַ֤ל פָּֽרָשִׁים֙ כִּֽי־עָצְמ֣וּ מְאֹ֔ד וְלֹ֤א שָׁעוּ֙ עַל־קְד֣וֹשׁ יִשְׂרָאֵ֔ל וְאֶת־יְהוָ֖ה לֹ֥א דָרָֽשׁוּ׃

‎2 ‏וְגַם־ה֤וּא חָכָם֙ וַיָּ֣בֵא רָ֔ע וְאֶת־דְּבָרָ֖יו לֹ֣א הֵסִ֑יר וְקָם֙ עַל־בֵּ֣ית מְרֵעִ֔ים וְעַל־עֶזְרַ֖ת פֹּ֥עֲלֵי אָֽוֶן׃

‎3 ‏וּמִצְרַ֤יִם אָדָם֙ וְֽלֹא־אֵ֔ל וְסוּסֵיהֶ֥ם בָּשָׂ֖ר וְלֹא־ר֑וּחַ וַֽיהוָ֞ה יַטֶּ֣ה יָד֗וֹ וְכָשַׁ֤ל עוֹזֵר֙ וְנָפַ֣ל עָזֻ֔ר וְיַחְדָּ֖ו כֻּלָּ֥ם יִכְלָיֽוּן׃ ס

‎4 ‏כִּ֣י כֹ֣ה אָֽמַר־יְהוָ֣ה׀ אֵלַ֡י כַּאֲשֶׁ֣ר יֶהְגֶּה֩ הָאַרְיֵ֨ה וְהַכְּפִ֜יר עַל־טַרְפּ֗וֹ אֲשֶׁ֨ר יִקָּרֵ֤א עָלָיו֙ מְלֹ֣א רֹעִ֔ים מִקּוֹלָם֙ לֹ֣א יֵחָ֔ת וּמֵֽהֲמוֹנָ֖ם לֹ֣א יַֽעֲנֶ֑ה כֵּ֗ן יֵרֵד֙ יְהוָ֣ה צְבָא֔וֹת לִצְבֹּ֥א עַל־הַר־צִיּ֖וֹן וְעַל־גִּבְעָתָֽהּ׃

‎5 ‏כְּצִפֳּרִ֣ים עָפ֔וֹת כֵּ֗ן יָגֵ֛ן יְהוָ֥ה צְבָא֖וֹת עַל־יְרֽוּשָׁלִָ֑ם גָּנ֥וֹן וְהִצִּ֖יל פָּסֹ֥חַ וְהִמְלִֽיט׃

‎6 ‏שׁ֗וּבוּ לַאֲשֶׁ֛ר הֶעְמִ֥יקוּ סָרָ֖ה בְּנֵ֥י יִשְׂרָאֵֽל׃

‎7 ‏כִּ֚י בַּיּ֣וֹם הַה֔וּא יִמְאָס֗וּן אִ֚ישׁ אֱלִילֵ֣י כַסְפּ֔וֹ וֶאֱלִילֵ֖י זְהָב֑וֹ אֲשֶׁ֨ר עָשׂ֥וּ לָכֶ֛ם יְדֵיכֶ֖ם חֵֽטְא׃

‎8 ‏וְנָפַ֤ל אַשּׁוּר֙ בְּחֶ֣רֶב לֹא־אִ֔ישׁ וְחֶ֥רֶב לֹֽא־אָדָ֖ם תֹּֽאכֲלֶ֑נּוּ וְנָ֥ס לוֹ֙ מִפְּנֵי־חֶ֔רֶב וּבַחוּרָ֖יו לָמַ֥ס יִהְיֽוּ׃

‎9 ‏וְסַלְעוֹ֙ מִמָּג֣וֹר יַֽעֲב֔וֹר וְחַתּ֥וּ מִנֵּ֖ס שָׂרָ֑יו נְאֻם־יְהוָ֗ה אֲשֶׁר־א֥וּר לוֹ֙ בְּצִיּ֔וֹן וְתַנּ֥וּר ל֖וֹ בִּירוּשָׁלִָֽם׃ ס

1 hwōy hayyōrəḏîm miṣərayim lə‘ezərâ ‘al-sûsîm yiššā‘ēnû wayyiḇəṭəḥû ‘al-reḵeḇ kî rāḇ wə‘al pārāšîm kî-‘āṣəmû mə’ōḏ wəlō’ šā‘û ‘al-qəḏwōš yiśərā’ēl wə’eṯ-yəhwâ lō’ ḏārāšû:

2 wəḡam-hû’ ḥāḵām wayyāḇē’ rā‘ wə’eṯ-dəḇārāyw lō’ hēsîr wəqām ‘al-bêṯ mərē‘îm wə‘al-‘ezəraṯ pō‘ălê ’āwen:

3 ûmiṣərayim ’āḏām wəlō’-’ēl wəsûsêhem bāśār wəlō’-rûḥa wayhwâ yaṭṭeh yāḏwō wəḵāšal ‘wōzēr wənāfal ‘āzur wəy^aḥədāw kullām yiḵəlāyûn: s

4 kî ḵōh ’āmar-yəhwâ| ’ēlay ka’ăšer yehəgeh hā’arəyēh wəhakəfîr ‘al-ṭarəpwō ’ăšer yiqqārē’ ‘ālāyw məlō’ rō‘îm miqqwōlām lō’ yēḥāṯ ûmēhămwōnām lō’ y^a‘ăneh kēn yērēḏ yəhwâ ṣəḇā’wōṯ liṣəbō’ ‘al-har-ṣîywōn wə‘al-giḇə‘āṯāh:

5 kəṣipŏrîm ‘āfwōṯ kēn yāḡēn yəhwâ ṣəḇā’wōṯ ‘al-yərûšālāim gānwōn wəhiṣṣîl pāsōḥa wəhiməlîṭ:

6 šûḇû la’ăšer he‘əmîqû sārâ bənê yiśərā’ēl:

7 kî bayywōm hahû’ yimə’āsûn ’îš ’ĕlîlê ḵasəpwō we’ĕlîlê zəhāḇwō ’ăšer ‘āśû lāḵem yəḏêḵem ḥēṭə’:

8 wənāfal ’aššûr bəḥereḇ lō’-’îš wəḥereḇ lō’-’āḏām tō’ḵălennû wənās lwō mipənê-ḥereḇ ûḇ^aḥûrāyw lāmas yihəyû:

9 wəsalə‘wō mimmāḡwōr y^a‘ăḇwōr wəḥatû minnēs śārāyw nə’um-yəhwâ ’ăšer-’ûr lwō bəṣîywōn wəṯannûr lwō bîrûšālāim: s

‎1 ‏הֵ֥ן לְצֶ֖דֶק יִמְלָךְ־מֶ֑לֶךְ וּלְשָׂרִ֖ים לְמִשְׁפָּ֥ט יָשֹֽׂרוּ׃

‎2 ‏וְהָיָה־אִ֥ישׁ כְּמַֽחֲבֵא־ר֖וּחַ וְסֵ֣תֶר זָ֑רֶם כְּפַלְגֵי־מַ֣יִם בְּצָי֔וֹן כְּצֵ֥ל סֶֽלַע־כָּבֵ֖ד בְּאֶ֥רֶץ עֲיֵפָֽה׃

‎3 ‏וְלֹ֥א תִשְׁעֶ֖ינָה עֵינֵ֣י רֹאִ֑ים וְאָזְנֵ֥י שֹׁמְעִ֖ים תִּקְשַֽׁבְנָה׃

‎4 ‏וּלְבַ֥ב נִמְהָרִ֖ים יָבִ֣ין לָדָ֑עַת וּלְשׁ֣וֹן עִלְּגִ֔ים תְּמַהֵ֖ר לְדַבֵּ֥ר צָחֽוֹת׃

‎5 ‏לֹֽא־יִקָּרֵ֥א ע֛וֹד לְנָבָ֖ל נָדִ֑יב וּלְכִילַ֕י לֹ֥א יֵֽאָמֵ֖ר שֽׁוֹעַ׃

‎6 ‏כִּ֤י נָבָל֙ נְבָלָ֣ה יְדַבֵּ֔ר וְלִבּ֖וֹ יַעֲשֶׂה־אָ֑וֶן לַעֲשׂ֣וֹת חֹ֗נֶף וּלְדַבֵּ֤ר אֶל־יְהוָה֙ תּוֹעָ֔ה לְהָרִיק֙ נֶ֣פֶשׁ רָעֵ֔ב וּמַשְׁקֶ֥ה צָמֵ֖א יַחְסִֽיר׃

‎7 ‏וְכֵלַ֖י כֵּלָ֣יו רָעִ֑ים ה֚וּא זִמּ֣וֹת יָעָ֔ץ לְחַבֵּ֤ל ענוים עֲנִיִּים֙ בְּאִמְרֵי־שֶׁ֔קֶר וּבְדַבֵּ֥ר אֶבְי֖וֹן מִשְׁפָּֽט׃

‎8 ‏וְנָדִ֖יב נְדִיב֣וֹת יָעָ֑ץ וְה֖וּא עַל־נְדִיב֥וֹת יָקֽוּם׃ פ

‎9 ‏נָשִׁים֙ שַֽׁאֲנַנּ֔וֹת קֹ֖מְנָה שְׁמַ֣עְנָה קוֹלִ֑י בָּנוֹת֙ בֹּֽטח֔וֹת הַאְזֵ֖נָּה אִמְרָתִֽי׃

‎10 ‏יָמִים֙ עַל־שָׁנָ֔ה תִּרְגַּ֖זְנָה בֹּֽטְח֑וֹת כִּ֚י כָּלָ֣ה בָצִ֔יר אֹ֖סֶף בְּלִ֥י יָבֽוֹא׃

‎11 ‏חִרְדוּ֙ שַֽׁאֲנַנּ֔וֹת רְגָ֖זָה בֹּֽטְח֑וֹת פְּשֹׁ֣טָֽה וְעֹ֔רָה וַחֲג֖וֹרָה עַל־חֲלָצָֽיִם׃

‎12 ‏עַל־שָׁדַ֖יִם סֹֽפְדִ֑ים עַל־שְׂדֵי־חֶ֕מֶד עַל־גֶּ֖פֶן פֹּרִיָּֽה׃

‎13 ‏עַ֚ל אַדְמַ֣ת עַמִּ֔י ק֥וֹץ שָׁמִ֖יר תַּֽעֲלֶ֑ה כִּ֚י עַל־כָּל־בָּתֵּ֣י מָשׂ֔וֹשׂ קִרְיָ֖ה עַלִּיזָֽה׃

‎14 ‏כִּֽי־אַרְמ֣וֹן נֻטָּ֔שׁ הֲמ֥וֹן עִ֖יר עֻזָּ֑ב עֹ֣פֶל וָבַ֜חַן הָיָ֨ה בְעַ֤ד מְעָרוֹת֙ עַד־עוֹלָ֔ם מְשׂ֥וֹשׂ פְּרָאִ֖ים מִרְעֵ֥ה עֲדָרִֽים׃

‎15 ‏עַד־יֵ֨עָרֶ֥ה עָלֵ֛ינוּ ר֖וּחַ מִמָּר֑וֹם וְהָיָ֤ה מִדְבָּר֙ לַכַּרְמֶ֔ל וכרמל וְהַכַּרְמֶ֖ל לַיַּ֥עַר יֵחָשֵֽׁב׃

‎16 ‏וְשָׁכַ֥ן בַּמִּדְבָּ֖ר מִשְׁפָּ֑ט וּצְדָקָ֖ה בַּכַּרְמֶ֥ל תֵּשֵֽׁב׃

‎17 ‏וְהָיָ֛ה מַעֲשֵׂ֥ה הַצְּדָקָ֖ה שָׁל֑וֹם וַֽעֲבֹדַת֙ הַצְּדָקָ֔ה הַשְׁקֵ֥ט וָבֶ֖טַח עַד־עוֹלָֽם׃

‎18 ‏וְיָשַׁ֥ב עַמִּ֖י בִּנְוֵ֣ה שָׁל֑וֹם וּֽבְמִשְׁכְּנוֹת֙ מִבְטַחִ֔ים וּבִמְנוּחֹ֖ת שַׁאֲנַנּֽוֹת׃

‎19 ‏וּבָרַ֖ד בְּרֶ֣דֶת הַיָּ֑עַר וּבַשִּׁפְלָ֖ה תִּשְׁפַּ֥ל הָעִֽיר׃

‎20 ‏אַשְׁרֵיכֶ֕ם זֹרְעֵ֖י עַל־כָּל־מָ֑יִם מְשַׁלְּחֵ֥י רֶֽגֶל־הַשּׁ֖וֹר וְהַחֲמֽוֹר׃ ס

1 hēn ləṣeḏeq yiməlāḵə-meleḵə ûləśārîm ləmišəpāṭ yāśōrû:

2 wəhāyâ-’îš kəm^aḥăḇē’-rûḥa wəsēṯer zārem kəfaləḡê-mayim bəṣāywōn kəṣēl sel^a‘-kāḇēḏ bə’ereṣ ‘ăyēfâ:

3 wəlō’ ṯišə‘eynâ ‘ênê rō’îm wə’āzənê šōmə‘îm tiqəšaḇənâ:

4 ûləḇaḇ niməhārîm yāḇîn lāḏā‘aṯ ûləšwōn ‘illəḡîm təmahēr ləḏabēr ṣāḥwōṯ:

5 lō’-yiqqārē’ ‘wōḏ lənāḇāl nāḏîḇ ûləḵîlay lō’ yē’āmēr šwō‘a:

6 kî nāḇāl nəḇālâ yəḏabēr wəlibwō y^a‘ăśeh-’āwen l^a‘ăśwōṯ ḥōnef ûləḏabēr ’el-yəhwâ twō‘â ləhārîq nefeš rā‘ēḇ ûmašəqeh ṣāmē’ y^aḥəsîr:

7 wəḵēlay kēlāyw rā‘îm hû’ zimmwōṯ yā‘āṣ ləḥabēl ‘ănāwîm ‘ănîyîm bə’imərê-šeqer ûḇəḏabēr ’eḇəywōn mišəpāṭ:

8 wənāḏîḇ nəḏîḇwōṯ yā‘āṣ wəhû’ ‘al-nəḏîḇwōṯ yāqûm: f

9 nāšîm ša’ănannwōṯ qōmənâ šəm^a‘ənâ qwōlî bānwōṯ bōṭḥwōṯ ha’əzēnnâ ’imərāṯî:

10 yāmîm ‘al-šānâ tirəgazənâ bōṭəḥwōṯ kî kālâ ḇāṣîr ’ōsef bəlî yāḇwō’:

11 ḥirəḏû ša’ănannwōṯ rəḡāzâ bōṭəḥwōṯ pəšōṭâ wə‘ōrâ w^aḥăḡwōrâ ‘al-ḥălāṣāyim:

12 ‘al-šāḏayim sōfəḏîm ‘al-śəḏê-ḥemeḏ ‘al-gefen pōrîyâ:

13 ‘al ’aḏəmaṯ ‘ammî qwōṣ šāmîr t^a‘ăleh kî ‘al-kāl-bātê māśwōś qirəyâ ‘allîzâ:

14 kî-’arəmwōn nuṭṭāš hămwōn ‘îr ‘uzzāḇ ‘ōfel wāḇ^aḥan hāyâ ḇə‘aḏ mə‘ārwōṯ ‘aḏ-‘wōlām məśwōś pərā’îm mirə‘ēh ‘ăḏārîm:

15 ‘aḏ-yē‘āreh ‘ālênû rûḥa mimmārwōm wəhāyâ miḏəbār lakarəmel wəḵarəmel wəhakarəmel layy^a‘ar yēḥāšēḇ:

16 wəšāḵan bammiḏəbār mišəpāṭ ûṣəḏāqâ bakarəmel tēšēḇ:

17 wəhāyâ m^a‘ăśēh haṣṣəḏāqâ šālwōm w^a‘ăḇōḏaṯ haṣṣəḏāqâ hašəqēṭ wāḇeṭ^aḥ ‘aḏ-‘wōlām:

18 wəyāšaḇ ‘ammî binəwēh šālwōm ûḇəmišəkənwōṯ miḇəṭ^aḥîm ûḇimənûḥōṯ ša’ănannwōṯ:

19 ûḇāraḏ bəreḏeṯ hayyā‘ar ûḇaššifəlâ tišəpal hā‘îr:

20 ’ašərêḵem zōrə‘ê ‘al-kāl-māyim məšalləḥê reḡel-haššwōr wəh^aḥămwōr: s

‎1 ‏ה֣וֹי שׁוֹדֵ֗ד וְאַתָּה֙ לֹ֣א שָׁד֔וּד וּבוֹגֵ֖ד וְלֹא־בָ֣גְדוּ ב֑וֹ כַּהֲתִֽמְךָ֤ שׁוֹדֵד֙ תּוּשַּׁ֔ד כַּנְּלֹתְךָ֥ לִבְגֹּ֖ד יִבְגְּדוּ־בָֽךְ׃ ס

‎2 ‏יְהוָ֥ה חָנֵּ֖נוּ לְךָ֣ קִוִּ֑ינוּ הֱיֵ֤ה זְרֹעָם֙ לַבְּקָרִ֔ים אַף־יְשׁוּעָתֵ֖נוּ בְּעֵ֥ת צָרָֽה׃

‎3 ‏מִקּ֣וֹל הָמ֔וֹן נָדְד֖וּ עַמִּ֑ים מֵר֣וֹמְמֻתֶ֔ךָ נָפְצ֖וּ גּוֹיִֽם׃

‎4 ‏וְאֻסַּ֣ף שְׁלַלְכֶ֔ם אֹ֖סֶף הֶֽחָסִ֑יל כְּמַשַּׁ֥ק גֵּבִ֖ים שׁוֹקֵ֥ק בּֽוֹ׃

‎5 ‏נִשְׂגָּ֣ב יְהוָ֔ה כִּ֥י שֹׁכֵ֖ן מָר֑וֹם מִלֵּ֣א צִיּ֔וֹן מִשְׁפָּ֖ט וּצְדָקָֽה׃

‎6 ‏וְהָיָה֙ אֱמוּנַ֣ת עִתֶּ֔יךָ חֹ֥סֶן יְשׁוּעֹ֖ת חָכְמַ֣ת וָדָ֑עַת יִרְאַ֥ת יְהוָ֖ה הִ֥יא אוֹצָרֽוֹ׃ ס

‎7 ‏הֵ֚ן אֶרְאֶלָּ֔ם צָעֲק֖וּ חֻ֑צָה מַלְאֲכֵ֣י שָׁל֔וֹם מַ֖ר יִבְכָּיֽוּן׃

‎8 ‏נָשַׁ֣מּוּ מְסִלּ֔וֹת שָׁבַ֖ת עֹבֵ֣ר אֹ֑רַח הֵפֵ֤ר בְּרִית֙ מָאַ֣ס עָרִ֔ים לֹ֥א חָשַׁ֖ב אֱנֽוֹשׁ׃

‎9 ‏אָבַ֤ל אֻמְלְלָה֙ אָ֔רֶץ הֶחְפִּ֥יר לְבָנ֖וֹן קָמַ֑ל הָיָ֤ה הַשָּׁרוֹן֙ כָּֽעֲרָבָ֔ה וְנֹעֵ֥ר בָּשָׁ֖ן וְכַרְמֶֽל׃

‎10 ‏עַתָּ֥ה אָק֖וּם יֹאמַ֣ר יְהוָ֑ה עַתָּה֙ אֵֽרוֹמָ֔ם עַתָּ֖ה אֶנָּשֵֽׂא׃

‎11 ‏תַּהֲר֥וּ חֲשַׁ֖שׁ תֵּ֣לְדוּ קַ֑שׁ רוּחֲכֶ֕ם אֵ֖שׁ תֹּאכַלְכֶֽם׃

‎12 ‏וְהָי֥וּ עַמִּ֖ים מִשְׂרְפ֣וֹת שִׂ֑יד קוֹצִ֥ים כְּסוּחִ֖ים בָּאֵ֥שׁ יִצַּֽתּוּ׃ ס

‎13 ‏שִׁמְע֥וּ רְחוֹקִ֖ים אֲשֶׁ֣ר עָשִׂ֑יתִי וּדְע֥וּ קְרוֹבִ֖ים גְּבֻרָתִֽי׃

‎14 ‏פָּחֲד֤וּ בְצִיּוֹן֙ חַטָּאִ֔ים אָחֲזָ֥ה רְעָדָ֖ה חֲנֵפִ֑ים מִ֣י׀ יָג֣וּר לָ֗נוּ אֵ֚שׁ אוֹכֵלָ֔ה מִי־יָג֥וּר לָ֖נוּ מוֹקְדֵ֥י עוֹלָֽם׃

‎15 ‏הֹלֵ֣ךְ צְדָק֔וֹת וְדֹבֵ֖ר מֵֽישָׁרִ֑ים מֹאֵ֞ס בְּבֶ֣צַע מַעֲשַׁקּ֗וֹת נֹעֵ֤ר כַּפָּיו֙ מִתְּמֹ֣ךְ בַּשֹּׁ֔חַד אֹטֵ֤ם אָזְנוֹ֙ מִשְּׁמֹ֣עַ דָּמִ֔ים וְעֹצֵ֥ם עֵינָ֖יו מֵרְא֥וֹת בְּרָֽע׃

‎16 ‏ה֚וּא מְרוֹמִ֣ים יִשְׁכֹּ֔ן מְצָד֥וֹת סְלָעִ֖ים מִשְׂגַּבּ֑וֹ לַחְמ֣וֹ נִתָּ֔ן מֵימָ֖יו נֶאֱמָנִֽים׃

‎17 ‏מֶ֥לֶךְ בְּיָפְי֖וֹ תֶּחֱזֶ֣ינָה עֵינֶ֑יךָ תִּרְאֶ֖ינָה אֶ֥רֶץ מַרְחַקִּֽים׃

‎18 ‏לִבְּךָ֖ יֶהְגֶּ֣ה אֵימָ֑ה אַיֵּ֤ה סֹפֵר֙ אַיֵּ֣ה שֹׁקֵ֔ל אַיֵּ֖ה סֹפֵ֥ר אֶת־הַמִּגְדָּלִֽים׃

‎19 ‏אֶת־עַ֥ם נוֹעָ֖ז לֹ֣א תִרְאֶ֑ה עַ֣ם עִמְקֵ֤י שָׂפָה֙ מִשְּׁמ֔וֹעַ נִלְעַ֥ג לָשׁ֖וֹן אֵ֥ין בִּינָֽה׃

‎20 ‏חֲזֵ֣ה צִיּ֔וֹן קִרְיַ֖ת מֽוֹעֲדֵ֑נוּ עֵינֶיךָ֩ תִרְאֶ֨ינָה יְרוּשָׁלִַ֜ם נָוֶ֣ה שַׁאֲנָ֗ן אֹ֤הֶל בַּל־יִצְעָן֙ בַּל־יִסַּ֤ע יְתֵֽדֹתָיו֙ לָנֶ֔צַח וְכָל־חֲבָלָ֖יו בַּל־יִנָּתֵֽקוּ׃

‎21 ‏כִּ֣י אִם־שָׁ֞ם אַדִּ֤יר יְהוָה֙ לָ֔נוּ מְקוֹם־נְהָרִ֥ים יְאֹרִ֖ים רַחֲבֵ֣י יָדָ֑יִם בַּל־תֵּ֤לֶךְ בּוֹ֙ אֳנִי־שַׁ֔יִט וְצִ֥י אַדִּ֖יר לֹ֥א יַעַבְרֶֽנּוּ׃

‎22 ‏כִּ֤י יְהוָה֙ שֹׁפְטֵ֔נוּ יְהוָ֖ה מְחֹקְקֵ֑נוּ יְהוָ֥ה מַלְכֵּ֖נוּ ה֥וּא יוֹשִׁיעֵֽנוּ׃

‎23 ‏נִטְּשׁ֖וּ חֲבָלָ֑יִךְ בַּל־יְחַזְּק֤וּ כֵן־תָּרְנָם֙ בַּל־פָּ֣רְשׂוּ נֵ֔ס אָ֣ז חֻלַּ֤ק עַֽד־שָׁלָל֙ מַרְבֶּ֔ה פִּסְחִ֖ים בָּ֥זְזוּ בַֽז׃

‎24 ‏וּבַל־יֹאמַ֥ר שָׁכֵ֖ן חָלִ֑יתִי הָעָ֛ם הַיֹּשֵׁ֥ב בָּ֖הּ נְשֻׂ֥א עָוֹֽן׃

1 hwōy šwōḏēḏ wə’atâ lō’ šāḏûḏ ûḇwōḡēḏ wəlō’-ḇāḡəḏû ḇwō kahăṯiməḵā šwōḏēḏ tûššaḏ kannəlōṯəḵā liḇəgōḏ yiḇəgəḏû-ḇāḵə: s

2 yəhwâ ḥānnēnû ləḵā qiûînû hĕyēh zərō‘ām labəqārîm ’af-yəšû‘āṯēnû bə‘ēṯ ṣārâ:

3 miqqwōl hāmwōn nāḏəḏû ‘ammîm mērwōməmuṯeḵā nāfəṣû gwōyim:

4 wə’ussaf šəlaləḵem ’ōsef heḥāsîl kəmaššaq gēḇîm šwōqēq bwō:

5 niśəgāḇ yəhwâ kî šōḵēn mārwōm millē’ ṣîywōn mišəpāṭ ûṣəḏāqâ:

6 wəhāyâ ’ĕmûnaṯ ‘iteyḵā ḥōsen yəšû‘ōṯ ḥāḵəmaṯ wāḏā‘aṯ yirə’aṯ yəhwâ hî’ ’wōṣārwō: s

7 hēn ’erə’ellām ṣā‘ăqû ḥuṣâ malə’ăḵê šālwōm mar yiḇəkāyûn:

8 nāšammû məsillwōṯ šāḇaṯ ‘ōḇēr ’ōr^aḥ hēfēr bərîṯ mā’as ‘ārîm lō’ ḥāšaḇ ’ĕnwōš:

9 ’āḇal ’umələlâ ’āreṣ heḥəpîr ləḇānwōn qāmal hāyâ haššārwōn kā‘ărāḇâ wənō‘ēr bāšān wəḵarəmel:

10 ‘atâ ’āqûm yō’mar yəhwâ ‘atâ ’ērwōmām ‘atâ ’ennāśē’:

11 tahărû ḥăšaš tēləḏû qaš rûḥăḵem ’ēš tō’ḵaləḵem:

12 wəhāyû ‘ammîm miśərəfwōṯ śîḏ qwōṣîm kəsûḥîm bā’ēš yiṣṣatû: s

13 šimə‘û rəḥwōqîm ’ăšer ‘āśîṯî ûḏə‘û qərwōḇîm gəḇurāṯî:

14 pāḥăḏû ḇəṣîywōn ḥaṭṭā’îm ’āḥăzâ rə‘āḏâ ḥănēfîm mî| yāḡûr lānû ’ēš ’wōḵēlâ mî-yāḡûr lānû mwōqəḏê ‘wōlām:

15 hōlēḵə ṣəḏāqwōṯ wəḏōḇēr mêšārîm mō’ēs bəḇeṣ^a‘ m^a‘ăšaqqwōṯ nō‘ēr kapāyw mitəmōḵə baššōḥaḏ ’ōṭēm ’āzənwō miššəmō‘a dāmîm wə‘ōṣēm ‘ênāyw mērə’wōṯ bərā‘:

16 hû’ mərwōmîm yišəkōn məṣāḏwōṯ səlā‘îm miśəgabwō l^aḥəmwō nitān mêmāyw ne’ĕmānîm:

17 meleḵə bəyāfəywō teḥĕzeynâ ‘êneyḵā tirə’eynâ ’ereṣ marəḥaqqîm:

18 libəḵā yehəgeh ’êmâ ’ayyēh sōfēr ’ayyēh šōqēl ’ayyēh sōfēr ’eṯ-hammiḡədālîm:

19 ’eṯ-‘am nwō‘āz lō’ ṯirə’eh ‘am ‘iməqê śāfâ miššəmwō‘a nilə‘aḡ lāšwōn ’ên bînâ:

20 ḥăzēh ṣîywōn qirəyaṯ mwō‘ăḏēnû ‘êneyḵā ṯirə’eynâ yərûšālaim nāweh ša’ănān ’ōhel bal-yiṣə‘ān bal-yiss^a‘ yəṯēḏōṯāyw lāneṣ^aḥ wəḵāl-ḥăḇālāyw bal-yinnāṯēqû:

21 kî ’im-šām ’adîr yəhwâ lānû məqwōm-nəhārîm yə’ōrîm r^aḥăḇê yāḏāyim bal-tēleḵə bwō ’ŏnî-šayiṭ wəṣî ’adîr lō’ y^a‘aḇərennû:

22 kî yəhwâ šōfəṭēnû yəhwâ məḥōqəqēnû yəhwâ maləkēnû hû’ ywōšî‘ēnû:

23 niṭṭəšû ḥăḇālāyiḵə bal-yəḥazzəqû ḵēn-tārənām bal-pārəśû nēs ’āz ḥullaq ‘aḏ-šālāl marəbeh pisəḥîm bāzəzû ḇaz:

24 ûḇal-yō’mar šāḵēn ḥālîṯî hā‘ām hayyōšēḇ bāh nəśu’ ‘āwōn:

‎1 ‏קִרְב֤וּ גוֹיִם֙ לִשְׁמֹ֔עַ וּלְאֻמִּ֖ים הַקְשִׁ֑יבוּ תִּשְׁמַ֤ע הָאָ֙רֶץ֙ וּמְלֹאָ֔הּ תֵּבֵ֖ל וְכָל־צֶאֱצָאֶֽיהָ׃

‎2 ‏כִּ֣י קֶ֤צֶף לַֽיהוָה֙ עַל־כָּל־הַגּוֹיִ֔ם וְחֵמָ֖ה עַל־כָּל־צְבָאָ֑ם הֶחֱרִימָ֖ם נְתָנָ֥ם לַטָּֽבַח׃

‎3 ‏וְחַלְלֵיהֶ֣ם יֻשְׁלָ֔כוּ וּפִגְרֵיהֶ֖ם יַעֲלֶ֣ה בָאְשָׁ֑ם וְנָמַ֥סּוּ הָרִ֖ים מִדָּמָֽם׃

‎4 ‏וְנָמַ֙קּוּ֙ כָּל־צְבָ֣א הַשָּׁמַ֔יִם וְנָגֹ֥לּוּ כַסֵּ֖פֶר הַשָּׁמָ֑יִם וְכָל־צְבָאָ֣ם יִבּ֔וֹל כִּנְבֹ֤ל עָלֶה֙ מִגֶּ֔פֶן וּכְנֹבֶ֖לֶת מִתְּאֵנָֽה׃

‎5 ‏כִּֽי־רִוְּתָ֥ה בַשָּׁמַ֖יִם חַרְבִּ֑י הִנֵּה֙ עַל־אֱד֣וֹם תֵּרֵ֔ד וְעַל־עַ֥ם חֶרְמִ֖י לְמִשְׁפָּֽט׃

‎6 ‏חֶ֣רֶב לַיהוָ֞ה מָלְאָ֥ה דָם֙ הֻדַּ֣שְׁנָה מֵחֵ֔לֶב מִדַּ֤ם כָּרִים֙ וְעַתּוּדִ֔ים מֵחֵ֖לֶב כִּלְי֣וֹת אֵילִ֑ים כִּ֣י זֶ֤בַח לַֽיהוָה֙ בְּבָצְרָ֔ה וְטֶ֥בַח גָּד֖וֹל בְּאֶ֥רֶץ אֱדֽוֹם׃

‎7 ‏וְיָרְד֤וּ רְאֵמִים֙ עִמָּ֔ם וּפָרִ֖ים עִם־אַבִּירִ֑ים וְרִוְּתָ֤ה אַרְצָם֙ מִדָּ֔ם וַעֲפָרָ֖ם מֵחֵ֥לֶב יְדֻשָּֽׁן׃

‎8 ‏כִּ֛י י֥וֹם נָקָ֖ם לַֽיהוָ֑ה שְׁנַ֥ת שִׁלּוּמִ֖ים לְרִ֥יב צִיּֽוֹן׃

‎9 ‏וְנֶהֶפְכ֤וּ נְחָלֶ֙יהָ֙ לְזֶ֔פֶת וַעֲפָרָ֖הּ לְגָפְרִ֑ית וְהָיְתָ֣ה אַרְצָ֔הּ לְזֶ֖פֶת בֹּעֵרָֽה׃

‎10 ‏לַ֤יְלָה וְיוֹמָם֙ לֹ֣א תִכְבֶּ֔ה לְעוֹלָ֖ם יַעֲלֶ֣ה עֲשָׁנָ֑הּ מִדּ֤וֹר לָדוֹר֙ תֶּחֱרָ֔ב לְנֵ֣צַח נְצָחִ֔ים אֵ֥ין עֹבֵ֖ר בָּֽהּ׃

‎11 ‏וִירֵשׁ֙וּהָ֙ קָאַ֣ת וְקִפּ֔וֹד וְיַנְשׁ֥וֹף וְעֹרֵ֖ב יִשְׁכְּנוּ־בָ֑הּ וְנָטָ֥ה עָלֶ֛יהָ קַֽו־תֹ֖הוּ וְאַבְנֵי־בֹֽהוּ׃

‎12 ‏חֹרֶ֥יהָ וְאֵֽין־שָׁ֖ם מְלוּכָ֣ה יִקְרָ֑אוּ וְכָל־שָׂרֶ֖יהָ יִ֥הְיוּ אָֽפֶס׃

‎13 ‏וְעָלְתָ֤ה אַרְמְנֹתֶ֙יהָ֙ סִירִ֔ים קִמּ֥וֹשׂ וָח֖וֹחַ בְּמִבְצָרֶ֑יהָ וְהָיְתָה֙ נְוֵ֣ה תַנִּ֔ים חָצִ֖יר לִבְנ֥וֹת יַעֲנָֽה׃

‎14 ‏וּפָגְשׁ֤וּ צִיִּים֙ אֶת־אִיִּ֔ים וְשָׂעִ֖יר עַל־רֵעֵ֣הוּ יִקְרָ֑א אַךְ־שָׁם֙ הִרְגִּ֣יעָה לִּילִ֔ית וּמָצְאָ֥ה לָ֖הּ מָנֽוֹחַ׃

‎15 ‏שָׁ֣מָּה קִנְּנָ֤ה קִפּוֹז֙ וַתְּמַלֵּ֔ט וּבָקְעָ֖ה וְדָגְרָ֣ה בְצִלָּ֑הּ אַךְ־שָׁ֛ם נִקְבְּצ֥וּ דַיּ֖וֹת אִשָּׁ֥ה רְעוּתָֽהּ׃

‎16 ‏דִּרְשׁ֨וּ מֵֽעַל־סֵ֤פֶר יְהוָה֙ וּֽקְרָ֔אוּ אַחַ֤ת מֵהֵ֙נָּה֙ לֹ֣א נֶעְדָּ֔רָה אִשָּׁ֥ה רְעוּתָ֖הּ לֹ֣א פָקָ֑דוּ כִּֽי־פִי֙ ה֣וּא צִוָּ֔ה וְרוּח֖וֹ ה֥וּא קִבְּצָֽן׃

‎17 ‏וְהֽוּא־הִפִּ֤יל לָהֶן֙ גּוֹרָ֔ל וְיָד֛וֹ חִלְּקַ֥תָּה לָהֶ֖ם בַּקָּ֑ו עַד־עוֹלָם֙ יִֽירָשׁ֔וּהָ לְד֥וֹר וָד֖וֹר יִשְׁכְּנוּ־בָֽהּ׃ ס

1 qirəḇû ḡwōyim lišəmō‘a ûlə’ummîm haqəšîḇû tišəm^a‘ hā’āreṣ ûməlō’āh tēḇēl wəḵāl-ṣe’ĕṣā’eyhā:

2 kî qeṣef layhwâ ‘al-kāl-hagwōyim wəḥēmâ ‘al-kāl-ṣəḇā’ām heḥĕrîmām nəṯānām laṭṭāḇ^aḥ:

3 wəḥaləlêhem yušəlāḵû ûfiḡərêhem y^a‘ăleh ḇā’əšām wənāmassû hārîm midāmām:

4 wənāmaqqû kāl-ṣəḇā’ haššāmayim wənāḡōllû ḵassēfer haššāmāyim wəḵāl-ṣəḇā’ām yibwōl kinəḇōl ‘āleh migefen ûḵənōḇeleṯ mitə’ēnâ:

5 kî-riûəṯâ ḇaššāmayim ḥarəbî hinnēh ‘al-’ĕḏwōm tērēḏ wə‘al-‘am ḥerəmî ləmišəpāṭ:

6 ḥereḇ layhwâ mālə’â ḏām hudašənâ mēḥēleḇ midam kārîm wə‘atûḏîm mēḥēleḇ kiləywōṯ ’êlîm kî zeḇ^aḥ layhwâ bəḇāṣərâ wəṭeḇ^aḥ gāḏwōl bə’ereṣ ’ĕḏwōm:

7 wəyārəḏû rə’ēmîm ‘immām ûfārîm ‘im-’abîrîm wəriûəṯâ ’arəṣām midām w^a‘ăfārām mēḥēleḇ yəḏuššān:

8 kî ywōm nāqām layhwâ šənaṯ šillûmîm lərîḇ ṣîywōn:

9 wənehefəḵû nəḥāleyhā ləzefeṯ w^a‘ăfārāh ləḡāfərîṯ wəhāyəṯâ ’arəṣāh ləzefeṯ bō‘ērâ:

10 layəlâ wəywōmām lō’ ṯiḵəbeh lə‘wōlām y^a‘ăleh ‘ăšānāh midwōr lāḏwōr teḥĕrāḇ lənēṣ^aḥ nəṣāḥîm ’ên ‘ōḇēr bāh:

11 wîrēšûhā qā’aṯ wəqipwōḏ wəyanəšwōf wə‘ōrēḇ yišəkənû-ḇāh wənāṭâ ‘āleyhā qaw-ṯōhû wə’aḇənê-ḇōhû:

12 ḥōreyhā wə’ên-šām məlûḵâ yiqərā’û wəḵāl-śāreyhā yihəyû ’āfes:

13 wə‘āləṯâ ’arəmənōṯeyhā sîrîm qimmwōś wāḥwōḥa bəmiḇəṣāreyhā wəhāyəṯâ nəwēh ṯannîm ḥāṣîr liḇənwōṯ y^a‘ănâ:

14 ûfāḡəšû ṣîyîm ’eṯ-’îyîm wəśā‘îr ‘al-rē‘ēhû yiqərā’ ’aḵə-šām hirəgî‘â llîlîṯ ûmāṣə’â lāh mānwōḥa:

15 šāmmâ qinnənâ qipwōz watəmallēṭ ûḇāqə‘â wəḏāḡərâ ḇəṣillāh ’aḵə-šām niqəbəṣû ḏayywōṯ ’iššâ rə‘ûṯāh:

16 dirəšû mē‘al-sēfer yəhwâ ûqərā’û ’^aḥaṯ mēhēnnâ lō’ ne‘ədārâ ’iššâ rə‘ûṯāh lō’ fāqāḏû kî-fî hû’ ṣiûâ wərûḥwō hû’ qibəṣān:

17 wəhû’-hipîl lâen gwōrāl wəyāḏwō ḥilləqatâ lâem baqqāw ‘aḏ-‘wōlām yîrāšûhā ləḏwōr wāḏwōr yišəkənû-ḇāh: s

‎1 ‏יְשֻׂשׂ֥וּם מִדְבָּ֖ר וְצִיָּ֑ה וְתָגֵ֧ל עֲרָבָ֛ה וְתִפְרַ֖ח כַּחֲבַצָּֽלֶת׃

‎2 ‏פָּרֹ֨חַ תִּפְרַ֜ח וְתָגֵ֗ל אַ֚ף גִּילַ֣ת וְרַנֵּ֔ן כְּב֤וֹד הַלְּבָנוֹן֙ נִתַּן־לָ֔הּ הֲדַ֥ר הַכַּרְמֶ֖ל וְהַשָּׁר֑וֹן הֵ֛מָּה יִרְא֥וּ כְבוֹד־יְהוָ֖ה הֲדַ֥ר אֱלֹהֵֽינוּ׃ ס

‎3 ‏חַזְּק֖וּ יָדַ֣יִם רָפ֑וֹת וּבִרְכַּ֥יִם כֹּשְׁל֖וֹת אַמֵּֽצוּ׃

‎4 ‏אִמְרוּ֙ לְנִמְהֲרֵי־לֵ֔ב חִזְק֖וּ אַל־תִּירָ֑אוּ הִנֵּ֤ה אֱלֹֽהֵיכֶם֙ נָקָ֣ם יָב֔וֹא גְּמ֣וּל אֱלֹהִ֔ים ה֥וּא יָב֖וֹא וְיֹשַׁעֲכֶֽם׃

‎5 ‏אָ֥ז תִּפָּקַ֖חְנָה עֵינֵ֣י עִוְרִ֑ים וְאָזְנֵ֥י חֵרְשִׁ֖ים תִּפָּתַֽחְנָה׃

‎6 ‏אָ֣ז יְדַלֵּ֤ג כָּֽאַיָּל֙ פִּסֵּ֔חַ וְתָרֹ֖ן לְשׁ֣וֹן אִלֵּ֑ם כִּֽי־נִבְקְע֤וּ בַמִּדְבָּר֙ מַ֔יִם וּנְחָלִ֖ים בָּעֲרָבָֽה׃

‎7 ‏וְהָיָ֤ה הַשָּׁרָב֙ לַאֲגַ֔ם וְצִמָּא֖וֹן לְמַבּ֣וּעֵי מָ֑יִם בִּנְוֵ֤ה תַנִּים֙ רִבְצָ֔הּ חָצִ֖יר לְקָנֶ֥ה וָגֹֽמֶא׃

‎8 ‏וְהָיָה־שָׁ֞ם מַסְל֣וּל וָדֶ֗רֶךְ וְדֶ֤רֶךְ הַקֹּ֙דֶשׁ֙ יִקָּ֣רֵא לָ֔הּ לֹֽא־יַעַבְרֶ֥נּוּ טָמֵ֖א וְהוּא־לָ֑מוֹ הֹלֵ֥ךְ דֶּ֛רֶךְ וֶאֱוִילִ֖ים לֹ֥א יִתְעֽוּ׃

‎9 ‏לֹא־יִהְיֶ֨ה שָׁ֜ם אַרְיֵ֗ה וּפְרִ֤יץ חַיּוֹת֙ בַּֽל־יַעֲלֶ֔נָּה לֹ֥א תִמָּצֵ֖א שָׁ֑ם וְהָלְכ֖וּ גְּאוּלִֽים׃

‎10 ‏וּפְדוּיֵ֨י יְהוָ֜ה יְשֻׁב֗וּן וּבָ֤אוּ צִיּוֹן֙ בְּרִנָּ֔ה וְשִׂמְחַ֥ת עוֹלָ֖ם עַל־רֹאשָׁ֑ם שָׂשׂ֤וֹן וְשִׂמְחָה֙ יַשִּׂ֔יגוּ וְנָ֖סוּ יָג֥וֹן וַאֲנָחָֽה׃ פ

1 yəśuśûm miḏəbār wəṣîyâ wəṯāḡēl ‘ărāḇâ wəṯifər^aḥ k^aḥăḇaṣṣāleṯ:

2 pārōḥa tifər^aḥ wəṯāḡēl ’af gîlaṯ wərannēn kəḇwōḏ halləḇānwōn nitan-lāh hăḏar hakarəmel wəhaššārwōn hēmmâ yirə’û ḵəḇwōḏ-yəhwâ hăḏar ’ĕlōhênû: s

3 ḥazzəqû yāḏayim rāfwōṯ ûḇirəkayim kōšəlwōṯ ’ammēṣû:

4 ’imərû ləniməhărê-lēḇ ḥizəqû ’al-tîrā’û hinnēh ’ĕlōhêḵem nāqām yāḇwō’ gəmûl ’ĕlōhîm hû’ yāḇwō’ wəyōš^a‘ăḵem:

5 ’āz tipāq^aḥənâ ‘ênê ‘iwərîm wə’āzənê ḥērəšîm tipāṯ^aḥənâ:

6 ’āz yəḏallēḡ kā’ayyāl pissēḥa wəṯārōn ləšwōn ’illēm kî-niḇəqə‘û ḇammiḏəbār mayim ûnəḥālîm bā‘ărāḇâ:

7 wəhāyâ haššārāḇ la’ăḡam wəṣimmā’wōn ləmabû‘ê māyim binəwēh ṯannîm riḇəṣāh ḥāṣîr ləqāneh wāḡōme’:

8 wəhāyâ-šām masəlûl wāḏereḵə wəḏereḵə haqqōḏeš yiqqārē’ lāh lō’-y^a‘aḇərennû ṭāmē’ wəhû’-lāmwō hōlēḵə dereḵə we’ĕwîlîm lō’ yiṯə‘û:

9 lō’-yihəyeh šām ’arəyēh ûfərîṣ ḥayywōṯ bal-y^a‘ălennâ lō’ ṯimmāṣē’ šām wəhāləḵû gə’ûlîm:

10 ûfəḏûyê yəhwâ yəšuḇûn ûḇā’û ṣîywōn bərinnâ wəśiməḥaṯ ‘wōlām ‘al-rō’šām śāśwōn wəśiməḥâ yaśśîḡû wənāsû yāḡwōn wa’ănāḥâ: f

‎1 ‏וַיְהִ֡י בְּאַרְבַּע֩ עֶשְׂרֵ֨ה שָׁנָ֜ה לַמֶּ֣לֶךְ חִזְקִיָּ֗הוּ עָלָ֞ה סַנְחֵרִ֤יב מֶֽלֶךְ־אַשּׁוּר֙ עַ֣ל כָּל־עָרֵ֧י יְהוּדָ֛ה הַבְּצֻר֖וֹת וַֽיִּתְפְּשֵֽׂם׃

‎2 ‏וַיִּשְׁלַ֣ח מֶֽלֶךְ־אַשּׁ֣וּר׀ אֶת־רַב־שָׁקֵ֨ה מִלָּכִ֧ישׁ יְרוּשָׁלְַ֛מָה אֶל־הַמֶּ֥לֶךְ חִזְקִיָּ֖הוּ בְּחֵ֣יל כָּבֵ֑ד וַֽיַּעֲמֹ֗ד בִּתְעָלַת֙ הַבְּרֵכָ֣ה הָעֶלְיוֹנָ֔ה בִּמְסִלַּ֖ת שְׂדֵ֥ה כוֹבֵֽס׃

‎3 ‏וַיֵּצֵ֥א אֵלָ֛יו אֶלְיָקִ֥ים בֶּן־חִלְקִיָּ֖הוּ אֲשֶׁ֣ר עַל־הַבָּ֑יִת וְשֶׁבְנָא֙ הַסֹּפֵ֔ר וְיוֹאָ֥ח בֶּן־אָסָ֖ף הַמַּזְכִּֽיר׃

‎4 ‏וַיֹּ֤אמֶר אֲלֵיהֶם֙ רַב־שָׁקֵ֔ה אִמְרוּ־נָ֖א אֶל־חִזְקִיָּ֑הוּ כֹּֽה־אָמַ֞ר הַמֶּ֤לֶךְ הַגָּדוֹל֙ מֶ֣לֶךְ אַשּׁ֔וּר מָ֧ה הַבִּטָּח֛וֹן הַזֶּ֖ה אֲשֶׁ֥ר בָּטָֽחְתָּ׃

‎5 ‏אָמַ֙רְתִּי֙ אַךְ־דְּבַר־שְׂפָתַ֔יִם עֵצָ֥ה וּגְבוּרָ֖ה לַמִּלְחָמָ֑ה עַתָּה֙ עַל־מִ֣י בָטַ֔חְתָּ כִּ֥י מָרַ֖דְתָּ בִּֽי׃

‎6 ‏הִנֵּ֣ה בָטַ֡חְתָּ עַל־מִשְׁעֶנֶת֩ הַקָּנֶ֨ה הָרָצ֤וּץ הַזֶּה֙ עַל־מִצְרַ֔יִם אֲשֶׁ֨ר יִסָּמֵ֥ךְ אִישׁ֙ עָלָ֔יו וּבָ֥א בְכַפּ֖וֹ וּנְקָבָ֑הּ כֵּ֚ן פַּרְעֹ֣ה מֶֽלֶךְ־מִצְרַ֔יִם לְכָֽל־הַבֹּטְחִ֖ים עָלָֽיו׃

‎7 ‏וְכִי־תֹאמַ֣ר אֵלַ֔י אֶל־יְהוָ֥ה אֱלֹהֵ֖ינוּ בָּטָ֑חְנוּ הֲלוֹא־ה֗וּא אֲשֶׁ֨ר הֵסִ֤יר חִזְקִיָּ֙הוּ֙ אֶת־בָּמֹתָ֣יו וְאֶת־מִזְבְּחֹתָ֔יו וַיֹּ֤אמֶר לִֽיהוּדָה֙ וְלִיר֣וּשָׁלִַ֔ם לִפְנֵ֛י הַמִּזְבֵּ֥חַ הַזֶּ֖ה תִּֽשְׁתַּחֲוֽוּ׃

‎8 ‏וְעַתָּה֙ הִתְעָ֣רֶב נָ֔א אֶת־אֲדֹנִ֖י הַמֶּ֣לֶךְ אַשּׁ֑וּר וְאֶתְּנָ֤ה לְךָ֙ אַלְפַּ֣יִם סוּסִ֔ים אִם־תּוּכַ֕ל לָ֥תֶת לְךָ֖ רֹכְבִ֥ים עֲלֵיהֶֽם׃

‎9 ‏וְאֵ֣יךְ תָּשִׁ֗יב אֵ֠ת פְּנֵ֨י פַחַ֥ת אַחַ֛ד עַבְדֵ֥י אֲדֹנִ֖י הַקְטַנִּ֑ים וַתִּבְטַ֤ח לְךָ֙ עַל־מִצְרַ֔יִם לְרֶ֖כֶב וּלְפָרָשִֽׁים׃

‎10 ‏וְעַתָּה֙ הֲמִבַּלְעֲדֵ֣י יְהוָ֔ה עָלִ֛יתִי עַל־הָאָ֥רֶץ הַזֹּ֖את לְהַשְׁחִיתָ֑הּ יְהוָה֙ אָמַ֣ר אֵלַ֔י עֲלֵ֛ה אֶל־הָאָ֥רֶץ הַזֹּ֖את וְהַשְׁחִיתָֽהּ׃

‎11 ‏וַיֹּ֣אמֶר אֶלְיָקִים֩ וְשֶׁבְנָ֨א וְיוֹאָ֜ח אֶל־רַב־שָׁקֵ֗ה דַּבֶּר־נָ֤א אֶל־עֲבָדֶ֙יךָ֙ אֲרָמִ֔ית כִּ֥י שֹׁמְעִ֖ים אֲנָ֑חְנוּ וְאַל־תְּדַבֵּ֤ר אֵלֵ֙ינוּ֙ יְהוּדִ֔ית בְּאָזְנֵ֣י הָעָ֔ם אֲשֶׁ֖ר עַל־הַחוֹמָֽה׃

‎12 ‏וַיֹּ֣אמֶר רַב־שָׁקֵ֗ה הַאֶ֨ל אֲדֹנֶ֤יךָ וְאֵלֶ֙יךָ֙ שְׁלָחַ֣נִי אֲדֹנִ֔י לְדַבֵּ֖ר אֶת־הַדְּבָרִ֣ים הָאֵ֑לֶּה הֲלֹ֣א עַל־הָאֲנָשִׁ֗ים הַיֹּֽשְׁבִים֙ עַל־הַ֣חוֹמָ֔ה לֶאֱכֹ֣ל אֶת־חראיהם צוֹאָתָ֗ם וְלִשְׁתּ֛וֹת אֶת־שיניהם מֵימֵ֥י רַגְלֵיהֶ֖ם עִמָּכֶֽם׃

‎13 ‏וַֽיַּעֲמֹד֙ רַב־שָׁקֵ֔ה וַיִּקְרָ֥א בְקוֹל־גָּד֖וֹל יְהוּדִ֑ית וַיֹּ֕אמֶר שִׁמְע֗וּ אֶת־דִּבְרֵ֛י הַמֶּ֥לֶךְ הַגָּד֖וֹל מֶ֥לֶךְ אַשּֽׁוּר׃

‎14 ‏כֹּ֚ה אָמַ֣ר הַמֶּ֔לֶךְ אַל־יַשִּׁ֥א לָכֶ֖ם חִזְקִיָּ֑הוּ כִּ֥י לֹֽא־יוּכַ֖ל לְהַצִּ֥יל אֶתְכֶֽם׃

‎15 ‏וְאַל־יַבְטַ֨ח אֶתְכֶ֤ם חִזְקִיָּ֙הוּ֙ אֶל־יְהוָ֣ה לֵאמֹ֔ר הַצֵּ֥ל יַצִּילֵ֖נוּ יְהוָ֑ה לֹ֤א תִנָּתֵן֙ הָעִ֣יר הַזֹּ֔את בְּיַ֖ד מֶ֥לֶךְ אַשּֽׁוּר׃

‎16 ‏אַֽל־תִּשְׁמְע֖וּ אֶל־חִזְקִיָּ֑הוּ סכִּי֩ כֹ֨ה אָמַ֜ר הַמֶּ֣לֶךְ אַשּׁ֗וּר עֲשֽׂוּ־אִתִּ֤י בְרָכָה֙ וּצְא֣וּ אֵלַ֔י וְאִכְל֤וּ אִישׁ־גַּפְנוֹ֙ וְאִ֣ישׁ תְּאֵנָת֔וֹ וּשְׁת֖וּ אִ֥ישׁ מֵי־בוֹרֽוֹ׃

‎17 ‏עַד־בֹּאִ֕י וְלָקַחְתִּ֥י אֶתְכֶ֖ם אֶל־אֶ֣רֶץ כְּאַרְצְכֶ֑ם אֶ֤רֶץ דָּגָן֙ וְתִיר֔וֹשׁ אֶ֥רֶץ לֶ֖חֶם וּכְרָמִֽים׃

‎18 ‏פֶּן־יַסִּ֨ית אֶתְכֶ֤ם חִזְקִיָּ֙הוּ֙ לֵאמֹ֔ר יְהוָ֖ה יַצִּילֵ֑נוּ הַהִצִּ֜ילוּ אֱלֹהֵ֤י הַגּוֹיִם֙ אִ֣ישׁ אֶת־אַרְצ֔וֹ מִיַּ֖ד מֶ֥לֶךְ אַשּֽׁוּר׃

‎19 ‏אַיֵּ֞ה אֱלֹהֵ֤י חֲמָת֙ וְאַרְפָּ֔ד אַיֵּ֖ה אֱלֹהֵ֣י סְפַרְוָ֑יִם וְכִֽי־הִצִּ֥ילוּ אֶת־שֹׁמְר֖וֹן מִיָּדִֽי׃

‎20 ‏מִ֗י בְּכָל־אֱלֹהֵ֤י הָֽאֲרָצוֹת֙ הָאֵ֔לֶּה אֲשֶׁר־הִצִּ֥ילוּ אֶת־אַרְצָ֖ם מִיָּדִ֑י כִּֽי־יַצִּ֧יל יְהוָ֛ה אֶת־יְרוּשָׁלִַ֖ם מִיָּדִֽי׃

‎21 ‏וַֽיַּחֲרִ֔ישׁוּ וְלֹֽא־עָנ֥וּ אֹת֖וֹ דָּבָ֑ר כִּֽי־מִצְוַ֨ת הַמֶּ֥לֶךְ הִ֛יא לֵאמֹ֖ר לֹ֥א תַעֲנֻֽהוּ׃

‎22 ‏וַיָּבֹ֣א אֶלְיָקִ֣ים בֶּן־חִלְקִיָּ֣הוּ אֲשֶׁר־עַל־הַ֠בַּיִת וְשֶׁבְנָ֨א הַסּוֹפֵ֜ר וְיוֹאָ֨ח בֶּן־אָסָ֧ף הַמַּזְכִּ֛יר אֶל־חִזְקִיָּ֖הוּ קְרוּעֵ֣י בְגָדִ֑ים וַיַּגִּ֣ידוּ ל֔וֹ אֵ֖ת דִּבְרֵ֥י רַב־שָׁקֵֽה׃ ס

1 wayəhî bə’arəb^a‘ ‘eśərēh šānâ lammeleḵə ḥizəqîyâû ‘ālâ sanəḥērîḇ meleḵə-’aššûr ‘al kāl-‘ārê yəhûḏâ habəṣurwōṯ wayyiṯəpəśēm:

2 wayyišəl^aḥ meleḵə-’aššûr| ’eṯ-raḇ-šāqēh millāḵîš yərûšālaəmâ ’el-hammeleḵə ḥizəqîyâû bəḥêl kāḇēḏ wayy^a‘ămōḏ biṯə‘ālaṯ habərēḵâ hā‘eləywōnâ biməsillaṯ śəḏēh ḵwōḇēs:

3 wayyēṣē’ ’ēlāyw ’eləyāqîm ben-ḥiləqîyâû ’ăšer ‘al-habāyiṯ wəšeḇənā’ hassōfēr wəywō’āḥ ben-’āsāf hammazəkîr:

4 wayyō’mer ’ălêhem raḇ-šāqēh ’imərû-nā’ ’el-ḥizəqîyâû kōh-’āmar hammeleḵə hagāḏwōl meleḵə ’aššûr mâ habiṭṭāḥwōn hazzeh ’ăšer bāṭāḥətā:

5 ’āmarətî ’aḵə-dəḇar-śəfāṯayim ‘ēṣâ ûḡəḇûrâ lammiləḥāmâ ‘atâ ‘al-mî ḇāṭ^aḥətā kî māraḏətā bî:

6 hinnēh ḇāṭ^aḥətā ‘al-mišə‘eneṯ haqqāneh hārāṣûṣ hazzeh ‘al-miṣərayim ’ăšer yissāmēḵə ’îš ‘ālāyw ûḇā’ ḇəḵapwō ûnəqāḇāh kēn parə‘ōh meleḵə-miṣərayim ləḵāl-habōṭəḥîm ‘ālāyw:

7 wəḵî-ṯō’mar ’ēlay ’el-yəhwâ ’ĕlōhênû bāṭāḥənû hălwō’-hû’ ’ăšer hēsîr ḥizəqîyâû ’eṯ-bāmōṯāyw wə’eṯ-mizəbəḥōṯāyw wayyō’mer lîhûḏâ wəlîrûšālaim lifənê hammizəbēḥa hazzeh tišət^aḥăwû:

8 wə‘atâ hiṯə‘āreḇ nā’ ’eṯ-’ăḏōnî hammeleḵə ’aššûr wə’etənâ ləḵā ’aləpayim sûsîm ’im-tûḵal lāṯeṯ ləḵā rōḵəḇîm ‘ălêhem:

9 wə’êḵə tāšîḇ ’ēṯ pənê f^aḥaṯ ’^aḥaḏ ‘aḇəḏê ’ăḏōnî haqəṭannîm watiḇəṭ^aḥ ləḵā ‘al-miṣərayim ləreḵeḇ ûləfārāšîm:

10 wə‘atâ hămibalə‘ăḏê yəhwâ ‘ālîṯî ‘al-hā’āreṣ hazzō’ṯ ləhašəḥîṯāh yəhwâ ’āmar ’ēlay ‘ălēh ’el-hā’āreṣ hazzō’ṯ wəhašəḥîṯāh:

11 wayyō’mer ’eləyāqîm wəšeḇənā’ wəywō’āḥ ’el-raḇ-šāqēh daber-nā’ ’el-‘ăḇāḏeyḵā ’ărāmîṯ kî šōmə‘îm ’ănāḥənû wə’al-təḏabēr ’ēlênû yəhûḏîṯ bə’āzənê hā‘ām ’ăšer ‘al-h^aḥwōmâ:

12 wayyō’mer raḇ-šāqēh ha’el ’ăḏōneyḵā wə’ēleyḵā šəlāḥanî ’ăḏōnî ləḏabēr ’eṯ-hadəḇārîm hā’ēlleh hălō’ ‘al-hā’ănāšîm hayyōšəḇîm ‘al-h^aḥwōmâ le’ĕḵōl ’eṯ-ḥarə’êhem ṣwō’āṯām wəlišətwōṯ ’eṯ-šênêhem mêmê raḡəlêhem ‘immāḵem:

13 wayy^a‘ămōḏ raḇ-šāqēh wayyiqərā’ ḇəqwōl-gāḏwōl yəhûḏîṯ wayyō’mer šimə‘û ’eṯ-diḇərê hammeleḵə hagāḏwōl meleḵə ’aššûr:

14 kōh ’āmar hammeleḵə ’al-yašši’ lāḵem ḥizəqîyâû kî lō’-yûḵal ləhaṣṣîl ’eṯəḵem:

15 wə’al-yaḇəṭ^aḥ ’eṯəḵem ḥizəqîyâû ’el-yəhwâ lē’mōr haṣṣēl yaṣṣîlēnû yəhwâ lō’ ṯinnāṯēn hā‘îr hazzō’ṯ bəyaḏ meleḵə ’aššûr:

16 ’al-tišəmə‘û ’el-ḥizəqîyâû skî ḵōh ’āmar hammeleḵə ’aššûr ‘ăśû-’itî ḇərāḵâ ûṣə’û ’ēlay wə’iḵəlû ’îš-gafənwō wə’îš tə’ēnāṯwō ûšəṯû ’îš mê-ḇwōrwō:

17 ‘aḏ-bō’î wəlāq^aḥətî ’eṯəḵem ’el-’ereṣ kə’arəṣəḵem ’ereṣ dāḡān wəṯîrwōš ’ereṣ leḥem ûḵərāmîm:

18 pen-yassîṯ ’eṯəḵem ḥizəqîyâû lē’mōr yəhwâ yaṣṣîlēnû hahiṣṣîlû ’ĕlōhê hagwōyim ’îš ’eṯ-’arəṣwō mîyaḏ meleḵə ’aššûr:

19 ’ayyēh ’ĕlōhê ḥămāṯ wə’arəpāḏ ’ayyēh ’ĕlōhê səfarəwāyim wəḵî-hiṣṣîlû ’eṯ-šōmərwōn mîyāḏî:

20 mî bəḵāl-’ĕlōhê hā’ărāṣwōṯ hā’ēlleh ’ăšer-hiṣṣîlû ’eṯ-’arəṣām mîyāḏî kî-yaṣṣîl yəhwâ ’eṯ-yərûšālaim mîyāḏî:

21 wayy^aḥărîšû wəlō’-‘ānû ’ōṯwō dāḇār kî-miṣəwaṯ hammeleḵə hî’ lē’mōr lō’ ṯ^a‘ănuhû:

22 wayyāḇō’ ’eləyāqîm ben-ḥiləqîyâû ’ăšer-‘al-habayiṯ wəšeḇənā’ hasswōfēr wəywō’āḥ ben-’āsāf hammazəkîr ’el-ḥizəqîyâû qərû‘ê ḇəḡāḏîm wayyagîḏû lwō ’ēṯ diḇərê raḇ-šāqēh: s

‎1 ‏וַיְהִ֗י כִּשְׁמֹ֙עַ֙ הַמֶּ֣לֶךְ חִזְקִיָּ֔הוּ וַיִּקְרַ֖ע אֶת־בְּגָדָ֑יו וַיִּתְכַּ֣ס בַּשָּׂ֔ק וַיָּבֹ֖א בֵּ֥ית יְהוָֽה׃

‎2 ‏וַ֠יִּשְׁלַח אֶת־אֶלְיָקִ֨ים אֲשֶׁר־עַל־הַבַּ֜יִת וְאֵ֣ת׀ שֶׁבְנָ֣א הַסּוֹפֵ֗ר וְאֵת֙ זִקְנֵ֣י הַכֹּהֲנִ֔ים מִתְכַּסִּ֖ים בַּשַּׂקִּ֑ים אֶל־יְשַֽׁעְיָ֥הוּ בֶן־אָמ֖וֹץ הַנָּבִֽיא׃

‎3 ‏וַיֹּאמְר֣וּ אֵלָ֗יו כֹּ֚ה אָמַ֣ר חִזְקִיָּ֔הוּ יוֹם־צָרָ֧ה וְתוֹכֵחָ֛ה וּנְאָצָ֖ה הַיּ֣וֹם הַזֶּ֑ה כִּ֣י בָ֤אוּ בָנִים֙ עַד־מַשְׁבֵּ֔ר וְכֹ֥חַ אַ֖יִן לְלֵדָֽה׃

‎4 ‏אוּלַ֡י יִשְׁמַע֩ יְהוָ֨ה אֱלֹהֶ֜יךָ אֵ֣ת׀ דִּבְרֵ֣י רַב־שָׁקֵ֗ה אֲשֶׁר֩ שְׁלָח֨וֹ מֶֽלֶךְ־אַשּׁ֤וּר׀ אֲדֹנָיו֙ לְחָרֵף֙ אֱלֹהִ֣ים חַ֔י וְהוֹכִ֙יחַ֙ בַּדְּבָרִ֔ים אֲשֶׁ֥ר שָׁמַ֖ע יְהוָ֣ה אֱלֹהֶ֑יךָ וְנָשָׂ֣אתָ תְפִלָּ֔ה בְּעַ֥ד הַשְּׁאֵרִ֖ית הַנִּמְצָאָֽה׃

‎5 ‏וַיָּבֹ֗אוּ עַבְדֵ֛י הַמֶּ֥לֶךְ חִזְקִיָּ֖הוּ אֶל־יְשַׁעְיָֽהוּ׃

‎6 ‏וַיֹּ֤אמֶר אֲלֵיהֶם֙ יְשַֽׁעְיָ֔הוּ כֹּ֥ה תֹאמְר֖וּן אֶל־אֲדֹנֵיכֶ֑ם כֹּ֣ה׀ אָמַ֣ר יְהוָ֗ה אַל־תִּירָא֙ מִפְּנֵ֤י הַדְּבָרִים֙ אֲשֶׁ֣ר שָׁמַ֔עְתָּ אֲשֶׁ֧ר גִּדְּפ֛וּ נַעֲרֵ֥י מֶלֶךְ־אַשּׁ֖וּר אוֹתִֽי׃

‎7 ‏הִנְנִ֨י נוֹתֵ֥ן בּוֹ֙ ר֔וּחַ וְשָׁמַ֥ע שְׁמוּעָ֖ה וְשָׁ֣ב אֶל־אַרְצ֑וֹ וְהִפַּלְתִּ֥יו בַּחֶ֖רֶב בְּאַרְצֽוֹ׃

‎8 ‏וַיָּ֙שָׁב֙ רַב־שָׁקֵ֔ה וַיִּמְצָא֙ אֶת־מֶ֣לֶךְ אַשּׁ֔וּר נִלְחָ֖ם עַל־לִבְנָ֑ה כִּ֣י שָׁמַ֔ע כִּ֥י נָסַ֖ע מִלָּכִֽישׁ׃

‎9 ‏וַיִּשְׁמַ֗ע עַל־תִּרְהָ֤קָה מֶֽלֶךְ־כּוּשׁ֙ לֵאמֹ֔ר יָצָ֖א לְהִלָּחֵ֣ם אִתָּ֑ךְ וַיִּשְׁמַע֙ וַיִּשְׁלַ֣ח מַלְאָכִ֔ים אֶל־חִזְקִיָּ֖הוּ לֵאמֹֽר׃

‎10 ‏כֹּ֣ה תֹאמְר֗וּן אֶל־חִזְקִיָּ֤הוּ מֶֽלֶךְ־יְהוּדָה֙ לֵאמֹ֔ר אַל־יַשִּׁאֲךָ֣³ אֱלֹהֶ֔יךָ אֲשֶׁ֥ר אַתָּ֛ה בּוֹטֵ֥חַ בּ֖וֹ לֵאמֹ֑ר לֹ֤א תִנָּתֵן֙ יְר֣וּשָׁלִַ֔ם בְּיַ֖ד מֶ֥לֶךְ אַשּֽׁוּר׃

‎11 ‏הִנֵּ֣ה׀ אַתָּ֣ה שָׁמַ֗עְתָּ אֲשֶׁ֨ר עָשׂ֜וּ מַלְכֵ֥י אַשּׁ֛וּר לְכָל־הָאֲרָצ֖וֹת לְהַחֲרִימָ֑ם וְאַתָּ֖ה תִּנָּצֵֽל׃

‎12 ‏הַהִצִּ֨ילוּ אוֹתָ֜ם אֱלֹהֵ֤י הַגּוֹיִם֙ אֲשֶׁ֣ר הִשְׁחִ֣יתוּ אֲבוֹתַ֔י אֶת־גּוֹזָ֖ן וְאֶת־חָרָ֑ן וְרֶ֥צֶף וּבְנֵי־עֶ֖דֶן אֲשֶׁ֥ר בִּתְלַשָּֽׂר׃

‎13 ‏אַיֵּ֤ה מֶֽלֶךְ־חֲמָת֙ וּמֶ֣לֶךְ אַרְפָּ֔ד וּמֶ֖לֶךְ לָעִ֣יר סְפַרְוָ֑יִם הֵנַ֖ע וְעִוָּֽה׃

‎14 ‏וַיִּקַּ֨ח חִזְקִיָּ֧הוּ אֶת־הַסְּפָרִ֛ים מִיַּ֥ד הַמַּלְאָכִ֖ים וַיִּקְרָאֵ֑הוּ וַיַּ֙עַל֙ בֵּ֣ית יְהוָ֔ה וַיִּפְרְשֵׂ֥הוּ חִזְקִיָּ֖הוּ לִפְנֵ֥י יְהוָֽה׃

‎15 ‏וַיִּתְפַּלֵּל֙ חִזְקִיָּ֔הוּ אֶל־יְהוָ֖ה לֵאמֹֽר׃

‎16 ‏יְהוָ֨ה צְבָא֜וֹת אֱלֹהֵ֤י יִשְׂרָאֵל֙ יֹשֵׁ֣ב הַכְּרֻבִ֔ים אַתָּה־ה֤וּא הָֽאֱלֹהִים֙ לְבַדְּךָ֔ לְכֹ֖ל מַמְלְכ֣וֹת הָאָ֑רֶץ אַתָּ֣ה עָשִׂ֔יתָ אֶת־הַשָּׁמַ֖יִם וְאֶת־הָאָֽרֶץ׃

‎17 ‏הַטֵּ֨ה יְהוָ֤ה׀ אָזְנְךָ֙ וּֽשְׁמָ֔ע פְּקַ֧ח יְהוָ֛ה עֵינֶ֖ךָ וּרְאֵ֑ה וּשְׁמַ֗ע אֵ֚ת כָּל־דִּבְרֵ֣י סַנְחֵרִ֔יב אֲשֶׁ֣ר שָׁלַ֔ח לְחָרֵ֖ף אֱלֹהִ֥ים חָֽי׃

‎18 ‏אָמְנָ֖ם יְהוָ֑ה הֶחֱרִ֜יבוּ מַלְכֵ֥י אַשּׁ֛וּר אֶת־כָּל־הָאֲרָצ֖וֹת וְאֶת־אַרְצָֽם׃

‎19 ‏וְנָתֹ֥ן אֶת־אֱלֹהֵיהֶ֖ם בָּאֵ֑שׁ כִּי֩ לֹ֨א אֱלֹהִ֜ים הֵ֗מָּה כִּ֣י אִם־מַעֲשֵׂ֧ה יְדֵֽי־אָדָ֛ם עֵ֥ץ וָאֶ֖בֶן וַֽיְאַבְּדֽוּם׃

‎20 ‏וְעַתָּה֙ יְהוָ֣ה אֱלֹהֵ֔ינוּ הוֹשִׁיעֵ֖נוּ מִיָד֑וֹ¹ וְיֵֽדְעוּ֙ כָּל־מַמְלְכ֣וֹת הָאָ֔רֶץ כִּֽי־אַתָּ֥ה יְהוָ֖ה לְבַדֶּֽךָ׃

‎21 ‏וַיִּשְׁלַח֙ יְשַֽׁעְיָ֣הוּ בֶן־אָמ֔וֹץ אֶל־חִזְקִיָּ֖הוּ לֵאמֹ֑ר כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל אֲשֶׁר֙ הִתְפַּלַּ֣לְתָּ אֵלַ֔י אֶל־סַנְחֵרִ֖יב מֶ֥לֶךְ אַשּֽׁוּר׃

‎22 ‏זֶ֣ה הַדָּבָ֔ר אֲשֶׁר־דִּבֶּ֥ר יְהוָ֖ה עָלָ֑יו בָּזָ֨ה לְךָ֜ לָעֲגָ֣ה לְךָ֗ בְּתוּלַת֙ בַּת־צִיּ֔וֹן אַחֲרֶ֙יךָ֙ רֹ֣אשׁ הֵנִ֔יעָה בַּ֖ת יְרוּשָׁלִָֽם׃

‎23 ‏אֶת־מִ֤י חֵרַ֙פְתָּ֙ וְגִדַּ֔פְתָּ וְעַל־מִ֖י הֲרִימ֣וֹתָה קּ֑וֹל וַתִּשָּׂ֥א מָר֛וֹם עֵינֶ֖יךָ אֶל־קְד֥וֹשׁ יִשְׂרָאֵֽל׃

‎24 ‏בְּיַ֣ד עֲבָדֶיךָ֮ חֵרַ֣פְתָּ׀ אֲדֹנָי֒ וַתֹּ֗אמֶר בְּרֹ֥ב רִכְבִּ֛י אֲנִ֥י עָלִ֛יתִי מְר֥וֹם הָרִ֖ים יַרְכְּתֵ֣י לְבָנ֑וֹן וְאֶכְרֹ֞ת קוֹמַ֤ת אֲרָזָיו֙ מִבְחַ֣ר בְּרֹשָׁ֔יו וְאָבוֹא֙ מְר֣וֹם קִצּ֔וֹ יַ֖עַר כַּרְמִלּֽוֹ׃

‎25 ‏אֲנִ֥י קַ֖רְתִּי וְשָׁתִ֣יתִי מָ֑יִם וְאַחְרִב֙ בְּכַף־פְּעָמַ֔י כֹּ֖ל יְאֹרֵ֥י מָצֽוֹר׃

‎26 ‏הֲלֽוֹא־שָׁמַ֤עְתָּ לְמֵֽרָחוֹק֙ אוֹתָ֣הּ עָשִׂ֔יתִי מִ֥ימֵי קֶ֖דֶם וִיצַרְתִּ֑יהָ עַתָּ֣ה הֲבֵאתִ֔יהָ וּתְהִ֗י לְהַשְׁא֛וֹת גַּלִּ֥ים נִצִּ֖ים עָרִ֥ים בְּצֻרֽוֹת׃

‎27 ‏וְיֹֽשְׁבֵיהֶן֙ קִצְרֵי־יָ֔ד חַ֖תּוּ וָבֹ֑שׁוּ הָי֞וּ עֵ֤שֶׂב שָׂדֶה֙ וִ֣ירַק דֶּ֔שֶׁא חֲצִ֣יר גַּגּ֔וֹת וּשְׁדֵמָ֖ה לִפְנֵ֥י קָמָֽה׃

‎28 ‏וְשִׁבְתְּךָ֛ וְצֵאתְךָ֥ וּבוֹאֲךָ֖ יָדָ֑עְתִּי וְאֵ֖ת הִֽתְרַגֶּזְךָ֥ אֵלָֽי׃

‎29 ‏יַ֚עַן הִתְרַגֶּזְךָ֣ אֵלַ֔י וְשַׁאֲנַנְךָ֖ עָלָ֣ה בְאָזְנָ֑י וְשַׂמְתִּ֨י חַחִ֜י בְּאַפֶּ֗ךָ וּמִתְגִּי֙ בִּשְׂפָתֶ֔יךָ וַהֲשִׁ֣יבֹתִ֔יךָ בַּדֶּ֖רֶךְ אֲשֶׁר־בָּ֥אתָ בָּֽהּ׃

‎30 ‏וְזֶה־לְּךָ֣ הָא֔וֹת אָכ֤וֹל הַשָּׁנָה֙ סָפִ֔יחַ וּבַשָּׁנָ֥ה הַשֵּׁנִ֖ית שָׁחִ֑יס וּבַשָּׁנָ֣ה הַשְּׁלִישִׁ֗ית זִרְע֧וּ וְקִצְר֛וּ וְנִטְע֥וּ כְרָמִ֖ים ואכול וְאִכְל֥וּ פִרְיָֽם׃

‎31 ‏וְיָ֨סְפָ֜ה פְּלֵיטַ֧ת בֵּית־יְהוּדָ֛ה הַנִּשְׁאָרָ֖ה שֹׁ֣רֶשׁ לְמָ֑טָּה וְעָשָׂ֥ה פְרִ֖י לְמָֽעְלָה׃

‎32 ‏כִּ֤י מִירֽוּשָׁלִַ֙ם֙ תֵּצֵ֣א שְׁאֵרִ֔ית וּפְלֵיטָ֖ה מֵהַ֣ר צִיּ֑וֹן קִנְאַ֛ת יְהוָ֥ה צְבָא֖וֹת תַּֽעֲשֶׂה־זֹּֽאת׃ ס

‎33 ‏לָכֵ֗ן כֹּֽה־אָמַ֤ר יְהוָה֙ אֶל־מֶ֣לֶךְ אַשּׁ֔וּר לֹ֤א יָבוֹא֙ אֶל־הָעִ֣יר הַזֹּ֔את וְלֹֽא־יוֹרֶ֥ה שָׁ֖ם חֵ֑ץ וְלֹֽא־יְקַדְּמֶ֣נָּה מָגֵ֔ן וְלֹֽא־יִשְׁפֹּ֥ךְ עֳלֶ֖יהָ¹ סֹלְלָֽה׃

‎34 ‏בַּדֶּ֥רֶךְ אֲשֶׁר־בָּ֖א בָּ֣הּ יָשׁ֑וּב וְאֶל־הָעִ֥יר הַזֹּ֛את לֹ֥א יָב֖וֹא נְאֻם־יְהוָֽה׃

‎35 ‏וְגַנּוֹתִ֛י עַל־הָעִ֥יר הַזֹּ֖את לְהֽוֹשִׁיעָ֑הּ לְמַֽעֲנִ֔י וּלְמַ֖עַן דָּוִ֥ד עַבְדִּֽי׃ ס

‎36 ‏וַיֵּצֵ֣א׀ מַלְאַ֣ךְ יְהוָ֗ה וַיַּכֶּה֙ בְּמַחֲנֵ֣ה אַשּׁ֔וּר מֵאָ֛ה וּשְׁמֹנִ֥ים וַחֲמִשָּׁ֖ה אָ֑לֶף וַיַּשְׁכִּ֣ימוּ בַבֹּ֔קֶר וְהִנֵּ֥ה כֻלָּ֖ם פְּגָרִ֥ים מֵתִֽים׃

‎37 ‏וַיִּסַּ֣ע וַיֵּ֔לֶךְ וַיָּ֖שָׁב סַנְחֵרִ֣יב מֶֽלֶךְ־אַשּׁ֑וּר וַיֵּ֖שֶׁב בְּנִֽינְוֵֽה׃

‎38 ‏וַיְהִי֩ ה֨וּא³ מִֽשְׁתַּחֲוֶ֜ה בֵּ֣ית׀ נִסְרֹ֣ךְ אֱלֹהָ֗יו וְֽאַדְרַמֶּ֨לֶךְ וְשַׂרְאֶ֤צֶר בָּנָיו֙ הִכֻּ֣הוּ בַחֶ֔רֶב וְהֵ֥מָּה נִמְלְט֖וּ אֶ֣רֶץ אֲרָרָ֑ט וַיִּמְלֹ֛ךְ אֵֽסַר־חַדֹּ֥ן בְּנ֖וֹ תַּחְתָּֽיו׃ ס

1 wayəhî kišəmō‘a hammeleḵə ḥizəqîyâû wayyiqər^a‘ ’eṯ-bəḡāḏāyw wayyiṯəkas baśśāq wayyāḇō’ bêṯ yəhwâ:

2 wayyišəl^aḥ ’eṯ-’eləyāqîm ’ăšer-‘al-habayiṯ wə’ēṯ| šeḇənā’ hasswōfēr wə’ēṯ ziqənê hakōhănîm miṯəkassîm baśśaqqîm ’el-yəš^a‘əyâû ḇen-’āmwōṣ hannāḇî’:

3 wayyō’mərû ’ēlāyw kōh ’āmar ḥizəqîyâû ywōm-ṣārâ wəṯwōḵēḥâ ûnə’āṣâ hayywōm hazzeh kî ḇā’û ḇānîm ‘aḏ-mašəbēr wəḵōḥa ’ayin ləlēḏâ:

4 ’ûlay yišəm^a‘ yəhwâ ’ĕlōheyḵā ’ēṯ| diḇərê raḇ-šāqēh ’ăšer šəlāḥwō meleḵə-’aššûr| ’ăḏōnāyw ləḥārēf ’ĕlōhîm ḥay wəhwōḵîḥa badəḇārîm ’ăšer šām^a‘ yəhwâ ’ĕlōheyḵā wənāśā’ṯā ṯəfillâ bə‘aḏ haššə’ērîṯ hanniməṣā’â:

5 wayyāḇō’û ‘aḇəḏê hammeleḵə ḥizəqîyâû ’el-yəš^a‘əyâû:

6 wayyō’mer ’ălêhem yəš^a‘əyâû kōh ṯō’mərûn ’el-’ăḏōnêḵem kōh| ’āmar yəhwâ ’al-tîrā’ mipənê hadəḇārîm ’ăšer šām^a‘ətā ’ăšer gidəfû n^a‘ărê meleḵə-’aššûr ’wōṯî:

7 hinənî nwōṯēn bwō rûḥa wəšām^a‘ šəmû‘â wəšāḇ ’el-’arəṣwō wəhipalətîw b^aḥereḇ bə’arəṣwō:

8 wayyāšāḇ raḇ-šāqēh wayyiməṣā’ ’eṯ-meleḵə ’aššûr niləḥām ‘al-liḇənâ kî šām^a‘ kî nās^a‘ millāḵîš:

9 wayyišəm^a‘ ‘al-tirəhāqâ meleḵə-kûš lē’mōr yāṣā’ ləhillāḥēm ’itāḵə wayyišəm^a‘ wayyišəl^aḥ malə’āḵîm ’el-ḥizəqîyâû lē’mōr:

10 kōh ṯō’mərûn ’el-ḥizəqîyâû meleḵə-yəhûḏâ lē’mōr ’al-yašši’ăḵā³ ’ĕlōheyḵā ’ăšer ’atâ bwōṭēḥa bwō lē’mōr lō’ ṯinnāṯēn yərûšālaim bəyaḏ meleḵə ’aššûr:

11 hinnēh| ’atâ šām^a‘ətā ’ăšer ‘āśû maləḵê ’aššûr ləḵāl-hā’ărāṣwōṯ ləh^aḥărîmām wə’atâ tinnāṣēl:

12 hahiṣṣîlû ’wōṯām ’ĕlōhê hagwōyim ’ăšer hišəḥîṯû ’ăḇwōṯay ’eṯ-gwōzān wə’eṯ-ḥārān wəreṣef ûḇənê-‘eḏen ’ăšer biṯəlaśśār:

13 ’ayyēh meleḵə-ḥămāṯ ûmeleḵə ’arəpāḏ ûmeleḵə lā‘îr səfarəwāyim hēn^a‘ wə‘iûâ:

14 wayyiqq^aḥ ḥizəqîyâû ’eṯ-hassəfārîm mîyaḏ hammalə’āḵîm wayyiqərā’ēhû wayy^a‘al bêṯ yəhwâ wayyifərəśēhû ḥizəqîyâû lifənê yəhwâ:

15 wayyiṯəpallēl ḥizəqîyâû ’el-yəhwâ lē’mōr:

16 yəhwâ ṣəḇā’wōṯ ’ĕlōhê yiśərā’ēl yōšēḇ hakəruḇîm ’atâ-hû’ hā’ĕlōhîm ləḇadəḵā ləḵōl mamələḵwōṯ hā’āreṣ ’atâ ‘āśîṯā ’eṯ-haššāmayim wə’eṯ-hā’āreṣ:

17 haṭṭēh yəhwâ| ’āzənəḵā ûšəmā‘ pəq^aḥ yəhwâ ‘êneḵā ûrə’ēh ûšəm^a‘ ’ēṯ kāl-diḇərê sanəḥērîḇ ’ăšer šāl^aḥ ləḥārēf ’ĕlōhîm ḥāy:

18 ’āmənām yəhwâ heḥĕrîḇû maləḵê ’aššûr ’eṯ-kāl-hā’ărāṣwōṯ wə’eṯ-’arəṣām:

19 wənāṯōn ’eṯ-’ĕlōhêhem bā’ēš kî lō’ ’ĕlōhîm hēmmâ kî ’im-m^a‘ăśēh yəḏê-’āḏām ‘ēṣ wā’eḇen wayə’abəḏûm:

20 wə‘atâ yəhwâ ’ĕlōhênû hwōšî‘ēnû mîāḏwō¹ wəyēḏə‘û kāl-mamələḵwōṯ hā’āreṣ kî-’atâ yəhwâ ləḇadeḵā:

21 wayyišəl^aḥ yəš^a‘əyâû ḇen-’āmwōṣ ’el-ḥizəqîyâû lē’mōr kōh-’āmar yəhwâ ’ĕlōhê yiśərā’ēl ’ăšer hiṯəpallalətā ’ēlay ’el-sanəḥērîḇ meleḵə ’aššûr:

22 zeh hadāḇār ’ăšer-diber yəhwâ ‘ālāyw bāzâ ləḵā lā‘ăḡâ ləḵā bəṯûlaṯ baṯ-ṣîywōn ’^aḥăreyḵā rō’š hēnî‘â baṯ yərûšālāim:

23 ’eṯ-mî ḥērafətā wəḡidafətā wə‘al-mî hărîmwōṯâ qqwōl watiśśā’ mārwōm ‘êneyḵā ’el-qəḏwōš yiśərā’ēl:

24 bəyaḏ ‘ăḇāḏeyḵā ḥērafətā| ’ăḏōnāy watō’mer bərōḇ riḵəbî ’ănî ‘ālîṯî mərwōm hārîm yarəkəṯê ləḇānwōn wə’eḵərōṯ qwōmaṯ ’ărāzāyw miḇəḥar bərōšāyw wə’āḇwō’ mərwōm qiṣṣwō y^a‘ar karəmillwō:

25 ’ănî qarətî wəšāṯîṯî māyim wə’^aḥəriḇ bəḵaf-pə‘āmay kōl yə’ōrê māṣwōr:

26 hălwō’-šām^a‘ətā ləmērāḥwōq ’wōṯāh ‘āśîṯî mîmê qeḏem wîṣarətîhā ‘atâ hăḇē’ṯîhā ûṯəhî ləhašə’wōṯ gallîm niṣṣîm ‘ārîm bəṣurwōṯ:

27 wəyōšəḇêhen qiṣərê-yāḏ ḥatû wāḇōšû hāyû ‘ēśeḇ śāḏeh wîraq deše’ ḥăṣîr gagwōṯ ûšəḏēmâ lifənê qāmâ:

28 wəšiḇətəḵā wəṣē’ṯəḵā ûḇwō’ăḵā yāḏā‘ətî wə’ēṯ hiṯəragezəḵā ’ēlāy:

29 y^a‘an hiṯəragezəḵā ’ēlay wəša’ănanəḵā ‘ālâ ḇə’āzənāy wəśamətî ḥ^aḥî bə’apeḵā ûmiṯəgî biśəfāṯeyḵā wahăšîḇōṯîḵā badereḵə ’ăšer-bā’ṯā bāh:

30 wəzeh-lləḵā hā’wōṯ ’āḵwōl haššānâ sāfîḥa ûḇaššānâ haššēnîṯ šāḥîs ûḇaššānâ haššəlîšîṯ zirə‘û wəqiṣərû wəniṭə‘û ḵərāmîm wə’āḵwōl wə’iḵəlû firəyām:

31 wəyāsəfâ pəlêṭaṯ bêṯ-yəhûḏâ hannišə’ārâ šōreš ləmāṭṭâ wə‘āśâ fərî ləmā‘əlâ:

32 kî mîrûšālaim tēṣē’ šə’ērîṯ ûfəlêṭâ mēhar ṣîywōn qinə’aṯ yəhwâ ṣəḇā’wōṯ t^a‘ăśeh-zzō’ṯ: s

33 lāḵēn kōh-’āmar yəhwâ ’el-meleḵə ’aššûr lō’ yāḇwō’ ’el-hā‘îr hazzō’ṯ wəlō’-ywōreh šām ḥēṣ wəlō’-yəqadəmennâ māḡēn wəlō’-yišəpōḵə ‘ŏleyhā¹ sōləlâ:

34 badereḵə ’ăšer-bā’ bāh yāšûḇ wə’el-hā‘îr hazzō’ṯ lō’ yāḇwō’ nə’um-yəhwâ:

35 wəḡannwōṯî ‘al-hā‘îr hazzō’ṯ ləhwōšî‘āh ləm^a‘ănî ûləm^a‘an dāwiḏ ‘aḇədî: s

36 wayyēṣē’| malə’aḵə yəhwâ wayyakeh bəm^aḥănēh ’aššûr mē’â ûšəmōnîm w^aḥămiššâ ’ālef wayyašəkîmû ḇabōqer wəhinnēh ḵullām pəḡārîm mēṯîm:

37 wayyiss^a‘ wayyēleḵə wayyāšāḇ sanəḥērîḇ meleḵə-’aššûr wayyēšeḇ bənînəwēh:

38 wayəhî hû’³ mišət^aḥăweh bêṯ| nisərōḵə ’ĕlōhāyw wə’aḏərammeleḵə wəśarə’eṣer bānāyw hikuhû ḇ^aḥereḇ wəhēmmâ nimələṭû ’ereṣ ’ărārāṭ wayyiməlōḵə ’ēsar-ḥadōn bənwō t^aḥətāyw: s

‎1 ‏בַּיָּמִ֣ים הָהֵ֔ם חָלָ֥ה חִזְקִיָּ֖הוּ לָמ֑וּת וַיָּב֣וֹא אֵ֠לָיו יְשַׁעְיָ֨הוּ בֶן־אָמ֜וֹץ הַנָּבִ֗יא וַיֹּ֨אמֶר אֵלָ֜יו כֹּֽה־אָמַ֤ר יְהוָה֙ צַ֣ו לְבֵיתֶ֔ךָ כִּ֛י מֵ֥ת אַתָּ֖ה וְלֹ֥א תִֽחְיֶֽה׃

‎2 ‏וַיַּסֵּ֧ב חִזְקִיָּ֛הוּ פָּנָ֖יו אֶל־הַקִּ֑יר וַיִּתְפַּלֵּ֖ל אֶל־יְהוָֽה׃

‎3 ‏וַיֹּאמַ֗ר אָנָּ֤ה יְהוָה֙ זְכָר־נָ֞א אֵ֣ת אֲשֶׁ֧ר הִתְהַלַּ֣כְתִּי לְפָנֶ֗יךָ בֶּֽאֱמֶת֙ וּבְלֵ֣ב שָׁלֵ֔ם וְהַטּ֥וֹב בְּעֵינֶ֖יךָ עָשִׂ֑יתִי וַיֵּ֥בְךְּ חִזְקִיָּ֖הוּ בְּכִ֥י גָדֽוֹל׃ ס

‎4 ‏וַֽיְהִי֙ דְּבַר־יְהוָ֔ה אֶֽל־יְשַׁעְיָ֖הוּ לֵאמֹֽר׃

‎5 ‏הָל֞וֹךְ וְאָמַרְתָּ֣ אֶל־חִזְקִיָּ֗הוּ כֹּֽה־אָמַ֤ר יְהוָה֙ אֱלֹהֵי֙ דָּוִ֣ד אָבִ֔יךָ שָׁמַ֙עְתִּי֙ אֶת־תְּפִלָּתֶ֔ךָ רָאִ֖יתִי אֶת־דִּמְעָתֶ֑ךָ הִנְנִי֙ יוֹסִ֣ף עַל־יָמֶ֔יךָ חֲמֵ֥שׁ עֶשְׂרֵ֖ה שָׁנָֽה׃

‎6 ‏וּמִכַּ֤ף מֶֽלֶךְ־אַשּׁוּר֙ אַצִּ֣ילְךָ֔ וְאֵ֖ת הָעִ֣יר הַזֹּ֑את וְגַנּוֹתִ֖י עַל־הָעִ֥יר הַזֹּֽאת׃

‎7 ‏וְזֶה־לְּךָ֥ הָא֖וֹת מֵאֵ֣ת יְהוָ֑ה אֲשֶׁר֙ יַעֲשֶׂ֣ה יְהוָ֔ה אֶת־הַדָּבָ֥ר הַזֶּ֖ה אֲשֶׁ֥ר דִּבֵּֽר׃

‎8 ‏הִנְנִ֣י מֵשִׁ֣יב אֶת־צֵ֣ל הַֽמַּעֲל֡וֹת אֲשֶׁ֣ר יָרְדָה֩ בְמַעֲל֨וֹת אָחָ֥ז בַּשֶּׁ֛מֶשׁ אֲחֹרַנִּ֖ית עֶ֣שֶׂר מַעֲל֑וֹת וַתָּ֤שָׁב הַשֶּׁ֙מֶשׁ֙ עֶ֣שֶׂר מַעֲל֔וֹת בַּֽמַּעֲל֖וֹת אֲשֶׁ֥ר יָרָֽדָה׃ ס

‎9 ‏מִכְתָּ֖ב לְחִזְקִיָּ֣הוּ מֶֽלֶךְ־יְהוּדָ֑ה בַּחֲלֹת֕וֹ וַיְחִ֖י מֵחָלְיֽוֹ׃

‎10 ‏אֲנִ֣י אָמַ֗רְתִּי בִּדְמִ֥י יָמַ֛י אֵלֵ֖כָה בְּשַׁעֲרֵ֣י שְׁא֑וֹל פֻּקַּ֖דְתִּי יֶ֥תֶר שְׁנוֹתָֽי׃

‎11 ‏אָמַ֙רְתִּי֙ לֹא־אֶרְאֶ֣ה יָ֔הּ יָ֖הּ בְּאֶ֣רֶץ הַחַיִּ֑ים לֹא־אַבִּ֥יט אָדָ֛ם ע֖וֹד עִם־י֥וֹשְׁבֵי חָֽדֶל׃

‎12 ‏דּוֹרִ֗י נִסַּ֧ע וְנִגְלָ֛ה מִנִּ֖י כְּאֹ֣הֶל רֹעִ֑י קִפַּ֨דְתִּי כָאֹרֵ֤ג חַיַּי֙ מִדַּלָּ֣ה יְבַצְּעֵ֔נִי מִיּ֥וֹם עַד־לַ֖יְלָה תַּשְׁלִימֵֽנִי׃

‎13 ‏שִׁוִּ֤יתִי עַד־בֹּ֙קֶר֙ כָּֽאֲרִ֔י כֵּ֥ן יְשַׁבֵּ֖ר כָּל־עַצְמוֹתָ֑י מִיּ֥וֹם עַד־לַ֖יְלָה תַּשְׁלִימֵֽנִי׃

‎14 ‏כְּס֤וּס עָגוּר֙ כֵּ֣ן אֲצַפְצֵ֔ף אֶהְגֶּ֖ה כַּיּוֹנָ֑ה דַּלּ֤וּ עֵינַי֙ לַמָּר֔וֹם אֲדֹנָ֖י עָֽשְׁקָה־לִּ֥י עָרְבֵֽנִי׃

‎15 ‏מָֽה־אֲדַבֵּ֥ר וְאָֽמַר־לִ֖י וְה֣וּא עָשָׂ֑ה אֶדַּדֶּ֥ה כָל־שְׁנוֹתַ֖י עַל־מַ֥ר נַפְשִֽׁי׃

‎16 ‏אֲדֹנָ֖י עֲלֵיהֶ֣ם יִֽחְי֑וּ וּלְכָל־בָּהֶן֙ חַיֵּ֣י רוּחִ֔י וְתַחֲלִימֵ֖נִי וְהַחֲיֵֽנִי׃

‎17 ‏הִנֵּ֥ה לְשָׁל֖וֹם מַר־לִ֣י מָ֑ר וְאַתָּ֞ה חָשַׁ֤קְתָּ נַפְשִׁי֙ מִשַּׁ֣חַת בְּלִ֔י כִּ֥י הִשְׁלַ֛כְתָּ אַחֲרֵ֥י גֵוְךָ֖ כָּל־חֲטָאָֽי׃

‎18 ‏כִּ֣י לֹ֥א שְׁא֛וֹל תּוֹדֶ֖ךָּ מָ֣וֶת יְהַלְלֶ֑ךָּ לֹֽא־יְשַׂבְּר֥וּ יֽוֹרְדֵי־ב֖וֹר אֶל־אֲמִתֶּֽךָ׃

‎19 ‏חַ֥י חַ֛י ה֥וּא יוֹדֶ֖ךָ כָּמ֣וֹנִי הַיּ֑וֹם אָ֣ב לְבָנִ֔ים יוֹדִ֖יעַ אֶל־אֲמִתֶּֽךָ׃

‎20 ‏יְהוָ֖ה לְהוֹשִׁיעֵ֑נִי וּנְגִנוֹתַ֧י נְנַגֵּ֛ן כָּל־יְמֵ֥י חַיֵּ֖ינוּ עַל־בֵּ֥ית יְהוָֽה׃

‎21 ‏וַיֹּ֣אמֶר יְשַׁעְיָ֔הוּ יִשְׂא֖וּ דְּבֶ֣לֶת תְּאֵנִ֑ים וְיִמְרְח֥וּ עַֽל־הַשְּׁחִ֖ין וְיֶֽחִי׃

‎22 ‏וַיֹּ֥אמֶר חִזְקִיָּ֖הוּ מָ֣ה א֑וֹת כִּ֥י אֶעֱלֶ֖ה בֵּ֥ית יְהוָֽה׃ ס

1 bayyāmîm hâēm ḥālâ ḥizəqîyâû lāmûṯ wayyāḇwō’ ’ēlāyw yəš^a‘əyâû ḇen-’āmwōṣ hannāḇî’ wayyō’mer ’ēlāyw kōh-’āmar yəhwâ ṣaw ləḇêṯeḵā kî mēṯ ’atâ wəlō’ ṯiḥəyeh:

2 wayyassēḇ ḥizəqîyâû pānāyw ’el-haqqîr wayyiṯəpallēl ’el-yəhwâ:

3 wayyō’mar ’ānnâ yəhwâ zəḵār-nā’ ’ēṯ ’ăšer hiṯəhallaḵətî ləfāneyḵā be’ĕmeṯ ûḇəlēḇ šālēm wəhaṭṭwōḇ bə‘êneyḵā ‘āśîṯî wayyēḇəḵḵə ḥizəqîyâû bəḵî ḡāḏwōl: s

4 wayəhî dəḇar-yəhwâ ’el-yəš^a‘əyâû lē’mōr:

5 hālwōḵə wə’āmarətā ’el-ḥizəqîyâû kōh-’āmar yəhwâ ’ĕlōhê dāwiḏ ’āḇîḵā šām^a‘ətî ’eṯ-təfillāṯeḵā rā’îṯî ’eṯ-dimə‘āṯeḵā hinənî ywōsif ‘al-yāmeyḵā ḥămēš ‘eśərēh šānâ:

6 ûmikaf meleḵə-’aššûr ’aṣṣîləḵā wə’ēṯ hā‘îr hazzō’ṯ wəḡannwōṯî ‘al-hā‘îr hazzō’ṯ:

7 wəzeh-lləḵā hā’wōṯ mē’ēṯ yəhwâ ’ăšer y^a‘ăśeh yəhwâ ’eṯ-hadāḇār hazzeh ’ăšer dibēr:

8 hinənî mēšîḇ ’eṯ-ṣēl hamm^a‘ălwōṯ ’ăšer yārəḏâ ḇəm^a‘ălwōṯ ’āḥāz baššemeš ’ăḥōrannîṯ ‘eśer m^a‘ălwōṯ watāšāḇ haššemeš ‘eśer m^a‘ălwōṯ bamm^a‘ălwōṯ ’ăšer yārāḏâ: s

9 miḵətāḇ ləḥizəqîyâû meleḵə-yəhûḏâ b^aḥălōṯwō wayəḥî mēḥāləywō:

10 ’ănî ’āmarətî biḏəmî yāmay ’ēlēḵâ bəš^a‘ărê šə’wōl puqqaḏətî yeṯer šənwōṯāy:

11 ’āmarətî lō’-’erə’eh yāh yāh bə’ereṣ h^aḥayyîm lō’-’abîṭ ’āḏām ‘wōḏ ‘im-ywōšəḇê ḥāḏel:

12 dwōrî niss^a‘ wəniḡəlâ minnî kə’ōhel rō‘î qipaḏətî ḵā’ōrēḡ ḥayyay midallâ yəḇaṣṣə‘ēnî mîywōm ‘aḏ-layəlâ tašəlîmēnî:

13 šiûîṯî ‘aḏ-bōqer kā’ărî kēn yəšabēr kāl-‘aṣəmwōṯāy mîywōm ‘aḏ-layəlâ tašəlîmēnî:

14 kəsûs ‘āḡûr kēn ’ăṣafəṣēf ’ehəgeh kayywōnâ dallû ‘ênay lammārwōm ’ăḏōnāy ‘āšəqâ-llî ‘ārəḇēnî:

15 mâ-’ăḏabēr wə’āmar-lî wəhû’ ‘āśâ ’edadeh ḵāl-šənwōṯay ‘al-mar nafəšî:

16 ’ăḏōnāy ‘ălêhem yiḥəyû ûləḵāl-bâen ḥayyê rûḥî wəṯ^aḥălîmēnî wəh^aḥăyēnî:

17 hinnēh ləšālwōm mar-lî mār wə’atâ ḥāšaqətā nafəšî mišš^aḥaṯ bəlî kî hišəlaḵətā ’^aḥărê ḡēwəḵā kāl-ḥăṭā’āy:

18 kî lō’ šə’wōl twōḏeḵḵā māweṯ yəhaləleḵḵā lō’-yəśabərû ywōrəḏê-ḇwōr ’el-’ămiteḵā:

19 ḥay ḥay hû’ ywōḏeḵā kāmwōnî hayywōm ’āḇ ləḇānîm ywōḏî‘a ’el-’ămiteḵā:

20 yəhwâ ləhwōšî‘ēnî ûnəḡinwōṯay nənagēn kāl-yəmê ḥayyênû ‘al-bêṯ yəhwâ:

21 wayyō’mer yəš^a‘əyâû yiśə’û dəḇeleṯ tə’ēnîm wəyimərəḥû ‘al-haššəḥîn wəyeḥî:

22 wayyō’mer ḥizəqîyâû mâ ’wōṯ kî ’e‘ĕleh bêṯ yəhwâ: s

‎1 ‏בָּעֵ֣ת הַהִ֡וא שָׁלַ֡ח מְרֹדַ֣ךְ בַּ֠לְאֲדָן בֶּֽן־בַּלְאֲדָ֧ן מֶֽלֶךְ־בָּבֶ֛ל סְפָרִ֥ים וּמִנְחָ֖ה אֶל־חִזְקִיָּ֑הוּ וַיִּשְׁמַ֕ע כִּ֥י חָלָ֖ה וַֽיֶּחֱזָֽק׃

‎2 ‏וַיִּשְׂמַ֣ח עֲלֵיהֶם֮ חִזְקִיָּהוּ֒ וַיַּרְאֵ֣ם אֶת־בֵּ֣ית נכתה נְכֹת֡וֹ אֶת־הַכֶּסֶף֩ וְאֶת־הַזָּהָ֨ב וְאֶת־הַבְּשָׂמִ֜ים וְאֵ֣ת׀ הַשֶּׁ֣מֶן הַטּ֗וֹב וְאֵת֙ כָּל־בֵּ֣ית כֵּלָ֔יו וְאֵ֛ת כָּל־אֲשֶׁ֥ר נִמְצָ֖א בְּאֹֽצְרֹתָ֑יו לֹֽא־הָיָ֣ה דָבָ֗ר אֲ֠שֶׁר לֹֽא־הֶרְאָ֧ם חִזְקִיָּ֛הוּ בְּבֵית֖וֹ וּבְכָל־מֶמְשַׁלְתּֽוֹ׃

‎3 ‏וַיָּבֹא֙ יְשַׁעְיָ֣הוּ הַנָּבִ֔יא אֶל־הַמֶּ֖לֶךְ חִזְקִיָּ֑הוּ וַיֹּ֨אמֶר אֵלָ֜יו מָ֥ה אָמְר֣וּ׀ הָאֲנָשִׁ֣ים הָאֵ֗לֶּה וּמֵאַ֙יִן֙ יָבֹ֣אוּ אֵלֶ֔יךָ וַיֹּ֙אמֶר֙ חִזְקִיָּ֔הוּ מֵאֶ֧רֶץ רְחוֹקָ֛ה בָּ֥אוּ אֵלַ֖י מִבָּבֶֽל׃

‎4 ‏וַיֹּ֕אמֶר מָ֥ה רָא֖וּ בְּבֵיתֶ֑ךָ וַיֹּ֣אמֶר חִזְקִיָּ֗הוּ אֵ֣ת כָּל־אֲשֶׁ֤ר בְּבֵיתִי֙ רָא֔וּ לֹֽא־הָיָ֥ה דָבָ֛ר אֲשֶׁ֥ר לֹֽא־הִרְאִיתִ֖ים בְּאוֹצְרֹתָֽי׃

‎5 ‏וַיֹּ֥אמֶר יְשַׁעְיָ֖הוּ אֶל־חִזְקִיָּ֑הוּ שְׁמַ֖ע דְּבַר־יְהוָ֥ה צְבָאֽוֹת׃

‎6 ‏הִנֵּה֮ יָמִ֣ים בָּאִים֒ וְנִשָּׂ֣א׀ כָּל־אֲשֶׁ֣ר בְּבֵיתֶ֗ךָ וַאֲשֶׁ֨ר אָצְר֧וּ אֲבֹתֶ֛יךָ עַד־הַיּ֥וֹם הַזֶּ֖ה בָּבֶ֑ל לֹֽא־יִוָּתֵ֥ר דָּבָ֖ר אָמַ֥ר יְהוָֽה׃

‎7 ‏וּמִבָּנֶ֜יךָ אֲשֶׁ֨ר יֵצְא֧וּ מִמְּךָ֛ אֲשֶׁ֥ר תּוֹלִ֖יד יִקָּ֑חוּ וְהָיוּ֙ סָרִיסִ֔ים בְּהֵיכַ֖ל מֶ֥לֶךְ בָּבֶֽל׃

‎8 ‏וַיֹּ֤אמֶר חִזְקִיָּ֙הוּ֙ אֶֽל־יְשַׁעְיָ֔הוּ ט֥וֹב דְּבַר־יְהוָ֖ה אֲשֶׁ֣ר דִּבַּ֑רְתָּ וַיֹּ֕אמֶר כִּ֥י יִהְיֶ֛ה שָׁל֥וֹם וֶאֱמֶ֖ת בְּיָמָֽי׃ פ

1 bā‘ēṯ hahiw’ šāl^aḥ mərōḏaḵə balə’ăḏān ben-balə’ăḏān meleḵə-bāḇel səfārîm ûminəḥâ ’el-ḥizəqîyâû wayyišəm^a‘ kî ḥālâ wayyeḥĕzāq:

2 wayyiśəm^aḥ ‘ălêhem ḥizəqîyâû wayyarə’ēm ’eṯ-bêṯ nəḵōṯōh nəḵōṯwō ’eṯ-hakesef wə’eṯ-hazzâāḇ wə’eṯ-habəśāmîm wə’ēṯ| haššemen haṭṭwōḇ wə’ēṯ kāl-bêṯ kēlāyw wə’ēṯ kāl-’ăšer niməṣā’ bə’ōṣərōṯāyw lō’-hāyâ ḏāḇār ’ăšer lō’-herə’ām ḥizəqîyâû bəḇêṯwō ûḇəḵāl-meməšalətwō:

3 wayyāḇō’ yəš^a‘əyâû hannāḇî’ ’el-hammeleḵə ḥizəqîyâû wayyō’mer ’ēlāyw mâ ’āmərû| hā’ănāšîm hā’ēlleh ûmē’ayin yāḇō’û ’ēleyḵā wayyō’mer ḥizəqîyâû mē’ereṣ rəḥwōqâ bā’û ’ēlay mibāḇel:

4 wayyō’mer mâ rā’û bəḇêṯeḵā wayyō’mer ḥizəqîyâû ’ēṯ kāl-’ăšer bəḇêṯî rā’û lō’-hāyâ ḏāḇār ’ăšer lō’-hirə’îṯîm bə’wōṣərōṯāy:

5 wayyō’mer yəš^a‘əyâû ’el-ḥizəqîyâû šəm^a‘ dəḇar-yəhwâ ṣəḇā’wōṯ:

6 hinnēh yāmîm bā’îm wəniśśā’| kāl-’ăšer bəḇêṯeḵā wa’ăšer ’āṣərû ’ăḇōṯeyḵā ‘aḏ-hayywōm hazzeh bāḇel lō’-yiûāṯēr dāḇār ’āmar yəhwâ:

7 ûmibāneyḵā ’ăšer yēṣə’û mimməḵā ’ăšer twōlîḏ yiqqāḥû wəhāyû sārîsîm bəhêḵal meleḵə bāḇel:

8 wayyō’mer ḥizəqîyâû ’el-yəš^a‘əyâû ṭwōḇ dəḇar-yəhwâ ’ăšer dibarətā wayyō’mer kî yihəyeh šālwōm we’ĕmeṯ bəyāmāy: f

‎1 ‏נַחֲמ֥וּ נַחֲמ֖וּ עַמִּ֑י יֹאמַ֖ר אֱלֹהֵיכֶֽם׃

‎2 ‏דַּבְּר֞וּ עַל־לֵ֤ב יְרֽוּשָׁלִַ֙ם֙ וְקִרְא֣וּ אֵלֶ֔יהָ כִּ֤י מָֽלְאָה֙ צְבָאָ֔הּ כִּ֥י נִרְצָ֖ה עֲוֹנָ֑הּ כִּ֤י לָקְחָה֙ מִיַּ֣ד יְהוָ֔ה כִּפְלַ֖יִם בְּכָל־חַטֹּאתֶֽיהָ׃ ס

‎3 ‏ק֣וֹל קוֹרֵ֔א בַּמִּדְבָּ֕ר פַּנּ֖וּ דֶּ֣רֶךְ יְהוָ֑ה יַשְּׁרוּ֙ בָּעֲרָבָ֔ה מְסִלָּ֖ה לֵאלֹהֵֽינוּ׃

‎4 ‏כָּל־גֶּיא֙ יִנָּשֵׂ֔א וְכָל־הַ֥ר וְגִבְעָ֖ה יִשְׁפָּ֑לוּ וְהָיָ֤ה הֶֽעָקֹב֙ לְמִישׁ֔וֹר וְהָרְכָסִ֖ים לְבִקְעָֽה׃

‎5 ‏וְנִגְלָ֖ה כְּב֣וֹד יְהוָ֑ה וְרָא֤וּ כָל־בָּשָׂר֙ יַחְדָּ֔ו כִּ֛י פִּ֥י יְהוָ֖ה דִּבֵּֽר׃ ס

‎6 ‏ק֚וֹל אֹמֵ֣ר קְרָ֔א וְאָמַ֖ר מָ֣ה אֶקְרָ֑א כָּל־הַבָּשָׂ֣ר חָצִ֔יר וְכָל־חַסְדּ֖וֹ כְּצִ֥יץ הַשָּׂדֶֽה׃

‎7 ‏יָבֵ֤שׁ חָצִיר֙ נָ֣בֵֽל צִ֔יץ כִּ֛י ר֥וּחַ יְהוָ֖ה נָ֣שְׁבָה בּ֑וֹ אָכֵ֥ן חָצִ֖יר הָעָֽם׃

‎8 ‏יָבֵ֥שׁ חָצִ֖יר נָ֣בֵֽל צִ֑יץ וּדְבַר־אֱלֹהֵ֖ינוּ יָק֥וּם לְעוֹלָֽם׃ ס

‎9 ‏עַ֣ל הַר־גָּבֹ֤הַ עֲלִי־לָךְ֙ מְבַשֶּׂ֣רֶת צִיּ֔וֹן הָרִ֤ימִי בַכֹּ֙חַ֙ קוֹלֵ֔ךְ מְבַשֶּׂ֖רֶת יְרוּשָׁלִָ֑ם הָרִ֙ימִי֙ אַל־תִּירָ֔אִי אִמְרִי֙ לְעָרֵ֣י יְהוּדָ֔ה הִנֵּ֖ה אֱלֹהֵיכֶֽם׃

‎10 ‏הִנֵּ֨ה אֲדֹנָ֤י יְהוִה֙ בְּחָזָ֣ק יָב֔וֹא וּזְרֹע֖וֹ מֹ֣שְׁלָה ל֑וֹ הִנֵּ֤ה שְׂכָרוֹ֙ אִתּ֔וֹ וּפְעֻלָּת֖וֹ לְפָנָֽיו׃

‎11 ‏כְּרֹעֶה֙ עֶדְר֣וֹ יִרְעֶ֔ה בִּזְרֹעוֹ֙ יְקַבֵּ֣ץ טְלָאִ֔ים וּבְחֵיק֖וֹ יִשָּׂ֑א עָל֖וֹת יְנַהֵֽל׃ ס

‎12 ‏מִֽי־מָדַ֨ד בְּשָׁעֳל֜וֹ מַ֗יִם וְשָׁמַ֙יִם֙ בַּזֶּ֣רֶת תִּכֵּ֔ן וְכָ֥ל בַּשָּׁלִ֖שׁ עֲפַ֣ר הָאָ֑רֶץ וְשָׁקַ֤ל בַּפֶּ֙לֶס֙ הָרִ֔ים וּגְבָע֖וֹת בְּמֹאזְנָֽיִם׃

‎13 ‏מִֽי־תִכֵּ֥ן אֶת־ר֖וּחַ³ יְהוָ֑ה וְאִ֥ישׁ עֲצָת֖וֹ יוֹדִיעֶֽנּוּ׃

‎14 ‏אֶת־מִ֤י נוֹעָץ֙ וַיְבִינֵ֔הוּ וַֽיְלַמְּדֵ֖הוּ בְּאֹ֣רַח מִשְׁפָּ֑ט וַיְלַמְּדֵ֣הוּ דַ֔עַת וְדֶ֥רֶךְ תְּבוּנ֖וֹת יוֹדִיעֶֽנּוּ׃

‎15 ‏הֵ֤ן גּוֹיִם֙ כְּמַ֣ר מִדְּלִ֔י וּכְשַׁ֥חַק מֹאזְנַ֖יִם נֶחְשָׁ֑בוּ הֵ֥ן אִיִּ֖ים כַּדַּ֥ק יִטּֽוֹל׃

‎16 ‏וּלְבָנ֕וֹן אֵ֥ין דֵּ֖י בָּעֵ֑ר וְחַיָּת֔וֹ אֵ֥ין דֵּ֖י עוֹלָֽה׃ ס

‎17 ‏כָּל־הַגּוֹיִ֖ם כְּאַ֣יִן נֶגְדּ֑וֹ מֵאֶ֥פֶס וָתֹ֖הוּ נֶחְשְׁבוּ־לֽוֹ׃

‎18 ‏וְאֶל־מִ֖י תְּדַמְּי֣וּן אֵ֑ל וּמַה־דְּמ֖וּת תַּ֥עַרְכוּ לֽוֹ׃

‎19 ‏הַפֶּ֙סֶל֙ נָסַ֣ךְ חָרָ֔שׁ וְצֹרֵ֖ף בַּזָּהָ֣ב יְרַקְּעֶ֑נּוּ וּרְתֻק֥וֹת כֶּ֖סֶף צוֹרֵֽף׃

‎20 ‏הַֽמְסֻכָּ֣ן תְּרוּמָ֔ה עֵ֥ץ לֹֽא־יִרְקַ֖ב יִבְחָ֑ר חָרָ֤שׁ חָכָם֙ יְבַקֶּשׁ־ל֔וֹ לְהָכִ֥ין פֶּ֖סֶל לֹ֥א יִמּֽוֹט׃

‎21 ‏הֲל֤וֹא תֵֽדְעוּ֙ הֲל֣וֹא תִשְׁמָ֔עוּ הֲל֛וֹא הֻגַּ֥ד מֵרֹ֖אשׁ לָכֶ֑ם הֲלוֹא֙ הֲבִ֣ינֹתֶ֔ם מוֹסְד֖וֹת הָאָֽרֶץ׃

‎22 ‏הַיֹּשֵׁב֙ עַל־ח֣וּג הָאָ֔רֶץ וְיֹשְׁבֶ֖יהָ כַּחֲגָבִ֑ים הַנּוֹטֶ֤ה כַדֹּק֙ שָׁמַ֔יִם וַיִּמְתָּחֵ֥ם כָּאֹ֖הֶל לָשָֽׁבֶת׃

‎23 ‏הַנּוֹתֵ֥ן רוֹזְנִ֖ים לְאָ֑יִן שֹׁ֥פְטֵי אֶ֖רֶץ כַּתֹּ֥הוּ עָשָֽׂה׃

‎24 ‏אַ֣ף בַּל־נִטָּ֗עוּ אַ֚ף בַּל־זֹרָ֔עוּ אַ֛ף בַּל־שֹׁרֵ֥שׁ בָּאָ֖רֶץ גִּזְעָ֑ם וְגַם־נָשַׁ֤ף בָּהֶם֙ וַיִּבָ֔שׁוּ וּסְעָרָ֖ה כַּקַּ֥שׁ תִּשָּׂאֵֽם׃ ס

‎25 ‏וְאֶל־מִ֥י תְדַמְּי֖וּנִי וְאֶשְׁוֶ֑ה יֹאמַ֖ר קָדֽוֹשׁ׃

‎26 ‏שְׂאוּ־מָר֨וֹם עֵינֵיכֶ֤ם וּרְאוּ֙ מִי־בָרָ֣א אֵ֔לֶּה הַמּוֹצִ֥יא בְמִסְפָּ֖ר צְבָאָ֑ם לְכֻלָּם֙ בְּשֵׁ֣ם יִקְרָ֔א מֵרֹ֤ב אוֹנִים֙ וְאַמִּ֣יץ כֹּ֔חַ אִ֖ישׁ לֹ֥א נֶעְדָּֽר׃ ס

‎27 ‏לָ֤מָּה תֹאמַר֙ יַֽעֲקֹ֔ב וּתְדַבֵּ֖ר יִשְׂרָאֵ֑ל נִסְתְּרָ֤ה דַרְכִּי֙ מֵיְהוָ֔ה³ וּמֵאֱלֹהַ֖י מִשְׁפָּטִ֥י יַעֲבֽוֹר׃

‎28 ‏הֲל֨וֹא יָדַ֜עְתָּ אִם־לֹ֣א שָׁמַ֗עְתָּ אֱלֹהֵ֨י עוֹלָ֤ם׀ יְהוָה֙ בּוֹרֵא֙ קְצ֣וֹת הָאָ֔רֶץ לֹ֥א יִיעַ֖ף וְלֹ֣א יִיגָ֑ע אֵ֥ין חֵ֖קֶר לִתְבוּנָתֽוֹ׃

‎29 ‏נֹתֵ֥ן לַיָּעֵ֖ף כֹּ֑חַ וּלְאֵ֥ין אוֹנִ֖ים עָצְמָ֥ה יַרְבֶּֽה׃

‎30 ‏וְיִֽעֲפ֥וּ נְעָרִ֖ים וְיִגָ֑עוּ וּבַחוּרִ֖ים כָּשׁ֥וֹל יִכָּשֵֽׁלוּ׃

‎31 ‏וְקוֹיֵ֤ יְהוָה֙ יַחֲלִ֣יפוּ כֹ֔חַ יַעֲל֥וּ אֵ֖בֶר כַּנְּשָׁרִ֑ים יָר֙וּצוּ֙ וְלֹ֣א יִיגָ֔עוּ יֵלְכ֖וּ וְלֹ֥א יִיעָֽפוּ׃ פ

1 n^aḥămû n^aḥămû ‘ammî yō’mar ’ĕlōhêḵem:

2 dabərû ‘al-lēḇ yərûšālaim wəqirə’û ’ēleyhā kî mālə’â ṣəḇā’āh kî nirəṣâ ‘ăwōnāh kî lāqəḥâ mîyaḏ yəhwâ kifəlayim bəḵāl-ḥaṭṭō’ṯeyhā: s

3 qwōl qwōrē’ bammiḏəbār pannû dereḵə yəhwâ yaššərû bā‘ărāḇâ məsillâ lē’lōhênû:

4 kāl-gey’ yinnāśē’ wəḵāl-har wəḡiḇə‘â yišəpālû wəhāyâ he‘āqōḇ ləmîšwōr wəhārəḵāsîm ləḇiqə‘â:

5 wəniḡəlâ kəḇwōḏ yəhwâ wərā’û ḵāl-bāśār y^aḥədāw kî pî yəhwâ dibēr: s

6 qwōl ’ōmēr qərā’ wə’āmar mâ ’eqərā’ kāl-habāśār ḥāṣîr wəḵāl-ḥasədwō kəṣîṣ haśśāḏeh:

7 yāḇēš ḥāṣîr nāḇēl ṣîṣ kî rûḥa yəhwâ nāšəḇâ bwō ’āḵēn ḥāṣîr hā‘ām:

8 yāḇēš ḥāṣîr nāḇēl ṣîṣ ûḏəḇar-’ĕlōhênû yāqûm lə‘wōlām: s

9 ‘al har-gāḇōha ‘ălî-lāḵə məḇaśśereṯ ṣîywōn hārîmî ḇakōḥa qwōlēḵə məḇaśśereṯ yərûšālāim hārîmî ’al-tîrā’î ’imərî lə‘ārê yəhûḏâ hinnēh ’ĕlōhêḵem:

10 hinnēh ’ăḏōnāy yəhwih bəḥāzāq yāḇwō’ ûzərō‘wō mōšəlâ lwō hinnēh śəḵārwō ’itwō ûfə‘ullāṯwō ləfānāyw:

11 kərō‘eh ‘eḏərwō yirə‘eh bizərō‘wō yəqabēṣ ṭəlā’îm ûḇəḥêqwō yiśśā’ ‘ālwōṯ yənahēl: s

12 mî-māḏaḏ bəšā‘ŏlwō mayim wəšāmayim bazzereṯ tikēn wəḵāl baššāliš ‘ăfar hā’āreṣ wəšāqal bapeles hārîm ûḡəḇā‘wōṯ bəmō’zənāyim:

13 mî-ṯikēn ’eṯ-rûḥa³ yəhwâ wə’îš ‘ăṣāṯwō ywōḏî‘ennû:

14 ’eṯ-mî nwō‘āṣ wayəḇînēhû wayəlamməḏēhû bə’ōr^aḥ mišəpāṭ wayəlamməḏēhû ḏ^a‘aṯ wəḏereḵə təḇûnwōṯ ywōḏî‘ennû:

15 hēn gwōyim kəmar midəlî ûḵəš^aḥaq mō’zənayim neḥəšāḇû hēn ’îyîm kadaq yiṭṭwōl:

16 ûləḇānwōn ’ên dê bā‘ēr wəḥayyāṯwō ’ên dê ‘wōlâ: s

17 kāl-hagwōyim kə’ayin neḡədwō mē’efes wāṯōhû neḥəšəḇû-lwō:

18 wə’el-mî təḏamməyûn ’ēl ûmah-dəmûṯ t^a‘arəḵû lwō:

19 hapesel nāsaḵə ḥārāš wəṣōrēf bazzâāḇ yəraqqə‘ennû ûrəṯuqwōṯ kesef ṣwōrēf:

20 haməsukān tərûmâ ‘ēṣ lō’-yirəqaḇ yiḇəḥār ḥārāš ḥāḵām yəḇaqqeš-lwō ləhāḵîn pesel lō’ yimmwōṭ:

21 hălwō’ ṯēḏə‘û hălwō’ ṯišəmā‘û hălwō’ hugaḏ mērō’š lāḵem hălwō’ hăḇînōṯem mwōsəḏwōṯ hā’āreṣ:

22 hayyōšēḇ ‘al-ḥûḡ hā’āreṣ wəyōšəḇeyhā k^aḥăḡāḇîm hannwōṭeh ḵadōq šāmayim wayyimətāḥēm kā’ōhel lāšāḇeṯ:

23 hannwōṯēn rwōzənîm lə’āyin šōfəṭê ’ereṣ katōhû ‘āśâ:

24 ’af bal-niṭṭā‘û ’af bal-zōrā‘û ’af bal-šōrēš bā’āreṣ gizə‘ām wəḡam-nāšaf bâem wayyiḇāšû ûsə‘ārâ kaqqaš tiśśā’ēm: s

25 wə’el-mî ṯəḏamməyûnî wə’ešəweh yō’mar qāḏwōš:

26 śə’û-mārwōm ‘ênêḵem ûrə’û mî-ḇārā’ ’ēlleh hammwōṣî’ ḇəmisəpār ṣəḇā’ām ləḵullām bəšēm yiqərā’ mērōḇ ’wōnîm wə’ammîṣ kōḥa ’îš lō’ ne‘ədār: s

27 lāmmâ ṯō’mar y^a‘ăqōḇ ûṯəḏabēr yiśərā’ēl nisətərâ ḏarəkî mêəhwâ³ ûmē’ĕlōhay mišəpāṭî y^a‘ăḇwōr:

28 hălwō’ yāḏ^a‘ətā ’im-lō’ šām^a‘ətā ’ĕlōhê ‘wōlām| yəhwâ bwōrē’ qəṣwōṯ hā’āreṣ lō’ yî‘af wəlō’ yîḡā‘ ’ên ḥēqer liṯəḇûnāṯwō:

29 nōṯēn layyā‘ēf kōḥa ûlə’ên ’wōnîm ‘āṣəmâ yarəbeh:

30 wəyi‘ăfû nə‘ārîm wəyiḡā‘û ûḇ^aḥûrîm kāšwōl yikāšēlû:

31 wəqwōyē yəhwâ y^aḥălîfû ḵōḥa y^a‘ălû ’ēḇer kannəšārîm yārûṣû wəlō’ yîḡā‘û yēləḵû wəlō’ yî‘āfû: f

‎1 ‏הַחֲרִ֤ישׁוּ אֵלַי֙ אִיִּ֔ים וּלְאֻמִּ֖ים יַחֲלִ֣יפוּ כֹ֑חַ יִגְּשׁוּ֙ אָ֣ז יְדַבֵּ֔רוּ יַחְדָּ֖ו לַמִּשְׁפָּ֥ט נִקְרָֽבָה׃

‎2 ‏מִ֤י הֵעִיר֙ מִמִּזְרָ֔ח צֶ֖דֶק יִקְרָאֵ֣הוּ לְרַגְל֑וֹ יִתֵּ֨ן לְפָנָ֤יו גּוֹיִם֙ וּמְלָכִ֣ים יַ֔רְדְּ יִתֵּ֤ן כֶּֽעָפָר֙ חַרְבּ֔וֹ כְּקַ֥שׁ נִדָּ֖ף קַשְׁתּֽוֹ׃

‎3 ‏יִרְדְּפֵ֖ם יַעֲב֣וֹר שָׁל֑וֹם אֹ֥רַח בְּרַגְלָ֖יו לֹ֥א יָבֽוֹא׃

‎4 ‏מִֽי־פָעַ֣ל וְעָשָׂ֔ה קֹרֵ֥א הַדֹּר֖וֹת מֵרֹ֑אשׁ אֲנִ֤י יְהוָה֙ רִאשׁ֔וֹן וְאֶת־אַחֲרֹנִ֖ים אֲנִי־הֽוּא׃

‎5 ‏רָא֤וּ אִיִּים֙ וְיִירָ֔אוּ קְצ֥וֹת הָאָ֖רֶץ יֶחֱרָ֑דוּ קָרְב֖וּ וַיֶּאֱתָיֽוּן׃

‎6 ‏אִ֥ישׁ אֶת־רֵעֵ֖הוּ יַעְזֹ֑רוּ וּלְאָחִ֖יו יֹאמַ֥ר חֲזָֽק׃

‎7 ‏וַיְחַזֵּ֤ק חָרָשׁ֙ אֶת־צֹרֵ֔ף מַחֲלִ֥יק פַּטִּ֖ישׁ אֶת־ה֣וֹלֶם פָּ֑עַם אֹמֵ֤ר לַדֶּ֙בֶק֙ ט֣וֹב ה֔וּא וַיְחַזְּקֵ֥הוּ בְמַסְמְרִ֖ים לֹ֥א יִמּֽוֹט׃ ס

‎8 ‏וְאַתָּה֙ יִשְׂרָאֵ֣ל עַבְדִּ֔י יַעֲקֹ֖ב אֲשֶׁ֣ר בְּחַרְתִּ֑יךָ זֶ֖רַע אַבְרָהָ֥ם אֹהֲבִֽי׃

‎9 ‏אֲשֶׁ֤ר הֶחֱזַקְתִּ֙יךָ֙ מִקְצ֣וֹת הָאָ֔רֶץ וּמֵאֲצִילֶ֖יהָ קְרָאתִ֑יךָ וָאֹ֤מַר לְךָ֙ עַבְדִּי־אַ֔תָּה בְּחַרְתִּ֖יךָ וְלֹ֥א מְאַסְתִּֽיךָ׃

‎10 ‏אַל־תִּירָא֙ כִּ֣י עִמְּךָ־אָ֔נִי אַל־תִּשְׁתָּ֖ע כִּֽי־אֲנִ֣י אֱלֹהֶ֑יךָ אִמַּצְתִּ֙יךָ֙ אַף־עֲזַרְתִּ֔יךָ אַף־תְּמַכְתִּ֖יךָ בִּימִ֥ין צִדְקִֽי׃

‎11 ‏הֵ֤ן יֵבֹ֙שׁוּ֙ וְיִכָּ֣לְמ֔וּ כֹּ֖ל הַנֶּחֱרִ֣ים בָּ֑ךְ יִֽהְי֥וּ כְאַ֛יִן וְיֹאבְד֖וּ אַנְשֵׁ֥י רִיבֶֽךָ׃

‎12 ‏תְּבַקְשֵׁם֙ וְלֹ֣א תִמְצָאֵ֔ם אַנְשֵׁ֖י מַצֻּתֶ֑ךָ יִהְי֥וּ כְאַ֛יִן וּכְאֶ֖פֶס אַנְשֵׁ֥י מִלְחַמְתֶּֽךָ׃

‎13 ‏כִּ֗י אֲנִ֛י יְהוָ֥ה אֱלֹהֶ֖יךָ מַחֲזִ֣יק יְמִינֶ֑ךָ הָאֹמֵ֥ר לְךָ֛ אַל־תִּירָ֖א אֲנִ֥י עֲזַרְתִּֽיךָ׃ ס

‎14 ‏אַל־תִּֽירְאִי֙ תּוֹלַ֣עַת יַֽעֲקֹ֔ב מְתֵ֖י יִשְׂרָאֵ֑ל אֲנִ֤י עֲזַרְתִּיךְ֙ נְאֻם־יְהוָ֔ה וְגֹאֲלֵ֖ךְ קְד֥וֹשׁ יִשְׂרָאֵֽל׃

‎15 ‏הִנֵּ֣ה שַׂמְתִּ֗יךְ לְמוֹרַג֙ חָר֣וּץ חָדָ֔שׁ בַּ֖עַל פִּֽיפִיּ֑וֹת תָּד֤וּשׁ הָרִים֙ וְתָדֹ֔ק וּגְבָע֖וֹת כַּמֹּ֥ץ תָּשִֽׂים׃

‎16 ‏תִּזְרֵם֙ וְר֣וּחַ תִּשָּׂאֵ֔ם וּסְעָרָ֖ה תָּפִ֣יץ אוֹתָ֑ם וְאַתָּה֙ תָּגִ֣יל בַּֽיהוָ֔ה בִּקְד֥וֹשׁ יִשְׂרָאֵ֖ל תִּתְהַלָּֽל׃ פ

‎17 ‏הָעֲנִיִּ֨ים וְהָאֶבְיוֹנִ֜ים מְבַקְשִׁ֥ים מַ֙יִם֙ וָאַ֔יִן לְשׁוֹנָ֖ם בַּצָּמָ֣א נָשָׁ֑תָּה אֲנִ֤י יְהוָה֙ אֶעֱנֵ֔ם אֱלֹהֵ֥י יִשְׂרָאֵ֖ל לֹ֥א אֶעֶזְבֵֽם׃

‎18 ‏אֶפְתַּ֤ח עַל־שְׁפָיִים֙ נְהָר֔וֹת וּבְת֥וֹךְ בְּקָע֖וֹת מַעְיָנ֑וֹת אָשִׂ֤ים מִדְבָּר֙ לַאֲגַם־מַ֔יִם וְאֶ֥רֶץ צִיָּ֖ה לְמוֹצָ֥אֵי מָֽיִם׃

‎19 ‏אֶתֵּ֤ן בַּמִּדְבָּר֙ אֶ֣רֶז שִׁטָּ֔ה וַהֲדַ֖ס וְעֵ֣ץ שָׁ֑מֶן אָשִׂ֣ים בָּעֲרָבָ֗ה בְּר֛וֹשׁ תִּדְהָ֥ר וּתְאַשּׁ֖וּר יַחְדָּֽו׃

‎20 ‏לְמַ֧עַן יִרְא֣וּ וְיֵדְע֗וּ וְיָשִׂ֤ימוּ וְיַשְׂכִּ֙ילוּ֙ יַחְדָּ֔ו כִּ֥י יַד־יְהוָ֖ה עָ֣שְׂתָה זֹּ֑את וּקְד֥וֹשׁ יִשְׂרָאֵ֖ל בְּרָאָֽהּ׃ פ

‎21 ‏קָרְב֥וּ רִֽיבְכֶ֖ם יֹאמַ֣ר יְהוָ֑ה הַגִּ֙ישׁוּ֙ עֲצֻמ֣וֹתֵיכֶ֔ם יֹאמַ֖ר מֶ֥לֶךְ יַעֲקֹֽב׃

‎22 ‏יַגִּ֙ישׁוּ֙ וְיַגִּ֣ידוּ לָ֔נוּ אֵ֖ת אֲשֶׁ֣ר תִּקְרֶ֑ינָה הָרִאשֹׁנ֣וֹת׀ מָ֣ה הֵ֗נָּה הַגִּ֜ידוּ וְנָשִׂ֤ימָה לִבֵּ֙נוּ֙ וְנֵדְעָ֣ה אַחֲרִיתָ֔ן א֥וֹ הַבָּא֖וֹת הַשְׁמִיעֻֽנוּ׃

‎23 ‏הַגִּ֙ידוּ֙ הָאֹתִיּ֣וֹת לְאָח֔וֹר וְנֵ֣דְעָ֔ה כִּ֥י אֱלֹהִ֖ים אַתֶּ֑ם אַף־תֵּיטִ֣יבוּ וְתָרֵ֔עוּ וְנִשְׁתָּ֖עָה ונרא וְנִרְאֶ֥ה יַחְדָּֽו׃

‎24 ‏הֵן־אַתֶּ֣ם מֵאַ֔יִן וּפָעָלְכֶ֖ם מֵאָ֑פַע תּוֹעֵבָ֖ה יִבְחַ֥ר בָּכֶֽם׃

‎25 ‏הַעִיר֤וֹתִי מִצָּפוֹן֙ וַיַּ֔את מִמִּזְרַח־שֶׁ֖מֶשׁ יִקְרָ֣א בִשְׁמִ֑י וְיָבֹ֤א סְגָנִים֙ כְּמוֹ־חֹ֔מֶר וּכְמ֥וֹ יוֹצֵ֖ר יִרְמָס־טִֽיט׃

‎26 ‏מִֽי־הִגִּ֤יד מֵרֹאשׁ֙ וְנֵדָ֔עָה וּמִלְּפָנִ֖ים וְנֹאמַ֣ר צַדִּ֑יק אַ֣ף אֵין־מַגִּ֗יד אַ֚ף אֵ֣ין מַשְׁמִ֔יעַ אַ֥ף אֵין־שֹׁמֵ֖עַ אִמְרֵיכֶֽם׃

‎27 ‏רִאשׁ֥וֹן לְצִיּ֖וֹן הִנֵּ֣ה הִנָּ֑ם וְלִירוּשָׁלִַ֖ם מְבַשֵּׂ֥ר אֶתֵּֽן׃

‎28 ‏וְאֵ֙רֶא֙ וְאֵ֣ין אִ֔ישׁ וּמֵאֵ֖לֶּה וְאֵ֣ין יוֹעֵ֑ץ וְאֶשְׁאָלֵ֖ם וְיָשִׁ֥יבוּ דָבָֽר׃

‎29 ‏הֵ֣ן כֻּלָּ֔ם אָ֥וֶן אֶ֖פֶס מַעֲשֵׂיהֶ֑ם ר֥וּחַ וָתֹ֖הוּ נִסְכֵּיהֶֽם׃ פ

1 h^aḥărîšû ’ēlay ’îyîm ûlə’ummîm y^aḥălîfû ḵōḥa yigəšû ’āz yəḏabērû y^aḥədāw lammišəpāṭ niqərāḇâ:

2 mî hē‘îr mimmizərāḥ ṣeḏeq yiqərā’ēhû ləraḡəlwō yitēn ləfānāyw gwōyim ûməlāḵîm yarədə yitēn ke‘āfār ḥarəbwō kəqaš nidāf qašətwō:

3 yirədəfēm y^a‘ăḇwōr šālwōm ’ōr^aḥ bəraḡəlāyw lō’ yāḇwō’:

4 mî-fā‘al wə‘āśâ qōrē’ hadōrwōṯ mērō’š ’ănî yəhwâ ri’šwōn wə’eṯ-’^aḥărōnîm ’ănî-hû’:

5 rā’û ’îyîm wəyîrā’û qəṣwōṯ hā’āreṣ yeḥĕrāḏû qārəḇû wayye’ĕṯāyûn:

6 ’îš ’eṯ-rē‘ēhû y^a‘əzōrû ûlə’āḥîw yō’mar ḥăzāq:

7 wayəḥazzēq ḥārāš ’eṯ-ṣōrēf m^aḥălîq paṭṭîš ’eṯ-hwōlem pā‘am ’ōmēr ladeḇeq ṭwōḇ hû’ wayəḥazzəqēhû ḇəmasəmərîm lō’ yimmwōṭ: s

8 wə’atâ yiśərā’ēl ‘aḇədî y^a‘ăqōḇ ’ăšer bəḥarətîḵā zer^a‘ ’aḇərâām ’ōhăḇî:

9 ’ăšer heḥĕzaqətîḵā miqəṣwōṯ hā’āreṣ ûmē’ăṣîleyhā qərā’ṯîḵā wā’ōmar ləḵā ‘aḇədî-’atâ bəḥarətîḵā wəlō’ mə’asətîḵā:

10 ’al-tîrā’ kî ‘imməḵā-’ānî ’al-tišətā‘ kî-’ănî ’ĕlōheyḵā ’immaṣətîḵā ’af-‘ăzarətîḵā ’af-təmaḵətîḵā bîmîn ṣiḏəqî:

11 hēn yēḇōšû wəyikāləmû kōl hanneḥĕrîm bāḵə yihəyû ḵə’ayin wəyō’ḇəḏû ’anəšê rîḇeḵā:

12 təḇaqəšēm wəlō’ ṯiməṣā’ēm ’anəšê maṣṣuṯeḵā yihəyû ḵə’ayin ûḵə’efes ’anəšê miləḥaməteḵā:

13 kî ’ănî yəhwâ ’ĕlōheyḵā m^aḥăzîq yəmîneḵā hā’ōmēr ləḵā ’al-tîrā’ ’ănî ‘ăzarətîḵā: s

14 ’al-tîrə’î twōl^a‘aṯ y^a‘ăqōḇ məṯê yiśərā’ēl ’ănî ‘ăzarətîḵə nə’um-yəhwâ wəḡō’ălēḵə qəḏwōš yiśərā’ēl:

15 hinnēh śamətîḵə ləmwōraḡ ḥārûṣ ḥāḏāš b^a‘al pîfîywōṯ tāḏûš hārîm wəṯāḏōq ûḡəḇā‘wōṯ kammōṣ tāśîm:

16 tizərēm wərûḥa tiśśā’ēm ûsə‘ārâ tāfîṣ ’wōṯām wə’atâ tāḡîl bayhwâ biqəḏwōš yiśərā’ēl tiṯəhallāl: f

17 hā‘ănîyîm wəhā’eḇəywōnîm məḇaqəšîm mayim wā’ayin ləšwōnām baṣṣāmā’ nāšātâ ’ănî yəhwâ ’e‘ĕnēm ’ĕlōhê yiśərā’ēl lō’ ’e‘ezəḇēm:

18 ’efət^aḥ ‘al-šəfāyîm nəhārwōṯ ûḇəṯwōḵə bəqā‘wōṯ m^a‘əyānwōṯ ’āśîm miḏəbār la’ăḡam-mayim wə’ereṣ ṣîyâ ləmwōṣā’ê māyim:

19 ’etēn bammiḏəbār ’erez šiṭṭâ wahăḏas wə‘ēṣ šāmen ’āśîm bā‘ărāḇâ bərwōš tiḏəhār ûṯə’aššûr y^aḥədāw:

20 ləm^a‘an yirə’û wəyēḏə‘û wəyāśîmû wəyaśəkîlû y^aḥədāw kî yaḏ-yəhwâ ‘āśəṯâ zzō’ṯ ûqəḏwōš yiśərā’ēl bərā’āh: f

21 qārəḇû rîḇəḵem yō’mar yəhwâ hagîšû ‘ăṣumwōṯêḵem yō’mar meleḵə y^a‘ăqōḇ:

22 yagîšû wəyagîḏû lānû ’ēṯ ’ăšer tiqəreynâ hāri’šōnwōṯ| mâ hēnnâ hagîḏû wənāśîmâ libēnû wənēḏə‘â ’^aḥărîṯān ’wō habā’wōṯ hašəmî‘unû:

23 hagîḏû hā’ōṯîywōṯ lə’āḥwōr wənēḏə‘â kî ’ĕlōhîm ’atem ’af-têṭîḇû wəṯārē‘û wənišətā‘â wənirā’ wənirə’eh y^aḥədāw:

24 hēn-’atem mē’ayin ûfā‘āləḵem mē’āf^a‘ twō‘ēḇâ yiḇəḥar bāḵem:

25 h^a‘îrwōṯî miṣṣāfwōn wayya’ṯ mimmizər^aḥ-šemeš yiqərā’ ḇišəmî wəyāḇō’ səḡānîm kəmwō-ḥōmer ûḵəmwō ywōṣēr yirəmās-ṭîṭ:

26 mî-higîḏ mērō’š wənēḏā‘â ûmilləfānîm wənō’mar ṣadîq ’af ’ên-magîḏ ’af ’ên mašəmî‘a ’af ’ên-šōmē‘a ’imərêḵem:

27 ri’šwōn ləṣîywōn hinnēh hinnām wəlîrûšālaim məḇaśśēr ’etēn:

28 wə’ēre’ wə’ên ’îš ûmē’ēlleh wə’ên ywō‘ēṣ wə’ešə’ālēm wəyāšîḇû ḏāḇār:

29 hēn kullām ’āwen ’efes m^a‘ăśêhem rûḥa wāṯōhû nisəkêhem: f

‎1 ‏הֵ֤ן עַבְדִּי֙ אֶתְמָךְ־בּ֔וֹ בְּחִירִ֖י רָצְתָ֣ה נַפְשִׁ֑י נָתַ֤תִּי רוּחִי֙ עָלָ֔יו מִשְׁפָּ֖ט לַגּוֹיִ֥ם יוֹצִֽיא׃

‎2 ‏לֹ֥א יִצְעַ֖ק וְלֹ֣א יִשָּׂ֑א וְלֹֽא־יַשְׁמִ֥יעַ בַּח֖וּץ קוֹלֽוֹ׃

‎3 ‏קָנֶ֤ה רָצוּץ֙ לֹ֣א יִשְׁבּ֔וֹר וּפִשְׁתָּ֥ה כֵהָ֖ה לֹ֣א יְכַבֶּ֑נָּה לֶאֱמֶ֖ת יוֹצִ֥יא מִשְׁפָּֽט׃

‎4 ‏לֹ֤א יִכְהֶה֙ וְלֹ֣א יָר֔וּץ עַד־יָשִׂ֥ים בָּאָ֖רֶץ מִשְׁפָּ֑ט וּלְתוֹרָת֖וֹ אִיִּ֥ים יְיַחֵֽילוּ׃ פ

‎5 ‏כֹּֽה־אָמַ֞ר הָאֵ֣ל׀ יְהוָ֗ה בּוֹרֵ֤א הַשָּׁמַ֙יִם֙ וְנ֣וֹטֵיהֶ֔ם רֹקַ֥ע הָאָ֖רֶץ וְצֶאֱצָאֶ֑יהָ נֹתֵ֤ן נְשָׁמָה֙ לָעָ֣ם עָלֶ֔יהָ וְר֖וּחַ לַהֹלְכִ֥ים בָּֽהּ׃

‎6 ‏אֲנִ֧י יְהוָ֛ה קְרָאתִ֥יךָֽ בְצֶ֖דֶק וְאַחְזֵ֣ק בְּיָדֶ֑ךָ וְאֶצָּרְךָ֗ וְאֶתֶּנְךָ֛ לִבְרִ֥ית עָ֖ם לְא֥וֹר גּוֹיִֽם׃

‎7 ‏לִפְקֹ֖חַ עֵינַ֣יִם עִוְר֑וֹת לְהוֹצִ֤יא מִמַּסְגֵּר֙ אַסִּ֔יר מִבֵּ֥ית כֶּ֖לֶא יֹ֥שְׁבֵי חֹֽשֶׁךְ׃

‎8 ‏אֲנִ֥י יְהוָ֖ה ה֣וּא שְׁמִ֑י וּכְבוֹדִי֙ לְאַחֵ֣ר לֹֽא־אֶתֵּ֔ן וּתְהִלָּתִ֖י לַפְּסִילִֽים׃

‎9 ‏הָרִֽאשֹׁנ֖וֹת הִנֵּה־בָ֑אוּ וַֽחֲדָשׁוֹת֙ אֲנִ֣י מַגִּ֔יד בְּטֶ֥רֶם תִּצְמַ֖חְנָה אַשְׁמִ֥יע¹ אֶתְכֶֽם׃ פ

‎10 ‏שִׁ֤ירוּ לַֽיהוָה֙ שִׁ֣יר חָדָ֔שׁ תְּהִלָּת֖וֹ מִקְצֵ֣ה הָאָ֑רֶץ יוֹרְדֵ֤י הַיָּם֙ וּמְלֹא֔וֹ אִיִּ֖ים וְיֹשְׁבֵיהֶֽם׃

‎11 ‏יִשְׂא֤וּ מִדְבָּר֙ וְעָרָ֔יו חֲצֵרִ֖ים תֵּשֵׁ֣ב קֵדָ֑ר יָרֹ֙נּוּ֙ יֹ֣שְׁבֵי סֶ֔לַע מֵרֹ֥אשׁ הָרִ֖ים יִצְוָֽחוּ׃

‎12 ‏יָשִׂ֥ימוּ לַֽיהוָ֖ה כָּב֑וֹד וּתְהִלָּת֖וֹ בָּאִיִּ֥ים יַגִּֽידוּ׃

‎13 ‏יְהוָה֙ כַּגִּבּ֣וֹר יֵצֵ֔א כְּאִ֥ישׁ מִלְחָמ֖וֹת יָעִ֣יר קִנְאָ֑ה יָרִ֙יעַ֙ אַף־יַצְרִ֔יחַ עַל־אֹיְבָ֖יו יִתְגַּבָּֽר׃ ס

‎14 ‏הֶחֱשֵׁ֙יתִי֙ מֵֽעוֹלָ֔ם אַחֲרִ֖ישׁ אֶתְאַפָּ֑ק כַּיּוֹלֵדָ֣ה אֶפְעֶ֔ה אֶשֹּׁ֥ם וְאֶשְׁאַ֖ף יָֽחַד׃

‎15 ‏אַחֲרִ֤יב הָרִים֙ וּגְבָע֔וֹת וְכָל־עֶשְׂבָּ֖ם אוֹבִ֑ישׁ וְשַׂמְתִּ֤י נְהָרוֹת֙ לָֽאִיִּ֔ים וַאֲגַמִּ֖ים אוֹבִֽישׁ׃

‎16 ‏וְהוֹלַכְתִּ֣י עִוְרִ֗ים בְּדֶ֙רֶךְ֙ לֹ֣א יָדָ֔עוּ בִּנְתִיב֥וֹת לֹֽא־יָדְע֖וּ אַדְרִיכֵ֑ם אָשִׂים֩ מַחְשָׁ֨ךְ לִפְנֵיהֶ֜ם לָא֗וֹר וּמַֽעֲקַשִּׁים֙ לְמִישׁ֔וֹר אֵ֚לֶּה הַדְּבָרִ֔ים עֲשִׂיתִ֖ם וְלֹ֥א עֲזַבְתִּֽים׃

‎17 ‏נָסֹ֤גוּ אָחוֹר֙ יֵבֹ֣שׁוּ בֹ֔שֶׁת הַבֹּטְחִ֖ים בַּפָּ֑סֶל הָאֹמְרִ֥ים לְמַסֵּכָ֖ה אַתֶּ֥ם אֱלֹהֵֽינוּ׃ ס

‎18 ‏הַחֵרְשִׁ֖ים שְׁמָ֑עוּ וְהַעִוְרִ֖ים הַבִּ֥יטוּ לִרְאֽוֹת׃

‎19 ‏מִ֤י עִוֵּר֙ כִּ֣י אִם־עַבְדִּ֔י וְחֵרֵ֖שׁ כְּמַלְאָכִ֣י אֶשְׁלָ֑ח מִ֤י עִוֵּר֙ כִּמְשֻׁלָּ֔ם וְעִוֵּ֖ר כְּעֶ֥בֶד יְהוָֽה׃

‎20 ‏ראית רָא֥וֹת רַבּ֖וֹת וְלֹ֣א תִשְׁמֹ֑ר פָּק֥וֹחַ אָזְנַ֖יִם וְלֹ֥א יִשְׁמָֽע׃

‎21 ‏יְהוָ֥ה חָפֵ֖ץ לְמַ֣עַן צִדְק֑וֹ יַגְדִּ֥יל תּוֹרָ֖ה וְיַאְדִּֽיר׃

‎22 ‏וְהוּא֮ עַם־בָּז֣וּז וְשָׁסוּי֒ הָפֵ֤חַ בַּֽחוּרִים֙ כֻּלָּ֔ם וּבְבָתֵּ֥י כְלָאִ֖ים הָחְבָּ֑אוּ הָי֤וּ לָבַז֙ וְאֵ֣ין מַצִּ֔יל מְשִׁסָּ֖ה וְאֵין־אֹמֵ֥ר הָשַֽׁב׃

‎23 ‏מִ֥י בָכֶ֖ם יַאֲזִ֣ין זֹ֑את יַקְשִׁ֥ב וְיִשְׁמַ֖ע לְאָחֽוֹר׃

‎24 ‏מִֽי־נָתַ֨ן למשוסה לִמְשִׁסָּ֧ה³ יַעֲקֹ֛ב וְיִשְׂרָאֵ֥ל לְבֹזְזִ֖ים הֲל֣וֹא יְהוָ֑ה ז֚וּ חָטָ֣אנוּ ל֔וֹ וְלֹֽא־אָב֤וּ בִדְרָכָיו֙ הָל֔וֹךְ וְלֹ֥א שָׁמְע֖וּ בְּתוֹרָתֽוֹ׃

‎25 ‏וַיִּשְׁפֹּ֤ךְ עָלָיו֙ חֵמָ֣ה אַפּ֔וֹ וֶעֱז֖וּז מִלְחָמָ֑ה וַתְּלַהֲטֵ֤הוּ מִסָּבִיב֙ וְלֹ֣א יָדָ֔ע וַתִּבְעַר־בּ֖וֹ וְלֹא־יָשִׂ֥ים עַל־לֵֽב׃ פ

1 hēn ‘aḇədî ’eṯəmāḵə-bwō bəḥîrî rāṣəṯâ nafəšî nāṯatî rûḥî ‘ālāyw mišəpāṭ lagwōyim ywōṣî’:

2 lō’ yiṣə‘aq wəlō’ yiśśā’ wəlō’-yašəmî‘a b^aḥûṣ qwōlwō:

3 qāneh rāṣûṣ lō’ yišəbwōr ûfišətâ ḵēhâ lō’ yəḵabennâ le’ĕmeṯ ywōṣî’ mišəpāṭ:

4 lō’ yiḵəheh wəlō’ yārûṣ ‘aḏ-yāśîm bā’āreṣ mišəpāṭ ûləṯwōrāṯwō ’îyîm yəy^aḥêlû: f

5 kōh-’āmar hā’ēl| yəhwâ bwōrē’ haššāmayim wənwōṭêhem rōq^a‘ hā’āreṣ wəṣe’ĕṣā’eyhā nōṯēn nəšāmâ lā‘ām ‘āleyhā wərûḥa lahōləḵîm bāh:

6 ’ănî yəhwâ qərā’ṯîḵā ḇəṣeḏeq wə’^aḥəzēq bəyāḏeḵā wə’eṣṣārəḵā wə’etenəḵā liḇərîṯ ‘ām lə’wōr gwōyim:

7 lifəqōḥa ‘ênayim ‘iwərwōṯ ləhwōṣî’ mimmasəgēr ’assîr mibêṯ kele’ yōšəḇê ḥōšeḵə:

8 ’ănî yəhwâ hû’ šəmî ûḵəḇwōḏî lə’^aḥēr lō’-’etēn ûṯəhillāṯî lapəsîlîm:

9 hāri’šōnwōṯ hinnēh-ḇā’û w^aḥăḏāšwōṯ ’ănî magîḏ bəṭerem tiṣəm^aḥənâ ’ašəm ’eṯəḵem: f

10 šîrû layhwâ šîr ḥāḏāš təhillāṯwō miqəṣēh hā’āreṣ ywōrəḏê hayyām ûməlō’wō ’îyîm wəyōšəḇêhem:

11 yiśə’û miḏəbār wə‘ārāyw ḥăṣērîm tēšēḇ qēḏār yārōnnû yōšəḇê sel^a‘ mērō’š hārîm yiṣəwāḥû:

12 yāśîmû layhwâ kāḇwōḏ ûṯəhillāṯwō bā’îyîm yagîḏû:

13 yəhwâ kagibwōr yēṣē’ kə’îš miləḥāmwōṯ yā‘îr qinə’â yārî‘a ’af-yaṣərîḥa ‘al-’ōyəḇāyw yiṯəgabār: s

14 heḥĕšêṯî mē‘wōlām ’^aḥărîš ’eṯə’apāq kayywōlēḏâ ’efə‘eh ’eššōm wə’ešə’af yāḥaḏ:

15 ’^aḥărîḇ hārîm ûḡəḇā‘wōṯ wəḵāl-‘eśəbām ’wōḇîš wəśamətî nəhārwōṯ lā’îyîm wa’ăḡammîm ’wōḇîš:

16 wəhwōlaḵətî ‘iwərîm bəḏereḵə lō’ yāḏā‘û binəṯîḇwōṯ lō’-yāḏə‘û ’aḏərîḵēm ’āśîm m^aḥəšāḵə lifənêhem lā’wōr ûm^a‘ăqaššîm ləmîšwōr ’ēlleh hadəḇārîm ‘ăśîṯim wəlō’ ‘ăzaḇətîm:

17 nāsōḡû ’āḥwōr yēḇōšû ḇōšeṯ habōṭəḥîm bapāsel hā’ōmərîm ləmassēḵâ ’atem ’ĕlōhênû: s

18 h^aḥērəšîm šəmā‘û wəh^a‘iwərîm habîṭû lirə’wōṯ:

19 mî ‘iûēr kî ’im-‘aḇədî wəḥērēš kəmalə’āḵî ’ešəlāḥ mî ‘iûēr kiməšullām wə‘iûēr kə‘eḇeḏ yəhwâ:

20 rā’îṯā rā’wōṯ rabwōṯ wəlō’ ṯišəmōr pāqwōḥa ’āzənayim wəlō’ yišəmā‘:

21 yəhwâ ḥāfēṣ ləm^a‘an ṣiḏəqwō yaḡədîl twōrâ wəya’ədîr:

22 wəhû’ ‘am-bāzûz wəšāsûy hāfēḥa b^aḥûrîm kullām ûḇəḇātê ḵəlā’îm hāḥəbā’û hāyû lāḇaz wə’ên maṣṣîl məšissâ wə’ên-’ōmēr hāšaḇ:

23 mî ḇāḵem ya’ăzîn zō’ṯ yaqəšiḇ wəyišəm^a‘ lə’āḥwōr:

24 mî-nāṯan liməšwōseh liməšissâ³ y^a‘ăqōḇ wəyiśərā’ēl ləḇōzəzîm hălwō’ yəhwâ zû ḥāṭā’nû lwō wəlō’-’āḇû ḇiḏərāḵāyw hālwōḵə wəlō’ šāmə‘û bəṯwōrāṯwō:

25 wayyišəpōḵə ‘ālāyw ḥēmâ ’apwō we‘ĕzûz miləḥāmâ watəlahăṭēhû missāḇîḇ wəlō’ yāḏā‘ watiḇə‘ar-bwō wəlō’-yāśîm ‘al-lēḇ: f

‎1 ‏וְעַתָּ֞ה כֹּֽה־אָמַ֤ר יְהוָה֙ בֹּרַאֲךָ֣ יַעֲקֹ֔ב וְיֹצֶרְךָ֖ יִשְׂרָאֵ֑ל אַל־תִּירָא֙ כִּ֣י גְאַלְתִּ֔יךָ קָרָ֥אתִי בְשִׁמְךָ֖ לִי־אָֽתָּה׃

‎2 ‏כִּֽי־תַעֲבֹ֤ר בַּמַּ֙יִם֙ אִתְּךָ־אָ֔נִי וּבַנְּהָר֖וֹת לֹ֣א יִשְׁטְפ֑וּךָ כִּֽי־תֵלֵ֤ךְ בְּמוֹ־אֵשׁ֙ לֹ֣א תִכָּוֶ֔ה וְלֶהָבָ֖ה לֹ֥א תִבְעַר־בָּֽךְ׃

‎3 ‏כִּ֗י אֲנִי֙ יְהוָ֣ה אֱלֹהֶ֔יךָ קְד֥וֹשׁ יִשְׂרָאֵ֖ל מוֹשִׁיעֶ֑ךָ נָתַ֤תִּי כָפְרְךָ֙ מִצְרַ֔יִם כּ֥וּשׁ וּסְבָ֖א תַּחְתֶּֽיךָ׃

‎4 ‏מֵאֲשֶׁ֨ר יָקַ֧רְתָּ בְעֵינַ֛י נִכְבַּ֖דְתָּ וַאֲנִ֣י אֲהַבְתִּ֑יךָ וְאֶתֵּ֤ן אָדָם֙ תַּחְתֶּ֔יךָ וּלְאֻמִּ֖ים תַּ֥חַת נַפְשֶֽׁךָ׃

‎5 ‏אַל־תִּירָ֖א כִּ֣י אִתְּךָ־אָ֑נִי מִמִּזְרָח֙ אָבִ֣יא זַרְעֶ֔ךָ וּמִֽמַּעֲרָ֖ב אֲקַבְּצֶֽךָּ׃

‎6 ‏אֹמַ֤ר לַצָּפוֹן֙ תֵּ֔נִי וּלְתֵימָ֖ן אַל־תִּכְלָ֑אִי הָבִ֤יאִי בָנַי֙ מֵרָח֔וֹק וּבְנוֹתַ֖י מִקְצֵ֥ה הָאָֽרֶץ׃

‎7 ‏כֹּ֚ל הַנִּקְרָ֣א בִשְׁמִ֔י וְלִכְבוֹדִ֖י בְּרָאתִ֑יו יְצַרְתִּ֖יו אַף־עֲשִׂיתִֽיו׃

‎8 ‏הוֹצִ֥יא עַם־עִוֵּ֖ר וְעֵינַ֣יִם יֵ֑שׁ וְחֵרְשִׁ֖ים וְאָזְנַ֥יִם לָֽמוֹ׃

‎9 ‏כָּֽל־הַגּוֹיִ֞ם נִקְבְּצ֣וּ יַחְדָּ֗ו וְיֵאָֽסְפוּ֙ לְאֻמִּ֔ים מִ֤י בָהֶם֙ יַגִּ֣יד זֹ֔את וְרִֽאשֹׁנ֖וֹת יַשְׁמִיעֻ֑נוּ יִתְּנ֤וּ עֵֽדֵיהֶם֙ וְיִצְדָּ֔קוּ וְיִשְׁמְע֖וּ וְיֹאמְר֥וּ אֱמֶֽת׃

‎10 ‏אַתֶּ֤ם עֵדַי֙ נְאֻם־יְהוָ֔ה וְעַבְדִּ֖י אֲשֶׁ֣ר בָּחָ֑רְתִּי לְמַ֣עַן תֵּ֠דְעוּ וְתַאֲמִ֨ינוּ לִ֤י וְתָבִ֙ינוּ֙ כִּֽי־אֲנִ֣י ה֔וּא לְפָנַי֙ לֹא־נ֣וֹצַר אֵ֔ל וְאַחֲרַ֖י לֹ֥א יִהְיֶֽה׃ ס

‎11 ‏אָנֹכִ֥י אָנֹכִ֖י יְהוָ֑ה וְאֵ֥ין מִבַּלְעָדַ֖י מוֹשִֽׁיעַ׃

‎12 ‏אָנֹכִ֞י הִגַּ֤דְתִּי וְהוֹשַׁ֙עְתִּי֙ וְהִשְׁמַ֔עְתִּי וְאֵ֥ין בָּכֶ֖ם זָ֑ר וְאַתֶּ֥ם עֵדַ֛י נְאֻם־יְהוָ֖ה וַֽאֲנִי־אֵֽל׃

‎13 ‏גַּם־מִיּוֹם֙ אֲנִ֣י ה֔וּא וְאֵ֥ין מִיָּדִ֖י מַצִּ֑יל אֶפְעַ֖ל וּמִ֥י יְשִׁיבֶֽנָּה׃ ס

‎14 ‏כֹּֽה־אָמַ֧ר יְהוָ֛ה גֹּאַלְכֶ֖ם קְד֣וֹשׁ יִשְׂרָאֵ֑ל לְמַעַנְכֶ֞ם שִׁלַּ֣חְתִּי בָבֶ֗לָה וְהוֹרַדְתִּ֤י בָֽרִיחִים֙ כֻּלָּ֔ם וְכַשְׂדִּ֖ים בָּאֳנִיּ֥וֹת רִנָּתָֽם׃

‎15 ‏אֲנִ֥י יְהוָ֖ה קְדֽוֹשְׁכֶ֑ם בּוֹרֵ֥א יִשְׂרָאֵ֖ל מַלְכְּכֶֽם׃ ס

‎16 ‏כֹּ֚ה אָמַ֣ר יְהוָ֔ה הַנּוֹתֵ֥ן בַּיָּ֖ם דָּ֑רֶךְ וּבְמַ֥יִם עַזִּ֖ים נְתִיבָֽה׃

‎17 ‏הַמּוֹצִ֥יא רֶֽכֶב־וָס֖וּס חַ֣יִל וְעִזּ֑וּז יַחְדָּ֤ו יִשְׁכְּבוּ֙ בַּל־יָק֔וּמוּ דָּעֲכ֖וּ כַּפִּשְׁתָּ֥ה כָבֽוּ׃

‎18 ‏אַֽל־תִּזְכְּר֖וּ רִֽאשֹׁנ֑וֹת וְקַדְמֹנִיּ֖וֹת אַל־תִּתְבֹּנָֽנוּ׃

‎19 ‏הִנְנִ֨י עֹשֶׂ֤ה חֲדָשָׁה֙ עַתָּ֣ה תִצְמָ֔ח הֲל֖וֹא תֵֽדָע֑וּהָ אַ֣ף אָשִׂ֤ים בַּמִּדְבָּר֙ דֶּ֔רֶךְ בִּֽישִׁמ֖וֹן נְהָרֽוֹת׃

‎20 ‏תְּכַבְּדֵ֙נִי֙ חַיַּ֣ת הַשָּׂדֶ֔ה תַּנִּ֖ים וּבְנ֣וֹת יַֽעֲנָ֑ה כִּֽי־נָתַ֨תִּי בַמִּדְבָּ֜ר מַ֗יִם נְהָרוֹת֙ בִּֽישִׁימֹ֔ן לְהַשְׁק֖וֹת עַמִּ֥י בְחִירִֽי׃

‎21 ‏עַם־זוּ֙ יָצַ֣רְתִּי לִ֔י תְּהִלָּתִ֖י יְסַפֵּֽרוּ׃ ס

‎22 ‏וְלֹא־אֹתִ֥י קָרָ֖אתָ יַֽעֲקֹ֑ב כִּֽי־יָגַ֥עְתָּ בִּ֖י יִשְׂרָאֵֽל׃

‎23 ‏לֹֽא־הֵבֵ֤יאתָ לִּי֙ שֵׂ֣ה עֹלֹתֶ֔יךָ וּזְבָחֶ֖יךָ לֹ֣א כִבַּדְתָּ֑נִי לֹ֤א הֶעֱבַדְתִּ֙יךָ֙ בְּמִנְחָ֔ה וְלֹ֥א הוֹגַעְתִּ֖יךָ בִּלְבוֹנָֽה׃

‎24 ‏לֹא־קָנִ֨יתָ לִּ֤י בַכֶּ֙סֶף֙ קָנֶ֔ה וְחֵ֥לֶב זְבָחֶ֖יךָ לֹ֣א הִרְוִיתָ֑נִי אַ֗ךְ הֶעֱבַדְתַּ֙נִי֙ בְּחַטֹּאותֶ֔יךָ הוֹגַעְתַּ֖נִי בַּעֲוֹנֹתֶֽיךָ׃ ס

‎25 ‏אָנֹכִ֨י אָנֹכִ֥י ה֛וּא מֹחֶ֥ה פְשָׁעֶ֖יךָ לְמַעֲנִ֑י וְחַטֹּאתֶ֖יךָ לֹ֥א אֶזְכֹּֽר׃

‎26 ‏הַזְכִּירֵ֕נִי נִשָּׁפְטָ֖ה יָ֑חַד סַפֵּ֥ר אַתָּ֖ה לְמַ֥עַן תִּצְדָּֽק׃

‎27 ‏אָבִ֥יךָ הָרִאשׁ֖וֹן חָטָ֑א וּמְלִיצֶ֖יךָ פָּ֥שְׁעוּ בִֽי׃

‎28 ‏וַאֲחַלֵּ֖ל שָׂ֣רֵי קֹ֑דֶשׁ וְאֶתְּנָ֤ה לַחֵ֙רֶם֙ יַעֲקֹ֔ב וְיִשְׂרָאֵ֖ל לְגִדּוּפִֽים׃ ס

1 wə‘atâ kōh-’āmar yəhwâ bōra’ăḵā y^a‘ăqōḇ wəyōṣerəḵā yiśərā’ēl ’al-tîrā’ kî ḡə’alətîḵā qārā’ṯî ḇəšiməḵā lî-’ātâ:

2 kî-ṯ^a‘ăḇōr bammayim ’itəḵā-’ānî ûḇannəhārwōṯ lō’ yišəṭəfûḵā kî-ṯēlēḵə bəmwō-’ēš lō’ ṯikāweh wəlehāḇâ lō’ ṯiḇə‘ar-bāḵə:

3 kî ’ănî yəhwâ ’ĕlōheyḵā qəḏwōš yiśərā’ēl mwōšî‘eḵā nāṯatî ḵāfərəḵā miṣərayim kûš ûsəḇā’ t^aḥəteyḵā:

4 mē’ăšer yāqarətā ḇə‘ênay niḵəbaḏətā wa’ănî ’ăhaḇətîḵā wə’etēn ’āḏām t^aḥəteyḵā ûlə’ummîm t^aḥaṯ nafəšeḵā:

5 ’al-tîrā’ kî ’itəḵā-’ānî mimmizərāḥ ’āḇî’ zarə‘eḵā ûmimm^a‘ărāḇ ’ăqabəṣeḵḵā:

6 ’ōmar laṣṣāfwōn tēnî ûləṯêmān ’al-tiḵəlā’î hāḇî’î ḇānay mērāḥwōq ûḇənwōṯay miqəṣēh hā’āreṣ:

7 kōl hanniqərā’ ḇišəmî wəliḵəḇwōḏî bərā’ṯîw yəṣarətîw ’af-‘ăśîṯîw:

8 hwōṣî’ ‘am-‘iûēr wə‘ênayim yēš wəḥērəšîm wə’āzənayim lāmwō:

9 kāl-hagwōyim niqəbəṣû y^aḥədāw wəyē’āsəfû lə’ummîm mî ḇâem yagîḏ zō’ṯ wəri’šōnwōṯ yašəmî‘unû yitənû ‘ēḏêhem wəyiṣədāqû wəyišəmə‘û wəyō’mərû ’ĕmeṯ:

10 ’atem ‘ēḏay nə’um-yəhwâ wə‘aḇədî ’ăšer bāḥārətî ləm^a‘an tēḏə‘û wəṯa’ămînû lî wəṯāḇînû kî-’ănî hû’ ləfānay lō’-nwōṣar ’ēl wə’^aḥăray lō’ yihəyeh: s

11 ’ānōḵî ’ānōḵî yəhwâ wə’ên mibalə‘āḏay mwōšî‘a:

12 ’ānōḵî higaḏətî wəhwōš^a‘ətî wəhišəm^a‘ətî wə’ên bāḵem zār wə’atem ‘ēḏay nə’um-yəhwâ wa’ănî-’ēl:

13 gam-mîywōm ’ănî hû’ wə’ên mîyāḏî maṣṣîl ’efə‘al ûmî yəšîḇennâ: s

14 kōh-’āmar yəhwâ gō’aləḵem qəḏwōš yiśərā’ēl ləm^a‘anəḵem šill^aḥətî ḇāḇelâ wəhwōraḏətî ḇārîḥîm kullām wəḵaśədîm bā’ŏnîywōṯ rinnāṯām:

15 ’ănî yəhwâ qəḏwōšəḵem bwōrē’ yiśərā’ēl maləkəḵem: s

16 kōh ’āmar yəhwâ hannwōṯēn bayyām dāreḵə ûḇəmayim ‘azzîm nəṯîḇâ:

17 hammwōṣî’ reḵeḇ-wāsûs ḥayil wə‘izzûz y^aḥədāw yišəkəḇû bal-yāqûmû dā‘ăḵû kapišətâ ḵāḇû:

18 ’al-tizəkərû ri’šōnwōṯ wəqaḏəmōnîywōṯ ’al-tiṯəbōnānû:

19 hinənî ‘ōśeh ḥăḏāšâ ‘atâ ṯiṣəmāḥ hălwō’ ṯēḏā‘ûhā ’af ’āśîm bammiḏəbār dereḵə bîšimwōn nəhārwōṯ:

20 təḵabəḏēnî ḥayyaṯ haśśāḏeh tannîm ûḇənwōṯ y^a‘ănâ kî-nāṯatî ḇammiḏəbār mayim nəhārwōṯ bîšîmōn ləhašəqwōṯ ‘ammî ḇəḥîrî:

21 ‘am-zû yāṣarətî lî təhillāṯî yəsapērû: s

22 wəlō’-’ōṯî qārā’ṯā y^a‘ăqōḇ kî-yāḡ^a‘ətā bî yiśərā’ēl:

23 lō’-hēḇê’ṯā llî śēh ‘ōlōṯeyḵā ûzəḇāḥeyḵā lō’ ḵibaḏətānî lō’ he‘ĕḇaḏətîḵā bəminəḥâ wəlō’ hwōḡ^a‘ətîḵā biləḇwōnâ:

24 lō’-qānîṯā llî ḇakesef qāneh wəḥēleḇ zəḇāḥeyḵā lō’ hirəwîṯānî ’aḵə he‘ĕḇaḏətanî bəḥaṭṭō’wṯeyḵā hwōḡ^a‘ətanî b^a‘ăwōnōṯeyḵā: s

25 ’ānōḵî ’ānōḵî hû’ mōḥeh fəšā‘eyḵā ləm^a‘ănî wəḥaṭṭō’ṯeyḵā lō’ ’ezəkōr:

26 hazəkîrēnî niššāfəṭâ yāḥaḏ sapēr ’atâ ləm^a‘an tiṣədāq:

27 ’āḇîḵā hāri’šwōn ḥāṭā’ ûməlîṣeyḵā pāšə‘û ḇî:

28 wa’ăḥallēl śārê qōḏeš wə’etənâ l^aḥērem y^a‘ăqōḇ wəyiśərā’ēl ləḡidûfîm: s

‎1 ‏וְעַתָּ֥ה שְׁמַ֖ע יַעֲקֹ֣ב עַבְדִּ֑י וְיִשְׂרָאֵ֖ל בָּחַ֥רְתִּי בֽוֹ׃

‎2 ‏כֹּה־אָמַ֨ר יְהוָ֥ה עֹשֶׂ֛ךָ וְיֹצֶרְךָ֥ מִבֶּ֖טֶן יַעְזְרֶ֑ךָּ אַל־תִּירָא֙ עַבְדִּ֣י יַֽעֲקֹ֔ב וִישֻׁר֖וּן בָּחַ֥רְתִּי בֽוֹ׃

‎3 ‏כִּ֤י אֶצָּק־מַ֙יִם֙ עַל־צָמֵ֔א וְנֹזְלִ֖ים עַל־יַבָּשָׁ֑ה אֶצֹּ֤ק רוּחִי֙ עַל־זַרְעֶ֔ךָ וּבִרְכָתִ֖י עַל־צֶאֱצָאֶֽיךָ׃

‎4 ‏וְצָמְח֖וּ בְּבֵ֣ין חָצִ֑יר כַּעֲרָבִ֖ים עַל־יִבְלֵי־מָֽיִם׃

‎5 ‏זֶ֤ה יֹאמַר֙ לַֽיהוָ֣ה אָ֔נִי וְזֶ֖ה יִקְרָ֣א בְשֵֽׁם־יַעֲקֹ֑ב וְזֶ֗ה יִכְתֹּ֤ב יָדוֹ֙ לַֽיהוָ֔ה וּבְשֵׁ֥ם יִשְׂרָאֵ֖ל יְכַנֶּֽה׃ פ

‎6 ‏כֹּֽה־אָמַ֨ר יְהוָ֧ה מֶֽלֶךְ־יִשְׂרָאֵ֛ל וְגֹאֲל֖וֹ יְהוָ֣ה צְבָא֑וֹת אֲנִ֤י רִאשׁוֹן֙ וַאֲנִ֣י אַחֲר֔וֹן וּמִבַּלְעָדַ֖י אֵ֥ין אֱלֹהִֽים׃

‎7 ‏וּמִֽי־כָמ֣וֹנִי יִקְרָ֗א וְיַגִּידֶ֤הָ וְיַעְרְכֶ֙הָ֙ לִ֔י מִשּׂוּמִ֖י עַם־עוֹלָ֑ם וְאֹתִיּ֛וֹת וַאֲשֶׁ֥ר תָּבֹ֖אנָה יַגִּ֥ידוּ לָֽמוֹ׃

‎8 ‏אַֽל־תִּפְחֲדוּ֙ וְאַל־תִּרְה֔וּ הֲלֹ֥א מֵאָ֛ז הִשְׁמַעְתִּ֥יךָ וְהִגַּ֖דְתִּי וְאַתֶּ֣ם עֵדָ֑י הֲיֵ֤שׁ אֱל֙וֹהַּ֙ מִבַּלְעָדַ֔י וְאֵ֥ין צ֖וּר בַּל־יָדָֽעְתִּי׃

‎9 ‏יֹֽצְרֵי־פֶ֤סֶל כֻּלָּם֙ תֹּ֔הוּ וַחֲמוּדֵיהֶ֖ם בַּל־יוֹעִ֑ילוּ וְעֵדֵיהֶ֣ם הֵׅ֗מָּׅהׅ⁴ בַּל־יִרְא֛וּ וּבַל־יֵדְע֖וּ לְמַ֥עַן יֵבֹֽשׁוּ׃

‎10 ‏מִֽי־יָצַ֥ר אֵ֖ל וּפֶ֣סֶל נָסָ֑ךְ לְבִלְתִּ֖י הוֹעִֽיל׃

‎11 ‏הֵ֤ן כָּל־חֲבֵרָיו֙ יֵבֹ֔שׁוּ וְחָרָשִׁ֥ים הֵ֖מָּה מֵֽאָדָ֑ם יִֽתְקַבְּצ֤וּ כֻלָּם֙ יַֽעֲמֹ֔דוּ יִפְחֲד֖וּ יֵבֹ֥שׁוּ יָֽחַד׃

‎12 ‏חָרַ֤שׁ בַּרְזֶל֙ מַֽעֲצָ֔ד וּפָעַל֙ בַּפֶּחָ֔ם וּבַמַּקָּב֖וֹת יִצְּרֵ֑הוּ וַיִּפְעָלֵ֙הוּ֙ בִּזְר֣וֹעַ כֹּח֔וֹ גַּם־רָעֵב֙ וְאֵ֣ין כֹּ֔חַ לֹא־שָׁ֥תָה מַ֖יִם וַיִּיעָֽף׃

‎13 ‏חָרַ֣שׁ עֵצִים֮ נָ֣טָה קָו֒ יְתָאֲרֵ֣הוּ בַשֶּׂ֔רֶד יַעֲשֵׂ֙הוּ֙ בַּמַּקְצֻע֔וֹת וּבַמְּחוּגָ֖ה יְתָאֳרֵ֑הוּ וַֽיַּעֲשֵׂ֙הוּ֙ כְּתַבְנִ֣ית אִ֔ישׁ כְּתִפְאֶ֥רֶת אָדָ֖ם לָשֶׁ֥בֶת בָּֽיִת׃

‎14 ‏לִכְרָת־ל֣וֹ אֲרָזִ֔ים וַיִּקַּ֤ח תִּרְזָה֙ וְאַלּ֔וֹן וַיְאַמֶּץ־ל֖וֹ בַּעֲצֵי־יָ֑עַר נָטַ֥ע אֹ֖רֶן⁶ וְגֶ֥שֶׁם יְגַדֵּֽל׃

‎15 ‏וְהָיָ֤ה לְאָדָם֙ לְבָעֵ֔ר וַיִּקַּ֤ח מֵהֶם֙ וַיָּ֔חָם אַף־יַשִּׂ֖יק וְאָ֣פָה לָ֑חֶם אַף־יִפְעַל־אֵל֙ וַיִּשְׁתָּ֔חוּ עָשָׂ֥הוּ פֶ֖סֶל וַיִּסְגָּד־לָֽמוֹ׃

‎16 ‏חֶצְיוֹ֙ שָׂרַ֣ף בְּמוֹ־אֵ֔שׁ עַל־חֶצְיוֹ֙ בָּשָׂ֣ר יֹאכֵ֔ל יִצְלֶ֥ה צָלִ֖י וְיִשְׂבָּ֑ע אַף־יָחֹם֙ וְיֹאמַ֣ר הֶאָ֔ח חַמּוֹתִ֖י רָאִ֥יתִי אֽוּר׃

‎17 ‏וּשְׁאֵ֣רִית֔וֹ לְאֵ֥ל עָשָׂ֖ה לְפִסְל֑וֹ יסגוד־ יִסְגָּד־ ל֤וֹ וְיִשְׁתַּ֙חוּ֙ וְיִתְפַּלֵּ֣ל אֵלָ֔יו וְיֹאמַר֙ הַצִּילֵ֔נִי כִּ֥י אֵלִ֖י אָֽתָּה׃

‎18 ‏לֹ֥א יָדְע֖וּ וְלֹ֣א יָבִ֑ינוּ כִּ֣י טַ֤ח מֵֽרְאוֹת֙ עֵֽינֵיהֶ֔ם מֵהַשְׂכִּ֖יל לִבֹּתָֽם׃

‎19 ‏וְלֹא־יָשִׁ֣יב אֶל־לִבּ֗וֹ וְלֹ֨א דַ֥עַת וְלֹֽא־תְבוּנָה֮ לֵאמֹר֒ חֶצְי֞וֹ שָׂרַ֣פְתִּי בְמוֹ־אֵ֗שׁ וְ֠אַף אָפִ֤יתִי עַל־גֶּחָלָיו֙ לֶ֔חֶם אֶצְלֶ֥ה בָשָׂ֖ר וְאֹכֵ֑ל וְיִתְרוֹ֙ לְתוֹעֵבָ֣ה אֶעֱשֶׂ֔ה לְב֥וּל עֵ֖ץ אֶסְגּֽוֹד׃

‎20 ‏רֹעֶ֣ה אֵ֔פֶר לֵ֥ב הוּתַ֖ל הִטָּ֑הוּ וְלֹֽא־יַצִּ֤יל אֶת־נַפְשׁוֹ֙ וְלֹ֣א יֹאמַ֔ר הֲל֥וֹא שֶׁ֖קֶר בִּימִינִֽי׃ ס

‎21 ‏זְכָר־אֵ֣לֶּה יַעֲקֹ֔ב וְיִשְׂרָאֵ֖ל כִּ֣י עַבְדִּי־אָ֑תָּה יְצַרְתִּ֤יךָ עֶֽבֶד־לִי֙ אַ֔תָּה יִשְׂרָאֵ֖ל לֹ֥א תִנָּשֵֽׁנִי׃

‎22 ‏מָחִ֤יתִי כָעָב֙ פְּשָׁעֶ֔יךָ וְכֶעָנָ֖ן חַטֹּאותֶ֑יךָ שׁוּבָ֥ה אֵלַ֖י כִּ֥י גְאַלְתִּֽיךָ׃

‎23 ‏רָנּ֨וּ שָׁמַ֜יִם כִּֽי־עָשָׂ֣ה יְהוָ֗ה הָרִ֙יעוּ֙ תַּחְתִּיּ֣וֹת אָ֔רֶץ פִּצְח֤וּ הָרִים֙ רִנָּ֔ה יַ֖עַר וְכָל־עֵ֣ץ בּ֑וֹ כִּֽי־גָאַ֤ל יְהוָה֙ יַֽעֲקֹ֔ב וּבְיִשְׂרָאֵ֖ל יִתְפָּאָֽר׃ פ

‎24 ‏כֹּֽה־אָמַ֤ר יְהוָה֙ גֹּאֲלֶ֔ךָ וְיֹצֶרְךָ֖ מִבָּ֑טֶן אָנֹכִ֤י יְהוָה֙ עֹ֣שֶׂה כֹּ֔ל נֹטֶ֤ה שָׁמַ֙יִם֙ לְבַדִּ֔י רֹקַ֥ע הָאָ֖רֶץ מי אתי מֵאִתִּֽי׃

‎25 ‏מֵפֵר֙ אֹת֣וֹת בַּדִּ֔ים וְקֹסְמִ֖ים יְהוֹלֵ֑ל מֵשִׁ֧יב חֲכָמִ֛ים אָח֖וֹר וְדַעְתָּ֥ם יְשַׂכֵּֽל׃

‎26 ‏מֵקִים֙ דְּבַ֣ר עַבְדּ֔וֹ וַעֲצַ֥ת מַלְאָכָ֖יו יַשְׁלִ֑ים הָאֹמֵ֨ר לִירוּשָׁלִַ֜ם תּוּשָׁ֗ב וּלְעָרֵ֤י יְהוּדָה֙ תִּבָּנֶ֔ינָה וְחָרְבוֹתֶ֖יהָ אֲקוֹמֵֽם׃

