Tanakh, the Hebrew Bible: Ketuvim (the Writings), part 1 of 3

‎1 ‏אַ֥שְֽׁרֵי־הָאִ֗ישׁ³ אֲשֶׁ֤ר׀ לֹ֥א הָלַךְ֮ בַּעֲצַ֪ת רְשָׁ֫עִ֥ים וּבְדֶ֣רֶךְ חַ֭טָּאִים לֹ֥א עָמָ֑ד וּבְמוֹשַׁ֥ב לֵ֝צִ֗ים לֹ֣א יָשָֽׁב׃

‎2 ‏כִּ֤י אִ֥ם³ בְּתוֹרַ֥ת יְהוָ֗ה חֶ֫פְצ֥וֹ וּֽבְתוֹרָת֥וֹ יֶהְגֶּ֗ה יוֹמָ֥ם וָלָֽיְלָה׃

‎3 ‏וְֽהָיָ֗ה כְּעֵץ֮ שָׁת֪וּל עַֽל־פַּלְגֵ֫י מָ֥יִם אֲשֶׁ֤ר פִּרְי֨וֹ׀ יִתֵּ֬ן בְּעִתּ֗וֹ וְעָלֵ֥הוּ לֹֽא־יִבּ֑וֹל וְכֹ֖ל אֲשֶׁר־יַעֲשֶׂ֣ה יַצְלִֽיחַ׃

‎4 ‏לֹא־כֵ֥ן הָרְשָׁעִ֑ים כִּ֥י אִם־כַּ֝מֹּ֗ץ אֲ‍ֽשֶׁר־תִּדְּפֶ֥נּוּ רֽוּחַ׃

‎5 ‏עַל־כֵּ֤ן׀ לֹא־יָקֻ֣מוּ רְ֭שָׁעִים בַּמִּשְׁפָּ֑ט וְ֝חַטָּאִ֗ים בַּעֲדַ֥ת צַדִּיקִֽים׃

‎6 ‏כִּֽי־יוֹדֵ֣עַ יְ֭הוָה דֶּ֣רֶךְ צַדִּיקִ֑ים וְדֶ֖רֶךְ רְשָׁעִ֣ים תֹּאבֵֽד׃

1 ’ašərê-hā’îš³ ’ăšer| lō’ hālaḵə b^a‘ăṣaṯ rəšā‘îm ûḇəḏereḵə ḥaṭṭā’îm lō’ ‘āmāḏ ûḇəmwōšaḇ lēṣîm lō’ yāšāḇ:

2 kî ’im³ bəṯwōraṯ yəhwâ ḥefəṣwō ûḇəṯwōrāṯwō yehəgeh ywōmām wālāyəlâ:

3 wəhāyâ kə‘ēṣ šāṯûl ‘al-paləḡê māyim ’ăšer pirəywō| yitēn bə‘itwō wə‘ālēhû lō’-yibwōl wəḵōl ’ăšer-y^a‘ăśeh yaṣəlîḥa:

4 lō’-ḵēn hārəšā‘îm kî ’im-kammōṣ ’ă‍šer-tidəfennû rûḥa:

5 ‘al-kēn| lō’-yāqumû rəšā‘îm bammišəpāṭ wəḥaṭṭā’îm b^a‘ăḏaṯ ṣadîqîm:

6 kî-ywōḏē‘a yəhwâ dereḵə ṣadîqîm wəḏereḵə rəšā‘îm tō’ḇēḏ:

‎1 ‏לָ֭מָּה רָגְשׁ֣וּ גוֹיִ֑ם וּ֝לְאֻמִּ֗ים יֶהְגּוּ־רִֽיק׃

‎2 ‏יִ֥תְיַצְּב֨וּ׀³ מַלְכֵי־אֶ֗רֶץ וְרוֹזְנִ֥ים נֽוֹסְדוּ־יָ֑חַד עַל־יְ֝הוָה וְעַל־מְשִׁיחֽוֹ׃

‎3 ‏נְֽ֭נַתְּקָה אֶת־מֽוֹסְרוֹתֵ֑ימוֹ וְנַשְׁלִ֖יכָה מִמֶּ֣נּוּ עֲבֹתֵֽימוֹ׃

‎4 ‏יוֹשֵׁ֣ב בַּשָּׁמַ֣יִם יִשְׂחָ֑ק אֲ֝דֹנָ֗י יִלְעַג־לָֽמוֹ׃

‎5 ‏אָ֤ז יְדַבֵּ֣ר אֵלֵ֣ימוֹ בְאַפּ֑וֹ וּֽבַחֲרוֹנ֥וֹ יְבַהֲלֵֽמוֹ׃

‎6 ‏וַ֭אֲנִי נָסַ֣כְתִּי מַלְכִּ֑י עַל־צִ֝יּ֗וֹן הַר־קָדְשִֽׁי׃

‎7 ‏אֲסַפְּרָ֗ה אֶֽ֫ל³ חֹ֥ק יְֽהוָ֗ה אָמַ֘ר אֵלַ֥י בְּנִ֥י אַ֑תָּה אֲ֝נִ֗י הַיּ֥וֹם יְלִדְתִּֽיךָ׃

‎8 ‏שְׁאַ֤ל מִמֶּ֗נִּי וְאֶתְּנָ֣ה ג֭וֹיִם נַחֲלָתֶ֑ךָ וַ֝אֲחֻזָּתְךָ֗ אַפְסֵי־אָֽרֶץ׃

‎9 ‏תְּ֭רֹעֵם בְּשֵׁ֣בֶט בַּרְזֶ֑ל כִּכְלִ֖י יוֹצֵ֣ר תְּנַפְּצֵֽם׃

‎10 ‏וְ֭עַתָּה מְלָכִ֣ים הַשְׂכִּ֑ילוּ הִ֝וָּסְר֗וּ שֹׁ֣פְטֵי אָֽרֶץ׃

‎11 ‏עִבְד֣וּ אֶת־יְהוָ֣ה בְּיִרְאָ֑ה וְ֝גִ֗ילוּ בִּרְעָדָֽה׃

‎12 ‏נַשְּׁקוּ־בַ֡ר פֶּן־יֶאֱנַ֤ף׀ וְתֹ֬אבְדוּ דֶ֗רֶךְ כִּֽי־יִבְעַ֣ר כִּמְעַ֣ט אַפּ֑וֹ אַ֝שְׁרֵ֗י כָּל־ח֥וֹסֵי בֽוֹ׃

1 lāmmâ rāḡəšû ḡwōyim ûlə’ummîm yehəgû-rîq:

2 yiṯəyaṣṣəḇû|³ maləḵê-’ereṣ wərwōzənîm nwōsəḏû-yāḥaḏ ‘al-yəhwâ wə‘al-məšîḥwō:

3 nənatəqâ ’eṯ-mwōsərwōṯêmwō wənašəlîḵâ mimmennû ‘ăḇōṯêmwō:

4 ywōšēḇ baššāmayim yiśəḥāq ’ăḏōnāy yilə‘aḡ-lāmwō:

5 ’āz yəḏabēr ’ēlêmwō ḇə’apwō ûḇ^aḥărwōnwō yəḇahălēmwō:

6 wa’ănî nāsaḵətî maləkî ‘al-ṣîywōn har-qāḏəšî:

7 ’ăsapərâ ’el³ ḥōq yəhwâ ’āmar ’ēlay bənî ’atâ ’ănî hayywōm yəliḏətîḵā:

8 šə’al mimmennî wə’etənâ ḡwōyim n^aḥălāṯeḵā wa’ăḥuzzāṯəḵā ’afəsê-’āreṣ:

9 tərō‘ēm bəšēḇeṭ barəzel kiḵəlî ywōṣēr tənapəṣēm:

10 wə‘atâ məlāḵîm haśəkîlû hiûāsərû šōfəṭê ’āreṣ:

11 ‘iḇəḏû ’eṯ-yəhwâ bəyirə’â wəḡîlû birə‘āḏâ:

12 naššəqû-ḇar pen-ye’ĕnaf| wəṯō’ḇəḏû ḏereḵə kî-yiḇə‘ar kimə‘aṭ ’apwō ’ašərê kāl-ḥwōsê ḇwō:

‎1 ‏מִזְמ֥וֹר לְדָוִ֑ד בְּ֝בָרְח֗וֹ מִפְּנֵ֤י׀ אַבְשָׁל֬וֹם בְּנֽוֹ׃

‎2 ‏יְ֭הוָה מָֽה־רַבּ֣וּ צָרָ֑י רַ֝בִּ֗ים קָמִ֥ים עָלָֽי׃

‎3 ‏רַבִּים֮ אֹמְרִ֪ים לְנַ֫פְשִׁ֥י אֵ֤ין יְֽשׁוּעָ֓תָה לּ֬וֹ בֵֽאלֹהִ֬ים סֶֽלָה׃

‎4 ‏וְאַתָּ֣ה יְ֭הוָה מָגֵ֣ן בַּעֲדִ֑י כְּ֝בוֹדִ֗י וּמֵרִ֥ים רֹאשִֽׁי׃

‎5 ‏ק֭וֹלִי אֶל־יְהוָ֣ה אֶקְרָ֑א וַיַּֽעֲנֵ֨נִי מֵהַ֖ר קָדְשׁ֣וֹ סֶֽלָה׃

‎6 ‏אֲנִ֥י שָׁכַ֗בְתִּי וָֽאִ֫ישָׁ֥נָה הֱקִיצ֑וֹתִי כִּ֖י יְהוָ֣ה יִסְמְכֵֽנִי׃

‎7 ‏לֹֽא־אִ֭ירָא מֵרִבְב֥וֹת עָ֑ם אֲשֶׁ֥ר סָ֝בִ֗יב שָׁ֣תוּ עָלָֽי׃

‎8 ‏ק֘וּמָ֤ה יְהוָ֨ה׀ הוֹשִׁ֘יעֵ֤נִי אֱלֹהַ֗י כִּֽי־הִכִּ֣יתָ אֶת־כָּל־אֹיְבַ֣י לֶ֑חִי שִׁנֵּ֖י רְשָׁעִ֣ים שִׁבַּֽרְתָּ׃

‎9 ‏לַיהוָ֥ה הַיְשׁוּעָ֑ה עַֽל־עַמְּךָ֖ בִרְכָתֶ֣ךָ סֶּֽלָה׃

1 mizəmwōr ləḏāwiḏ bəḇārəḥwō mipənê| ’aḇəšālwōm bənwō:

2 yəhwâ mâ-rabû ṣārāy rabîm qāmîm ‘ālāy:

3 rabîm ’ōmərîm lənafəšî ’ên yəšû‘āṯâ llwō ḇē’lōhîm selâ:

4 wə’atâ yəhwâ māḡēn b^a‘ăḏî kəḇwōḏî ûmērîm rō’šî:

5 qwōlî ’el-yəhwâ ’eqərā’ wayy^a‘ănēnî mēhar qāḏəšwō selâ:

6 ’ănî šāḵaḇətî wā’îšānâ hĕqîṣwōṯî kî yəhwâ yisəməḵēnî:

7 lō’-’îrā’ mēriḇəḇwōṯ ‘ām ’ăšer sāḇîḇ šāṯû ‘ālāy:

8 qûmâ yəhwâ| hwōšî‘ēnî ’ĕlōhay kî-hikîṯā ’eṯ-kāl-’ōyəḇay leḥî šinnê rəšā‘îm šibarətā:

9 layhwâ hayəšû‘â ‘al-‘amməḵā ḇirəḵāṯeḵā sselâ:

‎1 ‏לַמְנַצֵּ֥חַ בִּנְגִינ֗וֹת מִזְמ֥וֹר לְדָוִֽד׃

‎2 ‏בְּקָרְאִ֡י עֲנֵ֤נִי׀ אֱלֹ֘הֵ֤י צִדְקִ֗י בַּ֭צָּר הִרְחַ֣בְתָּ לִּ֑י חָ֝נֵּ֗נִי וּשְׁמַ֥ע תְּפִלָּתִֽי׃

‎3 ‏בְּנֵ֥י אִ֡ישׁ עַד־מֶ֬ה כְבוֹדִ֣י לִ֭כְלִמָּה תֶּאֱהָב֣וּן רִ֑יק תְּבַקְשׁ֖וּ כָזָ֣ב סֶֽלָה׃

‎4 ‏וּדְע֗וּ כִּֽי־הִפְלָ֣ה יְ֭הוָה חָסִ֣יד ל֑וֹ יְהוָ֥ה יִ֝שְׁמַ֗ע בְּקָרְאִ֥י אֵלָֽיו׃

‎5 ‏רִגְז֗וּ וְֽאַל־תֶּ֫חֱטָ֥אוּ אִמְר֣וּ בִ֭לְבַבְכֶם עַֽל־מִשְׁכַּבְכֶ֗ם וְדֹ֣מּוּ סֶֽלָה׃

‎6 ‏זִבְח֥וּ זִבְחֵי־צֶ֑דֶק וּ֝בִטְח֗וּ אֶל־יְהוָֽה׃

‎7 ‏רַבִּ֥ים אֹמְרִים֮ מִֽי־יַרְאֵ֪נוּ֫ ט֥וֹב נְֽסָה־עָ֭לֵינוּ א֨וֹר פָּנֶ֬יךָ יְהוָֽה׃

‎8 ‏נָתַ֣תָּה שִׂמְחָ֣ה בְלִבִּ֑י מֵעֵ֬ת דְּגָנָ֖ם וְתִֽירוֹשָׁ֣ם רָֽבּוּ׃

‎9 ‏בְּשָׁל֣וֹם יַחְדָּו֮ אֶשְׁכְּבָ֪ה וְאִ֫ישָׁ֥ן כִּֽי־אַתָּ֣ה יְהוָ֣ה לְבָדָ֑ד לָ֝בֶ֗טַח תּוֹשִׁיבֵֽנִי׃

1 lamənaṣṣēḥa binəḡînwōṯ mizəmwōr ləḏāwiḏ:

2 bəqārə’î ‘ănēnî| ’ĕlōhê ṣiḏəqî baṣṣār hirəḥaḇətā llî ḥānnēnî ûšəm^a‘ təfillāṯî:

3 bənê ’îš ‘aḏ-meh ḵəḇwōḏî liḵəlimmâ te’ĕhāḇûn rîq təḇaqəšû ḵāzāḇ selâ:

4 ûḏə‘û kî-hifəlâ yəhwâ ḥāsîḏ lwō yəhwâ yišəm^a‘ bəqārə’î ’ēlāyw:

5 riḡəzû wə’al-teḥĕṭā’û ’imərû ḇiləḇaḇəḵem ‘al-mišəkaḇəḵem wəḏōmmû selâ:

6 ziḇəḥû ziḇəḥê-ṣeḏeq ûḇiṭəḥû ’el-yəhwâ:

7 rabîm ’ōmərîm mî-yarə’ēnû ṭwōḇ nəsâ-‘ālênû ’wōr pāneyḵā yəhwâ:

8 nāṯatâ śiməḥâ ḇəlibî mē‘ēṯ dəḡānām wəṯîrwōšām rābû:

9 bəšālwōm y^aḥədāw ’ešəkəḇâ wə’îšān kî-’atâ yəhwâ ləḇāḏāḏ lāḇeṭ^aḥ twōšîḇēnî:

‎1 ‏לַמְנַצֵּ֥חַ אֶֽל־הַנְּחִיל֗וֹת מִזְמ֥וֹר לְדָוִֽד׃

‎2 ‏אֲמָרַ֖י הַאֲזִ֥ינָה׀ יְהוָ֗ה בִּ֣ינָה הֲגִֽיגִי׃

‎3 ‏הַקְשִׁ֤יבָה׀ לְק֬וֹל שַׁוְעִ֗י מַלְכִּ֥י וֵאלֹהָ֑י כִּֽי־אֵ֝לֶ֗יךָ אֶתְפַּלָּֽל׃

‎4 ‏יְֽהוָ֗ה בֹּ֖קֶר תִּשְׁמַ֣ע קוֹלִ֑י בֹּ֥קֶר אֶֽעֱרָךְ־לְ֝ךָ֗ וַאֲצַפֶּֽה׃

‎5 ‏כִּ֤י׀ לֹ֤א אֵֽל־חָפֵ֘ץ רֶ֥שַׁע׀ אָ֑תָּה לֹ֖א יְגֻרְךָ֣ רָֽע׃

‎6 ‏לֹֽא־יִתְיַצְּב֣וּ הֽ֭וֹלְלִים לְנֶ֣גֶד עֵינֶ֑יךָ שָׂ֝נֵ֗אתָ כָּל־פֹּ֥עֲלֵי אָֽוֶן׃

‎7 ‏תְּאַבֵּד֮ דֹּבְרֵ֪י כָ֫זָ֥ב אִישׁ־דָּמִ֥ים וּמִרְמָ֗ה יְתָ֘עֵ֥ב׀ יְהוָֽה׃

‎8 ‏וַאֲנִ֗י בְּרֹ֣ב חַ֭סְדְּךָ אָב֣וֹא בֵיתֶ֑ךָ אֶשְׁתַּחֲוֶ֥ה אֶל־הֵֽיכַל־קָ֝דְשְׁךָ֗ בְּיִרְאָתֶֽךָ׃

‎9 ‏יְהוָ֤ה׀ נְחֵ֬נִי בְצִדְקָתֶ֗ךָ לְמַ֥עַן שׁוֹרְרָ֑י הושר הַיְשַׁ֖ר לְפָנַ֣י דַּרְכֶּֽךָ׃

‎10 ‏כִּ֤י אֵ֪ין בְּפִ֡יהוּ נְכוֹנָה֮ קִרְבָּ֪ם הַ֫וּ֥וֹת קֶֽבֶר־פָּת֥וּחַ גְּרוֹנָ֑ם לְ֝שׁוֹנָ֗ם יַחֲלִֽיקוּן׃

‎11 ‏הַֽאֲשִׁימֵ֨ם׀ אֱ‍ֽלֹהִ֗ים יִפְּלוּ֮ מִֽמֹּעֲצ֪וֹתֵ֫יהֶ֥ם בְּרֹ֣ב פִּ֭שְׁעֵיהֶם הַדִּיחֵ֑מוֹ כִּי־מָ֥רוּ בָֽךְ׃

‎12 ‏וְיִשְׂמְח֨וּ כָל־ח֪וֹסֵי בָ֡ךְ לְעוֹלָ֣ם יְ֭רַנֵּנוּ וְתָסֵ֣ךְ עָלֵ֑ימוֹ וְֽיַעְלְצ֥וּ בְ֝ךָ֗ אֹהֲבֵ֥י שְׁמֶֽךָ׃

‎13 ‏כִּֽי־אַתָּה֮ תְּבָרֵ֪ךְ צַ֫דִּ֥יק יְהוָ֑ה כַּ֝צִּנָּ֗ה רָצ֥וֹן תַּעְטְרֶֽנּוּ׃

1 lamənaṣṣēḥa ’el-hannəḥîlwōṯ mizəmwōr ləḏāwiḏ:

2 ’ămāray ha’ăzînâ| yəhwâ bînâ hăḡîḡî:

3 haqəšîḇâ| ləqwōl šawə‘î maləkî wē’lōhāy kî-’ēleyḵā ’eṯəpallāl:

4 yəhwâ bōqer tišəm^a‘ qwōlî bōqer ’e‘ĕrāḵə-ləḵā wa’ăṣapeh:

5 kî| lō’ ’ēl-ḥāfēṣ reš^a‘| ’ātâ lō’ yəḡurəḵā rā‘:

6 lō’-yiṯəyaṣṣəḇû hwōləlîm ləneḡeḏ ‘êneyḵā śānē’ṯā kāl-pō‘ălê ’āwen:

7 tə’abēḏ dōḇərê ḵāzāḇ ’îš-dāmîm ûmirəmâ yəṯā‘ēḇ| yəhwâ:

8 wa’ănî bərōḇ ḥasədəḵā ’āḇwō’ ḇêṯeḵā ’ešət^aḥăweh ’el-hêḵal-qāḏəšəḵā bəyirə’āṯeḵā:

9 yəhwâ| nəḥēnî ḇəṣiḏəqāṯeḵā ləm^a‘an šwōrərāy hwōšar hayəšar ləfānay darəkeḵā:

10 kî ’ên bəfîhû nəḵwōnâ qirəbām haûwōṯ qeḇer-pāṯûḥa gərwōnām ləšwōnām y^aḥălîqûn:

11 ha’ăšîmēm| ’ĕ‍lōhîm yipəlû mimmō‘ăṣwōṯêhem bərōḇ pišə‘êhem hadîḥēmwō kî-mārû ḇāḵə:

12 wəyiśəməḥû ḵāl-ḥwōsê ḇāḵə lə‘wōlām yərannēnû wəṯāsēḵə ‘ālêmwō wəy^a‘ələṣû ḇəḵā ’ōhăḇê šəmeḵā:

13 kî-’atâ təḇārēḵə ṣadîq yəhwâ kaṣṣinnâ rāṣwōn t^a‘əṭərennû:

‎1 ‏לַמְנַצֵּ֣חַ בִּ֭נְגִינוֹת עַֽל־הַשְּׁמִינִ֗ית מִזְמ֥וֹר לְדָוִֽד׃

‎2 ‏יְֽהוָ֗ה אַל־בְּאַפְּךָ֥ תוֹכִיחֵ֑נִי וְֽאַל־בַּחֲמָתְךָ֥ תְיַסְּרֵֽנִי׃

‎3 ‏חָנֵּ֥נִי יְהוָה֮ כִּ֤י אֻמְלַ֫ל אָ֥נִי רְפָאֵ֥נִי יְהוָ֑ה כִּ֖י נִבְהֲל֣וּ עֲצָמָֽי׃

‎4 ‏וְ֭נַפְשִׁי נִבְהֲלָ֣ה מְאֹ֑ד ואת וְאַתָּ֥ה יְ֝הוָ֗ה עַד־מָתָֽי׃

‎5 ‏שׁוּבָ֣ה יְ֭הוָה חַלְּצָ֣ה נַפְשִׁ֑י ה֝וֹשִׁיעֵ֗נִי לְמַ֣עַן חַסְדֶּֽךָ׃

‎6 ‏כִּ֤י אֵ֣ין בַּמָּ֣וֶת זִכְרֶ֑ךָ בִּ֝שְׁא֗וֹל מִ֣י יֽוֹדֶה־לָּֽךְ׃

‎7 ‏יָגַ֤עְתִּי׀ בְּֽאַנְחָתִ֗י אַשְׂחֶ֣ה בְכָל־לַ֭יְלָה מִטָּתִ֑י בְּ֝דִמְעָתִ֗י עַרְשִׂ֥י אַמְסֶֽה׃

‎8 ‏עָֽשְׁשָׁ֣ה מִכַּ֣עַס עֵינִ֑י עָֽ֝תְקָ֗ה בְּכָל־צוֹרְרָֽי׃

‎9 ‏ס֣וּרוּ מִ֭מֶּנִּי כָּל־פֹּ֣עֲלֵי אָ֑וֶן כִּֽי־שָׁמַ֥ע יְ֝הוָ֗ה ק֣וֹל בִּכְיִֽי׃

‎10 ‏שָׁמַ֣ע יְ֭הוָה תְּחִנָּתִ֑י יְ֝הוָ֗ה תְּֽפִלָּתִ֥י יִקָּֽח׃

‎11 ‏יֵבֹ֤שׁוּ׀ וְיִבָּהֲל֣וּ מְ֭אֹד כָּל־אֹיְבָ֑י יָ֝שֻׁ֗בוּ יֵבֹ֥שׁוּ רָֽגַע׃

1 lamənaṣṣēḥa binəḡînwōṯ ‘al-haššəmînîṯ mizəmwōr ləḏāwiḏ:

2 yəhwâ ’al-bə’apəḵā ṯwōḵîḥēnî wə’al-b^aḥămāṯəḵā ṯəyassərēnî:

3 ḥānnēnî yəhwâ kî ’uməlal ’ānî rəfā’ēnî yəhwâ kî niḇəhălû ‘ăṣāmāy:

4 wənafəšî niḇəhălâ mə’ōḏ wə’atə wə’atâ yəhwâ ‘aḏ-māṯāy:

5 šûḇâ yəhwâ ḥalləṣâ nafəšî hwōšî‘ēnî ləm^a‘an ḥasədeḵā:

6 kî ’ên bammāweṯ ziḵəreḵā bišə’wōl mî ywōḏeh-llāḵə:

7 yāḡ^a‘ətî| bə’anəḥāṯî ’aśəḥeh ḇəḵāl-layəlâ miṭṭāṯî bəḏimə‘āṯî ‘arəśî ’aməseh:

8 ‘āšəšâ mik^a‘as ‘ênî ‘āṯəqâ bəḵāl-ṣwōrərāy:

9 sûrû mimmennî kāl-pō‘ălê ’āwen kî-šām^a‘ yəhwâ qwōl biḵəyî:

10 šām^a‘ yəhwâ təḥinnāṯî yəhwâ təfillāṯî yiqqāḥ:

11 yēḇōšû| wəyibâălû mə’ōḏ kāl-’ōyəḇāy yāšuḇû yēḇōšû rāḡ^a‘:

‎1 ‏שִׁגָּי֗וֹן לְדָ֫וִ֥ד אֲשֶׁר־שָׁ֥ר לַיהוָ֑ה עַל־דִּבְרֵי־כ֝֗וּשׁ בֶּן־יְמִינִֽי׃

‎2 ‏יְהוָ֣ה אֱ֭לֹהַי בְּךָ֣ חָסִ֑יתִי הוֹשִׁיעֵ֥נִי מִכָּל־רֹ֝דְפַ֗י וְהַצִּילֵֽנִי׃

‎3 ‏פֶּן־יִטְרֹ֣ף כְּאַרְיֵ֣ה נַפְשִׁ֑י פֹּ֝רֵ֗ק וְאֵ֣ין מַצִּֽיל׃

‎4 ‏יְהוָ֣ה אֱ֭לֹהַי אִם־עָשִׂ֣יתִי זֹ֑את אִֽם־יֶשׁ־עָ֥וֶל בְּכַפָּֽי׃

‎5 ‏אִם־גָּ֭מַלְתִּי שֽׁוֹלְמִ֥י רָ֑ע וָאֲחַלְּצָ֖ה צוֹרְרִ֣י רֵיקָֽם׃

‎6 ‏יִֽרַדֹּ֥ף אוֹיֵ֨ב׀ נַפְשִׁ֡י וְיַשֵּׂ֗ג וְיִרְמֹ֣ס לָאָ֣רֶץ חַיָּ֑י וּכְבוֹדִ֓י׀ לֶעָפָ֖ר יַשְׁכֵּ֣ן סֶֽלָה׃

‎7 ‏ק֘וּמָ֤ה יְהוָ֨ה׀ בְּאַפֶּ֗ךָ הִ֭נָּשֵׂא בְּעַבְר֣וֹת צוֹרְרָ֑י וְע֥וּרָה אֵ֝לַ֗י מִשְׁפָּ֥ט צִוִּֽיתָ׃

‎8 ‏וַעֲדַ֣ת לְ֭אֻמִּים תְּסוֹבְבֶ֑ךָּ וְ֝עָלֶ֗יהָ לַמָּר֥וֹם שֽׁוּבָה׃

‎9 ‏יְהוָה֮ יָדִ֪ין עַ֫מִּ֥ים שָׁפְטֵ֥נִי יְהוָ֑ה כְּצִדְקִ֖י וּכְתֻמִּ֣י עָלָֽי׃

‎10 ‏יִגְמָר־נָ֬א רַ֨ע׀ רְשָׁעִים֮ וּתְכוֹנֵ֪ן צַ֫דִּ֥יק וּבֹחֵ֣ן לִ֭בּ֗וֹת וּכְלָי֗וֹת אֱלֹהִ֥ים צַדִּֽיק׃

‎11 ‏מָֽגִנִּ֥י עַל־אֱלֹהִ֑ים מ֝וֹשִׁ֗יעַ יִשְׁרֵי־לֵֽב׃

‎12 ‏אֱ֭לֹהִים שׁוֹפֵ֣ט צַדִּ֑יק וְ֝אֵ֗ל זֹעֵ֥ם בְּכָל־יֽוֹם׃

‎13 ‏אִם־לֹ֣א יָ֭שׁוּב חַרְבּ֣וֹ יִלְט֑וֹשׁ קַשְׁתּ֥וֹ דָ֝רַ֗ךְ וַֽיְכוֹנְנֶֽהָ׃

‎14 ‏וְ֭לוֹ הֵכִ֣ין כְּלֵי־מָ֑וֶת חִ֝צָּ֗יו לְֽדֹלְקִ֥ים יִפְעָֽל׃

‎15 ‏הִנֵּ֥ה יְחַבֶּל־אָ֑וֶן וְהָרָ֥ה עָ֝מָ֗ל וְיָ֣לַד שָֽׁקֶר׃

‎16 ‏בּ֣וֹר כָּ֭רָֽה וַֽיַּחְפְּרֵ֑הוּ וַ֝יִּפֹּ֗ל בְּשַׁ֣חַת יִפְעָֽל׃

‎17 ‏יָשׁ֣וּב עֲמָל֣וֹ בְרֹאשׁ֑וֹ וְעַ֥ל קָ֝דְקֳד֗וֹ חֲמָס֥וֹ יֵרֵֽד׃

‎18 ‏אוֹדֶ֣ה יְהוָ֣ה כְּצִדְק֑וֹ וַ֝אֲזַמְּרָ֗ה שֵֽׁם־יְהוָ֥ה עֶלְיֽוֹן׃

1 šigāywōn ləḏāwiḏ ’ăšer-šār layhwâ ‘al-diḇərê-ḵûš ben-yəmînî:

2 yəhwâ ’ĕlōhay bəḵā ḥāsîṯî hwōšî‘ēnî mikāl-rōḏəfay wəhaṣṣîlēnî:

3 pen-yiṭərōf kə’arəyēh nafəšî pōrēq wə’ên maṣṣîl:

4 yəhwâ ’ĕlōhay ’im-‘āśîṯî zō’ṯ ’im-yeš-‘āwel bəḵapāy:

5 ’im-gāmalətî šwōləmî rā‘ wā’ăḥalləṣâ ṣwōrərî rêqām:

6 yiradōf ’wōyēḇ| nafəšî wəyaśśēḡ wəyirəmōs lā’āreṣ ḥayyāy ûḵəḇwōḏî| le‘āfār yašəkēn selâ:

7 qûmâ yəhwâ| bə’apeḵā hinnāśē’ bə‘aḇərwōṯ ṣwōrərāy wə‘ûrâ ’ēlay mišəpāṭ ṣiûîṯā:

8 w^a‘ăḏaṯ lə’ummîm təswōḇəḇeḵḵā wə‘āleyhā lammārwōm šûḇâ:

9 yəhwâ yāḏîn ‘ammîm šāfəṭēnî yəhwâ kəṣiḏəqî ûḵəṯummî ‘ālāy:

10 yiḡəmār-nā’ r^a‘| rəšā‘îm ûṯəḵwōnēn ṣadîq ûḇōḥēn libwōṯ ûḵəlāywōṯ ’ĕlōhîm ṣadîq:

11 māḡinnî ‘al-’ĕlōhîm mwōšî‘a yišərê-lēḇ:

12 ’ĕlōhîm šwōfēṭ ṣadîq wə’ēl zō‘ēm bəḵāl-ywōm:

13 ’im-lō’ yāšûḇ ḥarəbwō yiləṭwōš qašətwō ḏāraḵə wayəḵwōnənehā:

14 wəlwō hēḵîn kəlê-māweṯ ḥiṣṣāyw ləḏōləqîm yifə‘āl:

15 hinnēh yəḥabel-’āwen wəhārâ ‘āmāl wəyālaḏ šāqer:

16 bwōr kārâ wayy^aḥəpərēhû wayyipōl bəš^aḥaṯ yifə‘āl:

17 yāšûḇ ‘ămālwō ḇərō’šwō wə‘al qāḏəqŏḏwō ḥămāswō yērēḏ:

18 ’wōḏeh yəhwâ kəṣiḏəqwō wa’ăzammərâ šēm-yəhwâ ‘eləywōn:

‎1 ‏לַמְנַצֵּ֥חַ עַֽל־הַגִּתִּ֗ית מִזְמ֥וֹר לְדָוִֽד׃

‎2 ‏יְהוָ֤ה אֲדֹנֵ֗ינוּ מָֽה־אַדִּ֣יר שִׁ֭מְךָ בְּכָל־הָאָ֑רֶץ אֲשֶׁ֥ר תְּנָ֥ה ה֝וֹדְךָ֗ עַל־הַשָּׁמָֽיִם׃

‎3 ‏מִפִּ֤י עֽוֹלְלִ֨ים׀ וְֽיֹנְקִים֮ יִסַּ֪דְתָּ֫ עֹ֥ז לְמַ֥עַן צוֹרְרֶ֑יךָ לְהַשְׁבִּ֥ית א֝וֹיֵ֗ב וּמִתְנַקֵּֽם׃

‎4 ‏כִּֽי־אֶרְאֶ֣ה שָׁ֭מֶיךָ מַעֲשֵׂ֣י אֶצְבְּעֹתֶ֑יךָ יָרֵ֥חַ וְ֝כוֹכָבִ֗ים אֲשֶׁ֣ר כּוֹנָֽנְתָּה׃

‎5 ‏מָֽה־אֱנ֥וֹשׁ כִּֽי־תִזְכְּרֶ֑נּוּ וּבֶן־אָ֝דָ֗ם כִּ֣י תִפְקְדֶֽנּוּ׃

‎6 ‏וַתְּחַסְּרֵ֣הוּ מְּ֭עַט מֵאֱלֹהִ֑ים וְכָב֖וֹד וְהָדָ֣ר תְּעַטְּרֵֽהוּ׃

‎7 ‏תַּ֭מְשִׁילֵהוּ בְּמַעֲשֵׂ֣י יָדֶ֑יךָ כֹּ֝ל שַׁ֣תָּה תַֽחַת־רַגְלָֽיו׃

‎8 ‏צֹנֶ֣ה וַאֲלָפִ֣ים כֻּלָּ֑ם וְ֝גַ֗ם בַּהֲמ֥וֹת שָׂדָֽי׃

‎9 ‏צִפּ֣וֹר שָׁ֭מַיִם וּדְגֵ֣י הַיָּ֑ם עֹ֝בֵ֗ר אָרְח֥וֹת יַמִּֽים׃

‎10 ‏יְהוָ֥ה אֲדֹנֵ֑ינוּ מָֽה־אַדִּ֥יר שִׁ֝מְךָ֗ בְּכָל־הָאָֽרֶץ׃

1 lamənaṣṣēḥa ‘al-hagitîṯ mizəmwōr ləḏāwiḏ:

2 yəhwâ ’ăḏōnênû mâ-’adîr šiməḵā bəḵāl-hā’āreṣ ’ăšer tənâ hwōḏəḵā ‘al-haššāmāyim:

3 mipî ‘wōləlîm| wəyōnəqîm yissaḏətā ‘ōz ləm^a‘an ṣwōrəreyḵā ləhašəbîṯ ’wōyēḇ ûmiṯənaqqēm:

4 kî-’erə’eh šāmeyḵā m^a‘ăśê ’eṣəbə‘ōṯeyḵā yārēḥa wəḵwōḵāḇîm ’ăšer kwōnānətâ:

5 mâ-’ĕnwōš kî-ṯizəkərennû ûḇen-’āḏām kî ṯifəqəḏennû:

6 watəḥassərēhû mmə‘aṭ mē’ĕlōhîm wəḵāḇwōḏ wəhāḏār tə‘aṭṭərēhû:

7 taməšîlēhû bəm^a‘ăśê yāḏeyḵā kōl šatâ ṯ^aḥaṯ-raḡəlāyw:

8 ṣōneh wa’ălāfîm kullām wəḡam bahămwōṯ śāḏāy:

9 ṣipwōr šāmayim ûḏəḡê hayyām ‘ōḇēr ’ārəḥwōṯ yammîm:

10 yəhwâ ’ăḏōnênû mâ-’adîr šiməḵā bəḵāl-hā’āreṣ:

‎1 ‏לַ֭מְנַצֵּחַ עַלְמ֥וּת לַבֵּ֗ן מִזְמ֥וֹר לְדָוִֽד׃

‎2 ‏אוֹדֶ֣ה יְ֭הוָה בְּכָל־לִבִּ֑י אֲ֝סַפְּרָ֗ה כָּל־נִפְלְאוֹתֶֽיךָ׃

‎3 ‏אֶשְׂמְחָ֣ה וְאֶעֶלְצָ֣ה בָ֑ךְ אֲזַמְּרָ֖ה שִׁמְךָ֣ עֶלְיֽוֹן׃

‎4 ‏בְּשׁוּב־אוֹיְבַ֥י אָח֑וֹר יִכָּשְׁל֥וּ וְ֝יֹאבְד֗וּ מִפָּנֶֽיךָ׃

‎5 ‏כִּֽי־עָ֭שִׂיתָ מִשְׁפָּטִ֣י וְדִינִ֑י יָשַׁ֥בְתָּ לְ֝כִסֵּ֗א שׁוֹפֵ֥ט צֶֽדֶק׃

‎6 ‏גָּעַ֣רְתָּ ג֭וֹיִם אִבַּ֣דְתָּ רָשָׁ֑ע שְׁמָ֥ם מָ֝חִ֗יתָ לְעוֹלָ֥ם וָעֶֽד׃

‎7 ‏הָֽאוֹיֵ֨ב׀ תַּ֥מּוּ חֳרָב֗וֹת לָ֫נֶ֥צַח וְעָרִ֥ים נָתַ֑שְׁתָּ אָבַ֖ד זִכְרָ֣ם הֵֽמָּה׃

‎8 ‏וַֽ֭יהוָה לְעוֹלָ֣ם יֵשֵׁ֑ב כּוֹנֵ֖ן לַמִּשְׁפָּ֣ט כִּסְאֽוֹ׃

‎9 ‏וְה֗וּא יִשְׁפֹּֽט־תֵּבֵ֥ל בְּצֶ֑דֶק יָדִ֥ין לְ֝אֻמִּ֗ים בְּמֵישָׁרִֽים׃

‎10 ‏וִ֘יהִ֤י יְהוָ֣ה מִשְׂגָּ֣ב לַדָּ֑ךְ מִ֝שְׂגָּ֗ב לְעִתּ֥וֹת בַּצָּרָֽה׃

‎11 ‏וְיִבְטְח֣וּ בְ֭ךָ יוֹדְעֵ֣י שְׁמֶ֑ךָ כִּ֤י לֹֽא־עָזַ֖בְתָּ דֹרְשֶׁ֣יךָ יְהוָֽה׃

‎12 ‏זַמְּר֗וּ לַ֭יהוָה יֹשֵׁ֣ב צִיּ֑וֹן הַגִּ֥ידוּ בָ֝עַמִּ֗ים עֲלִֽילוֹתָֽיו׃

‎13 ‏כִּֽי־דֹרֵ֣שׁ דָּ֭מִים אוֹתָ֣ם זָכָ֑ר לֹֽא־שָׁ֝כַ֗ח צַעֲקַ֥ת עניים עֲנָוִֽים׃

‎14 ‏חָֽנְנֵ֬נִי יְהוָ֗ה רְאֵ֣ה עָ֭נְיִי מִשֹּׂנְאָ֑י מְ֝רוֹמְמִ֗י מִשַּׁ֥עֲרֵי מָֽוֶת׃

‎15 ‏לְמַ֥עַן אֲסַפְּרָ֗ה כָּֽל־תְּהִלָּ֫תֶ֥יךָ בְּשַֽׁעֲרֵ֥י בַת־צִיּ֑וֹן אָ֝גִ֗ילָה בִּישׁוּעָתֶֽךָ׃

‎16 ‏טָבְע֣וּ ג֭וֹיִם בְּשַׁ֣חַת עָשׂ֑וּ בְּרֶֽשֶׁת־ז֥וּ טָ֝מָ֗נוּ נִלְכְּדָ֥ה רַגְלָֽם׃

‎17 ‏נ֤וֹדַ֨ע׀ יְהוָה֮ מִשְׁפָּ֪ט עָ֫שָׂ֥ה בְּפֹ֣עַל כַּ֭פָּיו נוֹקֵ֣שׁ רָשָׁ֑ע הִגָּי֥וֹן סֶֽלָה׃

‎18 ‏יָשׁ֣וּבוּ רְשָׁעִ֣ים לִשְׁא֑וֹלָה כָּל־גּ֝וֹיִ֗ם שְׁכֵחֵ֥י אֱלֹהִֽים׃

‎19 ‏כִּ֤י לֹ֣א לָ֭נֶצַח יִשָּׁכַ֣ח אֶבְי֑וֹן תִּקְוַ֥ת ענוים עֲ֝נִיִּ֗ים תֹּאבַ֥ד לָעַֽד׃

‎20 ‏קוּמָ֣ה יְ֭הוָה אַל־יָעֹ֣ז אֱנ֑וֹשׁ יִשָּׁפְט֥וּ ג֝וֹיִ֗ם עַל־פָּנֶֽיךָ׃

‎21 ‏שִׁ֘יתָ֤ה יְהוָ֨ה׀ מוֹרָ֗ה לָ֫הֶ֥ם יֵדְע֥וּ גוֹיִ֑ם אֱנ֖וֹשׁ הֵ֣מָּה סֶּֽלָה׃

1 lamənaṣṣēḥa ‘aləmûṯ labēn mizəmwōr ləḏāwiḏ:

2 ’wōḏeh yəhwâ bəḵāl-libî ’ăsapərâ kāl-nifələ’wōṯeyḵā:

3 ’eśəməḥâ wə’e‘eləṣâ ḇāḵə ’ăzammərâ šiməḵā ‘eləywōn:

4 bəšûḇ-’wōyəḇay ’āḥwōr yikāšəlû wəyō’ḇəḏû mipāneyḵā:

5 kî-‘āśîṯā mišəpāṭî wəḏînî yāšaḇətā ləḵissē’ šwōfēṭ ṣeḏeq:

6 gā‘arətā ḡwōyim ’ibaḏətā rāšā‘ šəmām māḥîṯā lə‘wōlām wā‘eḏ:

7 hā’wōyēḇ| tammû ḥŏrāḇwōṯ lāneṣ^aḥ wə‘ārîm nāṯašətā ’āḇaḏ ziḵərām hēmmâ:

8 wayhwâ lə‘wōlām yēšēḇ kwōnēn lammišəpāṭ kisə’wō:

9 wəhû’ yišəpōṭ-tēḇēl bəṣeḏeq yāḏîn lə’ummîm bəmêšārîm:

10 wîhî yəhwâ miśəgāḇ ladāḵə miśəgāḇ lə‘itwōṯ baṣṣārâ:

11 wəyiḇəṭəḥû ḇəḵā ywōḏə‘ê šəmeḵā kî lō’-‘āzaḇətā ḏōrəšeyḵā yəhwâ:

12 zammərû layhwâ yōšēḇ ṣîywōn hagîḏû ḇā‘ammîm ‘ălîlwōṯāyw:

13 kî-ḏōrēš dāmîm ’wōṯām zāḵār lō’-šāḵ^aḥ ṣ^a‘ăqaṯ ‘ănîyîm ‘ănāwîm:

14 ḥānənēnî yəhwâ rə’ēh ‘ānəyî miśśōnə’āy mərwōməmî mišš^a‘ărê māweṯ:

15 ləm^a‘an ’ăsapərâ kāl-təhillāṯeyḵā bəš^a‘ărê ḇaṯ-ṣîywōn ’āḡîlâ bîšû‘āṯeḵā:

16 ṭāḇə‘û ḡwōyim bəš^aḥaṯ ‘āśû bərešeṯ-zû ṭāmānû niləkəḏâ raḡəlām:

17 nwōḏ^a‘| yəhwâ mišəpāṭ ‘āśâ bəfō‘al kapāyw nwōqēš rāšā‘ higāywōn selâ:

18 yāšûḇû rəšā‘îm lišə’wōlâ kāl-gwōyim šəḵēḥê ’ĕlōhîm:

19 kî lō’ lāneṣ^aḥ yiššāḵ^aḥ ’eḇəywōn tiqəwaṯ ‘ănāwîm ‘ănîyîm tō’ḇaḏ lā‘aḏ:

20 qûmâ yəhwâ ’al-yā‘ōz ’ĕnwōš yiššāfəṭû ḡwōyim ‘al-pāneyḵā:

21 šîṯâ yəhwâ| mwōrâ lâem yēḏə‘û ḡwōyim ’ĕnwōš hēmmâ sselâ:

‎1 ‏לָמָ֣ה יְ֭הוָה תַּעֲמֹ֣ד בְּרָח֑וֹק תַּ֝עְלִ֗ים לְעִתּ֥וֹת בַּצָּרָֽה׃

‎2 ‏בְּגַאֲוַ֣ת רָ֭שָׁע יִדְלַ֣ק עָנִ֑י יִתָּפְשׂ֓וּ׀ בִּמְזִמּ֖וֹת ז֣וּ חָשָֽׁבוּ׃

‎3 ‏כִּֽי־הִלֵּ֣ל רָ֭שָׁע עַל־תַּאֲוַ֣ת נַפְשׁ֑וֹ וּבֹצֵ֥עַ בֵּ֝רֵ֗ךְ נִ֘אֵ֥ץ׀ יְהוָֽה׃

‎4 ‏רָשָׁ֗ע כְּגֹ֣בַהּ אַ֭פּוֹ בַּל־יִדְרֹ֑שׁ אֵ֥ין אֱ֝לֹהִ֗ים כָּל־מְזִמּוֹתָֽיו׃

‎5 ‏יָ֘חִ֤ילוּ דרכו דְרָכָ֨יו׀ בְּכָל־עֵ֗ת מָר֣וֹם מִ֭שְׁפָּטֶיךָ מִנֶּגְדּ֑וֹ כָּל־צ֝וֹרְרָ֗יו יָפִ֥יחַ בָּהֶֽם׃

‎6 ‏אָמַ֣ר בְּ֭לִבּוֹ בַּל־אֶמּ֑וֹט לְדֹ֥ר וָ֝דֹ֗ר אֲשֶׁ֣ר לֹֽא־בְרָֽע׃

‎7 ‏אָלָ֤ה פִּ֣יהוּ מָ֭לֵא וּמִרְמ֣וֹת וָתֹ֑ךְ תַּ֥חַת לְ֝שׁוֹנ֗וֹ עָמָ֥ל וָאָֽוֶן׃

‎8 ‏יֵשֵׁ֤ב׀ בְּמַאְרַ֬ב חֲצֵרִ֗ים בַּֽ֭מִּסְתָּרִים יַהֲרֹ֣ג נָקִ֑י עֵ֝ינָ֗יו לְֽחֵלְכָ֥ה יִצְפֹּֽנוּ׃

‎9 ‏יֶאֱרֹ֬ב בַּמִּסְתָּ֨ר׀ כְּאַרְיֵ֬ה בְסֻכֹּ֗ה יֶ֭אֱרֹב לַחֲט֣וֹף עָנִ֑י יַחְטֹ֥ף עָ֝נִ֗י בְּמָשְׁכ֥וֹ בְרִשְׁתּֽוֹ׃

‎10 ‏ודכה יִדְכֶּ֥ה יָשֹׁ֑חַ וְנָפַ֥ל בַּ֝עֲצוּמָ֗יו חלכאים חֵ֣יל כָּאִֽים׃

‎11 ‏אָמַ֣ר בְּ֭לִבּוֹ שָׁ֣כַֽח³ אֵ֑ל הִסְתִּ֥יר פָּ֝נָ֗יו בַּל־רָאָ֥ה לָנֶֽצַח׃

‎12 ‏קוּמָ֤ה יְהוָ֗ה אֵ֭ל נְשָׂ֣א יָדֶ֑ךָ אַל־תִּשְׁכַּ֥ח עניים עֲנָוִֽים׃

‎13 ‏עַל־מֶ֤ה׀ נִאֵ֖ץ רָשָׁ֥ע׀ אֱלֹהִ֑ים אָמַ֥ר בְּ֝לִבּ֗וֹ לֹ֣א תִּדְרֹֽשׁ׃

‎14 ‏רָאִ֡תָה כִּֽי־אַתָּ֤ה׀ עָ֘מָ֤ל וָכַ֨עַס׀ תַּבִּיט֮ לָתֵ֪ת בְּיָ֫דֶ֥ךָ עָ֭לֶיךָ יַעֲזֹ֣ב חֵלֶ֑כָה יָ֝ת֗וֹם אַתָּ֤ה׀ הָיִ֬יתָ עוֹזֵֽר׃

‎15 ‏שְׁ֭בֹר זְר֣וֹעַ רָשָׁ֑ע וָ֝רָ֗ע תִּֽדְרוֹשׁ־רִשְׁע֥וֹ³ בַל־תִּמְצָֽא׃

‎16 ‏יְהוָ֣ה מֶ֭לֶךְ עוֹלָ֣ם וָעֶ֑ד אָבְד֥וּ ג֝וֹיִ֗ם מֵֽאַרְצֽוֹ׃

‎17 ‏תַּאֲוַ֬ת עֲנָוִ֣ים שָׁמַ֣עְתָּ יְהוָ֑ה תָּכִ֥ין לִ֝בָּ֗ם תַּקְשִׁ֥יב אָזְנֶֽךָ׃

‎18 ‏לִשְׁפֹּ֥ט יָת֗וֹם וָ֫דָ֥ךְ בַּל־יוֹסִ֥יף ע֑וֹד לַעֲרֹ֥ץ אֱ֝נ֗וֹשׁ מִן־הָאָֽרֶץ׃

1 lāmâ yəhwâ t^a‘ămōḏ bərāḥwōq t^a‘əlîm lə‘itwōṯ baṣṣārâ:

2 bəḡa’ăwaṯ rāšā‘ yiḏəlaq ‘ānî yitāfəśû| biməzimmwōṯ zû ḥāšāḇû:

3 kî-hillēl rāšā‘ ‘al-ta’ăwaṯ nafəšwō ûḇōṣē‘a bērēḵə ni’ēṣ| yəhwâ:

4 rāšā‘ kəḡōḇ^ah ’apwō bal-yiḏərōš ’ên ’ĕlōhîm kāl-məzimmwōṯāyw:

5 yāḥîlû ḏərāḵāw ḏərāḵāyw| bəḵāl-‘ēṯ mārwōm mišəpāṭeyḵā minneḡədwō kāl-ṣwōrərāyw yāfîḥa bâem:

6 ’āmar bəlibwō bal-’emmwōṭ ləḏōr wāḏōr ’ăšer lō’-ḇərā‘:

7 ’ālâ pîhû mālē’ ûmirəmwōṯ wāṯōḵə t^aḥaṯ ləšwōnwō ‘āmāl wā’āwen:

8 yēšēḇ| bəma’əraḇ ḥăṣērîm bammisətārîm yahărōḡ nāqî ‘ênāyw ləḥēləḵâ yiṣəpōnû:

9 ye’ĕrōḇ bammisətār| kə’arəyēh ḇəsukōh ye’ĕrōḇ l^aḥăṭwōf ‘ānî y^aḥəṭōf ‘ānî bəmāšəḵwō ḇərišətwō:

10 wəḏāḵâ yiḏəkeh yāšōḥa wənāfal b^a‘ăṣûmāyw ḥeləkā’îm ḥêl kā’îm:

11 ’āmar bəlibwō šāḵ^aḥ³ ’ēl hisətîr pānāyw bal-rā’â lāneṣ^aḥ:

12 qûmâ yəhwâ ’ēl nəśā’ yāḏeḵā ’al-tišək^aḥ ‘ănîyîm ‘ănāwîm:

13 ‘al-meh| ni’ēṣ rāšā‘| ’ĕlōhîm ’āmar bəlibwō lō’ tiḏərōš:

14 rā’iṯâ kî-’atâ| ‘āmāl wāḵ^a‘as| tabîṭ lāṯēṯ bəyāḏeḵā ‘āleyḵā y^a‘ăzōḇ ḥēleḵâ yāṯwōm ’atâ| hāyîṯā ‘wōzēr:

15 šəḇōr zərwō‘a rāšā‘ wārā‘ tiḏərwōš-rišə‘wō³ ḇal-timəṣā’:

16 yəhwâ meleḵə ‘wōlām wā‘eḏ ’āḇəḏû ḡwōyim mē’arəṣwō:

17 ta’ăwaṯ ‘ănāwîm šām^a‘ətā yəhwâ tāḵîn libām taqəšîḇ ’āzəneḵā:

18 lišəpōṭ yāṯwōm wāḏāḵə bal-ywōsîf ‘wōḏ l^a‘ărōṣ ’ĕnwōš min-hā’āreṣ:

‎1 ‏לַמְנַצֵּ֗חַ לְדָ֫וִ֥ד בַּֽיהוָ֨ה׀ חָסִ֗יתִי אֵ֭יךְ תֹּאמְר֣וּ לְנַפְשִׁ֑י נודו נ֝֗וּדִי הַרְכֶ֥ם צִפּֽוֹר׃

‎2 ‏כִּ֤י הִנֵּ֪ה³ הָרְשָׁעִ֡ים יִדְרְכ֬וּן קֶ֗שֶׁת כּוֹנְנ֣וּ חִצָּ֣ם עַל־יֶ֑תֶר לִיר֥וֹת בְּמוֹ־אֹ֝֗פֶל לְיִשְׁרֵי־לֵֽב׃

‎3 ‏כִּ֣י הַ֭שָּׁתוֹת יֵֽהָרֵס֑וּן צַ֝דִּ֗יק מַה־פָּעָֽל׃

‎4 ‏יְהוָ֤ה׀ בְּֽהֵ֘יכַ֤ל קָדְשׁ֗וֹ יְהוָה֮ בַּשָּׁמַ֪יִם כִּ֫סְא֥וֹ עֵינָ֥יו יֶחֱז֑וּ עַפְעַפָּ֥יו יִ֝בְחֲנ֗וּ בְּנֵ֣י אָדָֽם׃

‎5 ‏יְהוָה֮ צַדִּ֪יק יִ֫בְחָ֥ן וְ֭רָשָׁע וְאֹהֵ֣ב חָמָ֑ס שָֽׂנְאָ֥ה נַפְשֽׁוֹ׃

‎6 ‏יַמְטֵ֥ר עַל־רְשָׁעִ֗ים פַּ֫חִ֥ים אֵ֣שׁ וְ֭גָפְרִית וְר֥וּחַ זִלְעָפ֗וֹת מְנָ֣ת כּוֹסָֽם׃

‎7 ‏כִּֽי־צַדִּ֣יק יְ֭הוָה צְדָק֣וֹת אָהֵ֑ב יָ֝שָׁ֗ר יֶחֱז֥וּ פָנֵֽימוֹ׃

1 lamənaṣṣēḥa ləḏāwiḏ bayhwâ| ḥāsîṯî ’êḵə tō’mərû lənafəšî nûḏû nûḏî harəḵem ṣipwōr:

2 kî hinnēh³ hārəšā‘îm yiḏərəḵûn qešeṯ kwōnənû ḥiṣṣām ‘al-yeṯer lîrwōṯ bəmwō-’ōfel ləyišərê-lēḇ:

3 kî haššāṯwōṯ yēhārēsûn ṣadîq mah-pā‘āl:

4 yəhwâ| bəhêḵal qāḏəšwō yəhwâ baššāmayim kisə’wō ‘ênāyw yeḥĕzû ‘afə‘apāyw yiḇəḥănû bənê ’āḏām:

5 yəhwâ ṣadîq yiḇəḥān wərāšā‘ wə’ōhēḇ ḥāmās śānə’â nafəšwō:

6 yaməṭēr ‘al-rəšā‘îm p^aḥîm ’ēš wəḡāfərîṯ wərûḥa zilə‘āfwōṯ mənāṯ kwōsām:

7 kî-ṣadîq yəhwâ ṣəḏāqwōṯ ’âēḇ yāšār yeḥĕzû fānêmwō:

‎1 ‏לַמְנַצֵּ֥חַ עַֽל־הַשְּׁמִינִ֗ית מִזְמ֥וֹר לְדָוִֽד׃

‎2 ‏הוֹשִׁ֣יעָה יְ֭הוָה כִּי־גָמַ֣ר חָסִ֑יד כִּי־פַ֥סּוּ אֱ֝מוּנִ֗ים מִבְּנֵ֥י אָדָֽם׃

‎3 ‏שָׁ֤וְא׀ יְֽדַבְּרוּ֮ אִ֤ישׁ אֶת־רֵ֫עֵ֥הוּ שְׂפַ֥ת חֲלָק֑וֹת בְּלֵ֖ב וָלֵ֣ב יְדַבֵּֽרוּ׃

‎4 ‏יַכְרֵ֣ת יְ֭הוָה כָּל־שִׂפְתֵ֣י חֲלָק֑וֹת לָ֝שׁ֗וֹן מְדַבֶּ֥רֶת גְּדֹלֽוֹת׃

‎5 ‏אֲשֶׁ֤ר אָֽמְר֨וּ׀ לִלְשֹׁנֵ֣נוּ נַ֭גְבִּיר שְׂפָתֵ֣ינוּ אִתָּ֑נוּ מִ֖י אָד֣וֹן לָֽנוּ׃

‎6 ‏מִשֹּׁ֥ד עֲנִיִּים֮ מֵאַנְקַ֪ת אֶבְי֫וֹנִ֥ים עַתָּ֣ה אָ֭קוּם יֹאמַ֣ר יְהוָ֑ה אָשִׁ֥ית בְּ֝יֵ֗שַׁע יָפִ֥יחַֽ לֽוֹ׃

‎7 ‏אִֽמֲר֣וֹת יְהוָה֮ אֲמָר֪וֹת טְהֹ֫ר֥וֹת כֶּ֣סֶף צָ֭רוּף בַּעֲלִ֣יל לָאָ֑רֶץ מְ֝זֻקָּ֗ק שִׁבְעָתָֽיִם׃

‎8 ‏אַתָּֽה־יְהוָ֥ה תִּשְׁמְרֵ֑ם תִּצְּרֶ֓נּוּ׀ מִן־הַדּ֖וֹר ז֣וּ לְעוֹלָֽם׃

‎9 ‏סָבִ֗יב רְשָׁעִ֥ים יִתְהַלָּכ֑וּן כְּרֻ֥ם זֻ֝לּ֗וּת לִבְנֵ֥י אָדָֽם׃

1 lamənaṣṣēḥa ‘al-haššəmînîṯ mizəmwōr ləḏāwiḏ:

2 hwōšî‘â yəhwâ kî-ḡāmar ḥāsîḏ kî-fassû ’ĕmûnîm mibənê ’āḏām:

3 šāwə’| yəḏabərû ’îš ’eṯ-rē‘ēhû śəfaṯ ḥălāqwōṯ bəlēḇ wālēḇ yəḏabērû:

4 yaḵərēṯ yəhwâ kāl-śifəṯê ḥălāqwōṯ lāšwōn məḏabereṯ gəḏōlwōṯ:

5 ’ăšer ’āmərû| liləšōnēnû naḡəbîr śəfāṯênû ’itānû mî ’āḏwōn lānû:

6 miššōḏ ‘ănîyîm mē’anəqaṯ ’eḇəywōnîm ‘atâ ’āqûm yō’mar yəhwâ ’āšîṯ bəyēš^a‘ yāfîḥa lwō:

7 ’imărwōṯ yəhwâ ’ămārwōṯ ṭəhōrwōṯ kesef ṣārûf b^a‘ălîl lā’āreṣ məzuqqāq šiḇə‘āṯāyim:

8 ’atâ-yəhwâ tišəmərēm tiṣṣərennû| min-hadwōr zû lə‘wōlām:

9 sāḇîḇ rəšā‘îm yiṯəhallāḵûn kərum zullûṯ liḇənê ’āḏām:

‎1 ‏לַמְנַצֵּ֗חַ מִזְמ֥וֹר לְדָוִֽד׃

‎2 ‏עַד־אָ֣נָה יְ֭הוָה תִּשְׁכָּחֵ֣נִי נֶ֑צַח עַד־אָ֓נָה׀ תַּסְתִּ֖יר אֶת־פָּנֶ֣יךָ מִמֶּֽנִּי׃

‎3 ‏עַד־אָ֨נָה אָשִׁ֪ית עֵצ֡וֹת בְּנַפְשִׁ֗י יָג֣וֹן בִּלְבָבִ֣י יוֹמָ֑ם עַד־אָ֓נָה׀ יָר֖וּם אֹיְבִ֣י עָלָֽי׃

‎4 ‏הַבִּ֣יטָֽה עֲ֭נֵנִי יְהוָ֣ה אֱלֹהָ֑י הָאִ֥ירָה עֵ֝ינַ֗י פֶּן־אִישַׁ֥ן הַמָּֽוֶת׃

‎5 ‏פֶּן־יֹאמַ֣ר אֹיְבִ֣י יְכָלְתִּ֑יו צָרַ֥י יָ֝גִ֗ילוּ כִּ֣י אֶמּֽוֹט׃

‎6 ‏וַאֲנִ֤י׀ בְּחַסְדְּךָ֣ בָטַחְתִּי֮ יָ֤גֵ֥ל לִבִּ֗י בִּֽישׁוּעָ֫תֶ֥ךָ אָשִׁ֥ירָה לַיהוָ֑ה כִּ֖י גָמַ֣ל עָלָֽי׃

1 lamənaṣṣēḥa mizəmwōr ləḏāwiḏ:

2 ‘aḏ-’ānâ yəhwâ tišəkāḥēnî neṣ^aḥ ‘aḏ-’ānâ| tasətîr ’eṯ-pāneyḵā mimmennî:

3 ‘aḏ-’ānâ ’āšîṯ ‘ēṣwōṯ bənafəšî yāḡwōn biləḇāḇî ywōmām ‘aḏ-’ānâ| yārûm ’ōyəḇî ‘ālāy:

4 habîṭâ ‘ănēnî yəhwâ ’ĕlōhāy hā’îrâ ‘ênay pen-’îšan hammāweṯ:

5 pen-yō’mar ’ōyəḇî yəḵālətîw ṣāray yāḡîlû kî ’emmwōṭ:

6 wa’ănî| bəḥasədəḵā ḇāṭ^aḥətî yāḡēl libî bîšû‘āṯeḵā ’āšîrâ layhwâ kî ḡāmal ‘ālāy:

‎1 ‏לַמְנַצֵּ֗חַ לְדָ֫וִ֥ד אָ֘מַ֤ר נָבָ֣ל בְּ֭לִבּוֹ אֵ֣ין אֱלֹהִ֑ים הִֽשְׁחִ֗יתוּ הִֽתְעִ֥יבוּ עֲלִילָ֗ה אֵ֣ין עֹֽשֵׂה־טֽוֹב׃

‎2 ‏יְֽהוָ֗ה מִשָּׁמַיִם֮ הִשְׁקִ֪יף עַֽל־בְּנֵי־אָ֫דָ֥ם לִ֭רְאוֹת הֲיֵ֣שׁ מַשְׂכִּ֑יל דֹּ֝רֵשׁ אֶת־אֱלֹהִֽים׃

‎3 ‏הַכֹּ֥ל סָר֮ יַחְדָּ֪ו נֶ֫אֱלָ֥חוּ אֵ֤ין עֹֽשֵׂה־ט֑וֹב אֵ֝֗ין גַּם־אֶחָֽד׃

‎4 ‏הֲלֹ֥א יָדְעוּ֮ כָּל־פֹּ֪עֲלֵ֫י אָ֥וֶן אֹכְלֵ֣י עַ֭מִּי אָ֣כְלוּ לֶ֑חֶם יְ֝הוָ֗ה לֹ֣א קָרָֽאוּ׃

‎5 ‏שָׁ֤ם׀ פָּ֣חֲדוּ פָ֑חַד כִּֽי־אֱ֝לֹהִ֗ים בְּד֣וֹר צַדִּֽיק׃

‎6 ‏עֲצַת־עָנִ֥י תָבִ֑ישׁוּ כִּ֖י יְהוָ֣ה מַחְסֵֽהוּ׃

‎7 ‏מִ֥י יִתֵּ֣ן מִצִּיּוֹן֮ יְשׁוּעַ֪ת יִשְׂרָ֫אֵ֥ל בְּשׁ֣וּב יְ֭הוָה שְׁב֣וּת עַמּ֑וֹ יָגֵ֥ל יַ֝עֲקֹ֗ב יִשְׂמַ֥ח יִשְׂרָֽאֵל׃³

1 lamənaṣṣēḥa ləḏāwiḏ ’āmar nāḇāl bəlibwō ’ên ’ĕlōhîm hišəḥîṯû hiṯə‘îḇû ‘ălîlâ ’ên ‘ōśēh-ṭwōḇ:

2 yəhwâ miššāmayim hišəqîf ‘al-bənê-’āḏām lirə’wōṯ hăyēš maśəkîl dōrēš ’eṯ-’ĕlōhîm:

3 hakōl sār y^aḥədāw ne’ĕlāḥû ’ên ‘ōśēh-ṭwōḇ ’ên gam-’eḥāḏ:

4 hălō’ yāḏə‘û kāl-pō‘ălê ’āwen ’ōḵəlê ‘ammî ’āḵəlû leḥem yəhwâ lō’ qārā’û:

5 šām| pāḥăḏû fāḥaḏ kî-’ĕlōhîm bəḏwōr ṣadîq:

6 ‘ăṣaṯ-‘ānî ṯāḇîšû kî yəhwâ m^aḥəsēhû:

7 mî yitēn miṣṣîywōn yəšû‘aṯ yiśərā’ēl bəšûḇ yəhwâ šəḇûṯ ‘ammwō yāḡēl y^a‘ăqōḇ yiśəm^aḥ yiśərā’ēl:³

‎1 ‏מִזְמ֗וֹר לְדָ֫וִ֥ד יְ֭הוָֹה מִי־יָג֣וּר בְּאָהֳלֶ֑ךָ מִֽי־יִ֝שְׁכֹּ֗ן בְּהַ֣ר קָדְשֶֽׁךָ׃

‎2 ‏הוֹלֵ֣ךְ תָּ֭מִים וּפֹעֵ֥ל צֶ֑דֶק וְדֹבֵ֥ר אֱ֝מֶ֗ת בִּלְבָבֽוֹ׃

‎3 ‏לֹֽא־רָגַ֨ל׀ עַל־לְשֹׁנ֗וֹ לֹא־עָשָׂ֣ה לְרֵעֵ֣הוּ רָעָ֑ה וְ֝חֶרְפָּ֗ה לֹא־נָשָׂ֥א עַל־קְרֹֽבוֹ׃

‎4 ‏נִבְזֶ֤ה׀ בְּֽעֵ֘ינָ֤יו נִמְאָ֗ס וְאֶת־יִרְאֵ֣י יְהוָ֣ה יְכַבֵּ֑ד נִשְׁבַּ֥ע לְ֝הָרַ֗ע וְלֹ֣א יָמִֽר׃

‎5 ‏כַּסְפּ֤וֹ׀ לֹא־נָתַ֣ן בְּנֶשֶׁךְ֮ וְשֹׁ֥חַד עַל־נָקִ֗י לֹ֥א לָ֫קָ֥ח עֹֽשֵׂה־אֵ֑לֶּה לֹ֖א יִמּ֣וֹט לְעוֹלָֽם׃

1 mizəmwōr ləḏāwiḏ yəhwōâ mî-yāḡûr bə’âŏleḵā mî-yišəkōn bəhar qāḏəšeḵā:

2 hwōlēḵə tāmîm ûfō‘ēl ṣeḏeq wəḏōḇēr ’ĕmeṯ biləḇāḇwō:

3 lō’-rāḡal| ‘al-ləšōnwō lō’-‘āśâ lərē‘ēhû rā‘â wəḥerəpâ lō’-nāśā’ ‘al-qərōḇwō:

4 niḇəzeh| bə‘ênāyw nimə’ās wə’eṯ-yirə’ê yəhwâ yəḵabēḏ nišəb^a‘ ləhār^a‘ wəlō’ yāmir:

5 kasəpwō| lō’-nāṯan bənešeḵə wəšōḥaḏ ‘al-nāqî lō’ lāqāḥ ‘ōśēh-’ēlleh lō’ yimmwōṭ lə‘wōlām:

‎1 ‏מִכְתָּ֥ם לְדָוִ֑ד שָֽׁמְרֵ֥נִי אֵ֝֗ל כִּֽי־חָסִ֥יתִי בָֽךְ׃

‎2 ‏אָמַ֣רְתְּ לַֽ֭יהוָה אֲדֹנָ֣י אָ֑תָּה ט֝וֹבָתִ֗י בַּל־עָלֶֽיךָ׃

‎3 ‏לִ֭קְדוֹשִׁים אֲשֶׁר־בָּאָ֣רֶץ הֵ֑מָּה וְ֝אַדִּירֵ֗י כָּל־חֶפְצִי־בָֽם׃

‎4 ‏יִרְבּ֥וּ עַצְּבוֹתָם֮ אַחֵ֪ר מָ֫הָ֥רוּ בַּל־אַסִּ֣יךְ נִסְכֵּיהֶ֣ם מִדָּ֑ם וּֽבַל־אֶשָּׂ֥א אֶת־שְׁ֝מוֹתָ֗ם עַל־שְׂפָתָֽי׃

‎5 ‏יְֽהוָ֗ה מְנָת־חֶלְקִ֥י וְכוֹסִ֑י אַ֝תָּ֗ה תּוֹמִ֥יךְ גּוֹרָלִֽי׃

‎6 ‏חֲבָלִ֣ים נָֽפְלוּ־לִ֭י בַּנְּעִמִ֑ים אַף־נַ֝חֲלָ֗ת שָֽׁפְרָ֥ה עָלָֽי׃

‎7 ‏אֲבָרֵ֗ךְ אֶת־יְ֭הוָה אֲשֶׁ֣ר יְעָצָ֑נִי אַף־לֵ֝יל֗וֹת יִסְּר֥וּנִי כִלְיוֹתָֽי׃

‎8 ‏שִׁוִּ֬יתִי יְהוָ֣ה לְנֶגְדִּ֣י תָמִ֑יד כִּ֥י מִֽ֝ימִינִ֗י בַּל־אֶמּֽוֹט׃

‎9 ‏לָכֵ֤ן׀ שָׂמַ֣ח לִ֭בִּי וַיָּ֣גֶל כְּבוֹדִ֑י אַף־בְּ֝שָׂרִ֗י יִשְׁכֹּ֥ן לָבֶֽטַח׃

‎10 ‏כִּ֤י׀ לֹא־תַעֲזֹ֣ב נַפְשִׁ֣י לִשְׁא֑וֹל לֹֽא־תִתֵּ֥ן חֲ֝סִידְךָ֗ לִרְא֥וֹת שָֽׁחַת׃³

‎11 ‏תּֽוֹדִיעֵנִי֮³ אֹ֤רַח חַ֫יִּ֥ים שֹׂ֣בַע שְׂ֭מָחוֹת אֶת־פָּנֶ֑יךָ נְעִמ֖וֹת בִּימִינְךָ֣ נֶֽצַח׃

1 miḵətām ləḏāwiḏ šāmərēnî ’ēl kî-ḥāsîṯî ḇāḵə:

2 ’āmarətə layhwâ ’ăḏōnāy ’ātâ ṭwōḇāṯî bal-‘āleyḵā:

3 liqəḏwōšîm ’ăšer-bā’āreṣ hēmmâ wə’adîrê kāl-ḥefəṣî-ḇām:

4 yirəbû ‘aṣṣəḇwōṯām ’^aḥēr mâārû bal-’assîḵə nisəkêhem midām ûḇal-’eśśā’ ’eṯ-šəmwōṯām ‘al-śəfāṯāy:

5 yəhwâ mənāṯ-ḥeləqî wəḵwōsî ’atâ twōmîḵə gwōrālî:

6 ḥăḇālîm nāfəlû-lî bannə‘imîm ’af-n^aḥălāṯ šāfərâ ‘ālāy:

7 ’ăḇārēḵə ’eṯ-yəhwâ ’ăšer yə‘āṣānî ’af-lêlwōṯ yissərûnî ḵiləywōṯāy:

8 šiûîṯî yəhwâ ləneḡədî ṯāmîḏ kî mîmînî bal-’emmwōṭ:

9 lāḵēn| śām^aḥ libî wayyāḡel kəḇwōḏî ’af-bəśārî yišəkōn lāḇeṭ^aḥ:

10 kî| lō’-ṯ^a‘ăzōḇ nafəšî lišə’wōl lō’-ṯitēn ḥăsîḏəḵā lirə’wōṯ šāḥaṯ:³

11 twōḏî‘ēnî³ ’ōr^aḥ ḥayyîm śōḇ^a‘ śəmāḥwōṯ ’eṯ-pāneyḵā nə‘imwōṯ bîmînəḵā neṣ^aḥ:

‎1 ‏תְּפִלָּ֗ה לְדָ֫וִ֥ד שִׁמְעָ֤ה יְהוָ֨ה׀ צֶ֗דֶק הַקְשִׁ֥יבָה רִנָּתִ֗י הַאֲזִ֥ינָה תְפִלָּתִ֑י בְּ֝לֹ֗א שִׂפְתֵ֥י מִרְמָֽה׃

‎2 ‏מִ֭לְּפָנֶיךָ מִשְׁפָּטִ֣י יֵצֵ֑א עֵ֝ינֶ֗יךָ תֶּחֱזֶ֥ינָה מֵישָׁרִֽים׃

‎3 ‏בָּ֘חַ֤נְתָּ לִבִּ֨י׀ פָּ֘קַ֤דְתָּ לַּ֗יְלָה צְרַפְתַּ֥נִי בַל־תִּמְצָ֑א זַ֝מֹּתִ֗י בַּל־יַעֲבָר־פִּֽי׃

‎4 ‏לִפְעֻלּ֣וֹת אָ֭דָם בִּדְבַ֣ר שְׂפָתֶ֑יךָ אֲנִ֥י שָׁ֝מַ֗רְתִּי אָרְח֥וֹת פָּרִֽיץ׃

‎5 ‏תָּמֹ֣ךְ אֲ֭שֻׁרַי בְּמַעְגְּלוֹתֶ֑יךָ בַּל־נָמ֥וֹטּוּ³ פְעָמָֽי׃

‎6 ‏אֲנִֽי־קְרָאתִ֣יךָ כִֽי־תַעֲנֵ֣נִי אֵ֑ל הַֽט־אָזְנְךָ֥ לִ֝֗י שְׁמַ֣ע אִמְרָתִֽי׃

‎7 ‏הַפְלֵ֣ה חֲ֭סָדֶיךָ מוֹשִׁ֣יעַ חוֹסִ֑ים מִ֝מִּתְקוֹמְמִ֗ים בִּֽימִינֶֽךָ׃

‎8 ‏שָׁ֭מְרֵנִי כְּאִישׁ֣וֹן בַּת־עָ֑יִן בְּצֵ֥ל כְּ֝נָפֶ֗יךָ תַּסְתִּירֵֽנִי׃

‎9 ‏מִפְּנֵ֣י רְ֭שָׁעִים ז֣וּ שַׁדּ֑וּנִי אֹיְבַ֥י בְּ֝נֶ֗פֶשׁ יַקִּ֥יפוּ עָלָֽי׃

‎10 ‏חֶלְבָּ֥מוֹ סָּגְר֑וּ פִּ֝֗ימוֹ דִּבְּר֥וּ בְגֵאֽוּת׃

‎11 ‏אַ֭שֻּׁרֵינוּ עַתָּ֣ה סבבוני סְבָב֑וּנוּ עֵינֵיהֶ֥ם יָ֝שִׁ֗יתוּ לִנְט֥וֹת בָּאָֽרֶץ׃

‎12 ‏דִּמְיֹנ֗וֹ כְּ֭אַרְיֵה יִכְס֣וֹף לִטְר֑וֹף וְ֝כִכְפִ֗יר יֹשֵׁ֥ב בְּמִסְתָּרִֽים׃

‎13 ‏קוּמָ֤ה יְהוָ֗ה קַדְּמָ֣ה פָ֭נָיו הַכְרִיעֵ֑הוּ פַּלְּטָ֥ה נַ֝פְשִׁ֗י מֵרָשָׁ֥ע חַרְבֶּֽךָ׃

‎14 ‏מִֽמְתִ֥ים יָדְךָ֨׀ יְהוָ֡ה מִֽמְתִ֬ים מֵחֶ֗לֶד חֶלְקָ֥ם בַּֽחַיִּים֮ וצפינך וּֽצְפוּנְךָ֮ תְּמַלֵּ֪א בִ֫טְנָ֥ם יִשְׂבְּע֥וּ בָנִ֑ים וְהִנִּ֥יחוּ יִ֝תְרָ֗ם לְעוֹלְלֵיהֶֽם׃

‎15 ‏אֲנִ֗י בְּ֭צֶדֶק אֶחֱזֶ֣ה פָנֶ֑יךָ אֶשְׂבְּעָ֥ה בְ֝הָקִ֗יץ תְּמוּנָתֶֽךָ׃

1 təfillâ ləḏāwiḏ šimə‘â yəhwâ| ṣeḏeq haqəšîḇâ rinnāṯî ha’ăzînâ ṯəfillāṯî bəlō’ śifəṯê mirəmâ:

2 milləfāneyḵā mišəpāṭî yēṣē’ ‘êneyḵā teḥĕzeynâ mêšārîm:

3 bāḥanətā libî| pāqaḏətā llayəlâ ṣərafətanî ḇal-timəṣā’ zammōṯî bal-y^a‘ăḇār-pî:

4 lifə‘ullwōṯ ’āḏām biḏəḇar śəfāṯeyḵā ’ănî šāmarətî ’ārəḥwōṯ pārîṣ:

5 tāmōḵə ’ăšuray bəm^a‘əgəlwōṯeyḵā bal-nāmwōṭṭû³ fə‘āmāy:

6 ’ănî-qərā’ṯîḵā ḵî-ṯ^a‘ănēnî ’ēl haṭ-’āzənəḵā lî šəm^a‘ ’imərāṯî:

7 hafəlēh ḥăsāḏeyḵā mwōšî‘a ḥwōsîm mimmiṯəqwōməmîm bîmîneḵā:

8 šāmərēnî kə’îšwōn baṯ-‘āyin bəṣēl kənāfeyḵā tasətîrēnî:

9 mipənê rəšā‘îm zû šadûnî ’ōyəḇay bənefeš yaqqîfû ‘ālāy:

10 ḥeləbāmwō ssāḡərû pîmwō dibərû ḇəḡē’ûṯ:

11 ’aššurênû ‘atâ səḇāḇûnî səḇāḇûnû ‘ênêhem yāšîṯû linəṭwōṯ bā’āreṣ:

12 diməyōnwō kə’arəyēh yiḵəswōf liṭərwōf wəḵiḵəfîr yōšēḇ bəmisətārîm:

13 qûmâ yəhwâ qadəmâ fānāyw haḵərî‘ēhû palləṭâ nafəšî mērāšā‘ ḥarəbeḵā:

14 miməṯîm yāḏəḵā| yəhwâ miməṯîm mēḥeleḏ ḥeləqām b^aḥayyîm ûṣəfînəḵā ûṣəfûnəḵā təmallē’ ḇiṭənām yiśəbə‘û ḇānîm wəhinnîḥû yiṯərām lə‘wōləlêhem:

15 ’ănî bəṣeḏeq ’eḥĕzeh fāneyḵā ’eśəbə‘â ḇəhāqîṣ təmûnāṯeḵā:

‎1 ‏לַמְנַצֵּ֤חַ׀ לְעֶ֥בֶד יְהוָ֗ה לְדָ֫וִ֥ד אֲשֶׁ֤ר דִּבֶּ֨ר׀ לַיהוָ֗ה אֶת־דִּ֭בְרֵי הַשִּׁירָ֣ה הַזֹּ֑את בְּי֤וֹם הִֽצִּיל־יְהוָ֘ה אוֹת֥וֹ מִכַּ֥ף כָּל־אֹ֝יְבָ֗יו וּמִיַּ֥ד שָׁאֽוּל׃

‎2 ‏וַיֹּאמַ֡ר אֶרְחָמְךָ֖ יְהוָ֣ה חִזְקִֽי׃

‎3 ‏יְהוָ֤ה׀ סַֽלְעִ֥י וּמְצוּדָתִ֗י וּמְפַ֫לְטִ֥י אֵלִ֣י צ֭וּרִי אֶֽחֱסֶה־בּ֑וֹ מָֽגִנִּ֥י וְקֶֽרֶן־יִ֝שְׁעִ֗י מִשְׂגַּבִּֽי׃

‎4 ‏מְ֭הֻלָּל אֶקְרָ֣א יְהוָ֑ה וּמִן־אֹ֝יְבַ֗י אִוָּשֵֽׁעַ׃

‎5 ‏אֲפָפ֥וּנִי חֶבְלֵי־מָ֑וֶת וְֽנַחֲלֵ֖י בְלִיַּ֣עַל יְבַֽעֲתֽוּנִי׃

‎6 ‏חֶבְלֵ֣י שְׁא֣וֹל סְבָב֑וּנִי קִ֝דְּמ֗וּנִי מ֣וֹקְשֵׁי מָֽוֶת׃

‎7 ‏בַּצַּר־לִ֤י׀ אֶֽקְרָ֣א יְהוָה֮ וְאֶל־אֱלֹהַ֪י אֲשַׁ֫וֵּ֥עַ יִשְׁמַ֣ע מֵהֵיכָל֣וֹ קוֹלִ֑י וְ֝שַׁוְעָתִ֗י לְפָנָ֤יו׀ תָּב֬וֹא בְאָזְנָֽיו׃

‎8 ‏וַתִּגְעַ֬שׁ וַתִּרְעַ֨שׁ׀ הָאָ֗רֶץ וּמוֹסְדֵ֣י הָרִ֣ים יִרְגָּ֑זוּ וַ֝יִּתְגָּֽעֲשׁ֗וּ כִּי־חָ֥רָה לֽוֹ׃

‎9 ‏עָ֘לָ֤ה עָשָׁ֨ן׀ בְּאַפּ֗וֹ וְאֵשׁ־מִפִּ֥יו תֹּאכֵ֑ל גֶּ֝חָלִ֗ים בָּעֲר֥וּ מִמֶּֽנּוּ׃

‎10 ‏וַיֵּ֣ט שָׁ֭מַיִם וַיֵּרַ֑ד וַ֝עֲרָפֶ֗ל תַּ֣חַת רַגְלָֽיו׃

‎11 ‏וַיִּרְכַּ֣ב עַל־כְּ֭רוּב וַיָּעֹ֑ף וַ֝יֵּ֗דֶא עַל־כַּנְפֵי־רֽוּחַ׃

‎12 ‏יָ֤שֶׁת חֹ֨שֶׁךְ׀ סִתְר֗וֹ סְבִֽיבוֹתָ֥יו סֻכָּת֑וֹ חֶשְׁכַת־מַ֝֗יִם עָבֵ֥י שְׁחָקִֽים׃

‎13 ‏מִנֹּ֗גַהּ נֶ֫גְדּ֥וֹ עָבָ֥יו עָבְר֑וּ בָּ֝רָ֗ד וְגַֽחֲלֵי־אֵֽשׁ׃

‎14 ‏וַיַּרְעֵ֬ם בַּשָּׁמַ֨יִם׀ יְֽהוָ֗ה וְ֭עֶלְיוֹן יִתֵּ֣ן קֹל֑וֹ בָּ֝רָ֗ד וְגַֽחֲלֵי־אֵֽשׁ׃

‎15 ‏וַיִּשְׁלַ֣ח חִ֭צָּיו וַיְפִיצֵ֑ם וּבְרָקִ֥ים רָ֝ב וַיְהֻמֵּֽם׃

‎16 ‏וַיֵּ֤רָא֨וּ׀ אֲפִ֥יקֵי מַ֗יִם וַֽיִּגָּלוּ֮ מוֹסְד֪וֹת תֵּ֫בֵ֥ל מִגַּעֲרָ֣תְךָ֣ יְהוָ֑ה מִ֝נִּשְׁמַ֗ת ר֣וּחַ אַפֶּֽךָ׃

‎17 ‏יִשְׁלַ֣ח מִ֭מָּרוֹם יִקָּחֵ֑נִי יַֽ֝מְשֵׁ֗נִי מִמַּ֥יִם רַבִּֽים׃

‎18 ‏יַצִּילֵ֗נִי מֵאֹיְבִ֥י עָ֑ז וּ֝מִשֹּׂנְאַ֗י כִּֽי־אָמְצ֥וּ מִמֶּֽנִּי׃

‎19 ‏יְקַדְּמ֥וּנִי בְיוֹם־אֵידִ֑י וַֽיְהִי־יְהוָ֖ה לְמִשְׁעָ֣ן לִֽי׃

‎20 ‏וַיּוֹצִיאֵ֥נִי לַמֶּרְחָ֑ב יְ֝חַלְּצֵ֗נִי כִּ֘י חָ֥פֵֽץ בִּֽי׃

‎21 ‏יִגְמְלֵ֣נִי יְהוָ֣ה כְּצִדְקִ֑י כְּבֹ֥ר יָ֝דַ֗י יָשִׁ֥יב לִֽי׃

‎22 ‏כִּֽי־שָׁ֭מַרְתִּי דַּרְכֵ֣י יְהוָ֑ה וְלֹֽא־רָ֝שַׁ֗עְתִּי מֵאֱלֹהָֽי׃

‎23 ‏כִּ֣י כָל־מִשְׁפָּטָ֣יו לְנֶגְדִּ֑י וְ֝חֻקֹּתָ֗יו לֹא־אָסִ֥יר מֶֽנִּי׃

‎24 ‏וָאֱהִ֣י תָמִ֣ים עִמּ֑וֹ וָ֝אֶשְׁתַּמֵּ֗ר מֵעֲוֹנִֽי׃

‎25 ‏וַיָּֽשֶׁב־יְהוָ֣ה לִ֣י כְצִדְקִ֑י כְּבֹ֥ר יָ֝דַ֗י לְנֶ֣גֶד עֵינָֽיו׃

‎26 ‏עִם־חָסִ֥יד תִּתְחַסָּ֑ד עִם־גְּבַ֥ר תָּ֝מִ֗ים תִּתַּמָּֽם׃

‎27 ‏עִם־נָבָ֥ר תִּתְבָּרָ֑ר וְעִם־עִ֝קֵּ֗שׁ תִּתְפַּתָּֽל׃

‎28 ‏כִּֽי־אַ֭תָּה עַם־עָנִ֣י תוֹשִׁ֑יעַ וְעֵינַ֖יִם רָמ֣וֹת תַּשְׁפִּֽיל׃

‎29 ‏כִּֽי־אַ֭תָּה תָּאִ֣יר נֵרִ֑י יְהוָ֥ה אֱ֝לֹהַ֗י יַגִּ֥יהַּ חָשְׁכִּֽי׃

‎30 ‏כִּֽי־בְ֭ךָ אָרֻ֣ץ גְּד֑וּד וּ֝בֵֽאלֹהַ֗י אֲדַלֶּג־שֽׁוּר׃

‎31 ‏הָאֵל֮ תָּמִ֪ים דַּ֫רְכּ֥וֹ אִמְרַֽת־יְהוָ֥ה צְרוּפָ֑ה מָגֵ֥ן ה֝֗וּא לְכֹ֤ל׀ הַחֹסִ֬ים בּֽוֹ׃

‎32 ‏כִּ֤י מִ֣י אֱ֭לוֹהַּ מִבַּלְעֲדֵ֣י יְהוָ֑ה וּמִ֥י צ֝֗וּר זוּלָתִ֥י אֱלֹהֵֽינוּ׃

‎33 ‏הָ֭אֵל הַמְאַזְּרֵ֣נִי חָ֑יִל וַיִּתֵּ֖ן תָּמִ֣ים דַּרְכִּֽי׃

‎34 ‏מְשַׁוֶּ֣ה רַ֭גְלַי כָּאַיָּל֑וֹת וְעַ֥ל בָּ֝מֹתַ֗י יַעֲמִידֵֽנִי׃

‎35 ‏מְלַמֵּ֣ד יָ֭דַי לַמִּלְחָמָ֑ה וְֽנִחֲתָ֥ה קֶֽשֶׁת־נְ֝חוּשָׁ֗ה זְרוֹעֹתָֽי׃

‎36 ‏וַתִּתֶּן־לִי֮ מָגֵ֪ן יִ֫שְׁעֶ֥ךָ וִֽימִינְךָ֥ תִסְעָדֵ֑נִי וְֽעַנְוַתְךָ֥ תַרְבֵּֽנִי׃

‎37 ‏תַּרְחִ֣יב צַעֲדִ֣י תַחְתָּ֑י וְלֹ֥א מָ֝עֲד֗וּ קַרְסֻלָּֽי׃

‎38 ‏אֶרְדּ֣וֹף א֭וֹיְבַי וְאַשִּׂיגֵ֑ם וְלֹֽא־אָ֝שׁוּב¹ עַד־כַּלּוֹתָֽם׃

‎39 ‏אֶ֭מְחָצֵם וְלֹא־יֻ֣כְלוּ ק֑וּם יִ֝פְּל֗וּ תַּ֣חַת רַגְלָֽי׃

‎40 ‏וַתְּאַזְּרֵ֣נִי חַ֭יִל לַמִּלְחָמָ֑ה תַּכְרִ֖יעַ קָמַ֣י תַּחְתָּֽי׃

‎41 ‏וְֽאֹיְבַ֗י נָתַ֣תָּה לִּ֣י עֹ֑רֶף וּ֝מְשַׂנְאַ֗י אַצְמִיתֵֽם׃

‎42 ‏יְשַׁוְּע֥וּ וְאֵין־מוֹשִׁ֑יעַ עַל־יְ֝הוָ֗ה וְלֹ֣א עָנָֽם׃

‎43 ‏וְֽאֶשְׁחָקֵ֗ם כְּעָפָ֥ר עַל־פְּנֵי־ר֑וּחַ כְּטִ֖יט חוּצ֣וֹת אֲרִיקֵֽם׃

‎44 ‏תְּפַלְּטֵנִי֮ מֵרִ֪יבֵ֫י עָ֥ם תְּ֭שִׂימֵנִי לְרֹ֣אשׁ גּוֹיִ֑ם עַ֖ם לֹא־יָדַ֣עְתִּי יַֽעַבְדֽוּנִי׃

‎45 ‏לְשֵׁ֣מַֽע אֹ֭זֶן יִשָּׁ֣מְעוּ לִ֑י בְּנֵֽי־נֵ֝כָ֗ר יְכַחֲשׁוּ־לִֽי׃

‎46 ‏בְּנֵי־נֵכָ֥ר יִבֹּ֑לוּ וְ֝יַחְרְג֗וּ מִֽמִּסְגְּרֽוֹתֵיהֶֽם׃

‎47 ‏חַי־יְ֭הוָה וּבָר֣וּךְ צוּרִ֑י וְ֝יָר֗וּם אֱלוֹהֵ֥י יִשְׁעִֽי׃

‎48 ‏הָאֵ֗ל הַנּוֹתֵ֣ן נְקָמ֣וֹת לִ֑י וַיַּדְבֵּ֖ר עַמִּ֣ים תַּחְתָּֽי׃

‎49 ‏מְפַלְּטִ֗י מֵאֹ֫יְבָ֥י אַ֣ף מִן־קָ֭מַי תְּרוֹמְמֵ֑נִי מֵאִ֥ישׁ חָ֝מָ֗ס תַּצִּילֵֽנִי׃

‎50 ‏עַל־כֵּ֤ן׀ אוֹדְךָ֖ בַגּוֹיִ֥ם׀ יְהוָ֑ה וּלְשִׁמְךָ֥ אֲזַמֵּֽרָה׃

‎51 ‏מגדל מַגְדִּיל֮ יְשׁוּע֪וֹת מַ֫לְכּ֥וֹ וְעֹ֤שֶׂה חֶ֨סֶד׀ לִמְשִׁיח֗וֹ לְדָוִ֥ד וּלְזַרְע֗וֹ עַד־עוֹלָֽם׃

1 lamənaṣṣēḥa| lə‘eḇeḏ yəhwâ ləḏāwiḏ ’ăšer diber| layhwâ ’eṯ-diḇərê haššîrâ hazzō’ṯ bəywōm hiṣṣîl-yəhwâ ’wōṯwō mikaf kāl-’ōyəḇāyw ûmîyaḏ šā’ûl:

2 wayyō’mar ’erəḥāməḵā yəhwâ ḥizəqî:

3 yəhwâ| salə‘î ûməṣûḏāṯî ûməfaləṭî ’ēlî ṣûrî ’eḥĕseh-bwō māḡinnî wəqeren-yišə‘î miśəgabî:

4 məhullāl ’eqərā’ yəhwâ ûmin-’ōyəḇay ’iûāšē‘a:

5 ’ăfāfûnî ḥeḇəlê-māweṯ wən^aḥălê ḇəlîy^a‘al yəḇ^a‘ăṯûnî:

6 ḥeḇəlê šə’wōl səḇāḇûnî qidəmûnî mwōqəšê māweṯ:

7 baṣṣar-lî| ’eqərā’ yəhwâ wə’el-’ĕlōhay ’ăšaûē‘a yišəm^a‘ mēhêḵālwō qwōlî wəšawə‘āṯî ləfānāyw| tāḇwō’ ḇə’āzənāyw:

8 watiḡə‘aš watirə‘aš| hā’āreṣ ûmwōsəḏê hārîm yirəgāzû wayyiṯəgā‘ăšû kî-ḥārâ lwō:

9 ‘ālâ ‘āšān| bə’apwō wə’ēš-mipîw tō’ḵēl geḥālîm bā‘ărû mimmennû:

10 wayyēṭ šāmayim wayyēraḏ w^a‘ărāfel t^aḥaṯ raḡəlāyw:

11 wayyirəkaḇ ‘al-kərûḇ wayyā‘ōf wayyēḏe’ ‘al-kanəfê-rûḥa:

12 yāšeṯ ḥōšeḵə| siṯərwō səḇîḇwōṯāyw sukāṯwō ḥešəḵaṯ-mayim ‘āḇê šəḥāqîm:

13 minnōḡ^ah neḡədwō ‘āḇāyw ‘āḇərû bārāḏ wəḡ^aḥălê-’ēš:

14 wayyarə‘ēm baššāmayim| yəhwâ wə‘eləywōn yitēn qōlwō bārāḏ wəḡ^aḥălê-’ēš:

15 wayyišəl^aḥ ḥiṣṣāyw wayəfîṣēm ûḇərāqîm rāḇ wayəhummēm:

16 wayyērā’û| ’ăfîqê mayim wayyigālû mwōsəḏwōṯ tēḇēl mig^a‘ărāṯəḵā yəhwâ minnišəmaṯ rûḥa ’apeḵā:

17 yišəl^aḥ mimmārwōm yiqqāḥēnî yaməšēnî mimmayim rabîm:

18 yaṣṣîlēnî mē’ōyəḇî ‘āz ûmiśśōnə’ay kî-’āməṣû mimmennî:

19 yəqadəmûnî ḇəywōm-’êḏî wayəhî-yəhwâ ləmišə‘ān lî:

20 wayywōṣî’ēnî lammerəḥāḇ yəḥalləṣēnî kî ḥāfēṣ bî:

21 yiḡəməlēnî yəhwâ kəṣiḏəqî kəḇōr yāḏay yāšîḇ lî:

22 kî-šāmarətî darəḵê yəhwâ wəlō’-rāš^a‘ətî mē’ĕlōhāy:

23 kî ḵāl-mišəpāṭāyw ləneḡədî wəḥuqqōṯāyw lō’-’āsîr mennî:

24 wā’ĕhî ṯāmîm ‘immwō wā’ešətammēr mē‘ăwōnî:

25 wayyāšeḇ-yəhwâ lî ḵəṣiḏəqî kəḇōr yāḏay ləneḡeḏ ‘ênāyw:

26 ‘im-ḥāsîḏ tiṯəḥassāḏ ‘im-gəḇar tāmîm titammām:

27 ‘im-nāḇār tiṯəbārār wə‘im-‘iqqēš tiṯəpatāl:

28 kî-’atâ ‘am-‘ānî ṯwōšî‘a wə‘ênayim rāmwōṯ tašəpîl:

29 kî-’atâ tā’îr nērî yəhwâ ’ĕlōhay yagîhha ḥāšəkî:

30 kî-ḇəḵā ’āruṣ gəḏûḏ ûḇē’lōhay ’ăḏalleḡ-šûr:

31 hā’ēl tāmîm darəkwō ’iməraṯ-yəhwâ ṣərûfâ māḡēn hû’ ləḵōl| h^aḥōsîm bwō:

32 kî mî ’ĕlwōhha mibalə‘ăḏê yəhwâ ûmî ṣûr zûlāṯî ’ĕlōhênû:

33 hā’ēl hamə’azzərēnî ḥāyil wayyitēn tāmîm darəkî:

34 məšaûeh raḡəlay kā’ayyālwōṯ wə‘al bāmōṯay y^a‘ămîḏēnî:

35 məlammēḏ yāḏay lammiləḥāmâ wəniḥăṯâ qešeṯ-nəḥûšâ zərwō‘ōṯāy:

36 watiten-lî māḡēn yišə‘eḵā wîmînəḵā ṯisə‘āḏēnî wə‘anəwaṯəḵā ṯarəbēnî:

37 tarəḥîḇ ṣ^a‘ăḏî ṯ^aḥətāy wəlō’ mā‘ăḏû qarəsullāy:

38 ’erədwōf ’wōyəḇay wə’aśśîḡēm wəlō’-’āšûḇ¹ ‘aḏ-kallwōṯām:

39 ’eməḥāṣēm wəlō’-yuḵəlû qûm yipəlû t^aḥaṯ raḡəlāy:

40 watə’azzərēnî ḥayil lammiləḥāmâ taḵərî‘a qāmay t^aḥətāy:

41 wə’ōyəḇay nāṯatâ llî ‘ōref ûməśanə’ay ’aṣəmîṯēm:

42 yəšaûə‘û wə’ên-mwōšî‘a ‘al-yəhwâ wəlō’ ‘ānām:

43 wə’ešəḥāqēm kə‘āfār ‘al-pənê-rûḥa kəṭîṭ ḥûṣwōṯ ’ărîqēm:

44 təfalləṭēnî mērîḇê ‘ām təśîmēnî lərō’š gwōyim ‘am lō’-yāḏ^a‘ətî y^a‘aḇəḏûnî:

45 ləšēm^a‘ ’ōzen yiššāmə‘û lî bənê-nēḵār yəḵ^aḥăšû-lî:

46 bənê-nēḵār yibōlû wəy^aḥərəḡû mimmisəgərwōṯêhem:

47 ḥay-yəhwâ ûḇārûḵə ṣûrî wəyārûm ’ĕlwōhê yišə‘î:

48 hā’ēl hannwōṯēn nəqāmwōṯ lî wayyaḏəbēr ‘ammîm t^aḥətāy:

49 məfalləṭî mē’ōyəḇāy ’af min-qāmay tərwōməmēnî mē’îš ḥāmās taṣṣîlēnî:

50 ‘al-kēn| ’wōḏəḵā ḇagwōyim| yəhwâ ûləšiməḵā ’ăzammērâ:

51 maḡədil maḡədîl yəšû‘wōṯ maləkwō wə‘ōśeh ḥeseḏ| liməšîḥwō ləḏāwiḏ ûləzarə‘wō ‘aḏ-‘wōlām:

‎1 ‏לַמְנַצֵּ֗חַ מִזְמ֥וֹר לְדָוִֽד׃

‎2 ‏הַשָּׁמַ֗יִם מְֽסַפְּרִ֥ים כְּבֽוֹד־אֵ֑ל וּֽמַעֲשֵׂ֥ה יָ֝דָ֗יו מַגִּ֥יד הָרָקִֽיעַ׃

‎3 ‏י֣וֹם לְ֭יוֹם יַבִּ֣יעַֽ אֹ֑מֶר וְלַ֥יְלָה לְּ֝לַ֗יְלָה יְחַוֶּה־דָּֽעַת׃

‎4 ‏אֵֽין־אֹ֭מֶר וְאֵ֣ין דְּבָרִ֑ים בְּ֝לִ֗י נִשְׁמָ֥ע קוֹלָֽם׃

‎5 ‏בְּכָל־הָאָ֨רֶץ׀ יָ֘צָ֤א קַוָּ֗ם וּבִקְצֵ֣ה תֵ֭בֵל מִלֵּיהֶ֑ם לַ֝שֶּׁ֗מֶשׁ שָֽׂם־אֹ֥הֶל בָּהֶֽם׃

‎6 ‏וְה֗וּא כְּ֭חָתָן יֹצֵ֣א מֵחֻפָּת֑וֹ יָשִׂ֥ישׂ כְּ֝גִבּ֗וֹר לָר֥וּץ אֹֽרַח׃

‎7 ‏מִקְצֵ֤ה הַשָּׁמַ֨יִם׀ מֽוֹצָא֗וֹ וּתְקוּפָת֥וֹ עַל־קְצוֹתָ֑ם וְאֵ֥ין נִ֝סְתָּ֗ר מֵֽחַמָּתוֹ׃¹

‎8 ‏תּ֘וֹרַ֤ת יְהוָ֣ה תְּ֭מִימָה מְשִׁ֣יבַת נָ֑פֶשׁ עֵד֥וּת יְהוָ֥ה נֶ֝אֱמָנָ֗ה מַחְכִּ֥ימַת פֶּֽתִי׃

‎9 ‏פִּקּ֘וּדֵ֤י יְהוָ֣ה יְ֭שָׁרִים מְשַׂמְּחֵי־לֵ֑ב מִצְוַ֥ת יְהוָ֥ה בָּ֝רָ֗ה מְאִירַ֥ת עֵינָֽיִם׃

‎10 ‏יִרְאַ֤ת יְהוָ֨ה׀ טְהוֹרָה֮ עוֹמֶ֪דֶת לָ֫עַ֥ד מִֽשְׁפְּטֵי־יְהוָ֥ה אֱמֶ֑ת צָֽדְק֥וּ יַחְדָּֽו׃

‎11 ‏הַֽנֶּחֱמָדִ֗ים מִ֭זָּהָב וּמִפַּ֣ז רָ֑ב וּמְתוּקִ֥ים מִ֝דְּבַ֗שׁ וְנֹ֣פֶת צוּפִֽים׃

‎12 ‏גַּֽם־עַ֭בְדְּךָ נִזְהָ֣ר בָּהֶ֑ם בְּ֝שָׁמְרָ֗ם עֵ֣קֶב רָֽב׃

‎13 ‏שְׁגִיא֥וֹת מִֽי־יָבִ֑ין מִֽנִּסְתָּר֥וֹת נַקֵּֽנִי׃

‎14 ‏גַּ֤ם מִזֵּדִ֨ים׀ חֲשֹׂ֬ךְ עַבְדֶּ֗ךָ אַֽל־יִמְשְׁלוּ־בִ֣י אָ֣ז אֵיתָ֑ם וְ֝נִקֵּ֗יתִי מִפֶּ֥שַֽׁע רָֽב׃

‎15 ‏יִֽהְי֥וּ לְרָצ֨וֹן׀ אִמְרֵי־פִ֡י וְהֶגְי֣וֹן לִבִּ֣י לְפָנֶ֑יךָ יְ֝הוָ֗ה צוּרִ֥י וְגֹאֲלִֽי׃

1 lamənaṣṣēḥa mizəmwōr ləḏāwiḏ:

2 haššāmayim məsapərîm kəḇwōḏ-’ēl ûm^a‘ăśēh yāḏāyw magîḏ hārāqî‘a:

3 ywōm ləywōm yabî‘a ’ōmer wəlayəlâ lləlayəlâ yəḥaûeh-dā‘aṯ:

4 ’ên-’ōmer wə’ên dəḇārîm bəlî nišəmā‘ qwōlām:

5 bəḵāl-hā’āreṣ| yāṣā’ qaûām ûḇiqəṣēh ṯēḇēl millêhem laššemeš śām-’ōhel bâem:

6 wəhû’ kəḥāṯān yōṣē’ mēḥupāṯwō yāśîś kəḡibwōr lārûṣ ’ōr^aḥ:

7 miqəṣēh haššāmayim| mwōṣā’wō ûṯəqûfāṯwō ‘al-qəṣwōṯām wə’ên nisətār mēḥammāṯwō:¹

8 twōraṯ yəhwâ təmîmâ məšîḇaṯ nāfeš ‘ēḏûṯ yəhwâ ne’ĕmānâ m^aḥəkîmaṯ peṯî:

9 piqqûḏê yəhwâ yəšārîm məśamməḥê-lēḇ miṣəwaṯ yəhwâ bārâ mə’îraṯ ‘ênāyim:

10 yirə’aṯ yəhwâ| ṭəhwōrâ ‘wōmeḏeṯ lā‘aḏ mišəpəṭê-yəhwâ ’ĕmeṯ ṣāḏəqû y^aḥədāw:

11 hanneḥĕmāḏîm mizzâāḇ ûmipaz rāḇ ûməṯûqîm midəḇaš wənōfeṯ ṣûfîm:

12 gam-‘aḇədəḵā nizəhār bâem bəšāmərām ‘ēqeḇ rāḇ:

13 šəḡî’wōṯ mî-yāḇîn minnisətārwōṯ naqqēnî:

14 gam mizzēḏîm| ḥăśōḵə ‘aḇədeḵā ’al-yiməšəlû-ḇî ’āz ’êṯām wəniqqêṯî mipeš^a‘ rāḇ:

15 yihəyû lərāṣwōn| ’imərê-fî wəheḡəywōn libî ləfāneyḵā yəhwâ ṣûrî wəḡō’ălî:

‎1 ‏לַמְנַצֵּ֗חַ מִזְמ֥וֹר לְדָוִֽד׃

‎2 ‏יַֽעַנְךָ֣ יְ֭הוָה בְּי֣וֹם צָרָ֑ה יְ֝שַׂגֶּבְךָ֗ שֵׁ֤ם׀ אֱלֹהֵ֬י יַעֲקֹֽב׃

‎3 ‏יִשְׁלַֽח־עֶזְרְךָ֥ מִקֹּ֑דֶשׁ וּ֝מִצִּיּ֗וֹן יִסְעָדֶֽךָּ׃

‎4 ‏יִזְכֹּ֥ר כָּל־מִנְחֹתֶ֑ךָ וְעוֹלָתְךָ֖ יְדַשְּׁנֶ֣ה סֶֽלָה׃

‎5 ‏יִֽתֶּן־לְךָ֥ כִלְבָבֶ֑ךָ וְֽכָל־עֲצָתְךָ֥ יְמַלֵּֽא׃

‎6 ‏נְרַנְּנָ֤ה׀ בִּ֘ישׁ֤וּעָתֶ֗ךָ וּבְשֵֽׁם־אֱלֹהֵ֥ינוּ נִדְגֹּ֑ל יְמַלֵּ֥א יְ֝הוָ֗ה כָּל־מִשְׁאֲלוֹתֶֽיךָ׃

‎7 ‏עַתָּ֤ה יָדַ֗עְתִּי כִּ֤י הוֹשִׁ֥יעַ׀ יְהוָ֗ה מְשִׁ֫יח֥וֹ יַ֭עֲנֵהוּ מִשְּׁמֵ֣י קָדְשׁ֑וֹ בִּ֝גְבֻר֗וֹת יֵ֣שַׁע יְמִינֽוֹ׃

‎8 ‏אֵ֣לֶּה בָ֭רֶכֶב וְאֵ֣לֶּה בַסּוּסִ֑ים וַאֲנַ֓חְנוּ׀ בְּשֵׁם־יְהוָ֖ה אֱלֹהֵ֣ינוּ נַזְכִּֽיר׃

‎9 ‏הֵ֭מָּה כָּרְע֣וּ וְנָפָ֑לוּ וַאֲנַ֥חְנוּ קַּ֝֗מְנוּ וַנִּתְעוֹדָֽד׃

‎10 ‏יְהוָ֥ה הוֹשִׁ֑יעָה הַ֝מֶּ֗לֶךְ יַעֲנֵ֥נוּ בְיוֹם־קָרְאֵֽנוּ׃

1 lamənaṣṣēḥa mizəmwōr ləḏāwiḏ:

2 y^a‘anəḵā yəhwâ bəywōm ṣārâ yəśageḇəḵā šēm| ’ĕlōhê y^a‘ăqōḇ:

3 yišəl^aḥ-‘ezərəḵā miqqōḏeš ûmiṣṣîywōn yisə‘āḏeḵḵā:

4 yizəkōr kāl-minəḥōṯeḵā wə‘wōlāṯəḵā yəḏaššəneh selâ:

5 yiten-ləḵā ḵiləḇāḇeḵā wəḵāl-‘ăṣāṯəḵā yəmallē’:

6 nərannənâ| bîšû‘āṯeḵā ûḇəšēm-’ĕlōhênû niḏəgōl yəmallē’ yəhwâ kāl-mišə’ălwōṯeyḵā:

7 ‘atâ yāḏ^a‘ətî kî hwōšî‘a| yəhwâ məšîḥwō y^a‘ănēhû miššəmê qāḏəšwō biḡəḇurwōṯ yēš^a‘ yəmînwō:

8 ’ēlleh ḇāreḵeḇ wə’ēlleh ḇassûsîm wa’ăn^aḥənû| bəšēm-yəhwâ ’ĕlōhênû nazəkîr:

9 hēmmâ kārə‘û wənāfālû wa’ăn^aḥənû qqamənû wanniṯə‘wōḏāḏ:

10 yəhwâ hwōšî‘â hammeleḵə y^a‘ănēnû ḇəywōm-qārə’ēnû:

‎1 ‏לַמְנַצֵּ֗חַ מִזְמ֥וֹר לְדָוִֽד׃

‎2 ‏יְֽהוָ֗ה בְּעָזְּךָ֥ יִשְׂמַח־מֶ֑לֶךְ וּ֝בִישׁ֥וּעָתְךָ֗³ מַה־יָּ֥גֶיל¹ מְאֹֽד׃

‎3 ‏תַּאֲוַ֣ת לִ֭בּוֹ נָתַ֣תָּה לּ֑וֹ וַאֲרֶ֥שֶׁת שְׂ֝פָתָ֗יו בַּל־מָנַ֥עְתָּ סֶּֽלָה׃

‎4 ‏כִּֽי־תְ֭קַדְּמֶנּוּ בִּרְכ֣וֹת ט֑וֹב תָּשִׁ֥ית לְ֝רֹאשׁ֗וֹ עֲטֶ֣רֶת פָּֽז׃

‎5 ‏חַיִּ֤ים׀ שָׁאַ֣ל מִ֭מְּךָ נָתַ֣תָּה לּ֑וֹ אֹ֥רֶךְ יָ֝מִ֗ים עוֹלָ֥ם וָעֶֽד׃

‎6 ‏גָּד֣וֹל³ כְּ֭בוֹדוֹ בִּישׁוּעָתֶ֑ךָ ה֥וֹד וְ֝הָדָר תְּשַׁוֶּ֥ה עָלָֽיו׃

‎7 ‏כִּֽי־תְשִׁיתֵ֣הוּ בְרָכ֣וֹת לָעַ֑ד תְּחַדֵּ֥הוּ בְ֝שִׂמְחָ֗ה אֶת־פָּנֶֽיךָ׃

‎8 ‏כִּֽי־הַ֭מֶּלֶךְ בֹּטֵ֣חַ בַּיהוָ֑ה וּבְחֶ֥סֶד עֶ֝לְי֗וֹן בַּל־יִמּֽוֹט׃

‎9 ‏תִּמְצָ֣א יָ֭דְךָ לְכָל־אֹיְבֶ֑יךָ יְ֝מִֽינְךָ תִּמְצָ֥א שֹׂנְאֶֽיךָ׃

‎10 ‏תְּשִׁיתֵ֤מוֹ׀ כְּתַנּ֥וּר אֵשׁ֮ לְעֵ֪ת פָּ֫נֶ֥יךָ יְ֭הוָה בְּאַפּ֣וֹ יְבַלְּעֵ֑ם וְֽתֹאכְלֵ֥ם אֵֽשׁ׃

‎11 ‏פִּ֭רְיָמוֹ מֵאֶ֣רֶץ תְּאַבֵּ֑ד וְ֝זַרְעָ֗ם מִבְּנֵ֥י אָדָֽם׃

‎12 ‏כִּי־נָט֣וּ עָלֶ֣יךָ רָעָ֑ה חָֽשְׁב֥וּ מְ֝זִמָּ֗ה בַּל־יוּכָֽלוּ׃

‎13 ‏כִּ֭י תְּשִׁיתֵ֣מוֹ שֶׁ֑כֶם בְּ֝מֵֽיתָרֶ֗יךָ תְּכוֹנֵ֥ן עַל־פְּנֵיהֶֽם׃

‎14 ‏ר֣וּמָה יְהוָ֣ה בְּעֻזֶּ֑ךָ נָשִׁ֥ירָה וּֽ֝נְזַמְּרָה³ גְּבוּרָתֶֽךָ׃

1 lamənaṣṣēḥa mizəmwōr ləḏāwiḏ:

2 yəhwâ bə‘āzzəḵā yiśəm^aḥ-meleḵə ûḇîšû‘āṯəḵā³ mah-yyāḡeyl¹ mə’ōḏ:

3 ta’ăwaṯ libwō nāṯatâ llwō wa’ărešeṯ śəfāṯāyw bal-mān^a‘ətā sselâ:

4 kî-ṯəqadəmennû birəḵwōṯ ṭwōḇ tāšîṯ lərō’šwō ‘ăṭereṯ pāz:

5 ḥayyîm| šā’al mimməḵā nāṯatâ llwō ’ōreḵə yāmîm ‘wōlām wā‘eḏ:

6 gāḏwōl³ kəḇwōḏwō bîšû‘āṯeḵā hwōḏ wəhāḏār təšaûeh ‘ālāyw:

7 kî-ṯəšîṯēhû ḇərāḵwōṯ lā‘aḏ təḥadēhû ḇəśiməḥâ ’eṯ-pāneyḵā:

8 kî-hammeleḵə bōṭēḥa bayhwâ ûḇəḥeseḏ ‘eləywōn bal-yimmwōṭ:

9 timəṣā’ yāḏəḵā ləḵāl-’ōyəḇeyḵā yəmînəḵā timəṣā’ śōnə’eyḵā:

10 təšîṯēmwō| kəṯannûr ’ēš lə‘ēṯ pāneyḵā yəhwâ bə’apwō yəḇallə‘ēm wəṯō’ḵəlēm ’ēš:

11 pirəyāmwō mē’ereṣ tə’abēḏ wəzarə‘ām mibənê ’āḏām:

12 kî-nāṭû ‘āleyḵā rā‘â ḥāšəḇû məzimmâ bal-yûḵālû:

13 kî təšîṯēmwō šeḵem bəmêṯāreyḵā təḵwōnēn ‘al-pənêhem:

14 rûmâ yəhwâ bə‘uzzeḵā nāšîrâ ûnəzammərâ³ gəḇûrāṯeḵā:

‎1 ‏לַ֭מְנַצֵּחַ עַל־אַיֶּ֥לֶת הַשַּׁ֗חַר מִזְמ֥וֹר לְדָוִֽד׃

‎2 ‏אֵלִ֣י אֵ֭לִי לָמָ֣ה עֲזַבְתָּ֑נִי רָח֥וֹק מִֽ֝ישׁוּעָתִ֗י דִּבְרֵ֥י שַׁאֲגָתִֽי׃

‎3 ‏אֱ‍ֽלֹהַ֗י אֶקְרָ֣א י֖וֹמָם וְלֹ֣א תַעֲנֶ֑ה וְ֝לַ֗יְלָה וְֽלֹא־דֽוּמִיָּ֥ה לִֽי׃

‎4 ‏וְאַתָּ֥ה קָד֑וֹשׁ י֝וֹשֵׁ֗ב תְּהִלּ֥וֹת יִשְׂרָאֵֽל׃

‎5 ‏בְּ֭ךָ בָּטְח֣וּ אֲבֹתֵ֑ינוּ בָּ֝טְח֗וּ וַֽתְּפַלְּטֵֽמוֹ׃

‎6 ‏אֵלֶ֣יךָ זָעֲק֣וּ וְנִמְלָ֑טוּ בְּךָ֖ בָטְח֣וּ וְלֹא־בֽוֹשׁוּ׃

‎7 ‏וְאָנֹכִ֣י תוֹלַ֣עַת וְלֹא־אִ֑ישׁ חֶרְפַּ֥ת אָ֝דָ֗ם וּבְז֥וּי עָֽם׃

‎8 ‏כָּל־רֹ֭אַי יַלְעִ֣גוּ לִ֑י יַפְטִ֥ירוּ בְ֝שָׂפָ֗ה יָנִ֥יעוּ רֹֽאשׁ׃

‎9 ‏גֹּ֣ל אֶל־יְהוָ֣ה יְפַלְּטֵ֑הוּ יַ֝צִּילֵ֗הוּ כִּ֘י חָ֥פֵֽץ בּֽוֹ׃

‎10 ‏כִּֽי־אַתָּ֣ה גֹחִ֣י מִבָּ֑טֶן מַ֝בְטִיחִ֗י עַל־שְׁדֵ֥י אִמִּֽי׃

‎11 ‏עָ֭לֶיךָ הָשְׁלַ֣כְתִּי מֵרָ֑חֶם מִבֶּ֥טֶן אִ֝מִּ֗י אֵ֣לִי אָֽתָּה׃

‎12 ‏אַל־תִּרְחַ֣ק מִ֭מֶּנִּי כִּי־צָרָ֣ה קְרוֹבָ֑ה כִּי־אֵ֥ין עוֹזֵֽר׃

‎13 ‏סְ֭בָבוּנִי פָּרִ֣ים רַבִּ֑ים אַבִּירֵ֖י בָשָׁ֣ן כִּתְּרֽוּנִי׃

‎14 ‏פָּצ֣וּ עָלַ֣י פִּיהֶ֑ם אַ֝רְיֵ֗ה טֹרֵ֥ף וְשֹׁאֵֽג׃

‎15 ‏כַּמַּ֥יִם נִשְׁפַּכְתִּי֮ וְהִתְפָּֽרְד֗וּ כָּֽל־עַצְמ֫וֹתָ֥י הָיָ֣ה לִ֭בִּי כַּדּוֹנָ֑ג נָ֝מֵ֗ס בְּת֣וֹךְ מֵעָֽי׃

‎16 ‏יָ֘בֵ֤שׁ כַּחֶ֨רֶשׂ׀ כֹּחִ֗י וּ֖לְשׁוֹנִי¹ מֻדְבָּ֣ק מַלְקוֹחָ֑י וְֽלַעֲפַר־מָ֥וֶת תִּשְׁפְּתֵֽנִי׃

‎17 ‏כִּ֥י סְבָב֗וּנִי כְּלָ֫בִ֥ים עֲדַ֣ת מְ֭רֵעִים הִקִּיפ֑וּנִי כָּ֝אֲרִ֗י יָדַ֥י וְרַגְלָֽי׃

‎18 ‏אֲסַפֵּ֥ר כָּל־עַצְמוֹתָ֑י הֵ֥מָּה יַ֝בִּ֗יטוּ יִרְאוּ־בִֽי׃

‎19 ‏יְחַלְּק֣וּ בְגָדַ֣י לָהֶ֑ם וְעַל־לְ֝בוּשִׁ֗י יַפִּ֥ילוּ גוֹרָֽל׃

‎20 ‏וְאַתָּ֣ה יְ֭הוָה אַל־תִּרְחָ֑ק אֱ֝יָלוּתִ֗י לְעֶזְרָ֥תִי חֽוּשָׁה׃

‎21 ‏הַצִּ֣ילָה מֵחֶ֣רֶב נַפְשִׁ֑י מִיַּד־כֶּ֝֗לֶב יְחִידָתִֽי׃

‎22 ‏ה֭וֹשִׁיעֵנִי מִפִּ֣י אַרְיֵ֑ה וּמִקַּרְנֵ֖י רֵמִ֣ים עֲנִיתָֽנִי׃

‎23 ‏אֲסַפְּרָ֣ה שִׁמְךָ֣ לְאֶחָ֑י בְּת֖וֹךְ קָהָ֣ל אֲהַלְלֶֽךָּ׃

‎24 ‏יִרְאֵ֤י יְהוָ֨ה׀ הַֽלְל֗וּהוּ כָּל־זֶ֣רַע יַעֲקֹ֣ב כַּבְּד֑וּהוּ וְג֥וּרוּ מִ֝מֶּ֗נּוּ כָּל־זֶ֥רַע יִשְׂרָאֵֽל׃

‎25 ‏כִּ֤י לֹֽא־בָזָ֨ה וְלֹ֪א שִׁקַּ֡ץ עֱנ֬וּת עָנִ֗י וְלֹא־הִסְתִּ֣יר פָּנָ֣יו מִמֶּ֑נּוּ וּֽבְשַׁוְּע֖וֹ אֵלָ֣יו שָׁמֵֽעַ׃

‎26 ‏מֵ֥אִתְּךָ֗³ תְֽהִלָּ֫תִ֥י בְּקָהָ֥ל רָ֑ב נְדָרַ֥י אֲ֝שַׁלֵּ֗ם נֶ֣גֶד יְרֵאָֽיו׃

‎27 ‏יֹאכְל֬וּ עֲנָוִ֨ים׀ וְיִשְׂבָּ֗עוּ יְהַֽלְל֣וּ יְ֭הוָה דֹּ֣רְשָׁ֑יו יְחִ֖י לְבַבְכֶ֣ם לָעַֽד׃

‎28 ‏יִזְכְּר֤וּ׀ וְיָשֻׁ֣בוּ אֶל־יְ֭הוָה כָּל־אַפְסֵי־אָ֑רֶץ וְיִֽשְׁתַּחֲו֥וּ לְ֝פָנֶ֗יךָ כָּֽל־מִשְׁפְּח֥וֹת גּוֹיִֽם׃

‎29 ‏כִּ֣י לַ֭יהוָה הַמְּלוּכָ֑ה וּ֝מֹשֵׁ֗ל בַּגּוֹיִֽם׃

‎30 ‏אָכְל֬וּ וַיִּֽשְׁתַּחֲוּ֨וּ׀¹ כָּֽל־דִּשְׁנֵי־אֶ֗רֶץ לְפָנָ֣יו יִ֭כְרְעוּ כָּל־יוֹרְדֵ֣י עָפָ֑ר וְ֝נַפְשׁ֗וֹ לֹ֣א חִיָּֽה׃

‎31 ‏זֶ֥רַע יַֽעַבְדֶ֑נּוּ יְסֻפַּ֖ר לַֽאדֹנָ֣י לַדּֽוֹר׃

‎32 ‏יָ֭בֹאוּ וְיַגִּ֣ידוּ צִדְקָת֑וֹ לְעַ֥ם נ֝וֹלָ֗ד כִּ֣י עָשָֽׂה׃

1 lamənaṣṣēḥa ‘al-’ayyeleṯ hašš^aḥar mizəmwōr ləḏāwiḏ:

2 ’ēlî ’ēlî lāmâ ‘ăzaḇətānî rāḥwōq mîšû‘āṯî diḇərê ša’ăḡāṯî:

3 ’ĕ‍lōhay ’eqərā’ ywōmām wəlō’ ṯ^a‘ăneh wəlayəlâ wəlō’-ḏûmîyâ lî:

4 wə’atâ qāḏwōš ywōšēḇ təhillwōṯ yiśərā’ēl:

5 bəḵā bāṭəḥû ’ăḇōṯênû bāṭəḥû watəfalləṭēmwō:

6 ’ēleyḵā zā‘ăqû wəniməlāṭû bəḵā ḇāṭəḥû wəlō’-ḇwōšû:

7 wə’ānōḵî ṯwōl^a‘aṯ wəlō’-’îš ḥerəpaṯ ’āḏām ûḇəzûy ‘ām:

8 kāl-rō’ay yalə‘iḡû lî yafəṭîrû ḇəśāfâ yānî‘û rō’š:

9 gōl ’el-yəhwâ yəfalləṭēhû yaṣṣîlēhû kî ḥāfēṣ bwō:

10 kî-’atâ ḡōḥî mibāṭen maḇəṭîḥî ‘al-šəḏê ’immî:

11 ‘āleyḵā hāšəlaḵətî mērāḥem mibeṭen ’immî ’ēlî ’ātâ:

12 ’al-tirəḥaq mimmennî kî-ṣārâ qərwōḇâ kî-’ên ‘wōzēr:

13 səḇāḇûnî pārîm rabîm ’abîrê ḇāšān kitərûnî:

14 pāṣû ‘ālay pîhem ’arəyēh ṭōrēf wəšō’ēḡ:

15 kammayim nišəpaḵətî wəhiṯəpārəḏû kāl-‘aṣəmwōṯāy hāyâ libî kadwōnāḡ nāmēs bəṯwōḵə mē‘āy:

16 yāḇēš k^aḥereś| kōḥî ûləšwōnî¹ muḏəbāq maləqwōḥāy wəl^a‘ăfar-māweṯ tišəpəṯēnî:

17 kî səḇāḇûnî kəlāḇîm ‘ăḏaṯ mərē‘îm hiqqîfûnî kā’ărî yāḏay wəraḡəlāy:

18 ’ăsapēr kāl-‘aṣəmwōṯāy hēmmâ yabîṭû yirə’û-ḇî:

19 yəḥalləqû ḇəḡāḏay lâem wə‘al-ləḇûšî yapîlû ḡwōrāl:

20 wə’atâ yəhwâ ’al-tirəḥāq ’ĕyālûṯî lə‘ezərāṯî ḥûšâ:

21 haṣṣîlâ mēḥereḇ nafəšî mîyaḏ-keleḇ yəḥîḏāṯî:

22 hwōšî‘ēnî mipî ’arəyēh ûmiqqarənê rēmîm ‘ănîṯānî:

23 ’ăsapərâ šiməḵā lə’eḥāy bəṯwōḵə qâāl ’ăhaləleḵḵā:

24 yirə’ê yəhwâ| haləlûhû kāl-zer^a‘ y^a‘ăqōḇ kabəḏûhû wəḡûrû mimmennû kāl-zer^a‘ yiśərā’ēl:

25 kî lō’-ḇāzâ wəlō’ šiqqaṣ ‘ĕnûṯ ‘ānî wəlō’-hisətîr pānāyw mimmennû ûḇəšaûə‘wō ’ēlāyw šāmē‘a:

26 mē’itəḵā³ ṯəhillāṯî bəqâāl rāḇ nəḏāray ’ăšallēm neḡeḏ yərē’āyw:

27 yō’ḵəlû ‘ănāwîm| wəyiśəbā‘û yəhaləlû yəhwâ dōrəšāyw yəḥî ləḇaḇəḵem lā‘aḏ:

28 yizəkərû| wəyāšuḇû ’el-yəhwâ kāl-’afəsê-’āreṣ wəyišət^aḥăwû ləfāneyḵā kāl-mišəpəḥwōṯ gwōyim:

29 kî layhwâ hamməlûḵâ ûmōšēl bagwōyim:

30 ’āḵəlû wayyišət^aḥăûû|¹ kāl-dišənê-’ereṣ ləfānāyw yiḵərə‘û kāl-ywōrəḏê ‘āfār wənafəšwō lō’ ḥîyâ:

31 zer^a‘ y^a‘aḇəḏennû yəsupar la’ḏōnāy ladwōr:

32 yāḇō’û wəyagîḏû ṣiḏəqāṯwō lə‘am nwōlāḏ kî ‘āśâ:

‎1 ‏מִזְמ֥וֹר לְדָוִ֑ד יְהוָ֥ה רֹ֝עִ֗י לֹ֣א אֶחְסָֽר׃

‎2 ‏בִּנְא֣וֹת דֶּ֭שֶׁא יַרְבִּיצֵ֑נִי עַל־מֵ֖י מְנֻח֣וֹת יְנַהֲלֵֽנִי׃

‎3 ‏נַפְשִׁ֥י יְשׁוֹבֵ֑ב יַֽנְחֵ֥נִי בְמַעְגְּלֵי־צֶ֝֗דֶק לְמַ֣עַן שְׁמֽוֹ׃

‎4 ‏גַּ֤ם כִּֽי־אֵלֵ֨ךְ בְּגֵ֪יא צַלְמָ֡וֶת לֹא־אִ֘ירָ֤א רָ֗ע כִּי־אַתָּ֥ה עִמָּדִ֑י שִׁבְטְךָ֥ וּ֝מִשְׁעַנְתֶּ֗ךָ הֵ֣מָּה יְנַֽחֲמֻֽנִי׃

‎5 ‏תַּעֲרֹ֬ךְ לְפָנַ֨י׀ שֻׁלְחָ֗ן נֶ֥גֶד צֹרְרָ֑י דִּשַּׁ֖נְתָּ בַשֶּׁ֥מֶן רֹ֝אשִׁ֗י כּוֹסִ֥י רְוָיָֽה׃

‎6 ‏אַ֤ךְ׀ ט֤וֹב וָחֶ֣סֶד יִ֭רְדְּפוּנִי כָּל־יְמֵ֣י חַיָּ֑י וְשַׁבְתִּ֥י בְּבֵית־יְ֝הוָ֗ה לְאֹ֣רֶךְ יָמִֽים׃

1 mizəmwōr ləḏāwiḏ yəhwâ rō‘î lō’ ’eḥəsār:

2 binə’wōṯ deše’ yarəbîṣēnî ‘al-mê mənuḥwōṯ yənahălēnî:

3 nafəšî yəšwōḇēḇ yanəḥēnî ḇəm^a‘əgəlê-ṣeḏeq ləm^a‘an šəmwō:

4 gam kî-’ēlēḵə bəḡê’ ṣaləmāweṯ lō’-’îrā’ rā‘ kî-’atâ ‘immāḏî šiḇəṭəḵā ûmišə‘anəteḵā hēmmâ yən^aḥămunî:

5 t^a‘ărōḵə ləfānay| šuləḥān neḡeḏ ṣōrərāy diššanətā ḇaššemen rō’šî kwōsî rəwāyâ:

6 ’aḵə| ṭwōḇ wāḥeseḏ yirədəfûnî kāl-yəmê ḥayyāy wəšaḇətî bəḇêṯ-yəhwâ lə’ōreḵə yāmîm:

‎1 ‏לְדָוִ֗ד מִ֫זְמ֥וֹר לַֽ֭יהוָה³ הָאָ֣רֶץ וּמְלוֹאָ֑הּ תֵּ֝בֵ֗ל וְיֹ֣שְׁבֵי בָֽהּ׃

‎2 ‏כִּי־ה֖וּא עַל־יַמִּ֣ים יְסָדָ֑הּ וְעַל־נְ֝הָר֗וֹת יְכוֹנְנֶֽהָ׃

‎3 ‏מִֽי־יַעֲלֶ֥ה בְהַר־יְהוָ֑ה וּמִי־יָ֝קוּם בִּמְק֥וֹם קָדְשֽׁוֹ׃

‎4 ‏נְקִ֥י כַפַּ֗יִם וּֽבַר־לֵ֫בָ֥ב אֲשֶׁ֤ר׀ לֹא־נָשָׂ֣א לַשָּׁ֣וְא נַפְשִׁ֑י וְלֹ֖א נִשְׁבַּ֣ע לְמִרְמָֽה׃

‎5 ‏יִשָּׂ֣א בְ֭רָכָה מֵאֵ֣ת יְהוָ֑ה וּ֝צְדָקָ֗ה מֵאֱלֹהֵ֥י יִשְׁעֽוֹ׃

‎6 ‏זֶ֭ה דּ֣וֹר דרשו דֹּרְשָׁ֑יו מְבַקְשֵׁ֨י פָנֶ֖יךָ יַעֲקֹ֣ב סֶֽלָה׃

‎7 ‏שְׂא֤וּ שְׁעָרִ֨ים׀ רָֽאשֵׁיכֶ֗ם וְֽ֭הִנָּשְׂאוּ פִּתְחֵ֣י עוֹלָ֑ם וְ֝יָב֗וֹא מֶ֣לֶךְ הַכָּבֽוֹד׃

‎8 ‏מִ֥י זֶה֮ מֶ֤לֶךְ הַכָּ֫ב֥וֹד יְ֭הוָה עִזּ֣וּז וְגִבּ֑וֹר יְ֝הוָ֗ה גִּבּ֥וֹר מִלְחָמָֽה׃

‎9 ‏שְׂא֤וּ שְׁעָרִ֨ים׀ רָֽאשֵׁיכֶ֗ם וּ֭שְׂאוּ פִּתְחֵ֣י עוֹלָ֑ם וְ֝יָבֹא מֶ֣לֶךְ הַכָּבֽוֹד׃

‎10 ‏מִ֤י ה֣וּא זֶה֮ מֶ֤לֶךְ הַכָּ֫ב֥וֹד יְהוָ֥ה צְבָא֑וֹת ה֤וּא מֶ֖לֶךְ הַכָּב֣וֹד סֶֽלָה׃

1 ləḏāwiḏ mizəmwōr layhwâ³ hā’āreṣ ûməlwō’āh tēḇēl wəyōšəḇê ḇāh:

2 kî-hû’ ‘al-yammîm yəsāḏāh wə‘al-nəhārwōṯ yəḵwōnənehā:

3 mî-y^a‘ăleh ḇəhar-yəhwâ ûmî-yāqûm biməqwōm qāḏəšwō:

4 nəqî ḵapayim ûḇar-lēḇāḇ ’ăšer| lō’-nāśā’ laššāwə’ nafəšî wəlō’ nišəb^a‘ ləmirəmâ:

5 yiśśā’ ḇərāḵâ mē’ēṯ yəhwâ ûṣəḏāqâ mē’ĕlōhê yišə‘wō:

6 zeh dwōr dōrəšāw dōrəšāyw məḇaqəšê fāneyḵā y^a‘ăqōḇ selâ:

7 śə’û šə‘ārîm| rā’šêḵem wəhinnāśə’û piṯəḥê ‘wōlām wəyāḇwō’ meleḵə hakāḇwōḏ:

8 mî zeh meleḵə hakāḇwōḏ yəhwâ ‘izzûz wəḡibwōr yəhwâ gibwōr miləḥāmâ:

9 śə’û šə‘ārîm| rā’šêḵem ûśə’û piṯəḥê ‘wōlām wəyāḇō’ meleḵə hakāḇwōḏ:

10 mî hû’ zeh meleḵə hakāḇwōḏ yəhwâ ṣəḇā’wōṯ hû’ meleḵə hakāḇwōḏ selâ:

‎1 ‏לְדָוִ֡ד אֵלֶ֥יךָ יְ֝הוָ֗ה נַפְשִׁ֥י אֶשָּֽׂא׃

‎2 ‏אֱ‍ֽלֹהַ֗י בְּךָ֣ בָ֭טַחְתִּי אַל־אֵב֑וֹשָׁה אַל־יַֽעַלְצ֖וּ אֹיְבַ֣י לִֽי׃

‎3 ‏גַּ֣ם כָּל־ק֭וֶֹיךָ³ לֹ֣א יֵבֹ֑שׁוּ יֵ֝בֹ֗שׁוּ הַבּוֹגְדִ֥ים רֵיקָֽם׃

‎4 ‏דְּרָכֶ֣יךָ יְ֭הוָה הוֹדִיעֵ֑נִי אֹ֖רְחוֹתֶ֣יךָ³ לַמְּדֵֽנִי׃

‎5 ‏הַדְרִ֘יכֵ֤נִי בַאֲמִתֶּ֨ךָ׀ וְֽלַמְּדֵ֗נִי כִּֽי־אַ֭תָּה אֱלֹהֵ֣י יִשְׁעִ֑י אוֹתְךָ֥ קִ֝וִּ֗יתִי כָּל־הַיּֽוֹם׃

‎6 ‏זְכֹר־רַחֲמֶ֣יךָ יְ֭הוָה וַחֲסָדֶ֑יךָ כִּ֖י מֵעוֹלָ֣ם הֵֽמָּה׃

‎7 ‏חַטֹּ֤אות נְעוּרַ֨י׀ וּפְשָׁעַ֗י אַל־תִּ֫זְכֹּ֥ר כְּחַסְדְּךָ֥ זְכָר־לִי־אַ֑תָּה לְמַ֖עַן טוּבְךָ֣ יְהוָֽה׃

‎8 ‏טוֹב־וְיָשָׁ֥ר יְהוָ֑ה עַל־כֵּ֤ן יוֹרֶ֖ה חַטָּאִ֣ים בַּדָּֽרֶךְ׃

‎9 ‏יַדְרֵ֣ךְ עֲ֭נָוִים בַּמִּשְׁפָּ֑ט וִֽילַמֵּ֖ד עֲנָוִ֣ים דַּרְכּֽוֹ׃

‎10 ‏כָּל־אָרְח֣וֹת יְ֭הוָה חֶ֣סֶד וֶאֱמֶ֑ת לְנֹצְרֵ֥י בְ֝רִית֗וֹ וְעֵדֹתָֽיו׃

‎11 ‏לְמַֽעַן־שִׁמְךָ֥ יְהוָ֑ה וְֽסָלַחְתָּ֥ לַ֝עֲוֹנִ֗י כִּ֣י רַב־הֽוּא׃

‎12 ‏מִי־זֶ֣ה הָ֭אִישׁ יְרֵ֣א יְהוָ֑ה י֝וֹרֶ֗נּוּ בְּדֶ֣רֶךְ יִבְחָֽר׃

‎13 ‏נַ֭פְשׁוֹ בְּט֣וֹב תָּלִ֑ין וְ֝זַרְע֗וֹ יִ֣ירַשׁ אָֽרֶץ׃

‎14 ‏ס֣וֹד יְ֭הוָה לִירֵאָ֑יו וּ֝בְרִית֗וֹ לְהוֹדִיעָֽם׃

‎15 ‏עֵינַ֣י תָּ֭מִיד אֶל־יְהוָ֑ה כִּ֤י הֽוּא־יוֹצִ֖יא מֵרֶ֣שֶׁת רַגְלָֽי׃

‎16 ‏פְּנֵה־אֵלַ֥י וְחָנֵּ֑נִי כִּֽי־יָחִ֖יד וְעָנִ֣י אָֽנִי׃

‎17 ‏צָר֣וֹת לְבָבִ֣י הִרְחִ֑יבוּ מִ֝מְּצֽוּקוֹתַ֗י הוֹצִיאֵֽנִי׃

‎18 ‏רְאֵ֣ה עָ֭נְיִי וַעֲמָלִ֑י וְ֝שָׂ֗א לְכָל־חַטֹּאותָֽי׃

‎19 ‏רְאֵֽה־אוֹיְבַ֥י כִּי־רָ֑בּוּ וְשִׂנְאַ֖ת חָמָ֣ס שְׂנֵאֽוּנִי׃

‎20 ‏שָׁמְרָ֣ה נַ֭פְשִׁי וְהַצִּילֵ֑נִי אַל־אֵ֝ב֗וֹשׁ כִּֽי־חָסִ֥יתִי בָֽךְ׃

‎21 ‏תֹּם־וָיֹ֥שֶׁר יִצְּר֑וּנִי כִּ֝֗י קִוִּיתִֽיךָ׃

‎22 ‏פְּדֵ֣ה אֱ֭לֹהִים אֶת־יִשְׂרָאֵ֑ל מִ֝כֹּ֗ל צָֽרוֹתָיו׃¹

1 ləḏāwiḏ ’ēleyḵā yəhwâ nafəšî ’eśśā’:

2 ’ĕ‍lōhay bəḵā ḇāṭ^aḥətî ’al-’ēḇwōšâ ’al-y^a‘aləṣû ’ōyəḇay lî:

3 gam kāl-qwōeyḵā³ lō’ yēḇōšû yēḇōšû habwōḡəḏîm rêqām:

4 dərāḵeyḵā yəhwâ hwōḏî‘ēnî ’ōrəḥwōṯeyḵā³ lamməḏēnî:

5 haḏərîḵēnî ḇa’ămiteḵā| wəlamməḏēnî kî-’atâ ’ĕlōhê yišə‘î ’wōṯəḵā qiûîṯî kāl-hayywōm:

6 zəḵōr-r^aḥămeyḵā yəhwâ w^aḥăsāḏeyḵā kî mē‘wōlām hēmmâ:

7 ḥaṭṭō’wṯ nə‘ûray| ûfəšā‘ay ’al-tizəkōr kəḥasədəḵā zəḵār-lî-’atâ ləm^a‘an ṭûḇəḵā yəhwâ:

8 ṭwōḇ-wəyāšār yəhwâ ‘al-kēn ywōreh ḥaṭṭā’îm badāreḵə:

9 yaḏərēḵə ‘ănāwîm bammišəpāṭ wîlammēḏ ‘ănāwîm darəkwō:

10 kāl-’ārəḥwōṯ yəhwâ ḥeseḏ we’ĕmeṯ lənōṣərê ḇərîṯwō wə‘ēḏōṯāyw:

11 ləm^a‘an-šiməḵā yəhwâ wəsāl^aḥətā l^a‘ăwōnî kî raḇ-hû’:

12 mî-zeh hā’îš yərē’ yəhwâ ywōrennû bəḏereḵə yiḇəḥār:

13 nafəšwō bəṭwōḇ tālîn wəzarə‘wō yîraš ’āreṣ:

14 swōḏ yəhwâ lîrē’āyw ûḇərîṯwō ləhwōḏî‘ām:

15 ‘ênay tāmîḏ ’el-yəhwâ kî hû’-ywōṣî’ mērešeṯ raḡəlāy:

16 pənēh-’ēlay wəḥānnēnî kî-yāḥîḏ wə‘ānî ’ānî:

17 ṣārwōṯ ləḇāḇî hirəḥîḇû mimməṣûqwōṯay hwōṣî’ēnî:

18 rə’ēh ‘ānəyî w^a‘ămālî wəśā’ ləḵāl-ḥaṭṭō’wṯāy:

19 rə’ēh-’wōyəḇay kî-rābû wəśinə’aṯ ḥāmās śənē’ûnî:

20 šāmərâ nafəšî wəhaṣṣîlēnî ’al-’ēḇwōš kî-ḥāsîṯî ḇāḵə:

21 tōm-wāyōšer yiṣṣərûnî kî qiûîṯîḵā:

22 pəḏēh ’ĕlōhîm ’eṯ-yiśərā’ēl mikōl ṣārwōṯāyw:¹

‎1 ‏לְדָוִ֨ד׀ שָׁפְטֵ֤נִי יְהוָ֗ה כִּֽי־אֲ֭נִי בְּתֻמִּ֣י³ הָלַ֑כְתִּי וּבַיהוָ֥ה בָּ֝טַ֗חְתִּי לֹ֣א אֶמְעָֽד׃

‎2 ‏בְּחָנֵ֣נִי יְהוָ֣ה וְנַסֵּ֑נִי צרופה צָרְפָ֖ה כִלְיוֹתַ֣י וְלִבִּֽי׃

‎3 ‏כִּֽי־חַ֭סְדְּךָ לְנֶ֣גֶד עֵינָ֑י וְ֝הִתְהַלַּ֗כְתִּי בַּאֲמִתֶּֽךָ׃

‎4 ‏לֹא־יָ֭שַׁבְתִּי עִם־מְתֵי־שָׁ֑וְא וְעִ֥ם נַ֝עֲלָמִ֗ים לֹ֣א אָבֽוֹא׃

‎5 ‏שָׂ֭נֵאתִי קְהַ֣ל מְרֵעִ֑ים וְעִם־רְ֝שָׁעִ֗ים לֹ֣א אֵשֵֽׁב׃

‎6 ‏אֶרְחַ֣ץ בְּנִקָּי֣וֹן כַּפָּ֑י וַאֲסֹבְבָ֖ה אֶת־מִזְבַּחֲךָ֣ יְהוָֽה׃

‎7 ‏לַ֭שְׁמִעַ בְּק֣וֹל תּוֹדָ֑ה וּ֝לְסַפֵּ֗ר כָּל־נִפְלְאוֹתֶֽיךָ׃

‎8 ‏יְֽהוָ֗ה אָ֭הַבְתִּי מְע֣וֹן בֵּיתֶ֑ךָ וּ֝מְק֗וֹם מִשְׁכַּ֥ן כְּבוֹדֶֽךָ׃

‎9 ‏אַל־תֶּאֱסֹ֣ף עִם־חַטָּאִ֣ים נַפְשִׁ֑י וְעִם־אַנְשֵׁ֖י דָמִ֣ים חַיָּֽי׃

‎10 ‏אֲשֶׁר־בִּידֵיהֶ֥ם זִמָּ֑ה וִֽ֝ימִינָ֗ם מָ֣לְאָה שֹּֽׁחַד׃

‎11 ‏וַ֭אֲנִי בְּתֻמִּ֥י אֵלֵ֗ךְ פְּדֵ֣נִי וְחָנֵּֽנִי׃

‎12 ‏רַ֭גְלִי עָֽמְדָ֣ה בְמִישׁ֑וֹר בְּ֝מַקְהֵלִ֗ים אֲבָרֵ֥ךְ יְהוָֽה׃

1 ləḏāwiḏ| šāfəṭēnî yəhwâ kî-’ănî bəṯummî³ hālaḵətî ûḇayhwâ bāṭ^aḥətî lō’ ’emə‘āḏ:

2 bəḥānēnî yəhwâ wənassēnî ṣərwōfâ ṣārəfâ ḵiləywōṯay wəlibî:

3 kî-ḥasədəḵā ləneḡeḏ ‘ênāy wəhiṯəhallaḵətî ba’ămiteḵā:

4 lō’-yāšaḇətî ‘im-məṯê-šāwə’ wə‘im n^a‘ălāmîm lō’ ’āḇwō’:

5 śānē’ṯî qəhal mərē‘îm wə‘im-rəšā‘îm lō’ ’ēšēḇ:

6 ’erəḥaṣ bəniqqāywōn kapāy wa’ăsōḇəḇâ ’eṯ-mizəb^aḥăḵā yəhwâ:

7 lašəmi‘a bəqwōl twōḏâ ûləsapēr kāl-nifələ’wōṯeyḵā:

8 yəhwâ ’âaḇətî mə‘wōn bêṯeḵā ûməqwōm mišəkan kəḇwōḏeḵā:

9 ’al-te’ĕsōf ‘im-ḥaṭṭā’îm nafəšî wə‘im-’anəšê ḏāmîm ḥayyāy:

10 ’ăšer-bîḏêhem zimmâ wîmînām mālə’â ššōḥaḏ:

11 wa’ănî bəṯummî ’ēlēḵə pəḏēnî wəḥānnēnî:

12 raḡəlî ‘āməḏâ ḇəmîšwōr bəmaqəhēlîm ’ăḇārēḵə yəhwâ:

‎1 ‏לְדָוִ֨ד׀ יְהוָ֤ה׀ אוֹרִ֣י וְ֭יִשְׁעִי מִמִּ֣י אִירָ֑א יְהוָ֥ה מָֽעוֹז־חַ֝יַּ֗י מִמִּ֥י אֶפְחָֽד׃

‎2 ‏בִּקְרֹ֤ב עָלַ֨י׀ מְרֵעִים֮ לֶאֱכֹ֪ל אֶת־בְּשָׂ֫רִ֥י צָרַ֣י וְאֹיְבַ֣י לִ֑י הֵ֖מָּה כָשְׁל֣וּ וְנָפָֽלוּ׃

‎3 ‏אִם־תַּחֲנֶ֬ה עָלַ֨י׀ מַחֲנֶה֮ לֹֽא־יִירָ֪א לִ֫בִּ֥י אִם־תָּק֣וּם עָ֭לַי מִלְחָמָ֑ה בְּ֝זֹ֗את אֲנִ֣י בוֹטֵֽחַ׃

‎4 ‏אַחַ֤ת׀ שָׁאַ֣לְתִּי מֵֽאֵת־יְהוָה֮ אוֹתָ֪הּ אֲבַ֫קֵּ֥שׁ שִׁבְתִּ֣י בְּבֵית־יְ֭הוָה כָּל־יְמֵ֣י חַיַּ֑י לַחֲז֥וֹת בְּנֹֽעַם־יְ֝הוָ֗ה וּלְבַקֵּ֥ר בְּהֵיכָלֽוֹ׃

‎5 ‏כִּ֤י יִצְפְּנֵ֨נִי׀ בְּסֻכֹּה֮ בְּי֪וֹם רָ֫עָ֥ה יַ֭סְתִּרֵנִי בְּסֵ֣תֶר אָהֳל֑וֹ בְּ֝צ֗וּר יְרוֹמְמֵֽנִי׃

‎6 ‏וְעַתָּ֨ה יָר֪וּם רֹאשִׁ֡י עַ֤ל אֹֽיְבַ֬י סְֽבִיבוֹתַ֗י וְאֶזְבְּחָ֣ה בְ֭אָהֳלוֹ זִבְחֵ֣י תְרוּעָ֑ה אָשִׁ֥ירָה וַ֝אֲזַמְּרָ֗ה לַיהוָֽה׃

‎7 ‏שְׁמַע־יְהוָ֖ה קוֹלִ֥י אֶקְרָ֗א וְחָנֵּ֥נִי וַעֲנֵֽנִי׃

‎8 ‏לְךָ֤׀ אָמַ֣ר לִ֭בִּי בַּקְּשׁ֣וּ פָנָ֑י אֶת־פָּנֶ֖יךָ יְהוָ֣ה אֲבַקֵּֽשׁ׃

‎9 ‏אַל־תַּסְתֵּ֬ר פָּנֶ֨יךָ׀ מִמֶּנִּי֮ אַֽל־תַּט־בְּאַ֗ף עַ֫בְדֶּ֥ךָ עֶזְרָתִ֥י הָיִ֑יתָ אַֽל־תִּטְּשֵׁ֥נִי וְאַל־תַּֽ֝עַזְבֵ֗נִי אֱלֹהֵ֥י יִשְׁעִֽי׃

‎10 ‏כִּי־אָבִ֣י וְאִמִּ֣י עֲזָב֑וּנִי וַֽיהוָ֣ה יַֽאַסְפֵֽנִי׃

‎11 ‏ה֤וֹרֵ֥נִי יְהוָ֗ה דַּ֫רְכֶּ֥ךָ וּ֭נְחֵנִי בְּאֹ֣רַח מִישׁ֑וֹר לְ֝מַ֗עַן שׁוֹרְרָֽי׃

‎12 ‏אַֽל־תִּ֭תְּנֵנִי בְּנֶ֣פֶשׁ צָרָ֑י כִּ֥י³ קָֽמוּ־בִ֥י עֵֽדֵי־שֶׁ֝֗קֶר וִיפֵ֥חַ חָמָֽס׃

‎13 ‏לׅׄוּלֵׅ֗ׄאׅׄ⁴ הֶ֭אֱמַנְתִּי לִרְא֥וֹת בְּֽטוּב־יְהוָ֗ה בְּאֶ֣רֶץ חַיִּֽים׃

‎14 ‏קַוֵּ֗ה אֶל־יְה֫וָ֥ה חֲ֭זַק וְיַאֲמֵ֣ץ לִבֶּ֑ךָ וְ֝קַוֵּ֗ה אֶל־יְהוָֽה׃

1 ləḏāwiḏ| yəhwâ| ’wōrî wəyišə‘î mimmî ’îrā’ yəhwâ mā‘wōz-ḥayyay mimmî ’efəḥāḏ:

2 biqərōḇ ‘ālay| mərē‘îm le’ĕḵōl ’eṯ-bəśārî ṣāray wə’ōyəḇay lî hēmmâ ḵāšəlû wənāfālû:

3 ’im-t^aḥăneh ‘ālay| m^aḥăneh lō’-yîrā’ libî ’im-tāqûm ‘ālay miləḥāmâ bəzō’ṯ ’ănî ḇwōṭēḥa:

4 ’^aḥaṯ| šā’alətî mē’ēṯ-yəhwâ ’wōṯāh ’ăḇaqqēš šiḇətî bəḇêṯ-yəhwâ kāl-yəmê ḥayyay l^aḥăzwōṯ bənō‘am-yəhwâ ûləḇaqqēr bəhêḵālwō:

5 kî yiṣəpənēnî| bəsukōh bəywōm rā‘â yasətirēnî bəsēṯer ’âŏlwō bəṣûr yərwōməmēnî:

6 wə‘atâ yārûm rō’šî ‘al ’ōyəḇay səḇîḇwōṯay wə’ezəbəḥâ ḇə’âŏlwō ziḇəḥê ṯərû‘â ’āšîrâ wa’ăzammərâ layhwâ:

7 šəm^a‘-yəhwâ qwōlî ’eqərā’ wəḥānnēnî w^a‘ănēnî:

8 ləḵā| ’āmar libî baqqəšû fānāy ’eṯ-pāneyḵā yəhwâ ’ăḇaqqēš:

9 ’al-tasətēr pāneyḵā| mimmennî ’al-taṭ-bə’af ‘aḇədeḵā ‘ezərāṯî hāyîṯā ’al-tiṭṭəšēnî wə’al-t^a‘azəḇēnî ’ĕlōhê yišə‘î:

10 kî-’āḇî wə’immî ‘ăzāḇûnî wayhwâ ya’asəfēnî:

11 hwōrēnî yəhwâ darəkeḵā ûnəḥēnî bə’ōr^aḥ mîšwōr ləm^a‘an šwōrərāy:

12 ’al-titənēnî bənefeš ṣārāy kî³ qāmû-ḇî ‘ēḏê-šeqer wîfēḥa ḥāmās:

13 lׅ***ûlēׅ***’ׅ***⁴ he’ĕmanətî lirə’wōṯ bəṭûḇ-yəhwâ bə’ereṣ ḥayyîm:

14 qaûēh ’el-yəhwâ ḥăzaq wəya’ămēṣ libeḵā wəqaûēh ’el-yəhwâ:

‎1 ‏לְדָוִ֡ד אֵ֘לֶ֤יךָ יְהוָ֨ה׀ אֶקְרָ֗א צוּרִי֮ אַֽל־תֶּחֱרַ֪שׁ מִ֫מֶּ֥נִּי פֶּן־תֶּֽחֱשֶׁ֥ה מִמֶּ֑נִּי וְ֝נִמְשַׁ֗לְתִּי עִם־י֥וֹרְדֵי בֽוֹר׃

‎2 ‏שְׁמַ֤ע ק֣וֹל תַּ֭חֲנוּנַי בְּשַׁוְּעִ֣י אֵלֶ֑יךָ בְּנָשְׂאִ֥י יָ֝דַ֗י אֶל־דְּבִ֥יר קָדְשֶֽׁךָ׃

‎3 ‏אַל־תִּמְשְׁכֵ֣נִי עִם־רְשָׁעִים֮ וְעִם־פֹּ֪עֲלֵ֫י אָ֥וֶן דֹּבְרֵ֣י שָׁ֭לוֹם עִם־רֵֽעֵיהֶ֑ם וְ֝רָעָ֗ה בִּלְבָבָֽם׃

‎4 ‏תֶּן־לָהֶ֣ם כְּפָעֳלָם֮ וּכְרֹ֪עַ מַֽעַלְלֵ֫יהֶ֥ם כְּמַעֲשֵׂ֣ה יְ֭דֵיהֶם תֵּ֣ן לָהֶ֑ם הָשֵׁ֖ב גְּמוּלָ֣ם לָהֶֽם׃

‎5 ‏כִּ֤י לֹ֤א יָבִ֡ינוּ אֶל־פְּעֻלֹּ֣ת יְ֭הוָה וְאֶל־מַעֲשֵׂ֣ה יָדָ֑יו יֶ֝הֶרְסֵ֗ם וְלֹ֣א יִבְנֵֽם׃

‎6 ‏בָּר֥וּךְ יְהוָ֑ה כִּי־שָׁ֝מַע ק֣וֹל תַּחֲנוּנָֽי׃

‎7 ‏יְהוָ֤ה׀ עֻזִּ֥י וּמָגִנִּי֮ בּ֤וֹ בָטַ֥ח לִבִּ֗י וְֽנֶ֫עֱזָ֥רְתִּי וַיַּעֲלֹ֥ז לִבִּ֑י וּֽמִשִּׁירִ֥י אֲהוֹדֶֽנּוּ׃

‎8 ‏יְהוָ֥ה עֹֽז־לָ֑מוֹ וּמָ֘ע֤וֹז יְשׁוּע֖וֹת מְשִׁיח֣וֹ הֽוּא׃

‎9 ‏הוֹשִׁ֤יעָה׀ אֶת־עַמֶּ֗ךָ וּבָרֵ֥ךְ אֶת־נַחֲלָתֶ֑ךָ וּֽרְעֵ֥ם וְ֝נַשְּׂאֵ֗ם עַד־הָעוֹלָֽם׃

1 ləḏāwiḏ ’ēleyḵā yəhwâ| ’eqərā’ ṣûrî ’al-teḥĕraš mimmennî pen-teḥĕšeh mimmennî wəniməšalətî ‘im-ywōrəḏê ḇwōr:

2 šəm^a‘ qwōl t^aḥănûnay bəšaûə‘î ’ēleyḵā bənāśə’î yāḏay ’el-dəḇîr qāḏəšeḵā:

3 ’al-timəšəḵēnî ‘im-rəšā‘îm wə‘im-pō‘ălê ’āwen dōḇərê šālwōm ‘im-rē‘êhem wərā‘â biləḇāḇām:

4 ten-lâem kəfā‘ŏlām ûḵərō‘a m^a‘aləlêhem kəm^a‘ăśēh yəḏêhem tēn lâem hāšēḇ gəmûlām lâem:

5 kî lō’ yāḇînû ’el-pə‘ullōṯ yəhwâ wə’el-m^a‘ăśēh yāḏāyw yeherəsēm wəlō’ yiḇənēm:

6 bārûḵə yəhwâ kî-šām^a‘ qwōl t^aḥănûnāy:

7 yəhwâ| ‘uzzî ûmāḡinnî bwō ḇāṭ^aḥ libî wəne‘ĕzārətî wayy^a‘ălōz libî ûmiššîrî ’ăhwōḏennû:

8 yəhwâ ‘ōz-lāmwō ûmā‘wōz yəšû‘wōṯ məšîḥwō hû’:

9 hwōšî‘â| ’eṯ-‘ammeḵā ûḇārēḵə ’eṯ-n^aḥălāṯeḵā ûrə‘ēm wənaśśə’ēm ‘aḏ-hā‘wōlām:

‎1 ‏מִזְמ֗וֹר לְדָ֫וִ֥ד הָב֣וּ לַֽ֭יהוָה בְּנֵ֣י אֵלִ֑ים הָב֥וּ לַ֝יהוָ֗ה כָּב֥וֹד וָעֹֽז׃

‎2 ‏הָב֣וּ לַֽ֭יהוָה כְּב֣וֹד שְׁמ֑וֹ הִשְׁתַּחֲו֥וּ לַ֝יהוָ֗ה בְּהַדְרַת־קֹֽדֶשׁ׃

‎3 ‏ק֥וֹל יְהוָ֗ה עַל־הַ֫מָּ֥יִם אֵֽל־הַכָּב֥וֹד הִרְעִ֑ים יְ֝הוָ֗ה עַל־מַ֥יִם רַבִּֽים׃

‎4 ‏קוֹל־יְהוָ֥ה בַּכֹּ֑חַ ק֥וֹל יְ֝הוָ֗ה בֶּהָדָֽר׃

‎5 ‏ק֣וֹל יְ֭הוָה שֹׁבֵ֣ר אֲרָזִ֑ים וַיְשַׁבֵּ֥ר יְ֝הוָ֗ה אֶת־אַרְזֵ֥י הַלְּבָנֽוֹן׃

‎6 ‏וַיַּרְקִידֵ֥ם כְּמוֹ־עֵ֑גֶל לְבָנ֥וֹן וְ֝שִׂרְיֹ֗ן כְּמ֣וֹ בֶן־רְאֵמִֽים׃

‎7 ‏קוֹל־יְהוָ֥ה חֹצֵ֗ב לַהֲב֥וֹת אֵֽשׁ׃

‎8 ‏ק֣וֹל יְ֭הוָה יָחִ֣יל מִדְבָּ֑ר יָחִ֥יל יְ֝הוָ֗ה מִדְבַּ֥ר קָדֵֽשׁ׃

‎9 ‏ק֤וֹל יְהוָ֨ה׀ יְחוֹלֵ֣ל אַיָּלוֹת֮ וַֽיֶּחֱשֹׂ֪ף³ יְעָ֫ר֥וֹת וּבְהֵיכָל֑וֹ כֻּ֝לּ֗וֹ אֹמֵ֥ר כָּבֽוֹד׃

‎10 ‏יְ֭הוָה לַמַּבּ֣וּל יָשָׁ֑ב וַיֵּ֥שֶׁב יְ֝הוָ֗ה מֶ֣לֶךְ לְעוֹלָֽם׃

‎11 ‏יְֽהוָ֗ה עֹ֖ז לְעַמּ֣וֹ יִתֵּ֑ן יְהוָ֓ה׀ יְבָרֵ֖ךְ אֶת־עַמּ֣וֹ בַשָּׁלֽוֹם׃

1 mizəmwōr ləḏāwiḏ hāḇû layhwâ bənê ’ēlîm hāḇû layhwâ kāḇwōḏ wā‘ōz:

2 hāḇû layhwâ kəḇwōḏ šəmwō hišət^aḥăwû layhwâ bəhaḏəraṯ-qōḏeš:

3 qwōl yəhwâ ‘al-hammāyim ’ēl-hakāḇwōḏ hirə‘îm yəhwâ ‘al-mayim rabîm:

4 qwōl-yəhwâ bakōḥa qwōl yəhwâ behāḏār:

5 qwōl yəhwâ šōḇēr ’ărāzîm wayəšabēr yəhwâ ’eṯ-’arəzê halləḇānwōn:

6 wayyarəqîḏēm kəmwō-‘ēḡel ləḇānwōn wəśirəyōn kəmwō ḇen-rə’ēmîm:

7 qwōl-yəhwâ ḥōṣēḇ lahăḇwōṯ ’ēš:

8 qwōl yəhwâ yāḥîl miḏəbār yāḥîl yəhwâ miḏəbar qāḏēš:

9 qwōl yəhwâ| yəḥwōlēl ’ayyālwōṯ wayyeḥĕśōf³ yə‘ārwōṯ ûḇəhêḵālwō kullwō ’ōmēr kāḇwōḏ:

10 yəhwâ lammabûl yāšāḇ wayyēšeḇ yəhwâ meleḵə lə‘wōlām:

11 yəhwâ ‘ōz lə‘ammwō yitēn yəhwâ| yəḇārēḵə ’eṯ-‘ammwō ḇaššālwōm:

‎1 ‏מִזְמ֡וֹר שִׁיר־חֲנֻכַּ֖ת הַבַּ֣יִת לְדָוִֽד׃

‎2 ‏אֲרוֹמִמְךָ֣ יְ֭הוָה כִּ֣י דִלִּיתָ֑נִי וְלֹא־שִׂמַּ֖חְתָּ אֹיְבַ֣י לִֽי׃

‎3 ‏יְהוָ֥ה אֱלֹהָ֑י שִׁוַּ֥עְתִּי אֵ֝לֶ֗יךָ וַתִּרְפָּאֵֽנִי׃

‎4 ‏יְֽהוָ֗ה הֶֽעֱלִ֣יתָ מִן־שְׁא֣וֹל נַפְשִׁ֑י חִ֝יִּיתַ֗נִי מיורדי־ מִיָּֽרְדִי־ בֽוֹר׃

‎5 ‏זַמְּר֣וּ לַיהוָ֣ה חֲסִידָ֑יו וְ֝הוֹד֗וּ לְזֵ֣כֶר קָדְשֽׁוֹ׃

‎6 ‏כִּ֤י רֶ֨גַע׀ בְּאַפּוֹ֮ חַיִּ֪ים בִּרְצ֫וֹנ֥וֹ בָּ֭עֶרֶב יָלִ֥ין בֶּ֗כִי וְלַבֹּ֥קֶר רִנָּֽה׃

‎7 ‏וַ֭אֲנִי אָמַ֣רְתִּי בְשַׁלְוִ֑י בַּל־אֶמּ֥וֹט לְעוֹלָֽם׃

‎8 ‏יְֽהוָ֗ה בִּרְצוֹנְךָ֮ הֶעֱמַ֪דְתָּה לְֽהַרְרִ֫י עֹ֥ז הִסְתַּ֥רְתָּ פָנֶ֗יךָ הָיִ֥יתִי נִבְהָֽל׃

‎9 ‏אֵלֶ֣יךָ יְהוָ֣ה אֶקְרָ֑א וְאֶל־אֲ֝דֹנָ֗י אֶתְחַנָּֽן׃

‎10 ‏מַה־בֶּ֥צַע בְּדָמִי֮ בְּרִדְתִּ֪י אֶ֫ל־שָׁ֥חַת הֲיוֹדְךָ֥ עָפָ֑ר הֲיַגִּ֥יד אֲמִתֶּֽךָ׃

‎11 ‏שְׁמַע־יְהוָ֥ה וְחָנֵּ֑נִי יְ֝הוָה¹ הֱ‍ֽיֵה־עֹזֵ֥ר לִֽי׃

‎12 ‏הָפַ֣כְתָּ מִסְפְּדִי֮ לְמָח֪וֹל לִ֥י פִּתַּ֥חְתָּ שַׂקִּ֑י וַֽתְּאַזְּרֵ֥נִי שִׂמְחָֽה׃

‎13 ‏לְמַ֤עַן׀ יְזַמֶּרְךָ֣ כָ֭בוֹד וְלֹ֣א יִדֹּ֑ם יְהוָ֥ה אֱ֝לֹהַ֗י לְעוֹלָ֥ם אוֹדֶֽךָּ׃

1 mizəmwōr šîr-ḥănukaṯ habayiṯ ləḏāwiḏ:

2 ’ărwōmiməḵā yəhwâ kî ḏillîṯānî wəlō’-śimm^aḥətā ’ōyəḇay lî:

3 yəhwâ ’ĕlōhāy šiû^a‘ətî ’ēleyḵā watirəpā’ēnî:

4 yəhwâ he‘ĕlîṯā min-šə’wōl nafəšî ḥîyîṯanî mîywōrəḏê- mîyārəḏî- ḇwōr:

5 zammərû layhwâ ḥăsîḏāyw wəhwōḏû ləzēḵer qāḏəšwō:

6 kî reḡ^a‘| bə’apwō ḥayyîm birəṣwōnwō bā‘ereḇ yālîn beḵî wəlabōqer rinnâ:

7 wa’ănî ’āmarətî ḇəšaləwî bal-’emmwōṭ lə‘wōlām:

8 yəhwâ birəṣwōnəḵā he‘ĕmaḏətâ ləharərî ‘ōz hisətarətā fāneyḵā hāyîṯî niḇəhāl:

9 ’ēleyḵā yəhwâ ’eqərā’ wə’el-’ăḏōnāy ’eṯəḥannān:

10 mah-beṣ^a‘ bəḏāmî bəriḏətî ’el-šāḥaṯ hăywōḏəḵā ‘āfār hăyagîḏ ’ămiteḵā:

11 šəm^a‘-yəhwâ wəḥānnēnî yəhwâ¹ hĕ‍yēh-‘ōzēr lî:

12 hāfaḵətā misəpəḏî ləmāḥwōl lî pit^aḥətā śaqqî watə’azzərēnî śiməḥâ:

13 ləm^a‘an| yəzammerəḵā ḵāḇwōḏ wəlō’ yidōm yəhwâ ’ĕlōhay lə‘wōlām ’wōḏeḵḵā:

‎1 ‏לַמְנַצֵּ֗חַ מִזְמ֥וֹר לְדָוִֽד׃

‎2 ‏בְּךָ֖ יְהוָ֣ה חָ֭סִיתִי אַל־אֵב֣וֹשָׁה לְעוֹלָ֑ם בְּצִדְקָתְךָ֥ פַלְּטֵֽנִי׃

‎3 ‏הַטֵּ֤ה אֵלַ֨י׀ אָזְנְךָ֮ מְהֵרָ֪ה הַצִּ֫ילֵ֥נִי הֱיֵ֤ה לִ֨י׀ לְֽצוּר־מָ֭עוֹז לְבֵ֥ית מְצוּד֗וֹת לְהוֹשִׁיעֵֽנִי׃

‎4 ‏כִּֽי־סַלְעִ֣י וּמְצוּדָתִ֣י אָ֑תָּה וּלְמַ֥עַן שִׁ֝מְךָ֗ תַּֽנְחֵ֥נִי וּֽתְנַהֲלֵֽנִי׃

‎5 ‏תּוֹצִיאֵ֗נִי מֵרֶ֣שֶׁת ז֭וּ טָ֣מְנוּ לִ֑י כִּֽי־אַ֝תָּה מָֽעוּזִּֽי׃

‎6 ‏בְּיָדְךָ֮ אַפְקִ֪יד ר֫וּחִ֥י פָּדִ֖יתָה אוֹתִ֥י יְהוָ֗ה אֵ֣ל אֱמֶֽת׃

‎7 ‏שָׂנֵ֗אתִי הַשֹּׁמְרִ֥ים הַבְלֵי־שָׁ֑וְא וַ֝אֲנִ֗י אֶל־יְהוָ֥ה בָּטָֽחְתִּי׃

‎8 ‏אָגִ֥ילָה וְאֶשְׂמְחָ֗ה בְּחַ֫סְדֶּ֥ךָ אֲשֶׁ֣ר רָ֭אִיתָ אֶת־עָנְיִ֑י יָ֝דַ֗עְתָּ בְּצָר֥וֹת נַפְשִֽׁי׃

‎9 ‏וְלֹ֣א הִ֭סְגַּרְתַּנִי בְּיַד־אוֹיֵ֑ב הֶֽעֱמַ֖דְתָּ בַמֶּרְחָ֣ב רַגְלָֽי׃

‎10 ‏חָנֵּ֥נִי יְהוָה֮ כִּ֤י צַ֫ר־לִ֥י עָשְׁשָׁ֖ה בְכַ֥עַס עֵינִ֗י נַפְשִׁ֥י וּבִטְנִֽי׃

‎11 ‏כִּ֤י כָל֪וּ בְיָג֡וֹן חַיַּי֮ וּשְׁנוֹתַ֪י בַּאֲנָ֫חָ֥ה כָּשַׁ֣ל בַּעֲוֹנִ֣י כֹחִ֑י וַעֲצָמַ֥י עָשֵֽׁשׁוּ׃

‎12 ‏מִכָּל־צֹרְרַ֨י הָיִ֪יתִי חֶרְפָּ֡ה וְלִשֲׁכֵנַ֨י׀ מְאֹד֮ וּפַ֪חַד לִֽמְיֻדָּ֫עָ֥י רֹאַ֥י בַּח֑וּץ נָדְד֥וּ מִמֶּֽנִּי׃

‎13 ‏נִ֭שְׁכַּחְתִּי כְּמֵ֣ת מִלֵּ֑ב הָ֝יִ֗יתִי כִּכְלִ֥י אֹבֵֽד׃

‎14 ‏כִּ֤י שָׁמַ֨עְתִּי׀ דִּבַּ֥ת רַבִּים֮ מָג֪וֹר מִסָּ֫בִ֥יב בְּהִוָּסְדָ֣ם יַ֣חַד עָלַ֑י לָקַ֖חַת נַפְשִׁ֣י זָמָֽמוּ׃

‎15 ‏וַאֲנִ֤י׀ עָלֶ֣יךָ בָטַ֣חְתִּי יְהוָ֑ה אָ֝מַ֗רְתִּי אֱלֹהַ֥י אָֽתָּה׃

‎16 ‏בְּיָדְךָ֥ עִתֹּתָ֑י הַצִּ֘ילֵ֤נִי מִיַּד־א֝וֹיְבַ֗י וּמֵרֹדְפָֽי׃

‎17 ‏הָאִ֣ירָה פָ֭נֶיךָ עַל־עַבְדֶּ֑ךָ ה֖וֹשִׁיעֵ֣נִי בְחַסְדֶּֽךָ׃

‎18 ‏יְֽהוָ֗ה אַל־אֵ֭בוֹשָׁה כִּ֣י קְרָאתִ֑יךָ יֵבֹ֥שׁוּ רְ֝שָׁעִ֗ים יִדְּמ֥וּ לִשְׁאֽוֹל׃

‎19 ‏תֵּ֥אָלַ֗מְנָה³ שִׂפְתֵ֫י שָׁ֥קֶר הַדֹּבְר֖וֹת עַל־צַדִּ֥יק עָתָ֗ק בְּגַאֲוָ֥ה וָבֽוּז׃

‎20 ‏מָ֤ה רַֽב־טוּבְךָ֮ אֲשֶׁר־צָפַ֪נְתָּ לִּֽירֵ֫אֶ֥יךָ פָּ֭עַלְתָּ לַחֹסִ֣ים בָּ֑ךְ נֶ֝֗גֶד בְּנֵ֣י אָדָם׃¹

‎21 ‏תַּסְתִּירֵ֤ם׀ בְּסֵ֥תֶר פָּנֶיךָ֮ מֵֽרֻכְסֵ֫י אִ֥ישׁ תִּצְפְּנֵ֥ם בְּסֻכָּ֗ה מֵרִ֥יב לְשֹׁנֽוֹת׃

‎22 ‏בָּר֥וּךְ יְהוָ֑ה כִּ֥י הִפְלִ֘יא חַסְדּ֥וֹ לִ֝֗י בְּעִ֣יר מָצֽוֹר׃

‎23 ‏וַאֲנִ֤י׀ אָ֘מַ֤רְתִּי בְחָפְזִ֗י נִגְרַזְתִּי֮ מִנֶּ֪גֶד עֵ֫ינֶ֥יךָ אָכֵ֗ן שָׁ֭מַעְתָּ ק֥וֹל תַּחֲנוּנַ֗י בְּשַׁוְּעִ֥י אֵלֶֽיךָ׃

‎24 ‏אֶֽהֱב֥וּ אֶת־יְהוָ֗ה כָּֽל־חֲסִ֫ידָ֥יו אֱ֭מוּנִים נֹצֵ֣ר יְהוָ֑ה וּמְשַׁלֵּ֥ם עַל־יֶ֝֗תֶר עֹשֵׂ֥ה גַאֲוָֽה׃

‎25 ‏חִ֭זְקוּ וְיַאֲמֵ֣ץ לְבַבְכֶ֑ם כָּל־הַ֝מְיַחֲלִ֗ים לַיהוָֽה׃

1 lamənaṣṣēḥa mizəmwōr ləḏāwiḏ:

2 bəḵā yəhwâ ḥāsîṯî ’al-’ēḇwōšâ lə‘wōlām bəṣiḏəqāṯəḵā falləṭēnî:

3 haṭṭēh ’ēlay| ’āzənəḵā məhērâ haṣṣîlēnî hĕyēh lî| ləṣûr-mā‘wōz ləḇêṯ məṣûḏwōṯ ləhwōšî‘ēnî:

4 kî-salə‘î ûməṣûḏāṯî ’ātâ ûləm^a‘an šiməḵā tanəḥēnî ûṯənahălēnî:

5 twōṣî’ēnî mērešeṯ zû ṭāmənû lî kî-’atâ mā‘ûzzî:

6 bəyāḏəḵā ’afəqîḏ rûḥî pāḏîṯâ ’wōṯî yəhwâ ’ēl ’ĕmeṯ:

7 śānē’ṯî haššōmərîm haḇəlê-šāwə’ wa’ănî ’el-yəhwâ bāṭāḥətî:

8 ’āḡîlâ wə’eśəməḥâ bəḥasədeḵā ’ăšer rā’îṯā ’eṯ-‘ānəyî yāḏ^a‘ətā bəṣārwōṯ nafəšî:

9 wəlō’ hisəgarətanî bəyaḏ-’wōyēḇ he‘ĕmaḏətā ḇammerəḥāḇ raḡəlāy:

10 ḥānnēnî yəhwâ kî ṣar-lî ‘āšəšâ ḇəḵ^a‘as ‘ênî nafəšî ûḇiṭənî:

11 kî ḵālû ḇəyāḡwōn ḥayyay ûšənwōṯay ba’ănāḥâ kāšal b^a‘ăwōnî ḵōḥî w^a‘ăṣāmay ‘āšēšû:

12 mikāl-ṣōrəray hāyîṯî ḥerəpâ wəlišăḵēnay| mə’ōḏ ûf^aḥaḏ liməyudā‘āy rō’ay b^aḥûṣ nāḏəḏû mimmennî:

13 nišək^aḥətî kəmēṯ millēḇ hāyîṯî kiḵəlî ’ōḇēḏ:

14 kî šām^a‘ətî| dibaṯ rabîm māḡwōr missāḇîḇ bəhiûāsəḏām y^aḥaḏ ‘ālay lāq^aḥaṯ nafəšî zāmāmû:

15 wa’ănî| ‘āleyḵā ḇāṭ^aḥətî yəhwâ ’āmarətî ’ĕlōhay ’ātâ:

16 bəyāḏəḵā ‘itōṯāy haṣṣîlēnî mîyaḏ-’wōyəḇay ûmērōḏəfāy:

17 hā’îrâ fāneyḵā ‘al-‘aḇədeḵā hwōšî‘ēnî ḇəḥasədeḵā:

18 yəhwâ ’al-’ēḇwōšâ kî qərā’ṯîḵā yēḇōšû rəšā‘îm yidəmû lišə’wōl:

19 tē’ālamənâ³ śifəṯê šāqer hadōḇərwōṯ ‘al-ṣadîq ‘āṯāq bəḡa’ăwâ wāḇûz:

20 mâ raḇ-ṭûḇəḵā ’ăšer-ṣāfanətā llîrē’eyḵā pā‘alətā l^aḥōsîm bāḵə neḡeḏ bənê ’āḏām:¹

21 tasətîrēm| bəsēṯer pāneyḵā mēruḵəsê ’îš tiṣəpənēm bəsukâ mērîḇ ləšōnwōṯ:

22 bārûḵə yəhwâ kî hifəlî’ ḥasədwō lî bə‘îr māṣwōr:

23 wa’ănî| ’āmarətî ḇəḥāfəzî niḡərazətî minneḡeḏ ‘êneyḵā ’āḵēn šām^a‘ətā qwōl t^aḥănûnay bəšaûə‘î ’ēleyḵā:

24 ’ehĕḇû ’eṯ-yəhwâ kāl-ḥăsîḏāyw ’ĕmûnîm nōṣēr yəhwâ ûməšallēm ‘al-yeṯer ‘ōśēh ḡa’ăwâ:

25 ḥizəqû wəya’ămēṣ ləḇaḇəḵem kāl-haməy^aḥălîm layhwâ:

‎1 ‏לְדָוִ֗ד מַ֫שְׂכִּ֥יל אַשְׁרֵ֥י נְֽשׂוּי־פֶּ֗שַׁע כְּס֣וּי חֲטָאָֽה׃

‎2 ‏אַ֥שְֽׁרֵי אָדָ֗ם לֹ֤א יַחְשֹׁ֬ב יְהוָ֣ה ל֣וֹ עָוֹ֑ן וְאֵ֖ין בְּרוּח֣וֹ רְמִיָּה׃¹

‎3 ‏כִּֽי־הֶ֭חֱרַשְׁתִּי בָּל֣וּ עֲצָמָ֑י בְּ֝שַׁאֲגָתִ֗י כָּל־הַיּֽוֹם׃

‎4 ‏כִּ֤י׀ יוֹמָ֣ם וָלַיְלָה֮ תִּכְבַּ֥ד עָלַ֗י יָ֫דֶ֥ךָ נֶהְפַּ֥ךְ לְשַׁדִּ֑י בְּחַרְבֹ֖נֵי קַ֣יִץ סֶֽלָה׃

‎5 ‏חַטָּאתִ֨י אוֹדִ֪יעֲךָ֡ וַעֲוֹ֘נִ֤י לֹֽא־כִסִּ֗יתִי אָמַ֗רְתִּי אוֹדֶ֤ה עֲלֵ֣י פְ֭שָׁעַי לַיהוָ֑ה וְאַתָּ֨ה נָ֘שָׂ֤אתָ עֲוֹ֖ן חַטָּאתִ֣י סֶֽלָה׃

‎6 ‏עַל־זֹ֡את יִתְפַּלֵּ֬ל כָּל־חָסִ֨יד׀ אֵלֶיךָ֮ לְעֵ֪ת מְ֫צֹ֥א רַ֗ק לְ֭שֵׁטֶף מַ֣יִם רַבִּ֑ים אֵ֝לָ֗יו לֹ֣א יַגִּֽיעוּ׃

‎7 ‏אַתָּ֤ה׀ סֵ֥תֶר לִי֮ מִצַּ֪ר תִּ֫צְּרֵ֥נִי רָנֵּ֥י פַלֵּ֑ט תְּס֖וֹבְבֵ֣נִי סֶֽלָה׃

‎8 ‏אַשְׂכִּֽילְךָ֨׀ וְֽאוֹרְךָ֗ בְּדֶֽרֶךְ־ז֥וּ תֵלֵ֑ךְ אִֽיעֲצָ֖ה עָלֶ֣יךָ עֵינִֽי׃

‎9 ‏אַל־תִּֽהְי֤וּ׀ כְּס֥וּס כְּפֶרֶד֮ אֵ֤ין הָ֫בִ֥ין בְּמֶֽתֶג־וָרֶ֣סֶן עֶדְי֣וֹ לִבְל֑וֹם בַּ֝֗ל קְרֹ֣ב אֵלֶֽיךָ׃

‎10 ‏רַבִּ֥ים מַכְאוֹבִ֗ים לָרָ֫שָׁ֥ע וְהַבּוֹטֵ֥חַ בַּיהוָ֑ה חֶ֝֗סֶד יְסוֹבְבֶֽנּוּ׃

‎11 ‏שִׂמְח֬וּ בַֽיהוָ֣ה וְ֭גִילוּ צַדִּיקִ֑ים וְ֝הַרְנִ֗ינוּ כָּל־יִשְׁרֵי־לֵֽב׃

1 ləḏāwiḏ maśəkîl ’ašərê nəśûy-peš^a‘ kəsûy ḥăṭā’â:

2 ’ašərê ’āḏām lō’ y^aḥəšōḇ yəhwâ lwō ‘āwōn wə’ên bərûḥwō rəmîyâ:¹

3 kî-heḥĕrašətî bālû ‘ăṣāmāy bəša’ăḡāṯî kāl-hayywōm:

4 kî| ywōmām wālayəlâ tiḵəbaḏ ‘ālay yāḏeḵā nehəpaḵə ləšadî bəḥarəḇōnê qayiṣ selâ:

5 ḥaṭṭā’ṯî ’wōḏî‘ăḵā w^a‘ăwōnî lō’-ḵissîṯî ’āmarətî ’wōḏeh ‘ălê fəšā‘ay layhwâ wə’atâ nāśā’ṯā ‘ăwōn ḥaṭṭā’ṯî selâ:

6 ‘al-zō’ṯ yiṯəpallēl kāl-ḥāsîḏ| ’ēleyḵā lə‘ēṯ məṣō’ raq ləšēṭef mayim rabîm ’ēlāyw lō’ yagî‘û:

7 ’atâ| sēṯer lî miṣṣar tiṣṣərēnî rānnê fallēṭ təswōḇəḇēnî selâ:

8 ’aśəkîləḵā| wə’wōrəḵā bəḏereḵə-zû ṯēlēḵə ’î‘ăṣâ ‘āleyḵā ‘ênî:

9 ’al-tihəyû| kəsûs kəfereḏ ’ên hāḇîn bəmeṯeḡ-wāresen ‘eḏəywō liḇəlwōm bal qərōḇ ’ēleyḵā:

10 rabîm maḵə’wōḇîm lārāšā‘ wəhabwōṭēḥa bayhwâ ḥeseḏ yəswōḇəḇennû:

11 śiməḥû ḇayhwâ wəḡîlû ṣadîqîm wəharənînû kāl-yišərê-lēḇ:

‎1 ‏רַנְּנ֣וּ צַ֭דִּיקִים בַּֽיהוָ֑ה לַ֝יְשָׁרִ֗ים נָאוָ֥ה תְהִלָּֽה׃

‎2 ‏הוֹד֣וּ לַיהוָ֣ה בְּכִנּ֑וֹר בְּנֵ֥בֶל עָ֝שׂ֗וֹר זַמְּרוּ־לֽוֹ׃

‎3 ‏שִֽׁירוּ־ל֖וֹ שִׁ֣יר חָדָ֑שׁ הֵיטִ֥יבוּ נַ֝גֵּ֗ן בִּתְרוּעָֽה׃

‎4 ‏כִּֽי־יָשָׁ֥ר דְּבַר־יְהוָ֑ה וְכָל־מַ֝עֲשֵׂ֗הוּ בֶּאֱמוּנָֽה׃

‎5 ‏אֹ֭הֵב צְדָקָ֣ה וּמִשְׁפָּ֑ט חֶ֥סֶד יְ֝הוָ֗ה מָלְאָ֥ה הָאָֽרֶץ׃

‎6 ‏בִּדְבַ֣ר יְ֭הוָה שָׁמַ֣יִם נַעֲשׂ֑וּ וּבְר֥וּחַ פִּ֝֗יו כָּל־צְבָאָֽם׃

‎7 ‏כֹּנֵ֣ס כַּ֭נֵּד מֵ֣י הַיָּ֑ם נֹתֵ֖ן בְּאֹצָר֣וֹת תְּהוֹמֽוֹת׃

‎8 ‏יִֽירְא֣וּ מֵ֭יְהוָה כָּל־הָאָ֑רֶץ מִמֶּ֥נּוּ יָ֝ג֗וּרוּ כָּל־יֹשְׁבֵ֥י תֵבֵֽל׃

‎9 ‏כִּ֤י ה֣וּא אָמַ֣ר וַיֶּ֑הִי הֽוּא־צִ֝וָּ֗ה וַֽיַּעֲמֹֽד׃

‎10 ‏יְֽהוָ֗ה הֵפִ֥יר עֲצַת־גּוֹיִ֑ם הֵ֝נִ֗יא מַחְשְׁב֥וֹת עַמִּֽים׃

‎11 ‏עֲצַ֣ת יְ֭הוָה לְעוֹלָ֣ם תַּעֲמֹ֑ד מַחְשְׁב֥וֹת לִ֝בּ֗וֹ לְדֹ֣ר וָדֹֽר׃

‎12 ‏אַשְׁרֵ֣י הַ֭גּוֹי אֲשֶׁר־יְהוָ֣ה אֱלֹהָ֑יו הָעָ֓ם׀ בָּחַ֖ר לְנַחֲלָ֣ה לֽוֹ׃

‎13 ‏מִ֭שָּׁמַיִם הִבִּ֣יט יְהוָ֑ה רָ֝אָ֗ה אֶֽת־כָּל־בְּנֵ֥י הָאָדָֽם׃

‎14 ‏מִֽמְּכוֹן־שִׁבְתּ֥וֹ הִשְׁגִּ֑יחַ אֶ֖ל כָּל־יֹשְׁבֵ֣י הָאָֽרֶץ׃

‎15 ‏הַיֹּצֵ֣ר יַ֣חַד לִבָּ֑ם הַ֝מֵּבִ֗ין אֶל־כָּל־מַעֲשֵׂיהֶֽם׃

‎16 ‏אֵֽין־הַ֭מֶּלֶךְ נוֹשָׁ֣ע בְּרָב־חָ֑יִל גִּ֝בּ֗וֹר לֹֽא־יִנָּצֵ֥ל בְּרָב־כֹּֽחַ׃

‎17 ‏שֶׁ֣קֶר הַ֭סּוּס לִתְשׁוּעָ֑ה וּבְרֹ֥ב חֵ֝יל֗וֹ לֹ֣א יְמַלֵּֽט׃

‎18 ‏הִנֵּ֤ה עֵ֣ין יְ֭הוָה אֶל־יְרֵאָ֑יו לַֽמְיַחֲלִ֥ים לְחַסְדּֽוֹ׃

‎19 ‏לְהַצִּ֣יל מִמָּ֣וֶת נַפְשָׁ֑ם וּ֝לְחַיּוֹתָ֗ם בָּרָעָֽב׃

‎20 ‏נַ֭פְשֵׁנוּ חִכְּתָ֣ה לַֽיהוָ֑ה עֶזְרֵ֖נוּ וּמָגִנֵּ֣נוּ הֽוּא׃

‎21 ‏כִּי־ב֭וֹ יִשְׂמַ֣ח לִבֵּ֑נוּ כִּ֤י בְשֵׁ֖ם קָדְשׁ֣וֹ בָטָֽחְנוּ׃

‎22 ‏יְהִֽי־חַסְדְּךָ֣ יְהוָ֣ה עָלֵ֑ינוּ כַּ֝אֲשֶׁ֗ר יִחַ֥לְנוּ לָֽךְ׃

1 rannənû ṣadîqîm bayhwâ layəšārîm nā’wâ ṯəhillâ:

2 hwōḏû layhwâ bəḵinnwōr bənēḇel ‘āśwōr zammərû-lwō:

3 šîrû-lwō šîr ḥāḏāš hêṭîḇû nagēn biṯərû‘â:

4 kî-yāšār dəḇar-yəhwâ wəḵāl-m^a‘ăśēhû be’ĕmûnâ:

5 ’ōhēḇ ṣəḏāqâ ûmišəpāṭ ḥeseḏ yəhwâ mālə’â hā’āreṣ:

6 biḏəḇar yəhwâ šāmayim n^a‘ăśû ûḇərûḥa pîw kāl-ṣəḇā’ām:

7 kōnēs kannēḏ mê hayyām nōṯēn bə’ōṣārwōṯ təhwōmwōṯ:

8 yîrə’û mêəhwâ kāl-hā’āreṣ mimmennû yāḡûrû kāl-yōšəḇê ṯēḇēl:

9 kî hû’ ’āmar wayyehî hû’-ṣiûâ wayy^a‘ămōḏ:

10 yəhwâ hēfîr ‘ăṣaṯ-gwōyim hēnî’ m^aḥəšəḇwōṯ ‘ammîm:

11 ‘ăṣaṯ yəhwâ lə‘wōlām t^a‘ămōḏ m^aḥəšəḇwōṯ libwō ləḏōr wāḏōr:

12 ’ašərê hagwōy ’ăšer-yəhwâ ’ĕlōhāyw hā‘ām| bāḥar lən^aḥălâ lwō:

13 miššāmayim hibîṭ yəhwâ rā’â ’eṯ-kāl-bənê hā’āḏām:

14 mimməḵwōn-šiḇətwō hišəgîḥa ’el kāl-yōšəḇê hā’āreṣ:

15 hayyōṣēr y^aḥaḏ libām hammēḇîn ’el-kāl-m^a‘ăśêhem:

16 ’ên-hammeleḵə nwōšā‘ bərāḇ-ḥāyil gibwōr lō’-yinnāṣēl bərāḇ-kōḥa:

17 šeqer hassûs liṯəšû‘â ûḇərōḇ ḥêlwō lō’ yəmallēṭ:

18 hinnēh ‘ên yəhwâ ’el-yərē’āyw laməy^aḥălîm ləḥasədwō:

19 ləhaṣṣîl mimmāweṯ nafəšām ûləḥayywōṯām bārā‘āḇ:

20 nafəšēnû ḥikəṯâ layhwâ ‘ezərēnû ûmāḡinnēnû hû’:

21 kî-ḇwō yiśəm^aḥ libēnû kî ḇəšēm qāḏəšwō ḇāṭāḥənû:

22 yəhî-ḥasədəḵā yəhwâ ‘ālênû ka’ăšer yiḥalənû lāḵə:

‎1 ‏לְדָוִ֗ד בְּשַׁנּוֹת֣וֹ אֶת־טַ֭עְמוֹ לִפְנֵ֣י אֲבִימֶ֑לֶךְ וַֽ֝יְגָרֲשֵׁ֗הוּ וַיֵּלַֽךְ׃

‎2 ‏אֲבָרֲכָ֣ה אֶת־יְהוָ֣ה בְּכָל־עֵ֑ת תָּ֝מִ֗יד תְּֽהִלָּת֥וֹ בְּפִֽי׃

‎3 ‏בַּ֭יהוָה תִּתְהַלֵּ֣ל נַפְשִׁ֑י יִשְׁמְע֖וּ עֲנָוִ֣ים וְיִשְׂמָֽחוּ׃

‎4 ‏גַּדְּל֣וּ לַיהוָ֣ה אִתִּ֑י וּנְרוֹמְמָ֖ה שְׁמ֣וֹ יַחְדָּֽו׃

‎5 ‏דָּרַ֣שְׁתִּי אֶת־יְהוָ֣ה וְעָנָ֑נִי וּמִכָּל־מְ֝גוּרוֹתַ֗י הִצִּילָֽנִי׃

‎6 ‏הִבִּ֣יטוּ אֵלָ֣יו וְנָהָ֑רוּ וּ֝פְנֵיהֶ֗ם אַל־יֶחְפָּֽרוּ׃

‎7 ‏זֶ֤ה עָנִ֣י קָ֭רָא וַיהוָ֣ה שָׁמֵ֑עַ וּמִכָּל־צָ֝רוֹתָ֗יו הוֹשִׁיעֽוֹ׃

‎8 ‏חֹנֶ֤ה מַלְאַךְ־יְהוָ֓ה סָ֘בִ֤יב לִֽירֵאָ֗יו וַֽיְחַלְּצֵֽם׃

‎9 ‏טַעֲמ֣וּ וּ֭רְאוּ כִּי־ט֣וֹב יְהוָ֑ה אַֽשְׁרֵ֥י הַ֝גֶּ֗בֶר יֶחֱסֶה־בּֽוֹ׃

‎10 ‏יְר֣אוּ אֶת־יְהוָ֣ה קְדֹשָׁ֑יו כִּי־אֵ֥ין מַ֝חְס֗וֹר לִירֵאָֽיו׃

‎11 ‏כְּ֭פִירִים רָשׁ֣וּ וְרָעֵ֑בוּ וְדֹרְשֵׁ֥י יְ֝הוָ֗ה לֹא־יַחְסְר֥וּ כָל־טֽוֹב׃

‎12 ‏לְֽכוּ־בָ֭נִים שִׁמְעוּ־לִ֑י יִֽרְאַ֥ת יְ֝הוָ֗ה אֲלַמֶּדְכֶֽם׃

‎13 ‏מִֽי־הָ֭אִישׁ הֶחָפֵ֣ץ חַיִּ֑ים אֹהֵ֥ב יָ֝מִ֗ים לִרְא֥וֹת טֽוֹב׃

‎14 ‏נְצֹ֣ר לְשׁוֹנְךָ֣ מֵרָ֑ע וּ֝שְׂפָתֶ֗יךָ מִדַּבֵּ֥ר מִרְמָֽה׃

‎15 ‏ס֣וּר מֵ֭רָע וַעֲשֵׂה־ט֑וֹב בַּקֵּ֖שׁ שָׁל֣וֹם וְרָדְפֵֽהוּ׃

‎16 ‏עֵינֵ֣י יְ֭הוָה אֶל־צַדִּיקִ֑ים וְ֝אָזְנָ֗יו אֶל־שַׁוְעָתָֽם׃

‎17 ‏פְּנֵ֣י יְ֭הוָה בְּעֹ֣שֵׂי רָ֑ע לְהַכְרִ֖ית מֵאֶ֣רֶץ זִכְרָֽם׃

‎18 ‏צָעֲק֣וּ וַיהוָ֣ה שָׁמֵ֑עַ וּמִכָּל־צָ֝רוֹתָ֗ם הִצִּילָֽם׃

‎19 ‏קָר֣וֹב יְ֭הוָה לְנִשְׁבְּרֵי־לֵ֑ב וְֽאֶת־דַּכְּאֵי־ר֥וּחַ יוֹשִֽׁיעַ׃

‎20 ‏רַ֭בּוֹת רָע֣וֹת צַדִּ֑יק וּ֝מִכֻּלָּ֗ם יַצִּילֶ֥נּוּ יְהוָֽה׃

‎21 ‏שֹׁמֵ֥ר כָּל־עַצְמוֹתָ֑יו אַחַ֥ת מֵ֝הֵ֗נָּה לֹ֣א נִשְׁבָּֽרָה׃

‎22 ‏תְּמוֹתֵ֣ת רָשָׁ֣ע רָעָ֑ה וְשֹׂנְאֵ֖י צַדִּ֣יק יֶאְשָֽׁמוּ׃

‎23 ‏פּוֹדֶ֣ה יְ֭הוָה נֶ֣פֶשׁ עֲבָדָ֑יו וְלֹ֥א יֶ֝אְשְׁמ֗וּ כָּֽל־הַחֹסִ֥ים בּֽוֹ׃

1 ləḏāwiḏ bəšannwōṯwō ’eṯ-ṭ^a‘əmwō lifənê ’ăḇîmeleḵə wayəḡārăšēhû wayyēlaḵə:

2 ’ăḇārăḵâ ’eṯ-yəhwâ bəḵāl-‘ēṯ tāmîḏ təhillāṯwō bəfî:

3 bayhwâ tiṯəhallēl nafəšî yišəmə‘û ‘ănāwîm wəyiśəmāḥû:

4 gadəlû layhwâ ’itî ûnərwōməmâ šəmwō y^aḥədāw:

5 dārašətî ’eṯ-yəhwâ wə‘ānānî ûmikāl-məḡûrwōṯay hiṣṣîlānî:

6 hibîṭû ’ēlāyw wənâārû ûfənêhem ’al-yeḥəpārû:

7 zeh ‘ānî qārā’ wayhwâ šāmē‘a ûmikāl-ṣārwōṯāyw hwōšî‘wō:

8 ḥōneh malə’aḵə-yəhwâ sāḇîḇ lîrē’āyw wayəḥalləṣēm:

9 ṭ^a‘ămû ûrə’û kî-ṭwōḇ yəhwâ ’ašərê hageḇer yeḥĕseh-bwō:

10 yər’û ’eṯ-yəhwâ qəḏōšāyw kî-’ên m^aḥəswōr lîrē’āyw:

11 kəfîrîm rāšû wərā‘ēḇû wəḏōrəšê yəhwâ lō’-y^aḥəsərû ḵāl-ṭwōḇ:

12 ləḵû-ḇānîm šimə‘û-lî yirə’aṯ yəhwâ ’ălammeḏəḵem:

13 mî-hā’îš heḥāfēṣ ḥayyîm ’ōhēḇ yāmîm lirə’wōṯ ṭwōḇ:

14 nəṣōr ləšwōnəḵā mērā‘ ûśəfāṯeyḵā midabēr mirəmâ:

15 sûr mērā‘ w^a‘ăśēh-ṭwōḇ baqqēš šālwōm wərāḏəfēhû:

16 ‘ênê yəhwâ ’el-ṣadîqîm wə’āzənāyw ’el-šawə‘āṯām:

17 pənê yəhwâ bə‘ōśê rā‘ ləhaḵərîṯ mē’ereṣ ziḵərām:

18 ṣā‘ăqû wayhwâ šāmē‘a ûmikāl-ṣārwōṯām hiṣṣîlām:

19 qārwōḇ yəhwâ lənišəbərê-lēḇ wə’eṯ-dakə’ê-rûḥa ywōšî‘a:

20 rabwōṯ rā‘wōṯ ṣadîq ûmikullām yaṣṣîlennû yəhwâ:

21 šōmēr kāl-‘aṣəmwōṯāyw ’^aḥaṯ mēhēnnâ lō’ nišəbārâ:

22 təmwōṯēṯ rāšā‘ rā‘â wəśōnə’ê ṣadîq ye’əšāmû:

23 pwōḏeh yəhwâ nefeš ‘ăḇāḏāyw wəlō’ ye’əšəmû kāl-h^aḥōsîm bwō:

‎1 ‏לְדָוִ֨ד׀ רִיבָ֣ה יְ֭הוָה אֶת־יְרִיבַ֑י לְ֝חַ֗ם אֶת־לֹֽחֲמָֽי׃

‎2 ‏הַחֲזֵ֣ק מָגֵ֣ן וְצִנָּ֑ה וְ֝ק֗וּמָה בְּעֶזְרָתִֽי׃

‎3 ‏וְהָ֘רֵ֤ק חֲנִ֣ית וּ֭סְגֹר לִקְרַ֣את רֹדְפָ֑י אֱמֹ֥ר לְ֝נַפְשִׁ֗י יְֽשֻׁעָתֵ֥ךְ אָֽנִי׃

‎4 ‏יֵבֹ֣שׁוּ וְיִכָּלְמוּ֮ מְבַקְשֵׁ֪י נַ֫פְשִׁ֥י יִסֹּ֣גוּ אָח֣וֹר וְיַחְפְּר֑וּ חֹ֝שְׁבֵ֗י רָעָתִֽי׃

‎5 ‏יִֽהְי֗וּ כְּמֹ֥ץ לִפְנֵי־ר֑וּחַ וּמַלְאַ֖ךְ יְהוָ֣ה דּוֹחֶֽה׃

‎6 ‏יְֽהִי־דַרְכָּ֗ם חֹ֥שֶׁךְ וַחֲלַקְלַקּ֑וֹת וּמַלְאַ֥ךְ יְ֝הוָ֗ה רֹדְפָֽם׃

‎7 ‏כִּֽי־חִנָּ֣ם טָֽמְנוּ־לִ֭י שַׁ֣חַת רִשְׁתָּ֑ם חִ֝נָּ֗ם חָפְר֥וּ לְנַפְשִֽׁי׃

‎8 ‏תְּבוֹאֵ֣הוּ שׁוֹאָה֮ לֹֽא־יֵ֫דָ֥ע וְרִשְׁתּ֣וֹ אֲשֶׁר־טָמַ֣ן תִּלְכְּד֑וֹ בְּ֝שׁוֹאָ֗ה יִפָּל־בָּֽהּ׃

‎9 ‏וְ֭נַפְשִׁי תָּגִ֣יל בַּיהוָ֑ה תָּ֝שִׂישׂ בִּישׁוּעָתֽוֹ׃

‎10 ‏כָּ֥ל עַצְמוֹתַ֨י׀ תֹּאמַרְנָה֮ יְהוָ֗ה מִ֥י כָ֫מ֥וֹךָ מַצִּ֣יל עָ֭נִי מֵחָזָ֣ק מִמֶּ֑נּוּ וְעָנִ֥י וְ֝אֶבְי֗וֹן מִגֹּזְלֽוֹ׃

‎11 ‏יְ֭קוּמוּן עֵדֵ֣י חָמָ֑ס אֲשֶׁ֥ר לֹא־יָ֝דַ֗עְתִּי יִשְׁאָלֽוּנִי׃

‎12 ‏יְשַׁלְּמ֣וּנִי רָ֭עָה תַּ֥חַת טוֹבָ֗ה שְׁכ֣וֹל לְנַפְשִֽׁי׃

‎13 ‏וַאֲנִ֤י׀ בַּחֲלוֹתָ֡ם לְב֬וּשִׁי שָׂ֗ק עִנֵּ֣יתִי בַצּ֣וֹם נַפְשִׁ֑י וּ֝תְפִלָּתִ֗י עַל־חֵיקִ֥י תָשֽׁוּב׃

‎14 ‏כְּרֵֽעַ־כְּאָ֣ח לִ֭י הִתְהַלָּ֑כְתִּי כַּאֲבֶל־אֵ֝֗ם קֹדֵ֥ר שַׁחֽוֹתִי׃

‎15 ‏וּבְצַלְעִי֮ שָׂמְח֪וּ וְֽנֶאֱ֫סָ֥פוּ³ נֶאֶסְפ֬וּ עָלַ֣י נֵ֭כִים וְלֹ֣א יָדַ֑עְתִּי קָֽרְע֥וּ וְלֹא־דָֽמּוּ׃

‎16 ‏בְּ֭חַנְפֵי לַעֲגֵ֣י מָע֑וֹג חָרֹ֖ק עָלַ֣י שִׁנֵּֽימוֹ׃

‎17 ‏אֲדֹנָי֮ כַּמָּ֪ה תִּ֫רְאֶ֥ה הָשִׁ֣יבָה נַ֭פְשִׁי מִשֹּׁאֵיהֶ֑ם מִ֝כְּפִירִ֗ים יְחִידָתִֽי׃

‎18 ‏א֭וֹדְךָ בְּקָהָ֣ל רָ֑ב בְּעַ֖ם עָצ֣וּם אֲהַֽלְלֶֽךָּ׃

‎19 ‏אַֽל־יִשְׂמְחוּ־לִ֣י אֹיְבַ֣י שֶׁ֑קֶר שֹׂנְאַ֥י חִ֝נָּ֗ם יִקְרְצוּ־עָֽיִן׃

‎20 ‏כִּ֤י לֹ֥א שָׁל֗וֹם יְדַ֫בֵּ֥רוּ וְעַ֥ל רִגְעֵי־אֶ֑רֶץ דִּבְרֵ֥י מִ֝רְמוֹת יַחֲשֹׁבֽוּן׃

‎21 ‏וַיַּרְחִ֥יבוּ עָלַ֗י פִּ֫יהֶ֥ם אָ֭מְרוּ הֶאָ֣ח׀ הֶאָ֑ח רָאֲתָ֥ה עֵינֵֽינוּ׃

‎22 ‏רָאִ֣יתָה יְ֭הוָה אַֽל־תֶּחֱרַ֑שׁ אֲ֝דֹנָ֗י אֲל־תִּרְחַ֥ק מִמֶּֽנִּי׃

‎23 ‏הָעִ֣ירָה וְ֭הָקִיצָה לְמִשְׁפָּטִ֑י אֱלֹהַ֖י וַֽאדֹנָ֣י לְרִיבִֽי׃

‎24 ‏שָׁפְטֵ֣נִי כְ֭צִדְקְךָ יְהוָ֥ה אֱלֹהָ֗י וְאַל־יִשְׂמְחוּ־לִֽי׃

‎25 ‏אַל־יֹאמְר֣וּ בְ֭לִבָּם הֶאָ֣ח נַפְשֵׁ֑נוּ אַל־יֹ֝אמְר֗וּ בִּֽלַּעֲנֽוּהוּ׃

‎26 ‏יֵ֘בֹ֤שׁוּ וְיַחְפְּר֨וּ׀ יַחְדָּו֮ שְׂמֵחֵ֪י רָעָ֫תִ֥י יִֽלְבְּשׁוּ־בֹ֥שֶׁת וּכְלִמָּ֑ה הַֽמַּגְדִּילִ֥ים עָלָֽי׃

‎27 ‏יָרֹ֣נּוּ וְיִשְׂמְחוּ֮ חֲפֵצֵ֪י צִ֫דְקִ֥י וְיֹאמְר֣וּ תָ֭מִיד יִגְדַּ֣ל יְהוָ֑ה הֶ֝חָפֵ֗ץ שְׁל֣וֹם עַבְדּֽוֹ׃

‎28 ‏וּ֭לְשׁוֹנִי תֶּהְגֶּ֣ה צִדְקֶ֑ךָ כָּל־הַ֝יּוֹם תְּהִלָּתֶֽךָ׃

1 ləḏāwiḏ| rîḇâ yəhwâ ’eṯ-yərîḇay ləḥam ’eṯ-lōḥămāy:

2 h^aḥăzēq māḡēn wəṣinnâ wəqûmâ bə‘ezərāṯî:

3 wəhārēq ḥănîṯ ûsəḡōr liqəra’ṯ rōḏəfāy ’ĕmōr lənafəšî yəšu‘āṯēḵə ’ānî:

4 yēḇōšû wəyikāləmû məḇaqəšê nafəšî yissōḡû ’āḥwōr wəy^aḥəpərû ḥōšəḇê rā‘āṯî:

5 yihəyû kəmōṣ lifənê-rûḥa ûmalə’aḵə yəhwâ dwōḥeh:

6 yəhî-ḏarəkām ḥōšeḵə w^aḥălaqəlaqqwōṯ ûmalə’aḵə yəhwâ rōḏəfām:

7 kî-ḥinnām ṭāmənû-lî š^aḥaṯ rišətām ḥinnām ḥāfərû lənafəšî:

8 təḇwō’ēhû šwō’â lō’-yēḏā‘ wərišətwō ’ăšer-ṭāman tiləkəḏwō bəšwō’â yipāl-bāh:

9 wənafəšî tāḡîl bayhwâ tāśîś bîšû‘āṯwō:

10 kāl ‘aṣəmwōṯay| tō’marənâ yəhwâ mî ḵāmwōḵā maṣṣîl ‘ānî mēḥāzāq mimmennû wə‘ānî wə’eḇəywōn migōzəlwō:

11 yəqûmûn ‘ēḏê ḥāmās ’ăšer lō’-yāḏ^a‘ətî yišə’ālûnî:

12 yəšalləmûnî rā‘â t^aḥaṯ ṭwōḇâ šəḵwōl lənafəšî:

13 wa’ănî| b^aḥălwōṯām ləḇûšî śāq ‘innêṯî ḇaṣṣwōm nafəšî ûṯəfillāṯî ‘al-ḥêqî ṯāšûḇ:

14 kərē‘a-kə’āḥ lî hiṯəhallāḵətî ka’ăḇel-’ēm qōḏēr š^aḥwōṯî:

15 ûḇəṣalə‘î śāməḥû wəne’ĕsāfû³ ne’esəfû ‘ālay nēḵîm wəlō’ yāḏ^a‘ətî qārə‘û wəlō’-ḏāmmû:

16 bəḥanəfê l^a‘ăḡê mā‘wōḡ ḥārōq ‘ālay šinnêmwō:

17 ’ăḏōnāy kammâ tirə’eh hāšîḇâ nafəšî miššō’êhem mikəfîrîm yəḥîḏāṯî:

18 ’wōḏəḵā bəqâāl rāḇ bə‘am ‘āṣûm ’ăhaləleḵḵā:

19 ’al-yiśəməḥû-lî ’ōyəḇay šeqer śōnə’ay ḥinnām yiqərəṣû-‘āyin:

20 kî lō’ šālwōm yəḏabērû wə‘al riḡə‘ê-’ereṣ diḇərê mirəmwōṯ y^aḥăšōḇûn:

21 wayyarəḥîḇû ‘ālay pîhem ’āmərû he’āḥ| he’āḥ rā’ăṯâ ‘ênênû:

22 rā’îṯâ yəhwâ ’al-teḥĕraš ’ăḏōnāy ’ăl-tirəḥaq mimmennî:

23 hā‘îrâ wəhāqîṣâ ləmišəpāṭî ’ĕlōhay wa’ḏōnāy lərîḇî:

24 šāfəṭēnî ḵəṣiḏəqəḵā yəhwâ ’ĕlōhāy wə’al-yiśəməḥû-lî:

25 ’al-yō’mərû ḇəlibām he’āḥ nafəšēnû ’al-yō’mərû bill^a‘ănûhû:

26 yēḇōšû wəy^aḥəpərû| y^aḥədāw śəmēḥê rā‘āṯî yiləbəšû-ḇōšeṯ ûḵəlimmâ hammaḡədîlîm ‘ālāy:

27 yārōnnû wəyiśəməḥû ḥăfēṣê ṣiḏəqî wəyō’mərû ṯāmîḏ yiḡədal yəhwâ heḥāfēṣ šəlwōm ‘aḇədwō:

28 ûləšwōnî tehəgeh ṣiḏəqeḵā kāl-hayywōm təhillāṯeḵā:

‎1 ‏לַמְנַצֵּ֬חַ׀ לְעֶֽבֶד־יְהוָ֬ה לְדָוִֽד׃

‎2 ‏נְאֻֽם־פֶּ֣שַׁע לָ֭רָשָׁע בְּקֶ֣רֶב לִבִּ֑י אֵֽין־פַּ֥חַד אֱ֝לֹהִ֗ים לְנֶ֣גֶד עֵינָֽיו׃

‎3 ‏כִּֽי־הֶחֱלִ֣יק אֵלָ֣יו בְּעֵינָ֑יו לִמְצֹ֖א עֲוֹנ֣וֹ לִשְׂנֹֽא׃

‎4 ‏דִּבְרֵי־פִ֭יו אָ֣וֶן וּמִרְמָ֑ה חָדַ֖ל לְהַשְׂכִּ֣יל לְהֵיטִֽיב׃

‎5 ‏אָ֤וֶן׀ יַחְשֹׁ֗ב עַֽל־מִשְׁכָּ֫ב֥וֹ יִ֭תְיַצֵּב עַל־דֶּ֣רֶךְ לֹא־ט֑וֹב רָ֝֗ע לֹ֣א יִמְאָֽס׃

‎6 ‏יְ֭הוָה בְּהַשָּׁמַ֣יִם חַסְדֶּ֑ךָ אֱ֝מֽוּנָתְךָ֗ עַד־שְׁחָקִֽים׃

‎7 ‏צִדְקָֽתְךָ֨׀³ כְּֽהַרְרֵי־אֵ֗ל מִ֭שְׁפָּטֶךָ תְּה֣וֹם רַבָּ֑ה אָ֤דָֽם־וּבְהֵמָ֖ה תוֹשִׁ֣יעַ יְהוָֽה׃

‎8 ‏מַה־יָּקָ֥ר חַסְדְּךָ֗ אֱלֹ֫הִ֥ים וּבְנֵ֥י אָדָ֑ם בְּצֵ֥ל כְּ֝נָפֶ֗יךָ יֶחֱסָיֽוּן׃

‎9 ‏יִ֭רְוְיֻן מִדֶּ֣שֶׁן בֵּיתֶ֑ךָ וְנַ֖חַל עֲדָנֶ֣יךָ תַשְׁקֵֽם׃

‎10 ‏כִּֽי־עִ֭מְּךָ מְק֣וֹר חַיִּ֑ים בְּ֝אוֹרְךָ֗ נִרְאֶה־אֽוֹר׃

‎11 ‏מְשֹׁ֣ךְ חַ֭סְדְּךָ לְיֹדְעֶ֑יךָ וְ֝צִדְקָֽתְךָ֗ לְיִשְׁרֵי־לֵֽב׃

‎12 ‏אַל־תְּ֭בוֹאֵנִי רֶ֣גֶל גַּאֲוָ֑ה וְיַד־רְ֝שָׁעִ֗ים אַל־תְּנִדֵֽנִי׃

‎13 ‏שָׁ֣ם נָ֭פְלוּ פֹּ֣עֲלֵי אָ֑וֶן דֹּ֝ח֗וּ וְלֹא־יָ֥כְלוּ קֽוּם׃

1 lamənaṣṣēḥa| lə‘eḇeḏ-yəhwâ ləḏāwiḏ:

2 nə’um-peš^a‘ lārāšā‘ bəqereḇ libî ’ên-p^aḥaḏ ’ĕlōhîm ləneḡeḏ ‘ênāyw:

3 kî-heḥĕlîq ’ēlāyw bə‘ênāyw liməṣō’ ‘ăwōnwō liśənō’:

4 diḇərê-fîw ’āwen ûmirəmâ ḥāḏal ləhaśəkîl ləhêṭîḇ:

5 ’āwen| y^aḥəšōḇ ‘al-mišəkāḇwō yiṯəyaṣṣēḇ ‘al-dereḵə lō’-ṭwōḇ rā‘ lō’ yimə’ās:

6 yəhwâ bəhaššāmayim ḥasədeḵā ’ĕmûnāṯəḵā ‘aḏ-šəḥāqîm:

7 ṣiḏəqāṯəḵā|³ kəharərê-’ēl mišəpāṭeḵā təhwōm rabâ ’āḏām-ûḇəhēmâ ṯwōšî‘a yəhwâ:

8 mah-yyāqār ḥasədəḵā ’ĕlōhîm ûḇənê ’āḏām bəṣēl kənāfeyḵā yeḥĕsāyûn:

9 yirəwəyun midešen bêṯeḵā wən^aḥal ‘ăḏāneyḵā ṯašəqēm:

10 kî-‘imməḵā məqwōr ḥayyîm bə’wōrəḵā nirə’eh-’wōr:

11 məšōḵə ḥasədəḵā ləyōḏə‘eyḵā wəṣiḏəqāṯəḵā ləyišərê-lēḇ:

12 ’al-təḇwō’ēnî reḡel ga’ăwâ wəyaḏ-rəšā‘îm ’al-təniḏēnî:

13 šām nāfəlû pō‘ălê ’āwen dōḥû wəlō’-yāḵəlû qûm:

‎1 ‏לְדָוִ֨ד׀ אַל־תִּתְחַ֥ר בַּמְּרֵעִ֑ים אַל־תְּ֝קַנֵּ֗א בְּעֹשֵׂ֥י עַוְלָֽה׃

‎2 ‏כִּ֣י כֶ֭חָצִיר מְהֵרָ֣ה יִמָּ֑לוּ וּכְיֶ֥רֶק דֶּ֝֗שֶׁא יִבּוֹלֽוּן׃

‎3 ‏בְּטַ֣ח בַּֽ֭יהוָה וַעֲשֵׂה־ט֑וֹב שְׁכָן־אֶ֝֗רֶץ וּרְעֵ֥ה אֱמוּנָֽה׃

‎4 ‏וְהִתְעַנַּ֥ג עַל־יְהוָ֑ה וְיִֽתֶּן־לְ֝ךָ֗ מִשְׁאֲלֹ֥ת לִבֶּֽךָ׃

‎5 ‏גּ֣וֹל עַל־יְהוָ֣ה דַּרְכֶּ֑ךָ וּבְטַ֥ח עָ֝לָ֗יו וְה֣וּא יַעֲשֶֽׂה׃

‎6 ‏וְהוֹצִ֣יא כָא֣וֹר צִדְקֶ֑ךָ וּ֝מִשְׁפָּטֶ֗ךָ כַּֽצָּהֳרָֽיִם׃

‎7 ‏דּ֤וֹם׀ לַיהוָה֮ וְהִתְח֪וֹלֵ֫ל ל֥וֹ אַל־תִּ֭תְחַר בְּמַצְלִ֣יחַ דַּרְכּ֑וֹ בְּ֝אִ֗ישׁ עֹשֶׂ֥ה מְזִמּֽוֹת׃

‎8 ‏הֶ֣רֶף מֵ֭אַף וַעֲזֹ֣ב חֵמָ֑ה אַל־תִּ֝תְחַ֗ר אַךְ־לְהָרֵֽעַ׃

‎9 ‏כִּֽי־מְ֭רֵעִים יִכָּרֵת֑וּן וְקוֵֹ֥י יְ֝הוָ֗ה הֵ֣מָּה יִֽירְשׁוּ־אָֽרֶץ׃

‎10 ‏וְע֣וֹד מְ֭עַט וְאֵ֣ין רָשָׁ֑ע וְהִתְבּוֹנַ֖נְתָּ עַל־מְקוֹמ֣וֹ וְאֵינֶֽנּוּ׃

‎11 ‏וַעֲנָוִ֥ים יִֽירְשׁוּ־אָ֑רֶץ וְ֝הִתְעַנְּג֗וּ עַל־רֹ֥ב שָׁלֽוֹם׃

‎12 ‏זֹמֵ֣ם רָ֭שָׁע לַצַּדִּ֑יק וְחֹרֵ֖ק עָלָ֣יו שִׁנָּֽיו׃

‎13 ‏אֲדֹנָ֥י יִשְׂחַק־ל֑וֹ כִּֽי־רָ֝אָ֗ה כִּֽי־יָבֹ֥א יוֹמֽוֹ׃

‎14 ‏חֶ֤רֶב׀ פָּֽתְח֣וּ רְשָׁעִים֮ וְדָרְכ֪וּ קַ֫שְׁתָּ֥ם לְ֭הַפִּיל עָנִ֣י וְאֶבְי֑וֹן לִ֝טְב֗וֹחַ יִשְׁרֵי־דָֽרֶךְ׃

‎15 ‏חַ֭רְבָּם תָּב֣וֹא בְלִבָּ֑ם וְ֝קַשְּׁתוֹתָ֗ם תִּשָּׁבַֽרְנָה׃

‎16 ‏טוֹב־מְ֭עַט לַצַּדִּ֑יק מֵ֝הֲמ֗וֹן רְשָׁעִ֥ים רַבִּֽים׃

‎17 ‏כִּ֤י זְרוֹע֣וֹת רְ֭שָׁעִים תִּשָּׁבַ֑רְנָה וְסוֹמֵ֖ךְ צַדִּיקִ֣ים יְהוָֽה׃

‎18 ‏יוֹדֵ֣עַ יְ֭הוָה יְמֵ֣י תְמִימִ֑ם וְ֝נַחֲלָתָ֗ם לְעוֹלָ֥ם תִּהְיֶֽה׃

‎19 ‏לֹֽא־יֵ֭בֹשׁוּ בְּעֵ֣ת רָעָ֑ה וּבִימֵ֖י רְעָב֣וֹן יִשְׂבָּֽעוּ׃

‎20 ‏כִּ֤י רְשָׁעִ֨ים׀ יֹאבֵ֗דוּ וְאֹיְבֵ֣י יְ֭הוָה כִּיקַ֣ר כָּרִ֑ים כָּל֖וּ בֶעָשָׁ֣ן כָּֽלוּ׃

‎21 ‏לוֶֹ֣ה רָ֭שָׁע וְלֹ֣א יְשַׁלֵּ֑ם וְ֝צַדִּ֗יק חוֹנֵ֥ן וְנוֹתֵֽן׃

‎22 ‏כִּ֣י מְ֭בֹרָכָיו יִ֣ירְשׁוּ אָ֑רֶץ וּ֝מְקֻלָּלָ֗יו יִכָּרֵֽתוּ׃

‎23 ‏מֵ֭יְהוָה מִֽצְעֲדֵי־גֶ֥בֶר כּוֹנָ֗נוּ וְדַרְכּ֥וֹ יֶחְפָּֽץ׃

‎24 ‏כִּֽי־יִפֹּ֥ל לֹֽא־יוּטָ֑ל כִּֽי־יְ֝הוָ֗ה סוֹמֵ֥ךְ יָדֽוֹ׃

‎25 ‏נַ֤עַר׀ הָיִ֗יתִי גַּם־זָ֫קַ֥נְתִּי וְֽלֹא־רָ֭אִיתִי צַדִּ֣יק נֶעֱזָ֑ב וְ֝זַרְע֗וֹ מְבַקֶּשׁ־לָֽחֶם׃

‎26 ‏כָּל־הַ֭יּוֹם חוֹנֵ֣ן וּמַלְוֶ֑ה וְ֝זַרְע֗וֹ לִבְרָכָֽה׃

‎27 ‏ס֣וּר מֵ֭רָע וַעֲשֵׂה־ט֗וֹב וּשְׁכֹ֥ן לְעוֹלָֽם׃

‎28 ‏כִּ֤י יְהוָ֨ה׀ אֹ֘הֵ֤ב מִשְׁפָּ֗ט וְלֹא־יַעֲזֹ֣ב אֶת־חֲ֭סִידָיו לְעוֹלָ֣ם נִשְׁמָ֑רוּ וְזֶ֖רַע רְשָׁעִ֣ים נִכְרָֽת׃

‎29 ‏צַדִּיקִ֥ים יִֽירְשׁוּ־אָ֑רֶץ וְיִשְׁכְּנ֖וּ לָעַ֣ד עָלֶֽיהָ׃

‎30 ‏פִּֽי־צַ֭דִּיק יֶהְגֶּ֣ה חָכְמָ֑ה וּ֝לְשׁוֹנ֗וֹ תְּדַבֵּ֥ר מִשְׁפָּֽט׃

‎31 ‏תּוֹרַ֣ת אֱלֹהָ֣יו בְּלִבּ֑וֹ לֹ֖א תִמְעַ֣ד אֲשֻׁרָֽיו׃

‎32 ‏צוֹפֶ֣ה רָ֭שָׁע לַצַּדִּ֑יק וּ֝מְבַקֵּ֗שׁ לַהֲמִיתוֹ׃¹

‎33 ‏יְ֭הוָה לֹא־יַעַזְבֶ֣נּוּ בְיָד֑וֹ וְלֹ֥א יַ֝רְשִׁיעֶ֗נּוּ בְּהִשָּׁפְטֽוֹ׃

‎34 ‏קַוֵּ֤ה אֶל־יְהוָ֨ה׀ וּשְׁמֹ֬ר דַּרְכּ֗וֹ וִֽ֭ירוֹמִמְךָ לָרֶ֣שֶׁת אָ֑רֶץ בְּהִכָּרֵ֖ת רְשָׁעִ֣ים תִּרְאֶֽה׃

‎35 ‏רָ֭אִיתִי רָשָׁ֣ע עָרִ֑יץ וּ֝מִתְעָרֶ֗ה כְּאֶזְרָ֥ח רַעֲנָֽן׃

‎36 ‏וַ֭יַּֽעֲבֹר וְהִנֵּ֣ה אֵינֶ֑נּוּ וָֽ֝אֲבַקְשֵׁ֗הוּ וְלֹ֣א נִמְצָֽא׃

‎37 ‏שְׁמָר־תָּ֭ם וּרְאֵ֣ה יָשָׁ֑ר כִּֽי־אַחֲרִ֖ית לְאִ֣ישׁ שָׁלֽוֹם׃

‎38 ‏וּֽ֭פֹשְׁעִים נִשְׁמְד֣וּ יַחְדָּ֑ו אַחֲרִ֖ית רְשָׁעִ֣ים נִכְרָֽתָה׃

‎39 ‏וּתְשׁוּעַ֣ת צַ֭דִּיקִים מֵיְהוָ֑ה מָֽ֝עוּזָּ֗ם בְּעֵ֣ת צָרָֽה׃

‎40 ‏וַֽיַּעְזְרֵ֥ם יְהוָ֗ה וַֽיְפַ֫לְּטֵ֥ם יְפַלְּטֵ֣ם מֵ֭רְשָׁעִים וְיוֹשִׁיעֵ֑ם כִּי־חָ֥סוּ בֽוֹ׃

1 ləḏāwiḏ| ’al-tiṯəḥar bammərē‘îm ’al-təqannē’ bə‘ōśê ‘awəlâ:

2 kî ḵeḥāṣîr məhērâ yimmālû ûḵəyereq deše’ yibwōlûn:

3 bəṭ^aḥ bayhwâ w^a‘ăśēh-ṭwōḇ šəḵān-’ereṣ ûrə‘ēh ’ĕmûnâ:

4 wəhiṯə‘annaḡ ‘al-yəhwâ wəyiten-ləḵā mišə’ălōṯ libeḵā:

5 gwōl ‘al-yəhwâ darəkeḵā ûḇəṭ^aḥ ‘ālāyw wəhû’ y^a‘ăśeh:

6 wəhwōṣî’ ḵā’wōr ṣiḏəqeḵā ûmišəpāṭeḵā kaṣṣâŏrāyim:

7 dwōm| layhwâ wəhiṯəḥwōlēl lwō ’al-tiṯəḥar bəmaṣəlîḥa darəkwō bə’îš ‘ōśeh məzimmwōṯ:

8 heref mē’af w^a‘ăzōḇ ḥēmâ ’al-tiṯəḥar ’aḵə-ləhārē‘a:

9 kî-mərē‘îm yikārēṯûn wəqwōê yəhwâ hēmmâ yîrəšû-’āreṣ:

10 wə‘wōḏ mə‘aṭ wə’ên rāšā‘ wəhiṯəbwōnanətā ‘al-məqwōmwō wə’ênennû:

11 w^a‘ănāwîm yîrəšû-’āreṣ wəhiṯə‘annəḡû ‘al-rōḇ šālwōm:

12 zōmēm rāšā‘ laṣṣadîq wəḥōrēq ‘ālāyw šinnāyw:

13 ’ăḏōnāy yiśəḥaq-lwō kî-rā’â kî-yāḇō’ ywōmwō:

14 ḥereḇ| pāṯəḥû rəšā‘îm wəḏārəḵû qašətām ləhapîl ‘ānî wə’eḇəywōn liṭəḇwōḥa yišərê-ḏāreḵə:

15 ḥarəbām tāḇwō’ ḇəlibām wəqaššəṯwōṯām tiššāḇarənâ:

16 ṭwōḇ-mə‘aṭ laṣṣadîq mēhămwōn rəšā‘îm rabîm:

17 kî zərwō‘wōṯ rəšā‘îm tiššāḇarənâ wəswōmēḵə ṣadîqîm yəhwâ:

18 ywōḏē‘a yəhwâ yəmê ṯəmîmim wən^aḥălāṯām lə‘wōlām tihəyeh:

19 lō’-yēḇōšû bə‘ēṯ rā‘â ûḇîmê rə‘āḇwōn yiśəbā‘û:

20 kî rəšā‘îm| yō’ḇēḏû wə’ōyəḇê yəhwâ kîqar kārîm kālû ḇe‘āšān kālû:

21 lwōeh rāšā‘ wəlō’ yəšallēm wəṣadîq ḥwōnēn wənwōṯēn:

22 kî məḇōrāḵāyw yîrəšû ’āreṣ ûməqullālāyw yikārēṯû:

23 mêəhwâ miṣə‘ăḏê-ḡeḇer kwōnānû wəḏarəkwō yeḥəpāṣ:

24 kî-yipōl lō’-yûṭāl kî-yəhwâ swōmēḵə yāḏwō:

25 n^a‘ar| hāyîṯî gam-zāqanətî wəlō’-rā’îṯî ṣadîq ne‘ĕzāḇ wəzarə‘wō məḇaqqeš-lāḥem:

26 kāl-hayywōm ḥwōnēn ûmaləweh wəzarə‘wō liḇərāḵâ:

27 sûr mērā‘ w^a‘ăśēh-ṭwōḇ ûšəḵōn lə‘wōlām:

28 kî yəhwâ| ’ōhēḇ mišəpāṭ wəlō’-y^a‘ăzōḇ ’eṯ-ḥăsîḏāyw lə‘wōlām nišəmārû wəzer^a‘ rəšā‘îm niḵərāṯ:

29 ṣadîqîm yîrəšû-’āreṣ wəyišəkənû lā‘aḏ ‘āleyhā:

30 pî-ṣadîq yehəgeh ḥāḵəmâ ûləšwōnwō təḏabēr mišəpāṭ:

31 twōraṯ ’ĕlōhāyw bəlibwō lō’ ṯimə‘aḏ ’ăšurāyw:

32 ṣwōfeh rāšā‘ laṣṣadîq ûməḇaqqēš lahămîṯwō:¹

33 yəhwâ lō’-y^a‘azəḇennû ḇəyāḏwō wəlō’ yarəšî‘ennû bəhiššāfəṭwō:

34 qaûēh ’el-yəhwâ| ûšəmōr darəkwō wîrwōmiməḵā lārešeṯ ’āreṣ bəhikārēṯ rəšā‘îm tirə’eh:

35 rā’îṯî rāšā‘ ‘ārîṣ ûmiṯə‘āreh kə’ezərāḥ r^a‘ănān:

36 wayy^a‘ăḇōr wəhinnēh ’ênennû wā’ăḇaqəšēhû wəlō’ niməṣā’:

37 šəmār-tām ûrə’ēh yāšār kî-’^aḥărîṯ lə’îš šālwōm:

38 ûfōšə‘îm nišəməḏû y^aḥədāw ’^aḥărîṯ rəšā‘îm niḵərāṯâ:

39 ûṯəšû‘aṯ ṣadîqîm mêəhwâ mā‘ûzzām bə‘ēṯ ṣārâ:

40 wayy^a‘əzərēm yəhwâ wayəfalləṭēm yəfalləṭēm mērəšā‘îm wəywōšî‘ēm kî-ḥāsû ḇwō:

‎1 ‏מִזְמ֖וֹר לְדָוִ֣ד לְהַזְכִּֽיר׃

‎2 ‏יְֽהוָ֗ה אַל־בְּקֶצְפְּךָ֥ תוֹכִיחֵ֑נִי וּֽבַחֲמָתְךָ֥ תְיַסְּרֵֽנִי׃

‎3 ‏כִּֽי־חִ֭צֶּיךָ נִ֣חֲתוּ בִ֑י וַתִּנְחַ֖ת עָלַ֣י יָדֶֽךָ׃

‎4 ‏אֵין־מְתֹ֣ם בִּ֭בְשָׂרִי מִפְּנֵ֣י זַעְמֶ֑ךָ אֵין־שָׁל֥וֹם בַּ֝עֲצָמַ֗י מִפְּנֵ֥י חַטָּאתִֽי׃

‎5 ‏כִּ֣י עֲ֭וֹנֹתַי עָבְר֣וּ רֹאשִׁ֑י כְּמַשָּׂ֥א כָ֝בֵ֗ד יִכְבְּד֥וּ מִמֶּֽנִּי׃

‎6 ‏הִבְאִ֣ישׁוּ נָ֭מַקּוּ חַבּוּרֹתָ֑י מִ֝פְּנֵ֗י אִוַּלְתִּֽי׃

‎7 ‏נַעֲוֵ֣יתִי שַׁחֹ֣תִי עַד־מְאֹ֑ד כָּל־הַ֝יּ֗וֹם קֹדֵ֥ר הִלָּֽכְתִּי׃

‎8 ‏כִּֽי־כְ֭סָלַי מָלְא֣וּ נִקְלֶ֑ה וְאֵ֥ין מְ֝תֹ֗ם בִּבְשָׂרִֽי׃

‎9 ‏נְפוּג֣וֹתִי וְנִדְכֵּ֣יתִי עַד־מְאֹ֑ד שָׁ֝אַ֗גְתִּי מִֽנַּהֲמַ֥ת לִבִּֽי׃

‎10 ‏אֲ‍ֽדֹנָי נֶגְדְּךָ֥ כָל־תַּאֲוָתִ֑י וְ֝אַנְחָתִ֗י מִמְּךָ֥ לֹא־נִסְתָּֽרָה׃

‎11 ‏לִבִּ֣י סְ֭חַרְחַר עֲזָבַ֣נִי כֹחִ֑י וְֽאוֹר־עֵינַ֥י גַּם־הֵ֝֗ם אֵ֣ין אִתִּֽי׃

‎12 ‏אֹֽהֲבַ֨י׀ וְרֵעַ֗י מִנֶּ֣גֶד נִגְעִ֣י יַעֲמֹ֑דוּ וּ֝קְרוֹבַ֗י מֵרָחֹ֥ק עָמָֽדוּ׃

‎13 ‏וַיְנַקְשׁ֤וּ׀ מְבַקְשֵׁ֬י נַפְשִׁ֗י וְדֹרְשֵׁ֣י רָ֭עָתִי דִּבְּר֣וּ הַוּ֑וֹת וּ֝מִרְמ֗וֹת כָּל־הַיּ֥וֹם יֶהְגּֽוּ׃

‎14 ‏וַאֲנִ֣י כְ֭חֵרֵשׁ לֹ֣א אֶשְׁמָ֑ע וּ֝כְאִלֵּ֗ם לֹ֣א יִפְתַּח־פִּֽיו׃

‎15 ‏וָאֱהִ֗י כְּ֭אִישׁ אֲשֶׁ֣ר לֹא־שֹׁמֵ֑עַ וְאֵ֥ין בְּ֝פִ֗יו תּוֹכָחֽוֹת׃

‎16 ‏כִּֽי־לְךָ֣ יְהוָ֣ה הוֹחָ֑לְתִּי אַתָּ֥ה תַ֝עֲנֶ֗ה אֲדֹנָ֥י אֱלֹהָֽי׃

‎17 ‏כִּֽי־אָ֭מַרְתִּי פֶּן־יִשְׂמְחוּ־לִ֑י בְּמ֥וֹט רַ֝גְלִ֗י עָלַ֥י הִגְדִּֽילוּ׃

‎18 ‏כִּֽי־אֲ֭נִי לְצֶ֣לַע נָכ֑וֹן וּמַכְאוֹבִ֖י נֶגְדִּ֣י תָמִֽיד׃

‎19 ‏כִּֽי־עֲוֹנִ֥י אַגִּ֑יד אֶ֝דְאַ֗ג מֵֽחַטָּאתִֽי׃

‎20 ‏וְֽ֭אֹיְבַי חַיִּ֣ים עָצֵ֑מוּ וְרַבּ֖וּ שֹׂנְאַ֣י שָֽׁקֶר׃

‎21 ‏וּמְשַׁלְּמֵ֣י רָ֭עָה תַּ֣חַת טוֹבָ֑ה יִ֝שְׂטְנ֗וּנִי תַּ֣חַת רדופי־ רָֽדְפִי־ טֽוֹב׃

‎22 ‏אַל־תַּֽעַזְבֵ֥נִי יְהוָ֑ה אֱ֝לֹהַ֗י אַל־תִּרְחַ֥ק מִמֶּֽנִּי׃

‎23 ‏ח֥וּשָׁה לְעֶזְרָתִ֑י אֲ֝דֹנָ֗י תְּשׁוּעָתִֽי׃

1 mizəmwōr ləḏāwiḏ ləhazəkîr:

2 yəhwâ ’al-bəqeṣəpəḵā ṯwōḵîḥēnî ûḇ^aḥămāṯəḵā ṯəyassərēnî:

3 kî-ḥiṣṣeyḵā niḥăṯû ḇî watinəḥaṯ ‘ālay yāḏeḵā:

4 ’ên-məṯōm biḇəśārî mipənê z^a‘əmeḵā ’ên-šālwōm b^a‘ăṣāmay mipənê ḥaṭṭā’ṯî:

5 kî ‘ăwōnōṯay ‘āḇərû rō’šî kəmaśśā’ ḵāḇēḏ yiḵəbəḏû mimmennî:

6 hiḇə’îšû nāmaqqû ḥabûrōṯāy mipənê ’iûalətî:

7 n^a‘ăwêṯî š^aḥōṯî ‘aḏ-mə’ōḏ kāl-hayywōm qōḏēr hillāḵətî:

8 kî-ḵəsālay mālə’û niqəleh wə’ên məṯōm biḇəśārî:

9 nəfûḡwōṯî wəniḏəkêṯî ‘aḏ-mə’ōḏ šā’aḡətî minnahămaṯ libî:

10 ’ă‍ḏōnāy neḡədəḵā ḵāl-ta’ăwāṯî wə’anəḥāṯî mimməḵā lō’-nisətārâ:

11 libî səḥarəḥar ‘ăzāḇanî ḵōḥî wə’wōr-‘ênay gam-hēm ’ên ’itî:

12 ’ōhăḇay| wərē‘ay minneḡeḏ niḡə‘î y^a‘ămōḏû ûqərwōḇay mērāḥōq ‘āmāḏû:

13 wayənaqəšû| məḇaqəšê nafəšî wəḏōrəšê rā‘āṯî dibərû haûwōṯ ûmirəmwōṯ kāl-hayywōm yehəgû:

14 wa’ănî ḵəḥērēš lō’ ’ešəmā‘ ûḵə’illēm lō’ yifət^aḥ-pîw:

15 wā’ĕhî kə’îš ’ăšer lō’-šōmē‘a wə’ên bəfîw twōḵāḥwōṯ:

16 kî-ləḵā yəhwâ hwōḥālətî ’atâ ṯ^a‘ăneh ’ăḏōnāy ’ĕlōhāy:

17 kî-’āmarətî pen-yiśəməḥû-lî bəmwōṭ raḡəlî ‘ālay hiḡədîlû:

18 kî-’ănî ləṣel^a‘ nāḵwōn ûmaḵə’wōḇî neḡədî ṯāmîḏ:

19 kî-‘ăwōnî ’agîḏ ’eḏə’aḡ mēḥaṭṭā’ṯî:

20 wə’ōyəḇay ḥayyîm ‘āṣēmû wərabû śōnə’ay šāqer:

21 ûməšalləmê rā‘â t^aḥaṯ ṭwōḇâ yiśəṭənûnî t^aḥaṯ rəḏwōfî- rāḏəfî- ṭwōḇ:

22 ’al-t^a‘azəḇēnî yəhwâ ’ĕlōhay ’al-tirəḥaq mimmennî:

23 ḥûšâ lə‘ezərāṯî ’ăḏōnāy təšû‘āṯî:

‎1 ‏לַמְנַצֵּ֥חַ לידיתון לִֽידוּת֗וּן מִזְמ֥וֹר לְדָוִֽד׃

‎2 ‏אָמַ֗רְתִּי אֶֽשְׁמְרָ֣ה דְרָכַי֮ מֵחֲט֪וֹא בִלְשׁ֫וֹנִ֥י אֶשְׁמְרָ֥ה לְפִ֥י מַחְס֑וֹם בְּעֹ֖ד רָשָׁ֣ע לְנֶגְדִּֽי׃

‎3 ‏נֶאֱלַ֣מְתִּי ד֭וּמִיָּה הֶחֱשֵׁ֣יתִי מִטּ֑וֹב וּכְאֵבִ֥י נֶעְכָּֽר׃

‎4 ‏חַם־לִבִּ֨י׀ בְּקִרְבִּ֗י בַּהֲגִיגִ֥י תִבְעַר־אֵ֑שׁ דִּ֝בַּ֗רְתִּי בִּלְשֽׁוֹנִי׃

‎5 ‏הוֹדִ֘יעֵ֤נִי יְהוָ֨ה׀ קִצִּ֗י וּמִדַּ֣ת יָמַ֣י מַה־הִ֑יא אֵ֝דְעָ֗ה מֶה־חָדֵ֥ל אָֽנִי׃

‎6 ‏הִנֵּ֤ה טְפָח֨וֹת׀ נָ֘תַ֤תָּה יָמַ֗י וְחֶלְדִּ֣י כְאַ֣יִן נֶגְדֶּ֑ךָ אַ֥ךְ כָּֽל־הֶ֥בֶל כָּל־אָ֝דָ֗ם נִצָּ֥ב סֶֽלָה׃

‎7 ‏אַךְ־בְּצֶ֤לֶם׀ יִֽתְהַלֶּךְ־אִ֗ישׁ אַךְ־הֶ֥בֶל יֶהֱמָי֑וּן יִ֝צְבֹּ֗ר וְֽלֹא־יֵדַ֥ע מִי־אֹסְפָֽם׃

‎8 ‏וְעַתָּ֣ה מַה־קִּוִּ֣יתִי אֲדֹנָ֑י תּ֝וֹחַלְתִּ֗י לְךָ֣ הִֽיא׃

‎9 ‏מִכָּל־פְּשָׁעַ֥י הַצִּילֵ֑נִי חֶרְפַּ֥ת נָ֝בָ֗ל אַל־תְּשִׂימֵֽנִי׃

‎10 ‏נֶ֭אֱלַמְתִּי לֹ֣א אֶפְתַּח־פִּ֑י כִּ֖י אַתָּ֣ה עָשִֽׂיתָ׃

‎11 ‏הָסֵ֣ר מֵעָלַ֣י נִגְעֶ֑ךָ מִתִּגְרַ֥ת יָ֝דְךָ֗ אֲנִ֣י כָלִֽיתִי׃

‎12 ‏בְּֽתוֹכָ֘ח֤וֹת עַל־עָוֹ֨ן׀ יִסַּ֬רְתָּ אִ֗ישׁ וַתֶּ֣מֶס כָּעָ֣שׁ חֲמוּד֑וֹ אַ֤ךְ הֶ֖בֶל כָּל־אָדָ֣ם סֶֽלָה׃

‎13 ‏שִֽׁמְעָ֥ה־תְפִלָּתִ֨י׀ יְהוָ֡ה וְשַׁוְעָתִ֨י׀ הַאֲזִינָה֮ אֶֽל־דִּמְעָתִ֗י אַֽל־תֶּ֫חֱרַ֥שׁ כִּ֤י גֵ֣ר אָנֹכִ֣י עִמָּ֑ךְ תּ֝וֹשָׁ֗ב כְּכָל־אֲבוֹתָֽי׃

‎14 ‏הָשַׁ֣ע מִמֶּ֣נִּי וְאַבְלִ֑יגָה בְּטֶ֖רֶם אֵלֵ֣ךְ וְאֵינֶֽנִּי׃

1 lamənaṣṣēḥa lîḏîṯûn lîḏûṯûn mizəmwōr ləḏāwiḏ:

2 ’āmarətî ’ešəmərâ ḏərāḵay mēḥăṭwō’ ḇiləšwōnî ’ešəmərâ ləfî m^aḥəswōm bə‘ōḏ rāšā‘ ləneḡədî:

3 ne’ĕlamətî ḏûmîyâ heḥĕšêṯî miṭṭwōḇ ûḵə’ēḇî ne‘əkār:

4 ḥam-libî| bəqirəbî bahăḡîḡî ṯiḇə‘ar-’ēš dibarətî biləšwōnî:

5 hwōḏî‘ēnî yəhwâ| qiṣṣî ûmidaṯ yāmay mah-hî’ ’ēḏə‘â meh-ḥāḏēl ’ānî:

6 hinnēh ṭəfāḥwōṯ| nāṯatâ yāmay wəḥelədî ḵə’ayin neḡədeḵā ’aḵə kāl-heḇel kāl-’āḏām niṣṣāḇ selâ:

7 ’aḵə-bəṣelem| yiṯəhalleḵə-’îš ’aḵə-heḇel yehĕmāyûn yiṣəbōr wəlō’-yēḏ^a‘ mî-’ōsəfām:

8 wə‘atâ mah-qqiûîṯî ’ăḏōnāy twōḥalətî ləḵā hî’:

9 mikāl-pəšā‘ay haṣṣîlēnî ḥerəpaṯ nāḇāl ’al-təśîmēnî:

10 ne’ĕlamətî lō’ ’efət^aḥ-pî kî ’atâ ‘āśîṯā:

11 hāsēr mē‘ālay niḡə‘eḵā mitiḡəraṯ yāḏəḵā ’ănî ḵālîṯî:

12 bəṯwōḵāḥwōṯ ‘al-‘āwōn| yissarətā ’îš watemes kā‘āš ḥămûḏwō ’aḵə heḇel kāl-’āḏām selâ:

13 šimə‘â-ṯəfillāṯî| yəhwâ wəšawə‘āṯî| ha’ăzînâ ’el-dimə‘āṯî ’al-teḥĕraš kî ḡēr ’ānōḵî ‘immāḵə twōšāḇ kəḵāl-’ăḇwōṯāy:

14 hāš^a‘ mimmennî wə’aḇəlîḡâ bəṭerem ’ēlēḵə wə’ênennî:

‎1 ‏לַ֝מְנַצֵּ֗חַ לְדָוִ֥ד מִזְמֽוֹר׃

‎2 ‏קַוֹּ֣ה קִוִּ֣יתִי יְהוָ֑ה וַיֵּ֥ט אֵ֝לַ֗י וַיִּשְׁמַ֥ע שַׁוְעָתִֽי׃

‎3 ‏וַיַּעֲלֵ֤נִי׀ מִבּ֥וֹר שָׁאוֹן֮ מִטִּ֪יט הַיָּ֫וֵ֥ן וַיָּ֖קֶם עַל־סֶ֥לַע רַגְלַ֗י כּוֹנֵ֥ן אֲשֻׁרָֽי׃

‎4 ‏וַיִּתֵּ֬ן בְּפִ֨י׀ שִׁ֥יר חָדָשׁ֮ תְּהִלָּ֪ה לֵֽאלֹ֫הֵ֥ינוּ יִרְא֣וּ רַבִּ֣ים וְיִירָ֑אוּ וְ֝יִבְטְח֗וּ בַּיהוָֽה׃

‎5 ‏אַ֥שְֽׁרֵי הַגֶּ֗בֶר אֲשֶׁר־שָׂ֣ם יְ֭הוָֹה מִבְטַח֑וֹ וְֽלֹא־פָנָ֥ה אֶל־רְ֝הָבִ֗ים וְשָׂטֵ֥י כָזָֽב׃

‎6 ‏רַבּ֤וֹת עָשִׂ֨יתָ׀ אַתָּ֤ה׀ יְהוָ֣ה אֱלֹהַי֮ נִֽפְלְאֹתֶ֥יךָ וּמַחְשְׁבֹתֶ֗יךָ אֵ֫לֵ֥ינוּ אֵ֤ין׀ עֲרֹ֬ךְ אֵלֶ֗יךָ אַגִּ֥ידָה וַאֲדַבֵּ֑רָה עָ֝צְמ֗וּ מִסַּפֵּֽר׃

‎7 ‏זֶ֤בַח וּמִנְחָ֨ה׀ לֹֽא־חָפַ֗צְתָּ אָ֭זְנַיִם כָּרִ֣יתָ לִּ֑י עוֹלָ֥ה וַ֝חֲטָאָ֗ה לֹ֣א שָׁאָֽלְתָּ׃

‎8 ‏אָ֣ז אָ֭מַרְתִּי הִנֵּה־בָ֑אתִי בִּמְגִלַּת־סֵ֝֗פֶר כָּת֥וּב עָלָֽי׃

‎9 ‏לַֽעֲשֽׂוֹת־רְצוֹנְךָ֣ אֱלֹהַ֣י חָפָ֑צְתִּי וְ֝ת֥וֹרָתְךָ֗³ בְּת֣וֹךְ מֵעָֽי׃

‎10 ‏בִּשַּׂ֤רְתִּי צֶ֨דֶק׀ בְּקָ֘הָ֤ל רָ֗ב הִנֵּ֣ה שְׂ֭פָתַי לֹ֣א אֶכְלָ֑א יְ֝הוָ֗ה אַתָּ֥ה יָדָֽעְתָּ׃

‎11 ‏צִדְקָתְךָ֬ לֹא־כִסִּ֨יתִי׀ בְּת֬וֹךְ לִבִּ֗י³ אֱמוּנָתְךָ֣ וּתְשׁוּעָתְךָ֣ אָמָ֑רְתִּי לֹא־כִחַ֥דְתִּי חַסְדְּךָ֥ וַ֝אֲמִתְּךָ֗ לְקָהָ֥ל רָֽב׃

‎12 ‏אַתָּ֤ה יְהוָ֗ה לֹא־תִכְלָ֣א רַחֲמֶ֣יךָ מִמֶּ֑נִּי חַסְדְּךָ֥ וַ֝אֲמִתְּךָ֗ תָּמִ֥יד יִצְּרֽוּנִי׃

‎13 ‏כִּ֤י אָפְפ֥וּ־עָלַ֨י׀ רָע֡וֹת עַד־אֵ֬ין מִסְפָּ֗ר הִשִּׂיג֣וּנִי עֲ֭וֹנֹתַי וְלֹא־יָכֹ֣לְתִּי לִרְא֑וֹת עָצְמ֥וּ מִשַּֽׂעֲר֥וֹת רֹ֝אשִׁ֗י וְלִבִּ֥י עֲזָבָֽנִי׃

‎14 ‏רְצֵ֣ה יְ֭הוָה לְהַצִּילֵ֑נִי יְ֝הוָ֗ה לְעֶזְרָ֥תִי חֽוּשָׁה׃

‎15 ‏יֵ֘בֹ֤שׁוּ וְיַחְפְּר֨וּ׀ יַחַד֮ מְבַקְשֵׁ֥י נַפְשִׁ֗י לִסְפּ֫וֹתָ֥הּ יִסֹּ֣גוּ אָ֭חוֹר וְיִכָּלְמ֑וּ חֲ֝פֵצֵ֗י רָעָתִֽי׃

‎16 ‏יָ֭שֹׁמּוּ עַל־עֵ֣קֶב בָּשְׁתָּ֑ם הָאֹמְרִ֥ים לִ֝֗י הֶאָ֥ח׀ הֶאָֽח׃

‎17 ‏יָ֘שִׂ֤ישׂוּ וְיִשְׂמְח֨וּ׀ בְּךָ֗ כָּֽל־מְבַ֫קְשֶׁ֥יךָ יֹאמְר֣וּ תָ֭מִיד יִגְדַּ֣ל יְהוָ֑ה אֹֽ֝הֲבֵ֗י תְּשׁוּעָתֶֽךָ׃

‎18 ‏וַאֲנִ֤י׀ עָנִ֣י וְאֶבְיוֹן֮ אֲדֹנָ֪י יַחֲשָׁ֫ב לִ֥י עֶזְרָתִ֣י וּמְפַלְטִ֣י אַ֑תָּה אֱ֝לֹהַ֗י אַל־תְּאַחַֽר׃

1 lamənaṣṣēḥa ləḏāwiḏ mizəmwōr:

2 qaûōh qiûîṯî yəhwâ wayyēṭ ’ēlay wayyišəm^a‘ šawə‘āṯî:

3 wayy^a‘ălēnî| mibwōr šā’wōn miṭṭîṭ hayyāwēn wayyāqem ‘al-sel^a‘ raḡəlay kwōnēn ’ăšurāy:

4 wayyitēn bəfî| šîr ḥāḏāš təhillâ lē’lōhênû yirə’û rabîm wəyîrā’û wəyiḇəṭəḥû bayhwâ:

5 ’ašərê hageḇer ’ăšer-śām yəhwōâ miḇəṭ^aḥwō wəlō’-fānâ ’el-rəhāḇîm wəśāṭê ḵāzāḇ:

6 rabwōṯ ‘āśîṯā| ’atâ| yəhwâ ’ĕlōhay nifələ’ōṯeyḵā ûm^aḥəšəḇōṯeyḵā ’ēlênû ’ên| ‘ărōḵə ’ēleyḵā ’agîḏâ wa’ăḏabērâ ‘āṣəmû missapēr:

7 zeḇ^aḥ ûminəḥâ| lō’-ḥāfaṣətā ’āzənayim kārîṯā llî ‘wōlâ w^aḥăṭā’â lō’ šā’ālətā:

8 ’āz ’āmarətî hinnēh-ḇā’ṯî biməḡillaṯ-sēfer kāṯûḇ ‘ālāy:

9 l^a‘ăśwōṯ-rəṣwōnəḵā ’ĕlōhay ḥāfāṣətî wəṯwōrāṯəḵā³ bəṯwōḵə mē‘āy:

10 biśśarətî ṣeḏeq| bəqâāl rāḇ hinnēh śəfāṯay lō’ ’eḵəlā’ yəhwâ ’atâ yāḏā‘ətā:

11 ṣiḏəqāṯəḵā lō’-ḵissîṯî| bəṯwōḵə libî³ ’ĕmûnāṯəḵā ûṯəšû‘āṯəḵā ’āmārətî lō’-ḵiḥaḏətî ḥasədəḵā wa’ămitəḵā ləqâāl rāḇ:

12 ’atâ yəhwâ lō’-ṯiḵəlā’ r^aḥămeyḵā mimmennî ḥasədəḵā wa’ămitəḵā tāmîḏ yiṣṣərûnî:

13 kî ’āfəfû-‘ālay| rā‘wōṯ ‘aḏ-’ên misəpār hiśśîḡûnî ‘ăwōnōṯay wəlō’-yāḵōlətî lirə’wōṯ ‘āṣəmû miśś^a‘ărwōṯ rō’šî wəlibî ‘ăzāḇānî:

14 rəṣēh yəhwâ ləhaṣṣîlēnî yəhwâ lə‘ezərāṯî ḥûšâ:

15 yēḇōšû wəy^aḥəpərû| y^aḥaḏ məḇaqəšê nafəšî lisəpwōṯāh yissōḡû ’āḥwōr wəyikāləmû ḥăfēṣê rā‘āṯî:

16 yāšōmmû ‘al-‘ēqeḇ bāšətām hā’ōmərîm lî he’āḥ| he’āḥ:

17 yāśîśû wəyiśəməḥû| bəḵā kāl-məḇaqəšeyḵā yō’mərû ṯāmîḏ yiḡədal yəhwâ ’ōhăḇê təšû‘āṯeḵā:

18 wa’ănî| ‘ānî wə’eḇəywōn ’ăḏōnāy y^aḥăšāḇ lî ‘ezərāṯî ûməfaləṭî ’atâ ’ĕlōhay ’al-tə’^aḥar:

‎1 ‏לַמְנַצֵּ֗חַ מִזְמ֥וֹר לְדָוִֽד׃

‎2 ‏אַ֭שְׁרֵי מַשְׂכִּ֣יל אֶל־דָּ֑ל בְּי֥וֹם רָ֝עָ֗ה יְֽמַלְּטֵ֥הוּ יְהוָֽה׃

‎3 ‏יְהוָ֤ה׀ יִשְׁמְרֵ֣הוּ וִֽ֭יחַיֵּהוּ יאשר וְאֻשַּׁ֣ר בָּאָ֑רֶץ וְאַֽל־תִּ֝תְּנֵ֗הוּ בְּנֶ֣פֶשׁ אֹיְבָֽיו׃

‎4 ‏יְֽהוָ֗ה יִ֭סְעָדֶנּוּ עַל־עֶ֣רֶשׂ דְּוָ֑י כָּל־מִ֝שְׁכָּב֗וֹ הָפַ֥כְתָּ בְחָלְיֽוֹ׃

‎5 ‏אֲ‍ֽנִי־אָ֭מַרְתִּי יְהוָ֣ה חָנֵּ֑נִי רְפָאָ֥ה נַ֝פְשִׁ֗י כִּי־חָטָ֥אתִי לָֽךְ׃

‎6 ‏אוֹיְבַ֗י יֹאמְר֣וּ רַ֣ע לִ֑י מָתַ֥י יָ֝מ֗וּת וְאָבַ֥ד שְׁמֽוֹ׃

‎7 ‏וְאִם־בָּ֤א לִרְא֨וֹת׀ שָׁ֤וְא יְדַבֵּ֗ר לִבּ֗וֹ יִקְבָּץ־אָ֥וֶן ל֑וֹ יֵצֵ֖א לַח֣וּץ יְדַבֵּֽר׃

‎8 ‏יַ֗חַד עָלַ֣י יִ֭תְלַחֲשׁוּ כָּל־שֹׂנְאָ֑י עָלַ֓י׀ יַחְשְׁב֖וּ רָעָ֣ה לִֽי׃

‎9 ‏דְּֽבַר־בְּ֭לִיַּעַל יָצ֣וּק בּ֑וֹ וַאֲשֶׁ֥ר שָׁ֝כַ֗ב לֹא־יוֹסִ֥יף לָקֽוּם׃

‎10 ‏גַּם־אִ֤ישׁ שְׁלוֹמִ֨י׀ אֲשֶׁר־בָּטַ֣חְתִּי ב֖וֹ אוֹכֵ֣ל לַחְמִ֑י הִגְדִּ֖יל עָלַ֣י עָקֵֽב׃

‎11 ‏וְאַתָּ֤ה יְהוָ֗ה חָנֵּ֥נִי וַהֲקִימֵ֑נִי וַֽאֲשַׁלְּמָ֥ה לָהֶֽם׃

‎12 ‏בְּזֹ֣את יָ֭דַעְתִּי כִּֽי־חָפַ֣צְתָּ בִּ֑י כִּ֤י לֹֽא־יָרִ֖יעַ אֹיְבִ֣י עָלָֽי׃

‎13 ‏וַאֲנִ֗י בְּ֭תֻמִּי תָּמַ֣כְתָּ בִּ֑י וַתַּצִּיבֵ֖נִי לְפָנֶ֣יךָ לְעוֹלָֽם׃

‎14 ‏בָּ֘ר֤וּךְ יְהוָ֨ה׀ אֱלֹ֘הֵ֤י יִשְׂרָאֵ֗ל מֵֽ֭הָעוֹלָם וְעַ֥ד הָעוֹלָ֗ם אָ֘מֵ֥ן׀ וְאָמֵֽן׃

1 lamənaṣṣēḥa mizəmwōr ləḏāwiḏ:

2 ’ašərê maśəkîl ’el-dāl bəywōm rā‘â yəmalləṭēhû yəhwâ:

3 yəhwâ| yišəmərēhû wîḥayyēhû ye’əššōr wə’uššar bā’āreṣ wə’al-titənēhû bənefeš ’ōyəḇāyw:

4 yəhwâ yisə‘āḏennû ‘al-‘ereś dəwāy kāl-mišəkāḇwō hāfaḵətā ḇəḥāləywō:

5 ’ă‍nî-’āmarətî yəhwâ ḥānnēnî rəfā’â nafəšî kî-ḥāṭā’ṯî lāḵə:

6 ’wōyəḇay yō’mərû r^a‘ lî māṯay yāmûṯ wə’āḇaḏ šəmwō:

7 wə’im-bā’ lirə’wōṯ| šāwə’ yəḏabēr libwō yiqəbāṣ-’āwen lwō yēṣē’ l^aḥûṣ yəḏabēr:

8 y^aḥaḏ ‘ālay yiṯəl^aḥăšû kāl-śōnə’āy ‘ālay| y^aḥəšəḇû rā‘â lî:

9 dəḇar-bəlîy^a‘al yāṣûq bwō wa’ăšer šāḵaḇ lō’-ywōsîf lāqûm:

10 gam-’îš šəlwōmî| ’ăšer-bāṭ^aḥətî ḇwō ’wōḵēl l^aḥəmî hiḡədîl ‘ālay ‘āqēḇ:

11 wə’atâ yəhwâ ḥānnēnî wahăqîmēnî wa’ăšalləmâ lâem:

12 bəzō’ṯ yāḏ^a‘ətî kî-ḥāfaṣətā bî kî lō’-yārî‘a ’ōyəḇî ‘ālāy:

13 wa’ănî bəṯummî tāmaḵətā bî wataṣṣîḇēnî ləfāneyḵā lə‘wōlām:

14 bārûḵə yəhwâ| ’ĕlōhê yiśərā’ēl mēhā‘wōlām wə‘aḏ hā‘wōlām ’āmēn| wə’āmēn:

‎1 ‏לַמְנַצֵּ֗חַ מַשְׂכִּ֥יל לִבְנֵי־קֹֽרַח׃

‎2 ‏כְּאַיָּ֗ל תַּעֲרֹ֥ג עַל־אֲפִֽיקֵי־מָ֑יִם כֵּ֤ן נַפְשִׁ֨י תַעֲרֹ֖ג אֵלֶ֣יךָ אֱלֹהִֽים׃

‎3 ‏צָמְאָ֬ה נַפְשִׁ֨י׀ לֵאלֹהִים֮ לְאֵ֪ל חָ֥י מָתַ֥י אָב֑וֹא וְ֝אֵרָאֶ֗ה פְּנֵ֣י אֱלֹהִֽים׃

‎4 ‏הָֽיְתָה־לִּ֬י דִמְעָתִ֣י לֶ֭חֶם יוֹמָ֣ם וָלָ֑יְלָה בֶּאֱמֹ֥ר אֵלַ֥י כָּל־הַ֝יּ֗וֹם אַיֵּ֥ה אֱלֹהֶֽיךָ׃

‎5 ‏אֵ֤לֶּה אֶזְכְּרָ֨ה׀ וְאֶשְׁפְּכָ֬ה עָלַ֨י׀ נַפְשִׁ֗י כִּ֤י אֶֽעֱבֹ֨ר׀ בַּסָּךְ֮ אֶדַּדֵּ֗ם עַד־בֵּ֥ית אֱלֹ֫הִ֥ים בְּקוֹל־רִנָּ֥ה וְתוֹדָ֗ה הָמ֥וֹן חוֹגֵֽג׃

‎6 ‏מַה־תִּשְׁתּ֬וֹחֲחִ֨י׀ נַפְשִׁי֮ וַתֶּהֱמִ֪י עָ֫לָ֥י הוֹחִ֣ילִי לֵֽ֭אלֹהִים כִּי־ע֥וֹד אוֹדֶ֗נּוּ יְשׁוּע֥וֹת פָּנָֽיו׃

‎7 ‏אֱ‍ֽלֹהַ֗י עָלַי֮ נַפְשִׁ֪י תִשְׁתּ֫וֹחָ֥ח עַל־כֵּ֗ן אֶ֭זְכָּרְךָ מֵאֶ֣רֶץ יַרְדֵּ֑ן וְ֝חֶרְמוֹנִ֗ים מֵהַ֥ר מִצְעָֽר׃

‎8 ‏תְּהֽוֹם־אֶל־תְּה֣וֹם ק֭וֹרֵא³ לְק֣וֹל צִנּוֹרֶ֑יךָ כָּֽל־מִשְׁבָּרֶ֥יךָ וְ֝גַלֶּ֗יךָ עָלַ֥י עָבָֽרוּ׃

‎9 ‏יוֹמָ֤ם׀ יְצַוֶּ֬ה יְהוָ֨ה׀ חַסְדּ֗וֹ וּ֭בַלַּיְלָה שירה שִׁיר֣וֹ עִמִּ֑י תְּ֝פִלָּ֗ה לְאֵ֣ל חַיָּֽי׃

‎10 ‏אוֹמְרָ֤ה׀ לְאֵ֥ל סַלְעִי֮ לָמָ֪ה שְׁכַ֫חְתָּ֥נִי לָֽמָּה־קֹדֵ֥ר אֵלֵ֗ךְ בְּלַ֣חַץ אוֹיֵֽב׃

‎11 ‏בְּרֶ֤צַח׀ בְּֽעַצְמוֹתַ֗י חֵרְפ֥וּנִי צוֹרְרָ֑י בְּאָמְרָ֥ם³ אֵלַ֥י כָּל־הַ֝יּ֗וֹם אַיֵּ֥ה אֱלֹהֶֽיךָ׃

‎12 ‏מַה־תִּשְׁתּ֬וֹחֲחִ֨י׀ נַפְשִׁי֮ וּֽמַה־תֶּהֱמִ֪י עָ֫לָ֥י הוֹחִ֣ילִי לֵֽ֭אלֹהִים כִּי־ע֣וֹד אוֹדֶ֑נּוּ יְשׁוּעֹ֥ת פָּ֝נַ֗י וֵֽאלֹהָֽי׃

1 lamənaṣṣēḥa maśəkîl liḇənê-qōr^aḥ:

2 kə’ayyāl t^a‘ărōḡ ‘al-’ăfîqê-māyim kēn nafəšî ṯ^a‘ărōḡ ’ēleyḵā ’ĕlōhîm:

3 ṣāmə’â nafəšî| lē’lōhîm lə’ēl ḥāy māṯay ’āḇwō’ wə’ērā’eh pənê ’ĕlōhîm:

4 hāyəṯâ-llî ḏimə‘āṯî leḥem ywōmām wālāyəlâ be’ĕmōr ’ēlay kāl-hayywōm ’ayyēh ’ĕlōheyḵā:

5 ’ēlleh ’ezəkərâ| wə’ešəpəḵâ ‘ālay| nafəšî kî ’e‘ĕḇōr| bassāḵə ’edadēm ‘aḏ-bêṯ ’ĕlōhîm bəqwōl-rinnâ wəṯwōḏâ hāmwōn ḥwōḡēḡ:

6 mah-tišətwōḥăḥî| nafəšî watehĕmî ‘ālāy hwōḥîlî lē’lōhîm kî-‘wōḏ ’wōḏennû yəšû‘wōṯ pānāyw:

7 ’ĕ‍lōhay ‘ālay nafəšî ṯišətwōḥāḥ ‘al-kēn ’ezəkārəḵā mē’ereṣ yarədēn wəḥerəmwōnîm mēhar miṣə‘ār:

8 təhwōm-’el-təhwōm qwōrē’³ ləqwōl ṣinnwōreyḵā kāl-mišəbāreyḵā wəḡalleyḵā ‘ālay ‘āḇārû:

9 ywōmām| yəṣaûeh yəhwâ| ḥasədwō ûḇallayəlâ šîrōh šîrwō ‘immî təfillâ lə’ēl ḥayyāy:

10 ’wōmərâ| lə’ēl salə‘î lāmâ šəḵ^aḥətānî lāmmâ-qōḏēr ’ēlēḵə bəl^aḥaṣ ’wōyēḇ:

11 bəreṣ^aḥ| bə‘aṣəmwōṯay ḥērəfûnî ṣwōrərāy bə’āmərām³ ’ēlay kāl-hayywōm ’ayyēh ’ĕlōheyḵā:

12 mah-tišətwōḥăḥî| nafəšî ûmah-tehĕmî ‘ālāy hwōḥîlî lē’lōhîm kî-‘wōḏ ’wōḏennû yəšû‘ōṯ pānay wē’lōhāy:

‎1 ‏שָׁפְטֵ֤נִי אֱלֹהִ֨ים׀ וְרִ֘יבָ֤ה רִיבִ֗י מִגּ֥וֹי לֹא־חָסִ֑יד מֵ֤אִישׁ־מִרְמָ֖ה וְעַוְלָ֣ה תְפַלְּטֵֽנִי׃

‎2 ‏כִּֽי־אַתָּ֤ה׀ אֱלֹהֵ֣י מָֽעוּזִּי֮ לָמָ֪ה זְנַ֫חְתָּ֥נִי לָֽמָּה־קֹדֵ֥ר אֶתְהַלֵּ֗ךְ בְּלַ֣חַץ אוֹיֵֽב׃

‎3 ‏שְׁלַח־אוֹרְךָ֣ וַ֭אֲמִתְּךָ הֵ֣מָּה יַנְח֑וּנִי יְבִיא֥וּנִי אֶל־הַֽר־קָ֝דְשְׁךָ֗ וְאֶל־מִשְׁכְּנוֹתֶֽיךָ׃

‎4 ‏וְאָב֤וֹאָה׀ אֶל־מִזְבַּ֬ח אֱלֹהִ֗ים אֶל־אֵל֮ שִׂמְחַ֪ת גִּ֫ילִ֥י וְאוֹדְךָ֥ בְכִנּ֗וֹר אֱלֹהִ֥ים אֱלֹהָֽי׃

‎5 ‏מַה־תִּשְׁתּ֬וֹחֲחִ֨י׀ נַפְשִׁי֮ וּֽמַה־תֶּהֱמִ֪י עָ֫לָ֥י הוֹחִ֣ילִי לֵֽ֭אלֹהִים כִּי־ע֣וֹד אוֹדֶ֑נּוּ יְשׁוּעֹ֥ת פָּ֝נַ֗י וֵֽאלֹהָֽי׃

1 šāfəṭēnî ’ĕlōhîm| wərîḇâ rîḇî migwōy lō’-ḥāsîḏ mē’îš-mirəmâ wə‘awəlâ ṯəfalləṭēnî:

2 kî-’atâ| ’ĕlōhê mā‘ûzzî lāmâ zən^aḥətānî lāmmâ-qōḏēr ’eṯəhallēḵə bəl^aḥaṣ ’wōyēḇ:

3 šəl^aḥ-’wōrəḵā wa’ămitəḵā hēmmâ yanəḥûnî yəḇî’ûnî ’el-har-qāḏəšəḵā wə’el-mišəkənwōṯeyḵā:

4 wə’āḇwō’â| ’el-mizəb^aḥ ’ĕlōhîm ’el-’ēl śiməḥaṯ gîlî wə’wōḏəḵā ḇəḵinnwōr ’ĕlōhîm ’ĕlōhāy:

5 mah-tišətwōḥăḥî| nafəšî ûmah-tehĕmî ‘ālāy hwōḥîlî lē’lōhîm kî-‘wōḏ ’wōḏennû yəšû‘ōṯ pānay wē’lōhāy:

‎1 ‏לַמְנַצֵּ֬חַ לִבְנֵי־קֹ֬רַח מַשְׂכִּֽיל׃

‎2 ‏אֱלֹהִ֤ים׀ בְּאָזְנֵ֬ינוּ שָׁמַ֗עְנוּ אֲבוֹתֵ֥ינוּ סִפְּרוּ־לָ֑נוּ פֹּ֥עַל פָּעַ֥לְתָּ בִֽ֝ימֵיהֶ֗ם בִּ֣ימֵי קֶֽדֶם׃

‎3 ‏אַתָּ֤ה׀ יָדְךָ֡ גּוֹיִ֣ם ה֭וֹרַשְׁתָּ וַתִּטָּעֵ֑ם תָּרַ֥ע לְ֝אֻמִּ֗ים וַֽתְּשַׁלְּחֵֽם׃

‎4 ‏כִּ֤י לֹ֪א בְחַרְבָּ֡ם יָ֥רְשׁוּ אָ֗רֶץ וּזְרוֹעָם֮ לֹא־הוֹשִׁ֪יעָ֫ה לָּ֥מוֹ כִּֽי־יְמִֽינְךָ֣ וּ֭זְרוֹעֲךָ וְא֥וֹר פָּנֶ֗יךָ כִּ֣י רְצִיתָֽם׃

‎5 ‏אַתָּה־ה֣וּא מַלְכִּ֣י אֱלֹהִ֑ים צַ֝וֵּ֗ה יְשׁוּע֥וֹת יַעֲקֹֽב׃

‎6 ‏בְּ֭ךָ צָרֵ֣ינוּ נְנַגֵּ֑חַ בְּ֝שִׁמְךָ֗ נָב֥וּס קָמֵֽינוּ׃

‎7 ‏כִּ֤י לֹ֣א בְקַשְׁתִּ֣י אֶבְטָ֑ח וְ֝חַרְבִּ֗י לֹ֣א תוֹשִׁיעֵֽנִי׃

‎8 ‏כִּ֣י ה֭וֹשַׁעְתָּנוּ מִצָּרֵ֑ינוּ וּמְשַׂנְאֵ֥ינוּ הֱבִישֽׁוֹתָ׃

‎9 ‏בֵּֽ֭אלֹהִים הִלַּלְ֣נוּ כָל־הַיּ֑וֹם וְשִׁמְךָ֓׀ לְעוֹלָ֖ם נוֹדֶ֣ה סֶֽלָה׃

‎10 ‏אַף־זָ֭נַחְתָּ וַתַּכְלִימֵ֑נוּ וְלֹא־תֵ֝צֵ֗א בְּצִבְאוֹתֵֽינוּ׃

‎11 ‏תְּשִׁיבֵ֣נוּ אָ֭חוֹר מִנִּי־צָ֑ר וּ֝מְשַׂנְאֵ֗ינוּ שָׁ֣סוּ לָֽמוֹ׃

‎12 ‏תִּ֭תְּנֵנוּ כְּצֹ֣אן מַאֲכָ֑ל וּ֝בַגּוֹיִ֗ם זֵרִיתָֽנוּ׃

‎13 ‏תִּמְכֹּֽר־עַמְּךָ֥ בְלֹא־ה֑וֹן וְלֹ֥א־רִ֝בִּ֗יתָ בִּמְחִירֵיהֶֽם׃

‎14 ‏תְּשִׂימֵ֣נוּ חֶ֭רְפָּה לִשְׁכֵנֵ֑ינוּ לַ֥עַג וָ֝קֶ֗לֶס לִסְבִיבוֹתֵֽינוּ׃

‎15 ‏תְּשִׂימֵ֣נוּ מָ֭שָׁל בַּגּוֹיִ֑ם מְנֽוֹד־רֹ֝֗אשׁ בַּל־אֻמִּֽים׃

‎16 ‏כָּל־הַ֭יּוֹם כְּלִמָּתִ֣י נֶגְדִּ֑י וּבֹ֖שֶׁת פָּנַ֣י כִּסָּֽתְנִי׃

‎17 ‏מִ֭קּוֹל מְחָרֵ֣ף וּמְגַדֵּ֑ף מִפְּנֵ֥י א֝וֹיֵ֗ב וּמִתְנַקֵּֽם׃

‎18 ‏כָּל־זֹ֣את בָּ֭אַתְנוּ וְלֹ֣א שְׁכַחֲנ֑וּךָ וְלֹֽא־שִׁ֝קַּ֗רְנוּ בִּבְרִיתֶֽךָ׃

‎19 ‏לֹא־נָס֣וֹג אָח֣וֹר לִבֵּ֑נוּ וַתֵּ֥ט אֲשֻׁרֵ֗ינוּ מִנִּ֥י אָרְחֶֽךָ׃

‎20 ‏כִּ֣י דִ֭כִּיתָנוּ בִּמְק֣וֹם תַּנִּ֑ים וַתְּכַ֖ס עָלֵ֣ינוּ בְצַלְמָֽוֶת׃

‎21 ‏אִם־שָׁ֭כַחְנוּ שֵׁ֣ם אֱלֹהֵ֑ינוּ וַנִּפְרֹ֥שׂ כַּ֝פֵּ֗ינוּ לְאֵ֣ל זָֽר׃

‎22 ‏הֲלֹ֣א אֱ֭לֹהִים יַֽחֲקָר־זֹ֑את כִּֽי־ה֥וּא יֹ֝דֵ֗עַ תַּעֲלֻמ֥וֹת לֵֽב׃

‎23 ‏כִּֽי־עָ֭לֶיךָ הֹרַ֣גְנוּ כָל־הַיּ֑וֹם נֶ֝חְשַׁ֗בְנוּ כְּצֹ֣אן טִבְחָֽה׃

‎24 ‏ע֤וּרָה׀ לָ֖מָּה תִישַׁ֥ן׀ אֲדֹנָ֑י הָ֝קִ֗יצָה אַל־תִּזְנַ֥ח לָנֶֽצַח׃

‎25 ‏לָֽמָּה־פָנֶ֥יךָ תַסְתִּ֑יר תִּשְׁכַּ֖ח עָנְיֵ֣נוּ וְֽלַחֲצֵֽנוּ׃

‎26 ‏כִּ֤י שָׁ֣חָה לֶעָפָ֣ר נַפְשֵׁ֑נוּ דָּבְקָ֖ה לָאָ֣רֶץ בִּטְנֵֽנוּ׃

‎27 ‏ק֭וּמָֽה³ עֶזְרָ֣תָה לָּ֑נוּ וּ֝פְדֵ֗נוּ לְמַ֣עַן חַסְדֶּֽךָ׃

1 lamənaṣṣēḥa liḇənê-qōr^aḥ maśəkîl:

2 ’ĕlōhîm| bə’āzənênû šām^a‘ənû ’ăḇwōṯênû sipərû-lānû pō‘al pā‘alətā ḇîmêhem bîmê qeḏem:

3 ’atâ| yāḏəḵā gwōyim hwōrašətā watiṭṭā‘ēm tār^a‘ lə’ummîm watəšalləḥēm:

4 kî lō’ ḇəḥarəbām yārəšû ’āreṣ ûzərwō‘ām lō’-hwōšî‘â llāmwō kî-yəmînəḵā ûzərwō‘ăḵā wə’wōr pāneyḵā kî rəṣîṯām:

5 ’atâ-hû’ maləkî ’ĕlōhîm ṣaûēh yəšû‘wōṯ y^a‘ăqōḇ:

6 bəḵā ṣārênû nənagēḥa bəšiməḵā nāḇûs qāmênû:

7 kî lō’ ḇəqašətî ’eḇəṭāḥ wəḥarəbî lō’ ṯwōšî‘ēnî:

8 kî hwōš^a‘ətānû miṣṣārênû ûməśanə’ênû hĕḇîšwōṯā:

9 bē’lōhîm hillalənû ḵāl-hayywōm wəšiməḵā| lə‘wōlām nwōḏeh selâ:

10 ’af-zān^aḥətā wataḵəlîmēnû wəlō’-ṯēṣē’ bəṣiḇə’wōṯênû:

11 təšîḇēnû ’āḥwōr minnî-ṣār ûməśanə’ênû šāsû lāmwō:

12 titənēnû kəṣō’n ma’ăḵāl ûḇagwōyim zērîṯānû:

13 timəkōr-‘amməḵā ḇəlō’-hwōn wəlō’-ribîṯā biməḥîrêhem:

14 təśîmēnû ḥerəpâ lišəḵēnênû l^a‘aḡ wāqeles lisəḇîḇwōṯênû:

15 təśîmēnû māšāl bagwōyim mənwōḏ-rō’š bal-’ummîm:

16 kāl-hayywōm kəlimmāṯî neḡədî ûḇōšeṯ pānay kissāṯənî:

17 miqqwōl məḥārēf ûməḡadēf mipənê ’wōyēḇ ûmiṯənaqqēm:

18 kāl-zō’ṯ bā’aṯənû wəlō’ šəḵ^aḥănûḵā wəlō’-šiqqarənû biḇərîṯeḵā:

19 lō’-nāswōḡ ’āḥwōr libēnû watēṭ ’ăšurênû minnî ’ārəḥeḵā:

20 kî ḏikîṯānû biməqwōm tannîm watəḵas ‘ālênû ḇəṣaləmāweṯ:

21 ’im-šāḵ^aḥənû šēm ’ĕlōhênû wannifərōś kapênû lə’ēl zār:

22 hălō’ ’ĕlōhîm y^aḥăqār-zō’ṯ kî-hû’ yōḏē‘a t^a‘ălumwōṯ lēḇ:

23 kî-‘āleyḵā hōraḡənû ḵāl-hayywōm neḥəšaḇənû kəṣō’n ṭiḇəḥâ:

24 ‘ûrâ| lāmmâ ṯîšan| ’ăḏōnāy hāqîṣâ ’al-tizən^aḥ lāneṣ^aḥ:

25 lāmmâ-fāneyḵā ṯasətîr tišək^aḥ ‘ānəyēnû wəl^aḥăṣēnû:

26 kî šāḥâ le‘āfār nafəšēnû dāḇəqâ lā’āreṣ biṭənēnû:

27 qûmâ³ ‘ezərāṯâ llānû ûfəḏēnû ləm^a‘an ḥasədeḵā:

‎1 ‏לַמְנַצֵּ֣חַ עַל־שֹׁ֭שַׁנִּים לִבְנֵי־קֹ֑רַח מַ֝שְׂכִּ֗יל שִׁ֣יר יְדִידֹֽת׃

‎2 ‏רָ֘חַ֤שׁ לִבִּ֨י׀ דָּ֘בָ֤ר ט֗וֹב אֹמֵ֣ר אָ֭נִי מַעֲשַׂ֣י לְמֶ֑לֶךְ לְ֝שׁוֹנִ֗י עֵ֤ט׀ סוֹפֵ֬ר מָהִֽיר׃

‎3 ‏יָפְיָפִ֡יתָ מִבְּנֵ֬י אָדָ֗ם ה֣וּצַק חֵ֭ן בְּשְׂפְתוֹתֶ֑יךָ עַל־כֵּ֤ן בֵּֽרַכְךָ֖ אֱלֹהִ֣ים לְעוֹלָֽם׃

‎4 ‏חֲגֽוֹר־חַרְבְּךָ֣ עַל־יָרֵ֣ךְ גִּבּ֑וֹר ה֝וֹדְךָ֗ וַהֲדָרֶֽךָ׃

‎5 ‏וַהֲדָ֬רְךָ֨׀³ צְלַ֬ח רְכַ֗ב עַֽל־דְּבַר־אֱ֭מֶת וְעַנְוָה־צֶ֑דֶק וְתוֹרְךָ֖ נוֹרָא֣וֹת יְמִינֶֽךָ׃

‎6 ‏חִצֶּ֗יךָ שְׁנ֫וּנִ֥ים עַ֭מִּים תַּחְתֶּ֣יךָ יִפְּל֑וּ בְּ֝לֵ֗ב אוֹיְבֵ֥י הַמֶּֽלֶךְ׃

‎7 ‏כִּסְאֲךָ֣ אֱ֭לֹהִים עוֹלָ֣ם וָעֶ֑ד שֵׁ֥בֶט מִ֝ישֹׁ֗ר שֵׁ֣בֶט מַלְכוּתֶֽךָ׃

‎8 ‏אָהַ֣בְתָּ צֶּדֶק֮ וַתִּשְׂנָ֫א רֶ֥שַׁע עַל־כֵּ֤ן׀ מְשָׁחֲךָ֡ אֱלֹהִ֣ים אֱ֭לֹהֶיךָ שֶׁ֥מֶן שָׂשׂ֗וֹן מֵֽחֲבֵרֶֽיךָ׃

‎9 ‏מֹר־וַאֲהָל֣וֹת קְ֭צִיעוֹת כָּל־בִּגְדֹתֶ֑יךָ מִֽן־הֵ֥יכְלֵי שֵׁ֝֗ן מִנִּ֥י שִׂמְּחֽוּךָ׃

‎10 ‏בְּנ֣וֹת מְ֭לָכִים בְּיִקְּרוֹתֶ֑יךָ נִצְּבָ֥ה שֵׁגַ֥ל לִֽ֝ימִינְךָ֗ בְּכֶ֣תֶם אוֹפִֽיר׃

‎11 ‏שִׁמְעִי־בַ֣ת וּ֭רְאִי וְהַטִּ֣י אָזְנֵ֑ךְ וְשִׁכְחִ֥י עַ֝מֵּ֗ךְ וּבֵ֥ית אָבִֽיךְ׃

‎12 ‏וְיִתְאָ֣ו הַמֶּ֣לֶךְ יָפְיֵ֑ךְ כִּי־ה֥וּא אֲ֝דֹנַ֗יִךְ וְהִשְׁתַּֽחֲוִי־לֽוֹ׃

‎13 ‏וּבַֽת־צֹ֨ר׀ בְּ֭מִנְחָה פָּנַ֥יִךְ יְחַלּ֗וּ עֲשִׁ֣ירֵי עָֽם׃

‎14 ‏כָּל־כְּבוּדָּ֣ה בַת־מֶ֣לֶךְ פְּנִ֑ימָה מִֽמִּשְׁבְּצ֖וֹת זָהָ֣ב לְבוּשָֽׁהּ׃

‎15 ‏לִרְקָמוֹת֮ תּוּבַ֪ל לַ֫מֶּ֥לֶךְ בְּתוּל֣וֹת אַ֭חֲרֶיהָ רֵעוֹתֶ֑יהָ מ֖וּבָא֣וֹת לָֽךְ׃

‎16 ‏תּ֖וּבַלְנָה בִּשְׂמָחֹ֣ת וָגִ֑יל תְּ֝בֹאֶ֗ינָה בְּהֵ֣יכַל מֶֽלֶךְ׃

‎17 ‏תַּ֣חַת אֲ֭בֹתֶיךָ יִהְי֣וּ בָנֶ֑יךָ תְּשִׁיתֵ֥מוֹ לְ֝שָׂרִ֗ים בְּכָל־הָאָֽרֶץ׃

‎18 ‏אַזְכִּ֣ירָה שִׁ֭מְךָ בְּכָל־דֹּ֣ר וָדֹ֑ר עַל־כֵּ֥ן עַמִּ֥ים יְ֝הוֹדֻ֗ךָ לְעֹלָ֥ם וָעֶֽד׃

1 lamənaṣṣēḥa ‘al-šōšannîm liḇənê-qōr^aḥ maśəkîl šîr yəḏîḏōṯ:

2 rāḥaš libî| dāḇār ṭwōḇ ’ōmēr ’ānî m^a‘ăśay ləmeleḵə ləšwōnî ‘ēṭ| swōfēr mâîr:

3 yāfəyāfîṯā mibənê ’āḏām hûṣaq ḥēn bəśəfəṯwōṯeyḵā ‘al-kēn bēraḵəḵā ’ĕlōhîm lə‘wōlām:

4 ḥăḡwōr-ḥarəbəḵā ‘al-yārēḵə gibwōr hwōḏəḵā wahăḏāreḵā:

5 wahăḏārəḵā|³ ṣəl^aḥ rəḵaḇ ‘al-dəḇar-’ĕmeṯ wə‘anəwâ-ṣeḏeq wəṯwōrəḵā nwōrā’wōṯ yəmîneḵā:

6 ḥiṣṣeyḵā šənûnîm ‘ammîm t^aḥəteyḵā yipəlû bəlēḇ ’wōyəḇê hammeleḵə:

7 kisə’ăḵā ’ĕlōhîm ‘wōlām wā‘eḏ šēḇeṭ mîšōr šēḇeṭ maləḵûṯeḵā:

8 ’âaḇətā ṣṣeḏeq watiśənā’ reš^a‘ ‘al-kēn| məšāḥăḵā ’ĕlōhîm ’ĕlōheyḵā šemen śāśwōn mēḥăḇēreyḵā:

9 mōr-wa’ăhālwōṯ qəṣî‘wōṯ kāl-biḡəḏōṯeyḵā min-hêḵəlê šēn minnî śimməḥûḵā:

10 bənwōṯ məlāḵîm bəyiqqərwōṯeyḵā niṣṣəḇâ šēḡal lîmînəḵā bəḵeṯem ’wōfîr:

11 šimə‘î-ḇaṯ ûrə’î wəhaṭṭî ’āzənēḵə wəšiḵəḥî ‘ammēḵə ûḇêṯ ’āḇîḵə:

12 wəyiṯə’āw hammeleḵə yāfəyēḵə kî-hû’ ’ăḏōnayiḵə wəhišət^aḥăwî-lwō:

13 ûḇaṯ-ṣōr| bəminəḥâ pānayiḵə yəḥallû ‘ăšîrê ‘ām:

14 kāl-kəḇûdâ ḇaṯ-meleḵə pənîmâ mimmišəbəṣwōṯ zâāḇ ləḇûšāh:

15 lirəqāmwōṯ tûḇal lammeleḵə bəṯûlwōṯ ’^aḥăreyhā rē‘wōṯeyhā mûḇā’wōṯ lāḵə:

16 tûḇalənâ biśəmāḥōṯ wāḡîl təḇō’eynâ bəhêḵal meleḵə:

17 t^aḥaṯ ’ăḇōṯeyḵā yihəyû ḇāneyḵā təšîṯēmwō ləśārîm bəḵāl-hā’āreṣ:

18 ’azəkîrâ šiməḵā bəḵāl-dōr wāḏōr ‘al-kēn ‘ammîm yəhwōḏuḵā lə‘ōlām wā‘eḏ:

‎1 ‏לַמְנַצֵּ֥חַ לִבְנֵי־קֹ֑רַח עַֽל־עֲלָמ֥וֹת שִֽׁיר׃

‎2 ‏אֱלֹהִ֣ים לָ֭נוּ מַחֲסֶ֣ה וָעֹ֑ז עֶזְרָ֥ה בְ֝צָר֗וֹת נִמְצָ֥א מְאֹֽד׃

‎3 ‏עַל־כֵּ֣ן לֹא־נִ֭ירָא בְּהָמִ֣יר אָ֑רֶץ וּבְמ֥וֹט הָ֝רִ֗ים בְּלֵ֣ב יַמִּֽים׃

‎4 ‏יֶהֱמ֣וּ יֶחְמְר֣וּ מֵימָ֑יו יִֽרְעֲשֽׁוּ־הָרִ֖ים בְּגַאֲוָת֣וֹ סֶֽלָה׃

‎5 ‏נָהָ֗ר פְּלָגָ֗יו יְשַׂמְּח֥וּ עִיר־אֱלֹהִ֑ים קְ֝דֹ֗שׁ מִשְׁכְּנֵ֥י עֶלְיֽוֹן׃

‎6 ‏אֱלֹהִ֣ים בְּ֭קִרְבָּהּ בַּל־תִּמּ֑וֹט יַעְזְרֶ֥הָ אֱ֝לֹהִ֗ים לִפְנ֥וֹת בֹּֽקֶר׃

‎7 ‏הָמ֣וּ ג֖וֹיִם מָ֣טוּ מַמְלָכ֑וֹת נָתַ֥ן בְּ֝קוֹל֗וֹ תָּמ֥וּג אָֽרֶץ׃

‎8 ‏יְהוָ֣ה צְבָא֣וֹת עִמָּ֑נוּ מִשְׂגָּֽב־לָ֝נוּ אֱלֹהֵ֖י יַעֲקֹ֣ב סֶֽלָה׃

‎9 ‏לְֽכוּ־חֲ֭זוּ מִפְעֲל֣וֹת יְהוָ֑ה אֲשֶׁר־שָׂ֖ם שַׁמּ֣וֹת בָּאָֽרֶץ׃

‎10 ‏מַשְׁבִּ֥ית מִלְחָמוֹת֮ עַד־קְצֵ֪ה הָ֫אָ֥רֶץ קֶ֣שֶׁת יְ֭שַׁבֵּר וְקִצֵּ֣ץ חֲנִ֑ית עֲ֝גָל֗וֹת יִשְׂרֹ֥ף בָּאֵֽשׁ׃

‎11 ‏הַרְפּ֣וּ וּ֭דְעוּ כִּי־אָנֹכִ֣י אֱלֹהִ֑ים אָר֥וּם בַּ֝גּוֹיִ֗ם אָר֥וּם בָּאָֽרֶץ׃

‎12 ‏יְהוָ֣ה צְבָא֣וֹת עִמָּ֑נוּ מִשְׂגָּֽב־לָ֝נוּ אֱלֹהֵ֖י יַעֲקֹ֣ב סֶֽלָה׃

1 lamənaṣṣēḥa liḇənê-qōr^aḥ ‘al-‘ălāmwōṯ šîr:

2 ’ĕlōhîm lānû m^aḥăseh wā‘ōz ‘ezərâ ḇəṣārwōṯ niməṣā’ mə’ōḏ:

3 ‘al-kēn lō’-nîrā’ bəhāmîr ’āreṣ ûḇəmwōṭ hārîm bəlēḇ yammîm:

4 yehĕmû yeḥəmərû mêmāyw yirə‘ăšû-hārîm bəḡa’ăwāṯwō selâ:

5 nâār pəlāḡāyw yəśamməḥû ‘îr-’ĕlōhîm qəḏōš mišəkənê ‘eləywōn:

6 ’ĕlōhîm bəqirəbāh bal-timmwōṭ y^a‘əzərehā ’ĕlōhîm lifənwōṯ bōqer:

7 hāmû ḡwōyim māṭû maməlāḵwōṯ nāṯan bəqwōlwō tāmûḡ ’āreṣ:

8 yəhwâ ṣəḇā’wōṯ ‘immānû miśəgāḇ-lānû ’ĕlōhê y^a‘ăqōḇ selâ:

9 ləḵû-ḥăzû mifə‘ălwōṯ yəhwâ ’ăšer-śām šammwōṯ bā’āreṣ:

10 mašəbîṯ miləḥāmwōṯ ‘aḏ-qəṣēh hā’āreṣ qešeṯ yəšabēr wəqiṣṣēṣ ḥănîṯ ‘ăḡālwōṯ yiśərōf bā’ēš:

11 harəpû ûḏə‘û kî-’ānōḵî ’ĕlōhîm ’ārûm bagwōyim ’ārûm bā’āreṣ:

12 yəhwâ ṣəḇā’wōṯ ‘immānû miśəgāḇ-lānû ’ĕlōhê y^a‘ăqōḇ selâ:

‎1 ‏לַמְנַצֵּ֬חַ׀ לִבְנֵי־קֹ֬רַח מִזְמֽוֹר׃

‎2 ‏כָּֽל־הָ֭עַמִּים תִּקְעוּ־כָ֑ף הָרִ֥יעוּ לֵ֝אלֹהִ֗ים בְּק֣וֹל רִנָּֽה׃

‎3 ‏כִּֽי־יְהוָ֣ה עֶלְי֣וֹן נוֹרָ֑א מֶ֥לֶךְ גָּ֝דוֹל עַל־כָּל־הָאָֽרֶץ׃

‎4 ‏יַדְבֵּ֣ר עַמִּ֣ים תַּחְתֵּ֑ינוּ וּ֝לְאֻמִּ֗ים תַּ֣חַת רַגְלֵֽינוּ׃

‎5 ‏יִבְחַר־לָ֥נוּ אֶת־נַחֲלָתֵ֑נוּ אֶ֥ת גְּא֨וֹן יַעֲקֹ֖ב אֲשֶׁר־אָהֵ֣ב סֶֽלָה׃

‎6 ‏עָלָ֣ה אֱ֭לֹהִים בִּתְרוּעָ֑ה יְ֝הוָֹ֗ה בְּק֣וֹל שׁוֹפָֽר׃

‎7 ‏זַמְּר֣וּ אֱלֹהִ֣ים זַמֵּ֑רוּ זַמְּר֖וּ לְמַלְכֵּ֣נוּ זַמֵּֽרוּ׃

‎8 ‏כִּ֤י מֶ֖לֶךְ כָּל־הָאָ֥רֶץ אֱלֹהִ֗ים זַמְּר֥וּ מַשְׂכִּֽיל׃

‎9 ‏מָלַ֣ךְ אֱ֭לֹהִים עַל־גּוֹיִ֑ם אֱ֝לֹהִ֗ים יָשַׁ֤ב׀ עַל־כִּסֵּ֬א קָדְשֽׁוֹ׃

‎10 ‏נְדִ֘יבֵ֤י עַמִּ֨ים׀ נֶאֱסָ֗פוּ עַם֮ אֱלֹהֵ֪י אַבְרָ֫הָ֥ם כִּ֣י לֵֽ֭אלֹהִים מָֽגִנֵּי־אֶ֗רֶץ מְאֹ֣ד נַעֲלָֽה׃

1 lamənaṣṣēḥa| liḇənê-qōr^aḥ mizəmwōr:

2 kāl-hā‘ammîm tiqə‘û-ḵāf hārî‘û lē’lōhîm bəqwōl rinnâ:

3 kî-yəhwâ ‘eləywōn nwōrā’ meleḵə gāḏwōl ‘al-kāl-hā’āreṣ:

4 yaḏəbēr ‘ammîm t^aḥətênû ûlə’ummîm t^aḥaṯ raḡəlênû:

5 yiḇəḥar-lānû ’eṯ-n^aḥălāṯēnû ’eṯ gə’wōn y^a‘ăqōḇ ’ăšer-’âēḇ selâ:

6 ‘ālâ ’ĕlōhîm biṯərû‘â yəhwōâ bəqwōl šwōfār:

7 zammərû ’ĕlōhîm zammērû zammərû ləmaləkēnû zammērû:

8 kî meleḵə kāl-hā’āreṣ ’ĕlōhîm zammərû maśəkîl:

9 mālaḵə ’ĕlōhîm ‘al-gwōyim ’ĕlōhîm yāšaḇ| ‘al-kissē’ qāḏəšwō:

10 nəḏîḇê ‘ammîm| ne’ĕsāfû ‘am ’ĕlōhê ’aḇərâām kî lē’lōhîm māḡinnê-’ereṣ mə’ōḏ n^a‘ălâ:

‎1 ‏שִׁ֥יר מִ֝זְמוֹר לִבְנֵי־קֹֽרַח׃

‎2 ‏גָּ֘ד֤וֹל יְהוָ֣ה וּמְהֻלָּ֣ל מְאֹ֑ד בְּעִ֥יר אֱ֝לֹהֵ֗ינוּ הַר־קָדְשֽׁוֹ׃

‎3 ‏יְפֵ֥ה נוֹף֮ מְשׂ֪וֹשׂ כָּל־הָ֫אָ֥רֶץ הַר־צִ֭יּוֹן יַרְכְּתֵ֣י צָפ֑וֹן קִ֝רְיַ֗ת מֶ֣לֶךְ רָֽב׃

‎4 ‏אֱלֹהִ֥ים בְּאַרְמְנוֹתֶ֗יהָ נוֹדַ֥ע לְמִשְׂגָּֽב׃

‎5 ‏כִּֽי־הִנֵּ֣ה הַ֭מְּלָכִים נֽוֹעֲד֑וּ עָבְר֥וּ יַחְדָּֽו׃

‎6 ‏הֵ֣מָּה רָ֭אוּ כֵּ֣ן תָּמָ֑הוּ נִבְהֲל֥וּ נֶחְפָּֽזוּ׃

‎7 ‏רְ֭עָדָה אֲחָזָ֣תַם שָׁ֑ם חִ֝֗יל כַּיּוֹלֵֽדָה׃

‎8 ‏בְּר֥וּחַ קָדִ֑ים תְּ֝שַׁבֵּ֗ר אֳנִיּ֥וֹת תַּרְשִֽׁישׁ׃

‎9 ‏כַּאֲשֶׁ֤ר שָׁמַ֨עְנוּ׀ כֵּ֤ן רָאִ֗ינוּ בְּעִיר־יְהוָ֣ה צְ֭בָאוֹת בְּעִ֣יר אֱלֹהֵ֑ינוּ אֱלֹ֘הִ֤ים יְכוֹנְנֶ֖הָ עַד־עוֹלָ֣ם סֶֽלָה׃

‎10 ‏דִּמִּ֣ינוּ אֱלֹהִ֣ים חַסְדֶּ֑ךָ בְּ֝קֶ֗רֶב הֵיכָלֶֽךָ׃

‎11 ‏כְּשִׁמְךָ֤ אֱלֹהִ֗ים כֵּ֣ן תְּ֭הִלָּתְךָ עַל־קַצְוֵי־אֶ֑רֶץ צֶ֝֗דֶק מָלְאָ֥ה יְמִינֶֽךָ׃

‎12 ‏יִשְׂמַ֤ח׀ הַר־צִיּ֗וֹן תָּ֭גֵלְנָה בְּנ֣וֹת יְהוּדָ֑ה לְ֝מַ֗עַן מִשְׁפָּטֶֽיךָ׃

‎13 ‏סֹ֣בּוּ צִ֭יּוֹן וְהַקִּיפ֑וּהָ סִ֝פְר֗וּ מִגְדָּלֶֽיהָ׃

‎14 ‏שִׁ֤יתוּ לִבְּכֶ֨ם׀ לְֽחֵילָ֗ה פַּסְּג֥וּ אַרְמְנוֹתֶ֑יהָ לְמַ֥עַן תְּ֝סַפְּר֗וּ לְד֣וֹר אַחֲרֽוֹן׃

‎15 ‏כִּ֤י זֶ֨ה׀ אֱלֹהִ֣ים אֱ֭לֹהֵינוּ עוֹלָ֣ם וָעֶ֑ד ה֖וּא יְנַהֲגֵ֣נוּ עַל־מֽוּת׃

1 šîr mizəmwōr liḇənê-qōr^aḥ:

2 gāḏwōl yəhwâ ûməhullāl mə’ōḏ bə‘îr ’ĕlōhênû har-qāḏəšwō:

3 yəfēh nwōf məśwōś kāl-hā’āreṣ har-ṣîywōn yarəkəṯê ṣāfwōn qirəyaṯ meleḵə rāḇ:

4 ’ĕlōhîm bə’arəmənwōṯeyhā nwōḏ^a‘ ləmiśəgāḇ:

5 kî-hinnēh hamməlāḵîm nwō‘ăḏû ‘āḇərû y^aḥədāw:

6 hēmmâ rā’û kēn tāmâû niḇəhălû neḥəpāzû:

7 rə‘āḏâ ’ăḥāzāṯam šām ḥîl kayywōlēḏâ:

8 bərûḥa qāḏîm təšabēr ’ŏnîywōṯ tarəšîš:

9 ka’ăšer šām^a‘ənû| kēn rā’înû bə‘îr-yəhwâ ṣəḇā’wōṯ bə‘îr ’ĕlōhênû ’ĕlōhîm yəḵwōnənehā ‘aḏ-‘wōlām selâ:

10 dimmînû ’ĕlōhîm ḥasədeḵā bəqereḇ hêḵāleḵā:

11 kəšiməḵā ’ĕlōhîm kēn təhillāṯəḵā ‘al-qaṣəwê-’ereṣ ṣeḏeq mālə’â yəmîneḵā:

12 yiśəm^aḥ| har-ṣîywōn tāḡēlənâ bənwōṯ yəhûḏâ ləm^a‘an mišəpāṭeyḵā:

13 sōbû ṣîywōn wəhaqqîfûhā sifərû miḡədāleyhā:

14 šîṯû libəḵem| ləḥêlâ passəḡû ’arəmənwōṯeyhā ləm^a‘an təsapərû ləḏwōr ’^aḥărwōn:

15 kî zeh| ’ĕlōhîm ’ĕlōhênû ‘wōlām wā‘eḏ hû’ yənahăḡēnû ‘al-mûṯ:

‎1 ‏לַמְנַצֵּ֬חַ׀ לִבְנֵי־קֹ֬רַח מִזְמֽוֹר׃

‎2 ‏שִׁמְעוּ־זֹ֭את כָּל־הָֽעַמִּ֑ים הַ֝אֲזִ֗ינוּ כָּל־יֹ֥שְׁבֵי חָֽלֶד׃

‎3 ‏גַּם־בְּנֵ֣י אָ֭דָם גַּם־בְּנֵי־אִ֑ישׁ יַ֝֗חַד עָשִׁ֥יר וְאֶבְיֽוֹן׃

‎4 ‏פִּ֭י יְדַבֵּ֣ר חָכְמ֑וֹת וְהָג֖וּת לִבִּ֣י תְבוּנֽוֹת׃

‎5 ‏אַטֶּ֣ה לְמָשָׁ֣ל אָזְנִ֑י אֶפְתַּ֥ח בְּ֝כִנּ֗וֹר חִידָתִֽי׃

‎6 ‏לָ֣מָּה אִ֭ירָא בִּ֣ימֵי רָ֑ע עֲוֹ֖ן עֲקֵבַ֣י יְסוּבֵּֽנִי׃

‎7 ‏הַבֹּטְחִ֥ים עַל־חֵילָ֑ם וּבְרֹ֥ב עָ֝שְׁרָ֗ם יִתְהַלָּֽלוּ׃

‎8 ‏אָ֗ח לֹא־פָדֹ֣ה יִפְדֶּ֣ה אִ֑ישׁ לֹא־יִתֵּ֖ן לֵאלֹהִ֣ים כָּפְרֽוֹ׃

‎9 ‏וְ֭יֵקַר פִּדְי֥וֹן נַפְשָׁ֗ם וְחָדַ֥ל לְעוֹלָֽם׃

‎10 ‏וִֽיחִי־ע֥וֹד לָנֶ֑צַח לֹ֖א יִרְאֶ֣ה הַשָּֽׁחַת׃

‎11 ‏כִּ֤י יִרְאֶ֨ה׀ חֲכָ֘מִ֤ים יָמ֗וּתוּ יַ֤חַד כְּסִ֣יל וָבַ֣עַר יֹאבֵ֑דוּ וְעָזְב֖וּ לַאֲחֵרִ֣ים חֵילָֽם׃

‎12 ‏קִרְבָּ֤ם בָּתֵּ֨ימוֹ׀ לְֽעוֹלָ֗ם מִ֭שְׁכְּנֹתָם לְדֹ֣ר וָדֹ֑ר קָֽרְא֥וּ בִ֝שְׁמוֹתָ֗ם עֲלֵ֣י אֲדָמֽוֹת׃

‎13 ‏וְאָדָ֣ם בִּ֭יקָר בַּל־יָלִ֑ין נִמְשַׁ֖ל כַּבְּהֵמ֣וֹת נִדְמֽוּ׃

‎14 ‏זֶ֣ה דַ֭רְכָּם כֵּ֣סֶל לָ֑מוֹ וְאַחֲרֵיהֶ֓ם׀ בְּפִיהֶ֖ם יִרְצ֣וּ סֶֽלָה׃

‎15 ‏כַּצֹּ֤אן׀ לִֽשְׁא֣וֹל שַׁתּוּ֮ מָ֤וֶת יִ֫רְעֵ֥ם וַיִּרְדּ֘וּ בָ֤ם יְשָׁרִ֨ים׀ לַבֹּ֗קֶר וצירם וְ֭צוּרָם לְבַלּ֥וֹת שְׁא֗וֹל מִזְּבֻ֥ל לֽוֹ׃

‎16 ‏אַךְ־אֱלֹהִ֗ים יִפְדֶּ֣ה נַ֭פְשִׁי מִֽיַּד־שְׁא֑וֹל כִּ֖י יִקָּחֵ֣נִי סֶֽלָה׃

‎17 ‏אַל־תִּ֭ירָא כִּֽי־יַעֲשִׁ֣ר אִ֑ישׁ כִּֽי־יִ֝רְבֶּה כְּב֣וֹד בֵּיתֽוֹ׃

‎18 ‏כִּ֤י לֹ֣א בְ֭מוֹתוֹ יִקַּ֣ח הַכֹּ֑ל לֹא־יֵרֵ֖ד אַחֲרָ֣יו כְּבוֹדֽוֹ׃

‎19 ‏כִּֽי־נַ֭פְשׁוֹ בְּחַיָּ֣יו יְבָרֵ֑ךְ וְ֝יוֹדֻ֗ךָ כִּי־תֵיטִ֥יב לָֽךְ׃

‎20 ‏תָּ֭בוֹא עַד־דּ֣וֹר אֲבוֹתָ֑יו עַד־נֵ֝֗צַח לֹ֣א יִרְאוּ־אֽוֹר׃

‎21 ‏אָדָ֣ם בִּ֭יקָר וְלֹ֣א יָבִ֑ין נִמְשַׁ֖ל כַּבְּהֵמ֣וֹת נִדְמֽוּ׃

1 lamənaṣṣēḥa| liḇənê-qōr^aḥ mizəmwōr:

2 šimə‘û-zō’ṯ kāl-hā‘ammîm ha’ăzînû kāl-yōšəḇê ḥāleḏ:

3 gam-bənê ’āḏām gam-bənê-’îš y^aḥaḏ ‘āšîr wə’eḇəywōn:

4 pî yəḏabēr ḥāḵəmwōṯ wəhāḡûṯ libî ṯəḇûnwōṯ:

5 ’aṭṭeh ləmāšāl ’āzənî ’efət^aḥ bəḵinnwōr ḥîḏāṯî:

6 lāmmâ ’îrā’ bîmê rā‘ ‘ăwōn ‘ăqēḇay yəsûbēnî:

7 habōṭəḥîm ‘al-ḥêlām ûḇərōḇ ‘āšərām yiṯəhallālû:

8 ’āḥ lō’-fāḏōh yifədeh ’îš lō’-yitēn lē’lōhîm kāfərwō:

9 wəyēqar piḏəywōn nafəšām wəḥāḏal lə‘wōlām:

10 wîḥî-‘wōḏ lāneṣ^aḥ lō’ yirə’eh haššāḥaṯ:

11 kî yirə’eh| ḥăḵāmîm yāmûṯû y^aḥaḏ kəsîl wāḇ^a‘ar yō’ḇēḏû wə‘āzəḇû la’ăḥērîm ḥêlām:

12 qirəbām bātêmwō| lə‘wōlām mišəkənōṯām ləḏōr wāḏōr qārə’û ḇišəmwōṯām ‘ălê ’ăḏāmwōṯ:

13 wə’āḏām bîqār bal-yālîn niməšal kabəhēmwōṯ niḏəmû:

14 zeh ḏarəkām kēsel lāmwō wə’^aḥărêhem| bəfîhem yirəṣû selâ:

15 kaṣṣō’n| lišə’wōl šatû māweṯ yirə‘ēm wayyirədû ḇām yəšārîm| labōqer wəṣîrām wəṣûrām ləḇallwōṯ šə’wōl mizzəḇul lwō:

16 ’aḵə-’ĕlōhîm yifədeh nafəšî mîyaḏ-šə’wōl kî yiqqāḥēnî selâ:

17 ’al-tîrā’ kî-y^a‘ăšir ’îš kî-yirəbeh kəḇwōḏ bêṯwō:

18 kî lō’ ḇəmwōṯwō yiqq^aḥ hakōl lō’-yērēḏ ’^aḥărāyw kəḇwōḏwō:

19 kî-nafəšwō bəḥayyāyw yəḇārēḵə wəywōḏuḵā kî-ṯêṭîḇ lāḵə:

20 tāḇwō’ ‘aḏ-dwōr ’ăḇwōṯāyw ‘aḏ-nēṣ^aḥ lō’ yirə’û-’wōr:

21 ’āḏām bîqār wəlō’ yāḇîn niməšal kabəhēmwōṯ niḏəmû:

‎1 ‏מִזְמ֗וֹר לְאָ֫סָ֥ף אֵ֤ל׀ אֱ‍ֽלֹהִ֡ים יְֽהוָ֗ה דִּבֶּ֥ר וַיִּקְרָא־אָ֑רֶץ מִמִּזְרַח־שֶׁ֝֗מֶשׁ עַד־מְבֹאֽוֹ׃

‎2 ‏מִצִּיּ֥וֹן מִכְלַל־יֹ֗פִי אֱלֹהִ֥ים הוֹפִֽיעַ׃

‎3 ‏יָ֤בֹ֥א אֱלֹהֵ֗ינוּ וְֽאַל־יֶ֫חֱרַ֥שׁ אֵשׁ־לְפָנָ֥יו תֹּאכֵ֑ל וּ֝סְבִיבָ֗יו נִשְׂעֲרָ֥ה מְאֹֽד׃

‎4 ‏יִקְרָ֣א אֶל־הַשָּׁמַ֣יִם מֵעָ֑ל וְאֶל־הָ֝אָ֗רֶץ לָדִ֥ין עַמּֽוֹ׃

‎5 ‏אִסְפוּ־לִ֥י חֲסִידָ֑י כֹּרְתֵ֖י בְרִיתִ֣י עֲלֵי־זָֽבַח׃

‎6 ‏וַיַּגִּ֣ידוּ שָׁמַ֣יִם צִדְק֑וֹ כִּֽי־אֱלֹהִ֓ים׀ שֹׁפֵ֖ט ה֣וּא סֶֽלָה׃

‎7 ‏שִׁמְעָ֤ה עַמִּ֨י׀ וַאֲדַבֵּ֗רָה יִ֭שְׂרָאֵל וְאָעִ֣ידָה בָּ֑ךְ אֱלֹהִ֖ים אֱלֹהֶ֣יךָ אָנֹֽכִי׃

‎8 ‏לֹ֣א עַל־זְ֭בָחֶיךָ אוֹכִיחֶ֑ךָ וְעוֹלֹתֶ֖יךָ לְנֶגְדִּ֣י תָמִֽיד׃

‎9 ‏לֹא־אֶקַּ֣ח מִבֵּיתְךָ֣ פָ֑ר מִ֝מִּכְלְאֹתֶ֗יךָ עַתּוּדִֽים׃

‎10 ‏כִּי־לִ֥י כָל־חַיְתוֹ־יָ֑עַר בְּ֝הֵמ֗וֹת בְּהַרְרֵי־אָֽלֶף׃

‎11 ‏יָ֭דַעְתִּי כָּל־ע֣וֹף הָרִ֑ים וְזִ֥יז שָׂ֝דַ֗י עִמָּדִֽי׃

‎12 ‏אִם־אֶ֭רְעַב לֹא־אֹ֣מַר לָ֑ךְ כִּי־לִ֥י תֵ֝בֵ֗ל וּמְלֹאָֽהּ׃

‎13 ‏הַֽ֭אוֹכַל בְּשַׂ֣ר אַבִּירִ֑ים וְדַ֖ם עַתּוּדִ֣ים אֶשְׁתֶּֽה׃

‎14 ‏זְבַ֣ח לֵאלֹהִ֣ים תּוֹדָ֑ה וְשַׁלֵּ֖ם לְעֶלְי֣וֹן נְדָרֶֽיךָ׃

‎15 ‏וּ֭קְרָאֵנִי בְּי֣וֹם צָרָ֑ה אֲ֝חַלֶּצְךָ֗ וּֽתְכַבְּדֵֽנִי׃

‎16 ‏וְלָ֤רָשָׁ֨ע׀ אָ֘מַ֤ר אֱלֹהִ֗ים מַה־לְּ֭ךָ לְסַפֵּ֣ר חֻקָּ֑י וַתִּשָּׂ֖א בְרִיתִ֣י עֲלֵי־פִֽיךָ׃

‎17 ‏וְ֭אַתָּה שָׂנֵ֣אתָ מוּסָ֑ר וַתַּשְׁלֵ֖ךְ דְּבָרַ֣י אַחֲרֶֽיךָ׃

‎18 ‏אִם־רָאִ֣יתָ גַ֭נָּב וַתִּ֣רֶץ עִמּ֑וֹ וְעִ֖ם מְנָאֲפִ֣ים חֶלְקֶֽךָ׃

‎19 ‏פִּ֭יךָ שָׁלַ֣חְתָּ בְרָעָ֑ה וּ֝לְשׁוֹנְךָ֗ תַּצְמִ֥יד מִרְמָֽה׃

‎20 ‏תֵּ֭שֵׁב בְּאָחִ֣יךָ תְדַבֵּ֑ר בְּבֶֽן־אִ֝מְּךָ֗ תִּתֶּן־דֹּֽפִי׃

‎21 ‏אֵ֤לֶּה עָשִׂ֨יתָ׀ וְֽהֶחֱרַ֗שְׁתִּי דִּמִּ֗יתָ הֱֽיוֹת־אֶֽהְיֶ֥ה כָמ֑וֹךָ אוֹכִיחֲךָ֖ וְאֶֽעֶרְכָ֣ה לְעֵינֶֽיךָ׃

‎22 ‏בִּֽינוּ־נָ֣א זֹ֭את שֹׁכְחֵ֣י אֱל֑וֹהַּ פֶּן־אֶ֝טְרֹ֗ף וְאֵ֣ין מַצִּֽיל׃

‎23 ‏זֹבֵ֥חַ תּוֹדָ֗ה יְֽכַ֫בְּדָ֥נְנִי וְשָׂ֥ם דֶּ֑רֶךְ אַ֝רְאֶ֗נּוּ בְּיֵ֣שַׁע אֱלֹהִֽים׃

1 mizəmwōr lə’āsāf ’ēl| ’ĕ‍lōhîm yəhwâ diber wayyiqərā’-’āreṣ mimmizər^aḥ-šemeš ‘aḏ-məḇō’wō:

2 miṣṣîywōn miḵəlal-yōfî ’ĕlōhîm hwōfî‘a:

3 yāḇō’ ’ĕlōhênû wə’al-yeḥĕraš ’ēš-ləfānāyw tō’ḵēl ûsəḇîḇāyw niśə‘ărâ mə’ōḏ:

4 yiqərā’ ’el-haššāmayim mē‘āl wə’el-hā’āreṣ lāḏîn ‘ammwō:

5 ’isəfû-lî ḥăsîḏāy kōrəṯê ḇərîṯî ‘ălê-zāḇ^aḥ:

6 wayyagîḏû šāmayim ṣiḏəqwō kî-’ĕlōhîm| šōfēṭ hû’ selâ:

7 šimə‘â ‘ammî| wa’ăḏabērâ yiśərā’ēl wə’ā‘îḏâ bāḵə ’ĕlōhîm ’ĕlōheyḵā ’ānōḵî:

8 lō’ ‘al-zəḇāḥeyḵā ’wōḵîḥeḵā wə‘wōlōṯeyḵā ləneḡədî ṯāmîḏ:

9 lō’-’eqq^aḥ mibêṯəḵā fār mimmiḵələ’ōṯeyḵā ‘atûḏîm:

10 kî-lî ḵāl-ḥayəṯwō-yā‘ar bəhēmwōṯ bəharərê-’ālef:

11 yāḏ^a‘ətî kāl-‘wōf hārîm wəzîz śāḏay ‘immāḏî:

12 ’im-’erə‘aḇ lō’-’ōmar lāḵə kî-lî ṯēḇēl ûməlō’āh:

13 ha’wōḵal bəśar ’abîrîm wəḏam ‘atûḏîm ’ešəteh:

14 zəḇ^aḥ lē’lōhîm twōḏâ wəšallēm lə‘eləywōn nəḏāreyḵā:

15 ûqərā’ēnî bəywōm ṣārâ ’ăḥalleṣəḵā ûṯəḵabəḏēnî:

16 wəlārāšā‘| ’āmar ’ĕlōhîm mah-lləḵā ləsapēr ḥuqqāy watiśśā’ ḇərîṯî ‘ălê-fîḵā:

17 wə’atâ śānē’ṯā mûsār watašəlēḵə dəḇāray ’^aḥăreyḵā:

18 ’im-rā’îṯā ḡannāḇ watireṣ ‘immwō wə‘im mənā’ăfîm ḥeləqeḵā:

19 pîḵā šāl^aḥətā ḇərā‘â ûləšwōnəḵā taṣəmîḏ mirəmâ:

20 tēšēḇ bə’āḥîḵā ṯəḏabēr bəḇen-’imməḵā titen-dōfî:

21 ’ēlleh ‘āśîṯā| wəheḥĕrašətî dimmîṯā hĕywōṯ-’ehəyeh ḵāmwōḵā ’wōḵîḥăḵā wə’e‘erəḵâ lə‘êneyḵā:

22 bînû-nā’ zō’ṯ šōḵəḥê ’ĕlwōhha pen-’eṭərōf wə’ên maṣṣîl:

23 zōḇēḥa twōḏâ yəḵabəḏānənî wəśām dereḵə ’arə’ennû bəyēš^a‘ ’ĕlōhîm:

‎1 ‏לַמְנַצֵּ֗חַ מִזְמ֥וֹר לְדָוִֽד׃

‎2 ‏בְּֽבוֹא־אֵ֭לָיו נָתָ֣ן הַנָּבִ֑יא כַּֽאֲשֶׁר־בָּ֝֗א אֶל־בַּת־שָֽׁבַע׃

‎3 ‏חָנֵּ֣נִי אֱלֹהִ֣ים כְּחַסְדֶּ֑ךָ כְּרֹ֥ב רַ֝חֲמֶ֗יךָ מְחֵ֣ה פְשָׁעָֽי׃

‎4 ‏הרבה הֶ֭רֶב כַּבְּסֵ֣נִי מֵעֲוֹנִ֑י וּֽמֵחַטָּאתִ֥י טַהֲרֵֽנִי׃

‎5 ‏כִּֽי־פְ֭שָׁעַי אֲנִ֣י אֵדָ֑ע וְחַטָּאתִ֖י נֶגְדִּ֣י תָמִֽיד׃

‎6 ‏לְךָ֤ לְבַדְּךָ֨׀³ חָטָאתִי֮ וְהָרַ֥ע בְּעֵינֶ֗יךָ עָ֫שִׂ֥יתִי לְ֭מַעַן תִּצְדַּ֥ק בְּדָבְרֶ֗ךָ תִּזְכֶּ֥ה בְשָׁפְטֶֽךָ׃

‎7 ‏הֵן־בְּעָו֥וֹן חוֹלָ֑לְתִּי וּ֝בְחֵ֗טְא יֶֽחֱמַ֥תְנִי אִמִּֽי׃

‎8 ‏הֵן־אֱ֭מֶת חָפַ֣צְתָּ בַטֻּח֑וֹת וּ֝בְסָתֻ֗ם חָכְמָ֥ה תוֹדִיעֵֽנִי׃

‎9 ‏תְּחַטְּאֵ֣נִי בְאֵז֣וֹב וְאֶטְהָ֑ר תְּ֝כַבְּסֵ֗נִי וּמִשֶּׁ֥לֶג אַלְבִּֽין׃

‎10 ‏תַּ֭שְׁמִיעֵנִי שָׂשׂ֣וֹן וְשִׂמְחָ֑ה תָּ֝גֵ֗לְנָה עֲצָמ֥וֹת דִּכִּֽיתָ׃

‎11 ‏הַסְתֵּ֣ר פָּ֭נֶיךָ מֵחֲטָאָ֑י וְֽכָל־עֲוֹ֖נֹתַ֣י מְחֵֽה׃

‎12 ‏לֵ֣ב טָ֭הוֹר בְּרָא־לִ֣י אֱלֹהִ֑ים וְר֥וּחַ נָ֝כ֗וֹן חַדֵּ֥שׁ בְּקִרְבִּֽי׃

‎13 ‏אַל־תַּשְׁלִיכֵ֥נִי מִלְּפָנֶ֑יךָ וְר֥וּחַ קָ֝דְשְׁךָ֗ אַל־תִּקַּ֥ח מִמֶּֽנִּי׃

‎14 ‏הָשִׁ֣יבָה לִּ֭י שְׂשׂ֣וֹן יִשְׁעֶ֑ךָ וְר֖וּחַ נְדִיבָ֣ה תִסְמְכֵֽנִי׃

‎15 ‏אֲלַמְּדָ֣ה פֹשְׁעִ֣ים דְּרָכֶ֑יךָ וְ֝חַטָּאִ֗ים אֵלֶ֥יךָ יָשֽׁוּבוּ׃

‎16 ‏הַצִּ֘ילֵ֤נִי מִדָּמִ֨ים׀ אֱ‍ֽלֹהִ֗ים אֱלֹהֵ֥י תְּשׁוּעָתִ֑י תְּרַנֵּ֥ן לְשׁוֹנִ֗י צִדְקָתֶֽךָ׃

‎17 ‏אֲ֭דֹנָי שְׂפָתַ֣י תִּפְתָּ֑ח וּ֝פִ֗י יַגִּ֥יד תְּהִלָּתֶֽךָ׃

‎18 ‏כִּ֤י׀ לֹא־תַחְפֹּ֣ץ זֶ֣בַח וְאֶתֵּ֑נָה ע֝וֹלָ֗ה לֹ֣א תִרְצֶֽה׃

‎19 ‏זִֽבְחֵ֣י אֱלֹהִים֮ ר֪וּחַ נִשְׁבָּ֫רָ֥ה לֵב־נִשְׁבָּ֥ר וְנִדְכֶּ֑ה אֱ֝לֹהִ֗ים לֹ֣א תִבְזֶֽה׃

‎20 ‏הֵיטִ֣יבָה בִ֭רְצוֹנְךָ אֶת־צִיּ֑וֹן תִּ֝בְנֶ֗ה חוֹמ֥וֹת יְרוּשָׁלִָֽם׃

‎21 ‏אָ֤ז תַּחְפֹּ֣ץ זִבְחֵי־צֶ֭דֶק עוֹלָ֣ה וְכָלִ֑יל אָ֤ז יַעֲל֖וּ עַל־מִזְבַּחֲךָ֣ פָרִֽים׃

1 lamənaṣṣēḥa mizəmwōr ləḏāwiḏ:

2 bəḇwō’-’ēlāyw nāṯān hannāḇî’ ka’ăšer-bā’ ’el-baṯ-šāḇ^a‘:

3 ḥānnēnî ’ĕlōhîm kəḥasədeḵā kərōḇ r^aḥămeyḵā məḥēh fəšā‘āy:

4 harəbēh hereḇ kabəsēnî mē‘ăwōnî ûmēḥaṭṭā’ṯî ṭahărēnî:

5 kî-fəšā‘ay ’ănî ’ēḏā‘ wəḥaṭṭā’ṯî neḡədî ṯāmîḏ:

6 ləḵā ləḇadəḵā|³ ḥāṭā’ṯî wəhār^a‘ bə‘êneyḵā ‘āśîṯî ləm^a‘an tiṣədaq bəḏāḇəreḵā tizəkeh ḇəšāfəṭeḵā:

7 hēn-bə‘āwwōn ḥwōlālətî ûḇəḥēṭə’ yeḥĕmaṯənî ’immî:

8 hēn-’ĕmeṯ ḥāfaṣətā ḇaṭṭuḥwōṯ ûḇəsāṯum ḥāḵəmâ ṯwōḏî‘ēnî:

9 təḥaṭṭə’ēnî ḇə’ēzwōḇ wə’eṭəhār təḵabəsēnî ûmiššeleḡ ’aləbîn:

10 tašəmî‘ēnî śāśwōn wəśiməḥâ tāḡēlənâ ‘ăṣāmwōṯ dikîṯā:

11 hasətēr pāneyḵā mēḥăṭā’āy wəḵāl-‘ăwōnōṯay məḥēh:

12 lēḇ ṭâwōr bərā’-lî ’ĕlōhîm wərûḥa nāḵwōn ḥadēš bəqirəbî:

13 ’al-tašəlîḵēnî milləfāneyḵā wərûḥa qāḏəšəḵā ’al-tiqq^aḥ mimmennî:

14 hāšîḇâ llî śəśwōn yišə‘eḵā wərûḥa nəḏîḇâ ṯisəməḵēnî:

15 ’ălamməḏâ fōšə‘îm dərāḵeyḵā wəḥaṭṭā’îm ’ēleyḵā yāšûḇû:

16 haṣṣîlēnî midāmîm| ’ĕ‍lōhîm ’ĕlōhê təšû‘āṯî tərannēn ləšwōnî ṣiḏəqāṯeḵā:

17 ’ăḏōnāy śəfāṯay tifətāḥ ûfî yagîḏ təhillāṯeḵā:

18 kî| lō’-ṯ^aḥəpōṣ zeḇ^aḥ wə’etēnâ ‘wōlâ lō’ ṯirəṣeh:

19 ziḇəḥê ’ĕlōhîm rûḥa nišəbārâ lēḇ-nišəbār wəniḏəkeh ’ĕlōhîm lō’ ṯiḇəzeh:

20 hêṭîḇâ ḇirəṣwōnəḵā ’eṯ-ṣîywōn tiḇəneh ḥwōmwōṯ yərûšālāim:

21 ’āz t^aḥəpōṣ ziḇəḥê-ṣeḏeq ‘wōlâ wəḵālîl ’āz y^a‘ălû ‘al-mizəb^aḥăḵā fārîm:

‎1 ‏לַמְנַצֵּ֗חַ מַשְׂכִּ֥יל לְדָוִֽד׃

‎2 ‏בְּב֤וֹא׀ דּוֹאֵ֣ג הָאֲדֹמִי֮ וַיַּגֵּ֪ד לְשָׁ֫א֥וּל וַיֹּ֥אמֶר ל֑וֹ בָּ֥א דָ֝וִ֗ד אֶל־בֵּ֥ית אֲחִימֶֽלֶךְ׃

‎3 ‏מַה־תִּתְהַלֵּ֣ל בְּ֭רָעָה הַגִּבּ֑וֹר חֶ֥סֶד אֵ֝֗ל כָּל־הַיּֽוֹם׃

‎4 ‏הַ֭וּוֹת תַּחְשֹׁ֣ב לְשׁוֹנֶ֑ךָ כְּתַ֥עַר מְ֝לֻטָּ֗שׁ עֹשֵׂ֥ה רְמִיָּֽה׃

‎5 ‏אָהַ֣בְתָּ רָּ֣ע מִטּ֑וֹב שֶׁ֓קֶר׀ מִדַּבֵּ֖ר צֶ֣דֶק סֶֽלָה׃

‎6 ‏אָהַ֥בְתָּ כָֽל־דִּבְרֵי־בָ֗לַע לְשׁ֣וֹן מִרְמָֽה׃

‎7 ‏גַּם־אֵל֮ יִתָּצְךָ֪ לָ֫נֶ֥צַח יַחְתְּךָ֣ וְיִסָּחֲךָ֣ מֵאֹ֑הֶל וְשֵֽׁרֶשְׁךָ֙ מֵאֶ֖רֶץ חַיִּ֣ים סֶֽלָה׃

‎8 ‏וְיִרְא֖וּ צַדִּיקִ֥ים וְיִירָ֗אוּ וְעָלָ֥יו יִשְׂחָֽקוּ׃

‎9 ‏הִנֵּ֤ה הַגֶּ֗בֶר לֹ֤א יָשִׂ֥ים אֱלֹהִ֗ים מָֽע֫וּזּ֥וֹ וַ֭יִּבְטַח בְּרֹ֣ב עָשְׁר֑וֹ יָ֝עֹ֗ז בְּהַוָּתֽוֹ׃

‎10 ‏וַאֲנִ֤י׀ כְּזַ֣יִת רַ֭עֲנָן בְּבֵ֣ית אֱלֹהִ֑ים בָּטַ֥חְתִּי בְחֶֽסֶד־אֱ֝לֹהִ֗ים עוֹלָ֥ם וָעֶֽד׃

‎11 ‏אוֹדְךָ֣ לְ֭עוֹלָם כִּ֣י עָשִׂ֑יתָ וַאֲקַוֶּ֖ה שִׁמְךָ֥ כִֽי־ט֝֗וֹב נֶ֣גֶד חֲסִידֶֽיךָ׃

1 lamənaṣṣēḥa maśəkîl ləḏāwiḏ:

2 bəḇwō’| dwō’ēḡ hā’ăḏōmî wayyagēḏ ləšā’ûl wayyō’mer lwō bā’ ḏāwiḏ ’el-bêṯ ’ăḥîmeleḵə:

3 mah-tiṯəhallēl bərā‘â hagibwōr ḥeseḏ ’ēl kāl-hayywōm:

4 haûwōṯ t^aḥəšōḇ ləšwōneḵā kəṯ^a‘ar məluṭṭāš ‘ōśēh rəmîyâ:

5 ’âaḇətā rrā‘ miṭṭwōḇ šeqer| midabēr ṣeḏeq selâ:

6 ’âaḇətā ḵāl-diḇərê-ḇāl^a‘ ləšwōn mirəmâ:

7 gam-’ēl yitāṣəḵā lāneṣ^aḥ y^aḥətəḵā wəyissāḥăḵā mē’ōhel wəšērešəḵā mē’ereṣ ḥayyîm selâ:

8 wəyirə’û ṣadîqîm wəyîrā’û wə‘ālāyw yiśəḥāqû:

9 hinnēh hageḇer lō’ yāśîm ’ĕlōhîm mā‘ûzzwō wayyiḇəṭ^aḥ bərōḇ ‘āšərwō yā‘ōz bəhaûāṯwō:

10 wa’ănî| kəzayiṯ r^a‘ănān bəḇêṯ ’ĕlōhîm bāṭ^aḥətî ḇəḥeseḏ-’ĕlōhîm ‘wōlām wā‘eḏ:

11 ’wōḏəḵā lə‘wōlām kî ‘āśîṯā wa’ăqaûeh šiməḵā ḵî-ṭwōḇ neḡeḏ ḥăsîḏeyḵā:

‎1 ‏לַמְנַצֵּ֥חַ עַֽל־מָחֲלַ֗ת מַשְׂכִּ֥יל לְדָוִֽד׃

‎2 ‏אָ֘מַ֤ר נָבָ֣ל בְּ֭לִבּוֹ אֵ֣ין אֱלֹהִ֑ים הִֽ֝שְׁחִ֗יתוּ וְהִֽתְעִ֥יבוּ עָ֝֗וֶל אֵ֣ין עֹֽשֵׂה־טֽוֹב׃

‎3 ‏אֱ‍ֽלֹהִ֗ים מִשָּׁמַיִם֮ הִשְׁקִ֪יף עַֽל־בְּנֵ֫י אָדָ֥ם לִ֭רְאוֹת הֲיֵ֣שׁ מַשְׂכִּ֑יל דֹּ֝רֵ֗שׁ אֶת־אֱלֹהִֽים׃

‎4 ‏כֻּלּ֥וֹ סָג֮ יַחְדָּ֪ו נֶ֫אֱלָ֥חוּ אֵ֤ין עֹֽשֵׂה־ט֑וֹב אֵ֝֗ין גַּם־אֶחָֽד׃

‎5 ‏הֲלֹ֥א יָדְעוּ֮ פֹּ֤עֲלֵ֫י אָ֥וֶן אֹכְלֵ֣י עַ֭מִּי אָ֣כְלוּ לֶ֑חֶם אֱ֝לֹהִ֗ים לֹ֣א קָרָֽאוּ׃

‎6 ‏שָׁ֤ם׀ פָּֽחֲדוּ־פַחַד֮ לֹא־הָ֪יָה֫ פָ֥חַד כִּֽי־אֱלֹהִ֗ים פִּ֭זַּר עַצְמ֣וֹת חֹנָ֑ךְ הֱ֝בִשֹׁ֗תָה כִּֽי־אֱלֹהִ֥ים מְאָסָֽם׃

‎7 ‏מִ֥י יִתֵּ֣ן מִצִּיּוֹן֮ יְשֻׁע֪וֹת יִשְׂרָ֫אֵ֥ל בְּשׁ֣וּב אֱ֭לֹהִים שְׁב֣וּת עַמּ֑וֹ יָגֵ֥ל יַ֝עֲקֹ֗ב יִשְׂמַ֥ח יִשְׂרָאֵֽל׃

1 lamənaṣṣēḥa ‘al-māḥălaṯ maśəkîl ləḏāwiḏ:

2 ’āmar nāḇāl bəlibwō ’ên ’ĕlōhîm hišəḥîṯû wəhiṯə‘îḇû ‘āwel ’ên ‘ōśēh-ṭwōḇ:

3 ’ĕ‍lōhîm miššāmayim hišəqîf ‘al-bənê ’āḏām lirə’wōṯ hăyēš maśəkîl dōrēš ’eṯ-’ĕlōhîm:

4 kullwō sāḡ y^aḥədāw ne’ĕlāḥû ’ên ‘ōśēh-ṭwōḇ ’ên gam-’eḥāḏ:

5 hălō’ yāḏə‘û pō‘ălê ’āwen ’ōḵəlê ‘ammî ’āḵəlû leḥem ’ĕlōhîm lō’ qārā’û:

6 šām| pāḥăḏû-f^aḥaḏ lō’-hāyâ fāḥaḏ kî-’ĕlōhîm pizzar ‘aṣəmwōṯ ḥōnāḵə hĕḇišōṯâ kî-’ĕlōhîm mə’āsām:

7 mî yitēn miṣṣîywōn yəšu‘wōṯ yiśərā’ēl bəšûḇ ’ĕlōhîm šəḇûṯ ‘ammwō yāḡēl y^a‘ăqōḇ yiśəm^aḥ yiśərā’ēl:

‎1 ‏לַמְנַצֵּ֥חַ בִּנְגִינֹ֗ת מַשְׂכִּ֥יל לְדָוִֽד׃

‎2 ‏בְּב֣וֹא³ הַ֭זִּיפִים וַיֹּאמְר֣וּ לְשָׁא֑וּל הֲלֹ֥א דָ֝וִ֗ד מִסְתַּתֵּ֥ר עִמָּֽנוּ׃

‎3 ‏אֱ֭לֹהִים בְּשִׁמְךָ֣ הוֹשִׁיעֵ֑נִי וּבִגְבוּרָתְךָ֥ תְדִינֵֽנִי׃

‎4 ‏אֱ֭לֹהִים שְׁמַ֣ע תְּפִלָּתִ֑י הַ֝אֲזִ֗ינָה לְאִמְרֵי־פִֽי׃

‎5 ‏כִּ֤י זָרִ֨ים׀ קָ֤מוּ עָלַ֗י וְֽ֭עָרִיצִים בִּקְשׁ֣וּ נַפְשִׁ֑י לֹ֤א שָׂ֨מוּ אֱלֹהִ֖ים לְנֶגְדָּ֣ם סֶֽלָה׃

‎6 ‏הִנֵּ֣ה אֱ֭לֹהִים עֹזֵ֣ר לִ֑י אֲ֝דֹנָ֗י בְּֽסֹמְכֵ֥י נַפְשִֽׁי׃

‎7 ‏ישוב יָשִׁ֣יב הָ֭רַע לְשֹׁרְרָ֑י בַּ֝אֲמִתְּךָ֗ הַצְמִיתֵֽם׃

‎8 ‏בִּנְדָבָ֥ה אֶזְבְּחָה־לָּ֑ךְ א֤וֹדֶה שִּׁמְךָ֖ יְהוָ֣ה כִּי־טֽוֹב׃

‎9 ‏כִּ֣י מִכָּל־צָ֭רָה הִצִּילָ֑נִי וּ֝בְאֹיְבַ֗י רָאֲתָ֥ה עֵינִֽי׃

1 lamənaṣṣēḥa binəḡînōṯ maśəkîl ləḏāwiḏ:

2 bəḇwō’³ hazzîfîm wayyō’mərû ləšā’ûl hălō’ ḏāwiḏ misətatēr ‘immānû:

3 ’ĕlōhîm bəšiməḵā hwōšî‘ēnî ûḇiḡəḇûrāṯəḵā ṯəḏînēnî:

4 ’ĕlōhîm šəm^a‘ təfillāṯî ha’ăzînâ lə’imərê-fî:

5 kî zārîm| qāmû ‘ālay wə‘ārîṣîm biqəšû nafəšî lō’ śāmû ’ĕlōhîm ləneḡədām selâ:

6 hinnēh ’ĕlōhîm ‘ōzēr lî ’ăḏōnāy bəsōməḵê nafəšî:

7 yāšwōḇ yāšîḇ hār^a‘ ləšōrərāy ba’ămitəḵā haṣəmîṯēm:

8 binəḏāḇâ ’ezəbəḥâ-llāḵə ’wōḏeh ššiməḵā yəhwâ kî-ṭwōḇ:

9 kî mikāl-ṣārâ hiṣṣîlānî ûḇə’ōyəḇay rā’ăṯâ ‘ênî:

‎1 ‏לַמְנַצֵּ֥חַ בִּנְגִינֹ֗ת מַשְׂכִּ֥יל לְדָוִֽד׃

‎2 ‏הַאֲזִ֣ינָה אֱ֭לֹהִים תְּפִלָּתִ֑י וְאַל־תִּ֝תְעַלַּ֗ם מִתְּחִנָּתִֽי׃

‎3 ‏הַקְשִׁ֣יבָה לִּ֣י וַעֲנֵ֑נִי אָרִ֖יד בְּשִׂיחִ֣י וְאָהִֽימָה׃

‎4 ‏מִקּ֤וֹל אוֹיֵ֗ב מִפְּנֵ֣י עָקַ֣ת רָשָׁ֑ע כִּי־יָמִ֥יטוּ עָלַ֥י אָ֝֗וֶן וּבְאַ֥ף יִשְׂטְמֽוּנִי׃

‎5 ‏לִ֭בִּי יָחִ֣יל בְּקִרְבִּ֑י וְאֵימ֥וֹת מָ֝֗וֶת נָפְל֥וּ עָלָֽי׃

‎6 ‏יִרְאָ֣ה וָ֭רַעַד יָ֣בֹא בִ֑י וַ֝תְּכַסֵּ֗נִי פַּלָּצֽוּת׃

‎7 ‏וָאֹמַ֗ר מִֽי־יִתֶּן־לִּ֣י אֵ֭בֶר כַּיּוֹנָ֗ה אָע֥וּפָה וְאֶשְׁכֹּֽנָה׃

‎8 ‏הִ֭נֵּה אַרְחִ֣יק נְדֹ֑ד אָלִ֖ין בַּמִּדְבָּ֣ר סֶֽלָה׃

‎9 ‏אָחִ֣ישָׁה מִפְלָ֣ט לִ֑י מֵר֖וּחַ סֹעָ֣ה מִסָּֽעַר׃

‎10 ‏בַּלַּ֣ע אֲ֭דֹנָי פַּלַּ֣ג לְשׁוֹנָ֑ם כִּֽי־רָאִ֨יתִי חָמָ֖ס וְרִ֣יב בָּעִֽיר׃

‎11 ‏יוֹמָ֤ם וָלַ֗יְלָה יְסוֹבְבֻ֥הָ עַל־חוֹמֹתֶ֑יהָ וְאָ֖וֶן וְעָמָ֣ל בְּקִרְבָּֽהּ׃

‎12 ‏הַוּ֥וֹת בְּקִרְבָּ֑הּ וְֽלֹא־יָמִ֥ישׁ מֵ֝רְחֹבָ֗הּ תֹּ֣ךְ וּמִרְמָֽה׃

‎13 ‏כִּ֤י לֹֽא־אוֹיֵ֥ב יְחָֽרְפֵ֗נִי וְאֶ֫שָּׂ֥א לֹֽא־מְ֭שַׂנְאִי עָלַ֣י הִגְדִּ֑יל וְאֶסָּתֵ֥ר מִמֶּֽנּוּ׃

‎14 ‏וְאַתָּ֣ה אֱנ֣וֹשׁ כְּעֶרְכִּ֑י אַ֝לּוּפִ֗י וּמְיֻדָּֽעִי׃

‎15 ‏אֲשֶׁ֣ר יַ֭חְדָּו נַמְתִּ֣יק ס֑וֹד בְּבֵ֥ית אֱ֝לֹהִ֗ים נְהַלֵּ֥ךְ בְּרָֽגֶשׁ׃

‎16 ‏ישימות יַשִּׁ֤י מָ֨וֶת׀ עָלֵ֗ימוֹ יֵרְד֣וּ שְׁא֣וֹל חַיִּ֑ים כִּֽי־רָע֖וֹת בִּמְגוּרָ֣ם בְּקִרְבָּֽם׃

‎17 ‏אֲ֭נִי אֶל־אֱלֹהִ֣ים אֶקְרָ֑א וַ֝יהוָ֗ה יוֹשִׁיעֵֽנִי׃

‎18 ‏עֶ֤רֶב וָבֹ֣קֶר וְ֭צָהֳרַיִם אָשִׂ֣יחָה וְאֶהֱמֶ֑ה וַיִּשְׁמַ֥ע קוֹלִֽי׃

‎19 ‏פָּ֘דָ֤ה בְשָׁל֣וֹם נַ֭פְשִׁי מִקֲּרָב־לִ֑י כִּֽי־בְ֝רַבִּ֗ים הָי֥וּ עִמָּדִֽי׃

‎20 ‏יִשְׁמַ֤ע׀ אֵ֨ל׀ וְֽיַעֲנֵם֮ וְיֹ֤שֵׁ֥ב קֶ֗דֶם סֶ֥לָה אֲשֶׁ֤ר אֵ֣ין חֲלִיפ֣וֹת לָ֑מוֹ וְלֹ֖א יָרְא֣וּ אֱלֹהִֽים׃

‎21 ‏שָׁלַ֣ח יָ֭דָיו בִּשְׁלֹמָ֗יו חִלֵּ֥ל בְּרִיתֽוֹ׃

‎22 ‏חָלְק֤וּ׀ מַחְמָאֹ֣ת פִּיו֮ וּֽקֲרָב־לִ֫בּ֥וֹ רַכּ֖וּ דְבָרָ֥יו מִשֶּׁ֗מֶן וְהֵ֣מָּה פְתִחֽוֹת׃

‎23 ‏הַשְׁלֵ֤ךְ עַל־יְהוָ֨ה׀ יְהָבְךָ֮ וְה֪וּא יְכַ֫לְכְּלֶ֥ךָ לֹא־יִתֵּ֖ן לְעוֹלָ֥ם מ֗וֹט לַצַּדִּֽיק׃

‎24 ‏וְאַתָּ֤ה אֱלֹהִ֨ים׀ תּוֹרִדֵ֬ם׀ לִבְאֵ֬ר שַׁ֗חַת אַנְשֵׁ֤י דָמִ֣ים וּ֭מִרְמָה לֹא־יֶחֱצ֣וּ יְמֵיהֶ֑ם וַ֝אֲנִ֗י אֶבְטַח־בָּֽךְ׃

1 lamənaṣṣēḥa binəḡînōṯ maśəkîl ləḏāwiḏ:

2 ha’ăzînâ ’ĕlōhîm təfillāṯî wə’al-tiṯə‘allam mitəḥinnāṯî:

3 haqəšîḇâ llî w^a‘ănēnî ’ārîḏ bəśîḥî wə’âîmâ:

4 miqqwōl ’wōyēḇ mipənê ‘āqaṯ rāšā‘ kî-yāmîṭû ‘ālay ’āwen ûḇə’af yiśəṭəmûnî:

5 libî yāḥîl bəqirəbî wə’êmwōṯ māweṯ nāfəlû ‘ālāy:

6 yirə’â wār^a‘aḏ yāḇō’ ḇî watəḵassēnî pallāṣûṯ:

7 wā’ōmar mî-yiten-llî ’ēḇer kayywōnâ ’ā‘ûfâ wə’ešəkōnâ:

8 hinnēh ’arəḥîq nəḏōḏ ’ālîn bammiḏəbār selâ:

9 ’āḥîšâ mifəlāṭ lî mērûḥa sō‘â missā‘ar:

10 ball^a‘ ’ăḏōnāy pallaḡ ləšwōnām kî-rā’îṯî ḥāmās wərîḇ bā‘îr:

11 ywōmām wālayəlâ yəswōḇəḇuhā ‘al-ḥwōmōṯeyhā wə’āwen wə‘āmāl bəqirəbāh:

12 haûwōṯ bəqirəbāh wəlō’-yāmîš mērəḥōḇāh tōḵə ûmirəmâ:

13 kî lō’-’wōyēḇ yəḥārəfēnî wə’eśśā’ lō’-məśanə’î ‘ālay hiḡədîl wə’essāṯēr mimmennû:

14 wə’atâ ’ĕnwōš kə‘erəkî ’allûfî ûməyudā‘î:

15 ’ăšer y^aḥədāw namətîq swōḏ bəḇêṯ ’ĕlōhîm nəhallēḵə bərāḡeš:

16 yaššîmāweṯ yaššî māweṯ| ‘ālêmwō yērəḏû šə’wōl ḥayyîm kî-rā‘wōṯ biməḡûrām bəqirəbām:

17 ’ănî ’el-’ĕlōhîm ’eqərā’ wayhwâ ywōšî‘ēnî:

18 ‘ereḇ wāḇōqer wəṣâŏrayim ’āśîḥâ wə’ehĕmeh wayyišəm^a‘ qwōlî:

19 pāḏâ ḇəšālwōm nafəšî miqqărāḇ-lî kî-ḇərabîm hāyû ‘immāḏî:

20 yišəm^a‘| ’ēl| wəy^a‘ănēm wəyōšēḇ qeḏem selâ ’ăšer ’ên ḥălîfwōṯ lāmwō wəlō’ yārə’û ’ĕlōhîm:

21 šāl^aḥ yāḏāyw bišəlōmāyw ḥillēl bərîṯwō:

22 ḥāləqû| m^aḥəmā’ōṯ pîw ûqărāḇ-libwō rakû ḏəḇārāyw miššemen wəhēmmâ fəṯiḥwōṯ:

23 hašəlēḵə ‘al-yəhwâ| yəhāḇəḵā wəhû’ yəḵaləkəleḵā lō’-yitēn lə‘wōlām mwōṭ laṣṣadîq:

24 wə’atâ ’ĕlōhîm| twōriḏēm| liḇə’ēr š^aḥaṯ ’anəšê ḏāmîm ûmirəmâ lō’-yeḥĕṣû yəmêhem wa’ănî ’eḇəṭ^aḥ-bāḵə:

‎1 ‏לַמְנַצֵּ֤חַ׀ עַל־י֬וֹנַת אֵ֣לֶם רְ֭חֹקִים לְדָוִ֣ד מִכְתָּ֑ם בֶּֽאֱחֹ֨ז אֹת֖וֹ פְלִשְׁתִּ֣ים בְּגַֽת׃

‎2 ‏חָנֵּ֣נִי אֱ֭לֹהִים כִּֽי־שְׁאָפַ֣נִי אֱנ֑וֹשׁ כָּל־הַ֝יּ֗וֹם לֹחֵ֥ם יִלְחָצֵֽנִי׃

‎3 ‏שָׁאֲפ֣וּ שׁ֭וֹרְרַי כָּל־הַיּ֑וֹם כִּֽי־רַבִּ֨ים לֹחֲמִ֖ים לִ֣י מָרֽוֹם׃

‎4 ‏י֥וֹם אִירָ֑א אֲ֝נִ֗י אֵלֶ֥יךָ אֶבְטָֽח׃

‎5 ‏בֵּאלֹהִים֮ אֲהַלֵּ֪ל דְּבָ֫ר֥וֹ בֵּאלֹהִ֣ים בָּ֭טַחְתִּי לֹ֣א אִירָ֑א מַה־יַּעֲשֶׂ֖ה בָשָׂ֣ר לִֽי׃

‎6 ‏כָּל־הַ֭יּוֹם דְּבָרַ֣י יְעַצֵּ֑בוּ עָלַ֖י כָּל־מַחְשְׁבֹתָ֣ם לָרָֽע׃

‎7 ‏יָג֤וּרוּ׀ יצפינו יִצְפּ֗וֹנוּ הֵ֭מָּה עֲקֵבַ֣י יִשְׁמֹ֑רוּ כַּ֝אֲשֶׁ֗ר קִוּ֥וּ נַפְשִֽׁי׃

‎8 ‏עַל־אָ֥וֶן פַּלֶּט־לָ֑מוֹ בְּ֝אַ֗ף עַמִּ֤ים׀ הוֹרֵ֬ד אֱלֹהִֽים׃

‎9 ‏נֹדִי֮ סָפַ֪רְתָּ֫ה אָ֥תָּה שִׂ֣ימָה דִמְעָתִ֣י בְנֹאדֶ֑ךָ הֲ֝לֹ֗א בְּסִפְרָתֶֽךָ׃

‎10 ‏אָ֥֨ז³ יָ֘שׁ֤וּבוּ אוֹיְבַ֣י אָ֭חוֹר בְּי֣וֹם אֶקְרָ֑א זֶה־יָ֝דַ֗עְתִּי כִּֽי־אֱלֹהִ֥ים לִֽי׃

‎11 ‏בֵּֽ֭אלֹהִים אֲהַלֵּ֣ל דָּבָ֑ר בַּ֝יהוָ֗ה אֲהַלֵּ֥ל דָּבָֽר׃

‎12 ‏בֵּֽאלֹהִ֣ים בָּ֭טַחְתִּי לֹ֣א אִירָ֑א מַה־יַּעֲשֶׂ֖ה אָדָ֣ם לִֽי׃

‎13 ‏עָלַ֣י אֱלֹהִ֣ים נְדָרֶ֑יךָ אֲשַׁלֵּ֖ם תּוֹדֹ֣ת לָֽךְ׃

‎14 ‏כִּ֤י הִצַּ֪לְתָּ נַפְשִׁ֡י מִמָּוֶת֮ הֲלֹ֥א רַגְלַ֗י מִ֫דֶּ֥חִי לְ֭הִֽתְהַלֵּךְ לִפְנֵ֣י אֱלֹהִ֑ים בְּ֝א֗וֹר הַֽחַיִּֽים׃

1 lamənaṣṣēḥa| ‘al-ywōnaṯ ’ēlem rəḥōqîm ləḏāwiḏ miḵətām be’ĕḥōz ’ōṯwō fəlišətîm bəḡaṯ:

2 ḥānnēnî ’ĕlōhîm kî-šə’āfanî ’ĕnwōš kāl-hayywōm lōḥēm yiləḥāṣēnî:

3 šā’ăfû šwōrəray kāl-hayywōm kî-rabîm lōḥămîm lî mārwōm:

4 ywōm ’îrā’ ’ănî ’ēleyḵā ’eḇəṭāḥ:

5 bē’lōhîm ’ăhallēl dəḇārwō bē’lōhîm bāṭ^aḥətî lō’ ’îrā’ mah-yy^a‘ăśeh ḇāśār lî:

6 kāl-hayywōm dəḇāray yə‘aṣṣēḇû ‘ālay kāl-m^aḥəšəḇōṯām lārā‘:

7 yāḡûrû| yaṣəpînû yiṣəpwōnû hēmmâ ‘ăqēḇay yišəmōrû ka’ăšer qiûû nafəšî:

8 ‘al-’āwen palleṭ-lāmwō bə’af ‘ammîm| hwōrēḏ ’ĕlōhîm:

9 nōḏî sāfarətâ ’ātâ śîmâ ḏimə‘āṯî ḇənō’ḏeḵā hălō’ bəsifərāṯeḵā:

10 ’āz³ yāšûḇû ’wōyəḇay ’āḥwōr bəywōm ’eqərā’ zeh-yāḏ^a‘ətî kî-’ĕlōhîm lî:

11 bē’lōhîm ’ăhallēl dāḇār bayhwâ ’ăhallēl dāḇār:

12 bē’lōhîm bāṭ^aḥətî lō’ ’îrā’ mah-yy^a‘ăśeh ’āḏām lî:

13 ‘ālay ’ĕlōhîm nəḏāreyḵā ’ăšallēm twōḏōṯ lāḵə:

14 kî hiṣṣalətā nafəšî mimmāweṯ hălō’ raḡəlay mideḥî ləhiṯəhallēḵə lifənê ’ĕlōhîm bə’wōr h^aḥayyîm:

‎1 ‏לַמְנַצֵּ֣חַ אַל־תַּ֭שְׁחֵת לְדָוִ֣ד מִכְתָּ֑ם בְּבָרְח֥וֹ מִפְּנֵי־שָׁ֝א֗וּל בַּמְּעָרָֽה׃

‎2 ‏חָנֵּ֤נִי אֱלֹהִ֨ים׀ חָנֵּ֗נִי כִּ֥י בְךָ֮ חָסָ֪יָה נַ֫פְשִׁ֥י וּבְצֵֽל־כְּנָפֶ֥יךָ אֶחְסֶ֑ה עַ֝֗ד יַעֲבֹ֥ר הַוּֽוֹת׃

‎3 ‏אֶ֭קְרָא לֵֽאלֹהִ֣ים עֶלְי֑וֹן לָ֝אֵ֗ל גֹּמֵ֥ר עָלָֽי׃

‎4 ‏יִשְׁלַ֤ח מִשָּׁמַ֨יִם׀ וְֽיוֹשִׁיעֵ֗נִי חֵרֵ֣ף שֹׁאֲפִ֣י סֶ֑לָה יִשְׁלַ֥ח אֱ֝לֹהִ֗ים חַסְדּ֥וֹ וַאֲמִתּֽוֹ׃

‎5 ‏נַפְשִׁ֤י׀ בְּת֥וֹךְ לְבָאִם֮ אֶשְׁכְּבָ֪ה לֹ֫הֲטִ֥ים בְּֽנֵי־אָדָ֗ם שִׁ֭נֵּיהֶם חֲנִ֣ית וְחִצִּ֑ים וּ֝לְשׁוֹנָ֗ם חֶ֣רֶב חַדָּֽה׃

‎6 ‏ר֣וּמָה עַל־הַשָּׁמַ֣יִם אֱלֹהִ֑ים עַ֖ל כָּל־הָאָ֣רֶץ כְּבוֹדֶֽךָ׃

‎7 ‏רֶ֤שֶׁת׀ הֵכִ֣ינוּ לִפְעָמַי֮ כָּפַ֪ף נַ֫פְשִׁ֥י כָּר֣וּ לְפָנַ֣י שִׁיחָ֑ה נָפְל֖וּ בְתוֹכָ֣הּ סֶֽלָה׃

‎8 ‏נָ֘כ֤וֹן לִבִּ֣י אֱ֭לֹהִים נָכ֣וֹן לִבִּ֑י אָ֝שִׁ֗ירָה וַאֲזַמֵּֽרָה׃

‎9 ‏ע֤וּרָה כְבוֹדִ֗י ע֭וּרָֽה הַנֵּ֥בֶל וְכִנּ֗וֹר אָעִ֥ירָה שָּֽׁחַר׃

‎10 ‏אוֹדְךָ֖ בָעַמִּ֥ים׀ אֲדֹנָ֑י אֲ֝זַמֶּרְךָ֗ בַּל־אֻמִּֽים׃

‎11 ‏כִּֽי־גָדֹ֣ל עַד־שָׁמַ֣יִם חַסְדֶּ֑ךָ וְֽעַד־שְׁחָקִ֥ים אֲמִתֶּֽךָ׃

‎12 ‏ר֣וּמָה עַל־שָׁמַ֣יִם אֱלֹהִ֑ים עַ֖ל כָּל־הָאָ֣רֶץ כְּבוֹדֶֽךָ׃

1 lamənaṣṣēḥa ’al-tašəḥēṯ ləḏāwiḏ miḵətām bəḇārəḥwō mipənê-šā’ûl bammə‘ārâ:

2 ḥānnēnî ’ĕlōhîm| ḥānnēnî kî ḇəḵā ḥāsāyâ nafəšî ûḇəṣēl-kənāfeyḵā ’eḥəseh ‘aḏ y^a‘ăḇōr haûwōṯ:

3 ’eqərā’ lē’lōhîm ‘eləywōn lā’ēl gōmēr ‘ālāy:

4 yišəl^aḥ miššāmayim| wəywōšî‘ēnî ḥērēf šō’ăfî selâ yišəl^aḥ ’ĕlōhîm ḥasədwō wa’ămitwō:

5 nafəšî| bəṯwōḵə ləḇā’im ’ešəkəḇâ lōhăṭîm bənê-’āḏām šinnêhem ḥănîṯ wəḥiṣṣîm ûləšwōnām ḥereḇ ḥadâ:

6 rûmâ ‘al-haššāmayim ’ĕlōhîm ‘al kāl-hā’āreṣ kəḇwōḏeḵā:

7 rešeṯ| hēḵînû lifə‘āmay kāfaf nafəšî kārû ləfānay šîḥâ nāfəlû ḇəṯwōḵāh selâ:

8 nāḵwōn libî ’ĕlōhîm nāḵwōn libî ’āšîrâ wa’ăzammērâ:

9 ‘ûrâ ḵəḇwōḏî ‘ûrâ hannēḇel wəḵinnwōr ’ā‘îrâ ššāḥar:

10 ’wōḏəḵā ḇā‘ammîm| ’ăḏōnāy ’ăzammerəḵā bal-’ummîm:

11 kî-ḡāḏōl ‘aḏ-šāmayim ḥasədeḵā wə‘aḏ-šəḥāqîm ’ămiteḵā:

12 rûmâ ‘al-šāmayim ’ĕlōhîm ‘al kāl-hā’āreṣ kəḇwōḏeḵā:

‎1 ‏לַמְנַצֵּ֥חַ אַל־תַּשְׁחֵ֗ת לְדָוִ֥ד מִכְתָּֽם׃

‎2 ‏הַֽאֻמְנָ֗ם אֵ֣לֶם צֶ֭דֶק תְּדַבֵּר֑וּן מֵישָׁרִ֥ים תִּ֝שְׁפְּט֗וּ בְּנֵ֣י אָדָֽם׃

‎3 ‏אַף־בְּלֵב֮ עוֹלֹ֪ת תִּפְעָ֫ל֥וּן בָּאָ֡רֶץ חֲמַ֥ס יְ֝דֵיכֶ֗ם תְּפַלֵּֽסֽוּן׃

‎4 ‏זֹ֣רוּ רְשָׁעִ֣ים מֵרָ֑חֶם תָּע֥וּ מִ֝בֶּ֗טֶן דֹּבְרֵ֥י כָזָֽב׃

‎5 ‏חֲמַת־לָ֗מוֹ כִּדְמ֥וּת חֲמַת־נָחָ֑שׁ כְּמוֹ־פֶ֥תֶן חֵ֝רֵ֗שׁ יַאְטֵ֥ם אָזְנֽוֹ׃

‎6 ‏אֲשֶׁ֣ר לֹא־יִ֭שְׁמַע לְק֣וֹל מְלַחֲשִׁ֑ים חוֹבֵ֖ר חֲבָרִ֣ים מְחֻכָּֽם׃

‎7 ‏אֱ‍ֽלֹהִ֗ים הֲרָס־שִׁנֵּ֥ימוֹ בְּפִ֑ימוֹ מַלְתְּע֥וֹת כְּ֝פִירִ֗ים נְתֹ֣ץ׀ יְהוָֽה׃

‎8 ‏יִמָּאֲס֣וּ כְמוֹ־מַ֭יִם יִתְהַלְּכוּ־לָ֑מוֹ יִדְרֹ֥ךְ חצו חִ֝צָּ֗יו כְּמ֣וֹ יִתְמֹלָֽלוּ׃

‎9 ‏כְּמ֣וֹ שַׁ֭בְּלוּל תֶּ֣מֶס יַהֲלֹ֑ךְ נֵ֥פֶל אֵ֝֗שֶׁת בַּל־חָ֥זוּ שָֽׁמֶשׁ׃

‎10 ‏בְּטֶ֤רֶם יָבִ֣ינוּ סִּֽירֹתֵיכֶ֣ם אָטָ֑ד כְּמוֹ־חַ֥י כְּמוֹ־חָ֝ר֗וֹן יִשְׂעָרֶֽנּוּ׃

‎11 ‏יִשְׂמַ֣ח צַ֭דִּיק כִּי־חָזָ֣ה נָקָ֑ם פְּעָמָ֥יו יִ֝רְחַ֗ץ בְּדַ֣ם הָרָשָֽׁע׃

‎12 ‏וְיֹאמַ֣ר אָ֭דָם אַךְ־פְּרִ֣י לַצַּדִּ֑יק אַ֥ךְ יֵשׁ־אֱ֝לֹהִ֗ים שֹׁפְטִ֥ים בָּאָֽרֶץ׃

1 lamənaṣṣēḥa ’al-tašəḥēṯ ləḏāwiḏ miḵətām:

2 ha’umənām ’ēlem ṣeḏeq təḏabērûn mêšārîm tišəpəṭû bənê ’āḏām:

3 ’af-bəlēḇ ‘wōlōṯ tifə‘ālûn bā’āreṣ ḥămas yəḏêḵem təfallēsûn:

4 zōrû rəšā‘îm mērāḥem tā‘û mibeṭen dōḇərê ḵāzāḇ:

5 ḥămaṯ-lāmwō kiḏəmûṯ ḥămaṯ-nāḥāš kəmwō-feṯen ḥērēš ya’əṭēm ’āzənwō:

6 ’ăšer lō’-yišəm^a‘ ləqwōl məl^aḥăšîm ḥwōḇēr ḥăḇārîm məḥukām:

7 ’ĕ‍lōhîm hărās-šinnêmwō bəfîmwō malətə‘wōṯ kəfîrîm nəṯōṣ| yəhwâ:

8 yimmā’ăsû ḵəmwō-mayim yiṯəhalləḵû-lāmwō yiḏərōḵə ḥiṣṣwō ḥiṣṣāyw kəmwō yiṯəmōlālû:

9 kəmwō šabəlûl temes yahălōḵə nēfel ’ēšeṯ bal-ḥāzû šāmeš:

10 bəṭerem yāḇînû ssîrōṯêḵem ’āṭāḏ kəmwō-ḥay kəmwō-ḥārwōn yiśə‘ārennû:

11 yiśəm^aḥ ṣadîq kî-ḥāzâ nāqām pə‘āmāyw yirəḥaṣ bəḏam hārāšā‘:

12 wəyō’mar ’āḏām ’aḵə-pərî laṣṣadîq ’aḵə yēš-’ĕlōhîm šōfəṭîm bā’āreṣ:

‎1 ‏לַמְנַצֵּ֣חַ אַל־תַּשְׁחֵת֮ לְדָוִ֪ד מִ֫כְתָּ֥ם בִּשְׁלֹ֥חַ שָׁא֑וּל וַֽיִּשְׁמְר֥וּ אֶת־הַ֝בַּ֗יִת לַהֲמִיתֽוֹ׃

‎2 ‏הַצִּילֵ֖נִי מֵאֹיְבַ֥י׀ אֱלֹהָ֑י מִּמִתְקוֹמְמַ֥י תְּשַׂגְּבֵֽנִי׃

‎3 ‏הַ֭צִּילֵנִי מִפֹּ֣עֲלֵי אָ֑וֶן וּֽמֵאַנְשֵׁ֥י דָ֝מִ֗ים הוֹשִׁיעֵֽנִי׃

‎4 ‏כִּ֤י הִנֵּ֪ה אָֽרְב֡וּ לְנַפְשִׁ֗י יָג֣וּרוּ עָלַ֣י עַזִ֑ים לֹא־פִשְׁעִ֖י וְלֹא־חַטָּאתִ֣י יְהוָֽה׃

‎5 ‏בְּֽלִי־עָ֭וֹן יְרוּצ֣וּן וְיִכּוֹנָ֑נוּ ע֖וּרָה לִקְרָאתִ֣י וּרְאֵה׃

‎6 ‏וְאַתָּ֤ה יְהוָֽה־אֱלֹהִ֥ים׀ צְבָא֡וֹת אֱלֹ֘הֵ֤י יִשְׂרָאֵ֗ל הָקִ֗יצָה לִפְקֹ֥ד כָּֽל־הַגּוֹיִ֑ם אַל־תָּחֹ֨ן כָּל־בֹּ֖גְדֵי אָ֣וֶן סֶֽלָה׃

‎7 ‏יָשׁ֣וּבוּ לָ֭עֶרֶב יֶהֱמ֥וּ כַכָּ֗לֶב וִיס֥וֹבְבוּ עִֽיר׃

‎8 ‏הִנֵּ֤ה׀ יַבִּ֘יע֤וּן בְּפִיהֶ֗ם חֲ֭רָבוֹת בְּשִׂפְתוֹתֵיהֶ֑ם כִּי־מִ֥י שֹׁמֵֽעַ׃

‎9 ‏וְאַתָּ֣ה יְ֭הוָה תִּשְׂחַק־לָ֑מוֹ תִּ֝לְעַ֗ג לְכָל־גּוֹיִֽם׃

‎10 ‏עֻ֭זּוֹ אֵלֶ֣יךָ אֶשְׁמֹ֑רָה כִּֽי־אֱ֝לֹהִ֗ים מִשְׂגַּבִּֽי׃

‎11 ‏אֱלֹהֵ֣י חסדו חַסְדִּ֣י יְקַדְּמֵ֑נִי אֱ֝לֹהִ֗ים יַרְאֵ֥נִי בְשֹׁרְרָֽי׃

‎12 ‏אַל־תַּהַרְגֵ֤ם׀ פֶּֽן־יִשְׁכְּח֬וּ עַמִּ֗י הֲנִיעֵ֣מוֹ בְ֭חֵילְךָ וְהוֹרִידֵ֑מוֹ מָֽגִנֵּ֣נוּ אֲדֹנָֽי׃

‎13 ‏חַטַּאת־פִּ֗ימוֹ דְּֽבַר־שְׂפָ֫תֵ֥ימוֹ וְיִלָּכְד֥וּ בִגְאוֹנָ֑ם וּמֵאָלָ֖ה וּמִכַּ֣חַשׁ יְסַפֵּֽרוּ׃

‎14 ‏כַּלֵּ֥ה בְחֵמָה֮ כַּלֵּ֪ה וְֽאֵ֫ינֵ֥מוֹ וְֽיֵדְע֗וּ כִּֽי־אֱ֭לֹהִים מֹשֵׁ֣ל בְּיַעֲקֹ֑ב לְאַפְסֵ֖י הָאָ֣רֶץ סֶֽלָה׃

‎15 ‏וְיָשׁ֣וּבוּ לָ֭עֶרֶב יֶהֱמ֥וּ כַכָּ֗לֶב וִיס֥וֹבְבוּ עִֽיר׃

‎16 ‏הֵ֭מָּה ינועון יְנִיע֣וּן לֶאֱכֹ֑ל אִם־לֹ֥א יִ֝שְׂבְּע֗וּ וַיָּלִֽינוּ׃

‎17 ‏וַאֲנִ֤י׀ אָשִׁ֣יר עֻזֶּךָ֮ וַאֲרַנֵּ֥ן לַבֹּ֗קֶר חַ֫סְדֶּ֥ךָ כִּֽי־הָיִ֣יתָ מִשְׂגָּ֣ב לִ֑י וּ֝מָנ֗וֹס בְּי֣וֹם צַר־לִֽי׃

‎18 ‏עֻ֭זִּי אֵלֶ֣יךָ אֲזַמֵּ֑רָה כִּֽי־אֱלֹהִ֥ים מִ֝שְׂגַּבִּ֗י אֱלֹהֵ֥י חַסְדִּֽי׃

1 lamənaṣṣēḥa ’al-tašəḥēṯ ləḏāwiḏ miḵətām bišəlōḥa šā’ûl wayyišəmərû ’eṯ-habayiṯ lahămîṯwō:

2 haṣṣîlēnî mē’ōyəḇay| ’ĕlōhāy mmimiṯəqwōməmay təśagəḇēnî:

3 haṣṣîlēnî mipō‘ălê ’āwen ûmē’anəšê ḏāmîm hwōšî‘ēnî:

4 kî hinnēh ’ārəḇû lənafəšî yāḡûrû ‘ālay ‘azîm lō’-fišə‘î wəlō’-ḥaṭṭā’ṯî yəhwâ:

5 bəlî-‘āwōn yərûṣûn wəyikwōnānû ‘ûrâ liqərā’ṯî ûrə’ēh:

6 wə’atâ yəhwâ-’ĕlōhîm| ṣəḇā’wōṯ ’ĕlōhê yiśərā’ēl hāqîṣâ lifəqōḏ kāl-hagwōyim ’al-tāḥōn kāl-bōḡəḏê ’āwen selâ:

7 yāšûḇû lā‘ereḇ yehĕmû ḵakāleḇ wîswōḇəḇû ‘îr:

8 hinnēh| yabî‘ûn bəfîhem ḥărāḇwōṯ bəśifəṯwōṯêhem kî-mî šōmē‘a:

9 wə’atâ yəhwâ tiśəḥaq-lāmwō tilə‘aḡ ləḵāl-gwōyim:

10 ‘uzzwō ’ēleyḵā ’ešəmōrâ kî-’ĕlōhîm miśəgabî:

11 ’ĕlōhê ḥasədwō ḥasədî yəqadəmēnî ’ĕlōhîm yarə’ēnî ḇəšōrərāy:

12 ’al-taharəḡēm| pen-yišəkəḥû ‘ammî hănî‘ēmwō ḇəḥêləḵā wəhwōrîḏēmwō māḡinnēnû ’ăḏōnāy:

13 ḥaṭṭa’ṯ-pîmwō dəḇar-śəfāṯêmwō wəyillāḵəḏû ḇiḡə’wōnām ûmē’ālâ ûmik^aḥaš yəsapērû:

14 kallēh ḇəḥēmâ kallēh wə’ênēmwō wəyēḏə‘û kî-’ĕlōhîm mōšēl bəy^a‘ăqōḇ lə’afəsê hā’āreṣ selâ:

15 wəyāšûḇû lā‘ereḇ yehĕmû ḵakāleḇ wîswōḇəḇû ‘îr:

16 hēmmâ yənû‘ûn yənî‘ûn le’ĕḵōl ’im-lō’ yiśəbə‘û wayyālînû:

17 wa’ănî| ’āšîr ‘uzzeḵā wa’ărannēn labōqer ḥasədeḵā kî-hāyîṯā miśəgāḇ lî ûmānwōs bəywōm ṣar-lî:

18 ‘uzzî ’ēleyḵā ’ăzammērâ kî-’ĕlōhîm miśəgabî ’ĕlōhê ḥasədî:

‎1 ‏לַ֭מְנַצֵּחַ עַל־שׁוּשַׁ֣ן עֵד֑וּת מִכְתָּ֖ם לְדָוִ֣ד לְלַמֵּֽד׃

‎2 ‏בְּהַצּוֹת֨וֹ׀ אֶ֥ת אֲרַ֣ם נַהֲרַיִם֮ וְאֶת־אֲרַ֪ם צ֫וֹבָ֥ה וַיָּ֤שָׁב יוֹאָ֗ב וַיַּ֣ךְ אֶת־אֱד֣וֹם בְּגֵיא־מֶ֑לַח שְׁנֵ֖ים עָשָׂ֣ר אָֽלֶף׃

‎3 ‏אֱ֭לֹהִים זְנַחְתָּ֣נוּ פְרַצְתָּ֑נוּ אָ֝נַ֗פְתָּ תְּשׁ֣וֹבֵ֥ב לָֽנוּ׃

‎4 ‏הִרְעַ֣שְׁתָּה אֶ֣רֶץ פְּצַמְתָּ֑הּ רְפָ֖ה שְׁבָרֶ֣יהָ כִי־מָֽטָה׃

‎5 ‏הִרְאִ֣יתָה עַמְּךָ֣ קָשָׁ֑ה הִ֝שְׁקִיתָ֗נוּ יַ֣יִן תַּרְעֵלָֽה׃

‎6 ‏נָ֘תַ֤תָּה לִּירֵאֶ֣יךָ נֵּ֭ס לְהִתְנוֹסֵ֑ס מִ֝פְּנֵ֗י קֹ֣שֶׁט סֶֽלָה׃

‎7 ‏לְ֭מַעַן יֵחָלְצ֣וּן יְדִידֶ֑יךָ הוֹשִׁ֖יעָה יְמִֽינְךָ֣ ועננו וַעֲנֵֽנִי׃

‎8 ‏אֱלֹהִ֤ים׀ דִּבֶּ֥ר בְּקָדְשׁ֗וֹ אֶ֫עְלֹ֥זָה אֲחַלְּקָ֥ה שְׁכֶ֑ם וְעֵ֖מֶק סֻכּ֣וֹת אֲמַדֵּֽד׃

‎9 ‏לִ֤י גִלְעָ֨ד׀ וְלִ֬י מְנַשֶּׁ֗ה וְ֭אֶפְרַיִם מָע֣וֹז רֹאשִׁ֑י יְ֝הוּדָ֗ה מְחֹֽקְקִי׃

‎10 ‏מוֹאָ֤ב׀ סִ֬יר רַחְצִ֗י עַל־אֱ֭דוֹם אַשְׁלִ֣יךְ נַעֲלִ֑י עָ֝לַ֗י פְּלֶ֣שֶׁת הִתְרֹעָֽעִֽי׃

‎11 ‏מִ֣י יֹ֭בִלֵנִי³ עִ֣יר מָצ֑וֹר מִ֖י נָחַ֣נִי עַד־אֱדֽוֹם׃

‎12 ‏הֲלֹֽא־אַתָּ֣ה אֱלֹהִ֣ים זְנַחְתָּ֑נוּ וְֽלֹא־תֵצֵ֥א אֱ֝לֹהִ֗ים בְּצִבְאוֹתֵֽינוּ׃

‎13 ‏הָֽבָה־לָּ֣נוּ עֶזְרָ֣ת מִצָּ֑ר וְ֝שָׁ֗וְא תְּשׁוּעַ֥ת אָדָם׃¹

‎14 ‏בֵּֽאלֹהִ֥ים נַעֲשֶׂה־חָ֑יִל וְ֝ה֗וּא יָב֥וּס צָרֵֽינוּ׃

1 lamənaṣṣēḥa ‘al-šûšan ‘ēḏûṯ miḵətām ləḏāwiḏ ləlammēḏ:

2 bəhaṣṣwōṯwō| ’eṯ ’ăram nahărayim wə’eṯ-’ăram ṣwōḇâ wayyāšāḇ ywō’āḇ wayyaḵə ’eṯ-’ĕḏwōm bəḡê’-mel^aḥ šənêm ‘āśār ’ālef:

3 ’ĕlōhîm zən^aḥətānû fəraṣətānû ’ānafətā təšwōḇēḇ lānû:

4 hirə‘ašətâ ’ereṣ pəṣamətāh rəfâ šəḇāreyhā ḵî-māṭâ:

5 hirə’îṯâ ‘amməḵā qāšâ hišəqîṯānû yayin tarə‘ēlâ:

6 nāṯatâ llîrē’eyḵā nnēs ləhiṯənwōsēs mipənê qōšeṭ selâ:

7 ləm^a‘an yēḥāləṣûn yəḏîḏeyḵā hwōšî‘â yəmînəḵā w^a‘ănēnû w^a‘ănēnî:

8 ’ĕlōhîm| diber bəqāḏəšwō ’e‘əlōzâ ’ăḥalləqâ šəḵem wə‘ēmeq sukwōṯ ’ămadēḏ:

9 lî ḡilə‘āḏ| wəlî mənaššeh wə’efərayim mā‘wōz rō’šî yəhûḏâ məḥōqəqî:

10 mwō’āḇ| sîr r^aḥəṣî ‘al-’ĕḏwōm ’ašəlîḵə n^a‘ălî ‘ālay pəlešeṯ hiṯərō‘ā‘î:

11 mî yōḇilēnî³ ‘îr māṣwōr mî nāḥanî ‘aḏ-’ĕḏwōm:

12 hălō’-’atâ ’ĕlōhîm zən^aḥətānû wəlō’-ṯēṣē’ ’ĕlōhîm bəṣiḇə’wōṯênû:

13 hāḇâ-llānû ‘ezərāṯ miṣṣār wəšāwə’ təšû‘aṯ ’āḏām:¹

14 bē’lōhîm n^a‘ăśeh-ḥāyil wəhû’ yāḇûs ṣārênû:

‎1 ‏לַמְנַצֵּ֬חַ׀ עַֽל־נְגִינַ֬ת לְדָוִֽד׃

‎2 ‏שִׁמְעָ֣ה אֱ֭לֹהִים רִנָּתִ֑י הַ֝קְשִׁ֗יבָה תְּפִלָּתִֽי׃

‎3 ‏מִקְצֵ֤ה הָאָ֨רֶץ׀ אֵלֶ֣יךָ אֶ֭קְרָא בַּעֲטֹ֣ף לִבִּ֑י בְּצוּר־יָר֖וּם מִמֶּ֣נִּי תַנְחֵֽנִי׃

‎4 ‏כִּֽי־הָיִ֣יתָ מַחְסֶ֣ה לִ֑י מִגְדַּל־עֹ֝֗ז מִפְּנֵ֥י אוֹיֵֽב׃

‎5 ‏אָג֣וּרָה בְ֭אָהָלְךָ עוֹלָמִ֑ים אֶֽחֱסֶ֨ה בְסֵ֖תֶר כְּנָפֶ֣יךָ סֶּֽלָה׃

‎6 ‏כִּֽי־אַתָּ֣ה אֱ֭לֹהִים שָׁמַ֣עְתָּ לִנְדָרָ֑י נָתַ֥תָּ יְ֝רֻשַּׁ֗ת יִרְאֵ֥י שְׁמֶֽךָ׃

‎7 ‏יָמִ֣ים עַל־יְמֵי־מֶ֣לֶךְ תּוֹסִ֑יף שְׁ֝נוֹתָ֗יו כְּמוֹ־דֹ֥ר וָדֹֽר׃

‎8 ‏יֵשֵׁ֣ב ע֭וֹלָם לִפְנֵ֣י אֱלֹהִ֑ים חֶ֥סֶד וֶ֝אֱמֶ֗ת מַ֣ן יִנְצְרֻֽהוּ׃

‎9 ‏כֵּ֤ן אֲזַמְּרָ֣ה שִׁמְךָ֣ לָעַ֑ד לְֽשַׁלְּמִ֥י נְדָרַ֗י י֣וֹם׀ יֽוֹם׃

1 lamənaṣṣēḥa| ‘al-nəḡînaṯ ləḏāwiḏ:

2 šimə‘â ’ĕlōhîm rinnāṯî haqəšîḇâ təfillāṯî:

3 miqəṣēh hā’āreṣ| ’ēleyḵā ’eqərā’ b^a‘ăṭōf libî bəṣûr-yārûm mimmennî ṯanəḥēnî:

4 kî-hāyîṯā m^aḥəseh lî miḡədal-‘ōz mipənê ’wōyēḇ:

5 ’āḡûrâ ḇə’âāləḵā ‘wōlāmîm ’eḥĕseh ḇəsēṯer kənāfeyḵā sselâ:

6 kî-’atâ ’ĕlōhîm šām^a‘ətā linəḏārāy nāṯatā yəruššaṯ yirə’ê šəmeḵā:

7 yāmîm ‘al-yəmê-meleḵə twōsîf šənwōṯāyw kəmwō-ḏōr wāḏōr:

8 yēšēḇ ‘wōlām lifənê ’ĕlōhîm ḥeseḏ we’ĕmeṯ man yinəṣəruhû:

9 kēn ’ăzammərâ šiməḵā lā‘aḏ ləšalləmî nəḏāray ywōm| ywōm:

‎1 ‏לַמְנַצֵּ֥חַ עַֽל־יְדוּת֗וּן מִזְמ֥וֹר לְדָוִֽד׃

‎2 ‏אַ֣ךְ אֶל־אֱ֭לֹהִים דּֽוּמִיָּ֣ה נַפְשִׁ֑י מִ֝מֶּ֗נּוּ יְשׁוּעָתִֽי׃

‎3 ‏אַךְ־ה֣וּא צ֭וּרִי וִֽישׁוּעָתִ֑י מִ֝שְׂגַּבִּ֗י לֹא־אֶמּ֥וֹט רַבָּֽה׃

‎4 ‏עַד־אָ֤נָה׀ תְּהֽוֹתְת֣וּ עַל¹ אִישׁ֮ תְּרָצְּח֪וּ כֻ֫לְּכֶ֥ם כְּקִ֥יר נָט֑וּי גָּ֝דֵ֗ר הַדְּחוּיָֽה׃

‎5 ‏אַ֤ךְ מִשְּׂאֵת֨וֹ׀ יָעֲצ֣וּ לְהַדִּיחַ֮ יִרְצ֪וּ כָ֫זָ֥ב בְּפִ֥יו יְבָרֵ֑כוּ וּ֝בְקִרְבָּ֗ם יְקַלְלוּ־סֶֽלָה׃

‎6 ‏אַ֣ךְ לֵ֭אלֹהִים דּ֣וֹמִּי נַפְשִׁ֑י כִּי־מִ֝מֶּ֗נּוּ תִּקְוָתִֽי׃

‎7 ‏אַךְ־ה֣וּא צ֭וּרִי וִֽישׁוּעָתִ֑י מִ֝שְׂגַּבִּ֗י לֹ֣א אֶמּֽוֹט׃

‎8 ‏עַל־אֱ֭לֹהִים יִשְׁעִ֣י וּכְבוֹדִ֑י צוּר־עֻזִּ֥י מַ֝חְסִ֗י בֵּֽאלֹהִֽים׃

‎9 ‏בִּטְח֘וּ ב֤וֹ בְכָל־עֵ֨ת׀ עָ֗ם שִׁפְכֽוּ־לְפָנָ֥יו לְבַבְכֶ֑ם אֱלֹהִ֖ים מַחֲסֶה־לָּ֣נוּ סֶֽלָה׃

‎10 ‏אַ֤ךְ׀ הֶ֥בֶל בְּנֵֽי־אָדָם֮ כָּזָ֪ב בְּנֵ֫י אִ֥ישׁ בְּמֹאזְנַ֥יִם לַעֲל֑וֹת הֵ֝֗מָּה מֵהֶ֥בֶל יָֽחַד׃

‎11 ‏אַל־תִּבְטְח֣וּ בְעֹשֶׁק֮ וּבְגָזֵ֪ל אַל־תֶּ֫הְבָּ֥לוּ חַ֤יִל׀ כִּֽי־יָנ֑וּב אַל־תָּשִׁ֥יתוּ לֵֽב׃

‎12 ‏אַחַ֤ת׀ דִּבֶּ֬ר אֱלֹהִ֗ים שְׁתַּֽיִם־ז֥וּ שָׁמָ֑עְתִּי כִּ֥י עֹ֝֗ז לֵאלֹהִֽים׃

‎13 ‏וּלְךָֽ־אֲדֹנָ֥י חָ֑סֶד כִּֽי־אַתָּ֨ה תְשַׁלֵּ֖ם לְאִ֣ישׁ כְּֽמַעֲשֵֽׂהוּ׃

1 lamənaṣṣēḥa ‘al-yəḏûṯûn mizəmwōr ləḏāwiḏ:

2 ’aḵə ’el-’ĕlōhîm dûmîyâ nafəšî mimmennû yəšû‘āṯî:

3 ’aḵə-hû’ ṣûrî wîšû‘āṯî miśəgabî lō’-’emmwōṭ rabâ:

4 ‘aḏ-’ānâ| təhwōṯəṯû ‘al¹ ’îš tərāṣṣəḥû ḵulləḵem kəqîr nāṭûy gāḏēr hadəḥûyâ:

5 ’aḵə miśśə’ēṯwō| yā‘ăṣû ləhadîḥa yirəṣû ḵāzāḇ bəfîw yəḇārēḵû ûḇəqirəbām yəqaləlû-selâ:

6 ’aḵə lē’lōhîm dwōmmî nafəšî kî-mimmennû tiqəwāṯî:

7 ’aḵə-hû’ ṣûrî wîšû‘āṯî miśəgabî lō’ ’emmwōṭ:

8 ‘al-’ĕlōhîm yišə‘î ûḵəḇwōḏî ṣûr-‘uzzî m^aḥəsî bē’lōhîm:

9 biṭəḥû ḇwō ḇəḵāl-‘ēṯ| ‘ām šifəḵû-ləfānāyw ləḇaḇəḵem ’ĕlōhîm m^aḥăseh-llānû selâ:

10 ’aḵə| heḇel bənê-’āḏām kāzāḇ bənê ’îš bəmō’zənayim l^a‘ălwōṯ hēmmâ mēheḇel yāḥaḏ:

11 ’al-tiḇəṭəḥû ḇə‘ōšeq ûḇəḡāzēl ’al-tehəbālû ḥayil| kî-yānûḇ ’al-tāšîṯû lēḇ:

12 ’^aḥaṯ| diber ’ĕlōhîm šətayim-zû šāmā‘ətî kî ‘ōz lē’lōhîm:

13 ûləḵā-’ăḏōnāy ḥāseḏ kî-’atâ ṯəšallēm lə’îš kəm^a‘ăśēhû:

‎1 ‏מִזְמ֥וֹר לְדָוִ֑ד בִּ֝הְיוֹת֗וֹ בְּמִדְבַּ֥ר יְהוּדָֽה׃

‎2 ‏אֱלֹהִ֤ים׀ אֵלִ֥י אַתָּ֗ה אֲ‍ֽשַׁחֲ֫רֶ֥ךָּ צָמְאָ֬ה לְךָ֨׀ נַפְשִׁ֗י כָּמַ֣הּ לְךָ֣ בְשָׂרִ֑י בְּאֶֽרֶץ־צִיָּ֖ה וְעָיֵ֣ף בְּלִי־מָֽיִם׃

‎3 ‏כֵּ֭ן בַּקֹּ֣דֶשׁ חֲזִיתִ֑יךָ לִרְא֥וֹת עֻ֝זְּךָ֗ וּכְבוֹדֶֽךָ׃

‎4 ‏כִּי־ט֣וֹב חַ֭סְדְּךָ מֵֽחַיִּ֗ים שְׂפָתַ֥י יְשַׁבְּחֽוּנְךָ׃

‎5 ‏כֵּ֣ן אֲבָרֶכְךָ֣ בְחַיָּ֑י בְּ֝שִׁמְךָ אֶשָּׂ֥א כַפָּֽי׃

‎6 ‏כְּמ֤וֹ חֵ֣לֶב וָ֭דֶשֶׁן תִּשְׂבַּ֣ע נַפְשִׁ֑י וְשִׂפְתֵ֥י רְ֝נָנ֗וֹת יְהַלֶּל־פִּֽי׃

‎7 ‏אִם־זְכַרְתִּ֥יךָ עַל־יְצוּעָ֑י בְּ֝אַשְׁמֻר֗וֹת אֶהְגֶּה־בָּֽךְ׃

‎8 ‏כִּֽי־הָיִ֣יתָ עֶזְרָ֣תָה לִּ֑י וּבְצֵ֖ל כְּנָפֶ֣יךָ אֲרַנֵּֽן׃

‎9 ‏דָּבְקָ֣ה נַפְשִׁ֣י אַחֲרֶ֑יךָ בִּ֝֗י תָּמְכָ֥ה יְמִינֶֽךָ׃

‎10 ‏וְהֵ֗מָּה לְ֭שׁוֹאָה יְבַקְשׁ֣וּ נַפְשִׁ֑י יָ֝בֹ֗אוּ בְּֽתַחְתִּיּ֥וֹת הָאָֽרֶץ׃

‎11 ‏יַגִּירֻ֥הוּ עַל־יְדֵי־חָ֑רֶב מְנָ֖ת שֻׁעָלִ֣ים יִהְיֽוּ׃

‎12 ‏וְהַמֶּלֶךְ֮ יִשְׂמַ֪ח בֵּאלֹ֫הִ֥ים יִ֭תְהַלֵּל כָּל־הַנִּשְׁבָּ֣ע בּ֑וֹ כִּ֥י יִ֝סָּכֵ֗ר פִּ֣י דֽוֹבְרֵי־שָֽׁקֶר׃