‎27 ‏הָאֹמֵ֥ר לַצּוּלָ֖ה חֳרָ֑בִי וְנַהֲרֹתַ֖יִךְ אוֹבִֽישׁ׃

‎28 ‏הָאֹמֵ֤ר לְכ֙וֹרֶשׁ֙ רֹעִ֔י וְכָל־חֶפְצִ֖י יַשְׁלִ֑ם וְלֵאמֹ֤ר לִירוּשָׁלִַ֙ם֙ תִּבָּנֶ֔ה וְהֵיכָ֖ל תִּוָּסֵֽד׃ ס

1 wə‘atâ šəm^a‘ y^a‘ăqōḇ ‘aḇədî wəyiśərā’ēl bāḥarətî ḇwō:

2 kōh-’āmar yəhwâ ‘ōśeḵā wəyōṣerəḵā mibeṭen y^a‘əzəreḵḵā ’al-tîrā’ ‘aḇədî y^a‘ăqōḇ wîšurûn bāḥarətî ḇwō:

3 kî ’eṣṣāq-mayim ‘al-ṣāmē’ wənōzəlîm ‘al-yabāšâ ’eṣṣōq rûḥî ‘al-zarə‘eḵā ûḇirəḵāṯî ‘al-ṣe’ĕṣā’eyḵā:

4 wəṣāməḥû bəḇên ḥāṣîr k^a‘ărāḇîm ‘al-yiḇəlê-māyim:

5 zeh yō’mar layhwâ ’ānî wəzeh yiqərā’ ḇəšēm-y^a‘ăqōḇ wəzeh yiḵətōḇ yāḏwō layhwâ ûḇəšēm yiśərā’ēl yəḵanneh: f

6 kōh-’āmar yəhwâ meleḵə-yiśərā’ēl wəḡō’ălwō yəhwâ ṣəḇā’wōṯ ’ănî ri’šwōn wa’ănî ’^aḥărwōn ûmibalə‘āḏay ’ên ’ĕlōhîm:

7 ûmî-ḵāmwōnî yiqərā’ wəyagîḏehā wəy^a‘ərəḵehā lî miśśûmî ‘am-‘wōlām wə’ōṯîywōṯ wa’ăšer tāḇō’nâ yagîḏû lāmwō:

8 ’al-tifəḥăḏû wə’al-tirəhû hălō’ mē’āz hišəm^a‘ətîḵā wəhigaḏətî wə’atem ‘ēḏāy hăyēš ’ĕlwōhha mibalə‘āḏay wə’ên ṣûr bal-yāḏā‘ətî:

9 yōṣərê-fesel kullām tōhû w^aḥămûḏêhem bal-ywō‘îlû wə‘ēḏêhem hēׅmmāׅhׅ⁴ bal-yirə’û ûḇal-yēḏə‘û ləm^a‘an yēḇōšû:

10 mî-yāṣar ’ēl ûfesel nāsāḵə ləḇilətî hwō‘îl:

11 hēn kāl-ḥăḇērāyw yēḇōšû wəḥārāšîm hēmmâ mē’āḏām yiṯəqabəṣû ḵullām y^a‘ămōḏû yifəḥăḏû yēḇōšû yāḥaḏ:

12 ḥāraš barəzel m^a‘ăṣāḏ ûfā‘al bapeḥām ûḇammaqqāḇwōṯ yiṣṣərēhû wayyifə‘ālēhû bizərwō‘a kōḥwō gam-rā‘ēḇ wə’ên kōḥa lō’-šāṯâ mayim wayyî‘āf:

13 ḥāraš ‘ēṣîm nāṭâ qāw yəṯā’ărēhû ḇaśśereḏ y^a‘ăśēhû bammaqəṣu‘wōṯ ûḇamməḥûḡâ yəṯā’ŏrēhû wayy^a‘ăśēhû kəṯaḇənîṯ ’îš kəṯifə’ereṯ ’āḏām lāšeḇeṯ bāyiṯ:

14 liḵərāṯ-lwō ’ărāzîm wayyiqq^aḥ tirəzâ wə’allwōn wayə’ammeṣ-lwō b^a‘ăṣê-yā‘ar nāṭ^a‘ ’ōren⁶ wəḡešem yəḡadēl:

15 wəhāyâ lə’āḏām ləḇā‘ēr wayyiqq^aḥ mēhem wayyāḥām ’af-yaśśîq wə’āfâ lāḥem ’af-yifə‘al-’ēl wayyišətāḥû ‘āśâû fesel wayyisəgāḏ-lāmwō:

16 ḥeṣəywō śāraf bəmwō-’ēš ‘al-ḥeṣəywō bāśār yō’ḵēl yiṣəleh ṣālî wəyiśəbā‘ ’af-yāḥōm wəyō’mar he’āḥ ḥammwōṯî rā’îṯî ’ûr:

17 ûšə’ērîṯwō lə’ēl ‘āśâ ləfisəlwō yisəgwōḏ- yisəgāḏ- lwō wəyišət^aḥû wəyiṯəpallēl ’ēlāyw wəyō’mar haṣṣîlēnî kî ’ēlî ’ātâ:

18 lō’ yāḏə‘û wəlō’ yāḇînû kî ṭ^aḥ mērə’wōṯ ‘ênêhem mēhaśəkîl libōṯām:

19 wəlō’-yāšîḇ ’el-libwō wəlō’ ḏ^a‘aṯ wəlō’-ṯəḇûnâ lē’mōr ḥeṣəywō śārafətî ḇəmwō-’ēš wə’af ’āfîṯî ‘al-geḥālāyw leḥem ’eṣəleh ḇāśār wə’ōḵēl wəyiṯərwō ləṯwō‘ēḇâ ’e‘ĕśeh ləḇûl ‘ēṣ ’esəgwōḏ:

20 rō‘eh ’ēfer lēḇ hûṯal hiṭṭâû wəlō’-yaṣṣîl ’eṯ-nafəšwō wəlō’ yō’mar hălwō’ šeqer bîmînî: s

21 zəḵār-’ēlleh y^a‘ăqōḇ wəyiśərā’ēl kî ‘aḇədî-’ātâ yəṣarətîḵā ‘eḇeḏ-lî ’atâ yiśərā’ēl lō’ ṯinnāšēnî:

22 māḥîṯî ḵā‘āḇ pəšā‘eyḵā wəḵe‘ānān ḥaṭṭō’wṯeyḵā šûḇâ ’ēlay kî ḡə’alətîḵā:

23 rānnû šāmayim kî-‘āśâ yəhwâ hārî‘û t^aḥətîywōṯ ’āreṣ piṣəḥû hārîm rinnâ y^a‘ar wəḵāl-‘ēṣ bwō kî-ḡā’al yəhwâ y^a‘ăqōḇ ûḇəyiśərā’ēl yiṯəpā’ār: f

24 kōh-’āmar yəhwâ gō’ăleḵā wəyōṣerəḵā mibāṭen ’ānōḵî yəhwâ ‘ōśeh kōl nōṭeh šāmayim ləḇadî rōq^a‘ hā’āreṣ mî ’itî mē’itî:

25 mēfēr ’ōṯwōṯ badîm wəqōsəmîm yəhwōlēl mēšîḇ ḥăḵāmîm ’āḥwōr wəḏ^a‘ətām yəśakēl:

26 mēqîm dəḇar ‘aḇədwō w^a‘ăṣaṯ malə’āḵāyw yašəlîm hā’ōmēr lîrûšālaim tûšāḇ ûlə‘ārê yəhûḏâ tibāneynâ wəḥārəḇwōṯeyhā ’ăqwōmēm:

27 hā’ōmēr laṣṣûlâ ḥŏrāḇî wənahărōṯayiḵə ’wōḇîš:

28 hā’ōmēr ləḵwōreš rō‘î wəḵāl-ḥefəṣî yašəlim wəlē’mōr lîrûšālaim tibāneh wəhêḵāl tiûāsēḏ: s

‎1 ‏כֹּה־אָמַ֣ר יְהוָה֮ לִמְשִׁיחוֹ֮ לְכ֣וֹרֶשׁ אֲשֶׁר־הֶחֱזַ֣קְתִּי בִֽימִינ֗וֹ לְרַד־לְפָנָיו֙ גּוֹיִ֔ם וּמָתְנֵ֥י מְלָכִ֖ים אֲפַתֵּ֑חַ לִפְתֹּ֤חַ לְפָנָיו֙ דְּלָתַ֔יִם וּשְׁעָרִ֖ים לֹ֥א יִסָּגֵֽרוּ׃

‎2 ‏אֲנִי֙ לְפָנֶ֣יךָ אֵלֵ֔ךְ וַהֲדוּרִ֖ים אושר אֲיַשֵּׁ֑ר דַּלְת֤וֹת נְחוּשָׁה֙ אֲשַׁבֵּ֔ר וּבְרִיחֵ֥י בַרְזֶ֖ל אֲגַדֵּֽעַ׃

‎3 ‏וְנָתַתִּ֤י לְךָ֙ אוֹצְר֣וֹת חֹ֔שֶׁךְ וּמַטְמֻנֵ֖י מִסְתָּרִ֑ים לְמַ֣עַן תֵּדַ֗ע כִּֽי־אֲנִ֧י יְהוָ֛ה הַקּוֹרֵ֥א בְשִׁמְךָ֖ אֱלֹהֵ֥י יִשְׂרָאֵֽל׃

‎4 ‏לְמַ֙עַן֙ עַבְדִּ֣י יַעֲקֹ֔ב וְיִשְׂרָאֵ֖ל בְּחִירִ֑י וָאֶקְרָ֤א לְךָ֙ בִּשְׁמֶ֔ךָ אֲכַנְּךָ֖ וְלֹ֥א יְדַעְתָּֽנִי׃

‎5 ‏אֲנִ֤י יְהוָה֙ וְאֵ֣ין ע֔וֹד זוּלָתִ֖י אֵ֣ין אֱלֹהִ֑ים אֲאַזֶּרְךָ֖ וְלֹ֥א יְדַעְתָּֽנִי׃

‎6 ‏לְמַ֣עַן יֵדְע֗וּ מִמִּזְרַח־שֶׁ֙מֶשׁ֙ וּמִמַּ֣עֲרָבָ֔ה כִּי־אֶ֖פֶס בִּלְעָדָ֑י אֲנִ֥י יְהוָ֖ה וְאֵ֥ין עֽוֹד׃

‎7 ‏יוֹצֵ֥ר אוֹר֙ וּבוֹרֵ֣א חֹ֔שֶׁךְ עֹשֶׂ֥ה שָׁל֖וֹם וּב֣וֹרֵא רָ֑ע אֲנִ֥י יְהוָ֖ה עֹשֶׂ֥ה כָל־אֵֽלֶּה׃ ס

‎8 ‏הַרְעִ֤יפוּ שָׁמַ֙יִם֙ מִמַּ֔עַל וּשְׁחָקִ֖ים יִזְּלוּ־צֶ֑דֶק תִּפְתַּח־אֶ֣רֶץ וְיִפְרוּ־יֶ֗שַׁע וּצְדָקָ֤ה תַצְמִ֙יחַ֙ יַ֔חַד אֲנִ֥י יְהוָ֖ה בְּרָאתִֽיו׃ ס

‎9 ‏ה֗וֹי רָ֚ב אֶת־יֹ֣צְר֔וֹ חֶ֖רֶשׂ אֶת־חַרְשֵׂ֣י אֲדָמָ֑ה הֲיֹאמַ֙ר¹ חֹ֤מֶר לְיֹֽצְרוֹ֙ מַֽה־תַּעֲשֶׂ֔ה וּפָעָלְךָ֖ אֵין־יָדַ֥יִם לֽוֹ׃ ס

‎10 ‏ה֛וֹי אֹמֵ֥ר לְאָ֖ב מַה־תּוֹלִ֑יד וּלְאִשָּׁ֖ה מַה־תְּחִילִֽין׃ ס

‎11 ‏כֹּֽה־אָמַ֧ר יְהוָ֛ה קְד֥וֹשׁ יִשְׂרָאֵ֖ל וְיֹצְר֑וֹ הָאֹתִיּ֣וֹת שְׁאָל֔וּנִי עַל־בָּנַ֛י וְעַל־פֹּ֥עַל יָדַ֖י תְּצַוֻּֽנִי׃

‎12 ‏אָֽנֹכִי֙ עָשִׂ֣יתִי אֶ֔רֶץ וְאָדָ֖ם עָלֶ֣יהָ בָרָ֑אתִי אֲנִ֗י יָדַי֙ נָט֣וּ שָׁמַ֔יִם וְכָל־צְבָאָ֖ם צִוֵּֽיתִי׃

‎13 ‏אָנֹכִי֙ הַעִירֹתִ֣הֽוּ בְצֶ֔דֶק וְכָל־דְּרָכָ֖יו אֲיַשֵּׁ֑ר הֽוּא־יִבְנֶ֤ה עִירִי֙ וְגָלוּתִ֣י יְשַׁלֵּ֔חַ לֹ֤א בִמְחִיר֙ וְלֹ֣א בְשֹׁ֔חַד אָמַ֖ר יְהוָ֥ה צְבָאֽוֹת׃ פ

‎14 ‏כֹּ֣ה׀ אָמַ֣ר יְהוָ֗ה יְגִ֨יעַ מִצְרַ֥יִם וּֽסְחַר־כּוּשׁ֮ וּסְבָאִים֮ אַנְשֵׁ֣י מִדָּה֒ עָלַ֤יִךְ יַעֲבֹ֙רוּ֙ וְלָ֣ךְ יִֽהְי֔וּ אַחֲרַ֣יִךְ יֵלֵ֔כוּ בַּזִּקִּ֖ים יַעֲבֹ֑רוּ וְאֵלַ֤יִךְ יִֽשְׁתַּחֲוּוּ֙¹ אֵלַ֣יִךְ יִתְפַּלָּ֔לוּ אַ֣ךְ בָּ֥ךְ אֵ֛ל וְאֵ֥ין ע֖וֹד אֶ֥פֶס אֱלֹהִֽים׃

‎15 ‏אָכֵ֕ן אַתָּ֖ה אֵ֣ל מִסְתַּתֵּ֑ר אֱלֹהֵ֥י יִשְׂרָאֵ֖ל מוֹשִֽׁיעַ׃

‎16 ‏בּ֥וֹשׁוּ וְגַֽם־נִכְלְמ֖וּ כֻּלָּ֑ם יַחְדָּו֙ הָלְכ֣וּ בַכְּלִמָּ֔ה חָרָשֵׁ֖י צִירִֽים׃

‎17 ‏יִשְׂרָאֵל֙ נוֹשַׁ֣ע בַּיהוָ֔ה תְּשׁוּעַ֖ת עוֹלָמִ֑ים לֹא־תֵבֹ֥שׁוּ וְלֹא־תִכָּלְמ֖וּ עַד־ע֥וֹלְמֵי עַֽד׃ פ

‎18 ‏כִּ֣י כֹ֣ה אָֽמַר־יְ֠הוָה בּוֹרֵ֨א הַשָּׁמַ֜יִם ה֣וּא הָאֱלֹהִ֗ים יֹצֵ֨ר הָאָ֤רֶץ וְעֹשָׂהּ֙ ה֣וּא כֽוֹנְנָ֔הּ לֹא־תֹ֥הוּ בְרָאָ֖הּ לָשֶׁ֣בֶת יְצָרָ֑הּ אֲנִ֥י יְהוָ֖ה וְאֵ֥ין עֽוֹד׃

‎19 ‏לֹ֧א בַסֵּ֣תֶר דִּבַּ֗רְתִּי בִּמְקוֹם֙ אֶ֣רֶץ חֹ֔שֶׁךְ לֹ֥א אָמַ֛רְתִּי לְזֶ֥רַע יַעֲקֹ֖ב תֹּ֣הוּ בַקְּשׁ֑וּנִי אֲנִ֤י יְהוָה֙ דֹּבֵ֣ר צֶ֔דֶק מַגִּ֖יד מֵישָׁרִֽים׃

‎20 ‏הִקָּבְצ֥וּ וָבֹ֛אוּ הִֽתְנַגְּשׁ֥וּ יַחְדָּ֖ו פְּלִיטֵ֣י הַגּוֹיִ֑ם לֹ֣א יָדְע֗וּ הַנֹּֽשְׂאִים֙ אֶת־עֵ֣ץ פִּסְלָ֔ם וּמִתְפַּלְלִ֔ים אֶל־אֵ֖ל לֹ֥א יוֹשִֽׁיעַ׃

‎21 ‏הַגִּ֣ידוּ וְהַגִּ֔ישׁוּ אַ֥ף יִֽוָּעֲצ֖וּ יַחְדָּ֑ו מִ֣י הִשְׁמִיעַ֩ זֹ֨את מִקֶּ֜דֶם מֵאָ֣ז הִגִּידָ֗הּ הֲל֨וֹא אֲנִ֤י יְהוָה֙ וְאֵֽין־ע֤וֹד אֱלֹהִים֙ מִבַּלְעָדַ֔י אֵֽל־צַדִּ֣יק וּמוֹשִׁ֔יעַ אַ֖יִן זוּלָתִֽי׃

‎22 ‏פְּנוּ־אֵלַ֥י וְהִוָּשְׁע֖וּ כָּל־אַפְסֵי־אָ֑רֶץ כִּ֥י אֲנִי־אֵ֖ל וְאֵ֥ין עֽוֹד׃

‎23 ‏בִּ֣י נִשְׁבַּ֔עְתִּי יָצָ֨א מִפִּ֧י צְדָקָ֛ה דָּבָ֖ר וְלֹ֣א יָשׁ֑וּב כִּי־לִי֙ תִּכְרַ֣ע כָּל־בֶּ֔רֶךְ תִּשָּׁבַ֖ע כָּל־לָשֽׁוֹן׃

‎24 ‏אַ֧ךְ בַּיהוָ֛ה לִ֥י אָמַ֖ר צְדָק֣וֹת וָעֹ֑ז עָדָיו֙ יָב֣וֹא וְיֵבֹ֔שׁוּ כֹּ֖ל הַנֶּחֱרִ֥ים בּֽוֹ׃

‎25 ‏בַּיהוָ֛ה יִצְדְּק֥וּ וְיִֽתְהַלְל֖וּ כָּל־זֶ֥רַע יִשְׂרָאֵֽל׃

1 kōh-’āmar yəhwâ liməšîḥwō ləḵwōreš ’ăšer-heḥĕzaqətî ḇîmînwō ləraḏ-ləfānāyw gwōyim ûmāṯənê məlāḵîm ’ăfatēḥa lifətōḥa ləfānāyw dəlāṯayim ûšə‘ārîm lō’ yissāḡērû:

2 ’ănî ləfāneyḵā ’ēlēḵə wahăḏûrîm ’wōšir ’ăyaššēr daləṯwōṯ nəḥûšâ ’ăšabēr ûḇərîḥê ḇarəzel ’ăḡadē‘a:

3 wənāṯatî ləḵā ’wōṣərwōṯ ḥōšeḵə ûmaṭəmunê misətārîm ləm^a‘an tēḏ^a‘ kî-’ănî yəhwâ haqqwōrē’ ḇəšiməḵā ’ĕlōhê yiśərā’ēl:

4 ləm^a‘an ‘aḇədî y^a‘ăqōḇ wəyiśərā’ēl bəḥîrî wā’eqərā’ ləḵā bišəmeḵā ’ăḵannəḵā wəlō’ yəḏ^a‘ətānî:

5 ’ănî yəhwâ wə’ên ‘wōḏ zûlāṯî ’ên ’ĕlōhîm ’ă’azzerəḵā wəlō’ yəḏ^a‘ətānî:

6 ləm^a‘an yēḏə‘û mimmizər^aḥ-šemeš ûmimm^a‘ărāḇâ kî-’efes bilə‘āḏāy ’ănî yəhwâ wə’ên ‘wōḏ:

7 ywōṣēr ’wōr ûḇwōrē’ ḥōšeḵə ‘ōśeh šālwōm ûḇwōrē’ rā‘ ’ănî yəhwâ ‘ōśeh ḵāl-’ēlleh: s

8 harə‘îfû šāmayim mimm^a‘al ûšəḥāqîm yizzəlû-ṣeḏeq tifət^aḥ-’ereṣ wəyifərû-yeš^a‘ ûṣəḏāqâ ṯaṣəmîḥa y^aḥaḏ ’ănî yəhwâ bərā’ṯîw: s

9 hwōy rāḇ ’eṯ-yōṣərwō ḥereś ’eṯ-ḥarəśê ’ăḏāmâ hăyō’mar¹ ḥōmer ləyōṣərwō mah-t^a‘ăśeh ûfā‘āləḵā ’ên-yāḏayim lwō: s

10 hwōy ’ōmēr lə’āḇ mah-twōlîḏ ûlə’iššâ mah-təḥîlîn: s

11 kōh-’āmar yəhwâ qəḏwōš yiśərā’ēl wəyōṣərwō hā’ōṯîywōṯ šə’ālûnî ‘al-bānay wə‘al-pō‘al yāḏay təṣaûunî:

12 ’ānōḵî ‘āśîṯî ’ereṣ wə’āḏām ‘āleyhā ḇārā’ṯî ’ănî yāḏay nāṭû šāmayim wəḵāl-ṣəḇā’ām ṣiûêṯî:

13 ’ānōḵî h^a‘îrōṯihû ḇəṣeḏeq wəḵāl-dərāḵāyw ’ăyaššēr hû’-yiḇəneh ‘îrî wəḡālûṯî yəšallēḥa lō’ ḇiməḥîr wəlō’ ḇəšōḥaḏ ’āmar yəhwâ ṣəḇā’wōṯ: f

14 kōh| ’āmar yəhwâ yəḡî‘a miṣərayim ûsəḥar-kûš ûsəḇā’îm ’anəšê midâ ‘ālayiḵə y^a‘ăḇōrû wəlāḵə yihəyû ’^aḥărayiḵə yēlēḵû bazziqqîm y^a‘ăḇōrû wə’ēlayiḵə yišət^aḥăûû¹ ’ēlayiḵə yiṯəpallālû ’aḵə bāḵə ’ēl wə’ên ‘wōḏ ’efes ’ĕlōhîm:

15 ’āḵēn ’atâ ’ēl misətatēr ’ĕlōhê yiśərā’ēl mwōšî‘a:

16 bwōšû wəḡam-niḵələmû kullām y^aḥədāw hāləḵû ḇakəlimmâ ḥārāšê ṣîrîm:

17 yiśərā’ēl nwōš^a‘ bayhwâ təšû‘aṯ ‘wōlāmîm lō’-ṯēḇōšû wəlō’-ṯikāləmû ‘aḏ-‘wōləmê ‘aḏ: f

18 kî ḵōh ’āmar-yəhwâ bwōrē’ haššāmayim hû’ hā’ĕlōhîm yōṣēr hā’āreṣ wə‘ōśāh hû’ ḵwōnənāh lō’-ṯōhû ḇərā’āh lāšeḇeṯ yəṣārāh ’ănî yəhwâ wə’ên ‘wōḏ:

19 lō’ ḇassēṯer dibarətî biməqwōm ’ereṣ ḥōšeḵə lō’ ’āmarətî ləzer^a‘ y^a‘ăqōḇ tōhû ḇaqqəšûnî ’ănî yəhwâ dōḇēr ṣeḏeq magîḏ mêšārîm:

20 hiqqāḇəṣû wāḇō’û hiṯənagəšû y^aḥədāw pəlîṭê hagwōyim lō’ yāḏə‘û hannōśə’îm ’eṯ-‘ēṣ pisəlām ûmiṯəpaləlîm ’el-’ēl lō’ ywōšî‘a:

21 hagîḏû wəhagîšû ’af yiûā‘ăṣû y^aḥədāw mî hišəmî‘a zō’ṯ miqqeḏem mē’āz higîḏāh hălwō’ ’ănî yəhwâ wə’ên-‘wōḏ ’ĕlōhîm mibalə‘āḏay ’ēl-ṣadîq ûmwōšî‘a ’ayin zûlāṯî:

22 pənû-’ēlay wəhiûāšə‘û kāl-’afəsê-’āreṣ kî ’ănî-’ēl wə’ên ‘wōḏ:

23 bî nišəb^a‘ətî yāṣā’ mipî ṣəḏāqâ dāḇār wəlō’ yāšûḇ kî-lî tiḵər^a‘ kāl-bereḵə tiššāḇ^a‘ kāl-lāšwōn:

24 ’aḵə bayhwâ lî ’āmar ṣəḏāqwōṯ wā‘ōz ‘āḏāyw yāḇwō’ wəyēḇōšû kōl hanneḥĕrîm bwō:

25 bayhwâ yiṣədəqû wəyiṯəhaləlû kāl-zer^a‘ yiśərā’ēl:

‎1 ‏כָּרַ֥ע בֵּל֙ קֹרֵ֣ס נְב֔וֹ הָיוּ֙ עֲצַבֵּיהֶ֔ם לַחַיָּ֖ה וְלַבְּהֵמָ֑ה נְשֻׂאֹתֵיכֶ֣ם עֲמוּס֔וֹת מַשָּׂ֖א לַעֲיֵפָֽה׃

‎2 ‏קָרְס֤וּ כָֽרְעוּ֙ יַחְדָּ֔ו לֹ֥א יָכְל֖וּ מַלֵּ֣ט מַשָּׂ֑א וְנַפְשָׁ֖ם בַּשְּׁבִ֥י הָלָֽכָה׃ ס

‎3 ‏שִׁמְע֤וּ אֵלַי֙ בֵּ֣ית יַעֲקֹ֔ב וְכָל־שְׁאֵרִ֖ית בֵּ֣ית יִשְׂרָאֵ֑ל הַֽעֲמֻסִים֙ מִנִּי־בֶ֔טֶן הַנְּשֻׂאִ֖ים מִנִּי־רָֽחַם׃

‎4 ‏וְעַד־זִקְנָה֙ אֲנִ֣י ה֔וּא וְעַד־שֵיבָ֖ה¹ אֲנִ֣י אֶסְבֹּ֑ל אֲנִ֤י עָשִׂ֙יתִי֙ וַאֲנִ֣י אֶשָּׂ֔א וַאֲנִ֥י אֶסְבֹּ֖ל וַאֲמַלֵּֽט׃ ס

‎5 ‏לְמִ֥י תְדַמְי֖וּנִי וְתַשְׁו֑וּ וְתַמְשִׁל֖וּנִי וְנִדְמֶֽה׃

‎6 ‏הַזָּלִ֤ים זָהָב֙ מִכִּ֔יס וְכֶ֖סֶף בַּקָּנֶ֣ה יִשְׁקֹ֑לוּ יִשְׂכְּר֤וּ צוֹרֵף֙ וְיַעֲשֵׂ֣הוּ אֵ֔ל יִסְגְּד֖וּ אַף־יִֽשְׁתַּחֲוּֽוּ׃¹

‎7 ‏יִ֠שָּׂאֻהוּ עַל־כָּתֵ֨ף יִסְבְּלֻ֜הוּ וְיַנִּיחֻ֤הוּ תַחְתָּיו֙ וְיַֽעֲמֹ֔ד מִמְּקוֹמ֖וֹ לֹ֣א יָמִ֑ישׁ אַף־יִצְעַ֤ק אֵלָיו֙ וְלֹ֣א יַעֲנֶ֔ה מִצָּרָת֖וֹ לֹ֥א יוֹשִׁיעֶֽנּוּ׃ ס

‎8 ‏זִכְרוּ־זֹ֖את וְהִתְאֹשָׁ֑שׁוּ הָשִׁ֥יבוּ פוֹשְׁעִ֖ים עַל־לֵֽב׃

‎9 ‏זִכְר֥וּ רִאשֹׁנ֖וֹת מֵעוֹלָ֑ם כִּ֣י אָנֹכִ֥י אֵל֙ וְאֵ֣ין ע֔וֹד אֱלֹהִ֖ים וְאֶ֥פֶס כָּמֽוֹנִי׃

‎10 ‏מַגִּ֤יד מֵֽרֵאשִׁית֙ אַחֲרִ֔ית וּמִקֶּ֖דֶם אֲשֶׁ֣ר לֹא־נַעֲשׂ֑וּ אֹמֵר֙ עֲצָתִ֣י תָק֔וּם וְכָל־חֶפְצִ֖י אֶעֱשֶֽׂה׃

‎11 ‏קֹרֵ֤א מִמִּזְרָח֙ עַ֔יִט מֵאֶ֥רֶץ מֶרְחָ֖ק אִ֣ישׁ עצתו עֲצָתִ֑י אַף־דִּבַּ֙רְתִּי֙ אַף־אֲבִיאֶ֔נָּה יָצַ֖רְתִּי אַף־אֶעֱשֶֽׂנָּה׃ ס

‎12 ‏שִׁמְע֥וּ אֵלַ֖י אַבִּ֣ירֵי לֵ֑ב הָרְחוֹקִ֖ים מִצְּדָקָֽה׃

‎13 ‏קֵרַ֤בְתִּי צִדְקָתִי֙ לֹ֣א תִרְחָ֔ק וּתְשׁוּעָתִ֖י לֹ֣א תְאַחֵ֑ר וְנָתַתִּ֤י בְצִיּוֹן֙ תְּשׁוּעָ֔ה לְיִשְׂרָאֵ֖ל תִּפְאַרְתִּֽי׃ ס

1 kār^a‘ bēl qōrēs nəḇwō hāyû ‘ăṣabêhem l^aḥayyâ wəlabəhēmâ nəśu’ōṯêḵem ‘ămûswōṯ maśśā’ l^a‘ăyēfâ:

2 qārəsû ḵārə‘û y^aḥədāw lō’ yāḵəlû mallēṭ maśśā’ wənafəšām baššəḇî hālāḵâ: s

3 šimə‘û ’ēlay bêṯ y^a‘ăqōḇ wəḵāl-šə’ērîṯ bêṯ yiśərā’ēl h^a‘ămusîm minnî-ḇeṭen hannəśu’îm minnî-rāḥam:

4 wə‘aḏ-ziqənâ ’ănî hû’ wə‘aḏ-sêḇâ¹ ’ănî ’esəbōl ’ănî ‘āśîṯî wa’ănî ’eśśā’ wa’ănî ’esəbōl wa’ămallēṭ: s

5 ləmî ṯəḏaməyûnî wəṯašəwû wəṯaməšilûnî wəniḏəmeh:

6 hazzālîm zâāḇ mikîs wəḵesef baqqāneh yišəqōlû yiśəkərû ṣwōrēf wəy^a‘ăśēhû ’ēl yisəgəḏû ’af-yišət^aḥăûû:¹

7 yiśśā’uhû ‘al-kāṯēf yisəbəluhû wəyannîḥuhû ṯ^aḥətāyw wəy^a‘ămōḏ mimməqwōmwō lō’ yāmîš ’af-yiṣə‘aq ’ēlāyw wəlō’ y^a‘ăneh miṣṣārāṯwō lō’ ywōšî‘ennû: s

8 ziḵərû-zō’ṯ wəhiṯə’ōšāšû hāšîḇû fwōšə‘îm ‘al-lēḇ:

9 ziḵərû ri’šōnwōṯ mē‘wōlām kî ’ānōḵî ’ēl wə’ên ‘wōḏ ’ĕlōhîm wə’efes kāmwōnî:

10 magîḏ mērē’šîṯ ’^aḥărîṯ ûmiqqeḏem ’ăšer lō’-n^a‘ăśû ’ōmēr ‘ăṣāṯî ṯāqûm wəḵāl-ḥefəṣî ’e‘ĕśeh:

11 qōrē’ mimmizərāḥ ‘ayiṭ mē’ereṣ merəḥāq ’îš ‘ăṣāṯwō ‘ăṣāṯî ’af-dibarətî ’af-’ăḇî’ennâ yāṣarətî ’af-’e‘ĕśennâ: s

12 šimə‘û ’ēlay ’abîrê lēḇ hārəḥwōqîm miṣṣəḏāqâ:

13 qēraḇətî ṣiḏəqāṯî lō’ ṯirəḥāq ûṯəšû‘āṯî lō’ ṯə’^aḥēr wənāṯatî ḇəṣîywōn təšû‘â ləyiśərā’ēl tifə’arətî: s

‎1 ‏רְדִ֣י׀ וּשְׁבִ֣י עַל־עָפָ֗ר בְּתוּלַת֙ בַּת־בָּבֶ֔ל שְׁבִי־לָאָ֥רֶץ אֵין־כִּסֵּ֖א בַּת־כַּשְׂדִּ֑ים כִּ֣י לֹ֤א תוֹסִ֙יפִי֙ יִקְרְאוּ־לָ֔ךְ רַכָּ֖ה וַעֲנֻגָּֽה׃

‎2 ‏קְחִ֥י רֵחַ֖יִם וְטַ֣חֲנִי קָ֑מַח גַּלִּ֨י צַמָּתֵ֧ךְ חֶשְׂפִּי־שֹׁ֛בֶל גַּלִּי־שׁ֖וֹק עִבְרִ֥י נְהָרֽוֹת׃

‎3 ‏תִּגָּל֙ עֶרְוָתֵ֔ךְ גַּ֥ם תֵּרָאֶ֖ה חֶרְפָּתֵ֑ךְ נָקָ֣ם אֶקָּ֔ח וְלֹ֥א אֶפְגַּ֖ע אָדָֽם׃ ס

‎4 ‏גֹּאֲלֵ֕נוּ יְהוָ֥ה צְבָא֖וֹת שְׁמ֑וֹ קְד֖וֹשׁ יִשְׂרָאֵֽל׃

‎5 ‏שְׁבִ֥י דוּמָ֛ם וּבֹ֥אִי בַחֹ֖שֶׁךְ בַּת־כַּשְׂדִּ֑ים כִּ֣י לֹ֤א תוֹסִ֙יפִי֙ יִקְרְאוּ־לָ֔ךְ גְּבֶ֖רֶת מַמְלָכֽוֹת׃

‎6 ‏קָצַ֣פְתִּי עַל־עַמִּ֗י חִלַּ֙לְתִּי֙ נַחֲלָתִ֔י וָאֶתְּנֵ֖ם בְּיָדֵ֑ךְ לֹא־שַׂ֤מְתְּ לָהֶם֙ רַחֲמִ֔ים עַל־זָקֵ֕ן הִכְבַּ֥דְתְּ עֻלֵּ֖ךְ מְאֹֽד׃

‎7 ‏וַתֹּ֣אמְרִ֔י לְעוֹלָ֖ם אֶהְיֶ֣ה גְבָ֑רֶת עַ֣ד לֹא־שַׂ֥מְתְּ אֵ֙לֶּה֙ עַל־לִבֵּ֔ךְ לֹ֥א זָכַ֖רְתְּ אַחֲרִיתָֽהּ׃ ס

‎8 ‏וְעַתָּ֞ה שִׁמְעִי־זֹ֤את עֲדִינָה֙ הַיּוֹשֶׁ֣בֶת לָבֶ֔טַח הָאֹֽמְרָה֙ בִּלְבָ֔בָהּ אֲנִ֖י וְאַפְסִ֣י ע֑וֹד לֹ֤א אֵשֵׁב֙ אַלְמָנָ֔ה וְלֹ֥א אֵדַ֖ע שְׁכֽוֹל׃

‎9 ‏וְתָבֹאנָה֩ לָּ֨ךְ שְׁתֵּי־אֵ֥לֶּה רֶ֛גַע בְּי֥וֹם אֶחָ֖ד שְׁכ֣וֹל וְאַלְמֹ֑ן כְּתֻמָּם֙ בָּ֣אוּ עָלַ֔יִךְ בְּרֹ֣ב כְּשָׁפַ֔יִךְ בְּעָצְמַ֥ת חֲבָרַ֖יִךְ מְאֹֽד׃

‎10 ‏וַתִּבְטְחִ֣י בְרָעָתֵ֗ךְ אָמַרְתְּ֙ אֵ֣ין רֹאָ֔נִי חָכְמָתֵ֥ךְ וְדַעְתֵּ֖ךְ הִ֣יא שׁוֹבְבָ֑תֶךְ וַתֹּאמְרִ֣י בְלִבֵּ֔ךְ אֲנִ֖י וְאַפְסִ֥י עֽוֹד׃

‎11 ‏וּבָ֧א עָלַ֣יִךְ רָעָ֗ה לֹ֤א תֵדְעִי֙ שַׁחְרָ֔הּ וְתִפֹּ֤ל עָלַ֙יִךְ֙ הוָֹ֔ה לֹ֥א תוּכְלִ֖י כַּפְּרָ֑הּ וְתָבֹ֨א עָלַ֧יִךְ פִּתְאֹ֛ם שׁוֹאָ֖ה לֹ֥א תֵדָֽעִי׃

‎12 ‏עִמְדִי־נָ֤א בַחֲבָרַ֙יִךְ֙ וּבְרֹ֣ב כְּשָׁפַ֔יִךְ בַּאֲשֶׁ֥ר יָגַ֖עַתְּ מִנְּעוּרָ֑יִךְ אוּלַ֛י תּוּכְלִ֥י הוֹעִ֖יל אוּלַ֥י תַּעֲרֽוֹצִי׃

‎13 ‏נִלְאֵ֖ית בְּרֹ֣ב עֲצָתָ֑יִךְ יַעַמְדוּ־נָ֨א וְיוֹשִׁיעֻ֜ךְ הברו הֹבְרֵ֣י שָׁמַ֗יִם הַֽחֹזִים֙ בַּכּ֣וֹכָבִ֔ים מֽוֹדִיעִם֙ לֶחֳדָשִׁ֔ים מֵאֲשֶׁ֥ר יָבֹ֖אוּ עָלָֽיִךְ׃

‎14 ‏הִנֵּ֨ה הָי֤וּ כְקַשׁ֙ אֵ֣שׁ שְׂרָפָ֔תַם לֹֽא־יַצִּ֥ילוּ אֶת־נַפְשָׁ֖ם מִיַּ֣ד לֶֽהָבָ֑ה אֵין־גַּחֶ֣לֶת לַחְמָ֔ם א֖וּר לָשֶׁ֥בֶת נֶגְדּֽוֹ׃

‎15 ‏כֵּ֥ן הָיוּ־לָ֖ךְ אֲשֶׁ֣ר יָגָ֑עַתְּ סֹחֲרַ֣יִךְ מִנְּעוּרַ֗יִךְ אִ֤ישׁ לְעֶבְרוֹ֙ תָּע֔וּ אֵ֖ין מוֹשִׁיעֵֽךְ׃ ס

1 rəḏî| ûšəḇî ‘al-‘āfār bəṯûlaṯ baṯ-bāḇel šəḇî-lā’āreṣ ’ên-kissē’ baṯ-kaśədîm kî lō’ ṯwōsîfî yiqərə’û-lāḵə rakâ w^a‘ănugâ:

2 qəḥî rēḥayim wəṭ^aḥănî qām^aḥ gallî ṣammāṯēḵə ḥeśəpî-šōḇel gallî-šwōq ‘iḇərî nəhārwōṯ:

3 tigāl ‘erəwāṯēḵə gam tērā’eh ḥerəpāṯēḵə nāqām ’eqqāḥ wəlō’ ’efəg^a‘ ’āḏām: s

4 gō’ălēnû yəhwâ ṣəḇā’wōṯ šəmwō qəḏwōš yiśərā’ēl:

5 šəḇî ḏûmām ûḇō’î ḇ^aḥōšeḵə baṯ-kaśədîm kî lō’ ṯwōsîfî yiqərə’û-lāḵə gəḇereṯ maməlāḵwōṯ:

6 qāṣafətî ‘al-‘ammî ḥillalətî n^aḥălāṯî wā’etənēm bəyāḏēḵə lō’-śamətə lâem r^aḥămîm ‘al-zāqēn hiḵəbaḏətə ‘ullēḵə mə’ōḏ:

7 watō’mərî lə‘wōlām ’ehəyeh ḡəḇāreṯ ‘aḏ lō’-śamətə ’ēlleh ‘al-libēḵə lō’ zāḵarətə ’^aḥărîṯāh: s

8 wə‘atâ šimə‘î-zō’ṯ ‘ăḏînâ hayywōšeḇeṯ lāḇeṭ^aḥ hā’ōmərâ biləḇāḇāh ’ănî wə’afəsî ‘wōḏ lō’ ’ēšēḇ ’aləmānâ wəlō’ ’ēḏ^a‘ šəḵwōl:

9 wəṯāḇō’nâ llāḵə šətê-’ēlleh reḡ^a‘ bəywōm ’eḥāḏ šəḵwōl wə’aləmōn kəṯummām bā’û ‘ālayiḵə bərōḇ kəšāfayiḵə bə‘āṣəmaṯ ḥăḇārayiḵə mə’ōḏ:

10 watiḇəṭəḥî ḇərā‘āṯēḵə ’āmarətə ’ên rō’ānî ḥāḵəmāṯēḵə wəḏ^a‘ətēḵə hî’ šwōḇəḇāṯeḵə watō’mərî ḇəlibēḵə ’ănî wə’afəsî ‘wōḏ:

11 ûḇā’ ‘ālayiḵə rā‘â lō’ ṯēḏə‘î š^aḥərāh wəṯipōl ‘ālayiḵə hwōâ lō’ ṯûḵəlî kapərāh wəṯāḇō’ ‘ālayiḵə piṯə’ōm šwō’â lō’ ṯēḏā‘î:

12 ‘iməḏî-nā’ ḇ^aḥăḇārayiḵə ûḇərōḇ kəšāfayiḵə ba’ăšer yāḡ^a‘atə minnə‘ûrāyiḵə ’ûlay tûḵəlî hwō‘îl ’ûlay t^a‘ărwōṣî:

13 nilə’êṯ bərōḇ ‘ăṣāṯāyiḵə y^a‘aməḏû-nā’ wəywōšî‘uḵə hāḇərû hōḇərê šāmayim h^aḥōzîm bakwōḵāḇîm mwōḏî‘im leḥŏḏāšîm mē’ăšer yāḇō’û ‘ālāyiḵə:

14 hinnēh hāyû ḵəqaš ’ēš śərāfāṯam lō’-yaṣṣîlû ’eṯ-nafəšām mîyaḏ lehāḇâ ’ên-g^aḥeleṯ l^aḥəmām ’ûr lāšeḇeṯ neḡədwō:

15 kēn hāyû-lāḵə ’ăšer yāḡā‘atə sōḥărayiḵə minnə‘ûrayiḵə ’îš lə‘eḇərwō tā‘û ’ên mwōšî‘ēḵə: s

‎1 ‏שִׁמְעוּ־זֹ֣את בֵּֽית־יַעֲקֹ֗ב הַנִּקְרָאִים֙ בְּשֵׁ֣ם יִשְׂרָאֵ֔ל וּמִמֵּ֥י יְהוּדָ֖ה יָצָ֑אוּ הַֽנִּשְׁבָּעִ֣ים׀ בְּשֵׁ֣ם יְהוָ֗ה וּבֵאלֹהֵ֤י יִשְׂרָאֵל֙ יַזְכִּ֔ירוּ לֹ֥א בֶאֱמֶ֖ת וְלֹ֥א בִצְדָקָֽה׃

‎2 ‏כִּֽי־מֵעִ֤יר הַקֹּ֙דֶשׁ֙ נִקְרָ֔אוּ וְעַל־אֱלֹהֵ֥י יִשְׂרָאֵ֖ל נִסְמָ֑כוּ יְהוָ֥ה צְבָא֖וֹת שְׁמֽוֹ׃ ס

‎3 ‏הָרִֽאשֹׁנוֹת֙ מֵאָ֣ז הִגַּ֔דְתִּי וּמִפִּ֥י יָצְא֖וּ וְאַשְׁמִיעֵ֑ם פִּתְאֹ֥ם עָשִׂ֖יתִי וַתָּבֹֽאנָה׃

‎4 ‏מִדַּעְתִּ֕י כִּ֥י קָשֶׁ֖ה אָ֑תָּה וְגִ֤יד בַּרְזֶל֙ עָרְפֶּ֔ךָ וּמִצְחֲךָ֖ נְחוּשָֽׁה׃

‎5 ‏וָאַגִּ֤יד לְךָ֙ מֵאָ֔ז בְּטֶ֥רֶם תָּב֖וֹא הִשְׁמַעְתִּ֑יךָ פֶּן־תֹּאמַר֙ עָצְבִּ֣י עָשָׂ֔ם וּפִסְלִ֥י וְנִסְכִּ֖י צִוָּֽם׃

‎6 ‏שָׁמַ֤עְתָּֽ חֲזֵה֙ כֻּלָּ֔הּ וְאַתֶּ֖ם הֲל֣וֹא תַגִּ֑ידוּ הִשְׁמַעְתִּ֤יךָ חֲדָשׁוֹת֙ מֵעַ֔תָּה וּנְצֻר֖וֹת וְלֹ֥א יְדַעְתָּֽם׃

‎7 ‏עַתָּ֤ה נִבְרְאוּ֙ וְלֹ֣א מֵאָ֔ז וְלִפְנֵי־י֖וֹם וְלֹ֣א שְׁמַעְתָּ֑ם פֶּן־תֹּאמַ֖ר הִנֵּ֥ה יְדַעְתִּֽין׃

‎8 ‏גַּ֣ם לֹֽא־שָׁמַ֗עְתָּ גַּ֚ם לֹ֣א יָדַ֔עְתָּ גַּ֕ם מֵאָ֖ז לֹא־פִתְּחָ֣ה אָזְנֶ֑ךָ כִּ֤י יָדַ֙עְתִּי֙ בָּג֣וֹד תִּבְגּ֔וֹד וּפֹשֵׁ֥עַ מִבֶּ֖טֶן קֹ֥רָא לָֽךְ׃

‎9 ‏לְמַ֤עַן שְׁמִי֙ אַאֲרִ֣יךְ אַפִּ֔י וּתְהִלָּתִ֖י אֶחֱטָם־לָ֑ךְ לְבִלְתִּ֖י הַכְרִיתֶֽךָ׃

‎10 ‏הִנֵּ֥ה צְרַפְתִּ֖יךָ וְלֹ֣א בְכָ֑סֶף בְּחַרְתִּ֖יךָ בְּכ֥וּר עֹֽנִי׃

‎11 ‏לְמַעֲנִ֧י לְמַעֲנִ֛י אֶעֱשֶׂ֖ה כִּ֣י אֵ֣יךְ יֵחָ֑ל וּכְבוֹדִ֖י לְאַחֵ֥ר לֹֽא־אֶתֵּֽן׃ ס

‎12 ‏שְׁמַ֤ע אֵלַי֙ יַֽעֲקֹ֔ב וְיִשְׂרָאֵ֖ל מְקֹרָאִ֑י אֲנִי־הוּא֙ אֲנִ֣י רִאשׁ֔וֹן אַ֖ף אֲנִ֥י אַחֲרֽוֹן׃

‎13 ‏אַף־יָדִי֙ יָ֣סְדָה אֶ֔רֶץ וִֽימִינִ֖י טִפְּחָ֣ה שָׁמָ֑יִם קֹרֵ֥א אֲנִ֛י אֲלֵיהֶ֖ם יַעַמְד֥וּ יַחְדָּֽו׃

‎14 ‏הִקָּבְצ֤וּ כֻלְּכֶם֙ וּֽשֲׁמָ֔עוּ מִ֥י בָהֶ֖ם הִגִּ֣יד אֶת־אֵ֑לֶּה יְהוָ֣ה אֲהֵב֔וֹ יַעֲשֶׂ֤ה חֶפְצוֹ֙ בְּבָבֶ֔ל וּזְרֹע֖וֹ כַּשְׂדִּֽים׃

‎15 ‏אֲנִ֥י אֲנִ֛י דִּבַּ֖רְתִּי אַף־קְרָאתִ֑יו הֲבִיאֹתִ֖יו וְהִצְלִ֥יחַ דַּרְכּֽוֹ׃

‎16 ‏קִרְב֧וּ אֵלַ֣י שִׁמְעוּ־זֹ֗את לֹ֤א מֵרֹאשׁ֙ בַּסֵּ֣תֶר דִּבַּ֔רְתִּי מֵעֵ֥ת הֱיוֹתָ֖הּ שָׁ֣ם אָ֑נִי וְעַתָּ֗ה אֲדֹנָ֧י יְהוִ֛ה שְׁלָחַ֖נִי וְרוּחֽוֹ׃ פ

‎17 ‏כֹּֽה־אָמַ֧ר יְהוָ֛ה גֹּאַלְךָ֖ קְד֣וֹשׁ יִשְׂרָאֵ֑ל אֲנִ֨י יְהוָ֤ה אֱלֹהֶ֙יךָ֙ מְלַמֶּדְךָ֣ לְהוֹעִ֔יל מַדְרִֽיכֲךָ֖ בְּדֶ֥רֶךְ תֵּלֵֽךְ׃

‎18 ‏ל֥וּא הִקְשַׁ֖בְתָּ לְמִצְוֹתָ֑י וַיְהִ֤י כַנָּהָר֙ שְׁלוֹמֶ֔ךָ וְצִדְקָתְךָ֖ כְּגַלֵּ֥י הַיָּֽם׃

‎19 ‏וַיְהִ֤י כַחוֹל֙ זַרְעֶ֔ךָ וְצֶאֱצָאֵ֥י מֵעֶ֖יךָ כִּמְעֹתָ֑יו לֹֽא־יִכָּרֵ֧ת וְֽלֹא־יִשָּׁמֵ֛ד שְׁמ֖וֹ מִלְּפָנָֽי׃

‎20 ‏צְא֣וּ מִבָּבֶל֮ בִּרְח֣וּ מִכַּשְׂדִּים֒ בְּק֣וֹל רִנָּ֗ה הַגִּ֤ידוּ הַשְׁמִ֙יעוּ֙ זֹ֔את הוֹצִיא֖וּהָ עַד־קְצֵ֣ה הָאָ֑רֶץ אִמְר֕וּ גָּאַ֥ל יְהוָ֖ה עַבְדּ֥וֹ יַעֲקֹֽב׃

‎21 ‏וְלֹ֣א צָמְא֗וּ בָּחֳרָבוֹת֙ הֽוֹלִיכָ֔ם מַ֥יִם מִצּ֖וּר הִזִּ֣יל לָ֑מוֹ וַיִּ֨בְקַע־צ֔וּר וַיָּזֻ֖בוּ מָֽיִם׃

‎22 ‏אֵ֣ין שָׁל֔וֹם אָמַ֥ר יְהוָ֖ה לָרְשָׁעִֽים׃ ס

1 šimə‘û-zō’ṯ bêṯ-y^a‘ăqōḇ hanniqərā’îm bəšēm yiśərā’ēl ûmimmê yəhûḏâ yāṣā’û hannišəbā‘îm| bəšēm yəhwâ ûḇē’lōhê yiśərā’ēl yazəkîrû lō’ ḇe’ĕmeṯ wəlō’ ḇiṣəḏāqâ:

2 kî-mē‘îr haqqōḏeš niqərā’û wə‘al-’ĕlōhê yiśərā’ēl nisəmāḵû yəhwâ ṣəḇā’wōṯ šəmwō: s

3 hāri’šōnwōṯ mē’āz higaḏətî ûmipî yāṣə’û wə’ašəmî‘ēm piṯə’ōm ‘āśîṯî watāḇō’nâ:

4 mid^a‘ətî kî qāšeh ’ātâ wəḡîḏ barəzel ‘ārəpeḵā ûmiṣəḥăḵā nəḥûšâ:

5 wā’agîḏ ləḵā mē’āz bəṭerem tāḇwō’ hišəm^a‘ətîḵā pen-tō’mar ‘āṣəbî ‘āśām ûfisəlî wənisəkî ṣiûām:

6 šām^a‘ətā ḥăzēh kullāh wə’atem hălwō’ ṯagîḏû hišəm^a‘ətîḵā ḥăḏāšwōṯ mē‘atâ ûnəṣurwōṯ wəlō’ yəḏ^a‘ətām:

7 ‘atâ niḇərə’û wəlō’ mē’āz wəlifənê-ywōm wəlō’ šəm^a‘ətām pen-tō’mar hinnēh yəḏ^a‘ətîn:

8 gam lō’-šām^a‘ətā gam lō’ yāḏ^a‘ətā gam mē’āz lō’-fitəḥâ ’āzəneḵā kî yāḏ^a‘ətî bāḡwōḏ tiḇəgwōḏ ûfōšē‘a mibeṭen qōrā’ lāḵə:

9 ləm^a‘an šəmî ’a’ărîḵə ’apî ûṯəhillāṯî ’eḥĕṭām-lāḵə ləḇilətî haḵərîṯeḵā:

10 hinnēh ṣərafətîḵā wəlō’ ḇəḵāsef bəḥarətîḵā bəḵûr ‘ōnî:

11 ləm^a‘ănî ləm^a‘ănî ’e‘ĕśeh kî ’êḵə yēḥāl ûḵəḇwōḏî lə’^aḥēr lō’-’etēn: s

12 šəm^a‘ ’ēlay y^a‘ăqōḇ wəyiśərā’ēl məqōrā’î ’ănî-hû’ ’ănî ri’šwōn ’af ’ănî ’^aḥărwōn:

13 ’af-yāḏî yāsəḏâ ’ereṣ wîmînî ṭipəḥâ šāmāyim qōrē’ ’ănî ’ălêhem y^a‘aməḏû y^aḥədāw:

14 hiqqāḇəṣû ḵulləḵem ûšămā‘û mî ḇâem higîḏ ’eṯ-’ēlleh yəhwâ ’ăhēḇwō y^a‘ăśeh ḥefəṣwō bəḇāḇel ûzərō‘wō kaśədîm:

15 ’ănî ’ănî dibarətî ’af-qərā’ṯîw hăḇî’ōṯîw wəhiṣəlîḥa darəkwō:

16 qirəḇû ’ēlay šimə‘û-zō’ṯ lō’ mērō’š bassēṯer dibarətî mē‘ēṯ hĕywōṯāh šām ’ānî wə‘atâ ’ăḏōnāy yəhwih šəlāḥanî wərûḥwō: f

17 kōh-’āmar yəhwâ gō’aləḵā qəḏwōš yiśərā’ēl ’ănî yəhwâ ’ĕlōheyḵā məlammeḏəḵā ləhwō‘îl maḏərîḵăḵā bəḏereḵə tēlēḵə:

18 lû’ hiqəšaḇətā ləmiṣəwōṯāy wayəhî ḵannâār šəlwōmeḵā wəṣiḏəqāṯəḵā kəḡallê hayyām:

19 wayəhî ḵ^aḥwōl zarə‘eḵā wəṣe’ĕṣā’ê mē‘eyḵā kimə‘ōṯāyw lō’-yikārēṯ wəlō’-yiššāmēḏ šəmwō milləfānāy:

20 ṣə’û mibāḇel birəḥû mikaśədîm bəqwōl rinnâ hagîḏû hašəmî‘û zō’ṯ hwōṣî’ûhā ‘aḏ-qəṣēh hā’āreṣ ’imərû gā’al yəhwâ ‘aḇədwō y^a‘ăqōḇ:

21 wəlō’ ṣāmə’û bāḥŏrāḇwōṯ hwōlîḵām mayim miṣṣûr hizzîl lāmwō wayyiḇəq^a‘-ṣûr wayyāzuḇû māyim:

22 ’ên šālwōm ’āmar yəhwâ lārəšā‘îm: s

‎1 ‏שִׁמְע֤וּ אִיִּים֙ אֵלַ֔י וְהַקְשִׁ֥יבוּ לְאֻמִּ֖ים מֵרָח֑וֹק יְהוָה֙ מִבֶּ֣טֶן קְרָאָ֔נִי מִמְּעֵ֥י אִמִּ֖י הִזְכִּ֥יר שְׁמִֽי׃

‎2 ‏וַיָּ֤שֶׂם פִּי֙ כְּחֶ֣רֶב חַדָּ֔ה בְּצֵ֥ל יָד֖וֹ הֶחְבִּיאָ֑נִי וַיְשִׂימֵ֙נִי֙ לְחֵ֣ץ בָּר֔וּר בְּאַשְׁפָּת֖וֹ הִסְתִּירָֽנִי׃

‎3 ‏וַיֹּ֥אמֶר לִ֖י עַבְדִּי־אָ֑תָּה יִשְׂרָאֵ֕ל אֲשֶׁר־בְּךָ֖ אֶתְפָּאָֽר׃

‎4 ‏וַאֲנִ֤י אָמַ֙רְתִּי֙ לְרִ֣יק יָגַ֔עְתִּי לְתֹ֥הוּ וְהֶ֖בֶל כֹּחִ֣י כִלֵּ֑יתִי אָכֵן֙ מִשְׁפָּטִ֣י אֶת־יְהוָ֔ה וּפְעֻלָּתִ֖י אֶת־אֱלֹהָֽי׃

‎5 ‏וְעַתָּ֣ה׀ אָמַ֣ר יְהוָ֗ה יֹצְרִ֤י מִבֶּ֙טֶן֙ לְעֶ֣בֶד ל֔וֹ לְשׁוֹבֵ֤ב יַֽעֲקֹב֙ אֵלָ֔יו וְיִשְׂרָאֵ֖ל לא ל֣וֹ יֵאָסֵ֑ף וְאֶכָּבֵד֙ בְּעֵינֵ֣י יְהוָ֔ה וֵאלֹהַ֖י הָיָ֥ה עֻזִּֽי׃

‎6 ‏וַיֹּ֗אמֶר נָקֵ֨ל מִֽהְיוֹתְךָ֥ לִי֙ עֶ֔בֶד לְהָקִים֙ אֶת־שִׁבְטֵ֣י יַעֲקֹ֔ב ונצירי וּנְצוּרֵ֥י יִשְׂרָאֵ֖ל לְהָשִׁ֑יב וּנְתַתִּ֙יךָ֙ לְא֣וֹר גּוֹיִ֔ם לִֽהְי֥וֹת יְשׁוּעָתִ֖י עַד־קְצֵ֥ה הָאָֽרֶץ׃ ס

‎7 ‏כֹּ֣ה אָֽמַר־יְהוָה֩ גֹּאֵ֨ל יִשְׂרָאֵ֜ל קְדוֹשׁ֗וֹ לִבְזֹה־נֶ֜פֶשׁ לִמְתָ֤עֵֽב גּוֹי֙ לְעֶ֣בֶד מֹשְׁלִ֔ים מְלָכִים֙ יִרְא֣וּ וָקָ֔מוּ שָׂרִ֖ים וְיִֽשְׁתַּחֲוּ֑וּ¹ לְמַ֤עַן יְהוָה֙ אֲשֶׁ֣ר נֶאֱמָ֔ן קְדֹ֥שׁ יִשְׂרָאֵ֖ל וַיִּבְחָרֶֽךָּ׃

‎8 ‏כֹּ֣ה׀ אָמַ֣ר יְהוָ֗ה בְּעֵ֤ת רָצוֹן֙ עֲנִיתִ֔יךָ וּבְי֥וֹם יְשׁוּעָ֖ה עֲזַרְתִּ֑יךָ וְאֶצָּרְךָ֗ וְאֶתֶּנְךָ֙ לִבְרִ֣ית עָ֔ם לְהָקִ֣ים אֶ֔רֶץ לְהַנְחִ֖יל נְחָל֥וֹת שֹׁמֵמֽוֹת׃

‎9 ‏לֵאמֹ֤ר לַֽאֲסוּרִים֙ צֵ֔אוּ לַאֲשֶׁ֥ר בַּחֹ֖שֶׁךְ הִגָּל֑וּ עַל־דְּרָכִ֣ים יִרְע֔וּ וּבְכָל־שְׁפָיִ֖ים מַרְעִיתָֽם׃

‎10 ‏לֹ֤א יִרְעָ֙בוּ֙ וְלֹ֣א יִצְמָ֔אוּ וְלֹא־יַכֵּ֥ם שָׁרָ֖ב וָשָׁ֑מֶשׁ כִּי־מְרַחֲמָ֣ם יְנַהֲגֵ֔ם וְעַל־מַבּ֥וּעֵי מַ֖יִם יְנַהֲלֵֽם׃

‎11 ‏וְשַׂמְתִּ֥י כָל־הָרַ֖י לַדָּ֑רֶךְ וּמְסִלֹּתַ֖י יְרֻמֽוּן׃

‎12 ‏הִנֵּה־אֵ֕לֶּה מֵרָח֖וֹק יָבֹ֑אוּ וְהִֽנֵּה־אֵ֙לֶּה֙ מִצָּפ֣וֹן וּמִיָּ֔ם וְאֵ֖לֶּה מֵאֶ֥רֶץ סִינִֽים׃

‎13 ‏רָנּ֤וּ שָׁמַ֙יִם֙ וְגִ֣ילִי אָ֔רֶץ יפצחו וּפִצְח֥וּ הָרִ֖ים רִנָּ֑ה כִּֽי־נִחַ֤ם יְהוָה֙ עַמּ֔וֹ וַעֲנִיָּ֖ו יְרַחֵֽם׃ ס

‎14 ‏וַתֹּ֥אמֶר צִיּ֖וֹן עֲזָבַ֣נִי יְהוָ֑ה וַאדֹנָ֖י שְׁכֵחָֽנִי׃

‎15 ‏הֲתִשְׁכַּ֤ח אִשָּׁה֙ עוּלָ֔הּ מֵרַחֵ֖ם בֶּן־בִּטְנָ֑הּ גַּם־אֵ֣לֶּה תִשְׁכַּ֔חְנָה וְאָנֹכִ֖י לֹ֥א אֶשְׁכָּחֵֽךְ׃

‎16 ‏הֵ֥ן עַל־כַּפַּ֖יִם חַקֹּתִ֑יךְ חוֹמֹתַ֥יִךְ נֶגְדִּ֖י תָּמִֽיד׃

‎17 ‏מִֽהֲר֖וּ בָּנָ֑יִךְ מְהָֽרְסַ֥יִךְ וּמַחֲרִבַ֖יִךְ מִמֵּ֥ךְ יֵצֵֽאוּ׃

‎18 ‏שְׂאִֽי־סָבִ֤יב עֵינַ֙יִךְ֙ וּרְאִ֔י כֻּלָּ֖ם נִקְבְּצ֣וּ בָֽאוּ־לָ֑ךְ חַי־אָ֣נִי נְאֻם־יְהוָ֗ה כִּ֤י כֻלָּם֙ כָּעֲדִ֣י תִלְבָּ֔שִׁי וּֽתְקַשְּׁרִ֖ים כַּכַּלָּֽה׃

‎19 ‏כִּ֤י חָרְבֹתַ֙יִךְ֙ וְשֹׁ֣מְמֹתַ֔יִךְ וְאֶ֖רֶץ הֲרִֽסֻתֵ֑יךְ כִּ֤י עַתָּה֙ תֵּצְרִ֣י מִיּוֹשֵׁ֔ב וְרָחֲק֖וּ מְבַלְּעָֽיִךְ׃

‎20 ‏ע֚וֹד יֹאמְר֣וּ בְאָזְנַ֔יִךְ בְּנֵ֖י שִׁכֻּלָ֑יִךְ צַר־לִ֥י הַמָּק֖וֹם גְּשָׁה־לִּ֥י וְאֵשֵֽׁבָה׃

‎21 ‏וְאָמַ֣רְתְּ בִּלְבָבֵ֗ךְ מִ֤י יָֽלַד־לִי֙ אֶת־אֵ֔לֶּה וַאֲנִ֥י שְׁכוּלָ֖ה וְגַלְמוּדָ֑ה גֹּלָ֣ה׀ וְסוּרָ֗ה וְאֵ֙לֶּה֙ מִ֣י גִדֵּ֔ל הֵ֤ן אֲנִי֙ נִשְׁאַ֣רְתִּי לְבַדִּ֔י אֵ֖לֶּה אֵיפֹ֥ה הֵֽם׃ פ

‎22 ‏כֹּֽה־אָמַ֞ר אֲדֹנָ֣י יְהוִ֗ה הִנֵּ֨ה אֶשָּׂ֤א אֶל־גּוֹיִם֙ יָדִ֔י וְאֶל־עַמִּ֖ים אָרִ֣ים נִסִּ֑י וְהֵבִ֤יאוּ בָנַ֙יִךְ֙ בְּחֹ֔צֶן וּבְנֹתַ֖יִךְ עַל־כָּתֵ֥ף תִּנָּשֶֽׂאנָה׃

‎23 ‏וְהָי֨וּ מְלָכִ֜ים אֹֽמְנַ֗יִךְ וְשָׂרֽוֹתֵיהֶם֙ מֵינִ֣יקֹתַ֔יִךְ אַפַּ֗יִם אֶ֚רֶץ יִשְׁתַּ֣חֲווּ לָ֔ךְ וַעֲפַ֥ר רַגְלַ֖יִךְ יְלַחֵ֑כוּ וְיָדַ֙עַתְּ֙ כִּֽי־אֲנִ֣י יְהוָ֔ה אֲשֶׁ֥ר לֹֽא־יֵבֹ֖שׁוּ קוָֹֽי׃ ס

‎24 ‏הֲיֻקַּ֥ח מִגִּבּ֖וֹר מַלְק֑וֹחַ וְאִם־שְׁבִ֥י צַדִּ֖יק יִמָּלֵֽט׃

‎25 ‏כִּי־כֹ֣ה׀ אָמַ֣ר יְהוָ֗ה גַּם־שְׁבִ֤י גִבּוֹר֙ יֻקָּ֔ח וּמַלְק֥וֹחַ עָרִ֖יץ יִמָּלֵ֑ט וְאֶת־יְרִיבֵךְ֙ אָנֹכִ֣י אָרִ֔יב וְאֶת־בָּנַ֖יִךְ אָנֹכִ֥י אוֹשִֽׁיעַ׃

‎26 ‏וְהַאֲכַלְתִּ֤י אֶת־מוֹנַ֙יִךְ֙ אֶת־בְּשָׂרָ֔ם וְכֶעָסִ֖יס דָּמָ֣ם יִשְׁכָּר֑וּן וְיָדְע֣וּ כָל־בָּשָׂ֗ר כִּ֣י אֲנִ֤י יְהוָה֙ מֽוֹשִׁיעֵ֔ךְ וְגֹאֲלֵ֖ךְ אֲבִ֥יר יַעֲקֹֽב׃ ס

1 šimə‘û ’îyîm ’ēlay wəhaqəšîḇû lə’ummîm mērāḥwōq yəhwâ mibeṭen qərā’ānî mimmə‘ê ’immî hizəkîr šəmî:

2 wayyāśem pî kəḥereḇ ḥadâ bəṣēl yāḏwō heḥəbî’ānî wayəśîmēnî ləḥēṣ bārûr bə’ašəpāṯwō hisətîrānî:

3 wayyō’mer lî ‘aḇədî-’ātâ yiśərā’ēl ’ăšer-bəḵā ’eṯəpā’ār:

4 wa’ănî ’āmarətî lərîq yāḡ^a‘ətî ləṯōhû wəheḇel kōḥî ḵillêṯî ’āḵēn mišəpāṭî ’eṯ-yəhwâ ûfə‘ullāṯî ’eṯ-’ĕlōhāy:

5 wə‘atâ| ’āmar yəhwâ yōṣərî mibeṭen lə‘eḇeḏ lwō ləšwōḇēḇ y^a‘ăqōḇ ’ēlāyw wəyiśərā’ēl lō’ lwō yē’āsēf wə’ekāḇēḏ bə‘ênê yəhwâ wē’lōhay hāyâ ‘uzzî:

6 wayyō’mer nāqēl mihəywōṯəḵā lî ‘eḇeḏ ləhāqîm ’eṯ-šiḇəṭê y^a‘ăqōḇ ûnəṣîrê ûnəṣûrê yiśərā’ēl ləhāšîḇ ûnəṯatîḵā lə’wōr gwōyim lihəywōṯ yəšû‘āṯî ‘aḏ-qəṣēh hā’āreṣ: s

7 kōh ’āmar-yəhwâ gō’ēl yiśərā’ēl qəḏwōšwō liḇəzōh-nefeš liməṯā‘ēḇ gwōy lə‘eḇeḏ mōšəlîm məlāḵîm yirə’û wāqāmû śārîm wəyišət^aḥăûû¹ ləm^a‘an yəhwâ ’ăšer ne’ĕmān qəḏōš yiśərā’ēl wayyiḇəḥāreḵḵā:

8 kōh| ’āmar yəhwâ bə‘ēṯ rāṣwōn ‘ănîṯîḵā ûḇəywōm yəšû‘â ‘ăzarətîḵā wə’eṣṣārəḵā wə’etenəḵā liḇərîṯ ‘ām ləhāqîm ’ereṣ ləhanəḥîl nəḥālwōṯ šōmēmwōṯ:

9 lē’mōr la’ăsûrîm ṣē’û la’ăšer b^aḥōšeḵə higālû ‘al-dərāḵîm yirə‘û ûḇəḵāl-šəfāyîm marə‘îṯām:

10 lō’ yirə‘āḇû wəlō’ yiṣəmā’û wəlō’-yakēm šārāḇ wāšāmeš kî-mər^aḥămām yənahăḡēm wə‘al-mabû‘ê mayim yənahălēm:

11 wəśamətî ḵāl-hāray ladāreḵə ûməsillōṯay yərumûn:

12 hinnēh-’ēlleh mērāḥwōq yāḇō’û wəhinnēh-’ēlleh miṣṣāfwōn ûmîyām wə’ēlleh mē’ereṣ sînîm:

13 rānnû šāmayim wəḡîlî ’āreṣ yifəṣəḥû ûfiṣəḥû hārîm rinnâ kî-niḥam yəhwâ ‘ammwō w^a‘ănîyāw yər^aḥēm: s

14 watō’mer ṣîywōn ‘ăzāḇanî yəhwâ wa’ḏōnāy šəḵēḥānî:

15 hăṯišək^aḥ ’iššâ ‘ûlāh mēr^aḥēm ben-biṭənāh gam-’ēlleh ṯišək^aḥənâ wə’ānōḵî lō’ ’ešəkāḥēḵə:

16 hēn ‘al-kapayim ḥaqqōṯîḵə ḥwōmōṯayiḵə neḡədî tāmîḏ:

17 mihărû bānāyiḵə məhārəsayiḵə ûm^aḥăriḇayiḵə mimmēḵə yēṣē’û:

18 śə’î-sāḇîḇ ‘ênayiḵə ûrə’î kullām niqəbəṣû ḇā’û-lāḵə ḥay-’ānî nə’um-yəhwâ kî ḵullām kā‘ăḏî ṯiləbāšî ûṯəqaššərîm kakallâ:

19 kî ḥārəḇōṯayiḵə wəšōməmōṯayiḵə wə’ereṣ hărisuṯêḵə kî ‘atâ tēṣərî mîywōšēḇ wərāḥăqû məḇallə‘āyiḵə:

20 ‘wōḏ yō’mərû ḇə’āzənayiḵə bənê šikulāyiḵə ṣar-lî hammāqwōm gəšâ-llî wə’ēšēḇâ:

21 wə’āmarətə biləḇāḇēḵə mî yālaḏ-lî ’eṯ-’ēlleh wa’ănî šəḵûlâ wəḡaləmûḏâ gōlâ| wəsûrâ wə’ēlleh mî ḡidēl hēn ’ănî nišə’arətî ləḇadî ’ēlleh ’êfōh hēm: f

22 kōh-’āmar ’ăḏōnāy yəhwih hinnēh ’eśśā’ ’el-gwōyim yāḏî wə’el-‘ammîm ’ārîm nissî wəhēḇî’û ḇānayiḵə bəḥōṣen ûḇənōṯayiḵə ‘al-kāṯēf tinnāśe’nâ:

23 wəhāyû məlāḵîm ’ōmənayiḵə wəśārwōṯêhem mênîqōṯayiḵə ’apayim ’ereṣ yišət^aḥăwû lāḵə w^a‘ăfar raḡəlayiḵə yəl^aḥēḵû wəyāḏ^a‘atə kî-’ănî yəhwâ ’ăšer lō’-yēḇōšû qwōāy: s

24 hăyuqq^aḥ migibwōr maləqwōḥa wə’im-šəḇî ṣadîq yimmālēṭ:

25 kî-ḵōh| ’āmar yəhwâ gam-šəḇî ḡibwōr yuqqāḥ ûmaləqwōḥa ‘ārîṣ yimmālēṭ wə’eṯ-yərîḇēḵə ’ānōḵî ’ārîḇ wə’eṯ-bānayiḵə ’ānōḵî ’wōšî‘a:

26 wəha’ăḵalətî ’eṯ-mwōnayiḵə ’eṯ-bəśārām wəḵe‘āsîs dāmām yišəkārûn wəyāḏə‘û ḵāl-bāśār kî ’ănî yəhwâ mwōšî‘ēḵə wəḡō’ălēḵə ’ăḇîr y^a‘ăqōḇ: s

‎1 ‏כֹּ֣ה׀ אָמַ֣ר יְהוָ֗ה אֵ֣י זֶ֠ה סֵ֣פֶר כְּרִית֤וּת אִמְּכֶם֙ אֲשֶׁ֣ר שִׁלַּחְתִּ֔יהָ א֚וֹ מִ֣י מִנּוֹשַׁ֔י אֲשֶׁר־מָכַ֥רְתִּי אֶתְכֶ֖ם ל֑וֹ הֵ֤ן בַּעֲוֹנֹֽתֵיכֶם֙ נִמְכַּרְתֶּ֔ם וּבְפִשְׁעֵיכֶ֖ם שֻׁלְּחָ֥ה אִמְּכֶֽם׃

‎2 ‏מַדּ֨וּעַ בָּ֜אתִי וְאֵ֣ין אִ֗ישׁ קָרָֽאתִי֮³ וְאֵ֣ין עוֹנֶה֒ הֲקָצ֨וֹר קָצְרָ֤ה יָדִי֙ מִפְּד֔וּת וְאִם־אֵֽין־בִּ֥י כֹ֖חַ לְהַצִּ֑יל הֵ֣ן בְּגַעֲרָתִ֞י אַחֲרִ֣יב יָ֗ם אָשִׂ֤ים נְהָרוֹת֙ מִדְבָּ֔ר תִּבְאַ֤שׁ דְּגָתָם֙ מֵאֵ֣ין מַ֔יִם וְתָמֹ֖ת בַּצָּמָֽא׃

‎3 ‏אַלְבִּ֥ישׁ שָׁמַ֖יִם קַדְר֑וּת וְשַׂ֖ק אָשִׂ֥ים כְּסוּתָֽם׃ ס

‎4 ‏אֲדֹנָ֣י יְהוִֹ֗ה נָ֤תַן לִי֙ לְשׁ֣וֹן לִמּוּדִ֔ים לָדַ֛עַת לָע֥וּת אֶת־יָעֵ֖ף דָּבָ֑ר יָעִ֣יר׀ בַּבֹּ֣קֶר בַּבֹּ֗קֶר יָעִ֥יר לִי֙ אֹ֔זֶן לִשְׁמֹ֖עַ כַּלִּמּוּדִֽים׃

‎5 ‏אֲדֹנָ֤י יְהוִה֙ פָּתַֽח־לִ֣י אֹ֔זֶן וְאָנֹכִ֖י לֹ֣א מָרִ֑יתִי אָח֖וֹר לֹ֥א נְסוּגֹֽתִי׃

‎6 ‏גֵּוִי֙ נָתַ֣תִּי לְמַכִּ֔ים וּלְחָיַ֖י לְמֹֽרְטִ֑ים פָּנַי֙ לֹ֣א הִסְתַּ֔רְתִּי מִכְּלִמּ֖וֹת וָרֹֽק׃

‎7 ‏וַאדֹנָ֤י יְהוִה֙ יַֽעֲזָר־לִ֔י עַל־כֵּ֖ן לֹ֣א נִכְלָ֑מְתִּי עַל־כֵּ֞ן שַׂ֤מְתִּי פָנַי֙ כַּֽחַלָּמִ֔ישׁ וָאֵדַ֖ע כִּי־לֹ֥א אֵבֽוֹשׁ׃

‎8 ‏קָרוֹב֙ מַצְדִּיקִ֔י מִֽי־יָרִ֥יב אִתִּ֖י נַ֣עַמְדָה יָּ֑חַד מִֽי־בַ֥עַל מִשְׁפָּטִ֖י יִגַּ֥שׁ אֵלָֽי׃

‎9 ‏הֵ֣ן אֲדֹנָ֤י יְהוִה֙ יַֽעֲזָר־לִ֔י מִי־ה֖וּא יַרְשִׁיעֵ֑נִי הֵ֤ן כֻּלָּם֙ כַּבֶּ֣גֶד יִבְל֔וּ עָ֖שׁ יֹאכְלֵֽם׃

‎10 ‏מִ֤י בָכֶם֙ יְרֵ֣א יְהוָ֔ה שֹׁמֵ֖עַ בְּק֣וֹל עַבְדּ֑וֹ אֲשֶׁ֣ר׀ הָלַ֣ךְ חֲשֵׁכִ֗ים וְאֵ֥ין נֹ֙גַהּ֙ ל֔וֹ יִבְטַח֙ בְּשֵׁ֣ם יְהוָ֔ה וְיִשָּׁעֵ֖ן בֵּאלֹהָֽיו׃

‎11 ‏הֵ֧ן כֻּלְּכֶ֛ם קֹ֥דְחֵי אֵ֖שׁ מְאַזְּרֵ֣י זִיק֑וֹת לְכ֣וּ׀ בְּא֣וּר אֶשְׁכֶ֗ם וּבְזִיקוֹת֙ בִּֽעַרְתֶּ֔ם מִיָּדִי֙ הָיְתָה־זֹּ֣את לָכֶ֔ם לְמַעֲצֵבָ֖ה תִּשְׁכָּבֽוּן׃ פ

1 kōh| ’āmar yəhwâ ’ê zeh sēfer kərîṯûṯ ’imməḵem ’ăšer šill^aḥətîhā ’wō mî minnwōšay ’ăšer-māḵarətî ’eṯəḵem lwō hēn b^a‘ăwōnōṯêḵem niməkarətem ûḇəfišə‘êḵem šulləḥâ ’imməḵem:

2 madû‘a bā’ṯî wə’ên ’îš qārā’ṯî³ wə’ên ‘wōneh hăqāṣwōr qāṣərâ yāḏî mipəḏûṯ wə’im-’ên-bî ḵōḥa ləhaṣṣîl hēn bəḡ^a‘ărāṯî ’^aḥărîḇ yām ’āśîm nəhārwōṯ miḏəbār tiḇə’aš dəḡāṯām mē’ên mayim wəṯāmōṯ baṣṣāmā’:

3 ’aləbîš šāmayim qaḏərûṯ wəśaq ’āśîm kəsûṯām: s

4 ’ăḏōnāy yəhwōih nāṯan lî ləšwōn limmûḏîm lāḏ^a‘aṯ lā‘ûṯ ’eṯ-yā‘ēf dāḇār yā‘îr| babōqer babōqer yā‘îr lî ’ōzen lišəmō‘a kallimmûḏîm:

5 ’ăḏōnāy yəhwih pāṯ^aḥ-lî ’ōzen wə’ānōḵî lō’ mārîṯî ’āḥwōr lō’ nəsûḡōṯî:

6 gēwî nāṯatî ləmakîm ûləḥāyay ləmōrəṭîm pānay lō’ hisətarətî mikəlimmwōṯ wārōq:

7 wa’ḏōnāy yəhwih y^a‘ăzār-lî ‘al-kēn lō’ niḵəlāmətî ‘al-kēn śamətî fānay k^aḥallāmîš wā’ēḏ^a‘ kî-lō’ ’ēḇwōš:

8 qārwōḇ maṣədîqî mî-yārîḇ ’itî n^a‘aməḏâ yyāḥaḏ mî-ḇ^a‘al mišəpāṭî yigaš ’ēlāy:

9 hēn ’ăḏōnāy yəhwih y^a‘ăzār-lî mî-hû’ yarəšî‘ēnî hēn kullām kabeḡeḏ yiḇəlû ‘āš yō’ḵəlēm:

10 mî ḇāḵem yərē’ yəhwâ šōmē‘a bəqwōl ‘aḇədwō ’ăšer| hālaḵə ḥăšēḵîm wə’ên nōḡ^ah lwō yiḇəṭ^aḥ bəšēm yəhwâ wəyiššā‘ēn bē’lōhāyw:

11 hēn kulləḵem qōḏəḥê ’ēš mə’azzərê zîqwōṯ ləḵû| bə’ûr ’ešəḵem ûḇəzîqwōṯ bi‘arətem mîyāḏî hāyəṯâ-zzō’ṯ lāḵem ləm^a‘ăṣēḇâ tišəkāḇûn: f

‎1 ‏שִׁמְע֥וּ אֵלַ֛י רֹ֥דְפֵי צֶ֖דֶק מְבַקְשֵׁ֣י יְהוָ֑ה הַבִּ֙יטוּ֙ אֶל־צ֣וּר חֻצַּבְתֶּ֔ם וְאֶל־מַקֶּ֥בֶת בּ֖וֹר נֻקַּרְתֶּֽם׃

‎2 ‏הַבִּ֙יטוּ֙ אֶל־אַבְרָהָ֣ם אֲבִיכֶ֔ם וְאֶל־שָׂרָ֖ה תְּחוֹלֶלְכֶ֑ם כִּי־אֶחָ֣ד קְרָאתִ֔יו וַאֲבָרְכֵ֖הוּ וְאַרְבֵּֽהוּ׃ ס

‎3 ‏כִּֽי־נִחַ֨ם יְהוָ֜ה צִיּ֗וֹן נִחַם֙ כָּל־חָרְבֹתֶ֔יהָ וַיָּ֤שֶׂם מִדְבָּרָהּ֙ כְּעֵ֔דֶן וְעַרְבָתָ֖הּ כְּגַן־יְהוָ֑ה שָׂשׂ֤וֹן וְשִׂמְחָה֙ יִמָּ֣צֵא בָ֔הּ תּוֹדָ֖ה וְק֥וֹל זִמְרָֽה׃ ס

‎4 ‏הַקְשִׁ֤יבוּ אֵלַי֙ עַמִּ֔י וּלְאוּמִּ֖י אֵלַ֣י הַאֲזִ֑ינוּ כִּ֤י תוֹרָה֙ מֵאִתִּ֣י תֵצֵ֔א וּמִשְׁפָּטִ֔י לְא֥וֹר עַמִּ֖ים אַרְגִּֽיעַ׃

‎5 ‏קָר֤וֹב צִדְקִי֙ יָצָ֣א יִשְׁעִ֔י וּזְרֹעַ֖י עַמִּ֣ים יִשְׁפֹּ֑טוּ אֵלַי֙ אִיִּ֣ים יְקַוּ֔וּ וְאֶל־זְרֹעִ֖י יְיַחֵלֽוּן׃

‎6 ‏שְׂאוּ֩ לַשָּׁמַ֨יִם עֵֽינֵיכֶ֜ם וְֽהַבִּ֧יטוּ אֶל־הָאָ֣רֶץ מִתַּ֗חַת כִּֽי־שָׁמַ֜יִם כֶּעָשָׁ֤ן נִמְלָ֙חוּ֙ וְהָאָ֙רֶץ֙ כַּבֶּ֣גֶד תִּבְלֶ֔ה וְיֹשְׁבֶ֖יהָ כְּמוֹ־כֵ֣ן יְמוּת֑וּן וִישֽׁוּעָתִי֙ לְעוֹלָ֣ם תִּֽהְיֶ֔ה וְצִדְקָתִ֖י לֹ֥א תֵחָֽת׃ ס

‎7 ‏שִׁמְע֤וּ אֵלַי֙ יֹ֣דְעֵי צֶ֔דֶק עַ֖ם תּוֹרָתִ֣י בְלִבָּ֑ם אַל־תִּֽירְאוּ֙ חֶרְפַּ֣ת אֱנ֔וֹשׁ וּמִגִּדֻּפֹתָ֖ם אַל־תֵּחָֽתּוּ׃

‎8 ‏כִּ֤י כַבֶּ֙גֶד֙ יֹאכְלֵ֣ם עָ֔שׁ וְכַצֶּ֖מֶר יֹאכְלֵ֣ם סָ֑ס וְצִדְקָתִי֙ לְעוֹלָ֣ם תִּֽהְיֶ֔ה וִישׁוּעָתִ֖י לְד֥וֹר דּוֹרִֽים׃ ס

‎9 ‏עוּרִ֨י עוּרִ֤י לִבְשִׁי־עֹז֙ זְר֣וֹעַ יְהוָ֔ה ע֚וּרִי כִּ֣ימֵי קֶ֔דֶם דֹּר֖וֹת עוֹלָמִ֑ים הֲל֥וֹא אַתְּ־הִ֛יא הַמַּחְצֶ֥בֶת רַ֖הַב מְחוֹלֶ֥לֶת תַּנִּֽין׃

‎10 ‏הֲל֤וֹא אַתְּ־הִיא֙ הַמַּחֲרֶ֣בֶת יָ֔ם מֵ֖י תְּה֣וֹם רַבָּ֑ה הַשָּׂ֙מָה֙ מַֽעֲמַקֵּי־יָ֔ם דֶּ֖רֶךְ לַעֲבֹ֥ר גְּאוּלִֽים׃

‎11 ‏וּפְדוּיֵ֨י יְהוָ֜ה יְשׁוּב֗וּן וּבָ֤אוּ צִיּוֹן֙ בְּרִנָּ֔ה וְשִׂמְחַ֥ת עוֹלָ֖ם עַל־רֹאשָׁ֑ם שָׂשׂ֤וֹן וְשִׂמְחָה֙ יַשִּׂיג֔וּן נָ֖סוּ יָג֥וֹן וַאֲנָחָֽה׃ ס

‎12 ‏אָנֹכִ֧י אָנֹכִ֛י ה֖וּא מְנַחֶמְכֶ֑ם מִֽי־אַ֤תְּ וַתִּֽירְאִי֙ מֵאֱנ֣וֹשׁ יָמ֔וּת וּמִבֶּן־אָדָ֖ם חָצִ֥יר יִנָּתֵֽן׃

‎13 ‏וַתִּשְׁכַּ֞ח יְהוָ֣ה עֹשֶׂ֗ךָ נוֹטֶ֣ה שָׁמַיִם֮ וְיֹסֵ֣ד אָרֶץ֒ וַתְּפַחֵ֨ד תָּמִ֜יד³ כָּל־הַיּ֗וֹם מִפְּנֵי֙ חֲמַ֣ת הַמֵּצִ֔יק כַּאֲשֶׁ֥ר כּוֹנֵ֖ן לְהַשְׁחִ֑ית וְאַיֵּ֖ה חֲמַ֥ת הַמֵּצִֽיק׃

‎14 ‏מִהַ֥ר צֹעֶ֖ה לְהִפָּתֵ֑חַ וְלֹא־יָמ֣וּת לַשַּׁ֔חַת וְלֹ֥א יֶחְסַ֖ר לַחְמֽוֹ׃

‎15 ‏וְאָֽנֹכִי֙ יְהוָ֣ה אֱלֹהֶ֔יךָ רֹגַ֣ע הַיָּ֔ם וַיֶּהֱמ֖וּ גַּלָּ֑יו יְהוָ֥ה צְבָא֖וֹת שְׁמֽוֹ׃

‎16 ‏וָאָשִׂ֤ים דְּבָרַי֙ בְּפִ֔יךָ וּבְצֵ֥ל יָדִ֖י כִּסִּיתִ֑יךָ לִנְטֹ֤עַ שָׁמַ֙יִם֙ וְלִיסֹ֣ד אָ֔רֶץ וְלֵאמֹ֥ר לְצִיּ֖וֹן עַמִּי־אָֽתָּה׃ ס

‎17 ‏הִתְעוֹרְרִ֣י הִֽתְעוֹרְרִ֗י ק֚וּמִי יְר֣וּשָׁלִַ֔ם אֲשֶׁ֥ר שָׁתִ֛ית מִיַּ֥ד יְהוָ֖ה אֶת־כּ֣וֹס חֲמָת֑וֹ אֶת־קֻבַּ֜עַת כּ֧וֹס הַתַּרְעֵלָ֛ה שָׁתִ֖ית מָצִֽית׃

‎18 ‏אֵין־מְנַהֵ֣ל לָ֔הּ מִכָּל־בָּנִ֖ים יָלָ֑דָה וְאֵ֤ין מַחֲזִיק֙ בְּיָדָ֔הּ מִכָּל־בָּנִ֖ים גִּדֵּֽלָה׃

‎19 ‏שְׁתַּ֤יִם הֵ֙נָּה֙ קֹֽרְאֹתַ֔יִךְ מִ֖י יָנ֣וּד לָ֑ךְ הַשֹּׁ֧ד וְהַשֶּׁ֛בֶר וְהָרָעָ֥ב וְהַחֶ֖רֶב מִ֥י אֲנַחֲמֵֽךְ׃

‎20 ‏בָּנַ֜יִךְ עֻלְּפ֥וּ שָׁכְב֛וּ בְּרֹ֥אשׁ כָּל־חוּצ֖וֹת כְּת֣וֹא מִכְמָ֑ר הַֽמְלֵאִ֥ים חֲמַת־יְהוָ֖ה גַּעֲרַ֥ת אֱלֹהָֽיִךְ׃

‎21 ‏לָכֵ֛ן שִׁמְעִי־נָ֥א זֹ֖את עֲנִיָּ֑ה וּשְׁכֻרַ֖ת וְלֹ֥א מִיָּֽיִן׃ ס

‎22 ‏כֹּֽה־אָמַ֞ר אֲדֹנַ֣יִךְ יְהוָ֗ה וֵאלֹהַ֙יִךְ֙ יָרִ֣יב עַמּ֔וֹ הִנֵּ֥ה לָקַ֛חְתִּי מִיָּדֵ֖ךְ אֶת־כּ֣וֹס הַתַּרְעֵלָ֑ה אֶת־קֻבַּ֙עַת֙ כּ֣וֹס חֲמָתִ֔י לֹא־תוֹסִ֥יפִי לִשְׁתּוֹתָ֖הּ עֽוֹד׃

‎23 ‏וְשַׂמְתִּ֙יהָ֙ בְּיַד־מוֹגַ֔יִךְ אֲשֶׁר־אָמְר֥וּ לְנַפְשֵׁ֖ךְ שְׁחִ֣י וְנַעֲבֹ֑רָה וַתָּשִׂ֤ימִי כָאָ֙רֶץ֙ גֵּוֵ֔ךְ וְכַח֖וּץ לַעֹבְרִֽים׃ ס

1 šimə‘û ’ēlay rōḏəfê ṣeḏeq məḇaqəšê yəhwâ habîṭû ’el-ṣûr ḥuṣṣaḇətem wə’el-maqqeḇeṯ bwōr nuqqarətem:

2 habîṭû ’el-’aḇərâām ’ăḇîḵem wə’el-śārâ təḥwōleləḵem kî-’eḥāḏ qərā’ṯîw wa’ăḇārəḵēhû wə’arəbēhû: s

3 kî-niḥam yəhwâ ṣîywōn niḥam kāl-ḥārəḇōṯeyhā wayyāśem miḏəbārāh kə‘ēḏen wə‘arəḇāṯāh kəḡan-yəhwâ śāśwōn wəśiməḥâ yimmāṣē’ ḇāh twōḏâ wəqwōl zimərâ: s

4 haqəšîḇû ’ēlay ‘ammî ûlə’ûmmî ’ēlay ha’ăzînû kî ṯwōrâ mē’itî ṯēṣē’ ûmišəpāṭî lə’wōr ‘ammîm ’arəgî‘a:

5 qārwōḇ ṣiḏəqî yāṣā’ yišə‘î ûzərō‘ay ‘ammîm yišəpōṭû ’ēlay ’îyîm yəqaûû wə’el-zərō‘î yəy^aḥēlûn:

6 śə’û laššāmayim ‘ênêḵem wəhabîṭû ’el-hā’āreṣ mit^aḥaṯ kî-šāmayim ke‘āšān niməlāḥû wəhā’āreṣ kabeḡeḏ tiḇəleh wəyōšəḇeyhā kəmwō-ḵēn yəmûṯûn wîšû‘āṯî lə‘wōlām tihəyeh wəṣiḏəqāṯî lō’ ṯēḥāṯ: s

7 šimə‘û ’ēlay yōḏə‘ê ṣeḏeq ‘am twōrāṯî ḇəlibām ’al-tîrə’û ḥerəpaṯ ’ĕnwōš ûmigidufōṯām ’al-tēḥātû:

8 kî ḵabeḡeḏ yō’ḵəlēm ‘āš wəḵaṣṣemer yō’ḵəlēm sās wəṣiḏəqāṯî lə‘wōlām tihəyeh wîšû‘āṯî ləḏwōr dwōrîm: s

9 ‘ûrî ‘ûrî liḇəšî-‘ōz zərwō‘a yəhwâ ‘ûrî kîmê qeḏem dōrwōṯ ‘wōlāmîm hălwō’ ’atə-hî’ hamm^aḥəṣeḇeṯ rahaḇ məḥwōleleṯ tannîn:

10 hălwō’ ’atə-hî’ hamm^aḥăreḇeṯ yām mê təhwōm rabâ haśśāmâ m^a‘ămaqqê-yām dereḵə l^a‘ăḇōr gə’ûlîm:

11 ûfəḏûyê yəhwâ yəšûḇûn ûḇā’û ṣîywōn bərinnâ wəśiməḥaṯ ‘wōlām ‘al-rō’šām śāśwōn wəśiməḥâ yaśśîḡûn nāsû yāḡwōn wa’ănāḥâ: s

12 ’ānōḵî ’ānōḵî hû’ mən^aḥeməḵem mî-’atə watîrə’î mē’ĕnwōš yāmûṯ ûmiben-’āḏām ḥāṣîr yinnāṯēn:

13 watišək^aḥ yəhwâ ‘ōśeḵā nwōṭeh šāmayim wəyōsēḏ ’āreṣ watəf^aḥēḏ tāmîḏ³ kāl-hayywōm mipənê ḥămaṯ hammēṣîq ka’ăšer kwōnēn ləhašəḥîṯ wə’ayyēh ḥămaṯ hammēṣîq:

14 mihar ṣō‘eh ləhipāṯēḥa wəlō’-yāmûṯ lašš^aḥaṯ wəlō’ yeḥəsar l^aḥəmwō:

15 wə’ānōḵî yəhwâ ’ĕlōheyḵā rōḡ^a‘ hayyām wayyehĕmû gallāyw yəhwâ ṣəḇā’wōṯ šəmwō:

16 wā’āśîm dəḇāray bəfîḵā ûḇəṣēl yāḏî kissîṯîḵā linəṭō‘a šāmayim wəlîsōḏ ’āreṣ wəlē’mōr ləṣîywōn ‘ammî-’ātâ: s

17 hiṯə‘wōrərî hiṯə‘wōrərî qûmî yərûšālaim ’ăšer šāṯîṯ mîyaḏ yəhwâ ’eṯ-kwōs ḥămāṯwō ’eṯ-qub^a‘aṯ kwōs hatarə‘ēlâ šāṯîṯ māṣîṯ:

18 ’ên-mənahēl lāh mikāl-bānîm yālāḏâ wə’ên m^aḥăzîq bəyāḏāh mikāl-bānîm gidēlâ:

19 šətayim hēnnâ qōrə’ōṯayiḵə mî yānûḏ lāḵə haššōḏ wəhaššeḇer wəhārā‘āḇ wəh^aḥereḇ mî ’ăn^aḥămēḵə:

20 bānayiḵə ‘ulləfû šāḵəḇû bərō’š kāl-ḥûṣwōṯ kəṯwō’ miḵəmār haməlē’îm ḥămaṯ-yəhwâ g^a‘ăraṯ ’ĕlōhāyiḵə:

21 lāḵēn šimə‘î-nā’ zō’ṯ ‘ănîyâ ûšəḵuraṯ wəlō’ mîyāyin: s

22 kōh-’āmar ’ăḏōnayiḵə yəhwâ wē’lōhayiḵə yārîḇ ‘ammwō hinnēh lāq^aḥətî mîyāḏēḵə ’eṯ-kwōs hatarə‘ēlâ ’eṯ-qub^a‘aṯ kwōs ḥămāṯî lō’-ṯwōsîfî lišətwōṯāh ‘wōḏ:

23 wəśamətîhā bəyaḏ-mwōḡayiḵə ’ăšer-’āmərû lənafəšēḵə šəḥî wən^a‘ăḇōrâ watāśîmî ḵā’āreṣ gēwēḵə wəḵ^aḥûṣ l^a‘ōḇərîm: s

‎1 ‏עוּרִ֥י עוּרִ֛י לִבְשִׁ֥י עֻזֵּ֖ךְ צִיּ֑וֹן לִבְשִׁ֣י׀ בִּגְדֵ֣י תִפְאַרְתֵּ֗ךְ יְרוּשָׁלִַ֙ם֙ עִ֣יר הַקֹּ֔דֶשׁ כִּ֣י לֹ֥א יוֹסִ֛יף יָבֹא־בָ֥ךְ ע֖וֹד עָרֵ֥ל וְטָמֵֽא׃

‎2 ‏הִתְנַעֲרִ֧י מֵעָפָ֛ר ק֥וּמִי שְּׁבִ֖י יְרֽוּשָׁלִָ֑ם התפתחו הִֽתְפַּתְּחִי֙ מוֹסְרֵ֣י צַוָּארֵ֔ךְ שְׁבִיָּ֖ה בַּת־צִיּֽוֹן׃ ס

‎3 ‏כִּֽי־כֹה֙ אָמַ֣ר יְהוָ֔ה חִנָּ֖ם נִמְכַּרְתֶּ֑ם וְלֹ֥א בְכֶ֖סֶף תִּגָּאֵֽלוּ׃

‎4 ‏כִּ֣י כֹ֤ה אָמַר֙ אֲדֹנָ֣י יְהוִ֔ה מִצְרַ֛יִם יָֽרַד־עַמִּ֥י בָרִֽאשֹׁנָ֖ה לָג֣וּר שָׁ֑ם וְאַשּׁ֖וּר בְּאֶ֥פֶס עֲשָׁקֽוֹ׃

‎5 ‏וְעַתָּ֤ה מי־ לי־ מַה־ לִּי־ פֹה֙ נְאֻם־יְהוָ֔ה כִּֽי־לֻקַּ֥ח עַמִּ֖י חִנָּ֑ם משלו מֹשְׁלָ֤יו יְהֵילִ֙ילוּ֙ נְאֻם־יְהוָ֔ה וְתָמִ֥יד כָּל־הַיּ֖וֹם שְׁמִ֥י מִנֹּאָֽץ׃

‎6 ‏לָכֵ֛ן יֵדַ֥ע עַמִּ֖י שְׁמִ֑י לָכֵן֙ בַּיּ֣וֹם הַה֔וּא כִּֽי־אֲנִי־ה֥וּא הַֽמְדַבֵּ֖ר הִנֵּֽנִי׃

‎7 ‏מַה־נָּאו֨וּ עַל־הֶהָרִ֜ים רַגְלֵ֣י מְבַשֵּׂ֗ר מַשְׁמִ֧יעַ שָׁל֛וֹם מְבַשֵּׂ֥ר ט֖וֹב מַשְׁמִ֣יעַ יְשׁוּעָ֑ה אֹמֵ֥ר לְצִיּ֖וֹן מָלַ֥ךְ אֱלֹהָֽיִךְ׃

‎8 ‏ק֥וֹל צֹפַ֛יִךְ נָ֥שְׂאוּ ק֖וֹל יַחְדָּ֣ו יְרַנֵּ֑נוּ כִּ֣י עַ֤יִן בְּעַ֙יִן֙ יִרְא֔וּ בְּשׁ֥וּב יְהוָ֖ה צִיּֽוֹן׃

‎9 ‏פִּצְח֤וּ רַנְּנוּ֙ יַחְדָּ֔ו חָרְב֖וֹת יְרוּשָׁלִָ֑ם כִּֽי־נִחַ֤ם יְהוָה֙ עַמּ֔וֹ גָּאַ֖ל יְרוּשָׁלִָֽם׃

‎10 ‏חָשַׂ֤ף יְהוָה֙ אֶת־זְר֣וֹעַ קָדְשׁ֔וֹ לְעֵינֵ֖י כָּל־הַגּוֹיִ֑ם וְרָאוּ֙ כָּל־אַפְסֵי־אָ֔רֶץ אֵ֖ת יְשׁוּעַ֥ת אֱלֹהֵֽינוּ׃ ס

‎11 ‏ס֤וּרוּ ס֙וּרוּ֙ צְא֣וּ מִשָּׁ֔ם טָמֵ֖א אַל־תִּגָּ֑עוּ צְא֣וּ מִתּוֹכָ֔הּ הִבָּ֕רוּ נֹשְׂאֵ֖י כְּלֵ֥י יְהוָֽה׃

‎12 ‏כִּ֣י לֹ֤א בְחִפָּזוֹן֙ תֵּצֵ֔אוּ וּבִמְנוּסָ֖ה לֹ֣א תֵלֵכ֑וּן כִּֽי־הֹלֵ֤ךְ לִפְנֵיכֶם֙ יְהוָ֔ה וּמְאַסִּפְכֶ֖ם אֱלֹהֵ֥י יִשְׂרָאֵֽל׃ ס

‎13 ‏הִנֵּ֥ה יַשְׂכִּ֖יל עַבְדִּ֑י יָר֧וּם וְנִשָּׂ֛א וְגָבַ֖הּ מְאֹֽד׃

‎14 ‏כַּאֲשֶׁ֨ר שָׁמְמ֤וּ עָלֶ֙יךָ֙ רַבִּ֔ים כֵּן־מִשְׁחַ֥ת מֵאִ֖ישׁ מַרְאֵ֑הוּ וְתֹאֲר֖וֹ מִבְּנֵ֥י אָדָֽם׃

‎15 ‏כֵּ֤ן יַזֶּה֙ גּוֹיִ֣ם רַבִּ֔ים עָלָ֛יו יִקְפְּצ֥וּ מְלָכִ֖ים פִּיהֶ֑ם כִּ֠י אֲשֶׁ֨ר לֹֽא־סֻפַּ֤ר לָהֶם֙ רָא֔וּ וַאֲשֶׁ֥ר לֹֽא־שָׁמְע֖וּ הִתְבּוֹנָֽנוּ׃

1 ‘ûrî ‘ûrî liḇəšî ‘uzzēḵə ṣîywōn liḇəšî| biḡəḏê ṯifə’arətēḵə yərûšālaim ‘îr haqqōḏeš kî lō’ ywōsîf yāḇō’-ḇāḵə ‘wōḏ ‘ārēl wəṭāmē’:

2 hiṯən^a‘ărî mē‘āfār qûmî ššəḇî yərûšālāim hiṯəpatəḥû hiṯəpatəḥî mwōsərê ṣaûā’rēḵə šəḇîyâ baṯ-ṣîywōn: s

3 kî-ḵōh ’āmar yəhwâ ḥinnām niməkarətem wəlō’ ḇəḵesef tigā’ēlû:

4 kî ḵōh ’āmar ’ăḏōnāy yəhwih miṣərayim yāraḏ-‘ammî ḇāri’šōnâ lāḡûr šām wə’aššûr bə’efes ‘ăšāqwō:

5 wə‘atâ mî- lî- mah- llî- fōh nə’um-yəhwâ kî-luqq^aḥ ‘ammî ḥinnām mōšəlwō mōšəlāyw yəhêlîlû nə’um-yəhwâ wəṯāmîḏ kāl-hayywōm šəmî minnō’āṣ:

6 lāḵēn yēḏ^a‘ ‘ammî šəmî lāḵēn bayywōm hahû’ kî-’ănî-hû’ haməḏabēr hinnēnî:

7 mah-nnā’wû ‘al-hehārîm raḡəlê məḇaśśēr mašəmî‘a šālwōm məḇaśśēr ṭwōḇ mašəmî‘a yəšû‘â ’ōmēr ləṣîywōn mālaḵə ’ĕlōhāyiḵə:

8 qwōl ṣōfayiḵə nāśə’û qwōl y^aḥədāw yərannēnû kî ‘ayin bə‘ayin yirə’û bəšûḇ yəhwâ ṣîywōn:

9 piṣəḥû rannənû y^aḥədāw ḥārəḇwōṯ yərûšālāim kî-niḥam yəhwâ ‘ammwō gā’al yərûšālāim:

10 ḥāśaf yəhwâ ’eṯ-zərwō‘a qāḏəšwō lə‘ênê kāl-hagwōyim wərā’û kāl-’afəsê-’āreṣ ’ēṯ yəšû‘aṯ ’ĕlōhênû: s

11 sûrû sûrû ṣə’û miššām ṭāmē’ ’al-tigā‘û ṣə’û mitwōḵāh hibārû nōśə’ê kəlê yəhwâ:

12 kî lō’ ḇəḥipāzwōn tēṣē’û ûḇimənûsâ lō’ ṯēlēḵûn kî-hōlēḵə lifənêḵem yəhwâ ûmə’assifəḵem ’ĕlōhê yiśərā’ēl: s

13 hinnēh yaśəkîl ‘aḇədî yārûm wəniśśā’ wəḡāḇ^ah mə’ōḏ:

14 ka’ăšer šāməmû ‘āleyḵā rabîm kēn-mišəḥaṯ mē’îš marə’ēhû wəṯō’ărwō mibənê ’āḏām:

15 kēn yazzeh gwōyim rabîm ‘ālāyw yiqəpəṣû məlāḵîm pîhem kî ’ăšer lō’-supar lâem rā’û wa’ăšer lō’-šāmə‘û hiṯəbwōnānû:

‎1 ‏מִ֥י הֶאֱמִ֖ין לִשְׁמֻעָתֵ֑נוּ וּזְר֥וֹעַ יְהוָ֖ה עַל־מִ֥י נִגְלָֽתָה׃

‎2 ‏וַיַּ֨עַל כַּיּוֹנֵ֜ק לְפָנָ֗יו וְכַשֹּׁ֙רֶשׁ֙ מֵאֶ֣רֶץ צִיָּ֔ה לֹא־תֹ֥אַר ל֖וֹ וְלֹ֣א הָדָ֑ר וְנִרְאֵ֥הוּ וְלֹֽא־מַרְאֶ֖ה וְנֶחְמְדֵֽהוּ׃

‎3 ‏נִבְזֶה֙ וַחֲדַ֣ל אִישִׁ֔ים אִ֥ישׁ מַכְאֹב֖וֹת וִיד֣וּעַ חֹ֑לִי וּכְמַסְתֵּ֤ר פָּנִים֙ מִמֶּ֔נּוּ נִבְזֶ֖ה וְלֹ֥א חֲשַׁבְנֻֽהוּ׃

‎4 ‏אָכֵ֤ן חֳלָיֵ֙נוּ֙ ה֣וּא נָשָׂ֔א וּמַכְאֹבֵ֖ינוּ סְבָלָ֑ם וַאֲנַ֣חְנוּ חֲשַׁבְנֻ֔הוּ נָג֛וּעַ מֻכֵּ֥ה אֱלֹהִ֖ים וּמְעֻנֶּֽה׃

‎5 ‏וְהוּא֙ מְחֹלָ֣ל מִפְּשָׁעֵ֔נוּ מְדֻכָּ֖א מֵעֲוֹנֹתֵ֑ינוּ מוּסַ֤ר שְׁלוֹמֵ֙נוּ֙ עָלָ֔יו וּבַחֲבֻרָת֖וֹ נִרְפָּא־לָֽנוּ׃

‎6 ‏כֻּלָּ֙נוּ֙ כַּצֹּ֣אן תָּעִ֔ינוּ אִ֥ישׁ לְדַרְכּ֖וֹ פָּנִ֑ינוּ וַֽיהוָה֙ הִפְגִּ֣יעַ בּ֔וֹ אֵ֖ת עֲוֹ֥ן כֻּלָּֽנוּ׃

‎7 ‏נִגַּ֨שׂ וְה֣וּא נַעֲנֶה֮ וְלֹ֣א יִפְתַּח־פִּיו֒ כַּשֶּׂה֙ לַטֶּ֣בַח יוּבָ֔ל וּכְרָחֵ֕ל לִפְנֵ֥י גֹזְזֶ֖יהָ נֶאֱלָ֑מָה וְלֹ֥א יִפְתַּ֖ח פִּֽיו׃

‎8 ‏מֵעֹ֤צֶר וּמִמִּשְׁפָּט֙ לֻקָּ֔ח וְאֶת־דּוֹר֖וֹ מִ֣י יְשׂוֹחֵ֑חַ כִּ֤י נִגְזַר֙ מֵאֶ֣רֶץ חַיִּ֔ים מִפֶּ֥שַׁע עַמִּ֖י נֶ֥גַע לָֽמוֹ׃

‎9 ‏וַיִּתֵּ֤ן אֶת־רְשָׁעִים֙ קִבְר֔וֹ וְאֶת־עָשִׁ֖יר בְּמֹתָ֑יו עַ֚ל לֹא־חָמָ֣ס עָשָׂ֔ה וְלֹ֥א מִרְמָ֖ה בְּפִֽיו׃

‎10 ‏וַיהוָ֞ה חָפֵ֤ץ דַּכְּאוֹ֙ הֶֽחֱלִ֔י אִם־תָּשִׂ֤ים אָשָׁם֙ נַפְשׁ֔וֹ יִרְאֶ֥ה זֶ֖רַע יַאֲרִ֣יךְ יָמִ֑ים וְחֵ֥פֶץ יְהוָ֖ה בְּיָד֥וֹ יִצְלָֽח׃

‎11 ‏מֵעֲמַ֤ל נַפְשׁוֹ֙ יִרְאֶ֣ה יִשְׂבָּ֔ע בְּדַעְתּ֗וֹ יַצְדִּ֥יק צַדִּ֛יק עַבְדִּ֖י לָֽרַבִּ֑ים וַעֲוֹנֹתָ֖ם ה֥וּא יִסְבֹּֽל׃

‎12 ‏לָכֵ֞ן אֲחַלֶּק־ל֣וֹ בָרַבִּ֗ים וְאֶת־עֲצוּמִים֮ יְחַלֵּ֣ק שָׁלָל֒ תַּ֗חַת אֲשֶׁ֨ר הֶעֱרָ֤ה לַמָּ֙וֶת֙ נַפְשׁ֔וֹ וְאֶת־פֹּשְׁעִ֖ים נִמְנָ֑ה וְהוּא֙ חֵטְא־רַבִּ֣ים נָשָׂ֔א וְלַפֹּשְׁעִ֖ים יַפְגִּֽיעַ׃ ס

1 mî he’ĕmîn lišəmu‘āṯēnû ûzərwō‘a yəhwâ ‘al-mî niḡəlāṯâ:

2 wayy^a‘al kayywōnēq ləfānāyw wəḵaššōreš mē’ereṣ ṣîyâ lō’-ṯō’ar lwō wəlō’ hāḏār wənirə’ēhû wəlō’-marə’eh wəneḥəməḏēhû:

3 niḇəzeh w^aḥăḏal ’îšîm ’îš maḵə’ōḇwōṯ wîḏû‘a ḥōlî ûḵəmasətēr pānîm mimmennû niḇəzeh wəlō’ ḥăšaḇənuhû:

4 ’āḵēn ḥŏlāyēnû hû’ nāśā’ ûmaḵə’ōḇênû səḇālām wa’ăn^aḥənû ḥăšaḇənuhû nāḡû‘a mukēh ’ĕlōhîm ûmə‘unneh:

5 wəhû’ məḥōlāl mipəšā‘ēnû məḏukā’ mē‘ăwōnōṯênû mûsar šəlwōmēnû ‘ālāyw ûḇ^aḥăḇurāṯwō nirəpā’-lānû:

6 kullānû kaṣṣō’n tā‘înû ’îš ləḏarəkwō pānînû wayhwâ hifəgî‘a bwō ’ēṯ ‘ăwōn kullānû:

7 nigaś wəhû’ n^a‘ăneh wəlō’ yifət^aḥ-pîw kaśśeh laṭṭeḇ^aḥ yûḇāl ûḵərāḥēl lifənê ḡōzəzeyhā ne’ĕlāmâ wəlō’ yifət^aḥ pîw:

8 mē‘ōṣer ûmimmišəpāṭ luqqāḥ wə’eṯ-dwōrwō mî yəśwōḥēḥa kî niḡəzar mē’ereṣ ḥayyîm mipeš^a‘ ‘ammî neḡ^a‘ lāmwō:

9 wayyitēn ’eṯ-rəšā‘îm qiḇərwō wə’eṯ-‘āšîr bəmōṯāyw ‘al lō’-ḥāmās ‘āśâ wəlō’ mirəmâ bəfîw:

10 wayhwâ ḥāfēṣ dakə’wō heḥĕlî ’im-tāśîm ’āšām nafəšwō yirə’eh zer^a‘ ya’ărîḵə yāmîm wəḥēfeṣ yəhwâ bəyāḏwō yiṣəlāḥ:

11 mē‘ămal nafəšwō yirə’eh yiśəbā‘ bəḏ^a‘ətwō yaṣədîq ṣadîq ‘aḇədî lārabîm w^a‘ăwōnōṯām hû’ yisəbōl:

12 lāḵēn ’ăḥalleq-lwō ḇārabîm wə’eṯ-‘ăṣûmîm yəḥallēq šālāl t^aḥaṯ ’ăšer he‘ĕrâ lammāweṯ nafəšwō wə’eṯ-pōšə‘îm nimənâ wəhû’ ḥēṭə’-rabîm nāśā’ wəlapōšə‘îm yafəgî‘a: s

‎1 ‏רָנִּ֥י עֲקָרָ֖ה לֹ֣א יָלָ֑דָה פִּצְחִ֨י רִנָּ֤ה וְצַהֲלִי֙ לֹא־חָ֔לָה כִּֽי־רַבִּ֧ים בְּֽנֵי־שׁוֹמֵמָ֛ה מִבְּנֵ֥י בְעוּלָ֖ה אָמַ֥ר יְהוָֽה׃

‎2 ‏הַרְחִ֣יבִי׀ מְק֣וֹם אָהֳלֵ֗ךְ וִירִיע֧וֹת מִשְׁכְּנוֹתַ֛יִךְ יַטּ֖וּ אַל־תַּחְשֹׂ֑כִי הַאֲרִ֙יכִי֙ מֵֽיתָרַ֔יִךְ וִיתֵדֹתַ֖יִךְ חַזֵּֽקִי׃

‎3 ‏כִּי־יָמִ֥ין וּשְׂמֹ֖אול תִּפְרֹ֑צִי וְזַרְעֵךְ֙ גּוֹיִ֣ם יִירָ֔שׁ וְעָרִ֥ים נְשַׁמּ֖וֹת יוֹשִֽׁיבוּ׃

‎4 ‏אַל־תִּֽירְאִי֙ כִּי־לֹ֣א תֵב֔וֹשִׁי וְאַל־תִּכָּלְמִ֖י כִּ֣י לֹ֣א תַחְפִּ֑ירִי כִּ֣י בֹ֤שֶׁת עֲלוּמַ֙יִךְ֙ תִּשְׁכָּ֔חִי וְחֶרְפַּ֥ת אַלְמְנוּתַ֖יִךְ לֹ֥א תִזְכְּרִי־עֽוֹד׃

‎5 ‏כִּ֤י בֹעֲלַ֙יִךְ֙ עֹשַׂ֔יִךְ יְהוָ֥ה צְבָא֖וֹת שְׁמ֑וֹ וְגֹֽאֲלֵךְ֙ קְד֣וֹשׁ יִשְׂרָאֵ֔ל אֱלֹהֵ֥י כָל־הָאָ֖רֶץ יִקָּרֵֽא׃

‎6 ‏כִּֽי־כְאִשָּׁ֧ה עֲזוּבָ֛ה וַעֲצ֥וּבַת ר֖וּחַ קְרָאָ֣ךְ יְהוָ֑ה וְאֵ֧שֶׁת נְעוּרִ֛ים כִּ֥י תִמָּאֵ֖ס אָמַ֥ר אֱלֹהָֽיִךְ׃

‎7 ‏בְּרֶ֥גַע קָטֹ֖ן עֲזַבְתִּ֑יךְ וּבְרַחֲמִ֥ים גְּדֹלִ֖ים אֲקַבְּצֵֽךְ׃

‎8 ‏בְּשֶׁ֣צֶף קֶ֗צֶף הִסְתַּ֨רְתִּי פָנַ֥י רֶ֙גַע֙ מִמֵּ֔ךְ וּבְחֶ֥סֶד עוֹלָ֖ם רִֽחַמְתִּ֑יךְ אָמַ֥ר גֹּאֲלֵ֖ךְ יְהוָֽה׃ ס

‎9 ‏כִּי־מֵ֥י נֹ֙חַ֙ זֹ֣את לִ֔י אֲשֶׁ֣ר נִשְׁבַּ֗עְתִּי מֵעֲבֹ֥ר מֵי־נֹ֛חַ ע֖וֹד עַל־הָאָ֑רֶץ כֵּ֥ן נִשְׁבַּ֛עְתִּי מִקְּצֹ֥ף עָלַ֖יִךְ וּמִגְּעָר־בָּֽךְ׃

‎10 ‏כִּ֤י הֶֽהָרִים֙ יָמ֔וּשׁוּ וְהַגְּבָע֖וֹת תְּמוּטֶ֑נָה וְחַסְדִּ֞י מֵאִתֵּ֣ךְ לֹֽא־יָמ֗וּשׁ וּבְרִ֤ית שְׁלוֹמִי֙ לֹ֣א תָמ֔וּט אָמַ֥ר מְרַחֲמֵ֖ךְ יְהוָֽה׃ ס

‎11 ‏עֲנִיָּ֥ה סֹעֲרָ֖ה לֹ֣א נֻחָ֑מָה הִנֵּ֨ה אָנֹכִ֜י מַרְבִּ֤יץ בַּפּוּךְ֙ אֲבָנַ֔יִךְ וִיסַדְתִּ֖יךְ בַּסַּפִּירִֽים׃

‎12 ‏וְשַׂמְתִּ֤י כַּֽדְכֹד֙ שִׁמְשֹׁתַ֔יִךְ וּשְׁעָרַ֖יִךְ לְאַבְנֵ֣י אֶקְדָּ֑ח וְכָל־גְּבוּלֵ֖ךְ לְאַבְנֵי־חֵֽפֶץ׃

‎13 ‏וְכָל־בָּנַ֖יִךְ לִמּוּדֵ֣י יְהוָ֑ה וְרַ֖ב שְׁל֥וֹם בָּנָֽיִךְ׃

‎14 ‏בִּצְדָקָ֖ה תִּכּוֹנָ֑נִי רַחֲקִ֤י מֵעֹ֙שֶׁק֙ כִּֽי־לֹ֣א תִירָ֔אִי וּמִ֨מְּחִתָּ֔ה כִּ֥י לֹֽא־תִקְרַ֖ב אֵלָֽיִךְ׃

‎15 ‏הֵ֣ן גּ֥וֹר יָג֛וּר אֶ֖פֶס מֵֽאוֹתִ֑י מִי־גָ֥ר אִתָּ֖ךְ עָלַ֥יִךְ יִפּֽוֹל׃

‎16 ‏הן הִנֵּ֤ה אָֽנֹכִי֙ בָּרָ֣אתִי חָרָ֔שׁ נֹפֵ֙חַ֙ בְּאֵ֣שׁ פֶּחָ֔ם וּמוֹצִ֥יא כְלִ֖י לְמַעֲשֵׂ֑הוּ וְאָנֹכִ֛י בָּרָ֥אתִי מַשְׁחִ֖ית לְחַבֵּֽל׃

‎17 ‏כָּל־כְּלִ֞י יוּצַ֤ר עָלַ֙יִךְ֙ לֹ֣א יִצְלָ֔ח וְכָל־לָשׁ֛וֹן תָּֽקוּם־אִתָּ֥ךְ¹ לַמִּשְׁפָּ֖ט תַּרְשִׁ֑יעִי זֹ֡את נַחֲלַת֩ עַבְדֵ֨י יְהוָ֧ה וְצִדְקָתָ֛ם מֵאִתִּ֖י נְאֻם־יְהוָֽה׃ ס

1 rānnî ‘ăqārâ lō’ yālāḏâ piṣəḥî rinnâ wəṣahălî lō’-ḥālâ kî-rabîm bənê-šwōmēmâ mibənê ḇə‘ûlâ ’āmar yəhwâ:

2 harəḥîḇî| məqwōm ’âŏlēḵə wîrî‘wōṯ mišəkənwōṯayiḵə yaṭṭû ’al-t^aḥəśōḵî ha’ărîḵî mêṯārayiḵə wîṯēḏōṯayiḵə ḥazzēqî:

3 kî-yāmîn ûśəmō’wl tifərōṣî wəzarə‘ēḵə gwōyim yîrāš wə‘ārîm nəšammwōṯ ywōšîḇû:

4 ’al-tîrə’î kî-lō’ ṯēḇwōšî wə’al-tikāləmî kî lō’ ṯ^aḥəpîrî kî ḇōšeṯ ‘ălûmayiḵə tišəkāḥî wəḥerəpaṯ ’aləmənûṯayiḵə lō’ ṯizəkərî-‘wōḏ:

5 kî ḇō‘ălayiḵə ‘ōśayiḵə yəhwâ ṣəḇā’wōṯ šəmwō wəḡō’ălēḵə qəḏwōš yiśərā’ēl ’ĕlōhê ḵāl-hā’āreṣ yiqqārē’:

6 kî-ḵə’iššâ ‘ăzûḇâ w^a‘ăṣûḇaṯ rûḥa qərā’āḵə yəhwâ wə’ēšeṯ nə‘ûrîm kî ṯimmā’ēs ’āmar ’ĕlōhāyiḵə:

7 bəreḡ^a‘ qāṭōn ‘ăzaḇətîḵə ûḇər^aḥămîm gəḏōlîm ’ăqabəṣēḵə:

8 bəšeṣef qeṣef hisətarətî fānay reḡ^a‘ mimmēḵə ûḇəḥeseḏ ‘wōlām riḥamətîḵə ’āmar gō’ălēḵə yəhwâ: s

9 kî-mê nōḥa zō’ṯ lî ’ăšer nišəb^a‘ətî mē‘ăḇōr mê-nōḥa ‘wōḏ ‘al-hā’āreṣ kēn nišəb^a‘ətî miqqəṣōf ‘ālayiḵə ûmigə‘ār-bāḵə:

10 kî hehārîm yāmûšû wəhagəḇā‘wōṯ təmûṭenâ wəḥasədî mē’itēḵə lō’-yāmûš ûḇərîṯ šəlwōmî lō’ ṯāmûṭ ’āmar mər^aḥămēḵə yəhwâ: s

11 ‘ănîyâ sō‘ărâ lō’ nuḥāmâ hinnēh ’ānōḵî marəbîṣ bapûḵə ’ăḇānayiḵə wîsaḏətîḵə bassapîrîm:

12 wəśamətî kaḏəḵōḏ šiməšōṯayiḵə ûšə‘ārayiḵə lə’aḇənê ’eqədāḥ wəḵāl-gəḇûlēḵə lə’aḇənê-ḥēfeṣ:

13 wəḵāl-bānayiḵə limmûḏê yəhwâ wəraḇ šəlwōm bānāyiḵə:

14 biṣəḏāqâ tikwōnānî r^aḥăqî mē‘ōšeq kî-lō’ ṯîrā’î ûmimməḥitâ kî lō’-ṯiqəraḇ ’ēlāyiḵə:

15 hēn gwōr yāḡûr ’efes mē’wōṯî mî-ḡār ’itāḵə ‘ālayiḵə yipwōl:

16 hēn hinnēh ’ānōḵî bārā’ṯî ḥārāš nōfēḥa bə’ēš peḥām ûmwōṣî’ ḵəlî ləm^a‘ăśēhû wə’ānōḵî bārā’ṯî mašəḥîṯ ləḥabēl:

17 kāl-kəlî yûṣar ‘ālayiḵə lō’ yiṣəlāḥ wəḵāl-lāšwōn tāqûm-’itāḵə¹ lammišəpāṭ tarəšî‘î zō’ṯ n^aḥălaṯ ‘aḇəḏê yəhwâ wəṣiḏəqāṯām mē’itî nə’um-yəhwâ: s

‎1 ‏ה֤וֹי כָּל־צָמֵא֙ לְכ֣וּ לַמַּ֔יִם וַאֲשֶׁ֥ר אֵֽין־ל֖וֹ כָּ֑סֶף לְכ֤וּ שִׁבְרוּ֙ וֶֽאֱכֹ֔לוּ וּלְכ֣וּ שִׁבְר֗וּ בְּלוֹא־כֶ֛סֶף וּבְל֥וֹא מְחִ֖יר יַ֥יִן וְחָלָֽב׃

‎2 ‏לָ֤מָּה תִשְׁקְלוּ־כֶ֙סֶף֙ בְּֽלוֹא־לֶ֔חֶם וִיגִיעֲכֶ֖ם בְּל֣וֹא לְשָׂבְעָ֑ה שִׁמְע֨וּ שָׁמ֤וֹעַ אֵלַי֙ וְאִכְלוּ־ט֔וֹב וְתִתְעַנַּ֥ג בַּדֶּ֖שֶׁן נַפְשְׁכֶֽם׃

‎3 ‏הַטּ֤וּ אָזְנְכֶם֙ וּלְכ֣וּ אֵלַ֔י שִׁמְע֖וּ וּתְחִ֣י נַפְשְׁכֶ֑ם וְאֶכְרְתָ֤ה לָכֶם֙ בְּרִ֣ית עוֹלָ֔ם חַֽסְדֵ֥י דָוִ֖ד הַנֶּאֱמָנִֽים׃

‎4 ‏הֵ֛ן עֵ֥ד לְאוּמִּ֖ים נְתַתִּ֑יו נָגִ֥יד וּמְצַוֵּ֖ה לְאֻמִּֽים׃

‎5 ‏הֵ֣ן גּ֤וֹי לֹֽא־תֵדַע֙ תִּקְרָ֔א וְג֥וֹי לֹֽא־יְדָע֖וּךָ אֵלֶ֣יךָ יָר֑וּצוּ לְמַ֙עַן֙ יְהוָ֣ה אֱלֹהֶ֔יךָ וְלִקְד֥וֹשׁ יִשְׂרָאֵ֖ל כִּ֥י פֵאֲרָֽךְ׃ ס

‎6 ‏דִּרְשׁ֥וּ יְהוָ֖ה בְּהִמָּצְא֑וֹ קְרָאֻ֖הוּ בִּֽהְיוֹת֥וֹ קָרֽוֹב׃

‎7 ‏יַעֲזֹ֤ב רָשָׁע֙ דַּרְכּ֔וֹ וְאִ֥ישׁ אָ֖וֶן מַחְשְׁבֹתָ֑יו וְיָשֹׁ֤ב אֶל־יְהוָה֙ וִֽירַחֲמֵ֔הוּ וְאֶל־אֱלֹהֵ֖ינוּ כִּֽי־יַרְבֶּ֥ה לִסְלֽוֹחַ׃

‎8 ‏כִּ֣י לֹ֤א מַחְשְׁבוֹתַי֙ מַחְשְׁב֣וֹתֵיכֶ֔ם וְלֹ֥א דַרְכֵיכֶ֖ם דְּרָכָ֑י נְאֻ֖ם יְהוָֽה׃

‎9 ‏כִּֽי־גָבְה֥וּ שָׁמַ֖יִם מֵאָ֑רֶץ כֵּ֣ן גָּבְה֤וּ דְרָכַי֙ מִדַּרְכֵיכֶ֔ם וּמַחְשְׁבֹתַ֖י מִמַּחְשְׁבֹתֵיכֶֽם׃

‎10 ‏כִּ֡י כַּאֲשֶׁ֣ר יֵרֵד֩ הַגֶּ֨שֶׁם וְהַשֶּׁ֜לֶג מִן־הַשָּׁמַ֗יִם וְשָׁ֙מָּה֙ לֹ֣א יָשׁ֔וּב כִּ֚י אִם־הִרְוָ֣ה אֶת־הָאָ֔רֶץ וְהוֹלִידָ֖הּ וְהִצְמִיחָ֑הּ וְנָ֤תַן זֶ֙רַע֙ לַזֹּרֵ֔עַ וְלֶ֖חֶם לָאֹכֵֽל׃

‎11 ‏כֵּ֣ן יִֽהְיֶ֤ה דְבָרִי֙ אֲשֶׁ֣ר יֵצֵ֣א מִפִּ֔י לֹֽא־יָשׁ֥וּב אֵלַ֖י רֵיקָ֑ם כִּ֤י אִם־עָשָׂה֙ אֶת־אֲשֶׁ֣ר חָפַ֔צְתִּי וְהִצְלִ֖יחַ אֲשֶׁ֥ר שְׁלַחְתִּֽיו׃

‎12 ‏כִּֽי־בְשִׂמְחָ֣ה תֵצֵ֔אוּ וּבְשָׁל֖וֹם תּֽוּבָל֑וּן הֶהָרִ֣ים וְהַגְּבָע֗וֹת יִפְצְח֤וּ לִפְנֵיכֶם֙ רִנָּ֔ה וְכָל־עֲצֵ֥י הַשָּׂדֶ֖ה יִמְחֲאוּ־כָֽף׃

‎13 ‏תַּ֤חַת הַֽנַּעֲצוּץ֙ יַעֲלֶ֣ה בְר֔וֹשׁ תחת וְתַ֥חַת הַסִּרְפַּ֖ד יַעֲלֶ֣ה הֲדַ֑ס וְהָיָ֤ה לַֽיהוָה֙ לְשֵׁ֔ם לְא֥וֹת עוֹלָ֖ם לֹ֥א יִכָּרֵֽת׃ ס

1 hwōy kāl-ṣāmē’ ləḵû lammayim wa’ăšer ’ên-lwō kāsef ləḵû šiḇərû we’ĕḵōlû ûləḵû šiḇərû bəlwō’-ḵesef ûḇəlwō’ məḥîr yayin wəḥālāḇ:

2 lāmmâ ṯišəqəlû-ḵesef bəlwō’-leḥem wîḡî‘ăḵem bəlwō’ ləśāḇə‘â šimə‘û šāmwō‘a ’ēlay wə’iḵəlû-ṭwōḇ wəṯiṯə‘annaḡ badešen nafəšəḵem:

3 haṭṭû ’āzənəḵem ûləḵû ’ēlay šimə‘û ûṯəḥî nafəšəḵem wə’eḵərəṯâ lāḵem bərîṯ ‘wōlām ḥasəḏê ḏāwiḏ hanne’ĕmānîm:

4 hēn ‘ēḏ lə’ûmmîm nəṯatîw nāḡîḏ ûməṣaûēh lə’ummîm:

5 hēn gwōy lō’-ṯēḏ^a‘ tiqərā’ wəḡwōy lō’-yəḏā‘ûḵā ’ēleyḵā yārûṣû ləm^a‘an yəhwâ ’ĕlōheyḵā wəliqəḏwōš yiśərā’ēl kî fē’ărāḵə: s

6 dirəšû yəhwâ bəhimmāṣə’wō qərā’uhû bihəywōṯwō qārwōḇ:

7 y^a‘ăzōḇ rāšā‘ darəkwō wə’îš ’āwen m^aḥəšəḇōṯāyw wəyāšōḇ ’el-yəhwâ wîr^aḥămēhû wə’el-’ĕlōhênû kî-yarəbeh lisəlwōḥa:

8 kî lō’ m^aḥəšəḇwōṯay m^aḥəšəḇwōṯêḵem wəlō’ ḏarəḵêḵem dərāḵāy nə’um yəhwâ:

9 kî-ḡāḇəhû šāmayim mē’āreṣ kēn gāḇəhû ḏərāḵay midarəḵêḵem ûm^aḥəšəḇōṯay mimm^aḥəšəḇōṯêḵem:

10 kî ka’ăšer yērēḏ hagešem wəhaššeleḡ min-haššāmayim wəšāmmâ lō’ yāšûḇ kî ’im-hirəwâ ’eṯ-hā’āreṣ wəhwōlîḏāh wəhiṣəmîḥāh wənāṯan zer^a‘ lazzōrē‘a wəleḥem lā’ōḵēl:

11 kēn yihəyeh ḏəḇārî ’ăšer yēṣē’ mipî lō’-yāšûḇ ’ēlay rêqām kî ’im-‘āśâ ’eṯ-’ăšer ḥāfaṣətî wəhiṣəlîḥa ’ăšer šəl^aḥətîw:

12 kî-ḇəśiməḥâ ṯēṣē’û ûḇəšālwōm tûḇālûn hehārîm wəhagəḇā‘wōṯ yifəṣəḥû lifənêḵem rinnâ wəḵāl-‘ăṣê haśśāḏeh yiməḥă’û-ḵāf:

13 t^aḥaṯ hann^a‘ăṣûṣ y^a‘ăleh ḇərwōš t^aḥaṯ wəṯ^aḥaṯ hassirəpaḏ y^a‘ăleh hăḏas wəhāyâ layhwâ ləšēm lə’wōṯ ‘wōlām lō’ yikārēṯ: s

‎1 ‏כֹּ֚ה אָמַ֣ר יְהוָ֔ה שִׁמְר֥וּ מִשְׁפָּ֖ט וַעֲשׂ֣וּ צְדָקָ֑ה כִּֽי־קְרוֹבָ֤ה יְשֽׁוּעָתִי֙ לָב֔וֹא וְצִדְקָתִ֖י לְהִגָּלֽוֹת׃

‎2 ‏אַשְׁרֵ֤י אֱנוֹשׁ֙ יַעֲשֶׂה־זֹּ֔את וּבֶן־אָדָ֖ם יַחֲזִ֣יק בָּ֑הּ שֹׁמֵ֤ר שַׁבָּת֙ מֵֽחַלְּל֔וֹ וְשֹׁמֵ֥ר יָד֖וֹ מֵעֲשׂ֥וֹת כָּל־רָֽע׃ ס

‎3 ‏וְאַל־יֹאמַ֣ר בֶּן־הַנֵּכָ֗ר הַנִּלְוָ֤ה אֶל־יְהוָה֙ לֵאמֹ֔ר הַבְדֵּ֧ל יַבְדִּילַ֛נִי יְהוָ֖ה מֵעַ֣ל עַמּ֑וֹ וְאַל־יֹאמַר֙ הַסָּרִ֔יס הֵ֥ן אֲנִ֖י עֵ֥ץ יָבֵֽשׁ׃ ס

‎4 ‏כִּי־כֹ֣ה׀ אָמַ֣ר יְהוָ֗ה לַסָּֽרִיסִים֙ אֲשֶׁ֤ר יִשְׁמְרוּ֙ אֶת־שַׁבְּתוֹתַ֔י וּבָֽחֲר֖וּ בַּאֲשֶׁ֣ר חָפָ֑צְתִּי וּמַחֲזִיקִ֖ים בִּבְרִיתִֽי׃

‎5 ‏וְנָתַתִּ֨י לָהֶ֜ם בְּבֵיתִ֤י וּבְחֽוֹמֹתַי֙ יָ֣ד וָשֵׁ֔ם ט֖וֹב מִבָּנִ֣ים וּמִבָּנ֑וֹת שֵׁ֤ם עוֹלָם֙ אֶתֶּן־ל֔וֹ אֲשֶׁ֖ר לֹ֥א יִכָּרֵֽת׃ ס

‎6 ‏וּבְנֵ֣י הַנֵּכָ֗ר הַנִּלְוִ֤ים עַל־יְהוָה֙ לְשָׁ֣רְת֔וֹ וּֽלְאַהֲבָה֙ אֶת־שֵׁ֣ם יְהוָ֔ה לִהְי֥וֹת ל֖וֹ לַעֲבָדִ֑ים כָּל־שֹׁמֵ֤ר שַׁבָּת֙ מֵֽחַלְּל֔וֹ וּמַחֲזִיקִ֖ים בִּבְרִיתִֽי׃

‎7 ‏וַהֲבִיאוֹתִ֞ים אֶל־הַ֣ר קָדְשִׁ֗י וְשִׂמַּחְתִּים֙ בְּבֵ֣ית תְּפִלָּתִ֔י עוֹלֹתֵיהֶ֧ם וְזִבְחֵיהֶ֛ם לְרָצ֖וֹן עַֽל־מִזְבְּחִ֑י כִּ֣י בֵיתִ֔י בֵּית־תְּפִלָּ֥ה יִקָּרֵ֖א לְכָל־הָעַמִּֽים׃

‎8 ‏נְאֻם֙ אֲדֹנָ֣י יְהוִ֔ה מְקַבֵּ֖ץ נִדְחֵ֣י יִשְׂרָאֵ֑ל ע֛וֹד אֲקַבֵּ֥ץ עָלָ֖יו לְנִקְבָּצָֽיו׃

‎9 ‏כֹּ֖ל חַיְת֣וֹ שָׂדָ֑י אֵתָ֕יוּ לֶאֱכֹ֥ל כָּל־חַיְת֖וֹ בַּיָּֽעַר׃ ס

‎10 ‏צפו צֹפָ֞יו עִוְרִ֤ים כֻּלָּם֙ לֹ֣א יָדָ֔עוּ כֻּלָּם֙ כְּלָבִ֣ים אִלְּמִ֔ים לֹ֥א יוּכְל֖וּ לִנְבֹּ֑חַ הֹזִים֙ שֹֽׁכְבִ֔ים אֹהֲבֵ֖י לָנֽוּם׃

‎11 ‏וְהַכְּלָבִ֣ים עַזֵּי־נֶ֗פֶשׁ לֹ֤א יָֽדְעוּ֙ שָׂבְעָ֔ה וְהֵ֣מָּה רֹעִ֔ים לֹ֥א יָדְע֖וּ הָבִ֑ין כֻּלָּם֙ לְדַרְכָּ֣ם פָּנ֔וּ אִ֥ישׁ לְבִצְע֖וֹ מִקָּצֵֽהוּ׃

‎12 ‏אֵתָ֥יוּ אֶקְחָה־יַ֖יִן וְנִסְבְּאָ֣ה שֵׁכָ֑ר וְהָיָ֤ה כָזֶה֙ י֣וֹם מָחָ֔ר גָּד֖וֹל³ יֶ֥תֶר מְאֹֽד׃

1 kōh ’āmar yəhwâ šimərû mišəpāṭ w^a‘ăśû ṣəḏāqâ kî-qərwōḇâ yəšû‘āṯî lāḇwō’ wəṣiḏəqāṯî ləhigālwōṯ:

2 ’ašərê ’ĕnwōš y^a‘ăśeh-zzō’ṯ ûḇen-’āḏām y^aḥăzîq bāh šōmēr šabāṯ mēḥalləlwō wəšōmēr yāḏwō mē‘ăśwōṯ kāl-rā‘: s

3 wə’al-yō’mar ben-hannēḵār hanniləwâ ’el-yəhwâ lē’mōr haḇədēl yaḇədîlanî yəhwâ mē‘al ‘ammwō wə’al-yō’mar hassārîs hēn ’ănî ‘ēṣ yāḇēš: s

4 kî-ḵōh| ’āmar yəhwâ lassārîsîm ’ăšer yišəmərû ’eṯ-šabəṯwōṯay ûḇāḥărû ba’ăšer ḥāfāṣətî ûm^aḥăzîqîm biḇərîṯî:

5 wənāṯatî lâem bəḇêṯî ûḇəḥwōmōṯay yāḏ wāšēm ṭwōḇ mibānîm ûmibānwōṯ šēm ‘wōlām ’eten-lwō ’ăšer lō’ yikārēṯ: s

6 ûḇənê hannēḵār hanniləwîm ‘al-yəhwâ ləšārəṯwō ûlə’ahăḇâ ’eṯ-šēm yəhwâ lihəywōṯ lwō l^a‘ăḇāḏîm kāl-šōmēr šabāṯ mēḥalləlwō ûm^aḥăzîqîm biḇərîṯî:

7 wahăḇî’wōṯîm ’el-har qāḏəšî wəśimm^aḥətîm bəḇêṯ təfillāṯî ‘wōlōṯêhem wəziḇəḥêhem lərāṣwōn ‘al-mizəbəḥî kî ḇêṯî bêṯ-təfillâ yiqqārē’ ləḵāl-hā‘ammîm:

8 nə’um ’ăḏōnāy yəhwih məqabēṣ niḏəḥê yiśərā’ēl ‘wōḏ ’ăqabēṣ ‘ālāyw ləniqəbāṣāyw:

9 kōl ḥayəṯwō śāḏāy ’ēṯāyû le’ĕḵōl kāl-ḥayəṯwō bayyā‘ar: s

10 ṣāfû ṣōfāyw ‘iwərîm kullām lō’ yāḏā‘û kullām kəlāḇîm ’illəmîm lō’ yûḵəlû linəbōḥa hōzîm šōḵəḇîm ’ōhăḇê lānûm:

11 wəhakəlāḇîm ‘azzê-nefeš lō’ yāḏə‘û śāḇə‘â wəhēmmâ rō‘îm lō’ yāḏə‘û hāḇîn kullām ləḏarəkām pānû ’îš ləḇiṣə‘wō miqqāṣēhû:

12 ’ēṯāyû ’eqəḥâ-yayin wənisəbə’â šēḵār wəhāyâ ḵāzeh ywōm māḥār gāḏwōl³ yeṯer mə’ōḏ:

‎1 ‏הַצַּדִּ֣יק אָבָ֔ד וְאֵ֥ין אִ֖ישׁ שָׂ֣ם עַל־לֵ֑ב וְאַנְשֵׁי־חֶ֤סֶד נֶֽאֱסָפִים֙ בְּאֵ֣ין מֵבִ֔ין כִּֽי־מִפְּנֵ֥י הָרָעָ֖ה נֶאֱסַ֥ף הַצַּדִּֽיק׃

‎2 ‏יָב֣וֹא שָׁל֔וֹם יָנ֖וּחוּ עַל־מִשְׁכְּבוֹתָ֑ם הֹלֵ֖ךְ נְכֹחֽוֹ׃

‎3 ‏וְאַתֶּ֥ם קִרְבוּ־הֵ֖נָּה בְּנֵ֣י עֹנְנָ֑ה זֶ֥רַע מְנָאֵ֖ף וַתִּזְנֶֽה׃

‎4 ‏עַל־מִי֙ תִּתְעַנָּ֔גוּ עַל־מִ֛י תַּרְחִ֥יבוּ פֶ֖ה תַּאֲרִ֣יכוּ לָשׁ֑וֹן הֲלֽוֹא־אַתֶּ֥ם יִלְדֵי־פֶ֖שַׁע זֶ֥רַע שָֽׁקֶר׃

‎5 ‏הַנֵּֽחָמִים֙ בָּֽאֵלִ֔ים תַּ֖חַת כָּל־עֵ֣ץ רַעֲנָ֑ן שֹׁחֲטֵ֤י הַיְלָדִים֙ בַּנְּחָלִ֔ים תַּ֖חַת סְעִפֵ֥י הַסְּלָעִֽים׃

‎6 ‏בְּחַלְּקֵי־נַ֣חַל חֶלְקֵ֔ךְ הֵ֥ם הֵ֖ם גּוֹרָלֵ֑ךְ גַּם־לָהֶ֞ם שָׁפַ֥כְתְּ נֶ֙סֶךְ֙ הֶעֱלִ֣ית מִנְחָ֔ה הַ֥עַל אֵ֖לֶּה אֶנָּחֵֽם׃

‎7 ‏עַ֤ל הַר־גָּבֹ֙הַּ֙ וְנִשָּׂ֔א שַׂ֖מְתְּ מִשְׁכָּבֵ֑ךְ גַּם־שָׁ֥ם עָלִ֖ית לִזְבֹּ֥חַ זָֽבַח׃

‎8 ‏וְאַחַ֤ר הַדֶּ֙לֶת֙ וְהַמְּזוּזָ֔ה שַׂ֖מְתְּ זִכְרוֹנֵ֑ךְ כִּ֣י מֵאִתִּ֞י גִּלִּ֣ית וַֽתַּעֲלִ֗י הִרְחַ֤בְתְּ מִשְׁכָּבֵךְ֙ וַתִּכְרָת־לָ֣ךְ מֵהֶ֔ם אָהַ֥בְתְּ מִשְׁכָּבָ֖ם יָ֥ד חָזִֽית׃

‎9 ‏וַתָּשֻׁ֤רִי לַמֶּ֙לֶךְ֙ בַּשֶּׁ֔מֶן וַתַּרְבִּ֖י רִקֻּחָ֑יִךְ וַתְּשַׁלְּחִ֤י צִרַ֙יִךְ֙ עַד־מֵ֣רָחֹ֔ק וַתַּשְׁפִּ֖ילִי עַד־שְׁאֽוֹל׃

‎10 ‏בְּרֹ֤ב דַּרְכֵּךְ֙ יָגַ֔עַתְּ לֹ֥א אָמַ֖רְתְּ נוֹאָ֑שׁ חַיַּ֤ת יָדֵךְ֙ מָצָ֔את עַל־כֵּ֖ן לֹ֥א חָלִֽית׃

‎11 ‏וְאֶת־מִ֞י דָּאַ֤גְתְּ וַתִּֽירְאִי֙ כִּ֣י תְכַזֵּ֔בִי וְאוֹתִי֙ לֹ֣א זָכַ֔רְתְּ לֹא־שַׂ֖מְתְּ עַל־לִבֵּ֑ךְ הֲלֹ֨א אֲנִ֤י מַחְשֶׁה֙ וּמֵ֣עֹלָ֔ם וְאוֹתִ֖י לֹ֥א תִירָֽאִי׃

‎12 ‏אֲנִ֥י אַגִּ֖יד צִדְקָתֵ֑ךְ וְאֶֽת־מַעֲשַׂ֖יִךְ וְלֹ֥א יוֹעִילֽוּךְ׃

‎13 ‏בְּזַֽעֲקֵךְ֙ יַצִּילֻ֣ךְ קִבּוּצַ֔יִךְ וְאֶת־כֻּלָּ֥ם יִשָּׂא־ר֖וּחַ יִקַּח־הָ֑בֶל וְהַחוֹסֶ֥ה בִי֙ יִנְחַל־אֶ֔רֶץ וְיִירַ֖שׁ הַר־קָדְשִֽׁי׃

‎14 ‏וְאָמַ֥ר סֹֽלּוּ־סֹ֖לּוּ פַּנּוּ־דָ֑רֶךְ הָרִ֥ימוּ מִכְשׁ֖וֹל מִדֶּ֥רֶךְ עַמִּֽי׃ ס

‎15 ‏כִּי֩ כֹ֨ה אָמַ֜ר רָ֣ם וְנִשָּׂ֗א שֹׁכֵ֥ן עַד֙ וְקָד֣וֹשׁ שְׁמ֔וֹ מָר֥וֹם וְקָד֖וֹשׁ אֶשְׁכּ֑וֹן וְאֶת־דַּכָּא֙ וּשְׁפַל־ר֔וּחַ לְהַחֲיוֹת֙ ר֣וּחַ שְׁפָלִ֔ים וּֽלְהַחֲי֖וֹת לֵ֥ב נִדְכָּאִֽים׃

‎16 ‏כִּ֣י לֹ֤א לְעוֹלָם֙ אָרִ֔יב וְלֹ֥א לָנֶ֖צַח אֶקְּצ֑וֹף כִּי־ר֙וּחַ֙ מִלְּפָנַ֣י יַֽעֲט֔וֹף וּנְשָׁמ֖וֹת אֲנִ֥י עָשִֽׂיתִי׃

‎17 ‏בַּעֲוֹ֥ן בִּצְע֛וֹ קָצַ֥פְתִּי וְאַכֵּ֖הוּ הַסְתֵּ֣ר וְאֶקְצֹ֑ף וַיֵּ֥לֶךְ שׁוֹבָ֖ב בְּדֶ֥רֶךְ לִבּֽוֹ׃

‎18 ‏דְּרָכָ֥יו רָאִ֖יתִי וְאֶרְפָּאֵ֑הוּ וְאַנְחֵ֕הוּ וַאֲשַׁלֵּ֧ם נִֽחֻמִ֛ים ל֖וֹ וְלַאֲבֵלָֽיו׃

‎19 ‏בּוֹרֵ֖א נוב נִ֣יב שְׂפָתָ֑יִם שָׁל֨וֹם׀ שָׁל֜וֹם לָרָח֧וֹק וְלַקָּר֛וֹב אָמַ֥ר יְהוָ֖ה וּרְפָאתִֽיו׃

‎20 ‏וְהָרְשָׁעִ֖ים כַּיָּ֣ם נִגְרָ֑שׁ כִּ֤י הַשְׁקֵט֙ לֹ֣א יוּכָ֔ל וַיִּגְרְשׁ֥וּ מֵימָ֖יו רֶ֥פֶשׁ וָטִֽיט׃

‎21 ‏אֵ֣ין שָׁל֔וֹם אָמַ֥ר אֱלֹהַ֖י לָרְשָׁעִֽים׃ ס

1 haṣṣadîq ’āḇāḏ wə’ên ’îš śām ‘al-lēḇ wə’anəšê-ḥeseḏ ne’ĕsāfîm bə’ên mēḇîn kî-mipənê hārā‘â ne’ĕsaf haṣṣadîq:

2 yāḇwō’ šālwōm yānûḥû ‘al-mišəkəḇwōṯām hōlēḵə nəḵōḥwō:

3 wə’atem qirəḇû-hēnnâ bənê ‘ōnənâ zer^a‘ mənā’ēf watizəneh:

4 ‘al-mî tiṯə‘annāḡû ‘al-mî tarəḥîḇû feh ta’ărîḵû lāšwōn hălwō’-’atem yiləḏê-feš^a‘ zer^a‘ šāqer:

5 hannēḥāmîm bā’ēlîm t^aḥaṯ kāl-‘ēṣ r^a‘ănān šōḥăṭê hayəlāḏîm bannəḥālîm t^aḥaṯ sə‘ifê hassəlā‘îm:

6 bəḥalləqê-n^aḥal ḥeləqēḵə hēm hēm gwōrālēḵə gam-lâem šāfaḵətə neseḵə he‘ĕlîṯ minəḥâ h^a‘al ’ēlleh ’ennāḥēm:

7 ‘al har-gāḇōhha wəniśśā’ śamətə mišəkāḇēḵə gam-šām ‘ālîṯ lizəbōḥa zāḇ^aḥ:

8 wə’^aḥar hadeleṯ wəhamməzûzâ śamətə ziḵərwōnēḵə kî mē’itî gillîṯ wat^a‘ălî hirəḥaḇətə mišəkāḇēḵə watiḵərāṯ-lāḵə mēhem ’âaḇətə mišəkāḇām yāḏ ḥāzîṯ:

9 watāšurî lammeleḵə baššemen watarəbî riqquḥāyiḵə watəšalləḥî ṣirayiḵə ‘aḏ-mērāḥōq watašəpîlî ‘aḏ-šə’wōl:

10 bərōḇ darəkēḵə yāḡ^a‘atə lō’ ’āmarətə nwō’āš ḥayyaṯ yāḏēḵə māṣā’ṯ ‘al-kēn lō’ ḥālîṯ:

11 wə’eṯ-mî dā’aḡətə watîrə’î kî ṯəḵazzēḇî wə’wōṯî lō’ zāḵarətə lō’-śamətə ‘al-libēḵə hălō’ ’ănî m^aḥəšeh ûmē‘ōlām wə’wōṯî lō’ ṯîrā’î:

12 ’ănî ’agîḏ ṣiḏəqāṯēḵə wə’eṯ-m^a‘ăśayiḵə wəlō’ ywō‘îlûḵə:

13 bəz^a‘ăqēḵə yaṣṣîluḵə qibûṣayiḵə wə’eṯ-kullām yiśśā’-rûḥa yiqq^aḥ-hāḇel wəh^aḥwōseh ḇî yinəḥal-’ereṣ wəyîraš har-qāḏəšî:

14 wə’āmar sōllû-sōllû pannû-ḏāreḵə hārîmû miḵəšwōl midereḵə ‘ammî: s

15 kî ḵōh ’āmar rām wəniśśā’ šōḵēn ‘aḏ wəqāḏwōš šəmwō mārwōm wəqāḏwōš ’ešəkwōn wə’eṯ-dakā’ ûšəfal-rûḥa ləh^aḥăywōṯ rûḥa šəfālîm ûləh^aḥăywōṯ lēḇ niḏəkā’îm:

16 kî lō’ lə‘wōlām ’ārîḇ wəlō’ lāneṣ^aḥ ’eqqəṣwōf kî-rûḥa milləfānay y^a‘ăṭwōf ûnəšāmwōṯ ’ănî ‘āśîṯî:

17 b^a‘ăwōn biṣə‘wō qāṣafətî wə’akēhû hasətēr wə’eqəṣōf wayyēleḵə šwōḇāḇ bəḏereḵə libwō:

18 dərāḵāyw rā’îṯî wə’erəpā’ēhû wə’anəḥēhû wa’ăšallēm niḥumîm lwō wəla’ăḇēlāyw:

19 bwōrē’ nûḇ nîḇ śəfāṯāyim šālwōm| šālwōm lārāḥwōq wəlaqqārwōḇ ’āmar yəhwâ ûrəfā’ṯîw:

20 wəhārəšā‘îm kayyām niḡərāš kî hašəqēṭ lō’ yûḵāl wayyiḡərəšû mêmāyw refeš wāṭîṭ:

21 ’ên šālwōm ’āmar ’ĕlōhay lārəšā‘îm: s

‎1 ‏קְרָ֤א בְגָרוֹן֙ אַל־תַּחְשֹׂ֔ךְ כַּשּׁוֹפָ֖ר הָרֵ֣ם קוֹלֶ֑ךָ וְהַגֵּ֤ד לְעַמִּי֙ פִּשְׁעָ֔ם וּלְבֵ֥ית יַעֲקֹ֖ב חַטֹּאתָֽם׃

‎2 ‏וְאוֹתִ֗י י֥וֹם³ יוֹם֙ יִדְרֹשׁ֔וּן וְדַ֥עַת דְּרָכַ֖י יֶחְפָּצ֑וּן כְּג֞וֹי אֲשֶׁר־צְדָקָ֣ה עָשָׂ֗ה וּמִשְׁפַּ֤ט אֱלֹהָיו֙ לֹ֣א עָזָ֔ב יִשְׁאָל֙וּנִי֙ מִשְׁפְּטֵי־צֶ֔דֶק קִרְבַ֥ת אֱלֹהִ֖ים יֶחְפָּצֽוּן׃

‎3 ‏לָ֤מָּה צַּ֙מְנוּ֙ וְלֹ֣א רָאִ֔יתָ עִנִּ֥ינוּ נַפְשֵׁ֖נוּ וְלֹ֣א תֵדָ֑ע הֵ֣ן בְּי֤וֹם צֹֽמְכֶם֙ תִּמְצְאוּ־חֵ֔פֶץ וְכָל־עַצְּבֵיכֶ֖ם תִּנְגֹּֽשׂוּ׃

‎4 ‏הֵ֣ן לְרִ֤יב וּמַצָּה֙ תָּצ֔וּמוּ וּלְהַכּ֖וֹת בְּאֶגְרֹ֣ף רֶ֑שַׁע לֹא־תָצ֣וּמוּ כַיּ֔וֹם לְהַשְׁמִ֥יעַ בַּמָּר֖וֹם קוֹלְכֶֽם׃

‎5 ‏הֲכָזֶ֗ה יִֽהְיֶה֙ צ֣וֹם אֶבְחָרֵ֔הוּ י֛וֹם עַנּ֥וֹת אָדָ֖ם נַפְשׁ֑וֹ הֲלָכֹ֨ף כְּאַגְמֹ֜ן רֹאשׁ֗וֹ וְשַׂ֤ק וָאֵ֙פֶר֙ יַצִּ֔יעַ הֲלָזֶה֙ תִּקְרָא־צ֔וֹם וְי֥וֹם רָצ֖וֹן לַיהוָֽה׃

‎6 ‏הֲל֣וֹא זֶה֮ צ֣וֹם אֶבְחָרֵהוּ֒ פַּתֵּ֙חַ֙ חַרְצֻבּ֣וֹת רֶ֔שַׁע הַתֵּ֖ר אֲגֻדּ֣וֹת³ מוֹטָ֑ה וְשַׁלַּ֤ח רְצוּצִים֙ חָפְשִׁ֔ים וְכָל־מוֹטָ֖ה תְּנַתֵּֽקוּ׃

‎7 ‏הֲל֨וֹא פָרֹ֤ס לָֽרָעֵב֙ לַחְמֶ֔ךָ וַעֲנִיִּ֥ים מְרוּדִ֖ים תָּ֣בִיא בָ֑יִת כִּֽי־תִרְאֶ֤ה עָרֹם֙ וְכִסִּית֔וֹ וּמִבְּשָׂרְךָ֖ לֹ֥א תִתְעַלָּֽם׃

‎8 ‏אָ֣ז יִבָּקַ֤ע כַּשַּׁ֙חַר֙ אוֹרֶ֔ךָ וַאֲרֻכָתְךָ֖ מְהֵרָ֣ה תִצְמָ֑ח וְהָלַ֤ךְ לְפָנֶ֙יךָ֙ צִדְקֶ֔ךָ כְּב֥וֹד יְהוָ֖ה יַאַסְפֶֽךָ׃

‎9 ‏אָ֤ז תִּקְרָא֙ וַיהוָ֣ה יַעֲנֶ֔ה תְּשַׁוַּ֖ע וְיֹאמַ֣ר הִנֵּ֑נִי אִם־תָּסִ֤יר מִתּֽוֹכְךָ֙ מוֹטָ֔ה שְׁלַ֥ח אֶצְבַּ֖ע וְדַבֶּר־אָֽוֶן׃

‎10 ‏וְתָפֵ֤ק לָֽרָעֵב֙ נַפְשֶׁ֔ךָ וְנֶ֥פֶשׁ נַעֲנָ֖ה תַּשְׂבִּ֑יעַ וְזָרַ֤ח בַּחֹ֙שֶׁךְ֙ אוֹרֶ֔ךָ וַאֲפֵלָתְךָ֖ כַּֽצָּהֳרָֽיִם׃

‎11 ‏וְנָחֲךָ֣ יְהוָה֮ תָּמִיד֒ וְהִשְׂבִּ֤יעַ בְּצַחְצָחוֹת֙ נַפְשֶׁ֔ךָ וְעַצְמֹתֶ֖יךָ יַחֲלִ֑יץ וְהָיִ֙יתָ֙ כְּגַ֣ן רָוֶ֔ה וּכְמוֹצָ֣א מַ֔יִם אֲשֶׁ֥ר לֹא־יְכַזְּב֖וּ מֵימָֽיו׃

‎12 ‏וּבָנ֤וּ מִמְּךָ֙ חָרְב֣וֹת עוֹלָ֔ם מוֹסְדֵ֥י דוֹר־וָד֖וֹר תְּקוֹמֵ֑ם וְקֹרָ֤א לְךָ֙ גֹּדֵ֣ר פֶּ֔רֶץ מְשֹׁבֵ֥ב נְתִיב֖וֹת לָשָֽׁבֶת׃

‎13 ‏אִם־תָּשִׁ֤יב מִשַּׁבָּת֙ רַגְלֶ֔ךָ עֲשׂ֥וֹת חֲפָצֶ֖יךָ בְּי֣וֹם קָדְשִׁ֑י וְקָרָ֨אתָ לַשַּׁבָּ֜ת עֹ֗נֶג לִקְד֤וֹשׁ יְהוָה֙ מְכֻבָּ֔ד וְכִבַּדְתּוֹ֙ מֵעֲשׂ֣וֹת דְּרָכֶ֔יךָ מִמְּצ֥וֹא חֶפְצְךָ֖ וְדַבֵּ֥ר דָּבָֽר׃

‎14 ‏אָ֗ז תִּתְעַנַּג֙ עַל־יְהוָ֔ה וְהִרְכַּבְתִּ֖יךָ עַל־במותי בָּ֣מֳתֵי⁹ אָ֑רֶץ וְהַאֲכַלְתִּ֗יךָ נַחֲלַת֙ יַעֲקֹ֣ב אָבִ֔יךָ כִּ֛י פִּ֥י יְהוָ֖ה דִּבֵּֽר׃ ס

1 qərā’ ḇəḡārwōn ’al-t^aḥəśōḵə kaššwōfār hārēm qwōleḵā wəhagēḏ lə‘ammî pišə‘ām ûləḇêṯ y^a‘ăqōḇ ḥaṭṭō’ṯām:

2 wə’wōṯî ywōm³ ywōm yiḏərōšûn wəḏ^a‘aṯ dərāḵay yeḥəpāṣûn kəḡwōy ’ăšer-ṣəḏāqâ ‘āśâ ûmišəpaṭ ’ĕlōhāyw lō’ ‘āzāḇ yišə’ālûnî mišəpəṭê-ṣeḏeq qirəḇaṯ ’ĕlōhîm yeḥəpāṣûn:

3 lāmmâ ṣṣamənû wəlō’ rā’îṯā ‘innînû nafəšēnû wəlō’ ṯēḏā‘ hēn bəywōm ṣōməḵem timəṣə’û-ḥēfeṣ wəḵāl-‘aṣṣəḇêḵem tinəgōśû:

4 hēn lərîḇ ûmaṣṣâ tāṣûmû ûləhakwōṯ bə’eḡərōf reš^a‘ lō’-ṯāṣûmû ḵayywōm ləhašəmî‘a bammārwōm qwōləḵem:

5 hăḵāzeh yihəyeh ṣwōm ’eḇəḥārēhû ywōm ‘annwōṯ ’āḏām nafəšwō hălāḵōf kə’aḡəmōn rō’šwō wəśaq wā’ēfer yaṣṣî‘a hălāzeh tiqərā’-ṣwōm wəywōm rāṣwōn layhwâ:

6 hălwō’ zeh ṣwōm ’eḇəḥārēhû patēḥa ḥarəṣubwōṯ reš^a‘ hatēr ’ăḡudwōṯ³ mwōṭâ wəšall^aḥ rəṣûṣîm ḥāfəšîm wəḵāl-mwōṭâ tənatēqû:

7 hălwō’ fārōs lārā‘ēḇ l^aḥəmeḵā w^a‘ănîyîm mərûḏîm tāḇî’ ḇāyiṯ kî-ṯirə’eh ‘ārōm wəḵissîṯwō ûmibəśārəḵā lō’ ṯiṯə‘allām:

8 ’āz yibāq^a‘ kašš^aḥar ’wōreḵā wa’ăruḵāṯəḵā məhērâ ṯiṣəmāḥ wəhālaḵə ləfāneyḵā ṣiḏəqeḵā kəḇwōḏ yəhwâ ya’asəfeḵā:

9 ’āz tiqərā’ wayhwâ y^a‘ăneh təšaû^a‘ wəyō’mar hinnēnî ’im-tāsîr mitwōḵəḵā mwōṭâ šəl^aḥ ’eṣəb^a‘ wəḏaber-’āwen:

10 wəṯāfēq lārā‘ēḇ nafəšeḵā wənefeš n^a‘ănâ taśəbî‘a wəzār^aḥ b^aḥōšeḵə ’wōreḵā wa’ăfēlāṯəḵā kaṣṣâŏrāyim:

11 wənāḥăḵā yəhwâ tāmîḏ wəhiśəbî‘a bəṣ^aḥəṣāḥwōṯ nafəšeḵā wə‘aṣəmōṯeyḵā y^aḥălîṣ wəhāyîṯā kəḡan rāweh ûḵəmwōṣā’ mayim ’ăšer lō’-yəḵazzəḇû mêmāyw:

12 ûḇānû mimməḵā ḥārəḇwōṯ ‘wōlām mwōsəḏê ḏwōr-wāḏwōr təqwōmēm wəqōrā’ ləḵā gōḏēr pereṣ məšōḇēḇ nəṯîḇwōṯ lāšāḇeṯ:

13 ’im-tāšîḇ miššabāṯ raḡəleḵā ‘ăśwōṯ ḥăfāṣeyḵā bəywōm qāḏəšî wəqārā’ṯā laššabāṯ ‘ōneḡ liqəḏwōš yəhwâ məḵubāḏ wəḵibaḏətwō mē‘ăśwōṯ dərāḵeyḵā mimməṣwō’ ḥefəṣəḵā wəḏabēr dāḇār:

14 ’āz tiṯə‘annaḡ ‘al-yəhwâ wəhirəkaḇətîḵā ‘al-bāmwōṯê bāmŏṯê⁹ ’āreṣ wəha’ăḵalətîḵā n^aḥălaṯ y^a‘ăqōḇ ’āḇîḵā kî pî yəhwâ dibēr: s

‎1 ‏הֵ֛ן לֹֽא־קָצְרָ֥ה יַד־יְהוָ֖ה מֵֽהוֹשִׁ֑יעַ וְלֹא־כָבְדָ֥ה אָזְנ֖וֹ מִשְּׁמֽוֹעַ׃

‎2 ‏כִּ֤י אִם־עֲוֹנֹֽתֵיכֶם֙ הָי֣וּ מַבְדִּלִ֔ים בֵּינֵכֶ֕ם לְבֵ֖ין אֱלֹֽהֵיכֶ֑ם וְחַטֹּֽאותֵיכֶ֗ם הִסְתִּ֧ירוּ פָנִ֛ים מִכֶּ֖ם מִשְּׁמֽוֹעַ׃

‎3 ‏כִּ֤י כַפֵּיכֶם֙ נְגֹאֲל֣וּ בַדָּ֔ם וְאֶצְבְּעוֹתֵיכֶ֖ם בֶּֽעָוֹ֑ן שִׂפְתֽוֹתֵיכֶם֙ דִּבְּרוּ־שֶׁ֔קֶר לְשׁוֹנְכֶ֖ם עַוְלָ֥ה תֶהְגֶּֽה׃

‎4 ‏אֵין־קֹרֵ֣א בְצֶ֔דֶק וְאֵ֥ין נִשְׁפָּ֖ט בֶּאֱמוּנָ֑ה בָּט֤וֹחַ עַל־תֹּ֙הוּ֙ וְדַבֶּר־שָׁ֔וְא הָר֥וֹ עָמָ֖ל וְהוֹלֵ֥יד אָֽוֶן׃

‎5 ‏בֵּיצֵ֤י צִפְעוֹנִי֙ בִּקֵּ֔עוּ וְקוּרֵ֥י עַכָּבִ֖ישׁ יֶאֱרֹ֑גוּ הָאֹכֵ֤ל מִבֵּֽיצֵיהֶם֙ יָמ֔וּת וְהַזּוּרֶ֖ה תִּבָּקַ֥ע אֶפְעֶֽה׃

‎6 ‏קֽוּרֵיהֶם֙ לֹא־יִהְי֣וּ לְבֶ֔גֶד וְלֹ֥א יִתְכַּסּ֖וּ בְּמַֽעֲשֵׂיהֶ֑ם מַֽעֲשֵׂיהֶם֙ מַֽעֲשֵׂי־אָ֔וֶן וּפֹ֥עַל חָמָ֖ס בְּכַפֵּיהֶֽם׃

‎7 ‏רַגְלֵיהֶם֙ לָרַ֣ע יָרֻ֔צוּ וִֽימַהֲר֔וּ לִשְׁפֹּ֖ךְ דָּ֣ם נָקִ֑י מַחְשְׁבֽוֹתֵיהֶם֙ מַחְשְׁב֣וֹת אָ֔וֶן שֹׁ֥ד וָשֶׁ֖בֶר בִּמְסִלּוֹתָֽם׃

‎8 ‏דֶּ֤רֶךְ שָׁלוֹם֙ לֹ֣א יָדָ֔עוּ וְאֵ֥ין מִשְׁפָּ֖ט בְּמַעְגְּלוֹתָ֑ם נְתִיבֽוֹתֵיהֶם֙ עִקְּשׁ֣וּ לָהֶ֔ם כֹּ֚ל דֹּרֵ֣ךְ בָּ֔הּ לֹ֥א יָדַ֖ע שָׁלֽוֹם׃

‎9 ‏עַל־כֵּ֗ן רָחַ֤ק מִשְׁפָּט֙ מִמֶּ֔נּוּ וְלֹ֥א תַשִּׂיגֵ֖נוּ צְדָקָ֑ה נְקַוֶּ֤ה לָאוֹר֙ וְהִנֵּה־חֹ֔שֶׁךְ לִנְגֹה֖וֹת בָּאֲפֵל֥וֹת נְהַלֵּֽךְ׃

‎10 ‏נְגַֽשְׁשָׁ֤ה כַֽעִוְרִים֙ קִ֔יר וּכְאֵ֥ין עֵינַ֖יִם נְגַשֵּׁ֑שָׁה כָּשַׁ֤לְנוּ בַֽצָּהֳרַ֙יִם֙ כַּנֶּ֔שֶׁף בָּאַשְׁמַנִּ֖ים כַּמֵּתִֽים׃

‎11 ‏נֶהֱמֶ֤ה כַדֻּבִּים֙ כֻּלָּ֔נוּ וְכַיּוֹנִ֖ים הָגֹ֣ה נֶהְגֶּ֑ה נְקַוֶּ֤ה לַמִּשְׁפָּט֙ וָאַ֔יִן לִֽישׁוּעָ֖ה רָחֲקָ֥ה מִמֶּֽנּוּ׃

‎12 ‏כִּֽי־רַבּ֤וּ פְשָׁעֵ֙ינוּ֙ נֶגְדֶּ֔ךָ וְחַטֹּאותֵ֖ינוּ עָ֣נְתָה בָּ֑נוּ כִּֽי־פְשָׁעֵ֣ינוּ אִתָּ֔נוּ וַעֲוֹנֹתֵ֖ינוּ יְדַֽעֲנֽוּם׃

‎13 ‏פָּשֹׁ֤עַ וְכַחֵשׁ֙ בַּֽיהוָ֔ה וְנָס֖וֹג מֵאַחַ֣ר אֱלֹהֵ֑ינוּ דַּבֶּר־עֹ֣שֶׁק וְסָרָ֔ה הֹר֧וֹ וְהֹג֛וֹ מִלֵּ֖ב דִּבְרֵי־שָֽׁקֶר׃

‎14 ‏וְהֻסַּ֤ג אָחוֹר֙ מִשְׁפָּ֔ט וּצְדָקָ֖ה מֵרָח֣וֹק תַּעֲמֹ֑ד כִּֽי־כָשְׁלָ֤ה בָֽרְחוֹב֙ אֱמֶ֔ת וּנְכֹחָ֖ה לֹא־תוּכַ֥ל לָבֽוֹא׃

‎15 ‏וַתְּהִ֤י הָֽאֱמֶת֙ נֶעְדֶּ֔רֶת וְסָ֥ר מֵרָ֖ע מִשְׁתּוֹלֵ֑ל וַיַּ֧רְא יְהוָ֛ה וַיֵּ֥רַע בְּעֵינָ֖יו כִּֽי־אֵ֥ין מִשְׁפָּֽט׃

‎16 ‏וַיַּרְא֙ כִּֽי־אֵ֣ין אִ֔ישׁ וַיִּשְׁתּוֹמֵ֖ם כִּ֣י אֵ֣ין מַפְגִּ֑יעַ וַתּ֤וֹשַֽׁע לוֹ֙ זְרֹע֔וֹ וְצִדְקָת֖וֹ הִ֥יא סְמָכָֽתְהוּ׃

‎17 ‏וַיִּלְבַּ֤שׁ צְדָקָה֙ כַּשִּׁרְיָ֔ן וְכ֥וֹבַע יְשׁוּעָ֖ה בְּרֹאשׁ֑וֹ וַיִּלְבַּ֞שׁ בִּגְדֵ֤י נָקָם֙ תִּלְבֹּ֔שֶׁת וַיַּ֥עַט כַּמְעִ֖יל קִנְאָֽה׃

‎18 ‏כְּעַ֤ל גְּמֻלוֹת֙ כְּעַ֣ל יְשַׁלֵּ֔ם חֵמָ֣ה לְצָרָ֔יו גְּמ֖וּל לְאֹֽיְבָ֑יו לָאִיִּ֖ים גְּמ֥וּל יְשַׁלֵּֽם׃

‎19 ‏וְיִֽירְא֤וּ מִֽמַּעֲרָב֙ אֶת־שֵׁ֣ם יְהוָ֔ה וּמִמִּזְרַח־שֶׁ֖מֶשׁ אֶת־כְּבוֹד֑וֹ כִּֽי־יָב֤וֹא כַנָּהָר֙ צָ֔ר ר֥וּחַ יְהוָ֖ה נֹ֥סְסָה בֽוֹ׃

‎20 ‏וּבָ֤א לְצִיּוֹן֙ גּוֹאֵ֔ל וּלְשָׁבֵ֥י פֶ֖שַׁע בְּיַֽעֲקֹ֑ב נְאֻ֖ם יְהוָֽה׃

‎21 ‏וַאֲנִ֗י זֹ֣את בְּרִיתִ֤י אוֹתָם֙ אָמַ֣ר יְהוָ֔ה רוּחִי֙ אֲשֶׁ֣ר עָלֶ֔יךָ וּדְבָרַ֖י אֲשֶׁר־שַׂ֣מְתִּי בְּפִ֑יךָ לֹֽא־יָמ֡וּשׁוּ מִפִּיךָ֩ וּמִפִּ֨י זַרְעֲךָ֜ וּמִפִּ֨י זֶ֤רַע זַרְעֲךָ֙ אָמַ֣ר יְהוָ֔ה מֵעַתָּ֖ה וְעַד־עוֹלָֽם׃ ס

1 hēn lō’-qāṣərâ yaḏ-yəhwâ mēhwōšî‘a wəlō’-ḵāḇəḏâ ’āzənwō miššəmwō‘a:

2 kî ’im-‘ăwōnōṯêḵem hāyû maḇədilîm bênēḵem ləḇên ’ĕlōhêḵem wəḥaṭṭō’wṯêḵem hisətîrû fānîm mikem miššəmwō‘a:

3 kî ḵapêḵem nəḡō’ălû ḇadām wə’eṣəbə‘wōṯêḵem be‘āwōn śifəṯwōṯêḵem dibərû-šeqer ləšwōnəḵem ‘awəlâ ṯehəgeh:

4 ’ên-qōrē’ ḇəṣeḏeq wə’ên nišəpāṭ be’ĕmûnâ bāṭwōḥa ‘al-tōhû wəḏaber-šāwə’ hārwō ‘āmāl wəhwōlêḏ ’āwen:

5 bêṣê ṣifə‘wōnî biqqē‘û wəqûrê ‘akāḇîš ye’ĕrōḡû hā’ōḵēl mibêṣêhem yāmûṯ wəhazzûreh tibāq^a‘ ’efə‘eh:

6 qûrêhem lō’-yihəyû ləḇeḡeḏ wəlō’ yiṯəkassû bəm^a‘ăśêhem m^a‘ăśêhem m^a‘ăśê-’āwen ûfō‘al ḥāmās bəḵapêhem:

7 raḡəlêhem lār^a‘ yāruṣû wîmahărû lišəpōḵə dām nāqî m^aḥəšəḇwōṯêhem m^aḥəšəḇwōṯ ’āwen šōḏ wāšeḇer biməsillwōṯām:

8 dereḵə šālwōm lō’ yāḏā‘û wə’ên mišəpāṭ bəm^a‘əgəlwōṯām nəṯîḇwōṯêhem ‘iqqəšû lâem kōl dōrēḵə bāh lō’ yāḏ^a‘ šālwōm:

9 ‘al-kēn rāḥaq mišəpāṭ mimmennû wəlō’ ṯaśśîḡēnû ṣəḏāqâ nəqaûeh lā’wōr wəhinnēh-ḥōšeḵə linəḡōhwōṯ bā’ăfēlwōṯ nəhallēḵə:

10 nəḡašəšâ ḵ^a‘iwərîm qîr ûḵə’ên ‘ênayim nəḡaššēšâ kāšalənû ḇaṣṣâŏrayim kannešef bā’ašəmannîm kammēṯîm:

11 nehĕmeh ḵadubîm kullānû wəḵayywōnîm hāḡōh nehəgeh nəqaûeh lammišəpāṭ wā’ayin lîšû‘â rāḥăqâ mimmennû:

12 kî-rabû fəšā‘ênû neḡədeḵā wəḥaṭṭō’wṯênû ‘ānəṯâ bānû kî-fəšā‘ênû ’itānû w^a‘ăwōnōṯênû yəḏ^a‘ănûm:

13 pāšō‘a wəḵ^aḥēš bayhwâ wənāswōḡ mē’^aḥar ’ĕlōhênû daber-‘ōšeq wəsārâ hōrwō wəhōḡwō millēḇ diḇərê-šāqer:

14 wəhussaḡ ’āḥwōr mišəpāṭ ûṣəḏāqâ mērāḥwōq t^a‘ămōḏ kî-ḵāšəlâ ḇārəḥwōḇ ’ĕmeṯ ûnəḵōḥâ lō’-ṯûḵal lāḇwō’:

15 watəhî hā’ĕmeṯ ne‘ədereṯ wəsār mērā‘ mišətwōlēl wayyarə’ yəhwâ wayyēr^a‘ bə‘ênāyw kî-’ên mišəpāṭ:

16 wayyarə’ kî-’ên ’îš wayyišətwōmēm kî ’ên mafəgî‘a watwōš^a‘ lwō zərō‘wō wəṣiḏəqāṯwō hî’ səmāḵāṯəhû:

17 wayyiləbaš ṣəḏāqâ kašširəyān wəḵwōḇ^a‘ yəšû‘â bərō’šwō wayyiləbaš biḡəḏê nāqām tiləbōšeṯ wayy^a‘aṭ kamə‘îl qinə’â:

18 kə‘al gəmulwōṯ kə‘al yəšallēm ḥēmâ ləṣārāyw gəmûl lə’ōyəḇāyw lā’îyîm gəmûl yəšallēm:

19 wəyîrə’û mimm^a‘ărāḇ ’eṯ-šēm yəhwâ ûmimmizər^aḥ-šemeš ’eṯ-kəḇwōḏwō kî-yāḇwō’ ḵannâār ṣār rûḥa yəhwâ nōsəsâ ḇwō:

20 ûḇā’ ləṣîywōn gwō’ēl ûləšāḇê feš^a‘ bəy^a‘ăqōḇ nə’um yəhwâ:

21 wa’ănî zō’ṯ bərîṯî ’wōṯām ’āmar yəhwâ rûḥî ’ăšer ‘āleyḵā ûḏəḇāray ’ăšer-śamətî bəfîḵā lō’-yāmûšû mipîḵā ûmipî zarə‘ăḵā ûmipî zer^a‘ zarə‘ăḵā ’āmar yəhwâ mē‘atâ wə‘aḏ-‘wōlām: s

‎1 ‏ק֥וּמִי א֖וֹרִי כִּ֣י בָ֣א אוֹרֵ֑ךְ וּכְב֥וֹד יְהוָ֖ה עָלַ֥יִךְ זָרָֽח׃

‎2 ‏כִּֽי־הִנֵּ֤ה הַחֹ֙שֶׁךְ֙ יְכַסֶּה־אֶ֔רֶץ וַעֲרָפֶ֖ל לְאֻמִּ֑ים וְעָלַ֙יִךְ֙ יִזְרַ֣ח יְהוָ֔ה וּכְבוֹד֖וֹ עָלַ֥יִךְ יֵרָאֶֽה׃

‎3 ‏וְהָלְכ֥וּ גוֹיִ֖ם לְאוֹרֵ֑ךְ וּמְלָכִ֖ים לְנֹ֥גַהּ זַרְחֵֽךְ׃

‎4 ‏שְׂאִֽי־סָבִ֤יב עֵינַ֙יִךְ֙ וּרְאִ֔י כֻּלָּ֖ם נִקְבְּצ֣וּ בָֽאוּ־לָ֑ךְ בָּנַ֙יִךְ֙ מֵרָח֣וֹק יָבֹ֔אוּ וּבְנֹתַ֖יִךְ עַל־צַ֥ד תֵּאָמַֽנָה׃

‎5 ‏אָ֤ז תִּרְאִי֙ וְנָהַ֔רְתְּ וּפָחַ֥ד וְרָחַ֖ב לְבָבֵ֑ךְ כִּֽי־יֵהָפֵ֤ךְ עָלַ֙יִךְ֙ הֲמ֣וֹן יָ֔ם חֵ֥יל גּוֹיִ֖ם יָבֹ֥אוּ לָֽךְ׃

‎6 ‏שִֽׁפְעַ֨ת גְּמַלִּ֜ים תְּכַסֵּ֗ךְ בִּכְרֵ֤י מִדְיָן֙ וְעֵיפָ֔ה כֻּלָּ֖ם מִשְּׁבָ֣א יָבֹ֑אוּ זָהָ֤ב וּלְבוֹנָה֙ יִשָּׂ֔אוּ וּתְהִלֹּ֥ת יְהוָ֖ה יְבַשֵּֽׂרוּ׃

‎7 ‏כָּל־צֹ֤אן קֵדָר֙ יִקָּ֣בְצוּ לָ֔ךְ אֵילֵ֥י נְבָי֖וֹת יְשָׁרְת֑וּנֶךְ יַעֲל֤וּ עַל־רָצוֹן֙ מִזְבְּחִ֔י וּבֵ֥ית תִּפְאַרְתִּ֖י אֲפָאֵֽר׃

‎8 ‏מִי־אֵ֖לֶּה כָּעָ֣ב תְּעוּפֶ֑ינָה וְכַיּוֹנִ֖ים אֶל־אֲרֻבֹּתֵיהֶֽם׃

‎9 ‏כִּֽי־לִ֣י׀ אִיִּ֣ים יְקַוּ֗וּ וָאֳנִיּ֤וֹת תַּרְשִׁישׁ֙ בָּרִ֣אשֹׁנָ֔ה לְהָבִ֤יא בָנַ֙יִךְ֙ מֵֽרָח֔וֹק כַּסְפָּ֥ם וּזְהָבָ֖ם אִתָּ֑ם לְשֵׁם֙ יְהוָ֣ה אֱלֹהַ֔יִךְ וְלִקְד֥וֹשׁ יִשְׂרָאֵ֖ל כִּ֥י פֵאֲרָֽךְ׃

‎10 ‏וּבָנ֤וּ בְנֵֽי־נֵכָר֙ חֹמֹתַ֔יִךְ וּמַלְכֵיהֶ֖ם יְשָׁרְת֑וּנֶךְ כִּ֤י בְקִצְפִּי֙ הִכִּיתִ֔יךְ וּבִרְצוֹנִ֖י רִֽחַמְתִּֽיךְ׃

‎11 ‏וּפִתְּח֨וּ שְׁעָרַ֧יִךְ תָּמִ֛יד יוֹמָ֥ם וָלַ֖יְלָה לֹ֣א יִסָּגֵ֑רוּ³ לְהָבִ֤יא אֵלַ֙יִךְ֙ חֵ֣יל גּוֹיִ֔ם וּמַלְכֵיהֶ֖ם נְהוּגִֽים׃

‎12 ‏כִּֽי־הַגּ֧וֹי וְהַמַּמְלָכָ֛ה אֲשֶׁ֥ר לֹא־יַעַבְד֖וּךְ יֹאבֵ֑דוּ וְהַגּוֹיִ֖ם חָרֹ֥ב יֶחֱרָֽבוּ׃

‎13 ‏כְּב֤וֹד הַלְּבָנוֹן֙ אֵלַ֣יִךְ יָב֔וֹא בְּר֛וֹשׁ תִּדְהָ֥ר וּתְאַשּׁ֖וּר יַחְדָּ֑ו לְפָאֵר֙ מְק֣וֹם מִקְדָּשִׁ֔י וּמְק֥וֹם רַגְלַ֖י אֲכַבֵּֽד׃

‎14 ‏וְהָלְכ֨וּ אֵלַ֤יִךְ שְׁח֙וֹחַ֙ בְּנֵ֣י מְעַנַּ֔יִךְ וְהִֽשְׁתַּחֲו֛וּ עַל־כַּפּ֥וֹת רַגְלַ֖יִךְ כָּל־מְנַֽאֲצָ֑יִךְ וְקָ֤רְאוּ לָךְ֙ עִ֣יר יְהוָ֔ה צִיּ֖וֹן קְד֥וֹשׁ יִשְׂרָאֵֽל׃

‎15 ‏תַּ֧חַת הֱיוֹתֵ֛ךְ עֲזוּבָ֥ה וּשְׂנוּאָ֖ה וְאֵ֣ין עוֹבֵ֑ר וְשַׂמְתִּיךְ֙ לִגְא֣וֹן עוֹלָ֔ם מְשׂ֖וֹשׂ דּ֥וֹר וָדֽוֹר׃