1 mizəmwōr ləḏāwiḏ bihəywōṯwō bəmiḏəbar yəhûḏâ:

2 ’ĕlōhîm| ’ēlî ’atâ ’ă‍š^aḥăreḵḵā ṣāmə’â ləḵā| nafəšî kām^ah ləḵā ḇəśārî bə’ereṣ-ṣîyâ wə‘āyēf bəlî-māyim:

3 kēn baqqōḏeš ḥăzîṯîḵā lirə’wōṯ ‘uzzəḵā ûḵəḇwōḏeḵā:

4 kî-ṭwōḇ ḥasədəḵā mēḥayyîm śəfāṯay yəšabəḥûnəḵā:

5 kēn ’ăḇāreḵəḵā ḇəḥayyāy bəšiməḵā ’eśśā’ ḵapāy:

6 kəmwō ḥēleḇ wāḏešen tiśəb^a‘ nafəšî wəśifəṯê rənānwōṯ yəhallel-pî:

7 ’im-zəḵarətîḵā ‘al-yəṣû‘āy bə’ašəmurwōṯ ’ehəgeh-bāḵə:

8 kî-hāyîṯā ‘ezərāṯâ llî ûḇəṣēl kənāfeyḵā ’ărannēn:

9 dāḇəqâ nafəšî ’^aḥăreyḵā bî tāməḵâ yəmîneḵā:

10 wəhēmmâ ləšwō’â yəḇaqəšû nafəšî yāḇō’û bəṯ^aḥətîywōṯ hā’āreṣ:

11 yagîruhû ‘al-yəḏê-ḥāreḇ mənāṯ šu‘ālîm yihəyû:

12 wəhammeleḵə yiśəm^aḥ bē’lōhîm yiṯəhallēl kāl-hannišəbā‘ bwō kî yissāḵēr pî ḏwōḇərê-šāqer:

‎1 ‏לַמְנַצֵּ֗חַ מִזְמ֥וֹר לְדָוִֽד׃

‎2 ‏שְׁמַע־אֱלֹהִ֣ים קוֹלִ֣י בְשִׂיחִ֑י מִפַּ֥חַד א֝וֹיֵ֗ב תִּצֹּ֥ר חַיָּֽי׃

‎3 ‏תַּ֭סְתִּירֵנִי מִסּ֣וֹד מְרֵעִ֑ים מֵ֝רִגְשַׁ֗ת פֹּ֣עֲלֵי אָֽוֶן׃

‎4 ‏אֲשֶׁ֤ר שָׁנְנ֣וּ כַחֶ֣רֶב לְשׁוֹנָ֑ם דָּרְכ֥וּ חִ֝צָּ֗ם דָּבָ֥ר מָֽר׃

‎5 ‏לִיר֣וֹת בַּמִּסְתָּרִ֣ים תָּ֑ם פִּתְאֹ֥ם יֹ֝רֻ֗הוּ וְלֹ֣א יִירָֽאוּ׃

‎6 ‏יְחַזְּקוּ־לָ֨מוֹ׀ דָּ֘בָ֤ר רָ֗ע יְֽ֭סַפְּרוּ לִטְמ֣וֹן מוֹקְשִׁ֑ים אָ֝מְר֗וּ מִ֣י יִרְאֶה־לָּֽמוֹ׃

‎7 ‏יַֽחְפְּֽשׂוּ־עוֹלֹ֗ת תַּ֭מְנוּ חֵ֣פֶשׂ מְחֻפָּ֑שׂ וְקֶ֥רֶב אִ֝֗ישׁ וְלֵ֣ב עָמֹֽק׃

‎8 ‏וַיֹּרֵ֗ם אֱלֹ֫הִ֥ים חֵ֥ץ פִּתְא֑וֹם הָ֝י֗וּ מַכּוֹתָֽם׃

‎9 ‏וַיַּכְשִׁיל֣וּהוּ עָלֵ֣ימוֹ לְשׁוֹנָ֑ם יִ֝תְנֹדֲד֗וּ כָּל־רֹ֥אֵה בָֽם׃

‎10 ‏וַיִּֽירְא֗וּ כָּל־אָ֫דָ֥ם וַ֭יַּגִּידוּ פֹּ֥עַל אֱלֹהִ֗ים וּֽמַעֲשֵׂ֥הוּ הִשְׂכִּֽילוּ׃

‎11 ‏יִשְׂמַ֬ח צַדִּ֣יק בַּ֭יהוָה וְחָ֣סָה ב֑וֹ וְ֝יִתְהַֽלְל֗וּ כָּל־יִשְׁרֵי־לֵֽב׃

1 lamənaṣṣēḥa mizəmwōr ləḏāwiḏ:

2 šəm^a‘-’ĕlōhîm qwōlî ḇəśîḥî mip^aḥaḏ ’wōyēḇ tiṣṣōr ḥayyāy:

3 tasətîrēnî misswōḏ mərē‘îm mēriḡəšaṯ pō‘ălê ’āwen:

4 ’ăšer šānənû ḵ^aḥereḇ ləšwōnām dārəḵû ḥiṣṣām dāḇār mār:

5 lîrwōṯ bammisətārîm tām piṯə’ōm yōruhû wəlō’ yîrā’û:

6 yəḥazzəqû-lāmwō| dāḇār rā‘ yəsapərû liṭəmwōn mwōqəšîm ’āmərû mî yirə’eh-llāmwō:

7 y^aḥəpəśû-‘wōlōṯ tamənû ḥēfeś məḥupāś wəqereḇ ’îš wəlēḇ ‘āmōq:

8 wayyōrēm ’ĕlōhîm ḥēṣ piṯə’wōm hāyû makwōṯām:

9 wayyaḵəšîlûhû ‘ālêmwō ləšwōnām yiṯənōḏăḏû kāl-rō’ēh ḇām:

10 wayyîrə’û kāl-’āḏām wayyagîḏû pō‘al ’ĕlōhîm ûm^a‘ăśēhû hiśəkîlû:

11 yiśəm^aḥ ṣadîq bayhwâ wəḥāsâ ḇwō wəyiṯəhaləlû kāl-yišərê-lēḇ:

‎1 ‏לַמְנַצֵּ֥חַ מִזְמ֗וֹר לְדָוִ֥ד שִֽׁיר׃

‎2 ‏לְךָ֤ דֻֽמִיָּ֬ה תְהִלָּ֓ה אֱלֹ֘הִ֥ים בְּצִיּ֑וֹן וּ֝לְךָ֗ יְשֻׁלַּם־נֶֽדֶר׃

‎3 ‏שֹׁמֵ֥עַ תְּפִלָּ֑ה עָ֝דֶ֗יךָ כָּל־בָּשָׂ֥ר יָבֹֽאוּ׃

‎4 ‏דִּבְרֵ֣י עֲ֭וֹנֹת גָּ֣בְרוּ מֶ֑נִּי פְּ֝שָׁעֵ֗ינוּ אַתָּ֥ה תְכַפְּרֵֽם׃

‎5 ‏אַשְׁרֵ֤י׀ תִּֽבְחַ֣ר וּתְקָרֵב֮ יִשְׁכֹּ֪ן חֲצֵ֫רֶ֥יךָ נִ֭שְׂבְּעָה בְּט֣וּב בֵּיתֶ֑ךָ קְ֝דֹ֗שׁ הֵיכָלֶֽךָ׃

‎6 ‏נ֤וֹרָא֨וֹת׀ בְּצֶ֣דֶק תַּ֭עֲנֵנוּ אֱלֹהֵ֣י יִשְׁעֵ֑נוּ מִבְטָ֥ח כָּל־קַצְוֵי־אֶ֝֗רֶץ וְיָ֣ם רְחֹקִֽים׃

‎7 ‏מֵכִ֣ין הָרִ֣ים בְּכֹח֑וֹ נֶ֝אְזָ֗ר בִּגְבוּרָֽה׃

‎8 ‏מַשְׁבִּ֤יחַ׀ שְׁא֣וֹן יַ֭מִּים שְׁא֥וֹן גַּלֵּיהֶ֗ם וַהֲמ֥וֹן לְאֻמִּֽים׃

‎9 ‏וַיִּ֤ירְא֨וּ׀ יֹשְׁבֵ֣י קְ֭צָוֹת מֵאוֹתֹתֶ֑יךָ מ֤וֹצָֽאֵי־בֹ֖קֶר וָעֶ֣רֶב תַּרְנִֽין׃

‎10 ‏פָּקַ֥דְתָּ הָאָ֨רֶץ׀ וַתְּשֹׁ֪קְקֶ֡הָ רַבַּ֬ת תַּעְשְׁרֶ֗נָּה פֶּ֣לֶג אֱ֭לֹהִים מָ֣לֵא מָ֑יִם תָּכִ֥ין דְּ֝גָנָ֗ם כִּי־כֵ֥ן תְּכִינֶֽהָ׃

‎11 ‏תְּלָמֶ֣יהָ רַ֭וֵּה נַחֵ֣ת גְּדוּדֶ֑יהָ בִּרְבִיבִ֥ים תְּ֝מֹגְגֶ֗נָּה צִמְחָ֥הּ תְּבָרֵֽךְ׃

‎12 ‏עִ֭טַּרְתָּ שְׁנַ֣ת טוֹבָתֶ֑ךָ וּ֝מַעְגָּלֶ֗יךָ יִרְעֲפ֥וּן דָּֽשֶׁן׃

‎13 ‏יִ֭רְעֲפוּ נְא֣וֹת מִדְבָּ֑ר וְ֝גִ֗יל גְּבָע֥וֹת תַּחְגֹּֽרְנָה׃

‎14 ‏לָבְשׁ֬וּ כָרִ֨ים׀ הַצֹּ֗אן וַעֲמָקִ֥ים יַֽעַטְפוּ־בָ֑ר יִ֝תְרוֹעֲע֗וּ אַף־יָשִֽׁירוּ׃

1 lamənaṣṣēḥa mizəmwōr ləḏāwiḏ šîr:

2 ləḵā ḏumîyâ ṯəhillâ ’ĕlōhîm bəṣîywōn ûləḵā yəšullam-neḏer:

3 šōmē‘a təfillâ ‘āḏeyḵā kāl-bāśār yāḇō’û:

4 diḇərê ‘ăwōnōṯ gāḇərû mennî pəšā‘ênû ’atâ ṯəḵapərēm:

5 ’ašərê| tiḇəḥar ûṯəqārēḇ yišəkōn ḥăṣēreyḵā niśəbə‘â bəṭûḇ bêṯeḵā qəḏōš hêḵāleḵā:

6 nwōrā’wōṯ| bəṣeḏeq t^a‘ănēnû ’ĕlōhê yišə‘ēnû miḇəṭāḥ kāl-qaṣəwê-’ereṣ wəyām rəḥōqîm:

7 mēḵîn hārîm bəḵōḥwō ne’əzār biḡəḇûrâ:

8 mašəbîḥa| šə’wōn yammîm šə’wōn gallêhem wahămwōn lə’ummîm:

9 wayyîrə’û| yōšəḇê qəṣāwōṯ mē’wōṯōṯeyḵā mwōṣā’ê-ḇōqer wā‘ereḇ tarənîn:

10 pāqaḏətā hā’āreṣ| watəšōqəqehā rabaṯ t^a‘əšərennâ peleḡ ’ĕlōhîm mālē’ māyim tāḵîn dəḡānām kî-ḵēn təḵînehā:

11 təlāmeyhā raûēh n^aḥēṯ gəḏûḏeyhā birəḇîḇîm təmōḡəḡennâ ṣiməḥāh təḇārēḵə:

12 ‘iṭṭarətā šənaṯ ṭwōḇāṯeḵā ûm^a‘əgāleyḵā yirə‘ăfûn dāšen:

13 yirə‘ăfû nə’wōṯ miḏəbār wəḡîl gəḇā‘wōṯ t^aḥəgōrənâ:

14 lāḇəšû ḵārîm| haṣṣō’n w^a‘ămāqîm y^a‘aṭəfû-ḇār yiṯərwō‘ă‘û ’af-yāšîrû:

‎1 ‏לַ֭מְנַצֵּחַ שִׁ֣יר מִזְמ֑וֹר הָרִ֥יעוּ לֵ֝אלֹהִים כָּל־הָאָֽרֶץ׃

‎2 ‏זַמְּר֥וּ כְבֽוֹד־שְׁמ֑וֹ שִׂ֥ימוּ כָ֝ב֗וֹד תְּהִלָּתֽוֹ׃

‎3 ‏אִמְר֣וּ לֵ֭אלֹהִים מַה־נּוֹרָ֣א מַעֲשֶׂ֑יךָ בְּרֹ֥ב עֻ֝זְּךָ֗ יְֽכַחֲשׁ֖וּ לְךָ֣ אֹיְבֶֽיךָ׃

‎4 ‏כָּל־הָאָ֤רֶץ׀ יִשְׁתַּחֲו֣וּ לְ֭ךָ וִֽיזַמְּרוּ־לָ֑ךְ יְזַמְּר֖וּ שִׁמְךָ֣ סֶֽלָה׃

‎5 ‏לְכ֣וּ וּ֭רְאוּ מִפְעֲל֣וֹת אֱלֹהִ֑ים נוֹרָ֥א עֲ֝לִילָ֗ה עַל־בְּנֵ֥י אָדָֽם׃

‎6 ‏הָ֤פַךְ יָ֨ם׀ לְֽיַבָּשָׁ֗ה בַּ֭נָּהָר יַֽעַבְר֣וּ בְרָ֑גֶל שָׁ֝֗ם נִשְׂמְחָה־בּֽוֹ׃

‎7 ‏מֹ֘שֵׁ֤ל בִּגְבוּרָת֨וֹ׀ עוֹלָ֗ם עֵ֭ינָיו בַּגּוֹיִ֣ם תִּצְפֶּ֑ינָה הַסּוֹרְרִ֓ים׀ אַל־ירימו יָר֖וּמוּ לָ֣מוֹ סֶֽלָה׃

‎8 ‏בָּרְכ֖וּ עַמִּ֥ים׀ אֱלֹהֵ֑ינוּ וְ֝הַשְׁמִ֗יעוּ ק֣וֹל תְּהִלָּתֽוֹ׃

‎9 ‏הַשָּׂ֣ם נַ֭פְשֵׁנוּ בַּֽחַיִּ֑ים וְלֹֽא־נָתַ֖ן לַמּ֣וֹט רַגְלֵֽנוּ׃

‎10 ‏כִּֽי־בְחַנְתָּ֥נוּ אֱלֹהִ֑ים צְ֝רַפְתָּ֗נוּ כִּצְרָף־כָּֽסֶף׃

‎11 ‏הֲבֵאתָ֥נוּ בַמְּצוּדָ֑ה שַׂ֖מְתָּ מוּעָקָ֣ה בְמָתְנֵֽינוּ׃

‎12 ‏הִרְכַּ֥בְתָּ אֱנ֗וֹשׁ לְרֹ֫אשֵׁ֥נוּ בָּֽאנוּ־בָאֵ֥שׁ וּבַמַּ֑יִם וַ֝תּוֹצִיאֵ֗נוּ לָֽרְוָיָֽה׃

‎13 ‏אָב֣וֹא בֵיתְךָ֣ בְעוֹל֑וֹת אֲשַׁלֵּ֖ם לְךָ֣ נְדָרָֽי׃

‎14 ‏אֲשֶׁר־פָּצ֥וּ שְׂפָתָ֑י וְדִבֶּר־פִּ֝֗י בַּצַּר־לִֽי׃

‎15 ‏עֹ֘ל֤וֹת מֵחִ֣ים אַעֲלֶה־לָּ֭ךְ עִם־קְטֹ֣רֶת אֵילִ֑ים אֶ֥עֱשֶֽׂה בָקָ֖ר עִם־עַתּוּדִ֣ים סֶֽלָה׃

‎16 ‏לְכֽוּ־שִׁמְע֣וּ וַ֭אֲסַפְּרָה כָּל־יִרְאֵ֣י אֱלֹהִ֑ים אֲשֶׁ֖ר עָשָׂ֣ה לְנַפְשִֽׁי׃

‎17 ‏אֵלָ֥יו פִּֽי־קָרָ֑אתִי וְ֝רוֹמַ֗ם תַּ֣חַת לְשׁוֹנִֽי׃

‎18 ‏אָ֭וֶן אִם־רָאִ֣יתִי בְלִבִּ֑י לֹ֖א יִשְׁמַ֣ע׀ אֲדֹנָֽי׃

‎19 ‏אָ֭כֵן שָׁמַ֣ע אֱלֹהִ֑ים הִ֝קְשִׁ֗יב בְּק֣וֹל תְּפִלָּתִֽי׃

‎20 ‏בָּר֥וּךְ אֱלֹהִ֑ים אֲשֶׁ֥ר לֹֽא־הֵסִ֘יר תְּפִלָּתִ֥י וְ֝חַסְדּ֗וֹ מֵאִתִּֽי׃

1 lamənaṣṣēḥa šîr mizəmwōr hārî‘û lē’lōhîm kāl-hā’āreṣ:

2 zammərû ḵəḇwōḏ-šəmwō śîmû ḵāḇwōḏ təhillāṯwō:

3 ’imərû lē’lōhîm mah-nnwōrā’ m^a‘ăśeyḵā bərōḇ ‘uzzəḵā yəḵ^aḥăšû ləḵā ’ōyəḇeyḵā:

4 kāl-hā’āreṣ| yišət^aḥăwû ləḵā wîzammərû-lāḵə yəzammərû šiməḵā selâ:

5 ləḵû ûrə’û mifə‘ălwōṯ ’ĕlōhîm nwōrā’ ‘ălîlâ ‘al-bənê ’āḏām:

6 hāfaḵə yām| ləyabāšâ bannâār y^a‘aḇərû ḇərāḡel šām niśəməḥâ-bwō:

7 mōšēl biḡəḇûrāṯwō| ‘wōlām ‘ênāyw bagwōyim tiṣəpeynâ hasswōrərîm| ’al-yārîmû yārûmû lāmwō selâ:

8 bārəḵû ‘ammîm| ’ĕlōhênû wəhašəmî‘û qwōl təhillāṯwō:

9 haśśām nafəšēnû b^aḥayyîm wəlō’-nāṯan lammwōṭ raḡəlēnû:

10 kî-ḇəḥanətānû ’ĕlōhîm ṣərafətānû kiṣərāf-kāsef:

11 hăḇē’ṯānû ḇamməṣûḏâ śamətā mû‘āqâ ḇəmāṯənênû:

12 hirəkaḇətā ’ĕnwōš lərō’šēnû bā’nû-ḇā’ēš ûḇammayim watwōṣî’ēnû lārəwāyâ:

13 ’āḇwō’ ḇêṯəḵā ḇə‘wōlwōṯ ’ăšallēm ləḵā nəḏārāy:

14 ’ăšer-pāṣû śəfāṯāy wəḏiber-pî baṣṣar-lî:

15 ‘ōlwōṯ mēḥîm ’^a‘ăleh-llāḵə ‘im-qəṭōreṯ ’êlîm ’e‘ĕśeh ḇāqār ‘im-‘atûḏîm selâ:

16 ləḵû-šimə‘û wa’ăsapərâ kāl-yirə’ê ’ĕlōhîm ’ăšer ‘āśâ lənafəšî:

17 ’ēlāyw pî-qārā’ṯî wərwōmam t^aḥaṯ ləšwōnî:

18 ’āwen ’im-rā’îṯî ḇəlibî lō’ yišəm^a‘| ’ăḏōnāy:

19 ’āḵēn šām^a‘ ’ĕlōhîm hiqəšîḇ bəqwōl təfillāṯî:

20 bārûḵə ’ĕlōhîm ’ăšer lō’-hēsîr təfillāṯî wəḥasədwō mē’itî:

‎1 ‏לַמְנַצֵּ֥ח בִּנְגִינֹ֗ת מִזְמ֥וֹר שִֽׁיר׃

‎2 ‏אֱלֹהִ֗ים יְחָנֵּ֥נוּ וִֽיבָרְכֵ֑נוּ יָ֤אֵ֥ר פָּנָ֖יו אִתָּ֣נוּ סֶֽלָה׃

‎3 ‏לָדַ֣עַת בָּאָ֣רֶץ דַּרְכֶּ֑ךָ בְּכָל־גּ֝וֹיִ֗ם יְשׁוּעָתֶֽךָ׃

‎4 ‏יוֹד֖וּךָ עַמִּ֥ים׀ אֱלֹהִ֑ים י֝וֹד֗וּךָ עַמִּ֥ים כֻּלָּֽם׃

‎5 ‏יִֽשְׂמְח֥וּ וִֽירַנְּנ֗וּ לְאֻ֫מִּ֥ים כִּֽי־תִשְׁפֹּ֣ט עַמִּ֣ים מִישׁ֑וֹר וּלְאֻמִּ֓ים׀ בָּאָ֖רֶץ תַּנְחֵ֣ם סֶֽלָה׃

‎6 ‏יוֹד֖וּךָ עַמִּ֥ים׀ אֱלֹהִ֑ים י֝וֹד֗וּךָ עַמִּ֥ים כֻּלָּֽם׃

‎7 ‏אֶ֭רֶץ נָתְנָ֣ה יְבוּלָ֑הּ יְ֝בָרְכֵ֗נוּ אֱלֹהִ֥ים אֱלֹהֵֽינוּ׃

‎8 ‏יְבָרְכֵ֥נוּ אֱלֹהִ֑ים וְיִֽירְא֥וּ אֹ֝ת֗וֹ כָּל־אַפְסֵי־אָֽרֶץ׃

1 lamənaṣṣēḥ binəḡînōṯ mizəmwōr šîr:

2 ’ĕlōhîm yəḥānnēnû wîḇārəḵēnû yā’ēr pānāyw ’itānû selâ:

3 lāḏ^a‘aṯ bā’āreṣ darəkeḵā bəḵāl-gwōyim yəšû‘āṯeḵā:

4 ywōḏûḵā ‘ammîm| ’ĕlōhîm ywōḏûḵā ‘ammîm kullām:

5 yiśəməḥû wîrannənû lə’ummîm kî-ṯišəpōṭ ‘ammîm mîšwōr ûlə’ummîm| bā’āreṣ tanəḥēm selâ:

6 ywōḏûḵā ‘ammîm| ’ĕlōhîm ywōḏûḵā ‘ammîm kullām:

7 ’ereṣ nāṯənâ yəḇûlāh yəḇārəḵēnû ’ĕlōhîm ’ĕlōhênû:

8 yəḇārəḵēnû ’ĕlōhîm wəyîrə’û ’ōṯwō kāl-’afəsê-’āreṣ:

‎1 ‏לַמְנַצֵּ֥חַ לְדָוִ֗ד מִזְמ֥וֹר שִֽׁיר׃

‎2 ‏יָק֣וּם אֱ֭לֹהִים יָפ֣וּצוּ אוֹיְבָ֑יו וְיָנ֥וּסוּ מְ֝שַׂנְאָ֗יו מִפָּנָֽיו׃

‎3 ‏כְּהִנְדֹּ֥ף עָשָׁ֗ן תִּ֫נְדֹּ֥ף כְּהִמֵּ֣ס דּ֭וֹנַג מִפְּנֵי־אֵ֑שׁ יֹאבְד֥וּ רְ֝שָׁעִ֗ים מִפְּנֵ֥י אֱלֹהִֽים׃

‎4 ‏וְֽצַדִּיקִ֗ים יִשְׂמְח֣וּ יַֽ֭עַלְצוּ לִפְנֵ֥י אֱלֹהִ֗ים וְיָשִׂ֥ישׂוּ בְשִׂמְחָֽה׃

‎5 ‏שִׁ֤ירוּ׀ לֵֽאלֹהִים֮ זַמְּר֪וּ שְׁ֫מ֥וֹ סֹ֡לּוּ לָרֹכֵ֣ב בָּ֭עֲרָבוֹת בְּיָ֥הּ שְׁמ֗וֹ וְעִלְז֥וּ לְפָנָֽיו׃

‎6 ‏אֲבִ֣י יְ֭תוֹמִים וְדַיַּ֣ן אַלְמָנ֑וֹת אֱ֝לֹהִ֗ים בִּמְע֥וֹן קָדְשֽׁוֹ׃

‎7 ‏אֱלֹהִ֤ים׀ מ֘וֹשִׁ֤יב יְחִידִ֨ים׀ בַּ֗יְתָה מוֹצִ֣יא אֲ֭סִירִים בַּכּוֹשָׁר֑וֹת אַ֥ךְ ס֝וֹרֲרִ֗ים שָׁכְנ֥וּ צְחִיחָֽה׃

‎8 ‏אֱ‍ֽלֹהִ֗ים בְּ֭צֵאתְךָ לִפְנֵ֣י עַמֶּ֑ךָ בְּצַעְדְּךָ֖ בִֽישִׁימ֣וֹן סֶֽלָה׃

‎9 ‏אֶ֤רֶץ רָעָ֨שָׁה׀ אַף־שָׁמַ֣יִם נָטְפוּ֮ מִפְּנֵ֪י אֱלֹ֫הִ֥ים זֶ֥ה סִינַ֑י מִפְּנֵ֥י אֱ֝לֹהִ֗ים אֱלֹהֵ֥י יִשְׂרָאֵֽל׃

‎10 ‏גֶּ֣שֶׁם נְ֭דָבוֹת תָּנִ֣יף אֱלֹהִ֑ים נַחֲלָתְךָ֥ וְ֝נִלְאָ֗ה אַתָּ֥ה כֽוֹנַנְתָּֽהּ׃

‎11 ‏חַיָּתְךָ֥ יָֽשְׁבוּ־בָ֑הּ תָּ֤כִ֥ין בְּטוֹבָתְךָ֖ לֶעָנִ֣י אֱלֹהִֽים׃

‎12 ‏אֲדֹנָ֥י יִתֶּן־אֹ֑מֶר הַֽ֝מְבַשְּׂר֗וֹת צָבָ֥א רָֽב׃

‎13 ‏מַלְכֵ֣י צְ֭בָאוֹת יִדֹּד֣וּן יִדֹּד֑וּן וּנְוַת בַּ֝֗יִת תְּחַלֵּ֥ק שָׁלָֽל׃

‎14 ‏אִֽם־תִּשְׁכְּבוּן֮ בֵּ֪ין שְׁפַ֫תָּ֥יִם כַּנְפֵ֣י י֭וֹנָה נֶחְפָּ֣ה בַכֶּ֑סֶף וְ֝אֶבְרוֹתֶ֗יהָ בִּֽירַקְרַ֥ק חָרֽוּץ׃

‎15 ‏בְּפָ֘רֵ֤שׂ שַׁדַּ֓י מְלָ֘כִ֤ים בָּ֗הּ תַּשְׁלֵ֥ג בְּצַלְמֽוֹן׃

‎16 ‏הַר־אֱ֭לֹהִים הַר־בָּשָׁ֑ן הַ֥ר גַּ֝בְנֻנִּ֗ים הַר־בָּשָֽׁן׃

‎17 ‏לָ֤מָּה׀ תְּֽרַצְּדוּן֮ הָרִ֪ים גַּבְנֻ֫נִּ֥ים הָהָ֗ר חָמַ֣ד אֱלֹהִ֣ים לְשִׁבְתּ֑וֹ אַף־יְ֝הוָ֗ה יִשְׁכֹּ֥ן לָנֶֽצַח׃

‎18 ‏רֶ֤כֶב אֱלֹהִ֗ים רִבֹּתַ֣יִם אַלְפֵ֣י שִׁנְאָ֑ן אֲדֹנָ֥י בָ֝֗ם סִינַ֥י בַּקֹּֽדֶשׁ׃

‎19 ‏עָ֘לִ֤יתָ לַמָּר֨וֹם׀ שָׁ֘בִ֤יתָ שֶּׁ֗בִי לָקַ֣חְתָּ מַ֭תָּנוֹת בָּאָדָ֑ם וְאַ֥ף ס֝וֹרְרִ֗ים לִשְׁכֹּ֤ן׀ יָ֬הּ אֱלֹהִֽים׃

‎20 ‏בָּ֤ר֣וּךְ אֲדֹנָי֮ י֤וֹם׀ י֥וֹם יַֽעֲמָס־לָ֗נוּ הָ֘אֵ֤ל יְֽשׁוּעָתֵ֬נוּ סֶֽלָה׃

‎21 ‏הָ֤אֵ֣ל׀ לָנוּ֮ אֵ֤ל לְֽמוֹשָׁ֫ע֥וֹת וְלֵיהוִ֥ה אֲדֹנָ֑י לַ֝מָּ֗וֶת תּוֹצָאֽוֹת׃

‎22 ‏אַךְ־אֱלֹהִ֗ים יִמְחַץ֮ רֹ֤אשׁ אֹ֫יְבָ֥יו קָדְקֹ֥ד שֵׂעָ֑ר מִ֝תְהַלֵּ֗ךְ בַּאֲשָׁמָֽיו׃

‎23 ‏אָמַ֣ר אֲ֭דֹנָי מִבָּשָׁ֣ן אָשִׁ֑יב אָ֝שִׁ֗יב מִֽמְּצֻל֥וֹת יָֽם׃

‎24 ‏לְמַ֤עַן׀ תִּֽמְחַ֥ץ רַגְלְךָ֗ בְּ֫דָ֥ם לְשׁ֥וֹן כְּלָבֶ֑יךָ מֵאֹיְבִ֥ים מִנֵּֽהוּ׃

‎25 ‏רָא֣וּ הֲלִיכוֹתֶ֣יךָ אֱלֹהִ֑ים הֲלִ֘יכ֤וֹת אֵלִ֖י מַלְכִּ֣י בַקֹּֽדֶשׁ׃

‎26 ‏קִדְּמ֣וּ שָׁ֭רִים אַחַ֣ר נֹגְנִ֑ים בְּת֥וֹךְ עֲ֝לָמ֗וֹת תּוֹפֵפֽוֹת׃

‎27 ‏בְּֽ֭מַקְהֵלוֹת בָּרְכ֣וּ אֱלֹהִ֑ים יְ֝הוָ֗ה מִמְּק֥וֹר יִשְׂרָאֵֽל׃

‎28 ‏שָׁ֤ם בִּנְיָמִ֨ן׀ צָעִ֡יר רֹדֵ֗ם שָׂרֵ֣י יְ֭הוּדָה רִגְמָתָ֑ם שָׂרֵ֥י זְ֝בֻל֗וּן שָׂרֵ֥י נַפְתָּלִֽי׃

‎29 ‏צִוָּ֥ה אֱלֹהֶ֗יךָ עֻ֫זֶּ֥ךָ עוּזָּ֥ה אֱלֹהִ֑ים ז֝֗וּ פָּעַ֥לְתָּ לָּֽנוּ׃

‎30 ‏מֵֽ֭הֵיכָלֶךָ עַל־יְרוּשָׁלִָ֑ם לְךָ֤ יוֹבִ֖ילוּ מְלָכִ֣ים שָֽׁי׃

‎31 ‏גְּעַ֨ר חַיַּ֪ת קָנֶ֡ה עֲדַ֤ת אַבִּירִ֨ים׀ בְּעֶגְלֵ֬י עַמִּ֗ים מִתְרַפֵּ֥ס בְּרַצֵּי־כָ֑סֶף בִּזַּ֥ר עַ֝מִּ֗ים קְרָב֥וֹת יֶחְפָּֽצוּ׃

‎32 ‏יֶאֱתָ֣יוּ חַ֭שְׁמַנִּים מִנִּ֣י מִצְרָ֑יִם כּ֥וּשׁ תָּרִ֥יץ יָ֝דָ֗יו לֵאלֹהִֽים׃

‎33 ‏מַמְלְכ֣וֹת הָ֭אָרֶץ שִׁ֣ירוּ לֵאלֹהִ֑ים זַמְּר֖וּ אֲדֹנָ֣י סֶֽלָה׃

‎34 ‏לָ֭רֹכֵב בִּשְׁמֵ֣י שְׁמֵי־קֶ֑דֶם הֵ֥ן יִתֵּ֥ן בְּ֝קוֹלוֹ ק֣וֹל עֹֽז׃

‎35 ‏תְּנ֥וּ עֹ֗ז לֵֽאלֹ֫הִ֥ים עַֽל־יִשְׂרָאֵ֥ל גַּאֲוָת֑וֹ וְ֝עֻזּ֗וֹ בַּשְּׁחָקִֽים׃

‎36 ‏נ֤וֹרָ֥א אֱלֹהִ֗ים מִֽמִּקְדָּ֫שֶׁ֥יךָ אֵ֤ל יִשְׂרָאֵ֗ל ה֤וּא נֹתֵ֨ן׀ עֹ֖ז וְתַעֲצֻמ֥וֹת לָעָ֗ם בָּר֥וּךְ אֱלֹהִֽים׃

1 lamənaṣṣēḥa ləḏāwiḏ mizəmwōr šîr:

2 yāqûm ’ĕlōhîm yāfûṣû ’wōyəḇāyw wəyānûsû məśanə’āyw mipānāyw:

3 kəhinədōf ‘āšān tinədōf kəhimmēs dwōnaḡ mipənê-’ēš yō’ḇəḏû rəšā‘îm mipənê ’ĕlōhîm:

4 wəṣadîqîm yiśəməḥû y^a‘aləṣû lifənê ’ĕlōhîm wəyāśîśû ḇəśiməḥâ:

5 šîrû| lē’lōhîm zammərû šəmwō sōllû lārōḵēḇ bā‘ărāḇwōṯ bəyāh šəmwō wə‘iləzû ləfānāyw:

6 ’ăḇî yəṯwōmîm wəḏayyan ’aləmānwōṯ ’ĕlōhîm bimə‘wōn qāḏəšwō:

7 ’ĕlōhîm| mwōšîḇ yəḥîḏîm| bayəṯâ mwōṣî’ ’ăsîrîm bakwōšārwōṯ ’aḵə swōrărîm šāḵənû ṣəḥîḥâ:

8 ’ĕ‍lōhîm bəṣē’ṯəḵā lifənê ‘ammeḵā bəṣ^a‘ədəḵā ḇîšîmwōn selâ:

9 ’ereṣ rā‘āšâ| ’af-šāmayim nāṭəfû mipənê ’ĕlōhîm zeh sînay mipənê ’ĕlōhîm ’ĕlōhê yiśərā’ēl:

10 gešem nəḏāḇwōṯ tānîf ’ĕlōhîm n^aḥălāṯəḵā wənilə’â ’atâ ḵwōnanətāh:

11 ḥayyāṯəḵā yāšəḇû-ḇāh tāḵîn bəṭwōḇāṯəḵā le‘ānî ’ĕlōhîm:

12 ’ăḏōnāy yiten-’ōmer haməḇaśśərwōṯ ṣāḇā’ rāḇ:

13 maləḵê ṣəḇā’wōṯ yidōḏûn yidōḏûn ûnəwaṯ bayiṯ təḥallēq šālāl:

14 ’im-tišəkəḇûn bên šəfatāyim kanəfê ywōnâ neḥəpâ ḇakesef wə’eḇərwōṯeyhā bîraqəraq ḥārûṣ:

15 bəfārēś šaday məlāḵîm bāh tašəlēḡ bəṣaləmwōn:

16 har-’ĕlōhîm har-bāšān har gaḇənunnîm har-bāšān:

17 lāmmâ| təraṣṣəḏûn hārîm gaḇənunnîm hâār ḥāmaḏ ’ĕlōhîm ləšiḇətwō ’af-yəhwâ yišəkōn lāneṣ^aḥ:

18 reḵeḇ ’ĕlōhîm ribōṯayim ’aləfê šinə’ān ’ăḏōnāy ḇām sînay baqqōḏeš:

19 ‘ālîṯā lammārwōm| šāḇîṯā ššeḇî lāq^aḥətā matānwōṯ bā’āḏām wə’af swōrərîm lišəkōn| yāh ’ĕlōhîm:

20 bārûḵə ’ăḏōnāy ywōm| ywōm y^a‘ămās-lānû hā’ēl yəšû‘āṯēnû selâ:

21 hā’ēl| lānû ’ēl ləmwōšā‘wōṯ wəlêhwih ’ăḏōnāy lammāweṯ twōṣā’wōṯ:

22 ’aḵə-’ĕlōhîm yiməḥaṣ rō’š ’ōyəḇāyw qāḏəqōḏ śē‘ār miṯəhallēḵə ba’ăšāmāyw:

23 ’āmar ’ăḏōnāy mibāšān ’āšîḇ ’āšîḇ mimməṣulwōṯ yām:

24 ləm^a‘an| timəḥaṣ raḡələḵā bəḏām ləšwōn kəlāḇeyḵā mē’ōyəḇîm minnēhû:

25 rā’û hălîḵwōṯeyḵā ’ĕlōhîm hălîḵwōṯ ’ēlî maləkî ḇaqqōḏeš:

26 qidəmû šārîm ’^aḥar nōḡənîm bəṯwōḵə ‘ălāmwōṯ twōfēfwōṯ:

27 bəmaqəhēlwōṯ bārəḵû ’ĕlōhîm yəhwâ mimməqwōr yiśərā’ēl:

28 šām binəyāmin| ṣā‘îr rōḏēm śārê yəhûḏâ riḡəmāṯām śārê zəḇulûn śārê nafətālî:

29 ṣiûâ ’ĕlōheyḵā ‘uzzeḵā ‘ûzzâ ’ĕlōhîm zû pā‘alətā llānû:

30 mēhêḵāleḵā ‘al-yərûšālāim ləḵā ywōḇîlû məlāḵîm šāy:

31 gə‘ar ḥayyaṯ qāneh ‘ăḏaṯ ’abîrîm| bə‘eḡəlê ‘ammîm miṯərapēs bəraṣṣê-ḵāsef bizzar ‘ammîm qərāḇwōṯ yeḥəpāṣû:

32 ye’ĕṯāyû ḥašəmannîm minnî miṣərāyim kûš tārîṣ yāḏāyw lē’lōhîm:

33 mamələḵwōṯ hā’āreṣ šîrû lē’lōhîm zammərû ’ăḏōnāy selâ:

34 lārōḵēḇ bišəmê šəmê-qeḏem hēn yitēn bəqwōlwō qwōl ‘ōz:

35 tənû ‘ōz lē’lōhîm ‘al-yiśərā’ēl ga’ăwāṯwō wə‘uzzwō baššəḥāqîm:

36 nwōrā’ ’ĕlōhîm mimmiqədāšeyḵā ’ēl yiśərā’ēl hû’ nōṯēn| ‘ōz wəṯ^a‘ăṣumwōṯ lā‘ām bārûḵə ’ĕlōhîm:

‎1 ‏לַמְנַצֵּ֬חַ עַֽל־שׁוֹשַׁנִּ֬ים לְדָוִֽד׃

‎2 ‏הוֹשִׁיעֵ֥נִי אֱלֹהִ֑ים כִּ֤י בָ֖אוּ מַ֣יִם עַד־נָֽפֶשׁ׃

‎3 ‏טָבַ֤עְתִּי׀ בִּיוֵ֣ן מְ֭צוּלָה וְאֵ֣ין מָעֳמָ֑ד בָּ֥אתִי בְמַעֲמַקֵּי־מַ֝֗יִם וְשִׁבֹּ֥לֶת שְׁטָפָֽתְנִי׃

‎4 ‏יָגַ֣עְתִּי בְקָרְאִי֮ נִחַ֪ר גְּר֫וֹנִ֥י כָּל֥וּ עֵינַ֑י מְ֝יַחֵ֗ל לֵאלֹהָֽי׃

‎5 ‏רַבּ֤וּ׀ מִשַּׂעֲר֣וֹת רֹאשִׁי֮ שֹׂנְאַ֪י חִ֫נָּ֥ם עָצְמ֣וּ מַ֭צְמִיתַי אֹיְבַ֣י שֶׁ֑קֶר אֲשֶׁ֥ר לֹא־גָ֝זַ֗לְתִּי אָ֣ז אָשִֽׁיב׃

‎6 ‏אֱ‍ֽלֹהִ֗ים אַתָּ֣ה יָ֭דַעְתָּ לְאִוַּלְתִּ֑י וְ֝אַשְׁמוֹתַ֗י מִמְּךָ֥ לֹא־נִכְחָֽדוּ׃

‎7 ‏אַל־יֵ֘בֹ֤שׁוּ בִ֨י׀ קוֶֹיךָ֮ אֲדֹנָ֥י יְהוִ֗ה צְבָ֫א֥וֹת אַל־יִכָּ֣לְמוּ בִ֣י מְבַקְשֶׁ֑יךָ אֱ֝לֹהֵ֗י יִשְׂרָאֵֽל׃

‎8 ‏כִּֽי־עָ֭לֶיךָ נָשָׂ֣אתִי חֶרְפָּ֑ה כִּסְּתָ֖ה כְלִמָּ֣ה פָנָֽי׃

‎9 ‏מ֖וּזָר¹ הָיִ֣יתִי לְאֶחָ֑י וְ֝נָכְרִ֗י לִבְנֵ֥י אִמִּֽי׃

‎10 ‏כִּֽי־קִנְאַ֣ת בֵּיתְךָ֣ אֲכָלָ֑תְנִי וְחֶרְפּ֥וֹת ח֝וֹרְפֶ֗יךָ נָפְל֥וּ עָלָֽי׃

‎11 ‏וָאֶבְכֶּ֣ה בַצּ֣וֹם נַפְשִׁ֑י וַתְּהִ֖י לַחֲרָפ֣וֹת לִֽי׃

‎12 ‏וָאֶתְּנָ֣ה לְבוּשִׁ֣י שָׂ֑ק וָאֱהִ֖י לָהֶ֣ם לְמָשָֽׁל׃

‎13 ‏יָשִׂ֣יחוּ בִ֭י יֹ֣שְׁבֵי שָׁ֑עַר וּ֝נְגִינ֗וֹת שׁוֹתֵ֥י שֵׁכָֽר׃

‎14 ‏וַאֲנִ֤י תְפִלָּתִֽי־לְךָ֨׀³ יְהוָ֡ה עֵ֤ת רָצ֗וֹן אֱלֹהִ֥ים בְּרָב־חַסְדֶּ֑ךָ עֲ֝נֵ֗נִי בֶּאֱמֶ֥ת יִשְׁעֶֽךָ׃

‎15 ‏הַצִּילֵ֣נִי מִ֭טִּיט וְאַל־אֶטְבָּ֑עָה אִנָּצְלָ֥ה מִ֝שֹּֽׂנְאַ֗י וּמִמַּֽעֲמַקֵּי־מָֽיִם׃

‎16 ‏אַל־תִּשְׁטְפֵ֤נִי׀ שִׁבֹּ֣לֶת מַ֭יִם וְאַל־תִּבְלָעֵ֣נִי מְצוּלָ֑ה וְאַל־תֶּאְטַר־עָלַ֖י בְּאֵ֣ר פִּֽיהָ׃

‎17 ‏עֲנֵ֣נִי יְ֭הוָה כִּי־ט֣וֹב חַסְדֶּ֑ךָ כְּרֹ֥ב רַ֝חֲמֶ֗יךָ פְּנֵ֣ה אֵלָֽי׃

‎18 ‏וְאַל־תַּסְתֵּ֣ר פָּ֭נֶיךָ מֵֽעַבְדֶּ֑ךָ כִּֽי־צַר־לִ֝֗י מַהֵ֥ר עֲנֵֽנִי׃

‎19 ‏קָרְבָ֣ה אֶל־נַפְשִׁ֣י גְאָלָ֑הּ לְמַ֖עַן אֹיְבַ֣י פְּדֵֽנִי׃

‎20 ‏אַתָּ֤ה יָדַ֗עְתָּ חֶרְפָּתִ֣י וּ֭בָשְׁתִּי וּכְלִמָּתִ֑י נֶ֝גְדְּךָ֗ כָּל־צוֹרְרָֽי׃

‎21 ‏חֶרְפָּ֤ה׀ שָֽׁבְרָ֥ה לִבִּ֗י וָֽאָ֫נ֥וּשָׁה וָאֲקַוֶּ֣ה לָנ֣וּד וָאַ֑יִן וְ֝לַמְנַחֲמִ֗ים וְלֹ֣א מָצָֽאתִי׃

‎22 ‏וַיִּתְּנ֣וּ בְּבָרוּתִ֣י רֹ֑אשׁ וְ֝לִצְמָאִ֗י יַשְׁק֥וּנִי חֹֽמֶץ׃

‎23 ‏יְהִֽי־שֻׁלְחָנָ֣ם לִפְנֵיהֶ֣ם לְפָ֑ח וְלִשְׁלוֹמִ֥ים לְמוֹקֵֽשׁ׃

‎24 ‏תֶּחְשַׁ֣כְנָה עֵ֭ינֵיהֶם מֵרְא֑וֹת וּ֝מָתְנֵ֗יהֶם תָּמִ֥יד הַמְעַֽד׃

‎25 ‏שְׁפָךְ־עֲלֵיהֶ֥ם זַעְמֶ֑ךָ וַחֲר֥וֹן אַ֝פְּךָ֗ יַשִּׂיגֵֽם׃

‎26 ‏תְּהִי־טִֽירָתָ֥ם נְשַׁמָּ֑ה בְּ֝אָהֳלֵיהֶ֗ם אַל־יְהִ֥י יֹשֵֽׁב׃

‎27 ‏כִּֽי־אַתָּ֣ה אֲשֶׁר־הִכִּ֣יתָ רָדָ֑פוּ וְאֶל־מַכְא֖וֹב חֲלָלֶ֣יךָ יְסַפֵּֽרוּ׃

‎28 ‏תְּֽנָה־עָ֭וֹן עַל־עֲוֹנָ֑ם וְאַל־יָ֝בֹ֗אוּ בְּצִדְקָתֶֽךָ׃

‎29 ‏יִ֭מָּחֽוּ מִסֵּ֣פֶר חַיִּ֑ים וְעִ֥ם צַ֝דִּיקִ֗ים אַל־יִכָּתֵֽבוּ׃

‎30 ‏וַ֭אֲנִי עָנִ֣י וְכוֹאֵ֑ב יְשׁוּעָתְךָ֖ אֱלֹהִ֣ים תְּשַׂגְּבֵֽנִי׃

‎31 ‏אֲהַֽלְלָ֣ה שֵׁם־אֱלֹהִ֣ים בְּשִׁ֑יר וַאֲגַדְּלֶ֥נּוּ בְתוֹדָֽה׃

‎32 ‏וְתִיטַ֣ב לַֽ֭יהוָה מִשּׁ֥וֹר פָּ֗ר מַקְרִ֥ן מַפְרִֽיס׃

‎33 ‏רָא֣וּ עֲנָוִ֣ים יִשְׂמָ֑חוּ דֹּרְשֵׁ֥י אֱ֝לֹהִ֗ים וִיחִ֥י לְבַבְכֶֽם׃

‎34 ‏כִּֽי־שֹׁמֵ֣עַ אֶל־אֶבְיוֹנִ֣ים יְהוָ֑ה וְאֶת־אֲ֝סִירָ֗יו לֹ֣א בָזָֽה׃

‎35 ‏יְֽ֭הַלְלוּהוּ שָׁמַ֣יִם וָאָ֑רֶץ יַ֝מִּ֗ים וְֽכָל־רֹמֵ֥שׂ בָּֽם׃

‎36 ‏כִּ֤י אֱלֹהִ֨ים׀ י֘וֹשִׁ֤יעַ צִיּ֗וֹן וְ֭יִבְנֶה עָרֵ֣י יְהוּדָ֑ה וְיָ֥שְׁבוּ שָׁ֝֗ם וִירֵשֽׁוּהָ׃

‎37 ‏וְזֶ֣רַע עֲ֭בָדָיו יִנְחָל֑וּהָ וְאֹהֲבֵ֥י שְׁ֝מ֗וֹ יִשְׁכְּנוּ־בָֽהּ׃

1 lamənaṣṣēḥa ‘al-šwōšannîm ləḏāwiḏ:

2 hwōšî‘ēnî ’ĕlōhîm kî ḇā’û mayim ‘aḏ-nāfeš:

3 ṭāḇ^a‘ətî| bîwēn məṣûlâ wə’ên mā‘ŏmāḏ bā’ṯî ḇəm^a‘ămaqqê-mayim wəšibōleṯ šəṭāfāṯənî:

4 yāḡ^a‘ətî ḇəqārə’î niḥar gərwōnî kālû ‘ênay məy^aḥēl lē’lōhāy:

5 rabû| miśś^a‘ărwōṯ rō’šî śōnə’ay ḥinnām ‘āṣəmû maṣəmîṯay ’ōyəḇay šeqer ’ăšer lō’-ḡāzalətî ’āz ’āšîḇ:

6 ’ĕ‍lōhîm ’atâ yāḏ^a‘ətā lə’iûalətî wə’ašəmwōṯay mimməḵā lō’-niḵəḥāḏû:

7 ’al-yēḇōšû ḇî| qwōeyḵā ’ăḏōnāy yəhwih ṣəḇā’wōṯ ’al-yikāləmû ḇî məḇaqəšeyḵā ’ĕlōhê yiśərā’ēl:

8 kî-‘āleyḵā nāśā’ṯî ḥerəpâ kissəṯâ ḵəlimmâ fānāy:

9 mûzār¹ hāyîṯî lə’eḥāy wənāḵərî liḇənê ’immî:

10 kî-qinə’aṯ bêṯəḵā ’ăḵālāṯənî wəḥerəpwōṯ ḥwōrəfeyḵā nāfəlû ‘ālāy:

11 wā’eḇəkeh ḇaṣṣwōm nafəšî watəhî l^aḥărāfwōṯ lî:

12 wā’etənâ ləḇûšî śāq wā’ĕhî lâem ləmāšāl:

13 yāśîḥû ḇî yōšəḇê šā‘ar ûnəḡînwōṯ šwōṯê šēḵār:

14 wa’ănî ṯəfillāṯî-ləḵā|³ yəhwâ ‘ēṯ rāṣwōn ’ĕlōhîm bərāḇ-ḥasədeḵā ‘ănēnî be’ĕmeṯ yišə‘eḵā:

15 haṣṣîlēnî miṭṭîṭ wə’al-’eṭəbā‘â ’innāṣəlâ miśśōnə’ay ûmimm^a‘ămaqqê-māyim:

16 ’al-tišəṭəfēnî| šibōleṯ mayim wə’al-tiḇəlā‘ēnî məṣûlâ wə’al-te’əṭar-‘ālay bə’ēr pîhā:

17 ‘ănēnî yəhwâ kî-ṭwōḇ ḥasədeḵā kərōḇ r^aḥămeyḵā pənēh ’ēlāy:

18 wə’al-tasətēr pāneyḵā mē‘aḇədeḵā kî-ṣar-lî mahēr ‘ănēnî:

19 qārəḇâ ’el-nafəšî ḡə’ālāh ləm^a‘an ’ōyəḇay pəḏēnî:

20 ’atâ yāḏ^a‘ətā ḥerəpāṯî ûḇāšətî ûḵəlimmāṯî neḡədəḵā kāl-ṣwōrərāy:

21 ḥerəpâ| šāḇərâ libî wā’ānûšâ wā’ăqaûeh lānûḏ wā’ayin wəlamən^aḥămîm wəlō’ māṣā’ṯî:

22 wayyitənû bəḇārûṯî rō’š wəliṣəmā’î yašəqûnî ḥōmeṣ:

23 yəhî-šuləḥānām lifənêhem ləfāḥ wəlišəlwōmîm ləmwōqēš:

24 teḥəšaḵənâ ‘ênêhem mērə’wōṯ ûmāṯənêhem tāmîḏ hamə‘aḏ:

25 šəfāḵə-‘ălêhem z^a‘əmeḵā w^aḥărwōn ’apəḵā yaśśîḡēm:

26 təhî-ṭîrāṯām nəšammâ bə’âŏlêhem ’al-yəhî yōšēḇ:

27 kî-’atâ ’ăšer-hikîṯā rāḏāfû wə’el-maḵə’wōḇ ḥălāleyḵā yəsapērû:

28 tənâ-‘āwōn ‘al-‘ăwōnām wə’al-yāḇō’û bəṣiḏəqāṯeḵā:

29 yimmāḥû missēfer ḥayyîm wə‘im ṣadîqîm ’al-yikāṯēḇû:

30 wa’ănî ‘ānî wəḵwō’ēḇ yəšû‘āṯəḵā ’ĕlōhîm təśagəḇēnî:

31 ’ăhaləlâ šēm-’ĕlōhîm bəšîr wa’ăḡadəlennû ḇəṯwōḏâ:

32 wəṯîṭaḇ layhwâ miššwōr pār maqərin mafərîs:

33 rā’û ‘ănāwîm yiśəmāḥû dōrəšê ’ĕlōhîm wîḥî ləḇaḇəḵem:

34 kî-šōmē‘a ’el-’eḇəywōnîm yəhwâ wə’eṯ-’ăsîrāyw lō’ ḇāzâ:

35 yəhaləlûhû šāmayim wā’āreṣ yammîm wəḵāl-rōmēś bām:

36 kî ’ĕlōhîm| ywōšî‘a ṣîywōn wəyiḇəneh ‘ārê yəhûḏâ wəyāšəḇû šām wîrēšûhā:

37 wəzer^a‘ ‘ăḇāḏāyw yinəḥālûhā wə’ōhăḇê šəmwō yišəkənû-ḇāh:

‎1 ‏לַ֝מְנַצֵּ֗חַ לְדָוִ֥ד לְהַזְכִּֽיר׃

‎2 ‏אֱלֹהִ֥ים לְהַצִּילֵ֑נִי יְ֝הוָ֗ה לְעֶזְרָ֥תִי חֽוּשָֽׁה׃

‎3 ‏יֵבֹ֣שׁוּ וְיַחְפְּרוּ֮ מְבַקְשֵׁ֪י נַ֫פְשִׁ֥י יִסֹּ֣גוּ אָ֭חוֹר וְיִכָּלְמ֑וּ חֲ֝פֵצֵ֗י רָעָתִֽי׃

‎4 ‏יָ֭שׁוּבוּ עַל־עֵ֣קֶב בָּשְׁתָּ֑ם הָ֝אֹמְרִ֗ים הֶ֘אָ֥ח׀ הֶאָֽח׃

‎5 ‏יָ֘שִׂ֤ישׂוּ וְיִשְׂמְח֨וּ׀ בְּךָ֗ כָּֽל־מְבַ֫קְשֶׁ֥יךָ וְיֹאמְר֣וּ תָ֭מִיד יִגְדַּ֣ל אֱלֹהִ֑ים אֹ֝הֲבֵ֗י יְשׁוּעָתֶֽךָ׃

‎6 ‏וַאֲנִ֤י׀ עָנִ֣י וְאֶבְיוֹן֮ אֱלֹהִ֪ים חֽוּשָׁ֫ה־לִּ֥י עֶזְרִ֣י וּמְפַלְטִ֣י אַ֑תָּה יְ֝הוָ֗ה אַל־תְּאַחַֽר׃

1 lamənaṣṣēḥa ləḏāwiḏ ləhazəkîr:

2 ’ĕlōhîm ləhaṣṣîlēnî yəhwâ lə‘ezərāṯî ḥûšâ:

3 yēḇōšû wəy^aḥəpərû məḇaqəšê nafəšî yissōḡû ’āḥwōr wəyikāləmû ḥăfēṣê rā‘āṯî:

4 yāšûḇû ‘al-‘ēqeḇ bāšətām hā’ōmərîm he’āḥ| he’āḥ:

5 yāśîśû wəyiśəməḥû| bəḵā kāl-məḇaqəšeyḵā wəyō’mərû ṯāmîḏ yiḡədal ’ĕlōhîm ’ōhăḇê yəšû‘āṯeḵā:

6 wa’ănî| ‘ānî wə’eḇəywōn ’ĕlōhîm ḥûšâ-llî ‘ezərî ûməfaləṭî ’atâ yəhwâ ’al-tə’^aḥar:

‎1 ‏בְּךָֽ־יְהוָ֥ה חָסִ֑יתִי אַל־אֵב֥וֹשָׁה לְעוֹלָֽם׃

‎2 ‏בְּצִדְקָתְךָ֗ תַּצִּילֵ֥נִי וּֽתְפַלְּטֵ֑נִי הַטֵּֽה־אֵלַ֥י אָ֝זְנְךָ֗ וְהוֹשִׁיעֵֽנִי׃

‎3 ‏הֱיֵ֤ה לִ֨י׀ לְצ֥וּר מָע֡וֹן לָב֗וֹא תָּמִ֗יד צִוִּ֥יתָ לְהוֹשִׁיעֵ֑נִי כִּֽי־סַלְעִ֖י וּמְצוּדָתִ֣י אָֽתָּה׃

‎4 ‏אֱ‍ֽלֹהַ֗י פַּ֭לְּטֵנִי מִיַּ֣ד רָשָׁ֑ע מִכַּ֖ף מְעַוֵּ֣ל וְחוֹמֵץ׃¹

‎5 ‏כִּֽי־אַתָּ֥ה תִקְוָתִ֑י אֲדֹנָ֥י יְ֝הוִ֗ה מִבְטַחִ֥י מִנְּעוּרָֽי׃

‎6 ‏עָלֶ֤יךָ׀ נִסְמַ֬כְתִּי מִבֶּ֗טֶן מִמְּעֵ֣י אִ֭מִּי אַתָּ֣ה גוֹזִ֑י בְּךָ֖ תְהִלָּתִ֣י תָמִֽיד׃

‎7 ‏כְּ֭מוֹפֵת הָיִ֣יתִי לְרַבִּ֑ים וְ֝אַתָּ֗ה מַֽחֲסִי־עֹֽז׃

‎8 ‏יִמָּ֣לֵא פִ֭י תְּהִלָּתֶ֑ךָ כָּל־הַ֝יּ֗וֹם תִּפְאַרְתֶּֽךָ׃

‎9 ‏אַֽל־תַּ֭שְׁלִיכֵנִי לְעֵ֣ת זִקְנָ֑ה כִּכְל֥וֹת כֹּ֝חִ֗י אַֽל־תַּעַזְבֵֽנִי׃

‎10 ‏כִּֽי־אָמְר֣וּ אוֹיְבַ֣י לִ֑י וְשֹׁמְרֵ֥י נַ֝פְשִׁ֗י נוֹעֲצ֥וּ יַחְדָּֽו׃

‎11 ‏לֵ֭אמֹר אֱלֹהִ֣ים עֲזָב֑וֹ רִֽדְפ֥וּ וְ֝תִפְשׂ֗וּהוּ כִּי־אֵ֥ין מַצִּֽיל׃

‎12 ‏אֱ֭לֹהִים אַל־תִּרְחַ֣ק מִמֶּ֑נִּי אֱ֝לֹהַ֗י לְעֶזְרָ֥תִי חישה חֽוּשָׁה׃

‎13 ‏יֵבֹ֣שׁוּ יִכְלוּ֮ שֹׂטְנֵ֪י נַ֫פְשִׁ֥י יַֽעֲט֣וּ חֶ֭רְפָּה וּכְלִמָּ֑ה מְ֝בַקְשֵׁ֗י רָעָתִֽי׃

‎14 ‏וַ֭אֲנִי תָּמִ֣יד אֲיַחֵ֑ל וְ֝הוֹסַפְתִּ֗י עַל־כָּל־תְּהִלָּתֶֽךָ׃

‎15 ‏פִּ֤י׀ יְסַפֵּ֬ר צִדְקָתֶ֗ךָ כָּל־הַיּ֥וֹם תְּשׁוּעָתֶ֑ךָ כִּ֤י לֹ֖א יָדַ֣עְתִּי סְפֹרֽוֹת׃

‎16 ‏אָב֗וֹא בִּ֭גְבֻרוֹת אֲדֹנָ֣י יְהוִ֑ה אַזְכִּ֖יר צִדְקָתְךָ֣ לְבַדֶּֽךָ׃

‎17 ‏אֱ‍ֽלֹהִ֗ים לִמַּדְתַּ֥נִי מִנְּעוּרָ֑י וְעַד־הֵ֝֗נָּה אַגִּ֥יד נִפְלְאוֹתֶֽיךָ׃

‎18 ‏וְגַ֤ם עַד־זִקְנָ֨ה׀ וְשֵׂיבָה֮ אֱלֹהִ֪ים אַֽל־תַּעַ֫זְבֵ֥נִי עַד־אַגִּ֣יד זְרוֹעֲךָ֣ לְד֑וֹר לְכָל־יָ֝ב֗וֹא גְּבוּרָתֶֽךָ׃

‎19 ‏וְצִדְקָתְךָ֥ אֱלֹהִ֗ים עַד־מָ֫ר֥וֹם אֲשֶׁר־עָשִׂ֥יתָ גְדֹל֑וֹת אֱ֝לֹהִ֗ים מִ֣י כָמֽוֹךָ׃

‎20 ‏אֲשֶׁ֤ר הראיתנו הִרְאִיתַ֨נִי׀ צָר֥וֹת רַבּ֗וֹת וְרָ֫ע֥וֹת תָּשׁ֥וּב תחיינו תְּחַיֵּ֑ינִי וּֽמִתְּהֹמ֥וֹת הָ֝אָ֗רֶץ תָּשׁ֥וּב תַּעֲלֵֽנִי׃

‎21 ‏תֶּ֤רֶב׀ גְּֽדֻלָּתִ֗י וְתִסֹּ֥ב תְּֽנַחֲמֵֽנִי׃

‎22 ‏גַּם־אֲנִ֤י׀ אוֹדְךָ֣ בִכְלִי־נֶבֶל֮ אֲמִתְּךָ֪ אֱלֹ֫הָ֥י אֲזַמְּרָ֣ה לְךָ֣ בְכִנּ֑וֹר קְ֝ד֗וֹשׁ יִשְׂרָאֵֽל׃

‎23 ‏תְּרַנֵּ֣נָּ֣ה שְׂ֭פָתַי כִּ֣י אֲזַמְּרָה־לָּ֑ךְ וְ֝נַפְשִׁ֗י אֲשֶׁ֣ר פָּדִֽיתָ׃

‎24 ‏גַּם־לְשׁוֹנִ֗י כָּל־הַ֭יּוֹם תֶּהְגֶּ֣ה צִדְקָתֶ֑ךָ כִּי־בֹ֥שׁוּ כִֽי־חָ֝פְר֗וּ מְבַקְשֵׁ֥י רָעָתִֽי׃

1 bəḵā-yəhwâ ḥāsîṯî ’al-’ēḇwōšâ lə‘wōlām:

2 bəṣiḏəqāṯəḵā taṣṣîlēnî ûṯəfalləṭēnî haṭṭēh-’ēlay ’āzənəḵā wəhwōšî‘ēnî:

3 hĕyēh lî| ləṣûr mā‘wōn lāḇwō’ tāmîḏ ṣiûîṯā ləhwōšî‘ēnî kî-salə‘î ûməṣûḏāṯî ’ātâ:

4 ’ĕ‍lōhay palləṭēnî mîyaḏ rāšā‘ mikaf mə‘aûēl wəḥwōmēṣ:¹

5 kî-’atâ ṯiqəwāṯî ’ăḏōnāy yəhwih miḇəṭ^aḥî minnə‘ûrāy:

6 ‘āleyḵā| nisəmaḵətî mibeṭen mimmə‘ê ’immî ’atâ ḡwōzî bəḵā ṯəhillāṯî ṯāmîḏ:

7 kəmwōfēṯ hāyîṯî lərabîm wə’atâ m^aḥăsî-‘ōz:

8 yimmālē’ fî təhillāṯeḵā kāl-hayywōm tifə’arəteḵā:

9 ’al-tašəlîḵēnî lə‘ēṯ ziqənâ kiḵəlwōṯ kōḥî ’al-t^a‘azəḇēnî:

10 kî-’āmərû ’wōyəḇay lî wəšōmərê nafəšî nwō‘ăṣû y^aḥədāw:

11 lē’mōr ’ĕlōhîm ‘ăzāḇwō riḏəfû wəṯifəśûhû kî-’ên maṣṣîl:

12 ’ĕlōhîm ’al-tirəḥaq mimmennî ’ĕlōhay lə‘ezərāṯî ḥîšâ ḥûšâ:

13 yēḇōšû yiḵəlû śōṭənê nafəšî y^a‘ăṭû ḥerəpâ ûḵəlimmâ məḇaqəšê rā‘āṯî:

14 wa’ănî tāmîḏ ’ăy^aḥēl wəhwōsafətî ‘al-kāl-təhillāṯeḵā:

15 pî| yəsapēr ṣiḏəqāṯeḵā kāl-hayywōm təšû‘āṯeḵā kî lō’ yāḏ^a‘ətî səfōrwōṯ:

16 ’āḇwō’ biḡəḇurwōṯ ’ăḏōnāy yəhwih ’azəkîr ṣiḏəqāṯəḵā ləḇadeḵā:

17 ’ĕ‍lōhîm limmaḏətanî minnə‘ûrāy wə‘aḏ-hēnnâ ’agîḏ nifələ’wōṯeyḵā:

18 wəḡam ‘aḏ-ziqənâ| wəśêḇâ ’ĕlōhîm ’al-t^a‘azəḇēnî ‘aḏ-’agîḏ zərwō‘ăḵā ləḏwōr ləḵāl-yāḇwō’ gəḇûrāṯeḵā:

19 wəṣiḏəqāṯəḵā ’ĕlōhîm ‘aḏ-mārwōm ’ăšer-‘āśîṯā ḡəḏōlwōṯ ’ĕlōhîm mî ḵāmwōḵā:

20 ’ăšer hirə’îṯanû hirə’îṯanî| ṣārwōṯ rabwōṯ wərā‘wōṯ tāšûḇ təḥayyênû təḥayyênî ûmitəhōmwōṯ hā’āreṣ tāšûḇ t^a‘ălēnî:

21 tereḇ| gəḏullāṯî wəṯissōḇ tən^aḥămēnî:

22 gam-’ănî| ’wōḏəḵā ḇiḵəlî-neḇel ’ămitəḵā ’ĕlōhāy ’ăzammərâ ləḵā ḇəḵinnwōr qəḏwōš yiśərā’ēl:

23 tərannēnnâ śəfāṯay kî ’ăzammərâ-llāḵə wənafəšî ’ăšer pāḏîṯā:

24 gam-ləšwōnî kāl-hayywōm tehəgeh ṣiḏəqāṯeḵā kî-ḇōšû ḵî-ḥāfərû məḇaqəšê rā‘āṯî:

‎1 ‏לִשְׁלֹמֹ֨ה׀ אֱ‍ֽלֹהִ֗ים מִ֭שְׁפָּטֶיךָ לְמֶ֣לֶךְ תֵּ֑ן וְצִדְקָתְךָ֥ לְבֶן־מֶֽלֶךְ׃

‎2 ‏יָדִ֣ין עַמְּךָ֣ בְצֶ֑דֶק וַעֲנִיֶּ֥יךָ בְמִשְׁפָּֽט׃

‎3 ‏יִשְׂא֤וּ הָרִ֓ים שָׁ֘ל֥וֹם לָעָ֑ם וּ֝גְבָע֗וֹת בִּצְדָקָֽה׃

‎4 ‏יִשְׁפֹּ֤ט׀ עֲ‍ֽנִיֵּי־עָ֗ם י֭וֹשִׁיעַ לִבְנֵ֣י אֶבְי֑וֹן וִֽידַכֵּ֣א עוֹשֵֽׁק׃

‎5 ‏יִֽירָא֥וּךָ עִם־שָׁ֑מֶשׁ וְלִפְנֵ֥י יָ֝רֵ֗חַ דּ֣וֹר דּוֹרִֽים׃

‎6 ‏יֵ֭רֵד כְּמָטָ֣ר עַל־גֵּ֑ז כִּ֝רְבִיבִ֗ים זַרְזִ֥יף אָֽרֶץ׃

‎7 ‏יִֽפְרַח־בְּיָמָ֥יו צַדִּ֑יק וְרֹ֥ב שָׁ֝ל֗וֹם עַד־בְּלִ֥י יָרֵֽחַ׃

‎8 ‏וְ֭יֵרְדְּ מִיָּ֣ם עַד־יָ֑ם וּ֝מִנָּהָ֗ר עַד־אַפְסֵי־אָֽרֶץ׃

‎9 ‏לְ֭פָנָיו יִכְרְע֣וּ צִיִּ֑ים וְ֝אֹיְבָ֗יו עָפָ֥ר יְלַחֵֽכוּ׃

‎10 ‏מַלְכֵ֬י תַרְשִׁ֣ישׁ וְ֭אִיִּים מִנְחָ֣ה יָשִׁ֑יבוּ מַלְכֵ֥י שְׁבָ֥א וּ֝סְבָ֗א אֶשְׁכָּ֥ר יַקְרִֽיבוּ׃

‎11 ‏וְיִשְׁתַּחֲווּ־ל֥וֹ כָל־מְלָכִ֑ים כָּל־גּוֹיִ֥ם יַֽעַבְדֽוּהוּ׃

‎12 ‏כִּֽי־יַ֭צִּיל אֶבְי֣וֹן מְשַׁוֵּ֑עַ וְ֝עָנִ֗י וְֽאֵין־עֹזֵ֥ר לֽוֹ׃

‎13 ‏יָ֭חֹס עַל־דַּ֣ל וְאֶבְי֑וֹן וְנַפְשׁ֖וֹת אֶבְיוֹנִ֣ים יוֹשִֽׁיעַ׃

‎14 ‏מִתּ֣וֹךְ וּ֭מֵחָמָס יִגְאַ֣ל נַפְשָׁ֑ם וְיֵיקַ֖ר דָּמָ֣ם בְּעֵינָֽיו׃

‎15 ‏וִיחִ֗י וְיִתֶּן־לוֹ֮ מִזְּהַ֪ב שְׁ֫בָ֥א וְיִתְפַּלֵּ֣ל בַּעֲד֣וֹ תָמִ֑יד כָּל־הַ֝יּ֗וֹם יְבָרֲכֶֽנְהֽוּ׃

‎16 ‏יְהִ֤י פִסַּת־בַּ֨ר׀ בָּאָרֶץ֮ בְּרֹ֪אשׁ הָ֫רִ֥ים יִרְעַ֣שׁ כַּלְּבָנ֣וֹן פִּרְי֑וֹ וְיָצִ֥יצוּ מֵ֝עִ֗יר כְּעֵ֣שֶׂב הָאָֽרֶץ׃

‎17 ‏יְהִ֤י שְׁמ֨וֹ לְֽעוֹלָ֗ם לִפְנֵי־שֶׁמֶשׁ֮ ינין יִנּ֪וֹן שְׁ֫מ֥וֹ וְיִתְבָּ֥רְכוּ ב֑וֹ כָּל־גּוֹיִ֥ם יְאַשְּׁרֽוּהוּ׃

‎18 ‏בָּר֤וּךְ׀ יְהוָ֣ה אֱ֭לֹהִים אֱלֹהֵ֣י יִשְׂרָאֵ֑ל עֹשֵׂ֖ה נִפְלָא֣וֹת לְבַדּֽוֹ׃

‎19 ‏וּבָר֤וּךְ׀ שֵׁ֥ם כְּבוֹד֗וֹ לְע֫וֹלָ֥ם וְיִמָּלֵ֣א כְ֭בוֹדוֹ אֶת־כֹּ֥ל הָאָ֗רֶץ אָ֘מֵ֥ן׀ וְאָמֵֽן׃

‎20 ‏כָּלּ֥וּ תְפִלּ֑וֹת דָּ֝וִ֗ד בֶּן־יִשָֽׁי׃

1 lišəlōmōh| ’ĕ‍lōhîm mišəpāṭeyḵā ləmeleḵə tēn wəṣiḏəqāṯəḵā ləḇen-meleḵə:

2 yāḏîn ‘amməḵā ḇəṣeḏeq w^a‘ănîyeyḵā ḇəmišəpāṭ:

3 yiśə’û hārîm šālwōm lā‘ām ûḡəḇā‘wōṯ biṣəḏāqâ:

4 yišəpōṭ| ‘ă‍nîyê-‘ām ywōšî‘a liḇənê ’eḇəywōn wîḏakē’ ‘wōšēq:

5 yîrā’ûḵā ‘im-šāmeš wəlifənê yārēḥa dwōr dwōrîm:

6 yērēḏ kəmāṭār ‘al-gēz kirəḇîḇîm zarəzîf ’āreṣ:

7 yifər^aḥ-bəyāmāyw ṣadîq wərōḇ šālwōm ‘aḏ-bəlî yārēḥa:

8 wəyērədə mîyām ‘aḏ-yām ûminnâār ‘aḏ-’afəsê-’āreṣ:

9 ləfānāyw yiḵərə‘û ṣîyîm wə’ōyəḇāyw ‘āfār yəl^aḥēḵû:

10 maləḵê ṯarəšîš wə’îyîm minəḥâ yāšîḇû maləḵê šəḇā’ ûsəḇā’ ’ešəkār yaqərîḇû:

11 wəyišət^aḥăwû-lwō ḵāl-məlāḵîm kāl-gwōyim y^a‘aḇəḏûhû:

12 kî-yaṣṣîl ’eḇəywōn məšaûē‘a wə‘ānî wə’ên-‘ōzēr lwō:

13 yāḥōs ‘al-dal wə’eḇəywōn wənafəšwōṯ ’eḇəywōnîm ywōšî‘a:

14 mitwōḵə ûmēḥāmās yiḡə’al nafəšām wəyêqar dāmām bə‘ênāyw:

15 wîḥî wəyiten-lwō mizzəhaḇ šəḇā’ wəyiṯəpallēl b^a‘ăḏwō ṯāmîḏ kāl-hayywōm yəḇārăḵenəhû:

16 yəhî fissaṯ-bar| bā’āreṣ bərō’š hārîm yirə‘aš kalləḇānwōn pirəywō wəyāṣîṣû mē‘îr kə‘ēśeḇ hā’āreṣ:

17 yəhî šəmwō lə‘wōlām lifənê-šemeš yānîn yinnwōn šəmwō wəyiṯəbārəḵû ḇwō kāl-gwōyim yə’aššərûhû:

18 bārûḵə| yəhwâ ’ĕlōhîm ’ĕlōhê yiśərā’ēl ‘ōśēh nifəlā’wōṯ ləḇadwō:

19 ûḇārûḵə| šēm kəḇwōḏwō lə‘wōlām wəyimmālē’ ḵəḇwōḏwō ’eṯ-kōl hā’āreṣ ’āmēn| wə’āmēn:

20 kāllû ṯəfillwōṯ dāwiḏ ben-yišāy:

‎1 ‏מִזְמ֗וֹר לְאָ֫סָ֥ף אַ֤ךְ ט֭וֹב לְיִשְׂרָאֵ֥ל אֱלֹהִ֗ים לְבָרֵ֥י לֵבָֽב׃

‎2 ‏וַאֲנִ֗י כִּ֭מְעַט נטוי נָטָ֣יוּ רַגְלָ֑י כְּ֝אַ֗יִן שפכה שֻׁפְּכ֥וּ אֲשֻׁרָֽי׃

‎3 ‏כִּֽי־קִ֭נֵּאתִי בַּֽהוֹלְלִ֑ים שְׁל֖וֹם רְשָׁעִ֣ים אֶרְאֶֽה׃

‎4 ‏כִּ֤י אֵ֖ין חַרְצֻבּ֥וֹת לְמוֹתָ֗ם וּבָרִ֥יא אוּלָֽם׃

‎5 ‏בַּעֲמַ֣ל אֱנ֣וֹשׁ אֵינֵ֑מוֹ וְעִם־אָ֝דָ֗ם לֹ֣א יְנֻגָּֽעוּ׃

‎6 ‏לָ֭כֵן עֲנָקַ֣תְמוֹ גַאֲוָ֑ה יַעֲטָף־שִׁ֝֗ית חָמָ֥ס לָֽמוֹ׃

‎7 ‏יָ֭צָא מֵחֵ֣לֶב עֵינֵ֑מוֹ עָ֝בְר֗וּ מַשְׂכִּיּ֥וֹת לֵבָֽב׃

‎8 ‏יָמִ֤יקוּ׀ וִידַבְּר֣וּ בְרָ֣ע עֹ֑שֶׁק מִמָּר֥וֹם יְדַבֵּֽרוּ׃

‎9 ‏שַׁתּ֣וּ בַשָּׁמַ֣יִם פִּיהֶ֑ם וּ֝לְשׁוֹנָ֗ם תִּֽהֲלַ֥ךְ בָּאָֽרֶץ׃

‎10 ‏לָכֵ֤ן׀ ישיב יָשׁ֣וּב עַמּ֣וֹ הֲלֹ֑ם וּמֵ֥י מָ֝לֵ֗א יִמָּ֥צוּ לָֽמוֹ׃

‎11 ‏וְֽאָמְר֗וּ אֵיכָ֥ה יָדַֽע־אֵ֑ל וְיֵ֖שׁ דֵּעָ֣ה בְעֶלְיֽוֹן׃

‎12 ‏הִנֵּה־אֵ֥לֶּה רְשָׁעִ֑ים וְשַׁלְוֵ֥י ע֝וֹלָ֗ם הִשְׂגּוּ־חָֽיִל׃

‎13 ‏אַךְ־רִ֭יק זִכִּ֣יתִי לְבָבִ֑י וָאֶרְחַ֖ץ בְּנִקָּי֣וֹן כַּפָּֽי׃

‎14 ‏וָאֱהִ֣י נָ֭גוּעַ כָּל־הַיּ֑וֹם וְ֝תוֹכַחְתִּ֗י לַבְּקָרִֽים׃

‎15 ‏אִם־אָ֭מַרְתִּי אֲסַפְּרָ֥ה כְמ֑וֹ הִנֵּ֤ה ד֭וֹר בָּנֶ֣יךָ בָגָֽדְתִּי׃

‎16 ‏וָֽ֭אֲחַשְּׁבָה לָדַ֣עַת זֹ֑את עָמָ֖ל היא ה֣וּא בְעֵינָֽי׃

‎17 ‏עַד־אָ֭בוֹא אֶל־מִקְדְּשֵׁי־אֵ֑ל אָ֝בִ֗ינָה לְאַחֲרִיתָֽם׃

‎18 ‏אַ֣ךְ בַּ֭חֲלָקוֹת תָּשִׁ֣ית לָ֑מוֹ הִ֝פַּלְתָּ֗ם לְמַשּׁוּאֽוֹת׃

‎19 ‏אֵ֤יךְ הָי֣וּ לְשַׁמָּ֣ה כְרָ֑גַע סָ֥פוּ תַ֝֗מּוּ מִן־בַּלָּהֽוֹת׃

‎20 ‏כַּחֲל֥וֹם מֵהָקִ֑יץ אֲ֝דֹנָי בָּעִ֤יר׀ צַלְמָ֬ם תִּבְזֶֽה׃

‎21 ‏כִּ֭י יִתְחַמֵּ֣ץ לְבָבִ֑י וְ֝כִלְיוֹתַ֗י אֶשְׁתּוֹנָֽן׃

‎22 ‏וַאֲנִי־בַ֭עַר וְלֹ֣א אֵדָ֑ע בְּ֝הֵמ֗וֹת הָיִ֥יתִי עִמָּֽךְ׃

‎23 ‏וַאֲנִ֣י תָמִ֣יד עִמָּ֑ךְ אָ֝חַ֗זְתָּ בְּיַד־יְמִינִֽי׃

‎24 ‏בַּעֲצָתְךָ֥ תַנְחֵ֑נִי וְ֝אַחַ֗ר כָּב֥וֹד תִּקָּחֵֽנִי׃

‎25 ‏מִי־לִ֥י בַשָּׁמָ֑יִם וְ֝עִמְּךָ֗ לֹא־חָפַ֥צְתִּי בָאָֽרֶץ׃

‎26 ‏כָּלָ֥ה שְׁאֵרִ֗י וּלְבָ֫בִ֥י צוּר־לְבָבִ֥י וְחֶלְקִ֗י אֱלֹהִ֥ים לְעוֹלָֽם׃

‎27 ‏כִּֽי־הִנֵּ֣ה רְחֵקֶ֣יךָ יֹאבֵ֑דוּ הִ֝צְמַ֗תָּה כָּל־זוֹנֶ֥ה מִמֶּֽךָּ׃

‎28 ‏וַאֲנִ֤י׀ קִֽרֲבַ֥ת אֱלֹהִ֗ים לִ֫י־ט֥וֹב שַׁתִּ֤י׀ בַּאדֹנָ֣י יְהוִֹ֣ה מַחְסִ֑י לְ֝סַפֵּ֗ר כָּל־מַלְאֲכוֹתֶֽיךָ׃

1 mizəmwōr lə’āsāf ’aḵə ṭwōḇ ləyiśərā’ēl ’ĕlōhîm ləḇārê lēḇāḇ:

2 wa’ănî kimə‘aṭ nāṭûy nāṭāyû raḡəlāy kə’ayin šupəḵâ šupəḵû ’ăšurāy:

3 kî-qinnē’ṯî bahwōləlîm šəlwōm rəšā‘îm ’erə’eh:

4 kî ’ên ḥarəṣubwōṯ ləmwōṯām ûḇārî’ ’ûlām:

5 b^a‘ămal ’ĕnwōš ’ênēmwō wə‘im-’āḏām lō’ yənugā‘û:

6 lāḵēn ‘ănāqaṯəmwō ḡa’ăwâ y^a‘ăṭāf-šîṯ ḥāmās lāmwō:

7 yāṣā’ mēḥēleḇ ‘ênēmwō ‘āḇərû maśəkîywōṯ lēḇāḇ:

8 yāmîqû| wîḏabərû ḇərā‘ ‘ōšeq mimmārwōm yəḏabērû:

9 šatû ḇaššāmayim pîhem ûləšwōnām tihălaḵə bā’āreṣ:

10 lāḵēn| yāšîḇ yāšûḇ ‘ammwō hălōm ûmê mālē’ yimmāṣû lāmwō:

11 wə’āmərû ’êḵâ yāḏ^a‘-’ēl wəyēš dē‘â ḇə‘eləywōn:

12 hinnēh-’ēlleh rəšā‘îm wəšaləwê ‘wōlām hiśəgû-ḥāyil:

13 ’aḵə-rîq zikîṯî ləḇāḇî wā’erəḥaṣ bəniqqāywōn kapāy:

14 wā’ĕhî nāḡû‘a kāl-hayywōm wəṯwōḵ^aḥətî labəqārîm:

15 ’im-’āmarətî ’ăsapərâ ḵəmwō hinnēh ḏwōr bāneyḵā ḇāḡāḏətî:

16 wā’ăḥaššəḇâ lāḏ^a‘aṯ zō’ṯ ‘āmāl hî’ hû’ ḇə‘ênāy:

17 ‘aḏ-’āḇwō’ ’el-miqədəšê-’ēl ’āḇînâ lə’^aḥărîṯām:

18 ’aḵə b^aḥălāqwōṯ tāšîṯ lāmwō hipalətām ləmaššû’wōṯ:

19 ’êḵə hāyû ləšammâ ḵərāḡ^a‘ sāfû ṯammû min-ballâwōṯ:

20 k^aḥălwōm mēhāqîṣ ’ăḏōnāy bā‘îr| ṣaləmām tiḇəzeh:

21 kî yiṯəḥammēṣ ləḇāḇî wəḵiləywōṯay ’ešətwōnān:

22 wa’ănî-ḇ^a‘ar wəlō’ ’ēḏā‘ bəhēmwōṯ hāyîṯî ‘immāḵə:

23 wa’ănî ṯāmîḏ ‘immāḵə ’āḥazətā bəyaḏ-yəmînî:

24 b^a‘ăṣāṯəḵā ṯanəḥēnî wə’^aḥar kāḇwōḏ tiqqāḥēnî:

25 mî-lî ḇaššāmāyim wə‘imməḵā lō’-ḥāfaṣətî ḇā’āreṣ:

26 kālâ šə’ērî ûləḇāḇî ṣûr-ləḇāḇî wəḥeləqî ’ĕlōhîm lə‘wōlām:

27 kî-hinnēh rəḥēqeyḵā yō’ḇēḏû hiṣəmatâ kāl-zwōneh mimmeḵḵā:

28 wa’ănî| qirăḇaṯ ’ĕlōhîm lî-ṭwōḇ šatî| ba’ḏōnāy yəhwōih m^aḥəsî ləsapēr kāl-malə’ăḵwōṯeyḵā:

‎1 ‏מַשְׂכִּ֗יל לְאָ֫סָ֥ף לָמָ֣ה אֱ֭לֹהִים זָנַ֣חְתָּ לָנֶ֑צַח יֶעְשַׁ֥ן אַ֝פְּךָ֗ בְּצֹ֣אן מַרְעִיתֶֽךָ׃

‎2 ‏זְכֹ֤ר עֲדָתְךָ֨׀³ קָ֘נִ֤יתָ קֶּ֗דֶם גָּ֭אַלְתָּ שֵׁ֣בֶט נַחֲלָתֶ֑ךָ הַר־צִ֝יּ֗וֹן זֶ֤ה׀ שָׁכַ֬נְתָּ בּֽוֹ׃

‎3 ‏הָרִ֣ימָה פְ֭עָמֶיךָ לְמַשֻּׁא֣וֹת נֶ֑צַח כָּל־הֵרַ֖ע אוֹיֵ֣ב בַּקֹּֽדֶשׁ׃

‎4 ‏שָׁאֲג֣וּ צֹ֭רְרֶיךָ בְּקֶ֣רֶב מוֹעֲדֶ֑ךָ שָׂ֖מוּ אוֹתֹתָ֣ם אֹתֽוֹת׃

‎5 ‏יִ֭וָּדַע כְּמֵבִ֣יא לְמָ֑עְלָה בִּֽסֲבָךְ־עֵ֝֗ץ קַרְדֻּמּֽוֹת׃

‎6 ‏ועת וְ֭עַתָּה פִּתּוּחֶ֣יהָ יָּ֑חַד בְּכַשִּׁ֥יל וְ֝כֵֽילַפֹּ֗ת יַהֲלֹמֽוּן׃

‎7 ‏שִׁלְח֣וּ בָ֭אֵשׁ מִקְדָּשֶׁ֑ךָ לָ֝אָ֗רֶץ חִלְּל֥וּ מִֽשְׁכַּן־שְׁמֶֽךָ׃

‎8 ‏אָמְר֣וּ בְ֭לִבָּם נִינָ֣ם יָ֑חַד שָׂרְפ֖וּ כָל־מוֹעֲדֵי־אֵ֣ל בָּאָֽרֶץ׃

‎9 ‏אֽוֹתֹתֵ֗ינוּ לֹ֥א רָ֫אִ֥ינוּ אֵֽין־ע֥וֹד נָבִ֑יא וְלֹֽא־אִ֝תָּ֗נוּ יֹדֵ֥עַ עַד־מָֽה׃

‎10 ‏עַד־מָתַ֣י אֱ֭לֹהִים יְחָ֣רֶף צָ֑ר יְנָ֘אֵ֤ץ אוֹיֵ֖ב שִׁמְךָ֣ לָנֶֽצַח׃

‎11 ‏לָ֤מָּה תָשִׁ֣יב יָ֭דְךָ וִֽימִינֶ֑ךָ מִקֶּ֖רֶב חוקך חֵֽיקְךָ֣ כַלֵּֽה׃

‎12 ‏וֵ֭אלֹהִים מַלְכִּ֣י מִקֶּ֑דֶם פֹּעֵ֥ל יְ֝שׁוּע֗וֹת בְּקֶ֣רֶב הָאָֽרֶץ׃

‎13 ‏אַתָּ֤ה פוֹרַ֣רְתָּ בְעָזְּךָ֣ יָ֑ם שִׁבַּ֖רְתָּ רָאשֵׁ֥י תַ֝נִּינִ֗ים עַל־הַמָּֽיִם׃

‎14 ‏אַתָּ֣ה רִ֭צַּצְתָּ רָאשֵׁ֣י לִוְיָתָ֑ן תִּתְּנֶ֥נּוּ מַ֝אֲכָ֗ל לְעָ֣ם לְצִיִּֽים׃

‎15 ‏אַתָּ֣ה בָ֭קַעְתָּ מַעְיָ֣ן וָנָ֑חַל אַתָּ֥ה ה֝וֹבַ֗שְׁתָּ נַהֲר֥וֹת אֵיתָֽן׃

‎16 ‏לְךָ֣ י֭וֹם אַף־לְךָ֥ לָ֑יְלָה אַתָּ֥ה הֲ֝כִינ֗וֹתָ מָא֥וֹר וָשָֽׁמֶשׁ׃

‎17 ‏אַתָּ֣ה הִ֭צַּבְתָּ כָּל־גְּבוּל֣וֹת אָ֑רֶץ קַ֥יִץ וָ֝חֹ֗רֶף אַתָּ֥ה יְצַרְתָּם׃¹

‎18 ‏זְכָר־זֹ֗את א֭וֹיֵב חֵרֵ֣ף׀ יְהוָ֑ה וְעַ֥ם נָ֝בָ֗ל נִֽאֲצ֥וּ שְׁמֶֽךָ׃

‎19 ‏אַל־תִּתֵּ֣ן לְ֭חַיַּת נֶ֣פֶשׁ תּוֹרֶ֑ךָ חַיַּ֥ת עֲ֝נִיֶּ֗יךָ אַל־תִּשְׁכַּ֥ח לָנֶֽצַח׃

‎20 ‏הַבֵּ֥ט לַבְּרִ֑ית כִּ֥י מָלְא֥וּ מַחֲשַׁכֵּי־אֶ֝֗רֶץ נְא֣וֹת חָמָֽס׃

‎21 ‏אַל־יָשֹׁ֣ב דַּ֣ךְ נִכְלָ֑ם עָנִ֥י וְ֝אֶבְי֗וֹן יְֽהַלְל֥וּ שְׁמֶֽךָ׃

‎22 ‏קוּמָ֣ה אֱ֭לֹהִים רִיבָ֣ה רִיבֶ֑ךָ זְכֹ֥ר חֶרְפָּתְךָ֥ מִנִּי־נָ֝בָ֗ל כָּל־הַיּֽוֹם׃

‎23 ‏אַל־תִּ֭שְׁכַּח ק֣וֹל צֹרְרֶ֑יךָ שְׁא֥וֹן קָ֝מֶ֗יךָ עֹלֶ֥ה תָמִֽיד׃

1 maśəkîl lə’āsāf lāmâ ’ĕlōhîm zān^aḥətā lāneṣ^aḥ ye‘əšan ’apəḵā bəṣō’n marə‘îṯeḵā:

2 zəḵōr ‘ăḏāṯəḵā|³ qānîṯā qqeḏem gā’alətā šēḇeṭ n^aḥălāṯeḵā har-ṣîywōn zeh| šāḵanətā bwō:

3 hārîmâ fə‘āmeyḵā ləmaššu’wōṯ neṣ^aḥ kāl-hēr^a‘ ’wōyēḇ baqqōḏeš:

4 šā’ăḡû ṣōrəreyḵā bəqereḇ mwō‘ăḏeḵā śāmû ’wōṯōṯām ’ōṯwōṯ:

5 yiûāḏ^a‘ kəmēḇî’ ləmā‘əlâ bisăḇāḵə-‘ēṣ qarədummwōṯ:

6 wə‘ēṯ wə‘atâ pitûḥeyhā yyāḥaḏ bəḵaššîl wəḵêlapōṯ yahălōmûn:

7 šiləḥû ḇā’ēš miqədāšeḵā lā’āreṣ ḥilləlû mišəkan-šəmeḵā:

8 ’āmərû ḇəlibām nînām yāḥaḏ śārəfû ḵāl-mwō‘ăḏê-’ēl bā’āreṣ:

9 ’wōṯōṯênû lō’ rā’înû ’ên-‘wōḏ nāḇî’ wəlō’-’itānû yōḏē‘a ‘aḏ-mâ:

10 ‘aḏ-māṯay ’ĕlōhîm yəḥāref ṣār yənā’ēṣ ’wōyēḇ šiməḵā lāneṣ^aḥ:

11 lāmmâ ṯāšîḇ yāḏəḵā wîmîneḵā miqqereḇ ḥwōqəḵā ḥêqəḵā ḵallēh:

12 wē’lōhîm maləkî miqqeḏem pō‘ēl yəšû‘wōṯ bəqereḇ hā’āreṣ:

13 ’atâ fwōrarətā ḇə‘āzzəḵā yām šibarətā rā’šê ṯannînîm ‘al-hammāyim:

14 ’atâ riṣṣaṣətā rā’šê liwəyāṯān titənennû ma’ăḵāl lə‘ām ləṣîyîm:

15 ’atâ ḇāq^a‘ətā m^a‘əyān wānāḥal ’atâ hwōḇašətā nahărwōṯ ’êṯān:

16 ləḵā ywōm ’af-ləḵā lāyəlâ ’atâ hăḵînwōṯā mā’wōr wāšāmeš:

17 ’atâ hiṣṣaḇətā kāl-gəḇûlwōṯ ’āreṣ qayiṣ wāḥōref ’atâ yəṣarətām:¹

18 zəḵār-zō’ṯ ’wōyēḇ ḥērēf| yəhwâ wə‘am nāḇāl ni’ăṣû šəmeḵā:

19 ’al-titēn ləḥayyaṯ nefeš twōreḵā ḥayyaṯ ‘ănîyeyḵā ’al-tišək^aḥ lāneṣ^aḥ:

20 habēṭ labərîṯ kî mālə’û m^aḥăšakê-’ereṣ nə’wōṯ ḥāmās:

21 ’al-yāšōḇ daḵə niḵəlām ‘ānî wə’eḇəywōn yəhaləlû šəmeḵā:

22 qûmâ ’ĕlōhîm rîḇâ rîḇeḵā zəḵōr ḥerəpāṯəḵā minnî-nāḇāl kāl-hayywōm:

23 ’al-tišək^aḥ qwōl ṣōrəreyḵā šə’wōn qāmeyḵā ‘ōleh ṯāmîḏ:

‎1 ‏לַמְנַצֵּ֥חַ אַל־תַּשְׁחֵ֑ת מִזְמ֖וֹר לְאָסָ֣ף שִֽׁיר׃

‎2 ‏ה֘וֹדִ֤ינוּ לְּךָ֨׀³ אֱ‍ֽלֹהִ֗ים ה֭וֹדִינוּ וְקָר֣וֹב שְׁמֶ֑ךָ סִ֝פְּר֗וּ נִפְלְאוֹתֶֽיךָ׃

‎3 ‏כִּ֭י אֶקַּ֣ח מוֹעֵ֑ד אֲ֝נִ֗י מֵישָׁרִ֥ים אֶשְׁפֹּֽט׃

‎4 ‏נְֽמֹגִ֗ים אֶ֥רֶץ וְכָל־יֹשְׁבֶ֑יהָ אָנֹכִ֨י תִכַּ֖נְתִּי עַמּוּדֶ֣יהָ סֶּֽלָה׃

‎5 ‏אָמַ֣רְתִּי לַֽ֭הוֹלְלִים אַל־תָּהֹ֑לּוּ וְ֝לָרְשָׁעִ֗ים אַל־תָּרִ֥ימוּ קָֽרֶן׃

‎6 ‏אַל־תָּרִ֣ימוּ לַמָּר֣וֹם קַרְנְכֶ֑ם תְּדַבְּר֖וּ בְצַוָּ֣אר עָתָֽק׃

‎7 ‏כִּ֤י לֹ֣א מִ֭מּוֹצָא וּמִֽמַּעֲרָ֑ב וְ֝לֹ֗א מִמִּדְבַּ֥ר הָרִֽים׃

‎8 ‏כִּֽי־אֱלֹהִ֥ים שֹׁפֵ֑ט זֶ֥ה יַ֝שְׁפִּ֗יל וְזֶ֣ה יָרִֽים׃

‎9 ‏כִּ֤י כ֪וֹס בְּֽיַד־יְהוָ֡ה וְיַ֤יִן חָמַ֨ר׀ מָ֥לֵא מֶסֶךְ֮ וַיַּגֵּ֪ר מִ֫זֶּ֥ה אַךְ־שְׁ֭מָרֶיהָ יִמְצ֣וּ יִשְׁתּ֑וּ כֹּ֝֗ל רִשְׁעֵי־אָֽרֶץ׃

‎10 ‏וַ֭אֲנִי אַגִּ֣יד לְעֹלָ֑ם אֲ֝זַמְּרָ֗ה לֵאלֹהֵ֥י יַעֲקֹֽב׃

‎11 ‏וְכָל־קַרְנֵ֣י רְשָׁעִ֣ים אֲגַדֵּ֑עַ תְּ֝רוֹמַ֗מְנָה קַֽרְנ֥וֹת צַדִּֽיק׃

1 lamənaṣṣēḥa ’al-tašəḥēṯ mizəmwōr lə’āsāf šîr:

2 hwōḏînû lləḵā|³ ’ĕ‍lōhîm hwōḏînû wəqārwōḇ šəmeḵā sipərû nifələ’wōṯeyḵā:

3 kî ’eqq^aḥ mwō‘ēḏ ’ănî mêšārîm ’ešəpōṭ:

4 nəmōḡîm ’ereṣ wəḵāl-yōšəḇeyhā ’ānōḵî ṯikanətî ‘ammûḏeyhā sselâ:

5 ’āmarətî lahwōləlîm ’al-tâōllû wəlārəšā‘îm ’al-tārîmû qāren:

6 ’al-tārîmû lammārwōm qarənəḵem təḏabərû ḇəṣaûā’r ‘āṯāq:

7 kî lō’ mimmwōṣā’ ûmimm^a‘ărāḇ wəlō’ mimmiḏəbar hārîm:

8 kî-’ĕlōhîm šōfēṭ zeh yašəpîl wəzeh yārîm:

9 kî ḵwōs bəyaḏ-yəhwâ wəyayin ḥāmar| mālē’ meseḵə wayyagēr mizzeh ’aḵə-šəmāreyhā yiməṣû yišətû kōl rišə‘ê-’āreṣ:

10 wa’ănî ’agîḏ lə‘ōlām ’ăzammərâ lē’lōhê y^a‘ăqōḇ:

11 wəḵāl-qarənê rəšā‘îm ’ăḡadē‘a tərwōmamənâ qarənwōṯ ṣadîq:

‎1 ‏לַמְנַצֵּ֥חַ בִּנְגִינֹ֑ת מִזְמ֖וֹר לְאָסָ֣ף שִֽׁיר׃

‎2 ‏נוֹדָ֣ע בִּֽיהוּדָ֣ה אֱלֹהִ֑ים בְּ֝יִשְׂרָאֵ֗ל גָּד֥וֹל שְׁמֽוֹ׃

‎3 ‏וַיְהִ֣י בְשָׁלֵ֣ם סֻכּ֑וֹ וּמְע֖וֹנָת֣וֹ בְצִיּֽוֹן׃

‎4 ‏שָׁ֭מָּה שִׁבַּ֣ר רִשְׁפֵי־קָ֑שֶׁת מָגֵ֬ן וְחֶ֖רֶב וּמִלְחָמָ֣ה סֶֽלָה׃

‎5 ‏נָ֭אוֹר אַתָּ֥ה אַדִּ֗יר מֵֽהַרְרֵי־טָֽרֶף׃

‎6 ‏אֶשְׁתּוֹלְל֨וּ׀ אַבִּ֣ירֵי לֵ֭ב נָמ֣וּ שְׁנָתָ֑ם וְלֹא־מָצְא֖וּ כָל־אַנְשֵׁי־חַ֣יִל יְדֵיהֶֽם׃

‎7 ‏מִ֭גַּעֲרָ֣תְךָ אֱלֹהֵ֣י יַעֲקֹ֑ב נִ֝רְדָּ֗ם וְרֶ֣כֶב וָסֽוּס׃

‎8 ‏אַתָּ֤ה׀ נ֥וֹרָא אַ֗תָּה וּמִֽי־יַעֲמֹ֥ד לְפָנֶ֗יךָ מֵאָ֥ז אַפֶּֽךָ׃

‎9 ‏מִ֭שָּׁמַיִם הִשְׁמַ֣עְתָּ דִּ֑ין אֶ֖רֶץ יָֽרְאָ֣ה וְשָׁקָֽטָה׃

‎10 ‏בְּקוּם־לַמִּשְׁפָּ֥ט אֱלֹהִ֑ים לְהוֹשִׁ֖יעַ כָּל־עַנְוֵי־אֶ֣רֶץ סֶֽלָה׃

‎11 ‏כִּֽי־חֲמַ֣ת אָדָ֣ם תּוֹדֶ֑ךָּ שְׁאֵרִ֖ית חֵמֹ֣ת תַּחְגֹּֽר׃

‎12 ‏נִֽדֲר֣וּ וְשַׁלְּמוּ֮ לַיהוָ֪ה אֱ‍ֽלֹהֵ֫יכֶ֥ם כָּל־סְבִיבָ֑יו יוֹבִ֥ילוּ שַׁ֝֗י לַמּוֹרָֽא׃

‎13 ‏יִ֭בְצֹר ר֣וּחַ נְגִידִ֑ים נ֝וֹרָ֗א לְמַלְכֵי־אָֽרֶץ׃

1 lamənaṣṣēḥa binəḡînōṯ mizəmwōr lə’āsāf šîr:

2 nwōḏā‘ bîhûḏâ ’ĕlōhîm bəyiśərā’ēl gāḏwōl šəmwō:

3 wayəhî ḇəšālēm sukwō ûmə‘wōnāṯwō ḇəṣîywōn:

4 šāmmâ šibar rišəfê-qāšeṯ māḡēn wəḥereḇ ûmiləḥāmâ selâ:

5 nā’wōr ’atâ ’adîr mēharərê-ṭāref:

6 ’ešətwōləlû| ’abîrê lēḇ nāmû šənāṯām wəlō’-māṣə’û ḵāl-’anəšê-ḥayil yəḏêhem:

7 mig^a‘ărāṯəḵā ’ĕlōhê y^a‘ăqōḇ nirədām wəreḵeḇ wāsûs:

8 ’atâ| nwōrā’ ’atâ ûmî-y^a‘ămōḏ ləfāneyḵā mē’āz ’apeḵā:

9 miššāmayim hišəm^a‘ətā dîn ’ereṣ yārə’â wəšāqāṭâ:

10 bəqûm-lammišəpāṭ ’ĕlōhîm ləhwōšî‘a kāl-‘anəwê-’ereṣ selâ:

11 kî-ḥămaṯ ’āḏām twōḏeḵḵā šə’ērîṯ ḥēmōṯ t^aḥəgōr:

12 niḏărû wəšalləmû layhwâ ’ĕ‍lōhêḵem kāl-səḇîḇāyw ywōḇîlû šay lammwōrā’:

13 yiḇəṣōr rûḥa nəḡîḏîm nwōrā’ ləmaləḵê-’āreṣ:

‎1 ‏לַמְנַצֵּ֥חַ עַֽל־ידיתון יְדוּת֗וּן לְאָסָ֥ף מִזְמֽוֹר׃

‎2 ‏קוֹלִ֣י אֶל־אֱלֹהִ֣ים וְאֶצְעָ֑קָה קוֹלִ֥י אֶל־אֱ֝לֹהִ֗ים וְהַאֲזִ֥ין אֵלָֽי׃

‎3 ‏בְּי֥וֹם צָרָתִי֮ אֲדֹנָ֪י דָּ֫רָ֥שְׁתִּי יָדִ֤י׀ לַ֣יְלָה נִ֭גְּרָה וְלֹ֣א תָפ֑וּג מֵאֲנָ֖ה הִנָּחֵ֣ם נַפְשִֽׁי׃

‎4 ‏אֶזְכְּרָ֣ה אֱלֹהִ֣ים וְאֶֽהֱמָיָ֑ה אָשִׂ֓יחָה׀ וְתִתְעַטֵּ֖ף רוּחִ֣י סֶֽלָה׃

‎5 ‏אָ֭חַזְתָּ שְׁמֻר֣וֹת עֵינָ֑י נִ֝פְעַ֗מְתִּי וְלֹ֣א אֲדַבֵּֽר׃

‎6 ‏חִשַּׁ֣בְתִּי יָמִ֣ים מִקֶּ֑דֶם שְׁ֝נ֗וֹת עוֹלָמִֽים׃

‎7 ‏אֶֽזְכְּרָ֥ה נְגִינָתִ֗י בַּ֫לָּ֥יְלָה עִם־לְבָבִ֥י אָשִׂ֑יחָה וַיְחַפֵּ֥שׂ רוּחִֽי׃

‎8 ‏הַֽ֭לְעוֹלָמִים יִזְנַ֥ח׀ אֲדֹנָ֑י וְלֹֽא־יֹסִ֖יף לִרְצ֣וֹת עֽוֹד׃

‎9 ‏הֶאָפֵ֣ס לָנֶ֣צַח חַסְדּ֑וֹ גָּ֥מַר אֹ֝֗מֶר לְדֹ֣ר וָדֹֽר׃

‎10 ‏הֲשָׁכַ֣ח חַנּ֣וֹת אֵ֑ל אִם־קָפַ֥ץ בְּ֝אַ֗ף רַחֲמָ֥יו סֶֽלָה׃

‎11 ‏וָ֭אֹמַר חַלּ֣וֹתִי הִ֑יא שְׁ֝נ֗וֹת יְמִ֣ין עֶלְיֽוֹן׃

‎12 ‏אזכיר אֶזְכּ֥וֹר מַֽעַלְלֵי־יָ֑הּ כִּֽי־אֶזְכְּרָ֖ה מִקֶּ֣דֶם פִּלְאֶֽךָ׃

‎13 ‏וְהָגִ֥יתִי בְכָל־פָּעֳלֶ֑ךָ וּֽבַעֲלִ֖ילוֹתֶ֣יךָ אָשִֽׂיחָה׃

‎14 ‏אֱ֭לֹהִים בַּקֹּ֣דֶשׁ דַּרְכֶּ֑ךָ מִי־אֵ֥ל גָּ֝ד֗וֹל כֵּֽאלֹהִֽים׃

‎15 ‏אַתָּ֣ה הָ֭אֵל עֹ֣שֵׂה פֶ֑לֶא הוֹדַ֖עְתָּ בָעַמִּ֣ים עֻזֶּֽךָ׃

‎16 ‏גָּאַ֣לְתָּ בִּזְר֣וֹעַ עַמֶּ֑ךָ בְּנֵי־יַעֲקֹ֖ב וְיוֹסֵ֣ף סֶֽלָה׃

‎17 ‏רָ֘א֤וּךָ מַּ֨יִם׀ אֱ‍ֽלֹהִ֗ים רָא֣וּךָ מַּ֣יִם יָחִ֑ילוּ אַ֝֗ף יִרְגְּז֥וּ תְהֹמֽוֹת׃

‎18 ‏זֹ֤רְמוּ מַ֨יִם׀ עָב֗וֹת ק֖וֹל נָתְנ֣וּ שְׁחָקִ֑ים אַף־חֲ֝צָצֶ֗יךָ יִתְהַלָּֽכוּ׃

‎19 ‏ק֤וֹל רַעַמְךָ֨׀³ בַּגַּלְגַּ֗ל הֵאִ֣ירוּ בְרָקִ֣ים תֵּבֵ֑ל רָגְזָ֖ה וַתִּרְעַ֣שׁ הָאָֽרֶץ׃

‎20 ‏בַּיָּ֤ם דַּרְכֶּ֗ךָ ושביליך וּֽ֭שְׁבִֽילְךָ בְּמַ֣יִם רַבִּ֑ים וְ֝עִקְּבוֹתֶ֗יךָ לֹ֣א נֹדָֽעוּ׃

‎21 ‏נָחִ֣יתָ כַצֹּ֣אן עַמֶּ֑ךָ בְּֽיַד־מֹשֶׁ֥ה וְאַהֲרֹֽן׃

1 lamənaṣṣēḥa ‘al-yəḏîṯûn yəḏûṯûn lə’āsāf mizəmwōr:

2 qwōlî ’el-’ĕlōhîm wə’eṣə‘āqâ qwōlî ’el-’ĕlōhîm wəha’ăzîn ’ēlāy:

3 bəywōm ṣārāṯî ’ăḏōnāy dārāšətî yāḏî| layəlâ nigərâ wəlō’ ṯāfûḡ mē’ănâ hinnāḥēm nafəšî:

4 ’ezəkərâ ’ĕlōhîm wə’ehĕmāyâ ’āśîḥâ| wəṯiṯə‘aṭṭēf rûḥî selâ:

5 ’āḥazətā šəmurwōṯ ‘ênāy nifə‘amətî wəlō’ ’ăḏabēr:

6 ḥiššaḇətî yāmîm miqqeḏem šənwōṯ ‘wōlāmîm:

7 ’ezəkərâ nəḡînāṯî ballāyəlâ ‘im-ləḇāḇî ’āśîḥâ wayəḥapēś rûḥî:

8 halə‘wōlāmîm yizən^aḥ| ’ăḏōnāy wəlō’-yōsîf lirəṣwōṯ ‘wōḏ:

9 he’āfēs lāneṣ^aḥ ḥasədwō gāmar ’ōmer ləḏōr wāḏōr:

10 hăšāḵ^aḥ ḥannwōṯ ’ēl ’im-qāfaṣ bə’af r^aḥămāyw selâ:

11 wā’ōmar ḥallwōṯî hî’ šənwōṯ yəmîn ‘eləywōn:

12 ’azəkîr ’ezəkwōr m^a‘aləlê-yāh kî-’ezəkərâ miqqeḏem pilə’eḵā:

13 wəhāḡîṯî ḇəḵāl-pā‘ŏleḵā ûḇ^a‘ălîlwōṯeyḵā ’āśîḥâ:

14 ’ĕlōhîm baqqōḏeš darəkeḵā mî-’ēl gāḏwōl kē’lōhîm:

15 ’atâ hā’ēl ‘ōśēh fele’ hwōḏ^a‘ətā ḇā‘ammîm ‘uzzeḵā:

16 gā’alətā bizərwō‘a ‘ammeḵā bənê-y^a‘ăqōḇ wəywōsēf selâ:

17 rā’ûḵā mmayim| ’ĕ‍lōhîm rā’ûḵā mmayim yāḥîlû ’af yirəgəzû ṯəhōmwōṯ:

18 zōrəmû mayim| ‘āḇwōṯ qwōl nāṯənû šəḥāqîm ’af-ḥăṣāṣeyḵā yiṯəhallāḵû:

19 qwōl r^a‘aməḵā|³ bagaləgal hē’îrû ḇərāqîm tēḇēl rāḡəzâ watirə‘aš hā’āreṣ:

20 bayyām darəkeḵā ûšəḇîleyḵā ûšəḇîləḵā bəmayim rabîm wə‘iqqəḇwōṯeyḵā lō’ nōḏā‘û:

21 nāḥîṯā ḵaṣṣō’n ‘ammeḵā bəyaḏ-mōšeh wə’ahărōn:

‎1 ‏מַשְׂכִּ֗יל לְאָ֫סָ֥ף הַאֲזִ֣ינָה עַ֭מִּי תּוֹרָתִ֑י הַטּ֥וּ אָ֝זְנְכֶ֗ם לְאִמְרֵי־פִֽי׃

‎2 ‏אֶפְתְּחָ֣ה בְמָשָׁ֣ל פִּ֑י אַבִּ֥יעָה חִ֝יד֗וֹת מִנִּי־קֶֽדֶם׃

‎3 ‏אֲשֶׁ֣ר שָׁ֭מַעְנוּ וַנֵּדָעֵ֑ם וַ֝אֲבוֹתֵ֗ינוּ סִפְּרוּ־לָֽנוּ׃

‎4 ‏לֹ֤א נְכַחֵ֨ד׀ מִבְּנֵיהֶ֗ם לְד֥וֹר אַחֲר֗וֹן מְֽ֭סַפְּרִים תְּהִלּ֣וֹת יְהוָ֑ה וֶעֱזוּז֥וֹ וְ֝נִפְלְאוֹתָ֗יו אֲשֶׁ֣ר עָשָֽׂה׃

‎5 ‏וַיָּ֤קֶם עֵד֨וּת׀ בְּֽיַעֲקֹ֗ב וְתוֹרָה֮ שָׂ֤ם בְּיִשְׂרָ֫אֵ֥ל אֲשֶׁ֣ר צִ֭וָּה אֶת־אֲבוֹתֵ֑ינוּ לְ֝הוֹדִיעָ֗ם לִבְנֵיהֶֽם׃

‎6 ‏לְמַ֤עַן יֵדְע֨וּ׀ דּ֣וֹר אַ֭חֲרוֹן בָּנִ֣ים יִוָּלֵ֑דוּ יָ֝קֻ֗מוּ וִֽיסַפְּר֥וּ לִבְנֵיהֶֽם׃

‎7 ‏וְיָשִׂ֥ימוּ בֵֽאלֹהִ֗ים כִּ֫סְלָ֥ם וְלֹ֣א יִ֭שְׁכְּחוּ מַֽעַלְלֵי־אֵ֑ל וּמִצְוֹתָ֥יו יִנְצֹֽרוּ׃

‎8 ‏וְלֹ֤א יִהְי֨וּ׀ כַּאֲבוֹתָ֗ם דּוֹר֮ סוֹרֵ֪ר וּמֹ֫רֶ֥ה דּ֭וֹר לֹא־הֵכִ֣ין לִבּ֑וֹ וְלֹא־נֶאֶמְנָ֖ה אֶת־אֵ֣ל רוּחֽוֹ׃

‎9 ‏בְּֽנֵי־אֶפְרַ֗יִם נוֹשְׁקֵ֥י רוֹמֵי־קָ֑שֶׁת הָ֝פְכ֗וּ בְּי֣וֹם קְרָֽב׃

‎10 ‏לֹ֣א שָׁ֭מְרוּ בְּרִ֣ית אֱלֹהִ֑ים וּ֝בְתוֹרָת֗וֹ מֵאֲנ֥וּ לָלֶֽכֶת׃

‎11 ‏וַיִּשְׁכְּח֥וּ עֲלִילוֹתָ֑יו וְ֝נִפְלְאוֹתָ֗יו אֲשֶׁ֣ר הֶרְאָֽם׃

‎12 ‏נֶ֣גֶד אֲ֭בוֹתָם עָ֣שָׂה פֶ֑לֶא בְּאֶ֖רֶץ מִצְרַ֣יִם שְׂדֵה־צֹֽעַן׃

‎13 ‏בָּ֣קַע יָ֭ם וַיַּֽעֲבִירֵ֑ם וַֽיַּצֶּב־מַ֥יִם כְּמוֹ־נֵֽד׃

‎14 ‏וַיַּנְחֵ֣ם בֶּעָנָ֣ן יוֹמָ֑ם וְכָל־הַ֝לַּ֗יְלָה בְּא֣וֹר אֵֽשׁ׃

‎15 ‏יְבַקַּ֣ע צֻ֭רִים בַּמִּדְבָּ֑ר וַ֝יַּ֗שְׁקְ כִּתְהֹמ֥וֹת רַבָּֽה׃

‎16 ‏וַיּוֹצִ֣א נוֹזְלִ֣ים מִסָּ֑לַע וַיּ֖וֹרֶד כַּנְּהָר֣וֹת מָֽיִם׃

‎17 ‏וַיּוֹסִ֣יפוּ ע֖וֹד לַחֲטֹא־ל֑וֹ לַֽמְר֥וֹת עֶ֝לְי֗וֹן בַּצִּיָּֽה׃

‎18 ‏וַיְנַסּוּ־אֵ֥ל בִּלְבָבָ֑ם לִֽשְׁאָל־אֹ֥כֶל לְנַפְשָֽׁם׃

‎19 ‏וַֽיְדַבְּר֗וּ בֵּֽאלֹ֫הִ֥ים אָ֭מְרוּ הֲי֣וּכַל אֵ֑ל לַעֲרֹ֥ךְ שֻׁ֝לְחָ֗ן בַּמִּדְבָּֽר׃

‎20 ‏הֵ֤ן הִכָּה־צ֨וּר׀ וַיָּז֣וּבוּ מַיִם֮ וּנְחָלִ֪ים יִ֫שְׁטֹ֥פוּ הֲגַם־לֶ֭חֶם י֣וּכַל תֵּ֑ת אִם־יָכִ֖ין שְׁאֵ֣ר לְעַמּֽוֹ׃

‎21 ‏לָכֵ֤ן׀ שָׁמַ֥ע יְהוָ֗ה וַֽיִּתְעַבָּ֥ר וְ֭אֵשׁ נִשְּׂקָ֣ה בְיַעֲקֹ֑ב וְגַם־אַ֝֗ף עָלָ֥ה בְיִשְׂרָאֵֽל׃

‎22 ‏כִּ֤י לֹ֣א הֶ֭אֱמִינוּ בֵּאלֹהִ֑ים וְלֹ֥א בָ֝טְח֗וּ בִּֽישׁוּעָתֽוֹ׃

‎23 ‏וַיְצַ֣ו שְׁחָקִ֣ים מִמָּ֑עַל וְדַלְתֵ֖י שָׁמַ֣יִם פָּתָֽח׃

‎24 ‏וַיַּמְטֵ֬ר עֲלֵיהֶ֣ם מָ֣ן לֶאֱכֹ֑ל וּדְגַן־שָׁ֝מַ֗יִם נָ֣תַן לָֽמוֹ׃

‎25 ‏לֶ֣חֶם אַ֭בִּירִים אָ֣כַל אִ֑ישׁ צֵידָ֬ה שָׁלַ֖ח לָהֶ֣ם לָשֹֽׂבַע׃

‎26 ‏יַסַּ֣ע קָ֭דִים בַּשָּׁמָ֑יִם וַיְנַהֵ֖ג בְּעֻזּ֣וֹ תֵימָֽן׃

‎27 ‏וַיַּמְטֵ֬ר עֲלֵיהֶ֣ם כֶּעָפָ֣ר שְׁאֵ֑ר וּֽכְח֥וֹל יַ֝מִּ֗ים ע֣וֹף כָּנָֽף׃

‎28 ‏וַ֭יַּפֵּל בְּקֶ֣רֶב מַחֲנֵ֑הוּ סָ֝בִ֗יב לְמִשְׁכְּנֹתָֽיו׃

‎29 ‏וַיֹּאכְל֣וּ וַיִּשְׂבְּע֣וּ מְאֹ֑ד וְ֝תַֽאֲוָתָ֗ם יָבִ֥א לָהֶֽם׃

‎30 ‏לֹא־זָר֥וּ מִתַּאֲוָתָ֑ם ע֝֗וֹד אָכְלָ֥ם בְּפִיהֶֽם׃

‎31 ‏וְאַ֤ף אֱלֹהִ֨ים׀ עָ֘לָ֤ה בָהֶ֗ם וַֽ֭יַּהֲרֹג בְּמִשְׁמַנֵּיהֶ֑ם וּבַחוּרֵ֖י יִשְׂרָאֵ֣ל הִכְרִֽיעַ׃

‎32 ‏בְּכָל־זֹ֭את חָֽטְאוּ־ע֑וֹד וְלֹֽא־הֶ֝אֱמִ֗ינוּ בְּנִפְלְאוֹתָֽיו׃

‎33 ‏וַיְכַל־בַּהֶ֥בֶל יְמֵיהֶ֑ם וּ֝שְׁנוֹתָ֗ם בַּבֶּהָלָֽה׃

‎34 ‏אִם־הֲרָגָ֥ם וּדְרָשׁ֑וּהוּ וְ֝שָׁ֗בוּ וְשִֽׁחֲרוּ־אֵֽל׃

‎35 ‏וַֽ֭יִּזְכְּרוּ כִּֽי־אֱלֹהִ֣ים צוּרָ֑ם וְאֵ֥ל עֶ֝לְיוֹן גֹּאֲלָֽם׃

‎36 ‏וַיְפַתּ֥וּהוּ בְּפִיהֶ֑ם וּ֝בִלְשׁוֹנָ֗ם יְכַזְּבוּ־לֽוֹ׃

‎37 ‏וְ֭לִבָּם לֹא־נָכ֣וֹן עִמּ֑וֹ וְלֹ֥א נֶ֝אֶמְנ֗וּ בִּבְרִיתֽוֹ׃

‎38 ‏וְה֤וּא רַח֨וּם׀ יְכַפֵּ֥ר עָוֹן֮ וְֽלֹא־יַ֫שְׁחִ֥ית וְ֭הִרְבָּה לְהָשִׁ֣יב אַפּ֑וֹ וְלֹֽא־יָ֝עִיר כָּל־חֲמָתֽוֹ׃

‎39 ‏וַ֭יִּזְכֹּר כִּי־בָשָׂ֣ר הֵ֑מָּה ר֥וּחַ ה֝וֹלֵ֗ךְ וְלֹ֣א יָשֽׁוּב׃

‎40 ‏כַּ֭מָּה יַמְר֣וּהוּ בַמִּדְבָּ֑ר יַ֝עֲצִיב֗וּהוּ בִּֽישִׁימֽוֹן׃

‎41 ‏וַיָּשׁ֣וּבוּ וַיְנַסּ֣וּ אֵ֑ל וּקְד֖וֹשׁ יִשְׂרָאֵ֣ל הִתְווּ׃

‎42 ‏לֹא־זָכְר֥וּ אֶת־יָד֑וֹ י֝֗וֹם אֲ‍ֽשֶׁר־פָּדָ֥ם מִנִּי־צָֽר׃

‎43 ‏אֲשֶׁר־שָׂ֣ם בְּ֭מִצְרַיִם אֹֽתוֹתָ֑יו וּ֝מוֹפְתָ֗יו בִּשְׂדֵה־צֹֽעַן׃

‎44 ‏וַיַּהֲפֹ֣ךְ לְ֭דָם יְאֹרֵיהֶ֑ם וְ֝נֹזְלֵיהֶ֗ם בַּל־יִשְׁתָּיֽוּן׃

‎45 ‏יְשַׁלַּ֬ח בָּהֶ֣ם עָ֭רֹב וַיֹּאכְלֵ֑ם וּ֝צְפַרְדֵּ֗עַ וַתַּשְׁחִיתֵֽם׃

‎46 ‏וַיִּתֵּ֣ן לֶחָסִ֣יל יְבוּלָ֑ם וִֽ֝יגִיעָ֗ם לָאַרְבֶּֽה׃

‎47 ‏יַהֲרֹ֣ג בַּבָּרָ֣ד גַּפְנָ֑ם וְ֝שִׁקְמוֹתָ֗ם בַּֽחֲנָמַֽל׃

‎48 ‏וַיַּסְגֵּ֣ר לַבָּרָ֣ד בְּעִירָ֑ם וּ֝מִקְנֵיהֶ֗ם לָרְשָׁפִֽים׃

‎49 ‏יְשַׁלַּח־בָּ֨ם׀ חֲר֬וֹן אַפּ֗וֹ עֶבְרָ֣ה וָזַ֣עַם וְצָרָ֑ה מִ֝שְׁלַ֗חַת מַלְאֲכֵ֥י רָעִֽים׃

‎50 ‏יְפַלֵּ֥ס נָתִ֗יב לְאַ֫פּ֥וֹ לֹא־חָשַׂ֣ךְ מִמָּ֣וֶת נַפְשָׁ֑ם וְ֝חַיָּתָ֗ם לַדֶּ֥בֶר הִסְגִּֽיר׃

‎51 ‏וַיַּ֣ךְ כָּל־בְּכ֣וֹר בְּמִצְרָ֑יִם רֵאשִׁ֥ית א֝וֹנִ֗ים בְּאָהֳלֵי־חָֽם׃

‎52 ‏וַיַּסַּ֣ע כַּצֹּ֣אן עַמּ֑וֹ וַֽיְנַהֲגֵ֥ם כַּ֝עֵ֗דֶר בַּמִּדְבָּֽר׃

‎53 ‏וַיַּנְחֵ֣ם לָ֭בֶטַח וְלֹ֣א פָחָ֑דוּ וְאֶת־א֝וֹיְבֵיהֶ֗ם כִּסָּ֥ה הַיָּֽם׃

‎54 ‏וַ֭יְבִיאֵם אֶל־גְּב֣וּל קָדְשׁ֑וֹ הַר־זֶ֝֗ה קָנְתָ֥ה יְמִינֽוֹ׃

‎55 ‏וַיְגָ֤רֶשׁ מִפְּנֵיהֶ֨ם׀ גּוֹיִ֗ם וַֽ֭יַּפִּילֵם בְּחֶ֣בֶל נַחֲלָ֑ה וַיַּשְׁכֵּ֥ן בְּ֝אָהֳלֵיהֶ֗ם שִׁבְטֵ֥י יִשְׂרָאֵֽל׃

‎56 ‏וַיְנַסּ֣וּ וַ֭יַּמְרוּ אֶת־אֱלֹהִ֣ים עֶלְי֑וֹן וְ֝עֵדוֹתָ֗יו לֹ֣א שָׁמָֽרוּ׃

‎57 ‏וַיִּסֹּ֣גוּ וַֽ֭יִּבְגְּדוּ כַּאֲבוֹתָ֑ם נֶ֝הְפְּכ֗וּ כְּקֶ֣שֶׁת רְמִיָּֽה׃

‎58 ‏וַיַּכְעִיס֥וּהוּ בְּבָמוֹתָ֑ם וּ֝בִפְסִילֵיהֶ֗ם יַקְנִיאֽוּהוּ׃

‎59 ‏שָׁמַ֣ע אֱ֭לֹהִים וַֽיִּתְעַבָּ֑ר וַיִּמְאַ֥ס מְ֝אֹ֗ד בְּיִשְׂרָאֵֽל׃

‎60 ‏וַ֭יִּטֹּשׁ מִשְׁכַּ֣ן שִׁל֑וֹ אֹ֝֗הֶל שִׁכֵּ֥ן בָּאָדָֽם׃

‎61 ‏וַיִּתֵּ֣ן לַשְּׁבִ֣י עֻזּ֑וֹ וְֽתִפְאַרְתּ֥וֹ בְיַד־צָֽר׃

‎62 ‏וַיַּסְגֵּ֣ר לַחֶ֣רֶב עַמּ֑וֹ וּ֝בְנַחֲלָת֗וֹ הִתְעַבָּֽר׃

‎63 ‏בַּחוּרָ֥יו אָֽכְלָה־אֵ֑שׁ וּ֝בְתוּלֹתָ֗יו לֹ֣א הוּלָּֽלוּ׃

‎64 ‏כֹּ֭הֲנָיו בַּחֶ֣רֶב נָפָ֑לוּ וְ֝אַלְמְנֹתָ֗יו לֹ֣א תִבְכֶּֽינָה׃

‎65 ‏וַיִּקַ֖ץ כְּיָשֵׁ֥ן׀ אֲדֹנָ֑י כְּ֝גִבּ֗וֹר מִתְרוֹנֵ֥ן מִיָּֽיִן׃

‎66 ‏וַיַּךְ־צָרָ֥יו אָח֑וֹר חֶרְפַּ֥ת ע֝וֹלָ֗ם נָ֣תַן לָֽמוֹ׃

‎67 ‏וַ֭יִּמְאַס בְּאֹ֣הֶל יוֹסֵ֑ף וּֽבְשֵׁ֥בֶט אֶ֝פְרַ֗יִם לֹ֣א בָחָֽר׃

‎68 ‏וַ֭יִּבְחַר אֶת־שֵׁ֣בֶט יְהוּדָ֑ה אֶֽת־הַ֥ר צִ֝יּ֗וֹן אֲשֶׁ֣ר אָהֵֽב׃

‎69 ‏וַיִּ֣בֶן כְּמוֹ־רָ֭מִים מִקְדָּשׁ֑וֹ כְּ֝אֶ֗רֶץ יְסָדָ֥הּ לְעוֹלָֽם׃

‎70 ‏וַ֭יִּבְחַר בְּדָוִ֣ד עַבְדּ֑וֹ וַ֝יִּקָּחֵ֗הוּ מִֽמִּכְלְאֹ֥ת צֹֽאן׃

‎71 ‏מֵאַחַ֥ר עָל֗וֹת הֱ֫בִיא֥וֹ לִ֭רְעוֹת בְּיַעֲקֹ֣ב עַמּ֑וֹ וּ֝בְיִשְׂרָאֵ֗ל נַחֲלָתֽוֹ׃

‎72 ‏וַ֭יִּרְעֵם כְּתֹ֣ם לְבָב֑וֹ וּבִתְבוּנ֖וֹת כַּפָּ֣יו יַנְחֵֽם׃

1 maśəkîl lə’āsāf ha’ăzînâ ‘ammî twōrāṯî haṭṭû ’āzənəḵem lə’imərê-fî:

2 ’efətəḥâ ḇəmāšāl pî ’abî‘â ḥîḏwōṯ minnî-qeḏem:

3 ’ăšer šām^a‘ənû wannēḏā‘ēm wa’ăḇwōṯênû sipərû-lānû:

4 lō’ nəḵ^aḥēḏ| mibənêhem ləḏwōr ’^aḥărwōn məsapərîm təhillwōṯ yəhwâ we‘ĕzûzwō wənifələ’wōṯāyw ’ăšer ‘āśâ:

5 wayyāqem ‘ēḏûṯ| bəy^a‘ăqōḇ wəṯwōrâ śām bəyiśərā’ēl ’ăšer ṣiûâ ’eṯ-’ăḇwōṯênû ləhwōḏî‘ām liḇənêhem:

6 ləm^a‘an yēḏə‘û| dwōr ’^aḥărwōn bānîm yiûālēḏû yāqumû wîsapərû liḇənêhem:

7 wəyāśîmû ḇē’lōhîm kisəlām wəlō’ yišəkəḥû m^a‘aləlê-’ēl ûmiṣəwōṯāyw yinəṣōrû:

8 wəlō’ yihəyû| ka’ăḇwōṯām dwōr swōrēr ûmōreh dwōr lō’-hēḵîn libwō wəlō’-ne’emənâ ’eṯ-’ēl rûḥwō:

9 bənê-’efərayim nwōšəqê rwōmê-qāšeṯ hāfəḵû bəywōm qərāḇ:

10 lō’ šāmərû bərîṯ ’ĕlōhîm ûḇəṯwōrāṯwō mē’ănû lāleḵeṯ:

11 wayyišəkəḥû ‘ălîlwōṯāyw wənifələ’wōṯāyw ’ăšer herə’ām:

12 neḡeḏ ’ăḇwōṯām ‘āśâ fele’ bə’ereṣ miṣərayim śəḏēh-ṣō‘an:

13 bāq^a‘ yām wayy^a‘ăḇîrēm wayyaṣṣeḇ-mayim kəmwō-nēḏ:

14 wayyanəḥēm be‘ānān ywōmām wəḵāl-hallayəlâ bə’wōr ’ēš:

15 yəḇaqq^a‘ ṣurîm bammiḏəbār wayyašəqə kiṯəhōmwōṯ rabâ:

16 wayywōṣi’ nwōzəlîm missāl^a‘ wayywōreḏ kannəhārwōṯ māyim:

17 wayywōsîfû ‘wōḏ l^aḥăṭō’-lwō lamərwōṯ ‘eləywōn baṣṣîyâ:

18 wayənassû-’ēl biləḇāḇām lišə’āl-’ōḵel lənafəšām:

19 wayəḏabərû bē’lōhîm ’āmərû hăyûḵal ’ēl l^a‘ărōḵə šuləḥān bammiḏəbār:

20 hēn hikâ-ṣûr| wayyāzûḇû mayim ûnəḥālîm yišəṭōfû hăḡam-leḥem yûḵal tēṯ ’im-yāḵîn šə’ēr lə‘ammwō:

21 lāḵēn| šām^a‘ yəhwâ wayyiṯə‘abār wə’ēš niśśəqâ ḇəy^a‘ăqōḇ wəḡam-’af ‘ālâ ḇəyiśərā’ēl:

22 kî lō’ he’ĕmînû bē’lōhîm wəlō’ ḇāṭəḥû bîšû‘āṯwō:

23 wayəṣaw šəḥāqîm mimmā‘al wəḏaləṯê šāmayim pāṯāḥ:

24 wayyaməṭēr ‘ălêhem mān le’ĕḵōl ûḏəḡan-šāmayim nāṯan lāmwō:

25 leḥem ’abîrîm ’āḵal ’îš ṣêḏâ šāl^aḥ lâem lāśōḇ^a‘:

26 yass^a‘ qāḏîm baššāmāyim wayənahēḡ bə‘uzzwō ṯêmān:

27 wayyaməṭēr ‘ălêhem ke‘āfār šə’ēr ûḵəḥwōl yammîm ‘wōf kānāf:

28 wayyapēl bəqereḇ m^aḥănēhû sāḇîḇ ləmišəkənōṯāyw:

29 wayyō’ḵəlû wayyiśəbə‘û mə’ōḏ wəṯa’ăwāṯām yāḇi’ lâem:

30 lō’-zārû mita’ăwāṯām ‘wōḏ ’āḵəlām bəfîhem:

31 wə’af ’ĕlōhîm| ‘ālâ ḇâem wayyahărōḡ bəmišəmannêhem ûḇ^aḥûrê yiśərā’ēl hiḵərî‘a:

32 bəḵāl-zō’ṯ ḥāṭə’û-‘wōḏ wəlō’-he’ĕmînû bənifələ’wōṯāyw:

33 wayəḵal-baheḇel yəmêhem ûšənwōṯām babehālâ:

34 ’im-hărāḡām ûḏərāšûhû wəšāḇû wəšiḥărû-’ēl:

35 wayyizəkərû kî-’ĕlōhîm ṣûrām wə’ēl ‘eləywōn gō’ălām:

36 wayəfatûhû bəfîhem ûḇiləšwōnām yəḵazzəḇû-lwō:

37 wəlibām lō’-nāḵwōn ‘immwō wəlō’ ne’emənû biḇərîṯwō:

38 wəhû’ r^aḥûm| yəḵapēr ‘āwōn wəlō’-yašəḥîṯ wəhirəbâ ləhāšîḇ ’apwō wəlō’-yā‘îr kāl-ḥămāṯwō:

39 wayyizəkōr kî-ḇāśār hēmmâ rûḥa hwōlēḵə wəlō’ yāšûḇ:

40 kammâ yamərûhû ḇammiḏəbār y^a‘ăṣîḇûhû bîšîmwōn:

41 wayyāšûḇû wayənassû ’ēl ûqəḏwōš yiśərā’ēl hiṯəwû:

42 lō’-zāḵərû ’eṯ-yāḏwō ywōm ’ă‍šer-pāḏām minnî-ṣār:

43 ’ăšer-śām bəmiṣərayim ’ōṯwōṯāyw ûmwōfəṯāyw biśəḏēh-ṣō‘an:

44 wayyahăfōḵə ləḏām yə’ōrêhem wənōzəlêhem bal-yišətāyûn:

45 yəšall^aḥ bâem ‘ārōḇ wayyō’ḵəlēm ûṣəfarədē‘a watašəḥîṯēm:

46 wayyitēn leḥāsîl yəḇûlām wîḡî‘ām lā’arəbeh:

47 yahărōḡ babārāḏ gafənām wəšiqəmwōṯām b^aḥănāmal:

48 wayyasəgēr labārāḏ bə‘îrām ûmiqənêhem lārəšāfîm:

49 yəšall^aḥ-bām| ḥărwōn ’apwō ‘eḇərâ wāz^a‘am wəṣārâ mišəl^aḥaṯ malə’ăḵê rā‘îm:

50 yəfallēs nāṯîḇ lə’apwō lō’-ḥāśaḵə mimmāweṯ nafəšām wəḥayyāṯām ladeḇer hisəgîr:

51 wayyaḵə kāl-bəḵwōr bəmiṣərāyim rē’šîṯ ’wōnîm bə’âŏlê-ḥām:

52 wayyass^a‘ kaṣṣō’n ‘ammwō wayənahăḡēm k^a‘ēḏer bammiḏəbār:

53 wayyanəḥēm lāḇeṭ^aḥ wəlō’ fāḥāḏû wə’eṯ-’wōyəḇêhem kissâ hayyām:

54 wayəḇî’ēm ’el-gəḇûl qāḏəšwō har-zeh qānəṯâ yəmînwō:

55 wayəḡāreš mipənêhem| gwōyim wayyapîlēm bəḥeḇel n^aḥălâ wayyašəkēn bə’âŏlêhem šiḇəṭê yiśərā’ēl:

56 wayənassû wayyamərû ’eṯ-’ĕlōhîm ‘eləywōn wə‘ēḏwōṯāyw lō’ šāmārû:

57 wayyissōḡû wayyiḇəgəḏû ka’ăḇwōṯām nehəpəḵû kəqešeṯ rəmîyâ:

58 wayyaḵə‘îsûhû bəḇāmwōṯām ûḇifəsîlêhem yaqənî’ûhû:

59 šām^a‘ ’ĕlōhîm wayyiṯə‘abār wayyimə’as mə’ōḏ bəyiśərā’ēl:

60 wayyiṭṭōš mišəkan šilwō ’ōhel šikēn bā’āḏām:

61 wayyitēn laššəḇî ‘uzzwō wəṯifə’arətwō ḇəyaḏ-ṣār:

62 wayyasəgēr l^aḥereḇ ‘ammwō ûḇən^aḥălāṯwō hiṯə‘abār:

63 b^aḥûrāyw ’āḵəlâ-’ēš ûḇəṯûlōṯāyw lō’ hûllālû:

64 kōhănāyw b^aḥereḇ nāfālû wə’aləmənōṯāyw lō’ ṯiḇəkeynâ:

65 wayyiqaṣ kəyāšēn| ’ăḏōnāy kəḡibwōr miṯərwōnēn mîyāyin:

66 wayyaḵə-ṣārāyw ’āḥwōr ḥerəpaṯ ‘wōlām nāṯan lāmwō:

67 wayyimə’as bə’ōhel ywōsēf ûḇəšēḇeṭ ’efərayim lō’ ḇāḥār:

68 wayyiḇəḥar ’eṯ-šēḇeṭ yəhûḏâ ’eṯ-har ṣîywōn ’ăšer ’âēḇ:

69 wayyiḇen kəmwō-rāmîm miqədāšwō kə’ereṣ yəsāḏāh lə‘wōlām:

70 wayyiḇəḥar bəḏāwiḏ ‘aḇədwō wayyiqqāḥēhû mimmiḵələ’ōṯ ṣō’n:

71 mē’^aḥar ‘ālwōṯ hĕḇî’wō lirə‘wōṯ bəy^a‘ăqōḇ ‘ammwō ûḇəyiśərā’ēl n^aḥălāṯwō:

72 wayyirə‘ēm kəṯōm ləḇāḇwō ûḇiṯəḇûnwōṯ kapāyw yanəḥēm:

‎1 ‏מִזְמ֗וֹר לְאָ֫סָ֥ף אֱ‍ֽלֹהִ֡ים בָּ֤אוּ גוֹיִ֨ם׀ בְּֽנַחֲלָתֶ֗ךָ טִ֭מְּאוּ אֶת־הֵיכַ֣ל קָדְשֶׁ֑ךָ שָׂ֖מוּ אֶת־יְרוּשָׁלִַ֣ם לְעִיִּֽים׃

‎2 ‏נָֽתְנ֡וּ אֶת־נִבְלַ֬ת עֲבָדֶ֗יךָ מַ֭אֲכָל לְע֣וֹף הַשָּׁמָ֑יִם בְּשַׂ֥ר חֲ֝סִידֶ֗יךָ לְחַיְתוֹ־אָֽרֶץ׃

‎3 ‏שָׁפְכ֬וּ דָמָ֨ם׀ כַּמַּ֗יִם סְֽבִ֘יב֤וֹת יְֽרוּשָׁלִָ֗ם וְאֵ֣ין קוֹבֵֽר׃

‎4 ‏הָיִ֣ינוּ חֶ֭רְפָּה לִשְׁכֵנֵ֑ינוּ לַ֥עַג וָ֝קֶ֗לֶס לִסְבִיבוֹתֵֽינוּ׃

‎5 ‏עַד־מָ֣ה יְ֭הוָה תֶּאֱנַ֣ף לָנֶ֑צַח תִּבְעַ֥ר כְּמוֹ־אֵ֝֗שׁ קִנְאָתֶֽךָ׃

‎6 ‏שְׁפֹ֤ךְ חֲמָתְךָ֨ אֶֽל־הַגּוֹיִם֮ אֲשֶׁ֪ר לֹא־יְדָ֫ע֥וּךָ וְעַ֥ל מַמְלָכ֑וֹת אֲשֶׁ֥ר בְּ֝שִׁמְךָ֗ לֹ֣א קָרָֽאוּ׃

‎7 ‏כִּ֭י אָכַ֣ל אֶֽת־יַעֲקֹ֑ב וְֽאֶת־נָוֵ֥הוּ הֵשַֽׁמּוּ׃

‎8 ‏אַֽל־תִּזְכָּר־לָנוּ֮ עֲוֹנֹ֪ת רִאשֹׁ֫נִ֥ים מַ֭הֵר יְקַדְּמ֣וּנוּ רַחֲמֶ֑יךָ כִּ֖י דַלּ֣וֹנוּ מְאֹֽד׃

‎9 ‏עָזְרֵ֤נוּ׀ אֱלֹ֘הֵ֤י יִשְׁעֵ֗נוּ עַל־דְּבַ֥ר כְּבֽוֹד־שְׁמֶ֑ךָ וְהַצִּילֵ֥נוּ וְכַפֵּ֥ר עַל־חַ֝טֹּאתֵ֗ינוּ לְמַ֣עַן שְׁמֶֽךָ׃

‎10 ‏לָ֤מָּה׀ יֹאמְר֣וּ הַגּוֹיִם֮ אַיֵּ֪ה אֱ‍ֽלֹהֵ֫יהֶ֥ם יִוָּדַ֣ע בגיים בַּגּוֹיִ֣ם לְעֵינֵ֑ינוּ נִ֝קְמַ֗ת דַּֽם־עֲבָדֶ֥יךָ הַשָּׁפֽוּךְ׃

‎11 ‏תָּ֤ב֣וֹא לְפָנֶיךָ֮ אֶנְקַ֪ת אָ֫סִ֥יר כְּגֹ֥דֶל זְרוֹעֲךָ֑ ה֝וֹתֵ֗ר בְּנֵ֣י תְמוּתָֽה׃

‎12 ‏וְהָ֘שֵׁ֤ב לִשְׁכֵנֵ֣ינוּ שִׁ֭בְעָתַיִם אֶל־חֵיקָ֑ם חֶרְפָּ֘תָ֤ם אֲשֶׁ֖ר חֵרְפ֣וּךָ אֲדֹנָֽי׃

‎13 ‏וַאֲנַ֤חְנוּ עַמְּךָ֨׀³ וְצֹ֥אן מַרְעִיתֶךָ֮ נ֤וֹדֶ֥ה לְּךָ֗ לְע֫וֹלָ֥ם לְדֹ֥ר וָדֹ֑ר נְ֝סַפֵּ֗ר תְּהִלָּתֶֽךָ׃

1 mizəmwōr lə’āsāf ’ĕ‍lōhîm bā’û ḡwōyim| bən^aḥălāṯeḵā ṭimmə’û ’eṯ-hêḵal qāḏəšeḵā śāmû ’eṯ-yərûšālaim lə‘îyîm:

2 nāṯənû ’eṯ-niḇəlaṯ ‘ăḇāḏeyḵā ma’ăḵāl lə‘wōf haššāmāyim bəśar ḥăsîḏeyḵā ləḥayəṯwō-’āreṣ:

3 šāfəḵû ḏāmām| kammayim səḇîḇwōṯ yərûšālāim wə’ên qwōḇēr:

4 hāyînû ḥerəpâ lišəḵēnênû l^a‘aḡ wāqeles lisəḇîḇwōṯênû:

5 ‘aḏ-mâ yəhwâ te’ĕnaf lāneṣ^aḥ tiḇə‘ar kəmwō-’ēš qinə’āṯeḵā:

6 šəfōḵə ḥămāṯəḵā ’el-hagwōyim ’ăšer lō’-yəḏā‘ûḵā wə‘al maməlāḵwōṯ ’ăšer bəšiməḵā lō’ qārā’û:

7 kî ’āḵal ’eṯ-y^a‘ăqōḇ wə’eṯ-nāwēhû hēšammû:

8 ’al-tizəkār-lānû ‘ăwōnōṯ ri’šōnîm mahēr yəqadəmûnû r^aḥămeyḵā kî ḏallwōnû mə’ōḏ:

9 ‘āzərēnû| ’ĕlōhê yišə‘ēnû ‘al-dəḇar kəḇwōḏ-šəmeḵā wəhaṣṣîlēnû wəḵapēr ‘al-ḥaṭṭō’ṯênû ləm^a‘an šəmeḵā:

10 lāmmâ| yō’mərû hagwōyim ’ayyēh ’ĕ‍lōhêhem yiûāḏ^a‘ bagōyîm bagwōyim lə‘ênênû niqəmaṯ dam-‘ăḇāḏeyḵā haššāfûḵə:

11 tāḇwō’ ləfāneyḵā ’enəqaṯ ’āsîr kəḡōḏel zərwō‘ăḵā hwōṯēr bənê ṯəmûṯâ:

12 wəhāšēḇ lišəḵēnênû šiḇə‘āṯayim ’el-ḥêqām ḥerəpāṯām ’ăšer ḥērəfûḵā ’ăḏōnāy:

13 wa’ăn^aḥənû ‘amməḵā|³ wəṣō’n marə‘îṯeḵā nwōḏeh lləḵā lə‘wōlām ləḏōr wāḏōr nəsapēr təhillāṯeḵā:

‎1 ‏לַמְנַצֵּ֥חַ אֶל־שֹׁשַׁנִּ֑ים עֵד֖וּת לְאָסָ֣ף מִזְמֽוֹר׃

‎2 ‏רֹ֘עֵ֤ה יִשְׂרָאֵ֨ל׀ הַאֲזִ֗ינָה נֹהֵ֣ג כַּצֹּ֣אן יוֹסֵ֑ף יֹשֵׁ֖ב הַכְּרוּבִ֣ים הוֹפִֽיעָה׃

‎3 ‏לִפְנֵ֤י אֶפְרַ֨יִם׀ וּבִנְיָ֘מִ֤ן וּמְנַשֶּׁ֗ה עוֹרְרָ֥ה אֶת־גְּבֽוּרָתֶ֑ךָ וּלְכָ֖ה לִישֻׁעָ֣תָה לָּֽנוּ׃

‎4 ‏אֱלֹהִ֥ים הֲשִׁיבֵ֑נוּ וְהָאֵ֥ר פָּ֝נֶ֗יךָ וְנִוָּשֵֽׁעָה׃

‎5 ‏יְהוָ֣ה אֱלֹהִ֣ים צְבָא֑וֹת עַד־מָתַ֥י עָ֝שַׁ֗נְתָּ בִּתְפִלַּ֥ת עַמֶּֽךָ׃

‎6 ‏הֶ֭אֱכַלְתָּם לֶ֣חֶם דִּמְעָ֑ה וַ֝תַּשְׁקֵ֗מוֹ בִּדְמָע֥וֹת שָׁלִֽישׁ׃

‎7 ‏תְּשִׂימֵ֣נוּ מָ֭דוֹן לִשְׁכֵנֵ֑ינוּ וְ֝אֹיְבֵ֗ינוּ יִלְעֲגוּ־לָֽמוֹ׃

‎8 ‏אֱלֹהִ֣ים צְבָא֣וֹת הֲשִׁיבֵ֑נוּ וְהָאֵ֥ר פָּ֝נֶ֗יךָ וְנִוָּשֵֽׁעָה׃

‎9 ‏גֶּ֭פֶן מִמִּצְרַ֣יִם תַּסִּ֑יעַ תְּגָרֵ֥שׁ גּ֝וֹיִ֗ם וַתִּטָּעֶֽהָ׃

‎10 ‏פִּנִּ֥יתָ לְפָנֶ֑יהָ וַתַּשְׁרֵ֥שׁ שָׁ֝רָשֶׁ֗יהָ וַתְּמַלֵּא־אָֽרֶץ׃

‎11 ‏כָּסּ֣וּ הָרִ֣ים צִלָּ֑הּ וַ֝עֲנָפֶ֗יהָ אַֽרְזֵי־אֵֽל׃

‎12 ‏תְּשַׁלַּ֣ח קְצִירֶ֣הָ עַד־יָ֑ם וְאֶל־נָ֝הָ֗ר יֽוֹנְקוֹתֶֽיהָ׃

‎13 ‏לָ֭מָּה פָּרַ֣צְתָּ גְדֵרֶ֑יהָ וְ֝אָר֗וּהָ כָּל־עֹ֥בְרֵי דָֽרֶךְ׃

‎14 ‏יְכַרְסְמֶ֣נָּֽה חֲזִ֣יר מִיָּ֑עַ⁷ר וְזִ֖יז שָׂדַ֣י יִרְעֶֽנָּה׃

‎15 ‏אֱלֹהִ֣ים צְבָאוֹת֮ שֽׁ֫וּב־נָ֥א הַבֵּ֣ט מִשָּׁמַ֣יִם וּרְאֵ֑ה וּ֝פְקֹ֗ד גֶּ֣פֶן זֹֽאת׃

‎16 ‏וְ֭כַנָּה אֲשֶׁר־נָטְעָ֣ה יְמִינֶ֑ךָ וְעַל־בֵּ֝֗ן אִמַּ֥צְתָּה לָּֽךְ׃

‎17 ‏שְׂרֻפָ֣ה בָאֵ֣שׁ כְּסוּחָ֑ה מִגַּעֲרַ֖ת פָּנֶ֣יךָ יֹאבֵֽדוּ׃

‎18 ‏תְּֽהִי־יָ֭דְךָ עַל־אִ֣ישׁ יְמִינֶ֑ךָ עַל־בֶּן־אָ֝דָ֗ם אִמַּ֥צְתָּ לָּֽךְ׃

‎19 ‏וְלֹא־נָס֥וֹג מִמֶּ֑ךָּ תְּ֝חַיֵּ֗נוּ וּבְשִׁמְךָ֥ נִקְרָֽא׃

‎20 ‏יְה֘וָ֤ה אֱלֹהִ֣ים צְבָא֣וֹת הֲשִׁיבֵ֑נוּ הָאֵ֥ר פָּ֝נֶ֗יךָ וְנִוָּשֵֽׁעָה׃

1 lamənaṣṣēḥa ’el-šōšannîm ‘ēḏûṯ lə’āsāf mizəmwōr:

2 rō‘ēh yiśərā’ēl| ha’ăzînâ nōhēḡ kaṣṣō’n ywōsēf yōšēḇ hakərûḇîm hwōfî‘â:

3 lifənê ’efərayim| ûḇinəyāmin ûmənaššeh ‘wōrərâ ’eṯ-gəḇûrāṯeḵā ûləḵâ lîšu‘āṯâ llānû:

4 ’ĕlōhîm hăšîḇēnû wəhā’ēr pāneyḵā wəniûāšē‘â:

5 yəhwâ ’ĕlōhîm ṣəḇā’wōṯ ‘aḏ-māṯay ‘āšanətā biṯəfillaṯ ‘ammeḵā:

6 he’ĕḵalətām leḥem dimə‘â watašəqēmwō biḏəmā‘wōṯ šālîš:

7 təśîmēnû māḏwōn lišəḵēnênû wə’ōyəḇênû yilə‘ăḡû-lāmwō:

8 ’ĕlōhîm ṣəḇā’wōṯ hăšîḇēnû wəhā’ēr pāneyḵā wəniûāšē‘â:

9 gefen mimmiṣərayim tassî‘a təḡārēš gwōyim watiṭṭā‘ehā:

10 pinnîṯā ləfāneyhā watašərēš šārāšeyhā watəmallē’-’āreṣ:

11 kāssû hārîm ṣillāh w^a‘ănāfeyhā ’arəzê-’ēl:

12 təšall^aḥ qəṣîrehā ‘aḏ-yām wə’el-nâār ywōnəqwōṯeyhā:

13 lāmmâ pāraṣətā ḡəḏēreyhā wə’ārûhā kāl-‘ōḇərê ḏāreḵə:

14 yəḵarəsəmennâ ḥăzîr mîyā‘a⁷r wəzîz śāḏay yirə‘ennâ:

15 ’ĕlōhîm ṣəḇā’wōṯ šûḇ-nā’ habēṭ miššāmayim ûrə’ēh ûfəqōḏ gefen zō’ṯ:

16 wəḵannâ ’ăšer-nāṭə‘â yəmîneḵā wə‘al-bēn ’immaṣətâ llāḵə:

17 śərufâ ḇā’ēš kəsûḥâ mig^a‘ăraṯ pāneyḵā yō’ḇēḏû:

18 təhî-yāḏəḵā ‘al-’îš yəmîneḵā ‘al-ben-’āḏām ’immaṣətā llāḵə:

19 wəlō’-nāswōḡ mimmeḵḵā təḥayyēnû ûḇəšiməḵā niqərā’:

20 yəhwâ ’ĕlōhîm ṣəḇā’wōṯ hăšîḇēnû hā’ēr pāneyḵā wəniûāšē‘â:

‎1 ‏לַמְנַצֵּ֬חַ׀ עַֽל־הַגִּתִּ֬ית לְאָסָֽף׃

‎2 ‏הַ֭רְנִינוּ לֵאלֹהִ֣ים עוּזֵּ֑נוּ הָ֝רִ֗יעוּ לֵאלֹהֵ֥י יַעֲקֹֽב׃

‎3 ‏שְֽׂאוּ־זִ֭מְרָה וּתְנוּ־תֹ֑ף כִּנּ֖וֹר נָעִ֣ים עִם־נָֽבֶל׃

‎4 ‏תִּקְע֣וּ בַחֹ֣דֶשׁ שׁוֹפָ֑ר בַּ֝כֵּ֗סֶה לְי֣וֹם חַגֵּֽנוּ׃

‎5 ‏כִּ֤י חֹ֣ק לְיִשְׂרָאֵ֣ל ה֑וּא מִ֝שְׁפָּ֗ט לֵאלֹהֵ֥י יַעֲקֹֽב׃

‎6 ‏עֵ֤דוּת׀ בִּֽיה֘וֹסֵ֤ף שָׂמ֗וֹ בְּ֭צֵאתוֹ עַל־אֶ֣רֶץ מִצְרָ֑יִם שְׂפַ֖ת לֹא־יָדַ֣עְתִּי אֶשְׁמָֽע׃

‎7 ‏הֲסִיר֣וֹתִי מִסֵּ֣בֶל שִׁכְמ֑וֹ כַּ֝פָּ֗יו מִדּ֥וּד תַּעֲבֹֽרְנָה׃

‎8 ‏בַּצָּרָ֥ה קָרָ֗אתָ וָאֲחַ֫לְּצֶ֥ךָּ אֶ֭עֶנְךָ בְּסֵ֣תֶר רַ֑עַם אֶבְחָֽנְךָ֨ עַל־מֵ֖י מְרִיבָ֣ה סֶֽלָה׃

‎9 ‏שְׁמַ֣ע עַ֭מִּי וְאָעִ֣ידָה בָּ֑ךְ יִ֝שְׂרָאֵ֗ל אִם־תִּֽשְׁמַֽע־לִֽי׃

‎10 ‏לֹֽא־יִהְיֶ֣ה בְ֭ךָ אֵ֣ל זָ֑ר וְלֹ֥א תִ֝שְׁתַּחֲוֶ֗ה לְאֵ֣ל נֵכָֽר׃

‎11 ‏אָנֹכִ֨י׀ יְה֘וָ֤ה אֱלֹהֶ֗יךָ הַֽ֭מַּעַלְךָ מֵאֶ֣רֶץ מִצְרָ֑יִם הַרְחֶב־פִּ֝֗יךָ וַאֲמַלְאֵֽהוּ׃

‎12 ‏וְלֹא־שָׁמַ֣ע עַמִּ֣י לְקוֹלִ֑י וְ֝יִשְׂרָאֵ֗ל לֹא־אָ֥בָה לִֽי׃

‎13 ‏וָֽ֭אֲשַׁלְּחֵהוּ בִּשְׁרִיר֣וּת לִבָּ֑ם יֵ֝לְכ֗וּ בְּֽמוֹעֲצוֹתֵיהֶֽם׃

‎14 ‏ל֗וּ עַ֭מִּי שֹׁמֵ֣עַֽ לִ֑י יִ֝שְׂרָאֵ֗ל בִּדְרָכַ֥י יְהַלֵּֽכוּ׃

‎15 ‏כִּ֭מְעַט אוֹיְבֵיהֶ֣ם אַכְנִ֑יעַ וְעַ֥ל צָ֝רֵיהֶ֗ם אָשִׁ֥יב יָדִֽי׃

‎16 ‏מְשַׂנְאֵ֣י יְ֭הוָה יְכַֽחֲשׁוּ־ל֑וֹ וִיהִ֖י עִתָּ֣ם לְעוֹלָֽם׃

‎17 ‏וַֽ֭יַּאֲכִילֵהוּ מֵחֵ֣לֶב חִטָּ֑ה וּ֝מִצּ֗וּר דְּבַ֣שׁ אַשְׂבִּיעֶֽךָ׃

1 lamənaṣṣēḥa| ‘al-hagitîṯ lə’āsāf:

2 harənînû lē’lōhîm ‘ûzzēnû hārî‘û lē’lōhê y^a‘ăqōḇ:

3 śə’û-zimərâ ûṯənû-ṯōf kinnwōr nā‘îm ‘im-nāḇel:

4 tiqə‘û ḇ^aḥōḏeš šwōfār bakēseh ləywōm ḥagēnû:

5 kî ḥōq ləyiśərā’ēl hû’ mišəpāṭ lē’lōhê y^a‘ăqōḇ:

6 ‘ēḏûṯ| bîhwōsēf śāmwō bəṣē’ṯwō ‘al-’ereṣ miṣərāyim śəfaṯ lō’-yāḏ^a‘ətî ’ešəmā‘:

7 hăsîrwōṯî missēḇel šiḵəmwō kapāyw midûḏ t^a‘ăḇōrənâ:

8 baṣṣārâ qārā’ṯā wā’ăḥalləṣeḵḵā ’e‘enəḵā bəsēṯer r^a‘am ’eḇəḥānəḵā ‘al-mê mərîḇâ selâ:

9 šəm^a‘ ‘ammî wə’ā‘îḏâ bāḵə yiśərā’ēl ’im-tišəm^a‘-lî:

10 lō’-yihəyeh ḇəḵā ’ēl zār wəlō’ ṯišət^aḥăweh lə’ēl nēḵār:

11 ’ānōḵî| yəhwâ ’ĕlōheyḵā hamm^a‘aləḵā mē’ereṣ miṣərāyim harəḥeḇ-pîḵā wa’ămalə’ēhû:

12 wəlō’-šām^a‘ ‘ammî ləqwōlî wəyiśərā’ēl lō’-’āḇâ lî:

13 wā’ăšalləḥēhû bišərîrûṯ libām yēləḵû bəmwō‘ăṣwōṯêhem:

14 lû ‘ammî šōmē‘a lî yiśərā’ēl biḏərāḵay yəhallēḵû:

15 kimə‘aṭ ’wōyəḇêhem ’aḵənî‘a wə‘al ṣārêhem ’āšîḇ yāḏî:

16 məśanə’ê yəhwâ yəḵ^aḥăšû-lwō wîhî ‘itām lə‘wōlām:

17 wayya’ăḵîlēhû mēḥēleḇ ḥiṭṭâ ûmiṣṣûr dəḇaš ’aśəbî‘eḵā:

‎1 ‏מִזְמ֗וֹר לְאָ֫סָ֥ף אֱ‍ֽלֹהִ֗ים נִצָּ֥ב בַּעֲדַת־אֵ֑ל בְּקֶ֖רֶב אֱלֹהִ֣ים יִשְׁפֹּֽט׃

‎2 ‏עַד־מָתַ֥י תִּשְׁפְּטוּ־עָ֑וֶל וּפְנֵ֥י רְ֝שָׁעִ֗ים תִּשְׂאוּ־סֶֽלָה׃

‎3 ‏שִׁפְטוּ־דַ֥ל וְיָת֑וֹם עָנִ֖י וָרָ֣שׁ הַצְדִּֽיקוּ׃

‎4 ‏פַּלְּטוּ־דַ֥ל וְאֶבְי֑וֹן מִיַּ֖ד רְשָׁעִ֣ים הַצִּֽילוּ׃

‎5 ‏לֹ֤א יָֽדְע֨וּ׀ וְלֹ֥א יָבִ֗ינוּ בַּחֲשֵׁכָ֥ה יִתְהַלָּ֑כוּ יִ֝מּ֗וֹטוּ כָּל־מ֥וֹסְדֵי אָֽרֶץ׃

‎6 ‏אֲ‍ֽנִי־אָ֭מַרְתִּי אֱלֹהִ֣ים אַתֶּ֑ם וּבְנֵ֖י עֶלְי֣וֹן כֻּלְּכֶֽם׃

‎7 ‏אָ֭כֵן כְּאָדָ֣ם תְּמוּת֑וּן וּכְאַחַ֖ד הַשָּׂרִ֣ים תִּפֹּֽלוּ׃

‎8 ‏קוּמָ֣ה אֱ֭לֹהִים שָׁפְטָ֣ה הָאָ֑רֶץ כִּֽי־אַתָּ֥ה תִ֝נְחַ֗ל בְּכָל־הַגּוֹיִֽם׃

1 mizəmwōr lə’āsāf ’ĕ‍lōhîm niṣṣāḇ b^a‘ăḏaṯ-’ēl bəqereḇ ’ĕlōhîm yišəpōṭ:

2 ‘aḏ-māṯay tišəpəṭû-‘āwel ûfənê rəšā‘îm tiśə’û-selâ:

3 šifəṭû-ḏal wəyāṯwōm ‘ānî wārāš haṣədîqû:

4 palləṭû-ḏal wə’eḇəywōn mîyaḏ rəšā‘îm haṣṣîlû:

5 lō’ yāḏə‘û| wəlō’ yāḇînû b^aḥăšēḵâ yiṯəhallāḵû yimmwōṭû kāl-mwōsəḏê ’āreṣ:

6 ’ă‍nî-’āmarətî ’ĕlōhîm ’atem ûḇənê ‘eləywōn kulləḵem:

7 ’āḵēn kə’āḏām təmûṯûn ûḵə’^aḥaḏ haśśārîm tipōlû:

8 qûmâ ’ĕlōhîm šāfəṭâ hā’āreṣ kî-’atâ ṯinəḥal bəḵāl-hagwōyim:

‎1 ‏שִׁ֖יר מִזְמ֣וֹר לְאָסָֽף׃

‎2 ‏אֱלֹהִ֥ים אַל־דֳּמִי־לָ֑ךְ אַל־תֶּחֱרַ֖שׁ וְאַל־תִּשְׁקֹ֣ט אֵֽל׃

‎3 ‏כִּֽי־הִנֵּ֣ה א֭וֹיְבֶיךָ יֶהֱמָי֑וּן וּ֝מְשַׂנְאֶ֗יךָ נָ֣שְׂאוּ רֹֽאשׁ׃

‎4 ‏עַֽל־עַ֭מְּךָ יַעֲרִ֣ימוּ ס֑וֹד וְ֝יִתְיָעֲצ֗וּ עַל־צְפוּנֶֽיךָ׃

‎5 ‏אָמְר֗וּ לְ֭כוּ וְנַכְחִידֵ֣ם מִגּ֑וֹי וְלֹֽא־יִזָּכֵ֖ר שֵֽׁם־יִשְׂרָאֵ֣ל עֽוֹד׃

‎6 ‏כִּ֤י נוֹעֲצ֣וּ לֵ֣ב יַחְדָּ֑ו עָ֝לֶ֗יךָ בְּרִ֣ית יִכְרֹֽתוּ׃

‎7 ‏אָהֳלֵ֣י אֱ֭דוֹם וְיִשְׁמְעֵאלִ֗ים מוֹאָ֥ב וְהַגְרִֽים׃

‎8 ‏גְּבָ֣ל וְ֭עַמּוֹן וַעֲמָלֵ֑ק פְּ֝לֶ֗שֶׁת עִם־יֹ֥שְׁבֵי צֽוֹר׃

‎9 ‏גַּם־אַ֭שּׁוּר נִלְוָ֣ה עִמָּ֑ם הָ֤י֥וּ זְר֖וֹעַ לִבְנֵי־ל֣וֹט סֶֽלָה׃

‎10 ‏עֲשֵֽׂה־לָהֶ֥ם כְּמִדְיָ֑ן כְּֽסִֽיסְרָ֥א כְ֝יָבִ֗ין בְּנַ֣חַל קִישֽׁוֹן׃

‎11 ‏נִשְׁמְד֥וּ בְֽעֵין־דֹּ֑אר הָ֥יוּ דֹּ֝֗מֶן לָאֲדָמָֽה׃

‎12 ‏שִׁיתֵ֣מוֹ נְ֭דִיבֵמוֹ כְּעֹרֵ֣ב וְכִזְאֵ֑ב וּֽכְזֶ֥בַח וּ֝כְצַלְמֻנָּ֗ע כָּל־נְסִיכֵֽמוֹ׃

‎13 ‏אֲשֶׁ֣ר אָ֭מְרוּ נִ֣ירֲשָׁה לָּ֑נוּ אֵ֝֗ת נְא֣וֹת אֱלֹהִֽים׃

‎14 ‏אֱ‍ֽלֹהַ֗י שִׁיתֵ֥מוֹ כַגַּלְגַּ֑ל כְּ֝קַ֗שׁ לִפְנֵי־רֽוּחַ׃

‎15 ‏כְּאֵ֥שׁ תִּבְעַר־יָ֑עַר וּ֝כְלֶהָבָ֗ה תְּלַהֵ֥ט הָרִֽים׃

‎16 ‏כֵּ֭ן תִּרְדְּפֵ֣ם בְּסַעֲרֶ֑ךָ וּבְסוּפָתְךָ֥ תְבַהֲלֵֽם׃

‎17 ‏מַלֵּ֣א פְנֵיהֶ֣ם קָל֑וֹן וִֽיבַקְשׁ֖וּ שִׁמְךָ֣ יְהוָֽה׃

‎18 ‏יֵבֹ֖שׁוּ וְיִבָּהֲל֥וּ עֲדֵי־עַ֗ד וְֽיַחְפְּר֥וּ וְיֹאבֵֽדוּ׃

‎19 ‏וְֽיֵדְע֗וּ כִּֽי־אַתָּ֬ה שִׁמְךָ֣ יְהוָ֣ה לְבַדֶּ֑ךָ עֶ֝לְי֗וֹן עַל־כָּל־הָאָֽרֶץ׃

1 šîr mizəmwōr lə’āsāf:

2 ’ĕlōhîm ’al-dŏmî-lāḵə ’al-teḥĕraš wə’al-tišəqōṭ ’ēl:

3 kî-hinnēh ’wōyəḇeyḵā yehĕmāyûn ûməśanə’eyḵā nāśə’û rō’š:

4 ‘al-‘amməḵā y^a‘ărîmû swōḏ wəyiṯəyā‘ăṣû ‘al-ṣəfûneyḵā:

5 ’āmərû ləḵû wənaḵəḥîḏēm migwōy wəlō’-yizzāḵēr šēm-yiśərā’ēl ‘wōḏ:

6 kî nwō‘ăṣû lēḇ y^aḥədāw ‘āleyḵā bərîṯ yiḵərōṯû:

7 ’âŏlê ’ĕḏwōm wəyišəmə‘ē’lîm mwō’āḇ wəhaḡərîm:

8 gəḇāl wə‘ammwōn w^a‘ămālēq pəlešeṯ ‘im-yōšəḇê ṣwōr:

9 gam-’aššûr niləwâ ‘immām hāyû zərwō‘a liḇənê-lwōṭ selâ:

10 ‘ăśēh-lâem kəmiḏəyān kəsîsərā’ ḵəyāḇîn bən^aḥal qîšwōn:

11 nišəməḏû ḇə‘ên-dō’r hāyû dōmen lā’ăḏāmâ:

12 šîṯēmwō nəḏîḇēmwō kə‘ōrēḇ wəḵizə’ēḇ ûḵəzeḇ^aḥ ûḵəṣaləmunnā‘ kāl-nəsîḵēmwō:

13 ’ăšer ’āmərû nîrăšâ llānû ’ēṯ nə’wōṯ ’ĕlōhîm:

14 ’ĕ‍lōhay šîṯēmwō ḵagaləgal kəqaš lifənê-rûḥa:

15 kə’ēš tiḇə‘ar-yā‘ar ûḵəlehāḇâ təlahēṭ hārîm:

16 kēn tirədəfēm bəs^a‘ăreḵā ûḇəsûfāṯəḵā ṯəḇahălēm:

17 mallē’ fənêhem qālwōn wîḇaqəšû šiməḵā yəhwâ:

18 yēḇōšû wəyibâălû ‘ăḏê-‘aḏ wəy^aḥəpərû wəyō’ḇēḏû:

19 wəyēḏə‘û kî-’atâ šiməḵā yəhwâ ləḇadeḵā ‘eləywōn ‘al-kāl-hā’āreṣ:

‎1 ‏לַמְנַצֵּ֥חַ עַֽל־הַגִּתִּ֑ית לִבְנֵי־קֹ֥רַח מִזְמֽוֹר׃

‎2 ‏מַה־יְּדִיד֥וֹת מִשְׁכְּנוֹתֶ֗יךָ יְהוָ֥ה צְבָאֽוֹת׃

‎3 ‏נִכְסְפָ֬ה וְגַם־כָּלְתָ֨ה׀ נַפְשִׁי֮ לְחַצְר֪וֹת יְה֫וָ֥ה לִבִּ֥י וּבְשָׂרִ֑י יְ֝רַנְּנ֗וּ אֶ֣ל אֵֽל־חָֽי׃

‎4 ‏גַּם־צִפּ֨וֹר׀ מָ֪צְאָה בַ֡יִת וּדְר֤וֹר׀ קֵ֥ן לָהּ֮ אֲשֶׁר־שָׁ֪תָה אֶפְרֹ֫חֶ֥יהָ אֶֽת־מִ֭זְבְּחוֹתֶיךָ יְהוָ֣ה צְבָא֑וֹת מַ֝לְכִּ֗י וֵאלֹהָֽי׃

‎5 ‏אַ֭שְׁרֵי יוֹשְׁבֵ֣י בֵיתֶ֑ךָ ע֝֗וֹד יְֽהַלְל֥וּךָ סֶּֽלָה׃

‎6 ‏אַשְׁרֵ֣י אָ֭דָם עֽוֹז־ל֥וֹ בָ֑ךְ מְ֝סִלּ֗וֹת בִּלְבָבָֽם׃

‎7 ‏עֹבְרֵ֤י׀ בְּעֵ֣מֶק הַ֭בָּכָא מַעְיָ֣ן יְשִׁית֑וּהוּ גַּם־בְּ֝רָכ֗וֹת יַעְטֶ֥ה מוֹרֶֽה׃

‎8 ‏יֵ֭לְכוּ מֵחַ֣יִל אֶל־חָ֑יִל יֵרָאֶ֖ה אֶל־אֱלֹהִ֣ים בְּצִיּֽוֹן׃

‎9 ‏יְה֘וָ֤ה אֱלֹהִ֣ים צְ֭בָאוֹת שִׁמְעָ֣ה תְפִלָּתִ֑י הַאֲזִ֨ינָה אֱלֹהֵ֖י יַעֲקֹ֣ב סֶֽלָה׃

‎10 ‏מָ֭גִנֵּנוּ רְאֵ֣ה אֱלֹהִ֑ים וְ֝הַבֵּ֗ט פְּנֵ֣י מְשִׁיחֶֽךָ׃

‎11 ‏כִּ֤י טֽוֹב־י֥וֹם בַּחֲצֵרֶ֗יךָ מֵ֫אָ֥לֶף בָּחַ֗רְתִּי הִ֭סְתּוֹפֵף בְּבֵ֣ית אֱלֹהַ֑י מִ֝דּ֗וּר בְּאָהֳלֵי־רֶֽשַׁע׃

‎12 ‏כִּ֤י שֶׁ֨מֶשׁ׀ וּמָגֵן֮ יְהוָ֪ה אֱלֹ֫הִ֥ים חֵ֣ן וְ֭כָבוֹד יִתֵּ֣ן יְהוָ֑ה לֹ֥א יִמְנַע־ט֝֗וֹב לַֽהֹלְכִ֥ים בְּתָמִֽים׃

‎13 ‏יְהוָ֥ה צְבָא֑וֹת אַֽשְׁרֵ֥י אָ֝דָ֗ם בֹּטֵ֥חַ בָּֽךְ׃

1 lamənaṣṣēḥa ‘al-hagitîṯ liḇənê-qōr^aḥ mizəmwōr:

2 mah-yyəḏîḏwōṯ mišəkənwōṯeyḵā yəhwâ ṣəḇā’wōṯ:

3 niḵəsəfâ wəḡam-kāləṯâ| nafəšî ləḥaṣərwōṯ yəhwâ libî ûḇəśārî yərannənû ’el ’ēl-ḥāy:

4 gam-ṣipwōr| māṣə’â ḇayiṯ ûḏərwōr| qēn lāh ’ăšer-šāṯâ ’efərōḥeyhā ’eṯ-mizəbəḥwōṯeyḵā yəhwâ ṣəḇā’wōṯ maləkî wē’lōhāy:

5 ’ašərê ywōšəḇê ḇêṯeḵā ‘wōḏ yəhaləlûḵā sselâ:

6 ’ašərê ’āḏām ‘wōz-lwō ḇāḵə məsillwōṯ biləḇāḇām:

7 ‘ōḇərê| bə‘ēmeq habāḵā’ m^a‘əyān yəšîṯûhû gam-bərāḵwōṯ y^a‘əṭeh mwōreh:

8 yēləḵû mēḥayil ’el-ḥāyil yērā’eh ’el-’ĕlōhîm bəṣîywōn:

9 yəhwâ ’ĕlōhîm ṣəḇā’wōṯ šimə‘â ṯəfillāṯî ha’ăzînâ ’ĕlōhê y^a‘ăqōḇ selâ:

10 māḡinnēnû rə’ēh ’ĕlōhîm wəhabēṭ pənê məšîḥeḵā:

11 kî ṭwōḇ-ywōm b^aḥăṣēreyḵā mē’ālef bāḥarətî hisətwōfēf bəḇêṯ ’ĕlōhay midûr bə’âŏlê-reš^a‘:

12 kî šemeš| ûmāḡēn yəhwâ ’ĕlōhîm ḥēn wəḵāḇwōḏ yitēn yəhwâ lō’ yimən^a‘-ṭwōḇ lahōləḵîm bəṯāmîm:

13 yəhwâ ṣəḇā’wōṯ ’ašərê ’āḏām bōṭēḥa bāḵə:

‎1 ‏לַמְנַצֵּ֬חַ׀ לִבְנֵי־קֹ֬רַח מִזְמֽוֹר׃

‎2 ‏רָצִ֣יתָ יְהוָ֣ה אַרְצֶ֑ךָ שַׁ֝֗בְתָּ שבות שְׁבִ֣ית יַעֲקֹֽב׃

‎3 ‏נָ֭שָׂאתָ עֲוֹ֣ן עַמֶּ֑ךָ כִּסִּ֖יתָ כָל־חַטָּאתָ֣ם סֶֽלָה׃

‎4 ‏אָסַ֥פְתָּ כָל־עֶבְרָתֶ֑ךָ הֱ֝שִׁיב֗וֹתָ מֵחֲר֥וֹן אַפֶּֽךָ׃

‎5 ‏שׁ֭וּבֵנוּ אֱלֹהֵ֣י יִשְׁעֵ֑נוּ וְהָפֵ֖ר כַּֽעַסְךָ֣ עִמָּֽנוּ׃

‎6 ‏הַלְעוֹלָ֥ם תֶּֽאֱנַף־בָּ֑נוּ תִּמְשֹׁ֥ךְ אַ֝פְּךָ֗ לְדֹ֣ר וָדֹֽר׃

‎7 ‏הֲֽלֹא־אַ֭תָּה תָּשׁ֣וּב תְּחַיֵּ֑נוּ וְ֝עַמְּךָ֗ יִשְׂמְחוּ־בָֽךְ׃

‎8 ‏הַרְאֵ֣נוּ יְהוָ֣ה חַסְדֶּ֑ךָ וְ֝יֶשְׁעֲךָ֗ תִּתֶּן־לָֽנוּ׃

‎9 ‏אֶשְׁמְעָ֗ה מַה־יְדַבֵּר֮ הָאֵ֪ל׀ יְה֫וָ֥ה כִּ֤י׀ יְדַבֵּ֬ר שָׁל֗וֹם אֶל־עַמּ֥וֹ וְאֶל־חֲסִידָ֑יו וְֽאַל־יָשׁ֥וּבוּ לְכִסְלָֽה׃

‎10 ‏אַ֤ךְ׀ קָר֣וֹב לִירֵאָ֣יו יִשְׁע֑וֹ לִשְׁכֹּ֖ן כָּב֣וֹד בְּאַרְצֵֽנוּ׃

‎11 ‏חֶֽסֶד־וֶאֱמֶ֥ת נִפְגָּ֑שׁוּ צֶ֖דֶק וְשָׁל֣וֹם נָשָֽׁקוּ׃

‎12 ‏אֱ֭מֶת מֵאֶ֣רֶץ תִּצְמָ֑ח וְ֝צֶ֗דֶק מִשָּׁמַ֥יִם נִשְׁקָֽף׃

‎13 ‏גַּם־יְ֭הוָה יִתֵּ֣ן הַטּ֑וֹב וְ֝אַרְצֵ֗נוּ תִּתֵּ֥ן יְבוּלָֽהּ׃

‎14 ‏צֶ֭דֶק לְפָנָ֣יו יְהַלֵּ֑ךְ וְיָשֵׂ֖ם לְדֶ֣רֶךְ פְּעָמָֽיו׃

1 lamənaṣṣēḥa| liḇənê-qōr^aḥ mizəmwōr:

2 rāṣîṯā yəhwâ ’arəṣeḵā šaḇətā šəḇûṯ šəḇîṯ y^a‘ăqōḇ:

3 nāśā’ṯā ‘ăwōn ‘ammeḵā kissîṯā ḵāl-ḥaṭṭā’ṯām selâ:

4 ’āsafətā ḵāl-‘eḇərāṯeḵā hĕšîḇwōṯā mēḥărwōn ’apeḵā:

5 šûḇēnû ’ĕlōhê yišə‘ēnû wəhāfēr k^a‘asəḵā ‘immānû:

6 halə‘wōlām te’ĕnaf-bānû timəšōḵə ’apəḵā ləḏōr wāḏōr:

7 hălō’-’atâ tāšûḇ təḥayyēnû wə‘amməḵā yiśəməḥû-ḇāḵə:

8 harə’ēnû yəhwâ ḥasədeḵā wəyešə‘ăḵā titen-lānû:

9 ’ešəmə‘â mah-yəḏabēr hā’ēl| yəhwâ kî| yəḏabēr šālwōm ’el-‘ammwō wə’el-ḥăsîḏāyw wə’al-yāšûḇû ləḵisəlâ:

10 ’aḵə| qārwōḇ lîrē’āyw yišə‘wō lišəkōn kāḇwōḏ bə’arəṣēnû:

11 ḥeseḏ-we’ĕmeṯ nifəgāšû ṣeḏeq wəšālwōm nāšāqû:

12 ’ĕmeṯ mē’ereṣ tiṣəmāḥ wəṣeḏeq miššāmayim nišəqāf:

13 gam-yəhwâ yitēn haṭṭwōḇ wə’arəṣēnû titēn yəḇûlāh:

14 ṣeḏeq ləfānāyw yəhallēḵə wəyāśēm ləḏereḵə pə‘āmāyw:

‎1 ‏תְּפִלָּ֗ה לְדָ֫וִ֥ד הַטֵּֽה־יְהוָ֣ה אָזְנְךָ֣ עֲנֵ֑נִי כִּֽי־עָנִ֖י וְאֶבְי֣וֹן אָֽנִי׃

‎2 ‏שָֽׁמְרָ֣ה נַפְשִׁי֮ כִּֽי־חָסִ֪יד אָ֥נִי הוֹשַׁ֣ע עַ֭בְדְּךָ אַתָּ֣ה אֱלֹהַ֑י הַבּוֹטֵ֥חַ אֵלֶֽיךָ׃

‎3 ‏חָנֵּ֥נִי אֲדֹנָ֑י כִּ֥י אֵלֶ֥יךָ אֶ֝קְרָ֗א כָּל־הַיּֽוֹם׃

‎4 ‏שַׂ֭מֵּחַ נֶ֣פֶשׁ עַבְדֶּ֑ךָ כִּ֥י אֵלֶ֥יךָ אֲ֝דֹנָ֗י נַפְשִׁ֥י אֶשָּֽׂא׃

‎5 ‏כִּֽי־אַתָּ֣ה אֲ֭דֹנָי ט֣וֹב וְסַלָּ֑ח וְרַב־חֶ֝֗סֶד לְכָל־קֹרְאֶֽיךָ׃

‎6 ‏הַאֲזִ֣ינָה יְ֭הוָה תְּפִלָּתִ֑י וְ֝הַקְשִׁ֗יבָה בְּק֣וֹל תַּחֲנוּנוֹתָֽי׃

‎7 ‏בְּי֣וֹם צָ֭רָתִ֥י אֶקְרָאֶ֗ךָּ כִּ֣י תַעֲנֵֽנִי׃

‎8 ‏אֵין־כָּמ֖וֹךָ בָאֱלֹהִ֥ים׀ אֲדֹנָ֗י וְאֵ֣ין כְּֽמַעֲשֶֽׂיךָ׃

‎9 ‏כָּל־גּוֹיִ֤ם׀ אֲשֶׁ֥ר עָשִׂ֗יתָ יָב֤וֹאוּ׀ וְיִשְׁתַּחֲו֣וּ לְפָנֶ֣יךָ אֲדֹנָ֑י וִֽיכַבְּד֣וּ לִשְׁמֶֽךָ׃

‎10 ‏כִּֽי־גָד֣וֹל אַ֭תָּה וְעֹשֵׂ֣ה נִפְלָא֑וֹת אַתָּ֖ה אֱלֹהִ֣ים לְבַדֶּֽךָ׃

‎11 ‏ה֘וֹרֵ֤נִי יְהוָ֨ה׀ דַּרְכֶּ֗ךָ אֲהַלֵּ֥ךְ בַּאֲמִתֶּ֑ךָ יַחֵ֥ד לְ֝בָבִ֗י לְיִרְאָ֥ה שְׁמֶֽךָ׃

‎12 ‏אוֹדְךָ֤׀ אֲדֹנָ֣י אֱ֭לֹהַי בְּכָל־לְבָבִ֑י וַאֲכַבְּדָ֖ה שִׁמְךָ֣ לְעוֹלָֽם׃

‎13 ‏כִּֽי־חַ֭סְדְּךָ גָּד֣וֹל עָלָ֑י וְהִצַּ֥לְתָּ נַ֝פְשִׁ֗י מִשְּׁא֥וֹל תַּחְתִּיָּֽה׃

‎14 ‏אֱלֹהִ֤ים׀ זֵ֘דִ֤ים קָֽמוּ־עָלַ֗י וַעֲדַ֣ת עָ֭רִיצִים בִּקְשׁ֣וּ נַפְשִׁ֑י וְלֹ֖א שָׂמ֣וּךָ לְנֶגְדָּֽם׃

‎15 ‏וְאַתָּ֣ה אֲ֭דֹנָי אֵל־רַח֣וּם וְחַנּ֑וּן אֶ֥רֶךְ אַ֝פַּ֗יִם וְרַב־חֶ֥סֶד וֶאֱמֶֽת׃

‎16 ‏פְּנֵ֥ה אֵלַ֗י וְחָ֫נֵּ֥נִי תְּנָֽה־עֻזְּךָ֥ לְעַבְדֶּ֑ךָ וְ֝הוֹשִׁ֗יעָה לְבֶן־אֲמָתֶֽךָ׃

‎17 ‏עֲשֵֽׂה־עִמִּ֥י א֗וֹת לְט֫וֹבָ֥ה וְיִרְא֣וּ שֹׂנְאַ֣י וְיֵבֹ֑שׁוּ כִּֽי־אַתָּ֥ה יְ֝הוָ֗ה עֲזַרְתַּ֥נִי וְנִחַמְתָּֽנִי׃

1 təfillâ ləḏāwiḏ haṭṭēh-yəhwâ ’āzənəḵā ‘ănēnî kî-‘ānî wə’eḇəywōn ’ānî:

2 šāmərâ nafəšî kî-ḥāsîḏ ’ānî hwōš^a‘ ‘aḇədəḵā ’atâ ’ĕlōhay habwōṭēḥa ’ēleyḵā:

3 ḥānnēnî ’ăḏōnāy kî ’ēleyḵā ’eqərā’ kāl-hayywōm:

4 śammēḥa nefeš ‘aḇədeḵā kî ’ēleyḵā ’ăḏōnāy nafəšî ’eśśā’:

5 kî-’atâ ’ăḏōnāy ṭwōḇ wəsallāḥ wəraḇ-ḥeseḏ ləḵāl-qōrə’eyḵā:

6 ha’ăzînâ yəhwâ təfillāṯî wəhaqəšîḇâ bəqwōl t^aḥănûnwōṯāy:

7 bəywōm ṣārāṯî ’eqərā’eḵḵā kî ṯ^a‘ănēnî:

8 ’ên-kāmwōḵā ḇā’ĕlōhîm| ’ăḏōnāy wə’ên kəm^a‘ăśeyḵā:

9 kāl-gwōyim| ’ăšer ‘āśîṯā yāḇwō’û| wəyišət^aḥăwû ləfāneyḵā ’ăḏōnāy wîḵabəḏû lišəmeḵā:

10 kî-ḡāḏwōl ’atâ wə‘ōśēh nifəlā’wōṯ ’atâ ’ĕlōhîm ləḇadeḵā:

11 hwōrēnî yəhwâ| darəkeḵā ’ăhallēḵə ba’ămiteḵā y^aḥēḏ ləḇāḇî ləyirə’â šəmeḵā:

12 ’wōḏəḵā| ’ăḏōnāy ’ĕlōhay bəḵāl-ləḇāḇî wa’ăḵabəḏâ šiməḵā lə‘wōlām:

13 kî-ḥasədəḵā gāḏwōl ‘ālāy wəhiṣṣalətā nafəšî miššə’wōl t^aḥətîyâ:

14 ’ĕlōhîm| zēḏîm qāmû-‘ālay w^a‘ăḏaṯ ‘ārîṣîm biqəšû nafəšî wəlō’ śāmûḵā ləneḡədām:

15 wə’atâ ’ăḏōnāy ’ēl-r^aḥûm wəḥannûn ’ereḵə ’apayim wəraḇ-ḥeseḏ we’ĕmeṯ:

16 pənēh ’ēlay wəḥānnēnî tənâ-‘uzzəḵā lə‘aḇədeḵā wəhwōšî‘â ləḇen-’ămāṯeḵā:

17 ‘ăśēh-‘immî ’wōṯ ləṭwōḇâ wəyirə’û śōnə’ay wəyēḇōšû kî-’atâ yəhwâ ‘ăzarətanî wəniḥamətānî:

‎1 ‏לִבְנֵי־קֹ֖רַח מִזְמ֣וֹר שִׁ֑יר יְ֝סוּדָת֗וֹ בְּהַרְרֵי־קֹֽדֶשׁ׃

‎2 ‏אֹהֵ֣ב יְ֭הוָה שַׁעֲרֵ֣י צִיּ֑וֹן מִ֝כֹּ֗ל מִשְׁכְּנ֥וֹת יַעֲקֹֽב׃

‎3 ‏נִ֭כְבָּדוֹת מְדֻבָּ֣ר בָּ֑ךְ עִ֖יר הָאֱלֹהִ֣ים סֶֽלָה׃

‎4 ‏אַזְכִּ֤יר׀ רַ֥הַב וּבָבֶ֗ל לְֽיֹ֫דְעָ֥י הִנֵּ֤ה פְלֶ֣שֶׁת וְצ֣וֹר עִם־כּ֑וּשׁ זֶ֝֗ה יֻלַּד־שָֽׁם׃

‎5 ‏וּֽלֲצִיּ֨וֹן׀ יֵאָמַ֗ר אִ֣ישׁ וְ֭אִישׁ יֻלַּד־בָּ֑הּ וְה֖וּא יְכוֹנְנֶ֣הָ עֶלְיֽוֹן׃

‎6 ‏יְֽהוָ֗ה יִ֭סְפֹּר בִּכְת֣וֹב עַמִּ֑ים זֶ֖ה יֻלַּד־שָׁ֣ם סֶֽלָה׃

‎7 ‏וְשָׁרִ֥ים כְּחֹלְלִ֑ים כָּֽל־מַעְיָנַ֥י בָּֽךְ׃

1 liḇənê-qōr^aḥ mizəmwōr šîr yəsûḏāṯwō bəharərê-qōḏeš:

2 ’ōhēḇ yəhwâ š^a‘ărê ṣîywōn mikōl mišəkənwōṯ y^a‘ăqōḇ:

3 niḵəbāḏwōṯ məḏubār bāḵə ‘îr hā’ĕlōhîm selâ:

4 ’azəkîr| rahaḇ ûḇāḇel ləyōḏə‘āy hinnēh fəlešeṯ wəṣwōr ‘im-kûš zeh yullaḏ-šām:

5 ûlăṣîywōn| yē’āmar ’îš wə’îš yullaḏ-bāh wəhû’ yəḵwōnənehā ‘eləywōn:

6 yəhwâ yisəpōr biḵəṯwōḇ ‘ammîm zeh yullaḏ-šām selâ:

7 wəšārîm kəḥōləlîm kāl-m^a‘əyānay bāḵə:

‎1 ‏שִׁ֥יר מִזְמ֗וֹר לִבְנֵ֫י קֹ֥רַח לַמְנַצֵּ֣חַ עַל־מָחֲלַ֣ת לְעַנּ֑וֹת מַ֝שְׂכִּ֗יל לְהֵימָ֥ן הָאֶזְרָחִֽי׃

‎2 ‏יְ֭הוָה אֱלֹהֵ֣י יְשׁוּעָתִ֑י יוֹם־צָעַ֖קְתִּי בַלַּ֣יְלָה נֶגְדֶּֽךָ׃

‎3 ‏תָּב֣וֹא לְ֭פָנֶיךָ תְּפִלָּתִ֑י הַטֵּֽה־אָ֝זְנְךָ֗ לְרִנָּתִֽי׃

‎4 ‏כִּֽי־שָֽׂבְעָ֣ה בְרָע֣וֹת נַפְשִׁ֑י וְחַיַּ֗י לִשְׁא֥וֹל הִגִּֽיעוּ׃

‎5 ‏נֶ֭חְשַׁבְתִּי עִם־י֣וֹרְדֵי ב֑וֹר הָ֝יִ֗יתִי כְּגֶ֣בֶר אֵֽין־אֱיָֽל׃

‎6 ‏בַּמֵּתִ֗ים חָ֫פְשִׁ֥י כְּמ֤וֹ חֲלָלִ֨ים׀ שֹׁ֥כְבֵי קֶ֗בֶר אֲשֶׁ֤ר לֹ֣א זְכַרְתָּ֣ם ע֑וֹד וְ֝הֵ֗מָּה מִיָּדְךָ֥ נִגְזָֽרוּ׃

‎7 ‏שַׁ֭תַּנִי בְּב֣וֹר תַּחְתִּיּ֑וֹת בְּ֝מַחֲשַׁכִּ֗ים בִּמְצֹלֽוֹת׃

‎8 ‏עָ֭לַי סָמְכָ֣ה חֲמָתֶ֑ךָ וְכָל־מִ֝שְׁבָּרֶ֗יךָ עִנִּ֥יתָ סֶּֽלָה׃

‎9 ‏הִרְחַ֥קְתָּ מְיֻדָּעַ֗י מִ֫מֶּ֥נִּי שַׁתַּ֣נִי תוֹעֵב֣וֹת לָ֑מוֹ כָּ֝לֻ֗א וְלֹ֣א אֵצֵֽא׃

‎10 ‏עֵינִ֥י דָאֲבָ֗ה מִנִּ֫י עֹ֥נִי קְרָאתִ֣יךָ יְהוָ֣ה בְּכָל־י֑וֹם שִׁטַּ֖חְתִּי אֵלֶ֣יךָ כַפָּֽי׃

‎11 ‏הֲלַמֵּתִ֥ים תַּעֲשֶׂה־פֶּ֑לֶא אִם־רְ֝פָאִ֗ים יָק֤וּמוּ׀ יוֹד֬וּךָ סֶּֽלָה׃

‎12 ‏הַיְסֻפַּ֣ר בַּקֶּ֣בֶר חַסְדֶּ֑ךָ אֱ֝מֽוּנָתְךָ֗ בָּאֲבַדּֽוֹן׃

‎13 ‏הֲיִוָּדַ֣ע בַּחֹ֣שֶׁךְ פִּלְאֶ֑ךָ וְ֝צִדְקָתְךָ֗ בְּאֶ֣רֶץ נְשִׁיָּֽה׃

‎14 ‏וַאֲנִ֤י׀ אֵלֶ֣יךָ יְהוָ֣ה שִׁוַּ֑עְתִּי וּ֝בַבֹּ֗קֶר תְּֽפִלָּתִ֥י תְקַדְּמֶֽךָּ׃

‎15 ‏לָמָ֣ה יְ֭הוָה תִּזְנַ֣ח נַפְשִׁ֑י תַּסְתִּ֖יר פָּנֶ֣יךָ מִמֶּֽנִּי׃

‎16 ‏עָ֘נִ֤י אֲנִ֣י וְגוֵֹ֣עַ מִנֹּ֑עַר נָשָׂ֖אתִי אֵמֶ֣יךָ אָפֽוּנָה׃

‎17 ‏עָ֭לַי עָבְר֣וּ חֲרוֹנֶ֑יךָ בִּ֝עוּתֶ֗יךָ צִמְּתוּתֻֽנִי׃

‎18 ‏סַבּ֣וּנִי כַ֭מַּיִם כָּל־הַיּ֑וֹם הִקִּ֖יפוּ עָלַ֣י יָֽחַד׃

‎19 ‏הִרְחַ֣קְתָּ מִ֭מֶּנִּי אֹהֵ֣ב וָרֵ֑עַ מְֽיֻדָּעַ֥י מַחְשָֽׁךְ׃

1 šîr mizəmwōr liḇənê qōr^aḥ lamənaṣṣēḥa ‘al-māḥălaṯ lə‘annwōṯ maśəkîl ləhêmān hā’ezərāḥî:

2 yəhwâ ’ĕlōhê yəšû‘āṯî ywōm-ṣā‘aqətî ḇallayəlâ neḡədeḵā:

3 tāḇwō’ ləfāneyḵā təfillāṯî haṭṭēh-’āzənəḵā lərinnāṯî:

4 kî-śāḇə‘â ḇərā‘wōṯ nafəšî wəḥayyay lišə’wōl higî‘û:

5 neḥəšaḇətî ‘im-ywōrəḏê ḇwōr hāyîṯî kəḡeḇer ’ên-’ĕyāl:

6 bammēṯîm ḥāfəšî kəmwō ḥălālîm| šōḵəḇê qeḇer ’ăšer lō’ zəḵarətām ‘wōḏ wəhēmmâ mîyāḏəḵā niḡəzārû:

7 šatanî bəḇwōr t^aḥətîywōṯ bəm^aḥăšakîm biməṣōlwōṯ:

8 ‘ālay sāməḵâ ḥămāṯeḵā wəḵāl-mišəbāreyḵā ‘innîṯā sselâ:

9 hirəḥaqətā məyudā‘ay mimmennî šatanî ṯwō‘ēḇwōṯ lāmwō kālu’ wəlō’ ’ēṣē’:

10 ‘ênî ḏā’ăḇâ minnî ‘ōnî qərā’ṯîḵā yəhwâ bəḵāl-ywōm šiṭṭ^aḥətî ’ēleyḵā ḵapāy:

11 hălammēṯîm t^a‘ăśeh-pele’ ’im-rəfā’îm yāqûmû| ywōḏûḵā sselâ:

12 hayəsupar baqqeḇer ḥasədeḵā ’ĕmûnāṯəḵā bā’ăḇadwōn:

13 hăyiûāḏ^a‘ b^aḥōšeḵə pilə’eḵā wəṣiḏəqāṯəḵā bə’ereṣ nəšîyâ:

14 wa’ănî| ’ēleyḵā yəhwâ šiû^a‘ətî ûḇabōqer təfillāṯî ṯəqadəmeḵḵā:

15 lāmâ yəhwâ tizən^aḥ nafəšî tasətîr pāneyḵā mimmennî:

16 ‘ānî ’ănî wəḡwōē‘a minnō‘ar nāśā’ṯî ’ēmeyḵā ’āfûnâ:

17 ‘ālay ‘āḇərû ḥărwōneyḵā bi‘ûṯeyḵā ṣimməṯûṯunî:

18 sabûnî ḵammayim kāl-hayywōm hiqqîfû ‘ālay yāḥaḏ:

19 hirəḥaqətā mimmennî ’ōhēḇ wārē‘a məyudā‘ay m^aḥəšāḵə:

‎1 ‏מַ֝שְׂכִּ֗יל לְאֵיתָ֥ן הָֽאֶזְרָחִֽי׃

‎2 ‏חַֽסְדֵ֣י יְ֭הוָה עוֹלָ֣ם אָשִׁ֑ירָה לְדֹ֥ר וָדֹ֓ר׀ אוֹדִ֖יעַ אֱמוּנָתְךָ֣ בְּפִֽי׃

‎3 ‏כִּֽי־אָמַ֗רְתִּי ע֭וֹלָם חֶ֣סֶד יִבָּנֶ֑ה שָׁמַ֓יִם׀ תָּכִ֖ן אֱמוּנָתְךָ֣ בָהֶֽם׃

‎4 ‏כָּרַ֣תִּֽי בְ֭רִית לִבְחִירִ֑י נִ֝שְׁבַּ֗עְתִּי לְדָוִ֥ד עַבְדִּֽי׃

‎5 ‏עַד־ע֭וֹלָם אָכִ֣ין זַרְעֶ֑ךָ וּבָנִ֨יתִי לְדֹר־וָד֖וֹר כִּסְאֲךָ֣ סֶֽלָה׃

‎6 ‏וְי֘וֹד֤וּ שָׁמַ֣יִם פִּלְאֲךָ֣ יְהוָ֑ה אַף־אֱ֝מֽוּנָתְךָ֗ בִּקְהַ֥ל קְדֹשִֽׁים׃

‎7 ‏כִּ֤י מִ֣י בַ֭שַּׁחַק יַעֲרֹ֣ךְ לַיהוָ֑ה יִדְמֶ֥ה לַ֝יהוָ֗ה בִּבְנֵ֥י אֵלִים׃¹

‎8 ‏אֵ֣ל נַ֭עֲרָץ בְּסוֹד־קְדֹשִׁ֣ים רַבָּ֑ה וְ֝נוֹרָ֗א עַל־כָּל־סְבִיבָֽיו׃

‎9 ‏יְהוָ֤ה׀ אֱלֹ֘הֵ֤י צְבָא֗וֹת מִֽי־כָֽמ֖וֹךָ חֲסִ֥ין׀ יָ֑הּ וֶ֝אֱמֽוּנָתְךָ֗ סְבִיבוֹתֶֽיךָ׃

‎10 ‏אַתָּ֣ה מ֭וֹשֵׁל בְּגֵא֣וּת הַיָּ֑ם בְּשׂ֥וֹא גַ֝לָּ֗יו אַתָּ֥ה תְשַׁבְּחֵֽם׃

‎11 ‏אַתָּ֤ה דִכִּ֣אתָ כֶחָלָ֣ל רָ֑הַב בִּזְר֥וֹעַ עֻ֝זְּךָ֗ פִּזַּ֥רְתָּ אוֹיְבֶֽיךָ׃

‎12 ‏לְךָ֣ שָׁ֭מַיִם אַף־לְךָ֥ אָ֑רֶץ תֵּבֵ֥ל וּ֝מְלֹאָ֗הּ אַתָּ֥ה יְסַדְתָּֽם׃

‎13 ‏צָפ֣וֹן וְ֭יָמִין אַתָּ֣ה בְרָאתָ֑ם תָּב֥וֹר וְ֝חֶרְמ֗וֹן בְּשִׁמְךָ֥ יְרַנֵּֽנוּ׃

‎14 ‏לְךָ֣ זְ֭רוֹעַ עִם־גְּבוּרָ֑ה תָּעֹ֥ז יָ֝דְךָ֗ תָּר֥וּם יְמִינֶֽךָ׃

‎15 ‏צֶ֣דֶק וּ֭מִשְׁפָּט מְכ֣וֹן כִּסְאֶ֑ךָ חֶ֥סֶד וֶ֝אֱמֶ֗ת יְֽקַדְּמ֥וּ פָנֶֽיךָ׃

‎16 ‏אַשְׁרֵ֣י הָ֭עָם יוֹדְעֵ֣י תְרוּעָ֑ה יְ֝הוָ֗ה בְּֽאוֹר־פָּנֶ֥יךָ יְהַלֵּכֽוּן׃

‎17 ‏בְּ֭שִׁמְךָ יְגִיל֣וּן כָּל־הַיּ֑וֹם וּבְצִדְקָתְךָ֥ יָרֽוּמוּ׃

‎18 ‏כִּֽי־תִפְאֶ֣רֶת עֻזָּ֣מוֹ אָ֑תָּה וּ֝בִרְצֹנְךָ֗ תרים תָּר֥וּם קַרְנֵֽנוּ׃

‎19 ‏כִּ֣י לַֽ֭יהוָה מָֽגִנֵּ֑נוּ וְלִקְד֖וֹשׁ יִשְׂרָאֵ֣ל מַלְכֵּֽנוּ׃

‎20 ‏אָ֤ז דִּבַּ֥רְתָּֽ־בְחָ֡זוֹן לַֽחֲסִידֶ֗יךָ וַתֹּ֗אמֶר שִׁוִּ֣יתִי עֵ֭זֶר עַל־גִּבּ֑וֹר הֲרִימ֖וֹתִי בָח֣וּר מֵעָֽם׃

‎21 ‏מָ֭צָאתִי דָּוִ֣ד עַבְדִּ֑י בְּשֶׁ֖מֶן קָדְשִׁ֣י מְשַׁחְתִּֽיו׃

‎22 ‏אֲשֶׁ֣ר יָ֭דִי תִּכּ֣וֹן עִמּ֑וֹ אַף־זְרוֹעִ֥י תְאַמְּצֶֽנּוּ׃

‎23 ‏לֹֽא־יַשִּׁ֣א אוֹיֵ֣ב בּ֑וֹ וּבֶן־עַ֝וְלָ֗ה לֹ֣א יְעַנֶּֽנּוּ׃

‎24 ‏וְכַתּוֹתִ֣י מִפָּנָ֣יו צָרָ֑יו וּמְשַׂנְאָ֥יו אֶגּֽוֹף׃

‎25 ‏וֶֽאֶֽמוּנָתִ֣י וְחַסְדִּ֣י עִמּ֑וֹ וּ֝בִשְׁמִ֗י תָּר֥וּם קַרְנֽוֹ׃

‎26 ‏וְשַׂמְתִּ֣י בַיָּ֣ם יָד֑וֹ וּֽבַנְּהָר֥וֹת יְמִינֽוֹ׃

‎27 ‏ה֣וּא יִ֭קְרָאֵנִי אָ֣בִי אָ֑תָּה אֵ֝לִ֗י וְצ֣וּר יְשׁוּעָתִֽי׃

‎28 ‏אַף־אָ֭נִי בְּכ֣וֹר אֶתְּנֵ֑הוּ עֶ֝לְי֗וֹן לְמַלְכֵי־אָֽרֶץ׃

‎29 ‏לְ֭עוֹלָ֗ם אשמור־ אֶשְׁמָר־ ל֣וֹ חַסְדִּ֑י וּ֝בְרִיתִ֗י נֶאֱמֶ֥נֶת לֽוֹ׃

‎30 ‏וְשַׂמְתִּ֣י לָעַ֣ד זַרְע֑וֹ וְ֝כִסְא֗וֹ כִּימֵ֥י שָׁמָֽיִם׃

‎31 ‏אִם־יַֽעַזְב֣וּ בָ֭נָיו תּוֹרָתִ֑י וּ֝בְמִשְׁפָּטַ֗י לֹ֣א יֵלֵכֽוּן׃

‎32 ‏אִם־חֻקֹּתַ֥י יְחַלֵּ֑לוּ וּ֝מִצְוֹתַ֗י לֹ֣א יִשְׁמֹֽרוּ׃

‎33 ‏וּפָקַדְתִּ֣י בְשֵׁ֣בֶט פִּשְׁעָ֑ם וּבִנְגָעִ֥ים עֲוֹנָֽם׃

‎34 ‏וְ֭חַסְדִּי לֹֽא־אָפִ֣יר מֵֽעִמּ֑וֹ וְלֹֽא־אֲ֝שַׁקֵּ֗ר בֶּאֱמוּנָתִֽי׃

‎35 ‏לֹא־אֲחַלֵּ֥ל בְּרִיתִ֑י וּמוֹצָ֥א שְׂ֝פָתַ֗י לֹ֣א אֲשַׁנֶּֽה׃

‎36 ‏אַ֭חַת נִשְׁבַּ֣עְתִּי בְקָדְשִׁ֑י אִֽם־לְדָוִ֥ד אֲכַזֵּֽב׃

‎37 ‏זַ֭רְעוֹ לְעוֹלָ֣ם יִהְיֶ֑ה וְכִסְא֖וֹ כַשֶּׁ֣מֶשׁ נֶגְדִּֽי׃

‎38 ‏כְּ֭יָרֵחַ יִכּ֣וֹן עוֹלָ֑ם וְעֵ֥ד בַּ֝שַּׁ֗חַק נֶאֱמָ֥ן סֶֽלָה׃

‎39 ‏וְאַתָּ֣ה זָ֭נַחְתָּ וַתִּמְאָ֑ס הִ֝תְעַבַּ֗רְתָּ עִם־מְשִׁיחֶֽךָ׃

‎40 ‏נֵ֭אַרְתָּה בְּרִ֣ית עַבְדֶּ֑ךָ חִלַּ֖לְתָּ לָאָ֣רֶץ נִזְרֽוֹ׃

‎41 ‏פָּרַ֥צְתָּ כָל־גְּדֵרֹתָ֑יו שַׂ֖מְתָּ מִבְצָרָ֣יו מְחִתָּה׃¹

‎42 ‏שַׁ֭סֻּהוּ כָּל־עֹ֣בְרֵי דָ֑רֶךְ הָיָ֥ה חֶ֝רְפָּ֗ה לִשְׁכֵנָֽיו׃

‎43 ‏הֲ֭רִימוֹתָ יְמִ֣ין צָרָ֑יו הִ֝שְׂמַ֗חְתָּ כָּל־אוֹיְבָֽיו׃

‎44 ‏אַף־תָּ֭שִׁיב צ֣וּר חַרְבּ֑וֹ וְלֹ֥א הֲ֝קֵימֹת֗וֹ בַּמִּלְחָמָֽה׃

‎45 ‏הִשְׁבַּ֥תָּ מִטְּהָר֑וֹ וְ֝כִסְא֗וֹ לָאָ֥רֶץ מִגַּֽרְתָּה׃

‎46 ‏הִ֭קְצַרְתָּ יְמֵ֣י עֲלוּמָ֑יו הֶֽעֱטִ֨יתָ עָלָ֖יו בּוּשָׁ֣ה סֶֽלָה׃

‎47 ‏עַד־מָ֣ה יְ֭הוָה תִּסָּתֵ֣ר לָנֶ֑צַח תִּבְעַ֖ר כְּמוֹ־אֵ֣שׁ חֲמָתֶֽךָ׃

‎48 ‏זְכָר־אֲנִ֥י מֶה־חָ֑לֶד עַל־מַה־שָּׁ֝֗וְא בָּרָ֥אתָ כָל־בְּנֵי־אָדָֽם׃

‎49 ‏מִ֤י גֶ֣בֶר יִֽ֭חְיֶה וְלֹ֣א יִרְאֶה־מָּ֑וֶת יְמַלֵּ֨ט נַפְשׁ֖וֹ מִיַּד־שְׁא֣וֹל סֶֽלָה׃

‎50 ‏אַיֵּ֤ה׀ חֲסָדֶ֖יךָ הָרִאשֹׁנִ֥ים׀ אֲדֹנָ֑י נִשְׁבַּ֥עְתָּ לְ֝דָוִ֗ד בֶּאֱמוּנָתֶֽךָ׃

‎51 ‏זְכֹ֣ר אֲ֭דֹנָי חֶרְפַּ֣ת עֲבָדֶ֑יךָ שְׂאֵתִ֥י בְ֝חֵיקִ֗י כָּל־רַבִּ֥ים עַמִּֽים׃

‎52 ‏אֲשֶׁ֤ר חֵרְפ֖וּ אוֹיְבֶ֥יךָ׀ יְהוָ֑ה אֲשֶׁ֥ר חֵ֝רְפ֗וּ עִקְּב֥וֹת מְשִׁיחֶֽךָ׃

‎53 ‏בָּר֖וּךְ יְהוָ֥ה לְ֝עוֹלָ֗ם אָ֘מֵ֥ן׀ וְאָמֵֽן׃

1 maśəkîl lə’êṯān hā’ezərāḥî:

2 ḥasəḏê yəhwâ ‘wōlām ’āšîrâ ləḏōr wāḏōr| ’wōḏî‘a ’ĕmûnāṯəḵā bəfî:

3 kî-’āmarətî ‘wōlām ḥeseḏ yibāneh šāmayim| tāḵin ’ĕmûnāṯəḵā ḇâem:

4 kāratî ḇərîṯ liḇəḥîrî nišəb^a‘ətî ləḏāwiḏ ‘aḇədî:

5 ‘aḏ-‘wōlām ’āḵîn zarə‘eḵā ûḇānîṯî ləḏōr-wāḏwōr kisə’ăḵā selâ:

6 wəywōḏû šāmayim pilə’ăḵā yəhwâ ’af-’ĕmûnāṯəḵā biqəhal qəḏōšîm:

7 kî mî ḇašš^aḥaq y^a‘ărōḵə layhwâ yiḏəmeh layhwâ biḇənê ’ēlîm:¹

8 ’ēl n^a‘ărāṣ bəswōḏ-qəḏōšîm rabâ wənwōrā’ ‘al-kāl-səḇîḇāyw:

9 yəhwâ| ’ĕlōhê ṣəḇā’wōṯ mî-ḵāmwōḵā ḥăsîn| yāh we’ĕmûnāṯəḵā səḇîḇwōṯeyḵā:

10 ’atâ mwōšēl bəḡē’ûṯ hayyām bəśwō’ ḡallāyw ’atâ ṯəšabəḥēm:

11 ’atâ ḏiki’ṯā ḵeḥālāl râaḇ bizərwō‘a ‘uzzəḵā pizzarətā ’wōyəḇeyḵā:

12 ləḵā šāmayim ’af-ləḵā ’āreṣ tēḇēl ûməlō’āh ’atâ yəsaḏətām:

13 ṣāfwōn wəyāmîn ’atâ ḇərā’ṯām tāḇwōr wəḥerəmwōn bəšiməḵā yərannēnû:

14 ləḵā zərwō‘a ‘im-gəḇûrâ tā‘ōz yāḏəḵā tārûm yəmîneḵā:

15 ṣeḏeq ûmišəpāṭ məḵwōn kisə’eḵā ḥeseḏ we’ĕmeṯ yəqadəmû fāneyḵā:

16 ’ašərê hā‘ām ywōḏə‘ê ṯərû‘â yəhwâ bə’wōr-pāneyḵā yəhallēḵûn:

17 bəšiməḵā yəḡîlûn kāl-hayywōm ûḇəṣiḏəqāṯəḵā yārûmû:

18 kî-ṯifə’ereṯ ‘uzzāmwō ’ātâ ûḇirəṣōnəḵā tārîm tārûm qarənēnû:

19 kî layhwâ māḡinnēnû wəliqəḏwōš yiśərā’ēl maləkēnû:

20 ’āz dibarətā-ḇəḥāzwōn l^aḥăsîḏeyḵā watō’mer šiûîṯî ‘ēzer ‘al-gibwōr hărîmwōṯî ḇāḥûr mē‘ām:

21 māṣā’ṯî dāwiḏ ‘aḇədî bəšemen qāḏəšî məš^aḥətîw:

22 ’ăšer yāḏî tikwōn ‘immwō ’af-zərwō‘î ṯə’amməṣennû:

23 lō’-yašši’ ’wōyēḇ bwō ûḇen-‘awəlâ lō’ yə‘annennû:

24 wəḵatwōṯî mipānāyw ṣārāyw ûməśanə’āyw ’egwōf:

25 we’emûnāṯî wəḥasədî ‘immwō ûḇišəmî tārûm qarənwō:

26 wəśamətî ḇayyām yāḏwō ûḇannəhārwōṯ yəmînwō:

27 hû’ yiqərā’ēnî ’āḇî ’ātâ ’ēlî wəṣûr yəšû‘āṯî:

28 ’af-’ānî bəḵwōr ’etənēhû ‘eləywōn ləmaləḵê-’āreṣ:

29 lə‘wōlām ’ešəmwōr- ’ešəmār- lwō ḥasədî ûḇərîṯî ne’ĕmeneṯ lwō:

30 wəśamətî lā‘aḏ zarə‘wō wəḵisə’wō kîmê šāmāyim:

31 ’im-y^a‘azəḇû ḇānāyw twōrāṯî ûḇəmišəpāṭay lō’ yēlēḵûn:

32 ’im-ḥuqqōṯay yəḥallēlû ûmiṣəwōṯay lō’ yišəmōrû:

33 ûfāqaḏətî ḇəšēḇeṭ pišə‘ām ûḇinəḡā‘îm ‘ăwōnām:

34 wəḥasədî lō’-’āfîr mē‘immwō wəlō’-’ăšaqqēr be’ĕmûnāṯî:

35 lō’-’ăḥallēl bərîṯî ûmwōṣā’ śəfāṯay lō’ ’ăšanneh:

36 ’^aḥaṯ nišəb^a‘ətî ḇəqāḏəšî ’im-ləḏāwiḏ ’ăḵazzēḇ:

37 zarə‘wō lə‘wōlām yihəyeh wəḵisə’wō ḵaššemeš neḡədî:

38 kəyārēḥa yikwōn ‘wōlām wə‘ēḏ bašš^aḥaq ne’ĕmān selâ:

39 wə’atâ zān^aḥətā watimə’ās hiṯə‘abarətā ‘im-məšîḥeḵā:

40 nē’arətâ bərîṯ ‘aḇədeḵā ḥillalətā lā’āreṣ nizərwō:

41 pāraṣətā ḵāl-gəḏērōṯāyw śamətā miḇəṣārāyw məḥitâ:¹

42 šassuhû kāl-‘ōḇərê ḏāreḵə hāyâ ḥerəpâ lišəḵēnāyw:

43 hărîmwōṯā yəmîn ṣārāyw hiśəm^aḥətā kāl-’wōyəḇāyw:

44 ’af-tāšîḇ ṣûr ḥarəbwō wəlō’ hăqêmōṯwō bammiləḥāmâ:

45 hišəbatā miṭṭəhārwō wəḵisə’wō lā’āreṣ migarətâ:

46 hiqəṣarətā yəmê ‘ălûmāyw he‘ĕṭîṯā ‘ālāyw bûšâ selâ:

47 ‘aḏ-mâ yəhwâ tissāṯēr lāneṣ^aḥ tiḇə‘ar kəmwō-’ēš ḥămāṯeḵā:

48 zəḵār-’ănî meh-ḥāleḏ ‘al-mah-ššāwə’ bārā’ṯā ḵāl-bənê-’āḏām:

49 mî ḡeḇer yiḥəyeh wəlō’ yirə’eh-mmāweṯ yəmallēṭ nafəšwō mîyaḏ-šə’wōl selâ:

50 ’ayyēh| ḥăsāḏeyḵā hāri’šōnîm| ’ăḏōnāy nišəb^a‘ətā ləḏāwiḏ be’ĕmûnāṯeḵā:

51 zəḵōr ’ăḏōnāy ḥerəpaṯ ‘ăḇāḏeyḵā śə’ēṯî ḇəḥêqî kāl-rabîm ‘ammîm:

52 ’ăšer ḥērəfû ’wōyəḇeyḵā| yəhwâ ’ăšer ḥērəfû ‘iqqəḇwōṯ məšîḥeḵā:

53 bārûḵə yəhwâ lə‘wōlām ’āmēn| wə’āmēn:

‎1 ‏תְּפִלָּה֮ לְמֹשֶׁ֪ה אִֽישׁ־הָאֱלֹ֫הִ֥ים אֲ‍ֽדֹנָ֗י מָע֣וֹן אַ֭תָּה הָיִ֥יתָ לָּ֗נוּ בְּדֹ֣ר וָדֹֽר׃

‎2 ‏בְּטֶ֤רֶם׀ הָ֘רִ֤ים יֻלָּ֗דוּ וַתְּח֣וֹלֵֽל אֶ֣רֶץ וְתֵבֵ֑ל וּֽמֵעוֹלָ֥ם עַד־ע֝וֹלָ֗ם אַתָּ֥ה אֵֽל׃

‎3 ‏תָּשֵׁ֣ב אֱ֭נוֹשׁ עַד־דַּכָּ֑א וַ֝תֹּ֗אמֶר שׁ֣וּבוּ בְנֵי־אָדָֽם׃

‎4 ‏כִּ֤י אֶ֪לֶף שָׁנִ֡ים בְּֽעֵינֶ֗יךָ כְּי֣וֹם אֶ֭תְמוֹל כִּ֣י יַעֲבֹ֑ר וְאַשְׁמוּרָ֥ה בַלָּֽיְלָה׃

‎5 ‏זְ֭רַמְתָּם שֵׁנָ֣ה יִהְי֑וּ בַּ֝בֹּ֗קֶר כֶּחָצִ֥יר יַחֲלֹֽף׃

‎6 ‏בַּ֭בֹּקֶר יָצִ֣יץ וְחָלָ֑ף לָ֝עֶ֗רֶב יְמוֹלֵ֥ל וְיָבֵֽשׁ׃

‎7 ‏כִּֽי־כָלִ֥ינוּ בְאַפֶּ֑ךָ וּֽבַחֲמָתְךָ֥ נִבְהָֽלְנוּ׃

‎8 ‏שת שַׁתָּ֣ה עֲוֹנֹתֵ֣ינוּ לְנֶגְדֶּ֑ךָ עֲ֝לֻמֵ֗נוּ לִמְא֥וֹר פָּנֶֽיךָ׃

‎9 ‏כִּ֣י כָל־יָ֭מֵינוּ פָּנ֣וּ בְעֶבְרָתֶ֑ךָ כִּלִּ֖ינוּ שָׁנֵ֣ינוּ כְמוֹ־הֶֽגֶה׃

‎10 ‏יְמֵֽי־שְׁנוֹתֵ֨ינוּ בָהֶ֥ם שִׁבְעִ֪ים שָׁנָ֡ה וְאִ֤ם בִּגְבוּרֹ֨ת׀ שְׁמ֘וֹנִ֤ים שָׁנָ֗ה וְ֭רָהְבָּם עָמָ֣ל וָאָ֑וֶן כִּי־גָ֥ז חִ֝֗ישׁ וַנָּעֻֽפָה׃

‎11 ‏מִֽי־י֭וֹדֵעַ עֹ֣ז אַפֶּ֑ךָ וּ֝כְיִרְאָתְךָ֗ עֶבְרָתֶֽךָ׃

‎12 ‏לִמְנ֣וֹת יָ֭מֵינוּ כֵּ֣ן הוֹדַ֑ע וְ֝נָבִ֗א לְבַ֣ב חָכְמָֽה׃

‎13 ‏שׁוּבָ֣ה יְ֭הוָה עַד־מָתָ֑י וְ֝הִנָּחֵ֗ם עַל־עֲבָדֶֽיךָ׃

‎14 ‏שַׂבְּעֵ֣נוּ בַבֹּ֣קֶר חַסְדֶּ֑ךָ וּֽנְרַנְּנָ֥ה וְ֝נִשְׂמְחָ֗ה בְּכָל־יָמֵֽינוּ׃

‎15 ‏שַׂ֭מְּחֵנוּ כִּימ֣וֹת עִנִּיתָ֑נוּ שְׁ֝נ֗וֹת רָאִ֥ינוּ רָעָֽה׃

‎16 ‏יֵרָאֶ֣ה אֶל־עֲבָדֶ֣יךָ פָעֳלֶ֑ךָ וַ֝הֲדָרְךָ֗ עַל־בְּנֵיהֶֽם׃

‎17 ‏וִיהִ֤י׀ נֹ֤עַם אֲדֹנָ֥י אֱלֹהֵ֗ינוּ עָ֫לֵ֥ינוּ וּמַעֲשֵׂ֣ה יָ֭דֵינוּ כּוֹנְנָ֥ה עָלֵ֑ינוּ וּֽמַעֲשֵׂ֥ה יָ֝דֵ֗ינוּ כּוֹנְנֵֽהוּ׃

1 təfillâ ləmōšeh ’îš-hā’ĕlōhîm ’ă‍ḏōnāy mā‘wōn ’atâ hāyîṯā llānû bəḏōr wāḏōr:

2 bəṭerem| hārîm yullāḏû watəḥwōlēl ’ereṣ wəṯēḇēl ûmē‘wōlām ‘aḏ-‘wōlām ’atâ ’ēl:

3 tāšēḇ ’ĕnwōš ‘aḏ-dakā’ watō’mer šûḇû ḇənê-’āḏām:

4 kî ’elef šānîm bə‘êneyḵā kəywōm ’eṯəmwōl kî y^a‘ăḇōr wə’ašəmûrâ ḇallāyəlâ:

5 zəramətām šēnâ yihəyû babōqer keḥāṣîr y^aḥălōf:

6 babōqer yāṣîṣ wəḥālāf lā‘ereḇ yəmwōlēl wəyāḇēš:

7 kî-ḵālînû ḇə’apeḵā ûḇ^aḥămāṯəḵā niḇəhālənû:

8 šatā šatâ ‘ăwōnōṯênû ləneḡədeḵā ‘ălumēnû limə’wōr pāneyḵā:

9 kî ḵāl-yāmênû pānû ḇə‘eḇərāṯeḵā killînû šānênû ḵəmwō-heḡeh:

10 yəmê-šənwōṯênû ḇâem šiḇə‘îm šānâ wə’im biḡəḇûrōṯ| šəmwōnîm šānâ wərâəbām ‘āmāl wā’āwen kî-ḡāz ḥîš wannā‘ufâ:

11 mî-ywōḏē‘a ‘ōz ’apeḵā ûḵəyirə’āṯəḵā ‘eḇərāṯeḵā:

12 limənwōṯ yāmênû kēn hwōḏ^a‘ wənāḇi’ ləḇaḇ ḥāḵəmâ:

13 šûḇâ yəhwâ ‘aḏ-māṯāy wəhinnāḥēm ‘al-‘ăḇāḏeyḵā:

14 śabə‘ēnû ḇabōqer ḥasədeḵā ûnərannənâ wəniśəməḥâ bəḵāl-yāmênû:

15 śamməḥēnû kîmwōṯ ‘innîṯānû šənwōṯ rā’înû rā‘â:

16 yērā’eh ’el-‘ăḇāḏeyḵā fā‘ŏleḵā wahăḏārəḵā ‘al-bənêhem:

17 wîhî| nō‘am ’ăḏōnāy ’ĕlōhênû ‘ālênû ûm^a‘ăśēh yāḏênû kwōnənâ ‘ālênû ûm^a‘ăśēh yāḏênû kwōnənēhû:

‎1 ‏יֹ֭שֵׁב בְּסֵ֣תֶר עֶלְי֑וֹן בְּצֵ֥ל שַׁ֝דַּ֗י יִתְלוֹנָֽן׃

‎2 ‏אֹמַ֗ר לַֽ֭יהוָה מַחְסִ֣י וּמְצוּדָתִ֑י אֱ֝לֹהַ֗י אֶבְטַח־בּֽוֹ׃

‎3 ‏כִּ֤י ה֣וּא יַ֭צִּֽילְךָ מִפַּ֥ח יָק֗וּשׁ מִדֶּ֥בֶר הַוּֽוֹת׃

‎4 ‏בְּאֶבְרָת֨וֹ׀ יָ֣סֶךְ לָ֭ךְ וְתַֽחַת־כְּנָפָ֣יו תֶּחְסֶ֑ה צִנָּ֖ה וְֽסֹחֵרָ֣ה אֲמִתּֽוֹ׃

‎5 ‏לֹא־תִ֭ירָא מִפַּ֣חַד לָ֑יְלָה מֵ֝חֵ֗ץ יָע֥וּף יוֹמָֽם׃

‎6 ‏מִ֭דֶּבֶר בָּאֹ֣פֶל יַהֲלֹ֑ךְ מִ֝קֶּ֗טֶב יָשׁ֥וּד צָהֳרָֽיִם׃

‎7 ‏יִפֹּ֤ל מִצִּדְּךָ֨׀ אֶ֗לֶף וּרְבָבָ֥ה מִימִינֶ֑ךָ אֵ֝לֶ֗יךָ לֹ֣א יִגָּֽשׁ׃

‎8 ‏רַ֭ק בְּעֵינֶ֣יךָ תַבִּ֑יט וְשִׁלֻּמַ֖ת רְשָׁעִ֣ים תִּרְאֶֽה׃

‎9 ‏כִּֽי־אַתָּ֣ה יְהוָ֣ה מַחְסִ֑י עֶ֝לְי֗וֹן שַׂ֣מְתָּ מְעוֹנֶֽךָ׃

‎10 ‏לֹֽא־תְאֻנֶּ֣ה אֵלֶ֣יךָ רָעָ֑ה וְ֝נֶ֗גַע לֹא־יִקְרַ֥ב בְּאָהֳלֶֽךָ׃

‎11 ‏כִּ֣י מַ֭לְאָכָיו יְצַוֶּה־לָּ֑ךְ לִ֝שְׁמָרְךָ֗ בְּכָל־דְּרָכֶֽיךָ׃

‎12 ‏עַל־כַּפַּ֥יִם יִשָּׂא֑וּנְךָ פֶּן־תִּגֹּ֖ף בָּאֶ֣בֶן רַגְלֶֽךָ׃

‎13 ‏עַל־שַׁ֣חַל וָפֶ֣תֶן תִּדְרֹ֑ךְ תִּרְמֹ֖ס כְּפִ֣יר וְתַנִּֽין׃

‎14 ‏כִּ֤י בִ֣י חָ֭שַׁק וַאֲפַלְּטֵ֑הוּ אֲ֝שַׂגְּבֵ֗הוּ כִּֽי־יָדַ֥ע שְׁמִֽי׃

‎15 ‏יִקְרָאֵ֨נִי׀ וְֽאֶעֱנֵ֗הוּ עִמּֽוֹ־אָנֹכִ֥י בְצָרָ֑ה אֲ֝חַלְּצֵ֗הוּ וַֽאֲכַבְּדֵֽהוּ׃

‎16 ‏אֹ֣רֶךְ יָ֭מִים אַשְׂבִּיעֵ֑הוּ וְ֝אַרְאֵ֗הוּ בִּֽישׁוּעָתִֽי׃

1 yōšēḇ bəsēṯer ‘eləywōn bəṣēl šaday yiṯəlwōnān:

2 ’ōmar layhwâ m^aḥəsî ûməṣûḏāṯî ’ĕlōhay ’eḇəṭ^aḥ-bwō:

3 kî hû’ yaṣṣîləḵā mip^aḥ yāqûš mideḇer haûwōṯ:

4 bə’eḇərāṯwō| yāseḵə lāḵə wəṯ^aḥaṯ-kənāfāyw teḥəseh ṣinnâ wəsōḥērâ ’ămitwō:

5 lō’-ṯîrā’ mip^aḥaḏ lāyəlâ mēḥēṣ yā‘ûf ywōmām:

6 mideḇer bā’ōfel yahălōḵə miqqeṭeḇ yāšûḏ ṣâŏrāyim:

7 yipōl miṣṣidəḵā| ’elef ûrəḇāḇâ mîmîneḵā ’ēleyḵā lō’ yigāš:

8 raq bə‘êneyḵā ṯabîṭ wəšillumaṯ rəšā‘îm tirə’eh:

9 kî-’atâ yəhwâ m^aḥəsî ‘eləywōn śamətā mə‘wōneḵā:

10 lō’-ṯə’unneh ’ēleyḵā rā‘â wəneḡ^a‘ lō’-yiqəraḇ bə’âŏleḵā:

11 kî malə’āḵāyw yəṣaûeh-llāḵə lišəmārəḵā bəḵāl-dərāḵeyḵā:

12 ‘al-kapayim yiśśā’ûnəḵā pen-tigōf bā’eḇen raḡəleḵā:

13 ‘al-š^aḥal wāfeṯen tiḏərōḵə tirəmōs kəfîr wəṯannîn:

14 kî ḇî ḥāšaq wa’ăfalləṭēhû ’ăśagəḇēhû kî-yāḏ^a‘ šəmî:

15 yiqərā’ēnî| wə’e‘ĕnēhû ‘immwō-’ānōḵî ḇəṣārâ ’ăḥalləṣēhû wa’ăḵabəḏēhû:

16 ’ōreḵə yāmîm ’aśəbî‘ēhû wə’arə’ēhû bîšû‘āṯî:

‎1 ‏מִזְמ֥וֹר שִׁ֗יר לְי֣וֹם הַשַּׁבָּֽת׃

‎2 ‏ט֗וֹב לְהֹד֥וֹת לַיהוָ֑ה וּלְזַמֵּ֖ר לְשִׁמְךָ֣ עֶלְיֽוֹן׃

‎3 ‏לְהַגִּ֣יד בַּבֹּ֣קֶר חַסְֽדֶּ֑ךָ וֶ֝אֱמֽוּנָתְךָ֗ בַּלֵּילֽוֹת׃

‎4 ‏עֲ‍ֽלֵי־עָ֭שׂוֹר וַעֲלֵי־נָ֑בֶל עֲלֵ֖י הִגָּי֣וֹן בְּכִנּֽוֹר׃

‎5 ‏כִּ֤י שִׂמַּחְתַּ֣נִי יְהוָ֣ה בְּפָעֳלֶ֑ךָ בְּֽמַעֲשֵׂ֖י יָדֶ֣יךָ אֲרַנֵּֽן׃

‎6 ‏מַה־גָּדְל֣וּ מַעֲשֶׂ֣יךָ יְהוָ֑ה מְ֝אֹ֗ד עָמְק֥וּ מַחְשְׁבֹתֶֽיךָ׃

‎7 ‏אִֽישׁ־בַּ֭עַר לֹ֣א יֵדָ֑ע וּ֝כְסִ֗יל לֹא־יָבִ֥ין אֶת־זֹֽאת׃

‎8 ‏בִּפְרֹ֤חַ רְשָׁעִ֨ים׀ כְּמ֥וֹ עֵ֗שֶׂב וַ֭יָּצִיצוּ כָּל־פֹּ֣עֲלֵי אָ֑וֶן לְהִשָּֽׁמְדָ֥ם עֲדֵי־עַֽד׃

‎9 ‏וְאַתָּ֥ה מָר֗וֹם לְעֹלָ֥ם יְהוָֽה׃

‎10 ‏כִּ֤י הִנֵּ֪ה אֹיְבֶ֡יךָ׀ יְֽהוָ֗ה כִּֽי־הִנֵּ֣ה אֹיְבֶ֣יךָ יֹאבֵ֑דוּ יִ֝תְפָּרְד֗וּ כָּל־פֹּ֥עֲלֵי אָֽוֶן׃

‎11 ‏וַתָּ֣רֶם כִּרְאֵ֣ים קַרְנִ֑י בַּ֝לֹּתִ֗י בְּשֶׁ֣מֶן רַעֲנָֽן׃

‎12 ‏וַתַּבֵּ֥ט עֵינִ֗י בְּשׁ֫וּרָ֥י בַּקָּמִ֖ים עָלַ֥י מְרֵעִ֗ים תִּשְׁמַ֥עְנָה אָזְנָֽי׃

‎13 ‏צַ֭דִּיק כַּתָּמָ֣ר יִפְרָ֑ח כְּאֶ֖רֶז בַּלְּבָנ֣וֹן יִשְׂגֶּֽה׃

‎14 ‏שְׁ֭תוּלִים בְּבֵ֣ית יְהוָ֑ה בְּחַצְר֖וֹת אֱלֹהֵ֣ינוּ יַפְרִֽיחוּ׃

‎15 ‏ע֖וֹד יְנוּב֣וּן בְּשֵׂיבָ֑ה דְּשֵׁנִ֖ים וְרַֽעֲנַנִּ֣ים יִהְיֽוּ׃

‎16 ‏לְ֭הַגִּיד כִּֽי־יָשָׁ֣ר יְהוָ֑ה צ֝וּרִ֗י וְֽלֹא־עלתה עַוְלָ֥תָה בּֽוֹ׃

1 mizəmwōr šîr ləywōm haššabāṯ:

2 ṭwōḇ ləhōḏwōṯ layhwâ ûləzammēr ləšiməḵā ‘eləywōn:

3 ləhagîḏ babōqer ḥasədeḵā we’ĕmûnāṯəḵā ballêlwōṯ:

4 ‘ă‍lê-‘āśwōr w^a‘ălê-nāḇel ‘ălê higāywōn bəḵinnwōr:

5 kî śimm^aḥətanî yəhwâ bəfā‘ŏleḵā bəm^a‘ăśê yāḏeyḵā ’ărannēn:

6 mah-gāḏəlû m^a‘ăśeyḵā yəhwâ mə’ōḏ ‘āməqû m^aḥəšəḇōṯeyḵā:

7 ’îš-b^a‘ar lō’ yēḏā‘ ûḵəsîl lō’-yāḇîn ’eṯ-zō’ṯ:

8 bifərōḥa rəšā‘îm| kəmwō ‘ēśeḇ wayyāṣîṣû kāl-pō‘ălê ’āwen ləhiššāməḏām ‘ăḏê-‘aḏ:

9 wə’atâ mārwōm lə‘ōlām yəhwâ:

10 kî hinnēh ’ōyəḇeyḵā| yəhwâ kî-hinnēh ’ōyəḇeyḵā yō’ḇēḏû yiṯəpārəḏû kāl-pō‘ălê ’āwen:

11 watārem kirə’êm qarənî ballōṯî bəšemen r^a‘ănān:

12 watabēṭ ‘ênî bəšûrāy baqqāmîm ‘ālay mərē‘îm tišəm^a‘ənâ ’āzənāy:

13 ṣadîq katāmār yifərāḥ kə’erez balləḇānwōn yiśəgeh:

14 šəṯûlîm bəḇêṯ yəhwâ bəḥaṣərwōṯ ’ĕlōhênû yafərîḥû:

15 ‘wōḏ yənûḇûn bəśêḇâ dəšēnîm wər^a‘ănannîm yihəyû:

16 ləhagîḏ kî-yāšār yəhwâ ṣûrî wəlō’-‘ōlāṯâ ‘awəlāṯâ bwō:

‎1 ‏יְהוָ֣ה מָלָךְ֮ גֵּא֪וּת לָ֫בֵ֥שׁ לָבֵ֣שׁ יְ֭הוָה עֹ֣ז הִתְאַזָּ֑ר אַף־תִּכּ֥וֹן תֵּ֝בֵ֗ל בַּל־תִּמּֽוֹט׃

‎2 ‏נָכ֣וֹן כִּסְאֲךָ֣ מֵאָ֑ז מֵֽעוֹלָ֣ם אָֽתָּה׃

‎3 ‏נָשְׂא֤וּ נְהָר֨וֹת׀ יְֽהוָ֗ה נָשְׂא֣וּ נְהָר֣וֹת קוֹלָ֑ם יִשְׂא֖וּ נְהָר֣וֹת דָּכְיָֽם׃

‎4 ‏מִקֹּל֨וֹת׀ מַ֤יִם רַבִּ֗ים אַדִּירִ֣ים מִשְׁבְּרֵי־יָ֑ם אַדִּ֖יר בַּמָּר֣וֹם יְהוָֽה׃

‎5 ‏עֵֽדֹתֶ֨יךָ׀ נֶאֶמְנ֬וּ מְאֹ֗ד לְבֵיתְךָ֥ נַאֲוָה־קֹ֑דֶשׁ יְ֝הוָ֗ה לְאֹ֣רֶךְ יָמִֽים׃

1 yəhwâ mālāḵə gē’ûṯ lāḇēš lāḇēš yəhwâ ‘ōz hiṯə’azzār ’af-tikwōn tēḇēl bal-timmwōṭ:

2 nāḵwōn kisə’ăḵā mē’āz mē‘wōlām ’ātâ:

3 nāśə’û nəhārwōṯ| yəhwâ nāśə’û nəhārwōṯ qwōlām yiśə’û nəhārwōṯ dāḵəyām:

4 miqqōlwōṯ| mayim rabîm ’adîrîm mišəbərê-yām ’adîr bammārwōm yəhwâ:

5 ‘ēḏōṯeyḵā| ne’emənû mə’ōḏ ləḇêṯəḵā na’ăwâ-qōḏeš yəhwâ lə’ōreḵə yāmîm:

‎1 ‏אֵל־נְקָמ֥וֹת יְהוָ֑ה אֵ֖ל נְקָמ֣וֹת הוֹפִֽיַע׃

‎2 ‏הִ֭נָּשֵׂא שֹׁפֵ֣ט הָאָ֑רֶץ הָשֵׁ֥ב גְּ֝מ֗וּל עַל־גֵּאִֽים׃

‎3 ‏עַד־מָתַ֖י רְשָׁעִ֥ים׀ יְהוָ֑ה עַד־מָ֝תַ֗י רְשָׁעִ֥ים יַעֲלֹֽזוּ׃

‎4 ‏יַבִּ֣יעוּ יְדַבְּר֣וּ עָתָ֑ק יִֽ֝תְאַמְּר֗וּ כָּל־פֹּ֥עֲלֵי אָֽוֶן׃

‎5 ‏עַמְּךָ֣ יְהוָ֣ה יְדַכְּא֑וּ וְֽנַחֲלָתְךָ֥ יְעַנּֽוּ׃

‎6 ‏אַ֭לְמָנָה וְגֵ֣ר יַהֲרֹ֑גוּ וִֽיתוֹמִ֣ים יְרַצֵּֽחוּ׃

‎7 ‏וַ֭יֹּ֣אמְרוּ לֹ֣א יִרְאֶה־יָּ֑הּ וְלֹא־יָ֝בִ֗ין אֱלֹהֵ֥י יַעֲקֹֽב׃

‎8 ‏בִּ֭ינוּ בֹּעֲרִ֣ים בָּעָ֑ם וּ֝כְסִילִ֗ים מָתַ֥י תַּשְׂכִּֽילוּ׃

‎9 ‏הֲנֹ֣טַֽע אֹ֖זֶן הֲלֹ֣א יִשְׁמָ֑ע אִֽם־יֹ֥צֵֽר עַ֝֗יִן הֲלֹ֣א יַבִּֽיט׃

‎10 ‏הֲיֹסֵ֣ר גּ֭וֹיִם הֲלֹ֣א יוֹכִ֑יחַ הַֽמְלַמֵּ֖ד אָדָ֣ם דָּֽעַת׃

‎11 ‏יְֽהוָ֗ה יֹ֭דֵעַ³ מַחְשְׁב֣וֹת אָדָ֑ם כִּי־הֵ֥מָּה הָֽבֶל׃

‎12 ‏אַשְׁרֵ֤י׀ הַגֶּ֣בֶר אֲשֶׁר־תְּיַסְּרֶ֣נּוּ יָּ֑הּ וּֽמִתּוֹרָתְךָ֥ תְלַמְּדֶֽנּוּ׃

‎13 ‏לְהַשְׁקִ֣יט ל֖וֹ מִ֣ימֵי רָ֑ע עַ֤ד יִכָּרֶ֖ה לָרָשָׁ֣ע שָֽׁחַת׃

‎14 ‏כִּ֤י׀ לֹא־יִטֹּ֣שׁ יְהוָ֣ה עַמּ֑וֹ וְ֝נַחֲלָת֗וֹ לֹ֣א יַעֲזֹֽב׃

‎15 ‏כִּֽי־עַד־צֶ֭דֶק יָשׁ֣וּב מִשְׁפָּ֑ט וְ֝אַחֲרָ֗יו כָּל־יִשְׁרֵי־לֵֽב׃

‎16 ‏מִֽי־יָק֣וּם לִ֭י עִם־מְרֵעִ֑ים מִֽי־יִתְיַצֵּ֥ב לִ֝י עִם־פֹּ֥עֲלֵי אָֽוֶן׃

‎17 ‏לוּלֵ֣י יְ֭הוָה עֶזְרָ֣תָה לִּ֑י כִּמְעַ֓ט׀ שָֽׁכְנָ֖ה דוּמָ֣ה נַפְשִֽׁי׃

‎18 ‏אִם־אָ֭מַרְתִּי מָ֣טָה רַגְלִ֑י חַסְדְּךָ֥ יְ֝הוָ֗ה יִסְעָדֵֽנִי׃

‎19 ‏בְּרֹ֣ב שַׂרְעַפַּ֣י בְּקִרְבִּ֑י תַּ֝נְחוּמֶ֗יךָ יְֽשַׁעַשְׁע֥וּ נַפְשִֽׁי׃

‎20 ‏הַֽ֭יְחָבְרְךָ כִּסֵּ֣א הַוּ֑וֹת יֹצֵ֖ר עָמָ֣ל עֲלֵי־חֹֽק׃

‎21 ‏יָ֭גוֹדּוּ עַל־נֶ֣פֶשׁ צַדִּ֑יק וְדָ֖ם נָקִ֣י יַרְשִֽׁיעוּ׃

‎22 ‏וַיְהִ֬י יְהוָ֣ה לִ֣י לְמִשְׂגָּ֑ב וֵ֝אלֹהַ֗י לְצ֣וּר מַחְסִֽי׃

‎23 ‏וַיָּ֤שֶׁב עֲלֵיהֶ֨ם׀ אֶת־אוֹנָ֗ם וּבְרָעָתָ֥ם יַצְמִיתֵ֑ם יַ֝צְמִיתֵ֗ם יְהוָ֥ה אֱלֹהֵֽינוּ׃

1 ’ēl-nəqāmwōṯ yəhwâ ’ēl nəqāmwōṯ hwōfî^a‘:

2 hinnāśē’ šōfēṭ hā’āreṣ hāšēḇ gəmûl ‘al-gē’îm:

3 ‘aḏ-māṯay rəšā‘îm| yəhwâ ‘aḏ-māṯay rəšā‘îm y^a‘ălōzû:

4 yabî‘û yəḏabərû ‘āṯāq yiṯə’ammərû kāl-pō‘ălê ’āwen:

5 ‘amməḵā yəhwâ yəḏakə’û wən^aḥălāṯəḵā yə‘annû:

6 ’aləmānâ wəḡēr yahărōḡû wîṯwōmîm yəraṣṣēḥû:

7 wayyō’mərû lō’ yirə’eh-yyāh wəlō’-yāḇîn ’ĕlōhê y^a‘ăqōḇ:

8 bînû bō‘ărîm bā‘ām ûḵəsîlîm māṯay taśəkîlû:

9 hănōṭ^a‘ ’ōzen hălō’ yišəmā‘ ’im-yōṣēr ‘ayin hălō’ yabîṭ:

10 hăyōsēr gwōyim hălō’ ywōḵîḥa haməlammēḏ ’āḏām dā‘aṯ:

11 yəhwâ yōḏē‘a³ m^aḥəšəḇwōṯ ’āḏām kî-hēmmâ hāḇel:

12 ’ašərê| hageḇer ’ăšer-təyassərennû yyāh ûmitwōrāṯəḵā ṯəlamməḏennû:

13 ləhašəqîṭ lwō mîmê rā‘ ‘aḏ yikāreh lārāšā‘ šāḥaṯ:

14 kî| lō’-yiṭṭōš yəhwâ ‘ammwō wən^aḥălāṯwō lō’ y^a‘ăzōḇ:

15 kî-‘aḏ-ṣeḏeq yāšûḇ mišəpāṭ wə’^aḥărāyw kāl-yišərê-lēḇ:

16 mî-yāqûm lî ‘im-mərē‘îm mî-yiṯəyaṣṣēḇ lî ‘im-pō‘ălê ’āwen:

17 lûlê yəhwâ ‘ezərāṯâ llî kimə‘aṭ| šāḵənâ ḏûmâ nafəšî:

18 ’im-’āmarətî māṭâ raḡəlî ḥasədəḵā yəhwâ yisə‘āḏēnî:

19 bərōḇ śarə‘apay bəqirəbî tanəḥûmeyḵā yəš^a‘ašə‘û nafəšî:

20 hayəḥāḇərəḵā kissē’ haûwōṯ yōṣēr ‘āmāl ‘ălê-ḥōq:

21 yāḡwōdû ‘al-nefeš ṣadîq wəḏām nāqî yarəšî‘û:

22 wayəhî yəhwâ lî ləmiśəgāḇ wē’lōhay ləṣûr m^aḥəsî:

23 wayyāšeḇ ‘ălêhem| ’eṯ-’wōnām ûḇərā‘āṯām yaṣəmîṯēm yaṣəmîṯēm yəhwâ ’ĕlōhênû:

‎1 ‏לְ֭כוּ נְרַנְּנָ֣ה לַיהוָ֑ה נָ֝רִ֗יעָה לְצ֣וּר יִשְׁעֵֽנוּ׃

‎2 ‏נְקַדְּמָ֣ה פָנָ֣יו בְּתוֹדָ֑ה בִּ֝זְמִר֗וֹת נָרִ֥יעַֽ לֽוֹ׃

‎3 ‏כִּ֤י אֵ֣ל גָּד֣וֹל יְהוָ֑ה וּמֶ֥לֶךְ גָּ֝ד֗וֹל עַל־כָּל־אֱלֹהִֽים׃

‎4 ‏אֲשֶׁ֣ר בְּ֭יָדוֹ מֶחְקְרֵי־אָ֑רֶץ וְתוֹעֲפ֖וֹת הָרִ֣ים לֽוֹ׃

‎5 ‏אֲשֶׁר־ל֣וֹ הַ֭יָּם וְה֣וּא עָשָׂ֑הוּ וְ֝יַבֶּ֗שֶׁת יָדָ֥יו יָצָֽרוּ׃

‎6 ‏בֹּ֭אוּ נִשְׁתַּחֲוֶ֣ה וְנִכְרָ֑עָה נִ֝בְרְכָ֗ה לִֽפְנֵי־יְהוָ֥ה עֹשֵֽׂנוּ׃

‎7 ‏כִּ֘י ה֤וּא אֱלֹהֵ֗ינוּ וַאֲנַ֤חְנוּ עַ֣ם מַ֭רְעִיתוֹ וְצֹ֣אן יָד֑וֹ הַ֝יּ֗וֹם אִֽם־בְּקֹל֥וֹ תִשְׁמָֽעוּ׃

‎8 ‏אַל־תַּקְשׁ֣וּ לְ֭בַבְכֶם כִּמְרִיבָ֑ה כְּי֥וֹם מַ֝סָּ֗ה בַּמִּדְבָּֽר׃

‎9 ‏אֲשֶׁ֣ר נִ֭סּוּנִי אֲבוֹתֵיכֶ֑ם בְּ֝חָנ֗וּנִי גַּם־רָא֥וּ פָעֳלִֽי׃

‎10 ‏אַרְבָּ֘עִ֤ים שָׁנָ֨ה׀ אָ֘ק֤וּט בְּד֗וֹר וָאֹמַ֗ר עַ֤ם תֹּעֵ֣י לֵבָ֣ב הֵ֑ם וְ֝הֵ֗ם לֹא־יָדְע֥וּ דְרָכָֽי׃

‎11 ‏אֲשֶׁר־נִשְׁבַּ֥עְתִּי בְאַפִּ֑י אִם־יְ֝בֹא֗וּן אֶל־מְנוּחָתִֽי׃

1 ləḵû nərannənâ layhwâ nārî‘â ləṣûr yišə‘ēnû:

2 nəqadəmâ fānāyw bəṯwōḏâ bizəmirwōṯ nārî‘a lwō:

3 kî ’ēl gāḏwōl yəhwâ ûmeleḵə gāḏwōl ‘al-kāl-’ĕlōhîm:

4 ’ăšer bəyāḏwō meḥəqərê-’āreṣ wəṯwō‘ăfwōṯ hārîm lwō:

5 ’ăšer-lwō hayyām wəhû’ ‘āśâû wəyabešeṯ yāḏāyw yāṣārû:

6 bō’û nišət^aḥăweh wəniḵərā‘â niḇərəḵâ lifənê-yəhwâ ‘ōśēnû:

7 kî hû’ ’ĕlōhênû wa’ăn^aḥənû ‘am marə‘îṯwō wəṣō’n yāḏwō hayywōm ’im-bəqōlwō ṯišəmā‘û:

8 ’al-taqəšû ləḇaḇəḵem kimərîḇâ kəywōm massâ bammiḏəbār:

9 ’ăšer nissûnî ’ăḇwōṯêḵem bəḥānûnî gam-rā’û fā‘ŏlî:

10 ’arəbā‘îm šānâ| ’āqûṭ bəḏwōr wā’ōmar ‘am tō‘ê lēḇāḇ hēm wəhēm lō’-yāḏə‘û ḏərāḵāy:

11 ’ăšer-nišəb^a‘ətî ḇə’apî ’im-yəḇō’ûn ’el-mənûḥāṯî:

‎1 ‏שִׁ֣ירוּ לַ֭יהוָה שִׁ֣יר חָדָ֑שׁ שִׁ֥ירוּ לַ֝יהוָ֗ה כָּל־הָאָֽרֶץ׃

‎2 ‏שִׁ֣ירוּ לַ֭יהוָה בָּרֲכ֣וּ שְׁמ֑וֹ בַּשְּׂר֥וּ מִיּֽוֹם־לְ֝י֗וֹם יְשׁוּעָתֽוֹ׃

‎3 ‏סַפְּר֣וּ בַגּוֹיִ֣ם כְּבוֹד֑וֹ בְּכָל־הָֽ֝עַמִּ֗ים נִפְלְאוֹתָֽיו׃

‎4 ‏כִּ֥י גָ֘ד֤וֹל יְהוָ֣ה וּמְהֻלָּ֣ל מְאֹ֑ד נוֹרָ֥א ה֝֗וּא עַל־כָּל־אֱלֹהִֽים׃

‎5 ‏כִּ֤י׀ כָּל־אֱלֹהֵ֣י הָעַמִּ֣ים אֱלִילִ֑ים וַֽ֝יהוָ֗ה שָׁמַ֥יִם עָשָֽׂה׃

‎6 ‏הוֹד־וְהָדָ֥ר לְפָנָ֑יו עֹ֥ז וְ֝תִפְאֶ֗רֶת בְּמִקְדָּשֽׁוֹ׃

‎7 ‏הָב֣וּ לַ֭יהוָה מִשְׁפְּח֣וֹת עַמִּ֑ים הָב֥וּ לַ֝יהוָ֗ה כָּב֥וֹד וָעֹֽז׃

‎8 ‏הָב֣וּ לַ֭יהוָה כְּב֣וֹד שְׁמ֑וֹ שְׂאֽוּ־מִ֝נְחָ֗ה וּבֹ֥אוּ לְחַצְרוֹתָֽיו׃

‎9 ‏הִשְׁתַּחֲו֣וּ לַ֭יהוָה בְּהַדְרַת־קֹ֑דֶשׁ חִ֥ילוּ מִ֝פָּנָ֗יו כָּל־הָאָֽרֶץ׃

‎10 ‏אִמְר֤וּ בַגּוֹיִ֨ם׀ יְה֘וָ֤ה מָלָ֗ךְ אַף־תִּכּ֣וֹן תֵּ֭בֵל בַּל־תִּמּ֑וֹט יָדִ֥ין עַ֝מִּ֗ים בְּמֵישָׁרִֽים׃

‎11 ‏יִשְׂמְח֣וּ הַ֭שָּׁמַיִם וְתָגֵ֣ל הָאָ֑רֶץ יִֽרְעַ֥ם הַ֝יָּ֗ם וּמְלֹאֽוֹ׃

‎12 ‏יַעֲלֹ֣ז שָׂ֭דַי וְכָל־אֲשֶׁר־בּ֑וֹ אָ֥ז יְ֝רַנְּנ֗וּ כָּל־עֲצֵי־יָֽעַר׃

‎13 ‏לִפְנֵ֤י יְהוָ֨ה׀ כִּ֬י בָ֗א כִּ֥י בָא֮ לִשְׁפֹּ֪ט הָ֫אָ֥רֶץ יִשְׁפֹּֽט־תֵּבֵ֥ל בְּצֶ֑דֶק וְ֝עַמִּ֗ים בֶּאֱמוּנָתֽוֹ׃

1 šîrû layhwâ šîr ḥāḏāš šîrû layhwâ kāl-hā’āreṣ:

2 šîrû layhwâ bārăḵû šəmwō baśśərû mîywōm-ləywōm yəšû‘āṯwō:

3 sapərû ḇagwōyim kəḇwōḏwō bəḵāl-hā‘ammîm nifələ’wōṯāyw:

4 kî ḡāḏwōl yəhwâ ûməhullāl mə’ōḏ nwōrā’ hû’ ‘al-kāl-’ĕlōhîm:

5 kî| kāl-’ĕlōhê hā‘ammîm ’ĕlîlîm wayhwâ šāmayim ‘āśâ:

6 hwōḏ-wəhāḏār ləfānāyw ‘ōz wəṯifə’ereṯ bəmiqədāšwō:

7 hāḇû layhwâ mišəpəḥwōṯ ‘ammîm hāḇû layhwâ kāḇwōḏ wā‘ōz:

8 hāḇû layhwâ kəḇwōḏ šəmwō śə’û-minəḥâ ûḇō’û ləḥaṣərwōṯāyw:

9 hišət^aḥăwû layhwâ bəhaḏəraṯ-qōḏeš ḥîlû mipānāyw kāl-hā’āreṣ:

10 ’imərû ḇagwōyim| yəhwâ mālāḵə ’af-tikwōn tēḇēl bal-timmwōṭ yāḏîn ‘ammîm bəmêšārîm:

11 yiśəməḥû haššāmayim wəṯāḡēl hā’āreṣ yirə‘am hayyām ûməlō’wō:

12 y^a‘ălōz śāḏay wəḵāl-’ăšer-bwō ’āz yərannənû kāl-‘ăṣê-yā‘ar:

13 lifənê yəhwâ| kî ḇā’ kî ḇā’ lišəpōṭ hā’āreṣ yišəpōṭ-tēḇēl bəṣeḏeq wə‘ammîm be’ĕmûnāṯwō:

‎1 ‏יְהוָ֣ה מָ֭לָךְ תָּגֵ֣ל הָאָ֑רֶץ יִ֝שְׂמְח֗וּ אִיִּ֥ים רַבִּֽים׃

‎2 ‏עָנָ֣ן וַעֲרָפֶ֣ל סְבִיבָ֑יו צֶ֥דֶק וּ֝מִשְׁפָּ֗ט מְכ֣וֹן כִּסְאֽוֹ׃

‎3 ‏אֵ֭שׁ לְפָנָ֣יו תֵּלֵ֑ךְ וּתְלַהֵ֖ט סָבִ֣יב צָרָֽיו׃

‎4 ‏הֵאִ֣ירוּ בְרָקָ֣יו תֵּבֵ֑ל רָאֲתָ֖ה וַתָּחֵ֣ל הָאָֽרֶץ׃

‎5 ‏הָרִ֗ים כַּדּוֹנַ֗ג נָ֭מַסּוּ מִלִּפְנֵ֣י יְהוָ֑ה מִ֝לִּפְנֵ֗י אֲד֣וֹן כָּל־הָאָֽרֶץ׃

‎6 ‏הִגִּ֣ידוּ הַשָּׁמַ֣יִם צִדְק֑וֹ וְרָא֖וּ כָל־הָעַמִּ֣ים כְּבוֹדֽוֹ׃

‎7 ‏יֵבֹ֤שׁוּ׀ כָּל־עֹ֬בְדֵי פֶ֗סֶל הַמִּֽתְהַלְלִ֥ים בָּאֱלִילִ֑ים הִשְׁתַּחֲווּ־ל֝וֹ כָּל־אֱלֹהִֽים׃

‎8 ‏שָׁמְעָ֬ה וַתִּשְׂמַ֨ח׀ צִיּ֗וֹן וַ֭תָּגֵלְנָה בְּנ֣וֹת יְהוּדָ֑ה לְמַ֖עַן מִשְׁפָּטֶ֣יךָ יְהוָֽה׃

‎9 ‏כִּֽי־אַתָּ֤ה יְהוָ֗ה עֶלְי֥וֹן עַל־כָּל־הָאָ֑רֶץ מְאֹ֥ד נַ֝עֲלֵ֗יתָ עַל־כָּל־אֱלֹהִֽים׃

‎10 ‏אֹהֲבֵ֥י יְהוָ֗ה שִׂנְא֫וּ רָ֥ע שֹׁ֭מֵר³ נַפְשׁ֣וֹת חֲסִידָ֑יו מִיַּ֥ד רְ֝שָׁעִ֗ים יַצִּילֵֽם׃

‎11 ‏א֖וֹר זָרֻ֣עַ לַצַּדִּ֑יק וּֽלְיִשְׁרֵי־לֵ֥ב שִׂמְחָֽה׃

‎12 ‏שִׂמְח֣וּ צַ֭דִּיקִים בַּֽיהוָ֑ה וְ֝הוֹד֗וּ לְזֵ֣כֶר קָדְשֽׁוֹ׃

1 yəhwâ mālāḵə tāḡēl hā’āreṣ yiśəməḥû ’îyîm rabîm:

2 ‘ānān w^a‘ărāfel səḇîḇāyw ṣeḏeq ûmišəpāṭ məḵwōn kisə’wō:

3 ’ēš ləfānāyw tēlēḵə ûṯəlahēṭ sāḇîḇ ṣārāyw:

4 hē’îrû ḇərāqāyw tēḇēl rā’ăṯâ watāḥēl hā’āreṣ:

5 hārîm kadwōnaḡ nāmassû millifənê yəhwâ millifənê ’ăḏwōn kāl-hā’āreṣ:

6 higîḏû haššāmayim ṣiḏəqwō wərā’û ḵāl-hā‘ammîm kəḇwōḏwō:

7 yēḇōšû| kāl-‘ōḇəḏê fesel hammiṯəhaləlîm bā’ĕlîlîm hišət^aḥăwû-lwō kāl-’ĕlōhîm:

8 šāmə‘â watiśəm^aḥ| ṣîywōn watāḡēlənâ bənwōṯ yəhûḏâ ləm^a‘an mišəpāṭeyḵā yəhwâ:

9 kî-’atâ yəhwâ ‘eləywōn ‘al-kāl-hā’āreṣ mə’ōḏ n^a‘ălêṯā ‘al-kāl-’ĕlōhîm:

10 ’ōhăḇê yəhwâ śinə’û rā‘ šōmēr³ nafəšwōṯ ḥăsîḏāyw mîyaḏ rəšā‘îm yaṣṣîlēm:

11 ’wōr zāru‘a laṣṣadîq ûləyišərê-lēḇ śiməḥâ:

12 śiməḥû ṣadîqîm bayhwâ wəhwōḏû ləzēḵer qāḏəšwō:

‎1 ‏מִזְמ֡וֹר שִׁ֤ירוּ לַֽיהוָ֨ה׀ שִׁ֣יר חָ֭דָשׁ כִּֽי־נִפְלָא֣וֹת עָשָׂ֑ה הוֹשִֽׁיעָה־לּ֥וֹ יְ֝מִינ֗וֹ וּזְר֥וֹעַ קָדְשֽׁוֹ׃

‎2 ‏הוֹדִ֣יעַ יְ֭הוָה יְשׁוּעָת֑וֹ לְעֵינֵ֥י הַ֝גּוֹיִ֗ם גִּלָּ֥ה צִדְקָתֽוֹ׃

‎3 ‏זָ֘כַ֤ר חַסְדּ֨וֹ׀ וֶֽאֱֽמוּנָתוֹ֮ לְבֵ֪ית יִשְׂרָ֫אֵ֥ל רָא֥וּ כָל־אַפְסֵי־אָ֑רֶץ אֵ֝֗ת יְשׁוּעַ֥ת אֱלֹהֵֽינוּ׃

‎4 ‏הָרִ֣יעוּ לַֽ֭יהוָה כָּל־הָאָ֑רֶץ פִּצְח֖וּ וְרַנְּנ֣וּ וְזַמֵּֽרוּ׃

‎5 ‏זַמְּר֣וּ לַיהוָ֣ה בְּכִנּ֑וֹר בְּ֝כִנּ֗וֹר וְק֣וֹל זִמְרָֽה׃

‎6 ‏בַּ֭חֲצֹ֣צְרוֹת וְק֣וֹל שׁוֹפָ֑ר הָ֝רִ֗יעוּ לִפְנֵ֤י׀ הַמֶּ֬לֶךְ יְהוָֽה׃

‎7 ‏יִרְעַ֣ם הַ֭יָּם וּמְלֹא֑וֹ תֵּ֝בֵ֗ל וְיֹ֣שְׁבֵי בָֽהּ׃

‎8 ‏נְהָר֥וֹת יִמְחֲאוּ־כָ֑ף יַ֝֗חַד הָרִ֥ים יְרַנֵּֽנוּ׃

‎9 ‏לִֽפְֽנֵי־יְהוָ֗ה כִּ֥י בָא֮ לִשְׁפֹּ֪ט הָ֫אָ֥רֶץ יִשְׁפֹּֽט־תֵּבֵ֥ל בְּצֶ֑דֶק וְ֝עַמִּ֗ים בְּמֵישָׁרִֽים׃

1 mizəmwōr šîrû layhwâ| šîr ḥāḏāš kî-nifəlā’wōṯ ‘āśâ hwōšî‘â-llwō yəmînwō ûzərwō‘a qāḏəšwō:

2 hwōḏî‘a yəhwâ yəšû‘āṯwō lə‘ênê hagwōyim gillâ ṣiḏəqāṯwō:

3 zāḵar ḥasədwō| we’ĕmûnāṯwō ləḇêṯ yiśərā’ēl rā’û ḵāl-’afəsê-’āreṣ ’ēṯ yəšû‘aṯ ’ĕlōhênû:

4 hārî‘û layhwâ kāl-hā’āreṣ piṣəḥû wərannənû wəzammērû:

5 zammərû layhwâ bəḵinnwōr bəḵinnwōr wəqwōl zimərâ:

6 b^aḥăṣōṣərwōṯ wəqwōl šwōfār hārî‘û lifənê| hammeleḵə yəhwâ:

7 yirə‘am hayyām ûməlō’wō tēḇēl wəyōšəḇê ḇāh:

8 nəhārwōṯ yiməḥă’û-ḵāf y^aḥaḏ hārîm yərannēnû:

9 lifənê-yəhwâ kî ḇā’ lišəpōṭ hā’āreṣ yišəpōṭ-tēḇēl bəṣeḏeq wə‘ammîm bəmêšārîm:

‎1 ‏יְהוָ֣ה מָ֭לָךְ יִרְגְּז֣וּ עַמִּ֑ים יֹשֵׁ֥ב כְּ֝רוּבִ֗ים תָּנ֥וּט הָאָֽרֶץ׃

‎2 ‏יְ֭הוָה בְּצִיּ֣וֹן גָּד֑וֹל וְרָ֥ם ה֝֗וּא עַל־כָּל־הָֽעַמִּֽים׃

‎3 ‏יוֹד֣וּ שִׁ֭מְךָ גָּד֥וֹל וְנוֹרָ֗א קָד֥וֹשׁ הֽוּא׃

‎4 ‏וְעֹ֥ז מֶלֶךְ֮ מִשְׁפָּ֪ט אָ֫הֵ֥ב אַ֭תָּה כּוֹנַ֣נְתָּ מֵישָׁרִ֑ים מִשְׁפָּ֥ט וּ֝צְדָקָ֗ה בְּיַעֲקֹ֤ב׀ אַתָּ֬ה עָשִֽׂיתָ׃

‎5 ‏רֽוֹמְמ֡וּ יְה֘וָ֤ה אֱלֹהֵ֗ינוּ וְֽ֭הִשְׁתַּחֲווּ לַהֲדֹ֥ם רַגְלָ֗יו קָד֥וֹשׁ הֽוּא׃

‎6 ‏מֹ֘שֶׁ֤ה וְאַהֲרֹ֨ן׀ בְּֽכֹהֲנָ֗יו וּ֭שְׁמוּאֵל בְּקֹרְאֵ֣י שְׁמ֑וֹ קֹרִ֥אים אֶל־יְ֝הוָ֗ה וְה֣וּא יַעֲנֵֽם׃

‎7 ‏בְּעַמּ֣וּד עָ֭נָן יְדַבֵּ֣ר אֲלֵיהֶ֑ם שָׁמְר֥וּ עֵ֝דֹתָ֗יו וְחֹ֣ק נָֽתַן־לָֽמוֹ׃

‎8 ‏יְהוָ֣ה אֱלֹהֵינוּ֮ אַתָּ֪ה עֲנִ֫יתָ֥ם אֵ֣ל נֹ֭שֵׂא הָיִ֣יתָ לָהֶ֑ם וְ֝נֹקֵ֗ם עַל־עֲלִילוֹתָֽם׃

‎9 ‏רֽוֹמְמ֡וּ יְה֘וָ֤ה אֱלֹהֵ֗ינוּ וְ֭הִֽשְׁתַּחֲווּ לְהַ֣ר קָדְשׁ֑וֹ כִּֽי־קָ֝ד֗וֹשׁ יְהוָ֥ה אֱלֹהֵֽינוּ׃

1 yəhwâ mālāḵə yirəgəzû ‘ammîm yōšēḇ kərûḇîm tānûṭ hā’āreṣ:

2 yəhwâ bəṣîywōn gāḏwōl wərām hû’ ‘al-kāl-hā‘ammîm:

3 ywōḏû šiməḵā gāḏwōl wənwōrā’ qāḏwōš hû’:

4 wə‘ōz meleḵə mišəpāṭ ’âēḇ ’atâ kwōnanətā mêšārîm mišəpāṭ ûṣəḏāqâ bəy^a‘ăqōḇ| ’atâ ‘āśîṯā:

5 rwōməmû yəhwâ ’ĕlōhênû wəhišət^aḥăwû lahăḏōm raḡəlāyw qāḏwōš hû’:

6 mōšeh wə’ahărōn| bəḵōhănāyw ûšəmû’ēl bəqōrə’ê šəmwō qōri’ym ’el-yəhwâ wəhû’ y^a‘ănēm:

7 bə‘ammûḏ ‘ānān yəḏabēr ’ălêhem šāmərû ‘ēḏōṯāyw wəḥōq nāṯan-lāmwō:

8 yəhwâ ’ĕlōhênû ’atâ ‘ănîṯām ’ēl nōśē’ hāyîṯā lâem wənōqēm ‘al-‘ălîlwōṯām:

9 rwōməmû yəhwâ ’ĕlōhênû wəhišət^aḥăwû ləhar qāḏəšwō kî-qāḏwōš yəhwâ ’ĕlōhênû:

‎1 ‏מִזְמ֥וֹר לְתוֹדָ֑ה הָרִ֥יעוּ לַ֝יהוָ֗ה כָּל־הָאָֽרֶץ׃

‎2 ‏עִבְד֣וּ אֶת־יְהוָ֣ה בְּשִׂמְחָ֑ה בֹּ֥אוּ לְ֝פָנָ֗יו בִּרְנָנָֽה׃

‎3 ‏דְּע֗וּ כִּֽי־יְהוָה֮ ה֤וּא אֱלֹ֫הִ֥ים הֽוּא־עָ֭שָׂנוּ ולא וְל֣וֹ אֲנַ֑חְנוּ עַ֝מּ֗וֹ וְצֹ֣אן מַרְעִיתֽוֹ׃

‎4 ‏בֹּ֤אוּ שְׁעָרָ֨יו׀ בְּתוֹדָ֗ה חֲצֵרֹתָ֥יו בִּתְהִלָּ֑ה הֽוֹדוּ־ל֝֗וֹ בָּרֲכ֥וּ שְׁמֽוֹ׃

‎5 ‏כִּי־ט֣וֹב יְ֭הוָֹה לְעוֹלָ֣ם חַסְדּ֑וֹ וְעַד־דֹּ֥ר וָ֝דֹ֗ר אֱמוּנָתֽוֹ׃

1 mizəmwōr ləṯwōḏâ hārî‘û layhwâ kāl-hā’āreṣ:

2 ‘iḇəḏû ’eṯ-yəhwâ bəśiməḥâ bō’û ləfānāyw birənānâ:

3 də‘û kî-yəhwâ hû’ ’ĕlōhîm hû’-‘āśānû wəlō’ wəlwō ’ăn^aḥənû ‘ammwō wəṣō’n marə‘îṯwō:

4 bō’û šə‘ārāyw| bəṯwōḏâ ḥăṣērōṯāyw biṯəhillâ hwōḏû-lwō bārăḵû šəmwō:

5 kî-ṭwōḇ yəhwōâ lə‘wōlām ḥasədwō wə‘aḏ-dōr wāḏōr ’ĕmûnāṯwō:

‎1 ‏לְדָוִ֗ד מִ֫זְמ֥וֹר חֶֽסֶד־וּמִשְׁפָּ֥ט אָשִׁ֑ירָה לְךָ֖ יְהוָ֣ה אֲזַמֵּֽרָה׃

‎2 ‏אַשְׂכִּ֤ילָה׀ בְּדֶ֬רֶךְ תָּמִ֗ים מָ֭תַי תָּב֣וֹא אֵלָ֑י אֶתְהַלֵּ֥ךְ בְּתָם־לְ֝בָבִ֗י בְּקֶ֣רֶב בֵּיתִֽי׃

‎3 ‏לֹֽא־אָשִׁ֨ית׀ לְנֶ֥גֶד עֵינַ֗י דְּֽבַר־בְּלִ֫יָּ֥עַל עֲשֹֽׂה־סֵטִ֥ים שָׂנֵ֑אתִי לֹ֖א יִדְבַּ֣ק בִּֽי׃

‎4 ‏לֵבָ֣ב עִ֭קֵּשׁ יָס֣וּר מִמֶּ֑נִּי רָ֝֗ע לֹ֣א אֵדָֽע׃

‎5 ‏מלושני מְלָשְׁנִ֬י בַסֵּ֨תֶר׀ רֵעֵהוּ֮ אוֹת֪וֹ אַ֫צְמִ֥ית גְּֽבַהּ־עֵ֭ינַיִם וּרְחַ֣ב לֵבָ֑ב אֹ֝ת֗וֹ לֹ֣א אוּכָֽל׃

‎6 ‏עֵינַ֤י׀ בְּנֶֽאֶמְנֵי־אֶרֶץ֮ לָשֶׁ֪בֶת עִמָּ֫דִ֥י הֹ֭לֵךְ בְּדֶ֣רֶךְ תָּמִ֑ים ה֝֗וּא יְשָׁרְתֵֽנִי׃

‎7 ‏לֹֽא־יֵשֵׁ֨ב׀ בְּקֶ֥רֶב בֵּיתִי֮ עֹשֵׂ֪ה רְמִ֫יָּ֥ה דֹּבֵ֥ר שְׁקָרִ֑ים לֹֽא־יִ֝כּ֗וֹן לְנֶ֣גֶד עֵינָֽי׃

‎8 ‏לַבְּקָרִ֗ים אַצְמִ֥ית כָּל־רִשְׁעֵי־אָ֑רֶץ לְהַכְרִ֥ית מֵֽעִיר־יְ֝הוָ֗ה כָּל־פֹּ֥עֲלֵי אָֽוֶן׃

1 ləḏāwiḏ mizəmwōr ḥeseḏ-ûmišəpāṭ ’āšîrâ ləḵā yəhwâ ’ăzammērâ:

2 ’aśəkîlâ| bəḏereḵə tāmîm māṯay tāḇwō’ ’ēlāy ’eṯəhallēḵə bəṯām-ləḇāḇî bəqereḇ bêṯî:

3 lō’-’āšîṯ| ləneḡeḏ ‘ênay dəḇar-bəlîyā‘al ‘ăśōh-sēṭîm śānē’ṯî lō’ yiḏəbaq bî:

4 lēḇāḇ ‘iqqēš yāsûr mimmennî rā‘ lō’ ’ēḏā‘:

5 məlwōšənî məlāšənî ḇassēṯer| rē‘ēhû ’wōṯwō ’aṣəmîṯ gəḇ^ah-‘ênayim ûrəḥaḇ lēḇāḇ ’ōṯwō lō’ ’ûḵāl:

6 ‘ênay| bəne’emənê-’ereṣ lāšeḇeṯ ‘immāḏî hōlēḵə bəḏereḵə tāmîm hû’ yəšārəṯēnî:

7 lō’-yēšēḇ| bəqereḇ bêṯî ‘ōśēh rəmîyâ dōḇēr šəqārîm lō’-yikwōn ləneḡeḏ ‘ênāy:

8 labəqārîm ’aṣəmîṯ kāl-rišə‘ê-’āreṣ ləhaḵərîṯ mē‘îr-yəhwâ kāl-pō‘ălê ’āwen:

‎1 ‏תְּ֭פִלָּה לְעָנִ֣י כִֽי־יַעֲטֹ֑ף וְלִפְנֵ֥י יְ֝הוָ֗ה יִשְׁפֹּ֥ךְ שִׂיחֽוֹ׃

‎2 ‏יְ֭הוָה שִׁמְעָ֣ה תְפִלָּתִ֑י וְ֝שַׁוְעָתִ֗י אֵלֶ֥יךָ תָבֽוֹא׃

‎3 ‏אַל־תַּסְתֵּ֬ר פָּנֶ֨יךָ׀ מִמֶּנִּי֮ בְּי֪וֹם צַ֫ר לִ֥י הַטֵּֽה־אֵלַ֥י אָזְנֶ֑ךָ בְּי֥וֹם אֶ֝קְרָ֗א מַהֵ֥ר עֲנֵֽנִי׃

‎4 ‏כִּֽי־כָל֣וּ בְעָשָׁ֣ן יָמָ֑י וְ֝עַצְמוֹתַ֗י כְּמוֹ־קֵ֥ד נִחָֽרוּ׃

‎5 ‏הוּכָּֽה־כָ֭עֵשֶׂב וַיִּבַ֣שׁ לִבִּ֑י כִּֽי־שָׁ֝כַ֗חְתִּי מֵאֲכֹ֥ל לַחְמִֽי׃

‎6 ‏מִקּ֥וֹל אַנְחָתִ֑י דָּבְקָ֥ה עַ֝צְמִ֗י לִבְשָׂרִֽי׃

‎7 ‏דָּ֭מִיתִי לִקְאַ֣ת מִדְבָּ֑ר הָ֝יִ֗יתִי כְּכ֣וֹס חֳרָבֽוֹת׃

‎8 ‏שָׁקַ֥דְתִּי וָאֶֽהְיֶ֑ה כְּ֝צִפּ֗וֹר בּוֹדֵ֥ד עַל־גָּֽג׃

‎9 ‏כָּל־הַ֭יּוֹם חֵרְפ֣וּנִי אוֹיְבָ֑י מְ֝הוֹלָלַ֗י בִּ֣י נִשְׁבָּֽעוּ׃

‎10 ‏כִּי־אֵ֭פֶר כַּלֶּ֣חֶם אָכָ֑לְתִּי וְ֝שִׁקֻּוַ֗י בִּבְכִ֥י מָסָֽכְתִּי׃

‎11 ‏מִפְּנֵֽי־זַֽעַמְךָ֥ וְקִצְפֶּ֑ךָ כִּ֥י נְ֝שָׂאתַ֗נִי וַתַּשְׁלִיכֵֽנִי׃

‎12 ‏יָ֭מַי כְּצֵ֣ל נָט֑וּי וַ֝אֲנִ֗י כָּעֵ֥שֶׂב אִיבָֽשׁ׃

‎13 ‏וְאַתָּ֣ה יְ֭הוָה לְעוֹלָ֣ם תֵּשֵׁ֑ב וְ֝זִכְרְךָ֗ לְדֹ֣ר וָדֹֽר׃

‎14 ‏אַתָּ֣ה תָ֭קוּם תְּרַחֵ֣ם צִיּ֑וֹן כִּי־עֵ֥ת לְ֝חֶֽנְנָ֗הּ כִּי־בָ֥א מוֹעֵֽד׃

‎15 ‏כִּֽי־רָצ֣וּ עֲ֭בָדֶיךָ אֶת־אֲבָנֶ֑יהָ וְֽאֶת־עֲפָרָ֥הּ יְחֹנֵֽנוּ׃

‎16 ‏וְיִֽירְא֣וּ ג֭וֹיִם אֶת־שֵׁ֣ם יְהוָ֑ה וְֽכָל־מַלְכֵ֥י הָ֝אָ֗רֶץ אֶת־כְּבוֹדֶֽךָ׃

‎17 ‏כִּֽי־בָנָ֣ה יְהוָ֣ה צִיּ֑וֹן נִ֝רְאָ֗ה בִּכְבוֹדֽוֹ׃

‎18 ‏פָּ֭נָה אֶל־תְּפִלַּ֣ת הָעַרְעָ֑ר וְלֹֽא־בָ֝זָ֗ה אֶת־תְּפִלָּתָֽם׃

‎19 ‏תִּכָּ֣תֶב זֹ֭את לְד֣וֹר אַחֲר֑וֹן וְעַ֥ם נִ֝בְרָ֗א יְהַלֶּל־יָֽהּ׃

‎20 ‏כִּֽי־הִ֭שְׁקִיף מִמְּר֣וֹם קָדְשׁ֑וֹ יְ֝הוָ֗ה מִשָּׁמַ֤יִם׀ אֶל־אֶ֬רֶץ הִבִּֽיט׃

‎21 ‏לִ֭שְׁמֹעַ אֶנְקַ֣ת אָסִ֑יר לְ֝פַתֵּ֗חַ בְּנֵ֣י תְמוּתָֽה׃

‎22 ‏לְסַפֵּ֣ר בְּ֭צִיּוֹן שֵׁ֣ם יְהוָ֑ה וּ֝תְהִלָּת֗וֹ בִּירוּשָׁלִָֽם׃

‎23 ‏בְּהִקָּבֵ֣ץ עַמִּ֣ים יַחְדָּ֑ו וּ֝מַמְלָכ֗וֹת לַעֲבֹ֥ד אֶת־יְהוָֽה׃

‎24 ‏עִנָּ֖ה בַדֶּ֥רֶךְ כחו כֹּחִ֗י קִצַּ֥ר יָמָֽי׃

‎25 ‏אֹמַ֗ר אֵלִ֗י אַֽל־תַּ֭עֲלֵנִי בַּחֲצִ֣י יָמָ֑י בְּד֖וֹר דּוֹרִ֣ים שְׁנוֹתֶֽיךָ׃

‎26 ‏לְ֭פָנִים הָאָ֣רֶץ יָסַ֑דְתָּ וּֽמַעֲשֵׂ֖ה יָדֶ֣יךָ שָׁמָֽיִם׃

‎27 ‏הֵ֤מָּה׀ יֹאבֵדוּ֮ וְאַתָּ֪ה תַ֫עֲמֹ֥ד וְ֭כֻלָּם כַּבֶּ֣גֶד יִבְל֑וּ כַּלְּב֖וּשׁ תַּחֲלִיפֵ֣ם וְֽיַחֲלֹֽפוּ׃

‎28 ‏וְאַתָּה־ה֑וּא וּ֝שְׁנוֹתֶ֗יךָ לֹ֣א יִתָּֽמּוּ׃

‎29 ‏בְּנֵֽי־עֲבָדֶ֥יךָ יִשְׁכּ֑וֹנוּ וְ֝זַרְעָ֗ם לְפָנֶ֥יךָ יִכּֽוֹן׃

1 təfillâ lə‘ānî ḵî-y^a‘ăṭōf wəlifənê yəhwâ yišəpōḵə śîḥwō:

2 yəhwâ šimə‘â ṯəfillāṯî wəšawə‘āṯî ’ēleyḵā ṯāḇwō’:

3 ’al-tasətēr pāneyḵā| mimmennî bəywōm ṣar lî haṭṭēh-’ēlay ’āzəneḵā bəywōm ’eqərā’ mahēr ‘ănēnî:

4 kî-ḵālû ḇə‘āšān yāmāy wə‘aṣəmwōṯay kəmwō-qēḏ niḥārû:

5 hûkâ-ḵā‘ēśeḇ wayyiḇaš libî kî-šāḵ^aḥətî mē’ăḵōl l^aḥəmî:

6 miqqwōl ’anəḥāṯî dāḇəqâ ‘aṣəmî liḇəśārî:

7 dāmîṯî liqə’aṯ miḏəbār hāyîṯî kəḵwōs ḥŏrāḇwōṯ:

8 šāqaḏətî wā’ehəyeh kəṣipwōr bwōḏēḏ ‘al-gāḡ:

9 kāl-hayywōm ḥērəfûnî ’wōyəḇāy məhwōlālay bî nišəbā‘û:

10 kî-’ēfer kalleḥem ’āḵālətî wəšiqquway biḇəḵî māsāḵətî:

11 mipənê-z^a‘aməḵā wəqiṣəpeḵā kî nəśā’ṯanî watašəlîḵēnî:

12 yāmay kəṣēl nāṭûy wa’ănî kā‘ēśeḇ ’îḇāš:

13 wə’atâ yəhwâ lə‘wōlām tēšēḇ wəziḵərəḵā ləḏōr wāḏōr:

14 ’atâ ṯāqûm tər^aḥēm ṣîywōn kî-‘ēṯ ləḥenənāh kî-ḇā’ mwō‘ēḏ:

15 kî-rāṣû ‘ăḇāḏeyḵā ’eṯ-’ăḇāneyhā wə’eṯ-‘ăfārāh yəḥōnēnû:

16 wəyîrə’û ḡwōyim ’eṯ-šēm yəhwâ wəḵāl-maləḵê hā’āreṣ ’eṯ-kəḇwōḏeḵā:

17 kî-ḇānâ yəhwâ ṣîywōn nirə’â biḵəḇwōḏwō:

18 pānâ ’el-təfillaṯ hā‘arə‘ār wəlō’-ḇāzâ ’eṯ-təfillāṯām:

19 tikāṯeḇ zō’ṯ ləḏwōr ’^aḥărwōn wə‘am niḇərā’ yəhallel-yāh:

20 kî-hišəqîf mimmərwōm qāḏəšwō yəhwâ miššāmayim| ’el-’ereṣ hibîṭ:

21 lišəmō‘a ’enəqaṯ ’āsîr ləfatēḥa bənê ṯəmûṯâ:

22 ləsapēr bəṣîywōn šēm yəhwâ ûṯəhillāṯwō bîrûšālāim:

23 bəhiqqāḇēṣ ‘ammîm y^aḥədāw ûmaməlāḵwōṯ l^a‘ăḇōḏ ’eṯ-yəhwâ:

24 ‘innâ ḇadereḵə kōḥwō kōḥî qiṣṣar yāmāy:

25 ’ōmar ’ēlî ’al-t^a‘ălēnî b^aḥăṣî yāmāy bəḏwōr dwōrîm šənwōṯeyḵā:

26 ləfānîm hā’āreṣ yāsaḏətā ûm^a‘ăśēh yāḏeyḵā šāmāyim:

27 hēmmâ| yō’ḇēḏû wə’atâ ṯ^a‘ămōḏ wəḵullām kabeḡeḏ yiḇəlû kalləḇûš t^aḥălîfēm wəy^aḥălōfû:

28 wə’atâ-hû’ ûšənwōṯeyḵā lō’ yitāmmû:

29 bənê-‘ăḇāḏeyḵā yišəkwōnû wəzarə‘ām ləfāneyḵā yikwōn:

‎1 ‏לְדָוִ֙ד׀ בָּרֲכִ֣י נַ֭פְשִׁי אֶת־יְהוָ֑ה וְכָל־קְ֝רָבַ֗י אֶת־שֵׁ֥ם קָדְשֽׁוֹ׃

‎2 ‏בָּרֲכִ֣י נַ֭פְשִׁי אֶת־יְהוָ֑ה וְאַל־תִּ֝שְׁכְּחִ֗י כָּל־גְּמוּלָֽיו׃

‎3 ‏הַסֹּלֵ֥חַ לְכָל־עֲוֹנֵ֑כִי הָ֝רֹפֵ֗א לְכָל־תַּחֲלֻאָֽיְכִי׃

‎4 ‏הַגּוֹאֵ֣ל מִשַּׁ֣חַת חַיָּ֑יְכִי הַֽ֝מְעַטְּרֵ֗כִי חֶ֣סֶד וְרַחֲמִֽים׃

‎5 ‏הַמַּשְׂבִּ֣יַע בַּטּ֣וֹב עֶדְיֵ֑ךְ תִּתְחַדֵּ֖שׁ כַּנֶּ֣שֶׁר נְעוּרָֽיְכִי׃

‎6 ‏עֹשֵׂ֣ה צְדָק֣וֹת יְהוָ֑ה וּ֝מִשְׁפָּטִ֗ים לְכָל־עֲשׁוּקִֽים׃

‎7 ‏יוֹדִ֣יעַ דְּרָכָ֣יו לְמֹשֶׁ֑ה לִבְנֵ֥י יִ֝שְׂרָאֵ֗ל עֲלִילֽוֹתָיו׃

‎8 ‏רַח֣וּם וְחַנּ֣וּן יְהוָ֑ה אֶ֖רֶךְ אַפַּ֣יִם וְרַב־חָֽסֶד׃

‎9 ‏לֹֽא־לָנֶ֥צַח יָרִ֑יב וְלֹ֖א לְעוֹלָ֣ם יִטּֽוֹר׃

‎10 ‏לֹ֣א כַ֭חֲטָאֵינוּ עָ֣שָׂה לָ֑נוּ וְלֹ֥א כַ֝עֲוֹנֹתֵ֗ינוּ גָּמַ֥ל עָלֵֽינוּ׃

‎11 ‏כִּ֤י כִגְבֹ֣הַּ שָׁ֭מַיִם עַל־הָאָ֑רֶץ גָּבַ֥ר חַ֝סְדּ֗וֹ עַל־יְרֵאָֽיו׃

‎12 ‏כִּרְחֹ֣ק מִ֭זְרָח מִֽמַּֽעֲרָ֑ב הִֽרְחִ֥יק מִ֝מֶּ֗נּוּ אֶת־פְּשָׁעֵֽינוּ׃

‎13 ‏כְּרַחֵ֣ם אָ֭ב עַל־בָּנִ֑ים רִחַ֥ם יְ֝הוָ֗ה עַל־יְרֵאָֽיו׃

‎14 ‏כִּי־ה֖וּא יָדַ֣ע יִצְרֵ֑נוּ זָ֝כ֗וּר כִּי־עָפָ֥ר אֲנָֽחְנוּ׃

‎15 ‏אֱ֭נוֹשׁ כֶּחָצִ֣יר יָמָ֑יו כְּצִ֥יץ הַ֝שָּׂדֶ֗ה כֵּ֣ן יָצִֽיץ׃

‎16 ‏כִּ֤י ר֣וּחַ עָֽבְרָה־בּ֣וֹ וְאֵינֶ֑נּוּ וְלֹא־יַכִּירֶ֖נּוּ ע֣וֹד מְקוֹמֽוֹ׃

‎17 ‏וְחֶ֤סֶד יְהוָ֙ה׀ מֵעוֹלָ֣ם וְעַד־ע֭וֹלָם עַל־יְרֵאָ֑יו וְ֝צִדְקָת֗וֹ לִבְנֵ֥י בָנִֽים׃

‎18 ‏לְשֹׁמְרֵ֥י בְרִית֑וֹ וּלְזֹכְרֵ֥י פִ֝קֻּדָ֗יו לַעֲשׂוֹתָֽם׃

‎19 ‏יְֽהוָ֗ה בַּ֭שָּׁמַיִם הֵכִ֣ין כִּסְא֑וֹ וּ֝מַלְכוּת֗וֹ בַּכֹּ֥ל מָשָֽׁלָה׃

‎20 ‏בָּרֲכ֥וּ יְהוָ֗ה מַלְאָ֫כָ֥יו גִּבֹּ֣רֵי כֹ֭חַ עֹשֵׂ֣י דְבָר֑וֹ לִ֝שְׁמֹ֗עַ בְּק֣וֹל דְּבָרֽוֹ׃

‎21 ‏בָּרֲכ֣וּ יְ֭הוָה כָּל־צְבָאָ֑יו מְ֝שָׁרְתָ֗יו עֹשֵׂ֥י רְצוֹנֽוֹ׃

‎22 ‏בָּרֲכ֤וּ יְהוָ֙ה׀ כָּֽל־מַעֲשָׂ֗יו בְּכָל־מְקֹמ֥וֹת מֶמְשַׁלְתּ֑וֹ בָּרֲכִ֥י נַ֝פְשִׁ֗י אֶת־יְהוָֽה׃

1 ləḏāwiḏ| bārăḵî nafəšî ’eṯ-yəhwâ wəḵāl-qərāḇay ’eṯ-šēm qāḏəšwō:

2 bārăḵî nafəšî ’eṯ-yəhwâ wə’al-tišəkəḥî kāl-gəmûlāyw:

3 hassōlēḥa ləḵāl-‘ăwōnēḵî hārōfē’ ləḵāl-t^aḥălu’āyəḵî:

4 hagwō’ēl mišš^aḥaṯ ḥayyāyəḵî hamə‘aṭṭərēḵî ḥeseḏ wər^aḥămîm:

5 hammaśəbî^a‘ baṭṭwōḇ ‘eḏəyēḵə tiṯəḥadēš kannešer nə‘ûrāyəḵî:

6 ‘ōśēh ṣəḏāqwōṯ yəhwâ ûmišəpāṭîm ləḵāl-‘ăšûqîm:

7 ywōḏî‘a dərāḵāyw ləmōšeh liḇənê yiśərā’ēl ‘ălîlwōṯāyw:

8 r^aḥûm wəḥannûn yəhwâ ’ereḵə ’apayim wəraḇ-ḥāseḏ:

9 lō’-lāneṣ^aḥ yārîḇ wəlō’ lə‘wōlām yiṭṭwōr:

10 lō’ ḵ^aḥăṭā’ênû ‘āśâ lānû wəlō’ ḵ^a‘ăwōnōṯênû gāmal ‘ālênû:

11 kî ḵiḡəḇōhha šāmayim ‘al-hā’āreṣ gāḇar ḥasədwō ‘al-yərē’āyw:

12 kirəḥōq mizərāḥ mimm^a‘ărāḇ hirəḥîq mimmennû ’eṯ-pəšā‘ênû:

13 kər^aḥēm ’āḇ ‘al-bānîm riḥam yəhwâ ‘al-yərē’āyw:

14 kî-hû’ yāḏ^a‘ yiṣərēnû zāḵûr kî-‘āfār ’ănāḥənû:

15 ’ĕnwōš keḥāṣîr yāmāyw kəṣîṣ haśśāḏeh kēn yāṣîṣ:

16 kî rûḥa ‘āḇərâ-bwō wə’ênennû wəlō’-yakîrennû ‘wōḏ məqwōmwō:

17 wəḥeseḏ yəhwâ| mē‘wōlām wə‘aḏ-‘wōlām ‘al-yərē’āyw wəṣiḏəqāṯwō liḇənê ḇānîm:

18 ləšōmərê ḇərîṯwō ûləzōḵərê fiqquḏāyw l^a‘ăśwōṯām:

19 yəhwâ baššāmayim hēḵîn kisə’wō ûmaləḵûṯwō bakōl māšālâ:

20 bārăḵû yəhwâ malə’āḵāyw gibōrê ḵōḥa ‘ōśê ḏəḇārwō lišəmō‘a bəqwōl dəḇārwō:

21 bārăḵû yəhwâ kāl-ṣəḇā’āyw məšārəṯāyw ‘ōśê rəṣwōnwō:

22 bārăḵû yəhwâ| kāl-m^a‘ăśāyw bəḵāl-məqōmwōṯ meməšalətwō bārăḵî nafəšî ’eṯ-yəhwâ:

‎1 ‏בָּרֲכִ֥י נַפְשִׁ֗י אֶת־יְה֫וָ֥ה יְהוָ֣ה אֱ֭לֹהַי גָּדַ֣לְתָּ מְּאֹ֑ד ה֭וֹד וְהָדָ֣ר לָבָֽשְׁתָּ׃

‎2 ‏עֹֽטֶה־א֭וֹר כַּשַּׂלְמָ֑ה נוֹטֶ֥ה שָׁ֝מַ֗יִם כַּיְרִיעָֽה׃

‎3 ‏הַ֥מְקָרֶֽה בַמַּ֗יִם עֲ‍ֽלִיּ֫וֹתָ֥יו הַשָּׂם־עָבִ֥ים רְכוּב֑וֹ הַֽ֝מְהַלֵּ֗ךְ עַל־כַּנְפֵי־רֽוּחַ׃

‎4 ‏עֹשֶׂ֣ה מַלְאָכָ֣יו רוּח֑וֹת מְ֝שָׁרְתָ֗יו אֵ֣שׁ לֹהֵֽט׃

‎5 ‏יָֽסַד־אֶ֭רֶץ עַל־מְכוֹנֶ֑יהָ בַּל־תִּ֝מּ֗וֹט עוֹלָ֥ם וָעֶֽד׃

‎6 ‏תְּ֭הוֹם כַּלְּב֣וּשׁ כִּסִּית֑וֹ עַל־הָ֝רִ֗ים יַֽעַמְדוּ־מָֽיִם׃

‎7 ‏מִן־גַּעֲרָ֣תְךָ֣ יְנוּס֑וּן מִן־ק֥וֹל רַֽ֝עַמְךָ֗ יֵחָפֵזֽוּן׃

‎8 ‏יַעֲל֣וּ הָ֭רִים יֵרְד֣וּ בְקָע֑וֹת אֶל־מְ֝ק֗וֹם זֶ֤ה׀ יָסַ֬דְתָּ לָהֶֽם׃

‎9 ‏גְּֽבוּל־שַׂ֭מְתָּ בַּל־יַֽעֲבֹר֑וּן בַּל־יְ֝שׁוּב֗וּן לְכַסּ֥וֹת הָאָֽרֶץ׃

‎10 ‏הַֽמְשַׁלֵּ֣חַ מַ֭עְיָנִים בַּנְּחָלִ֑ים בֵּ֥ין הָ֝רִ֗ים יְהַלֵּכֽוּן׃

‎11 ‏יַ֭שְׁקוּ כָּל־חַיְת֣וֹ שָׂדָ֑י יִשְׁבְּר֖וּ פְרָאִ֣ים צְמָאָֽם׃

‎12 ‏עֲ֭לֵיהֶם עוֹף־הַשָּׁמַ֣יִם יִשְׁכּ֑וֹן מִבֵּ֥ין עֳ֝פָאיִ֗ם יִתְּנוּ־קֽוֹל׃

‎13 ‏מַשְׁקֶ֣ה הָ֭רִים מֵעֲלִיּוֹתָ֑יו מִפְּרִ֥י מַ֝עֲשֶׂ֗יךָ תִּשְׂבַּ֥ע הָאָֽרֶץ׃

‎14 ‏מַצְמִ֤יחַ חָצִ֨יר׀ לַבְּהֵמָ֗ה וְ֭עֵשֶׂב לַעֲבֹדַ֣ת הָאָדָ֑ם לְה֥וֹצִיא לֶ֝֗חֶם מִן־הָאָֽרֶץ׃

‎15 ‏וְיַ֤יִן׀ יְשַׂמַּ֬ח לְֽבַב־אֱנ֗וֹשׁ לְהַצְהִ֣יל פָּנִ֣ים מִשָּׁ֑מֶן וְ֝לֶ֗חֶם לְֽבַב־אֱנ֥וֹשׁ יִסְעָֽד׃

‎16 ‏יִ֭שְׂבְּעוּ עֲצֵ֣י יְהוָ֑ה אַֽרְזֵ֥י לְ֝בָנ֗וֹן אֲשֶׁ֣ר נָטָֽע׃

‎17 ‏אֲשֶׁר־שָׁ֭ם צִפֳּרִ֣ים יְקַנֵּ֑נוּ חֲ֝סִידָ֗ה בְּרוֹשִׁ֥ים בֵּיתָֽהּ׃

‎18 ‏הָרִ֣ים הַ֭גְּבֹהִים לַיְּעֵלִ֑ים סְ֝לָעִ֗ים מַחְסֶ֥ה לַֽשְׁפַנִּֽים׃

‎19 ‏עָשָׂ֣ה יָ֭רֵחַ לְמוֹעֲדִ֑ים שֶׁ֝֗מֶשׁ יָדַ֥ע מְבוֹאֽוֹ׃

‎20 ‏תָּֽשֶׁת־חֹ֭שֶׁךְ וִ֣יהִי לָ֑יְלָה בּֽוֹ־תִ֝רְמֹ֗שׂ כָּל־חַיְתוֹ־יָֽעַר׃

‎21 ‏הַ֭כְּפִירִים שֹׁאֲגִ֣ים לַטָּ֑רֶף וּלְבַקֵּ֖שׁ מֵאֵ֣ל אָכְלָֽם׃

‎22 ‏תִּזְרַ֣ח הַ֭שֶּׁמֶשׁ יֵאָסֵפ֑וּן וְאֶל־מְ֝עוֹנֹתָ֗ם יִרְבָּצֽוּן׃

‎23 ‏יֵצֵ֣א אָדָ֣ם לְפָעֳל֑וֹ וְֽלַעֲבֹ֖דָת֣וֹ עֲדֵי־עָֽרֶב׃

‎24 ‏מָֽה־רַבּ֬וּ מַעֲשֶׂ֨יךָ׀ יְֽהוָ֗ה כֻּ֭לָּם בְּחָכְמָ֣ה עָשִׂ֑יתָ מָלְאָ֥ה הָ֝אָ֗רֶץ קִנְיָנֶֽךָ׃

‎25 ‏זֶ֤ה׀ הַיָּ֥ם גָּדוֹל֮ וּרְחַ֪ב יָ֫דָ֥יִם שָֽׁם־רֶ֭מֶשׂ וְאֵ֣ין מִסְפָּ֑ר חַיּ֥וֹת קְ֝טַנּ֗וֹת עִם־גְּדֹלֽוֹת׃

‎26 ‏שָׁ֭ם אֳנִיּ֣וֹת יְהַלֵּכ֑וּן לִ֝וְיָתָ֗ן זֶֽה־יָצַ֥רְתָּ לְשַֽׂחֶק־בּֽוֹ׃

‎27 ‏כֻּ֭לָּם אֵלֶ֣יךָ יְשַׂבֵּר֑וּן לָתֵ֖ת אָכְלָ֣ם בְּעִתּֽוֹ׃

‎28 ‏תִּתֵּ֣ן לָ֭הֶם יִלְקֹט֑וּן תִּפְתַּ֥ח יָֽ֝דְךָ֗ יִשְׂבְּע֥וּן טֽוֹב׃

‎29 ‏תַּסְתִּ֥יר פָּנֶיךָ֮ יִֽבָּהֵ֫ל֥וּן תֹּסֵ֣ף ר֭וּחָם יִגְוָע֑וּן וְֽאֶל־עֲפָרָ֥ם יְשׁוּבֽוּן׃

‎30 ‏תְּשַׁלַּ֣ח ר֭וּחֲךָ יִבָּרֵא֑וּן וּ֝תְחַדֵּ֗שׁ פְּנֵ֣י אֲדָמָֽה׃

‎31 ‏יְהִ֤י כְב֣וֹד יְהוָ֣ה לְעוֹלָ֑ם יִשְׂמַ֖ח יְהוָ֣ה בְּמַעֲשָֽׂיו׃

‎32 ‏הַמַּבִּ֣יט לָ֭אָרֶץ וַתִּרְעָ֑ד יִגַּ֖ע בֶּהָרִ֣ים וְֽיֶעֱשָֽׁנוּ׃

‎33 ‏אָשִׁ֣ירָה לַיהוָ֣ה בְּחַיָּ֑י אֲזַמְּרָ֖ה לֵאלֹהַ֣י בְּעוֹדִֽי׃

‎34 ‏יֶעֱרַ֣ב עָלָ֣יו שִׂיחִ֑י אָ֝נֹכִ֗י אֶשְׂמַ֥ח בַּיהוָֽה׃

‎35 ‏יִתַּ֤מּוּ חַטָּאִ֨ים׀ מִן־הָאָ֡רֶץ וּרְשָׁעִ֤ים׀ ע֤וֹד אֵינָ֗ם בָּרֲכִ֣י נַ֭פְשִׁי אֶת־יְהוָ֗ה הַֽלְלוּ־יָֽהּ׃

1 bārăḵî nafəšî ’eṯ-yəhwâ yəhwâ ’ĕlōhay gāḏalətā mmə’ōḏ hwōḏ wəhāḏār lāḇāšətā:

2 ‘ōṭeh-’wōr kaśśaləmâ nwōṭeh šāmayim kayərî‘â:

3 haməqāreh ḇammayim ‘ă‍lîywōṯāyw haśśām-‘āḇîm rəḵûḇwō haməhallēḵə ‘al-kanəfê-rûḥa:

4 ‘ōśeh malə’āḵāyw rûḥwōṯ məšārəṯāyw ’ēš lōhēṭ:

5 yāsaḏ-’ereṣ ‘al-məḵwōneyhā bal-timmwōṭ ‘wōlām wā‘eḏ:

6 təhwōm kalləḇûš kissîṯwō ‘al-hārîm y^a‘aməḏû-māyim:

7 min-g^a‘ărāṯəḵā yənûsûn min-qwōl r^a‘aməḵā yēḥāfēzûn:

8 y^a‘ălû hārîm yērəḏû ḇəqā‘wōṯ ’el-məqwōm zeh| yāsaḏətā lâem:

9 gəḇûl-śamətā bal-y^a‘ăḇōrûn bal-yəšûḇûn ləḵasswōṯ hā’āreṣ:

10 haməšallēḥa m^a‘əyānîm bannəḥālîm bên hārîm yəhallēḵûn:

11 yašəqû kāl-ḥayəṯwō śāḏāy yišəbərû fərā’îm ṣəmā’ām:

12 ‘ălêhem ‘wōf-haššāmayim yišəkwōn mibên ‘ŏfā’yim yitənû-qwōl:

13 mašəqeh hārîm mē‘ălîywōṯāyw mipərî m^a‘ăśeyḵā tiśəb^a‘ hā’āreṣ:

14 maṣəmîḥa ḥāṣîr| labəhēmâ wə‘ēśeḇ l^a‘ăḇōḏaṯ hā’āḏām ləhwōṣî’ leḥem min-hā’āreṣ:

15 wəyayin| yəśamm^aḥ ləḇaḇ-’ĕnwōš ləhaṣəhîl pānîm miššāmen wəleḥem ləḇaḇ-’ĕnwōš yisə‘āḏ:

16 yiśəbə‘û ‘ăṣê yəhwâ ’arəzê ləḇānwōn ’ăšer nāṭā‘:

17 ’ăšer-šām ṣipŏrîm yəqannēnû ḥăsîḏâ bərwōšîm bêṯāh:

18 hārîm hagəḇōhîm layyə‘ēlîm səlā‘îm m^aḥəseh lašəfannîm:

19 ‘āśâ yārēḥa ləmwō‘ăḏîm šemeš yāḏ^a‘ məḇwō’wō:

20 tāšeṯ-ḥōšeḵə wîhî lāyəlâ bwō-ṯirəmōś kāl-ḥayəṯwō-yā‘ar:

21 hakəfîrîm šō’ăḡîm laṭṭāref ûləḇaqqēš mē’ēl ’āḵəlām:

22 tizər^aḥ haššemeš yē’āsēfûn wə’el-mə‘wōnōṯām yirəbāṣûn:

23 yēṣē’ ’āḏām ləfā‘ŏlwō wəl^a‘ăḇōḏāṯwō ‘ăḏê-‘āreḇ:

24 mâ-rabû m^a‘ăśeyḵā| yəhwâ kullām bəḥāḵəmâ ‘āśîṯā mālə’â hā’āreṣ qinəyāneḵā:

25 zeh| hayyām gāḏwōl ûrəḥaḇ yāḏāyim šām-remeś wə’ên misəpār ḥayywōṯ qəṭannwōṯ ‘im-gəḏōlwōṯ:

26 šām ’ŏnîywōṯ yəhallēḵûn liwəyāṯān zeh-yāṣarətā ləś^aḥeq-bwō:

27 kullām ’ēleyḵā yəśabērûn lāṯēṯ ’āḵəlām bə‘itwō:

28 titēn lâem yiləqōṭûn tifət^aḥ yāḏəḵā yiśəbə‘ûn ṭwōḇ:

29 tasətîr pāneyḵā yibâēlûn tōsēf rûḥām yiḡəwā‘ûn wə’el-‘ăfārām yəšûḇûn:

30 təšall^aḥ rûḥăḵā yibārē’ûn ûṯəḥadēš pənê ’ăḏāmâ:

31 yəhî ḵəḇwōḏ yəhwâ lə‘wōlām yiśəm^aḥ yəhwâ bəm^a‘ăśāyw:

32 hammabîṭ lā’āreṣ watirə‘āḏ yig^a‘ behārîm wəye‘ĕšānû:

33 ’āšîrâ layhwâ bəḥayyāy ’ăzammərâ lē’lōhay bə‘wōḏî:

34 ye‘ĕraḇ ‘ālāyw śîḥî ’ānōḵî ’eśəm^aḥ bayhwâ:

35 yitammû ḥaṭṭā’îm| min-hā’āreṣ ûrəšā‘îm| ‘wōḏ ’ênām bārăḵî nafəšî ’eṯ-yəhwâ haləlû-yāh:

‎1 ‏הוֹד֣וּ לַ֭יהוָה קִרְא֣וּ בִּשְׁמ֑וֹ הוֹדִ֥יעוּ בָ֝עַמִּ֗ים עֲלִילוֹתָֽיו׃

‎2 ‏שִֽׁירוּ־ל֖וֹ זַמְּרוּ־ל֑וֹ שִׂ֝֗יחוּ בְּכָל־נִפְלְאוֹתָֽיו׃

‎3 ‏הִֽ֭תְהַלְלוּ בְּשֵׁ֣ם קָדְשׁ֑וֹ יִ֝שְׂמַ֗ח לֵ֤ב׀ מְבַקְשֵׁ֬י יְהוָֽה׃

‎4 ‏דִּרְשׁ֣וּ יְהוָ֣ה וְעֻזּ֑וֹ בַּקְּשׁ֖וּ פָנָ֣יו תָּמִֽיד׃

‎5 ‏זִכְר֗וּ נִפְלְאוֹתָ֥יו אֲשֶׁר־עָשָׂ֑ה מֹ֝פְתָ֗יו וּמִשְׁפְּטֵי־פִֽיו׃

‎6 ‏זֶ֭רַע אַבְרָהָ֣ם עַבְדּ֑וֹ בְּנֵ֖י יַעֲקֹ֣ב בְּחִירָֽיו׃

‎7 ‏ה֭וּא יְהוָ֣ה אֱלֹהֵ֑ינוּ בְּכָל־הָ֝אָ֗רֶץ מִשְׁפָּטָֽיו׃

‎8 ‏זָכַ֣ר לְעוֹלָ֣ם בְּרִית֑וֹ דָּבָ֥ר צִ֝וָּ֗ה לְאֶ֣לֶף דּֽוֹר׃

‎9 ‏אֲשֶׁ֣ר כָּ֭רַת אֶת־אַבְרָהָ֑ם וּשְׁב֖וּעָת֣וֹ לְיִשְׂחָֽק׃

‎10 ‏וַיַּֽעֲמִידֶ֣הָ לְיַעֲקֹ֣ב לְחֹ֑ק לְ֝יִשְׂרָאֵ֗ל בְּרִ֣ית עוֹלָֽם׃

‎11 ‏לֵאמֹ֗ר לְךָ֗ אֶתֵּ֥ן אֶת־אֶֽרֶץ־כְּנָ֑עַן חֶ֝֗בֶל נַחֲלַתְכֶֽם׃

‎12 ‏בִּֽ֭הְיוֹתָם מְתֵ֣י מִסְפָּ֑ר כִּ֝מְעַ֗ט וְגָרִ֥ים בָּֽהּ׃

‎13 ‏וַֽ֭יִּתְהַלְּכוּ מִגּ֣וֹי אֶל־גּ֑וֹי מִ֝מַּמְלָכָ֗ה אֶל־עַ֥ם אַחֵֽר׃

‎14 ‏לֹֽא־הִנִּ֣יחַ אָדָ֣ם לְעָשְׁקָ֑ם וַיּ֖וֹכַח עֲלֵיהֶ֣ם מְלָכִֽים׃

‎15 ‏אַֽל־תִּגְּע֥וּ בִמְשִׁיחָ֑י וְ֝לִנְבִיאַי אַל־תָּרֵֽעוּ׃

‎16 ‏וַיִּקְרָ֣א רָ֭עָב עַל־הָאָ֑רֶץ כָּֽל־מַטֵּה־לֶ֥חֶם שָׁבָֽר׃

‎17 ‏שָׁלַ֣ח לִפְנֵיהֶ֣ם אִ֑ישׁ לְ֝עֶ֗בֶד נִמְכַּ֥ר יוֹסֵֽף׃

‎18 ‏עִנּ֣וּ בַכֶּ֣בֶל רגליו רַגְל֑וֹ בַּ֝רְזֶ֗ל בָּ֣אָה נַפְשֽׁוֹ׃

‎19 ‏עַד־עֵ֥ת בֹּֽא־דְבָר֑וֹ אִמְרַ֖ת יְהוָ֣ה צְרָפָֽתְהוּ׃

‎20 ‏שָׁ֣לַח מֶ֭לֶךְ וַיַּתִּירֵ֑הוּ מֹשֵׁ֥ל עַ֝מִּ֗ים וַֽיְפַתְּחֵֽהוּ׃

‎21 ‏שָׂמ֣וֹ אָד֣וֹן לְבֵית֑וֹ וּ֝מֹשֵׁ֗ל בְּכָל־קִנְיָנֽוֹ׃

‎22 ‏לֶאְסֹ֣ר שָׂרָ֣יו בְּנַפְשׁ֑וֹ וּזְקֵנָ֥יו יְחַכֵּֽם׃

‎23 ‏וַיָּבֹ֣א יִשְׂרָאֵ֣ל מִצְרָ֑יִם וְ֝יַעֲקֹ֗ב גָּ֣ר בְּאֶֽרֶץ־חָֽם׃

‎24 ‏וַיֶּ֣פֶר אֶת־עַמּ֣וֹ מְאֹ֑ד וַ֝יַּֽעֲצִמֵהוּ מִצָּרָֽיו׃

‎25 ‏הָפַ֣ךְ לִ֭בָּם לִשְׂנֹ֣א עַמּ֑וֹ לְ֝הִתְנַכֵּ֗ל בַּעֲבָדָֽיו׃

‎26 ‏שָׁ֭לַח מֹשֶׁ֣ה עַבְדּ֑וֹ אַ֝הֲרֹ֗ן אֲשֶׁ֣ר בָּֽחַר־בּֽוֹ׃

‎27 ‏שָֽׂמוּ־בָ֭ם דִּבְרֵ֣י אֹתוֹתָ֑יו וּ֝מֹפְתִ֗ים בְּאֶ֣רֶץ חָֽם׃

‎28 ‏שָׁ֣לַֽח חֹ֭שֶׁךְ וַיַּחְשִׁ֑ךְ וְלֹֽא־מָ֝ר֗וּ אֶת־דברוו¹ דְּבָרֽוֹ׃

‎29 ‏הָפַ֣ךְ אֶת־מֵימֵיהֶ֣ם לְדָ֑ם וַ֝יָּ֗מֶת אֶת־דְּגָתָֽם׃

‎30 ‏שָׁרַ֣ץ אַרְצָ֣ם צְפַרְדְּעִ֑ים בְּ֝חַדְרֵ֗י מַלְכֵיהֶֽם׃

‎31 ‏אָ֭מַר וַיָּבֹ֣א עָרֹ֑ב כִּ֝נִּ֗ים בְּכָל־גְּבוּלָֽם׃

‎32 ‏נָתַ֣ן גִּשְׁמֵיהֶ֣ם בָּרָ֑ד אֵ֖שׁ לֶהָב֣וֹת בְּאַרְצָֽם׃

‎33 ‏וַיַּ֣ךְ גַּ֭פְנָם וּתְאֵנָתָ֑ם וַ֝יְשַׁבֵּ֗ר עֵ֣ץ גְּבוּלָֽם׃

‎34 ‏אָ֭מַר וַיָּבֹ֣א אַרְבֶּ֑ה וְ֝יֶ֗לֶק וְאֵ֣ין מִסְפָּֽר׃

‎35 ‏וַיֹּ֣אכַל כָּל־עֵ֣שֶׂב בְּאַרְצָ֑ם וַ֝יֹּ֗אכַל פְּרִ֣י אַדְמָתָֽם׃

‎36 ‏וַיַּ֣ךְ כָּל־בְּכ֣וֹר בְּאַרְצָ֑ם רֵ֝אשִׁ֗ית לְכָל־אוֹנָֽם׃

‎37 ‏וַֽ֭יּוֹצִיאֵם בְּכֶ֣סֶף וְזָהָ֑ב וְאֵ֖ין בִּשְׁבָטָ֣יו כּוֹשֵֽׁל׃

‎38 ‏שָׂמַ֣ח מִצְרַ֣יִם בְּצֵאתָ֑ם כִּֽי־נָפַ֖ל פַּחְדָּ֣ם עֲלֵיהֶֽם׃

‎39 ‏פָּרַ֣שׂ עָנָ֣ן לְמָסָ֑ךְ וְ֝אֵ֗שׁ לְהָאִ֥יר לָֽיְלָה׃

‎40 ‏שָׁאַ֣ל וַיָּבֵ֣א שְׂלָ֑ו וְלֶ֥חֶם שָׁ֝מַ֗יִם יַשְׂבִּיעֵֽם׃

‎41 ‏פָּ֣תַח צ֭וּר וַיָּז֣וּבוּ מָ֑יִם הָ֝לְכ֗וּ בַּצִּיּ֥וֹת נָהָֽר׃

‎42 ‏כִּֽי־זָ֭כַר אֶת־דְּבַ֣ר קָדְשׁ֑וֹ אֶֽת־אַבְרָהָ֥ם עַבְדּֽוֹ׃

‎43 ‏וַיּוֹצִ֣א עַמּ֣וֹ בְשָׂשׂ֑וֹן בְּ֝רִנָּ֗ה אֶת־בְּחִירָֽיו׃

‎44 ‏וַיִּתֵּ֣ן לָ֭הֶם אַרְצ֣וֹת גּוֹיִ֑ם וַעֲמַ֖ל לְאֻמִּ֣ים יִירָֽשׁוּ׃

‎45 ‏בַּעֲב֤וּר׀ יִשְׁמְר֣וּ חֻ֭קָּיו וְתוֹרֹתָ֥יו יִנְצֹ֗רוּ הַֽלְלוּ־יָֽהּ׃

1 hwōḏû layhwâ qirə’û bišəmwō hwōḏî‘û ḇā‘ammîm ‘ălîlwōṯāyw:

2 šîrû-lwō zammərû-lwō śîḥû bəḵāl-nifələ’wōṯāyw:

3 hiṯəhaləlû bəšēm qāḏəšwō yiśəm^aḥ lēḇ| məḇaqəšê yəhwâ:

4 dirəšû yəhwâ wə‘uzzwō baqqəšû fānāyw tāmîḏ:

5 ziḵərû nifələ’wōṯāyw ’ăšer-‘āśâ mōfəṯāyw ûmišəpəṭê-fîw:

6 zer^a‘ ’aḇərâām ‘aḇədwō bənê y^a‘ăqōḇ bəḥîrāyw:

7 hû’ yəhwâ ’ĕlōhênû bəḵāl-hā’āreṣ mišəpāṭāyw:

8 zāḵar lə‘wōlām bərîṯwō dāḇār ṣiûâ lə’elef dwōr:

9 ’ăšer kāraṯ ’eṯ-’aḇərâām ûšəḇû‘āṯwō ləyiśəḥāq:

10 wayy^a‘ămîḏehā ləy^a‘ăqōḇ ləḥōq ləyiśərā’ēl bərîṯ ‘wōlām:

11 lē’mōr ləḵā ’etēn ’eṯ-’ereṣ-kənā‘an ḥeḇel n^aḥălaṯəḵem:

12 bihəywōṯām məṯê misəpār kimə‘aṭ wəḡārîm bāh:

13 wayyiṯəhalləḵû migwōy ’el-gwōy mimmaməlāḵâ ’el-‘am ’^aḥēr:

14 lō’-hinnîḥa ’āḏām lə‘āšəqām wayywōḵ^aḥ ‘ălêhem məlāḵîm:

15 ’al-tigə‘û ḇiməšîḥāy wəlinəḇî’ay ’al-tārē‘û:

16 wayyiqərā’ rā‘āḇ ‘al-hā’āreṣ kāl-maṭṭēh-leḥem šāḇār:

17 šāl^aḥ lifənêhem ’îš lə‘eḇeḏ niməkar ywōsēf:

18 ‘innû ḇakeḇel raḡəlāyw raḡəlwō barəzel bā’â nafəšwō:

19 ‘aḏ-‘ēṯ bō’-ḏəḇārwō ’iməraṯ yəhwâ ṣərāfāṯəhû:

20 šāl^aḥ meleḵə wayyatîrēhû mōšēl ‘ammîm wayəfatəḥēhû:

21 śāmwō ’āḏwōn ləḇêṯwō ûmōšēl bəḵāl-qinəyānwō:

22 le’əsōr śārāyw bənafəšwō ûzəqēnāyw yəḥakēm:

23 wayyāḇō’ yiśərā’ēl miṣərāyim wəy^a‘ăqōḇ gār bə’ereṣ-ḥām:

24 wayyefer ’eṯ-‘ammwō mə’ōḏ wayy^a‘ăṣimēhû miṣṣārāyw:

25 hāfaḵə libām liśənō’ ‘ammwō ləhiṯənakēl b^a‘ăḇāḏāyw:

26 šāl^aḥ mōšeh ‘aḇədwō ’ahărōn ’ăšer bāḥar-bwō:

27 śāmû-ḇām diḇərê ’ōṯwōṯāyw ûmōfəṯîm bə’ereṣ ḥām:

28 šāl^aḥ ḥōšeḵə wayy^aḥəšiḵə wəlō’-mārû ’eṯ-dəḇārāww¹ dəḇārwō:

29 hāfaḵə ’eṯ-mêmêhem ləḏām wayyāmeṯ ’eṯ-dəḡāṯām:

30 šāraṣ ’arəṣām ṣəfarədə‘îm bəḥaḏərê maləḵêhem:

31 ’āmar wayyāḇō’ ‘ārōḇ kinnîm bəḵāl-gəḇûlām:

32 nāṯan gišəmêhem bārāḏ ’ēš lehāḇwōṯ bə’arəṣām:

33 wayyaḵə gafənām ûṯə’ēnāṯām wayəšabēr ‘ēṣ gəḇûlām:

34 ’āmar wayyāḇō’ ’arəbeh wəyeleq wə’ên misəpār:

35 wayyō’ḵal kāl-‘ēśeḇ bə’arəṣām wayyō’ḵal pərî ’aḏəmāṯām:

36 wayyaḵə kāl-bəḵwōr bə’arəṣām rē’šîṯ ləḵāl-’wōnām:

37 wayywōṣî’ēm bəḵesef wəzâāḇ wə’ên bišəḇāṭāyw kwōšēl:

38 śām^aḥ miṣərayim bəṣē’ṯām kî-nāfal p^aḥədām ‘ălêhem:

39 pāraś ‘ānān ləmāsāḵə wə’ēš ləhā’îr lāyəlâ:

40 šā’al wayyāḇē’ śəlāw wəleḥem šāmayim yaśəbî‘ēm:

41 pāṯ^aḥ ṣûr wayyāzûḇû māyim hāləḵû baṣṣîywōṯ nâār:

42 kî-zāḵar ’eṯ-dəḇar qāḏəšwō ’eṯ-’aḇərâām ‘aḇədwō:

43 wayywōṣi’ ‘ammwō ḇəśāśwōn bərinnâ ’eṯ-bəḥîrāyw:

44 wayyitēn lâem ’arəṣwōṯ gwōyim w^a‘ămal lə’ummîm yîrāšû:

45 b^a‘ăḇûr| yišəmərû ḥuqqāyw wəṯwōrōṯāyw yinəṣōrû haləlû-yāh:

‎1 ‏הַֽלְלוּיָ֨הּ׀ הוֹד֣וּ לַיהוָ֣ה כִּי־ט֑וֹב כִּ֖י לְעוֹלָ֣ם חַסְדּֽוֹ׃

‎2 ‏מִ֗י יְ֭מַלֵּל גְּבוּר֣וֹת יְהוָ֑ה יַ֝שְׁמִ֗יעַ כָּל־תְּהִלָּתֽוֹ׃

‎3 ‏אַ֭שְׁרֵי שֹׁמְרֵ֣י מִשְׁפָּ֑ט עֹשֵׂ֖ה צְדָקָ֣ה בְכָל־עֵֽת׃

‎4 ‏זָכְרֵ֣נִי יְ֭הוָה בִּרְצ֣וֹן עַמֶּ֑ךָ פָּ֝קְדֵ֗נִי בִּישׁוּעָתֶֽךָ׃

‎5 ‏לִרְא֤וֹת׀ בְּט֘וֹבַ֤ת בְּחִירֶ֗יךָ לִ֭שְׂמֹחַ בְּשִׂמְחַ֣ת גּוֹיֶ֑ךָ לְ֝הִתְהַלֵּ֗ל עִם־נַחֲלָתֶֽךָ׃

‎6 ‏חָטָ֥אנוּ עִם־אֲבוֹתֵ֗ינוּ הֶעֱוִ֥ינוּ הִרְשָֽׁעְנוּ׃

‎7 ‏אֲב֘וֹתֵ֤ינוּ בְמִצְרַ֨יִם׀ לֹא־הִשְׂכִּ֬ילוּ נִפְלְאוֹתֶ֗יךָ לֹ֣א זָ֭כְרוּ אֶת־רֹ֣ב חֲסָדֶ֑יךָ וַיַּמְר֖וּ עַל־יָ֣ם בְּיַם־סֽוּף׃

‎8 ‏וַֽ֭יּוֹשִׁיעֵם לְמַ֣עַן שְׁמ֑וֹ לְ֝הוֹדִ֗יעַ אֶת־גְּבוּרָתֽוֹ׃

‎9 ‏וַיִּגְעַ֣ר בְּיַם־ס֭וּף וַֽיֶּחֱרָ֑ב וַיּוֹלִיכֵ֥ם בַּ֝תְּהֹמ֗וֹת כַּמִּדְבָּֽר׃

‎10 ‏וַֽ֭יּוֹשִׁיעֵם מִיַּ֣ד שׂוֹנֵ֑א וַ֝יִּגְאָלֵ֗ם מִיַּ֥ד אוֹיֵֽב׃

‎11 ‏וַיְכַסּוּ־מַ֥יִם צָרֵיהֶ֑ם אֶחָ֥ד מֵ֝הֶ֗ם לֹ֣א נוֹתָֽר׃

‎12 ‏וַיַּאֲמִ֥ינוּ בִדְבָרָ֑יו יָ֝שִׁ֗ירוּ תְּהִלָּתֽוֹ׃

‎13 ‏מִֽ֭הֲרוּ שָׁכְח֣וּ מַעֲשָׂ֑יו לֹֽא־חִ֝כּ֗וּ לַעֲצָתֽוֹ׃

‎14 ‏וַיִּתְאַוּ֣וּ תַ֭אֲוָה בַּמִּדְבָּ֑ר וַיְנַסּוּ־אֵ֝֗ל בִּֽישִׁימֽוֹן׃

‎15 ‏וַיִּתֵּ֣ן לָ֭הֶם שֶׁאֱלָתָ֑ם וַיְשַׁלַּ֖ח רָז֣וֹן בְּנַפְשָֽׁם׃

‎16 ‏וַיְקַנְא֣וּ לְ֭מֹשֶׁה בַּֽמַּחֲנֶ֑ה לְ֝אַהֲרֹ֗ן קְד֣וֹשׁ יְהוָֽה׃

‎17 ‏תִּפְתַּח־אֶ֭רֶץ וַתִּבְלַ֣ע דָּתָ֑ן וַ֝תְּכַ֗ס עַל־עֲדַ֥ת אֲבִירָֽם׃

‎18 ‏וַתִּבְעַר־אֵ֥שׁ בַּעֲדָתָ֑ם לֶ֝הָבָ֗ה תְּלַהֵ֥ט רְשָׁעִֽים׃

‎19 ‏יַעֲשׂוּ־עֵ֥גֶל בְּחֹרֵ֑ב וַ֝יִּשְׁתַּחֲו֗וּ לְמַסֵּכָֽה׃

‎20 ‏וַיָּמִ֥ירוּ אֶת־כְּבוֹדָ֑ם בְּתַבְנִ֥ית שׁ֝֗וֹר אֹכֵ֥ל עֵֽשֶׂב׃

‎21 ‏שָׁ֭כְחוּ אֵ֣ל מוֹשִׁיעָ֑ם עֹשֶׂ֖ה גְדֹל֣וֹת בְּמִצְרָֽיִם׃

‎22 ‏נִ֭פְלָאוֹת בְּאֶ֣רֶץ חָ֑ם נ֝וֹרָא֗וֹת עַל־יַם־סֽוּף׃

‎23 ‏וַיֹּ֗אמֶר לְֽהַשְׁמִ֫ידָ֥ם לוּלֵ֡י מֹ֘שֶׁ֤ה בְחִיר֗וֹ עָמַ֣ד בַּפֶּ֣רֶץ לְפָנָ֑יו לְהָשִׁ֥יב חֲ֝מָת֗וֹ מֵֽהַשְׁחִֽית׃

‎24 ‏וַֽ֭יִּמְאֲסוּ בְּאֶ֣רֶץ חֶמְדָּ֑ה לֹֽא־הֶ֝אֱמִ֗ינוּ לִדְבָרֽוֹ׃

‎25 ‏וַיֵּרָגְנ֥וּ בְאָהֳלֵיהֶ֑ם לֹ֥א שָׁ֝מְע֗וּ בְּק֣וֹל יְהוָֽה׃

‎26 ‏וַיִּשָּׂ֣א יָד֣וֹ לָהֶ֑ם לְהַפִּ֥יל א֝וֹתָ֗ם בַּמִּדְבָּֽר׃

‎27 ‏וּלְהַפִּ֣יל זַ֭רְעָם בַּגּוֹיִ֑ם וּ֝לְזָרוֹתָ֗ם בָּאֲרָצֽוֹת׃

‎28 ‏וַ֭יִּצָּ֣מְדוּ לְבַ֣עַל פְּע֑וֹר וַ֝יֹּאכְל֗וּ זִבְחֵ֥י מֵתִֽים׃

‎29 ‏וַ֭יַּכְעִיסוּ בְּמַֽעַלְלֵיהֶ֑ם וַתִּפְרָץ־בָּ֝֗ם מַגֵּפָֽה׃

‎30 ‏וַיַּעֲמֹ֣ד פִּֽ֭ינְחָס וַיְפַלֵּ֑ל וַ֝תֵּעָצַ֗ר הַמַּגֵּפָֽה׃

‎31 ‏וַתֵּחָ֣שֶׁב ל֭וֹ לִצְדָקָ֑ה לְדֹ֥ר וָ֝דֹ֗ר עַד־עוֹלָֽם׃

‎32 ‏וַ֭יַּקְצִיפוּ עַל־מֵ֥י מְרִיבָ֑ה וַיֵּ֥רַע לְ֝מֹשֶׁ֗ה בַּעֲבוּרָֽם׃

‎33 ‏כִּֽי־הִמְר֥וּ אֶת־רוּח֑וֹ וַ֝יְבַטֵּ֗א בִּשְׂפָתָֽיו׃

‎34 ‏לֹֽא־הִ֭שְׁמִידוּ אֶת־הָֽעַמִּ֑ים אֲשֶׁ֤ר אָמַ֖ר יְהוָ֣ה לָהֶֽם׃

‎35 ‏וַיִּתְעָרְב֥וּ בַגּוֹיִ֑ם וַֽ֝יִּלְמְד֗וּ מַֽעֲשֵׂיהֶֽם׃

‎36 ‏וַיַּעַבְד֥וּ אֶת־עֲצַבֵּיהֶ֑ם וַיִּהְי֖וּ לָהֶ֣ם לְמוֹקֵֽשׁ׃

‎37 ‏וַיִּזְבְּח֣וּ אֶת־בְּ֭נֵיהֶם וְאֶת־בְּנֽוֹתֵיהֶ֗ם לַשֵּֽׁדִים׃

‎38 ‏וַיִּֽשְׁפְּכ֨וּ דָ֪ם נָקִ֡י דַּם־בְּנֵ֘יהֶ֤ם וּֽבְנוֹתֵיהֶ֗ם אֲשֶׁ֣ר זִ֭בְּחוּ לַעֲצַבֵּ֣י כְנָ֑עַן וַתֶּחֱנַ֥ף הָ֝אָ֗רֶץ בַּדָּמִֽים׃

‎39 ‏וַיִּטְמְא֥וּ בְמַעֲשֵׂיהֶ֑ם וַ֝יִּזְ֗נוּ בְּמַֽעַלְלֵיהֶֽם׃

‎40 ‏וַיִּֽחַר־אַ֣ף יְהוָ֣ה בְּעַמּ֑וֹ וַ֝יְתָעֵ֗ב אֶת־נַחֲלָתֽוֹ׃

‎41 ‏וַיִּתְּנֵ֥ם בְּיַד־גּוֹיִ֑ם וַֽיִּמְשְׁל֥וּ בָ֝הֶ֗ם שֹׂנְאֵיהֶֽם׃

‎42 ‏וַיִּלְחָצ֥וּם אוֹיְבֵיהֶ֑ם וַ֝יִּכָּנְע֗וּ תַּ֣חַת יָדָֽם׃

‎43 ‏פְּעָמִ֥ים רַבּ֗וֹת יַצִּ֫ילֵ֥ם וְ֭הֵמָּה יַמְר֣וּ בַעֲצָתָ֑ם וַ֝יָּמֹ֗כּוּ בַּעֲוֹנָֽם׃

‎44 ‏וַ֭יַּרְא בַּצַּ֣ר לָהֶ֑ם בְּ֝שָׁמְע֗וֹ אֶת־רִנָּתָֽם׃

‎45 ‏וַיִּזְכֹּ֣ר לָהֶ֣ם בְּרִית֑וֹ וַ֝יִּנָּחֵ֗ם כְּרֹ֣ב חסדו חֲסָדָֽיו׃

‎46 ‏וַיִּתֵּ֣ן אוֹתָ֣ם לְרַחֲמִ֑ים לִ֝פְנֵ֛י כָּל־שׁוֹבֵיהֶֽם׃

‎47 ‏הוֹשִׁיעֵ֨נוּ׀ יְה֘וָ֤ה אֱלֹהֵ֗ינוּ וְקַבְּצֵנוּ֮ מִֽן־הַגּ֫וֹיִ֥ם לְ֭הֹדוֹת לְשֵׁ֣ם קָדְשֶׁ֑ךָ לְ֝הִשְׁתַּבֵּ֗חַ בִּתְהִלָּתֶֽךָ׃

‎48 ‏בָּר֤וּךְ־יְהוָ֨ה אֱלֹהֵ֪י יִשְׂרָאֵ֡ל מִן־הָ֤עוֹלָ֨ם׀ וְעַ֬ד הָעוֹלָ֗ם וְאָמַ֖ר כָּל־הָעָ֥ם אָמֵ֗ן הַֽלְלוּ־יָֽהּ׃

1 haləlûyāh| hwōḏû layhwâ kî-ṭwōḇ kî lə‘wōlām ḥasədwō:

2 mî yəmallēl gəḇûrwōṯ yəhwâ yašəmî‘a kāl-təhillāṯwō:

3 ’ašərê šōmərê mišəpāṭ ‘ōśēh ṣəḏāqâ ḇəḵāl-‘ēṯ:

4 zāḵərēnî yəhwâ birəṣwōn ‘ammeḵā pāqəḏēnî bîšû‘āṯeḵā:

5 lirə’wōṯ| bəṭwōḇaṯ bəḥîreyḵā liśəmōḥa bəśiməḥaṯ gwōyeḵā ləhiṯəhallēl ‘im-n^aḥălāṯeḵā:

6 ḥāṭā’nû ‘im-’ăḇwōṯênû he‘ĕwînû hirəšā‘ənû:

7 ’ăḇwōṯênû ḇəmiṣərayim| lō’-hiśəkîlû nifələ’wōṯeyḵā lō’ zāḵərû ’eṯ-rōḇ ḥăsāḏeyḵā wayyamərû ‘al-yām bəyam-sûf:

8 wayywōšî‘ēm ləm^a‘an šəmwō ləhwōḏî‘a ’eṯ-gəḇûrāṯwō:

9 wayyiḡə‘ar bəyam-sûf wayyeḥĕrāḇ wayywōlîḵēm batəhōmwōṯ kammiḏəbār:

10 wayywōšî‘ēm mîyaḏ śwōnē’ wayyiḡə’ālēm mîyaḏ ’wōyēḇ:

11 wayəḵassû-mayim ṣārêhem ’eḥāḏ mēhem lō’ nwōṯār:

12 wayya’ămînû ḇiḏəḇārāyw yāšîrû təhillāṯwō:

13 mihărû šāḵəḥû m^a‘ăśāyw lō’-ḥikû l^a‘ăṣāṯwō:

14 wayyiṯə’aûû ṯa’ăwâ bammiḏəbār wayənassû-’ēl bîšîmwōn:

15 wayyitēn lâem še’ĕlāṯām wayəšall^aḥ rāzwōn bənafəšām:

16 wayəqanə’û ləmōšeh bamm^aḥăneh lə’ahărōn qəḏwōš yəhwâ:

17 tifət^aḥ-’ereṣ watiḇəl^a‘ dāṯān watəḵas ‘al-‘ăḏaṯ ’ăḇîrām:

18 watiḇə‘ar-’ēš b^a‘ăḏāṯām lehāḇâ təlahēṭ rəšā‘îm:

19 y^a‘ăśû-‘ēḡel bəḥōrēḇ wayyišət^aḥăwû ləmassēḵâ:

20 wayyāmîrû ’eṯ-kəḇwōḏām bəṯaḇənîṯ šwōr ’ōḵēl ‘ēśeḇ:

21 šāḵəḥû ’ēl mwōšî‘ām ‘ōśeh ḡəḏōlwōṯ bəmiṣərāyim:

22 nifəlā’wōṯ bə’ereṣ ḥām nwōrā’wōṯ ‘al-yam-sûf:

23 wayyō’mer ləhašəmîḏām lûlê mōšeh ḇəḥîrwō ‘āmaḏ bapereṣ ləfānāyw ləhāšîḇ ḥămāṯwō mēhašəḥîṯ:

24 wayyimə’ăsû bə’ereṣ ḥemədâ lō’-he’ĕmînû liḏəḇārwō:

25 wayyērāḡənû ḇə’âŏlêhem lō’ šāmə‘û bəqwōl yəhwâ:

26 wayyiśśā’ yāḏwō lâem ləhapîl ’wōṯām bammiḏəbār:

27 ûləhapîl zarə‘ām bagwōyim ûləzārwōṯām bā’ărāṣwōṯ:

28 wayyiṣṣāməḏû ləḇ^a‘al pə‘wōr wayyō’ḵəlû ziḇəḥê mēṯîm:

29 wayyaḵə‘îsû bəm^a‘aləlêhem watifərāṣ-bām magēfâ:

30 wayy^a‘ămōḏ pînəḥās wayəfallēl watē‘āṣar hammagēfâ:

31 watēḥāšeḇ lwō liṣəḏāqâ ləḏōr wāḏōr ‘aḏ-‘wōlām:

32 wayyaqəṣîfû ‘al-mê mərîḇâ wayyēr^a‘ ləmōšeh b^a‘ăḇûrām:

33 kî-himərû ’eṯ-rûḥwō wayəḇaṭṭē’ biśəfāṯāyw:

34 lō’-hišəmîḏû ’eṯ-hā‘ammîm ’ăšer ’āmar yəhwâ lâem:

35 wayyiṯə‘ārəḇû ḇagwōyim wayyiləməḏû m^a‘ăśêhem:

36 wayy^a‘aḇəḏû ’eṯ-‘ăṣabêhem wayyihəyû lâem ləmwōqēš:

37 wayyizəbəḥû ’eṯ-bənêhem wə’eṯ-bənwōṯêhem laššēḏîm:

38 wayyišəpəḵû ḏām nāqî dam-bənêhem ûḇənwōṯêhem ’ăšer zibəḥû l^a‘ăṣabê ḵənā‘an wateḥĕnaf hā’āreṣ badāmîm:

39 wayyiṭəmə’û ḇəm^a‘ăśêhem wayyizənû bəm^a‘aləlêhem:

40 wayyiḥar-’af yəhwâ bə‘ammwō wayəṯā‘ēḇ ’eṯ-n^aḥălāṯwō:

41 wayyitənēm bəyaḏ-gwōyim wayyiməšəlû ḇâem śōnə’êhem:

42 wayyiləḥāṣûm ’wōyəḇêhem wayyikānə‘û t^aḥaṯ yāḏām:

43 pə‘āmîm rabwōṯ yaṣṣîlēm wəhēmmâ yamərû ḇ^a‘ăṣāṯām wayyāmōkû b^a‘ăwōnām:

44 wayyarə’ baṣṣar lâem bəšāmə‘wō ’eṯ-rinnāṯām:

45 wayyizəkōr lâem bərîṯwō wayyinnāḥēm kərōḇ ḥasədwō ḥăsāḏāyw:

46 wayyitēn ’wōṯām lər^aḥămîm lifənê kāl-šwōḇêhem:

47 hwōšî‘ēnû| yəhwâ ’ĕlōhênû wəqabəṣēnû min-hagwōyim ləhōḏwōṯ ləšēm qāḏəšeḵā ləhišətabēḥa biṯəhillāṯeḵā:

48 bārûḵə-yəhwâ ’ĕlōhê yiśərā’ēl min-hā‘wōlām| wə‘aḏ hā‘wōlām wə’āmar kāl-hā‘ām ’āmēn haləlû-yāh:

‎1 ‏הֹד֣וּ לַיהוָ֣ה כִּי־ט֑וֹב כִּ֖י לְעוֹלָ֣ם חַסְדּֽוֹ׃

‎2 ‏יֹ֭אמְרוּ גְּאוּלֵ֣י יְהוָ֑ה אֲשֶׁ֥ר גְּ֝אָלָ֗ם מִיַּד־צָֽר׃

‎3 ‏וּֽמֵאֲרָצ֗וֹת קִ֫בְּצָ֥ם מִמִּזְרָ֥ח וּמִֽמַּעֲרָ֑ב מִצָּפ֥וֹן וּמִיָּֽם׃

‎4 ‏תָּע֣וּ בַ֭מִּדְבָּר בִּישִׁימ֣וֹן דָּ֑רֶךְ עִ֥יר מ֝וֹשָׁ֗ב לֹ֣א מָצָֽאוּ׃

‎5 ‏רְעֵבִ֥ים גַּם־צְמֵאִ֑ים נַ֝פְשָׁ֗ם בָּהֶ֥ם תִּתְעַטָּֽף׃

‎6 ‏וַיִּצְעֲק֣וּ אֶל־יְ֭הוָה בַּצַּ֣ר לָהֶ֑ם מִ֝מְּצֽוּקוֹתֵיהֶ֗ם יַצִּילֵֽם׃

‎7 ‏וַ֭יַּֽדְרִיכֵם בְּדֶ֣רֶךְ יְשָׁרָ֑ה לָ֝לֶ֗כֶת אֶל־עִ֥יר מוֹשָֽׁב׃

‎8 ‏יוֹד֣וּ לַיהוָ֣ה חַסְדּ֑וֹ וְ֝נִפְלְאוֹתָ֗יו לִבְנֵ֥י אָדָֽם׃

‎9 ‏כִּי־הִ֭שְׂבִּיעַ נֶ֣פֶשׁ שֹׁקֵקָ֑ה וְנֶ֥פֶשׁ רְ֝עֵבָה מִלֵּא־טֽוֹב׃

‎10 ‏יֹ֭שְׁבֵי חֹ֣שֶׁךְ וְצַלְמָ֑וֶת אֲסִירֵ֖י עֳנִ֣י וּבַרְזֶֽל׃

‎11 ‏כִּֽי־הִמְר֥וּ אִמְרֵי־אֵ֑ל וַעֲצַ֖ת עֶלְי֣וֹן נָאָֽצוּ׃

‎12 ‏וַיַּכְנַ֣ע בֶּעָמָ֣ל לִבָּ֑ם כָּ֝שְׁל֗וּ וְאֵ֣ין עֹזֵֽר׃

‎13 ‏וַיִּזְעֲק֣וּ אֶל־יְ֭הוָה בַּצַּ֣ר לָהֶ֑ם מִ֝מְּצֻֽקוֹתֵיהֶ֗ם יוֹשִׁיעֵֽם׃

‎14 ‏יֽ֭וֹצִיאֵם מֵחֹ֣שֶׁךְ וְצַלְמָ֑וֶת וּמוֹסְר֖וֹתֵיהֶ֣ם יְנַתֵּֽק׃

‎15 ‏יוֹד֣וּ לַיהוָ֣ה חַסְדּ֑וֹ וְ֝נִפְלְאוֹתָ֗יו לִבְנֵ֥י אָדָֽם׃

‎16 ‏כִּֽי־שִׁ֭בַּר דַּלְת֣וֹת נְחֹ֑שֶׁת וּבְרִיחֵ֖י בַרְזֶ֣ל גִּדֵּֽעַ׃

‎17 ‏אֱ֭וִלִים מִדֶּ֣רֶךְ פִּשְׁעָ֑ם וּֽ֝מֵעֲוֹֽנֹתֵיהֶ֗ם יִתְעַנּֽוּ׃

‎18 ‏כָּל־אֹ֭כֶל תְּתַעֵ֣ב נַפְשָׁ֑ם וַ֝יַּגִּ֗יעוּ עַד־שַׁ֥עֲרֵי מָֽוֶת׃

‎19 ‏וַיִּזְעֲק֣וּ אֶל־יְ֭הוָה בַּצַּ֣ר לָהֶ֑ם מִ֝מְּצֻֽקוֹתֵיהֶ֗ם יוֹשִׁיעֵֽם׃

‎20 ‏יִשְׁלַ֣ח דְּ֭בָרוֹ וְיִרְפָּאֵ֑ם וִֽ֝ימַלֵּ֗ט מִשְּׁחִיתוֹתָֽם׃ ⁸׆

‎21 ‏יוֹד֣וּ לַיהוָ֣ה חַסְדּ֑וֹ וְ֝נִפְלְאוֹתָ֗יו לִבְנֵ֥י אָדָֽם׃ ⁸׆

‎22 ‏וְ֭יִזְבְּחוּ זִבְחֵ֣י תוֹדָ֑ה וִֽיסַפְּר֖וּ מַעֲשָׂ֣יו בְּרִנָּֽה׃ ⁸׆

‎23 ‏יוֹרְדֵ֣י הַ֭יָּם בָּאֳנִיּ֑וֹת עֹשֵׂ֥י מְ֝לָאכָ֗ה בְּמַ֣יִם רַבִּֽים׃ ⁸׆

‎24 ‏הֵ֣מָּה רָ֭אוּ מַעֲשֵׂ֣י יְהוָ֑ה וְ֝נִפְלְאוֹתָ֗יו בִּמְצוּלָֽה׃ ⁸׆

‎25 ‏וַיֹּ֗אמֶר וַֽ֭יַּעֲמֵד ר֣וּחַ סְעָרָ֑ה וַתְּרוֹמֵ֥ם גַּלָּֽיו׃ ⁸׆

‎26 ‏יַעֲל֣וּ שָׁ֭מַיִם יֵרְד֣וּ תְהוֹמ֑וֹת נַ֝פְשָׁ֗ם בְּרָעָ֥ה תִתְמוֹגָֽג׃

‎27 ‏יָח֣וֹגּוּ וְ֭יָנוּעוּ כַּשִּׁכּ֑וֹר וְכָל־חָ֝כְמָתָ֗ם תִּתְבַּלָּֽע׃

‎28 ‏וַיִּצְעֲק֣וּ אֶל־יְ֭הוָה בַּצַּ֣ר לָהֶ֑ם וּֽ֝מִמְּצֽוּקֹתֵיהֶ֗ם יוֹצִיאֵֽם׃

‎29 ‏יָקֵ֣ם סְ֭עָרָה לִדְמָמָ֑ה וַ֝יֶּחֱשׁ֗וּ גַּלֵּיהֶֽם׃

‎30 ‏וַיִּשְׂמְח֥וּ כִֽי־יִשְׁתֹּ֑קוּ וַ֝יַּנְחֵ֗ם אֶל־מְח֥וֹז חֶפְצָֽם׃

‎31 ‏יוֹד֣וּ לַיהוָ֣ה חַסְדּ֑וֹ וְ֝נִפְלְאוֹתָ֗יו לִבְנֵ֥י אָדָֽם׃

‎32 ‏וִֽ֭ירֹמְמוּהוּ בִּקְהַל־עָ֑ם וּבְמוֹשַׁ֖ב זְקֵנִ֣ים יְהַלְלֽוּהוּ׃

‎33 ‏יָשֵׂ֣ם נְהָר֣וֹת לְמִדְבָּ֑ר וּמֹצָ֥אֵי מַ֝֗יִם לְצִמָּאֽוֹן׃

‎34 ‏אֶ֣רֶץ פְּ֭רִי לִמְלֵחָ֑ה מֵ֝רָעַ֗ת יֹ֣שְׁבֵי בָֽהּ׃

‎35 ‏יָשֵׂ֣ם מִ֭דְבָּר לַֽאֲגַם־מַ֑יִם וְאֶ֥רֶץ צִ֝יָּ֗ה לְמֹצָ֥אֵי מָֽיִם׃

‎36 ‏וַיּ֣וֹשֶׁב שָׁ֣ם רְעֵבִ֑ים וַ֝יְכוֹנְנ֗וּ עִ֣יר מוֹשָֽׁב׃

‎37 ‏וַיִּזְרְע֣וּ שָׂ֭דוֹת וַיִּטְּע֣וּ כְרָמִ֑ים וַ֝יַּעֲשׂ֗וּ פְּרִ֣י תְבֽוּאָה׃

‎38 ‏וַיְבָרֲכֵ֣ם וַיִּרְבּ֣וּ מְאֹ֑ד וּ֝בְהֶמְתָּ֗ם לֹ֣א יַמְעִֽיט׃

‎39 ‏וַיִּמְעֲט֥וּ וַיָּשֹׁ֑חוּ מֵעֹ֖צֶר רָעָ֣ה וְיָגֽוֹן׃ ⁸׆

‎40 ‏שֹׁפֵ֣ךְ בּ֭וּז עַל־נְדִיבִ֑ים וַ֝יַּתְעֵ֗ם בְּתֹ֣הוּ לֹא־דָֽרֶךְ׃

‎41 ‏וַיְשַׂגֵּ֣ב אֶבְי֣וֹן מֵע֑וֹנִי וַיָּ֥שֶׂם כַּ֝צֹּ֗אן מִשְׁפָּחֽוֹת׃

‎42 ‏יִרְא֣וּ יְשָׁרִ֣ים וְיִשְׂמָ֑חוּ וְכָל־עַ֝וְלָ֗ה קָ֣פְצָה פִּֽיהָ׃

‎43 ‏מִי־חָכָ֥ם וְיִשְׁמָר־אֵ֑לֶּה וְ֝יִתְבּֽוֹנְנ֗וּ חַֽסְדֵ֥י יְהוָֽה׃

1 hōḏû layhwâ kî-ṭwōḇ kî lə‘wōlām ḥasədwō:

2 yō’mərû gə’ûlê yəhwâ ’ăšer gə’ālām mîyaḏ-ṣār:

3 ûmē’ărāṣwōṯ qibəṣām mimmizərāḥ ûmimm^a‘ărāḇ miṣṣāfwōn ûmîyām:

4 tā‘û ḇammiḏəbār bîšîmwōn dāreḵə ‘îr mwōšāḇ lō’ māṣā’û:

5 rə‘ēḇîm gam-ṣəmē’îm nafəšām bâem tiṯə‘aṭṭāf:

6 wayyiṣə‘ăqû ’el-yəhwâ baṣṣar lâem mimməṣûqwōṯêhem yaṣṣîlēm:

7 wayyaḏərîḵēm bəḏereḵə yəšārâ lāleḵeṯ ’el-‘îr mwōšāḇ:

8 ywōḏû layhwâ ḥasədwō wənifələ’wōṯāyw liḇənê ’āḏām:

9 kî-hiśəbî‘a nefeš šōqēqâ wənefeš rə‘ēḇâ millē’-ṭwōḇ:

10 yōšəḇê ḥōšeḵə wəṣaləmāweṯ ’ăsîrê ‘ŏnî ûḇarəzel:

11 kî-himərû ’imərê-’ēl w^a‘ăṣaṯ ‘eləywōn nā’āṣû:

12 wayyaḵən^a‘ be‘āmāl libām kāšəlû wə’ên ‘ōzēr:

13 wayyizə‘ăqû ’el-yəhwâ baṣṣar lâem mimməṣuqwōṯêhem ywōšî‘ēm:

14 ywōṣî’ēm mēḥōšeḵə wəṣaləmāweṯ ûmwōsərwōṯêhem yənatēq:

15 ywōḏû layhwâ ḥasədwō wənifələ’wōṯāyw liḇənê ’āḏām:

16 kî-šibar daləṯwōṯ nəḥōšeṯ ûḇərîḥê ḇarəzel gidē‘a:

17 ’ĕwilîm midereḵə pišə‘ām ûmē‘ăwōnōṯêhem yiṯə‘annû:

18 kāl-’ōḵel təṯ^a‘ēḇ nafəšām wayyagî‘û ‘aḏ-š^a‘ărê māweṯ:

19 wayyizə‘ăqû ’el-yəhwâ baṣṣar lâem mimməṣuqwōṯêhem ywōšî‘ēm:

20 yišəl^aḥ dəḇārwō wəyirəpā’ēm wîmallēṭ miššəḥîṯwōṯām: ⁸׆

21 ywōḏû layhwâ ḥasədwō wənifələ’wōṯāyw liḇənê ’āḏām: ⁸׆

22 wəyizəbəḥû ziḇəḥê ṯwōḏâ wîsapərû m^a‘ăśāyw bərinnâ: ⁸׆

23 ywōrəḏê hayyām bā’ŏnîywōṯ ‘ōśê məlā’ḵâ bəmayim rabîm: ⁸׆

24 hēmmâ rā’û m^a‘ăśê yəhwâ wənifələ’wōṯāyw biməṣûlâ: ⁸׆

25 wayyō’mer wayy^a‘ămēḏ rûḥa sə‘ārâ watərwōmēm gallāyw: ⁸׆

26 y^a‘ălû šāmayim yērəḏû ṯəhwōmwōṯ nafəšām bərā‘â ṯiṯəmwōḡāḡ:

27 yāḥwōgû wəyānû‘û kaššikwōr wəḵāl-ḥāḵəmāṯām tiṯəballā‘:

28 wayyiṣə‘ăqû ’el-yəhwâ baṣṣar lâem ûmimməṣûqōṯêhem ywōṣî’ēm:

29 yāqēm sə‘ārâ liḏəmāmâ wayyeḥĕšû gallêhem:

30 wayyiśəməḥû ḵî-yišətōqû wayyanəḥēm ’el-məḥwōz ḥefəṣām:

31 ywōḏû layhwâ ḥasədwō wənifələ’wōṯāyw liḇənê ’āḏām:

32 wîrōməmûhû biqəhal-‘ām ûḇəmwōšaḇ zəqēnîm yəhaləlûhû:

33 yāśēm nəhārwōṯ ləmiḏəbār ûmōṣā’ê mayim ləṣimmā’wōn:

34 ’ereṣ pərî liməlēḥâ mērā‘aṯ yōšəḇê ḇāh:

35 yāśēm miḏəbār la’ăḡam-mayim wə’ereṣ ṣîyâ ləmōṣā’ê māyim:

36 wayywōšeḇ šām rə‘ēḇîm wayəḵwōnənû ‘îr mwōšāḇ:

37 wayyizərə‘û śāḏwōṯ wayyiṭṭə‘û ḵərāmîm wayy^a‘ăśû pərî ṯəḇû’â:

38 wayəḇārăḵēm wayyirəbû mə’ōḏ ûḇəhemətām lō’ yamə‘îṭ:

39 wayyimə‘ăṭû wayyāšōḥû mē‘ōṣer rā‘â wəyāḡwōn: ⁸׆

40 šōfēḵə bûz ‘al-nəḏîḇîm wayyaṯə‘ēm bəṯōhû lō’-ḏāreḵə:

41 wayəśagēḇ ’eḇəywōn mē‘wōnî wayyāśem kaṣṣō’n mišəpāḥwōṯ:

42 yirə’û yəšārîm wəyiśəmāḥû wəḵāl-‘awəlâ qāfəṣâ pîhā:

43 mî-ḥāḵām wəyišəmār-’ēlleh wəyiṯəbwōnənû ḥasəḏê yəhwâ:

‎1 ‏שִׁ֖יר מִזְמ֣וֹר לְדָוִֽד׃

‎2 ‏נָכ֣וֹן לִבִּ֣י אֱלֹהִ֑ים אָשִׁ֥ירָה וַ֝אֲזַמְּרָ֗ה אַף־כְּבוֹדִֽי׃

‎3 ‏ע֭וּרָֽה הַנֵּ֥בֶל וְכִנּ֗וֹר אָעִ֥ירָה שָּֽׁחַר׃

‎4 ‏אוֹדְךָ֖ בָעַמִּ֥ים׀ יְהוָ֑ה וַ֝אֲזַמֶּרְךָ֗ בַּל־אֻמִּֽים׃

‎5 ‏כִּֽי־גָד֣וֹל מֵֽעַל־שָׁמַ֣יִם חַסְדֶּ֑ךָ וְֽעַד־שְׁחָקִ֥ים אֲמִתֶּֽךָ׃

‎6 ‏ר֣וּמָה עַל־שָׁמַ֣יִם אֱלֹהִ֑ים וְעַ֖ל כָּל־הָאָ֣רֶץ כְּבוֹדֶֽךָ׃

‎7 ‏לְ֭מַעַן יֵחָלְצ֣וּן יְדִידֶ֑יךָ הוֹשִׁ֖יעָה יְמִֽינְךָ֣ וַעֲנֵֽנִי׃

‎8 ‏אֱלֹהִ֤ים׀ דִּבֶּ֥ר בְּקָדְשׁ֗וֹ אֶעְלֹ֥זָה אֲחַלְּקָ֥ה שְׁכֶ֑ם וְעֵ֖מֶק סֻכּ֣וֹת אֲמַדֵּֽד׃

‎9 ‏לִ֤י גִלְעָ֨ד׀ לִ֤י מְנַשֶּׁ֗ה וְ֭אֶפְרַיִם מָע֣וֹז רֹאשִׁ֑י יְ֝הוּדָ֗ה מְחֹקְקִֽי׃

‎10 ‏מוֹאָ֤ב׀ סִ֬יר רַחְצִ֗י עַל־אֱ֭דוֹם אַשְׁלִ֣יךְ נַעֲלִ֑י עֲלֵֽי־פְ֝לֶ֗שֶׁת אֶתְרוֹעָֽע׃

‎11 ‏מִ֣י יֹ֭בִלֵנִי עִ֣יר מִבְצָ֑ר מִ֖י נָחַ֣נִי עַד־אֱדֽוֹם׃

‎12 ‏הֲלֹֽא־אֱלֹהִ֥ים זְנַחְתָּ֑נוּ וְֽלֹא־תֵצֵ֥א אֱ֝לֹהִ֗ים בְּצִבְאֹתֵֽינוּ׃

‎13 ‏הָֽבָה־לָּ֣נוּ עֶזְרָ֣ת מִצָּ֑ר וְ֝שָׁ֗וְא תְּשׁוּעַ֥ת אָדָֽם׃

‎14 ‏בֵּֽאלֹהִ֥ים נַעֲשֶׂה־חָ֑יִל וְ֝ה֗וּא יָב֥וּס צָרֵֽינוּ׃

1 šîr mizəmwōr ləḏāwiḏ:

2 nāḵwōn libî ’ĕlōhîm ’āšîrâ wa’ăzammərâ ’af-kəḇwōḏî:

3 ‘ûrâ hannēḇel wəḵinnwōr ’ā‘îrâ ššāḥar:

4 ’wōḏəḵā ḇā‘ammîm| yəhwâ wa’ăzammerəḵā bal-’ummîm:

5 kî-ḡāḏwōl mē‘al-šāmayim ḥasədeḵā wə‘aḏ-šəḥāqîm ’ămiteḵā:

6 rûmâ ‘al-šāmayim ’ĕlōhîm wə‘al kāl-hā’āreṣ kəḇwōḏeḵā:

7 ləm^a‘an yēḥāləṣûn yəḏîḏeyḵā hwōšî‘â yəmînəḵā w^a‘ănēnî:

8 ’ĕlōhîm| diber bəqāḏəšwō ’e‘əlōzâ ’ăḥalləqâ šəḵem wə‘ēmeq sukwōṯ ’ămadēḏ:

9 lî ḡilə‘āḏ| lî mənaššeh wə’efərayim mā‘wōz rō’šî yəhûḏâ məḥōqəqî:

10 mwō’āḇ| sîr r^aḥəṣî ‘al-’ĕḏwōm ’ašəlîḵə n^a‘ălî ‘ălê-fəlešeṯ ’eṯərwō‘ā‘:

11 mî yōḇilēnî ‘îr miḇəṣār mî nāḥanî ‘aḏ-’ĕḏwōm:

12 hălō’-’ĕlōhîm zən^aḥətānû wəlō’-ṯēṣē’ ’ĕlōhîm bəṣiḇə’ōṯênû:

13 hāḇâ-llānû ‘ezərāṯ miṣṣār wəšāwə’ təšû‘aṯ ’āḏām:

14 bē’lōhîm n^a‘ăśeh-ḥāyil wəhû’ yāḇûs ṣārênû:

‎1 ‏לַ֭מְנַצֵּחַ לְדָוִ֣ד מִזְמ֑וֹר אֱלֹהֵ֥י תְ֝הִלָּתִ֗י אַֽל־תֶּחֱרַֽשׁ׃

‎2 ‏כִּ֤י פִ֪י רָשָׁ֡ע וּֽפִי־מִ֭רְמָה עָלַ֣י פָּתָ֑חוּ דִּבְּר֥וּ אִ֝תִּ֗י לְשׁ֣וֹן שָֽׁקֶר׃

‎3 ‏וְדִבְרֵ֣י שִׂנְאָ֣ה סְבָב֑וּנִי וַיִּֽלָּחֲמ֥וּנִי חִנָּֽם׃

‎4 ‏תַּֽחַת־אַהֲבָתִ֥י יִשְׂטְנ֗וּנִי וַאֲנִ֥י תְפִלָּֽה׃

‎5 ‏וַיָּ֘שִׂ֤ימוּ עָלַ֣י רָ֭עָה תַּ֣חַת טוֹבָ֑ה וְ֝שִׂנְאָ֗ה תַּ֣חַת אַהֲבָתִֽי׃

‎6 ‏הַפְקֵ֣ד עָלָ֣יו רָשָׁ֑ע וְ֝שָׂטָ֗ן יַעֲמֹ֥ד עַל־יְמִינֽוֹ׃

‎7 ‏בְּ֭הִשָּׁ֣פְטוֹ יֵצֵ֣א רָשָׁ֑ע וּ֝תְפִלָּת֗וֹ תִּהְיֶ֥ה לַֽחֲטָאָֽה׃

‎8 ‏יִֽהְיֽוּ־יָמָ֥יו מְעַטִּ֑ים פְּ֝קֻדָּת֗וֹ יִקַּ֥ח אַחֵֽר׃

‎9 ‏יִֽהְיוּ־בָנָ֥יו יְתוֹמִ֑ים וְ֝אִשְׁתּוֹ אַלְמָנָֽה׃

‎10 ‏וְנ֤וֹעַ יָנ֣וּעוּ בָנָ֣יו וְשִׁאֵ֑לוּ וְ֝דָרְשׁ֗וּ מֵחָרְבוֹתֵיהֶֽם׃

‎11 ‏יְנַקֵּ֣שׁ נ֭וֹשֶׁה³ לְכָל־אֲשֶׁר־ל֑וֹ וְיָבֹ֖זּוּ זָרִ֣ים יְגִיעֽוֹ׃

‎12 ‏אַל־יְהִי־ל֖וֹ מֹשֵׁ֣ךְ חָ֑סֶד וְֽאַל־יְהִ֥י ח֝וֹנֵ֗ן לִיתוֹמָֽיו׃

‎13 ‏יְהִֽי־אַחֲרִית֥וֹ לְהַכְרִ֑ית בְּד֥וֹר אַ֝חֵ֗ר יִמַּ֥ח שְׁמָֽם׃

‎14 ‏יִזָּכֵ֤ר׀ עֲוֹ֣ן אֲ֭בֹתָיו אֶל־יְהוָ֑ה וְחַטַּ֥את אִ֝מּ֗וֹ אַל־תִּמָּֽח׃

‎15 ‏יִהְי֣וּ נֶֽגֶד־יְהוָ֣ה תָּמִ֑יד וְיַכְרֵ֖ת מֵאֶ֣רֶץ זִכְרָֽם׃

‎16 ‏יַ֗עַן אֲשֶׁ֤ר׀ לֹ֥א זָכַר֮ עֲשׂ֪וֹת חָ֥סֶד וַיִּרְדֹּ֡ף אִישׁ־עָנִ֣י וְ֭אֶבְיוֹן וְנִכְאֵ֨ה לֵבָ֬ב לְמוֹתֵֽת׃

‎17 ‏וַיֶּאֱהַ֣ב קְ֭לָלָה וַתְּבוֹאֵ֑הוּ וְֽלֹא־חָפֵ֥ץ בִּ֝בְרָכָ֗ה וַתִּרְחַ֥ק מִמֶּֽנּוּ׃

‎18 ‏וַיִּלְבַּ֥שׁ קְלָלָ֗ה כְּמַ֫דּ֥וֹ וַתָּבֹ֣א כַמַּ֣יִם בְּקִרְבּ֑וֹ וְ֝כַשֶּׁ֗מֶן בְּעַצְמוֹתָֽיו׃

‎19 ‏תְּהִי־ל֖וֹ כְּבֶ֣גֶד יַעְטֶ֑ה וּ֝לְמֵ֗זַח תָּמִ֥יד יַחְגְּרֶֽהָ׃

‎20 ‏זֹ֤את פְּעֻלַּ֣ת שֹׂ֭טְנַי³ מֵאֵ֣ת יְהוָ֑ה וְהַדֹּבְרִ֥ים רָ֝֗ע עַל־נַפְשִֽׁי׃

‎21 ‏וְאַתָּ֤ה׀ יְה֘וִ֤ה אֲדֹנָ֗י עֲ‍ֽשֵׂה־אִ֭תִּי לְמַ֣עַן שְׁמֶ֑ךָ כִּי־ט֥וֹב חַ֝סְדְּךָ֗ הַצִּילֵֽנִי׃

‎22 ‏כִּֽי־עָנִ֣י וְאֶבְי֣וֹן אָנֹ֑כִי וְ֝לִבִּ֗י חָלַ֥ל בְּקִרְבִּֽי׃

‎23 ‏כְּצֵל־כִּנְטוֹת֥וֹ נֶהֱלָ֑כְתִּי נִ֝נְעַ֗רְתִּי כָּֽאַרְבֶּֽה׃

‎24 ‏בִּ֭רְכַּי כָּשְׁל֣וּ מִצּ֑וֹם וּ֝בְשָׂרִ֗י כָּחַ֥שׁ מִשָּֽׁמֶן׃

‎25 ‏וַאֲנִ֤י׀ הָיִ֣יתִי חֶרְפָּ֣ה לָהֶ֑ם יִ֝רְא֗וּנִי יְנִיע֥וּן רֹאשָֽׁם׃

‎26 ‏עָ֭זְרֵנִי יְהוָ֣ה אֱלֹהָ֑י ה֭וֹשִׁיעֵ֣נִי כְחַסְדֶּֽךָ׃

‎27 ‏וְֽ֭יֵדְעוּ כִּי־יָ֣דְךָ זֹּ֑את אַתָּ֖ה יְהוָ֣ה עֲשִׂיתָֽהּ׃

‎28 ‏יְקַֽלְלוּ־הֵמָּה֮ וְאַתָּ֪ה תְבָ֫רֵ֥ךְ קָ֤מוּ׀ וַיֵּבֹ֗שׁוּ וְֽעַבְדְּךָ֥ יִשְׂמָֽח׃

‎29 ‏יִלְבְּשׁ֣וּ שׂוֹטְנַ֣י כְּלִמָּ֑ה וְיַעֲט֖וּ כַמְעִ֣יל בָּשְׁתָּֽם׃

‎30 ‏א֘וֹדֶ֤ה יְהוָ֣ה מְאֹ֣ד בְּפִ֑י וּבְת֖וֹךְ רַבִּ֣ים אֲהַֽלְלֶֽנּוּ׃

‎31 ‏כִּֽי־יַ֭עֲמֹד לִימִ֣ין אֶבְי֑וֹן לְ֝הוֹשִׁ֗יעַ מִשֹּׁפְטֵ֥י נַפְשֽׁוֹ׃

1 lamənaṣṣēḥa ləḏāwiḏ mizəmwōr ’ĕlōhê ṯəhillāṯî ’al-teḥĕraš:

2 kî fî rāšā‘ ûfî-mirəmâ ‘ālay pāṯāḥû dibərû ’itî ləšwōn šāqer:

3 wəḏiḇərê śinə’â səḇāḇûnî wayyillāḥămûnî ḥinnām:

4 t^aḥaṯ-’ahăḇāṯî yiśəṭənûnî wa’ănî ṯəfillâ:

5 wayyāśîmû ‘ālay rā‘â t^aḥaṯ ṭwōḇâ wəśinə’â t^aḥaṯ ’ahăḇāṯî:

6 hafəqēḏ ‘ālāyw rāšā‘ wəśāṭān y^a‘ămōḏ ‘al-yəmînwō:

7 bəhiššāfəṭwō yēṣē’ rāšā‘ ûṯəfillāṯwō tihəyeh l^aḥăṭā’â:

8 yihəyû-yāmāyw mə‘aṭṭîm pəqudāṯwō yiqq^aḥ ’^aḥēr:

9 yihəyû-ḇānāyw yəṯwōmîm wə’išətwō ’aləmānâ:

10 wənwō‘a yānû‘û ḇānāyw wəši’ēlû wəḏārəšû mēḥārəḇwōṯêhem:

11 yənaqqēš nwōšeh³ ləḵāl-’ăšer-lwō wəyāḇōzzû zārîm yəḡî‘wō:

12 ’al-yəhî-lwō mōšēḵə ḥāseḏ wə’al-yəhî ḥwōnēn lîṯwōmāyw:

13 yəhî-’^aḥărîṯwō ləhaḵərîṯ bəḏwōr ’^aḥēr yimm^aḥ šəmām:

14 yizzāḵēr| ‘ăwōn ’ăḇōṯāyw ’el-yəhwâ wəḥaṭṭa’ṯ ’immwō ’al-timmāḥ:

15 yihəyû neḡeḏ-yəhwâ tāmîḏ wəyaḵərēṯ mē’ereṣ ziḵərām:

16 y^a‘an ’ăšer| lō’ zāḵar ‘ăśwōṯ ḥāseḏ wayyirədōf ’îš-‘ānî wə’eḇəywōn wəniḵə’ēh lēḇāḇ ləmwōṯēṯ:

17 wayye’ĕhaḇ qəlālâ watəḇwō’ēhû wəlō’-ḥāfēṣ biḇərāḵâ watirəḥaq mimmennû:

18 wayyiləbaš qəlālâ kəmadwō watāḇō’ ḵammayim bəqirəbwō wəḵaššemen bə‘aṣəmwōṯāyw:

19 təhî-lwō kəḇeḡeḏ y^a‘əṭeh ûləmēz^aḥ tāmîḏ y^aḥəgərehā:

20 zō’ṯ pə‘ullaṯ śōṭənay³ mē’ēṯ yəhwâ wəhadōḇərîm rā‘ ‘al-nafəšî:

21 wə’atâ| yəhwih ’ăḏōnāy ‘ă‍śēh-’itî ləm^a‘an šəmeḵā kî-ṭwōḇ ḥasədəḵā haṣṣîlēnî:

22 kî-‘ānî wə’eḇəywōn ’ānōḵî wəlibî ḥālal bəqirəbî:

23 kəṣēl-kinəṭwōṯwō nehĕlāḵətî ninə‘arətî kā’arəbeh:

24 birəkay kāšəlû miṣṣwōm ûḇəśārî kāḥaš miššāmen:

25 wa’ănî| hāyîṯî ḥerəpâ lâem yirə’ûnî yənî‘ûn rō’šām:

26 ‘āzərēnî yəhwâ ’ĕlōhāy hwōšî‘ēnî ḵəḥasədeḵā:

27 wəyēḏə‘û kî-yāḏəḵā zzō’ṯ ’atâ yəhwâ ‘ăśîṯāh:

28 yəqaləlû-hēmmâ wə’atâ ṯəḇārēḵə qāmû| wayyēḇōšû wə‘aḇədəḵā yiśəmāḥ:

29 yiləbəšû śwōṭənay kəlimmâ wəy^a‘ăṭû ḵamə‘îl bāšətām:

30 ’wōḏeh yəhwâ mə’ōḏ bəfî ûḇəṯwōḵə rabîm ’ăhaləlennû:

31 kî-y^a‘ămōḏ lîmîn ’eḇəywōn ləhwōšî‘a miššōfəṭê nafəšwō:

‎1 ‏לְדָוִ֗ד מִ֫זְמ֥וֹר נְאֻ֤ם יְהוָ֨ה׀ לַֽאדֹנִ֗י שֵׁ֥ב לִֽימִינִ֑י עַד־אָשִׁ֥ית אֹ֝יְבֶ֗יךָ הֲדֹ֣ם לְרַגְלֶֽיךָ׃

‎2 ‏מַטֵּֽה־עֻזְּךָ֗ יִשְׁלַ֣ח יְ֭הוָה מִצִּיּ֑וֹן רְ֝דֵ֗ה בְּקֶ֣רֶב אֹיְבֶֽיךָ׃

‎3 ‏עַמְּךָ֣ נְדָבֹת֮ בְּי֪וֹם חֵ֫ילֶ֥ךָ בְּֽהַדְרֵי־קֹ֖דֶשׁ מֵרֶ֣חֶם מִשְׁחָ֑ר לְ֝ךָ֗ טַ֣ל יַלְדֻתֶֽיךָ׃

‎4 ‏נִשְׁבַּ֤ע יְהוָ֨ה׀ וְלֹ֥א יִנָּחֵ֗ם אַתָּֽה־כֹהֵ֥ן לְעוֹלָ֑ם עַל־דִּ֝בְרָתִ֗י מַלְכִּי־צֶֽדֶק׃

‎5 ‏אֲדֹנָ֥י עַל־יְמִֽינְךָ֑ מָחַ֖ץ בְּיוֹם־אַפּ֣וֹ מְלָכִֽים׃

‎6 ‏יָדִ֣ין בַּ֭גּוֹיִם מָלֵ֣א גְוִיּ֑וֹת מָ֥חַץ רֹ֝֗אשׁ עַל־אֶ֥רֶץ רַבָּֽה׃

‎7 ‏מִ֭נַּחַל בַּדֶּ֣רֶךְ יִשְׁתֶּ֑ה עַל־כֵּ֝֗ן יָרִ֥ים רֹֽאשׁ׃

1 ləḏāwiḏ mizəmwōr nə’um yəhwâ| la’ḏōnî šēḇ lîmînî ‘aḏ-’āšîṯ ’ōyəḇeyḵā hăḏōm ləraḡəleyḵā:

2 maṭṭēh-‘uzzəḵā yišəl^aḥ yəhwâ miṣṣîywōn rəḏēh bəqereḇ ’ōyəḇeyḵā:

3 ‘amməḵā nəḏāḇōṯ bəywōm ḥêleḵā bəhaḏərê-qōḏeš mēreḥem mišəḥār ləḵā ṭal yaləḏuṯeyḵā:

4 nišəb^a‘ yəhwâ| wəlō’ yinnāḥēm ’atâ-ḵōhēn lə‘wōlām ‘al-diḇərāṯî maləkî-ṣeḏeq:

5 ’ăḏōnāy ‘al-yəmînəḵā māḥaṣ bəywōm-’apwō məlāḵîm:

6 yāḏîn bagwōyim mālē’ ḡəwîywōṯ māḥaṣ rō’š ‘al-’ereṣ rabâ:

7 minn^aḥal badereḵə yišəteh ‘al-kēn yārîm rō’š:

‎1 ‏הַ֥לְלוּ יָ֨הּ׀ אוֹדֶ֣ה יְ֭הוָה בְּכָל־לֵבָ֑ב בְּס֖וֹד יְשָׁרִ֣ים וְעֵדָֽה׃

‎2 ‏גְּ֭דֹלִים מַעֲשֵׂ֣י יְהוָ֑ה דְּ֝רוּשִׁ֗ים לְכָל־חֶפְצֵיהֶֽם׃

‎3 ‏הוֹד־וְהָדָ֥ר פָּֽעֳל֑וֹ וְ֝צִדְקָת֗וֹ עֹמֶ֥דֶת לָעַֽד׃

‎4 ‏זֵ֣כֶר עָ֭שָׂה לְנִפְלְאֹתָ֑יו חַנּ֖וּן וְרַח֣וּם יְהוָֽה׃

‎5 ‏טֶ֭רֶף נָתַ֣ן לִֽירֵאָ֑יו יִזְכֹּ֖ר לְעוֹלָ֣ם בְּרִיתֽוֹ׃

‎6 ‏כֹּ֣חַ מַ֭עֲשָׂיו הִגִּ֣יד לְעַמּ֑וֹ לָתֵ֥ת לָ֝הֶ֗ם נַחֲלַ֥ת גּוֹיִֽם׃

‎7 ‏מַעֲשֵׂ֣י יָ֭דָיו אֱמֶ֣ת וּמִשְׁפָּ֑ט נֶ֝אֱמָנִ֗ים כָּל־פִּקּוּדָֽיו׃

‎8 ‏סְמוּכִ֣ים לָעַ֣ד לְעוֹלָ֑ם עֲ֝שׂוּיִ֗ם בֶּאֱמֶ֥ת וְיָשָֽׁר׃

‎9 ‏פְּד֤וּת׀ שָׁ֘לַ֤ח לְעַמּ֗וֹ צִוָּֽה־לְעוֹלָ֥ם בְּרִית֑וֹ קָד֖וֹשׁ וְנוֹרָ֣א שְׁמֽוֹ׃

‎10 ‏רֵ֘אשִׁ֤ית חָכְמָ֨ה׀ יִרְאַ֬ת יְהוָ֗ה שֵׂ֣כֶל ט֖וֹב לְכָל־עֹשֵׂיהֶ֑ם תְּ֝הִלָּת֗וֹ עֹמֶ֥דֶת לָעַֽד׃

1 haləlû yāh| ’wōḏeh yəhwâ bəḵāl-lēḇāḇ bəswōḏ yəšārîm wə‘ēḏâ:

2 gəḏōlîm m^a‘ăśê yəhwâ dərûšîm ləḵāl-ḥefəṣêhem:

3 hwōḏ-wəhāḏār pā‘ŏlwō wəṣiḏəqāṯwō ‘ōmeḏeṯ lā‘aḏ:

4 zēḵer ‘āśâ lənifələ’ōṯāyw ḥannûn wər^aḥûm yəhwâ:

5 ṭeref nāṯan lîrē’āyw yizəkōr lə‘wōlām bərîṯwō:

6 kōḥa m^a‘ăśāyw higîḏ lə‘ammwō lāṯēṯ lâem n^aḥălaṯ gwōyim:

7 m^a‘ăśê yāḏāyw ’ĕmeṯ ûmišəpāṭ ne’ĕmānîm kāl-piqqûḏāyw:

8 səmûḵîm lā‘aḏ lə‘wōlām ‘ăśûyim be’ĕmeṯ wəyāšār:

9 pəḏûṯ| šāl^aḥ lə‘ammwō ṣiûâ-lə‘wōlām bərîṯwō qāḏwōš wənwōrā’ šəmwō:

10 rē’šîṯ ḥāḵəmâ| yirə’aṯ yəhwâ śēḵel ṭwōḇ ləḵāl-‘ōśêhem təhillāṯwō ‘ōmeḏeṯ lā‘aḏ:

‎1 ‏הַ֥לְלוּ יָ֨הּ׀ אַשְׁרֵי־אִ֭ישׁ יָרֵ֣א אֶת־יְהוָ֑ה בְּ֝מִצְוֹתָ֗יו חָפֵ֥ץ מְאֹֽד׃

‎2 ‏גִּבּ֣וֹר בָּ֭אָרֶץ יִהְיֶ֣ה זַרְע֑וֹ דּ֭וֹר יְשָׁרִ֣ים יְבֹרָֽךְ׃

‎3 ‏הוֹן־וָעֹ֥שֶׁר בְּבֵית֑וֹ וְ֝צִדְקָת֗וֹ עֹמֶ֥דֶת לָעַֽד׃

‎4 ‏זָ֘רַ֤ח בַּחֹ֣שֶׁךְ א֖וֹר לַיְשָׁרִ֑ים חַנּ֖וּן וְרַח֣וּם וְצַדִּֽיק׃

‎5 ‏טֽוֹב־אִ֭ישׁ חוֹנֵ֣ן וּמַלְוֶ֑ה יְכַלְכֵּ֖ל דְּבָרָ֣יו בְּמִשְׁפָּֽט׃

‎6 ‏כִּֽי־לְעוֹלָ֥ם לֹא־יִמּ֑וֹט לְזֵ֥כֶר ע֝וֹלָ֗ם יִהְיֶ֥ה צַדִּֽיק׃

‎7 ‏מִשְּׁמוּעָ֣ה רָ֭עָה לֹ֣א יִירָ֑א נָכ֥וֹן לִ֝בּ֗וֹ בָּטֻ֥חַ בַּיהוָֽה׃

‎8 ‏סָמ֣וּךְ לִ֭בּוֹ לֹ֣א יִירָ֑א עַ֖ד אֲשֶׁר־יִרְאֶ֣ה בְצָרָֽיו׃

‎9 ‏פִּזַּ֤ר׀ נָ֘תַ֤ן לָאֶבְיוֹנִ֗ים צִ֭דְקָתוֹ עֹמֶ֣דֶת לָעַ֑ד קַ֝רְנ֗וֹ תָּר֥וּם בְּכָבֽוֹד׃

‎10 ‏רָ֘שָׁ֤ע יִרְאֶ֨ה׀ וְכָעָ֗ס שִׁנָּ֣יו יַחֲרֹ֣ק וְנָמָ֑ס תַּאֲוַ֖ת רְשָׁעִ֣ים תֹּאבֵֽד׃

1 haləlû yāh| ’ašərê-’îš yārē’ ’eṯ-yəhwâ bəmiṣəwōṯāyw ḥāfēṣ mə’ōḏ:

2 gibwōr bā’āreṣ yihəyeh zarə‘wō dwōr yəšārîm yəḇōrāḵə:

3 hwōn-wā‘ōšer bəḇêṯwō wəṣiḏəqāṯwō ‘ōmeḏeṯ lā‘aḏ:

4 zār^aḥ b^aḥōšeḵə ’wōr layəšārîm ḥannûn wər^aḥûm wəṣadîq:

5 ṭwōḇ-’îš ḥwōnēn ûmaləweh yəḵaləkēl dəḇārāyw bəmišəpāṭ:

6 kî-lə‘wōlām lō’-yimmwōṭ ləzēḵer ‘wōlām yihəyeh ṣadîq:

7 miššəmû‘â rā‘â lō’ yîrā’ nāḵwōn libwō bāṭuḥa bayhwâ:

8 sāmûḵə libwō lō’ yîrā’ ‘aḏ ’ăšer-yirə’eh ḇəṣārāyw:

9 pizzar| nāṯan lā’eḇəywōnîm ṣiḏəqāṯwō ‘ōmeḏeṯ lā‘aḏ qarənwō tārûm bəḵāḇwōḏ:

10 rāšā‘ yirə’eh| wəḵā‘ās šinnāyw y^aḥărōq wənāmās ta’ăwaṯ rəšā‘îm tō’ḇēḏ:

‎1 ‏הַ֥לְלוּ יָ֨הּ׀ הַ֭לְלוּ עַבְדֵ֣י יְהוָ֑ה הַֽ֝לְלוּ אֶת־שֵׁ֥ם יְהוָֽה׃

‎2 ‏יְהִ֤י שֵׁ֣ם יְהוָ֣ה מְבֹרָ֑ךְ מֵֽ֝עַתָּ֗ה וְעַד־עוֹלָֽם׃

‎3 ‏מִמִּזְרַח־שֶׁ֥מֶשׁ עַד־מְבוֹא֑וֹ מְ֝הֻלָּ֗ל שֵׁ֣ם יְהוָֽה׃

‎4 ‏רָ֖ם עַל־כָּל־גּוֹיִ֥ם׀ יְהוָ֑ה עַ֖ל הַשָּׁמַ֣יִם כְּבוֹדֽוֹ׃

‎5 ‏מִ֭י כַּיהוָ֣ה אֱלֹהֵ֑ינוּ הַֽמַּגְבִּיהִ֥י לָשָֽׁבֶת׃

‎6 ‏הַֽמַּשְׁפִּילִ֥י לִרְא֑וֹת בַּשָּׁמַ֥יִם וּבָאָֽרֶץ׃

‎7 ‏מְקִֽימִ֣י מֵעָפָ֣ר דָּ֑ל מֵֽ֝אַשְׁפֹּ֗ת יָרִ֥ים אֶבְיֽוֹן׃

‎8 ‏לְהוֹשִׁיבִ֥י עִם־נְדִיבִ֑ים עִ֝֗ם נְדִיבֵ֥י עַמּֽוֹ׃

‎9 ‏מֽוֹשִׁיבִ֨י׀ עֲקֶ֬רֶת הַבַּ֗יִת אֵֽם־הַבָּנִ֥ים שְׂמֵחָ֗ה הַֽלְלוּ־יָֽהּ׃

1 haləlû yāh| haləlû ‘aḇəḏê yəhwâ haləlû ’eṯ-šēm yəhwâ:

2 yəhî šēm yəhwâ məḇōrāḵə mē‘atâ wə‘aḏ-‘wōlām:

3 mimmizər^aḥ-šemeš ‘aḏ-məḇwō’wō məhullāl šēm yəhwâ:

4 rām ‘al-kāl-gwōyim| yəhwâ ‘al haššāmayim kəḇwōḏwō:

5 mî kayhwâ ’ĕlōhênû hammaḡəbîhî lāšāḇeṯ:

6 hammašəpîlî lirə’wōṯ baššāmayim ûḇā’āreṣ:

7 məqîmî mē‘āfār dāl mē’ašəpōṯ yārîm ’eḇəywōn:

8 ləhwōšîḇî ‘im-nəḏîḇîm ‘im nəḏîḇê ‘ammwō:

9 mwōšîḇî| ‘ăqereṯ habayiṯ ’ēm-habānîm śəmēḥâ haləlû-yāh:

‎1 ‏בְּצֵ֣את יִ֭שְׂרָאֵל מִמִּצְרָ֑יִם בֵּ֥ית יַ֝עֲקֹ֗ב מֵעַ֥ם לֹעֵֽז׃

‎2 ‏הָיְתָ֣ה יְהוּדָ֣ה לְקָדְשׁ֑וֹ יִ֝שְׂרָאֵ֗ל מַמְשְׁלוֹתָֽיו׃

‎3 ‏הַיָּ֣ם רָ֭אָה וַיָּנֹ֑ס הַ֝יַּרְדֵּ֗ן יִסֹּ֥ב לְאָחֽוֹר׃

‎4 ‏הֶֽ֭הָרִים רָקְד֣וּ כְאֵילִ֑ים גְּ֝בָע֗וֹת כִּבְנֵי־צֹֽאן׃

‎5 ‏מַה־לְּךָ֣ הַ֭יָּם כִּ֣י תָנ֑וּס הַ֝יַּרְדֵּ֗ן תִּסֹּ֥ב לְאָחֽוֹר׃

‎6 ‏הֶֽ֭הָרִים תִּרְקְד֣וּ כְאֵילִ֑ים גְּ֝בָע֗וֹת כִּבְנֵי־צֹֽאן׃

‎7 ‏מִלִּפְנֵ֣י אָ֭דוֹן ח֣וּלִי אָ֑רֶץ מִ֝לִּפְנֵ֗י אֱל֣וֹהַּ יַעֲקֹֽב׃

‎8 ‏הַהֹפְכִ֣י הַצּ֣וּר אֲגַם־מָ֑יִם חַ֝לָּמִ֗ישׁ לְמַעְיְנוֹ־מָֽיִם׃

1 bəṣē’ṯ yiśərā’ēl mimmiṣərāyim bêṯ y^a‘ăqōḇ mē‘am lō‘ēz:

2 hāyəṯâ yəhûḏâ ləqāḏəšwō yiśərā’ēl maməšəlwōṯāyw:

3 hayyām rā’â wayyānōs hayyarədēn yissōḇ lə’āḥwōr:

4 hehārîm rāqəḏû ḵə’êlîm gəḇā‘wōṯ kiḇənê-ṣō’n:

5 mah-lləḵā hayyām kî ṯānûs hayyarədēn tissōḇ lə’āḥwōr:

6 hehārîm tirəqəḏû ḵə’êlîm gəḇā‘wōṯ kiḇənê-ṣō’n:

7 millifənê ’āḏwōn ḥûlî ’āreṣ millifənê ’ĕlwōhha y^a‘ăqōḇ:

8 hahōfəḵî haṣṣûr ’ăḡam-māyim ḥallāmîš ləm^a‘əyənwō-māyim:

‎1 ‏לֹ֤א לָ֥נוּ יְהוָ֗ה לֹ֫א לָ֥נוּ כִּֽי־לְ֭שִׁמְךָ תֵּ֣ן כָּב֑וֹד עַל־חַ֝סְדְּךָ֗ עַל־אֲמִתֶּֽךָ׃

‎2 ‏לָ֭מָּה יֹאמְר֣וּ הַגּוֹיִ֑ם אַיֵּה־נָ֝֗א אֱלֹהֵיהֶֽם׃

‎3 ‏וֵֽאלֹהֵ֥ינוּ בַשָּׁמָ֑יִם כֹּ֭ל אֲשֶׁר־חָפֵ֣ץ עָשָֽׂה׃

‎4 ‏עֲ‍ֽ֭צַבֵּיהֶם כֶּ֣סֶף וְזָהָ֑ב מַ֝עֲשֵׂ֗ה יְדֵ֣י אָדָֽם׃

‎5 ‏פֶּֽה־לָ֭הֶם וְלֹ֣א יְדַבֵּ֑רוּ עֵינַ֥יִם לָ֝הֶ֗ם וְלֹ֣א יִרְאֽוּ׃

‎6 ‏אָזְנַ֣יִם לָ֭הֶם וְלֹ֣א יִשְׁמָ֑עוּ אַ֥ף לָ֝הֶ֗ם וְלֹ֣א יְרִיחֽוּן׃

‎7 ‏יְדֵיהֶ֤ם׀ וְלֹ֬א יְמִישׁ֗וּן רַ֭גְלֵיהֶם וְלֹ֣א יְהַלֵּ֑כוּ לֹֽא־יֶ֝הְגּ֗וּ בִּגְרוֹנָֽם׃

‎8 ‏כְּ֭מוֹהֶם יִהְי֣וּ עֹשֵׂיהֶ֑ם כֹּ֭ל אֲשֶׁר־בֹּטֵ֣חַ בָּהֶֽם׃

‎9 ‏יִ֭שְׂרָאֵל בְּטַ֣ח בַּיהוָ֑ה עֶזְרָ֖ם וּמָגִנָּ֣ם הֽוּא׃

‎10 ‏בֵּ֣ית אַ֭הֲרֹן בִּטְח֣וּ בַיהוָ֑ה עֶזְרָ֖ם וּמָגִנָּ֣ם הֽוּא׃

‎11 ‏יִרְאֵ֣י יְ֭הוָה בִּטְח֣וּ בַיהוָ֑ה עֶזְרָ֖ם וּמָגִנָּ֣ם הֽוּא׃

‎12 ‏יְהוָה֮ זְכָרָ֪נוּ יְבָ֫רֵ֥ךְ יְ֭בָרֵךְ אֶת־בֵּ֣ית יִשְׂרָאֵ֑ל יְ֝בָרֵ֗ךְ אֶת־בֵּ֥ית אַהֲרֹֽן׃