‎16 ‏וְיָנַקְתְּ֙ חֲלֵ֣ב גּוֹיִ֔ם וְשֹׁ֥ד מְלָכִ֖ים תִּינָ֑קִי וְיָדַ֗עַתְּ כִּ֣י אֲנִ֤י יְהוָה֙ מֽוֹשִׁיעֵ֔ךְ וְגֹאֲלֵ֖ךְ אֲבִ֥יר יַעֲקֹֽב׃

‎17 ‏תַּ֣חַת הַנְּחֹ֜שֶׁת אָבִ֣יא זָהָ֗ב וְתַ֤חַת הַבַּרְזֶל֙ אָ֣בִיא כֶ֔סֶף וְתַ֤חַת הָֽעֵצִים֙ נְחֹ֔שֶׁת וְתַ֥חַת הָאֲבָנִ֖ים בַּרְזֶ֑ל וְשַׂמְתִּ֤י פְקֻדָּתֵךְ֙ שָׁל֔וֹם וְנֹגְשַׂ֖יִךְ צְדָקָֽה׃

‎18 ‏לֹא־יִשָּׁמַ֨ע ע֤וֹד חָמָס֙ בְּאַרְצֵ֔ךְ שֹׁ֥ד וָשֶׁ֖בֶר בִּגְבוּלָ֑יִךְ וְקָרָ֤את יְשׁוּעָה֙ חוֹמֹתַ֔יִךְ וּשְׁעָרַ֖יִךְ תְּהִלָּֽה׃

‎19 ‏לֹא־יִֽהְיֶה־לָּ֨ךְ ע֤וֹד הַשֶּׁ֙מֶשׁ֙ לְא֣וֹר יוֹמָ֔ם וּלְנֹ֕גַהּ הַיָּרֵ֖חַ לֹא־יָאִ֣יר לָ֑ךְ וְהָיָה־לָ֤ךְ יְהוָה֙ לְא֣וֹר עוֹלָ֔ם וֵאלֹהַ֖יִךְ לְתִפְאַרְתֵּֽךְ׃

‎20 ‏לֹא־יָב֥וֹא עוֹד֙ שִׁמְשֵׁ֔ךְ וִירֵחֵ֖ךְ לֹ֣א יֵאָסֵ֑ף כִּ֣י יְהוָ֗ה יִֽהְיֶה־לָּךְ֙ לְא֣וֹר עוֹלָ֔ם וְשָׁלְמ֖וּ יְמֵ֥י אֶבְלֵֽךְ׃

‎21 ‏וְעַמֵּךְ֙ כֻּלָּ֣ם צַדִּיקִ֔ים לְעוֹלָ֖ם יִ֣ירְשׁוּ אָ֑רֶץ נֵ֧צֶר מטעו מַטָּעַ֛י מַעֲשֵׂ֥ה יָדַ֖י לְהִתְפָּאֵֽר׃

‎22 ‏הַקָּטֹן֙ יִֽהְיֶ֣ה לָאֶ֔לֶף וְהַצָּעִ֖יר לְג֣וֹי עָצ֑וּם אֲנִ֥י יְהוָ֖ה בְּעִתָּ֥הּ אֲחִישֶֽׁנָּה׃ ס

1 qûmî ’wōrî kî ḇā’ ’wōrēḵə ûḵəḇwōḏ yəhwâ ‘ālayiḵə zārāḥ:

2 kî-hinnēh h^aḥōšeḵə yəḵasseh-’ereṣ w^a‘ărāfel lə’ummîm wə‘ālayiḵə yizər^aḥ yəhwâ ûḵəḇwōḏwō ‘ālayiḵə yērā’eh:

3 wəhāləḵû ḡwōyim lə’wōrēḵə ûməlāḵîm lənōḡ^ah zarəḥēḵə:

4 śə’î-sāḇîḇ ‘ênayiḵə ûrə’î kullām niqəbəṣû ḇā’û-lāḵə bānayiḵə mērāḥwōq yāḇō’û ûḇənōṯayiḵə ‘al-ṣaḏ tē’āmanâ:

5 ’āz tirə’î wənâarətə ûfāḥaḏ wərāḥaḇ ləḇāḇēḵə kî-yēhāfēḵə ‘ālayiḵə hămwōn yām ḥêl gwōyim yāḇō’û lāḵə:

6 šifə‘aṯ gəmallîm təḵassēḵə biḵərê miḏəyān wə‘êfâ kullām miššəḇā’ yāḇō’û zâāḇ ûləḇwōnâ yiśśā’û ûṯəhillōṯ yəhwâ yəḇaśśērû:

7 kāl-ṣō’n qēḏār yiqqāḇəṣû lāḵə ’êlê nəḇāywōṯ yəšārəṯûneḵə y^a‘ălû ‘al-rāṣwōn mizəbəḥî ûḇêṯ tifə’arətî ’ăfā’ēr:

8 mî-’ēlleh kā‘āḇ tə‘ûfeynâ wəḵayywōnîm ’el-’ărubōṯêhem:

9 kî-lî| ’îyîm yəqaûû wā’ŏnîywōṯ tarəšîš bāri’šōnâ ləhāḇî’ ḇānayiḵə mērāḥwōq kasəpām ûzəhāḇām ’itām ləšēm yəhwâ ’ĕlōhayiḵə wəliqəḏwōš yiśərā’ēl kî fē’ărāḵə:

10 ûḇānû ḇənê-nēḵār ḥōmōṯayiḵə ûmaləḵêhem yəšārəṯûneḵə kî ḇəqiṣəpî hikîṯîḵə ûḇirəṣwōnî riḥamətîḵə:

11 ûfitəḥû šə‘ārayiḵə tāmîḏ ywōmām wālayəlâ lō’ yissāḡērû³ ləhāḇî’ ’ēlayiḵə ḥêl gwōyim ûmaləḵêhem nəhûḡîm:

12 kî-hagwōy wəhammaməlāḵâ ’ăšer lō’-y^a‘aḇəḏûḵə yō’ḇēḏû wəhagwōyim ḥārōḇ yeḥĕrāḇû:

13 kəḇwōḏ halləḇānwōn ’ēlayiḵə yāḇwō’ bərwōš tiḏəhār ûṯə’aššûr y^aḥədāw ləfā’ēr məqwōm miqədāšî ûməqwōm raḡəlay ’ăḵabēḏ:

14 wəhāləḵû ’ēlayiḵə šəḥwōḥa bənê mə‘annayiḵə wəhišət^aḥăwû ‘al-kapwōṯ raḡəlayiḵə kāl-məna’ăṣāyiḵə wəqārə’û lāḵə ‘îr yəhwâ ṣîywōn qəḏwōš yiśərā’ēl:

15 t^aḥaṯ hĕywōṯēḵə ‘ăzûḇâ ûśənû’â wə’ên ‘wōḇēr wəśamətîḵə liḡə’wōn ‘wōlām məśwōś dwōr wāḏwōr:

16 wəyānaqətə ḥălēḇ gwōyim wəšōḏ məlāḵîm tînāqî wəyāḏ^a‘atə kî ’ănî yəhwâ mwōšî‘ēḵə wəḡō’ălēḵə ’ăḇîr y^a‘ăqōḇ:

17 t^aḥaṯ hannəḥōšeṯ ’āḇî’ zâāḇ wəṯ^aḥaṯ habarəzel ’āḇî’ ḵesef wəṯ^aḥaṯ hā‘ēṣîm nəḥōšeṯ wəṯ^aḥaṯ hā’ăḇānîm barəzel wəśamətî fəqudāṯēḵə šālwōm wənōḡəśayiḵə ṣəḏāqâ:

18 lō’-yiššām^a‘ ‘wōḏ ḥāmās bə’arəṣēḵə šōḏ wāšeḇer biḡəḇûlāyiḵə wəqārā’ṯ yəšû‘â ḥwōmōṯayiḵə ûšə‘ārayiḵə təhillâ:

19 lō’-yihəyeh-llāḵə ‘wōḏ haššemeš lə’wōr ywōmām ûlənōḡ^ah hayyārēḥa lō’-yā’îr lāḵə wəhāyâ-lāḵə yəhwâ lə’wōr ‘wōlām wē’lōhayiḵə ləṯifə’arətēḵə:

20 lō’-yāḇwō’ ‘wōḏ šiməšēḵə wîrēḥēḵə lō’ yē’āsēf kî yəhwâ yihəyeh-llāḵə lə’wōr ‘wōlām wəšāləmû yəmê ’eḇəlēḵə:

21 wə‘ammēḵə kullām ṣadîqîm lə‘wōlām yîrəšû ’āreṣ nēṣer maṭṭā‘wō maṭṭā‘ay m^a‘ăśēh yāḏay ləhiṯəpā’ēr:

22 haqqāṭōn yihəyeh lā’elef wəhaṣṣā‘îr ləḡwōy ‘āṣûm ’ănî yəhwâ bə‘itāh ’ăḥîšennâ: s

‎1 ‏ר֛וּחַ אֲדֹנָ֥י יְהוִ֖ה עָלָ֑י יַ֡עַן מָשַׁח֩ יְהוָ֨ה אֹתִ֜י לְבַשֵּׂ֣ר עֲנָוִ֗ים שְׁלָחַ֙נִי֙ לַחֲבֹ֣שׁ לְנִשְׁבְּרֵי־לֵ֔ב לִקְרֹ֤א לִשְׁבוּיִם֙ דְּר֔וֹר וְלַאֲסוּרִ֖ים פְּקַח־קֽוֹחַ׃

‎2 ‏לִקְרֹ֤א שְׁנַת־רָצוֹן֙ לַֽיהוָ֔ה וְי֥וֹם נָקָ֖ם לֵאלֹהֵ֑ינוּ לְנַחֵ֖ם כָּל־אֲבֵלִֽים׃

‎3 ‏לָשׂ֣וּם׀ לַאֲבֵלֵ֣י צִיּ֗וֹן לָתֵת֩ לָהֶ֨ם פְּאֵ֜ר תַּ֣חַת אֵ֗פֶר שֶׁ֤מֶן שָׂשׂוֹן֙ תַּ֣חַת אֵ֔בֶל מַעֲטֵ֣ה תְהִלָּ֔ה תַּ֖חַת ר֣וּחַ כֵּהָ֑ה וְקֹרָ֤א לָהֶם֙ אֵילֵ֣י הַצֶּ֔דֶק מַטַּ֥ע יְהוָ֖ה לְהִתְפָּאֵֽר׃

‎4 ‏וּבָנוּ֙ חָרְב֣וֹת עוֹלָ֔ם שֹׁמְמ֥וֹת רִֽאשֹׁנִ֖ים יְקוֹמֵ֑מוּ וְחִדְּשׁוּ֙ עָ֣רֵי חֹ֔רֶב שֹׁמְמ֖וֹת דּ֥וֹר וָדֽוֹר׃

‎5 ‏וְעָמְד֣וּ זָרִ֔ים וְרָע֖וּ צֹאנְכֶ֑ם וּבְנֵ֣י נֵכָ֔ר אִכָּרֵיכֶ֖ם וְכֹרְמֵיכֶֽם׃

‎6 ‏וְאַתֶּ֗ם כֹּהֲנֵ֤י יְהוָה֙ תִּקָּרֵ֔אוּ מְשָׁרְתֵ֣י אֱלֹהֵ֔ינוּ יֵאָמֵ֖ר לָכֶ֑ם חֵ֤יל גּוֹיִם֙ תֹּאכֵ֔לוּ וּבִכְבוֹדָ֖ם תִּתְיַמָּֽרוּ׃

‎7 ‏תַּ֤חַת בָּשְׁתְּכֶם֙ מִשְׁנֶ֔ה וּכְלִמָּ֖ה יָרֹ֣נּוּ חֶלְקָ֑ם לָכֵ֤ן בְּאַרְצָם֙ מִשְׁנֶ֣ה יִירָ֔שׁוּ שִׂמְחַ֥ת עוֹלָ֖ם תִּהְיֶ֥ה³ לָהֶֽם׃

‎8 ‏כִּ֣י אֲנִ֤י יְהוָה֙ אֹהֵ֣ב מִשְׁפָּ֔ט שֹׂנֵ֥א גָזֵ֖ל בְּעוֹלָ֑ה וְנָתַתִּ֤י פְעֻלָּתָם֙ בֶּאֱמֶ֔ת וּבְרִ֥ית עוֹלָ֖ם אֶכְר֥וֹת לָהֶֽם׃

‎9 ‏וְנוֹדַ֤ע בַּגּוֹיִם֙ זַרְעָ֔ם וְצֶאֱצָאֵיהֶ֖ם בְּת֣וֹךְ הָעַמִּ֑ים כָּל־רֹֽאֵיהֶם֙ יַכִּיר֔וּם כִּ֛י הֵ֥ם זֶ֖רַע בֵּרַ֥ךְ יְהוָֽה׃ ס

‎10 ‏שׂ֧וֹשׂ אָשִׂ֣ישׂ בַּֽיהוָ֗ה תָּגֵ֤ל נַפְשִׁי֙ בֵּֽאלֹהַ֔י כִּ֤י הִלְבִּישַׁ֙נִי֙ בִּגְדֵי־יֶ֔שַׁע מְעִ֥יל צְדָקָ֖ה יְעָטָ֑נִי כֶּֽחָתָן֙ יְכַהֵ֣ן פְּאֵ֔ר וְכַכַּלָּ֖ה תַּעְדֶּ֥ה כֵלֶֽיהָ׃

‎11 ‏כִּ֤י כָאָ֙רֶץ֙ תּוֹצִ֣יא צִמְחָ֔הּ וּכְגַנָּ֖ה זֵרוּעֶ֣יהָ תַצְמִ֑יחַ כֵּ֣ן׀ אֲדֹנָ֣י יְהוִ֗ה יַצְמִ֤יחַ צְדָקָה֙ וּתְהִלָּ֔ה נֶ֖גֶד כָּל־הַגּוֹיִֽם׃

1 rûḥa ’ăḏōnāy yəhwih ‘ālāy y^a‘an māš^aḥ yəhwâ ’ōṯî ləḇaśśēr ‘ănāwîm šəlāḥanî l^aḥăḇōš lənišəbərê-lēḇ liqərō’ lišəḇûyim dərwōr wəla’ăsûrîm pəq^aḥ-qwōḥa:

2 liqərō’ šənaṯ-rāṣwōn layhwâ wəywōm nāqām lē’lōhênû lən^aḥēm kāl-’ăḇēlîm:

3 lāśûm| la’ăḇēlê ṣîywōn lāṯēṯ lâem pə’ēr t^aḥaṯ ’ēfer šemen śāśwōn t^aḥaṯ ’ēḇel m^a‘ăṭēh ṯəhillâ t^aḥaṯ rûḥa kēhâ wəqōrā’ lâem ’êlê haṣṣeḏeq maṭṭ^a‘ yəhwâ ləhiṯəpā’ēr:

4 ûḇānû ḥārəḇwōṯ ‘wōlām šōməmwōṯ ri’šōnîm yəqwōmēmû wəḥidəšû ‘ārê ḥōreḇ šōməmwōṯ dwōr wāḏwōr:

5 wə‘āməḏû zārîm wərā‘û ṣō’nəḵem ûḇənê nēḵār ’ikārêḵem wəḵōrəmêḵem:

6 wə’atem kōhănê yəhwâ tiqqārē’û məšārəṯê ’ĕlōhênû yē’āmēr lāḵem ḥêl gwōyim tō’ḵēlû ûḇiḵəḇwōḏām tiṯəyammārû:

7 t^aḥaṯ bāšətəḵem mišəneh ûḵəlimmâ yārōnnû ḥeləqām lāḵēn bə’arəṣām mišəneh yîrāšû śiməḥaṯ ‘wōlām tihəyeh³ lâem:

8 kî ’ănî yəhwâ ’ōhēḇ mišəpāṭ śōnē’ ḡāzēl bə‘wōlâ wənāṯatî fə‘ullāṯām be’ĕmeṯ ûḇərîṯ ‘wōlām ’eḵərwōṯ lâem:

9 wənwōḏ^a‘ bagwōyim zarə‘ām wəṣe’ĕṣā’êhem bəṯwōḵə hā‘ammîm kāl-rō’êhem yakîrûm kî hēm zer^a‘ bēraḵə yəhwâ: s

10 śwōś ’āśîś bayhwâ tāḡēl nafəšî bē’lōhay kî hiləbîšanî biḡəḏê-yeš^a‘ mə‘îl ṣəḏāqâ yə‘āṭānî keḥāṯān yəḵahēn pə’ēr wəḵakallâ t^a‘ədeh ḵēleyhā:

11 kî ḵā’āreṣ twōṣî’ ṣiməḥāh ûḵəḡannâ zērû‘eyhā ṯaṣəmîḥa kēn| ’ăḏōnāy yəhwih yaṣəmîḥa ṣəḏāqâ ûṯəhillâ neḡeḏ kāl-hagwōyim:

‎1 ‏לְמַ֤עַן צִיּוֹן֙ לֹ֣א אֶחֱשֶׁ֔ה וּלְמַ֥עַן יְרוּשָׁלִַ֖ם לֹ֣א אֶשְׁק֑וֹט עַד־יֵצֵ֤א כַנֹּ֙גַהּ֙³ צִדְקָ֔הּ וִישׁוּעָתָ֖הּ כְּלַפִּ֥יד יִבְעָֽר׃

‎2 ‏וְרָא֤וּ גוֹיִם֙ צִדְקֵ֔ךְ וְכָל־מְלָכִ֖ים כְּבוֹדֵ֑ךְ וְקֹ֤רָא לָךְ֙ שֵׁ֣ם חָדָ֔שׁ אֲשֶׁ֛ר פִּ֥י יְהוָ֖ה יִקֳּבֶֽנּוּ׃

‎3 ‏וְהָיִ֛יתְ¹ עֲטֶ֥רֶת תִּפְאֶ֖רֶת בְּיַד־יְהוָ֑ה וצנוף וּצְנִ֥יף מְלוּכָ֖ה בְּכַף־אֱלֹהָֽיִךְ׃

‎4 ‏לֹֽא־יֵאָמֵר֩ לָ֨ךְ ע֜וֹד עֲזוּבָ֗ה וּלְאַרְצֵךְ֙ לֹא־יֵאָמֵ֥ר עוֹד֙ שְׁמָמָ֔ה כִּ֣י לָ֗ךְ יִקָּרֵא֙ חֶפְצִי־בָ֔הּ וּלְאַרְצֵ֖ךְ בְּעוּלָ֑ה כִּֽי־חָפֵ֤ץ יְהוָה֙ בָּ֔ךְ וְאַרְצֵ֖ךְ תִּבָּעֵֽל׃

‎5 ‏כִּֽי־יִבְעַ֤ל בָּחוּר֙ בְּתוּלָ֔ה יִבְעָל֖וּךְ בָּנָ֑יִךְ וּמְשׂ֤וֹשׂ חָתָן֙ עַל־כַּלָּ֔ה יָשִׂ֥ישׂ עָלַ֖יִךְ אֱלֹהָֽיִךְ׃

‎6 ‏עַל־חוֹמֹתַ֣יִךְ יְרוּשָׁלִַ֗ם הִפְקַ֙דְתִּי֙ שֹֽׁמְרִ֔ים כָּל־הַיּ֧וֹם וְכָל־הַלַּ֛יְלָה תָּמִ֖יד לֹ֣א יֶחֱשׁ֑וּ הַמַּזְכִּרִים֙ אֶת־יְהוָ֔ה אַל־דֳּמִ֖י לָכֶֽם׃

‎7 ‏וְאַֽל־תִּתְּנ֥וּ דֳמִ֖י ל֑וֹ עַד־יְכוֹנֵ֞ן וְעַד־יָשִׂ֧ים אֶת־יְרֽוּשָׁלִַ֛ם תְּהִלָּ֖ה בָּאָֽרֶץ׃

‎8 ‏נִשְׁבַּ֧ע יְהוָ֛ה בִּֽימִינ֖וֹ וּבִזְר֣וֹעַ עֻזּ֑וֹ אִם־אֶתֵּן֩ אֶת־דְּגָנֵ֨ךְ ע֤וֹד מַֽאֲכָל֙ לְאֹ֣יְבַ֔יִךְ וְאִם־יִשְׁתּ֤וּ בְנֵֽי־נֵכָר֙ תִּֽירוֹשֵׁ֔ךְ אֲשֶׁ֥ר יָגַ֖עַתְּ בּֽוֹ׃

‎9 ‏כִּ֤י מְאַסְפָיו֙ יֹאכְלֻ֔הוּ וְהִֽלְל֖וּ אֶת־יְהוָ֑ה וּֽמְקַבְּצָ֥יו יִשְׁתֻּ֖הוּ בְּחַצְר֥וֹת קָדְשִֽׁי׃ ס

‎10 ‏עִבְר֤וּ עִבְרוּ֙ בַּשְּׁעָרִ֔ים פַּנּ֖וּ דֶּ֣רֶךְ הָעָ֑ם סֹ֣לּוּ סֹ֤לּוּ הַֽמְסִלָּה֙ סַקְּל֣וּ מֵאֶ֔בֶן הָרִ֥ימוּ נֵ֖ס עַל־הָעַמִּֽים׃

‎11 ‏הִנֵּ֣ה יְהוָ֗ה הִשְׁמִ֙יעַ֙ אֶל־קְצֵ֣ה הָאָ֔רֶץ אִמְרוּ֙ לְבַת־צִיּ֔וֹן הִנֵּ֥ה יִשְׁעֵ֖ךְ בָּ֑א הִנֵּ֤ה שְׂכָרוֹ֙ אִתּ֔וֹ וּפְעֻלָּת֖וֹ לְפָנָֽיו׃

‎12 ‏וְקָרְא֥וּ לָהֶ֛ם עַם־הַקֹּ֖דֶשׁ גְּאוּלֵ֣י יְהוָ֑ה וְלָךְ֙ יִקָּרֵ֣א דְרוּשָׁ֔ה עִ֖יר לֹ֥א נֶעֱזָֽבָה׃ ס

1 ləm^a‘an ṣîywōn lō’ ’eḥĕšeh ûləm^a‘an yərûšālaim lō’ ’ešəqwōṭ ‘aḏ-yēṣē’ ḵannōḡ^ah³ ṣiḏəqāh wîšû‘āṯāh kəlapîḏ yiḇə‘ār:

2 wərā’û ḡwōyim ṣiḏəqēḵə wəḵāl-məlāḵîm kəḇwōḏēḵə wəqōrā’ lāḵə šēm ḥāḏāš ’ăšer pî yəhwâ yiqqŏḇennû:

3 wəhāyîṯə¹ ‘ăṭereṯ tifə’ereṯ bəyaḏ-yəhwâ ûṣənwōf ûṣənîf məlûḵâ bəḵaf-’ĕlōhāyiḵə:

4 lō’-yē’āmēr lāḵə ‘wōḏ ‘ăzûḇâ ûlə’arəṣēḵə lō’-yē’āmēr ‘wōḏ šəmāmâ kî lāḵə yiqqārē’ ḥefəṣî-ḇāh ûlə’arəṣēḵə bə‘ûlâ kî-ḥāfēṣ yəhwâ bāḵə wə’arəṣēḵə tibā‘ēl:

5 kî-yiḇə‘al bāḥûr bəṯûlâ yiḇə‘ālûḵə bānāyiḵə ûməśwōś ḥāṯān ‘al-kallâ yāśîś ‘ālayiḵə ’ĕlōhāyiḵə:

6 ‘al-ḥwōmōṯayiḵə yərûšālaim hifəqaḏətî šōmərîm kāl-hayywōm wəḵāl-hallayəlâ tāmîḏ lō’ yeḥĕšû hammazəkirîm ’eṯ-yəhwâ ’al-dŏmî lāḵem:

7 wə’al-titənû ḏŏmî lwō ‘aḏ-yəḵwōnēn wə‘aḏ-yāśîm ’eṯ-yərûšālaim təhillâ bā’āreṣ:

8 nišəb^a‘ yəhwâ bîmînwō ûḇizərwō‘a ‘uzzwō ’im-’etēn ’eṯ-dəḡānēḵə ‘wōḏ ma’ăḵāl lə’ōyəḇayiḵə wə’im-yišətû ḇənê-nēḵār tîrwōšēḵə ’ăšer yāḡ^a‘atə bwō:

9 kî mə’asəfāyw yō’ḵəluhû wəhiləlû ’eṯ-yəhwâ ûməqabəṣāyw yišətuhû bəḥaṣərwōṯ qāḏəšî: s

10 ‘iḇərû ‘iḇərû baššə‘ārîm pannû dereḵə hā‘ām sōllû sōllû haməsillâ saqqəlû mē’eḇen hārîmû nēs ‘al-hā‘ammîm:

11 hinnēh yəhwâ hišəmî‘a ’el-qəṣēh hā’āreṣ ’imərû ləḇaṯ-ṣîywōn hinnēh yišə‘ēḵə bā’ hinnēh śəḵārwō ’itwō ûfə‘ullāṯwō ləfānāyw:

12 wəqārə’û lâem ‘am-haqqōḏeš gə’ûlê yəhwâ wəlāḵə yiqqārē’ ḏərûšâ ‘îr lō’ ne‘ĕzāḇâ: s

‎1 ‏מִי־זֶ֣ה׀ בָּ֣א מֵאֱד֗וֹם חֲמ֤וּץ בְּגָדִים֙ מִבָּצְרָ֔ה זֶ֚ה הָד֣וּר בִּלְבוּשׁ֔וֹ צֹעֶ֖ה בְּרֹ֣ב כֹּח֑וֹ אֲנִ֛י מְדַבֵּ֥ר בִּצְדָקָ֖ה רַ֥ב לְהוֹשִֽׁיעַ׃

‎2 ‏מַדּ֥וּעַ אָדֹ֖ם לִלְבוּשֶׁ֑ךָ וּבְגָדֶ֖יךָ כְּדֹרֵ֥ךְ בְּגַֽת׃

‎3 ‏פּוּרָ֣ה׀ דָּרַ֣כְתִּי לְבַדִּ֗י וּמֵֽעַמִּים֙ אֵֽין־אִ֣ישׁ אִתִּ֔י וְאֶדְרְכֵ֣ם בְּאַפִּ֔י וְאֶרְמְסֵ֖ם בַּחֲמָתִ֑י וְיֵ֤ז נִצְחָם֙ עַל־בְּגָדַ֔י וְכָל־מַלְבּוּשַׁ֖י אֶגְאָֽלְתִּי׃

‎4 ‏כִּ֛י י֥וֹם נָקָ֖ם בְּלִבִּ֑י וּשְׁנַ֥ת גְּאוּלַ֖י בָּֽאָה׃

‎5 ‏וְאַבִּיט֙ וְאֵ֣ין עֹזֵ֔ר וְאֶשְׁתּוֹמֵ֖ם וְאֵ֣ין סוֹמֵ֑ךְ וַתּ֤וֹשַֽׁע לִי֙ זְרֹעִ֔י וַחֲמָתִ֖י הִ֥יא סְמָכָֽתְנִי׃

‎6 ‏וְאָב֤וּס עַמִּים֙ בְּאַפִּ֔י וַאֲשַׁכְּרֵ֖ם בַּחֲמָתִ֑י וְאוֹרִ֥יד לָאָ֖רֶץ נִצְחָֽם׃ ס

‎7 ‏חַֽסְדֵ֨י יְהוָ֤ה׀ אַזְכִּיר֙ תְּהִלֹּ֣ת יְהוָ֔ה כְּעַ֕ל כֹּ֥ל אֲשֶׁר־גְּמָלָ֖נוּ יְהוָ֑ה וְרַב־טוּב֙ לְבֵ֣ית יִשְׂרָאֵ֔ל אֲשֶׁר־גְּמָלָ֥ם כְּֽרַחֲמָ֖יו וּכְרֹ֥ב חֲסָדָֽיו׃

‎8 ‏וַיֹּ֙אמֶר֙ אַךְ־עַמִּ֣י הֵ֔מָּה בָּנִ֖ים לֹ֣א יְשַׁקֵּ֑רוּ וַיְהִ֥י לָהֶ֖ם לְמוֹשִֽׁיעַ׃

‎9 ‏בְּֽכָל־צָרָתָ֣ם׀ לא ל֣וֹ צָ֗ר וּמַלְאַ֤ךְ פָּנָיו֙ הֽוֹשִׁיעָ֔ם בְּאַהֲבָת֥וֹ וּבְחֶמְלָת֖וֹ ה֣וּא גְאָלָ֑ם וַֽיְנַטְּלֵ֥ם וַֽיְנַשְּׂאֵ֖ם כָּל־יְמֵ֥י עוֹלָֽם׃

‎10 ‏וְהֵ֛מָּה מָר֥וּ וְעִצְּב֖וּ אֶת־ר֣וּחַ קָדְשׁ֑וֹ וַיֵּהָפֵ֥ךְ לָהֶ֛ם לְאוֹיֵ֖ב ה֥וּא נִלְחַם־בָּֽם׃

‎11 ‏וַיִּזְכֹּ֥ר יְמֵֽי־עוֹלָ֖ם מֹשֶׁ֣ה עַמּ֑וֹ אַיֵּ֣ה׀ הַֽמַּעֲלֵ֣ם מִיָּ֗ם אֵ֚ת רֹעֵ֣י צֹאנ֔וֹ אַיֵּ֛ה הַשָּׂ֥ם בְּקִרְבּ֖וֹ אֶת־ר֥וּחַ קָדְשֽׁוֹ׃

‎12 ‏מוֹלִיךְ֙ לִימִ֣ין מֹשֶׁ֔ה זְר֖וֹעַ תִּפְאַרְתּ֑וֹ בּ֤וֹקֵֽעַ מַ֙יִם֙ מִפְּנֵיהֶ֔ם לַעֲשׂ֥וֹת ל֖וֹ שֵׁ֥ם עוֹלָֽם׃

‎13 ‏מוֹלִיכָ֖ם בַּתְּהֹמ֑וֹת כַּסּ֥וּס בַּמִּדְבָּ֖ר לֹ֥א יִכָּשֵֽׁלוּ׃

‎14 ‏כַּבְּהֵמָה֙ בַּבִּקְעָ֣ה תֵרֵ֔ד ר֥וּחַ יְהוָ֖ה תְּנִיחֶ֑נּוּ כֵּ֚ן נִהַ֣גְתָּ עַמְּךָ֔ לַעֲשׂ֥וֹת לְךָ֖ שֵׁ֥ם תִּפְאָֽרֶת׃

‎15 ‏הַבֵּ֤ט מִשָּׁמַ֙יִם֙ וּרְאֵ֔ה מִזְּבֻ֥ל קָדְשְׁךָ֖ וְתִפְאַרְתֶּ֑ךָ אַיֵּ֤ה קִנְאָֽתְךָ֙ וּגְב֣וּרֹתֶ֔ךָ הֲמ֥וֹן מֵעֶ֛יךָ וְֽרַחֲמֶ֖יךָ אֵלַ֥י הִתְאַפָּֽקוּ׃

‎16 ‏כִּֽי־אַתָּ֣ה אָבִ֔ינוּ כִּ֤י אַבְרָהָם֙ לֹ֣א יְדָעָ֔נוּ וְיִשְׂרָאֵ֖ל לֹ֣א יַכִּירָ֑נוּ אַתָּ֤ה יְהוָה֙ אָבִ֔ינוּ גֹּאֲלֵ֥נוּ מֵֽעוֹלָ֖ם שְׁמֶֽךָ׃

‎17 ‏לָ֣מָּה תַתְעֵ֤נוּ יְהוָה֙ מִדְּרָכֶ֔יךָ תַּקְשִׁ֥יחַ לִבֵּ֖נוּ מִיִּרְאָתֶ֑ךָ שׁ֚וּב לְמַ֣עַן עֲבָדֶ֔יךָ שִׁבְטֵ֖י נַחֲלָתֶֽךָ׃

‎18 ‏לַמִּצְעָ֕ר יָרְשׁ֖וּ עַם־קָדְשֶׁ֑ךָ צָרֵ֕ינוּ בּוֹסְס֖וּ מִקְדָּשֶֽׁךָ׃

‎19 ‏הָיִ֗ינוּ מֵֽעוֹלָם֙ לֹֽא־מָשַׁ֣לְתָּ בָּ֔ם לֹֽא־נִקְרָ֥א שִׁמְךָ֖ עֲלֵיהֶ֑ם לוּא־קָרַ֤עְתָּ שָׁמַ֙יִם֙ יָרַ֔דְתָּ מִפָּנֶ֖יךָ הָרִ֥ים נָזֹֽלּוּ׃

1 mî-zeh| bā’ mē’ĕḏwōm ḥămûṣ bəḡāḏîm mibāṣərâ zeh hāḏûr biləḇûšwō ṣō‘eh bərōḇ kōḥwō ’ănî məḏabēr biṣəḏāqâ raḇ ləhwōšî‘a:

2 madû‘a ’āḏōm liləḇûšeḵā ûḇəḡāḏeyḵā kəḏōrēḵə bəḡaṯ:

3 pûrâ| dāraḵətî ləḇadî ûmē‘ammîm ’ên-’îš ’itî wə’eḏərəḵēm bə’apî wə’erəməsēm b^aḥămāṯî wəyēz niṣəḥām ‘al-bəḡāḏay wəḵāl-maləbûšay ’eḡə’ālətî:

4 kî ywōm nāqām bəlibî ûšənaṯ gə’ûlay bā’â:

5 wə’abîṭ wə’ên ‘ōzēr wə’ešətwōmēm wə’ên swōmēḵə watwōš^a‘ lî zərō‘î w^aḥămāṯî hî’ səmāḵāṯənî:

6 wə’āḇûs ‘ammîm bə’apî wa’ăšakərēm b^aḥămāṯî wə’wōrîḏ lā’āreṣ niṣəḥām: s

7 ḥasəḏê yəhwâ| ’azəkîr təhillōṯ yəhwâ kə‘al kōl ’ăšer-gəmālānû yəhwâ wəraḇ-ṭûḇ ləḇêṯ yiśərā’ēl ’ăšer-gəmālām kər^aḥămāyw ûḵərōḇ ḥăsāḏāyw:

8 wayyō’mer ’aḵə-‘ammî hēmmâ bānîm lō’ yəšaqqērû wayəhî lâem ləmwōšî‘a:

9 bəḵāl-ṣārāṯām| lō’ lwō ṣār ûmalə’aḵə pānāyw hwōšî‘ām bə’ahăḇāṯwō ûḇəḥeməlāṯwō hû’ ḡə’ālām wayənaṭṭəlēm wayənaśśə’ēm kāl-yəmê ‘wōlām:

10 wəhēmmâ mārû wə‘iṣṣəḇû ’eṯ-rûḥa qāḏəšwō wayyēhāfēḵə lâem lə’wōyēḇ hû’ niləḥam-bām:

11 wayyizəkōr yəmê-‘wōlām mōšeh ‘ammwō ’ayyēh| hamm^a‘ălēm mîyām ’ēṯ rō‘ê ṣō’nwō ’ayyēh haśśām bəqirəbwō ’eṯ-rûḥa qāḏəšwō:

12 mwōlîḵə lîmîn mōšeh zərwō‘a tifə’arətwō bwōqē‘a mayim mipənêhem l^a‘ăśwōṯ lwō šēm ‘wōlām:

13 mwōlîḵām batəhōmwōṯ kassûs bammiḏəbār lō’ yikāšēlû:

14 kabəhēmâ babiqə‘â ṯērēḏ rûḥa yəhwâ tənîḥennû kēn nihaḡətā ‘amməḵā l^a‘ăśwōṯ ləḵā šēm tifə’āreṯ:

15 habēṭ miššāmayim ûrə’ēh mizzəḇul qāḏəšəḵā wəṯifə’arəteḵā ’ayyēh qinə’āṯəḵā ûḡəḇûrōṯeḵā hămwōn mē‘eyḵā wər^aḥămeyḵā ’ēlay hiṯə’apāqû:

16 kî-’atâ ’āḇînû kî ’aḇərâām lō’ yəḏā‘ānû wəyiśərā’ēl lō’ yakîrānû ’atâ yəhwâ ’āḇînû gō’ălēnû mē‘wōlām šəmeḵā:

17 lāmmâ ṯaṯə‘ēnû yəhwâ midərāḵeyḵā taqəšîḥa libēnû mîyirə’āṯeḵā šûḇ ləm^a‘an ‘ăḇāḏeyḵā šiḇəṭê n^aḥălāṯeḵā:

18 lammiṣə‘ār yārəšû ‘am-qāḏəšeḵā ṣārênû bwōsəsû miqədāšeḵā:

19 hāyînû mē‘wōlām lō’-māšalətā bām lō’-niqərā’ šiməḵā ‘ălêhem lû’-qār^a‘ətā šāmayim yāraḏətā mipāneyḵā hārîm nāzōllû:

‎1 ‏כִּקְדֹ֧חַ אֵ֣שׁ הֲמָסִ֗ים מַ֚יִם תִּבְעֶה־אֵ֔שׁ לְהוֹדִ֥יעַ שִׁמְךָ֖ לְצָרֶ֑יךָ מִפָּנֶ֖יךָ גּוֹיִ֥ם יִרְגָּֽזוּ׃

‎2 ‏בַּעֲשׂוֹתְךָ֥ נוֹרָא֖וֹת לֹ֣א נְקַוֶּ֑ה יָרַ֕דְתָּ מִפָּנֶ֖יךָ הָרִ֥ים נָזֹֽלּוּ׃

‎3 ‏וּמֵעוֹלָ֥ם לֹא־שָׁמְע֖וּ לֹ֣א הֶאֱזִ֑ינוּ עַ֣יִן לֹֽא־רָאָ֗תָה אֱלֹהִים֙ זוּלָ֣תְךָ֔ יַעֲשֶׂ֖ה לִמְחַכֵּה־לֽוֹ׃

‎4 ‏פָּגַ֤עְתָּ אֶת־שָׂשׂ֙ וְעֹ֣שֵׂה צֶ֔דֶק בִּדְרָכֶ֖יךָ יִזְכְּר֑וּךָ הֵן־אַתָּ֤ה קָצַ֙פְתָּ֙ וַֽנֶּחֱטָ֔א בָּהֶ֥ם עוֹלָ֖ם וְנִוָּשֵֽׁעַ׃

‎5 ‏וַנְּהִ֤י כַטָּמֵא֙ כֻּלָּ֔נוּ וּכְבֶ֥גֶד עִדִּ֖ים כָּל־צִדְקֹתֵ֑ינוּ וַנָּ֤בֶל כֶּֽעָלֶה֙ כֻּלָּ֔נוּ וַעֲוֹנֵ֖נוּ כָּר֥וּחַ יִשָּׂאֻֽנוּ׃

‎6 ‏וְאֵין־קוֹרֵ֣א בְשִׁמְךָ֔ מִתְעוֹרֵ֖ר לְהַחֲזִ֣יק בָּ֑ךְ כִּֽי־הִסְתַּ֤רְתָּ פָנֶ֙יךָ֙ מִמֶּ֔נּוּ וַתְּמוּגֵ֖נוּ בְּיַד־עֲוֹנֵֽנוּ׃

‎7 ‏וְעַתָּ֥ה יְהוָ֖ה אָבִ֣ינוּ אָ֑תָּה אֲנַ֤חְנוּ הַחֹ֙מֶר֙ וְאַתָּ֣ה יֹצְרֵ֔נוּ וּמַעֲשֵׂ֥ה יָדְךָ֖ כֻּלָּֽנוּ׃

‎8 ‏אַל־תִּקְצֹ֤ף יְהוָה֙ עַד־מְאֹ֔ד וְאַל־לָעַ֖ד תִּזְכֹּ֣ר עָוֹ֑ן הֵ֥ן הַבֶּט־נָ֖א עַמְּךָ֥ כֻלָּֽנוּ׃

‎9 ‏עָרֵ֥י קָדְשְׁךָ֖ הָי֣וּ מִדְבָּ֑ר צִיּוֹן֙ מִדְבָּ֣ר הָיָ֔תָה יְרוּשָׁלִַ֖ם שְׁמָמָֽה׃

‎10 ‏בֵּ֧ית קָדְשֵׁ֣נוּ וְתִפְאַרְתֵּ֗נוּ אֲשֶׁ֤ר הִֽלְל֙וּךָ֙ אֲבֹתֵ֔ינוּ הָיָ֖ה לִשְׂרֵ֣פַת אֵ֑שׁ וְכָל־מַחֲמַדֵּ֖ינוּ הָיָ֥ה לְחָרְבָּֽה׃

‎11 ‏הַעַל־אֵ֥לֶּה תִתְאַפַּ֖ק יְהוָ֑ה תֶּחֱשֶׁ֥ה וּתְעַנֵּ֖נוּ עַד־מְאֹֽד׃ ס

1 kiqəḏōḥa ’ēš hămāsîm mayim tiḇə‘eh-’ēš ləhwōḏî‘a šiməḵā ləṣāreyḵā mipāneyḵā gwōyim yirəgāzû:

2 b^a‘ăśwōṯəḵā nwōrā’wōṯ lō’ nəqaûeh yāraḏətā mipāneyḵā hārîm nāzōllû:

3 ûmē‘wōlām lō’-šāmə‘û lō’ he’ĕzînû ‘ayin lō’-rā’āṯâ ’ĕlōhîm zûlāṯəḵā y^a‘ăśeh liməḥakēh-lwō:

4 pāḡ^a‘ətā ’eṯ-śāś wə‘ōśēh ṣeḏeq biḏərāḵeyḵā yizəkərûḵā hēn-’atâ qāṣafətā wanneḥĕṭā’ bâem ‘wōlām wəniûāšē‘a:

5 wannəhî ḵaṭṭāmē’ kullānû ûḵəḇeḡeḏ ‘idîm kāl-ṣiḏəqōṯênû wannāḇel ke‘āleh kullānû w^a‘ăwōnēnû kārûḥa yiśśā’unû:

6 wə’ên-qwōrē’ ḇəšiməḵā miṯə‘wōrēr ləh^aḥăzîq bāḵə kî-hisətarətā fāneyḵā mimmennû watəmûḡēnû bəyaḏ-‘ăwōnēnû:

7 wə‘atâ yəhwâ ’āḇînû ’ātâ ’ăn^aḥənû h^aḥōmer wə’atâ yōṣərēnû ûm^a‘ăśēh yāḏəḵā kullānû:

8 ’al-tiqəṣōf yəhwâ ‘aḏ-mə’ōḏ wə’al-lā‘aḏ tizəkōr ‘āwōn hēn habeṭ-nā’ ‘amməḵā ḵullānû:

9 ‘ārê qāḏəšəḵā hāyû miḏəbār ṣîywōn miḏəbār hāyāṯâ yərûšālaim šəmāmâ:

10 bêṯ qāḏəšēnû wəṯifə’arətēnû ’ăšer hiləlûḵā ’ăḇōṯênû hāyâ liśərēfaṯ ’ēš wəḵāl-m^aḥămadênû hāyâ ləḥārəbâ:

11 h^a‘al-’ēlleh ṯiṯə’apaq yəhwâ teḥĕšeh ûṯə‘annēnû ‘aḏ-mə’ōḏ: s

‎1 ‏נִדְרַ֙שְׁתִּי֙ לְל֣וֹא שָׁאָ֔לוּ נִמְצֵ֖אתִי לְלֹ֣א בִקְשֻׁ֑נִי אָמַ֙רְתִּי֙ הִנֵּ֣נִי הִנֵּ֔נִי אֶל־גּ֖וֹי לֹֽא־קֹרָ֥א בִשְׁמִֽי׃

‎2 ‏פֵּרַ֧שְׂתִּי יָדַ֛י כָּל־הַיּ֖וֹם אֶל־עַ֣ם סוֹרֵ֑ר הַהֹלְכִים֙ הַדֶּ֣רֶךְ לֹא־ט֔וֹב אַחַ֖ר מַחְשְׁבֹתֵיהֶֽם׃

‎3 ‏הָעָ֗ם הַמַּכְעִיסִ֥ים אוֹתִ֛י עַל־פָּנַ֖י תָּמִ֑יד זֹֽבְחִים֙ בַּגַּנּ֔וֹת וּֽמְקַטְּרִ֖ים עַל־הַלְּבֵנִֽים׃

‎4 ‏הַיֹּֽשְׁבִים֙ בַּקְּבָרִ֔ים וּבַנְּצוּרִ֖ים יָלִ֑ינוּ הָאֹֽכְלִים֙³ בְּשַׂ֣ר הַחֲזִ֔יר ופרק וּמְרַ֥ק פִּגֻּלִ֖ים כְּלֵיהֶֽם׃

‎5 ‏הָאֹֽמְרִים֙ קְרַ֣ב אֵלֶ֔יךָ אַל־תִּגַּשׁ־בִּ֖י כִּ֣י קְדַשְׁתִּ֑יךָ אֵ֚לֶּה עָשָׁ֣ן בְּאַפִּ֔י אֵ֥שׁ יֹקֶ֖דֶת כָּל־הַיּֽוֹם׃

‎6 ‏הִנֵּ֥ה כְתוּבָ֖ה לְפָנָ֑י לֹ֤א אֶחֱשֶׂה֙ כִּ֣י אִם־שִׁלַּ֔מְתִּי וְשִׁלַּמְתִּ֖י עַל־חֵיקָֽם׃

‎7 ‏עֲ֠וֹנֹתֵיכֶם וַעֲוֹנֹ֨ת אֲבוֹתֵיכֶ֤ם יַחְדָּו֙ אָמַ֣ר יְהוָ֔ה אֲשֶׁ֤ר קִטְּרוּ֙ עַל־הֶ֣הָרִ֔ים וְעַל־הַגְּבָע֖וֹת חֵרְפ֑וּנִי וּמַדֹּתִ֧י פְעֻלָּתָ֛ם רִֽאשֹׁנָ֖ה על־ אֶל־ חֵיקָֽם׃ ס

‎8 ‏כֹּ֣ה׀ אָמַ֣ר יְהוָ֗ה כַּאֲשֶׁ֨ר יִמָּצֵ֤א הַתִּירוֹשׁ֙ בָּֽאֶשְׁכּ֔וֹל וְאָמַר֙ אַל־תַּשְׁחִיתֵ֔הוּ כִּ֥י בְרָכָ֖ה בּ֑וֹ כֵּ֤ן אֶֽעֱשֶׂה֙ לְמַ֣עַן עֲבָדַ֔י לְבִלְתִּ֖י הַֽשְׁחִ֥ית הַכֹּֽל׃

‎9 ‏וְהוֹצֵאתִ֤י מִֽיַּעֲקֹב֙ זֶ֔רַע וּמִיהוּדָ֖ה יוֹרֵ֣שׁ הָרָ֑י וִירֵשׁ֣וּהָ בְחִירַ֔י וַעֲבָדַ֖י יִשְׁכְּנוּ־שָֽׁמָּה׃

‎10 ‏וְהָיָ֤ה הַשָּׁרוֹן֙ לִנְוֵה־צֹ֔אן וְעֵ֥מֶק עָכ֖וֹר לְרֵ֣בֶץ בָּקָ֑ר לְעַמִּ֖י אֲשֶׁ֥ר דְּרָשֽׁוּנִי׃

‎11 ‏וְאַתֶּם֙ עֹזְבֵ֣י יְהוָ֔ה הַשְּׁכֵחִ֖ים אֶת־הַ֣ר קָדְשִׁ֑י הַֽעֹרְכִ֤ים לַגַּד֙ שֻׁלְחָ֔ן וְהַֽמְמַלְאִ֖ים לַמְנִ֥י מִמְסָֽךְ׃

‎12 ‏וּמָנִ֨יתִי אֶתְכֶ֜ם לַחֶ֗רֶב וְכֻלְּכֶם֙ לַטֶּ֣בַח תִּכְרָ֔עוּ יַ֤עַן קָרָ֙אתִי֙ וְלֹ֣א עֲנִיתֶ֔ם דִּבַּ֖רְתִּי וְלֹ֣א שְׁמַעְתֶּ֑ם וַתַּעֲשׂ֤וּ הָרַע֙ בְּעֵינַ֔י וּבַאֲשֶׁ֥ר לֹֽא־חָפַ֖צְתִּי בְּחַרְתֶּֽם׃ פ

‎13 ‏לָכֵ֞ן כֹּה־אָמַ֣ר׀ אֲדֹנָ֣י יְהוִ֗ה הִנֵּ֨ה עֲבָדַ֤י׀ יֹאכֵ֙לוּ֙ וְאַתֶּ֣ם תִּרְעָ֔בוּ הִנֵּ֧ה עֲבָדַ֛י יִשְׁתּ֖וּ וְאַתֶּ֣ם תִּצְמָ֑אוּ הִנֵּ֧ה עֲבָדַ֛י יִשְׂמָ֖חוּ וְאַתֶּ֥ם תֵּבֹֽשׁוּ׃

‎14 ‏הִנֵּ֧ה עֲבָדַ֛י יָרֹ֖נּוּ מִטּ֣וּב לֵ֑ב וְאַתֶּ֤ם תִּצְעֲקוּ֙ מִכְּאֵ֣ב לֵ֔ב וּמִשֵּׁ֥בֶר ר֖וּחַ תְּיֵלִֽילוּ׃

‎15 ‏וְהִנַּחְתֶּ֨ם שִׁמְכֶ֤ם לִשְׁבוּעָה֙ לִבְחִירַ֔י וֶהֱמִיתְךָ֖ אֲדֹנָ֣י יְהוִ֑ה וְלַעֲבָדָ֥יו יִקְרָ֖א שֵׁ֥ם אַחֵֽר׃

‎16 ‏אֲשֶׁ֨ר הַמִּתְבָּרֵ֜ךְ בָּאָ֗רֶץ יִתְבָּרֵךְ֙ בֵּאלֹהֵ֣י אָמֵ֔ן וְהַנִּשְׁבָּ֣ע בָּאָ֔רֶץ יִשָּׁבַ֖ע בֵּאלֹהֵ֣י אָמֵ֑ן כִּ֣י נִשְׁכְּח֗וּ הַצָּרוֹת֙ הָרִ֣אשֹׁנ֔וֹת וְכִ֥י נִסְתְּר֖וּ מֵעֵינָֽי׃

‎17 ‏כִּֽי־הִנְנִ֥י בוֹרֵ֛א שָׁמַ֥יִם חֲדָשִׁ֖ים וָאָ֣רֶץ חֲדָשָׁ֑ה וְלֹ֤א תִזָּכַ֙רְנָה֙ הָרִ֣אשֹׁנ֔וֹת וְלֹ֥א תַעֲלֶ֖ינָה עַל־לֵֽב׃

‎18 ‏כִּֽי־אִם־שִׂ֤ישׂוּ וְגִ֙ילוּ֙ עֲדֵי־עַ֔ד אֲשֶׁ֖ר אֲנִ֣י בוֹרֵ֑א כִּי֩ הִנְנִ֨י בוֹרֵ֧א אֶת־יְרוּשָׁלִַ֛ם גִּילָ֖ה וְעַמָּ֥הּ מָשֽׂוֹשׂ׃

‎19 ‏וְגַלְתִּ֥י בִירוּשָׁלִַ֖ם וְשַׂשְׂתִּ֣י בְעַמִּ֑י וְלֹֽא־יִשָּׁמַ֥ע בָּהּ֙ ע֔וֹד ק֥וֹל בְּכִ֖י וְק֥וֹל זְעָקָֽה׃

‎20 ‏לֹא־יִֽהְיֶ֨ה מִשָּׁ֜ם ע֗וֹד ע֤וּל יָמִים֙ וְזָקֵ֔ן אֲשֶׁ֥ר לֹֽא־יְמַלֵּ֖א אֶת־יָמָ֑יו כִּ֣י הַנַּ֗עַר בֶּן־מֵאָ֤ה שָׁנָה֙ יָמ֔וּת וְהַ֣חוֹטֶ֔א בֶּן־מֵאָ֥ה שָׁנָ֖ה יְקֻלָּֽל׃

‎21 ‏וּבָנ֥וּ בָתִּ֖ים וְיָשָׁ֑בוּ וְנָטְע֣וּ כְרָמִ֔ים וְאָכְל֖וּ פִּרְיָֽם׃

‎22 ‏לֹ֤א יִבְנוּ֙ וְאַחֵ֣ר יֵשֵׁ֔ב לֹ֥א יִטְּע֖וּ וְאַחֵ֣ר יֹאכֵ֑ל כִּֽי־כִימֵ֤י הָעֵץ֙ יְמֵ֣י עַמִּ֔י וּמַעֲשֵׂ֥ה יְדֵיהֶ֖ם יְבַלּ֥וּ בְחִירָֽי׃

‎23 ‏לֹ֤א יִֽיגְעוּ֙ לָרִ֔יק וְלֹ֥א יֵלְד֖וּ לַבֶּהָלָ֑ה כִּ֣י זֶ֜רַע בְּרוּכֵ֤י יְהוָה֙ הֵ֔מָּה וְצֶאֱצָאֵיהֶ֖ם אִתָּֽם׃

‎24 ‏וְהָיָ֥ה טֶֽרֶם־יִקְרָ֖אוּ וַאֲנִ֣י אֶעֱנֶ֑ה ע֛וֹד הֵ֥ם מְדַבְּרִ֖ים וַאֲנִ֥י אֶשְׁמָֽע׃

‎25 ‏זְאֵ֨ב וְטָלֶ֜ה יִרְע֣וּ כְאֶחָ֗ד וְאַרְיֵה֙ כַּבָּקָ֣ר יֹֽאכַל־תֶּ֔בֶן וְנָחָ֖שׁ עָפָ֣ר לַחְמ֑וֹ לֹֽא־יָרֵ֧עוּ וְלֹֽא־יַשְׁחִ֛יתוּ בְּכָל־הַ֥ר קָדְשִׁ֖י אָמַ֥ר יְהוָֽה׃ ס

1 niḏərašətî ləlwō’ šā’ālû niməṣē’ṯî ləlō’ ḇiqəšunî ’āmarətî hinnēnî hinnēnî ’el-gwōy lō’-qōrā’ ḇišəmî:

2 pēraśətî yāḏay kāl-hayywōm ’el-‘am swōrēr hahōləḵîm hadereḵə lō’-ṭwōḇ ’^aḥar m^aḥəšəḇōṯêhem:

3 hā‘ām hammaḵə‘îsîm ’wōṯî ‘al-pānay tāmîḏ zōḇəḥîm bagannwōṯ ûməqaṭṭərîm ‘al-halləḇēnîm:

4 hayyōšəḇîm baqqəḇārîm ûḇannəṣûrîm yālînû hā’ōḵəlîm³ bəśar h^aḥăzîr ûfəraq ûməraq pigulîm kəlêhem:

5 hā’ōmərîm qəraḇ ’ēleyḵā ’al-tigaš-bî kî qəḏašətîḵā ’ēlleh ‘āšān bə’apî ’ēš yōqeḏeṯ kāl-hayywōm:

6 hinnēh ḵəṯûḇâ ləfānāy lō’ ’eḥĕśeh kî ’im-šillamətî wəšillamətî ‘al-ḥêqām:

7 ‘ăwōnōṯêḵem w^a‘ăwōnōṯ ’ăḇwōṯêḵem y^aḥədāw ’āmar yəhwâ ’ăšer qiṭṭərû ‘al-hehārîm wə‘al-hagəḇā‘wōṯ ḥērəfûnî ûmadōṯî fə‘ullāṯām ri’šōnâ ‘al- ’el- ḥêqām: s

8 kōh| ’āmar yəhwâ ka’ăšer yimmāṣē’ hatîrwōš bā’ešəkwōl wə’āmar ’al-tašəḥîṯēhû kî ḇərāḵâ bwō kēn ’e‘ĕśeh ləm^a‘an ‘ăḇāḏay ləḇilətî hašəḥîṯ hakōl:

9 wəhwōṣē’ṯî mîy^a‘ăqōḇ zer^a‘ ûmîhûḏâ ywōrēš hārāy wîrēšûhā ḇəḥîray w^a‘ăḇāḏay yišəkənû-šāmmâ:

10 wəhāyâ haššārwōn linəwēh-ṣō’n wə‘ēmeq ‘āḵwōr lərēḇeṣ bāqār lə‘ammî ’ăšer dərāšûnî:

11 wə’atem ‘ōzəḇê yəhwâ haššəḵēḥîm ’eṯ-har qāḏəšî h^a‘ōrəḵîm lagaḏ šuləḥān wəhaməmalə’îm lamənî miməsāḵə:

12 ûmānîṯî ’eṯəḵem l^aḥereḇ wəḵulləḵem laṭṭeḇ^aḥ tiḵərā‘û y^a‘an qārā’ṯî wəlō’ ‘ănîṯem dibarətî wəlō’ šəm^a‘ətem wat^a‘ăśû hār^a‘ bə‘ênay ûḇa’ăšer lō’-ḥāfaṣətî bəḥarətem: f

13 lāḵēn kōh-’āmar| ’ăḏōnāy yəhwih hinnēh ‘ăḇāḏay| yō’ḵēlû wə’atem tirə‘āḇû hinnēh ‘ăḇāḏay yišətû wə’atem tiṣəmā’û hinnēh ‘ăḇāḏay yiśəmāḥû wə’atem tēḇōšû:

14 hinnēh ‘ăḇāḏay yārōnnû miṭṭûḇ lēḇ wə’atem tiṣə‘ăqû mikə’ēḇ lēḇ ûmiššēḇer rûḥa təyēlîlû:

15 wəhinn^aḥətem šiməḵem lišəḇû‘â liḇəḥîray wehĕmîṯəḵā ’ăḏōnāy yəhwih wəl^a‘ăḇāḏāyw yiqərā’ šēm ’^aḥēr:

16 ’ăšer hammiṯəbārēḵə bā’āreṣ yiṯəbārēḵə bē’lōhê ’āmēn wəhannišəbā‘ bā’āreṣ yiššāḇ^a‘ bē’lōhê ’āmēn kî nišəkəḥû haṣṣārwōṯ hāri’šōnwōṯ wəḵî nisətərû mē‘ênāy:

17 kî-hinənî ḇwōrē’ šāmayim ḥăḏāšîm wā’āreṣ ḥăḏāšâ wəlō’ ṯizzāḵarənâ hāri’šōnwōṯ wəlō’ ṯ^a‘ăleynâ ‘al-lēḇ:

18 kî-’im-śîśû wəḡîlû ‘ăḏê-‘aḏ ’ăšer ’ănî ḇwōrē’ kî hinənî ḇwōrē’ ’eṯ-yərûšālaim gîlâ wə‘ammāh māśwōś:

19 wəḡalətî ḇîrûšālaim wəśaśətî ḇə‘ammî wəlō’-yiššām^a‘ bāh ‘wōḏ qwōl bəḵî wəqwōl zə‘āqâ:

20 lō’-yihəyeh miššām ‘wōḏ ‘ûl yāmîm wəzāqēn ’ăšer lō’-yəmallē’ ’eṯ-yāmāyw kî hann^a‘ar ben-mē’â šānâ yāmûṯ wəh^aḥwōṭe’ ben-mē’â šānâ yəqullāl:

21 ûḇānû ḇātîm wəyāšāḇû wənāṭə‘û ḵərāmîm wə’āḵəlû pirəyām:

22 lō’ yiḇənû wə’^aḥēr yēšēḇ lō’ yiṭṭə‘û wə’^aḥēr yō’ḵēl kî-ḵîmê hā‘ēṣ yəmê ‘ammî ûm^a‘ăśēh yəḏêhem yəḇallû ḇəḥîrāy:

23 lō’ yîḡə‘û lārîq wəlō’ yēləḏû labehālâ kî zer^a‘ bərûḵê yəhwâ hēmmâ wəṣe’ĕṣā’êhem ’itām:

24 wəhāyâ ṭerem-yiqərā’û wa’ănî ’e‘ĕneh ‘wōḏ hēm məḏabərîm wa’ănî ’ešəmā‘:

25 zə’ēḇ wəṭāleh yirə‘û ḵə’eḥāḏ wə’arəyēh kabāqār yō’ḵal-teḇen wənāḥāš ‘āfār l^aḥəmwō lō’-yārē‘û wəlō’-yašəḥîṯû bəḵāl-har qāḏəšî ’āmar yəhwâ: s

‎1 ‏כֹּ֚ה אָמַ֣ר יְהוָ֔ה הַשָּׁמַ֣יִם כִּסְאִ֔י וְהָאָ֖רֶץ הֲדֹ֣ם רַגְלָ֑י אֵי־זֶ֥ה בַ֙יִת֙ אֲשֶׁ֣ר תִּבְנוּ־לִ֔י וְאֵי־זֶ֥ה מָק֖וֹם מְנוּחָתִֽי׃

‎2 ‏וְאֶת־כָּל־אֵ֙לֶּה֙ יָדִ֣י עָשָׂ֔תָה וַיִּהְי֥וּ כָל־אֵ֖לֶּה נְאֻם־יְהוָ֑ה וְאֶל־זֶ֣ה אַבִּ֔יט אֶל־עָנִי֙ וּנְכֵה־ר֔וּחַ וְחָרֵ֖ד עַל־דְּבָרִֽי׃

‎3 ‏שׁוֹחֵ֨ט הַשּׁ֜וֹר מַכֵּה־אִ֗ישׁ זוֹבֵ֤חַ הַשֶּׂה֙ עֹ֣רֵֽף כֶּ֔לֶב מַעֲלֵ֤ה מִנְחָה֙ דַּם־חֲזִ֔יר מַזְכִּ֥יר לְבֹנָ֖ה מְבָ֣רֵֽךְ אָ֑וֶן גַּם־הֵ֗מָּה בָּֽחֲרוּ֙ בְּדַרְכֵיהֶ֔ם וּבְשִׁקּוּצֵיהֶ֖ם נַפְשָׁ֥ם חָפֵֽצָה׃

‎4 ‏גַּם־אֲנִ֞י אֶבְחַ֣ר בְּתַעֲלֻלֵיהֶ֗ם וּמְגֽוּרֹתָם֙ אָבִ֣יא לָהֶ֔ם יַ֤עַן קָרָ֙אתִי֙ וְאֵ֣ין עוֹנֶ֔ה דִּבַּ֖רְתִּי וְלֹ֣א שָׁמֵ֑עוּ וַיַּעֲשׂ֤וּ הָרַע֙ בְּעֵינַ֔י וּבַאֲשֶׁ֥ר לֹֽא־חָפַ֖צְתִּי בָּחָֽרוּ׃ ס

‎5 ‏שִׁמְעוּ֙ דְּבַר־יְהוָ֔ה הַחֲרֵדִ֖ים אֶל־דְּבָר֑וֹ אָמְרוּ֩ אֲחֵיכֶ֨ם שֹׂנְאֵיכֶ֜ם מְנַדֵּיכֶ֗ם לְמַ֤עַן שְׁמִי֙ יִכְבַּ֣ד יְהוָ֔ה וְנִרְאֶ֥ה בְשִׂמְחַתְכֶ֖ם וְהֵ֥ם יֵבֹֽשׁוּ׃

‎6 ‏ק֤וֹל שָׁאוֹן֙ מֵעִ֔יר ק֖וֹל מֵֽהֵיכָ֑ל ק֣וֹל יְהוָ֔ה מְשַׁלֵּ֥ם גְּמ֖וּל לְאֹיְבָֽיו׃

‎7 ‏בְּטֶ֥רֶם תָּחִ֖יל יָלָ֑דָה בְּטֶ֨רֶם יָב֥וֹא חֵ֛בֶל לָ֖הּ וְהִמְלִ֥יטָה זָכָֽר׃

‎8 ‏מִֽי־שָׁמַ֣ע כָּזֹ֗את מִ֤י רָאָה֙ כָּאֵ֔לֶּה הֲי֤וּחַל אֶ֙רֶץ֙ בְּי֣וֹם אֶחָ֔ד אִם־יִוָּ֥לֵֽד גּ֖וֹי פַּ֣עַם אֶחָ֑ת כִּֽי־חָ֛לָה גַּם־יָלְדָ֥ה צִיּ֖וֹן אֶת־בָּנֶֽיהָ׃

‎9 ‏הַאֲנִ֥י אַשְׁבִּ֛יר וְלֹ֥א אוֹלִ֖יד יֹאמַ֣ר יְהוָ֑ה אִם־אֲנִ֧י הַמּוֹלִ֛יד וְעָצַ֖רְתִּי אָמַ֥ר אֱלֹהָֽיִךְ׃ ס

‎10 ‏שִׂמְח֧וּ אֶת־יְרוּשָׁלִַ֛ם וְגִ֥ילוּ בָ֖הּ כָּל־אֹהֲבֶ֑יהָ שִׂ֤ישׂוּ אִתָּהּ֙ מָשׂ֔וֹשׂ כָּל־הַמִּֽתְאַבְּלִ֖ים עָלֶֽיהָ׃

‎11 ‏לְמַ֤עַן תִּֽינְקוּ֙ וּשְׂבַעְתֶּ֔ם מִשֹּׁ֖ד תַּנְחֻמֶ֑יהָ לְמַ֧עַן תָּמֹ֛צּוּ וְהִתְעַנַּגְתֶּ֖ם מִזִּ֥יז כְּבוֹדָֽהּ׃ ס

‎12 ‏כִּֽי־כֹ֣ה׀ אָמַ֣ר יְהוָ֗ה הִנְנִ֣י נֹטֶֽה־אֵ֠לֶיהָ כְּנָהָ֨ר שָׁל֜וֹם וּכְנַ֧חַל שׁוֹטֵ֛ף כְּב֥וֹד גּוֹיִ֖ם וִֽינַקְתֶּ֑ם עַל־צַד֙ תִּנָּשֵׂ֔אוּ וְעַל־בִּרְכַּ֖יִם תְּשָׁעֳשָֽׁעוּ׃

‎13 ‏כְּאִ֕ישׁ אֲשֶׁ֥ר אִמּ֖וֹ תְּנַחֲמֶ֑נּוּ כֵּ֤ן אָֽנֹכִי֙ אֲנַ֣חֶמְכֶ֔ם וּבִירֽוּשָׁלִַ֖ם תְּנֻחָֽמוּ׃

‎14 ‏וּרְאִיתֶם֙ וְשָׂ֣שׂ לִבְּכֶ֔ם וְעַצְמוֹתֵיכֶ֖ם כַּדֶּ֣שֶׁא תִפְרַ֑חְנָה וְנוֹדְעָ֤ה יַד־יְהוָה֙ אֶת־עֲבָדָ֔יו וְזָעַ֖ם אֶת־אֹיְבָֽיו׃

‎15 ‏כִּֽי־הִנֵּ֤ה יְהוָה֙ בָּאֵ֣שׁ יָב֔וֹא וְכַסּוּפָ֖ה מַרְכְּבֹתָ֑יו לְהָשִׁ֤יב בְּחֵמָה֙ אַפּ֔וֹ וְגַעֲרָת֖וֹ בְּלַהֲבֵי־אֵֽשׁ׃

‎16 ‏כִּ֤י בָאֵשׁ֙ יְהוָ֣ה נִשְׁפָּ֔ט וּבְחַרְבּ֖וֹ אֶת־כָּל־בָּשָׂ֑ר וְרַבּ֖וּ חַֽלְלֵ֥י יְהוָֽה׃

‎17 ‏הַמִּתְקַדְּשִׁ֨ים וְהַמִּֽטַּהֲרִ֜ים אֶל־הַגַּנּ֗וֹת אַחַ֤ר אחד אַחַת֙ בַּתָּ֔וֶךְ אֹֽכְלֵי֙ בְּשַׂ֣ר הַחֲזִ֔יר וְהַשֶּׁ֖קֶץ וְהָעַכְבָּ֑ר יַחְדָּ֥ו יָסֻ֖פוּ נְאֻם־יְהוָֽה׃

‎18 ‏וְאָנֹכִ֗י מַעֲשֵׂיהֶם֙ וּמַחְשְׁבֹ֣תֵיהֶ֔ם בָּאָ֕ה לְקַבֵּ֥ץ אֶת־כָּל־הַגּוֹיִ֖ם וְהַלְּשֹׁנ֑וֹת וּבָ֖אוּ וְרָא֥וּ אֶת־כְּבוֹדִֽי׃

‎19 ‏וְשַׂמְתִּ֨י בָהֶ֜ם א֗וֹת וְשִׁלַּחְתִּ֣י מֵהֶ֣ם׀ פְּ֠לֵיטִים אֶֽל־הַגּוֹיִ֞ם תַּרְשִׁ֨ישׁ פּ֥וּל וְל֛וּד מֹ֥שְׁכֵי קֶ֖שֶׁת תֻּבַ֣ל וְיָוָ֑ן הָאִיִּ֣ים הָרְחֹקִ֗ים אֲשֶׁ֨ר לֹא־שָׁמְע֤וּ אֶת־שִׁמְעִי֙ וְלֹא־רָא֣וּ אֶת־כְּבוֹדִ֔י וְהִגִּ֥ידוּ אֶת־כְּבוֹדִ֖י בַּגּוֹיִֽם׃

‎20 ‏וְהֵבִ֣יאוּ אֶת־כָּל־אֲחֵיכֶ֣ם מִכָּל־הַגּוֹיִ֣ם׀ מִנְחָ֣ה׀ לַֽיהוָ֡ה בַּסּוּסִ֡ים וּ֠בָרֶכֶב וּבַצַּבִּ֨ים וּבַפְּרָדִ֜ים וּבַכִּרְכָּר֗וֹת עַ֣ל הַ֥ר קָדְשִׁ֛י יְרוּשָׁלִַ֖ם אָמַ֣ר יְהוָ֑ה כַּאֲשֶׁ֣ר יָבִיאוּ֩ בְנֵ֨י יִשְׂרָאֵ֧ל אֶת־הַמִּנְחָ֛ה בִּכְלִ֥י טָה֖וֹר בֵּ֥ית יְהוָֽה׃

‎21 ‏וְגַם־מֵהֶ֥ם אֶקַּ֛ח לַכֹּהֲנִ֥ים לַלְוִיִּ֖ם אָמַ֥ר יְהוָֽה׃

‎22 ‏כִּ֣י כַאֲשֶׁ֣ר הַשָּׁמַ֣יִם הַ֠חֳדָשִׁים וְהָאָ֨רֶץ הַחֲדָשָׁ֜ה אֲשֶׁ֨ר אֲנִ֥י עֹשֶׂ֛ה עֹמְדִ֥ים לְפָנַ֖י נְאֻם־יְהוָ֑ה כֵּ֛ן יַעֲמֹ֥ד זַרְעֲכֶ֖ם וְשִׁמְכֶֽם׃

‎23 ‏וְהָיָ֗ה מִֽדֵּי־חֹ֙דֶשׁ֙ בְּחָדְשׁ֔וֹ וּמִדֵּ֥י שַׁבָּ֖ת בְּשַׁבַּתּ֑וֹ יָב֧וֹא כָל־בָּשָׂ֛ר לְהִשְׁתַּחֲוֹ֥ת לְפָנַ֖י אָמַ֥ר יְהוָֽה׃

‎24 ‏וְיָצְא֣וּ וְרָא֔וּ בְּפִגְרֵי֙ הָאֲנָשִׁ֔ים הַפֹּשְׁעִ֖ים בִּ֑י כִּ֣י תוֹלַעְתָּ֞ם לֹ֣א תָמ֗וּת וְאִשָּׁם֙ לֹ֣א תִכְבֶּ֔ה וְהָי֥וּ דֵרָא֖וֹן לְכָל־בָּשָֽׂר׃

1 kōh ’āmar yəhwâ haššāmayim kisə’î wəhā’āreṣ hăḏōm raḡəlāy ’ê-zeh ḇayiṯ ’ăšer tiḇənû-lî wə’ê-zeh māqwōm mənûḥāṯî:

2 wə’eṯ-kāl-’ēlleh yāḏî ‘āśāṯâ wayyihəyû ḵāl-’ēlleh nə’um-yəhwâ wə’el-zeh ’abîṭ ’el-‘ānî ûnəḵēh-rûḥa wəḥārēḏ ‘al-dəḇārî:

3 šwōḥēṭ haššwōr makēh-’îš zwōḇēḥa haśśeh ‘ōrēf keleḇ m^a‘ălēh minəḥâ dam-ḥăzîr mazəkîr ləḇōnâ məḇārēḵə ’āwen gam-hēmmâ bāḥărû bəḏarəḵêhem ûḇəšiqqûṣêhem nafəšām ḥāfēṣâ:

4 gam-’ănî ’eḇəḥar bəṯ^a‘ălulêhem ûməḡûrōṯām ’āḇî’ lâem y^a‘an qārā’ṯî wə’ên ‘wōneh dibarətî wəlō’ šāmē‘û wayy^a‘ăśû hār^a‘ bə‘ênay ûḇa’ăšer lō’-ḥāfaṣətî bāḥārû: s

5 šimə‘û dəḇar-yəhwâ h^aḥărēḏîm ’el-dəḇārwō ’āmərû ’ăḥêḵem śōnə’êḵem mənadêḵem ləm^a‘an šəmî yiḵəbaḏ yəhwâ wənirə’eh ḇəśiməḥaṯəḵem wəhēm yēḇōšû:

6 qwōl šā’wōn mē‘îr qwōl mēhêḵāl qwōl yəhwâ məšallēm gəmûl lə’ōyəḇāyw:

7 bəṭerem tāḥîl yālāḏâ bəṭerem yāḇwō’ ḥēḇel lāh wəhiməlîṭâ zāḵār:

8 mî-šām^a‘ kāzō’ṯ mî rā’â kā’ēlleh hăyûḥal ’ereṣ bəywōm ’eḥāḏ ’im-yiûālēḏ gwōy p^a‘am ’eḥāṯ kî-ḥālâ gam-yāləḏâ ṣîywōn ’eṯ-bāneyhā:

9 ha’ănî ’ašəbîr wəlō’ ’wōlîḏ yō’mar yəhwâ ’im-’ănî hammwōlîḏ wə‘āṣarətî ’āmar ’ĕlōhāyiḵə: s

10 śiməḥû ’eṯ-yərûšālaim wəḡîlû ḇāh kāl-’ōhăḇeyhā śîśû ’itāh māśwōś kāl-hammiṯə’abəlîm ‘āleyhā:

11 ləm^a‘an tînəqû ûśəḇ^a‘ətem miššōḏ tanəḥumeyhā ləm^a‘an tāmōṣṣû wəhiṯə‘annaḡətem mizzîz kəḇwōḏāh: s

12 kî-ḵōh| ’āmar yəhwâ hinənî nōṭeh-’ēleyhā kənâār šālwōm ûḵən^aḥal šwōṭēf kəḇwōḏ gwōyim wînaqətem ‘al-ṣaḏ tinnāśē’û wə‘al-birəkayim təšā‘ŏšā‘û:

13 kə’îš ’ăšer ’immwō tən^aḥămennû kēn ’ānōḵî ’ăn^aḥeməḵem ûḇîrûšālaim tənuḥāmû:

14 ûrə’îṯem wəśāś libəḵem wə‘aṣəmwōṯêḵem kadeše’ ṯifər^aḥənâ wənwōḏə‘â yaḏ-yəhwâ ’eṯ-‘ăḇāḏāyw wəzā‘am ’eṯ-’ōyəḇāyw:

15 kî-hinnēh yəhwâ bā’ēš yāḇwō’ wəḵassûfâ marəkəḇōṯāyw ləhāšîḇ bəḥēmâ ’apwō wəḡ^a‘ărāṯwō bəlahăḇê-’ēš:

16 kî ḇā’ēš yəhwâ nišəpāṭ ûḇəḥarəbwō ’eṯ-kāl-bāśār wərabû ḥaləlê yəhwâ:

17 hammiṯəqadəšîm wəhammiṭṭahărîm ’el-hagannwōṯ ’^aḥar ’eḥāḏ ’^aḥaṯ batāweḵə ’ōḵəlê bəśar h^aḥăzîr wəhaššeqeṣ wəhā‘aḵəbār y^aḥədāw yāsufû nə’um-yəhwâ:

18 wə’ānōḵî m^a‘ăśêhem ûm^aḥəšəḇōṯêhem bā’â ləqabēṣ ’eṯ-kāl-hagwōyim wəhalləšōnwōṯ ûḇā’û wərā’û ’eṯ-kəḇwōḏî:

19 wəśamətî ḇâem ’wōṯ wəšill^aḥətî mēhem| pəlêṭîm ’el-hagwōyim tarəšîš pûl wəlûḏ mōšəḵê qešeṯ tuḇal wəyāwān hā’îyîm hārəḥōqîm ’ăšer lō’-šāmə‘û ’eṯ-šimə‘î wəlō’-rā’û ’eṯ-kəḇwōḏî wəhigîḏû ’eṯ-kəḇwōḏî bagwōyim:

20 wəhēḇî’û ’eṯ-kāl-’ăḥêḵem mikāl-hagwōyim| minəḥâ| layhwâ bassûsîm ûḇāreḵeḇ ûḇaṣṣabîm ûḇapərāḏîm ûḇakirəkārwōṯ ‘al har qāḏəšî yərûšālaim ’āmar yəhwâ ka’ăšer yāḇî’û ḇənê yiśərā’ēl ’eṯ-hamminəḥâ biḵəlî ṭâwōr bêṯ yəhwâ:

21 wəḡam-mēhem ’eqq^aḥ lakōhănîm laləwîyim ’āmar yəhwâ:

22 kî ḵa’ăšer haššāmayim h^aḥŏḏāšîm wəhā’āreṣ h^aḥăḏāšâ ’ăšer ’ănî ‘ōśeh ‘ōməḏîm ləfānay nə’um-yəhwâ kēn y^a‘ămōḏ zarə‘ăḵem wəšiməḵem:

23 wəhāyâ midê-ḥōḏeš bəḥāḏəšwō ûmidê šabāṯ bəšabatwō yāḇwō’ ḵāl-bāśār ləhišət^aḥăwōṯ ləfānay ’āmar yəhwâ:

24 wəyāṣə’û wərā’û bəfiḡərê hā’ănāšîm hapōšə‘îm bî kî ṯwōl^a‘ətām lō’ ṯāmûṯ wə’iššām lō’ ṯiḵəbeh wəhāyû ḏērā’wōn ləḵāl-bāśār:

‎1 ‏וַיְהִ֗י אַחֲרֵי֙ מ֣וֹת יְהוֹשֻׁ֔עַ וַֽיִּשְׁאֲלוּ֙ בְּנֵ֣י יִשְׂרָאֵ֔ל בַּיהוָ֖ה לֵאמֹ֑ר מִ֣י יַעֲלֶה־לָּ֧נוּ אֶל־הַֽכְּנַעֲנִ֛י בַּתְּחִלָּ֖ה לְהִלָּ֥חֶם בּֽוֹ׃

‎2 ‏וַיֹּ֣אמֶר יְהוָ֖ה יְהוּדָ֣ה יַעֲלֶ֑ה הִנֵּ֛ה נָתַ֥תִּי אֶת־הָאָ֖רֶץ בְּיָדֽוֹ׃

‎3 ‏וַיֹּ֣אמֶר יְהוּדָה֩ לְשִׁמְע֨וֹן אָחִ֜יו עֲלֵ֧ה אִתִּ֣י בְגוֹרָלִ֗י וְנִֽלָּחֲמָה֙ בַּֽכְּנַעֲנִ֔י וְהָלַכְתִּ֧י גַם־אֲנִ֛י אִתְּךָ֖ בְּגוֹרָלֶ֑ךָ וַיֵּ֥לֶךְ אִתּ֖וֹ שִׁמְעֽוֹן׃

‎4 ‏וַיַּ֣עַל יְהוּדָ֔ה וַיִּתֵּ֧ן יְהוָ֛ה אֶת־הַכְּנַעֲנִ֥י וְהַפְּרִזִּ֖י בְּיָדָ֑ם וַיַּכּ֣וּם בְּבֶ֔זֶק עֲשֶׂ֥רֶת אֲלָפִ֖ים אִֽישׁ׃

‎5 ‏וַֽ֠יִּמְצְאוּ אֶת־אֲדֹנִ֥י בֶ֙זֶק֙ בְּבֶ֔זֶק וַיִּֽלָּחֲמ֖וּ בּ֑וֹ וַיַּכּ֕וּ אֶת־הַֽכְּנַעֲנִ֖י וְאֶת־הַפְּרִזִּֽי׃

‎6 ‏וַיָּ֙נָס֙ אֲדֹ֣נִי בֶ֔זֶק וַֽיִּרְדְּפ֖וּ אַחֲרָ֑יו וַיֹּאחֲז֣וּ אֹת֔וֹ וַֽיְקַצְּצ֔וּ אֶת־בְּהֹנ֥וֹת יָדָ֖יו וְרַגְלָֽיו׃

‎7 ‏וַיֹּ֣אמֶר אֲדֹֽנִי־בֶ֗זֶק שִׁבְעִ֣ים׀ מְלָכִ֡ים בְּֽהֹנוֹת֩ יְדֵיהֶ֨ם וְרַגְלֵיהֶ֜ם מְקֻצָּצִ֗ים הָי֤וּ מְלַקְּטִים֙ תַּ֣חַת שֻׁלְחָנִ֔י כַּאֲשֶׁ֣ר עָשִׂ֔יתִי כֵּ֥ן שִׁלַּם־לִ֖י אֱלֹהִ֑ים וַיְבִיאֻ֥הוּ יְרוּשָׁלִַ֖ם וַיָּ֥מָת שָֽׁם׃ פ

‎8 ‏וַיִּלָּחֲמ֤וּ בְנֵֽי־יְהוּדָה֙ בִּיר֣וּשָׁלִַ֔ם וַיִּלְכְּד֣וּ אוֹתָ֔הּ וַיַּכּ֖וּהָ לְפִי־חָ֑רֶב וְאֶת־הָעִ֖יר שִׁלְּח֥וּ בָאֵֽשׁ׃

‎9 ‏וְאַחַ֗ר יָֽרְדוּ֙ בְּנֵ֣י יְהוּדָ֔ה לְהִלָּחֵ֖ם בַּֽכְּנַעֲנִ֑י יוֹשֵׁ֣ב הָהָ֔ר וְהַנֶּ֖גֶב וְהַשְּׁפֵלָֽה׃

‎10 ‏וַיֵּ֣לֶךְ יְהוּדָ֗ה אֶל־הַֽכְּנַעֲנִי֙ הַיּוֹשֵׁ֣ב בְּחֶבְר֔וֹן וְשֵׁם־חֶבְר֥וֹן לְפָנִ֖ים קִרְיַ֣ת אַרְבַּ֑ע וַיַּכּ֛וּ אֶת־שֵׁשַׁ֥י וְאֶת־אֲחִימַ֖ן וְאֶת־תַּלְמָֽי׃

‎11 ‏וַיֵּ֣לֶךְ מִשָּׁ֔ם אֶל־יוֹשְׁבֵ֖י דְּבִ֑יר וְשֵׁם־דְּבִ֥יר לְפָנִ֖ים קִרְיַת־סֵֽפֶר׃

‎12 ‏וַיֹּ֣אמֶר כָּלֵ֔ב אֲשֶׁר־יַכֶּ֥ה אֶת־קִרְיַת־סֵ֖פֶר וּלְכָדָ֑הּ וְנָתַ֥תִּי ל֛וֹ אֶת־עַכְסָ֥ה בִתִּ֖י לְאִשָּֽׁה׃

‎13 ‏וַֽיִּלְכְּדָהּ֙ עָתְנִיאֵ֣ל בֶּן־קְנַ֔ז אֲחִ֥י כָלֵ֖ב הַקָּטֹ֣ן מִמֶּ֑נּוּ וַיִּתֶּן־ל֛וֹ אֶת־עַכְסָ֥ה בִתּ֖וֹ לְאִשָּֽׁה׃

‎14 ‏וַיְהִ֣י בְּבוֹאָ֗הּ וַתְּסִיתֵ֙הוּ֙ לִשְׁא֤וֹל מֵֽאֵת־אָבִ֙יהָ֙ הַשָּׂדֶ֔ה וַתִּצְנַ֖ח מֵעַ֣ל הַחֲמ֑וֹר וַיֹּֽאמֶר־לָ֥הּ כָּלֵ֖ב מַה־לָּֽךְ׃

‎15 ‏וַתֹּ֨אמֶר ל֜וֹ הָֽבָה־לִּ֣י בְרָכָ֗ה כִּ֣י אֶ֤רֶץ הַנֶּ֙גֶב֙ נְתַתָּ֔נִי וְנָתַתָּ֥ה לִ֖י גֻּלֹּ֣ת מָ֑יִם וַיִּתֶּן־לָ֣הּ כָּלֵ֗ב אֵ֚ת גֻּלֹּ֣ת עִלִּ֔ית וְאֵ֖ת גֻּלֹּ֥ת תַּחְתִּֽית׃ פ

‎16 ‏וּבְנֵ֣י קֵינִי֩ חֹתֵ֨ן מֹשֶׁ֜ה עָל֨וּ מֵעִ֤יר הַתְּמָרִים֙ אֶת־בְּנֵ֣י יְהוּדָ֔ה מִדְבַּ֣ר יְהוּדָ֔ה אֲשֶׁ֖ר בְּנֶ֣גֶב עֲרָ֑ד וַיֵּ֖לֶךְ וַיֵּ֥שֶׁב אֶת־הָעָֽם׃

‎17 ‏וַיֵּ֤לֶךְ יְהוּדָה֙ אֶת־שִׁמְע֣וֹן אָחִ֔יו וַיַּכּ֕וּ אֶת־הַֽכְּנַעֲנִ֖י יוֹשֵׁ֣ב צְפַ֑ת וַיַּחֲרִ֣ימוּ אוֹתָ֔הּ וַיִּקְרָ֥א אֶת־שֵׁם־הָעִ֖יר חָרְמָֽה׃

‎18 ‏וַיִּלְכֹּ֤ד יְהוּדָה֙ אֶת־עַזָּ֣ה וְאֶת־גְּבוּלָ֔הּ וְאֶֽת־אַשְׁקְל֖וֹן וְאֶת־גְּבוּלָ֑הּ וְאֶת־עֶקְר֖וֹן וְאֶת־גְּבוּלָֽהּ׃

‎19 ‏וַיְהִ֤י יְהוָה֙ אֶת־יְהוּדָ֔ה וַיֹּ֖רֶשׁ אֶת־הָהָ֑ר כִּ֣י לֹ֤א לְהוֹרִישׁ֙ אֶת־יֹשְׁבֵ֣י הָעֵ֔מֶק כִּי־רֶ֥כֶב בַּרְזֶ֖ל לָהֶֽם׃

‎20 ‏וַיִּתְּנ֤וּ לְכָלֵב֙ אֶת־חֶבְר֔וֹן כַּֽאֲשֶׁ֖ר דִּבֶּ֣ר מֹשֶׁ֑ה וַיּ֣וֹרֶשׁ מִשָּׁ֔ם אֶת־שְׁלֹשָׁ֖ה בְּנֵ֥י הָעֲנָֽק׃

‎21 ‏וְאֶת־הַיְבוּסִי֙ יֹשֵׁ֣ב יְרֽוּשָׁלִַ֔ם לֹ֥א הוֹרִ֖ישׁוּ בְּנֵ֣י בִנְיָמִ֑ן וַיֵּ֨שֶׁב הַיְבוּסִ֜י אֶת־בְּנֵ֤י בִנְיָמִן֙ בִּיר֣וּשָׁלִַ֔ם עַ֖ד הַיּ֥וֹם הַזֶּֽה׃ ס

‎22 ‏וַיַּעֲל֧וּ בֵית־יוֹסֵ֛ף גַּם־הֵ֖ם בֵּֽית־אֵ֑ל וַֽיהוָ֖ה עִמָּֽם׃

‎23 ‏וַיָּתִ֥ירוּ בֵית־יוֹסֵ֖ף בְּבֵֽית־אֵ֑ל וְשֵׁם־הָעִ֥יר לְפָנִ֖ים לֽוּז׃

‎24 ‏וַיִּרְאוּ֙ הַשֹּׁ֣מְרִ֔ים אִ֖ישׁ יוֹצֵ֣א מִן־הָעִ֑יר וַיֹּ֣אמְרוּ ל֗וֹ הַרְאֵ֤נוּ נָא֙ אֶת־מְב֣וֹא הָעִ֔יר וְעָשִׂ֥ינוּ עִמְּךָ֖ חָֽסֶד׃

‎25 ‏וַיַּרְאֵם֙ אֶת־מְב֣וֹא הָעִ֔יר וַיַּכּ֥וּ אֶת־הָעִ֖יר לְפִי־חָ֑רֶב וְאֶת־הָאִ֥ישׁ וְאֶת־כָּל־מִשְׁפַּחְתּ֖וֹ שִׁלֵּֽחוּ׃

‎26 ‏וַיֵּ֣לֶךְ הָאִ֔ישׁ אֶ֖רֶץ הַחִתִּ֑ים וַיִּ֣בֶן עִ֗יר וַיִּקְרָ֤א שְׁמָהּ֙ ל֔וּז ה֣וּא שְׁמָ֔הּ עַ֖ד הַיּ֥וֹם הַזֶּֽה׃ פ

‎27 ‏וְלֹא־הוֹרִ֣ישׁ מְנַשֶּׁ֗ה אֶת־בֵּית־שְׁאָ֣ן וְאֶת־בְּנוֹתֶיהָ֮ וְאֶת־תַּעְנַ֣ךְ וְאֶת־בְּנֹתֶיהָ֒ וְאֶת־ישב יֹשְׁבֵ֨י ד֜וֹר וְאֶת־בְּנוֹתֶ֗יהָ וְאֶת־יוֹשְׁבֵ֤י יִבְלְעָם֙ וְאֶת־בְּנֹתֶ֔יהָ וְאֶת־יוֹשְׁבֵ֥י מְגִדּ֖וֹ וְאֶת־בְּנוֹתֶ֑יהָ וַיּ֙וֹאֶל֙ הַֽכְּנַעֲנִ֔י לָשֶׁ֖בֶת בָּאָ֥רֶץ הַזֹּֽאת׃

‎28 ‏וַֽיְהִי֙ כִּֽי־חָזַ֣ק יִשְׂרָאֵ֔ל וַיָּ֥שֶׂם אֶת־הַֽכְּנַעֲנִ֖י לָמַ֑ס וְהוֹרֵ֖ישׁ לֹ֥א הוֹרִישֽׁוֹ׃ ס

‎29 ‏וְאֶפְרַ֙יִם֙ לֹ֣א הוֹרִ֔ישׁ אֶת־הַֽכְּנַעֲנִ֖י הַיּוֹשֵׁ֣ב בְּגָ֑זֶר וַיֵּ֧שֶׁב הַֽכְּנַעֲנִ֛י בְּקִרְבּ֖וֹ בְּגָֽזֶר׃ פ

‎30 ‏זְבוּלֻ֗ן לֹ֤א הוֹרִישׁ֙ אֶת־יוֹשְׁבֵ֣י קִטְר֔וֹן וְאֶת־יוֹשְׁבֵ֖י נַהֲלֹ֑ל וַיֵּ֤שֶׁב הַֽכְּנַעֲנִי֙ בְּקִרְבּ֔וֹ וַיִּֽהְי֖וּ לָמַֽס׃ ס

‎31 ‏אָשֵׁ֗ר לֹ֤א הוֹרִישׁ֙ אֶת־יֹשְׁבֵ֣י עַכּ֔וֹ וְאֶת־יוֹשְׁבֵ֖י צִיד֑וֹן וְאֶת־אַחְלָ֤ב וְאֶת־אַכְזִיב֙ וְאֶת־חֶלְבָּ֔ה וְאֶת־אֲפִ֖יק וְאֶת־רְחֹֽב׃

‎32 ‏וַיֵּ֙שֶׁב֙ הָאָ֣שֵׁרִ֔י בְּקֶ֥רֶב הַֽכְּנַעֲנִ֖י יֹשְׁבֵ֣י הָאָ֑רֶץ כִּ֖י לֹ֥א הוֹרִישֽׁוֹ׃ ס

‎33 ‏נַפְתָּלִ֗י לֹֽא־הוֹרִ֞ישׁ אֶת־יֹשְׁבֵ֤י בֵֽית־שֶׁ֙מֶשׁ֙ וְאֶת־יֹשְׁבֵ֣י בֵית־עֲנָ֔ת וַיֵּ֕שֶׁב בְּקֶ֥רֶב הַֽכְּנַעֲנִ֖י יֹשְׁבֵ֣י הָאָ֑רֶץ וְיֹשְׁבֵ֤י בֵֽית־שֶׁ֙מֶשׁ֙ וּבֵ֣ית עֲנָ֔ת הָי֥וּ לָהֶ֖ם לָמַֽס׃ ס

‎34 ‏וַיִּלְחֲצ֧וּ הָאֱמֹרִ֛י אֶת־בְּנֵי־דָ֖ן הָהָ֑רָה כִּי־לֹ֥א נְתָנ֖וֹ לָרֶ֥דֶת לָעֵֽמֶק׃

‎35 ‏וַיּ֤וֹאֶל הָֽאֱמֹרִי֙ לָשֶׁ֣בֶת בְּהַר־חֶ֔רֶס בְּאַיָּל֖וֹן וּבְשַֽׁעַלְבִ֑ים וַתִּכְבַּד֙ יַ֣ד בֵּית־יוֹסֵ֔ף וַיִּהְי֖וּ לָמַֽס׃

‎36 ‏וּגְבוּל֙ הָאֱמֹרִ֔י מִֽמַּעֲלֵ֖ה עַקְרַבִּ֑ים מֵהַסֶּ֖לַע וָמָֽעְלָה׃ פ

1 wayəhî ’^aḥărê mwōṯ yəhwōšu‘a wayyišə’ălû bənê yiśərā’ēl bayhwâ lē’mōr mî y^a‘ăleh-llānû ’el-hakən^a‘ănî batəḥillâ ləhillāḥem bwō:

2 wayyō’mer yəhwâ yəhûḏâ y^a‘ăleh hinnēh nāṯatî ’eṯ-hā’āreṣ bəyāḏwō:

3 wayyō’mer yəhûḏâ ləšimə‘wōn ’āḥîw ‘ălēh ’itî ḇəḡwōrālî wənillāḥămâ bakən^a‘ănî wəhālaḵətî ḡam-’ănî ’itəḵā bəḡwōrāleḵā wayyēleḵə ’itwō šimə‘wōn:

4 wayy^a‘al yəhûḏâ wayyitēn yəhwâ ’eṯ-hakən^a‘ănî wəhapərizzî bəyāḏām wayyakûm bəḇezeq ‘ăśereṯ ’ălāfîm ’îš:

5 wayyiməṣə’û ’eṯ-’ăḏōnî ḇezeq bəḇezeq wayyillāḥămû bwō wayyakû ’eṯ-hakən^a‘ănî wə’eṯ-hapərizzî:

6 wayyānās ’ăḏōnî ḇezeq wayyirədəfû ’^aḥărāyw wayyō’ḥăzû ’ōṯwō wayəqaṣṣəṣû ’eṯ-bəhōnwōṯ yāḏāyw wəraḡəlāyw:

7 wayyō’mer ’ăḏōnî-ḇezeq šiḇə‘îm| məlāḵîm bəhōnwōṯ yəḏêhem wəraḡəlêhem məquṣṣāṣîm hāyû məlaqqəṭîm t^aḥaṯ šuləḥānî ka’ăšer ‘āśîṯî kēn šillam-lî ’ĕlōhîm wayəḇî’uhû yərûšālaim wayyāmāṯ šām: f

8 wayyillāḥămû ḇənê-yəhûḏâ bîrûšālaim wayyiləkəḏû ’wōṯāh wayyakûhā ləfî-ḥāreḇ wə’eṯ-hā‘îr šilləḥû ḇā’ēš:

9 wə’^aḥar yārəḏû bənê yəhûḏâ ləhillāḥēm bakən^a‘ănî ywōšēḇ hâār wəhanneḡeḇ wəhaššəfēlâ:

10 wayyēleḵə yəhûḏâ ’el-hakən^a‘ănî hayywōšēḇ bəḥeḇərwōn wəšēm-ḥeḇərwōn ləfānîm qirəyaṯ ’arəb^a‘ wayyakû ’eṯ-šēšay wə’eṯ-’ăḥîman wə’eṯ-taləmāy:

11 wayyēleḵə miššām ’el-ywōšəḇê dəḇîr wəšēm-dəḇîr ləfānîm qirəyaṯ-sēfer:

12 wayyō’mer kālēḇ ’ăšer-yakeh ’eṯ-qirəyaṯ-sēfer ûləḵāḏāh wənāṯatî lwō ’eṯ-‘aḵəsâ ḇitî lə’iššâ:

13 wayyiləkəḏāh ‘āṯənî’ēl ben-qənaz ’ăḥî ḵālēḇ haqqāṭōn mimmennû wayyiten-lwō ’eṯ-‘aḵəsâ ḇitwō lə’iššâ:

14 wayəhî bəḇwō’āh watəsîṯēhû lišə’wōl mē’ēṯ-’āḇîhā haśśāḏeh watiṣən^aḥ mē‘al h^aḥămwōr wayyō’mer-lāh kālēḇ mah-llāḵə:

15 watō’mer lwō hāḇâ-llî ḇərāḵâ kî ’ereṣ hanneḡeḇ nəṯatānî wənāṯatâ lî gullōṯ māyim wayyiten-lāh kālēḇ ’ēṯ gullōṯ ‘illîṯ wə’ēṯ gullōṯ t^aḥətîṯ: f

16 ûḇənê qênî ḥōṯēn mōšeh ‘ālû mē‘îr hatəmārîm ’eṯ-bənê yəhûḏâ miḏəbar yəhûḏâ ’ăšer bəneḡeḇ ‘ărāḏ wayyēleḵə wayyēšeḇ ’eṯ-hā‘ām:

17 wayyēleḵə yəhûḏâ ’eṯ-šimə‘wōn ’āḥîw wayyakû ’eṯ-hakən^a‘ănî ywōšēḇ ṣəfaṯ wayy^aḥărîmû ’wōṯāh wayyiqərā’ ’eṯ-šēm-hā‘îr ḥārəmâ:

18 wayyiləkōḏ yəhûḏâ ’eṯ-‘azzâ wə’eṯ-gəḇûlāh wə’eṯ-’ašəqəlwōn wə’eṯ-gəḇûlāh wə’eṯ-‘eqərwōn wə’eṯ-gəḇûlāh:

19 wayəhî yəhwâ ’eṯ-yəhûḏâ wayyōreš ’eṯ-hâār kî lō’ ləhwōrîš ’eṯ-yōšəḇê hā‘ēmeq kî-reḵeḇ barəzel lâem:

20 wayyitənû ləḵālēḇ ’eṯ-ḥeḇərwōn ka’ăšer diber mōšeh wayywōreš miššām ’eṯ-šəlōšâ bənê hā‘ănāq:

21 wə’eṯ-hayəḇûsî yōšēḇ yərûšālaim lō’ hwōrîšû bənê ḇinəyāmin wayyēšeḇ hayəḇûsî ’eṯ-bənê ḇinəyāmin bîrûšālaim ‘aḏ hayywōm hazzeh: s

22 wayy^a‘ălû ḇêṯ-ywōsēf gam-hēm bêṯ-’ēl wayhwâ ‘immām:

23 wayyāṯîrû ḇêṯ-ywōsēf bəḇêṯ-’ēl wəšēm-hā‘îr ləfānîm lûz:

24 wayyirə’û haššōmərîm ’îš ywōṣē’ min-hā‘îr wayyō’mərû lwō harə’ēnû nā’ ’eṯ-məḇwō’ hā‘îr wə‘āśînû ‘imməḵā ḥāseḏ:

25 wayyarə’ēm ’eṯ-məḇwō’ hā‘îr wayyakû ’eṯ-hā‘îr ləfî-ḥāreḇ wə’eṯ-hā’îš wə’eṯ-kāl-mišəp^aḥətwō šillēḥû:

26 wayyēleḵə hā’îš ’ereṣ h^aḥitîm wayyiḇen ‘îr wayyiqərā’ šəmāh lûz hû’ šəmāh ‘aḏ hayywōm hazzeh: f

27 wəlō’-hwōrîš mənaššeh ’eṯ-bêṯ-šə’ān wə’eṯ-bənwōṯeyhā wə’eṯ-t^a‘ənaḵə wə’eṯ-bənōṯeyhā wə’eṯ-yōšēḇ yōšəḇê ḏwōr wə’eṯ-bənwōṯeyhā wə’eṯ-ywōšəḇê yiḇələ‘ām wə’eṯ-bənōṯeyhā wə’eṯ-ywōšəḇê məḡidwō wə’eṯ-bənwōṯeyhā wayywō’el hakən^a‘ănî lāšeḇeṯ bā’āreṣ hazzō’ṯ:

28 wayəhî kî-ḥāzaq yiśərā’ēl wayyāśem ’eṯ-hakən^a‘ănî lāmas wəhwōrêš lō’ hwōrîšwō: s

29 wə’efərayim lō’ hwōrîš ’eṯ-hakən^a‘ănî hayywōšēḇ bəḡāzer wayyēšeḇ hakən^a‘ănî bəqirəbwō bəḡāzer: f

30 zəḇûlun lō’ hwōrîš ’eṯ-ywōšəḇê qiṭərwōn wə’eṯ-ywōšəḇê nahălōl wayyēšeḇ hakən^a‘ănî bəqirəbwō wayyihəyû lāmas: s

31 ’āšēr lō’ hwōrîš ’eṯ-yōšəḇê ‘akwō wə’eṯ-ywōšəḇê ṣîḏwōn wə’eṯ-’^aḥəlāḇ wə’eṯ-’aḵəzîḇ wə’eṯ-ḥeləbâ wə’eṯ-’ăfîq wə’eṯ-rəḥōḇ:

32 wayyēšeḇ hā’āšērî bəqereḇ hakən^a‘ănî yōšəḇê hā’āreṣ kî lō’ hwōrîšwō: s

33 nafətālî lō’-hwōrîš ’eṯ-yōšəḇê ḇêṯ-šemeš wə’eṯ-yōšəḇê ḇêṯ-‘ănāṯ wayyēšeḇ bəqereḇ hakən^a‘ănî yōšəḇê hā’āreṣ wəyōšəḇê ḇêṯ-šemeš ûḇêṯ ‘ănāṯ hāyû lâem lāmas: s

34 wayyiləḥăṣû hā’ĕmōrî ’eṯ-bənê-ḏān hâārâ kî-lō’ nəṯānwō lāreḏeṯ lā‘ēmeq:

35 wayywō’el hā’ĕmōrî lāšeḇeṯ bəhar-ḥeres bə’ayyālwōn ûḇəš^a‘aləḇîm watiḵəbaḏ yaḏ bêṯ-ywōsēf wayyihəyû lāmas:

36 ûḡəḇûl hā’ĕmōrî mimm^a‘ălēh ‘aqərabîm mēhassel^a‘ wāmā‘əlâ: f

‎1 ‏דִּבְרֵ֥י יִרְמְיָ֖הוּ בֶּן־חִלְקִיָּ֑הוּ מִן־הַכֹּֽהֲנִים֙ אֲשֶׁ֣ר בַּעֲנָת֔וֹת בְּאֶ֖רֶץ בִּנְיָמִֽן׃

‎2 ‏אֲשֶׁ֨ר הָיָ֤ה דְבַר־יְהוָה֙ אֵלָ֔יו בִּימֵ֛י יֹאשִׁיָּ֥הוּ בֶן־אָמ֖וֹן מֶ֣לֶךְ יְהוּדָ֑ה בִּשְׁלֹשׁ־עֶשְׂרֵ֥ה שָׁנָ֖ה לְמָלְכֽוֹ׃

‎3 ‏וַיְהִ֗י בִּימֵ֨י יְהוֹיָקִ֤ים בֶּן־יֹאשִׁיָּ֙הוּ֙ מֶ֣לֶךְ יְהוּדָ֔ה עַד־תֹּם֙ עַשְׁתֵּ֣י עֶשְׂרֵ֣ה שָׁנָ֔ה לְצִדְקִיָּ֥הוּ בֶן־יֹאשִׁיָּ֖הוּ מֶ֣לֶךְ יְהוּדָ֑ה עַד־גְּל֥וֹת יְרוּשָׁלִַ֖ם בַּחֹ֥דֶשׁ הַחֲמִישִֽׁי׃ ס

‎4 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

‎5 ‏בְּטֶ֨רֶם אצורך אֶצָּרְךָ֤ בַבֶּ֙טֶן֙ יְדַעְתִּ֔יךָ וּבְטֶ֛רֶם תֵּצֵ֥א מֵרֶ֖חֶם הִקְדַּשְׁתִּ֑יךָ נָבִ֥יא לַגּוֹיִ֖ם נְתַתִּֽיךָ׃

‎6 ‏וָאֹמַ֗ר אֲהָהּ֙ אֲדֹנָ֣י יְהוִֹ֔ה הִנֵּ֥ה לֹא־יָדַ֖עְתִּי דַּבֵּ֑ר¹ כִּי־נַ֖עַר אָנֹֽכִי׃ פ

‎7 ‏וַיֹּ֤אמֶר יְהוָה֙ אֵלַ֔י אַל־תֹּאמַ֖ר נַ֣עַר אָנֹ֑כִי כִּ֠י עַֽל־כָּל־אֲשֶׁ֤ר אֶֽשְׁלָחֲךָ֙ תֵּלֵ֔ךְ וְאֵ֛ת כָּל־אֲשֶׁ֥ר אֲצַוְּךָ֖ תְּדַבֵּֽר׃

‎8 ‏אַל־תִּירָ֖א מִפְּנֵיהֶ֑ם כִּֽי־אִתְּךָ֥ אֲנִ֛י לְהַצִּלֶ֖ךָ נְאֻם־יְהוָֽה׃

‎9 ‏וַיִּשְׁלַ֤ח יְהוָה֙ אֶת־יָד֔וֹ וַיַּגַּ֖ע עַל־פִּ֑י וַיֹּ֤אמֶר יְהוָה֙ אֵלַ֔י הִנֵּ֛ה נָתַ֥תִּי דְבָרַ֖י בְּפִֽיךָ׃

‎10 ‏רְאֵ֞ה הִפְקַדְתִּ֣יךָ׀ הַיּ֣וֹם הַזֶּ֗ה עַל־הַגּוֹיִם֙ וְעַל־הַמַּמְלָכ֔וֹת לִנְת֥וֹשׁ וְלִנְת֖וֹץ וּלְהַאֲבִ֣יד וְלַהֲר֑וֹס לִבְנ֖וֹת וְלִנְטֽוֹעַ׃ פ

‎11 ‏וַיְהִ֤י דְבַר־יְהוָה֙ אֵלַ֣י לֵאמֹ֔ר מָה־אַתָּ֥ה רֹאֶ֖ה יִרְמְיָ֑הוּ וָאֹמַ֕ר מַקֵּ֥ל שָׁקֵ֖ד אֲנִ֥י רֹאֶֽה׃

‎12 ‏וַיֹּ֧אמֶר יְהוָ֛ה אֵלַ֖י הֵיטַ֣בְתָּ לִרְא֑וֹת כִּֽי־שֹׁקֵ֥ד אֲנִ֛י עַל־דְּבָרִ֖י לַעֲשֹׂתֽוֹ׃ פ

‎13 ‏וַיְהִ֨י דְבַר־יְהוָ֤ה׀ אֵלַי֙ שֵׁנִ֣ית לֵאמֹ֔ר מָ֥ה אַתָּ֖ה רֹאֶ֑ה וָאֹמַ֗ר סִ֤יר נָפ֙וּחַ֙ אֲנִ֣י רֹאֶ֔ה וּפָנָ֖יו מִפְּנֵ֥י צָפֽוֹנָה׃

‎14 ‏וַיֹּ֥אמֶר יְהוָ֖ה אֵלָ֑י מִצָּפוֹן֙ תִּפָּתַ֣ח הָרָעָ֔ה עַ֥ל כָּל־יֹשְׁבֵ֖י הָאָֽרֶץ׃

‎15 ‏כִּ֣י׀ הִנְנִ֣י קֹרֵ֗א לְכָֽל־מִשְׁפְּח֛וֹת מַמְלְכ֥וֹת צָפ֖וֹנָה נְאֻם־יְהוָ֑ה וּבָ֡אוּ וְֽנָתְנוּ֩ אִ֨ישׁ כִּסְא֜וֹ פֶּ֣תַח׀ שַׁעֲרֵ֣י יְרוּשָׁלִַ֗ם וְעַ֤ל כָּל־חוֹמֹתֶ֙יהָ֙ סָבִ֔יב וְעַ֖ל כָּל־עָרֵ֥י יְהוּדָֽה׃

‎16 ‏וְדִבַּרְתִּ֤י מִשְׁפָּטַי֙ אוֹתָ֔ם עַ֖ל כָּל־רָעָתָ֑ם אֲשֶׁ֣ר עֲזָב֗וּנִי וַֽיְקַטְּרוּ֙ לֵאלֹהִ֣ים אֲחֵרִ֔ים וַיִּֽשְׁתַּחֲו֖וּ לְמַעֲשֵׂ֥י יְדֵיהֶֽם׃

‎17 ‏וְאַתָּה֙ תֶּאְזֹ֣ר מָתְנֶ֔יךָ וְקַמְתָּ֙ וְדִבַּרְתָּ֣ אֲלֵיהֶ֔ם אֵ֛ת כָּל־אֲשֶׁ֥ר אָנֹכִ֖י אֲצַוֶּ֑ךָּ אַל־תֵּחַת֙ מִפְּנֵיהֶ֔ם פֶּֽן־אֲחִתְּךָ֖ לִפְנֵיהֶֽם׃

‎18 ‏וַאֲנִ֞י הִנֵּ֧ה נְתַתִּ֣יךָ הַיּ֗וֹם לְעִ֨יר מִבְצָ֜ר וּלְעַמּ֥וּד בַּרְזֶ֛ל וּלְחֹמ֥וֹת נְחֹ֖שֶׁת עַל־כָּל־הָאָ֑רֶץ לְמַלְכֵ֤י יְהוּדָה֙ לְשָׂרֶ֔יהָ לְכֹהֲנֶ֖יהָ וּלְעַ֥ם הָאָֽרֶץ׃

‎19 ‏וְנִלְחֲמ֥וּ אֵלֶ֖יךָ וְלֹא־י֣וּכְלוּ לָ֑ךְ כִּֽי־אִתְּךָ֥ אֲנִ֛י נְאֻם־יְהוָ֖ה לְהַצִּילֶֽךָ׃ פ

1 diḇərê yirəməyâû ben-ḥiləqîyâû min-hakōhănîm ’ăšer b^a‘ănāṯwōṯ bə’ereṣ binəyāmin:

2 ’ăšer hāyâ ḏəḇar-yəhwâ ’ēlāyw bîmê yō’šîyâû ḇen-’āmwōn meleḵə yəhûḏâ bišəlōš-‘eśərēh šānâ ləmāləḵwō:

3 wayəhî bîmê yəhwōyāqîm ben-yō’šîyâû meleḵə yəhûḏâ ‘aḏ-tōm ‘ašətê ‘eśərēh šānâ ləṣiḏəqîyâû ḇen-yō’šîyâû meleḵə yəhûḏâ ‘aḏ-gəlwōṯ yərûšālaim b^aḥōḏeš h^aḥămîšî: s

4 wayəhî ḏəḇar-yəhwâ ’ēlay lē’mōr:

5 bəṭerem ’eṣṣwōrəḵā ’eṣṣārəḵā ḇabeṭen yəḏ^a‘ətîḵā ûḇəṭerem tēṣē’ mēreḥem hiqədašətîḵā nāḇî’ lagwōyim nəṯatîḵā:

6 wā’ōmar ’ăhāh ’ăḏōnāy yəhwōih hinnēh lō’-yāḏ^a‘ətî dabēr¹ kî-n^a‘ar ’ānōḵî: f

7 wayyō’mer yəhwâ ’ēlay ’al-tō’mar n^a‘ar ’ānōḵî kî ‘al-kāl-’ăšer ’ešəlāḥăḵā tēlēḵə wə’ēṯ kāl-’ăšer ’ăṣaûəḵā təḏabēr:

8 ’al-tîrā’ mipənêhem kî-’itəḵā ’ănî ləhaṣṣileḵā nə’um-yəhwâ:

9 wayyišəl^aḥ yəhwâ ’eṯ-yāḏwō wayyag^a‘ ‘al-pî wayyō’mer yəhwâ ’ēlay hinnēh nāṯatî ḏəḇāray bəfîḵā:

10 rə’ēh hifəqaḏətîḵā| hayywōm hazzeh ‘al-hagwōyim wə‘al-hammaməlāḵwōṯ linəṯwōš wəlinəṯwōṣ ûləha’ăḇîḏ wəlahărwōs liḇənwōṯ wəlinəṭwō‘a: f

11 wayəhî ḏəḇar-yəhwâ ’ēlay lē’mōr mâ-’atâ rō’eh yirəməyâû wā’ōmar maqqēl šāqēḏ ’ănî rō’eh:

12 wayyō’mer yəhwâ ’ēlay hêṭaḇətā lirə’wōṯ kî-šōqēḏ ’ănî ‘al-dəḇārî l^a‘ăśōṯwō: f

13 wayəhî ḏəḇar-yəhwâ| ’ēlay šēnîṯ lē’mōr mâ ’atâ rō’eh wā’ōmar sîr nāfûḥa ’ănî rō’eh ûfānāyw mipənê ṣāfwōnâ:

14 wayyō’mer yəhwâ ’ēlāy miṣṣāfwōn tipāṯ^aḥ hārā‘â ‘al kāl-yōšəḇê hā’āreṣ:

15 kî| hinənî qōrē’ ləḵāl-mišəpəḥwōṯ mamələḵwōṯ ṣāfwōnâ nə’um-yəhwâ ûḇā’û wənāṯənû ’îš kisə’wō peṯ^aḥ| š^a‘ărê yərûšālaim wə‘al kāl-ḥwōmōṯeyhā sāḇîḇ wə‘al kāl-‘ārê yəhûḏâ:

16 wəḏibarətî mišəpāṭay ’wōṯām ‘al kāl-rā‘āṯām ’ăšer ‘ăzāḇûnî wayəqaṭṭərû lē’lōhîm ’ăḥērîm wayyišət^aḥăwû ləm^a‘ăśê yəḏêhem:

17 wə’atâ te’əzōr māṯəneyḵā wəqamətā wəḏibarətā ’ălêhem ’ēṯ kāl-’ăšer ’ānōḵî ’ăṣaûeḵḵā ’al-tēḥaṯ mipənêhem pen-’ăḥitəḵā lifənêhem:

18 wa’ănî hinnēh nəṯatîḵā hayywōm lə‘îr miḇəṣār ûlə‘ammûḏ barəzel ûləḥōmwōṯ nəḥōšeṯ ‘al-kāl-hā’āreṣ ləmaləḵê yəhûḏâ ləśāreyhā ləḵōhăneyhā ûlə‘am hā’āreṣ:

19 wəniləḥămû ’ēleyḵā wəlō’-yûḵəlû lāḵə kî-’itəḵā ’ănî nə’um-yəhwâ ləhaṣṣîleḵā: f

‎1 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

‎2 ‏הָלֹ֡ךְ וְקָֽרָאתָ֩ בְאָזְנֵי֙ יְרוּשָׁלִַ֜ם לֵאמֹ֗ר כֹּ֚ה אָמַ֣ר יְהוָ֔ה זָכַ֤רְתִּי לָךְ֙ חֶ֣סֶד נְעוּרַ֔יִךְ אַהֲבַ֖ת כְּלוּלֹתָ֑יִךְ לֶכְתֵּ֤ךְ אַחֲרַי֙ בַּמִּדְבָּ֔ר בְּאֶ֖רֶץ לֹ֥א זְרוּעָֽה׃

‎3 ‏קֹ֤דֶשׁ יִשְׂרָאֵל֙ לַיהוָ֔ה רֵאשִׁ֖ית תְּבוּאָתֹ֑ה^q כָּל־אֹכְלָ֣יו יֶאְשָׁ֔מוּ רָעָ֛ה תָּבֹ֥א אֲלֵיהֶ֖ם נְאֻם־יְהוָֽה׃ פ

‎4 ‏שִׁמְע֥וּ דְבַר־יְהוָ֖ה בֵּ֣ית יַעֲקֹ֑ב וְכָֽל־מִשְׁפְּח֖וֹת בֵּ֥ית יִשְׂרָאֵֽל׃

‎5 ‏כֹּ֣ה׀ אָמַ֣ר יְהוָ֗ה מַה־מָּצְא֨וּ אֲבוֹתֵיכֶ֥ם בִּי֙ עָ֔וֶל כִּ֥י רָחֲק֖וּ מֵעָלָ֑י וַיֵּֽלְכ֛וּ אַחֲרֵ֥י הַהֶ֖בֶל וַיֶּהְבָּֽלוּ׃

‎6 ‏וְלֹ֣א אָמְר֔וּ אַיֵּ֣ה יְהוָ֔ה הַמַּעֲלֶ֥ה אֹתָ֖נוּ מֵאֶ֣רֶץ מִצְרָ֑יִם הַמּוֹלִ֨יךְ אֹתָ֜נוּ בַּמִּדְבָּ֗ר בְּאֶ֨רֶץ עֲרָבָ֤ה וְשׁוּחָה֙ בְּאֶ֙רֶץ֙ צִיָּ֣ה וְצַלְמָ֔וֶת בְּאֶ֗רֶץ לֹֽא־עָ֤בַר בָּהּ֙ אִ֔ישׁ וְלֹֽא־יָשַׁ֥ב אָדָ֖ם שָֽׁם׃

‎7 ‏וָאָבִ֤יא אֶתְכֶם֙ אֶל־אֶ֣רֶץ הַכַּרְמֶ֔ל לֶאֱכֹ֥ל פִּרְיָ֖הּ וְטוּבָ֑הּ וַתָּבֹ֙אוּ֙ וַתְּטַמְּא֣וּ אֶת־אַרְצִ֔י וְנַחֲלָתִ֥י שַׂמְתֶּ֖ם לְתוֹעֵבָֽה׃

‎8 ‏הַכֹּהֲנִ֗ים לֹ֤א אָֽמְרוּ֙ אַיֵּ֣ה יְהוָ֔ה וְתֹפְשֵׂ֤י הַתּוֹרָה֙ לֹ֣א יְדָע֔וּנִי וְהָרֹעִ֖ים פָּ֣שְׁעוּ בִ֑י וְהַנְּבִיאִים֙ נִבְּא֣וּ בַבַּ֔עַל וְאַחֲרֵ֥י לֹֽא־יוֹעִ֖לוּ הָלָֽכוּ׃

‎9 ‏לָכֵ֗ן עֹ֛ד אָרִ֥יב אִתְּכֶ֖ם נְאֻם־יְהוָ֑ה וְאֶת־בְּנֵ֥י בְנֵיכֶ֖ם אָרִֽיב׃

‎10 ‏כִּ֣י עִבְר֞וּ אִיֵּ֤י כִתִּיִּים֙ וּרְא֔וּ וְקֵדָ֛ר שִׁלְח֥וּ וְהִֽתְבּוֹנְנ֖וּ מְאֹ֑ד וּרְא֕וּ הֵ֥ן הָיְתָ֖ה כָּזֹֽאת׃

‎11 ‏הַהֵימִ֥יר גּוֹי֙ אֱלֹהִ֔ים וְהֵ֖מָּה לֹ֣א אֱלֹהִ֑ים וְעַמִּ֛י הֵמִ֥יר כְּבוֹד֖וֹ בְּל֥וֹא יוֹעִֽיל׃

‎12 ‏שֹׁ֥מּוּ שָׁמַ֖יִם עַל־זֹ֑את וְשַׂעֲר֛וּ חָרְב֥וּ מְאֹ֖ד נְאֻם־יְהוָֽה׃

‎13 ‏כִּֽי־שְׁתַּ֥יִם רָע֖וֹת עָשָׂ֣ה עַמִּ֑י אֹתִ֨י עָזְב֜וּ מְק֣וֹר׀ מַ֣יִם חַיִּ֗ים לַחְצֹ֤ב לָהֶם֙ בֹּאר֔וֹת בֹּארֹת֙ נִשְׁבָּרִ֔ים אֲשֶׁ֥ר לֹא־יָכִ֖לוּ הַמָּֽיִם׃

‎14 ‏הַעֶ֙בֶד֙ יִשְׂרָאֵ֔ל אִם־יְלִ֥יד בַּ֖יִת ה֑וּא מַדּ֖וּעַ הָיָ֥ה לָבַֽז׃

‎15 ‏עָלָיו֙ יִשְׁאֲג֣וּ כְפִרִ֔ים נָתְנ֖וּ קוֹלָ֑ם וַיָּשִׁ֤יתוּ אַרְצוֹ֙ לְשַׁמָּ֔ה עָרָ֥יו נצתה נִצְּת֖וּ מִבְּלִ֥י יֹשֵֽׁב׃

‎16 ‏גַּם־בְּנֵי־נֹ֖ף ותחפנס וְתַחְפַּנְחֵ֑ס יִרְע֖וּךְ קָדְקֹֽד׃

‎17 ‏הֲלוֹא־זֹ֖את תַּעֲשֶׂה־לָּ֑ךְ עָזְבֵךְ֙ אֶת־יְהוָ֣ה אֱלֹהַ֔יִךְ בְּעֵ֖ת מוֹלִיכֵ֥ךְ בַּדָּֽרֶךְ׃

‎18 ‏וְעַתָּ֗ה מַה־לָּךְ֙ לְדֶ֣רֶךְ מִצְרַ֔יִם לִשְׁתּ֖וֹת מֵ֣י שִׁח֑וֹר וּמַה־לָּךְ֙ לְדֶ֣רֶךְ אַשּׁ֔וּר לִשְׁתּ֖וֹת מֵ֥י נָהָֽר׃

‎19 ‏תְּיַסְּרֵ֣ךְ רָעָתֵ֗ךְ וּמְשֻֽׁבוֹתַ֙יִךְ֙ תּוֹכִחֻ֔ךְ וּדְעִ֤י וּרְאִי֙ כִּי־רַ֣ע וָמָ֔ר עָזְבֵ֖ךְ אֶת־יְהוָ֣ה אֱלֹהָ֑יִךְ וְלֹ֤א פַחְדָּתִי֙ אֵלַ֔יִךְ נְאֻם־אֲדֹנָ֥י יְהוִ֖ה צְבָאֽוֹת׃

‎20 ‏כִּ֣י מֵעוֹלָ֞ם שָׁבַ֣רְתִּי עֻלֵּ֗ךְ נִתַּ֙קְתִּי֙ מוֹסְרֹתַ֔יִךְ וַתֹּאמְרִ֖י לֹ֣א אעבד אֶעֱב֑וֹר כִּ֣י עַֽל־כָּל־גִּבְעָ֞ה גְּבֹהָ֗ה וְתַ֙חַת֙ כָּל־עֵ֣ץ רַעֲנָ֔ן אַ֖תְּ צֹעָ֥ה זֹנָֽה׃

‎21 ‏וְאָֽנֹכִי֙ נְטַעְתִּ֣יךְ שֹׂרֵ֔ק כֻּלֹּ֖ה זֶ֣רַע אֱמֶ֑ת וְאֵיךְ֙ נֶהְפַּ֣כְתְּ לִ֔י סוּרֵ֖י הַגֶּ֥פֶן נָכְרִיָּֽה׃

‎22 ‏כִּ֤י אִם־תְּכַבְּסִי֙ בַּנֶּ֔תֶר וְתַרְבִּי־לָ֖ךְ בֹּרִ֑ית נִכְתָּ֤ם עֲוֹנֵךְ֙ לְפָנַ֔י נְאֻ֖ם אֲדֹנָ֥י יְהוִֽה׃

‎23 ‏אֵ֣יךְ תֹּאמְרִ֞י לֹ֣א נִטְמֵ֗אתִי אַחֲרֵ֤י הַבְּעָלִים֙ לֹ֣א הָלַ֔כְתִּי רְאִ֤י דַרְכֵּךְ֙ בַּגַּ֔יְא דְּעִ֖י מֶ֣ה עָשִׂ֑ית בִּכְרָ֥ה קַלָּ֖ה מְשָׂרֶ֥כֶת דְּרָכֶֽיהָ׃

‎24 ‏פֶּ֣רֶה׀ לִמֻּ֣ד מִדְבָּ֗ר בְּאַוַּ֤ת נפשו נַפְשָׁהּ֙ שָׁאֲפָ֣ה ר֔וּחַ תַּאֲנָתָ֖הּ מִ֣י יְשִׁיבֶ֑נָּה כָּל־מְבַקְשֶׁ֙יהָ֙ לֹ֣א יִיעָ֔פוּ בְּחָדְשָׁ֖הּ יִמְצָאֽוּנְהָ׃

‎25 ‏מִנְעִ֤י רַגְלֵךְ֙ מִיָּחֵ֔ף וגורנך וּגְרוֹנֵ֖ךְ מִצִּמְאָ֑ה וַתֹּאמְרִ֣י נוֹאָ֔שׁ ל֕וֹא כִּֽי־אָהַ֥בְתִּי זָרִ֖ים וְאַחֲרֵיהֶ֥ם אֵלֵֽךְ׃

‎26 ‏כְּבֹ֤שֶׁת גַּנָּב֙ כִּ֣י יִמָּצֵ֔א כֵּ֥ן הֹבִ֖ישׁוּ בֵּ֣ית יִשְׂרָאֵ֑ל הֵ֤מָּה מַלְכֵיהֶם֙ שָֽׂרֵיהֶ֔ם וְכֹהֲנֵיהֶ֖ם וּנְבִיאֵיהֶֽם׃

‎27 ‏אֹמְרִ֨ים לָעֵ֜ץ אָ֣בִי אַ֗תָּה וְלָאֶ֙בֶן֙ אַ֣תְּ ילדתני יְלִדְתָּ֔נוּ כִּֽי־פָנ֥וּ אֵלַ֛י עֹ֖רֶף וְלֹ֣א פָנִ֑ים וּבְעֵ֤ת רָֽעָתָם֙ יֹֽאמְר֔וּ ק֖וּמָה וְהוֹשִׁיעֵֽנוּ׃

‎28 ‏וְאַיֵּ֤ה אֱלֹהֶ֙יךָ֙ אֲשֶׁ֣ר עָשִׂ֣יתָ לָּ֔ךְ יָק֕וּמוּ אִם־יוֹשִׁיע֖וּךָ בְּעֵ֣ת רָעָתֶ֑ךָ כִּ֚י מִסְפַּ֣ר עָרֶ֔יךָ הָי֥וּ אֱלֹהֶ֖יךָ יְהוּדָֽה׃ ס

‎29 ‏לָ֥מָּה תָרִ֖יבוּ אֵלָ֑י כֻּלְּכֶ֛ם פְּשַׁעְתֶּ֥ם בִּ֖י נְאֻם־יְהוָֽה׃

‎30 ‏לַשָּׁוְא֙ הִכֵּ֣יתִי אֶת־בְּנֵיכֶ֔ם מוּסָ֖ר לֹ֣א לָקָ֑חוּ אָכְלָ֧ה חַרְבְּכֶ֛ם נְבִֽיאֵיכֶ֖ם כְּאַרְיֵ֥ה מַשְׁחִֽית׃

‎31 ‏הַדּ֗וֹר אַתֶּם֙ רְא֣וּ דְבַר־יְהוָ֔ה הֲמִדְבָּ֤ר הָיִ֙יתִי֙ לְיִשְׂרָאֵ֔ל אִ֛ם אֶ֥רֶץ מַאְפֵּ֖לְיָ֑ה מַדּ֜וּעַ אָמְר֤וּ עַמִּי֙ רַ֔דְנוּ לֽוֹא־נָב֥וֹא ע֖וֹד אֵלֶֽיךָ׃

‎32 ‏הֲתִשְׁכַּ֤ח בְּתוּלָה֙ עֶדְיָ֔הּ כַּלָּ֖ה קִשֻּׁרֶ֑יהָ וְעַמִּ֣י שְׁכֵח֔וּנִי יָמִ֖ים אֵ֥ין מִסְפָּֽר׃

‎33 ‏מַה־תֵּיטִ֥בִי דַּרְכֵּ֖ךְ לְבַקֵּ֣שׁ אַהֲבָ֑ה לָכֵן֙ גַּ֣ם אֶת־הָרָע֔וֹת למדתי לִמַּ֖דְתְּ אֶת־דְּרָכָֽיִךְ׃

‎34 ‏גַּ֤ם בִּכְנָפַ֙יִךְ֙ נִמְצְא֔וּ דַּ֛ם נַפְשׁ֥וֹת אֶבְיוֹנִ֖ים נְקִיִּ֑ים לֹֽא־בַמַּחְתֶּ֥רֶת מְצָאתִ֖ים כִּ֥י עַל־כָּל־אֵֽלֶּה׃

‎35 ‏וַתֹּֽאמְרִי֙ כִּ֣י נִקֵּ֔יתִי אַ֛ךְ שָׁ֥ב אַפּ֖וֹ מִמֶּ֑נִּי הִנְנִי֙ נִשְׁפָּ֣ט אוֹתָ֔ךְ עַל־אָמְרֵ֖ךְ לֹ֥א חָטָֽאתִי׃

‎36 ‏מַה־תֵּזְלִ֥י מְאֹ֖ד לְשַׁנּ֣וֹת אֶת־דַּרְכֵּ֑ךְ גַּ֤ם מִמִּצְרַ֙יִם֙ תֵּב֔וֹשִׁי כַּאֲשֶׁר־בֹּ֖שְׁתְּ מֵאַשּֽׁוּר׃

‎37 ‏גַּ֣ם מֵאֵ֥ת זֶה֙ תֵּֽצְאִ֔י וְיָדַ֖יִךְ עַל־רֹאשֵׁ֑ךְ כִּֽי־מָאַ֤ס יְהוָֹה֙ בְּמִבְטַחַ֔יִךְ וְלֹ֥א תַצְלִ֖יחִי לָהֶֽם׃

1 wayəhî ḏəḇar-yəhwâ ’ēlay lē’mōr:

2 hālōḵə wəqārā’ṯā ḇə’āzənê yərûšālaim lē’mōr kōh ’āmar yəhwâ zāḵarətî lāḵə ḥeseḏ nə‘ûrayiḵə ’ahăḇaṯ kəlûlōṯāyiḵə leḵətēḵə ’^aḥăray bammiḏəbār bə’ereṣ lō’ zərû‘â:

3 qōḏeš yiśərā’ēl layhwâ rē’šîṯ təḇû’āṯōh^q kāl-’ōḵəlāyw ye’əšāmû rā‘â tāḇō’ ’ălêhem nə’um-yəhwâ: f

4 šimə‘û ḏəḇar-yəhwâ bêṯ y^a‘ăqōḇ wəḵāl-mišəpəḥwōṯ bêṯ yiśərā’ēl:

5 kōh| ’āmar yəhwâ mah-mmāṣə’û ’ăḇwōṯêḵem bî ‘āwel kî rāḥăqû mē‘ālāy wayyēləḵû ’^aḥărê haheḇel wayyehəbālû:

6 wəlō’ ’āmərû ’ayyēh yəhwâ hamm^a‘ăleh ’ōṯānû mē’ereṣ miṣərāyim hammwōlîḵə ’ōṯānû bammiḏəbār bə’ereṣ ‘ărāḇâ wəšûḥâ bə’ereṣ ṣîyâ wəṣaləmāweṯ bə’ereṣ lō’-‘āḇar bāh ’îš wəlō’-yāšaḇ ’āḏām šām:

7 wā’āḇî’ ’eṯəḵem ’el-’ereṣ hakarəmel le’ĕḵōl pirəyāh wəṭûḇāh watāḇō’û watəṭammə’û ’eṯ-’arəṣî wən^aḥălāṯî śamətem ləṯwō‘ēḇâ:

8 hakōhănîm lō’ ’āmərû ’ayyēh yəhwâ wəṯōfəśê hatwōrâ lō’ yəḏā‘ûnî wəhārō‘îm pāšə‘û ḇî wəhannəḇî’îm nibə’û ḇab^a‘al wə’^aḥărê lō’-ywō‘ilû hālāḵû:

9 lāḵēn ‘ōḏ ’ārîḇ ’itəḵem nə’um-yəhwâ wə’eṯ-bənê ḇənêḵem ’ārîḇ:

10 kî ‘iḇərû ’îyê ḵitîyîm ûrə’û wəqēḏār šiləḥû wəhiṯəbwōnənû mə’ōḏ ûrə’û hēn hāyəṯâ kāzō’ṯ:

11 hahêmîr gwōy ’ĕlōhîm wəhēmmâ lō’ ’ĕlōhîm wə‘ammî hēmîr kəḇwōḏwō bəlwō’ ywō‘îl:

12 šōmmû šāmayim ‘al-zō’ṯ wəś^a‘ărû ḥārəḇû mə’ōḏ nə’um-yəhwâ:

13 kî-šətayim rā‘wōṯ ‘āśâ ‘ammî ’ōṯî ‘āzəḇû məqwōr| mayim ḥayyîm l^aḥəṣōḇ lâem bō’rwōṯ bō’rōṯ nišəbārîm ’ăšer lō’-yāḵilû hammāyim:

14 h^a‘eḇeḏ yiśərā’ēl ’im-yəlîḏ bayiṯ hû’ madû‘a hāyâ lāḇaz:

15 ‘ālāyw yišə’ăḡû ḵəfirîm nāṯənû qwōlām wayyāšîṯû ’arəṣwō ləšammâ ‘ārāyw niṣṣəṯâ niṣṣəṯû mibəlî yōšēḇ:

16 gam-bənê-nōf wəṯ^aḥəpənēs wəṯ^aḥəpanəḥēs yirə‘ûḵə qāḏəqōḏ:

17 hălwō’-zō’ṯ t^a‘ăśeh-llāḵə ‘āzəḇēḵə ’eṯ-yəhwâ ’ĕlōhayiḵə bə‘ēṯ mwōlîḵēḵə badāreḵə:

18 wə‘atâ mah-llāḵə ləḏereḵə miṣərayim lišətwōṯ mê šiḥwōr ûmah-llāḵə ləḏereḵə ’aššûr lišətwōṯ mê nâār:

19 təyassərēḵə rā‘āṯēḵə ûməšuḇwōṯayiḵə twōḵiḥuḵə ûḏə‘î ûrə’î kî-r^a‘ wāmār ‘āzəḇēḵə ’eṯ-yəhwâ ’ĕlōhāyiḵə wəlō’ f^aḥədāṯî ’ēlayiḵə nə’um-’ăḏōnāy yəhwih ṣəḇā’wōṯ:

20 kî mē‘wōlām šāḇarətî ‘ullēḵə nitaqətî mwōsərōṯayiḵə watō’mərî lō’ ’e‘ĕḇōḏ ’e‘ĕḇwōr kî ‘al-kāl-giḇə‘â gəḇōhâ wəṯ^aḥaṯ kāl-‘ēṣ r^a‘ănān ’atə ṣō‘â zōnâ:

21 wə’ānōḵî nəṭ^a‘ətîḵə śōrēq kullōh zer^a‘ ’ĕmeṯ wə’êḵə nehəpaḵətə lî sûrê hagefen nāḵərîyâ:

22 kî ’im-təḵabəsî banneṯer wəṯarəbî-lāḵə bōrîṯ niḵətām ‘ăwōnēḵə ləfānay nə’um ’ăḏōnāy yəhwih:

23 ’êḵə tō’mərî lō’ niṭəmē’ṯî ’^aḥărê habə‘ālîm lō’ hālaḵətî rə’î ḏarəkēḵə bagayə’ də‘î meh ‘āśîṯ biḵərâ qallâ məśāreḵeṯ dərāḵeyhā:

24 pereh| limmuḏ miḏəbār bə’aûaṯ nafəšwō nafəšāh šā’ăfâ rûḥa ta’ănāṯāh mî yəšîḇennâ kāl-məḇaqəšeyhā lō’ yî‘āfû bəḥāḏəšāh yiməṣā’ûnəhā:

25 minə‘î raḡəlēḵə mîyāḥēf wəḡwōrənēḵə ûḡərwōnēḵə miṣṣimə’â watō’mərî nwō’āš lwō’ kî-’âaḇətî zārîm wə’^aḥărêhem ’ēlēḵə:

26 kəḇōšeṯ gannāḇ kî yimmāṣē’ kēn hōḇîšû bêṯ yiśərā’ēl hēmmâ maləḵêhem śārêhem wəḵōhănêhem ûnəḇî’êhem:

27 ’ōmərîm lā‘ēṣ ’āḇî ’atâ wəlā’eḇen ’atə yəliḏətinî yəliḏətānû kî-fānû ’ēlay ‘ōref wəlō’ fānîm ûḇə‘ēṯ rā‘āṯām yō’mərû qûmâ wəhwōšî‘ēnû:

28 wə’ayyēh ’ĕlōheyḵā ’ăšer ‘āśîṯā llāḵə yāqûmû ’im-ywōšî‘ûḵā bə‘ēṯ rā‘āṯeḵā kî misəpar ‘āreyḵā hāyû ’ĕlōheyḵā yəhûḏâ: s

29 lāmmâ ṯārîḇû ’ēlāy kulləḵem pəš^a‘ətem bî nə’um-yəhwâ:

30 laššāwə’ hikêṯî ’eṯ-bənêḵem mûsār lō’ lāqāḥû ’āḵəlâ ḥarəbəḵem nəḇî’êḵem kə’arəyēh mašəḥîṯ:

31 hadwōr ’atem rə’û ḏəḇar-yəhwâ hămiḏəbār hāyîṯî ləyiśərā’ēl ’im ’ereṣ ma’əpēləyâ madû‘a ’āmərû ‘ammî raḏənû lwō’-nāḇwō’ ‘wōḏ ’ēleyḵā:

32 hăṯišək^aḥ bəṯûlâ ‘eḏəyāh kallâ qiššureyhā wə‘ammî šəḵēḥûnî yāmîm ’ên misəpār:

33 mah-têṭiḇî darəkēḵə ləḇaqqēš ’ahăḇâ lāḵēn gam ’eṯ-hārā‘wōṯ limmaḏətî limmaḏətə ’eṯ-dərāḵāyiḵə:

34 gam biḵənāfayiḵə niməṣə’û dam nafəšwōṯ ’eḇəywōnîm nəqîyîm lō’-ḇamm^aḥətereṯ məṣā’ṯîm kî ‘al-kāl-’ēlleh:

35 watō’mərî kî niqqêṯî ’aḵə šāḇ ’apwō mimmennî hinənî nišəpāṭ ’wōṯāḵə ‘al-’āmərēḵə lō’ ḥāṭā’ṯî:

36 mah-tēzəlî mə’ōḏ ləšannwōṯ ’eṯ-darəkēḵə gam mimmiṣərayim tēḇwōšî ka’ăšer-bōšətə mē’aššûr:

37 gam mē’ēṯ zeh tēṣə’î wəyāḏayiḵə ‘al-rō’šēḵə kî-mā’as yəhwōâ bəmiḇəṭ^aḥayiḵə wəlō’ ṯaṣəlîḥî lâem:

‎1 ‏לֵאמֹ֡ר הֵ֣ן יְשַׁלַּ֣ח אִ֣ישׁ אֶת־אִשְׁתּוֹ֩ וְהָלְכָ֨ה מֵאִתּ֜וֹ וְהָיְתָ֣ה לְאִישׁ־אַחֵ֗ר הֲיָשׁ֤וּב אֵלֶ֙יהָ֙ ע֔וֹד הֲל֛וֹא חָנ֥וֹף תֶּחֱנַ֖ף הָאָ֣רֶץ הַהִ֑יא וְאַ֗תְּ זָנִית֙ רֵעִ֣ים רַבִּ֔ים וְשׁ֥וֹב אֵלַ֖י נְאֻם־יְהוָֹֽה׃

‎2 ‏שְׂאִֽי־עֵינַ֨יִךְ עַל־שְׁפָיִ֜ם וּרְאִ֗י אֵיפֹה֙ לֹ֣א שגלת שֻׁכַּ֔בְּתְּ עַל־דְּרָכִים֙ יָשַׁ֣בְתְּ לָהֶ֔ם כַּעֲרָבִ֖י בַּמִּדְבָּ֑ר וַתַּחֲנִ֣יפִי אֶ֔רֶץ בִּזְנוּתַ֖יִךְ וּבְרָעָתֵֽךְ׃

‎3 ‏וַיִּמָּנְע֣וּ רְבִבִ֔ים וּמַלְק֖וֹשׁ ל֣וֹא הָיָ֑ה וּמֵ֨צַח אִשָּׁ֤ה זוֹנָה֙ הָ֣יָה לָ֔ךְ מֵאַ֖נְתְּ הִכָּלֵֽם׃

‎4 ‏הֲל֣וֹא מֵעַ֔תָּה קראתי קָרָ֥את לִ֖י אָבִ֑י אַלּ֥וּף נְעֻרַ֖י אָֽתָּה׃

‎5 ‏הֲיִנְטֹ֣ר לְעוֹלָ֔ם אִם־יִשְׁמֹ֖ר לָנֶ֑צַח הִנֵּ֥ה דברתי דִבַּ֛רְתְּ^y וַתַּעֲשִׂ֥י הָרָע֖וֹת וַתּוּכָֽל׃ פ

‎6 ‏וַיֹּ֨אמֶר יְהוָ֜ה אֵלַ֗י בִּימֵי֙ יֹאשִׁיָּ֣הוּ הַמֶּ֔לֶךְ הֲ‍ֽרָאִ֔יתָ אֲשֶׁ֥ר עָשְׂתָ֖ה מְשֻׁבָ֣ה יִשְׂרָאֵ֑ל הֹלְכָ֨ה הִ֜יא עַל־כָּל־הַ֣ר גָּבֹ֗הַּ וְאֶל־תַּ֛חַת כָּל־עֵ֥ץ רַעֲנָ֖ן וַתִּזְנִי־שָֽׁם׃

‎7 ‏וָאֹמַ֗ר אַחֲרֵ֨י עֲשׂוֹתָ֧הּ אֶת־כָּל־אֵ֛לֶּה אֵלַ֥י תָּשׁ֖וּב וְלֹא־שָׁ֑בָה ותראה וַתֵּ֛רֶא בָּגוֹדָ֥ה אֲחוֹתָ֖הּ יְהוּדָֽה׃

‎8 ‏וָאֵ֗רֶא כִּ֤י עַל־כָּל־אֹדוֹת֙ אֲשֶׁ֤ר נִֽאֲפָה֙ מְשֻׁבָ֣ה יִשְׂרָאֵ֔ל שִׁלַּחְתִּ֕יהָ וָאֶתֵּ֛ן אֶת־סֵ֥פֶר כְּרִיתֻתֶ֖יהָ אֵלֶ֑יהָ וְלֹ֨א יָֽרְאָ֜ה בֹּֽגֵדָ֤ה יְהוּדָה֙ אֲחוֹתָ֔הּ וַתֵּ֖לֶךְ וַתִּ֥זֶן גַּם־הִֽיא׃

‎9 ‏וְהָיָה֙ מִקֹּ֣ל זְנוּתָ֔הּ וַתֶּחֱנַ֖ף אֶת־הָאָ֑רֶץ וַתִּנְאַ֥ף אֶת־הָאֶ֖בֶן וְאֶת־הָעֵֽץ׃

‎10 ‏וְגַם־בְּכָל־זֹ֗את לֹא־שָׁ֨בָה אֵלַ֜י בָּגוֹדָ֧ה אֲחוֹתָ֛הּ יְהוּדָ֖ה בְּכָל־לִבָּ֑הּ כִּ֥י אִם־בְּשֶׁ֖קֶר נְאֻם־יְהוָֽה׃ פ

‎11 ‏וַיֹּ֤אמֶר יְהוָה֙ אֵלַ֔י צִדְּקָ֥ה נַפְשָׁ֖הּ מְשֻׁבָ֣ה יִשְׂרָאֵ֑ל מִבֹּגֵדָ֖ה יְהוּדָֽה׃

‎12 ‏הָלֹ֡ךְ וְקָֽרָאתָ֩ אֶת־הַדְּבָרִ֨ים הָאֵ֜לֶּה צָפ֗וֹנָה וְ֠אָמַרְתָּ שׁ֣וּבָה מְשֻׁבָ֤ה יִשְׂרָאֵל֙ נְאֻם־יְהוָ֔ה לֽוֹא־אַפִּ֥יל פָּנַ֖י בָּכֶ֑ם כִּֽי־חָסִ֤יד אֲנִי֙ נְאֻם־יְהוָ֔ה לֹ֥א אֶטּ֖וֹר לְעוֹלָֽם׃

‎13 ‏אַ֚ךְ דְּעִ֣י עֲוֹנֵ֔ךְ כִּ֛י בַּיהוָ֥ה אֱלֹהַ֖יִךְ פָּשָׁ֑עַתְּ וַתְּפַזְּרִ֨י אֶת־דְּרָכַ֜יִךְ לַזָּרִ֗ים תַּ֚חַת כָּל־עֵ֣ץ רַעֲנָ֔ן וּבְקוֹלִ֥י לֹא־שְׁמַעְתֶּ֖ם נְאֻם־יְהוָֹֽה׃

‎14 ‏שׁ֣וּבוּ בָנִ֤ים שׁוֹבָבִים֙ נְאֻם־יְהוָ֔ה כִּ֥י אָנֹכִ֖י בָּעַ֣לְתִּי בָכֶ֑ם וְלָקַחְתִּ֨י אֶתְכֶ֜ם אֶחָ֣ד מֵעִ֗יר וּשְׁנַ֙יִם֙ מִמִּשְׁפָּחָ֔ה וְהֵבֵאתִ֥י אֶתְכֶ֖ם צִיּֽוֹן׃

‎15 ‏וְנָתַתִּ֥י לָכֶ֛ם רֹעִ֖ים כְּלִבִּ֑י וְרָע֥וּ אֶתְכֶ֖ם דֵּעָ֥ה וְהַשְׂכֵּֽיל׃

‎16 ‏וְהָיָ֡ה כִּ֣י תִרְבּוּ֩ וּפְרִיתֶ֨ם בָּאָ֜רֶץ בַּיָּמִ֤ים הָהֵ֙מָּה֙ נְאֻם־יְהוָ֔ה לֹא־יֹ֣אמְרוּ ע֗וֹד אֲרוֹן֙ בְּרִית־יְהוָ֔ה וְלֹ֥א יַעֲלֶ֖ה עַל־לֵ֑ב וְלֹ֤א יִזְכְּרוּ־בוֹ֙ וְלֹ֣א יִפְקֹ֔דוּ וְלֹ֥א יֵעָשֶׂ֖ה עֽוֹד׃

‎17 ‏בָּעֵ֣ת הַהִ֗יא יִקְרְא֤וּ לִירוּשָׁלִַ֙ם֙ כִּסֵּ֣א יְהוָ֔ה וְנִקְוּ֨וּ אֵלֶ֧יהָ כָֽל־הַגּוֹיִ֛ם לְשֵׁ֥ם יְהוָ֖ה לִירוּשָׁלִָ֑ם וְלֹא־יֵלְכ֣וּ ע֔וֹד אַחֲרֵ֕י שְׁרִר֖וּת לִבָּ֥ם הָרָֽע׃ ס

‎18 ‏בַּיָּמִ֣ים הָהֵ֔מָּה יֵלְכ֥וּ בֵית־יְהוּדָ֖ה עַל־בֵּ֣ית יִשְׂרָאֵ֑ל וְיָבֹ֤אוּ יַחְדָּו֙ מֵאֶ֣רֶץ צָפ֔וֹן עַל־הָאָ֕רֶץ אֲשֶׁ֥ר הִנְחַ֖לְתִּי אֶת־אֲבוֹתֵיכֶֽם׃

‎19 ‏וְאָנֹכִ֣י אָמַ֗רְתִּי אֵ֚יךְ אֲשִׁיתֵ֣ךְ בַּבָּנִ֔ים וְאֶתֶּן־לָךְ֙ אֶ֣רֶץ חֶמְדָּ֔ה נַחֲלַ֥ת צְבִ֖י צִבְא֣וֹת גּוֹיִ֑ם וָאֹמַ֗ר אָבִי֙ תקראו־ תִּקְרְאִי־ לִ֔י וּמֵאַחֲרַ֖י לֹ֥א תשובו תָשֽׁוּבִי׃

‎20 ‏אָכֵ֛ן בָּגְדָ֥ה אִשָּׁ֖ה מֵרֵעָ֑הּ כֵּ֣ן בְּגַדְתֶּ֥ם בִּ֛י בֵּ֥ית יִשְׂרָאֵ֖ל נְאֻם־יְהוָֽה׃

‎21 ‏ק֚וֹל עַל־שְׁפָיִ֣ים נִשְׁמָ֔ע בְּכִ֥י תַחֲנוּנֵ֖י בְּנֵ֣י יִשְׂרָאֵ֑ל כִּ֤י הֶעֱוּוּ֙ אֶת־דַּרְכָּ֔ם שָׁכְח֖וּ אֶת־יְהוָֹ֥ה אֱלֹהֵיהֶֽם׃

‎22 ‏שׁ֚וּבוּ בָּנִ֣ים שׁוֹבָבִ֔ים אֶרְפָּ֖ה מְשׁוּבֹֽתֵיכֶ֑ם הִנְנוּ֙ אָתָ֣נוּ לָ֔ךְ כִּ֥י אַתָּ֖ה יְהוָֹ֥ה אֱלֹהֵֽינוּ׃

‎23 ‏אָכֵ֥ן לַשֶּׁ֛קֶר מִגְּבָע֖וֹת הָמ֣וֹן הָרִ֑ים אָכֵן֙ בַּיהוָֹ֣ה אֱלֹהֵ֔ינוּ תְּשׁוּעַ֖ת יִשְׂרָאֵֽל׃

‎24 ‏וְהַבֹּ֗שֶׁת אָֽכְלָ֛ה אֶת־יְגִ֥יעַ אֲבוֹתֵ֖ינוּ מִנְּעוּרֵ֑ינוּ אֶת־צֹאנָם֙ וְאֶת־בְּקָרָ֔ם אֶת־בְּנֵיהֶ֖ם וְאֶת־בְּנוֹתֵיהֶֽם׃

‎25 ‏נִשְׁכְּבָ֣ה בְּבָשְׁתֵּ֗נוּ וּֽתְכַסֵּנוּ֮ כְּלִמָּתֵנוּ֒ כִּי֩ לַיהוָ֨ה אֱלֹהֵ֜ינוּ חָטָ֗אנוּ אֲנַ֙חְנוּ֙ וַאֲבוֹתֵ֔ינוּ מִנְּעוּרֵ֖ינוּ וְעַד־הַיּ֣וֹם הַזֶּ֑ה וְלֹ֣א שָׁמַ֔עְנוּ בְּק֖וֹל יְהוָֹ֥ה אֱלֹהֵֽינוּ׃ ס

1 lē’mōr hēn yəšall^aḥ ’îš ’eṯ-’išətwō wəhāləḵâ mē’itwō wəhāyəṯâ lə’îš-’^aḥēr hăyāšûḇ ’ēleyhā ‘wōḏ hălwō’ ḥānwōf teḥĕnaf hā’āreṣ hahî’ wə’atə zānîṯ rē‘îm rabîm wəšwōḇ ’ēlay nə’um-yəhwōâ:

2 śə’î-‘ênayiḵə ‘al-šəfāyim ûrə’î ’êfōh lō’ šugalətə šukabətə ‘al-dərāḵîm yāšaḇətə lâem k^a‘ărāḇî bammiḏəbār wat^aḥănîfî ’ereṣ bizənûṯayiḵə ûḇərā‘āṯēḵə:

3 wayyimmānə‘û rəḇiḇîm ûmaləqwōš lwō’ hāyâ ûmēṣ^aḥ ’iššâ zwōnâ hāyâ lāḵə mē’anətə hikālēm:

4 hălwō’ mē‘atâ qārā’ṯî qārā’ṯ lî ’āḇî ’allûf nə‘uray ’ātâ:

5 hăyinəṭōr lə‘wōlām ’im-yišəmōr lāneṣ^aḥ hinnēh ḏibarətî ḏibarətə^y wat^a‘ăśî hārā‘wōṯ watûḵāl: f

6 wayyō’mer yəhwâ ’ēlay bîmê yō’šîyâû hammeleḵə hă‍rā’îṯā ’ăšer ‘āśəṯâ məšuḇâ yiśərā’ēl hōləḵâ hî’ ‘al-kāl-har gāḇōhha wə’el-t^aḥaṯ kāl-‘ēṣ r^a‘ănān watizənî-šām:

7 wā’ōmar ’^aḥărê ‘ăśwōṯāh ’eṯ-kāl-’ēlleh ’ēlay tāšûḇ wəlō’-šāḇâ watirə’eh watēre’ bāḡwōḏâ ’ăḥwōṯāh yəhûḏâ:

8 wā’ēre’ kî ‘al-kāl-’ōḏwōṯ ’ăšer ni’ăfâ məšuḇâ yiśərā’ēl šill^aḥətîhā wā’etēn ’eṯ-sēfer kərîṯuṯeyhā ’ēleyhā wəlō’ yārə’â bōḡēḏâ yəhûḏâ ’ăḥwōṯāh watēleḵə watizen gam-hî’:

9 wəhāyâ miqqōl zənûṯāh wateḥĕnaf ’eṯ-hā’āreṣ watinə’af ’eṯ-hā’eḇen wə’eṯ-hā‘ēṣ:

10 wəḡam-bəḵāl-zō’ṯ lō’-šāḇâ ’ēlay bāḡwōḏâ ’ăḥwōṯāh yəhûḏâ bəḵāl-libāh kî ’im-bəšeqer nə’um-yəhwâ: f

11 wayyō’mer yəhwâ ’ēlay ṣidəqâ nafəšāh məšuḇâ yiśərā’ēl mibōḡēḏâ yəhûḏâ:

12 hālōḵə wəqārā’ṯā ’eṯ-hadəḇārîm hā’ēlleh ṣāfwōnâ wə’āmarətā šûḇâ məšuḇâ yiśərā’ēl nə’um-yəhwâ lwō’-’apîl pānay bāḵem kî-ḥāsîḏ ’ănî nə’um-yəhwâ lō’ ’eṭṭwōr lə‘wōlām:

13 ’aḵə də‘î ‘ăwōnēḵə kî bayhwâ ’ĕlōhayiḵə pāšā‘atə watəfazzərî ’eṯ-dərāḵayiḵə lazzārîm t^aḥaṯ kāl-‘ēṣ r^a‘ănān ûḇəqwōlî lō’-šəm^a‘ətem nə’um-yəhwōâ:

14 šûḇû ḇānîm šwōḇāḇîm nə’um-yəhwâ kî ’ānōḵî bā‘alətî ḇāḵem wəlāq^aḥətî ’eṯəḵem ’eḥāḏ mē‘îr ûšənayim mimmišəpāḥâ wəhēḇē’ṯî ’eṯəḵem ṣîywōn:

15 wənāṯatî lāḵem rō‘îm kəlibî wərā‘û ’eṯəḵem dē‘â wəhaśəkêl:

16 wəhāyâ kî ṯirəbû ûfərîṯem bā’āreṣ bayyāmîm hâēmmâ nə’um-yəhwâ lō’-yō’mərû ‘wōḏ ’ărwōn bərîṯ-yəhwâ wəlō’ y^a‘ăleh ‘al-lēḇ wəlō’ yizəkərû-ḇwō wəlō’ yifəqōḏû wəlō’ yē‘āśeh ‘wōḏ:

17 bā‘ēṯ hahî’ yiqərə’û lîrûšālaim kissē’ yəhwâ wəniqəûû ’ēleyhā ḵāl-hagwōyim ləšēm yəhwâ lîrûšālāim wəlō’-yēləḵû ‘wōḏ ’^aḥărê šərirûṯ libām hārā‘: s

18 bayyāmîm hâēmmâ yēləḵû ḇêṯ-yəhûḏâ ‘al-bêṯ yiśərā’ēl wəyāḇō’û y^aḥədāw mē’ereṣ ṣāfwōn ‘al-hā’āreṣ ’ăšer hinəḥalətî ’eṯ-’ăḇwōṯêḵem:

19 wə’ānōḵî ’āmarətî ’êḵə ’ăšîṯēḵə babānîm wə’eten-lāḵə ’ereṣ ḥemədâ n^aḥălaṯ ṣəḇî ṣiḇə’wōṯ gwōyim wā’ōmar ’āḇî tiqərə’û- tiqərə’î- lî ûmē’^aḥăray lō’ ṯāšûḇû ṯāšûḇî:

20 ’āḵēn bāḡəḏâ ’iššâ mērē‘āh kēn bəḡaḏətem bî bêṯ yiśərā’ēl nə’um-yəhwâ:

21 qwōl ‘al-šəfāyîm nišəmā‘ bəḵî ṯ^aḥănûnê bənê yiśərā’ēl kî he‘ĕûû ’eṯ-darəkām šāḵəḥû ’eṯ-yəhwōâ ’ĕlōhêhem:

22 šûḇû bānîm šwōḇāḇîm ’erəpâ məšûḇōṯêḵem hinənû ’āṯānû lāḵə kî ’atâ yəhwōâ ’ĕlōhênû:

23 ’āḵēn laššeqer migəḇā‘wōṯ hāmwōn hārîm ’āḵēn bayhwōâ ’ĕlōhênû təšû‘aṯ yiśərā’ēl:

24 wəhabōšeṯ ’āḵəlâ ’eṯ-yəḡî‘a ’ăḇwōṯênû minnə‘ûrênû ’eṯ-ṣō’nām wə’eṯ-bəqārām ’eṯ-bənêhem wə’eṯ-bənwōṯêhem:

25 nišəkəḇâ bəḇāšətēnû ûṯəḵassēnû kəlimmāṯēnû kî layhwâ ’ĕlōhênû ḥāṭā’nû ’ăn^aḥənû wa’ăḇwōṯênû minnə‘ûrênû wə‘aḏ-hayywōm hazzeh wəlō’ šām^a‘ənû bəqwōl yəhwōâ ’ĕlōhênû: s

‎1 ‏אִם־תָּשׁ֨וּב יִשְׂרָאֵ֧ל׀ נְאֻם־יְהוָ֛ה אֵלַ֖י תָּשׁ֑וּב וְאִם־תָּסִ֧יר שִׁקּוּצֶ֛יךָ מִפָּנַ֖י וְלֹ֥א תָנֽוּד׃

‎2 ‏וְנִשְׁבַּ֙עְתָּ֙ חַי־יְהוָ֔ה בֶּאֱמֶ֖ת בְּמִשְׁפָּ֣ט וּבִצְדָקָ֑ה וְהִתְבָּ֥רְכוּ ב֛וֹ גּוֹיִ֖ם וּב֥וֹ יִתְהַלָּֽלוּ׃ ס

‎3 ‏כִּי־כֹ֣ה׀ אָמַ֣ר יְהוָֹ֗ה לְאִ֤ישׁ יְהוּדָה֙ וְלִיר֣וּשָׁלִַ֔ם נִ֥ירוּ לָכֶ֖ם נִ֑יר וְאַֽל־תִּזְרְע֖וּ אֶל־קוֹצִֽים׃

‎4 ‏הִמֹּ֣לוּ לַיהוָֹ֗ה וְהָסִ֙רוּ֙ עָרְל֣וֹת לְבַבְכֶ֔ם אִ֥ישׁ יְהוּדָ֖ה וְיֹשְׁבֵ֣י יְרוּשָׁלִָ֑ם פֶּן־תֵּצֵ֨א כָאֵ֜שׁ חֲמָתִ֗י וּבָעֲרָה֙ וְאֵ֣ין מְכַבֶּ֔ה מִפְּנֵ֖י רֹ֥עַ מַעַלְלֵיכֶֽם׃

‎5 ‏הַגִּ֣ידוּ בִֽיהוּדָ֗ה וּבִירוּשָׁלִַ֙ם֙ הַשְׁמִ֔יעוּ וְאִמְר֕וּ ותקעו תִּקְע֥וּ שׁוֹפָ֖ר בָּאָ֑רֶץ קִרְא֤וּ מַלְאוּ֙ וְאִמְר֔וּ הֵאָסְפ֥וּ וְנָב֖וֹאָה אֶל־עָרֵ֥י הַמִּבְצָֽר׃

‎6 ‏שְׂאוּ־נֵ֣ס צִיּ֔וֹנָה הָעִ֖יזוּ אַֽל־תַּעֲמֹ֑דוּ כִּ֣י רָעָ֗ה אָנֹכִ֛י מֵבִ֥יא מִצָּפ֖וֹן וְשֶׁ֥בֶר גָּדֽוֹל׃

‎7 ‏עָלָ֤ה אַרְיֵה֙ מִֽסֻּבְּכ֔וֹ וּמַשְׁחִ֣ית גּוֹיִ֔ם נָסַ֖ע יָצָ֣א מִמְּקֹמ֑וֹ לָשׂ֤וּם אַרְצֵךְ֙ לְשַׁמָּ֔ה עָרַ֥יִךְ תִּצֶּ֖ינָה מֵאֵ֥ין יוֹשֵֽׁב׃

‎8 ‏עַל־זֹ֛את חִגְר֥וּ שַׂקִּ֖ים סִפְד֣וּ וְהֵילִ֑ילוּ כִּ֥י לֹא־שָׁ֛ב חֲר֥וֹן אַף־יְהוָֹ֖ה מִמֶּֽנּוּ׃ פ

‎9 ‏וְהָיָ֤ה בַיּוֹם־הַהוּא֙ נְאֻם־יְהוָ֔ה יֹאבַ֥ד לֵב־הַמֶּ֖לֶךְ וְלֵ֣ב הַשָּׂרִ֑ים וְנָשַׁ֙מּוּ֙ הַכֹּ֣הֲנִ֔ים וְהַנְּבִיאִ֖ים יִתְמָֽהוּ׃

‎10 ‏וָאֹמַ֞ר אֲהָ֣הּ׀ אֲדֹנָ֣י יְהוִ֗ה אָכֵן֩ הַשֵּׁ֨א הִשֵּׁ֜אתָ לָעָ֤ם הַזֶּה֙ וְלִירוּשָׁלִַ֣ם לֵאמֹ֔ר שָׁל֖וֹם יִהְיֶ֣ה לָכֶ֑ם וְנָגְעָ֥ה חֶ֖רֶב עַד־הַנָּֽפֶשׁ׃

‎11 ‏בָּעֵ֣ת הַהִ֗יא יֵאָמֵ֤ר לָֽעָם־הַזֶּה֙ וְלִיר֣וּשָׁלִַ֔ם ר֣וּחַ צַ֤ח שְׁפָיִים֙ בַּמִּדְבָּ֔ר דֶּ֖רֶךְ בַּת־עַמִּ֑י ל֥וֹא לִזְר֖וֹת וְל֥וֹא לְהָבַֽר׃

‎12 ‏ר֧וּחַ מָלֵ֛א מֵאֵ֖לֶּה יָ֣בוֹא לִ֑י עַתָּ֕ה גַּם־אֲנִ֛י אֲדַבֵּ֥ר מִשְׁפָּטִ֖ים אוֹתָֽם׃

‎13 ‏הִנֵּ֣ה׀ כַּעֲנָנִ֣ים יַעֲלֶ֗ה וְכַסּוּפָה֙ מַרְכְּבוֹתָ֔יו קַלּ֥וּ מִנְּשָׁרִ֖ים סוּסָ֑יו א֥וֹי לָ֖נוּ כִּ֥י שֻׁדָּֽדְנוּ׃

‎14 ‏כַּבְּסִ֨י מֵרָעָ֤ה לִבֵּךְ֙ יְר֣וּשָׁלִַ֔ם לְמַ֖עַן תִּוָּשֵׁ֑עִי עַד־מָתַ֛י תָּלִ֥ין בְּקִרְבֵּ֖ךְ מַחְשְׁב֥וֹת אוֹנֵֽךְ׃

‎15 ‏כִּ֛י ק֥וֹל מַגִּ֖יד מִדָּ֑ן וּמַשְׁמִ֥יעַ אָ֖וֶן מֵהַ֥ר אֶפְרָֽיִם׃

‎16 ‏הַזְכִּ֣ירוּ לַגּוֹיִ֗ם הִנֵּה֙ הַשְׁמִ֣יעוּ עַל־יְרוּשָׁלִַ֔ם נֹצְרִ֥ים בָּאִ֖ים מֵאֶ֣רֶץ הַמֶּרְחָ֑ק וַֽיִּתְּנ֛וּ עַל־עָרֵ֥י יְהוּדָ֖ה קוֹלָֽם׃

‎17 ‏כְּשֹׁמְרֵ֣י שָׂדַ֔י הָי֥וּ עָלֶ֖יהָ מִסָּבִ֑יב כִּי־אֹתִ֥י מָרָ֖תָה נְאֻם־יְהוָֽה׃

‎18 ‏דַּרְכֵּךְ֙ וּמַ֣עֲלָלַ֔יִךְ עָשׂ֥וֹ אֵ֖לֶּה לָ֑ךְ זֹ֤את רָעָתֵךְ֙ כִּ֣י מָ֔ר כִּ֥י נָגַ֖ע עַד־לִבֵּֽךְ׃ ס

‎19 ‏מֵעַ֣י׀ מֵעַ֨י׀ אחולה אוֹחִ֜ילָה קִיר֥וֹת לִבִּ֛י הֹֽמֶה־לִּ֥י לִבִּ֖י לֹ֣א אַחֲרִ֑ישׁ כִּ֣י ק֤וֹל שׁוֹפָר֙ שמעתי שָׁמַ֣עַתְּ נַפְשִׁ֔י תְּרוּעַ֖ת מִלְחָמָֽה׃

‎20 ‏שֶׁ֤בֶר עַל־שֶׁ֙בֶר֙ נִקְרָ֔א כִּ֥י שֻׁדְּדָ֖ה כָּל־הָאָ֑רֶץ פִּתְאֹם֙ שֻׁדְּד֣וּ אֹהָלַ֔י רֶ֖גַע יְרִיעֹתָֽי׃

‎21 ‏עַד־מָתַ֖י אֶרְאֶה־נֵּ֑ס אֶשְׁמְעָ֖ה ק֥וֹל שׁוֹפָֽר׃ ס

‎22 ‏כִּ֣י׀ אֱוִ֣יל עַמִּ֗י אוֹתִי֙ לֹ֣א יָדָ֔עוּ בָּנִ֤ים סְכָלִים֙ הֵ֔מָּה וְלֹ֥א נְבוֹנִ֖ים הֵ֑מָּה חֲכָמִ֥ים הֵ֙מָּה֙ לְהָרַ֔ע וּלְהֵיטִ֖יב לֹ֥א יָדָֽעוּ׃

‎23 ‏רָאִ֙יתִי֙ אֶת־הָאָ֔רֶץ וְהִנֵּה־תֹ֖הוּ וָבֹ֑הוּ וְאֶל־הַשָּׁמַ֖יִם וְאֵ֥ין אוֹרָֽם׃

‎24 ‏רָאִ֙יתִי֙ הֶֽהָרִ֔ים וְהִנֵּ֖ה רֹעֲשִׁ֑ים וְכָל־הַגְּבָע֖וֹת הִתְקַלְקָֽלוּ׃

‎25 ‏רָאִ֕יתִי וְהִנֵּ֖ה אֵ֣ין הָאָדָ֑ם וְכָל־ע֥וֹף הַשָּׁמַ֖יִם נָדָֽדוּ׃

‎26 ‏רָאִ֕יתִי וְהִנֵּ֥ה הַכַּרְמֶ֖ל הַמִּדְבָּ֑ר וְכָל־עָרָ֗יו נִתְּצוּ֙ מִפְּנֵ֣י יְהוָ֔ה מִפְּנֵ֖י חֲר֥וֹן אַפּֽוֹ׃ ס

‎27 ‏כִּי־כֹה֙ אָמַ֣ר יְהוָ֔ה שְׁמָמָ֥ה תִהְיֶ֖ה כָּל־הָאָ֑רֶץ וְכָלָ֖ה לֹ֥א אֶעֱשֶֽׂה׃

‎28 ‏עַל־זֹאת֙ תֶּאֱבַ֣ל הָאָ֔רֶץ וְקָדְר֥וּ הַשָּׁמַ֖יִם מִמָּ֑עַל עַ֤ל כִּי־דִבַּ֙רְתִּי֙ זַמֹּ֔תִי וְלֹ֥א נִחַ֖מְתִּי וְלֹא־אָשׁ֥וּב מִמֶּֽנָּה׃

‎29 ‏מִקּ֨וֹל פָּרָ֜שׁ וְרֹ֣מֵה קֶ֗שֶׁת בֹּרַ֙חַת֙ כָּל־הָעִ֔יר בָּ֚אוּ בֶּעָבִ֔ים וּבַכֵּפִ֖ים עָל֑וּ כָּל־הָעִ֣יר עֲזוּבָ֔ה וְאֵין־יוֹשֵׁ֥ב בָּהֵ֖ן אִֽישׁ׃

‎30 ‏ואתי וְאַ֨תְּ שָׁד֜וּד מַֽה־תַּעֲשִׂ֗י כִּֽי־תִלְבְּשִׁ֨י שָׁנִ֜י כִּי־תַעְדִּ֣י עֲדִי־זָהָ֗ב כִּֽי־תִקְרְעִ֤י בַפּוּךְ֙ עֵינַ֔יִךְ לַשָּׁ֖וְא תִּתְיַפִּ֑י מָאֲסוּ־בָ֥ךְ עֹגְבִ֖ים נַפְשֵׁ֥ךְ יְבַקֵּֽשׁוּ׃

‎31 ‏כִּי֩ ק֨וֹל כְּחוֹלָ֜ה שָׁמַ֗עְתִּי צָרָה֙ כְּמַבְכִּירָ֔ה ק֧וֹל בַּת־צִיּ֛וֹן תִּתְיַפֵּ֖חַ תְּפָרֵ֣שׂ כַּפֶּ֑יהָ אֽוֹי־נָ֣א לִ֔י כִּֽי־עָיְפָ֥ה נַפְשִׁ֖י לְהֹרְגִֽים׃ פ

1 ’im-tāšûḇ yiśərā’ēl| nə’um-yəhwâ ’ēlay tāšûḇ wə’im-tāsîr šiqqûṣeyḵā mipānay wəlō’ ṯānûḏ:

2 wənišəb^a‘ətā ḥay-yəhwâ be’ĕmeṯ bəmišəpāṭ ûḇiṣəḏāqâ wəhiṯəbārəḵû ḇwō gwōyim ûḇwō yiṯəhallālû: s

3 kî-ḵōh| ’āmar yəhwōâ lə’îš yəhûḏâ wəlîrûšālaim nîrû lāḵem nîr wə’al-tizərə‘û ’el-qwōṣîm:

4 himmōlû layhwōâ wəhāsirû ‘ārəlwōṯ ləḇaḇəḵem ’îš yəhûḏâ wəyōšəḇê yərûšālāim pen-tēṣē’ ḵā’ēš ḥămāṯî ûḇā‘ărâ wə’ên məḵabeh mipənê rō‘a m^a‘aləlêḵem:

5 hagîḏû ḇîhûḏâ ûḇîrûšālaim hašəmî‘û wə’imərû wəṯiqə‘û tiqə‘û šwōfār bā’āreṣ qirə’û malə’û wə’imərû hē’āsəfû wənāḇwō’â ’el-‘ārê hammiḇəṣār:

6 śə’û-nēs ṣîywōnâ hā‘îzû ’al-t^a‘ămōḏû kî rā‘â ’ānōḵî mēḇî’ miṣṣāfwōn wəšeḇer gāḏwōl:

7 ‘ālâ ’arəyēh missubəḵwō ûmašəḥîṯ gwōyim nās^a‘ yāṣā’ mimməqōmwō lāśûm ’arəṣēḵə ləšammâ ‘ārayiḵə tiṣṣeynâ mē’ên ywōšēḇ:

8 ‘al-zō’ṯ ḥiḡərû śaqqîm sifəḏû wəhêlîlû kî lō’-šāḇ ḥărwōn ’af-yəhwōâ mimmennû: f

9 wəhāyâ ḇayywōm-hahû’ nə’um-yəhwâ yō’ḇaḏ lēḇ-hammeleḵə wəlēḇ haśśārîm wənāšammû hakōhănîm wəhannəḇî’îm yiṯəmâû:

10 wā’ōmar ’ăhāh| ’ăḏōnāy yəhwih ’āḵēn haššē’ hiššē’ṯā lā‘ām hazzeh wəlîrûšālaim lē’mōr šālwōm yihəyeh lāḵem wənāḡə‘â ḥereḇ ‘aḏ-hannāfeš:

11 bā‘ēṯ hahî’ yē’āmēr lā‘ām-hazzeh wəlîrûšālaim rûḥa ṣ^aḥ šəfāyîm bammiḏəbār dereḵə baṯ-‘ammî lwō’ lizərwōṯ wəlwō’ ləhāḇar:

12 rûḥa mālē’ mē’ēlleh yāḇwō’ lî ‘atâ gam-’ănî ’ăḏabēr mišəpāṭîm ’wōṯām:

13 hinnēh| k^a‘ănānîm y^a‘ăleh wəḵassûfâ marəkəḇwōṯāyw qallû minnəšārîm sûsāyw ’wōy lānû kî šudāḏənû:

14 kabəsî mērā‘â libēḵə yərûšālaim ləm^a‘an tiûāšē‘î ‘aḏ-māṯay tālîn bəqirəbēḵə m^aḥəšəḇwōṯ ’wōnēḵə:

15 kî qwōl magîḏ midān ûmašəmî‘a ’āwen mēhar ’efərāyim:

16 hazəkîrû lagwōyim hinnēh hašəmî‘û ‘al-yərûšālaim nōṣərîm bā’îm mē’ereṣ hammerəḥāq wayyitənû ‘al-‘ārê yəhûḏâ qwōlām:

17 kəšōmərê śāḏay hāyû ‘āleyhā missāḇîḇ kî-’ōṯî mārāṯâ nə’um-yəhwâ:

18 darəkēḵə ûm^a‘ălālayiḵə ‘āśwō ’ēlleh lāḵə zō’ṯ rā‘āṯēḵə kî mār kî nāḡ^a‘ ‘aḏ-libēḵə: s

19 mē‘ay| mē‘ay| ’āḥûlâ ’wōḥîlâ qîrwōṯ libî hōmeh-llî libî lō’ ’^aḥărîš kî qwōl šwōfār šām^a‘ətî šām^a‘atə nafəšî tərû‘aṯ miləḥāmâ:

20 šeḇer ‘al-šeḇer niqərā’ kî šudəḏâ kāl-hā’āreṣ piṯə’ōm šudəḏû ’ōhālay reḡ^a‘ yərî‘ōṯāy:

21 ‘aḏ-māṯay ’erə’eh-nnēs ’ešəmə‘â qwōl šwōfār: s

22 kî| ’ĕwîl ‘ammî ’wōṯî lō’ yāḏā‘û bānîm səḵālîm hēmmâ wəlō’ nəḇwōnîm hēmmâ ḥăḵāmîm hēmmâ ləhār^a‘ ûləhêṭîḇ lō’ yāḏā‘û:

23 rā’îṯî ’eṯ-hā’āreṣ wəhinnēh-ṯōhû wāḇōhû wə’el-haššāmayim wə’ên ’wōrām:

24 rā’îṯî hehārîm wəhinnēh rō‘ăšîm wəḵāl-hagəḇā‘wōṯ hiṯəqaləqālû:

25 rā’îṯî wəhinnēh ’ên hā’āḏām wəḵāl-‘wōf haššāmayim nāḏāḏû:

26 rā’îṯî wəhinnēh hakarəmel hammiḏəbār wəḵāl-‘ārāyw nitəṣû mipənê yəhwâ mipənê ḥărwōn ’apwō: s

27 kî-ḵōh ’āmar yəhwâ šəmāmâ ṯihəyeh kāl-hā’āreṣ wəḵālâ lō’ ’e‘ĕśeh:

28 ‘al-zō’ṯ te’ĕḇal hā’āreṣ wəqāḏərû haššāmayim mimmā‘al ‘al kî-ḏibarətî zammōṯî wəlō’ niḥamətî wəlō’-’āšûḇ mimmennâ:

29 miqqwōl pārāš wərōmēh qešeṯ bōr^aḥaṯ kāl-hā‘îr bā’û be‘āḇîm ûḇakēfîm ‘ālû kāl-hā‘îr ‘ăzûḇâ wə’ên-ywōšēḇ bâēn ’îš:

30 wə’atî wə’atə šāḏûḏ mah-t^a‘ăśî kî-ṯiləbəšî šānî kî-ṯ^a‘ədî ‘ăḏî-zâāḇ kî-ṯiqərə‘î ḇapûḵə ‘ênayiḵə laššāwə’ tiṯəyapî mā’ăsû-ḇāḵə ‘ōḡəḇîm nafəšēḵə yəḇaqqēšû:

31 kî qwōl kəḥwōlâ šām^a‘ətî ṣārâ kəmaḇəkîrâ qwōl baṯ-ṣîywōn tiṯəyapēḥa təfārēś kapeyhā ’wōy-nā’ lî kî-‘āyəfâ nafəšî ləhōrəḡîm: f

‎1 ‏שׁוֹטְט֞וּ בְּחוּצ֣וֹת יְרוּשָׁלִַ֗ם וּרְאוּ־נָ֤א וּדְעוּ֙ וּבַקְשׁ֣וּ בִרְחוֹבוֹתֶ֔יהָ אִם־תִּמְצְא֣וּ אִ֔ישׁ אִם־יֵ֛שׁ עֹשֶׂ֥ה מִשְׁפָּ֖ט מְבַקֵּ֣שׁ אֱמוּנָ֑ה וְאֶסְלַ֖ח לָֽהּ׃

‎2 ‏וְאִ֥ם חַי־יְהוָֹ֖ה יֹאמֵ֑רוּ לָכֵ֥ן לַשֶּׁ֖קֶר יִשָּׁבֵֽעוּ׃

‎3 ‏יְהוָֹ֗ה עֵינֶיךָ֮ הֲל֣וֹא לֶאֱמוּנָה֒ הִכִּ֤יתָה אֹתָם֙ וְֽלֹא־חָ֔לוּ כִּלִּיתָ֕ם מֵאֲנ֖וּ קַ֣חַת מוּסָ֑ר חִזְּק֤וּ פְנֵיהֶם֙ מִסֶּ֔לַע מֵאֲנ֖וּ לָשֽׁוּב׃

‎4 ‏וַאֲנִ֣י אָמַ֔רְתִּי אַךְ־דַּלִּ֖ים הֵ֑ם נוֹאֲל֕וּ כִּ֣י לֹ֤א יָדְעוּ֙ דֶּ֣רֶךְ יְהוָ֔ה מִשְׁפַּ֖ט אֱלֹהֵיהֶֽם׃

‎5 ‏אֵֽלֲכָה־לִּ֤י אֶל־הַגְּדֹלִים֙ וַאֲדַבְּרָ֣ה אוֹתָ֔ם כִּ֣י הֵ֗מָּה יָדְעוּ֙ דֶּ֣רֶךְ יְהוָ֔ה מִשְׁפַּ֖ט אֱלֹהֵיהֶ֑ם אַ֣ךְ הֵ֤מָּה יַחְדָּו֙ שָׁ֣בְרוּ עֹ֔ל נִתְּק֖וּ מוֹסֵרֽוֹת׃

‎6 ‏עַל־כֵּן֩ הִכָּ֨ם אַרְיֵ֜ה מִיַּ֗עַר זְאֵ֤ב עֲרָבוֹת֙ יְשָׁדְדֵ֔ם נָמֵ֤ר שֹׁקֵד֙ עַל־עָ֣רֵיהֶ֔ם כָּל־הַיּוֹצֵ֥א מֵהֵ֖נָּה יִטָּרֵ֑ף כִּ֤י רַבּוּ֙ פִּשְׁעֵיהֶ֔ם עָצְמ֖וּ משבותיהם מְשׁוּבוֹתֵיהֶֽם׃³

‎7 ‏אֵ֤י לָזֹאת֙ אסלוח־¹ אֶֽסְלַֽח־ לָ֔ךְ^y בָּנַ֣יִךְ עֲזָב֔וּנִי וַיִּשָּׁבְע֖וּ בְּלֹ֣א אֱלֹהִ֑ים וָאַשְׂבִּ֤עַ אוֹתָם֙ וַיִּנְאָ֔פוּ וּבֵ֥ית זוֹנָ֖ה יִתְגֹּדָֽדוּ׃

‎8 ‏סוּסִ֥ים מְיֻזָּנִ֖ים מַשְׁכִּ֣ים הָי֑וּ אִ֛ישׁ אֶל־אֵ֥שֶׁת רֵעֵ֖הוּ יִצְהָֽלוּ׃

‎9 ‏הַֽעַל־אֵ֥לֶּה לוֹא־אֶפְקֹ֖ד נְאֻם־יְהוָֹ֑ה וְאִם֙ בְּג֣וֹי אֲשֶׁר־כָּזֶ֔ה לֹ֥א תִתְנַקֵּ֖ם נַפְשִֽׁי׃ ס

‎10 ‏עֲל֤וּ בְשָׁרוֹתֶ֙יהָ֙ וְשַׁחֵ֔תוּ וְכָלָ֖ה אַֽל־תַּעֲשׂ֑וּ הָסִ֙ירוּ֙ נְטִ֣ישׁוֹתֶ֔יהָ כִּ֛י ל֥וֹא לַיהוָ֖ה הֵֽמָּה׃

‎11 ‏כִּי֩ בָג֨וֹד בָּגְד֜וּ בִּ֗י בֵּ֧ית יִשְׂרָאֵ֛ל וּבֵ֥ית יְהוּדָ֖ה נְאֻם־יְהוָֽה׃

‎12 ‏כִּֽחֲשׁוּ֙ בַּיהוָ֔ה וַיֹּאמְר֖וּ לֹא־ה֑וּא וְלֹא־תָב֤וֹא עָלֵ֙ינוּ֙ רָעָ֔ה וְחֶ֥רֶב וְרָעָ֖ב ל֥וֹא נִרְאֶֽה׃

‎13 ‏וְהַנְּבִיאִים֙ יִֽהְי֣וּ לְר֔וּחַ וְהַדִּבֵּ֖ר אֵ֣ין בָּהֶ֑ם כֹּ֥ה יֵעָשֶׂ֖ה לָהֶֽם׃ ס

‎14 ‏לָכֵ֗ן כֹּֽה־אָמַ֤ר יְהוָה֙ אֱלֹהֵ֣י צְבָא֔וֹת יַ֚עַן דַּבֶּרְכֶ֔ם אֶת־הַדָּבָ֖ר הַזֶּ֑ה הִנְנִ֣י נֹתֵן֩ דְּבָרַ֨י בְּפִ֜יךָ לְאֵ֗שׁ וְהָעָ֥ם הַזֶּ֛ה עֵצִ֖ים וַאֲכָלָֽתַם׃

‎15 ‏הִנְנִ֣י מֵבִיא֩ עֲלֵיכֶ֨ם גּ֧וֹי מִמֶּרְחָ֛ק בֵּ֥ית יִשְׂרָאֵ֖ל נְאֻם־יְהוָֹ֑ה גּ֣וֹי׀ אֵיתָ֣ן ה֗וּא גּ֤וֹי מֵעוֹלָם֙ ה֔וּא גּ֚וֹי לֹא־תֵדַ֣ע לְשֹׁנ֔וֹ וְלֹ֥א תִשְׁמַ֖ע מַה־יְדַבֵּֽר׃

‎16 ‏אַשְׁפָּת֖וֹ כְּקֶ֣בֶר פָּת֑וּחַ כֻּלָּ֖ם גִּבּוֹרִֽים׃

‎17 ‏וְאָכַ֨ל קְצִֽירְךָ֜ וְלַחְמֶ֗ךָ יֹאכְלוּ֙ בָּנֶ֣יךָ וּבְנוֹתֶ֔יךָ יֹאכַ֤ל צֹאנְךָ֙ וּבְקָרֶ֔ךָ יֹאכַ֥ל גַּפְנְךָ֖ וּתְאֵנָתֶ֑ךָ יְרֹשֵׁ֞שׁ עָרֵ֣י מִבְצָרֶ֗יךָ אֲשֶׁ֥ר אַתָּ֛ה בּוֹטֵ֥חַ בָּהֵ֖נָּה בֶּחָֽרֶב׃