‎13 ‏יְ֭בָרֵךְ יִרְאֵ֣י יְהוָ֑ה הַ֝קְּטַנִּ֗ים עִם־הַגְּדֹלִֽים׃

‎14 ‏יֹסֵ֣ף יְהוָ֣ה עֲלֵיכֶ֑ם עֲ֝לֵיכֶ֗ם וְעַל־בְּנֵיכֶֽם׃

‎15 ‏בְּרוּכִ֣ים אַ֭תֶּם לַיהוָ֑ה עֹ֝שֵׂ֗ה שָׁמַ֥יִם וָאָֽרֶץ׃

‎16 ‏הַשָּׁמַ֣יִם שָׁ֭מַיִם לַיהוָ֑ה וְ֝הָאָ֗רֶץ נָתַ֥ן לִבְנֵי־אָדָֽם׃

‎17 ‏לֹ֣א הַ֭מֵּתִים יְהַֽלְלוּ־יָ֑הּ וְ֝לֹ֗א כָּל־יֹרְדֵ֥י דוּמָֽה׃

‎18 ‏וַאֲנַ֤חְנוּ׀ נְבָ֘רֵ֤ךְ יָ֗הּ מֵֽעַתָּ֥ה וְעַד־עוֹלָ֗ם הַֽלְלוּ־יָֽהּ׃

1 lō’ lānû yəhwâ lō’ lānû kî-ləšiməḵā tēn kāḇwōḏ ‘al-ḥasədəḵā ‘al-’ămiteḵā:

2 lāmmâ yō’mərû hagwōyim ’ayyēh-nā’ ’ĕlōhêhem:

3 wē’lōhênû ḇaššāmāyim kōl ’ăšer-ḥāfēṣ ‘āśâ:

4 ‘ă‍ṣabêhem kesef wəzâāḇ m^a‘ăśēh yəḏê ’āḏām:

5 peh-lâem wəlō’ yəḏabērû ‘ênayim lâem wəlō’ yirə’û:

6 ’āzənayim lâem wəlō’ yišəmā‘û ’af lâem wəlō’ yərîḥûn:

7 yəḏêhem| wəlō’ yəmîšûn raḡəlêhem wəlō’ yəhallēḵû lō’-yehəgû biḡərwōnām:

8 kəmwōhem yihəyû ‘ōśêhem kōl ’ăšer-bōṭēḥa bâem:

9 yiśərā’ēl bəṭ^aḥ bayhwâ ‘ezərām ûmāḡinnām hû’:

10 bêṯ ’ahărōn biṭəḥû ḇayhwâ ‘ezərām ûmāḡinnām hû’:

11 yirə’ê yəhwâ biṭəḥû ḇayhwâ ‘ezərām ûmāḡinnām hû’:

12 yəhwâ zəḵārānû yəḇārēḵə yəḇārēḵə ’eṯ-bêṯ yiśərā’ēl yəḇārēḵə ’eṯ-bêṯ ’ahărōn:

13 yəḇārēḵə yirə’ê yəhwâ haqqəṭannîm ‘im-hagəḏōlîm:

14 yōsēf yəhwâ ‘ălêḵem ‘ălêḵem wə‘al-bənêḵem:

15 bərûḵîm ’atem layhwâ ‘ōśēh šāmayim wā’āreṣ:

16 haššāmayim šāmayim layhwâ wəhā’āreṣ nāṯan liḇənê-’āḏām:

17 lō’ hammēṯîm yəhaləlû-yāh wəlō’ kāl-yōrəḏê ḏûmâ:

18 wa’ăn^aḥənû| nəḇārēḵə yāh mē‘atâ wə‘aḏ-‘wōlām haləlû-yāh:

‎1 ‏אָ֭הַבְתִּי כִּֽי־יִשְׁמַ֥ע׀ יְהוָ֑ה אֶת־ק֝וֹלִ֗י תַּחֲנוּנָֽי׃

‎2 ‏כִּֽי־הִטָּ֣ה אָזְנ֣וֹ לִ֑י וּבְיָמַ֥י אֶקְרָֽא׃

‎3 ‏אֲפָפ֤וּנִי׀ חֶבְלֵי־מָ֗וֶת וּמְצָרֵ֣י שְׁא֣וֹל מְצָא֑וּנִי צָרָ֖ה וְיָג֣וֹן אֶמְצָֽא׃

‎4 ‏וּבְשֵֽׁם־יְהוָ֥ה אֶקְרָ֑א אָנָּ֥ה יְ֝הוָ֗ה מַלְּטָ֥ה נַפְשִֽׁי׃

‎5 ‏חַנּ֣וּן יְהוָֹ֣ה וְצַדִּ֑יק וֵ֖אלֹהֵ֣ינוּ מְרַחֵֽם׃

‎6 ‏שֹׁמֵ֣ר פְּתָאיִ֣ם יְהוָֹ֑ה דַּ֝לּוֹתִ֗י וְלִ֣י יְהוֹשִֽׁיעַ׃

‎7 ‏שׁוּבִ֣י נַ֭פְשִׁי לִמְנוּחָ֑יְכִי כִּֽי־יְ֝הוָ֗ה גָּמַ֥ל עָלָֽיְכִי׃

‎8 ‏כִּ֤י חִלַּ֥צְתָּ נַפְשִׁ֗י מִ֫מָּ֥וֶת אֶת־עֵינִ֥י מִן־דִּמְעָ֑ה אֶת־רַגְלִ֥י מִדֶּֽחִי׃

‎9 ‏אֶ֭תְהַלֵּךְ לִפְנֵ֣י יְהוָ֑ה בְּ֝אַרְצ֗וֹת הַֽחַיִּֽים׃

‎10 ‏הֶ֭אֱמַנְתִּי כִּ֣י אֲדַבֵּ֑ר אֲ֝נִ֗י עָנִ֥יתִי מְאֹֽד׃

‎11 ‏אֲ֭נִי אָמַ֣רְתִּי בְחָפְזִ֑י כָּֽל־הָאָדָ֥ם כֹּזֵֽב׃

‎12 ‏מָֽה־אָשִׁ֥יב לַיהוָ֑ה כָּֽל־תַּגְמוּל֥וֹהִי עָלָֽי׃

‎13 ‏כּוֹס־יְשׁוּע֥וֹת אֶשָּׂ֑א וּבְשֵׁ֖ם יְהוָ֣ה אֶקְרָֽא׃

‎14 ‏נְ֭דָרַי לַיהוָ֣ה אֲשַׁלֵּ֑ם נֶגְדָה־נָּ֝֗א לְכָל־עַמּֽוֹ׃

‎15 ‏יָ֭קָר בְּעֵינֵ֣י יְהוָ֑ה הַ֝מָּ֗וְתָה לַחֲסִידָֽיו׃

‎16 ‏אָֽנָּ֣ה יְהוָה֮ כִּֽי־אֲנִ֪י עַ֫בְדֶּ֥ךָ אֲ‍ֽנִי־עַ֭בְדְּךָ בֶּן־אֲמָתֶ֑ךָ פִּ֝תַּ֗חְתָּ לְמוֹסֵרָֽי׃

‎17 ‏לְֽךָ־אֶ֭זְבַּח זֶ֣בַח תּוֹדָ֑ה וּבְשֵׁ֖ם יְהוָ֣ה אֶקְרָֽא׃

‎18 ‏נְ֭דָרַי לַיהוָ֣ה אֲשַׁלֵּ֑ם נֶגְדָה־נָּ֝֗א לְכָל־עַמּֽוֹ׃

‎19 ‏בְּחַצְר֤וֹת׀ בֵּ֤ית יְהוָ֗ה בְּֽת֘וֹכֵ֤כִי יְֽרוּשָׁלִָ֗ם הַֽלְלוּ־יָֽהּ׃

1 ’âaḇətî kî-yišəm^a‘| yəhwâ ’eṯ-qwōlî t^aḥănûnāy:

2 kî-hiṭṭâ ’āzənwō lî ûḇəyāmay ’eqərā’:

3 ’ăfāfûnî| ḥeḇəlê-māweṯ ûməṣārê šə’wōl məṣā’ûnî ṣārâ wəyāḡwōn ’eməṣā’:

4 ûḇəšēm-yəhwâ ’eqərā’ ’ānnâ yəhwâ malləṭâ nafəšî:

5 ḥannûn yəhwōâ wəṣadîq wē’lōhênû mər^aḥēm:

6 šōmēr pəṯā’yim yəhwōâ dallwōṯî wəlî yəhwōšî‘a:

7 šûḇî nafəšî limənûḥāyəḵî kî-yəhwâ gāmal ‘ālāyəḵî:

8 kî ḥillaṣətā nafəšî mimmāweṯ ’eṯ-‘ênî min-dimə‘â ’eṯ-raḡəlî mideḥî:

9 ’eṯəhallēḵə lifənê yəhwâ bə’arəṣwōṯ h^aḥayyîm:

10 he’ĕmanətî kî ’ăḏabēr ’ănî ‘ānîṯî mə’ōḏ:

11 ’ănî ’āmarətî ḇəḥāfəzî kāl-hā’āḏām kōzēḇ:

12 mâ-’āšîḇ layhwâ kāl-taḡəmûlwōhî ‘ālāy:

13 kwōs-yəšû‘wōṯ ’eśśā’ ûḇəšēm yəhwâ ’eqərā’:

14 nəḏāray layhwâ ’ăšallēm neḡəḏâ-nnā’ ləḵāl-‘ammwō:

15 yāqār bə‘ênê yəhwâ hammāwəṯâ l^aḥăsîḏāyw:

16 ’ānnâ yəhwâ kî-’ănî ‘aḇədeḵā ’ă‍nî-‘aḇədəḵā ben-’ămāṯeḵā pit^aḥətā ləmwōsērāy:

17 ləḵā-’ezəb^aḥ zeḇ^aḥ twōḏâ ûḇəšēm yəhwâ ’eqərā’:

18 nəḏāray layhwâ ’ăšallēm neḡəḏâ-nnā’ ləḵāl-‘ammwō:

19 bəḥaṣərwōṯ| bêṯ yəhwâ bəṯwōḵēḵî yərûšālāim haləlû-yāh:

‎1 ‏הַֽלְל֣וּ אֶת־יְ֭הוָה כָּל־גּוֹיִ֑ם שַׁ֝בְּח֗וּהוּ כָּל־הָאֻמִּֽים׃

‎2 ‏כִּ֥י גָ֘בַ֤ר עָלֵ֨ינוּ׀ חַסְדּ֗וֹ וֶֽאֱמֶת־יְהוָ֥ה לְעוֹלָ֗ם הַֽלְלוּ־יָֽהּ׃

1 haləlû ’eṯ-yəhwâ kāl-gwōyim šabəḥûhû kāl-hā’ummîm:

2 kî ḡāḇar ‘ālênû| ḥasədwō we’ĕmeṯ-yəhwâ lə‘wōlām haləlû-yāh:

‎1 ‏הוֹד֣וּ לַיהוָ֣ה כִּי־ט֑וֹב כִּ֖י לְעוֹלָ֣ם חַסְדּֽוֹ׃

‎2 ‏יֹֽאמַר־נָ֥א יִשְׂרָאֵ֑ל כִּ֖י לְעוֹלָ֣ם חַסְדּֽוֹ׃

‎3 ‏יֹֽאמְרוּ־נָ֥א בֵֽית־אַהֲרֹ֑ן כִּ֖י לְעוֹלָ֣ם חַסְדּֽוֹ׃

‎4 ‏יֹֽאמְרוּ־נָ֭א יִרְאֵ֣י יְהוָ֑ה כִּ֖י לְעוֹלָ֣ם חַסְדּֽוֹ׃

‎5 ‏מִֽן־הַ֭מֵּצַ֥ר קָרָ֣אתִי יָּ֑הּ עָנָ֖נִי בַמֶּרְחָ֣ב יָֽהּ׃

‎6 ‏יְהוָ֣ה לִ֭י לֹ֣א אִירָ֑א מַה־יַּעֲשֶׂ֖ה לִ֣י אָדָֽם׃

‎7 ‏יְהוָ֣ה לִ֭י בְּעֹזְרָ֑י וַ֝אֲנִ֗י אֶרְאֶ֥ה בְשֹׂנְאָֽי׃

‎8 ‏ט֗וֹב לַחֲס֥וֹת בַּיהוָ֑ה מִ֝בְּטֹ֗חַ בָּאָדָֽם׃

‎9 ‏ט֗וֹב לַחֲס֥וֹת בַּיהוָ֑ה מִ֝בְּטֹ֗חַ בִּנְדִיבִֽים׃

‎10 ‏כָּל־גּוֹיִ֥ם סְבָב֑וּנִי בְּשֵׁ֥ם יְ֝הוָ֗ה כִּ֣י אֲמִילַֽם׃

‎11 ‏סַבּ֥וּנִי גַם־סְבָב֑וּנִי בְּשֵׁ֥ם יְ֝הוָ֗ה כִּ֣י אֲמִילַֽם׃

‎12 ‏סַבּ֤וּנִי כִדְבוֹרִ֗ים דֹּ֭עֲכוּ כְּאֵ֣שׁ קוֹצִ֑ים בְּשֵׁ֥ם יְ֝הוָ֗ה כִּ֣י אֲמִילַֽם׃

‎13 ‏דַּחֹ֣ה דְחִיתַ֣נִי לִנְפֹּ֑ל וַ֖יהוָ֣ה עֲזָרָֽנִי׃

‎14 ‏עָזִּ֣י וְזִמְרָ֣ת יָ֑הּ וַֽיְהִי־לִ֝֗י לִֽישׁוּעָֽה׃

‎15 ‏ק֤וֹל׀ רִנָּ֬ה וִֽישׁוּעָ֗ה בְּאָהֳלֵ֥י צַדִּיקִ֑ים יְמִ֥ין יְ֝הוָה עֹ֣שָׂה חָֽיִל׃

‎16 ‏יְמִ֣ין יְ֭הוָה רוֹמֵמָ֑ה יְמִ֥ין יְ֝הוָה עֹ֣שָׂה חָֽיִל׃

‎17 ‏לֹֽא אָמ֥וּת כִּי־אֶֽחְיֶ֑ה וַ֝אֲסַפֵּ֗ר מַֽעֲשֵׂ֥י יָֽהּ׃

‎18 ‏יַסֹּ֣ר יִסְּרַ֣נִּי יָּ֑הּ וְ֝לַמָּ֗וֶת לֹ֣א נְתָנָֽנִי׃

‎19 ‏פִּתְחוּ־לִ֥י שַׁעֲרֵי־צֶ֑דֶק אָֽבֹא־בָ֝ם אוֹדֶ֥ה יָֽהּ׃

‎20 ‏זֶֽה־הַשַּׁ֥עַר לַיהוָ֑ה צַ֝דִּיקִ֗ים יָבֹ֥אוּ בֽוֹ׃

‎21 ‏א֭וֹדְךָ כִּ֣י עֲנִיתָ֑נִי וַתְּהִי־לִ֝֗י לִֽישׁוּעָֽה׃

‎22 ‏אֶ֭בֶן מָאֲס֣וּ הַבּוֹנִ֑ים הָ֝יְתָ֗ה לְרֹ֣אשׁ פִּנָּֽה׃

‎23 ‏מֵאֵ֣ת יְ֭הוָה הָ֣יְתָה זֹּ֑את הִ֖יא נִפְלָ֣את בְּעֵינֵֽינוּ׃

‎24 ‏זֶה־הַ֭יּוֹם עָשָׂ֣ה יְהוָ֑ה נָגִ֖ילָה וְנִשְׂמְחָ֣ה בֽוֹ׃

‎25 ‏אָנָּ֣א יְ֭הוָה הוֹשִׁ֘יעָ֥ה נָּ֑א אָֽנָּ֥א יְ֝הוָ֗ה הַצְלִ֘יחָ֥ה נָּֽא׃

‎26 ‏בָּר֣וּךְ הַ֭בָּא בְּשֵׁ֣ם יְהוָ֑ה בֵּ֝רַֽכְנוּכֶ֗ם מִבֵּ֥ית יְהוָֽה׃

‎27 ‏אֵ֤ל׀ יְהוָה֮ וַיָּ֪אֶר לָ֥נוּ אִסְרוּ־חַ֥ג בַּעֲבֹתִ֑ים עַד־קַ֝רְנ֗וֹת הַמִּזְבֵּֽחַ׃

‎28 ‏אֵלִ֣י אַתָּ֣ה וְאוֹדֶ֑ךָּ אֱ֝לֹהַ֗י אֲרוֹמְמֶֽךָּ׃

‎29 ‏הוֹד֣וּ לַיהוָ֣ה כִּי־ט֑וֹב כִּ֖י לְעוֹלָ֣ם חַסְדּֽוֹ׃

1 hwōḏû layhwâ kî-ṭwōḇ kî lə‘wōlām ḥasədwō:

2 yō’mar-nā’ yiśərā’ēl kî lə‘wōlām ḥasədwō:

3 yō’mərû-nā’ ḇêṯ-’ahărōn kî lə‘wōlām ḥasədwō:

4 yō’mərû-nā’ yirə’ê yəhwâ kî lə‘wōlām ḥasədwō:

5 min-hammēṣar qārā’ṯî yyāh ‘ānānî ḇammerəḥāḇ yāh:

6 yəhwâ lî lō’ ’îrā’ mah-yy^a‘ăśeh lî ’āḏām:

7 yəhwâ lî bə‘ōzərāy wa’ănî ’erə’eh ḇəśōnə’āy:

8 ṭwōḇ l^aḥăswōṯ bayhwâ mibəṭōḥa bā’āḏām:

9 ṭwōḇ l^aḥăswōṯ bayhwâ mibəṭōḥa binəḏîḇîm:

10 kāl-gwōyim səḇāḇûnî bəšēm yəhwâ kî ’ămîlam:

11 sabûnî ḡam-səḇāḇûnî bəšēm yəhwâ kî ’ămîlam:

12 sabûnî ḵiḏəḇwōrîm dō‘ăḵû kə’ēš qwōṣîm bəšēm yəhwâ kî ’ămîlam:

13 d^aḥōh ḏəḥîṯanî linəpōl wayhwâ ‘ăzārānî:

14 ‘āzzî wəzimərāṯ yāh wayəhî-lî lîšû‘â:

15 qwōl| rinnâ wîšû‘â bə’âŏlê ṣadîqîm yəmîn yəhwâ ‘ōśâ ḥāyil:

16 yəmîn yəhwâ rwōmēmâ yəmîn yəhwâ ‘ōśâ ḥāyil:

17 lō’ ’āmûṯ kî-’eḥəyeh wa’ăsapēr m^a‘ăśê yāh:

18 yassōr yissərannî yyāh wəlammāweṯ lō’ nəṯānānî:

19 piṯəḥû-lî š^a‘ărê-ṣeḏeq ’āḇō’-ḇām ’wōḏeh yāh:

20 zeh-hašš^a‘ar layhwâ ṣadîqîm yāḇō’û ḇwō:

21 ’wōḏəḵā kî ‘ănîṯānî watəhî-lî lîšû‘â:

22 ’eḇen mā’ăsû habwōnîm hāyəṯâ lərō’š pinnâ:

23 mē’ēṯ yəhwâ hāyəṯâ zzō’ṯ hî’ nifəlā’ṯ bə‘ênênû:

24 zeh-hayywōm ‘āśâ yəhwâ nāḡîlâ wəniśəməḥâ ḇwō:

25 ’ānnā’ yəhwâ hwōšî‘â nnā’ ’ānnā’ yəhwâ haṣəlîḥâ nnā’:

26 bārûḵə habā’ bəšēm yəhwâ bēraḵənûḵem mibêṯ yəhwâ:

27 ’ēl| yəhwâ wayyā’er lānû ’isərû-ḥaḡ b^a‘ăḇōṯîm ‘aḏ-qarənwōṯ hammizəbēḥa:

28 ’ēlî ’atâ wə’wōḏeḵḵā ’ĕlōhay ’ărwōməmeḵḵā:

29 hwōḏû layhwâ kî-ṭwōḇ kî lə‘wōlām ḥasədwō:

‎1 ‏אַשְׁרֵ֥י תְמִֽימֵי־דָ֑רֶךְ הַֽ֝הֹלְכִ֗ים בְּתוֹרַ֥ת יְהוָֽה׃

‎2 ‏אַ֭שְׁרֵי נֹצְרֵ֥י עֵדֹתָ֗יו בְּכָל־לֵ֥ב יִדְרְשֽׁוּהוּ׃

‎3 ‏אַ֭ף לֹֽא־פָעֲל֣וּ עַוְלָ֑ה בִּדְרָכָ֥יו הָלָֽכוּ׃

‎4 ‏אַ֭תָּה צִוִּ֥יתָה פִקֻּדֶ֗יךָ לִשְׁמֹ֥ר מְאֹֽד׃

‎5 ‏אַ֭חֲלַי יִכֹּ֥נוּ דְרָכָ֗י לִשְׁמֹ֥ר חֻקֶּֽיךָ׃

‎6 ‏אָ֥ז לֹא־אֵב֑וֹשׁ בְּ֝הַבִּיטִ֗י אֶל־כָּל־מִצְוֹתֶֽיךָ׃

‎7 ‏א֭וֹדְךָ בְּיֹ֣שֶׁר לֵבָ֑ב בְּ֝לָמְדִ֗י מִשְׁפְּטֵ֥י צִדְקֶֽךָ׃

‎8 ‏אֶת־חֻקֶּ֥יךָ אֶשְׁמֹ֑ר אַֽל־תַּעַזְבֵ֥נִי עַד־מְאֹֽד׃

‎9 ‏בַּמֶּ֣ה יְזַכֶּה־נַּ֭עַר אֶת־אָרְח֑וֹ לִ֝שְׁמֹ֗ר כִּדְבָרֶֽךָ׃

‎10 ‏בְּכָל־לִבִּ֥י דְרַשְׁתִּ֑יךָ אַל־תַּ֝שְׁגֵּ֗נִי מִמִּצְוֹתֶֽיךָ׃

‎11 ‏בְּ֭לִבִּי צָפַ֣נְתִּי אִמְרָתֶ֑ךָ לְ֝מַ֗עַן לֹ֣א אֶֽחֱטָא־לָֽךְ׃

‎12 ‏בָּר֖וּךְ אַתָּ֥ה יְהוָ֗ה לַמְּדֵ֥נִי חֻקֶּֽיךָ׃

‎13 ‏בִּשְׂפָתַ֥י סִפַּ֑רְתִּי כֹּ֝֗ל מִשְׁפְּטֵי־פִֽיךָ׃

‎14 ‏בְּדֶ֖רֶךְ עֵדְוֹתֶ֥יךָ שַׂ֗שְׂתִּי כְּעַ֣ל כָּל־הֽוֹן׃

‎15 ‏בְּפִקֻּדֶ֥יךָ אָשִׂ֑יחָה וְ֝אַבִּ֗יטָה אֹרְחֹתֶֽיךָ׃

‎16 ‏בְּחֻקֹּתֶ֥יךָ אֶֽשְׁתַּעֲשָׁ֑ע לֹ֭א אֶשְׁכַּ֣ח דְּבָרֶֽךָ׃

‎17 ‏גְּמֹ֖ל עַֽל־עַבְדְּךָ֥ אֶֽחְיֶ֗ה וְאֶשְׁמְרָ֥ה דְבָרֶֽךָ׃

‎18 ‏גַּל־עֵינַ֥י וְאַבִּ֑יטָה נִ֝פְלָא֗וֹת מִתּוֹרָתֶֽךָ׃

‎19 ‏גֵּ֣ר אָנֹכִ֣י בָאָ֑רֶץ אַל־תַּסְתֵּ֥ר מִ֝מֶּ֗נִּי מִצְוֹתֶֽיךָ׃

‎20 ‏גָּרְסָ֣ה נַפְשִׁ֣י לְתַאֲבָ֑ה אֶֽל־מִשְׁפָּטֶ֥יךָ בְכָל־עֵֽת׃

‎21 ‏גָּ֭עַרְתָּ זֵדִ֣ים אֲרוּרִ֑ים הַ֝שֹּׁגִים מִמִּצְוֹתֶֽיךָ׃

‎22 ‏גַּ֣ל מֵֽ֭עָלַי חֶרְפָּ֣ה וָב֑וּז כִּ֖י עֵדֹתֶ֣יךָ נָצָֽרְתִּי׃

‎23 ‏גַּ֤ם יָֽשְׁב֣וּ שָׂ֭רִים בִּ֣י נִדְבָּ֑רוּ עַ֝בְדְּךָ֗ יָשִׂ֥יחַ בְּחֻקֶּֽיךָ׃

‎24 ‏גַּֽם־עֵ֭דֹתֶיךָ שַׁעֲשֻׁעָ֗י אַנְשֵׁ֥י עֲצָתִֽי׃

‎25 ‏דָּֽבְקָ֣ה לֶעָפָ֣ר נַפְשִׁ֑י חַ֝יֵּ֗נִי כִּדְבָרֶֽךָ׃

‎26 ‏דְּרָכַ֣י סִ֭פַּרְתִּי וַֽתַּעֲנֵ֗נִי לַמְּדֵ֥נִי חֻקֶּֽיךָ׃

‎27 ‏דֶּֽרֶךְ־פִּקּוּדֶ֥יךָ הֲבִינֵ֑נִי וְ֝אָשִׂ֗יחָה בְּנִפְלְאוֹתֶֽיךָ׃

‎28 ‏דָּלְפָ֣ה נַ֭פְשִׁי מִתּוּגָ֑ה קַ֝יְּמֵ֗נִי כִּדְבָרֶֽךָ׃

‎29 ‏דֶּֽרֶךְ־שֶׁ֭קֶר הָסֵ֣ר מִמֶּ֑נִּי וְֽתוֹרָתְךָ֥ חָנֵּֽנִי׃

‎30 ‏דֶּֽרֶךְ־אֱמוּנָ֥ה בָחָ֑רְתִּי מִשְׁפָּטֶ֥יךָ שִׁוִּֽיתִי׃

‎31 ‏דָּבַ֥קְתִּי בְעֵֽדְוֹתֶ֑יךָ יְ֝הוָ֗ה אַל־תְּבִישֵֽׁנִי׃

‎32 ‏דֶּֽרֶךְ־מִצְוֹתֶ֥יךָ אָר֑וּץ כִּ֖י תַרְחִ֣יב לִבִּֽי׃

‎33 ‏הוֹרֵ֣נִי יְ֭הוָה דֶּ֥רֶךְ חֻקֶּ֗יךָ וְאֶצְּרֶ֥נָּה עֵֽקֶב׃

‎34 ‏הֲ֭בִינֵנִי וְאֶצְּרָ֥ה תֽוֹרָתֶ֗ךָ וְאֶשְׁמְרֶ֥נָּה בְכָל־לֵֽב׃

‎35 ‏הַ֭דְרִיכֵנִי בִּנְתִ֣יב מִצְוֹתֶ֑יךָ כִּי־ב֥וֹ חָפָֽצְתִּי׃

‎36 ‏הַט־לִ֭בִּי אֶל־עֵדְוֹתֶ֗יךָ וְאַ֣ל אֶל־בָּֽצַע׃

‎37 ‏הַעֲבֵ֣ר עֵ֭ינַי מֵרְא֣וֹת שָׁ֑וְא בִּדְרָכֶ֥ךָ חַיֵּֽנִי׃

‎38 ‏הָקֵ֣ם לְ֭עַבְדְּךָ אִמְרָתֶ֑ךָ אֲ֝שֶׁ֗ר לְיִרְאָתֶֽךָ׃

‎39 ‏הַעֲבֵ֣ר חֶ֭רְפָּתִי אֲשֶׁ֣ר יָגֹ֑רְתִּי כִּ֖י מִשְׁפָּטֶ֣יךָ טוֹבִֽים׃

‎40 ‏הִ֭נֵּה תָּאַ֣בְתִּי לְפִקֻּדֶ֑יךָ בְּצִדְקָתְךָ֥ חַיֵּֽנִי׃

‎41 ‏וִֽיבֹאֻ֣נִי חֲסָדֶ֣ךָ יְהוָ֑ה תְּ֝שֽׁוּעָתְךָ֗ כְּאִמְרָתֶֽךָ׃

‎42 ‏וְאֶֽעֱנֶ֣ה חֹרְפִ֣י דָבָ֑ר כִּֽי־בָ֝טַחְתִּי בִּדְבָרֶֽךָ׃

‎43 ‏וְֽאַל־תַּצֵּ֬ל מִפִּ֣י דְבַר־אֱמֶ֣ת עַד־מְאֹ֑ד כִּ֖י לְמִשְׁפָּטֶ֣ךָ יִחָֽלְתִּי׃

‎44 ‏וְאֶשְׁמְרָ֖ה תוֹרָתְךָ֥ תָמִ֗יד לְעוֹלָ֥ם וָעֶֽד׃

‎45 ‏וְאֶתְהַלְּכָ֥ה בָרְחָבָ֑ה כִּ֖י פִקֻּדֶ֣יךָ דָרָֽשְׁתִּי׃

‎46 ‏וַאֲדַבְּרָ֣ה בְ֭עֵדֹתֶיךָ נֶ֥גֶד מְלָכִ֗ים וְלֹ֣א אֵבֽוֹשׁ׃

‎47 ‏וְאֶשְׁתַּֽעֲשַׁ֥ע בְּמִצְוֹתֶ֗יךָ אֲשֶׁ֣ר אָהָֽבְתִּי׃

‎48 ‏וְאֶשָּֽׂא־כַפַּ֗י אֶֽל־מִ֭צְוֹתֶיךָ אֲשֶׁ֥ר אָהָ֗בְתִּי וְאָשִׂ֥יחָה בְחֻקֶּֽיךָ׃

‎49 ‏זְכֹר־דָּבָ֥ר לְעַבְדֶּ֑ךָ עַ֝֗ל אֲשֶׁ֣ר יִֽחַלְתָּֽנִי׃

‎50 ‏זֹ֣את נֶחָמָתִ֣י בְעָנְיִ֑י כִּ֖י אִמְרָתְךָ֣ חִיָּֽתְנִי׃

‎51 ‏זֵ֭דִים הֱלִיצֻ֣נִי עַד־מְאֹ֑ד מִ֝תּֽוֹרָתְךָ֗ לֹ֣א נָטִֽיתִי׃

‎52 ‏זָ֘כַ֤רְתִּי מִשְׁפָּטֶ֖יךָ מֵעוֹלָ֥ם׀ יְהוָ֗ה וָֽאֶתְנֶחָֽם׃

‎53 ‏זַלְעָפָ֣ה אֲ֭חָזַתְנִי מֵרְשָׁעִ֑ים עֹ֝זְבֵ֗י תּוֹרָתֶֽךָ׃

‎54 ‏זְ֭מִרוֹת הָֽיוּ־לִ֥י חֻקֶּ֗יךָ בְּבֵ֣ית מְגוּרָֽי׃

‎55 ‏זָ֘כַ֤רְתִּי בַלַּ֣יְלָה שִׁמְךָ֣ יְהוָ֑ה וָֽ֝אֶשְׁמְרָ֗ה תּוֹרָתֶֽךָ׃

‎56 ‏זֹ֥את הָֽיְתָה־לִּ֑י כִּ֖י פִקֻּדֶ֣יךָ נָצָֽרְתִּי׃

‎57 ‏חֶלְקִ֖י יְהוָ֥ה אָמַ֗רְתִּי לִשְׁמֹ֥ר דְּבָרֶֽיךָ׃

‎58 ‏חִלִּ֣יתִי פָנֶ֣יךָ בְכָל־לֵ֑ב חָ֝נֵּ֗נִי כְּאִמְרָתֶֽךָ׃

‎59 ‏חִשַּׁ֥בְתִּי דְרָכָ֑י וָאָשִׁ֥יבָה רַ֝גְלַ֗י אֶל־עֵדֹתֶֽיךָ׃

‎60 ‏חַ֭שְׁתִּי וְלֹ֣א הִתְמַהְמָ֑הְתִּי לִ֝שְׁמֹ֗ר מִצְוֹתֶֽיךָ׃

‎61 ‏חֶבְלֵ֣י רְשָׁעִ֣ים עִוְּדֻ֑נִי תּֽ֝וֹרָתְךָ֗ לֹ֣א שָׁכָֽחְתִּי׃

‎62 ‏חֲצֽוֹת־לַ֗יְלָה אָ֭קוּם לְהוֹד֣וֹת לָ֑ךְ עַ֝֗ל מִשְׁפְּטֵ֥י צִדְקֶֽךָ׃

‎63 ‏חָבֵ֣ר אָ֭נִי לְכָל־אֲשֶׁ֣ר יְרֵא֑וּךָ וּ֝לְשֹׁמְרֵ֗י פִּקּוּדֶֽיךָ׃

‎64 ‏חַסְדְּךָ֣ יְ֭הוָה מָלְאָ֥ה הָאָ֗רֶץ חֻקֶּ֥יךָ לַמְּדֵֽנִי׃

‎65 ‏ט֭וֹב עָשִׂ֣יתָ עִֽם־עַבְדְּךָ֑ יְ֝הוָ֗ה כִּדְבָרֶֽךָ׃

‎66 ‏ט֤וּב טַ֣עַם וָדַ֣עַת לַמְּדֵ֑נִי כִּ֖י בְמִצְוֹתֶ֣יךָ הֶאֱמָֽנְתִּי׃

‎67 ‏טֶ֣רֶם אֶ֭עֱנֶה אֲנִ֣י שֹׁגֵ֑ג וְ֝עַתָּ֗ה אִמְרָתְךָ֥ שָׁמָֽרְתִּי׃

‎68 ‏טוֹב־אַתָּ֥ה וּמֵטִ֗יב לַמְּדֵ֥נִי חֻקֶּֽיךָ׃

‎69 ‏טָפְל֬וּ עָלַ֣י שֶׁ֣קֶר זֵדִ֑ים אֲ֝נִ֗י בְּכָל־לֵ֤ב׀ אֱצֹּ֬ר פִּקּוּדֶֽיךָ׃

‎70 ‏טָפַ֣שׁ כַּחֵ֣לֶב לִבָּ֑ם אֲ֝נִ֗י תּוֹרָתְךָ֥ שִֽׁעֲשָֽׁעְתִּי׃

‎71 ‏טֽוֹב־לִ֥י כִֽי־עֻנֵּ֑יתִי לְ֝מַ֗עַן אֶלְמַ֥ד חֻקֶּֽיךָ׃

‎72 ‏טֽוֹב־לִ֥י תֽוֹרַת־פִּ֑יךָ מֵ֝אַלְפֵ֗י זָהָ֥ב וָכָֽסֶף׃

‎73 ‏יָדֶ֣יךָ עָ֭שׂוּנִי וַֽיְכוֹנְנ֑וּנִי הֲ֝בִינֵ֗נִי וְאֶלְמְדָ֥ה מִצְוֹתֶֽיךָ׃

‎74 ‏יְ֭רֵאֶיךָ יִרְא֣וּנִי וְיִשְׂמָ֑חוּ כִּ֖י לִדְבָרְךָ֣ יִחָֽלְתִּי׃

‎75 ‏יָדַ֣עְתִּי יְ֭הוָה כִּי־צֶ֣דֶק מִשְׁפָּטֶ֑יךָ וֶ֝אֱמוּנָ֗ה עִנִּיתָֽנִי׃

‎76 ‏יְהִי־נָ֣א חַסְדְּךָ֣ לְנַחֲמֵ֑נִי כְּאִמְרָתְךָ֥ לְעַבְדֶּֽךָ׃

‎77 ‏יְבֹא֣וּנִי רַחֲמֶ֣יךָ וְאֶֽחְיֶ֑ה כִּי־תֽ֝וֹרָתְךָ֗ שַֽׁעֲשֻׁעָֽי׃

‎78 ‏יֵבֹ֣שׁוּ זֵ֭דִים כִּי־שֶׁ֣קֶר עִוְּת֑וּנִי אֲ֝נִ֗י אָשִׂ֥יחַ בְּפִקּוּדֶֽיךָ׃

‎79 ‏יָשׁ֣וּבוּ לִ֣י יְרֵאֶ֑יךָ וידעו וְ֝יֹדְעֵ֗י עֵדֹתֶֽיךָ׃

‎80 ‏יְהִֽי־לִבִּ֣י תָמִ֣ים בְּחֻקֶּ֑יךָ לְ֝מַ֗עַן לֹ֣א אֵבֽוֹשׁ׃

‎81 ‏כָּלְתָ֣ה לִתְשׁוּעָתְךָ֣ נַפְשִׁ֑י לִדְבָרְךָ֥ יִחָֽלְתִּי׃

‎82 ‏כָּל֣וּ עֵ֭ינַי לְאִמְרָתֶ֑ךָ לֵ֝אמֹ֗ר מָתַ֥י תְּֽנַחֲמֵֽנִי׃

‎83 ‏כִּֽי־הָ֭יִיתִי כְּנֹ֣אד בְּקִיט֑וֹר חֻ֝קֶּ֗יךָ לֹ֣א שָׁכָֽחְתִּי׃

‎84 ‏כַּמָּ֥ה יְמֵֽי־עַבְדֶּ֑ךָ מָתַ֬י תַּעֲשֶׂ֖ה בְרֹדְפַ֣י מִשְׁפָּֽט׃

‎85 ‏כָּֽרוּ־לִ֣י זֵדִ֣ים שִׁיח֑וֹת אֲ֝שֶׁ֗ר לֹ֣א כְתוֹרָתֶֽךָ׃

‎86 ‏כָּל־מִצְוֹתֶ֥יךָ אֱמוּנָ֑ה שֶׁ֖קֶר רְדָפ֣וּנִי עָזְרֵֽנִי׃

‎87 ‏כִּ֭מְעַט כִּלּ֣וּנִי בָאָ֑רֶץ וַ֝אֲנִ֗י לֹא־עָזַ֥בְתִּי פִקֻּודֶֽיךָ׃¹

‎88 ‏כְּחַסְדְּךָ֥ חַיֵּ֑נִי וְ֝אֶשְׁמְרָ֗ה עֵד֥וּת פִּֽיךָ׃

‎89 ‏לְעוֹלָ֥ם יְהוָ֑ה דְּ֝בָרְךָ֗ נִצָּ֥ב בַּשָּׁמָֽיִם׃

‎90 ‏לְדֹ֣ר וָ֭דֹר אֱמֽוּנָתֶ֑ךָ כּוֹנַ֥נְתָּ אֶ֝֗רֶץ וַֽתַּעֲמֹֽד׃

‎91 ‏לְֽ֭מִשְׁפָּטֶיךָ עָמְד֣וּ הַיּ֑וֹם כִּ֖י הַכֹּ֣ל עֲבָדֶֽיךָ׃

‎92 ‏לוּלֵ֣י ת֭וֹרָתְךָ שַׁעֲשֻׁעָ֑י אָ֝֗ז אָבַ֥דְתִּי בְעָנְיִֽי׃

‎93 ‏לְ֭עוֹלָם לֹא־אֶשְׁכַּ֣ח פִּקּוּדֶ֑יךָ כִּ֥י בָ֝֗ם חִיִּיתָֽנִי׃

‎94 ‏לְֽךָ־אֲ֭נִי הוֹשִׁיעֵ֑נִי כִּ֖י פִקּוּדֶ֣יךָ דָרָֽשְׁתִּי׃

‎95 ‏לִ֤י קִוּ֣וּ רְשָׁעִ֣ים לְאַבְּדֵ֑נִי עֵ֝דֹתֶ֗יךָ אֶתְבּוֹנָֽן׃

‎96 ‏לְֽכָל תִּ֭כְלָה רָאִ֣יתִי קֵ֑ץ רְחָבָ֖ה מִצְוָתְךָ֣ מְאֹֽד׃

‎97 ‏מָֽה־אָהַ֥בְתִּי תוֹרָתֶ֑ךָ כָּל־הַ֝יּ֗וֹם הִ֣יא שִׂיחָתִֽי׃

‎98 ‏מֵ֭אֹ֣יְבַי תְּחַכְּמֵ֣נִי מִצְוֹתֶ֑ךָ כִּ֖י לְעוֹלָ֣ם הִיא־לִֽי׃

‎99 ‏מִכָּל־מְלַמְּדַ֥י הִשְׂכַּ֑לְתִּי כִּ֥י עֵ֝דְוֹתֶ֗יךָ שִׂ֣יחָה לִֽֿי׃

‎100 ‏מִזְּקֵנִ֥ים אֶתְבּוֹנָ֑ן כִּ֖י פִקּוּדֶ֣יךָ נָצָֽרְתִּי׃

‎101 ‏מִכָּל־אֹ֣רַח רָ֭ע כָּלִ֣אתִי רַגְלָ֑י לְ֝מַ֗עַן אֶשְׁמֹ֥ר דְּבָרֶֽךָ׃

‎102 ‏מִמִּשְׁפָּטֶ֥יךָ לֹא־סָ֑רְתִּי כִּֽי־אַ֝תָּ֗ה הוֹרֵתָֽנִי׃

‎103 ‏מַה־נִּמְלְצ֣וּ לְ֭חִכִּי אִמְרָתֶ֗ךָ מִדְּבַ֥שׁ לְפִֽי׃

‎104 ‏מִפִּקּוּדֶ֥יךָ אֶתְבּוֹנָ֑ן עַל־כֵּ֝֗ן שָׂנֵ֤אתִי׀ כָּל־אֹ֬רַח שָֽׁקֶר׃

‎105 ‏נֵר־לְרַגְלִ֥י דְבָרֶ֑ךָ וְ֝א֗וֹר לִנְתִיבָתִֽי׃

‎106 ‏נִשְׁבַּ֥עְתִּי וָאֲקַיֵּ֑מָה לִ֝שְׁמֹ֗ר מִשְׁפְּטֵ֥י צִדְקֶֽךָ׃

‎107 ‏נַעֲנֵ֥יתִי עַד־מְאֹ֑ד יְ֝הוָ֗ה חַיֵּ֥נִי כִדְבָרֶֽךָ׃

‎108 ‏נִדְב֣וֹת פִּ֭י רְצֵה־נָ֣א יְהוָ֑ה וּֽמִשְׁפָּטֶ֥יךָ לַמְּדֵֽנִי׃

‎109 ‏נַפְשִׁ֣י בְכַפִּ֣י תָמִ֑יד וְ֝תֽוֹרָתְךָ֗ לֹ֣א שָׁכָֽחְתִּי׃

‎110 ‏נָתְנ֬וּ רְשָׁעִ֣ים פַּ֣ח לִ֑י וּ֝מִפִּקּוּדֶ֗יךָ לֹ֣א תָעִֽיתִי׃

‎111 ‏נָחַ֣לְתִּי עֵדְוֹתֶ֣יךָ לְעוֹלָ֑ם כִּֽי־שְׂשׂ֖וֹן לִבִּ֣י הֵֽמָּה׃

‎112 ‏נָטִ֣יתִי לִ֭בִּי לַעֲשׂ֥וֹת חֻקֶּ֗יךָ לְעוֹלָ֥ם עֵֽקֶב׃

‎113 ‏סֵעֲפִ֥ים שָׂנֵ֑אתִי וְֽתוֹרָתְךָ֥ אָהָֽבְתִּי׃

‎114 ‏סִתְרִ֣י וּמָגִנִּ֣י אָ֑תָּה לִדְבָרְךָ֥ יִחָֽלְתִּי׃

‎115 ‏סֽוּרוּ־מִמֶּ֥נִּי מְרֵעִ֑ים וְ֝אֶצְּרָ֗ה מִצְוֹ֥ת אֱלֹהָֽי׃

‎116 ‏סָמְכֵ֣נִי כְאִמְרָתְךָ֣ וְאֶֽחְיֶ֑ה וְאַל־תְּ֝בִישֵׁ֗נִי מִשִּׂבְרִֽי׃

‎117 ‏סְעָדֵ֥נִי וְאִוָּשֵׁ֑עָה וְאֶשְׁעָ֖ה בְחֻקֶּ֣יךָ תָמִֽיד׃

‎118 ‏סָ֭לִיתָ כָּל־שׁוֹגִ֣ים מֵחֻקֶּ֑יךָ כִּי־שֶׁ֝֗קֶר תַּרְמִיתָֽם׃

‎119 ‏סִגִ֗ים הִשְׁבַּ֥תָּ כָל־רִשְׁעֵי־אָ֑רֶץ לָ֝כֵ֗ן אָהַ֥בְתִּי עֵדֹתֶֽיךָ׃

‎120 ‏סָמַ֣ר מִפַּחְדְּךָ֣ בְשָׂרִ֑י וּֽמִמִּשְׁפָּטֶ֥יךָ יָרֵֽאתִי׃

‎121 ‏עָ֭שִׂיתִי מִשְׁפָּ֣ט וָצֶ֑דֶק בַּל־תַּ֝נִּיחֵ֗נִי לְעֹֽשְׁקָֽי׃

‎122 ‏עֲרֹ֣ב עַבְדְּךָ֣ לְט֑וֹב אַֽל־יַעַשְׁקֻ֥נִי זֵדִֽים׃

‎123 ‏עֵ֭ינַי כָּל֣וּ לִֽישׁוּעָתֶ֑ךָ וּלְאִמְרַ֥ת צִדְקֶֽךָ׃

‎124 ‏עֲשֵׂ֖ה עִם־עַבְדְּךָ֥ כְחַסְדֶּ֗ךָ וְחֻקֶּ֥יךָ לַמְּדֵֽנִי׃

‎125 ‏עַבְדְּךָ־אָ֥נִי הֲבִינֵ֑נִי וְ֝אֵדְעָ֗ה עֵדֹתֶֽיךָ׃

‎126 ‏עֵ֭ת לַעֲשׂ֣וֹת לַיהוָ֑ה הֵ֝פֵ֗רוּ תּוֹרָתֶֽךָ׃

‎127 ‏עַל־כֵּ֭ן אָהַ֣בְתִּי מִצְוֹתֶ֑יךָ מִזָּהָ֥ב וּמִפָּֽז׃

‎128 ‏עַל־כֵּ֤ן׀ כָּל־פִּקּ֣וּדֵי כֹ֣ל יִשָּׁ֑רְתִּי כָּל־אֹ֖רַח שֶׁ֣קֶר שָׂנֵֽאתִי׃

‎129 ‏פְּלָא֥וֹת עֵדְוֹתֶ֑יךָ עַל־כֵּ֝֗ן נְצָרָ֥תַם נַפְשִֽׁי׃

‎130 ‏פֵּ֖תַח דְּבָרֶ֥יךָ יָאִ֗יר מֵבִ֥ין פְּתָיִֽים׃

‎131 ‏פִּֽי־פָ֭עַרְתִּי וָאֶשְׁאָ֑פָה כִּ֖י לְמִצְוֹתֶ֣יךָ יָאָֽבְתִּי׃

‎132 ‏פְּנֵה־אֵלַ֥י וְחָנֵּ֑נִי כְּ֝מִשְׁפָּ֗ט לְאֹהֲבֵ֥י שְׁמֶֽךָ׃

‎133 ‏פְּ֭עָמַי הָכֵ֣ן בְּאִמְרָתֶ֑ךָ וְֽאַל־תַּשְׁלֶט־בִּ֥י כָל־אָֽוֶן׃

‎134 ‏פְּ֭דֵנִי מֵעֹ֣שֶׁק אָדָ֑ם וְ֝אֶשְׁמְרָ֗ה פִּקּוּדֶֽיךָ׃

‎135 ‏פָּ֭נֶיךָ הָאֵ֣ר בְּעַבְדֶּ֑ךָ וְ֝לַמְּדֵ֗נִי אֶת־חֻקֶּֽיךָ׃

‎136 ‏פַּלְגֵי־מַ֭יִם יָרְד֣וּ עֵינָ֑י עַ֝֗ל לֹא־שָׁמְר֥וּ תוֹרָתֶֽךָ׃

‎137 ‏צַדִּ֣יק אַתָּ֣ה יְהוָ֑ה וְ֝יָשָׁ֗ר מִשְׁפָּטֶֽיךָ׃

‎138 ‏צִ֭וִּיתָ צֶ֣דֶק עֵדֹתֶ֑יךָ וֶֽאֱמוּנָ֥ה מְאֹֽד׃

‎139 ‏צִמְּתַ֥תְנִי קִנְאָתִ֑י כִּֽי־שָׁכְח֖וּ דְבָרֶ֣יךָ צָרָֽי׃

‎140 ‏צְרוּפָ֖ה אִמְרָתְךָ֥ מְאֹ֗ד וְֽעַבְדְּךָ֥ אֲהֵבָֽהּ׃

‎141 ‏צָעִ֣יר אָנֹכִ֣י וְנִבְזֶ֑ה פִּ֝קֻּדֶ֗יךָ לֹ֣א שָׁכָֽחְתִּי׃

‎142 ‏צִדְקָתְךָ֣ צֶ֣דֶק לְעוֹלָ֑ם וְֽתוֹרָתְךָ֥ אֱמֶֽת׃

‎143 ‏צַר־וּמָצ֥וֹק מְצָא֑וּנִי מִ֝צְוֹתֶ֗יךָ שַׁעֲשֻׁעָֽי׃

‎144 ‏צֶ֖דֶק עֵדְוֹתֶ֥יךָ לְעוֹלָ֗ם הֲבִינֵ֥נִי וְאֶחְיֶֽה׃

‎145 ‏קָרָ֣אתִי בְכָל־לֵ֭ב עֲנֵ֥נִי יְהוָ֗ה חֻקֶּ֥יךָ אֶצֹּֽרָה׃

‎146 ‏קְרָאתִ֥יךָ הוֹשִׁיעֵ֑נִי וְ֝אֶשְׁמְרָ֗ה עֵדֹתֶֽיךָ׃

‎147 ‏קִדַּ֣מְתִּי בַ֭נֶּשֶׁף וָאֲשַׁוֵּ֑עָה לדבריך לִדְבָרְךָ֥ יִחָֽלְתִּי׃

‎148 ‏קִדְּמ֣וּ עֵ֭ינַי אַשְׁמֻר֑וֹת לָ֝שִׂ֗יחַ בְּאִמְרָתֶֽךָ׃

‎149 ‏ק֭וֹלִי שִׁמְעָ֣ה כְחַסְדֶּ֑ךָ יְ֝הוָ֗ה כְּֽמִשְׁפָּטֶ֥ךָ חַיֵּֽנִי׃

‎150 ‏קָ֭רְבוּ רֹדְפֵ֣י זִמָּ֑ה מִתּוֹרָתְךָ֥ רָחָֽקוּ׃

‎151 ‏קָר֣וֹב אַתָּ֣ה יְהוָ֑ה וְֽכָל־מִצְוֹתֶ֥יךָ אֱמֶֽת׃

‎152 ‏קֶ֣דֶם יָ֭דַעְתִּי מֵעֵדֹתֶ֑יךָ כִּ֖י לְעוֹלָ֣ם יְסַדְתָּֽם׃

‎153 ‏רְאֵֽה־עָנְיִ֥י וְחַלְּצֵ֑נִי כִּי־תֽ֝וֹרָתְךָ֗ לֹ֣א שָׁכָֽחְתִּי׃

‎154 ‏רִיבָ֣ה רִ֭יבִי וּגְאָלֵ֑נִי לְאִמְרָתְךָ֥ חַיֵּֽנִי׃

‎155 ‏רָח֣וֹק מֵרְשָׁעִ֣ים יְשׁוּעָ֑ה כִּֽי־חֻ֝קֶּיךָ לֹ֣א דָרָֽשׁוּ׃

‎156 ‏רַחֲמֶ֖יךָ רַבִּ֥ים׀ יְהוָ֑ה כְּֽמִשְׁפָּטֶ֥יךָ חַיֵּֽנִי׃

‎157 ‏רַ֭בִּים רֹדְפַ֣י וְצָרָ֑י מֵ֝עֵדְוֹתֶ֗יךָ לֹ֣א נָטִֽיתִי׃

‎158 ‏רָאִ֣יתִי בֹ֭גְדִים וָֽאֶתְקוֹטָ֑טָה אֲשֶׁ֥ר אִ֝מְרָתְךָ֗ לֹ֣א שָׁמָֽרוּ׃

‎159 ‏רְ֭אֵה כִּי־פִקּוּדֶ֣יךָ אָהָ֑בְתִּי יְ֝הוָ֗ה כְּֽחַסְדְּךָ֥ חַיֵּֽנִי׃

‎160 ‏רֹאשׁ־דְּבָרְךָ֥ אֱמֶ֑ת וּ֝לְעוֹלָ֗ם כָּל־מִשְׁפַּ֥ט צִדְקֶֽךָ׃

‎161 ‏שָׂ֭רִים רְדָפ֣וּנִי חִנָּ֑ם ומדבריך וּ֝מִדְּבָרְךָ֗ פָּחַ֥ד לִבִּֽי׃

‎162 ‏שָׂ֣שׂ אָ֭נֹכִֽי עַל־אִמְרָתֶ֑ךָ כְּ֝מוֹצֵ֗א שָׁלָ֥ל רָֽב׃

‎163 ‏שֶׁ֣קֶר שָׂ֭נֵאתִי וַאֲתַעֵ֑בָה תּוֹרָתְךָ֥ אָהָֽבְתִּי׃

‎164 ‏שֶׁ֣בַע בַּ֭יּוֹם הִלַּלְתִּ֑יךָ עַ֝֗ל מִשְׁפְּטֵ֥י צִדְקֶֽךָ׃

‎165 ‏שָׁל֣וֹם רָ֭ב לְאֹהֲבֵ֣י תוֹרָתֶ֑ךָ וְאֵֽין־לָ֥מוֹ מִכְשֽׁוֹל׃

‎166 ‏שִׂבַּ֣רְתִּי לִֽישׁוּעָתְךָ֣ יְהוָ֑ה וּֽמִצְוֹתֶ֥יךָ עָשִֽׂיתִי׃

‎167 ‏שָֽׁמְרָ֣ה נַ֭פְשִׁי עֵדֹתֶ֑יךָ וָאֹהֲבֵ֥ם מְאֹֽד׃

‎168 ‏שָׁמַ֣רְתִּי פִ֭קּוּדֶיךָ וְעֵדֹתֶ֑יךָ כִּ֖י כָל־דְּרָכַ֣י נֶגְדֶּֽךָ׃

‎169 ‏תִּקְרַ֤ב רִנָּתִ֣י לְפָנֶ֣יךָ יְהוָ֑ה כִּדְבָרְךָ֥ הֲבִינֵֽנִי׃

‎170 ‏תָּב֣וֹא תְּחִנָּתִ֣י לְפָנֶ֑יךָ כְּ֝אִמְרָתְךָ֗ הַצִּילֵֽנִי׃

‎171 ‏תַּבַּ֣עְנָה שְׂפָתַ֣י תְּהִלָּ֑ה כִּ֖י תְלַמְּדֵ֣נִי חֻקֶּֽיךָ׃

‎172 ‏תַּ֣עַן לְ֭שׁוֹנִי אִמְרָתֶ֑ךָ כִּ֖י כָל־מִצְוֹתֶ֣יךָ צֶּֽדֶק׃

‎173 ‏תְּהִֽי־יָדְךָ֥ לְעָזְרֵ֑נִי כִּ֖י פִקּוּדֶ֣יךָ בָחָֽרְתִּי׃

‎174 ‏תָּאַ֣בְתִּי לִֽישׁוּעָתְךָ֣ יְהוָ֑ה וְ֝תֽוֹרָתְךָ֗ שַׁעֲשֻׁעָֽי׃

‎175 ‏תְּֽחִי־נַ֭פְשִׁי וּֽתְהַֽלְלֶ֑ךָּ וּֽמִשְׁפָּטֶ֥ךָ יַעֲזְרֻֽנִי׃

‎176 ‏תָּעִ֗יתִי כְּשֶׂ֣ה אֹ֭בֵד בַּקֵּ֣שׁ עַבְדֶּ֑ךָ כִּ֥י מִ֝צְוֹתֶ֗יךָ לֹ֣א שָׁכָֽחְתִּי׃

1 ’ašərê ṯəmîmê-ḏāreḵə hahōləḵîm bəṯwōraṯ yəhwâ:

2 ’ašərê nōṣərê ‘ēḏōṯāyw bəḵāl-lēḇ yiḏərəšûhû:

3 ’af lō’-fā‘ălû ‘awəlâ biḏərāḵāyw hālāḵû:

4 ’atâ ṣiûîṯâ fiqquḏeyḵā lišəmōr mə’ōḏ:

5 ’^aḥălay yikōnû ḏərāḵāy lišəmōr ḥuqqeyḵā:

6 ’āz lō’-’ēḇwōš bəhabîṭî ’el-kāl-miṣəwōṯeyḵā:

7 ’wōḏəḵā bəyōšer lēḇāḇ bəlāməḏî mišəpəṭê ṣiḏəqeḵā:

8 ’eṯ-ḥuqqeyḵā ’ešəmōr ’al-t^a‘azəḇēnî ‘aḏ-mə’ōḏ:

9 bammeh yəzakeh-nn^a‘ar ’eṯ-’ārəḥwō lišəmōr kiḏəḇāreḵā:

10 bəḵāl-libî ḏərašətîḵā ’al-tašəgēnî mimmiṣəwōṯeyḵā:

11 bəlibî ṣāfanətî ’imərāṯeḵā ləm^a‘an lō’ ’eḥĕṭā’-lāḵə:

12 bārûḵə ’atâ yəhwâ lamməḏēnî ḥuqqeyḵā:

13 biśəfāṯay siparətî kōl mišəpəṭê-fîḵā:

14 bəḏereḵə ‘ēḏəwōṯeyḵā śaśətî kə‘al kāl-hwōn:

15 bəfiqquḏeyḵā ’āśîḥâ wə’abîṭâ ’ōrəḥōṯeyḵā:

16 bəḥuqqōṯeyḵā ’ešət^a‘ăšā‘ lō’ ’ešək^aḥ dəḇāreḵā:

17 gəmōl ‘al-‘aḇədəḵā ’eḥəyeh wə’ešəmərâ ḏəḇāreḵā:

18 gal-‘ênay wə’abîṭâ nifəlā’wōṯ mitwōrāṯeḵā:

19 gēr ’ānōḵî ḇā’āreṣ ’al-tasətēr mimmennî miṣəwōṯeyḵā:

20 gārəsâ nafəšî ləṯa’ăḇâ ’el-mišəpāṭeyḵā ḇəḵāl-‘ēṯ:

21 gā‘arətā zēḏîm ’ărûrîm haššōḡîm mimmiṣəwōṯeyḵā:

22 gal mē‘ālay ḥerəpâ wāḇûz kî ‘ēḏōṯeyḵā nāṣārətî:

23 gam yāšəḇû śārîm bî niḏəbārû ‘aḇədəḵā yāśîḥa bəḥuqqeyḵā:

24 gam-‘ēḏōṯeyḵā š^a‘ăšu‘āy ’anəšê ‘ăṣāṯî:

25 dāḇəqâ le‘āfār nafəšî ḥayyēnî kiḏəḇāreḵā:

26 dərāḵay siparətî wat^a‘ănēnî lamməḏēnî ḥuqqeyḵā:

27 dereḵə-piqqûḏeyḵā hăḇînēnî wə’āśîḥâ bənifələ’wōṯeyḵā:

28 dāləfâ nafəšî mitûḡâ qayyəmēnî kiḏəḇāreḵā:

29 dereḵə-šeqer hāsēr mimmennî wəṯwōrāṯəḵā ḥānnēnî:

30 dereḵə-’ĕmûnâ ḇāḥārətî mišəpāṭeyḵā šiûîṯî:

31 dāḇaqətî ḇə‘ēḏəwōṯeyḵā yəhwâ ’al-təḇîšēnî:

32 dereḵə-miṣəwōṯeyḵā ’ārûṣ kî ṯarəḥîḇ libî:

33 hwōrēnî yəhwâ dereḵə ḥuqqeyḵā wə’eṣṣərennâ ‘ēqeḇ:

34 hăḇînēnî wə’eṣṣərâ ṯwōrāṯeḵā wə’ešəmərennâ ḇəḵāl-lēḇ:

35 haḏərîḵēnî binəṯîḇ miṣəwōṯeyḵā kî-ḇwō ḥāfāṣətî:

36 haṭ-libî ’el-‘ēḏəwōṯeyḵā wə’al ’el-bāṣ^a‘:

37 h^a‘ăḇēr ‘ênay mērə’wōṯ šāwə’ biḏərāḵeḵā ḥayyēnî:

38 hāqēm lə‘aḇədəḵā ’imərāṯeḵā ’ăšer ləyirə’āṯeḵā:

39 h^a‘ăḇēr ḥerəpāṯî ’ăšer yāḡōrətî kî mišəpāṭeyḵā ṭwōḇîm:

40 hinnēh tā’aḇətî ləfiqquḏeyḵā bəṣiḏəqāṯəḵā ḥayyēnî:

41 wîḇō’unî ḥăsāḏeḵā yəhwâ təšû‘āṯəḵā kə’imərāṯeḵā:

42 wə’e‘ĕneh ḥōrəfî ḏāḇār kî-ḇāṭ^aḥətî biḏəḇāreḵā:

43 wə’al-taṣṣēl mipî ḏəḇar-’ĕmeṯ ‘aḏ-mə’ōḏ kî ləmišəpāṭeḵā yiḥālətî:

44 wə’ešəmərâ ṯwōrāṯəḵā ṯāmîḏ lə‘wōlām wā‘eḏ:

45 wə’eṯəhalləḵâ ḇārəḥāḇâ kî fiqquḏeyḵā ḏārāšətî:

46 wa’ăḏabərâ ḇə‘ēḏōṯeyḵā neḡeḏ məlāḵîm wəlō’ ’ēḇwōš:

47 wə’ešət^a‘ăš^a‘ bəmiṣəwōṯeyḵā ’ăšer ’âāḇətî:

48 wə’eśśā’-ḵapay ’el-miṣəwōṯeyḵā ’ăšer ’âāḇətî wə’āśîḥâ ḇəḥuqqeyḵā:

49 zəḵōr-dāḇār lə‘aḇədeḵā ‘al ’ăšer yiḥalətānî:

50 zō’ṯ neḥāmāṯî ḇə‘ānəyî kî ’imərāṯəḵā ḥîyāṯənî:

51 zēḏîm hĕlîṣunî ‘aḏ-mə’ōḏ mitwōrāṯəḵā lō’ nāṭîṯî:

52 zāḵarətî mišəpāṭeyḵā mē‘wōlām| yəhwâ wā’eṯəneḥām:

53 zalə‘āfâ ’ăḥāzaṯənî mērəšā‘îm ‘ōzəḇê twōrāṯeḵā:

54 zəmirwōṯ hāyû-lî ḥuqqeyḵā bəḇêṯ məḡûrāy:

55 zāḵarətî ḇallayəlâ šiməḵā yəhwâ wā’ešəmərâ twōrāṯeḵā:

56 zō’ṯ hāyəṯâ-llî kî fiqquḏeyḵā nāṣārətî:

57 ḥeləqî yəhwâ ’āmarətî lišəmōr dəḇāreyḵā:

58 ḥillîṯî fāneyḵā ḇəḵāl-lēḇ ḥānnēnî kə’imərāṯeḵā:

59 ḥiššaḇətî ḏərāḵāy wā’āšîḇâ raḡəlay ’el-‘ēḏōṯeyḵā:

60 ḥašətî wəlō’ hiṯəmahəmâətî lišəmōr miṣəwōṯeyḵā:

61 ḥeḇəlê rəšā‘îm ‘iûəḏunî twōrāṯəḵā lō’ šāḵāḥətî:

62 ḥăṣwōṯ-layəlâ ’āqûm ləhwōḏwōṯ lāḵə ‘al mišəpəṭê ṣiḏəqeḵā:

63 ḥāḇēr ’ānî ləḵāl-’ăšer yərē’ûḵā ûləšōmərê piqqûḏeyḵā:

64 ḥasədəḵā yəhwâ mālə’â hā’āreṣ ḥuqqeyḵā lamməḏēnî:

65 ṭwōḇ ‘āśîṯā ‘im-‘aḇədəḵā yəhwâ kiḏəḇāreḵā:

66 ṭûḇ ṭ^a‘am wāḏ^a‘aṯ lamməḏēnî kî ḇəmiṣəwōṯeyḵā he’ĕmānətî:

67 ṭerem ’e‘ĕneh ’ănî šōḡēḡ wə‘atâ ’imərāṯəḵā šāmārətî:

68 ṭwōḇ-’atâ ûmēṭîḇ lamməḏēnî ḥuqqeyḵā:

69 ṭāfəlû ‘ālay šeqer zēḏîm ’ănî bəḵāl-lēḇ| ’ĕṣṣōr piqqûḏeyḵā:

70 ṭāfaš k^aḥēleḇ libām ’ănî twōrāṯəḵā ši‘ăšā‘ətî:

71 ṭwōḇ-lî ḵî-‘unnêṯî ləm^a‘an ’eləmaḏ ḥuqqeyḵā:

72 ṭwōḇ-lî ṯwōraṯ-pîḵā mē’aləfê zâāḇ wāḵāsef:

73 yāḏeyḵā ‘āśûnî wayəḵwōnənûnî hăḇînēnî wə’eləməḏâ miṣəwōṯeyḵā:

74 yərē’eyḵā yirə’ûnî wəyiśəmāḥû kî liḏəḇārəḵā yiḥālətî:

75 yāḏ^a‘ətî yəhwâ kî-ṣeḏeq mišəpāṭeyḵā we’ĕmûnâ ‘innîṯānî:

76 yəhî-nā’ ḥasədəḵā lən^aḥămēnî kə’imərāṯəḵā lə‘aḇədeḵā:

77 yəḇō’ûnî r^aḥămeyḵā wə’eḥəyeh kî-ṯwōrāṯəḵā š^a‘ăšu‘āy:

78 yēḇōšû zēḏîm kî-šeqer ‘iûəṯûnî ’ănî ’āśîḥa bəfiqqûḏeyḵā:

79 yāšûḇû lî yərē’eyḵā wəyāḏə‘û wəyōḏə‘ê ‘ēḏōṯeyḵā:

80 yəhî-libî ṯāmîm bəḥuqqeyḵā ləm^a‘an lō’ ’ēḇwōš:

81 kāləṯâ liṯəšû‘āṯəḵā nafəšî liḏəḇārəḵā yiḥālətî:

82 kālû ‘ênay lə’imərāṯeḵā lē’mōr māṯay tən^aḥămēnî:

83 kî-hāyîṯî kənō’ḏ bəqîṭwōr ḥuqqeyḵā lō’ šāḵāḥətî:

84 kammâ yəmê-‘aḇədeḵā māṯay t^a‘ăśeh ḇərōḏəfay mišəpāṭ:

85 kārû-lî zēḏîm šîḥwōṯ ’ăšer lō’ ḵəṯwōrāṯeḵā:

86 kāl-miṣəwōṯeyḵā ’ĕmûnâ šeqer rəḏāfûnî ‘āzərēnî:

87 kimə‘aṭ killûnî ḇā’āreṣ wa’ănî lō’-‘āzaḇətî fiqquwḏeyḵā:¹

88 kəḥasədəḵā ḥayyēnî wə’ešəmərâ ‘ēḏûṯ pîḵā:

89 lə‘wōlām yəhwâ dəḇārəḵā niṣṣāḇ baššāmāyim:

90 ləḏōr wāḏōr ’ĕmûnāṯeḵā kwōnanətā ’ereṣ wat^a‘ămōḏ:

91 ləmišəpāṭeyḵā ‘āməḏû hayywōm kî hakōl ‘ăḇāḏeyḵā:

92 lûlê ṯwōrāṯəḵā š^a‘ăšu‘āy ’āz ’āḇaḏətî ḇə‘ānəyî:

93 lə‘wōlām lō’-’ešək^aḥ piqqûḏeyḵā kî ḇām ḥîyîṯānî:

94 ləḵā-’ănî hwōšî‘ēnî kî fiqqûḏeyḵā ḏārāšətî:

95 lî qiûû rəšā‘îm lə’abəḏēnî ‘ēḏōṯeyḵā ’eṯəbwōnān:

96 ləḵāl tiḵəlâ rā’îṯî qēṣ rəḥāḇâ miṣəwāṯəḵā mə’ōḏ:

97 mâ-’âaḇətî ṯwōrāṯeḵā kāl-hayywōm hî’ śîḥāṯî:

98 mē’ōyəḇay təḥakəmēnî miṣəwōṯeḵā kî lə‘wōlām hî’-lî:

99 mikāl-məlamməḏay hiśəkalətî kî ‘ēḏəwōṯeyḵā śîḥâ lî:

100 mizzəqēnîm ’eṯəbwōnān kî fiqqûḏeyḵā nāṣārətî:

101 mikāl-’ōr^aḥ rā‘ kāli’ṯî raḡəlāy ləm^a‘an ’ešəmōr dəḇāreḵā:

102 mimmišəpāṭeyḵā lō’-sārətî kî-’atâ hwōrēṯānî:

103 mah-nnimələṣû ləḥikî ’imərāṯeḵā midəḇaš ləfî:

104 mipiqqûḏeyḵā ’eṯəbwōnān ‘al-kēn śānē’ṯî| kāl-’ōr^aḥ šāqer:

105 nēr-ləraḡəlî ḏəḇāreḵā wə’wōr linəṯîḇāṯî:

106 nišəb^a‘ətî wā’ăqayyēmâ lišəmōr mišəpəṭê ṣiḏəqeḵā:

107 n^a‘ănêṯî ‘aḏ-mə’ōḏ yəhwâ ḥayyēnî ḵiḏəḇāreḵā:

108 niḏəḇwōṯ pî rəṣēh-nā’ yəhwâ ûmišəpāṭeyḵā lamməḏēnî:

109 nafəšî ḇəḵapî ṯāmîḏ wəṯwōrāṯəḵā lō’ šāḵāḥətî:

110 nāṯənû rəšā‘îm p^aḥ lî ûmipiqqûḏeyḵā lō’ ṯā‘îṯî:

111 nāḥalətî ‘ēḏəwōṯeyḵā lə‘wōlām kî-śəśwōn libî hēmmâ:

112 nāṭîṯî libî l^a‘ăśwōṯ ḥuqqeyḵā lə‘wōlām ‘ēqeḇ:

113 sē‘ăfîm śānē’ṯî wəṯwōrāṯəḵā ’âāḇətî:

114 siṯərî ûmāḡinnî ’ātâ liḏəḇārəḵā yiḥālətî:

115 sûrû-mimmennî mərē‘îm wə’eṣṣərâ miṣəwōṯ ’ĕlōhāy:

116 sāməḵēnî ḵə’imərāṯəḵā wə’eḥəyeh wə’al-təḇîšēnî miśśiḇərî:

117 sə‘āḏēnî wə’iûāšē‘â wə’ešə‘â ḇəḥuqqeyḵā ṯāmîḏ:

118 sālîṯā kāl-šwōḡîm mēḥuqqeyḵā kî-šeqer tarəmîṯām:

119 siḡîm hišəbatā ḵāl-rišə‘ê-’āreṣ lāḵēn ’âaḇətî ‘ēḏōṯeyḵā:

120 sāmar mip^aḥədəḵā ḇəśārî ûmimmišəpāṭeyḵā yārē’ṯî:

121 ‘āśîṯî mišəpāṭ wāṣeḏeq bal-tannîḥēnî lə‘ōšəqāy:

122 ‘ărōḇ ‘aḇədəḵā ləṭwōḇ ’al-y^a‘ašəqunî zēḏîm:

123 ‘ênay kālû lîšû‘āṯeḵā ûlə’iməraṯ ṣiḏəqeḵā:

124 ‘ăśēh ‘im-‘aḇədəḵā ḵəḥasədeḵā wəḥuqqeyḵā lamməḏēnî:

125 ‘aḇədəḵā-’ānî hăḇînēnî wə’ēḏə‘â ‘ēḏōṯeyḵā:

126 ‘ēṯ l^a‘ăśwōṯ layhwâ hēfērû twōrāṯeḵā:

127 ‘al-kēn ’âaḇətî miṣəwōṯeyḵā mizzâāḇ ûmipāz:

128 ‘al-kēn| kāl-piqqûḏê ḵōl yiššārətî kāl-’ōr^aḥ šeqer śānē’ṯî:

129 pəlā’wōṯ ‘ēḏəwōṯeyḵā ‘al-kēn nəṣārāṯam nafəšî:

130 pēṯ^aḥ dəḇāreyḵā yā’îr mēḇîn pəṯāyîm:

131 pî-fā‘arətî wā’ešə’āfâ kî ləmiṣəwōṯeyḵā yā’āḇətî:

132 pənēh-’ēlay wəḥānnēnî kəmišəpāṭ lə’ōhăḇê šəmeḵā:

133 pə‘āmay hāḵēn bə’imərāṯeḵā wə’al-tašəleṭ-bî ḵāl-’āwen:

134 pəḏēnî mē‘ōšeq ’āḏām wə’ešəmərâ piqqûḏeyḵā:

135 pāneyḵā hā’ēr bə‘aḇədeḵā wəlamməḏēnî ’eṯ-ḥuqqeyḵā:

136 paləḡê-mayim yārəḏû ‘ênāy ‘al lō’-šāmərû ṯwōrāṯeḵā:

137 ṣadîq ’atâ yəhwâ wəyāšār mišəpāṭeyḵā:

138 ṣiûîṯā ṣeḏeq ‘ēḏōṯeyḵā we’ĕmûnâ mə’ōḏ:

139 ṣimməṯaṯənî qinə’āṯî kî-šāḵəḥû ḏəḇāreyḵā ṣārāy:

140 ṣərûfâ ’imərāṯəḵā mə’ōḏ wə‘aḇədəḵā ’ăhēḇāh:

141 ṣā‘îr ’ānōḵî wəniḇəzeh piqquḏeyḵā lō’ šāḵāḥətî:

142 ṣiḏəqāṯəḵā ṣeḏeq lə‘wōlām wəṯwōrāṯəḵā ’ĕmeṯ:

143 ṣar-ûmāṣwōq məṣā’ûnî miṣəwōṯeyḵā š^a‘ăšu‘āy:

144 ṣeḏeq ‘ēḏəwōṯeyḵā lə‘wōlām hăḇînēnî wə’eḥəyeh:

145 qārā’ṯî ḇəḵāl-lēḇ ‘ănēnî yəhwâ ḥuqqeyḵā ’eṣṣōrâ:

146 qərā’ṯîḵā hwōšî‘ēnî wə’ešəmərâ ‘ēḏōṯeyḵā:

147 qidamətî ḇannešef wā’ăšaûē‘â liḏəḇāreyḵā liḏəḇārəḵā yiḥālətî:

148 qidəmû ‘ênay ’ašəmurwōṯ lāśîḥa bə’imərāṯeḵā:

149 qwōlî šimə‘â ḵəḥasədeḵā yəhwâ kəmišəpāṭeḵā ḥayyēnî:

150 qārəḇû rōḏəfê zimmâ mitwōrāṯəḵā rāḥāqû:

151 qārwōḇ ’atâ yəhwâ wəḵāl-miṣəwōṯeyḵā ’ĕmeṯ:

152 qeḏem yāḏ^a‘ətî mē‘ēḏōṯeyḵā kî lə‘wōlām yəsaḏətām:

153 rə’ēh-‘ānəyî wəḥalləṣēnî kî-ṯwōrāṯəḵā lō’ šāḵāḥətî:

154 rîḇâ rîḇî ûḡə’ālēnî lə’imərāṯəḵā ḥayyēnî:

155 rāḥwōq mērəšā‘îm yəšû‘â kî-ḥuqqeyḵā lō’ ḏārāšû:

156 r^aḥămeyḵā rabîm| yəhwâ kəmišəpāṭeyḵā ḥayyēnî:

157 rabîm rōḏəfay wəṣārāy mē‘ēḏəwōṯeyḵā lō’ nāṭîṯî:

158 rā’îṯî ḇōḡəḏîm wā’eṯəqwōṭāṭâ ’ăšer ’imərāṯəḵā lō’ šāmārû:

159 rə’ēh kî-fiqqûḏeyḵā ’âāḇətî yəhwâ kəḥasədəḵā ḥayyēnî:

160 rō’š-dəḇārəḵā ’ĕmeṯ ûlə‘wōlām kāl-mišəpaṭ ṣiḏəqeḵā:

161 śārîm rəḏāfûnî ḥinnām ûmidəḇāreyḵā ûmidəḇārəḵā pāḥaḏ libî:

162 śāś ’ānōḵî ‘al-’imərāṯeḵā kəmwōṣē’ šālāl rāḇ:

163 šeqer śānē’ṯî wa’ăṯ^a‘ēḇâ twōrāṯəḵā ’âāḇətî:

164 šeḇ^a‘ bayywōm hillalətîḵā ‘al mišəpəṭê ṣiḏəqeḵā:

165 šālwōm rāḇ lə’ōhăḇê ṯwōrāṯeḵā wə’ên-lāmwō miḵəšwōl:

166 śibarətî lîšû‘āṯəḵā yəhwâ ûmiṣəwōṯeyḵā ‘āśîṯî:

167 šāmərâ nafəšî ‘ēḏōṯeyḵā wā’ōhăḇēm mə’ōḏ:

168 šāmarətî fiqqûḏeyḵā wə‘ēḏōṯeyḵā kî ḵāl-dərāḵay neḡədeḵā:

169 tiqəraḇ rinnāṯî ləfāneyḵā yəhwâ kiḏəḇārəḵā hăḇînēnî:

170 tāḇwō’ təḥinnāṯî ləfāneyḵā kə’imərāṯəḵā haṣṣîlēnî:

171 tab^a‘ənâ śəfāṯay təhillâ kî ṯəlamməḏēnî ḥuqqeyḵā:

172 t^a‘an ləšwōnî ’imərāṯeḵā kî ḵāl-miṣəwōṯeyḵā ṣṣeḏeq:

173 təhî-yāḏəḵā lə‘āzərēnî kî fiqqûḏeyḵā ḇāḥārətî:

174 tā’aḇətî lîšû‘āṯəḵā yəhwâ wəṯwōrāṯəḵā š^a‘ăšu‘āy:

175 təḥî-nafəšî ûṯəhaləleḵḵā ûmišəpāṭeḵā y^a‘ăzərunî:

176 tā‘îṯî kəśeh ’ōḇēḏ baqqēš ‘aḇədeḵā kî miṣəwōṯeyḵā lō’ šāḵāḥətî:

‎1 ‏שִׁ֗יר הַֽמַּ֫עֲל֥וֹת אֶל־יְ֭הוָה בַּצָּרָ֣תָה לִּ֑י קָ֝רָ֗אתִי וַֽיַּעֲנֵֽנִי׃

‎2 ‏יְֽהוָ֗ה הַצִּ֣ילָה נַ֭פְשִׁי מִשְּׂפַת־שֶׁ֑קֶר מִלָּשׁ֥וֹן רְמִיָּֽה׃

‎3 ‏מַה־יִּתֵּ֣ן לְ֭ךָ וּמַה־יֹּסִ֥יף לָ֗ךְ לָשׁ֥וֹן רְמִיָּֽה׃

‎4 ‏חִצֵּ֣י גִבּ֣וֹר שְׁנוּנִ֑ים עִ֝֗ם גַּחֲלֵ֥י רְתָמִֽים׃

‎5 ‏אֽוֹיָה־לִ֭י כִּי־גַ֣רְתִּי מֶ֑שֶׁךְ שָׁ֝כַ֗נְתִּי עִֽם־אָהֳלֵ֥י קֵדָֽר׃

‎6 ‏רַ֭בַּת שָֽׁכְנָה־לָּ֣הּ נַפְשִׁ֑י עִ֝֗ם שׂוֹנֵ֥א שָׁלֽוֹם׃

‎7 ‏אֲ‍ֽנִי־שָׁ֭לוֹם וְכִ֣י אֲדַבֵּ֑ר הֵ֝֗מָּה לַמִּלְחָמָֽה׃

1 šîr hamm^a‘ălwōṯ ’el-yəhwâ baṣṣārāṯâ llî qārā’ṯî wayy^a‘ănēnî:

2 yəhwâ haṣṣîlâ nafəšî miśśəfaṯ-šeqer millāšwōn rəmîyâ:

3 mah-yyitēn ləḵā ûmah-yyōsîf lāḵə lāšwōn rəmîyâ:

4 ḥiṣṣê ḡibwōr šənûnîm ‘im g^aḥălê rəṯāmîm:

5 ’wōyâ-lî kî-ḡarətî mešeḵə šāḵanətî ‘im-’âŏlê qēḏār:

6 rabaṯ šāḵənâ-llāh nafəšî ‘im śwōnē’ šālwōm:

7 ’ă‍nî-šālwōm wəḵî ’ăḏabēr hēmmâ lammiləḥāmâ:

‎1 ‏שִׁ֗יר לַֽמַּ֫עֲל֥וֹת אֶשָּׂ֣א עֵ֭ינַי אֶל־הֶהָרִ֑ים מֵ֝אַ֗יִן יָבֹ֥א עֶזְרִֽי׃

‎2 ‏עֶ֭זְרִי מֵעִ֣ם יְהוָ֑ה עֹ֝שֵׂ֗ה שָׁמַ֥יִם וָאָֽרֶץ׃

‎3 ‏אַל־יִתֵּ֣ן לַמּ֣וֹט רַגְלֶ֑ךָ אַל־יָ֝נ֗וּם שֹֽׁמְרֶֽךָ׃

‎4 ‏הִנֵּ֣ה לֹֽא־יָ֭נוּם וְלֹ֣א יִישָׁ֑ן שׁ֝וֹמֵ֗ר יִשְׂרָאֵֽל׃

‎5 ‏יְהוָ֥ה שֹׁמְרֶ֑ךָ יְהוָ֥ה צִ֝לְּךָ֗ עַל־יַ֥ד יְמִינֶֽךָ׃

‎6 ‏יוֹמָ֗ם הַשֶּׁ֥מֶשׁ לֹֽא־יַכֶּ֗כָּה וְיָרֵ֥חַ בַּלָּֽיְלָה׃

‎7 ‏יְֽהוָ֗ה יִשְׁמָרְךָ֥ מִכָּל־רָ֑ע יִ֝שְׁמֹ֗ר אֶת־נַפְשֶֽׁךָ׃

‎8 ‏יְֽהוָ֗ה יִשְׁמָר־צֵאתְךָ֥ וּבוֹאֶ֑ךָ מֵֽ֝עַתָּ֗ה וְעַד־עוֹלָֽם׃

1 šîr lamm^a‘ălwōṯ ’eśśā’ ‘ênay ’el-hehārîm mē’ayin yāḇō’ ‘ezərî:

2 ‘ezərî mē‘im yəhwâ ‘ōśēh šāmayim wā’āreṣ:

3 ’al-yitēn lammwōṭ raḡəleḵā ’al-yānûm šōməreḵā:

4 hinnēh lō’-yānûm wəlō’ yîšān šwōmēr yiśərā’ēl:

5 yəhwâ šōməreḵā yəhwâ ṣilləḵā ‘al-yaḏ yəmîneḵā:

6 ywōmām haššemeš lō’-yakekâ wəyārēḥa ballāyəlâ:

7 yəhwâ yišəmārəḵā mikāl-rā‘ yišəmōr ’eṯ-nafəšeḵā:

8 yəhwâ yišəmār-ṣē’ṯəḵā ûḇwō’eḵā mē‘atâ wə‘aḏ-‘wōlām:

‎1 ‏שִׁ֥יר הַֽמַּעֲל֗וֹת לְדָ֫וִ֥ד שָׂ֭מַחְתִּי בְּאֹמְרִ֣ים לִ֑י בֵּ֖ית יְהוָ֣ה נֵלֵֽךְ׃

‎2 ‏עֹ֭מְדוֹת הָי֣וּ רַגְלֵ֑ינוּ בִּ֝שְׁעָרַ֗יִךְ יְרוּשָׁלִָֽם׃

‎3 ‏יְרוּשָׁלִַ֥ם הַבְּנוּיָ֑ה כְּ֝עִ֗יר שֶׁחֻבְּרָה־לָּ֥הּ יַחְדָּֽו׃

‎4 ‏שֶׁשָּׁ֨ם עָל֪וּ שְׁבָטִ֡ים שִׁבְטֵי־יָ֭הּ עֵד֣וּת לְיִשְׂרָאֵ֑ל לְ֝הֹד֗וֹת לְשֵׁ֣ם יְהוָֽה׃

‎5 ‏כִּ֤י שָׁ֨מָּה׀ יָשְׁב֣וּ כִסְא֣וֹת לְמִשְׁפָּ֑ט כִּ֝סְא֗וֹת לְבֵ֣ית דָּוִֽיד׃

‎6 ‏שַׁ֭אֲלוּ שְׁל֣וֹם יְרוּשָׁלִָ֑ם יִ֝שְׁלָ֗יוּ אֹהֲבָֽיִךְ׃

‎7 ‏יְהִֽי־שָׁל֥וֹם בְּחֵילֵ֑ךְ שַׁ֝לְוָ֗ה בְּאַרְמְנוֹתָֽיִךְ׃

‎8 ‏לְ֭מַעַן אַחַ֣י וְרֵעָ֑י אֲדַבְּרָה־נָּ֖א שָׁל֣וֹם בָּֽךְ׃

‎9 ‏לְ֭מַעַן בֵּית־יְהוָ֣ה אֱלֹהֵ֑ינוּ אֲבַקְשָׁ֖ה ט֣וֹב לָֽךְ׃

1 šîr hamm^a‘ălwōṯ ləḏāwiḏ śām^aḥətî bə’ōmərîm lî bêṯ yəhwâ nēlēḵə:

2 ‘ōməḏwōṯ hāyû raḡəlênû bišə‘ārayiḵə yərûšālāim:

3 yərûšālaim habənûyâ kə‘îr šeḥubərâ-llāh y^aḥədāw:

4 šeššām ‘ālû šəḇāṭîm šiḇəṭê-yāh ‘ēḏûṯ ləyiśərā’ēl ləhōḏwōṯ ləšēm yəhwâ:

5 kî šāmmâ| yāšəḇû ḵisə’wōṯ ləmišəpāṭ kisə’wōṯ ləḇêṯ dāwîḏ:

6 ša’ălû šəlwōm yərûšālāim yišəlāyû ’ōhăḇāyiḵə:

7 yəhî-šālwōm bəḥêlēḵə šaləwâ bə’arəmənwōṯāyiḵə:

8 ləm^a‘an ’^aḥay wərē‘āy ’ăḏabərâ-nnā’ šālwōm bāḵə:

9 ləm^a‘an bêṯ-yəhwâ ’ĕlōhênû ’ăḇaqəšâ ṭwōḇ lāḵə:

‎1 ‏שִׁ֗יר הַֽמַּ֫עֲל֥וֹת אֵ֭לֶיךָ נָשָׂ֣אתִי אֶת־עֵינַ֑י הַ֝יֹּשְׁבִ֗י בַּשָּׁמָֽיִם׃

‎2 ‏הִנֵּ֨ה כְעֵינֵ֪י עֲבָדִ֡ים אֶל־יַ֤ד אֲ‍ֽדוֹנֵיהֶ֗ם כְּעֵינֵ֣י שִׁפְחָה֮ אֶל־יַ֪ד גְּבִ֫רְתָּ֥הּ כֵּ֣ן עֵ֭ינֵינוּ אֶל־יְהוָ֣ה אֱלֹהֵ֑ינוּ עַ֝֗ד שֶׁיְּחָנֵּֽנוּ׃

‎3 ‏חָנֵּ֣נוּ יְהוָ֣ה חָנֵּ֑נוּ כִּֽי־רַ֝֗ב שָׂבַ֥עְנוּ בֽוּז׃

‎4 ‏רַבַּת֮ שָֽׂבְעָה־לָּ֪הּ נַ֫פְשֵׁ֥נוּ הַלַּ֥עַג הַשַּׁאֲנַנִּ֑ים הַ֝בּ֗וּז לִגְאֵ֥יוֹנִֽים׃^q

1 šîr hamm^a‘ălwōṯ ’ēleyḵā nāśā’ṯî ’eṯ-‘ênay hayyōšəḇî baššāmāyim:

2 hinnēh ḵə‘ênê ‘ăḇāḏîm ’el-yaḏ ’ă‍ḏwōnêhem kə‘ênê šifəḥâ ’el-yaḏ gəḇirətāh kēn ‘ênênû ’el-yəhwâ ’ĕlōhênû ‘aḏ šeyyəḥānnēnû:

3 ḥānnēnû yəhwâ ḥānnēnû kî-raḇ śāḇ^a‘ənû ḇûz:

4 rabaṯ śāḇə‘â-llāh nafəšēnû hall^a‘aḡ hašša’ănannîm habûz liḡə’êwōnîm:^q

‎1 ‏שִׁ֥יר הַֽמַּעֲל֗וֹת לְדָ֫וִ֥ד לוּלֵ֣י יְ֭הוָה שֶׁהָ֣יָה לָ֑נוּ יֹֽאמַר־נָ֝א³ יִשְׂרָאֵֽל׃

‎2 ‏לוּלֵ֣י יְ֭הוָה שֶׁהָ֣יָה לָ֑נוּ בְּק֖וּם עָלֵ֣ינוּ אָדָֽם׃

‎3 ‏אֲ֭זַי חַיִּ֣ים בְּלָע֑וּנוּ בַּחֲר֖וֹת אַפָּ֣ם בָּֽנוּ׃

‎4 ‏אֲ֭זַי הַמַּ֣יִם שְׁטָפ֑וּנוּ נַ֝֗חְלָה³ עָבַ֥ר עַל־נַפְשֵֽׁנוּ׃

‎5 ‏אֲ֭זַי עָבַ֣ר עַל־נַפְשֵׁ֑נוּ הַ֝מַּ֗יִם הַזֵּֽידוֹנִֽים׃

‎6 ‏בָּר֥וּךְ יְהוָ֑ה שֶׁלֹּ֥א נְתָנָ֥נוּ טֶ֝֗רֶף לְשִׁנֵּיהֶֽם׃

‎7 ‏נַפְשֵׁ֗נוּ כְּצִפּ֥וֹר נִמְלְטָה֮ מִפַּ֪ח י֫וֹקְשִׁ֥ים הַפַּ֥ח נִשְׁבָּ֗ר וַאֲנַ֥חְנוּ נִמְלָֽטְנוּ׃

‎8 ‏עֶ֭זְרֵנוּ בְּשֵׁ֣ם יְהוָ֑ה עֹ֝שֵׂ֗ה שָׁמַ֥יִם וָאָֽרֶץ׃

1 šîr hamm^a‘ălwōṯ ləḏāwiḏ lûlê yəhwâ šehāyâ lānû yō’mar-nā’³ yiśərā’ēl:

2 lûlê yəhwâ šehāyâ lānû bəqûm ‘ālênû ’āḏām:

3 ’ăzay ḥayyîm bəlā‘ûnû b^aḥărwōṯ ’apām bānû:

4 ’ăzay hammayim šəṭāfûnû n^aḥəlâ³ ‘āḇar ‘al-nafəšēnû:

5 ’ăzay ‘āḇar ‘al-nafəšēnû hammayim hazzêḏwōnîm:

6 bārûḵə yəhwâ šellō’ nəṯānānû ṭeref ləšinnêhem:

7 nafəšēnû kəṣipwōr nimələṭâ mip^aḥ ywōqəšîm hap^aḥ nišəbār wa’ăn^aḥənû niməlāṭənû:

8 ‘ezərēnû bəšēm yəhwâ ‘ōśēh šāmayim wā’āreṣ:

‎1 ‏שִׁ֗יר הַֽמַּ֫עֲל֥וֹת הַבֹּטְחִ֥ים בַּיהוָ֑ה כְּֽהַר־צִיּ֥וֹן לֹא־יִ֝מּ֗וֹט לְעוֹלָ֥ם יֵשֵֽׁב׃

‎2 ‏יְֽרוּשָׁלִַ֗ם הָרִים֮ סָבִ֪יב לָ֥הּ וַ֭יהוָה סָבִ֣יב לְעַמּ֑וֹ מֵ֝עַתָּ֗ה וְעַד־עוֹלָֽם׃

‎3 ‏כִּ֤י לֹ֪א יָנ֡וּחַ שֵׁ֤בֶט הָרֶ֗שַׁע עַל֮ גּוֹרַ֪ל הַֽצַּדִּ֫יקִ֥ים לְמַ֡עַן לֹא־יִשְׁלְח֖וּ הַצַּדִּיקִ֨ים בְּעַוְלָ֬תָה יְדֵיהֶֽם׃

‎4 ‏הֵיטִ֣יבָה יְ֭הוָה לַטּוֹבִ֑ים וְ֝לִֽישָׁרִ֗ים בְּלִבּוֹתָֽם׃

‎5 ‏וְהַמַּטִּ֤ים עַֽקַלְקַלּוֹתָ֗ם יוֹלִיכֵ֣ם יְ֭הוָה אֶת־פֹּעֲלֵ֣י הָאָ֑וֶן שָׁ֝ל֗וֹם עַל־יִשְׂרָאֵֽל׃

1 šîr hamm^a‘ălwōṯ habōṭəḥîm bayhwâ kəhar-ṣîywōn lō’-yimmwōṭ lə‘wōlām yēšēḇ:

2 yərûšālaim hārîm sāḇîḇ lāh wayhwâ sāḇîḇ lə‘ammwō mē‘atâ wə‘aḏ-‘wōlām:

3 kî lō’ yānûḥa šēḇeṭ hāreš^a‘ ‘al gwōral haṣṣadîqîm ləm^a‘an lō’-yišələḥû haṣṣadîqîm bə‘awəlāṯâ yəḏêhem:

4 hêṭîḇâ yəhwâ laṭṭwōḇîm wəlîšārîm bəlibwōṯām:

5 wəhammaṭṭîm ‘aqaləqallwōṯām ywōlîḵēm yəhwâ ’eṯ-pō‘ălê hā’āwen šālwōm ‘al-yiśərā’ēl:

‎1 ‏שִׁ֗יר הַֽמַּ֫עֲל֥וֹת בְּשׁ֣וּב יְ֭הוָה אֶת־שִׁיבַ֣ת צִיּ֑וֹן הָ֝יִ֗ינוּ כְּחֹלְמִֽים׃

‎2 ‏אָ֤ז יִמָּלֵ֪א שְׂח֡וֹק פִּינוּ֮ וּלְשׁוֹנֵ֪נוּ רִ֫נָּ֥ה אָ֭ז יֹאמְר֣וּ בַגּוֹיִ֑ם הִגְדִּ֥יל יְ֝הוָ֗ה לַעֲשׂ֥וֹת עִם־אֵֽלֶּה׃

‎3 ‏הִגְדִּ֣יל יְ֭הוָה לַעֲשׂ֥וֹת עִמָּ֗נוּ הָיִ֥ינוּ שְׂמֵחִֽים׃

‎4 ‏שׁוּבָ֣ה יְ֭הוָה אֶת־שבותנו שְׁבִיתֵ֑נוּ כַּאֲפִיקִ֥ים בַּנֶּֽגֶב׃

‎5 ‏הַזֹּרְעִ֥ים בְּדִמְעָ֗ה בְּרִנָּ֥ה יִקְצֹֽרוּ׃

‎6 ‏הָ֘ל֤וֹךְ יֵלֵ֨ךְ׀ וּבָכֹה֮ נֹשֵׂ֪א מֶֽשֶׁךְ־הַ֫זָּ֥רַע בֹּֽא־יָב֥וֹא³ בְרִנָּ֑ה נֹ֝שֵׂ֗א אֲלֻמֹּתָֽיו׃

1 šîr hamm^a‘ălwōṯ bəšûḇ yəhwâ ’eṯ-šîḇaṯ ṣîywōn hāyînû kəḥōləmîm:

2 ’āz yimmālē’ śəḥwōq pînû ûləšwōnēnû rinnâ ’āz yō’mərû ḇagwōyim hiḡədîl yəhwâ l^a‘ăśwōṯ ‘im-’ēlleh:

3 hiḡədîl yəhwâ l^a‘ăśwōṯ ‘immānû hāyînû śəmēḥîm:

4 šûḇâ yəhwâ ’eṯ-šəḇûṯēnû šəḇîṯēnû ka’ăfîqîm banneḡeḇ:

5 hazzōrə‘îm bəḏimə‘â bərinnâ yiqəṣōrû:

6 hālwōḵə yēlēḵə| ûḇāḵōh nōśē’ mešeḵə-hazzār^a‘ bō’-yāḇwō’³ ḇərinnâ nōśē’ ’ălummōṯāyw:

‎1 ‏שִׁ֥יר הַֽמַּֽעֲל֗וֹת לִשְׁלֹ֫מֹ֥ה אִם־יְהוָ֤ה׀ לֹא־יִבְנֶ֬ה בַ֗יִת שָׁ֤וְא׀ עָמְל֣וּ בוֹנָ֣יו בּ֑וֹ אִם־יְהוָ֥ה לֹֽא־יִשְׁמָר־עִ֝֗יר שָׁ֤וְא׀ שָׁקַ֬ד שׁוֹמֵֽר׃

‎2 ‏שָׁ֤וְא לָכֶ֨ם׀ מַשְׁכִּ֪ימֵי ק֡וּם מְאַֽחֲרֵי־שֶׁ֗בֶת אֹ֭כְלֵי לֶ֣חֶם הָעֲצָבִ֑ים כֵּ֤ן יִתֵּ֖ן לִֽידִיד֣וֹ שֵׁנָֽא׃

‎3 ‏הִנֵּ֤ה נַחֲלַ֣ת יְהוָ֣ה בָּנִ֑ים שָׂ֝כָ֗ר פְּרִ֣י הַבָּֽטֶן׃

‎4 ‏כְּחִצִּ֥ים בְּיַד־גִּבּ֑וֹר כֵּ֝֗ן בְּנֵ֣י הַנְּעוּרִֽים׃

‎5 ‏אַשְׁרֵ֤י הַגֶּ֗בֶר אֲשֶׁ֤ר מִלֵּ֥א אֶת־אַשְׁפָּת֗וֹ מֵ֫הֶ֥ם לֹֽא־יֵבֹ֑שׁוּ כִּֽי־יְדַבְּר֖וּ אֶת־אוֹיְבִ֣ים בַּשָּֽׁעַר׃

1 šîr hamm^a‘ălwōṯ lišəlōmōh ’im-yəhwâ| lō’-yiḇəneh ḇayiṯ šāwə’| ‘āməlû ḇwōnāyw bwō ’im-yəhwâ lō’-yišəmār-‘îr šāwə’| šāqaḏ šwōmēr:

2 šāwə’ lāḵem| mašəkîmê qûm mə’^aḥărê-šeḇeṯ ’ōḵəlê leḥem hā‘ăṣāḇîm kēn yitēn lîḏîḏwō šēnā’:

3 hinnēh n^aḥălaṯ yəhwâ bānîm śāḵār pərî habāṭen:

4 kəḥiṣṣîm bəyaḏ-gibwōr kēn bənê hannə‘ûrîm:

5 ’ašərê hageḇer ’ăšer millē’ ’eṯ-’ašəpāṯwō mēhem lō’-yēḇōšû kî-yəḏabərû ’eṯ-’wōyəḇîm baššā‘ar:

‎1 ‏שִׁ֗יר הַֽמַּ֫עֲל֥וֹת אַ֭שְׁרֵי כָּל־יְרֵ֣א יְהוָ֑ה הַ֝הֹלֵ֗ךְ בִּדְרָכָֽיו׃

‎2 ‏יְגִ֣יעַ כַּ֭פֶּיךָ כִּ֣י תֹאכֵ֑ל אַ֝שְׁרֶ֗יךָ וְט֣וֹב לָֽךְ׃

‎3 ‏אֶשְׁתְּךָ֤׀ כְּגֶ֥פֶן פֹּרִיָּה֮ בְּיַרְכְּתֵ֪י בֵ֫יתֶ֥ךָ בָּ֭נֶיךָ כִּשְׁתִלֵ֣י זֵיתִ֑ים סָ֝בִ֗יב לְשֻׁלְחָנֶֽךָ׃

‎4 ‏הִנֵּ֣ה כִי־כֵ֭ן יְבֹ֥רַךְ גָּ֗בֶר יְרֵ֣א יְהוָֽה׃

‎5 ‏יְבָרֶכְךָ֥ יְהוָ֗ה מִצִּ֫יּ֥וֹן וּ֭רְאֵה בְּט֣וּב יְרוּשָׁלִָ֑ם כֹּ֝֗ל יְמֵ֣י חַיֶּֽיךָ׃

‎6 ‏וּרְאֵֽה־בָנִ֥ים לְבָנֶ֑יךָ שָׁ֝ל֗וֹם עַל־יִשְׂרָאֵֽל׃

1 šîr hamm^a‘ălwōṯ ’ašərê kāl-yərē’ yəhwâ hahōlēḵə biḏərāḵāyw:

2 yəḡî‘a kapeyḵā kî ṯō’ḵēl ’ašəreyḵā wəṭwōḇ lāḵə:

3 ’ešətəḵā| kəḡefen pōrîyâ bəyarəkəṯê ḇêṯeḵā bāneyḵā kišəṯilê zêṯîm sāḇîḇ ləšuləḥāneḵā:

4 hinnēh ḵî-ḵēn yəḇōraḵə gāḇer yərē’ yəhwâ:

5 yəḇāreḵəḵā yəhwâ miṣṣîywōn ûrə’ēh bəṭûḇ yərûšālāim kōl yəmê ḥayyeyḵā:

6 ûrə’ēh-ḇānîm ləḇāneyḵā šālwōm ‘al-yiśərā’ēl:

‎1 ‏שִׁ֗יר הַֽמַּ֫עֲל֥וֹת רַ֭בַּת צְרָר֣וּנִי מִנְּעוּרַ֑י יֹֽאמַר־נָ֝א יִשְׂרָאֵֽל׃

‎2 ‏רַ֭בַּת צְרָר֣וּנִי מִנְּעוּרָ֑י גַּ֝ם לֹא־יָ֥כְלוּ לִֽי׃

‎3 ‏עַל־גַּ֭בִּי חָרְשׁ֣וּ חֹרְשִׁ֑ים הֶ֝אֱרִ֗יכוּ למענותם לְמַעֲנִיתָֽם׃

‎4 ‏יְהוָ֥ה צַדִּ֑יק קִ֝צֵּ֗ץ עֲב֣וֹת רְשָׁעִֽים׃

‎5 ‏יֵ֭בֹשׁוּ וְיִסֹּ֣גוּ אָח֑וֹר כֹּ֝֗ל שֹׂנְאֵ֥י צִיּֽוֹן׃

‎6 ‏יִ֭הְיוּ כַּחֲצִ֣יר גַּגּ֑וֹת שֶׁקַּדְמַ֖ת שָׁלַ֣ף יָבֵֽשׁ׃

‎7 ‏שֶׁלֹּ֤א מִלֵּ֖א כַפּ֥וֹ קוֹצֵ֗ר וְחִצְנ֥וֹ מְעַמֵּֽר׃

‎8 ‏וְלֹ֤א אָֽמְר֨וּ׀ הָעֹבְרִ֗ים בִּרְכַּֽת־יְהוָ֥ה אֲלֵיכֶ֑ם בֵּרַ֥כְנוּ אֶ֝תְכֶ֗ם בְּשֵׁ֣ם יְהוָֽה׃

1 šîr hamm^a‘ălwōṯ rabaṯ ṣərārûnî minnə‘ûray yō’mar-nā’ yiśərā’ēl:

2 rabaṯ ṣərārûnî minnə‘ûrāy gam lō’-yāḵəlû lî:

3 ‘al-gabî ḥārəšû ḥōrəšîm he’ĕrîḵû ləm^a‘ănwōṯām ləm^a‘ănîṯām:

4 yəhwâ ṣadîq qiṣṣēṣ ‘ăḇwōṯ rəšā‘îm:

5 yēḇōšû wəyissōḡû ’āḥwōr kōl śōnə’ê ṣîywōn:

6 yihəyû k^aḥăṣîr gagwōṯ šeqqaḏəmaṯ šālaf yāḇēš:

7 šellō’ millē’ ḵapwō qwōṣēr wəḥiṣənwō mə‘ammēr:

8 wəlō’ ’āmərû| hā‘ōḇərîm birəkaṯ-yəhwâ ’ălêḵem bēraḵənû ’eṯəḵem bəšēm yəhwâ:

‎1 ‏שִׁ֥יר הַֽמַּעֲל֑וֹת מִמַּעֲמַקִּ֖ים קְרָאתִ֣יךָ יְהוָֽה׃

‎2 ‏אֲדֹנָי֮ שִׁמְעָ֪ה בְק֫וֹלִ֥י תִּהְיֶ֣ינָה אָ֭זְנֶיךָ קַשֻּׁב֑וֹת לְ֝ק֗וֹל תַּחֲנוּנָֽי׃

‎3 ‏אִם־עֲוֹנ֥וֹת תִּשְׁמָר־יָ֑הּ אֲ֝דֹנָ֗י מִ֣י יַעֲמֹֽד׃

‎4 ‏כִּֽי־עִמְּךָ֥ הַסְּלִיחָ֑ה לְ֝מַ֗עַן תִּוָּרֵֽא׃

‎5 ‏קִוִּ֣יתִי יְ֭הוָה קִוְּתָ֣ה נַפְשִׁ֑י וְֽלִדְבָר֥וֹ הוֹחָֽלְתִּי׃

‎6 ‏נַפְשִׁ֥י לַֽאדֹנָ֑י מִשֹּׁמְרִ֥ים לַ֝בֹּ֗קֶר שֹׁמְרִ֥ים לַבֹּֽקֶר׃

‎7 ‏יַחֵ֥ל יִשְׂרָאֵ֗ל אֶל־יְה֫וָה כִּֽי־עִם־יְהוָ֥ה הַחֶ֑סֶד וְהַרְבֵּ֖ה עִמּ֣וֹ פְדֽוּת׃

‎8 ‏וְ֭הוּא יִפְדֶּ֣ה אֶת־יִשְׂרָאֵ֑ל מִ֝כֹּ֗ל עֲוֹנֹתָֽיו׃

1 šîr hamm^a‘ălwōṯ mimm^a‘ămaqqîm qərā’ṯîḵā yəhwâ:

2 ’ăḏōnāy šimə‘â ḇəqwōlî tihəyeynâ ’āzəneyḵā qaššuḇwōṯ ləqwōl t^aḥănûnāy:

3 ’im-‘ăwōnwōṯ tišəmār-yāh ’ăḏōnāy mî y^a‘ămōḏ:

4 kî-‘imməḵā hassəlîḥâ ləm^a‘an tiûārē’:

5 qiûîṯî yəhwâ qiûəṯâ nafəšî wəliḏəḇārwō hwōḥālətî:

6 nafəšî la’ḏōnāy miššōmərîm labōqer šōmərîm labōqer:

7 y^aḥēl yiśərā’ēl ’el-yəhwâ kî-‘im-yəhwâ h^aḥeseḏ wəharəbēh ‘immwō fəḏûṯ:

8 wəhû’ yifədeh ’eṯ-yiśərā’ēl mikōl ‘ăwōnōṯāyw:

‎1 ‏שִׁ֥יר הַֽמַּֽעֲל֗וֹת לְדָ֫וִ֥ד יְהוָ֤ה׀ לֹא־גָבַ֣הּ לִ֭בִּי וְלֹא־רָמ֣וּ עֵינַ֑י וְלֹֽא־הִלַּ֓כְתִּי׀ בִּגְדֹל֖וֹת וּבְנִפְלָא֣וֹת מִמֶּֽנִּי׃

‎2 ‏אִם־לֹ֤א שִׁוִּ֨יתִי׀ וְדוֹמַ֗מְתִּי נַ֫פְשִׁ֥י כְּ֭גָמֻל עֲלֵ֣י אִמּ֑וֹ כַּגָּמֻ֖ל עָלַ֣י נַפְשִֽׁי׃

‎3 ‏יַחֵ֣ל יִ֝שְׂרָאֵל אֶל־יְהוָ֑ה מֵֽ֝עַתָּ֗ה וְעַד־עוֹלָֽם׃

1 šîr hamm^a‘ălwōṯ ləḏāwiḏ yəhwâ| lō’-ḡāḇ^ah libî wəlō’-rāmû ‘ênay wəlō’-hillaḵətî| biḡəḏōlwōṯ ûḇənifəlā’wōṯ mimmennî:

2 ’im-lō’ šiûîṯî| wəḏwōmamətî nafəšî kəḡāmul ‘ălê ’immwō kagāmul ‘ālay nafəšî:

3 y^aḥēl yiśərā’ēl ’el-yəhwâ mē‘atâ wə‘aḏ-‘wōlām:

‎1 ‏שִׁ֗יר הַֽמַּ֫עֲל֥וֹת זְכוֹר־יְהוָ֥ה לְדָוִ֑ד אֵ֝ת כָּל־עֻנּוֹתֽוֹ׃

‎2 ‏אֲשֶׁ֣ר נִ֭שְׁבַּע לַיהוָ֑ה נָ֝דַ֗ר לַאֲבִ֥יר יַעֲקֹֽב׃

‎3 ‏אִם־אָ֭בֹא בְּאֹ֣הֶל בֵּיתִ֑י אִם־אֶ֝עֱלֶ֗ה עַל־עֶ֥רֶשׂ יְצוּעָֽי׃

‎4 ‏אִם־אֶתֵּ֣ן שְׁנַ֣ת לְעֵינָ֑י לְֽעַפְעַפַּ֥י תְּנוּמָֽה׃

‎5 ‏עַד־אֶמְצָ֣א מָ֭קוֹם לַיהוָ֑ה מִ֝שְׁכָּנ֗וֹת לַאֲבִ֥יר יַעֲקֹֽב׃

‎6 ‏הִנֵּֽה־שְׁמַֽעֲנ֥וּהָ בְאֶפְרָ֑תָה מְ֝צָאנ֗וּהָ בִּשְׂדֵי־יָֽעַר׃

‎7 ‏נָב֥וֹאָה לְמִשְׁכְּנוֹתָ֑יו נִ֝שְׁתַּחֲוֶ֗ה לַהֲדֹ֥ם רַגְלָֽיו׃

‎8 ‏קוּמָ֣ה יְ֭הוָה לִמְנוּחָתֶ֑ךָ אַ֝תָּ֗ה וַאֲר֥וֹן עֻזֶּֽךָ׃

‎9 ‏כֹּהֲנֶ֥יךָ יִלְבְּשׁוּ־צֶ֑דֶק וַחֲסִידֶ֥יךָ יְרַנֵּֽנוּ׃

‎10 ‏בַּ֭עֲבוּר דָּוִ֣ד עַבְדֶּ֑ךָ אַל־תָּ֝שֵׁ֗ב פְּנֵ֣י מְשִׁיחֶֽךָ׃

‎11 ‏נִשְׁבַּֽע־יְהוָ֨ה׀ לְדָוִ֡ד אֱמֶת֮ לֹֽא־יָשׁ֪וּב מִ֫מֶּ֥נָּה מִפְּרִ֥י בִטְנְךָ֑ אָ֝שִׁ֗ית לְכִסֵּא־לָֽךְ׃

‎12 ‏אִֽם־יִשְׁמְר֬וּ בָנֶ֨יךָ׀ בְּרִיתִי֮ וְעֵדֹתִ֥י ז֗וֹ אֲלַ֫מְּדֵ֥ם גַּם־בְּנֵיהֶ֥ם עֲדֵי־עַ֑ד יֵ֝שְׁב֗וּ לְכִסֵּא־לָֽךְ׃

‎13 ‏כִּֽי־בָחַ֣ר יְהוָ֣ה בְּצִיּ֑וֹן אִ֝וָּ֗הּ לְמוֹשָׁ֥ב לֽוֹ׃

‎14 ‏זֹאת־מְנוּחָתִ֥י עֲדֵי־עַ֑ד פֹּֽה־אֵ֝שֵׁ֗ב כִּ֣י אִוִּתִֽיהָ׃

‎15 ‏צֵ֭ידָהּ בָּרֵ֣ךְ אֲבָרֵ֑ךְ אֶ֝בְיוֹנֶ֗יהָ אַשְׂבִּ֥יעַֽ לָֽחֶם׃

‎16 ‏וְֽ֭כֹהֲנֶיהָ אַלְבִּ֣ישׁ יֶ֑שַׁע וַ֝חֲסִידֶ֗יהָ רַנֵּ֥ן יְרַנֵּֽנוּ׃

‎17 ‏שָׁ֤ם אַצְמִ֣יחַ קֶ֣רֶן לְדָוִ֑ד עָרַ֥כְתִּי נֵ֝֗ר לִמְשִׁיחִֽי׃

‎18 ‏א֭וֹיְבָיו אַלְבִּ֣ישׁ בֹּ֑שֶׁת וְ֝עָלָ֗יו יָצִ֥יץ נִזְרֽוֹ׃

1 šîr hamm^a‘ălwōṯ zəḵwōr-yəhwâ ləḏāwiḏ ’ēṯ kāl-‘unnwōṯwō:

2 ’ăšer nišəb^a‘ layhwâ nāḏar la’ăḇîr y^a‘ăqōḇ:

3 ’im-’āḇō’ bə’ōhel bêṯî ’im-’e‘ĕleh ‘al-‘ereś yəṣû‘āy:

4 ’im-’etēn šənaṯ lə‘ênāy lə‘afə‘apay tənûmâ:

5 ‘aḏ-’eməṣā’ māqwōm layhwâ mišəkānwōṯ la’ăḇîr y^a‘ăqōḇ:

6 hinnēh-šəm^a‘ănûhā ḇə’efərāṯâ məṣā’nûhā biśəḏê-yā‘ar:

7 nāḇwō’â ləmišəkənwōṯāyw nišət^aḥăweh lahăḏōm raḡəlāyw:

8 qûmâ yəhwâ limənûḥāṯeḵā ’atâ wa’ărwōn ‘uzzeḵā:

9 kōhăneyḵā yiləbəšû-ṣeḏeq w^aḥăsîḏeyḵā yərannēnû:

10 b^a‘ăḇûr dāwiḏ ‘aḇədeḵā ’al-tāšēḇ pənê məšîḥeḵā:

11 nišəb^a‘-yəhwâ| ləḏāwiḏ ’ĕmeṯ lō’-yāšûḇ mimmennâ mipərî ḇiṭənəḵā ’āšîṯ ləḵissē’-lāḵə:

12 ’im-yišəmərû ḇāneyḵā| bərîṯî wə‘ēḏōṯî zwō ’ălamməḏēm gam-bənêhem ‘ăḏê-‘aḏ yēšəḇû ləḵissē’-lāḵə:

13 kî-ḇāḥar yəhwâ bəṣîywōn ’iûāh ləmwōšāḇ lwō:

14 zō’ṯ-mənûḥāṯî ‘ăḏê-‘aḏ pōh-’ēšēḇ kî ’iûiṯîhā:

15 ṣêḏāh bārēḵə ’ăḇārēḵə ’eḇəywōneyhā ’aśəbî‘a lāḥem:

16 wəḵōhăneyhā ’aləbîš yeš^a‘ w^aḥăsîḏeyhā rannēn yərannēnû:

17 šām ’aṣəmîḥa qeren ləḏāwiḏ ‘āraḵətî nēr liməšîḥî:

18 ’wōyəḇāyw ’aləbîš bōšeṯ wə‘ālāyw yāṣîṣ nizərwō:

‎1 ‏שִׁ֥יר הַֽמַּעֲל֗וֹת לְדָ֫וִ֥ד הִנֵּ֣ה מַה־טּ֭וֹב וּמַה־נָּעִ֑ים שֶׁ֖בֶת אַחִ֣ים גַּם־יָֽחַד׃

‎2 ‏כַּשֶּׁ֤מֶן הַטּ֨וֹב׀ עַל־הָרֹ֗אשׁ יֹרֵ֗ד עַֽל־הַזָּקָ֥ן זְקַֽן־אַהֲרֹ֑ן שֶׁ֝יֹּרֵ֗ד עַל־פִּ֥י מִדּוֹתָֽיו׃

‎3 ‏כְּטַל־חֶרְמ֗וֹן שֶׁיֹּרֵד֮ עַל־הַרְרֵ֪י צִ֫יּ֥וֹן כִּ֤י שָׁ֨ם׀ צִוָּ֣ה יְ֭הוָה אֶת־הַבְּרָכָ֑ה חַ֝יִּ֗ים עַד־הָעוֹלָֽם׃

1 šîr hamm^a‘ălwōṯ ləḏāwiḏ hinnēh mah-ṭṭwōḇ ûmah-nnā‘îm šeḇeṯ ’^aḥîm gam-yāḥaḏ:

2 kaššemen haṭṭwōḇ| ‘al-hārō’š yōrēḏ ‘al-hazzāqān zəqan-’ahărōn šeyyōrēḏ ‘al-pî midwōṯāyw:

3 kəṭal-ḥerəmwōn šeyyōrēḏ ‘al-harərê ṣîywōn kî šām| ṣiûâ yəhwâ ’eṯ-habərāḵâ ḥayyîm ‘aḏ-hā‘wōlām:

‎1 ‏שִׁ֗יר הַֽמַּ֫עֲל֥וֹת הִנֵּ֤ה׀ בָּרֲכ֣וּ אֶת־יְ֭הוָה כָּל־עַבְדֵ֣י יְהוָ֑ה הָעֹמְדִ֥ים בְּבֵית־יְ֝הוָ֗ה בַּלֵּילֽוֹת׃

‎2 ‏שְׂאֽוּ־יְדֵכֶ֥ם קֹ֑דֶשׁ וּ֝בָרֲכוּ אֶת־יְהוָֽה׃

‎3 ‏יְבָרֶכְךָ֣ יְ֭הוָה מִצִּיּ֑וֹן עֹ֝שֵׂ֗ה שָׁמַ֥יִם וָאָֽרֶץ׃

1 šîr hamm^a‘ălwōṯ hinnēh| bārăḵû ’eṯ-yəhwâ kāl-‘aḇəḏê yəhwâ hā‘ōməḏîm bəḇêṯ-yəhwâ ballêlwōṯ:

2 śə’û-yəḏēḵem qōḏeš ûḇārăḵû ’eṯ-yəhwâ:

3 yəḇāreḵəḵā yəhwâ miṣṣîywōn ‘ōśēh šāmayim wā’āreṣ:

‎1 ‏הַ֥לְלוּ יָ֨הּ׀ הַֽ֭לְלוּ אֶת־שֵׁ֣ם יְהוָ֑ה הַֽ֝לְלוּ עַבְדֵ֥י יְהוָֽה׃

‎2 ‏שֶׁ֣֭עֹֽמְדִים בְּבֵ֣ית יְהוָ֑ה בְּ֝חַצְר֗וֹת בֵּ֣ית אֱלֹהֵֽינוּ׃

‎3 ‏הַֽ֭לְלוּ־יָהּ כִּי־ט֣וֹב יְהוָ֑ה זַמְּר֥וּ לִ֝שְׁמ֗וֹ כִּ֣י נָעִֽים׃

‎4 ‏כִּֽי־יַעֲקֹ֗ב בָּחַ֣ר ל֣וֹ יָ֑הּ יִ֝שְׂרָאֵ֗ל לִסְגֻלָּתֽוֹ׃

‎5 ‏כִּ֤י אֲנִ֣י יָ֭דַעְתִּי כִּי־גָד֣וֹל יְהוָ֑ה וַ֝אֲדֹנֵ֗ינוּ מִכָּל־אֱלֹהִֽים׃

‎6 ‏כֹּ֤ל אֲשֶׁר־חָפֵ֥ץ יְהוָ֗ה עָ֫שָׂ֥ה בַּשָּׁמַ֥יִם וּבָאָ֑רֶץ בַּ֝יַּמִּ֗ים וְכָל־תְּהוֹמֽוֹת׃

‎7 ‏מַֽעֲלֶ֣ה נְשִׂאִים֮ מִקְצֵ֪ה הָ֫אָ֥רֶץ בְּרָקִ֣ים לַמָּטָ֣ר עָשָׂ֑ה מֽוֹצֵא־ר֝וּחַ מֵאֽוֹצְרוֹתָֽיו׃

‎8 ‏שֶֽׁ֭הִכָּה בְּכוֹרֵ֣י מִצְרָ֑יִם מֵ֝אָדָ֗ם עַד־בְּהֵמָֽה׃

‎9 ‏שָׁלַ֤ח׀ אֹת֣וֹת וּ֭מֹפְתִים בְּתוֹכֵ֣כִי מִצְרָ֑יִם בְּ֝פַרְעֹ֗ה וּבְכָל־עֲבָדָֽיו׃

‎10 ‏שֶֽׁ֭הִכָּה גּוֹיִ֣ם רַבִּ֑ים וְ֝הָרַ֗ג מְלָכִ֥ים עֲצוּמִֽים׃

‎11 ‏לְסִיח֤וֹן׀ מֶ֤לֶךְ הָאֱמֹרִ֗י וּ֭לְעוֹג מֶ֣לֶךְ הַבָּשָׁ֑ן וּ֝לְכֹ֗ל מַמְלְכ֥וֹת כְּנָֽעַן׃

‎12 ‏וְנָתַ֣ן אַרְצָ֣ם נַחֲלָ֑ה נַ֝חֲלָ֗ה לְיִשְׂרָאֵ֥ל עַמּֽוֹ׃

‎13 ‏יְ֭הוָה שִׁמְךָ֣ לְעוֹלָ֑ם יְ֝הוָ֗ה זִכְרְךָ֥ לְדֹר־וָדֹֽר׃

‎14 ‏כִּֽי־יָדִ֣ין יְהוָ֣ה עַמּ֑וֹ וְעַל־עֲ֝בָדָ֗יו יִתְנֶחָֽם׃

‎15 ‏עֲצַבֵּ֣י הַ֭גּוֹיִם כֶּ֣סֶף וְזָהָ֑ב מַ֝עֲשֵׂ֗ה יְדֵ֣י אָדָֽם׃

‎16 ‏פֶּֽה־לָ֭הֶם וְלֹ֣א יְדַבֵּ֑רוּ עֵינַ֥יִם לָ֝הֶ֗ם וְלֹ֣א יִרְאֽוּ׃

‎17 ‏אָזְנַ֣יִם לָ֭הֶם וְלֹ֣א יַאֲזִ֑ינוּ אַ֝֗ף אֵין־יֶשׁ־ר֥וּחַ בְּפִיהֶֽם׃

‎18 ‏כְּ֭מוֹהֶם יִהְי֣וּ עֹשֵׂיהֶ֑ם כֹּ֭ל אֲשֶׁר־בֹּטֵ֣חַ בָּהֶֽם׃

‎19 ‏בֵּ֣ית יִ֭שְׂרָאֵל בָּרֲכ֣וּ אֶת־יְהוָ֑ה בֵּ֥ית אַ֝הֲרֹ֗ן בָּרֲכ֥וּ אֶת־יְהוָֽה׃

‎20 ‏בֵּ֣ית הַ֭לֵּוִי בָּרֲכ֣וּ אֶת־יְהוָ֑ה יִֽרְאֵ֥י יְ֝הוָ֗ה בָּרֲכ֥וּ אֶת־יְהוָֽה׃

‎21 ‏בָּ֘ר֤וּךְ יְהוָ֨ה׀ מִצִּיּ֗וֹן שֹׁ֘כֵ֤ן יְֽרוּשָׁלִָ֗ם הַֽלְלוּ־יָֽהּ׃

1 haləlû yāh| haləlû ’eṯ-šēm yəhwâ haləlû ‘aḇəḏê yəhwâ:

2 še‘ōməḏîm bəḇêṯ yəhwâ bəḥaṣərwōṯ bêṯ ’ĕlōhênû:

3 haləlû-yāh kî-ṭwōḇ yəhwâ zammərû lišəmwō kî nā‘îm:

4 kî-y^a‘ăqōḇ bāḥar lwō yāh yiśərā’ēl lisəḡullāṯwō:

5 kî ’ănî yāḏ^a‘ətî kî-ḡāḏwōl yəhwâ wa’ăḏōnênû mikāl-’ĕlōhîm:

6 kōl ’ăšer-ḥāfēṣ yəhwâ ‘āśâ baššāmayim ûḇā’āreṣ bayyammîm wəḵāl-təhwōmwōṯ:

7 m^a‘ăleh nəśi’îm miqəṣēh hā’āreṣ bərāqîm lammāṭār ‘āśâ mwōṣē’-rûḥa mē’wōṣərwōṯāyw:

8 šehikâ bəḵwōrê miṣərāyim mē’āḏām ‘aḏ-bəhēmâ:

9 šāl^aḥ| ’ōṯwōṯ ûmōfəṯîm bəṯwōḵēḵî miṣərāyim bəfarə‘ōh ûḇəḵāl-‘ăḇāḏāyw:

10 šehikâ gwōyim rabîm wəhāraḡ məlāḵîm ‘ăṣûmîm:

11 ləsîḥwōn| meleḵə hā’ĕmōrî ûlə‘wōḡ meleḵə habāšān ûləḵōl mamələḵwōṯ kənā‘an:

12 wənāṯan ’arəṣām n^aḥălâ n^aḥălâ ləyiśərā’ēl ‘ammwō:

13 yəhwâ šiməḵā lə‘wōlām yəhwâ ziḵərəḵā ləḏōr-wāḏōr:

14 kî-yāḏîn yəhwâ ‘ammwō wə‘al-‘ăḇāḏāyw yiṯəneḥām:

15 ‘ăṣabê hagwōyim kesef wəzâāḇ m^a‘ăśēh yəḏê ’āḏām:

16 peh-lâem wəlō’ yəḏabērû ‘ênayim lâem wəlō’ yirə’û:

17 ’āzənayim lâem wəlō’ ya’ăzînû ’af ’ên-yeš-rûḥa bəfîhem:

18 kəmwōhem yihəyû ‘ōśêhem kōl ’ăšer-bōṭēḥa bâem:

19 bêṯ yiśərā’ēl bārăḵû ’eṯ-yəhwâ bêṯ ’ahărōn bārăḵû ’eṯ-yəhwâ:

20 bêṯ hallēwî bārăḵû ’eṯ-yəhwâ yirə’ê yəhwâ bārăḵû ’eṯ-yəhwâ:

21 bārûḵə yəhwâ| miṣṣîywōn šōḵēn yərûšālāim haləlû-yāh:

‎1 ‏הוֹד֣וּ לַיהוָ֣ה כִּי־ט֑וֹב כִּ֖י לְעוֹלָ֣ם חַסְדּֽוֹ׃

‎2 ‏ה֭וֹדוּ לֵֽאלֹהֵ֣י הָאֱלֹהִ֑ים כִּ֖י לְעוֹלָ֣ם חַסְדּֽוֹ׃

‎3 ‏ה֭וֹדוּ לַאֲדֹנֵ֣י הָאֲדֹנִ֑ים כִּ֖י לְעֹלָ֣ם חַסְדּֽוֹ׃

‎4 ‏לְעֹ֘שֵׂ֤ה נִפְלָא֣וֹת גְּדֹל֣וֹת לְבַדּ֑וֹ כִּ֖י לְעוֹלָ֣ם חַסְדּֽוֹ׃

‎5 ‏לְעֹשֵׂ֣ה הַ֭שָּׁמַיִם בִּתְבוּנָ֑ה כִּ֖י לְעוֹלָ֣ם חַסְדּֽוֹ׃

‎6 ‏לְרֹקַ֣ע הָ֭אָרֶץ עַל־הַמָּ֑יִם כִּ֖י לְעוֹלָ֣ם חַסְדּֽוֹ׃

‎7 ‏לְ֭עֹשֵׂה אוֹרִ֣ים גְּדֹלִ֑ים כִּ֖י לְעוֹלָ֣ם חַסְדּֽוֹ׃

‎8 ‏אֶת־הַ֭שֶּׁמֶשׁ לְמֶמְשֶׁ֣לֶת בַּיּ֑וֹם כִּ֖י לְעוֹלָ֣ם חַסְדּֽוֹ׃

‎9 ‏אֶת־הַיָּרֵ֣חַ וְ֭כוֹכָבִים לְמֶמְשְׁל֣וֹת בַּלָּ֑יְלָה כִּ֖י לְעוֹלָ֣ם חַסְדּֽוֹ׃

‎10 ‏לְמַכֵּ֣ה מִ֭צְרַיִם בִּבְכוֹרֵיהֶ֑ם כִּ֖י לְעוֹלָ֣ם חַסְדּֽוֹ׃

‎11 ‏וַיּוֹצֵ֣א יִ֭שְׂרָאֵל מִתּוֹכָ֑ם כִּ֖י לְעוֹלָ֣ם חַסְדּֽוֹ׃

‎12 ‏בְּיָ֣ד חֲ֭זָקָה וּבִזְר֣וֹעַ נְטוּיָ֑ה כִּ֖י לְעוֹלָ֣ם חַסְדּֽוֹ׃

‎13 ‏לְגֹזֵ֣ר יַם־ס֭וּף לִגְזָרִ֑ים כִּ֖י לְעוֹלָ֣ם חַסְדּֽוֹ׃

‎14 ‏וְהֶעֱבִ֣יר יִשְׂרָאֵ֣ל בְּתוֹכ֑וֹ כִּ֖י לְעוֹלָ֣ם חַסְדּֽוֹ׃

‎15 ‏וְנִ֘עֵ֤ר פַּרְעֹ֣ה וְחֵיל֣וֹ בְיַם־ס֑וּף כִּ֖י לְעוֹלָ֣ם חַסְדּֽוֹ׃

‎16 ‏לְמוֹלִ֣יךְ עַ֭מּוֹ בַּמִּדְבָּ֑ר כִּ֖י לְעוֹלָ֣ם חַסְדּֽוֹ׃

‎17 ‏לְ֭מַכֵּה מְלָכִ֣ים גְּדֹלִ֑ים כִּ֖י לְעוֹלָ֣ם חַסְדּֽוֹ׃

‎18 ‏וַֽ֭יַּהֲרֹג מְלָכִ֣ים אַדִּירִ֑ים כִּ֖י לְעוֹלָ֣ם חַסְדּֽוֹ׃

‎19 ‏לְ֭סִיחוֹן מֶ֣לֶךְ הָאֱמֹרִ֑י כִּ֖י לְעוֹלָ֣ם חַסְדּֽוֹ׃

‎20 ‏וּ֭לְעוֹג מֶ֣לֶךְ הַבָּשָׁ֑ן כִּ֖י לְעוֹלָ֣ם חַסְדּֽוֹ׃

‎21 ‏וְנָתַ֣ן אַרְצָ֣ם לְנַחֲלָ֑ה כִּ֖י לְעוֹלָ֣ם חַסְדּֽוֹ׃

‎22 ‏נַ֭חֲלָה לְיִשְׂרָאֵ֣ל עַבְדּ֑וֹ כִּ֖י לְעוֹלָ֣ם חַסְדּֽוֹ׃

‎23 ‏שֶׁ֭בְּשִׁפְלֵנוּ זָ֣כַר לָ֑נוּ כִּ֖י לְעוֹלָ֣ם חַסְדּֽוֹ׃

‎24 ‏וַיִּפְרְקֵ֥נוּ מִצָּרֵ֑ינוּ כִּ֖י לְעוֹלָ֣ם חַסְדּֽוֹ׃

‎25 ‏נֹתֵ֣ן לֶ֭חֶם לְכָל־בָּשָׂ֑ר כִּ֖י לְעוֹלָ֣ם חַסְדּֽוֹ׃

‎26 ‏ה֭וֹדוּ לְאֵ֣ל הַשָּׁמָ֑יִם כִּ֖י לְעוֹלָ֣ם חַסְדּֽוֹ׃

1 hwōḏû layhwâ kî-ṭwōḇ kî lə‘wōlām ḥasədwō:

2 hwōḏû lē’lōhê hā’ĕlōhîm kî lə‘wōlām ḥasədwō:

3 hwōḏû la’ăḏōnê hā’ăḏōnîm kî lə‘ōlām ḥasədwō:

4 lə‘ōśēh nifəlā’wōṯ gəḏōlwōṯ ləḇadwō kî lə‘wōlām ḥasədwō:

5 lə‘ōśēh haššāmayim biṯəḇûnâ kî lə‘wōlām ḥasədwō:

6 lərōq^a‘ hā’āreṣ ‘al-hammāyim kî lə‘wōlām ḥasədwō:

7 lə‘ōśēh ’wōrîm gəḏōlîm kî lə‘wōlām ḥasədwō:

8 ’eṯ-haššemeš ləmeməšeleṯ bayywōm kî lə‘wōlām ḥasədwō:

9 ’eṯ-hayyārēḥa wəḵwōḵāḇîm ləmeməšəlwōṯ ballāyəlâ kî lə‘wōlām ḥasədwō:

10 ləmakēh miṣərayim biḇəḵwōrêhem kî lə‘wōlām ḥasədwō:

11 wayywōṣē’ yiśərā’ēl mitwōḵām kî lə‘wōlām ḥasədwō:

12 bəyāḏ ḥăzāqâ ûḇizərwō‘a nəṭûyâ kî lə‘wōlām ḥasədwō:

13 ləḡōzēr yam-sûf liḡəzārîm kî lə‘wōlām ḥasədwō:

14 wəhe‘ĕḇîr yiśərā’ēl bəṯwōḵwō kî lə‘wōlām ḥasədwō:

15 wəni‘ēr parə‘ōh wəḥêlwō ḇəyam-sûf kî lə‘wōlām ḥasədwō:

16 ləmwōlîḵə ‘ammwō bammiḏəbār kî lə‘wōlām ḥasədwō:

17 ləmakēh məlāḵîm gəḏōlîm kî lə‘wōlām ḥasədwō:

18 wayyahărōḡ məlāḵîm ’adîrîm kî lə‘wōlām ḥasədwō:

19 ləsîḥwōn meleḵə hā’ĕmōrî kî lə‘wōlām ḥasədwō:

20 ûlə‘wōḡ meleḵə habāšān kî lə‘wōlām ḥasədwō:

21 wənāṯan ’arəṣām lən^aḥălâ kî lə‘wōlām ḥasədwō:

22 n^aḥălâ ləyiśərā’ēl ‘aḇədwō kî lə‘wōlām ḥasədwō:

23 šebəšifəlēnû zāḵar lānû kî lə‘wōlām ḥasədwō:

24 wayyifərəqēnû miṣṣārênû kî lə‘wōlām ḥasədwō:

25 nōṯēn leḥem ləḵāl-bāśār kî lə‘wōlām ḥasədwō:

26 hwōḏû lə’ēl haššāmāyim kî lə‘wōlām ḥasədwō:

‎1 ‏עַ֥ל נַהֲר֨וֹת׀ בָּבֶ֗ל שָׁ֣ם יָ֭שַׁבְנוּ גַּם־בָּכִ֑ינוּ בְּ֝זָכְרֵ֗נוּ אֶת־צִיּֽוֹן׃

‎2 ‏עַֽל־עֲרָבִ֥ים בְּתוֹכָ֑הּ תָּ֝לִ֗ינוּ כִּנֹּרוֹתֵֽינוּ׃

‎3 ‏כִּ֤י שָׁ֨ם שְֽׁאֵל֪וּנוּ שׁוֹבֵ֡ינוּ דִּבְרֵי־שִׁ֭יר וְתוֹלָלֵ֣ינוּ שִׂמְחָ֑ה שִׁ֥ירוּ לָ֝֗נוּ מִשִּׁ֥יר צִיּֽוֹן׃

‎4 ‏אֵ֗יךְ נָשִׁ֥יר אֶת־שִׁיר־יְהוָ֑ה עַ֝֗ל אַדְמַ֥ת נֵכָֽר׃

‎5 ‏אִֽם־אֶשְׁכָּחֵ֥ךְ יְֽרוּשָׁלִָ֗ם תִּשְׁכַּ֥ח יְמִינִֽי׃

‎6 ‏תִּדְבַּ֥ק־לְשׁוֹנִ֨י׀ לְחִכִּי֮ אִם־לֹ֪א אֶ֫זְכְּרֵ֥כִי אִם־לֹ֣א אַ֭עֲלֶה אֶת־יְרוּשָׁלִַ֑ם עַ֝֗ל רֹ֣אשׁ שִׂמְחָתִֽי׃

‎7 ‏זְכֹ֤ר יְהוָ֨ה׀ לִבְנֵ֬י אֱד֗וֹם אֵת֮ י֤וֹם יְֽרוּשָׁ֫לִָ֥ם הָ֭אֹ֣מְרִים עָ֤רוּ׀ עָ֑רוּ עַ֝֗ד הַיְס֥וֹד בָּֽהּ׃

‎8 ‏בַּת־בָּבֶ֗ל הַשְּׁד֫וּדָ֥ה אַשְׁרֵ֥י שֶׁיְשַׁלֶּם־לָ֑ךְ אֶת־גְּ֝מוּלֵ֗ךְ שֶׁגָּמַ֥לְתְּ לָֽנוּ׃

‎9 ‏אַשְׁרֵ֤י׀ שֶׁיֹּאחֵ֓ז וְנִפֵּ֬ץ אֶֽת־עֹ֝לָלַ֗יִךְ אֶל־הַסָּֽלַע׃

1 ‘al nahărwōṯ| bāḇel šām yāšaḇənû gam-bāḵînû bəzāḵərēnû ’eṯ-ṣîywōn:

2 ‘al-‘ărāḇîm bəṯwōḵāh tālînû kinnōrwōṯênû:

3 kî šām šə’ēlûnû šwōḇênû diḇərê-šîr wəṯwōlālênû śiməḥâ šîrû lānû miššîr ṣîywōn:

4 ’êḵə nāšîr ’eṯ-šîr-yəhwâ ‘al ’aḏəmaṯ nēḵār:

5 ’im-’ešəkāḥēḵə yərûšālāim tišək^aḥ yəmînî:

6 tiḏəbaq-ləšwōnî| ləḥikî ’im-lō’ ’ezəkərēḵî ’im-lō’ ’^a‘ăleh ’eṯ-yərûšālaim ‘al rō’š śiməḥāṯî:

7 zəḵōr yəhwâ| liḇənê ’ĕḏwōm ’ēṯ ywōm yərûšālāim hā’ōmərîm ‘ārû| ‘ārû ‘aḏ hayəswōḏ bāh:

8 baṯ-bāḇel haššəḏûḏâ ’ašərê šeyəšallem-lāḵə ’eṯ-gəmûlēḵə šegāmalətə lānû:

9 ’ašərê| šeyyō’ḥēz wənipēṣ ’eṯ-‘ōlālayiḵə ’el-hassāl^a‘:

‎1 ‏לְדָוִ֨ד׀ אוֹדְךָ֥ בְכָל־לִבִּ֑י נֶ֖גֶד אֱלֹהִ֣ים אֲזַמְּרֶֽךָּ׃

‎2 ‏אֶשְׁתַּחֲוֶ֨ה אֶל־הֵיכַ֪ל קָדְשְׁךָ֡ וְא֘וֹדֶ֤ה אֶת־שְׁמֶ֗ךָ עַל־חַסְדְּךָ֥ וְעַל־אֲמִתֶּ֑ךָ כִּֽי־הִגְדַּ֥לְתָּ עַל־כָּל־שִׁ֝מְךָ֗ אִמְרָתֶֽךָ׃

‎3 ‏בְּי֣וֹם קָ֭רָֽאתִי וַֽתַּעֲנֵ֑נִי תַּרְהִבֵ֖נִי בְנַפְשִׁ֣י עֹֽז׃

‎4 ‏יוֹד֣וּךָ יְ֭הוָה כָּל־מַלְכֵי־אָ֑רֶץ כִּ֥י שָׁ֝מְע֗וּ אִמְרֵי־פִֽיךָ׃

‎5 ‏וְ֭יָשִׁירוּ בְּדַרְכֵ֣י יְהוָ֑ה כִּ֥י גָ֝ד֗וֹל כְּב֣וֹד יְהוָֽה׃

‎6 ‏כִּי־רָ֣ם יְ֭הוָה וְשָׁפָ֣ל יִרְאֶ֑ה וְ֝גָבֹ֗הַּ מִמֶּרְחָ֥ק יְיֵדָֽע׃

‎7 ‏אִם־אֵלֵ֤ךְ׀ בְּקֶ֥רֶב צָרָ֗ה תְּחַ֫יֵּ֥נִי עַ֤ל אַ֣ף אֹ֖יְבַי¹ תִּשְׁלַ֣ח יָדֶ֑ךָ וְת֖וֹשִׁיעֵ֣נִי יְמִינֶֽךָ׃

‎8 ‏יְהוָה֮ יִגְמֹ֪ר בַּ֫עֲדִ֥י יְ֭הוָה חַסְדְּךָ֣ לְעוֹלָ֑ם מַעֲשֵׂ֖י יָדֶ֣יךָ אַל־תֶּֽרֶף׃

1 ləḏāwiḏ| ’wōḏəḵā ḇəḵāl-libî neḡeḏ ’ĕlōhîm ’ăzamməreḵḵā:

2 ’ešət^aḥăweh ’el-hêḵal qāḏəšəḵā wə’wōḏeh ’eṯ-šəmeḵā ‘al-ḥasədəḵā wə‘al-’ămiteḵā kî-hiḡədalətā ‘al-kāl-šiməḵā ’imərāṯeḵā:

3 bəywōm qārā’ṯî wat^a‘ănēnî tarəhiḇēnî ḇənafəšî ‘ōz:

4 ywōḏûḵā yəhwâ kāl-maləḵê-’āreṣ kî šāmə‘û ’imərê-fîḵā:

5 wəyāšîrû bəḏarəḵê yəhwâ kî ḡāḏwōl kəḇwōḏ yəhwâ:

6 kî-rām yəhwâ wəšāfāl yirə’eh wəḡāḇōhha mimmerəḥāq yəyēḏā‘:

7 ’im-’ēlēḵə| bəqereḇ ṣārâ təḥayyēnî ‘al ’af ’ōyəḇay¹ tišəl^aḥ yāḏeḵā wəṯwōšî‘ēnî yəmîneḵā:

8 yəhwâ yiḡəmōr b^a‘ăḏî yəhwâ ḥasədəḵā lə‘wōlām m^a‘ăśê yāḏeyḵā ’al-teref:

‎1 ‏לַ֭מְנַצֵּחַ לְדָוִ֣ד מִזְמ֑וֹר יְהוָ֥ה חֲ֝קַרְתַּ֗נִי וַתֵּדָֽע׃

‎2 ‏אַתָּ֣ה יָ֭דַעְתָּ שִׁבְתִּ֣י וְקוּמִ֑י בַּ֥נְתָּה לְ֝רֵעִ֗י מֵרָחֽוֹק׃

‎3 ‏אָרְחִ֣י וְרִבְעִ֣י זֵרִ֑יתָ וְֽכָל־דְּרָכַ֥י הִסְכַּֽנְתָּה׃

‎4 ‏כִּ֤י אֵ֣ין מִ֭לָּה בִּלְשׁוֹנִ֑י הֵ֥ן יְ֝הוָ֗ה יָדַ֥עְתָּ כֻלָּֽהּ׃

‎5 ‏אָח֣וֹר וָקֶ֣דֶם צַרְתָּ֑נִי וַתָּ֖שֶׁת עָלַ֣י כַּפֶּֽכָה׃

‎6 ‏פלאיה פְּלִ֣יאָֽה דַ֣עַת מִמֶּ֑נִּי נִ֝שְׂגְּבָ֗ה לֹא־א֥וּכַֽל לָֽהּ׃

‎7 ‏אָ֭נָ֥ה אֵלֵ֣ךְ מֵרוּחֶ֑ךָ וְ֝אָ֗נָה מִפָּנֶ֥יךָ אֶבְרָֽח׃

‎8 ‏אִם־אֶסַּ֣ק שָׁ֭מַיִם שָׁ֣ם אָ֑תָּה וְאַצִּ֖יעָה שְּׁא֣וֹל הִנֶּֽךָּ׃

‎9 ‏אֶשָּׂ֥א כַנְפֵי־שָׁ֑חַר אֶ֝שְׁכְּנָ֗ה בְּאַחֲרִ֥ית יָֽם׃

‎10 ‏גַּם־שָׁ֭ם יָדְךָ֣ תַנְחֵ֑נִי וְֽתֹאחֲזֵ֥נִי יְמִינֶֽךָ׃

‎11 ‏וָ֭אֹמַר אַךְ־חֹ֣שֶׁךְ יְשׁוּפֵ֑נִי וְ֝לַ֗יְלָה א֣וֹר בַּעֲדֵֽנִי׃

‎12 ‏גַּם־חֹשֶׁךְ֮ לֹֽא־יַחְשִׁ֪יךְ מִ֫מֶּ֥ךָ וְ֭לַיְלָה כַּיּ֣וֹם יָאִ֑יר כַּ֝חֲשֵׁיכָ֗ה כָּאוֹרָֽה׃

‎13 ‏כִּֽי־אַ֭תָּה קָנִ֣יתָ כִלְיֹתָ֑י תְּ֝סֻכֵּ֗נִי בְּבֶ֣טֶן אִמִּֽי׃

‎14 ‏אֽוֹדְךָ֗ עַ֤ל כִּ֥י נוֹרָא֗וֹת נִ֫פְלֵ֥יתִי נִפְלָאִ֥ים מַעֲשֶׂ֑יךָ וְ֝נַפְשִׁ֗י יֹדַ֥עַת מְאֹֽד׃

‎15 ‏לֹא־נִכְחַ֥ד עָצְמִ֗י מִ֫מֶּ֥ךָּ אֲשֶׁר־עֻשֵּׂ֥יתִי בַסֵּ֑תֶר רֻ֝קַּ֗מְתִּי בְּֽתַחְתִּיּ֥וֹת אָֽרֶץ׃

‎16 ‏גָּלְמִ֤י׀ רָ֘א֤וּ עֵינֶ֗יךָ וְעַֽל־סִפְרְךָ֮ כֻּלָּ֪ם יִכָּ֫תֵ֥בוּ יָמִ֥ים יֻצָּ֑רוּ ולא וְל֖וֹ אֶחָ֣ד בָּהֶֽם׃

‎17 ‏וְלִ֗י מַה־יָּקְר֣וּ רֵעֶ֣יךָ אֵ֑ל מֶ֥ה עָ֝צְמוּ רָאשֵׁיהֶֽם׃

‎18 ‏אֶ֭סְפְּרֵם מֵח֣וֹל יִרְבּ֑וּן הֱ֝קִיצֹ֗תִי וְעוֹדִ֥י עִמָּֽךְ׃

‎19 ‏אִם־תִּקְטֹ֖ל אֱל֥וֹהַּ׀ רָשָׁ֑ע וְאַנְשֵׁ֥י דָ֝מִ֗ים ס֣וּרוּ מֶֽנִּי׃

‎20 ‏אֲשֶׁ֣ר יֹ֭אמְרֻךָ לִמְזִמָּ֑ה נָשֻׂ֖א לַשָּׁ֣וְא עָרֶֽיךָ׃

‎21 ‏הֲלֽוֹא־מְשַׂנְאֶ֖יךָ יְהוָ֥ה׀ אֶשְׂנָ֑א וּ֝בִתְקוֹמְמֶ֗יךָ אֶתְקוֹטָֽט׃

‎22 ‏תַּכְלִ֣ית שִׂנְאָ֣ה שְׂנֵאתִ֑ים לְ֝אוֹיְבִ֗ים הָ֣יוּ לִֽי׃

‎23 ‏חָקְרֵ֣נִי אֵ֭ל וְדַ֣ע לְבָבִ֑י בְּ֝חָנֵ֗נִי וְדַ֣ע שַׂרְעַפָּֽי׃

‎24 ‏וּרְאֵ֗ה אִם־דֶּֽרֶךְ־עֹ֥צֶב בִּ֑י וּ֝נְחֵ֗נִי בְּדֶ֣רֶךְ עוֹלָֽם׃

1 lamənaṣṣēḥa ləḏāwiḏ mizəmwōr yəhwâ ḥăqarətanî watēḏā‘:

2 ’atâ yāḏ^a‘ətā šiḇətî wəqûmî banətâ lərē‘î mērāḥwōq:

3 ’ārəḥî wəriḇə‘î zērîṯā wəḵāl-dərāḵay hisəkanətâ:

4 kî ’ên millâ biləšwōnî hēn yəhwâ yāḏ^a‘ətā ḵullāh:

5 ’āḥwōr wāqeḏem ṣarətānî watāšeṯ ‘ālay kapeḵâ:

6 pilə’îyâ pəlî’â ḏ^a‘aṯ mimmennî niśəgəḇâ lō’-’ûḵal lāh:

7 ’ānâ ’ēlēḵə mērûḥeḵā wə’ānâ mipāneyḵā ’eḇərāḥ:

8 ’im-’essaq šāmayim šām ’ātâ wə’aṣṣî‘â ššə’wōl hinneḵḵā:

9 ’eśśā’ ḵanəfê-šāḥar ’ešəkənâ bə’^aḥărîṯ yām:

10 gam-šām yāḏəḵā ṯanəḥēnî wəṯō’ḥăzēnî yəmîneḵā:

11 wā’ōmar ’aḵə-ḥōšeḵə yəšûfēnî wəlayəlâ ’wōr b^a‘ăḏēnî:

12 gam-ḥōšeḵə lō’-y^aḥəšîḵə mimmeḵā wəlayəlâ kayywōm yā’îr k^aḥăšêḵâ kā’wōrâ:

13 kî-’atâ qānîṯā ḵiləyōṯāy təsukēnî bəḇeṭen ’immî:

14 ’wōḏəḵā ‘al kî nwōrā’wōṯ nifəlêṯî nifəlā’îm m^a‘ăśeyḵā wənafəšî yōḏ^a‘aṯ mə’ōḏ:

15 lō’-niḵəḥaḏ ‘āṣəmî mimmeḵḵā ’ăšer-‘uśśêṯî ḇassēṯer ruqqamətî bəṯ^aḥətîywōṯ ’āreṣ:

16 gāləmî| rā’û ‘êneyḵā wə‘al-sifərəḵā kullām yikāṯēḇû yāmîm yuṣṣārû wəlō’ wəlwō ’eḥāḏ bâem:

17 wəlî mah-yyāqərû rē‘eyḵā ’ēl meh ‘āṣəmû rā’šêhem:

18 ’esəpərēm mēḥwōl yirəbûn hĕqîṣōṯî wə‘wōḏî ‘immāḵə:

19 ’im-tiqəṭōl ’ĕlwōhha| rāšā‘ wə’anəšê ḏāmîm sûrû mennî:

20 ’ăšer yō’məruḵā liməzimmâ nāśu’ laššāwə’ ‘āreyḵā:

21 hălwō’-məśanə’eyḵā yəhwâ| ’eśənā’ ûḇiṯəqwōməmeyḵā ’eṯəqwōṭāṭ:

22 taḵəlîṯ śinə’â śənē’ṯîm lə’wōyəḇîm hāyû lî:

23 ḥāqərēnî ’ēl wəḏ^a‘ ləḇāḇî bəḥānēnî wəḏ^a‘ śarə‘apāy:

24 ûrə’ēh ’im-dereḵə-‘ōṣeḇ bî ûnəḥēnî bəḏereḵə ‘wōlām:

‎1 ‏לַמְנַצֵּ֗חַ מִזְמ֥וֹר לְדָוִֽד׃

‎2 ‏חַלְּצֵ֣נִי יְ֭הוָה מֵאָדָ֣ם רָ֑ע מֵאִ֖ישׁ חֲמָסִ֣ים תִּנְצְרֵֽנִי׃

‎3 ‏אֲשֶׁ֤ר חָשְׁב֣וּ רָע֣וֹת בְּלֵ֑ב כָּל־י֝֗וֹם יָג֥וּרוּ מִלְחָמֽוֹת׃

‎4 ‏שָֽׁנֲנ֣וּ לְשׁוֹנָם֮ כְּֽמוֹ־נָ֫חָ֥שׁ חֲמַ֥ת עַכְשׁ֑וּב תַּ֖חַת שְׂפָתֵ֣ימוֹ סֶֽלָה׃

‎5 ‏שָׁמְרֵ֤נִי יְהוָ֨ה׀ מִ֘ידֵ֤י רָשָׁ֗ע מֵאִ֣ישׁ חֲמָסִ֣ים תִּנְצְרֵ֑נִי אֲשֶׁ֥ר חָ֝שְׁב֗וּ לִדְח֥וֹת פְּעָמָֽי׃

‎6 ‏טָֽמְנֽוּ־גֵאִ֨ים׀ פַּ֡ח לִ֗י וַחֲבָלִ֗ים פָּ֣רְשׂוּ רֶ֭שֶׁת לְיַד־מַעְגָּ֑ל מֹקְשִׁ֖ים שָֽׁתוּ־לִ֣י סֶֽלָה׃

‎7 ‏אָמַ֣רְתִּי לַ֭יהוָה אֵ֣לִי אָ֑תָּה הַאֲזִ֥ינָה יְ֝הוָ֗ה ק֣וֹל תַּחֲנוּנָֽי׃

‎8 ‏יְהוִֹ֣ה אֲ֭דֹנָי עֹ֣ז יְשׁוּעָתִ֑י סַכֹּ֥תָה לְ֝רֹאשִׁ֗י בְּי֣וֹם נָֽשֶׁק׃

‎9 ‏אַל־תִּתֵּ֣ן יְ֭הוָה מַאֲוַיֵּ֣י רָשָׁ֑ע זְמָמ֥וֹ אַל־תָּ֝פֵ֗ק יָר֥וּמוּ סֶֽלָה׃

‎10 ‏רֹ֥אשׁ מְסִבָּ֑י עֲמַ֖ל שְׂפָתֵ֣ימוֹ יכסומו יְכַסֵּֽמוֹ׃³

‎11 ‏ימיטו יִמּ֥וֹטוּ עֲלֵיהֶ֗ם גֶּֽחָ֫לִ֥ים בָּאֵ֥שׁ יַפִּלֵ֑ם בְּ֝מַהֲמֹר֗וֹת בַּֽל־יָקֽוּמוּ׃

‎12 ‏אִ֥ישׁ לָשׁוֹן֮ בַּל־יִכּ֪וֹן בָּ֫אָ֥רֶץ אִישׁ־חָמָ֥ס רָ֑ע יְ֝צוּדֶ֗נּוּ לְמַדְחֵפֹֽת׃

‎13 ‏ידעת יָדַ֗עְתִּי כִּֽי־יַעֲשֶׂ֣ה יְ֭הוָה דִּ֣ין עָנִ֑י מִ֝שְׁפַּ֗ט אֶבְיֹנִֽים׃

‎14 ‏אַ֣ךְ צַ֭דִּיקִים יוֹד֣וּ לִשְׁמֶ֑ךָ יֵשְׁב֥וּ יְ֝שָׁרִ֗ים אֶת־פָּנֶֽיךָ׃

1 lamənaṣṣēḥa mizəmwōr ləḏāwiḏ:

2 ḥalləṣēnî yəhwâ mē’āḏām rā‘ mē’îš ḥămāsîm tinəṣərēnî:

3 ’ăšer ḥāšəḇû rā‘wōṯ bəlēḇ kāl-ywōm yāḡûrû miləḥāmwōṯ:

4 šānănû ləšwōnām kəmwō-nāḥāš ḥămaṯ ‘aḵəšûḇ t^aḥaṯ śəfāṯêmwō selâ:

5 šāmərēnî yəhwâ| mîḏê rāšā‘ mē’îš ḥămāsîm tinəṣərēnî ’ăšer ḥāšəḇû liḏəḥwōṯ pə‘āmāy:

6 ṭāmənû-ḡē’îm| p^aḥ lî w^aḥăḇālîm pārəśû rešeṯ ləyaḏ-m^a‘əgāl mōqəšîm šāṯû-lî selâ:

7 ’āmarətî layhwâ ’ēlî ’ātâ ha’ăzînâ yəhwâ qwōl t^aḥănûnāy:

8 yəhwōih ’ăḏōnāy ‘ōz yəšû‘āṯî sakōṯâ lərō’šî bəywōm nāšeq:

9 ’al-titēn yəhwâ ma’ăwayyê rāšā‘ zəmāmwō ’al-tāfēq yārûmû selâ:

10 rō’š məsibāy ‘ămal śəfāṯêmwō yəḵassûmwō yəḵassēmwō:³

11 yāmîṭû yimmwōṭû ‘ălêhem geḥālîm bā’ēš yapilēm bəmahămōrwōṯ bal-yāqûmû:

12 ’îš lāšwōn bal-yikwōn bā’āreṣ ’îš-ḥāmās rā‘ yəṣûḏennû ləmaḏəḥēfōṯ:

13 yāḏ^a‘əti yāḏ^a‘ətî kî-y^a‘ăśeh yəhwâ dîn ‘ānî mišəpaṭ ’eḇəyōnîm:

14 ’aḵə ṣadîqîm ywōḏû lišəmeḵā yēšəḇû yəšārîm ’eṯ-pāneyḵā:

‎1 ‏מִזְמ֗וֹר לְדָ֫וִ֥ד יְהוָ֣ה קְ֭רָאתִיךָ ח֣וּשָׁה לִּ֑י הַאֲזִ֥ינָה ק֝וֹלִ֗י בְּקָרְאִי־לָֽךְ׃

‎2 ‏תִּכּ֤וֹן תְּפִלָּתִ֣י קְטֹ֣רֶת לְפָנֶ֑יךָ מַֽשְׂאַ֥ת כַּ֝פַּ֗י מִנְחַת־עָֽרֶב׃

‎3 ‏שִׁיתָ֣ה יְ֭הוָה שָׁמְרָ֣ה לְפִ֑י נִ֝צְּרָ֗ה עַל־דַּ֥ל שְׂפָתָֽי׃

‎4 ‏אַל־תַּט־לִבִּ֨י לְדָבָ֪ר׀ רָ֡ע לְהִתְע֘וֹלֵ֤ל עֲלִל֨וֹת׀ בְּרֶ֗שַׁע אֶת־אִישִׁ֥ים פֹּֽעֲלֵי־אָ֑וֶן וּבַל־אֶ֝לְחַ֗ם בְּמַנְעַמֵּיהֶֽם׃

‎5 ‏יֶֽהֶלְמֵֽנִי־צַדִּ֨יק׀ חֶ֡סֶד וְֽיוֹכִיחֵ֗נִי שֶׁ֣מֶן רֹ֭אשׁ אַל־יָנִ֣י רֹאשִׁ֑י כִּי־ע֥וֹד וּ֝תְפִלָּתִ֗י בְּרָעוֹתֵיהֶֽם׃

‎6 ‏נִשְׁמְט֣וּ בִֽידֵי־סֶ֭לַע שֹׁפְטֵיהֶ֑ם וְשָׁמְע֥וּ אֲ֝מָרַ֗י כִּ֣י נָעֵֽמוּ׃

‎7 ‏כְּמ֤וֹ פֹלֵ֣חַ וּבֹקֵ֣עַ בָּאָ֑רֶץ נִפְזְר֥וּ עֲ֝צָמֵ֗ינוּ לְפִ֣י שְׁאֽוֹל׃

‎8 ‏כִּ֤י אֵלֶ֨יךָ׀ יְהוִ֣ה³ אֲדֹנָ֣י עֵינָ֑י בְּכָ֥ה חָ֝סִ֗יתִי אַל־תְּעַ֥ר נַפְשִֽׁי׃

‎9 ‏שָׁמְרֵ֗נִי מִ֣ידֵי פַ֭ח יָ֣קְשׁוּ לִ֑י וּ֝מֹקְשׁ֗וֹת פֹּ֣עֲלֵי אָֽוֶן׃

‎10 ‏יִפְּל֣וּ בְמַכְמֹרָ֣יו רְשָׁעִ֑ים יַ֥חַד אָ֝נֹכִ֗י עַֽד־אֶעֱבֽוֹר׃

1 mizəmwōr ləḏāwiḏ yəhwâ qərā’ṯîḵā ḥûšâ llî ha’ăzînâ qwōlî bəqārə’î-lāḵə:

2 tikwōn təfillāṯî qəṭōreṯ ləfāneyḵā maśə’aṯ kapay minəḥaṯ-‘āreḇ:

3 šîṯâ yəhwâ šāmərâ ləfî niṣṣərâ ‘al-dal śəfāṯāy:

4 ’al-taṭ-libî ləḏāḇār| rā‘ ləhiṯə‘wōlēl ‘ălilwōṯ| bəreš^a‘ ’eṯ-’îšîm pō‘ălê-’āwen ûḇal-’eləḥam bəmanə‘ammêhem:

5 yeheləmēnî-ṣadîq| ḥeseḏ wəywōḵîḥēnî šemen rō’š ’al-yānî rō’šî kî-‘wōḏ ûṯəfillāṯî bərā‘wōṯêhem:

6 nišəməṭû ḇîḏê-sel^a‘ šōfəṭêhem wəšāmə‘û ’ămāray kî nā‘ēmû:

7 kəmwō fōlēḥa ûḇōqē‘a bā’āreṣ nifəzərû ‘ăṣāmênû ləfî šə’wōl:

8 kî ’ēleyḵā| yəhwih³ ’ăḏōnāy ‘ênāy bəḵâ ḥāsîṯî ’al-tə‘ar nafəšî:

9 šāmərēnî mîḏê f^aḥ yāqəšû lî ûmōqəšwōṯ pō‘ălê ’āwen:

10 yipəlû ḇəmaḵəmōrāyw rəšā‘îm y^aḥaḏ ’ānōḵî ‘aḏ-’e‘ĕḇwōr:

‎1 ‏מַשְׂכִּ֥יל לְדָוִ֑ד בִּהְיוֹת֖וֹ בַמְּעָרָ֣ה תְפִלָּֽה׃

‎2 ‏ק֭וֹלִי אֶל־יְהוָ֣ה אֶזְעָ֑ק ק֝וֹלִ֗י אֶל־יְהוָ֥ה אֶתְחַנָּֽן׃

‎3 ‏אֶשְׁפֹּ֣ךְ לְפָנָ֣יו שִׂיחִ֑י צָ֝רָתִ֗י לְפָנָ֥יו אַגִּֽיד׃

‎4 ‏בְּהִתְעַטֵּ֬ף עָלַ֨י׀ רוּחִ֗י וְאַתָּה֮ יָדַ֪עְתָּ נְֽתִיבָ֫תִ֥י בְּאֹֽרַח־ז֥וּ אֲהַלֵּ֑ךְ טָמְנ֖וּ פַ֣ח לִֽי׃

‎5 ‏הַבֵּ֤יט יָמִ֨ין׀ וּרְאֵה֮ וְאֵֽין־לִ֪י מַ֫כִּ֥יר אָבַ֣ד מָנ֣וֹס מִמֶּ֑נִּי אֵ֖ין דּוֹרֵ֣שׁ לְנַפְשִֽׁי׃

‎6 ‏זָעַ֥קְתִּי אֵלֶ֗יךָ יְה֫וָ֥ה אָ֭מַרְתִּי אַתָּ֣ה מַחְסִ֑י חֶ֝לְקִ֗י בְּאֶ֣רֶץ הַֽחַיִּים׃

‎7 ‏הַקְשִׁ֤יבָה׀ אֶֽל־רִנָּתִי֮ כִּֽי־דַלּ֪וֹתִ֫י מְאֹ֥ד הַצִּילֵ֥נִי מֵרֹדְפַ֑י כִּ֖י אָמְצ֣וּ מִמֶּֽנִּי׃

‎8 ‏ה֘וֹצִ֤יאָה מִמַּסְגֵּ֨ר׀ נַפְשִׁי֮ לְהוֹד֪וֹת אֶת־שְׁ֫מֶ֥ךָ בִּ֭י יַכְתִּ֣רוּ צַדִּיקִ֑ים כִּ֖י תִגְמֹ֣ל עָלָֽי׃

1 maśəkîl ləḏāwiḏ bihəywōṯwō ḇammə‘ārâ ṯəfillâ:

2 qwōlî ’el-yəhwâ ’ezə‘āq qwōlî ’el-yəhwâ ’eṯəḥannān:

3 ’ešəpōḵə ləfānāyw śîḥî ṣārāṯî ləfānāyw ’agîḏ:

4 bəhiṯə‘aṭṭēf ‘ālay| rûḥî wə’atâ yāḏ^a‘ətā nəṯîḇāṯî bə’ōr^aḥ-zû ’ăhallēḵə ṭāmənû f^aḥ lî:

5 habêṭ yāmîn| ûrə’ēh wə’ên-lî makîr ’āḇaḏ mānwōs mimmennî ’ên dwōrēš lənafəšî:

6 zā‘aqətî ’ēleyḵā yəhwâ ’āmarətî ’atâ m^aḥəsî ḥeləqî bə’ereṣ h^aḥayyîm:

7 haqəšîḇâ| ’el-rinnāṯî kî-ḏallwōṯî mə’ōḏ haṣṣîlēnî mērōḏəfay kî ’āməṣû mimmennî:

8 hwōṣî’â mimmasəgēr| nafəšî ləhwōḏwōṯ ’eṯ-šəmeḵā bî yaḵətirû ṣadîqîm kî ṯiḡəmōl ‘ālāy:

‎1 ‏מִזְמ֗וֹר לְדָ֫וִ֥ד יְהוָ֤ה׀ שְׁמַ֬ע תְּפִלָּתִ֗י הַאֲזִ֥ינָה אֶל־תַּחֲנוּנַ֑י בֶּאֱמֻנָתְךָ֥ עֲ֝נֵ֗נִי בְּצִדְקָתֶֽךָ׃

‎2 ‏וְאַל־תָּב֣וֹא בְ֭מִשְׁפָּט אֶת־עַבְדֶּ֑ךָ כִּ֤י לֹֽא־יִצְדַּ֖ק לְפָנֶ֣יךָ כָל־חָֽי׃

‎3 ‏כִּ֥י רָ֘דַ֤ף אוֹיֵ֨ב׀ נַפְשִׁ֗י דִּכָּ֣א לָ֭אָרֶץ חַיָּתִ֑י הוֹשִׁיבַ֥נִי בְ֝מַחֲשַׁכִּ֗ים כְּמֵתֵ֥י עוֹלָֽם׃

‎4 ‏וַתִּתְעַטֵּ֣ף עָלַ֣י רוּחִ֑י בְּ֝תוֹכִ֗י יִשְׁתּוֹמֵ֥ם לִבִּֽי׃

‎5 ‏זָ֘כַ֤רְתִּי יָמִ֨ים׀ מִקֶּ֗דֶם הָגִ֥יתִי בְכָל־פָּעֳלֶ֑ךָ בְּֽמַעֲשֵׂ֖ה יָדֶ֣יךָ אֲשׂוֹחֵֽחַ׃

‎6 ‏פֵּרַ֣שְׂתִּי יָדַ֣י אֵלֶ֑יךָ נַפְשִׁ֓י׀ כְּאֶֽרֶץ־עֲיֵפָ֖ה לְךָ֣ סֶֽלָה׃

‎7 ‏מַ֘הֵ֤ר עֲנֵ֨נִי׀ יְהוָה֮ כָּלְתָ֪ה ר֫וּחִ֥י אַל־תַּסְתֵּ֣ר פָּנֶ֣יךָ מִמֶּ֑נִּי וְ֝נִמְשַׁ֗לְתִּי עִם־יֹ֥רְדֵי בֽוֹר׃

‎8 ‏הַשְׁמִ֘יעֵ֤נִי בַבֹּ֨קֶר׀ חַסְדֶּךָ֮ כִּֽי־בְךָ֪ בָ֫טָ֥חְתִּי הוֹדִיעֵ֗נִי דֶּֽרֶךְ־ז֥וּ אֵלֵ֑ךְ כִּֽי־אֵ֝לֶיךָ נָשָׂ֥אתִי נַפְשִֽׁי׃

‎9 ‏הַצִּילֵ֖נִי מֵאֹיְבַ֥י׀ יְהוָ֗ה אֵלֶ֥יךָ כִסִּֽתִי׃

‎10 ‏לַמְּדֵ֤נִי׀ לַֽעֲשׂ֣וֹת רְצוֹנֶךָ֮ כִּֽי־אַתָּ֪ה אֱל֫וֹהָ֥י רוּחֲךָ֥ טוֹבָ֑ה תַּ֝נְחֵ֗נִי בְּאֶ֣רֶץ מִישֽׁוֹר׃

‎11 ‏לְמַֽעַן־שִׁמְךָ֣ יְהוָ֣ה תְּחַיֵּ֑נִי בְּצִדְקָתְךָ֓׀ תוֹצִ֖יא מִצָּרָ֣ה נַפְשִֽׁי׃

‎12 ‏וּֽבְחַסְדְּךָ֮ תַּצְמִ֪ית אֹ֫יְבָ֥י וְֽ֭הַאֲבַדְתָּ כָּל־צֹרֲרֵ֣י נַפְשִׁ֑י כִּ֝֗י אֲנִ֣י עַבְדֶּֽךָ׃

1 mizəmwōr ləḏāwiḏ yəhwâ| šəm^a‘ təfillāṯî ha’ăzînâ ’el-t^aḥănûnay be’ĕmunāṯəḵā ‘ănēnî bəṣiḏəqāṯeḵā:

2 wə’al-tāḇwō’ ḇəmišəpāṭ ’eṯ-‘aḇədeḵā kî lō’-yiṣədaq ləfāneyḵā ḵāl-ḥāy:

3 kî rāḏaf ’wōyēḇ| nafəšî dikā’ lā’āreṣ ḥayyāṯî hwōšîḇanî ḇəm^aḥăšakîm kəmēṯê ‘wōlām:

4 watiṯə‘aṭṭēf ‘ālay rûḥî bəṯwōḵî yišətwōmēm libî:

5 zāḵarətî yāmîm| miqqeḏem hāḡîṯî ḇəḵāl-pā‘ŏleḵā bəm^a‘ăśēh yāḏeyḵā ’ăśwōḥēḥa:

6 pēraśətî yāḏay ’ēleyḵā nafəšî| kə’ereṣ-‘ăyēfâ ləḵā selâ:

7 mahēr ‘ănēnî| yəhwâ kāləṯâ rûḥî ’al-tasətēr pāneyḵā mimmennî wəniməšalətî ‘im-yōrəḏê ḇwōr:

8 hašəmî‘ēnî ḇabōqer| ḥasədeḵā kî-ḇəḵā ḇāṭāḥətî hwōḏî‘ēnî dereḵə-zû ’ēlēḵə kî-’ēleyḵā nāśā’ṯî nafəšî:

9 haṣṣîlēnî mē’ōyəḇay| yəhwâ ’ēleyḵā ḵissiṯî:

10 lamməḏēnî| l^a‘ăśwōṯ rəṣwōneḵā kî-’atâ ’ĕlwōhāy rûḥăḵā ṭwōḇâ tanəḥēnî bə’ereṣ mîšwōr:

11 ləm^a‘an-šiməḵā yəhwâ təḥayyēnî bəṣiḏəqāṯəḵā| ṯwōṣî’ miṣṣārâ nafəšî:

12 ûḇəḥasədəḵā taṣəmîṯ ’ōyəḇāy wəha’ăḇaḏətā kāl-ṣōrărê nafəšî kî ’ănî ‘aḇədeḵā:

‎1 ‏לְדָוִ֨ד׀ בָּ֘ר֤וּךְ יְהוָ֨ה׀ צוּרִ֗י הַֽמְלַמֵּ֣ד יָדַ֣י לַקְרָ֑ב אֶ֝צְבְּעוֹתַ֗י לַמִּלְחָמָֽה׃

‎2 ‏חַסְדִּ֥י וּמְצוּדָתִי֮ מִשְׂגַּבִּ֪י וּֽמְפַלְטִ֫י לִ֥י מָ֭גִנִּי וּב֣וֹ חָסִ֑יתִי הָרוֹדֵ֖ד עַמִּ֣י תַחְתָּֽי׃

‎3 ‏יְֽהוָ֗ה מָה־אָ֭דָם וַתֵּדָעֵ֑הוּ בֶּן־אֱ֝נ֗וֹשׁ וַֽתְּחַשְּׁבֵֽהוּ׃

‎4 ‏אָ֭דָם לַהֶ֣בֶל דָּמָ֑ה יָ֝מָ֗יו כְּצֵ֣ל עוֹבֵֽר׃

‎5 ‏יְ֭הוָה הַט־שָׁמֶ֣יךָ וְתֵרֵ֑ד גַּ֖ע בֶּהָרִ֣ים וְֽיֶעֱשָֽׁנוּ׃

‎6 ‏בְּר֣וֹק בָּ֭רָק וּתְפִיצֵ֑ם שְׁלַ֥ח חִ֝צֶּ֗יךָ וּתְהֻמֵּֽם׃

‎7 ‏שְׁלַ֥ח יָדֶ֗יךָ מִמָּ֫ר֥וֹם פְּצֵ֣נִי וְ֭הַצִּילֵנִי מִמַּ֣יִם רַבִּ֑ים מִ֝יַּ֗ד בְּנֵ֣י נֵכָֽר׃

‎8 ‏אֲשֶׁ֣ר פִּ֭יהֶם דִּבֶּר־שָׁ֑וְא וִֽ֝ימִינָ֗ם יְמִ֣ין שָֽׁקֶר׃

‎9 ‏אֱ‍ֽלֹהִ֗ים שִׁ֣יר חָ֭דָשׁ אָשִׁ֣ירָה לָּ֑ךְ בְּנֵ֥בֶל עָ֝שׂ֗וֹר אֲזַמְּרָה־לָּֽךְ׃

‎10 ‏הַנּוֹתֵ֥ן תְּשׁוּעָ֗ה לַמְּלָ֫כִ֥ים הַ֭פּוֹצֶה אֶת־דָּוִ֥ד עַבְדּ֗וֹ מֵחֶ֥רֶב רָעָֽה׃

‎11 ‏פְּצֵ֥נִי וְהַצִּילֵנִי֮ מִיַּ֪ד בְּֽנֵי־נֵ֫כָ֥ר אֲשֶׁ֣ר פִּ֭יהֶם דִּבֶּר־שָׁ֑וְא וִֽ֝ימִינָ֗ם יְמִ֣ין שָֽׁקֶר׃

‎12 ‏אֲשֶׁ֤ר בָּנֵ֨ינוּ׀ כִּנְטִעִים֮ מְגֻדָּלִ֪ים בִּֽנְעוּרֵ֫יהֶ֥ם בְּנוֹתֵ֥ינוּ כְזָוִיֹּ֑ת מְ֝חֻטָּב֗וֹת תַּבְנִ֥ית הֵיכָֽל׃

‎13 ‏מְזָוֵ֣ינוּ מְלֵאִים֮ מְפִיקִ֥ים מִזַּ֗ן אֶ֫ל־זַ֥ן צֹאונֵ֣נוּ מַ֭אֲלִיפוֹת מְרֻבָּב֗וֹת בְּחוּצוֹתֵֽינוּ׃

‎14 ‏אַלּוּפֵ֗ינוּ מְֽסֻבָּ֫לִ֥ים אֵֽין־פֶּ֭רֶץ וְאֵ֣ין יוֹצֵ֑את וְאֵ֥ין צְ֝וָחָ֗ה בִּרְחֹבֹתֵֽינוּ׃

‎15 ‏אַשְׁרֵ֣י הָ֭עָם שֶׁכָּ֣כָה לּ֑וֹ אַֽשְׁרֵ֥י הָ֝עָ֗ם שֶׁיֲהוָ֥ה אֱלֹהָֽיו׃

1 ləḏāwiḏ| bārûḵə yəhwâ| ṣûrî haməlammēḏ yāḏay laqərāḇ ’eṣəbə‘wōṯay lammiləḥāmâ:

2 ḥasədî ûməṣûḏāṯî miśəgabî ûməfaləṭî lî māḡinnî ûḇwō ḥāsîṯî hārwōḏēḏ ‘ammî ṯ^aḥətāy:

3 yəhwâ mâ-’āḏām watēḏā‘ēhû ben-’ĕnwōš watəḥaššəḇēhû:

4 ’āḏām laheḇel dāmâ yāmāyw kəṣēl ‘wōḇēr:

5 yəhwâ haṭ-šāmeyḵā wəṯērēḏ g^a‘ behārîm wəye‘ĕšānû:

6 bərwōq bārāq ûṯəfîṣēm šəl^aḥ ḥiṣṣeyḵā ûṯəhummēm:

7 šəl^aḥ yāḏeyḵā mimmārwōm pəṣēnî wəhaṣṣîlēnî mimmayim rabîm mîyaḏ bənê nēḵār:

8 ’ăšer pîhem diber-šāwə’ wîmînām yəmîn šāqer:

9 ’ĕ‍lōhîm šîr ḥāḏāš ’āšîrâ llāḵə bənēḇel ‘āśwōr ’ăzammərâ-llāḵə:

10 hannwōṯēn təšû‘â lamməlāḵîm hapwōṣeh ’eṯ-dāwiḏ ‘aḇədwō mēḥereḇ rā‘â:

11 pəṣēnî wəhaṣṣîlēnî mîyaḏ bənê-nēḵār ’ăšer pîhem diber-šāwə’ wîmînām yəmîn šāqer:

12 ’ăšer bānênû| kinəṭi‘îm məḡudālîm binə‘ûrêhem bənwōṯênû ḵəzāwîyōṯ məḥuṭṭāḇwōṯ taḇənîṯ hêḵāl:

13 məzāwênû məlē’îm məfîqîm mizzan ’el-zan ṣō’wnēnû ma’ălîfwōṯ mərubāḇwōṯ bəḥûṣwōṯênû:

14 ’allûfênû məsubālîm ’ên-pereṣ wə’ên ywōṣē’ṯ wə’ên ṣəwāḥâ birəḥōḇōṯênû:

15 ’ašərê hā‘ām šekāḵâ llwō ’ašərê hā‘ām šeyăhwâ ’ĕlōhāyw:

‎1 ‏תְּהִלָּ֗ה לְדָ֫וִ֥ד אֲרוֹמִמְךָ֣ אֱלוֹהַ֣י הַמֶּ֑לֶךְ וַאֲבָרֲכָ֥ה שִׁ֝מְךָ֗ לְעוֹלָ֥ם וָעֶֽד׃

‎2 ‏בְּכָל־י֥וֹם אֲבָרֲכֶ֑ךָּ וַאֲהַלְלָ֥ה שִׁ֝מְךָ֗ לְעוֹלָ֥ם וָעֶֽד׃

‎3 ‏גָּ֘ד֤וֹל³ יְהוָ֣ה וּמְהֻלָּ֣ל מְאֹ֑ד וְ֝לִגְדֻלָּת֗וֹ אֵ֣ין חֵֽקֶר׃

‎4 ‏דּ֣וֹר לְ֭דוֹר יְשַׁבַּ֣ח מַעֲשֶׂ֑יךָ וּגְב֖וּרֹתֶ֣יךָ יַגִּֽידוּ׃

‎5 ‏הֲ֭דַר כְּב֣וֹד הוֹדֶ֑ךָ וְדִבְרֵ֖י נִפְלְאוֹתֶ֣יךָ אָשִֽׂיחָה׃

‎6 ‏וֶעֱז֣וּז נוֹרְאֹתֶ֣יךָ יֹאמֵ֑רוּ וגדולתיך וּגְדוּלָּתְךָ֥ אֲסַפְּרֶֽנָּה׃

‎7 ‏זֵ֣כֶר רַב־טוּבְךָ֣ יַבִּ֑יעוּ וְצִדְקָתְךָ֥ יְרַנֵּֽנוּ׃

‎8 ‏חַנּ֣וּן וְרַח֣וּם יְהוָ֑ה אֶ֥רֶךְ אַ֝פַּ֗יִם וּגְדָל־חָֽסֶד׃

‎9 ‏טוֹב־יְהוָ֥ה לַכֹּ֑ל וְ֝רַחֲמָ֗יו עַל־כָּל־מַעֲשָֽׂיו׃

‎10 ‏יוֹד֣וּךָ יְ֭הוָה כָּל־מַעֲשֶׂ֑יךָ וַ֝חֲסִידֶ֗יךָ יְבָרֲכֽוּכָה׃

‎11 ‏כְּב֣וֹד מַלְכוּתְךָ֣ יֹאמֵ֑רוּ וּגְבוּרָתְךָ֥ יְדַבֵּֽרוּ׃

‎12 ‏לְהוֹדִ֤יעַ׀ לִבְנֵ֣י הָ֭אָדָם גְּבוּרֹתָ֑יו וּ֝כְב֗וֹד הֲדַ֣ר מַלְכוּתֽוֹ׃

‎13 ‏מַֽלְכוּתְךָ֗ מַלְכ֥וּת כָּל־עֹֽלָמִ֑ים וּ֝מֶֽמְשֶׁלְתְּךָ֗ בְּכָל־דּ֥וֹר וָדֽוֹר׃

‎14 ‏סוֹמֵ֣ךְ יְ֭הוָה לְכָל־הַנֹּפְלִ֑ים וְ֝זוֹקֵ֗ף לְכָל־הַכְּפוּפִֽים׃

‎15 ‏עֵֽינֵי־כֹ֭ל אֵלֶ֣יךָ יְשַׂבֵּ֑רוּ וְאַתָּ֤ה נֽוֹתֵן־לָהֶ֖ם אֶת־אָכְלָ֣ם בְּעִתּֽוֹ׃

‎16 ‏פּוֹתֵ֥חַ אֶת־יָדֶ֑ךָ וּמַשְׂבִּ֖יעַ לְכָל־חַ֣י רָצֽוֹן׃

‎17 ‏צַדִּ֣יק יְ֭הוָה בְּכָל־דְּרָכָ֑יו וְ֝חָסִ֗יד בְּכָל־מַעֲשָֽׂיו׃

‎18 ‏קָר֣וֹב יְ֭הוָה לְכָל־קֹרְאָ֑יו לְכֹ֤ל אֲשֶׁ֖ר יִקְרָאֻ֣הוּ בֶאֱמֶֽת׃

‎19 ‏רְצוֹן־יְרֵאָ֥יו יַעֲשֶׂ֑ה וְֽאֶת־שַׁוְעָתָ֥ם יִ֝שְׁמַ֗ע וְיוֹשִׁיעֵֽם׃

‎20 ‏שׁוֹמֵ֣ר יְ֭הוָה אֶת־כָּל־אֹהֲבָ֑יו וְאֵ֖ת כָּל־הָרְשָׁעִ֣ים יַשְׁמִֽיד׃

‎21 ‏תְּהִלַּ֥ת יְהוָ֗ה יְֽדַבֶּ֫ר־פִּ֥י וִיבָרֵ֣ךְ כָּל־בָּ֭שָׂר שֵׁ֥ם קָדְשׁ֗וֹ לְעוֹלָ֥ם וָעֶֽד׃

1 təhillâ ləḏāwiḏ ’ărwōmiməḵā ’ĕlwōhay hammeleḵə wa’ăḇārăḵâ šiməḵā lə‘wōlām wā‘eḏ:

2 bəḵāl-ywōm ’ăḇārăḵeḵḵā wa’ăhaləlâ šiməḵā lə‘wōlām wā‘eḏ:

3 gāḏwōl³ yəhwâ ûməhullāl mə’ōḏ wəliḡəḏullāṯwō ’ên ḥēqer:

4 dwōr ləḏwōr yəšab^aḥ m^a‘ăśeyḵā ûḡəḇûrōṯeyḵā yagîḏû:

5 hăḏar kəḇwōḏ hwōḏeḵā wəḏiḇərê nifələ’wōṯeyḵā ’āśîḥâ:

6 we‘ĕzûz nwōrə’ōṯeyḵā yō’mērû ûḡəḏûllōṯeyḵā ûḡəḏûllāṯəḵā ’ăsapərennâ:

7 zēḵer raḇ-ṭûḇəḵā yabî‘û wəṣiḏəqāṯəḵā yərannēnû:

8 ḥannûn wər^aḥûm yəhwâ ’ereḵə ’apayim ûḡəḏāl-ḥāseḏ:

9 ṭwōḇ-yəhwâ lakōl wər^aḥămāyw ‘al-kāl-m^a‘ăśāyw:

10 ywōḏûḵā yəhwâ kāl-m^a‘ăśeyḵā w^aḥăsîḏeyḵā yəḇārăḵûḵâ:

11 kəḇwōḏ maləḵûṯəḵā yō’mērû ûḡəḇûrāṯəḵā yəḏabērû:

12 ləhwōḏî‘a| liḇənê hā’āḏām gəḇûrōṯāyw ûḵəḇwōḏ hăḏar maləḵûṯwō:

13 maləḵûṯəḵā maləḵûṯ kāl-‘ōlāmîm ûmeməšelətəḵā bəḵāl-dwōr wāḏwōr:

14 swōmēḵə yəhwâ ləḵāl-hannōfəlîm wəzwōqēf ləḵāl-hakəfûfîm:

15 ‘ênê-ḵōl ’ēleyḵā yəśabērû wə’atâ nwōṯēn-lâem ’eṯ-’āḵəlām bə‘itwō:

16 pwōṯēḥa ’eṯ-yāḏeḵā ûmaśəbî‘a ləḵāl-ḥay rāṣwōn:

17 ṣadîq yəhwâ bəḵāl-dərāḵāyw wəḥāsîḏ bəḵāl-m^a‘ăśāyw:

18 qārwōḇ yəhwâ ləḵāl-qōrə’āyw ləḵōl ’ăšer yiqərā’uhû ḇe’ĕmeṯ:

19 rəṣwōn-yərē’āyw y^a‘ăśeh wə’eṯ-šawə‘āṯām yišəm^a‘ wəywōšî‘ēm:

20 šwōmēr yəhwâ ’eṯ-kāl-’ōhăḇāyw wə’ēṯ kāl-hārəšā‘îm yašəmîḏ:

21 təhillaṯ yəhwâ yəḏaber-pî wîḇārēḵə kāl-bāśār šēm qāḏəšwō lə‘wōlām wā‘eḏ:

‎1 ‏הַֽלְלוּ־יָ֡הּ הַלְלִ֥י נַ֝פְשִׁ֗י אֶת־יְהוָֽה׃

‎2 ‏אֲהַלְלָ֣ה יְהוָ֣ה בְּחַיָּ֑י אֲזַמְּרָ֖ה לֵֽאלֹהַ֣י בְּעוֹדִֽי׃

‎3 ‏אַל־תִּבְטְח֥וּ בִנְדִיבִ֑ים בְּבֶן־אָדָ֓ם׀ שֶׁ֤אֵֽין ל֥וֹ תְשׁוּעָֽה׃

‎4 ‏תֵּצֵ֣א ר֭וּחוֹ יָשֻׁ֣ב לְאַדְמָת֑וֹ בַּיּ֥וֹם הַ֝ה֗וּא אָבְד֥וּ עֶשְׁתֹּנֹתָֽיו׃

‎5 ‏אַשְׁרֵ֗י שֶׁ֤אֵ֣ל יַעֲקֹ֣ב בְּעֶזְר֑וֹ שִׂ֝בְר֗וֹ עַל־יְהוָ֥ה אֱלֹהָֽיו׃

‎6 ‏עֹשֶׂ֤ה׀ שָׁ֘מַ֤יִם וָאָ֗רֶץ אֶת־הַיָּ֥ם וְאֶת־כָּל־אֲשֶׁר־בָּ֑ם הַשֹּׁמֵ֖ר אֱמֶ֣ת לְעוֹלָֽם׃

‎7 ‏עֹשֶׂ֤ה מִשְׁפָּ֨ט׀ לָעֲשׁוּקִ֗ים נֹתֵ֣ן לֶ֭חֶם לָרְעֵבִ֑ים יְ֝הוָ֗ה מַתִּ֥יר אֲסוּרִֽים׃

‎8 ‏יְהוָ֤ה׀ פֹּ֘קֵ֤חַ עִוְרִ֗ים יְ֭הוָה זֹקֵ֣ף כְּפוּפִ֑ים יְ֝הוָ֗ה אֹהֵ֥ב צַדִּיקִֽים׃

‎9 ‏יְהוָ֤ה׀ שֹׁ֘מֵ֤ר אֶת־גֵּרִ֗ים יָת֣וֹם וְאַלְמָנָ֣ה יְעוֹדֵ֑ד וְדֶ֖רֶךְ רְשָׁעִ֣ים יְעַוֵּֽת׃

‎10 ‏יִמְלֹ֤ךְ יְהוָ֨ה׀ לְעוֹלָ֗ם אֱלֹהַ֣יִךְ צִ֭יּוֹן לְדֹ֥ר וָדֹ֗ר הַֽלְלוּ־יָֽהּ׃

1 haləlû-yāh haləlî nafəšî ’eṯ-yəhwâ:

2 ’ăhaləlâ yəhwâ bəḥayyāy ’ăzammərâ lē’lōhay bə‘wōḏî:

3 ’al-tiḇəṭəḥû ḇinəḏîḇîm bəḇen-’āḏām| še’ên lwō ṯəšû‘â:

4 tēṣē’ rûḥwō yāšuḇ lə’aḏəmāṯwō bayywōm hahû’ ’āḇəḏû ‘ešətōnōṯāyw:

5 ’ašərê še’ēl y^a‘ăqōḇ bə‘ezərwō śiḇərwō ‘al-yəhwâ ’ĕlōhāyw:

6 ‘ōśeh| šāmayim wā’āreṣ ’eṯ-hayyām wə’eṯ-kāl-’ăšer-bām haššōmēr ’ĕmeṯ lə‘wōlām:

7 ‘ōśeh mišəpāṭ| lā‘ăšûqîm nōṯēn leḥem lārə‘ēḇîm yəhwâ matîr ’ăsûrîm:

8 yəhwâ| pōqēḥa ‘iwərîm yəhwâ zōqēf kəfûfîm yəhwâ ’ōhēḇ ṣadîqîm:

9 yəhwâ| šōmēr ’eṯ-gērîm yāṯwōm wə’aləmānâ yə‘wōḏēḏ wəḏereḵə rəšā‘îm yə‘aûēṯ:

10 yiməlōḵə yəhwâ| lə‘wōlām ’ĕlōhayiḵə ṣîywōn ləḏōr wāḏōr haləlû-yāh:

‎1 ‏הַ֥לְלוּ יָ֨הּ׀ כִּי־ט֖וֹב זַמְּרָ֣ה אֱלֹהֵ֑ינוּ כִּֽי־נָ֝עִים נָאוָ֥ה תְהִלָּֽה׃

‎2 ‏בּוֹנֵ֣ה יְרוּשָׁלִַ֣ם יְהוָ֑ה נִדְחֵ֖י יִשְׂרָאֵ֣ל יְכַנֵּֽס׃

‎3 ‏הָ֭רֹפֵא לִשְׁב֣וּרֵי לֵ֑ב וּ֝מְחַבֵּ֗שׁ לְעַצְּבוֹתָֽם׃

‎4 ‏מוֹנֶ֣ה מִ֭סְפָּר לַכּוֹכָבִ֑ים לְ֝כֻלָּ֗ם שֵׁמ֥וֹת יִקְרָֽא׃

‎5 ‏גָּד֣וֹל אֲדוֹנֵ֣ינוּ וְרַב־כֹּ֑חַ לִ֝תְבוּנָת֗וֹ אֵ֣ין מִסְפָּֽר׃

‎6 ‏מְעוֹדֵ֣ד עֲנָוִ֣ים יְהוָ֑ה מַשְׁפִּ֖יל רְשָׁעִ֣ים עֲדֵי־אָֽרֶץ׃

‎7 ‏עֱנ֣וּ לַיהוָ֣ה בְּתוֹדָ֑ה זַמְּר֖וּ לֵאלֹהֵ֣ינוּ בְכִנּֽוֹר׃

‎8 ‏הַֽמְכַסֶּ֬ה שָׁמַ֨יִם׀ בְּעָבִ֗ים הַמֵּכִ֣ין לָאָ֣רֶץ מָטָ֑ר הַמַּצְמִ֖יחַ הָרִ֣ים חָצִֽיר׃

‎9 ‏נוֹתֵ֣ן לִבְהֵמָ֣ה לַחְמָ֑הּ לִבְנֵ֥י עֹ֝רֵ֗ב אֲשֶׁ֣ר יִקְרָֽאוּ׃

‎10 ‏לֹ֤א בִגְבוּרַ֣ת הַסּ֣וּס יֶחְפָּ֑ץ לֹֽא־בְשׁוֹקֵ֖י הָאִ֣ישׁ יִרְצֶֽה׃

‎11 ‏רוֹצֶ֣ה יְ֭הוָה אֶת־יְרֵאָ֑יו אֶת־הַֽמְיַחֲלִ֥ים לְחַסְדּֽוֹ׃

‎12 ‏שַׁבְּחִ֣י יְ֭רוּשָׁלִַם אֶת־יְהוָ֑ה הַֽלְלִ֖י אֱלֹהַ֣יִךְ צִיּֽוֹן׃

‎13 ‏כִּֽי־חִ֭זַּק בְּרִיחֵ֣י שְׁעָרָ֑יִךְ בֵּרַ֖ךְ בָּנַ֣יִךְ בְּקִרְבֵּֽךְ׃

‎14 ‏הַשָּׂם־גְּבוּלֵ֥ךְ שָׁל֑וֹם חֵ֥לֶב חִ֝טִּ֗ים יַשְׂבִּיעֵֽךְ׃

‎15 ‏הַשֹּׁלֵ֣חַ אִמְרָת֣וֹ אָ֑רֶץ עַד־מְ֝הֵרָ֗ה יָר֥וּץ דְּבָרֽוֹ׃

‎16 ‏הַנֹּתֵ֣ן שֶׁ֣לֶג כַּצָּ֑מֶר כְּ֝פ֗וֹר כָּאֵ֥פֶר יְפַזֵּֽר׃

‎17 ‏מַשְׁלִ֣יךְ קַֽרְח֣וֹ כְפִתִּ֑ים לִפְנֵ֥י קָ֝רָת֗וֹ מִ֣י יַעֲמֹֽד׃

‎18 ‏יִשְׁלַ֣ח דְּבָר֣וֹ וְיַמְסֵ֑ם יַשֵּׁ֥ב ר֝וּח֗וֹ יִזְּלוּ־מָֽיִם׃

‎19 ‏מַגִּ֣יד דברו דְּבָרָ֣יו לְיַעֲקֹ֑ב חֻקָּ֥יו וּ֝מִשְׁפָּטָ֗יו לְיִשְׂרָאֵֽל׃

‎20 ‏לֹ֘א עָ֤שָׂה כֵ֨ן׀ לְכָל־גּ֗וֹי וּמִשְׁפָּטִ֥ים בַּל־יְדָע֗וּם הַֽלְלוּ־יָֽהּ׃

1 haləlû yāh| kî-ṭwōḇ zammərâ ’ĕlōhênû kî-nā‘îm nā’wâ ṯəhillâ:

2 bwōnēh yərûšālaim yəhwâ niḏəḥê yiśərā’ēl yəḵannēs:

3 hārōfē’ lišəḇûrê lēḇ ûməḥabēš lə‘aṣṣəḇwōṯām:

4 mwōneh misəpār lakwōḵāḇîm ləḵullām šēmwōṯ yiqərā’:

5 gāḏwōl ’ăḏwōnênû wəraḇ-kōḥa liṯəḇûnāṯwō ’ên misəpār:

6 mə‘wōḏēḏ ‘ănāwîm yəhwâ mašəpîl rəšā‘îm ‘ăḏê-’āreṣ:

7 ‘ĕnû layhwâ bəṯwōḏâ zammərû lē’lōhênû ḇəḵinnwōr:

8 haməḵasseh šāmayim| bə‘āḇîm hammēḵîn lā’āreṣ māṭār hammaṣəmîḥa hārîm ḥāṣîr:

9 nwōṯēn liḇəhēmâ l^aḥəmāh liḇənê ‘ōrēḇ ’ăšer yiqərā’û:

10 lō’ ḇiḡəḇûraṯ hassûs yeḥəpāṣ lō’-ḇəšwōqê hā’îš yirəṣeh:

11 rwōṣeh yəhwâ ’eṯ-yərē’āyw ’eṯ-haməy^aḥălîm ləḥasədwō:

12 šabəḥî yərûšālaim ’eṯ-yəhwâ haləlî ’ĕlōhayiḵə ṣîywōn:

13 kî-ḥizzaq bərîḥê šə‘ārāyiḵə bēraḵə bānayiḵə bəqirəbēḵə:

14 haśśām-gəḇûlēḵə šālwōm ḥēleḇ ḥiṭṭîm yaśəbî‘ēḵə:

15 haššōlēḥa ’imərāṯwō ’āreṣ ‘aḏ-məhērâ yārûṣ dəḇārwō:

16 hannōṯēn šeleḡ kaṣṣāmer kəfwōr kā’ēfer yəfazzēr:

17 mašəlîḵə qarəḥwō ḵəfitîm lifənê qārāṯwō mî y^a‘ămōḏ:

18 yišəl^aḥ dəḇārwō wəyaməsēm yaššēḇ rûḥwō yizzəlû-māyim:

19 magîḏ dəḇārwō dəḇārāyw ləy^a‘ăqōḇ ḥuqqāyw ûmišəpāṭāyw ləyiśərā’ēl:

20 lō’ ‘āśâ ḵēn| ləḵāl-gwōy ûmišəpāṭîm bal-yəḏā‘ûm haləlû-yāh:

‎1 ‏הַ֥לְלוּ יָ֨הּ׀ הַֽלְל֣וּ אֶת־יְ֭הוָה מִן־הַשָּׁמַ֑יִם הַֽ֝לְל֗וּהוּ בַּמְּרוֹמִֽים׃

‎2 ‏הַֽלְל֥וּהוּ כָל־מַלְאָכָ֑יו הַֽ֝לְל֗וּהוּ כָּל־צבאו צְבָאָֽיו׃

‎3 ‏הַֽ֭לְלוּהוּ שֶׁ֣מֶשׁ וְיָרֵ֑חַ הַ֝לְל֗וּהוּ כָּל־כּ֥וֹכְבֵי אֽוֹר׃

‎4 ‏הַֽ֭לְלוּהוּ שְׁמֵ֣י הַשָּׁמָ֑יִם וְ֝הַמַּ֗יִם אֲשֶׁ֤ר׀ מֵעַ֬ל הַשָּׁמָֽיִם׃

‎5 ‏יְֽ֭הַֽלְלוּ אֶת־שֵׁ֣ם יְהוָ֑ה כִּ֤י ה֭וּא צִוָּ֣ה וְנִבְרָֽאוּ׃

‎6 ‏וַיַּעֲמִידֵ֣ם לָעַ֣ד לְעוֹלָ֑ם חָק־נָ֝תַ֗ן וְלֹ֣א יַעֲבֽוֹר׃

‎7 ‏הַֽלְל֣וּ אֶת־יְ֭הוָה מִן־הָאָ֑רֶץ תַּ֝נִּינִ֗ים וְכָל־תְּהֹמֽוֹת׃

‎8 ‏אֵ֣שׁ וּ֭בָרָד שֶׁ֣לֶג וְקִיט֑וֹר ר֥וּחַ סְ֝עָרָ֗ה עֹשָׂ֥ה דְבָרֽוֹ׃

‎9 ‏הֶהָרִ֥ים וְכָל־גְּבָע֑וֹת עֵ֥ץ פְּ֝רִ֗י וְכָל־אֲרָזִֽים׃

‎10 ‏הַֽחַיָּ֥ה וְכָל־בְּהֵמָ֑ה רֶ֝֗מֶשׂ וְצִפּ֥וֹר כָּנָֽף׃

‎11 ‏מַלְכֵי־אֶ֭רֶץ וְכָל־לְאֻמִּ֑ים שָׂ֝רִ֗ים וְכָל־שֹׁ֥פְטֵי אָֽרֶץ׃

‎12 ‏בַּחוּרִ֥ים וְגַם־בְּתוּל֑וֹת זְ֝קֵנִ֗ים עִם־נְעָרִֽים׃

‎13 ‏יְהַלְל֤וּ׀ אֶת־שֵׁ֬ם יְהוָ֗ה כִּֽי־נִשְׂגָּ֣ב שְׁמ֣וֹ לְבַדּ֑וֹ ה֝וֹד֗וֹ עַל־אֶ֥רֶץ וְשָׁמָֽיִם׃

‎14 ‏וַיָּ֤רֶם קֶ֨רֶן׀ לְעַמּ֡וֹ תְּהִלָּ֤ה לְֽכָל־חֲסִידָ֗יו לִבְנֵ֣י יִ֭שְׂרָאֵל עַֽם־קְרֹב֗וֹ הַֽלְלוּ־יָֽהּ׃

1 haləlû yāh| haləlû ’eṯ-yəhwâ min-haššāmayim haləlûhû bammərwōmîm:

2 haləlûhû ḵāl-malə’āḵāyw haləlûhû kāl-ṣəḇā’wō ṣəḇā’āyw:

3 haləlûhû šemeš wəyārēḥa haləlûhû kāl-kwōḵəḇê ’wōr:

4 haləlûhû šəmê haššāmāyim wəhammayim ’ăšer| mē‘al haššāmāyim:

5 yəhaləlû ’eṯ-šēm yəhwâ kî hû’ ṣiûâ wəniḇərā’û:

6 wayy^a‘ămîḏēm lā‘aḏ lə‘wōlām ḥāq-nāṯan wəlō’ y^a‘ăḇwōr:

7 haləlû ’eṯ-yəhwâ min-hā’āreṣ tannînîm wəḵāl-təhōmwōṯ:

8 ’ēš ûḇārāḏ šeleḡ wəqîṭwōr rûḥa sə‘ārâ ‘ōśâ ḏəḇārwō:

9 hehārîm wəḵāl-gəḇā‘wōṯ ‘ēṣ pərî wəḵāl-’ărāzîm:

10 h^aḥayyâ wəḵāl-bəhēmâ remeś wəṣipwōr kānāf:

11 maləḵê-’ereṣ wəḵāl-lə’ummîm śārîm wəḵāl-šōfəṭê ’āreṣ:

12 b^aḥûrîm wəḡam-bəṯûlwōṯ zəqēnîm ‘im-nə‘ārîm:

13 yəhaləlû| ’eṯ-šēm yəhwâ kî-niśəgāḇ šəmwō ləḇadwō hwōḏwō ‘al-’ereṣ wəšāmāyim:

14 wayyārem qeren| lə‘ammwō təhillâ ləḵāl-ḥăsîḏāyw liḇənê yiśərā’ēl ‘am-qərōḇwō haləlû-yāh:

‎1 ‏הַ֥לְלוּ יָ֨הּ׀ שִׁ֣ירוּ לַֽ֭יהוָה שִׁ֣יר חָדָ֑שׁ תְּ֝הִלָּת֗וֹ בִּקְהַ֥ל חֲסִידִֽים׃

‎2 ‏יִשְׂמַ֣ח יִשְׂרָאֵ֣ל בְּעֹשָׂ֑יו בְּנֵֽי־צִ֝יּ֗וֹן יָגִ֥ילוּ בְמַלְכָּֽם׃

‎3 ‏יְהַֽלְל֣וּ שְׁמ֣וֹ בְמָח֑וֹל בְּתֹ֥ף וְ֝כִנּ֗וֹר יְזַמְּרוּ־לֽוֹ׃

‎4 ‏כִּֽי־רוֹצֶ֣ה יְהוָ֣ה בְּעַמּ֑וֹ יְפָאֵ֥ר עֲ֝נָוִ֗ים בִּישׁוּעָֽה׃

‎5 ‏יַעְלְז֣וּ חֲסִידִ֣ים בְּכָב֑וֹד יְ֝רַנְּנ֗וּ עַל־מִשְׁכְּבוֹתָֽם׃

‎6 ‏רוֹמְמ֣וֹת אֵ֭ל בִּגְרוֹנָ֑ם וְחֶ֖רֶב פִּֽיפִיּ֣וֹת בְּיָדָֽם׃

‎7 ‏לַעֲשׂ֣וֹת נְ֭קָמָה בַּגּוֹיִ֑ם תּֽ֝וֹכֵחֹ֗ת בַּל־אֻמִּֽים׃

‎8 ‏לֶאְסֹ֣ר מַלְכֵיהֶ֣ם בְּזִקִּ֑ים וְ֝נִכְבְּדֵיהֶ֗ם בְּכַבְלֵ֥י בַרְזֶֽל׃

‎9 ‏לַעֲשׂ֤וֹת בָּהֶ֨ם׀ מִשְׁפָּ֬ט כָּת֗וּב הָדָ֣ר ה֭וּא לְכָל־חֲסִידָ֗יו הַֽלְלוּ־יָֽהּ׃

1 haləlû yāh| šîrû layhwâ šîr ḥāḏāš təhillāṯwō biqəhal ḥăsîḏîm:

2 yiśəm^aḥ yiśərā’ēl bə‘ōśāyw bənê-ṣîywōn yāḡîlû ḇəmaləkām:

3 yəhaləlû šəmwō ḇəmāḥwōl bəṯōf wəḵinnwōr yəzammərû-lwō:

4 kî-rwōṣeh yəhwâ bə‘ammwō yəfā’ēr ‘ănāwîm bîšû‘â:

5 y^a‘ələzû ḥăsîḏîm bəḵāḇwōḏ yərannənû ‘al-mišəkəḇwōṯām:

6 rwōməmwōṯ ’ēl biḡərwōnām wəḥereḇ pîfîywōṯ bəyāḏām:

7 l^a‘ăśwōṯ nəqāmâ bagwōyim twōḵēḥōṯ bal-’ummîm:

8 le’əsōr maləḵêhem bəziqqîm wəniḵəbəḏêhem bəḵaḇəlê ḇarəzel:

9 l^a‘ăśwōṯ bâem| mišəpāṭ kāṯûḇ hāḏār hû’ ləḵāl-ḥăsîḏāyw haləlû-yāh:

‎1 ‏הַ֥לְלוּ יָ֨הּ׀ הַֽלְלוּ־אֵ֥ל בְּקָדְשׁ֑וֹ הַֽ֝לְל֗וּהוּ בִּרְקִ֥יעַ עֻזּֽוֹ׃

‎2 ‏הַֽלְל֥וּהוּ בִגְבוּרֹתָ֑יו הַֽ֝לְל֗וּהוּ כְּרֹ֣ב גֻּדְלֽוֹ׃

‎3 ‏הַֽ֭לְלוּהוּ בְּתֵ֣קַע שׁוֹפָ֑ר הַֽ֝לְל֗וּהוּ בְּנֵ֣בֶל וְכִנּֽוֹר׃

‎4 ‏הַֽ֭לְלוּהוּ בְתֹ֣ף וּמָח֑וֹל הַֽ֝לְל֗וּהוּ בְּמִנִּ֥ים וְעוּגָֽב׃

‎5 ‏הַֽלְל֥וּהוּ בְצִלְצְלֵי־שָׁ֑מַע הַֽ֝לְל֗וּהוּ בְּֽצִלְצְלֵ֥י תְרוּעָֽה׃

‎6 ‏כֹּ֣ל הַ֭נְּשָׁמָה תְּהַלֵּ֥ל יָ֗הּ הַֽלְלוּ־יָֽהּ׃

1 haləlû yāh| haləlû-’ēl bəqāḏəšwō haləlûhû birəqî‘a ‘uzzwō:

2 haləlûhû ḇiḡəḇûrōṯāyw haləlûhû kərōḇ guḏəlwō:

3 haləlûhû bəṯēq^a‘ šwōfār haləlûhû bənēḇel wəḵinnwōr:

4 haləlûhû ḇəṯōf ûmāḥwōl haləlûhû bəminnîm wə‘ûḡāḇ:

5 haləlûhû ḇəṣiləṣəlê-šām^a‘ haləlûhû bəṣiləṣəlê ṯərû‘â:

6 kōl hannəšāmâ təhallēl yāh haləlû-yāh:

‎1 ‏וַיְהִ֗י בִּימֵי֙ שְׁפֹ֣ט הַשֹּׁפְטִ֔ים וַיְהִ֥י רָעָ֖ב בָּאָ֑רֶץ וַיֵּ֨לֶךְ אִ֜ישׁ מִבֵּ֧ית לֶ֣חֶם יְהוּדָ֗ה לָגוּר֙ בִּשְׂדֵ֣י מוֹאָ֔ב ה֥וּא וְאִשְׁתּ֖וֹ וּשְׁנֵ֥י בָנָֽיו׃

‎2 ‏וְשֵׁ֣ם הָאִ֣ישׁ אֱ‍ֽלִימֶ֡לֶךְ וְשֵׁם֩ אִשְׁתּ֨וֹ נָעֳמִ֜י וְשֵׁ֥ם שְׁנֵֽי־בָנָ֣יו׀ מַחְל֤וֹן וְכִלְיוֹן֙ אֶפְרָתִ֔ים מִבֵּ֥ית לֶ֖חֶם יְהוּדָ֑ה וַיָּבֹ֥אוּ שְׂדֵי־מוֹאָ֖ב וַיִּֽהְיוּ־שָֽׁם׃

‎3 ‏וַיָּ֥מָת אֱלִימֶ֖לֶךְ אִ֣ישׁ נָעֳמִ֑י וַתִּשָּׁאֵ֥ר הִ֖יא וּשְׁנֵ֥י בָנֶֽיהָ׃

‎4 ‏וַיִּשְׂא֣וּ לָהֶ֗ם נָשִׁים֙ מֹֽאֲבִיּ֔וֹת שֵׁ֤ם הָֽאַחַת֙ עָרְפָּ֔ה וְשֵׁ֥ם הַשֵּׁנִ֖ית ר֑וּת וַיֵּ֥שְׁבוּ שָׁ֖ם כְּעֶ֥שֶׂר שָׁנִֽים׃

‎5 ‏וַיָּמ֥וּתוּ גַם־שְׁנֵיהֶ֖ם מַחְל֣וֹן וְכִלְי֑וֹן וַתִּשָּׁאֵר֙ הָֽאִשָּׁ֔ה מִשְּׁנֵ֥י יְלָדֶ֖יהָ וּמֵאִישָֽׁהּ׃

‎6 ‏וַתָּ֤קָם הִיא֙ וְכַלֹּתֶ֔יהָ וַתָּ֖שָׁב מִשְּׂדֵ֣י מוֹאָ֑ב כִּ֤י שָֽׁמְעָה֙ בִּשְׂדֵ֣ה מוֹאָ֔ב כִּֽי־פָקַ֤ד יְהוָה֙ אֶת־עַמּ֔וֹ לָתֵ֥ת לָהֶ֖ם לָֽחֶם׃

‎7 ‏וַתֵּצֵ֗א מִן־הַמָּקוֹם֙ אֲשֶׁ֣ר הָיְתָה־שָׁ֔מָּה וּשְׁתֵּ֥י כַלֹּתֶ֖יהָ עִמָּ֑הּ וַתֵּלַ֣כְנָה בַדֶּ֔רֶךְ לָשׁ֖וּב אֶל־אֶ֥רֶץ יְהוּדָֽה׃

‎8 ‏וַתֹּ֤אמֶר נָעֳמִי֙ לִשְׁתֵּ֣י כַלֹּתֶ֔יהָ לֵ֣כְנָה שֹּׁ֔בְנָה אִשָּׁ֖ה לְבֵ֣ית אִמָּ֑הּ יעשה יַ֣עַשׂ יְהוָ֤ה עִמָּכֶם֙ חֶ֔סֶד כַּאֲשֶׁ֧ר עֲשִׂיתֶ֛ם עִם־הַמֵּתִ֖ים וְעִמָּדִֽי׃

‎9 ‏יִתֵּ֤ן יְהוָה֙ לָכֶ֔ם וּמְצֶ֣אןָ מְנוּחָ֔ה אִשָּׁ֖ה בֵּ֣ית אִישָׁ֑הּ וַתִּשַּׁ֣ק לָהֶ֔ן וַתִּשֶּׂ֥אנָה קוֹלָ֖ן וַתִּבְכֶּֽינָה׃

‎10 ‏וַתֹּאמַ֖רְנָה־לָּ֑הּ כִּי־אִתָּ֥ךְ נָשׁ֖וּב לְעַמֵּֽךְ׃

‎11 ‏וַתֹּ֤אמֶר נָעֳמִי֙ שֹׁ֣בְנָה בְנֹתַ֔י לָ֥מָּה תֵלַ֖כְנָה עִמִּ֑י הַֽעֽוֹד־לִ֤י בָנִים֙ בְּֽמֵעַ֔י וְהָי֥וּ לָכֶ֖ם לַאֲנָשִֽׁים׃

‎12 ‏שֹׁ֤בְנָה בְנֹתַי֙ לֵ֔כְןָ כִּ֥י זָקַ֖נְתִּי מִהְי֣וֹת לְאִ֑ישׁ כִּ֤י אָמַ֙רְתִּי֙ יֶשׁ־לִ֣י תִקְוָ֔ה גַּ֣ם הָיִ֤יתִי הַלַּ֙יְלָה֙ לְאִ֔ישׁ וְגַ֖ם יָלַ֥דְתִּי בָנִֽים׃

‎13 ‏הֲלָהֵ֣ן׀ תְּשַׂבֵּ֗רְנָה עַ֚ד אֲשֶׁ֣ר יִגְדָּ֔לוּ הֲלָהֵן֙ תֵּֽעָגֵ֔נָה לְבִלְתִּ֖י הֱי֣וֹת לְאִ֑ישׁ אַ֣ל בְּנֹתַ֗י כִּֽי־מַר־לִ֤י מְאֹד֙ מִכֶּ֔ם כִּֽי־יָצְאָ֥ה בִ֖י יַד־יְהוָֽה׃

‎14 ‏וַתִּשֶּׂ֣נָה קוֹלָ֔ן וַתִּבְכֶּ֖ינָה ע֑וֹד וַתִּשַּׁ֤ק עָרְפָּה֙ לַחֲמוֹתָ֔הּ וְר֖וּת דָּ֥בְקָה בָּֽהּ׃

‎15 ‏וַתֹּ֗אמֶר הִנֵּה֙ שָׁ֣בָה יְבִמְתֵּ֔ךְ אֶל־עַמָּ֖הּ וְאֶל־אֱלֹהֶ֑יהָ שׁ֖וּבִי אַחֲרֵ֥י יְבִמְתֵּֽךְ׃

‎16 ‏וַתֹּ֤אמֶר רוּת֙ אַל־תִּפְגְּעִי־בִ֔י לְעָזְבֵ֖ךְ לָשׁ֣וּב מֵאַחֲרָ֑יִךְ כִּ֠י אֶל־אֲשֶׁ֨ר תֵּלְכִ֜י אֵלֵ֗ךְ וּבַאֲשֶׁ֤ר תָּלִ֙ינִי֙ אָלִ֔ין עַמֵּ֣ךְ עַמִּ֔י וֵאלֹהַ֖יִךְ אֱלֹהָֽי׃

‎17 ‏בַּאֲשֶׁ֤ר תָּמ֙וּתִי֙ אָמ֔וּת וְשָׁ֖ם אֶקָּבֵ֑ר כֹּה֩ יַעֲשֶׂ֨ה יְהוָ֥ה לִי֙ וְכֹ֣ה יֹסִ֔יף כִּ֣י הַמָּ֔וֶת יַפְרִ֖יד בֵּינִ֥י וּבֵינֵֽךְ׃

‎18 ‏וַתֵּ֕רֶא כִּֽי־מִתְאַמֶּ֥צֶת הִ֖יא לָלֶ֣כֶת אִתָּ֑הּ וַתֶּחְדַּ֖ל לְדַבֵּ֥ר אֵלֶֽיהָ׃

‎19 ‏וַתֵּלַ֣כְנָה שְׁתֵּיהֶ֔ם עַד־בֹּאָ֖נָה בֵּ֣ית לָ֑חֶם וַיְהִ֗י כְּבֹאָ֙נָה֙ בֵּ֣ית לֶ֔חֶם וַתֵּהֹ֤ם כָּל־הָעִיר֙ עֲלֵיהֶ֔ן וַתֹּאמַ֖רְנָה הֲזֹ֥את נָעֳמִֽי׃

‎20 ‏וַתֹּ֣אמֶר אֲלֵיהֶ֔ן אַל־תִּקְרֶ֥אנָה לִ֖י נָעֳמִ֑י קְרֶ֤אןָ לִי֙ מָרָ֔א כִּי־הֵמַ֥ר שַׁדַּ֛י לִ֖י מְאֹֽד׃

‎21 ‏אֲנִי֙ מְלֵאָ֣ה הָלַ֔כְתִּי וְרֵיקָ֖ם הֱשִׁיבַ֣נִי יְהוָ֑ה לָ֣מָּה תִקְרֶ֤אנָה לִי֙ נָעֳמִ֔י וַֽיהוָה֙ עָ֣נָה בִ֔י וְשַׁדַּ֖י הֵ֥רַֽע³ לִֽי׃

‎22 ‏וַתָּ֣שָׁב נָעֳמִ֗י וְר֨וּת הַמּוֹאֲבִיָּ֤ה כַלָּתָהּ֙ עִמָּ֔הּ הַשָּׁ֖בָה מִשְּׂדֵ֣י מוֹאָ֑ב וְהֵ֗מָּה בָּ֚אוּ בֵּ֣ית לֶ֔חֶם בִּתְחִלַּ֖ת קְצִ֥יר שְׂעֹרִֽים׃

1 wayəhî bîmê šəfōṭ haššōfəṭîm wayəhî rā‘āḇ bā’āreṣ wayyēleḵə ’îš mibêṯ leḥem yəhûḏâ lāḡûr biśəḏê mwō’āḇ hû’ wə’išətwō ûšənê ḇānāyw:

2 wəšēm hā’îš ’ĕ‍lîmeleḵə wəšēm ’išətwō nā‘ŏmî wəšēm šənê-ḇānāyw| m^aḥəlwōn wəḵiləywōn ’efərāṯîm mibêṯ leḥem yəhûḏâ wayyāḇō’û śəḏê-mwō’āḇ wayyihəyû-šām:

3 wayyāmāṯ ’ĕlîmeleḵə ’îš nā‘ŏmî watiššā’ēr hî’ ûšənê ḇāneyhā:

4 wayyiśə’û lâem nāšîm mō’ăḇîywōṯ šēm hā’^aḥaṯ ‘ārəpâ wəšēm haššēnîṯ rûṯ wayyēšəḇû šām kə‘eśer šānîm:

5 wayyāmûṯû ḡam-šənêhem m^aḥəlwōn wəḵiləywōn watiššā’ēr hā’iššâ miššənê yəlāḏeyhā ûmē’îšāh:

6 watāqām hî’ wəḵallōṯeyhā watāšāḇ miśśəḏê mwō’āḇ kî šāmə‘â biśəḏēh mwō’āḇ kî-fāqaḏ yəhwâ ’eṯ-‘ammwō lāṯēṯ lâem lāḥem:

7 watēṣē’ min-hammāqwōm ’ăšer hāyəṯâ-šāmmâ ûšətê ḵallōṯeyhā ‘immāh watēlaḵənâ ḇadereḵə lāšûḇ ’el-’ereṣ yəhûḏâ:

8 watō’mer nā‘ŏmî lišətê ḵallōṯeyhā lēḵənâ ššōḇənâ ’iššâ ləḇêṯ ’immāh y^a‘ăśeh y^a‘aś yəhwâ ‘immāḵem ḥeseḏ ka’ăšer ‘ăśîṯem ‘im-hammēṯîm wə‘immāḏî:

9 yitēn yəhwâ lāḵem ûməṣe’nā mənûḥâ ’iššâ bêṯ ’îšāh watiššaq lâen watiśśe’nâ qwōlān watiḇəkeynâ:

10 watō’marənâ-llāh kî-’itāḵə nāšûḇ lə‘ammēḵə:

11 watō’mer nā‘ŏmî šōḇənâ ḇənōṯay lāmmâ ṯēlaḵənâ ‘immî h^a‘wōḏ-lî ḇānîm bəmē‘ay wəhāyû lāḵem la’ănāšîm:

12 šōḇənâ ḇənōṯay lēḵənā kî zāqanətî mihəywōṯ lə’îš kî ’āmarətî yeš-lî ṯiqəwâ gam hāyîṯî hallayəlâ lə’îš wəḡam yālaḏətî ḇānîm:

13 hălâēn| təśabērənâ ‘aḏ ’ăšer yiḡədālû hălâēn tē‘āḡēnâ ləḇilətî hĕywōṯ lə’îš ’al bənōṯay kî-mar-lî mə’ōḏ mikem kî-yāṣə’â ḇî yaḏ-yəhwâ:

14 watiśśenâ qwōlān watiḇəkeynâ ‘wōḏ watiššaq ‘ārəpâ l^aḥămwōṯāh wərûṯ dāḇəqâ bāh:

15 watō’mer hinnēh šāḇâ yəḇimətēḵə ’el-‘ammāh wə’el-’ĕlōheyhā šûḇî ’^aḥărê yəḇimətēḵə:

16 watō’mer rûṯ ’al-tifəgə‘î-ḇî lə‘āzəḇēḵə lāšûḇ mē’^aḥărāyiḵə kî ’el-’ăšer tēləḵî ’ēlēḵə ûḇa’ăšer tālînî ’ālîn ‘ammēḵə ‘ammî wē’lōhayiḵə ’ĕlōhāy:

17 ba’ăšer tāmûṯî ’āmûṯ wəšām ’eqqāḇēr kōh y^a‘ăśeh yəhwâ lî wəḵōh yōsîf kî hammāweṯ yafərîḏ bênî ûḇênēḵə:

18 watēre’ kî-miṯə’ammeṣeṯ hî’ lāleḵeṯ ’itāh wateḥədal ləḏabēr ’ēleyhā:

19 watēlaḵənâ šətêhem ‘aḏ-bō’ānâ bêṯ lāḥem wayəhî kəḇō’ānâ bêṯ leḥem watēhōm kāl-hā‘îr ‘ălêhen watō’marənâ hăzō’ṯ nā‘ŏmî:

20 watō’mer ’ălêhen ’al-tiqəre’nâ lî nā‘ŏmî qəre’nā lî mārā’ kî-hēmar šaday lî mə’ōḏ:

21 ’ănî məlē’â hālaḵətî wərêqām hĕšîḇanî yəhwâ lāmmâ ṯiqəre’nâ lî nā‘ŏmî wayhwâ ‘ānâ ḇî wəšaday hēr^a‘³ lî:

22 watāšāḇ nā‘ŏmî wərûṯ hammwō’ăḇîyâ ḵallāṯāh ‘immāh haššāḇâ miśśəḏê mwō’āḇ wəhēmmâ bā’û bêṯ leḥem biṯəḥillaṯ qəṣîr śə‘ōrîm:

‎1 ‏מִ֭שְׁלֵי שְׁלֹמֹ֣ה בֶן־דָּוִ֑ד מֶ֝֗לֶךְ יִשְׂרָאֵֽל׃

‎2 ‏לָדַ֣עַת חָכְמָ֣ה וּמוּסָ֑ר לְ֝הָבִ֗ין אִמְרֵ֥י בִינָֽה׃

‎3 ‏לָ֭קַחַת מוּסַ֣ר הַשְׂכֵּ֑ל צֶ֥דֶק וּ֝מִשְׁפָּ֗ט וּמֵישָׁרִֽים׃

‎4 ‏לָתֵ֣ת לִפְתָאיִ֣ם עָרְמָ֑ה לְ֝נַ֗עַר דַּ֣עַת וּמְזִמָּֽה׃

‎5 ‏יִשְׁמַ֣ע חָ֭כָם וְי֣וֹסֶף לֶ֑קַח וְ֝נָב֗וֹן תַּחְבֻּל֥וֹת יִקְנֶֽה׃

‎6 ‏לְהָבִ֣ין מָ֭שָׁל וּמְלִיצָ֑ה דִּבְרֵ֥י³ חֲ֝כָמִ֗ים וְחִידֹתָֽם׃

‎7 ‏יִרְאַ֣ת יְ֭הוָה רֵאשִׁ֣ית דָּ֑עַת חָכְמָ֥ה וּ֝מוּסָ֗ר אֱוִילִ֥ים בָּֽזוּ׃ פ

‎8 ‏שְׁמַ֣ע בְּ֭נִי מוּסַ֣ר אָבִ֑יךָ וְאַל־תִּ֝טֹּ֗שׁ תּוֹרַ֥ת אִמֶּֽךָ׃

‎9 ‏כִּ֤י׀ לִוְיַ֤ת חֵ֓ן הֵ֬ם לְרֹאשֶׁ֑ךָ וַ֝עֲנָקִ֗ים לְגַרְגְּרֹתֶֽיךָ׃

‎10 ‏בְּנִ֡י אִם־יְפַתּ֥וּךָ חַ֝טָּאִ֗ים אַל־תֹּבֵֽא׃

‎11 ‏אִם־יֹאמְרוּ֮ לְכָ֪ה אִ֫תָּ֥נוּ נֶאֶרְבָ֥ה לְדָ֑ם נִצְפְּנָ֖ה לְנָקִ֣י חִנָּֽם׃

‎12 ‏נִ֭בְלָעֵם כִּשְׁא֣וֹל חַיִּ֑ים וּ֝תְמִימִ֗ים כְּי֣וֹרְדֵי בֽוֹר׃

‎13 ‏כָּל־ה֣וֹן יָקָ֣ר נִמְצָ֑א נְמַלֵּ֖א בָתֵּ֣ינוּ שָׁלָֽל׃

‎14 ‏גּ֭וֹרָ֣לְךָ תַּפִּ֣יל בְּתוֹכֵ֑נוּ כִּ֥יס אֶ֝חָ֗ד יִהְיֶ֥ה לְכֻלָּֽנוּ׃

‎15 ‏בְּנִ֗י אַל־תֵּלֵ֣ךְ בְּדֶ֣רֶךְ אִתָּ֑ם מְנַ֥ע רַ֝גְלְךָ֗ מִנְּתִיבָתָֽם׃

‎16 ‏כִּ֣י רַ֭גְלֵיהֶם לָרַ֣ע יָר֑וּצוּ וִֽ֝ימַהֲר֗וּ לִשְׁפָּךְ־דָּֽם׃

‎17 ‏כִּֽי־חִ֭נָּם מְזֹרָ֣ה הָרָ֑שֶׁת בְּ֝עֵינֵ֗י כָל־בַּ֥עַל¹ כָּנָֽף׃

‎18 ‏וְ֭הֵם לְדָמָ֣ם יֶאֱרֹ֑בוּ יִ֝צְפְּנ֗וּ לְנַפְשֹׁתָֽם׃

‎19 ‏כֵּ֗ן אָ֭רְחוֹת כָּל־בֹּ֣צֵֽעַ בָּ֑צַע אֶת־נֶ֖פֶשׁ בְּעָלָ֣יו יִקָּֽח׃ פ

‎20 ‏חָ֭כְמוֹת בַּח֣וּץ תָּרֹ֑נָּה בָּ֝רְחֹב֗וֹת תִּתֵּ֥ן קוֹלָֽהּ׃

‎21 ‏בְּרֹ֥אשׁ הֹמִיּ֗וֹת תִּ֫קְרָ֥א בְּפִתְחֵ֖י שְׁעָרִ֥ים בָּעִ֗יר אֲמָרֶ֥יהָ תֹאמֵֽר׃

‎22 ‏עַד־מָתַ֣י׀ פְּתָיִם֮ תְּֽאֵהֲב֫וּ פֶ֥תִי וְלֵצִ֗ים לָ֭צוֹן חָמְד֣וּ לָהֶ֑ם וּ֝כְסִילִ֗ים יִשְׂנְאוּ־דָֽעַת׃

‎23 ‏תָּשׁ֗וּבוּ לְֽת֫וֹכַחְתִּ֥י הִנֵּ֤ה אַבִּ֣יעָה לָכֶ֣ם רוּחִ֑י אוֹדִ֖יעָה דְבָרַ֣י אֶתְכֶֽם׃

‎24 ‏יַ֣עַן קָ֭רָאתִי וַתְּמָאֵ֑נוּ נָטִ֥יתִי יָ֝דִ֗י וְאֵ֣ין מַקְשִֽׁיב׃

‎25 ‏וַתִּפְרְע֥וּ כָל־עֲצָתִ֑י וְ֝תוֹכַחְתִּ֗י לֹ֣א אֲבִיתֶֽם׃

‎26 ‏גַּם־אֲ֭נִי בְּאֵידְכֶ֣ם אֶשְׂחָ֑ק אֶ֝לְעַ֗ג בְּבֹ֣א פַחְדְּכֶֽם׃

‎27 ‏בְּבֹ֤א כשאוה כְשׁוֹאָ֨ה׀ פַּחְדְּכֶ֗ם וְֽ֭אֵידְכֶם כְּסוּפָ֣ה יֶאֱתֶ֑ה בְּבֹ֥א עֲ֝לֵיכֶ֗ם צָרָ֥ה וְצוּקָֽה׃

‎28 ‏אָ֣ז יִ֭קְרָאֻנְנִי וְלֹ֣א אֶֽעֱנֶ֑ה יְ֝שַׁחֲרֻ֗נְנִי וְלֹ֣א יִמְצָאֻֽנְנִי׃

‎29 ‏תַּ֭חַת כִּי־שָׂ֣נְאוּ דָ֑עַת וְיִרְאַ֥ת יְ֝הוָֹ֗ה לֹ֣א בָחָֽרוּ׃

‎30 ‏לֹא־אָב֥וּ לַעֲצָתִ֑י נָ֝אֲצ֗וּ כָּל־תּוֹכַחְתִּֽי׃

‎31 ‏וְֽ֭יֹאכְלוּ מִפְּרִ֣י דַרְכָּ֑ם וּֽמִמֹּעֲצֹ֖תֵיהֶ֣ם יִשְׂבָּֽעוּ׃

‎32 ‏כִּ֤י מְשׁוּבַ֣ת פְּתָיִ֣ם תַּֽהַרְגֵ֑ם וְשַׁלְוַ֖ת כְּסִילִ֣ים תְּאַבְּדֵֽם׃

‎33 ‏וְשֹׁמֵ֣עַֽ לִ֭י יִשְׁכָּן־בֶּ֑טַח וְ֝שַׁאֲנַ֗ן מִפַּ֥חַד רָעָֽה׃ פ

1 mišəlê šəlōmōh ḇen-dāwiḏ meleḵə yiśərā’ēl:

2 lāḏ^a‘aṯ ḥāḵəmâ ûmûsār ləhāḇîn ’imərê ḇînâ:

3 lāq^aḥaṯ mûsar haśəkēl ṣeḏeq ûmišəpāṭ ûmêšārîm:

4 lāṯēṯ lifəṯā’yim ‘ārəmâ lən^a‘ar d^a‘aṯ ûməzimmâ:

5 yišəm^a‘ ḥāḵām wəywōsef leq^aḥ wənāḇwōn t^aḥəbulwōṯ yiqəneh:

6 ləhāḇîn māšāl ûməlîṣâ diḇərê³ ḥăḵāmîm wəḥîḏōṯām:

7 yirə’aṯ yəhwâ rē’šîṯ dā‘aṯ ḥāḵəmâ ûmûsār ’ĕwîlîm bāzû: f

8 šəm^a‘ bənî mûsar ’āḇîḵā wə’al-tiṭṭōš twōraṯ ’immeḵā:

9 kî| liwəyaṯ ḥēn hēm lərō’šeḵā w^a‘ănāqîm ləḡarəgərōṯeyḵā:

10 bənî ’im-yəfatûḵā ḥaṭṭā’îm ’al-tōḇē’:

11 ’im-yō’mərû ləḵâ ’itānû ne’erəḇâ ləḏām niṣəpənâ lənāqî ḥinnām:

12 niḇəlā‘ēm kišə’wōl ḥayyîm ûṯəmîmîm kəywōrəḏê ḇwōr:

13 kāl-hwōn yāqār niməṣā’ nəmallē’ ḇātênû šālāl:

14 gwōrāləḵā tapîl bəṯwōḵēnû kîs ’eḥāḏ yihəyeh ləḵullānû:

15 bənî ’al-tēlēḵə bəḏereḵə ’itām mən^a‘ raḡələḵā minnəṯîḇāṯām:

16 kî raḡəlêhem lār^a‘ yārûṣû wîmahărû lišəpāḵə-dām:

17 kî-ḥinnām məzōrâ hārāšeṯ bə‘ênê ḵāl-b^a‘al¹ kānāf:

18 wəhēm ləḏāmām ye’ĕrōḇû yiṣəpənû lənafəšōṯām:

19 kēn ’ārəḥwōṯ kāl-bōṣē‘a bāṣ^a‘ ’eṯ-nefeš bə‘ālāyw yiqqāḥ: f

20 ḥāḵəmwōṯ b^aḥûṣ tārōnnâ bārəḥōḇwōṯ titēn qwōlāh:

21 bərō’š hōmîywōṯ tiqərā’ bəfiṯəḥê šə‘ārîm bā‘îr ’ămāreyhā ṯō’mēr:

22 ‘aḏ-māṯay| pəṯāyim tə’ēhăḇû feṯî wəlēṣîm lāṣwōn ḥāməḏû lâem ûḵəsîlîm yiśənə’û-ḏā‘aṯ:

23 tāšûḇû ləṯwōḵ^aḥətî hinnēh ’abî‘â lāḵem rûḥî ’wōḏî‘â ḏəḇāray ’eṯəḵem:

24 y^a‘an qārā’ṯî watəmā’ēnû nāṭîṯî yāḏî wə’ên maqəšîḇ:

25 watifərə‘û ḵāl-‘ăṣāṯî wəṯwōḵ^aḥətî lō’ ’ăḇîṯem:

26 gam-’ănî bə’êḏəḵem ’eśəḥāq ’elə‘aḡ bəḇō’ f^aḥədəḵem:

27 bəḇō’ ḵəša’ăwâ ḵəšwō’â| p^aḥədəḵem wə’êḏəḵem kəsûfâ ye’ĕṯeh bəḇō’ ‘ălêḵem ṣārâ wəṣûqâ:

28 ’āz yiqərā’unənî wəlō’ ’e‘ĕneh yəš^aḥărunənî wəlō’ yiməṣā’unənî:

29 t^aḥaṯ kî-śānə’û ḏā‘aṯ wəyirə’aṯ yəhwōâ lō’ ḇāḥārû:

30 lō’-’āḇû l^a‘ăṣāṯî nā’ăṣû kāl-twōḵ^aḥətî:

31 wəyō’ḵəlû mipərî ḏarəkām ûmimmō‘ăṣōṯêhem yiśəbā‘û:

32 kî məšûḇaṯ pəṯāyim taharəḡēm wəšaləwaṯ kəsîlîm tə’abəḏēm:

33 wəšōmē‘a lî yišəkān-beṭ^aḥ wəša’ănan mip^aḥaḏ rā‘â: f

‎1 ‏בְּ֭נִי אִם־תִּקַּ֣ח אֲמָרָ֑י וּ֝מִצְוֹתַ֗י תִּצְפֹּ֥ן אִתָּֽךְ׃

‎2 ‏לְהַקְשִׁ֣יב לַֽחָכְמָ֣ה אָזְנֶ֑ךָ תַּטֶּ֥ה לִ֝בְּךָ֗ לַתְּבוּנָֽה׃

‎3 ‏כִּ֤י אִ֣ם לַבִּינָ֣ה תִקְרָ֑א לַ֝תְּבוּנָ֗ה תִּתֵּ֥ן קוֹלֶֽךָ׃

‎4 ‏אִם־תְּבַקְשֶׁ֥נָּה כַכָּ֑סֶף וְֽכַמַּטְמוֹנִ֥ים תַּחְפְּשֶֽׂנָּה׃

‎5 ‏אָ֗ז תָּ֭בִין יִרְאַ֣ת יְהוָ֑ה וְדַ֖עַת אֱלֹהִ֣ים תִּמְצָֽא׃

‎6 ‏כִּֽי־יְ֭הוָה יִתֵּ֣ן חָכְמָ֑ה מִ֝פִּ֗יו דַּ֣עַת וּתְבוּנָֽה׃

‎7 ‏וצפן יִצְפֹּ֣ן לַ֭יְשָׁרִים תּוּשִׁיָּ֑ה מָ֝גֵ֗ן לְהֹ֣לְכֵי תֹֽם׃

‎8 ‏לִ֭נְצֹר אָרְח֣וֹת מִשְׁפָּ֑ט וְדֶ֖רֶךְ חסידו חֲסִידָ֣יו יִשְׁמֹֽר׃

‎9 ‏אָ֗ז תָּ֭בִין צֶ֣דֶק וּמִשְׁפָּ֑ט וּ֝מֵישָׁרִ֗ים כָּל־מַעְגַּל־טֽוֹב׃

‎10 ‏כִּֽי־תָב֣וֹא חָכְמָ֣ה בְלִבֶּ֑ךָ וְ֝דַ֗עַת לְֽנַפְשְׁךָ֥ יִנְעָֽם׃

‎11 ‏מְ֭זִמָּה תִּשְׁמֹ֥ר עָלֶ֗יךָ תְּבוּנָ֥ה תִנְצְרֶֽכָּה׃

‎12 ‏לְ֭הַצִּ֣ילְךָ מִדֶּ֣רֶךְ רָ֑ע מֵ֝אִ֗ישׁ מְדַבֵּ֥ר תַּהְפֻּכֽוֹת׃

‎13 ‏הַ֭עֹ֣זְבִים אָרְח֣וֹת יֹ֑שֶׁר לָ֝לֶ֗כֶת בְּדַרְכֵי־חֹֽשֶׁךְ׃

‎14 ‏הַ֭שְּׂמֵחִים לַעֲשׂ֥וֹת רָ֑ע יָ֝גִ֗ילוּ בְּֽתַהְפֻּכ֥וֹת רָֽע׃

‎15 ‏אֲשֶׁ֣ר אָרְחֹתֵיהֶ֣ם עִקְּשִׁ֑ים וּ֝נְלוֹזִ֗ים בְּמַעְגְּלוֹתָֽם׃

‎16 ‏לְ֭הַצִּ֣ילְךָ מֵאִשָּׁ֣ה זָרָ֑ה מִ֝נָּכְרִיָּ֗ה אֲמָרֶ֥יהָ הֶחֱלִֽיקָה׃

‎17 ‏הַ֭עֹזֶבֶת אַלּ֣וּף נְעוּרֶ֑יהָ וְאֶת־בְּרִ֖ית אֱלֹהֶ֣יהָ שָׁכֵֽחָה׃

‎18 ‏כִּ֤י שָׁ֣חָה אֶל־מָ֣וֶת בֵּיתָ֑הּ וְאֶל־רְ֝פָאִ֗ים מַעְגְּלֹתֶֽיהָ׃

‎19 ‏כָּל־בָּ֭אֶיהָ לֹ֣א יְשׁוּב֑וּן וְלֹֽא־יַ֝שִּׂ֗יגוּ אָרְח֥וֹת חַיִּֽים׃

‎20 ‏לְמַ֗עַן תֵּ֭לֵךְ בְּדֶ֣רֶךְ טוֹבִ֑ים וְאָרְח֖וֹת צַדִּיקִ֣ים תִּשְׁמֹֽר׃

‎21 ‏כִּֽי־יְשָׁרִ֥ים יִשְׁכְּנוּ־אָ֑רֶץ וּ֝תְמִימִ֗ים יִוָּ֥תְרוּ בָֽהּ׃

‎22 ‏וּ֭רְשָׁעִים מֵאֶ֣רֶץ יִכָּרֵ֑תוּ וּ֝בוֹגְדִ֗ים יִסְּח֥וּ מִמֶּֽנָּה׃ פ

1 bənî ’im-tiqq^aḥ ’ămārāy ûmiṣəwōṯay tiṣəpōn ’itāḵə:

2 ləhaqəšîḇ l^aḥāḵəmâ ’āzəneḵā taṭṭeh libəḵā latəḇûnâ:

3 kî ’im labînâ ṯiqərā’ latəḇûnâ titēn qwōleḵā:

4 ’im-təḇaqəšennâ ḵakāsef wəḵammaṭəmwōnîm t^aḥəpəśennâ:

5 ’āz tāḇîn yirə’aṯ yəhwâ wəḏ^a‘aṯ ’ĕlōhîm timəṣā’:

6 kî-yəhwâ yitēn ḥāḵəmâ mipîw d^a‘aṯ ûṯəḇûnâ:

7 wəṣāfan yiṣəpōn layəšārîm tûšîyâ māḡēn ləhōləḵê ṯōm:

8 linəṣōr ’ārəḥwōṯ mišəpāṭ wəḏereḵə ḥăsîḏwō ḥăsîḏāyw yišəmōr:

9 ’āz tāḇîn ṣeḏeq ûmišəpāṭ ûmêšārîm kāl-m^a‘əgal-ṭwōḇ:

10 kî-ṯāḇwō’ ḥāḵəmâ ḇəlibeḵā wəḏ^a‘aṯ lənafəšəḵā yinə‘ām:

11 məzimmâ tišəmōr ‘āleyḵā təḇûnâ ṯinəṣərekâ:

12 ləhaṣṣîləḵā midereḵə rā‘ mē’îš məḏabēr tahəpuḵwōṯ:

13 h^a‘ōzəḇîm ’ārəḥwōṯ yōšer lāleḵeṯ bəḏarəḵê-ḥōšeḵə:

14 haśśəmēḥîm l^a‘ăśwōṯ rā‘ yāḡîlû bəṯahəpuḵwōṯ rā‘:

15 ’ăšer ’ārəḥōṯêhem ‘iqqəšîm ûnəlwōzîm bəm^a‘əgəlwōṯām:

16 ləhaṣṣîləḵā mē’iššâ zārâ minnāḵərîyâ ’ămāreyhā heḥĕlîqâ:

17 h^a‘ōzeḇeṯ ’allûf nə‘ûreyhā wə’eṯ-bərîṯ ’ĕlōheyhā šāḵēḥâ:

18 kî šāḥâ ’el-māweṯ bêṯāh wə’el-rəfā’îm m^a‘əgəlōṯeyhā:

19 kāl-bā’eyhā lō’ yəšûḇûn wəlō’-yaśśîḡû ’ārəḥwōṯ ḥayyîm:

20 ləm^a‘an tēlēḵə bəḏereḵə ṭwōḇîm wə’ārəḥwōṯ ṣadîqîm tišəmōr:

21 kî-yəšārîm yišəkənû-’āreṣ ûṯəmîmîm yiûāṯərû ḇāh:

22 ûrəšā‘îm mē’ereṣ yikārēṯû ûḇwōḡəḏîm yissəḥû mimmennâ: f

‎1 ‏בְּ֭נִי תּוֹרָתִ֣י אַל־תִּשְׁכָּ֑ח וּ֝מִצְוֹתַ֗י יִצֹּ֥ר לִבֶּֽךָ׃

‎2 ‏כִּ֤י אֹ֣רֶךְ יָ֭מִים וּשְׁנ֣וֹת חַיִּ֑ים וְ֝שָׁל֗וֹם יוֹסִ֥יפוּ לָֽךְ׃

‎3 ‏חֶ֥סֶד וֶאֱמֶ֗ת אַֽל־יַעַ֫זְבֻ֥ךָ קָשְׁרֵ֥ם עַל־גַּרְגְּרוֹתֶ֑יךָ כָּ֝תְבֵ֗ם עַל־ל֥וּחַ לִבֶּֽךָ׃

‎4 ‏וּמְצָא־חֵ֖ן וְשֵֽׂכֶל־ט֑וֹב בְּעֵינֵ֖י אֱלֹהִ֣ים וְאָדָֽם׃ פ

‎5 ‏בְּטַ֣ח אֶל־יְ֭הוָה בְּכָל־לִבֶּ֑ךָ וְאֶל־בִּֽ֝ינָתְךָ֗ אַל־תִּשָּׁעֵֽן׃

‎6 ‏בְּכָל־דְּרָכֶ֥יךָ דָעֵ֑הוּ וְ֝ה֗וּא יְיַשֵּׁ֥ר אֹֽרְחֹתֶֽיךָ׃

‎7 ‏אַל־תְּהִ֣י חָכָ֣ם בְּעֵינֶ֑יךָ יְרָ֥א אֶת־יְ֝הוָ֗ה וְס֣וּר מֵרָֽע׃

‎8 ‏רִ֭פְאוּת תְּהִ֣י לְשָׁרֶּ֑ךָ וְ֝שִׁקּ֗וּי לְעַצְמוֹתֶֽיךָ׃

‎9 ‏כַּבֵּ֣ד אֶת־יְ֭הוָה מֵהוֹנֶ֑ךָ וּ֝מֵרֵאשִׁ֗ית כָּל־תְּבוּאָתֶֽךָ׃

‎10 ‏וְיִמָּלְא֣וּ אֲסָמֶ֣יךָ שָׂבָ֑ע וְ֝תִיר֗וֹשׁ יְקָבֶ֥יךָ יִפְרֹֽצוּ׃ פ

‎11 ‏מוּסַ֣ר יְ֭הוָה בְּנִ֣י אַל־תִּמְאָ֑ס וְאַל־תָּ֝קֹ֗ץ בְּתוֹכַחְתּֽוֹ׃

‎12 ‏כִּ֤י אֶ֥ת אֲשֶׁ֣ר יֶאֱהַ֣ב יְהוָ֣ה יוֹכִ֑יחַ וּ֝כְאָ֗ב אֶת־בֵּ֥ן יִרְצֶֽה׃

‎13 ‏אַשְׁרֵ֣י אָ֭דָם מָצָ֣א חָכְמָ֑ה וְ֝אָדָ֗ם יָפִ֥יק תְּבוּנָֽה׃

‎14 ‏כִּ֤י ט֣וֹב סַ֭חְרָהּ מִסְּחַר־כָּ֑סֶף וּ֝מֵחָר֗וּץ תְּבוּאָתָֽהּ׃

‎15 ‏יְקָ֣רָה הִ֭יא מפניים מִפְּנִינִ֑ים וְכָל־חֲ֝פָצֶ֗יךָ לֹ֣א יִֽשְׁווּ־בָֽהּ׃

‎16 ‏אֹ֣רֶךְ יָ֭מִים בִּֽימִינָ֑הּ בִּ֝שְׂמֹאולָ֗הּ עֹ֣שֶׁר וְכָבֽוֹד׃

‎17 ‏דְּרָכֶ֥יהָ דַרְכֵי־נֹ֑עַם וְֽכָל־נְתִ֖יבוֹתֶ֣יהָ שָׁלֽוֹם׃

‎18 ‏עֵץ־חַיִּ֣ים הִ֭יא לַמַּחֲזִיקִ֣ים בָּ֑הּ וְֽתֹמְכֶ֥יהָ מְאֻשָּֽׁר׃ פ

‎19 ‏יְֽהוָ֗ה בְּחָכְמָ֥ה יָֽסַד־אָ֑רֶץ כּוֹנֵ֥ן שָׁ֝מַ֗יִם בִּתְבוּנָֽה׃

‎20 ‏בְּ֭דַעְתּוֹ תְּהוֹמ֣וֹת נִבְקָ֑עוּ וּ֝שְׁחָקִ֗ים יִרְעֲפוּ־טָֽל׃

‎21 ‏בְּ֭נִי אַל־יָלֻ֣זוּ מֵעֵינֶ֑יךָ נְצֹ֥ר תֻּ֝שִׁיָּ֗ה וּמְזִמָּֽה׃

‎22 ‏וְיִֽהְי֣וּ חַיִּ֣ים לְנַפְשֶׁ֑ךָ וְ֝חֵ֗ן לְגַרְגְּרֹתֶֽיךָ׃

‎23 ‏אָ֤ז תֵּלֵ֣ךְ לָבֶ֣טַח דַּרְכֶּ֑ךָ וְ֝רַגְלְךָ֗ לֹ֣א תִגּֽוֹף׃

‎24 ‏אִם־תִּשְׁכַּ֥ב לֹֽא־תִפְחָ֑ד וְ֝שָׁכַבְתָּ֗ וְֽעָרְבָ֥ה שְׁנָתֶֽךָ׃

‎25 ‏אַל־תִּ֭ירָא מִפַּ֣חַד פִּתְאֹ֑ם וּמִשֹּׁאַ֥ת רְ֝שָׁעִ֗ים כִּ֣י תָבֹֽא׃

‎26 ‏כִּֽי־יְ֭הוָה יִהְיֶ֣ה בְכִסְלֶ֑ךָ וְשָׁמַ֖ר רַגְלְךָ֣ מִלָּֽכֶד׃

‎27 ‏אַל־תִּמְנַע־ט֥וֹב מִבְּעָלָ֑יו בִּהְי֨וֹת לְאֵ֖ל ידיך יָדְךָ֣ לַעֲשֽׂוֹת׃

‎28 ‏אַל־תֹּ֘אמַ֤ר לרעיך לְרֵֽעֲךָ֨׀³ לֵ֣ךְ וָ֭שׁוּב וּמָחָ֥ר אֶתֵּ֗ן וְיֵ֣שׁ אִתָּֽךְ׃

‎29 ‏אַל־תַּחֲרֹ֣שׁ עַל־רֵעֲךָ֣ רָעָ֑ה וְהֽוּא־יוֹשֵׁ֖ב לָבֶ֣טַח אִתָּֽךְ׃

‎30 ‏אַל־תרוב תָּרִ֣יב עִם־אָדָ֣ם חִנָּ֑ם אִם־לֹ֖א גְמָלְךָ֣ רָעָֽה׃

‎31 ‏אַל־תְּ֭קַנֵּא בְּאִ֣ישׁ חָמָ֑ס וְאַל־תִּ֝בְחַ֗ר בְּכָל־דְּרָכָֽיו׃

‎32 ‏כִּ֤י תוֹעֲבַ֣ת יְהוָ֣ה נָל֑וֹז וְֽאֶת־יְשָׁרִ֥ים סוֹדֽוֹ׃

‎33 ‏מְאֵרַ֣ת יְ֭הוָה בְּבֵ֣ית רָשָׁ֑ע וּנְוֵ֖ה צַדִּיקִ֣ים יְבָרֵֽךְ׃

‎34 ‏אִם־לַלֵּצִ֥ים הֽוּא־יָלִ֑יץ ולעניים וְ֝לַעֲנָוִ֗ים יִתֶּן־חֵֽן׃

‎35 ‏כָּ֭בוֹד חֲכָמִ֣ים יִנְחָ֑לוּ וּ֝כְסִילִ֗ים מֵרִ֥ים קָלֽוֹן׃ פ

1 bənî twōrāṯî ’al-tišəkāḥ ûmiṣəwōṯay yiṣṣōr libeḵā:

2 kî ’ōreḵə yāmîm ûšənwōṯ ḥayyîm wəšālwōm ywōsîfû lāḵə:

3 ḥeseḏ we’ĕmeṯ ’al-y^a‘azəḇuḵā qāšərēm ‘al-garəgərwōṯeyḵā kāṯəḇēm ‘al-lûḥa libeḵā:

4 ûməṣā’-ḥēn wəśēḵel-ṭwōḇ bə‘ênê ’ĕlōhîm wə’āḏām: f

5 bəṭ^aḥ ’el-yəhwâ bəḵāl-libeḵā wə’el-bînāṯəḵā ’al-tiššā‘ēn:

6 bəḵāl-dərāḵeyḵā ḏā‘ēhû wəhû’ yəyaššēr ’ōrəḥōṯeyḵā:

7 ’al-təhî ḥāḵām bə‘êneyḵā yərā’ ’eṯ-yəhwâ wəsûr mērā‘:

8 rifə’ûṯ təhî ləšārreḵā wəšiqqûy lə‘aṣəmwōṯeyḵā:

9 kabēḏ ’eṯ-yəhwâ mēhwōneḵā ûmērē’šîṯ kāl-təḇû’āṯeḵā:

10 wəyimmālə’û ’ăsāmeyḵā śāḇā‘ wəṯîrwōš yəqāḇeyḵā yifərōṣû: f

11 mûsar yəhwâ bənî ’al-timə’ās wə’al-tāqōṣ bəṯwōḵ^aḥətwō:

12 kî ’eṯ ’ăšer ye’ĕhaḇ yəhwâ ywōḵîḥa ûḵə’āḇ ’eṯ-bēn yirəṣeh:

13 ’ašərê ’āḏām māṣā’ ḥāḵəmâ wə’āḏām yāfîq təḇûnâ:

14 kî ṭwōḇ s^aḥərāh missəḥar-kāsef ûmēḥārûṣ təḇû’āṯāh:

15 yəqārâ hî’ mipənîyîm mipənînîm wəḵāl-ḥăfāṣeyḵā lō’ yišəwû-ḇāh:

16 ’ōreḵə yāmîm bîmînāh biśəmō’wlāh ‘ōšer wəḵāḇwōḏ:

17 dərāḵeyhā ḏarəḵê-nō‘am wəḵāl-nəṯîḇwōṯeyhā šālwōm:

18 ‘ēṣ-ḥayyîm hî’ lamm^aḥăzîqîm bāh wəṯōməḵeyhā mə’uššār: f

19 yəhwâ bəḥāḵəmâ yāsaḏ-’āreṣ kwōnēn šāmayim biṯəḇûnâ:

20 bəḏ^a‘ətwō təhwōmwōṯ niḇəqā‘û ûšəḥāqîm yirə‘ăfû-ṭāl:

21 bənî ’al-yāluzû mē‘êneyḵā nəṣōr tušîyâ ûməzimmâ:

22 wəyihəyû ḥayyîm lənafəšeḵā wəḥēn ləḡarəgərōṯeyḵā:

23 ’āz tēlēḵə lāḇeṭ^aḥ darəkeḵā wəraḡələḵā lō’ ṯigwōf:

24 ’im-tišəkaḇ lō’-ṯifəḥāḏ wəšāḵaḇətā wə‘ārəḇâ šənāṯeḵā:

25 ’al-tîrā’ mip^aḥaḏ piṯə’ōm ûmiššō’aṯ rəšā‘îm kî ṯāḇō’:

26 kî-yəhwâ yihəyeh ḇəḵisəleḵā wəšāmar raḡələḵā millāḵeḏ:

27 ’al-timən^a‘-ṭwōḇ mibə‘ālāyw bihəywōṯ lə’ēl yāḏeyḵā yāḏəḵā l^a‘ăśwōṯ:

28 ’al-tō’mar lərē‘eyḵā lərē‘ăḵā|³ lēḵə wāšûḇ ûmāḥār ’etēn wəyēš ’itāḵə:

29 ’al-t^aḥărōš ‘al-rē‘ăḵā rā‘â wəhû’-ywōšēḇ lāḇeṭ^aḥ ’itāḵə:

30 ’al-tārwōḇ tārîḇ ‘im-’āḏām ḥinnām ’im-lō’ ḡəmāləḵā rā‘â:

31 ’al-təqannē’ bə’îš ḥāmās wə’al-tiḇəḥar bəḵāl-dərāḵāyw:

32 kî ṯwō‘ăḇaṯ yəhwâ nālwōz wə’eṯ-yəšārîm swōḏwō:

33 mə’ēraṯ yəhwâ bəḇêṯ rāšā‘ ûnəwēh ṣadîqîm yəḇārēḵə:

34 ’im-lallēṣîm hû’-yālîṣ wəl^a‘ănîyîm wəl^a‘ănāwîm yiten-ḥēn:

35 kāḇwōḏ ḥăḵāmîm yinəḥālû ûḵəsîlîm mērîm qālwōn: f

‎1 ‏שִׁמְע֣וּ בָ֭נִים מ֣וּסַר אָ֑ב וְ֝הַקְשִׁ֗יבוּ לָדַ֥עַת בִּינָֽה׃

‎2 ‏כִּ֤י לֶ֣קַח ט֭וֹב נָתַ֣תִּי לָכֶ֑ם תּֽ֝וֹרָתִ֗י אַֽל־תַּעֲזֹֽבוּ׃

‎3 ‏כִּי־בֵ֭ן הָיִ֣יתִי לְאָבִ֑י רַ֥ךְ וְ֝יָחִ֗יד לִפְנֵ֥י אִמִּֽי׃

‎4 ‏וַיֹּרֵ֗נִי וַיֹּ֥אמֶר לִ֗י יִֽתְמָךְ־דְּבָרַ֥י לִבֶּ֑ךָ שְׁמֹ֖ר מִצְוֹתַ֣י וֶֽחְיֵֽה׃

‎5 ‏קְנֵ֣ה חָ֭כְמָה קְנֵ֣ה בִינָ֑ה אַל־תִּשְׁכַּ֥ח וְאַל־תֵּ֝֗ט מֵֽאִמְרֵי־פִֽי׃

‎6 ‏אַל־תַּעַזְבֶ֥הָ וְתִשְׁמְרֶ֑ךָּ אֱהָבֶ֥הָ וְתִצְּרֶֽךָּ׃

‎7 ‏רֵאשִׁ֣ית חָ֭כְמָה קְנֵ֣ה חָכְמָ֑ה וּבְכָל־קִ֝נְיָנְךָ֗ קְנֵ֣ה בִינָֽה׃

‎8 ‏סַלְסְלֶ֥הָ וּֽתְרוֹמְמֶ֑ךָּ תְּ֝כַבֵּ֗דְךָ כִּ֣י תְחַבְּקֶֽנָּה׃

‎9 ‏תִּתֵּ֣ן לְ֭רֹאשְׁךָ לִוְיַת־חֵ֑ן עֲטֶ֖רֶת תִּפְאֶ֣רֶת תְּמַגְּנֶֽךָּ׃

‎10 ‏שְׁמַ֣ע בְּ֭נִי וְקַ֣ח אֲמָרָ֑י וְיִרְבּ֥וּ לְ֝ךָ֗ שְׁנ֣וֹת חַיִּֽים׃

‎11 ‏בְּדֶ֣רֶךְ חָ֭כְמָה הֹרֵתִ֑יךָ הִ֝דְרַכְתִּ֗יךָ בְּמַעְגְּלֵי־יֹֽשֶׁר׃

‎12 ‏בְּֽ֭לֶכְתְּךָ לֹא־יֵצַ֣ר צַעֲדֶ֑ךָ וְאִם־תָּ֝ר֗וּץ לֹ֣א תִכָּשֵֽׁל׃

‎13 ‏הַחֲזֵ֣ק בַּמּוּסָ֣ר אַל־תֶּ֑רֶף נִ֝צְּרֶ֗הָ כִּי־הִ֥יא חַיֶּֽיךָ׃

‎14 ‏בְּאֹ֣רַח רְ֭שָׁעִים אַל־תָּבֹ֑א וְאַל־תְּ֝אַשֵּׁ֗ר בְּדֶ֣רֶךְ רָעִֽים׃

‎15 ‏פְּרָעֵ֥הוּ אַל־תַּעֲבָר־בּ֑וֹ שְׂטֵ֖ה מֵעָלָ֣יו וַעֲבֽוֹר׃

‎16 ‏כִּ֤י לֹ֣א יִֽ֭שְׁנוּ אִם־לֹ֣א יָרֵ֑עוּ וְֽנִגְזְלָ֥ה שְׁ֝נָתָ֗ם אִם־לֹ֥א יכשולו יַכְשִֽׁילוּ׃

‎17 ‏כִּ֣י לָ֭חֲמוּ לֶ֣חֶם רֶ֑שַׁע וְיֵ֖ין חֲמָסִ֣ים יִשְׁתּֽוּ׃

‎18 ‏וְאֹ֣רַח צַ֭דִּיקִים כְּא֣וֹר נֹ֑גַהּ הוֹלֵ֥ךְ וָ֝א֗וֹר עַד־נְכ֥וֹן הַיּֽוֹם׃

‎19 ‏דֶּ֣רֶךְ רְ֭שָׁעִים כָּֽאֲפֵלָ֑ה לֹ֥א יָ֝דְע֗וּ בַּמֶּ֥ה יִכָּשֵֽׁלוּ׃ פ

‎20 ‏בְּ֭נִי לִדְבָרַ֣י הַקְשִׁ֑יבָה לַ֝אֲמָרַ֗י הַט־אָזְנֶֽךָ׃

‎21 ‏אַל־יַלִּ֥יזוּ מֵעֵינֶ֑יךָ שָׁ֝מְרֵ֗ם בְּת֣וֹךְ לְבָבֶֽךָ׃

‎22 ‏כִּֽי־חַיִּ֣ים הֵ֭ם לְמֹצְאֵיהֶ֑ם וּֽלְכָל־בְּשָׂר֥וֹ מַרְפֵּֽא׃

‎23 ‏מִֽכָּל־מִ֭שְׁמָר נְצֹ֣ר לִבֶּ֑ךָ כִּֽי־מִ֝מֶּ֗נּוּ תּוֹצְא֥וֹת חַיִּֽים׃

‎24 ‏הָסֵ֣ר מִ֭מְּךָ עִקְּשׁ֣וּת פֶּ֑ה וּלְז֥וּת שְׂ֝פָתַ֗יִם הַרְחֵ֥ק מִמֶּֽךָּ׃