‎18 ‏וְגַ֛ם בַּיָּמִ֥ים הָהֵ֖מָּה נְאֻם־יְהוָֹ֑ה לֹֽא־אֶעֱשֶׂ֥ה אִתְּכֶ֖ם כָּלָֽה׃

‎19 ‏וְהָיָה֙ כִּ֣י תֹאמְר֔וּ תַּ֣חַת מֶ֗ה עָשָׂ֨ה יְהוָֹ֧ה אֱלֹהֵ֛ינוּ לָ֖נוּ אֶת־כָּל־אֵ֑לֶּה וְאָמַרְתָּ֣ אֲלֵיהֶ֗ם כַּאֲשֶׁ֨ר עֲזַבְתֶּ֤ם אוֹתִי֙ וַתַּעַבְד֞וּ אֱלֹהֵ֤י נֵכָר֙ בְּאַרְצְכֶ֔ם כֵּ֚ן תַּעַבְד֣וּ זָרִ֔ים בְּאֶ֖רֶץ לֹ֥א לָכֶֽם׃ ס

‎20 ‏הַגִּ֥ידוּ זֹ֖את בְּבֵ֣ית יַעֲקֹ֑ב וְהַשְׁמִיע֥וּהָ בִיהוּדָ֖ה לֵאמֹֽר׃

‎21 ‏שִׁמְעוּ־נָ֣א זֹ֔את עַ֥ם סָכָ֖ל וְאֵ֣ין לֵ֑ב עֵינַ֤יִם לָהֶם֙ וְלֹ֣א יִרְא֔וּ אָזְנַ֥יִם לָהֶ֖ם וְלֹ֥א יִשְׁמָֽעוּ׃

‎22 ‏הַאוֹתִ֨י לֹא־תִירָ֜אוּ נְאֻם־יְהוָֹ֗ה אִ֤ם מִפָּנַי֙ לֹ֣א תָחִ֔ילוּ אֲשֶׁר־שַׂ֤מְתִּי חוֹל֙ גְּב֣וּל לַיָּ֔ם חָק־עוֹלָ֖ם וְלֹ֣א יַעַבְרֶ֑נְהוּ וַיִּֽתְגָּעֲשׁוּ֙ וְלֹ֣א יוּכָ֔לוּ וְהָמ֥וּ גַלָּ֖יו וְלֹ֥א יַעַבְרֻֽנְהוּ׃

‎23 ‏וְלָעָ֤ם הַזֶּה֙ הָיָ֔ה לֵ֖ב סוֹרֵ֣ר וּמוֹרֶ֑ה סָ֖רוּ וַיֵּלֵֽכוּ׃

‎24 ‏וְלֹֽא־אָמְר֣וּ בִלְבָבָ֗ם נִ֤ירָא נָא֙ אֶת־יְהוָ֣ה אֱלֹהֵ֔ינוּ הַנֹּתֵ֗ן גֶּ֛שֶׁם וירה יוֹרֶ֥ה וּמַלְק֖וֹשׁ בְּעִתּ֑וֹ שְׁבֻע֛וֹת חֻקּ֥וֹת קָצִ֖יר יִשְׁמָר־לָֽנוּ׃

‎25 ‏עֲוֹנוֹתֵיכֶ֖ם הִטּוּ־אֵ֑לֶּה וְחַטֹּ֣אותֵיכֶ֔ם מָנְע֥וּ הַטּ֖וֹב מִכֶּֽם׃

‎26 ‏כִּי־נִמְצְא֥וּ בְעַמִּ֖י רְשָׁעִ֑ים יָשׁוּר֙ כְּשַׁ֣ךְ יְקוּשִׁ֔ים הִצִּ֥יבוּ מַשְׁחִ֖ית אֲנָשִׁ֥ים יִלְכֹּֽדוּ׃

‎27 ‏כִּכְלוּב֙ מָ֣לֵא ע֔וֹף כֵּ֥ן בָּתֵּיהֶ֖ם מְלֵאִ֣ים מִרְמָ֑ה עַל־כֵּ֥ן גָּדְל֖וּ וַֽיַּעֲשִֽׁירוּ׃

‎28 ‏שָׁמְנ֣וּ עָשְׁת֗וּ גַּ֚ם עָֽבְר֣וּ דִבְרֵי־רָ֔ע דִּ֣ין לֹא־דָ֔נוּ דִּ֥ין יָת֖וֹם וְיַצְלִ֑יחוּ וּמִשְׁפַּ֥ט אֶבְיוֹנִ֖ים לֹ֥א שָׁפָֽטוּ׃

‎29 ‏הַֽעַל־אֵ֥לֶּה לֹֽא־אֶפְקֹ֖ד נְאֻם־יְהוָֹ֑ה אִ֚ם בְּג֣וֹי אֲשֶׁר־כָּזֶ֔ה לֹ֥א תִתְנַקֵּ֖ם נַפְשִֽׁי׃ ס

‎30 ‏שַׁמָּה֙ וְשַׁ֣עֲרוּרָ֔ה נִהְיְתָ֖ה בָּאָֽרֶץ׃

‎31 ‏הַנְּבִיאִ֞ים נִבְּא֣וּ־בַשֶּׁ֗קֶר וְהַכֹּהֲנִים֙ יִרְדּ֣וּ עַל־יְדֵיהֶ֔ם וְעַמִּ֖י אָ֣הֲבוּ כֵ֑ן וּמַֽה־תַּעֲשׂ֖וּ לְאַחֲרִיתָֽהּ׃

1 šwōṭəṭû bəḥûṣwōṯ yərûšālaim ûrə’û-nā’ ûḏə‘û ûḇaqəšû ḇirəḥwōḇwōṯeyhā ’im-timəṣə’û ’îš ’im-yēš ‘ōśeh mišəpāṭ məḇaqqēš ’ĕmûnâ wə’esəl^aḥ lāh:

2 wə’im ḥay-yəhwōâ yō’mērû lāḵēn laššeqer yiššāḇē‘û:

3 yəhwōâ ‘êneyḵā hălwō’ le’ĕmûnâ hikîṯâ ’ōṯām wəlō’-ḥālû killîṯām mē’ănû q^aḥaṯ mûsār ḥizzəqû fənêhem missel^a‘ mē’ănû lāšûḇ:

4 wa’ănî ’āmarətî ’aḵə-dallîm hēm nwō’ălû kî lō’ yāḏə‘û dereḵə yəhwâ mišəpaṭ ’ĕlōhêhem:

5 ’ēlăḵâ-llî ’el-hagəḏōlîm wa’ăḏabərâ ’wōṯām kî hēmmâ yāḏə‘û dereḵə yəhwâ mišəpaṭ ’ĕlōhêhem ’aḵə hēmmâ y^aḥədāw šāḇərû ‘ōl nitəqû mwōsērwōṯ:

6 ‘al-kēn hikām ’arəyēh mîy^a‘ar zə’ēḇ ‘ărāḇwōṯ yəšāḏəḏēm nāmēr šōqēḏ ‘al-‘ārêhem kāl-hayywōṣē’ mēhēnnâ yiṭṭārēf kî rabû pišə‘êhem ‘āṣəmû məšuḇwōṯêhem məšûḇwōṯêhem:³

7 ’ê lāzō’ṯ ’esəlwōḥa-¹ ’esəl^aḥ- lāḵə^y bānayiḵə ‘ăzāḇûnî wayyiššāḇə‘û bəlō’ ’ĕlōhîm wā’aśəbi‘a ’wōṯām wayyinə’āfû ûḇêṯ zwōnâ yiṯəgōḏāḏû:

8 sûsîm məyuzzānîm mašəkîm hāyû ’îš ’el-’ēšeṯ rē‘ēhû yiṣəhālû:

9 h^a‘al-’ēlleh lwō’-’efəqōḏ nə’um-yəhwōâ wə’im bəḡwōy ’ăšer-kāzeh lō’ ṯiṯənaqqēm nafəšî: s

10 ‘ălû ḇəšārwōṯeyhā wəš^aḥēṯû wəḵālâ ’al-t^a‘ăśû hāsîrû nəṭîšwōṯeyhā kî lwō’ layhwâ hēmmâ:

11 kî ḇāḡwōḏ bāḡəḏû bî bêṯ yiśərā’ēl ûḇêṯ yəhûḏâ nə’um-yəhwâ:

12 kiḥăšû bayhwâ wayyō’mərû lō’-hû’ wəlō’-ṯāḇwō’ ‘ālênû rā‘â wəḥereḇ wərā‘āḇ lwō’ nirə’eh:

13 wəhannəḇî’îm yihəyû lərûḥa wəhadibēr ’ên bâem kōh yē‘āśeh lâem: s

14 lāḵēn kōh-’āmar yəhwâ ’ĕlōhê ṣəḇā’wōṯ y^a‘an daberəḵem ’eṯ-hadāḇār hazzeh hinənî nōṯēn dəḇāray bəfîḵā lə’ēš wəhā‘ām hazzeh ‘ēṣîm wa’ăḵālāṯam:

15 hinənî mēḇî’ ‘ălêḵem gwōy mimmerəḥāq bêṯ yiśərā’ēl nə’um-yəhwōâ gwōy| ’êṯān hû’ gwōy mē‘wōlām hû’ gwōy lō’-ṯēḏ^a‘ ləšōnwō wəlō’ ṯišəm^a‘ mah-yəḏabēr:

16 ’ašəpāṯwō kəqeḇer pāṯûḥa kullām gibwōrîm:

17 wə’āḵal qəṣîrəḵā wəl^aḥəmeḵā yō’ḵəlû bāneyḵā ûḇənwōṯeyḵā yō’ḵal ṣō’nəḵā ûḇəqāreḵā yō’ḵal gafənəḵā ûṯə’ēnāṯeḵā yərōšēš ‘ārê miḇəṣāreyḵā ’ăšer ’atâ bwōṭēḥa bâēnnâ beḥāreḇ:

18 wəḡam bayyāmîm hâēmmâ nə’um-yəhwōâ lō’-’e‘ĕśeh ’itəḵem kālâ:

19 wəhāyâ kî ṯō’mərû t^aḥaṯ meh ‘āśâ yəhwōâ ’ĕlōhênû lānû ’eṯ-kāl-’ēlleh wə’āmarətā ’ălêhem ka’ăšer ‘ăzaḇətem ’wōṯî wat^a‘aḇəḏû ’ĕlōhê nēḵār bə’arəṣəḵem kēn t^a‘aḇəḏû zārîm bə’ereṣ lō’ lāḵem: s

20 hagîḏû zō’ṯ bəḇêṯ y^a‘ăqōḇ wəhašəmî‘ûhā ḇîhûḏâ lē’mōr:

21 šimə‘û-nā’ zō’ṯ ‘am sāḵāl wə’ên lēḇ ‘ênayim lâem wəlō’ yirə’û ’āzənayim lâem wəlō’ yišəmā‘û:

22 ha’wōṯî lō’-ṯîrā’û nə’um-yəhwōâ ’im mipānay lō’ ṯāḥîlû ’ăšer-śamətî ḥwōl gəḇûl layyām ḥāq-‘wōlām wəlō’ y^a‘aḇərenəhû wayyiṯəgā‘ăšû wəlō’ yûḵālû wəhāmû ḡallāyw wəlō’ y^a‘aḇərunəhû:

23 wəlā‘ām hazzeh hāyâ lēḇ swōrēr ûmwōreh sārû wayyēlēḵû:

24 wəlō’-’āmərû ḇiləḇāḇām nîrā’ nā’ ’eṯ-yəhwâ ’ĕlōhênû hannōṯēn gešem wəyōreh ywōreh ûmaləqwōš bə‘itwō šəḇu‘wōṯ ḥuqqwōṯ qāṣîr yišəmār-lānû:

25 ‘ăwōnwōṯêḵem hiṭṭû-’ēlleh wəḥaṭṭō’wṯêḵem mānə‘û haṭṭwōḇ mikem:

26 kî-niməṣə’û ḇə‘ammî rəšā‘îm yāšûr kəšaḵə yəqûšîm hiṣṣîḇû mašəḥîṯ ’ănāšîm yiləkōḏû:

27 kiḵəlûḇ mālē’ ‘wōf kēn bātêhem məlē’îm mirəmâ ‘al-kēn gāḏəlû wayy^a‘ăšîrû:

28 šāmənû ‘āšəṯû gam ‘āḇərû ḏiḇərê-rā‘ dîn lō’-ḏānû dîn yāṯwōm wəyaṣəlîḥû ûmišəpaṭ ’eḇəywōnîm lō’ šāfāṭû:

29 h^a‘al-’ēlleh lō’-’efəqōḏ nə’um-yəhwōâ ’im bəḡwōy ’ăšer-kāzeh lō’ ṯiṯənaqqēm nafəšî: s

30 šammâ wəš^a‘ărûrâ nihəyəṯâ bā’āreṣ:

31 hannəḇî’îm nibə’û-ḇaššeqer wəhakōhănîm yirədû ‘al-yəḏêhem wə‘ammî ’âăḇû ḵēn ûmah-t^a‘ăśû lə’^aḥărîṯāh:

‎1 ‏הָעִ֣זוּ׀ בְּנֵ֣י בִניָמִ֗ן¹ מִקֶּ֙רֶב֙ יְר֣וּשָׁלִַ֔ם וּבִתְק֙וֹעַ֙ תִּקְע֣וּ שׁוֹפָ֔ר וְעַל־בֵּ֥ית הַכֶּ֖רֶם שְׂא֣וּ מַשְׂאֵ֑ת כִּ֥י רָעָ֛ה נִשְׁקְפָ֥ה מִצָּפ֖וֹן וְשֶׁ֥בֶר גָּדֽוֹל׃

‎2 ‏הַנָּוָה֙ וְהַמְּעֻנָּגָ֔ה דָּמִ֖יתִי בַּת־צִיּֽוֹן׃

‎3 ‏אֵלֶ֛יהָ יָבֹ֥אוּ רֹעִ֖ים וְעֶדְרֵיהֶ֑ם תָּקְע֨וּ עָלֶ֤יהָ אֹהָלִים֙ סָבִ֔יב רָע֖וּ אִ֥ישׁ אֶת־יָדֽוֹ׃

‎4 ‏קַדְּשׁ֤וּ עָלֶ֙יהָ֙ מִלְחָמָ֔ה ק֖וּמוּ וְנַעֲלֶ֣ה בַֽצָּהֳרָ֑יִם א֥וֹי לָ֙נוּ֙ כִּי־פָנָ֣ה הַיּ֔וֹם כִּ֥י יִנָּט֖וּ צִלְלֵי־עָֽרֶב׃

‎5 ‏ק֚וּמוּ וְנַעֲלֶ֣ה בַלָּ֔יְלָה וְנַשְׁחִ֖יתָה אַרְמְנוֹתֶֽיהָ׃ ס

‎6 ‏כִּ֣י כֹ֤ה אָמַר֙ יְהוָ֣ה צְבָא֔וֹת כִּרְת֣וּ עֵצָ֔ה וְשִׁפְכ֥וּ עַל־יְרוּשָׁלִַ֖ם סֹלְלָ֑ה הִ֚יא הָעִ֣יר הָפְקַ֔ד כֻּלָּ֖הּ עֹ֥שֶׁק בְּקִרְבָּֽהּ׃

‎7 ‏כְּהָקִ֥יר בור בַּ֙יִר֙ מֵימֶ֔יהָ כֵּ֖ן הֵקֵ֣רָה רָעָתָ֑הּ חָמָ֣ס וָ֠שֹׁד יִשָּׁ֨מַע בָּ֧הּ עַל־פָּנַ֛י תָּמִ֖יד חֳלִ֥י וּמַכָּֽה׃

‎8 ‏הִוָּסְרִי֙ יְר֣וּשָׁלִַ֔ם פֶּן־תֵּקַ֥ע נַפְשִׁ֖י מִמֵּ֑ךְ פֶּן־אֲשִׂימֵ֣ךְ שְׁמָמָ֔ה אֶ֖רֶץ ל֥וֹא נוֹשָֽׁבָה׃ פ

‎9 ‏כֹּ֤ה אָמַר֙ יְהוָֹ֣ה צְבָא֔וֹת עוֹלֵ֛ל יְעוֹלְל֥וּ כַגֶּ֖פֶן שְׁאֵרִ֣ית יִשְׂרָאֵ֑ל הָשֵׁב֙ יָדְךָ֔ כְּבוֹצֵ֖ר עַל־סַלְסִלּֽוֹת׃

‎10 ‏עַל־מִ֨י אֲדַבְּרָ֤ה וְאָעִ֙ידָה֙ וְיִשְׁמָ֔עוּ הִנֵּה֙ עֲרֵלָ֣ה אָזְנָ֔ם וְלֹ֥א יוּכְל֖וּ לְהַקְשִׁ֑יב הִנֵּ֣ה דְבַר־יְהוָ֗ה הָיָ֥ה לָהֶ֛ם לְחֶרְפָּ֖ה לֹ֥א יַחְפְּצוּ־בֽוֹ׃

‎11 ‏וְאֵת֩ חֲמַ֨ת יְהוָ֤ה׀ מָלֵ֙אתִי֙ נִלְאֵ֣יתִי הָכִ֔יל שְׁפֹ֤ךְ עַל־עוֹלָל֙ בַּח֔וּץ וְעַ֛ל ס֥וֹד בַּחוּרִ֖ים יַחְדָּ֑ו כִּֽי־גַם־אִ֤ישׁ עִם־אִשָּׁה֙ יִלָּכֵ֔דוּ זָקֵ֖ן עִם־מְלֵ֥א יָמִֽים׃

‎12 ‏וְנָסַ֤בּוּ בָֽתֵּיהֶם֙ לַאֲחֵרִ֔ים שָׂד֥וֹת וְנָשִׁ֖ים יַחְדָּ֑ו כִּֽי־אַטֶּ֧ה אֶת־יָדִ֛י עַל־יֹשְׁבֵ֥י הָאָ֖רֶץ נְאֻם־יְהוָֽה׃

‎13 ‏כִּ֤י מִקְּטַנָּם֙ וְעַד־גְּדוֹלָ֔ם כֻּלּ֖וֹ בּוֹצֵ֣עַ בָּ֑צַע וּמִנָּבִיא֙ וְעַד־כֹּהֵ֔ן כֻּלּ֖וֹ עֹ֥שֶׂה שָּֽׁקֶר׃

‎14 ‏וַֽיְרַפְּא֞וּ אֶת־שֶׁ֤בֶר עַמִּי֙ עַל־נְקַלָּ֔ה לֵאמֹ֖ר שָׁל֣וֹם׀ שָׁל֑וֹם וְאֵ֖ין שָׁלֽוֹם׃

‎15 ‏הֹבִ֕ישׁוּ כִּ֥י תוֹעֵבָ֖ה עָשׂ֑וּ גַּם־בּ֣וֹשׁ לֹֽא־יֵב֗וֹשׁוּ גַּם־הַכְלִים֙ לֹ֣א יָדָ֔עוּ לָכֵ֞ן יִפְּל֧וּ בַנֹּפְלִ֛ים בְּעֵת־פְּקַדְתִּ֥ים יִכָּשְׁל֖וּ אָמַ֥ר יְהוָֽה׃ ס

‎16 ‏כֹּ֣ה אָמַ֣ר יְהוָ֡ה עִמְדוּ֩ עַל־דְּרָכִ֨ים וּרְא֜וּ וְשַׁאֲל֣וּ׀ לִנְתִב֣וֹת עוֹלָ֗ם אֵי־זֶ֨ה דֶ֤רֶךְ הַטּוֹב֙ וּלְכוּ־בָ֔הּ וּמִצְא֥וּ מַרְגּ֖וֹעַ לְנַפְשְׁכֶ֑ם וַיֹּאמְר֖וּ לֹ֥א נֵלֵֽךְ׃

‎17 ‏וַהֲקִמֹתִ֤י עֲלֵיכֶם֙ צֹפִ֔ים הַקְשִׁ֖יבוּ לְק֣וֹל שׁוֹפָ֑ר וַיֹּאמְר֖וּ לֹ֥א נַקְשִֽׁיב׃

‎18 ‏לָכֵ֖ן שִׁמְע֣וּ הַגּוֹיִ֑ם וּדְעִ֥י עֵדָ֖ה אֶת־אֲשֶׁר־בָּֽם׃

‎19 ‏שִׁמְעִ֣י הָאָ֔רֶץ הִנֵּ֨ה אָנֹכִ֜י מֵבִ֥יא רָעָ֛ה אֶל־הָעָ֥ם הַזֶּ֖ה פְּרִ֣י מַחְשְׁבוֹתָ֑ם כִּ֤י עַל־דְּבָרַי֙ לֹ֣א הִקְשִׁ֔יבוּ וְתוֹרָתִ֖י וַיִּמְאֲסוּ־בָֽהּ׃

‎20 ‏לָמָּה־זֶּ֨ה לִ֤י לְבוֹנָה֙ מִשְּׁבָ֣א תָב֔וֹא וְקָנֶ֥ה הַטּ֖וֹב מֵאֶ֣רֶץ מֶרְחָ֑ק עֹלֽוֹתֵיכֶם֙ לֹ֣א לְרָצ֔וֹן וְזִבְחֵיכֶ֖ם לֹא־עָ֥רְבוּ לִֽי׃ ס

‎21 ‏לָכֵ֗ן כֹּ֚ה אָמַ֣ר יְהוָ֔ה הִנְנִ֥י נֹתֵ֛ן אֶל־הָעָ֥ם הַזֶּ֖ה מִכְשֹׁלִ֑ים וְכָ֣שְׁלוּ בָ֠ם אָב֨וֹת וּבָנִ֥ים יַחְדָּ֛ו שָׁכֵ֥ן וְרֵע֖וֹ יאבדו וְאָבָֽדוּ׃ פ

‎22 ‏כֹּ֚ה אָמַ֣ר יְהוָ֔ה הִנֵּ֛ה עַ֥ם בָּ֖א מֵאֶ֣רֶץ צָפ֑וֹן וְג֣וֹי גָּד֔וֹל יֵע֖וֹר מִיַּרְכְּתֵי־אָֽרֶץ׃

‎23 ‏קֶ֣שֶׁת וְכִיד֞וֹן יַחֲזִ֗יקוּ אַכְזָרִ֥י הוּא֙ וְלֹ֣א יְרַחֵ֔מוּ קוֹלָם֙ כַּיָּ֣ם יֶהֱמֶ֔ה וְעַל־סוּסִ֖ים יִרְכָּ֑בוּ עָר֗וּךְ כְּאִישׁ֙ לַמִּלְחָמָ֔ה עָלַ֖יִךְ בַּת־צִיּֽוֹן׃

‎24 ‏שָׁמַ֥עְנוּ אֶת־שָׁמְע֖וֹ רָפ֣וּ יָדֵ֑ינוּ צָרָה֙ הֶחֱזִיקַ֔תְנוּ חִ֖יל כַּיּוֹלֵדָֽה׃

‎25 ‏אַל־תצאי תֵּֽצְאוּ֙ הַשָּׂדֶ֔ה וּבַדֶּ֖רֶךְ אַל־תלכי תֵּלֵ֑כוּ כִּ֚י חֶ֣רֶב לְאֹיֵ֔ב מָג֖וֹר מִסָּבִֽיב׃

‎26 ‏בַּת־עַמִּ֤י חִגְרִי־שָׂק֙ וְהִתְפַּלְּשִׁ֣י בָאֵ֔פֶר אֵ֤בֶל יָחִיד֙ עֲשִׂ֣י לָ֔ךְ מִסְפַּ֖ד תַּמְרוּרִ֑ים כִּ֣י פִתְאֹ֔ם יָבֹ֥א הַשֹּׁדֵ֖ד עָלֵֽינוּ׃

‎27 ‏בָּח֛וֹן נְתַתִּ֥יךָ בְעַמִּ֖י מִבְצָ֑ר וְתֵדַ֕ע וּבָחַנְתָּ֖ אֶת־דַּרְכָּֽם׃

‎28 ‏כֻּלָּם֙ סָרֵ֣י סֽוֹרְרִ֔ים הֹלְכֵ֥י רָכִ֖יל נְחֹ֣שֶׁת וּבַרְזֶ֑ל כֻּלָּ֥ם מַשְׁחִיתִ֖ים הֵֽמָּה׃

‎29 ‏נָחַ֣ר מַפֻּ֔חַ מאשתם מֵאֵ֖שׁ תַּ֣ם עֹפָ֑רֶת לַשָּׁוְא֙ צָרַ֣ף צָר֔וֹף וְרָעִ֖ים לֹ֥א נִתָּֽקוּ׃

‎30 ‏כֶּ֣סֶף נִמְאָ֔ס קָרְא֖וּ לָהֶ֑ם כִּֽי־מָאַ֥ס יְהוָ֖ה בָּהֶֽם׃ פ

1 hā‘izû| bənê ḇinyāmin¹ miqqereḇ yərûšālaim ûḇiṯəqwō‘a tiqə‘û šwōfār wə‘al-bêṯ hakerem śə’û maśə’ēṯ kî rā‘â nišəqəfâ miṣṣāfwōn wəšeḇer gāḏwōl:

2 hannāwâ wəhammə‘unnāḡâ dāmîṯî baṯ-ṣîywōn:

3 ’ēleyhā yāḇō’û rō‘îm wə‘eḏərêhem tāqə‘û ‘āleyhā ’ōhālîm sāḇîḇ rā‘û ’îš ’eṯ-yāḏwō:

4 qadəšû ‘āleyhā miləḥāmâ qûmû wən^a‘ăleh ḇaṣṣâŏrāyim ’wōy lānû kî-fānâ hayywōm kî yinnāṭû ṣiləlê-‘āreḇ:

5 qûmû wən^a‘ăleh ḇallāyəlâ wənašəḥîṯâ ’arəmənwōṯeyhā: s

6 kî ḵōh ’āmar yəhwâ ṣəḇā’wōṯ kirəṯû ‘ēṣâ wəšifəḵû ‘al-yərûšālaim sōləlâ hî’ hā‘îr hāfəqaḏ kullāh ‘ōšeq bəqirəbāh:

7 kəhāqîr bəwēr bayir mêmeyhā kēn hēqērâ rā‘āṯāh ḥāmās wāšōḏ yiššām^a‘ bāh ‘al-pānay tāmîḏ ḥŏlî ûmakâ:

8 hiûāsərî yərûšālaim pen-tēq^a‘ nafəšî mimmēḵə pen-’ăśîmēḵə šəmāmâ ’ereṣ lwō’ nwōšāḇâ: f

9 kōh ’āmar yəhwōâ ṣəḇā’wōṯ ‘wōlēl yə‘wōləlû ḵagefen šə’ērîṯ yiśərā’ēl hāšēḇ yāḏəḵā kəḇwōṣēr ‘al-saləsillwōṯ:

10 ‘al-mî ’ăḏabərâ wə’ā‘îḏâ wəyišəmā‘û hinnēh ‘ărēlâ ’āzənām wəlō’ yûḵəlû ləhaqəšîḇ hinnēh ḏəḇar-yəhwâ hāyâ lâem ləḥerəpâ lō’ y^aḥəpəṣû-ḇwō:

11 wə’ēṯ ḥămaṯ yəhwâ| mālē’ṯî nilə’êṯî hāḵîl šəfōḵə ‘al-‘wōlāl b^aḥûṣ wə‘al swōḏ b^aḥûrîm y^aḥədāw kî-ḡam-’îš ‘im-’iššâ yillāḵēḏû zāqēn ‘im-məlē’ yāmîm:

12 wənāsabû ḇātêhem la’ăḥērîm śāḏwōṯ wənāšîm y^aḥədāw kî-’aṭṭeh ’eṯ-yāḏî ‘al-yōšəḇê hā’āreṣ nə’um-yəhwâ:

13 kî miqqəṭannām wə‘aḏ-gəḏwōlām kullwō bwōṣē‘a bāṣ^a‘ ûminnāḇî’ wə‘aḏ-kōhēn kullwō ‘ōśeh ššāqer:

14 wayərapə’û ’eṯ-šeḇer ‘ammî ‘al-nəqallâ lē’mōr šālwōm| šālwōm wə’ên šālwōm:

15 hōḇîšû kî ṯwō‘ēḇâ ‘āśû gam-bwōš lō’-yēḇwōšû gam-haḵəlîm lō’ yāḏā‘û lāḵēn yipəlû ḇannōfəlîm bə‘ēṯ-pəqaḏətîm yikāšəlû ’āmar yəhwâ: s

16 kōh ’āmar yəhwâ ‘iməḏû ‘al-dərāḵîm ûrə’û wəša’ălû| linəṯiḇwōṯ ‘wōlām ’ê-zeh ḏereḵə haṭṭwōḇ ûləḵû-ḇāh ûmiṣə’û marəgwō‘a lənafəšəḵem wayyō’mərû lō’ nēlēḵə:

17 wahăqimōṯî ‘ălêḵem ṣōfîm haqəšîḇû ləqwōl šwōfār wayyō’mərû lō’ naqəšîḇ:

18 lāḵēn šimə‘û hagwōyim ûḏə‘î ‘ēḏâ ’eṯ-’ăšer-bām:

19 šimə‘î hā’āreṣ hinnēh ’ānōḵî mēḇî’ rā‘â ’el-hā‘ām hazzeh pərî m^aḥəšəḇwōṯām kî ‘al-dəḇāray lō’ hiqəšîḇû wəṯwōrāṯî wayyimə’ăsû-ḇāh:

20 lāmmâ-zzeh lî ləḇwōnâ miššəḇā’ ṯāḇwō’ wəqāneh haṭṭwōḇ mē’ereṣ merəḥāq ‘ōlwōṯêḵem lō’ lərāṣwōn wəziḇəḥêḵem lō’-‘ārəḇû lî: s

21 lāḵēn kōh ’āmar yəhwâ hinənî nōṯēn ’el-hā‘ām hazzeh miḵəšōlîm wəḵāšəlû ḇām ’āḇwōṯ ûḇānîm y^aḥədāw šāḵēn wərē‘wō yō’ḇēḏû wə’āḇāḏû: f

22 kōh ’āmar yəhwâ hinnēh ‘am bā’ mē’ereṣ ṣāfwōn wəḡwōy gāḏwōl yē‘wōr mîyarəkəṯê-’āreṣ:

23 qešeṯ wəḵîḏwōn y^aḥăzîqû ’aḵəzārî hû’ wəlō’ yər^aḥēmû qwōlām kayyām yehĕmeh wə‘al-sûsîm yirəkāḇû ‘ārûḵə kə’îš lammiləḥāmâ ‘ālayiḵə baṯ-ṣîywōn:

24 šām^a‘ənû ’eṯ-šāmə‘wō rāfû yāḏênû ṣārâ heḥĕzîqaṯənû ḥîl kayywōlēḏâ:

25 ’al-tēṣə’î tēṣə’û haśśāḏeh ûḇadereḵə ’al-tēlēḵî tēlēḵû kî ḥereḇ lə’ōyēḇ māḡwōr missāḇîḇ:

26 baṯ-‘ammî ḥiḡərî-śāq wəhiṯəpalləšî ḇā’ēfer ’ēḇel yāḥîḏ ‘ăśî lāḵə misəpaḏ tamərûrîm kî fiṯə’ōm yāḇō’ haššōḏēḏ ‘ālênû:

27 bāḥwōn nəṯatîḵā ḇə‘ammî miḇəṣār wəṯēḏ^a‘ ûḇāḥanətā ’eṯ-darəkām:

28 kullām sārê swōrərîm hōləḵê rāḵîl nəḥōšeṯ ûḇarəzel kullām mašəḥîṯîm hēmmâ:

29 nāḥar mapuḥa mē’išətam mē’ēš tam ‘ōfāreṯ laššāwə’ ṣāraf ṣārwōf wərā‘îm lō’ nitāqû:

30 kesef nimə’ās qārə’û lâem kî-mā’as yəhwâ bâem: f

‎1 ‏הַדָּבָר֙ אֲשֶׁ֣ר הָיָ֣ה אֶֽל־יִרְמְיָ֔הוּ מֵאֵ֥ת יְהוָ֖ה לֵאמֹֽר׃

‎2 ‏עֲמֹ֗ד בְּשַׁ֙עַר֙ בֵּ֣ית יְהוָ֔ה וְקָרָ֣אתָ שָּׁ֔ם אֶת־הַדָּבָ֖ר הַזֶּ֑ה וְאָמַרְתָּ֞ שִׁמְע֣וּ דְבַר־יְהוָ֗ה כָּל־יְהוּדָה֙ הַבָּאִים֙ בַּשְּׁעָרִ֣ים הָאֵ֔לֶּה לְהִֽשְׁתַּחֲוֹ֖ת לַיהוָֽה׃ ס

‎3 ‏כֹּֽה־אָמַ֞ר יְהוָ֤ה צְבָאוֹת֙ אֱלֹהֵ֣י יִשְׂרָאֵ֔ל הֵיטִ֥יבוּ דַרְכֵיכֶ֖ם וּמַֽעַלְלֵיכֶ֑ם וַאֲשַׁכְּנָ֣ה אֶתְכֶ֔ם בַּמָּק֥וֹם הַזֶּֽה׃

‎4 ‏אַל־תִּבְטְח֣וּ לָכֶ֔ם אֶל־דִּבְרֵ֥י הַשֶּׁ֖קֶר לֵאמֹ֑ר הֵיכַ֤ל יְהוָה֙ הֵיכַ֣ל יְהוָ֔ה הֵיכַ֥ל יְהוָ֖ה הֵֽמָּה׃

‎5 ‏כִּ֤י אִם־הֵיטֵיב֙ תֵּיטִ֔יבוּ אֶת־דַּרְכֵיכֶ֖ם וְאֶת־מַֽעַלְלֵיכֶ֑ם אִם־עָשׂ֤וֹ תַֽעֲשׂוּ֙ מִשְׁפָּ֔ט בֵּ֥ין אִ֖ישׁ וּבֵ֥ין רֵעֵֽהוּ׃

‎6 ‏גֵּ֣ר יָת֤וֹם וְאַלְמָנָה֙ לֹ֣א תַֽעֲשֹׁ֔קוּ וְדָ֣ם נָקִ֔י אַֽל־תִּשְׁפְּכ֖וּ בַּמָּק֣וֹם הַזֶּ֑ה וְאַחֲרֵ֨י אֱלֹהִ֧ים אֲחֵרִ֛ים לֹ֥א תֵלְכ֖וּ לְרַ֥ע לָכֶֽם׃

‎7 ‏וְשִׁכַּנְתִּ֤י אֶתְכֶם֙ בַּמָּק֣וֹם הַזֶּ֔ה בָּאָ֕רֶץ אֲשֶׁ֥ר נָתַ֖תִּי לַאֲבֽוֹתֵיכֶ֑ם לְמִן־עוֹלָ֖ם וְעַד־עוֹלָֽם׃

‎8 ‏הִנֵּ֤ה אַתֶּם֙ בֹּטְחִ֣ים לָכֶ֔ם עַל־דִּבְרֵ֖י הַשָּׁ֑קֶר לְבִלְתִּ֖י הוֹעִֽיל׃

‎9 ‏הֲגָנֹ֤ב׀ רָצֹ֙חַ֙ וְֽנָאֹ֗ף וְהִשָּׁבֵ֥עַ לַשֶּׁ֖קֶר וְקַטֵּ֣ר לַבָּ֑עַל וְהָלֹ֗ךְ אַחֲרֵ֛י אֱלֹהִ֥ים אֲחֵרִ֖ים אֲשֶׁ֥ר לֹֽא־יְדַעְתֶּֽם׃

‎10 ‏וּבָאתֶ֞ם וַעֲמַדְתֶּ֣ם לְפָנַ֗י בַּבַּ֤יִת הַזֶּה֙ אֲשֶׁ֣ר נִקְרָא־שְׁמִ֣י עָלָ֔יו וַאֲמַרְתֶּ֖ם נִצַּ֑לְנוּ לְמַ֣עַן עֲשׂ֔וֹת אֵ֥ת כָּל־הַתּוֹעֵב֖וֹת הָאֵֽלֶּה׃

‎11 ‏הַמְעָרַ֣ת פָּרִצִ֗ים הָיָ֨ה הַבַּ֧יִת הַזֶּ֛ה אֲשֶׁר־נִקְרָֽא־שְׁמִ֥י עָלָ֖יו בְּעֵינֵיכֶ֑ם גַּ֧ם אָנֹכִ֛י הִנֵּ֥ה רָאִ֖יתִי נְאֻם־יְהוָֽה׃ ס

‎12 ‏כִּ֣י לְכוּ־נָ֗א אֶל־מְקוֹמִי֙ אֲשֶׁ֣ר בְּשִׁיל֔וֹ אֲשֶׁ֨ר שִׁכַּ֧נְתִּֽי שְׁמִ֛י שָׁ֖ם בָּרִֽאשׁוֹנָ֑ה וּרְאוּ֙ אֵ֣ת אֲשֶׁר־עָשִׂ֣יתִי ל֔וֹ מִפְּנֵ֕י רָעַ֖ת עַמִּ֥י יִשְׂרָאֵֽל׃

‎13 ‏וְעַתָּ֗ה יַ֧עַן עֲשׂוֹתְכֶ֛ם אֶת־כָּל־הַמַּֽעֲשִׂ֥ים הָאֵ֖לֶּה נְאֻם־יְהוָ֑ה וָאֲדַבֵּ֨ר אֲלֵיכֶ֜ם הַשְׁכֵּ֤ם וְדַבֵּר֙ וְלֹ֣א שְׁמַעְתֶּ֔ם וָאֶקְרָ֥א אֶתְכֶ֖ם וְלֹ֥א עֲנִיתֶֽם׃

‎14 ‏וְעָשִׂ֜יתִי לַבַּ֣יִת׀ אֲשֶׁ֧ר נִֽקְרָא־שְׁמִ֣י עָלָ֗יו אֲשֶׁ֤ר אַתֶּם֙ בֹּטְחִ֣ים בּ֔וֹ וְלַ֨מָּק֔וֹם אֲשֶׁר־נָתַ֥תִּי לָכֶ֖ם וְלַאֲבֽוֹתֵיכֶ֑ם כַּאֲשֶׁ֥ר עָשִׂ֖יתִי לְשִׁלֽוֹ׃

‎15 ‏וְהִשְׁלַכְתִּ֥י אֶתְכֶ֖ם מֵעַ֣ל פָּנָ֑י כַּאֲשֶׁ֤ר הִשְׁלַ֙כְתִּי֙ אֶת־כָּל־אֲחֵיכֶ֔ם אֵ֖ת כָּל־זֶ֥רַע אֶפְרָֽיִם׃ ס

‎16 ‏וְאַתָּ֞ה אַל־תִּתְפַּלֵּ֣ל׀ בְּעַד־הָעָ֣ם הַזֶּ֗ה וְאַל־תִּשָּׂ֧א בַעֲדָ֛ם רִנָּ֥ה וּתְפִלָּ֖ה וְאַל־תִּפְגַּע־בִּ֑י כִּי־אֵינֶ֥נִּי שֹׁמֵ֖עַ אֹתָֽךְ׃

‎17 ‏הַֽאֵינְךָ֣ רֹאֶ֔ה מָ֛ה הֵ֥מָּה עֹשִׂ֖ים בְּעָרֵ֣י יְהוּדָ֑ה וּבְחֻצ֖וֹת יְרוּשָׁלִָֽם׃

‎18 ‏הַבָּנִ֞ים מְלַקְּטִ֣ים עֵצִ֗ים וְהָֽאָבוֹת֙ מְבַעֲרִ֣ים אֶת־הָאֵ֔שׁ וְהַנָּשִׁ֖ים לָשׁ֣וֹת בָּצֵ֑ק לַעֲשׂ֨וֹת כַּוָּנִ֜ים לִמְלֶ֣כֶת הַשָּׁמַ֗יִם וְהַסֵּ֤ךְ נְסָכִים֙ לֵאלֹהִ֣ים אֲחֵרִ֔ים לְמַ֖עַן הַכְעִסֵֽנִי׃

‎19 ‏הַאֹתִ֛י הֵ֥ם מַכְעִסִ֖ים נְאֻם־יְהוָ֑ה הֲל֣וֹא אֹתָ֔ם לְמַ֖עַן בֹּ֥שֶׁת פְּנֵיהֶֽם׃ ס

‎20 ‏לָכֵ֞ן כֹּה־אָמַ֣ר׀ אֲדֹנָ֣י יְהוִֹ֗ה הִנֵּ֨ה אַפִּ֤י וַֽחֲמָתִי֙ נִתֶּ֙כֶת֙ אֶל־הַמָּק֣וֹם הַזֶּ֔ה עַל־הָֽאָדָם֙ וְעַל־הַבְּהֵמָ֔ה וְעַל־עֵ֥ץ הַשָּׂדֶ֖ה וְעַל־פְּרִ֣י הָֽאֲדָמָ֑ה וּבָעֲרָ֖ה וְלֹ֥א תִכְבֶּֽה׃ ס

‎21 ‏כֹּ֥ה אָמַ֛ר יְהוָ֥ה צְבָא֖וֹת אֱלֹהֵ֣י יִשְׂרָאֵ֑ל עֹלוֹתֵיכֶ֛ם סְפ֥וּ עַל־זִבְחֵיכֶ֖ם וְאִכְל֥וּ בָשָֽׂר׃

‎22 ‏כִּ֠י לֹֽא־דִבַּ֤רְתִּי אֶת־אֲבֽוֹתֵיכֶם֙ וְלֹ֣א צִוִּיתִ֔ים בְּי֛וֹם הוציא הוֹצִיאִ֥י אוֹתָ֖ם מֵאֶ֣רֶץ מִצְרָ֑יִם עַל־דִּבְרֵ֥י עוֹלָ֖ה וָזָֽבַח׃

‎23 ‏כִּ֣י אִֽם־אֶת־הַדָּבָ֣ר הַ֠זֶּה צִוִּ֨יתִי אוֹתָ֤ם לֵאמֹר֙ שִׁמְע֣וּ בְקוֹלִ֔י וְהָיִ֤יתִי לָכֶם֙ לֵֽאלֹהִ֔ים וְאַתֶּ֖ם תִּֽהְיוּ־לִ֣י לְעָ֑ם וַהֲלַכְתֶּ֗ם בְּכָל־הַדֶּ֙רֶךְ֙ אֲשֶׁ֣ר אֲצַוֶּ֣ה אֶתְכֶ֔ם לְמַ֖עַן יִיטַ֥ב לָכֶֽם׃

‎24 ‏וְלֹ֤א שָֽׁמְעוּ֙ וְלֹֽא־הִטּ֣וּ אֶת־אָזְנָ֔ם וַיֵּֽלְכוּ֙ בְּמֹ֣עֵצ֔וֹת בִּשְׁרִר֖וּת לִבָּ֣ם הָרָ֑ע וַיִּהְי֥וּ לְאָח֖וֹר וְלֹ֥א לְפָנִֽים׃

‎25 ‏לְמִן־הַיּ֗וֹם אֲשֶׁ֨ר יָצְא֤וּ אֲבֽוֹתֵיכֶם֙ מֵאֶ֣רֶץ מִצְרַ֔יִם עַ֖ד הַיּ֣וֹם הַזֶּ֑ה וָאֶשְׁלַ֤ח אֲלֵיכֶם֙ אֶת־כָּל־עֲבָדַ֣י הַנְּבִיאִ֔ים י֖וֹם הַשְׁכֵּ֥ם וְשָׁלֹֽחַ׃

‎26 ‏וְל֤וֹא שָׁמְעוּ֙ אֵלַ֔י וְלֹ֥א הִטּ֖וּ אֶת־אָזְנָ֑ם וַיַּקְשׁוּ֙ אֶת־עָרְפָּ֔ם הֵרֵ֖עוּ מֵאֲבוֹתָֽם׃

‎27 ‏וְדִבַּרְתָּ֤ אֲלֵיהֶם֙ אֶת־כָּל־הַדְּבָרִ֣ים הָאֵ֔לֶּה וְלֹ֥א יִשְׁמְע֖וּ אֵלֶ֑יךָ וְקָרָ֥אתָ אֲלֵיהֶ֖ם וְלֹ֥א יַעֲנֽוּכָה׃

‎28 ‏וְאָמַרְתָּ֣ אֲלֵיהֶ֗ם זֶ֤ה הַגּוֹי֙ אֲשֶׁ֣ר לֽוֹא־שָׁמְע֗וּ בְּקוֹל֙ יְהוָ֣ה אֱלֹהָ֔יו וְלֹ֥א לָקְח֖וּ מוּסָ֑ר אָֽבְדָה֙ הָֽאֱמוּנָ֔ה וְנִכְרְתָ֖ה מִפִּיהֶֽם׃ ס

‎29 ‏גָּזִּ֤י נִזְרֵךְ֙ וְֽהַשְׁלִ֔יכִי וּשְׂאִ֥י עַל־שְׁפָיִ֖ם קִינָ֑ה כִּ֚י מָאַ֣ס יְהוָ֔ה וַיִּטֹּ֖שׁ אֶת־דּ֥וֹר עֶבְרָתֽוֹ׃

‎30 ‏כִּֽי־עָשׂ֨וּ בְנֵי־יְהוּדָ֥ה הָרַ֛ע בְּעֵינַ֖י נְאֻום־יְהוָ֑ה שָׂ֣מוּ שִׁקּֽוּצֵיהֶ֗ם בַּבַּ֛יִת אֲשֶׁר־נִקְרָא־שְׁמִ֥י עָלָ֖יו לְטַמְּאֽוֹ׃

‎31 ‏וּבָנ֞וּ בָּמ֣וֹת הַתֹּ֗פֶת אֲשֶׁר֙ בְּגֵ֣יא בֶן־הִנֹּ֔ם לִשְׂרֹ֛ף אֶת־בְּנֵיהֶ֥ם וְאֶת־בְּנֹתֵיהֶ֖ם בָּאֵ֑שׁ אֲשֶׁר֙ לֹ֣א צִוִּ֔יתִי וְלֹ֥א עָלְתָ֖ה עַל־לִבִּֽי׃ ס

‎32 ‏לָכֵ֞ן הִנֵּֽה־יָמִ֤ים בָּאִים֙ נְאֻם־יְהוָ֔ה וְלֹא־יֵאָמֵ֨ר ע֤וֹד הַתֹּ֙פֶת֙ וְגֵ֣יא בֶן־הִנֹּ֔ם כִּ֖י אִם־גֵּ֣יא הַהֲרֵגָ֑ה וְקָבְר֥וּ בְתֹ֖פֶת מֵאֵ֥ין מָקֽוֹם׃

‎33 ‏וְֽהָ֨יְתָ֜ה נִבְלַ֨ת הָעָ֤ם הַזֶּה֙ לְמַֽאֲכָ֔ל לְע֥וֹף הַשָּׁמַ֖יִם וּלְבֶהֱמַ֣ת הָאָ֑רֶץ וְאֵ֖ין מַחֲרִֽיד׃

‎34 ‏וְהִשְׁבַּתִּ֣י׀ מֵעָרֵ֣י יְהוּדָ֗ה וּמֵֽחֻצוֹת֙ יְר֣וּשָׁלִַ֔ם ק֤וֹל שָׂשׂוֹן֙ וְק֣וֹל שִׂמְחָ֔ה ק֥וֹל חָתָ֖ן וְק֣וֹל כַּלָּ֑ה כִּ֥י לְחָרְבָּ֖ה תִּהְיֶ֥ה הָאָֽרֶץ׃

1 hadāḇār ’ăšer hāyâ ’el-yirəməyâû mē’ēṯ yəhwâ lē’mōr:

2 ‘ămōḏ bəš^a‘ar bêṯ yəhwâ wəqārā’ṯā ššām ’eṯ-hadāḇār hazzeh wə’āmarətā šimə‘û ḏəḇar-yəhwâ kāl-yəhûḏâ habā’îm baššə‘ārîm hā’ēlleh ləhišət^aḥăwōṯ layhwâ: s

3 kōh-’āmar yəhwâ ṣəḇā’wōṯ ’ĕlōhê yiśərā’ēl hêṭîḇû ḏarəḵêḵem ûm^a‘aləlêḵem wa’ăšakənâ ’eṯəḵem bammāqwōm hazzeh:

4 ’al-tiḇəṭəḥû lāḵem ’el-diḇərê haššeqer lē’mōr hêḵal yəhwâ hêḵal yəhwâ hêḵal yəhwâ hēmmâ:

5 kî ’im-hêṭêḇ têṭîḇû ’eṯ-darəḵêḵem wə’eṯ-m^a‘aləlêḵem ’im-‘āśwō ṯ^a‘ăśû mišəpāṭ bên ’îš ûḇên rē‘ēhû:

6 gēr yāṯwōm wə’aləmānâ lō’ ṯ^a‘ăšōqû wəḏām nāqî ’al-tišəpəḵû bammāqwōm hazzeh wə’^aḥărê ’ĕlōhîm ’ăḥērîm lō’ ṯēləḵû lər^a‘ lāḵem:

7 wəšikanətî ’eṯəḵem bammāqwōm hazzeh bā’āreṣ ’ăšer nāṯatî la’ăḇwōṯêḵem ləmin-‘wōlām wə‘aḏ-‘wōlām:

8 hinnēh ’atem bōṭəḥîm lāḵem ‘al-diḇərê haššāqer ləḇilətî hwō‘îl:

9 hăḡānōḇ| rāṣōḥa wənā’ōf wəhiššāḇē‘a laššeqer wəqaṭṭēr labā‘al wəhālōḵə ’^aḥărê ’ĕlōhîm ’ăḥērîm ’ăšer lō’-yəḏ^a‘ətem:

10 ûḇā’ṯem w^a‘ămaḏətem ləfānay babayiṯ hazzeh ’ăšer niqərā’-šəmî ‘ālāyw wa’ămarətem niṣṣalənû ləm^a‘an ‘ăśwōṯ ’ēṯ kāl-hatwō‘ēḇwōṯ hā’ēlleh:

11 hamə‘āraṯ pāriṣîm hāyâ habayiṯ hazzeh ’ăšer-niqərā’-šəmî ‘ālāyw bə‘ênêḵem gam ’ānōḵî hinnēh rā’îṯî nə’um-yəhwâ: s

12 kî ləḵû-nā’ ’el-məqwōmî ’ăšer bəšîlwō ’ăšer šikanətî šəmî šām bāri’šwōnâ ûrə’û ’ēṯ ’ăšer-‘āśîṯî lwō mipənê rā‘aṯ ‘ammî yiśərā’ēl:

13 wə‘atâ y^a‘an ‘ăśwōṯəḵem ’eṯ-kāl-hamm^a‘ăśîm hā’ēlleh nə’um-yəhwâ wā’ăḏabēr ’ălêḵem hašəkēm wəḏabēr wəlō’ šəm^a‘ətem wā’eqərā’ ’eṯəḵem wəlō’ ‘ănîṯem:

14 wə‘āśîṯî labayiṯ| ’ăšer niqərā’-šəmî ‘ālāyw ’ăšer ’atem bōṭəḥîm bwō wəlammāqwōm ’ăšer-nāṯatî lāḵem wəla’ăḇwōṯêḵem ka’ăšer ‘āśîṯî ləšilwō:

15 wəhišəlaḵətî ’eṯəḵem mē‘al pānāy ka’ăšer hišəlaḵətî ’eṯ-kāl-’ăḥêḵem ’ēṯ kāl-zer^a‘ ’efərāyim: s

16 wə’atâ ’al-tiṯəpallēl| bə‘aḏ-hā‘ām hazzeh wə’al-tiśśā’ ḇ^a‘ăḏām rinnâ ûṯəfillâ wə’al-tifəg^a‘-bî kî-’ênennî šōmē‘a ’ōṯāḵə:

17 ha’ênəḵā rō’eh mâ hēmmâ ‘ōśîm bə‘ārê yəhûḏâ ûḇəḥuṣwōṯ yərûšālāim:

18 habānîm məlaqqəṭîm ‘ēṣîm wəhā’āḇwōṯ məḇ^a‘ărîm ’eṯ-hā’ēš wəhannāšîm lāšwōṯ bāṣēq l^a‘ăśwōṯ kaûānîm liməleḵeṯ haššāmayim wəhassēḵə nəsāḵîm lē’lōhîm ’ăḥērîm ləm^a‘an haḵə‘isēnî:

19 ha’ōṯî hēm maḵə‘isîm nə’um-yəhwâ hălwō’ ’ōṯām ləm^a‘an bōšeṯ pənêhem: s

20 lāḵēn kōh-’āmar| ’ăḏōnāy yəhwōih hinnēh ’apî w^aḥămāṯî niteḵeṯ ’el-hammāqwōm hazzeh ‘al-hā’āḏām wə‘al-habəhēmâ wə‘al-‘ēṣ haśśāḏeh wə‘al-pərî hā’ăḏāmâ ûḇā‘ărâ wəlō’ ṯiḵəbeh: s

21 kōh ’āmar yəhwâ ṣəḇā’wōṯ ’ĕlōhê yiśərā’ēl ‘ōlwōṯêḵem səfû ‘al-ziḇəḥêḵem wə’iḵəlû ḇāśār:

22 kî lō’-ḏibarətî ’eṯ-’ăḇwōṯêḵem wəlō’ ṣiûîṯîm bəywōm hwōṣî’ hwōṣî’î ’wōṯām mē’ereṣ miṣərāyim ‘al-diḇərê ‘wōlâ wāzāḇ^aḥ:

23 kî ’im-’eṯ-hadāḇār hazzeh ṣiûîṯî ’wōṯām lē’mōr šimə‘û ḇəqwōlî wəhāyîṯî lāḵem lē’lōhîm wə’atem tihəyû-lî lə‘ām wahălaḵətem bəḵāl-hadereḵə ’ăšer ’ăṣaûeh ’eṯəḵem ləm^a‘an yîṭaḇ lāḵem:

24 wəlō’ šāmə‘û wəlō’-hiṭṭû ’eṯ-’āzənām wayyēləḵû bəmō‘ēṣwōṯ bišərirûṯ libām hārā‘ wayyihəyû lə’āḥwōr wəlō’ ləfānîm:

25 ləmin-hayywōm ’ăšer yāṣə’û ’ăḇwōṯêḵem mē’ereṣ miṣərayim ‘aḏ hayywōm hazzeh wā’ešəl^aḥ ’ălêḵem ’eṯ-kāl-‘ăḇāḏay hannəḇî’îm ywōm hašəkēm wəšālōḥa:

26 wəlwō’ šāmə‘û ’ēlay wəlō’ hiṭṭû ’eṯ-’āzənām wayyaqəšû ’eṯ-‘ārəpām hērē‘û mē’ăḇwōṯām:

27 wəḏibarətā ’ălêhem ’eṯ-kāl-hadəḇārîm hā’ēlleh wəlō’ yišəmə‘û ’ēleyḵā wəqārā’ṯā ’ălêhem wəlō’ y^a‘ănûḵâ:

28 wə’āmarətā ’ălêhem zeh hagwōy ’ăšer lwō’-šāmə‘û bəqwōl yəhwâ ’ĕlōhāyw wəlō’ lāqəḥû mûsār ’āḇəḏâ hā’ĕmûnâ wəniḵərəṯâ mipîhem: s

29 gāzzî nizərēḵə wəhašəlîḵî ûśə’î ‘al-šəfāyim qînâ kî mā’as yəhwâ wayyiṭṭōš ’eṯ-dwōr ‘eḇərāṯwō:

30 kî-‘āśû ḇənê-yəhûḏâ hār^a‘ bə‘ênay nə’uwm-yəhwâ śāmû šiqqûṣêhem babayiṯ ’ăšer-niqərā’-šəmî ‘ālāyw ləṭammə’wō:

31 ûḇānû bāmwōṯ hatōfeṯ ’ăšer bəḡê’ ḇen-hinnōm liśərōf ’eṯ-bənêhem wə’eṯ-bənōṯêhem bā’ēš ’ăšer lō’ ṣiûîṯî wəlō’ ‘āləṯâ ‘al-libî: s

32 lāḵēn hinnēh-yāmîm bā’îm nə’um-yəhwâ wəlō’-yē’āmēr ‘wōḏ hatōfeṯ wəḡê’ ḇen-hinnōm kî ’im-gê’ hahărēḡâ wəqāḇərû ḇəṯōfeṯ mē’ên māqwōm:

33 wəhāyəṯâ niḇəlaṯ hā‘ām hazzeh ləma’ăḵāl lə‘wōf haššāmayim ûləḇehĕmaṯ hā’āreṣ wə’ên m^aḥărîḏ:

34 wəhišəbatî| mē‘ārê yəhûḏâ ûmēḥuṣwōṯ yərûšālaim qwōl śāśwōn wəqwōl śiməḥâ qwōl ḥāṯān wəqwōl kallâ kî ləḥārəbâ tihəyeh hā’āreṣ:

‎1 ‏בָּעֵ֣ת הַהִ֣יא נְאֻם־יְהוָ֡ה ויציאו יוֹצִ֣יאוּ אֶת־עַצְמ֣וֹת מַלְכֵֽי־יְהוּדָ֣ה וְאֶת־עַצְמוֹת־שָׂרָיו֩ וְאֶת־עַצְמ֨וֹת הַכֹּהֲנִ֜ים וְאֵ֣ת׀ עַצְמ֣וֹת הַנְּבִיאִ֗ים וְאֵ֛ת עַצְמ֥וֹת יוֹשְׁבֵֽי־יְרוּשָׁלִָ֖ם מִקִּבְרֵיהֶֽם׃

‎2 ‏וּשְׁטָחוּם֩ לַשֶּׁ֨מֶשׁ וְלַיָּרֵ֜חַ וּלְכֹ֣ל׀ צְבָ֣א הַשָּׁמַ֗יִם אֲשֶׁ֨ר אֲהֵב֜וּם וַאֲשֶׁ֤ר עֲבָדוּם֙ וַֽאֲשֶׁר֙ הָלְכ֣וּ אַֽחֲרֵיהֶ֔ם וַאֲשֶׁ֣ר דְּרָשׁ֔וּם וַאֲשֶׁ֥ר הִֽשְׁתַּחֲו֖וּ לָהֶ֑ם לֹ֤א יֵאָֽסְפוּ֙ וְלֹ֣א יִקָּבֵ֔רוּ לְדֹ֛מֶן עַל־פְּנֵ֥י הָאֲדָמָ֖ה יִֽהְיֽוּ׃

‎3 ‏וְנִבְחַ֥ר מָ֙וֶת֙ מֵֽחַיִּי֔ם לְכֹ֗ל הַשְּׁאֵרִית֙ הַנִּשְׁאָרִ֔ים מִן־הַמִּשְׁפָּחָ֥ה הָֽרָעָ֖ה הַזֹּ֑את בְּכָל־הַמְּקֹמ֤וֹת הַנִּשְׁאָרִים֙ אֲשֶׁ֣ר הִדַּחְתִּ֣ים שָׁ֔ם נְאֻ֖ם יְהוָ֥ה צְבָאֽוֹת׃ ס

‎4 ‏וְאָמַרְתָּ֣ אֲלֵיהֶ֗ם כֹּ֚ה אָמַ֣ר יְהוָ֔ה הֲיִפְּל֖וּ וְלֹ֣א יָק֑וּמוּ אִם־יָשׁ֖וּב וְלֹ֥א יָשֽׁוּב׃

‎5 ‏מַדּ֨וּעַ שׁוֹבְבָ֜ה הָעָ֥ם הַזֶּ֛ה יְרוּשָׁלִַ֖ם מְשֻׁבָ֣ה נִצַּ֑חַת הֶחֱזִ֙יקוּ֙ בַּתַּרְמִ֔ית מֵאֲנ֖וּ לָשֽׁוּב׃

‎6 ‏הִקְשַׁ֤בְתִּי וָֽאֶשְׁמָע֙ לוֹא־כֵ֣ן יְדַבֵּ֔רוּ אֵ֣ין אִ֗ישׁ נִחָם֙ עַל־רָ֣עָת֔וֹ לֵאמֹ֖ר מֶ֣ה עָשִׂ֑יתִי כֻּלֹּ֗ה שָׁ֚ב במרצותם בִּמְר֣וּצָתָ֔ם כְּס֥וּס שׁוֹטֵ֖ף בַּמִּלְחָמָֽה׃

‎7 ‏גַּם־חֲסִידָ֣ה בַשָּׁמַ֗יִם יָֽדְעָה֙ מֽוֹעֲדֶ֔יהָ וְתֹ֤ר וסוס וְסִיס֙ וְעָג֗וּר שָׁמְר֖וּ אֶת־עֵ֣ת בֹּאָ֑נָה וְעַמִּ֕י לֹ֣א יָֽדְע֔וּ אֵ֖ת מִשְׁפַּ֥ט יְהוָֽה׃

‎8 ‏אֵיכָ֤ה תֹֽאמְרוּ֙ חֲכָמִ֣ים אֲנַ֔חְנוּ וְתוֹרַ֥ת יְהוָ֖ה אִתָּ֑נוּ אָכֵן֙ הִנֵּ֣ה לַשֶּׁ֣קֶר עָשָׂ֔ה עֵ֖ט שֶׁ֥קֶר סֹפְרִֽים׃

‎9 ‏הֹבִ֣ישׁוּ חֲכָמִ֔ים חַ֖תּוּ וַיִּלָּכֵ֑דוּ הִנֵּ֤ה בִדְבַר־יְהוָה֙ מָאָ֔סוּ וְחָכְמַֽת־מֶ֖ה לָהֶֽם׃ ס

‎10 ‏לָכֵן֩ אֶתֵּ֨ן אֶת־נְשֵׁיהֶ֜ם לַאֲחֵרִ֗ים שְׂדֽוֹתֵיהֶם֙ לְי֣וֹרְשִׁ֔ים כִּ֤י מִקָּטֹן֙ וְעַד־גָּד֔וֹל כֻּלֹּ֖ה בֹּצֵ֣עַ בָּ֑צַע מִנָּבִיא֙ וְעַד־כֹּהֵ֔ן כֻּלֹּ֖ה עֹ֥שֶׂה שָּֽׁקֶר׃

‎11 ‏וַיְרַפּ֞וּ אֶת־שֶׁ֤בֶר בַּת־עַמִּי֙ עַל־נְקַלָּ֔ה לֵאמֹ֖ר שָׁל֣וֹם׀ שָׁל֑וֹם וְאֵ֖ין שָׁלֽוֹם׃

‎12 ‏הֹבִ֕שׁוּ כִּ֥י תוֹעֵבָ֖ה עָשׂ֑וּ גַּם־בּ֣וֹשׁ לֹֽא־יֵבֹ֗שׁוּ וְהִכָּלֵם֙ לֹ֣א יָדָ֔עוּ לָכֵ֞ן יִפְּל֣וּ בַנֹּפְלִ֗ים בְּעֵ֧ת פְּקֻדָּתָ֛ם יִכָּשְׁל֖וּ אָמַ֥ר יְהוָֽה׃ ס

‎13 ‏אָסֹ֥ף אֲסִיפֵ֖ם נְאֻם־יְהוָֹ֑ה אֵין֩ עֲנָבִ֨ים בַּגֶּ֜פֶן וְאֵ֧ין תְּאֵנִ֣ים בַּתְּאֵנָ֗ה וְהֶֽעָלֶה֙ נָבֵ֔ל וָאֶתֵּ֥ן לָהֶ֖ם יַעַבְרֽוּם׃

‎14 ‏עַל־מָה֙ אֲנַ֣חְנוּ יֹֽשְׁבִ֔ים הֵֽאָסְפ֗וּ וְנָב֛וֹא אֶל־עָרֵ֥י הַמִּבְצָ֖ר וְנִדְּמָה־שָּׁ֑ם כִּי֩ יְהוָ֨ה אֱלֹהֵ֤ינוּ הֲדִמָּ֙נוּ֙ וַיַּשְׁקֵ֣נוּ מֵי־רֹ֔אשׁ כִּ֥י חָטָ֖אנוּ לַיהוָֽה׃

‎15 ‏קַוֵּ֥ה לְשָׁל֖וֹם וְאֵ֣ין ט֑וֹב לְעֵ֥ת מַרְפֵּ֖ה וְהִנֵּ֥ה בְעָתָֽה׃

‎16 ‏מִדָּ֤ן נִשְׁמַע֙ נַחְרַ֣ת סוּסָ֗יו מִקּוֹל֙ מִצְהֲל֣וֹת אַבִּירָ֔יו רָעֲשָׁ֖ה כָּל־הָאָ֑רֶץ וַיָּב֗וֹאוּ וַיֹּֽאכְלוּ֙ אֶ֣רֶץ וּמְלוֹאָ֔הּ עִ֖יר וְיֹ֥שְׁבֵי בָֽהּ׃ ס

‎17 ‏כִּי֩ הִנְנִ֨י מְשַׁלֵּ֜חַ בָּכֶ֗ם נְחָשִׁים֙ צִפְעֹנִ֔ים אֲשֶׁ֥ר אֵין־לָהֶ֖ם לָ֑חַשׁ וְנִשְּׁכ֥וּ אֶתְכֶ֖ם נְאֻם־יְהוָֽה׃ ס

‎18 ‏מַבְלִ֥יגִיתִ֖י עֲלֵ֣י יָג֑וֹן עָלַ֖י לִבִּ֥י דַוָּֽי׃

‎19 ‏הִנֵּה־ק֞וֹל שַֽׁוְעַ֣ת בַּת־עַמִּ֗י מֵאֶ֙רֶץ֙ מַרְחַקִּ֔ים הַֽיהוָה֙ אֵ֣ין בְּצִיּ֔וֹן אִם־מַלְכָּ֖הּ אֵ֣ין בָּ֑הּ מַדּ֗וּעַ הִכְעִס֛וּנִי בִּפְסִלֵיהֶ֖ם בְּהַבְלֵ֥י נֵכָֽר׃

‎20 ‏עָבַ֥ר קָצִ֖יר כָּ֣לָה קָ֑יִץ וַאֲנַ֖חְנוּ ל֥וֹא נוֹשָֽׁעְנוּ׃

‎21 ‏עַל־שֶׁ֥בֶר בַּת־עַמִּ֖י הָשְׁבָּ֑רְתִּי קָדַ֕רְתִּי שַׁמָּ֖ה הֶחֱזִקָֽתְנִי׃

‎22 ‏הַצֳרִי֙ אֵ֣ין בְּגִלְעָ֔ד אִם־רֹפֵ֖א אֵ֣ין שָׁ֑ם כִּ֗י מַדּ֙וּעַ֙ לֹ֣א עָֽלְתָ֔ה אֲרֻכַ֖ת בַּת־עַמִּֽי׃

‎23 ‏מִֽי־יִתֵּ֤ן רֹאשִׁי֙ מַ֔יִם וְעֵינִ֖י מְק֣וֹר דִּמְעָ֑ה וְאֶבְכֶּה֙ יוֹמָ֣ם וָלַ֔יְלָה אֵ֖ת חַֽלְלֵ֥י בַת־עַמִּֽי׃

1 bā‘ēṯ hahî’ nə’um-yəhwâ wəyōṣî’û ywōṣî’û ’eṯ-‘aṣəmwōṯ maləḵê-yəhûḏâ wə’eṯ-‘aṣəmwōṯ-śārāyw wə’eṯ-‘aṣəmwōṯ hakōhănîm wə’ēṯ| ‘aṣəmwōṯ hannəḇî’îm wə’ēṯ ‘aṣəmwōṯ ywōšəḇê-yərûšālāim miqqiḇərêhem:

2 ûšəṭāḥûm laššemeš wəlayyārēḥa ûləḵōl| ṣəḇā’ haššāmayim ’ăšer ’ăhēḇûm wa’ăšer ‘ăḇāḏûm wa’ăšer hāləḵû ’^aḥărêhem wa’ăšer dərāšûm wa’ăšer hišət^aḥăwû lâem lō’ yē’āsəfû wəlō’ yiqqāḇērû ləḏōmen ‘al-pənê hā’ăḏāmâ yihəyû:

3 wəniḇəḥar māweṯ mēḥayyîm ləḵōl haššə’ērîṯ hannišə’ārîm min-hammišəpāḥâ hārā‘â hazzō’ṯ bəḵāl-hamməqōmwōṯ hannišə’ārîm ’ăšer hid^aḥətîm šām nə’um yəhwâ ṣəḇā’wōṯ: s

4 wə’āmarətā ’ălêhem kōh ’āmar yəhwâ hăyipəlû wəlō’ yāqûmû ’im-yāšûḇ wəlō’ yāšûḇ:

5 madû‘a šwōḇəḇâ hā‘ām hazzeh yərûšālaim məšuḇâ niṣṣ^aḥaṯ heḥĕzîqû batarəmîṯ mē’ănû lāšûḇ:

6 hiqəšaḇətî wā’ešəmā‘ lwō’-ḵēn yəḏabērû ’ên ’îš niḥām ‘al-rā‘āṯwō lē’mōr meh ‘āśîṯî kullōh šāḇ biməruṣwōṯām bimərûṣāṯām kəsûs šwōṭēf bammiləḥāmâ:

7 gam-ḥăsîḏâ ḇaššāmayim yāḏə‘â mwō‘ăḏeyhā wəṯōr wəsûs wəsîs wə‘āḡûr šāmərû ’eṯ-‘ēṯ bō’ānâ wə‘ammî lō’ yāḏə‘û ’ēṯ mišəpaṭ yəhwâ:

8 ’êḵâ ṯō’mərû ḥăḵāmîm ’ăn^aḥənû wəṯwōraṯ yəhwâ ’itānû ’āḵēn hinnēh laššeqer ‘āśâ ‘ēṭ šeqer sōfərîm:

9 hōḇîšû ḥăḵāmîm ḥatû wayyillāḵēḏû hinnēh ḇiḏəḇar-yəhwâ mā’āsû wəḥāḵəmaṯ-meh lâem: s

10 lāḵēn ’etēn ’eṯ-nəšêhem la’ăḥērîm śəḏwōṯêhem ləywōrəšîm kî miqqāṭōn wə‘aḏ-gāḏwōl kullōh bōṣē‘a bāṣ^a‘ minnāḇî’ wə‘aḏ-kōhēn kullōh ‘ōśeh ššāqer:

11 wayərapû ’eṯ-šeḇer baṯ-‘ammî ‘al-nəqallâ lē’mōr šālwōm| šālwōm wə’ên šālwōm:

12 hōḇišû kî ṯwō‘ēḇâ ‘āśû gam-bwōš lō’-yēḇōšû wəhikālēm lō’ yāḏā‘û lāḵēn yipəlû ḇannōfəlîm bə‘ēṯ pəqudāṯām yikāšəlû ’āmar yəhwâ: s

13 ’āsōf ’ăsîfēm nə’um-yəhwōâ ’ên ‘ănāḇîm bagefen wə’ên tə’ēnîm batə’ēnâ wəhe‘āleh nāḇēl wā’etēn lâem y^a‘aḇərûm:

14 ‘al-mâ ’ăn^aḥənû yōšəḇîm hē’āsəfû wənāḇwō’ ’el-‘ārê hammiḇəṣār wənidəmâ-ššām kî yəhwâ ’ĕlōhênû hăḏimmānû wayyašəqēnû mê-rō’š kî ḥāṭā’nû layhwâ:

15 qaûēh ləšālwōm wə’ên ṭwōḇ lə‘ēṯ marəpēh wəhinnēh ḇə‘āṯâ:

16 midān nišəm^a‘ n^aḥəraṯ sûsāyw miqqwōl miṣəhălwōṯ ’abîrāyw rā‘ăšâ kāl-hā’āreṣ wayyāḇwō’û wayyō’ḵəlû ’ereṣ ûməlwō’āh ‘îr wəyōšəḇê ḇāh: s

17 kî hinənî məšallēḥa bāḵem nəḥāšîm ṣifə‘ōnîm ’ăšer ’ên-lâem lāḥaš wəniššəḵû ’eṯəḵem nə’um-yəhwâ: s

18 maḇəlîḡîṯî ‘ălê yāḡwōn ‘ālay libî ḏaûāy:

19 hinnēh-qwōl šawə‘aṯ baṯ-‘ammî mē’ereṣ marəḥaqqîm hayhwâ ’ên bəṣîywōn ’im-maləkāh ’ên bāh madû‘a hiḵə‘isûnî bifəsilêhem bəhaḇəlê nēḵār:

20 ‘āḇar qāṣîr kālâ qāyiṣ wa’ăn^aḥənû lwō’ nwōšā‘ənû:

21 ‘al-šeḇer baṯ-‘ammî hāšəbārətî qāḏarətî šammâ heḥĕziqāṯənî:

22 haṣŏrî ’ên bəḡilə‘āḏ ’im-rōfē’ ’ên šām kî madû‘a lō’ ‘āləṯâ ’ăruḵaṯ baṯ-‘ammî:

23 mî-yitēn rō’šî mayim wə‘ênî məqwōr dimə‘â wə’eḇəkeh ywōmām wālayəlâ ’ēṯ ḥaləlê ḇaṯ-‘ammî:

‎1 ‏מִֽי־יִתְּנֵ֣נִי בַמִּדְבָּ֗ר מְלוֹן֙ אֹֽרְחִ֔ים וְאֶֽעֶזְבָה֙ אֶת־עַמִּ֔י וְאֵלְכָ֖ה מֵֽאִתָּ֑ם כִּ֤י כֻלָּם֙ מְנָ֣אֲפִ֔ים עֲצֶ֖רֶת בֹּגְדִֽים׃

‎2 ‏וַֽיַּדְרְכ֤וּ אֶת־לְשׁוֹנָם֙ קַשְׁתָּ֣ם שֶׁ֔קֶר וְלֹ֥א לֶאֱמוּנָ֖ה גָּבְר֣וּ בָאָ֑רֶץ כִּי֩ מֵרָעָ֨ה אֶל־רָעָ֧ה׀ יָצָ֛אוּ וְאֹתִ֥י לֹֽא־יָדָ֖עוּ נְאֻם־יְהוָֽה׃ ס

‎3 ‏אִ֤ישׁ מֵרֵעֵ֙הוּ֙ הִשָּׁמֵ֔רוּ וְעַל־כָּל־אָ֖ח אַל־תִּבְטָ֑חוּ כִּ֤י כָל־אָח֙ עָק֣וֹב יַעְקֹ֔ב וְכָל־רֵ֖עַ רָכִ֥יל יַהֲלֹֽךְ׃

‎4 ‏וְאִ֤ישׁ בְּרֵעֵ֙הוּ֙ יְהָתֵ֔לּוּ וֶאֱמֶ֖ת לֹ֣א יְדַבֵּ֑רוּ לִמְּד֧וּ לְשׁוֹנָ֛ם דַּבֶּר־שֶׁ֖קֶר הַעֲוֵ֥ה נִלְאֽוּ׃

‎5 ‏שִׁבְתְּךָ֖ בְּת֣וֹךְ מִרְמָ֑ה בְּמִרְמָ֛ה מֵאֲנ֥וּ דַֽעַת־אוֹתִ֖י נְאֻם־יְהוָֽה׃ ס

‎6 ‏לָכֵ֗ן כֹּ֤ה אָמַר֙ יְהוָ֣ה צְבָא֔וֹת הִנְנִ֥י צוֹרְפָ֖ם וּבְחַנְתִּ֑ים כִּֽי־אֵ֣יךְ אֶעֱשֶׂ֔ה מִפְּנֵ֖י בַּת־עַמִּֽי׃

‎7 ‏חֵ֥ץ שוחט שָׁח֛וּט לְשׁוֹנָ֖ם מִרְמָ֣ה דִבֵּ֑ר בְּפִ֗יו שָׁל֤וֹם אֶת־רֵעֵ֙הוּ֙ יְדַבֵּ֗ר וּבְקִרְבּ֖וֹ יָשִׂ֥ים אָרְבּֽוֹ׃

‎8 ‏הַעַל־אֵ֥לֶּה לֹֽא־אֶפְקָד־בָּ֖ם נְאֻם־יְהוָ֑ה אִ֚ם בְּג֣וֹי אֲשֶׁר־כָּזֶ֔ה לֹ֥א תִתְנַקֵּ֖ם נַפְשִֽׁי׃ ס

‎9 ‏עַל־הֶ֨הָרִ֜ים אֶשָּׂ֧א בְכִ֣י וָנֶ֗הִי וְעַל־נְא֤וֹת מִדְבָּר֙ קִינָ֔ה כִּ֤י נִצְּתוּ֙ מִבְּלִי־אִ֣ישׁ עֹבֵ֔ר וְלֹ֥א שָׁמְע֖וּ ק֣וֹל מִקְנֶ֑ה מֵע֤וֹף הַשָּׁמַ֙יִם֙ וְעַד־בְּהֵמָ֔ה נָדְד֖וּ הָלָֽכוּ׃

‎10 ‏וְנָתַתִּ֧י אֶת־יְרוּשָׁלִַ֛ם לְגַלִּ֖ים מְע֣וֹן תַּנִּ֑ים וְאֶת־עָרֵ֧י יְהוּדָ֛ה אֶתֵּ֥ן שְׁמָמָ֖ה מִבְּלִ֖י יוֹשֵֽׁב׃ ס

‎11 ‏מִֽי־הָאִ֤ישׁ הֶֽחָכָם֙ וְיָבֵ֣ן אֶת־זֹ֔את וַאֲשֶׁ֨ר דִּבֶּ֧ר פִּֽי־יְהוָ֛ה אֵלָ֖יו וְיַגִּדָ֑הּ עַל־מָה֙ אָבְדָ֣ה הָאָ֔רֶץ נִצְּתָ֥ה כַמִּדְבָּ֖ר מִבְּלִ֖י עֹבֵֽר׃ ס

‎12 ‏וַיֹּ֣אמֶר יְהוָ֔ה עַל־עָזְבָם֙ אֶת־תּ֣וֹרָתִ֔י אֲשֶׁ֥ר נָתַ֖תִּי לִפְנֵיהֶ֑ם וְלֹא־שָׁמְע֥וּ בְקוֹלִ֖י וְלֹא־הָ֥לְכוּ בָֽהּ׃

‎13 ‏וַיֵּ֣לְכ֔וּ אַחֲרֵ֖י שְׁרִר֣וּת לִבָּ֑ם וְאַחֲרֵי֙ הַבְּעָלִ֔ים אֲשֶׁ֥ר לִמְּד֖וּם אֲבוֹתָֽם׃ ס

‎14 ‏לָכֵ֗ן כֹּֽה־אָמַ֞ר יְהוָ֤ה צְבָאוֹת֙ אֱלֹהֵ֣י יִשְׂרָאֵ֔ל הִנְנִ֧י מַאֲכִילָ֛ם אֶת־הָעָ֥ם הַזֶּ֖ה לַֽעֲנָ֑ה וְהִשְׁקִיתִ֖ים מֵי־רֹֽאשׁ׃

‎15 ‏וַהֲפִֽצוֹתִים֙ בַּגּוֹיִ֔ם אֲשֶׁר֙ לֹ֣א יָֽדְע֔וּ הֵ֖מָּה וַֽאֲבוֹתָ֑ם וְשִׁלַּחְתִּ֤י אַֽחֲרֵיהֶם֙ אֶת־הַחֶ֔רֶב עַ֥ד כַּלּוֹתִ֖י אוֹתָֽם׃ פ

‎16 ‏כֹּ֤ה אָמַר֙ יְהוָ֣ה צְבָא֔וֹת הִתְבּֽוֹנְנ֛וּ וְקִרְא֥וּ לַמְקוֹנְנ֖וֹת וּתְבוֹאֶ֑ינָה וְאֶל־הַחֲכָמ֥וֹת שִׁלְח֖וּ וְתָבֽוֹאנָה׃

‎17 ‏וּתְמַהֵ֕רְנָה וְתִשֶּׂ֥נָה עָלֵ֖ינוּ נֶ֑הִי וְתֵרַ֤דְנָה עֵינֵ֙ינוּ֙ דִּמְעָ֔ה וְעַפְעַפֵּ֖ינוּ יִזְּלוּ־מָֽיִם׃

‎18 ‏כִּ֣י ק֥וֹל נְהִ֛י נִשְׁמַ֥ע מִצִּיּ֖וֹן אֵ֣יךְ שֻׁדָּ֑דְנוּ בֹּ֤שְׁנֽוּ מְאֹד֙ כִּֽי־עָזַ֣בְנוּ אָ֔רֶץ כִּ֥י הִשְׁלִ֖יכוּ מִשְׁכְּנוֹתֵֽינוּ׃ ס

‎19 ‏כִּֽי־שְׁמַ֤עְנָה נָשִׁים֙ דְּבַר־יְהוָ֔ה וְתִקַּ֥ח אָזְנְכֶ֖ם דְּבַר־פִּ֑יו וְלַמֵּ֤דְנָה בְנֽוֹתֵיכֶם֙ נֶ֔הִי וְאִשָּׁ֥ה רְעוּתָ֖הּ קִינָֽה׃

‎20 ‏כִּֽי־עָ֤לָה מָ֙וֶת֙ בְּחַלּוֹנֵ֔ינוּ בָּ֖א בְּאַרְמְנוֹתֵ֑ינוּ לְהַכְרִ֤ית עוֹלָל֙ מִח֔וּץ בַּחוּרִ֖ים מֵרְחֹבֽוֹת׃

‎21 ‏דַּבֵּ֗ר כֹּ֚ה נְאֻם־יְהוָ֔ה וְנָֽפְלָה֙ נִבְלַ֣ת הָֽאָדָ֔ם כְּדֹ֖מֶן עַל־פְּנֵ֣י הַשָּׂדֶ֑ה וּכְעָמִ֛יר מֵאַחֲרֵ֥י הַקֹּצֵ֖ר וְאֵ֥ין מְאַסֵּֽף׃ ס

‎22 ‏כֹּ֣ה׀ אָמַ֣ר יְהוָ֗ה אַל־יִתְהַלֵּ֤ל חָכָם֙ בְּחָכְמָת֔וֹ וְאַל־יִתְהַלֵּ֥ל הַגִּבּ֖וֹר בִּגְבֽוּרָת֑וֹ אַל־יִתְהַלֵּ֥ל עָשִׁ֖יר בְּעָשְׁרֽוֹ׃

‎23 ‏כִּ֣י אִם־בְּזֹ֞את יִתְהַלֵּ֣ל הַמִּתְהַלֵּ֗ל הַשְׂכֵּל֮ וְיָדֹ֣עַ אוֹתִי֒ כִּ֚י אֲנִ֣י יְהוָ֔ה עֹ֥שֶׂה חֶ֛סֶד מִשְׁפָּ֥ט וּצְדָקָ֖ה בָּאָ֑רֶץ כִּֽי־בְאֵ֥לֶּה חָפַ֖צְתִּי נְאֻם־יְהוָֽה׃ ס

‎24 ‏הִנֵּ֛ה יָמִ֥ים בָּאִ֖ים נְאֻם־יְהוָ֑ה וּפָ֣קַדְתִּ֔י עַל־כָּל־מ֖וּל בְּעָרְלָֽה׃

‎25 ‏עַל־מִצְרַ֣יִם וְעַל־יְהוּדָ֗ה וְעַל־אֱד֞וֹם וְעַל־בְּנֵ֤י עַמּוֹן֙ וְעַל־מוֹאָ֔ב וְעַל֙ כָּל־קְצוּצֵ֣י פֵאָ֔ה הַיֹּשְׁבִ֖ים בַּמִּדְבָּ֑ר כִּ֤י כָל־הַגּוֹיִם֙ עֲרֵלִ֔ים וְכָל־בֵּ֥ית יִשְׂרָאֵ֖ל עַרְלֵי־לֵֽב׃ ס

1 mî-yitənēnî ḇammiḏəbār məlwōn ’ōrəḥîm wə’e‘ezəḇâ ’eṯ-‘ammî wə’ēləḵâ mē’itām kî ḵullām mənā’ăfîm ‘ăṣereṯ bōḡəḏîm:

2 wayyaḏərəḵû ’eṯ-ləšwōnām qašətām šeqer wəlō’ le’ĕmûnâ gāḇərû ḇā’āreṣ kî mērā‘â ’el-rā‘â| yāṣā’û wə’ōṯî lō’-yāḏā‘û nə’um-yəhwâ: s

3 ’îš mērē‘ēhû hiššāmērû wə‘al-kāl-’āḥ ’al-tiḇəṭāḥû kî ḵāl-’āḥ ‘āqwōḇ y^a‘əqōḇ wəḵāl-rē‘a rāḵîl yahălōḵə:

4 wə’îš bərē‘ēhû yəhāṯēllû we’ĕmeṯ lō’ yəḏabērû limməḏû ləšwōnām daber-šeqer h^a‘ăwēh nilə’û:

5 šiḇətəḵā bəṯwōḵə mirəmâ bəmirəmâ mē’ănû ḏ^a‘aṯ-’wōṯî nə’um-yəhwâ: s

6 lāḵēn kōh ’āmar yəhwâ ṣəḇā’wōṯ hinənî ṣwōrəfām ûḇəḥanətîm kî-’êḵə ’e‘ĕśeh mipənê baṯ-‘ammî:

7 ḥēṣ šwōḥēṭ šāḥûṭ ləšwōnām mirəmâ ḏibēr bəfîw šālwōm ’eṯ-rē‘ēhû yəḏabēr ûḇəqirəbwō yāśîm ’ārəbwō:

8 h^a‘al-’ēlleh lō’-’efəqāḏ-bām nə’um-yəhwâ ’im bəḡwōy ’ăšer-kāzeh lō’ ṯiṯənaqqēm nafəšî: s

9 ‘al-hehārîm ’eśśā’ ḇəḵî wānehî wə‘al-nə’wōṯ miḏəbār qînâ kî niṣṣəṯû mibəlî-’îš ‘ōḇēr wəlō’ šāmə‘û qwōl miqəneh mē‘wōf haššāmayim wə‘aḏ-bəhēmâ nāḏəḏû hālāḵû:

10 wənāṯatî ’eṯ-yərûšālaim ləḡallîm mə‘wōn tannîm wə’eṯ-‘ārê yəhûḏâ ’etēn šəmāmâ mibəlî ywōšēḇ: s

11 mî-hā’îš heḥāḵām wəyāḇēn ’eṯ-zō’ṯ wa’ăšer diber pî-yəhwâ ’ēlāyw wəyagiḏāh ‘al-mâ ’āḇəḏâ hā’āreṣ niṣṣəṯâ ḵammiḏəbār mibəlî ‘ōḇēr: s

12 wayyō’mer yəhwâ ‘al-‘āzəḇām ’eṯ-twōrāṯî ’ăšer nāṯatî lifənêhem wəlō’-šāmə‘û ḇəqwōlî wəlō’-hāləḵû ḇāh:

13 wayyēləḵû ’^aḥărê šərirûṯ libām wə’^aḥărê habə‘ālîm ’ăšer limməḏûm ’ăḇwōṯām: s

14 lāḵēn kōh-’āmar yəhwâ ṣəḇā’wōṯ ’ĕlōhê yiśərā’ēl hinənî ma’ăḵîlām ’eṯ-hā‘ām hazzeh l^a‘ănâ wəhišəqîṯîm mê-rō’š:

15 wahăfiṣwōṯîm bagwōyim ’ăšer lō’ yāḏə‘û hēmmâ wa’ăḇwōṯām wəšill^aḥətî ’^aḥărêhem ’eṯ-h^aḥereḇ ‘aḏ kallwōṯî ’wōṯām: f

16 kōh ’āmar yəhwâ ṣəḇā’wōṯ hiṯəbwōnənû wəqirə’û laməqwōnənwōṯ ûṯəḇwō’eynâ wə’el-h^aḥăḵāmwōṯ šiləḥû wəṯāḇwō’nâ:

17 ûṯəmahērənâ wəṯiśśenâ ‘ālênû nehî wəṯēraḏənâ ‘ênênû dimə‘â wə‘afə‘apênû yizzəlû-māyim:

18 kî qwōl nəhî nišəm^a‘ miṣṣîywōn ’êḵə šudāḏənû bōšənû mə’ōḏ kî-‘āzaḇənû ’āreṣ kî hišəlîḵû mišəkənwōṯênû: s

19 kî-šəm^a‘ənâ nāšîm dəḇar-yəhwâ wəṯiqq^aḥ ’āzənəḵem dəḇar-pîw wəlammēḏənâ ḇənwōṯêḵem nehî wə’iššâ rə‘ûṯāh qînâ:

20 kî-‘ālâ māweṯ bəḥallwōnênû bā’ bə’arəmənwōṯênû ləhaḵərîṯ ‘wōlāl miḥûṣ b^aḥûrîm mērəḥōḇwōṯ:

21 dabēr kōh nə’um-yəhwâ wənāfəlâ niḇəlaṯ hā’āḏām kəḏōmen ‘al-pənê haśśāḏeh ûḵə‘āmîr mē’^aḥărê haqqōṣēr wə’ên mə’assēf: s

22 kōh| ’āmar yəhwâ ’al-yiṯəhallēl ḥāḵām bəḥāḵəmāṯwō wə’al-yiṯəhallēl hagibwōr biḡəḇûrāṯwō ’al-yiṯəhallēl ‘āšîr bə‘āšərwō:

23 kî ’im-bəzō’ṯ yiṯəhallēl hammiṯəhallēl haśəkēl wəyāḏō‘a ’wōṯî kî ’ănî yəhwâ ‘ōśeh ḥeseḏ mišəpāṭ ûṣəḏāqâ bā’āreṣ kî-ḇə’ēlleh ḥāfaṣətî nə’um-yəhwâ: s

24 hinnēh yāmîm bā’îm nə’um-yəhwâ ûfāqaḏətî ‘al-kāl-mûl bə‘ārəlâ:

25 ‘al-miṣərayim wə‘al-yəhûḏâ wə‘al-’ĕḏwōm wə‘al-bənê ‘ammwōn wə‘al-mwō’āḇ wə‘al kāl-qəṣûṣê fē’â hayyōšəḇîm bammiḏəbār kî ḵāl-hagwōyim ‘ărēlîm wəḵāl-bêṯ yiśərā’ēl ‘arəlê-lēḇ: s

‎1 ‏שִׁמְע֣וּ אֶת־הַדָּבָ֗ר אֲשֶׁ֨ר דִּבֶּ֧ר יְהוָ֛ה עֲלֵיכֶ֖ם בֵּ֥ית יִשְׂרָאֵֽל׃

‎2 ‏כֹּ֣ה׀ אָמַ֣ר יְהוָ֗ה אֶל־דֶּ֤רֶךְ הַגּוֹיִם֙ אַל־תִּלְמָ֔דוּ וּמֵאֹת֥וֹת הַשָּׁמַ֖יִם אַל־תֵּחָ֑תּוּ כִּֽי־יֵחַ֥תּוּ הַגּוֹיִ֖ם מֵהֵֽמָּה׃

‎3 ‏כִּֽי־חֻקּ֥וֹת הָֽעַמִּ֖ים הֶ֣בֶל ה֑וּא כִּֽי־עֵץ֙ מִיַּ֣עַר כְּרָת֔וֹ מַעֲשֵׂ֥ה יְדֵ֥י־חָרָ֖שׁ בַּֽמַּעֲצָֽד׃

‎4 ‏בְּכֶ֥סֶף וּבְזָהָ֖ב יְיַפֵּ֑הוּ בְּמַסְמְר֧וֹת וּבְמַקָּב֛וֹת יְחַזְּק֖וּם וְל֥וֹא יָפִֽיק׃

‎5 ‏כְּתֹ֨מֶר מִקְשָׁ֥ה הֵ֙מָּה֙ וְלֹ֣א יְדַבֵּ֔רוּ נָשׂ֥וֹא יִנָּשׂ֖וּא כִּ֣י לֹ֣א יִצְעָ֑דוּ אַל־תִּֽירְא֤וּ מֵהֶם֙ כִּי־לֹ֣א יָרֵ֔עוּ וְגַם־הֵיטֵ֖יב אֵ֥ין אוֹתָֽם׃ ס

‎6 ‏מֵאֵ֥ין כָּמ֖וֹךָ יְהוָ֑ה גָּד֥וֹל אַתָּ֛ה וְגָד֥וֹל שִׁמְךָ֖ בִּגְבוּרָֽה׃

‎7 ‏מִ֣י לֹ֤א יִֽרָאֲךָ֙ מֶ֣לֶךְ הַגּוֹיִ֔ם כִּ֥י לְךָ֖ יָאָ֑תָה כִּ֣י בְכָל־חַכְמֵ֧י הַגּוֹיִ֛ם וּבְכָל־מַלְכוּתָ֖ם מֵאֵ֥ין כָּמֽוֹךָ׃

‎8 ‏וּבְאַחַ֖ת יִבְעֲר֣וּ וְיִכְסָ֑לוּ מוּסַ֥ר הֲבָלִ֖ים עֵ֥ץ הֽוּא׃

‎9 ‏כֶּ֣סֶף מְרֻקָּ֞ע מִתַּרְשִׁ֣ישׁ יוּבָ֗א וְזָהָב֙ מֵֽאוּפָ֔ז מַעֲשֵׂ֥ה חָרָ֖שׁ וִידֵ֣י צוֹרֵ֑ף תְּכֵ֤לֶת וְאַרְגָּמָן֙ לְבוּשָׁ֔ם מַעֲשֵׂ֥ה חֲכָמִ֖ים כֻּלָּֽם׃

‎10 ‏וַֽיהוָ֤ה אֱלֹהִים֙ אֱמֶ֔ת הֽוּא־אֱלֹהִ֥ים חַיִּ֖ים וּמֶ֣לֶךְ עוֹלָ֑ם מִקִּצְפּוֹ֙ תִּרְעַ֣שׁ הָאָ֔רֶץ וְלֹֽא־יָכִ֥לוּ גוֹיִ֖ם זַעְמֽוֹ׃ ס

‎11 ‏כִּדְנָה֙ תֵּאמְר֣וּן לְה֔וֹם אֱלָ֣הַיָּ֔א דִּֽי־שְׁמַיָּ֥א וְאַרְקָ֖א לָ֣א עֲבַ֑דוּ יֵאבַ֧דוּ מֵֽאַרְעָ֛א וּמִן־תְּח֥וֹת שְׁמַיָּ֖א אֵֽלֶּה׃ ס

‎12 ‏עֹשֵׂ֥ה אֶ֙רֶץ֙ בְּכֹח֔וֹ מֵכִ֥ין תֵּבֵ֖ל בְּחָכְמָת֑וֹ וּבִתְבוּנָת֖וֹ נָטָ֥ה שָׁמָֽיִם׃

‎13 ‏לְק֨וֹל תִּתּ֜וֹ הֲמ֥וֹן מַ֙יִם֙ בַּשָּׁמַ֔יִם וַיַּעֲלֶ֥ה נְשִׂאִ֖ים מִקְצֵ֣ה ארץ הָאָ֑רֶץ בְּרָקִ֤ים לַמָּטָר֙ עָשָׂ֔ה וַיּ֥וֹצֵא ר֖וּחַ מֵאֹצְרֹתָֽיו׃

‎14 ‏נִבְעַ֤ר כָּל־אָדָם֙ מִדַּ֔עַת הֹבִ֥ישׁ כָּל־צוֹרֵ֖ף מִפָּ֑סֶל כִּ֛י שֶׁ֥קֶר נִסְכּ֖וֹ וְלֹא־ר֥וּחַ בָּֽם׃

‎15 ‏הֶ֣בֶל הֵ֔מָּה מַעֲשֵׂ֖ה תַּעְתֻּעִ֑ים בְּעֵ֥ת פְּקֻדָּתָ֖ם יֹאבֵֽדוּ׃

‎16 ‏לֹֽא־כְאֵ֜לֶּה חֵ֣לֶק יַעֲקֹ֗ב כִּֽי־יוֹצֵ֤ר הַכֹּל֙ ה֔וּא וְיִ֨שְׂרָאֵ֔ל שֵׁ֖בֶט נַֽחֲלָת֑וֹ יְהוָ֥ה צְבָא֖וֹת שְׁמֽוֹ׃ ס

‎17 ‏אִסְפִּ֥י מֵאֶ֖רֶץ כִּנְעָתֵ֑ךְ ישבתי יֹשֶׁ֖בֶת בַּמָּצֽוֹר׃ ס

‎18 ‏כִּֽי־כֹה֙ אָמַ֣ר יְהוָ֔ה הִנְנִ֥י קוֹלֵ֛עַ אֶת־יוֹשְׁבֵ֥י הָאָ֖רֶץ בַּפַּ֣עַם הַזֹּ֑את וַהֲצֵר֥וֹתִי לָהֶ֖ם לְמַ֥עַן יִמְצָֽאוּ׃ ס

‎19 ‏א֥וֹי לִי֙ עַל־שִׁבְרִ֔י נַחְלָ֖ה מַכָּתִ֑י וַאֲנִ֣י אָמַ֔רְתִּי אַ֛ךְ זֶ֥ה חֳלִ֖י וְאֶשָּׂאֶֽנּוּ׃

‎20 ‏אָהֳלִ֣י שֻׁדָּ֔ד וְכָל־מֵיתָרַ֖י נִתָּ֑קוּ בָּנַ֤י יְצָאֻ֙נִי֙ וְאֵינָ֔ם אֵין־נֹטֶ֥ה עוֹד֙ אָהֳלִ֔י וּמֵקִ֖ים יְרִיעוֹתָֽי׃

‎21 ‏כִּ֤י נִבְעֲרוּ֙ הָֽרֹעִ֔ים וְאֶת־יְהוָ֖ה לֹ֣א דָרָ֑שׁוּ עַל־כֵּן֙ לֹ֣א הִשְׂכִּ֔ילוּ וְכָל־מַרְעִיתָ֖ם נָפֽוֹצָה׃ ס

‎22 ‏ק֤וֹל שְׁמוּעָה֙ הִנֵּ֣ה בָאָ֔ה וְרַ֥עַשׁ גָּד֖וֹל מֵאֶ֣רֶץ צָפ֑וֹן לָשׂ֞וּם אֶת־עָרֵ֧י יְהוּדָ֛ה שְׁמָמָ֖ה מְע֥וֹן תַּנִּֽים׃ ס

‎23 ‏יָדַ֣עְתִּי יְהוָ֔ה כִּ֛י לֹ֥א לָאָדָ֖ם דַּרְכּ֑וֹ לֹֽא־לְאִ֣ישׁ הֹלֵ֔ךְ וְהָכִ֖ין אֶֽת־צַעֲדֽוֹ׃

‎24 ‏יַסְּרֵ֥נִי יְהוָ֖ה אַךְ־בְּמִשְׁפָּ֑ט אַל־בְּאַפְּךָ֖ פֶּן־תַּמְעִטֵֽנִי׃

‎25 ‏שְׁפֹ֣ךְ חֲמָתְךָ֗ עַל־הַגּוֹיִם֙ אֲשֶׁ֣ר לֹֽא־יְדָע֔וּךָ וְעַל֙ מִשְׁפָּח֔וֹת אֲשֶׁ֥ר בְּשִׁמְךָ֖ לֹ֣א קָרָ֑אוּ כִּֽי־אָכְל֣וּ אֶֽת־יַעֲקֹ֗ב וַאֲכָלֻ֙הוּ֙ וַיְכַלֻּ֔הוּ וְאֶת־נָוֵ֖הוּ הֵשַֽׁמּוּ׃ פ

1 šimə‘û ’eṯ-hadāḇār ’ăšer diber yəhwâ ‘ălêḵem bêṯ yiśərā’ēl:

2 kōh| ’āmar yəhwâ ’el-dereḵə hagwōyim ’al-tiləmāḏû ûmē’ōṯwōṯ haššāmayim ’al-tēḥātû kî-yēḥatû hagwōyim mēhēmmâ:

3 kî-ḥuqqwōṯ hā‘ammîm heḇel hû’ kî-‘ēṣ mîy^a‘ar kərāṯwō m^a‘ăśēh yəḏê-ḥārāš bamm^a‘ăṣāḏ:

4 bəḵesef ûḇəzâāḇ yəyapēhû bəmasəmərwōṯ ûḇəmaqqāḇwōṯ yəḥazzəqûm wəlwō’ yāfîq:

5 kəṯōmer miqəšâ hēmmâ wəlō’ yəḏabērû nāśwō’ yinnāśû’ kî lō’ yiṣə‘āḏû ’al-tîrə’û mēhem kî-lō’ yārē‘û wəḡam-hêṭêḇ ’ên ’wōṯām: s

6 mē’ên kāmwōḵā yəhwâ gāḏwōl ’atâ wəḡāḏwōl šiməḵā biḡəḇûrâ:

7 mî lō’ yirā’ăḵā meleḵə hagwōyim kî ləḵā yā’āṯâ kî ḇəḵāl-ḥaḵəmê hagwōyim ûḇəḵāl-maləḵûṯām mē’ên kāmwōḵā:

8 ûḇə’^aḥaṯ yiḇə‘ărû wəyiḵəsālû mûsar hăḇālîm ‘ēṣ hû’:

9 kesef məruqqā‘ mitarəšîš yûḇā’ wəzâāḇ mē’ûfāz m^a‘ăśēh ḥārāš wîḏê ṣwōrēf təḵēleṯ wə’arəgāmān ləḇûšām m^a‘ăśēh ḥăḵāmîm kullām:

10 wayhwâ ’ĕlōhîm ’ĕmeṯ hû’-’ĕlōhîm ḥayyîm ûmeleḵə ‘wōlām miqqiṣəpwō tirə‘aš hā’āreṣ wəlō’-yāḵilû ḡwōyim z^a‘əmwō: s

11 kiḏənâ tē’mərûn ləhwōm ’ĕlâayyā’ dî-šəmayyā’ wə’arəqā’ lā’ ‘ăḇaḏû yē’ḇaḏû mē’arə‘ā’ ûmin-təḥwōṯ šəmayyā’ ’ēlleh: s

12 ‘ōśēh ’ereṣ bəḵōḥwō mēḵîn tēḇēl bəḥāḵəmāṯwō ûḇiṯəḇûnāṯwō nāṭâ šāmāyim:

13 ləqwōl titwō hămwōn mayim baššāmayim wayy^a‘ăleh nəśi’îm miqəṣēh ’ereṣ hā’āreṣ bərāqîm lammāṭār ‘āśâ wayywōṣē’ rûḥa mē’ōṣərōṯāyw:

14 niḇə‘ar kāl-’āḏām mid^a‘aṯ hōḇîš kāl-ṣwōrēf mipāsel kî šeqer nisəkwō wəlō’-rûḥa bām:

15 heḇel hēmmâ m^a‘ăśēh t^a‘ətu‘îm bə‘ēṯ pəqudāṯām yō’ḇēḏû:

16 lō’-ḵə’ēlleh ḥēleq y^a‘ăqōḇ kî-ywōṣēr hakōl hû’ wəyiśərā’ēl šēḇeṭ n^aḥălāṯwō yəhwâ ṣəḇā’wōṯ šəmwō: s

17 ’isəpî mē’ereṣ kinə‘āṯēḵə yōšaḇətî yōšeḇeṯ bammāṣwōr: s

18 kî-ḵōh ’āmar yəhwâ hinənî qwōlē‘a ’eṯ-ywōšəḇê hā’āreṣ bap^a‘am hazzō’ṯ wahăṣērwōṯî lâem ləm^a‘an yiməṣā’û: s

19 ’wōy lî ‘al-šiḇərî n^aḥəlâ makāṯî wa’ănî ’āmarətî ’aḵə zeh ḥŏlî wə’eśśā’ennû:

20 ’âŏlî šudāḏ wəḵāl-mêṯāray nitāqû bānay yəṣā’unî wə’ênām ’ên-nōṭeh ‘wōḏ ’âŏlî ûmēqîm yərî‘wōṯāy:

21 kî niḇə‘ărû hārō‘îm wə’eṯ-yəhwâ lō’ ḏārāšû ‘al-kēn lō’ hiśəkîlû wəḵāl-marə‘îṯām nāfwōṣâ: s

22 qwōl šəmû‘â hinnēh ḇā’â wər^a‘aš gāḏwōl mē’ereṣ ṣāfwōn lāśûm ’eṯ-‘ārê yəhûḏâ šəmāmâ mə‘wōn tannîm: s

23 yāḏ^a‘ətî yəhwâ kî lō’ lā’āḏām darəkwō lō’-lə’îš hōlēḵə wəhāḵîn ’eṯ-ṣ^a‘ăḏwō:

24 yassərēnî yəhwâ ’aḵə-bəmišəpāṭ ’al-bə’apəḵā pen-tamə‘iṭēnî:

25 šəfōḵə ḥămāṯəḵā ‘al-hagwōyim ’ăšer lō’-yəḏā‘ûḵā wə‘al mišəpāḥwōṯ ’ăšer bəšiməḵā lō’ qārā’û kî-’āḵəlû ’eṯ-y^a‘ăqōḇ wa’ăḵāluhû wayəḵalluhû wə’eṯ-nāwēhû hēšammû: f

‎1 ‏הַדָּבָר֙ אֲשֶׁ֣ר הָיָ֣ה אֶֽל־יִרְמְיָ֔הוּ מֵאֵ֥ת יְהוָ֖ה לֵאמֹֽר׃

‎2 ‏שִׁמְע֕וּ אֶת־דִּבְרֵ֖י הַבְּרִ֣ית הַזֹּ֑את וְדִבַּרְתָּם֙ אֶל־אִ֣ישׁ יְהוּדָ֔ה וְעַל־יֹשְׁבֵ֖י יְרוּשָׁלִָֽם׃

‎3 ‏וְאָמַרְתָּ֣ אֲלֵיהֶ֔ם כֹּֽה־אָמַ֥ר יְהוָ֖ה אֱלֹהֵ֣י יִשְׂרָאֵ֑ל אָר֣וּר הָאִ֔ישׁ אֲשֶׁר֙ לֹ֣א יִשְׁמַ֔ע אֶת־דִּבְרֵ֖י הַבְּרִ֥ית הַזֹּֽאת׃

‎4 ‏אֲשֶׁ֣ר צִוִּ֣יתִי אֶת־אֲבֽוֹתֵיכֶ֡ם בְּי֣וֹם הוֹצִיאִֽי־אוֹתָ֣ם מֵאֶֽרֶץ־מִצְרַיִם֩ מִכּ֨וּר הַבַּרְזֶ֜ל לֵאמֹ֗ר שִׁמְע֤וּ בְקוֹלִי֙ וַעֲשִׂיתֶ֣ם אוֹתָ֔ם כְּכֹ֥ל אֲשֶׁר־אֲצַוֶּ֖ה אֶתְכֶ֑ם וִהְיִ֤יתֶם לִי֙ לְעָ֔ם וְאָ֣נֹכִ֔י אֶהְיֶ֥ה לָכֶ֖ם לֵאלֹהִֽים׃

‎5 ‏לְמַעַן֩ הָקִ֨ים אֶת־הַשְּׁבוּעָ֜ה אֲשֶׁר־נִשְׁבַּ֣עְתִּי לַאֲבֽוֹתֵיכֶ֗ם לָתֵ֤ת לָהֶם֙ אֶ֣רֶץ זָבַ֥ת חָלָ֛ב וּדְבַ֖שׁ כַּיּ֣וֹם הַזֶּ֑ה וָאַ֥עַן וָאֹמַ֖ר אָמֵ֥ן׀ יְהוָֽה׃ ס

‎6 ‏וַיֹּ֤אמֶר יְהוָה֙ אֵלַ֔י קְרָ֨א אֶת־כָּל־הַדְּבָרִ֤ים הָאֵ֙לֶּה֙ בְּעָרֵ֣י יְהוּדָ֔ה וּבְחֻצ֥וֹת יְרוּשָׁלִַ֖ם לֵאמֹ֑ר שִׁמְע֗וּ אֶת־דִּבְרֵי֙ הַבְּרִ֣ית הַזֹּ֔את וַעֲשִׂיתֶ֖ם אוֹתָֽם׃

‎7 ‏כִּי֩ הָעֵ֨ד הַעִדֹ֜תִי בַּאֲבֽוֹתֵיכֶ֗ם בְּיוֹם֩ הַעֲלוֹתִ֨י אוֹתָ֜ם מֵאֶ֤רֶץ מִצְרַ֙יִם֙ וְעַד־הַיּ֣וֹם הַזֶּ֔ה הַשְׁכֵּ֥ם וְהָעֵ֖ד לֵאמֹ֑ר שִׁמְע֖וּ בְּקוֹלִֽי׃

‎8 ‏וְלֹ֤א שָֽׁמְעוּ֙ וְלֹֽא־הִטּ֣וּ אֶת־אָזְנָ֔ם וַיֵּ֣לְכ֔וּ אִ֕ישׁ בִּשְׁרִיר֖וּת לִבָּ֣ם הָרָ֑ע וָאָבִ֨יא עֲלֵיהֶ֜ם אֶֽת־כָּל־דִּבְרֵ֧י הַבְּרִית־הַזֹּ֛את אֲשֶׁר־צִוִּ֥יתִי לַעֲשׂ֖וֹת וְלֹ֥א עָשֽׂוּ׃ ס

‎9 ‏וַיֹּ֥אמֶר יְהוָ֖ה אֵלָ֑י נִֽמְצָא־קֶ֙שֶׁר֙ בְּאִ֣ישׁ יְהוּדָ֔ה וּבְיֹשְׁבֵ֖י יְרוּשָׁלִָֽם׃

‎10 ‏שָׁ֩בוּ֩ עַל־עֲוֹנֹ֨ת אֲבוֹתָ֜ם הָרִֽאשֹׁנִ֗ים אֲשֶׁ֤ר מֵֽאֲנוּ֙ לִשְׁמ֣וֹעַ אֶת־דְּבָרַ֔י וְהֵ֣מָּה הָלְכ֗וּ אַחֲרֵ֛י אֱלֹהִ֥ים אֲחֵרִ֖ים לְעָבְדָ֑ם הֵפֵ֤רוּ בֵֽית־יִשְׂרָאֵל֙ וּבֵ֣ית יְהוּדָ֔ה אֶת־בְּרִיתִ֕י אֲשֶׁ֥ר כָּרַ֖תִּי אֶת־אֲבוֹתָֽם׃ ס

‎11 ‏לָכֵ֗ן כֹּ֚ה אָמַ֣ר יְהוָ֔ה הִנְנִ֨י מֵבִ֤יא אֲלֵיהֶם֙ רָעָ֔ה אֲשֶׁ֥ר לֹֽא־יוּכְל֖וּ לָצֵ֣את מִמֶּ֑נָּה וְזָעֲק֣וּ אֵלַ֔י וְלֹ֥א אֶשְׁמַ֖ע אֲלֵיהֶֽם׃

‎12 ‏וְהָֽלְכ֞וּ עָרֵ֣י יְהוּדָ֗ה וְיֹשְׁבֵי֙ יְר֣וּשָׁלִַ֔ם וְזָֽעֲקוּ֙ אֶל־הָ֣אֱלֹהִ֔ים אֲשֶׁ֛ר הֵ֥ם מְקַטְּרִ֖ים לָהֶ֑ם וְהוֹשֵׁ֛עַ לֹֽא־יוֹשִׁ֥יעוּ לָהֶ֖ם בְּעֵ֥ת רָעָתָֽם׃

‎13 ‏כִּ֚י מִסְפַּ֣ר עָרֶ֔יךָ הָי֥וּ אֱלֹהֶ֖יךָ יְהוּדָ֑ה וּמִסְפַּ֞ר חֻצ֣וֹת יְרוּשָׁלִַ֗ם שַׂמְתֶּ֤ם מִזְבְּחוֹת֙ לַבֹּ֔שֶׁת מִזְבְּח֖וֹת לְקַטֵּ֥ר לַבָּֽעַל׃ ס

‎14 ‏וְאַתָּ֗ה אַל־תִּתְפַּלֵּל֙ בְּעַד־הָעָ֣ם הַזֶּ֔ה וְאַל־תִּשָּׂ֥א בַעֲדָ֖ם רִנָּ֣ה וּתְפִלָּ֑ה כִּ֣י אֵינֶ֣נִּי שֹׁמֵ֗עַ בְּעֵ֛ת קָרְאָ֥ם אֵלַ֖י בְּעַ֥ד רָעָתָֽם׃ ס

‎15 ‏מֶ֣ה לִֽידִידִ֞י בְּבֵיתִ֗י עֲשׂוֹתָ֤הּ הַֽמְזִמָּ֙תָה֙ הָֽרַבִּ֔ים וּבְשַׂר־קֹ֖דֶשׁ יַעַבְר֣וּ מֵֽעָלָ֑יִךְ כִּ֥י רָעָתֵ֖כִי אָ֥ז תַּעֲלֹֽזִי׃

‎16 ‏זַ֤יִת רַֽעֲנָן֙ יְפֵ֣ה פְרִי־תֹ֔אַר קָרָ֥א יְהוָ֖ה שְׁמֵ֑ךְ לְק֣וֹל׀ הֲמוּלָּ֣ה גְדֹלָ֗ה הִצִּ֥ית אֵשׁ֙ עָלֶ֔יהָ וְרָע֖וּ דָּלִיּוֹתָֽיו׃

‎17 ‏וַיהוָ֤ה צְבָאוֹת֙ הַנּוֹטֵ֣עַ אוֹתָ֔ךְ דִּבֶּ֥ר עָלַ֖יִךְ רָעָ֑ה בִּ֠גְלַל רָעַ֨ת בֵּֽית־יִשְׂרָאֵ֜ל וּבֵ֣ית יְהוּדָ֗ה אֲשֶׁ֨ר עָשׂ֥וּ לָהֶ֛ם לְהַכְעִסֵ֖נִי לְקַטֵּ֥ר לַבָּֽעַל׃ ס

‎18 ‏וַֽיהוָ֥ה הֽוֹדִיעַ֖נִי וָֽאֵדָ֑עָה אָ֖ז הִרְאִיתַ֥נִי מַעַלְלֵיהֶֽם׃

‎19 ‏וַאֲנִ֕י כְּכֶ֥בֶשׂ אַלּ֖וּף יוּבַ֣ל לִטְב֑וֹחַ וְלֹֽא־יָדַ֜עְתִּי כִּֽי־עָלַ֣י׀ חָשְׁב֣וּ מַחֲשָׁב֗וֹת נַשְׁחִ֨יתָה עֵ֤ץ בְּלַחְמוֹ֙ וְנִכְרְתֶ֙נּוּ֙ מֵאֶ֣רֶץ חַיִּ֔ים וּשְׁמ֖וֹ לֹֽא־יִזָּכֵ֥ר עֽוֹד׃

‎20 ‏וַֽיהוָ֤ה צְבָאוֹת֙ שֹׁפֵ֣ט צֶ֔דֶק בֹּחֵ֥ן כְּלָי֖וֹת וָלֵ֑ב אֶרְאֶ֤ה נִקְמָֽתְךָ֙ מֵהֶ֔ם כִּ֥י אֵלֶ֖יךָ גִּלִּ֥יתִי אֶת־רִיבִֽי׃ ס

‎21 ‏לָכֵ֗ן כֹּֽה־אָמַ֤ר יְהוָה֙ עַל־אַנְשֵׁ֣י עֲנָת֔וֹת הַֽמְבַקְשִׁ֥ים אֶֽת־נַפְשְׁךָ֖ לֵאמֹ֑ר לֹ֤א תִנָּבֵא֙ בְּשֵׁ֣ם יְהוָ֔ה וְלֹ֥א תָמ֖וּת בְּיָדֵֽנוּ׃ ס

‎22 ‏לָכֵ֗ן כֹּ֤ה אָמַר֙ יְהוָ֣ה צְבָא֔וֹת הִנְנִ֥י פֹקֵ֖ד עֲלֵיהֶ֑ם הַבַּֽחוּרִים֙ יָמֻ֣תוּ בַחֶ֔רֶב בְּנֵיהֶם֙ וּבְנ֣וֹתֵיהֶ֔ם יָמֻ֖תוּ בָּרָעָֽב׃

‎23 ‏וּשְׁאֵרִ֕ית לֹ֥א תִֽהְיֶ֖ה לָהֶ֑ם כִּֽי־אָבִ֥יא רָעָ֛ה אֶל־אַנְשֵׁ֥י עֲנָת֖וֹת שְׁנַ֥ת פְּקֻדָּתָֽם׃ ס

1 hadāḇār ’ăšer hāyâ ’el-yirəməyâû mē’ēṯ yəhwâ lē’mōr:

2 šimə‘û ’eṯ-diḇərê habərîṯ hazzō’ṯ wəḏibarətām ’el-’îš yəhûḏâ wə‘al-yōšəḇê yərûšālāim:

3 wə’āmarətā ’ălêhem kōh-’āmar yəhwâ ’ĕlōhê yiśərā’ēl ’ārûr hā’îš ’ăšer lō’ yišəm^a‘ ’eṯ-diḇərê habərîṯ hazzō’ṯ:

4 ’ăšer ṣiûîṯî ’eṯ-’ăḇwōṯêḵem bəywōm hwōṣî’î-’wōṯām mē’ereṣ-miṣərayim mikûr habarəzel lē’mōr šimə‘û ḇəqwōlî w^a‘ăśîṯem ’wōṯām kəḵōl ’ăšer-’ăṣaûeh ’eṯəḵem wihəyîṯem lî lə‘ām wə’ānōḵî ’ehəyeh lāḵem lē’lōhîm:

5 ləm^a‘an hāqîm ’eṯ-haššəḇû‘â ’ăšer-nišəb^a‘ətî la’ăḇwōṯêḵem lāṯēṯ lâem ’ereṣ zāḇaṯ ḥālāḇ ûḏəḇaš kayywōm hazzeh wā’^a‘an wā’ōmar ’āmēn| yəhwâ: s

6 wayyō’mer yəhwâ ’ēlay qərā’ ’eṯ-kāl-hadəḇārîm hā’ēlleh bə‘ārê yəhûḏâ ûḇəḥuṣwōṯ yərûšālaim lē’mōr šimə‘û ’eṯ-diḇərê habərîṯ hazzō’ṯ w^a‘ăśîṯem ’wōṯām:

7 kî hā‘ēḏ h^a‘iḏōṯî ba’ăḇwōṯêḵem bəywōm h^a‘ălwōṯî ’wōṯām mē’ereṣ miṣərayim wə‘aḏ-hayywōm hazzeh hašəkēm wəhā‘ēḏ lē’mōr šimə‘û bəqwōlî:

8 wəlō’ šāmə‘û wəlō’-hiṭṭû ’eṯ-’āzənām wayyēləḵû ’îš bišərîrûṯ libām hārā‘ wā’āḇî’ ‘ălêhem ’eṯ-kāl-diḇərê habərîṯ-hazzō’ṯ ’ăšer-ṣiûîṯî l^a‘ăśwōṯ wəlō’ ‘āśû: s

9 wayyō’mer yəhwâ ’ēlāy niməṣā’-qešer bə’îš yəhûḏâ ûḇəyōšəḇê yərûšālāim:

10 šāḇû ‘al-‘ăwōnōṯ ’ăḇwōṯām hāri’šōnîm ’ăšer mē’ănû lišəmwō‘a ’eṯ-dəḇāray wəhēmmâ hāləḵû ’^aḥărê ’ĕlōhîm ’ăḥērîm lə‘āḇəḏām hēfērû ḇêṯ-yiśərā’ēl ûḇêṯ yəhûḏâ ’eṯ-bərîṯî ’ăšer kāratî ’eṯ-’ăḇwōṯām: s

11 lāḵēn kōh ’āmar yəhwâ hinənî mēḇî’ ’ălêhem rā‘â ’ăšer lō’-yûḵəlû lāṣē’ṯ mimmennâ wəzā‘ăqû ’ēlay wəlō’ ’ešəm^a‘ ’ălêhem:

12 wəhāləḵû ‘ārê yəhûḏâ wəyōšəḇê yərûšālaim wəzā‘ăqû ’el-hā’ĕlōhîm ’ăšer hēm məqaṭṭərîm lâem wəhwōšē‘a lō’-ywōšî‘û lâem bə‘ēṯ rā‘āṯām:

13 kî misəpar ‘āreyḵā hāyû ’ĕlōheyḵā yəhûḏâ ûmisəpar ḥuṣwōṯ yərûšālaim śamətem mizəbəḥwōṯ labōšeṯ mizəbəḥwōṯ ləqaṭṭēr labā‘al: s

14 wə’atâ ’al-tiṯəpallēl bə‘aḏ-hā‘ām hazzeh wə’al-tiśśā’ ḇ^a‘ăḏām rinnâ ûṯəfillâ kî ’ênennî šōmē‘a bə‘ēṯ qārə’ām ’ēlay bə‘aḏ rā‘āṯām: s

15 meh lîḏîḏî bəḇêṯî ‘ăśwōṯāh haməzimmāṯâ hārabîm ûḇəśar-qōḏeš y^a‘aḇərû mē‘ālāyiḵə kî rā‘āṯēḵî ’āz t^a‘ălōzî:

16 zayiṯ r^a‘ănān yəfēh fərî-ṯō’ar qārā’ yəhwâ šəmēḵə ləqwōl| hămûllâ ḡəḏōlâ hiṣṣîṯ ’ēš ‘āleyhā wərā‘û dālîywōṯāyw:

17 wayhwâ ṣəḇā’wōṯ hannwōṭē‘a ’wōṯāḵə diber ‘ālayiḵə rā‘â biḡəlal rā‘aṯ bêṯ-yiśərā’ēl ûḇêṯ yəhûḏâ ’ăšer ‘āśû lâem ləhaḵə‘isēnî ləqaṭṭēr labā‘al: s

18 wayhwâ hwōḏî‘anî wā’ēḏā‘â ’āz hirə’îṯanî m^a‘aləlêhem:

19 wa’ănî kəḵeḇeś ’allûf yûḇal liṭəḇwōḥa wəlō’-yāḏ^a‘ətî kî-‘ālay| ḥāšəḇû m^aḥăšāḇwōṯ našəḥîṯâ ‘ēṣ bəl^aḥəmwō wəniḵərəṯennû mē’ereṣ ḥayyîm ûšəmwō lō’-yizzāḵēr ‘wōḏ:

20 wayhwâ ṣəḇā’wōṯ šōfēṭ ṣeḏeq bōḥēn kəlāywōṯ wālēḇ ’erə’eh niqəmāṯəḵā mēhem kî ’ēleyḵā gillîṯî ’eṯ-rîḇî: s

21 lāḵēn kōh-’āmar yəhwâ ‘al-’anəšê ‘ănāṯwōṯ haməḇaqəšîm ’eṯ-nafəšəḵā lē’mōr lō’ ṯinnāḇē’ bəšēm yəhwâ wəlō’ ṯāmûṯ bəyāḏēnû: s

22 lāḵēn kōh ’āmar yəhwâ ṣəḇā’wōṯ hinənî fōqēḏ ‘ălêhem hab^aḥûrîm yāmuṯû ḇ^aḥereḇ bənêhem ûḇənwōṯêhem yāmuṯû bārā‘āḇ:

23 ûšə’ērîṯ lō’ ṯihəyeh lâem kî-’āḇî’ rā‘â ’el-’anəšê ‘ănāṯwōṯ šənaṯ pəqudāṯām: s

‎1 ‏צַדִּ֤יק אַתָּה֙ יְהוָ֔ה כִּ֥י אָרִ֖יב אֵלֶ֑יךָ אַ֤ךְ מִשְׁפָּטִים֙ אֲדַבֵּ֣ר אוֹתָ֔ךְ מַדּ֗וּעַ דֶּ֤רֶךְ רְשָׁעִים֙ צָלֵ֔חָה שָׁל֖וּ כָּל־בֹּ֥גְדֵי בָֽגֶד׃

‎2 ‏נְטַעְתָּם֙ גַּם־שֹׁרָ֔שׁוּ יֵלְכ֖וּ גַּם־עָ֣שׂוּ פֶ֑רִי קָר֤וֹב אַתָּה֙ בְּפִיהֶ֔ם וְרָח֖וֹק מִכִּלְיוֹתֵיהֶֽם׃

‎3 ‏וְאַתָּ֤ה יְהוָה֙ יְדַעְתָּ֔נִי תִּרְאֵ֕נִי וּבָחַנְתָּ֥ לִבִּ֖י אִתָּ֑ךְ הַתִּקֵם֙ כְּצֹ֣אן לְטִבְחָ֔ה וְהַקְדִּשֵׁ֖ם לְי֥וֹם הֲרֵגָֽה׃ ס

‎4 ‏עַד־מָתַי֙ תֶּאֱבַ֣ל הָאָ֔רֶץ וְעֵ֥שֶׂב כָּל־הַשָּׂדֶ֖ה יִיבָ֑שׁ מֵרָעַ֣ת יֹֽשְׁבֵי־בָ֗הּ סָפְתָ֤ה בְהֵמוֹת֙ וָע֔וֹף כִּ֣י אָמְר֔וּ לֹ֥א יִרְאֶ֖ה אֶת־אַחֲרִיתֵֽנוּ׃

‎5 ‏כִּ֣י אֶת־רַגְלִ֥ים׀ רַ֙צְתָּה֙ וַיַּלְא֔וּךָ וְאֵ֥יךְ תְּתַֽחֲרֶ֖ה אֶת־הַסּוּסִ֑ים וּבְאֶ֤רֶץ שָׁלוֹם֙ אַתָּ֣ה בוֹטֵ֔חַ וְאֵ֥יךְ תַּעֲשֶׂ֖ה בִּגְא֥וֹן הַיַּרְדֵּֽן׃

‎6 ‏כִּ֧י גַם־אַחֶ֣יךָ וּבֵית־אָבִ֗יךָ גַּם־הֵ֙מָּה֙ בָּ֣גְדוּ בָ֔ךְ גַּם־הֵ֛מָּה קָרְא֥וּ אַחֲרֶ֖יךָ מָלֵ֑א אַל־תַּאֲמֵ֣ן בָּ֔ם כִּֽי־יְדַבְּר֥וּ אֵלֶ֖יךָ טוֹבֽוֹת׃ ס

‎7 ‏עָזַ֙בְתִּי֙ אֶת־בֵּיתִ֔י נָטַ֖שְׁתִּי אֶת־נַחֲלָתִ֑י נָתַ֛תִּי אֶת־יְדִד֥וּת נַפְשִׁ֖י בְּכַ֥ף אֹיְבֶֽיהָ׃

‎8 ‏הָיְתָה־לִּ֥י נַחֲלָתִ֖י כְּאַרְיֵ֣ה בַיָּ֑עַר נָתְנָ֥ה עָלַ֛י בְּקוֹלָ֖הּ עַל־כֵּ֥ן שְׂנֵאתִֽיהָ׃

‎9 ‏הַעַ֨יִט צָב֤וּעַ נַחֲלָתִי֙ לִ֔י הַעַ֖יִט סָבִ֣יב עָלֶ֑יהָ לְכ֗וּ אִסְפ֛וּ כָּל־חַיַּ֥ת הַשָּׂדֶ֖ה הֵתָ֥יוּ לְאָכְלָֽה׃

‎10 ‏רֹעִ֤ים רַבִּים֙ שִֽׁחֲת֣וּ כַרְמִ֔י בֹּסְס֖וּ אֶת־חֶלְקָתִ֑י נָֽתְנ֛וּ אֶת־חֶלְקַ֥ת חֶמְדָּתִ֖י לְמִדְבַּ֥ר שְׁמָמָֽה׃

‎11 ‏שָׂמָהּ֙ לִשְׁמָמָ֔ה אָבְלָ֥ה עָלַ֖י שְׁמֵמָ֑ה נָשַׁ֙מָּה֙ כָּל־הָאָ֔רֶץ כִּ֛י אֵ֥ין אִ֖ישׁ שָׂ֥ם עַל־לֵֽב׃

‎12 ‏עַֽל־כָּל־שְׁפָיִ֣ם בַּמִּדְבָּ֗ר בָּ֚אוּ שֹֽׁדְדִ֔ים כִּ֣י חֶ֤רֶב לַֽיהוָה֙ אֹֽכְלָ֔ה מִקְצֵה־אֶ֖רֶץ וְעַד־קְצֵ֣ה הָאָ֑רֶץ אֵ֥ין שָׁל֖וֹם לְכָל־בָּשָֽׂר׃ ס

‎13 ‏זָרְע֤וּ חִטִּים֙ וְקֹצִ֣ים קָצָ֔רוּ נֶחְל֖וּ לֹ֣א יוֹעִ֑לוּ וּבֹ֙שׁוּ֙ מִתְּבוּאֹ֣תֵיכֶ֔ם מֵחֲר֖וֹן אַף־יְהוָֽה׃ ס

‎14 ‏כֹּ֣ה׀ אָמַ֣ר יְהוָ֗ה עַל־כָּל־שְׁכֵנַי֙ הָֽרָעִ֔ים הַנֹּֽגְעִים֙ בַּֽנַּחֲלָ֔ה אֲשֶׁר־הִנְחַ֥לְתִּי אֶת־עַמִּ֖י אֶת־יִשְׂרָאֵ֑ל הִנְנִ֤י נֹֽתְשָׁם֙ מֵעַ֣ל אַדְמָתָ֔ם וְאֶת־בֵּ֥ית יְהוּדָ֖ה אֶתּ֥וֹשׁ מִתּוֹכָֽם׃

‎15 ‏וְהָיָ֗ה אַֽחֲרֵי֙ נָתְשִׁ֣י אוֹתָ֔ם אָשׁ֖וּב וְרִֽחַמְתִּ֑ים וַהֲשִׁבֹתִ֛ים אִ֥ישׁ לְנַחֲלָת֖וֹ וְאִ֥ישׁ לְאַרְצֽוֹ׃

‎16 ‏וְהָיָ֡ה אִם־לָמֹ֣ד יִלְמְדוּ֩ אֶת־דַּֽרְכֵ֨י עַמִּ֜י לְהִשָּׁבֵ֤עַ בִּשְׁמִי֙ חַי־יְהוָ֔ה כַּאֲשֶׁ֤ר לִמְּדוּ֙ אֶת־עַמִּ֔י לְהִשָּׁבֵ֖עַ בַּבָּ֑עַל וְנִבְנ֖וּ בְּת֥וֹךְ עַמִּֽי׃

‎17 ‏וְאִ֖ם לֹ֣א יִשְׁמָ֑עוּ וְנָ֨תַשְׁתִּ֜י אֶת־הַגּ֥וֹי הַה֛וּא נָת֥וֹשׁ וְאַבֵּ֖ד נְאֻם־יְהוָֽה׃ ס

1 ṣadîq ’atâ yəhwâ kî ’ārîḇ ’ēleyḵā ’aḵə mišəpāṭîm ’ăḏabēr ’wōṯāḵə madû‘a dereḵə rəšā‘îm ṣālēḥâ šālû kāl-bōḡəḏê ḇāḡeḏ:

2 nəṭ^a‘ətām gam-šōrāšû yēləḵû gam-‘āśû ferî qārwōḇ ’atâ bəfîhem wərāḥwōq mikiləywōṯêhem:

3 wə’atâ yəhwâ yəḏ^a‘ətānî tirə’ēnî ûḇāḥanətā libî ’itāḵə hatiqēm kəṣō’n ləṭiḇəḥâ wəhaqədišēm ləywōm hărēḡâ: s

4 ‘aḏ-māṯay te’ĕḇal hā’āreṣ wə‘ēśeḇ kāl-haśśāḏeh yîḇāš mērā‘aṯ yōšəḇê-ḇāh sāfəṯâ ḇəhēmwōṯ wā‘wōf kî ’āmərû lō’ yirə’eh ’eṯ-’^aḥărîṯēnû:

5 kî ’eṯ-raḡəlîm| raṣətâ wayyalə’ûḵā wə’êḵə təṯ^aḥăreh ’eṯ-hassûsîm ûḇə’ereṣ šālwōm ’atâ ḇwōṭēḥa wə’êḵə t^a‘ăśeh biḡə’wōn hayyarədēn:

6 kî ḡam-’^aḥeyḵā ûḇêṯ-’āḇîḵā gam-hēmmâ bāḡəḏû ḇāḵə gam-hēmmâ qārə’û ’^aḥăreyḵā mālē’ ’al-ta’ămēn bām kî-yəḏabərû ’ēleyḵā ṭwōḇwōṯ: s

7 ‘āzaḇətî ’eṯ-bêṯî nāṭašətî ’eṯ-n^aḥălāṯî nāṯatî ’eṯ-yəḏiḏûṯ nafəšî bəḵaf ’ōyəḇeyhā:

8 hāyəṯâ-llî n^aḥălāṯî kə’arəyēh ḇayyā‘ar nāṯənâ ‘ālay bəqwōlāh ‘al-kēn śənē’ṯîhā:

9 h^a‘ayiṭ ṣāḇû‘a n^aḥălāṯî lî h^a‘ayiṭ sāḇîḇ ‘āleyhā ləḵû ’isəfû kāl-ḥayyaṯ haśśāḏeh hēṯāyû lə’āḵəlâ:

10 rō‘îm rabîm šiḥăṯû ḵarəmî bōsəsû ’eṯ-ḥeləqāṯî nāṯənû ’eṯ-ḥeləqaṯ ḥemədāṯî ləmiḏəbar šəmāmâ:

11 śāmāh lišəmāmâ ’āḇəlâ ‘ālay šəmēmâ nāšammâ kāl-hā’āreṣ kî ’ên ’îš śām ‘al-lēḇ:

12 ‘al-kāl-šəfāyim bammiḏəbār bā’û šōḏəḏîm kî ḥereḇ layhwâ ’ōḵəlâ miqəṣēh-’ereṣ wə‘aḏ-qəṣēh hā’āreṣ ’ên šālwōm ləḵāl-bāśār: s

13 zārə‘û ḥiṭṭîm wəqōṣîm qāṣārû neḥəlû lō’ ywō‘ilû ûḇōšû mitəḇû’ōṯêḵem mēḥărwōn ’af-yəhwâ: s

14 kōh| ’āmar yəhwâ ‘al-kāl-šəḵēnay hārā‘îm hannōḡə‘îm bann^aḥălâ ’ăšer-hinəḥalətî ’eṯ-‘ammî ’eṯ-yiśərā’ēl hinənî nōṯəšām mē‘al ’aḏəmāṯām wə’eṯ-bêṯ yəhûḏâ ’etwōš mitwōḵām:

15 wəhāyâ ’^aḥărê nāṯəšî ’wōṯām ’āšûḇ wəriḥamətîm wahăšiḇōṯîm ’îš lən^aḥălāṯwō wə’îš lə’arəṣwō:

16 wəhāyâ ’im-lāmōḏ yiləməḏû ’eṯ-darəḵê ‘ammî ləhiššāḇē‘a bišəmî ḥay-yəhwâ ka’ăšer limməḏû ’eṯ-‘ammî ləhiššāḇē‘a babā‘al wəniḇənû bəṯwōḵə ‘ammî:

17 wə’im lō’ yišəmā‘û wənāṯašətî ’eṯ-hagwōy hahû’ nāṯwōš wə’abēḏ nə’um-yəhwâ: s

‎1 ‏כֹּֽה־אָמַ֨ר יְהוָ֜ה אֵלַ֗י הָל֞וֹךְ וְקָנִ֤יתָ לְּךָ֙ אֵז֣וֹר פִּשְׁתִּ֔ים וְשַׂמְתּ֖וֹ עַל־מָתְנֶ֑יךָ וּבַמַּ֖יִם לֹ֥א תְבִאֵֽהוּ׃

‎2 ‏וָאֶקְנֶ֥ה אֶת־הָאֵז֖וֹר כִּדְבַ֣ר יְהוָ֑ה וָאָשִׂ֖ם עַל־מָתְנָֽי׃ ס

‎3 ‏וַיְהִ֧י דְבַר־יְהוָ֛ה אֵלַ֖י שֵׁנִ֥ית לֵאמֹֽר׃

‎4 ‏קַ֧ח אֶת־הָאֵז֛וֹר אֲשֶׁ֥ר קָנִ֖יתָ אֲשֶׁ֣ר עַל־מָתְנֶ֑יךָ וְקוּם֙ לֵ֣ךְ פְּרָ֔תָה וְטָמְנֵ֥הוּ שָׁ֖ם בִּנְקִ֥יק הַסָּֽלַע׃

‎5 ‏וָאֵלֵ֕ךְ וָאֶטְמְנֵ֖הוּ בִּפְרָ֑ת כַּאֲשֶׁ֛ר צִוָּ֥ה יְהוָ֖ה אוֹתִֽי׃

‎6 ‏וַיְהִ֕י מִקֵּ֖ץ יָמִ֣ים רַבִּ֑ים וַיֹּ֨אמֶר יְהוָ֜ה אֵלַ֗י ק֚וּם לֵ֣ךְ פְּרָ֔תָה וְקַ֤ח מִשָּׁם֙ אֶת־הָ֣אֵז֔וֹר אֲשֶׁ֥ר צִוִּיתִ֖יךָ לְטָמְנוֹ־שָֽׁם׃

‎7 ‏וָאֵלֵ֣ךְ פְּרָ֔תָה וָאֶחְפֹּ֗ר וָֽאֶקַּח֙ אֶת־הָ֣אֵז֔וֹר מִן־הַמָּק֖וֹם אֲשֶׁר־טְמַנְתִּ֣יו שָׁ֑מָּה וְהִנֵּה֙ נִשְׁחַ֣ת הָאֵז֔וֹר לֹ֥א יִצְלַ֖ח לַכֹּֽל׃ פ

‎8 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

‎9 ‏כֹּ֖ה אָמַ֣ר יְהוָ֑ה כָּ֠כָה אַשְׁחִ֞ית אֶת־גְּא֧וֹן יְהוּדָ֛ה וְאֶת־גְּא֥וֹן יְרוּשָׁלִַ֖ם הָרָֽב׃

‎10 ‏הָעָם֩ הַזֶּ֨ה הָרָ֜ע הַֽמֵּאֲנִ֣ים׀ לִשְׁמ֣וֹעַ אֶת־דְּבָרַ֗י הַהֹֽלְכִים֙ בִּשְׁרִר֣וּת לִבָּ֔ם וַיֵּלְכ֗וּ אַֽחֲרֵי֙ אֱלֹהִ֣ים אֲחֵרִ֔ים לְעָבְדָ֖ם וּלְהִשְׁתַּחֲוֹ֣ת לָהֶ֑ם וִיהִי֙ כָּאֵז֣וֹר הַזֶּ֔ה אֲשֶׁ֥ר לֹא־יִצְלַ֖ח לַכֹּֽל׃

‎11 ‏כִּ֡י כַּאֲשֶׁר֩ יִדְבַּ֨ק הָאֵז֜וֹר אֶל־מָתְנֵי־אִ֗ישׁ כֵּ֣ן הִדְבַּ֣קְתִּי אֵ֠לַי אֶת־כָּל־בֵּ֨ית יִשְׂרָאֵ֜ל וְאֶת־כָּל־בֵּ֤ית יְהוּדָה֙ נְאֻם־יְהוָ֔ה לִֽהְי֥וֹת לִי֙ לְעָ֔ם וּלְשֵׁ֥ם וְלִתְהִלָּ֖ה וּלְתִפְאָ֑רֶת וְלֹ֖א שָׁמֵֽעוּ׃

‎12 ‏וְאָמַרְתָּ֙ אֲלֵיהֶ֜ם אֶת־הַדָּבָ֣ר הַזֶּ֗ה סכֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל כָּל־נֵ֖בֶל יִמָּ֣לֵא יָ֑יִן וְאָמְר֣וּ אֵלֶ֔יךָ הֲיָדֹ֙עַ֙ לֹ֣א נֵדַ֔ע כִּ֥י כָל־נֵ֖בֶל יִמָּ֥לֵא יָֽיִן׃

‎13 ‏וְאָמַרְתָּ֙ אֲלֵיהֶ֜ם כֹּֽה־אָמַ֣ר יְהוָ֗ה הִנְנִ֣י מְמַלֵּ֣א אֶת־כָּל־יֹשְׁבֵ֣י הָאָ֪רֶץ הַזֹּ֟את וְאֶת־הַמְּלָכִ֣ים הַיֹּשְׁבִים֩ לְדָוִ֨ד עַל־כִּסְא֜וֹ וְאֶת־הַכֹּהֲנִ֣ים וְאֶת־הַנְּבִיאִ֗ים וְאֵ֛ת כָּל־יֹשְׁבֵ֥י יְרוּשָׁלִָ֖ם שִׁכָּרֽוֹן׃

‎14 ‏וְנִפַּצְתִּים֩ אִ֨ישׁ אֶל־אָחִ֜יו וְהָאָב֧וֹת וְהַבָּנִ֛ים יַחְדָּ֖ו נְאֻם־יְהוָ֑ה לֹֽא־אֶחְמ֧וֹל וְלֹֽא־אָח֛וּס וְלֹ֥א אֲרַחֵ֖ם מֵהַשְׁחִיתָֽם׃ ס

‎15 ‏שִׁמְע֥וּ וְהַאֲזִ֖ינוּ אַל־תִּגְבָּ֑הוּ כִּ֥י יְהוָ֖ה דִּבֵּֽר׃

‎16 ‏תְּנוּ֩ לַיהוָ֨ה אֱלֹהֵיכֶ֤ם כָּבוֹד֙ בְּטֶ֣רֶם יַחְשִׁ֔ךְ וּבְטֶ֛רֶם יִֽתְנַגְּפ֥וּ רַגְלֵיכֶ֖ם עַל־הָ֣רֵי נָ֑שֶׁף וְקִוִּיתֶ֤ם לְאוֹר֙ וְשָׂמָ֣הּ לְצַלְמָ֔וֶת ישית וְשִׁ֖ית לַעֲרָפֶֽל׃

‎17 ‏וְאִם֙ לֹ֣א תִשְׁמָע֔וּהָ בְּמִסְתָּרִ֥ים תִּבְכֶּֽה־נַפְשִׁ֖י מִפְּנֵ֣י גֵוָ֑ה וְדָמֹ֨עַ תִּדְמַ֜ע וְתֵרַ֤ד עֵינִי֙ דִּמְעָ֔ה כִּ֥י נִשְׁבָּ֖ה עֵ֥דֶר יְהוָֽה׃ ס

‎18 ‏אֱמֹ֥ר לַמֶּ֛לֶךְ וְלַגְּבִירָ֖ה הַשְׁפִּ֣ילוּ שֵׁ֑בוּ כִּ֤י יָרַד֙ מַרְאֲשׁ֣וֹתֵיכֶ֔ם עֲטֶ֖רֶת תִּֽפְאַרְתְּכֶֽם׃

‎19 ‏עָרֵ֥י הַנֶּ֛גֶב סֻגְּר֖וּ וְאֵ֣ין פֹּתֵ֑חַ הָגְלָ֧ת יְהוּדָ֛ה כֻּלָּ֖הּ הָגְלָ֥ת שְׁלוֹמִֽים׃ ס

‎20 ‏שאי שְׂא֤וּ עֵֽינֵיכֶם֙ וראי וּרְא֔וּ הַבָּאִ֖ים מִצָּפ֑וֹן אַיֵּ֗ה הָעֵ֙דֶר֙ נִתַּן־לָ֔ךְ צֹ֖אן תִּפְאַרְתֵּֽךְ׃

‎21 ‏מַה־תֹּֽאמְרִי֙ כִּֽי־יִפְקֹ֣ד עָלַ֔יִךְ וְ֠אַתְּ לִמַּ֨דְתְּ אֹתָ֥ם עָלַ֛יִךְ אַלֻּפִ֖ים לְרֹ֑אשׁ הֲל֤וֹא חֲבָלִים֙ יֹאחֱז֔וּךְ כְּמ֖וֹ אֵ֥שֶׁת לֵדָֽה׃

‎22 ‏וְכִ֤י תֹאמְרִי֙ בִּלְבָבֵ֔ךְ מַדּ֖וּעַ קְרָאֻ֣נִי אֵ֑לֶּה בְּרֹ֧ב עֲוֹנֵ֛ךְ נִגְל֥וּ שׁוּלַ֖יִךְ נֶחְמְס֥וּ עֲקֵבָֽיִךְ׃

‎23 ‏הֲיַהֲפֹ֤ךְ כּוּשִׁי֙ עוֹר֔וֹ וְנָמֵ֖ר חֲבַרְבֻּרֹתָ֑יו גַּם־אַתֶּם֙ תּוּכְל֣וּ לְהֵיטִ֔יב לִמֻּדֵ֖י הָרֵֽעַ׃

‎24 ‏וַאֲפִיצֵ֖ם כְּקַשׁ־עוֹבֵ֑ר לְר֖וּחַ מִדְבָּֽר׃

‎25 ‏זֶ֣ה גוֹרָלֵ֧ךְ מְנָת־מִדַּ֛יִךְ מֵֽאִתִּ֖י נְאֻם־יְהוָ֑ה אֲשֶׁר֙ שָׁכַ֣חַתְּ אוֹתִ֔י וַֽתִּבְטְחִ֖י בַּשָּֽׁקֶר׃

‎26 ‏וְגַם־אֲנִ֛י חָשַׂ֥פְתִּי שׁוּלַ֖יִךְ עַל־פָּנָ֑יִךְ וְנִרְאָ֖ה קְלוֹנֵֽךְ׃

‎27 ‏נִֽאֻפַ֤יִךְ וּמִצְהֲלוֹתַ֙יִךְ֙ זִמַּ֣ת זְנוּתֵ֔ךְ עַל־גְּבָעוֹת֙ בַּשָּׂדֶ֔ה רָאִ֖יתִי שִׁקּוּצָ֑יִךְ א֥וֹי לָךְ֙ יְר֣וּשָׁלִַ֔ם לֹ֣א תִטְהֲרִ֔י אַחֲרֵ֥י מָתַ֖י עֹֽד׃ פ

1 kōh-’āmar yəhwâ ’ēlay hālwōḵə wəqānîṯā lləḵā ’ēzwōr pišətîm wəśamətwō ‘al-māṯəneyḵā ûḇammayim lō’ ṯəḇi’ēhû:

2 wā’eqəneh ’eṯ-hā’ēzwōr kiḏəḇar yəhwâ wā’āśim ‘al-māṯənāy: s

3 wayəhî ḏəḇar-yəhwâ ’ēlay šēnîṯ lē’mōr:

4 q^aḥ ’eṯ-hā’ēzwōr ’ăšer qānîṯā ’ăšer ‘al-māṯəneyḵā wəqûm lēḵə pərāṯâ wəṭāmənēhû šām binəqîq hassāl^a‘:

5 wā’ēlēḵə wā’eṭəmənēhû bifərāṯ ka’ăšer ṣiûâ yəhwâ ’wōṯî:

6 wayəhî miqqēṣ yāmîm rabîm wayyō’mer yəhwâ ’ēlay qûm lēḵə pərāṯâ wəq^aḥ miššām ’eṯ-hā’ēzwōr ’ăšer ṣiûîṯîḵā ləṭāmənwō-šām:

7 wā’ēlēḵə pərāṯâ wā’eḥəpōr wā’eqq^aḥ ’eṯ-hā’ēzwōr min-hammāqwōm ’ăšer-ṭəmanətîw šāmmâ wəhinnēh nišəḥaṯ hā’ēzwōr lō’ yiṣəl^aḥ lakōl: f

8 wayəhî ḏəḇar-yəhwâ ’ēlay lē’mōr:

9 kōh ’āmar yəhwâ kāḵâ ’ašəḥîṯ ’eṯ-gə’wōn yəhûḏâ wə’eṯ-gə’wōn yərûšālaim hārāḇ:

10 hā‘ām hazzeh hārā‘ hammē’ănîm| lišəmwō‘a ’eṯ-dəḇāray hahōləḵîm bišərirûṯ libām wayyēləḵû ’^aḥărê ’ĕlōhîm ’ăḥērîm lə‘āḇəḏām ûləhišət^aḥăwōṯ lâem wîhî kā’ēzwōr hazzeh ’ăšer lō’-yiṣəl^aḥ lakōl:

11 kî ka’ăšer yiḏəbaq hā’ēzwōr ’el-māṯənê-’îš kēn hiḏəbaqətî ’ēlay ’eṯ-kāl-bêṯ yiśərā’ēl wə’eṯ-kāl-bêṯ yəhûḏâ nə’um-yəhwâ lihəywōṯ lî lə‘ām ûləšēm wəliṯəhillâ ûləṯifə’āreṯ wəlō’ šāmē‘û:

12 wə’āmarətā ’ălêhem ’eṯ-hadāḇār hazzeh skōh-’āmar yəhwâ ’ĕlōhê yiśərā’ēl kāl-nēḇel yimmālē’ yāyin wə’āmərû ’ēleyḵā hăyāḏō‘a lō’ nēḏ^a‘ kî ḵāl-nēḇel yimmālē’ yāyin:

13 wə’āmarətā ’ălêhem kōh-’āmar yəhwâ hinənî məmallē’ ’eṯ-kāl-yōšəḇê hā’āreṣ hazzō’ṯ wə’eṯ-hamməlāḵîm hayyōšəḇîm ləḏāwiḏ ‘al-kisə’wō wə’eṯ-hakōhănîm wə’eṯ-hannəḇî’îm wə’ēṯ kāl-yōšəḇê yərûšālāim šikārwōn:

14 wənipaṣətîm ’îš ’el-’āḥîw wəhā’āḇwōṯ wəhabānîm y^aḥədāw nə’um-yəhwâ lō’-’eḥəmwōl wəlō’-’āḥûs wəlō’ ’ăr^aḥēm mēhašəḥîṯām: s

15 šimə‘û wəha’ăzînû ’al-tiḡəbâû kî yəhwâ dibēr:

16 tənû layhwâ ’ĕlōhêḵem kāḇwōḏ bəṭerem y^aḥəšiḵə ûḇəṭerem yiṯənagəfû raḡəlêḵem ‘al-hārê nāšef wəqiûîṯem lə’wōr wəśāmāh ləṣaləmāweṯ yāšîṯ wəšîṯ l^a‘ărāfel:

17 wə’im lō’ ṯišəmā‘ûhā bəmisətārîm tiḇəkeh-nafəšî mipənê ḡēwâ wəḏāmō‘a tiḏəm^a‘ wəṯēraḏ ‘ênî dimə‘â kî nišəbâ ‘ēḏer yəhwâ: s

18 ’ĕmōr lammeleḵə wəlagəḇîrâ hašəpîlû šēḇû kî yāraḏ marə’ăšwōṯêḵem ‘ăṭereṯ tifə’arətəḵem:

19 ‘ārê hanneḡeḇ sugərû wə’ên pōṯēḥa hāḡəlāṯ yəhûḏâ kullāh hāḡəlāṯ šəlwōmîm: s

20 śə’î śə’û ‘ênêḵem ûrə’î ûrə’û habā’îm miṣṣāfwōn ’ayyēh hā‘ēḏer nitan-lāḵə ṣō’n tifə’arətēḵə:

21 mah-tō’mərî kî-yifəqōḏ ‘ālayiḵə wə’atə limmaḏətə ’ōṯām ‘ālayiḵə ’allufîm lərō’š hălwō’ ḥăḇālîm yō’ḥĕzûḵə kəmwō ’ēšeṯ lēḏâ:

22 wəḵî ṯō’mərî biləḇāḇēḵə madû‘a qərā’unî ’ēlleh bərōḇ ‘ăwōnēḵə niḡəlû šûlayiḵə neḥəməsû ‘ăqēḇāyiḵə:

23 hăyahăfōḵə kûšî ‘wōrwō wənāmēr ḥăḇarəburōṯāyw gam-’atem tûḵəlû ləhêṭîḇ limmuḏê hārē‘a:

24 wa’ăfîṣēm kəqaš-‘wōḇēr lərûḥa miḏəbār:

25 zeh ḡwōrālēḵə mənāṯ-midayiḵə mē’itî nə’um-yəhwâ ’ăšer šāḵ^aḥatə ’wōṯî watiḇəṭəḥî baššāqer:

26 wəḡam-’ănî ḥāśafətî šûlayiḵə ‘al-pānāyiḵə wənirə’â qəlwōnēḵə:

27 ni’ufayiḵə ûmiṣəhălwōṯayiḵə zimmaṯ zənûṯēḵə ‘al-gəḇā‘wōṯ baśśāḏeh rā’îṯî šiqqûṣāyiḵə ’wōy lāḵə yərûšālaim lō’ ṯiṭəhărî ’^aḥărê māṯay ‘ōḏ: f

‎1 ‏אֲשֶׁ֨ר הָיָ֤ה דְבַר־יְהוָה֙ אֶֽל־יִרְמְיָ֔הוּ עַל־דִּבְרֵ֖י הַבַּצָּרֽוֹת׃

‎2 ‏אָבְלָ֣ה יְהוּדָ֔ה וּשְׁעָרֶ֥יהָ אֻמְלְל֖וּ קָדְר֣וּ לָאָ֑רֶץ וְצִוְחַ֥ת יְרוּשָׁלִַ֖ם עָלָֽתָה׃

‎3 ‏וְאַדִּ֣רֵיהֶ֔ם שָׁלְח֥וּ צעוריהם צְעִירֵיהֶ֖ם לַמָּ֑יִם בָּ֣אוּ עַל־גֵּבִ֞ים לֹא־מָ֣צְאוּ מַ֗יִם שָׁ֤בוּ כְלֵיהֶם֙ רֵיקָ֔ם בֹּ֥שׁוּ וְהָכְלְמ֖וּ וְחָפ֥וּ רֹאשָֽׁם׃

‎4 ‏בַּעֲב֤וּר הָאֲדָמָה֙ חַ֔תָּה כִּ֛י לֹא־הָיָ֥ה גֶ֖שֶׁם בָּאָ֑רֶץ בֹּ֥שׁוּ אִכָּרִ֖ים חָפ֥וּ רֹאשָֽׁם׃

‎5 ‏כִּ֤י גַם־אַיֶּ֙לֶת֙ בַּשָּׂדֶ֔ה יָלְדָ֖ה וְעָז֑וֹב כִּ֥י לֹֽא־הָיָ֖ה דֶּֽשֶׁא׃

‎6 ‏וּפְרָאִים֙ עָמְד֣וּ עַל־שְׁפָיִ֔ם שָׁאֲפ֥וּ ר֖וּחַ כַּתַּנִּ֑ים כָּל֥וּ עֵינֵיהֶ֖ם כִּי־אֵ֥ין עֵֽשֶׂב׃

‎7 ‏אִם־עֲוֹנֵ֙ינוּ֙ עָ֣נוּ בָ֔נוּ יְהוָ֕ה עֲשֵׂ֖ה לְמַ֣עַן שְׁמֶ֑ךָ כִּֽי־רַבּ֥וּ מְשׁוּבֹתֵ֖ינוּ לְךָ֥ חָטָֽאנוּ׃

‎8 ‏מִקְוֵה֙ יִשְׂרָאֵ֔ל מֽוֹשִׁיע֖וֹ בְּעֵ֣ת צָרָ֑ה לָ֤מָּה תִֽהְיֶה֙ כְּגֵ֣ר בָּאָ֔רֶץ וּכְאֹרֵ֖חַ נָטָ֥ה לָלֽוּן׃

‎9 ‏לָ֤מָּה תִֽהְיֶה֙ כְּאִ֣ישׁ נִדְהָ֔ם כְּגִבּ֖וֹר לֹא־יוּכַ֣ל לְהוֹשִׁ֑יעַ וְאַתָּ֧ה בְקִרְבֵּ֣נוּ יְהוָ֗ה וְשִׁמְךָ֛ עָלֵ֥ינוּ נִקְרָ֖א אַל־תַּנִּחֵֽנוּ׃ ס

‎10 ‏כֹּֽה־אָמַ֨ר יְהוָ֜ה לָעָ֣ם הַזֶּ֗ה כֵּ֤ן אָֽהֲבוּ֙ לָנ֔וּעַ רַגְלֵיהֶ֖ם לֹ֣א חָשָׂ֑כוּ וַיהוָה֙ לֹ֣א רָצָ֔ם עַתָּה֙ יִזְכֹּ֣ר עֲוֹנָ֔ם וְיִפְקֹ֖ד חַטֹּאתָֽם׃ ס

‎11 ‏וַיֹּ֥אמֶר יְהוָ֖ה אֵלָ֑י אַל־תִּתְפַּלֵּ֛ל בְּעַד־הָעָ֥ם הַזֶּ֖ה לְטוֹבָֽה׃

‎12 ‏כִּ֣י יָצֻ֗מוּ אֵינֶ֤נִּי שֹׁמֵ֙עַ֙ אֶל־רִנָּתָ֔ם וְכִ֧י יַעֲל֛וּ עֹלָ֥ה וּמִנְחָ֖ה אֵינֶ֣נִּי רֹצָ֑ם כִּ֗י בַּחֶ֙רֶב֙ וּבָרָעָ֣ב וּבַדֶּ֔בֶר אָנֹכִ֖י מְכַלֶּ֥ה אוֹתָֽם׃ ס

‎13 ‏וָאֹמַ֞ר אֲהָ֣הּ׀ אֲדֹנָ֣י יְהוִ֗ה הִנֵּ֨ה הַנְּבִאִ֜ים אֹמְרִ֤ים לָהֶם֙ לֹֽא־תִרְא֣וּ חֶ֔רֶב וְרָעָ֖ב לֹֽא־יִהְיֶ֣ה לָכֶ֑ם כִּֽי־שְׁל֤וֹם אֱמֶת֙ אֶתֵּ֣ן לָכֶ֔ם בַּמָּק֖וֹם הַזֶּֽה׃ ס

‎14 ‏וַיֹּ֨אמֶר יְהוָ֜ה אֵלַ֗י שֶׁ֚קֶר הַנְּבִאִים֙ נִבְּאִ֣ים בִּשְׁמִ֔י לֹ֤א שְׁלַחְתִּים֙ וְלֹ֣א צִוִּיתִ֔ים וְלֹ֥א דִבַּ֖רְתִּי אֲלֵיהֶ֑ם חֲז֨וֹן שֶׁ֜קֶר וְקֶ֤סֶם ואלול וֶֽאֱלִיל֙ ותרמות וְתַרְמִ֣ית לִבָּ֔ם הֵ֖מָּה מִֽתְנַבְּאִ֥ים לָכֶֽם׃ ס

‎15 ‏לָכֵ֞ן כֹּֽה־אָמַ֣ר יְהוָ֗ה עַֽל־הַנְּבִאִ֞ים הַנִּבְּאִ֣ים בִּשְׁמִי֮ וַאֲנִ֣י לֹֽא־שְׁלַחְתִּים֒ וְהֵ֙מָּה֙ אֹֽמְרִ֔ים חֶ֣רֶב וְרָעָ֔ב לֹ֥א יִהְיֶ֖ה בָּאָ֣רֶץ הַזֹּ֑את בַּחֶ֤רֶב וּבָֽרָעָב֙ יִתַּ֔מּוּ הַנְּבִאִ֖ים הָהֵֽמָּה׃

‎16 ‏וְהָעָ֣ם אֲשֶׁר־הֵ֣מָּה נִבְּאִ֣ים לָהֶ֡ם יִֽהְי֣וּ מֻשְׁלָכִים֩ בְּחֻצ֨וֹת יְרוּשָׁלִַ֜ם מִפְּנֵ֣י׀ הָרָעָ֣ב וְהַחֶ֗רֶב וְאֵ֤ין מְקַבֵּר֙ לָהֵ֔מָּה הֵ֣מָּה נְשֵׁיהֶ֔ם וּבְנֵיהֶ֖ם וּבְנֹֽתֵיהֶ֑ם וְשָׁפַכְתִּ֥י עֲלֵיהֶ֖ם אֶת־רָעָתָֽם׃

‎17 ‏וְאָמַרְתָּ֤ אֲלֵיהֶם֙ אֶת־הַדָּבָ֣ר הַזֶּ֔ה תֵּרַ֨דְנָה עֵינַ֥י דִּמְעָ֛ה לַ֥יְלָה וְיוֹמָ֖ם וְאַל־תִּדְמֶ֑ינָה כִּי֩ שֶׁ֨בֶר גָּד֜וֹל נִשְׁבְּרָ֗ה בְּתוּלַת֙ בַּת־עַמִּ֔י מַכָּ֖ה נַחְלָ֥ה מְאֹֽד׃

‎18 ‏אִם־יָצָ֣אתִי הַשָּׂדֶ֗ה וְהִנֵּה֙ חַלְלֵי־חֶ֔רֶב וְאִם֙ בָּ֣אתִי הָעִ֔יר וְהִנֵּ֖ה תַּחֲלוּאֵ֣י רָעָ֑ב כִּֽי־גַם־נָבִ֧יא גַם־כֹּהֵ֛ן סָחֲר֥וּ אֶל־אֶ֖רֶץ וְלֹ֥א יָדָֽעוּ׃ ס

‎19 ‏הֲמָאֹ֨ס מָאַ֜סְתָּ אֶת־יְהוּדָ֗ה אִם־בְּצִיּוֹן֙ גָּעֲלָ֣ה נַפְשֶׁ֔ךָ מַדּ֙וּעַ֙ הִכִּיתָ֔נוּ וְאֵ֥ין לָ֖נוּ מַרְפֵּ֑א קַוֵּ֤ה לְשָׁלוֹם֙ וְאֵ֣ין ט֔וֹב וּלְעֵ֥ת מַרְפֵּ֖א וְהִנֵּ֥ה בְעָתָֽה׃

‎20 ‏יָדַ֧עְנוּ יְהוָ֛ה רִשְׁעֵ֖נוּ עֲוֹ֣ן אֲבוֹתֵ֑ינוּ כִּ֥י חָטָ֖אנוּ לָֽךְ׃

‎21 ‏אַל־תִּנְאַץ֙ לְמַ֣עַן שִׁמְךָ֔ אַל־תְּנַבֵּ֖ל כִּסֵּ֣א כְבוֹדֶ֑ךָ זְכֹ֕ר אַל־תָּפֵ֥ר בְּרִֽיתְךָ֖ אִתָּֽנוּ׃

‎22 ‏הֲיֵ֨שׁ בְּהַבְלֵ֤י הַגּוֹיִם֙ מַגְשִׁמִ֔ים וְאִם־הַשָּׁמַ֖יִם יִתְּנ֣וּ רְבִבִ֑ים הֲלֹ֨א אַתָּה־ה֜וּא יְהוָ֤ה אֱלֹהֵ֙ינוּ֙ וּ֨נְקַוֶּה־לָּ֔ךְ כִּֽי־אַתָּ֥ה עָשִׂ֖יתָ אֶת־כָּל־אֵֽלֶּה׃ פ

1 ’ăšer hāyâ ḏəḇar-yəhwâ ’el-yirəməyâû ‘al-diḇərê habaṣṣārwōṯ:

2 ’āḇəlâ yəhûḏâ ûšə‘āreyhā ’umələlû qāḏərû lā’āreṣ wəṣiwəḥaṯ yərûšālaim ‘ālāṯâ:

3 wə’adirêhem šāləḥû ṣə‘wōrêhem ṣə‘îrêhem lammāyim bā’û ‘al-gēḇîm lō’-māṣə’û mayim šāḇû ḵəlêhem rêqām bōšû wəhāḵələmû wəḥāfû rō’šām:

4 b^a‘ăḇûr hā’ăḏāmâ ḥatâ kî lō’-hāyâ ḡešem bā’āreṣ bōšû ’ikārîm ḥāfû rō’šām:

5 kî ḡam-’ayyeleṯ baśśāḏeh yāləḏâ wə‘āzwōḇ kî lō’-hāyâ deše’:

6 ûfərā’îm ‘āməḏû ‘al-šəfāyim šā’ăfû rûḥa katannîm kālû ‘ênêhem kî-’ên ‘ēśeḇ:

7 ’im-‘ăwōnênû ‘ānû ḇānû yəhwâ ‘ăśēh ləm^a‘an šəmeḵā kî-rabû məšûḇōṯênû ləḵā ḥāṭā’nû:

8 miqəwēh yiśərā’ēl mwōšî‘wō bə‘ēṯ ṣārâ lāmmâ ṯihəyeh kəḡēr bā’āreṣ ûḵə’ōrēḥa nāṭâ lālûn:

9 lāmmâ ṯihəyeh kə’îš niḏəhām kəḡibwōr lō’-yûḵal ləhwōšî‘a wə’atâ ḇəqirəbēnû yəhwâ wəšiməḵā ‘ālênû niqərā’ ’al-tanniḥēnû: s

10 kōh-’āmar yəhwâ lā‘ām hazzeh kēn ’âăḇû lānû‘a raḡəlêhem lō’ ḥāśāḵû wayhwâ lō’ rāṣām ‘atâ yizəkōr ‘ăwōnām wəyifəqōḏ ḥaṭṭō’ṯām: s

11 wayyō’mer yəhwâ ’ēlāy ’al-tiṯəpallēl bə‘aḏ-hā‘ām hazzeh ləṭwōḇâ:

12 kî yāṣumû ’ênennî šōmē‘a ’el-rinnāṯām wəḵî y^a‘ălû ‘ōlâ ûminəḥâ ’ênennî rōṣām kî b^aḥereḇ ûḇārā‘āḇ ûḇadeḇer ’ānōḵî məḵalleh ’wōṯām: s

13 wā’ōmar ’ăhāh| ’ăḏōnāy yəhwih hinnēh hannəḇi’îm ’ōmərîm lâem lō’-ṯirə’û ḥereḇ wərā‘āḇ lō’-yihəyeh lāḵem kî-šəlwōm ’ĕmeṯ ’etēn lāḵem bammāqwōm hazzeh: s

14 wayyō’mer yəhwâ ’ēlay šeqer hannəḇi’îm nibə’îm bišəmî lō’ šəl^aḥətîm wəlō’ ṣiûîṯîm wəlō’ ḏibarətî ’ălêhem ḥăzwōn šeqer wəqesem we’ĕlûl we’ĕlîl wəṯarəmûṯ wəṯarəmîṯ libām hēmmâ miṯənabə’îm lāḵem: s

15 lāḵēn kōh-’āmar yəhwâ ‘al-hannəḇi’îm hannibə’îm bišəmî wa’ănî lō’-šəl^aḥətîm wəhēmmâ ’ōmərîm ḥereḇ wərā‘āḇ lō’ yihəyeh bā’āreṣ hazzō’ṯ b^aḥereḇ ûḇārā‘āḇ yitammû hannəḇi’îm hâēmmâ:

16 wəhā‘ām ’ăšer-hēmmâ nibə’îm lâem yihəyû mušəlāḵîm bəḥuṣwōṯ yərûšālaim mipənê| hārā‘āḇ wəh^aḥereḇ wə’ên məqabēr lâēmmâ hēmmâ nəšêhem ûḇənêhem ûḇənōṯêhem wəšāfaḵətî ‘ălêhem ’eṯ-rā‘āṯām:

17 wə’āmarətā ’ălêhem ’eṯ-hadāḇār hazzeh tēraḏənâ ‘ênay dimə‘â layəlâ wəywōmām wə’al-tiḏəmeynâ kî šeḇer gāḏwōl nišəbərâ bəṯûlaṯ baṯ-‘ammî makâ n^aḥəlâ mə’ōḏ:

18 ’im-yāṣā’ṯî haśśāḏeh wəhinnēh ḥaləlê-ḥereḇ wə’im bā’ṯî hā‘îr wəhinnēh t^aḥălû’ê rā‘āḇ kî-ḡam-nāḇî’ ḡam-kōhēn sāḥărû ’el-’ereṣ wəlō’ yāḏā‘û: s

19 hămā’ōs mā’asətā ’eṯ-yəhûḏâ ’im-bəṣîywōn gā‘ălâ nafəšeḵā madû‘a hikîṯānû wə’ên lānû marəpē’ qaûēh ləšālwōm wə’ên ṭwōḇ ûlə‘ēṯ marəpē’ wəhinnēh ḇə‘āṯâ:

20 yāḏ^a‘ənû yəhwâ rišə‘ēnû ‘ăwōn ’ăḇwōṯênû kî ḥāṭā’nû lāḵə:

21 ’al-tinə’aṣ ləm^a‘an šiməḵā ’al-tənabēl kissē’ ḵəḇwōḏeḵā zəḵōr ’al-tāfēr bərîṯəḵā ’itānû:

22 hăyēš bəhaḇəlê hagwōyim maḡəšimîm wə’im-haššāmayim yitənû rəḇiḇîm hălō’ ’atâ-hû’ yəhwâ ’ĕlōhênû ûnəqaûeh-llāḵə kî-’atâ ‘āśîṯā ’eṯ-kāl-’ēlleh: f

‎1 ‏וַיֹּ֤אמֶר יְהוָה֙ אֵלַ֔י אִם־יַעֲמֹ֨ד מֹשֶׁ֤ה וּשְׁמוּאֵל֙ לְפָנַ֔י אֵ֥ין נַפְשִׁ֖י אֶל־הָעָ֣ם הַזֶּ֑ה שַׁלַּ֥ח מֵֽעַל־פָּנַ֖י וְיֵצֵֽאוּ׃

‎2 ‏וְהָיָ֛ה כִּֽי־יֹאמְר֥וּ אֵלֶ֖יךָ אָ֣נָה נֵצֵ֑א וְאָמַרְתָּ֨ אֲלֵיהֶ֜ם כֹּֽה־אָמַ֣ר יְהוָ֗ה אֲשֶׁ֨ר לַמָּ֤וֶת לַמָּ֙וֶת֙ וַאֲשֶׁ֤ר לַחֶ֙רֶב֙ לַחֶ֔רֶב וַאֲשֶׁ֤ר לָֽרָעָב֙ לָֽרָעָ֔ב וַאֲשֶׁ֥ר לַשְּׁבִ֖י לַשֶּֽׁבִי׃

‎3 ‏וּפָקַדְתִּ֨י עֲלֵיהֶ֜ם אַרְבַּ֤ע מִשְׁפָּחוֹת֙ נְאֻם־יְהוָ֔ה אֶת־הַחֶ֣רֶב לַֽהֲרֹ֔ג וְאֶת־הַכְּלָבִ֖ים לִסְחֹ֑ב וְאֶת־ע֧וֹף הַשָּׁמַ֛יִם וְאֶת־בֶּהֱמַ֥ת הָאָ֖רֶץ לֶאֱכֹ֥ל וּלְהַשְׁחִֽית׃

‎4 ‏וּנְתַתִּ֣ים לזועה לְזַֽעֲוָ֔ה לְכֹ֖ל מַמְלְכ֣וֹת הָאָ֑רֶץ בִּ֠גְלַל מְנַשֶּׁ֤ה בֶן־יְחִזְקִיָּ֙הוּ֙ מֶ֣לֶךְ יְהוּדָ֔ה עַ֥ל אֲשֶׁר־עָשָׂ֖ה בִּירוּשָׁלִָֽם׃

‎5 ‏כִּ֠י מִֽי־יַחְמֹ֤ל עָלַ֙יִךְ֙ יְר֣וּשָׁלִַ֔ם וּמִ֖י יָנ֣וּד לָ֑ךְ וּמִ֣י יָס֔וּר לִשְׁאֹ֥ל לְשָׁלֹ֖ם לָֽךְ׃

‎6 ‏אַ֣תְּ נָטַ֥שְׁתְּ אֹתִ֛י נְאֻם־יְהוָ֖ה אָח֣וֹר תֵּלֵ֑כִי וָאַ֨ט אֶת־יָדִ֤י עָלַ֙יִךְ֙ וָֽאַשְׁחִיתֵ֔ךְ נִלְאֵ֖יתִי הִנָּחֵֽם׃

‎7 ‏וָאֶזְרֵ֥ם בְּמִזְרֶ֖ה בְּשַׁעֲרֵ֣י הָאָ֑רֶץ שִׁכַּ֤לְתִּי אִבַּ֙דְתִּי֙ אֶת־עַמִּ֔י מִדַּרְכֵיהֶ֖ם לוֹא־שָֽׁבוּ׃

‎8 ‏עָֽצְמוּ־לִ֤י אַלְמְנֹתָו֙^q מֵח֣וֹל יַמִּ֔ים הֵבֵ֨אתִי לָהֶ֥ם עַל־אֵ֛ם בָּח֖וּר שֹׁדֵ֣ד בַּֽצָּהֳרָ֑יִם הִפַּ֤לְתִּי עָלֶ֙יהָ֙ פִּתְאֹ֔ם עִ֖יר וּבֶהָלֽוֹת׃

‎9 ‏אֻמְלְלָ֞ה יֹלֶ֣דֶת הַשִּׁבְעָ֗ה נָפְחָ֥ה נַפְשָׁ֛הּ באה בָּ֥א שִׁמְשָׁ֛הּ בְּעֹ֥ד יוֹמָ֖ם בּ֣וֹשָׁה וְחָפֵ֑רָה וּשְׁאֵֽרִיתָ֗ם לַחֶ֧רֶב אֶתֵּ֛ן לִפְנֵ֥י אֹיְבֵיהֶ֖ם נְאֻם־יְהוָֽה׃ ס

‎10 ‏אֽוֹי־לִ֣י אִמִּ֔י כִּ֣י יְלִדְתִּ֗נִי אִ֥ישׁ רִ֛יב וְאִ֥ישׁ מָד֖וֹן לְכָל־הָאָ֑רֶץ לֹֽא־נָשִׁ֥יתִי וְלֹא־נָֽשׁוּ־בִ֖י כֻּלֹּ֥ה מְקַלְלַֽונִי׃ ס

‎11 ‏אָמַ֣ר יְהוָ֔ה אִם־לֹ֥א שרותך שֵֽׁרִיתִ֖יךָ³ לְט֑וֹב אִם־ל֣וֹא׀ הִפְגַּ֣עְתִּֽי בְךָ֗ בְּעֵ֥ת־רָעָ֛ה וּבְעֵ֥ת צָרָ֖ה אֶת־הָאֹיֵֽב׃

‎12 ‏הֲיָרֹ֨עַ בַּרְזֶ֧ל׀ בַּרְזֶ֛ל מִצָּפ֖וֹן וּנְחֹֽשֶׁת׃

‎13 ‏חֵילְךָ֧ וְאוֹצְרוֹתֶ֛יךָ לָבַ֥ז אֶתֵּ֖ן לֹ֣א בִמְחִ֑יר וּבְכָל־חַטֹּאותֶ֖יךָ וּבְכָל־גְּבוּלֶֽיךָ׃

‎14 ‏וְהַֽעֲבַרְתִּי֙ אֶת־אֹ֣יְבֶ֔יךָ בְּאֶ֖רֶץ לֹ֣א יָדָ֑עְתָּ כִּֽי־אֵ֛שׁ קָדְחָ֥ה בְאַפִּ֖י עֲלֵיכֶ֥ם תּוּקָֽד׃ ס

‎15 ‏אַתָּ֧ה יָדַ֣עְתָּ יְהוָ֗ה זָכְרֵ֤נִי וּפָקְדֵ֙נִי֙ וְהִנָּ֤קֶם לִי֙ מֵרֹ֣דְפַ֔י אַל־לְאֶ֥רֶךְ אַפְּךָ֖ תִּקָּחֵ֑נִי דַּ֕ע שְׂאֵתִ֥י עָלֶ֖יךָ חֶרְפָּֽה׃

‎16 ‏נִמְצְא֤וּ דְבָרֶ֙יךָ֙ וָאֹ֣כְלֵ֔ם וַיְהִ֤י דבריך דְבָֽרְךָ֙ לִ֔י לְשָׂשׂ֖וֹן וּלְשִׂמְחַ֣ת לְבָבִ֑י כִּֽי־נִקְרָ֤א שִׁמְךָ֙ עָלַ֔י יְהוָ֖ה אֱלֹהֵ֥י צְבָאֽוֹת׃ ס

‎17 ‏לֹֽא־יָשַׁ֥בְתִּי בְסוֹד־מְשַׂחֲקִ֖ים וָֽאֶעְלֹ֑ז מִפְּנֵ֤י יָֽדְךָ֙ בָּדָ֣ד יָשַׁ֔בְתִּי כִּֽי־זַ֖עַם מִלֵּאתָֽנִי׃ ס

‎18 ‏לָ֣מָּה הָיָ֤ה כְאֵבִי֙ נֶ֔צַח וּמַכָּתִ֖י אֲנוּשָׁ֑ה֙ מֵֽאֲנָה֙ הֵֽרָפֵ֔א הָי֨וֹ תִֽהְיֶ֥ה לִי֙ כְּמ֣וֹ אַכְזָ֔ב מַ֖יִם לֹ֥א נֶאֱמָֽנוּ׃ ס

‎19 ‏לָכֵ֞ן כֹּֽה־אָמַ֣ר יְהוָ֗ה אִם־תָּשׁ֤וּב וַאֲשִֽׁיבְךָ֙ לְפָנַ֣י תַּֽעֲמֹ֔ד וְאִם־תּוֹצִ֥יא יָקָ֛ר מִזּוֹלֵ֖ל כְּפִ֣י תִֽהְיֶ֑ה יָשֻׁ֤בוּ הֵ֙מָּה֙ אֵלֶ֔יךָ וְאַתָּ֖ה לֹֽא־תָשׁ֥וּב אֲלֵיהֶֽם׃

‎20 ‏וּנְתַתִּ֜יךָ לָעָ֣ם הַזֶּ֗ה לְחוֹמַ֤ת נְחֹ֙שֶׁת֙ בְּצוּרָ֔ה וְנִלְחֲמ֥וּ אֵלֶ֖יךָ וְלֹא־י֣וּכְלוּ לָ֑ךְ כִּֽי־אִתְּךָ֥ אֲנִ֛י לְהוֹשִֽׁיעֲךָ֥ וּלְהַצִּילֶ֖ךָ נְאֻם־יְהוָֽה׃

‎21 ‏וְהִצַּלְתִּ֖יךָ מִיַּ֣ד רָעִ֑ים וּפְדִתִ֖יךָ מִכַּ֥ף עָרִצִֽים׃ פ

1 wayyō’mer yəhwâ ’ēlay ’im-y^a‘ămōḏ mōšeh ûšəmû’ēl ləfānay ’ên nafəšî ’el-hā‘ām hazzeh šall^aḥ mē‘al-pānay wəyēṣē’û:

2 wəhāyâ kî-yō’mərû ’ēleyḵā ’ānâ nēṣē’ wə’āmarətā ’ălêhem kōh-’āmar yəhwâ ’ăšer lammāweṯ lammāweṯ wa’ăšer l^aḥereḇ l^aḥereḇ wa’ăšer lārā‘āḇ lārā‘āḇ wa’ăšer laššəḇî laššeḇî:

3 ûfāqaḏətî ‘ălêhem ’arəb^a‘ mišəpāḥwōṯ nə’um-yəhwâ ’eṯ-h^aḥereḇ lahărōḡ wə’eṯ-hakəlāḇîm lisəḥōḇ wə’eṯ-‘wōf haššāmayim wə’eṯ-behĕmaṯ hā’āreṣ le’ĕḵōl ûləhašəḥîṯ:

4 ûnəṯatîm lizəwā‘â ləz^a‘ăwâ ləḵōl mamələḵwōṯ hā’āreṣ biḡəlal mənaššeh ḇen-yəḥizəqîyâû meleḵə yəhûḏâ ‘al ’ăšer-‘āśâ bîrûšālāim:

5 kî mî-y^aḥəmōl ‘ālayiḵə yərûšālaim ûmî yānûḏ lāḵə ûmî yāsûr lišə’ōl ləšālōm lāḵə:

6 ’atə nāṭašətə ’ōṯî nə’um-yəhwâ ’āḥwōr tēlēḵî wā’aṭ ’eṯ-yāḏî ‘ālayiḵə wā’ašəḥîṯēḵə nilə’êṯî hinnāḥēm:

7 wā’ezərēm bəmizəreh bəš^a‘ărê hā’āreṣ šikalətî ’ibaḏətî ’eṯ-‘ammî midarəḵêhem lwō’-šāḇû:

8 ‘āṣəmû-lî ’aləmənōṯāw^q mēḥwōl yammîm hēḇē’ṯî lâem ‘al-’ēm bāḥûr šōḏēḏ baṣṣâŏrāyim hipalətî ‘āleyhā piṯə’ōm ‘îr ûḇehālwōṯ:

9 ’umələlâ yōleḏeṯ haššiḇə‘â nāfəḥâ nafəšāh bā’â bā’ šiməšāh bə‘ōḏ ywōmām bwōšâ wəḥāfērâ ûšə’ērîṯām l^aḥereḇ ’etēn lifənê ’ōyəḇêhem nə’um-yəhwâ: s

10 ’wōy-lî ’immî kî yəliḏətinî ’îš rîḇ wə’îš māḏwōn ləḵāl-hā’āreṣ lō’-nāšîṯî wəlō’-nāšû-ḇî kullōh məqaləlawnî: s

11 ’āmar yəhwâ ’im-lō’ šārwōṯiḵā šērîṯîḵā³ ləṭwōḇ ’im-lwō’| hifəg^a‘ətî ḇəḵā bə‘ēṯ-rā‘â ûḇə‘ēṯ ṣārâ ’eṯ-hā’ōyēḇ:

12 hăyārō‘a barəzel| barəzel miṣṣāfwōn ûnəḥōšeṯ:

13 ḥêləḵā wə’wōṣərwōṯeyḵā lāḇaz ’etēn lō’ ḇiməḥîr ûḇəḵāl-ḥaṭṭō’wṯeyḵā ûḇəḵāl-gəḇûleyḵā:

14 wəh^a‘ăḇarətî ’eṯ-’ōyəḇeyḵā bə’ereṣ lō’ yāḏā‘ətā kî-’ēš qāḏəḥâ ḇə’apî ‘ălêḵem tûqāḏ: s

15 ’atâ yāḏ^a‘ətā yəhwâ zāḵərēnî ûfāqəḏēnî wəhinnāqem lî mērōḏəfay ’al-lə’ereḵə ’apəḵā tiqqāḥēnî d^a‘ śə’ēṯî ‘āleyḵā ḥerəpâ:

16 niməṣə’û ḏəḇāreyḵā wā’ōḵəlēm wayəhî ḏəḇāreyḵā ḏəḇārəḵā lî ləśāśwōn ûləśiməḥaṯ ləḇāḇî kî-niqərā’ šiməḵā ‘ālay yəhwâ ’ĕlōhê ṣəḇā’wōṯ: s

17 lō’-yāšaḇətî ḇəswōḏ-məś^aḥăqîm wā’e‘əlōz mipənê yāḏəḵā bāḏāḏ yāšaḇətî kî-z^a‘am millē’ṯānî: s

18 lāmmâ hāyâ ḵə’ēḇî neṣ^aḥ ûmakāṯî ’ănûšâ mē’ănâ hērāfē’ hāywō ṯihəyeh lî kəmwō ’aḵəzāḇ mayim lō’ ne’ĕmānû: s

19 lāḵēn kōh-’āmar yəhwâ ’im-tāšûḇ wa’ăšîḇəḵā ləfānay t^a‘ămōḏ wə’im-twōṣî’ yāqār mizzwōlēl kəfî ṯihəyeh yāšuḇû hēmmâ ’ēleyḵā wə’atâ lō’-ṯāšûḇ ’ălêhem:

20 ûnəṯatîḵā lā‘ām hazzeh ləḥwōmaṯ nəḥōšeṯ bəṣûrâ wəniləḥămû ’ēleyḵā wəlō’-yûḵəlû lāḵə kî-’itəḵā ’ănî ləhwōšî‘ăḵā ûləhaṣṣîleḵā nə’um-yəhwâ:

21 wəhiṣṣalətîḵā mîyaḏ rā‘îm ûfəḏiṯîḵā mikaf ‘āriṣîm: f

‎1 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

‎2 ‏לֹֽא־תִקַּ֥ח לְךָ֖ אִשָּׁ֑ה וְלֹֽא־יִהְי֤וּ לְךָ֙ בָּנִ֣ים וּבָנ֔וֹת בַּמָּק֖וֹם הַזֶּֽה׃

‎3 ‏כִּי־כֹ֣ה׀ אָמַ֣ר יְהוָ֗ה עַל־הַבָּנִים֙ וְעַל־הַבָּנ֔וֹת הַיִּלּוֹדִ֖ים בַּמָּק֣וֹם הַזֶּ֑ה וְעַֽל־אִמֹּתָ֞ם הַיֹּלְד֣וֹת אוֹתָ֗ם וְעַל־אֲבוֹתָ֛ם הַמּוֹלִדִ֥ים אוֹתָ֖ם בָּאָ֥רֶץ הַזֹּֽאת׃

‎4 ‏מְמוֹתֵ֨י תַחֲלֻאִ֜ים יָמֻ֗תוּ לֹ֤א יִסָּֽפְדוּ֙ וְלֹ֣א יִקָּבֵ֔רוּ לְדֹ֛מֶן עַל־פְּנֵ֥י הָאֲדָמָ֖ה יִֽהְי֑וּ וּבַחֶ֤רֶב וּבָֽרָעָב֙ יִכְל֔וּ וְהָיְתָ֤ה נִבְלָתָם֙ לְמַאֲכָ֔ל לְע֥וֹף הַשָּׁמַ֖יִם וּלְבֶהֱמַ֥ת הָאָֽרֶץ׃ ס

‎5 ‏כִּֽי־כֹ֣ה׀ אָמַ֣ר יְהוָ֗ה אַל־תָּבוֹא֙ בֵּ֣ית מַרְזֵ֔חַ וְאַל־תֵּלֵ֣ךְ לִסְפּ֔וֹד וְאַל־תָּנֹ֖ד לָהֶ֑ם כִּֽי־אָסַ֨פְתִּי אֶת־שְׁלוֹמִ֜י מֵאֵ֨ת הָעָ֤ם־הַזֶּה֙ נְאֻם־יְהוָ֔ה אֶת־הַחֶ֖סֶד וְאֶת־הָֽרַחֲמִֽים׃

‎6 ‏וּמֵ֨תוּ גְדֹלִ֧ים וּקְטַנִּ֛ים בָּאָ֥רֶץ הַזֹּ֖את לֹ֣א יִקָּבֵ֑רוּ וְלֹֽא־יִסְפְּד֣וּ לָהֶ֔ם וְלֹ֣א יִתְגֹּדַ֔ד וְלֹ֥א יִקָּרֵ֖חַ לָהֶֽם׃

‎7 ‏וְלֹֽא־יִפְרְס֥וּ לָהֶ֛ם עַל־אֵ֖בֶל לְנַחֲמ֣וֹ עַל־מֵ֑ת וְלֹֽא־יַשְׁק֤וּ אוֹתָם֙ כּ֣וֹס תַּנְחוּמִ֔ים עַל־אָבִ֖יו וְעַל־אִמּֽוֹ׃

‎8 ‏וּבֵית־מִשְׁתֶּ֥ה לֹא־תָב֖וֹא לָשֶׁ֣בֶת אוֹתָ֑ם לֶאֱכֹ֖ל וְלִשְׁתּֽוֹת׃ ס

‎9 ‏כִּי֩ כֹ֨ה אָמַ֜ר יְהוָ֤ה צְבָאוֹת֙ אֱלֹהֵ֣י יִשְׂרָאֵ֔ל הִנְנִ֨י מַשְׁבִּ֜ית מִן־הַמָּק֥וֹם הַזֶּ֛ה לְעֵינֵיכֶ֖ם וּבִֽימֵיכֶ֑ם ק֤וֹל שָׂשׂוֹן֙ וְק֣וֹל שִׂמְחָ֔ה ק֥וֹל חָתָ֖ן וְק֥וֹל כַּלָּֽה׃

‎10 ‏וְהָיָ֗ה כִּ֤י תַגִּיד֙ לָעָ֣ם הַזֶּ֔ה אֵ֥ת כָּל־הַדְּבָרִ֖ים הָאֵ֑לֶּה וְאָמְר֣וּ אֵלֶ֗יךָ עַל־מֶה֩ דִבֶּ֨ר יְהוָ֤ה עָלֵ֙ינוּ֙ אֵ֣ת כָּל־הָרָעָ֤ה הַגְּדוֹלָה֙ הַזֹּ֔את וּמֶ֤ה עֲוֹנֵ֙נוּ֙ וּמֶ֣ה חַטָּאתֵ֔נוּ אֲשֶׁ֥ר חָטָ֖אנוּ לַֽיהוָ֥ה אֱלֹהֵֽינוּ׃

‎11 ‏וְאָמַרְתָּ֣ אֲלֵיהֶ֗ם עַל֩ אֲשֶׁר־עָזְב֨וּ אֲבוֹתֵיכֶ֤ם אוֹתִי֙ נְאֻם־יְהוָ֔ה וַיֵּלְכ֗וּ אַֽחֲרֵי֙ אֱלֹהִ֣ים אֲחֵרִ֔ים וַיַּעַבְד֖וּם וַיִּשְׁתַּחֲו֣וּ לָהֶ֑ם וְאֹתִ֣י עָזָ֔בוּ וְאֶת־תּוֹרָתִ֖י לֹ֥א שָׁמָֽרוּ׃

‎12 ‏וְאַתֶּ֛ם הֲרֵעֹתֶ֥ם לַעֲשׂ֖וֹת מֵאֲבֽוֹתֵיכֶ֑ם וְהִנְּכֶ֣ם הֹלְכִ֗ים אִ֚ישׁ אַֽחֲרֵי֙ שְׁרִר֣וּת לִבּֽוֹ־הָרָ֔ע לְבִלְתִּ֖י שְׁמֹ֥עַ אֵלָֽי׃

‎13 ‏וְהֵטַלְתִּ֣י אֶתְכֶ֗ם מֵעַל֙ הָאָ֣רֶץ הַזֹּ֔את עַל־הָאָ֕רֶץ אֲשֶׁר֙ לֹ֣א יְדַעְתֶּ֔ם אַתֶּ֖ם וַאֲבֽוֹתֵיכֶ֑ם וַעֲבַדְתֶּם־שָׁ֞ם אֶת־אֱלֹהִ֤ים אֲחֵרִים֙ יוֹמָ֣ם וָלַ֔יְלָה אֲשֶׁ֛ר לֹֽא־אֶתֵּ֥ן לָכֶ֖ם חֲנִינָֽה׃ ס

‎14 ‏לָכֵ֛ן הִנֵּֽה־יָמִ֥ים בָּאִ֖ים נְאֻם־יְהוָ֑ה וְלֹֽא־יֵאָמֵ֥ר עוֹד֙ חַי־יְהוָ֔ה אֲשֶׁ֧ר הֶעֱלָ֛ה אֶת־בְּנֵ֥י יִשְׂרָאֵ֖ל מֵאֶ֥רֶץ מִצְרָֽיִם׃

‎15 ‏כִּ֣י אִם־חַי־יְהוָ֗ה אֲשֶׁ֨ר הֶעֱלָ֜ה אֶת־בְּנֵ֤י יִשְׂרָאֵל֙ מֵאֶ֣רֶץ צָפ֔וֹן וּמִכֹּל֙ הָֽאֲרָצ֔וֹת אֲשֶׁ֥ר הִדִּיחָ֖ם שָׁ֑מָּה וַהֲשִֽׁבֹתִים֙ עַל־אַדְמָתָ֔ם אֲשֶׁ֥ר נָתַ֖תִּי לַאֲבוֹתָֽם׃ ס

‎16 ‏הִנְנִ֨י שֹׁלֵ֜חַ לדוגים לְדַיָּגִ֥ים רַבִּ֛ים נְאֻם־יְהוָ֖ה וְדִיג֑וּם וְאַֽחֲרֵי־כֵ֗ן אֶשְׁלַח֙ לְרַבִּ֣ים צַיָּדִ֔ים וְצָד֞וּם מֵעַ֤ל כָּל־הַר֙ וּמֵעַ֣ל כָּל־גִּבְעָ֔ה וּמִנְּקִיקֵ֖י הַסְּלָעִֽים׃

‎17 ‏כִּ֤י עֵינַי֙ עַל־כָּל־דַּרְכֵיהֶ֔ם לֹ֥א נִסְתְּר֖וּ מִלְּפָנָ֑י וְלֹֽא־נִצְפַּ֥ן עֲוֹנָ֖ם מִנֶּ֥גֶד עֵינָֽי׃

‎18 ‏וְשִׁלַּמְתִּ֣י רִֽאשׁוֹנָ֗ה מִשְׁנֵ֤ה עֲוֹנָם֙ וְחַטָּאתָ֔ם עַ֖ל חַלְּלָ֣ם אֶת־אַרְצִ֑י בְּנִבְלַ֤ת שִׁקּֽוּצֵיהֶם֙ וְתוֹעֲב֣וֹתֵיהֶ֔ם מָלְא֖וּ אֶת־נַחֲלָתִֽי׃ ס

‎19 ‏יְהוָ֞ה עֻזִּ֧י וּמָעֻזִּ֛י וּמְנוּסִ֖י בְּי֣וֹם צָרָ֑ה אֵלֶ֗יךָ גּוֹיִ֤ם יָבֹ֙אוּ֙ מֵֽאַפְסֵי־אָ֔רֶץ וְיֹאמְר֗וּ אַךְ־שֶׁ֙קֶר֙ נָחֲל֣וּ אֲבוֹתֵ֔ינוּ הֶ֖בֶל וְאֵֽין־בָּ֥ם מוֹעִֽיל׃

‎20 ‏הֲיַעֲשֶׂה־לּ֥וֹ אָדָ֖ם אֱלֹהִ֑ים וְהֵ֖מָּה לֹ֥א אֱלֹהִֽים׃

‎21 ‏לָכֵן֙ הִנְנִ֣י מֽוֹדִיעָ֔ם בַּפַּ֣עַם הַזֹּ֔את אוֹדִיעֵ֥ם אֶת־יָדִ֖י וְאֶת־גְּבֽוּרָתִ֑י וְיָדְע֖וּ כִּֽי־שְׁמִ֥י יְהוָֽה׃ ס

1 wayəhî ḏəḇar-yəhwâ ’ēlay lē’mōr:

2 lō’-ṯiqq^aḥ ləḵā ’iššâ wəlō’-yihəyû ləḵā bānîm ûḇānwōṯ bammāqwōm hazzeh:

3 kî-ḵōh| ’āmar yəhwâ ‘al-habānîm wə‘al-habānwōṯ hayyillwōḏîm bammāqwōm hazzeh wə‘al-’immōṯām hayyōləḏwōṯ ’wōṯām wə‘al-’ăḇwōṯām hammwōliḏîm ’wōṯām bā’āreṣ hazzō’ṯ:

4 məmwōṯê ṯ^aḥălu’îm yāmuṯû lō’ yissāfəḏû wəlō’ yiqqāḇērû ləḏōmen ‘al-pənê hā’ăḏāmâ yihəyû ûḇ^aḥereḇ ûḇārā‘āḇ yiḵəlû wəhāyəṯâ niḇəlāṯām ləma’ăḵāl lə‘wōf haššāmayim ûləḇehĕmaṯ hā’āreṣ: s

5 kî-ḵōh| ’āmar yəhwâ ’al-tāḇwō’ bêṯ marəzēḥa wə’al-tēlēḵə lisəpwōḏ wə’al-tānōḏ lâem kî-’āsafətî ’eṯ-šəlwōmî mē’ēṯ hā‘ām-hazzeh nə’um-yəhwâ ’eṯ-h^aḥeseḏ wə’eṯ-hār^aḥămîm:

6 ûmēṯû ḡəḏōlîm ûqəṭannîm bā’āreṣ hazzō’ṯ lō’ yiqqāḇērû wəlō’-yisəpəḏû lâem wəlō’ yiṯəgōḏaḏ wəlō’ yiqqārēḥa lâem:

7 wəlō’-yifərəsû lâem ‘al-’ēḇel lən^aḥămwō ‘al-mēṯ wəlō’-yašəqû ’wōṯām kwōs tanəḥûmîm ‘al-’āḇîw wə‘al-’immwō:

8 ûḇêṯ-mišəteh lō’-ṯāḇwō’ lāšeḇeṯ ’wōṯām le’ĕḵōl wəlišətwōṯ: s

9 kî ḵōh ’āmar yəhwâ ṣəḇā’wōṯ ’ĕlōhê yiśərā’ēl hinənî mašəbîṯ min-hammāqwōm hazzeh lə‘ênêḵem ûḇîmêḵem qwōl śāśwōn wəqwōl śiməḥâ qwōl ḥāṯān wəqwōl kallâ:

10 wəhāyâ kî ṯagîḏ lā‘ām hazzeh ’ēṯ kāl-hadəḇārîm hā’ēlleh wə’āmərû ’ēleyḵā ‘al-meh ḏiber yəhwâ ‘ālênû ’ēṯ kāl-hārā‘â hagəḏwōlâ hazzō’ṯ ûmeh ‘ăwōnēnû ûmeh ḥaṭṭā’ṯēnû ’ăšer ḥāṭā’nû layhwâ ’ĕlōhênû:

11 wə’āmarətā ’ălêhem ‘al ’ăšer-‘āzəḇû ’ăḇwōṯêḵem ’wōṯî nə’um-yəhwâ wayyēləḵû ’^aḥărê ’ĕlōhîm ’ăḥērîm wayy^a‘aḇəḏûm wayyišət^aḥăwû lâem wə’ōṯî ‘āzāḇû wə’eṯ-twōrāṯî lō’ šāmārû:

12 wə’atem hărē‘ōṯem l^a‘ăśwōṯ mē’ăḇwōṯêḵem wəhinnəḵem hōləḵîm ’îš ’^aḥărê šərirûṯ libwō-hārā‘ ləḇilətî šəmō‘a ’ēlāy:

13 wəhēṭalətî ’eṯəḵem mē‘al hā’āreṣ hazzō’ṯ ‘al-hā’āreṣ ’ăšer lō’ yəḏ^a‘ətem ’atem wa’ăḇwōṯêḵem w^a‘ăḇaḏətem-šām ’eṯ-’ĕlōhîm ’ăḥērîm ywōmām wālayəlâ ’ăšer lō’-’etēn lāḵem ḥănînâ: s

14 lāḵēn hinnēh-yāmîm bā’îm nə’um-yəhwâ wəlō’-yē’āmēr ‘wōḏ ḥay-yəhwâ ’ăšer he‘ĕlâ ’eṯ-bənê yiśərā’ēl mē’ereṣ miṣərāyim:

15 kî ’im-ḥay-yəhwâ ’ăšer he‘ĕlâ ’eṯ-bənê yiśərā’ēl mē’ereṣ ṣāfwōn ûmikōl hā’ărāṣwōṯ ’ăšer hidîḥām šāmmâ wahăšiḇōṯîm ‘al-’aḏəmāṯām ’ăšer nāṯatî la’ăḇwōṯām: s

16 hinənî šōlēḥa ləḏaûāḡîm ləḏayyāḡîm rabîm nə’um-yəhwâ wəḏîḡûm wə’^aḥărê-ḵēn ’ešəl^aḥ lərabîm ṣayyāḏîm wəṣāḏûm mē‘al kāl-har ûmē‘al kāl-giḇə‘â ûminnəqîqê hassəlā‘îm:

17 kî ‘ênay ‘al-kāl-darəḵêhem lō’ nisətərû milləfānāy wəlō’-niṣəpan ‘ăwōnām minneḡeḏ ‘ênāy:

18 wəšillamətî ri’šwōnâ mišənēh ‘ăwōnām wəḥaṭṭā’ṯām ‘al ḥalləlām ’eṯ-’arəṣî bəniḇəlaṯ šiqqûṣêhem wəṯwō‘ăḇwōṯêhem mālə’û ’eṯ-n^aḥălāṯî: s

19 yəhwâ ‘uzzî ûmā‘uzzî ûmənûsî bəywōm ṣārâ ’ēleyḵā gwōyim yāḇō’û mē’afəsê-’āreṣ wəyō’mərû ’aḵə-šeqer nāḥălû ’ăḇwōṯênû heḇel wə’ên-bām mwō‘îl:

20 hăy^a‘ăśeh-llwō ’āḏām ’ĕlōhîm wəhēmmâ lō’ ’ĕlōhîm:

21 lāḵēn hinənî mwōḏî‘ām bap^a‘am hazzō’ṯ ’wōḏî‘ēm ’eṯ-yāḏî wə’eṯ-gəḇûrāṯî wəyāḏə‘û kî-šəmî yəhwâ: s

‎1 ‏חַטַּ֣את יְהוּדָ֗ה כְּתוּבָ֛ה בְּעֵ֥ט בַּרְזֶ֖ל בְּצִפֹּ֣רֶן שָׁמִ֑יר חֲרוּשָׁה֙ עַל־ל֣וּחַ לִבָּ֔ם וּלְקַרְנ֖וֹת מִזְבְּחוֹתֵיכֶֽם׃

‎2 ‏כִּזְכֹּ֤ר בְּנֵיהֶם֙ מִזְבְּחוֹתָ֔ם וַאֲשֵׁרֵיהֶ֖ם עַל־עֵ֣ץ רַֽעֲנָ֑ן עַ֖ל גְּבָע֥וֹת הַגְּבֹהֽוֹת׃

‎3 ‏הֲרָרִי֙ בַּשָּׂדֶ֔ה חֵילְךָ֥ כָל־אוֹצְרוֹתֶ֖יךָ לָבַ֣ז אֶתֵּ֑ן בָּמֹתֶ֕יךָ בְּחַטָּ֖את בְּכָל־גְּבוּלֶֽיךָ׃

‎4 ‏וְשָׁמַטְתָּ֗ה וּבְךָ֙ מִנַּחֲלָֽתְךָ֙ אֲשֶׁ֣ר נָתַ֣תִּי לָ֔ךְ וְהַעֲבַדְתִּ֙יךָ֙ אֶת־אֹ֣יְבֶ֔יךָ בָּאָ֖רֶץ אֲשֶׁ֣ר לֹֽא־יָדָ֑עְתָּ כִּֽי־אֵ֛שׁ קְדַחְתֶּ֥ם בְּאַפִּ֖י עַד־עוֹלָ֥ם תּוּקָֽד׃ ס

‎5 ‏כֹּ֣ה׀ אָמַ֣ר יְהוָ֗ה אָר֤וּר הַגֶּ֙בֶר֙ אֲשֶׁ֣ר יִבְטַ֣ח בָּֽאָדָ֔ם וְשָׂ֥ם בָּשָׂ֖ר זְרֹע֑וֹ וּמִן־יְהוָ֖ה יָס֥וּר לִבּֽוֹ׃

‎6 ‏וְהָיָה֙ כְּעַרְעָ֣ר בָּֽעֲרָבָ֔ה וְלֹ֥א יִרְאֶ֖ה כִּי־יָב֣וֹא ט֑וֹב וְשָׁכַ֤ן חֲרֵרִים֙ בַּמִּדְבָּ֔ר אֶ֥רֶץ מְלֵחָ֖ה וְלֹ֥א תֵשֵֽׁב׃ ס

‎7 ‏בָּר֣וּךְ הַגֶּ֔בֶר אֲשֶׁ֥ר יִבְטַ֖ח בַּֽיהוָ֑ה וְהָיָ֥ה יְהוָ֖ה מִבְטַחֽוֹ׃

‎8 ‏וְהָיָ֞ה כְּעֵ֣ץ׀ שָׁת֣וּל עַל־מַ֗יִם וְעַל־יוּבַל֙ יְשַׁלַּ֣ח שָֽׁרָשָׁ֔יו וְלֹ֤א ירא יִרְאֶה֙ כִּֽי־יָבֹ֣א חֹ֔ם וְהָיָ֥ה עָלֵ֖הוּ רַֽעֲנָ֑ן וּבִשְׁנַ֤ת בַּצֹּ֙רֶת֙ לֹ֣א יִדְאָ֔ג וְלֹ֥א יָמִ֖ישׁ מֵעֲשׂ֥וֹת פֶּֽרִי׃

‎9 ‏עָקֹ֥ב הַלֵּ֛ב מִכֹּ֖ל וְאָנֻ֣שׁ ה֑וּא מִ֖י יֵדָעֶֽנּוּ׃

‎10 ‏אֲנִ֧י יְהוָ֛ה חֹקֵ֥ר לֵ֖ב בֹּחֵ֣ן כְּלָי֑וֹת וְלָתֵ֤ת לְאִישׁ֙ כדרכו כִּדְרָכָ֔יו כִּפְרִ֖י מַעֲלָלָֽיו׃ ס

‎11 ‏קֹרֵ֤א דָגַר֙ וְלֹ֣א יָלָ֔ד עֹ֥שֶׂה עֹ֖שֶׁר וְלֹ֣א בְמִשְׁפָּ֑ט בַּחֲצִ֤י ימו יָמָיו֙ יַעַזְבֶ֔נּוּ וּבְאַחֲרִית֖וֹ יִהְיֶ֥ה נָבָֽל׃

‎12 ‏כִּסֵּ֣א כָב֔וֹד מָר֖וֹם מֵֽרִאשׁ֑וֹן מְק֖וֹם מִקְדָּשֵֽׁנוּ׃

‎13 ‏מִקְוֵ֤ה יִשְׂרָאֵל֙ יְהוָ֔ה כָּל־עֹזְבֶ֖יךָ יֵבֹ֑שׁוּ יסורי וְסוּרַי֙ בָּאָ֣רֶץ יִכָּתֵ֔בוּ כִּ֥י עָזְב֛וּ מְק֥וֹר מַֽיִם־חַיִּ֖ים אֶת־יְהוָֽה׃ ס

‎14 ‏רְפָאֵ֤נִי יְהוָה֙ וְאֵ֣רָפֵ֔א הוֹשִׁיעֵ֖נִי וְאִוָּשֵׁ֑עָה כִּ֥י תְהִלָּתִ֖י אָֽתָּה׃

‎15 ‏הִנֵּה־הֵ֕מָּה אֹמְרִ֖ים אֵלָ֑י אַיֵּ֥ה דְבַר־יְהוָ֖ה יָ֥בוֹא נָֽא׃

‎16 ‏וַאֲנִ֞י לֹא־אַ֣צְתִּי׀ מֵרֹעֶ֣ה אַחֲרֶ֗יךָ וְי֥וֹם אָנ֛וּשׁ לֹ֥א הִתְאַוֵּ֖יתִי אַתָּ֣ה יָדָ֑עְתָּ מוֹצָ֣א שְׂפָתַ֔י נֹ֥כַח פָּנֶ֖יךָ הָיָֽה׃

‎17 ‏אַל־תִּֽהְיֵה־לִ֖י לִמְחִתָּ֑ה מַֽחֲסִי־אַ֖תָּה בְּי֥וֹם רָעָֽה׃

‎18 ‏יֵבֹ֤שׁוּ רֹדְפַי֙ וְאַל־אֵבֹ֣שָׁה אָ֔נִי יֵחַ֣תּוּ הֵ֔מָּה וְאַל־אֵחַ֖תָּה אָ֑נִי הָבִ֤יא עֲלֵיהֶם֙ י֣וֹם רָעָ֔ה וּמִשְׁנֶ֥ה שִׁבָּר֖וֹן שָׁבְרֵֽם׃ ס

‎19 ‏כֹּה־אָמַ֨ר יְהוָ֜ה אֵלַ֗י הָלֹ֤ךְ וְעָֽמַדְתָּ֙ בְּשַׁ֣עַר בְּנֵֽי־עם הָעָ֔ם אֲשֶׁ֨ר יָבֹ֤אוּ בוֹ֙ מַלְכֵ֣י יְהוּדָ֔ה וַאֲשֶׁ֖ר יֵ֣צְאוּ ב֑וֹ וּבְכֹ֖ל שַׁעֲרֵ֥י יְרוּשָׁלִָֽם׃

‎20 ‏וְאָמַרְתָּ֣ אֲ֠לֵיהֶם שִׁמְע֨וּ דְבַר־יְהוָ֜ה מַלְכֵ֤י יְהוּדָה֙ וְכָל־יְהוּדָ֔ה וְכֹ֖ל יֹשְׁבֵ֣י יְרוּשָׁלִָ֑ם הַבָּאִ֖ים בַּשְּׁעָרִ֥ים הָאֵֽלֶּה׃ ס

‎21 ‏כֹּ֚ה אָמַ֣ר יְהוָ֔ה הִשָּׁמְר֖וּ בְּנַפְשֽׁוֹתֵיכֶ֑ם וְאַל־תִּשְׂא֤וּ מַשָּׂא֙ בְּי֣וֹם הַשַּׁבָּ֔ת וַהֲבֵאתֶ֖ם בְּשַׁעֲרֵ֥י יְרוּשָׁלִָֽם׃

‎22 ‏וְלֹא־תוֹצִ֨יאוּ מַשָּׂ֤א מִבָּֽתֵּיכֶם֙ בְּי֣וֹם הַשַּׁבָּ֔ת וְכָל־מְלָאכָ֖ה לֹ֣א תַֽעֲשׂ֑וּ וְקִדַּשְׁתֶּם֙ אֶת־י֣וֹם הַשַּׁבָּ֔ת כַּאֲשֶׁ֥ר צִוִּ֖יתִי אֶת־אֲבוֹתֵיכֶֽם׃

‎23 ‏וְלֹ֣א שָֽׁמְע֔וּ וְלֹ֥א הִטּ֖וּ אֶת־אָזְנָ֑ם וַיַּקְשׁוּ֙ אֶת־עָרְפָּ֔ם לְבִלְתִּ֣י שומע שְׁמ֔וֹעַ וּלְבִלְתִּ֖י קַ֥חַת מוּסָֽר׃

‎24 ‏וְ֠הָיָה אִם־שָׁמֹ֨עַ תִּשְׁמְע֤וּן אֵלַי֙ נְאֻם־יְהוָ֔ה לְבִלְתִּ֣י׀ הָבִ֣יא מַשָּׂ֗א בְּשַׁעֲרֵ֛י הָעִ֥יר הַזֹּ֖את בְּי֣וֹם הַשַּׁבָּ֑ת וּלְקַדֵּשׁ֙ אֶת־י֣וֹם הַשַּׁבָּ֔ת לְבִלְתִּ֥י עֲשֽׂוֹת־בה בּ֖וֹ כָּל־מְלָאכָֽה׃

‎25 ‏וּבָ֣אוּ בְשַׁעֲרֵ֣י הָעִ֣יר הַזֹּ֡את מְלָכִ֣ים׀ וְשָׂרִ֡ים יֹשְׁבִים֩ עַל־כִּסֵּ֨א דָוִ֜ד רֹכְבִ֣ים׀ בָּרֶ֣כֶב וּבַסּוּסִ֗ים הֵ֚מָּה וְשָׂ֣רֵיהֶ֔ם אִ֥ישׁ יְהוּדָ֖ה וְיֹשְׁבֵ֣י יְרוּשָׁלִָ֑ם וְיָשְׁבָ֥ה הָֽעִיר־הַזֹּ֖את לְעוֹלָֽם׃

‎26 ‏וּבָ֣אוּ מֵעָרֵֽי־יְ֠הוּדָה וּמִסְּבִיב֨וֹת יְרוּשָׁלִַ֜ם וּמֵאֶ֣רֶץ בִּנְיָמִ֗ן וּמִן־הַשְּׁפֵלָ֤ה וּמִן־הָהָר֙ וּמִן־הַנֶּ֔גֶב מְבִאִ֛ים עוֹלָ֥ה וְזֶ֖בַח וּמִנְחָ֣ה וּלְבוֹנָ֑ה וּמְבִאֵ֥י תוֹדָ֖ה בֵּ֥ית יְהוָֽה׃

‎27 ‏וְאִם־לֹ֨א תִשְׁמְע֜וּ אֵלַ֗י לְקַדֵּשׁ֙ אֶת־י֣וֹם הַשַּׁבָּ֔ת וּלְבִלְתִּ֣י׀ שְׂאֵ֣ת מַשָּׂ֗א וּבֹ֛א בְּשַׁעֲרֵ֥י יְרוּשָׁלִַ֖ם בְּי֣וֹם הַשַּׁבָּ֑ת וְהִצַּ֧תִּי אֵ֣שׁ בִּשְׁעָרֶ֗יהָ וְאָֽכְלָ֛ה אַרְמְנ֥וֹת יְרוּשָׁלִַ֖ם וְלֹ֥א תִכְבֶּֽה׃ פ

1 ḥaṭṭa’ṯ yəhûḏâ kəṯûḇâ bə‘ēṭ barəzel bəṣipōren šāmîr ḥărûšâ ‘al-lûḥa libām ûləqarənwōṯ mizəbəḥwōṯêḵem:

2 kizəkōr bənêhem mizəbəḥwōṯām wa’ăšērêhem ‘al-‘ēṣ r^a‘ănān ‘al gəḇā‘wōṯ hagəḇōhwōṯ:

3 hărārî baśśāḏeh ḥêləḵā ḵāl-’wōṣərwōṯeyḵā lāḇaz ’etēn bāmōṯeyḵā bəḥaṭṭā’ṯ bəḵāl-gəḇûleyḵā:

4 wəšāmaṭətâ ûḇəḵā minn^aḥălāṯəḵā ’ăšer nāṯatî lāḵə wəh^a‘ăḇaḏətîḵā ’eṯ-’ōyəḇeyḵā bā’āreṣ ’ăšer lō’-yāḏā‘ətā kî-’ēš qəḏ^aḥətem bə’apî ‘aḏ-‘wōlām tûqāḏ: s

5 kōh| ’āmar yəhwâ ’ārûr hageḇer ’ăšer yiḇəṭ^aḥ bā’āḏām wəśām bāśār zərō‘wō ûmin-yəhwâ yāsûr libwō:

6 wəhāyâ kə‘arə‘ār bā‘ărāḇâ wəlō’ yirə’eh kî-yāḇwō’ ṭwōḇ wəšāḵan ḥărērîm bammiḏəbār ’ereṣ məlēḥâ wəlō’ ṯēšēḇ: s

7 bārûḵə hageḇer ’ăšer yiḇəṭ^aḥ bayhwâ wəhāyâ yəhwâ miḇəṭ^aḥwō:

8 wəhāyâ kə‘ēṣ| šāṯûl ‘al-mayim wə‘al-yûḇal yəšall^aḥ šārāšāyw wəlō’ yirā’ yirə’eh kî-yāḇō’ ḥōm wəhāyâ ‘ālēhû r^a‘ănān ûḇišənaṯ baṣṣōreṯ lō’ yiḏə’āḡ wəlō’ yāmîš mē‘ăśwōṯ perî:

9 ‘āqōḇ hallēḇ mikōl wə’ānuš hû’ mî yēḏā‘ennû:

10 ’ănî yəhwâ ḥōqēr lēḇ bōḥēn kəlāywōṯ wəlāṯēṯ lə’îš kiḏərāḵāw kiḏərāḵāyw kifərî m^a‘ălālāyw: s

11 qōrē’ ḏāḡar wəlō’ yālāḏ ‘ōśeh ‘ōšer wəlō’ ḇəmišəpāṭ b^aḥăṣî yāmāw yāmāyw y^a‘azəḇennû ûḇə’^aḥărîṯwō yihəyeh nāḇāl:

12 kissē’ ḵāḇwōḏ mārwōm mēri’šwōn məqwōm miqədāšēnû:

13 miqəwēh yiśərā’ēl yəhwâ kāl-‘ōzəḇeyḵā yēḇōšû yisswōray wəsûray bā’āreṣ yikāṯēḇû kî ‘āzəḇû məqwōr mayim-ḥayyîm ’eṯ-yəhwâ: s

14 rəfā’ēnî yəhwâ wə’ērāfē’ hwōšî‘ēnî wə’iûāšē‘â kî ṯəhillāṯî ’ātâ:

15 hinnēh-hēmmâ ’ōmərîm ’ēlāy ’ayyēh ḏəḇar-yəhwâ yāḇwō’ nā’:

16 wa’ănî lō’-’aṣətî| mērō‘eh ’^aḥăreyḵā wəywōm ’ānûš lō’ hiṯə’aûêṯî ’atâ yāḏā‘ətā mwōṣā’ śəfāṯay nōḵ^aḥ pāneyḵā hāyâ:

17 ’al-tihəyēh-lî liməḥitâ m^aḥăsî-’atâ bəywōm rā‘â:

18 yēḇōšû rōḏəfay wə’al-’ēḇōšâ ’ānî yēḥatû hēmmâ wə’al-’ēḥatâ ’ānî hāḇî’ ‘ălêhem ywōm rā‘â ûmišəneh šibārwōn šāḇərēm: s

19 kōh-’āmar yəhwâ ’ēlay hālōḵə wə‘āmaḏətā bəš^a‘ar bənê-‘ām hā‘ām ’ăšer yāḇō’û ḇwō maləḵê yəhûḏâ wa’ăšer yēṣə’û ḇwō ûḇəḵōl š^a‘ărê yərûšālāim:

20 wə’āmarətā ’ălêhem šimə‘û ḏəḇar-yəhwâ maləḵê yəhûḏâ wəḵāl-yəhûḏâ wəḵōl yōšəḇê yərûšālāim habā’îm baššə‘ārîm hā’ēlleh: s

21 kōh ’āmar yəhwâ hiššāmərû bənafəšwōṯêḵem wə’al-tiśə’û maśśā’ bəywōm haššabāṯ wahăḇē’ṯem bəš^a‘ărê yərûšālāim:

22 wəlō’-ṯwōṣî’û maśśā’ mibātêḵem bəywōm haššabāṯ wəḵāl-məlā’ḵâ lō’ ṯ^a‘ăśû wəqidašətem ’eṯ-ywōm haššabāṯ ka’ăšer ṣiûîṯî ’eṯ-’ăḇwōṯêḵem:

23 wəlō’ šāmə‘û wəlō’ hiṭṭû ’eṯ-’āzənām wayyaqəšû ’eṯ-‘ārəpām ləḇilətî šwōmē‘a šəmwō‘a ûləḇilətî q^aḥaṯ mûsār:

24 wəhāyâ ’im-šāmō‘a tišəmə‘ûn ’ēlay nə’um-yəhwâ ləḇilətî| hāḇî’ maśśā’ bəš^a‘ărê hā‘îr hazzō’ṯ bəywōm haššabāṯ ûləqadēš ’eṯ-ywōm haššabāṯ ləḇilətî ‘ăśwōṯ-bōh bwō kāl-məlā’ḵâ:

25 ûḇā’û ḇəš^a‘ărê hā‘îr hazzō’ṯ məlāḵîm| wəśārîm yōšəḇîm ‘al-kissē’ ḏāwiḏ rōḵəḇîm| bāreḵeḇ ûḇassûsîm hēmmâ wəśārêhem ’îš yəhûḏâ wəyōšəḇê yərûšālāim wəyāšəḇâ hā‘îr-hazzō’ṯ lə‘wōlām:

26 ûḇā’û mē‘ārê-yəhûḏâ ûmissəḇîḇwōṯ yərûšālaim ûmē’ereṣ binəyāmin ûmin-haššəfēlâ ûmin-hâār ûmin-hanneḡeḇ məḇi’îm ‘wōlâ wəzeḇ^aḥ ûminəḥâ ûləḇwōnâ ûməḇi’ê ṯwōḏâ bêṯ yəhwâ:

27 wə’im-lō’ ṯišəmə‘û ’ēlay ləqadēš ’eṯ-ywōm haššabāṯ ûləḇilətî| śə’ēṯ maśśā’ ûḇō’ bəš^a‘ărê yərûšālaim bəywōm haššabāṯ wəhiṣṣatî ’ēš bišə‘āreyhā wə’āḵəlâ ’arəmənwōṯ yərûšālaim wəlō’ ṯiḵəbeh: f

‎1 ‏הַדָּבָר֙ אֲשֶׁ֣ר הָיָ֣ה אֶֽל־יִרְמְיָ֔הוּ מֵאֵ֥ת יְהוָ֖ה לֵאמֹֽר׃

‎2 ‏ק֥וּם וְיָרַדְתָּ֖ בֵּ֣ית הַיּוֹצֵ֑ר וְשָׁ֖מָּה אַשְׁמִֽיעֲךָ֥ אֶת־דְּבָרָֽי׃

‎3 ‏וָאֵרֵ֖ד בֵּ֣ית הַיּוֹצֵ֑ר והנהו וְהִנֵּה־ ה֛וּא^a עֹשֶׂ֥ה מְלָאכָ֖ה עַל־הָאָבְנָֽיִם׃

‎4 ‏וְנִשְׁחַ֣ת הַכְּלִ֗י אֲשֶׁ֨ר ה֥וּא עֹשֶׂ֛ה בַּחֹ֖מֶר בְּיַ֣ד הַיּוֹצֵ֑ר וְשָׁ֗ב וַֽיַּעֲשֵׂ֙הוּ֙ כְּלִ֣י אַחֵ֔ר כַּאֲשֶׁ֥ר יָשַׁ֛ר בְּעֵינֵ֥י הַיּוֹצֵ֖ר לַעֲשֽׂוֹת׃ פ

‎5 ‏וַיְהִ֥י דְבַר־יְהוָ֖ה אֵלַ֥י לֵאמֽוֹר׃

‎6 ‏הֲכַיּוֹצֵ֨ר הַזֶּ֜ה לֹא־אוּכַ֨ל לַעֲשׂ֥וֹת לָכֶ֛ם בֵּ֥ית יִשְׂרָאֵ֖ל נְאֻם־יְהוָ֑ה הִנֵּ֤ה כַחֹ֙מֶר֙ בְּיַ֣ד הַיּוֹצֵ֔ר כֵּן־אַתֶּ֥ם בְּיָדִ֖י בֵּ֥ית יִשְׂרָאֵֽל׃ ס

‎7 ‏רֶ֣גַע אֲדַבֵּ֔ר עַל־גּ֖וֹי וְעַל־מַמְלָכָ֑ה לִנְת֥וֹשׁ וְלִנְת֖וֹץ וּֽלְהַאֲבִֽיד׃

‎8 ‏וְשָׁב֙ הַגּ֣וֹי הַה֔וּא מֵרָ֣עָת֔וֹ אֲשֶׁ֥ר דִּבַּ֖רְתִּי עָלָ֑יו וְנִֽחַמְתִּי֙ עַל־הָ֣רָעָ֔ה אֲשֶׁ֥ר חָשַׁ֖בְתִּי לַעֲשׂ֥וֹת לֽוֹ׃ ס

‎9 ‏וְרֶ֣גַע אֲדַבֵּ֔ר עַל־גּ֖וֹי וְעַל־מַמְלָכָ֑ה לִבְנֹ֖ת וְלִנְטֹֽעַ׃

‎10 ‏וְעָשָׂ֤ה הרעה הָרַע֙ בְּעֵינַ֔י לְבִלְתִּ֖י שְׁמֹ֣עַ בְּקוֹלִ֑י וְנִֽחַמְתִּי֙ עַל־הַטּוֹבָ֔ה אֲשֶׁ֥ר אָמַ֖רְתִּי לְהֵיטִ֥יב אוֹתֽוֹ׃ ס

‎11 ‏וְעַתָּ֡ה אֱמָר־נָ֣א אֶל־אִישׁ־יְהוּדָה֩ וְעַל־יוֹשְׁבֵ֨י יְרוּשָׁלִַ֜ם לֵאמֹ֗ר כֹּ֚ה אָמַ֣ר יְהוָ֔ה הִנֵּ֨ה אָנֹכִ֜י יוֹצֵ֤ר עֲלֵיכֶם֙ רָעָ֔ה וְחֹשֵׁ֥ב עֲלֵיכֶ֖ם מַֽחֲשָׁבָ֑ה שׁ֣וּבוּ נָ֗א אִ֚ישׁ מִדַּרְכּ֣וֹ הָֽרָעָ֔ה וְהֵיטִ֥יבוּ דַרְכֵיכֶ֖ם וּמַעַלְלֵיכֶֽם׃

‎12 ‏וְאָמְר֖וּ נוֹאָ֑שׁ כִּֽי־אַחֲרֵ֤י מַחְשְׁבוֹתֵ֙ינוּ֙ נֵלֵ֔ךְ וְאִ֛ישׁ שְׁרִר֥וּת לִבּֽוֹ־הָרָ֖ע נַעֲשֶֽׂה׃ ס

‎13 ‏לָכֵ֗ן כֹּ֚ה אָמַ֣ר יְהוָ֔ה שַֽׁאֲלוּ־נָא֙ בַּגּוֹיִ֔ם מִ֥י שָׁמַ֖ע כָּאֵ֑לֶּה שַֽׁעֲרֻרִת֙ עָשְׂתָ֣ה מְאֹ֔ד בְּתוּלַ֖ת יִשְׂרָאֵֽל׃

‎14 ‏הֲיַעֲזֹ֥ב מִצּ֛וּר שָׂדַ֖י שֶׁ֣לֶג לְבָנ֑וֹן אִם־יִנָּתְשׁ֗וּ מַ֛יִם זָרִ֥ים קָרִ֖ים נוֹזְלִֽים׃

‎15 ‏כִּֽי־שְׁכֵחֻ֥נִי עַמִּ֖י לַשָּׁ֣וְא יְקַטֵּ֑רוּ וַיַּכְשִׁל֤וּם בְּדַרְכֵיהֶם֙ שְׁבִילֵ֣י עוֹלָ֔ם לָלֶ֣כֶת נְתִיב֔וֹת דֶּ֖רֶךְ לֹ֥א סְלוּלָֽה׃

‎16 ‏לָשׂ֥וּם אַרְצָ֛ם לְשַׁמָּ֖ה שרוקת שְׁרִיק֣וֹת³ עוֹלָ֑ם כֹּ֚ל עוֹבֵ֣ר עָלֶ֔יהָ יִשֹּׁ֖ם וְיָנִ֥יד בְּרֹאשֽׁוֹ׃

‎17 ‏כְּרֽוּחַ־קָדִ֥ים אֲפִיצֵ֖ם לִפְנֵ֣י אוֹיֵ֑ב עֹ֧רֶף וְלֹֽא־פָנִ֛ים אֶרְאֵ֖ם בְּי֥וֹם אֵידָֽם׃ ס

‎18 ‏וַיֹּאמְר֗וּ לְכ֨וּ וְנַחְשְׁבָ֣ה עַֽל־יִרְמְיָהוּ֮ מַחֲשָׁבוֹת֒ כִּי֩ לֹא־תֹאבַ֨ד תּוֹרָ֜ה מִכֹּהֵ֗ן וְעֵצָה֙ מֵֽחָכָ֔ם וְדָבָ֖ר מִנָּבִ֑יא לְכוּ֙ וְנַכֵּ֣הוּ בַלָּשׁ֔וֹן וְאַל־נַקְשִׁ֖יבָה אֶל־כָּל־דְּבָרָֽיו׃

‎19 ‏הַקְשִׁ֥יבָה יְהוָ֖ה אֵלָ֑י וּשְׁמַ֖ע לְק֥וֹל יְרִיבָֽי׃

‎20 ‏הַיְשֻׁלַּ֤ם תַּֽחַת־טוֹבָה֙ רָעָ֔ה כִּֽי־כָר֥וּ שׁוּחָ֖ה לְנַפְשִׁ֑י זְכֹ֣ר׀ עָמְדִ֣י לְפָנֶ֗יךָ לְדַבֵּ֤ר עֲלֵיהֶם֙ טוֹבָ֔ה לְהָשִׁ֥יב אֶת־חֲמָתְךָ֖ מֵהֶֽם׃

‎21 ‏לָכֵן֩ תֵּ֨ן אֶת־בְּנֵיהֶ֜ם לָרָעָ֗ב וְהַגִּרֵם֮ עַל־יְדֵי־חֶרֶב֒ וְתִֽהְיֶ֨נָה נְשֵׁיהֶ֤ם שַׁכֻּלוֹת֙ וְאַלְמָנ֔וֹת וְאַ֨נְשֵׁיהֶ֔ם יִֽהְי֖וּ הֲרֻ֣גֵי מָ֑וֶת בַּח֣וּרֵיהֶ֔ם מֻכֵּי־חֶ֖רֶב בַּמִּלְחָמָֽה׃

‎22 ‏תִּשָּׁמַ֤ע זְעָקָה֙ מִבָּ֣תֵּיהֶ֔ם כִּֽי־תָבִ֧יא עֲלֵיהֶ֛ם גְּד֖וּד פִּתְאֹ֑ם כִּֽי־כָר֤וּ שיחה שׁוּחָה֙ לְלָכְדֵ֔נִי וּפַחִ֖ים טָמְנ֥וּ לְרַגְלָֽי׃

‎23 ‏וְאַתָּ֣ה יְ֠הוָה יָדַ֜עְתָּ אֶֽת־כָּל־עֲצָתָ֤ם עָלַי֙ לַמָּ֔וֶת אַל־תְּכַפֵּר֙ עַל־עֲוֹנָ֔ם וְחַטָּאתָ֖ם מִלְּפָנֶ֣יךָ אַל־תֶּ֑מְחִי והיו וְיִהְי֤וּ מֻכְשָׁלִים֙ לְפָנֶ֔יךָ בְּעֵ֥ת אַפְּךָ֖ עֲשֵׂ֥ה בָהֶֽם׃ ס

1 hadāḇār ’ăšer hāyâ ’el-yirəməyâû mē’ēṯ yəhwâ lē’mōr:

2 qûm wəyāraḏətā bêṯ hayywōṣēr wəšāmmâ ’ašəmî‘ăḵā ’eṯ-dəḇārāy:

3 wā’ērēḏ bêṯ hayywōṣēr wəhinnēhû wəhinnēh- hû’^a ‘ōśeh məlā’ḵâ ‘al-hā’āḇənāyim:

4 wənišəḥaṯ hakəlî ’ăšer hû’ ‘ōśeh b^aḥōmer bəyaḏ hayywōṣēr wəšāḇ wayy^a‘ăśēhû kəlî ’^aḥēr ka’ăšer yāšar bə‘ênê hayywōṣēr l^a‘ăśwōṯ: f

5 wayəhî ḏəḇar-yəhwâ ’ēlay lē’mwōr:

6 hăḵayywōṣēr hazzeh lō’-’ûḵal l^a‘ăśwōṯ lāḵem bêṯ yiśərā’ēl nə’um-yəhwâ hinnēh ḵ^aḥōmer bəyaḏ hayywōṣēr kēn-’atem bəyāḏî bêṯ yiśərā’ēl: s

7 reḡ^a‘ ’ăḏabēr ‘al-gwōy wə‘al-maməlāḵâ linəṯwōš wəlinəṯwōṣ ûləha’ăḇîḏ:

8 wəšāḇ hagwōy hahû’ mērā‘āṯwō ’ăšer dibarətî ‘ālāyw wəniḥamətî ‘al-hārā‘â ’ăšer ḥāšaḇətî l^a‘ăśwōṯ lwō: s

9 wəreḡ^a‘ ’ăḏabēr ‘al-gwōy wə‘al-maməlāḵâ liḇənōṯ wəlinəṭō‘a:

10 wə‘āśâ hārā‘â hār^a‘ bə‘ênay ləḇilətî šəmō‘a bəqwōlî wəniḥamətî ‘al-haṭṭwōḇâ ’ăšer ’āmarətî ləhêṭîḇ ’wōṯwō: s

11 wə‘atâ ’ĕmār-nā’ ’el-’îš-yəhûḏâ wə‘al-ywōšəḇê yərûšālaim lē’mōr kōh ’āmar yəhwâ hinnēh ’ānōḵî ywōṣēr ‘ălêḵem rā‘â wəḥōšēḇ ‘ălêḵem m^aḥăšāḇâ šûḇû nā’ ’îš midarəkwō hārā‘â wəhêṭîḇû ḏarəḵêḵem ûm^a‘aləlêḵem:

12 wə’āmərû nwō’āš kî-’^aḥărê m^aḥəšəḇwōṯênû nēlēḵə wə’îš šərirûṯ libwō-hārā‘ n^a‘ăśeh: s

13 lāḵēn kōh ’āmar yəhwâ ša’ălû-nā’ bagwōyim mî šām^a‘ kā’ēlleh š^a‘ăruriṯ ‘āśəṯâ mə’ōḏ bəṯûlaṯ yiśərā’ēl:

14 hăy^a‘ăzōḇ miṣṣûr śāḏay šeleḡ ləḇānwōn ’im-yinnāṯəšû mayim zārîm qārîm nwōzəlîm:

15 kî-šəḵēḥunî ‘ammî laššāwə’ yəqaṭṭērû wayyaḵəšilûm bəḏarəḵêhem šəḇîlê ‘wōlām lāleḵeṯ nəṯîḇwōṯ dereḵə lō’ səlûlâ:

16 lāśûm ’arəṣām ləšammâ šərûqaṯ šərîqwōṯ³ ‘wōlām kōl ‘wōḇēr ‘āleyhā yiššōm wəyānîḏ bərō’šwō:

17 kərûḥa-qāḏîm ’ăfîṣēm lifənê ’wōyēḇ ‘ōref wəlō’-fānîm ’erə’ēm bəywōm ’êḏām: s

18 wayyō’mərû ləḵû wən^aḥəšəḇâ ‘al-yirəməyâû m^aḥăšāḇwōṯ kî lō’-ṯō’ḇaḏ twōrâ mikōhēn wə‘ēṣâ mēḥāḵām wəḏāḇār minnāḇî’ ləḵû wənakēhû ḇallāšwōn wə’al-naqəšîḇâ ’el-kāl-dəḇārāyw:

19 haqəšîḇâ yəhwâ ’ēlāy ûšəm^a‘ ləqwōl yərîḇāy:

20 hayəšullam t^aḥaṯ-ṭwōḇâ rā‘â kî-ḵārû šûḥâ lənafəšî zəḵōr| ‘āməḏî ləfāneyḵā ləḏabēr ‘ălêhem ṭwōḇâ ləhāšîḇ ’eṯ-ḥămāṯəḵā mēhem:

21 lāḵēn tēn ’eṯ-bənêhem lārā‘āḇ wəhagirēm ‘al-yəḏê-ḥereḇ wəṯihəyenâ nəšêhem šakulwōṯ wə’aləmānwōṯ wə’anəšêhem yihəyû hăruḡê māweṯ b^aḥûrêhem mukê-ḥereḇ bammiləḥāmâ:

22 tiššām^a‘ zə‘āqâ mibātêhem kî-ṯāḇî’ ‘ălêhem gəḏûḏ piṯə’ōm kî-ḵārû šîḥâ šûḥâ ləlāḵəḏēnî ûf^aḥîm ṭāmənû ləraḡəlāy:

23 wə’atâ yəhwâ yāḏ^a‘ətā ’eṯ-kāl-‘ăṣāṯām ‘ālay lammāweṯ ’al-təḵapēr ‘al-‘ăwōnām wəḥaṭṭā’ṯām milləfāneyḵā ’al-teməḥî wəhāyû wəyihəyû muḵəšālîm ləfāneyḵā bə‘ēṯ ’apəḵā ‘ăśēh ḇâem: s

‎1 ‏כֹּ֚ה אָמַ֣ר יְהוָ֔ה הָל֛וֹךְ וְקָנִ֥יתָ בַקְבֻּ֖ק יוֹצֵ֣ר חָ֑רֶשׂ וּמִזִּקְנֵ֣י הָעָ֔ם וּמִזִּקְנֵ֖י הַכֹּהֲנִֽים׃

‎2 ‏וְיָצָ֙אתָ֙ אֶל־גֵּ֣יא בֶן־הִנֹּ֔ם אֲשֶׁ֕ר פֶּ֖תַח שַׁ֣עַר החרסות הַֽחַרְסִ֑ית וְקָרָ֣אתָ שָּׁ֔ם אֶת־הַדְּבָרִ֖ים אֲשֶׁר־אֲדַבֵּ֥ר אֵלֶֽיךָ׃

‎3 ‏וְאָֽמַרְתָּ֙ שִׁמְע֣וּ דְבַר־יְהוָ֔ה מַלְכֵ֣י יְהוּדָ֔ה וְיֹשְׁבֵ֖י יְרֽוּשָׁלִָ֑ם כֹּֽה־אָמַר֩ יְהוָ֨ה צְבָא֜וֹת אֱלֹהֵ֣י יִשְׂרָאֵ֗ל הִנְנִ֨י מֵבִ֤יא רָעָה֙ עַל־הַמָּק֣וֹם הַזֶּ֔ה אֲשֶׁ֥ר כָּל־שֹׁמְעָ֖הּ תִּצַּ֥לְנָה אָזְנָֽיו׃

‎4 ‏יַ֣עַן׀ אֲשֶׁ֣ר עֲזָבֻ֗נִי וַֽיְנַכְּר֞וּ אֶת־הַמָּק֤וֹם הַזֶּה֙ וַיְקַטְּרוּ־בוֹ֙ לֵאלֹהִ֣ים אֲחֵרִ֔ים אֲשֶׁ֧ר לֹֽא־יְדָע֛וּם הֵ֥מָּה וַאֲבֽוֹתֵיהֶ֖ם וּמַלְכֵ֣י יְהוּדָ֑ה וּמָֽלְא֛וּ אֶת־הַמָּק֥וֹם הַזֶּ֖ה דַּ֥ם נְקִיִּֽם׃

‎5 ‏וּבָנ֞וּ אֶת־בָּמ֣וֹת הַבַּ֗עַל לִשְׂרֹ֧ף אֶת־בְּנֵיהֶ֛ם בָּאֵ֖שׁ עֹל֣וֹת לַבָּ֑עַל אֲשֶׁ֤ר לֹֽא־צִוִּ֙יתִי֙ וְלֹ֣א דִבַּ֔רְתִּי וְלֹ֥א עָלְתָ֖ה עַל־לִבִּֽי׃ פ

‎6 ‏לָכֵ֞ן הִנֵּֽה־יָמִ֤ים בָּאִים֙ נְאֻם־יְהוָ֔ה וְלֹא־יִקָּרֵא֩ לַמָּק֨וֹם הַזֶּ֥ה ע֛וֹד הַתֹּ֖פֶת וְגֵ֣יא בֶן־הִנֹּ֑ם כִּ֖י אִם־גֵּ֥יא הַהֲרֵגָֽה׃

‎7 ‏וּ֠בַקֹּתִי אֶת־עֲצַ֨ת יְהוּדָ֤ה וִירוּשָׁלִַ֙ם֙ בַּמָּק֣וֹם הַזֶּ֔ה וְהִפַּלְתִּ֤ים בַּחֶ֙רֶב֙ לִפְנֵ֣י אֹֽיְבֵיהֶ֔ם וּבְיַ֖ד מְבַקְשֵׁ֣י נַפְשָׁ֑ם וְנָתַתִּ֤י אֶת־נִבְלָתָם֙ לְמַֽאֲכָ֔ל לְע֥וֹף הַשָּׁמַ֖יִם וּלְבֶהֱמַ֥ת הָאָֽרֶץ׃

‎8 ‏וְשַׂמְתִּי֙ אֶת־הָעִ֣יר הַזֹּ֔את לְשַׁמָּ֖ה וְלִשְׁרֵקָ֑ה כֹּ֚ל עֹבֵ֣ר עָלֶ֔יהָ יִשֹּׁ֥ם וְיִשְׁרֹ֖ק עַל־כָּל־מַכֹּתֶֽהָ׃

‎9 ‏וְהַֽאֲכַלְתִּ֞ים אֶת־בְּשַׂ֣ר בְּנֵיהֶ֗ם וְאֵת֙ בְּשַׂ֣ר בְּנֹתֵיהֶ֔ם וְאִ֥ישׁ בְּשַׂר־רֵעֵ֖הוּ יֹאכֵ֑לוּ בְּמָצוֹר֙ וּבְמָצ֔וֹק אֲשֶׁ֨ר יָצִ֧יקוּ לָהֶ֛ם אֹיְבֵיהֶ֖ם וּמְבַקְשֵׁ֥י נַפְשָֽׁם׃

‎10 ‏וְשָׁבַרְתָּ֖ הַבַּקְבֻּ֑ק לְעֵינֵי֙ הָֽאֲנָשִׁ֔ים הַהֹלְכִ֖ים אוֹתָֽךְ׃

‎11 ‏וְאָמַרְתָּ֙ אֲלֵיהֶ֜ם כֹּה־אָמַ֣ר׀ יְהוָ֣ה צְבָא֗וֹת כָּ֣כָה אֶשְׁבֹּ֞ר אֶת־הָעָ֤ם הַזֶּה֙ וְאֶת־הָעִ֣יר הַזֹּ֔את כַּאֲשֶׁ֤ר יִשְׁבֹּר֙ אֶת־כְּלִ֣י הַיּוֹצֵ֔ר אֲשֶׁ֛ר לֹֽא־יוּכַ֥ל לְהֵרָפֵ֖ה ע֑וֹד וּבְתֹ֣פֶת יִקְבְּר֔וּ מֵאֵ֥ין מָק֖וֹם לִקְבּֽוֹר׃

‎12 ‏כֵּֽן־אֶעֱשֶׂ֞ה לַמָּק֥וֹם הַזֶּ֛ה נְאֻם־יְהוָ֖ה וּלְיֽוֹשְׁבָ֑יו וְלָתֵ֛ת אֶת־הָעִ֥יר הַזֹּ֖את כְּתֹֽפֶת׃

‎13 ‏וְהָי֞וּ בָּתֵּ֣י יְרוּשָׁלִַ֗ם וּבָתֵּי֙ מַלְכֵ֣י יְהוּדָ֔ה כִּמְק֥וֹם הַתֹּ֖פֶת הַטְּמֵאִ֑ים לְכֹ֣ל הַבָּתִּ֗ים אֲשֶׁ֨ר קִטְּר֜וּ עַל־גַּגֹּֽתֵיהֶם֙ לְכֹל֙ צְבָ֣א הַשָּׁמַ֔יִם וְהַסֵּ֥ךְ נְסָכִ֖ים לֵאלֹהִ֥ים אֲחֵרִֽים׃ פ

‎14 ‏וַיָּבֹ֤א יִרְמְיָ֙הוּ֙ מֵֽהַתֹּ֔פֶת אֲשֶׁ֨ר שְׁלָח֧וֹ יְהוָ֛ה שָׁ֖ם לְהִנָּבֵ֑א וַֽיַּעֲמֹד֙ בַּחֲצַ֣ר בֵּית־יְהוָ֔ה וַיֹּ֖אמֶר אֶל־כָּל־הָעָֽם׃ ס

‎15 ‏כֹּֽה־אָמַ֞ר יְהוָ֤ה צְבָאוֹת֙ אֱלֹהֵ֣י יִשְׂרָאֵ֔ל הִנְנִ֨י מבי מֵבִ֜יא אֶל־הָעִ֤יר הַזֹּאת֙ וְעַל־כָּל־עָרֶ֔יהָ אֵ֚ת כָּל־הָ֣רָעָ֔ה אֲשֶׁ֥ר דִּבַּ֖רְתִּי עָלֶ֑יהָ כִּ֤י הִקְשׁוּ֙ אֶת־עָרְפָּ֔ם לְבִלְתִּ֖י שְׁמ֥וֹעַ אֶת־דְּבָרָֽי׃

1 kōh ’āmar yəhwâ hālwōḵə wəqānîṯā ḇaqəbuq ywōṣēr ḥāreś ûmizziqənê hā‘ām ûmizziqənê hakōhănîm:

2 wəyāṣā’ṯā ’el-gê’ ḇen-hinnōm ’ăšer peṯ^aḥ š^a‘ar h^aḥarəsiwṯ h^aḥarəsîṯ wəqārā’ṯā ššām ’eṯ-hadəḇārîm ’ăšer-’ăḏabēr ’ēleyḵā:

3 wə’āmarətā šimə‘û ḏəḇar-yəhwâ maləḵê yəhûḏâ wəyōšəḇê yərûšālāim kōh-’āmar yəhwâ ṣəḇā’wōṯ ’ĕlōhê yiśərā’ēl hinənî mēḇî’ rā‘â ‘al-hammāqwōm hazzeh ’ăšer kāl-šōmə‘āh tiṣṣalənâ ’āzənāyw:

4 y^a‘an| ’ăšer ‘ăzāḇunî wayənakərû ’eṯ-hammāqwōm hazzeh wayəqaṭṭərû-ḇwō lē’lōhîm ’ăḥērîm ’ăšer lō’-yəḏā‘ûm hēmmâ wa’ăḇwōṯêhem ûmaləḵê yəhûḏâ ûmālə’û ’eṯ-hammāqwōm hazzeh dam nəqîyim:

5 ûḇānû ’eṯ-bāmwōṯ hab^a‘al liśərōf ’eṯ-bənêhem bā’ēš ‘ōlwōṯ labā‘al ’ăšer lō’-ṣiûîṯî wəlō’ ḏibarətî wəlō’ ‘āləṯâ ‘al-libî: f

6 lāḵēn hinnēh-yāmîm bā’îm nə’um-yəhwâ wəlō’-yiqqārē’ lammāqwōm hazzeh ‘wōḏ hatōfeṯ wəḡê’ ḇen-hinnōm kî ’im-gê’ hahărēḡâ:

7 ûḇaqqōṯî ’eṯ-‘ăṣaṯ yəhûḏâ wîrûšālaim bammāqwōm hazzeh wəhipalətîm b^aḥereḇ lifənê ’ōyəḇêhem ûḇəyaḏ məḇaqəšê nafəšām wənāṯatî ’eṯ-niḇəlāṯām ləma’ăḵāl lə‘wōf haššāmayim ûləḇehĕmaṯ hā’āreṣ:

8 wəśamətî ’eṯ-hā‘îr hazzō’ṯ ləšammâ wəlišərēqâ kōl ‘ōḇēr ‘āleyhā yiššōm wəyišərōq ‘al-kāl-makōṯehā:

9 wəha’ăḵalətîm ’eṯ-bəśar bənêhem wə’ēṯ bəśar bənōṯêhem wə’îš bəśar-rē‘ēhû yō’ḵēlû bəmāṣwōr ûḇəmāṣwōq ’ăšer yāṣîqû lâem ’ōyəḇêhem ûməḇaqəšê nafəšām:

10 wəšāḇarətā habaqəbuq lə‘ênê hā’ănāšîm hahōləḵîm ’wōṯāḵə:

11 wə’āmarətā ’ălêhem kōh-’āmar| yəhwâ ṣəḇā’wōṯ kāḵâ ’ešəbōr ’eṯ-hā‘ām hazzeh wə’eṯ-hā‘îr hazzō’ṯ ka’ăšer yišəbōr ’eṯ-kəlî hayywōṣēr ’ăšer lō’-yûḵal ləhērāfēh ‘wōḏ ûḇəṯōfeṯ yiqəbərû mē’ên māqwōm liqəbwōr:

12 kēn-’e‘ĕśeh lammāqwōm hazzeh nə’um-yəhwâ ûləywōšəḇāyw wəlāṯēṯ ’eṯ-hā‘îr hazzō’ṯ kəṯōfeṯ:

13 wəhāyû bātê yərûšālaim ûḇātê maləḵê yəhûḏâ kiməqwōm hatōfeṯ haṭṭəmē’îm ləḵōl habātîm ’ăšer qiṭṭərû ‘al-gagōṯêhem ləḵōl ṣəḇā’ haššāmayim wəhassēḵə nəsāḵîm lē’lōhîm ’ăḥērîm: f

14 wayyāḇō’ yirəməyâû mēhatōfeṯ ’ăšer šəlāḥwō yəhwâ šām ləhinnāḇē’ wayy^a‘ămōḏ b^aḥăṣar bêṯ-yəhwâ wayyō’mer ’el-kāl-hā‘ām: s

15 kōh-’āmar yəhwâ ṣəḇā’wōṯ ’ĕlōhê yiśərā’ēl hinənî mēḇî mēḇî’ ’el-hā‘îr hazzō’ṯ wə‘al-kāl-‘āreyhā ’ēṯ kāl-hārā‘â ’ăšer dibarətî ‘āleyhā kî hiqəšû ’eṯ-‘ārəpām ləḇilətî šəmwō‘a ’eṯ-dəḇārāy:

‎1 ‏וַיִּשְׁמַ֤ע פַּשְׁחוּר֙ בֶּן־אִמֵּ֣ר הַכֹּהֵ֔ן וְהֽוּא־פָקִ֥יד נָגִ֖יד בְּבֵ֣ית יְהוָ֑ה אֶֽת־יִרְמְיָ֔הוּ נִבָּ֖א אֶת־הַדְּבָרִ֥ים הָאֵֽלֶּה׃

‎2 ‏וַיַּכֶּ֣ה פַשְׁח֔וּר אֵ֖ת יִרְמְיָ֣הוּ הַנָּבִ֑יא וַיִּתֵּ֨ן אֹת֜וֹ עַל־הַמַּהְפֶּ֗כֶת אֲשֶׁ֨ר בְּשַׁ֤עַר בִּנְיָמִן֙ הָֽעֶלְי֔וֹן אֲשֶׁ֖ר בְּבֵ֥ית יְהוָֽה׃

‎3 ‏וַֽיְהִי֙ מִֽמָּחֳרָ֔ת וַיֹּצֵ֥א פַשְׁח֛וּר אֶֽת־יִרְמְיָ֖הוּ מִן־הַמַּהְפָּ֑כֶת וַיֹּ֨אמֶר אֵלָ֜יו יִרְמְיָ֗הוּ לֹ֤א פַשְׁחוּר֙ קָרָ֤א יְהוָה֙ שְׁמֶ֔ךָ כִּ֖י אִם־מָג֥וֹר מִסָּבִֽיב׃ פ

‎4 ‏כִּ֣י כֹ֣ה אָמַ֣ר יְהוָ֡ה הִנְנִי֩ נֹתֶנְךָ֙ לְמָג֜וֹר לְךָ֣ וּלְכָל־אֹהֲבֶ֗יךָ וְנָֽפְל֛וּ בְּחֶ֥רֶב אֹיְבֵיהֶ֖ם וְעֵינֶ֣יךָ רֹא֑וֹת וְאֶת־כָּל־יְהוּדָ֗ה אֶתֵּן֙ בְּיַ֣ד מֶֽלֶךְ־בָּבֶ֔ל וְהִגְלָ֥ם בָּבֶ֖לָה וְהִכָּ֥ם בֶּחָֽרֶב׃

‎5 ‏וְנָתַתִּ֗י אֶת־כָּל־חֹ֙סֶן֙ הָעִ֣יר הַזֹּ֔את וְאֶת־כָּל־יְגִיעָ֖הּ וְאֶת־כָּל־יְקָרָ֑הּ וְאֵ֨ת כָּל־אוֹצְר֜וֹת מַלְכֵ֣י יְהוּדָ֗ה אֶתֵּן֙ בְּיַ֣ד אֹֽיְבֵיהֶ֔ם וּבְזָזוּם֙ וּלְקָח֔וּם וֶהֱבִיא֖וּם בָּבֶֽלָה׃

‎6 ‏וְאַתָּ֣ה פַשְׁח֗וּר וְכֹל֙ יֹשְׁבֵ֣י בֵיתֶ֔ךָ תֵּלְכ֖וּ בַּשֶּׁ֑בִי וּבָבֶ֣ל תָּב֗וֹא וְשָׁ֤ם תָּמוּת֙ וְשָׁ֣ם תִּקָּבֵ֔ר אַתָּה֙ וְכָל־אֹ֣הֲבֶ֔יךָ אֲשֶׁר־נִבֵּ֥אתָ לָהֶ֖ם בַּשָּֽׁקֶר׃ ס

‎7 ‏פִּתִּיתַ֤נִי יְהוָה֙ וָֽאֶפָּ֔ת חֲזַקְתַּ֖נִי וַתּוּכָ֑ל הָיִ֤יתִי לִשְׂחוֹק֙ כָּל־הַיּ֔וֹם כֻּלֹּ֖ה לֹעֵ֥ג לִֽי׃

‎8 ‏כִּֽי־מִדֵּ֤י אֲדַבֵּר֙ אֶזְעָ֔ק חָמָ֥ס וָשֹׁ֖ד אֶקְרָ֑א כִּֽי־הָיָ֨ה דְבַר־יְהוָ֥ה לִ֛י לְחֶרְפָּ֥ה וּלְקֶ֖לֶס כָּל־הַיּֽוֹם׃

‎9 ‏וְאָמַרְתִּ֣י לֹֽא־אֶזְכְּרֶ֗נּוּ וְלֹֽא־אֲדַבֵּ֥ר עוֹד֙ בִּשְׁמ֔וֹ וְהָיָ֤ה בְלִבִּי֙ כְּאֵ֣שׁ בֹּעֶ֔רֶת עָצֻ֖ר בְּעַצְמֹתָ֑י וְנִלְאֵ֥יתִי כַּֽלְכֵ֖ל וְלֹ֥א אוּכָֽל׃

‎10 ‏כִּ֣י שָׁמַ֜עְתִּי דִּבַּ֣ת רַבִּים֮ מָג֣וֹר מִסָּבִיב֒ הַגִּ֙ידוּ֙ וְנַגִּידֶ֔נּוּ כֹּ֚ל אֱנ֣וֹשׁ שְׁלוֹמִ֔י שֹׁמְרֵ֖י צַלְעִ֑י אוּלַ֤י יְפֻתֶּה֙ וְנ֣וּכְלָה ל֔וֹ וְנִקְחָ֥ה נִקְמָתֵ֖נוּ מִמֶּֽנּוּ׃

‎11 ‏וַֽיהוָ֤ה אוֹתִי֙ כְּגִבּ֣וֹר עָרִ֔יץ עַל־כֵּ֛ן רֹדְפַ֥י יִכָּשְׁל֖וּ וְלֹ֣א יֻכָ֑לוּ בֹּ֤שׁוּ מְאֹד֙ כִּֽי־לֹ֣א הִשְׂכִּ֔ילוּ כְּלִמַּ֥ת עוֹלָ֖ם לֹ֥א תִשָּׁכֵֽחַ׃

‎12 ‏וַיהוָ֤ה צְבָאוֹת֙ בֹּחֵ֣ן צַדִּ֔יק רֹאֶ֥ה כְלָי֖וֹת וָלֵ֑ב אֶרְאֶ֤ה נִקְמָֽתְךָ֙ מֵהֶ֔ם כִּ֥י אֵלֶ֖יךָ גִּלִּ֥יתִי אֶת־רִיבִֽי׃ ס

‎13 ‏שִׁ֚ירוּ לַֽיהוָ֔ה הַֽלְל֖וּ אֶת־יְהוָ֑ה כִּ֥י הִצִּ֛יל אֶת־נֶ֥פֶשׁ אֶבְי֖וֹן מִיַּ֥ד מְרֵעִֽים׃ ס

‎14 ‏אָר֣וּר הַיּ֔וֹם אֲשֶׁ֥ר יֻלַּ֖דְתִּי בּ֑וֹ י֛וֹם אֲשֶׁר־יְלָדַ֥תְנִי אִמִּ֖י אַל־יְהִ֥י בָרֽוּךְ׃

‎15 ‏אָר֣וּר הָאִ֗ישׁ אֲשֶׁ֨ר בִּשַּׂ֤ר אֶת־אָבִי֙ לֵאמֹ֔ר יֻֽלַּד־לְךָ֖ בֵּ֣ן זָכָ֑ר שַׂמֵּ֖חַ שִׂמֳּחָֽהוּ׃

‎16 ‏וְהָיָה֙ הָאִ֣ישׁ הַה֔וּא כֶּֽעָרִ֛ים אֲשֶׁר־הָפַ֥ךְ יְהוָ֖ה וְלֹ֣א נִחָ֑ם וְשָׁמַ֤ע זְעָקָה֙ בַּבֹּ֔קֶר וּתְרוּעָ֖ה בְּעֵ֥ת צָהֳרָֽיִם׃

‎17 ‏אֲשֶׁ֥ר לֹא־מוֹתְתַ֖נִי מֵרָ֑חֶם וַתְּהִי־לִ֤י אִמִּי֙ קִבְרִ֔י וְרַחְמָ֖הֿ הֲרַ֥ת עוֹלָֽם׃

‎18 ‏לָ֤מָּה זֶּה֙ מֵרֶ֣חֶם יָצָ֔אתִי לִרְא֥וֹת עָמָ֖ל וְיָג֑וֹן וַיִּכְל֥וּ בְּבֹ֖שֶׁת יָמָֽי׃ פ

1 wayyišəm^a‘ pašəḥûr ben-’immēr hakōhēn wəhû’-fāqîḏ nāḡîḏ bəḇêṯ yəhwâ ’eṯ-yirəməyâû nibā’ ’eṯ-hadəḇārîm hā’ēlleh:

2 wayyakeh fašəḥûr ’ēṯ yirəməyâû hannāḇî’ wayyitēn ’ōṯwō ‘al-hammahəpeḵeṯ ’ăšer bəš^a‘ar binəyāmin hā‘eləywōn ’ăšer bəḇêṯ yəhwâ:

3 wayəhî mimmāḥŏrāṯ wayyōṣē’ fašəḥûr ’eṯ-yirəməyâû min-hammahəpāḵeṯ wayyō’mer ’ēlāyw yirəməyâû lō’ fašəḥûr qārā’ yəhwâ šəmeḵā kî ’im-māḡwōr missāḇîḇ: f

4 kî ḵōh ’āmar yəhwâ hinənî nōṯenəḵā ləmāḡwōr ləḵā ûləḵāl-’ōhăḇeyḵā wənāfəlû bəḥereḇ ’ōyəḇêhem wə‘êneyḵā rō’wōṯ wə’eṯ-kāl-yəhûḏâ ’etēn bəyaḏ meleḵə-bāḇel wəhiḡəlām bāḇelâ wəhikām beḥāreḇ:

5 wənāṯatî ’eṯ-kāl-ḥōsen hā‘îr hazzō’ṯ wə’eṯ-kāl-yəḡî‘āh wə’eṯ-kāl-yəqārāh wə’ēṯ kāl-’wōṣərwōṯ maləḵê yəhûḏâ ’etēn bəyaḏ ’ōyəḇêhem ûḇəzāzûm ûləqāḥûm wehĕḇî’ûm bāḇelâ:

6 wə’atâ fašəḥûr wəḵōl yōšəḇê ḇêṯeḵā tēləḵû baššeḇî ûḇāḇel tāḇwō’ wəšām tāmûṯ wəšām tiqqāḇēr ’atâ wəḵāl-’ōhăḇeyḵā ’ăšer-nibē’ṯā lâem baššāqer: s

7 pitîṯanî yəhwâ wā’epāṯ ḥăzaqətanî watûḵāl hāyîṯî liśəḥwōq kāl-hayywōm kullōh lō‘ēḡ lî:

8 kî-midê ’ăḏabēr ’ezə‘āq ḥāmās wāšōḏ ’eqərā’ kî-hāyâ ḏəḇar-yəhwâ lî ləḥerəpâ ûləqeles kāl-hayywōm:

9 wə’āmarətî lō’-’ezəkərennû wəlō’-’ăḏabēr ‘wōḏ bišəmwō wəhāyâ ḇəlibî kə’ēš bō‘ereṯ ‘āṣur bə‘aṣəmōṯāy wənilə’êṯî kaləḵēl wəlō’ ’ûḵāl:

10 kî šām^a‘ətî dibaṯ rabîm māḡwōr missāḇîḇ hagîḏû wənagîḏennû kōl ’ĕnwōš šəlwōmî šōmərê ṣalə‘î ’ûlay yəfuteh wənûḵəlâ lwō wəniqəḥâ niqəmāṯēnû mimmennû:

11 wayhwâ ’wōṯî kəḡibwōr ‘ārîṣ ‘al-kēn rōḏəfay yikāšəlû wəlō’ yuḵālû bōšû mə’ōḏ kî-lō’ hiśəkîlû kəlimmaṯ ‘wōlām lō’ ṯiššāḵēḥa:

12 wayhwâ ṣəḇā’wōṯ bōḥēn ṣadîq rō’eh ḵəlāywōṯ wālēḇ ’erə’eh niqəmāṯəḵā mēhem kî ’ēleyḵā gillîṯî ’eṯ-rîḇî: s

13 šîrû layhwâ haləlû ’eṯ-yəhwâ kî hiṣṣîl ’eṯ-nefeš ’eḇəywōn mîyaḏ mərē‘îm: s

14 ’ārûr hayywōm ’ăšer yullaḏətî bwō ywōm ’ăšer-yəlāḏaṯənî ’immî ’al-yəhî ḇārûḵə:

15 ’ārûr hā’îš ’ăšer biśśar ’eṯ-’āḇî lē’mōr yullaḏ-ləḵā bēn zāḵār śammēḥa śimmŏḥâû:

16 wəhāyâ hā’îš hahû’ ke‘ārîm ’ăšer-hāfaḵə yəhwâ wəlō’ niḥām wəšām^a‘ zə‘āqâ babōqer ûṯərû‘â bə‘ēṯ ṣâŏrāyim:

17 ’ăšer lō’-mwōṯəṯanî mērāḥem watəhî-lî ’immî qiḇərî wər^aḥəmâ hăraṯ ‘wōlām:

18 lāmmâ zzeh mēreḥem yāṣā’ṯî lirə’wōṯ ‘āmāl wəyāḡwōn wayyiḵəlû bəḇōšeṯ yāmāy: f

‎1 ‏הַדָּבָ֛ר אֲשֶׁר־הָיָ֥ה אֶֽל־יִרְמְיָ֖הוּ מֵאֵ֣ת יְהוָ֑ה בִּשְׁלֹ֨חַ אֵלָ֜יו הַמֶּ֣לֶךְ צִדְקִיָּ֗הוּ אֶת־פַּשְׁחוּר֙ בֶּן־מַלְכִּיָּ֔ה וְאֶת־צְפַנְיָ֧ה בֶן־מַעֲשֵׂיָ֛ה הַכֹּהֵ֖ן לֵאמֹֽר׃

‎2 ‏דְּרָשׁ־נָ֤א בַעֲדֵ֙נוּ֙ אֶת־יְהוָ֔ה כִּ֛י נְבוּכַדְרֶאצַּ֥ר מֶֽלֶךְ־בָּבֶ֖ל נִלְחָ֣ם עָלֵ֑ינוּ אוּלַי֩ יַעֲשֶׂ֨ה יְהוָ֤ה אוֹתָ֙נוּ֙ כְּכָל־נִפְלְאֹתָ֔יו וְיַעֲלֶ֖ה מֵעָלֵֽינוּ׃ ס

‎3 ‏וַיֹּ֥אמֶר יִרְמְיָ֖הוּ אֲלֵיהֶ֑ם כֹּ֥ה תֹאמְרֻ֖ן אֶל־צִדְקִיָּֽהוּ׃

‎4 ‏כֹּֽה־אָמַ֨ר יְהוָ֜ה אֱלֹהֵ֣י יִשְׂרָאֵ֗ל הִנְנִ֣י מֵסֵב֮ אֶת־כְּלֵ֣י הַמִּלְחָמָה֮ אֲשֶׁ֣ר בְּיֶדְכֶם֒ אֲשֶׁ֨ר אַתֶּ֜ם נִלְחָמִ֣ים בָּ֗ם אֶת־מֶ֤לֶךְ בָּבֶל֙ וְאֶת־הַכַּשְׂדִּ֔ים הַצָּרִ֣ים עֲלֵיכֶ֔ם מִח֖וּץ לַֽחוֹמָ֑ה וְאָסַפְתִּ֣י אוֹתָ֔ם אֶל־תּ֖וֹךְ הָעִ֥יר הַזֹּֽאת׃

‎5 ‏וְנִלְחַמְתִּ֤י אֲנִי֙ אִתְּכֶ֔ם בְּיָ֥ד נְטוּיָ֖ה וּבִזְר֣וֹעַ חֲזָקָ֑ה וּבְאַ֥ף וּבְחֵמָ֖ה וּבְקֶ֥צֶף גָּדֽוֹל׃

‎6 ‏וְהִכֵּיתִ֗י אֶת־יֽוֹשְׁבֵי֙ הָעִ֣יר הַזֹּ֔את וְאֶת־הָאָדָ֖ם וְאֶת־הַבְּהֵמָ֑ה בְּדֶ֥בֶר גָּד֖וֹל יָמֻֽתוּ׃

‎7 ‏וְאַחֲרֵי־כֵ֣ן נְאֻם־יְהוָ֡ה אֶתֵּ֣ן אֶת־צִדְקִיָּ֣הוּ מֶֽלֶךְ־יְהוּדָ֣ה וְאֶת־עֲבָדָ֣יו׀ וְאֶת־הָעָ֡ם וְאֶת־הַנִּשְׁאָרִים֩ בָּעִ֨יר הַזֹּ֜את מִן־הַדֶּ֣בֶר׀ מִן־הַחֶ֣רֶב וּמִן־הָרָעָ֗ב בְּיַד֙ נְבוּכַדְרֶאצַּ֣ר מֶֽלֶךְ־בָּבֶ֔ל וּבְיַד֙ אֹֽיְבֵיהֶ֔ם וּבְיַ֖ד מְבַקְשֵׁ֣י נַפְשָׁ֑ם וְהִכָּ֣ם לְפִי־חֶ֔רֶב לֹֽא־יָח֣וּס עֲלֵיהֶ֔ם וְלֹ֥א יַחְמֹ֖ל וְלֹ֥א יְרַחֵֽם׃

‎8 ‏וְאֶל־הָעָ֤ם הַזֶּה֙ תֹּאמַ֔ר כֹּ֖ה אָמַ֣ר יְהוָ֑ה הִנְנִ֤י נֹתֵן֙ לִפְנֵיכֶ֔ם אֶת־דֶּ֥רֶךְ הַחַיִּ֖ים וְאֶת־דֶּ֥רֶךְ הַמָּֽוֶת׃

‎9 ‏הַיֹּשֵׁב֙ בָּעִ֣יר הַזֹּ֔את יָמ֕וּת בַּחֶ֖רֶב וּבָרָעָ֣ב וּבַדָּ֑בֶר וְהַיּוֹצֵא֩ וְנָפַ֨ל עַל־הַכַּשְׂדִּ֜ים הַצָּרִ֤ים עֲלֵיכֶם֙ יחיה וְחָיָ֔ה וְהָֽיְתָה־לּ֥וֹ נַפְשׁ֖וֹ לְשָׁלָֽל׃

‎10 ‏כִּ֣י שַׂ֣מְתִּי פָ֠נַי בָּעִ֨יר הַזֹּ֧את לְרָעָ֛ה וְלֹ֥א לְטוֹבָ֖ה נְאֻם־יְהוָ֑ה בְּיַד־מֶ֤לֶךְ בָּבֶל֙ תִּנָּתֵ֔ן וּשְׂרָפָ֖הּ בָּאֵֽשׁ׃ ס

‎11 ‏וּלְבֵית֙ מֶ֣לֶךְ יְהוּדָ֔ה שִׁמְע֖וּ דְּבַר־יְהוָֽה׃

‎12 ‏בֵּ֣ית דָּוִ֗ד כֹּ֚ה אָמַ֣ר יְהוָ֔ה דִּ֤ינוּ לַבֹּ֙קֶר֙ מִשְׁפָּ֔ט וְהַצִּ֥ילוּ גָז֖וּל מִיַּ֣ד עוֹשֵׁ֑ק פֶּן־תֵּצֵ֨א כָאֵ֜שׁ חֲמָתִ֗י וּבָעֲרָה֙ וְאֵ֣ין מְכַבֶּ֔ה מִפְּנֵ֖י רֹ֥עַ מעלליהם מַעַלְלֵיכֶֽם׃

‎13 ‏הִנְנִ֨י אֵלַ֜יִךְ יֹשֶׁ֧בֶת הָעֵ֛מֶק צ֥וּר הַמִּישֹׁ֖ר נְאֻם־יְהוָ֑ה הָאֹֽמְרִים֙ מִֽי־יֵחַ֣ת עָלֵ֔ינוּ וּמִ֥י יָב֖וֹא בִּמְעוֹנוֹתֵֽינוּ׃

‎14 ‏וּפָקַדְתִּ֧י עֲלֵיכֶ֛ם כִּפְרִ֥י מַעַלְלֵיכֶ֖ם נְאֻם־יְהוָ֑ה וְהִצַּ֤תִּי אֵשׁ֙ בְּיַעְרָ֔הּ וְאָכְלָ֖ה כָּל־סְבִיבֶֽיהָ׃ ס

1 hadāḇār ’ăšer-hāyâ ’el-yirəməyâû mē’ēṯ yəhwâ bišəlōḥa ’ēlāyw hammeleḵə ṣiḏəqîyâû ’eṯ-pašəḥûr ben-maləkîyâ wə’eṯ-ṣəfanəyâ ḇen-m^a‘ăśêâ hakōhēn lē’mōr:

2 dərāš-nā’ ḇ^a‘ăḏēnû ’eṯ-yəhwâ kî nəḇûḵaḏəre’ṣṣar meleḵə-bāḇel niləḥām ‘ālênû ’ûlay y^a‘ăśeh yəhwâ ’wōṯānû kəḵāl-nifələ’ōṯāyw wəy^a‘ăleh mē‘ālênû: s

3 wayyō’mer yirəməyâû ’ălêhem kōh ṯō’mərun ’el-ṣiḏəqîyâû:

4 kōh-’āmar yəhwâ ’ĕlōhê yiśərā’ēl hinənî mēsēḇ ’eṯ-kəlê hammiləḥāmâ ’ăšer bəyeḏəḵem ’ăšer ’atem niləḥāmîm bām ’eṯ-meleḵə bāḇel wə’eṯ-hakaśədîm haṣṣārîm ‘ălêḵem miḥûṣ l^aḥwōmâ wə’āsafətî ’wōṯām ’el-twōḵə hā‘îr hazzō’ṯ:

5 wəniləḥamətî ’ănî ’itəḵem bəyāḏ nəṭûyâ ûḇizərwō‘a ḥăzāqâ ûḇə’af ûḇəḥēmâ ûḇəqeṣef gāḏwōl:

6 wəhikêṯî ’eṯ-ywōšəḇê hā‘îr hazzō’ṯ wə’eṯ-hā’āḏām wə’eṯ-habəhēmâ bəḏeḇer gāḏwōl yāmuṯû:

7 wə’^aḥărê-ḵēn nə’um-yəhwâ ’etēn ’eṯ-ṣiḏəqîyâû meleḵə-yəhûḏâ wə’eṯ-‘ăḇāḏāyw| wə’eṯ-hā‘ām wə’eṯ-hannišə’ārîm bā‘îr hazzō’ṯ min-hadeḇer| min-h^aḥereḇ ûmin-hārā‘āḇ bəyaḏ nəḇûḵaḏəre’ṣṣar meleḵə-bāḇel ûḇəyaḏ ’ōyəḇêhem ûḇəyaḏ məḇaqəšê nafəšām wəhikām ləfî-ḥereḇ lō’-yāḥûs ‘ălêhem wəlō’ y^aḥəmōl wəlō’ yər^aḥēm:

8 wə’el-hā‘ām hazzeh tō’mar kōh ’āmar yəhwâ hinənî nōṯēn lifənêḵem ’eṯ-dereḵə h^aḥayyîm wə’eṯ-dereḵə hammāweṯ:

9 hayyōšēḇ bā‘îr hazzō’ṯ yāmûṯ b^aḥereḇ ûḇārā‘āḇ ûḇadāḇer wəhayywōṣē’ wənāfal ‘al-hakaśədîm haṣṣārîm ‘ălêḵem yiḥəyeh wəḥāyâ wəhāyəṯâ-llwō nafəšwō ləšālāl:

10 kî śamətî fānay bā‘îr hazzō’ṯ lərā‘â wəlō’ ləṭwōḇâ nə’um-yəhwâ bəyaḏ-meleḵə bāḇel tinnāṯēn ûśərāfāh bā’ēš: s

11 ûləḇêṯ meleḵə yəhûḏâ šimə‘û dəḇar-yəhwâ:

12 bêṯ dāwiḏ kōh ’āmar yəhwâ dînû labōqer mišəpāṭ wəhaṣṣîlû ḡāzûl mîyaḏ ‘wōšēq pen-tēṣē’ ḵā’ēš ḥămāṯî ûḇā‘ărâ wə’ên məḵabeh mipənê rō‘a m^a‘aləlêhem m^a‘aləlêḵem:

13 hinənî ’ēlayiḵə yōšeḇeṯ hā‘ēmeq ṣûr hammîšōr nə’um-yəhwâ hā’ōmərîm mî-yēḥaṯ ‘ālênû ûmî yāḇwō’ bimə‘wōnwōṯênû:

14 ûfāqaḏətî ‘ălêḵem kifərî m^a‘aləlêḵem nə’um-yəhwâ wəhiṣṣatî ’ēš bəy^a‘ərāh wə’āḵəlâ kāl-səḇîḇeyhā: s

‎1 ‏כֹּ֚ה אָמַ֣ר יְהוָ֔ה רֵ֖ד בֵּֽית־מֶ֣לֶךְ יְהוּדָ֑ה וְדִבַּרְתָּ֣ שָׁ֔ם אֶת־הַדָּבָ֖ר הַזֶּֽה׃

‎2 ‏וְאָֽמַרְתָּ֙ שְׁמַ֣ע דְּבַר־יְהוָ֔ה מֶ֣לֶךְ יְהוּדָ֔ה הַיֹּשֵׁ֖ב עַל־כִּסֵּ֣א דָוִ֑ד אַתָּ֤ה וַעֲבָדֶ֙יךָ֙ וְעַמְּךָ֔ הַבָּאִ֖ים בַּשְּׁעָרִ֥ים הָאֵֽלֶּה׃ ס

‎3 ‏כֹּ֣ה׀ אָמַ֣ר יְהוָ֗ה עֲשׂ֤וּ מִשְׁפָּט֙ וּצְדָקָ֔ה וְהַצִּ֥ילוּ גָז֖וּל מִיַּ֣ד עָשׁ֑וֹק וְגֵר֩ יָת֨וֹם וְאַלְמָנָ֤ה אַל־תֹּנוּ֙ אַל־תַּחְמֹ֔סוּ וְדָ֣ם נָקִ֔י אַֽל־תִּשְׁפְּכ֖וּ בַּמָּק֥וֹם הַזֶּֽה׃

‎4 ‏כִּ֤י אִם־עָשׂוֹ֙ תַּֽעֲשׂ֔וּ אֶת־הַדָּבָ֖ר הַזֶּ֑ה וּבָ֣אוּ בְשַׁעֲרֵ֣י הַבַּ֣יִת הַזֶּ֡ה מְלָכִים֩ יֹשְׁבִ֨ים לְדָוִ֜ד עַל־כִּסְא֗וֹ רֹֽכְבִים֙ בָּרֶ֣כֶב וּבַסּוּסִ֔ים ה֥וּא ועבדו וַעֲבָדָ֖יו וְעַמּֽוֹ׃

‎5 ‏וְאִם֙ לֹ֣א תִשְׁמְע֔וּ אֶת־הַדְּבָרִ֖ים הָאֵ֑לֶּה בִּ֤י נִשְׁבַּ֙עְתִּי֙ נְאֻם־יְהוָ֔ה כִּי־לְחָרְבָּ֥ה יִֽהְיֶ֖ה הַבַּ֥יִת הַזֶּֽה׃ ס

‎6 ‏כִּֽי־כֹ֣ה׀ אָמַ֣ר יְהוָ֗ה עַל־בֵּית֙ מֶ֣לֶךְ יְהוּדָ֔ה גִּלְעָ֥ד אַתָּ֛ה לִ֖י רֹ֣אשׁ הַלְּבָנ֑וֹן אִם־לֹ֤א אֲשִֽׁיתְךָ֙ מִדְבָּ֔ר עָרִ֖ים לֹ֥א נושבה נוֹשָֽׁבוּ׃

‎7 ‏וְקִדַּשְׁתִּ֥י עָלֶ֛יךָ מַשְׁחִתִ֖ים אִ֣ישׁ וְכֵלָ֑יו וְכָֽרְתוּ֙ מִבְחַ֣ר אֲרָזֶ֔יךָ וְהִפִּ֖ילוּ עַל־הָאֵֽשׁ׃

‎8 ‏וְעָֽבְרוּ֙ גּוֹיִ֣ם רַבִּ֔ים עַ֖ל הָעִ֣יר הַזֹּ֑את וְאָֽמְרוּ֙ אִ֣ישׁ אֶל־רֵעֵ֔הוּ עַל־מֶ֨ה עָשָׂ֤ה יְהוָה֙ כָּ֔כָה לָעִ֥יר הַגְּדוֹלָ֖ה הַזֹּֽאת׃

‎9 ‏וְאָ֣מְר֔וּ עַ֚ל אֲשֶׁ֣ר עָֽזְב֔וּ אֶת־בְּרִ֥ית יְהוָ֖ה אֱלֹֽהֵיהֶ֑ם וַיִּֽשְׁתַּחֲו֛וּ לֵאלֹהִ֥ים אֲחֵרִ֖ים וַיַּעַבְדֽוּם׃ ס

‎10 ‏אַל־תִּבְכּ֣וּ לְמֵ֔ת וְאַל־תָּנֻ֖דוּ ל֑וֹ בְּכ֤וּ בָכוֹ֙ לַֽהֹלֵ֔ךְ כִּ֣י לֹ֤א יָשׁוּב֙ ע֔וֹד וְרָאָ֖ה אֶת־אֶ֥רֶץ מוֹלַדְתּֽוֹ׃ ס

‎11 ‏כִּ֣י כֹ֣ה אָֽמַר־יְ֠הוָה אֶל־שַׁלֻּ֨ם בֶּן־יֹאשִׁיָּ֜הוּ מֶ֣לֶךְ יְהוּדָ֗ה הַמֹּלֵךְ֙ תַּ֚חַת יֹאשִׁיָּ֣הוּ אָבִ֔יו אֲשֶׁ֥ר יָצָ֖א מִן־הַמָּק֣וֹם הַזֶּ֑ה לֹֽא־יָשׁ֥וּב שָׁ֖ם עֽוֹד׃

‎12 ‏כִּ֗י בִּמְק֛וֹם אֲשֶׁר־הִגְל֥וּ אֹת֖וֹ שָׁ֣ם יָמ֑וּת וְאֶת־הָאָ֥רֶץ הַזֹּ֖את לֹֽא־יִרְאֶ֥ה עֽוֹד׃ ס

‎13 ‏ה֣וֹי בֹּנֶ֤ה בֵיתוֹ֙ בְּֽלֹא־צֶ֔דֶק וַעֲלִיּוֹתָ֖יו בְּלֹ֣א מִשְׁפָּ֑ט בְּרֵעֵ֙הוּ֙ יַעֲבֹ֣ד חִנָּ֔ם וּפֹעֲל֖וֹ לֹ֥א יִתֶּן־לֽוֹ׃

‎14 ‏הָאֹמֵ֗ר אֶבְנֶה־לִּי֙ בֵּ֣ית מִדּ֔וֹת וַעֲלִיּ֖וֹת מְרֻוָּחִ֑ים וְקָ֤רַֽע לוֹ֙ חַלּוֹנָ֔י וְסָפ֣וּן בָּאָ֔רֶז וּמָשׁ֖וֹחַ בַּשָּׁשַֽׁר׃

‎15 ‏הֲתִֽמְלֹ֔ךְ כִּ֥י אַתָּ֖ה מְתַחֲרֶ֣ה בָאָ֑רֶז אָבִ֜יךָ הֲל֧וֹא אָכַ֣ל וְשָׁתָ֗ה וְעָשָׂ֤ה מִשְׁפָּט֙ וּצְדָקָ֔ה אָ֖ז ט֥וֹב לֽוֹ׃

‎16 ‏דָּ֛ן דִּין־עָנִ֥י וְאֶבְי֖וֹן אָ֣ז ט֑וֹב הֲלוֹא־הִ֛יא הַדַּ֥עַת אֹתִ֖י נְאֻם־יְהוָֽה׃

‎17 ‏כִּ֣י אֵ֤ין עֵינֶ֙יךָ֙ וְלִבְּךָ֔ כִּ֖י אִם־עַל־בִּצְעֶ֑ךָ וְעַ֤ל דַּֽם־הַנָּקִי֙ לִשְׁפּ֔וֹךְ וְעַל־הָעֹ֥שֶׁק וְעַל־הַמְּרוּצָ֖ה לַעֲשֽׂוֹת׃ ס

‎18 ‏לָכֵ֞ן כֹּֽה־אָמַ֣ר יְהוָ֗ה אֶל־יְהוֹיָקִ֤ים בֶּן־יֹאשִׁיָּ֙הוּ֙ מֶ֣לֶךְ יְהוּדָ֔ה לֹא־יִסְפְּד֣וּ ל֔וֹ ה֥וֹי אָחִ֖י וְה֣וֹי אָח֑וֹת לֹא־יִסְפְּד֣וּ ל֔וֹ ה֥וֹי אָד֖וֹן וְה֥וֹי הֹדֹֽה׃^q

‎19 ‏קְבוּרַ֥ת חֲמ֖וֹר יִקָּבֵ֑ר סָח֣וֹב וְהַשְׁלֵ֔ךְ מֵהָ֖לְאָה לְשַׁעֲרֵ֥י יְרוּשָׁלִָֽם׃ ס

‎20 ‏עֲלִ֤י הַלְּבָנוֹן֙ וּֽצְעָ֔קִי וּבַבָּשָׁ֖ן תְּנִ֣י קוֹלֵ֑ךְ וְצַֽעֲקִי֙ מֵֽעֲבָרִ֔ים כִּ֥י נִשְׁבְּר֖וּ כָּל־מְאַהֲבָֽיִךְ׃

‎21 ‏דִּבַּ֤רְתִּי אֵלַ֙יִךְ֙ בְּשַׁלְוֹתַ֔יִךְ אָמַ֖רְתְּ לֹ֣א אֶשְׁמָ֑ע זֶ֤ה דַרְכֵּךְ֙ מִנְּעוּרַ֔יִךְ כִּ֥י לֹֽא־שָׁמַ֖עַתְּ בְּקוֹלִֽי׃

‎22 ‏כָּל־רֹעַ֙יִךְ֙ תִּרְעֶה־ר֔וּחַ וּֽמְאַהֲבַ֖יִךְ בַּשְּׁבִ֣י יֵלֵ֑כוּ כִּ֣י אָ֤ז תֵּבֹ֙שִׁי֙ וְנִכְלַ֔מְתְּ מִכֹּ֖ל רָעָתֵֽךְ׃

‎23 ‏ישבתי יֹשַׁבְתְּ֙ בַּלְּבָנ֔וֹן מקננתי מְקֻנַּ֖נְתְּ בָּֽאֲרָזִ֑ים מַה־נֵּחַנְתְּ֙ בְּבֹא־לָ֣ךְ חֲבָלִ֔ים חִ֖יל כַּיֹּלֵדָֽה׃³

‎24 ‏חַי־אָנִי֮ נְאֻם־יְהוָה֒ כִּ֣י אִם־יִהְיֶ֞ה כָּנְיָ֤הוּ בֶן־יְהֽוֹיָקִים֙ מֶ֣לֶךְ יְהוּדָ֔ה חוֹתָ֖ם עַל־יַ֣ד יְמִינִ֑י כִּ֥י מִשָּׁ֖ם אֶתְּקֶֽנְךָּ׃

‎25 ‏וּנְתַתִּ֗יךָ בְּיַד֙ מְבַקְשֵׁ֣י נַפְשֶׁ֔ךָ וּבְיַ֛ד אֲשֶׁר־אַתָּ֥ה יָג֖וֹר מִפְּנֵיהֶ֑ם וּבְיַ֛ד נְבוּכַדְרֶאצַּ֥ר מֶֽלֶךְ־בָּבֶ֖ל וּבְיַ֥ד הַכַּשְׂדִּֽים׃

‎26 ‏וְהֵֽטַלְתִּ֣י אֹתְךָ֗ וְאֶֽת־אִמְּךָ֙ אֲשֶׁ֣ר יְלָדַ֔תְךָ עַ֚ל הָאָ֣רֶץ אַחֶ֔רֶת אֲשֶׁ֥ר לֹֽא־יֻלַּדְתֶּ֖ם שָׁ֑ם וְשָׁ֖ם תָּמֽוּתוּ׃

‎27 ‏וְעַל־הָאָ֗רֶץ אֲשֶׁר־הֵ֛ם מְנַשְּׂאִ֥ים אֶת־נַפְשָׁ֖ם לָשׁ֣וּב שָׁ֑ם שָׁ֖מָּה לֹ֥א יָשֽׁוּבוּ׃ ס

‎28 ‏הַעֶ֨צֶב נִבְזֶ֜ה נָפ֗וּץ הָאִ֤ישׁ הַזֶּה֙ כָּנְיָ֔הוּ אִ֨ם־כְּלִ֔י אֵ֥ין חֵ֖פֶץ בּ֑וֹ מַדּ֤וּעַ הֽוּטֲלוּ֙ ה֣וּא וְזַרְע֔וֹ וְהֻ֨שְׁלְכ֔וּ עַל־הָאָ֖רֶץ אֲשֶׁ֥ר לֹא־יָדָֽעוּ׃

‎29 ‏אֶ֥רֶץ אֶ֖רֶץ אָ֑רֶץ שִׁמְעִ֖י דְּבַר־יְהוָֽה׃ ס

‎30 ‏כֹּ֣ה׀ אָמַ֣ר יְהוָ֗ה כִּתְב֞וּ אֶת־הָאִ֤ישׁ הַזֶּה֙ עֲרִירִ֔י גֶּ֖בֶר לֹא־יִצְלַ֣ח בְּיָמָ֑יו כִּי֩ לֹ֨א יִצְלַ֜ח מִזַּרְע֗וֹ אִ֚ישׁ יֹשֵׁב֙ עַל־כִּסֵּ֣א דָוִ֔ד וּמֹשֵׁ֥ל ע֖וֹד בִּיהוּדָֽה׃

1 kōh ’āmar yəhwâ rēḏ bêṯ-meleḵə yəhûḏâ wəḏibarətā šām ’eṯ-hadāḇār hazzeh:

2 wə’āmarətā šəm^a‘ dəḇar-yəhwâ meleḵə yəhûḏâ hayyōšēḇ ‘al-kissē’ ḏāwiḏ ’atâ w^a‘ăḇāḏeyḵā wə‘amməḵā habā’îm baššə‘ārîm hā’ēlleh: s

3 kōh| ’āmar yəhwâ ‘ăśû mišəpāṭ ûṣəḏāqâ wəhaṣṣîlû ḡāzûl mîyaḏ ‘āšwōq wəḡēr yāṯwōm wə’aləmānâ ’al-tōnû ’al-t^aḥəmōsû wəḏām nāqî ’al-tišəpəḵû bammāqwōm hazzeh:

4 kî ’im-‘āśwō t^a‘ăśû ’eṯ-hadāḇār hazzeh ûḇā’û ḇəš^a‘ărê habayiṯ hazzeh məlāḵîm yōšəḇîm ləḏāwiḏ ‘al-kisə’wō rōḵəḇîm bāreḵeḇ ûḇassûsîm hû’ wə‘aḇədwō w^a‘ăḇāḏāyw wə‘ammwō:

5 wə’im lō’ ṯišəmə‘û ’eṯ-hadəḇārîm hā’ēlleh bî nišəb^a‘ətî nə’um-yəhwâ kî-ləḥārəbâ yihəyeh habayiṯ hazzeh: s

6 kî-ḵōh| ’āmar yəhwâ ‘al-bêṯ meleḵə yəhûḏâ gilə‘āḏ ’atâ lî rō’š halləḇānwōn ’im-lō’ ’ăšîṯəḵā miḏəbār ‘ārîm lō’ nwōšāḇâ nwōšāḇû:

7 wəqidašətî ‘āleyḵā mašəḥiṯîm ’îš wəḵēlāyw wəḵārəṯû miḇəḥar ’ărāzeyḵā wəhipîlû ‘al-hā’ēš:

8 wə‘āḇərû gwōyim rabîm ‘al hā‘îr hazzō’ṯ wə’āmərû ’îš ’el-rē‘ēhû ‘al-meh ‘āśâ yəhwâ kāḵâ lā‘îr hagəḏwōlâ hazzō’ṯ:

9 wə’āmərû ‘al ’ăšer ‘āzəḇû ’eṯ-bərîṯ yəhwâ ’ĕlōhêhem wayyišət^aḥăwû lē’lōhîm ’ăḥērîm wayy^a‘aḇəḏûm: s

10 ’al-tiḇəkû ləmēṯ wə’al-tānuḏû lwō bəḵû ḇāḵwō lahōlēḵə kî lō’ yāšûḇ ‘wōḏ wərā’â ’eṯ-’ereṣ mwōlaḏətwō: s

11 kî ḵōh ’āmar-yəhwâ ’el-šallum ben-yō’šîyâû meleḵə yəhûḏâ hammōlēḵə t^aḥaṯ yō’šîyâû ’āḇîw ’ăšer yāṣā’ min-hammāqwōm hazzeh lō’-yāšûḇ šām ‘wōḏ:

12 kî biməqwōm ’ăšer-hiḡəlû ’ōṯwō šām yāmûṯ wə’eṯ-hā’āreṣ hazzō’ṯ lō’-yirə’eh ‘wōḏ: s

13 hwōy bōneh ḇêṯwō bəlō’-ṣeḏeq w^a‘ălîywōṯāyw bəlō’ mišəpāṭ bərē‘ēhû y^a‘ăḇōḏ ḥinnām ûfō‘ălwō lō’ yiten-lwō:

14 hā’ōmēr ’eḇəneh-llî bêṯ midwōṯ w^a‘ălîywōṯ məruûāḥîm wəqār^a‘ lwō ḥallwōnāy wəsāfûn bā’ārez ûmāšwōḥa baššāšar:

15 hăṯiməlōḵə kî ’atâ məṯ^aḥăreh ḇā’ārez ’āḇîḵā hălwō’ ’āḵal wəšāṯâ wə‘āśâ mišəpāṭ ûṣəḏāqâ ’āz ṭwōḇ lwō:

16 dān dîn-‘ānî wə’eḇəywōn ’āz ṭwōḇ hălwō’-hî’ had^a‘aṯ ’ōṯî nə’um-yəhwâ:

17 kî ’ên ‘êneyḵā wəlibəḵā kî ’im-‘al-biṣə‘eḵā wə‘al dam-hannāqî lišəpwōḵə wə‘al-hā‘ōšeq wə‘al-hammərûṣâ l^a‘ăśwōṯ: s

18 lāḵēn kōh-’āmar yəhwâ ’el-yəhwōyāqîm ben-yō’šîyâû meleḵə yəhûḏâ lō’-yisəpəḏû lwō hwōy ’āḥî wəhwōy ’āḥwōṯ lō’-yisəpəḏû lwō hwōy ’āḏwōn wəhwōy hōḏōh:^q

19 qəḇûraṯ ḥămwōr yiqqāḇēr sāḥwōḇ wəhašəlēḵə mēhālə’â ləš^a‘ărê yərûšālāim: s

20 ‘ălî halləḇānwōn ûṣə‘āqî ûḇabāšān tənî qwōlēḵə wəṣ^a‘ăqî mē‘ăḇārîm kî nišəbərû kāl-mə’ahăḇāyiḵə:

21 dibarətî ’ēlayiḵə bəšaləwōṯayiḵə ’āmarətə lō’ ’ešəmā‘ zeh ḏarəkēḵə minnə‘ûrayiḵə kî lō’-šām^a‘atə bəqwōlî:

22 kāl-rō‘ayiḵə tirə‘eh-rûḥa ûmə’ahăḇayiḵə baššəḇî yēlēḵû kî ’āz tēḇōšî wəniḵəlamətə mikōl rā‘āṯēḵə:

23 yōšaḇətî yōšaḇətə balləḇānwōn məqunnanətî məqunnanətə bā’ărāzîm mah-nnēḥanətə bəḇō’-lāḵə ḥăḇālîm ḥîl kayyōlēḏâ:³

24 ḥay-’ānî nə’um-yəhwâ kî ’im-yihəyeh kānəyâû ḇen-yəhwōyāqîm meleḵə yəhûḏâ ḥwōṯām ‘al-yaḏ yəmînî kî miššām ’etəqenəḵḵā:

25 ûnəṯatîḵā bəyaḏ məḇaqəšê nafəšeḵā ûḇəyaḏ ’ăšer-’atâ yāḡwōr mipənêhem ûḇəyaḏ nəḇûḵaḏəre’ṣṣar meleḵə-bāḇel ûḇəyaḏ hakaśədîm:

26 wəhēṭalətî ’ōṯəḵā wə’eṯ-’imməḵā ’ăšer yəlāḏaṯəḵā ‘al hā’āreṣ ’^aḥereṯ ’ăšer lō’-yullaḏətem šām wəšām tāmûṯû:

27 wə‘al-hā’āreṣ ’ăšer-hēm mənaśśə’îm ’eṯ-nafəšām lāšûḇ šām šāmmâ lō’ yāšûḇû: s

28 h^a‘eṣeḇ niḇəzeh nāfûṣ hā’îš hazzeh kānəyâû ’im-kəlî ’ên ḥēfeṣ bwō madû‘a hûṭălû hû’ wəzarə‘wō wəhušələḵû ‘al-hā’āreṣ ’ăšer lō’-yāḏā‘û:

29 ’ereṣ ’ereṣ ’āreṣ šimə‘î dəḇar-yəhwâ: s

30 kōh| ’āmar yəhwâ kiṯəḇû ’eṯ-hā’îš hazzeh ‘ărîrî geḇer lō’-yiṣəl^aḥ bəyāmāyw kî lō’ yiṣəl^aḥ mizzarə‘wō ’îš yōšēḇ ‘al-kissē’ ḏāwiḏ ûmōšēl ‘wōḏ bîhûḏâ:

‎1 ‏ה֣וֹי רֹעִ֗ים מְאַבְּדִ֧ים וּמְפִצִ֛ים אֶת־צֹ֥אן מַרְעִיתִ֖י נְאֻם־יְהוָֽה׃

‎2 ‏לָ֠כֵן כֹּֽה־אָמַ֨ר יְהוָ֜ה אֱלֹהֵ֣י יִשְׂרָאֵ֗ל עַֽל־הָרֹעִים֮ הָרֹעִ֣ים אֶת־עַמִּי֒ אַתֶּ֞ם הֲפִצֹתֶ֤ם אֶת־צֹאנִי֙ וַתַּדִּח֔וּם וְלֹ֥א פְקַדְתֶּ֖ם אֹתָ֑ם הִנְנִ֨י פֹקֵ֧ד עֲלֵיכֶ֛ם אֶת־רֹ֥עַ מַעַלְלֵיכֶ֖ם נְאֻם־יְהוָֽה׃

‎3 ‏וַאֲנִ֗י אֲקַבֵּץ֙ אֶת־שְׁאֵרִ֣ית צֹאנִ֔י מִכֹּל֙ הָאֲרָצ֔וֹת אֲשֶׁר־הִדַּ֥חְתִּי אֹתָ֖ם שָׁ֑ם וַהֲשִׁבֹתִ֥י אֶתְהֶ֛ן עַל־נְוֵהֶ֖ן וּפָר֥וּ וְרָבֽוּ׃

‎4 ‏וַהֲקִמֹתִ֧י עֲלֵיהֶ֛ם רֹעִ֖ים וְרָע֑וּם וְלֹא־יִֽירְא֨וּ ע֧וֹד וְלֹא־יֵחַ֛תּוּ וְלֹ֥א יִפָּקֵ֖דוּ נְאֻם־יְהוָֽה׃ ס

‎5 ‏הִנֵּ֨ה יָמִ֤ים בָּאִים֙ נְאֻם־יְהוָ֔ה וַהֲקִמֹתִ֥י לְדָוִ֖ד צֶ֣מַח צַדִּ֑יק וּמָ֤לַךְ מֶ֙לֶךְ֙ וְהִשְׂכִּ֔יל וְעָשָׂ֛ה מִשְׁפָּ֥ט וּצְדָקָ֖ה בָּאָֽרֶץ׃

‎6 ‏בְּיָמָיו֙ תִּוָּשַׁ֣ע יְהוּדָ֔ה וְיִשְׂרָאֵ֖ל יִשְׁכֹּ֣ן לָבֶ֑טַח וְזֶה־שְּׁמ֥וֹ אֲ‍ֽשֶׁר־יִקְרְא֖וֹ יְהוָ֥ה׀ צִדְקֵֽנוּ׃ ס

‎7 ‏לָכֵ֛ן הִנֵּֽה־יָמִ֥ים בָּאִ֖ים נְאֻם־יְהוָ֑ה וְלֹא־יֹ֤אמְרוּ עוֹד֙ חַי־יְהוָ֔ה אֲשֶׁ֧ר הֶעֱלָ֛ה אֶת־בְּנֵ֥י יִשְׂרָאֵ֖ל מֵאֶ֥רֶץ מִצְרָֽיִם׃

‎8 ‏כִּ֣י אִם־חַי־יְהוָ֗ה אֲשֶׁ֣ר הֶעֱלָה֩ וַאֲשֶׁ֨ר הֵבִ֜יא אֶת־זֶ֨רַע בֵּ֤ית יִשְׂרָאֵל֙ מֵאֶ֣רֶץ צָפ֔וֹנָה וּמִכֹּל֙ הָֽאֲרָצ֔וֹת אֲשֶׁ֥ר הִדַּחְתִּ֖ים שָׁ֑ם וְיָשְׁב֖וּ עַל־אַדְמָתָֽם׃ ס

‎9 ‏לַנְּבִאִ֞ים נִשְׁבַּ֧ר לִבִּ֣י בְקִרְבִּ֗י רָֽחֲפוּ֙ כָּל־עַצְמוֹתַ֔י הָיִ֙יתִי֙ כְּאִ֣ישׁ שִׁכּ֗וֹר וּכְגֶ֖בֶר עֲבָ֣רוֹ יָ֑יִן מִפְּנֵ֣י יְהוָ֔ה וּמִפְּנֵ֖י דִּבְרֵ֥י קָדְשֽׁוֹ׃

‎10 ‏כִּ֤י מְנָֽאֲפִים֙ מָלְאָ֣ה הָאָ֔רֶץ כִּֽי־מִפְּנֵ֤י אָלָה֙ אָבְלָ֣ה הָאָ֔רֶץ יָבְשׁ֖וּ נְא֣וֹת מִדְבָּ֑ר וַתְּהִ֤י מְרֽוּצָתָם֙ רָעָ֔ה וּגְבוּרָתָ֖ם לֹא־כֵֽן׃

‎11 ‏כִּֽי־גַם־נָבִ֥יא גַם־כֹּהֵ֖ן חָנֵ֑פוּ גַּם־בְּבֵיתִ֛י מָצָ֥אתִי רָעָתָ֖ם נְאֻם־יְהוָֽה׃

‎12 ‏לָכֵן֩ יִֽהְיֶ֨ה דַרְכָּ֜ם לָהֶ֗ם כַּחֲלַקְלַקּוֹת֙ בָּֽאֲפֵלָ֔ה יִדַּ֖חוּ וְנָ֣פְלוּ בָ֑הּ כִּֽי־אָבִ֨יא עֲלֵיהֶ֥ם רָעָ֛ה שְׁנַ֥ת פְּקֻדָּתָ֖ם נְאֻם־יְהוָֽה׃

‎13 ‏וּבִנְבִיאֵ֥י שֹׁמְר֖וֹן רָאִ֣יתִי תִפְלָ֑ה הִנַּבְּא֣וּ בַבַּ֔עַל וַיַּתְע֥וּ אֶת־עַמִּ֖י אֶת־יִשְׂרָאֵֽל׃ ס

‎14 ‏וּבִנְבִאֵ֨י יְרוּשָׁלִַ֜ם רָאִ֣יתִי שַׁעֲרוּרָ֗ה נָא֞וֹף וְהָלֹ֤ךְ בַּשֶּׁ֙קֶר֙ וְחִזְּקוּ֙ יְדֵ֣י מְרֵעִ֔ים לְבִ֨לְתִּי־שָׁ֔בוּ אִ֖ישׁ מֵרָֽעָת֑וֹ הָֽיוּ־לִ֤י כֻלָּם֙ כִּסְדֹ֔ם וְיֹשְׁבֶ֖יהָ כַּעֲמֹרָֽה׃ ס

‎15 ‏לָכֵ֞ן כֹּֽה־אָמַ֨ר יְהוָ֤ה צְבָאוֹת֙ עַל־הַנְּבִאִ֔ים הִנְנִ֨י מַאֲכִ֤יל אוֹתָם֙ לַֽעֲנָ֔ה וְהִשְׁקִתִ֖ים מֵי־רֹ֑אשׁ כִּ֗י מֵאֵת֙ נְבִיאֵ֣י יְרוּשָׁלִַ֔ם יָצְאָ֥ה חֲנֻפָּ֖ה לְכָל־הָאָֽרֶץ׃ פ

‎16 ‏כֹּֽה־אָמַ֞ר יְהוָ֣ה צְבָא֗וֹת אַֽל־תִּשְׁמְע֞וּ עַל־דִּבְרֵ֤י הַנְּבִאִים֙ הַנִּבְּאִ֣ים לָכֶ֔ם מַהְבִּלִ֥ים הֵ֖מָּה אֶתְכֶ֑ם חֲז֤וֹן לִבָּם֙ יְדַבֵּ֔רוּ לֹ֖א מִפִּ֥י יְהוָֽה׃

‎17 ‏אֹמְרִ֤ים אָמוֹר֙ לִֽמְנַאֲצַ֔י דִּבֶּ֣ר יְהוָ֔ה שָׁל֖וֹם יִֽהְיֶ֣ה לָכֶ֑ם וְ֠כֹל הֹלֵ֞ךְ בִּשְׁרִר֤וּת לִבּוֹ֙ אָֽמְר֔וּ לֹֽא־תָב֥וֹא עֲלֵיכֶ֖ם רָעָֽה׃

‎18 ‏כִּ֣י מִ֤י עָמַד֙ בְּס֣וֹד יְהוָ֔ה וְיֵ֖רֶא וְיִשְׁמַ֣ע אֶת־דְּבָר֑וֹ מִֽי־הִקְשִׁ֥יב דברי דְּבָר֖וֹ וַיִּשְׁמָֽע׃ ס

‎19 ‏הִנֵּ֣ה׀ סַעֲרַ֣ת יְהוָ֗ה חֵמָה֙ יָֽצְאָ֔ה וְסַ֖עַר מִתְחוֹלֵ֑ל עַ֛ל רֹ֥אשׁ רְשָׁעִ֖ים יָחֽוּל׃

‎20 ‏לֹ֤א יָשׁוּב֙ אַף־יְהוָ֔ה עַד־עֲשֹׂת֥וֹ וְעַד־הֲקִימ֖וֹ מְזִמּ֣וֹת לִבּ֑וֹ בְּאַֽחֲרִית֙ הַיָּמִ֔ים תִּתְבּ֥וֹנְנוּ בָ֖הּ בִּינָֽה׃

‎21 ‏לֹא־שָׁלַ֥חְתִּי אֶת־הַנְּבִאִ֖ים וְהֵ֣ם רָ֑צוּ לֹא־דִבַּ֥רְתִּי אֲלֵיהֶ֖ם וְהֵ֥ם נִבָּֽאוּ׃

‎22 ‏וְאִֽם־עָמְד֖וּ בְּסוֹדִ֑י וְיַשְׁמִ֤עוּ דְבָרַי֙ אֶת־עַמִּ֔י וִֽישִׁבוּם֙ מִדַּרְכָּ֣ם הָרָ֔ע וּמֵרֹ֖עַ מַֽעַלְלֵיהֶֽם׃ ס

‎23 ‏הַאֱלֹהֵ֧י מִקָּרֹ֛ב אָ֖נִי נְאֻם־יְהוָ֑ה וְלֹ֥א אֱלֹהֵ֖י מֵרָחֹֽק׃

‎24 ‏אִם־יִסָּתֵ֨ר אִ֧ישׁ בַּמִּסְתָּרִ֛ים וַאֲנִ֥י לֹֽא־אֶרְאֶ֖נּוּ נְאֻם־יְהוָ֑ה הֲל֨וֹא אֶת־הַשָּׁמַ֧יִם וְאֶת־הָאָ֛רֶץ אֲנִ֥י מָלֵ֖א נְאֻם־יְהוָֽה׃

‎25 ‏שָׁמַ֗עְתִּי אֵ֤ת אֲשֶׁר־אָֽמְרוּ֙ הַנְּבִאִ֔ים הַֽנִּבְּאִ֥ים בִּשְׁמִ֛י שֶׁ֖קֶר לֵאמֹ֑ר חָלַ֖מְתִּי חָלָֽמְתִּי׃

‎26 ‏עַד־מָתַ֗י הֲיֵ֛שׁ בְּלֵ֥ב הַנְּבִאִ֖ים נִבְּאֵ֣י הַשָּׁ֑קֶר וּנְבִיאֵ֖י תַּרְמִ֥ת לִבָּֽם׃

‎27 ‏הַחֹשְׁבִ֗ים לְהַשְׁכִּ֤יחַ אֶת־עַמִּי֙ שְׁמִ֔י בַּחֲל֣וֹמֹתָ֔ם אֲשֶׁ֥ר יְסַפְּר֖וּ אִ֣ישׁ לְרֵעֵ֑הוּ כַּאֲשֶׁ֨ר שָׁכְח֧וּ אֲבוֹתָ֛ם אֶת־שְׁמִ֖י בַּבָּֽעַל׃

‎28 ‏הַנָּבִ֞יא אֲשֶׁר־אִתּ֤וֹ חֲלוֹם֙ יְסַפֵּ֣ר חֲל֔וֹם וַאֲשֶׁ֤ר דְּבָרִי֙ אִתּ֔וֹ יְדַבֵּ֥ר דְּבָרִ֖י אֱמֶ֑ת מַה־לַתֶּ֥בֶן אֶת־הַבָּ֖ר נְאֻם־יְהוָֽה׃

‎29 ‏הֲל֨וֹא כֹ֧ה דְבָרִ֛י כָּאֵ֖שׁ נְאֻם־יְהוָ֑ה וּכְפַטִּ֖ישׁ יְפֹ֥צֵֽץ סָֽלַע׃ ס

‎30 ‏לָכֵ֛ן הִנְנִ֥י עַל־הַנְּבִאִ֖ים נְאֻם־יְהוָ֑ה מְגַנְּבֵ֣י דְבָרַ֔י אִ֖ישׁ מֵאֵ֥ת רֵעֵֽהוּ׃

‎31 ‏הִנְנִ֥י עַל־הַנְּבִיאִ֖ם נְאֻם־יְהוָ֑ה הַלֹּקְחִ֣ים לְשׁוֹנָ֔ם וַֽיִּנְאֲמ֖וּ נְאֻֽם׃

‎32 ‏הִ֠נְנִי עַֽל־נִבְּאֵ֞י חֲלֹמ֥וֹת שֶׁ֙קֶר֙ נְאֻם־יְהוָ֔ה וַֽיְסַפְּרוּם֙ וַיַּתְע֣וּ אֶת־עַמִּ֔י בְּשִׁקְרֵיהֶ֖ם וּבְפַחֲזוּתָ֑ם וְאָנֹכִ֨י לֹֽא־שְׁלַחְתִּ֜ים וְלֹ֣א צִוִּיתִ֗ים וְהוֹעֵ֛יל לֹֽא־יוֹעִ֥ילוּ לָֽעָם־הַזֶּ֖ה נְאֻם־יְהוָֽה׃

‎33 ‏וְכִי־יִשְׁאָלְךָ֩ הָעָ֨ם הַזֶּ֜ה אֽוֹ־הַנָּבִ֤יא אֽוֹ־כֹהֵן֙ לֵאמֹ֔ר מַה־מַשָּׂ֖א יְהוָ֑ה וְאָמַרְתָּ֤ אֲלֵיהֶם֙ אֶת־מַה־מַשָּׂ֔א וְנָטַשְׁתִּ֥י אֶתְכֶ֖ם נְאֻם־יְהוָֽה׃

‎34 ‏וְהַנָּבִ֤יא וְהַכֹּהֵן֙ וְהָעָ֔ם אֲשֶׁ֥ר יֹאמַ֖ר מַשָּׂ֣א יְהוָ֑ה וּפָקַדְתִּ֛י עַל־הָאִ֥ישׁ הַה֖וּא וְעַל־בֵּיתֽוֹ׃

‎35 ‏כֹּ֥ה תֹאמְר֛וּ אִ֥ישׁ עַל־רֵעֵ֖הוּ וְאִ֣ישׁ אֶל־אָחִ֑יו מֶה־עָנָ֣ה יְהוָ֔ה וּמַה־דִּבֶּ֖ר יְהוָֽה׃

‎36 ‏וּמַשָּׂ֥א יְהוָ֖ה לֹ֣א תִזְכְּרוּ־ע֑וֹד כִּ֣י הַמַּשָּׂ֗א יִֽהְיֶה֙ לְאִ֣ישׁ דְּבָר֔וֹ וַהֲפַכְתֶּ֗ם אֶת־דִּבְרֵי֙ אֱלֹהִ֣ים חַיִּ֔ים יְהוָ֥ה צְבָא֖וֹת אֱלֹהֵֽינוּ׃

‎37 ‏כֹּ֥ה תֹאמַ֖ר אֶל־הַנָּבִ֑יא מֶה־עָנָ֣ךְ יְהוָ֔ה וּמַה־דִּבֶּ֖ר יְהוָֽה׃

‎38 ‏וְאִם־מַשָּׂ֣א יְהוָה֮ תֹּאמֵרוּ֒ לָכֵ֗ן כֹּ֚ה אָמַ֣ר יְהוָ֔ה יַ֧עַן אֲמָרְכֶ֛ם אֶת־הַדָּבָ֥ר הַזֶּ֖ה מַשָּׂ֣א יְהוָ֑ה וָאֶשְׁלַ֤ח אֲלֵיכֶם֙ לֵאמֹ֔ר לֹ֥א תֹאמְר֖וּ מַשָּׂ֥א יְהוָֽה׃

‎39 ‏לָכֵ֣ן הִנְנִ֔י וְנָשִׁ֥יתִי אֶתְכֶ֖ם נָשֹׁ֑א וְנָטַשְׁתִּ֣י אֶתְכֶ֗ם וְאֶת־הָעִיר֙ אֲשֶׁ֨ר נָתַ֧תִּי לָכֶ֛ם וְלַאֲבוֹתֵיכֶ֖ם מֵעַ֥ל פָּנָֽי׃

‎40 ‏וְנָתַתִּ֥י עֲלֵיכֶ֖ם חֶרְפַּ֣ת עוֹלָ֑ם וּכְלִמּ֣וּת עוֹלָ֔ם אֲשֶׁ֖ר לֹ֥א תִשָּׁכֵֽחַ׃ ס

1 hwōy rō‘îm mə’abəḏîm ûməfiṣîm ’eṯ-ṣō’n marə‘îṯî nə’um-yəhwâ:

2 lāḵēn kōh-’āmar yəhwâ ’ĕlōhê yiśərā’ēl ‘al-hārō‘îm hārō‘îm ’eṯ-‘ammî ’atem hăfiṣōṯem ’eṯ-ṣō’nî watadiḥûm wəlō’ fəqaḏətem ’ōṯām hinənî fōqēḏ ‘ălêḵem ’eṯ-rō‘a m^a‘aləlêḵem nə’um-yəhwâ:

3 wa’ănî ’ăqabēṣ ’eṯ-šə’ērîṯ ṣō’nî mikōl hā’ărāṣwōṯ ’ăšer-hid^aḥətî ’ōṯām šām wahăšiḇōṯî ’eṯəhen ‘al-nəwēhen ûfārû wərāḇû:

4 wahăqimōṯî ‘ălêhem rō‘îm wərā‘ûm wəlō’-yîrə’û ‘wōḏ wəlō’-yēḥatû wəlō’ yipāqēḏû nə’um-yəhwâ: s

5 hinnēh yāmîm bā’îm nə’um-yəhwâ wahăqimōṯî ləḏāwiḏ ṣem^aḥ ṣadîq ûmālaḵə meleḵə wəhiśəkîl wə‘āśâ mišəpāṭ ûṣəḏāqâ bā’āreṣ:

6 bəyāmāyw tiûāš^a‘ yəhûḏâ wəyiśərā’ēl yišəkōn lāḇeṭ^aḥ wəzeh-ššəmwō ’ă‍šer-yiqərə’wō yəhwâ| ṣiḏəqēnû: s

7 lāḵēn hinnēh-yāmîm bā’îm nə’um-yəhwâ wəlō’-yō’mərû ‘wōḏ ḥay-yəhwâ ’ăšer he‘ĕlâ ’eṯ-bənê yiśərā’ēl mē’ereṣ miṣərāyim:

8 kî ’im-ḥay-yəhwâ ’ăšer he‘ĕlâ wa’ăšer hēḇî’ ’eṯ-zer^a‘ bêṯ yiśərā’ēl mē’ereṣ ṣāfwōnâ ûmikōl hā’ărāṣwōṯ ’ăšer hid^aḥətîm šām wəyāšəḇû ‘al-’aḏəmāṯām: s

9 lannəḇi’îm nišəbar libî ḇəqirəbî rāḥăfû kāl-‘aṣəmwōṯay hāyîṯî kə’îš šikwōr ûḵəḡeḇer ‘ăḇārwō yāyin mipənê yəhwâ ûmipənê diḇərê qāḏəšwō:

10 kî mənā’ăfîm mālə’â hā’āreṣ kî-mipənê ’ālâ ’āḇəlâ hā’āreṣ yāḇəšû nə’wōṯ miḏəbār watəhî mərûṣāṯām rā‘â ûḡəḇûrāṯām lō’-ḵēn:

11 kî-ḡam-nāḇî’ ḡam-kōhēn ḥānēfû gam-bəḇêṯî māṣā’ṯî rā‘āṯām nə’um-yəhwâ:

12 lāḵēn yihəyeh ḏarəkām lâem k^aḥălaqəlaqqwōṯ bā’ăfēlâ yid^aḥû wənāfəlû ḇāh kî-’āḇî’ ‘ălêhem rā‘â šənaṯ pəqudāṯām nə’um-yəhwâ:

13 ûḇinəḇî’ê šōmərwōn rā’îṯî ṯifəlâ hinnabə’û ḇab^a‘al wayyaṯə‘û ’eṯ-‘ammî ’eṯ-yiśərā’ēl: s

14 ûḇinəḇi’ê yərûšālaim rā’îṯî š^a‘ărûrâ nā’wōf wəhālōḵə baššeqer wəḥizzəqû yəḏê mərē‘îm ləḇilətî-šāḇû ’îš mērā‘āṯwō hāyû-lî ḵullām kisəḏōm wəyōšəḇeyhā k^a‘ămōrâ: s

15 lāḵēn kōh-’āmar yəhwâ ṣəḇā’wōṯ ‘al-hannəḇi’îm hinənî ma’ăḵîl ’wōṯām l^a‘ănâ wəhišəqiṯîm mê-rō’š kî mē’ēṯ nəḇî’ê yərûšālaim yāṣə’â ḥănupâ ləḵāl-hā’āreṣ: f

16 kōh-’āmar yəhwâ ṣəḇā’wōṯ ’al-tišəmə‘û ‘al-diḇərê hannəḇi’îm hannibə’îm lāḵem mahəbilîm hēmmâ ’eṯəḵem ḥăzwōn libām yəḏabērû lō’ mipî yəhwâ:

17 ’ōmərîm ’āmwōr liməna’ăṣay diber yəhwâ šālwōm yihəyeh lāḵem wəḵōl hōlēḵə bišərirûṯ libwō ’āmərû lō’-ṯāḇwō’ ‘ălêḵem rā‘â:

18 kî mî ‘āmaḏ bəswōḏ yəhwâ wəyēre’ wəyišəm^a‘ ’eṯ-dəḇārwō mî-hiqəšîḇ dəḇārî dəḇārwō wayyišəmā‘: s

19 hinnēh| s^a‘ăraṯ yəhwâ ḥēmâ yāṣə’â wəs^a‘ar miṯəḥwōlēl ‘al rō’š rəšā‘îm yāḥûl:

20 lō’ yāšûḇ ’af-yəhwâ ‘aḏ-‘ăśōṯwō wə‘aḏ-hăqîmwō məzimmwōṯ libwō bə’^aḥărîṯ hayyāmîm tiṯəbwōnənû ḇāh bînâ:

21 lō’-šāl^aḥətî ’eṯ-hannəḇi’îm wəhēm rāṣû lō’-ḏibarətî ’ălêhem wəhēm nibā’û:

22 wə’im-‘āməḏû bəswōḏî wəyašəmi‘û ḏəḇāray ’eṯ-‘ammî wîšiḇûm midarəkām hārā‘ ûmērō‘a m^a‘aləlêhem: s

23 ha’ĕlōhê miqqārōḇ ’ānî nə’um-yəhwâ wəlō’ ’ĕlōhê mērāḥōq:

24 ’im-yissāṯēr ’îš bammisətārîm wa’ănî lō’-’erə’ennû nə’um-yəhwâ hălwō’ ’eṯ-haššāmayim wə’eṯ-hā’āreṣ ’ănî mālē’ nə’um-yəhwâ:

25 šām^a‘ətî ’ēṯ ’ăšer-’āmərû hannəḇi’îm hannibə’îm bišəmî šeqer lē’mōr ḥālamətî ḥālāmətî:

26 ‘aḏ-māṯay hăyēš bəlēḇ hannəḇi’îm nibə’ê haššāqer ûnəḇî’ê tarəmiṯ libām:

27 h^aḥōšəḇîm ləhašəkîḥa ’eṯ-‘ammî šəmî b^aḥălwōmōṯām ’ăšer yəsapərû ’îš lərē‘ēhû ka’ăšer šāḵəḥû ’ăḇwōṯām ’eṯ-šəmî babā‘al:

28 hannāḇî’ ’ăšer-’itwō ḥălwōm yəsapēr ḥălwōm wa’ăšer dəḇārî ’itwō yəḏabēr dəḇārî ’ĕmeṯ mah-lateḇen ’eṯ-habār nə’um-yəhwâ:

29 hălwō’ ḵōh ḏəḇārî kā’ēš nə’um-yəhwâ ûḵəfaṭṭîš yəfōṣēṣ sāl^a‘: s

30 lāḵēn hinənî ‘al-hannəḇi’îm nə’um-yəhwâ məḡannəḇê ḏəḇāray ’îš mē’ēṯ rē‘ēhû:

31 hinənî ‘al-hannəḇî’im nə’um-yəhwâ hallōqəḥîm ləšwōnām wayyinə’ămû nə’um:

32 hinənî ‘al-nibə’ê ḥălōmwōṯ šeqer nə’um-yəhwâ wayəsapərûm wayyaṯə‘û ’eṯ-‘ammî bəšiqərêhem ûḇəf^aḥăzûṯām wə’ānōḵî lō’-šəl^aḥətîm wəlō’ ṣiûîṯîm wəhwō‘êl lō’-ywō‘îlû lā‘ām-hazzeh nə’um-yəhwâ:

33 wəḵî-yišə’āləḵā hā‘ām hazzeh ’wō-hannāḇî’ ’wō-ḵōhēn lē’mōr mah-maśśā’ yəhwâ wə’āmarətā ’ălêhem ’eṯ-mah-maśśā’ wənāṭašətî ’eṯəḵem nə’um-yəhwâ:

34 wəhannāḇî’ wəhakōhēn wəhā‘ām ’ăšer yō’mar maśśā’ yəhwâ ûfāqaḏətî ‘al-hā’îš hahû’ wə‘al-bêṯwō:

35 kōh ṯō’mərû ’îš ‘al-rē‘ēhû wə’îš ’el-’āḥîw meh-‘ānâ yəhwâ ûmah-diber yəhwâ:

36 ûmaśśā’ yəhwâ lō’ ṯizəkərû-‘wōḏ kî hammaśśā’ yihəyeh lə’îš dəḇārwō wahăfaḵətem ’eṯ-diḇərê ’ĕlōhîm ḥayyîm yəhwâ ṣəḇā’wōṯ ’ĕlōhênû:

37 kōh ṯō’mar ’el-hannāḇî’ meh-‘ānāḵə yəhwâ ûmah-diber yəhwâ:

38 wə’im-maśśā’ yəhwâ tō’mērû lāḵēn kōh ’āmar yəhwâ y^a‘an ’ămārəḵem ’eṯ-hadāḇār hazzeh maśśā’ yəhwâ wā’ešəl^aḥ ’ălêḵem lē’mōr lō’ ṯō’mərû maśśā’ yəhwâ:

39 lāḵēn hinənî wənāšîṯî ’eṯəḵem nāšō’ wənāṭašətî ’eṯəḵem wə’eṯ-hā‘îr ’ăšer nāṯatî lāḵem wəla’ăḇwōṯêḵem mē‘al pānāy:

40 wənāṯatî ‘ălêḵem ḥerəpaṯ ‘wōlām ûḵəlimmûṯ ‘wōlām ’ăšer lō’ ṯiššāḵēḥa: s

‎1 ‏הִרְאַנִי֮ יְהוָה֒ וְהִנֵּ֗ה שְׁנֵי֙ דּוּדָאֵ֣י תְאֵנִ֔ים מוּעָדִ֕ים לִפְנֵ֖י הֵיכַ֣ל יְהוָ֑ה אַחֲרֵ֣י הַגְל֣וֹת נְבוּכַדְרֶאצַּ֣ר מֶֽלֶךְ־בָּבֶ֡ל אֶת־יְכָנְיָ֣הוּ בֶן־יְהוֹיָקִ֣ים מֶֽלֶךְ־יְהוּדָה֩ וְאֶת־שָׂרֵ֨י יְהוּדָ֜ה וְאֶת־הֶחָרָ֤שׁ וְאֶת־הַמַּסְגֵּר֙ מִיר֣וּשָׁלִַ֔ם וַיְבִאֵ֖ם בָּבֶֽל׃

‎2 ‏הַדּ֣וּד אֶחָ֗ד תְּאֵנִים֙ טֹב֣וֹת מְאֹ֔ד כִּתְאֵנֵ֖י הַבַּכֻּר֑וֹת וְהַדּ֣וּד אֶחָ֗ד תְּאֵנִים֙ רָע֣וֹת מְאֹ֔ד אֲשֶׁ֥ר לֹא־תֵֽאָכַ֖לְנָה מֵרֹֽעַ׃ ס

‎3 ‏וַיֹּ֨אמֶר יְהוָ֜ה אֵלַ֗י מָֽה־אַתָּ֤ה רֹאֶה֙ יִרְמְיָ֔הוּ וָאֹמַ֖ר תְּאֵנִ֑ים הַתְּאֵנִ֤ים הַטֹּבוֹת֙ טֹב֣וֹת מְאֹ֔ד וְהָֽרָעוֹת֙ רָע֣וֹת מְאֹ֔ד אֲשֶׁ֥ר לֹא־תֵאָכַ֖לְנָה מֵרֹֽעַ׃ פ

‎4 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

‎5 ‏כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל כַּתְּאֵנִ֥ים הַטֹּב֖וֹת הָאֵ֑לֶּה כֵּֽן־אַכִּ֞יר אֶת־גָּל֣וּת יְהוּדָ֗ה אֲשֶׁ֨ר שִׁלַּ֜חְתִּי מִן־הַמָּק֥וֹם הַזֶּ֛ה אֶ֥רֶץ כַּשְׂדִּ֖ים לְטוֹבָֽה׃

‎6 ‏וְשַׂמְתִּ֨י עֵינִ֤י עֲלֵיהֶם֙ לְטוֹבָ֔ה וַהֲשִׁבֹתִ֖ים עַל־הָאָ֣רֶץ הַזֹּ֑את וּבְנִיתִים֙ וְלֹ֣א אֶהֱרֹ֔ס וּנְטַעְתִּ֖ים וְלֹ֥א אֶתּֽוֹשׁ׃

‎7 ‏וְנָתַתִּי֩ לָהֶ֨ם לֵ֜ב לָדַ֣עַת אֹתִ֗י כִּ֚י אֲנִ֣י יְהוָ֔ה וְהָיוּ־לִ֣י לְעָ֔ם וְאָ֣נֹכִ֔י אֶהְיֶ֥ה לָהֶ֖ם לֵאלֹהִ֑ים כִּֽי־יָשֻׁ֥בוּ אֵלַ֖י בְּכָל־לִבָּֽם׃ ס

‎8 ‏וְכַתְּאֵנִים֙ הָֽרָע֔וֹת אֲשֶׁ֥ר לֹא־תֵאָכַ֖לְנָה מֵרֹ֑עַ כִּי־כֹ֣ה׀ אָמַ֣ר יְהוָ֗ה כֵּ֣ן אֶ֠תֵּן אֶת־צִדְקִיָּ֨הוּ מֶֽלֶךְ־יְהוּדָ֤ה וְאֶת־שָׂרָיו֙ וְאֵ֣ת׀ שְׁאֵרִ֣ית יְרוּשָׁלִַ֗ם הַנִּשְׁאָרִים֙ בָּאָ֣רֶץ הַזֹּ֔את וְהַיֹּשְׁבִ֖ים בְּאֶ֥רֶץ מִצְרָֽיִם׃

‎9 ‏וּנְתַתִּים֙ לזועה לְזַעֲוָ֣ה לְרָעָ֔ה לְכֹ֖ל מַמְלְכ֣וֹת הָאָ֑רֶץ לְחֶרְפָּ֤ה וּלְמָשָׁל֙ לִשְׁנִינָ֣ה וְלִקְלָלָ֔ה בְּכָל־הַמְּקֹמ֖וֹת אֲשֶֽׁר־אַדִּיחֵ֥ם שָֽׁם׃

‎10 ‏וְשִׁלַּ֣חְתִּי בָ֔ם אֶת־הַחֶ֖רֶב אֶת־הָרָעָ֣ב וְאֶת־הַדָּ֑בֶר עַד־תֻּמָּם֙ מֵעַ֣ל הָאֲדָמָ֔ה אֲשֶׁר־נָתַ֥תִּי לָהֶ֖ם וְלַאֲבוֹתֵיהֶֽם׃ פ

1 hirə’anî yəhwâ wəhinnēh šənê dûḏā’ê ṯə’ēnîm mû‘āḏîm lifənê hêḵal yəhwâ ’^aḥărê haḡəlwōṯ nəḇûḵaḏəre’ṣṣar meleḵə-bāḇel ’eṯ-yəḵānəyâû ḇen-yəhwōyāqîm meleḵə-yəhûḏâ wə’eṯ-śārê yəhûḏâ wə’eṯ-heḥārāš wə’eṯ-hammasəgēr mîrûšālaim wayəḇi’ēm bāḇel:

2 hadûḏ ’eḥāḏ tə’ēnîm ṭōḇwōṯ mə’ōḏ kiṯə’ēnê habakurwōṯ wəhadûḏ ’eḥāḏ tə’ēnîm rā‘wōṯ mə’ōḏ ’ăšer lō’-ṯē’āḵalənâ mērō‘a: s

3 wayyō’mer yəhwâ ’ēlay mâ-’atâ rō’eh yirəməyâû wā’ōmar tə’ēnîm hatə’ēnîm haṭṭōḇwōṯ ṭōḇwōṯ mə’ōḏ wəhārā‘wōṯ rā‘wōṯ mə’ōḏ ’ăšer lō’-ṯē’āḵalənâ mērō‘a: f

4 wayəhî ḏəḇar-yəhwâ ’ēlay lē’mōr:

5 kōh-’āmar yəhwâ ’ĕlōhê yiśərā’ēl katə’ēnîm haṭṭōḇwōṯ hā’ēlleh kēn-’akîr ’eṯ-gālûṯ yəhûḏâ ’ăšer šill^aḥətî min-hammāqwōm hazzeh ’ereṣ kaśədîm ləṭwōḇâ:

6 wəśamətî ‘ênî ‘ălêhem ləṭwōḇâ wahăšiḇōṯîm ‘al-hā’āreṣ hazzō’ṯ ûḇənîṯîm wəlō’ ’ehĕrōs ûnəṭ^a‘ətîm wəlō’ ’etwōš:

7 wənāṯatî lâem lēḇ lāḏ^a‘aṯ ’ōṯî kî ’ănî yəhwâ wəhāyû-lî lə‘ām wə’ānōḵî ’ehəyeh lâem lē’lōhîm kî-yāšuḇû ’ēlay bəḵāl-libām: s

8 wəḵatə’ēnîm hārā‘wōṯ ’ăšer lō’-ṯē’āḵalənâ mērō‘a kî-ḵōh| ’āmar yəhwâ kēn ’etēn ’eṯ-ṣiḏəqîyâû meleḵə-yəhûḏâ wə’eṯ-śārāyw wə’ēṯ| šə’ērîṯ yərûšālaim hannišə’ārîm bā’āreṣ hazzō’ṯ wəhayyōšəḇîm bə’ereṣ miṣərāyim:

9 ûnəṯatîm lizəwā‘â ləz^a‘ăwâ lərā‘â ləḵōl mamələḵwōṯ hā’āreṣ ləḥerəpâ ûləmāšāl lišənînâ wəliqəlālâ bəḵāl-hamməqōmwōṯ ’ăšer-’adîḥēm šām:

10 wəšill^aḥətî ḇām ’eṯ-h^aḥereḇ ’eṯ-hārā‘āḇ wə’eṯ-hadāḇer ‘aḏ-tummām mē‘al hā’ăḏāmâ ’ăšer-nāṯatî lâem wəla’ăḇwōṯêhem: f

‎1 ‏הַדָּבָ֞ר אֲשֶׁר־הָיָ֤ה עַֽל־יִרְמְיָ֙הוּ֙ עַל־כָּל־עַ֣ם יְהוּדָ֔ה בַּשָּׁנָה֙ הָֽרְבִעִ֔ית לִיהוֹיָקִ֥ים בֶּן־יֹאשִׁיָּ֖הוּ מֶ֣לֶךְ יְהוּדָ֑ה הִ֗יא הַשָּׁנָה֙ הָרִ֣אשֹׁנִ֔ית לִנְבֽוּכַדְרֶאצַּ֖ר מֶ֥לֶךְ בָּבֶֽל׃

‎2 ‏אֲשֶׁ֨ר דִּבֶּ֜ר יִרְמְיָ֤הוּ הַנָּבִיא֙ עַל־כָּל־עַ֣ם יְהוּדָ֔ה וְאֶ֛ל כָּל־יֹשְׁבֵ֥י יְרוּשָׁלִַ֖ם לֵאמֹֽר׃

‎3 ‏מִן־שְׁלֹ֣שׁ עֶשְׂרֵ֣ה שָׁנָ֡ה לְיֹאשִׁיָּ֣הוּ בֶן־אָמוֹן֩ מֶ֨לֶךְ יְהוּדָ֜ה וְעַ֣ד׀ הַיּ֣וֹם הַזֶּ֗ה זֶ֚ה שָׁלֹ֤שׁ וְעֶשְׂרִים֙ שָׁנָ֔ה הָיָ֥ה דְבַר־יְהוָ֖ה אֵלָ֑י וָאֲדַבֵּ֧ר אֲלֵיכֶ֛ם אַשְׁכֵּ֥ים וְדַבֵּ֖ר וְלֹ֥א שְׁמַעְתֶּֽם׃

‎4 ‏וְשָׁלַח֩ יְהוָ֨ה אֲלֵיכֶ֜ם אֶֽת־כָּל־עֲבָדָ֧יו הַנְּבִאִ֛ים הַשְׁכֵּ֥ם וְשָׁלֹ֖חַ וְלֹ֣א שְׁמַעְתֶּ֑ם וְלֹֽא־הִטִּיתֶ֥ם אֶֽת־אָזְנְכֶ֖ם לִשְׁמֹֽעַ׃

‎5 ‏לֵאמֹ֗ר שֽׁוּבוּ־נָ֞א אִ֣ישׁ מִדַּרְכּ֤וֹ הָֽרָעָה֙ וּמֵרֹ֣עַ מַעַלְלֵיכֶ֔ם וּשְׁבוּ֙ עַל־הָ֣אֲדָמָ֔ה אֲשֶׁ֨ר נָתַ֧ן יְהוָ֛ה לָכֶ֖ם וְלַאֲבֽוֹתֵיכֶ֑ם לְמִן־עוֹלָ֖ם וְעַד־עוֹלָֽם׃

‎6 ‏וְאַל־תֵּלְכ֗וּ אַֽחֲרֵי֙ אֱלֹהִ֣ים אֲחֵרִ֔ים לְעָבְדָ֖ם וּלְהִשְׁתַּחֲוֹ֣ת לָהֶ֑ם וְלֹֽא־תַכְעִ֤יסוּ אוֹתִי֙ בְּמַעֲשֵׂ֣ה יְדֵיכֶ֔ם וְלֹ֥א אָרַ֖ע לָכֶֽם׃

‎7 ‏וְלֹֽא־שְׁמַעְתֶּ֥ם אֵלַ֖י נְאֻם־יְהוָ֑ה לְמַ֧עַן הכעסוני הַכְעִיסֵ֛נִי בְּמַעֲשֵׂ֥ה יְדֵיכֶ֖ם לְרַ֥ע לָכֶֽם׃ ס

‎8 ‏לָכֵ֕ן כֹּ֥ה אָמַ֖ר יְהוָ֣ה צְבָא֑וֹת יַ֕עַן אֲשֶׁ֥ר לֹֽא־שְׁמַעְתֶּ֖ם אֶת־דְּבָרָֽי׃

‎9 ‏הִנְנִ֣י שֹׁלֵ֡חַ וְלָקַחְתִּי֩ אֶת־כָּל־מִשְׁפְּח֨וֹת צָפ֜וֹן נְאֻם־יְהוָ֗ה וְאֶל־נְבֽוּכַדְרֶאצַּ֣ר מֶֽלֶךְ־בָּבֶל֮ עַבְדִּי֒ וַהֲבִ֨אֹתִ֜ים עַל־הָאָ֤רֶץ הַזֹּאת֙ וְעַל־יֹ֣שְׁבֶ֔יהָ וְעַ֛ל כָּל־הַגּוֹיִ֥ם הָאֵ֖לֶּה סָבִ֑יב וְהַ֣חֲרַמְתִּ֔ים וְשַׂמְתִּים֙ לְשַׁמָּ֣ה וְלִשְׁרֵקָ֔ה וּלְחָרְב֖וֹת עוֹלָֽם׃

‎10 ‏וְהַאֲבַדְתִּ֣י מֵהֶ֗ם ק֤וֹל שָׂשׂוֹן֙ וְק֣וֹל שִׂמְחָ֔ה ק֥וֹל חָתָ֖ן וְק֣וֹל כַּלָּ֑ה ק֥וֹל רֵחַ֖יִם וְא֥וֹר נֵֽר׃

‎11 ‏וְהָֽיְתָה֙ כָּל־הָאָ֣רֶץ הַזֹּ֔את לְחָרְבָּ֖ה לְשַׁמָּ֑ה וְעָ֨בְד֜וּ הַגּוֹיִ֥ם הָאֵ֛לֶּה אֶת־מֶ֥לֶךְ בָּבֶ֖ל שִׁבְעִ֥ים שָׁנָֽה׃

‎12 ‏וְהָיָ֣ה כִמְלֹ֣אות שִׁבְעִ֣ים שָׁנָ֡ה אֶפְקֹ֣ד עַל־מֶֽלֶךְ־בָּבֶל֩ וְעַל־הַגּ֨וֹי הַה֧וּא נְאֻם־יְהוָ֛ה אֶת־עֲוֹנָ֖ם וְעַל־אֶ֣רֶץ כַּשְׂדִּ֑ים וְשַׂמְתִּ֥י אֹת֖וֹ לְשִֽׁמְמ֥וֹת עוֹלָֽם׃

‎13 ‏והבאיתי וְהֵֽבֵאתִי֙ עַל־הָאָ֣רֶץ הַהִ֔יא אֶת־כָּל־דְּבָרַ֖י אֲשֶׁר־דִּבַּ֣רְתִּי עָלֶ֑יהָ אֵ֤ת כָּל־הַכָּתוּב֙ בַּסֵּ֣פֶר הַזֶּ֔ה אֲשֶׁר־נִבָּ֥א יִרְמְיָ֖הוּ עַל־כָּל־הַגּוֹיִֽם׃

‎14 ‏כִּ֣י עָֽבְדוּ־בָ֤ם גַּם־הֵ֙מָּה֙ גּוֹיִ֣ם רַבִּ֔ים וּמְלָכִ֖ים גְּדוֹלִ֑ים וְשִׁלַּמְתִּ֥י לָהֶ֛ם כְּפָעֳלָ֖ם וּכְמַעֲשֵׂ֥ה יְדֵיהֶֽם׃ ס

‎15 ‏כִּ֣י כֹה֩ אָמַ֨ר יְהוָ֜ה אֱלֹהֵ֤י יִשְׂרָאֵל֙ אֵלַ֔י קַ֠ח אֶת־כּ֨וֹס הַיַּ֧יִן הַחֵמָ֛ה הַזֹּ֖את מִיָּדִ֑י וְהִשְׁקִיתָ֤ה אֹתוֹ֙ אֶת־כָּל־הַגּוֹיִ֔ם אֲשֶׁ֧ר אָנֹכִ֛י שֹׁלֵ֥חַ אוֹתְךָ֖ אֲלֵיהֶֽם׃

‎16 ‏וְשָׁת֕וּ וְהִֽתְגֹּֽעֲשׁ֖וּ וְהִתְהֹלָ֑לוּ מִפְּנֵ֣י הַחֶ֔רֶב אֲשֶׁ֛ר אָנֹכִ֥י שֹׁלֵ֖חַ בֵּינֹתָֽם׃

‎17 ‏וָאֶקַּ֥ח אֶת־הַכּ֖וֹס מִיַּ֣ד יְהוָ֑ה וָֽאַשְׁקֶה֙ אֶת־כָּל־הַגּוֹיִ֔ם אֲשֶׁר־שְׁלָחַ֥נִי יְהוָ֖ה אֲלֵיהֶֽם׃

‎18 ‏אֶת־יְרוּשָׁלִַ֙ם֙ וְאֶת־עָרֵ֣י יְהוּדָ֔ה וְאֶת־מְלָכֶ֖יהָ אֶת־שָׂרֶ֑יהָ לָתֵ֨ת אֹתָ֜ם לְחָרְבָּ֧ה לְשַׁמָּ֛ה לִשְׁרֵקָ֥ה וְלִקְלָלָ֖ה כַּיּ֥וֹם הַזֶּֽה׃

‎19 ‏אֶת־פַּרְעֹ֧ה מֶֽלֶךְ־מִצְרַ֛יִם וְאֶת־עֲבָדָ֥יו וְאֶת־שָׂרָ֖יו וְאֶת־כָּל־עַמּֽוֹ׃

‎20 ‏וְאֵת֙ כָּל־הָעֶ֔רֶב וְאֵ֕ת כָּל־מַלְכֵ֖י אֶ֣רֶץ הָע֑וּץ וְאֵ֗ת כָּל־מַלְכֵי֙ אֶ֣רֶץ פְּלִשְׁתִּ֔ים וְאֶת־אַשְׁקְל֤וֹן וְאֶת־עַזָּה֙ וְאֶת־עֶקְר֔וֹן וְאֵ֖ת שְׁאֵרִ֥ית אַשְׁדּֽוֹד׃

‎21 ‏אֶת־אֱד֥וֹם וְאֶת־מוֹאָ֖ב וְאֶת־בְּנֵ֥י עַמּֽוֹן׃

‎22 ‏וְאֵת֙ כָּל־מַלְכֵי־צֹ֔ר וְאֵ֖ת כָּל־מַלְכֵ֣י צִיד֑וֹן וְאֵת֙ מַלְכֵ֣י הָאִ֔י אֲשֶׁ֖ר בְּעֵ֥בֶר הַיָּֽם׃

‎23 ‏וְאֶת־דְּדָ֤ן וְאֶת־תֵּימָא֙ וְאֶת־בּ֔וּז וְאֵ֖ת כָּל־קְצוּצֵ֥י פֵאָֽה׃

‎24 ‏וְאֵ֖ת כָּל־מַלְכֵ֣י עֲרָ֑ב וְאֵת֙ כָּל־מַלְכֵ֣י הָעֶ֔רֶב הַשֹּׁכְנִ֖ים בַּמִּדְבָּֽר׃

‎25 ‏וְאֵ֣ת׀ כָּל־מַלְכֵ֣י זִמְרִ֗י וְאֵת֙ כָּל־מַלְכֵ֣י עֵילָ֔ם וְאֵ֖ת כָּל־מַלְכֵ֥י מָדָֽי׃

‎26 ‏וְאֵ֣ת׀ כָּל־מַלְכֵ֣י הַצָּפ֗וֹן הַקְּרֹבִ֤ים וְהָֽרְחֹקִים֙ אִ֣ישׁ אֶל־אָחִ֔יו וְאֵת֙ כָּל־הַמַּמְלְכ֣וֹת הָאָ֔רֶץ אֲשֶׁ֖ר עַל־פְּנֵ֣י הָאֲדָמָ֑ה וּמֶ֥לֶךְ שֵׁשַׁ֖ךְ יִשְׁתֶּ֥ה אַחֲרֵיהֶֽם׃

‎27 ‏וְאָמַרְתָּ֣ אֲלֵיהֶ֡ם סכֹּֽה־אָמַר֩ יְהוָ֨ה צְבָא֜וֹת אֱלֹהֵ֣י יִשְׂרָאֵ֗ל שְׁת֤וּ וְשִׁכְרוּ֙ וּקְי֔וּ וְנִפְל֖וּ וְלֹ֣א תָק֑וּמוּ מִפְּנֵ֣י הַחֶ֔רֶב אֲשֶׁ֛ר אָנֹכִ֥י שֹׁלֵ֖חַ בֵּינֵיכֶֽם׃

‎28 ‏וְהָיָ֗ה כִּ֧י יְמָאֲנ֛וּ לָקַֽחַת־הַכּ֥וֹס מִיָּדְךָ֖ לִשְׁתּ֑וֹת וְאָמַרְתָּ֣ אֲלֵיהֶ֗ם כֹּ֥ה אָמַ֛ר יְהוָ֥ה צְבָא֖וֹת שָׁת֥וֹ תִשְׁתּֽוּ׃

‎29 ‏כִּי֩ הִנֵּ֨ה בָעִ֜יר אֲשֶׁ֧ר נִֽקְרָא־שְׁמִ֣י עָלֶ֗יהָ אָֽנֹכִי֙ מֵחֵ֣ל לְהָרַ֔ע וְאַתֶּ֖ם הִנָּקֵ֣ה תִנָּק֑וּ לֹ֣א תִנָּק֔וּ כִּ֣י חֶ֗רֶב אֲנִ֤י קֹרֵא֙ עַל־כָּל־יֹשְׁבֵ֣י הָאָ֔רֶץ נְאֻ֖ם יְהוָ֥ה צְבָאֽוֹת׃

‎30 ‏וְאַתָּה֙ תִּנָּבֵ֣א אֲלֵיהֶ֔ם אֵ֥ת כָּל־הַדְּבָרִ֖ים הָאֵ֑לֶּה וְאָמַרְתָּ֣ אֲלֵיהֶ֗ם יְהוָ֞ה מִמָּר֤וֹם יִשְׁאָג֙ וּמִמְּע֤וֹן קָדְשׁוֹ֙ יִתֵּ֣ן קוֹל֔וֹ שָׁאֹ֤ג יִשְׁאַג֙ עַל־נָוֵ֔הוּ הֵידָד֙ כְּדֹרְכִ֣ים יַֽעֲנֶ֔ה אֶ֥ל כָּל־יֹשְׁבֵ֖י הָאָֽרֶץ׃

‎31 ‏בָּ֤א שָׁאוֹן֙ עַד־קְצֵ֣ה הָאָ֔רֶץ כִּ֣י רִ֤יב לַֽיהוָה֙ בַּגּוֹיִ֔ם נִשְׁפָּ֥ט ה֖וּא לְכָל־בָּשָׂ֑ר הָרְשָׁעִ֛ים נְתָנָ֥ם לַחֶ֖רֶב נְאֻם־יְהוָֽה׃ ס

‎32 ‏כֹּ֤ה אָמַר֙ יְהוָ֣ה צְבָא֔וֹת הִנֵּ֥ה רָעָ֛ה יֹצֵ֖את מִגּ֣וֹי אֶל־גּ֑וֹי וְסַ֣עַר גָּד֔וֹל יֵע֖וֹר מִיַּרְכְּתֵי־אָֽרֶץ׃

‎33 ‏וְהָי֞וּ חַֽלְלֵ֤י יְהוָה֙ בַּיּ֣וֹם הַה֔וּא מִקְצֵ֥ה הָאָ֖רֶץ וְעַד־קְצֵ֣ה הָאָ֑רֶץ לֹ֣א יִסָּפְד֗וּ וְלֹ֤א יֵאָֽסְפוּ֙ וְלֹ֣א יִקָּבֵ֔רוּ לְדֹ֛מֶן עַל־פְּנֵ֥י הָאֲדָמָ֖ה יִֽהְיֽוּ׃

‎34 ‏הֵילִ֨ילוּ הָרֹעִ֜ים וְזַעֲק֗וּ וְהִֽתְפַּלְּשׁוּ֙ אַדִּירֵ֣י הַצֹּ֔אן כִּֽי־מָלְא֥וּ יְמֵיכֶ֖ם לִטְב֑וֹחַ וּתְפוֹצ֣וֹתִיכֶ֔ם וּנְפַלְתֶּ֖ם כִּכְלִ֥י חֶמְדָּֽה׃

‎35 ‏וְאָבַ֥ד מָנ֖וֹס מִן־הָֽרֹעִ֑ים וּפְלֵיטָ֖ה מֵאַדִּירֵ֥י הַצֹּֽאן׃

‎36 ‏ק֚וֹל צַעֲקַ֣ת הָֽרֹעִ֔ים וִֽילְלַ֖ת אַדִּירֵ֣י הַצֹּ֑אן כִּֽי־שֹׁדֵ֥ד יְהוָ֖ה אֶת־מַרְעִיתָֽם׃

‎37 ‏וְנָדַ֖מּוּ נְא֣וֹת הַשָּׁל֑וֹם מִפְּנֵ֖י חֲר֥וֹן אַף־יְהוָֽה׃

‎38 ‏עָזַ֥ב כַּכְּפִ֖יר סֻכּ֑וֹ כִּֽי־הָיְתָ֤ה אַרְצָם֙ לְשַׁמָּ֔ה מִפְּנֵי֙ חֲר֣וֹן הַיּוֹנָ֔ה וּמִפְּנֵ֖י חֲר֥וֹן אַפּֽוֹ׃ פ

1 hadāḇār ’ăšer-hāyâ ‘al-yirəməyâû ‘al-kāl-‘am yəhûḏâ baššānâ hārəḇi‘îṯ lîhwōyāqîm ben-yō’šîyâû meleḵə yəhûḏâ hî’ haššānâ hāri’šōnîṯ linəḇûḵaḏəre’ṣṣar meleḵə bāḇel:

2 ’ăšer diber yirəməyâû hannāḇî’ ‘al-kāl-‘am yəhûḏâ wə’el kāl-yōšəḇê yərûšālaim lē’mōr:

3 min-šəlōš ‘eśərēh šānâ ləyō’šîyâû ḇen-’āmwōn meleḵə yəhûḏâ wə‘aḏ| hayywōm hazzeh zeh šālōš wə‘eśərîm šānâ hāyâ ḏəḇar-yəhwâ ’ēlāy wā’ăḏabēr ’ălêḵem ’ašəkêm wəḏabēr wəlō’ šəm^a‘ətem:

4 wəšāl^aḥ yəhwâ ’ălêḵem ’eṯ-kāl-‘ăḇāḏāyw hannəḇi’îm hašəkēm wəšālōḥa wəlō’ šəm^a‘ətem wəlō’-hiṭṭîṯem ’eṯ-’āzənəḵem lišəmō‘a:

5 lē’mōr šûḇû-nā’ ’îš midarəkwō hārā‘â ûmērō‘a m^a‘aləlêḵem ûšəḇû ‘al-hā’ăḏāmâ ’ăšer nāṯan yəhwâ lāḵem wəla’ăḇwōṯêḵem ləmin-‘wōlām wə‘aḏ-‘wōlām:

6 wə’al-tēləḵû ’^aḥărê ’ĕlōhîm ’ăḥērîm lə‘āḇəḏām ûləhišət^aḥăwōṯ lâem wəlō’-ṯaḵə‘îsû ’wōṯî bəm^a‘ăśēh yəḏêḵem wəlō’ ’ār^a‘ lāḵem:

7 wəlō’-šəm^a‘ətem ’ēlay nə’um-yəhwâ ləm^a‘an hiḵə‘isûnî haḵə‘îsēnî bəm^a‘ăśēh yəḏêḵem lər^a‘ lāḵem: s

8 lāḵēn kōh ’āmar yəhwâ ṣəḇā’wōṯ y^a‘an ’ăšer lō’-šəm^a‘ətem ’eṯ-dəḇārāy:

9 hinənî šōlēḥa wəlāq^aḥətî ’eṯ-kāl-mišəpəḥwōṯ ṣāfwōn nə’um-yəhwâ wə’el-nəḇûḵaḏəre’ṣṣar meleḵə-bāḇel ‘aḇədî wahăḇi’ōṯîm ‘al-hā’āreṣ hazzō’ṯ wə‘al-yōšəḇeyhā wə‘al kāl-hagwōyim hā’ēlleh sāḇîḇ wəh^aḥăramətîm wəśamətîm ləšammâ wəlišərēqâ ûləḥārəḇwōṯ ‘wōlām:

10 wəha’ăḇaḏətî mēhem qwōl śāśwōn wəqwōl śiməḥâ qwōl ḥāṯān wəqwōl kallâ qwōl rēḥayim wə’wōr nēr:

11 wəhāyəṯâ kāl-hā’āreṣ hazzō’ṯ ləḥārəbâ ləšammâ wə‘āḇəḏû hagwōyim hā’ēlleh ’eṯ-meleḵə bāḇel šiḇə‘îm šānâ:

12 wəhāyâ ḵiməlō’wṯ šiḇə‘îm šānâ ’efəqōḏ ‘al-meleḵə-bāḇel wə‘al-hagwōy hahû’ nə’um-yəhwâ ’eṯ-‘ăwōnām wə‘al-’ereṣ kaśədîm wəśamətî ’ōṯwō ləšiməmwōṯ ‘wōlām:

13 wəhēḇē’yṯî wəhēḇē’ṯî ‘al-hā’āreṣ hahî’ ’eṯ-kāl-dəḇāray ’ăšer-dibarətî ‘āleyhā ’ēṯ kāl-hakāṯûḇ bassēfer hazzeh ’ăšer-nibā’ yirəməyâû ‘al-kāl-hagwōyim:

14 kî ‘āḇəḏû-ḇām gam-hēmmâ gwōyim rabîm ûməlāḵîm gəḏwōlîm wəšillamətî lâem kəfā‘ŏlām ûḵəm^a‘ăśēh yəḏêhem: s

15 kî ḵōh ’āmar yəhwâ ’ĕlōhê yiśərā’ēl ’ēlay q^aḥ ’eṯ-kwōs hayyayin h^aḥēmâ hazzō’ṯ mîyāḏî wəhišəqîṯâ ’ōṯwō ’eṯ-kāl-hagwōyim ’ăšer ’ānōḵî šōlēḥa ’wōṯəḵā ’ălêhem:

16 wəšāṯû wəhiṯəgō‘ăšû wəhiṯəhōlālû mipənê h^aḥereḇ ’ăšer ’ānōḵî šōlēḥa bênōṯām:

17 wā’eqq^aḥ ’eṯ-hakwōs mîyaḏ yəhwâ wā’ašəqeh ’eṯ-kāl-hagwōyim ’ăšer-šəlāḥanî yəhwâ ’ălêhem:

18 ’eṯ-yərûšālaim wə’eṯ-‘ārê yəhûḏâ wə’eṯ-məlāḵeyhā ’eṯ-śāreyhā lāṯēṯ ’ōṯām ləḥārəbâ ləšammâ lišərēqâ wəliqəlālâ kayywōm hazzeh:

19 ’eṯ-parə‘ōh meleḵə-miṣərayim wə’eṯ-‘ăḇāḏāyw wə’eṯ-śārāyw wə’eṯ-kāl-‘ammwō:

20 wə’ēṯ kāl-hā‘ereḇ wə’ēṯ kāl-maləḵê ’ereṣ hā‘ûṣ wə’ēṯ kāl-maləḵê ’ereṣ pəlišətîm wə’eṯ-’ašəqəlwōn wə’eṯ-‘azzâ wə’eṯ-‘eqərwōn wə’ēṯ šə’ērîṯ ’ašədwōḏ:

21 ’eṯ-’ĕḏwōm wə’eṯ-mwō’āḇ wə’eṯ-bənê ‘ammwōn:

22 wə’ēṯ kāl-maləḵê-ṣōr wə’ēṯ kāl-maləḵê ṣîḏwōn wə’ēṯ maləḵê hā’î ’ăšer bə‘ēḇer hayyām:

23 wə’eṯ-dəḏān wə’eṯ-têmā’ wə’eṯ-bûz wə’ēṯ kāl-qəṣûṣê fē’â:

24 wə’ēṯ kāl-maləḵê ‘ărāḇ wə’ēṯ kāl-maləḵê hā‘ereḇ haššōḵənîm bammiḏəbār:

25 wə’ēṯ| kāl-maləḵê zimərî wə’ēṯ kāl-maləḵê ‘êlām wə’ēṯ kāl-maləḵê māḏāy:

26 wə’ēṯ| kāl-maləḵê haṣṣāfwōn haqqərōḇîm wəhārəḥōqîm ’îš ’el-’āḥîw wə’ēṯ kāl-hammamələḵwōṯ hā’āreṣ ’ăšer ‘al-pənê hā’ăḏāmâ ûmeleḵə šēšaḵə yišəteh ’^aḥărêhem:

27 wə’āmarətā ’ălêhem skōh-’āmar yəhwâ ṣəḇā’wōṯ ’ĕlōhê yiśərā’ēl šəṯû wəšiḵərû ûqəyû wənifəlû wəlō’ ṯāqûmû mipənê h^aḥereḇ ’ăšer ’ānōḵî šōlēḥa bênêḵem:

28 wəhāyâ kî yəmā’ănû lāq^aḥaṯ-hakwōs mîyāḏəḵā lišətwōṯ wə’āmarətā ’ălêhem kōh ’āmar yəhwâ ṣəḇā’wōṯ šāṯwō ṯišətû:

29 kî hinnēh ḇā‘îr ’ăšer niqərā’-šəmî ‘āleyhā ’ānōḵî mēḥēl ləhār^a‘ wə’atem hinnāqēh ṯinnāqû lō’ ṯinnāqû kî ḥereḇ ’ănî qōrē’ ‘al-kāl-yōšəḇê hā’āreṣ nə’um yəhwâ ṣəḇā’wōṯ:

30 wə’atâ tinnāḇē’ ’ălêhem ’ēṯ kāl-hadəḇārîm hā’ēlleh wə’āmarətā ’ălêhem yəhwâ mimmārwōm yišə’āḡ ûmimmə‘wōn qāḏəšwō yitēn qwōlwō šā’ōḡ yišə’aḡ ‘al-nāwēhû hêḏāḏ kəḏōrəḵîm y^a‘ăneh ’el kāl-yōšəḇê hā’āreṣ:

31 bā’ šā’wōn ‘aḏ-qəṣēh hā’āreṣ kî rîḇ layhwâ bagwōyim nišəpāṭ hû’ ləḵāl-bāśār hārəšā‘îm nəṯānām l^aḥereḇ nə’um-yəhwâ: s

32 kōh ’āmar yəhwâ ṣəḇā’wōṯ hinnēh rā‘â yōṣē’ṯ migwōy ’el-gwōy wəs^a‘ar gāḏwōl yē‘wōr mîyarəkəṯê-’āreṣ:

33 wəhāyû ḥaləlê yəhwâ bayywōm hahû’ miqəṣēh hā’āreṣ wə‘aḏ-qəṣēh hā’āreṣ lō’ yissāfəḏû wəlō’ yē’āsəfû wəlō’ yiqqāḇērû ləḏōmen ‘al-pənê hā’ăḏāmâ yihəyû:

34 hêlîlû hārō‘îm wəz^a‘ăqû wəhiṯəpalləšû ’adîrê haṣṣō’n kî-mālə’û yəmêḵem liṭəḇwōḥa ûṯəfwōṣwōṯîḵem ûnəfalətem kiḵəlî ḥemədâ:

35 wə’āḇaḏ mānwōs min-hārō‘îm ûfəlêṭâ mē’adîrê haṣṣō’n:

36 qwōl ṣ^a‘ăqaṯ hārō‘îm wîləlaṯ ’adîrê haṣṣō’n kî-šōḏēḏ yəhwâ ’eṯ-marə‘îṯām:

37 wənāḏammû nə’wōṯ haššālwōm mipənê ḥărwōn ’af-yəhwâ:

38 ‘āzaḇ kakəfîr sukwō kî-hāyəṯâ ’arəṣām ləšammâ mipənê ḥărwōn hayywōnâ ûmipənê ḥărwōn ’apwō: f

‎1 ‏בְּרֵאשִׁ֗ית מַמְלְכ֛וּת יְהוֹיָקִ֥ים בֶּן־יֹאשִׁיָּ֖הוּ מֶ֣לֶךְ יְהוּדָ֑ה הָיָה֙ הַדָּבָ֣ר הַזֶּ֔ה מֵאֵ֥ת יְהוָ֖ה לֵאמֹֽר׃

‎2 ‏כֹּ֣ה׀ אָמַ֣ר יְהוָ֗ה עֲמֹד֮ בַּחֲצַ֣ר בֵּית־יְהוָה֒ וְדִבַּרְתָּ֞ עַל־כָּל־עָרֵ֣י יְהוּדָ֗ה הַבָּאִים֙ לְהִשְׁתַּחֲוֹ֣ת בֵּית־יְהוָ֔ה אֵ֚ת כָּל־הַדְּבָרִ֔ים אֲשֶׁ֥ר צִוִּיתִ֖יךָ לְדַבֵּ֣ר אֲלֵיהֶ֑ם אַל־תִּגְרַ֖ע דָּבָֽר׃

‎3 ‏אוּלַ֣י יִשְׁמְע֔וּ וְיָשֻׁ֕בוּ אִ֖ישׁ מִדַּרְכּ֣וֹ הָרָעָ֑ה וְנִחַמְתִּ֣י אֶל־הָרָעָ֗ה אֲשֶׁ֨ר אָנֹכִ֤י חֹשֵׁב֙ לַעֲשׂ֣וֹת לָהֶ֔ם מִפְּנֵ֖י רֹ֥עַ מַעַלְלֵיהֶֽם׃

‎4 ‏וְאָמַרְתָּ֣ אֲלֵיהֶ֔ם כֹּ֖ה אָמַ֣ר יְהוָ֑ה אִם־לֹ֤א תִשְׁמְעוּ֙ אֵלַ֔י לָלֶ֙כֶת֙ בְּת֣וֹרָתִ֔י אֲשֶׁ֥ר נָתַ֖תִּי לִפְנֵיכֶֽם׃

‎5 ‏לִשְׁמֹ֗עַ עַל־דִּבְרֵ֨י עֲבָדַ֣י הַנְּבִאִ֔ים אֲשֶׁ֥ר אָנֹכִ֖י שֹׁלֵ֣חַ אֲלֵיכֶ֑ם וְהַשְׁכֵּ֥ם וְשָׁלֹ֖חַ וְלֹ֥א שְׁמַעְתֶּֽם׃

‎6 ‏וְנָתַתִּ֛י אֶת־הַבַּ֥יִת הַזֶּ֖ה כְּשִׁלֹ֑ה וְאֶת־הָעִ֤יר הזאתה הַזֹּאת֙ אֶתֵּ֣ן לִקְלָלָ֔ה לְכֹ֖ל גּוֹיֵ֥י הָאָֽרֶץ׃ ס

‎7 ‏וַֽיִּשְׁמְע֛וּ הַכֹּהֲנִ֥ים וְהַנְּבִאִ֖ים וְכָל־הָעָ֑ם אֶֽת־יִרְמְיָ֔הוּ מְדַבֵּ֛ר אֶת־הַדְּבָרִ֥ים הָאֵ֖לֶּה בְּבֵ֥ית יְהוָֽה׃

‎8 ‏וַיְהִ֣י׀ כְּכַלּ֣וֹת יִרְמְיָ֗הוּ לְדַבֵּר֙ אֵ֣ת כָּל־אֲשֶׁר־צִוָּ֣ה יְהוָ֔ה לְדַבֵּ֖ר אֶל־כָּל־הָעָ֑ם וַיִּתְפְּשׂ֨וּ אֹת֜וֹ הַכֹּהֲנִ֧ים וְהַנְּבִאִ֛ים וְכָל־הָעָ֥ם לֵאמֹ֖ר מ֥וֹת תָּמֽוּת׃

‎9 ‏מַדּוּעַ֩ נִבֵּ֨יתָ בְשֵׁם־יְהוָ֜ה לֵאמֹ֗ר כְּשִׁלוֹ֙ יִֽהְיֶה֙ הַבַּ֣יִת הַזֶּ֔ה וְהָעִ֥יר הַזֹּ֛את תֶּחֱרַ֖ב מֵאֵ֣ין יוֹשֵׁ֑ב וַיִּקָּהֵ֧ל כָּל־הָעָ֛ם אֶֽל־יִרְמְיָ֖הוּ בְּבֵ֥ית יְהוָֽה׃

‎10 ‏וַֽיִּשְׁמְע֣וּ׀ שָׂרֵ֣י יְהוּדָ֗ה אֵ֚ת הַדְּבָרִ֣ים הָאֵ֔לֶּה וַיַּעֲל֥וּ מִבֵּית־הַמֶּ֖לֶךְ בֵּ֣ית יְהוָ֑ה וַיֵּֽשְׁב֛וּ בְּפֶ֥תַח שַֽׁעַר־יְהוָ֖ה הֶחָדָֽשׁ׃ ס

‎11 ‏וַיֹּ֨אמְר֜וּ הַכֹּהֲנִ֤ים וְהַנְּבִאִים֙ אֶל־הַשָּׂרִ֔ים וְאֶל־כָּל־הָעָ֖ם לֵאמֹ֑ר מִשְׁפַּט־מָ֙וֶת֙ לָאִ֣ישׁ הַזֶּ֔ה כִּ֤י נִבָּא֙ אֶל־הָעִ֣יר הַזֹּ֔את כַּאֲשֶׁ֥ר שְׁמַעְתֶּ֖ם בְּאָזְנֵיכֶֽם׃

‎12 ‏וַיֹּ֤אמֶר יִרְמְיָ֙הוּ֙ אֶל־כָּל־הַשָּׂרִ֔ים וְאֶל־כָּל־הָעָ֖ם לֵאמֹ֑ר יְהוָ֣ה שְׁלָחַ֗נִי לְהִנָּבֵ֞א אֶל־הַבַּ֤יִת הַזֶּה֙ וְאֶל־הָעִ֣יר הַזֹּ֔את אֵ֥ת כָּל־הַדְּבָרִ֖ים אֲשֶׁ֥ר שְׁמַעְתֶּֽם׃

‎13 ‏וְעַתָּ֗ה הֵיטִ֤יבוּ דַרְכֵיכֶם֙ וּמַ֣עַלְלֵיכֶ֔ם וְשִׁמְע֕וּ בְּק֖וֹל יְהוָ֣ה אֱלֹהֵיכֶ֑ם וְיִנָּחֵ֣ם יְהוָ֔ה אֶל־הָ֣רָעָ֔ה אֲשֶׁ֥ר דִּבֶּ֖ר עֲלֵיכֶֽם׃

‎14 ‏וַאֲנִ֖י הִנְנִ֣י בְיֶדְכֶ֑ם עֲשׂוּ־לִ֛י כַּטּ֥וֹב וְכַיָּשָׁ֖ר בְּעֵינֵיכֶֽם׃

‎15 ‏אַ֣ךְ׀ יָדֹ֣עַ תֵּדְע֗וּ כִּ֣י אִם־מְמִתִ֣ים אַתֶּם֮ אֹתִי֒ כִּי־דָ֣ם נָקִ֗י אַתֶּם֙ נֹתְנִ֣ים עֲלֵיכֶ֔ם וְאֶל־הָעִ֥יר הַזֹּ֖את וְאֶל־יֹשְׁבֶ֑יהָ כִּ֣י בֶאֱמֶ֗ת שְׁלָחַ֤נִי יְהוָה֙ עֲלֵיכֶ֔ם לְדַבֵּר֙ בְּאָזְנֵיכֶ֔ם אֵ֥ת כָּל־הַדְּבָרִ֖ים הָאֵֽלֶּה׃ ס

‎16 ‏וַיֹּאמְר֤וּ הַשָּׂרִים֙ וְכָל־הָעָ֔ם אֶל־הַכֹּהֲנִ֖ים וְאֶל־הַנְּבִיאִ֑ים אֵין־לָאִ֤ישׁ הַזֶּה֙ מִשְׁפַּט־מָ֔וֶת כִּ֗י בְּשֵׁ֛ם יְהוָ֥ה אֱלֹהֵ֖ינוּ דִּבֶּ֥ר אֵלֵֽינוּ׃

‎17 ‏וַיָּקֻ֣מוּ אֲנָשִׁ֔ים מִזִּקְנֵ֖י הָאָ֑רֶץ וַיֹּ֣אמְר֔וּ אֶל־כָּל־קְהַ֥ל הָעָ֖ם לֵאמֹֽר׃

‎18 ‏מיכיה מִיכָה֙ הַמּ֣וֹרַשְׁתִּ֔י הָיָ֣ה נִבָּ֔א בִּימֵ֖י חִזְקִיָּ֣הוּ מֶֽלֶךְ־יְהוּדָ֑ה וַיֹּ֣אמֶר אֶל־כָּל־עַם֩ יְהוּדָ֨ה לֵאמֹ֜ר כֹּֽה־אָמַ֣ר׀ יְהוָ֣ה צְבָא֗וֹת צִיּ֞וֹן שָׂדֶ֤ה תֵֽחָרֵשׁ֙ וִירוּשָׁלַ֙יִם֙ עִיִּ֣ים תִּֽהְיֶ֔ה וְהַ֥ר הַבַּ֖יִת לְבָמ֥וֹת יָֽעַר׃

‎19 ‏הֶהָמֵ֣ת הֱ֠מִתֻהוּ חִזְקִיָּ֨הוּ מֶֽלֶךְ־יְהוּדָ֜ה וְכָל־יְהוּדָ֗ה הֲלֹא֮ יָרֵ֣א אֶת־יְהוָה֒ וַיְחַל֙ אֶת־פְּנֵ֣י יְהוָ֔ה וַיִּנָּ֣חֶם יְהוָ֔ה אֶל־הָרָעָ֖ה אֲשֶׁר־דִּבֶּ֣ר עֲלֵיהֶ֑ם וַאֲנַ֗חְנוּ עֹשִׂ֛ים רָעָ֥ה גְדוֹלָ֖ה עַל־נַפְשׁוֹתֵֽינוּ׃

‎20 ‏וְגַם־אִ֗ישׁ הָיָ֤ה מִתְנַבֵּא֙ בְּשֵׁ֣ם יְהוָ֔ה אֽוּרִיָּ֙הוּ֙ בֶּֽן־שְׁמַעְיָ֔הוּ מִקִּרְיַ֖ת הַיְּעָרִ֑ים וַיִּנָּבֵ֞א עַל־הָעִ֤יר הַזֹּאת֙ וְעַל־הָאָ֣רֶץ הַזֹּ֔את כְּכֹ֖ל דִּבְרֵ֥י יִרְמְיָֽהוּ׃

‎21 ‏וַיִּשְׁמַ֣ע הַמֶּֽלֶךְ־יְ֠הוֹיָקִים וְכָל־גִּבּוֹרָ֤יו וְכָל־הַשָּׂרִים֙ אֶת־דְּבָרָ֔יו וַיְבַקֵּ֥שׁ הַמֶּ֖לֶךְ הֲמִית֑וֹ וַיִּשְׁמַ֤ע אוּרִיָּ֙הוּ֙ וַיִּרָ֔א וַיִּבְרַ֖ח וַיָּבֹ֥א מִצְרָֽיִם׃

‎22 ‏וַיִּשְׁלַ֞ח הַמֶּ֧לֶךְ יְהוֹיָקִ֛ים אֲנָשִׁ֖ים מִצְרָ֑יִם אֵ֣ת אֶלְנָתָ֧ן בֶּן־עַכְבּ֛וֹר וַאֲנָשִׁ֥ים אִתּ֖וֹ אֶל־מִצְרָֽיִם׃

‎23 ‏וַיּוֹצִ֨יאוּ אֶת־אוּרִיָּ֜הוּ מִמִּצְרַ֗יִם וַיְבִאֻ֙הוּ֙ אֶל־הַמֶּ֣לֶךְ יְהוֹיָקִ֔ים וַיַּכֵּ֖הוּ בֶּחָ֑רֶב וַיַּשְׁלֵךְ֙ אֶת־נִבְלָת֔וֹ אֶל־קִבְרֵ֖י בְּנֵ֥י הָעָֽם׃

‎24 ‏אַ֗ךְ יַ֚ד אֲחִיקָ֣ם בֶּן־שָׁפָ֔ן הָיְתָ֖ה אֶֽת־יִרְמְיָ֑הוּ לְבִלְתִּ֛י תֵּת־אֹת֥וֹ בְיַד־הָעָ֖ם לַהֲמִיתֽוֹ׃ פ

1 bərē’šîṯ mamələḵûṯ yəhwōyāqîm ben-yō’šîyâû meleḵə yəhûḏâ hāyâ hadāḇār hazzeh mē’ēṯ yəhwâ lē’mōr:

2 kōh| ’āmar yəhwâ ‘ămōḏ b^aḥăṣar bêṯ-yəhwâ wəḏibarətā ‘al-kāl-‘ārê yəhûḏâ habā’îm ləhišət^aḥăwōṯ bêṯ-yəhwâ ’ēṯ kāl-hadəḇārîm ’ăšer ṣiûîṯîḵā ləḏabēr ’ălêhem ’al-tiḡər^a‘ dāḇār:

3 ’ûlay yišəmə‘û wəyāšuḇû ’îš midarəkwō hārā‘â wəniḥamətî ’el-hārā‘â ’ăšer ’ānōḵî ḥōšēḇ l^a‘ăśwōṯ lâem mipənê rō‘a m^a‘aləlêhem:

4 wə’āmarətā ’ălêhem kōh ’āmar yəhwâ ’im-lō’ ṯišəmə‘û ’ēlay lāleḵeṯ bəṯwōrāṯî ’ăšer nāṯatî lifənêḵem:

5 lišəmō‘a ‘al-diḇərê ‘ăḇāḏay hannəḇi’îm ’ăšer ’ānōḵî šōlēḥa ’ălêḵem wəhašəkēm wəšālōḥa wəlō’ šəm^a‘ətem:

6 wənāṯatî ’eṯ-habayiṯ hazzeh kəšilōh wə’eṯ-hā‘îr hazzō’ṯâ hazzō’ṯ ’etēn liqəlālâ ləḵōl gwōyê hā’āreṣ: s

7 wayyišəmə‘û hakōhănîm wəhannəḇi’îm wəḵāl-hā‘ām ’eṯ-yirəməyâû məḏabēr ’eṯ-hadəḇārîm hā’ēlleh bəḇêṯ yəhwâ:

8 wayəhî| kəḵallwōṯ yirəməyâû ləḏabēr ’ēṯ kāl-’ăšer-ṣiûâ yəhwâ ləḏabēr ’el-kāl-hā‘ām wayyiṯəpəśû ’ōṯwō hakōhănîm wəhannəḇi’îm wəḵāl-hā‘ām lē’mōr mwōṯ tāmûṯ:

9 madû‘a nibêṯā ḇəšēm-yəhwâ lē’mōr kəšilwō yihəyeh habayiṯ hazzeh wəhā‘îr hazzō’ṯ teḥĕraḇ mē’ên ywōšēḇ wayyiqqâēl kāl-hā‘ām ’el-yirəməyâû bəḇêṯ yəhwâ:

10 wayyišəmə‘û| śārê yəhûḏâ ’ēṯ hadəḇārîm hā’ēlleh wayy^a‘ălû mibêṯ-hammeleḵə bêṯ yəhwâ wayyēšəḇû bəfeṯ^aḥ š^a‘ar-yəhwâ heḥāḏāš: s

11 wayyō’mərû hakōhănîm wəhannəḇi’îm ’el-haśśārîm wə’el-kāl-hā‘ām lē’mōr mišəpaṭ-māweṯ lā’îš hazzeh kî nibā’ ’el-hā‘îr hazzō’ṯ ka’ăšer šəm^a‘ətem bə’āzənêḵem:

12 wayyō’mer yirəməyâû ’el-kāl-haśśārîm wə’el-kāl-hā‘ām lē’mōr yəhwâ šəlāḥanî ləhinnāḇē’ ’el-habayiṯ hazzeh wə’el-hā‘îr hazzō’ṯ ’ēṯ kāl-hadəḇārîm ’ăšer šəm^a‘ətem:

13 wə‘atâ hêṭîḇû ḏarəḵêḵem ûm^a‘aləlêḵem wəšimə‘û bəqwōl yəhwâ ’ĕlōhêḵem wəyinnāḥēm yəhwâ ’el-hārā‘â ’ăšer diber ‘ălêḵem:

14 wa’ănî hinənî ḇəyeḏəḵem ‘ăśû-lî kaṭṭwōḇ wəḵayyāšār bə‘ênêḵem:

15 ’aḵə| yāḏō‘a tēḏə‘û kî ’im-məmiṯîm ’atem ’ōṯî kî-ḏām nāqî ’atem nōṯənîm ‘ălêḵem wə’el-hā‘îr hazzō’ṯ wə’el-yōšəḇeyhā kî ḇe’ĕmeṯ šəlāḥanî yəhwâ ‘ălêḵem ləḏabēr bə’āzənêḵem ’ēṯ kāl-hadəḇārîm hā’ēlleh: s

16 wayyō’mərû haśśārîm wəḵāl-hā‘ām ’el-hakōhănîm wə’el-hannəḇî’îm ’ên-lā’îš hazzeh mišəpaṭ-māweṯ kî bəšēm yəhwâ ’ĕlōhênû diber ’ēlênû:

17 wayyāqumû ’ănāšîm mizziqənê hā’āreṣ wayyō’mərû ’el-kāl-qəhal hā‘ām lē’mōr:

18 mîḵāyâ mîḵâ hammwōrašətî hāyâ nibā’ bîmê ḥizəqîyâû meleḵə-yəhûḏâ wayyō’mer ’el-kāl-‘am yəhûḏâ lē’mōr kōh-’āmar| yəhwâ ṣəḇā’wōṯ ṣîywōn śāḏeh ṯēḥārēš wîrûšālayim ‘îyîm tihəyeh wəhar habayiṯ ləḇāmwōṯ yā‘ar:

19 hehāmēṯ hĕmiṯuhû ḥizəqîyâû meleḵə-yəhûḏâ wəḵāl-yəhûḏâ hălō’ yārē’ ’eṯ-yəhwâ wayəḥal ’eṯ-pənê yəhwâ wayyinnāḥem yəhwâ ’el-hārā‘â ’ăšer-diber ‘ălêhem wa’ăn^aḥənû ‘ōśîm rā‘â ḡəḏwōlâ ‘al-nafəšwōṯênû:

20 wəḡam-’îš hāyâ miṯənabē’ bəšēm yəhwâ ’ûrîyâû ben-šəm^a‘əyâû miqqirəyaṯ hayyə‘ārîm wayyinnāḇē’ ‘al-hā‘îr hazzō’ṯ wə‘al-hā’āreṣ hazzō’ṯ kəḵōl diḇərê yirəməyâû:

21 wayyišəm^a‘ hammeleḵə-yəhwōyāqîm wəḵāl-gibwōrāyw wəḵāl-haśśārîm ’eṯ-dəḇārāyw wayəḇaqqēš hammeleḵə hămîṯwō wayyišəm^a‘ ’ûrîyâû wayyirā’ wayyiḇər^aḥ wayyāḇō’ miṣərāyim:

22 wayyišəl^aḥ hammeleḵə yəhwōyāqîm ’ănāšîm miṣərāyim ’ēṯ ’elənāṯān ben-‘aḵəbwōr wa’ănāšîm ’itwō ’el-miṣərāyim:

23 wayywōṣî’û ’eṯ-’ûrîyâû mimmiṣərayim wayəḇi’uhû ’el-hammeleḵə yəhwōyāqîm wayyakēhû beḥāreḇ wayyašəlēḵə ’eṯ-niḇəlāṯwō ’el-qiḇərê bənê hā‘ām:

24 ’aḵə yaḏ ’ăḥîqām ben-šāfān hāyəṯâ ’eṯ-yirəməyâû ləḇilətî tēṯ-’ōṯwō ḇəyaḏ-hā‘ām lahămîṯwō: f

‎1 ‏בְּרֵאשִׁ֗ית מַמְלֶ֛כֶת יְהוֹיָקִ֥ם בֶּן־יֹאושִׁיָּ֖הוּ מֶ֣לֶךְ יְהוּדָ֑ה הָיָ֞ה הַדָּבָ֤ר הַזֶּה֙ אֶֽל־יִרְמְיָ֔ה מֵאֵ֥ת יְהוָ֖ה לֵאמֹֽר׃

‎2 ‏כֹּֽה־אָמַ֤ר יְהוָה֙ אֵלַ֔י עֲשֵׂ֣ה לְךָ֔ מוֹסֵר֖וֹת וּמֹט֑וֹת וּנְתַתָּ֖ם עַל־צַוָּארֶֽךָ׃

‎3 ‏וְשִׁלַּחְתָּם֩ אֶל־מֶ֨לֶךְ אֱד֜וֹם וְאֶל־מֶ֣לֶךְ מוֹאָ֗ב וְאֶל־מֶ֙לֶךְ֙ בְּנֵ֣י עַמּ֔וֹן וְאֶל־מֶ֥לֶךְ צֹ֖ר וְאֶל־מֶ֣לֶךְ צִיד֑וֹן בְּיַ֤ד מַלְאָכִים֙ הַבָּאִ֣ים יְרוּשָׁלִַ֔ם אֶל־צִדְקִיָּ֖הוּ מֶ֥לֶךְ יְהוּדָֽה׃

‎4 ‏וְצִוִּיתָ֣ אֹתָ֔ם אֶל־אֲדֹֽנֵיהֶ֖ם לֵאמֹ֑ר כֹּֽה־אָמַ֞ר יְהוָ֤ה צְבָאוֹת֙ אֱלֹהֵ֣י יִשְׂרָאֵ֔ל כֹּ֥ה תֹֽאמְר֖וּ אֶל־אֲדֹֽנֵיכֶֽם׃

‎5 ‏אָנֹכִ֞י עָשִׂ֣יתִי אֶת־הָאָ֗רֶץ אֶת־הָאָדָ֤ם וְאֶת־הַבְּהֵמָה֙ אֲשֶׁר֙ עַל־פְּנֵ֣י הָאָ֔רֶץ בְּכֹחִי֙ הַגָּד֔וֹל וּבִזְרוֹעִ֖י הַנְּטוּיָ֑ה וּנְתַתִּ֕יהָ לַאֲשֶׁ֖ר יָשַׁ֥ר בְּעֵינָֽי׃

‎6 ‏וְעַתָּ֗ה אָֽנֹכִי֙ נָתַ֙תִּי֙ אֶת־כָּל־הָאֲרָצ֣וֹת הָאֵ֔לֶּה בְּיַ֛ד נְבוּכַדְנֶאצַּ֥ר מֶֽלֶךְ־בָּבֶ֖ל עַבְדִּ֑י וְגַם֙ אֶת־חַיַּ֣ת הַשָּׂדֶ֔ה נָתַ֥תִּי ל֖וֹ לְעָבְדֽוֹ׃

‎7 ‏וְעָבְד֤וּ אֹתוֹ֙ כָּל־הַגּוֹיִ֔ם וְאֶת־בְּנ֖וֹ וְאֶֽת־בֶּן־בְּנ֑וֹ עַ֣ד בֹּא־עֵ֤ת אַרְצוֹ֙ גַּם־ה֔וּא וְעָ֤בְדוּ בוֹ֙ גּוֹיִ֣ם רַבִּ֔ים וּמְלָכִ֖ים גְּדֹלִֽים׃

‎8 ‏וְהָיָ֨ה הַגּ֜וֹי וְהַמַּמְלָכָ֗ה אֲשֶׁ֨ר לֹֽא־יַעַבְד֤וּ אֹתוֹ֙ אֶת־נְבוּכַדְנֶאצַּ֣ר מֶֽלֶךְ־בָּבֶ֔ל וְאֵ֨ת אֲשֶׁ֤ר לֹֽא־יִתֵּן֙ אֶת־צַוָּאר֔וֹ בְּעֹ֖ל מֶ֣לֶךְ בָּבֶ֑ל בַּחֶרֶב֩ וּבָרָעָ֨ב וּבַדֶּ֜בֶר אֶפְקֹ֨ד עַל־הַגּ֤וֹי הַהוּא֙ נְאֻם־יְהוָ֔ה עַד־תֻּמִּ֥י אֹתָ֖ם בְּיָדֽוֹ׃

‎9 ‏וְ֠אַתֶּם אַל־תִּשְׁמְע֨וּ אֶל־נְבִיאֵיכֶ֜ם וְאֶל־קֹֽסְמֵיכֶ֗ם וְאֶל֙ חֲלֹמֹ֣תֵיכֶ֔ם וְאֶל־עֹֽנְנֵיכֶ֖ם וְאֶל־כַּשָּׁפֵיכֶ֑ם אֲשֶׁר־הֵ֞ם אֹמְרִ֤ים אֲלֵיכֶם֙ לֵאמֹ֔ר לֹ֥א תַעַבְד֖וּ אֶת־מֶ֥לֶךְ בָּבֶֽל׃

‎10 ‏כִּ֣י שֶׁ֔קֶר הֵ֖ם נִבְּאִ֣ים לָכֶ֑ם לְמַ֨עַן הַרְחִ֤יק אֶתְכֶם֙ מֵעַ֣ל אַדְמַתְכֶ֔ם וְהִדַּחְתִּ֥י אֶתְכֶ֖ם וַאֲבַדְתֶּֽם׃

‎11 ‏וְהַגּ֗וֹי אֲשֶׁ֨ר יָבִ֧יא אֶת־צַוָּאר֛וֹ בְּעֹ֥ל מֶֽלֶךְ־בָּבֶ֖ל וַֽעֲבָד֑וֹ וְהִנַּחְתִּ֤יו עַל־אַדְמָתוֹ֙ נְאֻם־יְהוָ֔ה וַֽעֲבָדָ֖הּ וְיָ֥שַׁב בָּֽהּ׃

‎12 ‏וְאֶל־צִדְקִיָּ֤ה מֶֽלֶךְ־יְהוּדָה֙ דִּבַּ֔רְתִּי כְּכָל־הַדְּבָרִ֥ים הָאֵ֖לֶּה לֵאמֹ֑ר הָבִ֨יאוּ אֶת־צַוְּארֵיכֶ֜ם בְּעֹ֣ל מֶֽלֶךְ־בָּבֶ֗ל וְעִבְד֥וּ אֹת֛וֹ וְעַמּ֖וֹ וִֽחְיֽוּ׃

‎13 ‏לָ֤מָּה תָמ֙וּתוּ֙ אַתָּ֣ה וְעַמֶּ֔ךָ בַּחֶ֖רֶב בָּרָעָ֣ב וּבַדָּ֑בֶר֙ כַּֽאֲשֶׁר֙ דִּבֶּ֣ר יְהוָ֔ה אֶל־הַגּ֕וֹי אֲשֶׁ֥ר לֹֽא־יַעֲבֹ֖ד אֶת־מֶ֥לֶךְ בָּבֶֽל׃

‎14 ‏וְאַֽל־תִּשְׁמְע֞וּ אֶל־דִּבְרֵ֣י הַנְּבִאִ֗ים הָאֹמְרִ֤ים אֲלֵיכֶם֙ לֵאמֹ֔ר לֹ֥א תַעַבְד֖וּ אֶת־מֶ֣לֶךְ בָּבֶ֑ל כִּ֣י שֶׁ֔קֶר הֵ֖ם נִבְּאִ֥ים לָכֶֽם׃

‎15 ‏כִּ֣י לֹ֤א שְׁלַחְתִּים֙ נְאֻם־יְהוָ֔ה וְהֵ֛ם נִבְּאִ֥ים בִּשְׁמִ֖י לַשָּׁ֑קֶר לְמַ֨עַן הַדִּיחִ֤י אֶתְכֶם֙ וַאֲבַדְתֶּ֔ם אַתֶּ֕ם וְהַנְּבִאִ֖ים הַֽנִּבְּאִ֥ים לָכֶֽם׃

‎16 ‏וְאֶל־הַכֹּהֲנִים֩ וְאֶל־כָּל־הָעָ֨ם הַזֶּ֜ה דִּבַּ֣רְתִּי לֵאמֹ֗ר כֹּה֮ אָמַ֣ר יְהוָה֒ אַֽל־תִּשְׁמְע֞וּ אֶל־דִּבְרֵ֣י נְבִֽיאֵיכֶ֗ם הַֽנִּבְּאִ֤ים לָכֶם֙ לֵאמֹ֔ר הִנֵּ֨ה כְלֵ֧י בֵית־יְהוָ֛ה מוּשָׁבִ֥ים מִבָּבֶ֖לָה עַתָּ֣ה מְהֵרָ֑ה כִּ֣י שֶׁ֔קֶר הֵ֖מָּה נִבְּאִ֥ים לָכֶֽם׃

‎17 ‏אַל־תִּשְׁמְע֣וּ אֲלֵיהֶ֔ם עִבְד֥וּ אֶת־מֶֽלֶךְ־בָּבֶ֖ל וִֽחְי֑וּ לָ֧מָּה תִֽהְיֶ֛ה הָעִ֥יר הַזֹּ֖את חָרְבָּֽה׃

‎18 ‏וְאִם־נְבִאִ֣ים הֵ֔ם וְאִם־יֵ֥שׁ דְּבַר־יְהוָ֖ה אִתָּ֑ם יִפְגְּעוּ־נָא֙ בַּֽיהוָ֣ה צְבָא֔וֹת לְבִלְתִּי־בֹ֜אוּ הַכֵּלִ֣ים׀ הַנּוֹתָרִ֣ים בְּבֵית־יְהוָ֗ה וּבֵ֨ית מֶ֧לֶךְ יְהוּדָ֛ה וּבִירוּשָׁלִַ֖ם בָּבֶֽלָה׃ פ

‎19 ‏כִּ֣י כֹ֤ה אָמַר֙ יְהוָ֣ה צְבָא֔וֹת אֶל־הָֽעַמֻּדִ֔ים וְעַל־הַיָּ֖ם וְעַל־הַמְּכֹנ֑וֹת וְעַל֙ יֶ֣תֶר הַכֵּלִ֔ים הַנּוֹתָרִ֖ים בָּעִ֥יר הַזֹּֽאת׃

‎20 ‏אֲשֶׁ֣ר לֹֽא־לְקָחָ֗ם נְבֽוּכַדְנֶאצַּר֙ מֶ֣לֶךְ בָּבֶ֔ל בַּ֠גְלוֹתוֹ אֶת־יכוניה יְכָנְיָ֨ה^m בֶן־יְהוֹיָקִ֧ים מֶֽלֶךְ־יְהוּדָ֛ה מִירֽוּשָׁלִַ֖ם בָּבֶ֑לָה וְאֵ֛ת כָּל־חֹרֵ֥י יְהוּדָ֖ה וִירוּשָׁלִָֽם׃ ס

‎21 ‏כִּ֣י כֹ֥ה אָמַ֛ר יְהוָ֥ה צְבָא֖וֹת אֱלֹהֵ֣י יִשְׂרָאֵ֑ל עַל־הַכֵּלִ֗ים הַנּֽוֹתָרִים֙ בֵּ֣ית יְהוָ֔ה וּבֵ֥ית מֶֽלֶךְ־יְהוּדָ֖ה וִירוּשָׁלִָֽם׃

‎22 ‏בָּבֶ֥לָה יוּבָ֖אוּ וְשָׁ֣מָּה יִֽהְי֑וּ עַ֠ד י֣וֹם פָּקְדִ֤י אֹתָם֙ נְאֻם־יְהוָ֔ה וְהַֽעֲלִיתִים֙ וַהֲשִׁ֣יבֹתִ֔ים אֶל־הַמָּק֖וֹם הַזֶּֽה׃ פ

1 bərē’šîṯ maməleḵeṯ yəhwōyāqim ben-yō’wšîyâû meleḵə yəhûḏâ hāyâ hadāḇār hazzeh ’el-yirəməyâ mē’ēṯ yəhwâ lē’mōr:

2 kōh-’āmar yəhwâ ’ēlay ‘ăśēh ləḵā mwōsērwōṯ ûmōṭwōṯ ûnəṯatām ‘al-ṣaûā’reḵā:

3 wəšill^aḥətām ’el-meleḵə ’ĕḏwōm wə’el-meleḵə mwō’āḇ wə’el-meleḵə bənê ‘ammwōn wə’el-meleḵə ṣōr wə’el-meleḵə ṣîḏwōn bəyaḏ malə’āḵîm habā’îm yərûšālaim ’el-ṣiḏəqîyâû meleḵə yəhûḏâ:

4 wəṣiûîṯā ’ōṯām ’el-’ăḏōnêhem lē’mōr kōh-’āmar yəhwâ ṣəḇā’wōṯ ’ĕlōhê yiśərā’ēl kōh ṯō’mərû ’el-’ăḏōnêḵem:

5 ’ānōḵî ‘āśîṯî ’eṯ-hā’āreṣ ’eṯ-hā’āḏām wə’eṯ-habəhēmâ ’ăšer ‘al-pənê hā’āreṣ bəḵōḥî hagāḏwōl ûḇizərwō‘î hannəṭûyâ ûnəṯatîhā la’ăšer yāšar bə‘ênāy:

6 wə‘atâ ’ānōḵî nāṯatî ’eṯ-kāl-hā’ărāṣwōṯ hā’ēlleh bəyaḏ nəḇûḵaḏəne’ṣṣar meleḵə-bāḇel ‘aḇədî wəḡam ’eṯ-ḥayyaṯ haśśāḏeh nāṯatî lwō lə‘āḇəḏwō:

7 wə‘āḇəḏû ’ōṯwō kāl-hagwōyim wə’eṯ-bənwō wə’eṯ-ben-bənwō ‘aḏ bō’-‘ēṯ ’arəṣwō gam-hû’ wə‘āḇəḏû ḇwō gwōyim rabîm ûməlāḵîm gəḏōlîm:

8 wəhāyâ hagwōy wəhammaməlāḵâ ’ăšer lō’-y^a‘aḇəḏû ’ōṯwō ’eṯ-nəḇûḵaḏəne’ṣṣar meleḵə-bāḇel wə’ēṯ ’ăšer lō’-yitēn ’eṯ-ṣaûā’rwō bə‘ōl meleḵə bāḇel b^aḥereḇ ûḇārā‘āḇ ûḇadeḇer ’efəqōḏ ‘al-hagwōy hahû’ nə’um-yəhwâ ‘aḏ-tummî ’ōṯām bəyāḏwō:

9 wə’atem ’al-tišəmə‘û ’el-nəḇî’êḵem wə’el-qōsəmêḵem wə’el ḥălōmōṯêḵem wə’el-‘ōnənêḵem wə’el-kaššāfêḵem ’ăšer-hēm ’ōmərîm ’ălêḵem lē’mōr lō’ ṯ^a‘aḇəḏû ’eṯ-meleḵə bāḇel:

10 kî šeqer hēm nibə’îm lāḵem ləm^a‘an harəḥîq ’eṯəḵem mē‘al ’aḏəmaṯəḵem wəhid^aḥətî ’eṯəḵem wa’ăḇaḏətem:

11 wəhagwōy ’ăšer yāḇî’ ’eṯ-ṣaûā’rwō bə‘ōl meleḵə-bāḇel w^a‘ăḇāḏwō wəhinn^aḥətîw ‘al-’aḏəmāṯwō nə’um-yəhwâ w^a‘ăḇāḏāh wəyāšaḇ bāh:

12 wə’el-ṣiḏəqîyâ meleḵə-yəhûḏâ dibarətî kəḵāl-hadəḇārîm hā’ēlleh lē’mōr hāḇî’û ’eṯ-ṣaûə’rêḵem bə‘ōl meleḵə-bāḇel wə‘iḇəḏû ’ōṯwō wə‘ammwō wiḥəyû:

13 lāmmâ ṯāmûṯû ’atâ wə‘ammeḵā b^aḥereḇ bārā‘āḇ ûḇadāḇer ka’ăšer diber yəhwâ ’el-hagwōy ’ăšer lō’-y^a‘ăḇōḏ ’eṯ-meleḵə bāḇel:

14 wə’al-tišəmə‘û ’el-diḇərê hannəḇi’îm hā’ōmərîm ’ălêḵem lē’mōr lō’ ṯ^a‘aḇəḏû ’eṯ-meleḵə bāḇel kî šeqer hēm nibə’îm lāḵem:

15 kî lō’ šəl^aḥətîm nə’um-yəhwâ wəhēm nibə’îm bišəmî laššāqer ləm^a‘an hadîḥî ’eṯəḵem wa’ăḇaḏətem ’atem wəhannəḇi’îm hannibə’îm lāḵem:

16 wə’el-hakōhănîm wə’el-kāl-hā‘ām hazzeh dibarətî lē’mōr kōh ’āmar yəhwâ ’al-tišəmə‘û ’el-diḇərê nəḇî’êḵem hannibə’îm lāḵem lē’mōr hinnēh ḵəlê ḇêṯ-yəhwâ mûšāḇîm mibāḇelâ ‘atâ məhērâ kî šeqer hēmmâ nibə’îm lāḵem:

17 ’al-tišəmə‘û ’ălêhem ‘iḇəḏû ’eṯ-meleḵə-bāḇel wiḥəyû lāmmâ ṯihəyeh hā‘îr hazzō’ṯ ḥārəbâ:

18 wə’im-nəḇi’îm hēm wə’im-yēš dəḇar-yəhwâ ’itām yifəgə‘û-nā’ bayhwâ ṣəḇā’wōṯ ləḇilətî-ḇō’û hakēlîm| hannwōṯārîm bəḇêṯ-yəhwâ ûḇêṯ meleḵə yəhûḏâ ûḇîrûšālaim bāḇelâ: f

19 kî ḵōh ’āmar yəhwâ ṣəḇā’wōṯ ’el-hā‘ammuḏîm wə‘al-hayyām wə‘al-hamməḵōnwōṯ wə‘al yeṯer hakēlîm hannwōṯārîm bā‘îr hazzō’ṯ:

20 ’ăšer lō’-ləqāḥām nəḇûḵaḏəne’ṣṣar meleḵə bāḇel baḡəlwōṯwō ’eṯ-yəḵwōnəyâ yəḵānəyâ^m ḇen-yəhwōyāqîm meleḵə-yəhûḏâ mîrûšālaim bāḇelâ wə’ēṯ kāl-ḥōrê yəhûḏâ wîrûšālāim: s

21 kî ḵōh ’āmar yəhwâ ṣəḇā’wōṯ ’ĕlōhê yiśərā’ēl ‘al-hakēlîm hannwōṯārîm bêṯ yəhwâ ûḇêṯ meleḵə-yəhûḏâ wîrûšālāim:

22 bāḇelâ yûḇā’û wəšāmmâ yihəyû ‘aḏ ywōm pāqəḏî ’ōṯām nə’um-yəhwâ wəh^a‘ălîṯîm wahăšîḇōṯîm ’el-hammāqwōm hazzeh: f

‎1 ‏וַיְהִ֣י׀ בַּשָּׁנָ֣ה הַהִ֗יא בְּרֵאשִׁית֙ מַמְלֶ֙כֶת֙ צִדְקִיָּ֣ה מֶֽלֶךְ־יְהוּדָ֔ה בשנת בַּשָּׁנָה֙ הָֽרְבִעִ֔ית בַּחֹ֖דֶשׁ הַחֲמִישִׁ֑י אָמַ֣ר אֵלַ֡י חֲנַנְיָה֩ בֶן־עַזּ֨וּר הַנָּבִ֜יא אֲשֶׁ֤ר מִגִּבְעוֹן֙ בְּבֵ֣ית יְהוָ֔ה לְעֵינֵ֧י הַכֹּהֲנִ֛ים וְכָל־הָעָ֖ם לֵאמֹֽר׃

‎2 ‏כֹּֽה־אָמַ֞ר יְהוָ֧ה צְבָא֛וֹת אֱלֹהֵ֥י יִשְׂרָאֵ֖ל לֵאמֹ֑ר שָׁבַ֞רְתִּי אֶת־עֹ֖ל מֶ֥לֶךְ בָּבֶֽל׃

‎3 ‏בְּע֣וֹד׀ שְׁנָתַ֣יִם יָמִ֗ים אֲנִ֤י מֵשִׁיב֙ אֶל־הַמָּק֣וֹם הַזֶּ֔ה אֶֽת־כָּל־כְּלֵ֖י בֵּ֣ית יְהוָ֑ה אֲשֶׁ֨ר לָקַ֜ח נְבוּכַדנֶאצַּ֤ר¹ מֶֽלֶךְ־בָּבֶל֙ מִן־הַמָּק֣וֹם הַזֶּ֔ה וַיְבִיאֵ֖ם בָּבֶֽל׃

‎4 ‏וְאֶת־יְכָנְיָ֣ה בֶן־יְהוֹיָקִ֣ים מֶֽלֶךְ־יְ֠הוּדָה וְאֶת־כָּל־גָּל֨וּת יְהוּדָ֜ה הַבָּאִ֣ים בָּבֶ֗לָה אֲנִ֥י מֵשִׁ֛יב אֶל־הַמָּק֥וֹם הַזֶּ֖ה נְאֻם־יְהוָ֑ה כִּ֣י אֶשְׁבֹּ֔ר אֶת־עֹ֖ל מֶ֥לֶךְ בָּבֶֽל׃

‎5 ‏וַיֹּ֙אמֶר֙ יִרְמְיָ֣ה הַנָּבִ֔יא אֶל־חֲנַנְיָ֖ה הַנָּבִ֑יא לְעֵינֵ֤י הַכֹּֽהֲנִים֙ וּלְעֵינֵ֣י כָל־הָעָ֔ם הָעֹמְדִ֖ים בְּבֵ֥ית יְהוָֽה׃

‎6 ‏וַיֹּ֙אמֶר֙ יִרְמְיָ֣ה הַנָּבִ֔יא אָמֵ֕ן כֵּ֖ן יַעֲשֶׂ֣ה יְהוָ֑ה יָקֵ֤ם יְהוָה֙ אֶת־דְּבָרֶ֔יךָ אֲשֶׁ֣ר נִבֵּ֗אתָ לְהָשִׁ֞יב כְּלֵ֤י בֵית־יְהוָה֙ וְכָל־הַגּוֹלָ֔ה מִבָּבֶ֖ל אֶל־הַמָּק֥וֹם הַזֶּֽה׃

‎7 ‏אַךְ־שְׁמַֽע־נָא֙ הַדָּבָ֣ר הַזֶּ֔ה אֲשֶׁ֥ר אָנֹכִ֖י דֹּבֵ֣ר בְּאָזְנֶ֑יךָ וּבְאָזְנֵ֖י כָּל־הָעָֽם׃

‎8 ‏הַנְּבִיאִ֗ים אֲשֶׁ֨ר הָי֧וּ לְפָנַ֛י וּלְפָנֶ֖יךָ מִן־הָֽעוֹלָ֑ם וַיִּנָּ֨בְא֜וּ אֶל־אֲרָצ֤וֹת רַבּוֹת֙ וְעַל־מַמְלָכ֣וֹת גְּדֹל֔וֹת לְמִלְחָמָ֖ה וּלְרָעָ֥ה וּלְדָֽבֶר׃

‎9 ‏הַנָּבִ֕יא אֲשֶׁ֥ר יִנָּבֵ֖א לְשָׁל֑וֹם בְּבֹא֙ דְּבַ֣ר הַנָּבִ֗יא יִוָּדַע֙ הַנָּבִ֔יא אֲשֶׁר־שְׁלָח֥וֹ יְהוָ֖ה בֶּאֱמֶֽת׃

‎10 ‏וַיִּקַּ֞ח חֲנַנְיָ֤ה הַנָּבִיא֙ אֶת־הַמּוֹטָ֔ה מֵעַ֕ל צַוַּ֖אר יִרְמְיָ֣ה הַנָּבִ֑יא וַֽיִּשְׁבְּרֵֽהוּ׃

‎11 ‏וַיֹּ֣אמֶר חֲנַנְיָה֩ לְעֵינֵ֨י כָל־הָעָ֜ם לֵאמֹ֗ר כֹּה֮ אָמַ֣ר יְהוָה֒ כָּ֣כָה אֶשְׁבֹּ֞ר אֶת־עֹ֣ל׀ נְבֻֽכַדְנֶאצַּ֣ר מֶֽלֶךְ־בָּבֶ֗ל בְּעוֹד֙ שְׁנָתַ֣יִם יָמִ֔ים מֵעַ֕ל³ צַוַּ֖אר כָּל־הַגּוֹיִ֑ם וַיֵּ֛לֶךְ יִרְמְיָ֥ה הַנָּבִ֖יא לְדַרְכּֽוֹ׃ פ

‎12 ‏וַיְהִ֥י דְבַר־יְהוָ֖ה אֶֽל־יִרְמְיָ֑ה אַ֠חֲרֵי שְׁב֞וֹר חֲנַנְיָ֤ה הַנָּבִיא֙ אֶת־הַמּוֹטָ֔ה מֵעַ֗ל צַוַּ֛אר יִרְמְיָ֥ה הַנָּבִ֖יא לֵאמֹֽר׃

‎13 ‏הָלוֹךְ֩ וְאָמַרְתָּ֨ אֶל־חֲנַנְיָ֜ה לֵאמֹ֗ר כֹּ֚ה אָמַ֣ר יְהוָ֔ה מוֹטֹ֥ת עֵ֖ץ שָׁבָ֑רְתָּ וְעָשִׂ֥יתָ תַחְתֵּיהֶ֖ן מֹט֥וֹת בַּרְזֶֽל׃

‎14 ‏כִּ֣י כֹֽה־אָמַר֩ יְהוָ֨ה צְבָא֜וֹת אֱלֹהֵ֣י יִשְׂרָאֵ֗ל עֹ֣ל בַּרְזֶ֡ל נָתַ֜תִּי עַל־צַוַּ֣אר׀ כָּל־הַגּוֹיִ֣ם הָאֵ֗לֶּה לַעֲבֹ֛ד אֶת־נְבֻכַדְנֶאצַּ֥ר מֶֽלֶךְ־בָּבֶ֖ל וַעֲבָדֻ֑הוּ וְגַ֛ם אֶת־חַיַּ֥ת הַשָּׂדֶ֖ה נָתַ֥תִּי לֽוֹ׃

‎15 ‏וַיֹּ֨אמֶר יִרְמְיָ֧ה הַנָּבִ֛יא אֶל־חֲנַנְיָ֥ה הַנָּבִ֖יא שְׁמַֽע־נָ֣א חֲנַנְיָ֑ה לֹֽא־שְׁלָחֲךָ֣ יְהוָ֔ה וְאַתָּ֗ה הִבְטַ֛חְתָּ אֶת־הָעָ֥ם הַזֶּ֖ה עַל־שָֽׁקֶר׃

‎16 ‏לָכֵ֗ן כֹּ֚ה אָמַ֣ר יְהוָ֔ה הִנְנִי֙ מְשַֽׁלֵּֽחֲךָ֔ מֵעַ֖ל פְּנֵ֣י הָאֲדָמָ֑ה הַשָּׁנָה֙ אַתָּ֣ה מֵ֔ת כִּֽי־סָרָ֥ה דִבַּ֖רְתָּ אֶל־יְהוָֽה׃

‎17 ‏וַיָּ֛מָת חֲנַנְיָ֥ה הַנָּבִ֖יא בַּשָּׁנָ֣ה הַהִ֑יא בַּחֹ֖דֶשׁ הַשְּׁבִיעִֽי׃ פ

1 wayəhî| baššānâ hahî’ bərē’šîṯ maməleḵeṯ ṣiḏəqîyâ meleḵə-yəhûḏâ bišənaṯ baššānâ hārəḇi‘îṯ b^aḥōḏeš h^aḥămîšî ’āmar ’ēlay ḥănanəyâ ḇen-‘azzûr hannāḇî’ ’ăšer migiḇə‘wōn bəḇêṯ yəhwâ lə‘ênê hakōhănîm wəḵāl-hā‘ām lē’mōr:

2 kōh-’āmar yəhwâ ṣəḇā’wōṯ ’ĕlōhê yiśərā’ēl lē’mōr šāḇarətî ’eṯ-‘ōl meleḵə bāḇel:

3 bə‘wōḏ| šənāṯayim yāmîm ’ănî mēšîḇ ’el-hammāqwōm hazzeh ’eṯ-kāl-kəlê bêṯ yəhwâ ’ăšer lāq^aḥ nəḇûḵaḏne’ṣṣar¹ meleḵə-bāḇel min-hammāqwōm hazzeh wayəḇî’ēm bāḇel:

4 wə’eṯ-yəḵānəyâ ḇen-yəhwōyāqîm meleḵə-yəhûḏâ wə’eṯ-kāl-gālûṯ yəhûḏâ habā’îm bāḇelâ ’ănî mēšîḇ ’el-hammāqwōm hazzeh nə’um-yəhwâ kî ’ešəbōr ’eṯ-‘ōl meleḵə bāḇel:

5 wayyō’mer yirəməyâ hannāḇî’ ’el-ḥănanəyâ hannāḇî’ lə‘ênê hakōhănîm ûlə‘ênê ḵāl-hā‘ām hā‘ōməḏîm bəḇêṯ yəhwâ:

6 wayyō’mer yirəməyâ hannāḇî’ ’āmēn kēn y^a‘ăśeh yəhwâ yāqēm yəhwâ ’eṯ-dəḇāreyḵā ’ăšer nibē’ṯā ləhāšîḇ kəlê ḇêṯ-yəhwâ wəḵāl-hagwōlâ mibāḇel ’el-hammāqwōm hazzeh:

7 ’aḵə-šəm^a‘-nā’ hadāḇār hazzeh ’ăšer ’ānōḵî dōḇēr bə’āzəneyḵā ûḇə’āzənê kāl-hā‘ām:

8 hannəḇî’îm ’ăšer hāyû ləfānay ûləfāneyḵā min-hā‘wōlām wayyinnāḇə’û ’el-’ărāṣwōṯ rabwōṯ wə‘al-maməlāḵwōṯ gəḏōlwōṯ ləmiləḥāmâ ûlərā‘â ûləḏāḇer:

9 hannāḇî’ ’ăšer yinnāḇē’ ləšālwōm bəḇō’ dəḇar hannāḇî’ yiûāḏ^a‘ hannāḇî’ ’ăšer-šəlāḥwō yəhwâ be’ĕmeṯ:

10 wayyiqq^aḥ ḥănanəyâ hannāḇî’ ’eṯ-hammwōṭâ mē‘al ṣaûa’r yirəməyâ hannāḇî’ wayyišəbərēhû:

11 wayyō’mer ḥănanəyâ lə‘ênê ḵāl-hā‘ām lē’mōr kōh ’āmar yəhwâ kāḵâ ’ešəbōr ’eṯ-‘ōl| nəḇuḵaḏəne’ṣṣar meleḵə-bāḇel bə‘wōḏ šənāṯayim yāmîm mē‘al³ ṣaûa’r kāl-hagwōyim wayyēleḵə yirəməyâ hannāḇî’ ləḏarəkwō: f

12 wayəhî ḏəḇar-yəhwâ ’el-yirəməyâ ’^aḥărê šəḇwōr ḥănanəyâ hannāḇî’ ’eṯ-hammwōṭâ mē‘al ṣaûa’r yirəməyâ hannāḇî’ lē’mōr:

13 hālwōḵə wə’āmarətā ’el-ḥănanəyâ lē’mōr kōh ’āmar yəhwâ mwōṭōṯ ‘ēṣ šāḇārətā wə‘āśîṯā ṯ^aḥətêhen mōṭwōṯ barəzel:

14 kî ḵōh-’āmar yəhwâ ṣəḇā’wōṯ ’ĕlōhê yiśərā’ēl ‘ōl barəzel nāṯatî ‘al-ṣaûa’r| kāl-hagwōyim hā’ēlleh l^a‘ăḇōḏ ’eṯ-nəḇuḵaḏəne’ṣṣar meleḵə-bāḇel w^a‘ăḇāḏuhû wəḡam ’eṯ-ḥayyaṯ haśśāḏeh nāṯatî lwō:

15 wayyō’mer yirəməyâ hannāḇî’ ’el-ḥănanəyâ hannāḇî’ šəm^a‘-nā’ ḥănanəyâ lō’-šəlāḥăḵā yəhwâ wə’atâ hiḇəṭ^aḥətā ’eṯ-hā‘ām hazzeh ‘al-šāqer:

16 lāḵēn kōh ’āmar yəhwâ hinənî məšallēḥăḵā mē‘al pənê hā’ăḏāmâ haššānâ ’atâ mēṯ kî-sārâ ḏibarətā ’el-yəhwâ:

17 wayyāmāṯ ḥănanəyâ hannāḇî’ baššānâ hahî’ b^aḥōḏeš haššəḇî‘î: f

‎1 ‏וְאֵ֙לֶּה֙ דִּבְרֵ֣י הַסֵּ֔פֶר אֲשֶׁ֥ר שָׁלַ֛ח יִרְמְיָ֥ה הַנָּבִ֖יא מִירוּשָׁלִָ֑ם אֶל־יֶ֜תֶר זִקְנֵ֣י הַגּוֹלָ֗ה וְאֶל־הַכֹּהֲנִ֤ים וְאֶל־הַנְּבִיאִים֙ וְאֶל־כָּל־הָעָ֔ם אֲשֶׁ֨ר הֶגְלָ֧ה נְבֽוּכַדְנֶאצַּ֛ר מִירוּשָׁלִַ֖ם בָּבֶֽלָה׃

‎2 ‏אַחֲרֵ֣י צֵ֣את יְכָנְיָֽה־הַ֠מֶּלֶךְ וְהַגְּבִירָ֨ה וְהַסָּרִיסִ֜ים שָׂרֵ֨י יְהוּדָ֧ה וִירוּשָׁלִַ֛ם וְהֶחָרָ֥שׁ וְהַמַּסְגֵּ֖ר מִירוּשָׁלִָֽם׃

‎3 ‏בְּיַד֙ אֶלְעָשָׂ֣ה בֶן־שָׁפָ֔ן וּגְמַרְיָ֖ה בֶּן־חִלְקִיָּ֑ה אֲשֶׁ֨ר שָׁלַ֜ח צִדְקִיָּ֣ה מֶֽלֶךְ־יְהוּדָ֗ה אֶל־נְבוּכַדְנֶאצַּ֛ר מֶ֥לֶךְ בָּבֶ֖ל בָּבֶ֥לָה לֵאמֹֽר׃ ס

‎4 ‏כֹּ֥ה אָמַ֛ר יְהוָ֥ה צְבָא֖וֹת אֱלֹהֵ֣י יִשְׂרָאֵ֑ל לְכָל־הַ֨גּוֹלָ֔ה אֲשֶׁר־הִגְלֵ֥יתִי מִירוּשָׁלִַ֖ם בָּבֶֽלָה׃

‎5 ‏בְּנ֥וּ בָתִּ֖ים וְשֵׁ֑בוּ וְנִטְע֣וּ גַנּ֔וֹת וְאִכְל֖וּ אֶת־פִּרְיָֽן׃

‎6 ‏קְח֣וּ נָשִׁ֗ים וְהוֹלִידוּ֮ בָּנִ֣ים וּבָנוֹת֒ וּקְח֨וּ לִבְנֵיכֶ֜ם נָשִׁ֗ים וְאֶת־בְּנֽוֹתֵיכֶם֙ תְּנ֣וּ לַֽאֲנָשִׁ֔ים וְתֵלַ֖דְנָה בָּנִ֣ים וּבָנ֑וֹת וּרְבוּ־שָׁ֖ם וְאַל־תִּמְעָֽטוּ׃

‎7 ‏וְדִרְשׁ֞וּ אֶת־שְׁל֣וֹם הָעִ֗יר אֲשֶׁ֨ר הִגְלֵ֤יתִי אֶתְכֶם֙ שָׁ֔מָּה וְהִתְפַּֽלְל֥וּ בַעֲדָ֖הּ אֶל־יְהוָ֑ה כִּ֣י בִשְׁלוֹמָ֔הּ יִהְיֶ֥ה לָכֶ֖ם שָׁלֽוֹם׃ פ

‎8 ‏כִּי֩ כֹ֨ה אָמַ֜ר יְהוָ֤ה צְבָאוֹת֙ אֱלֹהֵ֣י יִשְׂרָאֵ֔ל אַל־יַשִּׁ֧יאוּ לָכֶ֛ם נְבִֽיאֵיכֶ֥ם אֲשֶׁר־בְּקִרְבְּכֶ֖ם וְקֹֽסְמֵיכֶ֑ם וְאַֽל־תִּשְׁמְעוּ֙ אֶל־חֲלֹמֹ֣תֵיכֶ֔ם אֲשֶׁ֥ר אַתֶּ֖ם מַחְלְמִֽים׃

‎9 ‏כִּ֣י בְשֶׁ֔קֶר הֵ֛ם נִבְּאִ֥ים לָכֶ֖ם בִּשְׁמִ֑י לֹ֥א שְׁלַחְתִּ֖ים נְאֻם־יְהוָֽה׃ ס

‎10 ‏כִּֽי־כֹה֙ אָמַ֣ר יְהוָ֔ה כִּ֠י לְפִ֞י מְלֹ֧את לְבָבֶ֛ל שִׁבְעִ֥ים שָׁנָ֖ה אֶפְקֹ֣ד אֶתְכֶ֑ם וַהֲקִמֹתִ֤י עֲלֵיכֶם֙ אֶת־דְּבָרִ֣י הַטּ֔וֹב לְהָשִׁ֣יב אֶתְכֶ֔ם אֶל־הַמָּק֖וֹם הַזֶּֽה׃

‎11 ‏כִּי֩ אָנֹכִ֨י יָדַ֜עְתִּי אֶת־הַמַּחֲשָׁבֹ֗ת אֲשֶׁ֧ר אָנֹכִ֛י חֹשֵׁ֥ב עֲלֵיכֶ֖ם נְאֻם־יְהוָ֑ה מַחְשְׁב֤וֹת שָׁלוֹם֙ וְלֹ֣א לְרָעָ֔ה לָתֵ֥ת לָכֶ֖ם אַחֲרִ֥ית וְתִקְוָֽה׃

‎12 ‏וּקְרָאתֶ֤ם אֹתִי֙ וַֽהֲלַכְתֶּ֔ם וְהִתְפַּלַּלְתֶּ֖ם אֵלָ֑י וְשָׁמַעְתִּ֖י אֲלֵיכֶֽם׃

‎13 ‏וּבִקַּשְׁתֶּ֥ם אֹתִ֖י וּמְצָאתֶ֑ם כִּ֥י תִדְרְשֻׁ֖נִי בְּכָל־לְבַבְכֶֽם׃

‎14 ‏וְנִמְצֵ֣אתִי לָכֶם֮ נְאֻם־יְהוָה֒ וְשַׁבְתִּ֣י אֶת־שביתכם שְׁבוּתְכֶ֗ם וְקִבַּצְתִּ֣י אֶ֠תְכֶם מִֽכָּל־הַגּוֹיִ֞ם וּמִכָּל־הַמְּקוֹמ֗וֹת אֲשֶׁ֨ר הִדַּ֧חְתִּי אֶתְכֶ֛ם שָׁ֖ם נְאֻם־יְהוָ֑ה וַהֲשִׁבֹתִ֣י אֶתְכֶ֔ם אֶל־הַ֨מָּק֔וֹם אֲשֶׁר־הִגְלֵ֥יתִי אֶתְכֶ֖ם מִשָּֽׁם׃

‎15 ‏כִּ֖י אֲמַרְתֶּ֑ם הֵקִ֨ים לָ֧נוּ יְהוָ֛ה נְבִאִ֖ים בָּבֶֽלָה׃ ס

‎16 ‏כִּי־כֹ֣ה׀ אָמַ֣ר יְהוָ֗ה אֶל־הַמֶּ֙לֶךְ֙ הַיּוֹשֵׁב֙ אֶל־כִּסֵּ֣א דָוִ֔ד וְאֶל־כָּל־הָעָ֔ם הַיּוֹשֵׁ֖ב בָּעִ֣יר הַזֹּ֑את אֲחֵיכֶ֕ם אֲשֶׁ֛ר לֹֽא־יָצְא֥וּ אִתְּכֶ֖ם בַּגּוֹלָֽה׃

‎17 ‏כֹּ֤ה אָמַר֙ יְהוָ֣ה צְבָא֔וֹת הִנְנִי֙ מְשַׁלֵּ֣חַ בָּ֔ם אֶת־הַחֶ֖רֶב אֶת־הָרָעָ֣ב וְאֶת־הַדָּ֑בֶר וְנָתַתִּ֣י אוֹתָ֗ם כַּתְּאֵנִים֙ הַשֹּׁ֣עָרִ֔ים אֲשֶׁ֥ר לֹא־תֵאָכַ֖לְנָה מֵרֹֽעַ׃

‎18 ‏וְרָֽדַפְתִּי֙ אַֽחֲרֵיהֶ֔ם בַּחֶ֖רֶב בָּרָעָ֣ב וּבַדָּ֑בֶר וּנְתַתִּ֨ים לזועה לְזַעֲוָ֜ה לְכֹ֣ל׀ מַמְלְכ֣וֹת הָאָ֗רֶץ לְאָלָ֤ה וּלְשַׁמָּה֙ וְלִשְׁרֵקָ֣ה וּלְחֶרְפָּ֔ה בְּכָל־הַגּוֹיִ֖ם אֲשֶׁר־הִדַּחְתִּ֥ים שָֽׁם׃

‎19 ‏תַּ֛חַת אֲשֶֽׁר־לֹא־שָׁמְע֥וּ אֶל־דְּבָרַ֖י נְאֻם־יְהוָ֑ה אֲשֶׁר֩ שָׁלַ֨חְתִּי אֲלֵיהֶ֜ם אֶת־עֲבָדַ֤י הַנְּבִאִים֙ הַשְׁכֵּ֣ם וְשָׁלֹ֔חַ וְלֹ֥א שְׁמַעְתֶּ֖ם נְאֻם־יְהוָֽה׃

‎20 ‏וְאַתֶּ֖ם שִׁמְע֣וּ דְבַר־יְהוָ֑ה כָּל־הַ֨גּוֹלָ֔ה אֲשֶׁר־שִׁלַּ֥חְתִּי מִירוּשָׁלִַ֖ם בָּבֶֽלָה׃ ס

‎21 ‏כֹּֽה־אָמַר֩ יְהוָ֨ה צְבָא֜וֹת אֱלֹהֵ֣י יִשְׂרָאֵ֗ל אֶל־אַחְאָ֤ב בֶּן־קֽוֹלָיָה֙ וְאֶל־צִדְקִיָּ֣הוּ בֶן־מַֽעֲשֵׂיָ֔ה הַֽנִּבְּאִ֥ים לָכֶ֛ם בִּשְׁמִ֖י שָׁ֑קֶר הִנְנִ֣י׀ נֹתֵ֣ן אֹתָ֗ם בְּיַד֙ נְבֽוּכַדְרֶאצַּ֣ר מֶֽלֶךְ־בָּבֶ֔ל וְהִכָּ֖ם לְעֵינֵיכֶֽם׃

‎22 ‏וְלֻקַּ֤ח מֵהֶם֙ קְלָלָ֔ה לְכֹל֙ גָּל֣וּת יְהוּדָ֔ה אֲשֶׁ֥ר בְּבָבֶ֖ל לֵאמֹ֑ר יְשִֽׂמְךָ֤ יְהוָה֙ כְּצִדְקִיָּ֣הוּ וּכְאֶחָ֔ב אֲשֶׁר־קָלָ֥ם מֶֽלֶךְ־בָּבֶ֖ל בָּאֵֽשׁ׃

‎23 ‏יַ֡עַן אֲשֶׁר֩ עָשׂ֨וּ נְבָלָ֜ה בְּיִשְׂרָאֵ֗ל וַיְנַֽאֲפוּ֙ אֶת־נְשֵׁ֣י רֵֽעֵיהֶ֔ם וַיְדַבְּר֨וּ דָבָ֤ר בִּשְׁמִי֙ שֶׁ֔קֶר אֲשֶׁ֖ר ל֣וֹא צִוִּיתִ֑ם וְאָנֹכִ֛י הוידע הַיּוֹדֵ֥עַ וָעֵ֖ד נְאֻם־יְהוָֽה׃ ס

‎24 ‏וְאֶל־שְׁמַעְיָ֥הוּ הַנֶּחֱלָמִ֖י תֹּאמַ֥ר לֵאמֹֽר׃

‎25 ‏כֹּֽה־אָמַ֞ר יְהוָ֧ה צְבָא֛וֹת אֱלֹהֵ֥י יִשְׂרָאֵ֖ל לֵאמֹ֑ר יַ֡עַן אֲשֶׁ֣ר אַתָּה֩ שָׁלַ֨חְתָּ בְשִׁמְכָ֜ה סְפָרִ֗ים אֶל־כָּל־הָעָם֙ אֲשֶׁ֣ר בִּירוּשָׁלִַ֔ם וְאֶל־צְפַנְיָ֤ה בֶן־מַֽעֲשֵׂיָה֙ הַכֹּהֵ֔ן וְאֶ֥ל כָּל־הַכֹּהֲנִ֖ים לֵאמֹֽר׃

‎26 ‏יְהוָ֞ה נְתָנְךָ֣ כֹהֵ֗ן תַּ֚חַת יְהוֹיָדָ֣ע הַכֹּהֵ֔ן לִֽהְי֤וֹת פְּקִדִים֙ בֵּ֣ית יְהוָ֔ה לְכָל־אִ֥ישׁ מְשֻׁגָּ֖ע וּמִתְנַבֵּ֑א וְנָתַתָּ֥ה אֹת֛וֹ אֶל־הַמַּהְפֶּ֖כֶת וְאֶל־הַצִּינֹֽק׃

‎27 ‏וְעַתָּ֗ה לָ֚מָּה לֹ֣א גָעַ֔רְתָּ בְּיִרְמְיָ֖הוּ הָֽעֲנְּתֹתִ֑י הַמִּתְנַבֵּ֖א לָכֶֽם׃

‎28 ‏כִּ֣י עַל־כֵּ֞ן שָׁלַ֥ח אֵלֵ֛ינוּ בָּבֶ֥ל לֵאמֹ֖ר אֲרֻכָּ֣ה הִ֑יא בְּנ֤וּ בָתִּים֙ וְשֵׁ֔בוּ וְנִטְע֣וּ גַנּ֔וֹת וְאִכְל֖וּ אֶת־פְּרִיהֶֽן׃

‎29 ‏וַיִּקְרָ֛א צְפַנְיָ֥ה הַכֹּהֵ֖ן אֶת־הַסֵּ֣פֶר הַזֶּ֑ה בְּאָזְנֵ֖י יִרְמְיָ֥הוּ הַנָּבִֽיא׃ פ

‎30 ‏וַֽיְהִי֙ דְּבַר־יְהוָ֔ה אֶֽל־יִרְמְיָ֖הוּ לֵאמֹֽר׃

‎31 ‏שְׁלַ֤ח עַל־כָּל־הַגּוֹלָה֙ לֵאמֹ֔ר כֹּ֚ה אָמַ֣ר יְהוָ֔ה אֶל־שְׁמַעְיָ֖ה הַנֶּחֱלָמִ֑י יַ֡עַן אֲשֶׁר֩ נִבָּ֨א לָכֶ֜ם שְׁמַעְיָ֗ה וַֽאֲנִי֙ לֹ֣א שְׁלַחְתִּ֔יו וַיַּבְטַ֥ח אֶתְכֶ֖ם עַל־שָֽׁקֶר׃

‎32 ‏לָכֵ֞ן כֹּֽה־אָמַ֣ר יְהוָ֗ה הִנְנִ֨י פֹקֵ֜ד עַל־שְׁמַעְיָ֣ה הַנֶּחֱלָמִי֮ וְעַל־זַרְעוֹ֒ לֹא־יִהְיֶ֨ה ל֜וֹ אִ֣ישׁ׀ יוֹשֵׁ֣ב׀ בְּתוֹךְ־הָעָ֣ם הַזֶּ֗ה וְלֹֽא־יִרְאֶ֥ה בַטּ֛וֹב אֲשֶׁר־אֲנִ֥י עֹשֶֽׂה־לְעַמִּ֖י נְאֻם־יְהוָ֑ה כִּֽי־סָרָ֥ה דִבֶּ֖ר עַל־יְהוָֽה׃ ס

1 wə’ēlleh diḇərê hassēfer ’ăšer šāl^aḥ yirəməyâ hannāḇî’ mîrûšālāim ’el-yeṯer ziqənê hagwōlâ wə’el-hakōhănîm wə’el-hannəḇî’îm wə’el-kāl-hā‘ām ’ăšer heḡəlâ nəḇûḵaḏəne’ṣṣar mîrûšālaim bāḇelâ:

2 ’^aḥărê ṣē’ṯ yəḵānəyâ-hammeleḵə wəhagəḇîrâ wəhassārîsîm śārê yəhûḏâ wîrûšālaim wəheḥārāš wəhammasəgēr mîrûšālāim:

3 bəyaḏ ’elə‘āśâ ḇen-šāfān ûḡəmarəyâ ben-ḥiləqîyâ ’ăšer šāl^aḥ ṣiḏəqîyâ meleḵə-yəhûḏâ ’el-nəḇûḵaḏəne’ṣṣar meleḵə bāḇel bāḇelâ lē’mōr: s

4 kōh ’āmar yəhwâ ṣəḇā’wōṯ ’ĕlōhê yiśərā’ēl ləḵāl-hagwōlâ ’ăšer-hiḡəlêṯî mîrûšālaim bāḇelâ:

5 bənû ḇātîm wəšēḇû wəniṭə‘û ḡannwōṯ wə’iḵəlû ’eṯ-pirəyān:

6 qəḥû nāšîm wəhwōlîḏû bānîm ûḇānwōṯ ûqəḥû liḇənêḵem nāšîm wə’eṯ-bənwōṯêḵem tənû la’ănāšîm wəṯēlaḏənâ bānîm ûḇānwōṯ ûrəḇû-šām wə’al-timə‘āṭû:

7 wəḏirəšû ’eṯ-šəlwōm hā‘îr ’ăšer hiḡəlêṯî ’eṯəḵem šāmmâ wəhiṯəpaləlû ḇ^a‘ăḏāh ’el-yəhwâ kî ḇišəlwōmāh yihəyeh lāḵem šālwōm: f

8 kî ḵōh ’āmar yəhwâ ṣəḇā’wōṯ ’ĕlōhê yiśərā’ēl ’al-yaššî’û lāḵem nəḇî’êḵem ’ăšer-bəqirəbəḵem wəqōsəmêḵem wə’al-tišəmə‘û ’el-ḥălōmōṯêḵem ’ăšer ’atem m^aḥələmîm:

9 kî ḇəšeqer hēm nibə’îm lāḵem bišəmî lō’ šəl^aḥətîm nə’um-yəhwâ: s

10 kî-ḵōh ’āmar yəhwâ kî ləfî məlō’ṯ ləḇāḇel šiḇə‘îm šānâ ’efəqōḏ ’eṯəḵem wahăqimōṯî ‘ălêḵem ’eṯ-dəḇārî haṭṭwōḇ ləhāšîḇ ’eṯəḵem ’el-hammāqwōm hazzeh:

11 kî ’ānōḵî yāḏ^a‘ətî ’eṯ-hamm^aḥăšāḇōṯ ’ăšer ’ānōḵî ḥōšēḇ ‘ălêḵem nə’um-yəhwâ m^aḥəšəḇwōṯ šālwōm wəlō’ lərā‘â lāṯēṯ lāḵem ’^aḥărîṯ wəṯiqəwâ:

12 ûqərā’ṯem ’ōṯî wahălaḵətem wəhiṯəpallalətem ’ēlāy wəšām^a‘ətî ’ălêḵem:

13 ûḇiqqašətem ’ōṯî ûməṣā’ṯem kî ṯiḏərəšunî bəḵāl-ləḇaḇəḵem:

14 wəniməṣē’ṯî lāḵem nə’um-yəhwâ wəšaḇətî ’eṯ-šəḇîṯəḵem šəḇûṯəḵem wəqibaṣətî ’eṯəḵem mikāl-hagwōyim ûmikāl-hamməqwōmwōṯ ’ăšer hid^aḥətî ’eṯəḵem šām nə’um-yəhwâ wahăšiḇōṯî ’eṯəḵem ’el-hammāqwōm ’ăšer-hiḡəlêṯî ’eṯəḵem miššām:

15 kî ’ămarətem hēqîm lānû yəhwâ nəḇi’îm bāḇelâ: s

16 kî-ḵōh| ’āmar yəhwâ ’el-hammeleḵə hayywōšēḇ ’el-kissē’ ḏāwiḏ wə’el-kāl-hā‘ām hayywōšēḇ bā‘îr hazzō’ṯ ’ăḥêḵem ’ăšer lō’-yāṣə’û ’itəḵem bagwōlâ:

17 kōh ’āmar yəhwâ ṣəḇā’wōṯ hinənî məšallēḥa bām ’eṯ-h^aḥereḇ ’eṯ-hārā‘āḇ wə’eṯ-hadāḇer wənāṯatî ’wōṯām katə’ēnîm haššō‘ārîm ’ăšer lō’-ṯē’āḵalənâ mērō‘a:

18 wərāḏafətî ’^aḥărêhem b^aḥereḇ bārā‘āḇ ûḇadāḇer ûnəṯatîm lizəwā‘â ləz^a‘ăwâ ləḵōl| mamələḵwōṯ hā’āreṣ lə’ālâ ûləšammâ wəlišərēqâ ûləḥerəpâ bəḵāl-hagwōyim ’ăšer-hid^aḥətîm šām:

19 t^aḥaṯ ’ăšer-lō’-šāmə‘û ’el-dəḇāray nə’um-yəhwâ ’ăšer šāl^aḥətî ’ălêhem ’eṯ-‘ăḇāḏay hannəḇi’îm hašəkēm wəšālōḥa wəlō’ šəm^a‘ətem nə’um-yəhwâ:

20 wə’atem šimə‘û ḏəḇar-yəhwâ kāl-hagwōlâ ’ăšer-šill^aḥətî mîrûšālaim bāḇelâ: s

21 kōh-’āmar yəhwâ ṣəḇā’wōṯ ’ĕlōhê yiśərā’ēl ’el-’^aḥə’āḇ ben-qwōlāyâ wə’el-ṣiḏəqîyâû ḇen-m^a‘ăśêâ hannibə’îm lāḵem bišəmî šāqer hinənî| nōṯēn ’ōṯām bəyaḏ nəḇûḵaḏəre’ṣṣar meleḵə-bāḇel wəhikām lə‘ênêḵem:

22 wəluqq^aḥ mēhem qəlālâ ləḵōl gālûṯ yəhûḏâ ’ăšer bəḇāḇel lē’mōr yəśiməḵā yəhwâ kəṣiḏəqîyâû ûḵə’eḥāḇ ’ăšer-qālām meleḵə-bāḇel bā’ēš:

23 y^a‘an ’ăšer ‘āśû nəḇālâ bəyiśərā’ēl wayəna’ăfû ’eṯ-nəšê rē‘êhem wayəḏabərû ḏāḇār bišəmî šeqer ’ăšer lwō’ ṣiûîṯim wə’ānōḵî hûyōḏē‘a hayywōḏē‘a wā‘ēḏ nə’um-yəhwâ: s

24 wə’el-šəm^a‘əyâû hanneḥĕlāmî tō’mar lē’mōr:

25 kōh-’āmar yəhwâ ṣəḇā’wōṯ ’ĕlōhê yiśərā’ēl lē’mōr y^a‘an ’ăšer ’atâ šāl^aḥətā ḇəšiməḵâ səfārîm ’el-kāl-hā‘ām ’ăšer bîrûšālaim wə’el-ṣəfanəyâ ḇen-m^a‘ăśêâ hakōhēn wə’el kāl-hakōhănîm lē’mōr:

26 yəhwâ nəṯānəḵā ḵōhēn t^aḥaṯ yəhwōyāḏā‘ hakōhēn lihəywōṯ pəqiḏîm bêṯ yəhwâ ləḵāl-’îš məšugā‘ ûmiṯənabē’ wənāṯatâ ’ōṯwō ’el-hammahəpeḵeṯ wə’el-haṣṣînōq:

27 wə‘atâ lāmmâ lō’ ḡā‘arətā bəyirəməyâû hā‘ănnəṯōṯî hammiṯənabē’ lāḵem:

28 kî ‘al-kēn šāl^aḥ ’ēlênû bāḇel lē’mōr ’ărukâ hî’ bənû ḇātîm wəšēḇû wəniṭə‘û ḡannwōṯ wə’iḵəlû ’eṯ-pərîhen:

29 wayyiqərā’ ṣəfanəyâ hakōhēn ’eṯ-hassēfer hazzeh bə’āzənê yirəməyâû hannāḇî’: f

30 wayəhî dəḇar-yəhwâ ’el-yirəməyâû lē’mōr:

31 šəl^aḥ ‘al-kāl-hagwōlâ lē’mōr kōh ’āmar yəhwâ ’el-šəm^a‘əyâ hanneḥĕlāmî y^a‘an ’ăšer nibā’ lāḵem šəm^a‘əyâ wa’ănî lō’ šəl^aḥətîw wayyaḇəṭ^aḥ ’eṯəḵem ‘al-šāqer:

32 lāḵēn kōh-’āmar yəhwâ hinənî fōqēḏ ‘al-šəm^a‘əyâ hanneḥĕlāmî wə‘al-zarə‘wō lō’-yihəyeh lwō ’îš| ywōšēḇ| bəṯwōḵə-hā‘ām hazzeh wəlō’-yirə’eh ḇaṭṭwōḇ ’ăšer-’ănî ‘ōśeh-lə‘ammî nə’um-yəhwâ kî-sārâ ḏiber ‘al-yəhwâ: s

‎1 ‏הַדָּבָר֙ אֲשֶׁ֣ר הָיָ֣ה אֶֽל־יִרְמְיָ֔הוּ מֵאֵ֥ת יְהוָ֖ה לֵאמֹֽר׃

‎2 ‏כֹּֽה־אָמַ֧ר יְהוָ֛ה אֱלֹהֵ֥י יִשְׂרָאֵ֖ל לֵאמֹ֑ר כְּתָב־לְךָ֗ אֵ֧ת כָּל־הַדְּבָרִ֛ים אֲשֶׁר־דִּבַּ֥רְתִּי אֵלֶ֖יךָ אֶל־סֵֽפֶר׃

‎3 ‏כִּ֠י הִנֵּ֨ה יָמִ֤ים בָּאִים֙ נְאֻם־יְהוָ֔ה וְ֠שַׁבְתִּי אֶת־שְׁב֨וּת עַמִּ֧י יִשְׂרָאֵ֛ל וִֽיהוּדָ֖ה אָמַ֣ר יְהוָ֑ה וַהֲשִׁבֹתִ֗ים אֶל־הָאָ֛רֶץ אֲשֶׁר־נָתַ֥תִּי לַאֲבוֹתָ֖ם וִֽירֵשֽׁוּהָ׃ פ

‎4 ‏וְאֵ֣לֶּה הַדְּבָרִ֗ים אֲשֶׁ֨ר דִּבֶּ֧ר יְהוָ֛ה אֶל־יִשְׂרָאֵ֖ל וְאֶל־יְהוּדָֽה׃

‎5 ‏כִּי־כֹה֙ אָמַ֣ר יְהוָ֔ה ק֥וֹל חֲרָדָ֖ה שָׁמָ֑עְנוּ פַּ֖חַד וְאֵ֥ין שָׁלֽוֹם׃

‎6 ‏שַׁאֲלוּ־נָ֣א וּרְא֔וּ אִם־יֹלֵ֖ד זָכָ֑ר מַדּוּעַ֩ רָאִ֨יתִי כָל־גֶּ֜בֶר יָדָ֤יו עַל־חֲלָצָיו֙ כַּיּ֣וֹלֵדָ֔ה וְנֶהֶפְכ֥וּ כָל־פָּנִ֖ים לְיֵרָקֽוֹן׃

‎7 ‏ה֗וֹי כִּ֥י גָד֛וֹל הַיּ֥וֹם הַה֖וּא מֵאַ֣יִן כָּמֹ֑הוּ וְעֵֽת־צָרָ֥ה הִיא֙ לְיַֽעֲקֹ֔ב וּמִמֶּ֖נָּה יִוָּשֵֽׁעַ׃

‎8 ‏וְהָיָה֩ בַיּ֨וֹם הַה֜וּא נְאֻ֣ם׀ יְהוָ֣ה צְבָא֗וֹת אֶשְׁבֹּ֤ר עֻלּוֹ֙ מֵעַ֣ל צַוָּארֶ֔ךָ וּמוֹסְרוֹתֶ֖יךָ אֲנַתֵּ֑ק וְלֹא־יַעַבְדוּ־ב֥וֹ ע֖וֹד זָרִֽים׃

‎9 ‏וְעָ֣בְד֔וּ אֵ֖ת יְהוָ֣ה אֱלֹֽהֵיהֶ֑ם וְאֵת֙ דָּוִ֣ד מַלְכָּ֔ם אֲשֶׁ֥ר אָקִ֖ים לָהֶֽם׃ ס

‎10 ‏וְאַתָּ֡ה אַל־תִּירָא֩ עַבְדִּ֨י יַעֲקֹ֤ב נְאֻם־יְהוָֹה֙ וְאַל־תֵּחַ֣ת יִשְׂרָאֵ֔ל כִּ֠י הִנְנִ֤י מוֹשִֽׁיעֲךָ֙ מֵֽרָח֔וֹק וְאֶֽת־זַרְעֲךָ֖ מֵאֶ֣רֶץ שִׁבְיָ֑ם וְשָׁ֧ב יַעֲקֹ֛ב וְשָׁקַ֥ט וְשַׁאֲנַ֖ן וְאֵ֥ין מַחֲרִֽיד׃

‎11 ‏כִּֽי־אִתְּךָ֥ אֲנִ֛י נְאֻם־יְהוָ֖ה לְהֽוֹשִׁיעֶ֑ךָ כִּי֩ אֶעֱשֶׂ֨ה כָלָ֜ה בְּכָֽל־הַגּוֹיִ֣ם׀ אֲשֶׁ֧ר הֲפִצוֹתִ֣יךָ שָּׁ֗ם אַ֤ךְ אֹֽתְךָ֙ לֹֽא־אֶעֱשֶׂ֣ה כָלָ֔ה וְיִסַּרְתִּ֙יךָ֙ לַמִּשְׁפָּ֔ט וְנַקֵּ֖ה לֹ֥א אֲנַקֶּֽךָּ׃ פ

‎12 ‏כִּ֣י כֹ֥ה אָמַ֛ר יְהוָ֖ה אָנ֣וּשׁ לְשִׁבְרֵ֑ךְ נַחְלָ֖ה מַכָּתֵֽךְ׃

‎13 ‏אֵֽין־דָּ֥ן דִּינֵ֖ךְ לְמָז֑וֹר רְפֻא֥וֹת תְּעָלָ֖ה אֵ֥ין לָֽךְ׃

‎14 ‏כָּל־מְאַהֲבַ֣יִךְ שְׁכֵח֔וּךְ אוֹתָ֖ךְ לֹ֣א יִדְרֹ֑שׁוּ כִּי֩ מַכַּ֨ת אוֹיֵ֤ב הִכִּיתִיךְ֙ מוּסַ֣ר אַכְזָרִ֔י עַ֚ל רֹ֣ב עֲוֹנֵ֔ךְ עָצְמ֖וּ חַטֹּאתָֽיִךְ׃

‎15 ‏מַה־תִּזְעַק֙ עַל־שִׁבְרֵ֔ךְ אָנ֖וּשׁ מַכְאֹבֵ֑ךְ עַ֣ל׀ רֹ֣ב עֲוֹנֵ֗ךְ עָֽצְמוּ֙ חַטֹּאתַ֔יִךְ עָשִׂ֥יתִי אֵ֖לֶּה לָֽךְ׃

‎16 ‏לָכֵ֞ן כָּל־אֹכְלַ֙יִךְ֙ יֵאָכֵ֔לוּ וְכָל־צָרַ֥יִךְ כֻּלָּ֖ם בַּשְּׁבִ֣י יֵלֵ֑כוּ וְהָי֤וּ שֹׁאסַ֙יִךְ֙ לִמְשִׁסָּ֔ה וְכָל־בֹּזְזַ֖יִךְ אֶתֵּ֥ן לָבַֽז׃

‎17 ‏כִּי֩ אַעֲלֶ֨ה אֲרֻכָ֥ה לָ֛ךְ וּמִמַּכּוֹתַ֥יִךְ אֶרְפָּאֵ֖ךְ נְאֻם־יְהוָ֑ה כִּ֤י נִדָּחָה֙ קָ֣רְאוּ לָ֔ךְ צִיּ֣וֹן הִ֔יא דֹּרֵ֖שׁ אֵ֥ין לָֽהּ׃ ס

‎18 ‏כֹּ֣ה׀ אָמַ֣ר יְהוָ֗ה הִנְנִי־שָׁב֙ שְׁבוּת֙ אָהֳלֵ֣י יַֽעֲק֔וֹב וּמִשְׁכְּנֹתָ֖יו אֲרַחֵ֑ם וְנִבְנְתָ֥ה עִיר֙ עַל־תִּלָּ֔הּ וְאַרְמ֖וֹן עַל־מִשְׁפָּט֥וֹ יֵשֵֽׁב׃

‎19 ‏וְיָצָ֥א מֵהֶ֛ם תּוֹדָ֖ה וְק֣וֹל מְשַׂחֲקִ֑ים וְהִרְבִּתִים֙ וְלֹ֣א יִמְעָ֔טוּ וְהִכְבַּדְתִּ֖ים וְלֹ֥א יִצְעָֽרוּ׃

‎20 ‏וְהָי֤וּ בָנָיו֙ כְּקֶ֔דֶם וַעֲדָת֖וֹ לְפָנַ֣י תִּכּ֑וֹן וּפָ֣קַדְתִּ֔י עַ֖ל כָּל־לֹחֲצָֽיו׃

‎21 ‏וְהָיָ֨ה אַדִּיר֜וֹ מִמֶּ֗נּוּ וּמֹֽשְׁלוֹ֙ מִקִּרְבּ֣וֹ יֵצֵ֔א וְהִקְרַבְתִּ֖יו וְנִגַּ֣שׁ אֵלָ֑י כִּי֩ מִ֨י הוּא־זֶ֜ה עָרַ֧ב אֶת־לִבּ֛וֹ לָגֶ֥שֶׁת אֵלַ֖י נְאֻם־יְהוָֽה׃

‎22 ‏וִהְיִ֥יתֶם לִ֖י לְעָ֑ם וְאָ֣נֹכִ֔י אֶהְיֶ֥ה לָכֶ֖ם לֵאלֹהִֽים׃ ס

‎23 ‏הִנֵּ֣ה׀ סַעֲרַ֣ת יְהוָ֗ה חֵמָה֙ יָֽצְאָ֔ה סַ֖עַר מִתְגּוֹרֵ֑ר עַ֛ל רֹ֥אשׁ רְשָׁעִ֖ים יָחֽוּל׃

‎24 ‏לֹ֣א יָשׁ֗וּב חֲרוֹן֙ אַף־יְהוָ֔ה עַד־עֲשֹׂת֥וֹ וְעַד־הֲקִימ֖וֹ מְזִמּ֣וֹת לִבּ֑וֹ בְּאַחֲרִ֥ית הַיָּמִ֖ים תִּתְבּ֥וֹנְנוּ בָֽהּ׃

1 hadāḇār ’ăšer hāyâ ’el-yirəməyâû mē’ēṯ yəhwâ lē’mōr:

2 kōh-’āmar yəhwâ ’ĕlōhê yiśərā’ēl lē’mōr kəṯāḇ-ləḵā ’ēṯ kāl-hadəḇārîm ’ăšer-dibarətî ’ēleyḵā ’el-sēfer:

3 kî hinnēh yāmîm bā’îm nə’um-yəhwâ wəšaḇətî ’eṯ-šəḇûṯ ‘ammî yiśərā’ēl wîhûḏâ ’āmar yəhwâ wahăšiḇōṯîm ’el-hā’āreṣ ’ăšer-nāṯatî la’ăḇwōṯām wîrēšûhā: f

4 wə’ēlleh hadəḇārîm ’ăšer diber yəhwâ ’el-yiśərā’ēl wə’el-yəhûḏâ:

5 kî-ḵōh ’āmar yəhwâ qwōl ḥărāḏâ šāmā‘ənû p^aḥaḏ wə’ên šālwōm:

6 ša’ălû-nā’ ûrə’û ’im-yōlēḏ zāḵār madû‘a rā’îṯî ḵāl-geḇer yāḏāyw ‘al-ḥălāṣāyw kayywōlēḏâ wənehefəḵû ḵāl-pānîm ləyērāqwōn:

7 hwōy kî ḡāḏwōl hayywōm hahû’ mē’ayin kāmōhû wə‘ēṯ-ṣārâ hî’ ləy^a‘ăqōḇ ûmimmennâ yiûāšē‘a:

8 wəhāyâ ḇayywōm hahû’ nə’um| yəhwâ ṣəḇā’wōṯ ’ešəbōr ‘ullwō mē‘al ṣaûā’reḵā ûmwōsərwōṯeyḵā ’ănatēq wəlō’-y^a‘aḇəḏû-ḇwō ‘wōḏ zārîm:

9 wə‘āḇəḏû ’ēṯ yəhwâ ’ĕlōhêhem wə’ēṯ dāwiḏ maləkām ’ăšer ’āqîm lâem: s

10 wə’atâ ’al-tîrā’ ‘aḇədî y^a‘ăqōḇ nə’um-yəhwōâ wə’al-tēḥaṯ yiśərā’ēl kî hinənî mwōšî‘ăḵā mērāḥwōq wə’eṯ-zarə‘ăḵā mē’ereṣ šiḇəyām wəšāḇ y^a‘ăqōḇ wəšāqaṭ wəša’ănan wə’ên m^aḥărîḏ:

11 kî-’itəḵā ’ănî nə’um-yəhwâ ləhwōšî‘eḵā kî ’e‘ĕśeh ḵālâ bəḵāl-hagwōyim| ’ăšer hăfiṣwōṯîḵā ššām ’aḵə ’ōṯəḵā lō’-’e‘ĕśeh ḵālâ wəyissarətîḵā lammišəpāṭ wənaqqēh lō’ ’ănaqqeḵḵā: f

12 kî ḵōh ’āmar yəhwâ ’ānûš ləšiḇərēḵə n^aḥəlâ makāṯēḵə:

13 ’ên-dān dînēḵə ləmāzwōr rəfu’wōṯ tə‘ālâ ’ên lāḵə:

14 kāl-mə’ahăḇayiḵə šəḵēḥûḵə ’wōṯāḵə lō’ yiḏərōšû kî makaṯ ’wōyēḇ hikîṯîḵə mûsar ’aḵəzārî ‘al rōḇ ‘ăwōnēḵə ‘āṣəmû ḥaṭṭō’ṯāyiḵə:

15 mah-tizə‘aq ‘al-šiḇərēḵə ’ānûš maḵə’ōḇēḵə ‘al| rōḇ ‘ăwōnēḵə ‘āṣəmû ḥaṭṭō’ṯayiḵə ‘āśîṯî ’ēlleh lāḵə:

16 lāḵēn kāl-’ōḵəlayiḵə yē’āḵēlû wəḵāl-ṣārayiḵə kullām baššəḇî yēlēḵû wəhāyû šō’sayiḵə liməšissâ wəḵāl-bōzəzayiḵə ’etēn lāḇaz:

17 kî ’^a‘ăleh ’ăruḵâ lāḵə ûmimmakwōṯayiḵə ’erəpā’ēḵə nə’um-yəhwâ kî nidāḥâ qārə’û lāḵə ṣîywōn hî’ dōrēš ’ên lāh: s

18 kōh| ’āmar yəhwâ hinənî-šāḇ šəḇûṯ ’âŏlê y^a‘ăqwōḇ ûmišəkənōṯāyw ’ăr^aḥēm wəniḇənəṯâ ‘îr ‘al-tillāh wə’arəmwōn ‘al-mišəpāṭwō yēšēḇ:

19 wəyāṣā’ mēhem twōḏâ wəqwōl məś^aḥăqîm wəhirəbiṯîm wəlō’ yimə‘āṭû wəhiḵəbaḏətîm wəlō’ yiṣə‘ārû:

20 wəhāyû ḇānāyw kəqeḏem w^a‘ăḏāṯwō ləfānay tikwōn ûfāqaḏətî ‘al kāl-lōḥăṣāyw:

21 wəhāyâ ’adîrwō mimmennû ûmōšəlwō miqqirəbwō yēṣē’ wəhiqəraḇətîw wənigaš ’ēlāy kî mî hû’-zeh ‘āraḇ ’eṯ-libwō lāḡešeṯ ’ēlay nə’um-yəhwâ:

22 wihəyîṯem lî lə‘ām wə’ānōḵî ’ehəyeh lāḵem lē’lōhîm: s

23 hinnēh| s^a‘ăraṯ yəhwâ ḥēmâ yāṣə’â s^a‘ar miṯəgwōrēr ‘al rō’š rəšā‘îm yāḥûl:

24 lō’ yāšûḇ ḥărwōn ’af-yəhwâ ‘aḏ-‘ăśōṯwō wə‘aḏ-hăqîmwō məzimmwōṯ libwō bə’^aḥărîṯ hayyāmîm tiṯəbwōnənû ḇāh:

‎1 ‏בָּעֵ֤ת הַהִיא֙ נְאֻם־יְהוָ֔ה אֶֽהְיֶה֙ לֵֽאלֹהִ֔ים לְכֹ֖ל מִשְׁפְּח֣וֹת יִשְׂרָאֵ֑ל וְהֵ֖מָּה יִֽהְיוּ־לִ֥י לְעָֽם׃ ס

‎2 ‏כֹּ֚ה אָמַ֣ר יְהוָ֔ה מָצָ֥א חֵן֙ בַּמִּדְבָּ֔ר עַ֖ם שְׂרִ֣ידֵי חָ֑רֶב הָל֥וֹךְ לְהַרְגִּיע֖וֹ יִשְׂרָאֵֽל׃

‎3 ‏מֵרָח֕וֹק יְהוָ֖ה נִרְאָ֣ה לִ֑י וְאַהֲבַ֤ת עוֹלָם֙ אֲהַבְתִּ֔יךְ עַל־כֵּ֖ן מְשַׁכְתִּ֥יךְ חָֽסֶד׃

‎4 ‏ע֤וֹד אֶבְנֵךְ֙ וְֽנִבְנֵ֔ית בְּתוּלַ֖ת יִשְׂרָאֵ֑ל ע֚וֹד תַּעְדִּ֣י תֻפַּ֔יִךְ וְיָצָ֖את בִּמְח֥וֹל מְשַׂחֲקִֽים׃

‎5 ‏ע֚וֹד תִּטְּעִ֣י כְרָמִ֔ים בְּהָרֵ֖י שֹֽׁמְר֑וֹן נָטְע֥וּ נֹטְעִ֖ים וְחִלֵּֽלוּ׃

‎6 ‏כִּ֣י יֶשׁ־י֔וֹם קָרְא֥וּ נֹצְרִ֖ים בְּהַ֣ר אֶפְרָ֑יִם ק֚וּמוּ וְנַעֲלֶ֣ה צִיּ֔וֹן אֶל־יְהוָ֖ה אֱלֹהֵֽינוּ׃ פ

‎7 ‏כִּי־כֹ֣ה׀ אָמַ֣ר יְהוָ֗ה רָנּ֤וּ לְיַֽעֲקֹב֙ שִׂמְחָ֔ה וְצַהֲל֖וּ בְּרֹ֣אשׁ הַגּוֹיִ֑ם הַשְׁמִ֤יעוּ הַֽלְלוּ֙ וְאִמְר֔וּ הוֹשַׁ֤ע יְהוָה֙ אֶֽת־עַמְּךָ֔ אֵ֖ת שְׁאֵרִ֥ית יִשְׂרָאֵֽל׃

‎8 ‏הִנְנִי֩ מֵבִ֨יא אוֹתָ֜ם מֵאֶ֣רֶץ צָפ֗וֹן וְקִבַּצְתִּים֮ מִיַּרְכְּתֵי־אָרֶץ֒ בָּ֚ם עִוֵּ֣ר וּפִסֵּ֔חַ הָרָ֥ה וְיֹלֶ֖דֶת יַחְדָּ֑ו קָהָ֥ל גָּד֖וֹל יָשׁ֥וּבוּ הֵֽנָּה׃

‎9 ‏בִּבְכִ֣י יָבֹ֗אוּ וּֽבְתַחֲנוּנִים֮ אֽוֹבִילֵם֒ אֽוֹלִיכֵם֙ אֶל־נַ֣חֲלֵי מַ֔יִם בְּדֶ֣רֶךְ יָשָׁ֔ר לֹ֥א יִכָּשְׁל֖וּ בָּ֑הּ כִּֽי־הָיִ֤יתִי לְיִשְׂרָאֵל֙ לְאָ֔ב וְאֶפְרַ֖יִם בְּכֹ֥רִי הֽוּא׃ ס

‎10 ‏שִׁמְע֤וּ דְבַר־יְהוָה֙ גּוֹיִ֔ם וְהַגִּ֥ידוּ בָאִיִּ֖ים מִמֶּרְחָ֑ק וְאִמְר֗וּ מְזָרֵ֤ה יִשְׂרָאֵל֙ יְקַבְּצֶ֔נּוּ וּשְׁמָר֖וֹ כְּרֹעֶ֥ה עֶדְרֽוֹ׃

‎11 ‏כִּֽי־פָדָ֥ה יְהוָ֖ה אֶֽת־יַעֲקֹ֑ב וּגְאָל֕וֹ מִיַּ֖ד חָזָ֥ק מִמֶּֽנּוּ׃

‎12 ‏וּבָאוּ֮ וְרִנְּנ֣וּ בִמְרוֹם־צִיּוֹן֒ וְנָהֲר֞וּ אֶל־ט֣וּב יְהוָ֗ה עַל־דָּגָן֙ וְעַל־תִּירֹ֣שׁ וְעַל־יִצְהָ֔ר וְעַל־בְּנֵי־צֹ֖אן וּבָקָ֑ר וְהָיְתָ֤ה נַפְשָׁם֙ כְּגַ֣ן רָוֶ֔ה וְלֹא־יוֹסִ֥יפוּ לְדַאֲבָ֖ה עֽוֹד׃

‎13 ‏אָ֣ז תִּשְׂמַ֤ח בְּתוּלָה֙ בְּמָח֔וֹל וּבַחֻרִ֥ים וּזְקֵנִ֖ים יַחְדָּ֑ו וְהָפַכְתִּ֨י אֶבְלָ֤ם לְשָׂשׂוֹן֙ וְנִ֣חַמְתִּ֔ים וְשִׂמַּחְתִּ֖ים מִיגוֹנָֽם׃

‎14 ‏וְרִוֵּיתִ֛י נֶ֥פֶשׁ הַכֹּהֲנִ֖ים דָּ֑שֶׁן וְעַמִּ֛י אֶת־טוּבִ֥י יִשְׂבָּ֖עוּ נְאֻם־יְהוָֽה׃ ס

‎15 ‏כֹּ֣ה׀ אָמַ֣ר יְהוָ֗ה ק֣וֹל בְּרָמָ֤ה נִשְׁמָע֙ נְהִי֙ בְּכִ֣י תַמְרוּרִ֔ים רָחֵ֖ל מְבַכָּ֣ה עַל־בָּנֶ֑יהָ מֵאֲנָ֛ה לְהִנָּחֵ֥ם עַל־בָּנֶ֖יהָ כִּ֥י אֵינֶֽנּוּ׃ ס

‎16 ‏כֹּ֣ה׀ אָמַ֣ר יְהוָ֗ה מִנְעִ֤י קוֹלֵךְ֙ מִבֶּ֔כִי וְעֵינַ֖יִךְ מִדִּמְעָ֑ה כִּי֩ יֵ֨שׁ שָׂכָ֤ר לִפְעֻלָּתֵךְ֙ נְאֻם־יְהוָ֔ה וְשָׁ֖בוּ מֵאֶ֥רֶץ אוֹיֵֽב׃

‎17 ‏וְיֵשׁ־תִּקְוָ֥ה לְאַחֲרִיתֵ֖ךְ נְאֻם־יְהוָ֑ה וְשָׁ֥בוּ בָנִ֖ים לִגְבוּלָֽם׃ ס

‎18 ‏שָׁמ֣וֹעַ שָׁמַ֗עְתִּי אֶפְרַ֙יִם֙ מִתְנוֹדֵ֔ד יִסַּרְתַּ֙נִי֙ וָֽאִוָּסֵ֔ר כְּעֵ֖גֶל לֹ֣א לֻמָּ֑ד הֲשִׁיבֵ֣נִי וְאָשׁ֔וּבָה כִּ֥י אַתָּ֖ה יְהוָ֥ה אֱלֹהָֽי׃

‎19 ‏כִּֽי־אַחֲרֵ֤י שׁוּבִי֙ נִחַ֔מְתִּי וְאַֽחֲרֵי֙ הִוָּ֣דְעִ֔י סָפַ֖קְתִּי עַל־יָרֵ֑ךְ בֹּ֚שְׁתִּי וְגַם־נִכְלַ֔מְתִּי כִּ֥י נָשָׂ֖אתִי חֶרְפַּ֥ת נְעוּרָֽי׃

‎20 ‏הֲבֵן֩ יַקִּ֨יר לִ֜י אֶפְרַ֗יִם אִ֚ם יֶ֣לֶד שַׁעֲשֻׁעִ֔ים כִּֽי־מִדֵּ֤י דַבְּרִי֙ בּ֔וֹ זָכֹ֥ר אֶזְכְּרֶ֖נּוּ ע֑וֹד עַל־כֵּ֗ן הָמ֤וּ מֵעַי֙ ל֔וֹ רַחֵ֥ם אֲ‍ֽרַחֲמֶ֖נּוּ נְאֻם־יְהוָֽה׃ ס

‎21 ‏הַצִּ֧יבִי לָ֣ךְ צִיֻּנִ֗ים שִׂ֤מִי לָךְ֙ תַּמְרוּרִ֔ים שִׁ֣תִי לִבֵּ֔ךְ לַֽמְסִלָּ֖ה דֶּ֣רֶךְ הלכתי הָלָ֑כְתְּ שׁ֚וּבִי בְּתוּלַ֣ת יִשְׂרָאֵ֔ל שֻׁ֖בִי אֶל־עָרַ֥יִךְ אֵֽלֶּה׃

‎22 ‏עַד־מָתַי֙ תִּתְחַמָּקִ֔ין הַבַּ֖ת הַשּֽׁוֹבֵבָ֑ה כִּֽי־בָרָ֨א יְהוָ֤ה חֲדָשָׁה֙ בָּאָ֔רֶץ נְקֵבָ֖ה תְּס֥וֹבֵֽב גָּֽבֶר׃ ס

‎23 ‏כֹּֽה־אָמַ֞ר יְהוָ֤ה צְבָאוֹת֙ אֱלֹהֵ֣י יִשְׂרָאֵ֔ל ע֣וֹד יֹאמְר֞וּ אֶת־הַדָּבָ֣ר הַזֶּ֗ה בְּאֶ֤רֶץ יְהוּדָה֙ וּבְעָרָ֔יו בְּשׁוּבִ֖י אֶת־שְׁבוּתָ֑ם יְבָרֶכְךָ֧ יְהוָ֛ה נְוֵה־צֶ֖דֶק הַ֥ר הַקֹּֽדֶשׁ׃

‎24 ‏וְיָ֥שְׁבוּ בָ֛הּ יְהוּדָ֥ה וְכָל־עָרָ֖יו יַחְדָּ֑ו אִכָּרִ֕ים וְנָסְע֖וּ בַּעֵֽדֶר׃

‎25 ‏כִּ֥י הִרְוֵ֖יתִי נֶ֣פֶשׁ עֲיֵפָ֑ה וְכָל־נֶ֥פֶשׁ דָּאֲבָ֖ה מִלֵּֽאתִי׃

‎26 ‏עַל־זֹ֖את הֱקִיצֹ֣תִי וָאֶרְאֶ֑ה וּשְׁנָתִ֖י עָ֥רְבָה לִּֽי׃ ס

‎27 ‏הִנֵּ֛ה יָמִ֥ים בָּאִ֖ים נְאֻם־יְהוָ֑ה וְזָרַעְתִּ֗י אֶת־בֵּ֤ית יִשְׂרָאֵל֙ וְאֶת־בֵּ֣ית יְהוּדָ֔ה זֶ֥רַע אָדָ֖ם וְזֶ֥רַע בְּהֵמָֽה׃

‎28 ‏וְהָיָ֞ה כַּאֲשֶׁ֧ר שָׁקַ֣דְתִּי עֲלֵיהֶ֗ם לִנְת֧וֹשׁ וְלִנְת֛וֹץ וְלַהֲרֹ֖ס וּלְהַאֲבִ֣יד וּלְהָרֵ֑עַ כֵּ֣ן אֶשְׁקֹ֧ד עֲלֵיהֶ֛ם לִבְנ֥וֹת וְלִנְט֖וֹעַ נְאֻם־יְהוָֽה׃

‎29 ‏בַּיָּמִ֣ים הָהֵ֔ם לֹא־יֹאמְר֣וּ ע֔וֹד אָב֖וֹת אָ֣כְלוּ בֹ֑סֶר וְשִׁנֵּ֥י בָנִ֖ים תִּקְהֶֽינָה׃

‎30 ‏כִּ֛י אִם־אִ֥ישׁ בַּעֲוֹנ֖וֹ יָמ֑וּת כָּל־הָֽאָדָ֛ם הָאֹכֵ֥ל הַבֹּ֖סֶר תִּקְהֶ֥ינָה שִׁנָּֽיו׃ ס

‎31 ‏הִנֵּ֛ה יָמִ֥ים בָּאִ֖ים נְאֻם־יְהוָ֑ה וְכָרַתִּ֗י אֶת־בֵּ֧ית יִשְׂרָאֵ֛ל וְאֶת־בֵּ֥ית יְהוּדָ֖ה בְּרִ֥ית חֲדָשָֽׁה׃

‎32 ‏לֹ֣א כַבְּרִ֗ית אֲשֶׁ֤ר כָּרַ֙תִּי֙ אֶת־אֲבוֹתָ֔ם בְּיוֹם֙ הֶחֱזִיקִ֣י בְיָדָ֔ם לְהוֹצִיאָ֖ם מֵאֶ֖רֶץ מִצְרָ֑יִם אֲשֶׁר־הֵ֜מָּה הֵפֵ֣רוּ אֶת־בְּרִיתִ֗י וְאָנֹכִ֛י בָּעַ֥לְתִּי בָ֖ם נְאֻם־יְהוָֽה׃

‎33 ‏כִּ֣י זֹ֣את הַבְּרִ֡ית אֲשֶׁ֣ר אֶכְרֹת֩ אֶת־בֵּ֨ית יִשְׂרָאֵ֜ל אַחֲרֵ֨י הַיָּמִ֤ים הָהֵם֙ נְאֻם־יְהוָ֔ה נָתַ֤תִּי אֶת־תּֽוֹרָתִי֙ בְּקִרְבָּ֔ם וְעַל־לִבָּ֖ם אֶכְתֲּבֶ֑נָּה וְהָיִ֤יתִי לָהֶם֙ לֵֽאלֹהִ֔ים וְהֵ֖מָּה יִֽהְיוּ־לִ֥י לְעָֽם׃

‎34 ‏וְלֹ֧א יְלַמְּד֣וּ ע֗וֹד אִ֣ישׁ אֶת־רֵעֵ֜הוּ וְאִ֤ישׁ אֶת־אָחִיו֙ לֵאמֹ֔ר דְּע֖וּ אֶת־יְהוָ֑ה כִּֽי־כוּלָּם֩ יֵדְע֨וּ אוֹתִ֜י לְמִקְטַנָּ֤ם וְעַד־גְּדוֹלָם֙ נְאֻם־יְהוָ֔ה כִּ֤י אֶסְלַח֙ לַֽעֲוֹנָ֔ם וּלְחַטָּאתָ֖ם לֹ֥א אֶזְכָּר־עֽוֹד׃ ס

‎35 ‏כֹּ֣ה׀ אָמַ֣ר יְהוָ֗ה נֹתֵ֥ן שֶׁ֙מֶשׁ֙ לְא֣וֹר יוֹמָ֔ם חֻקֹּ֛ת יָרֵ֥חַ וְכוֹכָבִ֖ים לְא֣וֹר לָ֑יְלָה רֹגַ֤ע הַיָּם֙ וַיֶּהֱמ֣וּ גַלָּ֔יו יְהוָ֥ה צְבָא֖וֹת שְׁמֽוֹ׃

‎36 ‏אִם־יָמֻ֜שׁוּ הַחֻקִּ֥ים הָאֵ֛לֶּה מִלְּפָנַ֖י נְאֻם־יְהוָ֑ה גַּם֩ זֶ֨רַע יִשְׂרָאֵ֜ל יִשְׁבְּת֗וּ מִֽהְי֥וֹת גּ֛וֹי לְפָנַ֖י כָּל־הַיָּמִֽים׃ ס

‎37 ‏כֹּ֣ה׀ אָמַ֣ר יְהוָ֗ה אִם־יִמַּ֤דּוּ שָׁמַ֙יִם֙ מִלְמַ֔עְלָה וְיֵחָקְר֥וּ מֽוֹסְדֵי־אֶ֖רֶץ לְמָ֑טָּה גַּם־אֲנִ֞י אֶמְאַ֨ס בְּכָל־זֶ֧רַע יִשְׂרָאֵ֛ל עַֽל־כָּל־אֲשֶׁ֥ר עָשׂ֖וּ נְאֻם־יְהוָֽה׃ ס

‎38 ‏הִנֵּ֛ה יָמִ֥ים בָּאִ֖ים^a נְאֻם־יְהוָ֑ה וְנִבְנְתָ֤ה הָעִיר֙ לַֽיהוָ֔ה מִמִּגְדַּ֥ל חֲנַנְאֵ֖ל שַׁ֥עַר הַפִּנָּֽה׃

‎39 ‏וְיָצָ֨א ע֜וֹד קוה קָ֤ו הַמִּדָּה֙ נֶגְדּ֔וֹ עַ֖ל גִּבְעַ֣ת גָּרֵ֑ב וְנָסַ֖ב גֹּעָֽתָה׃

‎40 ‏וְכָל־הָעֵ֣מֶק הַפְּגָרִ֣ים׀ וְהַדֶּ֡שֶׁן וְכָֽל־השרמות הַשְּׁדֵמוֹת֩ עַד־נַ֨חַל קִדְר֜וֹן עַד־פִּנַּ֨ת שַׁ֤עַר הַסּוּסִים֙ מִזְרָ֔חָה קֹ֖דֶשׁ לַֽיהוָ֑ה לֹֽא־יִנָּתֵ֧שׁ וְֽלֹא־יֵהָרֵ֛ס ע֖וֹד לְעוֹלָֽם׃ ס

1 bā‘ēṯ hahî’ nə’um-yəhwâ ’ehəyeh lē’lōhîm ləḵōl mišəpəḥwōṯ yiśərā’ēl wəhēmmâ yihəyû-lî lə‘ām: s

2 kōh ’āmar yəhwâ māṣā’ ḥēn bammiḏəbār ‘am śərîḏê ḥāreḇ hālwōḵə ləharəgî‘wō yiśərā’ēl:

3 mērāḥwōq yəhwâ nirə’â lî wə’ahăḇaṯ ‘wōlām ’ăhaḇətîḵə ‘al-kēn məšaḵətîḵə ḥāseḏ:

4 ‘wōḏ ’eḇənēḵə wəniḇənêṯ bəṯûlaṯ yiśərā’ēl ‘wōḏ t^a‘ədî ṯupayiḵə wəyāṣā’ṯ biməḥwōl məś^aḥăqîm:

5 ‘wōḏ tiṭṭə‘î ḵərāmîm bəhārê šōmərwōn nāṭə‘û nōṭə‘îm wəḥillēlû:

6 kî yeš-ywōm qārə’û nōṣərîm bəhar ’efərāyim qûmû wən^a‘ăleh ṣîywōn ’el-yəhwâ ’ĕlōhênû: f

7 kî-ḵōh| ’āmar yəhwâ rānnû ləy^a‘ăqōḇ śiməḥâ wəṣahălû bərō’š hagwōyim hašəmî‘û haləlû wə’imərû hwōš^a‘ yəhwâ ’eṯ-‘amməḵā ’ēṯ šə’ērîṯ yiśərā’ēl:

8 hinənî mēḇî’ ’wōṯām mē’ereṣ ṣāfwōn wəqibaṣətîm mîyarəkəṯê-’āreṣ bām ‘iûēr ûfissēḥa hārâ wəyōleḏeṯ y^aḥədāw qâāl gāḏwōl yāšûḇû hēnnâ:

9 biḇəḵî yāḇō’û ûḇəṯ^aḥănûnîm ’wōḇîlēm ’wōlîḵēm ’el-n^aḥălê mayim bəḏereḵə yāšār lō’ yikāšəlû bāh kî-hāyîṯî ləyiśərā’ēl lə’āḇ wə’efərayim bəḵōrî hû’: s

10 šimə‘û ḏəḇar-yəhwâ gwōyim wəhagîḏû ḇā’îyîm mimmerəḥāq wə’imərû məzārēh yiśərā’ēl yəqabəṣennû ûšəmārwō kərō‘eh ‘eḏərwō:

11 kî-fāḏâ yəhwâ ’eṯ-y^a‘ăqōḇ ûḡə’ālwō mîyaḏ ḥāzāq mimmennû:

12 ûḇā’û wərinnənû ḇimərwōm-ṣîywōn wənâărû ’el-ṭûḇ yəhwâ ‘al-dāḡān wə‘al-tîrōš wə‘al-yiṣəhār wə‘al-bənê-ṣō’n ûḇāqār wəhāyəṯâ nafəšām kəḡan rāweh wəlō’-ywōsîfû ləḏa’ăḇâ ‘wōḏ:

13 ’āz tiśəm^aḥ bəṯûlâ bəmāḥwōl ûḇ^aḥurîm ûzəqēnîm y^aḥədāw wəhāfaḵətî ’eḇəlām ləśāśwōn wəniḥamətîm wəśimm^aḥətîm mîḡwōnām:

14 wəriûêṯî nefeš hakōhănîm dāšen wə‘ammî ’eṯ-ṭûḇî yiśəbā‘û nə’um-yəhwâ: s

15 kōh| ’āmar yəhwâ qwōl bərāmâ nišəmā‘ nəhî bəḵî ṯamərûrîm rāḥēl məḇakâ ‘al-bāneyhā mē’ănâ ləhinnāḥēm ‘al-bāneyhā kî ’ênennû: s

16 kōh| ’āmar yəhwâ minə‘î qwōlēḵə mibeḵî wə‘ênayiḵə midimə‘â kî yēš śāḵār lifə‘ullāṯēḵə nə’um-yəhwâ wəšāḇû mē’ereṣ ’wōyēḇ:

17 wəyēš-tiqəwâ lə’^aḥărîṯēḵə nə’um-yəhwâ wəšāḇû ḇānîm liḡəḇûlām: s

18 šāmwō‘a šām^a‘ətî ’efərayim miṯənwōḏēḏ yissarətanî wā’iûāsēr kə‘ēḡel lō’ lummāḏ hăšîḇēnî wə’āšûḇâ kî ’atâ yəhwâ ’ĕlōhāy:

19 kî-’^aḥărê šûḇî niḥamətî wə’^aḥărê hiûāḏə‘î sāfaqətî ‘al-yārēḵə bōšətî wəḡam-niḵəlamətî kî nāśā’ṯî ḥerəpaṯ nə‘ûrāy:

20 hăḇēn yaqqîr lî ’efərayim ’im yeleḏ š^a‘ăšu‘îm kî-midê ḏabərî bwō zāḵōr ’ezəkərennû ‘wōḏ ‘al-kēn hāmû mē‘ay lwō r^aḥēm ’ă‍r^aḥămennû nə’um-yəhwâ: s

21 haṣṣîḇî lāḵə ṣîyunîm śimî lāḵə tamərûrîm šiṯî libēḵə laməsillâ dereḵə hālāḵətî hālāḵətə šûḇî bəṯûlaṯ yiśərā’ēl šuḇî ’el-‘ārayiḵə ’ēlleh:

22 ‘aḏ-māṯay tiṯəḥammāqîn habaṯ haššwōḇēḇâ kî-ḇārā’ yəhwâ ḥăḏāšâ bā’āreṣ nəqēḇâ təswōḇēḇ gāḇer: s

23 kōh-’āmar yəhwâ ṣəḇā’wōṯ ’ĕlōhê yiśərā’ēl ‘wōḏ yō’mərû ’eṯ-hadāḇār hazzeh bə’ereṣ yəhûḏâ ûḇə‘ārāyw bəšûḇî ’eṯ-šəḇûṯām yəḇāreḵəḵā yəhwâ nəwēh-ṣeḏeq har haqqōḏeš:

24 wəyāšəḇû ḇāh yəhûḏâ wəḵāl-‘ārāyw y^aḥədāw ’ikārîm wənāsə‘û b^a‘ēḏer:

25 kî hirəwêṯî nefeš ‘ăyēfâ wəḵāl-nefeš dā’ăḇâ millē’ṯî:

26 ‘al-zō’ṯ hĕqîṣōṯî wā’erə’eh ûšənāṯî ‘ārəḇâ llî: s

27 hinnēh yāmîm bā’îm nə’um-yəhwâ wəzār^a‘ətî ’eṯ-bêṯ yiśərā’ēl wə’eṯ-bêṯ yəhûḏâ zer^a‘ ’āḏām wəzer^a‘ bəhēmâ:

28 wəhāyâ ka’ăšer šāqaḏətî ‘ălêhem linəṯwōš wəlinəṯwōṣ wəlahărōs ûləha’ăḇîḏ ûləhārē‘a kēn ’ešəqōḏ ‘ălêhem liḇənwōṯ wəlinəṭwō‘a nə’um-yəhwâ:

29 bayyāmîm hâēm lō’-yō’mərû ‘wōḏ ’āḇwōṯ ’āḵəlû ḇōser wəšinnê ḇānîm tiqəheynâ:

30 kî ’im-’îš b^a‘ăwōnwō yāmûṯ kāl-hā’āḏām hā’ōḵēl habōser tiqəheynâ šinnāyw: s

31 hinnēh yāmîm bā’îm nə’um-yəhwâ wəḵāratî ’eṯ-bêṯ yiśərā’ēl wə’eṯ-bêṯ yəhûḏâ bərîṯ ḥăḏāšâ:

32 lō’ ḵabərîṯ ’ăšer kāratî ’eṯ-’ăḇwōṯām bəywōm heḥĕzîqî ḇəyāḏām ləhwōṣî’ām mē’ereṣ miṣərāyim ’ăšer-hēmmâ hēfērû ’eṯ-bərîṯî wə’ānōḵî bā‘alətî ḇām nə’um-yəhwâ:

33 kî zō’ṯ habərîṯ ’ăšer ’eḵərōṯ ’eṯ-bêṯ yiśərā’ēl ’^aḥărê hayyāmîm hâēm nə’um-yəhwâ nāṯatî ’eṯ-twōrāṯî bəqirəbām wə‘al-libām ’eḵətăḇennâ wəhāyîṯî lâem lē’lōhîm wəhēmmâ yihəyû-lî lə‘ām:

34 wəlō’ yəlamməḏû ‘wōḏ ’îš ’eṯ-rē‘ēhû wə’îš ’eṯ-’āḥîw lē’mōr də‘û ’eṯ-yəhwâ kî-ḵûllām yēḏə‘û ’wōṯî ləmiqəṭannām wə‘aḏ-gəḏwōlām nə’um-yəhwâ kî ’esəl^aḥ l^a‘ăwōnām ûləḥaṭṭā’ṯām lō’ ’ezəkār-‘wōḏ: s

35 kōh| ’āmar yəhwâ nōṯēn šemeš lə’wōr ywōmām ḥuqqōṯ yārēḥa wəḵwōḵāḇîm lə’wōr lāyəlâ rōḡ^a‘ hayyām wayyehĕmû ḡallāyw yəhwâ ṣəḇā’wōṯ šəmwō:

36 ’im-yāmušû h^aḥuqqîm hā’ēlleh milləfānay nə’um-yəhwâ gam zer^a‘ yiśərā’ēl yišəbəṯû mihəywōṯ gwōy ləfānay kāl-hayyāmîm: s

37 kōh| ’āmar yəhwâ ’im-yimmadû šāmayim miləm^a‘əlâ wəyēḥāqərû mwōsəḏê-’ereṣ ləmāṭṭâ gam-’ănî ’emə’as bəḵāl-zer^a‘ yiśərā’ēl ‘al-kāl-’ăšer ‘āśû nə’um-yəhwâ: s

38 hinnēh yāmîm bā’îm^a nə’um-yəhwâ wəniḇənəṯâ hā‘îr layhwâ mimmiḡədal ḥănanə’ēl š^a‘ar hapinnâ:

39 wəyāṣā’ ‘wōḏ qəwēh qāw hammidâ neḡədwō ‘al giḇə‘aṯ gārēḇ wənāsaḇ gō‘āṯâ:

40 wəḵāl-hā‘ēmeq hapəḡārîm| wəhadešen wəḵāl-haššərēmwōṯ haššəḏēmwōṯ ‘aḏ-n^aḥal qiḏərwōn ‘aḏ-pinnaṯ š^a‘ar hassûsîm mizərāḥâ qōḏeš layhwâ lō’-yinnāṯēš wəlō’-yēhārēs ‘wōḏ lə‘wōlām: s

‎1 ‏הַדָּבָ֞ר אֲשֶׁר־הָיָ֤ה אֶֽל־יִרְמְיָ֙הוּ֙ מֵאֵ֣ת יְהוָ֔ה בשנת בַּשָּׁנָה֙ הָעֲשִׂרִ֔ית לְצִדְקִיָּ֖הוּ מֶ֣לֶךְ יְהוּדָ֑ה הִ֧יא הַשָּׁנָ֛ה שְׁמֹנֶֽה־עֶשְׂרֵ֥ה שָׁנָ֖ה לִנְבֽוּכַדְרֶאצַּֽר׃

‎2 ‏וְאָ֗ז חֵ֚יל מֶ֣לֶךְ בָּבֶ֔ל צָרִ֖ים עַל־יְרוּשָׁלִָ֑ם וְיִרְמְיָ֣הוּ הַנָּבִ֗יא הָיָ֤ה כָלוּא֙ בַּחֲצַ֣ר הַמַּטָּרָ֔ה אֲשֶׁ֖ר בֵּֽית־מֶ֥לֶךְ יְהוּדָֽה׃

‎3 ‏אֲשֶׁ֣ר כְּלָא֔וֹ צִדְקִיָּ֥הוּ מֶֽלֶךְ־יְהוּדָ֖ה לֵאמֹ֑ר מַדּוּעַ֩ אַתָּ֨ה נִבָּ֜א לֵאמֹ֗ר כֹּ֚ה אָמַ֣ר יְהוָ֔ה הִנְנִ֨י נֹתֵ֜ן אֶת־הָעִ֥יר הַזֹּ֛את בְּיַ֥ד מֶֽלֶךְ־בָּבֶ֖ל וּלְכָדָֽהּ׃

‎4 ‏וְצִדְקִיָּ֙הוּ֙ מֶ֣לֶךְ יְהוּדָ֔ה לֹ֥א יִמָּלֵ֖ט מִיַּ֣ד הַכַּשְׂדִּ֑ים כִּ֣י הִנָּתֹ֤ן יִנָּתֵן֙ בְּיַ֣ד מֶֽלֶךְ־בָּבֶ֔ל וְדִבֶּר־פִּ֣יו עִם־פִּ֔יו וְעֵינָ֖יו אֶת־עינו עֵינָ֥יו תִּרְאֶֽינָה׃

‎5 ‏וּבָבֶ֞ל יוֹלִ֤ךְ אֶת־צִדְקִיָּ֙הוּ֙ וְשָׁ֣ם יִֽהְיֶ֔ה עַד־פָּקְדִ֥י אֹת֖וֹ נְאֻם־יְהוָ֑ה כִּ֧י תִֽלָּחֲמ֛וּ אֶת־הַכַּשְׂדִּ֖ים לֹ֥א תַצְלִֽיחוּ׃ פ

‎6 ‏וַיֹּ֖אמֶר יִרְמְיָ֑הוּ הָיָ֥ה דְּבַר־יְהוָ֖ה אֵלַ֥י לֵאמֹֽר׃

‎7 ‏הִנֵּ֣ה חֲנַמְאֵ֗ל בֶּן־שַׁלֻּם֙ דֹּֽדְךָ֔ בָּ֥א אֵלֶ֖יךָ לֵאמֹ֑ר קְנֵ֣ה לְךָ֗ אֶת־שָׂדִי֙ אֲשֶׁ֣ר בַּעֲנָת֔וֹת כִּ֥י לְךָ֛ מִשְׁפַּ֥ט הַגְּאֻלָּ֖ה לִקְנֽוֹת׃

‎8 ‏וַיָּבֹ֣א אֵ֠לַי חֲנַמְאֵ֨ל בֶּן־דֹּדִ֜י כִּדְבַ֣ר יְהוָה֮ אֶל־חֲצַ֣ר הַמַּטָּרָה֒ וַיֹּ֣אמֶר אֵלַ֡י קְנֵ֣ה נָ֠א אֶת־שָׂדִ֨י אֲשֶׁר־בַּעֲנָת֜וֹת אֲשֶׁ֣ר׀ בְּאֶ֣רֶץ בִּנְיָמִ֗ין כִּֽי־לְךָ֞ מִשְׁפַּ֧ט הַיְרֻשָּׁ֛ה וּלְךָ֥ הַגְּאֻלָּ֖ה קְנֵה־לָ֑ךְ וָאֵדַ֕ע כִּ֥י דְבַר־יְהוָ֖ה הֽוּא׃

‎9 ‏וָֽאֶקְנֶה֙ אֶת־הַשָּׂדֶ֔ה מֵאֵ֛ת חֲנַמְאֵ֥ל בֶּן־דֹּדִ֖י אֲשֶׁ֣ר בַּעֲנָת֑וֹת וָֽאֶשְׁקֲלָה־לּוֹ֙ אֶת־הַכֶּ֔סֶף שִׁבְעָ֥ה שְׁקָלִ֖ים וַעֲשָׂרָ֥ה הַכָּֽסֶף׃

‎10 ‏וָאֶכְתֹּ֤ב בַּסֵּ֙פֶר֙ וָֽאֶחְתֹּ֔ם וָאָעֵ֖ד עֵדִ֑ים וָאֶשְׁקֹ֥ל הַכֶּ֖סֶף בְּמֹאזְנָֽיִם׃

‎11 ‏וָאֶקַּ֖ח אֶת־סֵ֣פֶר הַמִּקְנָ֑ה אֶת־הֶֽחָת֛וּם הַמִּצְוָ֥ה וְהַחֻקִּ֖ים וְאֶת־הַגָּלֽוּי׃

‎12 ‏וָאֶתֵּ֞ן אֶת־הַסֵּ֣פֶר הַמִּקְנָ֗ה אֶל־בָּר֣וּךְ בֶּן־נֵרִיָּה֮ בֶּן־מַחְסֵיָה֒ לְעֵינֵי֙ חֲנַמְאֵ֣ל דֹּדִ֔י וּלְעֵינֵי֙ הָֽעֵדִ֔ים הַכֹּתְבִ֖ים בְּסֵ֣פֶר הַמִּקְנָ֑ה לְעֵינֵי֙ כָּל־הַיְּהוּדִ֔ים הַיֹּשְׁבִ֖ים בַּחֲצַ֥ר הַמַּטָּרָֽה׃

‎13 ‏וָֽאֲצַוֶּה֙ אֶת¹ בָּר֔וּךְ לְעֵינֵיהֶ֖ם לֵאמֹֽר׃

‎14 ‏כֹּֽה־אָמַר֩ יְהוָ֨ה צְבָא֜וֹת אֱלֹהֵ֣י יִשְׂרָאֵ֗ל לָק֣וֹחַ אֶת־הַסְּפָרִ֣ים הָאֵ֡לֶּה אֵ֣ת סֵפֶר֩ הַמִּקְנָ֨ה הַזֶּ֜ה וְאֵ֣ת הֶחָת֗וּם וְאֵ֨ת סֵ֤פֶר הַגָּלוּי֙ הַזֶּ֔ה וּנְתַתָּ֖ם בִּכְלִי־חָ֑רֶשׂ לְמַ֥עַן יַעַמְד֖וּ יָמִ֥ים רַבִּֽים׃ ס

‎15 ‏כִּ֣י כֹ֥ה אָמַ֛ר יְהוָ֥ה צְבָא֖וֹת אֱלֹהֵ֣י יִשְׂרָאֵ֑ל ע֣וֹד יִקָּנ֥וּ בָתִּ֛ים וְשָׂד֥וֹת וּכְרָמִ֖ים בָּאָ֥רֶץ הַזֹּֽאת׃ פ

‎16 ‏וָאֶתְפַּלֵּ֖ל אֶל־יְהוָ֑ה אַחֲרֵ֤י תִתִּי֙ אֶת־סֵ֣פֶר הַמִּקְנָ֔ה אֶל־בָּר֥וּךְ בֶּן־נֵרִיָּ֖ה לֵאמֹֽר׃

‎17 ‏אֲהָהּ֮ אֲדֹנָ֣י יְהוִה֒ הִנֵּ֣ה׀ אַתָּ֣ה עָשִׂ֗יתָ אֶת־הַשָּׁמַ֙יִם֙ וְאֶת־הָאָ֔רֶץ בְּכֹֽחֲךָ֙ הַגָּד֔וֹל וּבִֽזְרֹעֲךָ֖ הַנְּטוּיָ֑ה לֹֽא־יִפָּלֵ֥א מִמְּךָ֖ כָּל־דָּבָֽר׃

‎18 ‏עֹ֤שֶׂה חֶ֙סֶד֙ לַֽאֲלָפִ֔ים וּמְשַׁלֵּם֙ עֲוֹ֣ן אָב֔וֹת אֶל־חֵ֥יק בְּנֵיהֶ֖ם אַחֲרֵיהֶ֑ם הָאֵ֤ל הַגָּדוֹל֙ הַגִּבּ֔וֹר יְהוָ֥ה צְבָא֖וֹת שְׁמֽוֹ׃

‎19 ‏גְּדֹל֙ הָֽעֵצָ֔ה וְרַ֖ב הָעֲלִֽילִיָּ֑ה אֲשֶׁר־עֵינֶ֣יךָ פְקֻח֗וֹת עַל־כָּל־דַּרְכֵי֙ בְּנֵ֣י אָדָ֔ם לָתֵ֤ת לְאִישׁ֙ כִּדְרָכָ֔יו וְכִפְרִ֖י מַעֲלָלָֽיו׃

‎20 ‏אֲשֶׁר־שַׂ֠מְתָּ אֹת֨וֹת וּמֹפְתִ֤ים בְּאֶֽרֶץ־מִצְרַ֙יִם֙ עַד־הַיּ֣וֹם הַזֶּ֔ה וּבְיִשְׂרָאֵ֖ל וּבָֽאָדָ֑ם וַתַּעֲשֶׂה־לְּךָ֥ שֵׁ֖ם כַּיּ֥וֹם הַזֶּֽה׃

‎21 ‏וַתֹּצֵ֛א אֶת־עַמְּךָ֥ אֶת־יִשְׂרָאֵ֖ל מֵאֶ֣רֶץ מִצְרָ֑יִם בְּאֹת֣וֹת וּבְמוֹפְתִ֗ים וּבְיָ֤ד חֲזָקָה֙ וּבְאֶזְר֣וֹעַ נְטוּיָ֔ה וּבְמוֹרָ֖א גָּדֽוֹל׃

‎22 ‏וַתִּתֵּ֤ן לָהֶם֙ אֶת־הָאָ֣רֶץ הַזֹּ֔את אֲשֶׁר־נִשְׁבַּ֥עְתָּ לַאֲבוֹתָ֖ם לָתֵ֣ת לָהֶ֑ם אֶ֛רֶץ זָבַ֥ת חָלָ֖ב וּדְבָֽשׁ׃

‎23 ‏וַיָּבֹ֜אוּ וַיִּֽרְשׁ֣וּ אֹתָ֗הּ וְלֹֽא־שָׁמְע֤וּ בְקוֹלֶ֙ךָ֙ ובתרותך וּבְתוֹרָתְךָ֣ לֹא־הָלָ֔כוּ אֵת֩ כָּל־אֲשֶׁ֨ר צִוִּ֧יתָה לָהֶ֛ם לַעֲשׂ֖וֹת לֹ֣א עָשׂ֑וּ וַתַּקְרֵ֣א אֹתָ֔ם אֵ֥ת כָּל־הָרָעָ֖ה הַזֹּֽאת׃

‎24 ‏הִנֵּ֣ה הַסֹּלְל֗וֹת בָּ֣אוּ הָעִיר֮ לְלָכְדָהּ֒ וְהָעִ֣יר נִתְּנָ֗ה בְּיַ֤ד הַכַּשְׂדִּים֙ הַנִּלְחָמִ֣ים עָלֶ֔יהָ מִפְּנֵ֛י הַחֶ֥רֶב וְהָרָעָ֖ב וְהַדָּ֑בֶר וַאֲשֶׁ֥ר דִּבַּ֛רְתָּ הָיָ֖ה וְהִנְּךָ֥ רֹאֶֽה׃

‎25 ‏וְאַתָּ֞ה אָמַ֤רְתָּ אֵלַי֙ אֲדֹנָ֣י יְהוִ֔ה קְנֵֽה־לְךָ֧ הַשָּׂדֶ֛ה בַּכֶּ֖סֶף וְהָעֵ֣ד עֵדִ֑ים וְהָעִ֥יר נִתְּנָ֖ה בְּיַ֥ד הַכַּשְׂדִּֽים׃

‎26 ‏וַיְהִי֙ דְּבַר־יְהוָ֔ה אֶֽל־יִרְמְיָ֖הוּ לֵאמֹֽר׃

‎27 ‏הִנֵּה֙ אֲנִ֣י יְהוָ֔ה אֱלֹהֵ֖י כָּל־בָּשָׂ֑ר הֲ‍ֽמִמֶּ֔נִּי יִפָּלֵ֖א כָּל־דָּבָֽר׃

‎28 ‏לָכֵ֕ן כֹּ֖ה אָמַ֣ר יְהוָ֑ה הִנְנִ֣י נֹתֵן֩ אֶת־הָעִ֨יר הַזֹּ֜את בְּיַ֣ד הַכַּשְׂדִּ֗ים וּבְיַ֛ד נְבֽוּכַדְרֶאצַּ֥ר מֶֽלֶךְ־בָּבֶ֖ל וּלְכָדָֽהּ׃

‎29 ‏וּבָ֣אוּ הַכַּשְׂדִּ֗ים הַנִּלְחָמִים֙ עַל־הָעִ֣יר הַזֹּ֔את וְהִצִּ֜יתוּ אֶת־הָעִ֥יר הַזֹּ֛את בָּאֵ֖שׁ וּשְׂרָפ֑וּהָ וְאֵ֣ת הַבָּתִּ֡ים אֲשֶׁר֩ קִטְּר֨וּ עַל־גַּגּֽוֹתֵיהֶ֜ם לַבַּ֗עַל וְהִסִּ֤כוּ נְסָכִים֙ לֵאלֹהִ֣ים אֲחֵרִ֔ים לְמַ֖עַן הַכְעִסֵֽנִי׃

‎30 ‏כִּֽי־הָי֨וּ בְנֵֽי־יִשְׂרָאֵ֜ל וּבְנֵ֣י יְהוּדָ֗ה אַ֣ךְ עֹשִׂ֥ים הָרַ֛ע בְּעֵינַ֖י מִנְּעֻרֹֽתֵיהֶ֑ם כִּ֣י בְנֵֽי־יִשְׂרָאֵ֗ל אַ֣ךְ מַכְעִסִ֥ים אֹתִ֛י בְּמַעֲשֵׂ֥ה יְדֵיהֶ֖ם נְאֻם־יְהוָֽה׃

‎31 ‏כִּ֧י עַל־אַפִּ֣י וְעַל־חֲמָתִ֗י הָ֤יְתָה לִּי֙ הָעִ֣יר הַזֹּ֔את לְמִן־הַיּוֹם֙ אֲשֶׁ֣ר בָּנ֣וּ אוֹתָ֔הּ וְעַ֖ד הַיּ֣וֹם הַזֶּ֑ה לַהֲסִירָ֖הּ מֵעַ֥ל פָּנָֽי׃

‎32 ‏עַל֩ כָּל־רָעַ֨ת בְּנֵֽי־יִשְׂרָאֵ֜ל וּבְנֵ֣י יְהוּדָ֗ה אֲשֶׁ֤ר עָשׂוּ֙ לְהַכְעִסֵ֔נִי הֵ֤מָּה מַלְכֵיהֶם֙ שָֽׂרֵיהֶ֔ם כֹּהֲנֵיהֶ֖ם וּנְבִֽיאֵיהֶ֑ם וְאִ֣ישׁ יְהוּדָ֔ה וְיֹשְׁבֵ֖י יְרוּשָׁלִָֽם׃

‎33 ‏וַיִּפְנ֥וּ אֵלַ֛י עֹ֖רֶף וְלֹ֣א פָנִ֑ים וְלַמֵּ֤ד אֹתָם֙ הַשְׁכֵּ֣ם וְלַמֵּ֔ד וְאֵינָ֥ם שֹׁמְעִ֖ים לָקַ֥חַת מוּסָֽר׃

‎34 ‏וַיָּשִׂ֣ימוּ שִׁקּֽוּצֵיהֶ֗ם בַּבַּ֛יִת אֲשֶׁר־נִקְרָֽא־שְׁמִ֥י עָלָ֖יו לְטַמְּאֽוֹ׃

‎35 ‏וַיִּבְנוּ֩ אֶת־בָּמ֨וֹת הַבַּ֜עַל אֲשֶׁ֣ר׀ בְּגֵ֣יא בֶן־הִנֹּ֗ם לְ֠הַעֲבִיר אֶת־בְּנֵיהֶ֣ם וְאֶת־בְּנוֹתֵיהֶם֮ לַמֹּלֶךְ֒ אֲשֶׁ֣ר לֹֽא־צִוִּיתִ֗ים וְלֹ֤א עָֽלְתָה֙ עַל־לִבִּ֔י לַעֲשׂ֖וֹת הַתּוֹעֵבָ֣ה הַזֹּ֑את לְמַ֖עַן החטי הַחֲטִ֥יא אֶת־יְהוּדָֽה׃ ס

‎36 ‏וְעַתָּ֕ה לָכֵ֛ן כֹּֽה־אָמַ֥ר יְהוָ֖ה אֱלֹהֵ֣י יִשְׂרָאֵ֑ל אֶל־הָעִ֨יר הַזֹּ֜את אֲשֶׁ֣ר׀ אַתֶּ֣ם אֹמְרִ֗ים נִתְּנָה֙ בְּיַ֣ד מֶֽלֶךְ־בָּבֶ֔ל בַּחֶ֖רֶב וּבָרָעָ֥ב וּבַדָּֽבֶר׃

‎37 ‏הִנְנִ֤י מְקַבְּצָם֙ מִכָּל־הָ֣אֲרָצ֔וֹת אֲשֶׁ֨ר הִדַּחְתִּ֥ים שָׁ֛ם בְּאַפִּ֥י וּבַחֲמָתִ֖י וּבְקֶ֣צֶף גָּד֑וֹל וַהֲשִֽׁבֹתִים֙ אֶל־הַמָּק֣וֹם הַזֶּ֔ה וְהֹשַׁבְתִּ֖ים לָבֶֽטַח׃

‎38 ‏וְהָ֥יוּ לִ֖י לְעָ֑ם וַאֲנִ֕י אֶהְיֶ֥ה לָהֶ֖ם לֵאלֹהִֽים׃

‎39 ‏וְנָתַתִּ֨י לָהֶ֜ם לֵ֤ב אֶחָד֙ וְדֶ֣רֶךְ אֶחָ֔ד לְיִרְאָ֥ה אוֹתִ֖י כָּל־הַיָּמִ֑ים לְט֣וֹב לָהֶ֔ם וְלִבְנֵיהֶ֖ם אַחֲרֵיהֶֽם׃

‎40 ‏וְכָרַתִּ֤י לָהֶם֙ בְּרִ֣ית עוֹלָ֔ם אֲשֶׁ֤ר לֹֽא־אָשׁוּב֙ מֵאַ֣חֲרֵיהֶ֔ם לְהֵיטִיבִ֖י אוֹתָ֑ם וְאֶת־יִרְאָתִי֙ אֶתֵּ֣ן בִּלְבָבָ֔ם לְבִלְתִּ֖י ס֥וּר מֵעָלָֽי׃

‎41 ‏וְשַׂשְׂתִּ֥י עֲלֵיהֶ֖ם לְהֵטִ֣יב אוֹתָ֑ם וּנְטַעְתִּ֞ים בָּאָ֤רֶץ הַזֹּאת֙ בֶּאֱמֶ֔ת בְּכָל־לִבִּ֖י וּבְכָל־נַפְשִֽׁי׃ ס

‎42 ‏כִּֽי־כֹה֙ אָמַ֣ר יְהוָ֔ה כַּאֲשֶׁ֤ר הֵבֵ֙אתִי֙ אֶל־הָעָ֣ם הַזֶּ֔ה אֵ֛ת כָּל־הָרָעָ֥ה הַגְּדוֹלָ֖ה הַזֹּ֑את כֵּ֣ן אָנֹכִ֞י מֵבִ֤יא עֲלֵיהֶם֙ אֶת־כָּל־הַטּוֹבָ֔ה אֲשֶׁ֥ר אָנֹכִ֖י דֹּבֵ֥ר עֲלֵיהֶֽם׃

‎43 ‏וְנִקְנָ֥ה הַשָּׂדֶ֖ה בָּאָ֣רֶץ הַזֹּ֑את אֲשֶׁ֣ר׀ אַתֶּ֣ם אֹמְרִ֗ים שְׁמָמָ֥ה הִיא֙ מֵאֵ֤ין אָדָם֙ וּבְהֵמָ֔ה נִתְּנָ֖ה בְּיַ֥ד הַכַּשְׂדִּֽים׃

‎44 ‏שָׂד֞וֹת בַּכֶּ֣סֶף יִקְנ֗וּ וְכָת֨וֹב בַּסֵּ֥פֶר׀ וְחָתוֹם֮ וְהָעֵ֣ד עֵדִים֒ בְּאֶ֨רֶץ בִּנְיָמִ֜ן וּבִסְבִיבֵ֣י יְרוּשָׁלִַ֗ם וּבְעָרֵ֤י יְהוּדָה֙ וּבְעָרֵ֣י הָהָ֔ר וּבְעָרֵ֥י הַשְּׁפֵלָ֖ה וּבְעָרֵ֣י הַנֶּ֑גֶב כִּֽי־אָשִׁ֥יב אֶת־שְׁבוּתָ֖ם נְאֻם־יְהוָֽה׃ פ

1 hadāḇār ’ăšer-hāyâ ’el-yirəməyâû mē’ēṯ yəhwâ bišənaṯ baššānâ hā‘ăśirîṯ ləṣiḏəqîyâû meleḵə yəhûḏâ hî’ haššānâ šəmōneh-‘eśərēh šānâ linəḇûḵaḏəre’ṣṣar:

2 wə’āz ḥêl meleḵə bāḇel ṣārîm ‘al-yərûšālāim wəyirəməyâû hannāḇî’ hāyâ ḵālû’ b^aḥăṣar hammaṭṭārâ ’ăšer bêṯ-meleḵə yəhûḏâ:

3 ’ăšer kəlā’wō ṣiḏəqîyâû meleḵə-yəhûḏâ lē’mōr madû‘a ’atâ nibā’ lē’mōr kōh ’āmar yəhwâ hinənî nōṯēn ’eṯ-hā‘îr hazzō’ṯ bəyaḏ meleḵə-bāḇel ûləḵāḏāh:

4 wəṣiḏəqîyâû meleḵə yəhûḏâ lō’ yimmālēṭ mîyaḏ hakaśədîm kî hinnāṯōn yinnāṯēn bəyaḏ meleḵə-bāḇel wəḏiber-pîw ‘im-pîw wə‘ênāyw ’eṯ-‘ênāw ‘ênāyw tirə’eynâ:

5 ûḇāḇel ywōliḵə ’eṯ-ṣiḏəqîyâû wəšām yihəyeh ‘aḏ-pāqəḏî ’ōṯwō nə’um-yəhwâ kî ṯillāḥămû ’eṯ-hakaśədîm lō’ ṯaṣəlîḥû: f

6 wayyō’mer yirəməyâû hāyâ dəḇar-yəhwâ ’ēlay lē’mōr:

7 hinnēh ḥănamə’ēl ben-šallum dōḏəḵā bā’ ’ēleyḵā lē’mōr qənēh ləḵā ’eṯ-śāḏî ’ăšer b^a‘ănāṯwōṯ kî ləḵā mišəpaṭ hagə’ullâ liqənwōṯ:

8 wayyāḇō’ ’ēlay ḥănamə’ēl ben-dōḏî kiḏəḇar yəhwâ ’el-ḥăṣar hammaṭṭārâ wayyō’mer ’ēlay qənēh nā’ ’eṯ-śāḏî ’ăšer-b^a‘ănāṯwōṯ ’ăšer| bə’ereṣ binəyāmîn kî-ləḵā mišəpaṭ hayəruššâ ûləḵā hagə’ullâ qənēh-lāḵə wā’ēḏ^a‘ kî ḏəḇar-yəhwâ hû’:

9 wā’eqəneh ’eṯ-haśśāḏeh mē’ēṯ ḥănamə’ēl ben-dōḏî ’ăšer b^a‘ănāṯwōṯ wā’ešəqălâ-llwō ’eṯ-hakesef šiḇə‘â šəqālîm w^a‘ăśārâ hakāsef:

10 wā’eḵətōḇ bassēfer wā’eḥətōm wā’ā‘ēḏ ‘ēḏîm wā’ešəqōl hakesef bəmō’zənāyim:

11 wā’eqq^aḥ ’eṯ-sēfer hammiqənâ ’eṯ-heḥāṯûm hammiṣəwâ wəh^aḥuqqîm wə’eṯ-hagālûy:

12 wā’etēn ’eṯ-hassēfer hammiqənâ ’el-bārûḵə ben-nērîyâ ben-m^aḥəsêâ lə‘ênê ḥănamə’ēl dōḏî ûlə‘ênê hā‘ēḏîm hakōṯəḇîm bəsēfer hammiqənâ lə‘ênê kāl-hayyəhûḏîm hayyōšəḇîm b^aḥăṣar hammaṭṭārâ:

13 wā’ăṣaûeh ’eṯ¹ bārûḵə lə‘ênêhem lē’mōr:

14 kōh-’āmar yəhwâ ṣəḇā’wōṯ ’ĕlōhê yiśərā’ēl lāqwōḥa ’eṯ-hassəfārîm hā’ēlleh ’ēṯ sēfer hammiqənâ hazzeh wə’ēṯ heḥāṯûm wə’ēṯ sēfer hagālûy hazzeh ûnəṯatām biḵəlî-ḥāreś ləm^a‘an y^a‘aməḏû yāmîm rabîm: s

15 kî ḵōh ’āmar yəhwâ ṣəḇā’wōṯ ’ĕlōhê yiśərā’ēl ‘wōḏ yiqqānû ḇātîm wəśāḏwōṯ ûḵərāmîm bā’āreṣ hazzō’ṯ: f

16 wā’eṯəpallēl ’el-yəhwâ ’^aḥărê ṯitî ’eṯ-sēfer hammiqənâ ’el-bārûḵə ben-nērîyâ lē’mōr:

17 ’ăhāh ’ăḏōnāy yəhwih hinnēh| ’atâ ‘āśîṯā ’eṯ-haššāmayim wə’eṯ-hā’āreṣ bəḵōḥăḵā hagāḏwōl ûḇizərō‘ăḵā hannəṭûyâ lō’-yipālē’ mimməḵā kāl-dāḇār:

18 ‘ōśeh ḥeseḏ la’ălāfîm ûməšallēm ‘ăwōn ’āḇwōṯ ’el-ḥêq bənêhem ’^aḥărêhem hā’ēl hagāḏwōl hagibwōr yəhwâ ṣəḇā’wōṯ šəmwō:

19 gəḏōl hā‘ēṣâ wəraḇ hā‘ălîlîyâ ’ăšer-‘êneyḵā fəquḥwōṯ ‘al-kāl-darəḵê bənê ’āḏām lāṯēṯ lə’îš kiḏərāḵāyw wəḵifərî m^a‘ălālāyw:

20 ’ăšer-śamətā ’ōṯwōṯ ûmōfəṯîm bə’ereṣ-miṣərayim ‘aḏ-hayywōm hazzeh ûḇəyiśərā’ēl ûḇā’āḏām wat^a‘ăśeh-lləḵā šēm kayywōm hazzeh:

21 watōṣē’ ’eṯ-‘amməḵā ’eṯ-yiśərā’ēl mē’ereṣ miṣərāyim bə’ōṯwōṯ ûḇəmwōfəṯîm ûḇəyāḏ ḥăzāqâ ûḇə’ezərwō‘a nəṭûyâ ûḇəmwōrā’ gāḏwōl:

22 watitēn lâem ’eṯ-hā’āreṣ hazzō’ṯ ’ăšer-nišəb^a‘ətā la’ăḇwōṯām lāṯēṯ lâem ’ereṣ zāḇaṯ ḥālāḇ ûḏəḇāš:

23 wayyāḇō’û wayyirəšû ’ōṯāh wəlō’-šāmə‘û ḇəqwōleḵā ûḇəṯōrwōṯeḵā ûḇəṯwōrāṯəḵā lō’-hālāḵû ’ēṯ kāl-’ăšer ṣiûîṯâ lâem l^a‘ăśwōṯ lō’ ‘āśû wataqərē’ ’ōṯām ’ēṯ kāl-hārā‘â hazzō’ṯ:

24 hinnēh hassōləlwōṯ bā’û hā‘îr ləlāḵəḏāh wəhā‘îr nitənâ bəyaḏ hakaśədîm hanniləḥāmîm ‘āleyhā mipənê h^aḥereḇ wəhārā‘āḇ wəhadāḇer wa’ăšer dibarətā hāyâ wəhinnəḵā rō’eh:

25 wə’atâ ’āmarətā ’ēlay ’ăḏōnāy yəhwih qənēh-ləḵā haśśāḏeh bakesef wəhā‘ēḏ ‘ēḏîm wəhā‘îr nitənâ bəyaḏ hakaśədîm:

26 wayəhî dəḇar-yəhwâ ’el-yirəməyâû lē’mōr:

27 hinnēh ’ănî yəhwâ ’ĕlōhê kāl-bāśār hă‍mimmennî yipālē’ kāl-dāḇār:

28 lāḵēn kōh ’āmar yəhwâ hinənî nōṯēn ’eṯ-hā‘îr hazzō’ṯ bəyaḏ hakaśədîm ûḇəyaḏ nəḇûḵaḏəre’ṣṣar meleḵə-bāḇel ûləḵāḏāh:

29 ûḇā’û hakaśədîm hanniləḥāmîm ‘al-hā‘îr hazzō’ṯ wəhiṣṣîṯû ’eṯ-hā‘îr hazzō’ṯ bā’ēš ûśərāfûhā wə’ēṯ habātîm ’ăšer qiṭṭərû ‘al-gagwōṯêhem lab^a‘al wəhissiḵû nəsāḵîm lē’lōhîm ’ăḥērîm ləm^a‘an haḵə‘isēnî:

30 kî-hāyû ḇənê-yiśərā’ēl ûḇənê yəhûḏâ ’aḵə ‘ōśîm hār^a‘ bə‘ênay minnə‘urōṯêhem kî ḇənê-yiśərā’ēl ’aḵə maḵə‘isîm ’ōṯî bəm^a‘ăśēh yəḏêhem nə’um-yəhwâ:

31 kî ‘al-’apî wə‘al-ḥămāṯî hāyəṯâ llî hā‘îr hazzō’ṯ ləmin-hayywōm ’ăšer bānû ’wōṯāh wə‘aḏ hayywōm hazzeh lahăsîrāh mē‘al pānāy:

32 ‘al kāl-rā‘aṯ bənê-yiśərā’ēl ûḇənê yəhûḏâ ’ăšer ‘āśû ləhaḵə‘isēnî hēmmâ maləḵêhem śārêhem kōhănêhem ûnəḇî’êhem wə’îš yəhûḏâ wəyōšəḇê yərûšālāim:

33 wayyifənû ’ēlay ‘ōref wəlō’ fānîm wəlammēḏ ’ōṯām hašəkēm wəlammēḏ wə’ênām šōmə‘îm lāq^aḥaṯ mûsār:

34 wayyāśîmû šiqqûṣêhem babayiṯ ’ăšer-niqərā’-šəmî ‘ālāyw ləṭammə’wō:

35 wayyiḇənû ’eṯ-bāmwōṯ hab^a‘al ’ăšer| bəḡê’ ḇen-hinnōm ləh^a‘ăḇîr ’eṯ-bənêhem wə’eṯ-bənwōṯêhem lammōleḵə ’ăšer lō’-ṣiûîṯîm wəlō’ ‘āləṯâ ‘al-libî l^a‘ăśwōṯ hatwō‘ēḇâ hazzō’ṯ ləm^a‘an h^aḥăṭî h^aḥăṭî’ ’eṯ-yəhûḏâ: s

36 wə‘atâ lāḵēn kōh-’āmar yəhwâ ’ĕlōhê yiśərā’ēl ’el-hā‘îr hazzō’ṯ ’ăšer| ’atem ’ōmərîm nitənâ bəyaḏ meleḵə-bāḇel b^aḥereḇ ûḇārā‘āḇ ûḇadāḇer:

37 hinənî məqabəṣām mikāl-hā’ărāṣwōṯ ’ăšer hid^aḥətîm šām bə’apî ûḇ^aḥămāṯî ûḇəqeṣef gāḏwōl wahăšiḇōṯîm ’el-hammāqwōm hazzeh wəhōšaḇətîm lāḇeṭ^aḥ:

38 wəhāyû lî lə‘ām wa’ănî ’ehəyeh lâem lē’lōhîm:

39 wənāṯatî lâem lēḇ ’eḥāḏ wəḏereḵə ’eḥāḏ ləyirə’â ’wōṯî kāl-hayyāmîm ləṭwōḇ lâem wəliḇənêhem ’^aḥărêhem:

40 wəḵāratî lâem bərîṯ ‘wōlām ’ăšer lō’-’āšûḇ mē’^aḥărêhem ləhêṭîḇî ’wōṯām wə’eṯ-yirə’āṯî ’etēn biləḇāḇām ləḇilətî sûr mē‘ālāy:

41 wəśaśətî ‘ălêhem ləhēṭîḇ ’wōṯām ûnəṭ^a‘ətîm bā’āreṣ hazzō’ṯ be’ĕmeṯ bəḵāl-libî ûḇəḵāl-nafəšî: s

42 kî-ḵōh ’āmar yəhwâ ka’ăšer hēḇē’ṯî ’el-hā‘ām hazzeh ’ēṯ kāl-hārā‘â hagəḏwōlâ hazzō’ṯ kēn ’ānōḵî mēḇî’ ‘ălêhem ’eṯ-kāl-haṭṭwōḇâ ’ăšer ’ānōḵî dōḇēr ‘ălêhem:

43 wəniqənâ haśśāḏeh bā’āreṣ hazzō’ṯ ’ăšer| ’atem ’ōmərîm šəmāmâ hî’ mē’ên ’āḏām ûḇəhēmâ nitənâ bəyaḏ hakaśədîm:

44 śāḏwōṯ bakesef yiqənû wəḵāṯwōḇ bassēfer| wəḥāṯwōm wəhā‘ēḏ ‘ēḏîm bə’ereṣ binəyāmin ûḇisəḇîḇê yərûšālaim ûḇə‘ārê yəhûḏâ ûḇə‘ārê hâār ûḇə‘ārê haššəfēlâ ûḇə‘ārê hanneḡeḇ kî-’āšîḇ ’eṯ-šəḇûṯām nə’um-yəhwâ: f

‎1 ‏וַיְהִ֧י דְבַר־יְהוָ֛ה אֶֽל־יִרְמְיָ֖הוּ שֵׁנִ֑ית וְהוּא֙ עוֹדֶ֣נּוּ עָצ֔וּר בַּחֲצַ֥ר הַמַּטָּרָ֖ה לֵאמֹֽר׃

‎2 ‏כֹּֽה־אָמַ֥ר יְהוָ֖ה עֹשָׂ֑הּ יְהוָ֗ה יוֹצֵ֥ר אוֹתָ֛הּ לַהֲכִינָ֖הּ יְהוָ֥ה שְׁמֽוֹ׃

‎3 ‏קְרָ֥א אֵלַ֖י וְאֶעֱנֶ֑ךָּ וְאַגִּ֧ידָה לְּךָ֛ גְּדֹל֥וֹת וּבְצֻר֖וֹת לֹ֥א יְדַעְתָּֽם׃ ס

‎4 ‏כִּי֩ כֹ֨ה אָמַ֤ר יְהוָה֙ אֱלֹהֵ֣י יִשְׂרָאֵ֔ל עַל־בָּתֵּי֙ הָעִ֣יר הַזֹּ֔את וְעַל־בָּתֵּ֖י מַלְכֵ֣י יְהוּדָ֑ה הַנְּתֻצִ֕ים אֶל־הַסֹּלְל֖וֹת וְאֶל־הֶחָֽרֶב׃

‎5 ‏בָּאִ֗ים לְהִלָּחֵם֙ אֶת־הַכַּשְׂדִּ֔ים וּלְמַלְאָם֙ אֶת־פִּגְרֵ֣י הָאָדָ֔ם אֲשֶׁר־הִכֵּ֥יתִי בְאַפִּ֖י וּבַחֲמָתִ֑י וַאֲשֶׁ֨ר הִסְתַּ֤רְתִּי פָנַי֙ מֵהָעִ֣יר הַזֹּ֔את עַ֖ל כָּל־רָעָתָֽם׃

‎6 ‏הִנְנִ֧י מַעֲלֶה־לָּ֛הּ אֲרֻכָ֥ה וּמַרְפֵּ֖א וּרְפָאתִ֑ים וְגִלֵּיתִ֣י לָהֶ֔ם עֲתֶ֥רֶת שָׁל֖וֹם וֶאֱמֶֽת׃

‎7 ‏וַהֲשִֽׁבֹתִי֙ אֶת־שְׁב֣וּת יְהוּדָ֔ה וְאֵ֖ת שְׁב֣וּת יִשְׂרָאֵ֑ל וּבְנִתִ֖ים כְּבָרִֽאשֹׁנָֽה׃

‎8 ‏וְטִ֣הַרְתִּ֔ים מִכָּל־עֲוֹנָ֖ם אֲשֶׁ֣ר חָֽטְאוּ־לִ֑י וְסָלַחְתִּ֗י לכול־ לְכָל־ עֲוֹנֽוֹתֵיהֶם֙ אֲשֶׁ֣ר חָֽטְאוּ־לִ֔י וַאֲשֶׁ֖ר פָּ֥שְׁעוּ בִֽי׃

‎9 ‏וְהָ֣יְתָה לִּ֗י לְשֵׁ֤ם שָׂשׂוֹן֙ לִתְהִלָּ֣ה וּלְתִפְאֶ֔רֶת לְכֹ֖ל גּוֹיֵ֣י הָאָ֑רֶץ אֲשֶׁ֨ר יִשְׁמְע֜וּ אֶת־כָּל־הַטּוֹבָ֗ה אֲשֶׁ֤ר אָֽנֹכִי֙ עֹשֶׂ֣ה אֹתָ֔ם וּפָחֲד֣וּ וְרָֽגְז֗וּ עַ֤ל כָּל־הַטּוֹבָה֙ וְעַ֣ל כָּל־הַשָּׁל֔וֹם אֲשֶׁ֥ר אָֽנֹכִ֖י עֹ֥שֶׂה לָּֽהּ׃ ס

‎10 ‏כֹּ֣ה׀ אָמַ֣ר יְהוָ֗ה עוֹד֮ יִשָּׁמַ֣ע בַּמָּקוֹם־הַזֶּה֒ אֲשֶׁר֙ אַתֶּ֣ם אֹֽמְרִ֔ים חָרֵ֣ב ה֔וּא מֵאֵ֥ין אָדָ֖ם וּמֵאֵ֣ין בְּהֵמָ֑ה בְּעָרֵ֤י יְהוּדָה֙ וּבְחֻצ֣וֹת יְרוּשָׁלִַ֔ם הַֽנְשַׁמּ֗וֹת מֵאֵ֥ין אָדָ֛ם וּמֵאֵ֥ין יוֹשֵׁ֖ב וּמֵאֵ֥ין בְּהֵמָֽה׃

‎11 ‏ק֣וֹל שָׂשׂ֞וֹן וְק֣וֹל שִׂמְחָ֗ה ק֣וֹל חָתָן֮ וְק֣וֹל כַּלָּה֒ ק֣וֹל אֹמְרִ֡ים הוֹדוּ֩ אֶת־יְהוָ֨ה צְבָא֜וֹת כִּֽי־ט֤וֹב יְהוָה֙ כִּֽי־לְעוֹלָ֣ם חַסְדּ֔וֹ מְבִאִ֥ים תּוֹדָ֖ה בֵּ֣ית יְהוָ֑ה כִּֽי־אָשִׁ֧יב אֶת־שְׁבוּת־הָאָ֛רֶץ כְּבָרִאשֹׁנָ֖ה אָמַ֥ר יְהוָֽה׃ ס

‎12 ‏כֹּֽה־אָמַר֮ יְהוָ֣ה צְבָאוֹת֒ ע֞וֹד יִֽהְיֶ֣ה׀ בַּמָּק֣וֹם הַזֶּ֗ה הֶחָרֵ֛ב מֵֽאֵין־אָדָ֥ם וְעַד־בְּהֵמָ֖ה וּבְכָל־עָרָ֑יו נְוֵ֣ה רֹעִ֔ים מַרְבִּצִ֖ים צֹֽאן׃

‎13 ‏בְּעָרֵ֨י הָהָ֜ר בְּעָרֵ֤י הַשְּׁפֵלָה֙ וּבְעָרֵ֣י הַנֶּ֔גֶב וּבְאֶ֧רֶץ בִּנְיָמִ֛ן וּבִסְבִיבֵ֥י יְרוּשָׁלִַ֖ם וּבְעָרֵ֣י יְהוּדָ֑ה עֹ֣ד תַּעֲבֹ֧רְנָה הַצֹּ֛אן עַל־יְדֵ֥י מוֹנֶ֖ה אָמַ֥ר יְהוָֽה׃ ס

‎14 ‏הִנֵּ֛ה יָמִ֥ים בָּאִ֖ים נְאֻם־יְהוָ֑ה וַהֲקִֽמֹתִי֙ אֶת־הַדָּבָ֣ר הַטּ֔וֹב אֲשֶׁ֥ר דִּבַּ֛רְתִּי אֶל־בֵּ֥ית יִשְׂרָאֵ֖ל וְעַל־בֵּ֥ית יְהוּדָֽה׃

‎15 ‏בַּיָּמִ֤ים הָהֵם֙ וּבָעֵ֣ת הַהִ֔יא אַצְמִ֥יחַ לְדָוִ֖ד צֶ֣מַח צְדָקָ֑ה וְעָשָׂ֛ה מִשְׁפָּ֥ט וּצְדָקָ֖ה בָּאָֽרֶץ׃

‎16 ‏בַּיָּמִ֤ים הָהֵם֙ תִּוָּשַׁ֣ע יְהוּדָ֔ה וִירוּשָׁלִַ֖ם תִּשְׁכּ֣וֹן לָבֶ֑טַח וְזֶ֥ה אֲשֶׁר־יִקְרָא־לָ֖הּ יְהוָ֥ה׀ צִדְקֵֽנוּ׃ ס

‎17 ‏כִּי־כֹ֖ה אָמַ֣ר יְהוָ֑ה לֹֽא־יִכָּרֵ֣ת לְדָוִ֔ד אִ֕ישׁ יֹשֵׁ֖ב עַל־כִּסֵּ֥א בֵֽית־יִשְׂרָאֵֽל׃

‎18 ‏וְלַכֹּהֲנִים֙ הַלְוִיִּ֔ם לֹֽא־יִכָּרֵ֥ת אִ֖ישׁ מִלְּפָנָ֑י מַעֲלֶ֨ה עוֹלָ֜ה וּמַקְטִ֥יר מִנְחָ֛ה וְעֹֽשֶׂה־זֶּ֖בַח³ כָּל־הַיָּמִֽים׃ ס

‎19 ‏וַֽיְהִי֙ דְּבַר־יְהוָ֔ה אֶֽל־יִרְמְיָ֖הוּ לֵאמֽוֹר׃

‎20 ‏כֹּ֚ה אָמַ֣ר יְהוָ֔ה אִם־תָּפֵ֙רוּ֙ אֶת־בְּרִיתִ֣י הַיּ֔וֹם וְאֶת־בְּרִיתִ֖י הַלָּ֑יְלָה וּלְבִלְתִּ֛י הֱי֥וֹת יֽוֹמָם־וָלַ֖יְלָה בְּעִתָּֽם׃

‎21 ‏גַּם־בְּרִיתִ֤י תֻפַר֙ אֶת־דָּוִ֣ד עַבְדִּ֔י מִהְיֽוֹת־ל֥וֹ בֵ֖ן מֹלֵ֣ךְ עַל־כִּסְא֑וֹ וְאֶת־הַלְוִיִּ֥ם הַכֹּהֲנִ֖ים מְשָׁרְתָֽי׃

‎22 ‏אֲשֶׁ֤ר לֹֽא־יִסָּפֵר֙ צְבָ֣א הַשָּׁמַ֔יִם וְלֹ֥א יִמַּ֖ד ח֣וֹל הַיָּ֑ם כֵּ֣ן אַרְבֶּ֗ה אֶת־זֶ֙רַע֙ דָּוִ֣ד עַבְדִּ֔י וְאֶת־הַלְוִיִּ֖ם מְשָׁרְתֵ֥י אֹתִֽי׃ ס

‎23 ‏וַֽיְהִי֙ דְּבַר־יְהוָ֔ה אֶֽל־יִרְמְיָ֖הוּ לֵאמֹֽר׃

‎24 ‏הֲל֣וֹא רָאִ֗יתָ מָֽה־הָעָ֤ם הַזֶּה֙ דִּבְּר֣וּ לֵאמֹ֔ר שְׁתֵּ֣י הַמִּשְׁפָּח֗וֹת אֲשֶׁ֨ר בָּחַ֧ר יְהוָ֛ה בָּהֶ֖ם וַיִּמְאָסֵ֑ם וְאֶת־עַמִּי֙ יִנְאָצ֔וּן מִֽהְי֥וֹת ע֖וֹד גּ֥וֹי לִפְנֵיהֶֽם׃ ס

‎25 ‏כֹּ֚ה אָמַ֣ר יְהוָ֔ה אִם־לֹ֥א בְרִיתִ֖י יוֹמָ֣ם וָלָ֑יְלָה חֻקּ֛וֹת שָׁמַ֥יִם וָאָ֖רֶץ לֹא־שָֽׂמְתִּי׃

‎26 ‏גַּם־זֶ֣רַע יַעֲקוֹב֩ וְדָוִ֨ד עַבְדִּ֜י אֶמְאַ֗ס מִקַּ֤חַת מִזַּרְעוֹ֙ מֹֽשְׁלִ֔ים אֶל־זֶ֥רַע אַבְרָהָ֖ם יִשְׂחָ֣ק וְיַעֲקֹ֑ב כִּֽי־אשוב אָשִׁ֥יב אֶת־שְׁבוּתָ֖ם וְרִחַמְתִּֽים׃ ס

1 wayəhî ḏəḇar-yəhwâ ’el-yirəməyâû šēnîṯ wəhû’ ‘wōḏennû ‘āṣûr b^aḥăṣar hammaṭṭārâ lē’mōr:

2 kōh-’āmar yəhwâ ‘ōśāh yəhwâ ywōṣēr ’wōṯāh lahăḵînāh yəhwâ šəmwō:

3 qərā’ ’ēlay wə’e‘ĕneḵḵā wə’agîḏâ lləḵā gəḏōlwōṯ ûḇəṣurwōṯ lō’ yəḏ^a‘ətām: s

4 kî ḵōh ’āmar yəhwâ ’ĕlōhê yiśərā’ēl ‘al-bātê hā‘îr hazzō’ṯ wə‘al-bātê maləḵê yəhûḏâ hannəṯuṣîm ’el-hassōləlwōṯ wə’el-heḥāreḇ:

5 bā’îm ləhillāḥēm ’eṯ-hakaśədîm ûləmalə’ām ’eṯ-piḡərê hā’āḏām ’ăšer-hikêṯî ḇə’apî ûḇ^aḥămāṯî wa’ăšer hisətarətî fānay mēhā‘îr hazzō’ṯ ‘al kāl-rā‘āṯām:

6 hinənî m^a‘ăleh-llāh ’ăruḵâ ûmarəpē’ ûrəfā’ṯîm wəḡillêṯî lâem ‘ăṯereṯ šālwōm we’ĕmeṯ:

7 wahăšiḇōṯî ’eṯ-šəḇûṯ yəhûḏâ wə’ēṯ šəḇûṯ yiśərā’ēl ûḇəniṯîm kəḇāri’šōnâ:

8 wəṭiharətîm mikāl-‘ăwōnām ’ăšer ḥāṭə’û-lî wəsāl^aḥətî ləḵwōl- ləḵāl- ‘ăwōnwōṯêhem ’ăšer ḥāṭə’û-lî wa’ăšer pāšə‘û ḇî:

9 wəhāyəṯâ llî ləšēm śāśwōn liṯəhillâ ûləṯifə’ereṯ ləḵōl gwōyê hā’āreṣ ’ăšer yišəmə‘û ’eṯ-kāl-haṭṭwōḇâ ’ăšer ’ānōḵî ‘ōśeh ’ōṯām ûfāḥăḏû wərāḡəzû ‘al kāl-haṭṭwōḇâ wə‘al kāl-haššālwōm ’ăšer ’ānōḵî ‘ōśeh llāh: s

10 kōh| ’āmar yəhwâ ‘wōḏ yiššām^a‘ bammāqwōm-hazzeh ’ăšer ’atem ’ōmərîm ḥārēḇ hû’ mē’ên ’āḏām ûmē’ên bəhēmâ bə‘ārê yəhûḏâ ûḇəḥuṣwōṯ yərûšālaim hanəšammwōṯ mē’ên ’āḏām ûmē’ên ywōšēḇ ûmē’ên bəhēmâ:

11 qwōl śāśwōn wəqwōl śiməḥâ qwōl ḥāṯān wəqwōl kallâ qwōl ’ōmərîm hwōḏû ’eṯ-yəhwâ ṣəḇā’wōṯ kî-ṭwōḇ yəhwâ kî-lə‘wōlām ḥasədwō məḇi’îm twōḏâ bêṯ yəhwâ kî-’āšîḇ ’eṯ-šəḇûṯ-hā’āreṣ kəḇāri’šōnâ ’āmar yəhwâ: s

12 kōh-’āmar yəhwâ ṣəḇā’wōṯ ‘wōḏ yihəyeh| bammāqwōm hazzeh heḥārēḇ mē’ên-’āḏām wə‘aḏ-bəhēmâ ûḇəḵāl-‘ārāyw nəwēh rō‘îm marəbiṣîm ṣō’n:

13 bə‘ārê hâār bə‘ārê haššəfēlâ ûḇə‘ārê hanneḡeḇ ûḇə’ereṣ binəyāmin ûḇisəḇîḇê yərûšālaim ûḇə‘ārê yəhûḏâ ‘ōḏ t^a‘ăḇōrənâ haṣṣō’n ‘al-yəḏê mwōneh ’āmar yəhwâ: s

14 hinnēh yāmîm bā’îm nə’um-yəhwâ wahăqimōṯî ’eṯ-hadāḇār haṭṭwōḇ ’ăšer dibarətî ’el-bêṯ yiśərā’ēl wə‘al-bêṯ yəhûḏâ:

15 bayyāmîm hâēm ûḇā‘ēṯ hahî’ ’aṣəmîḥa ləḏāwiḏ ṣem^aḥ ṣəḏāqâ wə‘āśâ mišəpāṭ ûṣəḏāqâ bā’āreṣ:

16 bayyāmîm hâēm tiûāš^a‘ yəhûḏâ wîrûšālaim tišəkwōn lāḇeṭ^aḥ wəzeh ’ăšer-yiqərā’-lāh yəhwâ| ṣiḏəqēnû: s

17 kî-ḵōh ’āmar yəhwâ lō’-yikārēṯ ləḏāwiḏ ’îš yōšēḇ ‘al-kissē’ ḇêṯ-yiśərā’ēl:

18 wəlakōhănîm haləwîyim lō’-yikārēṯ ’îš milləfānāy m^a‘ăleh ‘wōlâ ûmaqəṭîr minəḥâ wə‘ōśeh-zzeḇ^aḥ³ kāl-hayyāmîm: s

19 wayəhî dəḇar-yəhwâ ’el-yirəməyâû lē’mwōr:

20 kōh ’āmar yəhwâ ’im-tāfērû ’eṯ-bərîṯî hayywōm wə’eṯ-bərîṯî hallāyəlâ ûləḇilətî hĕywōṯ ywōmām-wālayəlâ bə‘itām:

21 gam-bərîṯî ṯufar ’eṯ-dāwiḏ ‘aḇədî mihəywōṯ-lwō ḇēn mōlēḵə ‘al-kisə’wō wə’eṯ-haləwîyim hakōhănîm məšārəṯāy:

22 ’ăšer lō’-yissāfēr ṣəḇā’ haššāmayim wəlō’ yimmaḏ ḥwōl hayyām kēn ’arəbeh ’eṯ-zer^a‘ dāwiḏ ‘aḇədî wə’eṯ-haləwîyim məšārəṯê ’ōṯî: s

23 wayəhî dəḇar-yəhwâ ’el-yirəməyâû lē’mōr:

24 hălwō’ rā’îṯā mâ-hā‘ām hazzeh dibərû lē’mōr šətê hammišəpāḥwōṯ ’ăšer bāḥar yəhwâ bâem wayyimə’āsēm wə’eṯ-‘ammî yinə’āṣûn mihəywōṯ ‘wōḏ gwōy lifənêhem: s

25 kōh ’āmar yəhwâ ’im-lō’ ḇərîṯî ywōmām wālāyəlâ ḥuqqwōṯ šāmayim wā’āreṣ lō’-śāmətî:

26 gam-zer^a‘ y^a‘ăqwōḇ wəḏāwiḏ ‘aḇədî ’emə’as miqq^aḥaṯ mizzarə‘wō mōšəlîm ’el-zer^a‘ ’aḇərâām yiśəḥāq wəy^a‘ăqōḇ kî-’āšûḇ ’āšîḇ ’eṯ-šəḇûṯām wəriḥamətîm: s

‎1 ‏הַדָּבָ֛ר אֲשֶׁר־הָיָ֥ה אֶֽל־יִרְמְיָ֖הוּ מֵאֵ֣ת יְהוָ֑ה וּנְבוּכַדְרֶאצַּ֣ר מֶֽלֶךְ־בָּבֶ֣ל׀ וְכָל־חֵיל֡וֹ וְכָל־מַמְלְכ֣וֹת אֶרֶץ֩ מֶמְשֶׁ֨לֶת יָד֜וֹ וְכָל־הָעַמִּ֗ים נִלְחָמִ֧ים עַל־יְרוּשָׁלִַ֛ם וְעַל־כָּל־עָרֶ֖יהָ לֵאמֹֽר׃

‎2 ‏כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל הָלֹךְ֙ וְאָ֣מַרְתָּ֔ אֶל־צִדְקִיָּ֖הוּ מֶ֣לֶךְ יְהוּדָ֑ה וְאָמַרְתָּ֣ אֵלָ֗יו כֹּ֚ה אָמַ֣ר יְהוָ֔ה הִנְנִ֨י נֹתֵ֜ן אֶת־הָעִ֤יר הַזֹּאת֙ בְּיַ֣ד מֶֽלֶךְ־בָּבֶ֔ל וּשְׂרָפָ֖הּ בָּאֵֽשׁ׃

‎3 ‏וְאַתָּ֗ה לֹ֚א תִמָּלֵט֙ מִיָּד֔וֹ כִּ֚י תָּפֹ֣שׂ תִּתָּפֵ֔שׂ וּבְיָד֖וֹ תִּנָּתֵ֑ן וְֽ֠עֵינֶיךָ אֶת־עֵינֵ֨י מֶֽלֶךְ־בָּבֶ֜ל תִּרְאֶ֗ינָה וּפִ֛יהוּ אֶת־פִּ֥יךָ יְדַבֵּ֖ר וּבָבֶ֥ל תָּבֽוֹא׃

‎4 ‏אַ֚ךְ שְׁמַ֣ע דְּבַר־יְהוָ֔ה צִדְקִיָּ֖הוּ מֶ֣לֶךְ יְהוּדָ֑ה כֹּֽה־אָמַ֤ר יְהוָה֙ עָלֶ֔יךָ לֹ֥א תָמ֖וּת בֶּחָֽרֶב׃

‎5 ‏בְּשָׁל֣וֹם תָּמ֗וּת וּֽכְמִשְׂרְפ֣וֹת אֲ֠בוֹתֶיךָ הַמְּלָכִ֨ים הָרִֽאשֹׁנִ֜ים אֲשֶׁר־הָי֣וּ לְפָנֶ֗יךָ כֵּ֚ן יִשְׂרְפוּ־לָ֔ךְ וְה֥וֹי אָד֖וֹן יִסְפְּדוּ־לָ֑ךְ כִּֽי־דָבָ֥ר אֲנִֽי־דִבַּ֖רְתִּי נְאֻם־יְהוָֽה׃ ס

‎6 ‏וַיְדַבֵּר֙ יִרְמְיָ֣הוּ הַנָּבִ֔יא אֶל־צִדְקִיָּ֖הוּ מֶ֣לֶךְ יְהוּדָ֑ה אֵ֛ת כָּל־הַדְּבָרִ֥ים הָאֵ֖לֶּה בִּירוּשָׁלִָֽם׃

‎7 ‏וְחֵ֣יל מֶֽלֶךְ־בָּבֶ֗ל נִלְחָמִים֙ עַל־יְר֣וּשָׁלִַ֔ם וְעַ֛ל כָּל־עָרֵ֥י יְהוּדָ֖ה הַנּֽוֹתָר֑וֹת אֶל־לָכִישׁ֙ וְאֶל־עֲזֵקָ֔ה כִּ֣י הֵ֗נָּה נִשְׁאֲר֛וּ בְּעָרֵ֥י יְהוּדָ֖ה עָרֵ֥י מִבְצָֽר׃ פ

‎8 ‏הַדָּבָ֛ר אֲשֶׁר־הָיָ֥ה אֶֽל־יִרְמְיָ֖הוּ מֵאֵ֣ת יְהוָ֑ה אַחֲרֵ֡י כְּרֹת֩ הַמֶּ֨לֶךְ צִדְקִיָּ֜הוּ בְּרִ֗ית אֶת־כָּל־הָעָם֙ אֲשֶׁ֣ר בִּירֽוּשָׁלִַ֔ם לִקְרֹ֥א לָהֶ֖ם דְּרֽוֹר׃

‎9 ‏לְ֠שַׁלַּח אִ֣ישׁ אֶת־עַבְדּ֞וֹ וְאִ֧ישׁ אֶת־שִׁפְחָת֛וֹ הָעִבְרִ֥י וְהָעִבְרִיָּ֖ה חָפְשִׁ֑ים לְבִלְתִּ֧י עֲבָד־בָּ֛ם בִּיהוּדִ֥י אָחִ֖יהוּ אִֽישׁ׃

‎10 ‏וַיִּשְׁמְעוּ֩ כָל־הַשָּׂרִ֨ים וְכָל־הָעָ֜ם אֲשֶׁר־בָּ֣אוּ בַבְּרִ֗ית לְ֠שַׁלַּח אִ֣ישׁ אֶת־עַבְדּ֞וֹ וְאִ֤ישׁ אֶת־שִׁפְחָתוֹ֙ חָפְשִׁ֔ים לְבִלְתִּ֥י עֲבָד־בָּ֖ם ע֑וֹד וַֽיִּשְׁמְע֖וּ וַיְשַׁלֵּֽחוּ׃

‎11 ‏וַיָּשׁ֙וּבוּ֙ אַחֲרֵי־כֵ֔ן וַיָּשִׁ֗בוּ אֶת־הָֽעֲבָדִים֙ וְאֶת־הַשְּׁפָח֔וֹת אֲשֶׁ֥ר שִׁלְּח֖וּ חָפְשִׁ֑ים ויכבישום וַֽיִּכְבְּשׁ֔וּם לַעֲבָדִ֖ים וְלִשְׁפָחֽוֹת׃ ס

‎12 ‏וַיְהִ֤י דְבַר־יְהוָה֙ אֶֽל־יִרְמְיָ֔הוּ מֵאֵ֥ת יְהוָ֖ה לֵאמֹֽר׃

‎13 ‏כֹּֽה־אָמַ֥ר יְהוָ֖ה אֱלֹהֵ֣י יִשְׂרָאֵ֑ל אָנֹכִ֗י כָּרַ֤תִּֽי בְרִית֙ אֶת־אֲב֣וֹתֵיכֶ֔ם בְּי֨וֹם הוֹצִאִ֤י אוֹתָם֙ מֵאֶ֣רֶץ מִצְרַ֔יִם מִבֵּ֥ית עֲבָדִ֖ים לֵאמֹֽר׃

‎14 ‏מִקֵּ֣ץ שֶׁ֣בַע שָׁנִ֡ים תְּֽשַׁלְּח֡וּ אִישׁ֩ אֶת־אָחִ֨יו הָעִבְרִ֜י אֲשֶֽׁר־יִמָּכֵ֣ר לְךָ֗ וַעֲבָֽדְךָ֙ שֵׁ֣שׁ שָׁנִ֔ים וְשִׁלַּחְתּ֥וֹ חָפְשִׁ֖י מֵֽעִמָּ֑ךְ וְלֹֽא־שָׁמְע֤וּ אֲבֽוֹתֵיכֶם֙ אֵלַ֔י וְלֹ֥א הִטּ֖וּ אֶת־אָזְנָֽם׃

‎15 ‏וַתָּשֻׁ֨בוּ אַתֶּ֜ם הַיּ֗וֹם וַתַּעֲשׂ֤וּ אֶת־הַיָּשָׁר֙ בְּעֵינַ֔י לִקְרֹ֥א דְר֖וֹר אִ֣ישׁ לְרֵעֵ֑הוּ וַתִּכְרְת֤וּ בְרִית֙ לְפָנַ֔י בַּבַּ֕יִת אֲשֶׁר־נִקְרָ֥א שְׁמִ֖י עָלָֽיו׃

‎16 ‏וַתָּשֻׁ֙בוּ֙ וַתְּחַלְּל֣וּ אֶת־שְׁמִ֔י וַתָּשִׁ֗בוּ אִ֤ישׁ אֶת־עַבְדּוֹ֙ וְאִ֣ישׁ אֶת־שִׁפְחָת֔וֹ אֲשֶׁר־שִׁלַּחְתֶּ֥ם חָפְשִׁ֖ים לְנַפְשָׁ֑ם וַתִּכְבְּשׁ֣וּ אֹתָ֔ם לִֽהְי֣וֹת לָכֶ֔ם לַעֲבָדִ֖ים וְלִשְׁפָחֽוֹת׃ ס

‎17 ‏לָכֵן֮ כֹּה־אָמַ֣ר יְהוָה֒ אַתֶּם֙ לֹֽא־שְׁמַעְתֶּ֣ם אֵלַ֔י לִקְרֹ֣א דְר֔וֹר אִ֥ישׁ לְאָחִ֖יו וְאִ֣ישׁ לְרֵעֵ֑הוּ הִנְנִ֣י קֹרֵא֩ לָכֶ֨ם דְּר֜וֹר נְאֻם־יְהוָ֗ה אֶל־הַחֶ֙רֶב֙ אֶל־הַדֶּ֣בֶר וְאֶל־הָרָעָ֔ב וְנָתַתִּ֤י אֶתְכֶם֙ לזועה לְזַעֲוָ֔ה לְכֹ֖ל מַמְלְכ֥וֹת הָאָֽרֶץ׃

‎18 ‏וְנָתַתִּ֣י אֶת־הָאֲנָשִׁ֗ים הָעֹֽבְרִים֙ אֶת־בְּרִתִ֔י אֲשֶׁ֤ר לֹֽא־הֵקִ֙ימוּ֙ אֶת־דִּבְרֵ֣י הַבְּרִ֔ית אֲשֶׁ֥ר כָּרְת֖וּ לְפָנָ֑י הָעֵ֙גֶל֙ אֲשֶׁ֣ר כָּרְת֣וּ לִשְׁנַ֔יִם וַיַּעַבְר֖וּ בֵּ֥ין בְּתָרָֽיו׃

‎19 ‏שָׂרֵ֨י יְהוּדָ֜ה וְשָׂרֵ֣י יְרוּשָׁלִַ֗ם הַסָּֽרִסִים֙ וְהַכֹּ֣הֲנִ֔ים וְכֹ֖ל עַ֣ם הָאָ֑רֶץ הָעֹ֣בְרִ֔ים בֵּ֖ין בִּתְרֵ֥י הָעֵֽגֶל׃

‎20 ‏וְנָתַתִּ֤י אוֹתָם֙ בְּיַ֣ד אֹֽיְבֵיהֶ֔ם וּבְיַ֖ד מְבַקְשֵׁ֣י נַפְשָׁ֑ם וְהָיְתָ֤ה נִבְלָתָם֙ לְמַֽאֲכָ֔ל לְע֥וֹף הַשָּׁמַ֖יִם וּלְבֶהֱמַ֥ת הָאָֽרֶץ׃

‎21 ‏וְאֶת־צִדְקִיָּ֨הוּ מֶֽלֶךְ־יְהוּדָ֜ה וְאֶת־שָׂרָ֗יו אֶתֵּן֙ בְּיַ֣ד אֹֽיְבֵיהֶ֔ם וּבְיַ֖ד מְבַקְשֵׁ֣י נַפְשָׁ֑ם וּבְיַד חֵ֚יל מֶ֣לֶךְ בָּבֶ֔ל הָעֹלִ֖ים מֵעֲלֵיכֶֽם׃

‎22 ‏הִנְנִ֨י מְצַוֶּ֜ה נְאֻם־יְהוָ֗ה וַהֲשִׁ֨בֹתִ֜ים אֶל־הָעִ֤יר הַזֹּאת֙ וְנִלְחֲמ֣וּ עָלֶ֔יהָ וּלְכָד֖וּהָ וּשְׂרָפֻ֣הָ בָאֵ֑שׁ וְאֶת־עָרֵ֧י יְהוּדָ֛ה אֶתֵּ֥ן שְׁמָמָ֖ה מֵאֵ֥ין יֹשֵֽׁב׃ פ

1 hadāḇār ’ăšer-hāyâ ’el-yirəməyâû mē’ēṯ yəhwâ ûnəḇûḵaḏəre’ṣṣar meleḵə-bāḇel| wəḵāl-ḥêlwō wəḵāl-mamələḵwōṯ ’ereṣ meməšeleṯ yāḏwō wəḵāl-hā‘ammîm niləḥāmîm ‘al-yərûšālaim wə‘al-kāl-‘āreyhā lē’mōr:

2 kōh-’āmar yəhwâ ’ĕlōhê yiśərā’ēl hālōḵə wə’āmarətā ’el-ṣiḏəqîyâû meleḵə yəhûḏâ wə’āmarətā ’ēlāyw kōh ’āmar yəhwâ hinənî nōṯēn ’eṯ-hā‘îr hazzō’ṯ bəyaḏ meleḵə-bāḇel ûśərāfāh bā’ēš:

3 wə’atâ lō’ ṯimmālēṭ mîyāḏwō kî tāfōś titāfēś ûḇəyāḏwō tinnāṯēn wə‘êneyḵā ’eṯ-‘ênê meleḵə-bāḇel tirə’eynâ ûfîhû ’eṯ-pîḵā yəḏabēr ûḇāḇel tāḇwō’:

4 ’aḵə šəm^a‘ dəḇar-yəhwâ ṣiḏəqîyâû meleḵə yəhûḏâ kōh-’āmar yəhwâ ‘āleyḵā lō’ ṯāmûṯ beḥāreḇ:

5 bəšālwōm tāmûṯ ûḵəmiśərəfwōṯ ’ăḇwōṯeyḵā hamməlāḵîm hāri’šōnîm ’ăšer-hāyû ləfāneyḵā kēn yiśərəfû-lāḵə wəhwōy ’āḏwōn yisəpəḏû-lāḵə kî-ḏāḇār ’ănî-ḏibarətî nə’um-yəhwâ: s

6 wayəḏabēr yirəməyâû hannāḇî’ ’el-ṣiḏəqîyâû meleḵə yəhûḏâ ’ēṯ kāl-hadəḇārîm hā’ēlleh bîrûšālāim:

7 wəḥêl meleḵə-bāḇel niləḥāmîm ‘al-yərûšālaim wə‘al kāl-‘ārê yəhûḏâ hannwōṯārwōṯ ’el-lāḵîš wə’el-‘ăzēqâ kî hēnnâ nišə’ărû bə‘ārê yəhûḏâ ‘ārê miḇəṣār: f

8 hadāḇār ’ăšer-hāyâ ’el-yirəməyâû mē’ēṯ yəhwâ ’^aḥărê kərōṯ hammeleḵə ṣiḏəqîyâû bərîṯ ’eṯ-kāl-hā‘ām ’ăšer bîrûšālaim liqərō’ lâem dərwōr:

9 ləšall^aḥ ’îš ’eṯ-‘aḇədwō wə’îš ’eṯ-šifəḥāṯwō hā‘iḇərî wəhā‘iḇərîyâ ḥāfəšîm ləḇilətî ‘ăḇāḏ-bām bîhûḏî ’āḥîhû ’îš:

10 wayyišəmə‘û ḵāl-haśśārîm wəḵāl-hā‘ām ’ăšer-bā’û ḇabərîṯ ləšall^aḥ ’îš ’eṯ-‘aḇədwō wə’îš ’eṯ-šifəḥāṯwō ḥāfəšîm ləḇilətî ‘ăḇāḏ-bām ‘wōḏ wayyišəmə‘û wayəšallēḥû:

11 wayyāšûḇû ’^aḥărê-ḵēn wayyāšiḇû ’eṯ-hā‘ăḇāḏîm wə’eṯ-haššəfāḥwōṯ ’ăšer šilləḥû ḥāfəšîm wayyaḵəbîšûm wayyiḵəbəšûm l^a‘ăḇāḏîm wəlišəfāḥwōṯ: s

12 wayəhî ḏəḇar-yəhwâ ’el-yirəməyâû mē’ēṯ yəhwâ lē’mōr:

13 kōh-’āmar yəhwâ ’ĕlōhê yiśərā’ēl ’ānōḵî kāratî ḇərîṯ ’eṯ-’ăḇwōṯêḵem bəywōm hwōṣi’î ’wōṯām mē’ereṣ miṣərayim mibêṯ ‘ăḇāḏîm lē’mōr:

14 miqqēṣ šeḇ^a‘ šānîm təšalləḥû ’îš ’eṯ-’āḥîw hā‘iḇərî ’ăšer-yimmāḵēr ləḵā w^a‘ăḇāḏəḵā šēš šānîm wəšill^aḥətwō ḥāfəšî mē‘immāḵə wəlō’-šāmə‘û ’ăḇwōṯêḵem ’ēlay wəlō’ hiṭṭû ’eṯ-’āzənām:

15 watāšuḇû ’atem hayywōm wat^a‘ăśû ’eṯ-hayyāšār bə‘ênay liqərō’ ḏərwōr ’îš lərē‘ēhû watiḵərəṯû ḇərîṯ ləfānay babayiṯ ’ăšer-niqərā’ šəmî ‘ālāyw:

16 watāšuḇû watəḥalləlû ’eṯ-šəmî watāšiḇû ’îš ’eṯ-‘aḇədwō wə’îš ’eṯ-šifəḥāṯwō ’ăšer-šill^aḥətem ḥāfəšîm lənafəšām watiḵəbəšû ’ōṯām lihəywōṯ lāḵem l^a‘ăḇāḏîm wəlišəfāḥwōṯ: s

17 lāḵēn kōh-’āmar yəhwâ ’atem lō’-šəm^a‘ətem ’ēlay liqərō’ ḏərwōr ’îš lə’āḥîw wə’îš lərē‘ēhû hinənî qōrē’ lāḵem dərwōr nə’um-yəhwâ ’el-h^aḥereḇ ’el-hadeḇer wə’el-hārā‘āḇ wənāṯatî ’eṯəḵem lizəwā‘â ləz^a‘ăwâ ləḵōl mamələḵwōṯ hā’āreṣ:

18 wənāṯatî ’eṯ-hā’ănāšîm hā‘ōḇərîm ’eṯ-bəriṯî ’ăšer lō’-hēqîmû ’eṯ-diḇərê habərîṯ ’ăšer kārəṯû ləfānāy hā‘ēḡel ’ăšer kārəṯû lišənayim wayy^a‘aḇərû bên bəṯārāyw:

19 śārê yəhûḏâ wəśārê yərûšālaim hassārisîm wəhakōhănîm wəḵōl ‘am hā’āreṣ hā‘ōḇərîm bên biṯərê hā‘ēḡel:

20 wənāṯatî ’wōṯām bəyaḏ ’ōyəḇêhem ûḇəyaḏ məḇaqəšê nafəšām wəhāyəṯâ niḇəlāṯām ləma’ăḵāl lə‘wōf haššāmayim ûləḇehĕmaṯ hā’āreṣ:

21 wə’eṯ-ṣiḏəqîyâû meleḵə-yəhûḏâ wə’eṯ-śārāyw ’etēn bəyaḏ ’ōyəḇêhem ûḇəyaḏ məḇaqəšê nafəšām ûḇəyaḏ ḥêl meleḵə bāḇel hā‘ōlîm mē‘ălêḵem:

22 hinənî məṣaûeh nə’um-yəhwâ wahăšiḇōṯîm ’el-hā‘îr hazzō’ṯ wəniləḥămû ‘āleyhā ûləḵāḏûhā ûśərāfuhā ḇā’ēš wə’eṯ-‘ārê yəhûḏâ ’etēn šəmāmâ mē’ên yōšēḇ: f

‎1 ‏הַדָּבָ֛ר אֲשֶׁר־הָיָ֥ה אֶֽל־יִרְמְיָ֖הוּ מֵאֵ֣ת יְהוָ֑ה בִּימֵ֨י יְהוֹיָקִ֧ים בֶּן־יֹאשִׁיָּ֛הוּ מֶ֥לֶךְ יְהוּדָ֖ה לֵאמֹֽר׃

‎2 ‏הָלוֹךְ֮ אֶל־בֵּ֣ית הָרֵכָבִים֒ וְדִבַּרְתָּ֣ אוֹתָ֔ם וַהֲבִֽאוֹתָם֙ בֵּ֣ית יְהוָ֔ה אֶל־אַחַ֖ת הַלְּשָׁכ֑וֹת וְהִשְׁקִיתָ֥ אוֹתָ֖ם יָֽיִן׃

‎3 ‏וָאֶקַּ֞ח אֶת־יַאֲזַנְיָ֤ה בֶֽן־יִרְמְיָ֙הוּ֙ בֶּן־חֲבַצִּנְיָ֔ה וְאֶת־אֶחָ֖יו וְאֶת־כָּל־בָּנָ֑יו וְאֵ֖ת כָּל־בֵּ֥ית הָרֵכָבִֽים׃

‎4 ‏וָאָבִ֤א אֹתָם֙ בֵּ֣ית יְהוָ֔ה אֶל־לִשְׁכַּ֗ת בְּנֵ֛י חָנָ֥ן בֶּן־יִגְדַּלְיָ֖הוּ אִ֣ישׁ הָאֱלֹהִ֑ים אֲשֶׁר־אֵ֙צֶל֙ לִשְׁכַּ֣ת הַשָּׂרִ֔ים אֲשֶׁ֣ר מִמַּ֗עַל לְלִשְׁכַּ֛ת מַעֲשֵׂיָ֥הוּ בֶן־שַׁלֻּ֖ם שֹׁמֵ֥ר הַסַּֽף׃

‎5 ‏וָאֶתֵּ֞ן לִפְנֵ֣י׀ בְּנֵ֣י בֵית־הָרֵכָבִ֗ים גְּבִעִ֛ים מְלֵאִ֥ים יַ֖יִן וְכֹס֑וֹת וָאֹמַ֥ר אֲלֵיהֶ֖ם שְׁתוּ־יָֽיִן׃

‎6 ‏וַיֹּאמְר֖וּ לֹ֣א נִשְׁתֶּה־יָּ֑יִן כִּי֩ יוֹנָדָ֨ב בֶּן־רֵכָ֜ב אָבִ֗ינוּ צִוָּ֤ה עָלֵ֙ינוּ֙ לֵאמֹ֔ר לֹ֧א תִשְׁתּוּ־יַ֛יִן אַתֶּ֥ם וּבְנֵיכֶ֖ם עַד־עוֹלָֽם׃

‎7 ‏וּבַ֣יִת לֹֽא־תִבְנ֗וּ וְזֶ֤רַע לֹֽא־תִזְרָ֙עוּ֙ וְכֶ֣רֶם לֹֽא־תִטָּ֔עוּ וְלֹ֥א יִֽהְיֶ֖ה לָכֶ֑ם כִּ֠י בָּאֳהָלִ֤ים תֵּֽשְׁבוּ֙ כָּל־יְמֵיכֶ֔ם לְמַ֨עַן תִּֽחְי֜וּ יָמִ֤ים רַבִּים֙ עַל־פְּנֵ֣י הָאֲדָמָ֔ה אֲשֶׁ֥ר אַתֶּ֖ם גָּרִ֥ים שָֽׁם׃

‎8 ‏וַנִּשְׁמַ֗ע בְּק֨וֹל יְהוֹנָדָ֤ב בֶּן־רֵכָב֙ אָבִ֔ינוּ לְכֹ֖ל אֲשֶׁ֣ר צִוָּ֑נוּ לְבִלְתִּ֤י שְׁתֽוֹת־יַ֙יִן֙ כָּל־יָמֵ֔ינוּ אֲנַ֣חְנוּ נָשֵׁ֔ינוּ בָּנֵ֖ינוּ וּבְנֹתֵֽינוּ׃

‎9 ‏וּלְבִלְתִּ֛י בְּנ֥וֹת בָּתִּ֖ים לְשִׁבְתֵּ֑נוּ וְכֶ֧רֶם וְשָׂדֶ֛ה וָזֶ֖רַע לֹ֥א יִֽהְיֶה־לָּֽנוּ׃

‎10 ‏וַנֵּ֖שֶׁב בָּֽאֳהָלִ֑ים וַנִּשְׁמַ֣ע וַנַּ֔עַשׂ כְּכֹ֥ל אֲשֶׁר־צִוָּ֖נוּ יוֹנָדָ֥ב אָבִֽינוּ׃

‎11 ‏וַיְהִ֗י בַּעֲל֨וֹת נְבוּכַדְרֶאצַּ֥ר מֶֽלֶךְ־בָּבֶל֮ אֶל־הָאָרֶץ֒ וַנֹּ֗אמֶר בֹּ֚אוּ וְנָב֣וֹא יְרוּשָׁלִַ֔ם מִפְּנֵי֙ חֵ֣יל הַכַּשְׂדִּ֔ים וּמִפְּנֵ֖י חֵ֣יל אֲרָ֑ם וַנֵּ֖שֶׁב בִּירוּשָׁלִָֽם׃ פ

‎12 ‏וַֽיְהִי֙ דְּבַר־יְהוָ֔ה אֶֽל־יִרְמְיָ֖הוּ לֵאמֹֽר׃

‎13 ‏כֹּֽה־אָמַ֞ר יְהוָ֤ה צְבָאוֹת֙ אֱלֹהֵ֣י יִשְׂרָאֵ֔ל הָלֹ֤ךְ וְאָֽמַרְתָּ֙ לְאִ֣ישׁ יְהוּדָ֔ה וּלְיֽוֹשְׁבֵ֖י יְרֽוּשָׁלִָ֑ם הֲל֨וֹא תִקְח֥וּ מוּסָ֛ר לִשְׁמֹ֥עַ אֶל־דְּבָרַ֖י נְאֻם־יְהוָֽה׃

‎14 ‏הוּקַ֡ם אֶת־דִּבְרֵ֣י יְהוֹנָדָ֣ב בֶּן־רֵ֠כָב אֲשֶׁר־צִוָּ֨ה אֶת־בָּנָ֜יו לְבִלְתִּ֣י שְׁתֽוֹת־יַ֗יִן וְלֹ֤א שָׁתוּ֙ עַד־הַיּ֣וֹם הַזֶּ֔ה כִּ֣י שָֽׁמְע֔וּ אֵ֖ת מִצְוַ֣ת אֲבִיהֶ֑ם וְאָ֨נֹכִ֜י דִּבַּ֤רְתִּי אֲלֵיכֶם֙ הַשְׁכֵּ֣ם וְדַבֵּ֔ר וְלֹ֥א שְׁמַעְתֶּ֖ם אֵלָֽי׃

‎15 ‏וָאֶשְׁלַ֣ח אֲלֵיכֶ֣ם אֶת־כָּל־עֲבָדַ֣י הַנְּבִאִ֣ים׀ הַשְׁכֵּ֣ים וְשָׁלֹ֣חַ׀ לֵאמֹ֡ר שֻׁבוּ־נָ֡א אִישׁ֩ מִדַּרְכּ֨וֹ הָרָעָ֜ה וְהֵיטִ֣יבוּ מַֽעַלְלֵיכֶ֗ם וְאַל־תֵּ֨לְכ֜וּ אַחֲרֵ֨י אֱלֹהִ֤ים אֲחֵרִים֙ לְעָבְדָ֔ם וּשְׁבוּ֙ אֶל־הָ֣אֲדָמָ֔ה אֲשֶׁר־נָתַ֥תִּי לָכֶ֖ם וְלַאֲבֹֽתֵיכֶ֑ם וְלֹ֤א הִטִּיתֶם֙ אֶֽת־אָזְנְכֶ֔ם וְלֹ֥א שְׁמַעְתֶּ֖ם אֵלָֽי׃

‎16 ‏כִּ֣י הֵקִ֗ימוּ בְּנֵי֙ יְהוֹנָדָ֣ב בֶּן־רֵכָ֔ב אֶת־מִצְוַ֥ת אֲבִיהֶ֖ם אֲשֶׁ֣ר צִוָּ֑ם וְהָעָ֣ם הַזֶּ֔ה לֹ֥א שָׁמְע֖וּ אֵלָֽי׃ ס

‎17 ‏לָ֠כֵן כֹּֽה־אָמַ֨ר יְהוָ֜ה אֱלֹהֵ֤י צְבָאוֹת֙ אֱלֹהֵ֣י יִשְׂרָאֵ֔ל הִנְנִ֧י מֵבִ֣יא אֶל־יְהוּדָ֗ה וְאֶ֤ל כָּל־יֽוֹשְׁבֵי֙ יְר֣וּשָׁלִַ֔ם אֵ֚ת כָּל־הָ֣רָעָ֔ה אֲשֶׁ֥ר דִּבַּ֖רְתִּי עֲלֵיהֶ֑ם יַ֣עַן דִּבַּ֤רְתִּי אֲלֵיהֶם֙ וְלֹ֣א שָׁמֵ֔עוּ וָאֶקְרָ֥א לָהֶ֖ם וְלֹ֥א עָנֽוּ׃

‎18 ‏וּלְבֵ֨ית הָרֵכָבִ֜ים אָמַ֣ר יִרְמְיָ֗הוּ כֹּֽה־אָמַ֞ר יְהוָ֤ה צְבָאוֹת֙ אֱלֹהֵ֣י יִשְׂרָאֵ֔ל יַ֚עַן אֲשֶׁ֣ר שְׁמַעְתֶּ֔ם עַל־מִצְוַ֖ת יְהוֹנָדָ֣ב אֲבִיכֶ֑ם וַֽתִּשְׁמְרוּ֙ אֶת־כָּל־מִצְוֹתָ֔יו וַֽתַּעֲשׂ֔וּ כְּכֹ֥ל אֲשֶׁר־צִוָּ֖ה אֶתְכֶֽם׃ ס

‎19 ‏לָכֵ֗ן כֹּ֥ה אָמַ֛ר יְהוָ֥ה צְבָא֖וֹת אֱלֹהֵ֣י יִשְׂרָאֵ֑ל לֹֽא־יִכָּרֵ֨ת אִ֜ישׁ לְיוֹנָדָ֧ב בֶּן־רֵכָ֛ב עֹמֵ֥ד לְפָנַ֖י כָּל־הַיָּמִֽים׃ פ

1 hadāḇār ’ăšer-hāyâ ’el-yirəməyâû mē’ēṯ yəhwâ bîmê yəhwōyāqîm ben-yō’šîyâû meleḵə yəhûḏâ lē’mōr:

2 hālwōḵə ’el-bêṯ hārēḵāḇîm wəḏibarətā ’wōṯām wahăḇi’wōṯām bêṯ yəhwâ ’el-’^aḥaṯ halləšāḵwōṯ wəhišəqîṯā ’wōṯām yāyin:

3 wā’eqq^aḥ ’eṯ-ya’ăzanəyâ ḇen-yirəməyâû ben-ḥăḇaṣṣinəyâ wə’eṯ-’eḥāyw wə’eṯ-kāl-bānāyw wə’ēṯ kāl-bêṯ hārēḵāḇîm:

4 wā’āḇi’ ’ōṯām bêṯ yəhwâ ’el-lišəkaṯ bənê ḥānān ben-yiḡədaləyâû ’îš hā’ĕlōhîm ’ăšer-’ēṣel lišəkaṯ haśśārîm ’ăšer mimm^a‘al ləlišəkaṯ m^a‘ăśêâû ḇen-šallum šōmēr hassaf:

5 wā’etēn lifənê| bənê ḇêṯ-hārēḵāḇîm gəḇi‘îm məlē’îm yayin wəḵōswōṯ wā’ōmar ’ălêhem šəṯû-yāyin:

6 wayyō’mərû lō’ nišəteh-yyāyin kî ywōnāḏāḇ ben-rēḵāḇ ’āḇînû ṣiûâ ‘ālênû lē’mōr lō’ ṯišətû-yayin ’atem ûḇənêḵem ‘aḏ-‘wōlām:

7 ûḇayiṯ lō’-ṯiḇənû wəzer^a‘ lō’-ṯizərā‘û wəḵerem lō’-ṯiṭṭā‘û wəlō’ yihəyeh lāḵem kî bā’ŏhālîm tēšəḇû kāl-yəmêḵem ləm^a‘an tiḥəyû yāmîm rabîm ‘al-pənê hā’ăḏāmâ ’ăšer ’atem gārîm šām:

8 wannišəm^a‘ bəqwōl yəhwōnāḏāḇ ben-rēḵāḇ ’āḇînû ləḵōl ’ăšer ṣiûānû ləḇilətî šəṯwōṯ-yayin kāl-yāmênû ’ăn^aḥənû nāšênû bānênû ûḇənōṯênû:

9 ûləḇilətî bənwōṯ bātîm ləšiḇətēnû wəḵerem wəśāḏeh wāzer^a‘ lō’ yihəyeh-llānû:

10 wannēšeḇ bā’ŏhālîm wannišəm^a‘ wann^a‘aś kəḵōl ’ăšer-ṣiûānû ywōnāḏāḇ ’āḇînû:

11 wayəhî b^a‘ălwōṯ nəḇûḵaḏəre’ṣṣar meleḵə-bāḇel ’el-hā’āreṣ wannō’mer bō’û wənāḇwō’ yərûšālaim mipənê ḥêl hakaśədîm ûmipənê ḥêl ’ărām wannēšeḇ bîrûšālāim: f

12 wayəhî dəḇar-yəhwâ ’el-yirəməyâû lē’mōr:

13 kōh-’āmar yəhwâ ṣəḇā’wōṯ ’ĕlōhê yiśərā’ēl hālōḵə wə’āmarətā lə’îš yəhûḏâ ûləywōšəḇê yərûšālāim hălwō’ ṯiqəḥû mûsār lišəmō‘a ’el-dəḇāray nə’um-yəhwâ:

14 hûqam ’eṯ-diḇərê yəhwōnāḏāḇ ben-rēḵāḇ ’ăšer-ṣiûâ ’eṯ-bānāyw ləḇilətî šəṯwōṯ-yayin wəlō’ šāṯû ‘aḏ-hayywōm hazzeh kî šāmə‘û ’ēṯ miṣəwaṯ ’ăḇîhem wə’ānōḵî dibarətî ’ălêḵem hašəkēm wəḏabēr wəlō’ šəm^a‘ətem ’ēlāy:

15 wā’ešəl^aḥ ’ălêḵem ’eṯ-kāl-‘ăḇāḏay hannəḇi’îm| hašəkêm wəšālōḥa| lē’mōr šuḇû-nā’ ’îš midarəkwō hārā‘â wəhêṭîḇû m^a‘aləlêḵem wə’al-tēləḵû ’^aḥărê ’ĕlōhîm ’ăḥērîm lə‘āḇəḏām ûšəḇû ’el-hā’ăḏāmâ ’ăšer-nāṯatî lāḵem wəla’ăḇōṯêḵem wəlō’ hiṭṭîṯem ’eṯ-’āzənəḵem wəlō’ šəm^a‘ətem ’ēlāy:

16 kî hēqîmû bənê yəhwōnāḏāḇ ben-rēḵāḇ ’eṯ-miṣəwaṯ ’ăḇîhem ’ăšer ṣiûām wəhā‘ām hazzeh lō’ šāmə‘û ’ēlāy: s

17 lāḵēn kōh-’āmar yəhwâ ’ĕlōhê ṣəḇā’wōṯ ’ĕlōhê yiśərā’ēl hinənî mēḇî’ ’el-yəhûḏâ wə’el kāl-ywōšəḇê yərûšālaim ’ēṯ kāl-hārā‘â ’ăšer dibarətî ‘ălêhem y^a‘an dibarətî ’ălêhem wəlō’ šāmē‘û wā’eqərā’ lâem wəlō’ ‘ānû:

18 ûləḇêṯ hārēḵāḇîm ’āmar yirəməyâû kōh-’āmar yəhwâ ṣəḇā’wōṯ ’ĕlōhê yiśərā’ēl y^a‘an ’ăšer šəm^a‘ətem ‘al-miṣəwaṯ yəhwōnāḏāḇ ’ăḇîḵem watišəmərû ’eṯ-kāl-miṣəwōṯāyw wat^a‘ăśû kəḵōl ’ăšer-ṣiûâ ’eṯəḵem: s

19 lāḵēn kōh ’āmar yəhwâ ṣəḇā’wōṯ ’ĕlōhê yiśərā’ēl lō’-yikārēṯ ’îš ləywōnāḏāḇ ben-rēḵāḇ ‘ōmēḏ ləfānay kāl-hayyāmîm: f

‎1 ‏וַֽיְהִי֙ בַּשָּׁנָ֣ה הָרְבִיעִ֔ת לִיהוֹיָקִ֥ים בֶּן־יֹאשִׁיָּ֖הוּ מֶ֣לֶךְ יְהוּדָ֑ה הָיָ֞ה הַדָּבָ֤ר הַזֶּה֙ אֶֽל־יִרְמְיָ֔הוּ מֵאֵ֥ת יְהוָ֖ה לֵאמֹֽר׃

‎2 ‏קַח־לְךָ֮ מְגִלַּת־סֵפֶר֒ וְכָתַבְתָּ֣ אֵלֶ֗יהָ אֵ֣ת כָּל־הַדְּבָרִ֞ים אֲשֶׁר־דִּבַּ֧רְתִּי אֵלֶ֛יךָ עַל־יִשְׂרָאֵ֥ל וְעַל־יְהוּדָ֖ה וְעַל־כָּל־הַגּוֹיִ֑ם מִיּ֞וֹם דִּבַּ֤רְתִּי אֵלֶ֙יךָ֙ מִימֵ֣י יֹאשִׁיָּ֔הוּ וְעַ֖ד הַיּ֥וֹם הַזֶּֽה׃

‎3 ‏אוּלַ֤י יִשְׁמְעוּ֙ בֵּ֣ית יְהוּדָ֔ה אֵ֚ת כָּל־הָ֣רָעָ֔ה אֲשֶׁ֛ר אָנֹכִ֥י חֹשֵׁ֖ב לַעֲשׂ֣וֹת לָהֶ֑ם לְמַ֣עַן יָשׁ֗וּבוּ אִ֚ישׁ מִדַּרְכּ֣וֹ הָרָעָ֔ה וְסָלַחְתִּ֥י לַעֲוֹנָ֖ם וּלְחַטָּאתָֽם׃ ס

‎4 ‏וַיִּקְרָ֣א יִרְמְיָ֔הוּ אֶת־בָּר֖וּךְ בֶּן־נֵֽרִיָּ֑ה וַיִּכְתֹּ֨ב בָּר֜וּךְ מִפִּ֣י יִרְמְיָ֗הוּ אֵ֣ת כָּל־דִּבְרֵ֧י יְהוָ֛ה אֲשֶׁר־דִּבֶּ֥ר אֵלָ֖יו עַל־מְגִלַּת־סֵֽפֶר׃

‎5 ‏וַיְצַוֶּ֣ה יִרְמְיָ֔הוּ אֶת־בָּר֖וּךְ לֵאמֹ֑ר אֲנִ֣י עָצ֔וּר לֹ֣א אוּכַ֔ל לָב֖וֹא בֵּ֥ית יְהוָֽה׃

‎6 ‏וּבָאתָ֣ אַתָּ֡ה וְקָרָ֣אתָ בַמְּגִלָּ֣ה אֲשֶׁר־כָּתַֽבְתָּ־מִפִּי֩ אֶת־דִּבְרֵ֨י יְהוָ֜ה בְּאָזְנֵ֥י הָעָ֛ם בֵּ֥ית יְהוָ֖ה בְּי֣וֹם צ֑וֹם וְגַ֨ם בְּאָזְנֵ֧י כָל־יְהוּדָ֛ה הַבָּאִ֥ים מֵעָרֵיהֶ֖ם תִּקְרָאֵֽם׃

‎7 ‏אוּלַ֞י תִּפֹּ֤ל תְּחִנָּתָם֙ לִפְנֵ֣י יְהוָ֔ה וְיָשֻׁ֕בוּ אִ֖ישׁ מִדַּרְכּ֣וֹ הָרָעָ֑ה כִּֽי־גָד֤וֹל הָאַף֙ וְהַ֣חֵמָ֔ה אֲשֶׁר־דִּבֶּ֥ר יְהוָ֖ה אֶל־הָעָ֥ם הַזֶּֽה׃

‎8 ‏וַיַּ֗עַשׂ בָּרוּךְ֙ בֶּן־נֵ֣רִיָּ֔ה כְּכֹ֥ל אֲשֶׁר־צִוָּ֖הוּ יִרְמְיָ֣הוּ הַנָּבִ֑יא לִקְרֹ֥א בַסֵּ֛פֶר דִּבְרֵ֥י יְהוָ֖ה בֵּ֥ית יְהוָֹֽה׃ ס

‎9 ‏וַיְהִ֣י בַשָּׁנָ֣ה הַ֠חֲמִשִׁית לִיהוֹיָקִ֨ים בֶּן־יֹאשִׁיָּ֤הוּ מֶֽלֶךְ־יְהוּדָה֙ בַּחֹ֣דֶשׁ הַתְּשִׁעִ֔י קָרְא֨וּ צ֜וֹם לִפְנֵ֧י יְהוָ֛ה כָּל־הָעָ֖ם בִּירֽוּשָׁלִָ֑ם וְכָל־הָעָ֗ם הַבָּאִ֛ים מֵעָרֵ֥י יְהוּדָ֖ה בִּירוּשָׁלִָֽם׃

‎10 ‏וַיִּקְרָ֨א בָר֥וּךְ בַּסֵּ֛פֶר אֶת־דִּבְרֵ֥י יִרְמְיָ֖הוּ בֵּ֣ית יְהוָ֑ה בְּלִשְׁכַּ֡ת גְּמַרְיָהוּ֩ בֶן־שָׁפָ֨ן הַסֹּפֵ֜ר בֶּחָצֵ֣ר הָעֶלְי֗וֹן פֶּ֣תַח שַׁ֤עַר בֵּית־יְהוָה֙ הֶֽחָדָ֔שׁ בְּאָזְנֵ֖י כָּל־הָעָֽם׃

‎11 ‏וַ֠יִּשְׁמַ֗ע מִכָ֨יְהוּ בֶן־גְּמַרְיָ֧הוּ בֶן־שָׁפָ֛ן אֶת־כָּל־דִּבְרֵ֥י יְהוָ֖ה מֵעַ֥ל הַסֵּֽפֶר׃

‎12 ‏וַיֵּ֤רֶד בֵּית־הַמֶּ֙לֶךְ֙ עַל־לִשְׁכַּ֣ת הַסֹּפֵ֔ר וְהִ֨נֵּה־שָׁ֔ם כָּל־הַשָּׂרִ֖ים יֽוֹשְׁבִ֑ים אֱלִישָׁמָ֣ע הַסֹּפֵ֡ר וּדְלָיָ֣הוּ בֶן־שְׁ֠מַעְיָהוּ וְאֶלְנָתָ֨ן בֶּן־עַכְבּ֜וֹר וּגְמַרְיָ֧הוּ בֶן־שָׁפָ֛ן וְצִדְקִיָּ֥הוּ בֶן־חֲנַנְיָ֖הוּ וְכָל־הַשָּׂרִֽים׃

‎13 ‏וַיַּגֵּ֤ד לָהֶם֙ מִכָ֔יְהוּ אֵ֥ת כָּל־הַדְּבָרִ֖ים אֲשֶׁ֣ר שָׁמֵ֑עַ בִּקְרֹ֥א בָר֛וּךְ בַּסֵּ֖פֶר בְּאָזְנֵ֥י הָעָֽם׃

‎14 ‏וַיִּשְׁלְח֨וּ כָל־הַשָּׂרִ֜ים אֶל־בָּר֗וּךְ אֶת־יְהוּדִ֡י בֶּן־נְ֠תַנְיָהוּ בֶּן־שֶׁלֶמְיָ֣הוּ בֶן־כּוּשִׁי֮ לֵאמֹר֒ הַמְּגִלָּ֗ה אֲשֶׁ֨ר קָרָ֤אתָ בָּהּ֙ בְּאָזְנֵ֣י הָעָ֔ם קָחֶ֥נָּה בְיָדְךָ֖ וָלֵ֑ךְ וַ֠יִּקַּח בָּר֨וּךְ בֶּן־נֵרִיָּ֤הוּ אֶת־הַמְּגִלָּה֙ בְּיָד֔וֹ וַיָּבֹ֖א אֲלֵיהֶֽם׃

‎15 ‏וַיֹּאמְר֣וּ אֵלָ֔יו שֵׁ֣ב נָ֔א וּקְרָאֶ֖נָּה בְּאָזְנֵ֑ינוּ וַיִּקְרָ֥א בָר֖וּךְ בְּאָזְנֵיהֶֽם׃

‎16 ‏וַיְהִ֗י כְּשָׁמְעָם֙ אֶת־כָּל־הַדְּבָרִ֔ים פָּחֲד֖וּ אִ֣ישׁ אֶל־רֵעֵ֑הוּ וַיֹּֽאמְרוּ֙ אֶל־בָּר֔וּךְ הַגֵּ֤יד נַגִּיד֙ לַמֶּ֔לֶךְ אֵ֥ת כָּל־הַדְּבָרִ֖ים הָאֵֽלֶּה׃

‎17 ‏וְאֶ֨ת־בָּר֔וּךְ שָׁאֲל֖וּ לֵאמֹ֑ר הַגֶּד־נָ֣א לָ֔נוּ אֵ֗יךְ כָּתַ֛בְתָּ אֶת־כָּל־הַדְּבָרִ֥ים הָאֵ֖לֶּה מִפִּֽיו׃

‎18 ‏וַיֹּ֤אמֶר לָהֶם֙ בָּר֔וּךְ מִפִּיו֙ יִקְרָ֣א אֵלַ֔י אֵ֥ת כָּל־הַדְּבָרִ֖ים הָאֵ֑לֶּה וַאֲנִ֛י כֹּתֵ֥ב עַל־הַסֵּ֖פֶר בַּדְּיֽוֹ׃ פ

‎19 ‏וַיֹּאמְר֤וּ הַשָּׂרִים֙ אֶל־בָּר֔וּךְ לֵ֥ךְ הִסָּתֵ֖ר אַתָּ֣ה וְיִרְמְיָ֑הוּ וְאִ֥ישׁ אַל־יֵדַ֖ע אֵיפֹ֥ה אַתֶּֽם׃

‎20 ‏וַיָּבֹ֤אוּ אֶל־הַמֶּ֙לֶךְ֙ חָצֵ֔רָה וְאֶת־הַמְּגִלָּ֣ה הִפְקִ֔דוּ בְּלִשְׁכַּ֖ת אֱלִישָׁמָ֣ע הַסֹּפֵ֑ר וַיַּגִּ֙ידוּ֙ בְּאָזְנֵ֣י הַמֶּ֔לֶךְ אֵ֖ת כָּל־הַדְּבָרִֽים׃

‎21 ‏וַיִּשְׁלַ֨ח הַמֶּ֜לֶךְ אֶת־יְהוּדִ֗י לָקַ֙חַת֙ אֶת־הַמְּגִלָּ֔ה וַיִּ֨קָּחֶ֔הָ מִלִּשְׁכַּ֖ת אֱלִישָׁמָ֣ע הַסֹּפֵ֑ר וַיִּקְרָאֶ֤הָ יְהוּדִי֙ בְּאָזְנֵ֣י הַמֶּ֔לֶךְ וּבְאָזְנֵי֙ כָּל־הַשָּׂרִ֔ים הָעֹמְדִ֖ים מֵעַ֥ל הַמֶּֽלֶךְ׃

‎22 ‏וְהַמֶּ֗לֶךְ יוֹשֵׁב֙ בֵּ֣ית הַחֹ֔רֶף בַּחֹ֖דֶשׁ הַתְּשִׁיעִ֑י וְאֶת־הָאָ֖ח לְפָנָ֥יו מְבֹעָֽרֶת׃

‎23 ‏וַיְהִ֣י׀ כִּקְר֣וֹא יְהוּדִ֗י שָׁלֹ֣שׁ דְּלָתוֹת֮ וְאַרְבָּעָה֒ יִֽקְרָעֶ֙הָ֙ בְּתַ֣עַר הַסֹּפֵ֔ר וְהַשְׁלֵ֕ךְ אֶל־הָאֵ֖שׁ אֲשֶׁ֣ר אֶל־הָאָ֑ח עַד־תֹּם֙ כָּל־הַמְּגִלָּ֔ה עַל־הָאֵ֖שׁ אֲשֶׁ֥ר עַל־הָאָֽח׃

‎24 ‏וְלֹ֣א פָחֲד֔וּ וְלֹ֥א קָרְע֖וּ אֶת־בִּגְדֵיהֶ֑ם הַמֶּ֙לֶךְ֙ וְכָל־עֲבָדָ֔יו הַשֹּׁ֣מְעִ֔ים אֵ֥ת כָּל־הַדְּבָרִ֖ים הָאֵֽלֶּה׃

‎25 ‏וְגַם֩ אֶלְנָתָ֨ן וּדְלָיָ֤הוּ וּגְמַרְיָ֙הוּ֙ הִפְגִּ֣עוּ בַמֶּ֔לֶךְ לְבִלְתִּ֥י שְׂרֹ֖ף אֶת־הַמְּגִלָּ֑ה וְלֹ֥א שָׁמַ֖ע אֲלֵיהֶֽם׃

‎26 ‏וַיְצַוֶּ֣ה הַ֠מֶּלֶךְ אֶת־יְרַחְמְאֵ֨ל בֶּן־הַמֶּ֜לֶךְ וְאֶת־שְׂרָיָ֣הוּ בֶן־עַזְרִיאֵ֗ל וְאֶת־שֶֽׁלֶמְיָ֙הוּ֙ בֶּֽן־עַבְדְּאֵ֔ל לָקַ֙חַת֙ אֶת־בָּר֣וּךְ הַסֹּפֵ֔ר וְאֵ֖ת יִרְמְיָ֣הוּ הַנָּבִ֑יא וַיַּסְתִּרֵ֖ם יְהוָֽה׃ ס

‎27 ‏וַיְהִ֥י דְבַר־יְהוָ֖ה אֶֽל־יִרְמְיָ֑הוּ אַחֲרֵ֣י׀ שְׂרֹ֣ף הַמֶּ֗לֶךְ אֶת־הַמְּגִלָּה֙ וְאֶת־הַדְּבָרִ֔ים אֲשֶׁ֨ר כָּתַ֥ב בָּר֛וּךְ מִפִּ֥י יִרְמְיָ֖הוּ לֵאמֹֽר׃

‎28 ‏שׁ֥וּב קַח־לְךָ֖ מְגִלָּ֣ה אַחֶ֑רֶת וּכְתֹ֣ב עָלֶ֗יהָ אֵ֤ת כָּל־הַדְּבָרִים֙ הָרִ֣אשֹׁנִ֔ים אֲשֶׁ֣ר הָי֗וּ עַל־הַמְּגִלָּה֙ הָרִ֣אשֹׁנָ֔ה אֲשֶׁ֥ר שָׂרַ֖ף יְהוֹיָקִ֥ים מֶֽלֶךְ־יְהוּדָֽה׃

‎29 ‏וְעַל־יְהוֹיָקִ֤ים מֶֽלֶךְ־יְהוּדָה֙ תֹּאמַ֔ר כֹּ֖ה אָמַ֣ר יְהוָ֑ה אַ֠תָּה שָׂרַ֜פְתָּ אֶת־הַמְּגִלָּ֤ה הַזֹּאת֙ לֵאמֹ֔ר מַדּוּעַ֩ כָּתַ֨בְתָּ עָלֶ֜יהָ לֵאמֹ֗ר בֹּֽא־יָב֤וֹא מֶֽלֶךְ־בָּבֶל֙ וְהִשְׁחִית֙ אֶת־הָאָ֣רֶץ הַזֹּ֔את וְהִשְׁבִּ֥ית מִמֶּ֖נָּה אָדָ֥ם וּבְהֵמָֽה׃ ס

‎30 ‏לָכֵ֞ן כֹּֽה־אָמַ֣ר יְהוָ֗ה עַל־יְהֽוֹיָקִים֙ מֶ֣לֶךְ יְהוּדָ֔ה לֹא־יִֽהְיֶה־לּ֥וֹ יוֹשֵׁ֖ב עַל־כִּסֵּ֣א דָוִ֑ד וְנִבְלָתוֹ֙ תִּֽהְיֶ֣ה מֻשְׁלֶ֔כֶת לַחֹ֥רֶב בַּיּ֖וֹם וְלַקֶּ֥רַח בַּלָּֽיְלָה׃

‎31 ‏וּפָקַדְתִּ֨י עָלָ֧יו וְעַל־זַרְע֛וֹ וְעַל־עֲבָדָ֖יו אֶת־עֲוֹנָ֑ם וְהֵבֵאתִ֣י עֲ֠לֵיהֶם וְעַל־יֹשְׁבֵ֨י יְרוּשָׁלִַ֜ם וְאֶל־אִ֣ישׁ יְהוּדָ֗ה אֵ֧ת כָּל־הָרָעָ֛ה אֲשֶׁר־דִּבַּ֥רְתִּי אֲלֵיהֶ֖ם וְלֹ֥א שָׁמֵֽעוּ׃ ס

‎32 ‏וְיִרְמְיָ֜הוּ לָקַ֣ח׀ מְגִלָּ֣ה אַחֶ֗רֶת וַֽיִּתְּנָהּ֮ אֶל־בָּר֣וּךְ בֶּן־נֵרִיָּהוּ֮ הַסֹּפֵר֒ וַיִּכְתֹּ֤ב עָלֶ֙יהָ֙ מִפִּ֣י יִרְמְיָ֔הוּ אֵ֚ת כָּל־דִּבְרֵ֣י הַסֵּ֔פֶר אֲשֶׁ֥ר שָׂרַ֛ף יְהוֹיָקִ֥ים מֶֽלֶךְ־יְהוּדָ֖ה בָּאֵ֑שׁ וְע֨וֹד נוֹסַ֧ף עֲלֵיהֶ֛ם דְּבָרִ֥ים רַבִּ֖ים כָּהֵֽמָּה׃ ס

1 wayəhî baššānâ hārəḇî‘iṯ lîhwōyāqîm ben-yō’šîyâû meleḵə yəhûḏâ hāyâ hadāḇār hazzeh ’el-yirəməyâû mē’ēṯ yəhwâ lē’mōr:

2 q^aḥ-ləḵā məḡillaṯ-sēfer wəḵāṯaḇətā ’ēleyhā ’ēṯ kāl-hadəḇārîm ’ăšer-dibarətî ’ēleyḵā ‘al-yiśərā’ēl wə‘al-yəhûḏâ wə‘al-kāl-hagwōyim mîywōm dibarətî ’ēleyḵā mîmê yō’šîyâû wə‘aḏ hayywōm hazzeh:

3 ’ûlay yišəmə‘û bêṯ yəhûḏâ ’ēṯ kāl-hārā‘â ’ăšer ’ānōḵî ḥōšēḇ l^a‘ăśwōṯ lâem ləm^a‘an yāšûḇû ’îš midarəkwō hārā‘â wəsāl^aḥətî l^a‘ăwōnām ûləḥaṭṭā’ṯām: s

4 wayyiqərā’ yirəməyâû ’eṯ-bārûḵə ben-nērîyâ wayyiḵətōḇ bārûḵə mipî yirəməyâû ’ēṯ kāl-diḇərê yəhwâ ’ăšer-diber ’ēlāyw ‘al-məḡillaṯ-sēfer:

5 wayəṣaûeh yirəməyâû ’eṯ-bārûḵə lē’mōr ’ănî ‘āṣûr lō’ ’ûḵal lāḇwō’ bêṯ yəhwâ:

6 ûḇā’ṯā ’atâ wəqārā’ṯā ḇamməḡillâ ’ăšer-kāṯaḇətā-mipî ’eṯ-diḇərê yəhwâ bə’āzənê hā‘ām bêṯ yəhwâ bəywōm ṣwōm wəḡam bə’āzənê ḵāl-yəhûḏâ habā’îm mē‘ārêhem tiqərā’ēm:

7 ’ûlay tipōl təḥinnāṯām lifənê yəhwâ wəyāšuḇû ’îš midarəkwō hārā‘â kî-ḡāḏwōl hā’af wəh^aḥēmâ ’ăšer-diber yəhwâ ’el-hā‘ām hazzeh:

8 wayy^a‘aś bārûḵə ben-nērîyâ kəḵōl ’ăšer-ṣiûâû yirəməyâû hannāḇî’ liqərō’ ḇassēfer diḇərê yəhwâ bêṯ yəhwōâ: s

9 wayəhî ḇaššānâ h^aḥămišîṯ lîhwōyāqîm ben-yō’šîyâû meleḵə-yəhûḏâ b^aḥōḏeš hatəši‘î qārə’û ṣwōm lifənê yəhwâ kāl-hā‘ām bîrûšālāim wəḵāl-hā‘ām habā’îm mē‘ārê yəhûḏâ bîrûšālāim:

10 wayyiqərā’ ḇārûḵə bassēfer ’eṯ-diḇərê yirəməyâû bêṯ yəhwâ bəlišəkaṯ gəmarəyâû ḇen-šāfān hassōfēr beḥāṣēr hā‘eləywōn peṯ^aḥ š^a‘ar bêṯ-yəhwâ heḥāḏāš bə’āzənê kāl-hā‘ām:

11 wayyišəm^a‘ miḵāyəhû ḇen-gəmarəyâû ḇen-šāfān ’eṯ-kāl-diḇərê yəhwâ mē‘al hassēfer:

12 wayyēreḏ bêṯ-hammeleḵə ‘al-lišəkaṯ hassōfēr wəhinnēh-šām kāl-haśśārîm ywōšəḇîm ’ĕlîšāmā‘ hassōfēr ûḏəlāyâû ḇen-šəm^a‘əyâû wə’elənāṯān ben-‘aḵəbwōr ûḡəmarəyâû ḇen-šāfān wəṣiḏəqîyâû ḇen-ḥănanəyâû wəḵāl-haśśārîm:

13 wayyagēḏ lâem miḵāyəhû ’ēṯ kāl-hadəḇārîm ’ăšer šāmē‘a biqərō’ ḇārûḵə bassēfer bə’āzənê hā‘ām:

14 wayyišələḥû ḵāl-haśśārîm ’el-bārûḵə ’eṯ-yəhûḏî ben-nəṯanəyâû ben-šeleməyâû ḇen-kûšî lē’mōr hamməḡillâ ’ăšer qārā’ṯā bāh bə’āzənê hā‘ām qāḥennâ ḇəyāḏəḵā wālēḵə wayyiqq^aḥ bārûḵə ben-nērîyâû ’eṯ-hamməḡillâ bəyāḏwō wayyāḇō’ ’ălêhem:

15 wayyō’mərû ’ēlāyw šēḇ nā’ ûqərā’ennâ bə’āzənênû wayyiqərā’ ḇārûḵə bə’āzənêhem:

16 wayəhî kəšāmə‘ām ’eṯ-kāl-hadəḇārîm pāḥăḏû ’îš ’el-rē‘ēhû wayyō’mərû ’el-bārûḵə hagêḏ nagîḏ lammeleḵə ’ēṯ kāl-hadəḇārîm hā’ēlleh:

17 wə’eṯ-bārûḵə šā’ălû lē’mōr hageḏ-nā’ lānû ’êḵə kāṯaḇətā ’eṯ-kāl-hadəḇārîm hā’ēlleh mipîw:

18 wayyō’mer lâem bārûḵə mipîw yiqərā’ ’ēlay ’ēṯ kāl-hadəḇārîm hā’ēlleh wa’ănî kōṯēḇ ‘al-hassēfer badəywō: f

19 wayyō’mərû haśśārîm ’el-bārûḵə lēḵə hissāṯēr ’atâ wəyirəməyâû wə’îš ’al-yēḏ^a‘ ’êfōh ’atem:

20 wayyāḇō’û ’el-hammeleḵə ḥāṣērâ wə’eṯ-hamməḡillâ hifəqiḏû bəlišəkaṯ ’ĕlîšāmā‘ hassōfēr wayyagîḏû bə’āzənê hammeleḵə ’ēṯ kāl-hadəḇārîm:

21 wayyišəl^aḥ hammeleḵə ’eṯ-yəhûḏî lāq^aḥaṯ ’eṯ-hamməḡillâ wayyiqqāḥehā millišəkaṯ ’ĕlîšāmā‘ hassōfēr wayyiqərā’ehā yəhûḏî bə’āzənê hammeleḵə ûḇə’āzənê kāl-haśśārîm hā‘ōməḏîm mē‘al hammeleḵə:

22 wəhammeleḵə ywōšēḇ bêṯ h^aḥōref b^aḥōḏeš hatəšî‘î wə’eṯ-hā’āḥ ləfānāyw məḇō‘āreṯ:

23 wayəhî| kiqərwō’ yəhûḏî šālōš dəlāṯwōṯ wə’arəbā‘â yiqərā‘ehā bəṯ^a‘ar hassōfēr wəhašəlēḵə ’el-hā’ēš ’ăšer ’el-hā’āḥ ‘aḏ-tōm kāl-hamməḡillâ ‘al-hā’ēš ’ăšer ‘al-hā’āḥ:

24 wəlō’ fāḥăḏû wəlō’ qārə‘û ’eṯ-biḡəḏêhem hammeleḵə wəḵāl-‘ăḇāḏāyw haššōmə‘îm ’ēṯ kāl-hadəḇārîm hā’ēlleh:

25 wəḡam ’elənāṯān ûḏəlāyâû ûḡəmarəyâû hifəgi‘û ḇammeleḵə ləḇilətî śərōf ’eṯ-hamməḡillâ wəlō’ šām^a‘ ’ălêhem:

26 wayəṣaûeh hammeleḵə ’eṯ-yər^aḥəmə’ēl ben-hammeleḵə wə’eṯ-śərāyâû ḇen-‘azərî’ēl wə’eṯ-šeleməyâû ben-‘aḇədə’ēl lāq^aḥaṯ ’eṯ-bārûḵə hassōfēr wə’ēṯ yirəməyâû hannāḇî’ wayyasətirēm yəhwâ: s

27 wayəhî ḏəḇar-yəhwâ ’el-yirəməyâû ’^aḥărê| śərōf hammeleḵə ’eṯ-hamməḡillâ wə’eṯ-hadəḇārîm ’ăšer kāṯaḇ bārûḵə mipî yirəməyâû lē’mōr:

28 šûḇ q^aḥ-ləḵā məḡillâ ’^aḥereṯ ûḵəṯōḇ ‘āleyhā ’ēṯ kāl-hadəḇārîm hāri’šōnîm ’ăšer hāyû ‘al-hamməḡillâ hāri’šōnâ ’ăšer śāraf yəhwōyāqîm meleḵə-yəhûḏâ:

29 wə‘al-yəhwōyāqîm meleḵə-yəhûḏâ tō’mar kōh ’āmar yəhwâ ’atâ śārafətā ’eṯ-hamməḡillâ hazzō’ṯ lē’mōr madû‘a kāṯaḇətā ‘āleyhā lē’mōr bō’-yāḇwō’ meleḵə-bāḇel wəhišəḥîṯ ’eṯ-hā’āreṣ hazzō’ṯ wəhišəbîṯ mimmennâ ’āḏām ûḇəhēmâ: s

30 lāḵēn kōh-’āmar yəhwâ ‘al-yəhwōyāqîm meleḵə yəhûḏâ lō’-yihəyeh-llwō ywōšēḇ ‘al-kissē’ ḏāwiḏ wəniḇəlāṯwō tihəyeh mušəleḵeṯ l^aḥōreḇ bayywōm wəlaqqer^aḥ ballāyəlâ:

31 ûfāqaḏətî ‘ālāyw wə‘al-zarə‘wō wə‘al-‘ăḇāḏāyw ’eṯ-‘ăwōnām wəhēḇē’ṯî ‘ălêhem wə‘al-yōšəḇê yərûšālaim wə’el-’îš yəhûḏâ ’ēṯ kāl-hārā‘â ’ăšer-dibarətî ’ălêhem wəlō’ šāmē‘û: s

32 wəyirəməyâû lāq^aḥ| məḡillâ ’^aḥereṯ wayyitənāh ’el-bārûḵə ben-nērîyâû hassōfēr wayyiḵətōḇ ‘āleyhā mipî yirəməyâû ’ēṯ kāl-diḇərê hassēfer ’ăšer śāraf yəhwōyāqîm meleḵə-yəhûḏâ bā’ēš wə‘wōḏ nwōsaf ‘ălêhem dəḇārîm rabîm kâēmmâ: s

‎1 ‏וַיִּ֨מְלָךְ־מֶ֔לֶךְ צִדְקִיָּ֖הוּ בֶּן־יֹֽאשִׁיָּ֑הוּ תַּ֗חַת כָּנְיָ֙הוּ֙ בֶּן־יְה֣וֹיָקִ֔ים אֲשֶׁ֥ר הִמְלִ֛יךְ נְבוּכַדְרֶאצַּ֥ר מֶֽלֶךְ־בָּבֶ֖ל בְּאֶ֥רֶץ יְהוּדָֽה׃

‎2 ‏וְלֹ֥א שָׁמַ֛ע ה֥וּא וַעֲבָדָ֖יו וְעַ֣ם הָאָ֑רֶץ אֶל־דִּבְרֵ֣י יְהוָ֔ה אֲשֶׁ֣ר דִּבֶּ֔ר בְּיַ֖ד יִרְמְיָ֥הוּ הַנָּבִֽיא׃

‎3 ‏וַיִּשְׁלַח֩ הַמֶּ֨לֶךְ צִדְקִיָּ֜הוּ אֶת־יְהוּכַ֣ל בֶּן־שֶֽׁלֶמְיָ֗ה וְאֶת־צְפַנְיָ֤הוּ בֶן־מַֽעֲשֵׂיָה֙ הַכֹּהֵ֔ן אֶל־יִרְמְיָ֥הוּ הַנָּבִ֖יא לֵאמֹ֑ר הִתְפַּלֶּל־נָ֣א בַעֲדֵ֔נוּ אֶל־יְהוָ֖ה אֱלֹהֵֽינוּ׃

‎4 ‏וְיִרְמְיָ֕הוּ בָּ֥א וְיֹצֵ֖א בְּת֣וֹךְ הָעָ֑ם וְלֹֽא־נָתְנ֥וּ אֹת֖וֹ בֵּ֥ית הכליא הַכְּלֽוּא׃

‎5 ‏וְחֵ֥יל פַּרְעֹ֖ה יָצָ֣א מִמִּצְרָ֑יִם וַיִּשְׁמְע֨וּ הַכַּשְׂדִּ֜ים הַצָּרִ֤ים עַל־יְרוּשָׁלִַ֙ם֙ אֶת־שִׁמְעָ֔ם וַיֵּ֣עָל֔וּ מֵעַ֖ל יְרוּשָׁלִָֽם׃ פ

‎6 ‏וַֽיְהִי֙ דְּבַר־יְהוָ֔ה אֶל־יִרְמְיָ֥הוּ הַנָּבִ֖יא לֵאמֹֽר׃

‎7 ‏כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל כֹּ֚ה תֹֽאמְרוּ֙ אֶל־מֶ֣לֶךְ יְהוּדָ֔ה הַשֹּׁלֵ֧חַ אֶתְכֶ֛ם אֵלַ֖י לְדָרְשֵׁ֑נִי הִנֵּ֣ה׀ חֵ֣יל פַּרְעֹ֗ה הַיֹּצֵ֤א לָכֶם֙ לְעֶזְרָ֔ה שָׁ֥ב לְאַרְצ֖וֹ מִצְרָֽיִם׃

‎8 ‏וְשָׁ֙בוּ֙ הַכַּשְׂדִּ֔ים וְנִלְחֲמ֖וּ עַל־הָעִ֣יר הַזֹּ֑את וּלְכָדֻ֖הָ וּשְׂרָפֻ֥הָ בָאֵֽשׁ׃ ס

‎9 ‏כֹּ֣ה׀ אָמַ֣ר יְהוָ֗ה אַל־תַּשִּׁ֤אוּ נַפְשֹֽׁתֵיכֶם֙ לֵאמֹ֔ר הָלֹ֛ךְ יֵלְכ֥וּ מֵעָלֵ֖ינוּ הַכַּשְׂדִּ֑ים כִּי־לֹ֖א יֵלֵֽכוּ׃

‎10 ‏כִּ֣י אִם־הִכִּיתֶ֞ם כָּל־חֵ֤יל כַּשְׂדִּים֙ הַנִּלְחָמִ֣ים אִתְּכֶ֔ם וְנִ֨שְׁאֲרוּ בָ֔ם אֲנָשִׁ֖ים מְדֻקָּרִ֑ים אִ֤ישׁ בְּאָהֳלוֹ֙ יָק֔וּמוּ וְשָֽׂרְפ֛וּ אֶת־הָעִ֥יר הַזֹּ֖את בָּאֵֽשׁ׃

‎11 ‏וְהָיָ֗ה בְּהֵֽעָלוֹת֙ חֵ֣יל הַכַּשְׂדִּ֔ים מֵעַ֖ל יְרֽוּשָׁלִָ֑ם מִפְּנֵ֖י חֵ֥יל פַּרְעֹֽה׃ ס

‎12 ‏וַיֵּצֵ֤א יִרְמְיָ֙הוּ֙ מִיר֣וּשָׁלִַ֔ם לָלֶ֖כֶת אֶ֣רֶץ בִּנְיָמִ֑ן לַחֲלִ֥ק מִשָּׁ֖ם בְּת֥וֹךְ הָעָֽם׃

‎13 ‏וַיְהִי־ה֞וּא בְּשַׁ֣עַר בִּנְיָמִ֗ן וְשָׁם֙ בַּ֣עַל פְּקִדֻ֔ת וּשְׁמוֹ֙ יִרְאִיָּ֔יה בֶּן־שֶֽׁלֶמְיָ֖ה בֶּן־חֲנַנְיָ֑ה וַיִּתְפֹּ֞שׂ אֶֽת־יִרְמְיָ֤הוּ הַנָּבִיא֙ לֵאמֹ֔ר אֶל־הַכַּשְׂדִּ֖ים אַתָּ֥ה נֹפֵֽל׃

‎14 ‏וַיֹּ֨אמֶר יִרְמְיָ֜הוּ שֶׁ֗קֶר אֵינֶ֤נִּי נֹפֵל֙ עַל־הַכַּשְׂדִּ֔ים וְלֹ֥א שָׁמַ֖ע אֵלָ֑יו וַיִּתְפֹּ֤שׂ יִרְאִיָּיה֙ בְּיִרְמְיָ֔הוּ וַיְבִאֵ֖הוּ אֶל־הַשָּׂרִֽים׃

‎15 ‏וַיִּקְצְפ֧וּ הַשָּׂרִ֛ים עַֽל־יִרְמְיָ֖הוּ וְהִכּ֣וּ אֹת֑וֹ וְנָתְנ֨וּ אוֹת֜וֹ בֵּ֣ית הָאֵס֗וּר בֵּ֚ית יְהוֹנָתָ֣ן הַסֹּפֵ֔ר כִּֽי־אֹת֥וֹ עָשׂ֖וּ לְבֵ֥ית הַכֶּֽלֶא׃

‎16 ‏כִּ֣י בָ֧א יִרְמְיָ֛הוּ אֶל־בֵּ֥ית הַבּ֖וֹר וְאֶל־הַֽחֲנֻ֑יוֹת וַיֵּֽשֶׁב־שָׁ֥ם יִרְמְיָ֖הוּ יָמִ֥ים רַבִּֽים׃ פ

‎17 ‏וַיִּשְׁלַח֩ הַמֶּ֨לֶךְ צִדְקִיָּ֜הוּ וַיִּקָּחֵ֗הוּ וַיִּשְׁאָלֵ֨הוּ הַמֶּ֤לֶךְ בְּבֵיתוֹ֙ בַּסֵּ֔תֶר וַיֹּ֕אמֶר הֲיֵ֥שׁ דָּבָ֖ר מֵאֵ֣ת יְהוָ֑ה וַיֹּ֤אמֶר יִרְמְיָ֙הוּ֙ יֵ֔שׁ וַיֹּ֕אמֶר בְּיַ֥ד מֶֽלֶךְ־בָּבֶ֖ל תִּנָּתֵֽן׃ ס

‎18 ‏וַיֹּ֣אמֶר יִרְמְיָ֔הוּ אֶל־הַמֶּ֖לֶךְ צִדְקִיָּ֑הוּ מֶה֩ חָטָ֨אתִֽי לְךָ֤ וְלַעֲבָדֶ֙יךָ֙ וְלָעָ֣ם הַזֶּ֔ה כִּֽי־נְתַתֶּ֥ם אוֹתִ֖י אֶל־בֵּ֥ית הַכֶּֽלֶא׃

‎19 ‏ואיו וְאַיֵּה֙ נְבִ֣יאֵיכֶ֔ם אֲשֶׁר־נִבְּא֥וּ לָכֶ֖ם לֵאמֹ֑ר לֹֽא־יָבֹ֤א מֶֽלֶךְ־בָּבֶל֙ עֲלֵיכֶ֔ם וְעַ֖ל הָאָ֥רֶץ הַזֹּֽאת׃

‎20 ‏וְעַתָּ֕ה שְֽׁמַֽע־נָ֖א אֲדֹנִ֣י הַמֶּ֑לֶךְ תִּפָּל־נָ֤א תְחִנָּתִי֙ לְפָנֶ֔יךָ וְאַל־תְּשִׁבֵ֗נִי בֵּ֚ית יְהוֹנָתָ֣ן הַסֹּפֵ֔ר וְלֹ֥א אָמ֖וּת שָֽׁם׃

‎21 ‏וַיְצַוֶּ֞ה הַמֶּ֣לֶךְ צִדְקִיָּ֗הוּ וַיַּפְקִ֣דוּ אֶֽת־יִרְמְיָהוּ֮ בַּחֲצַ֣ר הַמַּטָּרָה֒ וְנָתֹן֩ ל֨וֹ כִכַּר־לֶ֤חֶם לַיּוֹם֙ מִח֣וּץ הָאֹפִ֔ים עַד־תֹּ֥ם כָּל־הַלֶּ֖חֶם מִן־הָעִ֑יר וַיֵּ֣שֶׁב יִרְמְיָ֔הוּ בַּחֲצַ֖ר הַמַּטָּרָֽה׃

1 wayyiməlāḵə-meleḵə ṣiḏəqîyâû ben-yō’šîyâû t^aḥaṯ kānəyâû ben-yəhwōyāqîm ’ăšer himəlîḵə nəḇûḵaḏəre’ṣṣar meleḵə-bāḇel bə’ereṣ yəhûḏâ:

2 wəlō’ šām^a‘ hû’ w^a‘ăḇāḏāyw wə‘am hā’āreṣ ’el-diḇərê yəhwâ ’ăšer diber bəyaḏ yirəməyâû hannāḇî’:

3 wayyišəl^aḥ hammeleḵə ṣiḏəqîyâû ’eṯ-yəhûḵal ben-šeleməyâ wə’eṯ-ṣəfanəyâû ḇen-m^a‘ăśêâ hakōhēn ’el-yirəməyâû hannāḇî’ lē’mōr hiṯəpallel-nā’ ḇ^a‘ăḏēnû ’el-yəhwâ ’ĕlōhênû:

4 wəyirəməyâû bā’ wəyōṣē’ bəṯwōḵə hā‘ām wəlō’-nāṯənû ’ōṯwō bêṯ hakəlî’ hakəlû’:

5 wəḥêl parə‘ōh yāṣā’ mimmiṣərāyim wayyišəmə‘û hakaśədîm haṣṣārîm ‘al-yərûšālaim ’eṯ-šimə‘ām wayyē‘ālû mē‘al yərûšālāim: f

6 wayəhî dəḇar-yəhwâ ’el-yirəməyâû hannāḇî’ lē’mōr:

7 kōh-’āmar yəhwâ ’ĕlōhê yiśərā’ēl kōh ṯō’mərû ’el-meleḵə yəhûḏâ haššōlēḥa ’eṯəḵem ’ēlay ləḏārəšēnî hinnēh| ḥêl parə‘ōh hayyōṣē’ lāḵem lə‘ezərâ šāḇ lə’arəṣwō miṣərāyim:

8 wəšāḇû hakaśədîm wəniləḥămû ‘al-hā‘îr hazzō’ṯ ûləḵāḏuhā ûśərāfuhā ḇā’ēš: s

9 kōh| ’āmar yəhwâ ’al-tašši’û nafəšōṯêḵem lē’mōr hālōḵə yēləḵû mē‘ālênû hakaśədîm kî-lō’ yēlēḵû:

10 kî ’im-hikîṯem kāl-ḥêl kaśədîm hanniləḥāmîm ’itəḵem wənišə’ărû ḇām ’ănāšîm məḏuqqārîm ’îš bə’âŏlwō yāqûmû wəśārəfû ’eṯ-hā‘îr hazzō’ṯ bā’ēš:

11 wəhāyâ bəhē‘ālwōṯ ḥêl hakaśədîm mē‘al yərûšālāim mipənê ḥêl parə‘ōh: s

12 wayyēṣē’ yirəməyâû mîrûšālaim lāleḵeṯ ’ereṣ binəyāmin l^aḥăliq miššām bəṯwōḵə hā‘ām:

13 wayəhî-hû’ bəš^a‘ar binəyāmin wəšām b^a‘al pəqiḏuṯ ûšəmwō yirə’îyāyh ben-šeleməyâ ben-ḥănanəyâ wayyiṯəpōś ’eṯ-yirəməyâû hannāḇî’ lē’mōr ’el-hakaśədîm ’atâ nōfēl:

14 wayyō’mer yirəməyâû šeqer ’ênennî nōfēl ‘al-hakaśədîm wəlō’ šām^a‘ ’ēlāyw wayyiṯəpōś yirə’îyāyh bəyirəməyâû wayəḇi’ēhû ’el-haśśārîm:

15 wayyiqəṣəfû haśśārîm ‘al-yirəməyâû wəhikû ’ōṯwō wənāṯənû ’wōṯwō bêṯ hā’ēsûr bêṯ yəhwōnāṯān hassōfēr kî-’ōṯwō ‘āśû ləḇêṯ hakele’:

16 kî ḇā’ yirəməyâû ’el-bêṯ habwōr wə’el-h^aḥănuywōṯ wayyēšeḇ-šām yirəməyâû yāmîm rabîm: f

17 wayyišəl^aḥ hammeleḵə ṣiḏəqîyâû wayyiqqāḥēhû wayyišə’ālēhû hammeleḵə bəḇêṯwō bassēṯer wayyō’mer hăyēš dāḇār mē’ēṯ yəhwâ wayyō’mer yirəməyâû yēš wayyō’mer bəyaḏ meleḵə-bāḇel tinnāṯēn: s

18 wayyō’mer yirəməyâû ’el-hammeleḵə ṣiḏəqîyâû meh ḥāṭā’ṯî ləḵā wəl^a‘ăḇāḏeyḵā wəlā‘ām hazzeh kî-nəṯatem ’wōṯî ’el-bêṯ hakele’:

19 wə’ayywō wə’ayyēh nəḇî’êḵem ’ăšer-nibə’û lāḵem lē’mōr lō’-yāḇō’ meleḵə-bāḇel ‘ălêḵem wə‘al hā’āreṣ hazzō’ṯ:

20 wə‘atâ šəm^a‘-nā’ ’ăḏōnî hammeleḵə tipāl-nā’ ṯəḥinnāṯî ləfāneyḵā wə’al-təšiḇēnî bêṯ yəhwōnāṯān hassōfēr wəlō’ ’āmûṯ šām:

21 wayəṣaûeh hammeleḵə ṣiḏəqîyâû wayyafəqiḏû ’eṯ-yirəməyâû b^aḥăṣar hammaṭṭārâ wənāṯōn lwō ḵikar-leḥem layywōm miḥûṣ hā’ōfîm ‘aḏ-tōm kāl-halleḥem min-hā‘îr wayyēšeḇ yirəməyâû b^aḥăṣar hammaṭṭārâ:

‎1 ‏וַיִּשְׁמַ֞ע שְׁפַטְיָ֣ה בֶן־מַתָּ֗ן וּגְדַלְיָ֙הוּ֙ בֶּן־פַּשְׁח֔וּר וְיוּכַל֙ בֶּן־שֶׁ֣לֶמְיָ֔הוּ וּפַשְׁח֖וּר בֶּן־מַלְכִּיָּ֑ה אֶ֨ת־הַדְּבָרִ֔ים אֲשֶׁ֧ר יִרְמְיָ֛הוּ מְדַבֵּ֥ר אֶל־כָּל־הָעָ֖ם לֵאמֹֽר׃ ס

‎2 ‏כֹּה֮ אָמַ֣ר יְהוָה֒ הַיֹּשֵׁב֙ בָּעִ֣יר הַזֹּ֔את יָמ֕וּת בַּחֶ֖רֶב בָּרָעָ֣ב וּבַדָּ֑בֶר וְהַיֹּצֵ֤א אֶל־הַכַּשְׂדִּים֙ יחיה וְחָיָ֔ה וְהָיְתָה־לּ֥וֹ נַפְשׁ֛וֹ לְשָׁלָ֖ל וָחָֽי׃ ס

‎3 ‏כֹּ֖ה אָמַ֣ר יְהוָ֑ה הִנָּתֹ֨ן תִּנָּתֵ֜ן הָעִ֣יר הַזֹּ֗את בְּיַ֛ד חֵ֥יל מֶֽלֶךְ־בָּבֶ֖ל וּלְכָדָֽהּ׃

‎4 ‏וַיֹּאמְר֨וּ הַשָּׂרִ֜ים אֶל־הַמֶּ֗לֶךְ י֣וּמַת נָא֮ אֶת־הָאִ֣ישׁ הַזֶּה֒ כִּֽי־עַל־כֵּ֡ן הֽוּא־מְרַפֵּ֡א אֶת־יְדֵי֩ אַנְשֵׁ֨י הַמִּלְחָמָ֜ה הַֽנִּשְׁאָרִ֣ים׀ בָּעִ֣יר הַזֹּ֗את וְאֵת֙ יְדֵ֣י כָל־הָעָ֔ם לְדַבֵּ֣ר אֲלֵיהֶ֔ם כַּדְּבָרִ֖ים הָאֵ֑לֶּה כִּ֣י׀ הָאִ֣ישׁ הַזֶּ֗ה אֵינֶ֨נּוּ דֹרֵ֧שׁ לְשָׁל֛וֹם לָעָ֥ם הַזֶּ֖ה כִּ֥י אִם־לְרָעָֽה׃

‎5 ‏וַיֹּ֙אמֶר֙ הַמֶּ֣לֶךְ צִדְקִיָּ֔הוּ הִנֵּה־ה֖וּא בְּיֶדְכֶ֑ם כִּֽי־אֵ֣ין הַמֶּ֔לֶךְ יוּכַ֥ל אֶתְכֶ֖ם דָּבָֽר׃

‎6 ‏וַיִּקְח֣וּ אֶֽת־יִרְמְיָ֗הוּ וַיַּשְׁלִ֨כוּ אֹת֜וֹ אֶל־הַבּ֣וֹר׀ מַלְכִּיָּ֣הוּ בֶן־הַמֶּ֗לֶךְ אֲשֶׁר֙ בַּחֲצַ֣ר הַמַּטָּרָ֔ה וַיְשַׁלְּח֥וּ אֶֽת־יִרְמְיָ֖הוּ בַּחֲבָלִ֑ים וּבַבּ֤וֹר אֵֽין־מַ֙יִם֙ כִּ֣י אִם־טִ֔יט וַיִּטְבַּ֥ע יִרְמְיָ֖הוּ בַּטִּֽיט׃ ס

‎7 ‏וַיִּשְׁמַ֡ע עֶֽבֶד־מֶ֨לֶךְ הַכּוּשִׁ֜י אִ֣ישׁ סָרִ֗יס וְהוּא֙ בְּבֵ֣ית הַמֶּ֔לֶךְ כִּֽי־נָתְנ֥וּ אֶֽת־יִרְמְיָ֖הוּ אֶל־הַבּ֑וֹר וְהַמֶּ֥לֶךְ יוֹשֵׁ֖ב בְּשַׁ֥עַר בִּנְיָמִֽן׃

‎8 ‏וַיֵּצֵ֥א עֶֽבֶד־מֶ֖לֶךְ מִבֵּ֣ית הַמֶּ֑לֶךְ וַיְדַבֵּ֥ר אֶל־הַמֶּ֖לֶךְ לֵאמֹֽר׃

‎9 ‏אֲדֹנִ֣י הַמֶּ֗לֶךְ הֵרֵ֜עוּ הָאֲנָשִׁ֤ים הָאֵ֙לֶּה֙ אֵ֣ת כָּל־אֲשֶׁ֤ר עָשׂוּ֙ לְיִרְמְיָ֣הוּ הַנָּבִ֔יא אֵ֥ת אֲשֶׁר־הִשְׁלִ֖יכוּ אֶל־הַבּ֑וֹר וַיָּ֤מָת תַּחְתָּיו֙ מִפְּנֵ֣י הָֽרָעָ֔ב כִּ֣י אֵ֥ין הַלֶּ֛חֶם ע֖וֹד בָּעִֽיר׃

‎10 ‏וַיְצַוֶּ֣ה הַמֶּ֔לֶךְ אֵ֛ת עֶֽבֶד־מֶ֥לֶךְ הַכּוּשִׁ֖י לֵאמֹ֑ר קַ֣ח בְּיָדְךָ֤ מִזֶּה֙ שְׁלֹשִׁ֣ים אֲנָשִׁ֔ים וְֽהַעֲלִ֜יתָ אֶֽת־יִרְמְיָ֧הוּ הַנָּבִ֛יא מִן־הַבּ֖וֹר בְּטֶ֥רֶם יָמֽוּת׃

‎11 ‏וַיִּקַּ֣ח׀ עֶֽבֶד־מֶ֨לֶךְ אֶת־הָאֲנָשִׁ֜ים בְּיָד֗וֹ וַיָּבֹ֤א בֵית־הַמֶּ֙לֶךְ֙ אֶל־תַּ֣חַת הָאוֹצָ֔ר וַיִּקַּ֤ח מִשָּׁם֙ בְּלוֹיֵ֣ הסחבות סְחָב֔וֹת וּבְלוֹיֵ֖ מְלָחִ֑ים וַיְשַׁלְּחֵ֧ם אֶֽל־יִרְמְיָ֛הוּ אֶל־הַבּ֖וֹר בַּחֲבָלִֽים׃

‎12 ‏וַיֹּ֡אמֶר עֶבֶד־מֶ֨לֶךְ הַכּוּשִׁ֜י אֶֽל־יִרְמְיָ֗הוּ שִׂ֣ים נָ֠א בְּלוֹאֵ֨י הַסְּחָב֤וֹת וְהַמְּלָחִים֙ תַּ֚חַת אַצִּל֣וֹת יָדֶ֔יךָ מִתַּ֖חַת לַחֲבָלִ֑ים וַיַּ֥עַשׂ יִרְמְיָ֖הוּ כֵּֽן׃

‎13 ‏וַיִּמְשְׁכ֤וּ אֶֽת־יִרְמְיָ֙הוּ֙ בַּֽחֲבָלִ֔ים וַיַּעֲל֥וּ אֹת֖וֹ מִן־הַבּ֑וֹר וַיֵּ֣שֶׁב יִרְמְיָ֔הוּ בַּחֲצַ֖ר הַמַּטָּרָֽה׃ ס

‎14 ‏וַיִּשְׁלַ֞ח הַמֶּ֣לֶךְ צִדְקִיָּ֗הוּ וַיִּקַּ֞ח אֶֽת־יִרְמְיָ֤הוּ הַנָּבִיא֙ אֵלָ֔יו אֶל־מָבוֹא֙ הַשְּׁלִישִׁ֔י אֲשֶׁ֖ר בְּבֵ֣ית יְהוָ֑ה וַיֹּ֨אמֶר הַמֶּ֜לֶךְ אֶֽל־יִרְמְיָ֗הוּ שֹׁאֵ֨ל אֲנִ֤י אֹֽתְךָ֙ דָּבָ֔ר אַל־תְּכַחֵ֥ד מִמֶּ֖נִּי דָּבָֽר׃

‎15 ‏וַיֹּ֤אמֶר יִרְמְיָ֙הוּ֙ אֶל־צִדְקִיָּ֔הוּ כִּ֚י אַגִּ֣יד לְךָ֔ הֲל֖וֹא הָמֵ֣ת תְּמִיתֵ֑נִי וְכִי֙ אִיעָ֣צְךָ֔ לֹ֥א תִשְׁמַ֖ע אֵלָֽי׃

‎16 ‏וַיִּשָּׁבַ֞ע הַמֶּ֧לֶךְ צִדְקִיָּ֛הוּ אֶֽל־יִרְמְיָ֖הוּ בַּסֵּ֣תֶר לֵאמֹ֑ר חַי־יְהוָ֞ה את אֲשֶׁר֩ עָשָׂה־לָ֨נוּ אֶת־הַנֶּ֤פֶשׁ הַזֹּאת֙ אִם־אֲמִיתֶ֔ךָ וְאִם־אֶתֶּנְךָ֗ בְּיַד֙ הָאֲנָשִׁ֣ים הָאֵ֔לֶּה אֲשֶׁ֥ר מְבַקְשִׁ֖ים אֶת־נַפְשֶֽׁךָ׃ ס

‎17 ‏וַיֹּ֣אמֶר יִרְמְיָ֣הוּ אֶל־צִדְקִיָּ֡הוּ כֹּֽה־אָמַ֣ר יְהוָה֩ אֱלֹהֵ֨י צְבָא֜וֹת אֱלֹהֵ֣י יִשְׂרָאֵ֗ל אִם־יָצֹ֨א תֵצֵ֜א אֶל־שָׂרֵ֤י מֶֽלֶךְ־בָּבֶל֙ וְחָיְתָ֣ה נַפְשֶׁ֔ךָ וְהָעִ֣יר הַזֹּ֔את לֹ֥א תִשָּׂרֵ֖ף בָּאֵ֑שׁ וְחָיִ֖תָה אַתָּ֥ה וּבֵיתֶֽךָ׃

‎18 ‏וְאִ֣ם לֹֽא־תֵצֵ֗א אֶל־שָׂרֵי֙ מֶ֣לֶךְ בָּבֶ֔ל וְנִתְּנָ֞ה הָעִ֤יר הַזֹּאת֙ בְּיַ֣ד הַכַּשְׂדִּ֔ים וּשְׂרָפ֖וּהָ בָּאֵ֑שׁ וְאַתָּ֖ה לֹֽא־תִמָּלֵ֥ט מִיָּדָֽם׃ ס

‎19 ‏וַיֹּ֛אמֶר הַמֶּ֥לֶךְ צִדְקִיָּ֖הוּ אֶֽל־יִרְמְיָ֑הוּ אֲנִ֧י דֹאֵ֣ג אֶת־הַיְּהוּדִ֗ים אֲשֶׁ֤ר נָֽפְלוּ֙ אֶל־הַכַּשְׂדִּ֔ים פֶּֽן־יִתְּנ֥וּ אֹתִ֛י בְּיָדָ֖ם וְהִתְעַלְּלוּ־בִֽי׃ פ

‎20 ‏וַיֹּ֥אמֶר יִרְמְיָ֖הוּ לֹ֣א יִתֵּ֑נוּ שְֽׁמַֽע־נָ֣א׀ בְּק֣וֹל יְהוָ֗ה לַאֲשֶׁ֤ר אֲנִי֙ דֹּבֵ֣ר אֵלֶ֔יךָ וְיִ֥יטַב לְךָ֖ וּתְחִ֥י נַפְשֶֽׁךָ׃

‎21 ‏וְאִם־מָאֵ֥ן אַתָּ֖ה לָצֵ֑את זֶ֣ה הַדָּבָ֔ר אֲשֶׁ֥ר הִרְאַ֖נִי יְהוָֽה׃

‎22 ‏וְהִנֵּ֣ה כָל־הַנָּשִׁ֗ים אֲשֶׁ֤ר נִשְׁאֲרוּ֙ בְּבֵ֣ית מֶֽלֶךְ־יְהוּדָ֔ה מוּצָא֕וֹת אֶל־שָׂרֵ֖י מֶ֣לֶךְ בָּבֶ֑ל וְהֵ֣נָּה אֹמְר֗וֹת הִסִּית֜וּךָ וְיָכְל֤וּ לְךָ֙ אַנְשֵׁ֣י שְׁלֹמֶ֔ךָ הָטְבְּע֥וּ בַבֹּ֛ץ רַגְלֶ֖ךָ נָסֹ֥גוּ אָחֽוֹר׃

‎23 ‏וְאֶת־כָּל־נָשֶׁ֣יךָ וְאֶת־בָּנֶ֗יךָ מֽוֹצִאִים֙ אֶל־הַכַּשְׂדִּ֔ים וְאַתָּ֖ה לֹא־תִמָּלֵ֣ט מִיָּדָ֑ם כִּ֣י בְיַ֤ד מֶֽלֶךְ־בָּבֶל֙ תִּתָּפֵ֔שׂ וְאֶת־הָעִ֥יר הַזֹּ֖את תִּשְׂרֹ֥ף בָּאֵֽשׁ׃ פ

‎24 ‏וַיֹּ֨אמֶר צִדְקִיָּ֜הוּ אֶֽל־יִרְמְיָ֗הוּ אִ֛ישׁ אַל־יֵדַ֥ע בַּדְּבָֽרִים־הָאֵ֖לֶּה וְלֹ֥א תָמֽוּת׃

‎25 ‏וְכִֽי־יִשְׁמְע֣וּ הַשָּׂרִים֮ כִּֽי־דִבַּ֣רְתִּי אִתָּךְ֒ וּבָ֣אוּ אֵלֶ֣יךָ וְֽאָמְר֪וּ אֵלֶ֟יךָ³ הַגִּֽידָה־נָּ֨א לָ֜נוּ מַה־דִּבַּ֧רְתָּ אֶל־הַמֶּ֛לֶךְ אַל־תְּכַחֵ֥ד מִמֶּ֖נּוּ וְלֹ֣א נְמִיתֶ֑ךָ וּמַה־דִּבֶּ֥ר אֵלֶ֖יךָ הַמֶּֽלֶךְ׃

‎26 ‏וְאָמַרְתָּ֣ אֲלֵיהֶ֔ם מַפִּיל־אֲנִ֥י תְחִנָּתִ֖י לִפְנֵ֣י הַמֶּ֑לֶךְ לְבִלְתִּ֧י הֲשִׁיבֵ֛נִי בֵּ֥ית יְהוֹנָתָ֖ן לָמ֥וּת שָֽׁם׃ פ

‎27 ‏וַיָּבֹ֨אוּ כָל־הַשָּׂרִ֤ים אֶֽל־יִרְמְיָ֙הוּ֙ וַיִּשְׁאֲל֣וּ אֹת֔וֹ וַיַּגֵּ֤ד לָהֶם֙ כְּכָל־הַדְּבָרִ֣ים הָאֵ֔לֶּה אֲשֶׁ֥ר צִוָּ֖ה הַמֶּ֑לֶךְ וַיַּחֲרִ֣שׁוּ מִמֶּ֔נּוּ כִּ֥י לֹֽא־נִשְׁמַ֖ע הַדָּבָֽר׃ פ

‎28 ‏וַיֵּ֤שֶׁב יִרְמְיָ֙הוּ֙ בַּחֲצַ֣ר הַמַּטָּרָ֔ה עַד־י֖וֹם אֲשֶׁר־נִלְכְּדָ֣ה יְרוּשָׁלִָ֑ם סוְהָיָ֕ה כַּאֲשֶׁ֥ר נִלְכְּדָ֖ה יְרוּשָׁלִָֽם׃ פ

1 wayyišəm^a‘ šəfaṭəyâ ḇen-matān ûḡəḏaləyâû ben-pašəḥûr wəyûḵal ben-šeleməyâû ûfašəḥûr ben-maləkîyâ ’eṯ-hadəḇārîm ’ăšer yirəməyâû məḏabēr ’el-kāl-hā‘ām lē’mōr: s

2 kōh ’āmar yəhwâ hayyōšēḇ bā‘îr hazzō’ṯ yāmûṯ b^aḥereḇ bārā‘āḇ ûḇadāḇer wəhayyōṣē’ ’el-hakaśədîm yiḥəyeh wəḥāyâ wəhāyəṯâ-llwō nafəšwō ləšālāl wāḥāy: s

3 kōh ’āmar yəhwâ hinnāṯōn tinnāṯēn hā‘îr hazzō’ṯ bəyaḏ ḥêl meleḵə-bāḇel ûləḵāḏāh:

4 wayyō’mərû haśśārîm ’el-hammeleḵə yûmaṯ nā’ ’eṯ-hā’îš hazzeh kî-‘al-kēn hû’-mərapē’ ’eṯ-yəḏê ’anəšê hammiləḥāmâ hannišə’ārîm| bā‘îr hazzō’ṯ wə’ēṯ yəḏê ḵāl-hā‘ām ləḏabēr ’ălêhem kadəḇārîm hā’ēlleh kî| hā’îš hazzeh ’ênennû ḏōrēš ləšālwōm lā‘ām hazzeh kî ’im-lərā‘â:

5 wayyō’mer hammeleḵə ṣiḏəqîyâû hinnēh-hû’ bəyeḏəḵem kî-’ên hammeleḵə yûḵal ’eṯəḵem dāḇār:

6 wayyiqəḥû ’eṯ-yirəməyâû wayyašəliḵû ’ōṯwō ’el-habwōr| maləkîyâû ḇen-hammeleḵə ’ăšer b^aḥăṣar hammaṭṭārâ wayəšalləḥû ’eṯ-yirəməyâû b^aḥăḇālîm ûḇabwōr ’ên-mayim kî ’im-ṭîṭ wayyiṭəb^a‘ yirəməyâû baṭṭîṭ: s

7 wayyišəm^a‘ ‘eḇeḏ-meleḵə hakûšî ’îš sārîs wəhû’ bəḇêṯ hammeleḵə kî-nāṯənû ’eṯ-yirəməyâû ’el-habwōr wəhammeleḵə ywōšēḇ bəš^a‘ar binəyāmin:

8 wayyēṣē’ ‘eḇeḏ-meleḵə mibêṯ hammeleḵə wayəḏabēr ’el-hammeleḵə lē’mōr:

9 ’ăḏōnî hammeleḵə hērē‘û hā’ănāšîm hā’ēlleh ’ēṯ kāl-’ăšer ‘āśû ləyirəməyâû hannāḇî’ ’ēṯ ’ăšer-hišəlîḵû ’el-habwōr wayyāmāṯ t^aḥətāyw mipənê hārā‘āḇ kî ’ên halleḥem ‘wōḏ bā‘îr:

10 wayəṣaûeh hammeleḵə ’ēṯ ‘eḇeḏ-meleḵə hakûšî lē’mōr q^aḥ bəyāḏəḵā mizzeh šəlōšîm ’ănāšîm wəh^a‘ălîṯā ’eṯ-yirəməyâû hannāḇî’ min-habwōr bəṭerem yāmûṯ:

11 wayyiqq^aḥ| ‘eḇeḏ-meleḵə ’eṯ-hā’ănāšîm bəyāḏwō wayyāḇō’ ḇêṯ-hammeleḵə ’el-t^aḥaṯ hā’wōṣār wayyiqq^aḥ miššām bəlwōyē hassəḥāḇwōṯ səḥāḇwōṯ ûḇəlwōyē məlāḥîm wayəšalləḥēm ’el-yirəməyâû ’el-habwōr b^aḥăḇālîm:

12 wayyō’mer ‘eḇeḏ-meleḵə hakûšî ’el-yirəməyâû śîm nā’ bəlwō’ê hassəḥāḇwōṯ wəhamməlāḥîm t^aḥaṯ ’aṣṣilwōṯ yāḏeyḵā mit^aḥaṯ l^aḥăḇālîm wayy^a‘aś yirəməyâû kēn:

13 wayyiməšəḵû ’eṯ-yirəməyâû b^aḥăḇālîm wayy^a‘ălû ’ōṯwō min-habwōr wayyēšeḇ yirəməyâû b^aḥăṣar hammaṭṭārâ: s

14 wayyišəl^aḥ hammeleḵə ṣiḏəqîyâû wayyiqq^aḥ ’eṯ-yirəməyâû hannāḇî’ ’ēlāyw ’el-māḇwō’ haššəlîšî ’ăšer bəḇêṯ yəhwâ wayyō’mer hammeleḵə ’el-yirəməyâû šō’ēl ’ănî ’ōṯəḵā dāḇār ’al-təḵ^aḥēḏ mimmennî dāḇār:

15 wayyō’mer yirəməyâû ’el-ṣiḏəqîyâû kî ’agîḏ ləḵā hălwō’ hāmēṯ təmîṯēnî wəḵî ’î‘āṣəḵā lō’ ṯišəm^a‘ ’ēlāy:

16 wayyiššāḇ^a‘ hammeleḵə ṣiḏəqîyâû ’el-yirəməyâû bassēṯer lē’mōr ḥay-yəhwâ ’eṯ ’ăšer ‘āśâ-lānû ’eṯ-hannefeš hazzō’ṯ ’im-’ămîṯeḵā wə’im-’etenəḵā bəyaḏ hā’ănāšîm hā’ēlleh ’ăšer məḇaqəšîm ’eṯ-nafəšeḵā: s

17 wayyō’mer yirəməyâû ’el-ṣiḏəqîyâû kōh-’āmar yəhwâ ’ĕlōhê ṣəḇā’wōṯ ’ĕlōhê yiśərā’ēl ’im-yāṣō’ ṯēṣē’ ’el-śārê meleḵə-bāḇel wəḥāyəṯâ nafəšeḵā wəhā‘îr hazzō’ṯ lō’ ṯiśśārēf bā’ēš wəḥāyiṯâ ’atâ ûḇêṯeḵā:

18 wə’im lō’-ṯēṣē’ ’el-śārê meleḵə bāḇel wənitənâ hā‘îr hazzō’ṯ bəyaḏ hakaśədîm ûśərāfûhā bā’ēš wə’atâ lō’-ṯimmālēṭ mîyāḏām: s

19 wayyō’mer hammeleḵə ṣiḏəqîyâû ’el-yirəməyâû ’ănî ḏō’ēḡ ’eṯ-hayyəhûḏîm ’ăšer nāfəlû ’el-hakaśədîm pen-yitənû ’ōṯî bəyāḏām wəhiṯə‘alləlû-ḇî: f

20 wayyō’mer yirəməyâû lō’ yitēnû šəm^a‘-nā’| bəqwōl yəhwâ la’ăšer ’ănî dōḇēr ’ēleyḵā wəyîṭaḇ ləḵā ûṯəḥî nafəšeḵā:

21 wə’im-mā’ēn ’atâ lāṣē’ṯ zeh hadāḇār ’ăšer hirə’anî yəhwâ:

22 wəhinnēh ḵāl-hannāšîm ’ăšer nišə’ărû bəḇêṯ meleḵə-yəhûḏâ mûṣā’wōṯ ’el-śārê meleḵə bāḇel wəhēnnâ ’ōmərwōṯ hissîṯûḵā wəyāḵəlû ləḵā ’anəšê šəlōmeḵā hāṭəbə‘û ḇabōṣ raḡəleḵā nāsōḡû ’āḥwōr:

23 wə’eṯ-kāl-nāšeyḵā wə’eṯ-bāneyḵā mwōṣi’îm ’el-hakaśədîm wə’atâ lō’-ṯimmālēṭ mîyāḏām kî ḇəyaḏ meleḵə-bāḇel titāfēś wə’eṯ-hā‘îr hazzō’ṯ tiśərōf bā’ēš: f

24 wayyō’mer ṣiḏəqîyâû ’el-yirəməyâû ’îš ’al-yēḏ^a‘ badəḇārîm-hā’ēlleh wəlō’ ṯāmûṯ:

25 wəḵî-yišəmə‘û haśśārîm kî-ḏibarətî ’itāḵə ûḇā’û ’ēleyḵā wə’āmərû ’ēleyḵā³ hagîḏâ-nnā’ lānû mah-dibarətā ’el-hammeleḵə ’al-təḵ^aḥēḏ mimmennû wəlō’ nəmîṯeḵā ûmah-diber ’ēleyḵā hammeleḵə:

26 wə’āmarətā ’ălêhem mapîl-’ănî ṯəḥinnāṯî lifənê hammeleḵə ləḇilətî hăšîḇēnî bêṯ yəhwōnāṯān lāmûṯ šām: f

27 wayyāḇō’û ḵāl-haśśārîm ’el-yirəməyâû wayyišə’ălû ’ōṯwō wayyagēḏ lâem kəḵāl-hadəḇārîm hā’ēlleh ’ăšer ṣiûâ hammeleḵə wayy^aḥărišû mimmennû kî lō’-nišəm^a‘ hadāḇār: f

28 wayyēšeḇ yirəməyâû b^aḥăṣar hammaṭṭārâ ‘aḏ-ywōm ’ăšer-niləkəḏâ yərûšālāim swəhāyâ ka’ăšer niləkəḏâ yərûšālāim: f

‎1 ‏בַּשָּׁנָ֣ה הַ֠תְּשִׁעִית לְצִדְקִיָּ֨הוּ מֶלֶךְ־יְהוּדָ֜ה בַּחֹ֣דֶשׁ הָעֲשִׂרִ֗י בָּ֠א נְבוּכַדְרֶאצַּ֨ר מֶֽלֶךְ־בָּבֶ֤ל וְכָל־חֵילוֹ֙ אֶל־יְר֣וּשָׁלִַ֔ם וַיָּצֻ֖רוּ עָלֶֽיהָ׃ ס

‎2 ‏בְּעַשְׁתֵּֽי־עֶשְׂרֵ֤ה שָׁנָה֙ לְצִדְקִיָּ֔הוּ בַּחֹ֥דֶשׁ הָרְבִיעִ֖י בְּתִשְׁעָ֣ה לַחֹ֑דֶשׁ הָבְקְעָ֖ה הָעִֽיר׃

‎3 ‏וַיָּבֹ֗אוּ כֹּ֚ל שָׂרֵ֣י מֶֽלֶךְ־בָּבֶ֔ל וַיֵּשְׁב֖וּ בְּשַׁ֣עַר הַתָּ֑וֶךְ נֵרְגַ֣ל שַׂר־אֶ֠צֶר סַֽמְגַּר־נְב֞וּ שַׂר־סְכִ֣ים רַב־סָרִ֗יס נֵרְגַ֤ל שַׂר־אֶ֙צֶר֙ רַב־מָ֔ג וְכָל־שְׁאֵרִ֔ית שָׂרֵ֖י מֶ֥לֶךְ בָּבֶֽל׃

‎4 ‏וַיְהִ֡י כַּאֲשֶׁ֣ר רָ֠אָם צִדְקִיָּ֨הוּ מֶֽלֶךְ־יְהוּדָ֜ה וְכֹ֣ל׀ אַנְשֵׁ֣י הַמִּלְחָמָ֗ה וַֽ֠יִּבְרְחוּ וַיֵּצְא֨וּ לַ֤יְלָה מִן־הָעִיר֙ דֶּ֚רֶךְ גַּ֣ן הַמֶּ֔לֶךְ בְּשַׁ֖עַר בֵּ֣ין הַחֹמֹתָ֑יִם וַיֵּצֵ֖א דֶּ֥רֶךְ הָעֲרָבָֽה׃

‎5 ‏וַיִּרְדְּפ֨וּ חֵיל־כַּשְׂדִּ֜ים אַחֲרֵיהֶ֗ם וַיַּשִּׂ֣גוּ אֶת־צִדְקִיָּהוּ֮ בְּעַֽרְב֣וֹת יְרֵחוֹ֒ וַיִּקְח֣וּ אֹת֗וֹ וַֽ֠יַּעֲלֻהוּ אֶל־נְבוּכַדְרֶאצַּ֧ר מֶֽלֶךְ־בָּבֶ֛ל רִבְלָ֖תָה בְּאֶ֣רֶץ חֲמָ֑ת וַיְדַבֵּ֥ר אִתּ֖וֹ מִשְׁפָּטִֽים׃

‎6 ‏וַיִּשְׁחַט֩ מֶ֨לֶךְ בָּבֶ֜ל אֶת־בְּנֵ֧י צִדְקִיָּ֛הוּ בְּרִבְלָ֖ה לְעֵינָ֑יו וְאֵת֙ כָּל־חֹרֵ֣י יְהוּדָ֔ה שָׁחַ֖ט מֶ֥לֶךְ בָּבֶֽל׃

‎7 ‏וְאֶת־עֵינֵ֥י צִדְקִיָּ֖הוּ עִוֵּ֑ר וַיַּאַסְרֵ֙הוּ֙ בַּֽנְחֻשְׁתַּ֔יִם לָבִ֥יא אֹת֖וֹ בָּבֶֽלָה׃

‎8 ‏וְאֶת־בֵּ֤ית הַמֶּ֙לֶךְ֙ וְאֶת־בֵּ֣ית הָעָ֔ם שָׂרְפ֥וּ הַכַּשְׂדִּ֖ים בָּאֵ֑שׁ וְאֶת־חֹמ֥וֹת יְרוּשָׁלִַ֖ם נָתָֽצוּ׃

‎9 ‏וְאֵת֩ יֶ֨תֶר הָעָ֜ם הַנִּשְׁאָרִ֣ים בָּעִ֗יר וְאֶת־הַנֹּֽפְלִים֙ אֲשֶׁ֣ר נָפְל֣וּ עָלָ֔יו וְאֵ֛ת יֶ֥תֶר הָעָ֖ם הַנִּשְׁאָרִ֑ים הֶגְלָ֛ה נְבֽוּזַר־אֲדָ֥ן¹ רַב־טַבָּחִ֖ים בָּבֶֽל׃

‎10 ‏וּמִן־הָעָ֣ם הַדַּלִּ֗ים אֲשֶׁ֤ר אֵין־לָהֶם֙ מְא֔וּמָה הִשְׁאִ֛יר נְבוּזַרְאֲדָ֥ן רַב־טַבָּחִ֖ים בְּאֶ֣רֶץ יְהוּדָ֑ה וַיִּתֵּ֥ן לָהֶ֛ם כְּרָמִ֥ים וִֽיגֵבִ֖ים בַּיּ֥וֹם הַהֽוּא׃

‎11 ‏וַיְצַ֛ו נְבוּכַדְרֶאצַּ֥ר מֶֽלֶךְ־בָּבֶ֖ל עַֽל־יִרְמְיָ֑הוּ בְּיַ֛ד נְבוּזַרְאֲדָ֥ן רַב־טַבָּחִ֖ים לֵאמֹֽר׃

‎12 ‏קָחֶ֗נּוּ וְעֵינֶ֙יךָ֙ שִׂ֣ים עָלָ֔יו וְאַל־תַּ֥עַשׂ ל֖וֹ מְא֣וּמָה רָּ֑ע כִּ֗י אם כַּֽאֲשֶׁר֙ יְדַבֵּ֣ר אֵלֶ֔יךָ כֵּ֖ן עֲשֵׂ֥ה עִמּֽוֹ׃

‎13 ‏וַיִּשְׁלַ֞ח נְבֽוּזַרְאֲדָ֣ן רַב־טַבָּחִ֗ים וּנְבֽוּשַׁזְבָּן֙⁶ רַב־סָרִ֔יס וְנֵרְגַ֥ל שַׂר־אֶ֖צֶר רַב־מָ֑ג וְכֹ֖ל רַבֵּ֥י מֶֽלֶךְ־בָּבֶֽל׃

‎14 ‏וַיִּשְׁלְחוּ֩ וַיִּקְח֨וּ אֶֽת־יִרְמְיָ֜הוּ מֵחֲצַ֣ר הַמַּטָּרָ֗ה וַיִּתְּנ֤וּ אֹתוֹ֙ אֶל־גְּדַלְיָ֙הוּ֙ בֶּן־אֲחִיקָ֣ם בֶּן־שָׁפָ֔ן לְהוֹצִאֵ֖הוּ אֶל־הַבָּ֑יִת וַיֵּ֖שֶׁב בְּת֥וֹךְ הָעָֽם׃ ס

‎15 ‏וְאֶֽל־יִרְמְיָ֖הוּ הָיָ֣ה דְבַר־יְהוָ֑ה בִּֽהְיֹת֣וֹ עָצ֔וּר בַּחֲצַ֥ר הַמַּטָּרָ֖ה לֵאמֹֽר׃

‎16 ‏הָל֣וֹךְ וְאָמַרְתָּ֡ לְעֶבֶד־מֶ֨לֶךְ³ הַכּוּשִׁ֜י לֵאמֹ֗ר כֹּֽה־אָמַ֞ר יְהוָ֤ה צְבָאוֹת֙ אֱלֹהֵ֣י יִשְׂרָאֵ֔ל הִנְנִי֩ מבי מֵבִ֨יא אֶת־דְּבָרַ֜י אֶל־הָעִ֥יר הַזֹּ֛את לְרָעָ֖ה וְלֹ֣א לְטוֹבָ֑ה וְהָי֥וּ לְפָנֶ֖יךָ בַּיּ֥וֹם הַהֽוּא׃

‎17 ‏וְהִצַּלְתִּ֥יךָ בַיּוֹם־הַה֖וּא נְאֻם־יְהוָ֑ה וְלֹ֤א תִנָּתֵן֙ בְּיַ֣ד הָֽאֲנָשִׁ֔ים אֲשֶׁר־אַתָּ֥ה יָג֖וֹר מִפְּנֵיהֶֽם׃

‎18 ‏כִּ֤י מַלֵּט֙ אֲמַלֶּטְךָ֔ וּבַחֶ֖רֶב לֹ֣א תִפֹּ֑ל וְהָיְתָ֨ה לְךָ֤ נַפְשְׁךָ֙ לְשָׁלָ֔ל כִּֽי־בָטַ֥חְתָּ בִּ֖י נְאֻם־יְהוָֽה׃ ס

1 baššānâ hatəši‘îṯ ləṣiḏəqîyâû meleḵə-yəhûḏâ b^aḥōḏeš hā‘ăśirî bā’ nəḇûḵaḏəre’ṣṣar meleḵə-bāḇel wəḵāl-ḥêlwō ’el-yərûšālaim wayyāṣurû ‘āleyhā: s

2 bə‘ašətê-‘eśərēh šānâ ləṣiḏəqîyâû b^aḥōḏeš hārəḇî‘î bəṯišə‘â l^aḥōḏeš hāḇəqə‘â hā‘îr:

3 wayyāḇō’û kōl śārê meleḵə-bāḇel wayyēšəḇû bəš^a‘ar hatāweḵə nērəḡal śar-’eṣer saməgar-nəḇû śar-səḵîm raḇ-sārîs nērəḡal śar-’eṣer raḇ-māḡ wəḵāl-šə’ērîṯ śārê meleḵə bāḇel:

4 wayəhî ka’ăšer rā’ām ṣiḏəqîyâû meleḵə-yəhûḏâ wəḵōl| ’anəšê hammiləḥāmâ wayyiḇərəḥû wayyēṣə’û layəlâ min-hā‘îr dereḵə gan hammeleḵə bəš^a‘ar bên h^aḥōmōṯāyim wayyēṣē’ dereḵə hā‘ărāḇâ:

5 wayyirədəfû ḥêl-kaśədîm ’^aḥărêhem wayyaśśiḡû ’eṯ-ṣiḏəqîyâû bə‘arəḇwōṯ yərēḥwō wayyiqəḥû ’ōṯwō wayy^a‘ăluhû ’el-nəḇûḵaḏəre’ṣṣar meleḵə-bāḇel riḇəlāṯâ bə’ereṣ ḥămāṯ wayəḏabēr ’itwō mišəpāṭîm:

6 wayyišəḥaṭ meleḵə bāḇel ’eṯ-bənê ṣiḏəqîyâû bəriḇəlâ lə‘ênāyw wə’ēṯ kāl-ḥōrê yəhûḏâ šāḥaṭ meleḵə bāḇel:

7 wə’eṯ-‘ênê ṣiḏəqîyâû ‘iûēr wayya’asərēhû banəḥušətayim lāḇî’ ’ōṯwō bāḇelâ:

8 wə’eṯ-bêṯ hammeleḵə wə’eṯ-bêṯ hā‘ām śārəfû hakaśədîm bā’ēš wə’eṯ-ḥōmwōṯ yərûšālaim nāṯāṣû:

9 wə’ēṯ yeṯer hā‘ām hannišə’ārîm bā‘îr wə’eṯ-hannōfəlîm ’ăšer nāfəlû ‘ālāyw wə’ēṯ yeṯer hā‘ām hannišə’ārîm heḡəlâ nəḇûzar-’ăḏān¹ raḇ-ṭabāḥîm bāḇel:

10 ûmin-hā‘ām hadallîm ’ăšer ’ên-lâem mə’ûmâ hišə’îr nəḇûzarə’ăḏān raḇ-ṭabāḥîm bə’ereṣ yəhûḏâ wayyitēn lâem kərāmîm wîḡēḇîm bayywōm hahû’:

11 wayəṣaw nəḇûḵaḏəre’ṣṣar meleḵə-bāḇel ‘al-yirəməyâû bəyaḏ nəḇûzarə’ăḏān raḇ-ṭabāḥîm lē’mōr:

12 qāḥennû wə‘êneyḵā śîm ‘ālāyw wə’al-t^a‘aś lwō mə’ûmâ rrā‘ kî ’im ka’ăšer yəḏabēr ’ēleyḵā kēn ‘ăśēh ‘immwō:

13 wayyišəl^aḥ nəḇûzarə’ăḏān raḇ-ṭabāḥîm ûnəḇûšazəbān⁶ raḇ-sārîs wənērəḡal śar-’eṣer raḇ-māḡ wəḵōl rabê meleḵə-bāḇel:

14 wayyišələḥû wayyiqəḥû ’eṯ-yirəməyâû mēḥăṣar hammaṭṭārâ wayyitənû ’ōṯwō ’el-gəḏaləyâû ben-’ăḥîqām ben-šāfān ləhwōṣi’ēhû ’el-habāyiṯ wayyēšeḇ bəṯwōḵə hā‘ām: s

15 wə’el-yirəməyâû hāyâ ḏəḇar-yəhwâ bihəyōṯwō ‘āṣûr b^aḥăṣar hammaṭṭārâ lē’mōr:

16 hālwōḵə wə’āmarətā lə‘eḇeḏ-meleḵə³ hakûšî lē’mōr kōh-’āmar yəhwâ ṣəḇā’wōṯ ’ĕlōhê yiśərā’ēl hinənî mēḇî mēḇî’ ’eṯ-dəḇāray ’el-hā‘îr hazzō’ṯ lərā‘â wəlō’ ləṭwōḇâ wəhāyû ləfāneyḵā bayywōm hahû’:

17 wəhiṣṣalətîḵā ḇayywōm-hahû’ nə’um-yəhwâ wəlō’ ṯinnāṯēn bəyaḏ hā’ănāšîm ’ăšer-’atâ yāḡwōr mipənêhem:

18 kî mallēṭ ’ămalleṭəḵā ûḇ^aḥereḇ lō’ ṯipōl wəhāyəṯâ ləḵā nafəšəḵā ləšālāl kî-ḇāṭ^aḥətā bî nə’um-yəhwâ: s

‎1 ‏הַדָּבָ֞ר אֲשֶׁר־הָיָ֤ה אֶֽל־יִרְמְיָ֙הוּ֙ מֵאֵ֣ת יְהוָ֔ה אַחַ֣ר׀ שַׁלַּ֣ח אֹת֗וֹ נְבוּזַרְאֲדָ֛ן רַב־טַבָּחִ֖ים מִן־הָֽרָמָ֑ה בְּקַחְתּ֣וֹ אֹת֗וֹ וְהֽוּא־אָס֤וּר בָּֽאזִקִּים֙ בְּת֨וֹךְ כָּל־גָּל֤וּת יְרוּשָׁלִַ֙ם֙ וִֽיהוּדָ֔ה הַמֻּגְלִ֖ים בָּבֶֽלָה׃

‎2 ‏וַיִּקַּ֥ח רַב־טַבָּחִ֖ים לְיִרְמְיָ֑הוּ וַיֹּ֣אמֶר אֵלָ֔יו יְהוָ֣ה אֱלֹהֶ֗יךָ דִּבֶּר֙ אֶת־הָרָעָ֣ה הַזֹּ֔את אֶל־הַמָּק֖וֹם הַזֶּֽה׃

‎3 ‏וַיָּבֵ֥א וַיַּ֛עַשׂ יְהוָ֖ה כַּאֲשֶׁ֣ר דִּבֵּ֑ר כִּֽי־חֲטָאתֶ֤ם לַֽיהוָה֙ וְלֹֽא־שְׁמַעְתֶּ֣ם בְּקוֹל֔וֹ וְהָיָ֥ה לָכֶ֖ם דבר הַדָּבָ֥ר הַזֶּֽה׃

‎4 ‏וְעַתָּ֞ה הִנֵּ֧ה פִתַּחְתִּ֣יךָ הַיּ֗וֹם מִֽן־הָאזִקִּים֮ אֲשֶׁ֣ר עַל־יָדֶךָ֒ אִם־ט֨וֹב בְּעֵינֶ֜יךָ לָב֧וֹא אִתִּ֣י בָבֶ֗ל בֹּ֚א וְאָשִׂ֤ים אֶת־עֵינִי֙ עָלֶ֔יךָ וְאִם־רַ֧ע בְּעֵינֶ֛יךָ לָבֽוֹא־אִתִּ֥י בָבֶ֖ל חֲדָ֑ל רְאֵה֙ כָּל־הָאָ֣רֶץ לְפָנֶ֔יךָ אֶל־ט֨וֹב וְאֶל־הַיָּשָׁ֧ר בְּעֵינֶ֛יךָ לָלֶ֥כֶת שָׁ֖מָּה לֵֽךְ׃

‎5 ‏וְעוֹדֶ֣נּוּ לֹֽא־יָשׁ֗וּב וְשֻׁ֡בָה אֶל־גְּדַלְיָ֣ה בֶן־אֲחִיקָ֣ם בֶּן־שָׁפָ֡ן אֲשֶׁר֩ הִפְקִ֨יד מֶֽלֶךְ־בָּבֶ֜ל בְּעָרֵ֣י יְהוּדָ֗ה וְשֵׁ֤ב אִתּוֹ֙ בְּת֣וֹךְ הָעָ֔ם א֠וֹ אֶל־כָּל־הַיָּשָׁ֧ר בְּעֵינֶ֛יךָ לָלֶ֖כֶת לֵ֑ךְ וַיִּתֶּן־ל֧וֹ רַב־טַבָּחִ֛ים אֲרֻחָ֥ה וּמַשְׂאֵ֖ת וַֽיְשַׁלְּחֵֽהוּ׃

‎6 ‏וַיָּבֹ֧א יִרְמְיָ֛הוּ אֶל־גְּדַלְיָ֥ה בֶן־אֲחִיקָ֖ם הַמִּצְפָּ֑תָה וַיֵּ֤שֶׁב אִתּוֹ֙ בְּת֣וֹךְ הָעָ֔ם הַנִּשְׁאָרִ֖ים בָּאָֽרֶץ׃ ס

‎7 ‏וַיִּשְׁמְעוּ֩ כָל־שָׂרֵ֨י הַחֲיָלִ֜ים אֲשֶׁ֣ר בַּשָּׂדֶ֗ה הֵ֚מָּה וְאַנְשֵׁיהֶ֔ם כִּֽי־הִפְקִ֧יד מֶֽלֶךְ־בָּבֶ֛ל אֶת־גְּדַלְיָ֥הוּ בֶן־אֲחִיקָ֖ם בָּאָ֑רֶץ וְכִ֣י׀ הִפְקִ֣יד אִתּ֗וֹ אֲנָשִׁ֤ים וְנָשִׁים֙ וָטָ֔ף וּמִדַּלַּ֣ת הָאָ֔רֶץ מֵאֲשֶׁ֥ר לֹֽא־הָגְל֖וּ בָּבֶֽלָה׃

‎8 ‏וַיָּבֹ֥אוּ אֶל־גְּדַלְיָ֖ה הַמִּצְפָּ֑תָה וְיִשְׁמָעֵ֣אל בֶּן־נְתַנְיָ֡הוּ וְיוֹחָנָ֣ן וְיוֹנָתָ֣ן בְּנֵֽי־קָ֠רֵחַ וּשְׂרָיָ֨ה בֶן־תַּנְחֻ֜מֶת וּבְנֵ֣י׀ עופי עֵיפַ֣י הַנְּטֹפָתִ֗י וִֽיזַנְיָ֙הוּ֙ בֶּן־הַמַּ֣עֲכָתִ֔י הֵ֖מָּה וְאַנְשֵׁיהֶֽם׃

‎9 ‏וַיִּשָּׁבַ֨ע לָהֶ֜ם גְּדַלְיָ֨הוּ בֶן־אֲחִיקָ֤ם בֶּן־שָׁפָן֙ וּלְאַנְשֵׁיהֶ֣ם לֵאמֹ֔ר אַל־תִּֽירְא֖וּ מֵעֲב֣וֹד הַכַּשְׂדִּ֑ים שְׁב֣וּ בָאָ֗רֶץ וְעִבְד֛וּ אֶת־מֶ֥לֶךְ בָּבֶ֖ל וְיִיטַ֥ב לָכֶֽם׃

‎10 ‏וַאֲנִ֗י הִנְנִ֤י יֹשֵׁב֙ בַּמִּצְפָּ֔ה לַֽעֲמֹד֙ לִפְנֵ֣י הַכַּשְׂדִּ֔ים אֲשֶׁ֥ר יָבֹ֖אוּ אֵלֵ֑ינוּ וְאַתֶּ֡ם אִסְפוּ֩ יַ֨יִן וְקַ֜יִץ וְשֶׁ֗מֶן וְשִׂ֙מוּ֙ בִּכְלֵיכֶ֔ם וּשְׁב֖וּ בְּעָרֵיכֶ֥ם אֲשֶׁר־תְּפַשְׂתֶּֽם׃

‎11 ‏וְגַ֣ם כָּֽל־הַיְּהוּדִ֡ים אֲשֶׁר־בְּמוֹאָ֣ב׀ וּבִבְנֵֽי־עַמּ֨וֹן וּבֶאֱד֜וֹם וַאֲשֶׁ֤ר בְּכָל־הָֽאֲרָצוֹת֙ שָֽׁמְע֔וּ כִּֽי־נָתַ֧ן מֶֽלֶךְ־בָּבֶ֛ל שְׁאֵרִ֖ית לִֽיהוּדָ֑ה וְכִי֙ הִפְקִ֣יד עֲלֵיהֶ֔ם אֶת־גְּדַלְיָ֖הוּ בֶּן־אֲחִיקָ֥ם בֶּן־שָׁפָֽן׃

‎12 ‏וַיָּשֻׁ֣בוּ כָל־הַיְּהוּדִ֗ים מִכָּל־הַמְּקֹמוֹת֙ אֲשֶׁ֣ר נִדְּחוּ־שָׁ֔ם וַיָּבֹ֧אוּ אֶֽרֶץ־יְהוּדָ֛ה אֶל־גְּדַלְיָ֖הוּ הַמִּצְפָּ֑תָה וַיַּאַסְפ֛וּ יַ֥יִן וָקַ֖יִץ הַרְבֵּ֥ה מְאֹֽד׃ פ

‎13 ‏וְיֽוֹחָנָן֙ בֶּן־קָרֵ֔חַ וְכָל־שָׂרֵ֥י הַחֲיָלִ֖ים אֲשֶׁ֣ר בַּשָּׂדֶ֑ה בָּ֥אוּ אֶל־גְּדַלְיָ֖הוּ הַמִּצְפָּֽתָה׃

‎14 ‏וַיֹּאמְר֣וּ אֵלָ֗יו הֲיָדֹ֤עַ³ תֵּדַע֙ כִּ֞י בַּעֲלִ֣יס׀ מֶ֣לֶךְ בְּנֵֽי־עַמּ֗וֹן שָׁלַח֙ אֶת־יִשְׁמָעֵ֣אל בֶּן־נְתַנְיָ֔ה לְהַכֹּתְךָ֖ נָ֑פֶשׁ וְלֹא־הֶאֱמִ֣ין לָהֶ֔ם גְּדַלְיָ֖הוּ בֶּן־אֲחִיקָֽם׃

‎15 ‏וְיוֹחָנָ֣ן בֶּן־קָרֵ֡חַ אָמַ֣ר אֶל־גְּדַלְיָהוּ֩ בַסֵּ֨תֶר בַּמִּצְפָּ֜ה לֵאמֹ֗ר אֵ֤לְכָה נָּא֙ וְאַכֶּה֙ אֶת־יִשְׁמָעֵ֣אל בֶּן־נְתַנְיָ֔ה וְאִ֖ישׁ לֹ֣א יֵדָ֑ע לָ֧מָּה יַכֶּ֣כָּה נֶּ֗פֶשׁ וְנָפֹ֙צוּ֙ כָּל־יְהוּדָ֔ה הַנִּקְבָּצִ֣ים אֵלֶ֔יךָ וְאָבְדָ֖ה שְׁאֵרִ֥ית יְהוּדָֽה׃

‎16 ‏וַיֹּ֨אמֶר גְּדַלְיָ֤הוּ בֶן־אֲחִיקָם֙ אֶל־יוֹחָנָ֣ן בֶּן־קָרֵ֔חַ אַֽל־תעש תַּעֲשֵׂ֖ה אֶת־הַדָּבָ֣ר הַזֶּ֑ה כִּֽי־שֶׁ֛קֶר אַתָּ֥ה דֹבֵ֖ר אֶל־יִשְׁמָעֵֽאל׃ ס

1 hadāḇār ’ăšer-hāyâ ’el-yirəməyâû mē’ēṯ yəhwâ ’^aḥar| šall^aḥ ’ōṯwō nəḇûzarə’ăḏān raḇ-ṭabāḥîm min-hārāmâ bəq^aḥətwō ’ōṯwō wəhû’-’āsûr bā’ziqqîm bəṯwōḵə kāl-gālûṯ yərûšālaim wîhûḏâ hammuḡəlîm bāḇelâ:

2 wayyiqq^aḥ raḇ-ṭabāḥîm ləyirəməyâû wayyō’mer ’ēlāyw yəhwâ ’ĕlōheyḵā diber ’eṯ-hārā‘â hazzō’ṯ ’el-hammāqwōm hazzeh:

3 wayyāḇē’ wayy^a‘aś yəhwâ ka’ăšer dibēr kî-ḥăṭā’ṯem layhwâ wəlō’-šəm^a‘ətem bəqwōlwō wəhāyâ lāḵem dāḇār hadāḇār hazzeh:

4 wə‘atâ hinnēh fit^aḥətîḵā hayywōm min-hā’ziqqîm ’ăšer ‘al-yāḏeḵā ’im-ṭwōḇ bə‘êneyḵā lāḇwō’ ’itî ḇāḇel bō’ wə’āśîm ’eṯ-‘ênî ‘āleyḵā wə’im-r^a‘ bə‘êneyḵā lāḇwō’-’itî ḇāḇel ḥăḏāl rə’ēh kāl-hā’āreṣ ləfāneyḵā ’el-ṭwōḇ wə’el-hayyāšār bə‘êneyḵā lāleḵeṯ šāmmâ lēḵə:

5 wə‘wōḏennû lō’-yāšûḇ wəšuḇâ ’el-gəḏaləyâ ḇen-’ăḥîqām ben-šāfān ’ăšer hifəqîḏ meleḵə-bāḇel bə‘ārê yəhûḏâ wəšēḇ ’itwō bəṯwōḵə hā‘ām ’wō ’el-kāl-hayyāšār bə‘êneyḵā lāleḵeṯ lēḵə wayyiten-lwō raḇ-ṭabāḥîm ’ăruḥâ ûmaśə’ēṯ wayəšalləḥēhû:

6 wayyāḇō’ yirəməyâû ’el-gəḏaləyâ ḇen-’ăḥîqām hammiṣəpāṯâ wayyēšeḇ ’itwō bəṯwōḵə hā‘ām hannišə’ārîm bā’āreṣ: s

7 wayyišəmə‘û ḵāl-śārê h^aḥăyālîm ’ăšer baśśāḏeh hēmmâ wə’anəšêhem kî-hifəqîḏ meleḵə-bāḇel ’eṯ-gəḏaləyâû ḇen-’ăḥîqām bā’āreṣ wəḵî| hifəqîḏ ’itwō ’ănāšîm wənāšîm wāṭāf ûmidallaṯ hā’āreṣ mē’ăšer lō’-hāḡəlû bāḇelâ:

8 wayyāḇō’û ’el-gəḏaləyâ hammiṣəpāṯâ wəyišəmā‘ē’l ben-nəṯanəyâû wəywōḥānān wəywōnāṯān bənê-qārēḥa ûśərāyâ ḇen-tanəḥumeṯ ûḇənê| ‘wōfay ‘êfay hannəṭōfāṯî wîzanəyâû ben-hamm^a‘ăḵāṯî hēmmâ wə’anəšêhem:

9 wayyiššāḇ^a‘ lâem gəḏaləyâû ḇen-’ăḥîqām ben-šāfān ûlə’anəšêhem lē’mōr ’al-tîrə’û mē‘ăḇwōḏ hakaśədîm šəḇû ḇā’āreṣ wə‘iḇəḏû ’eṯ-meleḵə bāḇel wəyîṭaḇ lāḵem:

10 wa’ănî hinənî yōšēḇ bammiṣəpâ l^a‘ămōḏ lifənê hakaśədîm ’ăšer yāḇō’û ’ēlênû wə’atem ’isəfû yayin wəqayiṣ wəšemen wəśimû biḵəlêḵem ûšəḇû bə‘ārêḵem ’ăšer-təfaśətem:

11 wəḡam kāl-hayyəhûḏîm ’ăšer-bəmwō’āḇ| ûḇiḇənê-‘ammwōn ûḇe’ĕḏwōm wa’ăšer bəḵāl-hā’ărāṣwōṯ šāmə‘û kî-nāṯan meleḵə-bāḇel šə’ērîṯ lîhûḏâ wəḵî hifəqîḏ ‘ălêhem ’eṯ-gəḏaləyâû ben-’ăḥîqām ben-šāfān:

12 wayyāšuḇû ḵāl-hayyəhûḏîm mikāl-hamməqōmwōṯ ’ăšer nidəḥû-šām wayyāḇō’û ’ereṣ-yəhûḏâ ’el-gəḏaləyâû hammiṣəpāṯâ wayya’asəfû yayin wāqayiṣ harəbēh mə’ōḏ: f

13 wəywōḥānān ben-qārēḥa wəḵāl-śārê h^aḥăyālîm ’ăšer baśśāḏeh bā’û ’el-gəḏaləyâû hammiṣəpāṯâ:

14 wayyō’mərû ’ēlāyw hăyāḏō‘a³ tēḏ^a‘ kî b^a‘ălîs| meleḵə bənê-‘ammwōn šāl^aḥ ’eṯ-yišəmā‘ē’l ben-nəṯanəyâ ləhakōṯəḵā nāfeš wəlō’-he’ĕmîn lâem gəḏaləyâû ben-’ăḥîqām:

15 wəywōḥānān ben-qārēḥa ’āmar ’el-gəḏaləyâû ḇassēṯer bammiṣəpâ lē’mōr ’ēləḵâ nnā’ wə’akeh ’eṯ-yišəmā‘ē’l ben-nəṯanəyâ wə’îš lō’ yēḏā‘ lāmmâ yakekâ nnefeš wənāfōṣû kāl-yəhûḏâ hanniqəbāṣîm ’ēleyḵā wə’āḇəḏâ šə’ērîṯ yəhûḏâ:

16 wayyō’mer gəḏaləyâû ḇen-’ăḥîqām ’el-ywōḥānān ben-qārēḥa ’al-t^a‘aś t^a‘ăśēh ’eṯ-hadāḇār hazzeh kî-šeqer ’atâ ḏōḇēr ’el-yišəmā‘ē’l: s

‎1 ‏וַיְהִ֣י׀ בַּחֹ֣דֶשׁ הַשְּׁבִיעִ֗י בָּ֣א יִשְׁמָעֵ֣אל בֶּן־נְתַנְיָ֣ה בֶן־אֱלִישָׁמָ֣ע מִזֶּ֣רַע הַ֠מְּלוּכָה וְרַבֵּ֨י הַמֶּ֜לֶךְ וַעֲשָׂרָ֨ה אֲנָשִׁ֥ים אִתּ֛וֹ אֶל־גְּדַלְיָ֥הוּ בֶן־אֲחִיקָ֖ם הַמִּצְפָּ֑תָה וַיֹּ֨אכְלוּ שָׁ֥ם לֶ֛חֶם יַחְדָּ֖ו בַּמִּצְפָּֽה׃

‎2 ‏וַיָּקָם֩ יִשְׁמָעֵ֨אל בֶּן־נְתַנְיָ֜ה וַעֲשֶׂ֥רֶת הָאֲנָשִׁ֣ים׀ אֲשֶׁר־הָי֣וּ אִתּ֗וֹ וַ֠יַּכּוּ אֶת־גְּדַלְיָ֨הוּ בֶן־אֲחִיקָ֧ם בֶּן־שָׁפָ֛ן בַּחֶ֖רֶב וַיָּ֣מֶת אֹת֑וֹ אֲשֶׁר־הִפְקִ֥יד מֶֽלֶךְ־בָּבֶ֖ל בָּאָֽרֶץ׃

‎3 ‏וְאֵ֣ת כָּל־הַיְּהוּדִ֗ים אֲשֶׁר־הָי֨וּ אִתּ֤וֹ אֶת־גְּדַלְיָ֙הוּ֙ בַּמִּצְפָּ֔ה וְאֶת־הַכַּשְׂדִּ֖ים אֲשֶׁ֣ר נִמְצְאוּ־שָׁ֑ם אֵ֚ת אַנְשֵׁ֣י הַמִּלְחָמָ֔ה הִכָּ֖ה יִשְׁמָעֵֽאל׃

‎4 ‏וַיְהִ֛י בַּיּ֥וֹם הַשֵּׁנִ֖י לְהָמִ֣ית אֶת־גְּדַלְיָ֑הוּ וְאִ֖ישׁ לֹ֥א יָדָֽע׃

‎5 ‏וַיָּבֹ֣אוּ אֲ֠נָשִׁים מִשְּׁכֶ֞ם מִשִּׁל֤וֹ וּמִשֹּֽׁמְרוֹן֙ שְׁמֹנִ֣ים אִ֔ישׁ מְגֻלְּחֵ֥י זָקָ֛ן וּקְרֻעֵ֥י בְגָדִ֖ים וּמִתְגֹּֽדְדִ֑ים וּמִנְחָ֤ה וּלְבוֹנָה֙ בְּיָדָ֔ם לְהָבִ֖יא בֵּ֥ית יְהוָֽה׃

‎6 ‏וַ֠יֵּצֵא יִשְׁמָעֵ֨אל בֶּן־נְתַנְיָ֤ה לִקְרָאתָם֙ מִן־הַמִּצְפָּ֔ה הֹלֵ֥ךְ הָלֹ֖ךְ וּבֹכֶ֑ה וַֽיְהִי֙ כִּפְגֹ֣שׁ אֹתָ֔ם וַיֹּ֣אמֶר אֲלֵיהֶ֔ם בֹּ֖אוּ אֶל־גְּדַלְיָ֥הוּ בֶן־אֲחִיקָֽם׃ ס

‎7 ‏וַיְהִ֕י כְּבוֹאָ֖ם אֶל־תּ֣וֹךְ הָעִ֑יר וַיִּשְׁחָטֵ֞ם יִשְׁמָעֵ֤אל בֶּן־נְתַנְיָה֙ אֶל־תּ֣וֹךְ הַבּ֔וֹר ה֖וּא וְהָאֲנָשִׁ֥ים אֲשֶׁר־אִתּֽוֹ׃

‎8 ‏וַעֲשָׂרָ֨ה אֲנָשִׁ֜ים נִמְצְאוּ־בָ֗ם וַיֹּאמְר֤וּ אֶל־יִשְׁמָעֵאל֙ אַל־תְּמִתֵ֔נוּ כִּֽי־יֶשׁ־לָ֤נוּ מַטְמֹנִים֙ בַּשָּׂדֶ֔ה חִטִּ֥ים וּשְׂעֹרִ֖ים וְשֶׁ֣מֶן וּדְבָ֑שׁ וַיֶּחְדַּ֕ל וְלֹ֥א הֱמִיתָ֖ם בְּת֥וֹךְ אֲחֵיהֶֽם׃

‎9 ‏וְהַבּ֗וֹר אֲשֶׁר֩ הִשְׁלִ֨יךְ שָׁ֤ם יִשְׁמָעֵאל֙ אֵ֣ת׀ כָּל־פִּגְרֵ֣י הָאֲנָשִׁ֗ים אֲשֶׁ֤ר הִכָּה֙ בְּיַד־גְּדַלְיָ֔הוּ ה֗וּא אֲשֶׁ֤ר עָשָׂה֙ הַמֶּ֣לֶךְ אָסָ֔א מִפְּנֵ֖י בַּעְשָׁ֣א מֶֽלֶךְ־יִשְׂרָאֵ֑ל אֹת֗וֹ מִלֵּ֛א יִשְׁמָעֵ֥אל בֶּן־נְתַנְיָ֖הוּ חֲלָלִֽים׃

‎10 ‏וַיִּ֣שְׁבְּ׀ יִ֠שְׁמָעֵאל אֶת־כָּל־שְׁאֵרִ֨ית הָעָ֜ם אֲשֶׁ֣ר בַּמִּצְפָּ֗ה אֶת־בְּנ֤וֹת הַמֶּ֙לֶךְ֙ וְאֶת־כָּל־הָעָם֙ הַנִּשְׁאָרִ֣ים בַּמִּצְפָּ֔ה אֲשֶׁ֣ר הִפְקִ֗יד נְבֽוּזַרְאֲדָן֙ רַב־טַבָּחִ֔ים אֶת־גְּדַלְיָ֖הוּ בֶּן־אֲחִיקָ֑ם וַיִּשְׁבֵּם֙ יִשְׁמָעֵ֣אל בֶּן־נְתַנְיָ֔ה וַיֵּ֕לֶךְ לַעֲבֹ֖ר אֶל־בְּנֵ֥י עַמּֽוֹן׃ ס

‎11 ‏וַיִּשְׁמַע֙ יוֹחָנָ֣ן בֶּן־קָרֵ֔חַ וְכָל־שָׂרֵ֥י הַחֲיָלִ֖ים אֲשֶׁ֣ר אִתּ֑וֹ אֵ֤ת כָּל־הָֽרָעָה֙ אֲשֶׁ֣ר עָשָׂ֔ה יִשְׁמָעֵ֖אל בֶּן־נְתַנְיָֽה׃

‎12 ‏וַיִּקְחוּ֙ אֶת־כָּל־הָ֣אֲנָשִׁ֔ים וַיֵּ֣לְכ֔וּ לְהִלָּחֵ֖ם עִם־יִשְׁמָעֵ֣אל בֶּן־נְתַנְיָ֑ה וַיִּמְצְא֣וּ אֹת֔וֹ אֶל־מַ֥יִם רַבִּ֖ים אֲשֶׁ֥ר בְּגִבְעֽוֹן׃

‎13 ‏וַיְהִ֗י כִּרְא֤וֹת כָּל־הָעָם֙ אֲשֶׁ֣ר אֶת־יִשְׁמָעֵ֔אל אֶת־יֽוֹחָנָן֙ בֶּן־קָרֵ֔חַ וְאֵ֛ת כָּל־שָׂרֵ֥י הַחֲיָלִ֖ים אֲשֶׁ֣ר אִתּ֑וֹ וַיִּשְׂמָֽחוּ׃

‎14 ‏וַיָּסֹ֙בּוּ֙ כָּל־הָעָ֔ם אֲשֶׁר־שָׁבָ֥ה יִשְׁמָעֵ֖אל מִן־הַמִּצְפָּ֑ה וַיָּשֻׁ֙בוּ֙ וַיֵּ֣לְכ֔וּ אֶל־יֽוֹחָנָ֖ן בֶּן־קָרֵֽחַ׃

‎15 ‏וְיִשְׁמָעֵ֣אל בֶּן־נְתַנְיָ֗ה נִמְלַט֙ בִּשְׁמֹנָ֣ה אֲנָשִׁ֔ים מִפְּנֵ֖י יֽוֹחָנָ֑ן וַיֵּ֖לֶךְ אֶל־בְּנֵ֥י עַמּֽוֹן׃ ס

‎16 ‏וַיִּקַּח֩ יוֹחָנָ֨ן בֶּן־קָרֵ֜חַ וְכָל־שָׂרֵ֧י הַחֲיָלִ֣ים אֲשֶׁר־אִתּ֗וֹ אֵ֣ת כָּל־שְׁאֵרִ֤ית הָעָם֙ אֲשֶׁ֣ר הֵ֠שִׁיב מֵאֵ֨ת יִשְׁמָעֵ֤אל בֶּן־נְתַנְיָה֙ מִן־הַמִּצְפָּ֔ה אַחַ֣ר הִכָּ֔ה אֶת־גְּדַלְיָ֖ה בֶּן־אֲחִיקָ֑ם גְּבָרִ֞ים אַנְשֵׁ֣י הַמִּלְחָמָ֗ה וְנָשִׁ֤ים וְטַף֙ וְסָ֣רִסִ֔ים אֲשֶׁ֥ר הֵשִׁ֖יב מִגִּבְעֽוֹן׃

‎17 ‏וַיֵּלְכ֗וּ וַיֵּֽשְׁבוּ֙ בְּגֵר֣וּת כמוהם כִּמְהָ֔ם אֲשֶׁר־אֵ֖צֶל בֵּ֣ית לָ֑חֶם לָלֶ֖כֶת לָב֥וֹא מִצְרָֽיִם׃

‎18 ‏מִפְּנֵי֙ הַכַּשְׂדִּ֔ים כִּ֥י יָרְא֖וּ מִפְּנֵיהֶ֑ם כִּֽי־הִכָּ֞ה יִשְׁמָעֵ֣אל בֶּן־נְתַנְיָ֗ה אֶת־גְּדַלְיָ֙הוּ֙ בֶּן־אֲחִיקָ֔ם אֲשֶׁר־הִפְקִ֥יד מֶֽלֶךְ־בָּבֶ֖ל בָּאָֽרֶץ׃ ס

1 wayəhî| b^aḥōḏeš haššəḇî‘î bā’ yišəmā‘ē’l ben-nəṯanəyâ ḇen-’ĕlîšāmā‘ mizzer^a‘ hamməlûḵâ wərabê hammeleḵə w^a‘ăśārâ ’ănāšîm ’itwō ’el-gəḏaləyâû ḇen-’ăḥîqām hammiṣəpāṯâ wayyō’ḵəlû šām leḥem y^aḥədāw bammiṣəpâ:

2 wayyāqām yišəmā‘ē’l ben-nəṯanəyâ w^a‘ăśereṯ hā’ănāšîm| ’ăšer-hāyû ’itwō wayyakû ’eṯ-gəḏaləyâû ḇen-’ăḥîqām ben-šāfān b^aḥereḇ wayyāmeṯ ’ōṯwō ’ăšer-hifəqîḏ meleḵə-bāḇel bā’āreṣ:

3 wə’ēṯ kāl-hayyəhûḏîm ’ăšer-hāyû ’itwō ’eṯ-gəḏaləyâû bammiṣəpâ wə’eṯ-hakaśədîm ’ăšer niməṣə’û-šām ’ēṯ ’anəšê hammiləḥāmâ hikâ yišəmā‘ē’l:

4 wayəhî bayywōm haššēnî ləhāmîṯ ’eṯ-gəḏaləyâû wə’îš lō’ yāḏā‘:

5 wayyāḇō’û ’ănāšîm miššəḵem miššilwō ûmiššōmərwōn šəmōnîm ’îš məḡulləḥê zāqān ûqəru‘ê ḇəḡāḏîm ûmiṯəgōḏəḏîm ûminəḥâ ûləḇwōnâ bəyāḏām ləhāḇî’ bêṯ yəhwâ:

6 wayyēṣē’ yišəmā‘ē’l ben-nəṯanəyâ liqərā’ṯām min-hammiṣəpâ hōlēḵə hālōḵə ûḇōḵeh wayəhî kifəḡōš ’ōṯām wayyō’mer ’ălêhem bō’û ’el-gəḏaləyâû ḇen-’ăḥîqām: s

7 wayəhî kəḇwō’ām ’el-twōḵə hā‘îr wayyišəḥāṭēm yišəmā‘ē’l ben-nəṯanəyâ ’el-twōḵə habwōr hû’ wəhā’ănāšîm ’ăšer-’itwō:

8 w^a‘ăśārâ ’ănāšîm niməṣə’û-ḇām wayyō’mərû ’el-yišəmā‘ē’l ’al-təmiṯēnû kî-yeš-lānû maṭəmōnîm baśśāḏeh ḥiṭṭîm ûśə‘ōrîm wəšemen ûḏəḇāš wayyeḥədal wəlō’ hĕmîṯām bəṯwōḵə ’ăḥêhem:

9 wəhabwōr ’ăšer hišəlîḵə šām yišəmā‘ē’l ’ēṯ| kāl-piḡərê hā’ănāšîm ’ăšer hikâ bəyaḏ-gəḏaləyâû hû’ ’ăšer ‘āśâ hammeleḵə ’āsā’ mipənê b^a‘əšā’ meleḵə-yiśərā’ēl ’ōṯwō millē’ yišəmā‘ē’l ben-nəṯanəyâû ḥălālîm:

10 wayyišəbə| yišəmā‘ē’l ’eṯ-kāl-šə’ērîṯ hā‘ām ’ăšer bammiṣəpâ ’eṯ-bənwōṯ hammeleḵə wə’eṯ-kāl-hā‘ām hannišə’ārîm bammiṣəpâ ’ăšer hifəqîḏ nəḇûzarə’ăḏān raḇ-ṭabāḥîm ’eṯ-gəḏaləyâû ben-’ăḥîqām wayyišəbēm yišəmā‘ē’l ben-nəṯanəyâ wayyēleḵə l^a‘ăḇōr ’el-bənê ‘ammwōn: s

11 wayyišəm^a‘ ywōḥānān ben-qārēḥa wəḵāl-śārê h^aḥăyālîm ’ăšer ’itwō ’ēṯ kāl-hārā‘â ’ăšer ‘āśâ yišəmā‘ē’l ben-nəṯanəyâ:

12 wayyiqəḥû ’eṯ-kāl-hā’ănāšîm wayyēləḵû ləhillāḥēm ‘im-yišəmā‘ē’l ben-nəṯanəyâ wayyiməṣə’û ’ōṯwō ’el-mayim rabîm ’ăšer bəḡiḇə‘wōn:

13 wayəhî kirə’wōṯ kāl-hā‘ām ’ăšer ’eṯ-yišəmā‘ē’l ’eṯ-ywōḥānān ben-qārēḥa wə’ēṯ kāl-śārê h^aḥăyālîm ’ăšer ’itwō wayyiśəmāḥû:

14 wayyāsōbû kāl-hā‘ām ’ăšer-šāḇâ yišəmā‘ē’l min-hammiṣəpâ wayyāšuḇû wayyēləḵû ’el-ywōḥānān ben-qārēḥa:

15 wəyišəmā‘ē’l ben-nəṯanəyâ niməlaṭ bišəmōnâ ’ănāšîm mipənê ywōḥānān wayyēleḵə ’el-bənê ‘ammwōn: s

16 wayyiqq^aḥ ywōḥānān ben-qārēḥa wəḵāl-śārê h^aḥăyālîm ’ăšer-’itwō ’ēṯ kāl-šə’ērîṯ hā‘ām ’ăšer hēšîḇ mē’ēṯ yišəmā‘ē’l ben-nəṯanəyâ min-hammiṣəpâ ’^aḥar hikâ ’eṯ-gəḏaləyâ ben-’ăḥîqām gəḇārîm ’anəšê hammiləḥāmâ wənāšîm wəṭaf wəsārisîm ’ăšer hēšîḇ migiḇə‘wōn:

17 wayyēləḵû wayyēšəḇû bəḡērûṯ kiməwhām kiməhām ’ăšer-’ēṣel bêṯ lāḥem lāleḵeṯ lāḇwō’ miṣərāyim:

18 mipənê hakaśədîm kî yārə’û mipənêhem kî-hikâ yišəmā‘ē’l ben-nəṯanəyâ ’eṯ-gəḏaləyâû ben-’ăḥîqām ’ăšer-hifəqîḏ meleḵə-bāḇel bā’āreṣ: s

‎1 ‏וַֽיִּגְּשׁוּ֙ כָּל־שָׂרֵ֣י הַחֲיָלִ֔ים וְיֽוֹחָנָן֙ בֶּן־קָרֵ֔חַ וִֽיזַנְיָ֖ה בֶּן־הוֹשַֽׁעְיָ֑ה וְכָל־הָעָ֖ם מִקָּטֹ֥ן וְעַד־גָּדֽוֹל׃

‎2 ‏וַיֹּאמְר֞וּ אֶֽל־יִרְמְיָ֣הוּ הַנָּבִ֗יא תִּפָּל־נָ֤א תְחִנָּתֵ֙נוּ֙ לְפָנֶ֔יךָ וְהִתְפַּלֵּ֤ל בַּעֲדֵ֙נוּ֙ אֶל־יְהוָ֣ה אֱלֹהֶ֔יךָ בְּעַ֖ד כָּל־הַשְּׁאֵרִ֣ית הַזֹּ֑את כִּֽי־נִשְׁאַ֤רְנוּ מְעַט֙ מֵֽהַרְבֵּ֔ה כַּאֲשֶׁ֥ר עֵינֶ֖יךָ רֹא֥וֹת אֹתָֽנוּ׃

‎3 ‏וְיַגֶּד־לָ֙נוּ֙ יְהוָ֣ה אֱלֹהֶ֔יךָ אֶת־הַדֶּ֖רֶךְ אֲשֶׁ֣ר נֵֽלֶךְ־בָּ֑הּ וְאֶת־הַדָּבָ֖ר אֲשֶׁ֥ר נַעֲשֶֽׂה׃

‎4 ‏וַיֹּ֨אמֶר אֲלֵיהֶ֜ם יִרְמְיָ֤הוּ הַנָּבִיא֙ שָׁמַ֔עְתִּי הִנְנִ֧י מִתְפַּלֵּ֛ל אֶל־יְהוָ֥ה אֱלֹהֵיכֶ֖ם כְּדִבְרֵיכֶ֑ם וְֽהָיָ֡ה כָּֽל־הַדָּבָר֩ אֲשֶׁר־יַעֲנֶ֨ה יְהוָ֤ה אֶתְכֶם֙ אַגִּ֣יד לָכֶ֔ם לֹֽא־אֶמְנַ֥ע מִכֶּ֖ם דָּבָֽר׃

‎5 ‏וְהֵ֙מָּה֙ אָמְר֣וּ אֶֽל־יִרְמְיָ֔הוּ יְהִ֤י יְהוָה֙ בָּ֔נוּ לְעֵ֖ד אֱמֶ֣ת וְנֶאֱמָ֑ן אִם־לֹ֡א כְּֽכָל־הַ֠דָּבָר אֲשֶׁ֨ר יִֽשְׁלָחֲךָ֜ יְהוָ֧ה אֱלֹהֶ֛יךָ אֵלֵ֖ינוּ כֵּ֥ן נַעֲשֶֽׂה׃

‎6 ‏אִם־ט֣וֹב וְאִם־רָ֔ע בְּק֣וֹל׀ יְהוָ֣ה אֱלֹהֵ֗ינוּ אֲשֶׁ֨ר אנו אֲנַ֜חְנוּ שֹׁלְחִ֥ים אֹתְךָ֛ אֵלָ֖יו נִשְׁמָ֑ע לְמַ֙עַן֙ אֲשֶׁ֣ר יִֽיטַב־לָ֔נוּ כִּ֣י נִשְׁמַ֔ע בְּק֖וֹל יְהוָ֥ה אֱלֹהֵֽינוּ׃ ס

‎7 ‏וַיְהִ֕י מִקֵּ֖ץ עֲשֶׂ֣רֶת יָמִ֑ים וַיְהִ֥י דְבַר־יְהוָ֖ה אֶֽל־יִרְמְיָֽהוּ׃

‎8 ‏וַיִּקְרָ֗א אֶל־יֽוֹחָנָן֙ בֶּן־קָרֵ֔חַ וְאֶ֛ל כָּל־שָׂרֵ֥י הַחֲיָלִ֖ים אֲשֶׁ֣ר אִתּ֑וֹ וּלְכָ֨ל־הָעָ֔ם לְמִקָּטֹ֥ן וְעַד־גָּדֽוֹל׃

‎9 ‏וַיֹּ֣אמֶר אֲלֵיהֶ֔ם כֹּֽה־אָמַ֥ר יְהוָ֖ה אֱלֹהֵ֣י יִשְׂרָאֵ֑ל אֲשֶׁ֨ר שְׁלַחְתֶּ֤ם אֹתִי֙ אֵלָ֔יו לְהַפִּ֥יל תְּחִנַּתְכֶ֖ם לְפָנָֽיו׃

‎10 ‏אִם־שׁ֤וֹב תֵּֽשְׁבוּ֙ בָּאָ֣רֶץ הַזֹּ֔את וּבָנִ֤יתִי אֶתְכֶם֙ וְלֹ֣א אֶהֱרֹ֔ס וְנָטַעְתִּ֥י אֶתְכֶ֖ם וְלֹ֣א אֶתּ֑וֹשׁ כִּ֤י נִחַ֙מְתִּי֙ אֶל־הָ֣רָעָ֔ה אֲשֶׁ֥ר עָשִׂ֖יתִי לָכֶֽם׃

‎11 ‏אַל־תִּֽירְא֗וּ מִפְּנֵי֙ מֶ֣לֶךְ בָּבֶ֔ל אֲשֶׁר־אַתֶּ֥ם יְרֵאִ֖ים מִפָּנָ֑יו אַל־תִּֽירְא֤וּ מִמֶּ֙נּוּ֙ נְאֻם־יְהוָ֔ה כִּֽי־אִתְּכֶ֣ם אָ֔נִי לְהוֹשִׁ֧יעַ אֶתְכֶ֛ם וּלְהַצִּ֥יל אֶתְכֶ֖ם מִיָּדֽוֹ׃

‎12 ‏וְאֶתֵּ֥ן לָכֶ֛ם רַחֲמִ֖ים וְרִחַ֣ם אֶתְכֶ֑ם וְהֵשִׁ֥יב אֶתְכֶ֖ם אֶל־אַדְמַתְכֶֽם׃

‎13 ‏וְאִם־אֹמְרִ֣ים אַתֶּ֔ם לֹ֥א נֵשֵׁ֖ב בָּאָ֣רֶץ הַזֹּ֑את לְבִלְתִּ֣י שְׁמֹ֔עַ בְּק֖וֹל יְהוָ֥ה אֱלֹהֵיכֶֽם׃

‎14 ‏לֵאמֹ֗ר לֹ֚א כִּ֣י אֶ֤רֶץ מִצְרַ֙יִם֙ נָב֔וֹא אֲשֶׁ֤ר לֹֽא־נִרְאֶה֙ מִלְחָמָ֔ה וְק֥וֹל שׁוֹפָ֖ר לֹ֣א נִשְׁמָ֑ע וְלַלֶּ֥חֶם לֹֽא־נִרְעָ֖ב וְשָׁ֥ם נֵשֵֽׁב׃

‎15 ‏וְעַתָּ֕ה לָכֵ֛ן שִׁמְע֥וּ דְבַר־יְהוָ֖ה שְׁאֵרִ֣ית יְהוּדָ֑ה כֹּֽה־אָמַר֩ יְהוָ֨ה צְבָא֜וֹת אֱלֹהֵ֣י יִשְׂרָאֵ֗ל אִם־אַ֠תֶּם שׂ֣וֹם תְּשִׂמ֤וּן פְּנֵיכֶם֙ לָבֹ֣א מִצְרַ֔יִם וּבָאתֶ֖ם לָג֥וּר שָֽׁם׃

‎16 ‏וְהָיְתָ֣ה הַחֶ֗רֶב אֲשֶׁ֤ר אַתֶּם֙ יְרֵאִ֣ים מִמֶּ֔נָּה שָׁ֛ם תַּשִּׂ֥יג אֶתְכֶ֖ם בְּאֶ֣רֶץ מִצְרָ֑יִם וְהָרָעָ֞ב אֲשֶׁר־אַתֶּ֣ם׀ דֹּאֲגִ֣ים מִמֶּ֗נּוּ שָׁ֣ם יִדְבַּ֧ק אַחֲרֵיכֶ֛ם מִצְרַ֖יִם וְשָׁ֥ם תָּמֻֽתוּ׃

‎17 ‏וְיִֽהְי֣וּ כָל־הָאֲנָשִׁ֗ים אֲשֶׁר־שָׂ֨מוּ אֶת־פְּנֵיהֶ֜ם לָב֤וֹא מִצְרַ֙יִם֙ לָג֣וּר שָׁ֔ם יָמ֕וּתוּ בַּחֶ֖רֶב בָּרָעָ֣ב וּבַדָּ֑בֶר וְלֹֽא־יִהְיֶ֤ה לָהֶם֙ שָׂרִ֣יד וּפָלִ֔יט מִפְּנֵי֙ הָֽרָעָ֔ה אֲשֶׁ֥ר אֲנִ֖י מֵבִ֥יא עֲלֵיהֶֽם׃ ס

‎18 ‏כִּי֩ כֹ֨ה אָמַ֜ר יְהוָ֣ה צְבָאוֹת֮ אֱלֹהֵ֣י יִשְׂרָאֵל֒ כַּאֲשֶׁר֩ נִתַּ֨ךְ אַפִּ֜י וַחֲמָתִ֗י עַל־יֹֽשְׁבֵי֙ יְר֣וּשָׁלִַ֔ם כֵּ֣ן תִּתַּ֤ךְ חֲמָתִי֙ עֲלֵיכֶ֔ם בְּבֹאֲכֶ֖ם מִצְרָ֑יִם וִהְיִיתֶ֞ם לְאָלָ֤ה וּלְשַׁמָּה֙ וְלִקְלָלָ֣ה וּלְחֶרְפָּ֔ה וְלֹֽא־תִרְא֣וּ ע֔וֹד אֶת־הַמָּק֖וֹם הַזֶּֽה׃

‎19 ‏דִּבֶּ֨ר יְהוָ֤ה עֲלֵיכֶם֙ שְׁאֵרִ֣ית יְהוּדָ֔ה אַל־תָּבֹ֖אוּ מִצְרָ֑יִם יָדֹ֙עַ֙ תֵּֽדְע֔וּ כִּי־הַעִידֹ֥תִי בָכֶ֖ם הַיּֽוֹם׃

‎20 ‏כִּ֣י התעתים הִתְעֵיתֶם֮³ בְּנַפְשֽׁוֹתֵיכֶם֒ כִּֽי־אַתֶּ֞ם שְׁלַחְתֶּ֣ם אֹתִ֗י אֶל־יְהוָ֤ה אֱלֹֽהֵיכֶם֙ לֵאמֹ֔ר הִתְפַּלֵּ֣ל בַּעֲדֵ֔נוּ אֶל־יְהוָ֖ה אֱלֹהֵ֑ינוּ וּכְכֹל֩ אֲשֶׁ֨ר יֹאמַ֜ר יְהוָ֧ה אֱלֹהֵ֛ינוּ כֵּ֥ן הַגֶּד־לָ֖נוּ וְעָשִֽׂינוּ׃

‎21 ‏וָאַגִּ֥ד לָכֶ֖ם הַיּ֑וֹם וְלֹ֣א שְׁמַעְתֶּ֗ם בְּקוֹל֙ יְהוָ֣ה אֱלֹֽהֵיכֶ֔ם וּלְכֹ֖ל אֲשֶׁר־שְׁלָחַ֥נִי אֲלֵיכֶֽם׃

‎22 ‏וְעַתָּה֙ יָדֹ֣עַ תֵּֽדְע֔וּ כִּ֗י בַּחֶ֛רֶב בָּרָעָ֥ב וּבַדֶּ֖בֶר תָּמ֑וּתוּ בַּמָּקוֹם֙ אֲשֶׁ֣ר חֲפַצְתֶּ֔ם לָב֖וֹא לָג֥וּר שָֽׁם׃ ס

1 wayyigəšû kāl-śārê h^aḥăyālîm wəywōḥānān ben-qārēḥa wîzanəyâ ben-hwōš^a‘əyâ wəḵāl-hā‘ām miqqāṭōn wə‘aḏ-gāḏwōl:

2 wayyō’mərû ’el-yirəməyâû hannāḇî’ tipāl-nā’ ṯəḥinnāṯēnû ləfāneyḵā wəhiṯəpallēl b^a‘ăḏēnû ’el-yəhwâ ’ĕlōheyḵā bə‘aḏ kāl-haššə’ērîṯ hazzō’ṯ kî-nišə’arənû mə‘aṭ mēharəbēh ka’ăšer ‘êneyḵā rō’wōṯ ’ōṯānû:

3 wəyageḏ-lānû yəhwâ ’ĕlōheyḵā ’eṯ-hadereḵə ’ăšer nēleḵə-bāh wə’eṯ-hadāḇār ’ăšer n^a‘ăśeh:

4 wayyō’mer ’ălêhem yirəməyâû hannāḇî’ šām^a‘ətî hinənî miṯəpallēl ’el-yəhwâ ’ĕlōhêḵem kəḏiḇərêḵem wəhāyâ kāl-hadāḇār ’ăšer-y^a‘ăneh yəhwâ ’eṯəḵem ’agîḏ lāḵem lō’-’emən^a‘ mikem dāḇār:

5 wəhēmmâ ’āmərû ’el-yirəməyâû yəhî yəhwâ bānû lə‘ēḏ ’ĕmeṯ wəne’ĕmān ’im-lō’ kəḵāl-hadāḇār ’ăšer yišəlāḥăḵā yəhwâ ’ĕlōheyḵā ’ēlênû kēn n^a‘ăśeh:

6 ’im-ṭwōḇ wə’im-rā‘ bəqwōl| yəhwâ ’ĕlōhênû ’ăšer ’ănû ’ăn^aḥənû šōləḥîm ’ōṯəḵā ’ēlāyw nišəmā‘ ləm^a‘an ’ăšer yîṭaḇ-lānû kî nišəm^a‘ bəqwōl yəhwâ ’ĕlōhênû: s

7 wayəhî miqqēṣ ‘ăśereṯ yāmîm wayəhî ḏəḇar-yəhwâ ’el-yirəməyâû:

8 wayyiqərā’ ’el-ywōḥānān ben-qārēḥa wə’el kāl-śārê h^aḥăyālîm ’ăšer ’itwō ûləḵāl-hā‘ām ləmiqqāṭōn wə‘aḏ-gāḏwōl:

9 wayyō’mer ’ălêhem kōh-’āmar yəhwâ ’ĕlōhê yiśərā’ēl ’ăšer šəl^aḥətem ’ōṯî ’ēlāyw ləhapîl təḥinnaṯəḵem ləfānāyw:

10 ’im-šwōḇ tēšəḇû bā’āreṣ hazzō’ṯ ûḇānîṯî ’eṯəḵem wəlō’ ’ehĕrōs wənāṭ^a‘ətî ’eṯəḵem wəlō’ ’etwōš kî niḥamətî ’el-hārā‘â ’ăšer ‘āśîṯî lāḵem:

11 ’al-tîrə’û mipənê meleḵə bāḇel ’ăšer-’atem yərē’îm mipānāyw ’al-tîrə’û mimmennû nə’um-yəhwâ kî-’itəḵem ’ānî ləhwōšî‘a ’eṯəḵem ûləhaṣṣîl ’eṯəḵem mîyāḏwō:

12 wə’etēn lāḵem r^aḥămîm wəriḥam ’eṯəḵem wəhēšîḇ ’eṯəḵem ’el-’aḏəmaṯəḵem:

13 wə’im-’ōmərîm ’atem lō’ nēšēḇ bā’āreṣ hazzō’ṯ ləḇilətî šəmō‘a bəqwōl yəhwâ ’ĕlōhêḵem:

14 lē’mōr lō’ kî ’ereṣ miṣərayim nāḇwō’ ’ăšer lō’-nirə’eh miləḥāmâ wəqwōl šwōfār lō’ nišəmā‘ wəlalleḥem lō’-nirə‘āḇ wəšām nēšēḇ:

15 wə‘atâ lāḵēn šimə‘û ḏəḇar-yəhwâ šə’ērîṯ yəhûḏâ kōh-’āmar yəhwâ ṣəḇā’wōṯ ’ĕlōhê yiśərā’ēl ’im-’atem śwōm təśimûn pənêḵem lāḇō’ miṣərayim ûḇā’ṯem lāḡûr šām:

16 wəhāyəṯâ h^aḥereḇ ’ăšer ’atem yərē’îm mimmennâ šām taśśîḡ ’eṯəḵem bə’ereṣ miṣərāyim wəhārā‘āḇ ’ăšer-’atem| dō’ăḡîm mimmennû šām yiḏəbaq ’^aḥărêḵem miṣərayim wəšām tāmuṯû:

17 wəyihəyû ḵāl-hā’ănāšîm ’ăšer-śāmû ’eṯ-pənêhem lāḇwō’ miṣərayim lāḡûr šām yāmûṯû b^aḥereḇ bārā‘āḇ ûḇadāḇer wəlō’-yihəyeh lâem śārîḏ ûfālîṭ mipənê hārā‘â ’ăšer ’ănî mēḇî’ ‘ălêhem: s

18 kî ḵōh ’āmar yəhwâ ṣəḇā’wōṯ ’ĕlōhê yiśərā’ēl ka’ăšer nitaḵə ’apî w^aḥămāṯî ‘al-yōšəḇê yərûšālaim kēn titaḵə ḥămāṯî ‘ălêḵem bəḇō’ăḵem miṣərāyim wihəyîṯem lə’ālâ ûləšammâ wəliqəlālâ ûləḥerəpâ wəlō’-ṯirə’û ‘wōḏ ’eṯ-hammāqwōm hazzeh:

19 diber yəhwâ ‘ălêḵem šə’ērîṯ yəhûḏâ ’al-tāḇō’û miṣərāyim yāḏō‘a tēḏə‘û kî-h^a‘îḏōṯî ḇāḵem hayywōm:

20 kî hiṯə‘ēṯeym hiṯə‘êṯem³ bənafəšwōṯêḵem kî-’atem šəl^aḥətem ’ōṯî ’el-yəhwâ ’ĕlōhêḵem lē’mōr hiṯəpallēl b^a‘ăḏēnû ’el-yəhwâ ’ĕlōhênû ûḵəḵōl ’ăšer yō’mar yəhwâ ’ĕlōhênû kēn hageḏ-lānû wə‘āśînû:

21 wā’agiḏ lāḵem hayywōm wəlō’ šəm^a‘ətem bəqwōl yəhwâ ’ĕlōhêḵem ûləḵōl ’ăšer-šəlāḥanî ’ălêḵem:

22 wə‘atâ yāḏō‘a tēḏə‘û kî b^aḥereḇ bārā‘āḇ ûḇadeḇer tāmûṯû bammāqwōm ’ăšer ḥăfaṣətem lāḇwō’ lāḡûr šām: s

‎1 ‏וַיְהִי֩ כְּכַלּ֨וֹת יִרְמְיָ֜הוּ לְדַבֵּ֣ר אֶל־כָּל־הָעָ֗ם אֶת־כָּל־דִּבְרֵי֙ יְהוָ֣ה אֱלֹהֵיהֶ֔ם אֲשֶׁ֧ר שְׁלָח֛וֹ יְהוָ֥ה אֱלֹהֵיהֶ֖ם אֲלֵיהֶ֑ם אֵ֥ת כָּל־הַדְּבָרִ֖ים הָאֵֽלֶּה׃ ס

‎2 ‏וַיֹּ֨אמֶר עֲזַרְיָ֤ה בֶן־הוֹשַֽׁעְיָה֙ וְיוֹחָנָ֣ן בֶּן־קָרֵ֔חַ וְכָל־הָאֲנָשִׁ֖ים הַזֵּדִ֑ים אֹמְרִ֣ים אֶֽל־יִרְמְיָ֗הוּ שֶׁ֚קֶר אַתָּ֣ה מְדַבֵּ֔ר לֹ֣א שְׁלָחֲךָ֞ יְהוָ֤ה אֱלֹהֵ֙ינוּ֙ לֵאמֹ֔ר לֹֽא־תָבֹ֥אוּ מִצְרַ֖יִם לָג֥וּר שָֽׁם׃

‎3 ‏כִּ֗י בָּרוּךְ֙ בֶּן־נֵ֣רִיָּ֔ה מַסִּ֥ית אֹתְךָ֖ בָּ֑נוּ לְמַעַן֩ תֵּ֨ת אֹתָ֤נוּ בְיַֽד־הַכַּשְׂדִּים֙ לְהָמִ֣ית אֹתָ֔נוּ וּלְהַגְל֥וֹת אֹתָ֖נוּ בָּבֶֽל׃

‎4 ‏וְלֹֽא־שָׁמַע֩ יוֹחָנָ֨ן בֶּן־קָרֵ֜חַ וְכָל־שָׂרֵ֧י הַחֲיָלִ֛ים וְכָל־הָעָ֖ם בְּק֣וֹל יְהוָ֑ה לָשֶׁ֖בֶת בְּאֶ֥רֶץ יְהוּדָֽה׃

‎5 ‏וַיִּקַּ֞ח יוֹחָנָ֤ן בֶּן־קָרֵ֙חַ֙ וְכָל־שָׂרֵ֣י הַחֲיָלִ֔ים אֵ֖ת כָּל־שְׁאֵרִ֣ית יְהוּדָ֑ה אֲשֶׁר־שָׁ֗בוּ מִכָּל־הַגּוֹיִם֙ אֲשֶׁ֣ר נִדְּחוּ־שָׁ֔ם לָג֖וּר בְּאֶ֥רֶץ יְהוּדָֽה׃

‎6 ‏אֶֽת־הַ֠גְּבָרִים וְאֶת־הַנָּשִׁ֣ים וְאֶת־הַטַּף֮ וְאֶת־בְּנ֣וֹת הַמֶּלֶךְ֒ וְאֵ֣ת כָּל־הַנֶּ֗פֶשׁ אֲשֶׁ֤ר הִנִּ֙יחַ֙ נְבוּזַרְאֲדָ֣ן רַב־טַבָּחִ֔ים אֶת־גְּדַלְיָ֖הוּ בֶּן־אֲחִיקָ֣ם בֶּן־שָׁפָ֑ן וְאֵת֙ יִרְמְיָ֣הוּ הַנָּבִ֔יא וְאֶת־בָּר֖וּךְ בֶּן־נֵרִיָּֽהוּ׃

‎7 ‏וַיָּבֹ֙אוּ֙ אֶ֣רֶץ מִצְרַ֔יִם כִּ֛י לֹ֥א שָׁמְע֖וּ בְּק֣וֹל יְהוָ֑ה וַיָּבֹ֖אוּ עַד־תַּחְפַּנְחֵֽס׃ ס

‎8 ‏וַיְהִ֤י דְבַר־יְהוָה֙ אֶֽל־יִרְמְיָ֔הוּ בְּתַחְפַּנְחֵ֖ס לֵאמֹֽר׃

‎9 ‏קַ֣ח בְּיָדְךָ֞ אֲבָנִ֣ים גְּדֹל֗וֹת וּטְמַנְתָּ֤ם בַּמֶּ֙לֶט֙ בַּמַּלְבֵּ֔ן אֲשֶׁ֛ר בְּפֶ֥תַח בֵּית־פַּרְעֹ֖ה בְּתַחְפַּנְחֵ֑ס לְעֵינֵ֖י אֲנָשִׁ֥ים יְהוּדִֽים׃

‎10 ‏וְאָמַרְתָּ֣ אֲלֵיהֶ֡ם כֹּֽה־אָמַר֩ יְהוָ֨ה צְבָא֜וֹת אֱלֹהֵ֣י יִשְׂרָאֵ֗ל הִנְנִ֤י שֹׁלֵ֙חַ֙ וְ֠לָקַחְתִּי אֶת־נְבוּכַדְרֶאצַּ֤ר מֶֽלֶךְ־בָּבֶל֙ עַבְדִּ֔י וְשַׂמְתִּ֣י כִסְא֔וֹ מִמַּ֛עַל לָאֲבָנִ֥ים הָאֵ֖לֶּה אֲשֶׁ֣ר טָמָ֑נְתִּי וְנָטָ֥ה אֶת־שפרורו שַׁפְרִיר֖וֹ עֲלֵיהֶֽם׃

‎11 ‏ובאה וּבָ֕א וְהִכָּ֖ה אֶת־אֶ֣רֶץ מִצְרָ֑יִם אֲשֶׁ֧ר לַמָּ֣וֶת לַמָּ֗וֶת וַאֲשֶׁ֤ר לַשְּׁבִי֙ לַשֶּׁ֔בִי וַאֲשֶׁ֥ר לַחֶ֖רֶב לֶחָֽרֶב׃

‎12 ‏וְהִצַּ֣תִּי אֵ֗שׁ בְּבָתֵּי֙ אֱלֹהֵ֣י מִצְרַ֔יִם וּשְׂרָפָ֖ם וְשָׁבָ֑ם וְעָטָה֩ אֶת־אֶ֨רֶץ מִצְרַ֜יִם כַּאֲשֶׁר־יַעְטֶ֤ה הָֽרֹעֶה֙ אֶת־בִּגְד֔וֹ וְיָצָ֥א מִשָּׁ֖ם בְּשָׁלֽוֹם׃

‎13 ‏וְשִׁבַּ֗ר אֶֽת־מַצְּבוֹת֙ בֵּ֣ית שֶׁ֔מֶשׁ אֲשֶׁ֖ר בְּאֶ֣רֶץ מִצְרָ֑יִם וְאֶת־בָּתֵּ֥י אֱלֹהֵֽי־מִצְרַ֖יִם יִשְׂרֹ֥ף בָּאֵֽשׁ׃ ס

1 wayəhî kəḵallwōṯ yirəməyâû ləḏabēr ’el-kāl-hā‘ām ’eṯ-kāl-diḇərê yəhwâ ’ĕlōhêhem ’ăšer šəlāḥwō yəhwâ ’ĕlōhêhem ’ălêhem ’ēṯ kāl-hadəḇārîm hā’ēlleh: s

2 wayyō’mer ‘ăzarəyâ ḇen-hwōš^a‘əyâ wəywōḥānān ben-qārēḥa wəḵāl-hā’ănāšîm hazzēḏîm ’ōmərîm ’el-yirəməyâû šeqer ’atâ məḏabēr lō’ šəlāḥăḵā yəhwâ ’ĕlōhênû lē’mōr lō’-ṯāḇō’û miṣərayim lāḡûr šām:

3 kî bārûḵə ben-nērîyâ massîṯ ’ōṯəḵā bānû ləm^a‘an tēṯ ’ōṯānû ḇəyaḏ-hakaśədîm ləhāmîṯ ’ōṯānû ûləhaḡəlwōṯ ’ōṯānû bāḇel:

4 wəlō’-šām^a‘ ywōḥānān ben-qārēḥa wəḵāl-śārê h^aḥăyālîm wəḵāl-hā‘ām bəqwōl yəhwâ lāšeḇeṯ bə’ereṣ yəhûḏâ:

5 wayyiqq^aḥ ywōḥānān ben-qārēḥa wəḵāl-śārê h^aḥăyālîm ’ēṯ kāl-šə’ērîṯ yəhûḏâ ’ăšer-šāḇû mikāl-hagwōyim ’ăšer nidəḥû-šām lāḡûr bə’ereṣ yəhûḏâ:

6 ’eṯ-hagəḇārîm wə’eṯ-hannāšîm wə’eṯ-haṭṭaf wə’eṯ-bənwōṯ hammeleḵə wə’ēṯ kāl-hannefeš ’ăšer hinnîḥa nəḇûzarə’ăḏān raḇ-ṭabāḥîm ’eṯ-gəḏaləyâû ben-’ăḥîqām ben-šāfān wə’ēṯ yirəməyâû hannāḇî’ wə’eṯ-bārûḵə ben-nērîyâû:

7 wayyāḇō’û ’ereṣ miṣərayim kî lō’ šāmə‘û bəqwōl yəhwâ wayyāḇō’û ‘aḏ-t^aḥəpanəḥēs: s

8 wayəhî ḏəḇar-yəhwâ ’el-yirəməyâû bəṯ^aḥəpanəḥēs lē’mōr:

9 q^aḥ bəyāḏəḵā ’ăḇānîm gəḏōlwōṯ ûṭəmanətām bammeleṭ bammaləbēn ’ăšer bəfeṯ^aḥ bêṯ-parə‘ōh bəṯ^aḥəpanəḥēs lə‘ênê ’ănāšîm yəhûḏîm:

10 wə’āmarətā ’ălêhem kōh-’āmar yəhwâ ṣəḇā’wōṯ ’ĕlōhê yiśərā’ēl hinənî šōlēḥa wəlāq^aḥətî ’eṯ-nəḇûḵaḏəre’ṣṣar meleḵə-bāḇel ‘aḇədî wəśamətî ḵisə’wō mimm^a‘al lā’ăḇānîm hā’ēlleh ’ăšer ṭāmānətî wənāṭâ ’eṯ-šafərûrwō šafərîrwō ‘ălêhem:

11 ûḇā’â ûḇā’ wəhikâ ’eṯ-’ereṣ miṣərāyim ’ăšer lammāweṯ lammāweṯ wa’ăšer laššəḇî laššeḇî wa’ăšer l^aḥereḇ leḥāreḇ:

12 wəhiṣṣatî ’ēš bəḇātê ’ĕlōhê miṣərayim ûśərāfām wəšāḇām wə‘āṭâ ’eṯ-’ereṣ miṣərayim ka’ăšer-y^a‘əṭeh hārō‘eh ’eṯ-biḡəḏwō wəyāṣā’ miššām bəšālwōm:

13 wəšibar ’eṯ-maṣṣəḇwōṯ bêṯ šemeš ’ăšer bə’ereṣ miṣərāyim wə’eṯ-bātê ’ĕlōhê-miṣərayim yiśərōf bā’ēš: s

‎1 ‏הַדָּבָר֙ אֲשֶׁ֣ר הָיָ֣ה אֶֽל־יִרְמְיָ֔הוּ אֶ֚ל כָּל־הַיְּהוּדִ֔ים הַיֹּשְׁבִ֖ים בְּאֶ֣רֶץ מִצְרָ֑יִם הַיֹּשְׁבִ֤ים בְּמִגְדֹּל֙ וּבְתַחְפַּנְחֵ֣ס וּבְנֹ֔ף וּבְאֶ֥רֶץ פַּתְר֖וֹס לֵאמֹֽר׃ ס

‎2 ‏כֹּה־אָמַ֞ר יְהוָ֤ה צְבָאוֹת֙ אֱלֹהֵ֣י יִשְׂרָאֵ֔ל אַתֶּ֣ם רְאִיתֶ֗ם אֵ֤ת כָּל־הָֽרָעָה֙ אֲשֶׁ֤ר הֵבֵ֙אתִי֙ עַל־יְר֣וּשָׁלִַ֔ם וְעַ֖ל כָּל־עָרֵ֣י יְהוּדָ֑ה וְהִנָּ֤ם חָרְבָּה֙ הַיּ֣וֹם הַזֶּ֔ה וְאֵ֥ין בָּהֶ֖ם יוֹשֵֽׁב׃

‎3 ‏מִפְּנֵ֣י רָעָתָ֗ם³ אֲשֶׁ֤ר עָשׂוּ֙ לְהַכְעִסֵ֔נִי לָלֶ֣כֶת לְקַטֵּ֔ר לַעֲבֹ֖ד לֵאלֹהִ֣ים אֲחֵרִ֑ים אֲשֶׁר֙ לֹ֣א יְדָע֔וּם הֵ֖מָּה אַתֶּ֥ם וַאֲבֹתֵיכֶֽם׃

‎4 ‏וָאֶשְׁלַ֤ח אֲלֵיכֶם֙ אֶת־כָּל־עֲבָדַ֣י הַנְּבִיאִ֔ים הַשְׁכֵּ֥ים וְשָׁלֹ֖חַ לֵאמֹ֑ר אַל־נָ֣א תַעֲשׂ֗וּ אֵ֛ת דְּבַֽר־הַתֹּעֵבָ֥ה הַזֹּ֖את אֲשֶׁ֥ר שָׂנֵֽאתִי׃

‎5 ‏וְלֹ֤א שָֽׁמְעוּ֙ וְלֹא־הִטּ֣וּ אֶת־אָזְנָ֔ם לָשׁ֖וּב מֵרָֽעָתָ֑ם לְבִלְתִּ֥י קַטֵּ֖ר לֵאלֹהִ֥ים אֲחֵרִֽים׃

‎6 ‏וַתִּתַּ֤ךְ חֲמָתִי֙ וְאַפִּ֔י וַתִּבְעַר֙ בְּעָרֵ֣י יְהוּדָ֔ה וּבְחֻצ֖וֹת יְרֽוּשָׁלִָ֑ם וַתִּהְיֶ֛ינָה לְחָרְבָּ֥ה לִשְׁמָמָ֖ה כַּיּ֥וֹם הַזֶּֽה׃ ס

‎7 ‏וְעַתָּ֡ה כֹּֽה־אָמַ֣ר יְהוָה֩ אֱלֹהֵ֨י צְבָא֜וֹת אֱלֹהֵ֣י יִשְׂרָאֵ֗ל לָמָה֩ אַתֶּ֨ם עֹשִׂ֜ים רָעָ֤ה גְדוֹלָה֙ אֶל־נַפְשֹׁ֣תֵכֶ֔ם לְהַכְרִ֨ית לָכֶ֧ם אִישׁ־וְאִשָּׁ֛ה עוֹלֵ֥ל וְיוֹנֵ֖ק מִתּ֣וֹךְ יְהוּדָ֑ה לְבִלְתִּ֛י הוֹתִ֥יר לָכֶ֖ם שְׁאֵרִֽית׃

‎8 ‏לְהַכְעִסֵ֙נִי֙ בְּמַעֲשֵׂ֣י יְדֵיכֶ֔ם לְקַטֵּ֞ר לֵאלֹהִ֤ים אֲחֵרִים֙ בְּאֶ֣רֶץ מִצְרַ֔יִם אֲשֶׁר־אַתֶּ֥ם בָּאִ֖ים לָג֣וּר שָׁ֑ם לְמַ֙עַן֙ הַכְרִ֣ית לָכֶ֔ם וּלְמַ֤עַן הֱיֽוֹתְכֶם֙ לִקְלָלָ֣ה וּלְחֶרְפָּ֔ה בְּכֹ֖ל גּוֹיֵ֥י הָאָֽרֶץ׃

‎9 ‏הַֽשְׁכַחְתֶּם֩ אֶת־רָע֨וֹת אֲבוֹתֵיכֶ֜ם וְאֶת־רָע֣וֹת׀ מַלְכֵ֣י יְהוּדָ֗ה וְאֵת֙ רָע֣וֹת נָשָׁ֔יו וְאֵת֙ רָעֹ֣תֵכֶ֔ם וְאֵ֖ת רָעֹ֣ת נְשֵׁיכֶ֑ם אֲשֶׁ֤ר עָשׂוּ֙ בְּאֶ֣רֶץ יְהוּדָ֔ה וּבְחֻצ֖וֹת יְרוּשָׁלִָֽם׃

‎10 ‏לֹ֣א דֻכְּא֔וּ עַ֖ד הַיּ֣וֹם הַזֶּ֑ה וְלֹ֣א יָרְא֗וּ וְלֹֽא־הָלְכ֤וּ בְתֽוֹרָתִי֙ וּבְחֻקֹּתַ֔י אֲשֶׁר־נָתַ֥תִּי לִפְנֵיכֶ֖ם וְלִפְנֵ֥י אֲבוֹתֵיכֶֽם׃ ס

‎11 ‏לָכֵ֗ן כֹּֽה־אָמַ֞ר יְהוָ֤ה צְבָאוֹת֙ אֱלֹהֵ֣י יִשְׂרָאֵ֔ל הִנְנִ֨י שָׂ֥ם פָּנַ֛י בָּכֶ֖ם לְרָעָ֑ה וּלְהַכְרִ֖ית אֶת־כָּל־יְהוּדָֽה׃

‎12 ‏וְלָקַחְתִּ֞י אֶת־שְׁאֵרִ֣ית יְהוּדָ֗ה אֲשֶׁר־שָׂ֨מוּ פְנֵיהֶ֜ם לָב֣וֹא אֶֽרֶץ־מִצְרַיִם֮ לָג֣וּר שָׁם֒ וְתַ֨מּוּ כֹ֜ל בְּאֶ֧רֶץ מִצְרַ֣יִם יִפֹּ֗לוּ בַּחֶ֤רֶב בָּֽרָעָב֙ יִתַּ֔מּוּ מִקָּטֹן֙ וְעַד־גָּד֔וֹל בַּחֶ֥רֶב וּבָרָעָ֖ב יָמֻ֑תוּ וְהָיוּ֙ לְאָלָ֣ה לְשַׁמָּ֔ה וְלִקְלָלָ֖ה וּלְחֶרְפָּֽה׃

‎13 ‏וּפָקַדְתִּ֗י עַ֤ל הַיּֽוֹשְׁבִים֙ בְּאֶ֣רֶץ מִצְרַ֔יִם כַּאֲשֶׁ֥ר פָּקַ֖דְתִּי עַל־יְרֽוּשָׁלִָ֑ם בַּחֶ֥רֶב בָּרָעָ֖ב וּבַדָּֽבֶר׃

‎14 ‏וְלֹ֨א יִהְיֶ֜ה פָּלִ֤יט וְשָׂרִיד֙ לִשְׁאֵרִ֣ית יְהוּדָ֔ה הַבָּאִ֥ים לָגֽוּר־שָׁ֖ם בְּאֶ֣רֶץ מִצְרָ֑יִם וְלָשׁ֣וּב׀ אֶ֣רֶץ יְהוּדָ֗ה אֲשֶׁר־הֵ֜מָּה מְנַשְּׂאִ֤ים אֶת־נַפְשָׁם֙ לָשׁוּב֙ לָשֶׁ֣בֶת שָׁ֔ם כִּ֥י לֹֽא־יָשׁ֖וּבוּ כִּ֥י אִם־פְּלֵטִֽים׃ ס

‎15 ‏וַיַּעֲנ֣וּ אֶֽת־יִרְמְיָ֗הוּ כָּל־הָאֲנָשִׁ֤ים הַיֹּֽדְעִים֙ כִּֽי־מְקַטְּר֤וֹת נְשֵׁיהֶם֙ לֵאלֹהִ֣ים אֲחֵרִ֔ים וְכָל־הַנָּשִׁ֥ים הָעֹמְד֖וֹת קָהָ֣ל גָּד֑וֹל וְכָל־הָעָ֛ם הַיֹּשְׁבִ֥ים בְּאֶֽרֶץ־מִצְרַ֖יִם בְּפַתְר֥וֹס לֵאמֹֽר׃

‎16 ‏הַדָּבָ֛ר אֲשֶׁר־דִּבַּ֥רְתָּ אֵלֵ֖ינוּ בְּשֵׁ֣ם יְהוָ֑ה אֵינֶ֥נּוּ שֹׁמְעִ֖ים אֵלֶֽיךָ׃

‎17 ‏כִּ֩י עָשֹׂ֨ה נַעֲשֶׂ֜ה אֶֽת־כָּל־הַדָּבָ֣ר׀ אֲשֶׁר־יָצָ֣א מִפִּ֗ינוּ לְקַטֵּ֞ר לִמְלֶ֣כֶת הַשָּׁמַיִם֮ וְהַסֵּֽיךְ־לָ֣הּ נְסָכִים֒ כַּאֲשֶׁ֨ר עָשִׂ֜ינוּ אֲנַ֤חְנוּ וַאֲבֹתֵ֙ינוּ֙ מְלָכֵ֣ינוּ וְשָׂרֵ֔ינוּ בְּעָרֵ֣י יְהוּדָ֔ה וּבְחֻצ֖וֹת יְרוּשָׁלִָ֑ם וַנִּֽשְׂבַּֽע־לֶ֙חֶם֙ וַנִּֽהְיֶ֣ה טוֹבִ֔ים וְרָעָ֖ה לֹ֥א רָאִֽינוּ׃

‎18 ‏וּמִן־אָ֡ז חָדַ֜לְנוּ לְקַטֵּ֨ר לִמְלֶ֧כֶת הַשָּׁמַ֛יִם וְהַסֵּֽךְ־לָ֥הּ נְסָכִ֖ים חָסַ֣רְנוּ כֹ֑ל וּבַחֶ֥רֶב וּבָרָעָ֖ב תָּֽמְנוּ׃

‎19 ‏וְכִֽי־אֲנַ֤חְנוּ מְקַטְּרִים֙ לִמְלֶ֣כֶת הַשָּׁמַ֔יִם וּלְהַסֵּ֥ךְ לָ֖הּ נְסָכִ֑ים הֲמִֽבַּלְעֲדֵ֣י אֲנָשֵׁ֗ינוּ עָשִׂ֨ינוּ לָ֤הּ כַּוָּנִים֙ לְהַ֣עֲצִבָ֔ה וְהַסֵּ֥ךְ לָ֖הּ נְסָכִֽים׃ פ

‎20 ‏וַיֹּ֥אמֶר יִרְמְיָ֖הוּ אֶל־כָּל־הָעָ֑ם עַל־הַגְּבָרִ֤ים וְעַל־הַנָּשִׁים֙ וְעַל־כָּל־הָעָ֔ם הָעֹנִ֥ים אֹת֛וֹ דָּבָ֖ר לֵאמֹֽר׃

‎21 ‏הֲל֣וֹא אֶת־הַקִּטֵּ֗ר אֲשֶׁ֨ר קִטַּרְתֶּ֜ם בְּעָרֵ֤י יְהוּדָה֙ וּבְחֻצ֣וֹת יְרוּשָׁלִַ֔ם אַתֶּ֧ם וַאֲבֽוֹתֵיכֶ֛ם מַלְכֵיכֶ֥ם וְשָׂרֵיכֶ֖ם וְעַ֣ם הָאָ֑רֶץ אֹתָם֙ זָכַ֣ר יְהוָ֔ה וַֽתַּעֲלֶ֖ה עַל־לִבּֽוֹ׃

‎22 ‏וְלֹֽא־יוּכַל֩ יְהוָ֨ה ע֜וֹד לָשֵׂ֗את מִפְּנֵי֙ רֹ֣עַ מַעַלְלֵיכֶ֔ם מִפְּנֵ֥י הַתּוֹעֵבֹ֖ת אֲשֶׁ֣ר עֲשִׂיתֶ֑ם וַתְּהִ֣י אַ֠רְצְכֶם לְחָרְבָּ֨ה וּלְשַׁמָּ֧ה וְלִקְלָלָ֛ה מֵאֵ֥ין יוֹשֵׁ֖ב כְּהַיּ֥וֹם הַזֶּֽה׃

‎23 ‏מִפְּנֵי֩ אֲשֶׁ֨ר קִטַּרְתֶּ֜ם וַאֲשֶׁ֧ר חֲטָאתֶ֣ם לַיהוָ֗ה וְלֹ֤א שְׁמַעְתֶּם֙ בְּק֣וֹל יְהוָ֔ה וּבְתֹרָת֧וֹ וּבְחֻקֹּתָ֛יו וּבְעֵדְוֹתָ֖יו לֹ֣א הֲלַכְתֶּ֑ם עַל־כֵּ֞ן קָרָ֥את אֶתְכֶ֛ם הָרָעָ֥ה הַזֹּ֖את כַּיּ֥וֹם הַזֶּֽה׃ ס

‎24 ‏וַיֹּ֤אמֶר יִרְמְיָ֙הוּ֙ אֶל־כָּל־הָעָ֔ם וְאֶ֖ל כָּל־הַנָּשִׁ֑ים שִׁמְעוּ֙ דְּבַר־יְהוָ֔ה כָּל־יְהוּדָ֕ה אֲשֶׁ֖ר בְּאֶ֥רֶץ מִצְרָֽיִם׃ ס

‎25 ‏כֹּֽה־אָמַ֣ר יְהוָֽה־צְבָאוֹת֩ אֱלֹהֵ֨י יִשְׂרָאֵ֜ל לֵאמֹ֗ר אַתֶּ֨ם וּנְשֵׁיכֶ֜ם וַתְּדַבֵּ֣רְנָה בְּפִיכֶם֮ וּבִידֵיכֶ֣ם מִלֵּאתֶ֣ם׀ לֵאמֹר֒ עָשֹׂ֨ה נַעֲשֶׂ֜ה אֶת־נְדָרֵ֗ינוּ אֲשֶׁ֤ר נָדַ֙רְנוּ֙ לְקַטֵּר֙ לִמְלֶ֣כֶת הַשָּׁמַ֔יִם וּלְהַסֵּ֥ךְ לָ֖הּ נְסָכִ֑ים הָקֵ֤ים תָּקִ֙ימְנָה֙ אֶת־נִדְרֵיכֶ֔ם וְעָשֹׂ֥ה תַעֲשֶׂ֖ינָה אֶת־נִדְרֵיכֶֽם׃ פ

‎26 ‏לָכֵן֙ שִׁמְע֣וּ דְבַר־יְהוָ֔ה כָּל־יְהוּדָ֕ה הַיֹּשְׁבִ֖ים בְּאֶ֣רֶץ מִצְרָ֑יִם הִנְנִ֨י נִשְׁבַּ֜עְתִּי בִּשְׁמִ֤י הַגָּדוֹל֙ אָמַ֣ר יְהוָ֔ה אִם־יִהְיֶה֩ ע֨וֹד שְׁמִ֜י נִקְרָ֣א׀ בְּפִ֣י׀ כָּל־אִ֣ישׁ יְהוּדָ֗ה אֹמֵ֛ר חַי־אֲדֹנָ֥י יְהוִ֖ה בְּכָל־אֶ֥רֶץ מִצְרָֽיִם׃

‎27 ‏הִנְנִ֨י שֹׁקֵ֧ד עֲלֵיהֶ֛ם לְרָעָ֖ה וְלֹ֣א לְטוֹבָ֑ה וְתַמּוּ֩ כָל־אִ֨ישׁ יְהוּדָ֜ה אֲשֶׁ֧ר בְּאֶֽרֶץ־מִצְרַ֛יִם בַּחֶ֥רֶב וּבָרָעָ֖ב עַד־כְּלוֹתָֽם׃

‎28 ‏וּפְלִיטֵ֨י חֶ֜רֶב יְשֻׁב֨וּן מִן־אֶ֧רֶץ מִצְרַ֛יִם אֶ֥רֶץ יְהוּדָ֖ה מְתֵ֣י מִסְפָּ֑ר וְֽיָדְע֞וּ כָּל־שְׁאֵרִ֣ית יְהוּדָ֗ה הַבָּאִ֤ים לְאֶֽרֶץ־מִצְרַ֙יִם֙ לָג֣וּר שָׁ֔ם דְּבַר־מִ֥י יָק֖וּם מִמֶּ֥נִּי וּמֵהֶֽם׃

‎29 ‏וְזֹאת־לָכֶ֤ם הָאוֹת֙ נְאֻם־יְהוָ֔ה כִּֽי־פֹקֵ֥ד אֲנִ֛י עֲלֵיכֶ֖ם בַּמָּק֣וֹם הַזֶּ֑ה לְמַ֙עַן֙ תֵּֽדְע֔וּ כִּי֩ ק֨וֹם יָק֧וּמוּ דְבָרַ֛י עֲלֵיכֶ֖ם לְרָעָֽה׃ ס

‎30 ‏כֹּ֣ה׀ אָמַ֣ר יְהוָ֗ה הִנְנִ֣י נֹ֠תֵן אֶת־פַּרְעֹ֨ה חָפְרַ֤ע מֶֽלֶךְ־מִצְרַ֙יִם֙ בְּיַ֣ד אֹֽיְבָ֔יו וּבְיַ֖ד מְבַקְשֵׁ֣י נַפְשׁ֑וֹ כַּאֲשֶׁ֨ר נָתַ֜תִּי אֶת־צִדְקִיָּ֣הוּ מֶֽלֶךְ־יְהוּדָ֗ה בְּיַ֨ד נְבוּכַדְרֶאצַּ֧ר מֶֽלֶךְ־בָּבֶ֛ל אֹיְב֖וֹ וּמְבַקֵּ֥שׁ נַפְשֽׁוֹ׃ ס

1 hadāḇār ’ăšer hāyâ ’el-yirəməyâû ’el kāl-hayyəhûḏîm hayyōšəḇîm bə’ereṣ miṣərāyim hayyōšəḇîm bəmiḡədōl ûḇəṯ^aḥəpanəḥēs ûḇənōf ûḇə’ereṣ paṯərwōs lē’mōr: s

2 kōh-’āmar yəhwâ ṣəḇā’wōṯ ’ĕlōhê yiśərā’ēl ’atem rə’îṯem ’ēṯ kāl-hārā‘â ’ăšer hēḇē’ṯî ‘al-yərûšālaim wə‘al kāl-‘ārê yəhûḏâ wəhinnām ḥārəbâ hayywōm hazzeh wə’ên bâem ywōšēḇ:

3 mipənê rā‘āṯām³ ’ăšer ‘āśû ləhaḵə‘isēnî lāleḵeṯ ləqaṭṭēr l^a‘ăḇōḏ lē’lōhîm ’ăḥērîm ’ăšer lō’ yəḏā‘ûm hēmmâ ’atem wa’ăḇōṯêḵem:

4 wā’ešəl^aḥ ’ălêḵem ’eṯ-kāl-‘ăḇāḏay hannəḇî’îm hašəkêm wəšālōḥa lē’mōr ’al-nā’ ṯ^a‘ăśû ’ēṯ dəḇar-hatō‘ēḇâ hazzō’ṯ ’ăšer śānē’ṯî:

5 wəlō’ šāmə‘û wəlō’-hiṭṭû ’eṯ-’āzənām lāšûḇ mērā‘āṯām ləḇilətî qaṭṭēr lē’lōhîm ’ăḥērîm:

6 watitaḵə ḥămāṯî wə’apî watiḇə‘ar bə‘ārê yəhûḏâ ûḇəḥuṣwōṯ yərûšālāim watihəyeynâ ləḥārəbâ lišəmāmâ kayywōm hazzeh: s

7 wə‘atâ kōh-’āmar yəhwâ ’ĕlōhê ṣəḇā’wōṯ ’ĕlōhê yiśərā’ēl lāmâ ’atem ‘ōśîm rā‘â ḡəḏwōlâ ’el-nafəšōṯēḵem ləhaḵərîṯ lāḵem ’îš-wə’iššâ ‘wōlēl wəywōnēq mitwōḵə yəhûḏâ ləḇilətî hwōṯîr lāḵem šə’ērîṯ:

8 ləhaḵə‘isēnî bəm^a‘ăśê yəḏêḵem ləqaṭṭēr lē’lōhîm ’ăḥērîm bə’ereṣ miṣərayim ’ăšer-’atem bā’îm lāḡûr šām ləm^a‘an haḵərîṯ lāḵem ûləm^a‘an hĕywōṯəḵem liqəlālâ ûləḥerəpâ bəḵōl gwōyê hā’āreṣ:

9 hašəḵ^aḥətem ’eṯ-rā‘wōṯ ’ăḇwōṯêḵem wə’eṯ-rā‘wōṯ| maləḵê yəhûḏâ wə’ēṯ rā‘wōṯ nāšāyw wə’ēṯ rā‘ōṯēḵem wə’ēṯ rā‘ōṯ nəšêḵem ’ăšer ‘āśû bə’ereṣ yəhûḏâ ûḇəḥuṣwōṯ yərûšālāim:

10 lō’ ḏukə’û ‘aḏ hayywōm hazzeh wəlō’ yārə’û wəlō’-hāləḵû ḇəṯwōrāṯî ûḇəḥuqqōṯay ’ăšer-nāṯatî lifənêḵem wəlifənê ’ăḇwōṯêḵem: s

11 lāḵēn kōh-’āmar yəhwâ ṣəḇā’wōṯ ’ĕlōhê yiśərā’ēl hinənî śām pānay bāḵem lərā‘â ûləhaḵərîṯ ’eṯ-kāl-yəhûḏâ:

12 wəlāq^aḥətî ’eṯ-šə’ērîṯ yəhûḏâ ’ăšer-śāmû fənêhem lāḇwō’ ’ereṣ-miṣərayim lāḡûr šām wəṯammû ḵōl bə’ereṣ miṣərayim yipōlû b^aḥereḇ bārā‘āḇ yitammû miqqāṭōn wə‘aḏ-gāḏwōl b^aḥereḇ ûḇārā‘āḇ yāmuṯû wəhāyû lə’ālâ ləšammâ wəliqəlālâ ûləḥerəpâ:

13 ûfāqaḏətî ‘al hayywōšəḇîm bə’ereṣ miṣərayim ka’ăšer pāqaḏətî ‘al-yərûšālāim b^aḥereḇ bārā‘āḇ ûḇadāḇer:

14 wəlō’ yihəyeh pālîṭ wəśārîḏ lišə’ērîṯ yəhûḏâ habā’îm lāḡûr-šām bə’ereṣ miṣərāyim wəlāšûḇ| ’ereṣ yəhûḏâ ’ăšer-hēmmâ mənaśśə’îm ’eṯ-nafəšām lāšûḇ lāšeḇeṯ šām kî lō’-yāšûḇû kî ’im-pəlēṭîm: s

15 wayy^a‘ănû ’eṯ-yirəməyâû kāl-hā’ănāšîm hayyōḏə‘îm kî-məqaṭṭərwōṯ nəšêhem lē’lōhîm ’ăḥērîm wəḵāl-hannāšîm hā‘ōməḏwōṯ qâāl gāḏwōl wəḵāl-hā‘ām hayyōšəḇîm bə’ereṣ-miṣərayim bəfaṯərwōs lē’mōr:

16 hadāḇār ’ăšer-dibarətā ’ēlênû bəšēm yəhwâ ’ênennû šōmə‘îm ’ēleyḵā:

17 kî ‘āśōh n^a‘ăśeh ’eṯ-kāl-hadāḇār| ’ăšer-yāṣā’ mipînû ləqaṭṭēr liməleḵeṯ haššāmayim wəhassêḵə-lāh nəsāḵîm ka’ăšer ‘āśînû ’ăn^aḥənû wa’ăḇōṯênû məlāḵênû wəśārênû bə‘ārê yəhûḏâ ûḇəḥuṣwōṯ yərûšālāim wanniśəb^a‘-leḥem wannihəyeh ṭwōḇîm wərā‘â lō’ rā’înû:

18 ûmin-’āz ḥāḏalənû ləqaṭṭēr liməleḵeṯ haššāmayim wəhassēḵə-lāh nəsāḵîm ḥāsarənû ḵōl ûḇ^aḥereḇ ûḇārā‘āḇ tāmənû:

19 wəḵî-’ăn^aḥənû məqaṭṭərîm liməleḵeṯ haššāmayim ûləhassēḵə lāh nəsāḵîm hămibalə‘ăḏê ’ănāšênû ‘āśînû lāh kaûānîm ləh^a‘ăṣiḇâ wəhassēḵə lāh nəsāḵîm: f

20 wayyō’mer yirəməyâû ’el-kāl-hā‘ām ‘al-hagəḇārîm wə‘al-hannāšîm wə‘al-kāl-hā‘ām hā‘ōnîm ’ōṯwō dāḇār lē’mōr:

21 hălwō’ ’eṯ-haqqiṭṭēr ’ăšer qiṭṭarətem bə‘ārê yəhûḏâ ûḇəḥuṣwōṯ yərûšālaim ’atem wa’ăḇwōṯêḵem maləḵêḵem wəśārêḵem wə‘am hā’āreṣ ’ōṯām zāḵar yəhwâ wat^a‘ăleh ‘al-libwō:

22 wəlō’-yûḵal yəhwâ ‘wōḏ lāśē’ṯ mipənê rō‘a m^a‘aləlêḵem mipənê hatwō‘ēḇōṯ ’ăšer ‘ăśîṯem watəhî ’arəṣəḵem ləḥārəbâ ûləšammâ wəliqəlālâ mē’ên ywōšēḇ kəhayywōm hazzeh:

23 mipənê ’ăšer qiṭṭarətem wa’ăšer ḥăṭā’ṯem layhwâ wəlō’ šəm^a‘ətem bəqwōl yəhwâ ûḇəṯōrāṯwō ûḇəḥuqqōṯāyw ûḇə‘ēḏəwōṯāyw lō’ hălaḵətem ‘al-kēn qārā’ṯ ’eṯəḵem hārā‘â hazzō’ṯ kayywōm hazzeh: s

24 wayyō’mer yirəməyâû ’el-kāl-hā‘ām wə’el kāl-hannāšîm šimə‘û dəḇar-yəhwâ kāl-yəhûḏâ ’ăšer bə’ereṣ miṣərāyim: s

25 kōh-’āmar yəhwâ-ṣəḇā’wōṯ ’ĕlōhê yiśərā’ēl lē’mōr ’atem ûnəšêḵem watəḏabērənâ bəfîḵem ûḇîḏêḵem millē’ṯem| lē’mōr ‘āśōh n^a‘ăśeh ’eṯ-nəḏārênû ’ăšer nāḏarənû ləqaṭṭēr liməleḵeṯ haššāmayim ûləhassēḵə lāh nəsāḵîm hāqêm tāqîmənâ ’eṯ-niḏərêḵem wə‘āśōh ṯ^a‘ăśeynâ ’eṯ-niḏərêḵem: f

26 lāḵēn šimə‘û ḏəḇar-yəhwâ kāl-yəhûḏâ hayyōšəḇîm bə’ereṣ miṣərāyim hinənî nišəb^a‘ətî bišəmî hagāḏwōl ’āmar yəhwâ ’im-yihəyeh ‘wōḏ šəmî niqərā’| bəfî| kāl-’îš yəhûḏâ ’ōmēr ḥay-’ăḏōnāy yəhwih bəḵāl-’ereṣ miṣərāyim:

27 hinənî šōqēḏ ‘ălêhem lərā‘â wəlō’ ləṭwōḇâ wəṯammû ḵāl-’îš yəhûḏâ ’ăšer bə’ereṣ-miṣərayim b^aḥereḇ ûḇārā‘āḇ ‘aḏ-kəlwōṯām:

28 ûfəlîṭê ḥereḇ yəšuḇûn min-’ereṣ miṣərayim ’ereṣ yəhûḏâ məṯê misəpār wəyāḏə‘û kāl-šə’ērîṯ yəhûḏâ habā’îm lə’ereṣ-miṣərayim lāḡûr šām dəḇar-mî yāqûm mimmennî ûmēhem:

29 wəzō’ṯ-lāḵem hā’wōṯ nə’um-yəhwâ kî-fōqēḏ ’ănî ‘ălêḵem bammāqwōm hazzeh ləm^a‘an tēḏə‘û kî qwōm yāqûmû ḏəḇāray ‘ălêḵem lərā‘â: s

30 kōh| ’āmar yəhwâ hinənî nōṯēn ’eṯ-parə‘ōh ḥāfər^a‘ meleḵə-miṣərayim bəyaḏ ’ōyəḇāyw ûḇəyaḏ məḇaqəšê nafəšwō ka’ăšer nāṯatî ’eṯ-ṣiḏəqîyâû meleḵə-yəhûḏâ bəyaḏ nəḇûḵaḏəre’ṣṣar meleḵə-bāḇel ’ōyəḇwō ûməḇaqqēš nafəšwō: s

‎1 ‏הַדָּבָ֗ר אֲשֶׁ֤ר דִּבֶּר֙ יִרְמְיָ֣הוּ הַנָּבִ֔יא אֶל־בָּר֖וּךְ בֶּֽן־נֵֽרִיָּ֑ה בְּכָתְבוֹ֩ אֶת־הַדְּבָרִ֨ים הָאֵ֤לֶּה עַל־סֵ֙פֶר֙ מִפִּ֣י יִרְמְיָ֔הוּ בַּשָּׁנָה֙ הָֽרְבִעִ֔ית לִיהוֹיָקִ֧ים בֶּן־יֹאשִׁיָּ֛הוּ מֶ֥לֶךְ יְהוּדָ֖ה לֵאמֹֽר׃ ס

‎2 ‏כֹּֽה־אָמַ֥ר יְהוָ֖ה אֱלֹהֵ֣י יִשְׂרָאֵ֑ל עָלֶ֖יךָ בָּרֽוּךְ׃

‎3 ‏אָמַ֙רְתָּ֙ אֽוֹי־נָ֣א לִ֔י כִּֽי־יָסַ֧ף יְהוָ֛ה יָג֖וֹן עַל־מַכְאֹבִ֑י יָגַ֙עְתִּי֙ בְּאַנְחָתִ֔י וּמְנוּחָ֖ה לֹ֥א מָצָֽאתִי׃ ס

‎4 ‏כֹּ֣ה׀ תֹּאמַ֣ר אֵלָ֗יו כֹּ֚ה אָמַ֣ר יְהוָ֔ה הִנֵּ֤ה אֲשֶׁר־בָּנִ֙יתִי֙ אֲנִ֣י הֹרֵ֔ס וְאֵ֥ת אֲשֶׁר־נָטַ֖עְתִּי אֲנִ֣י נֹתֵ֑שׁ וְאֶת־כָּל־הָאָ֖רֶץ הִֽיא׃

‎5 ‏וְאַתָּ֛ה תְּבַקֶּשׁ־לְךָ֥ גְדֹל֖וֹת אַל־תְּבַקֵּ֑שׁ כִּ֡י הִנְנִי֩ מֵבִ֨יא רָעָ֤ה עַל־כָּל־בָּשָׂר֙ נְאֻם־יְהוָ֔ה וְנָתַתִּ֨י לְךָ֤ אֶֽת־נַפְשְׁךָ֙ לְשָׁלָ֔ל עַ֥ל כָּל־הַמְּקֹמ֖וֹת אֲשֶׁ֥ר תֵּֽלֶךְ־שָֽׁם׃ ס

1 hadāḇār ’ăšer diber yirəməyâû hannāḇî’ ’el-bārûḵə ben-nērîyâ bəḵāṯəḇwō ’eṯ-hadəḇārîm hā’ēlleh ‘al-sēfer mipî yirəməyâû baššānâ hārəḇi‘îṯ lîhwōyāqîm ben-yō’šîyâû meleḵə yəhûḏâ lē’mōr: s

2 kōh-’āmar yəhwâ ’ĕlōhê yiśərā’ēl ‘āleyḵā bārûḵə:

3 ’āmarətā ’wōy-nā’ lî kî-yāsaf yəhwâ yāḡwōn ‘al-maḵə’ōḇî yāḡ^a‘ətî bə’anəḥāṯî ûmənûḥâ lō’ māṣā’ṯî: s

4 kōh| tō’mar ’ēlāyw kōh ’āmar yəhwâ hinnēh ’ăšer-bānîṯî ’ănî hōrēs wə’ēṯ ’ăšer-nāṭ^a‘ətî ’ănî nōṯēš wə’eṯ-kāl-hā’āreṣ hî’:

5 wə’atâ təḇaqqeš-ləḵā ḡəḏōlwōṯ ’al-təḇaqqēš kî hinənî mēḇî’ rā‘â ‘al-kāl-bāśār nə’um-yəhwâ wənāṯatî ləḵā ’eṯ-nafəšəḵā ləšālāl ‘al kāl-hamməqōmwōṯ ’ăšer tēleḵə-šām: s

‎1 ‏אֲשֶׁ֨ר הָיָ֧ה דְבַר־יְהוָ֛ה אֶל־יִרְמְיָ֥הוּ הַנָּבִ֖יא עַל־הַגּוֹיִֽם׃

‎2 ‏לְמִצְרַ֗יִם עַל־חֵ֨יל פַּרְעֹ֤ה נְכוֹ֙ מֶ֣לֶךְ מִצְרַ֔יִם אֲשֶׁר־הָיָ֥ה עַל־נְהַר־פְּרָ֖ת בְּכַרְכְּמִ֑שׁ אֲשֶׁ֣ר הִכָּ֗ה נְבֽוּכַדְרֶאצַּר֙ מֶ֣לֶךְ בָּבֶ֔ל בִּשְׁנַת֙ הָֽרְבִיעִ֔ית לִיהוֹיָקִ֥ים בֶּן־יֹאשִׁיָּ֖הוּ מֶ֥לֶךְ יְהוּדָֽה׃

‎3 ‏עִרְכ֤וּ מָגֵן֙ וְצִנָּ֔ה וּגְשׁ֖וּ לַמִּלְחָמָֽה׃

‎4 ‏אִסְר֣וּ הַסּוּסִ֗ים וַֽעֲלוּ֙ הַפָּ֣רָשִׁ֔ים וְהִֽתְיַצְּב֖וּ בְּכ֥וֹבָעִ֑ים מִרְקוּ֙ הָֽרְמָחִ֔ים לִבְשׁ֖וּ הַסִּרְיֹנֹֽת׃

‎5 ‏מַדּ֣וּעַ רָאִ֗יתִי הֵ֣מָּה חַתִּים֮ נְסֹגִ֣ים אָחוֹר֒ וְגִבּוֹרֵיהֶ֣ם יֻכַּ֔תּוּ וּמָנ֥וֹס נָ֖סוּ וְלֹ֣א הִפְנ֑וּ מָג֥וֹר מִסָּבִ֖יב נְאֻם־יְהוָֽה׃

‎6 ‏אַל־יָנ֣וּס הַקַּ֔ל וְאַל־יִמָּלֵ֖ט הַגִּבּ֑וֹר צָפ֙וֹנָה֙ עַל־יַ֣ד נְהַר־פְּרָ֔ת כָּשְׁל֖וּ וְנָפָֽלוּ׃

‎7 ‏מִי־זֶ֖ה כַּיְאֹ֣ר יַֽעֲלֶ֑ה כַּנְּהָר֕וֹת יִֽתְגָּעֲשׁ֖וּ מֵימָֽיו׃

‎8 ‏מִצְרַ֙יִם֙ כַּיְאֹ֣ר יַֽעֲלֶ֔ה וְכַנְּהָר֖וֹת יִתְגֹּ֣עֲשׁוּ מָ֑יִם וַיֹּ֗אמֶר אַֽעֲלֶה֙ אֲכַסֶּה־אֶ֔רֶץ אֹבִ֥ידָה עִ֖יר וְיֹ֥שְׁבֵי בָֽהּ׃

‎9 ‏עֲל֤וּ הַסּוּסִים֙ וְהִתְהֹלְל֣וּ הָרֶ֔כֶב וְיֵצְא֖וּ הַגִּבּוֹרִ֑ים כּ֤וּשׁ וּפוּט֙ תֹּפְשֵׂ֣י מָגֵ֔ן וְלוּדִ֕ים תֹּפְשֵׂ֖י דֹּ֥רְכֵי קָֽשֶׁת׃

‎10 ‏וְֽהַיּ֨וֹם הַה֜וּא לַאדֹנָ֧י יְהוִ֣ה צְבָא֗וֹת י֤וֹם נְקָמָה֙ לְהִנָּקֵ֣ם מִצָּרָ֔יו וְאָכְלָ֥ה חֶ֙רֶב֙ וְשָׂ֣בְעָ֔ה וְרָוְתָ֖ה מִדָּמָ֑ם כִּ֣י זֶ֠בַח לַאדֹנָ֨י יְהוִ֧ה צְבָא֛וֹת בְּאֶ֥רֶץ צָפ֖וֹן אֶל־נְהַר־פְּרָֽת׃

‎11 ‏עֲלִ֤י גִלְעָד֙ וּקְחִ֣י צֳרִ֔י בְּתוּלַ֖ת בַּת־מִצְרָ֑יִם לַשָּׁוְא֙ הרביתי הִרְבֵּ֣ית רְפֻא֔וֹת תְּעָלָ֖ה אֵ֥ין לָֽךְ׃

‎12 ‏שָׁמְע֤וּ גוֹיִם֙ קְלוֹנֵ֔ךְ וְצִוְחָתֵ֖ךְ מָלְאָ֣ה הָאָ֑רֶץ כִּֽי־גִבּ֤וֹר בְּגִבּוֹר֙ כָּשָׁ֔לוּ יַחְדָּ֖יו נָפְל֥וּ שְׁנֵיהֶֽם׃ פ

‎13 ‏הַדָּבָר֙ אֲשֶׁ֣ר דִּבֶּ֣ר יְהוָ֔ה אֶֽל־יִרְמְיָ֖הוּ הַנָּבִ֑יא לָב֗וֹא נְבֽוּכַדְרֶאצַּר֙ מֶ֣לֶךְ בָּבֶ֔ל לְהַכּ֖וֹת אֶת־אֶ֥רֶץ מִצְרָֽיִם׃

‎14 ‏הַגִּ֤ידוּ בְמִצְרַ֙יִם֙ וְהַשְׁמִ֣יעוּ בְמִגְדּ֔וֹל וְהַשְׁמִ֥יעוּ בְנֹ֖ף וּבְתַחְפַּנְחֵ֑ס אִמְר֗וּ הִתְיַצֵּב֙ וְהָכֵ֣ן לָ֔ךְ כִּֽי־אָכְלָ֥ה חֶ֖רֶב סְבִיבֶֽיךָ׃

‎15 ‏מַדּ֖וּעַ נִסְחַ֣ף אַבִּירֶ֑יךָ לֹ֣א עָמַ֔ד כִּ֥י יְהוָ֖ה הֲדָפֽוֹ׃

‎16 ‏הִרְבָּ֖ה כּוֹשֵׁ֑ל גַּם־נָפַ֞ל אִ֣ישׁ אֶל־רֵעֵ֗הוּ וַיֹּֽאמְרוּ֙ ק֣וּמָה׀ וְנָשֻׁ֣בָה אֶל־עַמֵּ֗נוּ וְאֶל־אֶ֙רֶץ֙ מֽוֹלַדְתֵּ֔נוּ מִפְּנֵ֖י חֶ֥רֶב הַיּוֹנָֽה׃

‎17 ‏קָרְא֖וּ שָׁ֑ם פַּרְעֹ֤ה מֶֽלֶךְ־מִצְרַ֙יִם֙ שָׁא֔וֹן הֶעֱבִ֖יר הַמּוֹעֵֽד׃

‎18 ‏חַי־אָ֙נִי֙ נְאֻם־הַמֶּ֔לֶךְ יְהוָ֥ה צְבָא֖וֹת שְׁמ֑וֹ כִּ֚י כְּתָב֣וֹר בֶּֽהָרִ֔ים וּכְכַרְמֶ֖ל בַּיָּ֥ם יָבֽוֹא׃

‎19 ‏כְּלֵ֤י גוֹלָה֙ עֲשִׂ֣י לָ֔ךְ יוֹשֶׁ֖בֶת בַּת־מִצְרָ֑יִם כִּֽי־נֹף֙ לְשַׁמָּ֣ה תִֽהְיֶ֔ה וְנִצְּתָ֖ה מֵאֵ֥ין יוֹשֵֽׁב׃ ס

‎20 ‏עֶגְלָ֥ה יְפֵֽה־פִיָּ֖ה מִצְרָ֑יִם קֶ֥רֶץ מִצָּפ֖וֹן בָּ֥א בָֽא׃

‎21 ‏גַּם־שְׂכִרֶ֤יהָ בְקִרְבָּהּ֙ כְּעֶגְלֵ֣י מַרְבֵּ֔ק כִּֽי־גַם־הֵ֧מָּה הִפְנ֛וּ נָ֥סוּ יַחְדָּ֖יו לֹ֣א עָמָ֑דוּ כִּ֣י י֥וֹם אֵידָ֛ם בָּ֥א עֲלֵיהֶ֖ם עֵ֥ת פְּקֻדָּתָֽם׃

‎22 ‏קוֹלָ֖הּ כַּנָּחָ֣שׁ יֵלֵ֑ךְ כִּֽי־בְחַ֣יִל יֵלֵ֔כוּ וּבְקַרְדֻּמּוֹת֙ בָּ֣אוּ לָ֔הּ כְּחֹטְבֵ֖י עֵצִֽים׃

‎23 ‏כָּרְת֤וּ יַעְרָהּ֙ נְאֻם־יְהוָ֔ה כִּ֖י לֹ֣א יֵֽחָקֵ֑ר כִּ֤י רַבּוּ֙ מֵֽאַרְבֶּ֔ה וְאֵ֥ין לָהֶ֖ם מִסְפָּֽר׃

‎24 ‏הֹבִ֖ישָׁה בַּת־מִצְרָ֑יִם נִתְּנָ֖ה בְּיַ֥ד עַם־צָפֽוֹן׃

‎25 ‏אָמַר֩ יְהוָ֨ה צְבָא֜וֹת אֱלֹהֵ֣י יִשְׂרָאֵ֗ל הִנְנִ֤י פוֹקֵד֙ אֶל־אָמ֣וֹן מִנֹּ֔א וְעַל־פַּרְעֹה֙ וְעַל־מִצְרַ֔יִם וְעַל־אֱלֹהֶ֖יהָ וְעַל־מְלָכֶ֑יהָ וְעַ֨ל־פַּרְעֹ֔ה וְעַ֥ל הַבֹּטְחִ֖ים בּֽוֹ׃

‎26 ‏וּנְתַתִּ֗ים בְּיַד֙ מְבַקְשֵׁ֣י נַפְשָׁ֔ם וּבְיַ֛ד נְבֽוּכַדְרֶאצַּ֥ר מֶֽלֶךְ־בָּבֶ֖ל וּבְיַד־עֲבָדָ֑יו וְאַחֲרֵי־כֵ֛ן תִּשְׁכֹּ֥ן כִּֽימֵי־קֶ֖דֶם נְאֻם־יְהוָֽה׃ ס

‎27 ‏וְ֠אַתָּה אַל־תִּירָ֞א עַבְדִּ֤י יַֽעֲקֹב֙ וְאַל־תֵּחַ֣ת יִשְׂרָאֵ֔ל כִּ֠י הִנְנִ֤י מוֹשִֽׁעֲךָ֙ מֵֽרָח֔וֹק וְאֶֽת־זַרְעֲךָ֖ מֵאֶ֣רֶץ שִׁבְיָ֑ם וְשָׁ֧ב יַעֲק֛וֹב וְשָׁקַ֥ט וְשַׁאֲנַ֖ן וְאֵ֥ין מַחֲרִֽיד׃ ס

‎28 ‏אַ֠תָּה אַל־תִּירָ֞א עַבְדִּ֤י יַֽעֲקֹב֙ נְאֻם־יְהוָ֔ה כִּ֥י אִתְּךָ֖ אָ֑נִי כִּי֩ אֶעֱשֶׂ֨ה כָלָ֜ה בְּכָֽל־הַגּוֹיִ֣ם׀ אֲשֶׁ֧ר הִדַּחְתִּ֣יךָ שָׁ֗מָּה וְאֹֽתְךָ֙ לֹא־אֶעֱשֶׂ֣ה כָלָ֔ה וְיִסַּרְתִּ֙יךָ֙ לַמִּשְׁפָּ֔ט וְנַקֵּ֖ה לֹ֥א אֲנַקֶּֽךָּ׃ ס

1 ’ăšer hāyâ ḏəḇar-yəhwâ ’el-yirəməyâû hannāḇî’ ‘al-hagwōyim:

2 ləmiṣərayim ‘al-ḥêl parə‘ōh nəḵwō meleḵə miṣərayim ’ăšer-hāyâ ‘al-nəhar-pərāṯ bəḵarəkəmiš ’ăšer hikâ nəḇûḵaḏəre’ṣṣar meleḵə bāḇel bišənaṯ hārəḇî‘îṯ lîhwōyāqîm ben-yō’šîyâû meleḵə yəhûḏâ:

3 ‘irəḵû māḡēn wəṣinnâ ûḡəšû lammiləḥāmâ:

4 ’isərû hassûsîm w^a‘ălû hapārāšîm wəhiṯəyaṣṣəḇû bəḵwōḇā‘îm mirəqû hārəmāḥîm liḇəšû hassirəyōnōṯ:

5 madû‘a rā’îṯî hēmmâ ḥatîm nəsōḡîm ’āḥwōr wəḡibwōrêhem yukatû ûmānwōs nāsû wəlō’ hifənû māḡwōr missāḇîḇ nə’um-yəhwâ:

6 ’al-yānûs haqqal wə’al-yimmālēṭ hagibwōr ṣāfwōnâ ‘al-yaḏ nəhar-pərāṯ kāšəlû wənāfālû:

7 mî-zeh kayə’ōr y^a‘ăleh kannəhārwōṯ yiṯəgā‘ăšû mêmāyw:

8 miṣərayim kayə’ōr y^a‘ăleh wəḵannəhārwōṯ yiṯəgō‘ăšû māyim wayyō’mer ’^a‘ăleh ’ăḵasseh-’ereṣ ’ōḇîḏâ ‘îr wəyōšəḇê ḇāh:

9 ‘ălû hassûsîm wəhiṯəhōləlû hāreḵeḇ wəyēṣə’û hagibwōrîm kûš ûfûṭ tōfəśê māḡēn wəlûḏîm tōfəśê dōrəḵê qāšeṯ:

10 wəhayywōm hahû’ la’ḏōnāy yəhwih ṣəḇā’wōṯ ywōm nəqāmâ ləhinnāqēm miṣṣārāyw wə’āḵəlâ ḥereḇ wəśāḇə‘â wərāwəṯâ midāmām kî zeḇ^aḥ la’ḏōnāy yəhwih ṣəḇā’wōṯ bə’ereṣ ṣāfwōn ’el-nəhar-pərāṯ:

11 ‘ălî ḡilə‘āḏ ûqəḥî ṣŏrî bəṯûlaṯ baṯ-miṣərāyim laššāwə’ hirəbêṯî hirəbêṯ rəfu’wōṯ tə‘ālâ ’ên lāḵə:

12 šāmə‘û ḡwōyim qəlwōnēḵə wəṣiwəḥāṯēḵə mālə’â hā’āreṣ kî-ḡibwōr bəḡibwōr kāšālû y^aḥədāyw nāfəlû šənêhem: f

13 hadāḇār ’ăšer diber yəhwâ ’el-yirəməyâû hannāḇî’ lāḇwō’ nəḇûḵaḏəre’ṣṣar meleḵə bāḇel ləhakwōṯ ’eṯ-’ereṣ miṣərāyim:

14 hagîḏû ḇəmiṣərayim wəhašəmî‘û ḇəmiḡədwōl wəhašəmî‘û ḇənōf ûḇəṯ^aḥəpanəḥēs ’imərû hiṯəyaṣṣēḇ wəhāḵēn lāḵə kî-’āḵəlâ ḥereḇ səḇîḇeyḵā:

15 madû‘a nisəḥaf ’abîreyḵā lō’ ‘āmaḏ kî yəhwâ hăḏāfwō:

16 hirəbâ kwōšēl gam-nāfal ’îš ’el-rē‘ēhû wayyō’mərû qûmâ| wənāšuḇâ ’el-‘ammēnû wə’el-’ereṣ mwōlaḏətēnû mipənê ḥereḇ hayywōnâ:

17 qārə’û šām parə‘ōh meleḵə-miṣərayim šā’wōn he‘ĕḇîr hammwō‘ēḏ:

18 ḥay-’ānî nə’um-hammeleḵə yəhwâ ṣəḇā’wōṯ šəmwō kî kəṯāḇwōr behārîm ûḵəḵarəmel bayyām yāḇwō’:

19 kəlê ḡwōlâ ‘ăśî lāḵə ywōšeḇeṯ baṯ-miṣərāyim kî-nōf ləšammâ ṯihəyeh wəniṣṣəṯâ mē’ên ywōšēḇ: s

20 ‘eḡəlâ yəfēh-fîyâ miṣərāyim qereṣ miṣṣāfwōn bā’ ḇā’:

21 gam-śəḵireyhā ḇəqirəbāh kə‘eḡəlê marəbēq kî-ḡam-hēmmâ hifənû nāsû y^aḥədāyw lō’ ‘āmāḏû kî ywōm ’êḏām bā’ ‘ălêhem ‘ēṯ pəqudāṯām:

22 qwōlāh kannāḥāš yēlēḵə kî-ḇəḥayil yēlēḵû ûḇəqarədummwōṯ bā’û lāh kəḥōṭəḇê ‘ēṣîm:

23 kārəṯû y^a‘ərāh nə’um-yəhwâ kî lō’ yēḥāqēr kî rabû mē’arəbeh wə’ên lâem misəpār:

24 hōḇîšâ baṯ-miṣərāyim nitənâ bəyaḏ ‘am-ṣāfwōn:

25 ’āmar yəhwâ ṣəḇā’wōṯ ’ĕlōhê yiśərā’ēl hinənî fwōqēḏ ’el-’āmwōn minnō’ wə‘al-parə‘ōh wə‘al-miṣərayim wə‘al-’ĕlōheyhā wə‘al-məlāḵeyhā wə‘al-parə‘ōh wə‘al habōṭəḥîm bwō:

26 ûnəṯatîm bəyaḏ məḇaqəšê nafəšām ûḇəyaḏ nəḇûḵaḏəre’ṣṣar meleḵə-bāḇel ûḇəyaḏ-‘ăḇāḏāyw wə’^aḥărê-ḵēn tišəkōn kîmê-qeḏem nə’um-yəhwâ: s

27 wə’atâ ’al-tîrā’ ‘aḇədî y^a‘ăqōḇ wə’al-tēḥaṯ yiśərā’ēl kî hinənî mwōši‘ăḵā mērāḥwōq wə’eṯ-zarə‘ăḵā mē’ereṣ šiḇəyām wəšāḇ y^a‘ăqwōḇ wəšāqaṭ wəša’ănan wə’ên m^aḥărîḏ: s

28 ’atâ ’al-tîrā’ ‘aḇədî y^a‘ăqōḇ nə’um-yəhwâ kî ’itəḵā ’ānî kî ’e‘ĕśeh ḵālâ bəḵāl-hagwōyim| ’ăšer hid^aḥətîḵā šāmmâ wə’ōṯəḵā lō’-’e‘ĕśeh ḵālâ wəyissarətîḵā lammišəpāṭ wənaqqēh lō’ ’ănaqqeḵḵā: s

‎1 ‏אֲשֶׁ֨ר הָיָ֧ה דְבַר־יְהוָ֛ה אֶל־יִרְמְיָ֥הוּ הַנָּבִ֖יא אֶל־פְּלִשְׁתִּ֑ים בְּטֶ֛רֶם יַכֶּ֥ה פַרְעֹ֖ה אֶת־עַזָּֽה׃ ס

‎2 ‏כֹּ֣ה׀ אָמַ֣ר יְהוָ֗ה הִנֵּה־מַ֜יִם עֹלִ֤ים מִצָּפוֹן֙ וְהָיוּ֙ לְנַ֣חַל שׁוֹטֵ֔ף וְיִשְׁטְפוּ֙ אֶ֣רֶץ וּמְלוֹאָ֔הּ עִ֖יר וְיֹ֣שְׁבֵי בָ֑הּ וְזָֽעֲקוּ֙ הָֽאָדָ֔ם וְהֵילִ֕ל כֹּ֖ל יוֹשֵׁ֥ב הָאָֽרֶץ׃

‎3 ‏מִקּ֗וֹל שַֽׁעֲטַת֙ פַּרְס֣וֹת אַבִּירָ֔יו מֵרַ֣עַשׁ לְרִכְבּ֔וֹ הֲמ֖וֹן גַּלְגִּלָּ֑יו לֹֽא־הִפְנ֤וּ אָבוֹת֙ אֶל־בָּנִ֔ים מֵֽרִפְי֖וֹן יָדָֽיִם׃

‎4 ‏עַל־הַיּ֗וֹם הַבָּא֙ לִשְׁד֣וֹד אֶת־כָּל־פְּלִשְׁתִּ֔ים לְהַכְרִ֤ית לְצֹר֙ וּלְצִיד֔וֹן כֹּ֖ל שָׂרִ֣יד עֹזֵ֑ר כִּֽי־שֹׁדֵ֤ד יְהוָה֙ אֶת־פְּלִשְׁתִּ֔ים שְׁאֵרִ֖ית אִ֥י כַפְתּֽוֹר׃

‎5 ‏בָּ֤אָה קָרְחָה֙ אֶל־עַזָּ֔ה נִדְמְתָ֥ה אַשְׁקְל֖וֹן שְׁאֵרִ֣ית עִמְקָ֑ם עַד־מָתַ֖י תִּתְגּוֹדָֽדִי׃ ס

‎6 ‏ה֗וֹי חֶ֚רֶב לַֽיהוָ֔ה עַד־אָ֖נָה לֹ֣א תִשְׁקֹ֑טִי הֵאָֽסְפִי֙ אַל־תַּעְרֵ֔ךְ הֵרָגְעִ֖י וָדֹֽמִּי׃

‎7 ‏אֵ֣יךְ תִּשְׁקֹ֔טִי וַֽיהוָ֖ה צִוָּה־לָ֑הּ אֶֽל־אַשְׁקְל֛וֹן וְאֶל־ח֥וֹף הַיָּ֖ם שָׁ֥ם יְעָדָֽהּ׃ ס

1 ’ăšer hāyâ ḏəḇar-yəhwâ ’el-yirəməyâû hannāḇî’ ’el-pəlišətîm bəṭerem yakeh farə‘ōh ’eṯ-‘azzâ: s

2 kōh| ’āmar yəhwâ hinnēh-mayim ‘ōlîm miṣṣāfwōn wəhāyû lən^aḥal šwōṭēf wəyišəṭəfû ’ereṣ ûməlwō’āh ‘îr wəyōšəḇê ḇāh wəzā‘ăqû hā’āḏām wəhêlil kōl ywōšēḇ hā’āreṣ:

3 miqqwōl š^a‘ăṭaṯ parəswōṯ ’abîrāyw mēr^a‘aš ləriḵəbwō hămwōn galəgillāyw lō’-hifənû ’āḇwōṯ ’el-bānîm mērifəywōn yāḏāyim:

4 ‘al-hayywōm habā’ lišəḏwōḏ ’eṯ-kāl-pəlišətîm ləhaḵərîṯ ləṣōr ûləṣîḏwōn kōl śārîḏ ‘ōzēr kî-šōḏēḏ yəhwâ ’eṯ-pəlišətîm šə’ērîṯ ’î ḵafətwōr:

5 bā’â qārəḥâ ’el-‘azzâ niḏəməṯâ ’ašəqəlwōn šə’ērîṯ ‘iməqām ‘aḏ-māṯay tiṯəgwōḏāḏî: s

6 hwōy ḥereḇ layhwâ ‘aḏ-’ānâ lō’ ṯišəqōṭî hē’āsəfî ’al-t^a‘ərēḵə hērāḡə‘î wāḏōmmî:

7 ’êḵə tišəqōṭî wayhwâ ṣiûâ-lāh ’el-’ašəqəlwōn wə’el-ḥwōf hayyām šām yə‘āḏāh: s

‎1 ‏לְמוֹאָ֡ב כֹּֽה־אָמַר֩ יְהוָ֨ה צְבָא֜וֹת אֱלֹהֵ֣י יִשְׂרָאֵ֗ל ה֤וֹי אֶל־נְבוֹ֙ כִּ֣י שֻׁדָּ֔דָה הֹבִ֥ישָׁה נִלְכְּדָ֖ה קִרְיָתָ֑יִם הֹבִ֥ישָׁה הַמִּשְׂגָּ֖ב וָחָֽתָּה׃

‎2 ‏אֵ֣ין עוֹד֮ תְּהִלַּ֣ת מוֹאָב֒ בְּחֶשְׁבּ֗וֹן חָשְׁב֤וּ עָלֶ֙יהָ֙ רָעָ֔ה לְכ֖וּ וְנַכְרִיתֶ֣נָּה מִגּ֑וֹי גַּם־מַדְמֵ֣ן תִּדֹּ֔מִּי אַחֲרַ֖יִךְ תֵּ֥לֶךְ חָֽרֶב׃

‎3 ‏ק֥וֹל צְעָקָ֖ה מֵחֹֽרוֹנָ֑יִם שֹׁ֖ד וָשֶׁ֥בֶר גָּדֽוֹל׃

‎4 ‏נִשְׁבְּרָ֖ה מוֹאָ֑ב הִשְׁמִ֥יעוּ זְּעָקָ֖ה צעוריה צְעִירֶֽיהָ׃

‎5 ‏כִּ֚י מַעֲלֵ֣ה הלחות הַלּוּחִ֔ית³ בִּבְכִ֖י יַֽעֲלֶה־בֶּ֑כִי כִּ֚י בְּמוֹרַ֣ד חוֹרֹנַ֔יִם צָרֵ֥י צַֽעֲקַת־שֶׁ֖בֶר שָׁמֵֽעוּ׃

‎6 ‏נֻ֖סוּ מַלְּט֣וּ נַפְשְׁכֶ֑ם וְתִֽהְיֶ֕ינָה כַּעֲרוֹעֵ֖ר בַּמִּדְבָּֽר׃

‎7 ‏כִּ֠י יַ֣עַן בִּטְחֵ֤ךְ בְּמַעֲשַׂ֙יִךְ֙ וּבְא֣וֹצְרוֹתַ֔יִךְ גַּם־אַ֖תְּ תִּלָּכֵ֑דִי וְיָצָ֤א כמיש כְמוֹשׁ֙ בַּגּוֹלָ֔ה כֹּהֲנָ֥יו וְשָׂרָ֖יו יחד יַחְדָּֽיו׃

‎8 ‏וְיָבֹ֨א שֹׁדֵ֜ד אֶל־כָּל־עִ֗יר וְעִיר֙ לֹ֣א תִמָּלֵ֔ט וְאָבַ֥ד הָעֵ֖מֶק וְנִשְׁמַ֣ד הַמִּישֹׁ֑ר אֲשֶׁ֖ר אָמַ֥ר יְהוָֽה׃

‎9 ‏תְּנוּ־צִ֣יץ לְמוֹאָ֔ב כִּ֥י נָצֹ֖א תֵּצֵ֑א וְעָרֶ֙יהָ֙ לְשַׁמָּ֣ה תִֽהְיֶ֔ינָה מֵאֵ֥ין יוֹשֵׁ֖ב בָּהֵֽן׃

‎10 ‏אָר֗וּר עֹשֶׂ֛ה מְלֶ֥אכֶת יְהוָ֖ה רְמִיָּ֑ה וְאָר֕וּר מֹנֵ֥עַ חַרְבּ֖וֹ מִדָּֽם׃

‎11 ‏שַׁאֲנַ֨ן מוֹאָ֜ב מִנְּעוּרָ֗יו וְשֹׁקֵ֥ט הוּא֙ אֶל־שְׁמָרָ֔יו וְלֹֽא־הוּרַ֤ק מִכְּלִי֙ אֶל־כֶּ֔לִי וּבַגּוֹלָ֖ה לֹ֣א הָלָ֑ךְ עַל־כֵּ֗ן עָמַ֤ד טַעְמוֹ֙ בּ֔וֹ וְרֵיח֖וֹ לֹ֥א נָמָֽר׃ ס

‎12 ‏לָכֵ֞ן הִנֵּ֖ה־יָמִ֤ים בָּאִים֙ נְאֻם־יְהוָ֔ה וְשִׁלַּחְתִּי־ל֥וֹ צֹעִ֖ים וְצֵעֻ֑הוּ וְכֵלָ֣יו יָרִ֔יקוּ וְנִבְלֵיהֶ֖ם יְנַפֵּֽצוּ׃

‎13 ‏וּבֹ֥שׁ מוֹאָ֖ב מִכְּמ֑וֹשׁ כַּאֲשֶׁר־בֹּ֙שׁוּ֙ בֵּ֣ית יִשְׂרָאֵ֔ל מִבֵּ֥ית אֵ֖ל מִבְטֶחָֽם׃

‎14 ‏אֵ֚יךְ תֹּֽאמְר֔וּ גִּבּוֹרִ֖ים אֲנָ֑חְנוּ וְאַנְשֵׁי־חַ֖יִל לַמִּלְחָמָֽה׃

‎15 ‏שֻׁדַּ֤ד מוֹאָב֙ וְעָרֶ֣יהָ עָלָ֔ה וּמִבְחַ֥ר בַּֽחוּרָ֖יו יָרְד֣וּ לַטָּ֑בַח נְאֻ֨ם־הַמֶּ֔לֶךְ יְהוָ֥ה צְבָא֖וֹת שְׁמֽוֹ׃

‎16 ‏קָר֥וֹב אֵיד־מוֹאָ֖ב לָב֑וֹא וְרָ֣עָת֔וֹ מִהֲרָ֖ה מְאֹֽד׃

‎17 ‏נֻ֤דוּ לוֹ֙ כָּל־סְבִיבָ֔יו וְכֹ֖ל יֹדְעֵ֣י שְׁמ֑וֹ אִמְר֗וּ אֵיכָ֤ה נִשְׁבַּר֙ מַטֵּה־עֹ֔ז מַקֵּ֖ל תִּפְאָרָֽה׃

‎18 ‏רְדִ֤י מִכָּבוֹד֙ ישבי וּשְׁבִ֣י בַצָּמָ֔א יֹשֶׁ֖בֶת בַּת־דִּיב֑וֹן כִּֽי־שֹׁדֵ֤ד מוֹאָב֙ עָ֣לָה בָ֔ךְ שִׁחֵ֖ת מִבְצָרָֽיִךְ׃

‎19 ‏אֶל־דֶּ֛רֶךְ עִמְדִ֥י וְצַפִּ֖י יוֹשֶׁ֣בֶת עֲרוֹעֵ֑ר שַׁאֲלִי־נָ֣ס וְנִמְלָ֔טָה אִמְרִ֖י מַה־נִּֽהְיָֽתָה׃

‎20 ‏הֹבִ֥ישׁ מוֹאָ֛ב כִּֽי־חַ֖תָּה הילילי הֵילִ֣ילוּ׀ וזעקי וּֽזְעָ֑קוּ הַגִּ֣ידוּ בְאַרְנ֔וֹן כִּ֥י שֻׁדַּ֖ד מוֹאָֽב׃

‎21 ‏וּמִשְׁפָּ֥ט בָּ֖א אֶל־אֶ֣רֶץ הַמִּישֹׁ֑ר אֶל־חֹל֥וֹן וְאֶל־יַ֖הְצָה וְעַל־מופעת מֵיפָֽעַת׃

‎22 ‏וְעַל־דִּיב֣וֹן וְעַל־נְב֔וֹ וְעַל־בֵּ֖ית דִּבְלָתָֽיִם׃

‎23 ‏וְעַ֧ל קִרְיָתַ֛יִם וְעַל־בֵּ֥ית גָּמ֖וּל וְעַל־בֵּ֥ית מְעֽוֹן׃

‎24 ‏וְעַל־קְרִיּ֖וֹת וְעַל־בָּצְרָ֑ה וְעַ֗ל כָּל־עָרֵי֙ אֶ֣רֶץ מוֹאָ֔ב הָרְחֹק֖וֹת וְהַקְּרֹבֽוֹת׃

‎25 ‏נִגְדְּעָה֙ קֶ֣רֶן מוֹאָ֔ב וּזְרֹע֖וֹ נִשְׁבָּ֑רָה נְאֻ֖ם יְהוָֽה׃

‎26 ‏הַשְׁכִּירֻ֕הוּ כִּ֥י עַל־יְהוָ֖ה הִגְדִּ֑יל וְסָפַ֤ק מוֹאָב֙ בְּקִיא֔וֹ וְהָיָ֥ה לִשְׂחֹ֖ק גַּם־הֽוּא׃

‎27 ‏וְאִ֣ם׀ ל֣וֹא הַשְּׂחֹ֗ק הָיָ֤ה לְךָ֙ יִשְׂרָאֵ֔ל אִם־בְּגַנָּבִ֖ים נמצאה נִמְצָ֑א כִּֽי־מִדֵּ֧י דְבָרֶ֥יךָ בּ֖וֹ תִּתְנוֹדָֽד׃

‎28 ‏עִזְב֤וּ עָרִים֙ וְשִׁכְנ֣וּ בַּסֶּ֔לַע יֹשְׁבֵ֖י מוֹאָ֑ב וִֽהְי֣וּ כְיוֹנָ֔ה תְּקַנֵּ֖ן בְּעֶבְרֵ֥י פִי־פָֽחַת׃

‎29 ‏שָׁמַ֥עְנוּ גְאוֹן־מוֹאָ֖ב גֵּאֶ֣ה מְאֹ֑ד גָּבְה֧וֹ וּגְאוֹנ֛וֹ וְגַאֲוָת֖וֹ וְרֻ֥ם לִבּֽוֹ׃

‎30 ‏אֲנִ֤י יָדַ֨עְתִּ֨י נְאֻם־יְהוָ֔ה עֶבְרָת֖וֹ וְלֹא־כֵ֑ן בַּדָּ֖יו לֹא־כֵ֥ן עָשֽׂוּ׃

‎31 ‏עַל־כֵּן֙ עַל־מוֹאָ֣ב אֲיֵלִ֔יל וּלְמוֹאָ֥ב כֻּלֹּ֖ה אֶזְעָ֑ק אֶל־אַנְשֵׁ֥י קִֽיר־חֶ֖רֶשׂ יֶהְגֶּֽה׃

‎32 ‏מִבְּכִ֨י יַעְזֵ֤ר אֶבְכֶּה־לָּךְ֙ הַגֶּ֣פֶן שִׂבְמָ֔ה נְטִֽישֹׁתַ֙יִךְ֙ עָ֣בְרוּ יָ֔ם עַ֛ד יָ֥ם יַעְזֵ֖ר נָגָ֑עוּ עַל־קֵיצֵ֥ךְ וְעַל־בְּצִירֵ֖ךְ שֹׁדֵ֖ד נָפָֽל׃

‎33 ‏וְנֶאֶסְפָ֨ה שִׂמְחָ֥ה וָגִ֛יל מִכַּרְמֶ֖ל וּמֵאֶ֣רֶץ מוֹאָ֑ב וְיַ֙יִן֙ מִיקָבִ֣ים הִשְׁבַּ֔תִּי לֹֽא־יִדְרֹ֣ךְ הֵידָ֔ד הֵידָ֖ד לֹ֥א הֵידָֽד׃

‎34 ‏מִזַּעֲקַ֨ת חֶשְׁבּ֜וֹן עַד־אֶלְעָלֵ֗ה עַד־יַ֙הַץ֙ נָתְנ֣וּ קוֹלָ֔ם מִצֹּ֙עַר֙ עַד־חֹ֣רֹנַ֔יִם עֶגְלַ֖ת שְׁלִֽשִׁיָּ֑ה כִּ֚י גַּם־מֵ֣י נִמְרִ֔ים לִמְשַׁמּ֖וֹת יִהְיֽוּ׃

‎35 ‏וְהִשְׁבַּתִּ֥י לְמוֹאָ֖ב נְאֻם־יְהוָ֑ה מַעֲלֶ֣ה בָמָ֔ה וּמַקְטִ֖יר לֵאלֹהָֽיו׃

‎36 ‏עַל־כֵּ֞ן לִבִּ֤י לְמוֹאָב֙ כַּחֲלִלִ֣ים יֶהֱמֶ֔ה וְלִבִּי֙ אֶל־אַנְשֵׁ֣י קִֽיר־חֶ֔רֶשׂ כַּחֲלִילִ֖ים יֶהֱמֶ֑ה עַל־כֵּ֛ן יִתְרַ֥ת עָשָׂ֖ה אָבָֽדוּ׃

‎37 ‏כִּ֤י כָל־רֹאשׁ֙ קָרְחָ֔ה וְכָל־זָקָ֖ן גְּרֻעָ֑ה עַ֤ל כָּל־יָדַ֙יִם֙ גְּדֻדֹ֔ת וְעַל־מָתְנַ֖יִם שָֽׂק׃

‎38 ‏עַ֣ל כָּל־גַּגּ֥וֹת מוֹאָ֛ב וּבִרְחֹבֹתֶ֖יהָ כֻּלֹּ֣ה מִסְפֵּ֑ד כִּֽי־שָׁבַ֣רְתִּי אֶת־מוֹאָ֗ב כִּכְלִ֛י אֵֽין־חֵ֥פֶץ בּ֖וֹ נְאֻם־יְהוָֽה׃

‎39 ‏אֵ֥יךְ חַ֙תָּה֙ הֵילִ֔ילוּ אֵ֛יךְ הִפְנָה־עֹ֥רֶף מוֹאָ֖ב בּ֑וֹשׁ וְהָיָ֥ה מוֹאָ֛ב לִשְׂחֹ֥ק וְלִמְחִתָּ֖ה לְכָל־סְבִיבָֽיו׃ ס

‎40 ‏כִּי־כֹה֙ אָמַ֣ר יְהוָ֔ה הִנֵּ֥ה כַנֶּ֖שֶׁר יִדְאֶ֑ה וּפָרַ֥שׂ כְּנָפָ֖יו אֶל־מוֹאָֽב׃

‎41 ‏נִלְכְּדָה֙ הַקְּרִיּ֔וֹת וְהַמְּצָד֖וֹת נִתְפָּ֑שָׂה וְֽ֠הָיָה לֵ֞ב גִּבּוֹרֵ֤י מוֹאָב֙ בַּיּ֣וֹם הַה֔וּא כְּלֵ֖ב אִשָּׁ֥ה מְצֵרָֽה׃

‎42 ‏וְנִשְׁמַ֥ד מוֹאָ֖ב מֵעָ֑ם כִּ֥י עַל־יְהוָ֖ה הִגְדִּֽיל׃

‎43 ‏פַּ֥חַד וָפַ֖חַת וָפָ֑ח עָלֶ֛יךָ יוֹשֵׁ֥ב מוֹאָ֖ב נְאֻם־יְהוָֽה׃

‎44 ‏הניס הַנָּ֞ס מִפְּנֵ֤י הַפַּ֙חַד֙ יִפֹּ֣ל אֶל־הַפַּ֔חַת וְהָֽעֹלֶה֙ מִן־הַפַּ֔חַת יִלָּכֵ֖ד בַּפָּ֑ח כִּֽי־אָבִ֨יא אֵלֶ֧יהָ אֶל־מוֹאָ֛ב שְׁנַ֥ת פְּקֻדָּתָ֖ם נְאֻם־יְהוָֽה׃

‎45 ‏בְּצֵ֥ל חֶשְׁבּ֛וֹן עָמְד֖וּ מִכֹּ֣חַ נָסִ֑ים כִּֽי־אֵ֞שׁ יָצָ֣א מֵחֶשְׁבּ֗וֹן וְלֶֽהָבָה֙ מִבֵּ֣ין סִיח֔וֹן וַתֹּ֙אכַל֙ פְּאַ֣ת מוֹאָ֔ב וְקָדְקֹ֖ד בְּנֵ֥י שָׁאֽוֹן׃

‎46 ‏אוֹי־לְךָ֣ מוֹאָ֔ב אָבַ֖ד עַם־כְּמ֑וֹשׁ כִּֽי־לֻקְּח֤וּ בָנֶ֙יךָ֙ בַּשֶּׁ֔בִי וּבְנֹתֶ֖יךָ בַּשִּׁבְיָֽה׃

‎47 ‏וְשַׁבְתִּ֧י שְׁבוּת־מוֹאָ֛ב בְּאַחֲרִ֥ית הַיָּמִ֖ים נְאֻם־יְהוָ֑ה עַד־הֵ֖נָּה מִשְׁפַּ֥ט מוֹאָֽב׃ ס

1 ləmwō’āḇ kōh-’āmar yəhwâ ṣəḇā’wōṯ ’ĕlōhê yiśərā’ēl hwōy ’el-nəḇwō kî šudāḏâ hōḇîšâ niləkəḏâ qirəyāṯāyim hōḇîšâ hammiśəgāḇ wāḥātâ:

2 ’ên ‘wōḏ təhillaṯ mwō’āḇ bəḥešəbwōn ḥāšəḇû ‘āleyhā rā‘â ləḵû wənaḵərîṯennâ migwōy gam-maḏəmēn tidōmmî ’^aḥărayiḵə tēleḵə ḥāreḇ:

3 qwōl ṣə‘āqâ mēḥōrwōnāyim šōḏ wāšeḇer gāḏwōl:

4 nišəbərâ mwō’āḇ hišəmî‘û zzə‘āqâ ṣə‘wōreyhā ṣə‘îreyhā:

5 kî m^a‘ălēh halluḥwōṯ hallûḥîṯ³ biḇəḵî y^a‘ăleh-beḵî kî bəmwōraḏ ḥwōrōnayim ṣārê ṣ^a‘ăqaṯ-šeḇer šāmē‘û:

6 nusû malləṭû nafəšəḵem wəṯihəyeynâ k^a‘ărwō‘ēr bammiḏəbār:

7 kî y^a‘an biṭəḥēḵə bəm^a‘ăśayiḵə ûḇə’wōṣərwōṯayiḵə gam-’atə tillāḵēḏî wəyāṣā’ ḵəmîš ḵəmwōš bagwōlâ kōhănāyw wəśārāyw y^aḥaḏ y^aḥədāyw:

8 wəyāḇō’ šōḏēḏ ’el-kāl-‘îr wə‘îr lō’ ṯimmālēṭ wə’āḇaḏ hā‘ēmeq wənišəmaḏ hammîšōr ’ăšer ’āmar yəhwâ:

9 tənû-ṣîṣ ləmwō’āḇ kî nāṣō’ tēṣē’ wə‘āreyhā ləšammâ ṯihəyeynâ mē’ên ywōšēḇ bâēn:

10 ’ārûr ‘ōśeh məle’ḵeṯ yəhwâ rəmîyâ wə’ārûr mōnē‘a ḥarəbwō midām:

11 ša’ănan mwō’āḇ minnə‘ûrāyw wəšōqēṭ hû’ ’el-šəmārāyw wəlō’-hûraq mikəlî ’el-kelî ûḇagwōlâ lō’ hālāḵə ‘al-kēn ‘āmaḏ ṭ^a‘əmwō bwō wərêḥwō lō’ nāmār: s

12 lāḵēn hinnēh-yāmîm bā’îm nə’um-yəhwâ wəšill^aḥətî-lwō ṣō‘îm wəṣē‘uhû wəḵēlāyw yārîqû wəniḇəlêhem yənapēṣû:

13 ûḇōš mwō’āḇ mikəmwōš ka’ăšer-bōšû bêṯ yiśərā’ēl mibêṯ ’ēl miḇəṭeḥām:

14 ’êḵə tō’mərû gibwōrîm ’ănāḥənû wə’anəšê-ḥayil lammiləḥāmâ:

15 šudaḏ mwō’āḇ wə‘āreyhā ‘ālâ ûmiḇəḥar b^aḥûrāyw yārəḏû laṭṭāḇ^aḥ nə’um-hammeleḵə yəhwâ ṣəḇā’wōṯ šəmwō:

16 qārwōḇ ’êḏ-mwō’āḇ lāḇwō’ wərā‘āṯwō mihărâ mə’ōḏ:

17 nuḏû lwō kāl-səḇîḇāyw wəḵōl yōḏə‘ê šəmwō ’imərû ’êḵâ nišəbar maṭṭēh-‘ōz maqqēl tifə’ārâ:

18 rəḏî mikāḇwōḏ yōšəḇey ûšəḇî ḇaṣṣāmā’ yōšeḇeṯ baṯ-dîḇwōn kî-šōḏēḏ mwō’āḇ ‘ālâ ḇāḵə šiḥēṯ miḇəṣārāyiḵə:

19 ’el-dereḵə ‘iməḏî wəṣapî ywōšeḇeṯ ‘ărwō‘ēr ša’ălî-nās wəniməlāṭâ ’imərî mah-nnihəyāṯâ:

20 hōḇîš mwō’āḇ kî-ḥatâ hêlîlî hêlîlû| ûzə‘āqî ûzə‘āqû hagîḏû ḇə’arənwōn kî šudaḏ mwō’āḇ:

21 ûmišəpāṭ bā’ ’el-’ereṣ hammîšōr ’el-ḥōlwōn wə’el-yahəṣâ wə‘al-mwōfā‘aṯ mêfā‘aṯ:

22 wə‘al-dîḇwōn wə‘al-nəḇwō wə‘al-bêṯ diḇəlāṯāyim:

23 wə‘al qirəyāṯayim wə‘al-bêṯ gāmûl wə‘al-bêṯ mə‘wōn:

24 wə‘al-qərîywōṯ wə‘al-bāṣərâ wə‘al kāl-‘ārê ’ereṣ mwō’āḇ hārəḥōqwōṯ wəhaqqərōḇwōṯ:

25 niḡədə‘â qeren mwō’āḇ ûzərō‘wō nišəbārâ nə’um yəhwâ:

26 hašəkîruhû kî ‘al-yəhwâ hiḡədîl wəsāfaq mwō’āḇ bəqî’wō wəhāyâ liśəḥōq gam-hû’:

27 wə’im| lwō’ haśśəḥōq hāyâ ləḵā yiśərā’ēl ’im-bəḡannāḇîm niməṣā’â niməṣā’ kî-midê ḏəḇāreyḵā bwō tiṯənwōḏāḏ:

28 ‘izəḇû ‘ārîm wəšiḵənû bassel^a‘ yōšəḇê mwō’āḇ wihəyû ḵəywōnâ təqannēn bə‘eḇərê fî-fāḥaṯ:

29 šām^a‘ənû ḡə’wōn-mwō’āḇ gē’eh mə’ōḏ gāḇəhwō ûḡə’wōnwō wəḡa’ăwāṯwō wərum libwō:

30 ’ănî yāḏ^a‘ətî nə’um-yəhwâ ‘eḇərāṯwō wəlō’-ḵēn badāyw lō’-ḵēn ‘āśû:

31 ‘al-kēn ‘al-mwō’āḇ ’ăyēlîl ûləmwō’āḇ kullōh ’ezə‘āq ’el-’anəšê qîr-ḥereś yehəgeh:

32 mibəḵî y^a‘əzēr ’eḇəkeh-llāḵə hagefen śiḇəmâ nəṭîšōṯayiḵə ‘āḇərû yām ‘aḏ yām y^a‘əzēr nāḡā‘û ‘al-qêṣēḵə wə‘al-bəṣîrēḵə šōḏēḏ nāfāl:

33 wəne’esəfâ śiməḥâ wāḡîl mikarəmel ûmē’ereṣ mwō’āḇ wəyayin mîqāḇîm hišəbatî lō’-yiḏərōḵə hêḏāḏ hêḏāḏ lō’ hêḏāḏ:

34 mizz^a‘ăqaṯ ḥešəbwōn ‘aḏ-’elə‘ālēh ‘aḏ-yahaṣ nāṯənû qwōlām miṣṣō‘ar ‘aḏ-ḥōrōnayim ‘eḡəlaṯ šəlišîyâ kî gam-mê nimərîm liməšammwōṯ yihəyû:

35 wəhišəbatî ləmwō’āḇ nə’um-yəhwâ m^a‘ăleh ḇāmâ ûmaqəṭîr lē’lōhāyw:

36 ‘al-kēn libî ləmwō’āḇ k^aḥălilîm yehĕmeh wəlibî ’el-’anəšê qîr-ḥereś k^aḥălîlîm yehĕmeh ‘al-kēn yiṯəraṯ ‘āśâ ’āḇāḏû:

37 kî ḵāl-rō’š qārəḥâ wəḵāl-zāqān gəru‘â ‘al kāl-yāḏayim gəḏuḏōṯ wə‘al-māṯənayim śāq:

38 ‘al kāl-gagwōṯ mwō’āḇ ûḇirəḥōḇōṯeyhā kullōh misəpēḏ kî-šāḇarətî ’eṯ-mwō’āḇ kiḵəlî ’ên-ḥēfeṣ bwō nə’um-yəhwâ:

39 ’êḵə ḥatâ hêlîlû ’êḵə hifənâ-‘ōref mwō’āḇ bwōš wəhāyâ mwō’āḇ liśəḥōq wəliməḥitâ ləḵāl-səḇîḇāyw: s

40 kî-ḵōh ’āmar yəhwâ hinnēh ḵannešer yiḏə’eh ûfāraś kənāfāyw ’el-mwō’āḇ:

41 niləkəḏâ haqqərîywōṯ wəhamməṣāḏwōṯ niṯəpāśâ wəhāyâ lēḇ gibwōrê mwō’āḇ bayywōm hahû’ kəlēḇ ’iššâ məṣērâ:

42 wənišəmaḏ mwō’āḇ mē‘ām kî ‘al-yəhwâ hiḡədîl:

43 p^aḥaḏ wāf^aḥaṯ wāfāḥ ‘āleyḵā ywōšēḇ mwō’āḇ nə’um-yəhwâ:

44 hannîs hannās mipənê hap^aḥaḏ yipōl ’el-hap^aḥaṯ wəhā‘ōleh min-hap^aḥaṯ yillāḵēḏ bapāḥ kî-’āḇî’ ’ēleyhā ’el-mwō’āḇ šənaṯ pəqudāṯām nə’um-yəhwâ:

45 bəṣēl ḥešəbwōn ‘āməḏû mikōḥa nāsîm kî-’ēš yāṣā’ mēḥešəbwōn wəlehāḇâ mibên sîḥwōn watō’ḵal pə’aṯ mwō’āḇ wəqāḏəqōḏ bənê šā’wōn:

46 ’wōy-ləḵā mwō’āḇ ’āḇaḏ ‘am-kəmwōš kî-luqqəḥû ḇāneyḵā baššeḇî ûḇənōṯeyḵā baššiḇəyâ:

47 wəšaḇətî šəḇûṯ-mwō’āḇ bə’^aḥărîṯ hayyāmîm nə’um-yəhwâ ‘aḏ-hēnnâ mišəpaṭ mwō’āḇ: s

‎1 ‏לִבְנֵ֣י עַמּ֗וֹן כֹּ֚ה אָמַ֣ר יְהוָ֔ה הֲבָנִ֥ים אֵין֙ לְיִשְׂרָאֵ֔ל אִם־יוֹרֵ֖שׁ אֵ֣ין ל֑וֹ מַדּ֗וּעַ יָרַ֤שׁ מַלְכָּם֙ אֶת־גָּ֔ד וְעַמּ֖וֹ בְּעָרָ֥יו יָשָֽׁב׃

‎2 ‏לָכֵ֡ן הִנֵּה֩ יָמִ֨ים בָּאִ֜ים נְאֻם־יְהוָ֗ה וְ֠הִשְׁמַעְתִּי אֶל־רַבַּ֨ת בְּנֵי־עַמּ֜וֹן תְּרוּעַ֣ת מִלְחָמָ֗ה וְהָֽיְתָה֙ לְתֵ֣ל שְׁמָמָ֔ה וּבְנֹתֶ֖יהָ בָּאֵ֣שׁ תִּצַּ֑תְנָה וְיָרַ֧שׁ יִשְׂרָאֵ֛ל אֶת־יֹרְשָׁ֖יו אָמַ֥ר יְהוָֽה׃

‎3 ‏הֵילִ֨ילִי חֶשְׁבּ֜וֹן כִּ֣י שֻׁדְּדָה־עַ֗י צְעַקְנָה֮ בְּנ֣וֹת רַבָּה֒ חֲגֹ֣רְנָה שַׂקִּ֔ים סְפֹ֕דְנָה וְהִתְשׁוֹטַ֖טְנָה בַּגְּדֵר֑וֹת כִּ֤י מַלְכָּם֙ בַּגּוֹלָ֣ה יֵלֵ֔ךְ כֹּהֲנָ֥יו וְשָׂרָ֖יו יַחְדָּֽיו׃

‎4 ‏מַה־תִּתְהַֽלְלִי֙ בָּֽעֲמָקִ֔ים זָ֣ב עִמְקֵ֔ךְ הַבַּ֖ת הַשּֽׁוֹבֵבָ֑ה הַבֹּֽטְחָה֙ בְּאֹ֣צְרֹתֶ֔יהָ מִ֖י יָב֥וֹא אֵלָֽי׃

‎5 ‏הִנְנִי֩ מֵבִ֨יא עָלַ֜יִךְ פַּ֗חַד נְאֻם־אֲדֹנָ֧י יְהוִ֛ה צְבָא֖וֹת מִכָּל־סְבִיבָ֑יִךְ וְנִדַּחְתֶּם֙ אִ֣ישׁ לְפָנָ֔יו וְאֵ֥ין מְקַבֵּ֖ץ לַנֹּדֵֽד׃

‎6 ‏וְאַחֲרֵי־כֵ֗ן אָשִׁ֛יב אֶת־שְׁב֥וּת בְּנֵֽי־עַמּ֖וֹן נְאֻם־יְהוָֽה׃ ס

‎7 ‏לֶאֱד֗וֹם כֹּ֤ה אָמַר֙ יְהוָ֣ה צְבָא֔וֹת הַאֵ֥ין ע֛וֹד חָכְמָ֖ה בְּתֵימָ֑ן אָבְדָ֤ה עֵצָה֙ מִבָּנִ֔ים נִסְרְחָ֖ה חָכְמָתָֽם׃

‎8 ‏נֻ֤סוּ הָפְנוּ֙ הֶעְמִ֣יקוּ לָשֶׁ֔בֶת יֹשְׁבֵ֖י דְּדָ֑ן כִּ֣י אֵ֥יד עֵשָׂ֛ו הֵבֵ֥אתִי עָלָ֖יו עֵ֥ת פְּקַדְתִּֽיו׃

‎9 ‏אִם־בֹּֽצְרִים֙ בָּ֣אוּ לָ֔ךְ לֹ֥א יַשְׁאִ֖רוּ עֽוֹלֵל֑וֹת אִם־גַּנָּבִ֥ים בַּלַּ֖יְלָה הִשְׁחִ֥יתוּ דַיָּֽם׃

‎10 ‏כִּֽי־אֲנִ֞י חָשַׂ֣פְתִּי אֶת־עֵשָׂ֗ו גִּלֵּ֙יתִי֙ אֶת־מִסְתָּרָ֔יו וְנֶחְבָּ֖ה לֹ֣א יוּכָ֑ל שֻׁדַּ֥ד זַרְע֛וֹ וְאֶחָ֥יו וּשְׁכֵנָ֖יו וְאֵינֶֽנּוּ׃

‎11 ‏עָזְבָ֥ה יְתֹמֶ֖יךָ אֲנִ֣י אֲחַיֶּ֑ה וְאַלְמְנֹתֶ֖יךָ עָלַ֥י תִּבְטָֽחוּ׃ ס

‎12 ‏כִּי־כֹ֣ה׀ אָמַ֣ר יְהוָ֗ה הִ֠נֵּה אֲשֶׁר־אֵ֨ין מִשְׁפָּטָ֜ם לִשְׁתּ֤וֹת הַכּוֹס֙ שָׁת֣וֹ יִשְׁתּ֔וּ וְאַתָּ֣ה ה֔וּא נָקֹ֖ה תִּנָּקֶ֑ה לֹ֣א תִנָּקֶ֔ה כִּ֥י שָׁתֹ֖ה תִּשְׁתֶּֽה׃

‎13 ‏כִּ֣י בִ֤י נִשְׁבַּ֙עְתִּי֙ נְאֻם־יְהוָ֔ה כִּֽי־לְשַׁמָּ֧ה לְחֶרְפָּ֛ה לְחֹ֥רֶב וְלִקְלָלָ֖ה תִּֽהְיֶ֣ה בָצְרָ֑ה וְכָל־עָרֶ֥יהָ תִהְיֶ֖ינָה לְחָרְב֥וֹת עוֹלָֽם׃

‎14 ‏שְׁמוּעָ֤ה שָׁמַ֙עְתִּי֙ מֵאֵ֣ת יְהוָ֔ה וְצִ֖יר בַּגּוֹיִ֣ם שָׁל֑וּחַ הִֽתְקַבְּצוּ֙ וּבֹ֣אוּ עָלֶ֔יהָ וְק֖וּמוּ לַמִּלְחָמָֽה׃

‎15 ‏כִּֽי־הִנֵּ֥ה קָטֹ֛ן נְתַתִּ֖יךָ בַּגּוֹיִ֑ם בָּז֖וּי בָּאָדָֽם׃

‎16 ‏תִּֽפְלַצְתְּךָ֞ הִשִּׁ֤יא אֹתָךְ֙ זְד֣וֹן לִבֶּ֔ךָ שֹֽׁכְנִי֙ בְּחַגְוֵ֣י הַסֶּ֔לַע תֹּפְשִׂ֖י מְר֣וֹם גִּבְעָ֑ה כִּֽי־תַגְבִּ֤יהַ כַּנֶּ֙שֶׁר֙ קִנֶּ֔ךָ מִשָּׁ֥ם אֽוֹרִידְךָ֖ נְאֻם־יְהוָֽה׃

‎17 ‏וְהָיְתָ֥ה אֱד֖וֹם לְשַׁמָּ֑ה כֹּ֚ל עֹבֵ֣ר עָלֶ֔יהָ יִשֹּׁ֥ם וְיִשְׁרֹ֖ק עַל־כָּל־מַכּוֹתֶֽהָ׃

‎18 ‏כְּֽמַהְפֵּכַ֞ת סְדֹ֧ם וַעֲמֹרָ֛ה וּשְׁכֵנֶ֖יהָ אָמַ֣ר יְהוָ֑ה לֹֽא־יֵשֵׁ֥ב שָׁם֙ אִ֔ישׁ וְלֹֽא־יָג֥וּר בָּ֖הּ בֶּן־אָדָֽם׃

‎19 ‏הִ֠נֵּה כְּאַרְיֵ֞ה יַעֲלֶ֨ה מִגְּא֣וֹן הַיַּרְדֵּן֮ אֶל־נְוֵ֣ה אֵיתָן֒ כִּֽי־אַרְגִּ֤יעָה אֲרִיצֶ֨נּוּ מֵֽעָלֶ֔יהָ וּמִ֥י בָח֖וּר אֵלֶ֣יהָ אֶפְקֹ֑ד כִּ֣י מִ֤י כָמ֙וֹנִי֙ וּמִ֣י יֹעִידֶ֔נִּי וּמִי־זֶ֣ה רֹעֶ֔ה אֲשֶׁ֥ר יַעֲמֹ֖ד לְפָנָֽי׃ ס

‎20 ‏לָכֵ֞ן שִׁמְע֣וּ עֲצַת־יְהוָ֗ה אֲשֶׁ֤ר יָעַץ֙ אֶל־אֱד֔וֹם וּמַ֨חְשְׁבוֹתָ֔יו אֲשֶׁ֥ר חָשַׁ֖ב אֶל־יֹשְׁבֵ֣י תֵימָ֑ן אִם־לֹ֤א יִסְחָבוּם֙ צְעִירֵ֣י הַצֹּ֔אן אִם־לֹ֥א יַשִּׁ֛ים עֲלֵיהֶ֖ם נְוֵהֶֽם׃

‎21 ‏מִקּ֣וֹל נִפְלָ֔ם רָעֲשָׁ֖ה הָאָ֑רֶץ צְעָקָ֕ה בְּיַם־ס֖וּף נִשְׁמַ֥ע קוֹלָֽהּ׃

‎22 ‏הִנֵּ֤ה כַנֶּ֙שֶׁר֙ יַעֲלֶ֣ה וְיִדְאֶ֔ה וְיִפְרֹ֥שׂ כְּנָפָ֖יו עַל־בָּצְרָ֑ה וְֽ֠הָיָה לֵ֞ב גִּבּוֹרֵ֤י אֱדוֹם֙ בַּיּ֣וֹם הַה֔וּא כְּלֵ֖ב אִשָּׁ֥ה מְצֵרָֽה׃ ס

‎23 ‏לְדַמֶּ֗שֶׂק בּ֤וֹשָֽׁה חֲמָת֙ וְאַרְפָּ֔ד כִּי־שְׁמֻעָ֥ה רָעָ֛ה שָׁמְע֖וּ נָמֹ֑גוּ בַּיָּ֣ם דְּאָגָ֔ה הַשְׁקֵ֖ט לֹ֥א יוּכָֽל׃

‎24 ‏רָפְתָ֥ה דַמֶּ֛שֶׂק הִפְנְתָ֥ה לָנ֖וּס וְרֶ֣טֶט׀ הֶחֱזִ֑יקָה צָרָ֧ה וַחֲבָלִ֛ים אֲחָזַ֖תָּה כַּיּוֹלֵדָֽה׃

‎25 ‏אֵ֥יךְ לֹֽא־עֻזְּבָ֖ה עִ֣יר תהלה תְּהִלָּ֑ת קִרְיַ֖ת מְשׂוֹשִֽׂי׃

‎26 ‏לָכֵ֛ן יִפְּל֥וּ בַחוּרֶ֖יהָ בִּרְחֹבֹתֶ֑יהָ וְכָל־אַנְשֵׁ֨י הַמִּלְחָמָ֤ה יִדַּ֙מּוּ֙ בַּיּ֣וֹם הַה֔וּא נְאֻ֖ם יְהוָ֥ה צְבָאֽוֹת׃

‎27 ‏וְהִצַּ֥תִּי אֵ֖שׁ בְּחוֹמַ֣ת דַּמָּ֑שֶׂק וְאָכְלָ֖ה אַרְמְנ֥וֹת בֶּן־הֲדָֽד׃ ס

‎28 ‏לְקֵדָ֣ר׀ וּֽלְמַמְלְכ֣וֹת חָצ֗וֹר אֲשֶׁ֤ר הִכָּה֙ נבוכדראצור נְבֽוּכַדְרֶאצַּ֣ר מֶֽלֶךְ־בָּבֶ֔ל כֹּ֖ה אָמַ֣ר יְהוָ֑ה ק֚וּמוּ עֲל֣וּ אֶל־קֵדָ֔ר וְשָׁדְד֖וּ אֶת־בְּנֵי־קֶֽדֶם׃

‎29 ‏אָהֳלֵיהֶ֤ם וְצֹאנָם֙ יִקָּ֔חוּ יְרִיעוֹתֵיהֶ֧ם וְכָל־כְּלֵיהֶ֛ם וּגְמַלֵּיהֶ֖ם יִשְׂא֣וּ לָהֶ֑ם וְקָרְא֧וּ עֲלֵיהֶ֛ם מָג֖וֹר מִסָּבִֽיב׃

‎30 ‏נֻסוּ֩ נֻּ֨דוּ מְאֹ֜ד הֶעְמִ֧יקוּ לָשֶׁ֛בֶת יֹשְׁבֵ֥י חָצ֖וֹר נְאֻם־יְהוָ֑ה כִּֽי־יָעַ֨ץ עֲלֵיכֶ֜ם נְבוּכַדְרֶאצַּ֤ר מֶֽלֶךְ־בָּבֶל֙ עֵצָ֔ה וְחָשַׁ֥ב עליהם עֲלֵיכֶ֖ם מַחֲשָׁבָֽה׃

‎31 ‏ק֣וּמוּ עֲל֗וּ אֶל־גּ֥וֹי שְׁלֵ֛יו יוֹשֵׁ֥ב לָבֶ֖טַח נְאֻם־יְהוָ֑ה לֹא־דְלָתַ֧יִם וְלֹֽא־בְרִ֛יחַ ל֖וֹ בָּדָ֥ד יִשְׁכֹּֽנוּ׃

‎32 ‏וְהָי֨וּ גְמַלֵּיהֶ֜ם לָבַ֗ז וַהֲמ֤וֹן מִקְנֵיהֶם֙ לְשָׁלָ֔ל וְזֵרִתִ֥ים לְכָל־ר֖וּחַ קְצוּצֵ֣י פֵאָ֑ה וּמִכָּל־עֲבָרָ֛יו אָבִ֥יא אֶת־אֵידָ֖ם נְאֻם־יְהוָֽה׃

‎33 ‏וְהָיְתָ֨ה חָצ֜וֹר לִמְע֥וֹן תַּנִּ֛ים שְׁמָמָ֖ה עַד־עוֹלָ֑ם לֹֽא־יֵשֵׁ֥ב שָׁם֙ אִ֔ישׁ וְלֹֽא־יָג֥וּר בָּ֖הּ בֶּן־אָדָֽם׃ ס

‎34 ‏אֲשֶׁ֨ר הָיָ֧ה דְבַר־יְהוָ֛ה אֶל־יִרְמְיָ֥הוּ הַנָּבִ֖יא אֶל־עֵילָ֑ם בְּרֵאשִׁ֗ית מַלְכ֛וּת צִדְקִיָּ֥ה מֶֽלֶךְ־יְהוּדָ֖ה לֵאמֹֽר׃

‎35 ‏כֹּ֤ה אָמַר֙ יְהוָ֣ה צְבָא֔וֹת הִנְנִ֥י שֹׁבֵ֖ר אֶת־קֶ֣שֶׁת עֵילָ֑ם רֵאשִׁ֖ית גְּבוּרָתָֽם׃

‎36 ‏וְהֵבֵאתִ֨י אֶל־עֵילָ֜ם אַרְבַּ֣ע רוּח֗וֹת מֵֽאַרְבַּע֙ קְצ֣וֹת הַשָּׁמַ֔יִם וְזֵ֣רִתִ֔ים לְכֹ֖ל הָרֻח֣וֹת הָאֵ֑לֶּה וְלֹֽא־יִהְיֶ֣ה הַגּ֔וֹי אֲשֶׁ֛ר לֹֽא־יָב֥וֹא שָׁ֖ם נִדְּחֵ֥י עולם עֵילָֽם׃

‎37 ‏וְהַחְתַּתִּ֣י אֶת־עֵ֠ילָם לִפְנֵ֨י אֹיְבֵיהֶ֜ם וְלִפְנֵ֣י׀ מְבַקְשֵׁ֣י נַפְשָׁ֗ם וְהֵבֵאתִ֨י עֲלֵיהֶ֧ם׀ רָעָ֛ה אֶת־חֲר֥וֹן אַפִּ֖י נְאֻם־יְהוָ֑ה וְשִׁלַּחְתִּ֤י אַֽחֲרֵיהֶם֙ אֶת־הַחֶ֔רֶב עַ֥ד כַּלּוֹתִ֖י אוֹתָֽם׃

‎38 ‏וְשַׂמְתִּ֥י כִסְאִ֖י בְּעֵילָ֑ם וְהַאֲבַדְתִּ֥י מִשָּׁ֛ם מֶ֥לֶךְ וְשָׂרִ֖ים נְאֻם־יְהוָֽה׃

‎39 ‏וְהָיָ֣ה׀ בְּאַחֲרִ֣ית הַיָּמִ֗ים אשוב אָשִׁ֛יב אֶת־שבית שְׁב֥וּת עֵילָ֖ם נְאֻם־יְהוָֽה׃ ס

1 liḇənê ‘ammwōn kōh ’āmar yəhwâ hăḇānîm ’ên ləyiśərā’ēl ’im-ywōrēš ’ên lwō madû‘a yāraš maləkām ’eṯ-gāḏ wə‘ammwō bə‘ārāyw yāšāḇ:

2 lāḵēn hinnēh yāmîm bā’îm nə’um-yəhwâ wəhišəm^a‘ətî ’el-rabaṯ bənê-‘ammwōn tərû‘aṯ miləḥāmâ wəhāyəṯâ ləṯēl šəmāmâ ûḇənōṯeyhā bā’ēš tiṣṣaṯənâ wəyāraš yiśərā’ēl ’eṯ-yōrəšāyw ’āmar yəhwâ:

3 hêlîlî ḥešəbwōn kî šudəḏâ-‘ay ṣə‘aqənâ bənwōṯ rabâ ḥăḡōrənâ śaqqîm səfōḏənâ wəhiṯəšwōṭaṭənâ bagəḏērwōṯ kî maləkām bagwōlâ yēlēḵə kōhănāyw wəśārāyw y^aḥədāyw:

4 mah-tiṯəhaləlî bā‘ămāqîm zāḇ ‘iməqēḵə habaṯ haššwōḇēḇâ habōṭəḥâ bə’ōṣərōṯeyhā mî yāḇwō’ ’ēlāy:

5 hinənî mēḇî’ ‘ālayiḵə p^aḥaḏ nə’um-’ăḏōnāy yəhwih ṣəḇā’wōṯ mikāl-səḇîḇāyiḵə wənid^aḥətem ’îš ləfānāyw wə’ên məqabēṣ lannōḏēḏ:

6 wə’^aḥărê-ḵēn ’āšîḇ ’eṯ-šəḇûṯ bənê-‘ammwōn nə’um-yəhwâ: s

7 le’ĕḏwōm kōh ’āmar yəhwâ ṣəḇā’wōṯ ha’ên ‘wōḏ ḥāḵəmâ bəṯêmān ’āḇəḏâ ‘ēṣâ mibānîm nisərəḥâ ḥāḵəmāṯām:

8 nusû hāfənû he‘əmîqû lāšeḇeṯ yōšəḇê dəḏān kî ’êḏ ‘ēśāw hēḇē’ṯî ‘ālāyw ‘ēṯ pəqaḏətîw:

9 ’im-bōṣərîm bā’û lāḵə lō’ yašə’irû ‘wōlēlwōṯ ’im-gannāḇîm ballayəlâ hišəḥîṯû ḏayyām:

10 kî-’ănî ḥāśafətî ’eṯ-‘ēśāw gillêṯî ’eṯ-misətārāyw wəneḥəbâ lō’ yûḵāl šudaḏ zarə‘wō wə’eḥāyw ûšəḵēnāyw wə’ênennû:

11 ‘āzəḇâ yəṯōmeyḵā ’ănî ’ăḥayyeh wə’aləmənōṯeyḵā ‘ālay tiḇəṭāḥû: s

12 kî-ḵōh| ’āmar yəhwâ hinnēh ’ăšer-’ên mišəpāṭām lišətwōṯ hakwōs šāṯwō yišətû wə’atâ hû’ nāqōh tinnāqeh lō’ ṯinnāqeh kî šāṯōh tišəteh:

13 kî ḇî nišəb^a‘ətî nə’um-yəhwâ kî-ləšammâ ləḥerəpâ ləḥōreḇ wəliqəlālâ tihəyeh ḇāṣərâ wəḵāl-‘āreyhā ṯihəyeynâ ləḥārəḇwōṯ ‘wōlām:

14 šəmû‘â šām^a‘ətî mē’ēṯ yəhwâ wəṣîr bagwōyim šālûḥa hiṯəqabəṣû ûḇō’û ‘āleyhā wəqûmû lammiləḥāmâ:

15 kî-hinnēh qāṭōn nəṯatîḵā bagwōyim bāzûy bā’āḏām:

16 tifəlaṣətəḵā hiššî’ ’ōṯāḵə zəḏwōn libeḵā šōḵənî bəḥaḡəwê hassel^a‘ tōfəśî mərwōm giḇə‘â kî-ṯaḡəbîha kannešer qinneḵā miššām ’wōrîḏəḵā nə’um-yəhwâ:

17 wəhāyəṯâ ’ĕḏwōm ləšammâ kōl ‘ōḇēr ‘āleyhā yiššōm wəyišərōq ‘al-kāl-makwōṯehā:

18 kəmahəpēḵaṯ səḏōm w^a‘ămōrâ ûšəḵēneyhā ’āmar yəhwâ lō’-yēšēḇ šām ’îš wəlō’-yāḡûr bāh ben-’āḏām:

19 hinnēh kə’arəyēh y^a‘ăleh migə’wōn hayyarədēn ’el-nəwēh ’êṯān kî-’arəgî‘â ’ărîṣennû mē‘āleyhā ûmî ḇāḥûr ’ēleyhā ’efəqōḏ kî mî ḵāmwōnî ûmî yō‘îḏennî ûmî-zeh rō‘eh ’ăšer y^a‘ămōḏ ləfānāy: s

20 lāḵēn šimə‘û ‘ăṣaṯ-yəhwâ ’ăšer yā‘aṣ ’el-’ĕḏwōm ûm^aḥəšəḇwōṯāyw ’ăšer ḥāšaḇ ’el-yōšəḇê ṯêmān ’im-lō’ yisəḥāḇûm ṣə‘îrê haṣṣō’n ’im-lō’ yaššîm ‘ălêhem nəwēhem:

21 miqqwōl nifəlām rā‘ăšâ hā’āreṣ ṣə‘āqâ bəyam-sûf nišəm^a‘ qwōlāh:

22 hinnēh ḵannešer y^a‘ăleh wəyiḏə’eh wəyifərōś kənāfāyw ‘al-bāṣərâ wəhāyâ lēḇ gibwōrê ’ĕḏwōm bayywōm hahû’ kəlēḇ ’iššâ məṣērâ: s

23 ləḏammeśeq bwōšâ ḥămāṯ wə’arəpāḏ kî-šəmu‘â rā‘â šāmə‘û nāmōḡû bayyām də’āḡâ hašəqēṭ lō’ yûḵāl:

24 rāfəṯâ ḏammeśeq hifənəṯâ lānûs wəreṭeṭ| heḥĕzîqâ ṣārâ w^aḥăḇālîm ’ăḥāzatâ kayywōlēḏâ:

25 ’êḵə lō’-‘uzzəḇâ ‘îr təhillâ təhillāṯ qirəyaṯ məśwōśî:

26 lāḵēn yipəlû ḇ^aḥûreyhā birəḥōḇōṯeyhā wəḵāl-’anəšê hammiləḥāmâ yidammû bayywōm hahû’ nə’um yəhwâ ṣəḇā’wōṯ:

27 wəhiṣṣatî ’ēš bəḥwōmaṯ dammāśeq wə’āḵəlâ ’arəmənwōṯ ben-hăḏāḏ: s

28 ləqēḏār| ûləmamələḵwōṯ ḥāṣwōr ’ăšer hikâ nəḇûḵaḏəre’ṣṣwōr nəḇûḵaḏəre’ṣṣar meleḵə-bāḇel kōh ’āmar yəhwâ qûmû ‘ălû ’el-qēḏār wəšāḏəḏû ’eṯ-bənê-qeḏem:

29 ’âŏlêhem wəṣō’nām yiqqāḥû yərî‘wōṯêhem wəḵāl-kəlêhem ûḡəmallêhem yiśə’û lâem wəqārə’û ‘ălêhem māḡwōr missāḇîḇ:

30 nusû nnuḏû mə’ōḏ he‘əmîqû lāšeḇeṯ yōšəḇê ḥāṣwōr nə’um-yəhwâ kî-yā‘aṣ ‘ălêḵem nəḇûḵaḏəre’ṣṣar meleḵə-bāḇel ‘ēṣâ wəḥāšaḇ ‘ălêhem ‘ălêḵem m^aḥăšāḇâ:

31 qûmû ‘ălû ’el-gwōy šəlêw ywōšēḇ lāḇeṭ^aḥ nə’um-yəhwâ lō’-ḏəlāṯayim wəlō’-ḇərîḥa lwō bāḏāḏ yišəkōnû:

32 wəhāyû ḡəmallêhem lāḇaz wahămwōn miqənêhem ləšālāl wəzēriṯîm ləḵāl-rûḥa qəṣûṣê fē’â ûmikāl-‘ăḇārāyw ’āḇî’ ’eṯ-’êḏām nə’um-yəhwâ:

33 wəhāyəṯâ ḥāṣwōr limə‘wōn tannîm šəmāmâ ‘aḏ-‘wōlām lō’-yēšēḇ šām ’îš wəlō’-yāḡûr bāh ben-’āḏām: s

34 ’ăšer hāyâ ḏəḇar-yəhwâ ’el-yirəməyâû hannāḇî’ ’el-‘êlām bərē’šîṯ maləḵûṯ ṣiḏəqîyâ meleḵə-yəhûḏâ lē’mōr:

35 kōh ’āmar yəhwâ ṣəḇā’wōṯ hinənî šōḇēr ’eṯ-qešeṯ ‘êlām rē’šîṯ gəḇûrāṯām:

36 wəhēḇē’ṯî ’el-‘êlām ’arəb^a‘ rûḥwōṯ mē’arəb^a‘ qəṣwōṯ haššāmayim wəzēriṯîm ləḵōl hāruḥwōṯ hā’ēlleh wəlō’-yihəyeh hagwōy ’ăšer lō’-yāḇwō’ šām nidəḥê ‘wōlām ‘êlām:

37 wəh^aḥətatî ’eṯ-‘êlām lifənê ’ōyəḇêhem wəlifənê| məḇaqəšê nafəšām wəhēḇē’ṯî ‘ălêhem| rā‘â ’eṯ-ḥărwōn ’apî nə’um-yəhwâ wəšill^aḥətî ’^aḥărêhem ’eṯ-h^aḥereḇ ‘aḏ kallwōṯî ’wōṯām:

38 wəśamətî ḵisə’î bə‘êlām wəha’ăḇaḏətî miššām meleḵə wəśārîm nə’um-yəhwâ:

39 wəhāyâ| bə’^aḥărîṯ hayyāmîm ’āšûḇ ’āšîḇ ’eṯ-šəḇîṯ šəḇûṯ ‘êlām nə’um-yəhwâ: s

‎1 ‏הַדָּבָ֗ר אֲשֶׁ֨ר דִּבֶּ֧ר יְהוָ֛ה אֶל־בָּבֶ֖ל אֶל־אֶ֣רֶץ כַּשְׂדִּ֑ים בְּיַ֖ד יִרְמְיָ֥הוּ הַנָּבִֽיא׃

‎2 ‏הַגִּ֨ידוּ בַגּוֹיִ֤ם וְהַשְׁמִ֙יעוּ֙ וּֽשְׂאוּ־נֵ֔ס הַשְׁמִ֖יעוּ אַל־תְּכַחֵ֑דוּ אִמְרוּ֩ נִלְכְּדָ֨ה בָבֶ֜ל הֹבִ֥ישׁ בֵּל֙ חַ֣ת מְרֹדָ֔ךְ הֹבִ֣ישׁוּ עֲצַבֶּ֔יהָ חַ֖תּוּ גִּלּוּלֶֽיהָ׃

‎3 ‏כִּ֣י עָלָה֩ עָלֶ֨יהָ גּ֜וֹי מִצָּפ֗וֹן הֽוּא־יָשִׁ֤ית אֶת־אַרְצָהּ֙ לְשַׁמָּ֔ה וְלֹֽא־יִהְיֶ֥ה יוֹשֵׁ֖ב בָּ֑הּ מֵאָדָ֥ם וְעַד־בְּהֵמָ֖ה נָ֥דוּ הָלָֽכוּ׃

‎4 ‏בַּיָּמִ֨ים הָהֵ֜מָּה וּבָעֵ֤ת הַהִיא֙ נְאֻם־יְהוָ֔ה יָבֹ֧אוּ בְנֵֽי־יִשְׂרָאֵ֛ל הֵ֥מָּה וּבְנֵֽי־יְהוּדָ֖ה יַחְדָּ֑ו הָל֤וֹךְ וּבָכוֹ֙ יֵלֵ֔כוּ וְאֶת־יְהוָ֥ה אֱלֹהֵיהֶ֖ם יְבַקֵּֽשׁוּ׃

‎5 ‏צִיּ֣וֹן יִשְׁאָ֔לוּ דֶּ֖רֶךְ הֵ֣נָּה פְנֵיהֶ֑ם בֹּ֚אוּ וְנִלְו֣וּ אֶל־יְהוָ֔ה בְּרִ֥ית עוֹלָ֖ם לֹ֥א תִשָּׁכֵֽחַ׃ ס

‎6 ‏צֹ֤אן אֹֽבְדוֹת֙ היה הָי֣וּ עַמִּ֔י רֹעֵיהֶ֣ם הִתְע֔וּם הָרִ֖ים שובבים שֽׁוֹבְב֑וּם מֵהַ֤ר אֶל־גִּבְעָה֙ הָלָ֔כוּ שָׁכְח֖וּ רִבְצָֽם׃

‎7 ‏כָּל־מוֹצְאֵיהֶ֣ם אֲכָל֔וּם וְצָרֵיהֶ֥ם אָמְר֖וּ לֹ֣א נֶאְשָׁ֑ם תַּ֗חַת אֲשֶׁ֨ר חָטְא֤וּ לַֽיהוָה֙ נְוֵה־צֶ֔דֶק וּמִקְוֵ֥ה אֲבֽוֹתֵיהֶ֖ם יְהוָֽה׃ ס

‎8 ‏נֻ֚דוּ מִתּ֣וֹךְ בָּבֶ֔ל וּמֵאֶ֥רֶץ כַּשְׂדִּ֖ים יצאו צֵ֑אוּ וִהְי֕וּ כְּעַתּוּדִ֖ים לִפְנֵי־צֹֽאן׃

‎9 ‏כִּ֣י הִנֵּ֣ה אָנֹכִ֡י מֵעִיר֩ וּמַעֲלֶ֨ה עַל־בָּבֶ֜ל קְהַל־גּוֹיִ֤ם גְּדֹלִים֙ מֵאֶ֣רֶץ צָפ֔וֹן וְעָ֣רְכוּ לָ֔הּ מִשָּׁ֖ם תִּלָּכֵ֑ד חִצָּיו֙ כְּגִבּ֣וֹר מַשְׁכִּ֔יל לֹ֥א יָשׁ֖וּב רֵיקָֽם׃

‎10 ‏וְהָיְתָ֥ה כַשְׂדִּ֖ים לְשָׁלָ֑ל כָּל־שֹׁלְלֶ֥יהָ יִשְׂבָּ֖עוּ נְאֻם־יְהוָֽה׃

‎11 ‏כִּ֤י תשמחי תִשְׂמְחוּ֙ כִּ֣י תעלזי תַֽעַלְז֔וּ^m שֹׁסֵ֖י נַחֲלָתִ֑י כִּ֚י תפושי תָפ֙וּשׁוּ֙ כְּעֶגְלָ֣ה דָשָׁ֔ה ותצהלי וְתִצְהֲל֖וּ כָּאֲבִּרִֽים׃

‎12 ‏בּ֤וֹשָׁה אִמְּכֶם֙ מְאֹ֔ד חָפְרָ֖ה יֽוֹלַדְתְּכֶ֑ם הִנֵּה֙ אַחֲרִ֣ית גּוֹיִ֔ם מִדְבָּ֖ר צִיָּ֥ה וַעֲרָבָֽה׃

‎13 ‏מִקֶּ֤צֶף יְהוָה֙ לֹ֣א תֵשֵׁ֔ב וְהָיְתָ֥ה שְׁמָמָ֖ה כֻּלָּ֑הּ כֹּ֚ל עֹבֵ֣ר עַל־בָּבֶ֔ל יִשֹּׁ֥ם וְיִשְׁרֹ֖ק עַל־כָּל־מַכּוֹתֶֽיהָ׃

‎14 ‏עִרְכ֨וּ עַל־בָּבֶ֤ל׀ סָבִיב֙ כָּל־דֹּ֣רְכֵי קֶ֔שֶׁת יְד֣וּ אֵלֶ֔יהָ אַֽל־תַּחְמְל֖וּ אֶל־חֵ֑ץ כִּ֥י לַֽיהוָ֖ה חָטָֽאָה׃

‎15 ‏הָרִ֨יעוּ עָלֶ֤יהָ סָבִיב֙ נָתְנָ֣ה יָדָ֔הּ נָֽפְלוּ֙ אשויתיה אָשְׁיוֹתֶ֔יהָ נֶהֶרְס֖וּ חֽוֹמוֹתֶ֑יהָ כִּי֩ נִקְמַ֨ת יְהוָ֥ה הִיא֙ הִנָּ֣קְמוּ בָ֔הּ כַּאֲשֶׁ֥ר עָשְׂתָ֖ה עֲשׂוּ־לָֽהּ׃

‎16 ‏כִּרְת֤וּ זוֹרֵ֙עַ֙ מִבָּבֶ֔ל וְתֹפֵ֥שׂ מַגָּ֖ל בְּעֵ֣ת קָצִ֑יר מִפְּנֵי֙ חֶ֣רֶב הַיּוֹנָ֔ה אִ֤ישׁ אֶל־עַמּוֹ֙ יִפְנ֔וּ וְאִ֥ישׁ לְאַרְצ֖וֹ יָנֻֽסוּ׃ ס

‎17 ‏שֶׂ֧ה פְזוּרָ֛ה יִשְׂרָאֵ֖ל אֲרָי֣וֹת הִדִּ֑יחוּ הָרִאשׁ֤וֹן אֲכָלוֹ֙ מֶ֣לֶךְ אַשּׁ֔וּר וְזֶ֤ה הָאַחֲרוֹן֙ עִצְּמ֔וֹ נְבוּכַדְרֶאצַּ֖ר מֶ֥לֶךְ בָּבֶֽל׃ ס

‎18 ‏לָכֵ֗ן כֹּֽה־אָמַ֞ר יְהוָ֤ה צְבָאוֹת֙ אֱלֹהֵ֣י יִשְׂרָאֵ֔ל הִנְנִ֥י פֹקֵ֛ד אֶל־מֶ֥לֶךְ בָּבֶ֖ל וְאֶל־אַרְצ֑וֹ כַּאֲשֶׁ֥ר פָּקַ֖דְתִּי אֶל־מֶ֥לֶךְ אַשּֽׁוּר׃

‎19 ‏וְשֹׁבַבְתִּ֤י אֶת־יִשְׂרָאֵל֙ אֶל־נָוֵ֔הוּ וְרָעָ֥ה הַכַּרְמֶ֖ל וְהַבָּשָׁ֑ן וּבְהַ֥ר אֶפְרַ֛יִם וְהַגִּלְעָ֖ד תִּשְׂבַּ֥ע נַפְשֽׁוֹ׃

‎20 ‏בַּיָּמִ֣ים הָהֵם֩ וּבָעֵ֨ת הַהִ֜יא נְאֻם־יְהוָ֗ה יְבֻקַּ֞שׁ אֶת־עֲוֹ֤ן יִשְׂרָאֵל֙ וְאֵינֶ֔נּוּ וְאֶת־חַטֹּ֥את יְהוּדָ֖ה וְלֹ֣א תִמָּצֶ֑אינָה כִּ֥י אֶסְלַ֖ח לַאֲשֶׁ֥ר אַשְׁאִֽיר׃

‎21 ‏עַל־הָאָ֤רֶץ מְרָתַ֙יִם֙ עֲלֵ֣ה עָלֶ֔יהָ וְאֶל־יוֹשְׁבֵ֖י פְּק֑וֹד חֲרֹ֨ב וְהַחֲרֵ֤ם אַֽחֲרֵיהֶם֙ נְאֻם־יְהוָ֔ה וַעֲשֵׂ֕ה כְּכֹ֖ל אֲשֶׁ֥ר צִוִּיתִֽיךָ׃ ס

‎22 ‏ק֥וֹל מִלְחָמָ֖ה בָּאָ֑רֶץ וְשֶׁ֖בֶר גָּדֽוֹל׃

‎23 ‏אֵ֤יךְ נִגְדַּע֙ וַיִּשָּׁבֵ֔ר פַּטִּ֖ישׁ כָּל־הָאָ֑רֶץ אֵ֣יךְ הָיְתָ֧ה לְשַׁמָּ֛ה בָּבֶ֖ל בַּגּוֹיִֽם׃

‎24 ‏יָקֹ֨שְׁתִּי לָ֤ךְ וְגַם־נִלְכַּדְתְּ֙ בָּבֶ֔ל וְאַ֖תְּ לֹ֣א יָדָ֑עַתְּ נִמְצֵאת֙ וְגַם־נִתְפַּ֔שְׂתְּ כִּ֥י בַֽיהוָ֖ה הִתְגָּרִֽית׃

‎25 ‏פָּתַ֤ח יְהוָה֙ אֶת־א֣וֹצָר֔וֹ וַיּוֹצֵ֖א אֶת־כְּלֵ֣י זַעְמ֑וֹ כִּי־מְלָאכָ֣ה הִ֗יא לַֽאדֹנָ֧י יְהוִ֛ה צְבָא֖וֹת בְּאֶ֥רֶץ כַּשְׂדִּֽים׃

‎26 ‏בֹּֽאוּ־לָ֤הּ מִקֵּץ֙ פִּתְח֣וּ מַאֲבֻסֶ֔יהָ סָלּ֥וּהָ כְמוֹ־עֲרֵמִ֖ים וְהַחֲרִימ֑וּהָ אַל־תְּהִי־לָ֖הּ שְׁאֵרִֽית׃

‎27 ‏חִרְבוּ֙ כָּל־פָּרֶ֔יהָ יֵרְד֖וּ לַטָּ֑בַח ה֣וֹי עֲלֵיהֶ֔ם כִּֽי־בָ֥א יוֹמָ֖ם עֵ֥ת פְּקֻדָּתָֽם׃ ס

‎28 ‏ק֥וֹל נָסִ֛ים וּפְלֵטִ֖ים מֵאֶ֣רֶץ בָּבֶ֑ל לְהַגִּ֣יד בְּצִיּ֗וֹן אֶת־נִקְמַת֙ יְהוָ֣ה אֱלֹהֵ֔ינוּ נִקְמַ֖ת הֵיכָלֽוֹ׃

‎29 ‏הַשְׁמִ֣יעוּ אֶל־בָּבֶ֣ל׀ רַ֠בִּים כָּל־דֹּ֨רְכֵי קֶ֜שֶׁת חֲנ֧וּ עָלֶ֣יהָ סָבִ֗יב אַל־יְהִי־לָהּ֙^a פְּלֵטָ֔ה שַׁלְּמוּ־לָ֣הּ כְּפָעֳלָ֔הּ כְּכֹ֛ל אֲשֶׁ֥ר עָשְׂתָ֖ה עֲשׂוּ־לָ֑הּ כִּ֧י אֶל־יְהוָ֛ה זָ֖דָה אֶל־קְד֥וֹשׁ יִשְׂרָאֵֽל׃

‎30 ‏לָכֵ֛ן יִפְּל֥וּ בַחוּרֶ֖יהָ בִּרְחֹבֹתֶ֑יהָ וְכָל־אַנְשֵׁ֨י מִלְחַמְתָּ֥הּ יִדַּ֛מּוּ בַּיּ֥וֹם הַה֖וּא נְאֻם־יְהוָֽה׃ ס

‎31 ‏הִנְנִ֤י אֵלֶ֙יךָ֙ זָד֔וֹן נְאֻם־אֲדֹנָ֥י יְהוִ֖ה צְבָא֑וֹת כִּ֛י בָּ֥א יוֹמְךָ֖ עֵ֥ת פְּקַדְתִּֽיךָ׃

‎32 ‏וְכָשַׁ֤ל זָדוֹן֙ וְנָפַ֔ל וְאֵ֥ין ל֖וֹ מֵקִ֑ים וְהִצַּ֤תִּי אֵשׁ֙ בְּעָרָ֔יו וְאָכְלָ֖ה כָּל־סְבִיבֹתָֽיו׃ ס

‎33 ‏כֹּ֤ה אָמַר֙ יְהוָ֣ה צְבָא֔וֹת עֲשׁוּקִ֛ים בְּנֵי־יִשְׂרָאֵ֥ל וּבְנֵי־יְהוּדָ֖ה יַחְדָּ֑ו וְכָל־שֹֽׁבֵיהֶם֙ הֶחֱזִ֣יקוּ בָ֔ם מֵאֲנ֖וּ שַׁלְּחָֽם׃

‎34 ‏גֹּאֲלָ֣ם׀ חָזָ֗ק יְהוָ֤ה צְבָאוֹת֙ שְׁמ֔וֹ רִ֥יב יָרִ֖יב אֶת־רִיבָ֑ם לְמַ֙עַן֙ הִרְגִּ֣יעַ אֶת־הָאָ֔רֶץ וְהִרְגִּ֖יז לְיֹשְׁבֵ֥י בָבֶֽל׃

‎35 ‏חֶ֥רֶב עַל־כַּשְׂדִּ֖ים נְאֻם־יְהוָ֑ה וְאֶל־יֹשְׁבֵ֣י בָבֶ֔ל וְאֶל־שָׂרֶ֖יהָ וְאֶל־חֲכָמֶֽיהָ׃

‎36 ‏חֶ֥רֶב אֶל־הַבַּדִּ֖ים וְנֹאָ֑לוּ חֶ֥רֶב אֶל־גִּבּוֹרֶ֖יהָ וָחָֽתּוּ׃

‎37 ‏חֶ֜רֶב אֶל־סוּסָ֣יו וְאֶל־רִכְבּ֗וֹ וְאֶל־כָּל־הָעֶ֛רֶב אֲשֶׁ֥ר בְּתוֹכָ֖הּ וְהָי֣וּ לְנָשִׁ֑ים חֶ֥רֶב אֶל־אוֹצְרֹתֶ֖יהָ וּבֻזָּֽזוּ׃

‎38 ‏חֹ֥רֶב אֶל־מֵימֶ֖יהָ וְיָבֵ֑שׁוּ כִּ֣י אֶ֤רֶץ פְּסִלִים֙ הִ֔יא וּבָאֵימִ֖ים יִתְהֹלָֽלוּ׃

‎39 ‏לָכֵ֗ן יֵשְׁב֤וּ צִיִּים֙ אֶת־אִיִּ֔ים וְיָ֥שְׁבוּ בָ֖הּ בְּנ֣וֹת יַֽעֲנָ֑ה וְלֹֽא־תֵשֵׁ֥ב עוֹד֙ לָנֶ֔צַח וְלֹ֥א תִשְׁכּ֖וֹן עַד־דּ֥וֹר וָדֽוֹר׃

‎40 ‏כְּמַהְפֵּכַ֨ת אֱלֹהִ֜ים אֶת־סְדֹ֧ם וְאֶת־עֲמֹרָ֛ה וְאֶת־שְׁכֵנֶ֖יהָ נְאֻם־יְהוָ֑ה לֹֽא־יֵשֵׁ֥ב שָׁם֙ אִ֔ישׁ וְלֹֽא־יָג֥וּר בָּ֖הּ בֶּן־אָדָֽם׃

‎41 ‏הִנֵּ֛ה עַ֥ם בָּ֖א מִצָּפ֑וֹן וְג֤וֹי גָּדוֹל֙ וּמְלָכִ֣ים רַבִּ֔ים יֵעֹ֖רוּ מִיַּרְכְּתֵי־אָֽרֶץ׃

‎42 ‏קֶ֣שֶׁת וְכִידֹ֞ן יַחֲזִ֗יקוּ אַכְזָרִ֥י הֵ֙מָּה֙ וְלֹ֣א יְרַחֵ֔מוּ קוֹלָם֙ כַּיָּ֣ם יֶהֱמֶ֔ה וְעַל־סוּסִ֖ים יִרְכָּ֑בוּ עָר֗וּךְ כְּאִישׁ֙ לַמִּלְחָמָ֔ה עָלַ֖יִךְ בַּת־בָּבֶֽל׃

‎43 ‏שָׁמַ֧ע מֶֽלֶךְ־בָּבֶ֛ל אֶת־שִׁמְעָ֖ם וְרָפ֣וּ יָדָ֑יו צָרָה֙ הֶחֱזִיקַ֔תְהוּ חִ֖יל כַּיּוֹלֵדָֽה׃

‎44 ‏הִ֠נֵּה כְּאַרְיֵ֞ה יַעֲלֶ֨ה מִגְּא֣וֹן הַיַּרְדֵּן֮ אֶל־נְוֵ֣ה אֵיתָן֒ כִּֽי־אַרְגִּ֤עָה ארוצם אֲרִיצֵם֙ מֵֽעָלֶ֔יהָ וּמִ֥י בָח֖וּר אֵלֶ֣יהָ אֶפְקֹ֑ד כִּ֣י מִ֤י כָמ֙וֹנִי֙ וּמִ֣י יוֹעִדֶ֔נִּי וּמִֽי־זֶ֣ה רֹעֶ֔ה אֲשֶׁ֥ר יַעֲמֹ֖ד לְפָנָֽי׃

‎45 ‏לָכֵ֞ן שִׁמְע֣וּ עֲצַת־יְהוָ֗ה אֲשֶׁ֤ר יָעַץ֙ אֶל־בָּבֶ֔ל וּמַ֨חְשְׁבוֹתָ֔יו אֲשֶׁ֥ר חָשַׁ֖ב אֶל־אֶ֣רֶץ כַּשְׂדִּ֑ים אִם־לֹ֤א יִסְחָבוּם֙ צְעִירֵ֣י הַצֹּ֔אן אִם־לֹ֥א יַשִּׁ֛ים עֲלֵיהֶ֖ם נָוֶֽה׃

‎46 ‏מִקּוֹל֙ נִתְפְּשָׂ֣ה בָבֶ֔ל נִרְעֲשָׁ֖ה הָאָ֑רֶץ וּזְעָקָ֖ה בַּגּוֹיִ֥ם נִשְׁמָֽע׃ ס

1 hadāḇār ’ăšer diber yəhwâ ’el-bāḇel ’el-’ereṣ kaśədîm bəyaḏ yirəməyâû hannāḇî’:

2 hagîḏû ḇagwōyim wəhašəmî‘û ûśə’û-nēs hašəmî‘û ’al-təḵ^aḥēḏû ’imərû niləkəḏâ ḇāḇel hōḇîš bēl ḥaṯ mərōḏāḵə hōḇîšû ‘ăṣabeyhā ḥatû gillûleyhā:

3 kî ‘ālâ ‘āleyhā gwōy miṣṣāfwōn hû’-yāšîṯ ’eṯ-’arəṣāh ləšammâ wəlō’-yihəyeh ywōšēḇ bāh mē’āḏām wə‘aḏ-bəhēmâ nāḏû hālāḵû:

4 bayyāmîm hâēmmâ ûḇā‘ēṯ hahî’ nə’um-yəhwâ yāḇō’û ḇənê-yiśərā’ēl hēmmâ ûḇənê-yəhûḏâ y^aḥədāw hālwōḵə ûḇāḵwō yēlēḵû wə’eṯ-yəhwâ ’ĕlōhêhem yəḇaqqēšû:

5 ṣîywōn yišə’ālû dereḵə hēnnâ fənêhem bō’û wəniləwû ’el-yəhwâ bərîṯ ‘wōlām lō’ ṯiššāḵēḥa: s

6 ṣō’n ’ōḇəḏwōṯ hāyâ hāyû ‘ammî rō‘êhem hiṯə‘ûm hārîm šwōḇēḇîm šwōḇəḇûm mēhar ’el-giḇə‘â hālāḵû šāḵəḥû riḇəṣām:

7 kāl-mwōṣə’êhem ’ăḵālûm wəṣārêhem ’āmərû lō’ ne’əšām t^aḥaṯ ’ăšer ḥāṭə’û layhwâ nəwēh-ṣeḏeq ûmiqəwēh ’ăḇwōṯêhem yəhwâ: s

8 nuḏû mitwōḵə bāḇel ûmē’ereṣ kaśədîm yāṣə’û ṣē’û wihəyû kə‘atûḏîm lifənê-ṣō’n:

9 kî hinnēh ’ānōḵî mē‘îr ûm^a‘ăleh ‘al-bāḇel qəhal-gwōyim gəḏōlîm mē’ereṣ ṣāfwōn wə‘ārəḵû lāh miššām tillāḵēḏ ḥiṣṣāyw kəḡibwōr mašəkîl lō’ yāšûḇ rêqām:

10 wəhāyəṯâ ḵaśədîm ləšālāl kāl-šōləleyhā yiśəbā‘û nə’um-yəhwâ:

11 kî ṯiśəməḥî ṯiśəməḥû kî ṯ^a‘ăləzî ṯ^a‘aləzû^m šōsê n^aḥălāṯî kî ṯāfûšî ṯāfûšû kə‘eḡəlâ ḏāšâ wəṯiṣəhălî wəṯiṣəhălû kā’ăbirîm:

12 bwōšâ ’imməḵem mə’ōḏ ḥāfərâ ywōlaḏətəḵem hinnēh ’^aḥărîṯ gwōyim miḏəbār ṣîyâ w^a‘ărāḇâ:

13 miqqeṣef yəhwâ lō’ ṯēšēḇ wəhāyəṯâ šəmāmâ kullāh kōl ‘ōḇēr ‘al-bāḇel yiššōm wəyišərōq ‘al-kāl-makwōṯeyhā:

14 ‘irəḵû ‘al-bāḇel| sāḇîḇ kāl-dōrəḵê qešeṯ yəḏû ’ēleyhā ’al-t^aḥəməlû ’el-ḥēṣ kî layhwâ ḥāṭā’â:

15 hārî‘û ‘āleyhā sāḇîḇ nāṯənâ yāḏāh nāfəlû ’ašəwîyōṯeyhā ’āšəywōṯeyhā neherəsû ḥwōmwōṯeyhā kî niqəmaṯ yəhwâ hî’ hinnāqəmû ḇāh ka’ăšer ‘āśəṯâ ‘ăśû-lāh:

16 kirəṯû zwōrē‘a mibāḇel wəṯōfēś magāl bə‘ēṯ qāṣîr mipənê ḥereḇ hayywōnâ ’îš ’el-‘ammwō yifənû wə’îš lə’arəṣwō yānusû: s

17 śeh fəzûrâ yiśərā’ēl ’ărāywōṯ hidîḥû hāri’šwōn ’ăḵālwō meleḵə ’aššûr wəzeh hā’^aḥărwōn ‘iṣṣəmwō nəḇûḵaḏəre’ṣṣar meleḵə bāḇel: s

18 lāḵēn kōh-’āmar yəhwâ ṣəḇā’wōṯ ’ĕlōhê yiśərā’ēl hinənî fōqēḏ ’el-meleḵə bāḇel wə’el-’arəṣwō ka’ăšer pāqaḏətî ’el-meleḵə ’aššûr:

19 wəšōḇaḇətî ’eṯ-yiśərā’ēl ’el-nāwēhû wərā‘â hakarəmel wəhabāšān ûḇəhar ’efərayim wəhagilə‘āḏ tiśəb^a‘ nafəšwō:

20 bayyāmîm hâēm ûḇā‘ēṯ hahî’ nə’um-yəhwâ yəḇuqqaš ’eṯ-‘ăwōn yiśərā’ēl wə’ênennû wə’eṯ-ḥaṭṭō’ṯ yəhûḏâ wəlō’ ṯimmāṣe’ynâ kî ’esəl^aḥ la’ăšer ’ašə’îr:

21 ‘al-hā’āreṣ mərāṯayim ‘ălēh ‘āleyhā wə’el-ywōšəḇê pəqwōḏ ḥărōḇ wəh^aḥărēm ’^aḥărêhem nə’um-yəhwâ w^a‘ăśēh kəḵōl ’ăšer ṣiûîṯîḵā: s

22 qwōl miləḥāmâ bā’āreṣ wəšeḇer gāḏwōl:

23 ’êḵə niḡəd^a‘ wayyiššāḇēr paṭṭîš kāl-hā’āreṣ ’êḵə hāyəṯâ ləšammâ bāḇel bagwōyim:

24 yāqōšətî lāḵə wəḡam-niləkaḏətə bāḇel wə’atə lō’ yāḏā‘atə niməṣē’ṯ wəḡam-niṯəpaśətə kî ḇayhwâ hiṯəgārîṯ:

25 pāṯ^aḥ yəhwâ ’eṯ-’wōṣārwō wayywōṣē’ ’eṯ-kəlê z^a‘əmwō kî-məlā’ḵâ hî’ la’ḏōnāy yəhwih ṣəḇā’wōṯ bə’ereṣ kaśədîm:

26 bō’û-lāh miqqēṣ piṯəḥû ma’ăḇuseyhā sāllûhā ḵəmwō-‘ărēmîm wəh^aḥărîmûhā ’al-təhî-lāh šə’ērîṯ:

27 ḥirəḇû kāl-pāreyhā yērəḏû laṭṭāḇ^aḥ hwōy ‘ălêhem kî-ḇā’ ywōmām ‘ēṯ pəqudāṯām: s

28 qwōl nāsîm ûfəlēṭîm mē’ereṣ bāḇel ləhagîḏ bəṣîywōn ’eṯ-niqəmaṯ yəhwâ ’ĕlōhênû niqəmaṯ hêḵālwō:

29 hašəmî‘û ’el-bāḇel| rabîm kāl-dōrəḵê qešeṯ ḥănû ‘āleyhā sāḇîḇ ’al-yəhî-lāh^a pəlēṭâ šalləmû-lāh kəfā‘ŏlāh kəḵōl ’ăšer ‘āśəṯâ ‘ăśû-lāh kî ’el-yəhwâ zāḏâ ’el-qəḏwōš yiśərā’ēl:

30 lāḵēn yipəlû ḇ^aḥûreyhā birəḥōḇōṯeyhā wəḵāl-’anəšê miləḥamətāh yidammû bayywōm hahû’ nə’um-yəhwâ: s

31 hinənî ’ēleyḵā zāḏwōn nə’um-’ăḏōnāy yəhwih ṣəḇā’wōṯ kî bā’ ywōməḵā ‘ēṯ pəqaḏətîḵā:

32 wəḵāšal zāḏwōn wənāfal wə’ên lwō mēqîm wəhiṣṣatî ’ēš bə‘ārāyw wə’āḵəlâ kāl-səḇîḇōṯāyw: s

33 kōh ’āmar yəhwâ ṣəḇā’wōṯ ‘ăšûqîm bənê-yiśərā’ēl ûḇənê-yəhûḏâ y^aḥədāw wəḵāl-šōḇêhem heḥĕzîqû ḇām mē’ănû šalləḥām:

34 gō’ălām| ḥāzāq yəhwâ ṣəḇā’wōṯ šəmwō rîḇ yārîḇ ’eṯ-rîḇām ləm^a‘an hirəgî‘a ’eṯ-hā’āreṣ wəhirəgîz ləyōšəḇê ḇāḇel:

35 ḥereḇ ‘al-kaśədîm nə’um-yəhwâ wə’el-yōšəḇê ḇāḇel wə’el-śāreyhā wə’el-ḥăḵāmeyhā:

36 ḥereḇ ’el-habadîm wənō’ālû ḥereḇ ’el-gibwōreyhā wāḥātû:

37 ḥereḇ ’el-sûsāyw wə’el-riḵəbwō wə’el-kāl-hā‘ereḇ ’ăšer bəṯwōḵāh wəhāyû lənāšîm ḥereḇ ’el-’wōṣərōṯeyhā ûḇuzzāzû:

38 ḥōreḇ ’el-mêmeyhā wəyāḇēšû kî ’ereṣ pəsilîm hî’ ûḇā’êmîm yiṯəhōlālû:

39 lāḵēn yēšəḇû ṣîyîm ’eṯ-’îyîm wəyāšəḇû ḇāh bənwōṯ y^a‘ănâ wəlō’-ṯēšēḇ ‘wōḏ lāneṣ^aḥ wəlō’ ṯišəkwōn ‘aḏ-dwōr wāḏwōr:

40 kəmahəpēḵaṯ ’ĕlōhîm ’eṯ-səḏōm wə’eṯ-‘ămōrâ wə’eṯ-šəḵēneyhā nə’um-yəhwâ lō’-yēšēḇ šām ’îš wəlō’-yāḡûr bāh ben-’āḏām:

41 hinnēh ‘am bā’ miṣṣāfwōn wəḡwōy gāḏwōl ûməlāḵîm rabîm yē‘ōrû mîyarəkəṯê-’āreṣ:

42 qešeṯ wəḵîḏōn y^aḥăzîqû ’aḵəzārî hēmmâ wəlō’ yər^aḥēmû qwōlām kayyām yehĕmeh wə‘al-sûsîm yirəkāḇû ‘ārûḵə kə’îš lammiləḥāmâ ‘ālayiḵə baṯ-bāḇel:

43 šām^a‘ meleḵə-bāḇel ’eṯ-šimə‘ām wərāfû yāḏāyw ṣārâ heḥĕzîqaṯəhû ḥîl kayywōlēḏâ:

44 hinnēh kə’arəyēh y^a‘ăleh migə’wōn hayyarədēn ’el-nəwēh ’êṯān kî-’arəgi‘â ’ărûṣēm ’ărîṣēm mē‘āleyhā ûmî ḇāḥûr ’ēleyhā ’efəqōḏ kî mî ḵāmwōnî ûmî ywō‘iḏennî ûmî-zeh rō‘eh ’ăšer y^a‘ămōḏ ləfānāy:

45 lāḵēn šimə‘û ‘ăṣaṯ-yəhwâ ’ăšer yā‘aṣ ’el-bāḇel ûm^aḥəšəḇwōṯāyw ’ăšer ḥāšaḇ ’el-’ereṣ kaśədîm ’im-lō’ yisəḥāḇûm ṣə‘îrê haṣṣō’n ’im-lō’ yaššîm ‘ălêhem nāweh:

46 miqqwōl niṯəpəśâ ḇāḇel nirə‘ăšâ hā’āreṣ ûzə‘āqâ bagwōyim nišəmā‘: s

‎1 ‏כֹּ֚ה אָמַ֣ר יְהוָ֔ה הִנְנִי֙ מֵעִ֣יר עַל־בָּבֶ֔ל וְאֶל־יֹשְׁבֵ֖י לֵ֣ב קָמָ֑י ר֖וּחַ מַשְׁחִֽית׃

‎2 ‏וְשִׁלַּחְתִּ֨י לְבָבֶ֤ל׀ זָרִים֙ וְזֵר֔וּהָ וִיבֹקְק֖וּ אֶת־אַרְצָ֑הּ כִּֽי־הָי֥וּ עָלֶ֛יהָ מִסָּבִ֖יב בְּי֥וֹם רָעָֽה׃

‎3 ‏אֶֽל־יִדְרֹ֤ךְ ידרך הַדֹּרֵךְ֙ קַשְׁתּ֔וֹ וְאֶל־יִתְעַ֖ל בְּסִרְיֹנ֑וֹ וְאַֽל־תַּחְמְלוּ֙ אֶל־בַּ֣חֻרֶ֔יהָ הַחֲרִ֖ימוּ כָּל־צְבָאָֽהּ׃

‎4 ‏וְנָפְל֥וּ חֲלָלִ֖ים בְּאֶ֣רֶץ כַּשְׂדִּ֑ים וּמְדֻקָּרִ֖ים בְּחוּצוֹתֶֽיהָ׃

‎5 ‏כִּ֠י לֹֽא־אַלְמָ֨ן יִשְׂרָאֵ֤ל וִֽיהוּדָה֙ מֵֽאֱלֹהָ֔יו מֵֽיְהוָ֖ה צְבָא֑וֹת כִּ֤י אַרְצָם֙ מָלְאָ֣ה אָשָׁ֔ם מִקְּד֖וֹשׁ יִשְׂרָאֵֽל׃

‎6 ‏נֻ֣סוּ׀ מִתּ֣וֹךְ בָּבֶ֗ל וּמַלְּטוּ֙ אִ֣ישׁ נַפְשׁ֔וֹ אַל־תִּדַּ֖מּוּ בַּעֲוֹנָ֑הּ כִּי֩ עֵ֨ת נְקָמָ֥ה הִיא֙ לַֽיהוָ֔ה גְּמ֕וּל ה֥וּא מְשַׁלֵּ֖ם לָֽהּ׃

‎7 ‏כּוֹס־זָהָ֤ב בָּבֶל֙ בְּיַד־יְהוָ֔ה מְשַׁכֶּ֖רֶת כָּל־הָאָ֑רֶץ מִיֵּינָהּ֙ שָׁת֣וּ גוֹיִ֔ם עַל־כֵּ֖ן יִתְהֹלְל֥וּ גוֹיִֽם׃

‎8 ‏פִּתְאֹ֛ם נָפְלָ֥ה בָבֶ֖ל וַתִּשָּׁבֵ֑ר הֵילִ֣ילוּ עָלֶ֗יהָ קְח֤וּ צֳרִי֙ לְמַכְאוֹבָ֔הּ אוּלַ֖י תֵּרָפֵֽא׃

‎9 ‏רפאנו רִפִּ֣ינוּ אֶת־בָּבֶל֙ וְלֹ֣א נִרְפָּ֔תָה עִזְב֕וּהָ וְנֵלֵ֖ךְ אִ֣ישׁ לְאַרְצ֑וֹ כִּֽי־נָגַ֤ע אֶל־הַשָּׁמַ֙יִם֙ מִשְׁפָּטָ֔הּ וְנִשָּׂ֖א עַד־שְׁחָקִֽים׃

‎10 ‏הוֹצִ֥יא יְהוָ֖ה אֶת־צִדְקֹתֵ֑ינוּ בֹּ֚אוּ וּנְסַפְּרָ֣ה בְצִיּ֔וֹן אֶֽת־מַעֲשֵׂ֖ה יְהוָ֥ה אֱלֹהֵֽינוּ׃

‎11 ‏הָבֵ֣רוּ הַחִצִּים֮ מִלְא֣וּ הַשְּׁלָטִים֒ הֵעִ֣יר יְהוָ֗ה אֶת־ר֙וּחַ֙ מַלְכֵ֣י מָדַ֔י כִּֽי־עַל־בָּבֶ֥ל מְזִמָּת֖וֹ לְהַשְׁחִיתָ֑הּ כִּֽי־נִקְמַ֤ת יְהוָה֙ הִ֔יא נִקְמַ֖ת הֵיכָלֽוֹ׃

‎12 ‏אֶל־חוֹמֹ֨ת בָּבֶ֜ל שְׂאוּ־נֵ֗ס הַחֲזִ֙יקוּ֙ הַמִּשְׁמָ֔ר הָקִ֙ימוּ֙ שֹֽׁמְרִ֔ים הָכִ֖ינוּ הָאֹֽרְבִ֑ים כִּ֚י גַּם־זָמַ֣ם יְהוָ֔ה גַּם־עָשָׂ֕ה אֵ֥ת אֲשֶׁר־דִּבֶּ֖ר אֶל־יֹשְׁבֵ֥י בָבֶֽל׃

‎13 ‏שכנתי שֹׁכַנְתְּ֙ עַל־מַ֣יִם רַבִּ֔ים רַבַּ֖ת אֽוֹצָרֹ֑ת בָּ֥א קִצֵּ֖ךְ אַמַּ֥ת בִּצְעֵֽךְ׃

‎14 ‏נִשְׁבַּ֛ע יְהוָ֥ה צְבָא֖וֹת בְּנַפְשׁ֑וֹ כִּ֣י אִם־מִלֵּאתִ֤יךְ אָדָם֙ כַּיֶּ֔לֶק וְעָנ֥וּ עָלַ֖יִךְ הֵידָֽד׃ ס

‎15 ‏עֹשֵׂ֥ה אֶ֙רֶץ֙ בְּכֹח֔וֹ מֵכִ֥ין תֵּבֵ֖ל בְּחָכְמָת֑וֹ וּבִתְבוּנָת֖וֹ נָטָ֥ה שָׁמָֽיִם׃

‎16 ‏לְק֨וֹל תִּתּ֜וֹ הֲמ֥וֹן מַ֙יִם֙ בַּשָּׁמַ֔יִם וַיַּ֥עַל נְשִׂאִ֖ים מִקְצֵה־אָ֑רֶץ בְּרָקִ֤ים לַמָּטָר֙ עָשָׂ֔ה וַיֹּ֥צֵא ר֖וּחַ מֵאֹצְרֹתָֽיו׃

‎17 ‏נִבְעַ֤ר כָּל־אָדָם֙ מִדַּ֔עַת הֹבִ֥ישׁ כָּל־צֹרֵ֖ף מִפָּ֑סֶל כִּ֛י שֶׁ֥קֶר נִסְכּ֖וֹ וְלֹא־ר֥וּחַ בָּֽם׃

‎18 ‏הֶ֣בֶל הֵ֔מָּה מַעֲשֵׂ֖ה תַּעְתֻּעִ֑ים בְּעֵ֥ת פְּקֻדָּתָ֖ם יֹאבֵֽדוּ׃

‎19 ‏לֹֽא־כְאֵ֜לֶּה חֵ֣לֶק יַעֲק֗וֹב כִּֽי־יוֹצֵ֤ר הַכֹּל֙ ה֔וּא וְשֵׁ֖בֶט נַחֲלָת֑וֹ יְהוָ֥ה צְבָא֖וֹת שְׁמֽוֹ׃ ס

‎20 ‏מַפֵּץ־אַתָּ֣ה לִ֔י כְּלֵ֖י מִלְחָמָ֑ה וְנִפַּצְתִּ֤י בְךָ֙ גּוֹיִ֔ם וְהִשְׁחַתִּ֥י בְךָ֖ מַמְלָכֽוֹת׃

‎21 ‏וְנִפַּצְתִּ֣י בְךָ֔ ס֖וּס וְרֹֽכְב֑וֹ וְנִפַּצְתִּ֣י בְךָ֔ רֶ֖כֶב וְרֹכְבֽוֹ׃

‎22 ‏וְנִפַּצְתִּ֤י בְךָ֙ אִ֣ישׁ וְאִשָּׁ֔ה וְנִפַּצְתִּ֥י בְךָ֖ זָקֵ֣ן וָנָ֑עַר וְנִפַּצְתִּ֣י בְךָ֔ בָּח֖וּר וּבְתוּלָֽה׃

‎23 ‏וְנִפַּצְתִּ֤י בְךָ֙ רֹעֶ֣ה וְעֶדְר֔וֹ וְנִפַּצְתִּ֥י בְךָ֖ אִכָּ֣ר וְצִמְדּ֑וֹ וְנִפַּצְתִּ֣י בְךָ֔ פַּח֖וֹת וּסְגָנִֽים׃

‎24 ‏וְשִׁלַּמְתִּ֨י לְבָבֶ֜ל וּלְכֹ֣ל׀ יוֹשְׁבֵ֣י כַשְׂדִּ֗ים אֵ֧ת כָּל־רָעָתָ֛ם אֲשֶׁר־עָשׂ֥וּ בְצִיּ֖וֹן לְעֵֽינֵיכֶ֑ם נְאֻ֖ם יְהוָֽה׃ ס

‎25 ‏הִנְנִ֨י אֵלֶ֜יךָ הַ֤ר הַמַּשְׁחִית֙ נְאֻם־יְהוָ֔ה הַמַּשְׁחִ֖ית אֶת־כָּל־הָאָ֑רֶץ וְנָטִ֨יתִי אֶת־יָדִ֜י עָלֶ֗יךָ וְגִלְגַּלְתִּ֙יךָ֙ מִן־הַסְּלָעִ֔ים וּנְתַתִּ֖יךָ לְהַ֥ר שְׂרֵפָֽה׃

‎26 ‏וְלֹֽא־יִקְח֤וּ מִמְּךָ֙ אֶ֣בֶן לְפִנָּ֔ה וְאֶ֖בֶן לְמֽוֹסָד֑וֹת כִּֽי־שִׁמְמ֥וֹת עוֹלָ֛ם תִּֽהְיֶ֖ה נְאֻם־יְהוָֽה׃

‎27 ‏שְׂאוּ־נֵ֣ס בָּאָ֗רֶץ תִּקְע֨וּ שׁוֹפָ֤ר בַּגּוֹיִם֙ קַדְּשׁ֤וּ עָלֶ֙יהָ֙ גּוֹיִ֔ם הַשְׁמִ֧יעוּ עָלֶ֛יהָ מַמְלְכ֥וֹת אֲרָרַ֖ט מִנִּ֣י וְאַשְׁכְּנָ֑ז פִּקְד֤וּ עָלֶ֙יהָ֙ טִפְסָ֔ר הַֽעֲלוּ־ס֖וּס כְּיֶ֥לֶק סָמָֽר׃

‎28 ‏קַדְּשׁ֨וּ עָלֶ֤יהָ גוֹיִם֙ אֶת־מַלְכֵ֣י מָדַ֔י אֶת־פַּחוֹתֶ֖יהָ וְאֶת־כָּל־סְגָנֶ֑יהָ וְאֵ֖ת כָּל־אֶ֥רֶץ מֶמְשַׁלְתּֽוֹ׃

‎29 ‏וַתִּרְעַ֥שׁ הָאָ֖רֶץ וַתָּחֹ֑ל כִּ֣י קָ֤מָה עַל־בָּבֶל֙ מַחְשְׁב֣וֹת יְהוָ֔ה לָשׂ֞וּם אֶת־אֶ֧רֶץ בָּבֶ֛ל לְשַׁמָּ֖ה מֵאֵ֥ין יוֹשֵֽׁב׃

‎30 ‏חָדְלוּ֩ גִבּוֹרֵ֨י בָבֶ֜ל לְהִלָּחֵ֗ם יָֽשְׁבוּ֙ בַּמְּצָד֔וֹת נָשְׁתָ֥ה גְבוּרָתָ֖ם הָי֣וּ לְנָשִׁ֑ים הִצִּ֥יתוּ מִשְׁכְּנֹתֶ֖יהָ נִשְׁבְּר֥וּ בְרִיחֶֽיהָ׃

‎31 ‏רָ֤ץ לִקְרַאת־רָץ֙ יָר֔וּץ וּמַגִּ֖יד לִקְרַ֣את מַגִּ֑יד לְהַגִּיד֙ לְמֶ֣לֶךְ בָּבֶ֔ל כִּֽי־נִלְכְּדָ֥ה עִיר֖וֹ מִקָּצֶֽה׃

‎32 ‏וְהַמַּעְבָּר֣וֹת נִתְפָּ֔שׂוּ וְאֶת־הָאֲגַמִּ֖ים שָׂרְפ֣וּ בָאֵ֑שׁ וְאַנְשֵׁ֥י הַמִּלְחָמָ֖ה נִבְהָֽלוּ׃ ס

‎33 ‏כִּי֩ כֹ֨ה אָמַ֜ר יְהוָ֤ה צְבָאוֹת֙ אֱלֹהֵ֣י יִשְׂרָאֵ֔ל בַּת־בָּבֶ֕ל כְּגֹ֖רֶן עֵ֣ת הִדְרִיכָ֑הּ ע֣וֹד מְעַ֔ט וּבָ֥אָה עֵֽת־הַקָּצִ֖יר לָֽהּ׃

‎34 ‏אכלנו אֲכָלַ֣נִי הממנו הֲמָמַ֗נִי נְבוּכַדְרֶאצַּר֮ מֶ֣לֶךְ בָּבֶל֒ הציגנו הִצִּיגַ֙נִי֙ כְּלִ֣י רִ֔יק בלענו בְּלָעַ֙נִי֙ כַּתַּנִּ֔ין מִלָּ֥א כְרֵשׂ֖וֹ מֵֽעֲדָנָ֑י הדיחנו הֱדִיחָֽנִי׃

‎35 ‏חֲמָסִ֤י וּשְׁאֵרִי֙ עַל־בָּבֶ֔ל תֹּאמַ֖ר יֹשֶׁ֣בֶת צִיּ֑וֹן וְדָמִי֙ אֶל־יֹשְׁבֵ֣י כַשְׂדִּ֔ים תֹּאמַ֖ר יְרוּשָׁלִָֽם׃ ס

‎36 ‏לָכֵ֗ן כֹּ֚ה אָמַ֣ר יְהוָ֔ה הִנְנִי־רָב֙ אֶת־רִיבֵ֔ךְ וְנִקַּמְתִּ֖י אֶת־נִקְמָתֵ֑ךְ וְהַחֲרַבְתִּי֙ אֶת־יַמָּ֔הּ וְהֹבַשְׁתִּ֖י אֶת־מְקוֹרָֽהּ׃

‎37 ‏וְהָיְתָה֩ בָבֶ֨ל׀ לְגַלִּ֧ים׀ מְעוֹן־תַּנִּ֛ים שַׁמָּ֥ה וּשְׁרֵקָ֖ה מֵאֵ֥ין יוֹשֵֽׁב׃

‎38 ‏יַחְדָּ֖ו כַּכְּפִרִ֣ים יִשְׁאָ֑גוּ נָעֲר֖וּ כְּגוֹרֵ֥י אֲרָיֽוֹת׃

‎39 ‏בְּחֻמָּ֞ם אָשִׁ֣ית אֶת־מִשְׁתֵּיהֶ֗ם וְהִשְׁכַּרְתִּים֙ לְמַ֣עַן יַעֲלֹ֔זוּ וְיָשְׁנ֥וּ שְׁנַת־עוֹלָ֖ם וְלֹ֣א יָקִ֑יצוּ נְאֻ֖ם יְהוָֽה׃

‎40 ‏אֽוֹרִידֵ֖ם כְּכָרִ֣ים לִטְב֑וֹחַ כְּאֵילִ֖ים עִם־עַתּוּדִֽים׃

‎41 ‏אֵ֚יךְ נִלְכְּדָ֣ה שֵׁשַׁ֔ךְ וַתִּתָּפֵ֖שׂ תְּהִלַּ֣ת כָּל־הָאָ֑רֶץ אֵ֣יךְ הָיְתָ֧ה לְשַׁמָּ֛ה בָּבֶ֖ל בַּגּוֹיִֽם׃

‎42 ‏עָלָ֥ה עַל־בָּבֶ֖ל הַיָּ֑ם בַּהֲמ֥וֹן גַּלָּ֖יו נִכְסָֽתָה׃

‎43 ‏הָי֤וּ עָרֶ֙יהָ֙ לְשַׁמָּ֔ה אֶ֖רֶץ צִיָּ֣ה וַעֲרָבָ֑ה אֶ֗רֶץ לֹֽא־יֵשֵׁ֤ב בָּהֵן֙ כָּל־אִ֔ישׁ וְלֹֽא־יַעֲבֹ֥ר בָּהֵ֖ן בֶּן־אָדָֽם׃

‎44 ‏וּפָקַדְתִּ֨י עַל־בֵּ֜ל בְּבָבֶ֗ל וְהֹצֵאתִ֤י אֶת־בִּלְעוֹ֙ מִפִּ֔יו וְלֹֽא־יִנְהֲר֥וּ אֵלָ֛יו ע֖וֹד גּוֹיִ֑ם גַּם־חוֹמַ֥ת בָּבֶ֖ל נָפָֽלָה׃

‎45 ‏צְא֤וּ מִתּוֹכָהּ֙ עַמִּ֔י וּמַלְּט֖וּ אִ֣ישׁ אֶת־נַפְשׁ֑וֹ מֵחֲר֖וֹן אַף־יְהוָֽה׃

‎46 ‏וּפֶן־יֵרַ֤ךְ לְבַבְכֶם֙ וְתִֽירְא֔וּ בַּשְּׁמוּעָ֖ה הַנִּשְׁמַ֣עַת בָּאָ֑רֶץ וּבָ֧א בַשָּׁנָ֣ה הַשְּׁמוּעָ֗ה וְאַחֲרָ֤יו בַּשָּׁנָה֙ הַשְּׁמוּעָ֔ה וְחָמָ֣ס בָּאָ֔רֶץ וּמֹשֵׁ֖ל עַל־מֹשֵֽׁל׃

‎47 ‏לָכֵן֙ הִנֵּ֣ה יָמִ֣ים בָּאִ֔ים וּפָקַדְתִּי֙ עַל־פְּסִילֵ֣י בָבֶ֔ל וְכָל־אַרְצָ֖הּ תֵּב֑וֹשׁ וְכָל־חֲלָלֶ֖יהָ יִפְּל֥וּ בְתוֹכָֽהּ׃

‎48 ‏וְרִנְּנ֤וּ עַל־בָּבֶל֙ שָׁמַ֣יִם וָאָ֔רֶץ וְכֹ֖ל אֲשֶׁ֣ר בָּהֶ֑ם כִּ֧י מִצָּפ֛וֹן יָבוֹא־לָ֥הּ הַשּׁוֹדְדִ֖ים נְאֻם־יְהוָֽה׃

‎49 ‏גַּם־בָּבֶ֕ל לִנְפֹּ֖ל חַֽלְלֵ֣י יִשְׂרָאֵ֑ל גַּם־לְבָבֶ֥ל נָפְל֖וּ חַֽלְלֵ֥י כָל־הָאָֽרֶץ׃

‎50 ‏פְּלֵטִ֣ים מֵחֶ֔רֶב הִלְכ֖וּ אַֽל־תַּעֲמֹ֑דוּ זִכְר֤וּ מֵֽרָחוֹק֙ אֶת־יְהוָ֔ה וִירֽוּשָׁלִַ֖ם תַּעֲלֶ֥ה עַל־לְבַבְכֶֽם׃

‎51 ‏בֹּ֚שְׁנוּ כִּֽי־שָׁמַ֣עְנוּ חֶרְפָּ֔ה כִּסְּתָ֥ה כְלִמָּ֖ה פָּנֵ֑ינוּ כִּ֚י בָּ֣אוּ זָרִ֔ים עַֽל־מִקְדְּשֵׁ֖י בֵּ֥ית יְהוָֽה׃ ס

‎52 ‏לָכֵ֞ן הִנֵּֽה־יָמִ֤ים בָּאִים֙ נְאֻם־יְהוָ֔ה וּפָקַדְתִּ֖י עַל־פְּסִילֶ֑יהָ וּבְכָל־אַרְצָ֖הּ יֶאֱנֹ֥ק חָלָֽל׃

‎53 ‏כִּֽי־תַעֲלֶ֤ה בָבֶל֙ הַשָּׁמַ֔יִם וְכִ֥י תְבַצֵּ֖ר מְר֣וֹם עֻזָּ֑הּ מֵאִתִּ֗י יָבֹ֧אוּ שֹׁדְדִ֛ים לָ֖הּ נְאֻם־יְהוָֽה׃ ס

‎54 ‏ק֥וֹל זְעָקָ֖ה מִבָּבֶ֑ל וְשֶׁ֥בֶר גָּד֖וֹל מֵאֶ֥רֶץ כַּשְׂדִּֽים׃

‎55 ‏כִּֽי־שֹׁדֵ֤ד יְהוָה֙ אֶת־בָּבֶ֔ל וְאִבַּ֥ד מִמֶּ֖נָּה ק֣וֹל גָּד֑וֹל וְהָמ֤וּ גַלֵּיהֶם֙ כְּמַ֣יִם רַבִּ֔ים נִתַּ֥ן שְׁא֖וֹן קוֹלָֽם׃

‎56 ‏כִּי֩ בָ֨א עָלֶ֤יהָ עַל־בָּבֶל֙ שׁוֹדֵ֔ד וְנִלְכְּדוּ֙ גִּבּוֹרֶ֔יהָ חִתְּתָ֖ה קַשְּׁתוֹתָ֑ם כִּ֣י אֵ֧ל גְּמֻל֛וֹת יְהוָ֖ה שַׁלֵּ֥ם יְשַׁלֵּֽם׃

‎57 ‏וְ֠הִשְׁכַּרְתִּי שָׂרֶ֨יהָ וַחֲכָמֶ֜יהָ פַּחוֹתֶ֤יהָ וּסְגָנֶ֙יהָ֙ וְגִבּוֹרֶ֔יהָ וְיָשְׁנ֥וּ שְׁנַת־עוֹלָ֖ם וְלֹ֣א יָקִ֑יצוּ נְאֻ֨ם־הַמֶּ֔לֶךְ יְהוָ֥ה צְבָא֖וֹת שְׁמֽוֹ׃ ס

‎58 ‏כֹּֽה־אָמַ֞ר יְהוָ֣ה צְבָא֗וֹת חֹ֠מוֹת בָּבֶ֤ל הָֽרְחָבָה֙ עַרְעֵ֣ר תִּתְעַרְעָ֔ר וּשְׁעָרֶ֥יהָ הַגְּבֹהִ֖ים בָּאֵ֣שׁ יִצַּ֑תּוּ וְיִֽגְע֨וּ עַמִּ֧ים בְּדֵי־רִ֛יק וּלְאֻמִּ֥ים בְּדֵי־אֵ֖שׁ וְיָעֵֽפוּ׃ ס

‎59 ‏הַדָּבָ֞ר אֲשֶׁר־צִוָּ֣ה׀ יִרְמְיָ֣הוּ הַנָּבִ֗יא אֶת־שְׂרָיָ֣ה בֶן־נֵרִיָּה֮ בֶּן־מַחְסֵיָה֒ בְּלֶכְתּ֞וֹ אֶת־צִדְקִיָּ֤הוּ מֶֽלֶךְ־יְהוּדָה֙ בָּבֶ֔ל בִּשְׁנַ֥ת הָרְבִעִ֖ית לְמָלְכ֑וֹ וּשְׂרָיָ֖ה שַׂ֥ר מְנוּחָֽה׃

‎60 ‏וַיִּכְתֹּ֣ב יִרְמְיָ֗הוּ אֵ֧ת כָּל־הָרָעָ֛ה אֲשֶׁר־תָּב֥וֹא אֶל־בָּבֶ֖ל אֶל־סֵ֣פֶר אֶחָ֑ד אֵ֚ת כָּל־הַדְּבָרִ֣ים הָאֵ֔לֶּה הַכְּתֻבִ֖ים אֶל־בָּבֶֽל׃

‎61 ‏וַיֹּ֥אמֶר יִרְמְיָ֖הוּ אֶל־שְׂרָיָ֑ה כְּבֹאֲךָ֣ בָבֶ֔ל וְֽרָאִ֔יתָ וְֽקָרָ֔אתָ אֵ֥ת כָּל־הַדְּבָרִ֖ים הָאֵֽלֶּה׃

‎62 ‏וְאָמַרְתָּ֗ יְהוָה֙ אַתָּ֨ה דִבַּ֜רְתָּ אֶל־הַמָּק֤וֹם הַזֶּה֙ לְהַכְרִית֔וֹ לְבִלְתִּ֤י הֱיֽוֹת־בּוֹ֙ יוֹשֵׁ֔ב לְמֵאָדָ֖ם וְעַד־בְּהֵמָ֑ה כִּֽי־שִׁמְמ֥וֹת עוֹלָ֖ם תִּֽהְיֶֽה׃

‎63 ‏וְהָיָה֙ כְּכַלֹּ֣תְךָ֔ לִקְרֹ֖א אֶת־הַסֵּ֣פֶר הַזֶּ֑ה תִּקְשֹׁ֤ר עָלָיו֙ אֶ֔בֶן וְהִשְׁלַכְתּ֖וֹ אֶל־תּ֥וֹךְ פְּרָֽת׃

‎64 ‏וְאָמַרְתָּ֗ כָּ֠כָה תִּשְׁקַ֨ע בָּבֶ֤ל וְלֹֽא־תָקוּם֙ מִפְּנֵ֣י הָרָעָ֗ה אֲשֶׁ֧ר אָנֹכִ֛י מֵבִ֥יא עָלֶ֖יהָ וְיָעֵ֑פוּ עַד־הֵ֖נָּה דִּבְרֵ֥י יִרְמְיָֽהוּ׃ ס

1 kōh ’āmar yəhwâ hinənî mē‘îr ‘al-bāḇel wə’el-yōšəḇê lēḇ qāmāy rûḥa mašəḥîṯ:

2 wəšill^aḥətî ləḇāḇel| zārîm wəzērûhā wîḇōqəqû ’eṯ-’arəṣāh kî-hāyû ‘āleyhā missāḇîḇ bəywōm rā‘â:

3 ’el-yiḏərōḵə yiḏərōḵə hadōrēḵə qašətwō wə’el-yiṯə‘al bəsirəyōnwō wə’al-t^aḥəməlû ’el-b^aḥureyhā h^aḥărîmû kāl-ṣəḇā’āh:

4 wənāfəlû ḥălālîm bə’ereṣ kaśədîm ûməḏuqqārîm bəḥûṣwōṯeyhā:

5 kî lō’-’aləmān yiśərā’ēl wîhûḏâ mē’ĕlōhāyw mêəhwâ ṣəḇā’wōṯ kî ’arəṣām mālə’â ’āšām miqqəḏwōš yiśərā’ēl:

6 nusû| mitwōḵə bāḇel ûmalləṭû ’îš nafəšwō ’al-tidammû b^a‘ăwōnāh kî ‘ēṯ nəqāmâ hî’ layhwâ gəmûl hû’ məšallēm lāh:

7 kwōs-zâāḇ bāḇel bəyaḏ-yəhwâ məšakereṯ kāl-hā’āreṣ mîyênāh šāṯû ḡwōyim ‘al-kēn yiṯəhōləlû ḡwōyim:

8 piṯə’ōm nāfəlâ ḇāḇel watiššāḇēr hêlîlû ‘āleyhā qəḥû ṣŏrî ləmaḵə’wōḇāh ’ûlay tērāfē’:

9 ripi’nû ripînû ’eṯ-bāḇel wəlō’ nirəpāṯâ ‘izəḇûhā wənēlēḵə ’îš lə’arəṣwō kî-nāḡ^a‘ ’el-haššāmayim mišəpāṭāh wəniśśā’ ‘aḏ-šəḥāqîm:

10 hwōṣî’ yəhwâ ’eṯ-ṣiḏəqōṯênû bō’û ûnəsapərâ ḇəṣîywōn ’eṯ-m^a‘ăśēh yəhwâ ’ĕlōhênû:

11 hāḇērû h^aḥiṣṣîm milə’û haššəlāṭîm hē‘îr yəhwâ ’eṯ-rûḥa maləḵê māḏay kî-‘al-bāḇel məzimmāṯwō ləhašəḥîṯāh kî-niqəmaṯ yəhwâ hî’ niqəmaṯ hêḵālwō:

12 ’el-ḥwōmōṯ bāḇel śə’û-nēs h^aḥăzîqû hammišəmār hāqîmû šōmərîm hāḵînû hā’ōrəḇîm kî gam-zāmam yəhwâ gam-‘āśâ ’ēṯ ’ăšer-diber ’el-yōšəḇê ḇāḇel:

13 šōḵanətî šōḵanətə ‘al-mayim rabîm rabaṯ ’wōṣārōṯ bā’ qiṣṣēḵə ’ammaṯ biṣə‘ēḵə:

14 nišəb^a‘ yəhwâ ṣəḇā’wōṯ bənafəšwō kî ’im-millē’ṯîḵə ’āḏām kayyeleq wə‘ānû ‘ālayiḵə hêḏāḏ: s

15 ‘ōśēh ’ereṣ bəḵōḥwō mēḵîn tēḇēl bəḥāḵəmāṯwō ûḇiṯəḇûnāṯwō nāṭâ šāmāyim:

16 ləqwōl titwō hămwōn mayim baššāmayim wayy^a‘al nəśi’îm miqəṣēh-’āreṣ bərāqîm lammāṭār ‘āśâ wayyōṣē’ rûḥa mē’ōṣərōṯāyw:

17 niḇə‘ar kāl-’āḏām mid^a‘aṯ hōḇîš kāl-ṣōrēf mipāsel kî šeqer nisəkwō wəlō’-rûḥa bām:

18 heḇel hēmmâ m^a‘ăśēh t^a‘ətu‘îm bə‘ēṯ pəqudāṯām yō’ḇēḏû:

19 lō’-ḵə’ēlleh ḥēleq y^a‘ăqwōḇ kî-ywōṣēr hakōl hû’ wəšēḇeṭ n^aḥălāṯwō yəhwâ ṣəḇā’wōṯ šəmwō: s

20 mapēṣ-’atâ lî kəlê miləḥāmâ wənipaṣətî ḇəḵā gwōyim wəhišəḥatî ḇəḵā maməlāḵwōṯ:

21 wənipaṣətî ḇəḵā sûs wərōḵəḇwō wənipaṣətî ḇəḵā reḵeḇ wərōḵəḇwō:

22 wənipaṣətî ḇəḵā ’îš wə’iššâ wənipaṣətî ḇəḵā zāqēn wānā‘ar wənipaṣətî ḇəḵā bāḥûr ûḇəṯûlâ:

23 wənipaṣətî ḇəḵā rō‘eh wə‘eḏərwō wənipaṣətî ḇəḵā ’ikār wəṣimədwō wənipaṣətî ḇəḵā p^aḥwōṯ ûsəḡānîm:

24 wəšillamətî ləḇāḇel ûləḵōl| ywōšəḇê ḵaśədîm ’ēṯ kāl-rā‘āṯām ’ăšer-‘āśû ḇəṣîywōn lə‘ênêḵem nə’um yəhwâ: s

25 hinənî ’ēleyḵā har hammašəḥîṯ nə’um-yəhwâ hammašəḥîṯ ’eṯ-kāl-hā’āreṣ wənāṭîṯî ’eṯ-yāḏî ‘āleyḵā wəḡiləgalətîḵā min-hassəlā‘îm ûnəṯatîḵā ləhar śərēfâ:

26 wəlō’-yiqəḥû mimməḵā ’eḇen ləfinnâ wə’eḇen ləmwōsāḏwōṯ kî-šiməmwōṯ ‘wōlām tihəyeh nə’um-yəhwâ:

27 śə’û-nēs bā’āreṣ tiqə‘û šwōfār bagwōyim qadəšû ‘āleyhā gwōyim hašəmî‘û ‘āleyhā mamələḵwōṯ ’ărāraṭ minnî wə’ašəkənāz piqəḏû ‘āleyhā ṭifəsār h^a‘ălû-sûs kəyeleq sāmār:

28 qadəšû ‘āleyhā ḡwōyim ’eṯ-maləḵê māḏay ’eṯ-p^aḥwōṯeyhā wə’eṯ-kāl-səḡāneyhā wə’ēṯ kāl-’ereṣ meməšalətwō:

29 watirə‘aš hā’āreṣ watāḥōl kî qāmâ ‘al-bāḇel m^aḥəšəḇwōṯ yəhwâ lāśûm ’eṯ-’ereṣ bāḇel ləšammâ mē’ên ywōšēḇ:

30 ḥāḏəlû ḡibwōrê ḇāḇel ləhillāḥēm yāšəḇû bamməṣāḏwōṯ nāšəṯâ ḡəḇûrāṯām hāyû lənāšîm hiṣṣîṯû mišəkənōṯeyhā nišəbərû ḇərîḥeyhā:

31 rāṣ liqəra’ṯ-rāṣ yārûṣ ûmagîḏ liqəra’ṯ magîḏ ləhagîḏ ləmeleḵə bāḇel kî-niləkəḏâ ‘îrwō miqqāṣeh:

32 wəhamm^a‘əbārwōṯ niṯəpāśû wə’eṯ-hā’ăḡammîm śārəfû ḇā’ēš wə’anəšê hammiləḥāmâ niḇəhālû: s

33 kî ḵōh ’āmar yəhwâ ṣəḇā’wōṯ ’ĕlōhê yiśərā’ēl baṯ-bāḇel kəḡōren ‘ēṯ hiḏərîḵāh ‘wōḏ mə‘aṭ ûḇā’â ‘ēṯ-haqqāṣîr lāh:

34 ’ăḵālānû ’ăḵālanî hămāmānû hămāmanî nəḇûḵaḏəre’ṣṣar meleḵə bāḇel hiṣṣîḡānû hiṣṣîḡanî kəlî rîq bəlā‘ānû bəlā‘anî katannîn millā’ ḵərēśwō mē‘ăḏānāy hĕḏîḥānû hĕḏîḥānî:

35 ḥămāsî ûšə’ērî ‘al-bāḇel tō’mar yōšeḇeṯ ṣîywōn wəḏāmî ’el-yōšəḇê ḵaśədîm tō’mar yərûšālāim: s

36 lāḵēn kōh ’āmar yəhwâ hinənî-rāḇ ’eṯ-rîḇēḵə wəniqqamətî ’eṯ-niqəmāṯēḵə wəh^aḥăraḇətî ’eṯ-yammāh wəhōḇašətî ’eṯ-məqwōrāh:

37 wəhāyəṯâ ḇāḇel| ləḡallîm| mə‘wōn-tannîm šammâ ûšərēqâ mē’ên ywōšēḇ:

38 y^aḥədāw kakəfirîm yišə’āḡû nā‘ărû kəḡwōrê ’ărāywōṯ:

39 bəḥummām ’āšîṯ ’eṯ-mišətêhem wəhišəkarətîm ləm^a‘an y^a‘ălōzû wəyāšənû šənaṯ-‘wōlām wəlō’ yāqîṣû nə’um yəhwâ:

40 ’wōrîḏēm kəḵārîm liṭəḇwōḥa kə’êlîm ‘im-‘atûḏîm:

41 ’êḵə niləkəḏâ šēšaḵə watitāfēś təhillaṯ kāl-hā’āreṣ ’êḵə hāyəṯâ ləšammâ bāḇel bagwōyim:

42 ‘ālâ ‘al-bāḇel hayyām bahămwōn gallāyw niḵəsāṯâ:

43 hāyû ‘āreyhā ləšammâ ’ereṣ ṣîyâ w^a‘ărāḇâ ’ereṣ lō’-yēšēḇ bâēn kāl-’îš wəlō’-y^a‘ăḇōr bâēn ben-’āḏām:

44 ûfāqaḏətî ‘al-bēl bəḇāḇel wəhōṣē’ṯî ’eṯ-bilə‘wō mipîw wəlō’-yinəhărû ’ēlāyw ‘wōḏ gwōyim gam-ḥwōmaṯ bāḇel nāfālâ:

45 ṣə’û mitwōḵāh ‘ammî ûmalləṭû ’îš ’eṯ-nafəšwō mēḥărwōn ’af-yəhwâ:

46 ûfen-yēraḵə ləḇaḇəḵem wəṯîrə’û baššəmû‘â hannišəm^a‘aṯ bā’āreṣ ûḇā’ ḇaššānâ haššəmû‘â wə’^aḥărāyw baššānâ haššəmû‘â wəḥāmās bā’āreṣ ûmōšēl ‘al-mōšēl:

47 lāḵēn hinnēh yāmîm bā’îm ûfāqaḏətî ‘al-pəsîlê ḇāḇel wəḵāl-’arəṣāh tēḇwōš wəḵāl-ḥălāleyhā yipəlû ḇəṯwōḵāh:

48 wərinnənû ‘al-bāḇel šāmayim wā’āreṣ wəḵōl ’ăšer bâem kî miṣṣāfwōn yāḇwō’-lāh haššwōḏəḏîm nə’um-yəhwâ:

49 gam-bāḇel linəpōl ḥaləlê yiśərā’ēl gam-ləḇāḇel nāfəlû ḥaləlê ḵāl-hā’āreṣ:

50 pəlēṭîm mēḥereḇ hiləḵû ’al-t^a‘ămōḏû ziḵərû mērāḥwōq ’eṯ-yəhwâ wîrûšālaim t^a‘ăleh ‘al-ləḇaḇəḵem:

51 bōšənû kî-šām^a‘ənû ḥerəpâ kissəṯâ ḵəlimmâ pānênû kî bā’û zārîm ‘al-miqədəšê bêṯ yəhwâ: s

52 lāḵēn hinnēh-yāmîm bā’îm nə’um-yəhwâ ûfāqaḏətî ‘al-pəsîleyhā ûḇəḵāl-’arəṣāh ye’ĕnōq ḥālāl:

53 kî-ṯ^a‘ăleh ḇāḇel haššāmayim wəḵî ṯəḇaṣṣēr mərwōm ‘uzzāh mē’itî yāḇō’û šōḏəḏîm lāh nə’um-yəhwâ: s

54 qwōl zə‘āqâ mibāḇel wəšeḇer gāḏwōl mē’ereṣ kaśədîm:

55 kî-šōḏēḏ yəhwâ ’eṯ-bāḇel wə’ibaḏ mimmennâ qwōl gāḏwōl wəhāmû ḡallêhem kəmayim rabîm nitan šə’wōn qwōlām:

56 kî ḇā’ ‘āleyhā ‘al-bāḇel šwōḏēḏ wəniləkəḏû gibwōreyhā ḥitəṯâ qaššəṯwōṯām kî ’ēl gəmulwōṯ yəhwâ šallēm yəšallēm:

57 wəhišəkarətî śāreyhā w^aḥăḵāmeyhā p^aḥwōṯeyhā ûsəḡāneyhā wəḡibwōreyhā wəyāšənû šənaṯ-‘wōlām wəlō’ yāqîṣû nə’um-hammeleḵə yəhwâ ṣəḇā’wōṯ šəmwō: s

58 kōh-’āmar yəhwâ ṣəḇā’wōṯ ḥōmwōṯ bāḇel hārəḥāḇâ ‘arə‘ēr tiṯə‘arə‘ār ûšə‘āreyhā hagəḇōhîm bā’ēš yiṣṣatû wəyiḡə‘û ‘ammîm bəḏê-rîq ûlə’ummîm bəḏê-’ēš wəyā‘ēfû: s

59 hadāḇār ’ăšer-ṣiûâ| yirəməyâû hannāḇî’ ’eṯ-śərāyâ ḇen-nērîyâ ben-m^aḥəsêâ bəleḵətwō ’eṯ-ṣiḏəqîyâû meleḵə-yəhûḏâ bāḇel bišənaṯ hārəḇi‘îṯ ləmāləḵwō ûśərāyâ śar mənûḥâ:

60 wayyiḵətōḇ yirəməyâû ’ēṯ kāl-hārā‘â ’ăšer-tāḇwō’ ’el-bāḇel ’el-sēfer ’eḥāḏ ’ēṯ kāl-hadəḇārîm hā’ēlleh hakəṯuḇîm ’el-bāḇel:

61 wayyō’mer yirəməyâû ’el-śərāyâ kəḇō’ăḵā ḇāḇel wərā’îṯā wəqārā’ṯā ’ēṯ kāl-hadəḇārîm hā’ēlleh:

62 wə’āmarətā yəhwâ ’atâ ḏibarətā ’el-hammāqwōm hazzeh ləhaḵərîṯwō ləḇilətî hĕywōṯ-bwō ywōšēḇ ləmē’āḏām wə‘aḏ-bəhēmâ kî-šiməmwōṯ ‘wōlām tihəyeh:

63 wəhāyâ kəḵallōṯəḵā liqərō’ ’eṯ-hassēfer hazzeh tiqəšōr ‘ālāyw ’eḇen wəhišəlaḵətwō ’el-twōḵə pərāṯ:

64 wə’āmarətā kāḵâ tišəq^a‘ bāḇel wəlō’-ṯāqûm mipənê hārā‘â ’ăšer ’ānōḵî mēḇî’ ‘āleyhā wəyā‘ēfû ‘aḏ-hēnnâ diḇərê yirəməyâû: s

‎1 ‏בֶּן־עֶשְׂרִ֨ים וְאַחַ֤ת שָׁנָה֙ צִדְקִיָּ֣הוּ בְמָלְכ֔וֹ וְאַחַ֤ת עֶשְׂרֵה֙ שָׁנָ֔ה מָלַ֖ךְ בִּירֽוּשָׁלִָ֑ם וְשֵׁ֣ם אִמּ֔וֹ חמיטל חֲמוּטַ֥ל בַּֽת־יִרְמְיָ֖הוּ מִלִּבְנָֽה׃

‎2 ‏וַיַּ֥עַשׂ הָרַ֖ע בְּעֵינֵ֣י יְהוָ֑ה כְּכֹ֥ל אֲשֶׁר־עָשָׂ֖ה יְהוֹיָקִֽים׃

‎3 ‏כִּ֣י׀ עַל־אַ֣ף יְהוָ֗ה הָֽיְתָה֙ בִּירוּשָׁלִַ֣ם וִֽיהוּדָ֔ה עַד־הִשְׁלִיכ֥וֹ אוֹתָ֖ם מֵעַ֣ל פָּנָ֑יו וַיִּמְרֹ֥ד צִדְקִיָּ֖הוּ בְּמֶ֥לֶךְ בָּבֶֽל׃

‎4 ‏וַיְהִי֩ בַשָּׁנָ֨ה הַתְּשִׁעִ֜ית לְמָלְכ֗וֹ בַּחֹ֣דֶשׁ הָעֲשִׂירִי֮ בֶּעָשׂ֣וֹר לַחֹדֶשׁ֒ בָּ֠א נְבוּכַדְרֶאצַּ֨ר מֶֽלֶךְ־בָּבֶ֜ל ה֤וּא וְכָל־חֵילוֹ֙ עַל־יְר֣וּשָׁלִַ֔ם וַֽיַּחֲנ֖וּ עָלֶ֑יהָ וַיִּבְנ֥וּ עָלֶ֛יהָ דָּיֵ֖ק סָבִֽיב׃

‎5 ‏וַתָּבֹ֥א הָעִ֖יר בַּמָּצ֑וֹר עַ֚ד עַשְׁתֵּ֣י עֶשְׂרֵ֣ה שָׁנָ֔ה לַמֶּ֖לֶךְ צִדְקִיָּֽהוּ׃

‎6 ‏בַּחֹ֤דֶשׁ הָֽרְבִיעִי֙ בְּתִשְׁעָ֣ה לַחֹ֔דֶשׁ וַיֶּחֱזַ֥ק הָרָעָ֖ב בָּעִ֑יר וְלֹא־הָיָ֥ה לֶ֖חֶם לְעַ֥ם הָאָֽרֶץ׃

‎7 ‏וַתִּבָּקַ֣ע הָעִ֗יר וְכָל־אַנְשֵׁ֣י הַמִּלְחָמָ֡ה יִבְרְחוּ֩ וַיֵּצְא֨וּ מֵהָעִ֜יר לַ֗יְלָה דֶּ֜רֶךְ שַׁ֤עַר בֵּין־הַחֹמֹתַ֙יִם֙ אֲשֶׁר֙ עַל־גַּ֣ן הַמֶּ֔לֶךְ וְכַשְׂדִּ֥ים עַל־הָעִ֖יר סָבִ֑יב וַיֵּלְכ֖וּ דֶּ֥רֶךְ הָעֲרָבָֽה׃

‎8 ‏וַיִּרְדְּפ֤וּ חֵיל־כַּשְׂדִּים֙ אַחֲרֵ֣י הַמֶּ֔לֶךְ וַיַּשִּׂ֥יגוּ אֶת־צִדְקִיָּ֖הוּ בְּעַֽרְבֹ֣ת יְרֵח֑וֹ וְכָל־חֵיל֔וֹ נָפֹ֖צוּ מֵעָלָֽיו׃

‎9 ‏וַֽיִּתְפְּשׂוּ֙ אֶת־הַמֶּ֔לֶךְ וַיַּעֲל֨וּ אֹת֜וֹ אֶל־מֶ֧לֶךְ בָּבֶ֛ל רִבְלָ֖תָה בְּאֶ֣רֶץ חֲמָ֑ת וַיְדַבֵּ֥ר אִתּ֖וֹ מִשְׁפָּטִֽים׃

‎10 ‏וַיִּשְׁחַ֧ט מֶֽלֶךְ־בָּבֶ֛ל אֶת־בְּנֵ֥י צִדְקִיָּ֖הוּ לְעֵינָ֑יו וְגַ֛ם אֶת־כָּל־שָׂרֵ֥י יְהוּדָ֖ה שָׁחַ֥ט בְּרִבְלָֽתָה׃

‎11 ‏וְאֶת־עֵינֵ֥י צִדְקִיָּ֖הוּ עִוֵּ֑ר וַיַּאַסְרֵ֣הוּ בַֽנְחֻשְׁתַּ֗יִם וַיְבִאֵ֤הוּ מֶֽלֶךְ־בָּבֶל֙ בָּבֶ֔לָה וַיִּתְּנֵ֥הוּ בבית־ בֵֽית־ הַפְּקֻדֹּ֖ת עַד־י֥וֹם מוֹתֽוֹ׃

‎12 ‏וּבַחֹ֤דֶשׁ הַֽחֲמִישִׁי֙ בֶּעָשׂ֣וֹר לַחֹ֔דֶשׁ הִ֗יא שְׁנַת֙ תְּשַֽׁע־עֶשְׂרֵ֣ה שָׁנָ֔ה לַמֶּ֖לֶךְ נְבוּכַדְרֶאצַּ֣ר מֶֽלֶךְ־בָּבֶ֑ל בָּ֗א נְבֽוּזַרְאֲדָן֙ רַב־טַבָּחִ֔ים עָמַ֛ד לִפְנֵ֥י מֶֽלֶךְ־בָּבֶ֖ל בִּירוּשָׁלִָֽם׃

‎13 ‏וַיִּשְׂרֹ֥ף אֶת־בֵּית־יְהוָ֖ה וְאֶת־בֵּ֣ית הַמֶּ֑לֶךְ וְאֵ֨ת כָּל־בָּתֵּ֧י יְרוּשָׁלִַ֛ם וְאֶת־כָּל־בֵּ֥ית הַגָּד֖וֹל שָׂרַ֥ף בָּאֵֽשׁ׃

‎14 ‏וְאֶת־כָּל־חֹמ֥וֹת יְרוּשָׁלִַ֖ם סָבִ֑יב נָֽתְצוּ֙ כָּל־חֵ֣יל כַּשְׂדִּ֔ים אֲשֶׁ֖ר אֶת־רַב־טַבָּחִֽים׃

‎15 ‏וּמִדַּלּ֨וֹת הָעָ֜ם וְֽאֶת־יֶ֥תֶר הָעָ֣ם׀ הַנִּשְׁאָרִ֣ים בָּעִ֗יר וְאֶת־הַנֹּֽפְלִים֙ אֲשֶׁ֤ר נָֽפְלוּ֙ אֶל־מֶ֣לֶךְ בָּבֶ֔ל וְאֵ֖ת יֶ֣תֶר הָֽאָמ֑וֹן הֶגְלָ֕ה נְבוּזַרְאֲדָ֖ן רַב־טַבָּחִֽים׃

‎16 ‏וּמִדַּלּ֣וֹת הָאָ֔רֶץ הִשְׁאִ֕יר נְבוּזַרְאֲדָ֖ן רַב־טַבָּחִ֑ים לְכֹרְמִ֖ים וּלְיֹגְבִֽים׃

‎17 ‏וְאֶת־עַמּוּדֵ֨י הַנְּחֹ֜שֶׁת אֲשֶׁ֣ר לְבֵית־יְהוָ֗ה וְֽאֶת־הַמְּכֹנ֞וֹת וְאֶת־יָ֧ם הַנְּחֹ֛שֶׁת אֲשֶׁ֥ר בְּבֵית־יְהוָ֖ה שִׁבְּר֣וּ כַשְׂדִּ֑ים וַיִּשְׂא֥וּ אֶת־כָּל־נְחֻשְׁתָּ֖ם בָּבֶֽלָה׃

‎18 ‏וְאֶת־הַ֠סִּרוֹת וְאֶת־הַיָּעִ֨ים וְאֶת־הַֽמְזַמְּר֜וֹת וְאֶת־הַמִּזְרָקֹ֣ת וְאֶת־הַכַּפּ֗וֹת וְאֵ֨ת כָּל־כְּלֵ֧י הַנְּחֹ֛שֶׁת אֲשֶׁר־יְשָׁרְת֥וּ בָהֶ֖ם לָקָֽחוּ׃

‎19 ‏וְאֶת־הַ֠סִּפִּים וְאֶת־הַמַּחְתּ֨וֹת וְאֶת־הַמִּזְרָק֜וֹת וְאֶת־הַסִּיר֣וֹת וְאֶת־הַמְּנֹר֗וֹת וְאֶת־הַכַּפּוֹת֙ וְאֶת־הַמְּנַקִי֔וֹת אֲשֶׁ֤ר זָהָב֙ זָהָ֔ב וַאֲשֶׁר־כֶּ֖סֶף כָּ֑סֶף לָקַ֖ח רַב־טַבָּחִֽים׃

‎20 ‏הָעַמּוּדִ֣ים׀ שְׁנַ֗יִם הַיָּ֤ם אֶחָד֙ וְהַבָּקָ֞ר שְׁנֵים־עָשָׂ֤ר נְחֹ֙שֶׁת֙ אֲשֶׁר־תַּ֣חַת הַמְּכֹנ֔וֹת אֲשֶׁ֥ר עָשָׂ֛ה הַמֶּ֥לֶךְ שְׁלֹמֹ֖ה לְבֵ֣ית יְהוָ֑ה לֹא־הָיָ֣ה מִשְׁקָ֔ל לִנְחֻשְׁתָּ֖ם כָּל־הַכֵּלִ֥ים הָאֵֽלֶּה׃

‎21 ‏וְהָעַמּוּדִ֗ים שְׁמֹנֶ֨ה עֶשְׂרֵ֤ה אַמָּה֙ קומה קוֹמַת֙ הָעַמֻּ֣ד הָאֶחָ֔ד וְח֛וּט שְׁתֵּים־עֶשְׂרֵ֥ה אַמָּ֖ה יְסֻבֶּ֑נּוּ וְעָבְי֛וֹ אַרְבַּ֥ע אַצְבָּע֖וֹת נָבֽוּב׃

‎22 ‏וְכֹתֶ֨רֶת עָלָ֜יו נְחֹ֗שֶׁת וְקוֹמַ֨ת הַכֹּתֶ֥רֶת הָאַחַת֮ חָמֵ֣שׁ אַמּוֹת֒ וּשְׂבָכָ֨ה וְרִמּוֹנִ֧ים עַֽל־הַכּוֹתֶ֛רֶת סָבִ֖יב הַכֹּ֣ל נְחֹ֑שֶׁת וְכָאֵ֛לֶּה לַֽעַמּ֥וּד הַשֵּׁנִ֖י וְרִמּוֹנִֽים׃

‎23 ‏וַיִּֽהְיוּ֙ הָֽרִמֹּנִ֔ים תִּשְׁעִ֥ים וְשִׁשָּׁ֖ה ר֑וּחָה כָּל־הָרִמּוֹנִ֥ים מֵאָ֛ה עַל־הַשְּׂבָכָ֖ה סָבִֽיב׃

‎24 ‏וַיִּקַּ֣ח רַב־טַבָּחִ֗ים אֶת־שְׂרָיָה֙ כֹּהֵ֣ן הָרֹ֔אשׁ וְאֶת־צְפַנְיָ֖ה כֹּהֵ֣ן הַמִּשְׁנֶ֑ה וְאֶת־שְׁלֹ֖שֶׁת שֹׁמְרֵ֥י הַסַּֽף׃

‎25 ‏וּמִן־הָעִ֡יר לָקַח֩ סָרִ֨יס אֶחָ֜ד אֲ‍ֽשֶׁר־הָיָ֥ה פָקִ֣יד׀ עַל־אַנְשֵׁ֣י הַמִּלְחָמָ֗ה וְשִׁבְעָ֨ה אֲנָשִׁ֜ים מֵרֹאֵ֤י פְנֵי־הַמֶּ֙לֶךְ֙ אֲשֶׁ֣ר נִמְצְא֣וּ בָעִ֔יר וְאֵ֗ת סֹפֵר֙ שַׂ֣ר הַצָּבָ֔א הַמַּצְבִּ֖א אֶת־עַ֣ם הָאָ֑רֶץ וְשִׁשִּׁ֥ים אִישׁ֙ מֵעַ֣ם הָאָ֔רֶץ הַֽנִּמְצְאִ֖ים בְּת֥וֹךְ הָעִֽיר׃

‎26 ‏וַיִּקַּ֣ח אוֹתָ֔ם נְבוּזַרְאֲדָ֖ן רַב־טַבָּחִ֑ים וַיֹּ֧לֶךְ אוֹתָ֛ם אֶל־מֶ֥לֶךְ בָּבֶ֖ל רִבְלָֽתָה׃

‎27 ‏וַיַּכֶּ֣ה אוֹתָם֩ מֶ֨לֶךְ בָּבֶ֧ל וַיְמִתֵ֛ם בְּרִבְלָ֖ה בְּאֶ֣רֶץ חֲמָ֑ת וַיִּ֥גֶל יְהוּדָ֖ה מֵעַ֥ל אַדְמָתֽוֹ׃

‎28 ‏זֶ֣ה הָעָ֔ם אֲשֶׁ֥ר הֶגְלָ֖ה נְבֽוּכַדְרֶאצַּ֑ר בִּשְׁנַת־שֶׁ֕בַע יְהוּדִ֕ים שְׁלֹ֥שֶׁת אֲלָפִ֖ים וְעֶשְׂרִ֥ים וּשְׁלֹשָֽׁה׃

‎29 ‏בִּשְׁנַ֛ת שְׁמוֹנֶ֥ה עֶשְׂרֵ֖ה לִנְבֽוּכַדְרֶאצַּ֑ר מִיר֣וּשָׁלִַ֔ם נֶ֕פֶשׁ שְׁמֹנֶ֥ה מֵא֖וֹת שְׁלֹשִׁ֥ים וּשְׁנָֽיִם׃

‎30 ‏בִּשְׁנַ֨ת שָׁלֹ֣שׁ וְעֶשְׂרִים֮ לִנְבֽוּכַדְרֶאצַּר֒ הֶגְלָ֗ה נְבֽוּזַרְאֲדָן֙ רַב־טַבָּחִ֔ים יְהוּדִ֕ים נֶ֕פֶשׁ שְׁבַ֥ע מֵא֖וֹת אַרְבָּעִ֣ים וַחֲמִשָּׁ֑ה כָּל־נֶ֕פֶשׁ אַרְבַּ֥עַת אֲלָפִ֖ים וְשֵׁ֥שׁ מֵאֽוֹת׃ פ

‎31 ‏וַיְהִי֩ בִשְׁלֹשִׁ֨ים וָשֶׁ֜בַע שָׁנָ֗ה לְגָלוּת֙ יְהוֹיָכִ֣ן מֶֽלֶךְ־יְהוּדָ֔ה בִּשְׁנֵי֤ם עָשָׂר֙ חֹ֔דֶשׁ בְּעֶשְׂרִ֥ים וַחֲמִשָּׁ֖ה לַחֹ֑דֶשׁ נָשָׂ֡א אֱוִ֣יל מְרֹדַךְ֩ מֶ֨לֶךְ בָּבֶ֜ל בִּשְׁנַ֣ת מַלְכֻת֗וֹ אֶת־רֹאשׁ֙ יְהוֹיָכִ֣ין מֶֽלֶךְ־יְהוּדָ֔ה וַיֹּצֵ֥א אוֹת֖וֹ מִבֵּ֥ית הכליא הַכְּלֽוּא׃

‎32 ‏וַיְדַבֵּ֥ר אִתּ֖וֹ טֹב֑וֹת וַיִּתֵּן֙ אֶת־כִּסְא֔וֹ מִמַּ֗עַל לְכִסֵּ֧א מלכים הַמְּלָכִ֛ים אֲשֶׁ֥ר אִתּ֖וֹ בְּבָבֶֽל׃

‎33 ‏וְשִׁנָּ֕ה אֵ֖ת בִּגְדֵ֣י כִלְא֑וֹ וְאָכַ֨ל לֶ֧חֶם לְפָנָ֛יו תָּמִ֖יד כָּל־יְמֵ֥י חַיָּֽו׃

‎34 ‏וַאֲרֻחָת֗וֹ אֲרֻחַת֩ תָּמִ֨יד נִתְּנָה־לּ֜וֹ מֵאֵ֧ת מֶֽלֶךְ־בָּבֶ֛ל דְּבַר־י֥וֹם בְּיוֹמ֖וֹ עַד־י֣וֹם מוֹת֑וֹ כֹּ֖ל יְמֵ֥י חַיָּֽיו׃

1 ben-‘eśərîm wə’^aḥaṯ šānâ ṣiḏəqîyâû ḇəmāləḵwō wə’^aḥaṯ ‘eśərēh šānâ mālaḵə bîrûšālāim wəšēm ’immwō ḥămîṭal ḥămûṭal baṯ-yirəməyâû milliḇənâ:

2 wayy^a‘aś hār^a‘ bə‘ênê yəhwâ kəḵōl ’ăšer-‘āśâ yəhwōyāqîm:

3 kî| ‘al-’af yəhwâ hāyəṯâ bîrûšālaim wîhûḏâ ‘aḏ-hišəlîḵwō ’wōṯām mē‘al pānāyw wayyimərōḏ ṣiḏəqîyâû bəmeleḵə bāḇel:

4 wayəhî ḇaššānâ hatəši‘îṯ ləmāləḵwō b^aḥōḏeš hā‘ăśîrî be‘āśwōr l^aḥōḏeš bā’ nəḇûḵaḏəre’ṣṣar meleḵə-bāḇel hû’ wəḵāl-ḥêlwō ‘al-yərûšālaim wayy^aḥănû ‘āleyhā wayyiḇənû ‘āleyhā dāyēq sāḇîḇ:

5 watāḇō’ hā‘îr bammāṣwōr ‘aḏ ‘ašətê ‘eśərēh šānâ lammeleḵə ṣiḏəqîyâû:

6 b^aḥōḏeš hārəḇî‘î bəṯišə‘â l^aḥōḏeš wayyeḥĕzaq hārā‘āḇ bā‘îr wəlō’-hāyâ leḥem lə‘am hā’āreṣ:

7 watibāq^a‘ hā‘îr wəḵāl-’anəšê hammiləḥāmâ yiḇərəḥû wayyēṣə’û mēhā‘îr layəlâ dereḵə š^a‘ar bên-h^aḥōmōṯayim ’ăšer ‘al-gan hammeleḵə wəḵaśədîm ‘al-hā‘îr sāḇîḇ wayyēləḵû dereḵə hā‘ărāḇâ:

8 wayyirədəfû ḥêl-kaśədîm ’^aḥărê hammeleḵə wayyaśśîḡû ’eṯ-ṣiḏəqîyâû bə‘arəḇōṯ yərēḥwō wəḵāl-ḥêlwō nāfōṣû mē‘ālāyw:

9 wayyiṯəpəśû ’eṯ-hammeleḵə wayy^a‘ălû ’ōṯwō ’el-meleḵə bāḇel riḇəlāṯâ bə’ereṣ ḥămāṯ wayəḏabēr ’itwō mišəpāṭîm:

10 wayyišəḥaṭ meleḵə-bāḇel ’eṯ-bənê ṣiḏəqîyâû lə‘ênāyw wəḡam ’eṯ-kāl-śārê yəhûḏâ šāḥaṭ bəriḇəlāṯâ:

11 wə’eṯ-‘ênê ṣiḏəqîyâû ‘iûēr wayya’asərēhû ḇanəḥušətayim wayəḇi’ēhû meleḵə-bāḇel bāḇelâ wayyitənēhû ḇəḇêṯ- ḇêṯ- hapəqudōṯ ‘aḏ-ywōm mwōṯwō:

12 ûḇ^aḥōḏeš h^aḥămîšî be‘āśwōr l^aḥōḏeš hî’ šənaṯ təš^a‘-‘eśərēh šānâ lammeleḵə nəḇûḵaḏəre’ṣṣar meleḵə-bāḇel bā’ nəḇûzarə’ăḏān raḇ-ṭabāḥîm ‘āmaḏ lifənê meleḵə-bāḇel bîrûšālāim:

13 wayyiśərōf ’eṯ-bêṯ-yəhwâ wə’eṯ-bêṯ hammeleḵə wə’ēṯ kāl-bātê yərûšālaim wə’eṯ-kāl-bêṯ hagāḏwōl śāraf bā’ēš:

14 wə’eṯ-kāl-ḥōmwōṯ yərûšālaim sāḇîḇ nāṯəṣû kāl-ḥêl kaśədîm ’ăšer ’eṯ-raḇ-ṭabāḥîm:

15 ûmidallwōṯ hā‘ām wə’eṯ-yeṯer hā‘ām| hannišə’ārîm bā‘îr wə’eṯ-hannōfəlîm ’ăšer nāfəlû ’el-meleḵə bāḇel wə’ēṯ yeṯer hā’āmwōn heḡəlâ nəḇûzarə’ăḏān raḇ-ṭabāḥîm:

16 ûmidallwōṯ hā’āreṣ hišə’îr nəḇûzarə’ăḏān raḇ-ṭabāḥîm ləḵōrəmîm ûləyōḡəḇîm:

17 wə’eṯ-‘ammûḏê hannəḥōšeṯ ’ăšer ləḇêṯ-yəhwâ wə’eṯ-hamməḵōnwōṯ wə’eṯ-yām hannəḥōšeṯ ’ăšer bəḇêṯ-yəhwâ šibərû ḵaśədîm wayyiśə’û ’eṯ-kāl-nəḥušətām bāḇelâ:

18 wə’eṯ-hassirwōṯ wə’eṯ-hayyā‘îm wə’eṯ-haməzammərwōṯ wə’eṯ-hammizərāqōṯ wə’eṯ-hakapwōṯ wə’ēṯ kāl-kəlê hannəḥōšeṯ ’ăšer-yəšārəṯû ḇâem lāqāḥû:

19 wə’eṯ-hassipîm wə’eṯ-hamm^aḥətwōṯ wə’eṯ-hammizərāqwōṯ wə’eṯ-hassîrwōṯ wə’eṯ-hammənōrwōṯ wə’eṯ-hakapwōṯ wə’eṯ-hammənaqîwōṯ ’ăšer zâāḇ zâāḇ wa’ăšer-kesef kāsef lāq^aḥ raḇ-ṭabāḥîm:

20 hā‘ammûḏîm| šənayim hayyām ’eḥāḏ wəhabāqār šənêm-‘āśār nəḥōšeṯ ’ăšer-t^aḥaṯ hamməḵōnwōṯ ’ăšer ‘āśâ hammeleḵə šəlōmōh ləḇêṯ yəhwâ lō’-hāyâ mišəqāl linəḥušətām kāl-hakēlîm hā’ēlleh:

21 wəhā‘ammûḏîm šəmōneh ‘eśərēh ’ammâ qwōmâ qwōmaṯ hā‘ammuḏ hā’eḥāḏ wəḥûṭ šətêm-‘eśərēh ’ammâ yəsubennû wə‘āḇəywō ’arəb^a‘ ’aṣəbā‘wōṯ nāḇûḇ: